رواية خطوات نحو الجحيم ج1 الجزء التاسع عشر
للكاتبة زينب ماجد
🌹
ﻟﺠﻴﻦ -: ﺭﻛﻀﺖ ﻟﻠﺸﺎﺭﻉ ﺍﻟﻌﺎﻡ .. ﺍﺑﺎﻭﻉ ﻳﻤﻴﻦ ﻭﺷﻤﺎﻝ .. ﺍﺭﻳﺪ ﺳﻴﺎﺭﻩ ﻣﺎﻛﻮ ..
ﺑﻘﻴﺖ ﺍﺭﻛﺾ ﻣﺎ ﺍﻋﺮﻑ ﺍﻟﻄﺮﻳﻖ ﺑﺲ ﺍﺭﻛﺾ .. ﺷﻔﺖ ﺳﻴﺎﺭﻩ ﻣﺮﺕ .. ﻭﻗﻔﺘﻬﺎ .. ﻭﻗﻒ ..
ﻭﻟﺪ ﺷﺎﺏ .. ﺑﺪﺍﻳﻪ ﺧﻔﺖ .. ﺑﺲ ﺗﻘﻮﻳﺖ ﻭﺩﻧﻜﺖ .. ﺳﺄﻟﺘﻪ ﻣﻦ ﻭﻳﻦ ﺍﻃﻠﻊ ﻟﺒﻐﺪﺍﺩ .. ﻛﺎﻝ ﻣﻦ ﺍﻟﻜﺮﺍﺝ ..
ﻛﻠﺘﻠﻪ ﺗﻮﺩﻳﻨﻲ ﺍﻟﻜﺮﺍﺝ .. ﻭﺍﻓﻖ .. ﺻﻌﺪﺕ ﻭﻳﺎﻩ .. ﻛﻨﺖ ﻻﻓﻪ ﺭﺍﺳﻲ ﻭﻭﺟﻬﻲ ﻛﻠﻪ ﺑﺎﻟﻠﻔﺎﻑ . ﺑﺲ ﺧﻔﺖ ﻋﻴﻮﻧﻲ ﺗﺒﺮﺯ ﻭﻳﺒﻘﻰ ﻳﺒﺎﻭﻋﻠﻬﻢ ﺑﺎﻟﻤﺮﺍﻳﺎ ﻭﻳﻮﺯﻩ ﺍﻟﺸﻴﻄﺎﻥ ..
ﻧﺰﻟﺖ ﺍﻟﻠﻔﺎﻑ ﻋﻠﻰ ﻋﻴﻮﻧﻲ ﻭﺩﺭﺕ ﻭﺟﻬﻲ ﻣﺎ ﺑﺎﻭﻋﺘﻠﻪ ﺍﺑﺪ .. ﻟﺤﺪ ﻣﺎ ﻭﺻﻠﻨﻲ ﺍﻟﻜﺮﺍﺝ .. ﺍﻧﻄﻴﺘﻪ ﺍﻻﺟﺮﻩ ﻭﻧﺰﻟﺖ ..
ﺳﻤﻌﺖ ﻛﻴﺎ ﻭﻳﻤﻬﺎ ﻭﻟﺪ ﻳﺼﻴﺢ ﺑﻐﺪﺍﺩ ﺑﻐﺪﺍﺩ .. ﺗﻘﺮﺑﺖ ﻳﻢ ﺍﻟﻮﻟﺪ .. ﻋﻔﻮﺍ ﺑﻐﺪﺍﺩ ﺗﺎﺧﺬﻧﻲ ﻗﺮﻳﺐ ﻟﻼﻋﻈﻤﻴﻪ .. ﻛﺎﻝ ﺍﻭﺻﻞ ﺍﻟﻌﻼﻭﻱ ..
ﻗﺒﻠﺖ ﺑﺲ ﺧﻞ ﺍﺻﻌﺪ ﺑﻐﺪﺍﺩ .. ﺩﺍ ﺍﺻﻌﺪ .. ﺷﻔﺖ 5 ﺷﺒﺎﺏ ﻛﺎﻋﺪﻳﻦ ﺑﺎﻟﺴﻴﺎﺭﻩ .. ﻣﺎﻝ ﺍﻛﻌﺪ ﻳﻤﻬﻢ ﻣﻨﺎ ﻟﺒﻐﺪﺍﺩ .. ﺍﻟﻠﻪ ﻋﺎﻟﻢ ﺷﻴﻄﻠﻊ ﻣﻨﻬﻢ ..
ﺭﺟﻌﺖ ﻻﺑﻮ ﺍﻟﺴﻴﺎﺭﻩ .. ﻭﺳﺄﻟﺘﻪ .. ﺍﺧﻲ ﺍﻛﺪﺭ ﺍﺣﺠﺰ ﺍﻟﻜﺮﺍﺳﻲ ﺍﻟﻮﺭﻯ ﻛﻠﻬﻢ .. ﻛﺎﻝ ﺍﻱ ﻃﺒﻌﺎ .. ﻃﻠﻊ ﺍﻟﻮﻟﺪ .. ﻭﺻﻌﺪﺕ ﻭﺭﻯ ﻣﺤﺪ ﻛﻌﺪﺗﻪ ﻳﻤﻲ ..
ﺑﺤﺠﺰﻱ ﻟﻠﺨﺎﻧﺎﺕ ﺍﻟﻮﺭﻯ ﺍﺟﻮ ﺑﻌﺪﻱ ﺭﺟﺎﻝ ﻭﻣﺮﺗﻪ .. ﻗﺒﻄﺖ ﺍﻟﺴﻴﺎﺭﻩ ﻭﻃﻠﻌﺖ .. ﺍﻃﻤﺄﻧﻴﺖ ﻣﻦ ﺻﻌﺪﺕ ﻋﺎﺋﻠﻪ ﻭﻳﺎﻧﻪ .. ﺍﺣﺴﻦ ..
ﻗﺮﻳﺖ ﺍﻟﻔﺎﺗﺤﻪ ﻟﻠﻪ .. ﺣﺘﻰ ﺍﻭﺻﻞ ﺳﻼﻣﺎﺕ .. ﻻﻥ ﻛﺎﻥ ﻃﺮﻳﻖ ﺍﻟﻤﻮﺻﻞ ﺑﻴﺠﻲ ﺗﻜﺮﻳﺖ ﺑﻐﺪﺍﺩ .. ﺻﻌﺐ ﺣﻴﻞ ..
ﺍﻻﺭﻫﺎﺏ ﻛﺎﻥ ﻣﺘﻮﺍﺟﺪ ﺑﻜﺜﺮﻩ ﺧﺎﺻﻪ ﺑﻬﺬﻩ ﺍﻟﻤﻨﺎﻃﻖ ﻳﺘﻜﺎﺛﺮﻭﻥ .. ﻣﺎ ﺧﺬﺕ ﻋﻴﻨﻲ ﻧﻮﻡ ﻗﻬﺮﻱ ﻋﻠﻰ ﻣﺎﻟﻚ ﺟﻨﻨﻲ
ﻣﻌﻘﻮﻟﻪ ﻣﺎﺕ .. ﻣﺎ ﺍﺻﺪﻙ . ﻭﻟﻮ ﻓﻌﻼ ﻣﺎﻟﻚ ﻣﺎﺕ .. ﺑﻌﻤﺮﻱ ﻣﺎ ﺭﺍﺡ ﺍﺑﺎﻭﻉ ﺑﻮﺟﻪ ﻣﺨﻠﺪ ﻭﻣﺴﺘﺤﻴﻞ ﺍﺻﻴﺮﻟﻪ ﻣﺮﻩ ..
ﻭﺍﻧﻲ ﺍﻟﻠﻲ ﺿﺤﻴﺖ ﺑﺤﺐ ﻣﺎﻟﻚ ﻭﻗﺒﻠﺖ ﺑﻴﻪ ﻳﻘﺘﻠﻪ .... ﺑﻘﻴﺖ ﺍﻓﻜﺮ ﻟﺤﺪ ﻣﺎ ﻭﺻﻠﻨﺎ ﺑﻐﺪﺍﺩ ﺑﻌﺪ 6 ﺳﺎﻋﺎﺕ ﻭﻧﺺ ﻃﺮﻳﻖ ..
ﻧﺰﻟﺖ ﺑﺎﻟﻜﺮﺍﺝ ﻭﻃﻠﻌﺖ .. ﺟﺎﻧﺖ ﺍﻟﺴﺎﻋﻪ 8 ﺍﻟﺼﺒﺢ .. ﺭﺣﺖ ﻟﻤﺤﻞ ﻣﻮﺑﺎﻳﻼﺕ .. ﺍﺷﺘﺮﻳﺖ ﻣﻮﺑﺎﻳﻞ .. ﻭﺷﺮﻳﺤﻪ ﻣﺴﺘﺨﺪﻣﻪ ﻣﻘﺒﻞ ﻳﻨﻄﻴﻨﻲ ﺟﺪﻳﺪﻩ .. ﺍﻻ ﻣﺴﺘﻤﺴﻜﺎﺕ ..
ﺷﻐﻠﺖ ﺍﻟﺠﻬﺎﺯ .. ﻭﺩﻛﻴﺖ ﺭﻗﻢ ﻣﺎﻟﻚ .. ﺩﻙ .. ﻳﺎﺭﺏ ﻳﻜﻮﻥ ﻋﺎﻳﺶ .. ﺭﺩ .. ﺑﺲ ﻣﻮ ﻣﺎﻟﻚ .. ﺧﻔﺖ ﻻ ﻓﻌﻞ ﻣﻴﺖ .. ﺍﻧﻬﺒﻄﺖ .. ﻛﺎﻝ ﺍﻟﻮﻭ
- ﻣﻨﻮ
- ﺍﻧﺘﻲ ﺍﻟﻠﻲ ﻣﺘﺼﻠﻪ .. ﻣﻮ ﺍﻧﻲ
- ﺭﻗﻢ ﻣﺎﻟﻚ
- ﺍﻱ ﻧﻌﻢ ﺭﻗﻢ ﻣﺎﻟﻚ ﻣﻨﻮﻭ
- ﻣﺎﻟﻚ ﻭﻳﻦ
- ﻣﺎﻟﻚ ﺗﻌﺮﺽ ﻟﺴﻄﻮ ﻣﺴﻠﺢ ﻭﺣﺎﻟﻴﺎ ﻫﻮ ﺑﺎﻟﻤﺴﺘﺸﻔﻰ .. ﻭﺣﺎﻟﺘﻪ ﺍﺣﺴﻦ .. ﺑﺲ ﻣﻌﺮﻓﺖ ﻣﻨﻮ .. ﺍﻧﺘﻲ ﻧﺎﺩﻳﻪ
- ﺑﻴﺎ ﻣﺴﺘﺸﻔﻰ
- ﺍﻟﻜﺎﻇﻤﻴﻪ
- ﻗﻔﻠﺘﻪ .. ﻧﺰﻟﺖ ﺩﻣﻮﻋﻲ .. ﺍﺍﺍﺍﺍﺍﺍﺍﻩ ﺍﻟﺤﻤﺪﻟﻠﻪ ﻳﺎﺍﺍﺍﺭﺏ ﻣﻤﻴﺖ .. ﺍﺧﺬﺕ ﺗﻜﺴﻲ ﻭﻃﻠﻌﺖ ﻟﻤﺴﺘﺸﻔﻰ ﺍﻟﻜﺎﻇﻤﻴﻪ
.
ﻧﺰﻟﺖ ﻭﺳﺌﻠﺖ ﺍﻻﺳﺘﻌﻼﻣﺎﺕ ﻋﻦ ﺍﻟﻤﺮﻳﺾ ﻣﺎﻟﻚ ﻗﻴﺲ ﺟﺎﺑﺮ .. ﺑﺤﺜﻮ ﻛﺜﻴﺮ ﻳﺎﻟﻪ ﻋﺮﻓﻮﻟﻲ ﺭﻗﻢ ﺍﻟﻐﺮﻓﻪ ﺑﺎﻟﺨﺎﺹ ..
ﺻﻌﺪﺕ ﻟﻐﺮﻓﺘﻪ .. ﻭﺻﻠﺖ .. ﻛﺎﻧﺖ ﺍﻟﻤﻤﺮ ﻫﺎﺩﺉ .. ﺗﻤﺸﻴﺖ ﻟﻠﻐﺮﻓﻪ .. ﺩﺧﻠﺖ ﻛﺎﻥ ﻧﺎﻳﻢ ﺗﻘﺮﺑﺖ ﻳﻤﻪ ﻭﺑﺠﻴﺖ .
ﻫﻠﻜﺪ ﻣﺸﺘﺎﻗﺘﻠﻪ ﻭﻣﺸﺘﺎﻗﻪ ﺍﺷﻮﻓﻪ .. ﺍﻟﺒﻌﺪ ﻣﺎ ﻧﺴﺎﻧﻲ ﻭﺍﻧﻤﺎ ﺯﺍﺩﻧﻲ ﺍﺷﺘﻴﺎﻕ ﺍﻟﻪ ﻭﻟﻜﻞ ﺣﺮﻑ ﻣﻨﻪ ..
ﻛﺎﻥ ﻧﺎﻳﻢ .. ﻭﺻﺪﺭﻩ ﺑﺪﻭﻥ ﻣﻼﺑﺲ ﻣﻠﻔﻮﻑ ﺑﺸﺎﺵ ﺍﻟﻀﺎﻫﺮ ﺍﻻﻃﻼﻕ ﺑﺼﺪﺭﻩ .. ﺍﺑﺠﻲ ﻭﺍﺣﺎﻭﻝ ﺍﻛﺘﻢ ﺻﻮﺕ ﺷﻬﻜﺎﺗﻲ ..
ﺑﺲ ﻟﻬﺪﻭﺀ ﺍﻟﻐﺮﻓﻪ .. ﺻﻮﺕ ﺍﻟﺒﺠﻲ ﻣﺎﻟﺘﻲ ﻃﻠﻊ .... ﻓﺘﺢ ﻋﻴﻨﻪ ﺑﺜﻘﻞ .. ﺑﺎﻭﻋﻠﻲ ﺑﻨﻌﺎﺱ .. ﺷﺎﻓﻨﻲ ﻓﺘﺢ ﻋﻴﻮﻧﻪ ﺣﻴﻞ .. ﻭﻫﻤﺲ ..
ﻣﺎﻟﻚ -: ﻟﺠﻴﻴﻴﻦ .. ﺣﺒﻴﺒﺘﻲ ..
- ﺍﺭﻳﺪ ﺍﺣﺠﻲ ﺍﻟﺪﻣﻮﻉ ﺗﺠﺮﻱ ﺑﺤﺮﻛﻪ . ﺍﺣﺎﻭﻝ ﺍﻣﺴﺢ ﺍﻟﺪﻣﻮﻉ ﻭﺍﺣﺠﻲ ﻭﺗﺮﺟﻊ ﺗﻨﺰﻝ ﻣﻦ ﺻﺪﻣﺘﻲ ﺑﻲ ﻧﺴﻴﺖ ﺷﺄﺣﺠﻲ ..
ﻣﺪﻟﻲ ﺍﻳﺪﻩ ﺗﻌﺎﻱ .. ﺍﻧﻄﻴﺘﻪ ﺍﻳﺪﻱ .. ﺑﺎﺳﻬﺎ .. ﺟﺮﻳﺘﻬﺎ ﻣﻨﻪ .. ﺷﻠﻮﻧﻚ ..
ﻟﺰﻡ ﺍﻳﺪﻱ ﻭﺻﺎﺭ ﻳﺤﺠﻲ ﺑﺄﻟﻢ ﻭﺻﻮﺕ ﻧﺎﺻﻲ
- ﻣﻴﺖ ﺷﻮﻙ ﻋﻠﻴﺞ .. ﺷﻔﺘﻲ ﻏﻴﺎﺑﺞ ﺍﺷﺴﻮﻩ ﺑﻴﻪ ﺗﺠﻨﻨﺖ ﻭﻣﺎ ﻋﺮﻓﺖ ﻃﺮﻳﻘﻲ ﻭﻳﻦ ﻭﺍﻧﺘﻲ ﻣﺎﻛﻮ .. ﻟﺠﻴﻦ ﻻ ﺗﺒﺘﻌﺪﻳﻦ ﻋﻨﻲ ﺍﺣﺘﺎﺟﺞ .. ﺣﺠﺎﻫﺎ ﻭﺧﻨﻜﺘﻪ ﺍﻟﻌﺒﺮﻩ ..
ﺑﺠﻴﺖ ﺑﻤﻜﺎﻧﻪ .. ﻣﺎﻟﻚ ﻃﺮﻳﻘﻨﺎ ﺻﻌﺐ .. ﻭﺍﺑﻮﻳﻪ ﺧﻴﺮﻧﻲ ﺑﻴﻨﻚ ﻭﺑﻴﻨﻪ ﻭﺍﻧﻲ ﺍﺧﺘﺎﺭﻳﺖ ﺍﺑﻮﻳﻪ ﺑﺲ ﺩﺍ ﺍﺗﻌﺬﺏ ﻫﻮﺍﻳﻪ ﺑﻐﻴﺎﺑﻚ ..
ﻣﺎ ﻛﺪﺭﺕ ﺍﺗﺄﻗﻠﻢ ﻭﻻ ﺣﺘﻰ ﺍﺗﻘﺒﻠﻪ .. ﺗﻌﺒﺖ ﺣﻴﻞ ..
- ﻫﺸﺸﺶ ﻟﺘﺒﺠﻴﻦ ﻧﺒﻀﻲ ﺍﻧﺘﻲ .. ﻣﻨﺎ ﻭﺭﺍﻳﺢ ﺍﻧﺘﻲ ﺍﻟﻲ ﻭﻣﺤﺪ ﻳﻜﺪﺭ ﻳﻤﻨﻌﻨﺎ .. ﻭﺍﻟﻠﻲ ﺍﺳﻤﻪ ﻣﺨﻠﺪ .. ﺻﺎﺭ ﻣﺎﺿﻲ ﻭﻃﻮﻳﺘﻪ ..
- ﺷﻠﻮﻥ ﻳﻌﻨﻲ ﻃﻮﻳﺘﻪ ..
- ﻟﺠﻴﻦ ﻣﺨﻠﺪ ﻫﻮ ﺍﻟﻠﻲ ﻗﺘﻠﻨﻲ .. ﺍﻟﻜﻠﺐ ﺑﻌﺪ ﻣﺎ ﻋﺮﻓﺖ ﻣﻜﺎﻧﺞ .. ﻛﻨﺖ ﻧﺎﻭﻱ ﺍﺟﻴﺞ ﻭﺍﺧﺬﺝ ﻣﻨﻪ . ﺑﺲ ﺳﺒﻘﻨﻲ ﻭﻃﺒﻮ ﻋﻠﻴﻪ ﻋﺼﺎﺑﺠﻪ ﻟﻠﺸﻘﻪ ﻭﻗﺘﻠﻮﻧﻲ
- ﻭﻣﻨﻮ ﻛﺎﻟﻚ ﻣﺨﻠﺪ .. ﻣﺨﻠﺪ ﻳﻤﻲ ﻛﺎﻥ ﻣﻌﻠﻴﻪ ﺑﻘﺘﻠﻚ .. ﻣﻮ ﻣﻤﻜﻦ ﻣﺨﻠﺪ ﻳﻘﺘﻞ .. ﻳﺘﺒﻠﻮﻥ ﻋﻠﻴﻪ
- ﺍﻳﻬﺎﺏ ﻛﺸﻒ ﻭﺍﺣﺪ ﻣﻦ ﺍﻓﺮﺍﺩ ﺍﻟﻌﺼﺎﺑﻪ ﻭﻟﺰﻣﻪ ﻭﺍﻋﺘﺮﻑ ﺍﻥ ﺍﻟﻨﻘﻴﺐ ﻣﺨﻠﺪ ﻫﻮ ﻭﺭﺍﺀ ﺳﺎﻟﻔﺔ ﺍﻟﺴﻄﻮ ﺍﻟﻤﺴﻠﺢ
ﻑ ﻭﺻﻴﺖ ﺍﻳﻬﺎﺏ ﻳﺒﻌﺚ ﺟﻤﺎﻋﻪ ﺍﻟﺞ ﻟﻠﻤﻮﺻﻞ ﻳﻘﺘﻠﻮﻩ ﻭﻳﺠﻴﺒﻮﺝ ﺍﻟﻲ .. ﺣﺘﻰ ﻧﻌﻴﺶ ﺍﻧﻲ ﻭﻳﺎﺝ ﻃﻮﻝ ﻋﻤﺮﻧﺎ ..
- ﻟﺤﻈﻪ .. ﻛﻤﺖ ﻣﻦ ﻣﻜﺎﻧﻲ ﺷﻨﻮ ﻳﻘﺘﻠﻮ ﻣﺎﻟﻚ ﺷﺪﻳﺼﻴﺮ ﺍﻱ ﺟﻤﺎﻋﻪ ﺍﺣﺠﻴﻠﻲ
- ﻣﻨﻮ ﺟﺎﺑﺞ
- ﺍﻧﻲ ﺍﺟﻴﺘﻚ ﻭﺣﺪﻱ ..
- ﻋﺮﻓﺖ ﻣﻜﺎﻧﺞ ﺑﺎﻟﻘﻴﺎﺭﻩ ﺑﺎﺟﺤﻠﻪ .. ﻭﺑﻌﺜﺖ ﺟﻤﺎﻋﻪ ﻳﺠﻴﺒﻮﺝ ..
- ﺟﻤﺎﻋﻪ ﻳﻘﺘﻠﻮﻥ ﻣﺨﻠﺪ ..
- ﻫﺬﺍ ﻗﺎﺗﻞ ﻭﺣﺎﻭﻝ ﻳﻘﺘﻠﻨﻲ ﻭﺍﻥ ﻣﺎ ﻗﺘﻠﺘﻪ ﻳﺮﺟﻊ ﻳﻘﺘﻠﻨﻲ ..
- ﺍﻳﺎﻙ ﻣﺎﻟﻚ .. ﻭﺍﻟﻠﻪ ﻭﻗﺴﻢ ﺑﺬﺍﺕ ﺍﻟﻠﻪ ﻣﺨﻠﺪ ﻟﻮ ﺻﺎﺭ ﻋﻠﻴﻪ ﺷﻲ .. ﻣﺴﺘﺤﻴﻞ ﺍﻗﺒﻞ ﺑﻴﻚ ﺑﻴﻮﻡ . ﺍﻗﺘﻞ ﻧﻔﺴﻲ ﻭﺍﻟﻠﻪ ..
- ﻟﺠﻴﻦ ﻣﺨﻠﺪ ﻋﺎﺋﻖ ﺑﻴﻨﻲ ﻭﺑﻴﻨﺞ ..
- ﻣﻮ ﻋﺎﺋﻖ ﺑﺲ ﺍﻧﻲ ﺍﺧﺘﺎﺭﻳﺘﻪ ﺣﺘﻰ ﺍﺭﺿﻲ ﺍﺑﻮﻳﻪ .. ﻣﻮ ﺫﻧﺒﻪ .. ﻣﺎﻟﻚ ﻛﻮﻝ ﻣﺎ ﺍﺫﻳﺘﻪ .. ﺍﺣﺠﻴﻴﻴﻴﻲ
.
ﻣﺎ ﺍﻋﺮﻑ .. ﻳﺠﻲ ﺍﻳﻬﺎﺏ ﻭﺍﻓﺘﻬﻢ ﻣﻨﻪ ..
- ﺍﺗﺼﻞ ﺑﺄﻳﻬﺎﺏ ﻓﻮﺭﺍ ..
- ﺟﻬﺎﺯ ﻣﻮﺑﺎﻳﻠﻲ ﻋﻨﺪﻩ .. ﻧﺎﺳﻴﻪ ﻳﻤﻪ .. ﻭﻫﻮ ﻣﻮﺟﻮﺩ ﺑﺎﻟﻤﺴﺘﺸﻔﻰ ﺑﺲ ﻣﺎ ﺍﻋﺮﻑ ﻭﻳﻦ ﻃﻠﻊ ﻳﺠﻲ ﻭﺍﻓﺘﻬﻢ ..
- ﻛﻤﺖ ﻣﻦ ﻣﻜﺎﻧﻲ ﺑﺴﺮﻋﻪ . ﻟﺰﻡ ﺍﻳﺪﻱ
- ﻟﺠﻴﻦ ﻭﻳﻦ ﻻ ﺗﺮﺣﻴﻦ ﺍﺑﻘﻲ ﻳﻤﻲ ..
- ﺍﺳﻤﻌﻨﻲ ﻣﺎﻟﻚ ﻟﻮ ﻣﺨﻠﺪ ﺍﻧﺄﺫﺕ ﻣﻨﻪ ﺷﻌﺮﺍﻳﻪ . ﺑﻌﻤﺮﻙ ﻭﺍﻟﻠﻪ ﻣﺤﺘﺸﻮﻑ ﻭﺟﻬﻲ .. ﻣﺴﺘﺤﻴﻞ ﺍﺳﺎﻣﺤﻚ ﻟﻮ ﺍﺫﻳﺘﻪ
- ﻟﺠﻴﻦ ﺑﺲ ....
- ﺗﺮﻛﺖ ﻭﻣﺎ ﺳﻤﻌﺘﻪ ﺷﺤﺠﻪ . ﻃﻠﻌﺖ ﺑﻜﻞ ﻫﻤﻪ ﺍﺭﻛﺾ ﺑﺮﻩ ﺍﻟﻤﺴﺘﺸﻔﻰ .. ﺍﺗﺬﻛﺮﺕ ﻋﻨﺪﻱ ﻣﻮﺑﺎﻳﻞ ﺧﻞ ﺍﺗﺼﻞ ﺑﻲ ..
ﺩﻛﻴﺖ ﺭﻗﻢ ﻣﺨﻠﺪ .. ﺭﻥ .. ﻭﻗﻔﺖ ﺑﻤﻜﺎﻧﻲ ﻋﺴﻰ ﻭﻟﻌﻞ ﻳﺠﺎﻭﺏ .. ﺭﺩ ﺍﻟﻮ .. ﺍﺍﺍﺍﺍﺍﺍﺍﺍﺍﻩ ﺍﻟﻒ ﺍﻟﺤﻤﺪﻟﻠﻪ ﻭﺍﻟﺸﻜﺮ ﻳﺎﺍﺍﺭﺏ ﻣﺎ ﺑﻲ ﺷﻲ ..
- ﺍﻟﻮﻭﻭﻭ
- ﺍﻧﻲ ﻟﺠﻴﻦ ..
- ﺑﻨﺖ ﺍﻟﻜﻠﺒﺒﺒﺒﺒﺒﺒﺐ ﻭﻳﻦ ﺍﻧﺘﻲ ..
- ﻭﺻﻠﺖ ﺑﻐﺪﺍﺩ .. ﻭﺭﺍﻳﺤﻪ ﻟﺒﻴﺖ ﺑﺎﺑﺎ ..
- ﺍﺟﻲ ﻭﺍﻋﻠﻤﺞ ﺑﺴﻴﻄﻪ ..
- ﺍﻧﺖ ﻭﻳﻦ
- ﺩﺧﻠﺖ ﺑﻐﺪﺍﺩ . ﺍﺻﺒﺮﻳﻠﻲ
- ﻗﻔﻠﺖ ﺍﻟﺨﻂ .. ﻭﻃﻠﻌﺖ ﻟﺒﻴﺖ ﺍﺑﻮﻳﻪ .. ﺩﻛﻴﺖ ﺍﻟﺒﺎﺏ .. ﺍﻟﺴﺎﻋﻪ 9 ﻭﻧﺺ ﻳﻤﻜﻦ ﻣﺎ ﺍﻋﺮﻑ ﺍﻛﺜﺮ .. ﻭﺍﻟﺠﻮ ﺑﺎﺭﺩ ﻭﻣﺤﺪ ﻳﻄﻠﻊ .
ﻟﻬﻨﺎﺍﺍﻙ ﻳﺎﻟﻪ ﻃﻠﻌﺖ ﺍﻣﻲ .. ﻫﻲ ﺷﺎﻓﺘﻨﻲ ﻭﺷﻬﻜﺖ ﻟﺠﻴﻦ ﻣﺎﻣﺎﺗﻲ ﺣﺒﻴﺒﺘﻲ .. ﺣﻈﻨﺘﻬﺎ ﺣﻴﻞ ﻭﻛﻤﺖ ﺍﺑﺠﻲ ﺑﺤﺮﻛﻪ ..
ﺗﺒﻮﺱ ﺑﻮﺟﻬﻲ ﻣﻦ ﻛﻞ ﻣﻜﺎﻥ ﻛﺼﺘﻲ ﻋﻴﻮﻧﻲ ﺧﺪﻭﺩﻱ .. ﻣﺸﺘﺎﻗﻪ ﺍﻟﻴﻪ ﻫﻮﺍﻱ ﻭﺍﻧﻲ ﻣﻴﺘﻪ ﻋﻠﻴﻬﺎ ..
ﻓﺪﻭﻩ ﺍﻟﺼﻮﺗﺞ ﻳﻌﻤﺮﻱ ﻭﺍﺧﻴﺮﺍ ﻃﺒﺘﻲ ﺍﻟﺤﻤﺪﻟﻠﻪ ﺍﻟﻠﻪ ﻣﻀﻴﻊ ﺩﻋﻮﺍﺗﻲ ﻭﺍﻟﻠﻪ ﺟﻨﺖ ﺍﺩﻋﻴﻠﺞ ﻟﻴﻞ ﻧﻬﺎﺭ ..
- ﻓﺪﻭﻩ ﻟﮕﻠﺒﺞ ﻣﺎﻣﺎﺗﻲ .. ﻟﻌﺪ ﻣﺨﻠﺪ ﻭﻳﻦ .
- ﺍﻧﻲ ﺍﺟﻴﺖ ﻭﺣﺪﻱ ﺑﺲ ﻫﻮ ﺟﺎﻱ ﻭﺭﺍﻱ
- ﺷﻨﻮ ﺍﻟﻘﺼﻪ ﺷﺼﺎﻳﺮ ..
- ﻣﺎﻟﻚ ﻣﺎ ﺑﻄﻞ ﺑﺤﺚ ﻭﺭﺍﻱ .. ﻟﺤﺪ ﻣﺎ ﻋﺮﻑ ﻣﻜﺎﻧﻲ .. ﻣﺨﻠﺪ ﺩﺍﺯ ﺟﻤﺎﻋﻪ ﻳﻘﺘﻠﻮﻩ ﻗﺒﻞ ﻻ ﻳﻮﺻﻠﻨﺎ ..
- ﻋﺰﺯﺯﺯﺍ ﺍﻟﻌﺰﺍﺝ ﻟﺠﻴﻦ .. ﺑﺲ ﻛﻮﻥ ﻣﺎﺕ ..
- ﺍﺳﻢ ﺍﻟﻠﻪ ﻳﻮﻡ ﺷﻤﻔﺎﻭﻟﻪ .. ﻣﻤﻴﺖ ﻣﺎﻟﻚ ﺑﻌﺪﻩ ﻋﺎﻳﺶ ﻭﺩﺍﺯ ﺟﻤﺎﻋﻪ ﻳﻘﺘﻠﻮﻥ ﻣﺨﻠﺪ .. ﻭﻣﺨﻠﺪ ﺟﺎﻱ ﻭﺭﺍﻱ ﻭﻣﺎ ﺍﻋﺮﻑ ﺷﺼﺎﺭ
- ﻟﺞ ﻣﺘﻌﺮﻓﻴﻦ ﻫﺬﺍ ﻣﺎﻟﻚ ﺷﻠﻮﻥ ﺳﺒﺎﻧﻪ ﺑﻴﻮﻡ ﺍﻟﺮﺣﺘﻲ .. ﻏﻴﺮ ﺍﺟﻪ ﺩﻙ ﺍﻟﺒﻴﺖ ﻃﻠﻖ ﻭﻳﻜﻠﻬﻢ ﺍﻃﻠﻌﻬﺎ ﻣﻦ ﺟﻮﻩ ﺍﻟﻜﺎﻉ ﻋﺒﺎﻟﻜﻢ ﺗﻀﻤﻮﻫﺎ ﻋﻠﻴﻪ ..
ﺍﺧﺬﻫﺎ ﺍﺧﺬﻫﺎ .. ﻭﺑﻴﻮﻣﻬﺎ ﺍﺑﻮﺝ ﺍﺗﺼﻞ ﻋﻠﻰ ﻣﺨﻠﺪ ﻳﻄﻠﻊ ﺑﻴﺞ ﺑﺴﺮﻋﻪ .. ﻭﻣﺨﻠﺪ ﺭﺍﻳﺪ ﻳﺘﻘﺎﺗﻞ ﻭﻳﺎﻩ .. ﺑﺲ ﺧﻔﻨﻪ ﻳﻘﺘﻠﻪ ..
ﻭﻋﻤﺎﻣﺞ ﻛﻠﻬﺎ ﺧﺎﺑﺮﺕ ﻣﺨﻠﺪ ﻳﻄﻠﻊ ﻓﻮﺭﺍ ﺑﻴﺞ ﻣﻦ ﺑﻴﺖ ﻋﻤﺞ .. ﻻﻥ ﻋﺮﻑ ﺑﻴﺞ ﻫﻨﺎﻙ .. ﻭﺭﺑﺞ ﻃﻠﻌﺘﻮ ﻗﺒﻞ ﻻ ﻳﻮﺻﻞ ..
ﻭﺍﺻﻞ ﺑﻴﺖ ﻋﻤﺞ ﻭﺳﺎﻃﻴﻦ ﻋﻠﻰ ﺑﻴﺘﻪ .. ﻭﻻﺯﻣﻴﻦ ﻣﺎﺯﻥ ﻻﻥ ﻏﺎﻟﻂ ﻋﻠﻴﻬﻢ ﻣﺸﺒﻌﻲ ﺩﻓﺮﺍﺕ ﻭﻋﻤﺘﺞ ﻛﺮﺟﻴﻪ ﺷﺎﻣﺮﻩ ﺭﻭﺣﻬﺎ ﻋﻠﻰ ﻣﺎﺯﻥ .. ﻭﺗﺎﺭﻛﻲ ﻭﻃﺎﻟﻌﻴﻦ ﺑﻌﺪ ﻣﺎ ﻋﻤﺞ ﻛﺎﻝ ﻣﺎ ﺍﻋﺮﻑ ﺑﻴﻬﻢ ﻭﺣﻠﻔﻠﻬﻢ ..
.
ﻛﻠﺐ ﺍﻟﺪﻧﻴﺎ ﻭﺍﻟﻠﻪ ﻳﻤﻪ ﺧﻔﻨﺎ ﻋﻠﻴﺞ ﻣﻨﻪ .. ﺷﻴﻠﻲ ﻣﻦ ﺑﺎﻟﺞ ﻫﺬﺍ ﻣﺠﺮﻡ .. ﻭﺣﺘﻰ ﻣﺨﻠﺪ .. ﻛﻠﻨﺎﻟﻪ ﺍﻃﻠﻊ ﺑﻴﻬﺎ ﻣﻦ ﺍﻟﻌﺮﺍﻕ
- ﻛﺎﻝ ﺍﺭﻳﺪ ﻧﺴﺎﻓﺮ .. ﺑﺲ ﻣﻤﻘﺮﺭ .. ﺍﻟﻀﺎﻫﺮ ﺟﺎﻧﺖ ﻧﻴﺘﻪ ﻳﻘﺘﻞ ﻣﺎﻟﻚ ﻣﻮ ﻳﺴﺎﻓﺮ ﻭﻗﺘﻠﻪ ..
- ﻟﺠﻴﻦ ﺍﻃﻠﻌﻮ ﻣﺎﻣﺎ ﻣﺎﻟﻚ ﻫﺬﺍ ﻣﺮﺍﺡ ﻳﺘﺮﻛﻤﻢ ﺑﺤﺎﻟﻜﻢ . ﻣﺠﺮﻡ ﻳﻤﻪ ﻫﺬﺍ ﻣﺠﺮﻡ .
- ﻭﻣﺨﻠﺪ ﺷﻨﻮ .. ﻫﻢ ﻣﺠﺮﻡ .. ﻣﻮ ﺣﺎﻭﻝ ﻳﻘﺘﻞ ﻣﺎﻟﻚ ..
- ﻻ ﺑﻨﺘﻲ ﺍﻧﻲ ﺗﻌﺮﻓﻴﻨﻲ ﻣﺨﻠﺪ ﺍﻛﺮﻫﻪ ﻣﺎ ﺍﺣﺒﻪ . ﺑﺲ ﻗﺘﻠﻪ ﻣﺴﺘﺤﻖ .. ﻫﺬﺍ ﻳﺪﻣﺮﻛﻢ ..
- ﻣﺎﻟﻚ ﻳﺤﺒﻨﻲ ﻣﺎﻣﺎ .. ﻭﺍﻧﻲ ﻟﻠﻴﻮﻡ ﻣﺎ ﻣﺘﻘﺒﻠﻪ ﻏﻴﺮﻩ .. ﻣﺎ ﺍﻛﺪﺭ ﺍﻧﺴﺎﻩ ﻭﺍﻃﻠﻌﻪ ﻣﻦ ﺑﺎﻟﻲ ﻣﺎﻣﺎ ﻣﻮ ﺑﻴﺪﻱ ..
- ﻳﺎ ﻋﺰﺍ ﺍﻟﻌﺰﺍﺝ ﻳﺪﺍﺩﻩ ﺷﺤﺒﻴﺘﻲ ﺑﻲ ﻭﻟﺞ ﻫﺬﺍ ﻣﺠﺮﻡ ..
- ﻟﻴﺶ ﺗﻜﻮﻟﻮﻥ ﻣﺠﺮﻡ ﻟﻴﺶ ﻣﻮ ﺍﻧﺴﺎﻥ ﻳﺤﺒﻨﻲ ﻭﻳﺤﺎﺭﺏ ﺣﺘﻰ ﻳﺎﺧﺬﻧﻲ ..
- ﻳﺎ ﺍﻧﺰﻭﻝ ﻫﺎﻱ ﺍﻧﺘﻲ ﺑﻴﺎ ﻣﺴﻠﺴﻞ ﻋﺎﻳﺸﻪ ﺍﺻﺤﻲ ﻣﺎﻣﺎ .. ﺷﻨﻮ ﻳﺤﺒﺞ ﺷﻨﻮ ﻳﺤﺎﺭﺏ .. ﺍﺣﻨﻪ ﻧﺎﺱ ﺗﺤﻜﻤﻨﺎ ﻋﺎﺩﺗﻨﺎ ﻭﺗﻘﺎﻟﻴﺪﻧﺎ .. ﻫﺬﺍ ﻗﺎﺗﻞ ﻣﻮ ﻣﺴﺘﻘﺘﻞ .. ﻣﻮ ﺑﻌﻴﻨﻪ ﺍﺣﺪ ..
ﻳﺬﺑﺢ ﻭﻳﻘﺘﻞ ﻭﻳﺴﻄﻲ ﻋﻠﻰ ﺑﻴﻮﺕ ﺍﻟﻌﺎﻟﻢ ﻭﺍﻟﻠﻪ ﺍﺣﺐ .. ﻣﻦ ﺣﺒﺘﻪ ﺣﻴﻪ ﺍﻡ ﺭﺍﺳﻴﻦ ﻭﺧﻠﺼﺘﻨﻪ ﻣﻨﻪ .
ﺗﺮﻛﺖ ﺍﻣﻲ ﻭﺭﺣﺖ ﻟﻠﻐﺮﻓﻪ ﺍﻟﺼﻐﻴﺮﻩ .. ﺧﺎﺑﺮﺕ ﻣﺎﻟﻚ . ﺍﻟﻮ
- ﺍﻟﻮ ﻋﻴﻮﻧﻲ ﺭﻭﺣﻲ ﺍﻧﺘﻲ ﻟﺞ ﺍﻟﻬﻮﻯ ﺑﻠﻴﺎﺝ ﻣﺎ ﺍﺣﺐ ﺣﺘﻰ ﺍﺷﻤﻪ ..
- ﻣﺎﻟﻚ ﺍﻭﻋﺪﻧﻲ
- ﻛﻮﻟﻲ
- ﻣﺘﺘﻘﺮﺏ ﻟﻤﺨﻠﺪ .. ﻭﺍﻧﻲ ﺭﺡ ﺍﻃﻠﺐ ﺍﻟﻄﻼﻕ ﻣﻨﻪ
- ﻭﻟﻮ ﻣﺎ ﺍﻃﻠﻘﺘﻲ ﻏﺼﺐ ﻋﻨﻪ ﻳﻄﻠﻘﺞ ﺍﻧﺘﻲ ﻣﻠﻜﻲ ..
- ﻟﻮ ﺭﺍﻳﺪﻧﻲ .. ﻻﺯﻡ ﺗﻮﻋﺪﻧﻲ ﻣﺎ ﺗﺄﺫﻱ ﻣﺨﻠﺪ ..
- ﻫﻮ ﻋﺎﻳﺶ
- ﺍﻱ ﻋﺎﻳﺶ ﻳﻼ ﺍﻗﺴﻤﻠﻲ ﺑﺎﻟﻠﻪ ﻣﺮﺍﺡ ﺗﺄﺫﻱ .. ﻭﺗﻮﻋﺪﻧﻲ ﺑﻬﺬﺍ ﺍﻟﺸﻲ ..
- ﻣﺤﺎﺝ ﺍﻗﺴﻢ ﺍﺧﺬﻳﻬﺎ ﻣﻨﻲ ﻣﺮﺍﺡ ﺍﺗﻘﺮﺑﻠﻪ ﺑﺲ ﻣﺘﺮﺣﻴﻦ ﻭﻳﺎﻩ .. ﻟﻮ ﻣﻮ ﺍﺑﻮﺝ ﺍﻧﺘﻲ ﺍﻟﻲ
- ﺍﻧﺖ ﻣﻔﻜﺮﻧﻲ ﻣﺎ ﺍﺗﻤﻨﺎﻙ .. ﻣﺎﻟﻚ ﺍﻟﻀﺮﻭﻑ ﺗﺤﻜﻤﻨﻲ ﺷﺴﻮﻱ ..
- ﺍﻟﻀﺮﻭﻑ ﻛﻠﻬﺎ ﺗﻬﻮﻥ ﻟﻤﺎ ﺍﻻﻧﺴﺎﻥ ﻳﺤﺐ ﻻﺯﻡ ﺗﺤﺎﺭﺑﻴﻦ ﻣﺜﻞ ﻣﺎ ﺍﻧﻲ ﺟﺎﻱ ﺍﺣﺎﺭﺏ ﻋﻠﻤﻮﺩﺝ ..
- ﻫﻮ ﺣﺐ ﻣﻮ ﺣﺮﺏ .. ﺍﻟﺤﺐ ﻣﺎ ﻳﺠﻲ ﻏﺼﺐ ﻭﺗﺤﻜﻤﻪ ﺍﻟﻀﺮﻭﻑ .. ﻣﺨﻠﺪ ﺍﻭﻋﺪﻧﻲ ﺍﻟﻠﻪ ﻋﻠﻴﻚ ﻣﺎ ﺗﻨﺠﻦ ﻣﺮﻩ ﻟﺦ ﺗﺮﻩ ﺗﻌﺒﺖ ﻣﻦ ﺟﻨﻮﻧﻚ ﻭﺍﻟﻠﻪ
- ﺗﻐﻠﻄﻴﻦ ﺍﺳﻤﻲ ﺑﺄﺳﻤﻪ ﻭﺗﺮﺩﻳﻦ ﻣﺎ ﺍﺟﻦ ..
- ﻟﻴﺶ ﺍﻧﻲ ﺷﻜﻠﺖ .. ؟ !
- ﻛﻠﺘﻲ ﻣﺨﻠﺪ ﺍﻭﻋﺪﻧﻲ ..
- ﺍﺳﻔﻪ .. ﻫﻮ ﻣﻦ ﺣﺒﺴﻨﻲ ﻫﻨﺎﻙ ﻣﺎ ﻛﻤﺖ ﺍﺷﻮﻑ ﻏﻴﺮﻩ ﻛﺒﺎﻟﻲ ﻓﺎﻟﻠﻴﻞ ﻭﺍﻟﻨﻬﺎﺭ ﻣﺨﻠﺪ ﻣﺨﻠﺪ ﻟﻬﻴﺞ ﻃﻠﻌﺖ ﺗﻌﻮﻳﺪﺓ ﺍﻟﺴﺎﻥ .
- ﻫﻬﻬﻪ ﻭﻟﻴﻬﻤﺞ ﺍﻋﺮﻑ ﺣﺒﻴﺒﺘﻲ ﻋﺎﺩﻱ .. ﺑﺲ ﻟﻴﺶ ﺍﻧﻄﻴﺘﻴﻨﻲ ﺍﻟﻌﻨﻮﺍﻥ ﻏﻠﻂ ﻣﻦ ﺭﺩﻳﺘﻲ ﻋﻠﻴﻪ ﺍﻟﻤﺮﻩ ﺍﻟﺴﺎﺑﻘﻪ ..
- ﻣﻮ ﻏﻠﻂ ﺑﺲ ﻫﻮ ﺟﻨﻪ ﻧﺎﻭﻳﻦ ﻧﺮﻭﺡ ﻟﻄﻬﺮﺍﻥ ﺑﺲ ﻫﻮ ﻏﻴﺮ ﺭﺃﻳﻪ ﻭﺍﺧﺬﻧﻲ ﻟﻠﻤﻮﺻﻞ ..
- ﺭﻏﻢ ﺍﻋﺮﻓﺞ ﺗﺠﺬﺑﻴﻦ .. ﺑﺲ ﺍﺣﺒﺞ ﻣﻮ ﺑﻴﺪﻱ .. ﻣﺎ ﺍﻛﺪﺭ ﺍﺿﻮﺝ ﻣﻨﺞ
.
ﻫﻬﻬﻬﻬﻬﻬﻪ
- ﻟﻴﺶ ﻣﻜﻠﺘﻲ ﺍﻟﺤﻘﻴﻘﻪ ..
- ﺧﻔﺖ
- ﺗﺨﺎﻓﻴﻦ ﻣﻨﻲ
- ﻻ ﺧﻔﺖ ﺗﺼﻴﺮ ﻣﺸﺎﻛﻞ ﻭﺍﻧﻲ ﻭﺍﻓﻘﺖ ﻋﻠﻴﻪ ﺑﺴﺒﺐ ﺑﺎﺑﺎ .. ﻟﻬﻴﺞ .... ﻣﺎ ﺍﻋﺮﻑ ﻳﻌﻨﻲ ﻛﺎﻥ ﻻﺯﻡ ﺍﺳﻮﻱ ﻫﻴﺞ
- ﺍﺣﺒﺞ ﻟﺠﻴﻦ ﻟﺞ ﺍﻣﻮﻭﻭﻭﺕ ﻋﻠﻴﺞ ﺍﻋﺸﻖ ﻛﻮﻟﺸﻲ ﺑﻴﺞ ﺣﺘﻰ ﻛﺬﺑﺞ ﺍﺣﺴﻪ ﺑﺒﺮﺍﺀﻩ ..
ﺻﺪﻛﻴﻨﻲ ﻣﺎ ﺍﻛﺪﺭ ﺍﻋﻴﺶ ﺑﺪﻭﻧﺞ ﺷﺎﻳﻔﻪ ﺍﻟﮕﻠﺐ ﻣﻦ ﻳﺪﻙ .. ﻣﺎ ﻳﻄﻠﻊ ﺻﻮﺕ ﻳﻄﻠﻊ ﺍﺳﻤﺞ ﻭﺍﺗﻨﻔﺲ ﺍﺳﻤﺞ ﻣﻊ ﻛﻞ ﺩﻛﻪ ﻭﺟﺮﺓ ﻧﻔﺲ ..
ﻣﺎ ﺍﻛﺪﺭ ﺍﺗﺤﻤﻞ ﺗﺼﻴﺮﻳﻦ ﻟﻐﻴﺮﻱ .. ﻟﺘﻜﻠﻴﻠﻲ ﺍﺳﻜﺖ .. ﺍﺫﺍ ﻣﺎ ﺍﺧﺬﺝ ﻣﺎ ﺍﺭﺗﺎﺡ ﻟﻮ ﻭﻳﻦ ﻣﺎ ﺗﺮﺣﻴﻦ .. ﻟﺞ ﻣﺠﻨﻮﻧﺞ ﺍﻧﻲ ﻣﺠﻨﻮﻭﻭﻭﻭﻥ
- ﺍﻭﻑ ﻳﻤﺠﻨﻮﻧﻲ ﺍﻭﻭﻭﻭﻑ ﺍﻧﻲ ﻫﻢ ﺟﻨﻨﺘﻲ ﺑﻴﻚ ﻛﻼﻣﻚ ﺍﻟﻤﺜﻞ ﺳﺤﺮ ﺳﺤﺮﺗﻨﻲ ﺑﻴﻬﻢ . ﺑﺲ ﺷﺴﻮﻱ ﺧﻞ ﺍﻃﻠﻖ ﻭﻧﺘﻔﺎﻫﻢ ﺑﻌﺪﻳﻦ ..
- ﻫﻬﻬﻬﻬﻬﻬﻪ ﺍﺣﺒﺞ ﻟﺞ ﻳﻮﻝ ﺍﻋﺸﻘﺞ ﺍﻋﺸﻘﺞ
- ﺭﺡ ﺗﻮﻋﺪﻧﻲ ﻣﺘﺄﺫﻱ ﺍﺣﺪ ﻭﺗﺒﻄﻞ ﺟﻨﻮﻥ ﻣﻮﻭﻭ
- ﻟﻮ ﺻﺮﺗﻲ ﺍﻟﻲ ﺍﻱ .. ﺍﻭﻋﺪﺝ ﻭﺍﻧﺎ ﺑﻜﺎﻣﻞ ﻗﻮﺍﻱ ﺍﻟﻌﻘﻠﻴﻪ ..
- ﺍﻟﺤﻤﺪﻟﻠﻪ ﻫﻬﻬﻬﻪ .. ﻳﻠﻪ ﺍﺭﻭﺡ ﺑﺎﻱ
- ﺭﺍﺡ ﺍﺷﺘﺎﻕ
- ﻫﻬﻬﻬﻪ
- ﻭﻟﻮ ﺳﺠﻠﺖ ﺍﻟﻤﻜﺎﻟﻤﻪ ﺷﺴﻮﻱ ﺍﺻﺒﺮ ﺭﻭﺣﻲ ﺑﻴﻬﺎ ﻻﻥ ﺻﺪﻙ ﺍﺷﺘﺎﻕ ﺍﺳﻤﻊ ﺻﻮﺗﺞ .. ﻭﺑﻬﻠﺘﺴﺠﻴﻞ ﺭﺍﺡ ﺍﻏﻔﻰ ﺑﺮﺍﺣﻪ
- ﻣﺠﻨﻮﻥ ..
- ﻟﻴﺶ ﻣﻮ ﻭﻗﺢ ﺗﺮﻩ ﺍﺷﺘﺎﻗﻴﺖ ﻟﻬﻠﻜﻠﻤﻪ ﻫﻬﻬﻬﻪ
- ﻫﻬﻬﻬﻬﻬﻪ
********-
- ﻭﻗﺢ ﻫﻬﻬﻬﻬﻪ
- ﺍﻣﻮﺕ ﻋﻠﻴﺞ ﻣﻦ ﺍﺟﺒﺮﺝ ﺗﻜﻮﻟﻴﻬﺎ .. ﻭﻭﻭﻭﻗﺢ
- ﻫﻬﻬﻬﻬﻬﻬﻪ ﺑﺎﻱ .. ﻗﻔﻠﺘﻪ .. ﺩﻗﺎﺕ ﻗﻠﺒﻲ ﻧﺒﻀﺎﺗﻪ ﻣﻮ ﻃﺒﻴﻌﻴﻪ .. ﺍﺭﺗﺎﺡ ﻭﻳﺎﻩ ﺭﺍﺣﻪ ﻧﻔﺴﻴﻪ . ﻭﻛﺎﻥ ﻗﻠﺒﻲ ﺍﻧﺨﻠﻖ ﺣﺘﻰ ﻳﺪﻙ ﺍﻟﻪ .
ﺷﻌﻮﺭﻱ ﺍﻟﻪ ﻳﺘﺠﺎﻭﺯ ﺍﻻﺣﺎﺳﻴﺲ .. ﺭﻏﻢ ﺟﻨﻮﻧﻪ ﻣﺆﺫﻱ ﺑﺲ ﺍﻟﺼﺮﺍﺣﻪ ﺣﺘﻰ ﺟﻨﻮﻧﻪ ﺍﻋﺸﻘﻪ .. ﻳﻔﻬﻤﻨﻲ ﻭﻳﺴﺎﻣﺤﻨﻲ ﺑﺴﺮﻋﻪ ﺣﺘﻰ ﻟﻮ ﻛﺬﺑﺖ ..
ﻭﻳﺎﻩ ﻣﺎ ﺍﻛﺪﺭ ﺍﻻ ﺍﺿﺤﻚ ﻭﺍﻓﺮﺡ ﻣﻦ ﻛﻞ ﮔﻠﺒﻲ .. ﻭﻳﻤﻜﻦ ﻫﺬﺍ ﺍﻟﻠﻲ ﻳﺴﻤﻮﻩ ﺷﻌﻮﺭ ﺍﻟﺤﺐ
ﻣﺎ ﺗﻤﻨﻰ ﻣﻦ ﺍﻟﺪﻧﻴﺎ ﻏﻴﺮﻩ .. ﻻﺯﻡ ﺍﻃﻠﻖ ﻣﻦ ﻣﺨﻠﺪ .. ﻣﺎ ﺍﻛﺪﺭ ﺍﻋﻴﺶ ﻣﻊ ﺍﻧﺴﺎﻥ ﻭﻋﻘﻠﻲ ﻭﻗﻠﺒﻲ ﻣﻊ ﺍﻧﺴﺎﻥ ﺛﺎﻧﻲ
ﺭﺍﺡ ﺍﺑﻘﻰ ﺧﺎﻳﻨﻪ ﺍﻻﺛﻨﻴﻦ .. ﺧﺎﻳﻨﻪ ﺯﻭﺍﺟﻲ ﺑﺤﺒﻲ ﻟﻤﺎﻟﻚ .. ﻭﺧﺎﻳﻨﻪ ﺣﺒﻲ ﺑﺰﻭﺍﺟﻲ ﻣﻦ ﻣﺨﻠﺪ .. ﻣﺮﺍﺡ ﺍﺭﺗﺎﺡ ﺍﺫﺍ ﻣﺎ ﺍﻃﻠﻖ .. ﺧﻼﺹ ﻭﻳﻦ ﺍﺭﻳﺪ ﺍﻭﺻﻞ ﺑﺰﻭﺍﺟﻲ ﺍﻟﻔﺎﺷﻞ ﻭﺍﻻﺷﺒﻪ ﺑﺎﻟﺴﺠﻦ .
ﺻﺎﺣﺘﻠﻲ ﻣﺎﻣﺎ .. ﺭﺣﺖ ﻳﻤﻬﺎ ..
-: ﻭﻱ ﻣﻨﻮ ﺟﻨﺖ ﺗﺤﺠﻴﻦ ..
- ﻣﺎﻟﻚ
- ﻣﺎﻣﺎ ﺍﻟﻠﻲ ﺩﺗﺴﻮﻱ ﻏﻠﻂ .. ﺍﻧﺘﻲ ﻣﺘﺰﻭﺟﻪ ﺣﺮﺍﻡ ..
- ﻣﺎﻣﺎ ﺯﻭﺍﺟﻲ ﻟﻼﻥ ﻣﻮ ﺣﻘﻴﻘﻲ ﻓﻘﻂ ﻭﺭﻕ ﻭﺻﺎﺭ ﻻﺯﻡ ﺍﺷﻖ ﻫﺬﻩ ﺍﻟﻮﺭﻗﻪ ﻭﺍﺧﻠﺺ ..
- ﻫﻮ ﺷﻠﻮﻧﻪ ﻣﺨﻠﺪ ﻭﻳﺎﺝ ..
- ﻃﻠﻌﺘﻠﻬﺎ ﺍﻳﺪﻱ .. ﻫﺬﺍ ﺍﺷﻠﻮﻧﻪ ﻳﻌﻨﻲ ﺑﺎﻋﻲ ﺍﻟﺠﺮﻭﺡ ﻭﺍﻟﻀﺮﺏ ﺍﻃﻠﻌﻠﺞ ﺿﻬﺮﻱ ﺷﻤﺴﻮﻱ ﺑﻲ
.
ﺑﺲ ﻣﺎﻣﺎ ﺍﻧﺘﻲ ﻛﻠﺘﻲ ﺗﻌﺎﻣﻠﻪ ﻭﻳﺎﻱ ﺯﻳﻦ .. ﺷﻨﻮ ﺳﺒﺐ ﺿﺮﺑﻪ ..
- ﻣﺎﻣﺎ ﻗﺘﻞ ﻣﺎﻟﻚ ......... ﻗﺎﻃﻌﺘﻨﻲ
- ﻟﺠﻴﻦ ﻟﺠﻴﻦ ﻣﺎﻣﺎ ﺍﺳﻤﻌﻴﻨﻲ .. ﺍﻧﻲ ﻣﻮ ﻭﻱ ﻣﺨﻠﺪ .. ﺑﺲ ﺍﻟﺤﻖ ﻳﻘﺎﻝ .. ﺍﻟﺮﺟﺎﻝ ﻳﺤﺒﺞ ﻭﻟﻠﻴﻮﻡ ﻣﺎﻧﻌﺘﻪ ﻣﻨﺞ ﻭﻣﺘﺤﻤﻠﺞ .. ﺻﺪﻭﻙ ﻋﺼﺒﻲ ﺑﺲ ﻣﺎﻣﺎ ﻫﺬﻩ ﻗﺴﻤﺘﺞ
ﻻﺯﻡ ﺗﻌﺮﻓﻴﻦ ﺗﺴﺎﻳﺮﻳﻦ ﺯﻭﺟﺞ .. ﻻﺯﻡ ﺗﻜﺴﺒﻲ ..
- ﻣﺎﻣﺎ ﺍﻛﺴﺐ ﺍﻧﺴﺎﻥ ﻣﺜﻠﻪ .. ﺍﻧﺘﻲ ﺗﻌﺮﻓﻴﻦ ﺑﺄﻱ ﺳﺠﻦ ﻣﻌﻴﺸﻨﻲ ..
- ﻣﺎﻣﺎ ﻫﺎﻱ ﺍﻟﺤﻴﺎﺓ ﺍﻟﺰﻭﺟﻴﻪ ﺩﺗﺸﻮﻓﻴﻨﻲ ﻛﺪﺍﻣﺞ ﺍﻃﻠﻊ ﺍﺭﻭﺡ .. ﻫﺬﺍ ﺣﺎﻝ ﺍﻟﻤﺮﺃﻩ ﺍﻟﻤﺘﺰﻭﺟﻪ ﻣﺎﻣﺎ ..
ﺍﻧﻄﻴﻨﺎﺝ ﺍﻟﺤﺮﻳﻪ ﻗﺒﻞ ﺍﻟﺰﻭﺍﺝ ﻻﻥ ﻧﻌﺮﻑ ﺑﻌﺪ ﺍﻟﺰﻭﺍﺝ ﻣﺘﻠﻜﻴﻬﺎ ﻑ ﺣﺘﻰ ﻣﺎ ﺗﻨﻈﻠﻤﻴﻦ ﺧﻠﻴﻨﺎﺝ ﺗﻌﻴﺸﻴﻦ ﺷﺒﺎﺑﺞ ﺑﺤﺮﻳﻪ .
ﻫﺴﻪ ﺍﻧﺘﻲ ﻛﺒﺮﺗﻲ ﻭﻭﻋﻴﺘﻲ ﺍﺗﺮﻛﺞ ﻣﻦ ﻃﻴﺶ ﺍﻟﺸﺒﺎﺏ ﻭﺍﻗﺒﻠﻲ ﺑﺰﻭﺟﺞ ..
- ﻣﺎﻣﺎ ﻣﺎ ﺍﺩﺗﺤﻤﻞ ﻭﻻ ﺩﺍ ﺗﻘﺒﻠﻪ .. ﺷﺴﻮﻱ ﻣﺎ ﺍﻛﺪﺭ
- ﻻ ﻣﺎﻣﺎ ﺗﻜﺪﺭﻳﻦ .. ﺍﻧﺘﻲ ﺣﺘﻰ ﻣﺤﺎﻭﻟﺘﻲ .. ﻣﻮ ﺯﻳﻦ ﺻﺎﺑﺮ ﻟﻼﻥ ﺑﺪﻭﻥ ﺍﻱ ﺷﻲ ﺍﻟﻐﻴﺮﻩ ﻳﻜﻠﺐ ﺍﻟﺪﻧﻴﺎ ﺍﻫﻢ ﺷﻲ ﺣﺎﺟﺘﻪ ﺑﺲ ﻫﻮ ﺍﺛﺒﺘﻠﺞ ﺣﺒﻪ ﻭﻭﻋﻴﻪ ﻭﺍﺣﺘﻮﺍﺀﻩ ﺍﻟﺞ . ﺍﺣﺘﻮﻱ
- ﻳﻮﻡ ﺷﺄ ﺍﺣﺘﻮﻱ ﻭﺍﻧﻲ ﻣﺎ ﺍﺣﺒﻪ .
- ﻣﺎﻣﺎ ﺍﻧﺘﻲ ﺟﺮﺑﺘﻲ ﺗﺼﻴﺮﻳﻠﻪ ﺯﻭﺟﻪ ﻭﻣﺎ ﺣﺒﻴﺘﻲ .. ﺍﻟﻌﻼﻗﻪ ﺍﻟﺤﻤﻴﻤﻴﻪ ﺑﺎﻟﺰﻭﺍﺝ ﻣﻬﻤﻪ ﻟﺮﺑﻂ ﺍﻟﺰﻭﺟﻴﻦ ﻭﺗﻘﺮﻳﺐ ﻗﻠﻮﺑﻬﻢ ﻟﺒﻌﺾ ..
ﺍﻧﺘﻲ ﺗﻘﺒﻠﻲ ﻭﺻﻴﺮﻱ ﺑﻴﻦ ﺍﺩﻳﻪ .. ﻭﺣﺴﻮ ﺑﻤﺸﺎﻋﺮ ﺯﻭﺟﻴﻪ ﺍﺗﺠﺎﻩ ﺑﻌﺾ ﻭﺷﻮﻓﻲ ﺷﻠﻮﻥ ﺗﺘﻐﻴﺮ ﺣﻴﺎﺗﺞ
ﺑﺎﻟﻠﻪ ﻛﻮﻟﻴﻠﻲ ﺷﻠﻮﻥ ﺗﺤﺒﻲ ﻭﺍﻧﺘﻲ ﻣﺎﻧﻌﺘﻪ
- ﻣﺎﻣﺎ ﻣﺨﺘﺼﺮ ﺍﻟﻜﻼﻡ ﻣﺎ ﺍﺭﻳﺪﻩ .. ﻭﺍﺭﻳﺪ ﺍﻃﻠﻖ .. ﺧﻠﻮﻧﻲ ﻫﻨﺎ ﻣﺎ ﺍﺭﻳﺪ ﺍﺗﺰﻭﺝ ﻫﻲ ﻛﻮﻩ . ﻻ ﺍﺭﻳﺪ ﻣﺎﻟﻚ ﻭﻻ ﻣﺨﻠﺪ .. ﻏﺼﺐ ﻫﻲ ..
- ﺍﺑﻮﺝ ﻣﺮﺍﺡ ﻳﻘﺒﻞ ﻭﺣﻴﻜﻮﻟﺞ ﻃﻴﻌﻲ ﺯﻭﺟﺞ
- ﻻﺯﻡ ﺑﺎﺑﺎ ﻳﺨﻀﻊ .. ﺗﻌﺒﺖ ﻣﺎﻣﺎ ﻣﺎ ﺍﻛﺪﺭ ﺷﺘﺎﻥ ﻣﺎﺑﻴﻦ ﻋﻘﻠﻲ ﻭﻋﻘﻠﻪ .. ﻣﺎﻣﺎ ﺷﻬﺮ ﻭﻧﺺ ﺗﺨﻴﻠﻲ ﺍﻟﺒﺎﺏ ﻣﺎ ﺷﺎﻳﻔﺘﻪ ﻏﻴﺮ ﻣﺮﻩ ﻃﻠﻌﺖ ﻟﻠﺴﻮﻙ ﻭﻛﻠﺐ ﺍﻟﺪﻧﻴﺎ ﻓﻮﻙ ﺭﺍﺳﻲ ..
ﺭﺡ ﺗﻜﻠﻴﻠﻲ ﻫﺎﻱ ﺍﻟﺤﻴﺎﺓ ﺍﻟﺰﻭﺟﻴﻪ .. ﻻ ﻣﺎﻣﺎ ﻣﻮ ﻫﺎﻱ ﻭﻣﻤﺠﺒﻮﺭﻩ ﺍﺧﺬ ﺍﻧﺴﺎﻥ ﻣﻤﺘﻔﻬﻢ ﺣﻴﺎﺗﻲ ..
ﻣﻦ ﺣﻘﻲ ﺍﺧﺘﺎﺭ ﺍﻧﺴﺎﻥ ﻳﻔﻬﻤﻨﻲ .. ﻣﻮ ﻳﻔﺮﺽ ﻧﻔﺴﻪ ﻋﻠﻴﻪ ﺑﺎﻟﻘﻮﻩ ﻭﻳﻜﻌﺪﻧﻲ ﺍﺑﻴﺖ ﻫﻠﻜﺪﻩ ﺷﻬﺮ ﻭﻧﺺ ﺍﻧﻲ ﻣﻦ ﺍﻟﻐﺮﻓﻪ ﻟﻠﻤﻄﺒﺦ ﻣﻦ ﺍﻟﻤﻄﺒﺦ ﻟﻠﻐﺮﻓﻪ
ﻫﺬﺍ ﻣﻮﺕ ﻣﻮ ﺣﻴﺎﺓ .. ﺍﺭﻳﺪ ﺍﺭﺟﻊ ﻟﺤﻴﺎﺗﻲ ﻣﺎﻣﺎ . ﻭﺻﺮﺍﺣﻪ ﻣﻠﻴﺖ ﻣﻦ ﺍﻟﻌﺮﺍﻕ ﺍﻓﻜﺮ ﺍﻃﻠﻊ ﺑﺮﺍ ﺍﻋﻴﺶ .. ﻻﻥ ﺩﺍ ﺍﺗﻘﻴﺪ ﻫﻨﺎ ﻛﻮﻟﺸﻲ ﻋﻴﺐ ﻭﺣﺮﺍﻡ ..
ﻫﻲ ﺣﻴﺎﺓ ﻭﺣﺪﻩ ﺍﻋﻴﺸﻬﺎ ﺧﻞ ﺍﻃﻠﻊ ﺑﺮﺍ ﺍﺷﻮﻑ ﺍﻟﺪﻧﻴﺎ ﻭﺍﻋﻴﺸﻬﺎ .. ﺷﺠﺎﺑﺮﻧﻲ ﺍﺗﺤﻤﻞ ﻫﻠﻌﻴﺸﻪ ﻭﻫﻠﺤﻴﺎﺓ ﻫﻨﺎ ..
- ﻣﺎﻣﺎ ﺍﻏﻠﺐ ﺑﻨﺎﺕ ﺑﻠﺪﺝ ﻫﺬﺍ ﻭﺿﻌﻬﻢ ﻭﻣﻴﻄﻠﻌﻮﻥ
- ﻭﺍﻧﻲ ﺍﺭﻓﺾ ﻭﺿﻌﻬﻢ .. ﻟﻴﺶ ﻣﻮ ﻣﻦ ﺣﻘﻲ ﺍﻋﻴﺶ .. ﻣﻦ ﺣﻘﻲ ﺍﺧﺬ ﺍﻟﺤﺮﻳﻪ ﺍﻟﻠﻲ ﻣﺎﺧﺬﻫﺎ ﺍﻟﺮﺟﻞ ..
ﻳﻄﻠﻊ ﻭﻳﺘﻮﻧﺲ ﻭﻳﻤﺮﺡ ﻭﻛﺎﻓﻴﻬﺎﺕ ﻭﻳﻠﻌﺐ ﻭﺍﻧﻲ ﺍﺫﺍ ﻃﻠﻌﺖ ﺷﻮﻳﻪ ﻛﺎﻟﻮ ﺩﺍﻳﺤﻪ .. ﺷﻬﻠﺒﻠﺪ ﻫﺬﻩ ﻭﺷﻬﻠﻌﺎﺩﺍﺕ ﺍﻟﻈﺎﻟﻤﻪ
.
ﻣﺎﻣﺎ ﺍﺣﻨﻪ ﻣﺠﺘﻤﻊ ﺷﺮﻗﻲ ﻭﻫﺎﻱ ﻋﺎﺩﺗﻨﺎ .
- ﻭﻫﺴﻪ ﻋﺎﺩ ﻣﺠﺘﻤﻌﻨﺎ ﺷﻠﻮﻧﻪ .. ﻉ ﻓﻜﺮﻩ ﺍﻟﻤﺠﺘﻤﻊ ﺍﻟﺸﺮﻗﻲ ﺍﺗﺼﻨﻒ ﻋﻠﻰ ﺍﻥ ﻫﻮ ﻣﻦ ﺍﻟﻤﺠﺘﻤﻌﺎﺕ ﺍﻟﻤﺘﺨﻠﻔﻪ ﻭﺍﻟﺮﺟﻌﻴﻪ ﺍﻟﻐﻴﺮ ﻗﺎﺑﻠﻪ ﻟﻠﺘﺤﻈﺮ ..
ﻳﺒﻴﺢ ﻟﻠﺮﺟﻞ ﻛﻞ ﺷﻲ .. ﻭﻳﺘﻬﻢ ﺍﻟﻤﺮﺃﻩ ﺑﻜﻞ ﺷﻲ ..
ﻭﺍﻧﻲ ﺍﻛﺮﻩ ﺍﻟﺘﺨﻠﻒ ﻣﺎﻣﺎ ﺍﺭﻳﺪ ﺍﻋﻴﺶ ﺍﺭﻳﺪ ﺍﺷﻮﻑ ﺍﻟﻌﺎﻟﻢ ﺍﺭﻳﺪ ﺍﺳﺎﻓﺮ .. ﺍﻏﺎﻣﺮ ﻓﺪ ﻋﻠﻰ ﻗﻤﺔ ﺟﺒﺎﻝ ﺍﻓﻴﺮﺳﺖ .. ﺍﺣﺲ ﺑﺎﻟﺤﻴﺎﺓ ﺣﺎﻟﻲ ﺣﺎﻝ ﺍﻟﻌﺎﻟﻢ ﺍﻟﻌﺎﻳﺸﻪ ﺑﺮﻩ ..
ﻻﺯﻡ ﺍﺻﻴﺮ ﺭﺑﺔ ﺑﻴﺖ ﻭﺍﻧﺠﺒﺮ ﻋﻠﻰ ﻫﻠﺸﻲ ﻓﻘﻂ ﻻﻧﻲ ﻋﺮﺍﻗﻴﻪ .. ﻫﺬﺍ ﻣﻮ ﻃﻤﻮﺣﻲ .. ﻣﻦ ﺣﻘﻲ ﺍﻋﻴﺶ ﺣﻴﺎﺗﻲ ﺑﺎﺟﻤﻞ ﺗﻔﺎﺻﻴﻠﻬﺎ ..
ﻣﻮ ﺍﻛﻌﺪ ﺍﻃﺒﺦ ﻭﺍﻧﻔﺦ ﻟﺮﺟﺎﻝ ﺧﻠﻒ ﺍﻟﻠﻪ ﻋﻠﻴﻪ ﺍﺫﺍ ﻛﺎﻝ ﺷﻜﺮﺍ ﻭﺍﺑﻘﻰ ﺍﻧﺘﻀﺮﻫﺎ ﻣﻨﻪ ﻣﺜﻞ ﻭﺣﺪﻩ ﻫﺒﻠﻪ ﺣﺘﻰ ﻳﺮﺿﻪ ﻋﻠﻴﻪ ﻫﻪ ﻧﻮﻭﻭﻭ ﻭﻱ ﺍﻣﺒﺎﺳﻴﺒﻞ ..
- ﻫﻬﻬﻬﻬﻬﻪ ﺣﺘﻰ ﻟﺤﺠﺎﻳﺎﺗﺞ ﺍﺷﺘﺎﻗﻴﺘﻠﺞ ﻓﺪﻭﻩ ﺍﻟﺼﻮﺗﺞ ﺣﺒﻴﺒﺘﻲ ..
- ﻫﻬﻬﻪ ﺣﻴﺎﺍﺍﺍﺗﻲ ﺑﺎﻉ ﺍﻟﻴﺤﺐ ﺑﺎﺍﺍﺍﻉ ﻭﻳﻜﻮﻟﻮﻟﻲ ﺗﻌﺎﻟﻲ ﻛﻌﺪﻱ ﻋﻨﺪ ﺭﺟﺎﻝ ﺣﺘﻰ ﻳﺤﺒﺞ ﻳﺸﻌﻞ ﺻﻔﺤﺔ ﺍﻫﻠﻪ ﻣﺎ ﺍﺭﻳﺪﻩ
- ﻫﻬﻬﻬﻬﻬﻬﻬﻬﻪ
- ﺩﻧﺤﺠﻲ .. ﺍﻧﺪﻛﺖ ﺍﻟﺒﺎﺏ ﻣﺎﻝ ﺍﻟﻜﺮﺍﺝ ﺑﻘﻮﻩ .. ﺻﺤﺖ ﺍﺳﺘﻠﻤﻲ ﺍﺟﻪ ﻛﺮﻧﺪﺍﻳﺰﺭ ..
- ﻫﻬﻬﻬﻬﻬﻬﻪ
- ﺭﻭﺣﻲ ﻓﺘﺤﻲ ﺍﻟﺒﺎﺏ ﻭﻛﻮﻟﻴﻠﻪ ﻟﺠﻴﻦ ﺍﺟﺖ ﻣﻦ ﺯﻣﺎﻥ ﻭﻧﺎﻳﻤﻪ . ﻣﺎ ﺍﺭﻳﺪ ﺍﺣﺠﻲ ﻭﻳﺎﻩ ﺍﺑﺪ ..
- ﺻﻌﺪﻱ ﻧﺎﻣﻲ ﻭﻫﺴﻪ ﺍﺧﺎﺑﺮ ﺍﺑﻮﺝ ﻳﺠﻲ ..
- ﺻﻌﺪﺕ ﻭﻫﻲ ﺭﺍﺣﺖ ﺗﻔﺘﺢ ﺍﻟﺒﺎﺏ ﺍﻟﻪ .. ﺩﺧﻠﺖ ﻟﻐﺮﻓﺘﻲ ﺍﺧﺬﺕ ﻧﻔﺲ .. ﻛﻞ ﺷﺒﺮ ﺑﻐﺮﻓﺘﻲ ﺍﻟﻲ ﺑﻴﻬﺎ ﺣﻜﺎﻳﻪ ..
ﻛﻌﺪﺕ ﻉ ﺍﻟﺴﺮﻳﺮ .. ﺟﺴﻤﻲ ﻳﺄﺫﻳﻨﻲ ﻣﻦ ﺍﻟﻀﺮﺏ .. ﻭﻣﺎ ﺍﺣﺲ ﺑﺎﻟﻮﺟﻊ ﺑﺲ ﻟﻤﺎ ﺍﺭﺗﺎﺡ .. ﻣﻦ ﺧﻮﻓﻲ ﻉ ﻣﺎﻟﻚ .. ﺣﺘﻰ ﺍﻭﺟﺎﻋﻲ ﻧﺴﻴﺘﻬﺎ .
ﺷﻤﺮﺕ ﻧﻔﺴﻲ ﻟﻴﻮﺭﻩ ﻭﻧﻤﺖ .. ﺍﺍﺍﺍﺍﺍ ﺍﻟﺤﻤﺪﻟﻠﻪ ﺭﺑﻲ ﻣﺘﻼﺣﻜﻲ ﻭﻋﺎﻳﺶ ﻟﻮ ﻣﻴﺖ .. ﻳﻤﻜﻦ ﺍﻣﻮﻭﺕ ..
ﺻﻔﻨﺖ .. ﺍﺣﺲ ﺑﺤﺒﻲ ﺍﻟﻪ ﻓﻲ ﺷﻲ ﺧﻄﺄ ﺑﺲ ﻣﺪﺍ ﺍﻣﻴﺰ ﺍﻟﺨﻄﺄ ﺷﻨﻮ .. ﺷﻌﻮﺭ ﺍﻟﺤﺐ ﺍﻟﺒﺪﺍﺧﻠﻲ ﺍﻟﻪ ﻏﺎﻟﺐ ﻋﻠﻰ ﻛﻠﺸﻲ ﺑﻴﻪ ﺣﺘﻰ ﻋﻠﻰ ﻋﻘﻠﻲ ..
ﺳﻤﻌﺖ ﻣﺨﻠﺪ ﻳﺼﻴﺢ ﺟﻮﻩ .. ﺍﻭﻭﻭﻑ ﻓﺮﻕ ﺑﻴﻦ ﻣﺨﻠﺪ ﻭﻣﺎﻟﻚ .. ﻣﺎﻟﻚ ﺑﻘﻤﺔ ﺍﻟﻮﻋﻲ ﺍﻟﺤﻈﺎﺭﻱ .. ﻣﻤﻘﻴﺪ ﻋﻘﻠﻪ ﺑﺤﺪﻭﺩ ﺷﺮﻗﻴﻪ ..
ﺍﻣﺎ ﻣﺨﻠﺪ ﻣﺜﺎﻝ ﻟﻠﺮﺟﻞ ﺍﻟﺸﺮﻗﻲ ﺍﻟﻤﺘﻐﻄﺮﺱ ﺍﻟﻠﻲ ﻳﺤﺐ ﻛﻮﻟﺸﻲ ﺗﺤﺖ ﺳﻴﻄﺮﺗﻪ ﻭﺍﻣﺮﻩ .. ﻣﺎ ﺍﺣﺒﻪ ﻻﻥ ﻣﺎ ﻳﺤﺘﺮﻡ ﻋﻘﻠﻲ ﻭﺍﻓﻜﺎﺭﻱ ..
ﻭﻳﺤﺐ ﻳﻔﺮﺽ ﻋﻠﻴﻪ ﻋﻘﻠﻴﺘﻪ ﻭﺍﻓﻜﺎﺭﻩ .. ﻭﺍﻧﻲ ﻣﺎ ﺍﺗﻘﺒﻠﻪ .. ﻑ ﻟﻴﺶ ﺍﻛﻤﻞ ﻭﻳﺎﻩ .. ﺩﺍ ﺍﻓﻜﺮ ﻭﻱ ﺭﻭﺣﻲ .. ﻃﺐ ﻟﻠﻐﺮﻓﻪ .. ﺑﻌﺼﺒﻴﻪ .. ﻭﺻﺮﺥ
- ﻟﺞ ﻛﻠﺒﻪ ﺗﺸﺮﺩﻳﻦ ﻣﻦ ﺍﻟﺒﻴﻴﻴﻴﺖ ..
- ﻛﻤﺖ ﻋﻠﻰ ﺣﻴﻠﻲ ﻭﺍﺑﺘﻌﺪﺕ ﺑﺴﺎﻉ . ﺭﺍﺩ ﻳﺘﻘﺮﺏ ﻳﻀﺮﻧﻲ .. ﺍﻣﻲ ﺻﺎﺭﺕ ﻛﺒﺎﻟﻪ ..
ﺍﻻﻡ -: ﻣﺎ ﺍﻟﻚ ﺍﻱ ﻛﻠﻤﻪ ﻭﻳﺎﻫﺎ .. ﺍﺗﺮﻛﻬﺎ ﻳﺠﻲ ﺍﺑﻮﻫﺎ ﻭﺗﻔﺎﻫﻤﻮﻭ
ﻣﺨﻠﺪ -: ﺍﻧﺘﻲ ﻭﺧﺮﻳﻴﻴﻴﻴﻲ ﺯﻭﺟﺘﻲ ﻭﺍﺗﻔﺎﻫﻢ ﻭﻳﺎﻫﺎ ..
ﻟﺠﻴﻦ -: ﺷﻮﻛﺖ ﺻﺮﺕ ﺯﻭﺟﻲ ﺑﺎﻟﻠﻪ .. ﺍﻓﺘﻬﻢ ﻣﺎ ﺍﺭﻳﺪﻙ ﻣﻠﻴﺖ ﻣﻨﻚ ﻛﺎﻓﻲ ﻋﻮﻓﻨﻲ ﻣﺎ ﺍﺭﺟﻊ ﻭﻳﺎﻙ ﻟﻮ ﻋﻠﻰ ﻣﻮﺗﻲ ﻭﺍﻟﻠﻪ . ﺣﺲ ﻳﺎ ﺍﺧﻲ ﺣﺲ ﻣﺎ ﺍﺣﺒﻚ ﺷﻠﺰﻛﺖ ..
.
ﺍﻻﻡ -: ﻳﺎ ﺍﺑﻨﻲ ﻛﺘﻠﻚ ﻳﺠﻲ ﺍﺑﻮﻫﺎ ﻭﻳﺘﻔﺎﻫﻢ ﻭﻳﺎﻙ .. ﻣﺎ ﺍﺳﻤﺤﻠﻚ ﺗﻤﺪ ﺍﻳﺪﻙ ﻋﻠﻴﻬﺎ ﺍﺑﻴﺖ ﺍﺑﻮﻫﺎ
ﺑﺎﻭﻋﻠﻲ ﺑﺨﺰﺭﻩ ﻭﻋﺼﺒﻴﻪ ﻭﻛﺎﻝ ..
ﻣﺨﻠﺪ -: ﺑﺴﻴﻄﻪ ﺍﻧﻲ ﺍﻋﻠﻤﺞ ﻳﺎ ﺍﺩﺏ ﺳﺰ ..
ﺗﺮﻛﻨﻲ ﻭﻃﻠﻊ ﻭﻃﺒﻚ ﺍﻻﺏ ﻭﺭﺍﻩ ﺣﻴﻞ .. ﺍﻧﺪﺍﺭﺗﻠﻲ ﺍﻣﻲ ..
- ﻳﻤﻪ ﺍﺭﺟﻌﻲ ﻭﻳﺎﻩ .. ﻣﺮﺗﻪ ﺣﻘﻪ ﻳﺮﻳﺪﺝ ..
- ﻳﻮﻡ ﻣﺎ ﺍﺣﺒﻪ ﻭﺍﻟﻠﻪ ﻣﺎ ﺍﺭﻳﺪﻩ ﻫﻲ ﻛﻮﻩ ﺗﺮﻛﺘﻮﻧﻲ ﺑﺎﻟﺸﻬﺮﻳﻦ ﻭﻻ ﻛﺪﺭﺕ ﺍﺗﺤﻤﻠﻪ ﻭﻻ ﺍﻃﻴﻘﻪ . ﺣﺮﺍﻡ ﻋﻠﻴﻜﻢ ﻭﺍﻟﻠﻪ ..
ﻻ ﺍﻟﻠﻪ ﻭﻻ ﺍﻧﺒﻴﺎﺀﻩ ﺗﻘﺒﻞ ﺑﺎﻟﻠﻲ ﺩﺗﺴﻮﻭﻩ ﺑﻴﻪ ﺩﺗﺠﺒﺮﻭﻧﻲ ﻋﻠﻴﻪ ﻭﺍﻧﻲ ﻣﺎ ﺍﺣﺒﻪ ﺷﻠﻮﻥ ﻳﻌﻨﻲ ..
ﺍﻛﻮﻟﻬﺎ ﺍﻟﻜﻢ ﻭﺍﺳﻤﻌﻮﻫﺎ ﻋﺪﻝ .. ﻭﺍﻟﻠﻪ ﻣﺴﺘﻌﺪﻩ ﺍﻣﻮﺕ ﻭﻻ ﺍﺭﺟﻊ ﻭﻳﺎﻩ .. ﺣﻴﺎﺗﻲ ﻭﻳﺎﻩ ﺍﺷﺒﻪ ﺑﺎﻟﺠﺤﻴﻢ 24 .. ﺳﺎﻋﻪ ﻧﺘﻨﺎﻛﺮ ﻻ ﻫﻮ ﻓﺎﻫﻤﻨﻲ ﻭﻻ ﺍﻧﻲ ﻓﺎﻫﻤﺘﻪ ﺷﻠﻮﻥ ﺗﺮﺩﻭﻧﻪ ﻧﺮﻫﻢ .
- ﻭﺍﻟﻠﻪ ﻳﺎ ﻣﺎﻣﺎ ﻣﺎ ﺍﻋﺮﻑ ﺷﺄﻛﻮﻟﺞ .. ﻫﻮ ﺣﻘﻪ ﻣﺮﺗﻪ ﻳﺮﻳﺪﺝ ﻭﺍﻧﺘﻲ ﺣﻘﺞ ﻣﺠﺒﻮﺭﻩ ﻋﻠﻴﻪ ﻭﻣﺎ ﺗﺤﺒﻲ ..
- ﻣﺎﻣﺎ ﻫﻮ ﺍﺑﺪﺍ ﻣﻮ ﺣﻘﻪ .. ﻫﻮ ﺍﻟﻠﻲ ﻓﺮﺽ ﻧﻔﺴﻪ ﻋﻠﻰ ﺍﻧﺴﺎﻧﻪ ﻣﺤﺎﺑﺘﻪ ﻭﻣﺘﺮﻳﺪﻩ .. ﺷﻴﺮﻳﺪ ﻣﺜﻼ ﺍﺳﻮﻳﻠﻪ ..
- ﺧﻞ ﻳﺠﻲ ﺍﺑﻮﺝ ﻭﺍﺣﺠﻲ ﻭﻳﺎﻩ .. ﺍﻧﻲ ﺗﻌﺒﺖ ﺍﺣﺠﻲ ﻭﻳﺎﻩ ﻳﻜﻠﻲ ﻟﺠﻴﻦ ﻣﺎ ﺍﻟﻬﺎ ﻏﻴﺮ ﻣﺨﻠﺪ .. ﺍﺫﺍ ﺍﻧﻔﺼﻠﺖ ﺗﺮﺟﻊ ﻟﻠﻤﺠﺮﻡ ﻣﺮﺍﺡ ﻳﺘﺮﻛﻬﺎ ﺑﺤﺎﻟﻬﺎ ..
- ﻣﺎﻣﺎ ﻣﺎﻟﻚ ﻣﺎ ﺗﺎﺭﻛﻨﻲ .. ﻫﺎﺟﻢ ﻋﻠﻰ ﺑﻴﺘﻨﺎ ﺍﻟﻠﻲ ﺑﺎﻟﻤﻮﺻﻞ ﺭﺍﻳﺪ ﻳﻘﺘﻞ ﻣﺨﻠﺪ ﻭﻳﺎﺧﺬﻧﻲ ﻭﺭﺑﺞ ﺍﺟﻴﺖ ﻟﻬﻨﺎ ﻭﻣﺨﻠﺪ ﺗﺒﻌﻨﻲ ..
ﺟﺎﻥ ﻫﺴﻪ ﻣﺨﻠﺪ ﻣﻘﺘﻮﻝ ﻭﺍﻧﻲ ﻳﻢ ﻣﺎﻟﻚ ..
- ﻣﺎﻣﺎ ﻭﺷﻠﻮﻥ ﺗﺄﻣﻨﻴﻦ ﻟﻮﺍﺣﺪ ﻳﻘﺘﻞ ﺯﻭﺟﺞ ﻓﻲ ﺳﺒﻴﻞ ﻳﺎﺧﺬﺝ ... ﻫﺬﺍ ﻣﺠﺮﻡ ..
- ﻭﺷﻨﻮ ﻓﺮﻗﻪ ﻋﻦ ﻣﺨﻠﺪ ﺍﻟﻠﻲ ﺟﺎﺑﺮﻳﻨﻲ ﻋﻠﻴﻪ .. ﻫﻢ ﺭﺍﺡ ﺩﺯ ﺟﻤﺎﻋﻪ ﻋﻠﻰ ﻣﺎﻟﻚ ﻭﻗﺘﻠﺘﻪ .
ﺍﻻﻡ -: ﻟﻨﻔﺘﺮﺽ ﺍﻃﻠﻘﺘﻲ .. ﻫﻢ ﺭﺍﺡ ﻳﺒﻘﻰ ﻣﺎﻟﻚ ﻳﻠﺢ ﺑﺎﻟﺰﻭﺍﺝ
- ﻭﺷﺒﻲ ﻣﺎﻟﻚ
- ﻳﺎﺍﺍﺍ ﻟﺠﻴﻦ ﺷﺒﻴﺞ ﺑﻨﺘﻲ .. ﻫﺬﺍ ﻣﺠﺮﻡ ﻳﺨﻮﻑ .. ﻣﺎ ﺗﻌﺮﻓﻴﻦ ﺷﺴﻮﻩ ﺑﻴﻨﺎ ﻣﻦ ﺗﺰﻭﺟﺘﻲ ﻭﻣﺨﻠﺪ ﻃﻠﻊ ﺑﻴﺞ ﻟﻠﻤﻮﺻﻞ ..
ﺳﺒﺎﻧﺎ ﺳﺒﺎﻳﻪ ﺑﻠﻴﻠﺘﻬﺎ .. ﺳﺎﻓﺮﻧﻪ ﺛﺎﻧﻲ ﻳﻮﻡ ﺭﺩﻧﻪ ﻧﺴﻠﻢ ﺑﺎﺭﻭﺍﺣﻨﻪ
- ﻣﺎﻣﺎ ﻣﺨﻠﺪ ﻫﻢ ﻗﺘﻞ ﻣﺎﻟﻚ ﻭﻫﻮ ﺍﻟﺒﺪﻩ ﻳﻌﻨﻲ ﺍﺟﺮﻡ ﻣﻨﻪ . ﻣﺎﻟﻚ ﻛﻞ ﺍﻟﻠﻲ ﺩﻳﺴﻮﻱ ﻳﺤﺎﻭﻝ ﻧﻨﺠﻤﻊ ﺍﻧﻲ ﻭﻳﺎﻩ ..
- ﻭﻣﺨﻠﺪ ﻧﻔﺲ ﺍﻟﺤﺎﻟﻪ ... ﻫﻢ ﺩﻳﺤﺎﺭﺏ ﺣﺘﻰ ﺗﺒﻘﻴﻦ ﻭﻳﺎﻩ .
- ﺍﻟﻔﺮﻕ ﺍﻟﺤﺐ ﻣﺎﻣﺎ .. ﻣﺨﻠﺪ ﻣﺎ ﺍﺣﺒﻪ ﻭﻣﺎﻟﻚ ...... ﺳﻜﺘﺖ
- ﻭﺍﻟﻠﻪ ﻳﺎ ﺑﻨﺘﻲ ﺩﺿﻴﻌﻴﻦ ﻧﻔﺴﺞ ﺑﻬﺬﺍ ﺍﻟﻠﻲ ﺍﺳﻤﻪ ﻣﺎﻟﻚ . ﺍﺧﺬﻱ ﻣﺨﻠﺪ ﻭﺍﻃﻠﻌﻮ ﺑﺮﻩ ﺍﻟﻌﺮﺍﻕ ﻭﺍﺧﻠﺼﻮ .. ﺷﺘﻌﺮﻓﻴﻦ ﻋﻦ ﻣﺎﻟﻚ ﻭﺗﺮﺩﻱ ..
ﻭﻟﺘﻜﻮﻟﻴﻦ ﺷﻴﻔﺮﻕ ﻋﻦ ﻣﺨﻠﺪ .. ﺍﻧﻲ ﻣﺨﻠﺪ ﻣﺎ ﺍﺣﺒﻪ ﺑﺲ ﻭﺍﺣﺪ ﻳﺤﺠﻲ ﺍﻟﻌﻠﻴﻪ ﻭﺍﻟﻤﻮ ﻋﻠﻴﻪ ﻳﺎ ﺑﻨﺘﻲ ﺍﻟﻮﻟﺪ ﻣﺴﺘﻘﺘﻞ ﻋﻠﻴﺞ ﻭﻗﺘﻞ ﻣﺎﻟﻚ ﻻﻥ ﻣﻬﺪﺩ ﺣﻴﺎﺗﻪ ﻭﺯﻭﺟﺘﻪ .
ﺷﻨﻮ ﻳﻨﺘﻈﺮﻩ ﻳﺠﻲ ﻳﻘﺘﻠﻪ ﻭﻳﺎﺧﺬﺝ .. ﻭﺍﻟﻨﻌﺮﻓﻪ ﺍﺣﺴﻦ ﻣﻦ ﺍﻟﻠﻲ ﻣﻨﻌﺮﻓﻪ .. ﻋﺼﺒﻲ ﺻﺢ ﻭﻳﻀﺮﺏ ﺑﺲ ﺣﺒﺎﺏ ﻭﺍﺧﻼﻗﻪ ﺣﻠﻮﻩ
.
ﻣﺎﻟﻚ ﺗﺼﺮﻓﺎﺗﻪ ﺗﺼﺮﻓﺎﺕ ﻋﺼﺎﺑﺠﻲ .. ﻭﻟﻴﺨﺪﻋﺞ ﺑﻜﻼﻡ ﺍﻟﺤﺐ .. ﺗﺮﻩ ﺣﺘﻰ ﺍﻟﺤﻴﻮﺍﻧﺎﺕ ﺗﻜﺪﺭ ﺗﺤﺐ ﻭﺗﻌﺒﺮ ﻋﻦ ﺣﺒﻬﺎ
ﺣﻜﻤﻲ ﻋﻘﻠﺞ ﻭﺍﺧﺘﺎﺭﻱ ﺻﺎﺣﺐ ﺍﻻﺧﻼﻕ ﻭﺍﻟﻤﺸﺘﺮﻳﺞ ﻭﺍﻟﻤﺘﺤﻤﻞ ﺷﻬﺮﻳﻦ ﻣﺎ ﺟﺎﺑﺮﺝ ﻋﻠﻰ ﺍﻟﻤﻘﺎﺭﺑﻪ ﻓﻲ ﺳﺒﻴﻞ ﺗﻘﺒﻠﻴﻦ ..
ﻣﻮ ﺍﺑﻮ ﺍﻟﺤﺐ ﻭﺍﻟﺮﻭﻣﺎﻧﺴﻴﺎﺕ .. ﻭﻫﺪﺭﻭﺏ ﺍﻟﺘﻌﺒﺎﻧﻪ .. ﻣﻮ ﻛﻠﻤﻦ ﻛﺎﻟﺞ ﻣﺎ ﺍﻋﻴﺶ ﻣﻦ ﺩﻭﻧﺞ ﺻﺎﺩﻕ ﺗﺮﻩ ﺍﻛﺜﺮ ﺍﻟﻜﺎﻟﻮﻫﺎ ﺗﺮﻛﻮ ﻧﺴﻮﺍﻧﻬﻢ ﻭﺍﺧﺬﻭ ﻋﻠﻴﻬﻦ ﻳﺎ ﺍﻣﻲ
ﺍﺧﺬﻱ ﺍﻟﻠﻲ ﺑﺤﺒﺞ ﻣﻮ ﺍﻟﻠﻲ ﺗﺤﺒﻲ .. ﺍﻗﻨﻌﻲ ﺑﻘﺴﻤﺘﺞ ﻳﺎ ﻣﺎﻣﺎ ﻭﺍﺭﺿﻲ ﺷﺘﺴﻮﻳﻦ ..
- ﻣﻮ ﺑﻴﺪﻱ ﻣﺎﻣﺎ .. ﻣﺎ ﺍﻛﺪﺭ .. ﻣﺎ ﺍﺗﻘﺒﻠﻪ ﻟﻮ ﺷﻴﺼﻴﺮ ﻣﺎ ﺍﺣﺒﻪ .. ﻫﻲ ﻛﻮﻩ ﻣﺎﻛﻮ ﺣﺐ ﻏﺼﺐ .. ﻭﺍﻧﻲ ﻣﺎ ﺍﺣﺒﻪ ﺍﻓﺘﻬﻤﻮﻫﺎ ﻣﺎﺍﺍﺍﺍﺍﺍﺍﺍ ﺍﺣﺒﻪ .. ﺍﻋﻴﺪﻫﺎ ﺑﻌﺪ ﻟﻮ ﺳﻤﻌﺘﻴﻬﺎ
- ﺷﻜﻮﻝ ﻳﺎ ﺍﻣﻲ ﻏﻴﺮ ﺍﻟﻠﻪ ﻳﻬﺪﻳﺞ ﻭﻳﺼﻔﻲ ﻋﻘﻠﺞ ﻭﻳﻬﺪﻱ ﻗﻠﺒﺞ ..
- ﻃﻠﻌﺖ ﻣﻦ ﻋﻨﺪﻱ ﺍﻣﻲ .. ﺗﻤﺪﺩﺕ ﻋﻠﻰ ﺍﻟﺴﺮﻳﺮ ﻭﺑﻌﺪ ﺍﻟﺘﻔﻜﻴﺮ ﺍﻟﻜﺜﻴﺮ ﻧﻤﺖ ..
ﻛﻌﺪﺕ ﺍﻟﻌﺼﺮ .. ﺍﺑﻮﻱ ﻛﺎﻥ ﻣﻮﺟﻮﺩ ﻭﻋﻤﺎﻣﻲ ﻭﻋﻤﺘﻲ ﺍﻟﺘﺤﻔﻪ ﻛﺮﺟﻴﻪ .. ﻭﺍﻟﻌﺎﻟﻢ ﻣﺎ ﺷﺎﺀﺍﻟﻠﻪ ﻛﻠﻬﺎ ﻣﻠﺘﻤﻪ .
ﻧﺰﻟﺖ ﺩﻳﺘﺤﺎﺟﻮﻥ ﺑﺼﻮﺕ ﻋﺎﻟﻲ ﺑﺎﻟﺼﺎﻟﻪ ﺭﺣﺖ ﻟﻠﻤﻄﺒﺦ ﻧﺮﺕ ﻋﻤﻲ ﻋﺜﻤﺎﻥ ﻭﺍﻛﻔﻪ . ﺳﻠﻤﺖ ﻋﻠﻴﻬﺎ ﻭﻛﺎﻟﺖ ﻫﻼ ﺑﺎﻟﻨﺎﻳﻤﻪ ﻭﺍﻟﺪﻧﻴﺎ ﻛﺎﻟﺒﺘﻬﺎ ..
ﺑﻮﺳﺘﻬﺎ .. ﺧﻴﺮ ﺷﻜﻮ ﻳﺘﺼﺎﻳﺤﻮﻥ ..
- ﺻﺪﻙ ﻣﺎﻧﻌﻪ ﻣﺨﻠﺪ ﻣﻨﺞ ﻟﻠﻴﻮﻡ .. ﻳﻜﻮﻝ ﺷﻜﺪ ﺣﺎﻭﻟﺖ ﻭﻳﺎﻩ ﻧﺼﺪﻕ ﺯﻭﺍﺟﻨﺎ ﻣﺎ ﻗﺒﻠﺖ ﻭﻛﻠﻤﺎ ﺍﺭﻳﺪﻫﺎ ﺯﻭﺟﻪ ﺗﻤﻨﺘﻊ ﻭﺍﻧﻲ ﺍﻛﻮﻝ ﻣﺎ ﺍﺟﺒﺮﻫﺎ ..
- ﺑﺎﻟﻠﻪ ﻣﻴﺴﺘﺤﻲ ﻳﺬﻛﺮ ﻫﻠﺸﻲ ..
- ﻻ ﻋﻤﻪ ﺣﻘﻪ .. ﻟﻮ ﻃﻠﻌﻦ ﻣﻨﺞ ﺍﻟﺤﺠﺎﻳﻪ ﻣﻮ ﻣﻨﺎ ﻳﺘﻬﻤﻮ ﺑﺮﺟﻮﻟﺘﻪ ﻣﺤﺪ ﻳﻜﻮﻝ ﺍﻧﺘﻲ ﻣﺘﻘﺒﻠﻴﻦ ﻳﻜﻮﻟﻮﻥ ﻫﻮ ﻣﻮ ﺭﺟﺎﻝ ﻟﻮ ﺭﺟﺎﻝ ﺟﺎﻥ ﻛﺴﺮﺝ ﻭﺍﺧﺬﺝ
- ﺍﻱ ﻭﺍﻟﻠﻪ ﻣﻮ ﻫﻲ ﺑﻜﻴﻔﻪ ..
- ﻫﺎ ﻭﻟﺞ ﻟﻌﺪ ﺑﻜﻴﻔﻤﻦ
- ﺑﻜﻴﻔﻲ ﺍﻧﻲ ﺍﻧﺴﺎﻧﻪ ﻭﺟﺴﻤﻲ ﺣﺮﻩ ﺑﻲ ﻣﻮ ﻣﻦ ﺣﻘﻪ ﻳﺠﺒﺮﻧﻲ ﻋﻠﻰ ﺷﻲ ﻣﺎ ﺍﺭﻳﺪﻩ ..
- ﻏﻴﺮ ﺯﻭﺟﺘﻪ .. ﻟﻌﺪ ﺍﻟﻤﻦ ﺗﺰﻭﺟﺘﻲ ..
- ﺍﻱ ﻭﻛﺄﻥ ﻛﺎﻥ ﺍﺧﺘﻴﺎﺭﻱ ﺍﺗﺰﻭﺟﻪ ﻏﻴﺮ ﺑﺎﺑﺎ .. ﺩﻧﺤﺠﻲ ﺻﺎﺡ ﺍﺑﻮﻱ ﻟﺠﻴﻴﻴﻴﻦ ..
- ﺭﺣﺖ ﺍﻟﻬﻢ ﺳﻠﻤﺖ ﻋﻠﻴﻬﻢ ﻭﻣﺸﻴﺖ ﺳﻠﻤﺖ ﻋﻠﻰ ﺑﺎﺑﺎ ﻛﺎﻝ ﻫﻼ ﻭﺑﻌﺪ ﺧﺪﻩ ﻣﺎ ﻗﺒﻞ ﺍﺑﻮﺳﻪ ﻋﺮﻓﺘﻪ ﻣﺘﻀﺎﻳﻖ .. ﻛﺎﻝ ﻛﻌﺪﻱ ..
ﻛﻌﺪﺕ ..
ﺣﺠﻪ ﻋﻤﻮ ﻋﺜﻤﺎﻥ -: ﺍﻟﻠﻪ ﺑﺎﻟﺨﻴﺮ ﻋﻠﻴﺞ ﺑﻨﺘﻲ
- ﻫﻼ ﻋﻤﻮ ﺗﻔﻀﻞ
- ﻫﺬﺍ ﻣﺨﻠﺪ ﻛﺒﺎﻟﻨﺎ ﻭﺣﺠﺎﻟﻨﺎ ﻋﻠﻰ ﺣﻴﺎﺗﻜﻢ .. ﻳﻜﻮﻝ ﺣﺎﻭﻟﺖ ﻭﻳﺎﻫﺎ ﺑﻜﻞ ﻃﺮﻳﻘﻪ ﻣﺎ ﺩﺍ ﺗﺠﻲ ﻟﻠﻄﺮﻳﻖ .. ﺿﺮﺑﺖ ﺳﺎﻳﺴﺖ ﺗﻨﺎﺯﻟﺖ ﺳﻜﺘﺖ .. ﻭﻛﻞ ﻫﺬﺍ ﻣﺎ ﻓﺎﻳﺪ ﻭﻳﺎﺝ
ﺷﻨﻮ ﺍﻟﻠﻲ ﺗﺮﺩﻱ ﻣﻨﻪ ﻭﻣﺎﻧﻌﺘﻪ ﻳﺼﻴﺮ ﺯﻭﺟﺞ .. ﺷﻬﺮﻳﻦ ﺭﺟﺎﻝ ﻣﻤﺎﺧﺬ ﻣﺮﺗﻪ ﻭﻳﻦ ﺻﺎﻳﺮﻩ .. ﻭﺍﺣﻨﻪ ﺣﺠﻴﻨﻪ ﻭﻳﺎﻩ ﻭﻛﻨﺎﻟﻪ ﺻﻮﺟﻚ ﺍﻧﺖ ﺭﺟﺎﻝ ﺍﻟﻤﻔﺮﻭﺽ ﺗﻜﺴﺮ ﺭﺍﺳﻬﺎ ﻭﺗﺎﺧﺬﻫﺎ ﻛﺎﻝ ﻣﺎ ﺭﺩﺕ ﺍﻛﺴﺮ ﺑﺨﺎﻃﺮﻫﺎ ..
ﺍﺫﺍ ﻫﻮ ﻣﺎ ﺭﺍﺩ ﻳﻜﺴﺮ ﺑﺨﺎﻃﺮﺝ .. ﺷﻨﻮ ﻗﺼﻮﺭﻩ ﻭﻳﺎﺝ ﻭﺷﺎﺭﺩﻩ ﻣﻨﻪ .. ﺍﻛﻮ ﺑﻨﻴﻪ ﻣﺤﺘﺮﻣﻪ ﺗﺒﺠﻲ ﻋﻠﻰ ﻭﺍﺣﺪ ﺳﺮﺳﺮﻱ ﺷﻠﻮﻥ ﺗﻘﺘﻠﻪ ..
.
ﻟﻮ ﺍﺣﻨﻪ ﻟﻤﻜﺎﻧﻪ ﺟﺎﻥ ﺫﺑﺤﻨﺎﺝ ﻋﻠﻘﺒﻠﻪ ﻣﻮ ﻧﻜﺘﻠﺞ ..
- ﻋﻤﻮ ﺑﻐﺾ ﺍﻟﻨﻀﺮ ﻋﻦ ﻛﻞ ﺍﻟﻜﻼﻡ ﺍﻟﻠﻲ ﻛﻠﺘﻪ .. ﺍﺗﻤﻨﻰ ﺗﻔﻬﻤﻮﻥ ﺣﺎﺟﻪ ﻭﺍﻥ ﻫﻲ ﻛﻴﻒ ﺍﺗﻘﺒﻞ ﺍﻧﺴﺎﻧﻪ ﻭﺍﻋﺎﺷﺮﻩ ﻭﺍﻧﻲ ﻣﺎ ﺍﺣﺒﻪ ..
ﻟﻮ ﺍﺣﺒﻪ ﻣﻦ ﺯﻣﺎﺍﺍﺍﺍﺍﻥ ﻭﺍﻓﻘﺖ ﻋﻠﻴﻪ ﻭﻛﺎﻥ ﻫﺴﻪ ﻋﻨﺪﻱ ﻣﻨﺎ 3 ﺍﻃﻔﺎﻝ .. ﺑﺲ ﻋﻤﻮ ﻣﺎ ﺍﺭﻳﺪﻩ .. ﺷﻬﺮ ﻛﺎﻣﻞ ﺍﻧﻲ ﻣﺤﺒﻮﺳﻪ ﺑﺎﻟﺒﻴﺖ ﺷﺎﺭﻉ ﻣﻦ ﺷﻮﺍﺭﻉ ﺍﻟﻤﻮﺻﻞ ﻣﺎ ﺷﻔﺘﻬﺎ ..
ﻣﺮﻩ ﻭﺣﺪﻩ ﻃﻠﻌﺖ ﺳﻮﻙ ﻣﻠﻴﺖ .. ﺍﺟﻪ ﺧﺒﺺ ﺍﻟﺪﻧﻴﺎ .. ﻫﻮ ﺍﺧﺬﻧﻲ ﻣﻦ ﺑﻴﺖ ﺍﻫﻠﻲ ﺻﻴﺪﻻﻧﻴﻪ ﺑﺎﻟﻨﻬﺎﺭ ﻭﺍﻋﻼﻣﻴﻪ ﺑﻠﻴﻞ ﻭﺍﺗﻨﺎﺯﻟﺖ ﻋﻦ ﺍﻻﻋﻼﻡ .. ﻭﻛﺘﻠﻪ ﺑﻌﺪ ﻣﺎ ﺍﺷﺘﻐﻞ
ﻭﺑﻘﻰ ﻫﻮ ﺣﺎﺭﻣﻨﻲ ﻣﻦ ﻛﻮﻟﺸﻲ ﺍﻗﻞ ﺷﻲ ﻣﻮﺑﺎﻳﻞ ﻣﻴﻨﻄﻴﻨﻲ .. ﻫﻮ ﻣﺎ ﺍﺧﺬﻧﻲ ﺭﺑﺔ ﺑﻴﺖ .. ﺍﺧﺬﻧﻲ ﺻﻴﺪﻻﻧﻴﻪ
ﺍﻥ ﻗﻄﻌﺖ ﺍﻟﺸﺮﺍﻛﻪ ﺑﺼﻴﺪﻟﻴﺔ ﻣﺆﻳﺪ .. ﺍﺗﻌﻴﻦ ﻭﺍﺷﺘﻐﻞ .. ﻫﻮ ﻛﻞ ﻫﺬﺍ ﺣﺮﻣﻨﻲ ﻣﻨﻪ ﻭﻛﻌﺪﻧﻲ ﺑﺎﻟﺒﻴﺖ ﻭﻳﺠﺒﺮﻧﻲ ﺍﺻﻴﺮ ﺭﺑﺔ ﺑﻴﺖ ..
ﻭﻧﻈﺮﻳﺔ ﺍﻟﺠﺒﺮ ﺍﻧﻲ ﻣﺎ ﺍﺗﻘﺒﻠﻬﺎ .. ﻳﻔﺮﺽ ﻋﻠﻴﻪ ﺍﻓﻜﺎﺭﻩ ﻭﺍﻭﺍﻣﺮﻩ ﻭﻣﻴﺘﻔﻬﻤﻨﻲ .. ﻃﻴﺐ ﺷﻠﻮﻥ ﺗﺮﺩﻭﻥ ﺍﺗﻘﺒﻞ ﺍﻧﺴﺎﻥ ﻣﻤﺘﻘﺒﻞ ﺷﻐﻠﻲ ﻭﻣﻜﺎﻧﺘﻲ ﻭﻋﻘﻠﻴﺘﻲ ..
ﻳﺮﻳﺪ ﺭﺑﺔ ﺑﻴﺖ ﻳﺮﻭﺡ ﻳﺸﻮﻑ ﺍﻟﻠﻲ ﺗﻨﺎﺳﺒﻪ .. ﺗﻌﺒﺖ ﻭﺍﻧﻲ ﺍﻛﻮﻟﻜﻢ ﻣﺎﺍﺍﺍﺍ ﺍﺭﻳﺪﻩ .. ﻣﺎ ﺍﺣﺐ ﺍﻟﺤﻴﺎﺓ ﺍﻟﺮﻭﺗﻴﻨﻴﻪ ﺍﻟﻠﻲ ﻫﻮ ﻳﺤﺒﻬﺎ ﻭﻳﺮﻳﺪﻫﺎ ..
ﻋﻤﺮﺍﻥ -: ﻫﻮ ﻣﻮ ﺻﻮﺝ ﺻﻮﺝ ﺍﺑﻮﺝ .. ﺷﻔﺖ ﻫﺎﻱ ﺍﻟﺤﺮﻳﻪ ﺍﻻﻧﻄﻴﺘﻬﺎ ﺍﻟﺒﻨﺘﻚ ﻭﺗﺼﻴﺢ ﻭﺍﺛﻖ ﺑﻴﻬﺎ ﺷﻔﺖ ﺷﺴﻮﺕ ﺑﻴﻬﺎ
- ﻋﻤﻮ ﺷﺌﺘﻢ ﺍﻡ ﺍﺑﻴﺘﻢ ﺍﻧﻲ ﻣﺎ ﺧﻨﺖ ﺛﻘﺔ ﺑﺎﺑﺎ ﻓﺪ ﻳﻮﻡ .. ﻭﺍﻓﻘﺖ ﻋﻠﻰ ﺍﺑﻨﻚ ﻓﻘﻂ ﻻﻥ ﻫﻮ ﺭﺍﺩ .. ﻭﻣﻮ ﻏﻠﻂ ﻟﻮ ﻃﻠﺒﺖ ﺣﻘﻮﻗﻲ ..
ﺍﺩﺍﻓﻌﻮﻥ ﺍﻟﻤﺨﻠﺪ ﻭﺗﺼﻴﺤﻮﻥ ﺣﻘﻪ . ﻃﻴﺐ ﺣﻘﻲ ﻭﻳﻦ .. ﻟﻴﺶ ﺗﺠﺒﺮﻭﻧﻲ ﺍﻗﺒﻞ ﺑﺎﻓﻜﺎﺭﻩ ﻣﺘﺠﺒﺮﻭﻩ ﻫﻮ ﻳﻘﺒﻞ ﺑﺎﻓﻜﺎﺭﻱ ﻭﺑﻌﻘﻠﻴﺘﻲ .
ﺍﺭﻳﺪ ﺣﺮﻳﺘﻲ ﺷﻐﻠﻲ ﺣﻴﺎﺗﻲ .. ﻣﺎ ﺍﺣﺐ ﺍﺗﻘﻴﺪ ﻭﻫﻮ ﻣﻨﻌﻨﻲ ﻣﻨﻬﺎ ﻛﻠﻬﺎ ...
ﻣﺨﻠﺪ -: ﻟﻤﺎ ﺍﺷﻮﻓﺞ ﺗﺴﺘﺤﻘﻴﻦ ﺍﻟﺜﻘﻪ ﺍﻧﻄﻴﺞ ﻛﻞ ﺍﻟﻠﻲ ﺗﺮﺩﻱ ... ﺣﺎﻟﻴﺎ ﻣﻤﻨﻮﻉ
- ﻭﻣﻤﺠﺒﻮﺭ ﺗﻌﻴﺶ ﻭﻱ ﺍﻧﺴﺎﻧﻪ ﻣﺘﺜﻖ ﺑﻴﻬﺎ ﻭﻫﻲ ﻣﺘﺤﺒﻚ .
ﻋﺜﻤﺎﻥ -: ﻭﻟﺞ ﺍﻧﺘﻲ ﺷﻨﻮ ﻣﻦ ﺍﺑﻨﻴﻪ ﺗﻮﻛﻔﻴﻦ ﻛﺒﺎﻝ ﺭﺟﻠﺞ ﻭﺗﻜﻠﻴﻠﻪ ﻣﺎ ﺍﺣﺒﻚ .. ﺍﻛﻮﻡ ﺍﻛﺴﺮ ﺭﺍﺳﺞ ﻭﺍﻟﻠﻪ ..
ﻏﺼﺒﺎ ﻋﻠﻴﺞ ﻳﺎﺧﺬﺝ ﺍﻟﻴﻮﻡ ﻭﺍﺫﺍ ﺭﻓﻀﺘﻲ ﺫﺑﺢ ﺍﺫﺑﺤﺞ .. ﻭﻟﺞ ﺧﺎﻑ ﻣﻜﺴﻮﺭﻩ ﻭﺗﺨﺎﻓﻴﻦ ﻳﻮﺻﻠﺞ ﻭﻳﻔﻀﺤﺞ .
- ﺳﺒﻖ ﻭﻛﺘﻠﻜﻢ ﻣﺴﺘﻌﺪﻩ ﺍﺧﻀﻊ ﻟﻔﺤﺺ ﻭﺍﻧﻲ ﺍﺷﺮﻑ ﻣﻦ ﺍﻱ ﺑﺸﺮ ﻳﺘﻬﻤﻨﻲ ﺑﺸﺮﻓﻲ .. ﻭﻣﻮ ﻣﺠﺒﻮﺭﻩ ﺍﻗﺒﻞ ﺑﺎﻧﺴﺎﻥ ﻣﺎ ﺍﺣﺒﻪ . ﺧﻠﺺ ﻣﺎ ﺗﻔﺎﻫﻤﻨﻪ ﺧﻞ ﻳﻄﻠﻘﻨﻲ ﺷﻨﻮ ﻛﻮﻩ ﻫﻲ ..
ﺣﺠﻴﺖ ﻭﻫﺪ ﻋﻤﻮ ﻋﺜﻤﺎﻥ ﻭﻋﻤﺎﺗﻲ ﺻﺎﺭﻭ ﻛﺒﺎﻟﻲ ﻭﻳﺼﻴﺢ
ﻋﺜﻤﺎﻥ -: ﺍﺷﺮﻑ ﻣﻨﻴﻦ ﻟﺞ ﺍﺩﺏ ﺳﺰ ﺳﺎﻗﻄﻪ .. ﻏﺼﺒﺎ ﻋﻨﺞ ﺍﻟﻴﻮﻡ ﻳﺎﺧﺬﺝ ﻭﺍﺫﺍ ﻣﺎ ﻗﺒﻠﺘﻲ ﻭﺍﻟﻠﻪ ﺍﺫﺑﺤﺞ ..
- ﺍﻟﻴﻘﺘﻠﻨﻲ ﺍﺑﻮﻳﻪ ﺑﻮﺟﻮﺩ ﻋﻤﺎﻣﻲ ﻟﻤﺎ ﻳﺤﺠﻮﻥ ﻭﻳﺎﻳﻪ ﻳﺴﻜﺖ .. ﺣﻴﻴﻴﻞ ﺿﻌﻴﻒ ﻛﺪﺍﻣﻬﻢ ﻭﻳﻘﻨﻌﻮ ﺑﺎﻱ ﻛﻠﻤﻪ ..
ﺻﺤﺖ ﻣﺎ ﺍﺭﻳﺪﻩ ﻫﻲ ﻛﻮﻩ .. ﻣﺎ ﺍﺭﻳﺪﻩ ﺧﻞ ﻳﺤﺲ ﺧﻞ ﻳﻄﻠﻘﻨﻲ .. ﺷﻬﻠﻤﺼﻴﺒﻪ ﻳﺎ ﺍﻟﻠﻪ ﺍﻧﺴﺎﻥ ﻣﺠﺒﻮﺭ ﺑﺎﻧﺴﺎﻥ ﻭﻻﺯﻡ ﻳﻘﺒﻞ ﺑﻲ
.
ﺍﻧﺎ ﺣﺮﺭﺗﻜﻢ ﻓﻼ ﻳﺴﺘﻌﺒﺪﻛﻢ ﺍﺣﺪ ﻣﻦ ﺑﻌﺪﻱ ﻣﻮ ﻫﻴﺞ ﻳﻜﻮﻝ ﺍﻟﺮﺳﻮﻝ ﻟﻮ ﺑﺲ ﺑﺎﻟﺤﺠﺎﺏ ﻭﺍﻟﺒﺲ ﺗﺮﻛﻀﻮﻥ ﻋﻠﻴﻪ ﺑﺎﻟﺪﻳﻦ ..
ﻛﻠﻬﻢ ﺑﻘﻮ ﻳﺤﺠﻮﻥ ﻭﻳﺘﺼﺎﻳﺤﻮﻥ ﻋﻠﻴﻪ .. ﺍﺧﺮ ﺷﻲ .. ﺣﺠﻪ ﺍﺑﻮﻱ ..
-: ﺍﺳﻤﻌﻲ ﻟﺠﻴﻦ .. ﺍﻧﻄﻴﺘﺞ ﻋﻴﻦ ﺍﺯﻳﺎﺩﻩ ﻛﻞ ﺿﻨﻲ ﺍﺩﻣﻴﻪ .. ﺗﻘﺒﻠﻴﻦ ﺑﺰﻭﺟﺢ ﻻ ﻭﺣﻖ ﺍﻟﺤﻖ .. ﺍﺗﺒﺮﻯ ﻣﻨﺞ ﺻﺪﻙ ﻭﺍﺣﺒﺴﺞ ﻭﺍﺭﺟﻊ ﺍﻋﻴﺪ ﺗﺮﺑﻴﺘﺞ ..
ﻭﻻ ﺗﺘﻮﻗﻌﻴﻦ ﻟﻐﻴﺮ ﻣﺨﻠﺪ ﺍﻧﻄﻴﺞ ..
- ﺑﺲ ﺑﺎﺑﺎ
- ﻣﺎ ﺍﻟﺞ ﻧﺺ ﻛﻠﻤﻪ ﺗﻜﻮﻣﻴﻦ ﻫﺴﻪ ﺗﺮﺣﻴﻦ ﻭﻱ ﺭﺟﻠﺞ
ﻋﻤﺮﺍﻥ -: ﻣﺨﻠﺪ ﺍﺧﺬﻫﺎ ﻫﺴﻪ ﻭﺭﻭﺣﻮ ﻟﻔﻨﺪﻕ ﻭﺑﻠﻴﻞ ﻧﺮﻳﺪ ﺑﻴﺎﺿﻬﺎ ﻭﺍﺫﺍ ﻣﺎ ﺍﻧﻄﺘﻚ ﻣﻌﻨﺎﻫﺎ ﻣﻜﺴﻮﺭﻩ .. ﺭﺟﻌﻬﺎ ﻧﻘﺘﻠﻬﺎ ..
ﻋﺜﻤﺎﻥ -: ﺍﺧﺬﻫﺎ ﻭﻣﻦ ﺑﺎﺟﺮ ﺍﻃﻠﻊ ﻟﺴﻮﺭﻳﺎ .. ﻻ ﺗﺒﻘﻰ ﺗﺮﻩ ﻫﻠﻜﻠﺐ ﻭﺭﺍﻙ ﻣﺮﺍﺡ ﻳﺘﺮﻛﻚ ﻟﺤﺪ ﻣﺎ ﻳﻘﺘﻠﻚ ﻭﻳﺎﺧﺬﻫﺎ
ﻻ ﺗﺒﻘﻰ ﻫﻴﺞ ..
ﻣﺨﻠﺪ -: ﻃﻠﺒﺖ ﺣﻤﺎﻳﻪ ﻭﻳﺎﻱ .. ﺍﺟﻮﻱ 4 ﺷﺮﻃﻪ ﻭﺳﻴﺎﺭﻩ ﻟﺤﻤﺎﻳﺘﻲ
ﻋﺜﻤﺎﻥ -: ﻫﺬﺍ ﻣﺠﺮﻡ ﻛﻠﺸﻲ ﻳﺴﻮﻱ ﺍﺗﺮﻙ ﺩﻭﺍﻣﻚ ﻭﺍﻃﻠﻊ ﺑﻴﻬﺎ ﻟﺴﻮﺭﻳﺎ .. ﻭﻣﻨﺎﻙ ﻧﺨﻠﻲ ﻋﻤﻚ ﻳﺴﺤﺒﻚ ﻟﻠﺴﻮﻳﺪ ﺗﻌﻴﺸﻮﻥ ﻳﻤﻪ .
ﻳﺘﻔﻘﻮﻥ ﻭﻻ ﻛﺄﻧﻲ ﻣﻮﺟﻮﺩﻩ ﺍﺭﻳﺪ ﺍﺣﺠﻲ ﻛﻠﻬﺎ ﺗﺴﻜﺘﻨﻲ ﻭﻳﻜﻤﻠﻮﻥ ﻛﻼﻣﻬﻢ .. ﺩﺍﺭ ﻋﻠﻴﻪ ﻋﻤﻮ ﻋﺜﻤﺎﻥ ﻭﻛﺎﻝ ﻳﻠﻪ ﻛﻮﻣﻲ ﻭﻱ ﺭﺟﻠﺞ .
ﻋﻤﺎﺗﻲ ﻛﻮﻣﻮﻧﻲ .. ﺗﻘﺮﺑﺖ ﻟﺒﺎﺑﺎ .. ﺑﺎﺑﺎ ﺍﻟﻠﻪ ﻳﺨﻠﻴﻚ ﻣﺎ ﺍﺭﻳﺪﻩ ﺍﻗﺘﻠﻨﻲ ﻭﻻ ﺗﻌﻴﺸﻨﻲ ﻭﻱ ﻣﺨﻠﺪ .. ﻣﺎ ﺍﺭﻳﺪ ﺍﺗﺰﻭﺝ ﻭﺍﻟﻠﻪ ﺧﻠﻴﻨﻲ ﻋﺎﻳﺸﻪ ﻳﻤﻚ ..
ﺍﻻﺏ -: ﺍﺗﺒﻌﻲ ﺯﻭﺟﺞ ﻭﻛﻮﻣﻲ ﻭﻳﺎﻩ
ﻟﺠﻴﻦ -: ﺑﺎﺑﺎ ﺍﺗﺮﺟﺎﻙ .. ﺍﻧﺖ ﺍﻟﻌﻠﻤﺘﻨﻲ ﻣﺎ ﺍﻗﺒﻞ ﺑﺎﻟﺬﻝ .. ﺗﺬﻟﻮﻧﻲ ﻫﺴﻪ ﻟﻴﺶ .. ﻣﺎ ﺍﺭﻳﺪﻩ ﺧﻠﻮﻧﻲ ﻫﻨﺎ ﻣﺎ ﺍﺭﻳﺪ ﺍﻣﺸﻲ ﻭﻳﺎﻩ ..
ﺍﻻﺏ - ﻣﺤﺪ ﺫﺍﻟﺞ ﺍﻧﺘﻲ ﺍﻟﻠﻲ ﺫﻟﻴﺘﻲ ﺍﻟﻮﻟﺪ .. ﺻﺎﺑﺮ ﻭﻣﺘﺤﻤﻠﺞ ﻭﺍﻧﺘﻲ ﺍﻟﻠﻲ ﺫﻟﻴﺘﻲ ﺑﺘﻌﺠﺮﻓﺞ .. ﺻﻴﺮﻱ ﺧﻮﺵ ﺍﺑﻨﻴﻪ ﻭﺗﺒﻌﻲ ﺯﻭﺟﺢ ﻭﺍﺭﺿﻲ ﻭﺗﺬﻛﺮﻱ ﺭﺿﺎﻱ ﻣﻦ ﺭﺿﺎﻩ
- ﻫﺰﻳﺖ ﺭﺍﺳﻲ .. ﺍﻧﺖ ﺍﻟﻠﻲ ﻋﻠﻤﺘﻨﻲ ﻣﺎ ﺍﻧﺬﻝ ﻟﻮ ﻣﻬﻤﺎ ﻳﺼﻴﺮ ﺑﺲ ﺗﻬﻮﻥ ﺑﺎﺑﺎ .. ﻗﺮﺑﺖ ﺑﺴﺖ ﺭﺍﺳﻪ .. ﻣﺎ ﺣﺠﻪ ..
ﻃﻠﻌﺖ .. ﺭﺩﺕ ﺍﺻﻌﺪ .. ﺍﻟﻐﻀﺐ ﻛﻠﻪ ﻳﻔﻮﺭ ﺑﺪﺍﺧﻠﻲ ﻣﺎ ﺍﻛﺪﺭ ﺍﻧﻐﺼﺐ ﻭﺍﻧﺬﻝ ﻣﺴﺘﺤﻴﻞ ﺍﻗﺒﻠﻬﺎ ﻫﻴﻬﺎﺕ .. ﻣﺸﻴﺖ ﻟﻠﻜﺎﻭﻧﺘﺮ .. ﻃﻠﻌﺖ ﺍﻟﺪﻟﻪ ﺍﻟﻠﻲ ﺍﻧﺴﻮﻱ ﺑﻴﻬﺎ ﻗﻬﻮﻩ ..
ﻭﻛﻔﺖ ﻛﺒﺎﻝ ﺍﻟﻜﺎﻭﻧﺘﺮ ﺟﺮﻳﺖ ﺍﻟﺴﻢ ﻣﺎﻝ ﺍﻟﺤﺸﺮﺍﺕ ﻣﻦ ﺍﻟﺠﺮﺍﺭﻩ ﺧﻠﻴﺖ ﺑﺴﺮﻋﻪ .. ﺻﺎﺣﺖ ﻣﺎﻣﺎ ﻟﺠﻴﻦ .. ﺭﺟﻌﺘﻪ ﺑﺴﺮﻋﻪ ..
ﻭﺍﻧﺪﺍﺭﻳﺘﻠﻬﺎ ..
-: ﺻﺒﺮﻱ ﻳﺎ ﻣﺎﻣﺎ ﺗﻬﻮﻥ ﻛﺴﺒﻲ ﺯﻭﺟﻂ ﻭﺑﺎﻟﻜﻠﻤﻪ ﺍﻟﺤﻠﻮﻩ ﺧﻠﻲ ﻳﻨﻔﺬﻟﺞ ﺍﻟﺘﺮﺩﻱ ﺍﺭﺿﻲ ﺑﻘﺴﻤﺘﺞ ﻣﺎﻣﺎﺗﻲ ..
- ﻣﺎ ﺍﺣﺒﻪ ﻣﺎﻣﺎ ﻣﺎ ﺍﺣﺒﻪ ... ﺣﻈﻨﺘﻬﺎ ﺍﺑﺠﻲ .. ﺑﻘﺖ ﺗﻤﺴﺢ ﻋﻠﻰ ﺭﺍﺳﻲ ﻭﺗﻜﻠﻲ ﺍﻧﺴﻲ ﺍﻟﺒﻘﻠﺒﺞ ﻣﺎﻣﺎ ﻭﺍﺭﺿﻲ ﺑﺎﻟﻤﻜﺘﻮﺏ ..
ﺍﺟﻪ ﻣﺨﻠﺪ ﻟﻠﻤﻄﺒﺦ .. ﻳﺼﻴﺢ ﺍﺳﺘﻌﺠﻠﻲ ﻳﻠﻪ ﻣﺎ ﻋﻨﺪﻱ ﻭﻗﺖ ..
- ﻣﻮ ﺍﻧﺖ ﺍﻟﻠﻲ ﺗﺠﺒﺮﻧﻲ ﻭﺗﺘﺄﻣﺮ ﻋﻠﻴﻪ .. ﻟﻮ ﺷﺘﺴﻮﻱ ﻣﺎ ﺭﺍﺡ ﺍﻧﺠﺒﺮ ﺑﻴﻚ ﺍﻓﺘﻬﻤﺖ .
ﻣﺨﻠﺪ -: ﺑﺴﻴﻄﻪ ﺍﻋﻠﻤﺞ
ﺍﻻﻡ -: ﻟﺠﻴﻦ ﺍﺳﻜﺘﻲ ﻣﺎﻣﺎ ..
- ﺍﺧﺬﺕ ﻧﻔﺲ .. ﻭﺩﺭﺕ ﻭﺟﻬﻲ ﻟﻠﻜﺎﻭﻧﺘﺮ ﺣﺠﺖ ﻣﺎﻣﺎ ﺷﺪﺳﻮﻳﻦ .. ﻛﺘﻠﻬﺎ ﺩﺍ ﺍﺳﻮﻱ ﻗﻬﻮﻩ ﺭﺍﺳﻲ ﻭﺟﻌﻨﻲ ﺣﻴﻞ ..
- ﺍﺳﺘﻌﺠﻠﻲ ﺍﻣﻲ ﻭﺻﻌﺪﻱ ﺭﺗﺒﻲ ﻧﻔﺴﺞ .. ﻣﻼﺑﺴﺞ ﻫﻮﺍﻱ ﻓﻮﻙ .. ﻭﺑﺪﻟﻲ ..
- ﻫﺰﻳﺖ ﺭﺍﺳﻲ .. ﺧﻠﻴﺖ ﻗﻬﻮﻩ .. ﻭﻣﻲ .. ﻭﺧﻠﻴﺖ ﻋﻠﻰ ﺍﻟﻨﺎﺭ .. ﺩﻣﻮﻋﻲ ﻛﺎﻣﺖ ﺗﺠﺮﻱ ﻭﺣﺪﻩ .. ﻣﻤﻜﻦ ﺍﻣﻮﺕ ﺑﺲ ﻣﻮ ﻣﻤﻜﻦ ﺍﻗﺒﻞ ﺑﻤﺨﻠﺪ ..
ﺻﺒﻴﺖ ﺍﻟﻘﻬﻮﻩ ﺑﻔﻨﺠﺎﻥ ﺻﻐﻴﺮ .. ﻭﺻﻌﺪﺕ .. ﻓﻮﻙ .. ﻛﻠﻬﺎ ﺗﺼﻴﺢ ﺑﺴﺮﻋﻪ ﺍﺳﺘﻌﺠﻠﻲ ﻣﺨﻠﺪ ﻭﺣﻤﺎﻳﺘﻪ ﺑﺮﻩ ﻛﺎﻋﺪ ﻳﻨﺘﻈﺮ ..
ﺷﺮﺑﺖ ﺍﻟﻘﻬﻮﻩ .. ﺻﻜﻪ ﻭﺣﺪﻩ .. ﻭﺩﻣﻮﻋﻲ ﻛﺎﻣﺖ ﺗﺠﺮﻱ ..
ﺑﻬﺬﻩ ﺍﻻﺛﻨﺎﺀ .. ﻣﺎﻣﺎ ﺷﺎﻳﻔﻪ ﺷﻲ ﻣﺘﺒﺪﻱ ﻉ ﺍﻟﻜﺎﻭﻧﺘﺮ ﻭﺍﻟﺠﺮﺍﺭﻩ ﻣﻔﺘﻮﺣﻪ .. ﻓﺎﺗﺤﻪ ﺍﻟﺠﺮﺍﺭﻩ ﻭﺷﺎﻳﻔﻪ ﺍﻟﺴﻢ ﺍﻟﻠﻲ ﻻﻓﺘﻪ ﺑﺠﻴﺲ ﻣﺘﺒﺪﻱ ..
ﻋﺮﻓﺖ ﺷﺠﻨﺖ ﺍﺳﻮﻱ ﻭﻟﻴﺶ ﻃﻠﺒﺖ ﺍﻟﻘﻬﻮﻩ .. ﺑﺴﺎﻉ ﺻﺎﺭﺧﻪ ﻭﺻﺎﻋﺪﻩ ﺍﻟﻴﻪ ﻛﻠﻬﻢ ﺻﻌﺪﻭ ﻋﻠﻰ ﺻﺮﺧﺘﻬﺎ ﻻﻧﻮ ﻫﻲ ﻣﺮﻳﻀﻪ ﻣﻤﻨﻮﻉ ﻋﻠﻴﻬﺎ ﺍﻟﺼﺮﻳﺦ ..
ﺑﻤﺠﺮﺩ ﻣﺎ ﺷﺮﺑﺖ ﺍﻟﻘﻬﻮﻩ .. ﺛﻮﺍﻧﻲ ﻭﺑﻘﺖ ﻣﺎﻣﺎ ﺍﺩﻙ ﺍﻟﺒﺎﺏ ﻟﺠﻴﻦ ﻟﺘﻀﻴﻌﻴﻦ ﻧﻔﺴﺞ ﺑﻨﺘﻲ ﺣﺮﺭﺭﺍﻡ ﻟﺘﺨﻠﻴﻦ ﺍﻟﺸﻴﻄﺎﻥ ﻳﻐﻮﻳﺞ ﺑﻨﺘﻲ ﺣﺒﻴﺒﺘﻲ ﻓﺪﻭﻩ ﺍﻓﺘﺤﻲ ﺍﻟﺒﺎﺏ
ﻭﻟﻜﻢ ﻛﺴﺮﻭﻭﻭﻭﻭ ﺍﻟﺒﺎﺍﺍﺍﺏ ﺍﻟﺒﻨﻴﻪ ﺍﻧﺘﺤﺮﺕ ﻛﺴﺮﻭﻭﻭﻭ ..
ﻳﺮﺩﻭﻥ ﻳﻔﺘﺤﻮﻥ ﺍﻟﺒﺎﺏ ﻭﺍﻧﻲ ﻭﺍﻛﻔﻪ ﺍﺑﺠﻲ .. ﺟﺴﻤﻲ ﺍﺷﺘﻌﻞ .. ﻧﻔﺴﻲ ﺍﻧﻘﻄﻊ .. ﻟﺰﻣﺖ ﺭﻛﺒﺘﻲ ﺍﺭﻳﺪ ﺍﺗﻨﻔﺲ ..
ﺍﺣﺲ ﻧﺎﺭ ﺷﺒﺖ ﺑﺠﺴﻤﻲ .. ﻭﺍﺗﻨﻔﺲ ﻭﺍﻧﺸﻎ ﻣﺜﻞ ﻭﺍﺣﺪ ﻳﺠﺎﻟﻊ .. ﻛﺴﺮﻭ ﻋﻤﺎﻣﻲ ﺍﻟﺒﺎﺏ .. ﻭﺩﺧﻞ ﺍﺑﻮﻱ ﺍﺧﺬﻧﻲ ﺑﺤﻈﻨﻪ ..
ﻭﻳﺼﺮﺥ ﻟﺠﻴﻦ ﺍﺗﻘﻴﺌﻲ ﻻ ﺗﺴﻮﻱ ﻫﻴﺞ ﺑﻨﺘﻴﻴﻴﻲ .. ﻳﻔﺘﺢ ﺑﺤﻠﻜﻲ ﻭﻳﺮﻳﺪﻧﻲ ﺍﺗﻘﻴﺊ ﻭﺍﻧﻲ ﺑﻴﻦ ﺍﺩﻳﻪ ﻓﺎﺗﺤﻪ ﻋﻴﻮﻧﻲ ﻭﺍﺷﻬﻚ .. ﻭﻣﺨﺘﻨﻜﻪ .. ﻭﻻﺯﻣﻪ ﺑﻘﻤﻴﺼﻪ ﺣﻴﻴﻴﻞ .
- ﻟﺠﻴﻦ ﺑﺎﺑﺎ ﻟﺘﺴﻮﻳﻦ ﻫﻴﺞ ﺑﺮﻭﻭﻭﻭﺣﺞ ﺍﺗﻘﻴﺌﻲ .... ﺷﺎﻟﻨﻲ ﺑﻜﻞ ﺣﻴﻠﻪ ﻭﺭﻛﺾ .. ﻭﻣﺎﻣﺎ ﺗﺒﺠﻲ ﻭﻋﻤﺎﺗﻲ ﻭﻋﻤﺎﻣﻲ ﻭﻣﺨﻠﺪ ﻳﺼﻴﺢ ﻋﻤﻲ ﺍﻧﻄﻴﻨﻴﺎﻫﺎ ..
ﻭﺍﺑﻮﻱ ﻣﺜﻞ ﻃﻔﻠﻪ ﻟﺰﻣﻨﻲ ﻭﻳﺮﻛﺾ ﺑﻴﻪ .. ﻣﻦ ﺍﺳﺘﻌﺠﺎﻟﻪ .. ﻭﻫﻮ ﻳﺮﻛﺾ ﻋﻠﻰ ﺍﻟﺪﺭﺝ ﻣﺘﻌﺜﺮ ﻭﻭﺍﻛﻊ ..
ﺍﻧﻲ ﻭﻳﻪ ﻭﻛﻌﺘﻪ ﻭﻛﻌﺖ ﻣﻨﻪ ﻣﻦ ﺍﻟﺪﺭﺝ ﻟﻠﻜﺎﻉ ﻭﻓﻘﺪﺕ ﻋﻦ ﺍﻟﻌﺎﻟﻢ ... ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء