رواية اعشقه كرها الجزء الثامن | النهاية
للكاتبة زينب عبد المطلب
.
.
ﺑﻌﺪ ﻣﺎ ﻃﻠﻌﺖ ﮔﻤﺮ ﺗﻨﺘﻀﺮ ﻛﺮﻡ ﻭﺍﺟﺎﻫﺎ
ﻛﺮﻡ . ﺷﻨﻮ ﺍﻟﻲ ﻳﺨﻠﻴﻨﻲ ﺍﺛﻖ ﺑﻴﺞ
ﮔﻤﺮ . ﻻﻥ ﺛﻨﻴﻨﻪ ﻧﺤﺐ ﺍﻧﻲ ﺍﺭﻳﺪ ﺯﻭﺟﻲ ﻭﺍﻧﺖ ﺗﺮﻳﺪ ﺯﻭﺟﺘﻚ
ﺍﺩﺭﻱ ﻫﻲ ﺗﻌﺘﺒﺮ ﺯﻭﺟﻪ ﺍﻣﻴﺮ ﻻﻥ ﻃﻠﻊ ﻋﺎﻳﺶ ﺑﺲ ﺍﻛﻴﺪ ﺍﻧﺖ ﻣﺮﺍﺡ ﺗﺘﺮﻛﻬﺎ ﺍﻟﻪ
ﻛﺮﻡ . ﺍﺫﺍ ﻋﺮﻑ ﺍﻣﻴﺮ ﻳﻘﺘﻠﺞ
ﮔﻤﺮ . ﻣﺮﺍﺡ ﻳﻌﺮﻑ ﺍﻱ ﺷﻲ ﻻﻥ ﺍﻧﻲ ﺭﺗﺒﺖ ﺍﻟﻮﺿﻊ ﻭﻋﻨﺪﻱ ﻓﻜﺮﻩ ﺍﺳﻮﻳﻬﺎ ﻭﻫﻲ ﺍﺧﺪﺭ ﺍﻟﺤﺮﺍﺱ ﻭﺍﺷﻐﻞ ﺍﻣﻴﺮ ﻭﻓﺮﺍﺱ ﻭﻳﺎﻳﻪ ﻭﺍﻧﺖ ﺗﺪﺧﻞ ﺗﺎﺧﺬ ﻏﺰﻝ ﻭﺗﻄﻠﻊ ﻣﻦ ﺑﻴﺘﻲ ﻫﺬﻩ ﻓﺮﺻﻪ ﺍﻟﻚ ﺗﺎﺧﺬﻫﺎ ﻓﻜﺮ ﺑﺎﻟﻤﻮﺿﻮﻉ
ﻛﺮﻡ ﺑﺎﻭﻉ ﻋﻠﻴﻬﺎ ﺑﻨﻀﺮﺍﺕ ﻭﻫﻮ ﻳﻔﻜﺮ ﺍﻧﻮ ﺣﻴﺎﺧﺬ ﺯﻭﺟﺘﻪ ﻣﻦ ﺍﻳﺪ ﺍﺧﻮﻩ ﺍﻟﻘﺪﺭ ﻳﻌﻴﺪ ﻧﻔﺴﻪ
ﻛﺎﻧﺖ ﻏﺰﻝ ﻛﺎﻋﺪﻩ ﻭﺍﻱ ﻣﻼﻣﺢ ﺑﻮﺟﻬﺎ ﻣﺎﻛﻮ ﻏﻴﺮ ﺍﻟﻔﺮﺍﻍ ﻭﻫﻲ ﻣﺘﻤﺪﺩﻩ ﺗﺒﺎﻭﻉ ﻉ ﺍﻟﺴﻘﻒ ﺟﺴﻤﻬﺎ ﻣﺎ ﺑﻴﻪ ﺣﻴﺎﻩ ﺑﺲ ﺟﺮﻭﺡ ﻭﻛﺪﻣﺎﺕ
ﺷﻨﻮ ﺍﻟﺠﺪﻳﺪ ﻋﺪﻫﺎ ﺑﺎﻟﻤﻮﺿﻮﻉ ﻛﻠﻤﺎ ﻳﺼﻴﺮ ﺑﻴﻬﺎ ﻫﺎﻟﺸﻲ ﻭﻳﻨﺘﻬﻲ ﺑﻬﺎﻟﻄﺮﻳﻘﻪ ﻳﻜﻮﻟﻮﻥ ﺍﻟﺤﺐ ﻣﻌﻘﺪ ﻻﻥ ﻣﻔﻬﻤﺖ ﻣﻦ ﺍﻣﻴﺮ ﺷﻠﻮﻥ ﻳﺤﺒﻬﺎﺍ ﻭﻳﺎﺫﻳﻬﺎ ﺑﻬﺎﻟﻄﺮﻳﻘﻪ ﻣﺎﻛﻮ ﺷﺨﺺ ﻳﺤﺐ ﻭﻳﺎﺫﻱ ﺍﻟﻲ ﻳﺤﺒﻪ ﺍﻟﺤﺐ ﺣﻠﻮ ﺑﺲ ﻣﺸﺎﻓﺖ ﻣﻨﻪ ﺑﺲ ﺍﻻﻟﻢ ﻭﺍﻟﻮﺟﻊ ﻛﺴﺮ ﻛﻠﺒﻬﺎ ﺑﺎﺑﺸﻊ ﻃﺮﻳﻘﻪ ﺧﻼﻫﺎ ﺗﻜﺮﻫﻪ ﻭﻛﺮﻫﺖ ﻧﻔﺴﻬﺎ ﻻﻥ ﺣﺒﺘﻪ ﻗﺘﻠﻬﺎ ﻣﻦ ﺑﺮﻩ ﻭﻣﻦ ﺟﻮﻩ ﺧﻼﻫﺎ ﻓﺎﺍﺭﻏﻪ ﺑﻤﻌﻨﻰ ﺍﻟﻜﻠﻤﻪ ﻣﺘﺤﺲ ﺑﺸﻲ ﺣﺘﻰ ﺍﻻﻟﻢ ﻣﺤﺴﺖ ﺑﻴﻪ ﺑﻌﺪ ﻭﻛﻞ ﺍﻟﻲ ﺻﺎﺭ ﺍﻟﻴﻮﻡ ﺗﺤﻤﻠﺘﻪ ﻻﻥ ﻋﺮﻓﺖ ﻫﺬﻩ ﺍﻟﻤﺮﻩ ﺍﻻﺧﻴﺮﻩ ﻭﺭﺍﻫﺎ ﺗﺮﻭﺡ ﻻﻱ ﻣﻜﺎﻥ ﺍﻟﻤﻬﻢ ﺗﺮﻭﺡ ﺑﻌﻴﺪ ﻭﺗﺨﻠﺺ ﻣﻦ ﺍﻟﻜﻞ ﻧﻴﻬﻤﻬﺎ ﻻ ﺍﻣﻴﺮ ﻭﻻﻛﺮﻡ ﻋﺴﺎﻫﻢ ﻭﺍﺣﺪ ﻳﻘﺘﻞ ﺍﻟﺜﺎﻧﻲ ﻛﻀﺖ ﺣﻴﺎﺗﻬﺎ ﺑﻴﻦ ﺣﺒﻬﺎ ﻻﻣﻴﺮ ﻭﺣﺐ ﻛﺮﻡ ﺍﻟﻬﺎ ﺗﻌﺒﺖ ﻣﻨﻬﻢ ﻭﻣﻦ ﻛﻠﺸﻲ
ﺍﻣﻴﺮ ﻛﺎﻥ ﻛﺎﻋﺪ ﺍﻛﺒﺎﻟﻬﺎ ﺑﺲ ﺿﻬﺮﻩ ﻋﻠﻴﻬﺎ ﻇﻞ ﻉ ﻫﺎﻟﺤﺎﻝ ﺍﻛﺜﺮ ﻣﻦ ﺳﺎﻋﻪ ﻋﺮﻓﺖ ﺍﻧﻮ ﻫﻮ ﺩﻳﻠﻮﻡ ﻧﻔﺴﻪ ﻉ ﺍﻟﻲ ﺳﻮﺍﻩ ﺑﻴﻬﺎ ﺑﺲ ﻣﻬﻤﻬﺎ ﺑﺸﻨﻮ ﺩﻳﻔﻜﺮ ﻻﻥ ﺳﻜﻮﺕ ﺍﻣﻴﺮ ﻳﺨﻮﻓﻬﺎ ﺍﻣﻴﺮ ﻣﻦ ﻳﺴﻜﺖ ﻳﺨﻮﻑ ﺍﻛﺜﺮ ﻣﻦ ﻣﺎ ﻳﺤﺠﻲ ﻭﻫﻲ ﻛﻞ ﺧﻮﻓﻬﺎ ﻟﻐﻴﺮ ﺭﺃﻳﻪ ﻭﻣﻴﺨﻠﻴﻬﺎ ﺗﺮﻭﺡ
ﻭﺑﻌﺪ ﻣﺎ ﻛﺎﻥ ﺍﻟﺼﻤﺖ ﻫﻮ ﺳﻴﺪ ﺍﻟﻠﺤﻈﻪ ﺣﺠﻪ ﺍﻣﻴﺮ ﻭﻛﺎﻝ
ﺍﻣﻴﺮ . ﺍﺫﺍ ﺭﺣﺘﻲ ﻣﻨﺎ ﺣﺘﺮﻭﺣﻴﻦ ﺍﻟﻪ
ﻏﺰﻝ . ﻻ ﻻﻥ ﻣﻠﻴﺖ ﻣﻨﻜﻢ ﺍﺛﻨﻴﻨﻜﻢ ﺍﺭﻳﺪ ﺍﺭﻭﺡ ﻻﺑﻌﺪ ﻣﻜﺎﻥ ﻣﺎ ﺍﺷﻮﻓﻚ ﺑﻴﻪ ﻻﻥ ﺍﺩﺭﻱ ﺍﺫﺍ ﺭﺣﺘﻠﻪ ﻣﻌﻨﺎﺗﻬﺎ ﺍﺷﻮﻓﻚ ﻭﻫﺬﺍ ﺍﺧﺮ ﺷﻲ ﺍﻓﻜﺮ ﺑﻴﻪ ﻫﻮ ﺷﻮﻓﺘﻚ
ﺍﻣﻴﺮ . ﻓﻬﻤﺖ ﻭﺍﻧﻲ ﻋﺪ ﻭﻋﺪﻱ ﺍﻟﺞ ﺭﺍﺡ ﺍﺧﻠﻴﺞ ﺗﺮﻭﺣﻴﻦ ﻣﻨﺎ ﺑﺲ ﺗﺤﺴﻨﻲ ﻭ ﺍﻭﻛﻔﻲ ﻉ ﺭﺟﻠﺞ
ﻏﺰﻝ . ﺗﻤﺎﻡ
ﺳﻜﺖ ﺍﻣﻴﺮ ﻭﻣﻨﻄﻖ ﻭﻻ ﻛﻠﻤﻪ ﻭﻃﻠﻊ ﻣﻦ ﺍﻟﻐﺮﻓﻪ ﺑﺪﻭﻥ ﺣﺘﻰ ﻣﻴﻠﺘﻔﺖ ﺍﻟﻬﺎ
ﻋﺮﻓﺖ ﻣﻦ ﻧﺒﺮﻩ ﻛﻼﻣﻪ ﺍﻧﻮ ﻓﻌﻼ ﻭﺍﻓﻖ ﺗﺮﻭﺡ ﻭﺍﺧﻴﺮﺍ ﺣﺘﺘﺨﻠﺺ ﻣﻨﻪ ﻭﺗﺒﻌﺪ ﻋﻨﻪ ﻫﺬﺍ ﻛﻞ ﺍﻟﻲ ﺭﺍﺩﺗﻪ ﺑﺲ ﻟﻴﺶ ﺗﺤﺲ ﻛﺎﻧﻮ ﺍﺣﺪ ﺳﺤﺐ ﻛﻠﺒﻬﺎ ﻣﻦ ﻣﻜﺎﻧﻪ ﻟﻴﺶ ﺗﺤﺲ ﺑﺎﻟﻤﻮﺕ ﺣﺴﺖ ﺑﺘﻌﺐ ﻭﻛﺎﻣﺖ ﺗﺒﺠﻲ ﻭﻛﺎﻥ ﻫﺬﺍ ﺍﻧﺴﺐ ﺣﻞ ﺍﻟﻬﺎ ﺍﻧﻮ ﺗﺨﺘﻔﻲ ﻋﻦ ﺍﻟﻜﻞ
ﺍﻧﺪﻛﺖ ﺍﻟﺒﺎﺏ ﻭﺩﺧﻠﺖ ﻟﻤﻴﺎﺀ ﺗﺒﺎﻭﻉ ﻉ ﻏﺰﻝ ﻭﻣﺒﻴﻦ ﻋﻠﻴﻬﺎ ﺍﻟﺘﻌﺐ ﻭﻟﻤﻴﺎﺀ ﺻﻔﻨﺖ ﻋﻠﻴﻬﺎ ﻭﻋﺮﻓﺖ ﻏﺰﻝ ﺍﻧﻮ ﻫﻲ ﺩﺗﺸﻮﻑ ﺣﺎﻟﻬﺎ ﺍﻟﻲ ﻭﺻﻠﺖ ﺍﻟﻪ ﻭﺷﻜﻠﻬﺎ ﺍﻟﺘﻌﺒﺎﻥ
ﻏﺰﻝ . ﻟﺘﻜﻮﻟﻴﻦ ﺷﻲ ﺑﺲ ﺗﻌﺎﻟﻲ ﺣﻀﻨﻴﻨﻲ ﻭﺭﻛﻀﺖ ﻋﻠﻴﻬﺎ ﻟﻤﻴﺎﺀ ﻭﺑﺠﻮ ﺳﻮﻩ ﻛﺎﻟﺖ ﻏﺰﻝ ﺳﺎﻣﺤﻴﻨﻲ ﻻﻧﻔﻜﺮﺕ ﺍﻣﻮﺕ ﻭﺍﺗﺮﻛﺞ ﺍﺳﻔﻪ ﺑﺲ ﺗﻌﺮﻓﻴﻦ ﻳﺎ ﻣﺮﺣﻠﻪ ﻭﺻﻠﺖ ﺍﻟﻬﺎ
ﻟﻤﻴﺎﺀ . ﺍﺷﺸﺸﺸﺸﺶ ﺍﺳﻜﺘﻲ ﻭﻻ ﻛﻠﻤﻪ ﻳﻜﻔﻲ ﺍﻧﻮ ﺍﻧﺘﻲ ﻋﺎﻳﺸﻪ ﻭﺷﻤﻴﻦ ﺍﻟﻬﻮﻩ ﻭﻛﺪﺍﻣﻲ ﻳﻠﻪ ﻛﺎﺍﻓﻲ ﺗﺒﺠﻴﻦ ﻛﻮﻭﻣﻲ ﺍﻏﺴﻠﺞ ﻭﺍﺑﺪﻟﺞ ﻭﻣﺤﻀﺮﻩ ﺍﻟﺞ ﺍﻃﻴﺐ ﺍﻻﻛﻼﺕ ﻭﺍﻫﻢ ﺷﻲ ﻣﻼﻙ ﺍﻟﻲ ﺍﻛﻠﺖ ﺭﺍﺳﻲ ﻋﻠﻴﺞ ﻭﺍﺭﻳﺪ ﺍﺣﺠﻴﻠﺞ ﺍﻟﻲ ﺻﺎﺭ ﺑﻴﻪ ﺍﻭﻝ ﺷﻲ ﺭﺩﺕ ﺍﻗﺘﻞ ﺑﻨﺘﻲ
ﺿﺤﻜﺖ ﻏﺰﻝ ﻭﻋﺮﻓﺖ ﺷﻨﻮ ﻗﺼﺪﻫﺎ . ﻋﻨﺪﻱ ﺷﻌﻮﺭ ﺍﻧﻮ ﻓﺮﺍﺱ ﻛﻔﺮﺡ ﺑﻐﻴﺎﺑﻲ
ﻟﻤﻴﺎﺀ ﻭﻫﻲ ﻣﺎﺳﻜﻪ ﻏﺰﻝ ﺩﺗﻮﺻﻠﻬﺎ ﻟﻠﺤﻤﺎﻡ . ﺭﺍﺡ ﺍﻗﺘﻠﻪ ﻭﻋﺪ ﻣﻨﻲ ﺍﻗﺘﻠﻪ ﻛﻞ ﻭﻗﺘﻲ ﻛﺎﻋﺪﻩ ﻭﺍﻓﻜﺮ ﺷﻠﻮﻥ ﺍﻗﺘﻠﻪ ﻭﺷﻨﻮ ﺍﻟﻄﺮﻳﻘﻪ ﻭﺑﻨﺘﻲ ﺍﻟﺤﻜﻬﺎ ﻭﻳﺎﻩ ﺻﺪﻛﻲ ﻏﺰﻝ ﺍﻗﺘﻠﻬﻢ ﺳﻮﻩ
ﻏﺰﻝ . ﺑﺸﺮﻓﺞ ﻛﺎﻓﻲ ﺍﺿﺤﻜﻴﻨﻲ ﺗﺮﻩ ﺟﺴﻤﻲ ﻛﻠﻪ ﻳﻮﺟﻌﻨﻲ
.
ﺑﻌﺪ ﺳﺎﻋﺎﺕ ﻭﻏﺰﻝ ﻛﺎﻋﺪﻩ ﻭﻟﻤﻴﺎﺀ ﺗﺮﺗﺐ ﻓﺮﺍﺷﻬﺎ ﺗﺒﺎﻭﻉ ﻏﺰﻝ ﻣﻦ ﺍﻟﺸﺒﺎﻙ ﻭﺗﺸﻮﻑ ﻻﻥ ﺣﺒﺴﻬﺎ ﻻﺳﺎﺑﻴﻊ ﻭﻛﻠﺸﻲ ﻣﻜﺎﻧﺖ ﺗﺸﻮﻑ ﻭﺍﻛﻴﺪ ﺍﻫﻮﺍﻳﻪ ﺍﻣﻮﺭ ﺗﻐﻴﺮﺕ ﺑﺎﻭﻋﺖ ﻉ ﺍﻟﻬﺪﻭﺀ ﺍﻟﺒﺮﻩ ﻭﻋﺮﻓﺖ ﻫﺬﺍ ﺍﻟﻬﺪﻭﺀ ﺍﻟﻲ ﻳﺴﺒﻖ ﺍﻟﻌﺎﺻﻔﻪ ﻓﻜﺮﺕ ﺍﻧﻮ ﺣﺘﺒﺪﻱ ﺍﻟﻤﺸﺎﻛﻞ ﺑﺲ ﺑﻌﺪ ﻣﺎ ﺗﺮﻭﺡ ﻭﺗﺨﻠﺺ ﺑﺲ ﺗﺘﺤﺮﻙ ﺭﺟﻠﻬﺎ
ﻟﻤﻴﺎﺀ . ﺍﻛﻮﻟﺞ ﻏﺰﻝ ﻳﻌﻨﻲ ﺍﻧﺘﻲ ﻣﺼﺪﻛﻪ ﺑﺎﻣﻴﺮ ﻳﻌﻮﻓﺞ ﺗﺮﻭﺣﻴﻦ
ﻏﺰﻝ . ﺍﻱ ﺣﻴﺴﻮﻳﻬﺎ
ﻟﻤﻴﺎﺀ . ﺷﻨﻮ ﺍﻟﺨﻼﺝ ﻣﺘﺎﻛﺪﻩ
ﻏﺰﻝ . ﻻﻥ ﺍﻧﻲ ﺍﻋﺮﻓﻪ ﺍﻛﺜﺮ ﻣﻦ ﻧﻔﺴﻪ ﻭﺻﻞ ﻣﺮﺣﻠﻪ ﻛﻠﺸﻲ ﺑﻴﻪ ﺗﻌﺐ ﺻﺤﻴﺢ ﺍﺗﺎﺧﺮ ﻣﻦ ﻋﺮﻑ ﺍﻧﻮ ﺍﻧﻲ ﻭﻳﺎﻩ ﻣﺴﺘﺤﻴﻞ ﻧﺒﻘﻰ ﺳﻮﻩ ﻭﺣﻨﻔﻜﺮ ﺩﺍﺋﻤﺎ ﺍﻧﻮ ﻧﺮﻳﺪ ﻭﺍﺣﺪ ﻳﻘﺘﻞ ﺍﻟﺜﺎﻧﻲ ﻭﻋﺮﻑ ﺍﻧﻮ ﺍﻧﻲ ﻧﻘﻄﻪ ﺿﻌﻔﻪ ﺍﻟﻮﺣﻴﺪﻩ ﺍﺻﻼ ﺍﻟﻜﻞ ﻋﺮﻑ ﻣﻦ ﻧﻘﺬﻧﻲ ﻣﻦ ﺍﻟﺴﻢ ﻭﻫﻮ ﻣﺴﺘﺤﻴﻞ ﻳﺘﻘﺒﻞ ﺍﺣﺪ ﻳﻠﻮﻱ ﺫﺭﺍﻋﻪ ﺑﻴﻪ ﻭﺑﻌﺪﻳﻦ ﺿﺎﺝ ﻣﻦ ﺍﻟﻲ ﺑﻴﻨﺎﺗﻨﻪ
ﻟﻤﻴﺎﺀ . ﺻﺪﻙ ﻛﻼﻣﻪ
ﺍﻧﺪﺍﺭﺕ ﻏﺰﻝ ﻋﻠﻴﻬﺎ . ﻣﻨﻮ
ﻟﻤﻴﺎﺀ . ﻓﺮﺍﺱ ﺩﺍﺋﻤﺎ ﺟﺎﻥ ﻳﻜﻮﻝ ﻋﻼﻗﺘﻜﻢ ﺷﻲ ﻣﻌﻘﺪ ﻭﻟﺘﺤﺎﻭﻟﻴﻦ ﺗﻔﻬﻤﻴﻬﺎ ﻻﻥ ﺗﺘﺨﺒﻠﻴﻦ
ﻏﺰﻝ . ﻫﻬﻬﻪ ﻛﻼﻡ ﺻﺤﻴﺢ ﻣﻦ ﻭﺍﺣﺪ ﻏﺒﻲ
ﻓﺮﺍﺱ . ﺩﺗﺤﺠﻴﻦ ﻋﻠﻴﻪ
ﺍﺑﺘﺴﻤﺖ ﻏﺰﻝ ﻭﺍﻧﺪﺍﺭﺕ ﻋﻠﻴﻪ . ﻟﻴﺶ ﺍﻛﻮ ﺍﺣﺪ ﻏﺒﻲ ﺑﺤﻴﺎﺗﻲ ﻏﻴﺮﻙ
ﺗﻌﺎﻝ
ﺍﺗﻘﺪﻡ ﻋﻠﻴﻬﺎ ﻭﻣﻬﺘﻢ ﻟﻤﻴﺎﺀ ﻭﻛﻌﺪﻭ ﺳﻮﻩ ﻭﻣﺴﻚ ﺍﻳﺪﻫﺎ . ﺗﺪﺭﻱ ﻛﻠﺖ ﺑﺲ ﺗﺼﺤﻴﻦ ﺍﻗﺘﻠﺞ ﻭﻟﺞ ﻛﻠﻬﺎ ﺗﻜﻮﻝ ﻋﻠﻴﻪ ﻏﺒﻲ ﻣﻦ ﻭﺭﺍﺝ ﺩﺗﺮﺩ ﻋﻠﻴﻪ ﻏﺰﻝ ﻭﻫﻲ ﺗﻀﺤﻚ ﺻﺎﺣﺘﻬﺎ ﻣﻼﻙ ﺧﺎﺍﺍﺍﻟﻪ ﻭﺭﻛﻀﺖ ﻋﻠﻴﻬﺎ ﻭﺣﻀﻨﺘﻬﺎ
ﻏﺰﻝ . ﺷﻮ ﺧﻠﻴﺘﻲ ﺍﺷﻮﻓﺞ ﻳﺎ ﺍﻟﻠﻪ ﺷﻜﺪ ﺍﺷﺘﺎﻗﻴﺘﻠﺞ ﻳﺮﻭﺡ ﺧﺎﻟﺘﺞ ﻓﺪﻳﺖ ﻫﺎﻟﺠﻤﺎﻝ ﺷﻠﻮﻥ ﺻﺎﻳﺮﻩ ﺑﻌﺪ ﺍﺣﻠﻰ
ﻟﻤﻴﺎﺀ ﻭﻫﻲ ﻣﺘﻨﺮﻓﺰﻩ . ﺍﻱ ﺗﻜﺪﺭﻳﻦ ﺗﺤﻄﻴﻦ ﺷﻐﻼﺕ ﺣﻠﻮﻩ ﺑﺎﻟﺰﺑﺎﻟﻪ ﺑﺲ ﺗﺒﻘﻰ ﺯﺑﺎﻟﻪ
ﻓﺮﺍﺱ . ﺍﻱ ﻳﻜﻮﻟﻮﻥ ﺍﻟﺰﺑﺎﻟﻪ ﺗﻌﺮﻑ ﻧﻔﺴﻬﺎ ﻭﺍﺫﺍ ﺑﻌﺪ ﺣﺠﻴﺘﻲ ﻉ ﺑﻨﺘﻲ ﺍﻛﺴﺮ ﺭﺍﺳﺞ
ﻣﻼﻙ ﺷﺎﻭﺭﺕ ﻏﺰﻝ . ﺳﺎﻋﺪﻳﻨﻲ ﺍﻣﻲ ﻣﻌﺼﺒﻪ ﻋﻠﻴﻪ ﻋﺒﺎﻟﻬﺎ ﺍﺣﺐ ﺑﺎﺑﺎ ﺍﻛﺜﺮ ﻣﻨﻬﺎ ﻭﻫﻤﻪ ﺍﻟﻨﻬﺎﺭ ﻛﻠﻪ ﻋﺮﺍﻙ
ﻏﺰﻝ . ﺍﻧﻲ ﻣﻮﺟﻮﺩﻩ ﺣﺒﻲ ﻟﺘﺸﻴﻠﻴﻦ ﻫﻢ ﺍﻱ ﺷﻲ
ﻓﺮﺍﺱ . ﻳﻠﻪ ﺑﻤﺎ ﺍﻧﻮ ﺍﻃﻤﻨﺞ ﻋﻠﻴﺞ ﺍﺭﻭﺡ ﺍﻛﻤﻞ ﺷﻐﻠﻲ ﻻﻥ ﻓﻌﻼ ﻃﺎﺍﺍﻣﺲ ﺑﺎﻟﺸﻐﻞ ﻭﺍﺻﻼ ﺍﻫﻨﺎ ﺑﺎﻟﻐﺮﻓﻪ ﺩﻳﺘﻠﻮﺙ ﺍﻛﻴﺪ ﻣﻮ ﻣﻨﺞ ﻏﺰﻝ ﻭﺑﺎﺱ ﺑﻨﺘﻪ ﻭﻻ ﻣﻨﺞ ﻳﺮﻭﺡ ﺍﺑﻮﺝ
ﻏﺰﻝ . ﻭﺍﻟﻠﻪ ﺧﺒﻞ ﻋﻮﺩ ﺗﻌﺎﻝ ﺍﺭﻳﺪ ﺍﺣﺠﻲ ﻭﻳﺎﻙ
ﻓﺮﺍﺱ . ﺗﻤﺎﻡ ﻏﺰﻝ
ﻭﺍﻧﺘﻲ ﻟﻤﻴﺎﺀ ﻟﺞ ﻧﻀﻔﻲ ﺯﻳﻦ
ﻳﻠﻪ ﺑﺎﺍﻱ
ﻭﻃﻠﻊ
ﻧﺪﺍﺭﺕ ﻟﻤﻴﺎﺀ ﻉ ﻣﻼﻙ . ﺍﺍﺍﻱ ﻭﻫﺴﻪ ﻣﻨﻮ ﺣﻴﺨﻠﺼﺞ ﻣﻨﻲ ﺍﺑﻮﺝ ﻭﺭﺍﺡ ﺗﻌﺎﻟﻲ ﻭﻛﺎﻣﺖ ﺗﺮﻛﺾ ﻭﺭﺍﻫﺎ ﻭﻣﻼﻙ ﺍﺗﺼﺮﺥ ﻉ ﻏﺰﻝ ﺣﺘﻰ ﺗﺤﻤﻴﻬﺎ ﻭﻏﺰﻝ ﺗﺼﺤﻚ ﻋﻠﻴﻬﻢ ﻻﻥ ﻓﻌﻼ ﺣﺘﺸﺘﺎﻕ ﺍﻟﻬﻢ
ﻣﺮﺕ ﺍﻻﻳﺎﻡ ﻭﺍﻻﺳﺎﺑﻴﻊ ﻭﻣﺮ ﺷﻬﺮ ﻭﻏﺰﻝ ﺑﻠﺸﺖ ﺗﺘﺤﺴﻦ ﻭﻧﻬﺎﺋﻴﺎ ﻣﻄﻠﻌﺖ ﻣﻦ ﺍﻟﻐﺮﻓﻪ ﻣﺤﺒﺖ ﺍﻧﻮ ﺗﺸﻮﻑ ﺷﻨﻮ ﺑﺮﻩ ﻟﻤﻴﺎﺀ ﺟﺎﻧﺖ ﺩﺍﺋﻤﺎ ﺗﻤﺮ ﻋﻠﻴﻬﺎ ﺍﺫﺍ ﻓﺮﺍﺱ ﻣﻨﻄﺎﻫﺎ ﺷﻐﻞ ﻭﻣﻼﻙ ﻣﺘﺮﻛﺘﻬﺎ ﺍﺑﺪ ﻭﺣﺘﻰ ﻓﺮﺍﺱ ﺟﺎﻥ ﻣﻦ ﻳﺨﻠﺺ ﺷﻐﻠﻪ ﻳﺠﻲ ﻳﻜﻌﺪ ﻭﻳﺎﻫﻢ
ﺍﻻ ﺍﻣﻴﺮ ﺍﻟﻲ ﻣﻦ ﻃﻠﻊ ﻣﻦ ﻏﺰﻓﺘﻬﺎ ﻗﺒﻞ ﺷﻬﺮ ﻟﺤﺪ ﻫﺴﻪ ﻣﺸﺎﻓﺘﻪ ﻭﻻ ﺳﻤﻌﺖ ﺍﺧﺒﺎﺭﻩ ﺗﺒﺎﻭﻉ ﻣﺮﺍﺕ ﻣﻦ ﺍﻟﺸﺒﺎﻙ ﺗﺘﻤﻨﻰ ﺗﻠﻤﺤﻪ ﻣﻦ ﺑﺮﻩ ﺑﺲ ﻣﺎﻛﻮ ﻭﺣﺘﻰ ﻓﺮﺍﺱ ﻣﻴﺠﻴﺐ ﺍﺑﺪﺍ ﺍﺳﻤﻪ ﻭﻣﺘﻌﺮﻑ ﺍﺫﺍ ﺻﺎﺭ ﺯﻳﻦ ﻭﺗﺤﺴﻦ ﻟﻮ ﺑﻴﻪ ﺷﻲ
ﺯﻳﻦ ﻟﻴﺶ ﻣﺴﺎﻝ ﻋﻠﻴﻪ ﻉ ﺍﻻﻗﻞ ﻳﻌﺮﻑ ﺍﺫﺍ ﺗﺤﺴﻨﺖ ﻟﻮ ﻻ ﻛﻤﺖ ﺍﻣﺸﻲ ﻟﻮ ﻻ ﺑﺲ ﻫﻮ ﺍﺑﺪﺍﺍﺍ ﻣﺎﻛﻮ ﺑﺲ ﻣﺮﻩ ﻣﻼﻙ ﻏﻠﻄﺖ ﻭﻛﺎﻟﺖ ﺍﻧﻮ ﻫﻮ ﻣﺮﻩ ﺳﻮﻩ ﺣﻔﻠﻪ ﻭﺟﻤﻊ ﺍﻫﻞ ﺯﻭﺟﺘﻪ ﻭﻛﻌﺪﻭ ﺳﻮﻩ ﻭﺗﻮﻧﺴﻮ ﻋﺮﻓﺖ ﺍﻧﻮ ﻫﻮ ﻧﺴﺎﻫﺎ ﻭﻫﻲ ﻫﺬﺍ ﺍﻟﻲ ﺗﺮﻳﺪﻩ ﺣﺘﻰ ﺗﺮﻭﺡ ﻣﻨﺎ ﻭﻣﺘﻔﻜﺮ ﺑﺎﺣﺪ ﻣﺒﻘﻰ ﺷﻲ ﻛﻢ ﻳﻮﻡ ﻭﺗﺮﻭﺡ
.
ﻓﺰﺕ ﮔﻤﺮ ﻣﻦ ﺍﻟﻨﻮﻡ ﻉ ﺻﻮﺕ ﺩﻙ ﺍﻟﺒﺎﺏ ﻭﻫﻲ ﺟﺎﻧﺖ ﻧﺎﻳﻤﻪ ﻉ ﺻﺪﺭ ﺍﻣﻴﺮ ﺩﺧﻠﺖ ﺍﻟﺨﺪﺍﻣﻪ ﻭﻛﺎﻟﺖ ﺍﻧﻮ ﻓﺮﺍﺱ ﻳﻨﺘﻀﺮ ﺍﻟﺸﻴﺦ ﻉ ﺍﻟﻌﺸﻪ ﻭﺭﺍﺣﺖ
ﻛﻠﻢ ﺍﻣﻴﺮ ﺩﻳﺒﺪﻝ ﻣﻼﺑﺴﻪ . ﻳﻼ ﻛﻮﻣﻲ ﻣﺘﺘﻌﺸﻴﻦ
ﮔﻤﺮ . ﻻ ﺍﻧﻲ ﻣﺎ ﺍﺭﻳﺪ ﺗﺪﺭﻱ ﺑﻴﻪ ﻣﺎ ﺍﺣﺐ ﻓﺮﺍﺱ ﻭﻻ ﻳﺤﺒﻨﻲ ﻭﺩﺍﺋﻤﺎ ﻳﻀﻮﺟﻨﻲ ﺑﻜﻼﻣﻪ ﻭﺑﻌﺪﻳﻦ ﻣﺎﺑﻴﻪ ﺣﻴﻞ ﺍﻛﻮﻡ ﺣﺘﻌﺸﻰ ﺍﻫﻨﺎ ﺑﻐﺮﻓﺘﻲ
ﻟﺒﺲ ﺍﻣﻴﺮ ﻣﻼﺑﺴﻪ ﻭﻇﻞ ﺳﺎﻛﺖ ﻭﻃﻠﻊ
ﮔﻤﺮ . ﺑﺮﻭﻭﻭﺩ ﺑﺲ ﺑﺮﻭﺩ ﺻﺎﺭ ﺷﻌﺮ ﻉ ﻫﺎﻟﺤﺎﻝ ﺗﻔﻜﻴﺮ ﺑﺲ ﺷﻠﻮﻥ ﻳﻠﺰﻡ ﻛﺮﻡ ﻭﻣﺴﺘﻐﺮﺑﻪ ﺷﻠﻮﻥ ﺗﺮﻙ ﻏﺰﻝ ﻭﻣﻴﺮﻭﺡ ﺍﻟﻬﺎ ﻣﻴﺨﻤﻨﻲ ﺷﻨﻮ ﺍﻟﺼﺎﺭ ﺑﻴﻨﻬﻢ ﻳﻜﻔﻴﻨﻲ ﺍﻧﻮ ﻣﻴﺮﻭﺣﻠﻬﺎ ﺑﺲ ﺷﻠﻮﻥ ﺍﺗﺨﻠﺺ ﻣﻨﻬﺎ ﺍﻟﺨﻄﻪ ﺍﺟﻠﺘﻬﺎ ﻻﻥ ﺍﻣﻴﺮ ﻏﻠﻖ ﻛﻞ ﺍﻻﺑﻮﺍﺏ ﻭﺑﻘﻰ ﺑﺲ ﺍﻟﺒﺎﺏ ﺍﻟﺮﺋﻴﺴﻴﻪ ﻣﻔﺘﻮﺣﻪ ﻭﻟﻐﻤﻬﺎ ﺑﺎﻟﺤﺮﺱ
ﻛﺎﻋﺪ ﻓﺮﺍﺱ ﻭﻫﻮ ﻳﺎﻛﻞ ﻭﺍﻣﻴﺮ ﺻﺎﻓﻦ ﻭﺣﺎﻁ ﺍﻭﺭﺍﻕ ﻛﺪﺍﻣﻪ
ﻓﺮﺍﺱ . ﻃﺒﻌﺎ ﻛﻼﻣﻚ ﺻﺤﻴﺢ ﻫﻢ ﺭﺟﻌﻮ ﻭﻳﻪ ﻛﺮﻡ ﺿﺪﻙ ﻭﻫﻤﻪ ﻣﺠﺘﻤﻌﻴﻦ ﻳﻢ ﺍﻟﻮﺍﺩﻱ ﻳﻌﻨﻲ ﻛﻢ ﻳﻮﻡ ﻭﻳﻮﺻﻠﻮﻥ
ﺍﻣﻴﺮ . ﻻ ﻣﺮﺍﺡ ﻳﺠﻮﻥ ﺍﻳﺮﻳﺪﻧﻲ ﺍﻧﻲ ﺍﺭﻭﺣﻠﻪ ﻭﺍﺧﻮ ﮔﻤﺮ ﻣﺤﺎﺻﺮﻫﻢ ﻣﻦ ﻭﺭﻩ ﻭﺍﻧﻲ ﺣﺮﻭﺡ ﺑﻌﺪ ﻓﺘﺮﻩ ﻭﺍﺻﻴﺮ ﻛﺪﺍﻣﻬﻢ
ﻓﺮﺍﺱ . ﺑﻌﺪ ﺷﻲ ﻧﺴﻴﺖ ﺍﻛﻮﻟﻪ ﺍﻟﻚ ﻭﻫﻮ ﻳﺎﻛﻞ ﻭﻳﺤﺠﻲ . ﺍﺑﻮ ﻣﻬﺎ ﻫﻢ ﺻﺎﺭ ﻭﻳﻪ ﻛﺮﻡ ﺍﻟﻈﺎﻫﺮ ﻋﺮﻑ ﺑﻨﺘﻪ
ﺍﻣﻴﺮ . ﻳﻌﻨﻲ ﺻﺎﺭ ﻣﻮﻗﻔﻬﻢ ﺍﻗﻮﻯ ﻣﻦ ﻋﺪﻧﻪ ﺑﺲ ﻫﻢ ﻣﻴﻜﺪﺭﻭﻥ ﺍﻟﻲ
ﺩﺧﻠﺖ ﻣﻼﻙ ﻭﺭﻛﻀﺖ ﻉ ﺍﺑﻮﻫﺎ
ﻓﺮﺍﺱ . ﻓﺪﻳﺖ ﺍﻟﺒﻨﺎﺕ ﻣﺸﺘﺎﻗﻠﺞ
ﻣﻼﻙ . ﻣﻮ ﺍﻟﺼﺒﺢ ﺷﻔﺘﻨﻲ ﺷﻮﻛﺖ ﻟﺤﻜﺖ ﺗﺸﺘﺎﻗﻠﻲ
ﻛﺮﻡ . ﺍﻭﻑ ﻣﻦ ﻟﺴﺎﻧﺞ ﻳﻠﻪ ﺍﻛﻠﻲ
ﻣﻼﻙ ﺑﺎﻭﻋﺖ ﻉ ﺍﻣﻴﺮ ﺍﻟﻲ ﺣﺘﻰ ﻣﻬﺘﻢ ﺑﻮﺟﻮﺩﻫﺎ ﻭﻻ ﺩﺍﺭﻟﻠﻬﺎ ﺑﺎﻝ ﻛﺎﻥ ﻫﺎﻟﺸﻲ ﻳﺰﻋﺠﻬﺎ ﻟﻠﻦ ﻫﻲ ﺗﺤﺒﻪ ﻛﺼﺪﻳﻖ ﺍﻟﻬﺎ ﻭﻣﺎﻧﺴﻰ ﺍﻧﻮ ﻫﻮ ﺍﻟﻲ ﺭﺟﻌﻠﻬﺎ ﺍﺑﻮﻫﺎ
ﻣﻼﻙ . ﺑﺎﺑﺎ ﻟﻴﺶ ﺷﻜﻠﻪ ﻣﻌﺼﺐ
ﻓﺮﺍﺱ . ﻫﺬﻩ ﻣﻦ ﺍﻭﻟﺪ ﻣﻌﺼﺐ ﺷﻐﻠﺘﻪ ﻣﻌﻘﺪﻩ
ﺣﺎﻭﻟﺖ ﻣﻼﻙ ﺗﺘﺤﺎﺭﺵ ﺑﻴﻪ ﻭﺗﺴﺎﻟﻪ ﺍﻱ ﺷﻲ
ﻣﻼﻙ . ﻉ ﺷﻨﻮ ﺩﺗﺒﺎﻭﻉ ﻋﻨﺪﻙ ﺷﻐﻞ ﻣﻬﻢ
ﺭﻓﻊ ﺭﺍﺳﻪ ﺍﻣﻴﺮ ﻭﺍﺑﺘﺴﻢ ﺍﻟﻬﺎ . ﺍﻱ ﺷﻐﻞ ﻣﻬﻢ
ﻓﺮﺣﺖ ﻣﻼﻙ ﻫﻢ ﺭﺩ ﻋﻠﻴﻬﺎ ﻭﻫﻢ ﺍﺑﺘﺴﻢ
ﻛﺎﻧﺖ ﻏﺰﻝ ﻭﺣﺪﻫﺎ ﺑﺎﻟﻐﺮﻓﻪ ﻛﺎﻣﺖ ﺗﺤﺮﻙ ﺭﺟﻠﻬﺎ ﻭﻣﺤﺴﺖ ﺑﺄﻱ ﻭﺟﻊ ﻋﺮﻓﺖ ﺍﻧﻮ ﻭﻗﺖ ﺭﻭﺣﺘﻬﺎ ﻣﻨﺎ ﻗﺮﺑﺖ ﻣﺴﺘﻐﺮﺑﻪ ﺍﻧﻮ ﺍﻣﻴﺮ ﻣﺤﺎﻭﻝ ﺣﺘﻰ ﻳﺸﻮﻓﻬﺎ ﻳﻌﻨﻲ ﻉ ﺍﻻﻗﻞ ﻳﻌﺘﺬﺭ ﻣﻦ ﺍﻟﻲ ﺳﻮﺍﻩ ﺑﻴﻪ ﻭﻉ ﺷﻨﻮ ﻳﺠﻲ ﺍﺻﻼ ﻋﻼﻗﺘﻪ ﻭﻳﻪ ﺯﻭﺟﺘﻪ ﺍﻟﺠﺪﻳﺪﻩ ﺯﻳﻨﻪ ﻭﻣﺮﺗﺎﺡ ﻭﻳﺎﻫﺎ ﻭﺣﺎﻳﺮ ﺷﻠﻮﻥ ﻳﺘﺨﻠﺺ ﻣﻦ ﻛﺮﻡ ﻻﺯﻡ ﺍﺭﻭﺡ ﺍﺧﺎﻑ ﻣﻦ ﻧﻔﺴﻲ ﻻ ﺍﻏﻴﺮ ﺭﺍﺋﻲ ﻭﺑﻤﺎ ﺍﻧﻮ ﺗﺤﺴﻨﺖ ﻭﻫﻮ ﻣﻴﺠﻲ ﻋﻠﻴﻪ ﺣﺮﻭﺡ ﺍﻟﻪ ﻭﺍﻛﻮﻟﻪ ﺍﺟﻪ ﻭﻗﺖ ﺗﻮﻓﻲ ﺑﻮﻋﺪﻙ ﻫﻮ ﻫﺴﻪ ﻣﻮﺟﻮﺩ ﻭﻳﻪ ﻓﺮﺍﺱ ﻭﻣﻼﻙ ﺩﻳﺘﻌﺸﻮﻥ ﻟﻤﻴﺎﺀ ﺍﻟﻲ ﻛﻠﺘﻠﻬﺎ ﻫﺎﻟﺸﻲ ﻭﻫﻤﺰﻳﻦ ﻣﻮﺟﻮﺩﻳﻦ ﻳﻤﻪ ﺣﺘﻰ ﻣﻴﺴﻮﻳﻠﻲ ﺷﻲ ﺍﺭﻭﺡ ﻣﻮ ﻻﻥ ﻣﺸﺘﺎﻗﺘﻠﻪ ﻻ ﻃﺒﻌﺎ ﻻﻥ ﺍﺭﻳﺪ ﺍﺭﻭﺡ ﻣﻨﺎ ﻭﻛﻔﺖ ﺗﻌﺪﻝ ﻣﻼﺑﺴﻬﺎ ﻭﺗﺒﺎﻭﻉ ﻉ ﺷﻜﻠﻬﺎ ﻭﺍﺳﺘﻐﺮﺑﺖ ﻉ ﺷﻨﻮ ﺍﺭﺗﺐ ﺭﻭﺣﻲ ﻛﺎﺍﻓﻲ ﻏﺰﻝ ﻳﻠﻪ ﺍﻃﻠﻌﻲ
ﻛﺎﻥ ﺍﻣﻴﺮ ﻛﺎﻋﺪ ﻉ ﻧﻔﺲ ﻛﻌﺪﺗﻪ ﻳﺸﻮﻑ ﺑﺎﻻﻭﺭﺍﻕ ﺍﻟﻜﺪﺍﻣﻪ ﻭﻓﺮﺍﺱ ﻭﺑﻨﺘﻪ ﻛﺎﻋﺪﻳﻦ ﺳﻮﻩ ﻳﻠﻌﺒﻮﻥ ﻭﺭﻕ ﻭﻟﻤﻴﺎﺀ ﻭﺍﻛﻔﻪ ﺗﻨﻈﻒ ﺍﻟﻤﻴﺰ ﻣﻦ ﺍﻻﻛﻞ
ﻓﺮﺍﺱ . ﻛﺎﺍﻓﻲ ﺍﻧﺘﻲ ﺗﻐﺸﻴﻦ ﻣﻠﻴﺖ ﻣﻦ ﻫﺎﻟﻠﻌﺒﻪ ﻭﺷﻤﺮ ﺍﻟﻮﺭﻕ ﻭﻣﻼﻙ ﺗﻀﺤﻚ ﻋﻠﻴﻪ
ﺍﻣﻴﺮ . ﻣﺎﻛﻮ ﻣﻜﺎﻥ ﺗﻠﻌﺒﻮﻥ ﺑﻴﻪ ﻏﻴﺮ ﺍﻫﻨﺎ
ﻓﺮﺍﺱ . ﺑﻌﺪ ﻓﺘﺮﻩ ﻧﺮﻭﺡ ﺍﺭﻳﺪ ﺍﻗﻀﻲ ﻛﻞ ﻭﻗﺘﻲ ﻭﻳﻪ ﻋﺎﺋﻠﺘﻲ ﻭﺍﺷﺒﻊ ﻣﻨﻬﻢ
ﺍﻣﻴﺮ . ﺍﺧﺬ ﻋﺎﺋﻠﺘﻚ ﻭﺍﻃﻠﻊ ﺑﺮﻩ
ﺩﻳﺮﺩ ﻓﺮﺍﺱ ﻋﻠﻴﻪ ﺑﺲ ﺍﻧﺪﻛﺖ ﺍﻟﺒﺎﺏ
ﺍﻣﻴﺮ . ﺍﺩﺧﻞ
ﻭﺑﺲ ﺍﻧﻔﺘﺤﺖ ﺍﻧﺼﺪﻡ ﺑﻤﻜﺎﻧﻪ
ﻏﺰﻝ . ﺍﻛﺪﺭ ﺍﺩﺧﻞ
ﺍﻟﻜﻞ ﺳﻜﺖ ﻟﺤﺪ ﻣﺎ ﻃﻠﺐ ﻓﺮﺍﺱ ﺍﻧﻮ ﺗﺪﺧﻞ ﻭﺍﻣﻴﺮ ﺭﺟﻊ ﻳﺒﺎﻭﻉ ﻉ ﺍﻟﻮﺭﻕ ﻭﻣﻬﺘﻢ ﺍﻟﻬﺎ
ﻏﺰﻝ ﻧﺪﻣﺖ ﻻﻥ ﺍﺟﺘﻲ ﻭﺍﻣﻴﺮ ﻣﻬﺘﻢ ﺍﻟﻬﺎ ﺑﺎﻭﻋﺖ ﻋﻠﻴﻪ ﻭﺍﻭﻝ ﺷﻲ ﺍﺟﻪ ﺍﺑﺎﻟﻬﺎ ﺷﻜﻠﻪ ﺍﻟﺤﻠﻮﻭ ﻭﻣﻼﻣﺤﻪ ﺍﺑﺮﺩ ﻣﻦ ﻗﺒﻞ ﻭﻋﻴﻮﻧﻪ ﻣﻴﺮﻓﻌﻬﺎ ﻋﻨﻪ ﺿﻠﺖ ﺗﺒﺎﻭﻉ ﻋﻠﻴﻪ ﻭﻋﺮﻳﺪ ﺗﺴﺎﻝ ﻋﻠﻤﻮﺩ ﺍﺗﺮﻭﺡ ﺑﺲ ﻣﺘﻲ ﺍﻟﺠﺮﺍﻩ
ﻏﺰﻝ . ﺷﻨﻮ ﻛﻨﺘﻮ ﺗﺴﻮﻥ
ﻓﺮﺍﺱ . ﺍﻧﻲ ﻭﻣﻼﻙ ﻧﻠﻌﺐ ﻭﺭﻕ ﻭﺍﻣﻴﺮ ﻳﻔﻜﺮ ﺷﻠﻮﻥ ﻳﺤﺘﻞ ﺍﻟﻌﺎﻟﻢ 😂😂 ﻭﻟﻤﻴﺎﺀ ﺗﺸﺘﻐﻞ
ﻏﺰﻝ . ﺗﻌﺎﻟﻲ ﻟﻤﻴﺎﺀ ﻟﺘﺸﺘﻐﻠﻴﻦ ﻋﻮﻓﻲ ﺍﻟﺸﻐﻞ ﻭﺧﺰﺭﺗﻪ ﻟﻔﺮﺍﺱ
ﻟﻤﻴﺎﺀ . ﻻ ﻋﺎﺩﻱ ﺍﺣﺐ ﺷﻐﻠﻲ
ﻓﺮﺍﺱ ﺷﻔﺘﻲ ﻣﻮ ﺍﻛﻮﻟﺞ ﺗﺤﺐ ﺷﻐﻠﻬﺎ ﻭﺣﻨﺖ ﻋﻠﻴﻪ ﺍﺻﻼ
ﺧﺰﺭﺗﻪ ﻏﺰﻝ ﻭﺣﺠﺖ ﻣﻼﻙ . ﺷﻨﻮ ﺭﺍﻳﻜﻢ ﻧﻠﻌﺐ ﻟﻌﺒﻪ ﺍﺳﻤﻬﺎ ﻣﻨﻮ ﻳﻌﺮﻑ ﺍﻛﺜﺮ
ﻓﺮﺍﺱ . ﺍﻱ ﺍﻟﻠﻌﺐ
ﻭﺑﻠﺸﺖ ﻣﻼﻙ ﺳﺎﻟﺖ ﺍﺑﻮﻫﺎ . ﺷﻨﻮ ﺍﻛﺜﺮ ﺷﻲ ﻳﻜﺮﻫﻪ ﺍﻣﻴﺮ
ﻓﺮﺍﺱ . ﻛﻠﺸﻲ ﻳﻜﺮﻩ ﻣﻮ ﺻﺢ ﺍﻣﻴﺮ ﻭﺍﻣﻴﺮ ﻣﻬﺘﻢ ﻭﻻ ﺭﺩ ﻋﻠﻴﻪ
ﻓﺮﺍﺱ . ﺷﻔﺘﻲ ﻣﻮ ﻛﺘﻠﺞ ﺑﺎﺑﺎﺗﻲ ﻳﻠﻪ ﻧﻔﻄﺔ ﺍﻟﻲ ﺣﺴﺎﻝ ﻏﺰﻝ
ﺷﻨﻮ ﺍﻛﺜﺮ ﺷﻲ ﺗﺤﺒﻪ ﻣﻼﻙ ﺟﺎﻥ ﻣﺴﻴﻄﺮ ﻋﺒﺎﻟﻪ ﻫﻮ ﻭﺟﺎﻭﺑﺖ ﻏﺰﻝ . ﺍﻛﺜﺮ ﺷﻲ ﺗﺤﺒﻪ ﻣﻼﻙ ﻫﻮ ﺍﻟﻨﺴﺎﺗﻞ ﻭﺑﻌﺪﻫﺎ ﺗﺤﺐ ﺍﻣﻬﺎ ﻭﺑﻌﺪﻳﻦ ﺍﻧﺖ
ﺿﺤﻜﺖ ﻣﻼﻙ ﺍﻱ ﺻﺢ 😂
ﻏﺰﻝ . ﺯﻳﻦ ﻓﺮﺍﺱ ﺟﺎﻭﺑﻨﻲ ﺷﻨﻮ ﺍﻛﺜﺮ ﺷﻲ ﺗﺤﺒﻪ ﻟﻤﻴﺎﺀ
ﺭﺍﺣﺖ ﺍﺑﺘﺴﺎﻣﻪ ﻓﺮﺍﺱ ﻭﺳﻜﺖ
ﻣﻼﻙ . ﻣﻮ ﺍﻛﻮﻟﺞ ﻳﺎ ﺧﺎﻟﻪ ﺑﺎﺑﺎ ﻣﻮ ﻛﻠﺸﻲ ﻳﻌﺮﻑ
ﻓﺮﺍﺱ . ﺗﺤﺐ ﺍﻟﻮﺭﺩ ﺍﻻﺑﻴﺾ ﻭﺍﻟﻤﻄﺮ ﻭﺍﻛﺜﺮ ﺷﻲ ﺗﺤﺒﻪ ﻣﻦ ﺍﺳﻮﻱ ﺷﻐﻠﻪ ﻏﻠﻂ ﺗﻀﻞ ﺗﻀﺤﻚ ﻋﻠﻴﻪ
ﺍﻧﺪﺍﺭﺕ ﻏﺰﻝ ﻉ ﻟﻤﻴﺎﺀ ﺻﺢ ﻫﻲ ﻭﺟﻬﺎ ﻣﻮ ﻋﻠﻴﻬﻢ ﺑﺲ ﻋﺮﻓﺖ ﻏﺰﻝ ﺍﻧﻮ ﻟﻤﻴﺎﺀ ﺍﺑﺘﺴﻤﺖ
ﻣﻼﻙ . ﻫﺴﻪ ﺩﻭﺭﻱ ﺍﺳﺎﻝ ﺍﻣﻲ . ﻣﺎﻣﺎ ﺷﻨﻮ ﺍﺳﻌﺪ ﻟﺤﻈﻪ ﺑﺤﻴﺎﻩ ﺑﺎﺑﺎ
ﺍﻟﻜﻞ ﺳﻜﺖ ﻭﻛﺎﻟﺖ ﻟﻤﻴﺎﺀ . ﺍﻧﻲ ﺍﻫﻨﺎ ﺑﺲ ﺍﻧﻈﻒ ﻣﻤﻨﻮﻉ ﺍﻟﻠﻌﺐ ﻣﻮ ﺻﺢ ﻓﺮﺍﺱ ﺭﺍﺩﺕ ﺗﻄﻠﻊ ﺑﺲ ﻓﺮﺍﺱ ﻛﺎﻝ
ﺍﺳﻌﺪ ﻟﺤﻈﻪ ﺑﺤﻴﺎﺗﻲ ﻣﻦ ﺍﺟﺘﻲ ﺍﻣﺞ ﺗﻌﻴﺶ ﺑﻴﺖ ﻏﺰﻝ ﻭﻗﺘﻬﺎ ﺷﻔﺘﻬﺎ ﻭﻋﺮﻓﺖ ﺣﺘﻜﻮﻥ ﺍﻟﻲ ﻭﺑﺲ ﻣﻦ ﻟﺤﻈﺘﻬﺎ ﻣﺸﻔﺖ ﺍﻟﺴﻌﺎﺩﻩ ﻭﻳﺎﻫﺎ
ﻃﻠﻌﺖ ﻟﻤﻴﺎﺀ ﻭﻫﻮ ﺿﺎﺝ
ﻣﻼﻙ . ﻳﻤﻜﻦ ﺍﻻﺻﺖ ﺑﺎﻟﺰﺍﻳﺪ
ﻏﺰﻝ . ﻻ ﻳﺼﺎﻟﺤﻮﻥ ﺍﻧﺸﺎﻟﻠﻪ
ﻓﺮﺍﺱ ﻳﻠﻪ ﻧﻜﻤﻞ
ﻏﺰﻝ . ﻛﺎﻓﻲ ﻓﺮﺍﺱ ﺭﻭﺡ ﺍﻟﻬﺎ ﺍﻧﺖ ﺗﺤﺒﻬﺎ ﻭﻫﻲ ﺗﺤﺒﻚ ﻛﺎﺍﻓﻲ ﻓﻜﺮﻭ ﺑﻨﺘﻜﻢ ﻛﺒﺮﻭ ﺷﻮﻳﻪ
ﻋﺮﻓﺖ ﻏﺰﻝ ﺍﻧﻮ ﻛﻼﻣﻬﺎ ﺍﺛﺮ ﻉ ﻓﺮﺍﺱ ﻭﺣﻴﺼﺎﻟﺤﻮﻥ ﺍﻧﺪﺍﺭﺕ ﻭﺷﺎﻓﺖ ﺍﻣﻴﺮ ﻳﺒﺎﻭﻉ ﻋﻠﻴﻬﺎ ﻭﺻﺎﻓﻦ ﺷﻜﻠﻪ ﻣﺒﻴﻦ ﻣﻌﺼﺐ ﻋﻠﻴﻬﺎ ﻭﻛﺎﺭﻫﺎ ﺍﻣﺒﻴﻦ ﺍﻧﻮ ﺳﻤﻊ ﺍﻟﻜﻼﻡ ﺍﻟﻲ ﻛﻠﺘﻪ ﻋﻠﻤﻮﺩ ﻓﺮﺍﺱ ﻭﻟﻤﻴﺎﺀ ﻭﺿﺎﺝ ﻭﻉ ﺷﻨﻮ ﻳﻀﻮﺝ ﻣﺎﻛﻮ ﻣﻘﺎﺭﻧﻪ ﺑﻴﻨﻪ ﻭﺑﻴﻨﻬﻢ ﺍﻧﺪﺍﺭﺕ ﻉ ﻣﻼﻙ ﺣﺘﻰ ﻟﺘﻈﻞ ﺗﺒﺎﻭﻉ ﻋﻠﻴﻪ
ﺍﻣﻴﺮ . ﻓﺮﺍﺱ ﺍﺧﺬ ﻏﺰﻝ ﻉ ﻏﺮﻓﺘﻬﺎ ﺗﺮﺗﺎﺡ
ﻏﺰﻝ . ﻣﺎ ﺑﻴﻪ ﺷﻲ ﺍﻧﻲ ﺍﺭﻭﺡ ﻭﺣﺪﻱ ﺍﺣﻴﺖ ﺣﺘﻰ ﺍﻛﻮﻟﻚ ﺍﻧﻮ ﺍﻧﻲ ﺗﺤﺴﻨﺖ ﻭﺍﺭﻳﺪ ﺍﺭﻭﺡ
ﺍﻣﻴﺮ . ﻟﻴﺶ ﺍﺟﻴﺘﻲ ﺍﻧﻲ ﻭﺩﺕ ﺍﻭﺻﻠﺞ ﺧﺒﺮ ﺑﻌﺪ ﻳﻮﻣﻴﻦ ﺣﺘﺮﻭﺣﻴﻦ ﻣﻨﺎ
ﻣﻼﻙ ﻭﻓﺮﺍﺱ ﻳﺒﺘﻮﻋﻮﻥ ﻉ ﻏﺰﻝ ﻣﻘﻬﻮﺭﻳﻦ
ﻏﺰﻝ ﺍﻧﻌﺼﺮ ﻛﻠﺒﻬﺎ ﺑﺎﻟﺮﻏﻢ ﻣﻦ ﺍﻧﻮ ﻫﺬﺍ ﻃﻠﺒﻬﺎ ﺣﺴﺖ ﺍﻧﻮ ﻛﻠﺒﻬﺎ ﺣﻴﻄﻠﻊ ﻣﻦ ﻣﻜﺎﻧﻪ ﺑﺮﻭﺣﺘﻬﺎ ﺑﺲ ﺍﺗﺸﻜﺮﺕ ﻣﻦ ﺍﻣﻴﺮ ﻭﺣﺘﻰ ﻣﺒﺎﻭﻉ ﻋﻠﻴﻬﺎ ﻭﺳﻠﻤﺖ ﻉ ﻓﺮﺍﺱ ﻭﻣﻼﻙ ﻭﻃﻠﻌﺖ
ﺍﻟﺴﻜﻮﺕ ﻫﻮ ﺳﻴﺪ ﺍﻟﻤﻮﻗﻒ ﺑﻬﺎﻟﻠﺤﻈﻪ ﻣﺤﺪ ﺍﺟﺮﺃ ﻳﺤﺠﻲ ﻭﻻ ﻛﻠﻤﻪ ﻭﻳﻪ ﺍﻣﻴﺮ ﻟﺤﺪ ﻣﺎ ﻫﻮ ﻛﺎﻡ ﻭﻛﺴﺮ ﺷﻨﻮ ﻛﺪﺍﻣﻪ
ﺧﺎﻓﺖ ﻣﻼﻙ ﻭﺣﻀﻨﺖ ﺍﺑﻮﻫﺎ . ﺑﺎﺑﺎ ﻟﻴﺶ ﻫﻴﺠﻲ ﺳﻮﻩ ﺍﺫﺍ ﻳﺤﺒﻬﺎ ﻟﺨﺎﻟﻪ ﻟﻴﺶ ﻭﺍﻓﻖ ﺗﺮﻭﺡ
ﻓﺮﺍﺱ . ﺣﺒﻴﺒﺘﻲ ﺷﻐﻠﺘﻬﻢ ﻣﻌﻘﺪﻩ ﻟﺪﻭﺧﻴﻦ ﺭﺍﺳﺞ ﺑﻴﻬﻢ ﺍﻣﺸﻲ ﺍﻧﻮﻣﺞ ﻳﻠﻪ
ﻣﻼﻙ . ﺯﻳﻦ ﺗﺘﺮﺍﻫﻦ ﺍﻧﻮ ﺍﻣﻴﺮ ﻣﻴﺨﻠﻴﻬﺎ ﺗﺮﻭﺡ
ﻓﺮﺍﺱ . ﻣﺎ ﺍﻋﺮﻑ ﻟﻴﺶ ﺍﻧﻲ ﺣﺎﺱ ﺍﻧﻮ ﺟﻴﻨﺎﺕ ﺍﻟﻤﺮﺍﻫﻨﻪ ﺍﻟﻲ ﺑﻴﺞ ﻣﻦ ﻭﺭﺍﻳﻪ ﻳﻠﻪ ﺍﺗﺮﺍﻫﻦ ﻭﻳﺎﺝ
.
ﺛﺎﻧﻲ ﻳﻮﻡ
ﻟﻤﻴﺎﺀ . ﻳﻠﻪ ﻏﺰﻝ ﻛﻮﻭﻣﻲ ﻛﺎﺍﻓﻲ ﻧﻮﻡ
ﻛﻌﺪﺕ ﻏﺰﻝ ﻭﻋﻴﻮﻧﻬﺎ ﻣﻮﺭﻣﻪ ﻣﻦ ﺍﻟﺒﺠﻲ ﻣﻘﻬﻮﺭﻩ ﺍﻧﻮ ﺣﺘﺮﻭﺡ ﻭﺗﻔﺎﺭﻙ ﺍﻣﻴﺮ ﻣﺮﺍﺩﺕ ﺗﻌﺘﺮﻑ ﺑﻬﺎﻟﺸﻲ ﻻﻱ ﺍﺣﺪ ﻭﻻ ﺣﺘﻰ ﻟﻨﻔﺴﻬﺎ
ﻟﻤﻴﺎﺀ . ﺍﺫﺍ ﻫﻴﺠﻲ ﻣﺘﻜﺪﺭﻳﻦ ﺗﻌﺮﻓﻴﻪ ﺍﺑﻘﻰ ﻉ ﺷﻨﻮ ﺭﺍﻳﺤﻪ ﺍﺩﺭﻱ ﺑﻴﺞ ﻣﺘﺘﺤﻤﻠﻴﻦ
ﻏﺰﻝ ﺑﻌﺼﺒﻴﻪ . ﻻ ﺑﺎﺍﺍﺟﺮ ﺍﺭﻭﺡ ﺍﻧﺘﻬﻰ ﺍﻟﻨﻘﺎﺵ ﺑﻬﺎﻟﻤﻮﺿﻮﻉ
ﻟﻤﻴﺎﺀ . ﺗﻤﺎﻡ ﺗﻤﺎﻡ ﺳﻜﺘﺖ
ﺣﻄﺖ ﻏﺰﻝ ﺍﻳﺪﻫﺎ ﻋﺮ ﻭﺟﻬﺎ ﻓﻜﺮﻩ ﺍﻧﻮ ﺗﺘﺮﻙ ﺍﻣﻴﺮ ﺩﻣﺎﺭ ﺍﻟﻬﺎ ﺑﺎﻟﺮﻏﻢ ﻣﻦ ﺍﻧﻮ ﻫﻲ ﺍﻟﻲ ﺭﺍﺩﺕ ﻫﺎﻟﺸﻲ ﻭﺑﻌﺪﻳﻦ ﻃﺮﻳﻘﻪ ﺗﻌﺎﻣﻠﻪ ﻭﻳﺎﻫﺎ ﻭﺑﺮﻭﺩﻩ ﺩﻣﺮﻫﺎ
ﻟﻤﻴﺎﺀ . ﻭﻟﻮ ﺍﻧﻲ ﻣﻤﺼﺪﻛﻪ ﺍﻧﻮ ﺍﻣﻴﺮ ﺣﻴﺘﺮﻛﺞ ﺑﺲ ﺣﻀﺮﺕ ﻛﻞ ﺍﻏﺮﺍﺿﻨﻪ
ﻏﺰﻝ . ﻛﺘﻠﺞ ﺣﺮﻭﺡ ﻭﺣﺪﻱ ﻭﺑﻌﺪﻳﻦ ﻓﺮﺍﺱ ﻣﻴﻘﺒﻞ ﺗﺎﺧﺬﻳﻦ ﻣﻼﻙ
ﻟﻤﻴﺎﺀ . ﺗﻤﺎﻡ ﻟﻌﺪ ﺍﻋﻮﻓﻬﺎ ﻭﻳﻪ ﺍﺑﻮﻫﺎ ﺗﻜﺪﺭ ﺗﻌﻴﺶ ﺑﻠﻴﺎﻳﻪ ﺑﺲ ﺍﻧﺘﻲ ﻻ
ﻏﺰﻝ . ﻣﺎ ﻋﻨﺪﻱ ﻃﺎﺍﻗﻪ ﺍﻧﺎﻗﺸﺞ ﻃﻠﻌﻲ ﻭﻣﺎ ﺍﺭﻳﺪ ﺍﺣﺪ ﻳﺪﺧﻞ ﻋﻠﻴﻪ ﺍﻟﻴﻮﻡ
ﻟﻤﻴﺎﺀ . ﺗﻤﺎﻡ ﺑﻜﻞ ﺍﻻﺣﻮﺍﻝ ﺍﺭﻭﺡ ﺍﻛﻤﻞ ﺗﺮﺗﻴﺐ ﺍﻏﺮﺍﺿﻲ ﻭﻳﺎﺝ ﻭﻃﻠﻌﺖ ﻭﺩﺧﻠﺖ ﻣﻼﻙ ﺗﺮﻛﺾ ﻭﺣﻀﻨﺖ ﻏﺰﻝ
ﻏﺰﻝ . ﻫﺎ ﻛﻠﺸﻲ ﺗﻤﺎﻡ ﺳﻮﻳﺘﻲ ﺍﻟﻲ ﻛﺘﻠﺞ ﻋﻠﻴﻪ
ﻣﻼﻙ ﻃﺒﻌﺎﺍﺍ ﻛﻠﺸﻲ ﺗﻤﺎﻡ ﺑﺲ ﺗﺘﻮﻗﻌﻴﻦ ﻳﻨﺠﺢ
ﻏﺰﻝ . ﻳﻨﺠﺢ ﺣﺒﻴﺒﺘﻲ ﻣﺎ ﺍﺭﻭﺡ ﻣﻨﺎ ﺍﻻ ﺍﻣﺞ ﻭﺍﺑﻮﺝ ﻣﺼﺎﻟﺤﻴﻦ
ﻣﻼﻙ . ﺣﺒﻴﺒﺘﻲ ﺧﺎﻟﻪ ﻭﺍﻟﻠﻪ ﺣﺸﺘﺎﻗﻠﺞ ﻳﻌﻨﻲ ﺍﻻ ﺗﺮﻭﺣﻴﻦ
ﻧﺰﻟﺖ ﺩﻣﻮﻉ ﻏﺰﻝ ﻭﺣﻀﻨﺘﻬﺎ ﺍﻱ ﺣﺒﻴﺒﺘﻲ ﻻﺯﻡ ﺍﺭﻭﺡ
ﻭﻗﺖ ﺍﻟﻀﻬﻴﺮﻩ ﻛﻌﺪﺕ ﻏﺰﻝ ﻭﻣﻼﻙ ﺑﺎﻟﺤﺪﻳﻘﻪ ﺣﺘﻰ ﻳﻨﻔﺬﻭﻥ ﺧﻄﺘﻬﻢ
ﺻﺢ ﻏﺰﻝ ﺗﻌﺒﺎﻧﻪ ﻭﻣﺎ ﺍﻟﻬﺎ ﻗﺎﺑﻠﻴﻪ ﻉ ﺍﻱ ﺷﻲ ﺑﺲ ﻟﻤﻴﺎﺀ ﻭﻓﺮﺍﺱ ﻣﻦ ﺯﻣﺎﻥ ﻭﻳﺎﻫﺎ ﻭﻳﻌﺎﻣﻠﻮﻫﺎ ﻣﺜﻞ ﺍﺧﺘﻬﻢ ﻭﻻﺯﻡ ﺗﺨﻠﻴﻬﻢ ﻳﺼﺎﻟﺤﻮﻥ
ﻣﻼﻙ . ﻓﻬﻤﺖ ﻫﺴﻪ ﺍﺭﻭﺡ
ﻏﺰﻝ . ﻻ ﺑﺲ ﺍﺷﻮﻑ ﺍﺑﻮﺝ ﺍﻧﻄﻴﺞ ﺍﺷﺎﺭﻩ ﻭﺑﻠﺸﻲ
ﺍﺟﻪ ﻓﺮﺍﺱ ﻭﺷﺎﻓﺘﻪ ﻏﺰﻝ . ﻳﻠﻪ ﺭﻭﺣﻲ ﺍﺭﻛﻀﻲ ﺑﻴﻦ ﻣﺎ ﺍﺷﻐﻠﻪ ﺷﻮﻳﻪ
ﺭﺍﺣﺖ ﻣﻼﻙ ﻭﻏﺰﻝ ﺩﺗﺒﺘﺴﻢ ﺑﺲ ﻣﻦ ﺷﺎﻓﺖ ﻛﺮﻡ ﺩﻳﻤﺸﻲ . ﻭ ﻳﺎﻩ ﺍﻣﻴﺮ ﻭﺯﻭﺟﺘﻪ ﺍﻟﻲ ﺣﺎﺿﻨﻪ ﺍﻳﺪﻩ ﻋﺒﺎﻟﻚ ﺣﻴﻄﻴﺮ ﻫﺬﺍ ﻣﻜﺎﻧﻬﺎ ﺍﻟﻲ ﺩﺍﺋﻤﺎ ﺟﺎﻧﺖ ﺗﺤﻠﻢ ﺗﻜﻮﻥ ﺑﻴﻪ ﻭﻫﻲ ﺯﻭﺟﺘﻪ ﻻﻣﻴﺮ
ﺷﺎﻓﻬﺎ ﺍﻣﻴﺮ ﻭﻋﻴﻮﻧﻪ ﻛﻠﻬﺎ ﻓﺮﺍﻍ ﺍﺗﺠﺎﻩ ﻏﺰﻝ ﻭﺗﺮﻛﻬﻢ ﻭﺭﺍﺡ ﺑﻘﺖ ﮔﻤﺮ ﻭﻓﺮﺍﺱ ﻭﺍﺟﻮﻱ ﻋﻠﻴﻬﺎ ﻭﮔﻤﺮ ﺗﻤﺸﻲ ﻭﺑﺲ ﺗﺒﺘﺴﻢ ﺣﺘﻰ ﺗﻀﻮﺝ ﻏﺰﻝ ﺑﺎﻣﻴﺮ
ﻏﺰﻝ . ﺿﻠﻲ ﺍﺑﺘﺴﻤﻲ ﻭﺣﺸﻮﻓﻴﻦ ﺷﻠﻮﻥ ﻳﺸﻤﺮﺝ ﻣﻦ ﻳﻤﻞ ﻣﻨﺞ ﻣﺜﻞ ﺍﻟﺒﺎﻗﻴﺎﺕ
ﻓﺮﺍﺱ . ﺻﺒﺎﺡ ﺍﻟﺨﻴﺮ ﻳﺎﺣﻠﻮﻩ ﻟﻴﺶ ﻛﺎﻋﺪﻩ ﻭﺣﺪﺝ ﺍﻫﻨﺎ ﻛﻮﻣﻲ ﺍﺩﺧﻠﻲ ﺟﻮﻩ
ﮔﻤﺮ . ﺍﻭﻭﻭ ﻓﺮﺍﺱ ﻋﻮﻓﻬﺎ ﻫﻲ ﺗﻌﻠﻤﺖ ﺗﺒﻘﻰ ﻭﺣﺪﻩ ﻫﻢ ﺑﺎﻟﻐﺮﻓﻪ ﻭﻫﻢ ﺍﻫﻨﺎ
ﻣﻬﺘﻤﺖ ﻏﺰﻝ ﺍﻟﻬﺎ ﻭﻛﺎﻟﺖ ﻟﻔﺮﺍﺱ . ﺭﻭﺡ ﻟﻤﻴﺎﺀ ﺟﺎﻧﺖ ﺑﻐﺮﻓﺘﻚ ﺗﻨﻀﻔﻬﺎ ﻭﻛﻌﺖ ﻭﺍﺗﺎﺫﺕ ﻭﺍﻟﺪﻛﺘﻮﺭ ﻳﻤﻬﺎ ﺭﻭﺣﻠﻬﺎ ﺍﺫﺍ ﺻﺎﺭ ﺑﻴﻬﺎ ﺷﻲ ﺍﻣﻮﺗﻚ ﻭﺍﻟﻠﻪ
ﻓﺮﺍﺱ . ﺷﻨﻮﻭﻭﻭ ﻭﺍﻟﻠﻪ ﺣﺘﻤﻮﺗﻨﻲ ﻫﺬﻩ ﻭﺭﺍﺡ ﻳﺮﻛﺾ
ﻭﻏﺰﻝ ﺗﻀﺤﻚ ﻋﻠﻴﻪ ﻻﻥ ﻫﺬﻩ ﺍﻏﺒﻰ ﺧﻄﻪ ﺍﺳﻮﻳﻬﺎ ﻭﻫﻮ ﺻﺪﻛﻬﺎ
ﮔﻤﺮ . ﺍﻱ ﻛﻠﺶ ﺍﻟﻤﻬﻢ ﺷﻠﻮﻧﺞ ﻏﺰﻝ
ﻏﺰﻝ . ﺗﺮﻩ ﺍﺣﻨﺎ ﻭﺣﺪﻧﻪ ﻣﺎﻛﻮ ﺩﺍﻋﻲ ﺗﻤﺜﻠﻴﻦ ﻛﺪﺍﻣﻲ
ﮔﻤﺮ . ﺍﻱ ﺻﺤﻴﺢ ﺍﺟﻴﺖ ﺣﺘﻰ ﺍﺷﻤﺖ ﺑﻴﺞ ﻭﺍﻛﻮﻟﺞ ﺭﻭﺣﻲ ﻣﻦ ﺑﻴﺘﻲ ﻻ ﺍﻧﻲ ﻭﻻ ﺯﻭﺟﻲ ﻧﺮﻳﺪﺝ ﺗﺒﻘﻴﻦ ﺍﻫﻨﺎ ﺑﻌﺪ
ﻏﺰﻝ ﻫﻬﻬﻪ ﺑﻴﺘﺞ ﺍﻛﻮﻟﺞ ﺷﻲ ﺗﺮﻩ ﻋﻤﺮﺭﺝ ﻣﺮﺍﺡ ﻳﺤﺒﺞ ﺍﻣﻴﺮ ﻭﻻ ﺷﻮﻭﻭﻳﻪ ﻭﻟﺞ ﺑﺎﺑﺎ ﺍﻧﻲ ﺷﻔﺖ ﺍﻣﻴﺮ ﺗﻌﺮﻑ ﻉ ﻧﺴﻮﺍﻥ ﺑﻜﺪ ﺷﻌﺮ ﺭﺍﺳﺞ ﻗﺒﻞ ﻣﻴﺰﻭﺟﻨﻲ ﻭﺑﻌﺪ ﻣﺰﻭﺟﻨﻲ ﻭﻫﻢ ﺻﺎﺩﻙ ﻭﻛﻞ ﻭﺣﺪﻩ ﻣﺜﻠﺞ ﺗﺠﻲ ﻭﺗﻜﻮﻝ ﻫﻮ ﺑﺲ ﺍﻟﻲ ﻭﺗﺎﻟﻴﺘﻬﺎ ﺧﻮﺵ ﺷﻤﺮﻩ ﺗﻨﺸﻤﺮ
ﮔﻤﺮ ﻭﺑﻜﻞ ﻋﺼﺒﻴﻪ . ﺍﻧﺘﻲ ﺷﻜﺪ ﻣﻐﺮﻭﻩ ﺷﻨﻮ ﻋﺒﺎﻟﺞ ﺣﻴﺒﻘﻰ ﺑﺲ ﺍﻟﺞ ﻳﺤﺒﺞ
ﻏﺰﻝ . ﺍﻧﻲ ﻣﺘﺎﻛﺪﻩ ﻣﻦ ﻫﺎﻟﺸﻲ ﻣﻮ ﺑﺲ ﻋﺒﺎﻟﻲ ﻭﺑﻌﺪﻳﻦ ﻣﺜﻞ ﻣﺎ ﻫﻮ ﻳﺤﺒﻨﻲ ﺍﻧﻲ ﺍﻋﺸﻘﻪ ﺑﺲ ﺍﺩﺭﻱ ﺣﺒﻨﻪ ﺣﻴﺎﺫﻳﻨﻪ ﺍﺛﻨﻴﻨﻪ ﻓﻼﺯﻡ ﺍﺗﺮﻛﻪ ﺩﺗﺤﺠﻲ ﮔﻤﺮ ﺑﺲ ﻏﺰﻝ ﻛﺎﻟﺖ . ﺍﺳﻤﻌﻴﻨﻲ ﺯﻳﻦ ﺍﻧﻲ ﻣﺎ ﻋﺮﻑ ﺷﻜﺪ ﺣﺘﺒﻘﻴﻦ ﻭﻳﺎﻩ ﺑﺲ ﺩﻳﺮﻱ ﺑﺎﻟﺞ ﻳﻮﻡ ﺍﺗﺎﺫﻳﻪ ﺻﺢ ﺣﺮﻭﺡ ﺑﺲ ﺣﻈﻞ ﺍﺭﺍﻗﺒﺞ ﻣﻦ ﺑﻌﻴﺪ ﺩﻳﺮﻱ ﺑﺎﻟﺞ ﻋﻠﻴﻪ ﻭﺣﺒﻴﻪ ﻭﺳﻤﻌﻲ ﻛﻼﻣﻪ ﻳﻠﻪ ﺍﺭﻭﺡ ﺍﻛﻤﻞ ﺗﺤﻀﻴﺮ ﻏﺮﺍﺿﻲ ﻭﺭﺍﻳﻪ ﺳﻔﺮ ﻭﺭﺍﺣﺖ ﺑﺪﻭﻥ ﻣﺘﺴﻤﻊ ﺣﺘﻰ ﺭﺩ ﮔﻤﺮ ﺍﻟﻬﺎ
.
ﺍﺑﺘﺴﻢ ﺍﻣﻴﺮ . ﻫﺎ ﺑﻌﺪﺝ ﻛﺎﻋﺪﻩ ﺍﻱ ﻃﺒﻌﺎ ﻣﺘﺤﻤﺴﻪ ﺣﺘﻰ ﺗﺮﻭﺣﻴﻦ ﺑﺎﺟﺮ
ﻏﺰﻝ . ﺍﺭﺟﻊ ﻟﻐﺮﻓﺘﻚ ﻗﺒﻞ ﻣﺴﻮﻱ ﺷﻲ ﺗﻨﺪﻡ ﻋﻠﻴﻪ ﺑﻌﺪﻳﻦ
ﺍﻣﻴﺮ . ﻟﺘﺨﺎﻓﻴﻦ ﻣﺮﺍﺡ ﺍﺳﻮﻱ ﺷﻲ ﻏﻠﻂ ﻻﻥ ﻣﻤﺤﺘﺎﺟﻠﺞ
ﻏﺰﻝ . ﺍﺫﺍ ﻣﻤﺤﺘﺎﺟﻠﻲ ﺷﻜﻮ ﺍﺟﻴﺖ
ﺍﻣﻴﺮ . ﺍﻱ ﺻﺢ ﺷﻜﻮ ﺍﺟﻴﺖ ﻭﺭﺍﺩ ﻳﻄﻠﻊ ﺑﺲ ﻣﺪﻳﻜﺪﺭ ﻳﻤﺸﻲ ﻭﺭﺍﺩ ﻳﻮﻛﻊ
ﺷﻬﻜﺖ ﻏﺰﻝ ﻣﻦ ﺧﻮﻓﻬﺎ ﻋﻠﻴﻪ ﻭﻛﺎﻣﺖ ﺍﻟﻪ ﺭﻫﻮ ﺭﻓﻊ ﺍﻳﺪﻩ ﻭﻛﻠﻠﻬﺎ ﺍﻳﺎﺝ ﺗﺠﻴﻦ ﺍﻃﺨﻴﻨﻲ ﻣﺎ ﺍﺭﻳﺪ ﺍﺷﻮﻑ ﻭﺟﻬﺞ
ﻏﺰﻝ . ﻟﻌﺪﺍﺫﺍ ﻣﺘﺮﻳﺪ ﺗﺸﻮﻑ ﻭﺟﻬﻲ ﺷﻜﻮ ﺍﺟﻴﺖ ﻉ ﺍﻟﻌﻤﻮﻡ ﺍﺗﺤﻤﻞ ﺑﺲ ﺗﻄﻠﻊ ﺍﻟﺸﻤﺲ ﻭﺑﻌﺪ ﻣﺘﺸﻮﻓﻨﻲ ﺣﻴﺎﺗﻚ ﻛﻠﻬﺎ
ﺍﻣﻴﺮ . ﺻﺪﻛﻲ ﻣﺎ ﺍﺩﺭﻱ ﻣﻨﻌﺖ ﺭﻭﺣﻲ ﺣﺘﻰ ﻣﺎ ﺍﺟﻲ ﻭﺷﺮﺑﺖ ﻭﻣﺎ ﺍﺣﺲ ﺑﺸﻲ ﻭﺻﻠﺖ ﻣﺮﺣﻠﻪ ﺣﺘﻰ ﻣﺎ ﺍﻛﺪﺭ ﺍﻭﻛﻒ ﺑﺲ ﺭﺟﻠﻲ ﺟﺎﺑﺘﻨﻲ ﺍﻟﺞ ﺑﻌﺪ ﻣﺎ ﺍﺗﺤﻤﻞ ﺻﺪﻛﻲ ﻣﺎ ﺍﺗﺤﻤﻞ ﻣﺎ ﺍﺷﻮﻓﺞ ﻳﻮﻣﻴﺎ ﻣﺎ ﺍﺗﺤﻤﻞ ﺍﺟﺎﻫﻠﺞ ﻛﻞ ﺩﻗﻴﻘﻪ ﺍﻧﺘﻲ ﺑﺮﺍﺳﻲ ﻣﺎ ﺍﺗﺤﻤﻞ ﻳﻮﻣﻴﺎ ﺍﺟﻲ ﺑﺎﻟﻠﻴﻞ ﻭﺍﻧﺘﻲ ﻧﺎﻳﻤﻪ ﺑﺲ ﺣﺘﻰ ﺣﺘﻰ ﺍﺑﺎﻭﻉ ﻋﻠﻴﺞ ﻋﺒﺎﻟﻲ ﺣﺘﺤﻤﻞ ﺑﺲ ﻣﺎ ﺍﻛﺪﺭ ﻭﺍﻟﻠﻪ ﺻﺪﻛﻴﻨﻲ ﺣﻴﻴﻞ ﺻﻌﺒﻪ ﺍﺗﺤﻤﻠﺖ ﻛﻠﺸﻲ ﺑﺎﻟﺤﻴﺎﻩ ﺑﺲ ﻓﻜﺮﻩ ﺍﻧﻮ ﺗﺮﻭﺣﻴﻦ ﻭﻣﺎ ﺍﺷﻮﻓﺞ ﺑﻌﺪ ﻫﺬﻩ ﻻ ﺍﺑﺪﺍﺍﺍ ﻣﺎ ﺍﺗﺤﻤﻠﻬﺎ ﻓﻬﻮ ﻫﺬﺍ ﺳﺒﺐ ﺟﻴﺘﻲ ﺍﻟﺞ
ﻛﺎﻧﺖ ﻏﺰﻝ ﺗﺒﺎﻭﻉ ﻋﻠﻴﻪ ﻭﺍﺑﺪﺍﺍﺍ ﻣﺴﻤﺤﺖ ﻟﺪﻣﻮﻋﻬﺎ ﺑﻌﺪ ﺗﻨﺰﻝ ﻭﻛﺎﻟﺖ . ﺍﺭﺟﻊ ﻟﺰﻭﺟﺘﻚ ﺍﻣﻴﺮ ﺑﺎﺟﺮ ﻛﻠﺸﻲ ﻳﺨﻠﺺ
ﺍﻣﻴﺮ . ﺍﻟﺴﺎﻧﺞ ﻫﻮ ﺣﻴﻜﻮﻥ ﺳﺒﺐ ﻣﻮﺗﺞ ﺻﺪﻛﻴﻨﻲ ﻏﺰﻝ ﻭﺑﻌﺪﻳﻦ ﺫﺍﻙ ﺍﻟﻴﻮﻡ ﺍﺗﻨﺼﺤﻴﻦ ﻓﺮﺍﺱ ﻣﻴﺘﺮﻙ ﻟﻤﻴﺎﺀ ﺗﺪﺭﻳﻦ ﻣﻦ ﺣﺠﻴﺘﻲ ﻫﻴﺠﻲ ﺑﻮﻗﺘﻬﺎ ﻣﺴﻜﺖ ﺭﻭﺣﻲ ﻣﺎ ﺍﻛﻮﻡ ﺍﺿﺮﺑﺞ ﻳﻌﻨﻲ ﺍﺫﺍ ﺍﻧﺘﻲ ﻫﻴﺠﻲ ﻣﺼﻠﺤﻪ ﺍﺟﺘﻤﺎﻋﻴﻪ ﺻﻠﺤﻲ ﺑﻴﻨﻪ ﻟﻴﺶ ﺑﺲ ﺍﺻﻠﺤﻴﻦ ﺑﻴﻨﻬﻢ
ﻏﺰﻝ . ﺍﻧﺖ ﻣﻮ ﻓﺮﺍﺱ ﻋﻼﻗﺘﻪ ﻫﻮ ﺑﻠﻤﻴﺎﺀ ﻣﺨﺘﻠﻔﻪ ﻻﻥ ﻫﻤﻪ ﻣﻮ ﺍﺣﻨﺎ ﻫﻤﻪ ﻳﺴﺘﺎﻫﻠﻮﻥ ﺍﻧﻮ ﻳﻌﻴﺸﻮﻥ ﺳﻮﻩ ﻫﻮ ﻳﺤﺒﻬﺎ ﻣﻦ ﻛﻞ ﻛﻠﺒﻪ ﻓﻬﻤﺖ ﻫﺴﻪ ﻟﻴﺶ
ﺍﻣﻴﺮ . ﻳﻌﻨﻲ ﻓﺮﺍﺱ ﻫﻮ ﺍﻟﻲ ﻳﺴﺘﺤﻖ ﺍﻟﺴﻌﺎﺩﻩ ﻓﺮﺍﺱ ﻫﻮ ﺍﻟﻲ ﻳﺴﺘﺤﻖ ﺍﻟﻤﺴﺎﻣﺤﻪ ﻓﺮﺍﺱ ﻫﻮ ﺍﻟﻲ ﺗﻌﺬﺏ ﻭﻫﻮ ﺍﻟﻲ ﺍﻧﻐﺪﺭ ﺑﻴﻪ ﻣﻦ ﺯﻭﺟﺘﻪ ﻭﻫﻮ ﺍﻟﻲ ﺍﻧﺤﺒﺲ ﺧﻤﺲ ﺳﻨﻮﺍﺕ ﺑﺪﻭﻥ ﺫﺍﻛﺮﻩ ﻭﺑﺲ ﻛﺎﻥ ﻣﺸﺘﺎﻗﻠﺞ ﻣﻮﻭﻭ ﻫﺬﺍ ﻣﻮ ﻓﺮﺍﺱ ﻫﺬﺍﺍﺍﺍ ﺍﻧﻲ
ﺧﺎﻓﺖ ﻏﺰﻝ ﻣﻨﻪ ﻭﻣﻦ ﻋﺼﺒﻴﺘﻪ ﻭﺻﺮﺍﺧﻪ ﺻﺎﺭ ﻫﻮﺍﻳﻪ ﻣﺸﺎﻓﺘﻪ ﺑﻬﺎﻟﻄﺮﻳﻘﻪ ﻭﻫﺎﻟﻌﺼﺒﻴﻪ ﺧﺎﻓﺖ ﻟﻴﻀﺮﺑﻬﺎ ﻭﻫﻮ ﺣﺲ ﺑﻨﻔﺴﻪ ﺣﺲ ﺑﺨﻮﻓﻬﺎ ﻣﻨﻪ ﺣﻂ ﺍﻳﺪﻩ ﻉ ﺣﻠﻜﻪ ﻭﺣﺎﻭﻝ ﻳﻬﺪﺀ ﻧﻔﺴﻪ
ﺿﻠﺖ ﻏﺰﻝ ﺳﺎﻛﺘﻪ ﻟﺤﺪ ﻣﺎ ﻫﻮ ﺣﺠﻪ
ﺍﻣﻴﺮ . ﺷﺴﻮﻱ ﻛﻮﻟﻴﻠﻲ ﺷﻨﻮ ﺍﺳﻮﻳﻪ ﺣﺘﻰ ﺗﺒﻘﻴﻦ ﻭﻳﺎﻳﻪ ﺑﺲ ﻛﻮﻟﻲ
ﺷﻬﻜﺖ ﻏﺰﻝ ﻣﻦ ﺍﻟﺒﺠﻲ
ﻏﺰﻝ . ﻛﺎﻓﻲ ﺍﻟﻠﻪ ﻳﺨﻠﻴﻚ ﻛﺎﺍﻓﻲ
ﺍﻣﻴﺮ ﻳﻀﺤﻚ ﻭﺩﻣﻮﻋﻪ ﺗﻨﺰﻝ . ﺑﺲ ﻛﻮﻟﻴﻠﻲ ﺷﻨﻮ ﺍﺳﻮﻳﻪ ﻋﻠﻤﻮﺩ ﺗﺒﻘﻴﻦ ﺍﺳﻮﻱ ﻛﻞ ﺍﻟﻲ ﺗﺮﻳﺪﻳﻪ ﻣﻨﻲ ﻭﻟﺞ ﻭﺍﻟﻠﻪ ﺍﺣﺲ ﺭﻭﺣﻲ ﺣﻤﻮﺕ ﺍﺫﺍ ﺭﺣﺘﻲ ﺍﺳﻮﻱ ﺍﻱ ﺷﻲ ﺗﺮﻳﺪﻳﻪ ﺑﺲ ﺍﺑﻘﻲ
ﺻﻮﺕ ﻏﺰﻝ ﻭﺑﺠﻴﻬﺎ ﺻﺎﺭ ﻛﻠﺶ ﻋﺎﻟﻲ ﻭﻫﻲ ﺗﻜﻮﻟﻪ ﻛﺎﺍﺍﻓﻲ ﺍﺗﺮﺟﺎﻙ
ﺍﻣﻴﺮ ﺑﺼﻮﺕ ﻋﺎﻟﻲ ﻭﻟﺞ ﻣﺎ ﺍﻛﺪﺭ ﻣﺘﻔﻬﻤﻴﻦ ﻣﺎﺍﺍ ﺍﻛﺪﺭ ﻛﻮﻟﻴﻠﻲ ﺷﻨﻮ ﺗﺮﻳﺪﻳﻦ ﺑﺲ ﻛﻮﻟﻲ ﻫﻲ ﺳﺎﻛﺘﻪ ﻭﺑﺲ ﺗﺒﺠﻲ ﻭﻫﻮ ﺣﺲ ﺭﻭﺣﻪ ﺩﺗﻄﻠﻊ ﻣﻨﻪ ﻛﻮﻟﻲ ﻏﺰﻝ ﺷﺘﺮﻳﺪﻳﻦ ﺍﺫﺍ ﺗﺮﻳﺪﻳﻦ ﺍﺗﻮﺳﻞ ﺑﻴﺞ ﻣﺎ ﻋﻨﺪﻱ ﻣﺎﻧﻊ
ﻭﺭﺍﺡ ﻭ ﻛﻌﺪ ﻳﻢ ﺭﺟﻠﻬﺎ ﺷﻮﻓﻲ ﻏﺰﻝ ﺍﺗﺴﻮﻟﺞ ﺑﺲ ﺍﺑﻘﻲ ﺑﻌﺪﺕ ﻭﺟﻬﺎ ﻋﻨﻪ ﻭﻫﻮ ﻳﻌﺮﻑ ﺍﻧﻮ ﻫﻲ ﺩﺗﺘﻮﺟﻊ ﻣﺴﻚ ﺧﺪﻫﺎ ﺣﺘﻰ ﺗﺒﺎﻭﻉ ﻋﻠﻴﻪ ﻭﻧﺰﺍﺕ ﻣﻦ ﻋﻴﻮﻧﻪ ﺩﻣﻌﻪ ﻫﺎﻟﺪﻣﻌﻪ ﻛﺎﻧﺖ ﺗﻜﻔﻲ ﺗﺒﻴﻦ ﺍﻟﻮﺟﻊ ﺍﻟﻲ ﺑﺪﺍﺧﻠﻬﺎ ﻋﻠﻴﻬﺎ
ﺍﻣﻴﺮ . ﺍﺣﺒﺞ ﻭﺍﻟﻠﻪ ﺍﺣﺒﺞ ﻛﻞ ﺫﺭﻩ ﺑﺮﻭﺣﻲ ﺗﺤﺒﺞ ﺣﺘﻰ ﻣﻦ ﻗﺘﻠﺖ ﺍﺑﻮﺝ ﻭﻛﺮﻫﺘﻴﻨﻲ ﺣﺒﻴﺘﺞ ﺣﺘﻰ ﻣﻦ ﻗﺘﻠﺘﻲ ﺍﺑﻨﻲ ﺣﺒﻴﺘﺞ ﺣﺘﻰ ﻭﺍﻧﻲ ﻣﺎ ﺍﺫﻛﺮﺝ ﻫﻢ ﺣﺒﻴﺘﺞ ﺣﺒﻲ ﺍﻟﺞ ﻣﺎﻟﻪ ﺣﺪﻭﺩ ﺍﻋﺮﻑ ﺍﻧﻲ ﺍﺫﻳﺘﺞ ﻫﻮﺍﻳﻪ ﻭﺿﺮﺑﺘﺞ ﻭﺩﻣﺮﺗﺞ ﺑﺲ ﺻﺪﻛﻲ ﺍﻧﻲ ﺟﻨﺖ ﺍﺣﺲ ﺍﺿﻌﺎﺍﻑ ﻭﺟﻌﺞ ﻻﻥ ﺍﻧﺘﻲ ﻗﻄﻌﻪ ﻣﻨﻲ ﻻ ﺍﻧﺘﻲ ﺍﺻﻼ ﻛﻠﺸﻲ ﺑﻴﻪ ﺍﻧﺘﻲ ﺗﻤﺸﻴﻦ ﺑﺪﻣﻲ ﺳﺎﻣﺤﻴﻨﻲ ﺍﻧﻄﻴﻨﻲ ﻓﺮﺻﻪ ﺛﺎﻧﻴﻪ ﺳﺎﻣﺤﻴﻨﻲ ﻭﺍﻟﻠﻪ ﺍﺗﻐﻴﺮ ﻭﺍﺻﻴﺮ ﺍﻧﺴﺎﻥ ﺛﺎﻧﻲ ﺑﺲ ﻋﻠﻤﻮﺩﺝ
ﻛﻠﺐ ﻏﺰﻝ ﺟﺎﻥ ﺩﻳﻜﻄﻊ ﻭﻫﻲ ﺗﺴﻤﻊ ﻛﻼﻣﻪ ﺟﺎﻥ ﻛﻞ ﻛﻼﻣﻪ ﻭﻛﻞ ﺣﺮﻑ ﻧﻄﻘﻪ ﻛﺎﻥ ﺻﺪﻙ ﻣﻮ ﻛﺬﺏ ﺑﺲ ﺷﻠﻮﻥ ﺗﻨﻄﻴﻪ ﻓﺮﺻﻪ ﺛﺎﻧﻴﻪ ﻭﻫﻲ ﻣﺘﺎﻛﺪﻩ ﻣﻨﻪ ﻣﺮﺍﺡ ﻳﺘﻐﻴﺮ ﺍﺑﺪﺍ ﻣﺴﺘﺤﻴﻞ ﺍﺣﺪ ﻳﺘﻐﻴﺮ ﻋﻦ ﻃﺒﻌﻪ ﺗﺪﺭﻱ ﻫﺎﻟﺸﻲ ﻭﺗﺪﺭﻱ ﺍﻧﻮ ﺍﻟﻲ ﻳﻜﺮﻫﻮﻩ ﺣﻴﺴﺘﺨﺪﻣﻮﻫﺎ ﺿﺪﻩ ﻻﻥ ﺍﻟﻜﻞ ﻋﺮﻑ ﺷﻨﻮ ﻧﻘﻄﻪ ﺿﻌﻔﻪ
ﺣﻄﺖ ﺍﻳﺪﻫﺎ ﻉ ﺧﺪﻩ ﻭﻫﻲ ﺩﺗﺸﻮﻑ ﺍﻟﻮﺟﻊ ﺍﻟﻲ ﺑﻴﻪ
ﻏﺰﻝ . ﺻﺪﻛﻨﻲ ﻣﺮﺍﺡ ﺗﺘﻐﻴﺮ
ﺍﻣﻴﺮ . ﻻ ﺣﺘﻐﻴﺮ ﻭﺍﻟﻠﻪ
ﻏﺰﻝ . ﺍﻧﺖ ﺣﺘﺤﺎﻭﻝ ﺑﺲ ﺣﺘﻔﺸﻞ ﺍﻧﻲ ﺍﻋﺮﻓﻚ ﺍﻛﺜﺮ ﻣﻦ ﺭﻭﺣﻚ
ﺭﻭﺣﺘﻲ ﻫﻲ ﺍﻟﺤﻞ ﻟﻜﻠﺸﻲ ﺣﻞ ﻟﻮﺟﻌﻚ ﻭ ﻣﺸﺎﻛﻠﻚ ﺑﺪﻭﻧﻲ ﺭﺍﺡ ﺗﺒﻘﻰ ﺷﻴﺦ ﻗﻮﻱ ﺣﺘﻨﺴﺎﻧﻲ ﻭﻳﻪ ﺍﻟﻮﻗﺖ ﺍﺑﺘﺴﻢ ﺍﻣﻴﺮ ﻻ ﺻﺪﻙ ﺗﻨﺴﺎﻧﻲ ﻟﺘﻀﺤﻚ ﻭﻟﻚ ﻣﺎﻛﻮ ﻟﺤﻈﻪ ﺣﻠﻮﻩ ﺟﻤﻌﺘﻨﻪ ﺳﻮﻩ ﺩﺍﺋﻤﺎ ﺍﻧﺘﻘﺎﻡ ﻭﺿﺮﺏ
ﺍﻧﻄﻴﻨﻲ ﻟﺤﻈﻪ ﻭﺣﺪﻩ ﻣﺘﻤﺎﻟﺨﻨﻪ ﺑﻴﻬﺎ ﻟﺤﻈﻪ ﻭﺣﺪﻩ ﻓﺮﺣﻨﻪ ﺑﻴﻬﺎ ﺳﻮﻩ
ﺍﻣﻴﺮ . ﻛﻞ ﻧﻔﺲ ﻣﻨﺞ ﻳﺨﻠﻴﻨﻲ ﺍﺳﻌﺪ ﻣﺨﻠﻮﻕ ﺑﺎﻟﺪﻧﻴﺎ ﺍﻧﻲ ﺍﺣﺒﺞ ﻟﻴﺶ ﻣﺘﻔﻬﻤﻴﻦ
ﺻﻔﻨﺖ ﻏﺰﻝ ﻋﻠﻴﻪ ﻭﻫﻲ ﺗﻔﻜﺮ ﺷﻠﻮﻥ ﺣﺘﺮﻭﺡ ﻭﺗﺮﻛﻪ ﺷﻠﻮﻥ ﺣﺘﺮﻭﺡ ﻭﻫﻮ ﻣﺮﺍﺡ ﻳﻜﻮﻥ ﻣﻮﺟﻮﺩ ﺑﺤﻴﺎﺗﻬﺎ ﺍﺣﺲ ﻛﻠﺒﻬﺎ ﻳﻮﻣﻒ ﺍﺫﺍ ﻃﻠﻌﺖ ﻭﺗﺮﻛﺘﻪ ﺯﻳﻦ ﺷﻜﻮ ﺑﻴﻬﺎ ﺍﺫﺍ ﺍﻧﻄﻴﻪ ﻓﺮﺻﻪ ﺛﺎﻧﻴﻪ ﻟﻴﺶ ﻻ ﻓﺠﺎﺀﻩ ﺣﺴﺖ ﺍﻧﻮ ﺳﺒﺐ ﺭﻭﺣﺘﻬﺎ ﻫﻲ ﺍﺳﺒﺎﺏ ﺗﺎﻓﻪ ﻛﻠﺶ
ﺍﻣﻴﺮ . ﻟﺘﻌﻮﻓﻴﻨﻲ ﺍﻧﺘﻲ ﻛﻠﺸﻲ ﺍﻟﻲ ﺑﻬﺎﻟﺪﻧﻴﺎ ﺗﺬﻛﺮﻳﻦ ﻣﻦ ﻛﻨﻪ ﺍﻃﻔﺎﻝ ﺟﻨﺘﻲ ﺗﻜﻮﻟﻴﻦ ﻋﻤﺮﻱ ﻣﺮﺍﺡ ﺍﺗﺮﻛﻚ ﻭﻣﺤﺪ ﻛﺪﺭ ﻳﺒﻌﺪﺝ ﻋﻨﻲ ﻓﻠﺘﺮﻭﺣﻴﻦ ﺍﻧﺘﻲ ﺑﺮﺿﺎﺗﺞ
ﻏﺰﻝ . ﺍﺫﺍ ﺑﻘﻴﺖ ﻣﺤﻴﺘﻐﻴﺮ ﺷﻲ ﺑﺲ ﺗﻌﺼﺐ ﻣﻨﻲ ﺣﺘﺮﺟﻊ ﺗﻀﺮﺏ ﻭﺗﻬﻴﻦ
ﺍﺑﺘﺴﻢ ﻭﻛﺎﻝ . ﺍﻱ ﺻﺢ ﻭﺣﺘﻰ ﻫﺴﻪ ﻟﻮ ﺑﻴﺪﻱ ﺍﺿﺮﺑﺞ ﺑﺲ ﺣﺘﺤﻤﻞ ﻣﺜﻞ ﻣﺘﺤﻤﻠﺖ ﻗﺒﻞ ﻻﻥ ﺍﻧﺘﻲ ﺍﻟﻲ ﻭﺍﻧﻲ ﺍﻟﺞ ﻫﻮ ﻫﺬﺍ ﺍﻟﺤﺐ ﻭﻃﺮﻳﻘﻪ ﺣﺒﻲ ﺍﻟﺞ ﻫﻴﺠﻲ ﻭﺣﺘﻰ ﻛﺮﻡ ﺭﺍﺡ ﺍﺻﺎﻟﺤﻪ ﻭﺍﺗﺮﻛﻪ ﻭﺍﻧﻄﻴﻪ ﻭﻻﻳﺎﺕ ﻫﻮ ﻳﺼﻴﺮ ﺷﺒﺦ ﺑﻴﻬﺎ ﻭﺍﻧﻲ ﺍﺻﻴﺮ ﻣﺴﺎﻟﻢ
ﺿﺤﻜﺖ ﻭﻣﻤﺼﺪﻛﻪ ﺍﻟﻲ ﺗﺴﻤﻌﻪ ﻛﻞ ﺍﻟﺤﺰﻥ ﺍﻟﻲ ﺑﻜﻠﺒﻬﺎ ﺻﺎﺭ ﺳﻌﺎﺩﻩ . ﻳﻌﻨﻲ ﺗﺼﻴﺮ ﻣﺴﺎﻟﻢ ﻋﻠﻤﻮﺩﻱ
ﺍﻣﻴﺮ . ﻭﺍﺧﻴﺮﺍ ﺿﺤﻜﺘﻲ ﻭﻟﺞ ﻟﻮ ﺗﺪﺭﻳﻦ ﺷﻜﺪ ﻣﺸﺘﺎﻕ ﻟﻀﺤﻜﺘﺞ ﻭﻟﺞ ﻣﺴﺘﺤﻴﻞ ﺍﺧﻠﻴﺞ ﺗﺮﻭﺣﻴﻦ ﺍﺻﻼ ﻛﻨﺖ ﺗﺎﺭﻛﺞ ﻉ ﻫﻮﺍﺝ ﻭﺗﻔﻜﺮﻳﻦ ﺑﺎﻟﺮﻭﺣﻪ ﻻﻥ ﻭﺭﺑﻲ ﺍﻛﺴﺮ ﺭﺟﻠﻴﺞ ﻭﻣﺎ ﺍﺧﻠﻴﺞ ﺗﺮﻭﺣﻴﻦ ﻭﻟﺞ ﺣﺘﻰ ﻓﺮﺍﺱ ﻭﺑﻨﺘﻪ ﺳﻤﻌﺘﻬﻢ ﺗﺮﺍﻫﻨﻮ ﻉ ﺭﻭﺣﺘﺞ
ﺣﻄﺖ ﻏﺰﻝ ﺭﺍﺳﻬﺎ ﻉ ﺭﺍﺱ ﺍﻣﻴﺮ . ﺷﻜﺪ ﺭﻭﻣﺎﻧﺴﻲ ﻳﺎﺍﻟﻠﻪ ﻋﻨﺪﻱ ﺍﻛﺜﺮ ﺭﺟﺎﻝ ﺭﻭﻣﺎﻧﺴﻲ ﺑﻬﺎﻟﻌﺎﻟﻢ ﺷﻜﺪ ﻣﺤﻀﻮﺿﻪ ﺍﻧﻲ
ﺍﻣﻴﺮ . ﻟﻮ ﺗﺪﺭﻳﻦ ﺷﻜﺪ ﺍﺣﺒﺞ
ﺧﺠﻠﺖ ﻏﺰﻝ ﻻﻥ ﻣﻤﺘﻌﻮﺩﻩ ﺗﺴﻤﻊ ﻣﻨﻪ ﻫﻴﺠﻲ ﻛﻼﻡ ﺣﻠﻮ
ﻋﺮﻑ ﺍﻣﻴﺮ ﺑﻴﻬﺎ ﺧﺠﻠﺖ . ﻭﻟﺞ ﻟﺘﺨﻠﻴﻨﻲ ﺍﺻﻴﺢ ﻫﺴﻪ ﻭﺍﻛﻮﻝ ﻛﺪﺍﻡ ﺍﻟﻌﺎﻟﻢ ﻛﻠﻪ ﺍﻧﻲ ﺍﺣﺐ ﺯﻭﺟﺘﻚ ﺍﺣﺐ ﺍﻟﻲ ﺭﺍﺩﺕ ﺗﻘﺘﻠﻨﻲ ﻭﺑﺎﺳﻬﺎ ﻛﺎﻧﺖ ﻛﻠﻬﺎ ﺣﺐ ﻭﺭﻭﻣﺎﻧﺴﻴﻪ ﺍﻭﻝ ﻣﺮﻩ ﺗﺤﺲ ﺑﺤﺐ ﺍﻣﻴﺮ ﺍﻟﻬﺎ ﻣﻤﺼﺪﻛﻪ ﻗﺒﻞ ﺷﻮﻳﻪ ﺟﺎﻧﺖ ﺗﺒﺠﻲ ﻭﻫﺴﻪ ﻫﻲ ﺍﺳﻌﺪ ﺍﻧﺴﺎﻧﻪ ﺑﺎﻟﺪﻧﻴﺎ
ﻏﺰﻝ . ﺍﺣﺒﻚ ﺍﺣﺒﻚ ﺍﺣﺒﻚ
ﺑﺎﻭﻉ ﺍﻣﻴﺮ ﻋﻠﻴﻬﺎ ﺑﺲ ﻧﻀﺮﺍﺗﻪ ﺗﻐﻴﺮﺕ ﺍﺳﺘﻐﺮﺑﺖ ﻏﺰﻝ ﻣﻼﻣﺤﻪ ﺭﺟﻌﺖ ﺗﺨﻮﻑ ﻭﻫﻮ ﺍﻧﺪﺍﺭ ﻉ ﺍﻟﺒﺎﺏ
ﻏﺰﻝ . ﺷﺒﻴﻚ ﺍﻣﻴﺮ ﺷﻜﻮ ﻛﺎﻡ ﺍﻣﻴﺮ ﻭﺣﻄﻬﺎ ﻭﺭﺍﻩ ﻭﺍﺧﺬ ﺍﻟﺨﻨﺠﺮ ﺍﻟﻲ ﻣﺤﻄﻮﻁ ﻉ ﺍﻟﺤﺎﻳﻂ ﻣﻔﻬﻤﺖ ﻏﺰﻝ ﺷﻜﻮ ﺑﺲ ﺣﺴﺖ ﺍﻛﻮ ﺷﻲ ﻣﻮ ﺯﻳﻦ ﺣﻴﺼﻴﺮ ﻻﻥ ﻛﻠﻤﺎ ﺗﺤﺲ ﺑﺎﻟﺴﻌﺎﺩﻩ ﻭﻳﻪ ﺍﻣﻴﺮ ﻳﺼﻴﺮ ﺷﻲ ﻣﺴﻜﺖ ﻗﻤﻴﺼﻪ ﻣﻦ ﻭﺭﻩ ﺑﺨﻮﻑ . ﺷﻜﻮ ﺍﻣﻴﺮ ﻓﻬﻤﺘﻲ
ﺍﻣﻴﺮ . ﻛﺎﻥ ﻳﻔﻜﺮ ﺷﻠﻮﻥ ﺩﺧﻠﻮ ﻭﺍﻟﺤﺮﺱ ﻭﻳﻦ ﻭﻛﻞ ﺧﻮﻓﻪ ﻉ ﻏﺰﻝ
ﺍﻣﻴﺮ . ﺍﻋﺮﻑ ﺍﻧﻲ ﺍﻛﻮ ﺍﺣﺪ ﺑﺮﻩ ﻭﺍﻛﻒ ﺷﻠﻮﻥ ﻭﻟﻴﺶ ﻣﻴﻬﻤﻨﻲ ﻳﺎ ﺍﻣﺎ ﺗﺮﻭﺣﻮﻥ ﻭﺍﻧﻲ ﺍﺟﻴﻜﻢ ﻭﻧﺘﺤﺎﺳﺐ ﻟﻮ ﺗﻄﻠﻊ ﺣﺘﻰ ﻫﺴﻪ ﺍﻗﺘﻠﻜﻢ ﻛﻠﻜﻢ
.
ﻣﻔﻬﻤﺖ ﻏﺰﻝ ﺍﻟﻲ ﺩﻳﺼﻴﺮ ﺷﻨﻮ ﺑﺲ ﻣﻦ ﺍﻧﻔﺘﺤﺖ ﺍﻟﺒﺎﺏ ﻭﺩﺧﻞ ﻛﺮﻡ ﻣﻨﻬﺎ ﻭﺭﺍﻩ ﺍﻟﺮﻳﺎﺟﻴﻞ ﻋﺮﻓﺖ ﻣﻼﻣﺤﻪ ﻛﺎﻧﺖ ﺗﺨﻮﻑ ﻣﺘﻐﻴﺮ ﻫﻮﺍﻳﻪ ﺷﻠﻮﻥ ﺍﺟﺎﻩ ﻭﺩﺧﻞ ﻭﻟﻴﺶ ﺍﺟﺎﻩ ﺍﺻﻼ ﻫﺬﺍ ﺍﻟﻲ ﻓﻜﺮﺕ ﺑﻴﻪ
ﻛﺮﻡ . ﺍﺷﺘﺎﻗﻴﺘﻠﻲ ﺻﺎﺭ ﻫﻮﺍﻳﻪ ﻣﺸﺎﻳﻔﻚ ﺧﻮﻳﻪ
ﺍﻣﻴﺮ . ﺍﻧﻲ ﺍﺩﺭﻱ ﺑﻴﻚ ﻏﺒﻲ ﺍﻟﻲ ﺗﺨﻠﻲ ﻣﺮﺍﻩ ﺗﻬﺰﻣﻚ ﻣﻨﻲ ﺑﺲ ﻣﺴﺘﻐﺮﺏ ﻉ ﻏﺒﺎﺋﻚ ﺍﻟﻲ ﺟﺎﺑﻚ ﻳﻤﻲ ﻣﺮﻩ ﺛﺎﻧﻴﻪ ﻓﻮﺍﺿﺢ ﺍﻧﻮ ﺍﻧﺖ ﺍﻟﻲ ﺍﺷﺘﺎﻗﻴﺘﻠﻲ ﺑﺲ ﻣﻨﻮ ﻫﺎﻟﻤﺮﻩ ﺣﻴﻨﻘﺬﻙ ﻣﻨﻚ ﻳﺎﺍﺍﺍﺍﺍﺍ ﺧﻮﻭﻭﻳﻪ
ﻛﺮﻡ . ﻫﻲ ﻧﻔﺴﻬﺎ ﺍﻟﻲ ﺳﻤﻤﺖ ﺭﻭﺣﻬﺎ ﺑﺲ ﻋﻠﻤﻮﺩ ﺍﻃﻠﻌﻨﻲ
ﺯﻭﺟﺘﻚ
ﻏﺰﻝ . ﻛﺎﻓﻲ ﻛﺮﻡ ﺭﻭﻭﺡ ﺍﻣﻴﺮ ﺧﻠﺺ ﺣﻴﺴﺎﻣﺤﻚ ﻭﺗﺘﺼﺎﻟﺤﻮﻥ
ﺍﻣﻴﺮ . ﺳﺪﻱ ﺣﻠﻜﺞ ﺍﻧﺘﻲ
ﻭﺧﺮﺕ ﻏﺰﻝ ﻭ ﻭﻛﻔﺖ ﺑﻴﻨﺎﺗﻬﻢ . ﺭﻭﺡ ﻛﺮﻡ ﺍﻧﻲ ﺍﺿﻤﻨﻠﻚ ﻣﺎﻛﻮ ﺑﻌﺪ ﻋﺪﺍﻭﻩ ﺑﻴﻨﻜﻢ ﺑﺲ ﺭﻭﺡ
ﺳﺤﺒﻬﺎ ﺍﻣﻴﺮ . ﻛﺘﻠﺞ ﺳﺪﻱ ﺣﻠﻜﺞ
ﻛﺮﻡ . ﻟﻮ ﺍﻧﻲ ﺑﻤﻜﺎﻧﺞ ﺍﺳﺪ ﺣﻠﻜﻲ ﺑﺲ ﺍﻟﻤﻬﻢ ﺍﻧﻲ ﺍﺟﻴﺖ ﺣﺘﻰ ﺍﺧﺬ ﺷﻨﻮ ﻣﻦ ﺣﻘﻲ ﺻﺤﻴﺢ ﻏﺰﻝ ﺑﻌﺪ ﻣﺎ ﺍﻧﺖ ﻃﻠﻌﺖ ﻋﺎﻳﺶ ﺭﺟﻌﺖ ﺯﻭﺟﺘﻚ ﺍﻟﻚ ﺑﺲ ﺍﻧﻲ ﺍﺭﻳﺪ ﺍﺧﺬﻫﺎ ﺍﻟﻲ
ﺍﻣﻴﺮ . ﻣﺘﺎﺧﺬﻫﺎ ﻭﺍﻧﻲ ﺍﺷﻢ ﻫﻮﻩ
ﺍﺳﺘﻐﺮﺑﺖ ﻏﺰﻝ ﺧﻮﻑ ﺍﻣﻴﺮ ﻋﻠﻴﻬﺎ ﻛﺮﻡ ﺑﻴﺖ ﺍﻣﻴﺮ ﻳﻌﻨﻲ ﺍﻣﻴﺮ ﻻﺯﻡ ﻳﻜﻮﻥ ﻣﺴﻴﻄﺮ ﻭﺣﺮﺍﺳﻪ ﻭﻛﻞ ﺍﻟﻲ ﻳﺸﺘﻐﻠﻮﻥ ﻭﻳﺎﻩ ﺭﺍﺡ ﻳﺴﺎﻋﺪﻭﻩ
ﻛﺮﻡ . ﺷﻜﺪ ﻛﻨﺖ ﺍﺗﻤﻨﻰ ﻫﻴﺠﻲ ﺗﻜﻮﻝ ﻭﻳﻨﻜﻢ ﺭﻭﺣﻮ ﺟﻴﺒﻮﻫﺎ ﺍﻟﻲ
ﻭﺍﻭﻝ ﻣﺘﻘﺪﻣﻮ ﺍﺛﻨﻴﻦ ﺿﺮﺑﻬﻢ ﺍﻣﻴﺮ ﻭ ﻭﻛﻌﻮ ﺑﺎﻟﻜﺎﻉ ﻭﺷﺎﻓﺖ ﻏﺰﻝ ﺍﻧﻮ ﺍﻣﻴﺮ ﺷﻜﻠﻪ ﺩﺍﻳﺦ ﻫﻮ ﺻﺢ ﺷﺎﺭﺏ ﻣﺒﻴﻦ ﻋﻠﻴﻪ ﺑﻌﺪﻩ ﻣﺼﺎﺣﻲ
ﻫﺎﻓﺖ ﻏﺰﻝ ﻋﻠﻴﻪ ﻭﻛﺎﻧﺖ ﺗﺼﺮﺥ ﺗﺮﻳﺪ ﺍﻟﺤﺮﺍﺱ ﻣﺎﻛﻮ ﺍﺣﺪ ﻳﺤﻲ ﺗﺒﺎﻭﻉ ﻉ ﻛﺮﻡ ﻭﻫﻮ ﻳﺒﺎﻭﻉ ﻉ ﺍﻣﻴﺮ ﻭﻫﻮ ﻳﺘﻌﺎﺭﻙ ﻭﻛﺎﻥ ﺑﻴﻪ ﺷﻲ ﻫﻲ ﺗﻌﺮﻑ ﺍﻟﺸﺮﺏ ﻣﻴﺴﻮﻱ ﻫﻴﺠﻲ ﺑﻴﻪ ﻟﻴﺶ ﻣﺒﻴﻦ ﻋﻠﻴﻪ ﺣﻴﻔﻘﺪ ﺳﺎﻓﺖ ﻭﺍﺣﺪ ﻭﻛﻒ ﻭﺭﻩ ﺍﻣﻴﺮ ﺩﻳﻀﺮﺑﻪ ﻣﺒﺎﺷﺮﺗﺎ ﺻﺎﺭﺕ ﻭﺭﺍﻩ ﺣﺘﻰ ﺗﺤﻤﻴﻪ
ﻭﻏﻤﻀﺖ ﻋﻴﻨﻬﺎ ﻣﺴﺘﺴﻠﻤﻪ ﻟﻠﻤﻮﺕ ﺑﺲ ﺣﺴﺖ ﺑﺴﺤﺒﻪ ﺍﻣﻴﺮ ﺍﻟﻬﺎ ﻭﺣﻀﻨﻬﺎ ﻭﻫﻮ ﺍﻟﻲ ﺍﺧﺬ ﺍﻟﻀﺮﺑﻪ ﻓﺘﺤﺖ ﺣﻴﻨﻬﺎ ﻭﺷﺎﻓﺘﻪ ﻣﻀﺮﻭﺏ ﺑﻀﻬﺮﻩ ﻭﺑﺪﺍ ﺍﻟﺪﻡ ﻳﻨﺰﻝ ﻣﻨﻪ ﺣﻀﻨﺘﻪ ﺣﺘﻰ ﻣﻴﻮﻛﻊ ﻭﺗﺼﺮﺥ ﺍﻣﻴﺮ ﺑﺎﻭﻉ ﻋﻠﻴﻪ ﻭﻣﺴﻜﺖ ﻭﺟﻬﻪ ﺑﺎﻭﻉ ﻋﻠﻴﻪ ﻓﺪﻭﻩ
ﺣﺎﻭﻝ ﺍﻣﻴﺮ ﻳﻔﺘﺢ ﻋﻴﻨﻪ ﻋﺮﻑ ﺑﺮﻭﺣﻪ ﻛﺎﻥ ﻣﺨﺪﺭ ﻣﻮ ﻣﺴﻤﻮﻡ ﻻﻥ ﻟﻮ ﺳﻢ ﻛﺎﻥ ﺣﺲ ﺑﺲ ﻫﻮ ﻛﺎﻥ ﻣﺨﺪﺭ ﺍﻳﺮﻳﺪ ﻳﺼﺤﻰ ﻣﻴﻜﺪﺭ ﺟﺴﻤﻪ ﻣﻠﻪ ﺛﻜﻞ ﻣﺴﻚ ﻏﺰﻝ ﺣﻴﻴﻞ ﺣﺘﻰ ﻣﻴﺎﺧﺬﻭﻫﺎ ﻻﻥ ﻋﺮﻑ ﺣﺘﺮﻭﺡ ﻣﻨﻪ
ﻛﺮﻡ ﺣﻴﺎﺧﺬﻫﺎ ﻭﻫﺬﺍ ﺍﻛﺜﺮ ﺷﻲ ﺩﻣﺮﻩ ﻳﺴﻤﻊ ﻏﺰﻝ ﻭﻫﻲ ﺗﺼﺮﺥ ﺑﺲ ﻣﺪﻳﻜﺪﺭ ﻳﺴﻮﻱ ﺷﻲ ﺑﺲ ﺣﺎﺿﻨﻬﺎ ﻟﻮ ﻳﻌﺮﻑ ﻳﻜﻄﻌﻮﻩ ﻭﻣﻴﺘﺮﻛﻬﺎ ﺍﺑﺪ
ﻏﺰﻝ . ﺍﻧﻲ ﻳﻤﻚ ﺣﺒﻴﺒﻲ ﻣﺤﺪ ﻳﻜﺪﺭ ﻳﺎﺧﺬﻧﻲ ﻣﻨﻚ
ﺍﺫﻛﺮﺕ ﻏﺰﻝ ﺑﻠﺤﻈﻪ ﻣﻮﺕ ﺍﻣﻪ ﻛﺎﻥ ﺣﺎﺿﻨﻬﺎ ﻻﻣﻪ ﻭﻳﺒﺠﻲ ﻭﻣﻦ ﺷﺎﻑ ﻏﺰﻝ ﺭﻛﺾ ﻋﻠﻴﻬﺎ ﻭﻗﺘﻬﺎ ﻭﺣﻀﻨﻬﺎ ﺣﺘﻰ ﻣﺘﺮﻛﻪ ﻭﻫﺴﻪ ﻧﻔﺲ ﺍﻟﺸﻲ ﺣﻀﻨﺘﻪ ﻭﻣﺮﺍﺡ ﺍﺗﺮﻛﻪ
ﺭﺍﺩﻭ ﻳﻀﺮﺑﻮﻩ ﺑﻌﺪ ﺑﺲ ﻛﺮﻡ ﻛﺎﻝ ﻻ ﺗﺮﻛﻮﻩ ﺍﻧﻲ ﺍﻟﻲ ﺣﻘﺘﻠﻪ ﺑﺲ ﻣﻮ ﻫﻨﺎ ﻭﻻﻫﺴﻪ ﺻﻔﻦ ﻉ ﺍﻣﻴﺮ ﻭﻉ ﻗﻮﺗﻪ ﺍﻟﺤﺮﺱ ﺍﺗﺨﺪﺭﻭ ﻭﻣﺒﺎﺷﺮﺗﺎ ﻓﻘﺪﻭ ﺍﻻ ﻫﻮ ﻇﻞ ﺻﺎﺣﻲ ﻭﻳﻘﺎﻭﻡ ﻓﻌﻼ ﻗﻮﻱ ﻭﺩﻳﺘﺤﻤﻞ ﺑﻮﺟﻊ ﻗﻮﻱ
ﺍﻛﺜﺮ ﺭﺟﺎﻝ ﺧﺎﻑ ﻣﻨﻪ ﻧﻀﺮﻩ ﻣﻨﻪ ﺗﺨﻠﻲ ﺍﻗﻮﻯ ﻭﺍﺣﺪ ﻳﺨﺎﺍﻑ
ﺑﺲ ﻫﺴﻪ ﻻ ﻣﺮﺍﺡ ﺍﺧﻠﻲ ﺧﻮﻓﻲ ﻳﺴﻴﻄﺮ ﻋﻠﻴﻪ ﺿﺎﺝ ﻣﻦ ﺍﻟﻤﻨﻈﺮ ﺍﻟﻜﺪﺍﻣﻪ ﻣﺼﻮﺏ ﻭﻻﺧﺮ ﻟﺤﻈﻪ ﺣﺎﺿﻦ ﻏﺰﻝ
ﺍﻣﻴﺮ . ﻳﻠﻪ ﻛﺎﻓﻲ ﻟﻌﺐ ﺟﻴﺒﻮﻫﺎ ﺻﺮﺧﺖ ﻏﺰﻝ ﺑﺎﻋﻠﻰ ﺻﻮﺗﻬﺎ ﻭﺍﻣﻴﺮ ﻳﺤﻀﻨﻬﺎ ﻛﺎﻧﻮ ﻳﺮﻳﺪ ﻳﺪﺧﻠﻬﺎ ﺑﻀﻠﻮﻋﻪ
ﺭﺟﻌﻮ ﻳﻀﺮﺑﻮﻥ ﺍﻣﻴﺮ ﻭﻫﻲ ﺗﺸﻮﻓﻪ ﺩﻳﺘﺎﺫﻯ ﻭﺍﺫﺍ ﺑﻘﻮ ﻫﻴﺠﻲ ﺣﻴﻤﻮﺗﻮﻩ ﻓﺸﺎﻭﺭﺗﻪ ﻭﻛﺎﻟﺖ . ﻋﻤﺮﻱ ﻛﻠﻬﺎ ﺍﺑﻘﻰ ﺑﺲ ﺍﻟﻚ ﺣﻀﻨﻬﺎ ﺍﻗﻮﻯ ﻛﺎﻧﻮ ﻋﺮﻑ ﺷﻨﺎﻭﻳﻪ ﺗﺴﻮﻱ
ﺍﻣﻴﺮ . ﻻ ﺍﻳﺎﺝ ﺗﺮﻭﺣﻴﻦ ﺍﻧﺘﻲ ﺍﻟﻲ ﺍﻧﻲ ﺍﺣﻤﻴﺞ
ﻏﺰﻝ . ﺍﻋﺮﻑ ﺍﻧﺖ ﺭﺍﺡ ﺗﺤﻤﻴﻨﻲ ﻭﺍﻋﺮﻑ ﻧﻬﺎﻳﺘﻨﻪ ﺷﻠﻮﻥ ﺣﺘﻜﻮﻥ ﺑﺲ ﺣﻨﺘﻀﺮﻙ ﺳﺤﺒﺖ ﻧﻔﺴﻬﺎ ﻣﻨﻪ ﻣﺴﻚ ﺍﻳﺪﻫﺎ ﻭﺍﻟﺮﻳﺎﺟﻴﻞ ﺳﺤﺒﻮﻫﺎ ﺑﺲ ﺣﺴﺖ ﺍﻧﻮ ﺍﻳﺪﻫﺎ ﺣﺘﻨﺨﻠﻊ ﻫﻠﻜﺪ ﻣﻀﻐﻂ ﻋﻠﻴﻬﺎ ﻭﺳﺤﺒﻬﺎ ﺍﻟﻪ
ﺿﺮﺑﻮﻩ ﺑﻜﻞ ﻗﻮﺗﻬﻢ ﻭﺳﺤﺒﻮﻫﺎ ﻋﻴﻮﻧﻪ ﻋﻠﻴﻬﺎ ﻣﻴﺮﻣﺶ ﺑﺲ ﻳﺒﺎﻭﻉ ﻭﻣﻴﻜﺪﺭ ﻻ ﻳﺘﺤﺮﻙ ﻭﻻ ﺍﻱ ﺷﻲ ﺷﻤﺮﻭﻫﺎ ﻉ ﻛﺮﻡ ﻭﻫﻲ ﺗﺼﺮﺥ
ﺍﻧﺖ ﺷﺴﻮﻳﺖ ﻟﻮ ﺗﺎﺭﻛﺘﻚ ﺗﻤﻮﺕ ﻋﻮﻓﻨﻪ ﺷﺘﺮﻳﺪ ﻣﻨﻪ
ﻛﺮﻡ . ﺍﻛﻮ ﻭﺣﺪﻩ ﻫﻴﺠﻲ ﺗﺴﺘﻘﺒﻞ ﺯﻭﺟﻬﺎ ﺑﻌﺪ ﻛﻞ ﺍﻟﻲ ﺳﻮﻳﺘﻪ ﻋﻠﻤﻮﺩﺝ ﺑﻌﺪﻳﻦ ﻟﺘﺨﺎﻓﻴﻦ ﻣﺎﺑﻴﻪ ﺷﻲ ﺑﺲ ﻣﺨﺪﺭ ﻣﺮﺍﺡ ﻳﻤﻮﺕ ﺍﻟﻌﺎﺭ
ﺍﻣﻴﺮ ﻭﺑﺼﻮﺕ ﻧﺎﺻﻲ . ﺩﻳﺮ ﺑﺎﻟﻚ ﺗﻠﻤﺴﻬﺎ ﻭﺧﺮ ﺍﻳﺪﻙ ﺍﻟﻘﺬﺭﻩ ﻋﻨﻬﺎ
ﺍﻧﺪﺍﺭﺕ ﻏﺰﻝ ﻋﻠﻴﻪ ﻭﻓﺮﺣﺖ ﻣﻦ ﺷﺎﻓﺘﻪ ﻛﺎﻋﺪ ﻭﻳﺤﺠﻲ ﻳﻌﻨﻲ ﻓﻌﻼ ﻣﻤﺎﺕ
ﻏﺰﻝ . ﻟﺘﺨﺎﻑ ﻋﻠﻴﻪ ﻣﺎﺑﻴﻪ ﺷﻲ
ﻣﺴﻜﻬﺎ ﻛﺮﻡ ﻣﻦ ﺭﻛﺒﺘﻬﺎ . ﺷﻮﻑ ﻳﺎ ﺧﻮﻳﻪ ﺷﻮﻓﻬﺎ ﺍﺭﻳﺪﻙ ﺗﺤﻔﺮ ﻫﺎﻟﺼﻮﺭﻩ ﺑﺮﺍﺳﻚ ﻭﺍﻧﺘﻲ ﺷﻮﻓﻲ ﻣﻨﻀﺮﻩ ﺍﻟﻲ ﻳﻘﻬﺮ ﺷﻮﻓﻲ ﺯﻭﺟﺞ ﺍﻟﺤﻴﻮﺍﻥ ﺍﻟﻲ ﻛﺎﻥ ﺑﺲ ﺍﻳﺎﺫﻳﺞ ﻭﻳﻌﺬﺑﺞ ﻭﻳﻌﺎﻣﻠﺞ ﻣﺜﻞ ﺍﻟﺤﻴﻮﺍﻧﺎﺕ
ﺣﺘﻰ ﺻﺪﻙ ﻛﻞ ﺍﻟﻜﻼﻡ ﺍﻟﻲ ﻛﻠﺘﻪ ﺻﺪﻙ ﻣﻦ ﻛﺘﻠﻪ ﺍﻧﻮ ﺍﻧﺘﻲ ﻗﺘﻠﺘﻲ ﺍﺑﻨﻪ ﺑﻌﺪ ﻣﻤﺎﺕ ﻭﺻﺪﻙ ﻋﻼﻗﺘﻲ ﻭﻳﺎﺝ ﻛﺰﻭﺝ ﻭﺯﻭﺟﻪ ﺑﺎﻭﻉ ﻉ ﺍﻣﻴﺮ
ﺍﺍﺍﻱ ﻛﻠﻪ ﻛﺬﺏ ﻛﻞ ﺍﻟﻲ ﻛﻠﺘﻪ ﻣﺼﺎﺭ ﻻ ﻃﻔﻞ ﻭﻻ ﺯﻭﺍﺝ ﻭﻟﻚ ﻭﺣﺘﻰ ﻭﺍﻧﺖ ﻣﻴﺖ ﻫﻲ ﻛﺎﻧﺖ ﻣﺨﻠﺼﻪ ﺍﻟﻚ ﺣﺘﻰ ﻭﺍﻧﺖ ﻣﻴﺖ ﺣﺒﺘﻚ ﺑﺲ ﻛﻞ ﻫﺬﺍ ﺣﻴﺨﻠﺺ ﻣﺮﺍﺡ ﺍﻗﺘﻠﻚ ﻫﺴﻪ ﻻ ﻛﻠﺸﻲ ﺣﻴﻨﺎﻫﻲ ﻣﻦ ﺗﺠﻲ ﻭﺗﻮﺍﺟﻬﻨﻲ ﻭﺑﺼﻮﺭﻩ ﻧﻬﺎﺋﻴﻪ ﻫﺎﻟﻤﺮﻩ ﻭﻫﺴﻪ ﻻﺯﻡ ﻧﺮﻭﺡ ﻭﺳﺤﺐ ﻏﺰﻝ ﻭﻃﻠﻊ ﻭﻫﻲ ﺗﺼﺮﺥ ﻭﺗﺼﻴﺢ ﺑﺎﺳﻤﻪ ﻭﻧﻀﺮﺍﺗﻪ ﺍﻟﻬﺎ ﻭﻫﻤﻪ ﻳﺎﺧﺬﻭﻫﺎ ﻛﺴﺮﺕ ﻛﻠﺒﻬﺎ ﻋﻤﺮﻫﺎ ﻣﺸﺎﻓﺘﻪ ﺑﻬﺎﻟﺤﺎﻟﻪ ﺑﺎﻟﻀﻌﻒ ﻋﺮﻓﺖ ﺍﻧﻮ ﻫﻮ ﺣﻴﻠﻮﻡ ﻧﻔﺴﻪ ﺑﺎﻭﻋﺖ ﻋﻠﻴﻪ ﻭﻧﻀﺮﺍﺗﻬﺎ ﻛﻠﻬﺎ ﺣﺐ ﻭﻛﺎﻟﺖ . ﺭﻭﺣﻲ ﺣﺘﺒﻘﻰ ﻳﻤﻚ ﻣﺮﺍﺡ ﺍﺗﺮﻛﻚ ﺍﺑﺪ
ﺣﺮﻙ ﻋﻴﻮﻧﻪ ﻋﻠﻴﻬﺎ ﻛﺎﻧﻮ ﻳﺮﻳﺪﻫﺎ ﻣﺘﺮﻭﺡ
ﺍﺑﺘﺴﻤﺖ . ﺍﻧﻲ ﺍﺣﺒﻚ
ﻭﺭﺍﺣﺖ ﻭﺍﺧﺘﻔﺖ ﻣﻦ ﻛﺪﺍﻡ ﻋﻴﻮﻧﻪ ﻭﺑﻘﻰ ﻫﻮ ﻭﺣﺪﻩ ﻳﺼﺎﺭﻉ ﺍﻟﻤﻮﻭﺕ
.
ﺍﻟﺼﺒﺢ ﻓﺰ ﻓﺮﺍﺱ ﻉ ﺻﻮﺕ ﺍﻟﺼﺮﺍﺥ ﺍﻟﻲ ﺑﺎﻟﺒﻴﺖ ﻣﻌﺮﻑ ﺷﻨﻮ ﺍﻟﺼﺎﻳﺮ ﻣﺴﻜﺘﻪ ﻟﻤﻴﺎﺀ ﻣﻦ ﺍﻳﺪﻩ ﻭﺑﺨﻮﻑ
ﻟﻤﻴﺎﺀ . ﺷﻜﻮ ﺷﻨﻮ ﺍﻟﻲ ﺻﺎﺭ
ﻭﻛﻒ ﺑﺴﺮﻋﻪ ﻭﺑﺪﻝ ﻣﻼﺑﺴﻪ ﻭﻛﺎﻝ ﻟﻤﻴﺎﺀ . ﻛﻮﻣﻲ ﺑﺴﺮﻋﻪ ﻭﺭﻭﺣﻲ ﻉ ﻣﻼﻙ ﻟﻐﺮﻓﺘﻬﺎ ﻭﻣﻄﻠﻌﻮﻥ ﻣﻨﻬﺎ ﺍﻻ ﺍﻧﻲ ﺍﺟﻴﻜﻢ
ﻟﻤﻴﺎﺀ . ﺑﺲ ﻓﻬﻤﻨﻲ ﺷﻜﻮ ﻭﺷﻨﻮ ﻫﺎﻟﻌﻴﺎﻁ
ﺍﺟﺎﻫﻠﻬﺎ ﻓﺮﺍﺱ ﻭﻛﻤﻞ ﺗﺒﺪﻳﻞ ﻣﻼﺑﺴﻪ ﻭﻛﺎﻝ . ﺳﻮﻱ ﺍﻟﻜﺘﻠﺞ ﻋﻠﻴﻪ ﻭﺭﺍﺩ ﻳﻄﻠﻊ
ﻟﻤﻴﺎﺀ . ﻫﺎﻟﻤﺮﻩ ﺣﻨﺘﻀﺮﻙ ﺩﻳﺮ ﺑﺎﻟﻚ ﺗﺨﻄﻂ ﺷﻲ ﻭﺣﺪﻙ ﻫﺎﻟﻤﺮﻩ ﻣﺜﻞ ﻗﺒﻞ ﻭﺭﺑﻲ ﺍﻗﺘﻠﻚ ﻫﺎﻟﻤﺮﻩ
ﻓﺮﺍﺱ . ﺗﺨﺒﻠﻴﻦ ﻭﺍﻧﺘﻲ ﻣﻌﺼﺒﻪ
ﺑﺲ ﺻﺪﻛﻲ ﻣﺎ ﺍﺗﺮﻛﺞ ﻫﺎﻟﻤﺮﻩ ﻟﻮ ﺍﻋﺮﻑ ﻳﻄﻠﻌﻮﻥ ﻛﻠﺒﺞ ﻣﻦ ﻣﻜﺎﻧﻪ ﻭﻻ ﺍﺟﺮﺣﻪ ﺍﻧﻲ ﻭﻃﻠﻊ
ﻟﻤﻴﺎﺀ . ﻳﺎﺭﺑﻲ ﻟﻴﺶ ﻛﻠﻤﺎ ﻧﺼﺎﻟﺢ ﺑﺎﻟﻠﻴﻞ ﺛﺎﻧﻲ ﻳﻮﻡ ﺍﻟﺼﺒﺢ ﺗﺼﻴﺮ ﻣﺼﻴﺒﻪ ﻭﺍﻟﻠﻪ ﺗﻌﺒﺖ ﺷﻨﻮ ﻫﺎﻟﺪﺭﺟﻪ ﺍﺣﻨﺎ ﻣﺸﺆﻣﻴﻦ
ﻃﻠﻊ ﻓﺮﺍﺱ ﻭﺷﺎﻑ ﺍﻟﻜﻞ ﻳﺮﻛﺾ ﺻﺎﺡ ﺷﻜﻮ . ﻭﺟﺎﻭﺑﻮﻩ . ﺍﻟﺪﻧﻴﺎ ﺍﻧﻜﻠﺒﺖ ﻳﻤﻌﻮﺩ ﺭﺍﺡ ﻧﺮﻭﺡ
ﻓﺮﺍﺱ . ﻭﻳﻦ ﻧﺮﻭﺡ ﻣﻮ ﻉ ﺍﺳﺎﺱ ﺑﻌﺪ ﻳﻮﻣﻴﻦ ﻧﻄﻠﻊ
ﺷﺒﻴﻚ ﺷﻨﻮ ﻣﺘﺪﺭﻱ ﻣﻮ ﻛﺮﻡ ﺍﺟﻪ
ﺗﺤﻮﻝ ﺷﻜﻞ ﻓﺮﺍﺱ ﻭﺻﺎﺭ ﻭﺟﻬﻪ ﺍﺻﻔﺮ ﻭﻣﺮﻋﻮﺏ
ﻓﺮﺍﺱ . ﺷﻨﻮﻭﻭ ﻭﻳﻦ ﺍﺟﻪ ﺍﻫﻨﺎ ﻭﻉ ﺍﻱ ﺍﺳﺎﺱ ﻭﻟﻴﺶ ﻭﺷﻠﻮﻥ ﺩﺧﻞ ﺍﻟﺤﺮﺍﺱ ﻭﻳﻦ ﺟﺎﻧﻮ ﺑﺲ ﻟﺤﻈﻪ ﻫﻮ ﻟﻴﺶ ﺍﺟﻪ؟؟؟
ﻓﺮﺍﺱ ﺍﻧﺖ ﻗﺎﻓﻞ ﻣﻦ ﺍﻟﺮﺋﻴﺴﻲ ﻭﻟﻚ ﺍﺧﺬ ﻏﺰﻝ ﻭﺧﺪﺭ ﻛﻞ ﺍﻟﺤﺮﺱ ﻭﺣﺘﻰ ﺍﻣﻴﺮ ﻃﻠﻊ ﺣﺎﻃﻴﻠﻪ ﺍﻟﻤﺨﺪﺭ ﺑﺎﻟﺸﺮﺏ ﻻﻥ ﻣﺤﺪ ﻳﻜﺪﺭﻟﻪ ﻭﻫﻮ ﺻﺎﺣﻲ ﻓﺮﺍﺱ ﺍﻫﻨﺎ ﺍﺭﻋﺐ ﺑﺎﻟﺰﺍﻳﺪ ﻭﻛﺎﻝ . ﺷﻠﻮﻥ ﻳﻌﻨﻲ ﻫﺴﻪ ﺭﺍﺣﺖ ﻏﺰﻝ ﺍﺧﺬﻫﺎ ﻛﺮﻡ
ﺍﻱ ﺍﺧﺬﻭﻫﺎ ﻭﺩﺧﻠﻨﻪ ﻉ ﺍﻣﻴﺮ ﻟﻜﻴﻨﺎﻩ ﻭﺍﻛﻊ ﻭﺿﺎﺭﺑﻴﻪ ﺑﻀﻬﺮﻩ ﺑﺲ ﺿﺮﺑﺘﻪ ﻣﻮ ﺧﻄﻴﺮﻩ ﻭﻛﻞ ﺍﻟﻜﺎﻟﻪ ﺍﻟﻨﻪ ﺍﺳﺘﻌﺪﻭ ﻧﺮﻭﺡ ﺍﻟﻬﻢ ﻭﺧﻔﻨﻪ ﻧﺤﺠﻲ ﺍﻱ ﺷﻲ ﺭﺣﻨﻪ ﻉ ﺍﻟﺪﻛﺘﻮﺭ ﻭﺭﺑﻲ ﻣﻦ ﻛﻠﻨﺎﻟﻪ ﺗﻌﺎﻝ ﻛﺎﻡ ﻳﺒﺠﻲ ﻣﻦ ﺍﻟﺨﻮﻭﻑ ﻻﻥ ﺷﻜﻞ ﺍﻣﻴﺮ ﺻﺪﻙ ﻳﺨﻮﻑ ﻭﺧﺎﻳﻔﻴﻦ ﻟﻴﻨﻔﺠﺮ ﺑﺄﻱ ﻟﺤﻈﻪ
ﻓﺮﺍﺱ . ﻭﺭﺑﻲ ﻫﺎﻟﻤﺮﻩ ﺍﺫﺍ ﻟﺰﻣﺖ ﻛﺮﻡ ﺍﻻ ﺍﺳﻠﺦ ﺟﻠﺪﻩ ﻫﺎﻟﺠﺒﺎﻥ ﺍﻟﻨﺬﻝ ﻋﺮﻑ ﻧﻔﺴﻪ ﻫﺎﻟﻤﺮﻩ ﺧﺴﺮﺍﻥ ﻭﺍﺧﺬ ﻏﺰﻝ ﺣﺘﻰ ﻳﻌﺮﻑ ﺷﻠﻮﻥ ﻳﻮﻛﻊ ﺍﻣﻴﺮ
ﻭﻫﺴﻪ ﺗﺤﻀﺮﻭ ﻣﻨﺎ ﻟﺴﺎﻋﻪ ﻃﺎﻟﻌﻴﻦ ﻭﺭﻭﺣﻮ ﺷﻮﻓﻮﻟﻲ ﻣﻦ ﺍﻟﺨﺎﻳﻦ ﺍﻟﻲ ﺧﺪﺭ ﺍﻟﺤﺮﺱ ﻭﺍﻣﻴﺮ ﺍﻧﻲ ﺭﺍﻳﺢ ﺍﺷﻮﻓﻪ
ﻭﻛﻒ ﻓﺮﺍﺱ ﻛﺪﺍﻡ ﻏﺮﻓﻪ ﺍﻣﻴﺮ ﻭﻣﺎﻋﻨﺪﻩ ﺟﺮﺋﻪ ﻳﺪﺧﻞ ﻣﻮ ﺧﻮﻓﺎ ﻣﻦ ﺍﻣﻴﺮ ﻻ ﺑﺲ ﻣﺎﻋﻨﺪﻩ ﺷﺠﺎﻋﻪ ﻭﻫﻮ ﻳﺸﻮﻓﻪ ﺑﻬﺎﻟﺤﺎﻟﻪ ﻻﻥ ﻳﻌﺮﻑ ﺑﺮﻭﺣﻪ ﻏﺰﻝ ﺍﻧﻘﺘﻞ ﺍﻣﻴﺮ ﻣﻦ ﺟﻮﻩ ﺿﺎﺝ ﻣﻦ ﻧﻔﺴﻪ ﻻﻥ ﻫﻮ ﻣﻜﺎﻥ ﻣﻮﺟﻮﺩ ﻭﻳﺤﻤﻴﻪ ﺑﺲ ﻣﻮ ﻭﻗﺖ ﺍﻟﻌﺘﺐ ﻭﺍﻟﻤﻼﻣﻪ ﻫﺴﻪ ﻻﺯﻡ ﻳﺘﻘﻮﻯ ﻭﺩﺧﻞ ﻟﻠﻐﺮﻓﻪ ﻭﺷﺎﻓﻪ ﻧﺎﻳﻢ ﻉ ﺑﻄﻨﻪ ﻭﺍﻟﺪﻛﺘﻮﺭ ﻣﻌﺎﻟﺠﻪ ﻭﺍﻣﻴﺮ ﺻﺎﻓﻦ ﺳﺎﻝ ﺍﻧﻴﺮ ﺍﻟﺪﻛﺘﻮﺭ ﺍﻟﻮﺍﻛﻒ ﻭﺷﻜﻠﻪ ﻛﺎﻥ ﻛﻠﺶ ﺧﺎﻳﻒ
ﻓﺮﺍﺱ . ﻃﻤﻨﻲ ﻋﻨﻪ
ﺍﻟﺪﻛﺘﻮﺭ . ﺍﻟﺠﺮﺡ ﻣﻮ ﻋﻤﻴﻖ ﻣﺒﻴﻦ ﻣﻜﺎﻧﻮ ﻧﺎﻭﻳﻦ ﻳﻘﺘﻠﻮﻩ ﺑﺲ ﺟﺴﻤﻪ ﻛﺎﻥ ﻣﺨﺪﺭ ﺑﺲ ﺑﺪﺍ ﻣﻔﻌﻮﻝ ﺍﻟﺘﺨﺪﻳﺮ ﻳﺨﺘﻔﻲ
ﻓﺮﺍﺱ . ﺗﻤﺎﻡ ﻳﻠﻪ ﺍﻃﻠﻊ
ﺍﻟﺪﻛﺘﻮﺭ . ﻻ ﻫﺬﺍ ﻭﺍﺟﺒﻲ ﻭﻃﻠﻊ ﻳﻮﻛﺾ
ﻇﻞ ﻛﺮﻡ ﻳﺒﺎﻭﻉ ﻉ ﺍﻣﻴﺮ ﻭﻣﻴﺤﺠﻲ ﺷﻲ ﻣﻴﻌﺮﻑ ﺷﻴﻜﻮﻝ ﻭﺍﻣﻴﺮ ﺍﻟﺼﺎﻓﻦ ﻳﺪﺭﻱ ﺑﻴﻪ ﺩﻳﺘﻮﺟﻊ ﻭﺭﻩ ﻓﺘﺮﻩ ﺗﺤﺮﻙ ﻛﺮﻡ ﻭﻛﻌﺪ ﺑﺎﻟﻜﺎﻉ ﻳﻢ ﺳﺮﻳﺮ ﺍﻣﻴﺮ ﻭﻇﻞ ﺳﺎﻛﺖ ﻟﺤﺪ ﻣﺎ ﺣﺠﻪ ﺍﻣﻴﺮ
ﺍﻣﻴﺮ . ﺍﺧﺬﻫﺎ ﻣﻦ ﺍﻳﺪﻱ ﻭﻛﺪﺭﺕ ﺍﺳﻮﻱ ﺷﻲ ﺻﺮﺕ ﻣﺜﻞ ﺍﻟﺬﺑﻴﺤﻪ ﻭﺍﻛﻊ ﺑﺎﻟﻜﺎﻉ ﻭﻫﻤﻪ ﻳﺎﺧﺬﻭﻫﺎ ﻣﻨﻲ
ﻓﺮﺍﺱ . ﻻ ﺍﺧﺬﻭﻫﺎ ﻣﻨﻚ ﺑﺎﻟﻐﺶ ﺍﺧﺬﻭﻫﺎ ﻣﻨﻚ ﻻﻥ ﺍﻛﻮ ﺧﺎﻳﻦ ﺍﻫﻨﺎ ﺳﺎﻋﺪﻫﻢ ﺑﺲ ﻭﺭﺍﺱ ﺑﻨﺘﻲ ﺍﻻ ﺍﺭﺟﻊ ﻏﺰﻝ ﻟﻮ ﺍﻋﺮﻑ ﺍﻣﻮﺕ ﺑﺲ ﺍﻻ ﺍﺭﺟﻌﻬﺎ
ﺍﻣﻴﺮ ﻳﺤﺠﻲ ﻭﻛﺎﻧﻮ ﻣﻴﺴﻤﻊ ﺍﻱ ﺷﻲ . ﺍﺧﺬﻫﺎ ﻣﻨﻲ ﻭﻫﻲ ﺗﺼﻴﺢ ﺑﺎﺳﻤﻲ ﻟﺤﺪ ﻫﺎﻟﻠﺤﻈﻪ ﺻﻮﺗﻬﺎ ﺑﺎﺫﻧﻲ ﺗﺪﺭﻱ ﻫﻲ ﺳﺎﻣﺤﺘﻨﻲ ﺗﺪﺭﻱ ﺍﻧﻔﻘﺖ ﻭﻳﺎﻫﺎ ﺍﺗﻐﻴﺮ ﻭﺣﺴﻮﻱ ﻛﻞ ﺍﻟﻲ ﺗﺮﻳﺪﻩ ﺑﺲ ﻋﻮ ﺍﺧﺬﻫﺎ ﺍﺧﺬ ﺯﻭﺟﺘﻲ ﺍﺧﺬ ﺭﻭﺣﻲ ﻣﻨﻲ ﻭﻃﻠﻊ ﺍﻧﻲ ﺍﻣﻴﺮ ﺍﻟﻲ ﺍﺳﻤﻲ ﺍﻟﻜﻞ ﻳﺮﺟﻒ ﻣﻦ ﻳﺴﻤﻌﻪ ﺻﺎﺭ ﻣﺜﻞ ﺍﻟﺬﺑﻴﺤﻪ ﻭﻫﻤﻪ ﻳﺎﺧﺬﻭﻥ ﺯﻭﺟﺘﻪ ﻣﻨﻪ ﻭﻟﻚ ﺭﺍﺣﺖ ﻣﻨﻲ ﻏﺰﻝ ﻭﻟﻚ ﻭﺍﺣﺖ ﻣﻦ ﺍﻳﺪﻱ
ﻓﺮﺍﺱ ﻭﻫﻮ ﻳﻠﻌﻦ ﺭﻭﺣﻪ . ﺷﻮﻭﻑ ﺍﻟﻲ ﺻﺎﺭ ﻣﻨﻜﺪﺭ ﻧﻐﻴﺮﻩ ﺑﺲ ﺍﻟﻲ ﺣﻴﺼﻴﺮ ﺑﻴﺪﻙ ﺍﻧﺖ ﺍﻟﻲ ﺗﻜﺪﺭ ﺗﺴﻮﻳﻪ ﻭﻧﻘﺘﻠﻬﻢ ﻛﻠﻬﻢ ﺷﻮﻑ ﺍﻟﻜﻞ ﻣﻨﺘﻀﺮﻙ ﺗﻜﻮﻭﻡ ﻭﺗﺘﺤﺮﻙ ﺣﺘﻰ ﻧﺮﻭﺡ ﻭﻛﻮﻭﻡ ﻳﻠﻪ ﺍﻣﻴﺮ ﺍﻟﻲ ﺍﻋﺮﻓﻪ ﻳﺤﺮﻙ ﺍﻟﺪﻧﻴﺎ ﻋﻠﻤﻮﺩ ﻏﺰﻝ ﻭﺣﻨﺮﺟﻌﻬﺎ ﻣﻨﻬﻢ
ﺑﺎﻭﻉ ﺍﻣﻴﺮ ﻉ ﻓﺮﺍﺱ ﻭﻣﻼﻣﺤﻪ ﺗﺨﻮﻑ ﻣﻼﻣﺤﻪ ﺍﻟﻲ ﻋﻤﺮﻩ ﻣﺸﺎﻓﻬﺎ ﺑﻴﻪ ﻛﺮﻡ ﺍﻟﻐﺒﻲ ﺳﻮﻩ ﺍﻏﺒﻪ ﺷﻲ ﺑﺤﻴﺎﺗﻪ ﻣﻦ ﺍﺧﺬ ﻏﺰﻝ ﻻﻥ ﻫﻲ ﺍﻟﺸﻲ ﺍﻟﻮﺣﻴﺪ ﺍﻟﻲ ﻳﺨﻠﻴﻪ ﻣﺴﻴﻄﺮ ﻉ ﺭﻭﺣﻪ ﻫﻲ ﺍﻟﻮﺣﻴﺪﻩ ﺍﻟﻲ ﺗﺨﻠﻴﻪ ﻣﻴﻄﻠﻊ ﻛﻞ ﺍﻟﻲ ﺑﺪﺍﺧﻠﻪ ﻣﻦ ﺣﻘﺪ ﻭﻇﻠﻢ ﺑﺮﻭﺣﺘﻬﺎ ﺣﻴﺎﺗﻪ ﺣﺘﺼﻴﺮ ﻇﻠﻤﻪ ﻭﻣﻦ ﻫﺴﻪ ﻻﺯﻡ ﺍﻟﻜﻞ ﻳﺨﺎﺍﻑ ﻣﻨﻪ
.
ﺍﻣﻴﺮ . ﺍﺣﺮﻛﻬﻢ ﻻ ﺭﺍﺡ ﺍﺳﻮﻱ ﺷﻲ ﺑﻴﻬﻢ ﻋﻤﺮﻫﻢ ﻣﺸﺎﻳﻔﻴﻦ ﻣﻨﻪ ﻭﺑﺎﻟﻨﺴﺒﻪ ﻟﻜﺮﻡ ﻓﺤﺴﺎﺑﻪ ﺣﻴﻜﻮﻥ ﻣﻤﻴﺰ ﻭﻳﺨﺘﻠﻒ ﻫﻮ ﻣﻮ ﻳﺮﻳﺪ ﺣﺮﺏ ﺭﺍﺡ ﺍﺳﻮﻳﻬﺎ ﺍﻟﻪ
ﺻﻴﺤﻠﻲ ﺍﻟﺪﻛﺘﻮﺭ ﺍﺭﻳﺪ ﻣﻮﺭﻓﻴﻦ ﺑﺴﺮﻋﻪ ﺍﻛﻮ ﻭﺟﻊ ﺑﻀﻬﺮﻱ ﻣﺎ ﺍﺭﻳﺪﻩ
ﻳﺒﻘﻰ ﻭﺑﻠﻎ ﺍﻟﻜﻞ ﻫﺴﻪ ﺣﻨﻄﻠﻊ
ﻃﻠﻊ ﻓﺮﺍﺱ ﺑﺪﻭﻥ ﻣﻴﻨﻄﻖ ﺍﻱ ﺣﺮﻑ ﻭﺭﺍﺡ ﻳﻨﻔﺬ ﺍﻭﺍﻣﺮ ﺍﻣﻴﺮ
ﻃﻠﻌﻮ ﻭﺍﺟﺘﻬﻢ ﻟﻤﻴﺎﺀ ﻣﺎﺳﻜﻪ ﻣﻼﻙ . ﻓﺮﺍﺱ . ﺟﻨﺖ ﺭﺍﻳﺪ ﺍﺟﻲ ﺍﻭﺩﻋﻜﻢ ﻗﺒﻞ ﻣﺎ ﺍﺭﻭﺡ ﻭﻧﺰﻝ ﺭﺍﺳﻪ ﻉ ﻣﻼﻙ ﻭﺣﻀﻨﻬﺎ ﻭﺷﺎﻟﻬﺎ . ﻭﻟﺞ ﻛﺎﺍﻓﻲ ﺗﺎﻛﻠﻴﻦ ﺣﺘﺼﻴﺮﻳﻦ ﺑﺮﻣﻴﻞ ﺻﺎﻳﺮﻩ ﺛﻜﻴﻠﻪ
ﺿﺤﻜﺖ . ﺣﺒﻴﺒﻲ ﺑﺎﺑﺎ ﺣﻨﺘﻀﺮﻙ ﺗﺮﺟﻊ ﻣﻮ ﺗﺘﺎﺧﺮ
ﻓﺮﺍﺱ . ﺍﻛﻴﺪ ﺣﺒﻴﺒﺘﻲ ﺍﺭﺟﻌﻠﻜﻢ ﺍﻧﺸﺎﻟﻠﻪ ﻭﺑﺎﺳﻬﺎ ﺑﺎﻭﻉ ﻉ ﻟﻤﻴﺎﺀ ﺍﻟﻲ ﺗﺒﺎﻭﻉ ﻋﻠﻴﻪ ﻭﻋﻴﻮﻧﻬﺎ ﻛﻠﻬﺎ ﺩﻣﻮﻉ ﻭﻛﺎﻝ . ﻟﺘﺨﺎﻓﻴﻦ ﺣﺮﺟﻊ ﻏﺰﻝ ﺳﺎﻟﻤﻪ ﺑﺎﻭﻋﻲ ﻋﻠﻴﻪ ﻭﺍﺷﺮ ﻉ ﺍﻣﻴﺮ ﺍﺣﻠﻔﻠﺞ . ﺍﻧﻮ ﺣﻴﺮﺟﻌﻬﺎ ﻟﻮ ﻧﺎﺯﻟﻪ ﻟﺴﺎﺑﻊ ﺍﺭﺽ ﻭﻧﺮﺑﺢ ﻭﻧﺮﺟﻊ
ﻟﻤﻴﺎﺀ ﻭﻫﻲ ﺗﺒﺠﻲ . ﻭﺍﻟﻠﻪ ﺍﺩﺭﻱ ﺑﺲ ﺣﻴﻈﻞ ﺑﺎﻟﻲ ﻳﻤﻜﻢ ﺑﺎﺳﻬﺎ ﻣﻦ ﺭﺍﺳﻬﺎ ﻭﻃﻠﺐ ﻣﻨﻬﺎ ﺍﺩﻳﺮ ﺑﺎﻟﻬﺎ ﻉ ﻧﻔﺴﻬﺎ ﻭﻉ ﻣﻼﻙ
ﻓﺮﺍﺱ . ﺗﻌﺎﻟﻲ ﻣﻼﻙ ﺍﻭﻛﻔﺞ ﻳﻢ ﻫﺬﻭﻟﻪ ﺍﻟﺸﻴﻮﺥ ﻭﺍﺭﻳﺪﺝ ﺗﺤﺠﻴﻦ ﻭﻳﺎﻫﻢ ﺑﺸﻐﻼﺕ ﺍﺩﻭﺧﻬﻢ ﺣﺘﻰ ﺍﺭﻓﻊ ﺭﺍﺳﻲ ﺑﻴﺞ ﻭﻳﻜﻮﻟﻮﻥ ﻭﺍﻟﻠﻪ ﺑﻨﺖ ﻓﺮﺍﺱ ﺫﻛﻴﻪ ﻭﻳﻐﺎﺭﻭﻥ
ﺿﺤﻜﺖ ﻋﻠﻴﻪ ﻟﻤﻴﺎﺀ ﻭﺍﻧﺪﺍﺭﺕ ﻉ ﺍﻣﻴﺮ ﻣﻦ ﺷﺎﻓﺘﻪ ﻭﺷﺎﻓﺖ ﻣﻼﻣﺤﻪ ﺍﻟﻲ ﺗﺨﻮﻑ ﺭﺍﺣﺖ ﺍﺑﺘﺴﺎﻣﺘﻬﺎ ﺍﺗﻘﺪﻡ ﺍﻣﻴﺮ ﻋﻠﻴﻬﺎ ﻭﺑﻠﻐﻬﺎ ﺍﻧﺘﻲ ﺣﺎﻟﻴﺎ ﺍﺣﺠﺎﻳﺘﺞ ﺣﺘﻜﻮﻥ ﻣﺴﻤﻮﻋﻪ ﺑﻐﻴﺎﺑﻲ ﻫﺬﺍ ﺿﻤﺎﻥ ﻟﺴﻼﻣﺘﺞ ﺍﻧﺘﻲ ﻭﻣﻼﻙ ﻭﺑﺎﻭﻉ ﻉ ﻓﺮﺍﺱ . ﻟﺘﺨﺎﻓﻴﻦ ﻋﻠﻴﻪ ﺣﻴﺮﺟﻊ ﺍﻟﻜﻢ ﻭﺍﺭﻳﺪ ﻣﻨﺞ ﺷﻐﻠﻪ ﺍﻧﺘﻲ ﺍﻟﻲ ﻻﺯﻡ ﺗﻨﻔﺬﻳﻬﺎ ﻭﻫﻲ ﮔﻤﺮ ﻻﻥ ﻋﺮﻓﺖ ﻫﻲ ﺍﻟﻲ ﺧﺎﻧﺘﻨﻲ ﻭﺍﻟﻲ ﺧﺪﺭﺗﻨﻲ ﺍﻧﻲ ﻭﺍﻟﺤﺮﺱ
ﺍﺳﺘﻐﺮﺑﺖ ﻟﻤﻴﺎﺀ ﻻﻥ ﻫﺬﻩ ﺍﻟﻤﺮﻩ ﺍﻻﻭﻟﻰ ﺍﻟﻲ ﻳﺤﺠﻲ ﻭﻳﺎﻫﺎ ﺍﻣﻴﺮ ﻭﺟﻬﺎ ﻟﻮﺟﻪ ﻭﺑﺪﻭﻥ ﻣﻴﻜﻮﻥ ﻳﻬﺪﺩ ﻭﻻﻭﻝ ﻣﺮﻩ ﺑﺤﻴﺎﺗﻬﺎ ﺗﻨﺘﺒﻪ ﺍﻧﻮ ﻭﻻ ﻣﺮﻩ ﺑﺤﻴﺎﺗﻬﺎ ﻋﺎﻣﻠﻬﺎ ﻣﻌﺎﻣﻠﻪ ﻣﻮ ﺯﻳﻨﻪ ﻭﻻ ﻣﺮﻩ ﺻﻐﺮﻫﺎ ﻛﺪﺍﻡ ﺍﺣﺪ ﻭﻻ ﻣﺮﻩ ﻫﺎﻧﻬﺎ ﻭﻻ ﻋﺎﻣﻠﻬﺎ ﻣﺜﻞ ﺍﻟﺨﺪﻣﻪ ﻛﺎﻥ ﺯﻳﻦ ﻭﻳﺎﻫﺎ ﺑﻄﺮﻳﻘﺘﻪ ﺍﻟﺨﺎﺻﻪ ﻳﻤﻜﻦ ﻣﻜﺎﻥ ﻣﻮﺯﻳﻦ ﻣﺜﻞ ﻣﻴﻜﻮﻟﻮﻥ ﻳﻤﻜﻦ ﻛﺎﻥ ﻛﻼﻡ ﻏﺰﻝ ﺻﺤﻴﺢ ﻭﺍﻧﻲ ﺍﻟﻲ ﻛﻨﺖ ﻣﻤﻨﺘﺒﻪ
ﺍﺑﺘﺴﻤﺖ ﻟﻤﻴﺎﺀ ﻭﻛﺎﻟﺖ . ﺭﺑﻲ ﻳﺤﻔﻀﻜﻢ ﻭﺗﺮﺟﻌﻮﻥ ﻭﺗﺮﺟﻊ ﻏﺰﻝ ﺍﺧﺘﻲ ﻭﻳﺎﻛﻢ ﻭﺑﺎﻟﻨﺴﺒﻪ ﻟﻠﺨﺎﻳﻨﻪ ﺣﺴﺎﺑﻬﺎ ﺣﻴﻜﻮﻥ ﻭﻳﺎﻳﻪ
ﻫﺬﺍ ﺍﺧﺮ ﻛﻼﻡ ﺻﺎﺭ ﺑﻴﻨﻬﻢ ﻭﺭﺍﺣﻮ ﻭﻫﻲ ﻭﻣﻼﻙ ﺗﺒﺎﻭﻉ ﻋﻠﻴﻬﻢ ﻭﺗﺪﻋﻲ ﻳﺮﺟﻌﻮﻥ ﺳﺎﻟﻤﻴﻦ ﻋﻦ ﻗﺮﻳﺐ
ﻣﻼﻙ . ﺍﻟﺸﻴﺦ ﺍﻣﻴﺮ ﺣﻴﺮﺟﻊ ﺧﺎﻟﻪ ﻏﺰﻝ ﻭﺑﺎﺑﺎ ﺳﺎﻟﻤﻴﻦ ﻣﻮ ﻣﺎﻣﺎ
ﻟﻤﻴﺎﺀ . ﺍﻱ ﺣﺒﻴﺒﺘﻲ ﻭﻫﺴﻪ ﺭﻭﺣﻲ ﻟﻌﺒﻲ ﺑﺎﻟﻐﺮﻓﻪ ﻻﻥ ﻋﻨﺪﻱ ﺣﺴﺎﺏ ﻭﻳﻪ ﮔﻤﺮ ﻻﺯﻡ ﺍﺧﻠﺼﻪ ﺍﻟﻴﻮﻡ
ﺑﻌﺪ ﻋﺪﻩ ﺍﻳﺎﻡ
ﻏﺰﻝ ﺍﻟﻲ ﻛﺎﻧﺖ ﻣﺤﺒﻮﺳﻪ ﺑﻴﺖ ﻗﺮﻳﺐ ﻉ ﻣﻜﺎﻥ ﺍﻟﺘﺠﻤﻊ ﻳﻢ ﺍﻟﻮﺍﺩﻱ ﻭﻛﺎﻧﺖ ﺍﻳﺪﻳﻬﺎ ﻣﺮﺑﻮﻃﻪ ﻭﺗﺤﺎﻭﻝ ﺗﻔﺘﺤﻪ ﺑﺲ ﻛﺎﻟﻌﺎﺩﻩ ﻣﺘﻜﺪﺭ ﻋﻘﻠﻬﺎ ﺣﻴﻨﻔﺠﺮ ﻣﻦ ﺍﻟﺘﻔﻜﻴﺮ ﻣﻦ ﺍﻟﻴﻮﻡ ﺍﻟﻲ ﺟﺎﺑﻬﺎ ﻛﺮﻡ ﻭﻫﻮ ﺣﺎﺑﺴﻬﺎ ﻭﻛﻠﺸﻲ ﻣﺘﻌﺮﻑ ﻋﻦ ﺍﻣﻴﺮ ﺗﺮﻛﺘﻪ ﻭﻫﻮ ﺣﺎﻟﺘﻪ ﺗﻌﺒﺎﻧﻪ ﻛﻠﺶ ﺗﺒﺠﻲ ﻻﻥ ﻫﻲ ﺍﻟﺴﺒﺐ ﺑﺎﻟﻲ ﺻﺎﺭ ﻛﻞ ﺣﻴﺎﺗﻬﺎ ﻭﻫﻲ ﻣﻤﺮﺗﺎﺣﻪ ﻭﻻ ﻣﺮﺗﺎﺡ ﺍﻣﻴﺮ ﻭﻳﺎﻫﺎ ﺍﺫﻛﺮﺕ ﺍﻟﻴﻮﻡ ﺍﻟﻲ ﺍﺟﻪ ﻛﺮﻡ ﻭﺍﺧﺬﻫﺎ ﻛﺎﻧﺖ ﺑﻠﻴﻠﺘﻬﺎ ﺍﺳﻌﺪ ﺍﻧﺴﺎﻧﻪ ﺑﺎﻟﺪﻧﻴﺎ ﺑﻬﺎﻟﻠﻴﻠﻪ ﺷﺎﻓﺖ ﺍﻟﺴﻌﺎﺩﻩ ﺑﻌﻴﻮﻥ ﺍﻣﻴﺮ ﺗﻤﻨﺖ ﻟﻮ ﺗﺮﺟﻊ ﻫﺎﻟﻠﻴﻠﻪ ﺗﻤﻨﺖ ﺗﻌﻴﺶ ﻭﻳﻪ ﺍﻣﻴﺮ ﻭﺑﺪﻭﻥ ﻣﺸﺎﻛﻞ ﺗﺤﺒﻪ ﺗﻌﺸﻘﻪ ﺷﻠﻮﻥ ﻓﻜﺮﺕ ﺍﻧﻮ ﺗﺮﻛﻪ ﺷﻠﻮﻥ ﻓﻜﺮﺕ ﺍﻧﻮ ﻳﻮﻡ ﺣﺘﻜﺪﺭ ﻣﺘﺸﻮﻓﻪ ﺍﺗﻤﻨﺖ ﻟﻮ ﺗﺸﻮﻓﻪ ﻟﺤﻈﻪ ﻟﻮ ﺑﺲ ﺛﺎﻧﻴﻪ ﻭﻫﻲ ﺗﻔﻜﺮ ﻭﺩﺗﺒﺠﻲ ﺣﺴﺖ ﺍﻛﻮ ﺍﺣﺪ ﺣﻴﺠﻲ ﻋﻠﻴﻬﺎ ﻣﺴﺤﺖ ﺩﻣﻮﻋﻬﺎ ﺣﺘﻰ ﻟﺘﺒﻴﻦ ﺿﻌﻔﻬﺎ ﻛﺪﺍﻣﻪ
ﺗﻮﻗﻌﺖ ﻛﺮﻡ ﺍﻟﻲ ﺍﺟﺎﻫﺎ ﺑﺲ ﻻ ﺩﺧﻠﺖ ﻋﻠﻴﻬﺎ ﺳﻤﺮﻩ ﻫﺬﻩ ﺧﺼﺼﻬﺎ ﺍﻟﻬﺎ ﻛﺮﻡ ﻓﻘﻂ ﻫﻲ ﺍﻟﻮﺣﻴﺪﻩ ﺍﻟﻲ ﺗﺪﺧﻞ ﻟﻐﺰﻝ ﻫﻲ ﺣﻠﻮﻩ ﻭﺷﻌﺮﻫﺎ ﺍﺣﻤﺮ ﻭﺷﻜﻠﻬﺎ ﺣﻠﻮ ﺑﺲ ﻟﺴﺎﻧﻬﺎ ﺍﺑﺪﺍ ﻣﻴﺴﻜﺖ ﺩﺧﻠﺖ ﻟﻐﺰﻝ ﻭﺟﺎﻳﺒﻪ ﻭﻳﺎﻫﺎ ﺍﻻﻛﻞ ﻛﻞ ﻫﺎﻟﻔﺘﺮﻩ ﺗﺠﻲ ﻟﻐﺰﻝ ﻭﺗﺤﺠﻲ ﻭﻏﺰﻝ ﺍﺑﺪﺍ ﻣﻨﻄﻘﺖ ﻭﻻ ﺣﺮﻑ ﻛﺪﺍﻣﻬﺎ ﻻﻥ ﻛﺮﻫﺖ ﻛﻞ ﺷﺨﺺ ﻳﺸﺘﻐﻞ ﻭﻳﻪ ﻛﺮﻡ ﻻﻥ ﻫﻮ ﺍﻟﺴﺒﺐ ﺑﺪﻣﺎﺭ ﺣﻴﺎﺗﻬﺎ ﺣﺎﻟﻴﺎ ﻫﻮ ﺍﻟﺴﺒﺐ ﺑﻜﻠﺸﻲ ﺩﻳﺼﻴﺮ
ﺳﻤﺮﻩ . ﻳﻌﻨﻲ ﻫﻢ ﻣﺎﻛﻠﺘﻲ ﻛﻠﻤﺎ ﺍﺟﻴﺐ ﺍﻻﻛﻞ ﺍﻟﺞ ﻭﺍﺭﺟﻊ ﺍﻟﻜﺎﻩ ﻉ ﺣﻄﺘﻪ ﺗﺮﻩ ﻣﻴﺼﻴﺮ ﻫﻴﺠﻲ ﺍﻟﻤﻲ ﻣﺮﺍﺡ ﻳﻌﻴﺸﺞ ﺷﻮﻓﻲ ﺷﻜﻠﺞ ﺷﻠﻮﻥ ﺻﺎﺭ ﻣﻦ ﺍﺟﻴﺘﻲ ﻟﻠﻴﻮﻡ ﺷﻠﻮﻥ ﺿﻌﻔﺘﻲ ﺣﺘﻰ ﻣﻦ ﺍﺣﺠﻲ ﻭﻳﺎﺝ ﻣﺘﺮﺩﻳﻦ ﻋﻠﻴﻪ ﺷﻨﻮ ﻛﺎﺻﻴﻦ ﻟﺴﺎﻧﺞ ﻣﺘﺮﺩﻳﻦ ﻋﻠﻴﻪ ﺑﺲ ﺍﺣﺠﻲ ﻭﻳﻪ ﺭﻭﺣﻲ
ﺑﻠﺸﺖ ﺗﻨﻈﻒ ﺍﻟﻐﺮﻓﻪ ﻭﻫﻲ ﺗﻠﻐﻲ ﻭﻏﺰﻝ ﺗﺒﺎﻭﻉ ﻋﻠﻴﻬﺎ
ﺗﺪﺭﻳﻦ ﻃﻮﻝ ﻋﻤﺮﻱ ﺍﺗﻤﻨﻰ ﺍﺷﻮﻑ ﺍﻟﺸﻴﺦ ﺍﻣﻴﺮ ﻳﻜﻮﻟﻮﻥ ﻳﺨﻮﻑ ﻭﻣﺤﺪ ﻳﻜﺪﺭ ﻳﺒﺎﻭﻉ ﺑﻌﻴﻮﻧﻪ ﺑﺲ ﺍﻧﺘﻲ ﻭﻟﻮﻣﺎ ﺍﻧﺘﻲ ﻛﺎﻥ ﺳﻴﻄﺮ ﻛﻞ ﻛﻞ ﺍﻟﺪﻳﺮﻩ ﺳﻤﻌﺖ ﻫﻮﺍﻳﻪ ﻗﺼﺺ ﻭﺍﻟﻲ ﺻﺎﺭ ﻗﺒﻞ ﺳﻨﻮﺍﺕ ﺑﻬﺬﺍ ﺍﻟﻮﺍﺩﻱ ﻭﺍﻧﻮ ﺍﻧﺘﻲ ﺍﻟﺴﺒﺐ ﺑﻤﻮﺗﻪ ﺍﻧﺘﻲ ﺍﻟﻲ ﺧﻠﻴﺘﻲ ﻛﺮﻡ ﻳﺨﻠﺺ ﻣﻨﻪ ﺑﺲ ﺍﻧﺘﻲ ﺍﻟﻲ ﺭﺟﻌﺘﻴﻪ ﻟﻴﺶ ﻣﻮ ﺍﻧﺘﻲ ﺍﻟﻲ ﺧﻠﺼﺘﻴﻨﻪ ﻣﻨﻪ ﺗﺪﺭﻳﻦ ﻛﻢ ﻭﺍﺣﺪ ﻣﺎﺕ ﻣﻦ ﻭﺭﺍﻩ ﺑﻌﺪﻳﻦ ﻟﻴﺶ ﺧﻨﺘﻲ ﻛﺮﻡ ﻭﺍﻟﻠﻪ ﺣﻠﻮ ﻭﻳﺨﺒﻞ ﻳﻮﻣﻴﺎ ﺍﺩﻋﻲ ﻫﻮ ﺍﻟﻲ ﻳﺮﺑﺢ ﺑﺲ ﺗﺪﺭﻳﻦ ﺷﻐﻠﻪ ﺯﻭﺟﺞ ﺍﻟﻲ ﺳﻮﺍﻩ ﺩﻳﺨﻮﻓﻨﻪ ﻛﻠﻤﺎ ﺍﺣﺪ ﻳﺮﻭﺣﻠﻪ ﺣﺘﻰ ﻳﺘﻔﺎﻫﻤﻮﻥ ﻣﻴﺮﺟﻊ ﻻﻥ ﺯﻭﺟﺞ ﻳﻘﺘﻠﻪ ﻭﻟﺞ ﺳﻮﺍﻫﺎ ﻣﺠﺰﺭﻩ ﻳﻜﺘﻞ ﺑﺎﻻﻭﺍﺩﻡ ﺷﻨﻮ ﻣﺤﺪ ﻳﻜﺪﺭﻟﻪ ﺗﻜﻮﻟﻴﻦ ﺷﺎﺩ ﻣﺤﺮﻙ ﻭﻳﺜﺮﻡ ﺑﺎﻟﻌﺎﻟﻢ
.
ﺑﻌﺪ ﻣﺎ ﺳﻤﻌﺖ ﻏﺰﻝ ﻫﺎﻟﻜﻼﻡ ﺍﻧﺪﺍﺭﺕ ﻉ ﺳﻤﺮﻩ ﻣﺘﻔﺎﺟﺌﻪ ﻋﺮﻓﺖ ﺍﻧﻮ ﺍﻣﻴﺮ ﻋﺎﻳﺶ ﻳﻌﻨﻲ ﺍﻣﻴﺮ ﻣﺎﺑﻴﻪ ﺷﻲ ﻛﻠﺒﻬﺎ ﺭﺍﺩ ﻳﻮﻛﻒ
ﻏﺰﻝ . ﺷﻨﻮ ﺷﻜﻠﺘﻲ ﺯﻭﺟﻲ ﻗﺮﻳﺐ ﻳﻌﻨﻲ ﻫﻮ ﺯﻳﻦ ﻳﻌﻨﻲ ﻣﺎﺑﻴﻪ ﺷﻲ ﻭﻳﻨﻪ ﻫﻮ ﻛﻮﻟﻴﻠﻲ
ﺳﻤﺮﻩ . ﻳﺎﺍﺍﺍ ﻃﻠﻊ ﻋﻨﺪﺝ ﻟﺴﺎﻥ ﻭﺻﻮﺗﺞ ﺣﻠﻮ ﺗﻐﺮﺩﻳﻦ ﻣﺜﻞ ﺍﻟﺒﻠﺒﻞ ﻭﺗﺤﺠﻴﻦ ﻫﻮﺍﻳﻪ ﻛﻞ ﻫﺎﻻﺳﺌﻠﻪ ﻣﺮﻩ ﻭﺣﺪﻩ ﺳﺎﻟﺘﻴﻬﻢ ﺑﺜﺎﻧﻴﻪ ﺑﺲ ﺑﻜﻞ ﺍﻻﺣﻮﺍﻝ ﻣﺎ ﺍﻛﺪﺭ ﺍﺟﺎﻭﺑﺞ ﻻﻥ ﺍﺗﻌﺎﻗﺐ ﺍﺫﺍ ﺗﻄﻠﻊ ﻣﻨﻲ ﻛﻠﻤﻪ ﻭﺣﺪﻩ ﺍﺗﻘﺪﻣﺖ ﺣﺘﻰ ﺗﺎﺧﺬ ﺍﻟﺼﻴﻨﻴﻪ ﻣﺴﻜﺘﻬﺎ ﻏﺰﻝ ﻣﻦ ﺍﻳﺪﻫﺎ
ﻏﺰﻝ . ﻓﺪﻭﻩ ﺑﺲ ﻛﻮﻟﻴﻠﻲ ﻫﻮ ﺯﻳﻦ ﻭﺍﻟﻠﻪ ﻣﺎ ﺍﻛﻮﻝ ﻻﺣﺪ ﻭﺍﻟﻠﻪ ﺗﺮﻛﺘﻪ ﻭﻫﻮ ﻭﺍﻛﻊ ﺑﺪﻣﻪ ﻭﺍﻟﻠﻪ ﻋﻔﺘﻪ ﺩﻳﻤﻮﺕ ﺑﺲ ﻛﻮﻟﻴﻠﻲ ﻭﺍﻟﻠﻪ ﺍﻧﻄﻴﺞ ﺍﻟﻲ ﺗﺮﻳﺪﻳﻪ ﻭﺑﺠﺖ ﺑﺼﻮﺕ ﻋﺎﻟﻲ
ﺳﻤﺮﻩ . ﺯﻳﻦ ﻟﺘﺒﺠﻴﻦ ﻭﺍﻧﻲ ﺍﻟﻲ ﻋﺒﺎﻟﻲ ﺍﻧﺘﻲ ﻭﺣﺪﻩ ﺣﺘﻰ ﻗﻠﺐ ﻣﺎ ﻋﻨﺪﺝ ﻟﺘﺨﺎﻓﻴﻦ ﻫﻮ ﻛﻠﺶ ﺯﻳﻦ ﻭﻫﻤﺴﺖ ﺣﺘﻰ ﺳﻤﻌﺖ ﺍﻟﺸﻴﻮﺥ ﻳﺤﺠﻮﻥ ﺑﻴﻪ ﻭﺩﻳﺮﺟﻔﻮﻥ ﻣﻨﻪ ﻣﺪﺯﻭ ﺍﺣﺪ ﺍﺫﺍ ﻣﻘﺘﻠﻪ ﻭﺣﺘﻰ ﺍﻛﻮ ﺷﻴﺦ ﻳﻤﻜﻦ ﻳﺼﻴﺤﻮﻟﻪ ﺍﺑﻮ ﻣﻬﺎ ﺻﺮﺥ ﻉ ﻛﺮﻡ ﻳﻜﻮﻟﻪ ﻻﺯﻡ ﻧﻘﺘﻠﻪ ﺷﻨﻮ ﻣﺸﻜﻠﺘﻪ ﻭﻳﻪ ﺯﻭﺟﺞ ﺍﻳﻜﻮﻝ ﺍﻧﻮ ﻫﻮ ﻗﺘﻞ ﺑﻨﺘﻪ ﺻﺪﻙ ﻫﺎﻟﺤﺠﻲ ﻟﻮ ﺧﺮﺭﻳﻂ ﺳﻮﻟﻔﻴﻠﻲ
ﻏﺰﻝ . ﺍﻱ ﺻﺢ ﺑﺲ ﺗﺴﺘﺎﻫﻞ ﺍﻟﻜﺬﺍﺑﻪ ﻭﻫﺴﻪ ﺍﻟﻤﻬﻢ ﺍﻧﻮ ﺍﻣﻴﺮ ﺑﺨﻴﺮ ﻭﻋﺮﻓﺖ ﻟﻴﺶ ﻟﺤﺪ ﻫﺎﻟﻠﺤﻈﻪ ﺍﻣﻴﺮ ﻣﺎﺟﺎﻩ ﻭﻫﺠﻢ ﻋﻠﻴﻬﻢ ﻻﻥ ﺍﻧﻲ ﺍﻫﻨﺎ ﻭﻟﻬﺎﻟﺴﺒﺐ ﻛﺮﻡ ﺣﻄﻨﻲ ﺍﻫﻨﺎ ﺣﺘﻰ ﻳﻀﻤﻦ ﺳﻼﻣﺘﻪ ﻻﻥ ﻳﺪﺭﻱ ﻫﺎﻟﻤﺮﻩ ﺍﻧﻮ ﺣﻴﺨﺼﺮ ﻛﺪﺍﻡ ﺍﻣﻴﺮ
ﺑﻬﺎﻻﺛﻨﺎﺀﺀ ﺩﺧﻞ ﻛﺮﻡ ﻭﺩﺍﺭﺕ ﻭﺟﻬﺎ ﻋﻨﻪ ﻭﺳﻤﺮﻩ ﺍﺧﺬﺕ ﺍﻟﺼﻴﻨﻴﻪ ﻭﻃﻠﻌﺖ ﻭﻛﻒ ﻛﺪﺍﻡ ﻏﺰﻝ ﻭﺻﻔﻦ ﻭﻫﻲ ﻣﺘﺒﺎﻭﻉ ﻋﻠﻴﻪ ﻛﻌﺪ ﺑﻌﻴﺪ ﻋﻨﻬﺎ ﻭﻇﻞ ﺳﺎﻛﺖ ﻭﺍﺻﻼ ﻣﻦ ﺍﻟﻴﻮﻡ ﺍﻟﻲ ﺟﺎﺑﻬﺎ ﻟﻠﻴﻮﻡ ﻣﺤﺠﻪ ﻭﻻ ﻛﻠﻤﻪ ﻭﻫﺎﻟﺸﻲ ﺍﺣﺴﻦ ﻟﻐﺰﻝ ﻻﻥ ﻣﺤﺎﺑﻪ ﺍﺻﻼ ﺗﺴﻤﻊ ﺻﻮﺗﻪ
ﺿﻠﺖ ﺳﺎﻛﺘﻪ ﺑﺲ ﻣﺘﺤﻤﻠﺖ ﻭﺣﺠﺖ . ﻫﺎﺍ ﺍﻧﺖ ﻫﺴﻪ ﻣﺮﺗﺎﺡ ﺷﻔﻴﺖ ﻏﻠﻴﻠﻚ ﻛﻮﻟﻲ ﻟﺸﻮﻛﺖ ﺣﺘﻈﻞ ﺗﻤﺎﻃﻞ ﺣﺘﻰ ﻳﺠﻴﻚ ﺍﻣﻴﺮ ﻭﻟﻚ ﻛﻞ ﺍﻟﻲ ﻭﻳﺎﻙ ﺑﺲ ﻳﺠﻲ ﺍﻣﻴﺮ ﻳﺪﻳﺮﻭﻥ ﺿﻬﺮﻫﻢ ﺍﻟﻚ ﻭﻳﺼﻴﺮﻭﻥ ﻣﺜﻞ ﺍﻟﺨﺮﻓﺎﻥ ﺟﻮﺍﻩ
ﻛﺮﻡ . ﻟﺘﻜﻮﻟﻴﻦ ﺍﻧﻮ ﺍﻧﺘﻲ ﺧﺎﻳﻔﻪ ﻋﻠﻴﻪ ﻣﺴﺘﺤﻴﻞ ﺍﺻﺪﻙ ﻫﺎﻟﺸﻲ
ﻏﺰﻝ . ﻛﺎﻓﻲ ﻛﺮﻡ ﺻﺪﻛﻨﻲ ﺣﺘﺨﺼﺮ ﻭﻫﻮﺍﻳﻪ ﻧﺎﺱ ﺣﺘﺮﻭﺡ ﺍﻧﻲ ﺍﺣﺠﻲ ﻭﻳﻪ ﺍﻣﻴﺮ ﻭﺗﺼﺎﻟﺤﻮﻥ ﺻﺢ ﺍﻧﺖ ﻗﻮﻱ ﺑﺲ ﻫﻮ ﻋﻤﺮﻩ ﻛﻠﻪ ﻛﻀﺎﻩ ﻳﺘﻌﺎﺭﻙ ﻭﻳﻘﺘﻞ ﻣﺮﺍﺡ ﺗﻜﺪﺭ ﺗﻮﻛﻒ ﺑﻮﺟﻪ
ﻛﺮﻡ . ﻛﺎﺍﺍﻓﻲ ﻣﺎ ﺍﺭﻳﺪ ﺍﺳﻮﻳﻠﺞ ﺷﻲ ﺍﻧﺪﻡ ﻋﻠﻴﻪ ﺳﺪﻱ ﺣﻠﻜﺞ ﻭﻛﻠﺸﻲ ﺣﻴﺨﻠﺺ ﻋﻦ ﻗﺮﻳﺐ
ﺑﻤﻜﺎﻥ ﺛﺎﻧﻲ ﻣﻴﺒﻌﺪ ﻋﻦ ﻏﺰﻝ ﻛﺎﻥ ﺍﻣﻴﺮ ﻛﺎﻋﺪ ﻭﺩﺧﻞ ﻋﻠﻴﻪ ﻓﺮﺍﺱ
ﻓﺮﺍﺱ . ﺷﻔﺖ ﺍﺷﻠﻮﻥ ﻣﻦ ﺍﻟﺠﺮﺩﺍﻥ ﻳﺠﻮﻥ ﻳﺘﻮﺳﻠﻮﻥ ﺷﻔﺖ ﺷﻠﻮﻥ ﺿﺮﺑﺘﻬﻢ ﻭﺍﻟﻠﻪ ﺍﻧﻲ ﻗﻮﻱ ﺣﺘﻔﺮﺡ ﺑﻴﻪ ﻟﻤﻴﺎﺀ ﻻﻥ ﺯﻭﺟﻬﺎ ﺑﻄﻞ ﻭﺍﻟﻠﻪ
ﺍﻣﻴﺮ ﻛﺎﻥ ﺻﺎﻓﻦ ﻭﻣﻤﻬﺘﻢ ﻛﻞ ﺗﻔﻜﻴﺮﻩ ﺑﻐﺰﻝ ﻻ ﻧﻮﻡ ﻭﻻ ﺍﻛﻞ ﻣﻦ ﻳﻮﻡ ﺍﻟﻲ ﺭﺍﺣﺖ
ﻓﺮﺍﺱ . ﺍﻣﻴﺮ ﻧﺎﻡ ﺷﻮﻳﻪ ﺍﺭﺗﺎﺡ ﺷﻜﻠﻚ ﺣﻴﻴﻞ ﺗﻌﺒﺎﻥ
ﺍﻣﻴﺮ . ﺍﻧﻲ ﺯﻳﻦ ﻣﺎﺑﻴﻪ ﺷﻲ
ﻓﺮﺍﺱ . ﺷﻮﻑ ﺍﻣﻴﺮ ﻣﺒﻘﻰ ﺷﻲ ﻭﻧﺮﺟﻊ ﻏﺰﻝ ﺍﺻﻼ ﻳﺒﻌﺪﻭﻥ ﻋﻨﻪ ﺑﺲ ﻛﻢ ﺳﺎﻋﻪ ﻭﻣﻴﻜﺪﺭ ﻛﺮﻡ ﺍﻳﺎﺫﻳﻬﺎ ﻟﺸﻴﻞ ﻫﻢ ﺑﺲ ﻻﺯﻡ ﺍﻧﺖ ﺗﺮﺗﺎﺡ
ﺍﻣﻴﺮ . ﻛﺘﻠﻚ ﻣﺎﺑﻴﻪ ﺷﻲ ﻋﻮﻓﻨﻲ ﻭﺣﺪﻱ
ﺷﺎﻑ ﻓﺮﺍﺱ ﺍﻧﻮ ﻣﺎﻛﻮ ﻓﺎﻳﺪﻩ ﻭﻳﺎﻩ ﻓﺎﺣﺴﻦ ﺣﻞ ﻳﻄﻠﻊ ﻭﻳﺴﻜﺖ
ﺍﻣﻴﺮ . ﻭﻟﻚ ﻣﺪﺍ ﺍﻛﺪﺭ ﺍﻧﺪﺍﺭ ﻓﺮﺍﺱ ﻋﻠﻴﻪ . ﻣﺎ ﺍﻛﺪﺭ ﺍﻏﻤﺾ ﻋﻴﻮﺗﻲ ﻻﻥ ﺍﺷﻮﻓﻬﺎ ﻣﻦ ﺗﺼﺮﺥ ﻭﺍﺗﺼﻴﺤﻨﻴﺮﺍﺡ ﺍﺗﺨﺒﻞ ﻣﻦ ﺍﻟﺘﻔﻜﻴﺮ ﻣﺪﺍ ﺍﻛﺪﺭ ﺍﺗﻨﻔﺲ ﻛﻞ ﺍﻟﻲ ﺍﺣﺲ ﺑﻴﻪ ﻫﻮ ﺍﻟﻌﺼﺒﻴﻪ ﺭﻭﺣﻲ ﺭﺍﺣﺖ ﻣﻦ ﺍﺧﺬﻭﻫﺎ
ﺗﺪﺭﻱ ﺍﻧﻮ ﻫﻲ ﻣﻦ ﺍﺧﺬﻭﻫﺎ ﻣﻜﺎﻧﺖ ﻃﻴﺒﺎﻧﻪ ﺭﺟﻠﻬﺎ ﺑﻌﺪﻫﺎ ﻣﻄﺎﺑﺖ ﻣﺎ ﺍﻋﺮﻑ ﺷﺴﻮﻟﻬﺎ ﺑﺲ ﺍﻓﻜﺮ ﺑﻬﺎﻟﺸﻲ ﺍﺗﻤﻨﻰ ﺍﻃﻠﻊ ﻛﻠﺒﻲ ﻣﻦ ﻣﻜﺎﻧﻪ ﻭﺍﺭﺗﺎﺡ ﻣﻦ ﺍﻟﻮﺟﻊ ﺍﻟﻲ ﺑﻴﻪ ﻻﺯﻡ ﺍﺷﻐﻞ ﺭﻭﺣﻲ ﻻﺯﻡ ﻣﺎ ﺍﻧﺎﻡ ﺣﺘﻰ ﻣﺎ ﺍﻓﻜﺮ ﻭﻳﻘﺘﻠﻨﻲ ﺍﻟﺘﻔﻜﻴﺮ
ﻓﺮﺍﺱ . ﺻﺪﻛﻨﻲ ﻫﻲ ﺯﻳﻨﻪ ﺗﺬﻛﺮ ﻣﻦ ﺍﻧﺖ ﺗﻜﻮﻝ ﺍﻧﻲ ﺭﺑﻴﺘﻬﺎ ﻉ ﺍﻳﺪﻱ ﻣﺘﺎﻛﺪ ﺍﻧﻲ ﻫﺴﻪ ﻫﻲ ﺣﺎﻟﻴﺎ ﻣﻜﻔﺮﺗﻬﻢ ﺍﺻﻼ ﻣﺎ ﺍﺳﺘﻐﺮﺏ ﺍﺫﺍ ﺍﺟﻮﻱ ﻫﺴﻪ ﻭﻛﺎﻟﻮﻟﻚ ﺍﺣﻨﺎ ﻟﻐﻴﻨﻪ ﻛﻠﺸﻲ ﺑﺲ ﺍﺧﺬﻫﺎ ﻭﺭﻭﺡ ﺣﺸﻮﻓﻬﺎ ﻋﻦ ﻗﺮﻳﺐ ﺻﺪﻛﻨﻲ
.
ﺍﻣﻴﺮ . ﺍﻟﻠﻪ ﻛﺮﻳﻢ ﻫﺎﻳﻪ ﺷﻨﻮ ﺑﻴﺪﻙ
ﻓﺮﺍﺱ . ﻫﺎ ﺭﺩﺕ ﺍﻧﺴﻪ ﻫﺬﻩ ﺭﺳﺎﻟﻪ ﺍﺟﺘﻲ ﺩﺍﺯﻳﻬﺎ ﻣﻦ ﻃﺮﻓﻬﻢ ﺍﻛﻴﺪ ﻫﺬﻩ ﺭﺳﺎﻟﻪ ﺍﻟﻌﺎﺷﺮﻩ ﺍﻭ ﺍﻻﻛﺜﺮ ﺍﻟﻲ ﻳﻄﻠﺒﻮﻥ ﺑﻴﻬﺎ ﺍﻟﺸﻴﻮﺥ ﺍﻧﻮ ﺗﺴﺎﻣﺤﻢ ﻻﻥ ﻋﺮﻓﻮ ﺷﻐﻠﻪ ﺍﻣﻴﺮ ﺗﻌﺒﺎﻧﻪ ﻭﻳﻜﻮﻟﻮﻥ ﺧﻠﺺ ﺍﺣﻨﺎ ﻣﻌﻠﻴﻨﻪ ﺑﻜﺮﻡ
ﺍﺧﺬ ﺍﻟﺮﺳﺎﻟﻪ ﺍﻣﻴﺮ ﻭﻓﺘﺤﻬﺎ ﻭﻣﻦ ﻗﺮﺍﻫﺎ ﻇﻞ ﺻﺎﻓﻦ
ﻓﺮﺍﺱ . ﺷﻜﻮ ﺷﻤﻜﺘﻮﺏ
ﺑﺎﻭﻉ ﻋﻠﻴﻪ ﺍﻣﻴﺮ . ﺭﻭﺡ ﺍﻃﻠﻊ ﺧﻠﻴﻨﻲ ﻭﺣﺪﻱ ﺍﺭﻳﺪ ﺍﺭﺗﺎﺡ
ﻓﺮﺍﺱ . ﺷﻔﺖ ﺷﻠﻮﻥ ﻗﻨﻌﺘﻚ ﺗﺮﺗﺎﺡ ﻭﻟﻚ ﺍﻧﻲ ﻋﻨﺪﻱ ﻣﻤﻴﺰﺍﺕ ﻛﻠﺶ ﻫﻮﺍﻳﻪ ﻭﺍﻟﻠﻪ ﻫﻨﻴﺎﻟﻬﺎ ﻋﻠﻴﻪ ﻟﻤﻴﺎﺀ ﻫﺴﻪ ﻋﺮﻓﺖ ﻣﻼﻙ ﻋﻠﻴﻤﻦ ﺫﻛﻴﻪ ﻃﺎﻟﻌﻪ ﻉ ﺍﺑﻮﻫﺎ ﻓﺪﻳﺘﻬﺎﻭﻃﻠﻊ ﻭﻫﻮ ﻓﺮﺣﺎﻥ
ﺑﻤﻜﺎﻥ ﺛﺎﻧﻲ
ﺩﺧﻠﺖ ﺳﻤﺮﻩ ﻉ ﻏﺰﻝ ﺟﺎﻳﺒﻪ ﺍﻟﻬﺎ ﺍﻻﻛﻞ ﺑﺲ ﻟﻜﺘﻬﺎ ﻧﺎﻳﻤﻪ
ﺳﻤﺮﻩ . ﻏﺰﻝ ﻳﻠﻪ ﻛﻮﻣﻲ ﺍﻛﻠﻲ
ﻏﺰﻝ . ﻟﻴﺶ ﻛﻌﺪﺗﻴﻨﻲ
ﺳﻤﺮﻩ . ﺍﻟﻈﺎﻫﺮ ﻛﻨﺘﻲ ﺗﺤﻠﻤﻴﻦ ﺣﺒﻴﻴﺐ ﺍﻟﻘﻠﺐ ﺳﻮﻟﻔﻴﻠﻲ ﻋﻨﻪ ﺻﺪﻙ ﻳﻜﻮﻟﻮﻥ ﻛﻠﺶ ﺣﻠﻮ ﻭﻣﻜﺎﻥ ﺭﺟﺎﻝ ﺑﺠﻤﺎﻟﻪ
ﺿﺎﺟﺖ ﻏﺰﻝ ﻭﻏﺎﺭﺕ ﻉ ﺍﻣﻴﺮ ﺑﺲ ﻋﺮﻓﺖ ﻃﺒﻊ ﺳﻤﺮﻩ ﻭﺟﺎﻭﺑﺘﻬﺎ
ﺗﺪﺭﻳﻦ ﻣﻦ ﻛﻨﺎ ﺍﻃﻔﺎﻝ ﻛﻨﺖ ﺍﺣﻂ ﺍﻟﻄﻴﻦ ﻉ ﻭﺟﻬﻪ ﻻﻥ ﺣﻠﻮ ﺣﺘﻰ ﻣﺤﺪ ﺗﺒﺎﻭﻉ ﻋﻠﻴﻪ ﻭﻫﻮ ﻛﻞ ﻣﺮﻩ ﻳﻨﻄﻴﻨﻲ ﻣﺠﺎﻝ ﺍﻭﺳﺦ ﻭﺟﻬﻪ ﺑﺲ ﻳﺒﻴﻦ ﻋﻠﺴﺎﺱ ﺿﺎﺝ ﻧﺰﻟﺖ ﺭﺍﺳﻬﺎ ﻭﻫﻲ ﺗﺬﻛﺮ ﺍﺣﻠﻰ ﺍﻳﺎﻡ ﺣﻴﺎﺗﻬﺎ
ﺳﻤﺮﻩ . ﻣﺒﻴﻦ ﻋﻠﻴﺞ ﻛﻠﺶ ﺗﺤﺒﻴﻪ ﺍﺗﻤﻨﻰ ﺍﻟﻜﻲ ﻭﺍﺣﺪ ﻣﺜﻠﻪ ﻳﺤﺒﻨﻲ ﻭﺍﺣﺒﻪ
ﻏﺰﻝ . ﻻ ﺍﻧﺘﺒﻬﻲ ﺗﺮﻩ ﺻﺪﻛﻴﻨﻲ ﻫﻴﺠﻲ ﺣﺐ ﻳﻌﺬﺏ
ﻭﺍﻧﺘﺒﻬﺖ ﻉ ﺍﻟﺒﺎﺏ
ﺳﻤﺮﻩ . ﻟﺘﺨﺎﻓﻴﻦ ﻣﻴﺠﻲ ﻛﺮﻡ ﻫﺴﻪ ﺍﺻﻼ ﺍﻟﻜﻞ ﻣﺠﺘﻤﻊ ﻣﺎ ﺍﻋﺮﻑ ﻟﻴﺶ ﺍﻳﻜﻮﻟﻮﻥ ﺍﻛﻮ ﻭﺍﺣﺪ ﺍﺟﻪ ﻭﻛﻠﺶ ﻣﻬﻢ ﺑﺲ ﻣﺒﻴﻦ ﻳﺨﻮﻑ ﻻﻥ ﺍﻟﻜﻞ ﻣﺴﻨﻔﺮ ﻭﻣﺒﻴﻦ ﻋﻠﻴﻬﻢ ﺍﻟﺨﻮﻭﻑ
ﻏﺰﻝ . ﻃﺰﺯﺯ ﺑﻴﻬﻢ ﻣﻴﻬﻤﻨﻲ ﺍﻱ ﺍﺣﺪ ﻋﺴﺎﻫﻢ ﺑﺎﻟﻤﻮﺕ
ﺳﻤﺮﻩ . ﻟﻌﺪ ﺭﺟﻌﻲ ﻧﺎﻣﻲ ﺍﺭﺗﺎﺣﻲ ﺍﻧﺘﻲ ﻣﻨﺎ ﻣﺘﺎﻛﻠﻴﻦ ﻉ ﺍﻻﻗﻞ ﺍﻟﻨﻮﻡ ﻳﺮﻳﺤﺞ
ﺑﺪﻭﻥ ﺍﻱ ﻣﻘﺪﻣﺎﺕ ﺑﻠﺸﺖ ﻏﺰﻝ ﺗﺼﺮﺥ ﻭﺗﺒﺠﻲ . ﻣﺎ ﺍﺭﻳﺪ ﺍﻧﺎﺍﻡ
ﺳﻤﺮﻩ . ﺗﻤﺎﻡ ﻟﺘﻨﺎﻣﻴﻦ ﺍﻧﻲ ﺍﺳﻔﻪ ﺑﺲ ﻟﺘﺒﺠﻴﻦ ﺷﺒﻴﺞ ﻓﻬﻤﻴﻨﻲ
ﻏﺰﻝ . ﻣﺸﺘﺎﻗﺘﻠﻪ ﻛﻠﺶ ﻭﺍﻟﻠﻪ ﻛﻠﺸﻲ ﺑﻴﻪ ﻣﺸﺘﺎﻗﻠﻪ ﺑﻌﺪ ﻣﺎ ﺍﺗﺤﻤﻞ ﻛﻠﺒﻲ ﺩﻳﻮﺟﻌﻨﻲ ﻭﺗﺒﺠﻲ ﺑﺎﻋﻠﻰ ﺻﻮﺗﻬﺎ ﺍﺣﺲ ﺑﺮﻭﺣﻲ ﺣﻴﻤﻮﺕ ﻗﺒﻞ ﻣﺎ ﺍﺷﻮﻓﻪ ﺩﺍ ﺍﺣﺲ ﺑﻨﻔﺲ ﺍﻟﺸﻌﻮﺭ ﺍﻟﻲ ﺻﺎﺭ ﺑﻴﻪ ﻗﺒﻞ ﺧﻤﺲ ﺳﻨﻮﺍﺕ ﻣﻦ ﺭﺍﺡ ﻣﻨﻲ ﺩﺍ ﺍﺣﺲ ﺣﻴﺮﻭﺡ ﻣﻨﻲ ﺩﺍ ﺍﺣﺲ ﻛﺮﻡ ﻳﺴﺘﻐﻠﻨﻲ ﺣﺘﻰ ﻳﻘﺘﻠﻪ ﺭﻓﻌﺖ ﺭﺟﻠﻬﺎ ﻭﺣﻄﺖ ﺭﺍﺳﻬﺎ ﺑﻴﻦ ﺭﺟﻠﻬﺎ ﻭﺗﺒﺠﻲ ﺑﺎﻋﻠﻰ ﺻﻮﺗﻬﺎ ﻣﻮﻛﻔﺖ ﻣﻦ ﺍﻟﺒﺠﻲ ﻟﺤﺪ ﻣﺴﻤﻌﺖ ﺻﻮﺕ ﺧﻼﻫﺎ ﺗﺠﻔﻞ
ﺭﻓﻌﺖ ﺭﺍﺳﻬﺎ ﻭﺍﻧﺼﺪﻣﺖ ﺑﻠﻲ ﻛﺪﺍﻣﻬﺎ
ﺍﻣﻴﺮ ﻭﺑﺎﺑﺘﺴﺎﻣﻪ ﻫﺎﺩﺋﻪ . ﻭﻛﻨﺘﻲ ﺗﺮﻳﺪﻥ ﺗﻌﻮﻓﻴﻨﻲ ﺷﻠﻮﻥ ﺗﺴﻮﻳﻬﺎ ﻭﺍﻧﺘﻲ ﺍﻫﻨﺎ ﺻﺎﺭﻟﺞ ﺍﻳﺎﻡ ﻣﻤﺘﺤﻤﻠﻪ ﺑﻌﺪﻱ ﻋﻨﺞ
ﺑﻠﻌﺖ ﻏﺰﻝ ﺭﻳﻜﻬﺎ ﻣﻤﺼﺪﻛﻪ ﺍﻟﻲ ﻛﺪﺍﻣﻬﺎ ﻋﺒﺎﻟﻬﺎ ﺩﺗﺤﻠﻢ ﺿﻠﺖ ﺻﺎﻓﻨﻪ ﻳﻤﻜﻦ ﺍﺗﺨﺒﻠﺖ
ﺩﺧﻞ ﻛﺮﻡ . ﻛﺪﺍﻣﻚ ﺳﺎﻋﻪ ﻭﺣﺪﻩ ﻭﺩﻳﺮ ﺑﺎﻟﻚ ﺍﺗﺴﻮﻱ ﺍﻱ ﺷﻲ ﺍﺩﺭﻱ ﺗﻜﺪﺭ ﻫﺴﻪ ﺗﻘﺘﻞ ﺍﻟﻜﻞ ﺑﺲ ﻣﺘﻜﺪﺭ ﺗﻄﻠﻊ ﻣﻨﺎ ﻭﻫﻲ ﻭﻳﺎﻙ ﻟﻠﻦ ﻭﻟﺤﺪ ﻣﻨﻜﻢ ﺣﻴﻤﻮﺕ ﻭﺍﻛﻴﺪ ﺣﻴﻜﻮﻥ ﺍﺷﺮ ﻉ ﻏﺰﻝ
ﺍﺷﺮ ﻟﺴﻤﺮﻩ ﺣﺘﻰ ﺗﻄﻠﻊ ﻭﻃﻠﻌﻮ ﻭﺗﺮﻛﻮ ﺍﻣﻴﺮﻭﻏﺰﻝ ﺳﻮﻩ
ﻏﺰﻝ ﻭﻫﻲ ﺗﻔﻜﺮ ﺍﻧﻮ ﻛﺮﻡ ﺩﺧﻞ ﻭﺣﺠﻪ ﻭﻳﻪ ﺍﻣﻴﺮ ﻳﻌﻨﻲ ﻣﺪﺗﺘﺨﻴﻞ ﻳﻌﻨﻲ ﻫﻮ ﻛﺪﺍﻣﻲ ﺯﻳﻦ ﺷﻠﻮﻥ ﺍﻟﻒ ﺳﺆﺍﻝ ﺍﺟﻪ ﺑﺮﺍﺳﻬﺎ
ﺍﺑﺘﺴﻢ ﺍﻣﻴﺮ ﺑﺎﻟﺮﻏﻢ ﻣﻦ ﺟﻮﺍﻩ ﺩﻳﺘﻜﻄﻊ ﻉ ﻏﺰﻝ ﻋﻴﻮﻧﻬﺎ ﻣﻨﺘﻔﺨﻪ ﻣﻦ ﺍﻟﺒﺠﻲ ﻭﺟﻬﺎ ﺫﺑﻼﻥ ﻣﺒﻴﻦ ﻋﻠﻴﻬﺎ ﻣﺘﺎﻛﻞ ﻭﻣﺘﻨﺎﻡ ﻭﺍﻳﺪﻫﺎ ﺍﻟﻤﺮﺑﻮﻃﻪ ﺣﺎﻭﻝ ﻣﻴﻌﺼﺐ ﺣﺘﻰ ﻣﻴﻄﻠﻊ ﻭﻳﻘﺘﻠﻬﻢ ﻛﻠﻬﻢ ﻫﺴﻪ
ﺿﻠﺖ ﻏﺰﻝ ﺳﺎﻛﺘﻪ ﻭﺻﺎﻓﻨﻪ ﻋﻠﻴﻪ ﻭﻣﻤﺼﺪﻛﻪ ﻫﻮ ﻛﺪﺍﻣﻬﺎ ﻟﺤﺪ ﻣﺎ ﺗﻘﺪﻡ ﺍﻣﻴﺮ ﻋﻠﻴﻬﺎ ﻭﻛﻌﺪ ﻳﻤﻬﺎ ﻭﻇﻞ ﻳﺒﺎﻭﻉ ﻋﻠﻴﻬﺎ ﻳﺎ ﺍﻟﻠﻪ ﺷﻜﺪ ﻣﺸﺘﺎﻕ ﻟﻬﺎﻟﻮﺟﻪ ﻟﻬﺎﻟﻤﻼﻣﺢ ﻫﺴﻪ ﻳﺎﻟﻪ ﺣﺘﻨﻔﻐﺰﻝ ﺗﺒﺎﻭﻉ ﻋﻠﻴﻪ ﻭﻋﻴﻮﻧﻬﺎ ﺑﻠﺸﺖ ﺗﻨﺰﻝ ﺍﺗﺎﻛﺪﺕ ﺍﻣﻴﺮ ﻛﺪﺍﻣﻬﺎ
ﺍﻣﻴﺮ ﻭﻫﻮ ﻳﻤﺴﺢ ﺩﻣﻮﻋﻬﺎ . ﺗﻌﺮﻓﻴﻦ ﺷﺼﺎﺭ ﺑﻴﻪ ﺑﻐﻴﺎﺑﺞ ﺍﺗﻮﻗﻌﺖ ﺑﻌﺪ ﻣﺎ ﺍﺷﻮﻓﺞ ﺭﺩﺕ ﺍﺗﺨﺒﻞ ﻭﻟﺞ ﺍﻟﻰ ﻣﺘﻰ ﺣﺘﻈﻠﻴﻦ ﻫﻴﺠﻲ ﺗﻌﺬﺑﻴﻨﻲ ﺍﻫﻨﺎ ﻏﺰﻝ ﻣﺘﺤﻤﻠﺖ ﻭﺷﻤﺮﺕ ﻛﻞ ﺟﺴﻤﻬﺎ ﻉ ﺍﻣﻴﺮ ﻭﺗﺤﺎﻭﻝ ﺗﺤﻀﻨﻪ ﻭﺗﺸﻢ ﺭﻳﺤﺘﻪ ﻭﻫﻮ ﻳﺸﻤﻬﺎ ﻭﻛﺎﻧﻮ ﺷﻢ ﺭﻳﺤﻪ ﺍﻟﺤﻴﺎﻩ ﺣﻀﻨﻬﺎ ﻭﻫﻮ ﻣﻤﺼﺪﻙ
ﻏﺰﻝ ﻭﻫﻲ ﺗﺒﺠﻲ . ﺍﻧﻲ ﺍﺳﻔﻪ ﻻﻥ ﻛﻞ ﺍﻟﺼﺎﺭ ﻣﻦ ﻭﺭﺍﻳﻪ ﺍﺷﺘﺎﻗﻴﺘﻠﻚ ﺑﻌﺪ ﻟﺘﺘﺮﻛﻨﻲ ﺍﺑﺪ ﻣﺎ ﺍﻛﺪﺭ ﺑﻠﻴﺎﻙ ﺍﻧﻲ ﺍﺣﺒﻚ
ﺍﻣﻴﺮ . ﻭﺍﻧﻲ ﻫﻢ ﻭﺻﺪﻛﻲ ﺍﻟﺸﻲ ﺍﻟﻲ ﻣﻨﻌﻨﻲ ﺍﻗﺘﻞ ﺭﻭﺣﻲ ﺍﻧﻮ ﺣﺮﺟﻊ ﺍﺷﻮﻓﺞ ﺷﻮﻭ ﺑﺎﻭﻋﻲ ﻋﻠﻴﻪ ﺍﺭﻳﺪ ﺍﺷﻮﻓﺞ ﺯﻳﻦ ﻣﺒﻴﻦ ﻋﻠﻴﺞ ﺍﻟﺘﻌﺐ
ﻏﺰﻝ . ﺩﺷﻮﻑ ﺷﻜﻠﻚ ﻋﻠﺴﺎﺱ ﺍﻧﺖ ﻣﻘﺼﺮ ﻣﺒﻴﻦ ﻋﻠﻴﻚ ﺍﻟﺘﻌﺐ ﺷﻠﻮﻥ ﺗﺮﻳﺪ ﺗﻨﻘﺬﻧﻲ ﻭﺍﻧﺖ ﻫﺬﻩ ﺣﺎﻟﺘﻚ
ﺍﻣﻴﺮ ﻭﻫﻮ ﻳﻐﻤﺰ ﺍﻟﻬﺎ . ﻣﻨﻮ ﻛﺎﻝ ﺗﻌﺒﺎﻥ ﻣﺸﻔﺘﻲ ﻫﺬﻩ ﺍﻡ ﺍﻟﺸﻌﺮ ﺍﻻﺣﻤﺮ ﺷﻠﻮﻥ ﺗﺒﺎﻭﻉ ﻋﻠﻴﻪ ﺣﺘﻰ ﻣﻜﺪﺭﺕ ﺗﺘﻨﻔﺲ ﻣﻦ ﺷﺎﻓﺘﻨﻲ ﻣﻦ ﺟﻤﺎﻟﻲ
ﺿﺮﺑﺘﻪ ﻏﺰﻝ ﻭﺿﺤﻜﺖ
ﻏﺰﻝ . ﺷﻜﺪ ﻣﻐﺮﻭﺭ ﻣﺴﻚ ﺍﻣﻴﺮ ﺍﻳﺪﻫﺎ ﻭﻋﻴﻮﻧﻪ ﺣﻤﺮﺕ ﻓﺘﺢ ﺍﻟﺤﺒﻞ ﻭﻛﺎﻝ . ﺍﻻ ﺍﻛﺴﺮ ﺍﻳﺪﻩ ﻭﺍﻟﻠﻪ ﺍﻻ ﺍﺧﻠﻴﻪ ﻳﻨﺪﻡ ﻉ ﺍﻟﻲ ﺳﻮﺍﻩ ﺑﻴﺞ
ﻏﺰﻝ . ﻭﺍﻟﻠﻪ ﺍﻧﻲ ﻣﺎ ﺑﻴﻪ ﺷﻲ ﻭﻻ ﻣﺘﻮﺟﻌﻪ ﺑﺲ ﺍﻧﻲ ﺧﺎﻳﻔﻪ ﺷﻠﻮﻥ ﺍﺟﻴﺖ ﺍﻫﻨﺎ ﻫﺪﺩﻭﻙ ﺑﻴﻪ ﻣﻮ
.
ﺍﻣﻴﺮ . ﻛﻠﺸﻲ ﺍﺣﺠﻴﻠﺞ ﺑﺲ ﺍﺭﻳﺪ ﺍﺷﺒﻊ ﻣﻨﺞ ﺷﻮﻑ ﻫﺴﻪ ﻭﺣﻀﻨﻬﺎ ﻳﺎ ﺍﻟﻠﻪ ﺷﻜﺪ ﻣﺸﺘﺎﻗﻠﺞ ﻣﺜﻞ ﺍﻟﻤﺨﺎﺑﻴﻞ ﻭﻟﺞ ﻭﺭﺑﻲ ﺍﻧﺘﻲ ﺣﺘﻜﻮﻧﻴﻦ ﺳﺒﺐ ﻣﻮﺗﻲ
ﺑﻌﺪ ﻗﺎﻳﻖ ﻭﻏﺰﻝ ﻛﺎﻧﺖ ﺣﺎﺿﻨﻪ ﺍﻣﻴﺮ ﺑﺲ ﻗﻠﻘﻪ . ﺍﻛﻮﻟﻚ ﺍﻣﻴﺮ ﺷﻌﺠﺐ ﻭﺍﻓﻘﻮ ﻉ ﺍﻟﺼﻠﺢ ﺍﺧﺎﻑ ﻫﺬﻩ ﻟﻌﺒﻪ ﻣﻨﻬﻢ ﻻﻥ ﻳﺪﺭﻥ ﺍﻧﺖ ﻣﻌﺼﺐ ﻋﻠﻴﻬﻢ ﻟﻴﺶ ﻛﺮﻡ ﻗﺒﻞ ﺑﻜﻞ ﺑﺴﺎﻃﻪ ﺷﻨﻮ ﺍﻟﻲ ﺩﻳﺼﻴﺮ ﺍﺣﺠﻴﻠﻲ ﺍﻧﺖ ﺿﺎﻡ ﻋﻠﻴﻪ ﺷﻲ
ﺍﻣﻴﺮ . ﻛﺘﻠﺞ ﻣﺎﻛﻮ ﺷﻲ ﻟﺘﺨﺎﻓﻴﻦ ﺍﻟﻜﻞ ﻭﺍﻓﻖ ﻉ ﺍﻟﺼﻠﺢ ﻭﺍﻧﺘﻬﻰ ﺍﻟﻤﻮﺿﻮﻉ ﺧﻠﻴﻨﻲ ﻫﺴﻪ ﺍﺷﺒﻊ ﻣﻨﺞ ﺣﻀﻨﻬﺎ ﻭﺩﻓﻌﺘﻪ ﻏﺰﻝ
ﻏﺰﻝ . ﺍﻣﻴﺮ ﻟﺘﻈﻞ ﺗﻌﺎﻣﻠﻨﻲ ﻣﺜﻞ ﺍﻟﻐﺒﻴﻪ ﺷﺴﻮﻳﺖ ﺣﺘﻰ ﻳﻮﺍﻓﻘﻮﻥ ﻋﻠﻴﻚ ﺍﺣﺪ ﻛﻠﻚ ﺍﻧﻲ ﺛﻮﻟﻪ ﻭﺍﺻﺪﻙ ﺑﻜﻼﻣﻚ ﻭﺍﺻﺪﻙ ﺍﻧﻮ ﻛﺮﻡ ﺣﻴﺘﻨﺎﺯﻝ ﻋﻦ ﻛﻠﺸﻲ ﺍﺣﺠﻴﻠﻲ ﺷﻨﻮ ﺍﻟﺼﺎﺭ
ﺍﻣﻴﺮ . ﻛﺘﻠﺞ ﻛﻠﺸﻲ ﺍﻧﺘﻬﻰ ﻛﺎﺍﻓﻲ
ﻏﺰﻝ . ﺷﻮﻑ ﺍﺩﺭﻱ ﺑﻴﻚ ﺩﺗﻜﺬﺏ ﻣﺒﻴﻦ ﻋﻠﻴﻚ ﻣﻦ ﻋﻴﻮﻧﻚ ﺍﺣﺠﻴﻠﻲ ﺍﻟﺼﺪﻙ ﻭﺍﻟﻠﻪ ﺑﻌﺪ ﻣﺎ ﺍﺗﺤﻤﻞ ﺍﺗﺼﻴﺮ ﺑﻌﺪ ﻣﺼﻴﺒﻪ ﺟﺪﻳﺪﻩ ﻛﻮﻝ ﻟﻴﺶ ﻭﺍﻓﻘﻮ ﻉ ﺍﻟﺼﻠﺢ
ﺍﻣﻴﺮ . ﻻﻥ ﺍﻧﻲ ﺟﺒﺮﺗﻬﻢ
ﻏﺰﻝ . ﺑﺲ ﻛﺮﻡ ﻣﻜﺎﻥ ﻭﻣﻜﺪﺭﺕ ﺗﻜﻤﻞ ﻛﻼﻣﻬﺎ ﻭﻫﺠﻢ ﺍﻣﻴﺮ ﻋﻠﻴﻬﺎ
ﺍﻣﻴﺮ . ﻣﻌﻠﻴﺞ ﺑﻜﺮﻡ ﺍﻧﻲ ﻛﺘﻠﺞ ﺍﻟﻲ ﺻﺎﺭ
ﻏﺰﻝ . ﻣﻮ ﻛﺘﻠﻚ ﻣﺮﺍﺡ ﺗﺘﻐﻴﺮ ﺍﺑﺪ ﺷﻮﻑ ﺣﺘﻰ ﻣﺎ ﺍﻛﺪﺭ ﺍﺗﻨﺎﻗﺶ ﻭﻳﺎﻙ ﺍﺫﺍ ﻣﺘﻌﺼﺐ ﻭﺗﺮﻳﺪ ﺗﻀﺮﺑﻨﻲ ﺍﺫﺍ ﻛﻼﻣﻚ ﺻﺢ ﻟﻌﺪ ﻳﻠﻪ ﺍﻣﺸﻲ ﻧﺮﻭﺡ ﻣﻨﺎ ﻭﻧﺮﺟﻊ
ﺍﻣﻴﺮ . ﺑﺎﺟﺮ ﺍﺟﻲ ﺍﺧﺬﺝ ﺑﺲ ﻳﺨﻠﺺ ﺍﻻﺟﺘﻤﺎﻉ
ﻏﺰﻝ . ﺍﻱ ﺻﺪﻛﺘﻚ ﺍﺣﺠﻴﻠﻲ ﺷﻨﻮ ﺍﻟﻲ ﺻﺎﺭ ﺷﻨﻮ ﺿﺎﻣﻪ ﻋﻠﻴﻪ ﻭﻛﺎﻣﺖ ﺗﺼﺮﺥ ﻭﺍﻟﻠﻪ ﺗﻌﺒﺖ ﺍﻧﻲ ﺗﻌﺒﺖ
ﻭﺑﺮﻣﺸﻪ ﻋﻴﻦ ﺳﺤﺒﻬﺎ ﺍﻣﻴﺮ ﻭﺩﻓﻌﻬﺎ ﻉ ﺍﻟﺤﺎﻳﻂ
ﺍﻣﻴﺮ ﻭﻫﻮ ﻣﻌﺼﺐ . ﻛﺘﻠﺞ ﻣﻀﻤﻴﺖ ﻋﻠﻴﺞ ﺍﻱ ﺷﻲ ﺍﻧﺸﺎﻟﻠﻪ ﺍﻟﻜﻞ ﻳﻤﻮﺕ ﻣﻌﻠﻴﻪ ﺑﻴﻪ ﻣﺎ ﻏﺰﻳﺪ ﺷﻲ ﺑﻌﺪ ﺍﻛﺘﺸﻔﺖ ﺍﻧﻮ ﻛﻠﺸﻲ ﻣﻴﺴﻮﻩ ﻭﺳﺦ ﺭﺟﻠﺞ ﺍﻧﻲ ﻫﺴﻪ ﻫﺎﺩﺉ ﻻﻥ ﺍﺫﺍ ﺍﻋﺼﺐ ﻭﺍﺧﻠﻴﻪ ﻳﺴﻴﻄﺮ ﻋﻠﻴﻪ ﺭﺍﺡ ﺍﻃﻠﻊ ﻭﺍﻗﺘﻠﻬﻢ ﻛﻠﻬﻢ ﺑﺲ ﻫﺎﻟﺸﻲ ﺣﻴﺨﻠﻴﺞ ﺍﺿﻮﺟﻴﻦ ﺍﻧﻲ ﻫﺎﺩﺉ ﻭﺍﺑﺎﻭﻉ ﻉ ﻋﻴﻮﻧﺞ ﺍﻟﻲ ﻣﻤﺼﺪﻙ ﺩﺍ ﺍﺷﻮﻓﻬﺎ ﺣﺠﻴﺘﻠﺞ ﺍﻟﺼﺪﻙ ﻭﺑﻌﺪ ﻣﺎﻛﻮ ﺍﻱ ﻣﺸﺎﻛﻞ ﺑﻴﻨﻪ ﺑﺎﺟﺮ ﻛﻠﺸﻲ ﺣﻴﺨﻠﺺ ﻭﻋﺪ ﻣﻨﻲ
ﻭﻗﺪﻡ ﻭﺟﻬﺎ ﻋﻠﻴﻪ ﺍﻳﺮﻳﺪ ﻳﺒﻮﺳﻬﺎ ﺑﻌﺪ ﻏﺰﻝ ﻭﺟﻬﺎ ﻋﻨﻪ ﻭﺍﻣﻴﺮ ﻛﺎﻝ . ﺗﺒﻮﺳﻴﻨﻲ ﻟﻮ ﺍﺟﺒﺮﺝ
ﻏﺰﻝ . ﻣﻮ ﻋﻠﺴﺎﺱ ﻣﻌﺎﻣﻠﺘﻚ ﺣﺘﺘﻐﻴﺮ ﻭﻳﺎﻳﻪ ﻫﻢ ﺭﺟﻌﺖ ﺗﺘﺎﻣﺮ
ﺍﻣﻴﺮ . ﻛﺬﺑﺖ ﺑﺲ ﻣﻦ ﺍﺷﺮﺏ ﺍﺗﻐﻴﺮ 😉
ﻏﺰﻝ . ﺑﺲ ﻣﻮ ﺍﻫﻨﺎ ﻭﻟﻚ
ﺍﻣﻴﺮ . ﺷﻨﻮ ﻣﺸﺘﺎﻗﻠﺞ ﻭﻟﺞ ﻛﺎﻥ ﺳﻮﻳﺖ ﺣﺮﺏ ﺑﺲ ﻋﻠﻤﻮﺩﺝ ﻣﺎ ﺍﺳﺘﺎﻫﻞ ﺷﻲ ﻋﻠﻴﻬﺎ
ﻏﺰﻝ . ﺑﺲ ﺗﻌﺮﻑ ﺷﻜﺪ ﺑﺮﻩ ﺍﻟﺒﻴﺖ ﻫﺬﺍ ﻭﻫﻤﻪ ﻳﺘﻤﻨﻮﻥ ﻣﻮﺗﻚ ﻭﻳﻘﺘﻠﻮﻙ
ﺍﻣﻴﺮ . ﻭﺷﻨﻮ ﺍﻟﻐﻠﻂ ﺑﺎﻟﻤﻮﺿﻮﻉ ﺍﺻﻼ ﺣﻠﻮ ﻫﺎﻟﺸﻲ ﺍﻟﻜﻞ ﻳﻜﺮﻫﻨﻪ ﺑﺮﻩ ﻭﺍﻟﻤﻮﺕ ﻣﺤﺎﻭﻁ ﺑﻴﻨﻪ ﺍﺻﻼ ﻫﺎﻟﺸﻲ ﻛﻠﺶ ﺭﻭﻣﺎﻧﺴﻲ 😉
ﻏﺰﻝ . ﻳﻌﻨﻲ ﻧﻌﺘﺒﺮﻩ ﺗﻐﻴﻴﺮ ﺑﺲ ﺣﻴﺠﻮﻥ ﻋﻠﻴﻨﻪ
ﺍﻣﻴﺮ . ﻻ ﻣﺤﺪ ﻳﺠﻲ ﻳﺠﻲ ﻛﺘﻠﻪ ﺳﺎﻋﻪ ﻭﺍﻃﻠﻊ ﻭﺑﻌﺪﻫﺎ ﻣﺨﻠﺼﺖ ﺍﻟﺴﺎﻋﻪ
ﻏﺰﻝ . ﻫﻬﻬﻬﻬﻬﻪ ﻭﺭﺑﻲ ﺍﻧﺖ ﻣﺨﺒﻞ
ﺍﻣﻴﺮ . ﺑﻴﺞ
ﺑﻌﺪ ﺍﻗﻞ ﻣﻦ ﺳﺎﻋﻪ ﺩﺧﻠﺖ ﺳﻤﺮﻩ ﺣﺘﻰ ﺑﻠﻎ ﺍﻣﻴﺮ ﺍﻧﻮ ﻛﺮﻡ ﻳﻨﺘﻀﺮﻩ ﺑﺮﻩ
ﻏﺰﻝ . ﺣﻴﻈﻞ ﺑﺎﻟﻲ ﻳﻤﻚ
ﺍﻣﻴﺮ . ﺑﺎﺟﺮ ﺣﻨﻜﻮﻥ ﺳﻮﻩ ﻟﻼﺑﺪ ﻛﻌﺪﻱ ﺍﻫﻨﺎ ﻭﻟﻄﻠﻌﻴﻦ ﻭﻟﺘﺴﻮﻳﻦ ﺍﻱ ﺷﻲ ﺑﺲ ﺍﻧﺘﻀﺮﻳﻨﻲ
ﻏﺰﻝ . ﺗﻤﺎﻡ ﺑﺲ ﺍﺣﻠﻔﻠﻲ ﺍﻧﻮ ﻣﺤﻴﺼﻴﺮﻟﻚ ﺍﻱ ﺷﻲ
ﺍﻣﻴﺮ . ﺻﺪﻛﻴﻨﻲ ﻣﻴﺼﻴﺮ ﺷﻲ
ﻏﺰﻝ . ﺣﻂ ﺍﺑﺎﻟﻚ ﻣﺎﻋﻨﺪﻱ ﻏﻴﺮﻙ ﺍﻧﺖ ﻛﻞ ﺳﻌﺎﺩﺗﻲ
ﺳﺤﺒﻬﺎ ﺍﻣﻴﺮ ﻭﺑﺎﺳﻬﺎ ﻭﻃﻠﻊ ﺣﺘﻰ ﺑﺪﻭﻥ ﻣﻴﻠﺘﻔﺖ ﻭﺩﻋﺘﻪ ﻏﺰﻝ ﺑﺪﻣﻮﻋﻬﺎ ﻭﺗﺘﻤﻨﻰ ﺍﻟﺴﻮﺀ ﻳﻜﻮﻥ ﺑﺮﻭﺣﻬﺎ ﻭﻻ ﺑﻴﻪ
ﻃﻠﻊ ﺍﻣﻴﺮ ﻭﻣﻌﺼﺐ ﻻﻥ ﺗﺮﻩ ﺣﺐ ﺣﻴﺎﺗﻪ ﺑﺪﻭﻥ ﺣﺘﻰ ﻣﻴﻠﺘﻔﺖ ﻋﻠﻴﻬﺎ ﻻﻥ ﻳﻌﺮﻑ ﻧﻔﺴﻪ ﺍﺫﺍ ﺍﻧﺪﺍﺭ ﻋﻠﻴﻬﺎ ﻣﺮﺍﺡ ﻳﺘﺮﻛﻬﺎ ﺍﺑﺪﺍ
ﻛﺮﻡ . ﺷﻨﻮ ﺷﻌﻮﺭﻙ ﻣﻦ ﺗﺘﺮﻙ ﺯﻭﺟﺘﻚ ﻳﻢ ﺭﺟﺎﻝ ﺛﺎﻧﻲ ﻭﺍﻧﺖ ﻣﺘﻜﺪﺭ ﺗﺴﻮﻱ ﺷﻲ ﻫﺎﺍﺍ
ﺑﺎﻭﻉ ﺍﻣﻴﺮ ﻋﻠﻴﻪ ﺑﻜﻞ ﺣﻘﺪ ﻭﺑﻠﻤﺢ ﺍﻟﺒﺼﺮ ﻣﺴﻜﻪ ﻣﻦ ﺭﻛﺒﺘﻪ ﺭﺍﺩ ﻳﺨﻨﻜﻪ
ﻛﺮﻡ ﻭﻧﻔﺴﻪ ﻣﺘﻘﻄﻊ . ﻻﺯﻡ ﺭﺟﻌﺖ ﻋﻦ ﺍﻻﺗﻔﺎﻗﻴﻪ ﺑﻌﺪ ﻣﺸﻔﺘﻬﺎ
ﺍﻣﻴﺮ . ﺑﺎﺟﺮ ﺍﻻ ﺍﺧﻠﻴﻚ ﺗﺪﻓﻊ ﺍﻟﺜﻤﻦ ﺑﺎﺟﺮ ﺍﻧﺪﻣﻚ ﻉ ﺍﻟﻠﺤﻈﻪ ﺍﻟﻲ ﺭﻓﻌﺖ ﻋﻴﻨﻚ ﺑﻴﻬﺎ ﻟﻐﺰﻝ ﺗﺮﻳﺪ ﻧﺘﻌﺎﺭﻙ ﻣﻮ ﺣﻨﺘﻌﺎﺭﻙ ﻭﺷﻤﺮﻩ ﺑﺎﻟﻜﺎﻉ ﻭﻛﺮﻡ ﻛﻮﻩ ﻳﺘﻨﻔﺲ ﺍﻟﺘﻔﺖ ﻉ ﺍﻣﻴﺮ ﺑﻌﺪ ﻣﺘﺮﻛﻪ ﻭﺻﺎﺡ . ﺑﺎﺟﺮ ﺑﺲ ﺍﻧﻲ ﻭﻳﺎﻙ ﺍﻟﻲ ﺣﻨﺘﻌﺎﺭﻙ ﻭ ﻭﺍﺣﺪ ﻣﻦ ﻋﺪﻧﻪ ﺣﻴﻄﻠﻊ ﻋﺎﻳﺶ
ﺍﻣﻴﺮ ﺍﻟﺘﻔﺖ ﻋﻠﻴﻪ . ﺍﻱ ﺻﺢ ﺑﺎﺟﺮ ﻧﺤﺴﻤﻬﺎ ﻟﻮ ﺍﻧﻲ ﻟﻮ ﺍﻧﺖ ﻣﺎ ﺍﺭﻳﺪ ﺑﻌﺪ ﺍﺣﺪ ﻳﺨﺴﺮ ﺭﻭﺣﻪ ﻋﻠﻤﻮﺩﻧﻪ ﻳﻼ ﻧﺎﻡ ﺯﻳﻦ ﻻﻥ ﻫﺬﻩ ﺍﺧﺮ ﻳﻮﻡ ﺍﻟﻚ ﻭﺍﻧﺖ ﻋﺎﻳﺶ ﻭﻫﺬﻩ ﺍﺧﺮ ﻛﻠﻤﻪ ﻛﺎﻟﻬﺎ ﺍﻣﻴﺮ ﻭﺭﺍﺡ
ﺿﺤﻚ ﻛﺮﻡ ﺑﺲ ﺑﻘﻬﺮ ﻭﺻﺎﺡ . ﺗﺼﺒﺢ ﻉ ﺧﻴﺮ ﺧﻮﻭﻳﻪ
.
ﺑﻌﺪ ﺳﺎﻋﺎﺕ
ﻛﺎﻥ ﻓﺮﺍﺱ ﻳﺼﺮﺥ ﻻﻥ ﺍﻣﻴﺮ ﺭﺍﺡ ﻭﺣﺪﻩ ﻭﺍﺗﻔﻖ
ﻭﺷﻠﻮﻥ ﺗﺮﻛﻪ ﻭﺣﺪﻩ
ﺍﻣﻴﺮ . ﻻﻥ ﻣﻜﺎﻥ ﻋﻨﺪﻱ ﻣﺠﺎﻝ ﺍﺗﻨﺎﻗﺶ ﻭﻳﻪ ﺍﺣﺪ ﻓﺮﺣﺖ ﻭﺣﺪﻱ
ﻓﺮﺍﺱ . ﺷﻨﻮ ﻣﺎﻋﻨﺪﻙ ﻣﺠﺎﻝ ﻭﺷﻠﻮﻥ ﺗﺘﻔﻖ ﺍﻧﻮ ﻣﻨﺘﻌﺎﺭﻙ ﻭﻳﺎﻫﻢ ﺑﺲ ﺍﻧﺖ ﻭﻛﺮﻡ ﻭﺭﺍﻫﺎ ﻛﻠﺸﻲ ﻳﻨﺘﻬﻲ ﺷﻠﻮﻥ ﺗﺼﺪﻛﻬﻢ ﺗﺮﻩ ﻛﻞ ﻫﺬﺍ ﺍﻟﻲ ﺩﻳﺴﻮﻩ ﻣﺮﺍﻭﻏﻪ ﻻﻥ ﻳﻌﺮﻓﻮﻥ ﺍﻧﺖ ﺍﻟﻲ ﻣﺴﻴﻄﺮ ﻭﺍﻛﺜﺮ ﺷﻴﺦ ﻳﺨﺎﻓﻮﻥ ﻣﻨﻪ ﻭﻳﺴﻴﻄﺮ ﻋﻠﻴﻬﻢ
ﺍﻣﻴﺮ . ﻛﺎﺍﻓﻲ ﻓﺮﺍﺱ ﺑﻌﺪ ﻗﺮﺭﺕ ﻭﺗﺪﺭﻱ ﺍﻧﻲ ﻣﻦ ﺍﻛﻮﻝ ﺷﻲ ﻣﺎ ﺍﺗﺮﺍﺟﻊ ﻋﻨﻪ ﻣﺎ ﺍﺭﻳﺪ ﺍﺣﺪ ﻳﺘﺎﺫﻯ ﺑﻌﺪ ﻣﻦ ﻭﺭﺍﻳﻪ ﺍﻧﻲ ﻭﺣﺪﻱ ﺍﺣﻠﻬﺎ
ﻓﺮﺍﺱ . ﻭﺍﻟﻠﻪ ﺻﺎﻳﺮ ﺗﻔﻜﺮ ﺯﻳﻦ ﻳﻌﻨﻲ ﺗﻀﺤﻲ ﺑﻨﻔﺴﻚ ﻋﻠﻤﻮﺩ ﺳﻼﻣﺘﻨﻪ
ﺑﺎﻭﻉ ﺍﻣﻴﺮ ﻧﻀﺮﻩ ﻉ ﻓﺮﺍﺱ ﺧﻼﻩ ﻳﺴﻜﺖ ﻭﺭﻩ ﺩﻗﺎﺋﻖ ﻫﻢ ﺳﺎﻟﻪ . ﺍﻛﻮﻟﻚ ﻳﻤﻜﻦ ﺍﻟﻲ ﺻﺎﺭ ﻟﺼﺎﻟﺤﻨﻪ ﻻﻥ ﻣﺴﺘﺤﻴﻞ ﻛﺮﻡ ﻳﻜﺪﺭﻟﻚ
ﺍﻣﻴﺮ . ﻣﺎ ﺍﻧﻜﺮ ﺍﻧﻮ ﻫﻮ ﻗﻮﻱ ﺑﺲ ﻣﺴﺘﺤﻴﻞ ﻳﻜﺪﺭﻟﻲ
ﻓﺮﺍﺱ . ﺯﻳﻦ ﻣﻌﻘﻮﻟﻪ ﻣﻬﺪﺩﻙ ﺑﺸﻲ ﻋﻠﻤﻮﺩ ﻫﺎﻻﺗﻔﺎﻕ
ﺍﻣﻴﺮ . ﻻ ﺍﻧﻲ ﺍﻟﻲ ﺍﻗﺘﺮﺣﺖ ﻋﻠﻴﻪ ﻭﺑﺎﻗﻲ ﺍﻟﺸﻴﻮﺥ ﻭﺍﻓﻘﻮ ﺑﺎﻟﻨﺘﻴﺠﻪ
ﻓﺮﺍﺱ . ﺗﻤﺎﻡ ﻟﻌﺪ ﻻﺯﻡ ﻧﺘﺤﻀﺮ ﻫﻮ ﺷﻮﻛﺖ ﺣﻨﺮﻭﺣﻠﻬﻢ
ﺍﻣﻴﺮ . ﺍﻟﺼﺒﺢ
ﻓﺮﺍﺱ . ﺷﻨﻮ ﺑﻌﺪ 3 ﺳﺎﻋﺎﺕ ﻟﻠﺼﺒﺢ ﺷﻮﻛﺖ ﺍﻟﺤﻚ ﺍﺭﺍﻫﻦ ﻋﻠﻤﻮﺩﻛﻢ ﻭﺍﻟﻠﻪ ﺣﺮﺑﺢ ﻛﻮﻭﻣﻪ ﻣﻦ ﻭﺭﺍﻙ ﻳﻠﻪ ﺍﻧﺖ ﻧﺎﻡ ﺍﺭﺗﺎﺡ ﺷﻮﻳﻪ ﻭﺍﻧﻲ ﺣﺮﻭﺡ ﺍﺟﻤﻌﻬﻢ ﻋﻠﻤﻮﺩ ﺍﻟﺮﻫﺎﻥ ﻭﻃﻠﻊ
ﺑﻌﺪ ﻣﻄﻠﻊ ﺍﻣﻴﺮ ﻳﻔﻜﺮ ﻣﺒﻘﻰ ﺷﻲ ﻭﻳﺎﺧﺬ ﻏﺰﻝ ﺑﺤﻈﻨﻪ ﺷﻢ ﻣﻼﺑﺴﻪ ﻛﺎﻥ ﻋﻄﺮﻫﺎ ﺑﻴﻬﺎ ﻇﻞ ﻳﺸﻢ ﻛﺎﻧﻮ ﻫﺬﺍ ﺍﺧﺮ ﻧﻔﺲ ﻳﺎﺧﺬﻩ
ﺻﺒﺎﺣﺎ
ﻛﺎﻋﺪﻩ ﻏﺰﻝ ﻭﻋﻴﻮﻧﻬﺎ ﻉ ﺍﻟﺒﺎﺏ ﺣﺘﻰ ﻳﺠﻲ ﺍﻣﻴﺮ ﻣﻨﺎﻣﺖ ﻟﺤﻈﻪ ﻭﺣﺪﻩ ﺗﺮﻳﺪ ﺑﺲ ﻳﻄﻠﻊ ﺍﻟﺼﺒﺢ ﺣﺘﻰ ﺗﺮﻭﺡ ﻛﺎﻧﺖ ﻗﻠﻘﺎﻧﻪ ﺣﺘﻰ ﻛﺮﻡ ﻣﻦ ﺍﻟﺒﺎﺭﺣﻪ ﺑﻌﺪ ﻣﺸﺎﻓﺘﻪ ﻭﺣﺘﻰ ﺳﻤﺮﻩ ﻛﻠﻤﺎ ﺗﺴﺎﻟﻬﺎ ﺷﻲ ﺗﻜﻮﻟﻠﻬﺎ ﻣﺎ ﺍﻋﺮﻑ
ﻛﺎﻣﺖ ﻭﺗﺮﻭﺡ ﻭﺗﺠﻲ ﺑﺎﻟﻐﺮﻓﻪ ﻭﺗﻠﻌﻦ ﻫﺎﻻﺗﻔﺎﻕ ﺍﻟﻲ ﺍﺗﻔﻘﻮﻩ ﻟﻴﺶ ﺍﺗﺎﺧﺮ ﺍﻛﻮ ﺷﻲ ﺩﺍﺧﻠﻬﺎ ﻳﻜﻮﻟﻠﻬﺎ ﺣﺘﺼﻴﺮ ﻣﺼﻴﺒﻪ ﻭﻛﻞ ﺍﺣﻼﻣﻬﺎ ﺣﺘﺮﻭﺡ
ﺑﺲ ﻻ ﻻﺯﻡ ﺗﻮﺧﺮ ﻫﺎﻻﻓﻜﺎﺭ ﻣﻦ ﺭﺍﺳﻬﺎ ﺑﺲ ﺍﻟﻮﻗﺖ ﻛﻠﺶ ﺑﻄﺊ ﻣﺪﻳﻤﺸﻲ ﻭﻫﺬﻩ ﺳﻤﺮﻩ ﻭﻳﻨﻬﺎ ﻣﻦ ﻛﻌﺪﺕ ﺑﺲ ﻣﺮﻩ ﻭﺣﺪﻩ ﺍﺣﺘﻲ
ﺑﻤﻜﺎﻥ ﺛﺎﻧﻲ ﺑﻌﻴﺪ ﺑﻤﺴﺎﻓﻪ ﺑﺴﻴﻄﻪ ﻋﻦ ﻏﺰﻝ ﻫﺎﻟﻤﻜﺎﻥ ﻛﺎﻥ ﻓﻌﻼ ﻳﻤﺜﻞ ﺍﻟﻘﻠﻖ ﻭﺍﻟﺨﻮﻑ ﺍﻟﻲ ﺑﻘﻠﺐ ﻏﺰﻝ
ﺍﻟﻜﻞ ﻛﺎﻥ ﺳﺎﻛﺖ ﻭﺍﻛﻔﻴﻦ ﻭﻳﺒﺎﻭﻋﻮﻥ ﻉ ﺍﻗﻮﻯ ﺍﺛﻨﻴﻦ ﻣﺘﻮﺍﺟﻬﻴﻦ
ﻓﺮﺍﺱ ﻛﺎﻥ ﻣﺘﺎﻛﺪ ﺍﻧﻮ ﺍﻣﻴﺮ ﻣﺤﺪ ﻳﻜﺪﺭﻟﻪ ﺑﺲ ﺣﺎﺱ ﺍﻛﻮ ﺷﻲ ﻣﻮ ﺯﻳﻦ ﺣﻴﺼﻴﺮ
ﻳﺒﺎﻭﻉ ﻛﺮﻡ ﻉ ﺍﻣﻴﺮ ﺍﻟﻲ ﻭﺟﻪ ﻛﺎﻥ ﻓﻌﻼ ﻳﺨﻮﻑ ﻣﺴﺘﺤﻴﻞ ﺭﺟﺎﻝ ﻳﻮﻛﻒ ﻣﻘﺎﺑﻴﻠﻪ ﻭﻣﻴﺨﺎﻑ ﻣﻨﻪ ﺑﺲ ﻣﻮ ﻫﻮ ﺍﻟﻲ ﺣﻴﺨﺎﻑ ﻻﻥ ﻛﻞ ﺍﻟﻲ ﻳﺤﺲ ﺑﻴﻪ ﻫﻮ ﺍﻟﻜﺮﻩ
ﻭﺑﻠﺸﻮ ﻳﺘﻌﺎﺭﻛﻮﻥ ﻭﺛﺎﺭﺕ ﺍﻟﺮﻣﺎﻝ ﺍﻟﻲ ﺟﻮﺍﻫﻢ ﻣﻦ ﻗﻮﻩ ﺍﻟﻀﺮﺑﺎﺕ ﺍﻟﻲ ﺑﻴﻨﻬﻢ ﺍﻟﻜﻞ ﻳﺒﺎﻭﻉ ﻉ ﺍﻟﻮﺣﺸﻴﻦ ﺍﻟﻲ ﺩﻳﺘﻘﺎﺗﻠﻮﻥ ﻓﺮﺍﺱ ﻳﻔﻜﺮ ﺑﺎﻣﻴﺮ ﻭﻳﺸﻮﻑ ﻗﺮﻩ ﻛﺮﻡ ﻓﻌﻼ ﻛﺎﻥ ﻗﻮﻱ
ﺣﻄﺖ ﻏﺰﻝ ﺍﻳﺪﻫﺎ ﻉ ﻛﻠﺒﻬﺎ ﺣﺴﺖ ﺍﻛﻮ ﺷﻲ ﻣﻮ ﺯﻳﻦ ﺩﻳﺼﻴﺮ ﺿﻠﺖ ﺗﺮﻭﺡ ﻭﺗﺠﻲ ﻭﺍﻳﺪﻫﺎ ﻉ ﺭﺍﺳﻬﺎ ﺧﻮﻭﻑ ﻭﻗﻠﻖ ﻣﺴﻴﻄﺮ ﻋﻠﻴﻬﺎ ﻉ ﺍﻣﻴﺮ ﻭﻟﻴﺶ ﻣﺤﺪ ﺍﺟﻪ ﻟﺤﺪ ﻫﺴﻪ ﻋﻠﻴﻬﺎ ﻛﺎﻧﺖ ﺧﺎﻳﻔﻪ ﻛﻠﺶ ﺍﻭﻝ ﻣﺮﻩ ﺗﺨﺎﻑ ﺑﻬﺎﻟﻄﺮﻳﻘﻪ ﻻﻥ ﻋﺮﻓﺖ ﺍﻟﻲ ﺣﻴﺼﻴﺮ ﻫﻮ ﻧﻬﺎﻳﻪ ﻟﻜﻠﺸﻲ
ﺳﻤﻌﺖ ﺻﻮﺕ ﺍﺣﺪ ﺟﺎﻱ ﻣﺴﺤﺖ ﺩﻣﻮﻋﻬﺎ ﻭﺑﺪﻭﻥ ﻣﺘﻠﺘﻔﺖ ﻛﺎﻟﺖ . ﻟﻴﺶ ﺍﺗﺎﺧﺮﺗﻲ ﻭﺍﻟﻠﻪ ﺍﻟﻒ ﺣﺴﺒﻪ ﺍﺟﺘﻲ ﺍﺑﺎﻟﻲ ﺍﻧﺪﺍﺭﺕ ﻭﺍﻧﺼﺪﻣﺖ ﻣﻦ ﺍﻟﻲ ﺷﺎﻓﺘﻪ ﻭﺣﺴﺖ ﺑﻮﺟﻊ ﻣﻮ ﻃﺒﻴﻌﻲ ﺑﻜﺘﻔﻬﺎ ﺷﺎﻓﺖ ﺍﺑﻮ ﻣﻬﺎ ﻭﻫﻮ ﻳﺤﻂ ﺍﻟﺨﻨﺠﺮ ﺑﻴﻬﺎ ﻭﺳﺤﺒﻪ
ﺷﻨﻮ ﺍﻟﻲ ﺩﻳﺼﻴﺮ ﻟﻴﺶ ﺩﺗﺤﺲ ﻛﻠﺸﻲ ﻭﻛﻒ ﻛﺪﺍﻣﻬﺎ ﻛﻠﺸﻲ ﺗﺤﻄﻢ ﻻ ﻻ ﻳﺎﺍﺍﺭﺏ ﻣﻮ ﺍﻫﻨﺎ ﺍﻣﻮﺕ ﻻ ﻣﺮﺍﺡ ﻳﺘﺤﻤﻞ ﻣﻦ ﻳﻌﺮﻑ ﺷﻬﻜﺖ ﻭﻫﻲ ﺗﺒﺎﻭﻉ ﺑﻌﻴﻮﻥ ﺍﺑﻮ ﻣﻬﺎ ﻭﻛﻞ ﺗﻔﻜﻴﺮﻫﺎ ﻳﻢ ﺍﻣﻴﺮ ﻭﺷﻨﻮ ﺣﻴﺼﻴﺮ ﺑﻴﻪ
ﺍﺑﻮ ﻣﻬﺎ . ﺍﺗﻮﻗﻌﺘﻲ ﺭﺍﺡ ﺍﺳﺎﻣﺤﺞ ﺍﻧﺘﻲ ﻭﺯﻭﺟﺞ ﻉ ﺍﻟﻲ ﺳﻮﻳﺘﻮﻩ ﺑﻨﺘﻲ ﺍﻟﻮﺣﻴﺪﻩ ﺧﻠﻲ ﻛﺮﻡ ﻳﺘﻔﻖ ﺑﻜﻴﻔﻪ ﻭﻳﺎﻩ ﺑﺲ ﺍﻧﻲ ﻻ ﻫﺬﺍﻙ ﺍﻟﻮﺣﺶ ﺍﺧﺬ ﻣﻨﻲ ﺍﻏﻠﻰ ﺷﻲ ﺍﻣﻠﻜﻪ ﻭﻫﻮ ﺑﻨﺘﻲ ﻭﺍﻧﻲ ﺍﻟﻲ ﺭﺍﺡ ﺍﺧﺬ ﻣﻨﻪ ﺍﻏﻠﻰ ﺷﻲ ﻳﻤﻠﻜﻪ
ﺧﺎﻓﺖ ﻏﺰﻝ ﻻﻥ ﻋﺮﻓﺖ ﺣﺘﻤﻮﺕ ﺣﺴﺖ ﺍﻻﻟﻢ ﻳﻨﺰﻝ ﻉ ﻛﻠﺒﻬﺎ ﻭﻛﻮﻩ ﺗﺘﻨﻔﺲ ﻭﺍﻟﺪﻡ ﻣﻴﻮﻛﻒ ﺗﻔﻜﺮ ﺍﻧﻮ ﺣﺘﺮﻭﺡ ﻭﺗﺘﺮﻙ ﺍﻣﻴﺮ ﻫﺎﻟﺸﻲ ﺧﻮﻓﻬﺎ ﺍﻛﺜﺮ ﻣﻦ ﺍﻟﻤﻮﺕ ﻧﻔﺴﻪ ﻧﺰﻟﺖ ﺩﻣﻮﻋﻬﺎ ﻭﻋﺮﻓﺖ ﻫﺬﻩ ﻫﻲ ﻧﻬﺎﻳﺘﻬﺎ ﻣﻮ ﻣﺜﻞ ﺍﻟﻘﺼﺺ ﺗﻨﺘﻬﻲ ﺑﻨﻬﺎﻳﺎﺕ ﺳﻌﻴﺪﻩ ﻏﻤﻀﺖ ﻋﻴﻮﻧﻬﺎ ﻭﻫﻲ ﺗﻔﻜﺮ ﺑﻜﻞ ﻟﺤﻈﻪ ﻋﺎﺷﺘﻬﺎ ﻭﻳﻪ ﺍﻣﻴﺮ ﻣﺴﺘﺴﻠﻤﻪ ﻟﻠﻤﻮﺕ ﻭﺗﺮﺣﺐ ﺑﻴﻪ ﺑﻬﺎﻟﻠﺤﻈﻪ ﺳﻤﻌﺖ ﺻﺮﺧﻪ ﺳﻤﺮﻩ ﻭﻫﻲ ﺗﺮﻛﺾ ﻉ ﺍﺑﻮ ﻣﻬﺎ ﻭﺿﺮﺑﺘﻪ ﻭﻗﺘﻠﺘﻪ ﺑﻤﻜﺎﻧﻪ ﻭ ﻭﻛﻊ ﻉ ﺍﻟﻜﺎﻉ ﺷﻬﻜﺖ ﻏﺰﻝ ﻣﻦ ﺷﺎﻓﺘﻬﺎ
ﺳﻤﺮﻩ . ﺩﻡ ﺩﻡ ﺩﻳﻄﻠﻊ ﻣﻨﺞ ﻫﻮﺍﻳﻪ ﺩﻡ ﻋﻔﻴﻪ ﻟﺘﻤﻮﺗﻴﻦ ﻓﺘﺤﻲ ﻋﻴﻮﻧﺞ ﻭﺑﺎﻭﻋﻲ ﻋﻠﻴﻪ ﻣﺤﺪ ﻣﻮﺟﻮﺩ ﺣﺘﻰ ﻳﺴﺎﻋﺪﻧﻲ ﻳﺎﺭﺏ ﺷﺴﻮﻱ
ﺣﺎﻭﻟﺖ ﻏﺰﻝ ﺗﺤﺠﻲ ﺑﺲ ﻣﺘﻜﺪﺭ ﻭﺳﻤﺮﻩ ﻛﻠﺸﻲ ﻣﺪﺗﻔﻬﻢ ﻭﻧﺰﻟﺖ ﺭﺍﺳﻬﺎ ﺣﺘﻰ ﺗﺴﻤﻌﻬﺎ
ﻏﺰﻝ . ﻭﺩﻳﻨﻲ ﻉ ﺯﻭﺟﻲ
ﺳﻤﺮﻩ . ﻻ ﻻ ﺣﺮﻭﺡ ﺍﺷﻮﻓﻠﺞ ﺩﻛﺘﻮﺭ ﻻﺯﻡ ﻳﻌﺎﻟﺠﺞ ﻭﻳﻮﻛﻒ ﺍﻟﺪﻡ ﻛﺎﻣﺖ ﻭﻣﺴﻜﺖ ﻏﺰﻝ ﻓﺴﺘﺎﻥ ﺳﻤﺮﻩ
ﻏﺰﻝ . ﺍﻧﻲ ﺩﺍ ﺍﻣﻮﺕ ﺍﺗﺮﺟﺎﺝ ﺳﺎﻋﺪﻳﻨﻲ ﻭ ﻭﺩﻳﻨﻲ ﻳﻢ ﺯﻭﺟﻲ ﻟﻠﻤﺮﻩ ﺍﻻﺧﻴﺮﻩ ﻭﺩﻣﻮﻋﻬﺎ ﺗﻨﺰﻝ
ﺗﺒﺎﻭﻉ ﻋﻠﻴﻬﺎ ﺳﻤﺮﻩ ﻭﻛﻠﺒﻬﺎ ﻳﺘﻘﻄﻊ . ﺗﻤﺎﻡ ﺣﺎﺧﺬﺝ ﺍﻟﻪ ﻣﻴﺒﻌﺪ ﻋﻨﻪ ﺑﺲ ﺩﻗﺎﻳﻖ ﻛﻮﻣﻲ ﺍﺧﺬﺝ ﻭﻛﻮﻣﺘﻬﺎ ﻭﻫﻲ ﺗﺼﺮﺥ ﻣﻦ ﺍﻻﻟﻢ
.
ﺍﻣﺎ ﻏﺰﻝ ﻭﻛﺮﻡ ﻓﻄﻮﻝ ﺍﻟﻮﻗﺖ ﺍﻟﻀﺮﺏ ﺑﻴﻨﻬﻢ ﻣﺘﻮﺍﺻﻞ ﺻﺢ ﺍﺛﻨﻴﻨﻬﻢ ﺍﺗﺎﺫﻭ ﺑﺲ ﻭﻻ ﻭﺍﺣﺪ ﻣﻨﻬﻢ ﺍﺳﺘﺴﻠﻢ ﺍﺳﺘﻐﺮﺏ ﺍﻣﻴﺮ ﻣﻦ ﻛﺮﻡ ﻻﻥ ﺷﻜﺪ ﻣﻀﺮﺑﻪ ﻭﺍﺫﺍﻩ ﻭﻛﺴﺮﻩ ﺑﺲ ﻻﺧﺮ ﻟﺤﻈﻪ ﻫﻮ ﻣﻘﺎﻭﻡ
ﺍﻟﻜﻞ ﻛﺎﻥ ﻣﺴﺘﻐﺮﺏ ﻣﻨﻬﻢ ﻭﺷﻠﻮﻥ ﻣﺘﺤﻤﻠﻴﻦ ﻛﻞ ﻫﺎﻟﻀﺮﺏ ﻭﻓﺮﺍﺱ ﻛﺎﻥ ﻣﺴﺘﻐﺮﺏ ﺷﻠﻮﻥ ﻛﻞ ﻫﺎﻟﻀﺮﺏ ﺑﻜﺮﻡ ﻭﻣﺘﺤﻤﻞ ﻓﻌﻼ ﻛﺎﻥ ﺍﻣﻴﺮ ﺩﻳﻀﺮﺑﻪ ﺑﻜﻞ ﻗﻮﺗﻪ ﺑﺲ ﻫﻮ ﻣﺴﺘﺴﻠﻢ
ﻛﺮﻡ . ﻫﺎﺍ ﺗﻌﺒﺖ ﺗﺮﻩ ﺑﻌﺪﻧﻪ ﺑﺎﻟﺒﺪﺍﻳﻪ
ﺍﻣﻴﺮ ﺗﻌﺐ ﺣﻴﻞ ﻭﻣﺴﺘﻐﺮﺏ ﻭﻛﺎﻝ . ﺿﺮﺑﻲ ﺍﻟﻚ ﻃﻮﻝ ﺍﻛﺜﺮ ﻣﻦ ﻣﺎ ﻛﻨﺖ ﺍﻋﺘﻘﺪ ﺍﻋﺘﺮﻓﻠﻚ ﺍﻧﻮ ﺍﻧﺖ ﻣﻮ ﺿﻌﻴﻒ ﺑﺲ ﻣﻜﻨﺖ ﻣﺼﻮﺭﻙ ﺑﺲ ﺍﻟﺼﺮﺍﺣﻪ ﺗﺮﻩ ﻣﻠﻴﺖ
ﻛﺮﻡ . ﺻﺤﻴﺢ ﻳﺎ ﺍﺧﻮﻳﻪ ﺍﻧﻲ ﻫﻢ ﻣﻠﻴﺖ ﻻﺯﻡ ﻧﻨﻬﻲ ﻫﺴﻪ ﻛﻠﺸﻲ
ﺍﻣﻴﺮ ﻭﺑﺎﻋﻠﻰ ﺻﻮﺗﻪ . ﺍﻧﺖ ﻫﻮﻭﻭﺍﻳﻪ ﺗﺤﺠﻲ ﻭﻫﺠﻢ ﻋﻠﻴﻪ ﻭﻣﻦ ﺳﺮﻋﻪ ﺍﻣﻴﺮ ﻟﻜﺮﻡ ﻣﺤﺪ ﻛﺪﺭ ﻳﺸﻮﻑ ﺷﻨﻮ ﺍﻟﻲ ﺻﺎﺭ ﺑﻠﻤﺢ ﺍﻟﺒﺼﺮ ﻫﺠﻢ ﺍﻣﻴﺮ ﻋﻠﻴﻪ ﻭﺿﺮﺑﻪ ﻭﻓﻘﺪ ﻛﺮﻡ ﻭ ﻭﻛﻊ ﺑﺎﻟﻜﺎﻉ ﺍﻟﻀﻮﺑﻪ ﻛﺎﻧﺖ ﻗﻮﻳﻪ ﺑﺎﺗﺠﺎﻩ ﻛﻠﺒﻪ
ﻭﻛﻊ ﻓﺮﺍﺱ ﻭﻛﺎﻥ ﻣﻴﻜﺪﺭ ﻳﺘﻨﻔﺲ ﺑﺴﻬﻮﻟﻪ ﻋﺮﻑ ﺍﻧﻮ ﻫﻮ ﺣﻴﻤﻮﺕ ﻣﻦ ﺍﻟﺒﺪﺍﻳﻪ ﺑﺲ ﺍﻟﻲ ﺳﻮﺍﻩ ﺣﺘﻰ ﻳﺜﺒﺖ ﻟﻐﺰﻝ ﻭﻻﻣﻴﺮ ﺍﻧﻮ ﻫﻮ ﻣﻮ ﺟﺒﺎﻥ
ﺍﺑﺘﺴﻢ ﻛﺮﻡ . ﺗﺪﺭﻱ ﺍﻣﻴﺮ ﺩﺍﺋﻤﺎ ﻛﻨﺖ ﺍﻋﺮﻑ ﻫﺎﻟﺸﻲ ﺣﻴﺼﻴﺮ ﺑﺲ ﺗﺪﺭﻱ ﻫﺎﻟﺸﻲ ﺯﻳﻦ ﺍﻣﻮﺕ ﻉ ﺍﻳﺪ ﺍﺧﻮﻳﻪ ﺍﺣﺴﻦ ﻣﻦ ﻣﺎ ﺍﻣﻮﺕ ﻉ ﺍﻳﺪ ﻫﺎﻟﺠﺒﻨﺎﺀ ﻻﻥ ﻣﻨﺎﻭﻳﻦ ﻳﺘﺮﻛﻮﻙ ﻋﺎﻳﺶ ﻛﻞ ﺍﻟﻲ ﺻﺎﺭ ﻣﺠﺮﺩ ﺍﻧﻮ ﻳﻠﻬﻮﻙ ﻭﻳﻜﺴﺒﻮﻥ ﻭﻗﺖ ﺍﺧﻮ ﺯﻭﺟﺘﻚ ﻋﺮﻑ ﺍﻧﻮ ﮔﻤﺮ ﺧﺎﻧﺘﻚ ﻭ ﻭﺻﻞ ﺧﺒﺮ ﺍﻧﻮ ﻫﻲ ﻣﺎﺗﺖ ﻭﻋﺮﻑ ﺍﺧﻮﻫﺎ ﺍﻧﺖ ﺍﻟﻲ ﺍﻣﺮﺕ ﺑﻬﺎﻟﺸﻲ ﻭﻫﻮ ﺣﺎﻟﻴﺎ ﻣﺘﻮﺟﻪ ﻟﺒﻴﺘﻚ
ﺍﻣﻴﺮ . ﻭﻟﻴﺶ ﻫﺴﻪ ﺩﺗﻜﻮﻝ ﻫﺎﻟﺸﻲ
ﻛﺮﻡ . ﻣﺎ ﺍﻋﺮﻑ ﻳﻤﻜﻦ ﺍﻛﺮﻫﻢ ﺍﻛﺜﺮ ﻣﻦ ﻣﺎ ﺍﻛﺮﻫﻚ ﺍﻛﻮﻟﻚ ﻉ ﺳﺮ ﺍﻧﻲ ﻣﻜﺮﻫﺘﻚ ﺍﻧﻲ ﺑﺲ ﻛﻨﺖ ﻣﻌﺼﺐ ﻋﻠﻴﻚ ﻻﻥ ﻣﻦ ﺍﺑﻮﻳﻪ ﻣﺎﺕ ﺍﻣﻲ ﺍﺟﺘﻲ ﻭﻛﻠﺘﻠﻲ ﺍﻧﻮ ﺍﻧﺖ ﺍﺧﻮﻳﻪ ﻭﻋﻤﻲ ﻭﺯﻭﺟﺘﻪ ﺍﺧﺬﻭﻙ ﻣﻨﻬﺎ ﻣﻮ ﻻﻥ ﻣﻴﺼﻴﺮ ﻋﺪﻫﻢ ﺍﻃﻔﺎﻝ ﻻﻥ ﻫﻤﻪ ﻛﺎﻥ ﻋﺪﻫﻢ ﺍﺑﻦ ﺑﺲ ﺑﻌﺪ ﻣﺎ ﺍﺧﻮﻙ ﻧﻤﻴﺮ ﺍﻧﻮﻟﺪ ﻣﻜﺪﺭﺕ ﺍﻣﻚ ﺗﺤﺒﻞ ﺑﻌﺪ ﻓﺤﺒﺘﻚ ﻭﺍﺧﺬﺗﻚ ﻣﻦ ﺍﻣﻲ ﻭﺍﻣﻲ ﻛﺎﻧﺖ ﻣﻮﺍﻓﻘﻪ ﺑﻬﺎﻟﺸﻲ ﻭﺭﺍﻫﺎ ﻭﻟﺪﺗﻨﻲ ﻭﻇﻠﺖ ﺗﺤﺒﻚ ﻣﻦ ﺑﻌﻴﺪ ﺩﺍﺋﻤﺎ ﻣﻦ ﻛﻨﺖ ﺍﺟﻲ ﻭﻳﺎﻫﺎ ﻭﺍﺯﻭﺭﻛﻢ ﻛﺎﻧﺖ ﺗﺸﺘﺮﻳﻠﻚ ﻛﻠﺸﻲ ﻭﺍﺩﻟﻠﻚ ﻭﺍﻧﻲ ﺍﻛﻮﻝ ﺷﻨﻮ ﺍﻧﻲ ﻣﻮ ﺍﺑﻨﻬﺎ ﻟﻴﺶ ﻣﺘﺤﺒﻨﻲ ﻣﺜﻠﻚ ﺑﺲ ﺑﻌﺪﻳﻦ ﻋﺮﻓﺖ ﺍﻧﻮ ﺍﻧﺖ ﺍﺧﻮﻳﻪ ﻭﻛﻠﺘﻠﻲ ﺭﻭﺣﻠﻪ ﻫﻮ ﻳﺤﻤﻴﻚ ﻭﺍﺟﺒﺖ ﻋﻠﻴﻚ ﺣﺘﻰ ﺗﺤﻤﻴﻨﻲ ﻣﻨﻬﻢ ﻭ ﻭﻛﻔﺖ ﻭﺭﻩ ﺿﻬﺮﻙ ﻭﺍﻧﺖ ﺳﻠﻤﺘﻨﻲ ﻻﺧﻮﻙ ﺍﻟﻜﺒﻴﺮ ﺣﺘﻰ ﺗﻀﻠﻮﻥ ﺍﻧﺘﻮ ﺍﻟﺸﻴﻮﺥ ﻭﺍﻧﻲ ﺗﺘﺨﻠﺼﻮﻥ ﻣﻨﻲ ﺍﻧﺤﺒﺴﺖ ﻭﺍﻧﺖ ﻭﻻ ﺍﻫﺘﻤﻴﺖ
ﻭﺻﺮﺥ ﺑﻜﻞ ﻗﻮﺗﻪ ﻭﻟﻚ ﺍﻧﺖ ﺍﺧﻮﻳﻪ ﺍﻟﻲ ﻣﻮ ﺍﺧﻮ ﻧﻤﻴﺮﺭﺭ
ﺗﺪﺭﻳﻦ ﺣﺠﺎﻳﺘﻚ ﺻﺤﻴﺤﻪ ﺍﻧﻲ ﻋﻮﻭﺍﻳﻪ ﺍﺣﺠﻲ ﺍﺿﺮﺑﻨﻲ ﺑﻌﺪ ﺿﺮﺑﻪ ﻭﺣﺪﻩ ﻭﺧﻠﺼﻨﻲ ﻻﻥ ﻣﻠﻴﺖ ﻣﻦ ﻫﺎﻟﺤﻴﺎﻩ
ﺍﻟﻜﻞ ﻳﺼﺮﺥ ﺣﺘﻰ ﺍﻣﻴﺮ ﻳﺘﺨﻠﺺ ﻣﻦ ﻛﺮﻡ ﻭﻫﻮ ﻳﺒﺎﻭﻉ ﻉ ﻛﺮﻡ ﻓﻌﻼ ﻏﺒﻲ ﻻﻥ ﻣﻨﻮ ﺍﻟﻲ ﻛﺎﻥ ﻳﺤﻤﻴﻪ ﻣﻦ ﻧﻤﻴﺮ ﻭﻣﺨﻼﻩ ﻳﻘﺘﻠﻪ ﻛﻞ ﻫﺎﻟﻔﺘﺮﻩ ﻣﻨﻮ ﺍﻟﻲ ﻛﺎﻥ ﻳﺮﻭﺡ ﻟﻠﺤﺮﺱ ﺣﺘﻰ ﻣﺤﺪ ﻳﻀﺮﺑﻪ ﻭﻻ ﻳﻬﻴﻨﻪ ﻣﻨﻮ ﺍﻟﻲ ﻛﺎﻥ ﻳﻄﻠﺐ ﻣﻨﻬﻢ ﺍﻧﻮ ﻳﻬﺘﻤﻮﻥ ﺑﻴﻪ ﺣﺘﻰ ﺑﺎﺻﻐﺮ ﺷﻲ ﺑﺲ ﺧﺎﻟﻴﺎ ﻋﻮ ﺍﻟﻲ ﻳﺮﻳﺪﻩ ﻳﻤﻮﺕ ﺑﺲ ﺑﻠﺤﻈﻪ ﺍﻟﻜﻞ ﺳﻜﺖ ﺭﻓﻊ ﺭﺍﺳﻪ ﻭﺍﺳﺘﻐﺮﺏ ﻣﻦ ﺷﺎﻑ ﻏﺰﻝ ﻭﻫﻲ ﺗﺸﻤﺮ ﺟﺴﻤﻬﺎ ﻉ ﻛﺮﻡ ﺻﻔﻦ ﻉ ﻏﺰﻝ ﻭﻫﻲ ﻣﻼﻣﺤﻪ ﺗﻌﺒﺎﻧﻪ ﻭ ﻭﺟﻬﺎ ﺍﻟﺴﺎﺣﺐ ﻛﺎﻧﺖ ﻛﻮﻩ ﺗﺘﻨﻔﺲ ﺷﻨﻮ ﺍﻟﻲ ﺩﻳﺼﻴﺮ ﻣﺪﻳﻔﻬﻢ
ﻋﺼﺐ ﺍﻣﻴﺮ ﻛﻦ ﻫﺎﻟﻤﻨﻀﺮ ﻳﻌﻨﻲ ﻻﺧﺮ ﻟﺤﻈﻪ ﺗﺤﻤﻴﻪ ﻻﺧﺮ ﻟﺤﻈﻪ ﺗﺨﺎﻑ ﻉ ﻛﺮﻡ ﻋﺼﺐ ﻭﻫﻮ ﻳﺸﻮﻑ ﺍﻟﺸﻴﻮﺥ ﻳﺒﺎﻭﻋﻮﻥ ﻉ ﺯﻭﺟﺘﻪ ﻭﻫﻲ ﺗﺤﻜﻲ ﻛﺮﻡ ﻣﻨﻪ
ﻏﺰﻝ ﻭﻫﻲ ﺑﺎﻟﻜﻮﻩ ﺗﺤﺠﻲ . ﻣﻮ ﻛﺘﻠﻚ ﻣﺮﺍﺡ ﺗﻜﺪﺭ ﻻﻣﻴﺮ ﻣﻮ ﻻﻥ ﺍﻧﺖ ﺿﻌﻴﻒ ﺑﺎﻟﻌﻜﺲ ﺍﻧﺖ ﺍﺣﺴﻦ ﻣﻨﻪ ﻭﻣﻨﻲ ﻛﺤﺖ ﻭﻫﻲ ﺗﺬﺏ ﺩﻡ ﻣﻦ ﺣﻠﻜﻬﺎ ﺍﺗﻔﺎﺟﺊ ﻛﺮﻡ ﻣﻦ ﺷﺎﻓﻬﺎ ﻭﺷﺎﻑ ﺍﻟﺪﻡ ﺍﻟﻲ ﻛﺎﻡ ﻳﺒﻴﻦ ﻣﻦ ﻛﺘﻔﻬﺎ ﻋﺮﻑ ﺑﻴﻬﺎ ﺷﻲ
ﺍﻣﻴﺮ ﻭﻫﻮ ﻣﻌﺼﺐ . ﻏﺰﺯﺯﻝ ﻛﻮﻭﻭﻣﻲ ﻏﻤﻀﺖ ﻋﻴﻮﻧﻬﺎ ﻻﻥ ﻣﺘﺮﻳﺪﻩ ﻳﺸﻮﻓﻬﺎ ﻭﻳﺸﻮﻑ ﺍﻟﻀﻌﻒ ﺍﻟﻲ ﺑﻮﺟﻬﺎ ﺑﺲ ﻫﻲ ﺗﺮﻳﺪ ﺗﺸﻮﻑ ﺍﻣﻴﺮ ﺍﺧﺮ ﻭﺟﻪ ﻭﺗﻤﻮﺕ ﺻﺮﺥ ﺍﻣﻴﺮ . ﺩﺍ ﺍﻛﻮﻟﺞ ﻛﻮﻭﻭﻣﻲ ﺭﺍﺩ ﻳﺴﺤﺒﻬﺎ ﺑﺲ ﺻﺮﺥ ﻋﻠﻴﻪ ﻛﺮﺭﻡ ﻭﺩﻓﻌﻬﺎ ﻭﺣﺎﻭﻝ ﻳﻜﻌﺪ ﻭﻳﺤﻄﻬﺎ ﺑﺤﻀﻨﻪ ﻭﻣﺴﻚ ﺍﻟﺠﺮﺡ ﻭﺍﻳﺪﻩ ﺻﺎﺭ ﺑﻴﻬﺎ ﺩﻡ
ﻛﺮﻡ ﻭﺑﺮﻋﺐ . ﻭﻟﻚ ﻫﻲ ﻣﺠﺮﻭﺣﻪ ﻳﺎ ﻏﺒﻲ ﻣﺪﺗﺸﻮﻑ ﺟﻴﺒﻮ ﺩﻛﺘﻮﺭ ﺑﺴﺮﻋﻪ
.
ﺑﺜﺎﻧﻴﻪ ﺍﺿﻠﻢ ﺍﻟﻜﻮﻥ ﺑﻮﺟﻪ ﺍﻣﻴﺮ ﻭﻫﻮ ﻳﺒﺎﻭﻉ ﺍﻟﺪﻡ ﺍﻟﻲ ﻳﻨﺰﻝ ﻣﻨﻬﺎ ﻣﻜﺪﺭ ﺣﺘﻰ ﻳﻮﻛﻒ ﻳﺒﺎﻭﻉ ﻉ ﻭﺟﻬﺎ ﺍﻟﺸﺎﺣﺐ ﻭﻋﻴﻮﻧﻪ ﺍﻟﻲ ﻣﺘﻨﺰﻟﻬﺎ ﻋﻦ ﺍﻣﻴﺮ ﻭﺣﻴﻴﻞ ﺗﻌﺒﺎﻧﻪ ﻭﻋﻴﻮﻧﻬﺎ ﻛﻠﻬﺎ ﺣﺰﻥ ﻋﻠﻴﻪ ﻳﺒﺎﻭﻉ ﻭﻣﻤﺼﺪﻙ ﺍﻟﻲ ﺩﻳﺸﻮﻓﻪ ﺣﺲ ﺍﻧﻮ ﺭﻭﺣﻪ ﺩﺗﻄﻠﻊ ﻣﻨﻪ ﺭﺟﻊ ﺧﻄﻮﺗﻴﻦ ﻭﺭﻩ ﺍﻳﺮﻳﺪ ﻳﻔﻬﻢ ﻭﻳﺴﺘﻮﻋﺐ ﺍﻟﻲ ﺩﻳﺼﻴﺮ ﺣﺲ ﺍﻧﻮ ﻫﻮ ﺑﺤﻠﻢ ﻭﻋﻴﻮﻧﻬﺎ ﻣﺘﻔﺎﺭﻛﻪ ﺣﺲ ﺑﻴﻬﺎ ﺩﺗﻤﻮﺕ ﻣﺎﻛﻮ ﺍﻱ ﺷﻲ ﺑﺎﻟﻜﻮﻥ ﻳﻮﺻﻒ ﺍﻟﻲ ﺩﻳﺤﺲ ﺑﻴﻪ ﻣﻦ ﻭﺟﻊ ﺷﻜﺪ ﻣﺤﺎﻭﻝ ﻳﺘﺤﺮﻙ ﻣﻴﻜﺪﺭ ﺭﺟﻠﻴﻪ ﺍﺗﺒﺴﻤﺮﺕ ﺑﻤﻜﺎﻧﻬﺎ ﻇﻞ ﺑﺲ ﻳﺒﺎﻭﻉ ﻭﺩﻣﻮﻋﻪ ﺗﻨﺰﻝ ﻳﺒﺎﻭﻉ ﻉ ﻛﺮﻡ ﻭﻓﺮﺍﺱ ﻭﻫﻤﻪ ﻳﺼﺮﺧﻮﻥ ﺑﺎﺳﻤﻬﺎ ﻭﻫﻮ ﻣﻴﻜﺪﺭ ﻳﺘﺤﺮﻙ ﻭﻫﻲ ﻋﻴﻮﻧﻬﺎ ﻣﺘﻨﺰﻝ ﻋﻦ ﺍﻣﻴﺮ ﻭﺗﺒﺎﻭﻉ ﻉ ﻭﺟﻬﻪ ﺍﻟﺸﺎﺣﺐ ﺍﻟﻲ ﻛﺎﻧﻮ ﻫﻮ ﺣﻴﻤﻮﺕ ﻣﻮ ﻫﻲ ﻫﺎﻟﺸﻲ ﺧﻼﻫﺎ ﺗﺘﻮﺟﻊ ﺍﻛﺜﺮ ﻣﻦ ﺍﻟﻤﻮﺕ ﻧﻔﺴﻪ ﺍﺗﺮﻳﺪ ﺗﺼﻴﺤﻪ ﺑﺲ ﺻﻮﺗﻬﺎ ﻣﺪﻳﻄﻠﻊ ﻣﻨﻬﺎ ﺻﻮﺕ ﻓﺮﺍﺱ ﺗﺴﻤﻌﻪ ﻭﻫﻮ ﻳﺴﺎﻝ ﺳﻤﺮﻩ ﻉ ﺍﻟﻲ ﺻﺎﺭ ﻭﺗﺴﻤﻊ ﺻﻮﺕ ﻛﺮﻡ ﻭﻫﻮ ﻳﺘﻮﺳﻞ ﺑﻴﻬﺎ ﺣﺘﻰ ﺗﺘﺤﻤﻞ ﻫﻲ ﻣﻜﺎﻧﺖ ﺗﺮﻳﺪ ﺑﺲ ﺗﺴﻤﻊ ﺻﻮﺗﻪ ﻭﺑﺲ ﺍﻟﻪ ﺗﺸﻮﻓﻪ ﺭﻓﻌﺖ ﺍﻳﺪﻫﺎ ﺑﻜﻞ ﻗﻮﺗﻬﺎ ﺣﺘﻰ ﺗﺎﺷﺮﻟﻪ ﺣﺘﻰ ﻳﺠﻲ ﻳﻤﻬﺎ ﺗﺘﻮﺳﻠﻪ ﺑﻌﻴﻮﻧﻬﺎ ﺣﺘﻰ ﻳﺠﻲ ﻳﺤﻀﻨﻬﺎ ﻻﺧﺮ ﻣﺮﻩ ﺟﻤﻌﺖ ﻛﻞ ﻗﻮﺗﻬﺎ ﺣﺘﻰ ﺑﺲ ﻳﻄﻠﻊ ﺻﻮﺗﻬﺎ ﻭﺻﺎﺣﺖ . ﺍﺍﺍﻣﻴﻴﺮﺭﺭ
ﺑﻨﺺ ﺍﻟﺴﻜﻮﺕ ﺍﻟﻲ ﺩﻳﺤﺲ ﺑﻴﻪ ﺍﻣﻴﺮ ﺳﻤﻊ ﺻﻮﺕ ﻏﺰﻝ ﻭﻫﻲ ﺗﺼﻴﺤﻪ ﻭﻃﻠﻌﺘﻪ ﻣﻦ ﻣﻮﺗﻪ ﺍﻟﻲ ﺩﻳﺤﺲ ﺑﻴﻪ ﻭﺣﺲ ﺑﻠﻲ ﺩﻳﺼﻴﺮ ﺗﺤﺮﻙ ﺑﺴﺮﻋﻪ ﻭﺩﻓﻊ ﻛﺮﻡ ﻭﻓﺮﺍﺱ ﻭﺳﺤﺒﻬﺎ ﺑﺤﻀﻨﻪ ﻭﻇﻞ ﻳﺼﺮﺥ . ﻟﻴﺶ ﻟﻴﺶ
ﻛﻠﺒﻪ ﺍﺣﺘﺮﻙ ﻭﻧﻔﺴﻪ ﻛﻮﻩ ﻳﻄﻠﻊ ﻭﻣﺴﻚ ﺟﺮﺣﻬﺎ . ﻻ ﻻ ﺭﺍﺡ ﺍﻃﻴﺒﻴﻦ ﻭﺗﺘﻌﺎﻟﺠﻴﻦ ﻣﺜﻞ ﻣﻌﺎﻟﺠﺘﺞ ﻗﺒﻞ ﻭﺍﺧﺬﺝ ﻣﻨﺎ ﻣﺜﻞ ﻣﻮﻋﺪﺗﺞ ﻭﺣﺴﻮﻱ ﻛﻞ ﺍﻟﻲ ﺗﺮﻳﺪﻳﻪ ﺗﺮﻩ ﻛﺮﻡ ﻣﻜﻨﺖ ﻧﺎﻭﻱ ﺍﻗﺘﻠﻪ ﻭﺍﻟﻠﻪ ﺭﺩﺕ ﺑﺲ ﺍﺧﻮﻓﻪ ﺭﺩﺕ ﺍﺣﺎﺳﺒﻪ ﺑﺲ ﻋﻠﻤﻮﺩ ﺍﻟﻲ ﺳﻮﺍﻩ ﺑﻴﺞ ﻭﺍﻟﻠﻪ ﻣﻜﻨﺖ ﻧﺎﻭﻱ ﺍﻗﺘﻠﻪ
ﻳﻠﻪ ﺣﺼﻴﺮﻳﻦ ﺯﻳﻨﻪ ﻭﻧﺰﻟﺖ ﺩﻣﻮﻋﻪ ﻭﻫﻮ ﻳﺸﻮﻑ ﺍﻟﺪﻡ ﻳﻨﺰﻝ ﻣﻦ ﺣﻠﻜﻬﺎ ﻭﻳﻤﺴﺤﻪ ﻣﺮﺍﺡ ﺍﺧﻠﻴﺞ ﺗﺮﻭﺣﻴﻦ ﻣﻨﻲ ﻛﺎﻓﻲ ﻏﺰﻝ ﺗﺤﻤﻠﻲ ﻟﺨﺎﻃﺮﻱ ﻭﺍﻟﻠﻪ ﻣﺎ ﺍﺗﺤﻤﻞ ﺑﻠﻴﺎﺝ ﺍﻫﻮﻥ ﻋﻠﻴﺞ ﺗﺮﻛﻴﻨﻲ ﻭﺣﺪﻱ ﻭﻟﺞ ﺍﻧﺘﻲ ﻛﻠﺸﻲ ﺍﻟﻲ ﻣﻴﻌﻤﻨﻲ ﺷﻲ ﻏﻴﺮﺝ ﻭﺍﻟﻠﻪ ﻳﺎﺍﺍﺍﺍﺍ ﺍﻟﻠﻪ ﺳﺎﻋﺪﻧﻲ ﻳﺎ ﺍﻟﻠﻪ ﻟﺘﺤﺮﻣﻨﻲ ﻣﻨﻬﺎ
ﺳﺪ ﻋﻴﻮﻧﻪ ﻓﺮﺍﺱ ﻭﻫﻮ ﻛﻠﺶ ﺩﻳﺘﻮﺟﻊ ﻣﻦ ﺍﻟﻲ ﺩﻳﺸﻮﻓﻪ ﻛﻠﺒﻪ ﻳﺘﻜﻄﻊ ﻋﻠﻴﻬﻢ ﻻﻥ ﻳﻌﺮﻑ ﺍﻧﻮ ﺍﻣﻴﺮ ﺭﺍﺡ ﺭﺍﺡ ﻳﻤﻮﺕ ﻭﺭﺍﻫﺎ ﺑﺎﻟﻠﺤﻈﻪ ﺍﻟﻲ ﻏﺰﻝ ﺗﺴﺪ ﻋﻴﻮﻧﻬﺎ ﺭﺍﺡ ﺗﺮﻭﺡ ﺭﻭﺡ ﺍﻣﻴﺮ ﻣﻨﻪ
ﺍﻣﻴﺮ . ﻟﺴﺪﻳﻦ ﻋﻴﻮﻧﺞ ﻏﺰﻝ ﺍﺑﺪ ﻫﺴﻪ ﺣﻴﺠﻲ ﺍﻟﺪﻛﺘﻮﺭ ﺻﺒﺮﻱ ﺍﺑﺪﺍ ﻟﺴﺪﻳﻦ ﻋﻴﻮﻧﺞ ﺻﺪﻛﻲ ﺍﻣﻮﺕ ﻭﺭﺍﺝ
ﻏﺰﻝ ﻭﺩﻣﻮﻋﻬﺎ ﺗﻨﺰﻝ ﻉ ﺍﻣﻴﺮ ﺍﻭﻝ ﻣﺮﻩ ﺗﺸﻮﻓﻪ ﻫﻴﺠﻲ ﺿﻌﻴﻒ ﻭﺧﺎﻳﻒ ﺭﺍﺩﺕ ﺗﺤﺠﻲ ﻭﺗﻜﻮﻟﻪ ﻟﺘﺨﺎﻑ ﻋﻠﻴﻪ ﺣﺮﻭﺡ ﺍﻧﻲ ﻭﺍﻧﺖ ﻋﻴﺶ ﺣﻴﺎﺗﻚ ﻟﺘﻨﻘﻬﺮ ﻋﻠﻴﻪ ﺭﺍﺡ ﺍﻃﻴﺐ ﻭﺭﻩ ﺭﻭﺣﺘﻲ ﺑﺲ ﺗﺤﻤﻞ ﻣﻜﺪﺭﺕ ﺗﺤﺠﻲ ﻛﻞ ﻫﺬﺍ ﺑﺲ ﺣﺎﻭﻟﺖ ﺗﺤﺠﻲ ﻭﺗﻜﻮﻟﻪ . ﺍﻧﺖ ﻫﺬﺍ ﻭﺣﻄﺖ ﺍﻳﺪﻩ ﻉ ﻛﻠﺒﻬﺎ ﺭﺍﺍﺍﺡ ﺍﻇﻞ ﺍﺣﺒﻚ ﺣﺘﻰ ﺑﻌﺪ ﻣﺎ ﺍﻣﻮﻭﺕ ﻳﺎ ﺣﺐ ﺣﻴﺎﺗﻲ
ﻭﻫﺬﻩ ﺍﺧﺮ ﻛﻠﻤﻪ ﻛﺎﻟﺘﻬﺎ ﻏﺰﻝ ﻭﻏﻤﻀﺖ ﻋﻴﻮﻧﻬﺎ
ﺍﻣﻴﺮ . ﻻ ﻻ ﻛﻌﺪﻱ ﻻ ﻏﺰﻝ ﻫﺬﺍ ﺣﻠﻢ ﻣﻮ ﺑﻬﺎﻟﺒﺴﺎﻃﻪ ﺗﺮﻭﺣﻴﻦ ﻭﻳﻦ ﺍﻟﺪﻛﺘﻮﻭﻭﻭﺭ ﺑﺎﻭﻉ ﻉ ﻓﺮﺍﺱ . ﻫﻲ ﻧﺎﻳﻤﻪ ﺷﻮﻓﻬﺎ ﻧﺎﻳﻤﻪ ﺩﺗﻤﺜﻞ ﻣﺜﻞ ﻗﺒﻞ ﻣﺜﻞ ﻣﻜﻨﺎ ﺍﻃﻔﺎﻝ ﻭﻫﺴﻪ ﻫﻢ ﺳﻮﺗﻬﺎ ﺣﺘﻰ ﺍﺗﺨﻮﻓﻨﻲ ﻣﺴﻚ ﺧﺪﻫﺎ ﻏﺰﻝ ﺍﻧﻲ ﺧﺎﻳﻒ ﻭﺍﻟﻠﻪ ﻣﻮ ﺗﺮﻳﺪﻳﻦ ﺗﺨﻮﻓﻴﻨﻲ ﺍﻧﻲ ﻫﺴﻪ ﺧﻔﺖ ﺍﻧﺘﻲ ﺭﺑﺤﺘﻲ ﻓﺘﺤﻲ ﻋﻴﻮﻧﺞ ﻭﺷﻮﻓﻴﻨﻲ ﺷﻠﻮﻥ ﻣﺮﻋﻮﺏ
ﺻﺮﺥ ﺍﻣﻴﺮ ﺑﻜﻞ ﻋﻠﻮ ﺻﻮﺗﻪ . ﻻﺍﺍﺍﺍﺍﺍﺍ ﻛﻌﺪﻱ ﺻﻮﺕ ﺻﺮﺍﺧﻪ ﻭﺍﻟﺒﺠﻲ ﻣﺎﻟﺘﻪ ﺧﻠﻪ ﻛﻞ ﺍﻟﻮﺍﻛﻔﻴﻦ ﻳﺒﺠﻮﻥ ﻋﻠﻴﻪ ﻻﻥ ﻳﻌﺮﻓﻮﻥ ﺣﺐ ﺍﻣﻴﺮ ﺍﻟﻬﺎ
ﺣﻀﻨﻬﺎ ﻭﻫﻮ ﻳﺴﺘﻨﺠﺪ ﺭﺑﻪ ﻳﺎﺍﺍ ﺭﺏ ﺍﺣﻤﻴﻬﺎ ﻟﺘﺤﺮﻣﻨﻲ ﻣﻨﻬﺎ
ﺑﺎﻭﻉ ﻋﻠﻴﻬﺎ ﻭﻛﺎﻝ . ﺍﻫﻨﺎﻙ ﺷﻲ ﻭﺍﺣﺪ ﺍﺳﻮﻳﻪ ﻭﺑﺎﻭﻉ ﻉ ﻭﺟﻬﺎ ﺷﻮﻓﻬﺎ ﻓﺮﺍﺱ ﺷﻠﻮﻥ ﺣﻠﻮﻩ ﻭﻫﻲ ﻧﺎﻳﻤﻪ ﺷﻮﻑ ﺍﻛﻮ ﻫﻴﺠﻲ ﺟﻤﺎﻝ ﺷﺎﻳﻔﻪ ﺑﺤﻴﺎﺗﻚ ﻣﺴﻚ ﻭﺟﻬﺎ ﻭﻫﻮ ﻳﺒﻮﺱ ﺑﻜﻞ ﻭﺟﻬﺎ ﻭﻳﺒﺎﻭﻉ ﻉ ﻭﺟﻬﺎ ﻭﻛﺎﻧﻮ ﺍﺧﺮ ﻣﺮﻩ ﻳﺒﺎﻭﻉ ﻋﻠﻴﻬﺎ
ﺍﻣﻴﺮ . ﻓﺮﺍﺱ ﺍﻧﻲ ﺣﺠﻴﺘﻠﻚ ﻗﺒﻞ ﻉ ﺍﻟﺴﺤﺎﺭﻩ ﺍﻟﻲ ﻛﺎﻟﺘﻠﻲ ﺍﻧﻮ ﺣﻤﻮﺕ ﻉ ﺍﻳﺪ ﺣﺒﻴﺒﺘﻲ ﺣﻤﻮﺕ ﻭﺍﻧﻲ ﺑﺤﺴﺮﺗﻬﺎ ﻟﻌﻨﺘﻨﻲ ﺑﻨﻔﺲ ﺍﻟﻲ ﺻﺎﺭ ﺑﻴﻬﺎ ﻓﻌﻼ ﻫﺴﻪ ﺩﺍ ﺍﺣﺲ ﺑﻴﻬﺎ ﻭﻋﺮﻓﺖ ﺷﻌﻮﺭﻫﺎ ﻭﺍﻟﻲ ﺳﻮﺗﻪ ﻛﺎﻥ ﻫﻮ ﺍﻟﺼﺢ ﻣﻦ ﻗﺘﻠﺖ ﺭﻭﺣﻬﺎ ﻻﻥ ﻣﺴﺘﺤﻴﻞ ﺗﻜﺪﺭ ﺗﻌﻴﺶ ﺑﺪﻭﻥ ﺍﻟﻲ ﺗﺤﺒﻪ
ﺑﺎﻭﻉ ﻉ ﻏﺰﻝ . ﻭﺳﺤﺐ ﺍﻟﺨﻨﺠﺮ ﻣﻦ ﻛﺮﻡ ﻭﻛﺎﻝ . ﺭﺍﺡ ﺍﻇﻞ ﺍﺣﺒﺞ ﺣﺘﻰ ﺑﻌﺪ ﺍﻟﻤﻮﺕ ......
.
ﺑﻌﺪ ﻣﺮﻭﺭ ﻋﺸﺮﻩ ﺍﻳﺎﻡ
ﺷﻬﻜﺖ ﻏﺰﻝ ﺑﺮﻋﺐ ﻓﺘﺤﺖ ﻋﻴﻮﻧﻬﺎ ﻭﻛﻞ ﺟﺴﻤﻬﺎ ﻳﻮﺟﻌﻬﺎ ﺻﺮﺧﺖ ﻣﻦ ﺍﻟﻮﺟﻊ ﻭﺗﺒﺎﻭﻉ ﻫﻲ ﻭﻳﻦ ﺷﻨﻮ ﻣﺎﺗﺖ ﺑﺲ ﺑﻌﺪﻫﺎ ﺗﺘﻨﻔﺲ ﺷﻨﻮ ﺍﻟﺼﺎﺭ ﺍﻧﻲ ﻭﻳﻦ ﺗﺒﺎﻭﻉ ﺑﺲ ﻣﺘﻜﺪﺭ ﺗﺸﻮﻑ ﻭﺍﺿﺢ ﻫﻲ ﺑﻐﺮﻓﻪ ﺑﺲ ﺍﻭﻝ ﻣﺮﻩ ﺗﺸﻮﻓﻬﺎ ﺷﻠﻮﻥ ﻭﺻﻠﺖ ﺍﻫﻨﺎ ﺍﺧﺮ ﺷﻲ ﺗﺬﻛﺮﻩ ﻫﻮ ﺍﻣﻴﺮ ﺍﺗﺮﻳﺪ ﺗﻜﻮﻡ ﻭﺗﻔﻬﻢ ﺷﻨﻮ ﺍﻟﺼﺎﻳﺮ ﺍﻟﻒ ﺳﺆﺍﻝ ﺍﻟﻲ ﺑﺪﺍﺧﻠﻬﺎ ﻃﻠﻌﻬﺎ ﻣﻦ ﻫﺎﻟﺼﺮﺍﻉ ﺍﻟﻲ ﺑﺪﺍﺧﻠﻬﺎ ﺻﻮﺕ ﻛﺮﻡ
ﻛﺮﻡ . ﺷﻨﻮ ﺷﻌﻮﺭ ﺍﻟﻮﺍﺣﺪ ﻣﻦ ﻳﺮﺟﻊ ﻣﻦ ﺍﻟﻤﻮﺕ ﺍﻧﺪﺍﺭﺕ ﻏﺰﻝ ﻋﻠﻴﻪ ﻣﺼﺪﻭﻣﻪ
ﻛﺮﻡ . ﻟﺘﺨﺎﻓﻴﻦ ﺷﻮﻳﻪ ﻭﺗﺤﺴﻴﻦ ﺑﻜﻞ ﺟﺴﻤﺞ ﺭﺍﺡ ﻋﻠﻴﻬﺎ ﻭﻣﺴﻚ ﺍﻳﺪﻫﺎ ﺑﻠﻄﻒ ﺍﻋﺮﻑ ﺍﻧﺘﻲ ﻫﺴﻪ ﺧﺎﻳﻔﻪ ﺑﺲ ﻛﻠﺸﻲ ﻳﺮﻭﺡ ﻭﺣﺘﻨﺴﻴﻪ ﺍﻧﻲ ﺍﺷﻜﺮﺝ ﻉ ﻛﻞ ﺍﻟﻲ ﺳﻮﻳﺘﻴﻪ ﻭﺍﺑﺘﺴﻢ . ﻫﺬﻩ ﺍﺧﺮ ﻣﺮﻩ ﺭﺍﺡ ﺍﺷﻮﻓﺞ ﺑﻴﻬﺎ ﻻﻥ ﻻﺯﻡ ﺍﺭﺟﻊ ﻭﺭﺩﺕ ﺍﻭﺩﻋﺞ ﻟﻠﻤﺮﻩ ﺍﻻﺧﻴﺮﻩ ﻛﺎﻧﺖ ﻏﺰﻝ ﺗﺒﺎﻭﻉ ﻋﻠﻴﻪ ﻣﺴﺘﻐﺮﺑﻪ ﻭﺧﻮﻑ
ﺣﺘﺼﻴﺮﻳﻦ ﺯﻳﻨﻪ ﺑﻌﻴﺪ ﻋﻦ ﺍﻟﺒﻴﺖ ﻭﺍﻟﻮﻻﻳﻪ ﺣﺘﺼﻴﺮﻳﻦ ﺯﻳﻨﻪ ﻻﻥ ﻛﻞ ﺍﻟﻲ ﺭﺩﺗﻴﻪ ﺣﻴﺼﻴﺮ ﻇﻞ ﻳﺒﺎﻭﻉ ﻋﻠﻴﻬﺎ ﻭﻫﻮ ﻳﺸﻮﻑ ﻣﻼﻣﺤﻬﺎ ﺍﻟﺨﺎﻳﻔﻪ ﻭﻛﺎﻧﻮ ﺭﺍﺩ ﻳﻜﻮﻝ ﺷﻲ ﺑﻌﺪ ﻳﻠﻪ ﺻﺎﺭ ﻭﻗﺖ ﺍﻟﻮﺩﺍﻉ ﻻﺯﻡ ﺍﻭﻭﺡ ﻻﻥ ﺍﺫﺍ ﺑﻘﻴﺖ ﻛﺎﻋﺪ ﻣﺮﺍﺡ ﺍﻛﺪﺭ ﺍﺗﺮﻛﺞ ﻭﺻﻞ ﻳﻢ ﺍﻟﺒﺎﺏ ﻭﻛﺎﻝ
ﺍﻧﻲ ﻛﻠﺶ ﺍﺣﺘﺮﻣﺞ ﻭﺧﺼﻮﺻﺎ ﻣﻦ ﺷﻔﺖ ﺣﺒﺞ ﻭﻋﺮﻓﺖ ﺍﻧﻮ ﺍﻟﻲ ﺑﻴﻨﺞ ﻭﺑﻴﻨﻪ ﻣﺴﺘﺤﻴﻞ ﻳﻨﻤﺤﻲ ﻻ ﺍﻧﻲ ﻭﻻ ﻏﻴﺮﻱ ﻳﻜﺪﺭ ﻳﻤﺤﻴﻪ ﻭﺭﺑﻲ ﻳﺤﻤﻴﻜﻢ ﻟﺒﻌﺾ ﻭﻗﺒﻞ ﻣﺎ ﺍﺭﻭﺡ ﺍﺣﺐ ﺍﻛﻮﻟﺞ ﺍﻧﻮ ﺍﻛﻮ ﻣﻔﺎﺟﺌﻪ ﺑﺮﻩ ﺗﻨﺘﻀﺮﺝ ﻭﺭﺍﺡ
ﻏﻤﻀﺖ ﻏﺰﻝ ﻋﻴﻮﻧﻬﺎ ﺑﻮﺟﻊ ﺗﺮﻳﺪ ﺗﺘﻨﻔﺲ ﺗﺮﻳﺪ ﺗﻌﺮﻑ ﺷﻨﻮ ﺍﻟﺼﺎﺭ ﻭﻫﻲ ﻭﻳﻦ ﺍﺧﺮ ﺷﻲ ﺗﺬﻛﺮ ﻣﻦ ﺍﻣﻴﺮ ﺣﻀﻨﻬﺎ ﻭﻫﻲ ﻭﺩﻋﺘﻪ ﺻﺮﺧﺖ ﻭﻛﺎﻣﺖ ﺗﺤﺎﻭﻝ ﺗﻤﺸﻲ ﺭﺟﻠﻬﺎ ﺷﻮﻱ ﺷﻮﻱ ﺑﻠﺸﺖ ﺗﻜﺪﺭ ﺗﺤﺮﻛﻬﺎ ﻣﺸﺖ ﻭﻫﻲ ﺗﺘﻜﺄ ﻉ ﺍﻟﺤﺎﻳﻂ ﻭﺗﺪﻋﻲ ﺍﻟﻲ ﺗﻔﻜﺮ ﺑﻴﻪ ﻣﻴﻜﻮﻥ ﺻﺤﻴﺢ ﻛﻞ ﺫﺭﻩ ﺑﺠﺴﻤﻬﺎ ﻛﺎﻧﺖ ﺧﺎﻳﻔﻪ ﻃﻠﻌﺖ ﻭﺷﺎﻓﺖ ﻭﺟﻮﻩ ﺍﻭﻝ ﻣﺮﻩ ﺗﺸﻮﻓﻬﻢ ﺑﻴﺖ ﻳﺨﺘﻠﻒ ﺍﺷﻜﺎﻝ ﺗﺨﺘﻠﻒ ﺍﻭﻝ ﻣﺮﻩ ﺗﻠﺘﻘﻲ ﺑﻴﻬﻢ ﻛﻞ ﺗﻔﻜﻴﺮﻫﺎ ﺑﺎﻣﻴﺮ ﺗﺮﻳﺪ ﺗﺼﺮﺭﺥ ﺑﺲ ﺻﻮﺗﻬﺎ ﻣﺪﻳﻄﻠﻊ ﺣﺴﺖ ﻫﺬﺍ ﻗﺒﺮﻫﺎ ﺣﻄﺖ ﺍﻳﺪﻫﺎ ﻉ ﻛﻠﺒﻬﺎ ﻭﺗﻜﻮﻝ ﻣﻮﺗﻲ ﻣﻮﺗﻲ ﻭﻓﺠﺎﺋﻪ ﻭﻣﺒﻴﻦ ﻛﻞ ﺍﻻﺻﻮﺍﺕ ﺍﻟﻲ ﺩﺍﻳﺮﻫﺎ ﺳﻤﻌﺖ ﺍﻟﺼﻮﺕ ﺍﻟﻲ ﺭﺟﻊ ﺍﻟﺮﻭﺡ ﺍﻟﻬﺎ
ﺍﻣﻴﺮ . ﻫﺎﺍ ﺷﻠﻮﻥ ﻛﺎﻥ ﻭﺩﺍﻋﺞ ﻭﻳﻪ ﻛﺮﻡ ﺍﺭﻫﻨﺞ ﻛﺎﻥ ﻛﻠﻪ ﺣﺐ ﻭﺭﻭﻣﺎﻧﺴﻴﻪ ﺍﻧﺪﺍﺭﺕ ﻏﺰﻝ ﻭﺷﺎﻓﺖ ﺍﻟﺮﺟﺎﻝ ﺍﻟﻲ ﺭﺟﻊ ﺭﻭﺣﻬﺎ ﺍﻟﻬﺎ ﻣﻤﺼﺪﻛﻪ ﺍﻟﻲ ﺗﺸﻮﻓﻪ ﻫﻲ ﻋﺎﻳﺸﻪ ﻭﺍﻣﻴﺮ ﻛﺪﺍﻣﻬﺎ ﻟﻮ ﻫﺬﻩ ﻫﻲ ﺍﻟﺠﻨﻪ ﻭﺍﻣﻴﺮ ﻭﻳﺎﻫﺎ ﺑﺲ ﻻ ﺍﻣﻴﺮ ﻣﻴﺪﺧﻞ ﻟﻠﺠﻨﻪ ﻣﻦ ﻭﺭﻩ ﻋﻤﺎﻳﻠﻪ ﺣﺴﺖ ﺍﻧﻮ ﻫﻲ ﺭﺍﺡ ﺗﺘﺨﺒﻞ ﻫﻮ ﻳﺒﺎﻭﻉ ﻋﻠﻴﻬﺎ ﻭﻳﺒﺘﺴﻢ ﻭﻫﻲ ﻋﻴﻮﻧﻬﺎ ﻛﻠﻬﺎ ﺩﻣﻮﻉ ﻣﻌﻘﻮﻟﻪ ﺍﻧﻮ ﻫﻲ ﻣﻤﺎﺗﺖ ﺭﺟﻌﺖ ﻟﻮﺍﻗﻌﻬﺎ ﻣﻦ ﺣﻀﻨﺘﻬﺎ ﻟﻤﻴﺎﺀ ﻣﻦ ﻭﺭﻩ ﻭﺿﺤﻜﺎﺕ ﻣﻼﻙ ﻭﻫﻲ ﺗﺤﻀﻦ ﺭﺟﻠﻬﺎ ﺑﻠﻌﺖ ﺭﻳﻜﻬﺎ ﺗﺮﻳﺪ ﺗﺴﺘﻮﻋﺐ ﺍﻟﻲ ﺩﻳﺼﻴﺮ
ﻟﻤﻴﺎﺀ . ﻭﺍﺧﻴﺮﺍ ﻣﺘﺪﺭﻳﻦ ﺷﻠﻮﻥ ﻛﻨﺖ ﺧﺎﻳﻔﻪ ﻋﻠﻴﺞ ﺍﻻﻳﺎﻡ ﺍﻟﺮﺍﺣﺖ ﻣﺜﻞ ﺍﻟﻜﺎﺑﻮﺱ ﻛﺎﻧﺖ ﺍﻟﻨﻪ ﻭﻟﺞ ﻛﺎﻓﻲ ﺗﻤﻮﺗﻴﻦ ﻧﻔﺴﺞ ﻣﻮ ﺣﺘﻤﻮﺗﻴﻨﻲ ﻣﻦ ﺍﻟﻬﺒﻄﺎﺕ ﻋﻠﻴﺞ
ﻣﻼﻙ . ﻭﺍﺧﻴﺮﺍ ﻛﻌﺪﺗﻲ ﺍﻧﻲ ﻋﺮﻓﺖ ﺍﻧﻮ ﺍﻧﺘﻲ ﺣﺘﻜﻌﺪﻳﻦ ﺍﻧﻲ ﻭﻋﻤﻮ ﺍﻣﻴﺮ ﻛﻨﺎ ﻳﻮﻣﻴﺎ ﻧﻘﺮﺍﻟﺞ ﻗﺼﻪ ﻛﻨﺘﻲ ﺗﺴﻤﻌﻴﻨﻪ ﻣﻮ ﺻﺤﻴﺢ
ﻓﺮﺍﺱ . ﺻﺒﺎﺡ ﺍﻟﺨﻴﺮﺭﺭ ﻳﺎﺣﻠﻮﻩ ﺍﺣﺠﻴﻠﻲ ﺷﻨﻮ ﺷﻌﺮﺭ ﺍﻟﺮﺟﻮﻉ ﻣﻦ ﺍﻟﻤﻮﺕ ﺷﻨﻮ ﺷﻔﺘﻲ ﺍﻫﻨﺎﻙ ﺿﺮﺑﺘﻪ ﻟﻤﻴﺎﺀ
ﻟﻤﻴﺎﺀ . ﻭﻟﻚ ﻣﺪﺗﺸﻮﻓﻬﺎ ﺷﻠﻮﻥ ﻣﺮﻋﻮﺑﻪ ﺧﻠﻴﻬﺎ ﺗﺴﺘﻮﻋﺐ ﺍﻟﻲ ﺩﻳﺼﻴﺮ
ﻛﺮﻡ . ﻭﻟﺞ ﺷﻠﻮﻥ ﺗﻀﺮﺑﻴﻦ ﺯﻭﺟﺢ ﺗﺪﺭﻳﻦ ﺍﻟﻮﻻﻳﻪ ﻫﺴﻪ ﺍﻟﻲ ﺍﺣﻨﺎ ﺑﻴﻬﺎ ﻣﻤﻨﻮﻉ ﺍﻟﻤﺮﺍﻩ ﺗﻀﺮﺏ ﺯﻭﺟﻬﺎ ﻭﺍﺫﺍ ﺿﺮﺑﺘﻪ ﻳﺮﺑﻄﻮﻫﺎ ﺑﺎﻟﺤﺼﺎﻥ ﻭﻳﺴﺮﺡ ﺑﻴﻬﺎ ﻓﺪﻳﺮﻱ ﺑﺎﻟﺞ
ﻣﻼﻙ . ﺑﺎﺑﺎ ﻟﺘﻜﺬﺏ
ﻓﺮﺍﺱ . ﻻ ﺣﺒﻴﺒﺘﻲ ﺍﻧﻲ ﺍﻟﻲ ﺭﺍﺡ ﺍﺣﻂ ﻫﺎﻟﻘﺎﻧﻮﻥ ﺍﺣﻨﺎ ﺍﻫﻨﺎ ﺍﻟﻲ ﻧﺤﻂ ﺍﻟﻘﻮﺍﻧﻴﻦ
.
ﻭﻓﺠﺎﻩ ﻭﺑﺪﻭﻥ ﻣﻘﺪﻣﺎﺕ ﺻﺮﺥ ﺍﻣﻴﺮ ﻉ ﺷﺨﺺ ﻭﺻﺎﺣﻠﻪ ﺗﻌﺎﻝ ﻭﻳﻨﻚ
ﻭﺩﺧﻞ ﺍﻟﺸﺨﺺ ﻭﻣﻦ ﺷﺎﻓﺘﻪ ﻏﺰﻝ ﺭﺍﺩﺕ ﺗﻮﻛﻊ ﻣﻦ ﻃﻮﻟﻬﺎ ﻻ ﻣﺴﺘﺤﻴﻞ ﺍﻟﻲ ﺩﻳﺼﻴﺮ ﻣﻤﺼﺪﻛﺘﻪ ﺷﻨﻮ ﺍﻟﺴﺎﻟﻔﻪ ﺍﺧﻮﻫﺎ ﻏﺰﻭﺍﻥ ﻛﺪﺍﻣﻬﺎ ﺯﻳﻦ ﺷﻠﻮﻥ ﻫﻮ ﻣﻮ ﻣﺎﺕ ﻛﺪﺍﻣﻬﺎ ﻣﻮ ﺍﻣﻴﺮ ﺿﺮﺑﻪ ﻛﺪﺍﻣﻬﺎ ﺑﺎﻭﻋﺖ ﻉ ﺍﻣﻴﺮ ﻭﺭﺟﻌﺖ ﺑﺎﻭﻋﺖ ﻉ ﺍﺧﻮﻫﺎ ﺑﺲ ﻣﺘﻜﺪﺭ ﺗﺤﺠﻲ
ﻏﺰﻭﺍﻥ . ﺣﺒﻴﺒﺘﻲ ﺍﺧﺘﻲ ﺍﺩﺭﻱ ﺑﻴﺞ ﻣﺼﺪﻭﻣﻪ ﻭﻋﺬﺭﻳﻨﻲ ﻛﻞ ﻫﺎﻟﺴﻨﻴﻦ ﻣﻜﺪﺭﺕ ﺍﻛﻮﻟﺞ ﺍﻧﻮ ﺍﻧﻲ ﻋﺎﻳﺶ ﺍﻭﻝ ﺷﻲ ﻛﻨﺖ ﺑﻌﻴﺪ ﻋﺎﻳﺶ ﺍﻫﻨﺎ ﻭﻣﺎ ﺍﻋﺮﻑ ﺷﻨﻮ ﺍﻟﻲ ﺩﻳﺼﻴﺮ ﺑﻴﺞ ﺍﻧﻲ ﺍﻫﻨﺎ ﺑﺎﻣﺮ ﻣﻦ ﺍﻣﻴﺮ ﺑﻌﺪ ﻣﺎ ﺍﺗﻔﻘﺖ ﻭﻳﺎﻩ ﺗﺬﻛﺮﻳﻦ ﻳﻮﻡ ﺍﻟﺤﺎﺩﺙ ﻭﻗﺘﻬﺎ ﺍﻣﻴﺮ ﺍﺧﺬﻧﻲ ﻭﻋﺎﻟﺠﻨﻲ ﻭﻃﻠﺐ ﻣﻨﻲ ﺍﺟﻲ ﺍﻫﻨﺎ ﻻﻥ ﺍﺫﺍ ﻃﻠﻌﺖ ﺑﻮﺟﻪ ﻣﺮﻩ ﺛﺎﻧﻴﻪ ﺣﻴﻀﻄﺮ ﻳﻘﺘﻠﻨﻲ ﺑﺲ ﻭﻗﺘﻬﺎ ﺍﺧﺬﺕ ﻣﻨﻪ ﻭﻋﺪ ﺍﻧﻮ ﻳﺤﻤﻴﺞ ﻭﻣﻴﺨﻠﻲ ﺍﻱ ﺷﻲ ﻳﺎﺫﻳﺞ ﻭﻓﻌﻼ ﺍﻧﺘﻲ ﻫﺴﻪ ﻳﻤﻲ
ﻏﺰﻝ ﺳﺎﻛﺘﻪ ﻭﻋﻴﻮﻧﻬﺎ ﻉ ﺍﺧﻮﻫﺎ ﻭﻉ ﺍﻣﻴﺮ ﻣﻤﺼﺪﻛﻪ ﺍﻟﻲ ﺩﺷﻮﻓﻪ ﺭﺍﺩﺕ ﺗﻌﺼﺐ ﻻﻥ ﻛﺬﺑﻮ ﻋﻠﻴﻬﺎ ﺑﺲ ﻳﻜﻔﻴﻬﺎ ﺍﻧﻮ ﺍﺧﻮﻫﺎ ﻭﺯﻭﺟﻬﺎ ﻭﻛﻞ ﺍﻟﻲ ﺗﺤﺒﻬﻢ ﻛﺪﺍﻣﻬﺎ ﺗﺴﻤﻊ ﻭﻣﺘﺮﺩ ﻭﻋﻴﻮﻧﻬﺎ ﺿﻠﺖ ﻉ ﺍﻣﻴﺮ ﻭﻫﻮ ﻫﻢ ﻣﺮﻣﺶ ﻋﻴﻮﻧﻪ ﺑﺲ ﻋﻠﻴﻬﺎ ﻳﻌﻨﻲ ﻫﻮ ﻣﻮ ﺑﺤﻠﻢ ﻋﻴﻮﻧﻬﺎ ﺻﺎﺭﺕ ﺣﻤﺮﻩ ﻭﺭﺍﺩﺕ ﺗﻮﻛﻊ ﻭﺣﻀﻨﻬﺎ ﻏﺰﻭﺍﻥ ﻭﻫﻲ ﺣﻀﻨﺘﻪ ﻭﺗﺒﺠﻲ ﻣﻤﺼﺪﻛﻪ ﺍﻟﻲ ﺻﺎﺭ ﻓﻌﻼ ﻛﺎﻧﺖ ﺑﺤﻠﻢ ﺑﺲ ﻫﺎﻟﻤﺮﻩ ﻛﺎﻥ ﺍﺣﻠﻰ ﺣﻠﻢ ﺑﺤﻴﺎﺗﻬﺎ
ﻭﺍﺧﺮ ﺷﻲ ﺣﺠﺖ ﻭﻛﺎﻟﺖ . ﺷﻠﻮﻥ ﻣﻤﺘﺖ
ﻓﺮﺍﺱ . ﻭﺍﺍﻭ ﻣﺮﺍﺡ ﺍﺻﺪﻛﻴﻦ ﺷﻠﻮﻥ ﻭﺷﻨﻮ ﺍﻟﺼﺎﺭ ﻭﺷﻨﻮ ﺍﻟﻲ ﺷﻔﻨﺎﻩ ﻣﻦ ﻭﺭﺍﺝ ﺍﻭﻝ ﺷﻲ ﺍﻣﻴﺮ ﺭﺍﺩ ﻳﻘﺘﻞ ﻧﻔﺴﻪ ﻭﻛﺮﻡ ﻧﻘﺬﻩ ﺑﺎﺧﺮ ﻟﺤﻈﻪ ﻭﺳﺤﺐ ﺍﻟﺨﻨﺠﺮ ﻣﻨﻪ ﻭﺍﻧﺘﻲ ﺳﺎﻋﺪﺝ ﺍﺣﺪ ﺍﻟﺸﻴﻮﺥ ﺍﺑﻨﻪ ﻛﺎﻥ ﻛﺘﻮﺭ ﻭﻧﻘﻠﻮﺝ ﻟﺒﻴﺘﻪ ﻭﺗﻌﺎﻟﺠﺘﻲ ﻭﺯﻭﺟﺘﻪ ﺗﺸﺘﻐﻞ ﺑﺎﻻﻋﺸﺎﺏ ﻭﻫﻲ ﺍﺳﺘﻠﻤﺘﺞ ﻭﻳﺎﻩ ﺑﺲ ﺍﻧﺘﻲ ﺿﻠﻴﺘﻲ ﻧﺎﻳﻤﻪ ﻣﺘﻜﻌﺪﻳﻦ ﻻﻥ ﺟﺴﻤﺞ ﺗﻌﺒﺎﻥ ﻭﻫﻮﺍﻳﻪ ﺧﺴﺮﺗﻲ ﺩﻡ ﻭﺍﺫﺍ ﺣﺴﺎﻟﻴﻦ ﻣﻨﻮ ﺍﻟﻲ ﺍﻧﻄﺎﺝ ﺩﻣﻪ ﻓﻬﻮ ﺍﻣﻴﺮ
ﺍﻧﺘﺒﻪ ﻓﺮﺍﺱ ﻫﻮ ﻳﺤﺠﻲ ﻭﻏﺰﻝ ﻋﻴﻮﻧﻬﺎ ﺑﺲ ﻉ ﺍﻣﻴﺮ ﻭﻫﻮ ﻋﻴﻮﻧﻪ ﻣﻨﺰﻟﻬﺎ ﻋﻨﻬﺎ ﻓﺎﺑﺘﺴﻢ ﻭﺳﺤﺐ ﺯﻭﺟﺘﻪ ﻭﺑﻨﺘﻪ ﻭﻏﺰﻭﺍﻥ ﻭﻃﻠﻌﻮ
ﺍﺑﺘﺴﻤﺖ ﻏﺰﻝ ﻭﻋﻴﻮﻧﻬﺎ ﻉ ﺍﻣﻴﺮ ﻣﻨﺰﻟﺖ ﻧﻬﺎﺋﻴﺎ ﺍﻟﺴﻌﺎﺩﻩ ﺍﻟﻲ ﻫﻲ ﺑﻴﻬﺎ ﺑﺤﺮ ﻣﻦ ﺍﻟﻜﻠﻤﺎﺕ ﻣﻴﻜﺪﺭ ﻳﻮﺻﻔﻬﺎ ﺍﻣﻴﺮ ﻛﺎﻥ ﻣﺒﻴﻦ ﻋﻠﻴﻪ ﺍﻟﺘﻌﺐ ﻭﻣﺒﻴﻦ ﻛﻞ ﻫﺎﻻﻳﺎﻡ ﺍﻟﻲ ﻧﺎﻣﺖ ﺑﻴﻪ ﻫﻮ ﺍﺑﺪﺍ ﻣﻨﺎﻡ ﺑﺲ ﺑﻌﺪﻩ ﺣﻠﻮ ﻭﺷﻜﻠﻪ ﻣﺜﻞ ﻣﺎ ﻫﻮ ﻣﺘﻐﻴﺮ
ﺍﺗﻘﺮﺏ ﻋﻠﻴﻬﺎ ﻫﻮ ﺍﻛﺜﺮ ﻭﻛﻠﺘﻠﻪ . ﻳﻌﻨﻲ ﺭﺩﺕ ﺗﻤﻮﺕ ﺭﻭﺣﻚ ﻭﺭﺍﻳﻪ ﻭﺍﻧﻲ ﻭﺻﻴﺘﻚ ﺗﻨﺘﺒﻪ ﻉ ﻧﻔﺴﻚ ﻭﺭﺍﻳﻪ
ﺍﺑﺘﺴﻢ . ﺗﺪﺭﻳﻦ ﺑﻴﻪ ﻣﻮ ﻣﻦ ﺍﻟﻨﻮﻉ ﺍﻟﻲ ﺍﺧﺬ ﺍﻭﺍﻣﺮ ﺑﻌﺪﻳﻦ ﺷﻠﻮﻥ ﺍﻋﻴﺶ ﺑﺪﻧﻴﺎ ﺍﻧﺘﻲ ﻣﺘﺘﻨﻔﺴﻴﻦ ﺑﻴﻬﺎ ﺑﺲ ﻣﻜﻠﺘﻴﻠﻲ ﺷﻨﻮ ﺍﻟﺼﺎﺭ ﺑﻴﻨﺞ ﻭﺑﻴﻦ ﻛﺮﻡ ﻭﻟﺞ ﺷﻠﻮﻥ ﺑﺲ ﻳﺠﻲ ﻋﻠﻴﺞ ﻭﻳﺤﺠﻲ ﻭﻳﺎﺝ ﺗﻜﻌﺪﻳﻦ
ﺿﺤﻜﺖ . ﻓﺪﻳﺖ ﺣﺒﻴﺒﻲ ﺍﻟﻲ ﻳﻐﺎﺭ ﻣﺴﻜﺖ ﺧﺪﻩ ﺍﻧﻲ ﻭﻳﺎﻙ ﺍﻧﻈﻞ ﻟﻠﻨﻬﺎﻳﻪ ﺑﺲ ﻣﺤﺠﻴﺘﻠﻲ ﺷﻐﻠﺘﻴﻦ ﺑﺮﺍﺳﻲ ﺍﻭﻝ ﻭﺣﺪﻩ ﻋﻠﻤﻮﺩ ﺍﺧﻮﻳﻪ ﺍﻟﻲ ﻟﺤﺪ ﻫﺎﻟﻠﺤﻈﻪ ﻣﻤﺼﺪﻛﻪ ﻫﻮ ﻋﺎﻳﺶ ﻭﺛﺎﻧﻲ ﺷﻐﻠﻪ ﺍﺣﻨﺎ ﻭﻳﻦ ﻭﺷﻨﻮ ﺍﻟﺼﺎﺭ ﻫﻨﺎﻙ
ﺍﻣﻴﺮ . ﺍﻭﻝ ﺍﺧﻮﺝ ﻣﻜﺪﺭﺕ ﺍﻗﺘﻠﻪ ﻭﻗﺘﻬﺎ ﺭﺩﺕ ﺍﻋﺎﻗﺒﺞ ﻉ ﺷﻲ ﻃﻠﻌﺘﻲ ﻣﻮ ﺍﻧﺘﻲ ﺍﻟﻲ ﻣﺴﻮﻳﺘﻪ ﻭﺭﺍﻫﺎ ﻣﻦ ﺗﺤﺴﻦ ﺟﺒﺘﻪ ﺍﻫﻨﺎ ﺣﺘﻰ ﻳﺒﻘﻰ ﺑﻌﻴﺪ ﻋﻦ ﺍﻟﻤﺸﺎﻛﻞ ﺣﺘﻰ ﺗﻨﺠﻤﻌﻮﻥ ﺳﻮﻩ
ﺑﺎﻟﻨﺴﺒﻪ ﻟﺴﺎﻟﻔﻪ ﺍﺣﻨﺎ ﻭﻳﻦ ﻭﺷﻨﻮ ﺍﻟﻲ ﺻﺎﺭ ﻑ ...
ﺻﺮﺥ ﻓﺮﺍﺱ ﻣﻦ ﻳﻤﻪ . ﻣﻦ ﻧﻘﺬ ﻛﺮﻡ ﺍﻣﻴﺮ ﻭﺍﺧﺬﻭﺝ ﺣﺘﻰ ﺗﺘﻌﺎﻟﺠﻴﻦ ﺍﺣﻨﺎ ﺍﺳﺘﺴﻠﻤﻨﻪ ﺍﻟﻬﻢ ﻭﺍﻋﺘﺒﺮﻭ ﺣﺎﻟﻨﻪ ﺣﺎﻝ ﻣﺠﺮﻣﻲ ﺣﺮﺏ 😂😂ﻭﺿﺤﻚ ﺑﺎﻋﻠﻰ ﺻﻮﺗﻪ ﻭﻟﺞ ﺭﺍﺩﻭ ﻳﻘﺘﻠﻮﻧﻪ ﺑﺲ ﻛﺮﻡ ﻏﻴﺮ ﺍﻟﺤﻜﻢ ﻭﻧﻔﺎﻧﻪ ﺑﺄﺑﻌﺪ ﻭﻻﻳﻪ ﻳﻜﺪﺭ ﺍﻱ ﺍﺣﺪ ﻳﻮﺻﻠﻬﺎ ﻭﻟﺞ ﺍﺳﺒﻮﻉ ﺿﻠﻴﻨﻪ ﻳﺎﻟﻪ ﻭﺻﻠﻨﻪ ﻟﻬﻨﺎ ﻭﺣﻄﻮ ﺍﻧﻴﺮ ﺷﻴﺦ ﻋﻠﻴﻬﺎ 😂😂
ﺍﻣﻴﺮ . ﺍﻧﻲ ﻭﺣﺪﻱ ﺩﺯﻭﻧﻲ ﺍﻧﺖ ﺷﻜﻮ ﺍﺟﻴﺖ ﻭﻳﺎﻳﻪ
ﻓﺮﺍﺱ . ﺍﺍﺍﺥ ﺟﺮﺣﺖ ﻣﺸﺎﻋﺮﻱ ﻣﻮ ﺗﺪﺭﻱ ﺍﻧﻲ ﻣﺎ ﺍﻛﺪﺭ ﺍﻋﻴﺶ ﺑﻠﻴﺎﻙ
ﺿﺤﻜﺖ ﻏﺰﻝ ﻭﺍﻟﻜﻞ ﺑﺎﻋﻠﻰ ﺻﻮﺗﻬﺎ ﺳﺤﺒﻬﺎ ﺍﻣﻴﺮ ﺍﻟﻬﺎ ﻭﺣﻀﻨﻬﺎ ﻭﻃﻞ ﻳﺒﻮﺱ ﺑﻴﻬﺎ
ﺍﻣﻴﺮ . ﺑﻌﺪ ﻣﺴﺘﺤﻴﻞ ﺗﺒﺘﻌﺪﻳﻦ ﻋﻨﻲ
ﺍﺫﻛﺮﺕ ﻏﺰﻝ ﺣﻠﻢ ﺍﻣﻴﺮ ﻣﻦ ﻫﻮ ﺻﻐﻴﺮ ﻭﻳﺮﻳﺪ ﻳﺼﻴﺮ ﺍﻟﺸﻴﺦ ﻉ ﺍﻟﻜﻞ ﻭﻛﺎﻟﺖ . ﻣﺮﺍﺡ ﺗﻨﺪﻡ ﻻﻥ ﺗﺮﻛﺖ ﻭﻻﻳﺘﻚ ﺍﻟﻜﺒﻴﺮﻩ ﻭﺣﺘﺼﻴﺮ ﺷﻴﺦ ﻉ ﻭﻻﻳﻪ ﺑﻌﻴﺪﻩ
ﺍﺑﺘﺴﻢ ﺍﻣﻴﺮ . ﻭﻟﺞ ﻣﺪﻓﻬﻤﻴﻦ ﻟﺤﺪ ﻫﺴﻪ ﺍﻧﺘﻲ ﻭﻻﻳﺘﻲ ﻭﻣﻤﻠﻜﺘﻲ ﻋﺮﺷﻲ ﻗﻮﺗﻲ ﻋﺎﺋﻠﺘﻲ ﺷﻮﻓﻲ ﺍﻧﻲ ﺍﺣﺘﺎﺟﻴﺖ ﻋﺮﻛﺘﻴﻦ ﻭﻓﻘﺪﺍﻥ ﺫﺍﻛﺮﻩ ﻭﺟﺮﻭﺡ ﺗﻤﻮﺕ ﻭﺳﻢ ﺣﺘﻰ ﺍﻛﺘﺸﻒ ﻫﺎﻟﺸﻲ ﺍﻧﻲ ﻣﺘﺖ ﺑﻤﻮﺗﺞ ﻭﺣﻴﻴﺖ ﻭﻳﺎﺝ ﻣﻦ ﻛﻌﺪﺗﻲ ﺍﻧﺘﻲ ﻛﻠﺸﻲ ﻋﻨﺪﻱ ﺑﻬﺎﻟﺪﻧﻴﺎ
ﻏﺰﻝ ﻭﻫﻲ ﺗﺤﻀﻨﻪ . ﻭﺍﻧﺖ ﻛﻠﺸﻲ ﺑﺎﻟﻨﺴﺒﻪ ﺍﻟﻲ ﻭﺍﺧﻴﺮﺍ ﺣﺼﻠﻨﻪ ﻉ ﺍﻟﺴﻌﺎﺩﻩ ﺍﻟﻲ ﻧﺮﻳﺪﻫﺎ
ﺍﻣﻴﺮ . ﺍﻛﺪﺭ ﺍﺳﻮﻳﻬﺎ ﺍﺳﻌﺪ
ﻏﺰﻝ . ﺍﺗﺎﺩﺏ
ﺍﻣﻴﺮ . ﻭﻳﻦ ﺣﺒﺞ ﻟﻠﻤﻐﺎﻣﺮﻩ ﻭﺑﻌﺪﻳﻦ ﺗﺮﻛﺖ ﻛﻠﺸﻲ ﻟﻮﺍﺣﺪ ﺯﻋﻄﻮﻁ ﻭﺣﻄﻨﻲ ﺍﻫﻨﺎ ﻣﺎ ﺍﺳﺘﺎﻫﻞ ﻣﻜﺎﻓﺄ
ﻏﺰﻝ . ﺣﺘﺒﻘﻰ ﺗﺬﻟﻨﻲ ﺑﻬﺎﻟﺸﻲ ﺍﻟﻌﻤﺮ ﻛﻠﻪ ﻣﻮ
ﺍﻣﻴﺮ . ﻟﺤﺪ ﺍﻟﻤﻮﺕ
ﻏﺰﻝ . ﻟﻌﺪ ﺗﺴﺘﺎﻫﻞ ﻻﻥ ﺗﺴﺘﺤﻖ ﻫﺎﻟﺸﻲ ﻭﻫﺴﻪ ﻳﺎ ﺯﻭﺟﻲ ﺍﻟﻌﺰﻳﺰ ﺷﻠﻮﻥ ﺍﺭﺿﻴﻚ
ﺷﺎﻟﻬﺎ ﺍﻣﻴﺮ ﻭﺩﺧﻞ ﻟﻠﻐﺮﻓﻪ . ﻭﺍﻟﻠﻪ ﻳﺎ ﺯﻭﺟﺘﻲ ﺍﻟﻌﺰﻳﺰﻩ ﻋﻨﺪﻱ ﻫﻮﻭﻭﺍﻳﻪ ﺍﻓﻜﺎﺭ
ﻏﺰﻝ ﻭﺑﺎﻋﻠﻰ ﺻﻮﺗﻬﺎ . ﺍﻧﻲ ﺍﺣﺒﺒﺒﺒﺒﻚ
ﺍﻟﻜﻞ ﻣﺎﻡ ﻳﺼﺮﺥ ﻭﻳﻀﺤﻚ ﻭﻳﺼﻔﮓ
ﺍﻣﻴﺮ . ﺍﻋﺮﻑ 😉
ﺻﻔﺮ ﻓﺮﺍﺱ ﻭﻫﻮ ﻛﻠﺶ ﻓﺮﺣﺎﻥ ﻭﻫﻮ ﻳﺸﻮﻑ ﻫﺎﻟﻤﻨﻈﺮ ﺍﻟﻜﺪﺍﻣﻪ ﻭﺍﺧﻴﺮﺍ ﺍﻟﻜﻞ ﺣﺼﻞ ﻉ ﻧﻬﺎﻳﻪ ﺳﻌﻴﺪﻩ
ﻣﻼﻙ . ﺑﺎﺑﺎ ﻣﻮ ﻋﻤﻮ ﺍﻣﻴﺮ ﻛﺎﻝ ﺍﺫﺍ ﻛﻌﺪﺕ ﻣﻦ ﻧﻮﻣﻬﺎ ﺍﻻ ﺍﻗﺘﻠﻬﺎ ﺷﻮ ﻫﺴﻪ ﻓﺮﺣﺎﻥ ﻣﻦ ﻛﻌﺪﺕ
ﻓﺮﺍﺱ . ﻭﺍﻟﻠﻪ ﻳﺎ ﺣﺒﻴﺒﺘﻲ ﺍﻟﺴﻐﻠﻪ ﻣﻌﻘﺪﻩ ﻫﺬﺍ ﻫﻮ ﺍﻟﻌﺸﻖ ﻫﻮ ﺍﻛﺜﺮ ﺷﻲ ﻳﺨﻠﻲ ﺍﻟﻮﺍﺣﺪ ﻳﺘﺨﺒﻞ ﻣﻨﻪ ﻭﺧﺼﻮﺻﺎ ﻣﻦ ﻳﺼﻴﺮ ﺑﻌﻤﺞ ﺍﻣﻴﺮ ﻭﻫﺴﻪ ﻻﺯﻡ ﺍﺭﻭﺡ ﻻﻣﺞ ﻋﻨﺪﻱ ﺷﻐﻼﺕ ﺍﺳﺎﻣﺤﻬﺎ ﺑﻴﻬﺎ ﻟﺘﺘﺤﺮﻛﻴﻦ ﻭﺭﻭﺣﻲ ﻳﻢ ﻋﻤﻮ ﻏﺰﻭﺍﻥ ﻭﺍﺧﺬ ﻟﻤﻴﺎﺀ ﻭﻫﻲ ﺧﺮﺑﺎﻧﻪ ﺿﺤﻚ
ﺍﺑﺘﺴﻤﺖ ﻏﺰﻝ ﻭﻫﻲ ﺗﺪﺧﻞ ﺍﻟﻐﺮﻓﻪ ﻭﺍﻣﻴﺮ ﺩﻳﻤﺸﻲ ﺑﻴﻬﺎ ﻭ ﻭﻛﻌﻮ ﺑﺎﻟﻜﺎﻉ ﺻﺎﺭﺕ ﻓﻮﻛﺎﻩ ﻭﻫﻲ ﺧﺮﺑﺎﻧﻪ ﺿﺤﻚ
ﺍﻣﻴﺮ . ﺑﻌﺪ ﻟﺘﺤﺮﻣﻴﻨﻲ ﻣﻨﺞ ﻻﻥ ﺍﻟﻤﺮﻩ ﺍﻟﺠﺎﻳﻪ ﺻﺪﻛﻴﻨﻲ ﺍﻣﻮﺕ
ﻏﺰﻝ . ﺍﻋﺮﻑ ﻭﺑﺎﺳﺘﻪ ﻫﺎﻟﺸﻲ ﺑﻌﺪ ﻣﻴﺘﻜﺮﺭ ﺑﻌﺪ ﻣﺎﻛﻮ ﺧﻮﻑ ﻭﺍﻟﻢ ﻭ ﻭﺟﻊ ﻭﺑﺠﻲ ﻭﺍﺧﻴﺮﺍ ﺍﻧﻲ ﻭﻳﺎﻙ ﻭﺍﻟﻲ ﺍﺣﺒﻬﻢ ﺣﺼﻠﻨﺎ ﻉ ﻧﻬﺎﻳﻪ ﺳﻌﻴﺪﻩ
ﺍﻣﻴﺮ . ﻟﻼﺑﺪ ﻳﺎ ﺣﺐ ﺣﻴﺎﺗﻲ ......
ﺍﻟﻨﻬﺎﻳﻪ
ﻣﺮﺍﺕ ﻳﻜﻮﻟﻮﻥ ﺍﻧﻮ ﺍﻟﻨﻬﺎﻳﻪ ﺍﻟﺴﻌﻴﺪﻩ ﻫﻲ ﻗﺼﺺ ﻣﻨﺘﻬﺖ ﺑﻌﺪ ﻳﻤﻜﻦ ﻫﺎﻟﺸﻲ ﺻﺤﻴﺢ ﻭﻳﻤﻜﻦ ﻳﺠﻲ ﻳﻮﻭﻭﻡ ﻭﺍﻛﺘﺒﻠﻜﻢ ﺍﻟﻲ ﺻﺎﺭ ﺑﺤﻴﺎﻩ ﺍﻣﻴﺮ ﻭﻏﺰﻝ ﺍﻟﺠﺪﻳﺪﻩ ﺑﺲ ﻫﺴﻪ ﻛﻞ ﺍﻟﻲ ﺍﻛﻮﻟﻪ ﺍﻟﻜﻢ ﺍﻧﻮ ﻫﻤﻪ ﻋﺎﺷﻮ ﺍﺣﻠﻰ ﻋﻴﺸﻪ ﻭﺳﻌﺎﺩﻩ ﺣﻴﻴﻴﻞ ﻛﺒﻴﺮﻩ ﺻﺢ ﺍﻣﻴﺮ ﻣﺘﻐﻴﺮ ﻣﻦ ﺍﻃﺒﺎﻋﻪ ﻛﻠﻬﺎ ﺑﺲ ﺣﺒﻪ ﻟﺰﻭﺟﺘﻪ ﻏﺰﻝ ﻳﻮﻡ ﻋﻦ ﻳﻮﻡ ﻳﻜﺒﺮ ﺣﺒﻮ ﺑﻌﺾ ﻭﻛﺎﻧﻮ ﺍﻟﺤﺐ ﺍﻧﺨﻠﻖ ﺑﺲ ﺍﻟﻬﻢ
ﺗﻤﺖ ﻭﺍﻧﺸﺎﻟﻠﻪ ﺗﻜﻮﻥ ﺍﻟﻨﻬﺎﻳﻪ ﻋﺠﺒﺘﻜﻢ ﺍﺗﺎﺳﻒ ﻻﻥ ﺍﺗﺎﺧﺮﺕ ﻋﻠﻴﻜﻢ ﺑﺲ ﺍﻟﻠﻪ ﻳﺸﻬﺪ ﺍﻭﻝ ﻣﻜﻤﻠﺖ ﻛﺘﺎﺑﻪ ﺍﻟﺒﺎﺭﺕ ﻧﺰﻟﺘﻪ ﻭﺣﺎﻭﻟﺖ ﺍﻛﻔﻲ ﺑﻴﻪ ﻭﻣﺎ ﺍﺧﻠﻲ ﺍﻱ ﺷﻲ ﻣﻔﻘﻮﺩ ﺑﻴﻪ
ﺍﺷﻜﺮ ﻣﺘﺎﺑﻌﺘﻜﻢ ﻭﺳﻌﻪ ﺻﺪﻭﺭﻛﻢ ﻭﺗﻌﻠﻴﻘﺎﺗﻜﻢ ﺍﻟﺤﻠﻮﻩ
ﺍﻧﺘﻀﺮﻭﻧﻲ ﺑﻘﺼﻪ ﺟﺪﻳﺪﻩ ﺑﺲ ﺍﺭﺗﺎﺡ ﺷﻮﻳﻪ
ﺩﻣﺘﻢ ﺑﺮﻋﺎﻳﻪ ﺍﻟﺮﺣﻤﻦ ﻭﺣﻔﻀﻪ
ﺯﻳﻨﺐ ﻋﺒﺪ ﺍﻟﻤﻄﻠﺐ 😍😍
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق