رواية غرام وانتقام ج2 الجزء الخامس | النهاية
للكاتب كرار الكرادي
.
.
( ﻓﻲ ﺍﻟﺸﻘﻪ )
ﺳﺠﺎﺩ ﺗﺤﺪﺙ ﻣﻊ ﺍﺯﻝ ﺣﻮﻝ ﺣﺮﻕ ﺍﻟﻤﺨﺰﻥ ﻗﺎﺋﻼ : ﻭﻫﺬﺍ ﺍﻟﻲ ﺻﺎﺭ
ﺍﺯﻝ : ﺯﻳﻦ ﻣﻨﻮ ﺍﻟﻪ ﻣﺼﻠﺤﻪ ﺑﺎﺫﻳﺘﻚ ﺍﻭﻝ ﻣﺮﻩ ﻫﺠﻤﻮﺍ ﻋﻠﻴﻚ ﻭﻭﻳﺎﻙ ﺑﻨﺘﻚ ﻭﻫﺎﻱ ﺍﻟﻤﺮﻩ ﺍﻟﺜﺎﻧﻴﻪ ﺣﺮﻛﻮﺍ ﻣﺨﺰﻧﻚ ﺷﻤﺴﻮﻱ ﺣﺘﻰ ﻛﻞ ﻫﻞ ﺍﻟﻌﺪﺍﻭﻩ ﻭﻳﺎﻙ
ﺳﺠﺎﺩ : ﺻﺤﻴﺢ ﺍﻋﺪﺍﺋﻲ ﻫﻮﺍﻱ ﺑﺲ ﺍﻋﺪﺍﺀ ﻧﺠﺎﺡ ﻻ ﺍﻛﺜﺮ ﻛﻞ ﺍﺻﺤﺎﺏ ﺍﻟﺸﺮﻛﺎﺕ ﻫﻢ ﺭﺟﺎﻝ ﻛﺒﺎﺭ ﺑﺎﻟﻌﻤﺮ ﻣﺎﻋﺪﺍ ﺍﻧﻲ ﺍﻟﻮﺣﻴﺪ ﺍﻟﻲ ﺍﺻﻐﺮ ﻣﻨﻬﻢ ﻭﻣﺎﻋﺪﻫﻢ ﺍﻱ ﺳﺒﺐ ﻟﻌﺪﺍﻭﺗﻲ ، ﻭﻧﺴﻴﺖ ﺍﻋﺘﺬﺭﻟﺞ ﻋﻦ ﻣﺎ ﺑﺪﺭ ﻣﻦ ﺯﻭﺟﺘﻲ ﻣﻦ ﺍﺗﺼﻠﺖ ﺑﻴﺞ
ﺍﺯﻝ : ﻻ ﻣﺎﻛﻮ ﺩﺍﻋﻲ ﻟﻼﻋﺘﺬﺍﺭ ﺣﺎﺳﻪ ﺑﻴﻬﺎ ﺧﺼﻮﺻﺎ ﻫﻲ ﺍﻡ ﻭﺗﺨﺎﻑ ﻋﻠﻰ ﺯﻭﺟﻬﺎ ﻭﺑﻴﺘﻬﺎ
ﺳﺠﺎﺩ : ﺟﺎﻥ ﺍﻟﻤﻔﺮﻭﺽ ﺍﻧﺘﻲ ﺍﻻﻡ ﺍﺗﺼﻴﺮﻳﻦ ﺗﺨﺎﻓﻴﻦ ﻋﻠﻴﻪ ﻭﻋﻠﻰ ﺑﻴﺘﻲ
ﺍﺯﻝ ( ﺗﻨﻬﺾ ﻣﻦ ﻣﻜﺎﻧﻬﺎ ) ﻗﺎﺋﻠﻪ : ﺳﺠﺎﺩ ﻻ ﺗﻘﻬﺮﻧﻲ ﺑﺎﻟﻤﺎﺿﻲ ﺭﺟﺎﺀﺍ ﻭﺣﺘﻰ ﺍﻟﻲ ﺻﺎﺭ ﺑﻴﻨﻪ ﺫﺍﻙ ﺍﻟﻴﻮﻡ ﺍﺗﻤﻨﻰ ﺗﻨﺴﻰ ﺍﻋﺘﺒﺮﻩ ﻧﺰﻭﻩ ﻭﺭﺍﺣﺖ
ﺳﺠﺎﺩ ﻳﻘﺘﺮﺏ ﻣﻨﻬﺎ ﺑﻬﺪﻭﺀ ﻭﻫﻮ ﻳﻨﻈﺮ ﺍﻟﻰ ﻋﻴﻨﻴﻬﺎ ﻭﻳﻤﺴﻚ ﻳﺪﻫﺎ ﻗﺎﺋﻼ : ﻣﺎﻣﻤﻜﻦ ﺍﺻﻴﺮ ﻧﺰﻭﻩ ﻻﻥ ﺍﻧﻲ ﻣﺎﻋﺘﺒﺮﺗﻬﺎ ﻧﺰﻭﻩ ﺍﻋﺘﺒﺮﺗﻬﺎ ﻟﻘﺎﺀ ﺣﺒﻴﺒﻴﻦ ﺑﻌﺪ ﻓﺮﺍﻕ ﻃﻮﻳﻞ
ﺳﺠﺎﺩ ﻳﻘﺘﺮﺏ ﻣﻦ ﺷﻔﺘﺎ ﺍﺯﻝ ﻭﺍﺯﻝ ﺑﻌﻴﻮﻧﻬﺎ ﺍﻟﻤﺤﻤﺮﻩ ﻗﺎﺋﻠﻪ : ﺳﺠﺎﺩ ﻻ ﺗﻘﺘﺮﺏ ﺍﻛﺜﺮ ﺭﺟﺎﺀﺍ
ﻟﻜﻨﻪ ﻳﺴﺘﻤﺮ ﺑﻼﻗﺘﺮﺍﺏ ﺣﺘﻰ ﺗﻼﻣﺲ ﺷﻔﺘﺎﻩ ﺷﻔﺎﻫﺎ ﻟﻴﻌﻴﺪﺍ ﺍﻟﺤﺪﺙ ﻣﺮﻩ ﺍﺧﺮﻯ ( ﻗﻠﻪ ﺍﺩﺏ )
( ﻻ ﺗﺠﺮﺑﻮﺍ ﻫﺬﺍ ﻓﻲ ﺍﻟﻮﺍﻗﻊ ﺍﺑﺘﻌﺪ ﻋﻦ ﻣﺎﺿﻴﻚ ﻗﺪﺭ ﻣﺎﺍﺗﺴﺘﻄﻴﻊ ﻭﻋﺶ ﺣﻴﺎﺗﻚ ﺣﺎﺿﺮﻙ ﻭﻣﺴﺘﻘﺒﻠﻚ ﺩﻭﻥ ﺍﻥ ﺗﻠﺘﻔﺖ ﻟﻠﻤﺎﺿﻲ ﻻﻥ ﺍﻟﻤﺎﺿﻲ ﻫﻮ ﻣﺠﻤﻮﻋﻪ ﺍﺣﺰﺍﻧﻚ ﻭﻛﺴﺮﺍﻧﻚ )
( ﺑﻌﺪ ﻣﺮﻭﺭ ﻳﻮﻣﺎﻥ )
ﺳﺠﺎﺩ ﻓﻲ ﺳﻴﺎﺭﺗﻪ ﺟﺎﻟﺲ ﻳﺎﺗﻲ ﺣﺎﺯﻡ ﺍﻟﻴﻪ ﻭﻳﻌﻄﻴﻪ ﻇﺮﻑ ﻗﺎﺋﻼ : ﻫﺎﻱ ﺻﻮﺭ ﺍﻻﺷﺨﺎﺹ ﺍﻟﻲ ﺍﺟﻮ ﻟﺰﻳﺎﺭﻩ ﺧﻼﻝ ﻫﻞ ﻳﻮﻣﻴﻦ
ﻳﻘﻮﻡ ﺳﺠﺎﺩ ﺑﻔﺘﺤﻪ ﻭﻳﻨﻈﺮ ﺍﻟﻰ ﺍﻟﺼﻮﺭ ﻭﻭﺟﻮﻩ ﺍﻷﺷﺨﺎﺹ ﺣﺘﻰ ﺗﻘﻊ ﺻﻮﺭﻩ ﺍﺣﻤﺪ ﺯﻭﺝ ﺍﺯﻝ ﺗﺤﺖ ﻧﺎﻇﺮﻳﻪ
ﺳﺠﺎﺩ : ﻫﺬﺍ ﺍﻟﺸﺨﺺ ﺷﻮﻛﺖ ﺍﺟﻪ
ﺣﺎﺯﻡ : ﺍﺳﺘﺎﺫ ﺑﻨﻔﺲ ﺍﻟﻴﻮﻡ ﺍﻟﻲ ﺯﺭﺕ ﺑﻲ ﺍﺑﻮ ﺷﺎﻫﻴﻦ ﻭﻃﻠﻌﺖ ﻭﺭﺍ ﺑﻜﻢ ﺳﺎﻋﻪ ﺍﺟﻪ ، ﺗﻌﺮﻓﻪ
ﺳﺠﺎﺩ : ﺷﻠﻮﻥ ﻣﺎﻋﺮﻓﻪ ﻫﺬﺍ ﺍﻟﻲ ﺍﺧﺬ ﺭﻭﺣﻲ ﻣﻨﻲ
ﺣﺎﺯﻡ : ﻳﻌﻨﻲ ﻫﺬﺍ ﺍﻟﺸﺨﺺ ﻫﻮ ﺍﻟﻲ ﻭﺭﺍ ﻫﺎﻱ ﺍﻟﺸﻐﻼﺕ ﺍﻟﻲ ﺻﺎﺭﺗﻠﻚ
ﺳﺠﺎﺩ : ﻣﺎﺍﺩﺭﻱ ﻫﻮ ﺍﻭ ﻻ ﻭﺣﺘﻰ ﺍﺗﺎﻛﺪ ﺑﻘﺖ ﺧﻄﻮﻩ ﻭﺣﺪﻩ ﺍﺧﻄﻴﻬﺎ ﻭﺑﺬﺍﻙ ﺍﻟﻮﻗﺖ ﺍﻟﻪ ﺣﺴﺎﺑﻪ ﺍﻟﺨﺎﺹ
( ﺑﻴﺖ ﺍﺯﻝ )
ﺍﺯﻝ ﺗﺸﻌﺮ ﺑﺒﻌﺾ ﺍﻟﺘﻌﺐ ﻭﺍﻟﻐﺜﻴﺎﻥ ﺗﻘﺮﺭ ﻣﺮﺍﺟﻌﻪ ﺍﻟﻄﺒﻴﺐ ﺗﺬﻫﺐ ﺍﻟﻰ ﺩﻛﺘﻮﺭﺗﻬﺎ ﺍﻟﺨﺎﺻﺔ
ﺍﺯﻝ : ﺍﻟﺴﻼﻡ ﻋﻠﻴﻜﻢ ﺍﺷﻠﻮﻧﺞ ﺩﻛﺘﻮﺭﻩ
ﺍﻟﺪﻛﺘﻮﺭﻩ : ﻭﻋﻠﻴﻜﻢ ﺍﻟﺴﻼﻡ ﺍﻫﻼ ﺳﺖ ﺍﺯﻝ ﻋﺎﺵ ﻣﻦ ﺷﺎﻓﺞ
ﺍﺯﻝ : ﻭﺍﻟﻠﻪ ﻣﺸﻐﻮﻟﻪ ﺑﺎﻟﺸﺮﻛﻪ ﻭﻣﺎﻋﻨﺪﻱ ﻣﺠﺎﻝ ﺍﻱ ﺷﻲ
ﺍﻟﺪﻛﺘﻮﺭﻩ : ﺍﻟﻠﻪ ﻳﺴﺎﻋﺪﺝ ، ﺟﺎﻱ ﺯﻳﺎﺭﻩ ﺍﺷﻮﻓﻴﻨﻲ ﻟﻮ ﺍﻛﻮ ﺷﻲ ﺛﺎﻧﻲ
ﺍﺯﻝ : ﻳﻌﻨﻲ ﺯﻳﺎﺭﻩ ﻭﺷﻲ ﺛﺎﻧﻲ
ﺍﻟﺪﻛﺘﻮﺭﻩ : ﺧﻴﺮﺝ ﺷﺒﻴﺢ ؟
ﺍﺯﻝ : ﺍﻟﻴﻮﻡ ﺍﻟﺼﺒﺢ ﺣﺴﻴﺖ ﺑﺘﻌﺐ ﻭﻏﺜﻴﺎﻥ ﻭﺟﺴﻤﻲ ﻧﺤﻼﻥ
ﺍﻟﺪﻛﺘﻮﺭﻩ : ﺍﻭﻙ ﻫﺴﻪ ﺍﺳﻮﻳﻠﺞ ﻣﺠﻤﻮﻋﻪ ﻓﺤﻮﺻﺎﺕ ﻭﻣﺎﻟﺞ ﻏﻴﺮ ﻋﺎﻓﻴﻪ
( ﻓﻲ ﺍﻟﺴﺠﻦ )
ﻳﺠﻠﺲ ﺳﺠﺎﺩ ﻭﺍﺑﻮ ﺷﺎﻫﻴﻦ ﻣﻌﺎ
ﺳﺠﺎﺩ : ﺍﺷﺘﺎﻗﻴﺘﻠﻲ
ﺍﺑﻮ ﺷﺎﻫﻴﻦ : ﻣﺎﻛﻮ ﻭﺍﺣﺪ ﻳﺸﺘﺎﻕ ﻻﺑﻠﻴﺲ
ﺳﺠﺎﺩ : ﺍﺫﺍ ﺍﻧﻲ ﺍﺑﻠﻴﺲ ﺍﻧﺘﻪ ﺷﻨﻮ ﻣﻼﻙ ﺍﻟﺮﺣﻤﻪ
ﺍﺑﻮ ﺷﺎﻫﻴﻦ : ﻻ ﺍﻧﻲ ﻋﺰﺍﺭﺋﻴﻞ ﻣﻠﻚ ﻣﻦ ﺍﻟﻤﻼﺋﻜﺔ ﺍﻟﻠﻪ ﺍﻟﺼﺎﻟﺤﻴﻦ
ﺳﺠﺎﺩ ( ﻳﻀﺤﻚ ) ﻭﻳﺨﺮﺝ ﻣﻦ ﺳﺘﺮﺗﻪ ﺻﻮﺭﻩ ﺍﺣﻤﺪ ﻭﻳﻌﻄﻴﻬﺎ ﺍﻟﻴﻪ ﻗﺎﺋﻼ : ﺗﻌﺮﻑ ﻫﺬﺍ ﺍﻟﺸﺨﺺ
ﺍﺑﻮ ﺷﺎﻫﻴﻦ : ﻭﻻ ﻋﻤﺮﻱ ﺷﻔﺘﻪ
ﺳﺠﺎﺩ : ﻛﻮﻝ ﻏﻴﺮﻫﺎ ﻳﻤﻌﻮﺩ ﺍﻟﺒﺎﺭﺣﺔ ﺍﻋﺘﺮﻑ ﻋﻠﻴﻚ ﻭﻛﺎﻝ ﺍﻧﻲ ﺍﻋﺮﻓﻪ ﻟﺒﻮ ﺷﺎﻫﻴﻦ ﻭﺍﻧﻲ ﺍﻟﻲ ﺍﺗﻌﺎﻭﻧﺖ ﻭﻳﺎ ﻓﻲ ﺳﺒﻴﻞ ﻗﺘﻠﻚ
ﺍﺑﻮ ﺷﺎﻫﻴﻦ : ﻫﺬﺍ ﺍﻟﺤﺠﻲ ﻣﻮ ﺻﺤﻴﺢ ﻭﺍﻧﻲ ﻻ ﺍﻋﺮﻓﻪ ﻭﻻ ﺷﺎﻳﻔﻪ
ﺳﺠﺎﺩ : ﺍﻱ ﻛﻴﻔﻚ ﻻ ﺻﺪﻙ
ﻓﻲ ﻫﺬﻩ ﺍﻷﺛﻨﺎﺀ ﻳﺪﺧﻞ ﺍﺣﻤﺪ ﻋﻠﻴﻬﻢ ﻓﻲ ﺍﻟﺴﺠﻦ
ﺳﺠﺎﺩ ﻳﻨﻬﺾ ﻣﻦ ﻣﻜﺎﻧﻪ ﻗﺎﺋﻼ : ﺍﻫﻼ ﻭﺳﻬﻼ ﺍﺳﺘﺎﺫ ﺍﺣﻤﺪ ﻣﻨﻮ ﻣﺴﺠﻮﻥ ﻋﻨﺪﻙ ﻭﺟﺎﻱ ﺍﺷﻮﻓﻪ ﺍﻋﺮﻓﻚ ( ﻳﺸﻴﺮ ﺑﻴﺪﻩ ﺍﻟﻰ ﺍﺑﻮ ﺷﺎﻫﻴﻦ ) ﺍﺑﻮ ﺷﺎﻫﻴﻦ ﺍﻟﻀﻠﻊ ﺍﺳﻄﻮﺭﻩ ﺍﻟﺴﺠﻮﻥ ﺍﻟﻌﺮﺍﻗﻴﺔ، ﺑﺎﻟﻤﻨﺎﺳﺒﺔ ﺍﺑﻮ ﺷﺎﻫﻴﻦ ﻛﺎﻝ ﺍﻧﻲ ﻣﺎﺍﻋﺮﻓﻪ ﻭﺍﻧﻲ ﺟﻤﻌﺘﻚ ﺑﻲ ﺣﺘﻰ ﺗﺘﻌﺮﻑ ﻋﻠﻴﻪ ﺯﻳﻦ ، ﺣﺴﺎﺑﻚ ﺑﻌﺪﻳﻦ ﺍﺳﺘﺎﺫ ﺍﺣﻤﺪ ، ﺳﻼﻡ
ﻳﺨﺮﺝ ﺳﺠﺎﺩ ﻣﻦ ﺍﻟﺴﺠﻦ ﻭﻳﺒﻘﻰ ﺍﺣﻤﺪ ﻭﺍﺑﻮ ﺷﺎﻫﻴﻦ ﻳﻨﻈﺮﺍﻥ ﺍﻟﻰ ﺑﻌﻀﻬﻤﺎ ﺍﻟﺒﻌﺾ
( ﻓﻲ ﺍﻟﻌﻴﺎﺩﺓ ﺍﻟﻄﺒﻴﺔ )
ﺍﺯﻝ ﺗﺠﻠﺲ ﻓﻲ ﻣﻜﺘﺐ ﺍﻟﺪﻛﺘﻮﺭﻩ ﻣﻨﺘﻈﺮﻩ ﻧﺘﻴﺠﻪ ﺍﻟﺘﺤﺎﻟﻴﻞ ﺗﺎﺗﻲ ﺍﻟﺴﻜﺮﺗﻴﺮﻩ ﻭﺗﻌﻄﻴﻌﻬﺎ ﺍﻭﺭﺍﻕ ﺍﻟﺘﺤﺎﻟﻴﻞ ﺗﻨﻈﺮ ﺍﻟﻴﻬﺎ ﺍﻟﺪﻛﺘﻮﺭﻩ ﺑﺘﻤﻌﻦ ﻭﺷﻔﺎﻫﺎ ﺗﺒﺘﺴﻢ ﻗﺎﺋﻠﻪ : ﻣﺒﺮﻭﻙ ﺳﺖ ﺍﺯﻝ ﺣﺎﻣﻞ ﻭﺑﺎﻭﻝ ﺷﻬﺮ ﻫﻢ
ﺍﺯﻝ ﻓﻲ ﺻﺪﻣﻪ ﻗﺎﺋﻠﻪ : ﺣﺎﻣﻞ !
ﺍﻟﺪﻛﺘﻮﺭﻩ : ﺍﻱ ﺣﺎﻣﻞ ﻭﺍﺧﻴﺮﺍ ﺭﺍﺡ ﻳﺠﻲ ﺍﺥ ﺍﻭ ﺍﺧﺖ ﻻﺑﻨﺞ
ﺍﺯﻝ : ﻫﺎﺍ ﺍﻱ ﺍﻱ ﺍﺧﻮ
ﺍﻟﺪﻛﺘﻮﺭﻩ : ﺷﺒﻴﺞ ﺍﺯﻝ ؟
ﺍﺯﻝ : ﻻ ﻣﺎﻛﻮ ﺷﻲ ﺑﺲ ﺍﻧﻲ ﻣﺎﺭﺩﺕ ﺍﺣﻤﻞ ﺣﺎﻟﻴﺎ ﻣﺎﻣﻔﻜﺮﻩ ﺑﻄﻔﻞ ﺛﺎﻧﻲ
ﺍﻟﺪﻛﺘﻮﺭﻩ : ﺣﻤﺪﻱ ﺭﺑﺞ ﻭﺷﻜﺮﻱ ﺍﻛﻮ ﻧﺎﺱ ﺗﺘﺤﺴﺮ ﻋﻠﻰ ﺍﻟﻄﻔﻞ
ﺍﺯﻝ : ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ
( ﻓﻲ ﺍﻟﺴﺠﻦ )
ﺃﺑﻮ ﺷﺎﻫﻴﻦ ﻭﺍﺣﻤﺪ ﻳﺠﻠﺴﺎﻥ ﻣﻌﺎ
ﺍﺑﻮ ﺷﺎﻫﻴﻦ : ﺍﻧﺘﻪ ﺷﻜﻮ ﺍﺟﻴﺖ
ﺍﺣﻤﺪ : ﺍﻧﺘﻪ ﻣﻮ ﺩﺯﻳﺘﻠﻲ ﺭﺳﺎﻟﻪ ﻣﻦ ﺭﻗﻢ ﻏﺮﻳﺐ ﻭﻛﺘﻠﻲ ﺗﻌﺎﻝ ﻣﺤﺘﺎﺟﻚ ﺿﺮﻭﺭﻱ
ﺍﺑﻮ ﺷﺎﻫﻴﻦ : ﺍﻧﻲ ﺩﺍﺯﻟﻚ ﺭﺳﺎﻟﻪ ﻣﺎﺍﺩﺍﺯ ﻭﺑﻌﺪﻳﻦ ﺗﺪﺭﻱ ﺑﻴﻪ ﺍﻧﻲ ﺍﺗﺼﻞ ﻣﺎﺍﺩﺯ ﺭﺳﺎﻳﻞ ( ﻳﻀﺮﺏ ﺍﻟﻄﺎﻭﻟﻪ ﺑﻴﺪﻩ ) ﻫﺬﺍ ﺍﻛﻴﺪ ﺳﺠﺎﺩ ﺳﻮﻩ ﻫﺎﻱ ﺍﻟﻠﻌﺒﻪ ﺣﺘﻰ ﻳﺠﻤﻌﻨﻪ ﺳﻮﺍ
ﺍﺣﻤﺪ : ﺍﻧﻲ ﺍﺣﺘﺮﻙ ﻓﻠﻤﻲ ﺍﺷﻠﻮﻥ ﺍﻃﻠﻊ ﻣﻨﻬﺎ
ﺍﺑﻮ ﺷﺎﻫﻴﻦ : ﻣﻦ ﺍﻟﻴﻮﻡ ﺍﻧﺘﻪ ﻭﺣﺪﻙ ﺍﻧﻲ ﻣﺎﻟﻲ ﻋﻼﻗﻪ ﺑﻴﻚ
ﺍﺣﻤﺪ : ﺍﺑﻮ ﺷﺎﻫﻴﻦ ﺻﺪﻙ ﺗﺤﺠﻲ ﺍﻧﻲ ﺍﻋﺘﻤﺎﺩﻱ ﻛﻞ ﻋﻠﻴﻚ
ﺍﺑﻮ ﺷﺎﻫﻴﻦ : ﺍﻋﺘﻤﺪ ﻋﻠﻰ ﻧﻔﺴﻚ ﺍﻧﺘﻪ ﺑﻄﺮﻳﻖ ﻭﺍﻧﻲ ﺑﻄﺮﻳﻖ
ﺍﺣﻤﺪ : ﺻﺎﺭﺕ ﻫﻴﺞ ﻟﻌﺪ ﻋﻠﻴﻪ ﻭﻋﻠﻰ ﺍﻋﺪﺍﺋﻲ
ﺍﺑﻮ ﺷﺎﻫﻴﻦ : ﺭﻭﺡ ﻭﺷﻮﻓﻴﻨﻲ ﻋﺮﺽ ﺍﺟﺘﺎﻓﻚ
ﺍﺯﻝ ﺗﺘﺼﻞ ﺑﺴﺠﺎﺩ
ﺳﺠﺎﺩ : ﻧﻌﻢ
ﺍﺯﻝ : ﻭﻳﻦ ﺍﻧﺘﻪ
ﺳﺠﺎﺩ : ﻃﺎﻟﻊ ﺑﻤﺸﻮﺍﺭ ﻟﻴﺶ
ﺍﺯﻝ : ﻋﻮﻑ ﻣﺸﻮﺍﺭﻙ ﻭﺗﻌﺎﻝ ﺑﺴﺮﻋﻪ ﺍﻧﻲ ﻣﻨﺘﻈﺮﺗﻚ ﺑﺎﺏ ﺷﻘﺘﻚ
ﺳﺠﺎﺩ : ﺍﻭﻙ ﺟﺎﻳﺞ
( ﻓﻲ ﺷﺮﻛﻪ ﺍﺯﻝ )
ﻳﺪﺧﻞ ﺍﺣﻤﺪ ﺍﻟﻰ ﺍﻟﻤﻜﺘﺐ ﺗﺪﺧﻞ ﻋﻠﻴﻪ ﺍﻟﺴﻜﺮﺗﻴﺮﻩ ﻗﺎﺋﻼ : ﺍﺯﻝ ﻣﺎﺟﺘﻲ
ﺍﻟﺴﻜﺮﺗﻴﺮﻩ : ﻻ ﺍﺳﺘﺎﺫ ﺍﻟﻴﻮﻡ ﻣﺎﺍﺟﺖ
ﺍﺣﻤﺪ : ﺧﻠﺺ ﺭﻭﺣﻲ
ﻳﺘﺼﻞ ﺑﻬﺎ ... ﻫﺎﺗﻔﻬﺎ ﻳﺮﻥ ﻓﻲ ﺑﺎﺏ ﺷﻘﻪ ﺳﺠﺎﺩ ﻭﺗﺮﺩ
ﺍﺯﻝ : ﻧﻌﻢ ﺍﺣﻤﺪ
ﺍﺣﻤﺪ : ﺷﻮ ﻣﺎﺟﺎﻳﻪ ﺍﻟﻴﻮﻡ ﺧﻮ ﻣﺎﻛﻮ ﺷﻲ
ﺍﺯﻝ : ﺣﺴﻴﺖ ﺑﺘﻌﺐ ﺍﻟﺼﺒﺢ ﻭﺭﺣﺖ ﻟﺪﻛﺘﻮﺭﺗﻲ ﻭﺣﺎﻟﻴﺎ ﻳﻤﻬﺎ
ﺍﺣﻤﺪ : ﺗﺮﻳﺪﻳﻦ ﺍﺟﻴﺞ
ﺍﺯﻝ : ﻻ ﻻ ﻣﻨﺘﻈﺮﻩ ﺍﻟﺘﺤﺎﻟﻴﻞ ﻭﺍﺟﻲ ﻟﻠﺸﺮﻛﻪ
ﺍﺣﻤﺪ : ﻻ ﺗﺠﻴﻦ ﺭﻭﺣﻲ ﻟﻠﺒﻴﺖ ﺍﺭﺗﺎﺣﻲ ﺍﻧﻲ ﻣﻮﺟﻮﺩ ﻣﺎﻟﺞ ﻏﻴﺮ ﺍﻟﻌﺎﻓﻴﻪ ﺣﺒﻴﺒﺘﻲ
ﺍﺯﻝ : ﺍﻟﻠﻪ ﻳﻌﺎﻓﻴﻚ ، ﺳﻼﻡ
ﻳﺼﻞ ﺳﺠﺎﺩ ﺍﻟﻰ ﺷﻘﺘﻪ ﻭﻳﺮﻯ ﺍﺯﻝ ﻭﺍﻗﻔﻪ ﻗﺎﺋﻼ : ﺧﻮ ﻣﺎ ﺧﻠﻴﺘﺞ ﺗﻨﺘﻈﺮﻳﻦ ﻫﻮﺍﻱ
ﺍﺯﻝ : ﻻ
ﻳﻘﻮﻡ ﺑﻔﺘﺢ ﺍﻟﺒﺎﺏ ﻭﻳﺪﺧﻼﻥ
ﺳﺠﺎﺩ : ﺷﺸﺮﺑﻴﻦ ؟
ﺍﺯﻝ : ﻻ ﻣﺎﺭﻳﺪ ﺷﻲ ( ﺗﺨﺮﺝ ﻣﻦ ﺣﻘﻴﺒﺘﻬﺎ ﻭﺭﻗﻪ ﻭﺗﻌﻄﻴﻬﺎ ﻟﺴﺠﺎﺩ )
ﺳﺠﺎﺩ : ﻫﺎﻱ ﺷﻨﻮ
ﺍﺯﻝ : ﺍﻗﺮﻩ ﻭﺍﻧﺘﻪ ﺗﻌﺮﻑ
ﺳﺠﺎﺩ : ﻣﻜﺘﻮﺏ ﺣﺎﻣﻞ ﻣﺒﺮﻭﻙ ﺍﻥ ﺷﺎﺀ ﺍﻟﻠﻪ ﻳﺘﺮﺑﻰ ﺑﻌﺰﺝ
ﺍﺯﻝ : ﻫﺬﺍ ﺍﻟﻄﻔﻞ ﺍﻟﻲ ﺑﻄﻨﻲ ﺍﺑﻨﻚ
ﺳﺠﺎﺩ ( ﻓﻲ ﺣﺎﻟﺔ ﺻﺪﻣﺔ ) : ﺷﻨﻮ
ﺍﺯﻝ : ﺍﻱ ﻣﻨﻚ ﻣﻦ ﺍﻟﻴﻮﻡ ﺍﻟﻲ ﻇﻬﺮﺕ ﺑﻲ ﻛﺪﺍﻣﻲ ﻭﺍﻧﻲ ﻣﺎﺧﻠﻴﺖ ﺍﺣﻤﺪ ﻳﺘﻘﺮﺑﻠﻲ ﺍﺑﺪ ﻭﻛﻠﻤﺎ ﻳﺮﻳﺪ ﻳﺘﻘﺮﺑﻠﻲ ﺍﻃﻠﻌﻠﻪ ﺣﺠﻪ ﻭﻳﻨﺎﻡ ﻭﺍﻧﺘﻪ ﺍﻟﻮﺣﻴﺪ ﺧﻼﻝ ﻫﺎﻱ ﺍﻟﻔﺘﺮﻩ ﺍﻟﻲ ﺗﻘﺮﺑﺘﻠﻲ ﻳﻌﻨﻲ ﻫﺬﺍ ﺍﻟﻲ ﺑﻄﻨﻲ ﺍﺑﻨﻚ
ﺳﺠﺎﺩ ﻳﺠﻠﺲ ﻣﻨﻬﺎﺭﺍ ﻋﻠﻰ ﺍﻻﺭﻳﻜﻪ ﻭﻓﻲ ﺣﻴﺮﻩ ﻣﻦ ﺍﻣﺮﻩ
ﺍﺯﻝ : ﺍﻧﻲ ﻻﺯﻡ ﺍﺳﻘﻂ ﺍﻟﻄﻔﻞ ﺍﻧﻲ ﺻﻮﺟﻲ ﻣﺎﺳﻤﻌﺖ ﺣﺠﻲ ﻓﺎﺩﻳﻪ ﻣﻦ ﻛﺎﻟﺖ ﻻ ﺗﺘﻘﺮﺑﻴﻦ ﺍﻛﺜﺮ ﻣﻦ ﺳﺠﺎﺩ ﻻﻥ ﻭﺍﺣﺪ ﺭﺍﺡ ﻳﺤﺘﺮﻙ ﺑﻴﻜﻢ
ﺳﺠﺎﺩ : ﺯﻳﻦ ﻟﻴﺶ ﻣﻄﻠﺒﻴﻦ ﺍﻟﻄﻼﻙ ﻭﻧﺰﻭﺝ ﻭﻧﻨﺠﻤﻊ ﺳﻮﺍ ﻭﺍﻧﻲ ﺍﻛﺪﺭ ﺍﻭﻛﻒ ﺑﻮﺟﻪ ﺍﻟﻜﻞ ﻋﻠﻤﻮﺩﺝ
ﺍﺯﻝ : ﻻ ﻭﺍﻟﻒ ﻻ ﺗﺮﻳﺪ ﺣﻴﺎﻩ ﺍﺑﻨﻲ ﺗﺪﻣﺮ
ﺳﺠﺎﺩ : ﺍﺯﻝ ﺍﻧﻲ ﺍﺣﺒﺞ ﻭﺍﻟﻠﻪ ﺍﺣﺒﺞ
ﺍﺯﻝ : ﻭﺍﻧﻲ ﻫﻢ ﺍﺣﺒﻚ ﺑﺲ ﻇﺮﻭﻓﻨﻪ ﺗﺨﺘﻠﻒ ﺣﻴﻞ ﻭﺍﻧﻲ ﻣﺎﺍﻛﺪﺭ ﺍﺿﺤﻲ ﺑﺎﺑﻨﻲ ﻓﻲ ﺳﺒﻴﻞ ﺳﻌﺎﺗﻲ ﺍﺗﺮﺟﺎﻙ ﺧﻠﻴﻨﻪ ﻧﺒﺘﻌﺪ ﻣﻦ ﺟﺪﻳﺪ ﻣﺎﺩﺍﻡ ﺍﻧﺘﻪ ﻣﻮﺟﻮﺩ ﻭﺍﻧﻲ ﻣﻮﺟﻮﺩﻩ ﻛﺪﺍﻣﻚ ﺭﺍﺡ ﻧﻌﺎﻧﻲ
ﺳﺠﺎﺩ ﻳﻤﺴﻚ ﺑﻴﺪ ﺍﺯﻝ ﻗﺎﺋﻼ : ﺍﻧﻲ ﻣﺎﺍﻋﻮﻓﺞ ﺑﻌﺪ ﻣﺎﻟﻜﻴﺘﺞ ﻣﺎﻋﻮﻓﺞ ﺍﺯﻝ ( ﻭﻳﻘﻮﻡ ﺑﺤﻀﻨﻬﺎ ﺑﻘﻮﻩ )
ﺍﺯﻝ ( ﺑﺎﻛﻴﻪ ) : ﺳﺠﺎﺩ ﻟﺘﺸﻠﻊ ﻗﻠﺒﻲ ﺍﻣﺮﻭﺗﻚ ﺍﻧﺘﻪ ﻋﻨﺪﻙ ﻋﺎﺋﻠﻪ ﻭﺍﻧﻲ ﻫﻢ ﻋﻨﺪﻱ ﻋﺎﺋﻠﻪ ﻭﺍﻧﺘﻪ ﺍﺏ ﻭﺍﻧﻲ ﺍﻡ ﻟﺘﻔﻠﺶ ﺑﻴﺘﻚ ﺑﻴﺪﻙ ﺣﺘﻰ ﺍﻧﻲ ﻫﻢ ﻣﺎﺍﻓﻠﺶ ﺑﻴﺘﻲ ﺑﻴﺪﻱ ﺍﺗﺮﺟﺎﻙ ﺳﺠﺎﺩ
ﺳﺠﺎﺩ : ﺍﻧﻲ ﻛﻞ ﻫﻞ ﺍﻟﻤﻠﻚ ﺍﻟﻲ ﻋﺪﻱ ﺳﻮﻳﺘﻪ ﺣﺘﻰ ﺑﺲ ﺍﻭﺻﻠﺞ
ﺍﺯﻝ ( ﺗﻀﻊ ﻛﻒ ﻳﺪﻫﺎ ﻋﻠﻰ ﻭﺟﻪ ﺳﺠﺎﺩ ) ﻗﺎﺋﻠﻪ : ﻫﺬﺍ ﺍﻟﻤﻠﻚ ﻣﻦ ﺣﻖ ﻣﺮﺗﻚ ﻭﺑﻨﺘﻚ ﻣﻮ ﻣﻦ ﺣﻘﻲ ﻭﺍﺗﻤﻨﻰ ﺗﻨﻬﻲ ﺍﻟﺸﺮﺍﻛﺔ ﺍﻟﻲ ﺑﻴﻦ ﺷﺮﻛﺘﻲ ﻭﺷﺮﻛﺘﻚ ﺣﺘﻰ ﺑﻌﺪ ﻣﻨﻠﺘﻘﻲ
ﺳﺠﺎﺩ : ﺍﺯﻝ ﻻ ﺗﻘﺴﻴﻦ ﻋﻠﻰ ﻗﻠﺒﻲ ﺍﻧﻲ ﻋﺎﻧﻴﺖ ﺣﺘﻰ ﺍﻭﺻﻠﺞ
ﺍﺯﻝ : ﺍﺣﻨﻪ ﻣﻜﺘﻮﺏ ﻋﻠﻴﻨﻪ ﺍﻟﻤﻌﺎﻧﺎﺓ ﻭﻣﺎﻣﻜﺘﻮﺏ ﻧﻨﺠﻤﻊ ﺳﻮﺍ ﻣﻦ ﺍﻟﻴﻮﻡ ﺍﻟﻲ ﺍﺯﻭﺟﺖ ﺑﻲ ﺍﺣﻤﺪ ﻛﻠﺖ ﺳﺠﺎﺩ ﺧﻠﺺ ﺑﻌﺪ ﻣﻮ ﻣﻦ ﻗﺴﻤﺘﻲ ، ﺍﻧﻲ ﺭﺍﻳﺤﻪ ﻭﺍﺗﻤﻨﻰ ﺗﻌﻴﺶ ﺣﻴﺎﺓ ﺳﻌﻴﺪﺓ ﺑﻌﻴﺪ ﻋﻦ ﺣﻴﺎﺗﻲ ، ﺳﻼﻡ
ﺳﺠﺎﺩ ﺗﺎﺧﺬﻩ ﻧﻮﺑﻪ ﻏﻀﺐ ﻭﻳﻘﻮﻡ ﺑﺘﻜﺴﻴﺮ ﺑﻌﺾ ﺍﻻﻏﺮﺍﺽ ﺍﻟﻤﻮﺟﻮﺩﺓ ﻓﻲ ﺍﻟﺸﻘﻪ
( ﺗﻜﺴﻴﺮ ﺍﻻﻏﺮﺍﺽ ﻋﻨﺪﻣﺎ ﻳﻐﻀﺐ ﺍﻟﺮﺟﻞ ﻣﺸﻬﻮﺭﻩ ﻭﻫﻮ ﻟﺘﻔﺮﻳﻎ ﻏﻀﺒﻪ ﺣﺘﻰ ﻳﻬﺪﻯ )
ﺍﺯﻝ ﺩﺍﺧﻞ ﺍﻟﺴﻴﺎﺭﺓ ﺗﺒﻜﻲ ﻭﺍﺿﻌﻪ ﺭﺍﺳﻬﺎ ﻋﻠﻰ ﺍﻟﻤﻘﻮﺩ
( ﺷﺮﻛﺔ ﺍﺯﻝ )
ﻳﺎﺗﻲ ﺍﺗﺼﺎﻝ ﻻﺣﻤﺪ ﺯﻭﺝ ﺍﺯﻝ ﻳﺮﺩ
ﺍﺣﻤﺪ : ﻧﻌﻢ ﻣﻨﻮ ﻭﻳﺎﻳﻪ
ﺍﺑﻮ ﺷﺎﻫﻴﻦ : ﺍﺑﻮ ﺷﺎﻫﻴﻦ ﻭﻳﺎﻙ ﺣﺒﻴﺖ ﺍﻓﻴﺪﻙ ﻻﺧﺮ ﻣﺮﻩ
ﺍﺣﻤﺪ : ﻛﻮﻝ ﺷﻌﻨﺪﻙ
ﺍﺑﻮ ﺷﺎﻫﻴﻦ : ﺍﻟﻲ ﻗﺘﻞ ﺍﺑﻮ ﻣﺮﺗﻚ ﻫﻮ ﺳﺠﺎﺩ ﻭﻳﺎ ﻣﺮﻩ ﻛﺒﻴﺮﻩ ﺑﺎﻟﻌﻤﺮ ﻭﻋﻨﺪﻱ ﺷﺎﻫﺪ ﻋﻠﻰ ﻫﺬﺍ ﺍﻟﺸﻲ
.
ﺗﻢ ﻓﻚ ﺍﻟﺸﺮﺍﻛﺔ ﺑﻴﻦ ﺷﺮﻛﺘﻲ ﺳﺠﺎﺩ ﻭﺍﺯﻝ ﻭﻛﻞ ﺷﺨﺺ ﻋﺎﺩ ﺍﻟﻰ ﻣﻜﺎﻧﻪ ﺍﻟﻄﺒﻴﻌﻲ ﺍﺣﻤﺪ ﺯﻭﺝ ﺍﺯﻝ ﻳﺠﻠﺲ ﻣﻘﺎﺑﻞ ﺳﺠﺎﺩ ﻭﻳﻨﻈﺮ ﺍﻟﻴﻪ ﺑﺨﺒﺚ ﻭﺍﺑﺘﺴﺎﻣﺔ ﺻﻔﺮﺍﺀ ﻋﻠﻰ ﻭﺟﻬﻪ ﻗﺎﺋﻼ : ﺍﻥ ﺷﺎﺀ ﺍﻟﻠﻪ ﺍﺳﺘﻤﺘﻌﺖ ﻭﻳﺎﻧﻪ ﺑﺎﻟﺸﺮﺍﻛﺔ ﺍﺳﺘﺎﺫ ﺳﺠﺎﺩ
ﺳﺠﺎﺩ ( ﻣﺒﺘﺴﻤﺎ ) : ﺍﻱ ﺍﺳﺘﻤﺘﻌﺖ ﺍﺳﺘﻤﺘﺎﻉ ﻣﺎﻟﻪ ﻣﺜﻴﻞ ﻧﺘﻼﻗﻰ ﻋﻦ ﻗﺮﻳﺐ ﺍﻧﻲ ﻭﻳﺎﻙ ﺍﺳﺘﺎﺫ ﺍﺣﻤﺪ
ﺍﺣﻤﺪ : ﺍﻱ ﻟﻴﺶ ﻻ ﻧﻠﺘﻘﻲ
ﺍﺯﻝ : ﺍﺣﻤﺪ ﻛﺎﻓﻲ ، ﺷﻜﺮﺍ ﺍﺳﺘﺎﺫ ﺳﺠﺎﺩ ﻋﻠﻰ ﻛﻠﺸﻲ ﻭﺍﻟﻠﻪ ﻳﻮﻓﻘﻚ ﺑﻄﺮﻳﻘﻚ
ﺳﺠﺎﺩ : ﺷﻜﺮﺍ ﺳﺖ ﺍﺯﻝ ، ﻳﺎﻟﻠﻪ ﺍﻧﻲ ﺍﺗﺮﺧﺺ ﻭﺍﺷﻮﻑ ﻭﺟﻮﻫﻜﻢ ﺑﺨﻴﺮ
( ﺑﻴﺖ ﺳﺠﺎﺩ )
ﻳﺪﺧﻞ ﺳﺠﺎﺩ ﺍﻟﻰ ﺑﻴﺘﻪ ﻭﻳﺮﻣﻲ ﺑﻴﺪﻩ ﺍﻭﺭﺍﻕ ﻓﻚ ﺍﻟﺸﺮﺍﻛﺔ ﻋﻠﻰ ﺍﻟﻄﺎﻭﻟﻪ ﺍﻣﺎﻡ ﺯﻭﺟﺘﻪ ﻣﻠﻚ
ﻣﻠﻚ : ﻫﺎﻱ ﺷﻨﻮ
ﺳﺠﺎﺩ : ﺍﻗﺮﻱ ﻭﺍﻧﺘﻲ ﺗﻌﺮﻓﻴﻦ ﺷﻨﻮ
ﺗﻘﻮﻡ ﺑﺤﻤﻠﻬﺎ ﻭﺗﻘﻠﻴﺐ ﺻﻔﺤﺎﺗﻬﺎ ﻟﺘﺮﻯ ﻋﻘﺪ ﻓﻚ ﺍﻟﺸﺮﺍﻛﺔ ﻭﺗﻐﺘﻤﺮﻫﺎ ﻓﺮﺣﻪ ﻗﺎﺋﻠﻪ : ﺯﻳﻦ ﺳﻮﻳﺖ ﻣﺎﺟﺎﻧﻪ ﻣﻦ ﻭﺭﺍﻫﻢ ﻏﻴﺮ ﻭﺟﻊ ﺍﻟﺮﺍﺱ
ﺳﺠﺎﺩ : ﻗﺼﺪﺝ ﻣﻦ ﻭﺭﺍﻫﺎ ﻭﺟﻊ ﺍﻟﺮﺍﺱ
ﻣﻠﻚ : ﺍﻱ ﻣﻦ ﻭﺭﺍﻫﺎ ﻣﻦ ﺍﻟﻴﻮﻡ ﺍﻟﻲ ﻇﻬﺮﺕ ﻭﺍﻧﺘﻪ ﺣﺘﻰ ﺍﻫﺘﻤﺎﻣﻚ ﺑﻴﻪ ﻭﺑﻨﺘﻚ ﻗﻞ ﻭﻣﺸﺎﻛﻞ ﻳﻮﻣﻴﻪ ﻛﺎﻣﺖ ﺗﺠﻴﻨﻪ ﻭﻻﺗﻨﺴﻪ ﻣﻦ ﺭﺍﺩﻭ ﻳﻜﺘﻠﻮﻙ ﻭﺑﻨﺘﻚ ﻭﻳﺎﻙ
ﺳﺠﺎﺩ : ﺑﺎﻟﻤﻨﺎﺳﺒﺔ ﻭﺻﻠﺖ ﻟﺬﻭﻟﻪ ﺍﻟﺠﻤﺎﻋﺔ ﻃﻠﻌﻮﺍ ﻣﺪﻓﻮﻋﻴﻦ ﺛﻤﻦ ﺑﺲ ﻳﺮﺩﻭﻥ ﻳﺨﻮﻓﻮﻧﻲ ﻭﺧﺒﺮﺕ ﺍﻟﺸﺮﻃﺔ ﻋﻠﻴﻬﻢ ﻭﺍﺧﺬﻭﺍ ﺟﺰﺍﺗﻬﻢ
ﻣﻠﻚ : ﻭﺣﺮﻳﻖ ﺍﻟﻤﺨﺰﻥ
ﺳﺠﺎﺩ : ﺗﻤﺎﺱ ﻛﻬﺮﺑﺎﺋﻲ ﻭﺍﻟﻠﻪ ﺳﺘﺮ ﻭﻟﻄﻒ ﻣﺎﺭﺍﺣﺖ ﺑﻴﻬﺎ ﻧﺎﺱ ، ﺍﺫﺍ ﺧﻠﺼﺘﻲ ﺗﺤﻘﻴﻘﺞ ﺍﺭﻭﺡ ﺍﻧﺎﻡ ﻭﻟﺤﺪ ﻳﻜﻌﺪﻧﻲ
ﻣﻠﻚ : ﺭﻭﺡ ﻧﺎﻡ ﻧﻮﻡ ﺍﻟﻌﻮﺍﻓﻲ ﻭﺍﺣﻼﻡ ﺳﻌﻴﺪﻩ
( ﻓﻲ ﺍﻟﻌﻴﺎﺩﺓ ﺍﻟﻄﺒﻴﺔ )
ﺍﺯﻝ ﺗﺘﺤﺪﺙ ﻣﻊ ﺩﻛﺘﻮﺭﺗﻬﺎ ﺍﻟﺨﺎﺻﺔ ﻗﺎﺋﻠﻪ : ﺍﻧﻲ ﺍﺭﻳﺪ ﺍﻧﺰﻝ ﻫﺬﺍ ﺍﻟﻄﻔﻞ ﻣﺎﺭﻳﺪﻩ
ﺍﻟﺪﻛﺘﻮﺭﻩ : ﺣﺮﺍﻡ ﺍﺷﻠﻮﻥ ﻳﺼﻴﺮ ﻭﺍﻧﻲ ﻣﺴﺘﺤﻴﻞ ﺍﺳﻮﻱ ﻫﻴﺞ ﻋﻤﻠﻴﻪ ﻣﺎﺩﺍﻡ ﻣﺎﻋﻠﻴﻪ ﺧﻄﺮ ﺑﺤﻴﺎﺗﺞ
ﺍﺯﻝ : ﺩﻛﺘﻮﺭﻩ ﺍﻧﻲ ﻣﺎﻣﺴﺘﻌﺪﻩ ﻟﻄﻔﻞ ﺛﺎﻧﻲ ﺑﺤﻴﺎﺗﻲ ﻭﻣﺎﻋﻨﺪﻱ ﻣﺠﺎﻝ ﻟﺘﺮﺑﻴﻪ ﺍﺫﺍ ﻣﺘﺮﺩﻳﻦ ﺷﻮﻓﻴﻠﻲ ﻭﺣﺪﻩ ﻋﻠﻰ ﻣﻌﺮﻓﺘﺞ
ﺍﻟﺪﻛﺘﻮﺭﻩ : ﻧﻔﺲ ﺷﻲ ﻭﺍﻧﻲ ﺍﻟﻲ ﺭﺍﺡ ﺍﺗﺤﻤﻞ ﺫﻧﺒﻪ ، ﺳﺖ ﺍﺯﻝ ﺍﻧﺘﻲ ﺍﻧﺴﺎﻧﻪ ﻭﺍﻋﻴﻪ ﻭﻣﺜﻘﻔﻪ ﻭﻣﺎﻣﻤﻜﻦ ﺗﻔﻜﻴﺮﻳﻦ ﻫﻴﺞ ﺗﻔﻜﻴﺮ ﻭﺍﻧﺘﻲ ﻣﻦ ﻛﻼﻣﺞ ﻫﺬﺍ ﺯﻭﺟﺞ ﻣﺎﻋﺪﻩ ﻋﻠﻢ ﻣﻮ
ﺍﺯﻝ : ﺍﻱ ﻣﺎﻋﻨﺪﻩ ﻋﻠﻢ
ﺍﻟﺪﻛﺘﻮﺭﻩ : ﻭﻟﻴﺶ ﻣﺎﻛﺘﻴﻠﻪ ﺷﻨﻮ ﺍﻟﻤﺸﻜﻠﺔ
ﺍﺯﻝ : ﻣﺎ ﻛﺘﻠﻪ ﻻﻥ ﺍﻧﻲ ﻣﺎﺍﺭﻳﺪ ﻃﻔﻞ ﺛﺎﻧﻲ ﺣﺎﻟﻴﺎ
ﺍﻟﺪﻛﺘﻮﺭﻩ : ﻭﻫﻮ ﺍﺑﻮ ﻳﺠﻮﺯ ﻳﺮﻳﺪﻩ ﻣﻮ ﺑﻜﻴﻔﺞ ﺗﺼﺮﻓﻴﻦ ﻫﻴﺞ ﺗﺼﺮﻑ ﺗﻜﺘﻠﻴﻦ ﺭﻭﺡ ﺑﺪﻭﻥ ﺳﺒﺐ
ﺍﺯﻝ : ﺧﻠﺺ ﺭﺍﺡ ﺍﺑﻘﻲ
ﺍﻟﺪﻛﺘﻮﺭﻩ : ﻋﻔﻴﻪ ﻭﺧﺒﺮﻱ ﺯﻭﺟﺞ ﻫﺴﻪ ﻳﻔﺮﺡ
ﺍﺯﻝ : ﻣﺎﺷﻲ
ﺗﺠﻠﺲ ﺍﺯﻝ ﻓﻲ ﺳﻴﺎﺭﺗﻬﺎ ﻭﺗﺘﺼﻞ ﺑﺴﺠﺎﺩ
ﺳﺠﺎﺩ ﻳﺮﺩ ﻭﻫﻮ ﺟﺎﻟﺲ ﻓﻲ ﺷﺮﻛﺘﻪ ﻗﺎﺋﻼ : ﻋﻠﺴﺎﺱ ﻣﺎﻛﻮ ﺍﺗﺼﺎﻝ ﺍﺑﻴﻨﻪ
ﺍﺯﻝ : ﺍﺳﻤﻌﻨﻲ ﺳﺠﺎﺩ ﻣﺜﻞ ﻣﺎﻭﺭﻃﺘﻨﻲ ﺍﻃﻠﻌﻨﻲ ﻣﻨﻬﺎ
ﺳﺠﺎﺩ : ﻭﺭﻃﺘﻴﺶ ﻫﺎﻱ ﺷﻜﻮ
ﺍﺯﻝ : ﺍﻟﻲ ﺑﻄﻨﻲ ﺍﺭﻳﺪ ﺍﻧﺰﻟﻪ ﺷﻮﻓﻠﻲ ﺍﻱ ﺟﺮﺍﺡ ﻳﻨﺰﻟﻴﺎ ﺑﺴﺮﻋﻪ
ﺳﺠﺎﺩ : ﻭﻟﻴﺶ ﺗﻨﺰﻟﻲ ﺭﺑﻲ ﻭﻱ ﺍﺑﻨﺞ ﺷﻜﻮ ﺑﻴﻬﺎ ﺍﻗﻠﻬﺎ ﻳﺒﻘﻰ ﺫﻛﺮﻯ ﻣﻨﻲ
ﺍﺯﻝ : ﺳﺠﺎﺩ ﻻﺗﺤﺠﻲ ﻭﻳﺎﻳﻪ ﺑﻬﻴﺞ ﺍﺳﻠﻮﺏ ﻣﺎﻝ ﺷﻮﺍﺭﻉ ﻭﻻ ﺗﺤﺎﻭﻝ ﺍﺫﻟﻨﻲ ﺣﺘﻰ ﺍﺭﺟﻌﻠﻚ ﺭﺟﻌﻪ ﻣﺎﺍﺭﺟﻊ ﺍﻃﻠﻊ ﻣﻦ ﺣﻴﺎﺗﻲ ﻋﺎﺩ ﻛﺎﻓﻲ
ﺳﺠﺎﺩ : ﻣﺎﺩﺍﻡ ﺭﺟﻌﻪ ﻣﺎﻛﻮ ﻳﻌﻨﻲ ﺍﻧﺘﻲ ﻭﺣﺪﺝ ﻣﺎﻟﻲ ﺩﺧﻞ ﺑﻴﺞ ، ﺳﻼﻡ
ﺍﺯﻝ : ﺳﺠﺎﺩ ﺍﻟﻮ ﺍﻟﻮ ، ﺍﺳﺪﻩ ﺑﻮﺟﻬﻲ ﻣﺎﺷﻲ
( ﻫﻞ ﺗﻌﺘﻘﺪﻭﻥ ﻳﻮﻣﺎ ﻳﺘﺤﻮﻝ ﺍﻟﺤﺐ ﺍﻟﻰ ﻋﺪﺍﻭﺓ )
ﺳﺠﺎﺩ ﻳﺘﺼﻞ ﺑﺎﺣﻤﺪ ﺯﻭﺝ ﺍﺯﻝ
ﺍﺣﻤﺪ ﻳﺮﺩ
ﺳﺠﺎﺩ : ﺑﻘﻪ ﺍﻟﺤﺴﺎﺏ ﺍﻧﻲ ﻭﻳﺎﻙ ﺍﺭﻳﺪ ﺍﺻﻔﻲ ﺭﺍﺡ ﺍﺩﺯﻟﻚ ﺍﻟﻌﻨﻮﺍﻥ ﻭﺗﻌﺎﻟﻲ ﺣﺘﻰ ﻧﺘﻔﺎﻫﻢ
ﺍﺣﻤﺪ : ﺍﺩﻟﻞ ﻭﺍﻧﻲ ﺟﺎﻳﻚ
ﺳﺠﺎﺩ ﻳﺴﺤﺐ ﺍﻟﺪﺭﺝ ﻭﻳﺎﺧﺬ ﻣﺴﺪﺳﻪ ﻭﺑﻀﻌﻪ ﻣﺨﺎﺯﻥ ﻟﻠﺴﻼﺡ
ﺍﺣﻤﺪ ﺍﻳﻀﺎ ﻳﺎﺧﺬ ﺳﻼﺣﻪ ﻭﻳﺘﺼﻞ ﻗﺎﺋﻼ : ﺗﺤﻀﺮﻭﺍ ﺭﺍﺡ ﺍﺩﺯﻟﻚ ﻋﻨﻮﺍﻥ ﺗﻌﺎﻟﻮﺍ ﻋﻠﻴﻪ ﺑﺲ ﺍﺗﺨﻔﻮﺍ ﻣﺎﺭﻳﺪ ﺍﺣﺪ ﻳﺸﻮﻓﻜﻢ
( ﻓﻲ ﺑﻨﺎﻳﻪ ﻣﻬﺠﻮﺭﺓ )
ﻳﻘﻒ ﺳﺠﺎﺩ ﻣﻘﺎﺑﻞ ﺍﺣﻤﺪ
ﺳﺠﺎﺩ : ﺷﻨﻮ ﺍﻟﺴﺒﺐ ﺍﻟﻲ ﺧﻼﻙ ﺗﺤﺎﻭﻝ ﺗﻘﺘﻠﻨﻲ ﻏﻴﺮ ﺍﻟﺴﺒﺐ ﺍﻟﻲ ﺍﻧﻲ ﻭﺍﻧﺘﻪ ﻧﻌﺮﻓﻪ
ﺍﺣﻤﺪ : ﻧﻔﺲ ﺍﻟﺴﺒﺐ ﻫﺬﺍ ﺍﻟﻲ ﺍﻧﺘﻪ ﻣﻦ ﺧﻼﻟﻪ ﻗﺘﻠﺖ ﻋﻤﻲ ﺍﺑﻮ ﺍﺯﻝ
( ﺳﺠﺎﺩ ﻓﻲ ﺣﺎﻟﻪ ﺻﺪﻣﻪ )
ﺍﺣﻤﺪ : ﺍﻱ ﺍﻱ ﻻ ﺗﺴﺘﻐﺮﺏ ﻋﺮﻓﺖ ﻛﻠﺸﻲ ﻭﻋﻨﺪﻱ ﺷﺎﻫﺪ ﻋﻠﻰ ﻫﺬﺍ ﺷﻲ ﺍﻧﺘﻪ ﺑﺲ ﺍﺗﺨﻴﻞ ﺍﺫﺍ ﺍﺯﻝ ﻋﺮﻓﺖ ﺑﺎﻥ ﺍﻧﺘﻪ ﻗﺘﻠﺖ ﺍﺑﻮﻫﺎ ﺷﺮﺍﺡ ﻳﻜﻮﻥ ﺭﺩﻩ ﻓﻌﻠﻬﺎ ﺗﺠﺎﻫﻚ
ﺳﺠﺎﺩ : ﻣﺎﺍﻋﺘﻘﺪ ﺍﻧﺘﻪ ﺭﺍﺡ ﺗﻜﻠﻠﻬﺎ ﻻﻥ ﻟﻮ ﻧﻴﺘﻚ ﺗﻜﻠﻠﻬﺎ ﺟﺎﻥ ﻛﺘﻠﻬﺎ ﻣﻦ ﺯﻣﺎﻥ ﻭﻣﺎﺟﺒﺘﻨﻲ ﻫﻨﺎ ﺣﺘﻰ ﺗﻜﻠﻲ ﺗﺪﺭﻱ ﻟﻴﺶ
ﺍﺣﻤﺪ : ﻻﻥ ﻣﺎﺭﺍﺡ ﺍﺻﺪﻛﻨﻲ
ﺳﺠﺎﺩ : ﻭﻟﻴﺶ ﻣﺎﺭﺍﺡ ﺍﺻﺪﻛﻚ
ﺍﺣﻤﺪ : ﻻﻥ ﺗﺤﺒﻚ ، ﻭﺍﻧﻲ ﺍﺩﺭﻱ ﺑﻴﻬﺎ ﺗﺤﺒﻚ ﻭﺍﺑﺪ ﻣﺎﻧﺴﺘﻚ ﻳﺎﺍﺧﻲ ﻫﺬﺍ ﺣﺒﻜﻢ ﻣﻦ ﺷﻨﻮ ﻣﺨﻠﻮﻕ ﺑﺤﻴﺚ ﻟﻬﻠﺪﺭﺟﻪ ﻣﺘﻌﻠﻘﻪ ﺑﻴﻚ ﻭﻣﺘﻤﺴﻜﻪ
ﺳﺠﺎﺩ : ﻭﺣﺒﻨﺎ ﺍﻟﻘﻮﻱ ﺍﺟﻪ ﻭﺍﺣﺪ ﻣﻄﻲ ﻭﻃﺐ ﺑﻨﺼﻪ ﻭﺍﻧﺘﻬﻰ
ﺍﺣﻤﺪ ( ﺿﺎﺣﻜﺎ ) : ﺍﻧﻲ ﺍﺯﻭﺟﺘﻬﺎ ﻋﻠﻤﻮﺩ ﻓﻠﻮﺱ ﺍﺑﻮﻫﺎ ﻭﺷﺮﻛﺎﺗﻪ ﻭﺍﻧﺘﻪ ﺻﺮﺕ ﻣﻦ ﻛﺒﺎﺭ ﺍﻟﺘﺠﺎﺭ ﻋﻠﻤﻮﺩﻫﺎ ﻳﻌﻨﻲ ﻫﺪﻓﻨﻪ ﺟﺎﻥ ﻭﺍﺣﺪ ﺑﺲ ﺍﻧﻲ ﺍﻟﻲ ﺍﻧﺘﺼﺮﺕ ﻣﺮﺗﻴﻦ ﻋﻠﻴﻚ ﺑﺲ ﺗﺮﻳﺪ ﺍﻟﺼﺪﻙ ﺍﻧﻲ ﺣﺒﻴﺘﻬﺎ ﻻﻥ ﻫﻲ ﺗﻨﺤﺐ ﺑﺲ ﻟﻼﺳﻒ ﻣﺎﺣﺒﺘﻨﻲ ﻭﺑﻘﺖ ﺗﺤﺒﻚ ﺍﻟﻚ ﻭﻻﺯﻡ ﻫﺬﺍ ﺍﻟﺤﺐ ﻳﻨﺘﻬﻲ ﻻﺯﻡ ﻭﺍﺣﺪ ﻣﻨﻜﻢ ﻳﻤﻮﺕ ﻭﺍﻛﻴﺪ ﻣﻮ ﺍﺯﻝ ﺍﻟﻲ ﺗﻤﻮﺕ
ﺍﺣﻤﺪ ﻳﺼﺮﺥ ﻗﺎﺋﻼ : ﺷﺒﺎﺍﺍﺍﺏ
ﻳﺎﺗﻲ ٥ ﺍﺷﺨﺎﺹ ﻣﺴﻠﺤﻴﻦ ﻳﺤﻴﻄﻮﻥ ﺑﺴﺠﺎﺩ ﻣﻦ ﻛﻞ ﺟﺎﻧﺐ
ﺳﺠﺎﺩ ﻳﻨﻈﺮ ﺍﻟﻴﻬﻢ ﺣﺎﺋﺮﺍ
ﺍﺣﻤﺪ : ﻫﺎ ﻧﺴﻴﺖ ﺍﻛﻠﻚ ﺷﻐﻠﻪ ﻗﺒﻞ ﻣﺘﻤﻮﺕ ﺗﺮﻯ ﻣﻮ ﺍﺑﻮ ﺍﺯﻝ ﺍﻟﺴﺒﺐ ﺑﻤﻮﺕ ﺍﻣﻚ ﻭﻻ ﻫﻮ ﺍﻟﺴﺒﺐ ﺑﻤﻮﺕ ﺣﺒﻴﺐ ﻓﺎﺩﻳﻪ ﺍﻧﻲ ﺍﻟﺴﺒﺐ ﺍﻧﻲ ﺍﻟﻲ ﺧﻠﻴﺘﻪ ﻳﻠﺘﻘﻲ ﺑﻨﺎﺱ ﻭﻳﺘﻔﻖ ﻭﻳﺎﻫﻢ ﻓﻲ ﺳﺒﻴﻞ ﻗﺘﻞ ﺣﺒﻴﺐ ﻓﺎﺩﻳﻪ ﺍﻣﺎ ﺍﻻﻧﻔﺠﺎﺭ ﺍﻟﻲ ﺻﺎﺭ ﺑﺴﻮﻙ ﻛﺪﺍﻡ ﻣﺤﻠﻚ ﻓﺎﻧﻲ ﺍﻟﻲ ﺩﺑﺮﺗﻪ ﺣﺘﻰ ﻻ ﺗﻜﺒﺮ ﻭﺗﺴﺎﻭﻳﻨﻪ
ﺳﺠﺎﺩ ﺻﺎﺭﺧﺎ ﺑﺎﻋﻠﻰ ﺻﻮﺗﻪ ﻗﺎﺋﻼ : ﻭﻟﻚ ﻛﻠﺐ ( ﻭﻳﺤﺎﻭﻝ ﺍﻟﺘﻬﺠﻢ ﻋﻠﻴﻪ )
ﻳﻤﺴﻜﻪ ﺛﻼﺙ ﺍﺷﺨﺎﺹ ﻭﻫﻮ ﻳﺤﺎﻭﻝ ﺍﻻﻓﻼﺕ ﻟﻜﻦ ﺩﻭﻥ ﺟﺪﻭﻯ
ﻳﻘﺘﺮﺏ ﺍﺣﻤﺪ ﻣﻦ ﺳﺠﺎﺩ ﻭﻳﻤﺴﻚ ﻭﺟﻬﻪ ﺑﻴﺪﻩ ﻗﺎﺋﻼ : ﺍﻧﻲ ﺍﻋﺘﺮﻑ ﺍﻧﺘﻪ ﺳﺎﻭﻳﺘﻨﻪ ﻭﻛﺒﺮﺕ ﺑﺲ ﻣﺜﻞ ﻣﻴﻜﻮﻟﻮﻥ ﺧﻠﺼﺖ ﺧﺒﺰﺗﻚ ﺑﺎﻟﺪﻧﻴﺎ ، ﻗﺘﻠﻮﺍ ﻭﺩﺯﻭ ﺟﺜﺘﻪ ﻟﻠﻤﺮﺗﻪ ﻭﺑﻨﺘﻪ
ﻳﻘﻮﻣﻮﺍ ﺑﻀﺮﺑﻪ ﻟﻴﺠﺜﻮﺍ ﻋﻠﻰ ﺭﻛﺒﺘﻴﻪ ﻭﻳﻘﻮﻡ ﺷﺨﺺ ﺑﺘﻮﺟﻴﻪ ﺍﻟﺴﻼﺡ ﻧﺤﻮ ﺭﺍﺳﻪ ﺣﺘﻰ ﺗﺤﺪﺙ ﺍﻟﻤﻌﺠﺰﻩ
( ﺻﻮﺕ ﺇﻃﻼﻕ ﺍﻟﻨﺎﺭ )
ﻳﺎﺗﻲ ﺣﺎﺯﻡ ﻭﻣﻌﻪ ٨ ﺍﺷﺨﺎﺹ ﻟﻴﻘﻀﻮﺍ ﻋﻠﻰ ﺟﻤﺎﻋﻪ ﺍﺣﻤﺪ ﺳﺠﺎﺩ ﻳﻠﺤﻖ ﺑﺎﺣﻤﺪ ﺑﻌﺪ ﻫﺮﻭﺑﻪ ﻭﻳﻄﻠﻖ ﻋﻠﻴﻪ ﺍﻟﻨﺎﺭ ﻗﺎﺋﻼ : ﺍﻭﻛﻒ ﻭﻻ ﺗﺘﺤﺮﻙ
ﻳﻘﻒ ﺍﺣﻤﺪ ﻓﻴﺮﻛﺾ ﺳﺠﺎﺩ ﺑﺎﺗﺠﺎﻫﻪ ﻭﻳﻀﺮﺑﻪ ﻣﺮﺍﺭﺍ ﻭﺗﻜﺮﺍﺭﺍ ﺣﺘﻰ ﻳﻔﻴﻀﻪ ﻭﺟﻬﻪ ﻣﻦ ﺍﻟﺪﻣﺎﺀ
ﺣﺎﺯﻡ : ﺳﺠﺎﺩ ﻋﻮﻓﻪ ﺍﻧﻲ ﺍﻗﺘﻠﻪ
ﺳﺠﺎﺩ : ﻻ ﻣﺤﺪ ﻳﻘﺘﻠﻪ ﻏﻴﺮﻱ ، ﻭﻟﻚ ﺍﻣﻲ ﺷﺴﻮﺗﻠﻚ ﺣﺘﻰ ﺗﻘﺘﻠﻬﺎ ﻫﺎ
ﺍﺣﻤﺪ : ﺫﻧﺒﻬﺎ ﻻﻥ ﺍﻧﺘﻪ ﺍﺑﻨﻬﺎ
ﺳﺠﺎﺩ ﻳﻀﺮﺑﻪ ﻣﻦ ﺟﺪﻳﺪ
ﺻﻮﺕ ﺍﺯﻝ ﻗﺎﺩﻡ : ﺳﺠﺎﺩ ﺍﺗﺮﻛﻪ
ﺳﺠﺎﺩ ﻳﻨﺼﺪﻡ ﺑﻘﺪﻭﻡ ﺍﺯﻝ ﻳﺘﺮﻙ ﺍﺣﻤﺪ ﻟﻴﺴﻘﻂ ﻋﻠﻰ ﺍﻻﺭﺽ ﻣﻊ ﺩﻣﺎﺀﻩ
ﺍﺯﻝ ﺗﺮﻛﺾ ﻧﺤﻮ ﺯﻭﺟﻬﺎ ﺍﺣﻤﺪ ﻟﺘﺠﻠﺲ ﺑﺠﺎﻧﺒﻪ ﻭﺗﻨﻈﺮ ﺇﻟﻰ ﺳﺠﺎﺩ ﻗﺎﺋﻠﻪ : ﺍﺗﺮﻳﺪ ﺗﻘﺘﻠﻪ ﻣﺜﻞ ﻣﺎﻗﺘﻠﺖ ﺍﺑﻮﻳﻪ
ﺳﺠﺎﺩ : ﺍﻧﺘﻲ ﺩﺭﻳﺘﻲ ؟
ﺍﺯﻝ : ﺩﺭﻳﺖ ﻣﺎﺗﻮﻗﻌﺖ ﺍﻧﺘﻪ ﺍﻟﻲ ﺳﻮﻳﺘﻬﺎ ﻭﺗﻄﻠﻊ ﻣﺠﺮﻡ ﻭﺍﻧﻲ ﻭﻋﺪﺕ ﻧﻔﺴﻲ ﺍﻟﻲ ﻗﺘﻞ ﺍﺑﻮﻳﻪ ﺍﻗﺘﻞ ﺑﻴﺪﻱ ﻭﻣﻮﺗﻚ ﻋﻠﻰ ﺍﻳﺪﻱ ﺳﺠﺎﺩ
ﺳﺠﺎﺩ : ﺍﻧﺘﻮﺍ ﺍﻟﻲ ﺣﻮﻟﺘﻮﻧﻲ ﻟﺸﺨﺺ ﻗﺎﺗﻞ ﻗﺘﻠﺘﻮﺍ ﻃﻴﺒﺘﻲ ﻭﺩﻣﺮﺗﻮﺍ ﺣﻴﺎﺗﻲ ﻭﺍﺑﻮﺝ ﻭﺭﺟﻠﺞ ﻫﻢ ﺍﻟﺴﺒﺐ ﻭﺣﺘﻰ ﺍﻧﺘﻲ ﺍﻟﺴﺒﺐ ﻣﻦ ﺯﻭﺟﺘﻲ ﻭﻧﺴﻴﺘﻨﻲ ﻭﺍﺧﺬﺗﻲ ﻗﻠﺒﻲ ﻭﻳﺎﺝ
ﺍﺯﻝ : ﺍﺗﺰﻭﺟﺖ ﻭﻧﺴﻴﺘﻚ ﻋﻠﻰ ﺃﺳﺎﺱ ﺍﻧﺘﻪ ﺍﺷﺘﺮﻳﺘﻨﻲ ﺑﺎﻟﺒﺪﺍﻳﻪ ﺍﻧﺘﻪ ﺍﻟﻲ ﻋﻔﺘﻨﻲ ﺍﺫﻛﺮﻙ ﻟﻮ ﻧﺴﻴﺖ ﻣﻦ ﺍﺟﻴﺘﻚ ﻟﻠﺒﻴﺖ ﺑﺬﺍﻙ ﺍﻟﻠﻴﻞ ﻭﺗﺮﺟﻴﺘﻚ ﻭﺍﻧﺘﻲ ﻛﺘﻠﻲ ﻻ ﻣﺎﺍﺭﻳﺪﺝ
ﺳﺠﺎﺩ : ﺍﺑﻮﺝ ﻫﻮ ﺍﻟﺴﺒﺐ ﻫﻮ ﺍﻟﻲ ﺑﻌﺪﻧﻲ ﻋﻨﺞ ﻭﺧﻴﺮﻧﻲ ﺑﻴﻦ ﺍﻣﻲ ﻭﺍﻧﺘﻲ ﻭﺑﺘﺎﻟﻲ ﺍﺟﻪ ﺯﻭﺟﺞ ﺍﻟﺴﺎﻗﻂ ﻭﻗﺘﻠﻬﺎ
ﺍﺯﻝ : ﺷﻨﻮ ؟
ﺳﺠﺎﺩ : ﺍﻱ ﻭﺍﺫﺍ ﻣﺼﺪﻛﻴﻦ ( ﻳﺨﺮﺝ ﻫﺎﺗﻔﻪ ﻣﻦ ﺟﻴﺒﻪ ) ﻫﺎﺝ ﺍﺳﻤﻌﻲ ﺟﻨﺖ ﺍﺳﺠﻞ ﺍﻟﺤﺠﻲ ﻣﺎﻟﺘﻪ ﺣﺘﻰ ﺍﺳﻤﻌﻠﺠﻠﻴﺎ ﻭﺳﻤﻌﻲ ﻟﻴﺶ ﺍﺯﻭﺟﺞ ﻫﻢ
ﻳﻘﻮﻡ ﺑﺘﺸﻐﻴﻞ ﺍﻟﺘﺴﺠﻴﻞ ﻭﺍﺯﻝ ﺗﻨﺼﺖ ﺍﻟﻴﻪ ﻭﺑﻌﺪ ﺍﻧﺘﻬﺎﺋﻪ ﺗﻘﻮﻡ ﺑﺎﻟﺒﺼﻖ ﻋﻠﻰ ﺯﻭﺟﻬﺎ ﻗﺎﺋﻠﻪ : ﺍﻧﺘﻮﺍ ﺍﺛﻨﻴﻨﻜﻢ ﻣﺠﺮﻣﻴﻦ ﻭﻣﺘﺴﺘﺎﻫﻠﻮﻥ ﺍﻟﻌﻴﺶ ﻭﻻ ﺍﻧﻲ ﺍﺳﺘﺎﻫﻞ ﺍﻋﻴﺶ ﻭﻳﺎﻛﻢ ﺑﻌﺪ
ﺛﻢ ﺗﻐﺎﺩﺭ ﻳﺤﺎﻭﻝ ﺳﺠﺎﺩ ﺍﻟﻠﺤﺎﻕ ﺑﻬﺎ
ﺳﺠﺎﺩ : ﺍﺯﻝ ﺍﻧﺘﻈﺮﻱ ﺍﺯﻝ
ﺍﺯﻝ : ﺳﺠﺎﺩ ﺭﻭﺡ ﻋﻨﻲ ﻭﻻ ﺗﺠﻲ ﻭﺭﺍﻳﻪ ﺭﻭﺡ ﻛﻤﻞ ﺷﻐﻠﻚ ﻭﺍﺧﺬ ﺑﺜﺎﺭﻙ ﻣﻨﻪ ﻣﺜﻞ ﻣﺎﺍﺧﺬﺕ ﺛﺎﺭﻙ ﻣﻦ ﺍﺑﻮﻳﻪ ﺭﻭﺡ
ﺳﺠﺎﺩ ﻳﻌﻄﻲ ﺳﻼﺣﻪ ﻟﻼﺯﻝ ﻗﺎﺋﻼ : ﻫﺎﺝ ﺍﺧﺬﻱ ﺍﻟﻤﺴﺪﺱ ﻭﻛﺘﻠﻴﻨﻲ ﻭﺍﺧﺬﻱ ﺑﺜﺎﺭ ﺍﺑﻮﺝ ﻣﻨﻲ
ﺍﺯﻝ : ﺛﺎﺭ ﺍﺑﻮﻳﻪ ﻫﻮ ﻋﺬﺍﺏ ﺿﻤﻴﺮﻙ ﺍﺯﻝ ﻣﻦ ﻫﺎﻱ ﺍﻟﻠﺤﻈﺔ ﻣﺎﻣﻮﺟﻮﺩﻩ ﺑﺤﻴﺎﺗﻚ ﻭﻻ ﺑﺤﻴﺎﻩ ﺫﺍﻙ ﺍﻟﺤﻴﻮﺍﻥ ﺍﻟﻲ ﺑﺎﻟﻜﻊ
ﺗﺼﻌﺪ ﺳﻴﺎﺭﺗﻬﺎ ﻭﺗﻘﻮﻡ ﺑﻐﻠﻘﻬﺎ ﻭﺳﺠﺎﺩ ﻳﺮﻛﺾ ﻭﺭﺍﻫﺎ ﻭﻳﺪﻕ ﻋﻠﻰ ﺍﻟﺒﺎﺏ ﻭﺍﻟﻨﺎﻓﺬﻩ ﻗﺎﺋﻼ : ﺍﺯﻝ ﺑﺲ ﺳﻤﻌﻴﻨﻲ ﺍﺯﻝ ﻣﺎﺍﻛﺪﺭ ﺍﻋﻴﺶ ﻣﻦ ﻏﻴﺮﺝ ﺍﺯﻝ
ﺍﻻ ﺍﻧﻬﺎ ﺗﻐﺎﺩﺭ ﻭﻋﻴﻨﻴﻬﺎ ﻏﺎﺭﻗﻪ ﺑﺎﻟﺪﻣﻮﻉ
ﻳﻌﻮﺩ ﺳﺠﺎﺩ ﺍﻟﻰ ﻣﻜﺎﻥ ﻭﺟﻮﺩ ﺍﺣﻤﺪ ﻳﻘﻮﻡ ﺑﻀﺮﺑﻪ ﻣﺮﻩ ﺍﺧﺮﻯ ﻗﺎﺋﻼ : ﻛﻞ ﺑﺴﺒﺒﻚ ﻛﻞ ﺑﺴﺒﺒﻚ
ﺍﺣﻤﺪ ( ﻳﻀﺤﻚ ) ﻗﺎﺋﻼ : ﻭﻫﺎﻱ ﺧﺴﺮﺕ ﺍﺯﻝ ﻟﻼﺑﺪ
ﺣﺎﺯﻡ : ﺍﺳﺘﺎﺫ ﺍﻧﻘﺘﻠﻪ
ﺳﺠﺎﺩ : ﻻ ﺑﻌﺪ ﻣﻴﻔﻴﺪ ﻛﻞ ﺷﻲ ﺍﻧﺘﻬﻰ ﺗﺮﻛﻮﺍ ﻳﺮﻭﺡ ﻭﻧﻈﻔﻮﺍ ﺍﻟﻤﻜﺎﻥ
ﻳﻨﻬﺾ ﺍﺣﻤﺪ ﻣﻦ ﻣﻜﺎﻧﻪ ﻗﺎﺋﻼ : ﺷﺎﻃﺮ ( ﻭﻳﻀﺤﻚ ) ﺑﺎﺳﺘﻬﺰﺍﺀ
ﻳﺘﻘﺪﻡ ﻧﺤﻮﻩ ﺳﺠﺎﺩ ﻟﻴﻀﺮﺑﻪ ﺑﺮﺍﺳﻪ ﻋﻠﻰ ﺍﻧﻔﻪ ﻭﻳﺴﻘﻂ ﻋﻠﻰ ﺍﻻﺭﺽ ﻣﻦ ﺟﺪﻳﺪ
ﻭﻳﻐﺎﺩﺭ ﺳﺠﺎﺩ ﺍﻟﻤﻜﺎﻥ
ﺍﺯﻝ ﻓﻲ ﺳﻴﺎﺭﺗﻬﺎ ﺗﺒﻜﻲ ﻭﺗﻘﻮﺩ ﺑﺴﺮﻋﻪ ﻛﺒﻴﺮﻩ ﺗﻈﻬﺮ ﺳﻴﺎﺭﺓ ﺍﻣﺎﻣﻬﺎ ﻟﺘﻔﻘﺪ ﺍﻟﺴﻴﻄﺮﺓ ﻋﻠﻰ ﺍﻟﺘﺤﻜﻢ ﻭﺗﻨﻘﻠﺐ ﺍﻟﺴﻴﺎﺭﺓ ﻋﺪﻩ ﻗﻼﺑﺎﺕ ﻣﻊ ﺗﺴﺮﺏ ﺍﻟﻮﻗﻮﺩ ﻣﻦ ﺍﻟﺨﺰﺍﻥ ﻭﺍﺷﺘﻌﺎﻝ ﺑﻌﺾ ﺍﻟﻨﻴﺮﺍﻥ ﻣﻨﻬﺎ ﻳﺤﺎﻭﻝ ﺑﻌﺾ ﺍﻟﻤﺎﺭﻩ ﺍﺧﺮﺍﺟﻬﺎ ﻭﻟﻜﻦ ﻻ ﻳﺴﺘﻄﻴﻌﻮﻥ ﻳﺤﺎﻭﻟﻮﻥ ﻣﺮﻩ ﺍﺧﺮﻯ ﺣﺘﻰ ﻳﻘﻮﻣﻮﺍ ﺑﺴﺤﺒﻬﺎ ﻭﺍﻧﻘﺎﺫ ﺍﺯﻝ ﻣﻦ ﺍﻟﺴﻴﺎﺭﺓ
ﺍﺣﻤﺪ ﻓﻲ ﺍﻟﻤﺸﻔﻰ ﻳﺘﺪﺍﻭﻯ ﻳﺄﺗﻴﻪ ﺍﺗﺼﺎﻝ ﻳﺮﺩ
ﺍﺣﻤﺪ : ﺍﻱ ﻧﻌﻢ ﺍﻧﻲ ﺍﺣﻤﺪ ﻣﻨﻮ ﻭﻳﺎﻳﻪ , ﺍﺷﻠﻮﻥ ، ﺑﻴﺎ ﻣﺴﺘﺸﻔﻰ ، ﺟﺎﻳﻜﻢ
ﻳﻐﻠﻖ ﺍﻟﻬﺎﺗﻒ ﻭﻳﺴﺮﻉ ﺑﺎﻟﺬﻫﺎﺏ ﻧﺤﻮ ﺍﻟﻤﺸﻔﻰ ﺍﻟﺘﻲ ﺗﺮﻗﺪ ﻓﻴﻬﺎ ﺍﺯﻝ
ﺳﺠﺎﺩ ﻓﻲ ﺑﻴﺘﻪ ﻭﺟﻮﺩﻩ ﺟﺴﺪﻳﺎ ﻓﻘﻂ ﺍﻣﺎ ﻋﻘﻠﻪ ﻭﻗﻠﺒﻪ ﻋﻨﺪ ﺍﺯﻝ ﺍﺑﻨﺘﻪ ﺭﻫﻒ ﺗﺘﻜﻠﻢ ﻣﻌﻪ ﻟﻜﻦ ﻻ ﻳﻨﺼﺖ ﺣﺘﻰ ﺗﻘﻮﻡ ﺑﻤﺴﻚ ﻳﺪﻩ ﻗﺎﺋﻠﻪ : ﺑﺎﺑﺎ ﺑﺎﺑﺎ ﻭﻳﻦ ﺻﺎﻓﻦ
ﺳﺠﺎﺩ ( ﻳﻠﺘﻔﺖ ﺍﻟﻴﻬﺎ ) : ﻫﺎ ﺑﺎﺑﺎ
ﺭﻫﻒ : ﻟﻴﺶ ﻣﺘﺤﺠﻲ ﻭﻳﺎﻳﻪ ﻣﺰﺍﻋﻠﻨﻲ
ﺳﺠﺎﺩ : ﻻ ﻳﺎﻋﻤﺮﻱ ﺍﺯﺍﻋﻞ ﺍﻟﺪﻧﻴﺎ ﻛﻠﻬﺎ ﻭﻣﺎﺍﺯﺍﻋﻠﺞ ﻳﺤﻤﻠﻬﺎ ﺍﻟﻰ ﺣﺠﺮﻩ ﻭﻳﻘﺒﻠﻬﺎ
ﻣﻠﻚ : ﺻﺒﻴﺖ ﺍﻟﻐﺪﺍ ﻛﻮﻡ ﺗﻐﺪﺍ
ﺳﺠﺎﺩ : ﻣﺎﺍﺷﺘﻬﻲ ﺍﻧﺘﻮﺍ ﺍﻛﻠﻮﺍ
ﻳﺎﺗﻲ ﻣﻨﻴﺮ ﺍﺥ ﻣﻠﻚ : ﺍﻟﺴﻼﻡ ﻋﻠﻴﻜﻢ ﺍﻛﻴﺪ ﺍﻟﻐﺪﺍ ﻣﻴﺤﻠﻰ ﺍﻻ ﺑﻮﺟﻮﺩﻱ
ﺳﺠﺎﺩ : ﻫﻠﻪ ﺑﻴﻚ ، ﻭﻳﻦ ﺟﻨﺖ
ﻣﻨﻴﺮ : ﻛﻤﻠﺖ ﺍﻹﺟﺮﺍﺀﺍﺕ ﻣﺎﻝ ﻓﻚ ﺍﻟﺸﺮﺍﻛﺔ ﻭﺭﺣﺖ ﻟﻠﻤﺼﺮﻑ ﺳﺤﺒﺖ ﻓﻠﻮﺱ ﻭﺑﺎﻟﻤﻨﺎﺳﺒﺔ ﻭﺍﻧﻲ ﺑﺸﺮﻛﻪ ﻳﻤﻬﻢ ﺳﻤﻌﺖ ﺧﺒﺮ
ﺳﺠﺎﺩ : ﺧﺒﺮﻳﺶ
ﻣﻨﻴﺮ : ﺍﺯﻝ ﻣﺴﻮﻳﻪ ﺣﺎﺩﺙ ﻭﺑﺎﻟﻤﺴﺘﺸﻔﻰ
ﺳﺠﺎﺩ : ﺑﻴﺎ ﻣﺴﺘﺸﻔﻰ
ﻣﻨﻴﺮ : ﻳﻤﻜﻦ ﺑﻤﺴﺘﺸﻔﻰ ﺍﻟﻜﺎﻇﻤﻴﺔ
ﺳﺠﺎﺩ : ﺍﻧﻲ ﺭﺍﻳﺢ ﺍﺷﻮﻓﻬﺎ
ﻣﻠﻚ ﺗﺮﻛﺾ ﻧﺤﻮ ﺍﻟﺒﺎﺏ ﺗﺤﺎﻭﻝ ﻣﻨﻊ ﺳﺠﺎﺩ ﻣﻦ ﺍﻟﺨﺮﻭﺝ ﻗﺎﺋﻠﻪ : ﻣﺎﻛﻮ ﺭﻭﺣﻪ ﺳﺠﺎﺩ ﺍﺫﺍ ﺭﺣﺖ ﻻ ﺍﻧﺘﻪ ﺭﺟﻠﻲ ﻭﻻ ﺍﻧﻲ ﺍﻋﺮﻓﻚ
ﺳﺠﺎﺩ : ﻭﺧﺮﻱ ﻣﻠﻚ ﻣﻦ ﻛﺪﺍﻣﻲ ﻭﺧﺮﻱ ( ﺻﺎﺭﺧﺎ ﺑﻮﺟﻬﻬﺎ )
ﻣﻠﻚ : ﻛﺘﻠﻚ ﻣﺘﺮﻭﺡ ﺣﺎﻓﻆ ﻋﻠﻰ ﺑﻴﺘﻚ ﺳﺠﺎﺩ ﻭﻋﻮﻓﻬﺎ ﺧﻠﺺ
ﺳﺠﺎﺩ ﻳﻤﺴﻚ ﺑﻬﺎ ﻭﻳﺒﻌﺪﻫﺎ ﻣﻦ ﺍﻟﺒﺎﺏ ﻭﻳﺨﺮﺝ
ﻣﻠﻚ ( ﺗﺼﺮﺥ ﻭﺭﺍﺀﻩ ) ﻗﺎﺋﻠﻪ : ﺳﺠﺎﺩ ﻣﺪﺍﻡ ﻃﻠﻌﺖ ﻟﺘﻨﺴﻰ ﻣﻦ ﺗﺮﺟﻊ ﺟﻴﺐ ﻭﺭﻗﻪ ﺍﻟﻄﻼﻕ ﻭﻳﺎﻙ
ﻣﻠﻚ ﺗﺘﻜﻠﻢ ﻣﻊ ﺍﺧﻴﻬﺎ : ﻳﻌﻨﻲ ﺍﻧﺘﻪ ﻣﺘﻜﺪﺭ ﺗﻠﺰﻡ ﺍﻟﺴﺎﻧﻚ ﺍﺑﺪ
ﻣﻨﻴﺮ : ﻭﺷﻤﺪﺭﻳﻨﻲ ﺍﻧﻲ ﺭﺍﺡ ﻳﺮﻭﺣﻠﻬﺎ ﻋﻴﻨﻚ ﻋﻴﻨﻚ ﻭﻛﺪﺍﻣﻨﻪ
ﻣﻠﻚ : ﻳﺤﺒﻬﺎ
ﺍﺣﻤﺪ ﻳﺼﻞ ﺍﻟﻰ ﺍﻟﻤﺸﻔﻰ ﻳﺴﺌﻞ ﻋﻠﻰ ﻣﻜﺎﻥ ﺍﻟﺮﺩﻫﻪ ﺍﻟﻤﻮﺟﻮﺩﺓ ﻓﻴﻬﺎ ﺍﺯﻝ ﻳﻠﺘﻘﻲ ﺑﺎﺣﺪ ﺍﻷﻃﺒﺎﺀ
ﺍﺣﻤﺪ : ﻫﺎ ﺩﻛﺘﻮﺭ ﺑﺸﺮ ﺯﻭﺟﺘﻲ ﺍﺷﻠﻮﻧﻬﺎ
ﺍﻟﺪﻛﺘﻮﺭ : ﺍﻟﺤﻤﺪﻟﻠﻪ ﻛﺪﺭﻧﻪ ﺍﻧﺴﻴﻄﺮ ﻋﻠﻰ ﺍﻟﻨﺰﻑ ﺍﻟﻲ ﺑﺪﻣﺎﻏﻬﺎ ﻟﻜﻦ ﻓﻘﺪﻧﻪ ﺍﻟﺠﻨﻴﻦ ﺍﻟﻌﻮﺽ ﺑﺴﻼﻣﺘﻜﻢ
ﺍﺣﻤﺪ : ﺍﻟﺠﻨﻴﻦ
ﺍﻟﺪﻛﺘﻮﺭ : ﻧﻌﻢ ﺯﻭﺟﺘﻚ ﻛﺎﻧﺖ ﺣﺎﻣﻞ
ﺍﺣﻤﺪ : ﺍﻛﺪﺭ ﺍﺷﻮﻓﻬﺎ
ﺍﻟﺪﻛﺘﻮﺭ : ﺍﻱ ﺗﻔﻀﻞ ﺑﺲ ﻻ ﺗﺘﺎﺧﺮ
ﺍﺣﻤﺪ : ﺷﻜﺮﺍ
ﻳﺪﺧﻞ ﺍﻟﻰ ﺍﻟﻐﺮﻓﻪ ﻭﻳﻐﻠﻖ ﺍﻟﺒﺎﺏ ﺑﺄﺣﻜﺎﻡ ﻭﻳﺠﻠﺲ ﺑﺠﺎﻧﺒﻬﺎ ﻭﻳﻤﺴﻚ ﻳﺪﻫﺎ ﻗﺎﺋﻼ : ﺍﻛﻴﺪ ﺍﻧﺘﻲ ﻫﺴﻪ ﺍﺳﻤﻌﻴﻨﻲ ﺍﻧﻲ ﺻﺤﻴﺢ ﺑﺎﻟﺒﺪﺍﻳﻪ ﻣﺎﺣﺒﻴﺘﺞ ﻭﺯﻭﺟﺘﺞ ﺯﻭﺍﺝ ﻣﺼﻠﺤﺔ ﺑﺲ ﺑﻌﺪﻳﻦ ﺣﺒﻴﺘﺞ ﻭﺛﻤﺎﺭ ﺣﺒﻨﻪ ﺍﺟﺎﻧﻪ ﻭﻟﺪ ﺣﻠﻮ ﻳﺸﺒﻬﺞ ﺑﻠﻤﻼﻣﺢ ﺍﻧﻄﻴﺘﺞ ﺣﺐ ﻭﺍﻫﺘﻤﺎﻡ ﺑﺲ ﺍﻧﺘﻲ ﻛﻞ ﻣﺮﻩ ﺗﺠﺎﻫﻠﻴﻨﻲ ﻣﺎﻗﺼﺮﺕ ﻭﻳﺎﺝ ﺑﺸﻲ ﺍﺑﺪ ﻛﻞ ﺍﻟﺸﻐﻼﺕ ﺍﻟﻲ ﺗﺮﺩﻳﻬﺎ ﻗﺒﻞ ﻣﻄﻠﺒﻴﻬﺎ ﺗﻠﻜﻴﻬﺎ ﻳﻤﺞ ﺑﺎﻟﻤﻘﺎﺑﻞ ﻫﻮﺍﻱ ﺍﺫﻳﺘﻴﻨﻲ ﻭﺳﺎﻣﺤﺘﺞ ﻋﻠﻴﻬﻦ ﺑﺲ ﻣﺘﻮﺻﻞ ﻟﺪﺭﺟﻪ ﺍﺗﺨﻮﻧﻴﻨﻲ ﻭﺗﺤﺒﻠﻴﻦ ﺑﻄﻔﻞ ﻣﻮ ﺍﺑﻨﻲ ﻟﻬﻨﺎ ﻭﻛﺎﻓﻲ ﺍﻧﺘﻲ ﻻﺯﻡ ﺗﻤﻮﺗﻴﻦ ﻭﺍﺫﺍ ﻋﻠﻰ ﺍﺑﻨﺞ ﻻ ﺗﺨﺎﻓﻴﻦ ﺍﻧﻲ ﺍﺭﺑﻲ ﻫﻮ ﻫﻢ ﺍﺑﻨﻲ ﻭﺭﺍﺡ ﺍﺟﻴﺒﻠﻪ ﺍﻡ ﺍﺣﺴﻦ ﻣﻨﺞ ﺑﻬﻮﺍﻱ
ﻳﻘﻮﻡ ﺑﺴﺤﺐ ﺍﻟﻮﺳﺎﺩﻩ ( ﺍﻟﻤﺨﺪﻩ ) ﻭﻳﻀﻌﻬﺎ ﻋﻠﻰ ﻭﺟﻬﻬﺎ ﻣﺤﺎﻭﻻ ﻟﺨﻨﻘﻬﺎ ﻭﻳﺒﺪﺍ ﺑﺎﻟﻀﻐﻂ ﺣﺘﻰ ﻳﻘﻮﻡ ﺟﻬﺎﺯ ﺍﻟﺘﻨﻔﺲ ﺑﻠﺼﻔﻴﺮ ﻭﻳﺴﺘﻘﻴﻢ ﺧﻂ ﻗﻠﺐ ﻋﻠﻰ ﺍﻟﺸﺎﺷﺔ ﺑﻌﺪ ﺫﻟﻚ ﻳﺮﺟﻊ ﺍﻟﻮﺳﺎﺩﻩ ﺍﻟﻰ ﻣﻜﺎﻧﻬﺎ ﺍﻟﻄﺒﻴﻌﻲ ﻭﻳﺨﺮﺝ ﺻﺎﺭﺧﺎ
( ﺩﻛﺘﻮﺭ ، ﺩﻛﺘﻮﺭ ، ﺩﻛﺘﻮﺭ ﺯﻭﺟﺘﻲ ﻣﺪﺭﻱ ﺷﺒﻴﻬﺎ ﺍﻟﺠﻬﺎﺯ ﻛﺎﻡ ﻳﺼﻔﺮ )
ﻳﺘﺪﺧﻞ ﺍﻷﻃﺒﺎﺀ ﻟﻼﻧﻌﺎﺷﻬﺎ ﻣﻦ ﺟﺪﻳﺪ ﻟﻜﻦ ﺩﻭﻥ ﺟﺪﻭﻯ ﻓﻘﺪ ﺍﺳﺘﻘﺎﻡ ﺍﻟﺨﻂ ﻭﻓﺎﺭﻗﺖ ﺍﻟﺤﻴﺎﺓ ﻟﻼﺑﺪ
ﺯﻭﺟﻬﺎ ﺍﺣﻤﺪ ﻳﺒﻜﻲ ﻭﻳﺼﺮﺥ ﻟﻔﻘﺪﺍﻥ ﺯﻭﺟﺘﻪ ﺍﻟﺤﺒﻴﺒﻪ ﺍﻟﺘﻲ ﻗﺘﻠﻬﺎ ﺑﻴﺪﻩ
ﺳﺠﺎﺩ ﻳﺮﻯ ﺍﺣﻤﺪ ﻳﺒﻜﻲ ﺧﺎﺭﺝ ﺍﻟﻐﺮﻓﻪ ﻳﺪﺧﻞ ﺍﻟﻰ ﺍﻟﻐﺮﻓﻪ ﺍﻟﺘﻲ ﺗﺮﻗﺪ ﺑﻬﺎ ﺍﺯﻝ ﻭﻫﻮ ﻳﺘﻤﺘﻢ ﻗﺎﺋﻼ : ﻻ ﻻ ﻻ ﻣﺴﺘﺤﻴﻞ ﻻ
ﻳﺮﺍﻫﺎ ﻣﻐﻄﺎﺓ ﻳﺠﻠﺲ ﻋﻠﻰ ﺳﺮﻳﺮﻫﺎ ﻭﻳﺮﻓﻊ ﺍﻟﻐﻄﺎﺀ ﻟﻴﺮﻯ ﻭﺟﻬﻬﺎ ﺍﺧﺮ ﻣﺮﻩ ﻭﻋﻴﻮﻧﻪ ﺗﺪﻣﻊ ﺩﻣﺎ ﺑﺪﻝ ﺍﻟﻤﺎﺀ ﻳﻠﺘﻤﺲ ﻭﺟﻬﻬﺎ ﻭﻳﻘﺒﻠﻌﺎ ﻣﻦ ﺭﺍﺳﻬﺎ ﺛﻢ ﻳﺨﺬﻫﺎ ﺍﻟﻰ ﺣﻀﻨﻪ ﻭﻳﺼﺮﺥ ﺑﺎﻋﻠﻰ ﺻﻮﺗﻪ ( ﻻ ، ﺍﺯﻝ ﻓﺘﺤﻲ ﻋﻴﻮﻧﺞ ﺍﺯﻝ ﺍﻧﻲ ﺍﺳﻒ ﻭﺍﻟﻠﻪ ﺍﺳﻒ ﻛﻠﻪ ﺻﻮﺟﻲ ﺍﻧﻲ ﻣﻮﺗﺞ ﺑﻴﺪﻱ ﻛﻌﺪﻱ ﺍﺯﻝ ﻣﺎﺍﻛﺪﺭ ﺍﻋﻴﺶ ﻣﻦ ﻏﻴﺮﺝ ﺍﺯﻝ )
ﻛﻞ ﻫﺬﺍ ﺍﻟﻜﻼﻡ ﺍﻣﺎﻡ ﺍﻧﻈﺎﺭ ﺍﺣﻤﺪ ﺍﻟﺬﻱ ﻏﺎﺩﺭ ﺍﻟﻤﺸﻔﻰ ﺗﺎﺭﻛﺎ ﺧﻠﻔﻪ ﻋﺎﺷﻘﺎﻥ ﺧﺎﻧﻬﻤﺎ ﺍﻟﻘﺪﺭ ﻭﺍﻟﻨﺼﻴﺐ ﻋﻠﻰ ﺍﻥ ﻳﻠﺘﻘﻮﺍ ﻋﻨﺪ ﺍﻟﺮﺏ ﺍﺫﺍ ﺳﺎﻣﺤﺘﻪ ﺍﺯﻝ ﻋﻠﻰ ﻣﺎﻓﻌﻠﻪ ﺑﺎﺑﻴﻬﺎ
( ﻓﻲ ﻣﺸﻔﻰ ﺍﻷﻣﺮﺍﺽ ﺍﻟﻨﻔﺴﻴﺔ )
ﻳﺠﻠﺲ ﺳﺠﺎﺩ ﻓﻲ ﺯﺍﻭﻳﻪ ﻣﻦ ﻏﺮﻓﺘﻪ ﻣﺠﻨﻮﻧﺎ ﻟﻜﻦ ﻟﻴﺲ ﺟﻨﻮﻥ ﺍﻟﻌﻘﻞ ﺑﻞ ﺟﻨﻮﻥ ﺍﻟﻘﻠﺐ ﻫﻨﺎﻙ ﺟﻨﻮﻥ ﺍﻟﻘﻠﺐ ﺍﻟﺬﻱ ﻳﺼﻴﺐ ﺍﻟﺸﺨﺺ ﺍﻟﻌﺎﺷﻖ ﺑﻤﺠﺮﺩ ﺫﻫﺎﺏ ﻋﺸﻴﻘﺘﻪ ﺍﻟﻰ ﺷﺨﺺ ﺍﺧﺮ ﺍﻭ ﺍﻟﻰ ﺍﻟﺘﺮﺍﺏ ﻳﺼﺎﺏ ﺑﺠﻨﻮﻥ ﻻﻧﻪ ﻻ ﻳﺘﺤﻤﻞ ﻓﻘﺪﺍﻧﻬﺎ ﻓﻜﻢ ﻣﻦ ﻣﺠﻨﻮﻥ ﺟﻨﻪ ﺍﻟﺤﺐ ﻭﺍﻧﺎ ﺍﺗﻌﺠﺐ ﻣﻤﻦ ﻳﺎﺧﺬﻭﻥ ﺍﻟﺤﺐ ﻟﻌﺒﻪ ﻳﺘﺴﻠﻮﻥ ﺑﺎﻟﻘﻠﻮﺏ ﺍﻟﺮﻗﻴﻘﺔ ﻭﺍﻟﺠﻤﻴﻠﺔ ﺍﺣﺬﺭﻭﺍ ﺟﻨﻮﻧﻬﻢ ﻭﺍﺣﺬﺭﻭﺍ ﺍﻧﺘﻘﺎﻣﻬﻢ ﺍﺫﺍ ﻏﻀﺒﻮﺍ
النهاية
ﺗﻨﻮﻳﻪ : ﻛﻞ ﻣﺎﻭﺭﺩ ﻓﻲ ﺍﻟﻘﺼﻪ ﻣﻦ ﺷﺨﺼﻴﺎﺕ ﻭﺍﺣﺪﺍﺙ ﻓﻬﻲ ﻣﻦ ﻭﺣﻲ ﺧﻴﺎﻟﻲ ﻭﻻ ﺗﻤﺖ ﻟﻠﻮﺍﻗﻊ ﺑﺼﻠﻪ ﺷﻜﺮﺍ ﻋﻠﻰ ﻗﺮﺍﺋﺘﻜﻢ ﺍﻟﺘﻘﻴﻜﻢ ﻓﻲ ﻗﺼﻪ ﺍﺧﺮﻯ ﺍﺫﺍ ﻗﺪﺭ ﺍﻟﻠﻪ ﻟﻨﺎ ﺍﻟﻌﻴﺶ ﻓﻲ ﻗﺎﺩﻡ ﺍﻷﻳﺎﻡ ﻭﺍﻻﻭﻗﺎﺕ
ﺍﺧﻮﻛﻢ :
ﻛﺮﺍﺭ ﺍﻟﻜﺮﺍﺩﻱ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق