رواية نرجس الجزء الثامن
للكاتب كرار الكرادي
.
.
ﺑﻌﺪ ﺫﻫﺎﺏ ﺳﺖ ﻫﺪﻯ ﺑﺪﺃﺕ ﻧﺮﺟﺲ ﺗﺘﻨﻔﺲ ﺍﻻﻣﻞ ﻭﺍﻧﻘﻀﺎﺀ ﻫﻤﻬﺎ ﻭﺣﺰﻧﻬﺎ ﻭﻛﺎﻧﻬﺎ ﺗﻌﻠﻢ ﺑﺄﻥ ﻫﻨﺎﻙ ﺣﻴﺎﻩ ﺍﺧﺮﻯ ﺗﻨﺘﻈﺮﻫﺎ
ﻳﺪﺧﻞ ﻣﻜﻲ ﺇﻟﻰ ﺍﻟﻤﺸﻔﻰ ﻭﻳﺴﺌﻞ ﻋﻦ ﻧﺮﺟﺲ ﻭﻳﻌﻠﻢ ﺑﻤﻜﺎﻥ ﻭﺟﻮﺩﻫﺎ ﻳﺬﻫﺐ ﺇﻟﻰ ﻏﺮﻓﺘﻬﺎ ﻳﻘﻒ ﻋﻨﺪ ﺍﻟﺒﺎﺏ ﻳﻨﻈﺮ ﺇﻟﻴﻬﺎ ﻭﺇﻟﻰ ﺷﻌﺮﻫﺎ ﺍﻻﺳﻮﺩ ﺍﻟﻨﺎﻋﻢ ﻭﺍﻟﻰ ﺗﻠﻚ ﺍﻟﺸﻔﺘﻴﻴﻦ ﺍﻟﻮﺭﺩﻳﺘﻴﻦ ﻳﻘﻒ ﺃﻣﺎﻣﻬﺎ ﻭﻭﺟﻬﻪ ﻣﺒﺘﺴﻢ ﻭﺑﻌﺪﻫﺎ ﻧﺮﺟﺲ ﺗﺪﻳﺮ ﺭﺍﺳﻬﺎ ﺑﺎﺗﺠﺎﻩ ﺍﻟﺒﺎﺏ ﻟﺘﻨﻬﺾ ﻣﺮﺗﺒﻜﻪ ﻗﺎﺋﻠﻪ : ﻣﻜﻲ
ﻣﻜﻲ : ﻧﺮﺟﺲ
ﻧﺮﺟﺲ : ﺷﻌﻨﺪﻙ ﻫﻨﺎ
ﻣﻜﻲ : ﺟﻨﺖ ﺍﺩﻭﺭ ﻋﻠﻴﺞ ﻭﺍﻟﺤﻤﺪﻟﻠﻪ ﻟﻜﻴﺘﺞ ﻭﺭﺍﺡ ﺍﺭﺟﻌﺞ ﻟﻠﻘﺮﻳﻪ ﺍﺑﻮﺝ ﻣﺤﺘﺎﺟﺞ
ﻧﺮﺟﺲ : ﺍﻣﺸﻲ ﺍﻃﻠﻊ ﻻ ﺍﺭﻳﺪ ﺍﺭﺟﻊ ﻭﻻ ﺍﺭﻳﺪ ﺍﺷﻮﻑ ﺍﺑﻮﻳﻪ
ﻣﻜﻲ : ﺍﺑﻮﺝ ﻣﺸﻠﻮﻝ ﻭﻳﻢ ﺑﻴﺖ ﻋﻤﺞ ﺧﺎﻟﺪ ﻛﺎﻋﺪ
ﻧﺮﺟﺲ : ﻟﻴﺶ ﻭﺍﻣﻲ ﻭﻳﻦ
ﻣﻜﻲ : ﺍﻣﺞ ﻣﺎﺗﺖ
ﻧﺮﺟﺲ : ﺷﻨﻮ ﺷﺘﺪﻛﻮﻝ ﺍﻧﺘﻪ ﺷﻨﻮ ﻣﺎﺗﺖ
ﻣﻜﻲ : ﺃﻱ ﻟﻼﺳﻒ ﻣﺎﺗﺖ ﻭﺍﺑﻮﺝ ﻫﻮ ﺍﻟﻲ ﻗﺘﻠﻬﺎ ﻭﺧﺎﻟﺞ ﻣﻦ ﺩﺭﻯ ﺻﻮﺏ ﺍﺑﻮﺝ ﻭﺍﻧﺸﻞ
ﻧﺮﺟﺲ : ﻻ ﻻ ﻣﺎﺍﺻﺪﻙ ﺍﻛﻴﺪ ﺍﻧﺘﻪ ﺟﺬﺏ ﻋﻠﻴﻪ ﺍﻣﺸﻲ ﺍﻃﻠﻊ ﺑﺮﺍ ﺑﺮﺍﺍﺍ
ﺗﺪﺧﻞ ﺳﺖ ﻫﺪﻯ ﺇﻟﻰ ﺍﻟﻐﺮﻓﻪ
ﺳﺖ ﻫﺪﻯ : ﺍﻧﺘﻪ ﻣﻨﻮ
ﻧﺮﺟﺲ : ﺻﺪﻙ ﺳﺖ ﺍﺑﻮﻳﻪ ﻗﺘﻞ ﺍﻣﻲ
ﺳﺖ ﻫﺪﻯ : ﻻ ﺑﻨﺘﻲ ﻣﺎﻛﻮ ﻫﻴﺞ ﺣﺠﻲ ﻣﻨﻮ ﻛﻠﺞ
ﻧﺮﺟﺲ : ﻫﺬﺍ ﻣﻜﻲ
ﻣﻜﻲ : ﺃﻱ ﺍﺑﻮﻫﺎ ﻗﺘﻞ ﺍﻣﻬﺎ ﻭﺣﺘﻰ ﺟﻌﻔﺮ ﺟﺎﻱ ﻳﺪﻭﺭ ﻋﻠﻰ ﺍﻟﻘﺎﺗﻞ ﺍﻟﻲ ﻗﺘﻞ ﻭﻟﻴﺪ ﻭﻫﻞ ﻣﺎﺍﺟﻪ ﺍﻳﺪﻭﺭ ﻋﻠﻴﺞ ﻭﺇﻧﻲ ﺍﻃﻮﻋﺖ ﺍﺑﺪﺍﻟﻪ
ﻧﺮﺟﺲ : ﺳﺖ ﺣﺎﺟﻴﻨﻲ ﻭﻛﻠﻴﻠﻲ ﺻﺪﻙ
ﺳﺖ ﻫﺪﻯ ﺗﻨﺰﻝ ﺭﺍﺳﻬﺎ ﺛﻢ ﺗﺮﻓﻌﻪ ﻭﺗﻨﻈﺮ ﺇﻟﻰ ﻧﺮﺟﺲ ﻗﺎﺋﻠﻪ : ﺃﻱ ﺻﺪﻙ
ﻧﺮﺟﺲ : ﻟﻴﺶ ﺟﺬﺑﺘﻲ ﻋﻠﻴﻪ ﻭﻛﻠﺘﻲ ﺍﻫﻠﺞ ﺑﺨﻴﺮ
ﺳﺖ ﻫﺪﻯ : ﻣﻮ ﺍﻧﻲ ﺷﻔﺖ ﺣﺎﻟﺘﺞ ﻭﻣﺎﺍﺭﺩﺕ ﺍﻛﻠﺞ ﻫﺴﻪ ﻛﻠﺖ ﺧﻠﻴﻬﺎ ﺑﻌﺪﻳﻦ
ﻧﺮﺟﺲ ﺗﺘﻬﺴﺘﺮ ﻭﺗﺒﺪﺃ ﺑﺼﺮﺍﺥ ﻭﻧﻮﺡ ﻭﺗﻠﻄﻢ ﻋﻠﻰ ﻭﺟﻬﻬﺎ : ﻳﺒﻮ ﻳﺒﻮ ﻳﺒﻮ ﺍﻣﻲ ﻣﺎﺗﺖ ﻛﻠﻪ ﻣﻦ ﻭﺭﺍﻳﻪ ﺍﻧﻲ ﺍﻟﺴﺒﺐ ﺍﻧﻲ ﻣﻮﺗﺖ ﺍﻣﻲ ﺑﻴﺪﻱ ﺍﻧﻲ ﻳﺘﻤﺖ ﻳﻌﻨﻲ ﺑﻌﺪ ﻣﺎﺍﺷﻮﻑ ﺍﻣﻲ ﻭﻻ ﺍﻛﺪﺭ ﺍﺣﺎﺟﻴﻬﺎ ﻭﻻ ﺍﻛﺪﺭ ﺍﺗﻌﺎﺭﻙ ﻭﻳﺎﻫﺎ ﻭﻻ ﺍﻛﺪﺭ ﺍﻧﺎﻡ ﺑﺤﻈﻨﻬﺎ ﺳﻮﺩﻩ ﺑﻮﺟﻬﻲ
ﺗﻤﺴﻚ ﺑﻬﺎ ﺍﻟﺴﺖ ﻫﺪﻯ ﻣﺤﺎﻭﻟﻪ ﻟﻠﺘﻬﺪﺋﺘﻬﺎ ﻟﻜﻨﻬﺎ ﻻ ﺗﺴﺘﺠﻴﺐ ﻓﺘﺎﺗﻲ ﻣﻤﺮﺿﻪ ﻟﻠﺘﻌﻄﻴﻬﺎ ﺍﺑﺮﻩ ﻣﻬﺪﺉ ﻭﻋﻠﻰ ﺇﺛﺮﻫﺎ ﺗﻨﺎﻡ
ﺳﺖ ﻫﺪﻯ ( ﻣﺨﺎﻃﺒﻪ ﻣﻜﻲ ) : ﺍﻣﺸﻲ ﺍﻃﻠﻊ ﺑﺮﻩ ﻟﻮ ﺍﺻﻴﺢ ﺍﻟﺸﺮﻃﻪ ﻋﻠﻴﻚ ﺍﻃﻠﻊ
ﻣﻜﻲ : ﻃﺎﻟﻊ ﺍﻧﻲ ﺑﺲ ﺭﺍﺡ ﻧﺘﻘﺎﺑﻞ ﻣﻦ ﺟﺪﻳﺪ
ﻳﺨﺮﺝ ﻣﻜﻲ ﻣﻦ ﺍﻟﻤﺸﻔﻰ ﻭﻳﺘﺼﻞ ﺑﻨﻮﻓﻞ : ﺍﺷﻠﻮﻧﻚ ﻧﻮﻓﻞ ﺍﺷﻠﻮﻥ ﺻﺎﺭ ﺍﻟﻮﺍﻟﺪ
ﻧﻮﻓﻞ : ﻫﻠﻪ ﻣﻜﻲ ﺍﻟﺤﻤﺪﻟﻠﻪ ﺑﺸﺮ ﻟﻜﻴﺘﻬﺎ ﻟﻨﺮﺟﺲ
ﻣﻜﻲ : ﺃﻱ ﻟﻜﻴﺘﻬﺎ ﺑﻠﻤﺴﺘﺸﻔﻰ ﻣﺼﻮﺑﻪ ﺟﺎﻧﺖ ﻋﺼﺎﺑﻪ ﺧﺎﻃﻔﺘﻬﺎ
ﻧﻮﻓﻞ : ﻋﺼﺎﺑﻪ ؟
ﻣﻜﻲ : ﺃﻱ ﻭﻛﻠﻪ ﻟﻠﺠﻌﻔﺮ ﺧﻠﻲ ﻳﺠﻴﻨﻲ ﺣﺘﻰ ﻧﺎﺧﺬﻫﺎ ﻻﻥ ﺍﻛﻮ ﻣﺮﻩ ﻭﻳﺎﻫﺎ ﻣﺘﺨﻠﻴﻬﺎ ﺗﺮﺟﻊ ﻟﻠﻘﺮﻳﻪ
ﻧﻮﻓﻞ : ﻣﺎﺷﻲ ﻣﺎﺷﻲ ﻫﺴﻪ ﺍﺭﻭﺡ ﻟﻠﺠﻌﻔﺮ ﻭﺃﻛﻠﻪ ،ﺳﻼﻡ
ﻣﻜﻲ ﻳﺘﻜﻠﻢ ﻣﻊ ﻧﻔﺴﻪ : ( ﺑﻌﺪﺝ ﻣﺎﺷﻔﺘﻲ ﺷﻲ ﻳﺎﻧﺮﺟﺲ ﺍﻧﻲ ﺍﻧﻄﺮﺩ ﺑﺴﻴﻄﻪ )
ﺟﻌﻔﺮ ﻓﻲ ﺍﻻﺭﺽ ﻳﻌﻤﻞ ﻳﺄﺗﻲ ﺇﻟﻴﻪ ﻧﻮﻓﻞ ﻣﺴﺮﻋﺎ
ﻧﻮﻓﻞ : ﻣﻜﻲ ﻟﻜﻪ ﻧﺮﺟﺲ ﻭﻫﺴﻪ ﻫﻴﻪ ﺑﻠﻤﺴﺘﺸﻔﻰ
ﺟﻌﻔﺮ : ﺷﺒﻴﻬﺎ ﺑﻠﻤﺴﺘﺸﻔﻰ
ﻧﻮﻓﻞ : ﺧﺎﻃﻔﺘﻬﺎ ﻋﺼﺎﺑﻪ ﻭﻫﻲ ﺣﺎﻟﻴﺎ ﻣﺼﻮﺑﻪ ﻭﻣﺎﻝ ﺧﻠﻲ ﻳﺠﻲ ﺟﻌﻔﺮ
ﺟﻌﻔﺮ : ﻣﺎﺷﻲ ﻫﺴﻪ ﺍﺭﻭﺣﻠﻪ
ﻳﺬﻫﺐ ﺍﻟﻰ ﺍﻟﺒﻴﺖ ﻳﻠﺘﻘﻲ ﺑﻌﻤﻪ ( ﻣﺰﺍﺣﻢ ﺍﺏ ﻧﺮﺟﺲ )
ﺟﻌﻔﺮ : ﺍﻟﺒﺸﺎﺭﻩ ﻋﻤﻲ ﻟﻜﻮ ﻧﺮﺟﺲ
ﻣﺰﺍﺣﻢ : ﺻﺪﻙ ﺍﺑﻨﻲ ﻭﻳﻦ ﻫﻴﻪ ﻫﺴﻪ
ﺟﻌﻔﺮ : ﺑﺨﻴﺮ ﻫﺴﻪ ﺭﺍﺡ ﺍﺑﺪﻝ ﻭﺍﺭﻭﺣﻠﻬﺎ ﻣﻜﻲ ﻣﻨﺘﻈﺮﻧﻲ
ﻣﺰﺍﺣﻢ : ﺍﻟﻒ ﺣﻤﺪ ﻭﺷﻜﺮ ﻳﺎﺭﺑﻲ ﺑﻨﺘﻲ ﺑﻌﺪﻫﻲ ﺑﺨﻴﺮ
ﻓﻲ ﺍﻟﻤﺸﻔﻰ ﺗﺴﺘﻴﻘﻆ ﻧﺮﺟﺲ ﻭﺳﺖ ﻫﺪﻯ ﺑﺠﺎﻧﺒﻬﺎ ﺗﺠﻠﺲ
ﻧﺮﺟﺲ ( ﺑﺎﻛﻴﻪ ) : ﺳﺖ ﺍﻣﻲ ﻣﺎﺗﺖ
ﺳﺖ ﻫﺪﻯ ( ﻣﺘﺎﺛﺮﻩ ) : ﺍﻟﻠﻪ ﻳﺮﺣﻤﻬﺎ ﻭﻣﺜﻮﺍﻫﺎ ﺍﻟﺠﻨﻪ ﺍﻥ ﺷﺎﺀ ﺍﻟﻠﻪ
ﻧﺮﺟﺲ : ﻣﻦ ﻭﺭﺍﻱ ﻣﺎﺗﺖ ﺍﻧﻲ ﺍﻟﺴﺒﺐ
ﺳﺖ ﻫﺪﻯ : ﻻ ﺗﻜﻮﻟﻴﻦ ﻫﻴﺞ ﻫﺬﺍ ﻗﺪﺭ ﺭﺑﺞ
ﻧﺮﺟﺲ : ﺟﺎﻧﺖ ﺭﺍﻓﻀﻪ ﻓﻜﺮﻩ ﺍﻛﻤﻞ ﺍﻟﺪﺭﺍﺳﻪ ﺑﺪﻭﻥ ﻋﻠﻢ ﺍﺑﻮﻳﻪ ﺑﺲ ﺍﻧﻲ ﺳﻮﻳﺘﻠﻲ ﺯﻋﻠﻪ ﻋﻠﻴﻬﺎ ﻭﺍﺟﺘﻲ ﺳﺎﻋﺪﺗﻨﻲ ﻟﻮ ﻣﺎﻣﻔﻜﺮﻩ ﺟﺎﻥ ﺍﻣﻲ ﺑﻌﺪﻫﻲ ﻋﺎﻳﺸﻪ ﻭﻛﺪﺍﻡ ﻋﻴﻨﻲ ﺑﻌﺪ ﺑﺤﻀﻦ ﻣﻨﻮ ﺍﻧﺎﻡ ﻭﺍﻟﻤﻦ ﺍﺷﻜﻲ
ﺳﺖ ﻫﺪﻯ : ﻻ ﺣﻮﻝ ﻭﻻ ﻗﻮﻩ ﺍﻻ ﺑﺎﻟﻠﻪ ﻛﺎﻓﻲ ﺑﻨﺘﻲ ﻛﻄﻌﺘﻲ ﻗﻠﺒﻲ ﺍﻧﻲ ﻣﻮﺟﻮﺩﻩ ﻳﻤﺞ ﻭﻣﺎﺭﺍﺡ ﺍﻋﻮﻓﺞ
ﻧﺮﺟﺲ : ﺑﺲ ﺍﻧﺘﻲ ﻣﺮﺍﺡ ﺗﻌﻮﺿﻴﻠﻲ ﺍﻣﻲ
ﺳﺖ ﻫﺪﻯ : ﺻﺤﻴﺢ ﺑﺲ ﺭﺍﺡ ﺍﺻﻴﺮ ﻣﺜﻠﻬﺎ ﻭﺑﻌﺪﻳﻦ ﻫﺴﻪ ﺍﻣﺞ ﺍﻛﻴﺪ ﻓﺮﺣﺎﻧﻪ ﺑﻴﺞ ﻻﻥ ﺭﻓﻌﺘﻲ ﺭﺍﺳﻬﺎ ﻭﺗﻠﻜﻴﻬﺎ ﻛﺎﻋﺪﻩ ﺗﺘﺒﺎﻫﻰ ﺑﻴﺞ ﻳﻢ ﺍﻟﺒﺎﺭﻱ ﻋﺰ ﻭﺟﻞ
ﻧﺮﺟﺲ : ﺗﺪﺭﻳﻦ ﻗﺒﻞ ﺷﺠﻨﺖ ﺍﺗﻤﻨﻰ
ﺳﺖ ﻫﺪﻯ : ﺷﻨﻮ
ﻧﺮﺟﺲ : ﺟﻨﺖ ﺍﺗﻤﻨﻰ ﺍﺳﺘﺎﺫ ﺟﻤﻴﻞ ﻳﺼﻴﺮ ﺍﺑﻮﻳﻪ ﻳﻌﻮﺿﻨﻲ ﻋﻦ ﺍﻻﺏ ﺍﻟﻘﺎﺳﻲ ﺍﻟﻲ ﺩﻣﺮ ﺣﻴﺎﺗﻲ ﻭﻗﺘﻞ ﺍﻣﻲ
ﺳﺖ ﻫﺪﻯ : ﻳﺎﺑﻨﺘﻲ ﻣﺤﺪ ﻳﻜﺪﺭ ﻳﺨﺘﺎﺭ ﺃﻫﻠﻪ ﻫﺎﻱ ﻗﺴﻤﺘﺞ ﺑﺪﻧﻴﺎ ﻭﺍﺭﺿﻲ ﺑﻴﻬﺎ ﻭﺑﻌﺪﻳﻦ ﻫﻠﺸﻮﻓﻴﻦ ﺷﻮﻳﻪ ﺷﻮﻳﻪ ﺟﺎﻱ ﺗﻔﺮﺝ ﻋﻠﻴﺞ ﻭﺑﺪﻳﺘﻲ ﺻﻴﺮﻳﻦ ﻗﻮﻳﻪ ﻭﺗﻌﺘﻤﺪﻳﻦ ﻋﻠﻰ ﻧﻔﺴﺞ
ﻧﺮﺟﺲ : ﺑﺲ ﺍﻧﻲ ﻻﺯﻡ ﺍﺭﺟﻊ ﻟﻠﻘﺮﻳﻪ
ﺳﺖ ﻫﺪﻯ : ﻻ ﻣﺘﺮﺟﻌﻴﻦ ﺿﻠﻲ ﺍﻫﻨﺎ ﻳﻤﻲ ﻻﺗﺘﻮﻗﻌﻴﻦ ﺍﻋﻮﻓﺞ ﺑﻌﺪ ﺳﻮﻭﻟﺞ ﺷﻲ
ﻧﺮﺟﺲ : ﻣﻴﺴﻮﻭﻥ ﺷﻲ ﺑﻌﺪ ﺍﻟﻲ ﺳﻮﻭ ﺃﻛﺜﺮ ﺍﺛﻨﻴﻦ ﺍﺣﺒﻬﻢ ﺭﺍﺣﻮ ﻣﻦ ﺣﻴﺎﺗﻲ ﺍﺗﻤﻨﻰ ﺍﻣﻮﺕ ﺍﻟﻴﻮﻡ ﻗﺒﻞ ﺑﺄﺟﺮ
ﺳﺖ ﻫﺪﻯ : ﻫﺬﺍ ﺍﻟﺤﺠﻲ ﻣﻴﺼﻴﺮ ﺷﻨﻮ ﻣﻮﺕ ﺍﻧﻔﺘﺤﻠﺞ ﻃﺮﻳﻖ ﻛﺪﺍﻣﺞ ﻛﻠﻪ ﻧﺠﺎﺡ ﻭﺗﻔﺎﺋﻞ ﻭﺍﻣﻞ ﻟﺘﺤﺎﻭﻟﻴﻦ ﺳﺪﻱ ﺑﻴﺪﺝ ﺻﻴﺮﻱ ﺍﻛﺜﺮ ﻭﻋﻲ ﻭﺑﻌﺪﻱ ﻋﻨﺞ ﺍﻷﻓﻜﺎﺭ ﺍﻟﺴﻮﺩﺍﻭﻳﻪ
ﻧﺮﺟﺲ : ﺑﺲ ﻻﺯﻡ ﺍﺭﺟﻊ ﻟﻠﻘﺮﻳﻪ ﺍﺭﺩ ﺍﻭﺟﻪ ﺍﺑﻮﻳﻪ
ﺳﺖ ﻫﺪﻯ : ﻣﺎﺷﻲ ﺭﺟﻌﻲ ﺑﺲ ﻣﻮ ﻭﺣﺪﺝ ﺍﻧﻲ ﻭﻳﺎﺝ ﻭﺭﺟﻠﻲ ﻋﻠﻰ ﺭﺟﻠﺞ ﻭﻣﻨﻀﻞ ﻫﻨﺎﻙ ﻫﻮﺍﻱ ﻛﻠﻬﺎ ﻳﻮﻡ ﻭﻳﻮﻣﻴﻦ ﻭﺗﺮﺟﻌﻴﻦ ﻭﻳﺎﻳﻪ ﻭﺇﻧﻲ ﺭﺍﺡ ﺍﺗﻜﻔﻠﺞ ﻣﻦ ﺍﻫﻠﺞ
ﻧﺮﺟﺲ : ﻫﺎﻫﻴﻪ ﻣﺘﻔﻘﻴﻦ
ﺗﻘﻮﻡ ﺳﺖ ﻫﺪﻯ ﺑﻤﺴﺢ ﺩﻣﻮﻉ ﻧﺮﺟﺲ ﻭﺗﻘﺒﻴﻠﻬﺎ ﻣﻦ ﺭﺍﺳﻬﺎ
ﻳﺼﻞ ﺟﻌﻔﺮ ﺍﻟﻰ ﺍﻟﻤﺸﻔﻰ ﻭﻳﻠﺘﻘﻲ ﺑﻤﻜﻲ ﺑﻌﺪ ﺃﺩﺍﺀ ﺍﻟﺴﻼﻡ
ﺟﻌﻔﺮ : ﻭﻳﻦ ﻧﺮﺟﺲ
ﻣﻜﻲ : ﺍﻣﺸﻲ ﻭﻳﺎﻳﻪ
ﻳﺪﺧﻼﻥ ﻣﻌﺎ ﺍﻟﻰ ﺍﻟﻤﺸﻔﻰ ﻭﻳﺼﻼﻥ ﺍﻟﻰ ﺍﻟﻐﺮﻓﻪ ﺍﻟﺘﻲ ﺗﺮﻗﺪ ﺑﻬﺎ ﻧﺮﺟﺲ
ﺟﻌﻔﺮ ﻭﻣﻜﻲ ﻳﺪﺧﻼﻥ ﺩﺍﺧﻞ ﺍﻟﻐﺮﻓﻪ
ﺟﻌﻔﺮ : ﺳﻼﻡ ﻋﻠﻴﻜﻢ
ﻧﺮﺟﺲ : ﺟﻌﻔﺮ
ﺟﻌﻔﺮ : ﺍﺷﻠﻮﻧﺞ ﺑﺖ ﻋﻤﻲ ﻣﻨﻮ ﺳﻮﻱ ﺑﻴﺞ ﻫﻴﺞ
ﻧﺮﺟﺲ : ﻋﺼﺎﺑﻪ ﺧﻄﻔﺘﻨﻲ ﻭﻗﺎﻭﻣﺘﻬﻢ ﻭﺍﺻﻮﺑﺖ ﺑﺄﺟﺮ ﺍﻃﻠﻊ ﺃﻥ ﺷﺎﺀﺍﻟﻠﻪ
ﺟﻌﻔﺮ : ﻣﻌﺎﻓﻰ ﺃﻥ ﺷﺎﺀﺍﻟﻠﻪ ﺟﻴﺖ ﺍﺧﺬﺝ ﻭﻳﺎﻳﻪ ﻟﻠﻘﺮﻳﻪ
ﻧﺮﺟﺲ : ﺍﻫﺎﺍﺍ ﺟﻴﺖ ﺗﺄﺧﺬﻧﻲ
ﺳﺖ ﻫﺪﻯ : ﻣﻴﺤﺘﺎﺝ ﺑﺄﺟﺮ ﺍﻧﻲ ﺍﺧﺬﻫﺎ ﻭﻧﺮﻭﺡ
ﺟﻌﻔﺮ : ﻟﻴﺶ ﺍﻧﺘﻲ ﻣﻨﻮ
ﻧﺮﺟﺲ : ﻫﺎﻱ ﺑﺪﺍﻝ ﺍﻣﻲ ﺍﻟﻲ ﻗﺘﻠﺘﻮﻫﺎ
ﺟﻌﻔﺮ : ﺍﻭﻻ ﻣﺎﺍﻗﺘﻠﻨﺎﻫﺎ ﻭﺇﻧﻲ ﻭﺍﺑﻮﻳﻪ ﻣﺎﻟﻨﺎ ﻋﻼﻗﻪ ﺍﺑﻮﺝ ﻫﻮ ﺍﻟﻲ ﻗﺘﻠﻬﺎ
ﻧﺮﺟﺲ : ﺍﺻﻼ ﺍﺑﻮﻙ ﻫﻮ ﺭﺃﺱ ﺍﻟﻤﺸﻜﻠﺔ ﻭﻫﻮ ﺍﻟﻲ ﻳﺤﺮﺽ ﺍﺑﻮﻳﻪ ﻋﻠﻴﻪ ﻭﻋﻠﻰ ﺍﻣﻲ ﻭﺣﺎﻥ ﻭﺍﻛﻒ ﻭﻳﺒﺎﻭﻋﻨﻪ ﻣﻦ ﺍﺑﻮﻳﻪ ﻛﺘﻠﻨﻪ ﺍﻧﻲ ﻭﺍﻣﻲ ﻟﺴﻪ ﻧﻈﺮﺍﺕ ﺍﻟﺤﻘﺪ ﺍﻟﻲ ﺟﺎﻥ ﻳﺒﺎﻭﻉ ﺑﻴﻬﺎ ﻋﻠﻴﻨﻪ ﺍﺑﺎﻟﻲ ﻭﻻ ﺭﺍﺡ ﺍﺳﺎﻣﺤﻪ ﻻ ﻫﻮ ﻭﻻ ﺍﺑﻮﻳﻪ
ﺟﻌﻔﺮ : ﻧﺮﺟﺲ ﺍﺣﺠﻲ ﻋﺪﻝ ﺗﺮﻯ ﺍﻧﺘﻲ ﺩﺗﺤﺠﻴﻦ ﻋﻠﻰ ﺍﺑﻮﻳﻪ ﻛﺪﺍﻣﻲ ﻭﻣﻴﺤﻮﺯ ﻫﻴﺞ ﻭﺑﻌﺪﻳﻦ ﺍﻧﺘﻲ ﺍﻟﻲ ﺿﺤﻜﺘﻲ ﻋﻠﻰ ﺍﺑﻮﺝ ﻭﺑﺴﺒﺒﺞ ﻣﺎﺕ ﻭﻟﻴﺪ
ﻧﺮﺟﺲ : ﺑﺴﺒﺒﻲ ﻣﺎﺕ ﻭﻟﻴﺪ ﻣﺎﺷﻲ ﺯﻳﻦ ﻟﻜﻴﺘﻪ ﻟﻠﻘﺎﺗﻞ ﺍﺧﻮﻙ ﻻ
ﺟﻌﻔﺮ : ﻋﻦ ﻗﺮﻳﺐ ﺭﺍﺡ ﺃﻋﺮﻓﻪ ﻣﺎﺑﻘﻪ ﺷﻲ ﻭﺍﻻ ﺍﻗﺘﻠﻪ ﺑﻴﺪﻱ
ﻣﻜﻲ ﻭﺍﻗﻒ ﻭﻳﺴﺘﻤﻊ ﺍﻟﻰ ﺣﻮﺍﺭﻫﻢ ﻭﻋﻨﺪﻣﺎ ﺳﻤﻊ ﺟﻮﺍﺏ ﺟﻌﻔﺮ ﺑﺪﺃ ﻳﻘﻠﻖ
ﺳﺖ ﻫﺪﻯ : ﺟﻴﺘﻜﻢ ﻟﻬﻨﺎ ﺧﺎﻟﻴﻪ ﺭﻭﺣﻮﺍ ﻭﺑﺎﺟﺮ ﺭﺍﺡ ﻧﺠﻲ ﺍﻧﻲ ﻭﻧﺮﺟﺲ ﻟﻠﻘﺮﻳﻪ
ﺟﻌﻔﺮ : ﺑﺲ ﺍﻧﻲ ﻣﺎﺍﺭﻭﺡ ﺍﻻ ﺟﺎﻳﺐ ﻧﺮﺟﺲ ﺑﻴﺪﻱ
ﺳﺖ ﻫﺪﻯ : ﺃﻱ ﻣﻌﻨﺎﻫﺎ ﺷﻮﻓﻮﻟﻜﻢ ﻣﻜﺎﻥ ﺿﻠﻮﺍ ﺑﻲ ﻻﻥ ﺍﻟﺪﻛﺘﻮﺭ ﺑﺄﺟﺮ ﻳﻄﻠﻌﻬﺎ
ﻣﻜﻲ : ﻳﺎﻟﻠﻪ ﺟﻌﻔﺮ ﺍﻣﺸﻲ ﻋﺪﻱ ﻣﻜﺎﻥ ﺍﻧﺒﺎﺕ ﺑﻲ ﻭﺑﺎﺟﺮ ﻧﺎﺧﺬ ﻧﺮﺟﺲ ﻭﻧﺮﺟﻊ ﻟﻠﻘﺮﻳﻪ
ﺟﻌﻔﺮ ﻭ ﻣﻜﻲ ﻳﻐﺎﺩﺭﺍﻥ ﺍﻟﻤﺸﻔﻰ
ﻧﺮﺟﺲ : ﺳﻤﻌﺘﻲ ﺣﺠﻲ ﺟﻌﻔﺮ ﺍﺷﻠﻮﻧﻪ ﻣﻮ ﻭﻟﺴﻪ ﻳﻠﻮﻣﻮﻧﻲ ﻭﻣﻦ ﺍﻛﻠﺞ ﺍﻧﻲ ﺍﻟﺴﺒﺐ ﻣﺼﺪﻛﻴﻨﻲ
ﺳﺖ ﻫﺪﻯ : ﻧﺮﺟﻮﺳﻪ ﺣﺒﻴﺒﺘﻲ ﻛﻞ ﺷﺨﺺ ﻳﺮﻳﺪﻟﻪ ﺣﺠﻪ ﻋﻠﻰ ﻭﺍﺣﺪ ﻳﺴﻮﻱ ﺷﻤﺎﻋﻪ ﻳﻌﻠﻚ ﺑﻴﻬﺎ ﺍﺧﻄﺎﺀ ﻋﻠﻴﻪ ﻭﺍﻧﺘﻲ ﻣﺎﺍﺧﻄﺌﺘﻲ ﺳﻮﻳﺘﻲ ﺍﻟﺼﺢ ﺑﺲ ﻫﻤﻪ ﺍﻟﻲ ﺧﻄﺌﻮﺍ ﻭﻣﺎﻟﺞ ﺍﻱ ﺫﻧﺐ
ﻧﺮﺟﺲ : ﺧﻠﻲ ﻳﺠﻲ ﺑﺄﺟﺮ ﻭﺍﻟﻠﻪ ﻛﺮﻳﻢ
ﻣﻜﻲ ﻭﺟﻌﻔﺮ ﻳﺘﺒﺎﺩﻻﻥ ﺍﻟﺤﺪﻳﺚ ﻓﻲ ﺍﻟﺸﻘﻪ
ﻣﻜﻲ : ﻣﻨﻮ ﻫﺬﺍ ﺍﻟﺸﺨﺺ ﺍﻟﻲ ﻗﺘﻞ ﻭﻟﻴﺪ
ﺟﻌﻔﺮ : ﻣﺎﺍﻛﺪﺭ ﺍﻛﻠﻚ ﻋﻠﻴﻪ ﻷﻥ ﻣﻌﺮﻭﻑ ﺑﻠﻘﺮﻳﻪ ﻭﺍﻟﻲ ﺍﺗﺎﻛﺪ ﻳﺎﻟﻠﻪ
ﻣﻜﻲ : ﺯﻳﻦ ﺍﻛﺪﺭ ﺍﺳﺎﻋﺪﻙ ﺍﺫﺍ ﺗﺮﻳﺪ
ﺟﻌﻔﺮ : ﻻ ﻣﺸﻜﻮﺭ ﻭﻛﻔﺘﻚ ﻭﻳﺎﻧﻪ ﺣﺘﻰ ﺩﻭﺭ ﻋﻠﻰ ﻧﺮﺟﺲ ﻛﺎﻓﻴﻪ
ﻣﻜﻲ : ﺍﻧﺘﻮﺍ ﺍﻫﻠﻲ ﻭﻣﻦ ﺩﻳﺮﺗﻲ ﻭﻏﺼﺒﺎ ﻋﻠﻴﻪ ﻭﺍﻟﻲ ﻳﺼﻴﺮ ﺑﻴﻜﻢ ﻳﺼﻴﺮ ﺑﻴﻪ
ﺟﻌﻔﺮ : ﻛﻔﻮ ﻣﻨﻚ ﻭﻣﻦ ﺷﺎﺭﺑﻚ
ﻓﻲ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ ﺳﺖ ﻫﺪﻯ ﺗﺤﻀﺮ ﺃﻏﺮﺍﺽ ﻧﺮﺟﺲ ﻟﻠﺘﺴﺘﻌﺪ ﻟﻠﺬﻫﺎﺏ ﺇﻟﻰ ﺍﻟﻘﺮﻳﻪ ﻭﺑﺤﻀﻮﺭ ﻣﻜﻲ ﻭﺟﻌﻔﺮ ﺑﻌﺪ ﺍﻹﻧﺘﻬﺎﺀ ﻣﻦ ﺍﻟﺘﺤﻀﻴﺮ ﻳﻐﺎﺩﺭﻭﻥ ﺍﻟﻤﺸﻔﻰ ﻣﺘﻮﺟﻬﻴﻦ ﺇﻟﻰ ﺍﻟﻘﺮﻳﻪ
.
.
ﻓﻲ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ ﺳﺖ ﻫﺪﻯ ﺗﺤﻀﺮ ﺃﻏﺮﺍﺽ ﻧﺮﺟﺲ ﻟﺘﺴﺘﻌﺪ ﻟﻠﺬﻫﺎﺏ ﺇﻟﻰ ﺍﻟﻘﺮﻳﻪ ﻭﺑﺤﻀﻮﺭ ﻣﻜﻲ ﻭﺟﻌﻔﺮ ﺑﻌﺪ ﺍﻹﻧﺘﻬﺎﺀ ﻣﻦ ﺍﻟﺘﺤﻀﻴﺮ ﻳﻐﺎﺩﺭﻭﻥ ﺍﻟﻤﺸﻔﻰ ﻣﺘﻮﺟﻬﻴﻦ ﺇﻟﻰ ﺍﻟﻘﺮﻳﻪ
ﻓﻲ ﺍﻟﻘﺮﻳﻪ ﺍﻟﻜﻞ ﻳﻨﺘﻈﺮ ﻧﺮﺟﺲ ﺑﺪﺁ ﻣﻦ ﺍﻷﻃﻔﺎﻝ ﺇﻟﻰ ﻛﺒﺎﺭ ﺍﻟﺴﻦ ﻻﻥ ﻗﺼﺘﻬﺎ ﺃﺻﺒﺤﺖ ﻋﻠﻰ ﺟﻤﻴﻊ ﻟﺴﺎﻥ ﺍﻫﻞ ﺍﻟﻘﺮﻳﻪ ﺃﻣﺎ ﺍﺑﻴﻬﺎ ﻭﻋﻤﻬﺎ ﻓﻬﻢ ﻳﺘﺤﺮﻗﻮﻥ ﺷﻮﻗﺎ ﻟﻠﺮﺅﻳﺘﻬﺎ
ﺗﺼﻞ ﻧﺮﺟﺲ ﻭﻣﻦ ﻣﻌﻬﺎ ﺇﻟﻰ ﺍﻟﻘﺮﻳﻪ ﻭﻋﻨﺪ ﻧﺰﻭﻟﻬﺎ ﻗﺎﻟﺖ : ﺍﺭﻳﺪ ﺍﺭﻭﺡ ﻟﻠﺒﻴﺖ ﺍﻭﻝ ﺷﻲ ﻣﺸﺘﺎﻗﻪ ﻟﺮﻳﺤﻪ ﺍﻣﻲ
ﺟﻌﻔﺮ : ﻣﺎﺷﻲ ﻣﺜﻞ ﻣﺘﺮﺩﻳﻦ
ﺗﺬﻫﺐ ﺍﻟﻰ ﺍﻟﺒﻴﺖ ﻭﺗﺪﺧﻞ ﻭﺩﻣﻮﻋﻬﺎ ﺗﺴﻴﻞ ﻣﻦ ﻋﻴﻨﻴﻬﺎ ﺑﻘﻴﺖ ﻣﻌﻬﺎ ﺳﺖ ﻫﺪﻯ ﺃﻣﺎ ﺟﻌﻔﺮ ﺑﻘﻲ ﺧﺎﺭﺝ ﺍﻟﺒﻴﺖ ، ﻧﺮﺟﺲ ﺗﺬﻫﺐ ﺍﻟﻰ ﻏﺮﻓﻪ ﻭﺍﻟﺪﺗﻬﺎ ﺗﻘﻮﻡ ﺑﻔﺘﺢ ﺧﺰﺍﻧﻪ ﺍﻟﻤﻼﺑﺲ ( ﺍﻟﻜﻨﺘﻮﺭ ) ﻭﺗﺨﺮﺝ ﺛﻴﺎﺏ ﺍﻣﻬﺎ ﻭﺗﻘﻮﻡ ﺑﺸﻤﻬﺎ ﻗﺎﺋﻠﻪ : ﺭﺣﺘﻲ ﻋﻨﻲ ﻭﻋﻔﺘﻲ ﺑﺲ ﺭﻳﺤﺘﺞ ﻳﺎﺍﻳﻤﻪ ﺳﺎﻣﺤﻴﻨﻲ ﻭﺍﺗﻤﻨﻰ ﺍﺟﻲ ﻳﻤﺞ ﻭﺍﺷﺒﻊ ﺷﻮﻑ ﻣﻨﺞ
ﻓﻲ ﺍﺭﻛﺎﻥ ﺍﻟﻐﺮﻓﺔ ﺗﻈﻬﺮ ﻭﺍﻟﺪﺗﻬﺎ ﻟﻜﻦ ﻫﺬﺍ ﺍﻟﻈﻬﻮﺭ ﻓﻲ ﻣﺨﻴﻠﺘﻬﺎ ﺗﻀﻊ ﻳﺪﻳﻬﺎ ﻋﻠﻰ ﺭﺍﺱ ﻧﺮﺟﺲ ﻭﺗﻘﺒﻠﻬﺎ ﻗﺎﺋﻠﻪ : ﻻ ﻳﺎﺑﻨﺘﻲ ﺿﻠﻲ ﻫﻨﺎ ﻭﺍﻧﻲ ﻓﺮﺣﺎﻧﻪ ﺑﻴﺞ ﻛﻠﺶ ﻫﻮﺍﻱ ﻭﺍﺧﻴﺮﺍ ﺣﻘﻘﺘﻲ ﺣﻠﻤﺞ ﻭﻃﻠﻌﺘﻲ ﺍﻻﻭﻟﻰ ﺻﺤﻴﺢ ﻣﺎﻓﺮﺣﺖ ﺑﺪﻧﻴﺎ ﻳﻤﺞ ﺑﺲ ﻓﺮﺣﺖ ﻳﻢ ﺍﻟﺒﺎﺭﻱ ﻋﺰ ﻭﺟﻞ ﻭﺍﻧﻲ ﻣﻨﺘﻈﺮﺗﺞ ﺗﺠﻴﻦ ﺯﻭﺭﻳﻨﻲ
ﻧﺮﺟﺲ ﺗﻘﻮﻡ ﺑﺤﻀﻦ ﻭﺍﻟﺪﺗﻬﺎ ﻟﺘﻔﺘﺤﻪ ﻋﻴﻨﻴﻬﺎ ﺑﻌﺪﻫﺎ ﺗﺮﺍﻫﺎ ﺍﺧﺘﻔﺖ
ﺳﺖ ﻫﺪﻯ : ﻳﺎﻟﻠﻪ ﺑﻨﺘﻲ ﻛﻮﻣﻲ ﺧﻞ ﻧﺮﻭﺡ ﻣﻨﺘﻈﺮﻳﻨﻪ
ﻧﺮﺟﺲ : ﺣﺎﺿﺮ
ﻓﻲ ﺑﻴﺖ ﺍﻟﻌﻢ ﺧﺎﻟﺪ ﺣﻴﺚ ﻭﺟﻮﺩ ﺍﺏ ﻧﺮﺟﺲ ﺗﺪﺧﻞ ﻧﺮﺟﺲ ﻭﺳﺖ ﻫﺪﻯ ﻭﺟﻌﻔﺮ
ﺍﻻﺏ : ﺑﻨﺘﻲ ﻧﺮﺟﻮﺳﻪ ﻫﺪﻳﺘﻲ ﺣﻴﻠﻲ ﻳﺎﺑﻨﺘﻲ
ﻧﺮﺟﺲ ﺗﻨﻈﺮ ﺍﻟﻰ ﻭﺍﻟﺪﻫﺎ ﺑﻨﻈﺮﻩ ﺣﻘﺪ ﻭﺍﺷﻤﺌﺰﺍﺯ
ﺍﻻﺏ : ﺗﻌﺎﻱ ﺑﻨﺘﻲ ﺧﻠﻲ ﺍﺑﻮﺳﺞ ﻭﺍﺷﻤﺞ
ﻧﺮﺟﺲ ﺗﻀﻞ ﻭﺍﻗﻔﻪ ﺛﻢ !
ﻣﻜﻲ ﻭﻧﻮﻓﻞ ﻳﺘﺠﻮﺍﻻﻥ ﻓﻲ ﺍﻟﻘﺮﻳﻪ
ﻧﻮﻓﻞ : ﺍﻱ ﺷﺮﺍﺡ ﻳﺼﻴﺮ ﻫﺴﻪ ﺑﻌﺪ ﻣﺎﺭﺟﻌﺖ ﻧﺮﺟﺲ ﻟﻬﻠﻬﺎ
ﻣﻜﻲ : ﻣﺘﺮﻳﺪ ﺗﺒﻘﻰ ﺗﺮﻳﺪ ﺗﺮﺟﻊ ﻟﻠﻤﺪﻳﻨﻪ ﻭﺗﻜﻤﻞ ﺩﺭﺍﺳﺘﻬﺎ ﺑﺠﺎﻣﻌﻪ
ﻧﻮﻓﻞ : ﺷﺒﻴﻚ ﻟﻌﺪ ﺍﺷﻮ ﻣﺜﻞ ﻣﺨﺘﻨﻚ
ﻣﻜﻲ : ﻧﺮﺟﺲ ﻣﻦ ﺳﺌﻠﺖ ﺟﻌﻔﺮ ﻛﻠﺘﻠﻪ ﻟﻜﻴﺖ ﻗﺎﺗﻞ ﺍﺧﻮﻙ ﻛﻠﻬﺎ ﻋﻦ ﻗﺮﻳﺐ ﺃﻋﺮﻓﻪ ﻭﺍﻧﻲ ﻣﻦ ﺳﺌﻠﺘﻪ ﻛﺎﻝ ﻭﺍﺣﺪ ﻣﻌﺮﻭﻑ ﺑﻠﻘﺮﻳﻪ ﺑﺲ ﺍﺭﻳﺪ ﺍﺗﺎﻛﺪ ﻣﻨﻪ
ﻧﻮﻓﻞ : ﻭﺷﻨﻮ ﻗﺼﺪﻩ ﺑﻬﺬﺍ ﺍﻟﺤﺠﻲ
ﻣﻜﻲ : ﻣﺎﺍﻋﺮﻑ ﺣﺘﻰ ﻟﺤﻴﺖ ﻋﻠﻴﻪ ﻛﺘﻠﻪ ﺗﺮﻳﺪ ﺍﺳﺎﻋﺪﻙ ﻣﺎﻗﺒﻞ
ﻧﻮﻓﻞ : ﻳﻌﻨﻲ ﺑﺲ ﺍﻧﻲ ﻭﻳﺎﻙ ﻧﺪﺭﻱ ﺑﻠﻤﺮﺣﻮﻡ ﻣﻨﻮ ﻛﺘﻠﻪ ﻣﻨﻮ ﺭﺍﺡ ﻳﻌﺮﻑ
ﻣﻜﻲ : ﺍﻟﻠﻪ ﻳﺮﺣﻤﻪ ﺟﺎﻥ ﺧﻮﺵ ﺭﺟﺎﻝ ( ﻭﻳﻀﺤﻜﻮﻥ )
ﻓﻲ ﺑﻴﺖ ﺍﻟﻌﻢ ﺧﺎﻟﺪ
ﻧﺮﺟﺲ : ﺷﻌﺠﺐ ﺗﺮﻳﺪ ﺗﺤﻀﻨﻲ ﻭﺗﺒﻮﺳﻨﻲ ﻭﺍﻧﺘﻪ ﻋﻤﺮﻙ ﻛﻠﻪ ﻣﺎﺳﻮﻳﺖ ﻫﻴﺞ
ﺟﻌﻔﺮ : ﻧﺮﺟﺲ ﺍﺣﺠﻲ ﻋﺪﻝ ﻫﺬﺍ ﺍﺑﻮﺝ
ﺍﻻﺏ : ﻋﻮﻓﻬﺎ ﺣﻘﻬﺎ ﺗﻜﺮﻫﻨﻲ ﻭﺗﺤﻘﺪ ﻋﻠﻴﻪ ﺍﻟﻲ ﺳﻮﻳﺘﻪ ﻣﻮ ﻗﻠﻴﻞ ﺑﻴﻬﺎ
ﻧﺮﺟﺲ : ﺍﻫﺎﺍ ﻫﺴﻪ ﺣﺴﻴﺖ ﺑﺬﻧﺐ ﻭﺻﺎﺭﺕ ﻋﺪﻙ ﻣﺸﺎﻋﺮ ﺍﻷﺑﻮﺓ ﻟﻌﺪ ﻭﻳﻦ ﺟﺎﻧﺖ ﻣﻦ ﻗﺘﻠﺖ ﺍﻣﻲ
ﺍﻻﺏ ( ﺑﺎﻛﻴﺎ ) : ﺑﻨﺘﻲ ﻭﺍﻟﻠﻪ ﺑﺪﻭﻥ ﻗﺼﺪ ﻫﻲ ﺣﺎﻭﻟﺖ ﺗﻤﻨﻌﻨﻲ ﻭﻛﻔﺖ ﻛﺪﺍﻡ ﺍﻟﺒﺎﺏ ﻭﻻﻭﺗﻨﻲ ﻭﺍﻧﻲ ﺟﻨﺖ ﺷﺎﻳﻞ ﺍﻟﺴﺠﻴﻨﻪ ﻭﺟﺘﻲ ﺑﻴﻬﺎ
ﻧﺮﺟﺲ : ﻫﺎﻱ ﺍﻟﺴﺠﻴﻨﻪ ﺍﻟﻲ ﺭﺩﺕ ﺗﻘﺘﻠﻨﻲ ﺑﻴﻬﺎ ﻭﻛﻞ ﻫﺬﺍ ﺻﺎﺭ ﺑﺴﺒﺒﻚ ﻋﻤﻲ ﺧﺎﻟﺪ
ﺧﺎﻟﺪ : ﺍﻧﻲ ﺷﻨﻮ
ﻧﺮﺟﺲ : ﺍﻱ ﺍﻧﺘﻪ ﻣﻮ ﺣﺮﺿﺖ ﺃﺑﻮﻳﻪ ﻋﻠﻴﻪ ﻭﺷﻮﻑ ﺍﻟﻲ ﺻﺎﺭ ﻟﻮ ﻣﺎﻣﺤﺮﺿﻪ ﺟﺎﻥ ﺑﻌﺪﻫﻲ ﺍﻣﻲ ﻋﺎﻳﺸﻪ
ﺧﺎﻟﺪ : ﻭﺍﺑﻨﻲ ﺍﻟﻲ ﺍﻧﻘﺘﻞ ﺑﺴﺒﺒﺞ ﻟﻮ ﺟﺎﻥ ﻣﻮﺟﻮﺩ ﺑﻠﺒﻴﺖ ﺟﺎﻥ ﻣﺎﺍﻧﻘﺘﻞ
ﻧﺮﺟﺲ : ﻳﺎﺭﻳﺘﻜﻢ ﻣﺜﻞ ﻭﻟﻴﺪ ﺍﻻﻧﺴﺎﻥ ﺍﻟﻲ ﻓﻬﻤﻨﻲ ﻭﺳﺎﻋﺪﻧﻲ ﺣﺘﻰ ﺍﺳﺘﻤﺮ ﺑﻄﺮﻳﻖ ﻧﺠﺎﺣﻲ ﻣﻮ ﻣﺜﻠﻜﻢ ﺻﺮﺗﻮﺍ ﺣﻔﺮﻩ ﺑﻨﺺ ﻃﺮﻳﻘﻲ ﻭﺍﻧﻲ ﺭﻓﻌﺖ ﺭﺍﺳﻪ ﻟﻴﻔﻮﻙ ﻟﻴﻔﻮﻙ ﺭﻓﻌﺘﻪ ، ﺍﻧﻲ ﻋﻠﻤﻮﻡ ﺟﺎﻳﻪ ﺍﻛﻠﻜﻢ ﻗﺮﺭﺕ ﺍﻋﻴﺶ ﺑﻠﻤﺪﻳﻨﻪ ﻳﻢ ﺳﺖ ﻫﺪﻯ ﻭﺍﻛﻤﻞ ﺩﺭﺍﺳﺘﻲ ﺍﻟﺠﺎﻣﻌﻴﺔ
ﺧﺎﻟﺪ : ﻣﻮ ﺑﻜﻴﻔﺞ ﻣﺎﻋﺪﺝ ﺍﻫﻞ ﻣﻦ ﺷﻮﻛﺖ ﺑﻨﺎﺗﻨﻪ ﻳﺪﺭﺳﻦ ﻭﻳﻄﺒﻦ ﺟﺎﻣﻌﺎﺕ
ﻧﺮﺟﺲ : ﺍﻫﺎﺍﺍﺍﺍ ﺷﻔﺖ ﻫﺬﺍ ﺗﻔﻜﻴﺮﻙ ﻭﺻﻠﻨﻪ ﻟﻬﻴﺞ ﺣﺎﻟﻪ ﻭﺍﻟﻠﻪ ﺩﻣﺮﺗﻮﻧﻪ ﺑﻠﻌﺎﺩﺍﺕ ﻭﺍﻟﺘﻘﺎﻟﻴﺪ ﻭﺍﻣﻲ ﻣﺎﺗﺖ ﻣﻦ ﻭﺭﺍ ﻋﺎﺩﺗﻜﻢ ﻭﺍﺣﺐ ﺍﻛﻠﻚ ﺷﻲ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺑﺎﻗﻴﻪ ﺑﺲ ﺍﻟﺒﺸﺮ ﻣﺎﻳﺒﻘﻪ ﻭﺍﻧﻲ ﻗﺮﺭﺕ ﺍﻛﺴﺮﻫﻦ ﻭﺍﻟﻲ ﻳﻄﻠﻊ ﺑﻴﺪﻛﻢ ﺳﻮﻭﻭ ﺫﺑﺤﻮﻧﻲ ﺻﻠﺨﻮﻧﻲ ﺩﻓﻨﻮﻧﻲ ﻭﺍﻧﻲ ﻋﺎﻳﺸﻪ ﺍﻟﻤﻬﻢ ﺍﺭﻳﺪ ﺍﺧﻠﺺ ﻣﻨﻜﻢ ﻣﺎﺍﺗﺤﻤﻞ ﺍﺷﻮﻑ ﻗﺎﺗﻠﻴﻦ ﺍﻣﻲ ﻭﺍﺳﻜﺖ
ﺧﺎﻟﺪ ( ﻣﺨﺎﻃﺒﺎ ﻣﺰﺍﺣﻢ ﺍﺏ ﻧﺮﺟﺲ ) : ﻣﺘﺤﺠﻴﻠﻚ ﻛﻠﻤﻪ ﻭﻱ ﺑﻨﺘﻚ
ﺍﻻﺏ : ﺧﺎﻟﺪ ﺧﻠﺺ ﻋﻮﻓﻬﺎ ﺍﺷﻮﻑ ﺣﻴﺎﺗﻬﺎ ﺍﻧﻲ ﻣﻦ ﻳﻤﻲ ﻗﺎﺑﻞ ﺗﺮﻭﺡ ﺗﻌﻴﺶ ﺑﻠﻤﺪﻳﻨﻪ
ﺧﺎﻟﺪ : ﻭﺍﻟﻨﺎﺱ ﺷﻨﻮ ﺍﻧﻜﻠﻠﻬﻢ ﻣﺎﻋﺮﻓﻨﻪ ﺭﺑﻲ ﺑﺘﻨﻪ
ﺍﻻﺏ : ﻳﺎﺍﺍ ﻧﺎﺱ ﺧﺎﻟﺪ ﺍﻟﻨﺎﺱ ﻫﻤﻪ ﺑﺲ ﺗﺘﻔﺮﺝ ﻋﻠﻴﻨﻪ ﻭﺣﺠﻴﻬﻢ ﻣﻴﺨﻠﺺ
ﺧﺎﻟﺪ : ﺍﺫﺍ ﻣﺘﻜﺪﺭﻟﻬﺎ ﺍﻧﻲ ﺍﻛﺪﺭﻟﻬﺎ ﻭﺍﻛﻌﺪﻫﺎ ﻛﺒﺎﻟﻲ ﺗﻌﺎﻱ ﻳﻤﻲ ﻭﻟﺞ
( ﻳﻘﻮﻡ ﺑﻤﺴﻜﻬﺎ ﻣﻦ ﻳﺪﻫﺎ )
ﺗﺪﺧﻞ ﺳﺖ ﻫﺪﻯ ﻓﺘﻘﻮﻡ ﺑﻤﺴﻚ ﻧﺮﺟﺲ ﻭﺍﺭﺟﻌﺎﻫﺎ ﺧﻠﻔﻬﺎ ﻗﺎﺋﻠﻪ : ﻃﺒﻌﺎ ﺍﻧﻲ ﺳﻜﺘﺖ ﻭﻣﺎﺣﺠﻴﺖ ﺷﻲ ﺍﻧﺘﻈﺮﺕ ﻧﺮﺟﺲ ﺗﻜﻤﻞ ﻛﻼﻣﻬﺎ ﺍﻟﻲ ﺩﺳﻮﻱ ﻳﺎﺍﺑﻮ ﻭﻟﻴﺪ ( ﺗﻘﺼﺪ ﺧﺎﻟﺪ ﻋﻢ ﻧﺮﺟﺲ ) ﻣﻴﺠﻮﺯ ﻻ ﺑﻠﻘﺮﺍﻥ ﻭﻻ ﺑﻜﻞ ﺍﻟﺸﺮﺍﺋﻊ ﺍﻟﺴﻤﺎﻭﻳﺔ ﻧﺮﺟﺲ ﺍﻧﻲ ﺍﺗﻜﻔﻞ ﺑﻴﻬﺎ ﻭﺍﻧﻲ ﻣﺮﻩ ﻭﺣﺪﺍﻧﻴﻪ ﻣﺎﻋﺪﻱ ﺃﺣﺪ ﻭﺯﻭﺟﻪ ﺷﻬﻴﺪ ﻭﺍﻳﻀﺎ ﺍﻧﻲ ﻣﺪﺭﺳﻪ ﺑﻠﻘﺮﻳﻪ ﻭﻫﻮﺍﻱ ﺑﻨﺎﺕ ﻣﻦ ﺍﻟﻘﺮﻳﻪ ﻳﻌﺮﻓﻮﻧﻲ ﻓﺎﺍﺗﻤﻨﻰ ﺿﻞ ﻧﺮﺟﺲ ﻳﻤﻲ ﻭﻋﺪ ﻋﻠﻴﻪ ﺑﺲ ﺗﻜﻤﻞ ﺩﺭﺍﺳﺘﻬﺎ ﺭﺍﺡ ﺍﺧﻠﻴﻬﺎ ﺗﺮﺟﻊ ﻟﻠﻘﺮﻳﻪ
ﺧﺎﻟﺪ : ﻭﺷﻜﺪ ﺿﻞ ﻳﻌﻨﻲ ﻛﻢ ﺳﻨﻪ
ﺳﺖ ﻫﺪﻯ : ٦ ﺳﻨﻮﺍﺕ
ﺧﺎﻟﺪ : ﺳﺖ ﺳﻨﻮﺍﺕ ﺍﺿﻞ ﻋﻠﻴﻤﻦ ﻣﻜﻠﻔﻪ ﻧﻔﺲ ﻻ ﺗﺠﻲ ﺍﺣﺴﻦ
ﻧﺮﺟﺲ : ﻭﺍﻟﻠﻪ ﺍﺣﺴﻦ ﻣﺎﺍﺟﻲ
ﺧﺎﻟﺪ : ﻧﻬﺎﻳﻪ ﺍﻟﺤﺠﻲ ﺍﻧﻲ ﺑﻌﺪ ﻣﺎﺍﻋﺪﻱ ﺑﻨﺖ ﺍﺧﻮ ﻭﻣﺪﺍﻡ ﺍﺧﻮﻳﻪ ﻗﺎﺑﻞ ﺑﻬﺬﺍ ﺍﻟﺸﻲ ﺧﻠﺺ ﺑﺲ ﺑﺸﺮﻁ ﻟﺤﺪﻭﺩ ﺍﻟﻘﺮﻳﻪ ﻣﺘﻮﺻﻠﻴﻦ ﺑﻌﺪ
ﻭﺍﺫﺍ ﻭﺻﻠﺘﻲ ﺩﻣﺞ ﻣﻬﺪﻭﺭ
ﺳﺖ ﻫﺪﻯ : ﺷﻨﻮ ﻫﻠﺤﺠﻲ ﻫﺬﺍ ﺍﺑﻮ ﻭﻟﻴﺪ ﻣﻴﺼﻴﺮ ﻫﻢ ﺑﺘﻜﻢ ﻫﺎﻱ
ﺧﺎﻟﺪ : ﻻ ﻣﻮ ﺑﺘﻨﻪ ﻫﺎﻱ ﻭﺣﺪﻩ ﻋﺎﻗﻪ ﺗﻌﻮﻑ ﺍﺑﻮﻫﺎ ﺑﻬﻴﺞ ﺣﺎﻟﻪ ﻭﺗﺮﻭﺡ
ﻧﺮﺟﺲ : ﺧﻠﺺ ﻫﺎﻫﻴﻪ ﻣﺜﻞ ﻣﺘﺮﻳﺪ ﻋﻤﻲ
ﺍﻻﺏ : ﺭﺍﺡ ﺍﺷﺘﺎﻗﻠﺞ ﺑﻨﺘﻲ
ﻧﺮﺟﺲ : ﻣﺎﺍﺭﻳﺪﻙ ﺗﺸﺘﺎﻗﻠﻲ ﺍﻧﺴﺎﻧﻲ ﺑﻌﺪ
ﻛﻴﻒ ﺗﺤﻮﻟﺖ ﻃﻔﻠﺘﻪ ﺍﻟﺠﻤﻴﻠﻪ ﻭﺍﻟﺒﺮﻳﺌﻪ ﺍﻟﻰ ﻛﻞ ﻫﺬﺍ ﺍﻟﻌﻨﻔﻮﺍﻥ ﻧﻌﻢ ﻫﻮ ﺍﻟﺴﺒﺐ ﻫﻮ ﺍﻟﺬﻱ ﺟﻌﻠﻬﺎ ﻣﺎﻫﻴﻪ ﻋﻠﻴﻪ ﻓﻬﻨﺎﻙ ﻣﻘﻮﻟﻪ ﺗﻘﻮﻝ ( ﺍﻟﺒﻨﺖ ﺣﺒﻴﺒﻪ ﺍﺑﻮﻫﺎ ) ﻓﻬﻲ ﻟﻢ ﺗﺆﺧﺬ ﻣﻨﻪ ﻛﻞ ﺍﻟﺤﺐ ﻭﺍﻻﻫﺘﻤﺎﻡ ﺑﻞ ﺟﻌﻠﻬﺎ ﻛﻠﻐﺮﻳﺒﻪ ﻭﺍﻟﻤﻨﺒﻮﺫﻩ ﻳﻌﺎﻣﻠﻬﺎ ﺑﻘﺴﻮﻩ ﻭﺣﺘﻰ ﺇﻥ ﻣﺮﺿﺖ ﻻ ﻳﻬﺘﻢ ﻟﻬﺎ ﻛﺄﻧﻬﺎ ﻟﻢ ﺗﺨﺮﺝ ﻣﻦ ﻇﻬﺮﻩ ﻭﻟﻢ ﻳﺤﻤﻠﻬﺎ ﻳﻮﻣﺎ ﻣﺎ ﻟﻜﻦ ﻫﻨﺎﻙ ﻗﺼﻪ ﻓﻲ ﺫﻟﻚ ﺳﺒﺐ ﻛﺮﻩ ﺍﻻﺏ ﻟﻼﺑﻨﺘﻪ ﺑﻬﺬﻩ ﺍﻟﻄﺮﻳﻘﺔ
( ﻗﺒﻞ ﺛﻼﺙ ﺳﻨﻮﺍﺕ )
ﻧﺮﺟﺲ ﺗﺪﺧﻞ ﺍﻟﻰ ﺍﻟﺒﻴﺖ ﺑﻌﺪ ﻋﻮﺩﺗﻬﺎ ﻣﻦ ﺍﻟﻤﺪﺭﺳﺔ ﻳﺄﺗﻲ ﺇﻟﻴﻬﺎ ﺃﺧﻴﻬﺎ ﺍﻟﺼﻐﻴﺮ ﻭﺍﺳﻤﻪ ( ﻣﺤﻤﺪ ) ﺍﻟﺬﻱ ﻳﺼﻐﺮﻫﺎ ﺏ٦ ﺃﻋﻮﺍﻡ ﻭﻛﺎﻥ ﻳﺒﻠﻎ ﻋﻤﺮﻩ ٨ ﺃﻋﻮﺍﻡ ﻭﻛﺎﻥ ﻳﺤﺐ ﻧﺮﺟﺲ ﻛﺜﻴﺮﺍ ﻓﻴﻘﻮﻡ ﺑﺤﺘﻀﺎﻧﻬﺎ ﻭﻫﻲ ﺗﻘﺪﻡ ﻟﻪ ﺍﻟﺠﺒﺲ
ﻧﺮﺟﺲ : ﺗﻌﺎﻝ ﻛﻠﻲ ﺍﺷﻠﻮﻥ ﺻﺮﺕ
ﻣﺤﻤﺪ : ﺯﻳﻦ
ﻧﺮﺟﺲ : ﺧﻮﺵ ﺣﺘﻰ ﺗﺮﻭﺡ ﻟﻠﻤﺪﺭﺳﻪ ﺗﺪﺍﻭﻡ ﻛﺎﻓﻲ ﻏﻴﺎﺑﺎﺕ ﻣﺎﺭﻳﺪﻙ ﺻﻴﺮ ﻛﺴﻮﻟﻲ ﻭﻳﻜﻮﻟﻮﻥ ﺣﻤﻮﺩﻱ ﺍﺧﻮ ﻧﺮﺟﻮﺳﻪ ﺍﻟﺸﻄﻮﺭﻩ ﻛﺴﻼﻥ
ﻣﺤﻤﺪ : ﻻ ﻣﻮ ﻛﺴﻮﻟﻲ ﺷﺎﻃﺮ ﺍﻧﻲ
ﻧﺮﺟﺲ ﺗﻘﻮﻡ ﺑﻘﺮﺹ ﺧﺪﻭﺩﻩ ﻗﺎﺋﻠﻪ : ﻳﻤﻪ ﻓﺪﻳﺘﻪ ﺍﻟﺸﺎﻃﺮ ، ( ﻭﺗﻘﻮﻡ ﺑﺘﻘﺒﻴﻠﻪ )
ﺛﻢ ﻳﺄﺗﻲ ﺍﻻﺏ ﺑﻌﺪ ﻋﻮﺩﺗﻪ ﻣﻦ ﺍﻟﻌﻤﻞ ﻧﺮﺟﺲ ﻭﻣﺤﻤﺪ ﻳﺮﻛﻀﺎﻥ ﺑﺘﺠﺎﻩ ﻳﻘﺒﻼﻥ ﻳﺪﻩ ﻭﻫﻮ ﺍﻳﻀﺎ ﻳﻘﺒﻠﻬﻢ
ﺍﻻﺏ : ﺍﺷﻠﻮﻥ ﺻﺮﺕ ﺣﻤﻮﺩﻱ
ﻣﺤﻤﺪ : ﺯﻳﻦ ﻃﺒﺖ
ﺍﻻﺏ : ﻋﻔﻴﻪ ﺑﺎﺍﺑﻨﻲ ﺍﻟﺴﺒﻊ
ﻧﺮﺟﺲ : ﻳﺄﺑﻪ ﺷﻮﻑ ﺷﻜﺪ ﺍﺧﺬﺕ ﺑﻼﻣﺘﺤﺎﻥ ( ﺗﻌﻄﻲ ﻭﺭﻗﻪ ﺍﻻﻣﺘﺤﺎﻥ )
ﺍﻻﺏ : ﻋﻔﻴﻪ ﺑﺎﺑﻨﻴﺘﻲ ﺍﺭﻳﺪ ﺍﺭﻓﻊ ﺭﺍﺳﻲ ﺑﻴﺞ ﻭﺍﻥ ﺷﺎﺀﺍﻟﻠﻪ ﺍﺷﻮﻓﺞ ﻣﻌﻠﻤﻪ
ﻧﺮﺟﺲ : ﻻ ﻳﺄﺑﻪ ﺍﺭﻳﺪ ﺍﺻﻴﺮ ﻃﺒﻴﺒﻪ ﺣﺘﻰ ﺧﺎﻑ ﺗﻤﺮﺽ ﺍﻋﺎﻟﺠﻚ
ﺍﻻﺏ : ﻓﺪﻳﺖ ﺑﻨﺘﻲ ﺍﻟﻲ ﺗﻌﺎﻟﺠﻨﻲ , ( ﻭﻳﻘﺒﻠﻬﺎ ﻣﻦ ﺭﺍﺳﻬﺎ ) ﻳﺎﻟﻠﻪ ﺭﻭﺣﻮﺍ ﺳﺎﻋﺪﻭﺍ ﺍﻣﻜﻢ ﺣﺘﻰ ﻧﺘﻐﺪﺍ
ﺍﻩ ﻳﺎﻟﻬﻲ ﻛﻢ ﻫﻢ ﺳﻌﺪﺍﺀ ﻭﻋﺎﺋﻠﺔ ﻣﺜﺎﻟﻴﻪ ﺑﺎﺍﻣﺘﻴﺎﺯ ﺍﺫﺍ ﻣﺎﻟﺬﻱ ﺣﺼﻞ ﺣﺘﻰ ﺗﻐﻴﺮ ﻛﻞ ﻫﺬﺍ ؟
ﺍﻻﻡ ﺟﺎﻟﺴﻪ ﺗﺸﺎﻫﺪ ﺍﻟﺘﻠﻔﺎﺯ ﻧﺮﺟﺲ ﺗﻘﻮﻡ ﺑﺘﺪﺭﻳﺲ ﺃﺧﻴﻬﺎ ﻣﺤﻤﺪ ﻭﺍﻻﺏ ﺧﺎﺭﺝ ﺍﻟﺒﻴﺖ
ﺗﻨﻬﺾ ﺍﻻﻡ ﻣﻦ ﻣﻜﺎﻧﻬﺎ ﻣﺘﻮﺟﻪ ﺍﻟﻰ ﻏﺮﻓﻪ ﻧﺮﺟﺲ ﻗﺎﺋﻠﻪ : ﻳﻤﻪ ﻧﺮﺟﺲ ﺍﻧﻲ ﺭﺍﺡ ﺍﺭﻭﺡ ﻻﻡ ﺣﺴﻴﻦ ﺍﻗﺪﻣﻠﻬﺎ ﻭﺍﺟﺐ
ﻧﺮﺟﺲ : ﺑﺮﺍﺣﺘﺞ ﻳﻤﻪ
ﺍﻻﻡ : ﺣﻤﻮﺩﻱ ﺣﺒﻴﺒﻲ ﻻﺗﻄﻠﻊ ﺿﻞ ﺍﻗﺮﺍ
ﻣﺤﻤﺪ : ﻣﺎﺷﻲ ﻣﺎﺍﻃﻠﻊ
ﻭﺑﻌﺪ ﺧﺮﻭﺝ ﺍﻻﻡ ﻣﻦ ﺍﻟﺒﻴﺖ ﺑﺪﺃ ﻣﺤﻤﺪ ﻳﺪﻭﺭ ﻓﻲ ﺍﻟﺒﻴﺖ ﺣﺘﻰ ﺟﺎﺀ ﺇﻟﻰ ﻧﺮﺟﺲ ﻗﺎﺋﻼ : ﻧﺮﺟﻮﺳﻪ ﺍﺭﻳﺪ ﺍﻃﻠﻊ ﺍﻟﻌﺐ ﻭﻱ ﺍﺻﺪﻗﺎﺋﻲ
ﻧﺮﺟﺲ : ﻻ ﺍﺑﻘﻪ ﻭﻳﻦ ﻃﺎﻟﻊ ﺑﻌﺪ ﻋﺪﻙ ﺭﻳﺎﺿﻴﺎﺕ ﺧﻠﻲ ﺍﻛﻤﻞ ﻭﺍﻗﺮﻳﻚ
ﻣﺤﻤﺪ : ﻣﺎ ﻣﺎ ﺣﺒﺎﺑﻪ ﺍﺷﻮﻳﻪ ﺍﻟﻌﺐ ﻭﺍﺭﺟﻊ
ﻧﺮﺟﺲ : ﻛﺘﻠﻚ ﻣﺘﻄﻠﻊ ﻳﻌﻨﻲ ﻣﺘﻄﻠﻊ ﺿﻞ ﺑﻠﺒﻴﺖ
ﻣﺤﻤﺪ : ﺍﻭﻭﻭﻭﻭﻭﻑ ﺿﻮﺟﻪ
ﻭﺑﻴﻨﻤﺎ ﻧﺮﺟﺲ ﺗﻘﺮﺍ ﻳﺨﺮﺝ ﺃﺧﻴﻬﺎ ﻣﺤﻤﺪ ﻣﻦ ﺍﻟﺒﻴﺖ ﺩﻭﻥ ﻋﻠﻤﻬﺎ ﻭﻳﻠﻌﺐ ﻣﻊ ﺍﻃﻔﺎﻝ ﺍﻟﻘﺮﻳﻪ
ﺗﺪﺧﻞ ﺍﻻﻡ ﺍﻟﻰ ﺍﻟﺒﻴﺖ ﻭﺗﺬﻫﺐ ﺇﻟﻰ ﻏﺮﻓﻪ ﻧﺮﺟﺲ ﻗﺎﺋﻠﻪ : ﻟﻌﺪ ﺣﻤﻮﺩﻱ ﻭﻳﻦ
ﻧﺮﺟﺲ : ﻣﻮﺟﻮﺩ ﺑﻠﺒﻴﺖ
ﺍﻻﻡ : ﻣﺎﻛﻮ ﻣﺎﻣﻮﺟﻮﺩ ﺍﻣﺸﻲ ﻃﻠﻌﻲ ﺷﻮﻓﻲ
ﻧﺮﺟﺲ : ﻳﻤﻪ ﺩﺍﺍﻗﺮﺍ ﻣﺎﺍﻟﺤﻚ ﻋﻮﻓﻲ ﺩﻳﻠﻌﺐ
ﺍﻻﻡ : ﺍﻧﻲ ﻣﻮ ﻛﺘﻠﺞ ﻣﻴﻄﻠﻊ ﺷﻄﻠﻌﻪ
ﻧﺮﺟﺲ : ﻛﺘﻠﻪ ﻻﺗﻄﻠﻊ ﺷﺴﻮﻳﻠﻪ ﺍﺿﻞ ﺍﺭﻛﺾ ﻭﺭﺍ ﻫﻢ ﻃﻔﻞ ﺣﻘﻪ ﻭﻳﺮﻳﺪ ﻳﻠﻌﺐ
ﺍﻻﻡ : ﻣﺎﺷﻲ ﻣﺎﺷﻲ
ﻣﺎﻫﻴﻪ ﺍﻻ ﺩﻗﺎﺋﻖ ﻭﺗﺪﻕ ﺍﻟﺒﺎﺏ ﺗﺨﺮﺝ ﺍﻻﻡ ﻟﻠﺘﺮﻯ ﻋﺪﻩ ﺍﺷﺨﺎﺹ ﻭﺍﻗﻔﻴﻦ ﻭﻳﺒﻜﻮﻥ : ﺍﻡ ﻧﺮﺟﺲ ﺣﻤﻮﺩﻱ ﻏﺮﻕ ﺑﺸﻂ
ﺗﻘﻒ ﺍﻻﻡ ﻣﺼﺪﻭﻣﻪ ﺛﻢ ﺗﺼﺮﺥ ﻗﺎﺋﻠﻪ : ﻧﺮﺟﺲ ﻟﺤﻜﻴﻨﻲ
ﺗﻨﻬﺾ ﻧﺮﺟﺲ ﺭﺍﻛﻀﻪ ﻧﺤﻮ ﺍﻣﻬﺎ ﻗﺎﺋﻠﻪ : ﻳﻤﻪ ﺷﺒﻴﺞ
ﺍﻻﻡ ( ﺑﺎﻛﻴﻪ ) : ﻭﻟﺞ ﻳﻜﻮﻟﻮﻥ ﺣﻤﻮﺩﻱ ﻏﺮﻕ ﺑﺸﻂ
ﻧﺮﺟﺲ : ﺷﻨﻮﻭ
ﺛﻢ ﺗﺬﻫﺐ ﺍﻻﻡ ﻭﻧﺮﺟﺲ ﺭﺍﻛﻀﺎﺕ ﻧﺤﻮ ﺍﻟﺸﻂ
ﺍﻻﺏ ﻳﺴﻤﻊ ﺍﻟﺨﺒﺮ ﻭﻛﺎﻥ ﺟﺎﻟﺴﺎ ﻓﻲ ﻣﻘﻬﻰ ﺍﻟﻘﺮﻳﻪ ﻣﺎﺳﻜﺎ ﻛﻮﺏ ﺍﻟﺸﺎﻱ ﻭﻋﻨﺪﻩ ﺳﻤﺎﻋﻪ ﺍﻟﺨﺒﺮ ﻳﺴﻘﻂ ﺍﻟﻜﻮﺏ ﻣﻦ ﻳﺪﻩ ﻭﻳﺮﻛﺾ ﻧﺤﻮ ﺍﻟﺸﻂ ﻟﻠﻴﺮﻯ ﺃﻣﺎﻣﻪ ﺯﻭﺟﺘﻪ ﻭﺍﺑﻨﺘﻪ ﺗﺒﻜﻴﺎﻥ ﻭﺗﻨﻮﺣﺎﻥ
ﻳﺎﻟﻬﺎ ﻣﻦ ﻓﺎﺟﻌﻪ ﺍﻟﺌﻴﻤﻪ ﻗﺪ ﺩﻣﺮﺕ ﻫﺬﻩ ﺍﻟﻌﺎﺋﻠﺔ ﺍﻟﻤﺜﺎﻟﻴﻪ ﺍﻻﺏ ﻛﺎﻥ ﺍﺏ ﻣﺜﺎﻟﻲ ﻟﻜﻦ ﺑﻌﺪ ﻏﺮﻕ ﺍﺑﻨﻪ ﺃﺻﺒﺢ ﻣﺘﺴﻠﻂ ﻭﻇﺎﻟﻢ ﻭﻛﺎﻥ ﻳﺮﻣﻲ ﺑﻠﻮﻡ ﻋﻠﻰ ﺯﻭﺟﺘﻪ ﻭﺍﺑﻨﺘﻪ ﻧﺮﺟﺲ ﻭﺍﺻﺒﺢ ﻳﻀﺮﺏ ﺯﻭﺟﺘﻪ ﻋﻨﺪ ﺍﻱ ﺷﻲ ﻳﺤﺪﺙ ﻭﻳﺼﺮﺥ ﻋﻠﻰ ﻧﺮﺟﺲ ﺣﺘﻰ ﻧﺴﻴﺖ ﺣﻨﻴﺘﻪ ﺍﻟﺴﺎﺑﻘﻪ ﻭﻛﻴﻒ ﻛﺎﻥ ﺍﺏ ﺣﻨﻮﻥ ﻭﻣﺜﺎﻟﻲ ﻭﻋﻨﺪﻣﺎ ﻛﺎﻥ ﻳﻀﺮﺏ ﻭﺍﻟﺪﺗﻬﺎ ﻛﺎﻥ ﻳﻘﻮﻝ : ﻛﻞ ﻣﻦ ﻭﺭﺍﺝ ﻭﻣﻦ ﻭﺭﺍ ﺑﻨﺘﺞ ﺍﺑﻨﻲ ﻣﺎﺕ
ﻫﺬﻩ ﺍﻟﻌﺒﺎﺭﻩ ﻛﺎﻥ ﻳﺮﺩﺩﻫﺎ ﺩﺍﺋﻤﺎ ﻋﻨﺪﻣﺎ ﻳﻘﻮﻡ ﺑﻀﺮﺏ ﻭﺍﻟﺪﺗﻬﺎ
ﺍﻻﻥ ﺍﺻﺒﺢ ﺍﻻﻣﺮ ﻣﻌﺮﻭﻓﺎ ﻟﻤﺎﺫﺍ ﺍﺻﺒﺢ ﺍﻻﺏ ﻫﻜﺬﺍ
( ﺍﻟﺤﺎﺿﺮ )
ﺗﻌﻮﺩ ﻧﺮﺟﺲ ﻭﺳﺖ ﻫﺪﻯ ﺍﻟﻰ ﺍﻟﻤﺪﻳﻨﻪ ﻭﺗﺤﺪﻳﺪﺍ ﺍﻟﻰ ﺑﻴﺖ ﺳﺖ ﻫﺪﻯ ﺍﻟﺬﻱ ﺳﺘﻌﻴﺶ ﻓﻴﻪ ﻧﺮﺟﺲ ﺣﻴﺎﺗﻬﺎ ﺍﻟﻘﺎﺩﻣﻪ ﺍﻟﺘﻲ ﺗﺤﻤﻞ ﺍﻟﻜﺜﻴﺮ ﻣﻦ ﺍﻟﻤﻔﺎﺟﺂﺕ !
.
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء