رواية لم تكن خطيئتنا ج1 الجزء الثاني
للكاتبة نور ناصر
.
.
ﺗﻘﺮﺏ ﻣﻨﻲ ﺧﻄﻮﺓ ﻭ ﻫﻤﺲ ﺍﺣﺒﺞ !!
ﺑﺎﻧﺖ ﻋﻠﻰ ﻣﻼﻣﺤﻲ ﻋﻼﻣﺎﺕ ﺗﻌﺠﺐ ﻋﻴﻮﻧﻲ ﺍﻧﻔﺘﺤﺖ ﻋﻠﻰ ﺍﻭﺳﻌﻬﺎ ﺑﺎﻧﺪﻫﺎﺵ ﻗﻠﺒﻲ ﺭﺟﻒ ..
ﺣﺮﻛﺖ ﺷﻔﺎﻳﻔﻲ ﻫﻤﺴﺖ ﺑﺘﺄﺗﺌﻪ
- ﺃ ﺃﻧﻪ .....
ﻗﺒﻞ ﻻﺃﻛﻤﻞ ﺗﻘﺮﺏ ﺍﻛﺜﺮ ﻻﻣﺴﺖ ﺷﻔﺎﻳﻔﻪ ﺷﻔﺎﻳﻔﻲ ﺭﺳﻢ ﻗﺒﻠﺔ ﺭﻗﻴﻘﺔ ﻭﻋﺬﺑﻪ ﺑﻌﻔﻮﻳﺔ ﻭﺷﻐﻒ ﻣﺎﺗﻌﻤﻖ ﺑﻴﻬﺎ ﺑﺲ ﻃﺒﻌﻬﺎ ﻉ ﺷﻔﺎﻳﻔﻲ ﻭﺍﺑﺘﻌﺪ ﻣﻨﻲ ﺑﺴﺮﻋﺔ ﺍﻟﺒﺮﻕ .
ﻧﺰﻟﺖ ﺟﻮﻩ ﺍﺭﻛﺾ ﺭﻛﺾ ﻭﺍﺣﺲ ﻃﺒﻊ ﺷﻔﺎﻓﻪ ﻟﺴﻪ ﺑﻴﻪ
ﻗﺒﻠﺘﻪ ﺗﺮﻛﺖ ﺍﺛﺮ ﻋﻠﻰ ﻧﻔﺴﻴﺘﻲ ﻭﺷﻌﻮﺭﻱ ﺍﺛﺮ ﺳﺎﺣﺮ ﻻﻳﻤﻜﻦ ﺍﻥ ﺍﻧﺴﺎﻩ ..
ﻃﻠﻌﺖ ﻣﻦ ﺑﻴﺘﻬﻢ ﺭﺣﺖ ﻟﺒﻴﺘﻨﺎ .. ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻋﺒﺎﻟﻚ ﺭﺍﺡ ﻳﺠﻲ ﻭﺭﺍﻱ ..
ﻛﻌﺪﺕ ﺑﺎﻟﺤﺪﻳﻘﻪ .. ﺗﻤﺎﻟﻜﺖ ﻧﻔﺴﻲ ﻭﻫﺪﻳﺖ ..
ﺟﻨﺖ ﻣﻨﺘﻈﺮﺓ ﻫﺎﻟﻴﻮﻡ ﻭﻣﻤﻨﺘﻈﺮﺗﻪ .. ﺧﺎﻳﻔﻪ ﻭﻣﻄﻤﺌﻨﻪ ﺑﻨﻔﺲ ﺍﻟﻮﻗﺖ ..
ﺑﺎﻟﻔﺘﺮﺓ ﺍﻻﺧﻴﺮﻩ ﺟﻨﺖ ﺣﺎﺳﻪ ﻳﺮﻳﺪ ﻳﻌﺘﺮﻑ ﺍﻟﻲ ﺑﺤﺒﻪ .
ﻻﻥ ﻛﻞ ﻧﻈﺮﺍﺗﻪ ﻭﺣﺮﻛﺎﺗﻪ ﻭﺗﺼﺮﻓﺎﺗﻪ ﺗﻮﺣﻲ ﺑﺎﻧﻪ ﻳﺮﻳﺪ
ﺍﻥ ﻳﻌﺘﺮﻑ ﻟﻲ ..
ﻟﺬﻟﻚ ﺟﻨﺖ ﺍﺗﻬﺮﺏ ﻣﻨﻪ .. ﺧﺎﻳﻔﻪ ﻭﻣﻤﺮﺗﺎﺣﻪ ﺑﺴﺒﺐ ﻫﺠﺮﺍﻥ ﺑﻨﺖ ﻋﻤﻪ ﺍﺷﻮﺍﻕ .. ﻣﻦ ﺯﻣﺎﻥ ﺗﺤﺠﻴﻠﻲ ﻋﻦ ﺷﺪﺓ ﺍﻋﺠﺎﺑﻬﺎ ﺑﻲ .. ﻭﺣﺒﻬﺎ ﺍﻟﻪ .. ﻭﺍﻧﻲ ﻛﺎﺗﻤﺔ ﺣﺒﻲ ﺍﻟﻪ ﺑﺼﺪﺭﻱ .. ﻭﻫﺴﻪ ﻣﺤﺘﺎﺭﻩ ﺷﻮﻭﻥ؟ .. ﻧﻮﺏ ﺷﻬﺎﻟﺠﺮﺃﺓ ﺍﻟﻌﻨﺪﻩ ﺷﻮﻥ ﻫﻴﺞ ﺳﻮﺍ ﻭﺑﺴﺮﻋﻪ ﺑﺎﺳﻨﻲ ﺷﻮﻥ ﻗﻠﻴﻞ ﺍﺩﺏ ﺧﺠﻠﻨﻲ ﺟﻴﺖ ﺍﺫﻭﺏ .. ﺍﻧﺼﻬﺮﺕ ﺍﻧﺼﻬﺮﺕ ﻉ ﻛﻮﻟﺔ ﺳﻤﻴﻪ
ﺍﻟﺠﻮ ﺑﺎﺭﺩ ﺑﺎﻟﺤﺪﻳﻘﻪ ﺟﺮﺷﺖ .. ﺩﺧﻠﺖ ﻟﻠﺒﻴﺖ ﺻﺎﺭﺕ ﺑﻮﺟﻬﻲ ﺑﻴﺒﻴﺘﻲ .. ﺑﺴﺮﻋﻪ ﺩﺭﺕ ﻭﺟﻬﻲ ﺍﺣﺲ ﻃﺒﻌﺔ ﺍﻟﺒﻮﺳﻪ ﺑﺸﻔﺘﻲ ﻭﺧﺎﻑ ﺗﻨﺘﺒﻪ ﻋﻠﻴﻪ .
ﮔﺎﻟﺖ .. ﻫﺎﺍ ﺻﻔﻴﻪ ﻭﻳﻨﻪ ﺍﺳﻼﻡ؟
.. ﻳﺎﺍﺍ ﺣﺘﻰ ﻧﺴﻴﺖ ﺍﻧﻲ ﻟﻴﺶ ﺟﻨﺖ ﺍﺑﻴﺖ ﻋﻤﻲ ﻗﺒﻞ ﺷﻮﻳﻪ . .. ﺑﺎﺭﺗﺒﺎﻙ ﻛﺘﻠﻬﺎ ﻣﺎﺍﺷﻔﺘﻪ .. ﻭﻋﻔﺘﻬﺎ ﻭﻣﺸﻴﺖ ﻇﻠﺖ ﺗﺪﺭﺩﻡ ﻭﻟﺞ ﻣﻮ ﻛﺘﻠﺞ ﺻﻴﺤﻲ ﻷﺳﻼﻡ ﺧﻠﻲ ﻳﺠﻲ ﻳﺼﻠﺢ ﺍﻟﻬﻴﺘﺮ؟
.. ﺍﻳﻴﻴﻪ ﺑﻴﺒﻲ ﻳﺠﻲ ﺍﺑﻮﻱ ﻫﻮ ﻳﺼﻠﺤﻪ ﺍﻟﺞ ..
.. ﻭﻟﺞ ﺍﺑﻮﺝ ﻳﺠﻲ ﺗﻌﺒﺎﻥ ﻳﺎﻟﻤﺪﻣﻐﻪ
ﻋﻔﺘﻬﺎ ﻭﺭﺣﺖ ﺩﺧﻠﺖ ﺑﺎﻟﻐﺮﻓﻪ ﺍﺗﻨﻔﺲ ﺳﺮﻳﻊ ..
ﺳﻤﻴﻪ ﻣﺘﻐﻄﻴﻪ ﻛﻠﻬﺎ ﺗﻮﻗﻌﺘﻬﺎ ﻧﺎﻳﻤﻪ .. ﻉ ﺣﺲ ﺍﻧﻔﺎﺳﻲ ﻭﺧﺮﺕ ﺍﻟﻐﻄﺎ ﻭﻛﺎﻟﺖ
.. ﺷﺒﻴﺞ ﺟﻦ ﺭﺍﻛﺾ ﻭﺭﺍﺝ ﺟﻠﺐ؟
.. ﺍﻭﻭﻑ ﺳﻤﻴﻪ
.. ﻭﺟﻌﻮﻑ ﺍﺣﺠﻲ؟
.. ﺭﺣﺖ ﻛﻌﺪﺕ ﻳﻤﻬﺎ ﻉ ﺟﺮﺑﺎﻳﺘﻬﺎ .. ﺟﻴﺖ ﺍﺧﺮﻃﻠﻬﻪ ﻛﻞ ﺷﻲ ﺑﺲ ﺗﺮﺩﺩﺕ ﺍﻛﻠﻠﻬﺎ ﺑﺎﺳﻨﻲ ﺧﺎﻑ ﺗﺮﻭﺡ ﺗﺮﺯﻟﻪ ﺗﺴﻮﻳﻬﻪ ﻣﺨﺒﻠﻪ ﻫﺬﻩ ..
.. ﺻﻔﻴﻪ ﺗﺤﺠﻴﻦ ﺷﺒﻴﺞ ﻟﻮ ﺍﺷﻮﻭﻥ؟
.. ﺍﺳﻼﻡ .
.. ﺷﺒﻲ ﻛﻔﺮﺍﻥ؟
.. ﻻﺗﻜﻮﻟﻴﻦ ﻋﻠﻴﻪ ﻫﻴﺞ
.. ﺍﻛﺮﻫﺎ
.. ﺟﺎﺍ ﺭﻭﺣﻲ ﻣﺎﺍﺣﺠﻴﻠﺞ
.. ﺗﺤﺠﻴﻦ ﻟﻮ ﺍﺷﻮﻭﻥ
... ﻛﻠﻲ ﺍﺣﺒﺞ
. ﺍﻳﻴﺒﺎﺍﻩ
.. ﺷﻨﻮﻭﻭ
... ﺍﻱ ﻉ ﺍﻟﺨﻴﺮ ﻭﺍﻟﺒﺮﻛﻪ ﺣﺒﻠﺖ ﻭﺟﺎﺑﺖ ﺗﻨﻜﻪ ..
... ﻃﺎﺡ ﺣﻈﺞ ﻣﻮ ﺻﻮﺟﺞ ﺻﻮﺝ ﺍﻟﺘﺤﺠﻴﻠﺞ .
.. ﺩﻛﻤﻠﻴﻴﻲ ﻭﺑﻌﺪ ﺷﺼﺎﺭ؟ ﺯﻳﻦ ﺷﺒﻴﺞ ﺟﻨﺞ ﺭﺍﻛﺾ ﻭﺭﺍﺝ ﺟﻠﺐ ﻭﻟﻮ ﻫﻮ ﺳﻠﻴﻢ ﻫﻢ ﻳﻌﺘﺒﺮ ﺟﻠﺐ ..
.. ﺳﻤﻴﻪ ﻻ ﺗﺼﻴﺮﻳﻦ ﻏﺜﻴﺜﻪ ﻛﻠﺶ .
.. ﻟﻌﺪ ﺳﻮﻟﻔﻲ ..
.. ﺍﻟﻤﺸﻜﻠﺔ ﻭﻣﺎﺑﻴﻬﻪ ﺍﻧﻪ ﺧﺎﻳﻔﻪ؟
.. ﻣﻦ ﺷﻨﻮ؟
.. ﻣﻮ ﻫﺠﺮﺍﻥ ﺟﻢ ﻣﺮﻩ ﺗﻜﻠﻠﻨﻪ ﺍﺣﺒﻪ ﻭﻣﻌﺠﺒﻪ ﺑﻲ ﻳﻌﻨﻲ ﻫﻲ ﻗﺒﻠﻲ ﺣﺒﺘﻪ ..
.. ﻭﻟﻮ ﻫﻮ ﻣﻜﺮﻭﻩ ﻭﺍﻛﺮﻫﺎ ﻭﺍﺷﻮﻑ ﺩﻡ ﺳﻨﻮﻧﻲ ﻭﻻﺍﺷﻮﻓﻪ ﺑﺲ ﻣﻴﺨﺎﻟﻒ ﺭﺍﺡ ﺍﺣﺠﻴﻬﻪ ﻫﻮ ﻣﺪﺍﻡ ﻳﺤﺒﺞ ﺍﻧﺖ ﺷﻌﻠﻴﺞ ﺑﻬﺠﻴﺮﻩ ﺑﺖ ﻋﻤﺘﻲ ﺍﺷﻮﺍﻙ ﻣﺪﺭﻱ ﻋﺎﮔﻮﻝ ..
.. ﺑﺲ ﻫﻲ ﺗﺤﺒﻪ ﻣﻦ ﺻﺪﻙ
.. ﻭﺍﻧﺖ ﻗﺎﺑﻞ ﺗﺤﺒﻴﻨﻪ ﻣﻦ ﺟﺬﺏ؟
.. ﺩﻗﺎﻳﻖ ﻭﺩﺧﻠﺖ ﻋﻠﻴﻨﻪ ﺭﻗﻴﻪ ﺑﺎﻟﺸﻔﺎﻃﻪ .. ﻭﺗﻌﻴﻂ ﺍﺑﺎ ﺍﺑﺎ ﺍﺑﺎ ﻟﻮ ﻣﺎ ﻧﺨﺘﻞ ﺑﺎﻟﻐﻄﺎ ﺟﺎﻥ ﺣﺼﻠﻨﺎ ﺟﻢ ﺭﻛﻌﻪ ..
ﺳﻤﻴﻪ / ﻭﻟﺞ ﺻﻔﻴﻪ ﺷﺒﻴﻬﻪ ﺟﻨﻬﻪ ﺑﻘﺮﺓ ﻫﺎﻳﺠﻪ ..
ﺻﻔﺎ / ﻭﻟﺞ ﺗﻜﻮﻝ ﻛﻮﻣﻦ ﻧﻀﻔﻦ ﻳﺎﻟﺨﺎﻳﺴﺎﺕ ..
ﺳﻤﻴﻪ / ﻳﻌﻨﻲ ﺍﻛﻮ ﺑﻠﻐﺔ ﺍﻻﺷﺎﺭﻩ ﺧﺎﻳﺴﺎﺕ
ﺻﻔﺎ / ﻣﻮ ﺟﺎﻱ ﺍﺗﺮﺟﻤﻠﺞ ﺷﺒﻴﺞ
.
ﺍﻧﺎ ﺳﻤﻴﻪ .. ﻭﻋﻴﺖ ﻉ ﺍﻟﺪﻧﻴﺎ ﻭﻋﻨﺪﻱ ﺍﺧﺘﻴﻦ
ﻭﺍﻣﻲ ﻭﺍﺑﻮﻱ ﻣﺜﻞ ﻛﺘﺎﻛﻴﺖ ﻭﺍﺣﺪ ﻳﺤﺐ ﺍﻟﺜﺎﻧﻲ
ﺍﻋﺮﻑ ﺍﻫﻞ ﺍﻣﻲ ﻭﺟﻨﻪ ﻧﺰﻭﺭﻫﻢ ﻭﻧﺒﺎﺕ ﻋﺪﻫﻢ
ﺑﺲ ﺍﻫﻞ ﺍﺑﻮﻱ ﻻ ..
ﺑﺲ ﻣﻦ ﺩﺍﻳﺮ ﻋﻴﺪ ﻟﻠﺜﺎﻧﻲ ﻧﺮﻭﺡ ﻟﺒﻴﺒﻴﺘﻲ ﻧﺸﻮﻓﻬﺎ
ﻭﻧﻌﻴﺪﻫﻪ ..
ﻣﺮﺕ ﺍﻳﺎﻡ ﻭﺍﺷﻬﺮ ﻭﺳﻨﻴﻦ ﻭﺣﻴﺎﺗﻨﻪ ﻫﻲ ﻫﻴﻪ ﻣﺎﺗﻐﻴﺮﺕ .
ﻟﻜﻨﻲ ﻣﺆﻣﻨﻪ ﺑﺎﻧﻪ ﺩﺍﺧﻞ ﻛﻞ ﺍﻧﺴﺎﻥ ﺟﺎﻧﺐ ﻣﻈﻠﻢ ﺭﺍﺡ ﻳﻄﻠﻌﻪ ﺑﻴﻮﻡ ﻣﻦ ﺍﻻﻳﺎﻡ ﺍﺫﺍ ﻣﺎﺃُﺗﻴﺤﺖ ﺍﻟﻪ ﺍﻟﻔﺮﺻﻪ
ﻭﻫﻴﺞ ﺻﺎﺭ ﻭﻱ ﺍﻣﻲ .. ﺍﺧﺘﻠﻄﺖ ﺑﺎﺻﺪﻗﺎﺀ ﺍﻟﺴﻮﺀ
ﻭﺗﻐﻴﺮﺕ 180 ﺩﺭﺟﺔ .. ﻣﺼﺎﺭﻟﻪ ﻫﻮﺍﻱ ﻫﺎﻟﺸﻲ ..
ﺟﻨﺖ ﺍﻓﺘﻬﻢ ﻭﻛﺒﻴﺮﺓ .. ﺍﺭﺍﻗﺐ ﺍﻣﻲ ﺗﻄﻠﻊ
ﻭﺧﻮﺍﺗﻲ ﻻﺯﻣﺎﺕ ﺍﻟﺒﻴﺖ .. ﺭﻗﻴﺔ ﻭﻫﻲ ﺑﻌﻤﺮ ﺻﻐﻴﺮ
ﻧﻀﻴﻔﺔ ﻭﻧﺎﺩﺭﺓ ﻭﺻﻔﺎ ﻃﺒﺎﺧﺔ ﻣﺎﻫﺮﺓ ..
ﺟﻨﺖ ﺍﺭﺍﻗﺐ ﺍﻣﻲ ﻭﺍﺳﻤﻌﻬﺎ ﺗﺤﺎﺟﻲ ﻭﻟﺪ
ﺍﻛﺜﺮ ﻣﻦ ﻣﺮﻩ ﺍﺳﺄﻟﻬﺎ ﺗﻜﺘﻠﻨﻲ ﻭﺗﻜﻠﻲ ﻣﺎﻋﻠﻴﺞ ﻭﺗﻬﺪﺩﻧﻲ
ﺍﻛﺜﺮ ﻭﺣﺪﻩ ﺍﻛﻠﺖ ﻛﺘﻞ ﻫﻲ ﺍﻧﻪ ..
ﺍﺷﻮﻓﻬﺎ ﺗﻄﻠﻊ ﻭﻣﻦ ﺗﺠﻲ ﺍﻛﻠﻬﺎ ﻻﺗﻄﻠﻌﻴﻦ ﺍﺑﻮﻱ ﻣﺎﻳﻘﺒﻞ
ﺗﻜﺘﻠﻨﻲ . ﻻﻥ ﺟﺎﻧﺖ ﺧﺎﻳﻔﻪ ﺍﻓﻀﺤﻬﺎ ﻋﺒﺎﻟﻬﺎ ﺍﺫﺍ ﺗﻀﺮﺑﻨﻲ ﺭﺍﺡ ﺗﺨﻮﻓﻨﻲ ﻭﺍﺳﻜﺖ . ﻟﺤﺪ ﻣﺎ ﻓﺪ ﻳﻮﻡ ﻣﺜﻞ ﺑﺮﻛﺎﻥ ﻭ ﺍﻧﻔﺠﺮ ﺑﺪﺍﺧﻠﻲ ﺭﺩﺕ ﺍﺭﺟﻌﻬﺎ ﺍﻣﻲ ﺍﻟﻄﻴﺒﻪ .. ﺍﻟﻔﻘﻴﺮﺓ ﺭﺩﺕ ﺍﺣﻔﻆ ﺳﻤﻌﺘﻨﺎ ﻭﺳﻤﻌﺔ ﺍﺑﻮﻱ .. ﻻﻥ ﺍﺣﻨﺎ ﺑﻨﺎﺕ ﻭﺍﻟﻨﺎﺱ ﺭﺍﺡ ﻳﺤﻤﻠﻮﻧﺎ ﺫﻧﺐ ﺍﻣﻨﺎ .. ﻭﺍﺑﻮﻱ ﻻﻫﻲ ﺑﺸﻐﻠﺘﻪ ..
ﺭﺟﻌﺖ ﻣﻦ ﺑﺮﻩ ﻗﺒﻞ ﺟﻴﺖ ﺍﺑﻮﻱ ﺑﻨﺺ ﺳﺎﻋﻪ . ﮔﺘﻠﻬﺎ ﺍﻧﺖ ﻋﺎﻫﺮ ﻭﺍﻧﺖ ﺳﺎﻗﻄﻪ .. ﻭﺍﻧﺖ ﻭﻭﻭ
ﻟﺰﻣﺘﻨﻲ ﻣﻮﺗﺘﻨﻲ ﻛﺘﻞ ﺧﻮﺍﺗﻲ ﻳﻔﻜﻮﻧﻲ ﻣﺎﺗﻔﻚ ﺣﺘﻰ ﺩﻡ ﻃﻠﻌﺖ ﻣﻨﻲ ﺧﺮﻣﺸﺘﻨﻲ ﺑﻜﻞ ﺟﺴﻤﻲ ..
ﻭﺗﺮﻛﺘﻨﻲ ﻭﻃﺒﺖ ﻟﻠﺤﻤﺎﻡ ﺗﺴﺒﺢ .. ﺍﻧﻘﺮﻓﺖ ﻣﻨﻬﺎ ﻛﺮﻫﺘﻬﺎ .
ﻣﻦ ﺍﺟﻪ ﺍﺑﻮﻱ ﻛﻞ ﺷﻲ ﮔﺘﻠﻪ .. ﺭﺍﺡ ﺩﻭﺭ ﺑﺠﻨﻄﺘﻬﺎ ﺷﺎﻑ ﺗﻠﻴﻔﻮﻥ ﻏﻴﺮ ﺗﻠﻴﻔﻮﻧﻬﺎ ﻭﻓﻠﻮﺱ ﻭﺫﻫﺐ ..
ﺷﻔﺘﻪ ﻳﻀﺮﺏ ﺑﻴﻬﺎ ﻭﻫﻲ ﺗﻜﻮﻡ ﻭﻻ ﻛﺎﻧﻪ ﻳﻀﺮﺑﻬﺎ
ﻳﻄﻜﻬﺎ ﺑﻮﻛﺴﻲ ﻳﺮﮔﻌﻬﺎ ﺑﺎﻟﻜﺎﻉ ﻭﻻﻛﺎﻧﻪ ﺷﻲ
ﺷﻨﻮ ﻫﺎﻟﻘﻮﻩ ﺍﻟﻌﺪﻫﺎ ..
ﺍﺑﻮﻱ ﻓﻘﻴﺮ ﻭﺣﺘﻰ ﺩﺟﺎﺟﻪ ﻣﺎﻳﻬﻮﻥ ﻋﻠﻲ ﻳﺬﺑﺢ
ﺍﻧﻘﻬﺮﺕ ﻋﻠﻴﻪ ﻣﻦ ﺷﻔﺘﻪ ﺷﻜﺪ ﺿﺎﻳﺞ ﻭﻣﻜﺴﻮﺭ ﻭﻣﻬﺰﻭﺯ .
ﺑﻌﺪ ﻫﻲ ﺍﻟﺤﺎﺩﺛﻪ ﻃﻠﮕﻬﺎ ﻭﺍﺧﺬﻧﻪ ﻟﺒﻴﺖ ﺍﻫﻠﻪ ..
ﺍﻣﻲ ﻣﺎﻋﺮﻓﻨﺎ ﻋﻨﻬﺎ ﺷﻲ ..
ﺻﺎﺭ ﺍﺑﻮﻱ ﻗﺎﺳﻲ ﻋﻠﻴﻨﺎ ﺑﺲ ﺭﻗﻴﺔ ﻳﺤﺒﻬﺎ ..
ﻋﻤﻲ ﻭﺍﻭﻻﺩ ﻋﻤﻲ ﻳﻜﺮﻫﻮﻧﺎ ﻛﻠﺶ ..
ﺻﺮﻧﺎ ﻣﻨﺒﻮﺫﻳﻦ .. ﺑﺴﺒﺐ ﺍﻣﻨﺎ ..
ﻣﺮﺕ ﺍﻳﺎﻡ ﻫﺰﻧﻲ ﻫﺰﻧﻲ ﺍﻟﺤﻨﻴﻦ ﻷﻣﻲ . ﺍﻟﻲ ﻣﺎﺍﻋﺮﻑ ﻋﻨﻬﺎ ﺷﻲ . ﺗﻨﺪﻣﺖ ﻉ ﺳﻮﻳﺘﻪ
ﻋﻈﻴﺖ ﺍﺻﺎﺑﻌﻲ ﻣﺌﺎﺕ ﺍﻟﻤﺮﺍﺕ .. ﻣﻦ ﺷﺪﺓ ﺍﻟﺤﺴﺮﻩ ﻉ ﺍﻳﺎﻣﻨﺎ ﻭﺍﺣﻨﺎ ﺳﻮﺍ . ﻉ ﻛﻌﺪﺗﻨﻪ ﻧﻮﻣﺘﻨﻪ ﺍﻛﻠﻨﻪ ﻭﺍﺣﻨﻪ ﻣﻠﺘﻤﻴﻦ ﻉ ﺍﻟﺴﻔﺮﻩ . ﺑﺲ ﻣﺎﻳﻔﻴﺪ ﺍﻟﻨﺪﻡ ﺗﻔﺮﻗﻨﺎ ﻭﺍﺑﻮﻱ ﻛﺮﻩ ﺍﻣﻲ ﺷﻜﺪ ﺣﺎﻭﻟﺖ ﺗﺮﺩ ﺍﻟﻪ ﻣﺴﺘﺤﻴﻞ ﺑﻌﺪ ﺍﻟﺨﻴﺎﻧﻪ ﻳﺴﺎﻣﺤﻬﺎ .. ﻫﺎﻧﺖ ﺭﺟﻮﻟﺘﻪ ﻭﻣﺎﺣﺎﻓﻈﺖ ﻋﻠﻰ ﺳﻤﻌﺘﻪ ..
ﺗﻮﺳﻠﺘﻪ ﻳﺮﺟﻌﻬﺎ . ﻃﺮﺩﻧﻲ ﻣﻦ ﻳﻤﻪ ﻭﻛﺎﻝ ﺍﺫﺍ ﻋﺪﺗﻴﻬﺎ ﺗﻨﻜﺘﻠﻴﻦ .. ﺳﻜﺘﺖ
ﻣﺮﺕ ﺍﻳﺎﻡ ﻭﻟﻴﺎﻟﻲ ﺍﺗﺤﺴﺮ ﻭﺍﺑﺠﻲ ﻭﺣﺪﻱ ..
ﻣﻮ ﻛﺪﺍﻡ ﺍﺣﺪ ﻣﺎﺍﺣﺐ ﺍﺑﻴﻦ ﺿﻌﻔﻲ ﻻﻗﺮﺏ ﺷﺨﺺ ﻣﻨﻲ ﻭﺍﻟﻲ ﻫﻲ ﺻﻔﺎ ﺗﻮﺃﻣﻲ .. ﺟﺎﻧﺖ ﺗﺨﻠﻲ ﺭﺍﺳﻬﺎ ﻋﻠﻰ ﻛﺘﻔﻲ ﻭﺗﺒﺠﻲ .. ﺑﺲ ﺍﻧﻪ ﺩﻣﻌﺘﻲ ﻋﻨﻴﺪﻩ ﻣﺎﺗﻨﺰﻝ ﻛﺪﺍﻡ ﺍﺣﺪ .
ﺟﻨﺖ ﺍﻓﻜﺮ ﺑﻴﻨﻲ ﻭﺑﻴﻦ ﻧﻔﺴﻲ ﻭﺍﻛﻮﻝ ﻟﻮ ﻣﻨﻄﻴﻪ ﺍﻣﻲ ﻓﺮﺻﻪ ﻟﻮ ﻣﻜﺎﻳﻠﻪ ﻻﺑﻮﻱ ﻋﻠﻴﻬﺎ ﺟﺎﻥ ﻳﻤﻜﻦ ﺗﻌﺪﻟﺖ ﻭﺗﺎﺑﺖ ﺑﺲ ﺍﻧﻲ ﻣﺘﺴﺮﻋﻪ ﻭﺭﻋﻨﻪ .. ﻓﻀﺤﺖ ﺍﻣﻲ ﻛﺪﺍﻡ ﺍﺑﻮﻱ ﺍﻧﻲ ﻣﺎﺍﺳﺘﺎﻫﻞ ﺍﻟﺴﻌﺎﺩﻩ .. ﻭﺗﺴﺒﺒﺖ ﺑﻔﺮﺍﻗﻬﻢ ﻭﺿﻴﺎﻋﻨﺎ
ﺟﺎﻥ ﺍﺑﻮﻳﻪ ﻣﻦ ﻳﻜﻮﻟﻲ ﻋﻠﻰ ﺷﻲ ﻭﺍﻧﺴﻰ ﺍﺳﻮﻱ ﺍﻭ ﺍﺗﻌﺎﺟﺰ ﺍﺳﻮﻱ .. ﻳﻜﻠﻲ ﻣﺎﺑﻴﺞ ﺧﻴﺮ .
ﻫﺎﻟﺠﻤﻠﻪ ﺗﺄﻟﻤﻨﻲ .. ﺗﻮﺟﻌﻨﻲ .. ﻭﺍﺗﺬﻛﺮ ﺧﻄﺄﻱ .. ﺗﻤﻨﻴﺖ ﻳﻜﻮﻥ ﺍﻻﺧﻴﺮ ..
ﻓﺪ ﻳﻮﻡ ﺟﺎﻧﺖ ﺻﻔﺎ ﺑﺎﻟﻤﺪﺭﺳﻪ ﻭﺍﻧﻪ ﻣﺎﻣﺪﺍﻭﻣﻪ ﻭﺭﻗﻴﻪ ﻻﻫﻴﻪ ﺗﻨﻀﻒ ﻋﺪﻫﺎ ﺍﺳﺘﻌﺪﺍﺩ ﺗﻨﻀﻒ ﻣﻦ ﺍﻟﺴﻄﺢ ﻟﻠﺸﺎﺭﻉ ﻭﺗﻌﻴﺪ ﻣﺮﻩ ﻣﺮﺗﻴﻦ ﻭ .3
ﺳﻤﻌﺖ ﺗﻠﻴﻔﻮﻥ ﺑﻴﺒﻴﺘﻲ ﻳﺮﻥ .. ﺭﺣﺖ ﺍﺧﺬﺗﻪ ﺑﺎﻭﻋﺖ ﺑﺎﻟﺸﺎﺷﻪ ﺭﻗﻢ ﻏﺮﻳﺐ
ﺟﺎﻭﺑﺘﻪ ..
ﺳﻤﻌﺖ ﺻﻮﺗﻬﺎ .. ﺍﻱ ﻫﻲ ﺻﻮﺕ ﺍﻣﻲ ﻋﺮﻓﺘﻪ .. ﻋﺮﻓﺖ ﻧﺒﺮﺗﻬﺎ .. ﻣﺴﺘﺤﻴﻞ ﺍﻧﺴﺎﻫﺎ ..
ﮔﻠﺖ .. ﺍﻟﻮ ﻣﺎﻣﺎ؟ ؟
.. ﻣﻨﻮ ﺍﻧﺖ ﺻﻔﺎ؟
ﺍﻧﻘﻬﺮﺕ ﺍﻛﻴﺪ ﺣﺎﻗﺪﻩ ﻋﻠﻴﻪ .. ﻭﻛﺎﺭﻫﺘﻨﻲ .. ﻣﺎﺟﺎﻭﺑﺖ ﻉ ﺳﺆﺍﻟﻬﺎ ﻛﺘﻠﻬﺎ ﺷﻠﻮﻧﺞ؟
.. ﺯﻳﻨﻪ ﺣﻤﺪﻟﻠﻪ ﻧﺎﻗﺼﻨﻲ ﺍﻧﺘﻢ ..
.. ﺍﺣﻨﺎ ﻫﻢ ﻣﺸﺘﺎﻗﻴﻠﺞ .. ﺍﺭﺟﻒ ﻭﺍﺣﺠﻲ .. ﺧﺎﻳﻔﻪ ﺗﻌﺮﻓﻨﻲ ..
.. ﻣﻜﺘﻴﻠﻲ ﺍﻧﺖ ﺻﻔﺎ ﻟﻮ ﺳﻤﻴﻪ
.. ﺍﻟﻤﻔﺮﻭﺽ ﺍﻧﺖ ﺗﻌﺮﻓﻴﻦ ﺻﻮﺕ ﻣﻨﻮ ﺑﺪﻭﻥ ﻣﺎﺍﮔﻠﺞ .
ﺑﻌﺪﻳﻦ ﺍﻧﺖ ﺍﺷﻮ ﻣﺎﻛﻮ ﻧﺴﻴﺘﻴﻨﺎ؟
.. ﻟﻮ ﻧﺎﺳﻴﺘﻜﻢ ﻣﺎﺟﺎﻥ ﺧﺎﺑﺮﺕ .. ﺑﺲ ﻣﻠﺘﻬﻴﺔ ﺑﺰﻭﺍﺟﻲ
.. ﺍﻧﺼﺪﻣﺖ ﺷﻬﮕﺖ ﺗﺰﻭﺟﺘﻲ؟
.. ﺧﻮ ﻣﺎﺍﻇﻞ ﺑﻌﺪﻧﻲ ﺷﺎﺑﻪ .. ﻋﻤﺮﻱ 35 ﺳﻨﻪ ﻭﺣﻠﻮﻩ ﻭﺍﻟﻒ ﻣﻦ ﻳﺘﻤﻨﺎﻧﻲ ..
.. ﺍﻟﻒ ﻣﺒﺮﻭﻙ ﺗﺘﻬﻨﻴﻦ ﺍﻥ ﺷﺎﺀﺍﻟﻠﻪ ..
ﺑﺠﻴﺖ ﺑﺼﻤﺖ ﺩﻣﻮﻋﻲ ﻧﺰﻟﺖ ﺷﻼﻝ ﻉ ﺧﺪﻱ ﺟﻮﺗﻨﻲ ﺍﻧﻘﻬﺮﺕ ﻛﻠﺶ .. ﻧﻬﻴﺖ ﺍﻟﻤﻜﺎﻟﻤﻪ ..
ﺑﺪﻭﻥ ﻣﺎﺗﻌﺮﻓﻨﻲ ﻣﻨﻮ ..
ﺑﻘﻴﺖ ﺍﻟﻴﻮﻡ ﻛﻠﻪ ﺍﻓﻜﺮ ﻭﻣﻘﻬﻮﺭﻩ .. ﻟﻴﺶ ﺗﺰﻭﺟﺖ ﺟﻨﺖ ﺍﺭﻳﺪﻫﺎ ﺗﺮﺟﻊ ﻣﺸﺘﺎﻗﺔ ﻟﻠﻤﺘﻨﺎ ﺳﻮﺍ ..
ﻣﺮﺕ ﺍﻳﺎﻡ ﻇﻠﺖ ﺗﺘﻮﺍﺻﻞ ﻭﻳﺎﻱ
ﻣﺮﻩ ﮔﻄﻌﺖ ﻭﻇﻞ ﺑﺎﻟﻲ ﻋﻠﻴﻬﺎ ..
ﺑﻌﺪ ﻓﺘﺮﺓ ﺧﺎﺑﺮﺕ ﺟﺎﻭﺑﺘﻬﺎ ﺳﺄﻟﺘﻬﺎ ﻟﻴﺶ ﻣﺎﻛﻮ ..
ﻛﺎﻟﺖ ﺟﻨﺖ ﺑﺘﺮﻛﻴﺎ ..
ﻫﺎﺍ ﺷﻨﻮ ﺗﺴﻮﻳﻦ ..
ﺷﺴﻮﻱ ﺍﺗﻮﻧﺲ، ..
ﻫﺎ ﺣﻠﻮﻩ ﺗﺮﻛﻴﺔ
ﺍﺗﺠﻨﻨﻨﻦ ﺗﺮﺩﻳﻦ ﺍﺧﺬﺝ ﺍﻟﻬﺎ؟
ﻳﺎﺭﻳﺖ ..
ﺗﺮﺩﻳﻦ ﻧﺮﻭﺡ ﺑﻌﺪ ﻣﺎﻧﺮﺟﻊ .. ؟
ﻭﺍﺑﻮﻱ؟
ﺷﺒﻲ؟
ﻣﺎﺭﺍﺡ ﻳﻘﺒﻞ ..
ﻻﻳﻘﺒﻞ ﻳﻮﻟﻲ ﺍﻧﻪ ﺭﺍﺡ ﺍﻧﺘﺸﻠﻜﻢ ﻣﻦ ﺍﻟﻮﺍﻗﻊ ﺍﻟﻲ ﺍﻧﺘﻢ ﺑﻲ ..
ﺧﺎﻑ ﻳﻌﺮﻑ ﻭﻣﻦ ﻧﺮﺟﻊ ﻳﻜﺘﻠﻨﻪ ..
ﻣﺎﻧﺮﺟﻊ ﺷﺒﻴﺞ ﺣﺒﻴﺒﺘﻲ ﺻﻔﺎ ..
ﺑﻘﻬﺮ ﮔﺘﻠﻬﺎ ﺍﻧﻪ ﺳﻤﻴﻪ ﻣﻮ ﺻﻔﺎ ..
ﻣﺎﻛﻮ ﻓﺮﻕ ﺍﻧﺘﻮﺍ ﺍﻟﺜﻼﺛﻪ ﺑﻨﺎﺗﻲ ﻗﻄﻌﻪ ﻣﻨﻲ .. ﺭﺍﺡ ﺍﺩﺯ ﺧﺎﻟﺞ ﺟﺎﺑﺮ ﺍﻟﻜﻢ ﻳﻨﻄﻴﺞ ﺷﻐﻼﺕ ﺟﺒﺘﻬﺎ ﺍﻟﻜﻢ ﻣﻦ ﺗﺮﻛﻴﺎ ﻭﻫﺬﺍ ﺍﻟﻤﻮﺿﻮﻉ ﻧﺤﺠﻲ ﺑﻲ ﺑﻌﺪﻳﻦ ..
ﺳﺪﻳﺘﻪ ﻣﻨﻬﺎ ..
ﺣﺎﺟﻴﺖ ﺻﻔﺎ ﻛﺘﻠﻬﺎ ﺟﺎﻱ ﺍﺗﻮﺍﺻﻞ ﻭﻳﺎ ﺍﻣﻲ ..
ﺧﺎﻓﺖ ﻻﻥ ﺍﺑﻮﻱ ﻣﺤﺬﺭﻧﻪ ..
ﺩﺯﺗﻠﻨﻪ ﻣﻼﺑﺲ ﺣﻠﻮﻩ ﻛﻠﺶ ﻓﺴﺎﺗﻴﻦ ﺟﻴﻨﺰﺍﺕ ﻭﻓﻠﻮﺱ ﻓﺮﺣﻨﻪ ﻛﻠﺶ ..
ﺟﺎﻧﺖ ﺗﻮﺯﺯ ﺑﻴﻨﻪ ﻉ ﺍﺑﻮﻱ ﻻﺗﻄﺒﺨﻮﻟﻪ ﺍﻛﻞ ﻳﻮﻟﻲ ﺍﺫﺍﻛﻢ ﺑﻌﺪﻛﻢ ﻋﻨﻲ ﻣﺮﺍﺕ ﺗﺄﺛﺮ ﻋﻠﻴﻪ ﻭﻣﻨﺒﻘﻲ ﻻﺑﻮﻧﻪ ﺍﻛﻞ ..
ﻇﻠﺖ ﺗﻠﺢ ﺑﻤﻮﺿﻮﻉ ﺍﻟﻬﺠﺮﻩ ﺗﺮﻳﺪ ﺗﺎﺧﺬﻧﺎ ﻭﺗﺮﻭﺡ ﺑﻴﻨﺎ
ﻭﺍﺣﻨﻪ ﻫﻢ ﻣﻠﻴﻨﻪ ﻣﻦ ﻭﺿﻌﻨﺎ ﻫﺬﺍ .. ﻻ ﻧﻄﻠﻊ ﺍﺭﺑﻊ ﺍﺷﻬﺮ ﺍﻟﻌﻄﻠﻪ ﻣﻌﺸﻌﺸﻴﻦ ﺑﺎﻟﺒﻴﺖ ﻻ ﻧﺸﺘﺮﻱ ﻣﻼﺑﺲ ﺍﻻﻛﻞ ﻛﻮﻩ ﺍﺑﻮﻱ ﺷﻮﻳﻪ ﺑﺨﻴﻞ ﻭﻻﺯﻡ ﻧﻔﺴﻪ
.
ﺻﻔﺎ ...
ﻣﺮﺕ ﺍﺷﻬﺮ ﻭﺍﻧﻪ ﺍﺗﻬﺮﺏ ﻣﻦ ﺍﺳﻼﻡ ﻣﺎﺷﻮﻓﻪ
ﻣﺮﺍﺕ ﻧﻄﻠﻊ ﻟﻠﻤﺪﺭﺳﻪ ﺍﺗﺠﻨﺒﻪ ﻛﻠﺶ ﻭﺍﺧﺘﻞ ﻭﺭﺍ ﺳﻤﻴﻪ ﻟﻮ ﺍﺩﺧﻞ ﻟﻠﺒﻴﺖ ..
ﺍﻣﺘﺤﻨﻪ ﺻﻒ ﺧﺎﻣﺲ ﺍﻧﻪ ﺍﺩﺑﻲ ﻭﺳﻤﻴﺔ ﻋﻠﻤﻲ ..
ﻭﺍﺟﻪ ﻳﻮﻡ ﻧﺮﻭﺡ ﻧﺴﺘﻠﻢ ﺍﻟﻨﺘﻴﺠﺔ .. ﻭﺻﻴﺖ ﺍﺑﻮﻱ ﻳﻮﺻﻠﻨﺎ .
ﻛﻌﺪﺕ ﺍﻟﺼﺒﺢ ﺑﺪﻟﺖ .. ﻟﺒﺴﺖ ﺗﻨﻮﺭﻩ ﺳﻮﺩﻩ ﻭﺑﺪﻱ ﺭﺻﺎﺻﻲ .. ﻣﻦ ﻛﺪﺍﻡ ﻋﻠﻲ ﻗﻤﺎﺵ ﺗﻮﻝ ﺧﻔﻴﻒ .. ﻭﺧﺮﺯ ﺍﺑﻴﺾ .. ﺷﻜﺪ ﻛﻌﺪﺕ ﺳﻤﻴﻪ ﺗﻜﻮﻡ ﺣﺘﻰ ﺗﺒﺪﻝ ﻣﺎﻗﺒﻠﺖ
ﻛﺎﻟﺖ ﻣﺎﺭﻭﺡ ﺍﺭﻳﺪ ﺍﻧﺎﻡ ﺍﻧﺖ ﺟﻴﺒﻲ ﺍﻟﻨﺘﻴﺠﻪ ..
ﻋﻔﺘﻬﺎ ﻟﻔﻴﺖ ﺷﺎﻟﻲ ﺍﺳﻮﺩ ﻭﻛﻌﺪﺕ ﺍﻧﺘﻈﺮ ﺍﺑﻮﻱ ..
ﺷﺎﻓﺘﻨﻲ ﺑﻴﺒﻴﺘﻲ ..
.. ﻫﺎﺍ ﺍﺗﺎﻧﻴﻦ ﺍﺳﻼﻡ؟
.. ﺑﻠﻌﻤﺖ ﺍﺳﻤﻪ ﻳﻮﺗﺮﻧﻲ .. ﮔﺘﻠﻬﺎ ﻻﺑﻴﺒﻲ ﺍﺑﻮﻱ ﺭﺍﺡ ﻳﺠﻲ ﻳﻮﺩﻳﻨﻲ ﻟﻠﻤﺪﺭﺳﻪ ﺍﺳﺘﻠﻢ ﺍﻟﻨﺘﻴﺠﻪ ..
.. ﺟﺎ ﻫﻮ ﮔﻠﻲ ﺭﺍﻳﺢ ﺑﻜﺮﻭﻩ ﻟﻠﺘﻨﻮﻣﻪ ﻭﻳﻤﻜﻦ ﻳﺘﺄﺧﺮ ﻭﺧﻠﻲ ﺇﺳﻼﻡ ﻳﻮﺩﻳﺠﻦ ..
ﺑﻬﺎﻻﺛﻨﺎﺀ ﺳﻤﻌﺖ ﺻﻮﺕ ﺍﺳﻼﻡ ﻳﻢ ﺍﻟﺒﺎﺏ ﻳﺘﺤﻤﺤﻢ ﺍﺣﻢ ﺍﺣﻢ ﻳﻼ ﻭﻳﻨﺠﻦ ..
ﺧﺬﻳﺖ ﺟﻨﻄﺘﻲ ﻭﻛﻤﺖ ﻣﻦ ﻉ ﺍﻟﻜﺮﺳﻲ ﻛﻠﺖ ﻳﺎﺍ ﺻﺨﺎﻡ ﺑﺼﻮﺕ ﻣﺴﻤﻮﻉ ﻭﺭﺣﺖ ﺍﺭﻛﺾ ﺟﻮﻩ ﺑﺎﻟﻐﺮﻓﻪ ﻃﺒﺨﺖ ﺑﺒﻄﻦ ﺭﻗﻴﻪ ﻧﺎﻳﻤﻪ ﺑﺎﻟﻜﺎﻉ ﻭﺷﻤﺮﺕ ﺭﻭﺣﻲ ﻋﻠﻰ ﺳﻤﻴﻪ ﺍﺟﺮﺟﺮ ﺑﻴﻬﺎ ﻣﻦ ﺷﻌﺮﻫﺎ .. ﻛﻮﻣﻲ ﺣﺒﻮﺑﻪ ﺍﻣﺸﻲ ﻭﻳﺎﻱ . .
ﻣﺎﻛﻮ ﻭﻻﺟﻨﻪ ﺗﺴﻤﻌﻨﻲ .
ﺑﺎﻭﻋﺖ ﻟﺮﻗﻴﺔ ﺗﺄﺷﺮﻟﻲ ﺑﻤﻌﻨﻰ ﺷﻨﻮ ﺷﺼﺎﺭ ..
ﺭﺣﺖ ﻳﻤﻬﺎ ﺑﻮﺳﺘﻬﺎ ﺍﺷﺮﺗﻠﻬﻪ ﻋﺬﺭﻳﻨﻲ ﺩﺳﺖ ﻋﻠﻴﺞ .
ﻣﺎﺍﺩﺭﻱ ..
ﺍﻛﻌﺪ ﺑﺴﻤﻴﺔ ﻣﺎﺗﻜﻌﺪ ﻛﻠﻠﺶ .. ﺳﻤﻌﺖ ﺻﻮﺗﻪ ﻳﻢ ﺑﺎﺏ ﺍﻟﻐﺮﻓﻪ .. ﻳﻠﻠﻪ ﺻﻔﺎ ﻻﺗﺄﺧﺮﻳﻨﻲ ..
ﻭﺩﻓﻌﺖ ﺑﻴﺒﻴﺘﻲ ﺍﻟﺒﺎﺏ .. ﻭﻟﺞ ﻳﻠﻠﻪ ﺟﺎﻱ ﻳﺘﺎﻧﻴﺞ ..
ﻃﻔﺮﺕ ﻣﻦ ﻣﻜﺎﻧﻲ ..
ﺑﻴﺒﻲ ﺧﻠﻲ ﻳﺮﻭﺡ ﻣﺎﺍﺭﻭﺡ ﻭﻳﺎ ..
.. ﺟﺎ ﺍﻟﻤﻦ ﺑﺪﻟﺘﻲ ﻳﺤﻈﻴﻲ ..
ﺳﻤﻌﺖ ﺻﻮﺗﻪ ﺑﺪﻭﻥ ﻣﺎﺍﺷﻮﻓﻪ ..
ﺻﻔﺎﺍ ﺍﻧﻪ ﻃﺎﻟﻊ ﺍﻧﺘﻈﺮﺝ ﻳﻢ ﺑﺎﺏ ﺍﻟﻤﻄﺒﺦ ﺍﺫﺍ ﻣﺎﻃﻠﻌﺘﻲ ﺍﺟﻲ ﺑﻴﺪﻱ ﺍﻃﻠﻌﺞ ..
ﻇﻠﻴﺖ ﺍﻫﻔﻲ ﻉ ﻭﺟﻬﻲ .. ﻳﺒﻮﻭﻭﻱ ﻋﺮﻑ ﻣﺴﺘﺤﻴﻪ ﻣﻨﻪ ﻭﻣﺎﺍﺭﻳﺪ ﺍﺷﻮﻓﻪ ﻳﺮﻳﺪ ﻳﻄﻠﻌﻨﻲ ﺑﺎﻟﮕﻮﻩ ..
ﻃﻠﻌﺖ ﺍﻣﺸﻲ ﻭﻣﺎﺍﺭﻳﺪ ﺍﻭﺻﻞ ﺍﻟﻪ .. ﻭﺻﻠﺖ ﻟﺒﺎﺏ ﺍﻟﻤﻄﺒﺦ ﺑﺎﻭﻋﺖ ﻣﻦ ﺟﺎﻡ ﺷﻔﺘﻪ ﻭﺍﻛﻒ . ﻭﻧﺎﻃﻲ ﻇﻬﺮ ﻟﻠﺒﺎﺏ .. ﻓﺘﺤﺖ ﺍﻟﺒﺎﺏ ..
ﺍﻧﺪﺍﺭ ﻋﻠﻴﻪ .. ﻧﺰﻉ ﺍﻟﻨﻈﺎﺭﺍﺕ . ﺟﺘﻲ ﻋﻴﻮﻧﻪ ﺑﻌﻴﻮﻥ ﺑﻌﺾ . ﺍﺳﺘﺤﻴﺖ ﻧﺼﻴﺖ ﺭﺍﺳﻲ
. ﺍﻟﻪ ﺗﻨﺰﻉ ﺍﻟﻨﻈﺎﺭﺍﺕ .. ﺣﺠﻴﺖ ﺑﺴﺮﻱ ..
ﻻﺑﺲ ﻗﻤﻴﺺ ﺭﺻﺎﺻﻲ .. ﺑﻨﻄﺮﻭﻥ ﺑﻴﺠﻲ ..
ﺍﺳﻼﻡ ﺍﺳﻤﺮ ﻣﻤﻠﻮﺡ .. ﺍﻛﺜﺮ ﺷﻲ ﻳﻤﻴﺰﻩ ﻋﻴﻮﻧﻪ ﻧﺺ ﻭﺟﻬﻪ ﻋﻴﻮﻥ ﺩﺍﺋﻤﺎ ﺧﺼﻼﺕ ﺷﻌﺮﻩ ﻉ ﺟﺒﻴﻨﻪ
ﻃﻮﻳﻞ ﺭﺷﻴﻖ ..
ﻣﺨﻠﺺ ﻣﻌﻬﺪ ﺗﻘﻨﻲ ﻭﻳﺸﺘﻐﻞ ﺣﺎﺭﺱ ﺑﺎﻟﻤﻮﻝ ..
ﻻﻥ ﺗﻌﻴﻴﻨﺎﺕ ﻣﺎﻛﻮ ..
ﮔﺎﻝ ﺷﻮﻧﺞ ﺻﻔﺎﻭﻱ ..
ﺭﻓﻌﺖ ﺧﺸﻤﻲ ﻋﻠﻴﻪ .. ﮔﺘﻠﻪ ﻣﻌﻠﻴﻚ ﺑﻴﻪ ﻭﻻﺗﺤﺠﻲ ﻭﻳﺎﻱ ﻭﺻﻠﻨﻲ ﻭﺭﺩﻧﻲ ﻭﺍﻧﺖ ﺳﺎﻛﺖ ..
ﻣﺸﻴﺖ ﮔﺪﺍﻣﻪ .. ﺍﺟﻪ ﻭﺭﺍﻳﻪ ..
ﮔﺎﻝ .. ﺻﺎﻳﺮ ﺷﻲ ..
.. ﻻ ﻣﺒﻴﻦ ﻧﺎﺳﻲ ﻧﻔﺴﻚ ﻫﻮﺍﻱ ﺍﺳﺘﺎﺫ ﺇﺳﻼﻡ ﻭﺷﺴﻮﻳﺖ ﺍﺧﺮ ﻣﺮﻩ ..
ﻃﻠﻌﻨﻪ ﻣﻦ ﺍﻟﺒﻴﺖ ﻧﻤﺸﻲ ﺍﻣﺸﻲ ﺣﻴﻴﻞ ﻣﺎﺍﺭﻳﺪﻩ ﻳﻘﺘﺮﺏ ﻣﻨﻲ ﻟﻜﻦ ﻣﻦ ﺩﻭﻥ ﺟﺪﻭﻩ ﻫﻮ ﻳﻤﺸﻲ ﺳﺮﻳﻊ ﻭﻳﻠﺤﮕﻨﻲ ..
ﺳﻤﻌﺖ ﺿﺤﻜﺘﻪ .. ﻫﺰﺕ ﻣﺸﺎﻋﺮﻱ .. ﻉ ﺍﺛﺮﻫﺎ ﺭﻗﺺ ﻗﻠﺒﻲ .. ﻳﺎﺭﺑﻲ ﻟﻴﺶ ﻫﻴﺞ ﻳﺼﻴﺮ ﺑﻴﻪ ..
ﺍﺳﻼﻡ .. ﺻﻔﺎ ﺍﻭﻛﻔﻲ ..
.. ﻭﻳﻦ ﺍﻭﻛﻒ ﺑﺎﻟﺸﺎﺭﻉ ﺗﺨﺒﻠﺖ .. ﻟﺰﻣﻨﻲ
ﻭﻛﻔﻨﻪ ﻳﻢ ﺳﻴﺎﺭﺓ ﺟﻴﺮﺍﻧﻪ ..
ﻣﺤﺪ ﺑﺎﻟﺸﺎﺭﻉ ﺍﻟﺴﺎﻋﻪ 7 ﻭﻧﺺ ..
ﻛﺎﻝ .. ﺭﻓﻌﻲ ﺭﺍﺳﺞ ﺍﺷﻮﻑ ..
ﺭﻓﻌﺖ ﺭﺍﺳﻲ .. ﻣﺨﻠﻲ ﻧﻈﺎﺭﺍﺗﻪ ﻉ ﺟﺒﻴﻨﻪ .. ﻣﺪﻳﺖ ﺍﻳﺪﻱ ﺧﺠﻠﺖ ﻣﻦ ﻧﻈﺮﺍﺗﻪ ﻧﺰﻟﺘﻬﻢ ﻉ ﻋﻴﻮﻧﻪ ..
ﺿﺤﻚ ﮔﺎﻝ ﻭﺍﻟﻠﻪ ﻣﺎﺍﺩﺭﻱ ﺷﻮﻥ ﺳﻮﻳﺘﻬﺎ ﻃﻠﻌﺖ ﻣﻨﻲ ﺑﻌﻔﻮﻳﺔ ﻭﻻﺍﺭﺍﺩﻱ ﺍﺑﺪ ﻣﺎﺟﻨﺖ ﻣﻘﺮﺭ ﺍﺑﻮ
ﮔﺘﻠﻪ ﺍﺳﻜﺖ ﻳﻠﻠﻪ ﻧﻤﺸﻲ .. ﻣﺸﻴﻨﻪ ﺑﺼﻤﺖ .. ﻧﻤﺸﻲ ﻭﺍﻳﺪﻩ ﺗﻄﺦ ﺑﻴﺪﻱ ﻟﺤﺪ ﻣﺎﻟﺰﻣﻬﺎ .. ﺍﺭﻳﺪ ﺍﻓﻠﺘﻬﺎ
ﮔﺎﻝ .. ﻋﻮﻓﻴﻬﺎ ﺍﺫﺍ ﺷﻔﺖ ﺍﺣﺪ ﺍﺗﺮﻛﻬﺎﺍ ..
ﻋﻔﺘﻪ ﻻﺯﻣﻨﻲ ﺣﺴﻴﺖ ﺑﺤﺮﺍﺭﺓ ﻣﺸﺎﻋﺮ ﻭﺻﻠﺖ ﻟﻘﻠﺒﻲ ..
ﺍﻟﺨﻮﻑ ﻣﺎﺗﺮﻛﻨﻲ ﻭﻻ ﺗﺄﻧﻴﺐ ﺍﻟﻀﻤﻴﺮ ..
ﺍﻳﺪﻱ ﺑﺎﻳﺪﻩ ﺑﺎﻟﻲ ﻳﻢ ﻫﺠﺮﺍﻥ ﺧﺎﻑ ﺗﺸﻮﻓﻨﻲ ﺷﺮﺍﺡ ﺗﻜﻮﻝ ﻋﻨﻲ .. ﺍﺫﺍ ﻋﺮﻓﺖ ﺍﻧﻲ ﺍﺧﺬﺕ ﻣﻨﻬﺎ ﺣﺒﻬﺎ ﺍﻟﻲ ﻣﻦ ﻃﺮﻑ ﻭﺍﺣﺪ .. ﻭﻫﻲ ﺩﺍﺋﻤﺎ ﺗﺤﺠﻴﻠﻲ ﻋﻦ ﻣﺪﻯ ﺍﻋﺠﺎﺑﻬﺎ ﺑﻲ ..
ﻭﺻﻠﻨﻪ ﻟﻠﻤﺪﺭﺳﺔ .. ﺍﺳﺘﻠﻤﺖ ﺍﻟﻨﺘﻴﺠﺔ .. ﻧﺎﺟﺤﻪ ..
ﻭﺳﻤﻴﻪ ﺑﺪﺭﺱ ﻭﺍﺣﺪ ﺍﻛﻤﺎﻝ .. ﺭﺟﻌﺖ ﻟﻠﺒﻴﺖ ..
ﻣﺮﺕ ﺍﻻﻳﺎﻡ ﻧﺘﻮﺍﺻﻞ ﻭﻳﺎ ﺍﻣﻲ .. ﻋﻼﻗﺘﻲ ﺑﺄﺳﻼﻡ ﺗﻜﺒﺮ ﻭﺗﺰﻳﺪ ﻳﻮﻡ ﻋﻦ ﻳﻮﻡ .. ﻫﺠﺮﺍﻥ ﻣﻦ ﺍﺷﻮﻓﻬﺎ ﺍﺭﺗﺒﻚ ﻭﺍﺫﺍ ﺍﺳﻼﻡ ﻣﻮﺟﻮﺩ ﺍﻧﻬﺰﻡ ﺧﺎﻑ ﺗﻨﺘﺒﻪ ﻉ ﻧﻈﺮﺍﺗﻪ .. ﻻﻥ ﻧﻈﺮﺍﺗﻪ ﻣﻔﻀﻮﺣﻪ ..
ﺍﻳﺎﻡ ﻳﺠﻲ ﻟﺒﻴﺘﻨﺎ ﻧﻜﻌﺪ ﺑﺎﻟﺤﺪﻳﻘﺔ ﻧﺤﺠﻲ .. ﺍﺫﺍ ﺍﺑﻮﻱ ﻣﺎﻛﻮ .. ﻓﺪ ﻳﻮﻡ ﻛﺎﻋﺪﻳﻦ ﺑﺎﻟﺤﺪﻳﻘﺔ .. ﮔﻠﻲ ﺻﻔﺎ ﺍﺭﻳﺪ ﺍﺧﻄﺒﺞ ..
ﺗﻮﺗﺮﺕ ﻛﻠﺶ ﻣﻌﺮﻓﺖ ﺷﺠﺎﻭﺏ ﮔﺘﻠﻪ ﻫﺎ؟ ..
ﮔﺎﻝ ﺍﺭﻳﺪ ﺍﺧﻄﺒﺞ ﺍﻧﻪ ﻣﺨﻠﺺ ﺩﺭﺍﺳﻪ ﻭ ﺍﺷﺘﻐﻞ ﻭﺍﻛﺪﺭ ﺍﻛﻮﻥ ﻧﻔﺴﻲ .. ﻭﺍﻧﺖ ﺗﻌﺮﻓﻴﻦ ﺍﻧﺎ ﻣﻮ ﻣﻦ ﻫﻲ ﺍﻟﺸﺒﺎﺏ ﺍﻟﻲ ﺍﺑﺬﺭ ﻭﺍﺻﺮﻑ ﻳﻌﻨﻲ ﺍﻛﺪﺭ ﺑﻬﺎﻟﻔﺘﺮﻩ ﺍﻛﻮﻥ ﻧﻔﺴﻲ ﻭﺍﺫﺍ ﻉ ﺩﺭﺍﺳﺘﺞ ﻭﻋﺪ ﻣﻨﻲ ﺍﺧﻠﻴﺞ ﺗﻜﻤﻠﻴﻦ .. ﺻﻔﺎ ﺍﻧﻪ ﺍﺣﺒﺞ ﻭﺑﻌﺪﺝ ﻋﻨﻲ ﻣﺎﺟﺎﻱ ﺍﻛﺪﺭ ﺍﺗﺤﻤﻠﻪ ﺍﺭﻳﺪﺝ ﻳﻤﻲ ﺷﺮﻳﻜﺔ ﺣﻴﺎﺗﻲ ﻭﺑﺎﻟﺤﻼﻝ ﺷﺘﮕﻮﻟﻴﻦ .. ؟
.
ﺻﻔﺎ .. ﺗﻔﺎﺟﺌﺖ ﻇﻠﻴﺖ ﺍﺑﺎﻭﻋﻠﻪ ﺑﺸﻐﻒ ﻓﺮﺣﺎﻧﻪ ﻭﻣﺎﻓﺮﺣﺎﻧﻪ
ﺗﺬﻛﺮﺕ ﻫﺠﺮﺍﻥ ﻣﻮﺑﻴﺪﻱ ﺍﻧﻘﻬﺮ ﻋﻠﻴﻬﺎ ﻭﻫﻲ ﺗﺤﺎﻭﻝ ﺗﺠﺬﺏ ﺍﻧﻈﺎﺭﻩ ﺍﻟﻬﺎ .. ﺻﻔﻨﺖ ﺑﻮﺟﻬﻪ .. ﺷﺮﺍﺡ ﺍﻛﻮﻟﻪ
ﻇﻞ ﻳﺤﺮﻙ ﻛﻒ ﺍﻳﺪﻩ ﻗﺮﻳﺐ ﻭﺟﻬﻲ ..
.. ﺻﻔﺎ ﺻﻔﺎ ﻭﻳﻦ ﺻﻔﻨﺘﻲ ﺍﻟﺼﻔﻨﻪ ﻣﻮ ﺍﻟﺞ ﻻﺑﻮ ﺫﺍﻧﺎﺕ ﺍﻟﻜﺒﺎﺭ ..
ﺍﺑﺘﺴﻤﺖ .. ﺣﺎﻭﻟﺖ .. ﺍﺣﺠﻲ .. ﻗﺎﻃﻌﻨﻲ
ﮔﻠﻲ ﻣﻦ ﻳﺠﻲ ﻋﻤﻲ ﺑﺎﻟﻠﻴﻞ ﻧﺠﻲ ﺍﻧﻪ ﻭﺍﻣﻲ ﻧﺤﺎﺟﻲ .
ﺗﺮﻩ ﺍﻣﻲ ﻫﻢ ﺗﻌﺮﻑ ﻭﺍﻧﺖ ﺗﺪﺭﻳﻦ ﺷﮕﺪ ﺗﺤﺒﺞ ﻫﻲ ..
. ﺗﻔﺎﺟﺌﺖ ﺍﻛﺜﺮ ﺳﻜﺘﺖ ﻓﻜﺮﺕ ﺷﻮﻱ
ﺧﻠﻲ ﺍﺷﻮﻑ ﺣﻞ ﻭﺍﻓﺎﺗﺢ ﻫﺠﺮﺍﻥ ﺑﺎﻟﻤﻮﺿﻮﻉ ﻳﻠﻠﻪ ﺧﻠﻲ ﺗﻌﺮﻑ ﻫﻮ ﻳﺤﺒﻨﻲ ﺧﻠﻲ ﺍﻛﻠﻠﻬﻪ ﺧﻄﺒﻨﻲ ﻭﺍﺧﺬ ﺭﺃﻳﻬﺎ ﻧﻄﻘﺖ . ﻻﺍﺳﻼﻡ ﺍﺟﻠﻬﻪ ..
.. ﺑﺎﺳﺘﻐﺮﺍﺏ .. ﻟﻴﺶ؟
.. ﺧﻠﻲ ﺍﻛﻤﻞ ﺍﻟﺴﺎﺩﺱ ﺑﺎﻻﻭﻝ ﻣﺎﺍﺭﻳﺪ ﺷﻲ ﻳﻠﻬﻴﻨﻲ ..
.. ﺍﻟﻠﻬﻴﺞ؟ ؟ﺗﺤﺠﻴﻦ ﺻﺪﻙ ﺍﻧﻪ ﻛﺒﻞ ﻛﻞ ﺷﻲ ﻛﺘﻠﺞ ﺗﻜﻤﻠﻴﻦ ﻭﺍﻓﺘﺨﺮ ﺍﺫﺍ ﻛﻤﻠﺘﻲ ﺩﺭﺍﺳﺘﺞ
: ﺑﺲ؟ !!
: ﺑﻼ ﺗﺪﺭﻳﻦ ﺣﻄﻤﺘﻲ ﺍﻣﺎﻟﻲ ﺿﻮﺟﺘﻴﻨﻲ ﺻﺎﺭﻟﺞ ﺳﺎﻋﻪ ﺻﺎﻓﻨﻪ ﻳﻌﻨﻲ ﺷﻤﺘﻮﻗﻌﻪ ﻣﻦ ﻋﻼﻗﺘﻨﺎ ﻏﻴﺮ ﺍﻟﺰﻭﺍﺝ ﻭﺍﻧﻪ ﻣﻮ ﺯﻏﻴﺮ ﻋﻤﺮﻱ 23 ﺳﻨﻪ ..
.. ﺍﺳﻼﻡ ! !
.. ﺍﺷﺶ ﻣﺎﺍﺭﻳﺪ ﺍﺳﻤﻊ ﺷﻲ .. ﻋﻼﻗﺘﻨﺎ ﻣﺠﺮﺩ ﺗﺴﻠﻴﺔ ﺑﺎﻟﻨﺴﺒﻪ ﺍﻟﺞ ﻣﻮ؟
: ﻻﺍﺍ ﻭﺍﻟﻠﻪ
: ﺑﻠﻪ ﺧﻠﻴﺘﻲ ﺑﺎﻟﻲ ﻳﺮﻭﺡ ﻟﺒﻌﻴﺪ . ﺗﺪﺭﻳﻦ؟ .
.. ﺷﺘﻘﺼﺪ ﺑﻠﻠﻪ؟ﻭﻭﻳﻦ ﺭﺍﺡ ﺑﺎﻟﻚ؟
.. ﻣﺎﺍﻗﺼﺪ .. ﺍﻧﻪ ﺭﺍﻳﺢ ﺑﺎﺍﺍﻱ ..
ﺍﺳﻼﻡ ﺍﺳﻼﻡ .. ﺻﺮﺕ ﻣﻘﺎﺑﻴﻠﻪ ﺣﺎﻭﻟﺖ ﺍﻓﻬﻤﻪ ﺍﻭ ﺍﻓﻬﻢ ﻣﻨﻪ .. ﺭﻓﻊ ﺍﺻﺒﻊ ﺍﻟﺴﺒﺎﺑﻪ ﺑﻮﺟﻬﻲ ﮔﻠﻲ ﻭﺧﺮﻱ ﻻﺗﺤﺎﻭﻟﻴﻦ ﻭﻃﻠﻊ ..
ﻛﻌﺪﺕ ﺑﺎﻟﺤﺪﻳﻘﻪ .. ﺿﺠﺖ ﻛﻠﺶ ﻫﺴﻪ ﺷﺴﻮﻳﺖ ﻭﻫﻴﺞ ﮔﺐ ﻋﻠﻴﻪ ﻋﺒﺎﻟﻚ ﺗﻨﻮﺭ ﺣﻄﺐ . !!!
ﻛﻤﺖ .. ﺍﺭﻳﺪ ﺍﺩﺧﻞ ﺷﻔﺖ ﺭﻗﻴﻪ ﺗﻨﻀﻒ ﺑﺎﻟﺒﺎﺏ ﺗﺄﺷﺮﻟﻲ ﻭﺗﺮﻓﻊ ﺍﻟﻤﺎﺳﺤﻪ .. ﺑﻤﻌﻨﻰ ﺍﺫﺍ ﺗﺪﺧﻠﻴﻦ ﺍﺿﺮﺑﺞ ﻭﺗﺒﺘﺴﻢ ﺍﻧﻪ ﻣﻮ ﺑﺤﺎﻟﻬﺎ .. ﺩﺭﺕ ﺩﺧﻠﺖ ﻣﻦ ﺑﺎﺏ ﺍﻟﻤﻄﺒﺦ ..
ﺭﺣﺖ ﻟﻠﻐﺮﻓﻪ .. ﺳﻤﻴﻪ ﺟﺎﻱ ﺗﺤﺠﻲ ﺑﺎﻟﺘﻠﻴﻔﻮﻥ ﻭﻳﺎ ﺍﻣﻲ .
ﺍﺷﺮﺗﻠﻲ ﺗﺤﺠﻴﻦ ﻭﻳﺎﻫﺎ .. ﻣﺎﻟﻲ ﺧﻠﻚ ﮔﺘﻠﻬﺎ ﻻ ..
ﺍﻧﻬﺖ ﺍﻟﻤﻜﺎﻟﻤﻪ .. ﻛﺎﻣﺖ ﺍﺧﺬﺕ ﺍﻟﺨﺎﻭﻟﻲ ﻭﻣﻼﺑﺴﻬﺎ ..
.. ﺭﺍﺡ ﺗﺴﺒﺤﻴﻦ
.. ﺍﻱ ﻟﻴﺶ؟
.. ﺍﺭﻳﺪ ﺍﺣﺠﻲ ﻭﻳﺎﺝ ﺿﺎﻳﺠﻪ ..
.. ﻫﻒ ﺍﺣﺠﻲ .. ﺗﺮﻛﺖ ﺍﻟﺨﺎﻭﻟﻲ ﻭﺍﻟﻤﻼﺑﺲ ﻛﻌﺪﺕ ﻳﻤﻬﺎ .
.. ﺍﺫﺍ ﺗﻀﻮﺟﻴﻦ ﻣﺎﺍﺣﺠﻲ ..
.. ﺍﺣﺠﻲ ﻟﺞ ﺍﺣﺠﻲ ﻭﺍﺳﻤﻌﻲ ﻛﻼﻡ ﺍﺧﺘﺞ ﺍﻟﺠﺒﻴﺮﻩ ..
.. ﻣﻨﻮ ﻛﺎﻝ ﺍﻧﺖ ﺍﻟﺠﺒﻴﺮﺓ ﺍﺻﻼ ﺍﻣﻲ ﻭﻻ ﻣﺮﻩ ﻛﺎﻟﺖ ﻣﻨﻮ ﺍﻛﺒﺮ ..
.. ﻣﺒﻴﻨﻪ ﺍﻧﻪ ﺍﻓﻬﻢ ﻣﻨﺞ ﺍﻗﻼﻫﺎ ﻣﺎﻭﻛﻌﺖ ﺑﺎﻟﺤﺐ ﻣﻦ ﺍﻭﻝ ﻧﻈﺮﺓ ﻭﺍﻧﻲ ﻋﻤﺮﻱ ﻟﺴﻪ 17 ﺳﻨﻪ ﻭﻣﺤﺘﺎﺭﺓ ﻭﺟﺎﻳﻪ ﺗﺴﺘﺸﺎﺭﻳﻨﻲ ﻫﻬﻬﻬﺎﻱ ﻳﻌﻨﻲ ﺍﻧﻪ ﻋﻘﻠﻲ ﺍﻛﺒﺮ ﻣﻨﺞ ..
.. ﻫﺬﺍ ﻣﻮ ﻣﻘﻴﺎﺱ .. ﻳﻌﻨﻲ ﺍﻟﻴﻮﻛﻊ ﺑﺎﻟﺤﺐ ﻭﻫﻮ ﺯﻏﻴﺮ ﻣﺎﻳﻔﺘﻬﻢ ﺗﺮﻩ ﺍﻟﺤﺐ ﻳﺠﻲ ﺑﺪﻭﻥ ﻣﻴﻌﺎﺩ ﺑﺲ ﺍﻧﺖ ﺑﻼ ﻣﺸﺎﻋﺮ …/.
.. ﻻ ﻣﻘﻴﺎﺱ .. ﻣﺎﺗﻜﺪﺭﻳﻦ ﺗﻘﻨﻌﻴﻨﻲ .. ﺍﻟﺤﺐ ﺍﺧﺘﻴﺎﺭ ﻭﻻﺯﻡ ﻳﻜﻮﻥ ﺍﺧﺘﻴﺎﺭ ﺻﺢ ..
.. ﺍﻭﻑ .
… ﻣﻤﻜﻦ ﺗﺤﺠﻴﻦ ﺷﺼﺎﻳﺮ ﻭﻻﺗﺎﺧﺮﻳﻨﻲ ﺣﻤﻀﺖ ﺣﺮﺭﺭ ﺍﺭﻳﺪ ﺍﺳﺒﺢ ..
ﺻﻔﺎ / ﺣﺠﻴﺘﻠﻬﺎ ﻛﻞ ﺣﺮﻑ ﻭﻛﻞ ﻛﻠﻤﻪ ﮔﺎﻟﻬﺎ ﺍﺳﻼﻡ …
ﺳﻤﻴﻪ / ﻣﻤﻤﻢ
… ﻣﺎﻋﺮﻓﺖ ﻟﻴﺶ ﻛﻠﻲ ﺧﻠﻴﺘﻲ ﺑﺎﻟﻲ ﺭﺍﺡ ﺑﻌﻴﺪ ..
… ﺻﻔﺎ ﺍﻧﺖ ﻣﻘﺘﻨﻌﺔ ﺑﺎﺳﻼﻡ؟
… ﻟﻴﺶ ﻭ ﺷﺒﻲ ﺍﺳﻼﻡ ﻣﺎﺑﻲ ﺷﻲ ﻳﺘﻌﻴﺐ ﻭﺍﺫﺍ ﻋﻠﻰ ﺷﻐﻠﻪ ﺗﺮﻩ ﻫﺬﺍ ﺣﺎﻝ ﺍﻟﺒﻠﺪ ﺷﻨﺴﻮﻳﻠﻪ ﺗﻌﻴﻴﻨﺎﺕ ﻣﺎﻛﻮ ﻧﺼﺒﺮ ﻭﺍﻟﻠﻪ ﻛﺮﻳﻢ .. ﻳﻌﻨﻲ ﺍﺫﺍ ﺍﺭﻳﺪ ﺍﺣﺐ ﻻﺯﻡ ﺍﺣﺐ ﻣﻬﻨﺪﺱ ﻟﻮ ﺩﻛﺘﻮﺭ ﻟﻮﻭ ..
ﺳﻤﻴﺔ / ﺗﻘﺮﺑﺖ ﻣﻨﻬﺎ ﺿﺮﺑﺖ ﺑﺎﺻﺒﻌﻲ ﻋﻠﻰ ﺭﺍﺳﻬﺎ .. ﻫﻨﺎ ﻋﻘﻞ ﻟﻮ ﺗﻨﻚ؟ ﺗﺮﻩ ﻣﻮ ﻗﺼﺪﻱ ﻉ ﺷﻐﻠﻪ ﻭﻭﺿﻌﻪ ﺍﻟﻤﺎﺩﻱ
ﻟﺞ ﺑﺎﺑﺎ ﻳﻘﺼﺪ ﺍﻧﺖ ﻣﺜﻞ ﺍﻣﺞ ﺗﺪﻭﺭﻳﻦ ﺗﺴﻠﻴﺔ ﻭﻛﺬﺍ ﻳﻘﺼﺪ ﺍﻧﺖ ﻣﻮﺯﻳﻨﻪ ﺣﺎﻟﺞ ﺣﺎﻝ ﺍﻣﺎﻟﻴﺪ ﺍﻓﺘﺤﻲ ﻋﻘﻠﺞ ﺯﻳﻦ ﺍﻫﻞ ﺍﺑﻮﻱ ﻛﻠﻬﻢ ﻳﺒﺎﻭﻋﻮﻟﻨﻪ ﺑﻌﻴﻨﻬﻢ ﺍﻟﺰﻏﻴﺮﻩ ﺍﺑﺴﻂ ﻣﺜﺎﻝ ﺍﺷﻮﺍﻕ ﺳﻠﻴﻤﺎﻥ ﻋﻤﺮﻫﻢ ﻣﺎﻛﻠﻮﻟﻨﻪ ﺑﻨﺎﺕ ﺍﻳﻮﺏ ﻛﻠﻪ ﺑﻨﺎﺕ ﺍﻣﺎﻟﻴﺪ ﻭﻫﻢ ﻗﺎﺻﺪﻳﻨﻬﺎ ﻏﻴﺮ ﺷﻲ ﻭﻛﺄﻧﻤﺎ ﻳﻔﺸﺮﻭﻥ ﻣﻦ ﻳﻜﻮﻟﻮﻥ ﻫﻴﺞ ..
… ﺑﺲ ﻋﻤﻪ ﺍﻣﺘﺜﺎﻝ ( ﺍﻡ ﺍﺳﻼﻡ ) … ﻣﻮ ﻣﺜﻠﻬﻢ ﺗﺤﺒﻨﻪ ﻭﻗﻠﺒﻬﺎ ﻃﻴﺐ
… ﻳﻤﻌﻮﺩﻩ ﺍﻟﻤﺜﻞ ﻳﻜﻮﻝ ﺍﻟﻌﻤﻪ ﻟﻮ ﺣﺒﺖ ﺍﻟﺠﻨﻪ ﺍﺑﻠﻴﺲ ﺩﺧﻞ ﻟﻠﺠﻨﻪ .. ﻻﺑﺪ ﻭﻳﺠﻲ ﻳﻮﻡ ﺗﺘﻌﺎﺭﻛﻦ ﻭﺭﺍﺡ ﺗﺬﻛﺮﺝ ﺑﺎﻣﺞ ﻭﺧﻴﺎﻧﺘﻬﺎ ﻭﻭ ( ﻛﺮﺻﺘﻬﺎ )
ﻛﻤﻠﺖ … ﻭﺍﺫﻛﺮﻳﻨﻲ ﻋﻮﺩ .
... ﺳﻤﻴﻪ ﺍﻧﻪ ﺍﺣﺒﻪ ﻭﻫﻮ ﻫﻢ ﻭﻣﺎﺍﻋﺘﻘﺪ ﻳﻘﺼﺪ ﻫﻴﺞ ﻣﻦ ﮔﻠﻲ ..
: ﺻﻔﺎ ﻋﻘﻠﺞ ﺑﺮﺍﺳﺞ ﺗﻌﺮﻓﻴﻦ ﺧﻼﺻﺞ
: ﻣﺎﻣﻘﺘﻨﻌﺔ ﺑﻜﻼﻣﺞ ﻫﺬﺍ ﻛﻠﻪ ﺳﻤﻴﻪ .. ﻳﺤﺒﻨﻲ ﻭﺑﺎﺳﻨﻲ
: ﻫﻪ ﺑﺎﺳﺞ؟ ﻛﺒﺮ ﺷﻮﻥ ﺗﺴﻤﺤﻴﻠﻪ؟
ﺍﻻﺗﻘﺘﻨﻌﻴﻦ ﺍﻧﺖ ﺣﺮﺓ .. ﺑﻼ ﺣﺐ ﺑﻼ ﻫﻢ … ﺍﻟﻮﺍﺣﺪ ﻳﺸﺘﺮﻱ ﺭﺍﺣﺔ ﺑﺎﻟﻪ ﻫﻮﺍﻱ ﺍﺣﺴﻦ .
ﺍﺭﻭﺡ ﺍﺳﺒﺢ
.
ﺳﻤﻴﻪ
ﺍﺧﺬﺕ ﻣﻼﺑﺴﻲ ﻭﺩﺧﻠﺖ ﻟﻠﺤﻤﺎﻡ .. ﻳﻤﻜﻦ ﺑﺪﺍﺧﻠﻲ ﺍﺷﻴﺎﺀ ﻋﻜﺲ ﺍﻟﻲ ﻛﻠﺘﻪ ﻟﺼﻔﺎ ﺍﻧﻲ
ﻫﻮﺍﻳﻪ ﺍﻓﻜﺮ ﺑﺎﻟﺤﺐ ﺟﺎﻱ ﻉ ﺑﺎﻟﻲ ﺍﻋﻴﺶ ﻗﺼﺔ
ﺍﻟﺤﺐ ﺍﻟﻲ ﻳﻘﺘﺤﻢ ﻗﻠﺒﻲ ﻭﻳﺤﺘﻞ ﻣﺸﺎﻋﺮﻱ ﻭﻓﻜﺮﻱ، ﻳﺴﺘﻮﻃﻦ ﺭﻭﺣﻲ ﻭﻳﺰﻟﺰﻝ ﻛﻴﺎﻧﻲ ،ﻳﻨﺘﺸﻠﻨﻲ ﻣﻦ ﻭﺣﺪﺗﻲ ﻭﻳﻤﻼ ﻓﺮﺍﻍ ﺣﻴﺎﺗﻲ ﺍﻟﻘﺎﺗﻞ ﻭﻳﻐﺎﻣﺮ ﺑﻴﻪ ﻷﻋﻠﻰ ﺩﺭﺟﺎﺕ ﺍﻟﻌﺸﻖ ﻭﺍﻟﻬﻴﺎﻡ
ﻫﺬﺍ ﺍﻟﺤﺐ ﺍﻟﻲ ﺍﺣﻠﻢ ﺑﻲ ﻣﻮ ﻣﺠﺮﺩ ﺣﺐ ﺍﺑﻦ ﺍﻟﻌﻢ ﻟﺒﻨﺖ ﻋﻤﻪ ﻭﺑﺎﻟﻨﻬﺎﻳﻪ ﺭﺍﺡ ﺗﺘﺰﻭﺟﻪ ﺷﺎﺋﺖ ﺍﻡ ﺃﺑﺖ ..
ﻻ ﻻﺯﻡ ﻳﻜﻮﻥ ﺑﻲ ﻣﻐﺎﻣﺮﻩ ﺣﺘﻰ ﺍﺳﺘﻠﺬ ﺑﻲ .. ﻣﻤﻢ ﺑﺲ ﻭﻳﻨﻪ ﺑﻌﺪ ﻭﻛﺖ ﻋﻠﻴﻪ .. ﻣﺎﺍﺣﺐ ﺣﺐ ﺳﻨﻮﺍﺕ ﺍﻟﻤﺮﺍﻫﻘﻪ
ﺍﺣﺲ ﻣﺎﺑﻲ ﻟﺬﻩ ﻳﻜﻮﻥ ﺑﻲ ﺍﻟﻌﺎﺷﻖ .. ﺣﺎﻟﻪ ﺣﺎﻝ ﺍﻟﻄﻔﻞ ﻳﺘﻌﻠﻖ ﺑﺎﻱ ﺷﺨﺺ ﻳﻠﺒﻴﻠﻪ ﻭﻳﻨﻄﻲ ﺍﻱ ﺷﻲ ﻻ .
ﻳﻌﺠﺒﻨﻲ ﺍﻟﺤﺐ ﺍﻟﻲ ﻳﺒﺪﻱ ﺑﻌﺪ ﻋﻤﺮ 21 ﺳﻨﻪ ﺣﻴﺚ ﻳﻜﻮﻥ ﺑﻲ ﺍﻟﻌﺎﺷﻖ ﺍﻛﺜﺮ ﻧﻀﻮﺝ .
ﻛﻠﺶ ﻋﺎﺟﺒﻨﻲ ﺍﺧﻮﺽ ﻏﻤﺎﺭﻩ ﻭﻳﺎ ﻓﺎﺭﺱ ﺍﺣﻼﻣﻲ ﺍﻟﻲ ﻣﻮﺟﻮﺩ ﺑﻤﺨﻴﻠﺘﻲ ﻭﺟﺎﻱ ﺍﺩﻭﺭ ﻋﻠﻴﻪ ﻉ ﺍﺭﺽ ﺍﻟﻮﺍﻗﻊ ﻭﻣﺎﺟﺎﻱ ﺍﻟﮕﺎﻩ .
ﺍﺭﻳﺪﻩ ﺷﺨﺼﻴﺔ ﻗﻮﻳﻪ ﻭﺑﻨﻔﺲ ﺍﻟﻮﻗﺖ ﻣﺎﺭﺍﺡ ﺍﺧﻠﻲ ﻳﻜﺪﺭﻟﻲ ﻣﻦ ﺑﺎﺏ ﺍﻧﻪ ﺍﺍﻟﺮﺟﻞ ﻳﺤﺐ ﺍﻟﻤﺮﺍﻩ ﺍﻟﻲ ﺗﺒﺠﻲ ﻣﻮ ﺍﻟﻲ ﺗﺒﺠﻲ ﻋﻠﻴﻪ ﺑﺲ ﺧﺎﻑ ﻫﻮ ﻳﺒﺠﻴﻨﻲ؟ﻻ ﺍﻧﻲ ﻣﺤﺪ ﻳﻜﺪﺭ ﻳﺒﺠﻴﻨﻲ ﻭﻃﺒﻌﺎ ﺍﺭﻳﺪﻩ ﻭﺳﻴﻢ ﻭﺍﻟﻜﻞ ﻳﺤﺴﺪﻧﻲ ﻋﻠﻴﻪ .
ﻳﻤﻜﻦ ﺑﺎﻟﻐﺖ ﻣﻮ؟
ﻋﻠﮕﺖ ﻣﻼﺑﺴﻲ ﻭﺍﻟﺨﺎﻭﻟﻲ ﻭﺑﺪﻳﺖ ﺍﺳﺒﺢ .. ﻃﺒﻌﺎ ﺍﻟﻤﺎﻱ ﺣﺎﺭ ﺧﺮﺭﺏ .. ﺧﺮﻭﺱ ﺗﺎﺧﺬ ﺍﻟﻤﺎﻱ ﺍﺍﻟﺒﺎﺭﺩ ﻟﻠﻤﺴﺢ
ﻭﻳﺒﻘﻰ ﺍﻟﺤﺎﺭ ﻳﺼﻠﻠﻠﻲ ﺍﻭﻭﻑ .. ﻃﺒﻌﺎ ﺍﺣﻨﻪ ﻧﻤﻠﻲ ﺍﻟﺴﻄﻞ ﺍﻟﻜﺒﻴﺮ ﻣﺎﻟﺖ ﺍﻟﺤﻤﺎﻡ ﻣﺎﻱ ﺣﺘﻰ ﻳﺒﺮﺩ ﻭﻧﺴﺒﺢ ﺑﻲ ﻭﻫﻲ ﺍﺧﺘﻲ ﺗﻜﺮﻓﻪ ﻛﻠﻪ ﻭﺗﻤﺴﺢ ﺑﻲ .. ﺍﻭﻭﻑ ﺷﻜﻮﻝ ﻋﻠﻴﻚ ﻓﺎﺭﺱ ﺍﺣﻼﻣﻲ ﺟﻨﺖ ﺍﻓﻜﺮ ﺑﻴﻚ ﻭ ﺍﻧﺼﻠﻴﺖ ﺑﺴﺒﺒﻚ .
ﺻﻔﺎ …
ﺑﻘﻴﻨﻪ ﻛﻢ ﻳﻮﻡ ﺑﻌﺎﺩ ﻋﻦ ﺑﻌﺾ ﺍﻧﻲ ﻭﺍﺳﻼﻡ .
ﺿﺠﺖ ﻛﻠﺶ ﻗﺮﺭﺕ ﺍﺭﻭﺡ ﻳﻢ ﺍﻳﻨﺎﺱ ﺍﺧﺘﻪ ﻭﺍﺷﻮﻑ ﺭﺩﺓ ﻓﻌﻠﻪ ﺍﺫﺍ ﺷﺎﻓﻨﻲ ﺷﻴﺴﻮﻱ .
ﻟﺒﺴﺖ ﺑﺸﺖ ﻭﺷﺎﻝ
ﻫﻢ ﺑﺼﻔﻨﻪ ﻛﻠﺶ ﻃﻠﻌﺖ ﻣﻦ ﺍﻟﻐﺮﻓﻪ ﺭﺣﺖ ﻟﻠﻬﻮﻝ
ﺍﺭﻳﺪ ﺍﻃﻠﻊ ﺷﺎﻓﺘﻨﻲ ﺳﻤﻴﻪ، ﺟﺎﻧﺖ ﻛﺎﻋﺪﻩ ﻉ ﺍﻟﻘﻨﻔﻪ ﻭﻣﺨﻠﻴﻪ ﺭﺟﻞ ﻋﻠﻰ ﺭﺟﻞ ﻭﺗﺎﻛﻞ ﺷﺎﻣﻴﻪ ﻭﺗﺒﺎﻭﻉ ﺗﻮﻡ ﻭﺟﻴﺮﻱ ﻫﻨﻴﺎﻟﻬﻪ ﺑﻼ ﻫﻢ
ﺑﺪﻭﻥ ﻣﺎﺗﺒﺎﻭﻋﻠﻲ ﻭﻋﻴﻮﻧﻬﺎ ﺷﺎﺭﺩﻩ ﻉ ﺗﻠﻔﺰﻳﻮﻥ ﻭﻛﺎﻧﻬﺎ ﻣﻨﺪﻣﺠﻪ
ﺑﺲ ﺍﻟﻈﺎﻫﺮ ﻣﻮ ﻫﻴﺞ
ﻻﻥ ﺑﺒﺮﻭﺩ ﮔﺎﻟﺖ
ﻭﻳﻦ؟
ﺭﺍﻳﺤﻪ ﻳﻢ ﺍﻳﻨﺎﺱ .
ﺣﺘﻰ ﺗﺸﻮﻓﻴﻦ ﺍﺳﻼﻡ؟
ﺩﻧﮕﺖ ﺳﻜﺘﺖ .
ﺍﻱ ﺭﻭﺣﻲ ﺣﺘﻰ ﻳﮕﻮﻝ ﻋﻠﻴﺞ ﺟﺎﻳﻪ ﺗﺘﻮﺳﻞ ﻭﺭﺧﻴﺼﻪ ﻣﺜﻞ ﺍﻣﻬﺎ
ﺑﺮﺑﺞ ﺳﻤﻴﻪ ﻣﻘﺘﻨﻌﻪ ﺑﻬﺎﻟﺤﺠﻲ؟
ﺍﻱ ﻣﻘﺘﻨﻌﻪ .
ﺍﺳﻼﻡ ﻣﺎﻳﺴﻮﻳﻬﺎ
ﺷﻌﻠﻴﻪ
ﺳﻜﺘﺖ ﺷﻔﺘﻬﺎ ﻛﺎﻣﺖ ﺍﺧﺬﺕ ﺗﻠﻴﻔﻮﻥ ﺑﻴﺒﻴﺘﻲ ﻣﻦ ﻉ ﺍﻟﺒﻮﻓﻴﻪ
ﻗﻬﺮﺗﻨﻲ ﺑﺎﻟﺤﺠﻲ ﺭﺩﺕ ﺍﻗﻬﺮﻫﺎ ﺑﺲ ﻣﻌﺮﻓﺖ ﺷﻮﻥ ﻓﻜﺮﺕ ﺍﺧﻮﻓﻬﺎ .
ﺭﺣﺖ ﻳﻤﻬﺎ ﻛﺘﻠﻬﺎ ﺑﺼﻮﺕ ﻧﺎﺻﻲ
: ﺧﻔﻔﻲ ﻣﻦ ﺍﻟﺤﺠﻲ ﻭﻱ ﺍﻣﻲ ﺗﺮﻩ ﺍﺫﺍ ﻟﮕﻔﺞ ﺍﺑﻮﻱ ﻣﺎﻳﺮﺣﻤﺞ .
ﺑﺎﻭﻋﺘﻠﻲ ﻭﺭﺍﻓﻌﻪ ﺣﺎﺟﺒﻬﺎ ﻛﺎﻟﺖ ﺩﺭﻭﺣﻲ ﻳﻢ ﺣﺒﻴﺐ ﺍﻟﻘﻠﺐ ﺗﺮﻩ ﻣﻮ ﻏﻠﻂ ﺷﻜﻪ ﺍﻧﺖ ﻣﺜﻞ ﺍﻣﻲ ﻣﺎﺗﻜﺪﺭﻳﻦ ﺑﺪﻭﻥ ﺭﺟﺎﻝ ﻭﻫﻲ ﺑﻌﺪﺝ ﺯﻏﻴﺮﺓ ﻭﻫﻴﺞ ﻋﻮﺩ ﺍﺫﺍ ﻛﺒﺮﺗﻲ ﻭﻣﺎﺣﺼﻠﺘﻴﻠﺞ ﻭﺍﺣﺪ ﺷﺴﻮﻳﻦ؟
: ﺍﻧﺠﺒﻲ ﺳﻤﻴﻪ ﺍﻧﻪ ﺍﺧﺘﺞ ﺷﻮﻥ ﺗﺤﺠﻴﻦ ﻋﻠﻴﻪ ﻫﻴﺞ؟
: ﻭﺍﻣﺎﻟﻴﺪ ﺍﻣﻲ ﻫﻢ ﻻﺗﻨﺴﻴﻦ ﻭﻣﺒﻴﻦ ﺛﻨﻴﻨﺠﻦ ﻧﻔﺲ ﺍﻟﻨﺴﺨﻪ .
: ﻟﺰﻣﺘﻬﺎ ﻣﻦ ﺷﻌﺮﻫﺎ ﺻﻜﻴﺖ ﻉ ﺍﺳﻨﺎﻧﻲ ﻛﺘﻠﻬﻪ ﺍﺣﺘﺮﻣﻲ ﻧﻔﺴﺞ ﺍﻧﻪ ﻣﻮ ﻣﺜﻞ ﺍﻣﺞ ﺣﺒﻴﺖ ﻣﺎﺍﺭﺗﻜﺒﺖ ﺟﺮﻳﻤﻪ .
: ﺍﻟﺤﺐ ﺍﻛﺒﺮ ﺟﺮﻳﻤﺔ .
ﺿﺮﺑﺘﻨﻲ ﺭﺍﺷﺪﻱ ﻉ ﻭﺟﻬﻲ ﻫﺪﻳﺖ ﺷﻌﺮﻫﺎ ﺩﻓﻌﺘﻨﻲ ﻉ ﺍﻟﻘﻨﻔﻪ .
ﻛﻤﺖ ﻣﻦ ﻃﻴﺤﺘﻲ ﻭﺍﻧﻪ ﻣﺨﻠﻴﻪ ﺍﻳﺪﻱ ﻉ ﺧﺪﻱ ﺍﻟﻀﺮﺑﺘﻪ ﻫﺠﻤﺖ ﻋﻠﻴﻬﺎ ﻟﺰﻣﺘﻬﺎ ﻣﻦ ﺷﻌﺮﻫﺎ
ﻟﺰﻣﺖ ﺷﻌﺮﻱ ﺻﺎﺭﺕ ﻣﻨﺎﻓﺴﻪ ﻣﻨﻮ ﺗﺠﺮ ﺍﻛﺜﺮ ﺍﺛﻨﻴﻨﻪ ﺗﻮﺟﻌﻨﺎ
ﻣﻦ ﺑﻴﻦ ﻭﺟﻌﻲ ﮔﺘﻠﻬﺎ ﻫﺪﻱ ﻭﺍﻧﻪ ﻫﺪ .
ﺳﻤﻴﻪ / ﻻ ﺍﻧﺖ ﻫﺪﻱ ﺑﺎﻻﻭﻝ .
ﺑﻬﺎﻻﺛﻨﺎﺀ ﺍﺟﺖ ﺑﻴﺒﻴﺘﻲ ﮔﺎﻟﺖ ﻳﺒﻮﻭﻭﻱ ﺻﺨﺎﻡ ﺻﺨﻤﺠﻦ ﻣﺎﺗﻤﻠﻦ ﻣﻦ ﺍﻟﻌﺮﺍﻳﻚ ﻭﻟﺠﻦ ﺍﻧﻪ ﺑﻜﺪﺟﻦ ﺛﻨﻴﻦ ﻉ ﺍﻳﺪﻱ ﻭﻭﺍﺣﺪ ﺑﺒﻄﻨﻲ .
ﺗﺮﻛﻨﺎ ﺑﻌﺾ ..
ﺳﻤﻴﻪ : ﺷﺒﻴﺞ ﺍﺻﺮﺧﻴﻦ ﺯﻛﻴﻪ ﻟﻴﻜﻠﻚ ﻭﺍﺣﺪ ﻣﻴﺘﻠﺞ ﻭﺍﺣﺪ .
ﺍﻡ ﺍﻳﻮﺏ : ﻭﻟﺞ ﺍﻧﺖ ﺍﻡ ﻟﺴﺎﻥ ﺍﺧﺨﺦ ( ﻋﻀﺖ ﺍﺻﺒﻌﻬﺎ )
ﺍﻧﺖ ﺩﻭﺍﺝ ﺍﻳﻮﺏ ﻫﻮ ﺧﻞ ﻳﺠﻲ ﺍﻟﻪ ﺍﻛﻠﻪ ﻋﻠﻴﺞ ﻭﭼﻤﺎﻟﻪ ﺗﻔﺎﻭﻝ ﻃﺎﻳﺤﺔ ﺍﻟﺤﻆ ﻭﻣﺎﺗﻜﻮﻝ ﺑﻴﺒﻲ ﺍﻟﻤﺎﻣﺘﺮﺑﺎﻳﻪ
.
ﺳﻤﻴﻪ : ﺍﺧﺬﺕ ﺍﻟﺘﻠﻴﻔﻮﻥ ﻭﺩﺧﻠﺖ ﺟﻮﻩ ﺑﺒﺮﻭﺩ ﻭﺧﻠﻴﺘﻬﺎ ﺩﺭﺩﻡ ﻭﺭﺍﻱ
ﺍﻡ ﺍﻳﻮﺏ : ﺧﻠﻲ ﻳﺠﻲ ﺍﺑﻮﺝ ﺍﻟﻪ ﺍﮔﻠﻪ ﻋﻠﻴﺞ ( ﺗﺤﺠﻲ ﻭﺗﻨﻬﺪ )
ﺻﻔﺎ : ﺩﺧﻠﺖ ﻭﺭﻩ ﺳﻤﻴﻪ ﻧﺰﻋﺖ ﺍﻟﺒﺸﺖ ﻭﺍﻟﺸﺎﻝ ﻭﺑﻘﻴﺖ ﺑﺎﻟﺪﺷﺪﺍﺷﻪ .
ﻛﺘﻠﻬﺎ ﻋﺎﺟﺒﺞ ﺍﻟﻲ ﺻﺎﺭ ﻫﺎﻱ ﺭﺍﺡ ﺗﻜﻮﻝ ﻻﺑﻮﻱ ﻋﻠﻴﻨﻪ .
: ﺭﻭﺣﻲ ﻻﺳﺘﺎﺫ ﺍﺳﻼﻡ ﻳﻮﺧﺮ ﻗﻠﻘﺞ ﺑﺒﻮﺳﻪ .
: ﻟﻴﺶ ﺗﺨﻠﻴﻨﻲ ﺍﻧﺪﻡ ﻻﻥ ﻛﺘﻠﺞ ﻭﻓﻌﻼ ﻧﺪﻣﺖ ﺍﺻﻼ ﻣﺎﺟﻨﺖ ﻧﺎﻭﻳﻪ ﺍﻛﻮﻝ .
: ﺑﻲ ﺧﻴﺮ ﻳﺤﺎﻓﻆ ﻋﻠﻴﺞ ﻣﻮ ﻛﺎﻋﺪ ﻳﻤﻄﻚ ﺑﻴﺞ .
: ﺑﺲ ﻣﺮﻩ ﻭﺣﺪﻩ ﻭﻣﺎﻋﺎﺩﻫﻪ .
: ﺷﻌﻠﻴﻪ
: ﻭﺍﻟﻠﻪ ﺍﻧﺖ ﺣﻘﻴﺮﺓ ﺍﻟﻪ ﺍﻛﻮﻝ ﻟﺒﻮﻱ ﺗﺨﺎﺑﺮﻳﻦ ﺍﻣﻲ ﻣﻦ ﻭﺭﺍﻩ .
: ﻫﻪ ﻭﺍﻧﻪ ﺍﻛﻠﻪ ﻫﻢ ﺍﺳﻼﻡ ﻳﺒﻮﺱ ﺑﻴﻬﺎ ﻭﻻﺗﻨﺴﺴﻴﻦ ﺗﺼﻴﺮ ﺍﻟﻜﺘﻠﻪ ﻛﺘﻠﺘﻴﻦ ﻻﻥ ﺍﻧﺖ ﻫﻢ ﺗﺤﺎﺟﻴﻦ ﺍﻣﻲ .
: ﻻ ﻋﻔﻴﻪ ﻻﺗﻜﻠﻴﻠﻪ ﺳﻮﺳﻮ .
: ﺍﻱ ﻫﺴﻪ ﺻﺮﺕ ﺳﻮﺳﻮ ﻣﻮ ﻣﺴﺎﻉ ﺗﻤﺸﻌﻴﻦ ﺑﻴﻪ .
: ﺍﺭﻳﺪﺝ ﺗﺴﺎﻋﺪﻳﻨﻲ ﺍﻧﺖ ﻣﻮ ﺍﺧﺘﻲ ﺗﻮﺃﻣﻲ ﻟﻌﺪ ﻣﻨﻮ ﺍﻟﻲ ﺍﻓﻀﻔﻀﻠﻪ ﻣﻨﻮ ﺍﺣﺠﻴﻠﻪ ﻏﻴﺮﺝ ﺍﻧﺖ ﺭﻗﻴﻪ ﻭﻣﺎﺍﻋﺘﻘﺪ ﺗﻔﻬﻢ .
: ﺻﻔﺎ ﻣﺎﺍﻛﺪﺭ ﺍﻓﺘﻴﻠﺞ ﺑﻤﻮﺿﻮﻉ ﺍﺳﻼﻡ ﺍﻧﺖ ﺗﺪﺭﻳﻦ ﺑﻴﻪ ﺍﻛﺮﻫﺎ ﻭﻫﻨﺎ ﺧﺎﻑ ﺗﺘﻐﻠﺐ ﺍﻟﻌﺎﻃﻔﻪ ﻋﻠﻰ ﺍﻟﻌﻘﻞ ﻭﺍﺧﺎﻑ ﺍﺭﺗﻜﺐ ﺧﻄﺄ ﺑﺤﻘﻜﻢ ﻭﺍﻇﻠﻤﻜﻢ ..
: ﻫﻔﻔﻒ ﺣﻴﺮﻩ ﻳﺎﺳﻤﻴﻪ .
: ﺗﻘﺮﺑﺖ ﻣﻨﻬﺎ ﻛﻌﺪﺕ ﺗﺮﺑﻌﺖ ﺑﺼﻔﻬﺎ . ﻣﺎﻛﻮ ﺣﻴﺮﺓ ﻳﺎﺻﻔﺎ ﺍﻧﺖ ﻛﻌﺪﻱ ﻭﺍﺣﺠﻲ ﻭﻱ ﻧﻔﺴﺞ ﻭﺍﺑﺪﻱ ﻣﻦ ﺣﺐ ﻭﺍﻋﺠﺎﺏ ﻫﺠﺮﺍﻥ ﻻﺳﻼﻡ ﻟﺤﺪ ﺷﺨﺼﻴﺔ ﺍﺳﻼﻡ ﻭﻃﺒﻌﻪ ﺍﻟﺤﻴﺎﺓ ﻧﻌﻴﺸﻬﺎ ﻣﺮﻩ ﻭﺣﺪﻩ ﻭﻻﺯﻡ ﻧﻠﻌﺒﻬﺎ ﺻﺢ .
ﺍﺣﻨﻪ ﺩﺍﺋﻤﺎ ﻫﻴﺞ ﻧﺘﻌﺎﺭﻙ ﻭﻭﺣﺪﻩ ﺗﻜﺘﻞ ﺍﻟﺜﺎﻧﻴﻪ ﺑﻌﺪﻫﺎ ﻧﺮﺟﻊ ﻧﺤﺠﻲ ﻭﻧﺴﻮﻟﻒ ﺑﺪﻭﻥ ﺣﺘﻰ ﻣﺎﻧﻌﺘﺬﺭ ﻟﺒﻌﺾ ﺍﻭ ﻧﺘﺬﻛﺮ ﺍﻟﺼﺎﺭ ﺑﻴﻨﻪ .
ﺍﻟﻌﺼﺮ ﺍﺟﻪ ﺍﺑﻮﻱ ﻭﺑﻴﺒﻲ ﺧﺮﻃﺘﻠﻪ ﺍﻻﻛﻮ ﻭﺍﻟﻤﺎﻛﻮ
ﺻﺎﺣﻠﻨﻪ ﺍﺛﻨﻴﻨﻪ ﺿﺮﺑﻨﻲ ﺭﺍﺷﺪﻳﻴﻦ ﻭﺻﻔﺎ ﺭﺍﺷﺪﻱ ﻭﺍﺣﺪ ﺑﺲ ﻓﺮﻧﻪ ﻓﺮﺭﺭ ﻭﻃﺒﻊ ﺍﻳﺪﻳﻨﻪ ﻉ ﺧﺪﻭﺩﻧﻪ .
ﺳﻤﻴﻪ ﺍﻛﻠﺖ ﺭﺍﺷﺪﻳﻴﻦ ﻻﻥ ﻋﻠﺖ ﺻﻮﺗﻬﺎ ﻭﺗﺠﺎﻭﺯﺕ ﻋﻠﻰ ﺑﻴﺒﻴﺘﻲ .
ﻣﺘﻌﻮﺩﻳﻦ ﺷﻨﺴﻮﻱ ﺍﻛﻠﻨﺎ ﻭﺳﻜﺘﻨﺎ .
ﻳﻮﻡ ﺛﺎﻧﻲ ﻛﺎﻋﺪﻩ ﺑﺎﻟﺤﺪﻳﻘﻪ ﺍﻟﻌﺼﺮ ﺍﺳﻤﻊ ﺻﻮﺕ ﻫﻤﺲ ﺑﺎﻭﻋﺖ ﺷﻔﺘﻪ ﺍﺳﻼﻡ ﻣﻦ ﺍﻟﺴﻴﺎﺝ ﺳﻴﺎﺟﻬﻢ ﻧﺎﺻﻲ ﻳﺒﺎﻭﻋﻠﻲ ﺟﺘﻲ ﻋﻴﻨﻲ ﺑﻌﻴﻨﻪ ﺍﺑﺘﺴﻢ ﻇﻞ ﻳﺄﺷﺮﻟﻲ ﺗﻌﺎﻱ .
ﺗﺤﺴﺮﺕ ﻭﺭﺣﺖ ﻳﻢ ﺍﻟﺴﻴﺎﺝ .
ﻫﺎ ﺧﻴﺮ
ﺷﺒﻴﺞ ﻛﺎﻟﺒﻪ ﻭﺟﻬﺞ
ﻫﺎ ﻓﻜﺖ؟
ﺷﻨﻮ ﻫﻲ؟
ﺍﻟﻄﻨﮕﻮﺭﻩ ﻣﺎﻟﺘﻚ ..
ﻣﻢ ﻛﻌﺪﺕ ﻭﻓﻜﺮﺕ ﻭﻳﺎ ﻧﻔﺴﻲ ﻭﺣﻘﺞ ﻫﺬﺍ ﻣﺴﺘﻘﺒﻠﺞ ﻭﻻﺯﻡ ﺗﻔﻜﺮﻳﻦ ﺑﻲ ﺻﻔﺎﻭﻱ ﺣﺒﻴﺒﻲ ﻣﺮﺍﺕ ﺍﺻﻴﺮ ﻋﺼﺒﻲ ﻻﺯﻡ ﺗﻌﺬﺭﻳﻨﻲ .
ﺍﺑﺘﺴﻤﺖ ﻓﺮﺣﺎﻧﻪ ﻣﺸﺘﺎﻗﺘﻠﻪ ﻇﻠﻴﻨﻪ ﻧﺴﻮﻟﻒ ﺳﻤﻌﺖ ﺻﻮﺕ ﺳﻴﺎﺭﺓ ﺍﺑﻮﻱ ﺩﺧﻠﺖ ﻣﻦ ﺑﺎﺏ ﺍﻟﻤﻄﺒﺦ ﺻﺎﺭﺕ ﺳﻤﻴﻪ ﮔﺒﺎﻟﻲ ﺗﻬﺰ ﺑﺮﺍﺳﻬﺎ ﺑﻌﺪﻡ ﺭﺿﺎ ﺑﺎﻭﻋﺘﻠﻬﺎ ﺑﺎﺳﺘﻐﺮﺍﺏ
: ﺷﺒﻴﺞ ﺳﻤﻴﻪ؟
: ﻋﻜﺐ ﺍﻫﺎﻧﺘﻪ ﺍﻟﺞ ﺭﺣﺘﻲ ﺗﺮﻛﻀﻴﻦ ﺑﺲ ﻫﻤﺴﻠﺞ ﻣﺎﻟﺖ ﺍﻱ ﻭﺍﻟﻠﻪ ﻣﺎﻟﺖ .
ﻋﺎﻓﺘﻨﻲ ﻭﺩﺧﻠﺖ ﺗﻨﺪﻣﺖ ﺻﺢ ﺗﺴﺮﻋﺖ ﻭﺭﺣﺘﻠﻪ ﻟﻮ ﺷﻮﻳﻪ ﺑﺎﻳﻌﻪ ﺛﮕﻞ ﻋﻠﻴﻪ .
ﺍﺟﻪ ﺍﺑﻮﻱ ﺻﺒﻴﺘﻠﻪ ﻏﺪﺍ .
ﺳﻤﻴﻪ : ﺟﺎﻱ ﺍﺣﺎﺟﻲ ﺍﻣﻲ ﺑﺎﻟﻐﺮﻓﻪ
ﺍﻣﺎﻟﻴﺪ : ﺍﻱ ﺳﻤﻴﺔ ﻋﺪﻛﻢ ﻧﺖ ﺑﺎﻟﺒﻴﺖ
: ﻻ ﻣﺎﻋﺪﻧﻪ
: ﻭﺍﻟﻠﻪ ﻟﻮ ﻋﻨﺪﻱ ﺍﺧﻠﻴﻠﺠﻦ ﻛﻞ ﻭﺣﺪﻩ ﺗﻠﻴﻔﻮﻥ
: ﺻﺪﻙ؟
: ﺍﻱ ﺯﻳﻦ ﻭ ﺍﺑﻮﺝ ﻫﻢ ﻣﺎﻋﻨﺪﻩ ﻧﺖ؟
: ﻻ ﻋﻨﺪﻩ ﻣﻔﻌﻞ ﻉ ﺭﺻﻴﺪ
: ﻫﺎ ﻋﺸﺘﻮ ﻭﺍﻟﻠﻪ ﺯﻳﻦ ﻣﺎﺳﺎﻣﻌﺘﻪ ﻳﺤﺎﺟﻲ ﺑﻨﺎﺕ؟
: ﻻ ﻣﺎﺣﺎﻃﻪ ﺑﺎﻟﻲ ﺍﻟﻪ
: ﺑﻠﻠﻪ ﺣﻄﻲ ﺑﺎﻟﺞ
: ﻟﻴﺶ ﻫﻪ ﺗﻐﺎﺭﻳﻦ ﻋﻠﻴﻪ .
: ﺩﺭﻭﺣﻲ ﻻ ﻫﻴﺞ ﻓﻀﻮﻝ .
ﺩﺧﻠﺖ ﺻﻔﺎ .. ﺗﺨﺒﻠﺘﻲ ﺟﺎﻱ ﺗﺤﺎﺟﻴﻦ ﺍﻣﻲ ﻭﺍﺑﻮﻱ ﻫﻨﺎ ﺑﻠﻠﻪ ﻟﻜﻔﺞ ﻳﻤﻮﺗﺞ ﻭﺍﻟﻠﻪ .
.
: ﺧﻠﻴﻄﻴﺮ ﻣﻮﺗﻨﺎﺍﺍﺍ .
.
ﺻﺎﺩﻑ ﻋﻴﺪ ﻣﻴﻼﺩ ﺍﻳﻨﺎﺱ ﻭﻋﻤﺘﻲ ﺍﺷﻮﺍﻕ ﻛﻞ ﺳﻨﺔ ﺗﺴﻮﻱ ﺗﺤﺒﻬﻪ ﺗﻜﻮﻝ ﻳﺘﻴﻤﻪ
ﺍﻳﻨﺎﺱ ﻭﺍﺳﻼﻡ ﻫﻢ ﻟﻮﺣﻴﺪﻳﻦ ﻷﻣﻬﻢ ﻻﻥ ﺍﺑﻮﻫﻢ ﺗﻮﻓﻰ ﺑﻌﺪ ﻭﻻﺩﺓ ﺍﻳﻨﺎﺱ ﻭﺍﻣﻬﻢ ﻋﻤﻪ
ﺍﻣﺘﺜﺎﻝ ﺑﻘﺖ ﻣﺎﺗﺰﻭﺟﺖ .
ﻟﺒﺴﺖ ﻓﺴﺘﺎﻥ ﻣﺎﺭﻭﻧﻲ ﻗﺼﻴﺮ ﻟﺤﺪ ﺍﻟﺮﻛﺒﻪ ﻭﺟﻮﺍﻩ ﺳﺘﺮﻳﺞ ﺍﻟﻜﺘﻒ ﻣﺎﻟﺘﻪ ﻛﻴﺒﻮﺭ ﺛﺨﻴﻦ .
ﺳﻤﻴﻪ ﻟﺒﺴﺖ ﺳﻠﻔﻲ ﺍﺳﻮﺩ ﺭﺩﺍﻧﺎﺗﻪ ﺑﻒ ﻭﺑﻴﻬﻦ ﺧﺮﺯ ﻭﺟﻮﺍﻩ ﺟﻴﻨﺰ ﻭﺍﻟﺴﻠﻔﻲ ﻣﻔﺘﻮﺡ ﻣﻦ ﺍﻟﺼﻔﺤﺘﻴﻦ .
ﺭﻗﻴﻪ ﻟﺒﺴﺖ ﻗﻤﻴﺺ ﺑﺼﻠﻲ ﻭﻓﻮﻛﻪ ﻳﻠﻚ ﻟﺤﺪ ﺍﻟﺮﻛﺒﻪ ﻣﺨﻄﻂ ﺑﺎﺑﻴﺾ ﻭﺍﺳﻮﺩ ﻭﺑﺼﻠﻲ ﻭﺟﻴﻨﺰ ﺷﻌﺮﻫﺎ ﻣﻔﺘﻮﺡ ﻗﺼﻴﺮ ﻣﺎﻣﺤﺠﺒﻪ ﻣﺎﺗﺤﺐ ﺍﻟﺤﺠﺎﺏ ﻭﺍﺑﻮﻱ ﻣﺎﻳﻀﻐﻂ ﻋﻠﻴﻬﺎ .
ﻣﺎﻋﺪﻧﻪ ﻫﺪﻳﻪ ﻧﻮﺩﻳﻠﻬﺎ ﺷﻜﺪ ﺗﻮﺳﻠﻨﺎ ﺑﺎﺑﻮﻱ ﻛﺎﻝ ﻧﺴﻴﺖ
ﺳﻮﻳﺖ ﻛﻴﻜﻪ ﺍﺳﻔﻨﺠﻴﻪ ﻛﻠﺶ ﺣﻠﻮﻩ ﻭﺯﻳﻨﺘﻬﺎ ﻭﺣﺸﻴﺘﻬﺎ ﺑﺎﻟﻠﻤﻜﺴﺮﺍﺕ ﻭﺍﻟﻨﻮﺗﻴﻼ ﻭﺍﻟﻜﺮﻳﻤﺎ ﻭﺍﺧﺬﺗﻬﺎ .
ﺭﺣﻨﻪ ﺷﻔﻨﻪ ﺍﻟﻜﻞ ﻣﺘﺠﻤﻌﻴﻦ .. ﻣﻠﻜﺔ ﺍﻟﺤﻔﻞ ﻋﻤﻪ ﺍﺷﻮﺍﻕ ﺍﻟﻔﺨﺎﻣﻪ ﻛﻠﻬﺎ ﻻﺑﺲ ﻛﻮﺳﺘﻢ ﺍﺭﺟﻮﺍﻧﻲ ﻭﺍﻻﻛﺴﺴﻮﺍﺭﺕ ﺍﻟﻤﻨﺎﺳﺒﻪ ﻭﺍﻟﻤﻜﻴﺎﺝ ﻻﻳﻚ ﻟﻌﻤﺮﻫﺎ ..
ﺑﻨﺎﺗﻬﺎ ﺭﺟﻮﺍﻥ ﻭﻫﺠﺮﺍﻥ
ﺭﺿﻮﺍﻥ ﺍﺑﻦ ﻋﻤﺘﻲ ﺍﻣﺎﻝ ﺍﻟﻤﺮﺣﻮﻣﻪ ﺍﻟﻲ ﺭﺑﺘﻪ ﻋﻤﻪ ﺍﺷﻮﺍﻕ ﻣﻦ ﺍﻭﻝ ﻣﺎﺍﺗﻮﻓﺖ ﺍﻣﻪ ﻭﺳﻤﺘﻪ ﺍﺳﻢ ﻭﺯﻥ ﻣﺜﻞ ﺍﻭﻻﺩﻫﺎ ﺍﻣﺎﻥ ﻭﺭﺟﻮﺍﻥ ﻭ ﻫﺠﺮﺍﻥ .
ﺳﻠﻤﺖ ﻋﻠﻴﻬﺎ ﺑﻮﺳﺘﻬﺎ ﻭﺑﻮﺳﺖ ﺭﻗﻴﻪ ﻭﺻﻞ ﺍﻟﺴﺮﻩ ﻟﺴﻤﻴﻪ ﺩﻧﮕﺖ ﺗﺮﻳﺪ ﺗﺒﻮﺳﻬﺎ ﻣﺎﺑﺎﺳﺘﻬﺎ ﻭﻻﺭﺩﺕ ﻋﻠﻴﻬﺎ ﺳﻼﻣﻬﺎ
ﺣﺴﻴﺖ ﺳﻤﻴﻪ ﺑﺮﺍﻛﻴﻦ ﻏﻀﺐ ﻭﺗﻮﺟﺮﺕ ﺑﻴﻬﺎ ﻟﻮ ﻣﻨﻬﺎ ﺍﻧﺤﺐ ﻭﺍﺑﺠﻲ ﺑﺲ ﻣﺎﺍﻋﺮﻑ ﺷﻨﻮ ﻣﻦ ﻗﻮﺓ ﻋﺪﻫﺎ ﻭﺗﺤﻤﻠﺘﻬﺎ .
ﺭﺍﺣﺖ ﻭﻛﻔﺖ ﻳﻢ ﺍﻟﻘﻨﻔﻪ ﻻﻥ ﻣﺎﻛﻮ ﻣﻜﺎﻥ
ﻋﺎﺋﻠﺔ ﻋﻤﻮ ﺳﻠﻴﻤﺎﻥ ﻛﻠﻬﻢ ﺟﺎﻳﻴﻦ
ﺑﻘﻴﺖ ﺻﺎﻓﻨﻪ ﻟﻴﺶ ﻋﻤﻪ ﺍﺷﻮﺍﻕ ﺗﻜﺮﻩ ﺳﻤﻴﻪ ﺑﺎﻟﺬﺍﺕ
ﺑﺎﻭﻋﺖ ﻟﺴﻤﻴﻪ ﺗﺒﺎﻭﻉ ﻟﻠﻜﻞ ﺑﻨﻈﺮﺍﺕ ﻋﺪﻡ ﺭﺿﺎ ﺣﺘﻰ ﻻﺑﻮﻳﻪ ﺍﻟﻲ ﻣﺤﺘﻀﻦ ﺭﻗﻴﻪ ﻣﻦ ﺍﻛﺘﺎﻓﻬﺎ ﻭﻛﺎﻋﺪ .
ﺍﻟﻜﻞ ﻛﺎﻋﺪﻳﻦ ﺑﺲ ﺍﺣﻨﺎ ﺍﻟﺘﻮﺃﻡ ﺍﻟﻤﻨﺒﻮﺫ ﻭﺍﻛﻔﻴﻦ
ﺑﺎﻭﻋﺖ ﻟﺮﺿﻮﺍﻥ ﻫﻮ ﺑﺪﻭﺭﻩ ﺟﺎﻥ ﻳﺒﺎﻭﻉ ﻟﺴﻤﻴﻪ ﺑﻨﻈﺮﺍﺕ ﺍﻋﺠﺎﺏ ﻭﻫﻲ ﻣﻮ ﻣﻌﺒﺮﺗﻪ ﺣﻴﻞ ﺻﻌﺒﻪ ﻫﺎﻟﺴﻤﻴﻪ ﻭﻣﻮ ﺍﻱ ﺍﺣﺪ ﻳﻌﺠﺒﻬﺎ .
ﺑﺎﻟﺮﻏﻢ ﻣﻦ ﺍﻧﻪ ﺭﺿﻮﺍﻥ ﻭﺳﻴﻢ ﻭﻃﺎﻟﺐ ﻛﻠﻴﺔ ﻃﺐ ﺍﺳﻨﺎﻥ
ﻭﺍﻫﻞ ﺍﺑﻮ ﻧﺎﺱ ﻣﺘﻤﻜﻨﻴﻦ ﺑﺲ ﺳﻤﻴﻪ ﻣﺎﺗﻘﻠﺪﻩ
ﺻﺮﺕ ﺍﺷﻚ ﺑﻴﻬﺎ ﺗﺤﺐ !!
ﺭﺟﻮﺍﻥ ﻭﺍﻛﻔﻪ ﺑﺼﻒ ﺭﺿﻮﺍﻥ ﻭﻣﺎﺭﺍﺿﻴﻪ ﺗﺘﺮﻛﻪ ﻋﺒﺎﻟﻚ ﺭﺍﺡ ﻳﻄﻴﺮ ﻣﻨﻬﺎ .
ﺩﺧﻞ ﺍﺳﻼﻡ ﺑﺎﻭﻋﺘﻠﻪ ﻗﻠﺒﻲ ﻓﺮﺡ ﻣﺎﺍﻋﺮﻑ ﻟﻴﺶ ﻧﻈﺮﺍﺗﻲ ﺭﺍﺣﺖ ﻟﻬﺠﺮﺍﻥ ﺷﻔﺘﻬﺎ ﻓﺎﺗﺤﻪ ﻋﻴﻮﻧﻬﺎ ﻋﻠﻴﻪ ﻭﺗﺒﺎﻭﻋﻠﻪ ﺑﺸﻐﻒ ﻭﻫﻮ ﻳﻀﺤﻚ ﻭﻳﺎ ﺍﺑﻮ ﺍﻣﺎﻥ ﺯﻭﺝ ﻋﻤﻪ ﺍﺷﻮﺍﻕ
ﺍﺳﻼﻡ ﻻﺑﺲ ﺑﻨﻄﺮﻭﻥ ﺍﺳﻮﺩ ﻭ ﻗﻤﻴﺺ ﺍﻭﻑ ﻭﺍﻳﺖ ﻭﺭﺑﺎﻁ ﺍﺳﻮﺩ ﻭﻣﺸﻜﻞ ﺭﺩﺍﻧﺎﺗﻪ ﻭﻣﺒﻴﻦ ﻭﺷﻢ ﻋﻠﻰ ﺍﻳﺪﻩ ﺷﻮﻳﻪ ﻣﺒﻬﻢ ﺑﺲ ﺍﻟﻲ ﻳﺮﻛﺰ ﺑﻲ ﻛﻠﺶ ﻳﻔﻬﻤﻪ ﺑﻲ ﺣﺮﻓﻴﻦ A ,S ﻭﻣﻐﻠﻒ ﺑﻨﻘﺸﻪ ﻣﻈﻠﻤﺘﻬﻢ ﺷﻮﻳﻪ .
ﺍﻟﻜﻴﻜﻪ ﻭﺍﻟﺘﺠﻬﻴﺰﺍﺕ ﻋﻤﻪ ﺍﺷﻮﺍﻕ ﻣﺨﺘﺎﺭﺗﻬﺎ
ﻋﻠﻴﻬﺎ ﺻﻮﺭﺓ ﺍﻳﻨﺎﺱ .
ﻋﻤﻪ ﺍﺷﻮﺍﻕ ﻣﺎﻗﺒﻠﺖ ﻧﺨﻠﻲ ﻛﻴﻜﺘﻨﻪ ﻉ ﻃﺎﻭﻟﻪ ﻭﻭﺩﻭﻫﺎ ﻟﻠﻤﻄﺒﺦ ﻣﻮ ﻣﻦ ﻣﻘﺎﻣﻬﺎ .
ﺍﺟﺖ ﻳﻤﻨﻪ ﻫﺠﺮﺍﻥ ﺗﺸﻮﻓﻨﻲ ﺍﻟﺼﻮﺭ ﺑﺎﻟﻤﻮﺑﺎﻳﻞ ﺭﺍﻳﺤﻴﻦ ﻷﺭﺑﻴﻞ ﮔﺎﻟﺖ ﺷﻮﻓﻲ ﺣﺘﻰ ﻟﺠﺎﻓﻲ ﻻﻧﺪ ﺑﺎﻟﺴﻠﻴﻤﺎﻧﻴﻪ ﻫﻢ ﻭﺩﺍﻧﻪ ﺃﻣﺎﻥ ﺍﺳﻜﺘﻲ ﺗﺠﻨﻦ ﺻﺪﻙ ﺧﻴﺎﻟﻴﻪ .
ﺳﻤﻴﻪ ﺩﺍﺭﺕ ﻭﺟﻬﻪ ﻭﺳﻮﺕ ﻧﻔﺴﻬﺎ ﻣﻠﺘﻬﻴﺔ ﺑﻐﻴﺮ ﺷﻲ
ﺣﺴﻴﺘﻬﺎ ﻣﺎﺗﺮﻳﺪ ﺗﺸﻮﻑ ﺣﺘﻰ ﻻﺗﻨﻘﻬﺮ، ﺳﻤﻴﻪ ﺩﺍﺋﻤﺎ ﺗﺤﺐ ﺗﻜﻮﻥ ﺑﻌﻴﺪﻩ ﻋﻦ ﺍﻱ ﺷﻲ ﻳﻘﻬﺮﻫﺎ .
ﺑﺎﻭﻋﺖ ﺷﻔﺖ ﺷﺎﺏ ﻣﺮﺗﺐ ﻭﺣﻠﻮ ﻳﺸﺒﻪ ﺍﻻﻋﻼﻣﻲ ﻋﻠﻲ ﻋﺬﺍﺏ ﻛﺘﻠﻬﻪ ﻣﻨﻮ ﻫﺬﺍ
: ﻟﺞ ﻫﺬﺍ ﺍﻣﺎﻥ ﺍﺧﻮﻱ ﺷﻨﻮ ﻣﺎﺗﻌﺮﻓﻴﻨﻪ
: ﻻ ﻭﻻ ﻣﺮﻩ ﺷﺎﻳﻔﺘﻪ
: ﺍﻱ ﻫﻮ ﺻﺎﺭﻟﻪ ﻫﻮﺍﻱ ﻣﺎﺟﺎﻱ ﻟﻠﺒﺼﺮﻩ ﻳﺪﺍﻭﻡ ﺑﺒﻐﺪﺍﺩ ﻛﻠﻴﺔ ﻟﻐﺎﺕ ﻭﺑﺎﻟﻌﻄﻠﻪ ﻳﺮﻭﺡ ﻟﻌﻤﻲ ﺑﺎﺭﺑﻴﻞ ﻳﺸﺘﻐﻞ ﺑﺸﺮﻛﺔ ﻃﻴﺮﺍﻥ .
: ﺍﻱ
: ﺍﻱ ﻭﻫﻲ ﻓﺮﺡ ﺑﻨﺖ ﻋﻤﻲ ﺍﻣﻬﺎ ﻛﺮﺩﻳﻪ ﻭﻫﻲ ﺍﻟﻮﺣﻴﺪﻩ ﺍﻟﻬﻢ .
ﺷﻔﺖ ﺍﻟﺼﻮﺭ ﻭﻛﻤﻠﺖ ﺍﻧﻄﻴﺘﻬﺎ ﺍﻟﻤﻮﺑﺎﻳﻞ ﺻﺎﺣﺘﻬﺎ ﺑﻴﺒﻲ ﻛﻠﺘﻠﻬﺎ ﺗﻌﺎﻱ ﺷﻮﻓﻴﻨﻲ ﺍﻣﺎﻥ ﻛﻠﺶ ﻋﻦ ﻋﻠﻴﻪ ( ﻣﺸﺘﺎﻗﺘﻠﻪ )
ﺭﺍﺣﺖ ﻳﻢ ﺑﻴﺒﻴﺘﻲ .
ﺑﺎﻭﻋﺖ ﻻﺳﻼﻡ ﻳﺴﻮﻳﻠﻲ ﺣﺮﻛﺎﺕ ﺑﻌﻴﻮﻧﻪ ﻋﻮﺩ ﺗﻌﺎﻟﻲ ﻭﺭﺍﻱ .
ﻃﻠﻊ ﻣﻦ ﺍﻟﺼﺎﻟﻪ ﺑﺲ ﺍﻧﻪ ﺑﻘﻴﺖ ﺧﺎﻳﻔﻪ ﺍﺭﻭﺡ ﻭﺭﺍﻩ
ﺷﻔﺖ ﺍﺑﻮﻱ ﻭﻋﻤﻲ ﻭﺍﺑﻮ ﺍﻣﺎﻥ ﻭﺭﺿﻮﺍﻥ ﻃﻠﻌﻮﺍ ﻟﻠﺤﺪﻳﻘﻪ ﻭﺍﻟﻜﻞ ﻣﻠﺘﻬﻴﻦ ﺍﺭﻳﺪ ﺍﺭﻭﺡ ﻭﺭﺍﻩ ﻟﺰﻣﺘﻨﻲ ﺳﻤﻴﻪ ﻣﻦ ﻣﻌﺼﻤﻲ ﺗﺒﺎﻭﻋﻠﻲ ﻭﺗﺨﺰﺭ ﺻﻜﺖ ﺍﺳﻨﺎﻧﻬﺎ ﻭﻃﻠﻌﺖ ﺣﺠﺎﻳﻪ ﻣﻦ ﺣﻠﮕﻬﺎ ﻭﻳﻦ؟
ﺍﺭﻳﺪ ﺍﺣﺠﻲ ﻫﺪﺗﻨﻲ ﻛﺎﻟﺖ ﺭﻭﺣﻲ ﺷﻌﻠﻴﻪ
.
ﺳﻤﻴﻪ ..
ﻣﻦ ﺷﻔﺘﻬﺎ ﺗﺮﻳﺪ ﺗﺮﻭﺡ ﻭﺭﺍﻩ ﺍﻧﻔﻌﻠﺖ ﻛﻠﺶ ﻭﺷﻔﺘﻪ ﻳﺎﺷﺮﻟﻬﻪ ﻭﻫﻲ ﻫﺠﺮﺍﻥ ﻭﺍﺫﺍ ﻋﺮﻓﺖ ﺑﻴﻬﻢ ﺭﺍﺡ ﺗﻔﻀﺤﻬﻢ ﺑﻨﺺ ﺍﻟﺤﻔﻠﻪ ﺑﺪﻭﻥ ﻣﺎﺗﻬﺘﻢ ﺑﺲ ﺑﻌﺪﻳﻦ ﻫﺪﺍﺕ ﻛﺘﻠﻬﻪ ﺭﻭﺣﻲ ﺑﺲ ﺩﻳﺮﻱ ﺑﺎﻟﺞ ﻭﺣﺮﻛﺖ ﺑﺆﺑﺆ ﻋﻴﻨﻲ ﺑﺎﺗﺠﺎﻩ ﻫﺠﺮﺍﻥ .
ﻫﺰﺕ ﺭﺍﺳﻬﻪ ﺑﺮﺿﺎ ﻭﺭﺍﺣﺖ .
ﺧﻠﻴﺖ ﺍﺫﻧﻲ ﻳﻢ ﺍﺷﻮﺍﻕ ﻭﺯﻛﻴﻪ ﺷﻨﻮ ﻳﺤﺠﻦ
ﺍﺷﻮﺍﻕ : ﻳﻤﻪ ﺟﺒﺘﻠﺞ ﺩﻳﺮﻣﺎ ﻭﻛﺤﻞ ﺣﺠﺮ ﻭﻛﻢ ﻗﻄﻌﺔ ﻗﻤﺎﺵ ﻫﺎ ﻣﻮ ﺗﻨﻄﻴﻨﻬﻦ ﻟﺒﻨﺎﺕ ﺍﻣﺎﻟﻴﺪ ﺍﻧﺖ ﻭﺩﻳﻬﻦ ﻟﻠﺨﻴﺎﻃﻪ ﺗﺨﻴﻄﻬﻦ ﻭﻟﺒﺴﻴﻬﻦ .
ﺳﻤﻴﻪ : ﺍﺳﻤﻌﻬﺎ ﻭﺍﺑﺪﻱ ﺍﻓﺘﺮﺳﻬﻪ ﻭﻋﻮﻛﺎ ﻣﺸﺘﺮﻳﺘﻬﻦ ﻣﻦ ﺷﺎﺭﻉ ﻋﺒﺪﺍﻟﻠﻪ ﺍﺑﻦ ﻋﻠﻲ ﻭﺗﻜﻮﻝ ﻣﻦ ﺍﺭﺑﻴﻞ ﻋﺰﻳﺎﺕ ﻋﻠﻴﺞ ﺍﺷﻮﺍﻙ .
ﻃﻠﻌﺖ ﻣﻦ ﺍﻟﺼﺎﻟﻪ ﺍﺩﻭﺭ ﺻﻔﺎ ﻭﻳﻨﻬﺎ ﺑﺲ ﻻ ﻫﺴﻪ ﻛﺎﺿﻴﻨﻬﺎ ﺍﻣﺢ ﻭﺍﻣﻴﺢ ﺍﻟﻤﻨﺤﺮﻓﻴﻦ .
ﺑﺎﻟﻤﻤﺮ ﺷﻔﺖ ﺭﺿﻮﺍﻥ ﺩﺧﻞ ﻣﻦ ﺍﻟﺒﺎﺏ ﺍﻟﺜﺎﻧﻲ ﻟﻠﺒﻴﺖ
ﺭﺩﺕ ﺍﺩﻭﺭ ﻭﺍﻏﻴﺮ ﻃﺮﻳﻘﻲ ﺻﺎﺣﻨﻲ
ﺳﻤﻴﻪ .
ﺩﺭﺕ ﻋﻠﻴﻪ ﻛﺘﻠﻪ ﻧﻌﻢ
ﺍﻱ ﺷﺨﺒﺎﺭﺝ ﺳﻤﻴﻪ؟
ﻳﺤﺠﻲ ﻭﻳﺒﺎﻭﻋﻠﻲ ﺑﺤﻴﺮﺓ . ﺍﻟﻠﻪ ﻳﻔﻜﺲ ﻋﻴﻮﻧﻚ ﻟﻮ ﺑﻴﺪﻱ ﺟﻨﻄﻪ ﺟﺎﻥ ﺭﻛﻌﺘﻪ ﺑﻴﻬﺎ ﺑﺲ ﺣﺎﻭﻟﺖ ﻗﺪﺭ ﺍﻻﻣﻜﺎﻥ ﺍﻛﻮﻥ ﻣﺆﺩﺑﻪ ﻭﺍﺣﺎﺟﻴﻪ ﺑﻬﺪﻭﺀ ﻭﺍﺣﺘﺮﺍﻡ ﻛﺘﻠﻪ ﻣﺎﻋﻨﺪﻱ ﺍﺧﺒﺎﺭ
ﺿﺤﻚ ﺑﻬﺪﻭﺀ ﻭﻫﺬﺍ ﻃﺒﻌﻪ
: ﺍﻛﻮ ﻭﺍﺣﺪ ﻣﺎﻋﻨﺪﻩ ﺍﺧﺒﺎﺭ؟
: ﺍﻱ ﺍﻧﻪ !
: ﺍﻱ ﺳﻤﻴﻪ ﻧﺠﺤﺘﻲ؟
: ﻻ ﺍﻛﻤﺎﻝ ﺑﺪﺭﺱ ﻭﺍﺣﺪ
: ﻫﺎ ﻳﺎﺩﺭﺱ؟
: ﻛﻴﻤﻴﺎ
: ﺷﻌﺠﺐ ﻣﻮﺯﻳﻨﻪ ﺑﻴﻬﻪ ؟
: ﻻ ﺯﻳﻨﻪ ﺑﺲ ﺑﻴﻮﻡ ﺍﻻﻣﺘﺤﺎﻥ ﻧﻤﺖ ﻭﻣﺎﻗﺮﻳﺖ ﻋﺪﻝ ﻭﻋﺎﻧﺪﺕ ﻧﻔﺴﻲ ﻭﻣﺎﺟﺎﻭﺑﺖ .
: ﺻﺪﻙ ﺗﺤﺠﻴﻦ؟
: ﺍﻱ ﻣﺠﺬﺑﻪ ﻋﻠﻴﻚ ﻣﻦ ﻗﺒﻞ؟
: ﻫﻬﻪ ﻻ ﺑﺲ ﺩﺍﺋﻤﺎ ﺍﻛﻮﻝ ﻋﻨﺞ ﺍﻧﺖ ﻣﺨﺘﻠﻔﻪ ﻋﻦ ﺍﻟﻜﻞ
: ﺷﻮﻥ ﻣﺨﺘﻠﻔﺔ ﻣﺜﻼ ﺣﻮﺍﺟﺒﻲ ﺑﺨﺪﻱ ﻟﻮ ﺧﺸﻤﻲ ﺑﻜﺼﺘﻲ؟
: ﻫﻬﻬﻬﻪ ﻻ ﻣﻮ ﻫﻴﺞ ﺍﻟﻤﻬﻢ ﺷﻨﻮ ﻣﻘﺮﺭﻩ ﺗﺪﺧﻠﻴﻦ ﻛﻠﻴﺔ؟
: ﻣﻮ ﻣﺨﻠﻴﻪ ﺍﺑﺎﻟﻲ ﺷﻲ ﺧﻠﻲ ﺍﻧﺠﺢ ﻣﻦ ﺍﻟﺨﺎﻣﺲ ﺑﺎﻻﻭﻝ .
: ﺍﻥ ﺷﺎﺀﺍﻟﻠﻪ ﺗﻨﺠﺤﻴﻦ ﻭﺍﻱ ﺷﻲ ﺗﺤﺘﺎﺟﻴﻦ ﺍﻧﻲ ﻣﻮﺟﻮﺩ ﺍﺟﻲ ﺍﻓﻬﻤﺞ ﺍﻟﻤﻮﺍﺩ ﺍﻟﻲ ﻣﺎﺗﻔﻬﻤﻴﻨﻬﻢ ﻭﺍﺗﻤﻨﻰ ﺗﻄﻠﻌﻴﻦ ﻃﺒﻴﻪ .
: ﻃﺒﻴﻪ ! ! ﻻ ﻻ ﻣﺎﺍﺩﺑﺮﻫﺎ
: ﻻ ﺗﺪﺑﺮﻳﻨﻬﻪ ﺍﻧﺖ ﺫﻛﻴﻪ ﻣﺒﻴﻦ ﻣﻦ ﻋﻴﻮﻧﺞ .
ﺻﻔﺎ
ﺻﺎﺣﻨﻲ ﺍﺳﻼﻡ ﺭﺣﺖ ﻳﻤﻪ ﻇﻞ ﻳﺒﺎﻭﻋﻠﻲ ﺑﻨﻬﻢ
ﻛﺎﻝ ﻫﻲ ﺷﻨﻮ ﺷﻄﺎﻟﻌﻪ ﻭﻟﺞ ﺩﻳﺮﻱ ﺑﺎﻟﺞ ﻻ ﻳﺨﻠﻮﻧﺞ ﻣﻜﺎﻥ ﺍﻟﻜﻴﻜﻪ .
ﺿﺤﻜﺖ ﻋﺠﺒﻚ ﻓﺴﺘﺎﻧﻲ .
ﻳﺠﻨﻦ ﺷﻨﻮ ﻫﺎﻟﺬﻭﻕ ﻣﺮﺗﻲ ﺍﻟﺤﻠﻮﻩ ﺫﻭﺍﻗﻪ .
ﻻ ﻫﺬﺍ ﺍﻟﻔﺴﺘﺎﻥ ﺍﻣﻲ ﺩﺯﺗﻪ .
ﺍﻣﺞ؟ ؟؟ !! ﺗﺤﺠﻴﻦ ﺻﺪﻙ ﻭﺍﻧﺖ ﺷﻮﻥ ﺗﺎﺧﺬﻳﻨﻪ ﻣﻨﻬﺎ؟
ﺷﺒﻴﻚ ﺍﺳﻼﻡ ﻋﻠﻰ ﻛﻴﻔﻚ .
ﺍﻣﺞ ﻭﺣﺪﻩ ﺍﺳﺘﻐﻔﺮ ﺍﻟﻠﻪ ﻣﺎﺍﺭﻳﺪﺝ ﺗﺘﻮﺍﺻﻠﻴﻦ ﻭﻳﺎﻫﺎ ﺍﻭ ﺗﺎﺧﺬﻳﻦ ﻣﻨﻬﺎ ﺷﻲ ﺍﺑﺪ ﻣﻔﻬﻮﻭﻡ؟
ﺍﺳﻼﻡ ﻫﺬﻩ ﻣﻬﻤﺎ ﻳﻜﻮﻥ ﺍﻣﻲ ﺍﻣﻲ ﺟﺎﻱ ﺗﻔﻬﻢ ﻭﺑﻌﺪﻳﻦ ﻣﻨﻮ ﻳﺸﺘﺮﻳﻠﻨﻪ ﻏﻴﺮﻫﺎ ﺍﺑﻮﻱ ﺭﻭﺣﻪ ﻭﺩﻧﻴﺘﻪ ﺳﻴﺎﺭﺗﻪ ﻭﻻﻣﻬﺘﻢ ﺍﻟﻨﻪ .
ﺍﻧﻪ ﺍﺷﺘﺮﻳﻠﺞ ﻭﺍﻟﻲ ﻳﻌﺠﺒﺞ ﻭﺍﻟﻲ ﺗﺮﺩﻳﻨﻪ ﺳﺠﻠﻴﻠﻲ ﺑﻮﺭﻗﻪ ﻛﻞ ﺷﻲ ﻭﺍﻧﻪ ﻣﺎﻗﺼﺮ .
ﻻ ﺑﺼﻔﺘﻚ ﺷﻨﻮ ﺗﺸﺘﺮﻳﻠﻲ ﺍﻧﻪ ﻣﺎﺍﺳﻤﺢ ﻟﻨﻔﺴﻲ ﺍﺧﺬ ﻣﻨﻚ ﺍﻱ ﺷﻲ .
ﺍﻧﺖ ﺍﻟﻲ ﻣﺨﻠﻴﺘﻨﻲ ﻏﺮﻳﺐ ﺑﺎﻟﻨﺴﺒﻪ ﺍﻟﺞ ﻭﻣﺎﺗﺨﻠﻴﻨﻲ ﺍﺧﻄﺒﺦ ﺣﺘﻰ ﺗﺼﻴﺮ ﻋﻼﻗﺘﻨﺎ ﺍﻭﺳﻊ ﻣﻮ ﺍﺷﻮﻓﺞ ﻭﺍﺣﺎﺟﻴﺞ ﺑﺎﻟﺨﺘﻠﻪ .
ﺳﻜﺘﺖ .
ﺣﺴﻴﺘﻪ ﻋﺼﺐ ﻭﻧﺰﻝ ﻉ ﺍﻣﻲ ﻧﺰﻟﻪ ﻣﻌﺪﻟﻪ ﻛﺎﻝ ﻫﻲ ﺭﻳﺤﺘﻬﺎ ﻃﺎﻟﻌﻪ ﺍﻣﺞ ﻛﻠﺶ ﻣﻮﺧﻮﺵ ﻫﻲ ﻭﺍﻫﻠﻬﻪ ﻭﺭﺟﻠﻬﺎ ﻭﺍﺫﺍ ﺳﻤﻌﺖ ﺍﻭ ﻋﺮﻓﺖ ﻣﺘﻮﺍﺻﻠﻪ ﻭﻳﺎﻫﺎ ﻣﺎﻳﺤﺼﻞ ﺧﻴﺮ ﻭﺍﻟﻠﻪ ﺍﻭﺻﻠﻬﻪ ﻟﻌﻤﺎﻣﻲ ﻭﺍﻧﺖ ﺗﻌﺮﻓﻴﻦ ﺷﻮﻥ ﺭﺍﺡ ﻳﺘﺼﺮﻓﻮﻥ ﻭﻳﺎﺟﻦ .
ﻣﺎﺗﻮﻗﻌﺘﻚ ﻫﻴﺞ ﺍﺳﻼﻡ ﻋﻔﺘﻪ ﺍﺭﻳﺪ ﺍﺭﻭﺡ ﺳﺤﺒﻨﻲ ﻣﻦ ﺍﻳﺪﻱ ﻳﺮﻳﺪ ﻳﺨﻠﻴﻨﻲ ﻉ ﺻﺪﺭﻩ ﻛﺎﻝ ﺗﻌﺎﻱ ﺻﻔﺎ ﺑﻌﺪﻧﻪ ﻣﺎﺧﻠﺼﻨﻪ
ﺧﻠﻴﺖ ﺍﻳﺪﻱ ﻉ ﺻﺪﺭﻩ ﻭﺩﻓﻌﺘﻪ ﻛﺘﻠﻪ ﻭﺧﺮﺭ
ﻃﻠﻌﺖ ﻣﻦ ﺍﻟﻐﺮﻓﻪ ﺑﻌﺼﺒﻴﻪ
ﺑﻌﺪﻧﻲ ﺗﻮﻩ ﻧﺎﺯﻟﻪ ﺍﻭﻝ ﻣﺮﺣﻠﻪ ﻣﻦ ﺍﻟﺪﺭﺝ ﺻﺎﺭﺕ ﻛﺒﺎﻟﻲ ﻫﺠﺮﺍﻥ .
ﻣﺘﺖ ﺑﺪﻣﻲ ﺟﻴﺖ ﺍﻃﻴﺢ ﻣﻦ ﺍﻟﺪﺭﺝ ﻣﻌﻘﻮﻟﻪ ﺳﻤﻌﺖ ﻛﻞ ﺷﻲ؟ ﺍﺫﺍ ﺳﺎﻣﻌﻪ ﺷﻲ ﺭﺍﺡ ﺗﺼﻴﺮ ﺍﻟﻔﻀﻴﺤﻪ ﻓﻀﻴﺤﺘﻴﻦ ﺍﻣﻲ ﻭﺍﺳﻼﻡ
ﻭﻟﻠﺤﻜﺎﻳﻪ ﺑﻘﻴﻪ .
ﺑﻨﺎﺕ ﻫﺬﻩ ﺍلاجزاء ﺍﺳﺘﻌﺎﺩﺓ ﻟﻼﺣﺪﺍﺙ ﻓﻼﺵ ﺑﺎﻙ
ﻳﻌﻨﻲ ﺍﻻﺣﺪﺍﺙ ﺍﻟﻲ ﻗﺒﻞ ﻻﻳﻨﻬﺰﻣﻮﻥ ﻣﻦ ﺍﺑﻮﻫﻢ ﺷﻨﻮ ﺻﺎﺭ ﻭﺷﻨﻮ ﺍﻟﻲ ﺟﺒﺮﻫﻢ ﻳﻨﻬﺰﻣﻮﻥ ﻓﻌﻼ .
ﻫﺬﻭﻝ ﺍﻟﺒﻨﺎﺕ 👇 ﻣﻨﻮ ﺍﻛﺜﺮ ﻭﺣﺪﻩ ﺣﺒﻴﺘﻮﻫﺎ ﻭﺩﻭﺭ ﺭﻗﻴﻪ ﺑﻌﺪﻩ ﺷﻮﻳﻪ ﻏﺎﻣﺾ ﺑﺎﻟﺒﺎﺭﺗﺎﺕ ﺍﻟﺠﺎﻳﻪ ﺍﻟﻬﺎ ﺩﻭﺭ ﺍﻛﺒﺮ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق