رواية حكاية سمر ج1 الجزء التاسع عشر
للكاتبة زينب ماجد
🌿🌿🌿🌿🌿
ﺍﻟﺤﻤﺪﻟﻠﻪ ﻃﻠﻊ ﻋﺎﺩﻝ ﻓﺮﺣﺖ ﻻﻥ ﺑﻜﺮ ﺣﻞ ﺍﻟﻤﺸﻜﻠﻪ ﺑﺎﻗﻞ ﺍﻟﺨﺴﺎﺋﺮ .. ﺑﺲ ﺭﻧﺎ ﺗﻌﺒﺘﻨﻲ ﺑﻜﻼﻣﻬﺎ .. ﺣﻴﻞ ﺍﺫﺗﻨﻲ .. ﺗﺤﺠﻲ ﺗﺤﺠﻲ ﻭﺍﺳﻜﺖ ﺑﺲ ﺗﻌﺒﺖ
ﺍﺟﻮ ﻋﻤﺎﻣﻲ ﻭﻋﻤﺎﺗﻲ ﻭﺍﻫﻠﻲ ﻭﻛﻠﻬﻢ .. ﻳﺒﺎﺭﻛﻮﻥ ﻟﻌﺎﺩﻝ ﻃﻠﻮﻋﻪ ﺍﻟﺴﺠﻦ .. ﻭﻛﻞ ﺍﻟﻴﺠﻲ ﻳﺤﺠﻲ ﻋﻠﻴﻪ .. ﻋﺠﻴﺐ ﻭﺍﻟﻠﻪ ﺗﻜﻮﻝ ﺍﻧﻲ ﺍﻧﻄﻴﺖ ﻧﻔﺴﻲ .
ﻳﻌﻨﻲ ﻟﻮ ﻣﻨﻄﻴﻪ ﻧﻔﺴﻲ ﺍﻟﻪ ﺟﺎﻥ ﻣﻬﺪﺩﻧﻲ .. ﻟﻮ ﺷﺎﺭﺩﻩ ﻭﻳﻪ ﺑﻜﺮ .. ﺟﺎﻥ ﻋﺸﺖ ﻏﻴﺮ ﺣﻴﺎﺓ .. ﺑﺲ ﻻﻥ ﺍﺧﺎﻑ ﻋﻠﻰ ﺳﻤﻌﺘﻲ ﻃﺎﻳﺢ ﺣﻈﻲ ..
ﺟﺎﻧﻮ ﺩﻳﻄﺒﺨﻮﻥ ﺑﺎﻟﻤﻄﺒﺦ .. ﺍﺟﻴﺖ ﺍﺳﺎﻋﺪ .. ﻛﻠﺖ ﻫﻼﻭ ﻟﻠﺠﻤﻴﻊ .. ﺿﺤﻜﻦ ﻧﺴﻮﺍﻥ ﻋﻤﻲ ﻭﻋﻤﺎﺗﻲ ..
ﻛﺎﻟﺖ ﻋﻤﺘﻲ ﺍﻟﻠﻪ ﺟﺎﺑﺞ ﻛﻌﺪﻱ ﺛﺮﻣﻲ ﺑﺼﻞ .. ﻛﺘﻠﻬﺎ ﺻﺎﺭ ﻋﻤﻪ .. ﻛﺎﻟﺖ ﻋﻤﺘﻲ ﺍﺳﻤﻬﺎﻥ .. ﻫﺬﺍ ﺍﻻﺳﺘﺎﺫ ﺷﻴﺮﻳﺪ ﻣﻨﺞ ..
ﻛﺘﻠﻬﺎ ﻋﻤﻪ ﻳﺮﻳﺪﻧﻲ ﻗﺎﺑﻞ ﺷﻴﺮﻳﺪ .. ﻗﺒﻞ ﻻ ﺍﺗﺰﻭﺝ ﻫﻢ ﻋﺮﺽ ﻋﻠﻴﻪ ﻳﺨﻄﺒﻨﻲ ﻭﺭﻓﻀﺖ .. ﻭﺑﻘﻰ ﻣﺠﻠﺐ .. ﺍﻧﻮﺏ ﻫﻠﻜﻠﺐ ﺍﺣﻤﺪ ﻳﺴﻮﻟﻔﻠﻪ ﻋﻨﻲ ﻭﻋﻦ ﻋﺎﺩﻝ ..
ﺑﻌﺪﻧﻲ ﻣﻤﻜﻤﻠﻪ ﻛﻼﻣﻲ ﻭﺟﺎﻥ ﺗﺠﻲ ﺭﻧﺎ ﺩﻓﻌﺘﻨﻲ ﺩﻓﻌﻪ .. ﻭﻛﻌﺖ ﻟﻠﻜﺎﻉ .. ﺍﺣﺲ ﻣﻘﻌﺪﻱ ﺗﻜﺴﺮ ..
ﻭﺗﻜﻠﻲ ﺗﺎﺝ ﺭﺍﺳﺞ ﺍﺣﻤﺪ ﺑﻨﺖ ﺍﻟﺸﻮﺍﺭﻉ .. ﻛﺘﻠﻬﺎ ﻧﻌﺎﻝ ﺍﺣﺴﻦ .. ﻭﺑﻌﺪﻳﻦ ﺷﻨﻮ ﺍﻧﺘﻲ ﻣﺎ ﻋﻨﺪﺝ ﺍﺣﺴﺎﺱ ..
ﺭﺟﺎﻝ ﻣﻴﺮﻳﺪﺝ ﺧﺎﻳﻨﺞ ﺩﺍﻳﺢ ﺳﺎﻗﻂ ﺷﻜﻮ ﻻﻃﺸﻪ ﺑﻴﻪ .. ﺟﺎﻥ ﺗﻬﺪ ﻋﻠﻴﻪ ﻭﺗﺮﻳﺪ ﺗﻀﺮﺑﻨﻲ .. ﻋﻤﺘﻲ ﺭﻭﻳﺪﻩ ﺗﺒﻌﺪ ﺑﻴﻬﺎ .. ﻭﺗﻜﻠﻬﺎ ﺍﻧﻬﺠﻢ ﺑﻴﺘﺞ ﻋﻠﻰ ﻫﻠﻘﻮﻩ ..
ﺗﻜﻠﻬﺎ ﻋﻤﻪ ﻋﻮﻓﻴﻨﻲ ﺍﺑﺮﺩ ﻧﺎﺭﻱ ﺑﻴﻬﺎ .. ﻟﻮ ﺍﻧﺘﻲ ﻭﻏﻴﺮﺝ ﻳﺴﺘﺸﺮﻑ ﻣﺎ ﺍﺗﻘﺮﺑﻠﻬﺎ ﺍﺣﻤﺪ .. ﻛﺘﻠﻬﺎ ﻻ ﻭﺍﻟﻠﻪ ﺭﺩﻳﺘﻪ ﺍﻟﻒ ﻣﺮﻩ .. ﺑﺲ ﻫﻮﻩ ﻓﺪ ﻭﺍﺣﺪ ﺳﻜﻂ ﻣﻴﺴﻮﻩ ﻧﻌﺎﻝ ..
ﻛﺎﻟﺖ ﻋﻤﻪ ﺍﺷﻮ ﻋﻮﻓﻴﻨﻲ ﻋﻠﻴﻬﺎﺍﺍ .. ﻛﺎﻟﺘﻠﻬﺎ ﺷﻮﻱ ﻫﺪﻱ ﺷﻌﻮﻓﺞ ﻋﻠﻴﻬﺎ .. ﻭﺣﺠﻴﻬﺎ ﺻﺪﻙ ﻓﻮﻙ ﻣﺎ ﺧﺎﻧﺞ .. ﺗﻜﻠﻬﺎ ﻻ ﻣﺎ ﺧﺎﻧﻲ ﻣﺠﺒﻮﺭ ﻳﺴﻮﻱ ﻫﻠﺸﻲ ﻋﻠﻤﻮﺩ ﻳﻨﺠﺢ ..
ﻛﺎﻟﺘﻠﻬﺎ ﻋﻤﺘﻲ ﺳﺎﻣﻴﻪ .. ﻭﻟﺞ ﺍﻧﺘﻲ ﺷﻮ ﻏﺒﺮﻩ ﻭﻳﻨﺠﺢ ﺑﺸﺮﻑ ﺍﻫﻠﺞ .. ﻛﺎﻟﺘﻬﺎ ﺍﻫﻠﻲ ﺷﻠﻬﻢ ﻋﻼﻗﻪ ﻫﺎﻱ ﺍﻟﻤﺎﻋﺪﻫﺎ ﺷﺮﻑ ﻋﻠﻰ ﺍﻣﻬﺎ ..
ﻛﺘﻠﻬﺎ ﺑﻠﻠﻪ ﺗﻌﺎﻱ ﻣﻨﻮ ﺍﻧﺘﻲ ﻭﺗﺤﺠﻴﻦ ﻋﻠﻰ ﺍﻣﻲ .. ﺻﺪﻙ ﺍﻧﺤﺮﻙ ﺩﻣﻲ .. ﻭﻟﺰﻣﺘﻬﺎ ﺟﺮ ﻣﻦ ﺷﻌﺮﻫﺎ ﻣﻦ ﻓﻮﻙ ﻋﻤﺘﻲ ﺍﺧﺬﺕ ﻛﻮﻡ ﺷﻌﺮ ﺑﻴﺪﻱ ...
ﻫﻴﻪ ﺳﻮﻳﺖ ﻫﻴﺞ ﻳﻤﻪ ﺗﺨﺒﻠﺖ ﺗﺮﻳﺪ ﺗﻬﺪ ﻭﺗﺼﺮﺥ ﻋﻮﻓﻮﻭﻭﻭﻭﻧﻲ .. ﺍﺟﻪ ﻋﺎﺩﻝ ﻛﺎﻝ ﻫﺎﻱ ﺷﺒﻴﻜﻢ ﺻﺪﻙ ﺟﺬﺏ ﺻﻮﺗﻜﻢ ﻣﻨﺎ ﺍﻟﻌﺎﻟﻢ ﻓﻀﺤﺘﻮﻧﻪ
ﺍﻟﻠﻪ ﻻ ﻳﻨﻄﻴﺠﻦ ﺍﻟﻌﺎﻓﻴﻪ .. ﻭﺟﺎﻥ ﺗﺮﻛﺾ ﻟﺤﻈﻦ ﻋﺎﺩﻝ ﻭﺗﻜﻠﻪ ﺑﺎﻉ ﻫﺎﻱ ﺳﻤﺮ ﺷﻠﻮﻥ ﺗﻤﻠﺶ ﺷﻌﺮﻱ ﺑﺎﻭﻉ ﺑﺎﻭﻉ ..
ﻭﺷﺎﻟﺖ ﺷﻌﺮﻫﺎ ﻣﻦ ﺍﻟﻜﺎﻉ ﻭﺍﻧﻄﺘﻪ ﺍﻟﻌﺎﺩﻝ .. ﻋﺎﺩﻝ ﺩﺍﺭ ﻭﺟﻬﺎ ﻋﻠﻴﻪ ﺑﻌﺼﺒﻴﻪ .. ﺭﺍﺩ ﻳﻬﺪ ﻋﻠﻴﻪ .. ﻭﻛﻔﺘﻪ ﻋﻤﺘﻲ ﺭﻭﻳﺪﻩ .. ﻛﺎﻟﺘﻠﻪ ﻭﺍﺧﺘﻚ ﻣﺎ ﻗﺼﺮﺕ ﻻ ﺗﺘﺨﺒﻞ ﺍﻛﻌﺪ ..
ﻛﺎﻟﻠﻬﺎ ﻣﺎ ﺍﺳﻮﻳﻠﻬﺎ ﺷﻲ ﻭﺍﻟﻠﻪ ﺑﺲ ﺍﺗﻘﺮﺏ ﻳﻤﻬﺎ .. ﻛﺎﻟﺘﻪ ﺍﻣﺸﻲ ﻋﺎﺩﻝ ﻋﻮﻓﻬﺎ .. ﻛﺘﻠﻪ ﺗﻐﻠﻂ ﻋﻠﻰ ﺍﻣﻲ ﻭﺗﻜﻮﻝ ﺍﻣﺞ ﻣﻮ ﺷﺮﻳﻔﻪ ..
ﺻﺮﺥ ﻟﻮ ﺍﻣﺞ ﺷﺮﻳﻔﻪ ﺟﺎﻥ ﺭﺑﺖ ﻭﺣﺪﻩ ﺷﺮﻳﻔﻪ .. ﻣﻮ ﺗﺨﻠﻒ ﺳﺎﻗﻄﻪ ﻣﺜﻠﺞ .. ﻛﺘﻠﻪ ﺷﺴﻮﻳﺖ ﻭﺳﺎﻗﻄﻪ ﻫﺎﺍﺍ . ﺷﺴﻮﻳﺖ
.. ....
ﻛﻞ ﻣﺎ ﻛﻤﺘﻮ ﻭﻛﻠﺘﻮ ﻋﻠﻴﻪ ﺳﺎﻗﻄﻪ ﺳﺎﻗﻄﻪ ﺳﺎﻗﻄﻪ .. ﺍﻻ ﺍﺻﻴﺮ ﻣﺜﻞ ﻣﺮﺗﻚ ﻭﺍﺭﻭﺡ ﺍﻧﺎﻡ ﻭﻳﻪ ﻭﺍﺣﺪ ﺑﻠﺤﺮﺍﻡ ﻳﻠﻪ ﺍﺻﻴﺮ ﺷﺮﻳﻔﻪ ..
ﻣﺮﺗﻚ ﻣﺎ ﺟﻨﺖ ﺗﺎﺧﺬﻫﺎ ﺑﺴﻴﺎﺭﺓ ﺑﻜﺮ ﺗﻨﺎﻡ ﻭﻳﺎﻫﺎ ﻗﺒﻞ ﺍﻟﺰﻭﺍﺝ .. ﺍﻋﺘﺮﺭﺭﻑ ﻣﺎ ﺍﺧﺬﺗﻬﺎ ﻻﻥ ﻣﻮ ﺑﺎﻛﺮ ...
ﻛﺘﻠﻪ ﻣﺮﺗﻚ ﺍﺗﻀﻤﻀﻤﻠﻬﺎ ﺭﻏﻢ ﻋﻤﺎﻳﻠﻬﺎ ﺑﺲ ﺍﻧﻲ ﺳﺎﻗﻄﻪ ﺍﻧﻲ ﻛﺢ … ﻻﻥ ﻣﺎ ﺳﻮﻳﺖ ﺍﻟﺤﺮﺍﻡ ..
ﻛﺎﻟﻠﻬﺎ ﻋﻤﻪ ﻟﺨﺎﻃﺮ ﺭﺑﺞ ﺑﺲ ﻭﻭﻭﻭﻭﻭﺧﺮﻱ ﺧﻞ ﺍﺷﺮﺏ ﻣﻦ ﺩﻣﻬﺎ .. ﻛﺘﻠﻪ ﻣﺎ ﺑﻘﻰ ﺩﻡ ﺑﻴﻪ ﻭﺗﺸﺮﺑﻪ ﻣﻠﻠﻠﻴﺖ ﺗﻌﺒﺘﺘﺖ
ﺍﻧﺘﻪ ﻣﻮ ﺑﺸﺮ ﻣﺎ ﻋﻨﺪﻙ ﺭﺣﻤﻪ .. ﺑﺲ ﻭﻗﺖ ﻣﺼﻠﺤﺘﻚ ﺗﺠﻲ ﻳﻤﻲ .. ﻛﺎﻝ ﺍﻧﻲ ﺍﻟﻲ ﻣﺼﻠﺤﻪ ﻳﻤﺞ ﺑﻨﺖ ﺍﻟﻜﻠﺐ ﺍﻟﻴﻮﻡ ﺍﺑﻮ ﺍﺑﻮﺝ ﺍﺳﻤﻄﻪ ..
ﻋﻤﺘﻲ ﺳﺎﻣﻴﻪ . ﻛﺎﻟﺘﻠﻪ ﻭﻟﻚ ﻭﺗﺴﺐ ﺍﺑﻮﻱ .. ﺩﻓﻌﺘﻪ ﻟﻠﺒﺎﺏ .. ﻟﻮ ﻫﺬﺍ ﻫﺎﺝ ﻣﺜﻞ ﺍﻟﺜﻮﺭ ﻭﻛﺎﻝ ﻭﺧﺮﺭﺭﺭﻭ ..
ﻭﻟﺰﻣﻨﻲ ﻣﻦ ﺷﻌﺮﻱ .. ﺳﺤﻞ .. ﺑﻜﺮ ﺟﺎﻥ ﺑﺮﺍ ﺭﺍﺡ ﻳﺠﻴﺐ ﻃﺮﺷﻲ ﻭﺍﻟﺴﻤﺞ ﻣﻦ ﺍﻟﻔﺮﻥ .. ﺩﺧﻞ ﻭﺍﻟﺴﻤﺞ ﺑﻴﺪﻩ ..
ﻭﺷﺎﻑ ﻋﺎﺩﻝ ﻳﺠﺮﻧﻲ ﻣﻦ ﺷﻌﺮﻱ .. ﺷﻤﺮ ﺍﻟﺒﻴﺪﻩ ﻭﺭﻛﺾ ﺩﻓﻌﻪ ﺩﻓﻌﻪ ﻭﻛﻌﻪ ﻭﺭﻩ ﻟﻠﻜﺎﻉ .. ﻛﺎﻟﻪ ﻛﺘﻠﻚ ﺳﻤﺮ ﺧﻂ ﺍﺣﻤﺮ ﻣﺎ ﺗﺘﻌﺪﺍ ﻋﺎﺍﺍﺍﺩﻝ ..
ﻛﺎﻟﻪ ﺗﻌﻴﺮﻧﻲ ﻭﺗﺮﻳﺪ ﺍﺳﻜﺖ .. ﻛﺎﻟﻪ ﻻﻧﻚ ﻣﻮ ﺭﺟﺎﻝ ﻭﻋﺎﺍﺍﺍﺭ .. ﺍﻟﻒ ﻣﺮﻩ ﻛﺎﻳﻠﻚ ﺳﻮﺍﻟﻒ ﺍﻟﻨﺴﻮﺍﻥ ﻻ ﺗﺪﺧﻞ ﺑﻴﻬﺎ ..
ﺍﻟﺨﻄﺎﺭ ﺍﻟﺒﻠﻐﺮﻑ ﻛﻠﻬﺎ ﻃﻠﻌﺖ ﻭﺗﺼﻴﺢ ﺫﻛﺮﻭ ﺍﻟﻠﻪ ﻳﻤﻌﻮﺩﻳﻦ ﻛﺎﻓﻲ ﻭﻫﻤﻪ ﻳﺘﺼﺎﻳﺤﻮﻥ ﺑﻜﺮ ﻳﻐﻠﻂ ﻭﻋﺎﺩﻝ ﻳﻐﻠﻂ ..
ﻭﺍﻧﻲ ﻻﺑﺪﻩ ﻭﺭﻩ ﺿﻬﺮ ﺑﻜﺮ ﺍﺑﺠﻲ .. ﻭﺍﻣﻲ ﺳﺎﻛﺘﻪ ﻣﺎ ﺗﺤﺠﻲ ﺑﺲ ﻣﺒﻴﻨﻪ ﺍﻟﺤﺮﻛﻪ ﺑﻜﻠﺒﻬﺎ ..
ﻭﺍﺑﻮﻱ ﻃﻠﻊ ﻳﺸﻮﻑ ﺍﻟﺴﺎﻟﻔﻪ . ﻛﺎﻟﻠﻬﻢ ﻫﺎﻱ ﺷﻜﻮ .. ﺟﺮﻩ ﻋﻤﻲ ﺗﺤﺴﻴﻦ ﻟﻼﺳﺘﻘﺒﺎﻝ ﻛﺎﻟﻪ ﺫﻭﻟﻪ ﻣﺜﻞ ﺍﻟﺪﻳﻮﺟﻪ ﻣﻌﻠﻴﻚ ﺗﻌﺎﻝ ﺍﺫﻛﺮ ﺍﻟﻠﻪ ﻭﻋﻮﻓﻬﻢ ..
ﻛﺎﻟﻪ ﻻ ﺧﻞ ﻧﻔﺘﻬﻢ ﺷﻜﻮ .. ﻭﻟﻴﺶ ﻫﻴﺞ ﺳﻤﺮ ﺣﺎﻟﺘﻬﺎ .. ﻛﺘﻠﻪ ﺑﺎﺑﺎ ﻭﺍﻟﻠﻪ ﻣﺎ ﺳﻮﻳﺖ ﺷﻲ .. ﺭﻧﺎ ﻛﻠﻤﺎ ﺗﻜﻮﻡ ﺗﻜﻠﻲ ﺍﻧﺘﻲ ﻣﻮ ﺷﺮﻳﻔﻪ ﻋﻠﻰ ﺍﻣﺞ ..
ﺷﺴﻮﺕ ﺍﻣﻲ ﻭﻳﻌﻴﺮﻭﻧﻲ ﺑﻴﻬﺎ .. ﺑﻜﺮ ﺩﺍﺭ ﻭﺟﻬﺎ ﺑﻌﺼﺒﻴﻪ ﻋﻠﻴﻪ .. ﻛﺎﻝ ﺷﻨﻮ ﻣﻌﻨﺎﻫﺎ ﺗﺤﺠﻴﻦ .. ﺍﻟﺼﻤﻲ .. ﺳﻜﺘﺖ ..
ﺍﺑﻮﻱ ﺩﺍﺭ ﻭﺟﻬﺎ ﻟﻌﻤﺘﻲ ﺳﺎﻣﻴﻪ .. ﻛﺎﻟﻠﻬﺎ ﺳﺎﻣﻴﻪ ﻫﺎﻱ ﺛﺎﻧﻲ ﻣﺮﻩ ﺍﺟﻲ ﺑﻴﺘﺞ ﻭﻣﺮﺗﻲ ﺗﻨﻬﺎﻥ .. ﺗﻠﺰﻣﻴﻦ ﺑﻨﺘﺞ ﻟﻮ ﺍﺣﺮﻡ ﺑﻴﺘﺞ ﻭﺍﻟﻠﻪ ﻣﺎ ﺍﻃﺒﻪ ..
ﻛﺎﻟﺘﻠﻪ ﻳﺎ ﺧﻮﻳﻪ ﻓﺪﺍﻙ ﺭﻧﺎ ﻭﺍﻫﻠﻬﺎ ﻭﺍﻟﻠﻪ ﺿﺮﺑﺘﻬﺎ ﺑﺲ ﻣﺤﺮﻭﻙ ﻛﻠﺒﻬﺎ ﺗﻌﺮﻑ ﺍﻃﻠﻜﺖ ﻭﻫﻴﻪ ﺑﻌﺪﻫﺎ ﻋﺮﻭﺱ .. ﻣﺼﺎﺭ ﺍﺷﻬﺮ ﻣﻦ ﺗﺰﻭﺟﺖ ..
ﻛﺎﻟﻠﻬﺎ ﻗﺎﺑﻞ ﺍﺣﻨﻪ ﻃﻠﻜﻨﺎﻫﺎ .. ﺷﻮ ﺍﻧﺘﻮ ﻣﺎ ﺗﺴﺘﺤﻮﻥ .. ﻓﻮﻙ . ﺳﻮﺍﺕ ﺭﺟﻠﻬﺎ ﺍﻟﻨﺎﻗﺼﻪ .. ﺍﺑﻮﻳﻪ ﺻﻮﺗﻪ . ﺟﻬﻮﺭﻱ ﻭﺧﺸﻦ ﻣﻦ ﻳﺤﺠﻲ ﻳﺼﻴﺢ ﺻﺪﻙ ﻣﺪﺭﺏ ﺟﻴﺶ . ﻣﺎﺧﺬ ﺻﻮﺗﻪ ﻣﻦ ﺷﻐﻠﻪ .. ﻭﺻﻮﺗﻪ ﻗﻮﻱ ﻛﻠﻬﺎ ﺧﻠﺴﺖ ..
ﺩﺍﺭ ﻭﺟﻬﺎ ﺑﻜﺮ .. ﻭﻛﺎﻝ ﻟﻐﺮﻓﺘﺞ ﺑﺴﺎﻉ .. ﻣﺸﻴﺖ . ﻋﺎﺩﻝ ﻳﻜﻠﻲ ﺑﺴﻴﻄﻪ .. ﻓﻀﺤﺘﻴﻬﺎ ﺳﻤﺮ ﺑﺴﻴﻄﻪ .. ﻣﺎ ﺭﺩﻳﺖ ﻭﻃﺒﻴﺖ ﻟﻐﺮﻓﺘﻲ ﺍﺑﺎﻭﻉ ﻣﻦ ﺍﻟﺸﺒﺎﻙ ..
ﻛﻠﻬﻢ ﺭﺍﺣﻮ .. ﺍﺗﻘﺮﺏ ﺑﻜﺮ ﻋﻠﻰ ﻋﺎﺩﻝ .. ﻛﺎﻟﻪ ﻣﺎ ﺿﺮﺑﺘﻚ ﻻﻥ ﺍﻟﻴﻮﻡ ﻃﺎﻟﻊ ﺳﺠﻦ .. ﻋﺎﺩﻝ ﺗﺤﺘﺮﻡ ﻧﻔﺴﻚ ﻻ ﻭﻣﺤﻤﺪ ﺑﺎﻟﺸﺎﺭﻉ ﺍﺷﻤﺮﻙ ﺍﻧﺘﻪ ﻭﻣﺮﺗﻚ .. ﻭﻟﻮ ﺗﺒﺠﻲ ﺩﻣﻢ ﻣﺎ ﺍﺭﺟﻌﻚ ..
ﻛﺎﻟﻪ ﻓﻀﺤﺖ ﺣﻨﻴﻦ ﻛﺒﺎﻝ ﻋﻤﺎﺗﻲ .. ﻛﺎﻟﻪ ﻟﻮ ﺳﺎﻛﺖ ﺍﻧﺘﻪ ﻣﺤﺪ ﺍﺗﻘﺮﺏ ﻣﻨﻚ .. ﺑﺲ ﺍﻧﺘﻪ ﺍﻏﺒﺮ ﺍﺫﺍ ﻣﺘﻨﻬﺎﻥ ﻣﺘﺮﺗﺎﺡ .. ﻳﺤﺠﻮﻥ ﻳﻢ ﺍﻟﻤﻐﺎﺳﻞ ﻗﺮﻳﺒﻪ ﻋﻠﻰ ﻏﺮﻓﺘﻲ ﺍﺳﻤﻌﻬﻢ
. ..
ﻋﺎﺩﻝ ﺭﺍﺡ ﺑﻌﺼﺒﻴﻪ ﻟﻐﺮﻓﺘﻪ .. ﺑﻜﺮ ﺩﺍﺭ ﻭﺟﻬﺎ .. ﺷﺎﻓﻨﻲ ﺍﺑﺎﻭﻉ ﻣﻦ ﺍﻟﺸﺒﺎﻙ ﺍﺧﺬ ﻧﻔﺲ ﻭﻫﺰ ﻭﺭﺍﺳﻪ ﻭﻣﺸﺎ ..
ﺩﺧﻠﺖ ﺍﺑﺎﻭﻉ ﻟﻠﻤﺮﺍﻳﺎ .. ﺍﻭﻑ ﺷﻮﻛﺖ ﺍﻛﺪﺭ ﺍﻋﻴﺶ ﺑﺮﺍﺣﻪ ﻭﻣﺎﻛﻮ ﻭﺍﺣﺪ ﻳﻨﻜﺪ ﻋﻠﻴﻪ ﻋﻴﺸﺘﻲ .. ﺑﻨﻔﺴﻲ ﺍﻋﻴﺶ ﺑﻌﻴﺪﻩ ﻋﻦ ﺍﻟﻌﺎﻟﻢ .. ﻣﺎ ﺍﺳﻤﻊ ﺻﻮﺕ ﺍﺣﺪ ﻻﻥ ﺗﻌﺒﺘﺖ .
ﺑﻘﻴﺖ ﺑﻐﺮﻓﺘﻲ .. ﻟﺸﻮﻱ ﺻﺎﺣﻮﻧﻲ ﻟﻠﻐﺪﺍ ﻣﺎ ﻗﺒﻠﺖ ﺍﺟﻲ .. ﻃﺒﺖ ﻳﻤﻲ ﺍﻣﻲ .. ﻛﺘﻠﻬﺎ ﺷﻔﺘﻲ ﻋﻴﺸﺘﻲ ﺷﻔﺘﻲ ﺷﻠﻮﻥ ﻋﺎﻳﺸﻪ .. ﺷﻔﺘﻲ ﺷﻠﻮﻥ ﻳﻌﺎﻣﻠﻮﻧﻲ ..
ﻛﺎﻟﺖ ﻭﺍﻟﻠﻪ ﻳﺎﻳﻤﻪ ﺍﺭﺣﻢ ﺑﺎﻟﻒ ﻣﺮﻩ ﻣﻦ ﺑﻴﺘﻨﻪ .. ﻣﺎ ﺷﻔﺖ ﺍﻟﺼﺎﺭ ﺑﻜﺪ ﻣﺎ ﺷﻔﺖ ﺣﻤﺎﻳﺔ ﺑﻜﺮ ﺍﻟﺞ ﺗﺴﻮﻩ ﺍﻟﺪﻳﻨﺎ .. ﻳﻤﻪ ﺑﺎﻋﻲ ﺷﻠﻮﻥ ﻋﺎﻳﺸﻪ ﺑﺨﻴﺮﻩ ..
ﺗﻄﻠﻜﻴﻦ ﻳﻤﻪ ﻭﻳﻦ ﺗﺮﺣﻴﻦ .. ﺍﺫﺍ ﻣﺎ ﺫﺑﺤﺞ ﺍﺣﻤﺪ ﻳﻌﻴﺸﺞ ﺑﺎﻟﻤﻬﺎﻧﻪ ﻳﻨﻮﻣﺞ ﺑﻜﺘﻠﻪ ﻭﻳﻜﻌﺪﺝ ﺑﻜﺘﻠﻪ .. ﻛﺘﻠﻬﺎ ﻭﺗﺎﻟﻲ .. ﻛﺎﻟﺖ ﺍﻟﻠﻪ ﺍﻟﻮﺍﻟﻲ ﻳﻤﻪ ..
ﺍﺗﺤﻤﻠﻲ ﻭﻻ ﺗﻬﺘﻤﻴﻦ ﻭﺗﻌﺎﺭﻛﻴﻦ ﻟﻠﻴﻐﻠﻂ ﻋﻠﻴﻪ .. ﺷﻔﺘﻲ ﺍﺑﻮﺝ ﺷﻠﻮﻥ ﻭﺍﻛﻔﻠﻲ .. ﻭﺩﺍﻓﻊ ﻋﻠﻴﻪ .. ﻳﻤﻪ ﺍﻧﻪ ﺍﺗﻌﻮﺩﺕ ﻋﻠﻰ ﻋﻤﺎﻣﺞ ﻭﻏﻠﻄﻬﻢ ﻭﻓﺸﺎﺭﻫﻢ ﻋﻠﻴﻪ ..
ﻣﺪﺍﻡ ﻋﻨﺪﻱ ﺍﺑﻮﺝ ﻭﻳﺒﺎﻭﻋﻠﻲ ﺗﺴﻮﻩ ﺍﻟﺪﻧﻴﺎ ﻋﻨﺪﻱ ﻟﻮ ﺍﻟﻒ ﻋﺪﻭ ﻳﺴﺒﻨﻲ ﻳﺎﺧﺬ ﻣﻦ ﺫﻧﻮﺑﻲ ﻭﻳﺮﻳﺤﻨﻲ .. ﺍﺳﻜﺘﻲ ﺑﻨﻴﺘﻲ ..
ﺍﻣﺎﻣﺞ ﻋﻠﻲ ﻳﻜﻮﻝ ﻣﺎ ﻧﺪﻣﺖ ﻋﻠﻰ ﺍﻟﺴﻜﻮﺕ ﻣﺮﻩ ﻭﻟﻜﻨﻲ ﻧﺪﻣﺖ ﻋﻠﻰ ﺍﻟﻜﻼﻡ ﻣﺮﺍﺭﺍ .. ﻳﻤﻪ ﺍﻟﺴﻜﻮﺕ ﻋﻦ ﺍﻟﺠﺎﻫﻞ ﻧﻌﻤﻪ ..
ﻛﺘﻠﻬﺎ ﺍﻧﺸﺎﻟﻠﻪ ﻣﺎﻣﺎ .. ﺩﺍ ﺍﺣﺠﻲ ﻭﺧﺎﺑﺮ ﺑﻜﺮ .. ﻛﺎﻟﺖ ﻣﻦ ﺻﻤﺎﻡ ﺍﻻﻣﺎﻥ .. ﻛﺘﻠﻬﺎ ﻫﻬﻪ ﺑﻜﺮ .. ﻛﺎﻟﺖ ﻟﻴﺶ ﻳﺘﺼﻞ ﺑﻴﺞ ..
ﻛﺘﻠﻬﺎ ﻻ ﺩﻳﻮﺣﻴﻠﻲ ﺍﻧﻮ ﺍﻃﻠﻊ ﺍﻛﻞ .. ﻛﺎﻟﺖ ﻫﻴﺞ ﻣﻬﺘﻤﻠﺞ .. ﻛﺘﻠﻬﺎ ﻳﻌﻨﻲ ﺷﻠﻮﻥ .. ﻛﺎﻟﺖ ﻟﻬﻔﺘﻪ ﻋﻠﻴﺞ ﻭﺧﻮﻓﻪ ﻣﺎ ﻣﺮﺗﺎﺣﺘﻠﻬﺎ ..
ﻛﺘﻠﻪ ﻳﻤﻪ ﺑﻜﺮ ﺍﻟﻤﻼﻙ ﺍﻟﻤﻨﻘﺬ ﺍﻟﻠﻲ ﺍﻟﻠﻪ ﺧﻠﻘﻠﻴﺎﻩ ﻟﻮ ﻣﺎ ﻫﻮﻩ ﺍﻧﻲ ﻫﺴﻪ ﺑﻌﺪﺍﺩ ﺍﻟﻤﻮﺗﻰ .. ﻛﺎﻟﺖ ﻣﺘﻘﻨﻌﻴﻨﻲ .. ﻛﺘﻠﻬﺎ ﻟﻴﺶ ..
ﻛﺎﻟﺖ ﺳﻤﺮ ﻋﻨﺪﺝ ﺷﻲ ﺍﺗﺠﺎﻫﺎ .. ﻛﺘﻠﻬﺎ ﻟﻴﺶ .. ﻛﺎﻟﺖ ﺑﻤﺠﺮﺩ ﻣﺎ ﺍﺗﺼﻞ ﻭﺗﺤﺠﻴﻦ ﺑﻴﻪ ﻋﻴﻮﻧﺞ ﺿﺤﻜﺖ .. ﻛﺘﻠﻬﺎ ﻫﺎﺍﺍﺍ ..
ﻛﺘﻠﻬﺎ ﻣﺎ ﻋﻨﺪﻱ ﺷﻲ ﻣﺎﻣﺎ ﻭﺍﻟﻠﻪ .. ﻛﺎﻟﺖ ﻻ ﺗﻐﻠﻄﻴﻦ ﺳﻤﺮ .. ﻫﺬﺍ ﺣﻤﺎﺝ .. ﻟﻮ ﻓﻜﺮﺗﻲ ﻣﺤﺮﺩ ﺗﻔﻜﻴﺮ .. ﻓﻬﺎﻱ ﺍﻭﻝ ﺧﻄﻮﻩ ﺗﺒﻨﻴﻦ ﻛﺒﺮﺝ ﺑﻴﻬﺎ ..
ﺩﻧﻜﺖ ﺭﺍﺳﻲ .. ﻛﺎﻟﺖ ﻛﻮﻣﻲ ﻳﻠﻪ ﺍﻛﻠﻲ .. ﻻ ﺗﺒﻘﻴﻦ ﺑﺪﻭﻥ ﺍﻛﻞ ﻳﻨﺰﻝ ﺿﻐﻄﺞ .. ﻛﻤﺖ ﻭﻳﺎﻫﺎ .. ﺷﺎﻓﻨﻲ ﺑﻜﺮ ..
ﺍﺑﺘﺴﻢ .. ﺩﺍﺭﺗﻠﻲ ﺍﻣﻲ ﺗﺮﻳﺪ ﺗﺸﻮﻑ ﺷﻨﻮ ﺭﺩﺓ ﻓﻌﻠﻲ ﺑﺎﺑﺘﺴﺎﻣﺘﻪ .. ﻏﻠﺴﺖ ..😐 ﻣﺸﻴﺖ ﺑﺪﻭﻥ ﻣﺎ ﺍﺑﺎﻭﻋﻠﻪ ..
ﺍﻟﻤﻮﺑﺎﻳﻞ ﺑﺄﻳﺪﻱ .. ﺩﺯ ﺑﻌﺪﻙ ﺿﺎﻳﺞ ﻳﺎ ﺣﻠﻮ .. ﺩﺯﻳﺘﻠﻪ ﺗﻌﻮﺩﺕ .. ﻛﺎﻝ ﻣﻤﻨﻮﻉ ﺗﺘﻌﻮﺩﻳﻦ ﻭﺍﻧﻲ ﻣﻮﺟﻮﺩ ﺍﻃﻴﺤﻠﺞ ﺣﻈﻬﻢ ﻭﺍﻟﻠﻪ ..
ﺩﺯﻳﺘﻠﻪ ﺍﻃﻔﺮ .. ﺍﻣﻲ ﺗﺒﺎﻭﻉ ﻋﻠﻴﻪ .. ﺩﺯ ﻛﺎﻝ ﻟﻴﻴﺶ .. ﻛﺘﻠﻪ .. ﺷﻜﺖ ﺑﻌﻴﻮﻧﻪ .. ﺩﺯ .. ﻫﻬﻬﻪ ﻓﺮﺣﻨﻲ ﻫﻠﻜﻼﻡ ..
ﻛﺘﻠﻪ ﺍﻧﺘﻪ ﻳﻔﺮﺣﻚ ﻭﺍﻧﻲ ﻳﻄﻴﺢ ﺣﻈﻲ .. ﺩﺯ .. ﺍﺣﺮﻙ ﺍﻫﻠﻪ ﺍﻟﻴﻮﺻﻞ ﺣﻈﺞ .. ﻛﺘﻠﻪ ﻭﺻﻠﻮ ﻭﺭﺍﺣﻮ .. ﺩﺯ ﻭﻳﻦ ﺭﺍﺣﻮ ..
ﻛﺘﻠﻪ ﻳﺸﺮﺑﻮﻥ ﻋﺮﻙ ﺑﻐﺮﻓﺘﻬﻢ .. ( ﺍﻗﺼﺪ ﻋﺎﺩﻝ ) .. ﻫﻮﻩ ﺟﺎﻥ ﻛﺪﺍﻣﻲ ﻭﻫﻮﻩ ﻳﺮﺍﺳﻞ .. ﺟﺎﻱ ﻳﺸﺮﺏ ﺑﻴﺒﺴﻲ .. ﻗﺮﺍﻫﺎ .. ﻓﺠﺮ ﺍﻟﺒﻴﺒﺴﻲ ﺑﺤﻠﻜﻪ ﻭﺍﺧﺘﻨﻚ .. ﻭﻛﺎﻡ ﻳﻜﺢ .. ﻭﻳﻀﺤﻚ
ﻭﻳﻜﻠﻮﻟﻪ ﺍﻟﻠﻪ ﺍﻟﻠﻪ ﻋﻠﻜﻴﻔﻚ ﻳﻤﻌﻮﺩ .. ﺿﺤﻚ .. ﻛﺎﻟﻠﻬﻢ ﻣﺎﻛﻮ ﺷﻲ ﺑﺲ ﺷﺮﻛﺖ .. ﺩﺯﻳﺘﻠﻪ ﻋﺎﻓﻴﻪ ﻋﺎﻓﻴﻪ ..
. . .
ﺻﺎﺭ ﺳﺎﻋﻪ ﻣﺨﻠﻴﻪ ﻋﻴﻨﻲ ﻋﻠﺒﻴﺒﺴﻲ ﺑﻴﺪﻙ ﺍﻟﺤﻤﺪﻟﻠﻪ ﻋﻴﻨﻲ ﺍﺑﺪﺍﺍﺍ ﻣﺘﺤﺴﺪ .. ﺩﺯ ﻻ ﺍﻱ ﻭﺍﺿﺢ ﺟﺪﺍ ..
ﺗﺮﺩﻳﻦ ﺑﺒﺴﻲ .. ﻛﺘﻠﻪ ﻳﺎﺭﻳﺖ .. ﺍﻛﻠﺖ ﺳﻤﺞ ﻭﻟﻌﺒﺖ ﻧﻔﺴﻲ .. ﻛﺎﻝ ﺟﺎﻳﺞ ﻫﺴﻪ .. ﻛﺎﻡ ﻣﻦ ﻣﻜﺎﻧﻪ ﺍﺧﺬ ﺑﺒﺴﻲ .. ﻭﺍﻓﺘﺮ ﻣﻦ ﻭﺭﺍﻩ ﺍﻟﺨﻄﺎﺭ ..
ﺍﻧﻲ ﺟﻨﺖ ﻛﺎﻋﺪﻩ ﻗﺮﻳﺐ ﻣﻦ ﺍﻟﺒﺎﺏ .. ﺷﻤﺮﻫﺎ ﺑﺤﻈﻨﻲ ﻭﻣﺸﺎ .. ﺍﺑﺎﻭﻉ ﻻﻣﻲ ﻋﻴﻨﻬﺎ ﻋﻠﻴﻪ .. ﺑﻠﻌﺖ ﺑﻠﻌﻮﻣﻲ .. ﺍﻧﻌﻠﺴﺖ ..
ﻛﻤﻠﺖ ﻏﺪﺍ ﻭﻃﻠﻌﺖ ﺍﻏﺴﻞ ﻣﻮﺍﻋﻴﻦ ﻭﻳﺎﻫﻢ .. ﺩﺍ ﺍﻧﻀﻒ .. ﻛﺎﻝ ﺑﻜﺮ ﺳﻤﺴﻢ ﺧﺪﺭﻱ ﺟﺎﻱ .. ﻛﺘﻠﻪ ﺳﻤﺴﻢ 😐
ﻛﺎﻝ ﺍﻱ ﻧﺎﻋﻤﻪ . ﻭﻓﺎﻫﻴﻪ ﻣﺜﻞ ﺍﻟﺴﻤﺴﻢ ﺿﺤﻜﺖ ﻛﺘﻠﻪ ﺑﻠﻠﻪ ﺑﺮﺑﻚ ﻫﺬﺍ ﻏﺰﺯﻝ ﻟﻮ ﺭﺯﺍﻟﻪ .. ﻛﺎﻝ ﺍﻻﺛﻨﻴﻦ ﺳﻮﻩ ﻳﻠﻮﻛﻠﺞ ..
ﺩﻧﺤﺠﻲ ﻭﻃﺒﺖ ﺍﻣﻲ .. ﺧﺮﺭﺭﺏ ﺷﺴﺎﻟﻔﻪ ﻳﻤﻪ ﺗﻤﻨﻴﺘﻬﺎ ﺗﺮﻭﺡ ﺑﺴﺎﻉ ﻻﻥ ﺍﺣﺴﻬﺎ ﺻﺎﺭﺕ ﺗﺮﺍﻗﺒﻨﻲ .. ﻃﻠﻊ ﺑﻜﺮ ..
ﺍﺟﺖ ﺍﻣﻲ .. ﻛﺎﻟﺖ ﺳﻤﺮ ﻣﺎ ﺗﻌﻠﻤﺘﻲ ﻣﻦ ﺍﻏﻼﻃﺞ ﻳﻤﻪ .. ﻛﺘﻠﻬﺎ ﺷﺴﻮﻳﺖ ﻳﻤﻪ .. ﻛﺎﻟﺖ ﻳﻤﻪ ﻣﻦ ﺍﻛﻠﺞ ﺍﻟﻌﻴﺐ ﺍﻧﻲ ﻣﻮ ﺍﻛﺮﻫﺞ ..
ﺑﺲ ﺧﻮﻑ ﻻ ﺗﻮﻛﻌﻴﻦ ﺑﻴﻪ ﻭﻣﺎ ﺗﺮﺣﻤﺞ ﺍﻟﻨﺎﺱ .. ﻣﻦ ﺗﻜﻠﻴﻠﻲ ﻋﻠﺤﺮﺍﻡ ﻭﺍﻟﻌﻴﺐ .. ﻳﻤﻪ ﺍﻟﻠﻪ ﻳﺴﺎﻣﺢ ﻭﻳﻐﻔﺮ ﺑﺲ ﺍﻟﻨﺎﺱ ﻣﺘﺴﺎﻣﺢ ﻭﻻ ﺗﻐﻔﺮ ﺍﻧﺘﺒﻬﻲ ﺑﻨﻴﺘﻲ ..
ﻣﺎ ﺍﺭﻳﺪ ﺍﻗﺴﻲ ﻋﻠﻴﺞ .. ﻓﻼ ﺗﺠﺒﺮﻳﻨﻲ .. ﻛﺘﻠﻬﺎ ﻳﻮﻡ ﻛﺪﺭﺗﻲ ﺗﻤﻨﻌﻴﻦ ﻧﻔﺴﺞ ﻣﻦ ﺍﺑﻮﻳﻪ .. ﺭﻏﻢ ﻫﻮﻩ ﺟﺎﻥ ﺭﺟﻞ ﺩﻟﻴﻤﻲ ﻣﻦ ﺍﻟﻤﺴﺘﺤﻴﻞ ﺟﺪﻭﻩ ﺍﻟﺴﻴﺪ ﺍﻟﻤﻌﺮﻭﻑ ﻳﻘﺒﻞ ﺑﻴﻪ ..
ﻛﺎﻟﺖ ﻓﺮﻕ ﺍﺑﻮﺝ ﻋﻦ ﺑﻜﺮ .. ﻳﻤﻪ ﺍﺑﻮﺝ ﻏﺮﻳﺐ .. ﻣﻮ ﻛﺮﺍﻳﺒﻨﺎ .. ﺑﻜﺮ ﺣﻤﺎﺝ ﻳﺎ ﺳﻤﺮ ﺍﻧﺘﺒﻬﻲ ﻻ ﺗﺨﻠﻴﻦ ﻣﺸﺎﻋﺮﺝ ﺗﺠﺮﻓﺞ ..
ﻟﻨﻜﻮﻟﻴﻦ ﺍﻣﻲ ﻣﺎ ﺗﻔﺘﻬﻤﻨﻲ .. ﺍﻓﺘﻬﻤﺞ ﺣﻤﺎﺝ ﻭﺍﺣﺘﺮﻣﺞ ﻭﻗﺪﺭﺝ ﻭﺍﻧﺘﻲ ﻋﺎﻳﺸﻪ ﺍﺑﺴﺒﺒﻪ .. ﺑﺲ ﻻ ﺗﻨﺴﻴﻦ ﻣﻮﻗﻌﺞ ﻭﻻ ﻭﺍﻗﻌﺞ ..
ﻻ ﺗﺘﺨﻄﻴﻦ ﺍﻟﻮﺍﻗﻊ ﻭﺗﺨﻠﻴﻦ ﻣﺸﺎﻋﺮﺝ ﺗﺤﻜﻤﺞ … ﺗﺎﻟﻴﺘﺞ ﺍﻟﻬﺎﻭﻳﻪ ﻳﺴﻤﺮ ﻭﺍﻟﻠﻪ .. ﻣﻴﺮﺣﻤﻮﺝ .. ﻭﺍﻧﻲ ﺍﻭﻝ ﻭﺣﺪﻩ ﺍﺗﺒﺮﻩ ﻣﻨﺞ .. ﻣﺎ ﺍﺭﺿﻰ ﺑﻨﺘﻲ ﺗﻘﺒﻞ ﺑﺤﻤﺎﻫﺎ ﻭﺗﻜﺴﺮ ﻋﻴﻮﻧﻪ ..
ﻟﻮ ﺭﺟﻠﺞ ﻣﻴﺖ ﺑﻴﻬﺎ ﺑﺎﺑﺎ ﻭﺟﻮﺍﺏ .. ﺑﺲ ﺗﻄﻠﻜﻴﻦ ﻭﺗﺼﻴﺮﻳﻦ ﻟﻠﺜﺎﻧﻲ ﻭﺍﻟﻠﻪ ﻳﻴﻤﻪ ﻟﻮ ﻳﻮﺯﻧﺞ ﺫﻫﺐ ﻫﻢ ﻣﺎ ﻧﻨﻄﻴﺞ . ﻏﻴﺮ ﺍﻟﻌﺎﺭ ﻳﺮﻛﺒﻨﻪ ﻣﻦ ﺳﺎﺳﻨﻪ ﻟﺮﺍﺳﻨﻪ ..
ﺳﻜﺘﺖ .. ﺑﺲ ﻛﻼﻣﻬﺎ ﻫﺬﺍ ﻣﺜﻞ ﺍﻟﺼﻔﻌﻪ ﺍﺍﺟﺎﻧﻲ ﻭﻛﻌﺪﻧﻲ ﻣﻦ ﺣﻠﻢ ﻭﺭﺩﻱ ﻣﻌﻴﺸﻪ ﻧﻔﺴﻲ ﺑﻴﻪ ..
ﻛﺘﻠﻬﺎ ﻛﻼﻣﺞ ﺫﻫﺐ ﺍﻣﻲ .. ﻫﻤﺰﻳﻦ ﻧﺒﻬﺘﻴﻨﻲ .. ﻛﺎﻟﺖ ﻳﻤﻪ ﻣﺪﺍﻡ ﻋﺎﻳﺸﻪ ﺑﻬﻠﺨﻴﺮ ﺍﻛﺘﻔﻲ ﻻ ﺍﻃﻤﻌﻴﻦ ﺍﻛﺜﺮ .. ﺗﺮﻩ ﺍﻟﻄﻤﺎﻉ ﻳﻮﻛﻊ ..
ﻛﺘﻠﻬﺎ ﺍﻧﺸﺎﻟﻠﻪ ﻳﻮﻭﻡ .. ﻛﻤﻠﺖ ﻭﻃﻠﻌﺖ ﻟﻐﺮﻓﺘﻲ ﺭﺍﺣﻮ ﻛﻠﻬﻢ .. ﻃﻠﻌﺖ ﺑﻠﻴﻞ ﺍﻏﺴﻞ ﻣﻼﺑﺲ .. ﻭﺍﻛﻔﻪ ﻋﻠﻐﺴﺎﻟﻪ ..
ﻭﺍﺳﻤﻊ ﻭﺍﺣﺪ ﻳﺤﺠﻲ ﺑﺎﻟﺘﺮﻙ .. ﺗﺼﻨﺘﺖ .. ﻋﺎﺩﻝ .. ﺗﺼﻨﺘﺖ ﺍﻛﺜﺮ .. ﻳﻜﻠﻬﺎ ﻳﻌﻨﻲ ﺑﺎﺟﺮ ﻣﻤﻮﺟﻮﺩ .. ﺍﻫﺎ ﺑﺎﺟﺮ ﺏ 6 ﺍﻟﺼﺒﺢ ﺍﻧﻲ ﻳﻤﺞ ..
ﺍﻱ ﺣﺒﻴﺒﺘﻲ ﺍﻟﻴﻮﻡ ﻃﻠﻌﺖ ﻣﻦ ﺍﻟﺴﺠﻦ .. ﺷﺴﻮﻱ ﺑﻌﺪ ﺣﻈﻲ .. ﻳﻠﻪ ﺑﺎﺟﺮ ﺍﺟﻴﺞ ﻣﻦ ﺍﻟﺼﺒﺢ ﻣﻦ ﻳﻄﻠﻊ ﺍﻟﻜﺪﻳﺶ ﺭﺟﻠﺞ .. ﻭﺍﺟﻲ ﺍﺿﻮﻙ ﺍﻟﻌﺴﻞ ﻫﻬﻪ ..
ﻃﻠﻊ ﻣﻦ ﺍﻟﺘﺮﻙ .. ﺷﺎﻓﺎﻧﻲ ﻭﺍﻛﻔﻪ .. ﻛﺎﻝ ﻣﺎ ﻧﺎﺳﻴﻬﺎ ﺍﻟﺞ ﺑﺲ ﻣﻮ ﻭﻗﺘﻬﺎ .. ﻛﺘﻠﻪ ﻣﻨﻮ ﻣﻮﺍﻋﺪﻫﺎ .. ﻛﺎﻝ ﺍﻱ ﻫﻢ ﺭﻭﺣﻲ ﻭﺍﺷﻬﺮﻱ ﻭﻛﻮﻟﻲ ﻋﺎﺩﻝ ﻫﻴﺞ ﺧﺎﺑﺮ
.
ﺍﺗﻘﺮﺑﺖ ﻳﻤﻪ .. ﻋﺎﺩﻝ ﺍﻧﺘﻪ ﺗﻀﺎﺟﻊ ﻣﺮﻩ ﻣﺘﺰﻭﺟﻪ .. ﻛﺎﻝ ﻣﻴﺨﺼﺞ .. ﻟﺰﻣﺘﻪ .. ﻛﺘﻠﻪ ﻣﻦ ﺩﻕ ﺑﺎﺏ ﺍﻟﻨﺎﺱ ﺩﻕ ﺍﻟﻠﻪ ﺑﺎﺑﻪ ..
ﻋﺎﺩﻝ ﺧﺎﻑ ﺍﻟﻠﻪ ﻻ ﻳﻄﻠﻌﻬﺎ ﺑﻴﻨﻪ .. ﻛﺎﻝ ﻣﺎ ﺍﻟﺞ ﻋﻼﻗﻪ ﻭﻟﻮ ﺣﺠﻴﺘﻲ .. ﺍﺫﺑﺤﺞ .. ﻛﺘﻠﻪ ﻋﺎﺩﻝ ﺷﻠﻮﻥ ﺍﺩﻧﺲ ﺑﻴﺖ ﺭﺟﻞ ﻭﺗﻨﺎﻡ ﻓﺮﺍﺷﻪ .. ﺍﻧﺘﻪ ﺷﻨﻮ ﻣﻦ ﺑﺸﺮ ..
ﺩﻓﻌﻨﻲ ﻭﻣﺸﺎ .. ﺧﺎﺑﺮﺕ ﺑﻜﺮ .. ﻛﺎﻝ ﻫﺎ ﺳﻤﺴﻢ .. ﻛﺘﻠﻪ ﺑﻜﺮ .. ﺑﺎﺟﺮ ﻗﺒﻞ ﺍﻝ 6 ﺍﺭﻭﺡ ﻟﻠﺪﻭﺍﻡ .. ﻛﺎﻝ ﺷﻜﻮ .. ﻛﺘﻠﻪ ﺍﻓﻬﻤﻚ ﺍﻟﺼﺒﺢ .. ﻛﺎﻝ ﭐפﮔـﻴﮧ ..
ﻛﻌﺪﺕ ﺍﻟﺼﺒﺢ ﺑﺪﻟﺖ ﻭﺧﺎﺑﺮﺕ ﺑﻜﺮ .. ﺭﻓﻀﻪ .. ﻳﻌﻨﻲ ﻛﻌﺪ .. ﻟﺒﺴﺖ ﺟﺎﻛﻴﺘﻲ . ﻭﻃﻠﻌﺖ .. ﻃﻠﻊ ﺑﻜﺮ .. ﻛﺎﻝ ﺷﻜﻮ ..
ﻛﺘﻠﻪ ﺍﺑﻌﺪ ﺍﻟﺴﻴﺎﺭﻩ ﻋﻦ ﺍﻟﺒﻴﺖ ﺷﻮﻱ .. ﻛﺎﻝ ﺷﻜﻮ .. ﻛﺘﻠﻪ ﺗﻔﺘﻬﻢ ﻓﺪ ﺷﻮﻱ .. ﺑﻌﺪﻫﺎ ﻃﻠﻊ ﻋﺎﺩﻝ .. ﻛﺎﻝ ﻫﺬﺍ ﺷﻌﻨﺪﻩ ﻣﻦ ﺍﻟﺼﺒﺢ ..
ﻛﺘﻠﻪ ﺍﻟﺤﻜﻪ ﺑﺪﻭﻥ ﻣﺘﺤﺲ .. ﺣﺮﻙ ﺍﻟﺴﻴﺎﺭﻩ .. ﺟﺎﻱ ﻳﻠﺤﻜﻪ .. ﻋﺎﺩﻝ ﺩﺧﻞ ﺍﺑﻴﺖ ﺍﻟﺠﻴﺮﺍﻥ .. ﻃﻔﻰ ﺍﻟﺴﻴﺎﺭﻩ ﺑﻜﺮ ..
ﺩﺍﺭ ﻭﺟﻬﺎ ﻋﻠﻴﻪ .. ﻛﺎﻝ ﺷﺪﻳﺼﻴﺮ .. ﻛﺘﻠﻪ ﻋﺎﺩﻝ ﻣﺘﻔﻖ ﻣﻊ ﻭﺣﺪﻩ ﻣﺰﻭﺟﻪ .. ﻳﻀﺎﺟﻌﻬﺎ ﺑﻌﺪ ﺧﺮﻭﺝ ﺯﻭﺟﻬﺎ ﻣﻦ ﺍﻟﺒﻴﺖ ..
ﻛﺎﻝ ﻭﻟﺞ ﻫﺬﺍ ﺑﻴﺖ ﺍﻟﺤﺠﻲ ﺳﻠﻤﺎﻥ .. ﺻﺎﺣﺐ ﻣﻄﻌﻢ ﻣﻌﺮﻭﻑ .. ﻛﺘﻠﻪ ﺯﻭﺟﺘﻪ ﺟﺒﻴﺮﻩ ﻟﻮ ﺻﻐﻴﺮﻩ .. ﻛﺎﻝ ﻣﺎ ﺍﻋﺮﻑ .. ﺑﺤﺪﻭﺩ 35 ﺍﻛﺒﺮ ﻣﺎ ﺍﻋﺮﻑ ﺑﺲ ﻧﺎﻋﻤﻪ ..
ﻛﺘﻠﻪ ﻳﻌﻨﻲ ﻋﺎﺩﻝ ﻣﺘﻔﻖ ﻭﻳﺎﻫﺎ .. ﻛﺎﻝ ﻟﺤﻈﻪ .. ﺧﺎﺑﺮﻩ .. ﻃﻠﻌﺖ ﺣﻨﻴﻦ .. ﻛﺎﻟﺖ ﻫﺎ ﺑﻜﺮ .. ﻛﺎﻟﻠﻬﺎ ﻋﺎﺩﻝ ﻭﻳﻦ ..
ﻛﺎﻟﺘﻪ ﻃﻠﻊ ﻋﻠﻰ ﺷﻐﻞ ﻣﺘﻔﻖ ﻭﻳﻪ ﺻﺎﺣﺒﻪ ﻟﻴﺶ ﺍﻛﻮ ﺷﻲ .. ﻛﺎﻟﻠﻬﺎ ﻻ .. ﻋﻮﺩ ﺭﺩﺗﻪ ﻳﻮﺻﻞ ﺳﻤﺮ ﺍﻧﻲ ﻋﻨﺪﻱ ﺷﻐﻞ ..
ﻳﻠﻪ ﺍﺧﺬﻱ ﺭﺍﺣﺘﺞ .. ﺳﺪﻩ ﻣﻨﻬﺎ ﻭﻧﺰﻝ .. ﺩﻙ ﺑﺎﺏ ﺑﻴﺖ ﺍﻟﺤﺠﻲ ﻳﺪﻙ ﻭﻣﺤﺪ ﻳﻄﻠﻊ .. ﺍﺧﺮ ﺷﻲ ﻃﻠﻌﺖ ﺍﻟﺒﻨﻴﻪ ..
ﻛﺎﻟﻠﻬﺎ ﺻﻴﺤﻲ ﻋﺎﺩﻝ .. ﻛﺎﻟﺘﻠﻪ ﻳﺎ ﻋﺎﺩﻝ .. ﻛﺎﻟﻠﻬﺎ ﺗﺼﻴﺤﻲ ﻻ ﺍﺧﺎﺑﺮ ﺣﺠﻲ ﺳﻠﻤﺎﻥ ﻳﺼﻴﺤﻪ .. ﻛﺎﻟﺘﻠﻪ ﻃﻠﻊ ﻣﻦ ﺍﻟﺒﺎﺏ ﺍﻟﺨﺎﺭﺟﻲ .. ﻛﺎﻟﻠﻬﺎ ﻭﻣﺤﻤﺪ ﻟﻮ ﺧﺎﺑﺮﺗﻲ ﻋﺎﺩﻝ ..
ﻟﻮ ﺩﻋﻴﺘﻴﻪ ﻟﺒﻴﺘﺞ .. ﺍﺧﺎﺑﺮ ﺍﻟﺤﺠﻲ ﻭﺍﻛﻠﻪ ﻭﺍﺣﺪ ﺍﺑﺘﻜﻢ .. ﻭﻣﺮﺗﻚ ﺗﺨﻮﻧﻚ ﻭﻣﺎ ﺍﺧﻠﻲ ﻳﻌﺮﻑ ﺍﺧﻮﻱ ﻭﻧﺘﺒﺮﻩ ﻣﻨﺞ ﻭﻳﻜﺘﻠﺞ .. ﺍﺳﺘﺸﺮﻓﻲ ﻭ ﻛﻔﻲ ﻋﻦ ﺍﺧﻮﻱ ..
ﻃﺎﻳﺶ ﺳﻜﻴﺮ ﻻ ﺗﻠﻌﺒﻴﻦ ﺑﻌﻘﻠﻪ .. ﺍﻻ ﺗﺮﻩ ﺍﻧﺪﻣﺞ ﻭﺍﻟﻠﻪ .. ﺳﺪﺕ ﺍﻟﺒﺎﺏ ﺑﻮﺟﻪ .. ﺍﺟﻪ ﻋﺎﺩﻝ ﻣﻦ ﺭﺍﺱ ﺍﻟﻔﺮﻉ ..
ﺑﻜﺮ ﺗﺨﺼﺮﻟﻪ ﺑﻨﺺ ﺍﻟﺸﺎﺭﻉ .. ﺍﺗﻘﺮﺏ ﻋﺎﺩﻝ .. ﻛﺎﻟﻪ ﺧﻴﺮ ﻣﺘﺨﺼﺮﻟﻲ ﺑﺎﻟﺪﺭﺏ ﺷﻜﻮ ﺷﻌﻨﺪﻙ .. ﺍﻧﻄﺎﻫﺎ ﺑﻮﻛﺲ ﻋﻠﻰ ﺧﺸﻤﻪ .. ﻛﺎﻟﻪ ﻫﺬﺍ ﺍﻟﻌﻨﺪﻱ ..
ﻋﺎﺩﻝ ﻟﺰﻡ ﺧﺸﻤﻪ .. ﻛﺎﻟﻪ ﺳﻜﻂ ﻛﺴﺮﺕ ﺧﺸﻤﻲ ﺍﺥ ﺑﻮﻳﻪ .. ﻟﺰﻣﻪ ﻋﺎﺩﻝ ﻣﻦ ﻳﺎﺧﺘﻪ .. ﻛﺎﻟﻪ ﻟﻮ ﺗﻘﺮﺑﺖ ﻟﺒﻴﺖ ﺣﺠﻲ ﺳﻠﻤﺎﻥ ﻭﺩﺳﺖ ﺑﻴﺘﻪ ..
ﻭﻣﺤﻤﺪ ﺍﺩﻓﻨﻚ ﻓﻬﻤﺖ .. ﻋﺎﺩﻝ ﺑﺲ ﻻﺯﻡ ﺧﺸﻤﻪ ﻳﻔﺾ ﺩﻡ .. ﺍﻧﻲ ﻣﻨﺰﻟﻪ ﺭﺍﺳﻲ ﺟﻮﻩ ﺍﻟﻜﺸﻦ .. ﺍﺫﺍ ﺷﺎﻓﻨﻲ ﻋﺎﺩﻝ ﻳﺸﻤﺮﻫﺎ ﺑﺮﺍﺳﻲ ..
ﻛﺎﻟﻪ ﺳﻤﺮ ﻣﻮﻭﻭ ﺑﺴﻴﻄﻪ .. ﻛﺎﻟﻪ ﻧﻌﻠﻠﻠﻞ ﻭﺗﺘﺤﻠﻒ ﻟﺴﻤﺮ ﻣﺎ ﺗﺘﺤﻠﻒ ﺍﻟﻨﻔﺴﻚ .. ﻭﻟﻚ ﻧﻘﺬﺗﻚ ﻣﻦ ﻣﺼﻴﺒﻪ ﺍﻛﻮ ﻭﺍﺣﺪ ﻳﺴﻮﻱ ﺳﻮﺍﻳﺘﻚ ..
ﻛﺎﻟﻪ ﻫﺎﻱ ﺑﺲ ﺗﺤﺐ ﺗﻐﺜﻨﻲ .. ﺍﻧﻲ ﺍﻟﻬﺎ .. ﻛﺎﻟﻪ ﺍﻟﺰﻡ ﺷﻌﺮﻩ ﻣﻨﻬﺎ ﻭﺷﻮﻑ ﺷﺴﻮﻱ .. ﺣﺠﻪ ﻫﻴﺞ ﻭﺍﺟﻪ ﺭﻛﺐ ﺍﻟﺴﻴﺎﺭﻩ ﻭﻃﻠﻊ ..
ﻣﺸﺎ ﻛﺎﻝ ﺷﺒﻴﺞ ﺧﺎﺗﻠﻪ ﻛﺘﻠﻪ ﻻ ﻳﺸﻮﻓﻨﻲ … ﻛﺎﻝ ﻋﺮﻓﺞ ﺑﻼ ﻣﻴﺸﻮﻓﺞ ﺍﻃﻠﻌﻲ .. ﻛﺘﻠﻪ ﻫﻢ ﺯﻳﻦ ﺗﻼﺣﻜﻨﻪ .. ﻛﺎﻝ ﻫﺬﺍ ﺭﺍﺡ ﻳﺨﺒﻠﻨﻲ ﺑﺎﻓﻌﺎﻟﻪ ..
.. ..
ﻣﺎ ﺍﻓﺘﻬﻢ ﺷﻨﻮ ﻳﺮﻳﺪﻩ .. ﻳﺤﺐ ﺣﻨﻴﻦ ﻭﻭﺍﻓﻖ ﻳﺘﺰﻭﺟﺞ ﻭﺍﻧﻮﺏ ﺳﺎﻭﻣﻨﻲ ﻋﻠﻴﺞ ﻭﺍﺗﺰﻭﺝ ﺣﻨﻴﻦ ﻭﻫﺴﻪ ﻳﺨﻮﻧﻬﺎ ..
ﻣﺎ ﺍﻋﺮﻑ ﺷﻨﻮ ﻳﺮﻳﺪ ﺷﻨﻮ ﻣﺒﺘﻐﺎﻩ ﻣﺎ ﺍﻋﺮﻑ ﺧﺒﻠﻨﻲ .. ﻻ ﻣﺮﻩ ﻳﺸﻤﺮ ﻧﻔﺴﻪ ﺑﻤﺼﻴﺒﻪ ﻭﻧﻌﺠﺰ ﻧﺤﻠﻬﺎ ﺍﻟﻪ ﺷﻠﻮﻥ ﺍﺗﺼﺮﻑ ﻭﻳﺎﻩ ﻓﻬﻤﻴﻨﻲ ..
ﻛﺘﻠﻪ ﻭﺍﻟﻠﻪ ﻣﺎ ﺍﻋﺮﻑ ﻳﺎ ﺑﻜﺮ .. ﻭﺻﻠﻨﻲ ﻟﻠﺠﺎﻣﻌﻪ .. ﻧﺰﻟﺖ ﻟﻠﺠﺎﻣﻌﻪ .. ﺍﻭﻭﻑ ﺷﺸﻮﻑ ﻭﺟﻬﻲ ﻣﻦ ﺍﻟﺤﺠﻲ ﻭﺍﻻﺷﺎﻋﺎﺕ ﺍﻟﻄﺎﻟﻌﻪ ..
ﺍﺟﺖ ﺍﻧﻤﺎﺭ .. ﻛﺎﻟﺖ ﻫﻠﻪ ﺑﺎﻟﺴﺒﻌﻪ ﻫﻼ .. ﻛﺘﻠﻬﺎ ﻟﻌﺪ ﺍﻟﺜﻤﺎﻧﻴﻪ ﻭﻳﻦ ﻭﺍﺩﻭﺭ ﻳﻤﻨﻪ ﻳﺴﺮﻩ .. ﻛﺎﻟﺖ ﻭﻗﺖ ﺗﺤﺸﻴﺸﺞ ﻳﻠﺴﺒﺎﻋﻴﻪ ..
ﻛﺘﻠﻬﺎ ﻛﻞ ﻣﺮﻩ ﺍﻟﻔﺎﻫﻴﻪ ﺍﻟﺜﻮﻟﻪ ﻣﺎﺑﻴﺞ ﺧﻴﺮ .. ﺍﻟﻴﻮﻡ ﺳﺒﺎﻋﻴﻪ ﺷﻨﻮ ﺍﻟﻔﻠﻢ ﺍﺣﺠﻴﻠﻲ .. ﻛﺎﻟﺖ ﺍﺳﺘﺎﺫ ﻣﻨﻴﺮ ﻗﺪﻡ ﺍﺳﺘﻘﺎﻟﺘﻪ ..
ﻛﺘﻠﻬﺎ ﺟﺬﺫﺫﺫﺫﺫﺫﺫﺏ .. ﻫﻠﻪ ﻫﻠﻪ ﻫﻠﻪ .. ﻫﺎﻱ ﺍﻻﺧﺒﺎﺭ ﺍﻟﺰﻳﻨﻪ ﻣﺎﻝ ﺍﺭﻛﺺ ﺑﻨﺺ ﺍﻟﻜﻠﻴﻪ .. ﻭﻟﻮ ﺍﻧﻲ ﺭﺩﺕ ﻓﺪ ﺍﻋﺪﺍﻡ ﻣﺆﺑﺪ ﺣﺮﺍﻣﺎﺕ .. ﻳﻠﻪ ﺍﻟﻤﻬﻢ ﺧﻠﺼﻨﻪ ﻣﻨﻪ ..
ﻛﺎﻟﺖ ﻛﻠﻪ ﻣﻦ ﺍﺳﺘﺎﺫ ﺑﻜﺮ .. ﺿﻮﻛﻪ ﻣﻦ ﻧﻔﺲ ﺍﻟﻤﺎﻋﻮﻥ ﺍﻟﻴﺸﺮﺏ ﺍﻟﺒﻨﺎﺕ ﺑﻴﻪ ﻭﺍﺧﺬ ﺑﻨﺘﻪ ﻭﺻﻮﺭﻫﺎ .. ﻛﺘﻠﻬﺎ ﺫﻛﻲ ﻋﻠﻰ ﺑﻨﺖ ﻋﻤﺘﻪ ﻏﻴﺮ ..
ﻛﺎﻟﺖ ﺟﻴﺮﻩ ﺍﺣﺴﻦ .. ﺑﻨﺖ ﻋﻤﺘﻪ ﻧﻌﺎﻝ ﺑﻌﻴﻨﺞ .. ﻭﻟﺞ ﺍﻧﺘﻲ ﻳﺤﺒﺞ ﻭﺍﺣﺪ ﻣﺜﻞ ﺑﻜﺮ .. ﻻ ﺣﺮﺍﻡ ﺍﻧﺘﻲ ﺟﻤﻌﻪ ﺍﺑﻮ ﺍﻟﻠﺒﻠﺒﻲ ﻫﻮﺍﻱ ﻋﻠﻴﺞ ..
ﻛﺘﻠﻬﺎ ﻭﺍﻟﻠﻬﻲ ..😒 ﻛﺎﻟﺖ ﺳﻤﺮ .. ﻭﺍﻟﻠﻪ ﻟﻮ ﺍﻧﻲ ﺑﻤﻜﺎﻧﺞ .. ﻣﻦ ﺑﺎﺟﺮ ﺍﻟﻢ ﻏﺮﺍﺿﻲ ﻭﺍﺭﻭﺡ ﻭﻳﺎﻩ ﻭﺍﻋﻴﺶ ﺑﺎﻗﻲ ﺣﻴﺎﺗﻲ ﺑﺤﺒﻪ ..
ﻛﺘﻠﻬﺎ ﺻﻌﺐ ﺍﻧﻤﺎﺭ ﺻﻌﺐ .. ﻛﺎﻟﺖ ﻣﻮ ﺻﻌﺐ ﻭﺍﻟﻠﻪ .. ﺑﺲ ﺍﺗﻘﻮﻱ ﻭﺛﻘﻲ ﺑﻴﻪ .. ﺍﻧﺘﻲ ﺗﻌﺮﻓﻴﻦ ﻣﻦ ﺗﺼﻴﺮﻳﻦ ﺑﺴﺪﻩ ﺍﻛﺒﺮ ﻭﺍﺣﺪ ﻣﻴﺄﺫﻳﺞ ..
ﻛﺘﻠﻬﺎ ﻣﻮ ﺑﺲ ﺍﺫﻳﺘﻲ ﺍﻧﻤﺎﺭ .. ﺧﻨﻔﻜﺮ ﺑﻮﺍﻗﻌﻴﻪ ﻭﻧﺘﺮﻙ ﻣﺸﺎﻋﺮﻧﻪ .. ﺍﻫﻠﻲ ﺷﻠﻮﻥ ﺍﻫﻠﻪ ﺷﻠﻮﻥ ..
ﻛﺎﻟﺖ ﺷﻌﻠﻴﺞ ﺍﻧﺘﻲ ﻫﻮﻩ ﻣﻨﻮ ﺍﻫﺘﻤﻠﺞ ﻏﻴﺮﻩ ﻛﻠﻬﺎ ﺗﻨﻬﺶ ﺑﻠﺤﻤﺞ .. ﻭﺑﺲ ﻫﻮﻩ ﺍﻟﺞ .. ﻛﺘﻠﻬﺎ ﺍﻧﻲ ﻭﻳﺎﺝ .. ﺑﺲ ﻫﻮﻩ ﺣﺎﻣﻴﻨﻲ .
ﺗﺘﻮﻗﻌﻴﻦ ﺍﻫﻠﻲ ﻳﻘﺒﻠﻮﻥ ﺑﺰﻭﺍﺟﻨﻪ .. ﻛﺎﻟﺖ ﻣﺎ ﺍﻋﺮﻑ .. ﻛﺘﻠﻬﺎ ﺍﻧﻲ ﺍﻋﺮﻑ ﻣﺴﺘﺤﻴﻴﻴﻴﻴﻞ ﻭﺣﺘﻰ ﻟﻮ ﺍﻃﻠﻜﺖ ﻣﺎ ﻳﻘﺒﻠﻮﻥ ﺑﻴﻪ ﻟﻮ ﺍﻭﺫﻥ ..
ﻭﺑﻤﺠﺮﺩ ﻣﺎ ﺍﺧﻠﺺ ﻋﺪﻩ .. ﺍﻱ ﻭﺍﺣﺪ ﻳﺘﻘﺪﻣﻠﻲ ﻳﺠﺒﺮﻭﻧﻲ ﺍﺗﺰﻭﺝ .. ﻣﺎ ﻛﺪﺍﻣﻲ ﺣﻞ ﻏﻴﺮ ﺍﻫﺮﺏ ﻭﻳﺎﻩ ﻣﻮﻭﻭ ..
ﻧﻨﺘﻘﻞ ﻟﻠﻘﺴﻢ ﺍﻟﺜﺎﻧﻲ .. ﺍﻫﺮﺏ ﻭﻳﺎﻩ ﺷﻠﻮﻭﻥ .. ﻭﺳﻤﻌﺘﻲ .. ﻭﺳﻤﻌﺔ ﺍﻫﻠﻲ .. ﺣﺘﻰ ﻟﻮ ﺍﻫﻠﻲ ﺿﻼﻡ ﻭﻣﺎ ﻳﺮﺣﻤﻮﻧﻲ .. ﻣﺎ ﻳﺼﻴﺮ ﻫﻴﺞ ﺍﺳﻮﻱ .
ﺍﻟﻠﻪ ﻳﻮﺿﺤﻠﻨﻪ ﺑﻘﺮﺍﻧﻪ ﻳﻜﻮﻝ ﻟﻮ ﺟﺒﺮﻭﻙ ﺗﺸﺮﻙ ﺑﻴﻪ ﻻ ﺗﺸﺮﻙ ﺑﺲ ﻻ ﺗﻘﻬﺮﻫﻢ ﻭﺻﺎﺣﺒﻬﻤﺎ ﻓﻲ ﺍﻟﺪﻧﻴﺎ ﻣﻌﺮﻭﻓﺎ
ﺗﺮﺩﻳﻦ ﺍﻧﻲ ﺍﺟﻲ ﻋﻠﻤﻮﺩ ﻣﺼﻠﺤﺘﻲ ﻭﺣﻴﺎﺗﻲ .. ﺍﺳﻮﺩ ﻭﺟﻪ ﺍﺑﻮﻱ ﻭﺍﻛﺴﺮ ﺿﻬﺮﻩ ﻭﺍﻣﻮﺗﻪ ﺑﺲ ﻋﻠﻤﻮﺩ ﺍﻧﻲ ﺍﻋﻴﺶ ..
ﺯﺑﻦ ﻟﻮ ﺳﻮﻳﺖ ﻫﻴﺞ ﻭﻳﻦ ﺍﺭﻭﺡ ﻣﻦ ﺍﻟﻠﻪ .. ﺍﻓﻀﺢ ﺍﻫﻠﻲ ﺷﻠﻮﻥ .. ﻭﻳﻜﻠﻮﻟﻬﻢ ﺑﺘﻜﻢ ﺷﺮﺩﺕ ﻭﻳﻪ ﺣﻤﺎﻫﺎ ﻫﺎﻱ ﺟﺰﺍﺓ ﺗﺮﺑﻴﺘﻬﻢ ﺍﻟﻲ ﻝ 23 ﺳﻨﻪ .. ﺍﻧﻤﺎﺭ ﺍﻧﺘﻲ ﺩﺗﺴﺘﻮﻋﺒﻴﻦ ﺧﻄﻮﺭﺓ ﺍﻟﻤﻮﻗﻒ ..
ﻭﺑﻌﺪﻳﻦ ﺍﺗﺮﻛﺞ ﻣﻦ ﺍﻫﻠﻲ .. ﺍﻫﻞ ﺑﻜﺮ .. ﻋﺎﻳﺸﻴﻦ ﻋﻠﻰ ﺑﻜﺮ .. ﺭﻧﺎ ﻣﻄﻠﻘﻪ ﻭﻋﺎﺩﻝ ﺳﻜﻴﺮ ﻭ ﻋﻄﺎﻝ ﺑﻠﺒﻴﺖ ﻭﻋﻤﻲ ﺭﺟﺎﻝ ﺟﺒﻴﺮ ﻭﻣﺮﻳﺾ ﻭﻋﻤﺘﻲ ﻣﺮﻩ ﺟﺒﻴﺮﻩ.
...
ﺷﻠﻮﻥ ﺍﻛﺪﺭ ﺍﺻﻴﺮ ﺍﻧﺎﻧﻴﻪ ﻭﺍﺳﺮﻕ ﺍﺑﻨﻬﻢ ﻣﻨﻬﻢ .. ﻋﻤﺘﻲ ﻣﺮﺍﺡ ﺗﺪﻋﻲ ﻋﻠﻴﻪ .. ﺍﺑﻮﻱ ﻣﺎ ﻳﻐﻀﺐ ﻋﻠﻴﻪ .. ﺍﻣﻲ ﻣﺮﺍﺡ ﺗﺒﺠﻲ ﻣﻦ ﻭﺭﺍﻱ .. ﻫﺎﻱ ﺩﻣﻮﻋﻬﻢ ﻣﺮﺍﺡ ﺗﺤﺮﻙ ﺣﻴﺎﺗﻲ ..
ﻛﺎﻟﺖ ﺳﻤﺮ ﻋﻘﺪﺗﻴﻬﺎ .. ﻛﺘﻠﻬﺎ ﺍﻧﻲ ﻣﻤﻌﻘﺪﺗﻬﺎ ﺑﺲ ﻫﺬﺍ ﻭﺍﻗﻌﻲ ﻭﻣﺎ ﺍﻛﺪﺭ ﺍﺗﺨﻄﺎﻩ .. ﺍﺣﺒﻪ ﻧﻌﻢ .. ﻟﻜﻦ ﺷﻨﻮ ﺗﺎﻟﻴﺔ ﻫﻠﺤﺐ ﻣﻮﺕ ﺍﻡ ﺣﻴﺎﺓ ﺍﻟﻠﻪ ﻭﺣﺪﻩ ﺍﻟﻴﺤﻜﻢ ..
ﺍﺗﺮﻛﻬﺎ ﻟﻠﺰﻣﻦ .. ﻛﺎﻟﺖ ﻭﻫﺬﺍ ﺍﻟﻤﺸﻠﻮﻉ ﻛﻠﺒﻪ ﻭﺍﻟﻠﻪ ﻳﻘﻬﺮﻧﻲ .. ﻛﺘﻠﻬﺎ ﻫﺬﻱ ﺛﻤﻦ ﺍﻟﻤﺸﺎﻋﺮ ﺍﻟﻐﻠﻂ .. ﺷﻨﺴﻮﻱ ﻣﻮ ﺑﺪﻳﻨﻪ .. ﻋﺸﻜﻨﻪ ﻭﺍﻟﻌﺸﻚ ﻣﻮ ﺑﺎﻻﻳﺪ ﺑﺎﻟﻜﻠﺐ ..
ﺑﻌﺪﻫﺎ ﺭﺣﻨﻪ . ﻛﻤﻠﺖ ﻣﺤﺎﻇﺮﺍﺗﻨﺎ .. ﺍﺗﺼﻞ ﺑﻜﺮ .. ﻛﺘﻠﻪ ﻃﺎﻟﻌﻪ ﺭﺟﻌﺖ ﻟﻠﺒﻴﺖ .. ﻭﻋﺎﺩﻝ ﺍﺗﻮﻋﺪﻟﻲ ﺍﺗﻮﻋﺪﻟﻲ ﺑﺲ ﻣﺴﻮﺍﻟﻲ ﺷﻲ ..
ﻣﺮﺕ ﺍﻻﻳﺎﻡ ﻭﺍﻟﺸﻬﻮﺭ .. ﺧﻠﺼﺖ ﺩﺭﺍﺳﺘﻲ ﻭﺍﺗﺨﺮﺟﺖ ﺍﻟﺤﻤﺪﻟﻠﻪ ﺍﻟﻤﻌﺪﻝ ﺯﻳﻦ .. ﺑﻘﻴﺖ ﻋﺎﻳﺸﻪ ﺍﺑﻴﺖ ﻋﻤﺘﻲ ..
ﻻ ﺍﻧﻲ ﻟﺒﻜﺮ .. ﻭﺻﺎﻳﺮﻩ ﺍﻟﻪ ﺣﺒﻴﺒﻴﻪ ﻭﺯﻭﺟﻪ ﻭﻻ ﺍﻧﻲ ﻟﻌﺎﺩﻝ ﺯﻭﺟﻪ ﻋﻠﻮﺭﻕ ﻭﺑﺲ .. ﺑﺲ ﺣﺒﻲ ﻟﺒﻜﺮ ﻳﻜﺒﺮ ﻳﻮﻡ ﻋﻦ ﻳﻮﻡ ..
ﻛﻤﺖ ﻣﻮ ﺑﺲ ﺍﺣﺒﻪ ﻻ ﺍﻋﺸﻘﻪ .. ﻭﻫﻮﻩ ﻗﺮﻩ ﺍﻟﻌﺸﻖ ﺑﻌﻴﻮﻧﻲ .. ﻭﻓﺮﺣﺎﻥ .. ﻭﺣﺘﻰ ﻣﻄﺎﻟﺒﻨﻲ ﺍﺷﺮﺩ ﻭﻳﺎﻩ ﺍﻭ ﻧﻔﺘﺢ ﺍﻟﻤﻮﺿﻮﻉ ..
ﺑﺎﻗﻴﻴﻦ ﻫﻴﺞ .. ﻧﺤﺐ ﺑﻌﻈﻨﻪ ﻟﺪﺭﺟﻪ ﺍﻟﺠﻨﻮﻥ .. ﺑﺲ ﺑﺤﺪﻭﺩ .. ﻣﺮﺕ ﺳﻨﻪ ﻭﻫﻮﻩ ﻛﻠﻤﺖ ﺍﺣﺒﺞ ﻣﻜﺎﻳﻠﻴﺎﻫﺎ ﺑﺼﺮﻳﺢ ﺍﻟﻌﺒﺎﺭﻩ ..
ﻟﻠﻴﻮﻡ ﻣﻴﺘﺠﺮﺀ ﻳﻜﻮﻟﻲ ﺣﺒﻲ ﻟﻮ ﺣﻴﺎﺗﻲ .. ﺍﻭ ﺣﺘﻰ ﻣﺘﺠﺮﺀ ﻳﻮﻡ ﻭﻣﺪ ﺍﻳﺪﻩ ﻋﻠﻴﻪ ﺍﻭ ﺿﺎﻳﻘﻨﻲ ﺍﻭ ﺣﺎﻭﻝ ﻳﻄﻠﺐ ﺷﻲ ﻧﺰﻭﺍﻧﻲ ﺍﺑﺪﺍ ..
ﻣﺤﺘﺮﻡ ﺍﻟﻤﻮﻗﻒ ﺍﻟﺒﻴﻪ .. ﺍﻟﺒﻴﻨﺎﺗﻨﺎ ﻣﺠﺮﺩ ﻣﺸﺎﻋﺮ ﺟﻴﺎﺷﻪ ﻣﺎ ﻧﻜﺪﺭ ﻧﻌﺒﺮ ﺑﻴﻬﺎ ﻏﻴﺮ ﺑﻔﺮﺣﺔ ﻋﻴﻮﻧﻪ ﺍﺑﻌﺾ .. ﻧﻨﺘﻀﺮ ﺭﺑﻨﺎ ﺷﻮﻛﺖ ﻳﻨﻈﺮ ﺍﻟﻨﻪ .. ﻭﻳﻜﺘﺒﻠﻨﻪ ..
ﺍﻫﻠﻲ ﻋﻼﻗﺘﻲ ﺑﻴﻬﻢ .. ﺟﻴﺪﺍ ﻧﺴﺒﻴﺎ .. ﻋﺎﺩﻱ ﺍﺭﻭﺣﻠﻬﻢ ﺳﺎﻋﺎﺕ .. ﻭﻣﺎ ﺍﺑﺎﺕ ﻻﻥ ﺍﺣﻤﺪ ﺍﺧﻮﻳﻪ ﻣﺮﺭﺭ .. ﻣﻴﻨﺤﻤﻞ
ﻓﺪ ﻳﻮﻡ ﺟﺎﻥ ﻋﻴﺪ ﺭﺍﺱ ﺍﻟﺴﻨﻪ .. ﻭﺳﻮﻳﻨﻪ ﺍﺣﺘﻔﺎﻝ ﻭﻓﺮﺣﺎﻧﻴﻦ .. ﻭﺧﺎﻟﺪ ﻋﻴﺪ ﻣﻴﻼﺩﻩ .. 31/12 ...
ﻓﻘﺮﺭﻧﻪ ﻧﺤﺘﻔﻞ ﺑﺎﻻﺛﻨﻴﻦ ﺳﻮﻩ ﻣﻴﻼﺩ ﻋﺎﺩﻝ ﻭﺭﺃﺱ ﺍﻟﺴﻨﻪ ﺍﻟﻤﻴﻼﺩﻳﻪ .. ﻭﺑﻜﺮ ﺍﺷﺘﺮﺍﻟﻨﻪ ﻛﻴﻚ ﻭﻧﻔﺎﺥ ﻭﺣﻠﻮﻳﺎﺕ .. ﻭﺷﺠﺮﺓ ﻛﺮﻳﺴﻤﺲ ..
ﻭﻧﻐﻨﻲ ﻭﻓﺮﺣﺎﻧﻴﻦ .. ﻃﻠﻌﻨﻪ ﻭﻳﻪ ﺑﻜﺮ ﻟﻠﺸﺎﺭﻉ ﺷﻔﻨﻪ ﺍﻻﺣﺘﻔﺎﻻﺕ ﻭﺭﺟﻌﻨﻪ .. ﺑﻜﺮ ﺍﺷﺘﺮﻩ ﺍﻟﻌﺎﺏ ﻧﺎﺭﻳﻪ ﻭﺷﻌﺎﻻﺕ ..
ﻭﻛﺎﻝ ﻭﻗﺖ ﺍﻟﺪﻙ ﺳﺎﻋﺔ ﺍﻟﺼﻔﺮ ﻭﻧﺪﺧﻞ ﺳﻨﻪ ﺟﺪﻳﺪﻩ .. ﻧﻄﻠﻖ ﺍﻻﺷﻌﺎﻻﺕ ﺍﻟﻨﺎﺭﻳﻪ .. ﺟﻨﻪ ﺍﻣﺘﺎﻧﻴﻦ .. ﻟﺤﺪ ﻣﺒﻘﺖ ﻟﻠﺴﻨﻪ ﺍﻟﺠﺪﻳﺪﻩ 10 ﺛﻮﺍﻧﻲ ..
ﺣﻈﺮﻧﻪ ﻭﻛﻤﻨﻪ ﻧﻌﺪ ﺗﻨﺎﺯﻟﻲ …10 .. ﻟﺤﺪ .… 1 ﺻﺤﻨﺎ ﻫﻴﻴﻴﻴﻴﻴﻴﻴﻲ ﻭﻛﻒ ﺑﻜﺮ ﻭﻋﺎﺩﻝ ﻟﺰﻣﻮ ﺍﻻﺷﻌﺎﻻﺕ ﻭﺍﻃﻠﻘﻮﻫﺎ ﺑﺎﻟﺠﻮ ..
ﻭﺍﻛﻔﻴﻦ ﻭﻧﺴﻤﻊ ﺍﻟﺘﻔﺠﻴﺮﺍﺕ ﺍﻟﻀﻮﺋﻴﻪ ﻭﺍﺷﻜﺎﻟﻬﺎ ﺍﻟﺮﻭﻋﻪ .. ﺗﺨﺒﺒﺒﻞ .. ﻭﻛﻠﻨﻪ ﻭﺍﻛﻔﻴﻦ .. ﻭﺍﻧﻲ ﻭﺍﻛﻔﻪ ﻳﻢ ﺑﻜﺮ ..
ﻭﻫﻮﻩ ﻳﻬﺰ ﺑﺎﻻﺷﻌﺎﻝ ﻭﻳﻴﻄﻠﻊ ﺍﻟﻨﺎﺭ ﻣﻨﻪ .. ﻟﺤﺪ ﻣﺨﻠﺺ .. ﺍﻧﻲ ﺿﺎﻣﻪ ﺍﺩﻳﻪ ﺟﻮﻩ ﺍﻛﺘﺎﻓﻲ ﻣﻦ ﺍﻟﺒﺮﺩ ..
ﺑﺎﻭﻋﻠﻲ ﺑﻜﺮ .. ﻛﺎﻝ ﻛﻞ ﺳﻨﻪ ﻭﺍﻧﺘﻲ ﺳﺎﻟﻤﻪ ﺳﻤﺴﻢ .. ﻛﺘﻠﻪ ﺳﻌﻴﺪﻩ ﺍﻧﺸﺎﻟﻠﻪ ﻫﻬﻬﻪ .. ﺟﺎﻱ ﻧﺤﺠﻲ ﻭﻫﻮﻩ ﻳﻀﺮﺏ ﺑﺎﻟﻌﻤﻮﺩ ﺍﻟﻜﺎﺭﺗﻮﻧﻲ ﻣﺎﻝ ﺍﻟﺸﻌﺎﻝ ﺑﺎﻳﺪﻩ ..
ﻛﺎﻝ ﺑﺮﺩﺍﻧﻪ .. ﻃﺒﻲ ﺟﻮﻩ ﺑﺴﺎﻉ .. ﻛﺘﻠﻪ ﺍﻱ ﻭﺍﻟﻠﻪ .. ﻛﻮﻟﺶ .. ﻣﺸﻴﺖ ﺩﺍ ﺍﻃﺐ .. ﻭﻣﺎ ﺍﺣﺲ ﺍﻻ ﺍﻻﺷﻌﺎﻝ ﺍﻟﺒﺄﻳﺪ ﺑﻜﺮ ﺍﻧﻔﺠﺮ ..
ﻃﻠﻊ ﻣﻤﺨﻠﺺ .. ﻭﺑﺎﻗﻲ ﺑﺪﺍﺧﻞ ﺍﻻﻧﺒﻮﺑﻪ ﻣﺎﻝ ﺍﺷﻌﺎﻝ ﻭﺍﻧﻔﺠﺮﺕ .. ﺻﺤﺖ ﺑﻜﺮﺭﺭﺭﺭﺭﺭ .. ﺷﻔﺘﻪ ﻣﺨﻠﻲ ﺍﻳﺪﻩ ﻋﻠﻰ ﻋﻴﻨﻪ ﻭﻣﺪﻧﻚ ..
ﻛﺘﻠﻪ ﺑﻜﺮ ﺑﺲ ﺑﺎﻭﻋﻠﻲ ﺑﻜﺮ .. ﻛﺎﻡ ﻳﺼﻴﺢ ﻭﺝ ﻳﻤﻤﻤﻤﻤﻪ ﻋﻴﻨﻲ ﻳﻤﻤﻤﻤﻤﻤﻤﻪ .. ﺍﺥ ﻳﺎﺍﺍﺑﻪ ﻋﻴﻨﻴﻴﻴﻴﻴﻴﻴﻴﻴﻲ ..
ﻛﺘﻠﻪ ﺑﺲ ﺷﻮﻓﻨﻲ ﻋﻴﻨﻚ ﺑﻜﺮ .. ﺑﺲ ﺍﺷﻮﻓﻬﺎ .. ﺍﺭﻳﺪ ﺍﻟﺰﻣﻪ .. ﻭﻫﻮﻩ ﻛﺪﺍﻣﻲ ﻳﺼﻴﺢ ﻭﻣﺪﻧﻚ .. ﺷﺎﻝ ﻋﻴﻨﻪ ..
ﻭﺷﻔﺘﻬﺎ ﺳﻮﺩﻩ ﻭﺗﺒﺠﻲ ﺩﻡ .. ﻳﻤﻪ ﻓﺮﻓﺤﺖ ﺭﻭﺣﻲ ﻛﻤﺖ ﺍﻟﻄﻢ ﻋﻠﻰ ﺧﺪﻱ ﻭﺍﺑﺠﻲ ﺭﺍﺣﺖ ﻋﻴﻨﻪ ﺭﺍﺍﺍﺍﺣﺖ … ﻳﺘﺒﻊ
🌺🌺🌺🌺🌺
ﺑﻜﺮ ﺑﻜﺮ .. ﻭﻫﺎﻱ ﻃﺎﺡ ﺍﻟﻮﻟﺪ ﻣﻦ ﻋﻴﻮﻧﻜﻢ ..😞
.. ﻣﺘﺎﺑﻌﻪ ﺷﻴﻘﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق