رواية لم تكن خطيئتنا ج1 الجزء الثالث
للكاتبة نور ناصر
.
.
ﺻﻔﺎ ..
ﺗﺴﻤﺮﺕ ﺑﻮﮔﻔﺘﻲ ﺩﻋﻴﺖ ﺍﻟﻠﻪ ﻣﺎﻳﻄﻠﻊ ﺍﺳﻼﻡ ﻣﻦ ﺍﻟﻐﺮﻓﻪ ﺣﺘﻰ ﻻﺗﺸﻮﻓﻪ
ﻭﻧﻈﺮﺍﺕ ﻫﺠﺮﺍﻥ ﻭﺗﺮﺗﻨﻲ ﺧﻠﺘﻨﻲ ﺍﺗﺼﺒﺐ ﻋﺮﻕ
ﻭﺍﺣﻚ ﺑﺮﺍﺳﻲ .
ﻫﺠﺮﺍﻥ : ﻫﺎ ﺻﻔﺎ ﻭﻳﻦ ﺟﻨﺘﻲ . ؟
: ﻣﺎﻛﻮ ﻫﻴﺞ ﺟﻨﺖ ﻫﻨﺎ ( ﺑﺎﺭﺗﺒﺎﻙ )
ﻭﻧﺰﻟﺖ ﻣﺜﻞ ﺍﻟﺼﺎﺭﻭﺥ ﺭﻛﻀﺾ ﺟﻮﻩ ﺻﺎﺭﻭﺍ ﻣﻘﺎﺑﻴﻠﻲ ﺭﺿﻮﺍﻥ ﻭﺳﻤﻴﻪ ﻭﺍﻛﻔﻴﻦ ﻳﺤﺠﻮﻥ .
ﺑﺎﻭﻋﺘﻠﻲ ﺗﺮﺧﺼﺖ ﻭﺍﺟﺖ ﻳﻤﻲ .
ﺳﻤﻴﻪ : ﻫﺎ ﻭﻟﺞ ﻫﺬﻱ ﻫﺠﺮﺍﻥ ﺷﺎﻓﺘﻜﻢ
: ﻻ
: ﺗﻌﺎﻱ ﻟﻌﺪ ﺷﺒﻴﺞ ﻣﺘﻮﺗﺮﻩ
: ﻣﺎﻛﻮ ﺷﻲ .
ﺳﻤﻴﻪ
ﺩﺧﻠﻨﻪ ﻟﻠﺼﺎﻟﻪ .. ﺍﺑﺎﻭﻉ ﻻﺷﻮﺍﻕ ﺗﺮﻳﺪ ﺗﺎﻛﻠﻨﻲ ﻭﻋﻴﻮﻧﻬﺎ ﺗﺸﻊ ﻛﺮﻩ ﺗﺮﻳﺪ ﺗﺤﺠﻲ ﺑﺲ ﺷﻲ ﻳﻤﻨﻌﻬﺎ .
ﻭﺍﻧﻪ ﺧﻠﻴﺖ ﻋﻴﻨﻲ ﺑﻌﻴﻨﻬﺎ ﻭﺍﺭﻓﻌﻠﻬﺎ ﺑﺤﺎﺟﺒﻲ ﻭﻛﺎﻧﻪ ﺍﻛﻮﻟﻠﻬﻪ ﺍﺣﺠﻲ ﺍﻟﻲ ﺗﺮﺩﻱ ﻃﻠﻌﻲ ﻏﻀﺒﺞ ﻭﻛﺮﻫﺞ ﻳﻠﻠﻪ ﻭﻛﺎﻧﻪ ﻧﻈﺮﺍﺗﻲ ﺟﺒﺮﺗﻬﺎ ﺗﺤﺠﻲ .
ﻛﺎﻟﺖ ﺍﻱ ﺳﻤﻴﻪ ﺷﻮﻧﻬﺎ ﻧﺘﻴﺠﺘﺞ؟
ﺍﻧﻲ ﺍﺩﺭﻱ ﺑﻴﻬﺎ ﺗﻌﺮﻑ ﻣﻜﻤﻠﺔ ﻻﻥ ﺍﺣﻨﺎ ﻧﺘﻮﺍﺻﻞ ﻭﻳﺎ ﺑﻨﺎﺗﻬﺎ ﺑﺲ ﻫﻲ ﺗﺴﻮﻱ ﻧﻔﺴﻬﺎ ﻣﺎﺗﺪﺭﻱ ﺗﺮﻳﺪ ﺗﻠﺰﻣﻨﻲ ﻣﻦ ﺍﻻﻳﺪ ﺍﻟﺘﻮﺟﻌﻨﻲ ﻋﺒﺎﻟﻬﺎ ﺍﻫﺘﻢ .
ﻛﺘﻠﻬﺎ ﻣﻜﻤﻠﻪ ﺑﺎﻟﻜﻴﻤﻴﺎﺀ
ﺿﺤﻜﺖ ﺑﺴﺨﺮﻳﻪ ﻭﺍﺳﺘﻬﺰﺍﺀ ﻛﺎﻟﺖ ﺣﺘﻰ ﻫﻲ ﻣﺎﺩﺑﺮﺗﻴﻬﺎ؟
ﻃﺒﻌﺎ ﺍﻧﻪ ﻋﻨﺪﻱ ﺍﻟﻜﻴﻤﻴﺎﺀ ﺯﻻﻃﻪ ﺑﺲ ﺍﻟﻤﺪﺭﺳﻪ ﺷﺪﺕ ﻭﻳﺎﻱ ﻻﻥ ﺟﺎﻭﺑﺘﻬﺎ ﺑﺸﺠﺎﻋﻪ ﻭﺩﺍﻓﻌﺖ ﻋﻦ ﻧﻔﺴﻲ ﺑﻌﺪ ﺍﻥ ﺍﺗﻬﻤﺘﻨﻲ ﺑﺎﻟﻠﻐﻮﻩ ﺩﺍﺧﻞ ﺍﻟﺼﻒ ﻭﺍﻧﻪ ﺍﺑﺪ ﻣﺎﺟﻨﺖ ﺍﺣﺠﻲ .
ﻛﺘﻠﻬﻪ ﺗﺮﻩ ﺍﻧﻲ ﺍﺗﻌﻤﺪﺕ ﺍﻭﻛﻊ ﻧﻔﺴﻲ ﺑﻴﻬﺎ ﻋﺠﺒﻨﻲ ﺍﻣﺘﺤﻦ ﺩﻭﺭ ﺛﺎﻧﻲ .
ﺍﺣﺲ ﺳﻜﺘﺘﻬﺎ ﺑﺲ ﻛﻠﺶ ﺍﻧﺰﻋﺠﺖ ﻣﻦ ﺍﺟﺎﺑﺘﻲ ﻣﺎﺍﻋﺮﻑ ﺷﻨﻮ ﻣﻨﻌﻬﺎ ﻭﻣﺎﺭﺯﻟﺘﻨﻲ .
ﺍﻡ ﺍﻳﻮﺏ : ﺍﻣﺎﻥ ﻳﻤﺘﻪ ﻳﺮﺟﻊ ﻭﺑﻌﺪ ﻣﺎﻳﺮﻭﺡ
ﺭﺟﻮﺍﻥ : ﺑﻴﺒﻲ ﻣﺎﻳﺠﻲ ﻫﻮ ﻳﻈﻞ ﻫﻨﺎﻙ ﺍﺻﻼ ﺭﺍﺡ ﻳﺘﺰﻭﺝ ﻓﺮﺡ ﺑﻨﺖ ﻋﻤﻲ .
ﻗﻄﻌﻮﺍ ﺍﻟﻜﻴﻚ ﻭﺍﻧﻬﺎﻟﺖ ﺍﻟﻬﺪﺍﻳﺎ ﻉ ﺍﻳﻨﺎﺱ
ﻋﻤﻪ ﺍﺷﻮﺍﻕ ﺟﺎﻳﺒﻪ ﺍﻟﻬﺎ ﻛﻼﺩﻩ ﺫﻫﺐ
ﻭﻋﻤﻮ ﺳﻠﻴﻤﺎﻥ ﻣﺤﺒﺲ ﻭﻛﻠﻠﻬﻪ ﻳﻠﻠﻪ ﺟﻨﺘﻲ ﺷﺪﻱ ﺣﻴﻠﺞ ﻭﺗﺨﺮﺟﻲ ﺣﺘﻰ ﻧﺴﻮﻱ ﺣﻔﻠﺔ ﺍﻛﺒﺮ ﻣﻦ ﻫﻲ .
ﺍﻳﻨﺎﺱ ﻣﺒﺘﺴﻤﻪ ﻭﻣﺪﻧﻜﻪ ﻭﻭﻋﺪ ﺍﺑﻦ ﻋﻤﻲ ﺳﻠﻴﻤﺎﻥ ﻳﺒﺎﻭﻋﻠﻬﺎ ﻣﻦ ﺑﻌﻴﺪ ﻭﻳﻀﺤﻚ ﻭﻋﻴﻮﻧﻪ ﺗﺒﺚ ﺣﺐ ﺍﻟﻬﺎﺍ .
ﺍﺑﻮﻱ ﺍﻧﻄﺎﻫﺎ ﻓﻠﻮﺱ ﻭﺍﻣﻬﺎ ﺍﻧﻄﺘﻬﺎ ﻫﺪﻳﻪ ﻣﻐﻠﻔﻪ
ﺍﺳﻼﻡ ﺟﺎﺏ ﻟﻌﺎﺑﻪ ﺟﺒﻴﺮﻩ ﻻﺑﺴﻪ ﺑﺪﻟﻪ ﻟﻮﻥ ﻓﻮﺷﻲ .
ﺍﺷﻮﺍﻕ : ﺍﺳﻼﻡ ﻗﺎﺑﻞ ﻫﻲ ﻃﻔﻠﻪ ﺗﺠﻴﺒﻠﻬﻪ ﻟﻌﺎﺑﻪ ﺻﺎﺭ ﻋﻤﺮﻫﺎ 18 ﺟﻴﺒﻠﻬﻪ ﺷﻲ ﺑﻲ ﺣﻆ .
ﺍﺳﻼﻡ :' ﺍﺧﺘﻲ ﺍﻟﺼﻐﻴﺮﻩ ﺭﺍﺡ ﺗﺒﻘﻰ ﺑﻌﻴﻨﻲ ﺻﻐﻴﺮﻩ .
ﺍﻳﻨﺎﺱ : ﻋﻤﻪ ﺍﻧﻲ ﺍﺣﺐ ﺍﻟﻠﻌﺎﺑﺎﺕ
ﺳﻠﻴﻤﺎﻥ : ﻭﻋﺪ ﺳﻤﻌﺖ ﺗﺮﻩ ﺗﺤﺐ ﺍﻟﻠﻌﺎﺑﺎﺕ .
ﺍﻳﻨﺎﺱ : ﻋﻤﻮ ﻛﺎﻓﻲ ﺗﺤﺮﺟﻨﻲ
ﻭﺍﻟﻜﻞ ﻇﻞ ﻳﻀﺤﻚ ... ﺑﻌﺪ ﺍﻟﺤﻔﻠﻪ ﻗﺮﺭﻭﺍ ﻳﺮﻭﺣﻮﻥ ﻟﻠﻤﻄﻌﻢ ﻳﺘﻌﺸﻮﻥ ﻃﻠﻌﻨﻪ ﻣﻦ ﺑﻴﺘﻬﻢ ﺍﻟﻤﻐﺮﺏ ﻭﻫﻢ ﺑﻠﺸﻮﺍ ﻳﺼﻌﺪﻭﻥ ﺑﺎﻟﺴﻴﺎﺭﺍﺕ .
ﺳﻠﻴﻤﺎﻥ : ﻫﺎ ﺍﻳﻮﺏ ﻣﺎﺗﺮﻭﺡ ﻭﻳﺎﻧﻪ؟
ﺍﻳﻮﺏ : ﻻ ﻣﺎﺭﻭﺡ ﺍﺭﻳﺪ ﺍﺭﻭﺡ ﻟﺼﺎﺣﺒﻲ ﻭﺭﻩ ﺍﻟﻌﺸﺎ ﺑﺲ ﺳﻮﻭ ﻟﺮﻗﻴﻪ ﻣﻜﺎﻥ ﻭﺍﺧﺬﻭﻫﺎ ﻭﻳﺎﻛﻢ .
ﺭﺿﻮﺍﻥ : ﺳﻤﻴﻪ ﺗﺮﺣﻮﻥ؟
ﺍﺷﻮﺍﻕ : ﻳﻠﻠﻪ ﺍﺻﻌﺪ ﺭﺿﻮ ﺧﻮ ﻣﺎﻧﻨﺤﺸﻚ ﻣﺎﻛﻮ ﻣﻜﺎﻥ ﺑﻌﺪ .
ﺳﻤﻴﻪ .
ﺑﺎﻭﻋﺘﻠﻬﻢ ﺑﻨﻈﺮﺓ ﺗﻜﺒﺮ ﻭﺣﺠﻴﺖ ﺑﺴﺮﻱ ﻗﺎﺑﻞ ﺍﻧﻲ ﺍﺭﻳﺪ ﺍﺭﻭﺡ ﻭﻳﺎﻛﻢ ﻗﺒﻞ ﻟﺘﺤﺠﻲ ﺷﻮﻙ ﺍﻧﻪ ﺟﻨﺖ ﻣﺎﺭﺍﻳﺪﻩ ﺍﺭﻭﺡ ﺍﺻﻼ
ﺩﺧﻠﺖ ﻟﻠﺒﻴﺖ .
ﺻﻔﺎ : ﺍﻧﻘﻬﺮﺕ ﻻﻥ ﻣﺎﺍﺧﺬﻭﻧﻪ ﺣﺴﻴﺖ ﺍﺣﻨﺎ ﺍﻟﻴﺘﺎﻣﻰ ﻣﻮ ﺍﻳﻨﺎﺱ ﺍﻟﻴﺘﻴﻤﻪ ﺷﺼﺎﺭ ﻋﻠﻴﻬﻢ ﻟﻮ ﺍﺧﺬﻭﻧﺎ ﺑﺸﻨﻮ ﺭﺍﺡ ﻧﻀﺮﻫﻢ ﺳﻴﺎﺭﺗﻴﻦ ﺭﺍﺣﻮﺍ ﻭﻣﺤﺪ ﺍﻧﻘﻬﺮ ﻋﻠﻴﻨﻪ
.
ﺳﻤﻴﻪ : ﻭﺍﻟﻠﻪ ﻫﻢ ﺷﻌﻠﻴﻬﻢ ﺍﻟﻤﻔﺮﻭﺽ ﺍﺑﻮﺝ ﻳﺎﺧﺬﻧﻪ ﻭﻳﺎﻫﻢ ﺑﺴﻴﺎﺭﺗﻪ ﻣﻮ ﻋﻨﺪﻩ ﺳﻴﺎﺭﻩ ﻟﻮ ﺣﺮﺍﻡ ﻳﻄﻠﻌﻨﻪ ﻓﺪﻳﻮﻡ ﻳﻮﻧﺴﻨﻪ .
ﺻﻔﺎ : ﻭﻟﺞ ﺳﻜﺘﻲ ﺳﻤﻴﻮ ﻻﻳﺴﻤﻌﺞ .
ﺻﺎﺣﻠﻨﻪ ﺍﺑﻮﻱ ﺩﺧﻠﻨﻪ ﻟﻠﺠﻮﻩ .
ﺍﻳﻮﺏ : ﻭﻟﺞ ﺳﻤﻴﻮ ﺷﻮ ﻣﺎﻋﻨﺪﺝ ﺍﺣﺘﺮﺍﻡ ﻫﺎﺍ؟
ﺳﻤﻴﻪ : ﻣﻮ ﻗﺼﺪﻱ ﺍﻗﻠﻞ ﻣﻦ ﺍﺣﺘﺮﺍﻣﻲ ﺑﺲ ﺷﻤﻌﻨﻰ ﺍﺣﻨﺎ ﻣﺎﺭﺣﻨﺎ ﻣﻮ ﻋﺪﻧﻪ ﺳﻴﺎﺭﻩ ﻭﺧﻠﻴﺖ ﺻﻔﺎ ﺗﻨﻘﻬﺮ .
ﺍﻳﻮﺏ : ﺷﻮ ﺗﺘﻌﺰﺯﻳﻦ ﺑﺖ ﺍﻣﺎﻟﻴﺪ ﻭﺗﺘﺸﺮﻃﻴﻦ ﻫﻢ ﺑﻌﺪ ﻭﻣﺎﻋﺎﺟﺒﺞ .
ﺳﻤﻴﻪ : ﻟﻮ ﺧﻴﺮﻭﻧﻲ ﺟﺎﻥ ﻣﺎﺍﺧﺘﺎﺭﻳﺘﻚ ﺍﺏ ﻭﻻﺍﺧﺘﺎﺭﻳﺘﻬﺎ ﺍﻡ .
ﺷﻔﺖ ﺍﻟﻐﻀﺐ ﺑﻬﻴﺌﺘﻪ ﻭﻋﻴﻮﻧﻪ ﻭﺑﻴﺪﻩ ﺍﻟﺠﻜﺎﺭﻩ ﻭﻛﻔﺖ ﺑﻤﻜﺎﻧﻲ ﻣﺎﺗﺤﺮﻛﺖ ﻭﻻ ﺍﻫﺘﺰﻳﺖ ﻋﺮﻓﺖ ﺭﺍﺡ ﻳﺄﺫﻳﻨﻲ ﺑﺎﻱ ﺷﻜﻞ ﻣﻦ ﺍﻻﺷﻜﺎﻝ ﻭﺻﺮﺕ ﻣﺘﻌﻮﺩﻩ . «
ﺗﻘﺮﺏ ﻣﻨﻲ ﺳﺤﺐ ﺍﻳﺪﻱ ﻃﻔﺎ ﺍﻟﺠﻜﺎﺭﻩ ﺑﻈﺎﻫﺮ ﻛﻔﻲ .
ﺗﺎﺫﻳﺖ ﺑﻌﺪ ﻟﺤﻈﺎﺕ ﺑﺲ ﺣﺎﻓﻈﺖ ﻉ ﻫﺪﻭﺋﻲ
ﺍﻋﺮﻑ ﻛﻠﺶ ﺯﻳﻦ ﻏﻠﻄﺎﻧﻪ ﻭﺍﻋﺮﻑ ﺟﺎﻥ ﺍﻟﻤﻔﺮﻭﺽ ﻣﺎﺍﺣﺠﻲ ﻫﻴﺠﻲ ﻭﻳﺎ ﻭﺍﻋﺮﻑ ﺍﻟﻲ ﺳﻮﺗﻪ ﺍﻣﻲ ﺑﻲ ﺍﺫﺍﻩ ﻭﻋﺬﺑﻪ ﻭﺧﻼﻩ ﻳﺘﺼﺮﻑ ﻏﻴﺮ ﻋﻦ ﻗﺒﻞ ﺑﺲ ﻣﻮ ﺫﻧﺒﻲ ﻣﻮ ﺧﻄﻴﺌﺘﻲ ﺍﻟﻲ ﺍﺭﺗﻜﺒﺘﻪ ﺍﻣﻲ ﺍﻧﻲ ﻣﺎﻟﻲ ﺟﺮﻡ ﺑﻲ
ﺭﺩﺕ ﺍﺣﺠﻲ ﺻﻔﺎ ﻟﺰﻣﺘﻨﻲ ﻭﺳﺪﺕ ﺣﻠﮕﻲ .
ﺻﺎﺡ ﻋﻠﻴﻪ ﻳﻠﻠﻪ ﺭﻭﺣﻲ ﺳﻮﻳﻠﻲ ﻋﺸﺎ
ﻋﻮﻓﻴﻬﺎ ﺻﻔﻴﻪ ﺧﻠﻲ ﻫﻲ ﺗﺴﻮﻱ ﺍﻟﻌﺸﺎ ﻭﺍﻧﺖ ﺭﻭﺣﻲ ﺍﻛﻮﻱ ﺩﺷﺪﺍﺷﺘﻲ .
ﻛﻌﺪ ﻉ ﺍﻟﻘﻨﻔﻪ
ﺩﻓﻌﺘﻨﻲ ﺻﻔﺎ ﻟﻠﻤﻄﺒﺦ ﻭﺩﺧﻠﺖ ﻭﻳﺎﻱ ﺧﻠﺖ ﺍﻟﻜﻴﻚ ﺍﻟﻲ ﺍﻧﻄﺘﻨﻴﺎ ﺍﻣﺘﺜﺎﻝ ﻭﻃﻠﻌﺖ ﻭﺳﻂ ﺻﻴﺎﺡ ﺍﺑﻮﻳﻪ ﻭﻳﻨﺞ ﺻﻔﺎ
ﺟﺎﻭﺑﺘﻪ ﺻﻔﺎ : ﺭﺣﺖ ﺍﺧﻠﻲ ﺍﻟﻜﻴﻚ ﺑﺎﻟﻤﻄﺒﺦ .
ﺳﻤﻴﻪ : ﺑﻘﻴﺖ ﻭﺍﻛﻔﻪ ﻣﻜﺎﻧﻲ ﺍﻳﺪﻱ ﺗﻮﺟﻌﻨﻲ ﺑﺲ ﺍﻟﻢ ﺭﻭﺣﻲ ﺍﻛﺒﺮ .
ﻛﻮﻩ ﺣﺮﻛﺖ ﻧﻔﺴﻲ ﺧﻠﻴﺖ ﺍﻟﺸﺎﻱ ﻉ ﺍﻟﻨﺎﺭ ﻭﺧﻠﻴﺖ ﺍﻟﻜﻴﻜﻪ ﺑﻤﺎﻋﻮﻥ ﻭﻭﻳﺎ ﺷﻮﻛﻪ .
ﺍﻧﺘﻈﺮﺕ ﺍﻟﺸﺎﻱ ﻳﺴﺨﻦ ﻭﺻﺒﻴﺘﻪ .
ﺧﻠﻴﺘﻬﻢ ﺑﺼﻴﻨﻴﻪ ﻭ ﺭﺣﺖ ﻟﻠﻬﻮﻝ ﺣﻴﺚ ﻫﻮ ﻛﺎﻋﺪ
ﻗﺪﻣﺘﻪ ﺍﻟﻪ
ﺍﻳﻮﺏ ﺑﻌﺼﺒﻴﻪ : ﻫﺬﺍ ﺷﻨﻮ ﻭﻟﺞ ؟
ﺳﻤﻴﻪ : ﻏﻴﺮ ﺍﻟﻌﺸﺎ ! !!
ﺍﻳﻮﺏ : ﻭﻟﺞ ﺍﻧﺖ ﻟﻴﺶ ﻣﻮ ﺍﺩﻣﻴﻪ؟ ﺗﺮﺣﻴﻦ ﺗﺴﻮﻳﻠﻲ ﻋﺸﺎ ﻣﺜﻞ ﺍﻻﻭﺍﺩﻡ ﻻ ﻣﺎﻳﺤﺼﻠﺞ ﺧﻴﺮ ﺍﻟﻠﻴﻠﻪ .
ﺳﻤﻴﻪ : ﻟﻴﺶ ﺷﺒﻲ ﻫﺬﺍ ﻣﻮ ﻧﻌﻤﺔ ﺍﻟﻠﻪ؟
ﺍﻳﻮﺏ : ﻗﺴﻤﺎ ﺑﺎﻟﻠﻪ ﺍﻱ ﻭﺍﺣﺪ ﻳﺠﻲ ﻳﺨﻄﺒﺞ ﺍﻧﻄﻴﺞ ﺍﻟﻪ ﺣﺘﻰ ﻟﻮ ﻣﻨﺘﻒ ﻭﺯﺍﻳﻌﺘﻪ ﺍﻟﺪﻧﻴﺎ ﺑﺲ ﺍﺭﻳﺪ ﺍﺧﻠﺺ ﻣﻨﺞ ﻭﻟﺞ ﺍﻧﺖ ﺷﻨﻮ؟ ؟
ﺳﻤﻴﻪ : ﺍﻧﻪ ﻣﺎﻣﺴﻮﻳﻪ ﺷﻲ ! !
ﺍﻳﻮﺏ ﺑﺼﻴﺎﺡ : ﻭﻟﻲ ﻣﻦ ﻛﺪﺍﺍﺍﺍﻣﻲ
ﺳﻤﻴﻪ .. ﺍﺭﻳﺪ ﺍﺧﺬ ﺍﻟﻜﻴﻚ ﻣﻦ ﻉ ﺍﻟﻄﺒﻠﻪ ﺻﺎﺡ ﺑﻴﻪ ﻭﻟﻲ ﺳﻮﻱ ﻋﺸﻪ ﻭﺧﻠﻲ ﻫﺬﺍ ﺑﻤﻜﺎﻧﻪ .
ﺣﺠﻴﺖ ﺑﻘﻠﺒﻲ ﻣﻮ ﻉ ﺍﺳﺎﺱ ﻣﺎﺗﺮﻳﺪﻩ؟
ﺭﺣﺖ ﻟﻠﻤﻄﺒﺦ ﻭﻧﺎﺭ ﺑﺮﻭﺣﻲ ﻣﺸﺘﻌﻠﻪ ﻛﻠﺶ ﻛﺎﺭﻫﻪ ﺣﻴﺎﺗﻲ ﻭﺍﺣﺲ ﺣﺘﻰ ﻣﺴﺘﻘﺒﻞ ﻣﺎﻋﻨﺪﻱ ﺑﻌﺪ ﺗﻬﺪﻳﺪﻩ ﺍﻟﻲ ﻳﺴﻮﻳﻬﻪ ﻭﻳﺰﻭﺟﻨﻲ ﻟﻴﺎﻫﻮ ﺍﻟﺠﺎﻥ ﺧﺮﺭﺏ ﻣﺎﺍﺭﻳﺪ ﺍﺗﺰﻭﺝ ﺍﻱ ﻭﺍﺣﺪ ﻣﺎﺭﻳﺪ ﻋﻨﺪﻱ ﺍﺣﻼﻣﻲ ﻻﺯﻡ ﺍﺣﻘﻘﻬﺎ .
ﻃﻠﻌﺖ ﺑﺘﻴﺘﻪ ﻭﺑﻴﺬﻧﺠﺎﻥ ﻣﻦ ﺍﻟﺜﻼﺟﻪ ﻭﻛﺼﻜﺼﺘﻪ ﻏﺴﻠﺘﻪ ﻭﮔﻠﻴﺘﻪ ﻭﺩﻳﺘﻪ ﺍﻟﻪ ﺍﺑﺎﻭﻋﻠﻪ ﻋﻴﻮﻧﻪ ﻧﺎﺭ
ﺍﺑﺪﻩ ﻳﻤﻮﺗﻨﻲ ﺑﺎﻭﻋﺖ ﻟﻠﻜﻴﻚ ﺍﻛﻠﻪ ﻛﻠﻪ .
ﺭﺣﺖ ﻟﻠﻐﺮﻓﻪ ﻭﺍﻓﻜﺮ ﺷﻠﻮﻥ ﻳﺎﺭﺑﻲ ﺧﺎﻑ ﻳﺴﻮﻳﻬﻪ ﻭﻳﺰﻭﺟﻨﻲ ! ! ؟
ﺗﻤﺪﺩﺕ ﻉ ﺟﺮﺑﺎﻳﻪ ﻭﺩﺭﺕ ﻉ ﺍﻟﺤﺎﻳﻂ ﻻﻥ ﺟﺮﺑﺎﻳﺘﻲ ﺑﺼﻒ ﺍﻟﺤﺎﻳﻂ ﻭﻛﻌﻦ ﺩﻣﻮﻋﻲ ﻉ ﻛﻞ ﺍﻟﻲ ﺻﺎﺭ ﺍﻟﻴﻮﻡ ﺑﺪﺃً ﻣﻦ ﺍﻟﻲ ﺻﺎﺭ ﺑﺤﻔﻞ ﺍﻟﻌﻴﺪ ﻣﻴﻼﺩ ﻟﺤﺪ ﺟﻮﻳﺔ ﺍﻳﺪﻱ ﺗﻮﺟﻌﻨﻲ .
ﺩﺧﻠﺖ ﺻﻔﺎ ﺻﺎﺣﺘﻨﻲ ﺳﻤﻴﻪ ﺳﻤﻴﻪ ..
ﻣﺎﺟﺎﻭﺑﺘﻬﺎ ﺍﺟﺖ ﻳﻤﻲ ﺗﺮﻳﺪ ﺗﺪﻭﺭﻧﻲ ﻋﻠﻴﻬﺎ
ﺻﺤﺖ ﻋﻠﻴﻬﺎ ﻭﺧﺮﺭﻱ ﻋﻮﻓﻴﻨﻲ .
ﺻﻔﺎ : ﺟﺎﻱ ﺗﺒﺠﻴﻦ؟
ﺳﻤﻴﻪ : ﻻﺁﺍﺍﺍﺀ ﺳﻜﺘﻲ ﻋﻨﻲ ﻣﺎﻟﻲ ﺧﻠﻜﺞ .
ﺳﻜﺘﺖ ﻭﻛﺎﻣﺖ ﻣﻦ ﺟﺮﺑﺎﻳﺘﻲ
ﺣﺴﻴﺖ ﻣﺎﻋﻨﺪﻱ ﺩﻣﻮﻉ ﺍﺑﺠﻴﻬﺎ ﺍﻭ ﻭﺟﻮﺩ ﺻﻔﺎ ﻣﻴﺨﻠﻴﻨﻲ ﺍﺑﺠﻲ ﺑﺮﺍﺣﺘﻲ ﺍﺣﺐ ﺍﺑﺠﻲ ﻭﺣﺪﻱ
ﻣﺴﺤﺖ ﻋﻴﻮﻧﻲ ﺗﻨﻔﺴﺖ ﺷﻮﻳﻪ ﺗﺎﻛﺪﺕ ﺭﺍﺣﺖ ﻛﻞ ﺍﺛﺎﺭ ﺍﻟﺪﻣﻮﻉ ﻭﺍﻟﺒﺠﻲ .
ﺩﺭﺕ ﻋﻠﻴﻬﺎ ﻛﺘﻠﻬﺎ ﺑﻴﺒﻴﺘﻲ ﺍﺧﺬﺕ ﺗﻠﻴﻔﻮﻧﻬﺎ؟
: ﻣﺎﺍﺩﺭﻱ ﻣﺎﺷﻔﺘﻪ ﻟﻴﺶ ﺗﺮﻳﺪﻳﻦ ﺗﺨﺎﺑﺮﻳﻦ ﺍﻣﻲ؟
: ﺟﺎ ﻣﻨﻮ ﻏﻴﺮﻫﺎ؟
: ﻣﺎﺟﺎﻱ ﺍﻓﻬﻤﺞ ﺳﻤﻴﻪ ﻣﻦ ﺟﻬﻪ ﺗﺤﺠﻴﻦ ﻋﻠﻴﻬﺎ ﻭﻣﻦ ﺟﻬﻪ ﻫﺴﻪ ﻣﺤﺘﺎﺟﺘﻬﺎ ﻭﺗﺮﺩﻳﻦ ﺗﻔﻀﻔﻀﻴﻦ ﺍﻟﻬﺎ؟
: ﻭﻻ ﺭﺍﺡ ﺗﻔﻬﻤﻴﻨﻲ ﺷﻨﻮ ﺍﻧﺖ ﻣﺎﺗﻌﺮﻓﻴﻦ ﺷﻲ ﺍﺳﻤﻪ ﻣﺼﻠﺤﺔ؟
: ﻳﻌﻨﻲ ﻛﻞ ﻫﺬﺍ ﻣﺼﻠﺤﻪ؟ ﻭﺷﻨﻮ ﻣﺼﻠﺤﺘﺞ؟
: ﺍﺭﻳﺪ ﺍﻃﻠﻊ ﻣﻨﺎ ﺗﻌﺒﺖ ﻣﻦ ﻫﺎﻟﻌﻴﺸﻪ ﺍﺭﻳﺪ ﺍﻫﺎﺟﺮ ﺍﻋﻴﺶ ﺣﻴﺎﺗﻲ .
: ﻭﻳﻦ ﺗﺮﺣﻴﻦ؟
: ﺍﻱ ﻣﻜﺎﻥ ﺍﻟﻜﻪ ﺑﻲ ﺣﻘﻮﻗﻲ ﺍﻭﺭﻭﺑﺎ ﻛﻨﺪﺍ ﺍﻣﺮﻳﻜﺎ ﺍﺳﺘﺮﺍﻟﻴﺎ ﺍﻟﻤﻬﻢ ﺍﻋﻴﺶ ﻓﺮﻱ ﺗﻌﺮﻓﻴﻦ ﺷﻨﻮ ﻳﻌﻨﻲ؟ ﻳﻌﻨﻲ ﻣﺤﺪ ﻳﻀﺮﺑﻨﻲ ﻣﺤﺪ ﺍﻟﻪ ﺳﻠﻄﻪ ﻋﻠﻴﻪ ﺍﺭﻳﺪ ﺍﺻﻴﺮ ﻓﺪ ﺷﻲ ﻣﻬﻢ ﻫﻮﺍﻱ ﻋﺮﺍﻗﻴﻴﻦ ﻃﻠﻌﻮﺍ ﻟﻠﺨﺎﺭﺝ ﻭﺻﺎﺭ ﺑﺮﺍﺳﻬﻢ ﺧﻴﺮ ﻭﺻﺎﺭﻭﺍ ﻓﺪ ﺷﻲ ﻫﻢ ﻣﻮ ﺍﺣﺴﻦ ﻣﻨﻲ ﻫﻨﺎ ﻣﺎﻛﻮ ﻣﺴﺘﻘﺒﻞ ﻭﺍﻧﻲ ﻃﻤﻮﺣﺔ ﻭﻃﻤﻮﺣﻲ ﻣﺎﻳﺤﺘﻮﻳﻪ ﺍﺗﺴﺎﻉ
.
ﺍﻣﻤﻤﻤﻢ
: ﻫﺎ ﻣﺎﻋﺎﺟﺒﺞ؟ﺧﺎﺗﻮﻥ ؟
: ﻋﺎﺟﺒﻨﻲ .
ﺍﻛﻠﺞ ﺳﻤﻴﻪ ﺷﻨﻮ ﺟﻨﺘﻮ ﺗﺤﺠﻮﻥ ﺍﻧﺖ ﻭﺭﺿﻮﺍﻥ ﻭﻟﺞ ﻋﻴﻮﻧﻪ ﻋﻠﻴﺞ ﻣﺒﻴﻦ ﻏﺮﮔﺎﻥ ﺑﺤﺒﺞ .
: ﺷﺠﻨﻪ ﻧﺤﺠﻲ ﻗﺎﺑﻞ ﺟﻨﻪ ﻧﺘﻐﺰﻝ ﺣﺠﻲ ﻋﺎﺩﻱ
: ﻳﻌﻨﻲ ﻛﻞ ﻫﺎﻟﻨﻈﺮﺍﺕ ﻭﻣﺎﺗﻐﺰﻝ ﺑﻴﺞ .
: ﺍﻱ ﻟﻤﺤﻠﻲ ﮔﻠﻲ ﻣﻦ ﻋﻴﻮﻧﺞ ﻣﺒﻴﻨﻪ ﺫﻛﻴﻪ
: ﻫﻮ ﻫﺬﺍ ﻏﺰﻝ ﻭﺷﺠﺎﺏ ﺍﻟﻌﻴﻮﻥ ﻉ ﺍﻟﺬﻛﺎﺀ؟
: ﺑﻐﺮﻭﺭ ... ﻳﻜﻮﻝ ﺑﺆﺑﺆ ﻋﻴﻨﺞ ﻣﺘﺴﻊ ﻳﺪﻝ ﻉ ﺫﻛﺎﺋﺞ ﻭﻫﺬﺍ ﺍﻋﺘﻤﺎﺩﺍ ﻉ ﺩﺭﺍﺳﻪ ﻣﺆﻛﺪﻩ ﻣﻮ ﺍﻋﺘﺒﺎﻃﺎ ! !
: ﻫﺎﺍ ﺳﺆﺍﻝ ﺳﻤﻴﻪ ﺷﻨﻮ ﺭﺃﻳﺞ ﺑﻲ؟
: ﻣﻦ ﺍﻱ ﻧﺎﺣﻴﻪ؟
: ﻣﻦ ﺍﻟﻨﺎﺣﻴﻪ ﺍﻟﻌﺎﻃﻔﻴﻪ ﺍﻟﺮﻭﻣﺎﻧﺴﻴﻪ ﺧﻄﻮﺑﻪ ﺯﻭﺍﺝ ﻫﻴﺞ ﻳﻌﻨﻲ .
: ﻫﺰﻳﺖ ﺍﻳﺪﻱ ﺷﻜﺪ ﺗﻔﻜﺮﻳﻦ ﺑﻬﻲ ﺍﻟﺴﻮﺍﻟﻒ ﻣﻦ ﻃﺎﺡ ﺣﻈﺞ .
: ﻫﻮ ﻣﻌﺠﺐ ﺑﻴﺞ ﻭﺭﺿﻮﺍﻥ ﻣﺎﺑﻲ ﺷﻲ ﻳﻨﺮﻓﺾ ﺗﺮﻩ .
: ﻭﻋﻤﺘﺞ ﺷﻮﻙ؟
: ﺷﻌﻠﻴﺞ ﻣﻨﻬﺎ
: ﻣﺎﺟﺎﻱ ﺗﺸﻮﻓﻴﻬﻪ ﺷﻜﺪ ﺗﻜﺮﻫﻨﻲ؟
: ﺻﺪﻙ ﻟﻴﺶ؟
: ﺭﺿﻮﺍﻥ ﻣﺤﺎﺟﻴﻬﻪ ﻋﻨﻲ ﻟﻬﺬﺍ ﺍﻟﺴﺒﺐ ﺗﻜﺮﻫﻨﻲ ﻻﻥ ﻫﻲ ﺗﺸﺘﺮﻱ ﺳﻌﺎﺩﺓ ﺑﻨﺎﺗﻬﺎ ﻣﺸﺘﺮﺓ ﻭﺗﻌﺮﻑ ﺭﺟﻮﺍﻥ ﺗﺤﺒﻪ ﻭﺷﻮﻙ ﻣﺮﺑﻴﺘﻪ ﻣﻦ ﺍﻟﺼﻐﺮ ﻭﺗﺮﻳﺪﻩ ﺍﻟﻬﻪ ﻭﺣﺪﻫﺎ ﻭﺧﺎﻳﻔﻪ ﻳﺴﻮﻳﻬﺎ ﻭﻳﺎﺧﺬﻧﻲ ﻟﻬﻴﺞ ﻣﻦ ﻫﺴﻪ ﺟﺎﻱ ﺗﺤﺎﺭﺑﻨﻲ ﺑﺸﺘﻰ ﺍﻟﻮﺳﺎﺋﻞ ﻭﻻﺗﻨﺴﻴﻦ ﺍﻧﻲ ﺑﻨﺖ ﺍﻣﺎﻟﻴﺪ ﻭﻫﺬﺍ ﺳﺒﺐ ﺍﺧﺮ ﻟﻜﺮﻫﺎ ﺍﻟﻲ .
: ﻫﻮ ﻛﻠﺞ ﻣﺤﺎﺟﻲ ﻋﻤﺘﻲ ﻋﻠﻴﺞ؟
: ﻻ ﺍﻧﻪ ﻣﺨﻤﺨﺖ ﻭﺗﺎﻛﺪﺕ .
: ﻭﺍﻧﺖ ﺷﻨﻮ ﺭﺍﻳﺞ ﺑﺮﺿﻮﺍﻥ؟
: ﺍﻧﻲ ﺍﺷﺘﺮﻱ ﺭﺍﺣﺔ ﺑﺎﻟﻲ ﺷﻠﻲ ﺑﻲ ﻭﻭﺭﺍﻩ ﻭﺟﻊ ﻗﻠﺐ ﻭﺩﻭﺧﺔ ﺭﺍﺱ ﻫﺬﺍ ﺍﻟﻤﻮﺿﻮﻉ ﻣﻨﺘﻬﻴﻪ ﻣﻨﻪ ﻭﻣﺎﺍﻓﻜﺮ ﺑﻲ .
: ﺳﻤﻴﻪ ﻟﻴﺶ ﻣﺎﺑﺎﻭﻋﺘﻲ ﻉ ﺍﻟﺼﻮﺭ ﺍﻟﻲ ﺷﻮﻓﺘﻨﻴﺎﻫﻢ ﻫﺠﺮﺍﻥ ﻳﺨﺒﻠﻦ؟
: ﺗﻤﺪﺩﺕ ﻋﺪﻝ ﻭﻓﺮﺷﺖ ﺷﻌﺮﻱ ﻭﺭﻩ ﺍﻟﻤﺨﺪﻩ
ﻛﺘﻠﻬﻪ ﻟﻴﺶ ﺍﺑﺎﻭﻉ ﺣﺘﻰ ﺍﻧﻘﻬﺮ ﻧﺎﻗﺼﺔ ﻗﻬﺮ ﺍﻧﻲ؟ !!
: ﺭﺣﺖ ﻛﻌﺪﺕ ﻳﻤﻬﺎ ﻉ ﺟﺮﺑﺎﻳﺘﻬﻪ ﻟﺞ ﺳﻤﻴﻪ ﺍﻣﺎﻥ ﻳﺨﺒﻞ .
: ﺑﺎﻭﻋﺘﻠﻬﺎ ﺑﺎﻣﺘﻌﺎﻅ ﻛﺘﻠﻬﻪ ﺻﻔﺎ ﺷﻜﺪ ﺗﺒﺎﻭﻋﻴﻦ ﻉ ﺍﻟﺰﻟﻢ ﻟﺨﺎﻃﺮ ﺍﻟﻠﻪ ﺛﮕﻠﻲ .
: ﻫﻬﻬﻪ ﻟﺞ ﻻ ﻣﻮ ﻫﻴﺞ ﺑﺲ ﺍﻭﻝ ﻣﺮﻩ ﺍﺷﻮﻓﻪ ﻭﻭﺍﻛﻔﻪ ﻳﻤﻪ ﺑﻨﺖ ﻋﻤﻪ ﻫﻮ ﻣﺨﻠﻲ ﺍﻳﺪﻱ ﻉ ﺧﺼﺮﻩ ﻭﻃﺎﺥ ﺑﻴﻬﻪ
: ﻫﺰﻳﺖ ﺍﻳﺪﻱ ﺍﻣﺪﺍﺝ ﻣﻔﺼﻠﺘﻪ ﺗﻔﺼﺎﻝ ﺷﻌﻠﻴﺞ ﺑﻲ ﺑﻠﻠﻪ ﺛﻮﻝ
: ﻭﻟﺞ ﺻﻮﺭﻩ ﺛﺎﻧﻴﻪ ﻣﻌﺪﻝ ﻭﻛﻔﺘﻪ ﻭﻫﻲ ﺑﺼﻔﻪ ﻣﺪﺣﺪﺣﻪ ﻭﻗﺼﻴﺮﻩ ﻣﻦ ﻛﺪ ﻣﺎ ﻃﻮﻳﻞ ﻭﻫﻲ ﻗﺰﻣﻪ ﻭﺍﺻﻠﻪ ﻟﻌﻜﺴﻪ ﻳﻤﻜﻦ . ! ﻭﻧﻮﺏ ﻫﻲ ﺣﻠﻮﻩ ﻛﻠﺶ ﺑﻴﻀﻪ ﺑﺤﻤﺎﺭ ﻭﻋﻴﻮﻧﻬﻪ ﻣﻠﻮﻧﻪ ﻭﺷﻌﺮﻫﺎ ﻃﺎﻟﻊ ﻣﻦ ﺍﻟﺸﺎﻝ ﺍﺻﻔﻔﺮ ﻣﺎﺍﺩﺭﻱ ﺷﺒﻴﻬﻪ ﺧﺮﻋﻪ ﻭﻫﻴﺞ ﺻﺎﺑﻐﻪ ﺷﻌﺮﻫﺎ .
: ﻭﺍﻧﻲ ﻣﺘﻤﺪﺩﻩ ﺧﻠﻴﺖ ﺭﺟﻠﻲ ﻉ ﺍﻟﺜﺎﻧﻴﻪ ﻣﻦ ﺟﻮﻩ ﻣﻤﻬﺘﻤﻪ ﻟﻜﻼﻣﻬﺎ ﺷﻌﻠﻴﻪ ﺑﻴﻬﻢ ﻛﺘﻠﻬﺎ ﺍﻭﻭ ﺷﻜﺪ ﺗﻜﺮﻛﻴﻦ ﺳﻄﺮﺗﻴﻨﻲ .
: ﻟﻌﺪ ﻭﻳﺎﻣﻦ ﺍﺣﺠﻲ ﺿﺎﻳﺠﻪ .
: ﺑﺎﻭﻋﺘﻠﻬﺎ ﻋﻨﺪﺝ ﺳﻠﻮﻡ ﻭﺗﻀﻮﺟﻴﻦ ﺍﻧﻲ ﺷﮕﻮﻝ؟
: ﻣﺎﻛﻮ ﺗﻌﺎﺭﻛﻨﻪ ﻭﺭﺍﺡ ﺣﺘﻰ ﻣﺎﻗﻠﺪﻧﻲ .
: ﻉ ﺷﻨﻮ ﺗﻌﺎﺭﻛﺘﻮﺍ
: ﺣﺠﻪ ﻉ ﺍﻣﻲ
: ﻭﺷﻨﻮ ﺍﻟﻤﻨﺎﺳﺒﻪ ﺣﺠﻪ ﻋﻠﻴﻬﺎ ؟
: ﺳﺎﻟﻨﻲ ﻉ ﺍﻟﻔﺴﺘﺎﻥ
: ﻟﺤﻈﻪ ﻟﺤﻈﻪ ﻛﺘﻴﻠﻪ ﻧﺘﻮﺍﺻﻞ ﻭﻱ ﺍﻣﻲ؟
: ﺳﻤﻴﻪ ﻻﺗﺤﻤﻘﻴﻦ
: ﻛﻤﺖ ﻣﻦ ﻣﻜﺎﻧﻲ ﺟﺮﻳﺘﻬﺎ ﻣﻦ ﺩﺷﺪﺍﺷﺘﻬﻪ ﻭﻟﺞ ﺍﻧﺖ ﺷﻨﻮ ﻣﺎﺗﻜﻠﻴﻠﻲ؟ ؟ﺷﻨﻮﻭﻭﻭ ﺑﺼﻴﺎﺡ
ﻟﻴﺶ ﺗﻜﻠﻴﻠﻪ ﻫﺎﺍ ﻟﻴﺶ ﻟﻴﺶ .
ﺳﻤﻌﻨﻪ ﺻﻮﺕ ﺟﺮﺱ ﺍﻟﺒﺎﺏ ﻃﻔﺮﺕ ﺻﻔﺎ .
ﺑﻘﻴﺖ ﺑﺎﻟﻐﺮﻓﻪ ﻣﻌﺼﺒﻪ ﻭﺍﺑﺪﻱ ﺍﻛﻄﻌﻬﺎ ﻣﻦ ﺍﻟﻜﺘﻞ ﺷﻜﺪ ﻏﺒﻴﻪ ﻛﻞ ﺷﻲ ﺗﺨﺮﻁ ﻛﺪﺍﻣﻪ ﺍﻟﻄﺎﻳﺤﺔ ﺍﻟﺤﻆ .
ﺑﻘﻴﺖ ﺍﻣﺸﻲ ﺑﺎﻟﻐﺮﻓﻪ ﺫﻫﺎﺑﺎ ﺍﻳﺎﺑﺎ ﺍﻧﺘﻈﺮﻫﺎ ﺗﺪﺧﻞ ﻋﻮﺩ ﻣﺎﺩﺧﻠﺖ ﻓﺘﺤﺖ ﺍﻟﺒﺎﺏ ﺑﻘﻮﺓ ﻭﻃﻠﻌﺖ
ﺷﻔﺘﻬﻦ ﺑﺎﻟﻬﻮﻝ ﺭﻗﻴﻪ ﻭﺻﻔﺎ
ﺷﺎﻓﺘﻨﻲ ﺭﻗﻴﻪ ﻛﺎﻣﺖ ﺗﺄﺷﺮ ﻭﺍﺑﺎ ﺍﺑﺎ ﺍﺑﺎ ﻭﺑﻴﺪﻫﻪ ﻋﻼﮔﻪ ﻣﺎﻝ ﻣﺤﻼﺕ ﺭﺍﻗﻴﻪ ﻣﺎﺣﻄﻴﺖ ﺑﺎﻟﻲ ﺍﻟﻬﺎ ﺩﻓﺮﺕ ﺻﻔﺎ ﻭﻫﻲ ﻛﺎﻋﺪﻩ ﻉ ﺍﻟﻜﺎﻉ ﻛﺘﻠﻬﺎ ﺑﻌﺼﺒﻴﻪ ﺷﺘﻜﻮﻝ ﻫﻲ؟
ﺑﺎﻭﻋﺘﻠﻲ ﻭﺍﻟﺨﻮﻑ ﻭﺍﻟﻨﺪﻡ ﻭﺍﺿﺢ ﻋﻠﻰ ﻣﻼﻣﺤﻬﺎ
ﺻﻔﺎ : ﺗﻜﻮﻝ ﻫﻲ ﺍﻟﺞ ﻣﻦ ﺭﺿﻮﺍﻥ .
ﺧﻤﻄﺘﻬﺎ ﻣﻦ ﺍﻳﺪ ﺭﻗﻴﻪ ﺧﻨﺸﻮﻑ ﺭﺿﻮﺍﻥ ﺷﻨﻮ ﺩﺍﺯ
ﻓﺘﺤﺘﻬﺎ ﺷﻔﺖ ﺑﻴﻬﺎ ﺷﺎﻝ ﺑﻴﺠﻲ ﺣﻠﻮ ﻭﺫﻭﻕ .
ﻃﻠﻌﺘﻪ ﻭﺧﻠﻴﺘﻪ ﻉ ﺭﺍﺱ ﺭﻗﻴﻪ ﺩﻓﺮﺕ ﺻﻔﺎ ﻣﺮﻩ ﺛﺎﻧﻴﻪ ﻭﻫﻲ ﻻﻥ ﻣﺴﻮﻳﻪ ﻏﻠﻂ ﺧﺎﻳﻔﻪ ﻣﻨﻲ ﻭﻧﺪﻣﺎﻧﻪ ﻭﻣﺎﺗﺮﻳﺪ ﻧﺘﻌﺎﺭﻙ ﻫﺎﺩﺋﻪ ﻭﻣﺎﺩﺍﻓﻌﺖ ﻋﻦ ﻧﻔﺴﻬﺎ ﻛﺘﻠﻬﺎ ﻛﻮﻣﻲ ﺍﺷﺮﻳﻠﻬﻪ ﻛﻠﻴﻠﻬﺎ ﺍﻧﺖ ﻛﺒﺮﺗﻲ ﻭﺻﺮﺗﻲ ﺑﺎﻟﻐﺔ ﻣﺎﻳﺼﻴﺮ ﻻﺯﻡ ﺗﻠﺒﺴﻴﻦ ﺣﺠﺎﺏ .
ﺍﺷﺮﺗﻠﻬﻪ ﺻﻔﺎ ﻇﻠﺖ ﺗﻬﺰ ﺑﺮﺍﺳﻬﻪ ﺑﻤﻌﻨﻰ ﻻﻻ ﻭﺷﻤﺮﺕ ﺍﻟﺤﺠﺎﺏ ﻋﻠﻴﻪ .
ﻭﺭﺍﺣﺖ ﻟﻠﻌﻼﻟﻴﻚ ﻃﻠﻌﺖ ﻣﻮﻃﺎ ﻭﻟﻔﺎﺕ ﻛﺺ ﻭﻛﺒﺎﺏ .
ﻭﻇﻠﻦ ﻳﺤﺠﻦ ﺑﻠﻐﺔ ﺍﻻﺷﺎﺭﻩ .
ﻛﻌﺪﺕ ﻳﻢ ﺻﻔﺎ ﻛﺘﻠﻬﻪ ﺷﻌﺠﺐ ﻫﺬﺍ ﻃﻠﻊ ﻣﻨﻬﻢ
ﺻﻔﺎ : ﺗﻜﻮﻝ ﻫﺬﺍ ﻛﻠﻪ ﻣﻦ ﺭﺿﻮﺍﻥ
ﺳﻤﻴﻪ : ﻣﻤﻢ ﺷﻌﺠﺐ ﻣﺎﺣﺠﺖ ﻋﻠﻲ ﺷﻮﻙ
ﺻﻔﺎ : ﻫﻮ ﻗﺎﺑﻞ ﻳﻤﺸﻲ ﺑﺎﻣﺮﻫﺎ ﻃﺒﻌﺎ ﻻ
ﻧﻮﺏ ﻣﺸﺘﺮﻳﻠﺞ ﺷﺎﻝ ﻭﺍﺳﻼﻡ ﺭﺍﺡ ﻭﻳﺎﻫﻢ .
ﻣﺎﻋﺮﻑ ﻳﺪﺯﻟﻲ ﺷﻲ ﺑﻴﺪﻫﻪ .
ﺳﻤﻴﻪ : ﺍﻗﺘﺮﺑﺖ ﻣﻨﻬﺎ ﺑﺎﻭﻋﺖ ﺑﻌﻴﻮﻧﻬﺎ ﻛﺘﻠﻬﺎ ﺍﺧﺘﺎﺭﻱ ﺻﺢ ﻳﺎﺻﻔﺎ ﻭﻫﺬﺍ ﺍﻟﺸﺎﻝ ﻣﻨﻲ ﺍﻟﺞ .
ﺻﻔﺎ : ﻳﻌﻨﻲ ﻣﺎﺗﺮﺩﻳﻨﻪ ؟؟
: ﻻ ﻣﺎﺍﺭﻳﺪﻩ
: ﻣﺎﺗﻐﻴﺮﺕ ﻧﻈﺮﺗﺞ ﺍﺗﺠﺎﻩ ﺭﺿﻮﺍﻥ؟
: ﻳﻌﻨﻲ ﺷﺘﺘﻮﻗﻌﻴﻦ ﺑﺴﺮﻋﻪ ﺍﻏﻴﺮﻫﺎ ﻻﻥ ﺩﺯﺍﻟﻲ ﺷﺎﻝ ﺑﻌﺸﺮﺓ ﻣﺪﺭﻱ ﺏ 15 ﻭﻭﻳﺎﻫﻪ ﺣﻠﻮﻳﺎﺕ ﻭﺍﻳﺲ ﻛﺮﻳﻢ ﺷﻐﻠﻲ ﻋﻘﻠﺞ ﺻﻔﺎ ﻻ ﺗﺎﻟﻲ ﺗﻨﺪﻣﻴﻦ .
ﻋﻔﺘﻬﻢ ﻭﺩﺧﻠﺖ ﻟﻠﻐﺮﻓﻪ ﻧﻤﺖ .
ﺻﻔﺎ …
ﺑﻌﺪﻫﻪ ﺑﻜﻢ ﻳﻮﻡ ﺗﺼﺎﻟﺤﻨﻪ ﺍﻧﻲ ﻭﺍﺳﻼﻡ ﺑﺲ ﻫﻮ ﺗﻐﻴﺮ ﻋﻠﻲ ﺻﺎﺭ ﻟﻼﺳﻮﺀ ﻣﺎﺍﺩﺭﻱ ﺷﺒﻲ؟
ﺍﺫﺍ ﺍﺩﺧﻞ ﻟﺒﻴﺘﻬﻢ ﻣﻦ ﺑﺎﺏ ﺍﻟﺸﺎﺭﻉ ﻣﺒﺘﺴﻤﻪ ﻳﻄﻴﺢ ﺣﻈﻲ ﻳﻜﻮﻝ ﻭﻳﺎﻣﻦ ﺟﻨﺖ ﺗﻮﺯﻋﻴﻦ ﺍﺑﺘﺴﺎﻣﺎﺕ ﻭﻳﺎﻣﻦ ﺗﻀﺤﻜﻴﻦ؟
ﺑﺲ ﺍﻧﻪ ﻗﻠﺒﻲ ﻳﺮﻳﺪﻩ ﻭﻣﺘﻌﻠﻘﻪ ﺑﻲ ﺑﺴﺮﻋﻪ ﺍﺭﺟﻌﻠﻪ ﺷﻜﺪ ﺗﺮﺯﻟﻨﻲ ﺳﻤﻴﻪ ﻣﺎﻛﻮ ﻓﺎﻳﺪﻩ ﺍﺣﺲ ﻫﻮ ﻣﺎﻟﻲ ﻓﺮﺍﻍ ﺣﻴﺎﺗﻲ .
ﻣﺮﻩ ﻃﻠﻌﺖ ﺑﺎﻟﺤﺪﻳﻘﻪ ﺷﻔﺘﻪ ﻃﻞ ﻋﻠﻴﻪ ﻣﻦ ﺳﻴﺎﺟﻬﻢ
ﺳﺎﻟﻨﻲ ﺑﻬﻤﺲ ﻭﻳﻦ ﺍﺑﻮﺝ؟
ﻛﺘﻠﻪ ﻧﺎﻳﻢ
ﺩﺍﺭ ﻳﻤﻨﻪ .
ﺍﺳﻼﻡ : ﺍﻣﺸﻲ ﻳﻤﻲ ﺑﺎﻟﺒﻴﺖ
: ﺷﺴﻮﻱ ﺭﺍﻳﺤﻪ ﺍﺳﻼﻡ ﻣﺎﻳﺼﻴﺮ ﻭﺍﻣﻚ ﻭﺍﻳﻨﺎﺱ ﻣﺎﻣﻮﺟﻮﺩﻳﻦ ﻭﺍﻟﺸﻴﻄﺎﻥ ﺷﺎﻃﺮ .
: ﺍﻣﺸﻲ ﻭﻳﺎﻱ ﻣﺎﺳﻮﻳﻠﺞ ﺷﻲ ﻭﻻﺗﺴﺘﺸﺮﻓﻴﻦ .
ﻣﺎﺍﺩﺭﻱ ﻣﻨﻴﻦ ﻃﻠﻌﺖ ﺳﻤﻴﻪ ﻭﺷﻮﻥ ﺳﻤﻌﺘﻪ ﺻﺎﺣﺖ ﻋﻠﻴﻪ ﺍﺳﻼﻡ ﻳﺎﻃﺎﻳﺢ ﺍﻟﺤﻆ ﻏﺼﺒﺎ ﻋﻠﻴﻚ ﻫﻲ ﺷﺮﻳﻔﻪ ﺗﺮﻳﺪ ﺗﻠﻮﺛﻬﻪ ﻣﻮﻭﻭﺍﻧﺖ ﺻﻔﺎ ﻏﺒﻴﻪ ﺷﻮﻥ ﺗﺴﻤﺤﻴﻠﻪ ﻳﺤﺠﻲ ﻭﻳﺎﺝ ﻫﻴﺞ ؟
ﺍﺳﻼﻡ : ﻟﺴﺎﻧﺞ ﺳﻤﻴﻪ ﻻﺍﺟﻲ ﺍﻛﺼﻪ ﺍﺩﺑﺴﺰ ﺍﺣﺘﺮﻣﻲ ﻧﻔﺴﺞ ﻭﺍﺣﺘﺮﻣﻲ ﺍﻻﻛﺒﺮ ﻣﻨﺞ .
ﺳﻤﻴﻪ : ﻣﻮ ﺷﻜﻮﻝ ﺍﺣﺘﺮﺍﻡ ﻭﺍﺣﺘﺮﻣﻚ ﻭﻳﻠﻠﻪ ﻭﻟﻴﻴﻲ ﻣﻨﺎ ﻻﺍﻟﻢ ﻋﻠﻴﻚ ﺍﻫﻞ ﺍﻟﺪﺭﺑﻮﻧﻪ ﻛﻠﻬﻢ ﻭﺍﺧﻠﻲ ﺍﻟﻤﺎﻳﺸﺘﺮﻱ ﻳﺘﻔﺮﺝ ﻳﻠﻠﻪ ﻭﻟﻲ ﻣﻦ ﺑﻴﺘﻨﻪ .
ﺻﻔﺎ ﻇﻠﻴﺖ ﺍﻫﺪﻱ ﺑﻴﻬﻢ ﻭﺍﺗﻮﺳﻞ ﺑﻴﻬﻪ ﺗﺴﻜﺖ ﺭﺍﺡ ﻧﻨﻔﻀﺢ ﻭﺍﺑﻮﻱ ﺭﺍﺡ ﻳﻜﻌﺪ ﺷﻴﺴﻮﻱ ﺑﻴﻨﻪ ﻣﺎﻛﻮ ﻣﺎﺗﺴﻜﺖ ﻭﺗﺪﻓﻊ ﺑﻴﻪ .
ﺷﻔﺖ ﺑﺎﺏ ﺍﻟﻤﻄﺒﺦ ﺍﻧﻔﺘﺤﺖ ﻭﻃﻠﻊ ﺍﺑﻮﻱ ﻣﻨﻬﺎ ﻭﺻﺎﺡ ﺑﻌﻠﻮ ﺻﻮﺗﻪ ﻭﻟﺞ ﺳﻤﻴﻴﻴﻴﻴﻮ
.
ﺍﺑﻮﻳﻪ … ﺻﺎﺡ ﺳﻤﻴﻮﻭﻭ ﺑﻌﻠﻮ ﺻﻮﺗﻪ ﻭﻛﻤﻞ ﻛﻼﻣﻪ ﻭﻫﻮ ﻳﺠﻲ ﺑﺎﺗﺠﺎﻫﻲ ﺿﺮﺑﻨﻲ ﻉ ﺭﺍﺳﻲ ﺑﻴﺪﻩ ﺻﺎﺭﺕ ﺍﻟﻀﺮﺑﻪ ﺑﻄﺮﻑ ﺭﺍﺳﻲ ﺣﺘﻰ ﺷﺎﻟﻲ ﺭﺟﻊ ﻟﻴﻮﺭﻩ ﺣﺴﻴﺖ ﺑﺎﻟﺬﻝ ﻭﺍﻻﻫﺎﻧﻪ ﻭﺍﻧﻮﺏ ﻳﻀﺮﺑﻨﻲ ﻛﺪﺍﻡ ﻣﻨﻮ؟ ! ﺍﺳﻼﻡ؟ ! ﺍﻭﻑ ﻣﺎﺣﺴﻴﺖ ﺑﺎﻟﻀﺮﺑﻪ ﺑﻘﺪﺭ ﺍﻟﻤﻬﺎﻧﻪ .
ﻛﺮﻫﺖ ﺍﺑﻮﻱ ﻭﺍﺳﻼﻡ ﻭﺻﻔﺎ ﺑﻨﻔﺲ ﺍﻟﻠﺤﻈﻪ ﺍﺣﺲ ﻗﻠﺒﻲ ﺗﺤﻮﻝ ﺍﻟﻰ ﻛﺘﻠﻪ ﻣﻦ ﺍﻟﻐﻞ ﻭﺍﻟﺤﻘﺪ ﻭﺍﻟﻜﺮﻩ .
ﺍﻳﻮﺏ /.. ﻭﻟﺞ ﻟﻴﺶ ﺗﻐﻠﻄﻴﻦ ﻉ ﺍﺑﻦ ﻋﻤﺞ ﺍﻛﺒﺮ ﻣﻨﺞ ﻫﺎﺍﺍﺍﻩ ﻣﺎﺗﺴﺘﺤﻴﻦ ﻫﻴﺞ ﺍﻧﻪ ﺭﺑﻴﺘﺞ؟ .!
ﻭﺭﻓﻊ ﺍﻳﺪﻩ ﻳﺮﻳﺪ ﻳﻜﻤﻞ ﺿﺮﺏ .. ﺭﻗﻴﻪ ﺟﺎﻧﺖ ﺗﻮﻫﺎ ﻃﺎﻟﻌﻪ ﻣﻦ ﺍﻟﺒﻴﺖ .. ﺑﺴﺮﻋﻪ ﺍﺟﺖ ﺻﺎﺭﺕ ﺑﻴﻨﻲ ﻭﺑﻴﻨﻪ ﻭﻣﻨﻌﺘﻪ ﻳﻜﻤﻞ ﺿﺮﺏ ﻭﻇﻠﺖ ﺗﺎﺷﺮﻟﻪ ﻭﺗﻠﻐﻲ ﺑﻠﻬﺠﺘﻬﺎ .
ﻫﻮ ﻣﻦ ﺷﺎﻑ ﺭﻗﻴﻪ ﻋﺎﻓﻨﻲ ﻭﻧﺰﻝ ﺍﻳﺪﻩ ﻻﻥ ﺍﺫﺍ ﺷﺎﻓﺖ ﻋﻨﻒ ﺗﺘﺄﺫﻯ ﻭﺗﻨﻬﺎﺭ ﺍﻛﺜﺮ ﻣﻦ ﻣﺮﻩ ﻳﻌﻨﻔﻨﻪ ﻛﺪﺍﻣﻬﺎ ﻭﻫﻲ ﺗﺨﺮﺏ .
ﮔﺘﻠﻪ .. ﻫﻮ ﺗﺠﺎﻭﺯ ﻋﻠﻰ ﺻﻔﺎ ﻭﺍﻧﻲ ﺭﺩﻳﺘﻪ ﺷﻨﻮ ﻳﺘﺠﺎﻭﺯ ﻋﻠﻴﻬﺎ ﺍﺑﻴﺘﻨﻪ؟ !
ﺻﻔﺎ /.. ﻳﺎﺑﻪ ﺟﺎﻱ ﻧﺘﺸﺎﻗﻪ ﺍﻧﻪ ﻭﺍﺳﻼﻡ ﻭﺳﻤﻴﻪ ﻓﻬﻤﺖ ﺑﺎﻟﻐﻠﻂ …
ﺳﻤﻴﻪ /.. ﻃﺎﺡ ﺣﻈﺞ ﻛﻮﻥ …
ﺍﻳﻮﺏ /.. ﺩﺧﻠﻲ ﺟﻮﻩ ﻳﻠﻠﻪ
ﺩﺧﻠﺖ ﺍﻧﻪ ﻭﺻﻔﺎ ﺟﻮﻩ .
ﺍﻳﻮﺏ /.. ﺍﺳﻼﻡ ﺷﻨﻮ ﺻﺎﻳﺮ ﻟﻴﺶ ﻫﻴﺞ ﻋﺮﻛﻪ ﺍﻧﺖ ﻭﺳﻤﻴﻪ؟
ﺍﺳﻼﻡ /.. ﻣﺎﻛﻮ ﺷﻲ ﻋﻤﻮ ﺩﺧﻠﺖ ﺍﺭﻳﺪ ﺍﺷﻮﻑ ﺑﻴﺒﺘﻲ ﺭﺟﻌﺖ ﻣﻦ ﺑﻴﺖ ﻋﻤﺘﻲ ﻟﻮ ﻻ ﻭﺟﺎﻱ ﺍﺷﺎﻗﻪ ﻭﻳﺎ ﺻﻔﺎ ﻭﺳﻤﻴﻪ ﻓﻬﻤﺖ ﺑﺎﻟﻐﻠﻂ .
ﺍﻳﻮﺏ /.. ﻳﺼﻴﺮ ﺧﻴﺮ .
ﺍﺳﻼﻡ /.. ﻋﻤﻲ ﻻﺗﻜﺘﻠﻬﻦ ﺍﻟﺒﻨﺎﺕ ﺗﺮﻩ ﺍﻟﺼﺎﺭ ﻛﻠﻪ ﺑﺎﻟﻐﻠﻂ ﻭﺍﻧﻪ ﺟﺎﻱ ﺍﺷﻮﻑ ﺑﻴﺒﻴﺘﻲ .
ﺍﻳﻮﺏ /.. ﺑﻴﺘﻚ ﻫﺬﺍ ﻳﻤﺘﻪ ﻣﺎﺗﺠﻲ ﻭﺑﻴﺒﺘﻚ ﻫﺴﻪ ﺭﺍﻳﺢ ﺍﺟﻴﺒﻬﺎ .
ﺍﺳﻼﻡ /.. ﺍﻥ ﺷﺎﺀﺍﻟﻠﻪ ﻋﻤﻮ ﻣﻦ ﺭﺧﺼﺘﻚ ﻣﺤﺘﺎﺝ ﺷﻲ؟
ﺍﻳﻮﺏ /.. ﻻ ﺳﻼﻣﺘﻚ .
ﻃﻠﻊ ﺍﺳﻼﻡ ﻫﻮ ﻳﻤﺸﻲ ﻭﻳﻠﺘﻔﺖ ﻉ ﺍﻟﺒﻴﺖ .
ﻭﺍﻧﻪ ﺟﻨﺖ ﻣﺒﺪﻝ ﻭﺍﺭﻳﺪ ﺍﺭﻭﺡ ﺍﺟﻴﺐ ﺍﻣﻲ ﺑﻮﺳﺖ ﺭﻗﻴﻪ ﻣﻦ ﺭﺍﺳﻬﺎ ﻭﺍﻳﺪﻫﺎ ﻭﻫﻲ ﺗﻠﻐﻲ ﻭﺗﺎﺷﺮ ﻛﺘﻠﻬﻪ ﺩﺧﻠﻲ ﺟﻮﻩ ﺑﺎﻻﺷﺎﺭﻩ .
ﺷﻔﺘﻬﻪ ﺩﺧﻠﺖ ﺻﻌﺪﺕ ﺳﻴﺎﺭﺗﻲ ﻃﻠﻌﺘﻬﺎ ﺑﺮﻩ ﺭﺟﻌﺖ ﺳﺪﻳﺖ ﺍﻟﺒﺎﺏ ﻭﺭﺟﻌﺖ ﻟﻠﺴﻴﺎﺭﻩ ﺻﻌﺪﺕ ﺣﺮﻛﺘﻬﺎ ﻭﻣﺸﻴﺖ
ﻭﺍﻓﻜﺮ ﺑﺴﻤﻴﻪ ﻭﻟﺴﺎﻧﻬﻪ ﺷﻮﻥ ﺭﺍﺡ ﺍﺳﻴﻄﺮ ﻋﻠﻴﻬﺎ ﻛﻠﺶ ﻋﻴﻨﻬﺎ ﮔﻮﻳﻪ ﻭﻣﺎﺗﻨﺤﻤﻞ ﻭﺭﺍﻋﻴﺔ ﻣﺸﺎﻛﻞ .
ﺳﻤﻴﻪ … ﺩﺧﻠﺖ ﻟﻠﺒﻴﺖ ﻭﻣﻨﻪ ﻟﻠﻐﺮﻓﻪ ﻭﺑﺮﻭﺣﻲ ﻧﺎﺭ ﻧﺎﺭ
ﻣﺎﻫﺪﺃﺕ ﻭﻻﺍﻧﻄﻔﺖ ﻃﻠﻌﺖ ﺍﻟﺤﺮﮔﻪ ﻛﻠﻬﺎ ﺑﺼﻔﺎ ﻭﺍﺳﻔﻄﻬﺎ ﺑﻴﺪﻱ ﻋﻠﻰ ﻇﻬﺮﻫﺎ …
ﻭﻟﺞ ﺍﻧﻪ ﻳﻜﺘﻠﻨﻲ ﻛﺪﺍﻡ ﺍﺳﻼﻡ ﺍﻭﻑ ﺍﻭﻑ ﻭﺍﻟﻠﻪ ﻣﺎﺍﺑﻘﻰ ﻫﻨﺎ ﺑﺲ ﺧﻠﻲ ﺗﺠﻲ ﺑﻴﺒﻴﺘﻲ ﻭﺍﺧﺎﺑﺮ ﺍﻣﺎﻟﻴﺪ ﻭﺍﺭﻭﺡ ﺍﻟﻬﺎ ﺍﺧﻠﻴﻬﺎ ﺗﻄﻠﻌﻨﻲ ﻣﻨﺎ .
ﺻﻔﺎ / ﺳﻤﻴﻪ ﺑﺲ ﺳﻜﺘﻲ ﺗﺮﻩ ﻫﻮ ﻳﺸﺎﻗﻪ ﺩﻭﻡ ﻫﻴﺞ ﻧﺸﺎﻗﻪ ﺍﻧﻲ ﻭﻳﺎ .
ﺳﻤﻴﻪ / ﺍﻧﺠﺒﻲ ﺗﺸﺎﻗﻪ ﺍﻡ ﺣﻠﻚ ﻭﻟﺞ ﺗﻈﻠﻴﻦ ﻣﺪﻣﻐﻪ ﻭﻧﻮﺏ ﺗﺒﺮﺭﻳﻠﻪ ﺍﻧﺖ ﺗﻌﺮﻓﻴﻦ ﺷﻨﻮ ﻣﻌﻨﻰ ﻫﺬﻩ ﺍﻟﻜﻠﻤﻪ ﺗﻌﺮﻓﻴﻦ؟ ﻭﻟﺞ ﻗﺼﺪﻩ ﺍﻧﺖ ﻣﻮ ﺷﺮﻳﻔﻪ .
ﺻﻔﺎ / ﺳﻜﺘﺖ ﺑﺲ ﻫﻲ ﻣﺎﺳﻜﺘﺖ ﻭﻻﺳﻜﻨﺖ ﻋﺒﺎﻟﻚ ﻣﺎﻛﻠﻪ ﻟﺴﺎﻥ ﻃﻴﺮ ﺑﺲ ﺗﻜﺮﻙ ﻭﺍﻧﻪ ﻫﻢ ﺳﻜﺘﺖ ﺑﺲ ﻛﻠﺶ ﺿﺎﻳﺠﻪ ﻣﻦ ﺍﻟﻲ ﺻﺎﺭ
.
ﺷﻔﺘﻬﻪ ﺳﻜﺘﺖ ﻭﻃﻠﻌﺖ ﺑﺮﻩ ﻛﻌﺪﺕ ﺑﺎﻟﻬﻮﻝ ﺭﺣﺖ ﻭﺭﺍﻫﺎ
ﺑﺎﻭﻋﺘﻠﻲ ﺭﻓﻌﺖ ﺣﺎﺟﺒﻬﺎ ﻭﺑﻌﺪﻳﻦ ﺧﺰﺭﺗﻨﻲ
ﻛﺎﻟﺖ " ﻛﻮﻣﻲ ﺳﻮﻳﻠﻲ ﺷﺎﻣﻴﻪ "
ﺗﺪﻟﻞ ﺍﺧﺘﻲ ﺍﻫﻢ ﺷﻲ ﺗﻬﺪﺃﻳﻦ
ﺳﻤﻴﻪ / ﻣﺎﺍﻫﺪﺃ ﺍﺫﺍ ﻣﺎﺍﻃﻠﻊ ﻣﻨﺎ .
ﺻﻔﺎ / ﺷﻄﻠﻌﻴﻦ ﺗﺨﺒﻠﺘﻲ؟ !
ﺳﻤﻴﻪ / ﺧﻠﻴﻨﻪ ﺍﻟﻌﻘﻞ ﺍﻟﺞ ﺍﻡ ﺍﻟﺤﺐ .
ﺗﺤﺴﺮﺕ ﻭﻋﻔﺘﻬﺎ ﺭﺣﺖ ﺳﻮﻳﺘﻠﻬﻪ ﺷﺎﻣﻴﻪ ﻫﻲ ﺗﺤﺒﻬﺎ ﻭﺟﻴﺖ ﻛﻌﺪﺕ ﻳﻤﻬﺎ ﺟﺎﻱ ﺗﺘﻔﺮﺝ ﻓﻠﻢ ﻋﺮﺑﻲ ﺍﺳﻤﻪ " ﺍﺑﻮ ﻋﻠﻲ "
ﻛﻌﺪﺕ ﻳﻤﻬﺎ ﻭﺑﻴﺪﻱ ﻣﺎﻋﻮﻥ ﺍﻟﺸﺎﻣﻴﻪ ﺣﺒﻴﺖ ﺍﻟﻠﻄﻒ ﺍﻟﺠﻮ
ﻛﺘﻠﻬﺎ ﺍﺣﻠﻰ ﺷﺎﻣﻴﻪ ﻻﺣﻠﻰ ﺍﺧﺖ ﻭﻫﻲ ﺑﻌﺪ ﺷﺘﺮﻳﺪﻳﻦ ﺷﺎﻣﻴﻪ ﻭﻃﺎﻟﻊ ﺻﺎﺣﺒﺞ ﻛﺮﻳﻢ ﻋﺒﺪﺍﻟﻌﺰﻳﺰ ﺷﻜﺪ ﺗﺤﺒﻴﻨﻪ ﻭﺍﻛﺜﺮ ﻣﻦ ﻣﻴﺔ ﻣﺮﻩ ﺷﺎﻳﻔﻪ ﻫﺬﺍ ﺍﻟﻔﻠﻢ . !
ﺳﻤﻴﻪ ﺑﺎﻣﺘﻌﺎﻅ / ﺻﺎﺣﺒﺞ ؟ ! ﺷﻮﻥ ﺍﻟﻠﻔﺎﻅ ﻋﺎﺍﺑﺖ،
ﻟﺞ ﺍﻱ ﻫﻲ ﻗﺼﺺ ﺍﻟﺤﺐ ﺍﻟﺘﺴﻮﻩ ﻭﺍﺣﺪ ﻳﻌﻴﺸﻬﺎ ﻣﻮ ﺍﺳﻼﻣﺞ ﻫﺬﺍ ﺍﻟﻤﻬﺘﻠﻒ .
ﺻﻔﺎ / ﻭﻟﺞ ﺍﻧﺖ ﻣﻨﻴﻦ ﻃﻠﻌﺘﻴﻠﻨﻪ ﻭﺷﻔﺘﻲ ﻭﺳﻤﻌﺘﻲ ﺷﮕﺎﻝ؟
: ﺟﻨﺖ ﻳﻢ ﺷﺒﺎﻙ ﺍﻟﻬﻮﻝ ﻭﺷﻔﺘﻪ ﻳﻬﻤﺴﻠﺞ ﻣﻦ ﺍﻟﺤﺎﻳﻂ ﻃﻠﻌﺖ ﻣﻦ ﺑﺎﺏ ﺍﻟﻤﻄﺒﺦ ﻭﻟﺒﺪﺕ ﻭﺭﻩ ﺷﺠﺮﺓ ﺍﻟﻴﻮﻛﺎﻟﺒﺘﺲ ﻭﺗﺴﻤﻌﺘﻠﻪ ﺷﻴﺤﺠﻲ ﺍﻟﺴﺎﻗﻂ ﺷﻮﻥ ﻳﻜﻠﺞ ﻫﺎﻟﻜﻠﻤﻪ ﻟﺞ ﻫﺬﺍ ﺍﺑﻦ ﻋﻤﺞ ﻭﻋﻮﺩ ﺍﻧﺖ ﺷﺮﻓﻪ ﻫﻴﺞ ﻳﺤﺎﺟﻴﺞ ﻭﻳﺮﻳﺪﺝ ﺗﺮﺣﻴﻦ ﻟﻠﺒﻴﺖ ﻭﻫﻮ ﻓﺎﺭﻍ؟ﻟﻮ ﻏﺮﻳﺐ ﺷﺠﺎﻥ ﺳﻮﺍﺍ ؟
ﺍﺣﻤﺪ ﺍﻟﻠﻪ ﻭﺍﺷﻜﺮﻩ ﻋﻼﻗﺘﺞ ﻭﻱ ﺍﺳﻼﻡ ﻣﻮ ﻭﺍﺣﺪ ﻏﻴﺮﻩ ﺟﺎﻥ ﺍﻧﺠﺮﻓﺘﻲ ﻟﻠﻬﺎﻭﻳﻪ ﻭﺻﺨﻤﺘﻲ ﻭﺟﻬﻨﺎ ! !
: ﺳﻤﻴﻪ ﺷﺠﺎﻱ ﺗﺤﺠﻴﻦ ﺍﻧﺖ ﻣﺎﺧﺬﻩ ﻋﻠﻴﻪ ﻧﻈﺮﻩ ﻛﻠﺶ ﻣﻮﺯﻳﻨﻪ ﺍﺧﺘﺞ ﺑﻨﺖ ﺍﻟﺠﻴﺮﺍﻥ ﺍﻧﻪ ﻭﺗﺤﺎﺟﻴﻨﻲ ﻫﻴﺞ ﺗﺮﻩ ﺣﺮﺍﻡ ﻋﻠﻴﺞ ﻭﻭﻋﺪ ﺍﺳﻼﻡ ﺑﻌﺪ ﻣﺎﺍﺑﺎﻭﻉ ﺑﻮﺟﻬﻪ ﻭﺣﺘﻰ ﺍﺫﺍ ﺧﻄﺒﻨﻲ ﻣﺎﺍﻭﺍﻓﻖ . .
: ﺣﻄﻴﺖ ﺭﺟﻞ ﻋﻠﻰ ﺭﺟﻞ ﻭﻛﺘﻠﻬﻪ ﺑﻌﺪ ﺍﺣﺴﻦ ﻭﺍﺣﺴﻨﻴﻴﻦ ﻭﺗﻼﺛﻪ .
: ﺍﻧﺖ ﻣﺎ ﺗﺤﺴﻴﻦ ﺑﻴﻪ ﻭﻻﺭﺍﺡ ﺗﺤﺴﻴﻦ ﻻﻥ ﻣﺎﺗﻌﺮﻓﻴﻦ ﻣﻌﻨﻰ ﺍﻟﺤﺐ .
: ﻣﺎﻟﻜﻴﺘﻲ ﻏﻴﺮ ﻫﺬﺍ ﺗﺤﺒﻲ ﻟﻮ ﻻﻥ ﺟﻮﺍ ﺍﻳﺪﺝ ﻭﻣﻮ ﺑﻌﻴﺪ ﻭﻳﻤﺘﻪ ﻣﺎﺗﺼﻴﺮ ﻓﺮﺻﻪ ﻳﺎﺧﺬﺝ ﻟﻠﺒﻴﺖ ﺍﻟﻈﻬﺮ ﻫﻴﺠﻲ ﻭﻗﺖ ﻭﻳﻤﻄﻚ ﺑﻴﺞ …ﺟﻨﺖ ﻣﻨﺘﺠﻴﻪ ﻉ ﺍﻟﻘﻨﻔﻪ ﺗﻘﺪﻣﺖ ﻟﻴﻜﺪﺍﻡ … ﻛﻤﻠﺖ ﻛﻼﻣﻲ / ﻟﺞ ﻫﻮ ﻟﻮ ﻳﺤﺒﺞ ﺻﺪﻙ ﻳﺠﻲ ﻳﺨﻄﺒﺞ ﻣﻦ ﺍﺑﻮﻱ ﻣﻮ ﻛﺎﺿﻴﻬﻪ ﺧﺘﻼﺕ .
: ﺳﻤﻴﻪ ﻣﺎﺍﺳﻤﺤﻠﺞ ﻟﺞ ﺍﻧﻪ ﺍﺧﺘﺞ ﻟﻴﺶ ﺗﺤﺠﻴﻦ ﻭﻳﺎﻱ ﻫﻴﺞ " ﺑﺠﻴﺖ " ﻭﻟﺞ ﺍﺳﻼﻡ ﻳﺤﺒﻨﻲ ﻭﺑﻨﻔﺲ ﺍﻟﻴﻮﻡ ﻛﻠﻲ ﺍﺟﻴﺐ ﺍﻣﻲ ﻭﻧﺠﻲ ﺑﺲ ﺍﻧﻪ ﺧﻔﺖ ﻣﻦ ﻫﺠﺮﺍﻥ ﻭﺍﺟﻠﺘﻬﺎ ﻋﻠﻰ ﻣﺎ ﺍﻓﺎﺗﺤﻬﺎ ﺑﺎﻟﻤﻮﺿﻮﻉ .
: ﺍﻱ ﻓﺎﺗﺤﻴﻬﺎ ﺑﺎﻟﻤﻮﺿﻮﻉ ﺣﺘﻰ ﺷﻮﻥ ﺭﺍﺡ ﺗﺤﺎﺭﺑﺞ ﺍﺷﻮﺍﻕ ﻣﺜﻞ ﻣﺎ ﺣﺎﺭﺑﺘﻨﻲ ﻋﻤﻮﺩ ﺭﺿﻮﺍﻥ ﻳﺮﻳﺪﻧﻲ ﻭﺭﺍﺡ ﺗﻔﺘﺢ ﻋﻠﻴﻨﻪ ﺍﺑﻮﺍﺏ ﺟﻬﻨﻢ .
ﺻﻔﺎ : ﺯﺩﺕ ﺑﺠﻲ .
ﺳﻤﻴﻪ : ﺳﻜﺘﻲ ﺻﻔﺎ ﻻﺗﺒﺠﻴﻦ ﺍﻧﻪ ﺍﺭﻳﺪ ﻣﺼﻠﺤﺘﺞ ﻭﺍﻧﺖ ﺑﻜﻴﻔﺞ ﻣﺪﺍﻡ ﻫﻮ ﻣﻦ ﻫﺴﻪ ﻫﻴﺞ ﻭﻳﺎﺝ ﻭﺭﻩ ﺍﻟﺰﻭﺍﺝ ﺭﺍﺡ ﻳﻈﻞ ﺑﺎﻟﻄﺎﻟﻌﻪ ﻭﺍﻟﻨﺎﺯﻟﻪ ﻳﺸﻚ ﺑﻴﺞ ﻭﺍﻧﺖ ﺷﻮﻧﺞ ﻋﺎﺩ ﺑﺴﺮﻋﻪ ﺗﺘﻘﺸﻤﺮﻳﻦ ﺑﻜﻠﻤﻪ ﻭﺣﺪﻩ ﺟﻨﺞ ﺍﻣﺞ ﺑﺎﻟﻀﺒﻂ .
: ﻧﺠﺒﻲ ﻭﺳﻜﺘﻲ ﻭﻻﺗﻤﺜﻠﻴﻦ ﺩﻭﺭ ﺍﻻﻡ ﻭﻳﺎﻱ ﺑﻜﻴﻔﻲ ﺑﻜﻴﻔﻲ ﺷﻤﺎ ﺍﺳﻮﻱ ﺑﻜﻴﻔﻲ ﻓﺎﻫﻤﻪ ﺍﻃﻠﻊ ﻭﻳﺎ ﺍﻃﺐ ﻭﻳﺎ ﺑﻜﻴﻔﻲ ﻣﻮﺗﻴﻴﻨﻲ .
: ﺍﻇﺎﻫﺮ ﺍﻧﺖ ﻣﺎﻳﻔﻴﺪ ﻭﻳﺎﺝ ﺍﻟﻌﻴﻨﻲ ﻭﺍﻻﻏﺎﺗﻲ ﻭﻟﺞ ﻏﺼﺒﺎ ﻋﻠﻴﺞ ﺗﻄﻴﻌﻴﻦ ﻛﻼﻣﻲ ﻻﻥ ﻫﻮ ﺍﻟﺼﺢ ﻭﻟﺞ ﻛﺎﻓﻲ ﻋﻠﻴﻨﻪ ﺻﺨﺎﻡ ﺍﻣﺞ ﻧﻮﺏ ﺗﻄﻠﻌﻴﻨﻪ ﺍﻧﺖ ﻭﻟﺞ ﻋﻨﺞ ﻋﻦ ﻫﺎﻟﺨﺮﺍﺑﻴﻂ ﺍﺟﻠﻴﻬﻪ ﺑﻌﺪﺝ ﺯﻏﻴﺮﺓ ﻭﺍﺧﺬﻱ ﺛﮕﻞ ﻋﻴﺐ ﻭﻛﺎﻓﻲ ﻻﺗﻨﻄﻴﻨﻪ ﻣﺠﺎﻝ ﻻﺗﺎﻟﻲ ﺗﻨﺪﻣﻴﻦ ﻭﺍﻟﻠﻪ
.
ﻣﺎﻧﺎﻃﻴﺘﻪ ﻣﺠﺎﻝ ﻻﺗﺠﻔﺼﻴﻦ ﺑﺸﻲ ﺍﻧﺖ ﻣﺎﺗﻌﺮﻓﻴﻨﻪ
ﻭﻣﺎﻟﻲ ﺧﻠﻜﺞ ﺭﺍﻳﺤﻪ ﻟﻠﻐﺮﻓﻪ ﻣﻮﺗﺠﻴﻦ ﻭﺭﺍﻱ .
: ﻣﺪﺭﻱ ﻣﻨﻮ ﺍﻧﺖ ﻭﺍﺟﻲ ﻭﺭﺍﺝ ﺍﻟﻤﻠﻜﻪ ﺍﻟﻠﻴﺰﺍﺑﻴﺚ ﺗﻒ ﻋﻠﻴﺞ .
ﻟﻠﻤﻐﺮﺏ ﺍﺟﺖ ﺑﻴﺒﻴﺘﻲ …
ﺍﻧﻪ ﺑﺲ ﺳﻤﻌﺖ ﺻﻮﺕ ﺍﺑﻮﻱ ﺭﺣﺖ ﻟﻠﻐﺮﻓﻪ ﻭﺳﻮﻳﺖ ﺍﺿﺮﺍﺏ .
ﺍﺟﺖ ﺻﻔﺎ ﻟﻠﻐﺮﻓﻪ ﺩﺧﻠﺖ ﻛﺎﻟﺒﻪ ﺍﻟﺨﻠﻘﻪ .
ﻛﺘﻠﻬﻪ ﻫﺎ ﺍﺑﻮﻱ ﻭﻳﻦ
ﻣﺎﺟﺎﻭﺑﺘﻨﻲ .
ﻋﺼﺒﺖ ﻣﺠﺎﻱ ﺍﺣﺎﺟﻴﺞ ﺭﺩﻱ .
ﺍﺑﻮﻱ ﺑﺎﻟﻬﻮﻝ ﻳﻢ ﺑﻴﺒﻴﺘﻲ ﻭﻻﺗﺴﺎﻟﻴﻦ ﺑﻌﺪ ﻣﺎﻟﻲ ﺧﻠﻚ ﺍﺣﺠﻲ ﻭﻳﺎﺝ .
ﺍﻳﺒﺎﺍﺍﻩ ﺷﻌﺪﻫﻪ ﺍﻻﻣﻴﺮﻩ ﺩﻳﺎﻧﺎ ﺭﺍﻓﻌﻪ ﺧﺸﻤﻬﺎﺍ .
ﻫﻢ ﺳﻜﺘﺖ، ﺍﻱ ﻧﺪﺭﻱ ﺑﻴﺞ ﺍﺣﻠﻰ ﻭﺣﺪﺓ ﺑﻴﻨﻪ ﺑﺲ ﻣﻮ ﻫﻴﺞ ﺗﺮﻓﻌﻴﻦ ﺧﺸﻤﺞ .
ﻣﺎﺟﺎﻭﺑﺘﻨﻲ . ﺭﺟﻌﺖ ﺗﻤﺪﺩﺕ ﻭﻓﻜﺮﺕ ﺑﻴﻬﺎ ﺍﻧﻪ ﻗﺴﻴﺖ ﻋﻠﻴﻬﺎ ﻭﻣﺎﻳﺼﻴﺮ ﻫﺎﻟﺸﻲ .
ﺧﺎﻑ ﻣﻦ ﺻﺪﻙ ﺗﻨﺠﺮﻑ ﻭﺗﺴﻮﻱ ﺍﻟﺨﻄﺄ ﻭﻣﺎﺗﻜﻠﻲ .
ﻛﻤﺖ ﻣﻦ ﺟﺮﺑﺎﻳﺘﻲ ﻭﺭﺣﺖ ﻳﻤﻬﺎ ﻣﺎﺩﺍﺭﺕ ﻋﻠﻴﻪ ﺍﺑﺪ
ﻭﺧﺮﺕ ﺷﻌﺮﻫﺎ ﻭﺭﻩ ﺍﺫﻧﻬﻪ ﺑﻮﺳﺘﻬﻪ ﺑﺨﺪﻫﺎ
: ﺍﺧﺘﻲ ﺍﻟﺼﺎﻛﻪ ﺷﺒﻴﻬﺎ ﺯﻋﻼﻧﻪ ﻋﻠﻴﻪ؟ ﻓﺪﻭﻩ ﺗﺨﺒﻠﻴﻦ ﺍﻧﺖ ﺻﺪﻙ ﺣﻘﻪ ﺍﺳﻼﻡ ﻳﺘﺨﺒﻞ ﻋﻠﻴﺞ .
ﺿﺤﻜﺖ ﻭﻣﻌﺮﻓﺖ ﺳﺒﺐ ﺿﺤﻜﺘﻬﺎ .
ﻳﻤﻜﻦ ﻻﻥ ﺣﺴﺴﺘﻬﺎ ﺑﺠﻤﺎﻟﻬﺎ ﻟﻮ ﻻﻥ ﺟﺒﺖ ﺳﻴﺮﺓ ﺍﺳﻼﻡ .
ﺩﺭﺕ ﻭﺟﻬﻪ ﻋﻠﻴﻪ ..
ﺑﻠﺸﺖ ﺍﺣﺠﻲ ﻭﻫﻲ ﻭﻻ ﻛﻠﻤﺔ ... ﺩﻧﻜﺖ ﺭﺍﺳﻬﺎ ﻭﺗﻌﺼﺮ ﺑﺎﺻﺎﺑﻌﻬﺎ .
ﺣﻴﺎﺗﻲ ﺻﻔﺎﻭﻱ ﺍﻧﻪ ﺍﺣﺠﻲ ﺍﻟﻤﺼﻠﺤﺘﺞ ﻭﺍﻟﻠﻪ ﻳﻌﻨﻲ ﺍﻧﺖ ﻛﻠﺶ ﺯﻳﻦ ﺗﻌﺮﻓﻴﻦ ﺍﻣﻲ ﻭﺍﻟﺤﺠﻲ ﺍﻟﺤﺼﻠﻨﺎﻩ ﻣﻦ ﻭﺭﺍﻫﺎ ﻭﺍﻟﻜﻞ ﻳﻌﻴﺮﻧﺎ ﺑﻴﻬﺎ ﺣﺘﻰ ﺍﺑﻮﺝ ﺗﺨﻴﻠﻲ ﺣﺠﻢ ﺍﻟﻤﺄﺳﺎﺓ ﺣﺘﻰ ﺍﺑﻮﻱ ﻳﮕﻠﻲ ﺑﻨﺖ ﺍﻣﺎﻟﻴﺪ ﻳﻌﻨﻲ ﺷﻴﻘﺼﺪ ﻏﻴﺮ ﺍﺣﻨﺎ ﻣﺜﻞ ﺍﻣﻨﺎ ﻭﺟﺎﻱ ﻳﻌﺎﻗﺒﻨﻪ ﻉ ﻓﻌﻠﺘﻬﺎ ﻭﻏﻴﺮ ﻧﻈﺮﺍﺕ ﻋﻤﻲ ﻭﻋﻤﺘﻲ ﻭﻭﻟﺪﻫﻢ ﺗﺠﺎﻫﻨﺎ ﻭﻧﻮﺏ ﺗﺠﻴﻦ ﺗﺘﺮﻭﻣﺴﻴﻦ ﻭﻳﺎ ﻫﺬﺍ ﻣﺎﻋﻠﻤﺘﻲ ﺟﺎﺋﺰ ﻳﺼﻮﺭﺝ ﺷﻲ .
ﺟﺎﻭﺑﺘﻨﻲ .
: ﺍﺳﻼﻡ ﻣﺎﻳﺼﻮﺭﻧﻲ ﻣﺎﻳﺴﻮﻳﻬﺎﺍ !
: ﻣﺎﺷﻲ ﻣﺎﻳﺼﻮﺭﺝ ،ﻣﺎﻳﺤﺠﻲ ﻟﻮﻟﺪ ﻋﻤﻲ ﻟﻮ ﻋﻤﺘﻲ ﻋﻠﻰ ﻋﻼﻗﺘﻜﻢ؟
: ﻻ ﻣﺎﻳﺤﺠﻲ ﻭﺍﻧﻪ ﻋﻠﻰ ﻳﻘﻴﻦ .
: ﺷﻨﻮ ﺍﻟﻲ ﻣﺨﻠﻴﺞ ﻭﺍﺛﻘﺔ ﻣﻦ ﻫﺎﻟﺸﻲ؟
ﺑﺎﻭﻋﺘﻠﻲ ﻭﻋﻴﻮﻧﻬﺎ ﻛﻠﻬﺎ ﺩﻣﻮﻉ ﻛﺎﻟﺖ :
: ﻳﺤﺒﺒﺒﻨﻲ ﺷﺒﻴﺞ ﺍﻧﺖ ﻣﺎﺗﺼﺪﮔﻴﻦ .
: ﺧﻠﻲ ﻳﺨﻄﺒﺞ؟
: ﻣﺎﺍﺭﻳﺪ ﻫﺴﻪ ﺍﻧﻪ ﻭﺳﺪﻱ ﺍﻟﻤﻮﺿﻮﻉ ﻛﺎﻓﻲ ﺍﺧﺬ ﺍﻛﺜﺮ ﻣﻦ ﺣﺠﻤﻪ ﺗﺮﻩ ﺯﻭﺩﺗﻴﻬﺎ ﺳﻤﻴﻪ .
: ﺍﻱ ﻣﻮ ﺍﻧﻜﺘﻠﺖ ﺑﺴﺒﺒﻜﻢ ﺍﻟﻴﻮﻡ
: ﻣﺎﺟﺎﻥ ﺍﻟﻪ ﺩﺍﻋﻲ ﺻﻴﺎﺣﺞ ﻫﺬﺍ ﺧﻮﺵ ! ﺍﻧﺖ ﺍﻟﺠﺒﺘﻴﻬﺎ ﻟﻨﻔﺴﺞ ﻭﻳﻠﻠﻪ ﻫﺴﻪ ﺍﺭﻳﺪ ﺍﻧﺎﻡ ﻻﺗﺪﻭﺧﻴﻨﻲ .
ﻭﻏﻄﺖ ﺭﻭﺣﻬﺎ …
: ﺍﻛﻠﺞ ﺻﻔﺎ ﺑﻴﺒﻴﺘﻲ ﻭﻳﻦ؟
: ﻧﺎﻣﺖ ﺗﻜﻮﻝ ﺗﻌﺒﺎﻧﻪ، ﺭﺍﻳﺤﻴﻦ ﻟﻠﻤﻘﺒﺮﺓ .
ﺩﻗﺎﻳﻖ ﺻﻤﺖ ﻭﺩﺧﻠﺖ ﺭﻗﻴﺔ ﻛﻌﺪﺕ ﻳﻢ ﺻﻔﺎ ﺗﻜﻌﺪ ﺑﻴﻬﺎ
ﺍﺷﺮﺗﻠﻬﺎ ﺍﻧﻲ ﺷﺘﺮﺩﻳﻦ؟ ﻇﻠﺖ ﺗﺎﺷﺮ ﻭﺗﻠﻐﻲ ﻣﺎﺍﻓﺘﻬﻤﺖ ﻋﻠﻴﻬﺎ
ﺭﺟﻌﺖ ﻟﺠﺮﺑﺎﻳﺘﻲ ﻭﺭﻗﻴﺔ ﺑﻌﺪﻫﺎ ﺗﻠﻐﻲ ﻭﺗﺎﺷﺮ .
ﺳﻤﻌﺖ ﺻﻔﺎ ﺻﺎﺣﺖ ﺍﺧﺦ ﻣﺸﻌﺘﻬﺎ ﻣﻦ ﺷﻌﺮﻫﺎ
ﺳﺎﻟﺖ ﺻﻔﺎ ﺷﺘﺮﻳﺪ؟
: ﺗﺮﻳﺪ ﻭﺍﺣﺪ ﻳﻠﻐﻲ ﻭﻳﺴﻮﻟﻒ ﻭﻳﺎﻫﺎ ﻭﺍﻧﻪ ﻣﺎﻟﻲ ﺧﻠﻚ .
: ﻫﺎ …
ﺭﺟﻌﺖ ﺭﺍﺳﻲ ﻉ ﺍﻟﺠﺮﺑﺎﻳﻪ ﻭﺗﻤﺪﺩﺕ .
ﻛﺎﻣﺖ ﺻﻔﺎ
: ﻟﺞ ﺳﻤﻴﻪ ﺣﺮﺍﻡ ﻋﻠﻴﺞ ﺗﻌﻠﻤﻲ ﻟﺮﻗﻪ ﺧﻄﻴﻪ ﺗﺮﻳﺪ ﺍﺣﺪ ﻳﺴﻮﻟﻒ ﻭﻳﺎﻫﺎ ﻭﺍﻧﻪ ﻫﺴﻪ ﻣﺎﻟﻲ ﺧﻠﻚ ﻭﺍﻟﻠﻪ ﺭﺍﺳﻲ ﻣﺼﺪﻉ ﻣﻦ ﺍﻟﺒﺠﻲ .
: ﺍﻱ ﺍﺧﺘﻲ ﺍﻟﺼﺎﻛﻪ ﻫﻮ ﻣﻨﻮ ﺍﻟﻲ ﻻﺯﻡ ﺭﺍﺳﻪ ﻳﻮﺟﻌﻪ ﻣﻮ ﺍﻧﻪ ﺍﻟﻲ ﺣﺼﻠﺖ ﺻﻮﺍﺏ ﻉ ﺭﺍﺳﻲ ﻣﻦ ﻭﺭﺍﻛﻢ .
: ﻛﺎﻓﻲ ﺗﺮﻩ ﻣﻴﺔ ﻣﺮﻩ ﻛﺘﻠﺞ ﺳﺪﻱ ﺍﻟﻤﻮﺿﻮﻉ ﺗﺪﻭﺭﻳﻦ ﺗﺪﻭﺭﻳﻦ ﻭﺗﺮﺟﻌﻴﻦ ﻋﻠﻴﻪ .
.
ﻛﺎﻣﺖ ﻭﺗﺮﺑﻌﺖ ﻭﻇﻠﻦ ﻳﺤﺠﻦ ﺑﻴﻨﺎﺗﻬﻦ ﺑﺎﻻﺷﺎﺭﺓ .
ﺍﻧﻪ ﻣﻤﺪﺩﻩ ﻭﺍﻓﻜﺮ ﺷﻮﻥ ﺭﺍﺡ ﺍﺧﻤﻂ ﺗﻠﻴﻔﻮﻥ ﺑﻴﺒﻴﺘﻲ ﻭﺍﺧﺎﺑﺮ ﺍﻣﻲ .
ﻭﺷﻮﻥ ﺍﺣﺠﻲ ﻭﻳﺎﻫﺎ ﺍﻟﻲ ﺑﺪﺍﺧﻠﻲ ﺍﺻﺮﺍﺭ ﻗﻮﻱ ﺍﺭﻳﺪ ﺍﺧﻠﺺ ﻣﻨﺎ ﺍﺣﺲ ﻧﻔﺴﻲ ﻋﺎﻳﺸﻪ ﺑﺴﺠﻦ ﻭﺟﺎﻱ ﺍﺣﻔﺮ ﺣﻔﺮﻩ ﺣﺘﻰ ﺍﻃﻠﻊ ﻣﻨﻪ ﻳﺮﺑﻲ ﺳﺎﻋﺪﻧﻲ ﻣﺎﺍﺗﺤﻤﻞ ﺿﺮﺏ ﻭﺍﻫﺎﻧﺎﺕ ﻳﺮﺑﻲ ﺷﻨﻮ ﻫﻮ ﺍﻟﺤﻠﻮ ﺑﺤﻴﺎﺗﻲ ﻣﻜﺪﺭ ﺍﺗﺤﻤﻞ .
ﺍﺣﺲ ﻧﻔﺴﻲ ﺿﻌﺖ ﻭﻏﺮﻗﺖ ﺑﺘﻔﻜﻴﺮﻱ ﻋﻘﻠﻲ ﺗﻌﺐ ﻣﻦ ﺍﻟﺘﻔﻜﻴﺮ .
ﺍﻧﺘﺒﻬﺖ ﻉ ﺍﻟﻬﺪﻭﺀ ﺍﻟﻲ ﺳﺎﺩ ﺑﻜﻞ ﺍﺭﺟﺎﺀ ﺍﻟﺒﻴﺖ
ﺑﺎﻭﻋﺖ ﻟﺨﻮﺍﺗﻲ ﻧﺎﻳﻤﺎﺕ ﻉ ﻧﻔﺲ ﺍﻟﺴﺮﻳﺮ .
ﻛﻤﺖ ﻣﻦ ﻣﻜﺎﻧﻲ ﺳﺤﺒﺖ ﺍﺧﺬﺕ ﺭﻗﻴﻪ ﺧﻠﻴﺖ ﺍﻳﺪﻳﻪ ﺟﻮﻩ ﺍﺑﺎﻃﺎﺗﻬﺎ ﻭﺳﺤﺒﺘﻬﺎ ﻭﻫﻲ ﺑﺴﺎﺑﻊ ﻧﻮﻣﻪ .
ﻭﺩﻳﺘﻬﺎ ﻉ ﺟﺮﺑﺎﻳﺘﻬﺎ ﻭﻟﻮ ﺍﺩﺭﻱ ﺑﻴﻬﺎ ﻫﺴﻪ ﺗﻨﺰﻝ ﻭﺗﻨﺎﻡ ﺟﻮﻩ ﺳﻮﻟﻪ ﻣﺎﺗﺨﻠﺺ ﻣﻨﻬﺎ ﻣﺘﻌﺮﻑ ﺗﻨﺎﻡ ﻉ ﻣﻜﺎﻥ ﻣﺮﺗﻔﻊ .
ﻃﻠﻌﺖ ﻣﻦ ﺍﻟﻐﺮﻓﻪ ﻭﺍﺗﻠﻔﺖ ﻣﺎﺍﺭﻳﺪ ﺍﺷﻮﻑ ﺍﺑﻮﻱ ﺍﺑﺪ
ﻟﺴﺒﺒﻴﻦ ﻭﺍﺣﺪ ﻣﻨﻬﻢ ﻣﺎﺍﺭﻳﺪ ﺍﺷﻮﻓﻬﺎ ﻣﻌﺼﺒﺔ ﻣﻨﻪ ، ﻭﺍﻟﺜﺎﻧﻲ ﺧﺎﻑ ﺗﻔﺸﻞ ﺧﻄﺘﻲ ﻭﻣﺎﺍﺧﺎﺑﺮ ﺍﻣﻲ .
ﻇﻠﻴﺖ ﺍﻣﺸﻲ ﻉ ﺍﻃﺮﺍﻑ ﺍﺻﺎﺑﻌﻲ ﻣﺜﻞ ﺣﺮﺍﻣﻲ ﻭﻳﺮﻳﺪ ﻳﺒﻮﻙ ﺑﻮﮔﻪ .
ﻭﺻﻠﺖ ﻟﻠﻬﻮﻝ ﺷﻔﺖ ﺑﻴﺒﻴﺘﻲ ﻧﺎﻳﻤﻪ ﻭﻣﺘﻐﻄﺎﻳﻪ ﺍﻟﻀﻮﻩ ﻣﺸﻌﻮﻝ ﻻﻥ ﻣﺎﺗﻨﺎﻡ ﺑﺎﻟﻈﻠﻤﻪ ﻭﺍﻟﻤﻜﻴﻒ ﻫﻢ .
ﺑﻘﻰ ﺍﺑﻮﻱ ﺷﻮﻥ ﺍﺗﺎﻛﺪ ﻣﻨﻪ ﻧﺎﻳﻢ ﺑﻬﺎﻟﻮﻛﺖ
ﺑﺎﻭﻋﺖ ﻟﻠﺴﺎﻋﻪ ﺑـ 1:00 ﺣﻴﻴﻞ ﻳﻤﺘﻪ ﺻﺎﺭﺕ .
ﺯﻳﻦ ﻫﺴﻪ ﺍﺫﺍ ﺍﺧﺎﺑﺮﻫﺎ ﻣﻦ ﻳﻜﻮﻝ ﻟﻬﺴﻪ ﮔﺎﻋﺪﻩ
ﺍﺧﺎﺑﺮ ﻭﺍﻟﻠﻪ ﻛﺮﻳﻢ …
ﺑﻌﺪ ﻻﺯﻡ ﺍﺗﺄﻛﺪ ﻣﻦ ﺍﺑﻮﻱ
ﻫﻮ ﻳﻨﺎﻡ ﺑﺎﻟﺪﻳﻮﺍﻥ . ﺻﺎﻳﺮ ﺑﺎﺑﻪ ﻉ ﺍﻟﻬﻮﻝ ﻻﻥ ﻣﺎﻛﻮ ﻏﺮﻑ ﻣﺄﻫﻮﻟﻪ ﺑﺲ ﺍﻟﻐﺮﻓﻪ ﺍﻟﻲ ﺍﻧﺎﻡ ﺑﻴﻬﺎ .
ﺑﺎﻭﻋﺖ ﻉ ﺍﻟﺒﺎﺏ ﺷﻔﺘﻪ ﻣﺮﺩﻭﺩ ﺩﻓﻌﺘﻪ ﺑﻬﺪﻭﺀ ﻭﺣﺬﺭ ﺷﻔﺘﻪ ﻣﺘﻮﺳﻂ ﺍﻟﺪﻳﻮﺍﻥ ﻭﻧﺎﻳﻢ ﻏﺎﻓﻲ .
ﺭﻛﻀﺖ ﻟﻠﺒﻮﻓﻴﻪ ﻭﻇﻠﻴﺖ ﺍﻓﺘﺶ ﻉ ﺗﻠﻴﻔﻮﻥ ﺷﻔﺘﻪ ﺳﺤﺒﺘﻪ ﻭﺍﻧﻲ ﺍﺭﻛﺾ ﺩﻛﻴﺖ ﺍﻟﺮﻗﻢ ﻭﺻﻌﺪﺕ ﻓﻮﻙ .
ﺟﺎﻭﺑﺖ
ﻫﺎﺍ ﻳﻤﻪ ﺷﻮﻧﺞ
ﺳﻤﻴﻪ ﻫﻲ ﻭﻳﻨﻜﻢ ﻇﻞ ﺑﺎﻟﻲ ﻭﻟﺞ ﻟﻴﺶ ﻫﺎﻟﻜﺪ ﺍﻧﺖ ﻣﺎﻛﻮ ﺻﺎﻳﺮ ﺷﻲ؟ ﺧﻮﺍﺗﺞ ﺧﻮ ﻣﺎﺑﻴﻬﻢ ﺷﻲ؟ ؟
ﻣﺎﻛﻮ ﺷﻲ ﺑﺲ ﺑﻴﺒﻴﺘﻲ ﺟﺎﻧﺖ ﻳﻢ ﺑﻴﺖ ﺍﺷﻮﺍﻕ ﻭﺍﻟﺘﻠﻴﻔﻮﻥ ﻳﻤﻬﺎﺍ، ﻳﻤﺘﻪ ﺗﺠﻴﻦ ﺗﺎﺧﺬﻳﻨﻪ؟
ﻭﻟﺞ ﺳﻤﻴﻪ ﺣﻀﺮﺗﻠﻜﻢ ﻏﺮﻓﻪ ﺍﻧﺖ ﻭﺧﻮﺍﺗﺞ ﺗﺨﺒﻞ ﻭﺍﺷﺘﺮﻳﺘﻠﺠﻦ ﻛﻞ ﻭﺣﺪﻩ ﺗﻠﻴﻔﻮﻥ ﻭﻣﻼﺑﺲ ﻭﻛﻞ ﺷﻲ ﻭﺍﻧﺘﻈﺮﺝ ﺗﺘﺼﻠﻴﻦ ﻭﻣﺎﻛﻮ ﻇﻞ ﺑﺎﻟﻲ ﻳﺎﻳﻤﻪ .
ﺍﻱ ﻣﻮ ﻛﺘﻠﺞ ﺑﻴﺒﻴﺘﻲ ﺟﺎﻧﺖ ﻣﺎﻫﻴﻪ ﻫﺴﻪ ﻳﻤﺘﻪ ﺗﺠﻴﻦ؟
ﺑﺎﺟﺮ ﺍﺫﺍ ﺻﺎﺭﺕ ﻓﺮﺻﻪ ﺣﺎﺟﻴﻨﻲ ﺍﺟﻲ ﻋﻠﻴﺠﻦ ﻛﻮﻥ ﺍﺑﻮﺝ ﻣﺎﻛﻮ ﻭﺑﻴﺒﻴﺘﺞ ﺷﻮﻓﻴﻠﻬﻪ ﺻﺮﻓﻪ .
ﺑﻴﺒﻴﺘﻲ ﺗﻨﺎﻡ ﻭﺍﺑﻮﻱ ﻳﺠﻲ ﺍﻟﻌﺼﺮ ﻣـــﺮﺍﺕ .
ﺣﻠﻮ ﺧﻮﺵ ﺣﺠﻲ ﺣﻀﺮﻳﻠﻲ ﻧﻔﺴﺞ ﻭﺣﻀﺮﻱ ﺧﻮﺍﺗﺞ ﺍﻋﺘﻤﺪ ﻋﻠﻴﺞ ﻣﻮ ﺑﻨﻴﺘﻲ .
ﺍﻱ، ﺍﻱ ﻃﺒﻌﺎ ﻳﻠﻠﻪ ﻫﺴﻪ ﺍﻧﻪ ﻓﻮﻙ ﻭﺣﺪﻱ ﻭﺍﺧﺎﻑ ﺑﺎﺟﺮ ﻧﺘﻮﺍﺻﻞ .
ﻳﻠﻠﻪ ﻳﻤﻪ ﻣﻮﺩﻋﻪ ﺑﻠﻠﻪ ﺩﺑﺮﻱ ﺑﺎﻟﺞ ﻉ ﺭﻭﺣﺞ .
ﺍﻥ ﺷﺎﺀﺍﻟﻠﻪ .
ﺳﺪﻳﺘﻪ ﻣﻨﻬﺎ ﻭﻧﺰﻟﺖ ﺭﺟﻌﺖ ﺍﻟﺘﻠﻴﻔﻮﻥ ﺑﻤﻜﺎﻧﻪ .
ﻭﺭﺟﻌﺖ ﻟﻠﻐﺮﻓﻪ ﺍﻟﻤﻜﻴﻒ ﻳﻌﻠﺲ ﺳﺎﻋﻪ ﻳﻄﻔﺎ ﺳﺎﻋﻪ ﻳﺸﺘﻐﻞ ﻭﺍﻟﺠﻮ ﺭﻃﺐ .
ﺭﻗﻴﻪ ﻧﺎﺯﻟﻪ ﻣﻦ ﻓﺮﺍﺷﻬﺎ ﻧﺎﻳﻤﻪ ﺑﺎﻟﻜﺎﻉ .
ﺍﺧﺬﺕ ﻓﺮﺍﺵ ﻭﺭﺣﺖ ﻳﻢ ﺑﻴﺒﻴﺘﻲ ﺑﺎﻟﻬﻮﻝ
ﺗﻤﺪﺩﺕ ﻭﺍﻟﻠﻴﻞ ﻛﻠﻪ ﺍﺧﻄﻂ ﻭﺍﻓﻜﺮ ﺑﺒﺎﺟﺮ
ﺣﺪ ﻣﺎﺍ ﺍﺣﺲ ﺑﺪﻣﺎﻏﻲ ﺗﺮﺱ ﻭﺛﮕﻞ ﻣﻦ ﻛﺜﺮ ﺍﻻﻓﻜﺎﺭ ﺍﻟﻲ ﺍﻧﻤﻠﺖ ﺑﻲ
.
ﻧﻤﺖ ﻭﺍﻟﺼﺒﺢ ﻓﺰﻳﺖ ﻉ ﺣﺮﻛﺔ ﺍﺑﻮﻳﻪ ﻭﺭﻗﻴﻪ ﺑﺎﻟﺒﻴﺖ
ﻏﻄﻴﺘﻲ ﺭﺍﺳﻲ ﺣﺘﻰ ﻻﻳﺸﻮﻓﻨﻲ .
ﻭﺻﻠﺖ ﻻﻧﻔﺎﺳﻲ ﺍﻟﺮﻭﺍﺋﺢ ﺟﺎﻱ ﻳﺴﻮﻭﻥ ﺭﻳﻮﻙ ﺭﻳﺤﺔ ﺍﻟﺒﻴﺾ ﻭﺍﻟﺠﺎﻱ ﺍﻻﺣﺴﺎﺱ ﺑﺎﻟﺠﻮﻉ ﺳﻴﻄﺮ ﻋﻠﻰ ﻣﻌﺪﺗﻲ .
ﻧﻤﺖ ﺟﻮﻋﺎﻧﻪ . ﻛﻌﺪﺕ ﺳﺎﻋﻪ 9 ﻏﺴﻠﺖ ﻭﺗﺮﻳﮕﺖ
ﻭﺭﺟﻌﺖ ﻟﻠﻬﻮﻝ ﺑﻴﺒﻴﺘﻲ ﻛﺎﻋﺪﻩ .
ﺩﺧﻠﺖ ﺑﺎﻭﻋﺘﻠﻲ ﺻﻔﺢ .
ﺍﻟﺪﺑﻴﺮﻩ ﺍﻟﺠﺒﻴﺮﻩ ﻣﺎﺗﻌﺮﻓﻴﻦ ﺗﺴﻠﻤﻴﻦ ﺗﻜﻮﻟﻴﻦ ﺯﻳﺎﺭﺓ ﻣﻘﺒﻮﻟﺔ؟
ﺍﻱ ﺯﻛﻴﻪ ﺷﺠﺎﻳﺒﺘﻠﻲ ﺍﺫﺍ ﺟﺎﻳﺒﺘﻠﻲ ﺷﻲ ﺣﺘﻰ ﺍﺳﻠﻢ ﻋﻠﻴﺞ ﻭﺍﺑﻮﺱ ﺭﺍﺳﺞ ﻫﻢ .
ﻭﻟﺞ ﺷﻼﻛﻴﺘﻨﻲ ﺍﻃﻠﻊ ﺳﻮﺍﻛﻪ ﺣﺘﻰ ﺍﺟﻴﺒﻠﺞ ﻓﺪ ﺷﻲ .
ﻟﻌﺪ ﻫﺬﺍ ﻫﻮ ﻣﺎﺑﻴﻨﺎﺗﻨﻪ ﺳﻼﻡ .
ﺍﻣﺪﺍﺝ ﻭﺍﻣﺪﻩ ﺗﺮﺑﻴﺘﺞ .
ﺍﺟﺖ ﺻﻔﺎ ﻭﺭﻗﻴﻪ ﺟﺎﻱ ﺗﻤﺴﺢ ﺍﻃﺮﺍﻑ ﺍﻟﻬﻮﻝ .
ﻛﻌﺪﺕ ﺑﺼﻔﻲ .
ﺻﻔﺎ : ﺍﻱ ﺑﻴﺒﻲ ﺧﻮﺵ ﻣﺤﺒﺲ ﻫﺬﺍ ﺍﻟﺒﻴﺪﺝ .
: ﺍﻟﻠﻪ ﻳﻄﻮﻝ ﻋﻤﺮ ﻋﻤﺘﺞ ﺍﺷﻮﺍﻕ ﺍﺷﺘﺮﺗﻪ ﺍﻟﻲ ﺫﻫﺐ ﻫﺬﺍ ﻭﺛﮕﻴﻴﻞ ". ﺑﻔﺨﺮ "
ﺳﻤﻴﻪ : ﺷﻌﺠﺐ ﻃﻠﻊ ﻣﻨﻬﺎ ﺷﻮ ﻃﻮﻝ ﻋﻤﺮﻫﺎ ﻣﺎﺗﺠﻴﺒﻠﺞ ﻏﻴﺮ ﺍﻟﺪﻳﺮﻣﺎ ﻭﺍﻟﻜﺤﻞ ﻛﻠﻴﻠﻬﻪ ﻛﺎﻓﻲ ﻻﺗﺠﻴﺒﻠﺞ ﻻﻥ ﺍﻟﻲ ﺑﻌﻤﺮﺝ ﺷﺒﻌﻮﺍ ﻣﺎﻱ ﻭﺭﺩ ﺑﺎﻟﻔﺘﺤﻪ ﺍﻟﺜﺎﻟﺜﻪ ﻣﺎﻳﺼﻴﺮ ﺗﺤﻄﻴﻦ ﻫﻲ ﺍﻟﺸﻐﻼﺕ ﺑﻌﺪ ﺗﻮﺑﻲ .
: ﺍﻧﺠﺒﻲ ﻟﻴﺶ ﺗﻔﺎﻭﻟﻴﻦ ﻋﻠﻴﻪ ﺑﻌﺪﻧﻲ ﺑﺖ ﺍﻟﺒﻨﺎﺕ .
: ﻫﻬﻬﻬﻬﻬﻴﻮ ﻗﻨﻌﻲ ﺭﻭﺣﺞ ﺑﻴﻬﺎ ﻫﻲ .
: ﻭﺍﻟﻠﻪ ﻟﻮ ﺑﻴﻪ ﺣﻴﻞ ﺟﺎﻥ ﻛﻤﺖ ﻣﺴﺤﺖ ﺑﻴﺞ ﺍﻟﻜﺎﻉ .
: ﺷﺒﻴﺞ ﺯﻛﻴﻪ ﻋﻴﻨﻲ ﺟﺎﻱ ﻧﺸﺎﻗﻪ .
: ﻭﻟﺞ ﺑﻌﻤﺮﺝ ﺍﻧﻪ ﺗﺸﺎﻗﻴﻦ ﻭﻳﺎﻱ ﻫﻴﻪ ﺍﺩﺑﺴﺰ .
ﺻﻔﺎ / ﺍﻟﮕﻼﺩﻩ ﺍﻟﻲ ﺟﺎﺑﺘﻬﺎ ﻋﻤﻪ ﺍﺷﻮﺍﻕ ﻻﻳﻨﺎﺱ ﺗﺠﻨﻦ .
ﺳﻤﻴﻪ / ﺍﻱ ﻃﺒﻌﺎ ﻣﻮ ﻣﺤﺒﺔ ﺑﻴﻬﺎ ﺗﺘﻠﻮﮒ ﻟﻌﻤﻮ ﺳﻠﻴﻤﺎﻥ ﺧﻮ ﻣﺎ ﻣﺜﻠﻨﻪ ﺍﺣﻨﻪ ﺷﻌﺪﻧﻪ ﻭﺗﺘﻠﻮﮒ ﻻﺑﻮﻱ ! ﻋﻤﻲ ﺳﻠﻴﻤﺎﻥ ﻣﺴﺆﺅﻝ ﺑﺎﻟﻨﻔﻂ ﻭﻭﺭﺍﻩ ﻭﺍﺳﻄﺎﺕ ﻭﺗﻌﻴﻴﻨﺎﺕ ﻟﺒﻨﺎﺗﻬﺎ ﻭﺟﻤﺎﻋﺘﻬﺎ ﻭﺣﺒﺎﻳﺒﻬﺎ ﻭﺍﻳﻨﺎﺱ ﺭﺍﺡ ﺗﺼﻴﺮ ﺟﻨﺘﻪ ﻃﺒﻌﺎ ﺗﺘﻠﻮﮔﻠﻪ، ﺍﺑﻮﻱ ﺷﻌﻨﺪﻩ ﺧﻠﻚ ﺳﺎﻳﻖ ﺗﻜﺴﻲ .
ﺍﻡ ﺳﻠﻴﻤﺎﻥ : ﺍﺑﻮﺝ ﻣﻮ ﺟﺎﻥ ﺑﻮﺿﻴﻔﺘﻪ ﻭﻫﻠﻠﻪ ﻫﻠﻠﻪ ﺑﺲ ﺍﻣﺞ ﻭﺳﻮﺍﻳﺘﻬﺎ ﺍﻟﻤﺼﺨﻤﻪ ﻟﺤﺴﺘﻠﻪ ﻋﻘﻠﻪ ﺧﻠﺘﻪ ﺣﺘﻰ ﻭﺿﻴﻔﺘﻪ ﻳﺘﺮﻛﻬﺎﺍ ﻭﻳﺎﺧﻮﻓﻲ ﻣﻨﺠﻦ ﺗﺼﺨﻤﻨﻪ ﻣﺜﻞ ﺍﻣﺠﻦ .
ﺳﻤﻴﻪ : ﺳﻜﺘﺖ ﻭﺗﺎﻧﻴﺐ ﺍﻟﻀﻤﻴﺮ ﺳﻴﻄﺮ ﻋﻠﻴﻪ
ﺣﺎﺟﻴﺖ ﻧﻔﺴﻲ ﺑﻘﻠﺒﻴﻲ ﻭﺍﻧﻪ ﺍﺑﺎﻭﻉ ﻻﻳﺪﻱ ﺍﻟﻤﺠﻮﻳﻪ ﻭﺍﻧﻬﻴﻬﺎ ﻻﺳﻤﻴﻪ ﻻﺗﻀﻌﻔﻴﻦ ﺍﻟﻴﻮﻡ ﻋﻠﻴﻬﺎ ﺍﻥ ﺷﺎﺀﺍﻟﻠﻪ ﺍﻟﻴﻮﻡ ﻧﻄﻠﻊ ﻣﻦ ﻫﺬﺍ ﺍﻟﺴﺠﻦ .
ﺍﻡ ﺳﻠﻴﻤﺎﻥ : ﺻﻔﺎﻭﻱ ﻋﻨﺪﻱ ﺟﻢ ﻗﻄﻌﺔ ﻗﻤﺎﺵ ﺑﻠﻜﻲ ﺗﺸﻤﺮﻳﻬﻦ ﻉ ﺍﻟﺨﻴﺎﻃﻪ .
: ﻫﺴﻪ ﺑﻴﺒﻲ؟
: ﺍﻱ ﺑﻴﺒﻲ ﻋﻠﻮﺍﻩ ﻫﺴﻪ .
: ﺧﺘﺼﻴﺮ ﺑﺎﻟﻌﺸﺮﺓ ﺧﺎﻑ ﻧﺎﻳﻤﻴﻦ .
: ﺟﺎ ﺧﻮﺵ .
ﺻﻔﺎ .
ﺻﺎﺭﺕ ﺑـ 10:00 ﻟﺒﺴﺖ ﻋﺒﺎﻳﻪ ﺍﺳﻼﻣﻴﻪ ﻣﺨﺼﺮﻩ ﻭﻣﻦ ﺟﻮﻩ ﻛﻠﻮﺷﻪ ﻭﺑﺎﻃﺮﺍﻑ ﻛﻠﻮﺷﺘﻬﻪ ﺫﺍﻧﺘﻴﻞ ﻭﺣﺰﺍﻡ ﻉ ﺍﻟﺨﺼﺮ ﺍﻣﻲ ﺩﺯﺗﻬﺎ ﺟﺴﻤﻲ ﺯﻳﻦ ﻣﻮ ﻛﻠﺶ ﺿﻌﻴﻔﻪ ﻭﺯﻧﻲ 60 ﻭﻃﻮﻟﻲ 158 ﺑﺲ ﺳﻤﻴﻪ ﺗﻜﻠﻲ ﺍﻧﺖ ﺩﺑﻪ
ﺳﻤﻴﻪ ﺍﻃﻮﻝ ﻣﻨﻲ ﻃﻮﻟﻬﺎ 160 ﻭﻭﺯﻧﻬﺎ 59 ﻣﺎﻛﻮ ﺷﻲ ﺑﻴﻨﻪ ﻣﺸﺘﺮﻙ ﺍﺑﺪ ﻧﺨﺘﻠﻒ ﺍﺧﺘﻼﻑ ﻓﻀﻴﻊ ﻭﻻﻋﺒﺎﻟﻚ ﺗﻮﺃﻡ ﺍﻧﻪ ﺑﻴﻀﻪ ﻫﻲ ﻗﻤﺤﻴﻪ ﺑﺸﺮﺗﻬﺎ .
.
ﺟﻬﺰﺕ ﺭﻗﻴﻪ ﻭﻳﺎﻱ ﻭﺍﺧﺬﺕ ﻗﻄﻊ ﻗﻤﺎﺵ ﺑﻴﺒﻴﺘﻲ ﻭﮔﺪﺭﺍﺗﻬﺎ ﻣﻴﺔ ﻣﺮﻩ ﻋﺎﺩﺗﻬﺎ ﻋﻠﻴﻪ ﻣﻮ ﺗﻨﺴﻴﻦ ﺗﻜﻠﻴﻠﻬﻪ ﺍﺭﻳﺪ ﺟﻴﺐ ﻉ ﺟﻬﺔ ﺍﻟﻴﻤﺘﻪ ﻭﻻﺳﺘﻴﻚ ﺑﺎﻟﺮﺩﺍﻧﺎﺕ ﻭﺧﺘﺴﻮﻳﻬﻪ ﺍﻡ ﺍﻟﺰﺧﻤﻪ .
ﻃﻠﻌﺖ ﻭﻣﺸﻴﺖ ﺍﻧﻪ ﻭﺭﻗﻴﻪ ﺑﻴﻨﻤﺎ ﺟﺎﻱ ﻧﻤﺸﻲ ﺻﺎﺭ ﮔﺒﺎﻟﻲ ﻭﻟﺪ ﺷﺎﺏ ﺟﺎﻱ ﻳﻐﺴﻞ ﺑﺴﻴﺎﺭﺓ ﺳﺘﺎﺭﻛﺲ ﺑﺎﻟﺸﺎﺭﻉ
ﺷﺎﻓﻨﻲ ﻭﻛﻒ ﻭﻇﻞ ﻳﺒﺎﻭﻉ ﻭﻳﺪﻧﻚ ﻭﻳﺴﻮﻱ ﻧﻔﺴﻪ ﻳﻌﺼﺮ ﺑﺎﻟﻮﺻﻠﺔ ﺍﻧﻲ ﺍﺧﺬﺗﻨﻲ ﻧﻈﺮﺍﺗﻲ ﺍﻟﻪ ﻻﺑﺲ ﺗﺮﺍﻛﺴﻮﺕ ﺍﺳﻮﺩ ﻭﺑﻴﻬﺎ ﺍﺯﺭﻙ ﻭﻣﺸﻜﻠﻪ ﻟﺤﺪ ﻗﺒﻞ ﺍﻟﺮﻛﺒﺔ ﻭﻭﻳﺎﻩ ﻗﻤﻴﺺ ﺯﻧﺠﻴﻞ ﻣﻦ ﺍﻟﻨﺺ ﻫﻢ ﺍﺳﻮﺩ ﻭﺍﺯﺭﮒ ﺷﻌﺮﻩ ﻋﺎﻟﻲ ﺷﻮﻳﻪ .
ﺧﺠﻠﺖ ﻭﺩﻧﻜﺖ ﻫﻮ ﺩﺍﺋﻤﺎ ﺍﺷﻮﻓﻪ ﻣﻦ ﺍﺭﻭﺡ ﻟﻠﻤﺪﺭﺳﻪ ﻭﺩﺍﺋﻤﺎ ﻳﺒﺎﻭﻋﻠﻲ ﺑﺎﻫﺘﻤﺎﻡ .
ﺑﺲ ﺍﺑﺪﺍ ﻣﺎﺃﺳﺎﺋﻠﻲ ﺍﻭ ﺯﺣﻒ ﺍﻭ ﺍﺑﺘﺴﻢ ﺍﻭ ﺳﻮﻩ ﺣﺮﻛﻪ ﻫﻴﺞ ﺑﺲ ﻳﺒﺎﻭﻉ .
ﺍﻟﺸﺎﺭﻉ ﻣﺴﻮﻱ ﻛﻠﻪ ﻣﺎﻱ ﺷﻠﺖ ﻋﺒﺎﻳﺘﻲ ﻭﻓﺘﺖ ﻭﺳﺒﻴﺘﻪ ﺑﻘﻠﺒﻲ ﺍﻟﻪ ﻫﻨﺎ ﺗﻐﺴﻞ ﻣﺎﻛﻮ ﻣﻜﺎﻧﺎﺕ ﻛﻠﺖ ﻫﻮﻑ ﺑﺼﻮﺕ ﻣﺴﻤﻮﻉ ﻭﺗﻌﺪﻳﺖ .
ﻭﺩﻳﺖ ﺍﻻﻗﻤﺸﻪ ﻟﻠﺨﻴﺎﻃﻪ ﻭﺭﺟﻌﻨﻪ ﺷﻔﻨﻪ ﺟﺎﻱ ﻳﺸﻔﻂ ﺍﻟﻤﺎﻱ ﻣﻦ ﺍﻟﻄﺮﻳﻖ ﻭﺍﻟﺴﻴﺎﺭﻩ ﻣﺪﺧﻠﻬﺎ ﺟﻮﻩ ﺷﺎﻓﻨﻲ ﻣﻦ ﺑﻌﻴﺪ ﻋﻴﻮﻧﻪ ﺍﻟﻠﺘﻤﻌﺖ ﺍﺑﺘﺴﻢ ﻭﺩﻧﮓ ﻭﺩﺍﺭ ﻳﻤﻜﻦ ﺧﺠﻞ ﻣﻨﻲ ﺧﻠﻴﺖ ﺍﻳﺪﻱ ﻉ ﺣﻠﮕﻲ ﻭﻇﻠﻴﺖ ﺍﺿﺤﻚ .
ﻭﺻﻠﺖ ﻟﻠﺒﻴﺖ ﺻﺎﺭ ﺍﺳﻼﻡ ﻛﺒﺎﻟﻲ ﺍﺭﻳﺪ ﺍﺩﺧﻞ ﺻﺎﺣﻨﻲ
ﺭﻗﻴﺔ ﺩﺧﻠﺖ ﻭﺍﻧﻪ ﻭﻛﻔﺖ
ﺷﺘﺮﻳﺪ ﺍﺳﻼﻡ
ﺍﺭﻳﺪ ﺍﺣﺠﻲ ﻭﻳﺎﺝ ﺷﺒﻴﺞ
ﺑﻌﺪ ﻣﺎﺑﻴﻨﻪ ﺣﺠﻲ ﻉ ﺍﻟﺤﺠﺎﻳﻪ ﺍﻟﻜﻠﺘﻬﻪ ﺍﺷﻜﺒﺮﻫﺎ ﺑﺤﻘﻲ ﻫﻮ ﻫﺬﺍ ﺍﺣﺘﺮﺍﻣﻚ ﺍﻟﻲ ﺑﻠﻠﻪ؟
ﺗﺮﻩ ﺑﺎﻟﺸﻘﻪ ﻟﻴﺶ ﺍﻧﺖ ﺩﻭﻣﺞ ﺗﻐﻠﻄﻴﻦ ﻋﻠﻴﻪ ﻣﻮ ﺗﻜﻮﻟﻴﻦ ﺍﻧﺠﺐ ﻭﻋﺎﺑﺘﻠﻚ ﻭﺍﻣﺪﺍﻙ ﻭﻻ ﻣﺮﻩ ﺯﻋﻠﺖ ﺭﻏﻢ ﺍﺿﻮﺝ ﻛﻠﺶ ﻣﻨﺞ .
ﺍﻱ ﺍﻛﻮﻟﻬﻪ ﺑﻌﻔﻮﻳﻪ ﺍﻧﺴﻰ ﻧﻔﺴﻲ ﻭﻳﺎﻙ ﻭﻫﻲ ﻣﺎﺗﻤﺲ ﺍﻟﺸﺮﻑ ﻭﺍﻧﺖ ﻣﻦ ﺍﻛﻠﻚ ﻫﻴﺞ ﺑﺎﻟﻐﻠﻂ ﺗﻌﺼﺐ ﻭﺗﻜﻠﺐ ﺍﻟﺪﻧﻴﻪ ﻭﻧﻮﺏ ﺗﻜﻠﻲ ﺗﻌﺎﻱ ﻳﻤﻲ ﺑﺎﻟﺒﻴﺖ ﻭﻭﺣﺪﻧﻪ .
ﺟﻨﺖ ﻣﺤﻀﺮ ﺍﻟﺞ ﻣﻔﺎﺟﺎﻩ ﺣﺘﻰ ﺍﻳﻨﺎﺱ ﻭﺍﻣﻲ ﺟﺎﻧﻦ ﻣﺘﻮﺍﺟﺪﺍﺕ ﺑﺎﻟﺒﻴﺖ ﻣﻮ ﺟﺎﻥ ﻋﻴﺪ ﻣﻴﻼﺩﺝ؟ ﺑﺲ ﺍﻧﺖ ﺍﻓﻜﺎﺭ ﺳﻤﻴﻪ ﻣﺴﻴﻄﺮﻩ ﻋﻠﻴﺞ ﻫﻲ ﺍﻟﺘﻮﺯﺝ ﻋﻠﻴﻪ ﺗﺮﻩ ﺳﻤﻴﻪ ﺗﻐﺎﺭ ﻣﻨﺞ ﺍﻧﺖ ﺍﺣﻠﻰ ﻣﻨﻬﺎ ﻭﺍﻧﻪ ﺍﺣﺒﺞ ﺍﻛﻴﺪ ﺗﺤﺎﻭﻝ ﺑﻜﻞ ﺍﻟﻄﺮﻕ ﺣﺘﻰ ﺗﻀﺮﺝ .
ﻣﺎﺍﺭﻳﺪ ﺗﺤﺠﻲ ﻋﻠﻰ ﺍﺧﺘﻲ ﺗﻘﺒﻞ ﺍﺣﺠﻲ ﻉ ﺍﺧﺘﻚ ﻭﺳﻤﻴﻪ ﻣﻮ ﻣﺜﻞ ﻣﺎﺗﻜﻮﻝ ﺍﻧﺖ
ﺳﻤﻴﻪ ﺣﻴﻪ ﻣﻦ ﺟﻮﻩ ﺍﻟﺘﺒﻦ ﻻﺗﻘﺎﺭﻧﻴﻬﺎ ﻭﻱ ﺍﻳﻨﺎﺱ ﻭﺑﺮﺍﺋﺘﻬﺎ . ﻭﺍﻧﻪ ﺍﻛﺪﺭ ﺍﺧﻄﺒﺞ ﺑﺪﻭﻥ ﻣﺎﺍﺧﺬ ﺭﺍﻳﺞ ﺑﺎﻟﻤﻮﺿﻮﻉ ﻭﺍﻧﺖ ﺑﺖ ﻋﻤﻲ ﺣﺘﻰ ﺍﻛﺪﺭ ﺍﻧﻬﻲ ﻋﻠﻴﺞ .
ﻭﺍﻟﻠﻪ ﺑﻬﻲ ﺳﻮﺍﻟﻔﻚ ﺭﺍﺡ ﺗﻬﺠﺠﻨﻲ ﻣﻨﺎ ﺷﻨﻮ ﺗﻨﻬﻲ ﻋﻠﻴﻪ .
ﻟﺞ ﺷﺒﻴﺞ ﻭﻳﻦ ﺗﻬﺠﺴﻦ ﻫﺴﻪ ﺷﺴﻮﻳﻨﻪ
ﻭﺍﻟﻠﻪ ﺍﺭﻭﺡ ﻳﻢ ﺍﻣﻲ ﺍﺣﺴﻠﻲ .
ﺷﺤﺪﺝ ﺗﺮﺣﻴﻠﻬﻪ ﻣﺎﺍﺑﺎﻭﻉ ﺑﻮﺟﻬﺞ ﺑﻌﺪ .
ﻻﺗﺒﺎﻭﻉ ﻭﺩﺧﻠﺖ ﺟﻮﻩ .
ﺍﺳﻤﻌﻪ ﻭﺭﺍﻱ ﻳﺼﻴﺢ ﺻﻔﺎ ﺻﻔﺎ ﻣﺎﺍﻫﺘﻤﻴﺖ ﺑﺲ ﻣﻴﺘﻪ ﻗﻬﺮ ﻳﻌﻨﻲ ﻫﻮ ﺍﻟﻮﺣﻴﺪ ﺍﻟﻲ ﺗﺬﻛﺮ ﻋﻴﺪ ﻣﻴﻼﺩﻱ ﺣﺘﻰ ﺍﻣﻲ ﻣﺎﺗﺬﻛﺮﺗﻪ ﻳﺮﺑﻲ ﺷﻬﺎﻟﺤﻆ .
ﺩﺧﻠﺖ ﻟﻠﺒﻴﺖ ﺷﻔﺖ ﺑﻴﺒﻴﺘﻲ ﻛﻌﺪﺕ ﻳﻤﻬﺎ ﺗﺤﺠﻲ ﺗﺤﺠﻲ ﻣﺎﺍﺳﻤﻌﻬﺎ ﺍﺣﺲ ﻇﻠﻤﺖ ﺍﺳﻼﻡ ﻫﻮﺍﻳﻪ .
ﺭﺣﺖ ﻳﻢ ﺳﻤﻴﻪ ﺣﺠﻴﺘﻠﻬﻪ ﻉ ﺍﻟﻮﻟﺪ ﻇﻠﺖ ﺗﺒﺎﻭﻋﻠﻲ ﺻﻔﺢ ﺍﻧﺖ ﻣﺎﺗﺠﻮﺯﻳﻦ 24 . ﺳﺎﻋﻪ
ﺗﺒﺎﻭﻋﻴﻦ ﻉ ﺍﻟﻮﻟﺪ .
: ﻫﻲ ﻓﻮﻛﺎﻫﺎ ﺑﻌﺪ ﻋﻮﺩ ﺟﺎﻱ ﺍﺣﺠﻴﻠﺞ ﺍﻧﻪ ﺻﻮﺟﻲ ﻭﺍﻟﻠﻪ ﺍﻓﺘﺢ ﻛﻠﺒﻲ ﺍﻟﺞ .
: ﻳﺎﺑﺖ ﺍﻟﻨﺎﺱ ﺷﻴﻠﻲ ﻫﺎﻟﺨﺮﺍﺑﻴﻂ ﻣﻦ ﺭﺍﺳﺞ ﻭﺍﺛﺒﺘﻲ ﻟﻠﻨﺎﺱ ﺍﻧﺖ ﻣﻮ ﻣﺜﻞ ﺍﻣﺞ .
ﻉ ﻃﺎﺭﻱ ﺍﻣﺞ ﺗﺮﻩ ﺍﻟﻴﻮﻡ ﻧﺸﻠﻊ
.
ﺷﻨﻮﻭ ﻭﻳﻦ ﻧﺮﻭﺡ؟ ؟
ﻧﺮﻭﺡ ﻳﻤﻬﺎ ﺍﺫﺍ ﺗﺮﺣﻴﻦ ﺣﻀﺮﻱ ﻧﻔﺴﺞ
ﻋﻔﺘﻬﺎ ﺭﺣﺖ ﺍﻛﺪﺕ ﻋﻠﻰ ﺍﻣﻲ ﺗﺠﻲ ﺍﻟﻴﻮﻡ .
ﺻﻔﺎ -: ﺍﻛﻠﺞ ﺑﻴﺒﻲ ﻫﺬﻭﻝ ﺍﻟﻨﺎﺱ ﺍﻟﻲ ﺑﻴﺘﻬﻢ ﻳﻢ ﺍﻟﻤﺤﻮﻟﻪ ﻭﻋﺪﻫﻢ ﺳﺘﺎﺭﻛﺲ ﻣﻨﻤﻪ ﻭﺷﻴﺴﻤﻮﻧﻬﻢ .
- ﺑﻴﺒﻲ ﻫﺬﻭﻝ ﺑﻴﺖ ﺍﺑﻮ ﻓﺮﺍﺱ .
- ﻫﺎﺍ
ﺳﻤﻴﻪ : ﻭﺍﻧﺖ ﻟﻴﺶ ﺍﺳﺎﻟﻴﻦ؟
ﺻﻔﺎ : ﺷﻨﻮ؟ ﺣﺮﺍﻡ ﻧﺴﺎﻝ؟
: ﺍﻱ ﺣﺮﺍﻡ
: ﺣﺮﺍﻡ ﺑﺎﻟﺪﺭﺍﻡ ﻭﺍﺫﺍ ﻋﻴﺐ ﻓﻬﻮ ﺑﺎﻟﺠﻴﺐ ﻭﺳﻼﻣﺘﺞ .
ﺳﻤﻴﻪ : ﺍﺧﺬﺕ ﺻﻔﺎ ﻉ ﻏﻴﺮ ﺻﻔﺤﺔ ﻭﺧﻠﻴﺖ ﺍﻳﺪﻱ ﻉ ﺍﻟﺤﺎﻳﻂ
ﻫﺎﺍ ﺷﻘﺮﺭﺗﻲ؟ ﺗﺮﻭﺣﻴﻦ
ﻣﺎﺍﺩﺭﻱ ﻭﺍﺑﻮﻱ ﺧﺎﻑ ﻳﺎﺧﺬﻧﻪ ﻏﺼﺐ ﻭﻣﻦ ﻧﺮﺟﻊ ﻳﺬﺑﺤﻨﺎ
ﻻ ﻣﻮ ﺑﻜﻴﻔﻪ ﺍﻛﻮ ﻣﺤﺎﻛﻢ ﻭﺍﺣﻨﻪ ﻧﻜﺪﺭ ﻧﺨﺘﺎﺭ ﺍﻣﻨﺎ ﻧﻌﻴﺶ،ﻭﻳﺎﻫﺎ ﻭﻟﺞ ﻣﺤﻀﺮﺗﻠﻨﻪ ﻏﺮﻓﻪ ﺗﺠﻨﻦ ﻭﺗﻠﻴﻔﻮﻧﺎﺕ ﻭﻣﻼﺑﺲ ﻭﺭﺍﺡ ﺗﺸﺒﻌﻨﺎ ﻃﻠﻌﺎﺕ ﻭﻭﻭ .
ﺷﻔﺘﻬﺎ ﺻﻔﻨﺖ .
ﻛﺎﻟﺖ ﻭﺭﻗﻴﻪ؟
ﻧﺎﺧﺬﻫﻪ ﻭﻳﺎﻧﺎ .
ﺗﻐﺪﻳﻨﻪ ﻭﺧﻠﺼﻨﻪ ﻭﺑﻴﺒﺘﻲ ﻏﻄﺖ ﺑﻨﻮﻡ ﻋﻤﻴﻖ ﻭﺻﻮﺕ ﺷﺨﻴﺮﻫﺎ ﻟﺒﺎﺏ ﺍﻟﺸﺎﺭﻉ ﻭﺻﻞ .
ﺩﻋﻴﺖ ﺍﻟﻠﻪ ﻣﺎﺍﻳﺠﻲ ﺍﺑﻮﻱ ﺑﻬﺎﻟﺤﻈﻪ ﻭﻛﻞ ﺷﻮﻳﻪ ﺍﺑﺎﻭﻉ ﻟﺠﻮﻳﺔ ﺍﻳﺪﻱ ﺣﺘﻰ ﻻ ﺍﺿﻌﻒ ﻭﺍﺗﺮﺍﺟﻊ ﻭﺍﺳﺘﺴﻠﻢ ﺍﻧﻲ ﻭﻳﻦ ﺭﺍﻳﺤﻪ ﻗﺎﺑﻞ ﺭﺍﻳﺤﻪ ﻻﻣﻲ .
ﻟﺒﺴﻨﻪ ﻭﻛﻤﻠﻨﻪ ﺧﺎﺑﺮﺕ ﺍﻣﻲ ﻭﺍﻧﻄﻴﺘﻬﺎ ﺍﻟﻀﻮﺀ ﺍﻻﺧﻀﺮ
ﻛﺎﻟﺖ ﻃﻠﻌﻮﺍ ﺟﺎﻳﺘﻜﻢ .
ﺻﻔﺎ ﻟﺒﺴﺖ ﻭﻛﻤﻠﺖ ﺑﺲ ﺧﺒﻠﺘﻨﻲ ﺗﺮﻳﺪ ﺗﺒﻘﻰ ﻣﺎﺗﺮﻭﺡ ﻭﺑﻴﺘﻬﺎ ﻉ ﺑﻴﺖ ﻋﻤﻲ ﺍﻟﻤﺮﺣﻮﻡ ﻭﺟﻨﺖ ﺣﺎﺳﻪ ﺑﻤﺸﺎﻋﺮﻫﺎ ﺑﺬﻳﺞ ﺍﻟﻠﺤﻈﻪ ﺷﻨﻮ . ؟
ﺳﻤﻌﻨﻪ ﻫﻮﺭﻥ ﻣﻌﻨﺎﻫﻪ ﻭﺻﻠﺖ ﺟﻨﺖ ﺧﺎﻳﻔﻪ ﻻﺗﻄﻠﻊ ﻣﻮ ﻫﻲ .
ﻟﺰﻣﺖ ﺍﻳﺪ ﺻﻔﺎ ﻭﺍﻧﺨﺒﺼﺖ ﻭﻟﺞ ﺭﻗﻴﻪ ﻭﻳﻦ ﻛﺒﻞ ﻻﺗﻜﻌﺪ ﺑﻴﺒﻴﺘﻲ .
ﺻﻔﺎ : ﻣﺎﺍﺩﺭﻱ
ﻃﻠﻌﻨﺎ ﻣﻦ ﺑﺎﺏ ﺍﻟﻤﻄﺒﺦ ﻛﻠﺖ ﺑﻠﻜﻲ ﺑﺎﻟﺤﺪﻳﻘﻪ ﺷﻔﺘﻬﺎ ﺟﺎﻱ ﺗﻐﺴﻞ ﺗﻮﺍﻟﻴﺖ ﺍﻟﺨﻄﺎﺭ .
ﺭﺍﺡ ﻳﻌﻢ ﻋﻠﻴﺞ ﻫﺎﻟﺘﻨﻀﻴﻒ ﺑﻴﻮﻡ ﻭﻟﺞ ﺣﺘﻰ ﺧﻄﺎﺭ ﻣﺎﻳﺠﻴﻨﻪ ﻭﻳﻨﺘﻠﻒ .
ﺭﺣﺖ ﺟﺮﻳﺘﻬﺎ ﻣﻦ ﺍﻳﺪﻫﺎ ﺍﺭﻳﺪ ﺍﻭﺻﻞ ﻟﻠﺒﺎﺏ ﺍﻟﺮﺋﻴﺴﻲ ﻣﺎﺍﻛﺪﺭ ﺍﺣﺲ ﺩﻛﺎﺕ ﻛﻠﺒﻲ ﺍﻟﻒ ﻭﺍﻟﻤﺴﺎﻓﻪ ﺻﺎﺭﺕ ﺑﻌﻴﺪﻩ ﻭﻛﻠﺒﻲ ﻳﺪﻙ ﻃﺒﺒﻞ .
ﺧﻤﻄﺖ ﺧﻮﺍﺗﻲ ﻣﺜﻞ ﺍﻟﺒﺎﻳﻜﻠﻪ ﺑﻮﻛﻪ ﻭﻃﻠﻌﻨﻪ ﺷﻔﺖ ﺍﻣﻲ ﺑﺴﻴﺎﺭﺓ ﻛﺎﻋﺪﻩ ﻛﺪﺍﻡ ﺣﻴﻴﻞ ﺻﺎﺭ ﻫﻮﺍﻱ ﻣﺸﺎﻳﻔﺘﻬﺎ
ﺍﺷﺮﺗﻠﻨﻪ ﺻﻌﺪﻥ ﺻﻌﺪﻥ
ﺻﻌﺪﻧﺎ ﻭﺍﻧﻄﻠﻘﺖ ﺑﻴﻨﺎ .
ﺻﻔﺎ / ﺑﺎﻭﻋﺖ ﻟﺒﻴﺖ ﺍﺳﻼﻡ ﺗﻤﻨﻴﺖ ﺍﻣﻠﺺ ﺍﻳﺪﻱ ﻣﻦ ﺍﻳﺪ ﺳﻤﻴﻪ ﻭﺍﺭﻭﺣﻠﻪ ﺗﻤﻨﻴﺘﻪ ﻳﻄﻠﻊ ﺑﻬﺎﻟﻠﺤﻈﻪ ﻭﺍﻓﻜﺮ ﺑﻜﻼﻣﻪ ﺑﺲ ﺻﺎﺭﺕ ﺑﻌﺪ ﻭﺩﺧﻠﺖ ﺑﺎﻟﺴﻴﺎﺭﻩ ﻭﻛﻠﻤﺎﺗﻪ ﺗﺮﻥ ﺑﺎﺫﺍﻧﻲ ﺍﺫﺍ ﺭﺣﺘﻲ ﻻﻣﺞ ﺑﻌﺪ ﻣﺎﺍﺑﺎﻭﻉ ﺑﻮﺟﻬﺞ ﺑﻌﺪ ﻭﺻﻞ ﺻﺪﻯ ﻫﺎﻟﻜﻠﻤﺎﺕ ﻟﻘﻠﺒﻲ ﻭﻗﻄﻌﺘﻪ ﺍﻭﺻﺎﻝ ﻧﺰﻟﻦ ﺩﻣﻮﻋﻲ ﻓﺰﺯﻧﻲ ﺻﻮﺕ ﺍﻟﺴﺎﻳﻖ
ﺷﺴﺎﻟﻔﻪ ﻏﻴﺮ ﺗﻔﻬﻤﻮﻧﺎ ﺷﻨﻮ ﻳﻤﻌﻮﺩﻳﻦ ﻭﺿﻌﻜﻢ ﻣﺮﻳﺐ ﻭﻣﺎﻋﺎﺟﺒﻴﻨﻲ .
ﺍﻣﺎﻟﻴﺪ : ﻫﺬﻥ ﺑﻨﺎﺗﻲ ﻭﺍﺑﻮﻫﻦ ﻣﺎﻳﻘﺒﻞ ﺍﺷﻮﻓﻬﻦ ﻭﺍﻧﺪﺍﺭﺕ ﻋﻠﻴﻨﻪ ﺷﻠﻮﻧﺠﻦ ﻭﺍﻟﻠﻪ ﻣﻴﺘﻪ ﻋﻠﻰ ﺷﻮﻓﺘﺠﻦ ﻣﺎﻣﺼﺪﻛﻪ ﺍﻧﺘﻦ ﻛﺒﺎﻟﻲ
ﺍﻟﺴﺎﻳﻖ / ﺭﺟﻞ ﻛﺒﻴﺮ ﻭﻗﺪ ﺑﺪﺍ ﻋﻠﻴﻬﻪ ﺍﻟﺤﻜﻤﻪ ﻭﺍﻟﻮﻗﺎﺭ ﻭﺍﻟﺼﻮﺕ ﺍﻟﺠﻬﻮﺭﻱ .
ﻳﻌﻨﻲ ﺍﻧﺖ ﻫﺴﻪ ﺍﺧﺬﺗﻴﻬﻦ ﺑﺪﻭﻥ ﻣﺎﻳﺪﺭﻱ؟
: ﺍﻱ ﻋﻴﻨﻲ ﻣﻮ ﺍﻛﻠﻚ ﺣﺎﺭﻣﻨﻲ ﻣﻨﻬﻦ !
: ﺍﻱ ﺑﺲ ﺍﻛﻮ ﺗﻔﺎﻫﻢ ﻣﻮ ﻫﻴﺞ ﺗﺎﺧﺬﻳﻬﻦ ﻫﺴﻪ ﻳﻈﻞ ﺑﻘﻠﻖ ﻋﻠﻴﻬﻦ .
ﺗﺠﺎﻫﻠﺘﻪ ﺍﻣﺎﻟﻴﺪ ﻭﺍﻧﺪﺍﺭﺕ ﻋﻠﻰ ﺍﻟﺒﻨﺎﺕ ﺍﻟﻲ ﻛﺎﻋﺪﺍﺕ ﻭﺭﻩ ﻣﺮﻋﻮﺑﺎﺕ ﻭﺧﺎﻳﻔﺎﺕ ﻣﻦ ﺍﻟﻤﺠﻬﻮﻝ ﻭﺑﻴﻨﻬﻢ ﻃﻔﻠﺔ ﺻﻤﺎﺀ ﺑﻜﻤﺎﺀ ﻣﺎﺗﻌﺮﻑ ﺷﻨﻮ ﺍﻟﻲ ﺻﺎﺭ ﻭﻟﻴﺶ ﻫﻴﺞ ﺗﺼﺮﻓﻦ ﺍﺧﻮﺍﺗﻬﺎ ﻟﻜﻦ ﻓﺮﺣﺘﻬﺎ
ﺑﺸﻮﻓﺔ ﺍﻣﻬﺎ ﻃﻐﻰ ﻉ ﻛﻞ ﺗﺴﺎﺋﻞ !
ﺍﻟﻲ ﻣﺎﺗﻌﺮﻑ ﺷﻨﻮ ﺍﻣﻬﺎ ﻭﺷﻨﻮ ﺧﻄﻴﺌﺘﻬﺎ ﻭﻟﻴﺶ ﺗﻔﺮﻗﺖ ﻋﻨﻬﺎ .
ﺍﻣﺎﻟﻴﺪ : ﺻﻔﺎ ﻣﺎﻣﺎ ﻟﻴﺶ ﺗﺒﺠﻴﻦ .
: ﺑﻐﺼﻪ ' ﻣﺎﻛﻮ '
ﺍﻣﺎﻟﻴﺪ : ﺭﻗﻴﺔ ﺣﻴﺎﺗﻲ ﻛﺒﺮﺍﻧﻪ ﻣﺸﺘﺎﻗﺘﻠﺞ ﺣﻴﻴﻞ .
ﻭﺍﻧﺖ ﺳﻤﻴﻪ ﺣﻴﺎﺗﻲ ﻋﺎﺷﺖ ﺍﻳﺪﺝ ﻧﻘﺬﺗﻲ ﺍﺧﻮﺍﺗﺞ ﺍﻧﺖ ﺷﺠﺎﻋﺔ ﻋﻤﺮﻱ .
ﺳﻤﻴﻪ : ﻭﺻﻠﻨﻪ ﻟﺒﻴﺖ ﺍﻭﻝ ﻣﺮﻩ ﻧﺸﻮﻓﻪ .
ﺍﻣﺎﻟﻴﺪ : ﺑﻨﺎﺕ ﺭﺍﺡ ﺍﺧﻠﻴﻜﻢ ﻋﻨﺪ ﺻﺪﻳﻘﺘﻲ ﺑﺲ ﻛﻢ ﻳﻮﻡ ﺣﺘﻰ ﻻﻳﻨﺪﻟﻜﻢ ﺍﺑﻮﻛﻢ ﻭﻳﺠﻲ ﻳﺎﺧﺬﻛﻢ ﻫﻨﺎ ﺍﻣﻦ ﺍﻟﻜﻢ .
ﺗﻌﺎﻟﻮﺍ ﺍﺷﻮ ﺧﻞ ﺍﺣﻀﻨﻜﻢ ﻓﺪﻭﻩ .
ﺩﺧﻠﺘﻨﻪ ﻟﻠﺒﻴﺖ ﺑﻘﻴﻨﻪ ﻳﻢ ﺻﺪﻳﻘﺘﻬﺎ ﺍﻳﺎﻡ ﻣﻌﺪﻭﺩﺓ ﻭﺑﻜﻞ ﻟﺤﻈﻪ ﺍﺗﻮﻗﻊ ﺍﺑﻮﻱ ﻳﺠﻲ ﻋﻠﻴﻨﻪ ﻭﻳﺎﺧﺬﻧﻪ ﻭﻳﻨﻔﺬ ﺑﻴﻨﻪ ﺣﻜﻢ ﺍﻻﻋﺪﺍﻡ . ﻟﻜﻦ ﻣﺎﺍﺟﻪ ﻫﺎﻟﻴﻮﻡ ،
ﺑﻌﺪﻫﺎ ﺍﺟﺖ ﺍﻣﻲ ﻭﺍﺧﺬﺗﻨﺎ ﺑﺘﻜﺴﻲ ﻧﺰﻟﻨﻪ ﻟﺒﻴﺖ ﺛﺎﻧﻲ ﻛﺎﻟﺖ ﻫﺬﺍ ﺑﻴﺘﻲ .
ﺩﺧﻠﻨﺎ ﺍﺣﻨﺎ ﺍﻝ 3 ﻭﻣﺎﻧﻌﺮﻑ ﺷﻨﻮ ﻣﻨﺘﻈﺮﻧﺎ ﺟﻮﻩ ﻭﻣﺎﺍﻧﺪﺭﻱ ﺍﺧﺒﺎﺭ ﺍﺑﻮﻱ ﻭﺷﻮﻥ ﺗﻠﻘﻰ ﺍﻟﺨﺒﺮ .
ﺍﻭﻝ ﻣﺎﻓﺘﻨﻪ ﺻﺎﺭ ﻛﺒﺎﻟﻨﻪ ﺭﺟﺎﻝ ﺍﺣﻤﺮﺍﻧﻲ ﻭﺿﺨﻢ ﺍﺻﻠﻊ ﻭﻛﺮﺭﺵ ﻋﻨﺪﻩ .
ﻳﺒﺎﻭﻋﻠﻨﻪ ﻭﺷﺮﺍﺭﺍﺕ ﺍﻟﻐﻀﺐ ﺗﺘﻄﺎﻳﺮ ﻣﻦ ﻋﻴﻮﻧﻪ .
ﺩﺏ ﺍﻟﺨﻮﻑ ﺑﺠﺴﻤﻲ ﻣﻦ ﻧﻈﺮﺍﺗﻲ ﻭﺑﻬﺎﻟﻠﺤﻈﻪ ﺣﺴﻴﺖ ﺑﺨﻄﺄﻱ ﻭﻣﺎﺍﻃﻤﺌﻨﻴﺖ ﻟﻨﻈﺮﺍﺗﻪ ﺍﺑﺪ
ﻟﺤﻈﺎﺕ ﻣﻦ ﺍﻟﺤﺬﺭ ﻭﺍﻟﺘﺮﻗﺐ
ﺻﺎﺡ ﻉ ﺍﻣﻲ ﺑﻨﻔﺎﺫ ﺻﺒﺮ ﺍﻣﺎﻟﻴﺪ ﺗﻌﺎﻟﻲ
ﺍﻣﻲ ﺍﺷﺮﺗﻠﻲ ﻉ ﻣﻜﺎﻥ ﻛﺎﻟﺖ ﺩﺧﻠﻲ ﺍﻧﺖ ﻭﺍﺧﻮﺍﺗﺞ ﻫﻨﺎ ﻫﺴﻪ ﺍﺟﻲ .
ﺩﺧﻠﺖ ﻟﻠﻤﻜﺎﻥ ﺍﻟﻲ ﺍﺷﺮﺗﻠﻲ ﻋﻠﻴﻪ ﺷﻔﺘﻪ ﻣﻄﺒﺦ .
ﺑﻘﻴﻨﻪ ﻭﺍﻛﻔﻴﻦ . ﺩﻗﺎﻳﻖ ﻭﻋﻠﻪ ﺻﻮﺗﻬﻢ ﻭﻭﻳﺎﻩ ﺻﻮﺕ ﺗﻜﺴﻴﺮ ﻭﻏﻠﻂ ﻭﺿﺮﺏ ﺣﻀﻨﺖ ﺧﻮﺍﺗﻲ ﻭﺧﻔﺖ ﻭﻣﺎﺍﻋﺮﻑ ﺷﻨﻮ ﺍﻟﻲ ﺟﺎﻱ ﻳﺼﻴﺮ .
ﻟﻠﺤﻜﺎﻳﻪ ﺑﻘﻴﺔ
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق