رواية الخذلان الجزء الثامن
للكاتبة شمس
.
.
ﺛﺎﻧﻲ ﻳﻮﻡ ﺍﺗﺼﻠﺖ ﺍﻣﻲ ﻉ ﻋﻤﺎﺗﻲ ﻭﻋﻤﺎﻣﻲ ﻭﻋﺰﻣﺘﻬﻢ ..
ﻭﺑﻴﺖ ﻋﻤﻮ ﻭﺳﺎﻡ ﻫﻢ ﻋﺰﻣﺘﻬﻢ ..
ﻣﺮﺕ ﻋﻤﻮ ﮔﺎﻟﺖ ﺑﺘﻮﻝ ﺍﻭﻻﺩﻫﺎ ﺑﺎﻟﻤﺪﺭﺳﻪ ﺻﻐﺎﺭ .. ﻭﺑﻨﻴﻦ ﻣﺪﺭﺳﻪ ﻭﺳﺎﺩﺱ ..
ﻳﻌﻨﻲ ﻃﻠﻌﻮﺍ ﻋﺬﺭ ﺣﺘﻰ ﻣﻴﺠﻮﻥ ..
ﻣﺎﺑﻘﻰ ﺷﻲ ﻟﻠﺰﻭﺍﺝ ﻭﻗﻴﺼﺮ ﺭﺍﺩﻫﺎ ﺑﺎﻟﻘﺎﻋﻪ .. ﺣﻨﻪ ﻭﺯﻓﻪ ﺑﻨﻔﺲ ﺍﻟﻴﻮﻡ ..
ﺍﻟﺠﻤﻌﻪ ﮔﺎﻝ ﺭﺍﺡ ﺍﻣﺮ ﺍﺧﺬﺝ ﻭﻧﺮﻭﺡ ﻧﺸﻮﻑ ﺍﻟﻘﺎﻋﻪ ﻭﻧﺤﺠﺰ ﺑﺪﻻﺕ ﻓﺪ ﻣﺮﻩ ﺑﻘﻠﻤﻲ ﺷﻤﺲ
ﺧﻄﻴﻪ ﻫﻮ ﺭﺍﺩ ﻳﺸﺘﺮﻱ ﺑﺲ ﮔﺘﻠﻪ ﻣﺎﺍﺭﻳﺪ ﻫﻲ ﻛﻢ ﺳﺎﻋﻪ ﺷﺄﺳﻮﻱ ﺑﻴﻬﺎ ﺍﻛﻮ ﺍﻳﺠﺎﺭ ﻭﻣﻤﻠﺒﻮﺳﺎﺕ ..
ﻭﻓﻌﻼ ﺭﺣﻨﺎ ﺷﻔﻨﺎ ﺍﻟﻘﺎﻋﻪ .. ﺣﻠﻮﻩ ﻭﺍﺻﻼ ﺑﻌﺪ ﺫﻭﻕ ﻗﻴﺼﺮ ﺍﻟﻤﻔﺮﻭﺽ ﻣﺎﺍﻫﺘﻢ ..
ﻻﻥ ﺫﻭﻗﻪ ﺣﻴﻞ ﻳﻌﺠﺒﻨﻲ ..
ﺣﺠﺰﻧﺎ ﺍﻟﺒﺪﻻﺕ ﻭﺍﺻﺮ ﺍﻻ ﻋﻼﻣﺘﻬﺎ ﺑﻴﻬﺎ ﻭﺟﺪﻳﺪﻩ ..
ﺍﺧﺘﺎﺭﻳﺖ ﻭﺣﺪﻩ ﺭﺩﻥ ﺑﺲ ﺷﻴﻔﻮﻥ ﻭﺑﻲ ﺷﻐﻞ ﺣﻠﻮ ..
ﺭﺍﻗﻴﻪ .. ﻭﺑﺪﻟﻪ ﺫﻫﺒﻲ ﻟﻠﺤﻨﻪ ..
ﻛﻤﻠﻨﺎ ﻛﻮﻟﺸﻲ ﻭﺭﺩﻧﺎ ﻧﺮﺟﻊ ..
ﮔﺎﻝ ﺧﻠﻴﻨﺎ ﺗﻨﻐﺪﺍ ﻭﺍﺭﺟﻌﺞ ..
ﺩﺧﻠﻨﺎ ﺍﻟﻤﻄﻌﻢ .. ﺍﻧﻲ ﻛﺎﻟﻌﺎﺩﻩ ﺍﻣﻮﺕ ﻉ ﺍﻟﺸﺎﻭﺭﻣﺎ ﻭﺧﺎﺻﻪ ﺍﺫﺍ ﺩﺟﺎﺝ ..
ﻭﻣﻘﺒﻼﺕ ﻭﻳﺎﻩ .. ﻫﻮ ﻃﻠﺐ ﻛﺒﺎﺏ ..
ﻫﻮ ﻛﺎﻥ ﻣﺸﺘﻬﻲ ﺗﻤﻦ ﻭﻳﺎﺑﺴﻪ ﻭﻗﻮﺯﻱ .
ﺑﺲ ﻣﻦ ﻃﻠﺒﺖ ﺷﺎﻭﺭﻣﺎ ﻏﻴﺮ ﺭﺃﻳﻪ 😂
ﺑﻌﺪﻧﻲ ﺑﺎﻭﻝ ﻟﮕﻤﻪ .. ﺷﻔﺖ ﻭﺳﺎﻡ ﻫﻮ ﻭﻟﺪ ﺩﺧﻠﻮﺍ ..
ﻳﺎﺭﺑﻲ ﺷﻨﻮ ﻫﺬﻱ ﺍﻟﺼﺪﻓﻪ .. ﺑﻘﻠﻤﻲ ﺷﻤﺲ
ﻭﺍﻻ ﻫﻨﺎ .
ﺷﺎﻓﻨﺎ ﺍﺳﺘﺄﺫﻥ ﻣﻦ ﺻﺪﻳﻘﻪ ﻭﺍﺟﺎﻧﻪ ..
ﮔﺘﻠﻪ ﻗﻴﺼﺮ ﻫﺬﺍ ﻭﺳﺎﻡ ﺍﺟﻪ .. ﻋﻔﻴﻪ ﺳﻠﻢ ﻋﺪﻝ ..
ﻫﻮ ﮔﺎﻡ ﻳﺘﺄﻓﺄﻑ ..
ﺍﺟﻪ ﻭﺳﺎﻡ ﺳﻠﻢ ﻭﺭﺩ ﻋﻠﻴﻪ ﻗﻴﺼﺮ ﻋﺎﺩﻱ ..
ﺑﺲ ﻫﻮ ﺑﻠﻄﺎﻓﻪ .. ﮔﺎﻝ ﻉ ﺭﺍﺣﺘﻜﻢ ﺍﺗﻬﻨﻮﺍ ..
ﻗﻴﺼﺮ .. ﺗﻔﻀﻞ ﻭﻳﺎﻧﻪ ﻫﻨﺎ ..
ﻭﺳﺎﻡ .. ﻻ ﻣﺸﻜﻮﺭ ﻭﻳﺎﻱ ﻭﻟﺪ ﺻﺪﻳﻘﻲ ..
ﻣﻦ ﺭﺧﺼﺘﻜﻢ .. ﺑﻘﻠﻤﻲ ﺷﻤﺲ
ﻉ ﺭﺍﺣﺘﻚ .. ﮔﻠﻨﺎ ﺍﺛﻨﻴﻨﻪ .
ﻃﻮﻝ ﺍﻟﮕﻌﺪﻩ ﻋﻴﻮﻥ ﻭﺳﺎﻡ ﻣﺎﻓﺎﺭﮔﺘﻨﺎ ..
ﺍﻧﻲ ﺑﺎﻟﮕﻮﻩ ﺍﻛﻞ ..
ﻭﻗﻴﺼﺮ ﺣﺴﻴﺘﻪ ﺗﻀﺎﻳﻖ . ﻭﻳﺴﻤﻌﻨﻲ ﻛﻼﻡ .
ﺷﻨﻮ ﻫﺎﻱ ﺍﻟﺼﺪﻓﻪ .. ﻣﺎﻟﮕﻪ ﺍﻻ ﻫﻨﺎ ﻳﺎﻛﻞ .. ﺑﺲ ﻻ ﻣﺮﺍﻗﺒﻨﺎ
ﻫﻬﻬﻬﻪ ﻫﺎﻱ ﺷﺒﻴﻚ ﻗﻴﺼﺮ ﻣﺮﺍﻗﺒﻨﺎ ﺷﻨﻮ .. ﻫﻮ ﺷﻤﻌﺮﻓﻪ ﺍﺣﻨﻪ ﻧﻄﻠﻊ ﺍﻟﻴﻮﻡ
ﻭﺍﻟﻠﻪ ﻣﺎﺍﺩﺭﻱ
ﺷﺘﻘﺼﺪ
ﻣﺎﺍﻗﺼﺪ ﺷﻲ ﺳﺪﻱ ﺍﻟﻤﻮﺿﻮﻉ
ﻫﻬﻬﻬﻬﻪ ﻗﺼﺪﻙ ﺍﻧﻲ ﮔﺘﻠﻪ ..
ﻛﺎﻓﻲ ﻣﻴﺎﺭ ﺑﻌﺪ ﺍﺳﺒﻮﻋﻴﻦ ﺍﻟﺰﻭﺍﺟﻨﺎ ﻣﺎﺍﺭﻳﺪ ﺍﺿﻴﻌﻬﺎ ﺑﺴﻮﺍﻟﻒ ﺗﺎﻓﻬﻪ . .
ﺗﺮﻯ ﻗﻴﺼﺮ ﻫﺎﻱ ﺍﻟﺴﻮﺍﻟﻒ ﺍﻧﺖ ﺍﻟﻲ ﺩﺍ ﺗﻄﻠﻌﻬﺎ ..
ﺗﻐﺎﺭ ﻋﻠﻴﻪ ﻣﻦ ﻻﺷﺊ ..
ﺷﻨﻮ ﺷﻔﺖ ﻋﻠﻴﻪ ﺣﺘﻰ ﻫﻴﺞ ﺗﺎﺧﺬ ﻣﻮﻗﻒ ..
ﺍﺫﺍ ﺧﻠﺼﺘﻲ ﺧﻠﻴﻨﺎ ﻧﻄﻠﻊ ﻻﻥ ﺍﺧﺘﻨﮕﺖ ..
ﺗﺮﻛﺖ ﺍﻻﻛﻞ ﻭﮔﻤﺖ ﻏﺴﻠﺖ ﻭﺭﺟﻌﺖ ﮔﺘﻠﻪ ﻳﻠﻪ ..
ﻃﻠﻌﺖ ﻭﻋﻴﻨﻲ ﻉ ﺍﻟﺸﺎﻭﺭﻣﺎ .. 👌👌😂
....
ﺟﻮﻋﺎﺍﺍﺍﺍﻧﻪ 😂 ﻭﺑﻨﻔﺲ ﺍﻟﻮﻗﺖ ﺿﻮﺟﻨﻲ ﻗﻴﺼﺮ ﻭﺳﺪﻫﺎ ﺍﻟﻨﻔﺴﻲ
ﺭﺟﻌﺖ ﻟﻠﺒﻴﺖ .. ﺗﻌﺒﺎﻧﻪ ﻃﻮﻝ ﺍﻟﻄﺮﻳﻖ ﻣﺤﺠﻴﻨﺎ ﺷﻲ ..
ﻳﺴﺄﻟﻨﻲ ﺍﺟﺎﻭﺑﻪ ﻉ ﮔﺪ ﺍﻟﺴﺆﺍﻝ ..
ﺩﺧﻠﺖ ﻟﮕﻴﺖ ﻣﺎﻣﺎ ﻣﻨﺘﻀﺮﺗﻨﺎ ..
ﮔﺎﻟﺖ ﺗﺄﺧﺮﺗﻮﺍ .. ﮔﻠﺘﻠﻬﺎ ﺗﻐﺪﻳﻨﺎ ﻭﺍﺟﻴﻨﺎ ..
ﺑﻘﻴﻨﺎ ﺷﻮﻳﻪ ﻧﺴﻮﻟﻒ ﺍﻧﻲ ﻭﻣﺎﻣﺎ ﻉ ﺍﻟﺒﺪﻻﺕ ﻭﺍﻟﻘﺎﻋﻪ .
ﺍﺟﺖ ﺭﺳﺎﻟﻪ ﻣﻦ ﻭﺳﺎﻡ ..
ﻟﻴﺶ ﺿﺎﻳﺠﻪ ﺑﺎﻟﻤﻄﻌﻢ ..
ﺍﺧﺎﻑ ﺳﺒﺒﺘﻠﺞ ﺍﺣﺮﺍﺝ .. ﺑﻘﻠﻤﻲ ﺷﻤﺲ
ﻻ ﺧﻮﻳﻪ ﺑﺎﻟﻌﻜﺲ .. ﻭﺍﻧﻲ ﻣﻀﺎﻳﺠﻪ ﺑﺲ ﺗﻌﺒﺎﻧﻪ ..
ﺍﻫﺎ ﺍﻟﻠﻪ ﻛﺮﻳﻢ ﺍﻟﻤﻬﻢ ﻣﺘﻀﻮﺟﻴﻦ ..
ﺗﺴﻠﻢ ..
ﺍﻭﻭﻭﻭﻭﻑ ﻳﺎﻗﻴﺼﺮ .. ﻭﻳﻦ ﺗﻮﺻﻞ ﻏﻴﺮﺗﻚ . ﺍﺣﺠﻲ ﺑﻴﻨﻲ ﻭﺑﻴﻦ ﻧﻔﺴﻲ ..
ﻧﻤﺖ ﻟﻠﻌﺼﺮ .. ﺍﺗﺼﻞ ﻗﻴﺼﺮ .. ﮔﺎﻝ ﺑﻌﺪﻩ ﺯﻋﻼﻥ ﺍﻟﺤﻠﻮ
ﻻ ﻋﺸﻨﻮ ﺍﺯﻋﻞ
ﻛﻮﻟﺸﻲ ﻭﻻ ﺍﻟﺤﻠﻮ ﻳﺰﻋﻞ ﺍﻫﺪ ﺍﻟﺪﻧﻴﺎ ﻛﻠﻬﺎ ..
ﻫﻬﻬﻬﻬﻬﻪ ﺑﻘﻠﻤﻲ ﺷﻤﺲ
ﻓﺪﻳﺖ ﺍﻟﻀﺤﻜﻪ .
ﺍﮔﻮﻟﺞ ﺣﺒﻲ .. ﺣﺎﻭﻟﻲ ﺗﺎﺧﺬﻳﻦ ﺍﺟﺎﺯﻩ ﺍﺳﺒﻮﻋﻴﻦ .. ﻻﻥ ﻣﻦ ﺍﻟﻔﻨﺪﻕ ﻭﻧﻄﻠﻊ ﺍﻻﺭﺑﻴﻞ ..
ﺑﺲ ﻫﺴﺎ ﺍﻟﺠﻮ ﺑﺎﺭﺩ ..
ﻫﻬﻬﻬﻪ ﺑﺎﻟﻌﻜﺲ ﺍﻻﺟﻮﺍﺀ ﺣﻠﻮﻩ ﻫﻨﺎﻙ ﻭﺍﻛﻴﺪ ﺗﺤﻀﻴﺮﺍﺕ ﺍﻟﻜﺮﺳﻤﺲ
ﻧﺘﻮﻧﺲ ﻭﻧﺮﺟﻊ ..
ﺑﻮﺩﻱ ﻧﺒﻘﻰ ﺍﻟﺮﺃﺱ ﺍﻟﺴﻨﻪ ﺑﺲ ﺩﻭﺍﻣﺞ ﺷﻠﻮﻥ ..
ﻻ ﻋﻴﻨﻲ ﻫﻮ ﺑﻼ ﻛﻮﻟﺸﻲ ﺍﻧﻲ ﻫﻤﻠﺖ ﺍﻟﺪﻭﺍﻡ ﻫﺎﻱ ﺍﻟﻔﺘﺮﻩ ..
ﻗﺮﺏ ﺍﻟﺰﻭﺍﺝ ﻭﺍﻟﺒﻴﺖ ﺍﻣﺘﻠﻰ ﻧﺎﺱ .. ﻭﺍﻗﺮﺑﺎﺋﻨﺎ ..
ﻧﻬﻠﻪ ﺣﺎﻃﻪ ﺭﺟﻞ ﻉ ﺭﺟﻞ ﻭﺗﺘﺄﻣﺮ ..
ﺑﺲ ﺑﻨﺎﺕ ﺧﺎﻻﺗﻲ ﻣﺎﻗﺼﺮﻥ ﻫﻨﻪ ﻗﺎﻳﻤﺎﺕ ﺑﺎﻟﺒﻴﺖ ﻭﺍﻟﻄﺒﺦ ..
ﺍﺟﻪ ﻗﻴﺼﺮ ﻭﺍﺧﺘﻪ ﺭﺍﺩﻭﺍ ﻳﺎﺧﺬﻭﻥ ﻣﻼﺑﺴﻲ ﻭﺍﻏﺮﺍﺿﻲ .
ﮔﻠﺘﻠﻬﺎ ﻳﻮﻡ ﺍﻧﺘﻲ ﺭﻭﺣﻲ ﺍﺧﺬﻳﻬﻦ ..
ﻟﺰﮔﺖ ﺑﻴﻬﺎ ﻧﻬﻠﻪ ﻫﻔﻔﻔﻒ ﺍﻧﻲ ﻣﺮﺕ ﺍﺧﻮﻫﺎ ﺍﻟﻜﺒﻴﺮ ﻭﻋﻤﺘﻲ ﻣﺘﮕﺪﺭ ﺗﺮﺗﺒﻬﻦ ﻭﺗﺘﻌﺐ ﻭﻣﺮﻳﻀﻪ ﺍﺧﺬﺗﻨﺎ ﺣﺎﺻﻞ ﻓﺎﺻﻞ ..
ﻣﺎﮔﺪﺭﺕ ﺍﻣﻨﻌﻬﺎ ﻻﻥ ﺗﺮﻳﺪ ﺣﺠﻪ ﻭﺧﻔﺖ ﺗﺴﻮﻱ ﻣﺸﻜﻠﻪ ﻭﻳﺨﺮﺏ ﺍﻟﺰﻭﺍﺝ ..
ﻭﻫﻲ ﺍﺻﻼ ﻛﺎﺗﻠﻬﺎ ﺍﻟﻔﻀﻮﻝ ﺗﺮﻳﺪ ﺗﺸﻮﻑ ﺍﻟﺒﻴﺖ ﻣﺎﻟﺘﻲ ..
ﺭﺍﺣﺖ ﻭﻱ ﻣﺎﻣﺎ .. ﻣﻦ ﺍﻟﻈﻬﺮ ﻟﻠﻌﺼﺮ ﻛﻮﻟﺶ ﺭﺟﻌﻮﺍ ..
ﺭﻏﻢ ﺍﻟﻐﺮﻓﻪ ﻭﺍﻻﺛﺎﺙ ﻛﻮﻟﻪ ﻣﻦ ﺍﻟﺮﺍﻗﻲ .. ﺑﺲ ﻫﻲ ﺳﺎﻋﺔ ﺗﻘﻠﺪ ﻭﺳﺎﻋﻪ ﺍﻱ ﻋﻴﻨﻲ ﻟﻮ ﻫﻴﺞ ﻟﻮ ﻣﺎﻛﻮ ..
ﻗﺎﺑﻞ ﻣﺜﻞ ﻧﻬﻠﻪ ﺻﺎﺭﻟﻬﺎ ﺳﺖ ﺳﻨﻮﺍﺕ ﻣﺘﺰﻭﺟﻪ ﻭﻣﺎﻋﻨﺪﻫﺎ ﺑﻴﺖ ..
ﺣﺘﻰ ﺧﺎﻟﺘﻲ ﮔﺎﻣﺖ ﺳﻮﺕ ﺣﺮﻣﻞ ﮔﺎﻟﺖ ﺍﻟﻠﻪ ﻳﻌﺪﻳﻬﺎ ﻉ ﺧﻴﺮ ..
ﺍﻧﻲ ﻣﺎﺩﺯﻳﺖ ﺍﻟﻐﺮﺍﺽ ﻛﻮﻟﻬﺎ ﺧﻠﻴﺖ ﺍﺣﺘﻴﺎﺟﺎﺗﻲ ﻭﻣﻼﺑﺴﻲ ﻭﺟﻨﻄﻪ ﺟﻬﺰﺗﻬﺎ ﻣﻦ ﻧﺮﻭﺡ ﺍﻻﺭﺑﻴﻞ .. # ﺷﻤﺲ
ﻛﻮﻟﺸﻲ ﻛﻤﻞ ﻭﺑﻘﻰ ﻳﻮﻣﻴﻦ .. ﺍﺑﺘﻬﺎﻝ ﺍﺧﺬﺕ ﺍﺟﺎﺯﻩ ﻭﺗﺮﺧﺼﺖ ﻣﻦ ﺍﻫﻠﻬﺎ ﻭﺍﺟﺖ ﻳﻤﻲ ﻳﻮﻣﻴﻦ ﺑﺎﺗﺖ ..
ﮔﻀﻴﻨﺎﻫﺎ ﺩﮒ ﻭﺭﮔﺺ ﻭﻭﻧﺴﻪ ﺣﺘﻰ ﺍﻟﻮﻟﺪ ﻃﺮﺩﻧﺎﻫﻢ ﺑﺒﻴﺖ ﻣﺤﻤﺪ ..
ﺑﻘﻴﻨﺎ ﺑﺲ ﺍﺣﻨﻪ ﺍﻟﺒﻨﺎﺕ .. ﻛﺎﻧﺖ ﺍﻟﻔﺮﺣﻪ ﻣﺴﺎﻳﻌﺘﻨﻲ ..
ﺣﻠﻮ ﻟﻤﺎ ﺍﻟﻮﺣﺪﻩ ﺗﺘﺰﻭﺝ ﺍﻟﻲ ﺗﺤﺒﻪ ﻭﺧﺎﺻﻪ ﻣﺎﺑﻘﻰ ﺷﻲ ﻛﻮﻟﻬﺎ ﻳﻮﻣﻴﻦ ﻭﺗﺠﻤﻌﻨﺎ ﻏﺮﻓﻪ ﻭﺣﺪﻩ ..
ﺻﺎﺭ ﻳﻮﻡ ﺍﻟﺰﻭﺍﺝ ﻳﻮﻡ 2014/12/4 ﻳﻮﻡ ﻣﻴﻼﺩﻱ ﻭﻳﻮﻡ ﺯﻭﺍﺟﻲ
ﺍﺣﻠﻰ ﻫﺪﻳﻪ ﻣﻦ ﺣﺒﻴﺒﻲ ﺍﻟﻲ ..
ﻃﻠﻌﺖ ﺍﺧﺒﻞ ﺑﺎﻟﺰﻭﺍﺝ ﻭﺑﺪﻭﻥ ﻣﺒﺎﻟﻐﻪ ﻭﻻ ﻏﺮﻭﺭ .
ﺭﻏﻢ ﻛﺎﻥ ﻛﻮﻟﺸﻲ ﺑﺴﻴﻂ ﻻﻥ ﺑﻄﺒﻌﻲ ﻣﺎﺍﺣﺐ ﺷﻲ ﻣﺒﺎﻟﻎ ﺑﻲ ..
ﺑﺎﻻﻭﻝ ﻟﺒﺴﺖ ﺍﻟﺒﺪﻟﻪ ﺍﻟﺬﻫﺒﻲ ..
ﻭﺍﺣﺘﻔﻠﻨﺎ ﺑﺲ ﺑﻨﺎﺕ ﻋﺰﻣﺖ ﺻﺪﻳﻘﺎﺗﻲ ﻭﺍﻗﺎﺭﺑﻲ ﻛﻮﻟﻬﺎ ﺗﺼﻮﺭﺍ ﺣﺘﻰ ﻣﺮﻳﻢ ﺍﺧﺖ ﻧﻬﻠﻪ ﺍﺟﺖ ..
ﻣﻮﻛﺎﻓﻲ ﺍﺧﺘﻬﺎ ﻭﻋﻴﻨﻬﺎ ﻋﻠﻴﻪ ﺩﻭﺭ ﻫﺎﻱ ﻫﻢ .. ﺧﻠﺼﺖ ﺍﻟﺤﻨﻪ ﺑﻌﺪﻳﻦ ﻏﻴﺮﺕ ﻣﻼﺑﺴﻲ ﻭﻟﺒﺴﺖ ﺑﺪﻟﺔ ﺍﺣﻼﻣﻲ ﺍﻟﺒﺪﻟﻪ ﺍﻟﺒﻴﻀﻪ ﺍﻟﻲ ﺣﺴﻴﺖ ﺑﻴﻬﺎ ﻋﺒﺎﻟﻚ ﺻﺪﻭﮒ ﺍﻣﻴﺮﻩ .. .. ﻭﺍﺟﻪ ﻗﻴﺼﺮ ﻫﻮ ﻭﺍﺧﻮﻩ ﻭﺍﻗﺎﺭﺑﻪ ..
ﻭﻛﺎﻥ ﺷﺎﻳﻞ ﻗﺎﻟﺐ ﻛﻴﻚ ﻋﻠﻴﻪ ﺻﻮﺭﺗﻲ .
ﻭﺷﻌﻠﻮﺍ ﻣﻮﺳﻴﻘﻰ ﻣﺎﻝ ﻋﻴﺪ ﻣﻴﻼﺩ .
ﻃﻔﻴﺖ ﺍﻟﺸﻤﻌﻪ ﻭﺣﻈﻨﺘﻪ .. ﻓﻌﻼ ﻛﺎﻥ ﺍﺳﻌﺪ ﻳﻮﻡ ﺑﺤﻴﺎﺗﻲ ..
ﺍﻣﻲ ﻣﺎﺑﻄﻠﺖ ﺑﺠﻲ ﻓﺪﻳﺘﻬﺎ .. ﻛﺴﺮﺕ ﮔﻠﺒﻲ ..
ﺑﻮﺳﺘﻬﺎ ﻭﺣﻈﻨﺘﻬﺎ ﻭﻗﻴﺼﺮ ﻫﻢ ﺑﺎﺱ ﺭﺍﺳﻬﺎ ..
ﻭﺯﻓﻮﻧﺎ ﻟﻠﻔﻨﺪﻕ ..
ﺩﺧﻠﻨﺎ ﺑﺪﻟﻨﺎ ﻭﺗﻌﺸﻴﻨﺎ ﻭﻭﻭﻭﻭ 💑 ﻛﺎﻓﻲ ﻋﻴﺐ ﺑﻌﺪ ﺍﻧﺘﻈﺮﻭﺍ ﻟﻠﺒﺎﺭﺕ ﺍﻟﺠﺎﻱ 😍😍
....
ﻗﻀﻴﻨﺎ ﻟﻴﻠﺔ ﻣﻦ ﺍﻟﻌﻤﺮ ﺣﺐ ﻭﻏﺰﻝ ﻭﻭﻭﻭ ..
ﻧﻤﺖ ﺑﺤﻈﻦ ﺣﺒﻴﺒﻲ .. ﺣﻈﻦ ﺩﺍﻓﻲ ﺭﻏﻢ ﺍﻟﺠﻮ ﺑﺎﺭﺩ ..
ﺑﺲ ﻣﺎﺣﺴﻴﺖ ﺑﺎﻟﺒﺮﺩ ﻣﻦ ﺣﻈﻨﻪ ﺍﻟﺪﺍﻓﻲ ..
ﻗﺮﻓﺼﺖ ﺑﺤﻈﻨﻪ ﻭﺣﻈﻨﺘﻪ ..
ﻭﻣﻦ ﻳﺨﻠﻲ ﻋﻴﻮﻧﻪ ﺑﻌﻴﻮﻧﻲ .. ﺍﺫﻭﺏ ﻭﺍﺭﻭﺡ ﺍﻟﻐﻴﺮ ﻋﺎﻟﻢ ..
ﻧﺴﻴﺖ ﺍﻧﻲ ﻣﻨﻮ ﻭﺣﻴﺎﺗﻲ ﻭﺍﻫﻠﻲ ﺑﺤﻈﻦ ﻗﻴﺼﺮ ..
ﻛﺎﻥ ﺍﺣﺴﺎﺱ ﺍﻛﺜﺮ ﻣﻦ ﺭﺍﺋﻊ .. ﻛﻨﺖ ﺍﺗﻤﻨﻰ ﻫﺬﻱ ﺍﻟﻠﻴﻠﻪ ﻣﺘﺨﻠﺺ
ﮔﻌﺪﺕ ﺍﻟﺼﺒﺢ ﻭﺣﻼﻭﺗﻬﺎ ﻭﻃﻤﻌﻬﺎ ﺑﺪﺍﺧﻠﻲ .
ﻟﮕﻴﺘﻪ ﻏﺎﻓﻲ ﻭﺷﻌﺮﻩ ﻧﺎﺯﻝ ﻉ ﻋﻴﻮﻧﻪ ..
ﺳﺤﺒﺖ ﺷﻌﺮﻩ ﻟﻔﻮﮒ ﻭﺑﻮﺳﺘﻪ ﻣﻦ ﺧﺸﻤﻪ
ﺍﺑﺘﺴﻢ .. ﻭﻫﻮ ﻣﻐﻤﺾ
ﺣﻈﻨﻲ ﻗﻮﻱ ﻭﮔﻠﻲ . ﺧﻠﻴﻨﻲ ﺍﺷﺒﻊ ﻣﻦ ﻫﺬﺍ ﺍﻟﺤﻈﻦ ﻟﻴﺶ ﮔﻌﺪﺗﻴﻨﻲ ..
ﻫﻬﻬﻬﻪ ﻭﺍﻧﻲ ﺍﺭﻳﺪ ﺍﺷﺒﻊ ﻣﻦ ﻧﻈﺮﺍﺗﻚ ﻻﺣﮕﻴﻦ ﻉ ﺍﻟﻨﻮﻡ ..
ﻣﻮ ﻋﺪﻧﺎ ﺳﻔﺮ ..
ﻋﻮﺩ ﻧﻮﺻﻞ ﻭﻧﮕﻀﻴﻬﺎ ﻧﻮﻡ ﺷﻌﺪﻧﺎ ..
ﻫﻬﻬﻬﻬﻪ .. ﺩﺗﻌﺎﻱ ﺧﻠﻲ ﺍﺷﺒﻊ ﻭﺑﻌﺪﻳﻦ ﺍﮔﻮﻡ ..
ﺍﻣﺘﺰﺝ ﻃﻌﻢ ﺣﺒﻨﺎ ﻭﻗﺒﻼﺗﻨﺎ ﻣﻊ ﺑﻌﺾ ﻭﻛﺄﻧﻪ ﻋﺎﻳﺸﻪ ﺑﺠﻨﻪ ﻭﺍﻟﻠﻪ ﺭﺯﻗﻨﻲ ﺑﺮﺟﻞ ﻣﻦ ﺍﻟﺤﻮﺭ ﻫﻬﻬﻬﻬﻪ .
ﻛﻤﻠﻨﺎ ﺳﺒﺤﻨﺎ ﻭﺑﺪﻟﻨﺎ . ﺟﻬﺰﻧﺎ ﻧﻔﺴﻨﺎ ..
ﮔﺘﻠﻪ ﻧﻤﺮ ﻉ ﻣﺎﻣﺎ ﻧﺠﻴﺐ ﺟﻨﻄﻲ ﻭﻧﺴﻠﻢ ﻋﻠﻴﻬﺎ ﻭﻧﻄﻠﻊ ..
ﮔﺎﻝ ﻻ ﺩﺯﻳﺖ ﺳﻴﺎﺭﻩ ﺍﻻﻣﺞ ﻭﺍﻟﻐﺮﺍﺽ ﻧﻠﺘﻘﻲ ﺑﺒﻴﺖ ﺍﺧﻮﻳﻪ ﻗﺎﺳﻢ ﻻﻥ ﻛﻠﻬﺎ ﻣﺠﻤﻮﻋﻪ ﻫﻨﺎﻙ ﻧﺴﻠﻢ ﻋﻠﻴﻬﻢ ﻭﻧﻄﻠﻊ ..
ﻓﻌﻼ ﻭﺻﻠﻨﺎ ﺍﻟﺒﻴﺖ ﺍﺧﻮﻩ ﺍﻟﻲ ﻫﻮ ﺟﻮﻩ ﺷﻘﺘﻨﺎ ..
ﺍﺧﻮﺍﺗﻪ ﻭﻋﻤﺎﻣﻪ ﻭﻋﻤﺎﺗﻪ ﻭﻣﺎﻣﺎ ﻫﻨﺎﻙ ..
ﺣﻀﻨﺘﻬﺎ ﻭﺑﻮﺳﺘﻬﺎ ﺑﺲ ﺍﺭﻳﺪ ﺍﺷﺒﻊ ﻣﻨﻬﺎ ..
ﺷﻠﻮﻥ ﺣﻔﺎﺭﮔﻬﺎ ..
ﺑﺎﺭﻛﻮﻟﻨﺎ ﻭﺍﺧﺬﻧﺎ ﺍﻟﺠﻨﻂ ﻭﻃﻠﻌﻨﺎ .
ﺳﺎﻓﺮﻧﺎ ﺍﻻﺭﺑﻴﻞ ..
ﻛﺎﻥ ﺍﺣﻠﻰ ﺍﺳﺒﻮﻉ ﺑﺤﻴﺎﺗﻲ .. ﻭﻧﺴﻪ ﻭﻃﻠﻌﻪ ..
ﻭﻗﻴﺼﺮ ﻣﺎﺿﺎﻳﻘﻨﻲ ﺍﺑﺪ ﻻ ﺑﻠﺒﺲ ﻭﻻ ﺑﺘﺼﺮﻑ ..
ﺳﺎﻋﺎﺕ ﺍﺣﺴﺪ ﻧﻔﺴﻲ ﻣﻦ ﺍﻟﺴﻌﺎﺩﻩ ..
ﻟﻌﺪ ﻟﻴﺶ ﻣﻦ ﻳﺸﻮﻑ ﻭﺳﺎﻡ ﻳﺘﺨﺒﻞ ﻣﺎﺍﺩﺭﻱ ﻫﻬﻬﻬﻪ
ﻛﻤﻠﻨﺎ ﺍﺳﺒﻮﻉ ﻭﺭﺟﻌﻨﺎ ﻭﺍﺧﻮﻩ ﻛﺎﻥ ﻣﺴﻮﻱ ﻏﺪﺍ ﻭﻋﺎﺯﻡ ﺍﻗﺎﺭﺑﻬﻢ ﻭﺍﻣﻲ ﻭﻧﺴﻮﺍﻥ ﺍﺧﻮﺍﻧﻲ ﻫﻢ ﺟﺎﻳﺎﺕ ﻭﻳﺎﻫﺎ ﻳﺒﺎﺭﻛﻦ ..
ﻣﺎﺻﺪﮔﺖ ﺭﺟﻌﺖ ﻭﺷﻤﻴﺖ ﺍﻣﻲ ﻭﺣﻀﻨﺘﻬﺎ ..
ﻟﺒﺴﺘﻨﻲ ﮔﻼﺩﻩ ﺫﻫﺐ ﻫﺪﻳﻪ ..
ﻭﻫﺎﻟﻪ ﺟﺎﻳﺒﻪ ﻣﺤﺒﺲ ..
ﻋﻠﻴﺎﺀ ﻭﻧﻬﻠﻪ ﺟﺎﻳﺒﺎﺕ ﻓﺮﺷﺎﺕ ﻭﺑﻄﺎﻧﻴﺎﺕ . ﺻﺪﻭﮒ ﺍﺳﺘﺤﻴﺖ ﺍﻧﻲ ﻫﻢ ﺑﻨﺖ ﺩﻻﻝ ﻭﻋﺰ ﻭﺍﻟﻤﻔﺮﻭﺽ ﺍﺗﺒﺎﻫﺔ ﮔﺪﺍﻡ ﻋﻴﺎﻟﻲ ..
ﻣﻴﺘﻪ ﺗﻌﺐ .. ﻭﻻﺯﻡ ﺍﺟﺎﻣﻞ ﻭﺍﺿﺤﻚ ﻣﺎﺻﺪﮔﺖ ﺧﻠﺺ ﺍﻟﻐﺪﺍ ﻭﺭﺍﺣﺖ ﺍﻟﻨﺎﺱ ﻭﻣﺎﻣﺎ ﻭﺍﻟﺒﻨﺎﺕ ﻫﻢ ﺭﺍﺣﻮ ..
ﺍﺧﺬﻧﺎ ﺟﻨﻄﻨﺎ ﻭﺻﻌﺪﻧﺎ ﺍﻟﺸﻘﺘﻨﺎ ..
ﻟﮕﻴﺘﻪ ﺟﺎﻳﺐ ﻭﺭﺩ ﻭﻧﺎﺛﺮﻩ ﻉ ﻃﻮﻝ ﺍﻟﻤﻤﺮ ﻭﺍﻟﻐﺮﻓﻪ ﻭﺍﻟﺴﺮﻳﺮ ..
ﻭﻓﺎﺗﺢ ﺗﺪﻓﺄﺓ ﻟﻠﻐﺮﻓﻪ ..
ﺷﺎﻟﻨﻲ ﻭﺩﺧﻠﻨﺎ .. ﺧﻼﻧﻲ ﻉ ﺍﻟﺴﺮﻳﺮ ﻭﻳﺘﺤﺎﺭﺵ ﺑﻴﻪ ..
ﮔﺘﻠﻪ ﺣﺒﻴﺒﻲ ﺣﺒﺎﺏ ﻭﺍﻟﻠﻪ ﺗﻌﺒﺎﻧﻪ ..
ﺧﻠﻲ ﺍﺑﺪﻝ ﻭﺍﺭﺗﺎﺡ ﻭﺍﺟﻴﻚ ..
ﻫﻮ ﻫﻢ ﻧﺰﻉ ﻣﻼﺑﺴﻪ ﻟﺒﺲ ﺗﺮﺍﻙ ..
ﻭﺍﻧﻲ ﻟﺒﺴﺖ ﺛﻮﺏ ﻧﻮﻡ ﻃﻮﻳﻞ ﻭﺑﻲ ﻓﺘﺤﻪ ﻉ ﻃﻮﻝ ﺍﻟﺮﺟﻞ ..
ﺍﺟﻴﺖ ﻧﻤﺖ ﻳﻤﻪ ..
ﮔﺎﻝ ﺧﺮﺭﺭﺏ ﻳﻮﻣﺞ ﺗﺴﻮﻳﻠﻲ ﺍﻏﺮﺍﺁﺕ ﻭﺗﮕﻮﻟﻴﻦ ﺗﻌﺒﺎﻧﻪ ..
ﺩﺗﻌﺎﻟﻲ ﻫﻬﻬﻬﻬﻪ
ﻧﻤﻨﺎ ﺑﺤﻈﻦ ﺑﻌﻀﻨﺎ
......
ﻓﺘﺤﺖ ﻋﻴﻨﻲ ﺍﻟﻐﺮﻓﻪ ﻇﻠﻤﻪ ﻳﻤﻜﻦ ﺻﺎﺭ ﺍﻟﻠﻴﻞ ﻭﺍﺣﻨﻪ ﻣﻦ ﺍﻟﺘﻌﺐ ﻣﺎﻧﺪﺭﻱ ..
ﺷﻔﺖ ﺧﻴﺎﻝ ﺑﺎﻟﻐﺮﻓﻪ ..
ﮔﺘﻠﻪ ﻗﻴﺼﺮ ..
ﻋﺒﺎﻟﻲ ﻫﻮ ﮔﺎﻡ ..
ﺗﺎﻟﻲ ﺗﻠﻤﺴﺘﻪ ﻳﻤﻲ .
ﺩﺧﻠﺖ ﺑﺤﻈﻨﻪ ﻭﻧﻤﺖ ﻣﻦ ﺍﻟﺨﻮﻑ .. ﮔﻤﺖ ﺍﻗﺮﺃ ﺍﻳﺎﺕ ﺑﻌﺪﻳﻦ ﮔﻠﺖ ﺍﻛﻴﺪ ﻫﺎﻱ ﻻﻥ ﻇﻠﻤﻪ ﻳﺘﻬﻴﺌﻠﻲ .
ﺍﻧﺪﮔﺖ ﺍﻟﺒﺎﺏ .. ﻃﻔﺮﺕ ..
ﮔﺘﻠﻪ ﻗﻴﺼﺮ ﺍﻟﺒﺎﺏ ..
ﮔﺎﻡ ﻭﺍﻧﻲ ﻭﺭﺍﻩ ..
ﮔﺎﻝ ﻭﻳﻦ ﺍﻟﺒﺴﻲ ﺷﻲ ﺍﺧﺎﻑ ﻫﺬﺍ ﻗﺎﺳﻢ ..
ﮔﺘﻠﻪ ﻟﻌﺪ ﺍﻓﺘﺢ ﺍﻟﻀﻮﻩ ..
ﻓﺘﺢ ﺍﻟﻀﻮﻩ ..
ﺍﺭﺗﺎﺣﻴﺖ ﺑﺎﻭﻋﺖ ﻟﻠﻐﺮﻓﻪ ﻛﻮﻟﺸﻲ ﻣﺎﻛﻮ ﺍﻃﻤﺄﻧﻴﺖ ..
ﺍﺟﻪ ﻭﺟﺎﻳﺐ ﺻﻴﻨﻴﻪ ..
ﮔﺎﻝ ﺍﺟﻪ ﺑﻮﻗﺘﻪ ﻣﺎﺗﻐﺪﻳﺖ ﺯﻳﻦ ﻭﺟﻮﻋﺎﺍﻥ ..
ﺗﻌﺸﻴﻨﺎ ﻭﺧﻠﺼﻨﺎ ..
ﮔﻌﺪﻧﺎ ﻧﺒﺎﻭﻉ ﺗﻠﻔﺰﻳﻮﻥ ﻭﻧﻀﺤﻚ ﻭﻧﺘﺸﺎﻗﻪ ..
ﮔﺘﻠﻪ ﺣﺒﻴﺒﻲ ﺍﻻﺣﺪ ﺍﺩﺍﻭﻡ . ﻫﻮﺍﻱ ﻓﺎﺗﺘﻨﻲ ﻣﺤﺎﻇﺮﺍﺕ ..
ﺍﻥ ﺷﺎﺀ ﺍﻟﻠﻪ ﺣﺒﻴﺒﺘﻲ ..
ﮔﺎﻝ ﺗﻌﺎﻟﻲ ﻧﺮﻭﺡ ﻟﻠﻐﺮﻓﻪ ..
ﺍﻧﺖ ﺭﻭﺡ ﻭﺍﻧﻲ ﻫﺴﺎ ﺍﺭﻭﺡ ﻟﻠﺤﻤﺎﻡ ﻭﺍﺟﻲ ..
ﺩﺧﻠﺖ ﻟﻠﺤﻤﺎﻡ ﻭﻃﻠﻌﺖ .. ﺧﻄﻒ ﺷﻲ ﻣﻦ ﻳﻤﻲ ..
ﻟﻌﻨﺖ ﺍﻟﺸﻴﻄﺎﻥ ﻭﺭﺣﺖ ﺍﺭﻛﺾ ﻟﻠﻐﺮﻓﻪ ..
ﺷﺒﻴﺞ ﺣﺒﻴﺒﺘﻲ
ﻣﺎﺍﺩﺭﻱ ﻳﻤﻜﻦ ﻻﻥ ﻣﻤﺘﻮﻋﺪﻩ ﻉ ﺍﻟﻤﻜﺎﻥ ﺑﻌﺪﻧﻲ ..
ﻫﻬﻬﻬﻬﻬﻪ ﺷﻨﻮ ﺗﺨﺎﻓﻴﻦ
ﻻ ﻣﻨﻴﻦ ﺍﺧﺎﻑ .. ﺍﺫﺍ ﺣﺒﻴﺒﻲ ﻳﻤﻲ ﺑﻌﺪ ﻟﻴﺶ ﺍﺧﺎﻑ ..
ﻫﻬﻬﻬﻬﻪ ﺩﺗﻌﺎﻟﻲ ﺑﺤﻈﻨﻲ ..
ﺑﻘﻴﻨﺎ ﺷﻮﻳﻪ ﻉ ﺍﻟﻤﻮﺑﺎﻳﻞ ﻭﺍﺑﺘﻬﺎﻝ ﺭﺍﺳﻠﺘﻨﻲ ﻭﺍﻟﺘﻬﻴﺖ ﺍﺳﻮﻟﻔﻠﻬﺎ ﻉ ﺍﻟﺴﻔﺮﻩ ﻭﺷﻠﻮﻥ ﺗﻮﻧﺴﻨﺎ ..
ﮔﺎﻟﺖ ﺑﺎﺟﺮ ﺍﺟﻲ ..
ﮔﺘﻠﻪ ﺑﺎﺟﺮ ﺗﺠﻲ ﺍﺑﺘﻬﺎﻝ ..
ﻫﻼ ﺑﻴﻬﺎ ..
ﻧﻤﻨﺎ ﺍﺛﻨﻴﻨﺎ .. ﺛﺎﻧﻲ ﻳﻮﻡ ﻗﻴﺼﺮ ﻃﻠﻊ ﺗﺴﻮﮒ ﻟﻠﺒﻴﺖ ﺧﻀﺮﻭﺍﺕ ﻭﻓﻮﺍﻛﻪ ﻭﻟﺤﻮﻡ ﻭﺍﺣﺘﻴﺎﺟﺎﺕ ..
ﮔﺎﻝ ﺧﺎﻑ ﺗﺒﻘﻰ ﻉ ﺍﻟﻐﺪﺍ ﻋﻴﺐ ..
ﻭﺍﻧﺘﻮ ﺍﺧﺬﻭﺍ ﺭﺍﺣﺘﻜﻢ ﺍﻧﻲ ﺍﻣﺮ ﻉ ﺍﻟﻤﻌﺮﺽ ..
ﺍﺫﺍ ﺑﻘﺖ ﺩﺯﻳﻠﻲ ﺭﺳﺎﻟﻪ ﺣﺘﻰ ﻣﺎﺍﺟﻲ ..
ﺍﻭﻙ ﺣﺒﻴﺒﻲ ﺑﻮﺳﺘﻪ ﻭﻃﻠﻊ ..
ﺭﺗﺒﺖ ﺍﻟﻤﺴﻮﺍﮒ ﻭﺍﻟﺒﻴﺖ ﻭﺑﺪﻟﺖ ﻭﺧﻠﻴﺖ ﻣﻴﻚ ﺍﺏ ﻭﺭﻓﻌﺖ ﺷﻌﺮﻱ
ﺳﻮﻳﺖ ﻏﺪﺍ ﻣﻦ ﻭﻗﺖ ..
ﺍﺟﺖ ﺍﺑﺘﻬﺎﻝ .. ﺍﺧﻮﻫﺎ ﻣﻮﺻﻠﻬﺎ ..
ﺣﻈﻨﺘﻬﺎ ﺷﮕﺪ ﻣﺸﺘﺎﻗﺘﻠﻬﺎ ..
ﮔﺎﻟﺖ .. ﻣﺎﺍﺩﺭﻱ ﺍﻟﺰﻭﺍﺝ ﻫﻴﺞ ﻳﺨﻠﻴﺞ ﺣﻠﻮﻩ
ﻫﻬﻬﻬﻬﻪ ﻳﻌﻨﻲ ﺍﻧﻲ ﻣﺤﻠﻮﻩ ..
ﻻ ﺣﻠﻮﺓ ﺑﺲ ﺯﺍﻳﺪﺝ ﺟﻤﺎﻝ ..
ﻫﻬﻬﻬﻪ ﺍﺣﻢ ﺍﺣﻢ ..
ﺩﮔﻮﻣﻲ ﺧﻠﻲ ﺍﻓﺮﺭﺝ ﺑﺎﻟﺒﻴﺖ ﻭﻧﺮﻭﺡ ﻧﻜﻤﻞ ﺍﻟﻐﺪﺍ ..
ﺍﺑﻘﻲ ﻳﻤﻲ ﺍﻟﻴﻮﻡ .
ﻻ ﻋﻴﺐ ﺑﻌﺪﻛﻢ ﻋﺮﺳﺎﻥ ..
ﻟﺞ ﻫﻮ ﺣﺘﻰ ﻗﻴﺼﺮ ﺑﺎﻟﻤﻌﺮﺽ ﻣﺎﻫﻮ ﻉ ﺷﻨﻮ ﻋﻴﺐ ..
ﻓﺮﺭﺗﻬﺎ ﺍﻟﺒﻴﺖ ﮔﺎﻟﺖ ﻧﺎﺯﻙ ﻭﺣﻠﻮ ..
ﻧﻄﺘﻨﻲ ﻫﺪﻳﻪ .. ﺳﻮﺍﺭ ﺭﻓﻴﻊ ﺑﺲ ﺣﻠﻮ ﻭﻧﺎﺯﻙ ..
ﻉ ﺍﻻﻗﻞ ﺍﺣﺴﻦ ﻣﻦ ﺯﻭﺟﺎﺕ ﺍﺧﻮﺍﻧﻲ ﺍﻣﻬﺎﺕ ﺍﻟﺒﻄﺎﻧﻴﺎﺕ ﮔﺎﻟﻮﻫﺎ ﺷﺘﺎ ﺑﺲ ﻣﻮ ﻫﻴﺞ ﻫﻬﻬﻪ
ﺳﻮﻳﻨﺎ ﺍﻧﻲ ﻭﻳﺎﻫﺎ ﺍﻟﻐﺪﺍ ﻭﺳﻠﻄﻪ ..
ﻭﮔﻌﺪﻧﺎ ﺑﺎﻟﻤﻄﺒﺦ ﻧﺎﻛﻞ ﻭﻧﺴﻮﻟﻒ .. ﻭﺗﺤﺠﻲ ﺍﺧﺒﺎﺭ ﺍﻟﺠﺎﻣﻌﻪ ﻭﺷﺼﺎﺭ ..
ﮔﻠﺘﻠﻬﺎ ﺣﺮﺍﻣﺎﺕ ﺩﻭﺭ ﻧﻠﺘﻘﻲ ﺑﺲ ﺑﺎﻟﺠﺎﻣﻌﻪ ﻻﻥ ﻗﻴﺼﺮ ﺣﻴﻮﺩﻳﻨﻲ ﻭﻳﺠﻴﺒﻨﻲ ﺑﻌﺪ ﻣﺎﻛﻮ ﻏﻴﺒﻪ ﺑﺎﻟﺴﻴﺎﺭﻩ ﻫﻬﻬﻬﻬﻪ
ﺍﻱ ﻭﺍﻟﻠﻪ ﺍﻧﻲ ﺍﺩﺭﻱ ﻣﻨﻴﻦ ﺍﺟﻪ ﺍﺳﺘﺎﺫ ﻗﻴﺼﺮ ﻭﺍﺧﺬﺝ ﻣﻨﺎ ﻫﻬﻬﻪ
ﻳﻮﻣﻪ ﻓﺪﻳﺘﻪ ﺍﻻﺳﻤﺮ ﻣﺎﻟﻲ ﻫﻬﻬﻬﻬﻪ
ﺗﺘﺬﻛﺮﻳﻦ ﻣﻦ ﮔﺘﻠﺞ ﻫﺴﺎ ﻳﻄﻠﻊ ﺍﻻﺳﻤﺮ ﻧﻔﺴﻪ ﻭﺳﺎﻡ ..
ﺷﻮﻑ ﺍﻟﻘﺴﻤﻪ ..
ﺍﻱ ﻫﻬﻬﻬﻬﻪ ﺣﺘﻰ ﺧﻠﻴﺘﻴﻨﻲ ﺍﺷﻚ ﻭﺍﺭﺑﻂ ﻛﻼﻣﻬﻢ ..
ﻫﻬﻬﻬﻬﻪ ﺍﺫﺍ ﺭﺟﻠﺞ ﻏﺎﻣﺾ ﻭﺧﻼﻧﺎ ﻧﺸﻜﻚ ﺑﺎﻟﻌﺎﻟﻢ ..
ﻫﻬﻬﻬﻬﻬﻪ 😂
ﺧﻠﺼﻨﺎ ﻏﺪﺍ ﻣﺮ ﺍﻟﻮﻗﺖ ﺑﺴﺮﻋﻪ ﺭﺍﺣﺖ ﺍﺑﺘﻬﺎﻝ ..
ﻭﺍﺟﻪ ﻗﻴﺼﺮ . ﻣﻴﺖ ﺟﻮﻉ ﺳﻮﻳﺘﻠﻪ ﻏﺪﺍ .. ﺍﻛﻞ ﻭﻏﺴﻞ
ﻭﺭﺣﻨﺎ ﻟﻠﻐﺮﻓﻪ ..
ﻫﻮ ﻧﺎﻡ ﻉ ﺍﻟﺴﺮﻳﺮ ﻭﺍﻧﻲ ﺑﺤﻈﻨﻪ ﻭﺍﻟﻀﻮﻩ ﺧﺎﻓﺖ ..
ﺍﻣﻤﻤﻢ ﺍﺣﻠﻰ ﻧﻮﻣﻪ ..
ﺳﻤﻌﺖ ﺻﻮﺕ ﻳﻬﻤﺴﻠﻲ .. ﻣﻴﺎﺍﺍﺍﺍﺭ ﻣﻴﺎﺍﺍﺍﺭ
ﮔﺘﻠﻪ ﻧﻌﻢ ﺣﺒﻴﺒﻲ ..
ﺭﻓﻌﺖ ﺭﺍﺳﻲ ﺍﻟﻘﻴﺼﺮ ﻏﺎﻓﻲ ..
ﺧﻔﺖ ﺍﻛﺜﺮ ﻋﻴﻮﻧﻲ ﺻﺎﺭﺕ ﺗﺪﻭﺭ ﺑﺎﻟﻐﺮﻓﻪ ﺷﻨﻮ ﻫﺬﺍ ﺍﻟﺼﻮﺕ
ﺍﺫﺍ ﻗﻴﺼﺮ ﻏﺎﻓﻲ ﻣﻨﻮ ﺻﺎﺡ ﺑﺄﺳﻤﻲ
..
ﺳﻤﻌﺖ ﺻﻮﺕ ﻳﺼﻴﺢ ﺑﻬﻤﺲ .. ﻣﻴﺎﺍﺍﺍﺭ ﻣﻴﺎﺍﺍﺍﺭ
ﮔﺘﻠﻪ ﻫﺎ ﺣﺒﻴﺒﻲ .. ﺑﺎﻭﻋﺖ ﺍﻟﻘﻴﺼﺮ ﻧﺎﻳﻢ ..
ﺧﻔﺖ ﻳﺎﺭﺑﻲ ﻟﻌﺪ ﻫﺎﻱ ﺷﻨﻮ ..
ﮔﻌﺪﺗﻪ ﮔﺘﻠﻪ ﻗﻴﺼﺮ ﮔﺎﻋﺪ ..
ﻣﺎﺟﺎﻭﺏ .. ﺷﻤﺲ
ﺧﺘﻠﺖ ﺑﺤﻈﻨﻪ ﻭﻧﻤﺖ .. ﺻﺎﺭ ﺍﻟﻤﻐﺮﺏ ﻭﻣﺎﮔﻤﺖ ﺍﺳﻮﻱ ﻋﺸﺎ
ﺍﺧﺎﻑ ..
ﺑﺤﻴﺎﺗﻲ ﻣﺎﺧﻔﺖ .. ﺑﺲ ﺷﻨﻮ ﺍﻟﻲ ﺩﻳﺼﻴﺮ ﺑﻴﻪ ..
ﻓﺘﺤﺖ ﺍﻟﻀﻮﻩ ﺍﻟﻲ ﻳﻤﻲ .. ﻭﻟﻌﻨﺖ ﺍﻟﺸﻴﻄﺎﻥ ..
ﺑﻮﺳﺖ ﻗﻴﺼﺮ .. ﮔﺘﻠﻪ ﺩﮔﻮﻭﻭﻭﻡ ﻳﻌﻤﺮﻱ ﺗﮕﻈﻴﻬﺎ ﻧﻮﻡ ﻭﺑﻌﺪﻧﺎ ﻋﺮﺳﺎﻥ ..
ﺍﻣﻤﻤﻤﻤﻢ ﺩﺗﻌﺎﻟﻲ ﺧﻠﻲ ﺍﺷﻤﺞ ﻭﺍﺧﺬ ﻃﺎﻗﻪ ﻣﻨﺞ ..
ﻫﻬﻬﻬﻬﻬﻪ ﺑﻘﻴﻨﺎ ﻧﺘﺸﺎﻗﻪ ﺷﻮﻳﻪ ..
ﮔﺎﻝ ﻳﻠﻪ ﮔﻮﻣﻲ ﻧﻄﻠﻊ .
ﻭﻳﻦ ..
ﻏﻴﺮ ﻋﺮﺳﺎﻥ ﻧﺘﻮﻧﺲ ﻭﻧﻄﻠﻊ ﺷﻜﻮ ﺑﺎﻟﺪﻧﻴﺎ ﺩﮔﻮﻣﻲ ﻳﻠﻪ .
ﺑﺪﻟﺖ ﻭﺭﺗﺒﺖ ﻧﻔﺴﻲ ﻭﻛﺎﻥ ﺍﻟﺠﻮ ﺑﺎﺭﺩ ﻟﺒﺴﺖ ﻛﻮﺕ ﻃﻮﻳﻞ ﻟﻠﺮﻛﺒﻪ ﻭﺑﻨﻄﺮﻭﻥ ﻭﺑﻠﻮﺯﻩ ..
ﻭﻃﻠﻌﻨﺎ ..
ﺍﺷﺘﻤﻴﺖ ﺍﻟﻬﻮﺍ ﺣﺴﻴﺖ ﺑﻄﺎﻗﻪ ﺍﻳﺠﺎﺑﻴﻪ .
ﺍﺣﺲ ﻧﻔﺴﻲ ﻛﻨﺖ ﻣﺨﻨﻮﮔﻪ . ﻣﺎﺍﺍﻋﺮﻑ ﻟﻴﺶ
ﻃﻠﻌﻨﺎ ﺗﻌﺸﻴﻨﺎ ﻭﺑﻌﺪﻳﻦ ﺭﺣﻨﺎ ﺍﻟﻜﻮﺭﻧﻴﺶ ﺍﻻﻋﻈﻤﻴﻪ .
ﻟﻌﺒﻨﺎ ﻭﺗﻮﻧﺴﻨﺎ ﻭﺍﻟﻨﺎﺱ ﻛﺎﻧﺖ ﺗﺘﺠﻬﺰ ﺍﻟﺮﺃﺱ ﺍﻟﺴﻨﻪ ..
ﺍﺟﻮﺍﺀ ﺗﺨﺒﻞ ..
ﺍﺗﻤﻨﻴﺖ ﺍﻟﺰﻣﻦ ﻳﺘﻮﻗﻒ ﻭﻧﺒﻘﻰ ﻫﻴﺞ ..
ﺻﺎﺭﺕ ﺳﺎﻋﻪ 11 .
ﮔﺘﻠﻪ ﺍﺷﺘﺎﻗﻴﺖ ﺍﻟﻤﺎﻣﺎ ﺣﺘﻰ ﻣﺎﻋﻨﺪﻫﺎ ﻣﻮﺑﺎﻳﻞ ﺍﺗﺼﻞ ﻋﻠﻴﻬﺎ ..
ﺍﺷﻮ ﻓﺮ ﺍﻟﺴﻴﺎﺭﺓ ﻭﮔﺎﻝ ﻭﻟﻴﻬﻤﺞ ﻫﺴﺎ ﻧﺮﻭﺡ ﻧﺸﻮﻓﻬﺎ ..
ﮔﺘﻠﻪ ﻻ ﺧﻄﻴﻪ ﻫﺴﺎ ﻧﺎﻳﻤﻪ ﻣﺘﺒﻘﻰ ﻟﺴﺎ .
ﺍﻭﻙ ﻟﻌﺪ ﺑﺎﺟﺮ ﺍﺷﺘﺮﻳﻠﻬﺎ ﻣﻮﺑﺎﻳﻞ ﻭﻧﺮﻭﺡ ﻧﺸﻮﻓﻬﺎ ..
ﺍﻥ ﺷﺎﺀ ﺍﻟﻠﻪ
ﺍﺷﺘﺮﻯ ﺣﻠﻮﻳﺎﺕ ﻭﺭﺟﻌﻨﺎ ﻟﻠﺒﻴﺖ ..
ﺍﻭﻝ ﻣﺪﺧﻠﺖ ﺍﻧﻘﺒﺾ ﮔﻠﺒﻲ ﻭﺣﺴﻴﺖ ﺭﻭﺣﻲ ﺗﻄﻠﻊ ﺍﺧﺘﻨﮕﺖ ..
ﮔﺘﻠﻪ ﻗﻴﺼﺮ .. ﺷﺎﻓﻨﻲ ﺗﺨﺒﻞ ..
ﻳﻀﺮﺏ ﻉ ﺧﺪﻱ ﻣﺎﻛﻮ . ﺍﺭﻳﺪ ﺍﺟﺮ ﻧﻔﺲ ﻣﺎﻛﻮ .. ﻋﺒﺎﻟﻚ ﻭﺍﺣﺪ ﺧﺎﻧﮕﻨﻲ ..
ﺭﻛﺾ ﻗﻴﺼﺮ ﺟﺎﺏ ﻣﻲ ﻭﺍﺟﻪ ﺷﺮﺑﻨﻲ ﻭﻏﺴﻞ ﻭﺟﻬﻲ ..
ﻭﺷﺎﻟﻨﻲ ﻟﻠﻐﺮﻓﻪ ﺍﺭﺗﺎﺣﻴﺖ ﺷﻮﻳﻪ ..
ﻗﻴﺼﺮ .. ﺷﺤﺴﻴﺘﻲ ﺑﺎﻟﻀﺒﻂ ﻧﺮﻭﺡ ﻟﻠﻄﺒﻴﺐ
ﻻ ﻫﺴﺎ ﺍﺣﺴﻦ ﺍﻭﻝ ﻣﺮﻩ ﻳﺼﻴﺮ ﺑﻴﻪ ﻫﻴﺞ ﺷﻲ ..
ﺍﺭﺗﺎﺣﻲ ﺷﻮﻳﻪ . ﺭﺍﺩ ﻳﮕﻮﻡ ﺳﺤﺒﺘﻪ ..
ﮔﺘﻠﻪ ﻻﺗﺘﺮﻛﻨﻲ ﺍﺑﻘﻰ ﻳﻤﻲ ..
ﮔﺎﻝ ﻣﺎﺍﺗﺄﺧﺮ .. ﺟﺎﺏ ﺍﻟﺤﻠﻮﻳﺎﺕ ﻭﺍﻟﻜﺮﺯﺍﺕ ..
ﻭﮔﻌﺪﻧﺎ ﻧﺴﻮﻟﻒ ﻭﻧﺎﻛﻞ ..
ﺗﺎﻟﻲ ﺫﻛﺮﺕ ﺍﻟﺒﻴﺖ ﺍﻟﻲ ﺗﺮﻛﻪ ﺑﺎﺑﺎ ﺍﻟﻲ ..
ﮔﺘﻠﻪ ﻗﻴﺼﺮ .. ﺭﺍﺡ ﺍﮔﻮﻟﻚ ﺷﻲ ﺑﺲ ﻳﺒﻘﻰ ﺑﻴﻨﺎ ﻻﻥ ﺍﺧﻮﺍﻧﻲ ﻣﻴﺪﺭﻭﻥ ..
ﺷﻨﻮ ﺣﺒﻴﺒﺘﻲ
.
ﺑﺎﺑﺎ ﻗﺒﻞ ﻟﻴﻤﻮﺕ ﺍﺷﺘﺮﻯ ﺑﻴﺖ ﺑﺎﺳﻤﻲ ..
ﺧﺎﻑ ﺍﺧﻮﺍﻧﻲ ﻳﻀﻠﻤﻮﻧﻲ ﻟﻮ ﻣﻴﻨﻄﻮﻧﻲ ﺣﻘﻲ ..
ﺣﺒﻴﺒﺘﻲ ﻫﺬﺍ ﺣﻼﻟﺞ ﻭﺑﻜﻴﻔﺞ ﺗﺮﺩﻳﻦ ﺗﺄﺟﺮﻳﻪ ﺗﺮﺩﻳﻦ ﺗﺨﻠﻴﻪ ﻫﻴﺞ ﺍﻧﺘﻲ ﺣﺮﻩ ..
ﻫﻮ ﺍﺻﻼ ﺍﻧﻲ ﻣﺄﺟﺮﺗﻪ ﺍﻟﻮﺳﺎﻡ ..
ﻭﺳﺎﻡ .. ﻟﻴﺶ ﻭﺷﻠﻮﻥ ﻣﻮ ﺗﮕﻮﻟﻴﻦ ﻣﺤﺪ ﻳﺪﺭﻱ ﺑﻲ ﻃﻠﻌﺖ ﺍﻧﻲ ﺍﺧﺮ ﻣﻦ ﻳﻌﻠﻢ ..
ﻫﻮ ﺍﺻﻼ ﺑﺲ ﻭﺳﺎﻡ ﻭﻣﺎﻣﺎ ﺍﺑﻮﻳﻪ ﮔﺎﻳﻠﻠﻬﻢ ..
ﻫﺎﺍﺍﺍﺍ
ﻫﺎﻱ ﺷﺒﻴﻚ ﻗﻴﺼﺮ ﺭﺟﻌﻨﺎ ﺍﻟﻨﻔﺲ ﺍﻟﺴﺎﻟﻔﻪ ..
ﻳﻌﻨﻲ ﺑﺮﺑﺞ ﺑﻐﺪﺍﺩ ﻣﻠﻴﺎﻧﻪ ﺑﻴﻮﺕ ﻣﺎﻟﮕﻪ ﺍﻻ ﺑﻴﺘﺞ ﻟﻮ ﺣﺘﻰ ﻳﺒﻘﻰ ﻗﺮﻳﺐ ﻣﻨﺞ ..
ﺷﻨﻮ ﻫﺬﺍ ﺍﻟﺤﺠﻲ ﺑﻠﻪ ..
ﺍﻭﻻ ﻫﻮ ﺗﻌﺎﻣﻠﻪ ﻛﻮﻟﻪ ﻭﻱ ﻣﺎﻣﺎ ﺣﺘﻰ ﺍﻻﻳﺠﺎﺭ ﻳﻨﻄﻴﻪ ﺍﻟﻤﺎﻣﺎ
ﺍﻱ ﺍﺣﺴﻦ ﻻﺗﺎﺧﺬﻳﻪ ﻭﺧﺎﺻﻪ ﻫﺴﺎ ﺍﻧﺘﻲ ﻣﺎﺑﻌﺎﺯﺗﻪ ..
ﻫﻔﻔﻔﻔﻒ
ﻳﻌﻨﻲ ﻫﺴﺎ ﺍﻧﻲ ﻃﻠﻌﺖ ﺍﻧﻲ ﺍﻟﻐﻠﻄﺎﻥ ﻻﻥ ﺍﻏﺎﺭ ..
ﻗﻴﺼﺮ ﺍﻧﻲ ﻻﺣﺠﻴﺖ ﻭﻻﮔﻠﺖ ﺍﻧﺖ ﻏﻠﻄﺎﻥ ﺑﺲ ﺍﻟﻈﺎﻫﺮ ﺗﺪﻭﺭﻟﻚ ﺣﺠﻪ .. ﺣﺘﻰ ﺗﻐﺎﺭ ﻭﺍﻟﻲ ﺩﺍﺍﺷﻮﻓﻪ ﻏﻴﺮﺗﻚ ﺑﺲ ﻣﻦ ﻭﺳﺎﻡ ..
ﺷﻨﻮ ﻗﺼﺪﺝ ..
ﻧﻄﻠﻊ ﻭﻧﻤﺸﻲ ﻭﺍﺷﻜﺎﻝ ﻭﻟﺪ ﻳﺸﻮﻓﻮﻧﻲ ﻭﺍﻟﻲ ﻳﺤﺠﻲ ﻭﺍﻟﻲ ﻳﻌﺎﻛﺲ ..
ﻣﺘﺤﺠﻲ ..
ﺑﺲ ﻣﻦ ﺗﻮﺻﻞ ﺍﻟﺸﻐﻠﻪ ﺍﻟﻮﺳﺎﻡ ﺗﺼﻌﺪ . ﺍﻟﻐﻴﺮﻩ
ﺭﺣﻢ ﺍﻟﻠﻪ ﻭﺍﻟﺪﻳﺞ .. ﻳﻌﻨﻲ ﺍﻧﻲ ﻣﺎﻋﻨﺪﻱ ﻏﻴﺮﻩ ﻣﻦ ﻭﺍﺣﺪ ﻳﻌﺎﻛﺴﺞ
ﺍﻭﻭﻭﻭﻩ ﻗﻴﺼﺮ .. ﺧﻠﻲ ﺍﻧﺎﻡ ﺍﺣﺴﻦ
ﺗﺮﻛﺘﻪ ﻭﺩﺭﺕ ﻭﺟﻬﻲ ..
ﺑﻘﻴﺖ ﮔﺎﻋﺪﻩ ﺍﺗﺼﻔﺢ ..
ﻭﻫﻮ ﻫﻢ ..
ﺗﺎﻟﻲ ﻣﻦ ﺭﺍﺩ ﻳﻨﺎﻡ ﺍﺗﻘﺮﺏ ﻳﻤﻲ ﻭﺣﻈﻨﻲ ﻣﻦ ﻇﻬﺮﻱ ﻭﻧﺎﻡ ..
ﻭﺍﻧﻲ ﻣﺎﻋﺎﺭﺿﺖ ﺍﺻﻼ ﺍﺭﺗﺎﺡ ﻣﻦ ﻳﺤﻈﻨﻲ ..
ﺑﺲ ﺑﻘﻴﻨﺎ ﻛﻢ ﻳﻮﻡ ﺍﺣﺠﻲ ﻭﻳﺎﻩ ﺑﺜﮕﻞ .. ﻭﻣﺎﺍﻫﺘﻢ .
ﻣﻦ ﺍﻟﺪﻭﺍﻡ ﻟﻠﺒﻴﺖ .. ﻭﺣﺘﻰ ﺑﺎﻟﺴﻴﺎﺭﻩ ﻣﻦ ﻳﻮﺻﻠﻨﻲ ﻣﺎﺍﺣﺠﻲ ..
ﺍﻟﻰ ﺍﻥ ﻃﮕﺖ ﺭﻭﺣﻪ ﻭﮔﺎﻝ ..
ﺍﻋﺘﺬﺭ ﺑﻌﺪ ﻣﺎﺍﺿﻐﻂ ﻋﻠﻴﺞ ..
ﮔﻮﻣﻲ ﺑﺪﻟﻲ ﺧﻠﻲ ﻧﺮﻭﺡ ﺍﻻﻣﺞ ﻭﺍﺷﺘﺮﻳﺖ ﺍﻟﻤﻮﺑﺎﻳﻞ ﺣﺘﻰ ﻧﻮﺩﻳﻪ
ﻓﺮﺣﺖ ﺣﻴﻞ .. ﺑﺴﺮﻋﻪ ﺑﺪﻟﺖ ﻭﻃﻠﻌﻨﺎ ..
ﻭﺻﻠﻨﺎ ﺍﻻﻫﻠﻲ ..
ﺗﻠﮕﺘﻨﺎ ﻧﻬﻠﻪ ﺗﺮﺣﻴﺐ ﻣﺎﻛﻮ ﻫﻴﺞ .. ﺍﻟﺼﺮﺍﺣﻪ ﺍﺳﺘﻐﺮﺑﺖ .
ﺩﺧﻠﺖ ﺍﺭﻛﺾ ﺍﻟﻤﺎﻣﺎ ﺣﻀﻨﺘﻬﺎ ﺣﻴﻞ ..
ﻟﮕﻴﺘﻬﺎ ﺩﺗﻘﺮﺁ ﻗﺮﺁﻥ ..
ﮔﻠﺘﻠﻬﺎ .. ﻗﻴﺼﺮ ﻭﻳﺎﻱ ﺑﺎﻻﺳﺘﻘﺒﺎﻝ .. ﻭﻳﻦ ﺍﺧﻮﺍﻧﻲ ..
ﮔﺎﻟﺖ .. ﻣﺎﺍﺩﺭﻱ ﻛﻞ ﻭﺍﺣﺪ ﺑﻤﻜﺎﻥ .
ﺩﮔﻮﻣﻲ ﺧﻠﻲ ﺍﺳﻠﻢ ﻋﻠﻴﻪ ﻋﻴﺐ .
ﺭﺣﻨﺎ ﻟﻼﺳﺘﻘﺒﺎﻝ .. ﻟﮕﻴﺖ ﻧﻬﻠﻪ ﻣﻜﻔﻴﻪ ﻭﻣﻮﻓﻴﻪ ﺑﺪﻝ ﺍﺧﻮﺍﻧﻲ ﮔﺎﻋﺪﻩ ﻭﺗﺼﻄﺮ ﺳﻮﺍﻟﻒ ..
ﺗﻤﺪﺡ ﺑﻨﻔﺴﻬﺎ ﻭﺍﻧﻲ ﺭﺑﻴﺖ ﻣﻴﻮﺭﻩ ﺍﻧﻲ ﺗﺰﻭﺟﺖ ﻭﻫﻲ ﺻﻐﻴﺮﻩ ..
ﺍﻣﻲ ﺗﺒﺎﻭﻋﻠﻲ ﻭﺍﻧﻲ ﺍﺑﺎﻭﻋﻠﻬﺎ ..
ﺷﺎﻑ ﺍﻣﻲ ﮔﺎﻡ ﺳﻠﻢ ﻭﺑﺎﺱ ﺭﺍﺳﻬﺎ ..
ﮔﻠﺘﻠﻬﺎ ﻳﻮﻡ ﻫﺎﻱ ﻣﻮﺑﺎﻳﻞ ﺍﺷﺘﺮﺍﻩ ﻗﻴﺼﺮ ﻋﻤﻮﺩ ﺍﺗﺼﻞ ﻋﻠﻴﺞ ﻣﻦ ﺍﺷﺘﺎﻕ ﻭﺍﺳﺄﻝ ﻋﻠﻴﺞ ..
ﻳﺎﻳﻤﻪ ﺭﺣﻢ ﺍﻟﻠﻪ ﻭﺍﻟﺪﻳﻪ .. ﺑﺲ ﺍﻧﻲ ﺷﻤﻔﻬﻤﻨﻲ ﺑﻲ
ﺍﻧﻲ ﺍﻋﻠﻤﺞ ﻭﻟﻴﻬﻤﺞ ..
ﮔﻌﺪﺕ ﺷﻮﻳﻪ ﻋﻠﻤﺘﻬﺎ ﺍﻟﻤﺎﻣﺎ ﺷﻠﻮﻥ ﺗﻔﺘﺢ ﻭﺷﻠﻮﻥ ﺗﺘﺼﻞ ﻭﺷﻠﻮﻥ ﺗﺮﺩ ﻭﻛﺬﺍ .
ﮔﺎﻟﺖ ﻧﻬﻠﻪ .. ﺻﺪﮒ ﻣﻴﺎﺭ ﺳﻮﻳﺖ ﻓﻴﺲ ﺍﺭﻳﺪ ﺍﺳﻢ ﺻﻔﺤﺘﺞ .
ﮔﻠﺘﻠﻬﺎ . ﺑﻌﺪﻳﻦ ﻫﺴﺎ ﻣﺎﺑﻲ ﺷﺤﻦ ..
ﮔﺎﻟﺖ .. ﻋﻠﻴﻤﻦ ﺧﻮ ﮔﻮﻟﻲ ﻣﺎﺍﻧﻄﻴﻪ .. ﻋﺒﺎﻟﺞ ﻣﺎﺍﻋﺮﻓﻪ ..
ﺍﻋﺮﻓﻪ ﻭﺍﻋﺮﻑ ﺣﺘﻰ ﺻﻔﺤﻪ ﺯﻭﺟﺞ ﺑﺲ ﺭﺩﺕ ﺍﺷﻮﻑ ﺷﺘﮕﻮﻟﻴﻦ
ﻫﻮﺏ ﻫﻮﺏ .. ﻫﺎﻱ ﺷﺒﻴﺞ ﻧﻬﻠﻪ ﺍﻋﺘﻘﺪ ﻣﺎﺣﺠﻴﺖ ﺷﻲ ﻭﻧﻄﻴﺘﻴﻨﻲ ﺟﺮﻳﺪﻩ .
ﺍﺟﺖ ﻫﺎﻟﻪ ﻭﻣﺤﻤﺪ ﻭﺳﻴﻮﻓﻲ ﮔﻌﺪﻭﺍ ﻳﻤﻨﺎ .
ﺑﻘﻴﻨﺎ ﺷﻮﻳﻪ ﺭﺩﻧﺎ ﻃﻠﻌﻨﺎ ..
ﮔﺎﻟﺖ ﺍﻣﻲ ﻣﺘﻄﻠﻌﻮﻥ ﺍﻻ ﺗﺘﻌﺸﻮﻥ ..
ﻭﺑﻌﺪ ﻣﺎﺍﺻﺮﺕ ﺑﻘﻴﻨﺎ .
ﻧﻬﻠﻪ ﻭﻫﺎﻟﻪ ﻳﺴﻮﻭﻥ ﻋﺸﺎ ﺍﺳﺘﻐﺮﺑﺖ ﻳﻤﻜﻦ ﺍﻣﻲ ﺭﺟﻌﺖ ﺗﺎﻛﻞ ﻭﻳﺎﻫﻢ .
ﻋﻠﻴﺎﺀ ﻣﺎﻫﻲ ﻋﻨﺪ ﺍﻫﻠﻬﺎ ..
ﺗﻌﻴﺸﻨﺎ ﻭﻛﻤﻠﻨﺎ ..
ﺭﺟﻌﻨﺎ ﻟﻠﺒﻴﺖ ..
ﺑﺪﻟﺖ . ﻭﮔﻤﺖ ﺍﺟﻴﺐ ﻣﻲ ..
ﺭﺣﺖ ﻟﻠﻤﻄﺒﺦ ..
ﻋﺒﺎﺭﻩ ﻋﻦ ﺩﺧﺎﻥ ﺍﺳﻮﺩ .. ﺣﺎﻭﻃﻨﻲ ﻣﻦ ﻛﻞ ﺟﻬﻪ ..
ﺍﺭﻳﺪ ﻣﻜﺎﻥ ﺍﻃﻠﻊ ﻣﻨﻪ ﻣﺎﻛﻮ ﺍﺧﺘﻨﻜﺖ ..
ﺍﺭﻳﺪ ﺍﺗﻨﻔﺲ ﻣﺎﺍﮔﺪﺭ ..
ﮔﻤﺖ ﺍﻋﻴﻂ ..
ﺍﺟﻪ ﻗﻴﺼﺮ ﻳﺮﻛﺾ ..
ﺣﻈﻨﻲ .. ﻫﺎﻱ ﺣﺒﻴﺒﻲ ﺍﻧﻲ ﻳﻤﺞ ﺷﺒﻴﺞ ..
ﺑﺎﻭﻋﺖ ﻛﻞ ﺷﻲ ﻣﺎﻛﻮ .. ﺍﺳﺘﺤﻴﺖ ..
ﮔﺘﻠﻪ ﻣﺎﺍﺩﺭﻱ ﻳﻤﻜﻦ ﺑﺰﻭﻧﻪ ﻟﻮ ﺷﻮ ﺷﻨﻮ ﺳﻤﻌﺖ ﺻﻮﺕ ..
ﺍﺧﺬﻧﻲ ﻭﺭﺣﻨﺎ ﻟﻠﻐﺮﻓﻪ .
ﺑﻮﺳﻨﻲ ﻭﻳﺸﻢ ﺑﻴﻪ ﻭﻳﺴﻮﻱ ﺣﺮﻛﺎﺕ ..
ﻣﺸﺘﺎﻗﻠﺞ ﺗﻌﺎﻟﻲ ﺑﺤﻈﻨﻲ ..
ﺍﺧﺬﻧﻲ ﺑﺤﻈﻨﻪ ﻭﺍﻧﻲ ﺑﻌﺎﻟﻢ ﺛﺎﻧﻲ .. ﺍﻟﻀﻮﻩ ﺧﺎﻓﺖ ﻭﺍﻟﺠﻮ ﺭﻭﻣﺎﻧﺴﻲ ..
ﻓﺘﺤﺖ ﻋﻴﻨﻲ ﻭﺍﺷﻮﻑ ﺷﺨﺺ ﺍﺳﻮﺩ . ﻓﻮﮔﺎﻱ ﻛﻮﻟﺸﻲ ﻣﻤﺒﻴﻦ ﻣﻨﻪ ﺑﺲ ﻋﻴﻮﻥ ..
ﻗﻴﺼﺮ ﻣﺎﻫﻮ .. ﺑﺲ ﺍﻧﻲ ﻭﻫﺬﺍ ﺍﻟﺸﺨﺺ ﺍﻻﺳﻮﺩ ..
ﺑﻼﻭﻋﻲ ﺻﺮﺧﺖ ﻭﻃﻔﺮﺕ ﻣﻦ ﻣﻜﺎﻧﻲ ﻭﺍﺩﻓﻊ ﺑﻲ
.
ﺑﻘﻴﺖ ﺍﺑﺠﻲ ﻭﺍﻋﻴﻂ ﻭﺍﺩﻓﻊ ﺑﻲ ﻭﻣﻐﻤﻈﻪ ..
ﻣﺎﺍﺭﻳﺪ ﺍﺷﻮﻑ ﺫﺍﻙ ﺍﻟﺸﻲ ﺍﻟﻤﺮﻋﺐ ..
ﻗﺮﻓﺼﺖ ﻉ ﺍﻟﺴﺮﻳﺮ ﻭﺍﻋﻴﻂ ..
ﺩﺧﻠﺖ ﺑﻨﻮﺑﺔ ﺧﻮﻑ ﻭﺑﺲ ﺍﻋﻴﻂ ..
ﻣﺎﺣﺴﻴﺖ ﺍﻻ ﻗﻴﺼﺮ ﻳﻬﺰ ﺑﻴﻪ .. ﺑﻘﻠﻤﻲ ﺷﻤﺲ
ﻣﻴﺎﺭ ﺍﺻﺤﻲ ﺷﺒﻴﺞ ﺍﻧﻲ ﻳﻤﺞ .. ﺍﻧﻲ ﻗﻴﺼﺮ ﺗﺴﻤﻌﻴﻨﻲ ..
ﻓﺘﺤﺖ ﻋﻴﻨﻲ ﺷﻔﺖ ﻗﻴﺼﺮ ..
ﺍﺭﺗﻤﻴﺖ ﺑﺤﻈﻨﻪ ﻭﺍﺑﺠﻲ ..
ﺷﺒﻴﺞ ﺣﺒﻴﺒﺘﻲ ﺷﺘﺤﺴﻴﻦ ..
ﻣﺎﺍﺩﺭﻱ ﻗﻴﺼﺮ ﻣﺎﺍﺩﺭﻱ ﺍﺣﺲ ﺍﻟﺒﻴﺖ ﻣﺴﻜﻮﻥ ..
ﻫﻬﻬﻬﻬﻪ ﻣﺴﻜﻮﻥ ﺷﻨﻮ .. ﻫﺬﺍ ﻋﻤﺮ ﻋﺎﻳﺸﻴﻦ ﺑﻲ ﻣﺸﻔﻨﺎ ﺷﻲ ﺍﻛﻴﺪ ﻫﺎﻱ ﺗﻬﻴﺆﺍﺕ ..
ﺍﺷﺮﺑﻲ ﻣﻲ ﻭﺍﺭﺗﺎﺣﻲ ﻣﺎﻛﻮ ﺷﻲ ..
ﻣﺎﺟﺎﺩﻟﺘﻪ ﻻﻥ ﺍﺣﺴﻪ ﻣﻴﺼﺪﮒ ﺍﻟﻲ ﺩﺍﺍﺷﻮﻓﻪ ﻭﺍﺣﺴﻪ .. ﺍﻭ ﻣﻴﺆﻣﻦ
ﺑﻬﻴﺞ ﺍﺷﻴﺎﺀ ..
ﻣﻌﻘﻮﻟﻪ ﻳﺮﺑﻲ ﺍﺗﺨﺒﻠﺖ ﻭﮔﻤﺖ ﺍﻫﻠﻮﺱ ..
ﺍﻧﺪﮔﺖ ﺍﻟﺒﺎﺏ ..
ﺍﺟﻪ ﺍﺧﻮﻩ ﻭﻣﺮﺕ ﺍﺧﻮﻩ .. ﺳﻤﻌﻮﺍ ﻋﻴﺎﻃﻲ ﻭﻋﺒﺎﻟﻬﻢ ﺍﻛﻮ ﺷﻲ ..
ﺍﺳﺘﺤﻴﺖ ﺷﮕﺪ ﻋﻴﺐ ..
ﺍﺟﻪ ﻗﻴﺼﺮ ﻳﻀﺤﻚ ﻳﮕﻠﻲ ﺧﻮ ﻟﻤﻴﺘﻲ ﺍﻟﺪﻧﻴﺎ ﻋﻠﻴﻪ ..
ﻫﺎﻱ ﻛﻠﻬﺎ ﻻﻥ ﺗﻘﺮﺑﺖ ﺍﻟﺞ .. ﺷﻤﺲ
ﺑﺲ ﻭﺍﻟﻠﻪ ﻗﻮﻳﻪ ﺩﻓﻌﺘﻴﺘﻲ ﺩﻓﻌﻪ ﻋﺒﺎﻟﻚ ﻣﺎﻝ ﺭﺟﺎﻝ ﻣﻮ ﻣﺮﻩ ..
ﺍﻟﻲ ﻳﺸﻮﻓﺞ ﻳﮕﻮﻝ ﺷﺎﻓﺖ ﺟﻨﻲ ..
ﮔﺘﻠﻪ ﻭﻣﻨﻮ ﮔﻠﻚ ﻣﺎﺷﻔﺘﻪ ..
ﺑﺲ ﺍﻧﺖ ﻣﺎﺗﺼﺪﮔﻨﻲ #.. ﺷﻤﺲ
ﻫﻬﻬﻬﻪ ﻣﻴﺎﺭ ﺑﺮﺑﺞ ﺍﻧﺘﻲ ﻫﻢ ﺗﺼﺪﮔﻴﻦ ﺑﻬﻴﺞ ﺧﺮﺍﻓﺎﺕ ..
ﻫﺎﻱ ﻻﻥ ﺗﻔﻜﺮﻳﻦ ﺑﻬﻴﺞ ﺍﺷﻴﺎﺀ ﺗﺼﻴﺮ ﻋﻨﺪﺝ ﻫﻠﻮﺳﺎﺕ .
ﻳﻮﻭﻭﻭﻩ ﺳﺪ ﺍﻟﻤﻮﺿﻮﻉ ﻗﻴﺼﺮ ﻟﺘﺬﻛﺮﻧﻲ ..
ﺣﺴﻴﺘﻪ ﻳﺴﺘﻬﺰﺃ ﻭﻣﺎﻳﺼﺪﮒ ..
ﻫﻮ ﻟﻮ ﺷﺎﻳﻒ ﺍﻟﻲ ﺷﻔﺘﻪ ﻛﺎﻥ ﻣﺎﺕ ﺑﻤﻜﺎﻧﻪ ..
ﺍﻟﻲ ﻛﺎﻥ ﻧﺎﻳﻢ ﻓﻮﮔﺎﻱ ﻣﻮ ﻗﻴﺼﺮ ﻭﺍﺣﺪ ﺍﺳﻮﺩ ﺑﺲ ﻋﻴﻮﻧﻪ ﻇﺎﻫﺮﻩ ..
ﻭﺍﻟﻐﺮﻓﻪ ﻇﻠﻤﺖ ﻓﺠﺎﺀﺓ ..
ﮔﺎﻝ ﺧﻠﻲ ﻧﻄﻔﻲ ﺍﻟﻀﻮﻩ ﻭﻧﻨﺎﻡ ..
ﮔﺘﻠﻪ ﻻ ﺍﺗﺮﻛﻪ ﻣﻔﺘﻮﺡ ..
ﺍﺧﺎﻑ ﺍﻃﻔﻴﻪ ..
ﻧﻤﺖ ﻭﺣﺎﻇﻨﻪ ﻗﻴﺼﺮ .. ﻭﻋﻴﻨﻲ ﺗﺒﺎﻭﻉ ﻣﻨﺎ ﻭﻣﻨﺎ ﻣﻦ ﺍﻟﺨﻮﻑ ..
ﻟﻠﺼﺒﺢ ﮔﻌﺪﺕ ﻏﺴﻠﺖ ﻭﺳﻮﻳﺖ ﺭﻳﻮﮒ ..
ﺑﺪﻟﺖ ..
ﮔﻌﺪ ﻗﻴﺼﺮ .. ﺗﺮﻳﻜﻨﺎ .. ﻫﻮ ﻫﻢ ﺭﺍﺡ ﻳﺒﺪﻝ ﺣﺘﻰ ﻳﻮﺻﻠﻨﻲ ﻭﻳﺮﻭﺡ ﻟﻠﻤﻌﺮﺽ ..
ﺩﺍ ﺍﺧﻠﻲ ﻣﻴﻚ ﺍﺏ .. ﺍﻧﺘﺒﻬﺖ ﻟﻌﻴﻮﻧﻲ ﺑﻴﻬﻦ ﺣﻤﺎﺭ .
ﻫﺎﻱ ﺧﺎﻑ ﻻﻥ ﻣﺎﻧﻤﺖ ﻭﺧﺎﻳﻔﻪ ..
ﻳﻮﻡ ﻋﻦ ﻳﻮﻡ ﺍﺣﺲ ﻧﻔﺴﻴﺘﻲ ﺗﺘﻌﺐ ..
ﻣﺎﻟﻲ ﺧﻠﮓ ﺍﻟﻜﻮﻟﺸﻲ ..
ﺍﺣﺲ ﺑﻨﺤﻮﻝ ..
ﺍﻟﻢ ﺑﺮﺟﻠﻲ ﻭﻣﻔﺎﺻﻠﻲ ..
ﻭﺍﻟﺨﻨﮕﺔ ﺍﻟﻲ ﺗﺠﻴﻨﻲ .. ﻭﺍﺑﻘﻰ ﺑﺲ ﺍﺑﺠﻲ ..
ﺍﺳﺘﻤﺮﺕ ﺍﻟﺤﺎﻟﻪ ﻋﻨﺪﻱ ﻭﺯﺍﺩ ﺍﻻﻣﺮ ..
ﻭﺣﺴﻴﺖ ﻗﻴﺼﺮ ﮔﺎﻡ ﻳﻤﻞ .. ﻭﻳﺸﻜﻲ ﻫﻮﺍﻱ ..
ﺣﺘﻰ ﻣﻦ ﻳﺘﻘﺮﺑﻠﻲ ﮔﻤﺖ ﺍﺧﺘﻨﮓ ﻭﻋﺒﺎﻟﻚ ﺍﺷﻮﻑ ﻗﺮﺩ ﻣﻘﺎﺑﻴﻠﻲ ﻣﻮ ﺯﻭﺟﻲ ﻭﺣﺒﻴﺒﻲ ..
ﻭﺩﺍﻳﻤﺎ ﻛﻨﺖ ﺍﺩﻓﻌﻪ ﻭﻣﺎﺍﺧﻠﻴﻪ ﻳﺘﻘﺮﺑﻠﻲ ..
ﺻﺎﺭ ﻉ ﺯﻭﺍﺟﻨﺎ ﺛﻼﺙ ﺍﺷﻬﺮ ﻭﺍﻧﻲ ﻛﻠﻤﺎ ﻳﺮﻳﺪ ﻳﺘﻘﺮﺑﻠﻲ ﻗﻴﺼﺮ ..
ﺍﺧﺘﻨﮓ ﻭﺳﺎﻋﺎﺕ ﺍﺣﺲ ﻧﻔﺴﻲ ﻣﺎﺍﻃﻴﻘﻪ .. ﺷﻤﺲ
.
ﺑﻴﻮﻡ ﻋﺼﺐ .. ﻭﮔﺎﻝ ﻓﻬﻤﻴﻨﻲ ﺷﺒﻴﺞ .. ﺗﺨﺒﻠﺘﻲ ..
ﺩﻭﻡ ﻟﻮ ﻣﺨﺘﻨﮕﻪ ﻟﻮ ﺗﺒﺠﻴﻦ .. ﺍﺗﻘﺮﺏ ﻣﻨﺞ ﺗﺪﻓﻌﻴﻨﻲ ﻭﻣﺘﺨﻠﻴﻨﻲ
ﻟﻴﺶ ﻫﻴﺞ ﺗﺴﻮﻳﻦ ..
ﺷﻨﻮ ﺑﻄﻠﺘﻲ ﺗﺤﺒﻴﻨﻲ .. ﮔﻮﻟﻲ ..
ﻗﻴﺼﺮ ﻫﺎﻱ ﺷﺪﺗﺤﺠﻲ ﺷﻨﻮ ﻣﺎﺍﺣﺒﻚ ..
ﻟﻌﺪ ﻫﺎﻱ ﺗﺼﺮﻓﺎﺗﺞ ﺷﻨﻮ ﻓﻬﻤﻴﻨﻲ ..
ﺣﺘﻰ ﺗﺨﻠﻴﻨﻲ ﺍﺷﻚ ..
ﺗﺸﻚ ﺷﻨﻮ ﻫﺎﻱ ﺑﺪﻝ ﻣﺘﺸﻮﻑ ﺷﻨﻮ ﺍﻟﺒﻴﻪ ﻭﺗﺤﺎﻭﻝ ﺗﺴﺎﻋﺪﻧﻲ ﺗﺸﻚ ﺑﻴﻪ ..
ﺷﻨﻮ ﺍﻟﺒﻴﺞ ﻣﻴﺎﺭ ﺍﺷﻮ ﻣﻦ ﺍﺗﺰﻭﺟﻨﺎ ﻟﺴﺎ ﻣﻤﺘﻘﺮﺑﻠﺞ ﺑﺲ ﺛﻼﺙ ﻣﺮﺍﺕ ..
ﻳﺎﺭﺟﺎﻝ ﻣﺮﺗﻪ ﻣﺎﺗﻨﻄﻴﻪ ﺣﻘﻪ ﻭﻳﺴﻜﺖ ..
ﺍﺟﻲ ﻣﻦ ﺍﻟﺸﻐﻞ ﺗﻌﺒﺎﻥ ..
ﺍﺭﻳﺪﺝ ﻣﺒﺪﻟﻪ ﻭﻣﻨﺘﻀﺮﺗﻨﻲ ..
ﺍﻟﮕﻴﺞ ﺷﺎﺩﻩ ﺭﺍﺳﺞ ﻭﺗﺒﺠﻴﻦ ﻭﻣﻘﺮﻓﺼﻪ ﺑﺎﻟﺰﺍﻭﻳﻪ ..
ﺍﻧﻲ ﺍﺭﻳﺪ ﻣﻴﺎﺭ ﺍﻟﻲ ﺣﺒﻴﺘﻬﺎ .. ﺍﻟﻲ ﻛﻠﻬﺎ ﺣﻴﻮﻳﻪ ﻣﻮ ﺍﻟﻨﮕﺪﻳﻪ
ﻳﻌﻨﻲ ﻫﺴﺎ ﺻﺮﺕ ﻧﻜﺪﻳﻪ ..
ﺿﺠﺘﻲ ﻣﻮ ﺭﻭﺣﻲ ﺷﻮﻓﻲ ﺷﻜﻠﺞ ﺑﺎﻟﻤﺮﺍﻳﻪ ..
ﻭﺟﻬﺞ ﺫﺑﻼﻥ ﻋﺒﺎﻟﻚ ﻭﺣﺪﻩ ﻋﻤﺮﻫﺎ ﺍﺭﺑﻌﻴﻦ ﺳﻨﻪ ﻣﻮ ﻋﺸﺮﻳﻦ ..
ﺍﺧﺬ،ﻣﻔﺎﺗﻴﺢ ﺍﻟﺴﻴﺎﺭﻩ ﻭﺭﺍﺩ ﻳﻄﻠﻊ ..
ﮔﺘﻠﻪ ﻭﻳﻦ ﺭﺍﻳﺢ ﻭﻋﺎﻳﻔﻨﻲ ..
ﺍﺭﻭﺡ ﺍﺷﻢ ﻫﻮﺍ ﺍﺷﻮﻑ ﻧﺎﺱ ﻋﻨﺪﺝ ﻣﺎﻧﻊ ..
ﻗﺎﺑﻞ ﺍﺑﻘﻰ ﻟﻠﻨﻜﺪ .
ﻣﺎﺍﺗﺼﻮﺭﺗﻚ ﻫﻴﺞ ﺗﺘﺨﻠﻰ ﻋﻨﻲ .. ﺍﺧﺬﻧﻲ ﻭﻳﺎﻙ ﺣﺒﺎﺏ ﻟﺘﺨﻠﻴﻨﻲ ﻭﺣﺪﻱ ..
ﻭﻳﻦ ﺍﺧﺬﺝ ﺍﻧﻲ ﺭﺍﻳﺢ ﺍﻻﺻﺪﻗﺎﺋﻲ .
ﻟﻌﺪ ﻭﺩﻳﻨﻲ ﺍﻻﻫﻠﻲ . # ﺷﻤﺲ
ﻣﻮ ﺍﻟﻴﻮﻡ ﺍﺗﺄﺧﺮﺕ ..
ﻧﺎﻣﻲ ﺍﻧﺘﻲ ﻻﺗﻨﺘﻈﺮﻳﻨﻲ ..
ﻃﻠﻊ .. ﻭﺗﺮﻛﻨﻲ ﻭﺣﺪﻱ .. ﻳﺎﺭﺑﻲ ﺷﻠﻮﻥ ﺑﻴﻪ ﺍﻧﻲ ﺍﺧﺎﻑ ﻭﺣﺪﻱ
ﺍﻭﻭﻭﻭﻑ ﻣﺎﻣﺎ ﻭﻳﻨﺞ ﻋﻨﻲ ﺗﻌﺎﻟﻲ ﺷﻮﻓﻲ ﺣﻴﺎﺓ ﺑﻨﺘﺞ ﺷﻠﻮﻥ ﺍﻧﮕﻠﺒﺖ ..
ﻛﻠﻤﺎ ﺍﺭﻳﺪ ﺍﺗﺼﻞ ﺍﺑﻄﻞ .. ﺧﻄﻴﻪ ﺷﻨﻮ ﻳﺠﻴﺒﻬﺎ ﻫﺴﺎ ..
ﻛﻨﺖ ﺍﺗﻤﻨﻰ ﺍﺣﺐ ﺷﺨﺺ ﻭﺍﺣﺒﻪ ﻭﻧﺘﺰﻭﺝ ﻭﻧﻌﻴﺶ ﺣﻴﺎﺗﻨﺎ ﺑﺴﻌﺎﺩﻩ .
ﺑﺲ ﺗﺎﻟﻲ ﺣﻴﺎﺗﻨﺎﺍ ﺍﻧﻘﻠﺒﺖ ﺭﺃﺳﺎ ﻋﻠﻰ ﻋﻘﺐ ..
ﻗﻴﺼﺮ ﺗﻐﻴﺮ ﻭﻋﺒﺎﻟﻲ ﺍﻧﻲ ﻣﺎﺍﺣﺒﻪ ﻟﻮ ﻋﻨﺪﻱ ﺷﻲ
ﺑﺲ ﺣﻘﻪ ﺍﻟﻲ ﺩﻳﺼﻴﺮ ﻭﻳﺎﻱ ﻣﻮ ﻃﺒﻴﻌﻲ .
ﺑﻴﻦ ﺍﻟﺨﻮﻑ ﻭﺍﻟﻢ ﺭﺍﺳﻲ ﺍﻟﻲ ﻣﻮﺗﻨﻲ ..
ﺍﺟﺘﻨﻲ ﺭﺳﺎﻟﻪ ..
ﻓﺘﺤﺘﻬﺎ ﻣﻦ ﻭﺳﺎﻡ ..
ﻫﻠﻮ ﻣﻴﺎﺭ ﺷﻠﻮﻧﺞ ﺍﻥ ﺷﺎﺀ ﺍﻟﻠﻪ ﻣﺎﻛﻮ ﺷﻲ ﺭﺣﺖ ﻟﻠﺠﺎﻣﻌﻪ ﻭﺳﺄﻟﺖ ﺻﺪﻳﻘﺘﺞ ﮔﺎﻟﺖ ﻣﺮﻳﻀﻪ ﻭﻣﺎﺗﺪﺍﻭﻡ ..
ﻓﺠﺄﺓ ﻟﮕﻴﺖ ﻧﻔﺴﻲ ﺍﺗﺼﻞ ﺑﻲ ..
ﺭﺩ
ﻫﻠﻮ ﻣﻴﺎﺭ ﺍﺳﻒ ﺍﺫﺍ ﺍﺯﻋﺠﺘﺞ ..
ﻭﺳﺎﺍﺍﻡ ﻭﺍﺑﺠﻲ .. ﺍﻧﻲ ﺗﻌﺒﺎﻧﻪ
ﺷﺒﻴﺞ ﻓﻬﻤﻴﻨﻲ ﺷﻜﻮ # ﺷﻤﺲ
ﻭﺳﺎﺍﻡ ﻋﻔﻴﻪ ﻣﺤﺘﺎﺟﻪ ﺍﻟﻤﺎﻣﺎ ..
ﺍﻛﻮ ﺷﻲ .. ﻗﻴﺼﺮ ﺿﻮﺟﺞ . ﺍﺟﻴﺞ ﻫﺴﺎ
ﻻ ﻻ ﺗﺠﻲ ﺍﺧﺎﻑ ﻳﺸﻮﻓﻚ ﻗﻴﺼﺮ ..
ﺑﺲ ﻣﺎﻣﺎ ﺧﻠﻲ ﺗﺠﻲ .. ﺍﺧﺎﻑ ﻭﺣﺪﻱ ﻭﻫﺬﺍ ﻳﺮﻳﺪ ﻳﺨﻨﮕﻨﻲ
ﻣﻨﻮ ﻫﺬﺍ
ﻭﻟﻴﻬﻤﺞ ﻫﺴﺎ ﺍﺭﻭﺡ ﺍﺟﻴﺒﻬﺎ ﻭﺍﺟﻲ ..
ﻭﺳﺎﻡ .. ﻣﻦ ﺍﺗﺼﻠﺖ ﻣﻴﺎﺭ ﻭﺗﺒﺠﻲ ﻭﺻﻮﺗﻬﺎ ﺧﺎﻳﻒ ﻭﺗﺮﺟﻒ ..
ﻫﺎﻱ ﻣﻮ ﻣﻴﺎﺭ ﺍﻻﻋﺮﻓﻬﺎ ..
ﻫﺎﻱ ﻭﺣﺪﻩ ﺛﺎﻧﻴﻪ .. ﻓﺮﻳﺖ ﺳﻴﺎﺭﺗﻲ ﻭﺭﺣﺖ ﺍﻟﻠﺒﻴﺖ ﺍﻫﻠﻬﺎ ﺍﺭﻳﺪ ﺑﺲ ﺍﻟﺤﮓ ﺍﺧﺬ ﺍﻣﻬﺎ ﻭﺍﺭﻭﺡ ﺍﺷﻮﻓﻬﺎ ..
ﻭﺍﺷﻮﻑ ﻫﺬﺍ ﺍﻟﻜﻠﺐ ﺷﻨﻮ ﻣﺴﻮﻳﻠﻬﺎ ..
ﺍﺗﺼﻠﺖ ﻉ ﻋﻤﺘﻲ .. ﮔﻠﺘﻠﻬﺎ ﻋﻤﻪ ﻣﻴﺎﺭ ﻣﺸﺘﺎﻗﺘﻠﺞ ﻭﺍﻧﻲ ﮔﻠﺘﻠﻬﺎ ﺍﺟﻴﺒﻬﺎ ﻭﺍﺟﻲ ﺣﻈﺮﻱ ﺭﻭﺣﺞ ..
ﺭﺣﺖ ﻟﮕﻴﺘﻬﺎ ﺟﺎﻫﺰﻩ ﺍﺧﺬﺗﻬﺎ ﻭﻣﺸﻴﻨﺎ ..
ﺑﺲ ﻫﻲ ﻣﺎﺍﻗﺘﻨﻌﺖ ﺑﺴﺎﻟﻔﺘﻲ ..
ﮔﺎﻟﺖ ﻋﻤﻪ ﮔﻠﻲ ﻣﻴﺎﺭ ﺑﻴﻬﺎ ﺷﻲ .. ﺗﺮﻯ ﻣﺎﺩﺧﻠﺖ ﺑﻌﻘﻠﻲ ﻣﺸﺘﺎﻗﻪ ﺟﺎﻥ ﺟﺎﺑﺖ ﺯﻭﺟﻬﺎ ﻭﺍﺟﺖ ..
ﻭﺛﺎﻧﻲ ﺷﻲ ﺍﻧﻲ ﮔﻠﺒﻲ ﻋﻠﻴﻬﺎ ﻻﻥ ﻣﻦ ﺗﺨﺎﺑﺮﻧﻲ ﺻﻮﺗﻬﺎ ﻣﺨﻨﻮﮒ ..
ﻭﺍﻟﻠﻬﺮﻋﻤﻪ ﺍﻧﻲ ﻣﺎﺍﻋﺮﻑ .. ﻫﺴﺎ ﻧﺮﻭﺡ ﻭﻧﺸﻮﻓﻬﺎ ..
ﻭﺻﻠﻨﺎ ﻟﻠﺒﻴﺖ ﻣﺎﻟﺘﻬﻢ .. ﮔﻠﺘﻠﻬﺎ ﻋﻤﻪ ﺍﺩﺧﻠﻲ ﺍﻧﺘﻲ ﺑﺎﻻﻭﻝ ﺍﺧﺎﻑ ﺯﻭﺟﻬﺎ ﻣﻮﺟﻮﺩ ..
ﻣﻴﺎﺭ ﺍﻧﺪﻛﺖ ﺍﻟﺒﺎﺏ .. ﺭﻛﻀﺖ ﺍﻓﺘﺤﻬﺎ ﺷﻔﺘﻬﺎ ﺍﻣﻲ ..
ﺣﻈﻨﺘﻬﺎ ﻭﺍﺑﺠﻲ ..
ﻳﺎﻳﻤﻪ ﺷﺒﻴﺞ ﺧﻮﻓﺘﻴﻨﻲ .. ﻭﻫﺎﻱ ﻟﻴﺶ ﻫﻴﺞ ﺣﺎﻟﺞ ﻭﺿﻌﻔﺎﻧﻪ . .
ﻭﻛﻠﻤﺎ ﺍﮔﻠﺞ ﺗﻌﺎﻱ ﺗﺘﺤﺠﺠﻴﻦ .. ﺍﻛﻮ ﺷﻲ
ﻳﻤﻪ ﻣﺎﺍﺩﺭﻱ ﻣﺎﺍﺩﺭﻱ .. ﺍﺣﺲ ﺣﻴﺎﺗﻲ ﺗﻨﻬﺎﺭ . ﺗﺠﻴﻨﻲ ﻛﻮﺍﺑﻴﺲ ﺍﺷﻮﻑ ﺧﻴﺎﻻﺕ ﻭﺍﺧﺘﻨﮓ ﻭﺍﺑﺠﻲ ..
ﺭﺍﺳﻲ ﻭﻣﻔﺎﺻﻠﻲ ﻭﺟﺴﻤﻲ ﻛﻠﻪ ﻳﻮﺟﻌﻨﻲ ..
ﻳﺎﻳﻤﻪ ﺑﻨﻴﺘﻲ ﺳﻮﺩﻩ ﻋﻠﻴﻪ .. ﻭﻟﺞ ﺑﺲ ﻻ ﻣﻌﻤﻮﻟﺞ ﻋﻤﻞ ﺍﺳﻢ ﺍﻟﻠﻪ
....
ﻭﻟﺞ ﻳﻤﻪ ﻫﺎﻱ ﺑﺲ ﻻ ﻣﺴﻮﺍﻟﺞ ﺳﺤﺮ ..
ﻻ ﻳﻮﻡ ﺷﻨﻮ ﺳﺤﺮ ﻣﻨﻮ ﻳﺴﻮﻳﻠﻲ ﻭﻟﻴﺶ ..
ﺍﺷﻮ ﺣﺘﻰ ﺍﺧﻮﺍﺗﻪ ﻭﺍﻫﻠﻪ ﻳﺤﺒﻮﻧﻲ ..
ﻳﻤﻪ ﻫﻮﺍﻱ ﺍﻟﻲ ﻣﺎﻳﺨﺎﻓﻮﻥ ﺍﻟﻠﻪ ..
ﺩﻗﺮﻱ ﻗﺮﺁﻥ ﻭﺍﺳﺘﻐﻔﺮﻱ ﺭﺑﺞ ..
ﻳﺎﺍﺍﺍ ﺫﻛﺮﺕ ﻋﻔﺖ ﺍﻟﻮﻟﺪ ﺑﺮﻩ .. ﺑﻘﻠﻤﻲ ﺷﻤﺲ
ﺧﻠﻲ ﺍﺧﺎﺑﺮﻩ ﻭﺍﻃﻤﻨﻪ ..
ﺍﻟﻮ ﻫﺎﻳﻤﻪ ﻭﺳﺎﻡ ..
ﻫﺎ ﻋﻤﻪ ﻗﻠﻘﺘﻴﻨﻲ .. ﻣﻴﺎﺭ ﺷﺒﻴﻬﺎ
ﻭﺍﻟﻠﻪ ﻳﻤﻪ ﻣﺎﺍﺩﺭﻱ ﺷﺄﻛﻠﻚ ﺣﺎﻟﺘﻬﺎ ﺣﺎﻟﻪ ﻣﺎﺍﻋﺮﻑ ﺷﺒﻴﻬﺎ
ﺍﺫﺍ ﻣﺎﺑﻴﻬﺎ ﺍﺯﻋﺎﺝ ﻋﻤﻪ .. ﺳﻮﻳﻠﻲ ﻃﺮﻳﻖ ﺍﺭﻳﺪ ﺍﺷﻮﻓﻬﺎ
ﺍﻟﺒﺴﻲ ﺣﺠﺎﺑﺞ ﮔﻮﻣﻲ ﺭﺍﺡ ﻳﺠﻲ ﻭﺳﺎﻡ ..
ﻳﻤﻪ ﻟﻴﺶ ﮔﻠﺘﻴﻠﻪ ﺗﻌﺎﻝ .. ﻣﺎﺍﺭﻳﺪ ﺍﺣﺪ ﻳﺸﻮﻓﻨﻲ ﻫﻴﺞ
ﻭﺍﺫﺍ ﺍﺟﻪ ﻗﻴﺼﺮ ﺷﻴﮕﻮﻝ ﺍﺫﺍ ﺷﺎﻓﻪ ..
ﻭﻟﺞ ﺷﻨﻮ ﻳﮕﻮﻝ ..
ﻗﺎﺑﻞ ﺍﻧﺘﻮ ﻭﺣﺪﻛﻢ .. ﻏﻴﺮ ﺍﻧﻲ ﻫﻨﺎ ..
ﺍﺟﻪ ﻭﺳﺎﻡ ﻓﺘﺤﺖ ﺍﻣﻲ ﺍﻟﺒﺎﺏ ﺩﺧﻞ .. ﺍﻧﻲ ﻣﻨﺼﻴﻪ ﺭﺍﺳﻲ
ﺍﻟﺴﻼﻡ ﻋﻠﻴﻜﻢ .. ﻣﻴﺎﺭ ﺷﻠﻮﻧﺞ ..
ﻫﻠﻮ ﻭﺳﺎﻡ ﺷﻠﻮﻧﻚ
ﻫﻮ ﻛﺎﻥ ﻳﺒﺘﺴﻢ ﻣﻦ ﺷﺎﻓﻨﻲ .. ﺗﻐﻴﺮﺕ ﻣﻼﻣﺤﻪ
ﻣﻴﻮﺭﻩ ﺷﺒﻴﺞ . ﻟﻴﺶ ﻫﻴﺞ ﺣﺎﻟﺞ ..
ﺷﻨﻮ ﻣﺮﻳﻀﻪ ﺷﻨﻮ ﺗﺤﺴﻴﻦ .. ﻗﻴﺼﺮ ﻭﻳﺎﺝ . ﺍﺣﺠﻲ ﻣﻴﺎﺭ ﻓﻬﻤﻴﻨﻲ ..
ﺑﺎﻭﻋﺘﻠﻪ ﺑﻌﻴﻮﻧﻲ ﺍﻟﻲ ﺫﺑﻼﻧﻪ ﻣﻦ ﺍﻟﺨﻮﻑ ﻭﺍﻻﻟﻢ ﻭﺍﻟﺒﺠﻲ ..
ﺗﻌﺒﺎﻧﻪ ﻭﺳﺎﻡ ﺍﺣﺲ ﺍﻧﻲ ﻣﻮ ﻣﻴﺎﺭ .. ﻣﺎﺍﻋﺮﻑ ﺷﻨﻮﻭ ﺑﻴﻪ
ﺑﺎﻭﻉ ﺍﻻﻣﻲ ..
ﻋﻤﺔ ﺍﻧﺘﻲ ﺷﻠﻮﻥ ﺳﺎﻛﺘﻪ ﻭﺗﺎﺭﻛﺘﻬﺎ ﻫﻴﺞ ..
ﻭﺷﻨﻮ ﺍﻟﻲ ﻭﺻﻠﻬﺎ ﻫﺎﻱ ﺍﻟﺤﺎﻟﻪ ..
ﻭﻟﻴﺶ ..
ﻭﺍﻟﻠﻪ ﻳﻤﻪ ﻣﺎﺍﺩﺭﻱ ..
ﻫﻲ ﻣﺎﺗﺤﺠﻲ ﻭﻻﺗﮕﻮﻝ ﻭﻣﺎﺗﺠﻲ ﻫﻮﺍﻱ ﺑﺎﻗﻴﻦ ﺑﺲ ﻉ ﺍﻻﺗﺼﺎﻝ ..
ﻭﺍﻧﻲ ﻣﺎﺍﺿﻐﻂ ﻋﻠﻴﻬﺎ ﺗﺠﻴﻨﻲ .. ﮔﻠﺖ ﻣﺪﺍﻣﻬﺎ ﺳﻌﻴﺪﻩ ﻭﻣﺮﺗﺎﺣﻪ ﺷﺄﺭﻳﺪ ﻣﻨﻬﺎ ..
ﻫﺎﻱ ﻳﺎﺳﻌﺎﺩﻩ ﻋﻤﻪ .. ﺩﺷﻮﻓﻴﻬﺎ ﺣﺘﻰ ﺩﻭﺍﻡ ﻣﺘﺪﺍﻭﻡ ﻭﺣﺎﺑﺴﻪ ﻧﻔﺴﻬﺎ . ﺑﻘﻠﻤﻲ ﺷﻤﺲ
ﮔﻮﻣﻲ ﺭﻭﺣﻲ ﻭﻱ ﻋﻤﺘﻲ .. ﻭﺍﻧﻲ ﺑﺎﺟﺮ ﺍﺧﺬﺝ ﺍﻻﺣﺴﻦ ﻃﺒﻴﺐ ﺑﺒﻐﺪﺍﺩ ..
ﻻ ﻭﻟﻴﺪﻱ ﺷﻐﻠﺘﻬﺎ ﻣﻮ ﻣﺎﻝ ﻃﺒﻴﺐ .. ﻫﺎﻱ ﺍﻻ ﺳﺎﺩﻩ
ﻻﻥ ﺩﺗﺸﻮﻑ ﺧﻴﺎﻻﺕ ﻭﺧﻮﻓﻪ ﻋﻨﺪﻫﺎ ﻭﺗﺨﺘﻨﮓ
ﻳﻌﻨﻲ ﺷﻨﻮ
ﻳﻤﻜﻦ ﻋﻤﻞ ..
ﻳﺎﺭﺑﻲ ﺳﺘﺮﻙ . ﮔﻤﺖ ﺍﻓﺮﻙ ﺑﻮﺟﻬﻲ ﻣﻦ ﺍﻟﺤﺮﮔﻪ ..
ﻫﺎﻱ ﺣﺎﻟﺘﻬﺎ ﻭﺍﻟﻨﺬﻝ ﺗﺎﺭﻛﻬﺎ ﻭﺣﺪﻫﺎ ﺑﻬﻞ ﺍﻟﻠﻴﻞ ﻭﻃﺎﻟﻊ ﻣﻴﺨﺎﻑ ﻋﻠﻴﻬﺎ ..
ﮔﻮﻣﻲ ﺑﺪﻟﻲ ﻳﻠﻪ ..
ﻻ ﻭﺳﺎﻡ ﻣﺎﺍﺭﻭﺡ ﺍﺧﺎﻑ ﻳﺠﻲ ﻗﻴﺼﺮ ..
ﺭﻭﺣﻮﺍ ﺍﻧﺘﻮ ..
ﻟﺞ ﺷﻨﻮ ﻧﺮﻭﺡ .. ﻣﺎﺍﺗﺮﻛﺞ ﻭﺣﺪﺝ ﻭﺑﻬﻴﺞ ﺣﺎﻟﻪ ..
ﺟﺎﻱ ﻳﺤﺠﻲ ﻭﺳﺎﻡ ﻭﺩﺧﻞ ﻗﻴﺼﺮ ..
ﺍﻟﺴﻼﻡ ﻋﻠﻴﻜﻢ ..
ﺧﻴﺮ ﺍﻛﻮ ﺷﻲ ﺻﺎﻳﺮ .
ﻫﻼ ﻳﻤﻪ ﻗﻴﺼﺮ ﺑﻘﻠﻤﻲ ﺷﻤﺲ
.
ﻫﻼ ﻋﻤﻪ ﺷﻠﻮﻧﺞ .. ﻗﻠﻘﺘﻮﻧﻲ ﺷﻜﻮ
ﻻﻳﻤﻪ ﻗﻠﻘﺖ ﻉ ﻣﻴﺎﺭ ﺻﺎﺭ ﻫﻮﺍﻱ ﻣﺎﺷﺎﻳﻔﺘﻬﺎ
ﻭﻣﺎﺍﮔﺪﺭ ﻭﺣﺪﻱ .. ﺧﺎﺑﺮﺕ ﻭﺳﺎﻡ ﺍﺟﺎﻧﻲ ﺍﻟﻮﻟﺪ ﻣﺎﻫﻤﻪ ..
ﻗﻴﺼﺮ .. ﺍﻫﻼ ﻭﺳﻬﻼ ﺑﻴﻜﻢ ..
ﻭﺳﺎﻡ .. ﻗﻴﺼﺮ ﻣﻦ ﺭﺧﺼﺘﻚ ﻋﻤﺘﻲ ﺣﺘﺎﺧﺬ ﻣﻴﺎﺭ ﻭﻳﺎﻫﺎ ﻳﻮﻣﻴﻦ ﺗﺮﺗﺎﺡ ﻭﺗﺮﺟﻌﻬﺎ .
ﻗﻴﺼﺮ .. ﻟﻴﺶ ﻫﻨﺎ ﻣﻤﺮﺗﺎﺣﻪ
ﻭﺳﺎﻡ .. ﻣﺘﺸﻮﻑ ﺣﺎﻟﻬﻪ ﺿﻌﻔﺎﻧﻪ ﻭﻣﺘﻐﻴﺮﻩ ﻭﺟﻮﺍ ﻋﻴﻮﻧﻬﺎ ﺳﻮﺍﺩ .. ﻭﻣﺘﻜﺌﺒﻪ ﻭﺧﺎﻳﻔﻪ ﻭﻏﻴﺮ ﺍﻻﺷﻴﺎﺀ ﺍﻟﻲ ﺗﺸﻮﻓﻬﺎ
ﻗﻴﺼﺮ .. ﻫﻬﻬﻬﻪ ﻭﺳﺎﻡ ﺭﺟﺎﺀ ﻟﺘﺘﺪﺧﻞ ﺍﻧﻲ ﻳﻤﻬﺎ ﻫﻨﺎ ﻭﺍﺧﻠﻴﻬﺎ ﺑﻌﻴﻮﻧﻲ ﺑﺲ ﻫﻲ ﺗﻮﻫﻮﺱ ﺷﻮﻳﻪ ..
ﻭﺳﺎﻡ .. ﻃﮕﺖ ﺭﻭﺣﻲ ﻣﻦ ﺑﺮﻭﺩﻩ ﻭﻣﺘﺖ ﻣﻦ ﻳﺤﺠﻲ ﺑﻼ ﺍﻫﺘﻤﺎﻡ ..
ﮔﺘﻠﻪ . ﻟﻚ ﺍﻧﺖ ﺷﻨﻮ ﻣﻦ ﺯﻭﺝ .. ﺑﺪﻝ ﻣﺘﻄﻠﻊ ﻭﺗﺘﻮﻧﺲ ﻭﺗﺎﺭﻛﻬﺎ ﻭﺣﺪﻫﺎ ﺑﻬﺬﺍ ﺍﻟﻠﻴﻞ ﻭﻫﻲ ﺗﺨﺎﻑ ..
ﺟﺎﻥ ﺍﺧﺬﺗﻬﺎ ﺍﻟﻄﺒﻴﺐ ﺍﻭ ﺳﻴﺪ ﻳﺸﻮﻑ ﺷﻨﻮ ﺑﻴﻬﺎ ..
ﻣﺎﺗﺎﺧﺬﻫﺎ ﺍﻧﺖ ﺧﻠﻲ ﺍﻣﻬﺎ ﺍﺧﻮﺗﻬﺎ ﺍﺣﻨﻪ ﺍﻫﻠﻬﺎ ﻧﺎﺧﺬﻫﺎﺭﻭﻧﻌﺎﻟﺠﻬﺎ ..
ﻗﻴﺼﺮ .. ﻭﺍﻧﺖ ﻣﻨﻮ ﺍﻧﺖ ﻣﺠﺮﺩ ﺍﺑﻦ ﻋﻢ ﻻﺍﻛﺜﺮ ﻭﻣﺎﺍﻗﺒﻞ ﺗﺘﺪﺧﻞ ﺑﻤﺮﺗﻲ .. ﻓﺎﻫﻢ ﻟﻮ ﻻ ﺷﻤﺲ
ﻣﻴﺎﺭ .. ﺍﺷﻮﻓﻬﻢ ﮔﺪﺍﻣﻲ ﻳﺘﻌﺎﺭﻛﻮﻥ ﻣﺘﺖ ﻗﻬﺮ ﻓﻮﮒ ﻗﻬﺮﻱ ﻭﺧﺎﺻﻪ ﻗﻴﺼﺮ ﻳﻜﺮﻩ ﻭﺳﺎﻡ ﻭﻣﻴﺤﺒﻪ ..
ﻭﺍﻟﻲ ﺧﻔﺖ ﻣﻨﻪ ﺻﺎﺭ ..
ﺯﺍﺩ ﻋﺮﻛﻬﻢ ﻭﻗﻴﺼﺮ ﻃﺮﺩ ﻭﺳﺎﻡ .. ﻭﺍﻣﻲ ﺗﻬﺪﻱ ﺑﻴﻬﻢ ﻭﻣﺎﻛﻮ ..
ﻭﺳﺎﻡ ﺭﺍﺩ ﻳﻀﺮﺏ ﻗﻴﺼﺮ ..
ﮔﻤﺖ ﺍﻋﻴﻂ .. ﻛﺎﻓﻲ ﺍﻟﻠﻪ ﻳﺨﻠﻴﻜﻢ ﺍﻟﺒﻴﻪ ﻣﻜﻔﻴﻨﻲ ..
ﻣﺎﺍﺭﻳﺪ ﻻ ﻃﺒﻴﺐ ﻭﻻ ﺳﻴﺪ ﺧﻠﻮﻧﻲ ﻭﺣﺪﻱ ..
ﺑﺲ ﻻﺗﺘﻌﺎﺭﻛﻮﻥ ﺑﺴﺒﻴﻲ .
ﻳﻤﻪ ﺍﺧﺬﻱ ﻭﺳﺎﻡ ﻭﺭﻭﺣﻮﺍ ﻣﺎﺑﻴﻪ ﺷﻲ ﻟﺘﺨﺎﻓﻮﻥ ..
ﻗﻴﺼﺮ .. ﻻ ﺍﻣﺞ ﺧﻠﻴﻬﺎ ﺍﻧﻲ ﻣﺤﺠﻴﺖ ﻋﻠﻴﻬﺎ ..
ﻣﻴﺎﺭ .. ﻻ ﺧﻠﻴﻬﺎ ﺗﺮﻭﺡ ﻫﻲ ﻣﺮﻳﻀﻪ ﻭﻣﺎﺗﺘﺤﻤﻞ ..
ﻳﻤﻪ ﺷﻠﻮﻥ ﺍﻋﻮﻓﺞ ﻭﺍﻧﺘﻲ ﺑﻬﺎﻱ ﺍﻟﺤﺎﻟﻪ ..
ﻳﻤﻪ ﻣﺎﺑﻴﻪ ﺷﻲ ﻟﺘﺨﺎﻓﻴﻦ ..
ﻃﻠﻌﺖ ﺍﻣﻲ ﻣﻜﺴﻮﺭﻩ ﻭﻭﺳﺎﻡ ﻳﺒﺎﻭﻉ ﺑﻌﺘﺐ ..
ﺩﺧﻠﺖ ﻟﻠﻐﺮﻓﻪ ﺍﺧﺬﺕ ﺍﻟﻤﻨﺸﻒ ﺍﺭﻳﺪ ﺍﺳﺒﺢ ..
ﺩﺧﻞ ﻭﺭﺍﻱ ﻗﻴﺼﺮ ..
ﻫﺬﺍ ﺷﺪﺧﻠﻪ ﺍﻟﺒﻴﺘﻲ ﻭﻣﻦ ﻭﺭﺍﻱ
ﺷﻨﻮ ﻣﻦ ﻭﺭﺍﻙ .. ﻏﻴﺮ ﺍﻣﻲ ﻭﻳﺎﻩ ﻗﺎﺑﻞ ﻭﺣﺪﻩ
ﻫﻢ ﻋﻮﺯﻩ .. ﻭﻣﻨﻮ ﺩﺍﮔﻠﻪ ﺻﺪﺭ ﻫﻴﺞ ﻳﺤﺠﻲ ..
ﻳﺪﺍﻓﻌﻠﺞ ﻋﺒﺎﻟﻚ . ﻫﻮ ﺯﻭﺟﺞ ﻣﻮ ﺍﻧﻲ ..
ﺍﻱ ﻫﻤﺰﻳﻦ ﺣﺠﻴﺘﻬﺎ ..
ﻟﻌﺪ ﺍﻫﺘﻢ ﺑﻴﻪ ﻭﺧﺎﻑ ﻋﻠﻴﻪ ﻭﺣﺴﺴﻨﻲ ﺍﻧﺖ ﺯﻭﺟﻲ ﻭﻛﺎﻓﻲ ﻫﺎﻣﻠﻨﻲ ﻭﺗﻄﻠﻊ ﺍﻻﺳﺒﺎﺏ ﺑﻴﻪ ..
ﺗﺮﻛﺘﻪ ﻭﺭﺣﺖ ﻟﻠﺤﻤﺎﻡ .. ﺳﺒﺤﺖ ﻭﺍﻟﺨﻮﻑ ﻣﻮﺗﻨﻲ ﻣﺎﺍﻋﺮﻑ ﺷﻠﻮﻥ ﺧﻠﺼﺖ ﺑﺴﺮﻋﻪ ..
ﻃﻠﻌﺖ ﻟﮕﻴﺘﻪ ﻳﺮﺍﺳﻞ ﺑﺎﻟﻤﻮﺑﺎﻳﻞ ..
ﺷﺎﻓﻨﻲ ﻏﻠﻘﻪ ..
ﻭﮔﻔﺖ ﺍﻧﺸﻒ ﺷﻌﺮﻱ .. # ﺷﻤﺲ
ﺍﺟﻪ ﻣﻦ ﻭﺭﺍﻳﻪ ﺣﻈﻨﻲ ﻭﺑﻮﺳﻨﻲ ﻣﻦ ﺭﮔﺒﺘﻲ ..
ﻛﻨﺖ ﻣﺤﺘﺎﺟﻪ ﺍﻟﻬﻴﺞ ﺣﻈﻦ ..
ﻏﻤﻀﺖ ﻋﻴﻮﻧﻲ ﻭﺭﺩﺕ ﺍﺳﺘﻤﺘﻊ ﺑﻬﺬﻱ ﺍﻟﻠﺤﻈﻪ ﻻﻥ ﺍﻓﺘﻘﺪ ﺍﻟﻜﻠﺸﻲ ..
ﺣﺐ ﻗﻴﺼﺮ ﻭﻛﻼﻣﻪ ﻭﻏﺰﻟﻪ ..
ﮔﺎﻟﻪ ﺍﻋﺘﺬﺭ ﺣﺒﻴﺒﺘﻲ ..
ﺣﻀﻨﺘﻪ ﻣﻦ ﻏﻴﺮ ﺍﻱ ﻛﻠﻤﻪ ﺑﺲ ﺭﺩﺕ ﺍﺣﺲ ﺑﻮﺟﻮﺩﻩ ..
ﺷﺎﻟﻨﻲ ﻭﺧﻼﻧﻲ ﻉ ﺍﻟﺴﺮﻳﺮ ..
ﻫﺎﻟﻤﺮﻩ ﻏﻤﻀﺖ ﻣﺎﺭﺩﺕ ﺍﻓﺘﺢ ﺧﻔﺖ ﺍﺷﻮﻑ ﻫﺬﺍﻙ ﺍﻟﺸﻜﻞ ﻭﺍﺩﻓﻌﻪ ﻣﺜﻞ ﻛﻞ ﻣﺮﻩ ﻭﻳﻀﻮﺝ ..
ﻭﺗﺘﻮﺗﺮ ﻋﻼﻗﺘﻨﺎ ..
ﺭﺩﺕ ﻫﺎﻱ ﺍﻟﻠﻴﻠﻪ ﺍﺭﺟﻊ ﺯﻭﺟﻲ ﺍﻟﺤﻈﻨﻲ ..
ﻭﻓﻌﻼ ﺿﻐﻄﺖ ﻉ ﺭﻭﺣﻲ ﻭﺗﺤﻤﻠﺖ ﺭﻏﻢ ﻛﺎﻧﺖ ﺭﻭﺣﻲ ﺗﺮﻳﺪ ﺗﻄﻠﻊ ﻭﺣﺴﻴﺖ ﻧﻔﺴﻲ ﺍﺧﺘﻨﮕﺖ ..
ﻭﻗﻴﺼﺮ ﺑﻌﺎﻟﻢ ﺛﺎﻧﻲ ﻭﻣﺤﺎﺱ ﺑﻴﻪ ..
ﻋﻴﻮﻧﻲ ﮔﺎﻡ ﺗﺼﺐ ﺩﻣﻮﻉ ﻻﺍﺭﺍﺩﻳﺎ ..
ﻭﺣﺘﻰ ﻣﺎﺍﺩﺭﻱ ﺑﻨﻔﺴﻲ ﺍﻭ ﻣﺎﺍﺣﺲ ﺑﺸﻲ ﻣﻦ ﺍﻟﻲ ﺩﻳﺴﻮﻳﻪ ﻗﻴﺼﺮ ﻭﻣﺎﺍﺩﺭﻱ ﺍﺫﺍ ﻛﺎﻥ ﺧﻠﺺ ﺍﻭ ﻻ ..
ﻓﺘﺤﺖ ﻭﻳﺎﻟﻴﺘﻨﻲ ﻣﺎﻓﺘﺤﺖ .. ﺷﻔﺖ ﺍﻟﻐﺮﻓﻪ ﺑﺲ ﺩﺧﺎﻥ ﺍﺳﻮﺩ ﻭﺭﻳﺤﻪ ﻛﺮﻳﻬﻪ .. ﻭﻋﻴﻮﻥ ﺗﺮﺍﻗﺒﻨﻲ ﻣﻦ ﻛﻞ ﻣﻜﺎﻧﻲ ..
ﻫﻨﺎ ﺷﻬﮕﺖ ﺑﺎﻟﺒﺠﻲ ﻭﻣﺎﺍﺗﺤﻤﻠﺖ ..
ﻭﻣﺎﺣﺴﻴﺖ ﺍﻻ ﻗﻴﺼﺮ ﻳﺼﺤﻴﻨﻲ ﻭﻳﺬﺏ ﻣﻲ ﻋﻠﻴﻪ ..
ﻓﺘﺤﺖ ﻟﮕﻴﺖ ﻧﻔﺴﻲ ﺑﻐﺮﻓﺘﻲ ﻭﺍﻟﻀﻮﻩ ﻣﻔﺘﻮﺣﻪ ﻭﻋﺒﺎﻟﻚ ﻛﻨﺖ ﺑﺤﻠﻢ ..
ﮔﺘﻠﻪ ﺷﺼﺎﺭ ﻗﻴﺼﺮ ..
ﮔﺎﻝ ﺣﺒﻴﺒﻲ ﻛﻨﺎ ﻣﻨﺪﻣﺠﻴﻦ ﻭﻣﺮﺗﺎﺣﻴﻦ ﻭﺍﻧﺘﻲ ﻻﻭﻝ ﻣﺮﻩ ﻣﺘﺠﺎﻭﺑﻪ ﻭﻳﺎﻱ ..
ﻭﺧﻠﺼﺖ ﻣﻦ ﻏﻴﺮ ﻣﺘﺪﻓﻌﻴﻨﻲ . ﺑﺲ ﺑﻌﺪﻳﻦ ﺍﺧﺘﻨﮕﺘﻲ ﻭﺍﻏﻤﻰ ﻋﻠﻴﺞ ..
ﻭﺻﺤﻴﺘﺞ ..
ﻫﺴﺎ ﺷﻠﻮﻥ ﺻﺮﺗﻲ ..
ﺯﻳﻨﻪ ﺍﺣﺴﻦ ..
ﺟﻮﻋﺎﻧﻪ ﺍﺳﻮﻳﻠﺞ ﺷﻲ ﺗﺎﻛﻠﻴﻪ ..
ﻳﺎﻟﻴﺖ ..
ﺍﻭﻙ ﺣﺒﻲ ﺩﻗﺎﻳﻖ ﻭﺍﻻﻛﻞ ﺟﺎﻫﺰ ﺍﻧﺘﻲ ﺍﺑﻘﻲ ﻣﺮﺗﺎﺣﻪ
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق