رواية حكاية سمر ج1 الجزء الرابع
للكاتبة زينب ماجد
🌿
ﻛﻤﺖ ﻣﻦ ﺍﻻﻛﻞ .. ﺭﺣﺖ .. ﺟﺎﻱ ﺍﻏﺴﻞ .. ﻟﻜﻴﺖ ﺑﻜﺮ ﻋﻠﻤﻐﺴﻠﻪ .. ﺧﻔﺖ ﺍﻏﺴﻞ ﻣﺪﺭﻱ ﺍﺳﺘﺤﻴﺖ ﻣﺎ ﺍﻋﺮﻑ ..
ﺗﺮﺍﺟﻌﺖ .. ﺭﺩﺕ ﺍﺭﻭﺡ ﻟﻠﻤﻄﺒﺦ ﺍﻏﺴﻞ .. ﺻﺎﺡ ﻭﺭﺍﻳﻪ ﺑﻜﺮ .. ﺩﺭﺗﻠﻪ ﻭﺟﻬﻲ .. ﻛﺎﻝ ﺗﻌﺎﻱ ﻏﺴﻠﻲ ﻛﻤﻠﺖ .. ﻛﺘﻠﻪ ﻻ ﻋﺎﺩﻱ .. ﺍﺭﻭﺡ ﻟﻠﻤﻄﺒﺦ ..
ﺭﺣﺖ ﻟﻠﺴﻨﻚ ﻏﺴﻠﺖ .. ﺭﺟﻊ ﺍﺟﻪ ﻳﻤﻲ .. ﻛﺎﻝ ﻋﺪﻛﻢ ﻋﻮﺩ ﺍﺳﻨﺎﻥ .. ﺻﻔﻨﺖ ﺑﻮﺟﻬﺎ .. ﻛﺘﻠﻪ ﻫﺎﺍﺍ ..
ﻛﺎﻝ ﺷﺒﻴﺞ .. ﻋﻮﺩ ﺍﺳﻨﺎﻥ .. ﻛﻮﻩ ﺗﺴﺘﻠﻤﻴﻦ .. ﺩﺍ ﺍﻃﻠﻌﻠﻪ ﻳﻬﺰ ﺑﻴﺪﻩ ﻭﻛﺎﻝ ﺍﺳﺘﻐﻔﺮ ﺍﻟﻠﻪ .. ﺍﻧﻄﻴﺘﻪ .. ﺍﺧﺬﻩ ﻣﻦ ﺍﻳﺪﻱ ﻭﻣﺸﻪ .. ﺧﺮﺭﺏ ﻫﺬﺍ ﺷﺒﻴﻪ .. ﻫﻮﻩ ﺣﻈﻲ ﻭﻳﺎﻣﻦ ﻛﻌﺪ ﺑﻘﺖ ﻋﻠﻴﻚ ..
ﺳﻮﻳﺖ ﺍﻟﺠﺎﻱ .. ﻭﺭﺣﺖ ﻭﺩﻳﺘﻪ ﻳﻤﻬﻢ .. ﺩﻧﺤﺠﻲ .. ﺣﺠﺖ ﻋﻤﺘﻲ ﻭﻳﻪ ﺍﺑﻮﻳﻪ ﺑﺼﻮﺕ ﻭﺍﺿﺢ .. ﻛﻠﻨﻪ ﺍﻧﺘﺒﻬﻨﻪ .. .. ﻭﺍﻟﻠﻪ ﻳﺎ ﻋﺰﻳﺰ .. ﺍﻧﻲ ﺟﺎﻳﺘﻜﻢ ﺍﻟﻴﻮﻡ ﻭﺩﺍﻛﻪ ﺑﺎﺑﻚ ..
ﻛﺎﻟﻬﺎ ﺗﻔﻀﻠﻲ .. ﻛﺎﻟﺘﻠﻪ ﺍﻧﻲ ﺳﻤﻌﺖ ﺗﺮﻳﺪ ﺗﺰﻭﺝ ﺳﻤﺮ .. ﻭﺍﻧﻪ ﻣﻦ ﻫﻴﻪ ﻭﺯﻏﻴﺮﻩ .. ﺍﺣﺒﻬﺎ ﻭﻣﺨﻠﻴﻪ .. ﻋﻴﻨﻲ ﻋﻠﻴﻬﺎ ﻭﺍﺭﻳﺪﻫﺎ ﻟﻮﺍﺣﺪ ﻣﻦ ﻭﻟﺪﻱ ..
ﻭﺍﻧﻲ ﻫﺴـ now ــﮩﮧ ﺍﺭﻳﺪﻫﺎ ﻟﻌﺎﺩﻝ .. ﻻﻥ ﺑﻜﺮ ﻣﻮ ﻧﺎﻭﻱ ﻳﺘﺰﻭﺝ . ﻭﺍﻧﻲ ﺍﺭﻳﺪﻟﻲ ﺟﻨﻪ ﺑﺎﻟﺒﻴﺖ .. ﺗﻤﻠﻲ ﻋﻠﻴﻪ ﺍﻟﺒﻴﺖ
ﻛﺎﻟﻠﻬﺎ ﺍﺑﻮﻳﻪ .. ﺑﺲ ﻫﻴﻪ ﺗﺪﺭﺱ .. ﻛﺎﻟﺘﻠﻪ ﺍﻱ ﺷﻜﻮ ﺑﻴﻬﺎ ﺗﺨﻠﺺ ﺩﺭﺍﺳﻪ ﻣﺎ ﻋﺪﻧﻪ ﺍﺷﻜﺎﺍﻝ ..
ﺭﺩﺕ ﺍﻛﻮﻭﻡ ﺍﺳﺘﺤﻴﺖ .. ﻛﺎﻟﺖ ﻻ ﻋﻤﻪ ﻛﻌﺪﻱ ﺍﺭﻱ ﺍﺷﻮﻑ ﺭﺃﻳﺞ .. ﺍﺑﺎﻭﻉ ﻟﻌﺎﺩﻝ .. ﺩﻧﻚ .. ﻭﻣﺸﺎﻝ ﺭﺍﺳﻪ .. ﺧﺠﻠﺖ ﺍﺑﻘﻰ .. ﻋﻔﺘﻬﻢ ﻭﻃﻠﻌﺖ ..
ﺑﻘﻮ ﻫﻤﻪ ﻳﺤﺠﻮﻥ .. ﻳﺎﺭﺑﻲ ﻭﻗﺘﻬﺎ .. ﺍﻧﻮﺏ ﻣﻦ ﻋﺎﺩﻝ .. ﺣﺎﺳﺒﺘﻪ ﺍﺧﻮﻳﻪ ﺷﻠﻮﻥ ﻫﻴﺞ .. ﺍﺭﻭﺡ ﺍﺗﻔﺸﻞ ﻭﻳﺎﻫﺎ ﺑﺴﺎﻟﻔﺘﻲ ..
ﺍﻭﻭﻭﻑ ﻳﺎﺭﺑﻲ ﻫﻮﻭﻭﺍﻙ .. ﺳﺎﻋﺪﻧﻲ .. ﻛﻌﺪﺕ ﺑﻐﺮﻓﺘﻲ .. ﻟﺸﻮﻱ ﺣﺴﻴﺘﻬﻢ ﻃﻠﻌﻮ .. ﻧﺰﻟﺖ ﺍﻏﺴﻞ ﺍﻟﻤﻮﺍﻋﻴﻦ ..
ﻛﺎﻟﺖ ﺍﻣﻲ ﺳﻤﻌﺘﻲ ﻟﻮ ﻟــ NO ـﺎ .. ﺑﺎﻭﻋﺘﻠﻬﺎ .. ﻫﺎ .. ﻛﺎﻟﺘﻠﻲ .. ﻋﻤﺘﺞ ﺭﺍﻳﺪﺗﺞ ﻟﻌﺎﺩﻝ .. ﻛﺘﻠﻬﺎ .. ﻳﻮﻡ ﻣﺎ ﺍﻓﻜﺮ ﺑﺰﻭﺍﺝ ..
ﻛﺎﻟﺖ ﻻ ﺗﻔﻜﺮﻳﻦ .. ﺑﻌﺎﺩﻝ .. ﺍﻟﺠﺎﻱ ﺍﺣﺴﻦ ﻣﻨﻪ .. ﻛﺘﻠﻬﺎ ﻻ ﻋﺎﺩﻝ ﻭﻻ ﻏﻴﺮﻩ ﻣﺎ ﺍﺭﻳﺪ .. ﻛﺎﻟﺘﻲ ﺍﺑﻦ ﺍﻡ ﺭﻭﺩﻩ .. ﺑﺎﻟﻮﺯﺍﺭﻩ ﻳﺸﺘﻐﻞ ..
ﻭﺭﺍﻳﺪﺝ .. ﻛﺘﻠﻬﺎ .. ﻳﻮﻭﻭﻡ .. ﻛﺎﻟﺖ ﻭﺳﻤﻤﻢ .. ﺗﻮﺍﻓﻘﻴﻦ .. ﻏﺼﺐ .. ﻛﺎﻓﻲ .. ﻛﻠﻪ ﺭﻓﺾ ﺭﻓﺾ ﺭﻓﺾ .. ﻛﺘﻠﻬﺎ ﻛﺎﻋﺪﻩ ﻋﻠﻜﻠﺒﺞ ..
ﺍﺟﻪ ﺑﺎﺑﺎ ﻛﺎﻟﻠﻬﺎ ﻻ ﺗﻀﺎﻳﻘﻴﻬﺎ ﺍﻡ ﺍﺣﻤﺪ .. ﻋﻠﻰ ﺭﺍﺣﺘﻬﺎ .. ﺗﻔﻜﺮ ﻭﺗﺮﺩ ﺟﻮﺍﺏ .. ﻛﻤﻠﺖ ﻏﺴﻞ ﺭﺣﺖ ﻟﻐﺮﻓﺘﻲ ..
ﺍﻓﻜﺮ ﺍﻓﻜﺮ .. ﻳﺎﺭﺑﻲ ﺣﺒﻜﺖ ﺍﻻ ﺍﺗﺰﻭﺝ .. ﺷﻠﻮﻥ ﺑﻠﻠﻪ ﻭﺳﺎﻟﻔﺘﻲ ﺷﻴﻔﻀﻬﺎ .. ﺍﻧﻔﻀﺢ ﻭﺍﻣﻮﺕ ﻏﻴﺮ ..
ﺍﻛﺘﻞ ﺭﻭﺣﻲ ﺷﻠﻮﻭﻭﻥ . ﺑﻘﻴﺖ ﺍﻟﻠﻴﻞ ﻛﻠﻪ ﻭﻻ ﻧﻤﺖ ﻭﻻ ﻏﻔﺖ ﻋﻴﻨﻲ .. ﻛﻌﺪﺕ ﺍﻟﺼﺒﺢ ..
ﻋﻴﻮﻧﻲ ﻭﺍﺭﻣﻪ .. ﺭﺍﺳﻲ ﺩﺍﻳﺦ .. ﺍﺧﺬﺕ ﺍﻟﻔﻮﻥ .. ﺷﻔﺘﻪ .. 8 ﺍﺗﺼﺎﻻﺕ ﻣﻦ ﺍﺭﻛﺎﻥ .. ﺷﻤﺮﺗﻪ .. ﻭﻛﻌﺪﺕ ﺻﺎﻓﻨﻪ .. ﺍﻓﻜﺮ ..
ﻗﻄﻊ ﺍﻓﻜﺎﺭﻱ ﺍﺧﻮﻳﻪ ﺍﺣﻤﺪ .. ﻭﻫﻮﻩ ﻳﺼﻴﺢ .. ﺳﻤﺮﺭﺭﺭﺭﺭﺭ .. ﺻﺤﺖ .. ﻫﺎﺍﺍ .. ﻛﺎﻝ ﺗﻌﺎﻱ ﺩﻭﺭﻳﻠﻲ ﺗﻚ ﻫﺬﺍ ﺣﺬﺍﺋﻲ ﺷﻮ ﻣﺎﻛﻮ
...
ﻛﻌﺪﺕ ﺍﺩﻭﺭ ﺑﻐﺮﻓﺘﻪ .. ﻟﻜﻴﺘﻪ ﺟﻮﻩ ﺍﻟﺠﺮﺑﺎﻳﻪ .. ﻟﺒﺲ ﻭﻃﻠﻊ .. ﻛﻌﺪﺕ ﻋﻠﻪ ﺳﺮﻳﺮﻩ .. ﻳﺎﺭﺑﻲ ﺷﻠﻮﻥ ﺑﻠﻮﻩ ﺷﻠﻮﻥ ﺭﺍﺡ ﺍﺧﻠﺺ ..
ﺍﺣﺲ ﻫﻢ ﻭﻛﺎﺗﻢ ﻋﻠﻰ ﺍﻧﻔﺎﺳﻲ .. ﺷﻠﻮﻥ ﻫﻴﺞ ﻏﻠﻄﺖ ﻭﺿﻴﻌﺖ ﻧﻔﺴﻲ .. ﺭﺟﻌﺖ ﺍﻓﻜﺮ .. ﻣﻦ ﺟﻬﻪ ﻋﺎﺩﻝ ﺍﺳﺒﻮﺭﺗﻲ ..
ﻭﺍﺑﻦ ﻋﻤﺘﻲ .. ﻭﺍﻟﻲ ﻭﻳﺎﻩ ﻣﻴﺎﻧﻪ .. ﻳﺎ ﺗﺮﻯ ﻳﻜﺪﺭ ﻳﺘﻔﻬﻤﻨﻲ ﻟﻮ ﺣﺠﻴﺘﻠﻪ ﺍﻟﺤﻘﻴﻘﻪ .. ﺍﻱ ﺍﺧﺬ ﺍﺑﻦ ﻋﻤﺘﻲ ﺍﺣﺴﻦ ..
ﺑﻠﻜﺖ ﻳﺴﺘﺮ ﻋﻠﻴﻪ .. ﻻﻥ ﺯﻭﺝ ﻋﻤﺘﻲ ﻫﻢ ﻣﻮ ﻏﺮﻳﺐ .. ﻳﺼﻴﺮ ﺍﺑﻦ ﻋﻢ ﺑﺎﺑﺎ .. ﻳﻌﻨﻲ ﻋﺎﺋﻠﻪ ﻭﺣﺪﻩ .. ﺍﻛﻴﺪ ﺭﺍﺡ ﻳﺘﻔﻬﻤﻨﻲ ..
ﺭﺍﺡ ﻳﺘﻔﻬﻤﻨﻲ ﻟﻮ ﻻ .. ﻭﺍﺫﺍ ﻋﺼﺐ ﻭﺗﺨﺒﻞ ﻭﻣﺎ ﺻﺪﻛﻨﻲ ﺷﻠﻮﻥ .. ﻻ ﻋﺎﺩﻝ ﺍﻋﺮﻓﻪ .. ﺳﺒﻮﺭ ﻓﺪ ﻣﺮﻩ ﻣﺎ ﻋﻨﺪﻩ ﻋﻘﻠﻴﻪ ﻣﺘﺨﻠﻔﻪ ..
ﻟﻮ ﺑﻜﺮ ﺟﺎﻥ ﻛﻠﺖ ﻻ ﺑﺲ ﻋﺎﺩﻝ ﺍﻋﺮﻑ ﺗﻔﻜﻴﺮﻩ .. ﺍﻋﺘﻘﺪ .. ﻳﺘﻔﻬﻢ .. ﺑﻘﻰ ﺻﺮﺍﻉ ﺑﺮﺍﺳﻲ ﺑﺴﺒﺐ ﻫﻠﺸﻲ ﺍﻗﺒﻞ ﻟﻮ ﻻ .. ﺍﻗﺒﻞ ﻟﻮ ﻻ
ﺍﺟﺖ ﻣﺎﻣﺎ .. ﻛﺎﻟﻮ ﺷﻨﻮ ﻣﺎﻓﻜﺮﺗﻲ .. ﺗﺮﻩ ﺍﻧﻲ ﺍﺭﺩ ﺟﻮﺍﺏ ﻣﻮﺍﻓﻘﻪ ﻭﺍﻟﻠﻪ .. ﻛﺘﻠﻬﺎ ﻋﻠﻪ ﻣﻨﻮ .. ﻛﺎﻟﺖ ﻋﻠﻰ ﺍﺑﻦ ﻣﺮﻭﻳﺪﻩ ..
ﻛﺘﻠﻬﺎ ﻻ ﻋﺎﺩﻝ ﺍﺣﺴﻦ .. ﺷﻨﻮ ﻋﺎﺩﻝ .. ﺣﺘﻰ ﻭﺿﻴﻔﻪ ﻣﺎﻋﻨﺪﻩ ﻋﻄﺎﻝ ﺑﻄﺎﻝ .. ﻛﺘﻠﻬﺎ ﻣﺎﻣﺎ .. ﻋﺎﺩﻝ ﺍﻋﺮﻓﻪ .. ﻭﺍﻻﻋﺮﻓﻪ .. ﺍﺣﺴﻦ ﻣﻦ ﺍﻟﻤﺎ ﺍﻋﺮﻓﻪ ..
ﻛﺎﻟﺖ ﻭﻋﺎﺩﻝ ﺷﻌﻨﺪﻩ .. ﻛﺘﻠﻪ ﻋﻨﺪﻩ ﺍﺧﻼﻕ ﺗﻜﻔﻴﻨﻲ .. ﺷﺴﻮﻱ ﺑﺎﻟﺒﺎﻗﻲ .. ﻛﺎﻟﺖ ﻫﺎﻱ ﺍﺧﺮ ﻗﺮﺍﺭﺝ ..
ﻛﺘﻠﻬﺎ ﻟﻮ ﺗﺒﻘﻰ ﻋﻠﻴﻪ ﻣﺎ ﺍﻭﺍﻓﻖ .. ﺑﺲ ﻏﻴﺮ ﺍﻧﺘﻲ .. ﻛﺎﻟﺖ ﻫﺎﻫﻴﻪ .. ﺭﺍﺡ ﺍﺑﻠﻎ ﺍﺑﻮﺝ .. ﻭﺍﺷﻮﻑ ..
ﻭﺭﻩ ﺍﻳﺎﻡ .. ﻛﺎﻟﺖ ﺧﺎﺑﺮﺕ ﻋﻤﺘﺞ .. ﻭﺍﻧﻄﻴﺘﻬﺎ ﺍﻟﻤﻮﺍﻓﻘﻪ .. ﻭﻛﺎﻟﺖ ﺟﺎﻳﺘﻜﻢ ﺑﺎﺟﺮ ﻳﺘﻔﻘﻮﻥ ﻋﻠﺨﻄﺒﻪ ..
ﻛﺘﻠﻬﺎ ﺑﻬﺴﺮﻋﻪ .. ﻛﺎﻟﺖ ﺍﻱ ﺧﻴﺮ ﺍﻟﺒﺮ ﻋﺎﺟﻠﻮ .. ﺳﻜﺘﺖ .. ﻛﺘﻠﻪ ﻳﻤﻚ ﺭﺑﻲ ..
ﺑﻬﻠﻔﺘﺮﻩ .. ﺍﺭﻛﺎﻥ .. ﺗﻌﺐ ﻳﺘﺼﻞ .. ﻭﺍﻧﻲ ﻣﺎ ﺍﺭﺩ ..
ﺛﺎﻧﻲ ﻳﻮﻡ ﺍﺟﺖ ﻋﻤﺘﻲ ﻭﺍﺟﻪ ﻋﺎﺩﻝ .. ﺑﺲ ﻋﺎﺩﻝ ﻣﻮ ﺫﺍﻛﻪ ﻭﺟﻪ ﺍﻟﻴﻀﺤﻚ ﻭﻳﺎﻳﻪ ﻭﻳﻨﻜﺖ .. ﻳﻤﻜﻦ ﺧﺠﻼﻥ ﻣﺎ ﺍﻋﺮﻑ .. ﻭﺍﻧﻲ ﻫﻢ ﺧﺠﻼﻧﻪ ﻣﻨﻪ .. ﻻﻥ ﺍﻋﺘﺒﺮﻩ ﺍﺧﻮﻳﻪ ..
ﺍﺑﺎﻭﻋﻠﻪ .. ﻭﻻ ﺷﺎﻝ ﻋﻴﻨﻪ ﻋﻠﻴﻪ .. ﻭﻻ ﺟﻦ ﺫﺍﻙ ﺍﻟﻴﻮﻡ ﺍﻻﺯﻣﻨﻲ ﻭﻳﻀﺤﻚ ﻭﻳﺎﻳﻪ .. ﻣﺸﺎﻋﺮ ﺍﻟﺨﺠﻞ ﻭﺍﻟﺨﻮﻑ .. ﺍﺗﻤﺎﻟﻜﺘﻨﻲ .. ﺑﻘﻮ ﻳﺴﻮﻟﻔﻮﻥ ﻋﻠﺤﺎﻇﺮ ﻭﺍﻟﻐﺎﻳﺐ ..
ﻋﺎﺩﻝ ﺳﺎﻛﺖ ﻭﻣﻨﺰﻝ ﺭﺍﺳﻪ .. ﺍﻧﻲ ﺑﺮﻩ ﺑﺎﻟﻤﻄﺒﺦ ﻣﺪﺧﻠﺖ ﺑﺲ ﺍﺑﺎﻭﻋﻠﻪ ﻣﻦ ﺑﺎﺏ ﺍﻟﺼﺎﻟﻪ .. ﺑﻜﺮ ﻣﻮ ﻭﻳﺎﻫﻢ .. ﻣﺠﺎﻱ ..
ﺍﺗﻔﻘﻮ ﻋﻠﻰ ﻛﻮﻟﺸﻲ .. ﻭﺍﻧﻲ ﻏﻠﻘﺖ ﻓﻮﻧﻲ ﻋﻠﺘﻤﺎﻡ .. ﻟﺤﺘﻰ ﻟﻴﺘﺼﻞ ﺍﺭﻛﺎﻥ .. ﺷﻜﻮﻟﻪ ﻭﺍﻓﻘﺖ ﻋﻠﻰ ﻏﻴﺮﻙ .. ﻳﺘﺨﺒﻞ ﻏﻴﻴﺮ ..
ﻭﻣﺎ ﺍﻛﺪﺭ ﺍﻛﻮﻟﻪ ﻟﻴﺶ ﺍﻧﺠﺒﺮﺕ ﺍﺗﺮﻛﻚ .. ﻭﺍﻭﺍﻓﻖ ﻋﻠﻐﻴﺮﻙ .. ﺍﺩﺭﻱ ﺍﺭﻛﺎﻥ .. ﻣﺎ ﻳﻜﺪﺭ ﻳﺘﺤﻤﻞ ﺳﺎﻟﻔﺘﻲ ..
ﻋﺴﻰ ﻭﻟﻌﻞ ﻋﺎﺩﻝ ﻳﺘﻔﻬﻤﻨﻲ .. ﻭﻫﻮﻩ ﺍﺑﻮﻩ ﺍﺑﻦ ﻋﻤﻨﻪ ﻭﻫﻮﻩ ﺍﺑﻦ ﻋﻤﺘﻲ ﻳﻌﻨﻲ ﺻﻠﺔ ﻣﻘﺎﺭﺑﻪ .. ﺭﺍﺡ ﻳﺘﻔﻬﻤﻨﻲ .. ﺍﻱ ﻳﺘﻔﻬﻤﻨﻲ .. ﺑﺲ ﻣﺎ ﺍﻋﺮﻑ ﺷﺒﻴﻪ ..
ﻭﻟﻴﺶ ﻣﺎ ﺍﺟﻪ ﺗﺸﺎﻗﻪ ﻭﻳﺎﻳﻪ ﻣﺜﻞ ﻛﻞ ﻣﺮﻩ ﻭﺿﺤﻚ .. ﻣﻌﻘﻮﻟﻪ ﺧﺠﻼﻥ .. ﺍﻟﻠﻲ ﺍﻋﺮﻑ ﻋﺎﺩﻝ ﺟﺮﻳﺊ ﻣﺎ ﻋﻨﺪﻩ ﺧﺠﻞ .. ﺍﻭﻑ ﻳﻤﻜﻦ ﻫﻠﻤﻮﻗﻒ ﻏﻴﺮ ..
ﺭﺣﻨﺎ ﺍﺷﺘﺮﻳﻨﺎ ﺍﻟﺬﻫﺐ ﺍﻧﻲ ﻭﻣﺎﻣﺎ ﻭﻋﻤﺘﻲ .. ﻋﺎﺩﻝ ﻣﻘﺒﻞ ﻳﺠﻲ .. ﻛﺎﻟﺖ ﻋﻨﺪﻩ ﺷﻐﻞ .. ﻭﻫﻮﻩ ﻋﻄﺎﻝ ﺑﻄﺎﻝ .. ﻣﺎ ﺍﻋﺮﻑ ﻳﻤﻜﻦ ﺻﺪﻭﻙ ﻋﻨﺪﻩ ﺷﻐﻞ
..
ﺍﺟﺖ ﻳﻮﻡ ﺍﻟﺨﻄﻮﺑﻪ .. ﻛﻌﺪﺕ ﺍﻟﺼﺒﺢ .. ﺍﻟﺴﺎﻋﻪ 5 ﻗﺒﻞ ﺍﻟﻜﻞ .. ﻃﻠﻌﺖ ﺑﺎﻟﻄﺮﻣﻪ .. ﻓﺘﺤﺖ ﺍﺩﻳﻪ ﻭﺍﻧﻲ ﺍﺗﻨﻔﺲ ﻫﻮﺍ ﺍﻟﺼﺒﺢ ..
ﻭﺍﺭﺗﻞ ﺍﻳﺔ @ ﻭﺍﻟﺼﺒﺢ ﺍﺫﺍ ﺗﻨﻔﺲ @ ﺑﻘﻴﺖ ﺍﻛﺮﺭ ﺑﻴﻬﺎ ﻭﺍﻧﻲ ﺍﺳﺘﻨﺸﻖ ﺍﻟﻬﻮﺍ .. ﻳﺎﺭﺏ ﻋﻠﻴﻚ ﺗﻮﻛﻞ ﻓﺄﻛﻠﻨﻲ
ﺭﺟﻌﺖ ﻛﻌﺪﺕ ﻋﻠﻤﺮﺟﻮﺣﻪ .. ﺍﻟﻠﻲ ﺑﺎﻟﺤﺪﻳﻘﻪ . ﻭﺍﻓﻜﺮ .. ﺷﺮﺍﺡ ﻳﺼﻴﺮ ﺑﻴﻪ .. ﺭﺍﺡ ﻳﺘﻔﻬﻤﻮﻧﻲ .. ﺭﺍﺡ ﻳﺮﺣﻤﻮﻧﻲ ..
ﺷﻠﻮﻥ ﻟﻮ ﻣﺎ ﺻﺪﻛﻮﻧﻲ .. ﻭﻗﺘﻠﻮﻧﻲ .. ﺍﻭﻭﻭﻑ ﺭﺑﻲ ﺍﺭﻳﺪ ﺍﺧﻠﺺ ﻣﻦ ﻫﻼﻓﻜﺎﺭ .. ﺍﻟﻠﻪ ﻳﻠﻌﻨﻲ ﺷﺴﻮﻳﺖ ﺑﺤﺎﻟﻲ ..
ﺑﻘﻴﺖ ﺍﻓﻜﺮ ﻭﺩﻣﻮﻋﻲ ﺗﻨﺰﻝ ﻋﻠﺮﻭﺍﺀ .. ﻃﻠﻌﺖ ﺍﻣﻲ .. ﻛﺎﻟﺖ ﻫﺎﻱ ﺷﻤﻜﻌﺪﺝ ﻣﻦ ﺍﻟﺼﺒﺢ .. ﺍﻟﺘﻔﺘﺖ ﺍﻟﻬﺎ .. ﻛﺎﻟﺖ ﺟﺎﻱ ﺗﺒﺠﻴﻦ ..
ﺍﺗﻘﺪﻣﺖ ﻳﻤﻲ .. ﻛﺎﻟﺖ ﺷﺒﻴﺞ .. ﻛﺘﻠﻬﺎ ﻣﺎﻣﺎ ﻣﺎ ﺍﺭﻳﺪ ﺍﺗﺰﻭﺝ .. ﻛﺎﻟﺖ ﺗﻨﺴﻌﺪﻳﻦ ﻟﺘﺨﺎﻓﻴﻦ .. ﻛﻠﻨﻪ ﺟﻨﻪ ﺧﺎﻳﻔﻴﻦ ﻟﻤﺎ ﺍﻧﺨﻄﺒﻨﻪ ﺑﻌﺪﻳﻦ ﺍﺗﻌﻮﺩﻧﻪ ..
ﻛﺘﻠﻬﺎ .. ﻣﺎﻣﺎ ﻣﺠﺎﻱ ﺗﻔﺘﻬﻤﻴﻨﻲ .. ﻛﺎﻝ ﺷﻔﺘﻬﻢ ﺑﻨﺘﻲ ﺩﻃﺒﻲ ﺗﺮﻩ ﻭﺭﺍﻧﻪ ﻛﻮﻣﻪ ﺷﻐﻞ ﻛﻮﻣﻲ ﺩﻛﻮﻣﻲ ..
ﻋﺎﻓﺘﻨﻲ ﻭﻃﺒﺖ ﺟﻮﻩ .. ﺑﺎﻭﻋﺖ ﻟﻠﺴﻤﺎ .. ﻭﻛﺘﻠﻪ ﻭﺣﺪﻙ ﺗﻌﻠﻢ ﺍﻟﺤﺎﻝ .. ﺳﺎﻋﺪﻧﻲ .. ﻛﻤﺖ ﻃﺒﻴﺖ ﻭﺭﺍﻫﺎ ..
ﺗﻨﻀﻴﻔﺎﺕ ﺑﺴﻴﻄﻪ ﻭﺭﻳﻮﻙ .. ﻟﺸﻮﻱ ﺍﺟﻮ . ﺧﻮﺍﻟﻲ ﺍﻟﻠﻲ ﺑﺎﻟﻨﺠﻒ .. ﺍﻧﻲ ﺳﻠﻤﺖ ﻋﻠﻴﻬﻢ ﻭﻃﻠﻌﺖ ﺑﺴﺎﻉ ..
ﺍﺷﻮﻑ ﻭﺟﻪ ﺍﺭﻛﺎﻥ ﻳﺴﺄﻝ ﺑﻮﺟﻮﻫﻢ .. ﻟﻴﺶ ﺍﺗﺰﻭﺟﺖ .. ﺭﺩﺕ ﺍﺗﻬﺮﺏ ﻣﻨﻪ .. ﺭﻏﻢ ﺣﺒﻲ ﺍﻟﻪ .. ﻋﻔﺖ ﻭﻣﺸﻴﺖ ﻟﻠﺼﺎﻟﻮﻥ ..
ﻋﺪﻟﺘﻨﻲ ﺍﻡ ﺍﻟﺼﺎﻟﻮﻥ ﻭﻣﻜﻴﺠﺘﻨﻲ .. ﺍﺑﺎﻭﻉ ﻟﺸﻜﻠﻲ ﺣﻠﻮﻩ ﺻﺮﺕ ﺑﺲ ﻣﻮ ﻓﺮﺣﺎﻧﻪ .. ﺍﻱ ﻓﺮﺣﺔ ﺧﻄﺒﻪ ﻣﺎﻛﻮ ..
ﺟﺎﻧﺖ ﺧﺎﻟﺘﻲ ﺟﺎﻳﻪ ﻭﻳﺎﻳﻪ .. ﻟﻠﺼﺎﻟﻮﻥ .. ﺧﺎﺑﺮﺕ ﻋﻼﺧﻮﻳﻪ ﺍﺟﻪ ﺭﺟﻌﻨﻪ ﻟﻠﺒﻴﺖ .. ﺩﺧﻠﺖ ﺍﺷﺘﻐﻠﺖ ﺍﻟﻬﻼﻫﻞ ﻭﺍﻟﺼﻔﻜﺎﺕ ﻭﺍﻟﻬﻮﺳﺎﺕ ..
ﺟﻨﺖ ﺍﺑﺘﺴﻢ ﺍﺑﺘﺴﺎﻣﻪ ﻛﺬﺑﻴﻪ .. ﻣﺎ ﺍﻋﺮﻑ ﺍﺫﺍ ﻫﺬﺍ ﺍﻟﺰﻭﺍﺝ .. ﺭﺍﺡ ﻳﻜﻮﻥ ﺧﻼﺻﻲ .. ﺍﻭ ﺣﻜﻢ ﺍﻋﺪﺍﻣﻲ ..
ﻛﻌﺪﺕ .. ﺟﺎﻧﺖ ﺑﺪﻟﺘﻲ ﺣﻤﺮﻩ .. ﺟﺪﺍ ﻧﺎﺯﻛﻪ ﻣﺎﺑﻴﻬﺎ ﺷﻐﻞ ﻫﻮﺍﻳﻪ .. ﻛﻮﻟﺶ ﺣﻠﻮﻩ .. ﻟﺸﻮﻱ .. ﻛﺎﻟﻮ ﺍﺟﻮ .. ﺩﺧﻠﻮ ﺍﻟﺮﻳﺎﺟﻴﻞ ﻟﻼﺳﺘﻘﺒﺎﻝ ..
ﻭﺍﻟﻨﺴﻮﺍﻥ ﺍﺟﺖ ﻳﻤﻲ .. ﻛﻌﺪﻭ ﻗﺪﻣﻮﻟﻬﻢ ﻋﺼﻴﺮ ﻭﺑﻴﺒﺴﻲ .. ﻛﺎﻟﻮ ﻛﻮﻣﻮ ﺩﻧﻌﻘﺪﻟﻬﻢ .. ﻟﺒﺴﺘﻨﻲ ﻣﺎﻣﺎ ﺍﻟﻜﺎﺏ ﻣﺎﻝ ﺍﻟﺒﺪﻟﻪ ﻭﻣﺸﻴﺖ ..
ﺩﺧﻠﺖ ﻋﺎﺩﻝ ﻛﺎﻋﺪ .. ﺑﺲ ﻫﻠﻜﺪ ﺻﺎﻳﺮ ﺣﻠﻮ .. ﻫﻬﻪ ﺑﺲ ﺍﺑﺪ ﻣﺒﺎﻭﻋﻠﻲ .. ﻛﻌﺪﺕ ﺑﻘﻰ ﺍﻟﺸﻴﺦ ﻳﺮﺩﺩ ﺍﻟﻌﻘﺪ ..
ﺣﺠﻪ ﻭﻳﺎﻳﻪ ﻭﻛﺎﻝ ﺍﺟﻌﻠﻴﻨﻲ ﻭﻛﻴﻠﺞ .. ﻛﺘﻠﻪ ﺭﺿﻴﺖ ﺑﻚ ﻭﻛﻴﻞ ﻟﻲ .. ﺭﺩﺩ ﺍﻟﻌﻘﺪ ﻭﻳﻪ ﻋﺎﺩﻝ ﻭﻋﺎﺩﻝ ﺍﻧﻄﻪ ﺍﻟﻤﻮﺍﻓﻘﻪ ..
ﻭﺍﺷﺘﻐﻠﺖ ﺍﻟﻬﻼﻫﻞ . ﻭﺍﻟﻬﻮﺳﺎﺕ .. ﺍﺗﺮﺧﺺ ﺍﻟﺸﻴﺦ ﻭﻛﺎﻡ .. ﻛﺎﻝ ﻋﺎﺩﻝ ﺷﺎﻝ ﻋﻴﻨﻪ ﻋﻠﻰ ﺍﻣﻪ ﻫﺎ ﺧﻠﺼﺖ ﺍﺭﻭﺡ .. ﺍﻣﻪ ﺧﺰﺭﺗﻪ ..
ﻛﺎﻟﺘﻠﻪ ﻻ ﺗﻌﺎﻝ ﺑﻌﺪ ﻟﺒﺴﻬﺎ ﺍﻟﻨﻴﺸﺎﻥ .. ﺍﺳﺘﻐﺮﺑﺖ ﻟﻴﺶ ﻫﻴﺞ ﻳﺘﺼﺮﻑ .. ﻛﻌﺪ ﻟﺒﺴﻨﻲ ﺍﻟﺬﻫﺐ ﻭﺍﻟﺤﻠﻘﻪ ﻭﺍﻟﺴﺎﻋﻪ ﻭﻛﻮﻟﺸﻲ ..
ﻭﻫﻮﻩ ﻳﻠﺒﺴﻨﻲ .. ﺣﺘﻰ ﻣﺒﺎﻭﻋﻠﻲ ﻭﻛﺎﻟﻲ ﺣﻠﻮﻩ ﻟﻮ ﻻ ﺍﻭ ﻭﻟﻮ ﻧﻀﺮﻩ ﺯﻏﻴﺮﻩ ﻟﻌﻴﻮﻧﻲ .. ﻫﻤﺴﺖ ﻋﺎﺩﻝ ﺷﺒﻴﻚ ..
ﺷﺎﻝ ﺭﺍﺳﻪ ﻛﺎﻝ ﺷﺒﻴﻪ .. ﻛﺘﻠﻪ ﻣﻮ ﻋﻠﻰ ﺑﻌﻀﻚ .. ﺩﺍ ﺍﺣﺴﻚ ﻏﺮﻳﺐ ﻣﻮ ﺫﺍﻙ ﻋﺎﺩﻝ ﺍﻻﻋﺮﻓﻪ ﻭﺩﻭﻡ ﺍﺿﺤﻚ ﻭﻳﺎﻩ ..
...
ﻛﺎﻝ ﻻ ﻣﺎﻛﻮ ﺷﻲ ﺑﺲ ﺷﻮﻱ ﺩﺧﺖ .. ﺗﻌﺮﻓﻴﻦ ﻫﻮﺳﺔ ﺍﻟﺨﻄﺒﻪ ﻭﺍﻟﻨﺎﺱ .. ﻛﺘﻠﻪ ﺣﻘﻚ ﺍﻧﻲ ﻫﻢ ﺩﺧﺖ ..
ﻛﻤﻠﺖ ﺍﻟﺨﻄﺒﻪ .. ﺭﺍﺣﻮ ﻭﻫﻮﻩ ﺑﺲ ﻫﻠﻜﻠﻤﺎﺕ ﻛﺎﻟﻬﺎ ﻣﺎﺣﺠﻪ ﺑﻌﺪ ﺍﺑﺪ .. ﻳﻤﻜﻦ ﺻﺪﻭﻙ ﺗﻌﺒﺎﻥ ..
ﺑﺪﻟﺖ ﺍﻟﺒﺪﻟﻪ ﻭﻣﺴﺤﺖ ﻣﻜﻴﺎﺟﻲ .. ﻭﺭﺣﺖ ﺍﻟﻐﺮﻓﺘﻲ ﻣﺨﺘﻨﻜﻪ .. ﺑﺲ ﺍﺭﻳﺪ ﺍﺑﺠﻲ .. ﻣﺎ ﺍﻋﺮﻑ ﻣﺎ ﺍﺣﺲ ﺑﺴﻌﺎﺩﻩ ﺍﻭ ﻃﻌﻢ ﺍﻟﻔﺮﺡ ..
ﻛﻠﻬﺎ ﺗﺮﻛﺺ ﻭﺗﻐﻨﻲ ﻭﺍﻧﻲ ﻛﻠﺒﻲ ﻳﺒﺠﻲ .. ﻭﺣﺘﻪ ﻋﺎﺩﻝ ﻣﺤﺎﻭﻝ ﻳﺤﺠﻲ ﻭﻳﺎﻳﻪ ﻛﻠﻤﻪ ﻭﺣﺪﻩ .. ﻳﺮﻳﺢ ﺑﻴﻬﺎ ﻧﻔﺴﻴﺘﻲ ..
ﺑﻘﻴﺖ ﺍﺑﺠﻲ ﺍﺑﺠﻲ ﻟﺤﺪ ﻣﺎ ﻧﻤﺖ .. ﺍﺟﺖ ﺑﻠﻴﻞ ﻣﺎﻣﺎ ﻛﺎﻟﺖ ﺗﻌﺎﻟﻲ ﺗﻌﺸﻲ .. ﻛﺘﻠﻬﺎ ﻣﺎ ﺍﺭﻳﺪ .. ﺑﺲ ﻛﻤﺖ ﺻﻠﻴﺖ ﻭﺭﺟﻌﺖ ﻧﻤﺖ ﻟﺜﺎﻧﻲ ﻳﻮﻡ ..
ﻣﺎ ﻋﻨﺪﻱ ﺣﻞ ﻟﻬﻤﻲ .. ﻏﻴﺮ ﺍﻧﻬﺰﻡ ﻣﻨﻪ ﺑﻨﻮﻣﻲ ..
ﻣﺮ ﺍﺳﺒﻮﻉ ﻭﻋﺎﺩﻝ ﻻ ﺧﺎﺑﺮ ﻭﻻ ﺍﺟﻪ .. ﺳﺄﻟﺘﻨﻲ ﻣﺎﻣﺎ .. ﻋﺎﺩﻝ ﻳﺨﺎﺑﺮﺝ .. ﻛﺘﻠﻬﺎ ﻻ .. ﻛﺎﻟﺖ ﻟﻴﺶ .. ﻛﺘﻠﻬﺎ ﺍﻧﻲ ﺍﺻﻼ ﻣﻄﻔﻴﻪ ﺟﻬﺎﺯﻱ ..
ﻛﺎﻟﺖ ﻟﻴﺶ ﻛﺘﻠﻬﺎ ﺳﻴﻤﻜﺎﺭﺗﻲ .. ﺗﻮﻗﻔﺖ ﺧﺪﻣﺘﻪ ﻣﺎﺑﻴﻪ ﺭﺻﻴﺪ .. ﻛﺎﻟﺖ ﺣﺘﻰ ﻟﻮ .. ﺟﺎﻥ ﺍﺗﺼﻞ ﻋﻠﻪ ﻭﺍﺣﺪ ﻣﻦ ﻋﺪﻧﻪ ﻭﻃﻠﺐ ﻳﺤﺠﻲ ﻭﻳﺎﺝ ..
ﺧﺎﺑﺮﺕ ﺍﻣﻲ ﻋﻠﻰ ﻋﻤﺘﻲ .. ﻛﺎﻟﺖ ﻣﺴﺘﺤﻲ ﻭﻳﺮﻳﺪ ﻳﺠﻲ ﻫﻠﻴﻮﻣﻴﻦ .. ﻛﺎﻟﺘﻠﻬﺎ ﻫﻼ ﺑﻴﻪ .. ﻭﻓﻌﻼ ﻭﺭﻩ ﻳﻮﻣﻴﻦ ..
ﻫﻴﺞ ﺍﺟﻪ ﺑﺪﻭﻥ ﻣﻮﻋﺪ .. ﺍﻧﺪﻛﺖ ﺍﻟﺒﺎﺏ .. ﻛﺎﻟﻮ ﻋﺎﺩﻝ ﺍﺟﻪ .. ﻻ ﻻﺑﺴﻪ ﻻ ﻣﺤﻈﺮﻩ ﺭﻭﺣﻲ .. ﺍﺻﻼ ﻭﺍﻛﻔﻪ ﺩﺍ ﺍﻏﺴﻞ ﻣﻮﺍﻋﻴﻦ ..
ﺭﺣﺖ ﺭﻛﻀﺖ ﺑﺴﺎﻉ .. ﻏﻴﺮﺕ ﻟﺒﺴﻲ .. ﻭﺣﻤﺮﻩ ﻭﻣﻜﻴﺎﺝ ﻋﻠﺴﺮﻳﻊ ﺧﻔﻴﻒ .. ﻭﻋﻄﺮﺕ .. ﻓﺘﺤﺖ ﺍﻟﺒﺎﺏ ﺩﺍ ﺍﺭﻳﺪ ﺍﻧﺰﻝ ..
ﺻﺎﺭ ﺑﻮﺟﻬﻲ ﻋﺎﺩﻝ .. ﻛﺘﻠﻪ ﻫﻼ ﻋﺎﺩﻝ .. ﻛﺎﻝ ﻫﻼ ﺳﻤﺮ .. ﻛﺘﻠﻪ ﻧﻨﺰﻝ ﻟﻮ ﻭﻳﻦ ﺗﺮﺗﺎﺡ .. ﻛﺎﻝ ﺧﺎﻟﻲ ﻛﺎﻝ ﺍﺻﻌﺪﻟﻬﺎ ﺑﺎﻟﻐﺮﻓﻪ ..
ﻛﺘﻠﻬﺎ ﻫﻼ ﺑﻴﻚ .. ﺩﺧﻠﺘﻪ ﺑﺄﺭﺗﺒﺎﻙ .. ﺍﻟﻐﺮﻓﻪ ﻫﻮﺳﻪ .. ﻻﻥ ﺑﺪﻟﺖ ﺑﺄﺳﺘﻌﺠﺎﻝ .. ﻣﻼﺑﺴﻲ ﺍﻟﻨﺰﻋﺘﻬﺎ ﻋﻠﺴﺮﻳﺮ ..
ﻭﺍﻟﻤﻼﺑﺲ ﻛﻠﻬﺎ ﻣﻄﻠﻌﺘﻬﺎ ﻣﻦ ﺍﻟﻜﻨﺘﻮﺭ .. ﻟﻤﺎ ﺍﺧﺘﺎﺭﻳﺖ ﺍﻟﺒﺲ .. ﻛﻤﺖ ﺍﻣﺸﻲ ﻭﺍﻋﺰﻝ ﻭﺍﺑﺘﺴﻢ ﺑﻮﺟﻬﺎ .. ﻭﺍﺣﺲ ﺍﻟﻌﺮﻙ ﻳﺼﺐ ﻣﻦ ﺍﻟﺨﺠﻞ ..
ﻛﺎﻝ ﺗﻌﺎﻱ ﻛﻌﺪﻱ ﺷﺠﺎﻱ ﺍﺗﺴﻮﻳﻦ .. ﻛﺘﻠﻪ ﺍﺳﻔﻪ .. ﺑﺲ ﺍﻟﻔﺮﻓﻪ ﺷﻮﻱ ﻣﻬﻮﺳﻪ .. ﻛﺎﻝ ﻋﺎﺩﻱ ﻋﺎﺩﻱ .. ﺗﻌﺎﻱ ..
ﻛﻌﺪﺕ .. ﺑﺎﻭﻉ ﺑﻌﻴﻮﻧﻲ .. ﻛﺎﻝ ﻟﻴﺶ ﻭﺍﻓﻘﺘﻲ ﻋﻠﻴﻪ .. ﻋﻘﺪﺕ ﺣﺎﺟﺒﻲ .. ﻛﺘﻠﻪ ﻟﻴﺶ ﺍﻧﺘﻪ ﻣﻘﺎﺑﻞ ﻋﻠﻰ ﻫﻠﺰﻭﺍﺝ ..
ﻛﺎﻝ ﺍﻧﻲ ﺟﺎﻱ ﺍﺳﺌﻠﺞ ﺍﻟﺞ ﺟﺎﻭﺑﻲ .. ﻛﺘﻠﻪ .. ﻻﻥ ﺍﻋﺮﻓﻚ ﻭﺍﻋﺮﻑ ﺍﺧﻼﻗﻚ .. ﻛﺎﻝ ﺟﻨﺖ ﻣﻌﺘﺒﺮﺝ ﻣﺜﻞ ﺭﻧﺎ .. ﻛﺘﻠﻪ ﺍﻟﻠﻪ ﺷﺎﻫﺪ ﺍﻧﻲ ﻫﻢ ﻧﻔﺲ ﺍﻟﺸﻲ ..
ﻛﺘﻠﻪ ﻳﻌﻨﻲ ﻫﺴﻪ ﻣﺘﺮﻳﺪﻧﻲ .. ﺍﺑﺘﺴﻢ .. ﻭﻣﺪ ﺍﻳﺪﻩ ﻳﺒﻌﺪ ﻛﺬﻟﺘﻲ ﻋﻦ ﻋﻴﻨﻲ .. ﻛﺎﻝ ﻻ ﻟﻴﺶ ﻣﺎ ﺍﺭﻳﺪﺝ .. ﻭﻳﻦ ﺍﻟﻜﻪ ﺍﺣﺴﻦ ﻣﻦ ﺑﺖ ﺧﺎﻟﻲ ..
ﺑﻘﻰ ﻳﺒﻌﺪ ﺑﺸﻌﺮﻱ .. ﺍﺗﻘﺮﺏ ﻳﺸﻤﻨﻲ ﻣﻦ ﺭﻛﺒﺘﻲ ﻭﺑﻮﺳﻨﻲ ﺍﺑﺘﻌﺪﺕ .. ﻋﺎﺩﻝ ﻫﺎﻱ ﺷﺪﺳﻮﻱ .. ﻣﻮ ﻭﻗﺖ ﻫﻠﺴﻮﺍﻟﻒ .. ﺍﺣﺠﻲ ﻭﻫﻮﻩ ﺑﻌﺪﻩ ﻳﺤﺎﻭﻝ ..
ﺑﻌﺪﺗﻪ ﺣﻴﻞ .. ﻭﺧﺮﺭﺭﺭ .. ﻛﺎﻝ ﺷﺒﻴﺞ .. ﻣﻮ ﺻﺮﺕ ﺭﺟﻠﺞ .. ﻣﻮ ﻻﺯﻡ ﺍﻋﺘﺒﺮﺝ ﻣﻮ ﺍﺧﺘﻲ .. ﺧﻠﻲ ﻋﻴﻨﻲ ﺗﺸﻮﻓﺞ ﺑﻐﻴﺮ ﻧﻈﺮﻩ ..
ﻛﺘﻠﻪ ﺑﺲ ﻣﻮ ﻫﻴﺞ .. ﻛﺎﻝ ﻟﻌﺪ ﺷﻠﻮﻥ .. ﻛﺘﻠﻪ ﺑﻌﺪ ﻭﻗﺖ .. ﻛﺎﻝ ﻭﺷﻨﻮ ﺍﻟﻴﻤﻨﻊ .. ﻣﻜﺎﻳﻠﺞ ﺍﺭﻳﺪ ﺍﺧﺬﺝ ﻫﺴﻪ ..
ﻓﻘﻂ ﺩﺍ ﺍﺑﻮﺳﺞ .. ﻭﻫﺬﺍ ﺣﻘﻲ .. ﻣﻴﺼﻴﺮ ﺗﻤﻨﻌﻴﻨﻲ .. ﻛﺘﻠﻪ ﻋﺎﺩﻝ ﺷﺒﻴﻚ .. ﺍﻭﻝ ﺷﻲ ﺧﻞ ﻧﺎﺧﺬ ﻋﻠﻰ ﺑﻌﺾ .. ﺗﺮﻩ ﺑﻌﺪﻧﻲ ﻣﺘﻌﻮﺩﺕ ﻋﻠﻴﻚ
....
ﻟﺴﻪ ﺍﺣﺴﻚ .. ﻋﺎﺩﻝ ﺍﺑﻦ ﻋﻤﺘﻲ ﺍﻟﺨﺒﻞ .. ﻣﻤﺴﺘﻮﻋﺒﻪ ﺍﻧﺼﻴﺮ ﺯﻭﺟﻴﻦ .. ﻛﺎﻝ ﺳﻠﻤﻴﻨﻲ ﻧﻔﺴﺞ ﻭﺭﺍﺡ ﺗﺘﻌﻮﺩﻳﻦ ..
ﻛﺘﻠﻪ ﺻﻌﺐ ﻋﺎﺩﻝ ﻣﻮ ﻭﻗﺘﻬﺎ .. ﺗﺮﻩ ﻫﺎﺫﻱ ﺍﻭﻝ ﺟﻴﻪ ﺍﻟﻚ ﺑﺼﻔﺔ ﺧﻄﻴﺒﻲ .. ﻛﺎﻝ ﺍﻧﻲ ﻣﻨﺎﻭﻱ ﺍﻃﻮﻝ ﺑﺎﻟﻌﺮﺱ .. ﺣﻨﺘﺰﻭﺝ ﺑﺴﺎﻉ .. ﻟﺬﻟﻚ ﺍﺭﻳﺪ ﺍﺗﻌﺮﻑ ﻋﻠﻴﺞ ..
ﻭﺑﺼﺮﺍﺣﻪ .. ﻳﻤﻜﻦ ﻛﺎﻳﻠﺞ ﻣﻦ ﺍﻧﻲ ﺗﺮﻛﺖ ﺣﺒﻴﺒﺘﻲ ﻭﺍﻣﻲ ﻣﻨﻌﺘﻨﻲ ﻣﻨﻬﺎ .. ﻟﺬﻟﻚ ﺍﺭﻳﺪ ﺍﻧﺴﺎﻫﺎ ﺑﻴﺞ .. ﺍﺗﻘﺮﺏ ﻳﻤﻲ ﺍﻛﺜﺮ ..
ﻭﺧﻠﻪ ﻋﻴﻮﻧﻪ ﺑﻌﻴﻮﻧﻲ ﻭﻳﻤﺴﺢ ﺑﺸﻌﺮﻱ .. ﻛﺎﻝ ﺳﻤﺮ ﻧﺴﻴﻨﻲ .. ﻣﺎ ﺍﺭﻳﺪ ﺍﺗﺬﻛﺮﻫﺎ .. ﺍﺭﻳﺪﺝ ﺍﻧﺘﻲ ﺗﺼﻴﺮﻳﻦ ﻛﻮﻟﺸﻲ ..
ﻭﺍﺗﻘﺮﺏ ﺑﻮّﺳﻨﻲ .. ﺑﻘﻴﺖ ﺟﺎﻣﺪﻩ ﺑﻴﻦ ﺍﺩﻳﻪ .. ﻣﺎ ﺍﺧﻔﻲ ﺷﻌﻮﺭ ﺣﻠﻮ ﺣﺴﻴﺖ ﺑﻴﻪ .. ﻫﻮﻩ ﻣﺴﺘﻤﺮ .. ﺗﻔﺎﻋﻠﺖ ﻭﻳﺎﻫﺎ ..
ﻫﻮﻩ ﺛﺎﺭ ﺍﻛﺜﺮ .. ﺍﺑﺘﻌﺪﺕ .. ﺿﺤﻚ .. ﻛﺎﻝ ﻻ ﻟﺘﺨﺎﻓﻴﻦ .. ﻣﺮﺍﺡ ﺍﺗﻌﺪﻩ ﺍﻟﺤﺪﻭﺩ ﻭﺍﻃﻠﺐ ﺷﻲ ﻣﺘﻜﺪﺭﻳﻠﻪ ..
ﻧﺒﻘﻰ ﻫﺬﺍ ﺣﺪﻧﻪ .. ﻳﺮﺑﻲ ﺷﻜﺪ ﺧﺠﻠﺖ .. ﻣﻦ ﺑﻮﺳﻨﻲ ﻧﺴﻴﺖ ﻫﻮﻩ ﻋﺎﺩﻝ .. ﺑﺲ ﻣﻦ ﺑﺎﻭﻋﻠﻲ ﺷﻔﺖ ﺑﻴﻪ ﻋﺎﺩﻝ ﺍﻟﻠﻲ ﺍﻋﺘﺒﺮﻩ ﺍﺥ ﻛﻞ ﻫﻠﺴﻨﻴﻦ .. ﺷﻌﻮﺭ ﻣﺨﺠﻞ ..
ﻋﺪﻝ ﻣﻼﺑﺴﻲ .. ﻭﺭﺟﻊ ﻛﻌﺪ ﻋﺪﻝ .. ﻛﺘﻠﻪ ﺍﻧﺰﻝ ﺍﺟﻴﺒﻠﻚ ﻋﺼﻴﺮ .. ﻛﺎﻝ ﺍﻧﻲ ﻣﺎ ﺍﺭﻳﺪ ﻛﻮﻟﺸﻲ ﻏﻴﺮﺝ ..
ﻛﺘﻠﻪ ﻋﺎﺩﻝ ﻛﺎﻓﻲ .. ﺗﻠﺤﻚ ﻭﺭﻩ ﻣﻨﺰﻭﺝ .. ﻛﺎﻝ ﺣﻼﺓ ﻫﺬﻱ ﺍﻟﺸﻐﻼﺕ ﺑﺎﻟﺨﻄﻮﺑﻪ ﻭﻳﻐﻤﺰﻟﻲ .. ﺑﻌﺪ ﺍﻟﺰﻭﺍﺝ ﺗﺼﻴﺮ ﻣﻤﻠﻪ ..
ﻛﺘﻠﻪ ﻫﺎﻱ ﺷﺪﺗﺤﺠﻲ ﻋﺎﺩﻝ ﻋﻴﺐ .. ﺟﺮﻧﻲ ﻭﻟﻴﻤﻪ ﻭﻛﺎﻝ ﺗﻌﺎﺍﺍﺍﻱ ﺑﻌﺪ ﺍﻧﻲ ﺭﺟﻠﺞ ﻛﻠﻤﺖ ﻋﻴﺐ ﺑﻴﻨﺎﺗﻨﺎ ﺍﻧﺴﻴﻬﺎ ..
ﻗﺮﺏ ﺭﺍﺳﻪ ﻭﻫﻤﺲ ﺑﺄﺫﻧﻲ ﻛﻼﻡ .. ﺗﺨﺒﻠﺖ .. ﻧﻔﺮﺕ ﻣﻦ ﻣﻜﺎﻧﻲ .. ﻛﺘﻠﻪ ﻣﺴﺘﺤﻴﻴﻴﻴﻴﻴﻞ .. ﻋﺎﺩﻝ ﺷﺒﻴﻚ .. ﺗﺮﻩ ﺍﺣﻨﻪ ﻣﺨﻄﻮﺑﻴﻦ ﻣﻤﺘﺰﻭﺟﻴﻦ ..
ﻭﻫﺴﻪ ﻛﺘﻠﻲ ﻣﺎ ﺍﺗﻌﺪﻩ ﺍﻟﺤﺪﻭﺩ ﻧﺒﻘﻰ ﻫﻴﺞ .. ﻛﺎﻝ ﻭﺍﻧﻲ ﻣﻜﺎﻳﻠﺞ ﺷﻲ .. ﻟﺘﺨﺎﻓﻴﻦ ﻋﺎﺩﻱ ﺗﺮﻩ .. ﻛﺘﻠﻪ ﻋﺎﺩﻝ ﺩﺗﻀﺎﻳﻘﻨﻲ ..
ﻛﺎﻝ ﻫﺎﺍﺍ .. ﺍﻭﻙ ﺑﺮﺍﺣﺘﺞ .. ﻭﺭﺍﺩ ﻳﻜﻮﻡ .. ﺍﻧﻮﺏ ﺩﺍﺭ ﻭﺟﻪ .. ﻛﺎﻝ ﺍﻟﻌﺮﺱ ﺍﺭﻳﺪﻩ ﺑﻌﺪ ﺍﺳﺒﻮﻉ .. ﻭﺍﻣﻲ ﺭﺍﻓﻀﻪ ..
ﻛﺘﻠﻪ ﻟﻴﺶ ﺑﻌﺪ ﺍﺳﺒﻮﻉ .. ﻛﺎﻝ ﻣﺎ ﺍﺣﻤﻞ ﺍﺭﻳﺪ ﺍﺗﺰﻭﺝ ﻭﺍﻧﺘﻲ ﻣﻮ ﻗﺎﺑﻠﻪ ﺍﻃﺎﻭﻋﻴﻨﻲ .. ﺧﻞ ﻧﺘﺰﻭﺝ ﻫﻢ ﺗﻤﻨﻌﻮﻧﻲ ..
ﻛﺘﻠﻪ ﺑﺮﺍﺣﺘﻚ .. ﻛﺎﻝ ﺑﺎﻋﻲ ﺳﻤﺮ .. ﺍﻧﻲ ﻣﺎ ﺍﺭﻳﺪ ﺍﻟﻌﺮﺱ ﻫﻮﺳﻪ ﻭﻣﻮﺳﻴﻘﻰ ﺍﺭﻳﺪﻩ ﺑﻴﻨﺎﺗﻨﻪ .. ﻻﻥ ﺻﺮﺍﺣﻪ ﻣﺎ ﻋﻨﺪﻱ ﻓﻠﻮﺱ ..
ﺣﺎﻟﻴﺎ ﻛﺎﻋﺪ ﻣﻦ ﺍﻟﺸﻐﻞ .. ﻭﻫﺎﻱ ﺍﻟﻔﻠﻮﺱ ﺑﺪﻝ ﻣﻨﺸﻤﺮﻫﺎ ﻋﻠﻌﺮﺱ .. ﻧﺴﺘﻔﺎﺩ ﻣﻨﻬﺎ ﺑﻌﺪ ﺍﻟﻌﺮﺱ ..
ﺷﺘﻜﻮﻟﻴﻦ .. ﻛﺘﻠﻪ ﺑﻌﺪ ﺍﺣﺴﻦ ﺍﻧﻲ ﻫﻢ ﻣﺎ ﺍﺭﻳﺪ ﺯﻓﻪ ﻭﻫﻮﺳﻪ ﺍﺗﻀﺎﻳﻖ ..
ﻛﺎﻝ ﺧﻮﺵ ﻟﻌﺪ .. ﺭﺍﺡ ﺍﺧﺒﺮ ﺍﻫﻠﻲ ﺑﻘﺮﺍﺭﻧﻪ .. ﻭﺍﻧﺘﻲ ﻫﻢ ﺧﺒﺮﻱ ﺍﻫﻠﺞ ﺍﻟﻌﺮﺱ ﺑﻌﺪ ﺍﺳﺒﻮﻉ .. ﻣﻦ ﻛﺎﻝ ﻫﻠﻜﻠﻤﻪ .. ﺍﻧﻘﺒﺾ ﻛﻠﺒﻲ .. ﻭﻫﺰﻳﺘﻠﻪ ﺭﺍﺳﻲ ..
ﺍﺟﺎﻙ ﺍﻟﻤﻮﺕ ﻳﺎ ﺗﺎﺭﻙ ﺍﻟﺼﻼﺓ .. ﻗﺮﺏ ﻣﻮﻋﺪ ﻣﺤﺎﻛﻤﺘﻲ ﻋﻠﺴﻮﻳﺘﻪ ﻃﻮﻝ ﻫﻠﺴﻨﻴﻦ ﺑﻨﻔﺴﻲ .. ﻋﻮﻧﻚ ﻳﺎﺭﺏ ..
ﺭﺍﺡ ﻋﺎﺩﻝ .. ﻭﻛﻠﺖ ﻟﻤﺎﻣﺎ .. ﻛﺎﻟﺖ ﺷﻨﻮ ﺍﻟﺴﺎﻟﻔﻪ .. ﺩﻓﺎﻧﺔ ﻋﺠﻮﺯ ﺑﺴﺎﻉ ﺑﺴﺎﻉ .. ﺷﻮﺭﺍﻧﻪ ﻟﻴﺶ ﻫﻴﺞ ﻣﺴﺘﻌﺠﻞ ..
ﻛﺘﻠﻬﺎ ﻣﺎﻣﺎ ﻣﻮ ﺗﺮﺩﻳﻦ ﺗﺨﻠﺼﻴﻦ ﻣﻨﻲ ﻭﺗﺰﻭﺟﻴﻨﻲ .. ﻭﻫﺎﻱ ﺭﺍﺡ ﺍﺭﻭﺡ ﺑﺴﺮﻋﻪ .. ﻛﺎﻟﺖ ﺍﺭﻳﺪﺝ ﺗﺘﺰﻭﺟﻴﻦ ﺍﻱ .. ﺑﺲ ﻏﻴﺮ ﺍﺭﻳﺪﺝ ﻫﻢ ﺗﻨﺴﻌﺪﻳﻦ ..
ﻛﺘﻠﻬﺎ ﺧﻼﺹ ﺍﻧﻲ ﻣﻮ ﻫﺎﻣﻨﻲ ﺷﻲ .. ﻋﺎﺩﻱ .. ﻛﺎﻟﺖ ﻟﻌﺪ ﺧﻞ ﻧﺮﻭﺡ ﻧﺼﺒﻎ ﺷﻌﺮﺝ .. ﺭﺣﻨﻪ ﺍﻧﻲ ﻭﻳﺎﻫﺎ ﻟﻠﺼﺎﻟﻮﻥ ..
ﺍﻣﻲ ﺗﻜﻮﻟﻲ ﻣﻴﺸﻲ .. ﻛﺘﻠﻬﺎ ﻣﺎ ﺍﺭﻳﺪ .. ﺑﺲ ﺻﺒﻎ .. ﺻﺒﻐﺖ ﻟﻮﻥ ﺍﺷﻘﺮ ﺯﻳﺘﻮﻧﻲ .. ﻛﻮﻟﺶ ﺣﻠﻮ ﺻﺎﺭ ﻟﻮﻧﻪ ..
ﻭﺭﺟﻌﺖ ﻟﻠﺒﻴﺖ .. ﺍﻧﻮﺏ ﺛﺎﻧﻲ ﻳﻮﻡ ﺍﺟﺖ ﻋﻤﺘﻲ .. ﺍﻧﻄﺘﻨﻪ ﻓﻠﻮﺱ ﺍﻟﺼﺒﻎ .. ﻣﻘﺒﻠﺖ ﺍﺣﻨﻪ ﻧﺼﺮﻑ .. ﻭﺍﻧﻄﺘﻨﻪ ﻣﺒﻠﻎ ﻣﺎﺩﻱ ﺟﻴﺪ .. ﺍﺷﺘﺮﻱ ﺑﻴﻪ ﻧﻴﺸﺎﻥ ﻣﻼﺑﺲ ..
ﺭﺣﺖ ﻟﻠﺴﻮﻙ ﺍﻧﻲ ﻭﻋﻤﺘﻲ ﻭﺍﻣﻲ .. ﺍﺷﺘﺮﻳﺖ ﻣﻼﺑﺲ ﻃﻠﻌﻪ ﻭﺑﻴﺖ ﻭﺳﻴﺘﺎﺕ ﻧﻮﻡ ﻭﻣﻜﻴﺎﺝ ﻭﻋﻄﻮﺭ ﻭﻭﻭﻭ ﺷﻐﻼﺕ ﺍﻟﻌﺮﺱ ﺍﻟﻤﺘﺨﻠﺺ ..
ﻭﻣﺎﻣﺎ .. ﻫﻢ ﺍﺧﺬﺗﻠﻲ 7 ﻗﻄﻊ ﻗﻤﺎﺵ .. ﻭﺩﺗﻬﺎ ﻟﻠﺨﻴﺎﻁ .. ﺍﺧﺬ ﻣﻘﺎﺳﻲ .. ﻭﻓﺼﻠﻬﻦ .. ﺑﻌﺪ 4 ﺍﻳﺎﻡ ﺟﺎﺑﻮﻫﻦ .. ﻓﺼﺎﻟﻬﻦ ﺭﻫﻴﺐ ..
ﻛﻤﻠﻨﻪ ﺗﺮﺗﻴﺒﺎﺕ ﺍﻟﻌﺮﺱ .. ﺍﺷﺘﺮﻳﺖ ﺍﻟﻐﺮﻓﻪ ﺍﻧـّ 'ℳέ' ـّﻲٌ ﻭﻋﺎﺩﻝ .. ﻛﻮﻟﺶ ﺣﻠﻮﻩ ﻭﺍﻟﺒﺮﺩﺍﺕ ﻭﺍﻟﻔﺮﺷﺎﺕ .. ﻛﻤﻠﻨﻪ ﻛﻮﻟﺸﻲ ..
ﺍﺟﺖ ﻳﻮﻡ ﺍﻟﺤﻨﻪ .. ﻭﻛﻨﺖ ﻻﺑﺴﻪ ﻓﺴﺘﺎﻥ ﻭﺭﺩﻱ .. ﺑﺲ ﺍﻟﻔﺮﺣﻪ ﻟﺴﻪ ﻣﺎ ﺣﺴﻴﺖ ﺑﻴﻬﺎ .. ﺟﻤﺖ ﻣﺘﺎﻧﻴﻪ ﻋﺎﺩﻝ ﻳﺤﻨﻴﻨﻲ ..
ﻋﺎﺩﻝ ﻣﺎ ﺍﺟﻪ .. ﺍﺟﻮ ﺑﺲ ﺍﻫﻠﻪ .. ﻛﺎﻝ ﺣﻨﻮ ﺍﺻﺪﻗﺎﺋﻪ .. ﻭﺑﻘﻰ ﻭﻳﺎﻫﻢ .. ﺿﺠﺖ .. ﻳﻌﻨﻲ ﻣﺒﺪﻟﻪ ﻭﻻﺑﺴﻪ ﻓﺴﺘﺎﻥ ﺣﻨﻪ ﺍﻟﻤﻦ .. ﻏﻴﺮ ﻳﺸﻮﻓﻨﻲ ﺑﻴﻬﺎ ..
ﺑﺲ ﺻﻮﺭﻭﻧﻲ .. ﺛﺎﻧﻲ ﻳﻮﻡ ﺍﻟﻌﺮﺱ .. ﻫﻢ ﻧﻔﺲ ﺍﻟﺸﻐﻞ ﻭﺍﻟﺼﺎﻟﻮﻥ ﻭﺍﻟﻬﻮﺳﻪ .. ﻫﻠﻜﺖ ﻟﺤﺪ ﻣﺎ ﻛﺎﻟﻮ ﺍﺟﺖ ﺍﻟﺰﻓﻪ ..
ﻭﺍﻟﻠﻪ ﻭﻛﺄﻥ ﻛﺎﻟﻮ ﺍﺟﻪ ﻋﺰﺭﺍﺋﻴﻞ ﻣﻮ ﺯﻓﺔ ﻋﺮﺳﻲ ﺑﻜﺪ ﻣﺨﺎﻳﻔﻪ ﺷﺮﺍﺡ ﻳﺼﻴﺮ ﺑﻴﻪ .. ﻟﻠﺤﻈﻪ ﻣﺮﺕ ﻋﻠﻰ ﺑﺎﻟﻲ ﻛﻞ ﻫﻠﺴﻨﻴﻦ ..
ﺷﻠﻮﻥ ﻏﻠﻄﺖ ﻭﺷﻠﻮﻥ ﺣﺒﻴﺖ ﺍﺭﻛﺎﻥ .. ﻭﻋﻔﺘﻪ ﻭﺍﻭﺍﻓﻘﺖ ﻋﻠﻰ ﻋﺎﺩﻝ .. ﻗﻄﻊ ﺷﺮﻭﺩﻱ .. ﻋﺎﺩﻝ ﻭﻫﻮﻩ ﻳﻜﻌﺪ ﻳﻤﻲ ..
ﻧﺘﺒﻬﺖ ﻟﻬﻮﺳﺔ ﺍﻟﻌﺮﺱ .. ﻭﺍﻧﻲ ﻣﻨﺰﻟﻪ ﺭﺍﺳﻲ ﺍﺑﺪ ﻣﺎ ﺭﻓﻌﺘﻪ ..
ﺍﺧﺬﻭﻧﻪ ﺯﻓﻮﻧﻪ .. ﺍﻧﻮﺏ ﻧﺰﻟﻮﻧﻪ ﻟﻠﺘﺼﻮﻳﺮ .. ﻭﺭﺟﻌﻮﻧﻪ ﻟﻠﺒﻴﺖ .. ﺑﻌﺪ ﺍﻟﺰﻓﻪ ﻭﺍﻟﻌﺸﺎ ﻭﻫﺴﻮﺍﻟﻒ ﺯﻓﻮﻧﻪ ﻟﻐﺮﻓﺘﻨﻪ ..
ﻭﻫﻨﺎ ﺧﻠﺺ ﺩﻣﻲ .. ﻟﻮ ﺍﻧﺬﺑﺢ ﻣﺎ ﻳﻄﻠﻊ ﻣﻨﻲ ﻗﻄﺮﺓ ﺩﻡ .. ﻣﺜﻞ ﺍﻟﻤﺴﺠﻮﻥ ﻭﻳﺘﺎﻧﻲ ﺣﻜﻤﻪ .. ﺷﻨﻮ ﺍﻓﺮﺍﺝ ﻟﻮ ﺍﻋﺪﺍﻡ ...
ﻳﺘﺒﻊ
🌺🌺🌺🌺🌺
ﺷﺘﺘﻮﻗﻌﻮﻥ ﺣﻴﺼﻴﺮ .. ﻋﺎﺩﻝ ﺭﺍﺡ ﻳﻌﺮﻑ ﻟﻮ .. ﻭﺷﻨﻮ ﺭﺃﻳﻜﻢ ﺑﺘﺼﺮﻓﺎﺗﻪ .. .. ﻣﺘﺎﺑﻌﻪ ﻣﻤﺘﻌﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء