رواية نرجس الجزء العاشر
للكاتب كرار الكرادي
.
.
( ﺍﻟﺤﻴﻠﻪ ﻭﺍﻟﻜﺬﺏ ﻭﺍﻟﺨﺪﺍﻉ ﻭﺍﻟﻘﺘﻞ ﻭﺍﻟﺮﻳﺎﺀ ﻫﻲ ﻫﺬﻩ ﺍﻟﺤﻴﺎﺓ ﺍﻟﺤﻘﻴﻘﻴﺔ ﺣﻴﺚ ﻳﺮﺗﻔﻊ ﻣﻘﺎﻡ ﺍﻟﺸﺨﺺ ﺑﻨﻈﺮﻩ ﺍﻟﻤﺠﺘﻤﻊ ﻣﻦ ﺧﻼﻝ ﻫﺬﻩ ﺍﻟﺼﻔﺎﺕ ﻛﻤﺎ ﺭﻓﻌﺖ ﻣﻘﺎﻡ ﻣﻜﻲ ﺍﻟﺬﻱ ﻛﺎﻥ ﻃﺎﺋﺶ ﻭﻻ ﻳﺤﻤﻞ ﺍﻟﻤﺴﺌﻮﻟﻴﻪ ﻭﺣﻴﺎﺗﻪ ﻋﺒﺎﺭﻩ ﻋﻦ ﺃﻛﻞ ﻭﻧﻮﻡ ﻭﻃﻴﻮﺭ ﺃﻣﺎ ﻧﻈﺮﺍﺋﻪ ﻣﻦ ﺍﻟﺸﺠﻌﺎﻥ ﻭﺍﻟﺮﺟﺎﻝ ﻭﺍﻷﺑﻄﺎﻝ ﻭﺍﻟﻄﻴﺒﻮﻥ ﻭﺍﻟﻤﺴﺎﻟﻤﻮﻥ ﻻ ﺣﻴﺎﺓ ﻟﻬﻢ ﻓﻲ ﻫﺬﺍ ﺍﻟﺪﻧﻴﺎ ﻭﺍﻭﻝ ﺍﻷﺷﺨﺎﺹ ﻳﻐﺎﺩﺭﻭﻥ ﺍﻟﺤﻴﺎﺓ ﻋﻦ ﻃﺮﻳﻖ ﺷﻲ ﺍﺳﻤﻪ ﺍﻟﻤﻮﺕ )
( ﻓﻲ ﺍﻟﻤﺪﻳﻨﻪ )
ﺳﺖ ﻫﺪﻯ ﺟﺎﻟﺴﻪ ﻭﻭﺍﺿﻌﻪ ﻳﺪﻫﺎ ﻋﻠﻰ ﺧﺪﻫﺎ ﻭﺗﻔﻜﺮ ﺇﻟﻴﻬﺎ ﻧﺮﺟﺲ
ﻧﺮﺟﺲ : ﺷﺒﻲ ﺍﻟﺤﻠﻮ ﺻﺎﻓﻦ
ﺳﺖ ﻫﺪﻯ : ﻫﺎﺍﺍ ﻻ ﻣﺎﻛﻮ ﺷﻲ ﻫﻴﺞ ﺟﻨﺖ ﺍﻓﻜﺮ ﺑﺸﻐﻠﻪ ﻣﻮ ﻣﻬﻤﻪ
ﻧﺮﺟﺲ : ﻭﺷﻨﻮ ﻫﺎﻱ ﺍﻟﺸﻐﻠﻪ ﻣﻮ ﻣﻬﻤﻪ
ﺳﺖ ﻫﺪﻯ : ﻧﺮﺟﺲ ﺭﻭﺣﻲ ﺍﻗﺮﻱ ﻣﺎﻧﻄﻮﺝ ﻣﺤﺎﻇﺮﺍﺕ
ﻧﺮﺟﺲ : ﻻ ﺍﻧﻄﻮﻧﻲ ﻭﻗﺮﻳﺘﻬﻦ ﻛﻠﻬﻦ ﻭﺟﻴﺖ ﺍﺳﻮﻟﻒ ﻭﻳﺎﺝ
ﺳﺖ ﻫﺪﻯ : ﺧﻴﺮ ﺷﻜﻮ
ﻧﺮﺟﺲ : ﻫﺬﺍ ﺍﻛﻮ ﻭﺍﺣﺪ ﻻﺣﻜﻨﻲ ﻣﺎﺍﺩﺭﻱ ﻣﻌﺠﺐ ﺑﻴﻪ ﺍﻟﻤﻬﻢ ﺍﺟﻪ ﻋﺰﻣﻨﻲ ﻋﻠﻰ ﺃﻛﻞ ﺑﻨﺎﺩﻱ ﻭﺍﻧﻲ ﺭﻓﻀﺖ
ﺳﺖ ﻫﺪﻯ : ﺍﻱ
ﻧﺮﺟﺲ : ﺣﺴﻴﺖ ﺑﻲ ﺍﺷﻠﻮﻥ ﺍﻟﻲ ﺍﻧﻜﺴﺮ ﺧﺎﻃﺮﻩ ﻻﻥ ﻧﻈﺮﺗﻪ ﻏﺮﻳﺒﻪ ﺻﺎﺭﺕ ﻋﻠﻴﻪ ﻳﻤﻜﻦ ﻛﺎﻡ ﻳﻀﻮﺝ ﻣﻨﻲ
ﺳﺖ ﻫﺪﻯ : ﻻ ﻋﺎﺩﻱ ﺷﻜﻮ ﻳﻀﻮﺝ ﻫﻮ ﺯﻳﻦ ﺍﻟﻮﻟﺪ ﻻ
ﻧﺮﺟﺲ : ﻭﺍﻟﻠﻪ ﻳﺎﺍﻳﻤﻪ ﻣﺎﺩﺭﻱ ﻷﻥ ﺍﻧﻲ ﻣﺎﺍﻋﺮﻑ ﺍﻱ ﺷﻲ ﻋﻨﻬﻢ ﺑﺲ ﺯﻳﻨﺐ ﻣﺼﺎﺩﻗﺘﻬﺎ ﻻﻥ ﺧﻮﺵ ﺍﺑﻨﻴﻪ ﻭﺗﻔﻬﻤﻨﻲ ﻻﻥ ﺍﻟﺒﻘﻴﻪ ﻣﺒﺘﻌﺪﻩ ﻋﻨﻬﻢ ﻭﻣﺎﺍﺭﻳﺪ ﺍﺣﻮﻥ ﺻﺪﺍﻗﺎﺕ ﻫﻮﺍﻱ
ﺳﺖ ﻫﺪﻯ : ﻟﻴﺶ ؟
ﻧﺮﺟﺲ : ﻳﻤﻪ ﺍﻧﻲ ﻛﻠﺸﻲ ﻣﺎﺍﻋﺮﻑ ﻋﻦ ﺃﻫﻞ ﺍﻟﻤﺪﻳﻨﻪ ﻭﺣﺠﻲ ﻗﺎﻝ ﻭﻗﻴﻞ ﺍﻧﻮﺏ ﻟﻴﺮﻭﺣﻮﻥ ﻳﺴﻤﻌﻮﻥ ﺑﻘﺼﺘﻲ ﻭﺍﺻﻴﺮ ﺳﺎﻟﻔﻪ ﻭﺍﻧﻲ ﺧﺎﻳﻔﻪ ﻛﻠﺶ
ﺳﺖ ﻫﺪﻯ : ﻻ ﺑﻨﺘﻲ ﻻ ﺗﺨﺎﻓﻴﻦ ﻣﺎﻛﻮ ﺷﻲ ﺍﺗﺼﺮﻓﻲ ﻃﺒﻴﻌﻲ ﻭﻛﺎﻥ ﻣﺎﺍﺣﺼﻞ ﻛﻠﺸﻲ
ﻧﺮﺟﺲ : ﺣﺘﻰ ﺯﻳﻨﺐ ﻣﺎﺍﻛﺘﻠﻬﺎ ﺍﻱ ﺷﻲ ﺑﺲ ﺗﻌﺮﻑ ﺍﻧﻲ ﻋﺎﻳﺸﻪ ﻭﻱ ﺧﺎﻟﺘﻲ ﺍﻟﻲ ﻫﻲ ﺍﻧﺘﻲ
ﺳﺖ ﻫﺪﻯ ( ﺿﺎﺣﻜﻪ ) : ﻓﺪﻳﺖ ﺑﻨﺖ ﺍﺧﺘﻲ ( ﺗﻘﻮﻡ ﺑﻘﺮﺹ ﺧﺪﻫﺎ )
ﻭﻓﻲ ﺍﻟﻴﻮﻡ ﺍﻟﺘﺎﻟﻲ ﻭﻧﻔﺲ ﺍﻟﺮﻭﺗﻴﻦ ﺗﺬﻫﺐ ﻧﺮﺟﺲ ﺍﻟﻰ ﺍﻟﺠﺎﻣﻌﻪ
ﺯﻳﻨﺐ : ﺍﻟﺒﺎﺭﺣﻪ ﺍﺗﺼﻠﺖ ﻋﻠﻴﺞ ﻣﺎﻛﻮ ﻣﺠﺎﻭﺑﺘﻲ
ﻧﺮﺟﺲ : ﺍﻱ ﺟﻨﺖ ﻧﺎﻳﻤﻪ ﻭﺣﺎﻃﻪ ﺟﻬﺎﺯﻱ ﺻﺎﻣﺖ
ﺯﻳﻨﺐ : ﺏ١٠ ﺑﻠﻴﻞ ﺍﺗﻨﺎﻣﻴﻦ
ﻧﺮﺟﺲ : ﺍﻱ ﺗﻌﺒﺎﻧﻪ ﻭﺍﻧﻲ ﻣﻦ ﺍﺭﺟﻊ ﻣﺎﺍﻧﺎﻡ ﺍﺳﺒﺢ ﻭﺍﺗﻐﺪﻩ ﻭﺍﻛﻌﺪ ﺍﻗﺮﺍ ﺍﻟﻤﺤﺎﺿﺮﺍﺕ ﺧﻴﺮ ﺷﻜﻮ ﺍﺗﺼﻠﺘﻲ
ﺯﻳﻨﺐ : ﺧﺎﺑﺮﻧﻲ ﺍﻳﻤﻦ ﻋﻠﻴﺞ ﺭﺍﺩ ﺭﻗﻤﺞ ﻣﺎﺍﻧﻄﻴﺘﻪ ﻛﺘﻠﻪ ﺍﻟﺒﻨﻴﻪ ﻣﺘﻘﺒﻞ
ﻛﻠﻲ ﺑﺲ ﺭﺩﺕ ﺍﻋﺘﺬﺭﻟﻬﺎ ﺧﺎﻑ ﺍﺣﺮﺟﺘﻬﺎ ﻻﻥ ﻃﻠﺒﺖ ﻣﻨﻬﺎ ﻧﺎﻛﻞ ﺳﻮﺍ ﻭﺭﻓﻀﺖ
ﻧﺮﺟﺲ : ﺍﻱ
ﺯﻳﻨﺐ : ﻓﺎﻧﻲ ﻛﺘﻠﻪ ﺑﺄﺟﺮ ﻣﻦ ﻧﺪﺍﻭﻡ ﺍﺣﺠﻲ ﻭﻳﺎﻫﺎ ﻛﺎﻝ ﻣﺎﺷﻲ ﻓﻬﻮ ﺍﻟﻮﻟﺪ ﻣﻨﺘﻈﺮﺝ ﺑﻨﺎﺩﻱ ﺭﻭﺣﻴﻠﻪ
ﻧﺮﺟﺲ : ﻫﺴﻪ ﺍﺣﻨﻪ ﻋﺪﻧﻪ ﻣﺤﺎﺿﺮﻩ ﻣﻦ ﺗﻜﻤﻞ ﺍﺭﻭﺣﻠﻪ ﻋﻮﺩ ﻭﺍﺣﺠﻲ ﻭﻳﺎ
ﺯﻳﻨﺐ : ﺑﺲ ﺍﻟﻮﻟﺪ ﻣﻨﺘﻈﺮﺝ ﺍﺣﺠﻲ ﻭﻳﺎ ﻭﻃﺒﻲ ﺍﻟﻤﺤﺎﺿﺮﻩ ﻋﻮﺩ
ﻧﺮﺟﺲ : ﺍﻟﻤﺤﺎﺿﺮﻩ ﺍﻫﻢ
ﺯﻳﻨﺐ : ﺍﻭﻛﻲ ﺑﺮﺍﺣﺘﺞ
( ﻓﻲ ﺍﻟﻘﺮﻳﻪ )
ﺑﻌﺪ ﺧﺮﻭﺝ ﺍﻟﻌﻢ ﺧﺎﻟﺪ ﻣﻦ ﺍﻟﻤﺸﻔﻰ ﻭﺫﻫﺎﺑﻪ ﺍﻟﻰ ﺍﻟﺒﻴﺖ ﺗﻘﻮﻡ ﻭﺩﺍﺩ ﺑﺮﻋﺎﻳﺘﻪ ﻣﻊ ﺍﺧﻴﻪ ﻣﺰﺍﺣﻢ ( ﺍﺏ ﻧﺮﺟﺲ )
ﻣﺰﺍﺣﻢ : ﻣﺎﺍﻋﺮﻑ ﻳﺎﺍﺑﻨﺘﻲ ﺍﺷﻠﻮﻥ ﻧﺸﻜﺮﺝ ﻧﺼﺮﻧﻪ ﻋﺎﻟﻪ ﻋﻠﻴﺞ
ﻭﺩﺍﺩ : ﻻ ﻋﻤﻲ ﺍﻧﺘﻮﺍ ﺍﻫﻠﻲ ﻭﺍﻟﻲ ﺩﺳﻮﻱ ﻭﺍﺟﺒﻲ ﻣﺎﺍﺭﻳﺪ ﺷﻲ ﻏﻴﺮ ﺭﺿﺎ ﺍﻟﻠﻪ ﻭﺭﺿﺎﻛﻢ ﻭﺍﻧﻲ ﻫﻢ ﻋﺪﻱ ﻭﻟﺪ ﺑﺄﺟﺮ ﻣﻦ ﺍﻛﺒﺮ ﻫﻢ ﻳﺪﺍﺭﻳﻨﻲ
ﻣﺰﺍﺣﻢ : ﺭﺣﻤﻪ ﻋﻠﻰ ﺫﻳﺞ ﺍﻟﺒﻄﻦ ﺍﻟﻲ ﺟﺎﺑﺘﺞ
ﻭﺩﺍﺩ : ﺷﻜﺮﺍ ﻋﻤﻲ
( ﺗﺪﻕ ﺍﻟﺒﺎﺏ )
ﻭﺩﺍﺩ : ﻣﻨﻮ
ﺣﺠﻲ ﺳﺎﻟﻢ : ﺍﻧﻲ ﺑﻨﺘﻲ ﺣﺠﻲ ﺳﺎﻟﻢ
ﺗﻘﻮﻡ ﻭﺩﺍﺩ ﺑﻔﺘﺢ ﺍﻟﺒﺎﺏ
ﻭﺩﺍﺩ : ﻫﻠﻪ ﺣﺠﻲ ﺗﻔﻀﻞ ﺗﻔﻀﻞ
ﺣﺠﻲ ﺳﺎﻟﻢ : ﺟﻴﺖ ﺍﺷﻮﻓﻜﻢ ﻭﺍﻃﻤﺌﻦ ﻋﻠﻴﻜﻢ
ﻭﺩﺍﺩ : ﺭﺣﻤﻪ ﻭﺍﻟﺪﻳﻚ ﻣﺘﻘﺼﺮ
ﻳﺪﺧﻞ ﺍﻟﻰ ﻏﺮﻓﻪ ﺍﻟﻀﻴﻮﻑ ﺗﻘﻮﻡ ﻭﺩﺍﺩ ﺑﺎﺣﻀﺎﺭ ﻛﻞ ﻣﻦ ﻋﻤﻬﺎ ﺧﺎﻟﺪ ﻭﻣﺰﺍﺣﻢ ﺩﻓﻌﺎ ﺑﻠﻜﺮﺳﻲ ﺍﻟﻤﺘﺤﺮﻙ ﺍﻟﻰ ﻏﺮﻓﻪ ﺍﻟﻀﻴﻮﻑ
ﻣﺰﺍﺣﻢ : ﻳﺎﺍﻫﻠﻪ ﺑﺤﺠﻲ ﺳﺎﻟﻢ ﺯﺍﺭﺗﻨﻪ ﺍﻟﺒﺮﻛﻪ
ﺣﺠﻲ ﺳﺎﻟﻢ : ﻭﺑﻴﻚ ﺍﻛﺜﺮ ﺍﺑﻮ ﻧﺮﺟﺲ ، ﺷﻠﻮﻧﻚ ﺍﺑﻮ ﻭﻟﻴﺪ ﺃﻥ ﺷﺎﺀﺍﻟﻠﻪ ﺑﺨﻴﺮ
ﺧﺎﻟﺪ ( ﺑﺼﻮﺕ ﺧﺎﻓﺖ ﻭﻣﺘﻤﺘﻢ ) : ﺍﻟﺤﻤﺪﻟﻠﻪ
ﺣﺠﻲ ﺳﺎﻟﻢ : ﻭﺍﻟﻠﻪ ﻳﺎﺟﻤﺎﻋﻪ ﻫﺎﻱ ﺳﺎﻟﻔﻪ ﻣﺘﻨﺤﺠﻲ ﺑﻴﻬﺎ ﻭﺍﻟﻲ ﺳﻮﺍ ﺟﻌﻔﺮ ﻣﻮ ﻗﻠﻴﻞ ﻭﺍﻧﻲ ﻻﻥ ﺍﻋﺮﻑ ﺿﺮﻭﻓﻜﻢ ﺧﺒﺮﺕ ﺍﻟﺸﺮﻃﻪ ﺣﺘﻰ ﻳﻌﺘﻘﻠﻮﻥ ﺟﻌﻔﺮ ﺑﺪﻝ ﻣﻴﻘﺘﻠﻮ
ﻣﺰﺍﺣﻢ : ﻫﺎﻱ ﺣﺎﻟﻪ ﺍﻟﺪﻧﻴﺎ ﻣﺘﻌﺮﻑ ﺍﻟﺼﺪﻳﻖ ﻣﻦ ﺍﻟﻌﺪﻭ ﻭﺭﺑﻚ ﻛﺮﻳﻢ ﻣﻴﻨﺴﻰ
ﺣﺠﻲ ﺳﺎﻟﻢ : ﺍﻟﻤﻬﻢ ﺍﻧﻲ ﺟﺎﻱ ﺑﻤﻮﺿﻮﻋﻴﻦ ﻭﻟﻮ ﻣﻮ ﻭﻛﺘﻬﺎ ﻫﺴﻪ ﺑﺲ ﻣﺜﻞ ﻣﻴﻜﻮﻟﻮﻥ ( ﺧﻴﺮ ﺍﻟﺒﺮ ﻋﺎﺟﻠﻮ )
ﻣﺰﺍﺣﻢ : ﻛﻮﻝ ﺣﺠﻲ ﺍﻧﺘﻪ ﺻﺎﺣﺐ ﻓﻀﻞ ﻋﻠﻴﻨﻪ
ﺣﺠﻲ ﺳﺎﻟﻢ : ﻻ ﺑﺲ ﺍﺣﻨﻪ ﺍﻫﻞ ﻭﻟﺪ ﻗﺮﻳﻪ ﻭﺣﺪﻩ ﻭﻻﺯﻡ ﺍﺳﺎﻋﺪﻛﻢ ﻭﺍﻟﻴﺪ ﺍﻟﻮﺣﺪﻩ ﻣﺼﻔﻚ ، ﺍﻟﻤﻬﻢ ﺍﻟﻤﻮﺿﻮﻉ ﺍﻻﻭﻝ ﺍﻧﻲ ﻗﺮﺭﺕ ﺍﻧﺮﺟﻊ ﺍﻟﺸﺮﻛﻪ ﺍﻟﻲ ﺑﻴﻨﻪ ﺑﻼﺭﺽ ﻋﺪﻱ ﻓﻼﻟﻴﺢ ﻳﺰﺭﻋﻮﻥ ﻭﻳﺤﺼﺪﻭﻥ ﻭﺑﻨﺺ ﺍﻟﻲ ﺍﻟﻜﻢ ﺍﻟﻲ ﻭﺍﻟﻲ ﺍﻟﻲ ﺍﻟﻜﻢ
ﻣﺰﺍﺣﻢ : ﺭﺣﻤﻪ ﻭﺍﻟﺪﻳﻚ ﻳﻌﻨﻲ ﺍﺣﻨﻪ ﺟﻨﻪ ﻣﻘﺮﺭﻳﻦ ﺍﻧﺒﻴﻌﻬﺎ
ﺣﺠﻲ ﺳﺎﻟﻢ : ﻻ ﻣﺘﺒﻴﻌﻮﻫﺎ ﺍﻧﺘﻮﺍ ﻋﻴﺸﺘﻜﻢ ﻋﻠﻴﻬﺎ ، ﺃﻣﺎ ﺍﻟﻤﻮﺿﻮﻉ ﺍﻟﺜﺎﻧﻲ ﻓﺎﺍﻧﻲ ﺍﺭﻳﺪ ﺍﻃﻠﺐ ﺍﻳﺪ ﻭﺩﺍﺩ ﻻﺑﻨﻲ ﻣﻜﻲ ﻋﻠﻰ ﺳﻨﻪ ﺍﻟﻠﻪ ﻭﺭﺳﻮﻟﻪ ﻭﻣﻨﻬﺎ ﻳﺼﻴﺮ ﻗﺮﻳﺐ ﻋﻠﻴﻜﻢ ﻭﻣﻨﻬﺎ ﻭﺩﺍﺩ ﺗﺒﻘﻪ ﺩﺍﺭﻳﻜﻢ ﻭﻣﻜﻲ ﻳﺠﻲ ﻳﻜﻌﺪ ﻳﻤﻜﻢ ﺷﻜﻠﺘﻮﺍ
ﻣﺰﺍﺣﻢ : ﻭﺍﻟﻠﻪ ﻳﺎﺍﺣﺠﻲ ﺍﻧﻲ ﺑﻨﺴﺒﻪ ﺇﻟﻴﻪ ﻣﻮﺍﻓﻖ ﺑﺲ ﻣﺜﻞ ﻣﺘﻌﺮﻑ ﺍﻟﺸﻮﺭ ﺷﻮﺭ ﺍﺧﻮﻳﻪ ﺧﺎﻟﺪ ﻭﺍﻟﺒﺖ ﻭﺍﻥ ﺷﺎﺀﺍﻟﻠﻪ ﺧﻴﺮ
ﺣﺠﻲ ﺳﺎﻟﻢ : ﻣﻌﻨﺎﻫﺎ ﺍﻧﺘﻈﺮ ﻣﻨﻜﻢ ﺟﻮﺍﺏ
ﻣﺰﺍﺣﻢ : ﺍﻥ ﺷﺎﺀ ﺍﻟﻠﻪ ﺑﺄﺟﺮ ﻧﺮﺩﻟﻚ ﺍﻟﺠﻮﺍﺏ
ﺣﺠﻲ ﺳﺎﻟﻢ : ﻳﺎﻟﻠﻪ ﺍﻧﻲ ﺍﺗﺮﺧﺺ ﻭﺍﺷﻮﻓﻜﻢ ﺑﺨﻴﺮ ﺃﻥ ﺷﺎﺀﺍﻟﻠﻪ
.
ﻓﻲ ﺍﻟﻤﺪﻳﻨﻪ )
ﺑﻌﺪ ﺍﻧﺘﻬﺎﺀ ﺍﻟﻤﺤﺎﺿﺮﻩ ﺗﺬﻫﺐ ﻧﺮﺟﺲ ﺍﻟﻰ ﻧﺎﺩﻱ ﺍﻟﺠﺎﻣﻌﻪ ﻭﺗﺮﻯ ﺍﻳﻤﻦ ﺟﺎﻟﺲ ﻭﺣﻴﺪﺍ ﻭﻳﻨﻈﺮ ﺇﻟﻰ ﺳﺎﻋﺘﻪ ﻣﻨﺘﻈﺮ ﻗﺪﻭﻣﻬﺎ ﺗﺎﺗﻲ ﺇﻟﻴﻪ ﺗﻘﻮﻡ ﺑﺴﻼﻡ ﺛﻢ ﺗﺠﻠﺲ ﺃﻣﺎﻣﻪ
ﺍﻳﻤﻦ : ﺷﺸﺮﺑﻴﻦ ﺷﺘﺎﻛﻠﻴﻦ ؟
ﻧﺮﺟﺲ : ﻛﻠﺸﻲ ﻣﺎﺍﺭﻳﺪ ﺑﺲ ﺍﺭﻳﺪ ﺍﻋﺮﻑ ﺍﻟﺒﺎﺭﺣﻪ ﻟﻴﺶ ﺳﺎﺋﻞ ﻋﻠﻴﻪ
ﻭﺷﻨﻮ ﻣﻮﺿﻮﻋﻚ ﻭﻳﺎﻳﻪ
ﺍﻳﻤﻦ : ﺍﻧﻲ ﺍﻟﺒﺎﺭﺣﻪ ﻛﻠﺖ ﺧﺎﻑ ﺯﻋﻠﺖ ﺃﻭ ﺍﻧﺤﺮﺟﺖ ﺑﺲ ﺻﺪﻛﻴﻨﻲ ﻧﻴﺘﻲ ﺻﺎﻓﻴﻪ ﻭﻳﺎﺝ ﻛﻠﺶ
ﻧﺮﺟﺲ : ﺍﻧﺘﻪ ﻣﺘﻌﺮﻑ ﻋﻨﻲ ﺷﻲ ﻭﺍﻧﻲ ﻣﺎﺍﻋﺮﻓﻚ ﻫﻢ ﻭﻣﺎﺻﺎﺭﻟﻨﻪ ﻏﻴﺮ ٣ ﺍﻳﺎﻡ ﻣﻦ ﻣﺪﺍﻭﻣﻴﻦ ﻳﻌﻨﻲ ﻋﻠﻰ ﺷﻨﻮ ﻋﺎﺯﻣﻨﻲ ؟
ﺍﻳﻤﻦ : ﻧﺮﺟﺲ ﺳﺎﻣﻌﻪ ﺑﺤﺐ ﻣﻦ ﺍﻭﻝ ﻧﻈﺮﻩ
ﻧﺮﺟﺲ ( ﺿﺎﺣﻜﻪ ) : ﻻ ﻣﺎﺳﺎﻣﻌﻪ ﻭﻻ ﺍﺭﻳﺪ ﺃﺳﻤﻌﻪ
ﺍﻳﻤﻦ : ﻧﺮﺟﺲ ﺍﻧﻲ ﺍﻧﻌﺠﺒﺖ ﺑﻴﺞ ﺍﻧﻄﻴﻨﻲ ﻓﺮﺻﻪ ﺧﻠﻲ ﻧﺘﻌﺮﻑ ﻭﺍﻋﺮﻓﺞ ﻋﻠﻰ ﻧﻔﺴﻲ ﻭﺑﻮﻛﺘﻬﺎ ﺣﻜﻤﻲ ﻋﻠﻴﻪ
ﻧﺮﺟﺲ : ﺍﺳﻔﻪ ﻣﺎﺍﻛﺪﺭ
ﺍﻳﻤﻦ : ﺯﻳﻦ ﻟﻴﺶ ﻣﺘﻜﺪﺭﻳﻦ
ﻧﺮﺟﺲ : ﻫﻮﺍﻱ ﺍﺳﺒﺎﺏ ﻭﺍﺣﺴﻠﻚ ﻣﺘﻌﺮﻓﻨﻲ ﺍﻓﻀﻞ ﺍﻟﻚ ﻻﻥ ﺍﻧﻲ ﺟﺎﻱ ﻟﻠﻐﺮﺽ ﺍﻟﺪﺭﺍﺳﻪ ﻓﻘﻂ ﻭﻋﻨﺪﻱ ﺣﻠﻢ ﻭﺍﺭﻳﺪ ﺍﺣﻘﻘﻪ ﻭﻣﺎﺍﺧﻠﻲ ﻻ ﺣﺐ ﻭﻻ ﺍﻱ ﺷﻲ ﻳﻮﻗﻒ ﺑﻄﺮﻳﻘﻲ
ﺍﻳﻤﻦ : ﻗﺎﺑﻞ ﺍﻧﻲ ﺍﺿﺮﺝ ﻳﻌﻨﻲ
ﻧﺮﺟﺲ : ﺍﻱ ﺍﺿﺮﻧﻲ ﻭﺑﻌﺪﻳﻦ ﺍﻧﻲ ﻣﺎﺍﻋﺘﺮﻑ ﺑﺸﻲ ﺍﺳﻤﻪ ﺣﺒﺎﻧﻲ ﺍﻟﺤﺐ ﺍﻟﻲ ﺃﻋﺮﻓﻪ ﻭﺷﺎﻳﻔﺘﻪ ﺑﻠﻤﺴﻠﺴﻼﺕ ﻭﺍﻻﻓﻼﻡ ﻭﺑﺲ ﺗﻨﺘﻬﻲ ﻳﻨﺘﻬﻲ ﻭﻳﺎ ﺍﻟﺤﺐ
ﺍﻳﻤﻦ : ﺗﺮﻯ ﺍﻧﻲ ﺍﻛﺪﺭ ﺍﻱ ﺍﺑﻨﻴﻪ ﺍﺭﻭﺣﻠﻬﺎ ﻭﺍﺻﺎﺭﺣﻬﺎ ﻭﺗﻘﺒﻞ ﺑﺲ ﺍﻧﺘﻲ ﺗﺨﺘﻠﻔﻴﻦ ﻋﻦ ﺑﺎﻗﻲ ﺍﻟﺒﻨﺎﺕ
ﻧﺮﺟﺲ ( ﺿﺎﺣﻜﻪ ) : ﺷﻨﻮ ﻗﺼﺪﻙ ﻋﻨﺪﻱ ﺫﻳﻞ ﻣﺜﻼ
ﺍﻳﻤﻦ : ﺍﻧﻲ ﺩﺍﺣﺠﻲ ﺑﺸﻜﻞ ﺟﺪﻱ ﻓﺎﺍﺗﻤﻨﻰ ﻣﺘﺎﺧﺬﻱ ﺑﺸﻘﻪ ﻭﺗﺴﺘﻬﺰﺋﻴﻦ ﺑﻴﻪ
ﻧﺮﺟﺲ : ﻭﺍﻧﻲ ﻫﻢ ﺩﺍﺍﺣﺠﻲ ﺣﺠﻲ ﺟﺪﻱ ﻭﻣﺠﺎﻱ ﺍﺳﺘﻬﺰﺀ ﻭﺍﺫﺍ ﺍﻧﺘﻪ ﺍﺩﻛﻮﻝ ﺍﻛﻮ ﻫﻮﺍﻱ ﺑﻨﺎﺕ ﻏﻴﺮﻱ ﺭﻭﺡ ﺷﻮﻓﻬﻦ ﺷﻜﻮ ﺟﺎﻳﻨﻲ
ﺍﻳﻤﻦ : ﺗﺪﺭﻳﻦ ﺍﻧﺘﻲ ﻗﺎﺳﻴﻪ ﻛﻠﺶ ﻭﻛﻼﻣﺞ ﺟَﺴﺮ
ﻧﺮﺟﺲ : ﺍﻱ ﻻﻥ ﺍﻧﺘﻪ ﻣﺠﺎﻱ ﺗﻔﻬﻤﻨﻲ ﺩﺍﺍﻛﻠﻚ ﺍﻧﻲ ﻣﻮ ﻣﺎﻝ ﺣﺐ ﺍﻧﺘﻬﻰ ﺍﻟﺤﻮﺍﺭ ، ﺳﻼﻡ ( ﺗﻘﻮﻡ ﺑﺄﺧﺬ ﺣﻘﻴﺒﺘﻬﺎ ﻭﺗﻐﺎﺩﺭ )
ﻳﺒﻘﻰ ﺍﻳﻤﻦ ﻳﻨﻈﺮ ﺇﻟﻴﻬﺎ ﻭﻳﻌﺾ ﺑﺸﻔﺘﺎﻩ ﻭﻳﻔﺮﻙ ﺑﻴﺪﻩ ﻧﻌﻢ ﻟﻘﺪ ﺗﻌﺮﺽ ﻟﻼﻫﺎﻧﻪ ﻭﺍﻻﺳﺘﻬﺰﺍﺀ ﻭﺑﺮﺩ ﻛﺎﻥ ﻗﺎﺳﻲ ﺟﺪﺍ ﻋﻠﻴﻪ ﻻ ﻳﺴﺘﻄﻴﻊ ﺃﻱ ﺃﺣﺪ ﺃﻥ ﻳﺘﺤﻤﻠﻪ ﻟﻜﻦ ﻳﺒﻘﻰ ﺍﻟﺴﺆﺍﻝ ﻫﻨﺎ ﻟﻤﺎﺫﺍ ﺗﺤﻮﻟﺖ ﻧﺮﺟﺲ ﺍﻟﻰ ﻫﺬﻩ ﺍﻟﺸﺨﺼﻴﺔ ﺍﻟﻌﻨﻴﻔﻪ ﻭﺍﻟﺠﺴﻮﺭﻩ ﺟﺪﺍ ؟
ﺗﻠﺘﻘﻲ ﺯﻳﻨﺐ ﺑﻨﺮﺟﺲ ﻗﺎﺋﻠﻪ : ﻫﺎﺍﺍ ﺑﺸﺮﻱ ﺷﻜﺎﻟﺞ
ﻧﺮﺟﺲ : ﺍﻣﻮﺭ ﺗﺎﻓﻬﻪ ﻣﺎﻟﻬﺎ ﻣﻌﻨﻰ ﻳﻜﻠﻲ ﻣﻌﺠﺐ ﻭﻣﺪﺭﻱ ﺷﻨﻮ
ﺯﻳﻨﺐ : ﺍﻱ
ﻧﺮﺟﺲ : ﺭﻓﻀﺘﻪ ﻭﺭﺯﻟﺘﻪ ﺭﺯﺍﻟﻪ ﻧﺎﺷﻔﻪ
ﺯﻳﻨﺐ : ﻳﺎﺍ ﻟﻴﺶ ﺳﻮﻳﺘﻲ ﻫﻴﺞ ﺑﻠﻮﻟﺪ
ﻧﺮﺟﺲ : ﺍﺳﻤﻌﻴﻨﻲ ﺯﻳﻦ ﺯﻳﻨﺐ ﺍﻧﻲ ﻫﻨﺎ ﻟﻠﻐﺮﺽ ﺍﻟﺪﺭﺍﺳﻪ ﻓﻘﻂ ﻻ ﺣﺐ ﻭﻻ ﺑﻄﻴﺦ ﺍﻓﺘﻬﻤﺘﻲ
ﺯﻳﻨﺐ : ﺍﻋﺼﺎﺑﺞ ﺷﺤﺠﻴﺖ ﻣﻦ ﺭﺧﺼﺘﺞ ﺍﺭﺩ ﺍﺭﻭﺡ ﺍﺷﻮﻑ ﻳﺖ ﺧﺎﻟﻲ
ﺭﺩ ﺛﺎﻧﻲ ﻗﺎﺳﻲ ﻛﺎﻥ ﻫﺬﻩ ﺍﻟﻤﺮﻩ ﻋﻠﻰ ﺯﻣﻴﻠﺘﻬﺎ ؟
ﺗﻌﻮﺩ ﺍﻟﻰ ﺍﻟﺒﻴﺖ ﻭﺑﻌﺪ ﺍﻧﺘﻬﺎﺀﻫﺎ ﻣﻦ ﺩﺭﺍﺳﻪ ﺍﻟﻤﺤﺎﺿﺮﺍﺕ ﺗﺠﻠﺲ ﻣﻊ ﺳﺖ ﻫﺪﻯ ﻛﻠﻌﺎﺩﻩ ﻟﻠﺘﺒﺎﺩﻝ ﺍﻟﺤﺪﻳﺚ ﻭﺗﺤﻜﻲ ﻣﺎﻋﻤﻠﺖ ﻣﻊ ﺍﻳﻤﻦ ﻭﺯﻳﻨﺐ ﻭﻛﻴﻒ ﻛﺎﻥ ﺟﺎﻭﺑﻬﺎ ﺗﺮﺩ ﻋﻠﻴﻬﺎ ﺳﺖ ﻫﺪﻯ ﻗﺎﺋﻠﻪ : ﺍﻧﺘﻲ ﺻﺪﻙ ﺗﺤﺠﻴﻦ ﻫﻴﺞ ﺳﻮﻳﺘﻲ
ﻧﺮﺟﺲ : ﺍﻱ ﻭﺍﻱ ﻭﺍﺣﺪ ﻳﺠﻴﻨﻲ ﺭﺍﺡ ﺍﺭﺩ ﺑﻬﻴﺞ ﺍﺳﻠﻮﺏ
ﺳﺖ ﻫﺪﻯ : ﺑﺲ ﻫﺬﺍ ﺍﻟﺸﻲ ﻏﻠﻂ ﻣﻴﺼﻴﺮ ﻭﻋﻴﺐ ﻋﻠﻴﺞ ﺗﺼﺮﻓﻴﻦ ﻫﻴﺞ ﺗﺼﺮﻑ
ﻧﺮﺟﺲ : ﻳﻌﻨﻲ ﻫﺴﻪ ﻃﻠﻌﺖ ﺍﻧﻲ ﺍﻟﻐﻠﻄﺎﻧﻪ ﻣﻮ ﻟﻮ ﺗﺮﻳﺪﻧﻲ ﺍﺭﻭﺡ ﺍﺷﻤﺮ ﻧﻔﺴﻲ ﺑﺤﻀﻨﻪ
ﺳﺖ ﻫﺪﻯ : ﺍﻭﺯﻧﻲ ﻛﻼﻣﺞ ﻋﺪﻝ ﻭﻋﺮﻓﻲ ﺷﺪﺗﺤﺠﻴﻦ ﺗﺮﻯ ﺍﻧﻲ ﻣﺎﺍﻋﺮﻓﺘﺞ ﻫﻴﺞ ﺷﻨﻮ ﻫﻠﺘﻐﻴﺮ ﻫﺬﺍ ﺍﻟﻤﻔﺎﺟﺊ ﺑﻴﺞ ﺷﻲ ﻛﻮﻟﻴﻠﻲ
ﻧﺮﺟﺲ : ﻳﻤﻪ ﻣﺎﺑﻴﻪ ﺷﻲ ﺑﺲ ﺍﻧﻲ ﺗﻌﺒﺎﻧﻪ ﻧﻔﺴﻴﺘﻲ ﺗﻌﺒﺎﻧﻪ ﻣﺪﻣﺮﻩ ﺍﻟﻲ ﺷﻔﺘﻪ ﺑﺤﻴﺎﺗﻲ ﻣﻮ ﻗﻠﻴﻞ ﻭﺣﺘﻰ ﻣﺮﻩ ﻓﻜﺮﺕ ﺍﻧﺘﺤﺮ ﻭﻣﺎﺻﺎﺭﺕ ﻭﻣﻮ ﺳﻬﻠﻪ ﺍﺩﺧﻞ ﺷﺨﺺ ﺑﺤﻴﺎﺗﻲ ﺣﺴﻮ ﺑﻴﻪ ﺍﻟﻠﻪ ﻳﺨﻠﻴﻜﻢ ( ﺛﻢ ﺗﻐﺎﺩﺭ ﻭﻫﻲ ﺑﺎﻛﻴﻪ )
ﺳﺖ ﻫﺪﻯ : ﺍﺳﺘﻐﻔﺮ ﺍﻟﻠﻪ ﻭﺍﺗﻮﺏ ﺇﻟﻴﻪ
( ﻓﻲ ﺍﻟﻘﺮﻳﻪ )
ﻓﻲ ﺑﻴﺖ ﺍﻟﻌﻢ ﺧﺎﻟﺪ ﺗﺠﻠﺲ ﻭﺩﺍﺩ ﻣﻊ ﻋﻤﻬﺎ ﺧﺎﻟﺪ ﻭ ﺍﺧﻴﻪ ﻣﺰﺍﺣﻢ ( ﺍﺏ ﻧﺮﺟﺲ )
ﻣﺰﺍﺣﻢ : ﺑﻨﺘﻲ ﺍﻧﻲ ﺭﺍﺡ ﺍﺣﺠﻲ ﻭﻳﺎﺝ ﺑﻨﺎﻳﺒﻪ ﻋﻦ ﺍﺧﻮﻳﻪ ﺧﺎﻟﺪ ﻻﻥ ﻭﺿﻌﻪ ﻣﻴﺴﻤﺢ ﺑﺲ ﻫﻮ ﺩﺍﻳﺴﻤﻌﻨﻪ
ﻭﺩﺍﺩ : ﺍﻱ ﻋﻤﻲ ﻛﻮﻝ
ﻣﺰﺍﺣﻢ : ﺍﻟﻴﻮﻡ ﻣﻦ ﺍﺟﻪ ﺣﺠﻲ ﺳﺎﻟﻢ ﺭﺍﺩﺝ ﻻﺑﻨﻪ ﻣﻜﻲ ﻋﻠﻰ ﺳﻨﻪ ﺍﻟﻠﻪ ﻭﺭﺳﻮﻟﻪ ﻭﺍﺣﻨﻪ ﻭﺍﻓﻘﻨﻪ ﺑﺲ ﻛﺘﻠﻪ ﺧﻠﻲ ﻧﺎﺧﺬ ﺷﻮﺭ ﺍﻟﺒﺖ
ﻭﺩﺍﺩ : ﻋﻤﻲ ﻭﻭﻟﻴﺪ ﻳﻌﻨﻲ ﺍﻧﺴﻰ
ﻣﺰﺍﺣﻢ : ﺑﻨﺘﻲ ﻭﻟﻴﺪ ﺭﺍﺡ ﻟﻠﺪﺍﺭ ﺣﻘﻪ ﻭﺍﻧﺘﻲ ﺑﻌﺪﺝ ﺻﻐﻴﺮﻩ ﻭﻻﺯﻡ ﺷﻮﻓﻴﻦ ﺣﻴﺎﺗﺞ ﻭﻋﺪﺝ ﻃﻔﻞ ﻭﻳﺮﻳﺪﻟﻪ ﺳﻨﺪ ﻭﻫﻠﺸﻮﻓﻴﻨﻪ ﺍﺣﻨﻪ ﻣﺸﻠﻮﻟﻴﻦ ﻭﻛﺎﻋﺪﻳﻦ ﻭﻣﻨﺘﻈﺮﻳﻦ ﺑﺲ ﺍﻟﻤﻮﺕ
ﻭﺩﺍﺩ : ﻻ ﺍﺳﻢ ﺍﻟﻠﻪ ﻋﻠﻴﻜﻢ ﺑﺲ ﻋﻤﻲ ﺍﺷﻠﻮﻥ ﺍﺯﻭﺝ ﻭﻟﺴﻪ ﺳﻨﻪ ﻭﻟﻴﺪ ﻣﺎﺍﻃﺎﻟﻌﻪ ﻭﺍﺷﻠﻮﻥ ﺍﻋﻮﻓﻜﻢ ﺑﻮﺣﺪﻛﻢ ﻭﻣﺤﺪ ﻣﻮﺟﻮﺩ ﻳﺪﺍﺭﻳﻜﻢ
ﻣﺰﺍﺣﻢ : ﺍﻧﺘﻲ ﺍﻟﻌﺪﻩ ﻣﺎﻟﺘﺞ ﺍﻧﺘﻬﺖ ﻭﺍﺫﺍ ﻋﻠﻰ ﺳﻨﻪ ﻭﻟﻴﺪ ﻳﺎﻟﻠﻪ ﺗﺰﻭﺟﻴﻦ ﻣﻜﺪﻭﺭﺗﻠﻬﺎ ﻧﺘﻔﻖ ﻭﻳﺎﻫﻢ ﻋﻠﻰ ﻫﺬﺍ ﺍﻟﺸﻲ ﻭﺍﺫﺍ ﻋﻠﻴﻨﻪ ﻭﺷﺎﻳﻠﻪ ﻫﻤﻨﻪ ﻓﺎﺣﺠﻲ ﺳﺎﻟﻢ ﻛﺎﻝ ﻋﺎﺩﻱ ﻣﻜﻲ ﻳﺠﻲ ﻳﺴﻜﻦ ﻋﺪﻛﻢ
ﻭﺑﻘﻪ ﺍﻟﺠﻮﺍﺏ ﻳﻤﺞ ﻟﻮ ﺍﻱ ﻟﻮ ﻻ
ﻭﺩﺍﺩ : ﺍﺫﺍ ﻫﻴﺞ ﺍﻻﺗﻔﺎﻕ ﻳﻀﻞ ﺍﻧﻲ ﻣﻮﺍﻓﻘﻪ ﺑﺲ ﺳﻨﻪ ﻭﻟﻴﺪ ﺗﻄﻠﻊ ﻭﺍﻧﻲ ﺍﺑﻘﻪ ﻳﻤﻜﻢ ﻭﻳﻢ ﺍﺑﻨﻲ
ﻣﺰﺍﺣﻢ : ﻫﺎﻫﻴﻪ ﺑﻴﻪ ﺍﻟﺨﻴﺮ ﺃﻥ ﺷﺎﺀﺍﻟﻠﻪ
ﻣﻜﻲ ﻳﺘﻤﺸﻰ ﺑﻠﻘﺮﻳﻪ ﻣﺮﺣﺎ ﻭﻓﺨﻮﺭﺍ ﻭﺍﺻﺒﺢ ﺫﺍﺕ ﺳﻤﻌﻪ ﻃﻴﺒﻪ ﻭﻣﺮﻣﻮﻗﺎ ﺑﻴﻦ ﺍﻫﻞ ﺍﻟﻘﺮﻳﻪ ﺍﻟﻜﻞ ﻳُﺴﻠﻢ ﻋﻠﻴﻪ ﺍﻟﻜﺒﺎﺭ ﻭﺍﻟﺼﻐﺎﺭ ﻭﻛﺄﻧﻪ ( ﻣﺤﺮﺭ ﺍﻟﻘﺪﺱ ) ﻳﺄﺗﻲ ﺇﻟﻴﻪ ﻃﻔﻞ ﺻﻐﻴﺮ ﻗﺎﺋﻼ : ﻋﻤﻮ ﻋﻤﻮ ﻫﺎﻱ ﻭﺭﻗﻪ ﺩﺯﻫﺎ ﻭﺍﺣﺪ ﺍﻟﻚ ﻛﻠﻲ ﺍﻧﻄﻴﻬﺎ ﻟﻠﻤﻜﻲ
ﻣﻜﻲ : ﻭﺭﻗﺘﻴﺶ
ﺍﻟﻄﻔﻞ : ﻫﺎﻱ ( ﻳﻌﻄﻴﻪ ﺍﻟﻮﺭﻗﻪ )
ﻳﻘﻮﻡ ﻣﻜﻲ ﺑﻔﺘﺢ ﺍﻟﻮﺭﻗﻪ ﻭﻳﻘﺮﺍ ﺍﻟﻤﻜﺘﻮﺏ ﻓﻴﻬﺎ ( ﺍﻧﻲ ﺍﻟﺸﺨﺺ ﺍﻟﻲ ﻧﻮﻓﻞ ﺧﻼﻧﻲ ﺍﻛﺘﺐ ﺍﻟﺮﺳﺎﻟﻪ ﻭﺍﺩﺯﻫﺎ ﻟﻠﺠﻌﻔﺮ ﺭﻗﺒﺘﻚ ﺑﻴﺪﻱ ، ﺳﻼﻡ )
ﻣﻜﻲ ( ﻳﺨﺎﻃﺐ ﺍﻟﺼﺒﻲ ) : ﻋﻤﻮ ﻣﻨﻮ ﺍﻧﻄﺎﻛﻴﺎﻫﺎ ﻫﺎﻱ
ﺍﻟﻄﻔﻞ : ﻭﺍﺣﺪ ﻣﻠﺜﻢ ﻛﻠﻲ ﺍﻧﻄﻴﻪ ﻟﻠﻤﻜﻲ ﻭﺭﺍﺡ
ﻣﻜﻲ : ﻫﺎﺍ ﺷﻜﺮﺍ ﻋﻤﻮ
ﻣﻜﻲ ( ﻳﺘﻜﻠﻢ ﻣﻊ ﻧﻔﺴﻪ ) : ﻣﻨﻮ ﻫﺬﺍ ؟
.
ﻳﻘﻮﻡ ﻣﻜﻲ ﺑﻔﺘﺢ ﺍﻟﻮﺭﻗﻪ ﻭﻳﻘﺮﺍ ﺍﻟﻤﻜﺘﻮﺏ ﻓﻴﻬﺎ ( ﺍﻧﻲ ﺍﻟﺸﺨﺺ ﺍﻟﻲ ﻧﻮﻓﻞ ﺧﻼﻧﻲ ﺍﻛﺘﺐ ﺍﻟﺮﺳﺎﻟﻪ ﻭﺍﺩﺯﻫﺎ ﻟﻠﺠﻌﻔﺮ ﺭﻗﺒﺘﻚ ﺑﻴﺪﻱ ، ﺳﻼﻡ )
ﻣﻜﻲ ( ﻳﺨﺎﻃﺐ ﺍﻟﺼﺒﻲ ) : ﻋﻤﻮ ﻣﻨﻮ ﺍﻧﻄﺎﻛﻴﺎﻫﺎ ﻫﺎﻱ
ﺍﻟﻄﻔﻞ : ﻭﺍﺣﺪ ﻣﻠﺜﻢ ﻛﻠﻲ ﺍﻧﻄﻴﻪ ﻟﻠﻤﻜﻲ ﻭﺭﺍﺡ
ﻣﻜﻲ : ﻫﺎﺍ ﺷﻜﺮﺍ ﻋﻤﻮ
ﻣﻜﻲ ( ﻳﺘﻜﻠﻢ ﻣﻊ ﻧﻔﺴﻪ ) : ﻣﻨﻮ ﻫﺬﺍ ؟
( ﻓﻲ ﺍﻟﻤﺪﻳﻨﻪ )
ﺟﻤﻴﻊ ﺍﻟﻄﻼﺏ ﻓﻲ ﺍﻟﻤﺮﺣﻠﻪ ﺍﻻﻭﻟﻰ ﻳﺴﺘﻌﺪﻭﻥ ﻟﻘﻴﺎﻡ ﺑﺤﻔﻠﻪ ﺗﻌﺎﺭﻑ ﺍﻟﺒﻌﺾ ﻳﺤﻀﺮ ﺍﻟﺒﺎﻟﻮﻧﺎﺕ ﻭﺍﻟﺒﻌﺾ ﻳﺮﺗﺐ ﺍﻟﺤﻠﻮﻳﺎﺕ ﻭﺍﻟﺒﻌﺾ ﻳﻘﻮﻡ ﺑﺘﺰﻳﻦ ﺍﻟﻘﺎﻋﻪ ﻛﻞ ﻫﺬﺍ ﺑﺪﻭﻥ ﻣﺸﺎﺭﻛﻪ ﻧﺮﺟﺲ
ﻧﺮﺟﺲ ﺗﺠﻠﺲ ﻭﺣﻴﺪﻩ ﻓﻲ ﻣﻜﺎﻥ ﻣﺎ ﻓﻲ ﺍﻟﺠﺎﻣﻌﻪ ﻓﺎﺗﺤﻪ ﺍﻟﻜﺘﺎﺏ ﻭﺗﻘﺮﺍ ﺗﺎﺗﻲ ﺇﻟﻴﻬﺎ ﺯﻳﻨﺐ ﻗﺎﺋﻠﻪ : ﺷﻮ ﻛﺎﻋﺪﻩ ﻭﺣﺪﺝ ﻣﺪﺧﻠﻴﻦ ﺟﻮﺍ ﺑﻠﻘﺎﻋﻪ ﺩﻳﺤﻀﺮﻭﻥ ﻟﻠﺤﻔﻠﻪ ﺍﻟﺘﻌﺎﺭﻑ
ﻧﺮﺟﺲ : ﺍﻟﻴﻮﻡ ﺗﻌﺒﺎﻧﻪ ﻣﺎﺑﻴﻪ ﺣﻴﻞ ﻭﻫﻴﺞ ﺃﺟﻮﺍﺀ ﺻﺎﺧﺒﻪ ﻣﺎﺍﺭﺗﺎﺡ ﺑﻴﻬﺎ ﻫﻮ ﺍﻟﻴﻮﻡ ﻣﺎﻛﻮ ﻣﺤﺎﺿﺮﺍﺕ
ﺯﻳﻨﺐ : ﻻ ﻣﺎﻛﻮ
ﻧﺮﺟﺲ : ﺧﻮﺵ ﻟﻌﺪ ﺍﺭﺟﻊ ﻟﻠﺒﻴﺖ
ﺯﻳﻨﺐ : ﻧﺮﺟﺲ ﺷﺒﻴﺞ ﻫﺎﻱ ﺗﺮﻯ ﻫﻲ ﻣﺮﻩ ﺑﻠﻌﻤﺮ ﺍﺻﻴﺮ ﺍﻣﺸﻲ ﻭﻳﺎﻳﻪ ﺣﺘﻠﻮ ﺑﺲ ﻛﻌﺪﻱ ﻛﻠﺸﻲ ﻻﺳﻮﻳﻦ
ﻧﺮﺟﺲ : ﺟﺒﺮﻭﻧﻲ ﺍﻋﺮﻑ ﻋﻦ ﻧﻔﺴﻲ ﺍﺷﻠﻮﻥ
ﺯﻳﻨﺐ : ﻻ ﻣﺎﻛﻮ ﻫﻴﺞ ﺷﻲ ﻳﺎﻟﻠﻪ ﻛﻮﻣﻲ ﻭﻳﺎﻳﻪ
ﺗﺬﻫﺒﺎﻥ ﻣﻌﺎ ﻭﻳﺪﺧﻼﻥ ﺍﻟﻘﺎﻋﻪ ﻭﺍﺻﻮﺍﺕ ﺍﻟﺪﻱ ﺟﻲ ﺍﻟﺼﺎﺧﺒﻪ ﺗﻌﻢ ﺍﻟﻤﻜﺎﻥ
ﻳﺒﺪﺃ ﻋﺮﻳﻒ ﺍﻟﺤﻔﻞ ﺑﺘﻘﺪﻳﻢ ﻧﻔﺴﻪ ﻟﻠﻄﻼﺏ ﻣﻊ ﻭﺟﻮﺩ ﺭﺋﻴﺲ ﺍﻟﻘﺴﻢ ﻭﻛﺬﻟﻚ ﺍﻻﺳﺎﺗﺬﻩ ﺍﻟﺘﺪﺭﻳﺴﻴﻦ ﺑﻌﺪ ﺍﻻﻧﺘﻬﺎﺀ ﻳﺨﺮﺝ ﺭﺋﻴﺲ ﺍﻟﻘﺴﻢ ﻭﻣﻌﻪ ﺍﻻﺳﺎﺗﺬﻩ ﻭﻳﺒﻘﻰ ﺍﻟﻄﻼﺏ ﻭﺣﺪﻫﻢ
ﻋﺮﻳﻒ ﺍﻟﺤﻔﻞ : ﻭﺍﻭﻝ ﻃﺎﻟﺐ ﻭﻳﺎﻧﻪ ﺍﻟﻴﻮﻡ ﺣﺐ ﻳﻌﺮﻑ ﻋﻦ ﻧﻔﺴﻪ ﻫﻮ ﺍﻳﻤﻦ
ﻳﺼﻌﺪ ﺍﻳﻤﻦ ﺍﻟﻰ ﺍﻟﻤﻨﺼﻪ ﻳﻨﻈﺮ ﺇﻟﻰ ﺍﻟﻄﻼﺏ ﻭﻳﺮﻯ ﻧﺮﺟﺲ ﺟﺎﻟﺴﻪ
ﺍﻳﻤﻦ : ﺍﻟﺴﻼﻡ ﻋﻠﻴﻜﻢ ، ﺍﻧﻲ ﺍﺳﻤﻲ ﺍﻳﻤﻦ ﻋﻤﺮﻱ ٢٠ ﺳﻨﻪ ﻭﺗﺎﺧﺮﺕ ﻫﻮﺍﻱ ﺑﺪﺭﺍﺳﺘﻲ ﻟﻜﻦ ﺍﻟﻤﻬﻢ ﺣﻘﻘﺖ ﺍﻟﻲ ﺟﻨﺖ ﺍﺗﻤﻨﻰ
ﻭﺗﺘﻮﺍﻟﻪ ﻋﻠﻴﻪ ﺍﻻﺳﺌﻠﻪ ﻭﻫﻮ ﻳﺠﻴﺐ ﻭﻳﻨﻈﺮ ﺇﻟﻰ ﻋﻴﻨﻲ ﻧﺮﺟﺲ
ﺃﺣﺪ ﺍﻟﻄﻼﺏ : ﻫﻢ ﻣﻌﺠﺐ ﺑﺒﻨﻴﻪ ﻣﻦ ﺍﻟﻘﺴﻢ
ﺍﻳﻤﻦ ﻳﻨﻈﺮ ﺇﻟﻰ ﻧﺮﺟﺲ ﻗﺎﺋﻼ : ﻻ ﻣﺎﻣﻤﻌﺠﺐ ﺑﺲ ﻋﺎﺷﻖ ﻟﻠﻌﻴﻨﻴﻬﺎ ﻭﻻﺑﺘﺴﺎﻣﺘﻬﺎ ﻭﻟﺼﻔﺎﺀ ﻭﻧﻘﺎﺀ ﻗﻠﺒﻬﺎ
ﺻﻮﺕ ﺻﻔﻴﺮ ﻭﺗﺼﻔﻴﻖ ﺑﻌﺪ ﻛﻼﻣﻪ ﻫﺬﺍ ﻭﻧﺮﺟﺲ ﺗﺼﺎﺏ ﺑﺼﺪﻣﻪ ﻭﺣﻤﺮﺍﺭ ﻭﺟﻨﺘﻴﻬﺎ ﻟﻠﺘﻨﺰﻝ ﺭﺍﺳﻬﺎ ﻭﻟﻜﻦ ﻫﻨﺎﻙ ﺧﻔﻘﺎﻥ ﻓﻲ ﻗﻠﺒﻬﺎ ﺑﺪﺃ ﻳﻈﻬﺮ
( ﻓﻲ ﺍﻟﻘﺮﻳﻪ )
ﻣﻜﻲ ﻳﺠﺘﻤﻊ ﻣﻊ ﺃﺣﺪ ﺍﻟﺘﺮﺑﻮﻳﻴﻦ ﻓﻲ ﺍﻟﻘﺮﻳﻪ ﻟﻴﻌﺮﻑ ﻣﻨﻪ ﺍﻷﺷﺨﺎﺹ ﺍﻟﺬﻳﻦ ﻳﻌﺮﻓﻮﻥ ﺍﻟﻘﺮﺍﺀﺓ ﻭﺍﻟﻜﺘﺎﺑﺔ
ﻣﻜﻲ : ﺍﺳﺘﺎﺫ ﺍﻧﻲ ﺟﺎﻳﻚ ﺑﻤﻮﺿﻮﻉ ﻣﻬﻢ ﻭﻓﻜﺮﻩ ﻛﻠﺶ ﺣﻠﻮﻩ ﺗﺴﺘﻔﺎﺩ ﺍﻟﻨﺎﺱ ﻣﻨﻬﺎ
ﺍﻻﺳﺘﺎﺫ : ﺍﻱ ﺍﺗﻔﻀﻞ ﺍﺳﻤﻌﻚ
ﻣﻜﻲ : ﺍﺭﻳﺪ ﺍﺳﻤﺎﺀ ﺍﻻﺷﺨﺎﺹ ﺍﻟﻲ ﻳﻌﺮﻓﻮﻥ ﺍﻟﻘﺮﺍﺀﺓ ﻭﺍﻟﻜﺘﺎﺑﺔ ﺣﺘﻰ ﻧﺒﻨﻲ ﻣﺪﺭﺳﻪ ﺻﻐﻴﺮﻩ ﻧﻌﻠﻢ ﺑﻴﻬﺎ ﺍﻟﻨﺎﺱ ﺍﻟﻲ ﻣﺘﻌﺮﻑ ﺗﻘﺮﺍ ﻭﺗﻜﺘﺐ ﻭﻟﻮ ﺷﻲ ﺑﺴﻴﻂ
ﺍﻻﺳﺘﺎﺫ : ﻭﺍﻟﻠﻪ ﻳﺎﻣﻜﻲ ﺧﻮﺵ ﻓﻜﺮﻩ ﻫﺎﻱ ، ﺭﺍﺡ ﺍﻧﻄﻴﻚ ﺍﺳﻤﺎﺀ ﺍﻻﺷﺨﺎﺹ ﺍﻟﻲ ﺑﻠﻘﺮﻳﻪ ﺍﻟﻲ ﺍﻋﺮﻓﻬﻢ ﻃﺒﻌﺎ ﺑﻠﻜﻲ ﻳﻔﻴﺪﻭﻙ ﺑﻤﺸﺮﻭﻋﻚ
ﻣﻜﻲ : ﺍﻱ ﻭﺍﻟﻠﻪ ﺍﺳﻮﻱ ﻋﻠﻴﻚ ﺯﺣﻤﻪ ﺍﺳﺘﺎﺫ
ﺍﻻﺳﺘﺎﺫ : ﻻ ﻛﻞ ﺯﺣﻤﻪ ﻣﺎﻛﻮ
ﻳﺒﺪﺃ ﺑﻜﺘﺎﺑﻪ ﺍﺳﻤﺎﺀ ﺍﻻﺷﺨﺎﺹ ﻓﺮﺩﺍ ﻓﺮﺩﺍ ﻓﻲ ﻭﺭﻗﻪ ﻭﻳﻌﻄﻴﻬﺎ ﻟﻠﻤﻜﻲ
ﻣﻜﻲ : ﺷﻜﺮﺍ ﺍﻟﻚ ﻣﺮﻩ ﺛﺎﻧﻴﻪ
ﻳﺒﺪﺃ ﻣﻜﻲ ﺑﻠﺒﺤﺚ ﻋﻦ ﻫﻮﻻﺀ ﺍﻷﺷﺨﺎﺹ ﻭﻋﻼﻗﺘﻬﻢ ﻣﻊ ﻧﻮﻓﻞ ﺍﻟﺘﻘﻰ ﺑﻬﻢ ﺟﻤﻴﻌﺎ ﻭﻛﺎﻧﺖ ﺭﺩﻭﺩﻫﻢ ﻃﺒﻴﻌﻴﻪ ﻣﺎﻋﺪﺍ ﻭﺍﺣﺪ ﻟﻢ ﻳﻜﻦ ﻣﻮﺟﻮﺩﺍ ﺁﻧﺬﺍﻙ ﻭﻛﺎﻧﺖ ﻟﻪ ﺻﻠﻪ ﻣﻊ ﻧﻮﻓﻞ
ﻣﻜﻲ : ﺍﻟﺴﻼﻡ ﻋﻠﻴﻜﻢ ﺍﺑﻮﻋﻠﻲ ﺍﺷﻠﻮﻧﻚ ، ﻋﻠﻲ ﺷﻮ ﻣﺎﻛﻮ ﻣﺤﺘﺎﺟﻪ ﺑﺸﻐﻠﻪ
ﺍﺑﻮ ﻋﻠﻲ : ﻳﺎﺍﻫﻠﻪ ﻭﻣﻴﺖ ﻫﻠﻪ ، ﺭﺍﺡ ﻳﻮﺩﻱ ﺍﻣﻪ ﻟﻠﻤﺴﺘﺸﻔﻰ ﺍﺷﻮﻳﻪ ﻣﺎﻟﻬﺎ ﺧﻠﻚ
ﻣﻜﻲ : ﺍﻫﺎﺍﺍ ﺧﻴﺮ ﺍﻥ ﺷﺎﺀ ﺍﻟﻠﻪ ﻣﺸﻮﻑ ﺷﺮ، ﺭﺍﺡ ﺍﻧﺘﻈﺮﻩ ﻟﻌﺪ
ﺍﺑﻮ ﻋﻠﻲ : ﺗﻔﻀﻞ ﺟﻮﺍ ﻛﻞ ﺍﻟﻬﻼ ﺑﻴﻚ
.
.
ﺍﻟﻤﺪﻳﻨﻪ )
ﺑﻌﺪ ﺍﻧﺘﻬﺎﺀ ﺍﻟﺤﻔﻞ ﻭﺑﻴﻨﻤﺎ ﺍﻳﻤﻦ ﻳﻘﻒ ﻣﻊ ﺯﻣﻼﺋﻪ ﺗﺎﺗﻲ ﺇﻟﻴﻪ ﻧﺮﺟﺲ ﻗﺎﺋﻠﻪ : ﺍﻟﺴﻼﻡ ﻋﻠﻴﻜﻢ ، ﺍﻳﻤﻦ ﻣﻤﻜﻦ ﺍﺣﺠﻲ ﻭﻳﺎﻙ ﻋﻠﻰ ﺍﻧﻔﺮﺍﺩ
ﺍﻳﻤﻦ : ﺍﻱ ﻋﺎﺩﻱ
ﻧﺮﺟﺲ : ﺍﻟﻲ ﺳﻮﻳﺘﻪ ﺍﻟﻴﻮﻡ ﻋﻴﺐ ﺧﻠﻴﺖ ﺍﻟﻄﻼﺏ ﻛﻠﻬﺎ ﺗﺒﺎﻭﻉ ﻋﻠﻴﻪ
ﺍﻳﻤﻦ : ﻣﻨﻮ ﻛﺎﻟﺞ ﺍﻧﺘﻲ ﺍﻟﻤﻘﺼﻮﺩﻩ ﺑﻜﻼﻣﻲ ﻳﺠﻮﺯ ﻭﺣﺪﻩ ﻏﻴﺮﺝ
ﻧﺮﺟﺲ : ﻭﺷﻜﻮ ﻟﻌﺪ ﺗﺒﺎﻭﻉ ﻋﻠﻴﻪ ﻭﺗﺤﺠﻲ
ﺍﻳﻤﻦ : ﺍﻧﺘﻲ ﺻﺎﻳﺮﻩ ﻛﺪﺍﻣﻲ ﻗﺎﺑﻞ ﺍﺑﺎﻭﻉ ﻟﻠﻴﻔﻮﻙ ﻣﺜﻼ
ﻧﺮﺟﺲ : ﺍﻳﻤﻦ ﻫﺬﺍ ﺍﺧﺮ ﺗﺤﺬﻳﺮ ﺍﻟﻚ ﻭﺑﻌﺪﻫﺎ ﺍﺷﺘﻜﻲ ﻋﻠﻴﻚ ﻳﻢ ﺭﺋﻴﺲ ﺍﻟﻘﺴﻢ ﺍﻛﻠﻪ ﺩﻳﺘﺤﺮﺵ ﺑﻴﻪ
ﺍﻳﻤﻦ ( ﺿﺎﺣﻜﺎ ) : ﻟﻮ ﺟﻨﺘﻲ ﺍﻧﺘﻲ ﺍﻟﻤﻘﺼﻮﺩﻩ ﺟﺎﻥ ﻛﻠﺖ ﺍﺳﻤﺞ ﻭﺍﺷﺮﺕ ﻋﻠﻴﺞ ﺑﺲ ﻣﻮ ﺍﻧﺘﻲ
ﻧﺮﺟﺲ : ﺍﻱ ﺻﺪﻛﺘﻚ ﺍﻧﻲ
ﺍﻳﻤﻦ : ﺍﺣﺴﻦ ( ﺛﻢ ﻳﻐﺎﺩﺭ )
ﺳﺖ ﻫﺪﻯ ﺟﺎﻟﺴﻪ ﻓﻲ ﺍﻟﺒﻴﺖ ﻭﻣﺎﺯﺍﻟﺖ ﺗﻔﻜﺮ ﻓﻲ ﻋﺮﺽ ﺍﺳﺘﺎﺫ ﺟﻤﻴﻞ ﻭﻫﻮ ﺍﻟﺰﻭﺍﺝ ﻣﻨﻬﺎ ﺗﺎﺗﻲ ﺇﻟﻴﻬﺎ ﻧﺮﺟﺲ ﻗﺎﺋﻠﻪ : ﺷﻮ ﻫﻢ ﺻﺎﻓﻨﻪ ﺷﻐﻠﺘﺞ ﻣﻮ ﺧﺎﻟﻴﻪ ﺳﻮﻟﻔﻴﻠﻲ
ﺳﺖ ﻫﺪﻯ : ﻻ ﻫﻴﺞ ﺣﺴﺒﻪ ﺑﺎﻟﻲ ﺗﺮﻭﺡ ﻭﺗﺠﻲ
ﻧﺮﺟﺲ : ﻭﺷﻨﻮ ﻫﺎﻱ ﺍﻟﺤﺴﺒﻪ ﺍﺣﺠﻲ ﺍﻟﻲ ﺑﻠﻜﻲ ﺍﻋﺮﻑ ﺍﺣﻠﻬﺎ
ﺳﺖ ﻫﺪﻯ : ﺍﺳﺘﺎﺫ ﺟﻤﻴﻞ ﻋﺮﺽ ﻋﻠﻴﻪ ﺍﻟﺰﻭﺍﺝ
ﻧﺮﺟﺲ ( ﻣﻨﺪﻫﺸﻪ ) : ﻭﺍﻟﻠﻪ
ﺳﺖ ﻫﺪﻯ : ﺍﻱ ﻭﺍﻧﻲ ﻣﺘﺮﺩﺩﻩ ﻭﻣﺎﺍﺭﻳﺪ ﺍﻛﺴﺮﻩ ﻟﻠﺮﺟﻞ
ﻧﺮﺟﺲ : ﺍﻧﻲ ﻟﻮ ﺑﻤﻜﺎﻧﺞ ﺃﻭﻓﻖ ﺍﻧﺴﺎﻥ ﻣﻬﻴﻮﺏ ﻭﻣﺜﻘﻒ ﻭﻛﺎﺭﻳﺰﻣﺎ ﻓﻮﻝ ﺍﻭﺑﺸﻦ ﻭﺑﻌﺪ ﺍﻧﺘﻮ ﻣﺘﻮﺍﻟﻤﻴﻦ
ﺳﺖ ﻫﺪﻯ : ﻫﺎﻱ ﺻﻔﺎﺕ ﻛﻠﻬﺎ ﻋﺮﻓﺘﻴﻬﺎ ﺑﻲ
ﻧﺮﺟﺲ : ﺍﻱ
ﺳﺖ ﻫﺪﻯ : ﺍﻧﻲ ﺯﻭﺟﻲ ﺍﻟﻠﻪ ﻳﺮﺣﻤﻪ ﺑﻌﺪﻩ ﺑﻘﻠﺒﻲ ﻭﺑﻌﻘﻠﻲ ﻭﻣﺎﻧﺎﺳﻴﺘﻪ
ﻧﺮﺟﺲ : ﺍﻟﺤﻲ ﺍﺑﻘﻰ ﻣﻦ ﺍﻟﻤﻴﺖ ﻭﻣﺎﺑﻴﻬﺎ ﺷﻲ ﻫﺎﻱ ﺳﻨﻪ ﺍﻟﺤﻴﺎﻩ ﻭﺍﻟﺤﻴﺎﻩ ﻻﺯﻡ ﺗﺴﺘﻤﺮ ﻭﺑﻌﺪﻳﻦ ﺍﻧﺘﻲ ﻭﻻ ﻣﺮﻩ ﺳﻮﻟﻔﺘﻴﻠﻲ ﻋﻠﻰ ﺯﻭﺟﺞ ﺍﻟﻠﻪ ﻳﺮﺣﻤﻪ ﻭﺍﺷﻠﻮﻥ ﺗﻌﺎﺭﻓﺘﻮ ﻭﺯﻭﺟﺘﻮﺍ
ﺳﺖ ﻫﺪﻯ : ﻣﺎﺍﺣﺐ ﺍﺣﺠﻲ ﺑﻬﺬﺍ ﺍﻟﻤﻮﺿﻮﻉ ﻳﺎﺫﻳﻨﻲ ﻭﻳﺒﺠﻴﻨﻲ
ﻧﺮﺟﺲ ( ﻣﺘﻮﺳﻠﻪ ) : ﺣﺒﺎﺑﻪ ﺣﺒﺎﺑﻪ ﺣﺒﺎﺑﻪ
ﺳﺖ ﻫﺪﻯ : ﻣﺎﺷﻲ ﺑﺲ ﺍﺫﺍ ﺑﺠﻴﺖ ﺩﻣﻮﻋﻲ ﺑﺮﻗﺒﺘﺞ
ﻧﺮﺟﺲ : ﻣﺎﺷﻲ ﻣﻮﺍﻓﻘﻪ
ﺳﺖ ﻫﺪﻯ : ﺍﻭﻝ ﻣﺎﺩﺧﻠﺖ ﺟﺎﻣﻌﻪ ﺟﻨﺖ ﻭﺣﺪﻱ ﻣﺎﻋﺪﻱ ﺃﺻﺪﻗﺎﺀ ﻣﺎﺍﻋﺮﻑ ﺃﺣﺪ ﺍﺷﻠﻮﻥ ﺍﻧﺘﻲ ﺑﻠﻈﺒﻂ ﻣﺜﻞ ﺍﻟﺘﺎﻳﻪ ﻫﻮ ﺟﺎﻥ ﻣﺎﺷﺎﺀﺍﻟﻠﻪ ﻋﻠﻴﻪ ﻃﻮﻝ ﻭﻋﺮﺽ ﻭﺍﻧﺴﺎﻥ ﻓﻲ ﻗﻤﻪ ﺍﻟﺘﻮﺍﺿﻊ ﻃﺒﻌﺎ ﺍﻧﻲ ﺟﻨﺖ ﺷﺎﻃﺮﻩ ﻛﻠﺶ
ﻧﺮﺟﺲ : ﺍﻱ
ﺳﺖ ﻫﺪﻯ : ﻓﻤﺮﻩ ﻣﻦ ﺍﻟﻤﺮﺍﺕ ﻭﺍﻧﻲ ﻃﺎﻟﻌﻪ ﻣﻦ ﺍﻟﺠﺎﻣﻌﻪ ﺻﻌﺪﺕ ﻛﻴﺎ ﻧﻔﺮﺍﺕ ﺣﺘﻰ ﺍﺭﻭﺡ ﻟﻠﺒﻴﺖ ﻟﻜﻴﺘﻪ ﻫﻮ ﺻﺎﻋﺪ ﻭﻣﺎﻛﻮ ﻣﻜﺎﻥ ﻓﻬﻮ ﻛﺎﻡ ﻭﺧﻼﻧﻲ ﺍﻛﻌﺪ ﻣﻜﺎﻧﻪ
ﻧﺮﺟﺲ : ﺍﻟﻠﻪ ، ﺍﻱ ﻛﻤﻠﻲ ﻛﻤﻠﻲ
ﺳﺖ ﻫﺪﻯ : ﺍﺷﻜﺮﺕ ﻣﻨﻪ ﻭﻛﻌﺪﺕ ﻭﻣﺎﺑﺎﻭﻉ ﺑﻌﻴﻨﻲ ﺍﺑﺪ ﺟﺎﻥ ﺍﻟﻄﺮﻳﻖ ﻛﻠﻪ ﺩﺍﻳﺮ ﻭﺟﻬﻪ ﻋﻨﻲ ﺍﻫﻨﺎﻙ ﻫﺬﺍ ﺍﻟﻲ ﺑﺼﻔﻲ ﺑﺪﺃ ﻳﻘﺮﺏ ﺟﺘﻔﻪ ﻋﻠﻰ ﺟﺘﻔﻲ ﻓﻬﻮ ﺣﺲ ﺑﻬﺬﺍ ﺍﻟﺸﻲ
ﻧﺮﺟﺲ : ﺍﻛﻴﺪ ﻻﺯﻣﻪ ﻭﺷﻤﺮﻩ ﻣﻦ ﺍﻟﺴﻴﺎﺭﺓ
ﺳﺖ ﻫﺪﻯ : ﻻ ، ﺍﻛﻮ ﻣﺮﻩ ﻭﺭﺟﻠﻬﺎ ﺣﺎﺟﻪ ﺍﻟﺮﺟﺎﻝ ﻛﺎﻡ ﻣﻦ ﻣﻜﺎﻧﻪ ﻭﻛﻌﺪ ﺑﻤﻜﺎﻧﻲ ﻭﺍﻧﻲ ﻛﻌﺪﺕ ﺑﻤﻜﺎﻧﻪ
ﻧﺮﺟﺲ : ﺷﻮﻓﻲ ﺍﻟﺘﻔﻜﻴﺮ ﻭﺍﺷﻠﻮﻥ ﺍﺗﻼﻓﻰ ﺍﻟﻤﻮﻗﻒ ﺣﺘﻰ ﻣﺼﻴﺮ ﻣﺸﻜﻠﻪ
ﺳﺖ ﻫﺪﻯ : ﻭﻣﻦ ﻳﻮﻣﻬﺎ ﺿﻠﻴﺖ ﺑﺲ ﺍﻓﻜﺮ ﺑﻲ ﻭﺷﻮﻛﺖ ﻳﺠﻲ ﺑﺎﺟﺮ ﺣﺘﻰ ﺍﺷﻮﻓﻪ ﻭﺍﺷﻜﺮﻩ ﻭﺍﺣﺠﻲ ﻭﻳﺎ
ﻧﺮﺟﺲ : ﻳﻌﻨﻲ ﺣﺒﻴﺘﻲ
ﺳﺖ ﻫﺪﻯ : ﺍﻱ ﺣﺒﻴﺘﻪ ﻛﺒﻞ ﻣﻦ ﺷﻔﺖ ﻫﻴﺞ ﺍﺗﺼﺮﻑ ، ﺍﻟﻤﻬﻢ ﺍﺟﻪ ﺍﻟﺼﺒﺢ ﻭﺍﺗﺌﻨﻘﺖ ﻭﺭﺣﺖ ﻟﻠﺪﻭﺍﻡ ﺭﺣﺖ ﻳﻤﻪ ﺷﻜﺮﺕ ﻣﻨﻪ ﻭﻛﺎﻟﻲ ﻫﺬﺍ ﺷﻲ ﻭﺍﺟﺒﻲ ﺣﺘﻰ ﻟﻮ ﺟﺎﻥ ﻭﺣﺪﻩ ﻏﻴﺮﺝ ﻫﻢ ﺟﺎﻥ ﺍﺗﺼﺮﻓﺖ ﻫﻴﺞ
ﻧﺮﺟﺲ : ﻭﺭﺍﻫﺎ ﺍﺻﺎﺭ
ﺳﺖ ﻫﺪﻯ : ﻗﻮﺕ ﻋﻼﻗﺘﻨﻪ ﺟﺎﻥ ﻫﻮ ﻣﻦ ﺍﻟﻨﻮﻉ ﺍﻟﻤﻬﻤﻞ ﻟﻠﻮﺍﺟﺒﺎﺗﻪ ﻳﻌﻨﻲ ﻣﺤﺎﺿﺮﺍﺕ ﻣﻴﺪﺧﻞ ﺧﻠﻴﺘﻪ ﻳﺪﺧﻞ ﻣﺤﺎﺿﺮﺍﺕ ﻭﻧﻜﻌﺪ ﻧﻘﺮﺍ ﺳﻮﺍ ﻭﺭﺍ ﺳﻨﺘﻴﻦ ﺍﻋﺘﺮﻓﻠﻲ ﺑﺤﺒﻪ ﻭﺍﺷﻠﻮﻥ ﺍﻋﺘﺮﺍﻑ ﻣﻴﺴﻮﻟﻒ ﺍﺑﺪ
ﻧﺮﺟﺲ : ﺍﺷﻠﻮﻥ ﺍﺷﻠﻮﻥ ﻛﻠﻴﻠﻲ ﺷﻮﻗﺘﻴﻨﻲ ﺗﺮﻯ
ﺳﺖ ﻫﺪﻯ : ﻣﺮﻩ ﺭﺣﻠﻨﻪ ﺳﻔﺮﻩ ﻃﻼﺑﻴﻪ ﺍﻟﺒﺤﻴﺮﻩ ﺍﻟﺤﺒﺎﻧﻴﻪ ﻛﻌﺪﻧﻪ ﺷﻮﻳﻨﻪ ﺳﻤﺞ ﻭﺩﺟﺎﺝ ﺍﻟﻠﻪ ﻋﻠﻰ ﺫﻳﺞ ﺍﻻﻳﺎﻡ ﺍﻟﺒﻨﺎﺕ ﻳﺤﻀﺮﻥ ﺍﻟﺰﻻﻃﻪ ﻭﺍﻟﻔﺮﺍﺵ ﻭﺍﻟﻮﻟﺪ ﻳﺸﻮﻥ ﺍﻫﻨﺎﻙ ﻭﻟﺪ ﺍﺟﻪ ﻛﺎﻝ ﺍﻟﺤﻜﻮﺍ ﻋﻤﺮ ﻏﺮﻕ ﺍﻧﻲ ﺻﺎﺭ ﺑﻴﻪ ﺑﻮﻗﺘﻬﺎ ﺭﺟﻠﻴﻪ ﺑﻌﺪ ﻣﺎﺍﻛﺪﺭ ﺍﻣﺸﻲ ﻋﻠﻴﻬﻦ ﻭﻛﻤﺖ ﺍﺭﺟﻒ
ﻧﺮﺟﺲ : ﺍﻱ
ﺳﺖ ﻫﺪﻯ : ﻃﻠﻌﻮﺍ ﻋﻠﻰ ﺳﺎﺱ ﻏﺮﻛﺎﻥ ﻭﺑﻮﻛﺘﻬﺎ ﺍﺳﺘﺎﺫ ﺟﻤﻴﻞ ﺟﺎﻥ ﻣﻮﺟﻮﺩ ﻫﻢ ﺷﺎﻳﻠﻲ ﻣﻦ ﺍﺩﻱ ﻭﺭﺟﻠﻲ ﻭﺍﻧﻲ ﺷﻔﺘﻪ ﻫﻴﺞ ﺭﺣﺘﻠﻪ ﺭﻛﺾ ﺍﺑﺠﻲ ﻭﺍﺻﺮﺥ ﻳﻤﻪ ﺍﻫﻨﺎﻙ ﻓﺘﺢ ﻋﻴﻮﻧﻪ ﻭﻛﺎﻟﻲ ﻫﺪﻯ ﺍﺣﺒﺞ
ﻧﺮﺟﺲ ( ﺿﺎﺣﻜﻪ ) : ﻳﺎﺍﺍ ﻭﻛﺪﺍﻡ ﺍﻟﻄﻼﺏ ﻛﻠﻬﻢ
ﺳﺖ ﻫﺪﻯ : ﺍﻱ ﺍﻧﻲ ﻛﻤﺖ ﻭﺿﺮﺑﺘﻪ ﺭﺍﺷﺪﻱ ﻭﺯﻋﻠﺖ ﻣﻨﻪ ﻭﺍﻟﺴﻔﺮﻩ ﻛﻠﻬﺎ ﻳﺮﺍﺿﻲ ﺑﻴﻪ ﻭﺍﻧﻲ ﻣﺎﻛﻮ ﻗﺎﻓﻠﻪ
ﻧﺮﺟﺲ : ﺧﻄﻴﻪ
ﺳﺖ ﻫﺪﻯ : ﺍﻟﻤﻬﻢ ﺭﺿﻴﺖ ﻋﻠﻴﻪ ﻗﺒﻞ ﻣﻨﺘﺨﺮﺝ ﻓﺘﺢ ﻣﻮﺿﻮﻉ ﺍﻟﺰﻭﺍﺝ ﻃﺒﻌﺎ ﺃﻫﻠﻪ ﻋﺪﻫﻢ ﻣﺤﻼﺕ ﻣﺎﻝ ﻧﺠﺎﺭﻩ ﻭﻫﻲ ﻣﻬﻨﺘﻬﻢ ﻫﺎﻱ ﻭﺣﺘﻰ ﻫﻮ ﺟﺎﻥ ﻳﺸﺘﻐﻞ ﻭﻱ ﺇﺧﻮﺗﻪ ﻳﻌﻨﻲ ﻣﺘﻤﻜﻦ
ﻧﺮﺟﺲ : ﺍﻱ
ﺳﺖ ﻫﺪﻯ : ﺍﻧﻲ ﻓﺮﺣﺖ ﻣﻦ ﻛﺎﻟﻲ ﻻﻥ ﺗﻌﺮﻓﻴﻦ ﻧﻬﺎﻳﻪ ﺍﻟﺤﺐ ﻻﺯﻡ ﻳﻜﻮﻥ ﺯﻭﺍﺝ ﻭﺍﺣﻠﻰ ﺷﻲ ﻣﻦ ﺗﺎﺧﺬﻳﻦ ﺍﻟﺸﺨﺺ ﺍﻟﻲ ﺗﺤﺒﻲ ﻭﺗﻌﻴﺸﻴﻦ ﻭﻳﺎ ﻋﻠﻰ ﺣﻠﻮﻩ ﻭﺍﻟﻤﺮﻩ ﻭﺣﺒﻜﻢ ﻳﻜﺒﺮ ﺍﻛﺜﺮ ﻭﺍﻛﺜﺮ
ﻧﺮﺟﺲ : ﺍﻱ ﻛﻤﻠﻲ
ﺳﺖ ﻫﺪﻯ : ﺭﺍﺡ ﻓﺎﺗﺢ ﺃﻫﻠﻪ ﺑﻠﻤﻮﺿﻮﻉ ﻭﺃﻫﻠﻪ ﻭﺍﻓﻘﻮﺍ ﺑﻠﺒﺪﺍﻳﻪ ﺑﺲ ﻣﻦ ﺳﺌﻠﻮﺍ ﻋﻠﻰ ﺑﻴﺘﻨﻪ ﺗﺮﺍﺟﻌﻮﺍ
ﻧﺮﺟﺲ : ﻟﻴﺶ ؟
ﺳﺖ ﻫﺪﻯ : ﻃﻠﻊ ﺍﺑﻴﻨﻪ ﻭﺑﻴﻨﻬﻢ ﺛﺎﺭ ﻗﺪﻳﻢ ﺟﺪﻱ ﺍﻟﻠﻪ ﻳﺮﺣﻤﻪ ﻗﺘﻞ ﺟﺪﻩ ﻭﺑﺴﺒﺒﻪ ﺟﺪﻱ ﺍﻧﻌﺪﻡ ﺑﻮﻛﺘﻬﺎ
ﻧﺮﺟﺲ : ﻳﺒﻮﻭﻭ ﻭﺻﺎﺭ ﻭﺭﺍﻫﺎ
ﺳﺖ ﻫﺪﻯ : ﻋﻤﺮ ﻣﺎﺍﻋﺎﻓﻨﻲ ﺑﻮﺣﺪﻱ ﻭﻻ ﻧﻬﻰ ﻋﻼﻗﺘﻨﻪ ﺣﺎﻭﻝ ﻳﺮﺿﻲ ﺍﻟﻄﺮﻓﻴﻦ ﻭﻛﺎﻝ ﺍﺣﻨﺎ ﻣﺎﻝ ﺩﺧﻞ ﺑﻠﻲ ﺻﺎﺭ ﺍﺣﻨﻪ ﺟﻴﻞ ﺟﺪﻳﺪ ﻭﻻﺯﻡ ﻧﻜﻤﻞ ﺣﻴﺎﺗﻨﻪ ﺑﺲ ﺟﺎﻥ ﺭﻓﺾ ﻛﻠﺶ ﻗﻮﻱ ﻣﻦ ﺍﻫﻠﻲ ﻭﺃﻫﻠﻪ
ﻧﺮﺟﺲ : ﻭﺑﻌﺪﻳﻦ
ﺳﺖ ﻫﺪﻯ : ﺍﺧﻮﺗﻲ ﺭﺍﺩﻭ ﻳﺒﻄﻠﻮﻧﻲ ﻣﻦ ﺍﻟﺪﺭﺍﺳﻪ ﻭﻛﺎﻟﻮﺍ ﺍﺫﺍ ﺍﻟﺘﻘﻴﺘﻲ ﺑﻲ ﺑﻌﺪ ﺍﻧﺒﻄﻠﺞ ﻭﺣﺘﻰ ﺍﺧﻮﻳﻪ ﻛﺎﻡ ﻳﻮﺻﻠﻨﻲ ﻭﻳﺠﻴﺒﻨﻲ ﻭﺧﻠﻪ ﻣﺮﺍﻗﺐ ﻋﻠﻴﻪ ﺩﺍﺧﻞ ﺍﻟﻜﻠﻴﻪ ﻳﺮﺍﻗﺒﻨﻲ
ﻧﺮﺟﺲ : ﺷﻮﻑ ﺍﻟﺤﻆ ﺷﻴﺴﻮﻱ
ﺳﺖ ﻫﺪﻯ : ﻳﻌﻨﻲ ﺗﻌﺬﺑﻨﻪ ﻛﻠﺶ ﺑﻮﻛﺘﻬﺎ ﻭﺍﻹﻣﺘﺤﺎﻧﺎﺕ ﺑﻠﻜﻮﻩ ﺧﻠﺼﻨﺎﻫﺎ ﻋﻮﺩ ﺭﺩﺕ ﺍﻛﻤﻞ ﺩﺭﺍﺳﺎﺕ ﺑﺲ ﺑﺴﺒﺐ ﻫﺬﺍ ﺍﻟﺸﻲ ﻣﺎﻛﺪﺭﺕ ﺍﻃﻠﻊ ﻣﻌﺪﻝ ﺯﻳﻦ ﻭﺍﻟﻤﺸﻜﻠﻪ ﺍﻟﻜﻞ ﻋﺮﻑ ﺑﺴﺎﻟﻔﻪ ﻭﺣﺎﻭﻟﻮﺍ ﻳﺴﺎﻋﺪﻭﻧﻪ ﻭﻫﻮﺍﻱ ﺃﻃﺮﺍﻑ ﺃﺩﺧﻠﺖ ﺑﺲ ﺑﻨﻬﺎﻳﻪ ﻣﺤﺪ ﻗﺒﻞ ﺑﻄﺮﻓﻴﻦ
ﻧﺮﺟﺲ : ﻟﻌﺪ ﺍﺷﻠﻮﻥ ﺍﺯﻭﺟﺘﻮﺍ ؟
ﺳﺖ ﻫﺪﻯ : ﺍﺗﻔﻘﺖ ﺍﻧﻲ ﻭﻋﻤﺮ ﺍﻧﻮ ﻣﻨﻠﺘﻘﻲ ﺑﻌﺪ ﺑﺲ ﺟﺎﻥ ﺍﻛﻮ ﻃﻼﺏ ﻭﺳﻄﺎﺀ ﺍﺑﻴﻨﻪ ﻳﻮﺻﻠﻮﻥ ﻛﻼﻣﻨﻪ ﻭﺭﺍ ﻣﺘﺨﺮﺟﻨﻪ ﺍﺟﻪ ﺍﻳﻤﻦ ﻟﻠﻬﻠﻲ ﻣﺮﻩ ﻟﺦ ﻭﺭﺍﺩ ﻳﺨﻄﺒﻨﻲ ﻭﻫﻢ ﻣﺎﻗﺒﻠﻮﺍ ﺍﻫﻨﺎ ﺍﻧﻲ ﻭﻛﻔﺖ ﺿﺪ ﺍﻫﻠﻲ ﻭﻳﺎ ﻭﻣﺎﺍﺳﻮﻟﻔﻠﺞ ﺍﻧﻜﺘﻠﺖ ﻛﺘﻠﻪ ﺑﻮﻛﺘﻬﺎ ﺟﺴﻤﻲ ﺻﺎﺭ ﺍﺯﺭﻙ ﻭﻣﻨﻌﻮﻧﻲ ﻣﻦ ﻃﺒﻪ ﻭﺍﻟﻄﻠﻌﻪ ﻭﺣﺘﻰ ﺟﺎﻭﺑﻮﺍ ﻫﻮﺍﻱ ﺧﻄﺎﺑﻪ ﺇﻟﻴﻪ ﻭﺍﻧﻲ ﺍﻃﻠﻌﻬﻢ ﺍﻛﻠﻬﻢ ﻣﺎﻭﺍﻓﻘﻪ
ﻧﺮﺟﺲ : ﻫﺎﻱ ﻫﻴﺞ ﻋﺪﺝ ﺟﺮﺋﻪ ﻗﻮﻳﻪ ﺯﻳﻦ ﻣﺎﻗﺘﻠﻮﺝ
ﺳﺖ ﻫﺪﻯ : ﺍﻹﻧﺴﺎﻥ ﻟﻤﻦ ﻳﻮﺻﻞ ﻣﺮﺣﻠﻪ ﺑﻠﺤﺐ ﻣﺎﻟﻪ ﺭﺟﻌﻪ ﺑﻲ ﻛﻠﺸﻲ ﻳﺴﻮﻱ ﺍﻟﻲ ﻋﺸﻨﺎ ﺍﻧﻲ ﻭﻋﻤﺮ ﺍﺣﻠﻰ ﻓﺘﺮﺍﺕ ﺑﻠﺤﺐ ﺻﺤﻴﺢ ﻣﺮﺍﺕ ﻧﺘﺰﺍﻋﻞ ﻧﺘﺨﺎﺻﻢ ﺑﺲ ﻭﺍﺣﺪ ﻳﺮﺟﻊ ﻟﻼﺥ ﻣﺘﻠﻬﻔﻴﻦ ﻭﻣﺘﺸﻮﻗﻴﻦ
ﻧﺮﺟﺲ : ﺍﺛﺎﺭﻱ ﺍﻟﺤﺐ ﺻﻌﺐ
ﺳﺖ ﻫﺪﻯ : ﻭﺍﻛﺜﺮ ﻣﻤﺎﺗﺼﻮﺭﻱ ﺩﺍﺋﻤﺎ ﺗﺼﻴﺮ ﻋﻮﺍﺋﻖ ﻭﻫﺬﺍ ﺍﺧﺘﺒﺎﺭ ﻟﻼﺷﺨﺎﺹ ﺍﻟﻲ ﺗﺤﺐ ﻳﺎﺗﺮﻯ ﻟﺸﻜﺪ ﻳﺒﻘﻰ ﺣﺒﻬﻢ ﻫﻞ ﻫﻮ ﺣﺐ ﻗﻮﻱ ﻭﻣﺘﻴﻦ ﻟﻮ ﺿﻌﻴﻒ ﻭﺑﺎﻭﻝ ﺍﺯﻣﻪ ﻳﻨﺘﻬﻲ
ﻧﺮﺟﺲ : ﺍﻱ
ﺳﺖ ﻫﺪﻯ : ﻻ ﺍﻛﻠﺞ ﻭﻻ ﺗﻜﻠﻴﻠﻲ ﺍﻫﻠﻲ ﻣﻠﻮ ﻣﻨﻲ ﻛﺎﻟﻮﺍ ﺭﻭﺣﻲ ﺍﺗﺰﻭﺟﻲ ﺑﺲ ﺑﺸﺮﻁ ﻣﺎﻋﺪﻧﻪ ﺑﻨﻴﻪ ﺍﺳﻤﻪ ﻫﺪﻯ
ﻧﺮﺟﺲ : ﺍﺷﻠﻮﻥ ﻫﻴﺞ
ﺳﺖ ﻫﺪﻯ : ﺍﻱ ﻭﺍﻧﻲ ﻛﺘﻠﻬﻢ ﻫﺎﻫﻴﻪ ﺍﻟﻤﻬﻢ ﺍﺭﻳﺪ ﻋﻤﺮ
ﻧﺮﺟﺲ : ﻭﻋﻤﺮ ﺍﺳﻮﻯ ؟
ﺳﺖ ﻫﺪﻯ : ﻫﻢ ﺃﻫﻠﻪ ﻣﺎﻗﺒﻠﻮﺍ ﻭﻛﺎﻟﻮﺍ ﻣﺎﻋﺪﻧﻪ ﻭﻟﺪ ﺍﺳﻤﻪ ﻋﻤﺮ ﺍﺫﺍ ﺍﺯﻭﺟﺖ ﻫﺎﻱ ﺍﻟﺒﻨﻴﻪ ﻭﻫﻢ ﻗﺒﻞ ﻭﺑﻨﻬﺎﻳﻪ ﺍﺯﻭﺟﻨﻪ ﻭﺍﺟﺮﻧﻪ ﺷﻘﻪ ﻭﺗﻌﻴﻨﻪ ﻣﺪﺭﺳﻴﻦ ﻫﻮ ﺟﺎﻥ ﻳﺸﺘﻐﻞ ﻭﺭﺍ ﺍﻟﺪﻭﺍﻡ ﻭﺍﻧﻲ ﺟﻨﺖ ﺍﺧﺬ ﺩﺭﻭﺱ ﺧﺼﻮﺻﻴﻪ ﻳﻌﻨﻲ ﻛﺪﺭﻧﻪ ﻧﻌﻴﺶ ﺣﺎﻟﻨﻪ ﺍﺣﺴﻦ ﻋﻴﺸﻪ
ﻧﺮﺟﺲ : ﻭﺍﻃﻔﺎﻝ ﻣﺼﺎﺭ ﻋﺪﻛﻢ
ﺳﺖ ﻫﺪﻯ : ﻟﻼﺳﻒ ﻣﺼﺎﺭ ﻭﺟﺎﻥ ﺍﻟﺴﺒﺐ ﻣﻨﻲ ﻭﺷﻜﺪ ﺭﺩﺕ ﻣﻨﻪ ﻳﺰﻭﺝ ﺣﺘﻰ ﻳﺼﻴﺮ ﺍﻟﻪ ﻃﻔﻞ ﻣﺎﺍﻗﺒﻞ ﻛﺎﻝ ﺍﻧﺘﻲ ﻃﻔﻠﺘﻲ ﻭﻛﻠﺸﻲ ﺑﺤﻴﺎﺗﻲ
ﻧﺮﺟﺲ : ﺍﻟﻠﻪ ﺷﻠﻮﻥ ﺣﻠﻮ ﺍﻟﻜﻼﻡ
ﺳﺖ ﻫﺪﻯ : ﺑﺲ ﺷﻨﻮ ﺍﻟﻔﺎﺋﺪﻩ ﺧﺴﺮﺗﻪ ﻭﺻﺎﺭ ﺟﻮﺍ ﺍﻟﺘﺮﺍﺏ
ﻧﺮﺟﺲ : ﺍﺷﻠﻮﻥ ﺍﺗﻮﻓﻰ
ﺳﺖ ﻫﺪﻯ : ﻫﻮ ﻣﺎﻣﺎﺕ ﻣﻮﺕ ﺍﻟﻠﻪ ﺍﻧﻘﺘﻞ
ﻧﺮﺟﺲ : ﺍﺷﻠﻮﻭﻭﻥ ؟
ﺳﺖ ﻫﺪﻯ : ﺍﻱ ﺑﺎﺍﻳﺎﻡ ﺍﻟﻄﺎﺋﻔﻴﻪ ﺍﻟﻲ ﺻﺎﺭﺕ ﻭﻣﻦ ﺩﺭﻭ ﺑﻲ ﻣﻦ ﻏﻴﺮ ﻃﺎﺋﻔﻪ ﺟﺎﻥ ﺭﺍﺟﻊ ﻣﻦ ﺍﻟﺸﻐﻞ ﺑﻠﻴﻞ ﻭﻗﺎﻟﻮﺍ ﻃﺒﻌﺎ ﺳﺎﺑﻘﺎ ﺟﺎﻥ ﻣﻬﺪﺩﻱ ﻳﻄﻠﻊ ﻣﻦ ﺍﻟﺸﻘﻪ ﺑﺲ ﻫﻮ ﻣﺎﻗﺒﻞ ﻭﻻ ﻛﻠﻲ ﺿﻢ ﻋﻠﻴﻪ ﻟﻮ ﻛﺎﻳﻠﻲ ﺟﺎﻥ ﻃﻠﻌﻨﻪ
ﻭﺟﺎﻥ ﻫﻮ ﻫﺴﻪ ﻋﺎﻳﺶ ﻭﻣﻮﺟﻮﺩ ﻳﻤﻲ ﻭﻛﺪﺍﻡ ﻋﻴﻨﻲ
ﻧﺮﺟﺲ ﺗﺮﻯ ﺩﻣﻮﻉ ﺳﺖ ﻫﺪﻯ ﻓﺘﻘﺘﺮﺏ ﻣﻨﻬﺎ ﻭﺗﺤﻀﻨﻬﺎ ﻗﺎﺋﻠﻪ : ﻣﻜﺎﻥ ﺍﻟﺠﻨﻪ ﻭﺍﻥ ﺷﺎﺀﺍﻟﻠﻪ ﺗﻠﺘﻘﻮﻥ ﻫﻨﺎﻙ ﺍﻧﺘﻲ ﻭﻳﺎ ﻭﺍﻧﻲ ﺟﻨﺖ ﻣﺎﺍﺩﺭﻱ ﺑﻘﺼﺘﻜﻢ ﺑﺲ ﺻﺪﻙ ﺟﺎﻧﺖ ﺣﻠﻮﻩ ﻭﻗﺼﺺ ﻳﻤﻜﻦ ﺑﺲ ﺑﻠﺨﻴﺎﻝ ﺍﺻﻴﺮ
( ﻭﺻﺪﻙ ﻫﻲ ﻗﺼﻪ ﻣﻦ ﺍﻟﺨﻴﺎﻝ ﻣﺴﺘﺤﻴﻞ ﺍﺑﻨﻴﻪ ﺍﺿﺤﻲ ﻣﻦ ﺍﺟﻞ ﻭﻟﺪ ﺍﻟﻼ ﻣﺎﻧﺪﺭ )
ﻧﺮﺟﺲ : ﻭﺍﻧﻲ ﺟﻨﺖ ﻣﻘﺘﻨﻌﻪ ﺍﻧﻮ ﺗﺰﻭﺟﻴﻦ ﺑﺴﺘﺎﺫ ﺟﻤﻴﻞ ﺑﺲ ﺑﻌﺪ ﺍﻟﻲ ﺳﻤﻌﺘﻪ ﻣﻨﺞ ﺭﺍﺡ ﺍﻛﻠﺞ ﺭﻓﻀﻲ ﻭﺿﻠﻲ ﻋﻠﻰ ﺣﺒﺞ ﻟﻠﻌﻤﺮ
ﺳﺖ ﻫﺪﻯ : ﻫﻮ ﻫﺬﺍ ﺍﻟﻲ ﺭﺍﺡ ﻳﺼﻴﺮ
( ﻓﻲ ﺍﻟﻘﺮﻳﻪ )
ﻳﺪﺧﻞ ﻋﻠﻲ ﺍﻟﻰ ﺍﻟﺒﻴﺖ ﺑﻌﺪ ﺭﺟﻮﻋﻪ ﻣﻦ ﺍﻟﻤﺸﻔﻰ ﻟﻴﺘﻔﺎﺟﺊ ﺑﻮﺟﻮﺩ ﻣﻜﻲ ﺟﺎﻟﺴﺎ ﻓﻲ ﻏﺮﻓﻪ ﺍﻟﻀﻴﻮﻑ
ﻋﻠﻲ : ﻣﻜﻲ ( ﻭﻳﺘﻐﻴﺮ ﻟﻮﻥ ﻭﺟﻪ )
ﻫﻨﺎ ﻣﻜﻲ ﻋﻠﻢ ﺑﺄﻥ ﻋﻠﻲ ﻫﻮ ﺻﺎﺣﺐ ﺍﻟﺮﺳﺎﻟﺔ ﺍﻟﺘﻲ ﺃﺭﺳﻠﻬﺎ ﺇﻟﻴﻪ
ﻣﻜﻲ : ﻫﻠﻪ ﻋﻠﻲ ﺟﻴﺖ ﺍﺷﻮﻓﻚ ﻭﻋﺪﻱ ﻣﻮﺿﻮﻉ ﻭﻳﺎﻙ
ﺍﺑﻮ ﻋﻠﻲ : ﺍﻧﻲ ﺍﺗﺮﺧﺺ ﺍﺧﻠﻴﻜﻢ ﻋﻠﻰ ﺭﺍﺣﺘﻜﻢ ﺗﺴﻮﻟﻔﻮﻥ
ﻋﻠﻲ ﺃﻣﺎ ﻣﻜﻲ ﻗﺎﺋﻼ : ﺍﻱ ﺗﻔﻀﻞ
ﻣﻜﻲ : ﻋﺪﻱ ﻣﺸﺮﻭﻉ ﻳﻔﻴﺪ ﺍﻫﻞ ﺍﻟﻘﺮﻳﻪ ﻭﺍﺟﺘﻤﻌﺖ ﺑﻜﻞ ﺍﻻﺷﺨﺎﺹ ﺍﻟﻲ ﻳﻌﺮﻓﻮﻥ ﺍﻟﻘﺮﺍﺀﺓ ﻭﺍﻟﻜﺘﺎﺑﺔ ﺣﺘﻰ ﻧﺴﻮﻱ ﻣﺪﺭﺳﻪ ﺧﺎﺻﻪ ﻟﻠﻘﺮﻳﻪ ﻳﻌﻠﻤﻮﻥ ﺍﻟﻨﺎﺱ ﺍﻟﻲ ﻣﺘﻌﺮﻑ ﺗﻘﺮﺍ ﻭﺗﻜﺘﺐ
ﻋﻠﻲ : ﻫﺎﺍﺍ ﺍﻱ ﻟﻴﺶ ﻻ
ﻣﻜﻲ : ﺍﻱ ﻭﺍﻟﻠﻪ ﻣﻨﻬﺎ ﺗﻜﺴﺐ ﺍﺟﺮ ﻭﺛﻮﺍﺏ ﻭﺍﻧﻲ ﺭﺍﺡ ﺍﺟﺘﻤﻊ ﺑﻴﻜﻢ ﺑﺪﻳﻮﺍﻥ ﺃﺑﻮﻳﻪ ﺃﻥ ﺷﺎﺀﺍﻟﻠﻪ
ﻋﻠﻲ : ﺃﻥ ﺷﺎﺀﺍﻟﻠﻪ ﻭﺍﻧﻲ ﺍﻭﻝ ﺍﻟﺤﺎﺿﺮﻳﻦ
ﻣﻜﻲ : ﻳﺎﻟﻠﻪ ﺍﻧﻲ ﺍﺗﺮﺧﺺ ﻭﺍﺭﺍﺡ ﺍﻧﻄﻴﻜﻢ ﻣﻮﻋﺪ ﺑﺲ ﺍﺗﻔﻖ ﻭﻱ ﺍﻟﻮﺍﻟﺪ
ﻋﻠﻲ : ﻣﺎﺷﻲ ﺑﺎﻱ ﻭﻗﺖ ﺗﺤﺐ ﺍﻧﻲ ﻣﻮﺟﻮﺩ
ﻣﻜﻲ : ﻳﺎﻟﻠﻪ ﻓﻲ ﺍﻣﺎﻥ ﺍﻟﻠﻪ
ﻋﻠﻲ ﻭﺑﻌﺪ ﺧﺮﻭﺝ ﻣﻜﻲ ﻣﻦ ﺍﻟﺒﻴﺖ ﻳﺘﻜﻠﻢ ﻣﻊ ﻧﻔﺴﻪ ﻗﺎﺋﻼ : ﻣﻌﻘﻮﻟﻪ ﻋﺮﻓﻨﻲ ﺍﻧﻲ ﺍﻟﻲ ﻛﺘﺒﺖ ﺍﻟﺮﺳﺎﻟﻪ ﻟﻮ ﻋﺎﺭﻓﻨﻲ ﻣﻴﺠﻲ ﻟﻠﺒﻴﺖ ﻭﺑﻌﺪﻳﻦ ﻳﻜﻮﻝ ﻣﺮﻳﺖ ﻋﻠﻰ ﺍﻟﻜﻞ ﺧﻠﻲ ﺍﻃﻠﻊ ﺍﺳﺘﻔﺴﺮ ﻭﺍﻃﻤﺌﻦ ﺧﺎﻑ ﻟﻌﺒﻪ ﻣﻨﻪ ﻫﺎﻱ ﺣﺘﻰ ﻳﻘﺘﻠﻨﻲ
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء