رواية حكاية سمر ج1 الجزء الخامس
للكاتبة زينب ماجد
🌿
ﺯﻓﻮﻧﻪ ﻟﻠﻐﺮﻓﻪ .. ﺩﻣﻲ ﺟﻤﺪ .. ﺍﺣﺲ ﺩﺧﻠﺖ ﻗﺎﻋﺔ ﻣﺤﻜﻤﻪ ﻭﺍﺗﺎﻧﻲ ﺣﻜﻤﻲ .. ﺷﺮﺍﺡ ﻳﻜﻮﻥ .. ﺍﻋﺪﺍﻡ ﻟﻮ ﺍﻓﺮﺍﺝ ..
ﻗﻔﻞ ﺍﻟﺒﺎﺏ ﻋﺎﺩﻝ .. ﺍﻧﻲ ﺟﻨﺖ ﻣﺪﻧﻜﻪ .. ﺍﻟﺨﻮﻑ ﻭﺍﻟﺨﺠﻞ ﻭﺍﻻﺭﺗﺒﺎﻙ .. ﻣﺸﺎﻋﺮ ﻣﺨﺘﻠﻄﻪ . ﻣﺎ ﺍﻋﺮﻑ ﺷﻠﻮﻥ ﺍﺗﺼﺮﻑ ﺑﻴﻬﺎ ..
ﺷﻔﺘﻪ ﻧﺰﻉ ﺳﺘﺮﺗﻪ .. ﺍﻧﻮﺏ ﺗﻮﺟﻪ ﻟﻠﻜﻨﺘﻮﺭ .. ﻃﻠﻌﻠﻪ ﺗﺮﺍﻛﺴﻮﺩ .. ﻭﺑﺪﺍ ﻳﺒﺪﻝ .. ﻭﺍﻧﻲ ﻛﺎﻋﺪﻩ .. ﺍﻟﺘﻔﺘﻠﻲ ..
ﻛﺎﻝ ﺷﻨﻮ ﻣﺎ ﺗﺒﺪﻟﻴﻦ .. ﻛﺘﻠﻪ ﻫﺎﺍ .. ﻛﻤﻞ ﺍﻧﺘﻪ .. ﻛﺎﻝ ﺷﻨﻮ ﺗﺴﺘﺤﻴﻦ ﻣﻨﻲ .. ﺩﻧﻜﺖ .. ﻛﺎﻝ ﺭﺍﺡ ﺍﺩﻳﺮ ﺿﻬﺮﻱ ﺍﺧﺬﻱ ﺭﺍﺣﺘﺞ .. ﻣﺎ ﺍﺗﻘﺮﺏ ..
ﻃﻠﻌﺖ ﻣﻼﺑﺲ .. ﺳﻴﺖ ﻧﻮﻡ ﺍﺑﻴﺾ .. ﻛﺒﻴﺮ ﻭﻓﺨﻢ .. ﻧﺰﻟﺖ ﺍﻟﻄﺮﺣﻪ .. ﻭﺑﺪﻳﺖ ﺍﺑﺪﻝ .. ﺍﺭﻳﺪ ﺍﻓﺘﺢ ﺍﻟﺴﺤﺎﺏ .. ﺑﻌﻴﺪ ﻋﻠﻰ ﺍﻳﺪﻱ ﻭﻣﺎ ﺍﻛﺪﺭ ﺍﻧﻮﺷﻪ ..
ﺣﺎﻭﻟﺖ ﺻﻌﺒﺖ .. ﺍﻟﺘﻔﺖ .. ﻛﺎﻝ ﺩﻳﺮﻱ .. ﺩﺭﺕ ﻭﺩﻧﻜﺖ ﺭﺍﺳﻲ .. ﻓﺘﺢ ﺍﻟﺴﺤﺎﺏ .. ﻭﺭﺍﺡ ﻛﻌﺪ ﻋﻠﺴﺮﻳﺮ ﻭﺩﺍﺭ ﻭﺟﻬﺎ ..
ﻛﻤﻠﺖ ﻟﺒﺲ ﺍﻟﺮﻭﺏ .. ﺑﺎﻭﻋﺖ ﻟﻠﻤﺮﺍﻳﻪ .. ﺍﺑﺘﺴﻤﺖ ﺍﺑﺘﺴﺎﻣﻪ ﺧﻔﻴﻔﻪ ﻟﻨﻔﺴﻲ .. ﻭﻛﺄﻧﻲ ﺩﺍ ﺍﺭﻓﻊ ﻣﻦ ﻣﻌﻨﻮﻳﺎﺗﻲ ..
ﻭﺍﺣﺎﻭﻝ ﺍﺧﻔﻲ ﺍﻟﺨﻮﻑ ﺍﻟﺪﺍ ﺍﺣﺴﻪ ﺣﺘﻰ ﻋﻠﻰ ﻧﻔﺴﻲ .. ﺑﺲ ﻋﺎﺩﻝ ﻣﺎ ﺍﻋﺮﻑ ﺷﺒﻴﻪ .. ﻣﻮ ﻋﻠﻰ ﺑﻌﻀﻪ .. ﻣﺜﻞ ﺍﻟﻤﺠﺒﻮﺭ ﻋﻠﻴﻪ ..
ﺑﺲ ﻫﻮﻩ ﺳﺒﻖ ﻭﺣﺠﻴﻨﻪ ﻭﻛﻌﺪﻧﻪ .. ﻛﺎﻥ ﻣﺮﺗﺎﺡ ﻭﻳﺎﻳﻪ ﻭﻣﺎ ﺗﻀﺎﻳﻖ .. ﺍﺗﻘﺮﺑﺖ ﻛﻌﺪﺕ ﻳﻤﻪ .. ﻛﺘﻠﻪ ﺑﻴﻚ ﺷﻲ ..
ﺟﺎﻥ ﻣﺨﻠﻲ ﺍﺩﻳﻪ ﺛﻨﻴﻨﻬﻦ ﻋﻠﻰ ﺭﺍﺳﻪ ﻭﻣﺪﻧﻚ .. ﺭﻓﻊ ﺑﺎﻭﻋﻠﻲ ﻭ ﻛﺎﻝ ﻻ ﻭﻻ ﺷﻲ .. ﻳﻠﻪ ﺭﺍﺡ ﺍﻃﻠﻊ .. ﻻﻥ ﺍﻣﺞ ﻭﺍﻗﺎﺭﺑﺞ ﻳﺮﺩﻭﻥ ﻳﻮﺩﻋﻮﺝ ..
ﻃﻠﻊ .. ﺩﺧﻠﺖ ﺍﻣﻲ .. ﺗﻮﺻﻴﻨﻲ ﻻ ﺗﺨﺎﻓﻴﻦ .. ﻭﺻﻴﺮﻱ ﺳﺒﺎﻋﻴﻪ .. ﻭﺗﺒﻮﺳﻨﻲ .. ﺍﻧﻮﺏ ﻛﺎﻣﺖ ﺩﻣﻮﻋﻬﺎ ﺗﺼﺐ ..
ﻭﺗﻜﻮﻟﻲ ﻭﺍﻟﻠﻪ ﻳﺎ ﻳﻤﻪ ﻣﺎ ﺍﻋﺮﻑ ﺷﻠﻮﻥ ﺭﺍﺡ ﺍﺳﻠﻚ ﺑﺎﻟﺒﻴﺖ ﻭﺍﻧﺘﻲ ﻣﻮ ﻭﻳﺎﻱ .. ﺭﻓﻴﺠﺘﻲ ﺍﻧﺘﻲ .. ﺑﺎﺳﺘﻨﻲ ﻣﻦ ﺭﺍﺳﻲ ..
ﺍﻧﻲ ﻣﺜﻞ ﺍﻟﻮﺍﺣﺪ ﻭﺷﺎﻓﻠﻪ ﺣﺠﻪ ﻳﺒﺠﻲ .. ﺍﻧﻔﺠﺮﺕ ﺑﺎﻟﺒﺠﻲ ﺑﺤﻈﻨﻬﺎ .. ﺑﻘﻦ ﺑﻨﺎﺕ ﺧﺎﻟﺘﻲ ﻳﺒﻮﺳﻦ ﺑﻴﻪ ﻭﺧﺎﻻﺗﻲ ﻭﺍﻣﻲ ﺗﺼﺒﺮ ﻋﻠﻴﻪ ..
ﻟﺸﻮﻱ ﺭﺍﺣﻮ .. ﻭﻋﻤﺘﻲ ﺩﺧﻠﺖ ﺍﻟﻌﺸﺎ ﺍﻟﻨﻪ .. ﻃﺐ ﻋﺎﺩﻝ .. ﻛﺎﻟﺖ ﻋﻤﺘﻲ ﺗﺤﺘﺎﺟﻮﻥ ﺷﻲ .. ﻛﺎﻟﻠﻬﺎ ﻻ ﻳﻤﻪ .. ﻫﺎﻫﻴﻪ ..
ﺍﺫﺍ ﻧﺤﺘﺎﺝ .. ﻧﺼﻴﺤﻠﻜﻢ .. ﻃﻠﻌﺖ ﻭﻛﺎﻟﺖ ﺍﻟﻠﻪ ﻳﺴﻌﺪﻛﻢ .. ﻗﻔﻞ ﺍﻟﺒﺎﺏ .. ﻛﻌﺪ ﻫﻮﻩ ﻳﺎﻛﻞ .. ﻳﺎﻛﻞ ﻳﺎﻛﻞ .. ﺑﺸﺮﺍﻫﺎ ﻭﻏﻀﺐ ﻋﻠﻰ ﻭﺟﻬﺎ ..
ﺍﻧﻲ ﻛﺎﻋﺪﻩ ﻋﻠﺴﺮﻳﺮ .. ﺣﺘﻰ ﻣﻜﺎﻟﻲ ﺗﻌﺎﻟﻲ ﺍﻛﻠﻲ .. ﺳﻜﺖ .. ﻟﺸﻮﻱ .. ﻛﺎﻝ ﺷﻨﻮ ﻣﺘﺎﻛﻠﻴﻦ .. ﻛﺘﻠﻪ ﻫﺎﺍ ﻻ ﻣﻤﺸﺘﻬﻴﻪ .. ﻧﻔﺴﻲ ﻣﺴﺪﻭﺩﻩ .
ﻛﺎﻝ ﺑﺮﺍﺣﺘﺞ .. ﺍﻧﻮﺏ ﻛﺎﻝ ﻧﺎﻭﺷﻴﻨﻲ .. ﺍﻟﻤﻲ ﻣﻦ ﻳﻤﺞ .. ﻛﻤﺖ ﺍﻧﻄﻴﺘﻬﻴﺎﻩ .. ﺍﺗﻘﺮﺑﺖ ﺑﻴﻪ ﺭﻳﺤﻪ ﻛﺮﻳﻬﺎ ﻣﺎ ﺍﻋﺮﻑ ﺷﻨﻮ ﻫﻴﻪ ..
ﺑﺲ ﻣﻮ ﺭﻳﺤﺔ ﺟﺴﻢ .. ﻻ ﻻ ﺭﻳﺤﻪ ﻣﺎ ﺍﻋﺮﻑ .. ﺍﻭﻝ ﻣﺮﻩ ﺍﺷﻤﻬﺎ .. ﺑﺲ ﺍﺑﺪ ﻣﻮ ﻃﻴﺒﻪ .. ﻣﺎ ﻋﺮﻓﺘﻬﺎ ..
ﻟﺤﺪ ﻣﺎ ﻛﺎﻝ ﻫﺬﺍ ﺍﻟﻤﻲ ﺣﺎﺭ .. ﺫﻳﺞ ﺛﻼﺟﻪ ﺯﻏﻴﺮﻩ ﻃﻠﻌﻴﻠﻲ ﻣﻨﻬﺎ ﻣﻲ .. ﻓﺘﺤﺖ .. ﻟﻜﻴﺘﻬﺎ ﻛﻠﻬﺎ ﺑﻄﺎﻟﺔ ﺑﻴﺮﻩ ..
ﺗﻌﺠﺒﺖ .. ﻣﺎ ﻛﻨﺖ ﺍﻋﺮﻑ ﻋﺎﺩﻝ ﻳﺸﺮﺏ .. ﺳﻜﺘﺖ ﻃﻠﻌﺖ ﺍﻟﻤﻲ .. ﻭﺍﻧﻄﻴﺘﻪ .. ﻋﺮﻓﺖ ﺷﺎﺭﺏ ﻭﻫﺎﻱ ﺭﻳﺤﺔ ﺷﺮﺏ ..
ﻟﺸﻮﻱ .. ﻛﺎﻡ ﻃﻠﻊ ﻗﻮﻃﻴﺔ ﺑﻴﺮﻩ ﺷﺮﺑﻬﺎ ﻛﺎﻣﻠﻪ .. ﻭﻛﻒ .. ﻛﺘﻠﻪ ﺷﺒﻴﻚ .. ﻛﺎﻝ ﺩﺍ ﺍﺣﺲ ﺭﻭﺣﻲ ﺗﻠﻌﺐ .. ﻛﺘﻠﻪ ﺧﺎﻑ ﺛﻘﻠﺖ ﺑﺎﻻﻛﻞ
🌿
ﻃﻠﻊ ﺑﺴﺎﻉ .. ﻭﺭﺟﻊ .. ﻛﺘﻠﻪ ﻫﺎﺍ .. ﻛﺎﻝ ﺗﻘﻴﺌﺖ ﻭﻣﺨﻠﻲ ﺍﻳﺪﻩ ﻋﻠﻰ ﺭﺍﺳﻪ .. ﻭﻛﻌﺪ ﻋﻠﺴﺮﻳﺮ .. ﻛﺘﻠﻪ ﺗﺮﻳﺪ ﺍﺩﻟﻜﻠﻚ ﻓﺮﻭﺓ ﺭﺍﺳﻚ ﻟﺤﺘﻰ ﺗﺮﺗﺎﺡ ..
ﻛﺎﻝ ﻻ ﻻ ﻣﻴﺤﺘﺎﺝ .. ﺑﺲ ﺭﺍﺡ ﺍﻧﺎﻡ ﻋﺎﺩﻱ ﻣﺘﺘﻀﺎﻳﻘﻴﻦ .. ﻛﺘﻠﻪ ﻭﻟﻴﺶ ﺍﺗﻀﺎﻳﻖ .. ﻛﺎﻝ ﻳﻌﻨﻲ ﻻﻥ ﻋﺮﻭﺱ ﻭﺣﻘﺞ ﺍﺗﻔﺮﻏﻠﺞ ..
ﻛﺘﻠﻪ ﺣﺘﻨﺎﻡ .. ﻗﺎﺑﻞ ﺣﻄﻴﺮ .. ﻋﺎﺩﻱ ﺣﺒﻴﺒﻲ ﺍﺭﺗﺎﺡ ﻭﻻ ﻳﻬﻤﻚ .. ﺟﻨﺖ ﺍﺣﺠﻲ ﻭﺍﻧﻲ ﺍﺭﺟﻒ .. ﻭﺍﺗﻤﻨﻲ ﻣﺎ ﻳﺘﻘﺮﺑﻠﻲ ﺍﺧﺎﻑ ﻳﻌﺮﻑ ..
ﺍﻧﻮﺏ ﺧﻔﺖ ﺍﻛﺜﺮ ﻣﻦ ﺷﻔﺘﻪ ﺿﺎﻳﺞ ﻭﺗﻌﺒﺎﻥ .. ﺍﻧﻮﺏ ﺳﻜﺮ .. ﺷﻠﻮﻥ ﺭﺍﺡ ﻳﺘﻔﻬﻤﻨﻲ .. ﺍﻭﻳﻠﻲ ﻳﺎﺑﻪ ﺷﻴﺨﻠﺼﻬﺎ ..
ﻧﺎﻡ ﻫﻮﻩ .. ﺍﻧﻲ ﺑﻘﻴﺖ ﻛﺎﺗﻠﻨﻲ ﺍﻟﺨﻮﻑ ﻭﺍﻟﺘﻔﻜﻴﺮ .. ﻟﻞ 3 ﻭﻧﺺ ﺑﻠﻴﻞ .. ﻭﻫﻮﻩ ﻧﺎﻳﻢ .. ﺑﺪﺍ ﻳﺘﻘﺮﺑﻠﻲ ..
ﻣﺘﺖ ﺧﻮﻑ ﻻ ﺍﻛﺪﺭ ﺍﻣﻨﻌﻪ ﻭﻻ ﺍﻛﺪﺭ ﺍﻛﺘﻢ ﺧﻮﻓﻲ .. ﺩﻛﺎﺕ ﻛﻠﺒﻲ ﻳﻤﻜﻦ ﺣﺴﻴﺖ ﺍﻟﺒﻴﺖ ﻛﻠﻬﺎ ﺳﻤﻌﺘﻬﺎ ..
ﺍﺣﺲ ﻛﻠﺒﻲ ﺭﺍﺡ ﻳﻄﻠﻊ ﻣﻦ ﻣﻜﺎﻧﻪ ﻣﻦ ﺍﻟﺨﻮﻑ .. ﺑﺪﻭﻥ ﻣﻘﺪﻣﺎﺕ .. ﺍﺗﻘﺮﺑﻠﻲ .. ﺗﺄﺫﻳﺖ ﺣﻴﻴﻴﻞ .. ﺑﺲ ﺑﺪﻭﻥ ﺍﻱ ﻧﻔﺲ ﺑﺲ ﺍﻟﺰﻡ ﺑﺎﻟﻔﺮﺍﺵ ﻭﺍﻋﺼﺮ ﺑﺄﺩﻳﻪ ..
ﺍﺑﺘﻌﺪ ﻛﺎﻝ ﺩﺗﺘﺄﻟﻤﻴﻦ .. ﻫﻤﺴﺖ ﺍﻱ .. ﻛﺎﻝ ﺑﺲ ﻣﺎ ﺩﺍ ﺍﺣﺲ ﺑﺸﻲ .. ﻣﻦ ﻛﺎﻝ ﻫﻴﺞ ﺧﻼﺹ ﺻﻮﻓﺮﺕ ﻣﻦ ﺍﻟﺨﻮﻑ ﻭ ﻣﺎ ﺑﻘﺖ ﺭﻭﺡ ﺑﺠﺴﻤﻲ ..
ﻣﺎ ﺟﺎﻭﺑﺖ .. ﺭﺟﻊ ﺗﻘﺮﺑﻠﻲ 3 ﻣﺮﺍﺕ .. ﺍﺑﺘﻌﺪ .. ﻳﻜﻔﺮ ﻭﻳﻐﻠﻂ .. ﻛﺘﻠﻪ ﺷﺒﻴﻚ .. ﻛﺎﻝ ﺟﺎﻱ ﺗﺘﺄﺫﻳﻦ .. ﺑﺲ ﻣﺎ ﺟﺎﻱ ﺍﺣﺲ ﺑﻴﺞ ﺑﻨﻴﻪ ..
ﻛﺄﻧﻲ ﻣﺘﻘﺮﺑﻠﻲ ﻟﺒﻨﺖ ﻣﺘﺰﻭﺟﻪ ﺳﺎﺑﻘﺎ .. ﻛﺘﻠﻪ ﻳﻌﻨﻲ ﺷﻨﻮ .. ﻛﺎﻝ ﺩﻡ ﻣﺎﻛﻮ ﻭﻣﻦ ﺍﺗﻘﺮﺏ ﺩﺍ ﺍﺣﺲ ﺑﻔﺮﺍﻍ ﻳﻌﻨﻲ ﻏﺸﺎﺀ ﻣﺎﻛﻮ ﺩﺗﻔﺘﻬﻤﻴﻴﻴﻴﻴﻴﻴﻦ ..
ﺻﺮﺥ ﺑﻮﺟﻬﻲ .. ﺧﻠﻴﺖ ﺍﻳﺪﻱ ﻋﻠﻰ ﺭﺍﺳﻲ .. ﺍﺑﺘﻌﺪ ﻣﻨﻲ ﻭﺭﺍﺡ ﻃﻠﻊ ﺑﻄﻞ ﺑﻴﺮﻩ ﻭﻛﻼﺹ ﻭ ﺍﺗﻤﺪﺩ ﻋﻠﻰ ﻛﻨﺒﻪ ﻣﻔﺮﺩﻩ .. ﻭﻳﺪﺧﻦ ﺟﻜﺎﻳﺮ ﻭﻳﺸﺮﺏ ﺑﻌﺼﺒﻴﻪ ..
ﺍﻧﻲ ﻟﺒﺴﺖ ﻭﻛﻌﺪﺕ ﻣﻴﺘﻪ ﺧﻮﻑ .. ﺍﻟﺴﻜﻮﺕ ﺍﺻﻌﺐ ﻣﻦ ﺍﻟﺤﺠﻲ .. ﺗﺤﺲ ﻋﻴﻮﻧﻚ ﺗﻔﻀﺤﻚ ﻣﻦ ﺍﻟﺨﻮﻑ ..
ﺑﺎﻭﻋﻠﻲ ﺑﻐﻀﺐ .. ﻭﺍﺟﻪ .. ﻟﺰﻣﻨﻲ ﻣﻦ ﺯﻧﺪﻱ ﺣﻴﻞ .. ﻛﺎﻝ ﻓﻬﻤﻴﻨﻲ ﺍﻣﺮﺝ ﺷﻨﻮ .. ﺑﻘﺖ ﺩﻣﻮﻋﻲ ﺗﺠﺮﻱ ..
ﻛﺎﻝ ﻭﻟﺞ ﺍﺣﺠﻲ ﺍﻛﻮ ﺍﺣﺪ ﻣﺘﻘﺮﺑﻠﺞ .. ﻛﺘﻠﻪ ﻻ ﻭﺍﻟﻠﻪ ﻣﺤﺪ ﻣﺘﻘﺮﺑﻠﻲ ﺑﺤﻴﺎﺗﻲ ﻏﻴﺮﻙ .. ﻛﺎﻝ ﻫﺎﻱ ﺳﻮﻟﻔﻴﻬﻦ ﻋﻠﻰ ﻭﺍﺣﺪ ﺯﻭﺝ ﻏﻴﺮﻱ ..
ﻟﺞ ﺑﺎﺑﺎ ﺩﺍ ﺍﺣﺲ ﺑﻔﻀﺎﺀ ﻣﺎﻛﻮ ﺗﻌﺮﻓﻴﻦ ﺷﻨﻮ ﻳﻌﻨﻲ ﻣﺎ ﺍﺣﺲ ﺑﺒﻜﺎﺭﺗﺞ .. ﺟﺎﻭﺑﻴﻨﻲ ﺍﻧﺘﻲ ﺑﺎﻛﺮ ﻟﻮ ﻟــ NO ـﺎ ..
ﺳﻜﺘﺖ .. ﺻﺎﺡ ﺑﻜﻞ ﺻﻮﺗﻪ ﺟﺎﻭﺑﻴﻴﻴﻴﻴﻴﻴﻴﻴﻴﻴﻴﻴﻴﻲ .. ﻭﻳﻬﺰ ﺑﺄﻳﺪﻱ .. ﻭﺟﺴﻤﻲ ﻛﻠﻪ ﻳﻨﻬﺰ ﻭﻳﺎﻩ ﻣﻦ ﻗﻮﺓ ﻟﺰﻣﺘﻪ .. ﻫﺰﻳﺘﻠﻪ ﺭﺍﺳﻲ ..
ﻛﺎﻝ ﺷﻨﻮ ﺍﻱ .. ﺍﻧﺘﻲ ﺑﺎﻛﺮ ﻟﻮ ﻻ .. ﻫﺰﻳﺘﻠﻪ ﺭﺍﺳﻲ .. ﺑـ ﻣﻌﻨﻰ ﻟــ NO ـﺎ .. ﻛﺎﻝ ﺷﻠﻮﻭﻭﻥ . ﻟﺞ ﺍﺣﺠﻴﻬﺎ ﺍﺣﺠﻴﻬﺎ .. ﺍﻱ ﻟﻮ ﻻ ..
ﻛﺘﻠﻪ ﻋﺎﺩﻝ ﺑﺲ ﺍﺳﻤﻌﻨﻲ ﺧﻞ ﺍﺷﺮﺣﻠﻚ .. ﻛﺘﻠﻪ ﻫﻴﺞ .. ﻟﻮ ﺣﺴﻴﺖ ﻋﻴﻮﻧﻪ ﻭﻛﻔﻦ ﺑﺎﻟﻄﻮﻝ .. ﻟﺰﻣﻨﻲ ﻣﻦ ﺷﻌﺮﻱ ..
ﻭﻟﻄﺸﻨﻲ ﺑﺎﻟﻜﺎﻉ .. ﻭﺩﻓﺮ ﺑﺮﺟﻠﻪ .. ﻭﻳﻐﻠﻂ ﻭﻳﻔﺸﺮ ﻭﻛﻼﻡ ﻋﻤﺮﻱ ﻣﺴﺎﻣﻌﺘﻪ ﻣﻦ ﺍﻟﻐﻠﻂ ﻭﺍﻻﺳﺎﺋﻪ ﻃﻠﻌﻨﻲ ﺑﻨﺖ ﻟﻴﻞ ..
ﻭﺍﻧﻲ ﻛﺎﻋﺪ ﻭﺍﺑﻮﺱ ﺑﺮﺟﻠﻪ ﺑﺲ ﺍﺳﻤﻌﻨﻲ ﻭﻫﻮﻩ ﻳﺪﻓﺮﻧﻲ .. ﻭﺳﺎﻋﻪ ﻳﻀﺮﺑﻨﻲ ﺑﺮﺍﺳﻲ ﺑﺮﺟﻠﻪ .. ﺳﺎﻋﻪ ﻋﻠﻰ ﺧﺎﺻﺮﺗﻲ ..
ﺍﻧﻮﺏ ﻻﺯﻣﻨﻲ ﺑﻮﻛﺴﻴﺎﺕ .. ﺣﻠﻜﻲ ﻛﻠﻪ ﺻﺎﺭ ﻳﺠﺮﻱ ﺩﻡ .. ﻛﻤﺖ ﺑﺲ ﺍﺗﻔﻞ ﺩﻡ ﻭﺩﻣﻮﻋﻲ ﺗﺠﺮﻱ ﺑﻐﺰﺍﺭﻩ .. ﻭﺍﻛﻮﻟﻪ ﺑﺲ ﺍﺳﻤﻌﻨﻲ ﻓﺪﻭﻩ ﺍﻟﻠﻪ ﻳﺨﻠﻴﻚ
. . . ..
ﻛﺎﻝ ﻭﻟﺞ ﺷﺴﻤﻊ ﺍﺻﺨﺎﻡ ﻭﺟﻬﺞ ﺑﻨﺖ ﺍﻟﻜﻠﺐ .. ﺑﻨﺖ ﺍﻟﺴﻜﻂ .. ﺍﻣﺞ ﻫﻴﺞ ﻭﺧﻮﺍﻟﺞ ﻫﻴﺞ .. ﻛﺘﻠﻪ ﻭﺍﻟﻠﻪ ﻣﺤﺪ ﺍﺗﻘﺮﺑﻠﻲ ..
ﻛﺎﻝ ﻭﺑﻌﺪﺝ ﺗﻨﻜﺮﻳﻦ .. ﺑﻘﻰ ﻳﻀﺮﺏ ﺭﺍﺷﺪﻳﺎﺕ ﻭﺑﻮﻛﺴﻴﺎﺕ ﻋﻠﻰ ﻭﺟﻬﻲ ﻭﺟﺴﻤﻲ .. ﻭﺍﻟﺒﺎﺏ ﻛﺎﻣﺖ ﺍﺩﻙ ﺣﻴﻞ .. ﻭﻳﺼﺮﺧﻮﻥ ﻭﻟﻚ ﺷﻜﻮ ﺍﻓﺘﺢ ﺍﻟﺒﺎﺏ ..
ﻛﺎﻝ ﺍﻧﺘﻲ ﻋﺎﺭ ﻻﺯﻡ ﺍﺧﻠﺺ ﻣﻨﺞ .. ﻟﺰﻣﻨﻲ ﺧﻨﻜﻨﻲ ﻣﻦ ﺭﻛﺒﺘﻲ .. ﻛﻤﺖ ﺍﺩﻙ ﺑﺄﺩﻳﻪ ﻋﻠﻜﺎﻉ ﺍﺧﺘﻨﻜﺖ .. ﺍﻧﻮﺏ ﻛﻤﺖ ﺍﺿﺮﺏ ﻋﻠﻴﻪ ..
ﻭﺍﺯﻟﻎ ﺑﺠﺘﻔﻪ ﻭﺭﻛﺒﺘﻪ .. ﺍﺣﺲ ﺭﻭﺣﻲ ﻃﻠﻌﺖ ﻣﻦ ﻋﻴﻮﻧﻲ .. ﺧﻼﺹ ﺷﻔﺖ ﺍﻟﻤﻮﺕ ﺑﻌﻴﻨﻲ ﻭﺍﻟﻠﻪ ..
ﻛﻞ ﺟﺴﻤﻲ .. ﻳﻀﺮﺏ ﺑﺎﻟﻜﺎﻉ .. ﺍﻟﻰ ﺍﻥ ﻧﻜﺴﺮ ﺍﻟﺒﺎﺏ ﻭﺩﺧﻠﻮ ﺍﻣﻪ ﻭﺍﺑﻮﻩ .. ﻋﻤﺘﻲ ﺟﺮﺕ ﻋﺎﺩﻝ ﻣﻨﻲ .. ﺍﻧﻲ ﺑﺲ ﺍﻛﺢ ﻭﺍﺭﻳﺪ ﺍﺟﺮ ﺍﻟﻬﻮﻩ ﻣﺎﻛﻮ ﻣﺨﺘﻨﻜﻪ ..
ﺍﺭﻳﺪ ﺍﺷﻮﻑ ﻣﺎﻛﻮ ﻣﻦ ﻛﺪ ﻣﺎ ﺧﻨﻜﻨﻲ .. ﺍﺳﻤﻌﻪ ﻳﻜﻠﻬﺎ ﻫﺎﻱ ﺍﻟﻔﻀﻠﺘﻴﻬﺎ ﻋﻠﻰ ﺣﻨﻴﻦ .. ﻫﺎﻱ ﺍﻟﻜﻠﺘﻲ ﻋﻠﻴﻬﺎ ﺑﺖ ﺍﺧﻮﺝ .. ﻭﺍﻋﺮﻓﻬﺎ ..
ﺍﺧﺬﻳﻬﺎ ﻟﻠﺸﺮﻳﻔﻪ ﺑﺖ ﺍﺧﻮﺝ .. ﻛﺎﻟﺘﻠﻪ ﻧﺠﺐ ﺷﺒﻴﻬﺎ ﺍﺣﺠﻲ .. ﻛﺎﻟﻬﺎ ﺍﺳﺌﻠﻴﻬﺎ .. ﺍﺗﻘﺮﺑﺘﻠﻬﺎ ﻃﻠﻌﺖ ﻣﻮ ﺑﺎﻛﺮ ..
ﺻﺮﺧﺖ ﻳﻤﻤﻤﻤﻤﻪ .. ﻋﺰﺍ ﺍﻟﻌﺰﺍﺝ ﻛﻮﻭﻥ .. ﻭﺍﺟﺖ ﺗﻀﺮﺏ ﻋﻠﻴﻪ .. ﺻﺪﻙ ﻭﻟﺞ ﻳﺤﺠﻲ ﻟﻮ ﺟﺬﺏ .. ﺍﺑﻮ ﻛﺎﻟﻪ ﺷﻨﻮ ﻳﻌﻨﻲ ﺧﺎﺩﻋﺘﻨﻪ ..
ﻛﺎﻟﻪ ﺍﺳﺌﻠﻬﺎ .. ﺳﺌﻠﺘﻬﺎ ﺍﻧﺘﻲ ﺑﺎﻛﺮ ﺗﻜﻠﻲ ﻻ .. ﺗﻌﺘﺮﻑ ﺑﻨﻔﺴﻬﺎ .. ﺍﺑﻮ ﻛﺎﻡ ﻳﻐﻠﻂ ﻭﻳﺴﺐ ﻭﻳﺘﻔﻞ ﻋﻠﻴﻪ .. ﻭﻋﻤﺘﻲ ﺗﻀﺮﺏ ﻭﺗﻐﻠﻂ ﻋﻠﻴﻪ ﻭﻋﻠﻰ ﺍﻣﻲ ..
ﻧﻬﻮﻧﻲ ﻛﺘﻞ .. ﺻﺎﺡ ﺍﺑﻮﻩ .. ﺷﻴﻠﻬﺎ ﺷﻴﻞ ﻫﺰﺑﺎﻟﻪ ﻣﻦ ﺑﻴﺘﻨﺎ ﻭﺩﻫﺎ ﻟﺒﻴﺖ ﺍﺑﻮﻫﺎ ﻋﺴﺎﻫﺎ ﻻ ﺭﺟﻌﺖ .. ﺧﻞ ﻳﻐﺴﻞ ﻋﺎﺭﻩ ﻭﻧﻔﺘﻚ ..
ﻋﻤﺘﻲ ﻛﺎﻟﺖ ﺍﻱ ﻳﻐﺴﻞ ﻋﺎﺭﻩ ﻭﺍﺧﻮﻱ ﻭﺍﻋﺮﻑ ﻟﻮ ﻳﺪﺭﻱ ﺑﻴﻬﺎ ﻳﺬﺑﺤﻬﺎ .. ﺑﺲ ﻫﺎﻱ ﺗﻬﺮﻡ ﻭﻳﻪ ﺍﻟﻮﻟﺪ ..
ﻏﺮﻳﺒﻪ .. ﻣﻮ ﺍﻣﻬﺎ ﺷﺮﺩﺕ ﻭ ﻋﺎﻓﺖ ﺍﻫﻠﻬﺎ ﻭﺍﺟﺖ ﻟﺒﻐﺪﺍﺩ .. ﻭﻳﻪ ﺍﺧﻮﻱ .. ﻫﺎﻱ ﺑﺖ ﺍﻣﻬﺎ ﻭﺍﺿﺮﺏ ﺑﻌﺪ .. ﻳﻠﻌﺒﻦ ﺷﻠﻢ ﺑﻠﻢ ..
ﻛﻮﻩ ﺍﺣﺠﻲ .. ﻛﺘﻠﻬﺎ ﻋﻤﻪ ﻭﺍﻟﻠﻪ ﻣﺤﺪ ﺍﺩﻧﺎﻟﻲ .. ﻛﺎﻟﺖ ﻫﺶ ﻫﺸﺸﺶ ﺑﻨﺖ ﺍﻟﺨﺎﻳﺒﻪ ﺑﻨﺖ ﺍﻝ .… ﻭﻓﺸﺎﺭ ﻭﻏﻠﻂ ﻋﻠﻰ ﺍﻣﻲ ﻣﻴﻠﺒﺲ ﻋﻠﻴﻪ ..
ﻛﺎﻟﺘﻠﻪ ﺷﻴﻠﻬﺎ ﻭﺩﻳﻬﺎ ﻻﺑﻮﻫﺎ .. ﺧﻞ ﻳﺬﺑﺤﻬﺎ ﺭﺟﻌﻬﺎ .. ﻟﺰﻣﻨﻲ ﻣﻦ ﺍﻳﺪﻱ ﻋﺎﺩﻝ ﻭﺟﺮﻧﻲ .. ﻛﻤﺖ ﺍﺑﻮﺱ ﺑﻴﺪﻩ ﺍﺳﺘﺮ ﻋﻠﻴﻪ ﺍﻟﻠﻪ ﻳﺨﻠﻴﻚ ﻭﺍﻟﻠﻪ ﻣﺎ ﻏﻠﻄﺖ ﻭﻱ ﻭﺍﺣﺪ ﻭﺍﻟﻠﻪ ..
ﻭﺍﻟﻠﻪ ﺍﻧﻲ ﺳﻮﻳﺖ ﻫﻴﺞ ﺑﻨﻔﺴﻲ .. ﻋﺎﺩﻟﻠﻠﻠﻞ ﻓﺪﻭﻩ ﻻ ﺗﺮﺟﻌﻨﻲ ﻻﻫﻠﻲ ﻭﺗﻔﻈﺤﻨﻲ ﻳﺬﺑﺤﻮﻧﻲ ﻭﺍﻟﻠﻪ ﻳﺬﺑﺤﻮﻧﻲ .. ﺍﺑﺠﻲ ﻭﺍﺗﻮﺳﻞ ﺑﻴﻪ ﻭﻫﻮﻩ ﻳﺼﺮﺥ ﻭﻳﻔﺸﺮ ﻋﻠﻴﻪ ..
ﻭﻻ ﻳﺴﻤﻌﻨﻲ .. ﻟﺤﺪ ﻣﺎ ﺳﻤﻌﺖ ﺑﻜﺮ ﺻﺎﺡ ﺑﺼﻮﺕ ﻋﺎﻟﻲ .. ﻫﺎﻱ ﺷﻜﻮﻭﻭﻭﻭﻭ .. ﺍﻣﻪ ﻛﺎﻟﺖ ﺍﺟﻪ ﺑﻜﺮ .
ﺧﻮ ﻫﺬﺍ ﺧﺒﻞ ﻣﺎ ﻳﺘﻔﺎﻫﻢ ﺑﻬﻴﺞ ﺍﻣﻮﺭ .. ﻃﻠﻘﻪ ﺑﺮﺍﺳﺞ ﻭﻳﻔﻜﻨﻪ .. ﺩﺧﻞ ﺑﻜﺮ .. ﺑﺎﻭﻋﻠﻲ .. ﻓﺘﺢ ﻋﻴﻮﻧﻪ ..
ﺻﺎﺡ ﻫﺎﻱ ﺷﻤﺴﻮﻱ ﺑﻴﻬﺎ ﻛﻠﺐ .. ﻋﺎﺩﻝ ﻻﺯﻣﻨﻲ ﻣﻦ ﺯﻧﺪﻱ .. ﺷﻤﺮﻧﻲ ﺣﻴﻞ ﻋﻠﻰ ﺑﻜﺮ .. ﻛﺎﻟﻪ ﺑﺖ ﺧﺎﻟﻚ ﻫﺎﻱ ﻃﻠﻌﺖ ﻣﻮ ﺷﺮﻳﻔﻪ ..
ﺍﻧﻲ ﻛﻌﺪﺕ ﻣﻦ ﺍﻟﻢ ﺑﺎﻟﻜﺎﻉ .. ﻣﺎ ﺍﻟﻲ ﺳﻴﻄﺮﻩ ﺍﻭﻛﻒ .. ﻛﺎﻟﻪ ﺷﺘﺤﺠﻲ ﻟﻚ ﺍﺷﺮﺭﻑ ﻣﻨﻚ ﺣﻘﻴﺮ ﺷﻠﻮﻥ ﺗﺤﺠﻲ ﻋﻠﻴﻬﺎ ﻫﻴﺞ ..
ﻛﺎﻟﻪ ﻳﺎ ﺧﻮﻱ ﻫﺎﻙ ﺍﺳﺌﻠﻬﺎ ﺍﻧﺘﻲ ﺑﺎﻛﺮ ﻟﻮ ﻻ .. ﻭﻟﻚ ﻭﺻﻠﺘﻬﺎ 3 ﻣﺮﺍﺕ .. ﻣﺎﻛﻮ ﺩﻡ .. ﻣﺎ ﺍﺣﺲ ﺑﻴﻬﺎ ﺑﻴﻬﺎ ﺑﻨﻴﻪ ..
ﺑﻘﻰ ﻳﺒﺎﻭﻉ ﺑﻮﺟﻪ ﻋﺎﺩﻝ ﺑﻐﻀﺐ .. ﻛﺎﻟﻪ ﺷﺘﺤﺠﻲ .. ﻛﺎﻟﻪ ﻛﺪﺍﻣﻚ ﻭﺍﺳﺌﻠﻬﺎ .. ﺩﺍﺭ ﻭﺟﻬﺎ ﻋﻠﻴﻪ .. ﻛﺎﻝ ﺍﻟﻴﺤﺠﻴﻪ ﺻﺪﻭﻙ ..
ﺑﻘﺖ ﺑﺲ ﺩﻣﻮﻋﻲ ﺗﺠﺮﻱ ﻭﻣﺪﻧﻜﻪ ﺭﺍﺳﻲ .. ﻻﺯﻣﻨﻲ ﺣﻴﻞ .. ﻭﺻﺎﺡ .. ﺟﺎﻱ ﺍﺣﺠﻲ ﻭﻳﺎﺍﺍﺍﺍﺍﺍﺍﺍﺍﺍﺍﺝ .. ﺻﺢ ﺍﻧﺘﻲ ﻣﻮ ﺑﺎﻛﺮ ..
ﻫﺰﻳﺘﻠﻪ ﺭﺍﺳﻲ ﺍﻱ .. ﺩﻓﺮﻧﻲ ﻋﺎﺩﻝ ﺑﺨﺎﺻﺮﺗﻲ .. ﻛﺎﻟﻪ ﺷﻔﺖ .. ﺷﻔﺖ ﺑﺖ ﺧﺎﻟﻚ ﺍﻟﺸﺮﻳﻒ ﺷﻄﻠﻌﺖ ..
ﺟﺮﻧﻲ ﻣﻦ ﺍﻳﺪﻱ ﻋﺎﺩﻝ .. ﻭﻛﺎﻟﻪ ﺧﻞ ﺍﺭﺟﻌﻬﺎ ﻟﺒﻴﺖ ﺍﻟﺨﻠﻔﻬﺎ .. ﻭﻧﻄﻠﻊ ﻣﻦ ﻋﺎﺭﻫﺎ .. ﺭﺍﺩ ﻳﻤﺸﻲ ﺑﻴﻪ ..
ﻟﺰﻣﻨﻲ ﺑﻜﺮ .. ﻛﺎﻟﻪ .. ﺩﺧﻠﺖ ﺑﻴﺘﻨﺎ .. ﺻﺎﺭﺕ ﻋﺮﺿﻨﺎ .. ﺍﺣﻨﻪ ﻧﻌﺮﻑ ﺷﻠﻮﻥ ﻧﺘﺼﺮﻑ ﻭﻳﻪ ﻋﺮﺿﻨﺎ ﻭﻧﻐﺴﻞ ﻋﺎﺭﻧﺎ .. ﻳﺘﺒﻊ
🌺🌺🌺🌺
ﻣﺘﺎﺑﻌﻪ ﻣﻤﺘﻌﻪ ..
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء