رواية خطوات نحو الجحيم ج1 الجزء الثامن عشر
للكاتبة زينب ماجد
🌹
ﻣﺨﻠﺪ ﺭﺩ ﻋﻠﻠﻴﻪ ﺩﺍ ﺍﺗﺄﺫﻯ ﻣﻦ ﻛﺘﻔﻲ ﺣﻴﻞ ﻭﺍﻟﻠﻪ ﺣﺮﺍﻡ ﻋﻠﻴﻚ ﻛﻮﻟﺸﻲ ﻣﺴﻮﻳﺖ ﻭﻣﻨﻄﻴﺘﻪ ﻋﻨﻮﺍﻧﻪ ﻭﻏﻼﺓ ﺍﻣﻲ ﻭﺍﺑﻮﻳﻪ ﻋﻠﻴﻪ ..
ﺍﻋﺮﻑ ﻳﺴﻤﻊ ﻭﻣﻴﺮﺩ .. ﻣﺨﻠﺪ ﺑﺎﻭﻋﻠﻲ ﻛﺘﻔﻲ ﻣﺎ ﺍﻛﺪﺭ ﺍﻧﺎﻡ ﻣﻨﻪ ﻭﺩﻳﻨﻲ ﻃﺒﻴﺐ .. ﻭﺍﻟﻠﻪ ﺩﺍ ﺍﺗﻮﺟﻊ ...
ﺍﺧﺬ ﻧﻔﺲ ﻭﻛﺎﻡ .. ﻟﺒﺲ ﺑﻨﻄﺮﻭﻧﻪ .. ﻭﺍﺧﺬ ﺳﻮﻳﺞ ﺳﻴﺎﺭﺗﻪ ﻣﻦ ﺟﻮﻩ ﺍﻟﻤﺨﺪﻩ .. ﻭﺣﺠﻪ ﻭﻫﻮ ﻣﺎﺷﻲ ﺍﻧﺘﻀﺮﺝ ﺑﺎﻟﺴﻴﺎﺭﻩ ..
ﻛﻤﺖ ﻋﻠﻰ ﺣﻴﻠﻲ .. ﻟﺒﺴﺖ ﺍﻟﺤﺬﺍﺀ ﻭﺗﺒﻌﺘﻪ .. ﺻﻌﺪﺕ ﻭﻳﺎﻩ ﺑﺎﻟﺴﻴﺎﺭﻩ ﻭﺍﻧﻄﻠﻖ .. ﻭﺻﻠﻨﻲ ﻟﻠﻤﺴﺘﺸﻔﻰ ﻭﺩﻭﻧﻲ ﻟﻠﻄﻮﺍﺭﺉ
ﻻﻥ ﻛﺎﻥ ﻟﻴﻞ ﻣﺎﻛﻮ ﺍﺷﻌﺎﺕ ﻭﺩﻛﺎﺗﺮﻩ .. ﺑﺲ ﺍﻟﺨﻔﺎﺭﻩ ﻣﻮﺟﻮﺩﻳﻦ .. ﻣﺎﻛﻮ ﺍﺳﺘﺸﺎﺭﻳﻪ .. ﺩﺧﻠﺖ ﻋﻠﻰ ﺍﻟﺪﻛﺘﻮﺭ ﺍﻟﺨﻔﺮ ..
ﺍﻧﻲ ﻣﻨﺘﺒﻬﺖ ﻟﻠﺪﻛﺘﻮﺭ ﺷﻨﻮ ﻛﺎﻥ ﺷﻜﻠﻪ ﻣﻦ ﺍﻻﻟﻢ .. ﺑﺲ ﺍﻟﺪﻛﺘﻮﺭ ﻻﺯﻡ ﻛﺘﻔﻲ ﻭﻳﻔﺤﺺ .. ﻭﻣﺨﻠﺪ ﻳﻜﻮﻟﻪ ﺣﻮﻟﻨﻲ ﺍﺷﻌﻪ ﺑﺴﺮﻋﻪ ..
ﺍﻟﺪﻛﺘﻮﺭ ﻳﺠﺎﻭﺑﻪ ﺍﻧﺘﻈﺮ ﺍﻓﺤﺼﻬﺎ . ﺟﺮﻧﻲ ﻣﺨﻠﺪ ﻣﻦ ﺍﻟﺪﻛﺘﻮﺭ .. ﻭﻛﺎﻝ ﺍﻧﻄﻴﻨﻲ ﻣﺴﻜﻦ ﺍﻧﻲ ﺑﺎﺟﺮ ﺍﺧﺬﻫﺎ ﻃﺒﻴﺐ ﺧﺎﺹ ..
ﻫﺰ ﺍﻳﺪﻩ ﺍﻟﺪﻛﺘﻮﺭ ﻭﻛﺘﺐ ﻣﺴﻜﻦ ﺍﻟﻢ ﻭﻛﺎﻟﻪ ﺍﺣﺘﻤﺎﻝ ﻋﻨﺪﻫﺎ ﺭﺽ .. ﺟﻴﺒﻬﺎ ﻧﺴﻮﻳﻠﻬﺎ ﺍﺷﻌﻪ ﺑﺎﺟﺮ ﺑﺎﻻﺳﺘﺸﺎﺭﻳﻪ .. ﺍﺧﺬﻧﻲ ﻣﺨﻠﺪ .. ﻭﺭﺍﺡ ﻟﻠﺼﻴﺪﻟﻴﻪ ﺟﺎﺏ ﺍﻟﻌﻼﺝ ﻭﺍﺟﻪ .
ﻭﺭﺟﻌﻨﺎ ﻟﻠﺒﻴﺖ .. ﺟﺎﻥ ﺍﻟﺪﻭﻩ ﺣﺒﻮﺏ ﻭﻋﺼﺎﺭﻩ .. ﺍﺷﺘﺮﻯ ﻣﻲ ﻭﺷﺮﺑﺖ ﺍﻟﻌﻼﺝ .. ﻭﺍﻟﻌﺼﺎﺭﻩ ﺑﻘﻰ ﻳﻘﺮﻩ ﺑﻴﻬﺎ ..
ﻛﺘﻠﻪ ﺍﻧﻄﻴﻨﻲ ﺍﺷﻮﻓﻬﺎ .. ﺍﺧﺬﺗﻬﺎ ﻣﻨﻬﺎ .. ﻻﺯﻡ ﺍﺩﻫﻨﺎﻫﺎ ﻋﻠﻰ ﻣﻜﺎﻥ ﺍﻻﻟﻢ ...
ﻣﺨﻠﺪ -: ﺷﻼﺑﺴﻪ ﺟﻮﻩ ﻣﻼﺑﺴﺞ ﻣﺎﻛﻮ ﻓﺎﻧﻴﻠﻪ .. ﺍﻧﺰﻋﻲ ﻭﺣﻄﻲ ﺍﻟﻌﺼﺎﺭﻩ ﺧﻞ ﻳﺨﻒ ﺍﻻﻟﻢ
- ﻻﺑﺴﻪ ﻛﻴﻤﻮﻧﻪ ﺗﻌﻼﻛﻪ ..
- ﺍﻧﺰﻋﻲ ﻭﺍﺑﻘﻲ ﺑﻴﻬﺎ .. ﻣﺎ ﺭﺍﺡ ﺍﻛﻠﺞ .. ﻭﺍﻧﻲ ﺯﻭﺟﺞ ﻣﻮ ﺣﺮﺍﻡ .. ﺍﺧﺬﻱ ﺭﺍﺣﺘﺞ ..
ﺣﺮﺕ ﺍﻧﺰﻉ ﻛﺒﺎﻟﻪ ﺍﻭﻭﻑ ﺻﻌﺒﻪ .. ﺭﺣﺖ ﻟﻠﻤﻄﺒﺦ .. ﺍﺣﺎﻭﻝ ﺍﺭﻓﻊ ﺍﻳﺪﻱ ﺍﺗﺄﺫﻯ .. ﺍﺟﻪ ﻫﻮ ﻭﺭﺍﻱ ﻭﻧﺰﻉ ﺍﻟﻘﻤﻴﺺ ﺍﺧﺬﺗﻪ ﻣﻨﻪ ﺧﻠﻴﺘﻪ ﻋﻠﻰ ﺟﺴﻤﻲ ..
ﺟﺎﺏ ﺍﻟﻌﻼﺝ .. ﺑﻌﺪ ﺍﻟﻘﻤﻴﺺ .. ﻭﻋﺼﺮ ﻋﻠﻰ ﺍﻳﺪﻩ ﻭﺩﻫﻦ ﻛﺘﻔﻲ .. ﺍﻧﻲ ﻣﻐﻤﻀﻪ ﻋﻴﻮﻧﻲ ﺧﻮﻑ ﻣﻦ ﺍﻻﻟﻢ .. ﻭﻣﻦ ﺍﻻﺣﺮﺍﺝ ﺍﻟﻠﻲ ﺍﻧﻲ ﺑﻲ ..
ﺣﺠﻪ ﻭﻫﻮ ﻳﺪﻫﻦ ﺑﻜﺘﻔﻲ ... -: ﻟﻴﺶ ﺗﺠﺒﺮﻳﻨﻲ ﺍﺋﺬﻳﺞ
- ﻣﺎ ﺳﻮﻳﺖ ﺷﻲ .. ﺍﻧﺖ ﺿﺮﺑﺘﻨﻲ ﺑﺪﻭﻥ ﻣﺘﺴﻤﻊ ﻣﻨﻲ .
- ﺷﻠﻮﻥ ﺗﺠﺮﺋﻴﻦ ﺗﺮﺩﻳﻦ ﻋﻠﻴﻪ ﻭ ﻣﻦ ﻣﻮﺑﺎﻳﻠﻲ ..
- ﻣﺎ ﺭﺩﻳﺖ ﻋﻠﻴﻪ ﻻﻥ ﺭﺍﻳﺪﺗﻪ ﻟﻮ ﻋﻨﺪﻱ ﺷﻲ .. ﺑﺲ ﻫﻮ ﻛﺎﻥ ﻧﺎﻭﻱ ﻳﻠﺤﻜﻨﻪ ﻭﺍﻧﻲ ﺑﻌﺪﺗﻪ ﻭﺍﻧﻄﻴﺘﻪ ﻋﻨﻮﺍﻥ ﻏﻠﻂ
ﻭﻛﺘﻠﻪ ﺍﺣﻨﻪ ﻋﻠﻰ ﺣﺪﻭﺩ ﺍﻳﺮﺍﻥ .. ﻣﻦ ﻃﻬﺮﺍﻥ ﻧﺮﻳﺪ ﻧﺴﺎﻓﺮ ﻟﻠﺴﻮﻳﺪ .. ﻭﻛﺘﻠﻪ ﺍﺑﺘﻌﺪ ﻣﻦ ﻋﻨﺪﻧﺎ ﺍﻧﻲ ﻣﺘﺰﻭﺟﻪ ﻭﺍﻟﻠﻪ ﺑﺲ ﻫﺬﺍ ﺍﻟﻠﻲ ﺩﺍﺭ ﺑﻴﻨﺎﺗﻨﺎ ..
- ﻭﻟﻴﺶ ﺍﻧﻄﻴﺘﻲ ﻋﻨﻮﺍﻥ ﻏﻠﻂ .. ﻭﺍﻧﺘﻲ ﻣﺮﺍﻳﺪﺗﻨﻲ .. ﺗﺮﺩﻳﻦ ﺍﺻﺪﻛﺞ .. ﻭﺍﻧﺘﻲ ﺍﻟﻠﻲ ﺗﺘﻤﻨﻴﻦ ﺍﻟﻠﻲ ﻳﺨﻠﺼﺞ ﻣﻨﻲ ..
- ﻣﺎ ﺍﺗﻤﻨﻰ ﺍﻟﻠﻲ ﻳﺨﻠﺼﻨﻲ ﺍﻧﻲ ﺍﻟﻠﻲ ﺍﺟﻴﺖ ﻭﻳﺎﻙ .. ﺑﺄﺭﺍﺩﺗﻲ .. ﻭﻟﻮ ﻣﺎ ﺍﺭﻳﺪﻙ .. ﻛﺎﻥ ﺍﺧﺘﺎﺭﻳﺘﻪ ﻣﻦ ﺯﻣﺎﻥ ﻟﻤﺎ ﺧﻴﺮﻧﻲ ﺍﺑﻮﻳﻪ
.
ﺗﺮﺩﻳﻨﻲ .. ؟ !!! ﺍﻧﺘﻲ ﺩﺗﻤﺮﻳﻨﻲ ..
- ﻣﺪﺍ ﺍﺩﻣﺮﻙ ﺑﺲ ﺍﻧﺖ ﺩﺗﺄﺫﻳﻨﻲ ﺍﺳﻠﻮﺑﻚ ﻣﻮ ﻣﻌﻘﻮﻝ ﺍﺷﻮﻟﻦ ﺍﺗﻘﺒﻠﻚ ﻭﺍﻧﺖ ﻫﻴﺞ ﺣﺎﻟﺘﻚ ..
- ﺣﺎﻟﺘﻲ ... ؟ !!! ﻟﻴﺶ ﺣﺎﻟﺘﻲ ﺑﺴﺒﺐ ﻣﻦ .. ﻣﻮ ﺑﺴﺒﺒﺞ .. ﺗﺮﺩﻳﻦ ﺍﻋﺎﻣﻠﺞ ﻣﺜﻞ ﻣﻴﻌﺎﻣﻞ ﺍﻟﺰﻭﺝ ﻣﺮﺗﻪ ..
ﻭﺍﻧﺘﻲ ﻣﻤﻨﻄﻴﺘﻨﻲ ﺫﺭﻩ ﻣﻦ ﺣﻘﻮﻗﻲ .. ﺗﺮﺩﻳﻦ ﺍﺻﻴﺮﻟﺞ ﺯﻭﺝ ﻭﺍﻧﺘﻲ ﻣﺼﺎﻳﺮﺗﻠﻲ ﺯﻭﺟﻪ .... ﻛﻞ ﺣﺠﻴﺞ ﻭﻳﺎﻱ ﻣﻦ ﻭﺭﻩ ﺧﺸﻤﺞ ..
ﻛﻞ ﻣﺮﻩ ﻫﺪﻓﻲ ﺍﺣﻤﻴﺞ ﺗﺎﻟﻲ ﺍﻟﻠﻲ ﺍﻻﻛﻴﻪ ﻣﻨﺞ ﺑﺲ ﺍﻟﺬﻡ ﻭﺍﻥ ﺍﻧﻲ ﻫﻤﺠﻲ .. ﻓﺪ ﻳﻮﻡ ﺷﻜﺮﺗﻴﻨﻲ .. ﻓﺪ ﻳﻮﻡ ﺳﻤﻌﺖ ﻣﻨﺞ ﻛﻠﻤﻪ ﺣﻠﻮﻩ .. ﻏﻴﺮ ﺍﻟﻬﻤﺠﻲ ﻭﺍﻟﻤﺘﺨﻠﻒ .. ﻣﺎ ﺍﺳﻤﻊ
- ﺍﻭﺻﻔﻚ ﻫﻴﺞ ﻻﻥ ﺗﻀﺮﺏ ..
- ﺟﺮﺑﺘﻲ ﺗﻐﻴﺮﻳﻦ ﺍﺳﻠﻮﺑﺞ .. ﺟﺮﺑﺘﻲ ﺗﻌﺎﻣﻠﻴﻨﻲ ﻙ ﺯﻭﺝ ﻣﻮ ﻙ ﺳﻔﺎﺡ ﺟﺎﻱ ﻳﻘﻄﻊ ﺭﺍﺳﺞ ﻭﺍﻧﺘﻲ ﺷﺎﻳﻠﻪ ﺳﻴﻒ ﺑﺎﻟﺴﺎﻧﺞ ..
ﻛﻠﻤﺎ ﺍﺗﻘﺮﺑﺖ ﺫﺑﺤﺘﻴﻨﻲ ﺑﻲ .. ﺍﻓﻌﺎﻟﺞ ﻭﺗﺼﺮﻓﺎﺗﺞ ﻣﻮ ﻣﻌﻘﻮﻟﻪ .. ﺗﺠﺒﺮﻳﻨﻲ ﺍﻃﻠﻊ ﻋﻦ ﻃﻮﺭﻱ
- ﺷﻨﻮ ﺍﻟﻠﻲ ﺳﻮﻳﺘﻪ ﻣﻤﻌﻘﻮﻝ .. ﻻ ﻏﻠﻄﺖ ﻋﻠﻴﻚ ﻓﺪ ﻳﻮﻡ ﻭﻻ ﺗﺠﺎﻭﺯﺕ .. ﺷﺴﻮﻳﺖ ..
- ﺍﻧﺘﻲ ﺭﺍﺟﻌﻲ ﻧﻔﺴﺞ ﻭﺷﻮﻓﻲ ﺷﺴﻮﻳﺘﻲ .. ﻭﻭﻗﺖ ﺍﻟﻠﻲ ﺗﻜﻮﻧﻴﻠﻲ ﻣﺮﻩ .. ﺍﻃﻠﺒﻲ ﻣﻨﻲ ﺍﺗﻌﺎﻣﻞ ﻭﻳﺎﺝ ﻛﺰﻭﺝ ..
ﻟﻜﻦ ﻟﻤﺎ ﺗﻌﺼﻴﻦ ﻭﺗﻌﺎﻧﺪﻳﻦ ﻣﺜﻞ ﺍﻟﺤﻴﻮﺍﻧﺎﺕ ﻣﻦ ﺗﻌﺎﻧﺪ .. ﻻ ﺗﺘﻮﻗﻌﻴﻦ ﻏﻴﺮ ﺍﻟﻀﺮﺏ ﻭﺳﻴﻠﻪ ﻟﻠﺘﺄﺩﻳﺐ .
- ﺍﻧﻲ ﺣﻴﻮﺍﻥ . ؟ !! ﻫﻴﺞ ﺗﺸﻮﻓﻨﻲ
- ﻻ ﺍﻧﺘﻲ ﻣﻮ ﺣﻴﻮﺍﻥ ﻭﺍﻧﻤﺎ ﺗﺘﺤﻴﻮﻧﻴﻦ ﺑﺘﺼﺮﻓﺎﺗﺞ .. ﻣﺮﺍﺕ ﺍﺣﺲ ﺩﻣﺎﻍ ﻣﺎ ﺑﺮﺍﺳﺞ .. ﺗﺼﺮﻓﺎﺗﺞ ﻣﺤﻠﻮﻩ .. ﻗﺮﺍﺭﺍﺗﺞ ﻓﺎﺷﻠﻪ .. ﺍﻟﻌﻨﺎﺩ ﺻﻔﻪ ﻟﻠﺤﻴﻮﺍﻧﺎﺕ .. ﺍﺣﺬﻱ ﺗﺘﺼﻔﻴﻦ ﺑﻴﻬﺎ ﺣﺘﻰ ﻟﺘﻨﻀﺮﺑﻴﻦ ﻣﺜﻠﻪ ..
- ﻫﺰﻳﺖ ﺭﺍﺳﻲ .. ﻭﻣﺸﻴﺖ ﻣﻨﻪ .. ﺣﻴﻮﺍﻥ .. ﻫﻮ ﻓﻌﻼ ﺍﻧﻲ ﺣﻴﻮﺍﻧﻪ ﻗﺒﻠﺖ ﺑﻴﻚ .. ﺭﺣﺖ ﻟﻠﻔﺮﺍﺵ ﺍﺗﻤﺪﺩﺕ ﻭﺍﻧﻲ ﺍﻓﻜﺮ ..
ﻭﺩﺍﻳﺮﻩ ﻭﺟﻬﻲ ﻣﻨﻪ .. ﻭﻫﻮ ﻛﻌﺪ ﻋﻠﻰ ﺍﻟﻔﺮﺍﺵ .. ﺿﻞ ﻳﺒﺤﻮﺵ ﺑﺠﻬﺎﺯ ﻣﻮﺑﺎﻳﻠﻪ .. ﺍﺳﻤﻊ ﺑﺲ ﺭﻧﺔ ﺍﻟﺪﻛﻢ ﻭﻫﻮ ﻳﻀﻐﻂ ﺑﺠﻬﺎﺯﻩ
ﻛﻤﻞ .. ﻣﺪ ﻟﻠﻐﻄﻪ .. ﺟﺮﻩ ﻭﻏﻄﺎﻧﻲ .. ﺩﺭﺗﻠﻪ ﻭﺟﻬﻲ .. ﻟﻴﺶ ﺗﺨﺎﻑ ﻣﻦ ﻣﺎﻟﻚ ..
- ﻣﺨﺎﻳﻒ ﻣﻨﻪ
- ﻃﻴﺐ ﻟﻴﺶ ﻣﻮﺍﺟﻬﺘﻪ ﻟﻴﺶ ﺷﺮﺩﺕ ﻣﻨﻪ .
- ﻟﻮ ﺍﻋﺮﻑ ﻫﻮ ﺭﺟﺎﻝ ﻳﻜﺪﺭ ﻳﻮﺍﺟﻪ ﺟﺎﻥ ﻭﺍﺟﻬﺖ .. ﺑﺲ ﺍﻋﺮﻓﻪ ﻣﺨﻨﺚ ﺣﺘﻰ ﻟﻮ ﻛﺘﻠﺘﻪ ﺑﺴﺎﺣﺔ ﺍﻟﻤﻘﺎﺗﻞ .. ﻣﺠﺮﺩ ﻣﺎ ﺍﻃﻠﻊ ﻣﻦ ﺳﺎﺣﺘﻪ .. ﻳﺒﻌﺚ ﻋﺼﺎﺑﺘﻪ ﻳﻘﺘﻠﻮﻧﻲ ﻭﻳﺮﺟﻊ ﻳﺎﺧﺬﺝ
- ﻣﺎﻟﻚ ﻣﻮ ﻗﺎﺗﻞ ﻭﻻ ﻏﺪﺍﺭ .. ﻭ ﻟﻮ ﻣﻮﺍﺟﻬﻪ ﻣﺴﺘﺤﻴﻞ ﻳﻐﺪﺭﻙ ..
- ﺩﻧﺎﻣﻲ ﻧﺎﻣﻲ ﺍﻧﺘﻲ ﻭﻣﻌﻠﻴﺞ ﺑﻬﺴﻮﺍﻟﻒ ..
- ﺩﺭﺕ ﻭﺟﻬﻲ ﻣﻨﻪ ﺷﻜﺪ ﺍﺳﺘﺤﻘﺮﺗﻪ .. ﻣﺎ ﻳﻜﺪﺭ ﻟﻤﺎﻟﻚ ﻛﺎﺩﺭ ﺑﺲ ﻋﻠﻴﻪ ﻳﻀﺮﺑﻨﻲ ..
ﻧﻤﺖ ﻟﺜﺎﻧﻲ ﻳﻮﻡ .. ﻛﻌﺪﺕ ﻋﻠﻰ ﺻﻮﺕ ﺍﺗﺼﺎﻝ ﻋﻠﻰ ﻣﻮﺑﺎﻳﻞ ﻣﺨﻠﺪ .. ﻟﺒﺲ ﻫﻮ ﻭ ﺍﺧﺬ ﺍﻟﺠﻬﺎﺯ ﻭﻃﻠﻊ ﺑﺮﻩ ..
ﺭﺣﺖ ﻭﺭﺍﻩ .. ﺧﺎﻑ ﻣﺎﻟﻚ ﺍﻟﻤﺘﺼﻞ .. ﺩﺍ ﺍﻓﺘﺢ ﺍﻟﺒﺎﺏ ﻣﻘﻔﻮﻝ .. ﺳﻤﻌﺘﻪ ﻳﻜﻠﻬﺎ ﺍﻧﺘﻲ ﺷﻨﻮ ﻣﺘﺤﺴﻴﻦ .. ﻛﺘﻠﺞ ﻣﺎ ﺍﺭﻳﺪﺝ ﻟﻴﺶ ﺍﺗﺨﺎﺑﺮﻳﻦ .. ﻣﺰﻭﺝ ﺍﻧﻲ ﺍﺳﺘﺤﻲ ﻭﺍﺑﺘﻌﺪﻱ ﻻ ﺗﺨﻠﻴﻨﻲ ﺍﻓﻀﺤﺞ ﺑﺎﻟﻘﺮﺍﻥ
.
ﻭﺍﺑﺘﻌﺪ ﺑﻌﺪ ﻣﺎ ﺳﻤﻌﺖ ﺷﺤﺠﻰ .. ﻳﺎﺭﺑﻲ ﻫﺴﻪ ﺍﺷﻮﻥ ﺍﺑﻘﻰ ﺑﻬﺬﺍ ﺍﻟﺒﻴﺖ ﺍﻟﻔﺎﺭﻍ .. ﺭﺟﻌﺖ ﻟﻠﻔﺮﺍﺵ .. ﺑﻘﻴﺖ ﺍﻓﻜﺮ ﻣﻨﺎ ﻭﺍﺟﻴﺒﻬﺎ ﻣﻨﺎ ..
ﻟﺤﺪ ﻣﺎ ﻏﻔﻴﺖ .. ﺣﺴﻴﺖ ﻋﻠﻰ ﻣﺨﻠﺪ ﻳﺪﺧﻞ .. ﻛﻌﺪﺕ .. ﺟﺎﻳﺐ ﺻﻴﻨﻴﻪ ﺑﻴﺾ ﻭﺟﺒﻦ ﻭﻛﻴﻤﺮ ﻭﺟﺎﻱ .. ﻭﻋﻼﻛﺔ ﺻﻤﻮﻥ ﺣﺎﺭ
ﺍﺧﺬﺗﻬﺎ ﻣﻦ ﺍﻳﺪﻩ ﻭﺭﺍﺡ ﺳﺪ ﺍﻟﺒﺎﺏ ﻭﺍﺟﻪ ﻛﻌﺪ ﻭﻳﺎﻱ ﻳﺎﻛﻞ ...
- ﺭﺍﺡ ﻳﺒﻘﻰ ﺍﻟﺒﻴﺖ ﻫﻴﺞ ﻣﻬﺠﻮﺭ .. ﻣﺤﺘﺠﻴﺐ ﻏﺮﺍﺽ
- ﻭﺻﻴﺖ ﻋﻠﻰ ﻏﺮﻓﻪ ﻫﺴﻪ ﺣﻴﺠﻴﺒﻮﻫﺎ .. ﺑﺲ ﺍﺭﻭﺡ ﺍﺟﻴﺐ ﻧﺠﺎﺭ .. ﻭﺍﻟﻤﻄﺒﺦ ﺍﻟﻌﺼﺮ ﺍﺟﻴﺐ ﻛﺎﻭﻧﺘﺮ ﻭﺍﺷﻜﻠﻪ ﻫﻮ ﻭﺍﻟﺴﻨﻚ .
ﻳﺒﻘﻰ ﺍﻟﺘﻠﻔﺰﻳﻮﻥ ﻭﺍﻟﺜﻼﺟﻪ ﻭﺍﻟﻐﺴﺎﻟﻪ ﺑﺎﺟﺮ .. ﺍﺟﻴﺒﻬﻢ .. ﺑﺲ ﻫﺴﻪ ﻛﻤﻠﻲ ﺭﻳﻮﻙ ﻭﻛﻮﻣﻲ ﻟﻤﻲ ﺍﻟﻔﺮﺍﺵ ﻭﻏﺴﻠﻲ ﺍﻟﻐﺮﻓﻪ ﻭﺍﻟﻤﻄﺒﺦ ﻃﻠﻌﻴﻪ ﺍﻟﺤﻤﺎﻡ ﻭﻫﻢ ﻧﻀﻔﻲ ﺑﺲ ﻛﻮﻥ ﺗﻨﻈﻴﻒ ﺗﻤﺎﻡ
ﺣﺘﻰ ﺍﺟﻴﺐ ﺍﻟﻐﺮﻓﻪ ﻭﺍﻟﻨﺠﺎﺭ .. ﺑﺲ ﻫﻤﻲ ﻧﻔﺴﺞ .. ﻻ ﺗﺒﻘﻴﻦ ﺗﺘﻤﺎﻃﻠﻴﻦ
- ﻫﺰﻳﺖ ﺭﺍﺳﻲ ... ﺍﺍﺍ ﻃﻴﺐ ﻣﺎﺳﺤﻪ ﺟﻴﺐ ..
- ﻣﻮﺟﻮﺩ ﻣﺎﺳﺤﻪ ﻭﺍﺩﻭﺍﺕ ﺗﻨﻀﻴﻒ ﺑﺎﻟﺘﺮﻙ ﺍﺧﺬﻳﻬﻢ .. ﺑﺲ ﻏﺴﻠﻴﻬﻢ .. ﻭﺍﺫﺍ ﺍﻳﺪﺝ ﺗﻮﺟﻌﺞ ﺍﺗﺮﻛﻴﻬﻢ .
- ﻻ ﺯﻳﻨﻪ ﻣﺎﺑﻴﻬﺎ ﺷﻲ .. ﻛﻤﻠﺖ ﺭﻳﻮﻙ .. ﺍﻳﺪﻱ ﺧﺎﻑ ﺍﻟﻮﺟﻊ ﻣﺎﻟﺘﻬﺎ ﺻﺢ ﺍﺫﺍ ﺍﺗﺤﺮﻙ ﺗﺄﺫﻳﻨﻲ .. ﺑﺲ ﺍﺧﺬﺕ ﻋﻠﻴﻬﺎ ﻣﺴﻜﻦ .. ﻫﻢ ﺍﺧﺘﻔﻰ ﻭﺟﻌﻬﺎ ..
ﻛﻤﻞ ﻭﺍﺧﺬ ﺍﻟﺼﻴﻨﻴﻪ . ﻟﻤﻴﺖ ﺍﻟﻔﺮﺍﺵ ﻭﺭﺟﻊ ﺍﺧﺬﻫﻢ .. ﻭﻏﺴﻠﺖ ﺍﻟﺒﻴﺖ ﻭﺍﻟﻤﻄﺒﺦ ﺳﻴﺮﺍﻣﻴﻚ ﻭﺍﻟﺤﻤﺎﻡ ..
ﻭﻛﻌﺪﺕ .. ﺍﻧﺘﻀﺮ .. ﺷﻮﻱ ﺍﺟﻪ ﻫﻮ ﻭﻭﻟﺪ ﻭﻳﺎﻩ ﻧﺰﻟﻮ ﺍﻟﻐﺮﻓﻪ ﻭﺩﺧﻠﻮﻫﺎ .. ﻏﺮﻓﻪ ﺑﻴﻀﻪ ﻣﺸﺘﺮﻳﻬﺎ ..
ﻟﺸﻮﻱ ﺍﺟﻪ ﺍﻟﻨﺠﺎﺭ ﻳﻨﺼﺐ ﻫﻮ ﻭﻣﺨﻠﺪ ﻭﻳﺎﻩ ﻭﻟﺪ .. ﺍﻧﻲ ﻛﺎﻋﺪﻩ ﺑﺎﻟﻤﻄﺒﺦ ﺳﺎﻋﻪ ﻟﺤﺪ ﻣﺎ ﻛﻤﻠﻮ .. ﻭﻃﻠﻌﻮ ..
ﻧﺰﻝ ﻣﺨﻠﺪ ﺍﻟﺠﻨﻂ ﻭﺩﺧﻠﻬﻦ ﻟﻠﻐﺮﻓﻪ ﻛﺎﻝ ﺭﺗﺒﻲ ﺍﻟﻤﻼﺑﺲ ﻋﻠﻰ ﻣﺎ ﺍﺟﻴﺐ ﻓﺮﺍﺵ ..
ﻣﺴﺤﺖ ﺍﻻﺧﺸﺎﺏ ﻭ ﺑﻘﻴﺖ ﺍﺭﺗﺐ ﺑﻤﻼﺑﺴﻲ ﻭﻣﻼﺑﺴﻪ .. ﻭﻋﻄﻮﺭﺍﺗﻲ ﻭﻣﻜﻴﺎﺟﻲ ﻋﻠﻰ ﺍﻟﻤﻴﺰ ﺗﻮﺍﻟﻴﺖ ..
ﻃﺐ ﻫﻮ .. ﺟﺎﻳﺐ ﻓﺮﺍﺵ ﻃﺒﻲ ﻧﻔﺮﻳﻦ .. ﻭﺩﻳﺒﺎﺝ ﻟﻮ ﺑﻨﻔﺴﺠﻲ ﻭﺭﺩﻱ ﺣﻠﻮ ﻛﻤﺖ ﺍﻓﺮﺵ ﺑﺎﻟﺠﺮﺑﺎﻳﻪ ..
ﻫﻮ ﺩﺧﻞ ﺍﻟﺘﻠﻔﺰﻳﻮﻥ .. ﻭﺣﺠﻪ ﺟﺒﺖ ﺍﻟﺘﻠﻔﺰﻳﻮﻥ ﻫﺴﻪ ﻛﻠﺖ ﺧﺎﻑ ﺗﺒﻘﻴﻦ ﺗﺼﻔﻨﻴﻦ .. ﻭﺗﺎﻟﻲ ﺍﻟﺘﻔﻜﻴﺮ .. ﺗﺸﺮﺩﻳﻦ .. ﻭﺍﻟﺼﺮﺍﺣﻪ ﺗﻌﺒﺖ ﺑﻌﺪ ﻣﺎ ﺑﻴﻪ ﺍﺭﻛﺾ ﻭﺭﺍﺝ ..
ﺍﻟﺘﻔﺘﺘﻠﻪ ﺑﻄﺮﻑ ﻋﻴﻮﻧﻲ ﺑﺎﻭﻋﺘﻠﻪ .... ﺿﺤﻚ ﻭﺩﻧﻚ ﻋﻠﻰ ﺍﻟﺘﻠﻔﺰﻳﻮﻥ ﻳﺴﻮﻳﻪ .. ﻫﺰﻳﺖ ﺍﻳﺪﻱ ﻭﺿﺤﻜﺖ .. ﺷﻐﻠﻪ ﻭﺧﻠﻪ ﺍﻟﺮﻳﻤﻮﺕ ﻋﻠﻴﻪ ﻭﻃﻠﻊ ..
ﺍﻧﻲ ﺑﻘﻴﺖ ﻛﺎﻋﺪﻩ ﻉ ﺍﻟﺘﻠﻔﺰﻳﻮﻥ .. ﺳﻤﻌﺘﻪ ﻃﺐ ﻭﻭﺭﺟﻊ ﻗﻔﻞ ﺍﻟﺒﺎﺏ . ﺭﺣﺖ ﻟﻜﻴﺖ ﻋﻼﻛﻪ ﺟﺎﻳﺐ ﻣﺎﻋﻮﻥ ﻛﺒﺎﺏ ﻭﺻﻤﻮﻥ ﻭﺑﻴﺒﺴﻲ ﻭﻃﺎﻟﻊ ..
ﺳﻮﻳﺖ ﻟﻔﻪ ﻭﺭﺟﻌﺖ ﺍﺑﺎﻭﻉ ﺗﻠﻔﺰﻳﻮﻥ .. ﺍﺧﺬﺕ ﻧﻀﺮﻩ ﻟﻠﻐﺮﻓﻪ .. ﻫﺬﺍ ﺑﻴﺖ ﺍﺣﻼﻣﻲ .. ﻭﻱ ﻣﺨﻠﺪ .. ﻳﺤﻈﻲ ..
ﺍﻧﻲ ﺍﺗﺮﻙ ﺍﻻﻋﻈﻤﻴﻪ ﻭﺍﺟﻲ ﺍﻋﻴﺶ ﺑﻜﻮﺥ .. ﻭﻣﻘﻔﻮﻝ ﻋﻠﻴﻪ ﺍﻟﺒﺎﺏ ﻫﻢ .. ﺗﻜﻮﻝ ﻣﺴﺠﻮﻧﻪ ... ﺑﺲ ﺍﻛﻞَ ﺷﺮﺏَ ﺫﻫﺐ ﺍﻟﺤﻤﺎﻡ ﺛﻢ ﻧﺎﻡ .. ﻫﺎﻱ ﺗﺎﻟﻴﺘﻲ ﻫﻴﺞ ﺭﻭﺗﻴﻦ ﺣﻴﺎﺗﻲ ..
ﺑﻘﻴﺖ ﺍﻓﻜﺮ ﻟﻬﻨﺎﻙ ﺍﺟﻪ ﻭﺟﺎﻳﺐ ﻭﻳﺎﻩ ﻛﺎﻭﻧﺘﺮ ﻟﻮﻥ ﺍﺑﻴﺾ ﻭﺍﺣﻤﺮ .. ﻭﺍﻟﻄﺒﺎﺥ ﻣﻦ ﺿﻤﻨﻪ ﻭﺍﻟﻄﺎﻭﻟﻪ ﻭﺍﻻﺿﻮﻳﻪ ﺷﻜﻠﻪ ﻫﻮ ﻭﻟﻮﻟﺪ .
.
ﻛﻤﻠﻮ ﺗﻨﺼﻴﺒﻪ .. ﺍﺟﻪ ﺍﻛﻞ ﺷﻮﻱ ﻭﻛﺎﻝ ﺷﺮﺍﻳﺞ ﺣﻠﻮﺍﺕ ﺍﻟﻐﺮﻓﻪ ﻭ ﺍﻟﻤﻄﺒﺦ .. ﺷﻠﻮﻥ ﺗﺼﻤﻴﻤﻬﻢ .
- ﻫﻬﻪ ﻭﻛﺄﻥ ﻣﺨﻠﻴﻠﻲ ﺭﺍﻱ ﺣﺘﻰ ﺟﺎﻱ ﺗﻄﻠﺐ ﺭﺃﻳﻲ ﻫﺴﻪ ..
- ﻫﻮ ﺍﻟﻤﻔﺮﻭﺽ ﻣﺎ ﺍﻃﻠﺐ ﺑﺲ ﺍﻟﻌﻔﻮ ﻣﻨﺞ ﺯﻟﺔ ﺍﻟﺴﺎﻥ .. ﺷﻤﺮ ﺍﻻﻛﻞ ﺑﻌﺼﺒﻴﻪ ﻭﻃﻠﻊ ..
- ﺳﻤﻌﺘﻪ ﻗﻔﻞ ﺍﻟﺒﺎﺏ .. ﺗﻨﺮﻓﺰﺕ ﻛﻮﻟﺶ .. ﻳﻘﻔﻞ ﻭﻛﺄﻧﻲ ﻣﺴﺠﻮﻧﻪ .. ﺍﺫﺍ ﻣﺎ ﻭﺍﺛﻖ ﺑﻴﻪ ﻟﻴﺶ ﻣﺒﻘﻴﻨﻲ ﻋﻨﺪﻩ
ﻻ ﻫﻮ ﺭﺍﺣﻤﻨﻲ ﻭﻻ ﺍﻧﻲ ﻣﺘﻘﺒﻠﺘﻪ .. ﻣﻮ ﻫﺬﻩ ﺍﻟﺤﻴﺎﺓ ﺍﻟﻠﻲ ﻛﻨﺖ ﺍﺗﻤﻨﺎﻫﺎ .. ﻣﻦ ﻛﻨﺖ ﻋﻨﺪ ﺑﻴﺖ ﻋﻤﻲ ﻣﺎ ﺣﺴﻴﺖ ﻫﻠﻜﺪ ﺑﺎﻟﻤﻠﻞ ﻭﺍﻟﻀﺠﺮ ..
ﻻﻥ ﻛﻨﺖ ﺍﺣﺲ ﺭﻭﺣﻲ ﻗﺮﻳﺒﻪ ﻋﻠﻰ ﺍﻫﻠﻲ ﻭﺻﻮﺕ ﺍﻻﻋﻈﻤﻴﻪ ﻳﺪﻙ ﺑﺎﻟﺸﻮﺍﺭﻉ .. ﺍﺳﻤﻊ ﻭﺍﺣﺲ ..
ﻫﻨﺎ ﺍﺣﺲ ﺍﻟﻤﻜﺎﻥ ﺣﻴﻴﻴﻴﻞ ﺑﻌﻴﺪ ﻋﻦ ﺍﻫﻠﻲ ﻭ ﻋﻦ ﻧﺎﺳﻲ .. ﺣﺴﻴﺖ ﺍﻧﻲ ﺑﻐﺮﺑﻪ .. ﻭﻻ ﻛﺄﻧﻲ ﺑﺸﺮ ﻭﺍﻟﻲ ﺭﺃﻱ ..
ﺳﺎﻓﺮ ﺑﻴﻪ ﺑﺪﻭﻥ ﻃﻠﺐ ﻣﻨﻲ .. ﻭﺍﺷﺘﺮﻯ ﻭﺻﻤﻢ ﺍﻟﺒﻴﺖ ﻛﻠﻪ ﺑﺪﻭﻥ ﻣﻴﺎﺧﺬﻧﻲ ﻭﻳﺎﻩ ﺍﺧﺘﺎﺭ ﺗﺼﻤﻴﻢ ﺑﻴﺘﻲ ..
ﻭﻛﺄﻥ ﻭﺍﺟﺒﻲ ﺑﺲ ﺍﻋﻴﺶ ﻭﺑﺲ .... ﻋﻴﺸﻪ ﺑﻼ ﻟﻮﻥ ﻭﻻ ﻃﻌﻢ ﻭﻻ ﺭﺍﺋﺤﻪ .. ﻣﺤﺒﻮﺳﻪ ﻓﻘﻂ ..
ﺍﻧﻲ ﺍﻟﻠﻲ ﺍﺫﺍ ﺍﺗﻀﺎﻳﻘﺖ . ﺍﺧﺬﺕ ﺳﻴﺎﺭﺗﻲ ﻭﻓﺮﻳﺖ ﺑﻐﺪﺍﺩ ﻭﻱ ﺻﺪﻳﻘﺎﺗﻲ .. ﺍﺟﻲ ﺍﻧﺸﻤﺮ ﺑﺎﻟﻤﻮﺻﻞ ﻫﻨﺎ ﻭﺍﻧﺤﺒﺲ ..
ﺣﺘﻰ ﻣﻮﺑﺎﻳﻞ ﻣﻴﺨﻠﻲ ﻋﻨﺪﻱ .. ﺍﺭﻳﺪ ﺍﻃﻤﻦ ﻋﻠﻰ ﺍﻫﻠﻲ ﻣﺎﻛﻮ .. ﺍﻻ ﺍﺫﺍ ﺍﺗﻮﺳﻞ ﺑﻴﻪ ﻋﻠﻤﺨﺎﺑﺮﻩ ﻳﺎﻟﻪ ..
ﻳﺮﺑﻲ ﺷﻬﺬﻟﻪ ﻣﺎ ﺍﺗﺤﻤﻞ ﺧﻠﺼﻨﻲ .. ﺍﺣﺲ ﺍﺧﺘﻨﻜﺖ ﻓﺪ ﻣﺮﻩ ..
ﻟﻬﻨﺎﻙ ﺍﺟﻪ ﻭﺣﻤﻞ ﻏﺮﺍﺽ ﻣﻮﻋﻴﻦ ﻣﻄﺒﺦ .. ﻭﺗﺤﻔﻴﺎﺕ ﻭﺯﻳﻨﻪ .. ﺻﺎﺡ ﺗﻌﺎﻱ ﻧﻈﻤﻲ .. ﻛﺮﻫﺖ ﺣﺘﻰ ﺻﻮﺗﻪ ..
ﻣﺎ ﻛﻤﺖ .. ﺍﺟﻪ ﻭﺣﺠﻪ .
- ﺷﺒﻴﺞ ﻣﻮ ﺍﺣﺠﻲ ﻭﻳﺎﺝ ..
- ﺍﻱ ﺍﻓﺘﻬﻤﺖ ﻣﺤﻴﻄﻴﺮ .. ﻫﺴﻪ ﺍﻛﻮﻡ ﺍﻧﻈﻤﻬﻢ ..
- ﺍﻧﺘﻲ ﻟﻴﺶ ﻣﻀﺎﻳﻘﻪ ..
- ﻟﻴﺶ ﺗﻘﻔﻞ ﺍﻟﺒﺎﺏ ..
- ﻣﻮ ﺍﻣﺎﻥ ﺍﺧﺎﻑ ﻋﻠﻴﺞ ﻭﺍﻧﺘﻲ ﺻﻐﻴﺮﻩ ﻭﺣﺪﺝ ﺑﺎﻟﺒﻴﺖ .
- ﻛﺬﺍﺏ .. ﺗﺨﺎﻑ ﺍﻫﺮﺏ ..
- ﺷﻨﻮ ﺍﻟﻠﻲ ﺗﺮﺩﻳﻪ ﻟﺠﻴﻦ ..
- ﻣﺎ ﺍﺭﻳﺪ ﺷﻲ ﺍﻃﻠﻊ ﻣﻨﻲ
- ﺑﺲ ﻗﻔﻠﺔ ﺍﻟﺒﺎﺏ ﻣﻀﺎﻳﻘﺘﺞ . ﻳﻌﻨﻲ ﺍﺫﺍ ﺍﻓﺘﺤﻪ ﻭﺍﻧﻄﻴﺞ ﺍﻟﻘﻔﻞ ﺍﻧﺘﻲ ﺗﻘﻔﻠﻲ .. ﺗﻨﻔﻚ ﺍﻟﻌﻘﺪﻩ ..
- ﻣﺎ ﺟﺎﻭﺑﺘﻪ .. ﺍﺣﺲ ﺍﻟﻤﻠﻞ ﺍﻟﺒﺪﺍﺧﻠﻲ ﺻﺎﻳﺮ ﻋﺒﺎﺭﻩ ﻋﻦ ﻏﻀﺐ ..
- ﻫﺰ ﺍﻳﺪﻩ .. ﻭﺷﻤﺮ ﺍﻟﻤﻔﺘﺎﺡ ﻭﺍﻟﻘﻔﻞ ﻟﻠﺠﺮﺑﺎﻳﻪ ﻭﻛﺎﻝ ﻫﺎﺝ ﺑﺲ ﻓﻜﻴﻬﺎ .. ﻭﺧﻠﻲ ﺷﻐﻠﻪ ﺍﺑﺎﻟﺞ ﻣﻤﻨﻮﻉ ﺍﻃﻠﻌﻴﻦ ﺑﺮﻩ ..
- ﻭﺷﻨﻮ ﻓﺎﻳﺪﺗﻪ ﺧﻮ ﺍﺧﺬﻩ .. ﻫﺎﻙ ﻭﺍﻗﻔﻞ ﻭﺧﻠﺼﻨﻲ .. ﻣﺎ ﺭﺩ ﻋﻠﻴﻪ .. ﺑﺪﻝ ﻣﻼﺑﺴﻪ ﻭﺍﺟﻪ ﻧﺎﻡ ﻉ ﺍﻟﺴﺮﻳﺮ ﻭﻳﺎﻱ ..
ﻛﻤﺖ ﻋﻠﻰ ﺣﻴﻠﻲ .. ﻭﺍﻧﺖ ﺷﻨﻮ ﺗﻨﺎﻡ ﻭﻳﺎﻱ ﻉ ﺍﻟﺴﺮﻳﺮ ..
- ﺷﺒﻴﺞ ﻟﺠﻴﻦ ﻟﻌﺪ ﻭﻳﻦ ﺍﻧﺎﻡ .. ﺗﺮﻩ ﺧﺒﻠﺘﻴﻨﻲ ﺷﻨﻮ ﺍﻟﺘﺮﺩﻱ
- ﻟﺘﻨﺎﻡ ﻳﻤﻲ .. ﻣﺎ ﺍﺭﻳﺪﻙ ..
- ﻭﺍﻧﻲ ﺩﻣﻲ ﻣﺤﺘﺮﻙ ﻣﻦ ﺍﻟﺼﺒﺢ ﻟﻼﻥ ﺍﻓﺘﺮ ﻋﻠﻰ ﺗﻜﻤﻠﺔ ﺍﻟﺒﻴﺖ ﻭﻫﺎﻱ ﻛﻤﻠﺘﻪ ﺍﻟﺞ ﺑﻴﻮﻡ ﻭﺍﺣﺪ .. ﻭﻣﺴﺘﻜﺜﺮﻩ ﻋﻠﻴﻪ ﺍﻧﺎﻡ ﻧﻮﻣﻪ ﻣﺮﻳﺤﻪ
.
ﺍﻟﻠﻲ ﻳﺸﻮﻑ ﺣﺠﻴﻚ .. ﻳﻜﻮﻝ ﻣﻜﻌﺪﻧﻲ ﺑﻘﺼﺮ .. ﻭﻻ ﻛﺄﻧﻪ ﻛﻮﺥ ﻫﻠﮕﺪﻩ ..
- ﺗﺮﺩﻳﻦ ﻗﺼﺮ .. ؟
- ﻛﻮﻟﺸﻲ ﻣﺎ ﺍﺭﻳﺪ ﻣﻨﻚ .. ﻋﻔﺘﻪ ﻭﻛﻤﺖ ﻟﻠﻤﻄﺒﺦ .. ﺑﻘﻴﺖ ﺍﻓﻮﺭ ﺑﺲ ﺷﻨﻮ ﺍﻟﺴﺒﺐ ﻣﺎ ﺍﻋﺮﻑ ..
ﺍﺭﻳﺪ ﺣﺠﻪ ﺍﺗﻌﺎﺭﻙ ﻋﻠﻴﻬﺎ .. ﺑﺲ ﻣﺎ ﺩﺍ ﺍﻟﻜﻪ .. ﺍﻟﻐﻀﺐ ﻳﻔﻮﺭ ﺑﺪﺍﺧﻠﻲ ﺑﺪﻭﻥ ﺳﺒﺐ .. ﺍﻭ ﻟﻴﻜﻦ ﺑﺴﺒﺐ ﻋﺰﻟﻪ ﺍﻟﻲ ﻭﺍﻧﺘﻘﺎﻟﻲ ﻫﻨﺎ ﻏﺼﺐ ﻋﻨﻲ ﻭﺗﺼﻤﻴﻢ ﻛﻮﻟﺸﻲ ﺣﺴﺐ ﻣﺰﺍﺟﻪ ..
ﻣﺎ ﺍﺣﺲ ﺍﻟﻲ ﻗﻴﻤﻪ ﻳﻤﻪ .. ﺗﺒﻌﻨﻲ ﻟﻠﻤﻄﺒﺦ ..
- ﻟﺠﻴﻦ ﺍﺫﺍ ﻋﻠﻰ ﺿﺮﺏ ﺍﻟﺒﺎﺭﺣﻪ ﻭﻛﺘﻔﺞ ﻳﺄﺫﻳﺞ ﺍﻧﻲ ﺍﺳﻒ ..
- ﺑﺲ ﻛﺘﻔﻲ .. ﺑﺲ ﺍﻧﻔﻲ ﺑﺲ ﺭﻭﺣﻲ ﺍﻟﻠﻲ ﻣﺘﺄﺫﺍﻳﻪ ﻣﻨﻚ ..
- ﻭﻋﺪ ﺑﻌﺪ ﻣﺎ ﺍﻣﺪ ﺍﻳﺪﻱ .. ﺑﺲ ﻟﺠﻴﻦ ﺣﺎﻭﻟﻲ ﺗﺘﻘﺒﻠﻴﻦ ﺣﻴﺎﺗﻨﺎ .. ﺣﺎﻭﻟﻲ ﺗﺘﻘﺒﻠﻴﻨﻲ ﻛﺰﻭﺝ ﺍﻟﻲ ﺣﻖ ﺗﺮﻩ ..
- ﺍﻱ ﺻﺢ ﻛﻞ ﺍﻟﺤﻖ ﺍﻟﻚ ﺑﺲ .. ﺍﻣﺎ ﺍﻧﻲ ﻑ ﻃﺰﺯﺯ ﻛﻞ ﺣﻖ ﻣﺎ ﺍﻟﻲ .. ﺍﻟﻤﻔﺮﻭﺽ ﺍﺗﻘﺒﻠﻚ ﻭﺍﺻﻴﺮ ﺧﺪﺍﻣﺘﻚ ﻣﻮﻭﻭ
- ﺍﺧﺬ ﻧﻔﺲ .. ﻟﺞ ﺍﻧﺘﻲ ﺑﺲ ﻓﻬﻤﻴﻨﻲ ﺷﻨﻮ ﺍﻟﺮﺍﻳﺪﺗﻪ ﻣﺜﻞ ﻣﺎ ﺟﺎﻱ ﺍﺣﺎﻭﻝ ﺍﻧﺴﻰ ﻛﻞ ﺍﻟﺼﺎﺭ ﻭﺍﻟﻤﻮﺍﻗﻒ ﺍﻟﻤﺮﻳﻨﺎ ﺑﻴﻬﺎ ﻭﺍﺑﻨﻲ ﺍﻟﻨﺎ ﺣﻴﺎﺓ ﻫﺎﺩﺋﻪ ﺳﺎﻋﺪﻳﻨﻲ .
ﺑﺲ ﻟﺘﺴﻜﺘﻴﻦ ﻭﺍﺣﺠﻴﻠﻲ ﺷﻨﻮ ﺍﻟﻤﻀﺎﻳﻘﺞ
- ﺍﻧﺖ ﻣﻀﺎﻳﻘﻨﻲ ..
- ﻟﺠﻴﻦ ﺍﻧﻲ ﻣﺸﺘﺮﻳﺞ ﻭﺍﻟﻠﻪ .. ﻭﺍﺧﺎﻑ ﻋﻠﻴﺞ ﺍﻛﺜﺮ ﻣﻦ ﺭﻭﺣﻲ .. ﻟﺞ ﻛﻠﻬﻢ ﺟﻤﻌﻮ ﻋﻠﻰ ﻗﺘﻠﺞ ﻭﺍﻧﻲ ﺍﺧﺬﺗﺞ ﻭﺿﻤﻴﺘﺞ ﻭﺍﻭﻫﻢ ﻧﻔﺴﻲ ﺍﻥ ﺍﺭﻳﺪ ﺍﺭﺑﻴﺞ ﺑﺲ ﺍﻧﻲ ﺧﺎﻳﻒ ﻋﻠﻴﺞ ..
- ﻣﺤﺪ ﺟﻤﻊ ﻋﻠﻰ ﻗﺘﻠﻲ ﻏﻴﺮﻙ .. ﻛﺎﻧﻮ ﻧﺎﻭﻳﻦ ﻳﻨﻄﻮﻧﻲ ﻟﻠﻲ ﺗﺴﺒﺐ ﺑﻤﻮﻗﻔﻲ .. ﺑﺲ ﺍﻧﺖ ﺑﺄﻧﺎﻧﻴﺘﻚ ﺍﺧﺬﺗﻨﻲ ﻭﺧﻠﻴﺘﻨﻲ ﺟﻮﻩ ﺭﺣﻤﺘﻚ ..
- ﻟﺠﻴﻦ ﺍﻓﺘﻬﻤﻲ ﺷﻐﻠﻪ ﻭﺣﺪﻩ .. ﻣﺎﻟﻚ ﻣﻴﻨﺎﺳﺒﺞ ﻭﺍﻟﻠﻪ ﻣﻴﻨﺎﺳﺒﺞ .. ﻟﺞ ﻣﺠﺮﻡ ﻗﺎﺗﻞ ﻳﻮﻣﻴﻦ ﻭﻳﺒﻴﻌﺞ ﻭﺍﻟﻘﺮﺍﻥ ..
- ﺍﻱ ﺻﺢ ﻣﺤﺪ ﻳﻨﺎﺳﺒﻨﻲ ﻏﻴﺮﻙ .. ﻭﻏﻴﺮ ﻫﻠﻜﻮﺥ ﺍﻟﻠﻲ ﺍﺷﺒﻪ ﺑﺎﻟﺴﺠﻦ ﺍﻟﻌﻴﺸﺘﻨﻲ ﺑﻲ ..
- ﺗﺮﻩ ﺩﺧﺖ ﻭﺍﻟﻠﻪ ﻭﺍﻧﻲ ﺗﻌﺒﺎﻥ ﺷﻨﻮ ﺍﻟﻠﻲ ﺭﺍﻳﺪﺗﻪ ..
- ﺗﺮﺟﻌﻨﻲ ﻟﺒﻐﺪﺍﺩ ﻧﻌﻴﺶ ﻣﻮ ﻫﻨﺎ ..
- ﺍﻧﻲ ﻣﺎ ﻋﺸﺖ ﻫﻨﺎ .. ﺑﺲ ﺩﻭﺍﻣﻲ ﻫﻨﺎ ﺷﺴﻮﻱ ﻣﺎ ﺍﻛﺪﺭ ﺍﺗﺮﻛﺞ ﺍﺑﻐﺪﺍﺩ 20 ﻳﻮﻡ .. ﻭﺍﺟﻴﺞ ﺍﺳﺒﻮﻉ ﻫﻨﺎ ﺍﺩﺍﻭﻡ ﻳﻮﻣﻲ ﻭﺍﺭﺟﻌﻠﺞ ﺍﻟﻀﻬﺮ .. ﻟﻬﻴﺞ ﺍﺟﺮﺕ ﻫﻨﺎ ﻣﺎ ﺍﺷﺘﺮﻳﺖ .
- ﻋﺎﺩﻱ ﺗﻌﺎﻝ ﻛﻞ 20 ﻳﻮﻡ ﺍﻟﻤﻬﻢ ﻣﺎ ﺍﺭﻳﺪ ﺍﻋﻴﺶ ﻫﻨﺎ
- ﺣﺘﻰ ﺗﻠﻌﺒﻴﻦ ﻋﻠﻰ ﺣﻞ ﺷﻌﺮﺝ .. ﺗﺤﻠﻤﻴﻦ ..
- ﺍﺧﺬﺕ ﻧﻔﺲ .. ﻋﻔﺘﻪ ﻭﻛﻤﺖ ﻣﻦ ﻳﻤﻪ .. ﺭﺣﺖ ﻧﻤﺖ ﻉ ﺍﻟﺴﺮﻳﺮ .. ﺍﺟﻪ ﻧﺎﻡ .. ﺗﻨﺮﻓﺰﺕ ﻣﻨﻪ ﺣﻴﻞ .. ﺑﻘﻴﺖ ﺑﻤﻜﺎﻧﻲ ﺍﺗﻜﻠﺐ ..
ﺍﺗﻘﺮﺏ ﻳﻤﻲ ﻭﺍﻧﻲ ﺩﺍﻳﺮﻩ ﻭﺟﻬﻲ .. ﺍﺧﺬﺕ ﻧﻔﺲ ﻭﺯﻓﺮﺕ .. ﺧﻠﻰ ﺍﻳﺪﻩ ﻋﻠﻰ ﺧﺼﺮﻱ ﻭﺣﺠﻪ ﺣﺒﻴﺒﺘﻲ ﺷﺒﻴﺞ ﻓﻬﻤﻴﻨﻲ ..
ﮔﻤﺖ ﻣﻦ ﻳﻤﻪ ﺑﺴﺮﻋﻪ .. ﺍﺑﺘﻌﺪ ..
- ﻟﺠﻴﻦ ﺍﻧﻲ ﺯﻭﺟﺞ ﺍﻟﻰ ﻣﺘﻰ ﻧﺒﻘﻰ ﻫﻴﺞ ..
- ﺷﻮﻛﺖ ﺻﺮﺕ ﺯﻭﺟﻲ .. ﺍﺧﺬﺗﻨﻲ ﻣﺜﻞ ﻛﻞ ﺍﺑﻨﻴﻪ ﻋﺮﻭﺱ ﻣﻦ ﺑﻴﺖ ﺍﻫﻠﻲ ﺑﻔﺴﺘﺎﻥ ﺍﺑﻴﺾ .. ﻋﻘﺪﺗﻠﻲ ﻣﺤﻜﻤﻪ .. ﻧﺼﻴﺘﻠﻲ ﻣﻬﺮ ﺣﺎﻟﻲ ﺣﺎﻝ ﺍﻟﺒﻨﺎﺕ ..
.
ﺍﻧﺘﻲ ﺍﻟﻠﻲ ﻣﻨﻌﺘﻴﻨﻲ ﺍﺳﻮﻱ ﻛﻞ ﻫﺬﺍ ﺑﻌﻤﺎﻳﻠﺞ .. ﻭﻟﻪ ﻧﺴﻴﺘﻲ ..
- ﺷﺴﻮﻳﺖ ﻣﺎﻟﻚ ﻫﻮ ﻳﻔﺘﺮ ﻭﺭﺍﻳﻪ ﺑﻌﻤﺮﻱ ﻣﺎ ﻓﻜﺮﺕ ﺍﺭﻭﺣﻠﻪ .. ﻫﻮ ﺍﻟﻠﻲ ﻳﻄﻠﻌﻠﻲ ﺑﻜﻞ ﻣﻜﺎﻥ .. ﺷﺴﻮﻳﺖ
- ﻣﺎﻟﻚ ﻣﺎﻟﻚ ﻣﺎﻟﻚ .. ﻟﺠﻴﻦ ﻛﺎﻓﻲ ﺗﺠﻴﺒﻦ ﺍﺳﻢ ﻫﻠﻤﺠﺮﻡ ﻋﻠﻰ ﺍﻟﺴﺎﻧﺞ .. ﺗﺮﻩ ﻃﻠﻌﺖ ﺭﻭﺣﻲ .. ﻭﻏﺼﺒﺎ ﻋﻠﻴﺞ ﺍﻧﺘﻲ ﻣﺮﺗﻲ ﻭﺍﻥ ﻣﺎ ﺧﺬﺕ ﺣﻘﻲ ﺍﻟﻴﻮﻡ .. ﻓﻤﺠﺒﻮﺭﻩ ﺗﻨﻄﻴﻨﻴﺎﻩ ﺑﺎﺟﺮ ..
- ﺍﻧﺖ ﺩﺗﻜﻮﻝ ﻣﺠﺒﻮﺭﻩ .. ﺍﻧﻲ ﻣﺠﺒﻮﺭﻩ ﻋﻠﻴﻚ ﻟﺘﻔﻜﺮ ﺍﺣﺒﻚ .. ﻣﺴﺘﺤﻴﻞ ..
- ﻭﻳﻀﺮﺑﺞ ﻭﺟﻊ ﻋﺴﺎﺝ ﻻ ﻗﺒﻠﺘﻲ ﻭﻻ ﺣﺒﻴﺘﻲ ﻭﺍﻧﻲ ﺻﻮﺟﻲ ﺍﻧﺰﻝ ﺭﻭﺣﻲ ﻭﺍﺣﺠﻲ ﻭﻱ ﻭﺣﺪﻩ ﺳﺰ ﻣﺜﻠﺞ
- ﻃﻠﻌﺖ ﺣﻘﻴﻘﺘﻚ ﻓﻼ ﺗﺰﻳﻔﻬﺎ ﺑﻮﺟﻪ ﺍﺧﺮ ﻓﻘﻂ ﺣﺘﻰ ﺗﺤﺼﻞ ﻋﻠﻰ ﺣﻘﻮﻕ ﺍﻟﺰﻭﺟﻴﻪ ﺣﺴﺐ ﻗﻮﻟﻚ
- ﻟﺞ ﺍﺩﺏ ﺳﺰ ﺣﻘﻮﻗﻲ ﺷﻨﻮ ﺟﺎﻱ ﺍﺣﺎﻭﻝ ﻭﻳﺎﺝ ﺑﺎﻟﺘﻲ ﻫﻲ ﺍﺣﺴﻦ ﻭﻧﻘﻠﺐ ﺻﻔﺤﻪ ﻭﻧﻌﻴﺶ ﻣﺜﻞ ﺍﻟﻌﺎﻟﻢ ﺑﺲ ﺍﻧﺘﻲ ﻭﺣﺪﻩ ﻃﺎﻳﺤﺔ ﺣﻆ .. ﻣﺎ ﻳﻔﻴﺪ ﻭﻳﺎﺝ ﻏﻴﺮ ﺍﻟﻜﺘﻞ ..
ﺗﻔﻮﻭﻭ ﻋﻠﻰ ﺍﻟﻴﻮﻡ ﺍﻟﺸﻔﺘﺞ ﺑﻴﻪ ﻳﺎ ﺑﻮﻣﻪ
- ﺣﺠﻪ ﻭﻟﻒ ﺭﺍﺳﻪ ﻭﻧﺪﺍﺭ ﻧﺎﻡ .. ﺑﻘﻴﺖ ﺍﻓﺘﺮ ﺑﺎﻟﺒﻴﺖ ﺍﻭ ﺍﻟﻜﻮﺥ ﺍﻟﻤﺴﻤﻲ ﻋﻠﻴﻪ ﺑﻴﺖ .. ﻟﺤﺪ ﻣﺎ ﺗﻌﺒﺖ ﻣﻦ ﺍﻟﺘﻔﻜﻴﺮ ﻭﻧﻤﺖ ..
ﻛﻌﺪﺕ ﺍﻟﺼﺒﺢ .. ﻟﻜﻴﺘﻪ ﻣﺎﻛﻮ .. ﺑﺲ ﺟﺎﻳﺐ ﺍﻟﺮﻳﻮﻙ ﻭﺍﻟﻘﻮﺭﻱ ﻋﻠﻰ ﺍﻟﻄﺒﺎﺥ ﺑﺎﺭﺩ .. ﻣﺎ ﺍﺷﺘﻬﻴﺖ ﺍﻛﻞ ..
ﺑﻘﻴﺖ ﻛﺎﻋﺪﻩ ﻟﻠﻀﻬﺮ ﺑﻼ ﺍﻛﻞ .. ﻟﺤﺪ ﻣﺎ ﺍﺟﻪ ﻣﻦ ﺩﻭﺍﻣﻪ ﺑﻤﻼﺑﺴﻪ ﺍﻟﻌﺴﻜﺮﻳﻪ .. ﺟﺎﻳﺐ ﻭﻳﺎﻩ ﺩﺟﺎﺝ ﺷﻮﻱ ﻭﺻﻤﻮﻥ ..
ﺣﻄﻬﻢ ﻭﺣﺠﻪ ﺣﻈﺮﻳﻠﻲ ﺍﻟﺤﻤﺎﻡ ..
ﺗﻨﻬﺪﺕ ﻭﻛﻤﺖ ﻃﻠﻌﺘﻠﻪ ﻣﻼﺑﺲ ﺩﺍﺧﻠﻴﻪ ﻭﺗﺮﺍﻛﺴﻮﺩ .. ﻭﻭﺩﻳﺘﻬﻢ ﻟﻠﺤﻤﺎﻡ .. ﺻﺎﺡ
- ﻟﻴﺶ ﻣﻤﺘﺮﻳﻜﻪ .
- ﻣﺎ ﺍﺷﺘﻬﻴﺖ
- ﺑﺮﺍﺣﺘﺞ ..
- ﻃﺐ ﻟﻠﺤﻤﺎﻡ .. ﻃﻠﻌﺖ ﺍﻟﺪﺟﺎﺝ ﻭﺍﻟﻤﻘﺒﻼﺕ ﺭﺗﺒﺘﻬﻢ ﻉ ﺍﻟﻄﺎﻭﻟﻪ .. ﻭﺟﺒﺖ ﺳﻠﻪ ﻓﺮﻏﺖ ﺍﻟﺼﻤﻮﻥ ..
ﻭﻭﻛﻔﺖ ﺍﻋﺰﻝ ﺑﺎﻟﻐﺮﺍﺽ .. ﻃﻠﻊ ﻣﻦ ﺍﻟﺤﻤﺎﻡ ﺑﺎﻭﻋﺘﻠﻪ .. ﻫﻮ ﺑﺎﻭﻉ ﻟﻠﻄﺎﻭﻟﻪ ﺍﺑﺘﺴﻢ .. ﻭﺣﺠﻪ ﺍﻛﻮ ﻣﻼﺑﺲ ﺑﺎﻟﺤﻤﺎﻡ ﺍﻟﻲ ﻟﺘﻐﺴﻠﻴﻬﻢ ﺑﺎﺩﻳﺞ ..
ﺍﺭﺗﺎﺡ ﻭﺍﺭﻭﺡ ﺍﺟﻴﺐ ﻏﺴﺎﻟﻪ ﻭﺛﻼﺟﻪ .. ﻣﺎﺷﻲ ..
- ﻫﺰﻳﺖ ﺭﺍﺳﻲ ..
- ﺗﻌﺎﻟﻲ ﺗﻐﺪﻱ ..
- ﻣﺎ ﺍﺭﻳﺪ ..
- ﻟﺠﻴﻦ ﻛﺎﻓﻲ ﺭﺣﻤﻪ ﻟﻠﻪ ﺧﻠﻴﻨﺎ ﻧﻌﻴﺶ ﻣﺜﻞ ﺍﻟﻌﺎﻟﻢ .. ﺍﻓﺮﺩﻳﻬﺎ ﻋﺎﺩ ..
- ﻣﺎ ﺭﺩﻳﺖ ﻋﻠﻴﻪ .. ﻭﺩﺭﺕ ﻭﺟﻬﻲ . ﻛﻌﺪ ﻋﻠﻰ ﺍﻻﻛﻞ ﻭﺣﺠﻪ ﻋﻮﺩ ﺭﺩﺕ ﺍﺣﺠﻴﻠﺞ ﻋﻠﻰ ﺍﺧﺒﺎﺭ ﺍﻣﺞ ﺣﺘﻰ ﻧﺴﻴﺘﻴﻨﻲ ..
- ﺍﺷﺒﻴﻬﺎ ﺍﻣﻲ
- ﻣﺎ ﺍﺗﺬﻛﺮ ﺍﻻ ﺗﻜﻌﺪﻳﻦ ﺗﺎﻛﻠﻴﻦ ..
- ﻣﺨﻠﺪ ﺑﻼ ﻫﻠﻠﻐﻮﻩ ﻭﺍﺣﺠﻲ .. ﺷﺒﻴﻬﺎ ﻣﺎﻣﺎ
- ﺑﻨﺖ ﺍﻟﻜﻠﺐ ﻟﻐﻮﻩ ﺷﻨﻮ ﺍﻋﺮﻓﻲ ﺍﺣﺠﻲ ﻋﺪﻝ ﻻ ﺍﺷﻴﻞ ﺭﺍﺳﺞ ﺍﺭﻛﻊ ﺑﺎﻟﻄﺎﻭﻟﻪ ﻭﺍﻟﻠﻪ ..
- ﻉ ﻓﻜﺮﻩ ﻣﺘﺠﺎﻭﺯﺕ .. ﻛﻠﻤﺔ ﻟﻐﻮﻩ ﺗﻄﻠﻖ ﻟﻠﻜﻼﻡ ﺍﻟﻠﻲ ﻣﻮ ﺿﺮﻭﺭﻱ ﻳﻨﻜﺎﻝ ..
- ﻭﺍﻧﺘﻲ ﺷﺎﻃﺮﻩ ﺑﺎﻟﻠﻐﻮﻩ ﻭﺍﻟﻠﺴﺎﻥ ﺍﻟﻄﻮﻳﻞ ..
- ﺭﺍﺡ ﺗﺤﺠﻲ ﻟﻮ ﺷﻠﻮﻥ .. ﺍﻣﻲ ﺷﺒﻴﻬﺎ
.
ﻛﻠﺸﻲ ﻣﺎﺑﻴﻬﺎ .. ﻫﻲ ﺍﻣﺞ ﻳﺼﻴﺮ ﺑﻴﻬﺎ ﺷﻲ ﺑﺰﻭﻧﻪ ﺑﺴﺒﻊ ﺍﺭﻭﺍﺡ ﻳﺨﺘﻔﻲ ﺻﻮﺕ ﺍﻃﻠﻊ 7 ﺍﺻﻮﺍﺕ .. ﻳﺒﺘﺴﻢ ﻭﻳﺤﺠﻲ
- ﻭﻫﺴﻪ ﺗﺮﻳﺪﻧﻲ ﺍﺑﺘﺴﻢ ﻟﻮ ﺍﻏﻠﺲ ..
- ﺍﺭﻳﺪﺝ ﺗﺎﻛﻠﻴﻦ ﻭﺍﻧﻲ ﺍﺣﺠﻠﻴﺞ ﻛﻠﺸﻲ ﻭﺍﺧﺎﺑﺮﻫﻢ ﻫﻢ ﻭﺍﺧﻠﻴﺞ ﺗﺤﺠﻴﻦ ﻟﻤﺎ ﺗﻤﻠﻴﻦ ﺑﻌﺪ .. ﻭﻛﻮﻟﻲ ﻣﻘﺼﺮ ﻭﻳﺎﻱ
- ﺍﻭﻱ ﻓﺪﻭﻩ ﺷﻠﻮﻥ ﻣﻘﺼﺮ ﻭﻳﺎﻱ .. ﻫﻮ ﻣﺨﺎﺑﺮﻩ ﻭﻣﻦ ﻣﻮﺑﺎﻳﻠﻚ ﻣﺎﻥ ﻋﻠﻴﻪ ﺑﻴﻬﺎ .. ﺍﻟﻠﻲ ﻳﻜﻮﻝ ﻣﺸﺘﺮﻳﻠﻲ ﻣﻮﺑﺎﻳﻞ ..
- ﺍﺧﺬ ﻧﻔﺲ .. ﺍﻛﻠﻲ ﻓﻀﻴﻨﻲ ﺟﻮﻋﺎﻥ ﺍﺭﻳﺪ ﺍﻛﻞ ..
- ﻣﺪﻳﺖ ﺍﻳﺪﻱ ﻭﻛﻤﺖ ﺍﻛﻞ ﻣﻘﺒﻠﺖ ﻭﻳﺎﻩ ﺑﺲ ﺍﺭﻳﺪﻩ ﻳﺤﺠﻲ .. ﻫﻮ ﻛﺎﻡ ﻳﺎﻛﻞ .. ﺑﺰﻳﺘﻪ ﺑﺎﺻﺒﻌﻲ ﻋﻠﻰ ﻣﺘﻨﻪ ﻭﻛﺘﻠﻪ ﺍﺣﺠﻲ ..
- ﻻ ﺗﺒﺰﻳﻨﻲ ﻫﻴﺞ ﻋﻴﺐ ﺍﺣﺘﺮﻣﻲ ..
- ﻳﺮﺑﻲ ﻛﻠﻪ ﺍﺣﺘﺮﻣﻲ ﻭﺍﺣﺘﺮﻣﻲ .. ﺗﻨﻬﺪﺕ .. ﺩﻓﻀﻬﺎ ﻋﺎﺩ ﺍﺣﺠﻲ .. ﻣﻮ ﺍﻛﻠﺖ .
- ﻟﺞ ﻣﺎ ﺑﻴﻬﺎ ﺷﻲ ﻭﺍﻟﻠﻪ .. ﺧﺎﺑﺮﺕ ﻋﻤﻲ ﺍﻟﻴﻮﻡ ﻳﺴﺎﻓﺮﻭﻥ ﺍﻟﻠﺒﻨﺎﻥ ﻭﻋﻤﻠﻴﺘﻬﺎ ﻫﺎﻻﻳﺎﻡ . ﻭﺍﻥ ﺷﺎﺀﺍﻟﻠﻪ ﺗﺼﻴﺮ ﺯﻳﻨﻪ
- ﻣﻦ ﺗﺮﺟﻊ ﺍﺭﻭﺡ ﻻﻫﻠﻲ ..
- ﺍﺥ ﺍﻟﻠﻪ ﺑﺪﻳﻨﻪ ﺑﺴﺎﻟﻔﺔ ﺍﺭﻭﺡ ﻻﻫﻠﻲ .. ﻭﺍﻧﻲ ﺍﻛﻮﻝ ﺍﻟﺮﻳﺎﺟﻴﻞ ﺷﺒﻴﻬﺎ ﺗﺘﻨﺮﻓﺰ ﻣﻦ ﻫﺴﺎﻟﻔﻪ ﻃﻠﻌﺖ ﺻﺪﻙ ﺗﻐﺚ .
- ﺍﻱ ﺗﺮﻳﺪﻧﻲ ﺧﺪﺍﻣﺘﻚ ﻫﻨﺎ ﻣﻤﻨﻮﻉ ﺍﻃﻠﻊ ﻣﻮﻭﻭ
- ﺍﺧﺬﺝ ﻭﺍﻟﻠﻪ ﺑﺲ ﺧﻞ ﻳﺮﺟﻌﻮﻥ .. ﻫﻢ ﺍﻟﻴﻮﻡ ﺳﺎﻓﺮﻭ .. ﺣﻈﺮﺗﻲ ﺍﻟﻤﻬﺪ ﻗﺒﻞ ﺍﻟﻮﻟﺪ .. ﻭﻛﺎﻋﺪﻩ ﺗﺘﻨﺎﻛﺮﻳﻦ ﻋﻠﻰ ﺭﻭﺣﺔ ﺍﻫﻠﺞ ﻟﻤﺎﺍﺍﺍﺍﺍﺍﺍ ﻳﺮﺟﻌﻮﻥ ..
ﻋﻮﺩ ﻣﻦ ﻳﺠﻮﻥ ﺍﺧﺬ ﺍﺟﺎﺯﻩ .. ﻭﺑﻠﻜﺖ ﺗﻤﻮﺕ ﺑﺎﻟﻌﻤﻠﻴﺎﺕ ﻳﺎ ﺍﻟﻠﻪ ﻧﺎﺧﺬ ﺍﺟﺎﺯﻩ ﻃﻮﻳﻠﻪ ﻣﻦ ﺍﻟﺪﻭﺍﻡ ﻭﻧﺮﻭﺡ ﻻﻫﻠﺞ ﺑﺮﺍﺣﺘﺞ ..
- ﺍﻧﺖ ﺷﻤﻔﺎﻭﻟﻬﺎ ﻋﻮﺫﻩ ﻣﻦ ﺍﻟﻠﺴﺎﻧﻚ .. ﻟﺘﺤﺠﻲ ﻫﻴﺞ ﻣﻔﻬﻮﻭﻭﻡ
- ﻻ ﻳﺎﺑﻪ ﺍﺳﺘﻐﻔﺮ ﺍﻟﻠﻪ ﻫﺎﻱ ﺍﻡ ﺍﻟﺨﺒﺰﻩ ﻋﻤﺘﻲ ﺷﻠﻮﻥ ﻣﺎ ﺍﺣﺒﻬﺎ .. ﺑﻔﺎﺗﺤﺘﻬﺎ ﻟﻌﻴﻮﻧﻬﺎ ﺍﻟﺤﻠﻮﻩ ﺍﺫﺑﺢ ﺳﺒﻊ ﺧﺮﻓﺎﻥ
- ﺍﻧﺪﺍﺭﻳﺘﻠﻪ ﻭﺧﺼﺮﺕ ﺍﺩﻳﻪ .. ﻭﺗﺎﻟﻲ
- ﻭﺍﻟﻘﺮﺍﻥ ﻛﻠﻨﺎ ﻧﻤﻮﺕ ﺗﺎﻟﻴﺘﻨﺎ ﻗﺎﺑﻞ ﻫﻲ ﺑﻌﻤﺮ ﻧﻮﻡ ﻻ ﺳﺎﻣﺢ ﺍﻟﻠﻪ ﻭﺗﻌﻴﺶ ..
ﺻﻔﻨﺖ ﺑﻮﺟﻬﻪ ﺑﺠﺪﻳﻪ .. ﻛﺮﺹ ﺧﺪﻱ ﻭﻛﺎﻝ ﺍﺗﺸﺎﻗﻰ ﻭﻳﺎﺝ ﺍﻛﻠﻲ ..
- ﺷﻘﻰ ﻣﺎﺻﺦ ﻋﻠﻰ ﻓﻜﺮﻩ ..
- ﻫﺰ ﺭﺍﺳﻪ ﻭﻣﺎ ﺭﺩ .. ﺭﺣﺖ ﻏﺴﻠﺖ ﻭﺩﺧﻠﺖ ﺍﻟﻐﺮﻓﻪ .. ﻫﻮ ﻏﺴﻞ ﻭﺍﺟﻪ ﻭﺭﺍﻱ .. ﺷﻤﺮﻟﻲ ﺍﻟﻤﻮﺑﺎﻳﻞ ﻭﻛﺎﻝ ﺧﺎﺑﺮﻱ ..
ﺩﻛﻴﺖ ﺭﻗﻢ ﺍﻣﻲ .. ﻣﻐﻠﻖ .. ﺑﺎﻭﻋﺘﻠﻪ ﻣﻐﻠﻖ ﻣﻮﺑﺎﻳﻞ ﻣﺎﻣﺎ ..
- ﺷﺮﻳﺤﻪ ﺩﻭﻟﻴﻪ ﻋﻨﺪ ﺍﺑﻮﺝ .. ﺭﻗﻤﻬﺎ ﻣﻮﺟﻮﺩﻩ ﻳﻤﺞ ﻛﺎﺗﺐ ﻋﻤﻲ ﺷﺎﻛﺮ ﺩﻭﻟﻲ
- ﺩﻭﺭﺕ ﻋﻠﻰ ﺭﻗﻢ ﺑﺎﺑﺎ ﻟﻜﻴﺘﻪ .. ﺧﺎﺑﺮﺕ .. ﺭﺩ ﺍﺑﻮﻳﻪ .. ﺳﻠﻤﺖ ﻋﻠﻴﻪ ﻭﻛﺘﻠﻪ ﺷﻠﻮﻧﻬﺎ ﻣﺎﻣﺎ ﻛﺎﻝ ﺯﻳﻨﻪ ﻭﻋﻤﻠﻴﺘﻬﺎ ﻋﻜﺐ ﺑﺎﺟﺮ .. ﻳﻤﻲ ﻫﻲ ﺗﺴﻠﻢ ﻋﻠﻴﺞ .. ﺑﺲ ﻣﺎ ﺗﻜﺪﺭ ﺗﺤﺠﻲ ﺗﻌﺮﻓﻴﻦ ..
ﺑﻘﻴﺖ ﺍﺑﺠﻲ ... ﻛﺎﻝ ﻻ ﺗﺒﺠﻴﻦ ﺍﻥ ﺷﺎﺀﺍﻟﻠﻪ ﺗﻄﻠﻊ ﺑﺎﻟﺴﻼﻣﻪ .. ﺳﺪﻳﺘﻪ ﻣﻦ ﺑﺎﺑﺎ .. ﻭﻛﻤﺖ ﺍﺑﺠﻲ .. ﻣﺨﻠﺪ ﻧﺎﻳﻢ ﻏﺎﻓﻲ ..
ﻃﻠﻌﺖ ﺍﻏﻨﻴﺔ ﺑﺎﺳﻢ ﺍﻟﻌﻠﻲ ﻛﺎﻧﺖ ﺟﺪﻳﺪﻩ ﻭﺍﺣﺒﻬﺎ .. ﺷﻜﺘﺒﻠﻜﻢ ﻣﻮ ﻛﻔﺎﻳﻪ .. ﻋﻠﻴﺘﻬﺎ ﺷﻮﻱ ﻭﺑﻘﻴﺖ ﺍﺳﺘﻤﻊ ﻫﻠﻜﺪ ﺑﺠﻴﺖ ﻭﻳﺎﻩ ..
.
ﻭﻛﺄﻧﻬﺎ ﺗﺤﺠﻲ ﺣﺎﻟﻲ ﻫﺬﻩ ﺍﻻﻏﻨﻴﻪ .. ﺧﺎﺻﻪ ﻣﻦ ﻳﻜﻮﻝ ﻳﺎ ﺣﺴﺎﻓﻪ ﺳﻨﻴﻦ ﻋﻤﺮﻱ ﻭﻳﺎﻙ ﺿﺎﻋﺖ ﻳﺎ ﺣﺴﺎﻓﻪ .. ﺿﻌﺖ ﺍﻧﺘﻪ ﻭﺿﻴﻌﺘﻨﻲ ﻳﺎ ﺣﺴﺎﻓﻪ ..
ﺍﻭﻑ ﻣﺎﻟﻚ ﺻﺪﻙ ﺿﻴﻌﺘﻨﻲ ﻭﺿﻴﻌﺖ ﺍﺳﻨﻴﻨﻲ .. ﺟﻨﻮﻧﻚ ﻫﻮ ﺍﻟﺴﺒﺐ ﺑﺎﻟﻠﻲ ﻭﺻﻠﺖ ﺍﻟﻪ ﺍﻧﻲ ﻭﺍﻫﻠﻲ .. ﻓﻌﻼ ﺿﻴﻌﺘﻨﻲ ..
ﺑﻘﻴﺖ ﺍﺑﺠﻲ ﺍﺩﻭﺭ ﻃﻔﻴﺖ ﺍﻟﺘﻠﻔﺰﻳﻮﻥ ﻭﻛﻤﻠﺖ ﺑﺠﻲ ﺑﻔﺮﺍﺷﻲ ﺍﺗﺬﻛﺮ ﺍﻣﻲ ﻭﺣﻴﺎﺗﻲ ﺍﺑﻴﺖ ﺍﻫﻠﻲ ﻭﻋﺰﺗﻲ ﻭﻛﺮﺍﻣﺘﻲ .. ﻭﺣﺐ ﺍﺑﻮﻳﻪ ﻭﺩﻓﺎﻋﻪ ﻋﻨﻲ ﻭﺟﻤﻌﺘﻬﻢ ﻭﺳﻬﺮﻫﻢ ﻭﻳﺎﻳﻪ
ﻛﻠﻬﺎ ﺿﻴﻌﺘﻬﺎ ..
ﺑﺠﻴﺖ ﻟﺤﺪ ﻣﺎ ﻧﻤﺖ ... ﻛﻌﺪﺕ ﻋﻠﻰ ﺻﻮﺕ ﻣﺨﻠﺪ ﻭﻫﻮ ﻳﻨﺰﻝ ﺍﻟﺜﻼﺟﻪ .. ﻭﺍﻟﻐﺮﺍﺽ .. ﺣﻴﻞ ﺷﻜﺪ ﻧﻤﺖ ﻟﻌﺪ ..
ﻛﻤﺖ ﻳﻤﻪ .. ﺧﺰﺭﻧﻲ ﻃﺒﻲ ﺟﻮﻩ .. ﺟﺎﻥ ﻭﻟﺪ ﻭﻳﺎﻩ .. ﺩﺧﻠﺖ .. ﻛﻤﻞ ﻧﻘﻞ ﻭﻃﺐ ﻳﻤﻲ ..
- ﺩﺧﻠﺘﻬﻢ ﺗﺒﻘﻰ ﻳﻤﺞ ﺍﺷﻠﻮﻥ ﺍﺗﻨﻈﻤﻴﻬﺎ .. ﺗﻌﺒﺖ .. ﺍﺭﻳﺪ ﺍﺭﺗﺎﺡ .
- ﻛﻤﺖ ﻧﻈﻤﺖ ﻣﻜﺎﻥ ﺍﻟﺜﻼﺟﻪ .. ﺻﺎﺡ ﻣﻮ ﺗﺸﻐﻠﻴﻬﺎ ﻫﺴﻪ ﺍﺗﺮﻛﻴﻬﺎ ﻓﺪ 4 ﺳﺎﻋﺎﺕ ﺗﺮﺗﺎﺡ ﻻﻥ ﺗﺤﺮﻛﺖ . ﻋﻔﺘﻬﺎ ﻣﺎ ﺷﻐﻠﺘﻬﺎ .
ﻧﻈﻤﺖ ﻏﺮﺍﺽ ﺍﻟﻜﺎﻭﻧﺘﺮ ﺭﺗﺒﺖ ﺍﻟﻤﻄﺒﺦ ﻭﺟﺎﻳﺐ ﺳﻄﻞ ﻟﻠﺤﻤﺎﻡ .. ﻭﺯﺍﻭﻳﻪ .. ﻭﺗﻌﺎﻟﻴﻚ .. ﻭﻋﻄﻮﺭ ﺍﻟﻪ ﻭﺍﻟﻲ ﻭﻣﻼﺑﺲ ﺍﻟﻪ .... ﺻﻔﻨﺖ .. ﻫﻮ ﺟﺎﺏ ﻭﻳﺎﻩ ﺑﺲ ﺍﻟﻔﻴﻦ ﺩﻭﻻﺭ .. ﻣﻌﻘﻮﻝ ﻛﻞ ﺫﻭﻝ ﺑﺄﻟﻔﻴﻦ
ﺭﺣﺖ ﻳﻤﻪ ﻛﺎﻥ ﻏﺎﻓﻲ .. ﺍﻛﻮﻭﻭﻝ ..
- ﻫﻤﻤﻢ
- ﺷﻜﺪ ﻛﻠﻔﻚ ﺗﻨﻈﻴﻢ ﺍﻟﺒﻴﺖ
9- ﻣﻼﻳﻴﻦ
- ﻣﻨﻴﻠﻚ ..
- ﺍﺧﺬﺗﻬﻢ ﻣﻦ ﻋﻤﻲ .. ﻭﻉ ﺍﻟﺮﺍﺗﺐ ﺍﺩﺯﻟﻪ ﻭﺍﻧﻲ ﻋﻨﺪﻱ ﺍﺑﻐﺪﺍﺩ ﻳﻢ ﺍﻣﻲ .. ﻟﻴﺶ .
- ﻻ ﻫﻴﺞ ﺩﺍ ﺍﺳﺌﻞ ..
- ﺟﺒﺖ ﺍﻟﻲ ﻣﻼﺑﺲ ﺑﺲ ﻣﺎ ﻋﺮﻓﺖ ﺍﻧﺘﻲ ﺷﺄﺟﻴﺒﻠﺞ ﻭﻣﺎ ﺍﻋﺮﻑ ﻗﻴﺎﺳﺞ ﻭﺍﺳﺘﺤﻴﺖ ﺍﺧﺘﺎﺭ ﻣﻼﺑﺲ ﻧﺴﺎﺋﻴﻪ ﻛﻠﺖ ﻫﻲ ﺗﺠﻲ ﻭﺗﺨﺘﺎﺭ ..
ﺑﺎﺟﺮ ﺍﺧﺬﺝ ﺍﺷﺘﺮﻳﻠﺞ .. ﺑﺲ ﺷﻜﺪ ﻳﻜﻔﻴﺞ ﻓﻠﻮﺱ ﺍﺷﺘﺮﻳﻠﺞ ﻣﻼﺑﺲ
- ﻣﻮ ﻣﻬﻢ .. ﺑﺲ ﻣﺨﻠﺪ ﺍﻟﻰ ﻣﺘﻰ ﻧﺒﻘﻰ ﻫﻨﺎ ﺗﺮﻩ ﺍﻟﻌﻴﺸﻪ ﻫﻨﺎ ﻣﺤﻠﻮﻩ ﺍﺭﻳﺪ ﺍﺭﺟﻊ ﻟﺒﻐﺪﺍﺩ ..
- ﺑﺲ ﺍﺣﺼﻠﻲ ﻧﻘﻠﻪ ﺍﺑﻴﻊ ﺳﻴﺎﺭﺗﻲ ﻭﺍﻟﻌﻨﺪﻱ ﻭﺍﻟﻤﺎﻋﻨﺪﻱ ﻭﺍﺷﺘﺮﻱ ﺑﻴﺖ ﺍﺑﻐﺪﺍﺩ .. ﻫﺴﻪ ﻣﺎ ﺍﻛﺪﺭ ..
- ﺳﻜﺘﺖ .. ﻋﻮﺩ ﻣﺎﻟﻚ ﻧﻘﻠﻪ ﻟﻠﻤﻮﺻﻞ ﺣﺘﻰ ﻳﺒﻌﺪﻩ ﻋﻨﻲ .. ﻭﺍﻟﻠﻲ ﺻﺎﺭ ﺍﻧﻲ ﺍﺟﻴﺖ ﻭﻳﺎﻩ ﻟﻠﻤﻮﺻﻞ ﺍﻧﺤﺒﺴﺖ .. ﻭﮔﺎﺑﻠﺘﻪ
ﻫﻠﻮﻟﺪ ﻛﺄﻧﻪ ﻛﺎﺑﻮﺱ ﺑﺤﻴﺎﺗﻲ ﻗﺪﺭﻩ ﻣﺮﺑﻮﻁ ﺑﻘﺪﺭﻱ ..
ﻣﺮﺕ ﺍﻻﻳﺎﻡ .. ﻭﻋﺸﺖ ﻭﻳﺎﻩ ﺷﻬﺮ ﻭﻧﺺ ..... ﺷﻬﺮ ﻭﻧﺺ ﻭﻣﺎ ﻛﺪﺭﺕ ﺍﺗﻘﺒﻠﻪ .. ﺣﺎﻭﻝ ﻳﺘﻘﺮﺏ ﻭﻛﺘﻠﻪ ﺍﺫﺍ ﻓﻌﻼ ﺍﻧﺖ ﺗﺤﺒﻨﻲ ﺗﺘﺤﻤﻠﻨﻲ ﻟﺤﺪ ﻣﺎ ﺍﺗﻘﺒﻠﻚ ﻭﺍﺧﻠﻴﻚ ﺗﺘﻘﺮﺑﻠﻲ ﻭﺍﻧﻲ ﻣﺘﻘﺒﻠﺘﻚ ﻣﺘﺠﺒﺮﻧﻲ ﻋﻠﻴﻚ ..
ﻭﺍﻓﻖ ﻟﻜﻦ ﺗﻐﻴﺮ .. ﻣﺮﺍﺕ ﻳﺤﺎﻭﻝ ﻳﻠﻴﻦ ﻭﻣﺮﺍﺕ ﻳﺼﻴﺮ ﻋﺼﺒﻲ ﺧﺎﺻﻪ ﻭﻗﺖ ﺍﻟﻠﻴﻞ .. ﻣﻦ ﺍﻧﺎﻡ ﻳﻤﻪ ﻭﻳﺤﺎﻭﻝ ﻳﺘﻘﺮﺏ ﻭﺍﻣﺘﻨﻊ .
ﻳﺘﻨﺮﻓﺰ ﺑﺰﻳﺎﺩﻩ .. ﻛﺎﻥ ﻛﻞ ﻓﻜﺮﻱ ﺍﻥ ﻫﻮ ﺍﺧﺬﻧﻲ ﻏﺼﺐ .. ﻛﺎﻥ ﻋﻘﻠﻲ ﻣﻜﻮﻙ ﻋﻠﻰ ﺳﺎﻟﻔﺔ ﺍﻥ ﻫﻮ ﺫﻟﻨﻲ ﻭﺣﺒﺴﻨﻲ ﺑﺎﻟﺒﻴﺖ ..
ﺧﺎﺻﻪ ﻟﻤﺎ ﻓﺪ ﻳﻮﻡ ﻃﻠﻌﺖ ﻭﻫﻮ ﻣﻤﻮﺟﻮﺩﻩ ﺑﺎﻟﺪﻭﺍﻡ ﻭﺭﺣﺖ ﻟﻠﺴﻮﻙ ﺗﺴﻮﻗﺖ ﻣﻦ ﺍﻟﻤﻠﻞ ﻭﺭﺟﻌﺖ ... ﮔﻠﺐ ﺍﻟﺪﻧﻴﺎ ﻭﺭﺟﻊ ﻳﻘﻔﻞ ﺍﻟﺒﺎﺏ ﺣﺘﻰ ﻻ ﺍﻃﻠﻊ ﻭﺣﺪﻱ
.
ﻭﻫﺬﺍ ﺍﻟﻠﻲ ﺯﺍﺩ ﻛﺮﻫﻲ ﺍﻟﻪ .. ﺣﺴﻴﺖ ﻭﻳﺎﻩ ﻓﻘﺪﺕ ﺣﺮﻳﺘﻲ ﻣﻦ ﺑﻨﺖ ﻣﺘﺤﺮﺭﻩ ﺍﻟﻰ ﻣﺤﺒﻮﺳﻪ ﻭﺍﻣﺮﻱ ﺑﻴﺪﻩ ..
ﻛﻨﺖ ﺍﻋﺘﻘﺪ ﺍﻥ ﻻﺯﻡ ﺍﻛﻮﻥ ﻗﻮﻳﻪ ﻭﻣﺎ ﻳﻜﺴﺮﻧﻲ .. ﻣﺎ ﺣﺒﻴﺖ ﻓﻜﺮﺓ ﺍﺗﻘﺒﻞ ﺍﻥ ﺍﻛﻮﻥ ﻣﺤﺒﻮﺳﻪ ﻭﻗﺎﺑﻠﻪ ﺑﺎﻻﻣﺮ ﺍﻟﻮﺍﻗﻊ ﺑﻌﺪ ﻣﺎ ﻛﻨﺖ ﺑﻜﺎﻣﻞ ﺣﺮﻳﺘﻲ ..
ﺍﻱ ﺑﻨﺖ ﺗﺨﻠﻴﻬﺎ ﻭﻱ ﻣﺨﻠﺪ ﻋﺎﺩﻱ ﻣﻤﻜﻦ ﺗﻌﻴﺶ .. ﺍﻻ ﺍﻧﻲ ﻻ .. ﻻﻥ ﻟﻼﺳﻒ ﺣﺮﻳﺘﻲ ﻗﺒﻞ ﺯﻭﺍﺟﻲ ﻋﻜﺴﺖ ﻋﻠﻴﻪ ﺳﻠﺒﺎ ﺑﻌﺪ ﺯﻭﺍﺟﻲ ..
ﺷﺌﺖ ﺍﻡ ﺍﺑﻴﺖ ﻑ ﺍﻟﺮﺟﻞ ﻛﺎﻷﺳﺪ ﻣﺎ ﻳﻘﺒﻞ ﺍﻻ ﺍﻥ ﻳﻜﻮﻥ ﻣﻠﻚ ﺑﻴﺘﻪ ﻭﻛﻞ ﺍﻻﻣﻮﺭ ﺑﺄﻳﺪﻩ ﻭﺗﺤﺖ ﺳﻴﻄﺮﺗﻪ ..
ﻫﺬﺍ ﺍﻟﺸﻲ ﺍﻟﻠﻲ ﻣﺎ ﺟﻨﺖ ﻣﺘﻌﻮﺩﻩ ﻋﻠﻴﻪ .. ﺟﻨﺖ ﺍﻃﻠﻊ ﻭﺍﻃﺐ ﻭﺍﺭﻭﺡ ﻭﺍﺳﺎﻓﺮ ﻭﺍﻓﺮ ﺑﻜﻴﻔﻲ .. ﺍﺑﻮﻳﻪ ﻣﻜﺎﻥ ﻣﺎﻧﻌﻨﻲ ..
ﺗﻌﻮﺩﺕ ﻋﻠﻰ ﻋﻴﺸﻪ ﺗﺨﺘﻠﻒ ﻋﻦ ﺍﻟﻮﺍﻗﻊ ﺍﻟﻌﺮﺍﻗﻲ ﺍﻻﺻﻠﻲ .. ﻭﻫﻮ ﺍﻥ ﺍﻛﺜﺮ ﺭﺟﺎﻝ ﺑﻠﺪﻧﺎ ﻫﻢ ﻋﻘﻠﻴﺘﻬﻢ ﺷﺮﻗﻴﻪ ﻣﻴﺤﺒﻮﻥ ﺍﻟﻤﺮﺃﻩ ﺗﻄﻠﻊ ﺑﻜﻴﻔﻬﺎ .. ﻭﺍﻥ ﻣﻜﺎﻧﻬﺎ ﺑﻴﺘﻬﺎ ﺍﻓﻀﻞ ..
ﻙ ﻋﻘﻠﻴﺔ ﻣﺨﻠﺪ .. ﺭﺟﻞ ﺷﺮﻗﻲ ﺑﻌﺼﺒﻴﺘﻪ ﻭﺗﺤﻜﻤﻪ ﻭﺍﻣﺮﻩ .. ﻣﻤﻜﻦ ﻳﻀﺮﺏ ﻭﻳﺘﺠﺎﻭﺯ ﻭﻳﻐﻠﻂ ﻭﻳﻌﺘﺬﺭ ﻭﻳﻌﺸﻖ ﻭﻳﺤﺐ ﻳﻌﻴﺶ ﺣﻴﺎﺓ ﺯﻭﺟﻴﻪ ﻫﺎﺩﺋﻪ
ﻳﺮﺟﻊ ﻣﻦ ﺩﻭﺍﻣﻪ ﻳﻠﻜﻪ ﺯﻭﺟﺘﻪ ﻣﺤﻈﺮﺗﻠﻪ ﻛﻮﻟﺸﻲ ﺣﺘﻰ ﻳﺮﺗﺎﺡ ﻫﻮ ﻭﻳﺎﻫﺎ ..
ﻭﻫﺬﺍ ﺍﻟﻠﻲ ﻛﺎﻥ ﺻﻌﺐ ﻋﻠﻴﻪ ﺍﺗﺤﻤﻠﻪ .. ﺍﻥ ﺍﻧﺘﻀﺮ ﺯﻭﺟﻲ ﻙ ﺭﺑﺔ ﺑﻴﺖ ﺣﺘﻰ ﺍﺑﺤﺚ ﻋﻦ ﺭﺍﺣﺘﻪ .. ﻭﻻﺯﻡ ﺍﺗﺮﻙ ﻭﺳﺎﺋﻞ ﺭﺍﺣﺘﻲ ..
ﻫﺬﺍ ﺍﻟﻠﻲ ﺟﻨﺖ ﺍﺳﺘﻐﺮﺏ ﻣﻦ ﺍﻣﻲ ﻛﻴﻒ ﺗﺮﺗﺎﺡ ﺑﻬﻴﺞ ﻋﻴﺸﻪ ﻭﺗﺨﺪﻡ ﺍﺑﻮﻳﻪ ﻋﻠﻰ ﻃﻮﻝ ﻭﻫﻮ ﻳﻔﺘﺮ ﻭﻳﻄﻠﻊ ﻭﻳﺘﻮﻧﺲ ﻭﻫﻲ ﺗﺸﺘﻐﻞ ﻟﺮﺍﺣﺘﻪ .
ﻛﺎﻥ ﻋﻤﻠﻲ ﺑﺒﺮﻧﺎﻣﺞ ﺍﺟﺘﻤﺎﻋﻲ ﻭﻟﻤﺎ ﻛﻨﺖ ﺍﻃﺮﺡ ﻣﻮﺍﺿﻴﻊ ﺍﺟﺘﻤﺎﻋﻴﻪ ﻭﺍﻥ ﺍﻟﻤﺮﺃﻩ ﻻﺯﻡ ﺗﻜﻮﻥ ﻗﻮﻳﻪ ﻭﻻﺯﻡ ﺗﺴﻌﺪ ﻧﻔﺴﻬﺎ ﻭﻣﻮ ﻻﺯﻡ ﺗﻘﺒﻞ ﺗﻨﻬﺎﻥ ..
ﻭﻣﻮ ﻻﺯﻡ ﺗﻜﻮﻥ ﺁﻟﻪ ﻟﺮﺍﺣﺔ ﺍﻟﺰﻭﺝ ﻭﺗﻨﺴﻰ ﻧﻔﺴﻬﺎ .. ﻛﻞ ﻫﺬﻩ ﺍﻟﻤﻮﺍﺿﻴﻊ ﺍﻻﺟﺘﻤﺎﻋﻴﻪ ﺍﻟﻠﻲ ﻛﻨﺖ ﺍﻃﺮﺣﻬﻪ ﺯﺍﺩﺕ ﻣﻦ ﻗﻮﺗﻲ ﻭﻗﻮﺓ ﺷﺨﺼﻴﺘﻲ .
ﻭﺻﺮﺕ ﻣﺎ ﺍﻗﺒﻞ ﺍﻛﻮﻥ ﺍﻗﻞ ﻣﻦ ﺍﻟﺮﺟﻞ .. ﻭﻻﺯﻡ ﺍﻛﻮﻥ ﻗﻮﻳﻪ ﻣﺜﻠﻪ ﻭﻣﺎ ﺍﺧﻀﻊ ﻳﺤﺘﺮﻡ ﺍﺣﺘﺮﻡ ..
ﺗﻨﺎﺳﻴﺖ ﻣﺠﺘﻤﻌﻨﻪ ﻭﻋﺎﺩﺍﺗﻨﺎ ﻭﺗﻘﺎﻟﻴﺪﻧﻪ ﻭﺣﺘﻰ ﺩﻳﻨﻪ ﺍﻥ ﺍﻟﻤﺮﺃﻩ ﻣﻬﻤﺎ ﻋﻠﺖ ﻻﺯﻡ ﺗﺒﻘﻰ ﺗﺤﺖ ﺟﻨﺎﺡ ﺍﻟﺮﺟﻞ ..
ﺗﻌﻠﻰ .. ﻟﻜﻦ ﻣﺎ ﺗﻌﻠﻰ ﻋﻠﻴﻪ .. ﻣﺠﺘﻤﻌﻨﻪ ﺷﺮﻗﻲ ﻣﺎ ﻳﺘﻘﺒﻞ ﺍﻓﻜﺎﺭﻱ ﻭﺍﻥ ﺍﻟﻤﺮﺃﻩ ﻻﺯﻡ ﺗﻜﻮﻥ ﻗﻮﻳﻪ ﺣﺘﻰ ﺗﻌﻴﺶ ..
ﻻﺍﺍﺍ ﺍﻟﻠﻲ ﻋﺮﻓﺘﻪ ﺍﻥ ﺍﻟﻤﺮﺃﻩ ﻻﺯﻡ ﺗﻜﻮﻥ ﻗﻮﻳﻪ ﺍﻣﺎﻡ ﺍﻟﺪﻧﻴﺎ ﻭﺍﻟﻨﺎﺱ ﻣﻮ ﺍﻣﺎﻡ ﺍﻟﺰﻭﺝ ...
ﺍﻟﺰﻭﺝ ﺍﻟﺸﺮﻗﻲ ﻳﻌﺸﻖ ﺑﺰﻭﺟﺘﻪ ﺿﻌﻔﻬﺎ ﻳﺤﺐ ﺍﺣﺘﻴﺎﺟﻬﺎ ﺍﻟﻪ .. ﻣﻴﺤﺐ ﺗﻜﻮﻥ ﻫﻲ ﻭﻳﺎﻩ ﺑﻨﻔﺲ ﺍﻟﻘﻮﻯ ﻣﻴﺤﺐ ﺗﻮﺍﺟﻬﻪ ..
ﻟﻜﻦ ﻳﻨﺴﻰ ﻛﻞ ﻗﻮﺗﻪ ﻭﺳﻠﻄﺘﻪ ﻋﻠﻴﻬﺎ ﻭﻗﺖ ﺍﻟﻠﻲ ﺗﻜﻮﻥ ﻟﻄﻴﻔﻪ ﻭﺗﺪﻟﻊ ﻭﺗﺤﺎﻭﻝ ﺗﻜﺴﺒﻪ ﻣﻦ ﻫﺬﺍ ﺍﻟﺠﺎﻧﺐ .. ﻓﺠﺄﻩ ﻫﺬﺍ ﺍﻟﺮﺟﻞ ﺍﻟﺸﺮﻗﻲ ﺍﻟﻤﺘﺴﻠﻂ ﻳﺼﻴﺮ ﺧﺎﺗﻢ ﺑﺄﺻﺒﻌﻬﺎ
ﻭﺍﻧﻲ ﻧﺴﻴﺖ ﺍﺩﻟﻊ ﻋﻠﻰ ﻣﺨﻠﺪ ﺣﺘﻰ ﺍﻓﺮﺽ ﺭﺃﻳﻲ ﻋﻠﻴﻪ ﺑﺪﻟﻌﻲ .. ﻧﺴﻴﺖ ﺍﻟﻘﻴﺼﺮ ﻭﻫﻮ ﻳﻨﺎﺩﻱ ﺍﺍﺍﺍﻩ ﻣﻦ ﺩﻟﻊ ﺍﻟﻨﺴﺎﺀ .. ﺩﻟﻊ ﺍﻟﻤﺮﺃﻩ ﺍﻟﻠﻲ ﻳﺘﻨﺎﺯﻝ ﺍﻟﻬﺎ ﺍﻛﺒﺮ ﻭﺍﻗﻮﻯ ﺭﺟﻞ ..
ﻛﻨﺖ ﺍﺣﺎﻭﻝ ﺍﺧﻠﻲ ﻳﺤﺘﺮﻡ ﺭﺃﻳﻲ ﺑﻘﻮﺗﻲ .. ﻧﺴﻴﺖ ﺍﻛﻮﻥ ﻭﻳﺎﻩ ﺍﻣﺮﺃﻩ ﺷﺮﻗﻴﻪ ..
ﻭﻣﻮ ﺫﻧﺒﻲ .. ﺍﻛﺜﺮ ﺍﻟﻠﻲ ﻳﺪﺧﻠﻮﻥ ﻟﻌﺎﻟﻢ ﺍﻟﻔﻦ ﻭﺍﻻﻋﻼﻡ .. ﻭﻳﻌﻴﺸﻮﻥ ﻫﺬﺍ ﺍﻟﻌﺎﻟﻢ ﻳﻜﺘﺴﺒﻮﻥ ﻣﻦ ﻗﻮﺗﻪ ﻭﺍﻻﻣﺮﺃﻩ ﺍﻟﻔﻨﺎﻧﻪ ﺩﺍﺋﻤﺎ ﺗﺤﺎﻭﻝ ﺗﻜﻮﻥ
.
ﻫﻲ ﻭﺍﻟﺮﺟﻞ ﺑﺼﻒ ﻭﺍﺣﺪ .. ﻟﻬﻴﺞ ﺍﻏﻠﺐ ﺍﻟﻔﻨﺎﻧﺎﺕ ﻳﻨﺘﻬﻲ ﺯﻭﺍﺟﻬﻢ ﺑﺎﻟﻄﻼﻕ ﻻﻥ ﺗﺮﻓﺾ ﺍﺣﺪ ﻳﺘﺤﻜﻢ ﺑﻴﻬﺎ .. ﻭﻣﺎ ﻳﺤﺘﺮﻡ ﺭﺃﻳﻬﺎ ..
ﻣﺎ ﺗﻘﺒﻞ ﻋﻘﻠﻴﺔ ﺍﻟﺮﺟﻞ ﺍﻟﺸﺮﻗﻲ ﻭﺳﻠﻄﺘﻪ .. ﻻﺯﻡ ﻳﻜﻮﻥ ﻣﺘﻔﻬﻢ ﻟﺤﺮﻳﺘﻬﺎ .. ﻭﺍﻧﻲ ﻫﺬﺍ ﺍﻟﻠﻲ ﻛﺎﻥ ﻋﺎﺋﻖ ﺑﻴﻨﻲ ﻭ ﺑﻴﻦ ﻣﺨﻠﺪ ..
ﻛﻨﺖ ﺭﺍﻓﻀﻪ ﻳﺘﺤﻜﻢ ﺑﻴﻪ ﻭﻳﻤﻨﻌﻨﻲ ﻣﻦ ﺷﻐﻠﻲ ﻭﻳﺠﻴﺒﻨﻲ ﻟﻠﻤﻮﺻﻞ ﻭﻳﻌﻴﺸﻨﻲ ﺍﺑﻴﺖ .. ﻟﻬﻴﺞ ﺷﻐﻠﻲ ﺑﺎﻻﻋﻼﻡ ﻭﺍﻟﻔﻦ ..
ﻋﻜﺲ ﻋﻠﻰ ﺣﻴﺎﺗﻲ ﺳﻠﺒﺎ .. ﺻﺮﺕ ﺍﻣﺮﺃﺓ ﺗﻄﻠﺐ ﺍﻟﺤﺮﻳﻪ ﻭﺍﻟﻤﺴﺎﻭﺍﺓ ﻣﻊ ﺍﻟﺮﺟﻞ .. ﻭﻫﺬﺍ ﺍﻟﻠﻲ ﻣﺎ ﻳﺘﻨﺎﺳﺐ ﻣﻊ ﻣﺠﺘﻤﻌﻨﺎ .
ﻭﻫﻮ ﺣﺘﻰ ﻧﺒﻴﻨﺎ ﻳﻜﻮﻝ ﻟﻮ ﺍﻣﺮﺕ ﺑﺎﻟﺴﺠﻮﺩ ﻻﻣﺮﺕ ﺍﻟﺰﻭﺟﺔ ﺑﺎﻟﺴﺠﻮﺩ ﻟﺰﻭﺟﻬﺎ .. ﻳﻌﻨﻲ ﻻﺯﻡ ﺗﺨﻀﻌﻠﻪ .. ﻻﺯﻡ ﻳﻜﻮﻥ ﻫﻮ ﺻﺎﺣﺐ ﺍﻣﺮﻫﺎ ..
ﻭﻫﺎﻟﺸﻲ ﻣﻮ ﻏﻠﻂ .. ﺍﻥ ﺍﻟﺮﺟﻞ ﻳﻜﻮﻥ ﺻﺎﺣﺐ ﺍﻟﺮﺃﻱ ﺑﺎﻟﻤﺮﺃﻩ .. ﺻﺢ ﻻﺯﻡ ﺗﻜﻮﻥ ﻗﻮﻳﻪ .. ﻟﻜﻦ ﻣﻮ ﻋﻠﻴﻪ ﻫﻮ . ﻻﺯﻡ ﺗﻜﻮﻥ ﻗﻮﻳﻪ ﻋﻠﻰ ﺍﻟﻀﺮﻭﻑ ..
ﻧﻌﻢ ﺗﺘﻘﻮﻯ ﻋﻠﻴﻪ ﻟﻮ ﺍﻧﻬﺎﻧﺖ ﻭﻣﻔﺎﺩ ﻭﻳﺎﻩ ﺍﻱ ﺳﺒﻴﻞ ﺣﺘﻰ ﻳﺤﺘﺮﻣﻬﺎ .. ﻫﻨﺎ ﻻﺯﻡ ﺗﻮﺍﺟﻪ ﻣﻮ ﻻﺯﻡ ﺗﻨﻬﺎﻥ .. ﻭﺗﻘﺒﻞ ﺑﺎﻟﺬﻝ ..
ﺍﻧﻲ ﻛﻞ ﻫﺬﺍ ﻧﺴﻴﺖ ﺍﺳﻮﻱ .. ﻭﺑﻘﻴﺖ ﻣﺘﺼﻔﻪ ﺑﺎﻟﻘﻮﻩ ﻭﻣﻨﺘﻈﺮﻩ ﻣﻨﻪ ﺍﺣﺘﺮﺍﻣﻪ ﺭﺃﻳﻲ ﻭﻋﺪﻡ ﺗﺠﺎﻫﻠﻲ ..
ﻣﺎ ﺍﺟﻪ ﻋﻠﻰ ﺑﺎﻟﻲ ﻓﺪ ﻳﻮﻡ ﺍﻃﻠﺐ ﻣﻨﻪ ﺍﻥ ﻳﻐﻴﺮ ﺭﺃﻳﻪ ﻭﻳﺎﺧﺬ ﺑﺮﺍﻳﻲ ﻟﻜﻦ ﺑﻠﻄﺎﻓﻪ ﻭﺗﺤﺎﻳﻞ ﻋﻠﻴﻪ ..
ﻟﻬﻴﺞ ﺑﻘﺖ ﺣﻴﺎﺗﻨﺎ ﻣﺘﻮﻗﻔﻪ ..
ﻓﺪﻳﻮﻡ .. ﻛﺎﻥ ﻧﺎﻳﻢ .. ﺍﺧﺬﺕ ﺍﻟﻤﻮﺑﺎﻳﻞ ﻣﻦ ﻳﻢ ﺭﺍﺳﻪ ﺍﺭﻳﺪ ﺍﺗﺼﻞ ﺑﺄﻣﻲ ﺑﻌﺪ ﻣﺎ ﻛﻤﻠﺖ ﻋﻤﻠﻴﺘﻬﺎ ﻭﺍﻟﺤﻤﺪﻟﻠﻪ ﺭﺟﻊ ﺻﻮﺗﻬﺎ ﺧﻔﻴﻒ ﻭﻓﻲ ﺗﺤﺴﻦ ..
ﻭﺭﺟﻌﻮ ﻟﺒﻐﺪﺍﺩ ﻭﻣﻨﺘﻈﺮﻩ ﻣﺨﻠﺪ ﻳﺴﺘﻠﻢ ﺍﻻﺟﺎﺯﻩ ﺣﺘﻰ ﻧﺮﻭﺡ ﻟﺒﻐﺪﺍﺩ ..
ﺧﺎﺑﺮﺕ ﻣﺎﻣﺎ ﻭﺣﺠﻴﺖ ﻭﻳﺎﻫﺎ .. ﻭﺳﺌﻠﺘﻨﻲ ﻋﻠﻰ ﺟﻴﺘﻨﺎ ﻛﺘﻠﻬﺎ ﺑﺲ ﻳﺎﺧﺬ ﺍﺟﺎﺯﻩ ﻭﺍﺟﻲ .. ﻗﻔﻠﺖ ﺍﻟﺨﻂ ﻣﻨﻬﺎ ﺑﻌﺪ ﻣﺎ ﺍﻃﻤﻨﺖ ﻋﻠﻴﻬﺎ
ﻭﺍﺧﺬﺕ ﺟﻮﻟﻪ ﺑﻤﻮﺑﺎﻳﻠﻪ .. ﻓﺘﺤﺖ ﺍﻟﺮﺳﺎﺋﻞ .. ﺭﺳﺎﻟﻪ ﻣﻦ ﻳﻮﻣﻴﻦ ﺟﺎﻳﻪ .. ﻟﻤﺨﻠﺪ ﻛﺎﻟﻪ ﺳﻴﺪﻱ ﺗﻢ ﻗﺘﻠﻨﺎ ﺍﻟﻠﻲ ﺍﺳﻤﻪ ﻣﺎﻟﻚ ﻭﻛّﻠﻨﻪ ﺟﻤﺎﻋﻪ ﺳﻄﺖ ﻋﻠﻰ ﺷﻘﺘﻪ ﻭﻗﺘﻠﺘﻪ ..
ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﺻﺮﺧﺖ .. ﻻﺍﺍﺍﺍﺍ .. ﻗﺘﻠﺘﻪ ﺷﻨﻮ ﻻﺍﺍﺍ ﻛﻤﺖ ﻣﻦ ﻣﻜﺎﻧﻲ ﺍﺻﺮﺥ ﻻﺍﺍﺍﺍﺍ .. ﻓﺰ ﻣﺨﻠﺪ ﻭﺻﺮﺥ ﺷﺒﻴﺞ
ﻟﺰﻣﺘﻪ ﻣﻦ ﻣﻼﺑﺴﻪ ﺗﻘﺘﻠﻪ ﻟﻴﺶ ﻣﺠﺮﺭﺭﺭﺭﺭﻡ .. ﺍﻧﺖ ﺍﻟﻤﺠﺮﻡ ﻣﻮ ﻫﻮﻩ ... ﻟﻴﻴﻴﻴﻴﻴﺶ ﻗﺘﻠﺘﻪ ﻟﻴﻴﻴﻴﻴﺶ ..
ﻛﻤﺖ ﺍﺻﺮﺥ ﻭﺍﺑﺠﻲ ﺑﺼﻮﺕ ﻋﺎﻟﻲ .. ﺿﺮﺑﻨﻲ ﺣﻴﻞ ﻭﻟﺰﻣﻨﻲ ﻣﻦ ﺷﻌﺮﻱ ﻭﻳﺼﻴﺢ
- ﻛﻠﺒﺒﺒﺒﺒﻪ ﻭﺗﺒﺠﻴﻦ ﻋﻠﻴﻴﻴﻴﻴﻴﻪ
- ﻭﺧﺮ ﻣﻨﻲ ﺍﻟﻠﻪ ﻻﻳﻨﻄﻴﻚ ﻗﺘﻠﺘﻪ ﻟﻴﻴﻴﻴﻴﺶ .. ﻛﻤﺖ ﺍﺑﺠﻲ ﺣﻴﻞ ﻭﺑﺼﺮﻳﺦ .. ﻟﻠﻴﻮﻡ ﺍﻧﻲ ﺍﺷﺘﺎﻗﻠﻪ ﻭﺍﺣﺒﻪ ﻭﺍﻛﺎﺑﺮ ﻭﺍﺣﺎﻭﻝ ﺍﺻﺒﺮ ﻭﺍﺗﻨﺎﺳﺎﻩ .. ﻭﺍﺳﻤﻊ ﻭﻓﺎﺗﻪ ﺍﻧﺠﻨﻴﺖ ..
ﻫﻮ ﺑﻘﻰ ﻳﻀﺮﺏ ﻻﻥ ﺍﺑﺠﻲ ﻋﻠﻴﻪ ﻭﻳﺼﺮﺥ ﺗﺮﺩﻳﻦ ﺍﻧﺘﻈﺮﻩ ﻳﺠﻲ ﻳﺎﺧﺬﺝ ﻭﻫﻮ ﺣﺘﻰ ﻣﻜﺎﻥ ﺷﻐﻠﻲ ﻋﺮﻓﻪ .. ﺍﺗﻐﺪﻳﺖ ﺑﻲ ﻗﺒﻞ ﻣﺎ ﻳﺘﻌﺸﻰ ﺑﻴﻪ ..
ﺍﻧﻲ ﺳﻤﻌﺖ ﻫﻴﺞ ﻛﻤﺖ ﺍﺷﻴﻞ ﺑﺮﻭﺣﻲ ﻭﺍﺭﻛﻌﻪ .. ﻛﻤﺖ ﺍﺻﺮﺥ ﺍﻧﺖ ﺑﺲ ﺗﺮﻳﺪ ﺗﺤﺮﻙ ﻛﻠﺒﻲ ﺑﻲ .. ﺗﻌﺮﻓﻨﻴﻴﻴﻴﻲ ﻟﻠﻴﻮﻡ ﺍﺣﺒﻪ ﻭﻛﻠﺖ ﺍﻗﺘﻠﻪ ﺣﺘﻰ ﺍﺻﻔﺎﻟﻚ
ﻣﺎ ﺍﺭﻳﻴﻴﻴﻴﻴﻴﻴﻴﺪﻙ ﻣﺎ ﺍﺍﺍﺍﺍﺍﺍﺣﺒﻚ ﻳﺎ ﻣﺠﺮﺭﺭﺭﺭﺭﺭﻡ .. ﻟﺰﻣﻨﻲ ﺿﺮﺏ ﻭﺩﻓﺮﺍﺕ ﻟﺤﺪ ﻣﺎ ﺗﻌﺒﻨﻲ ﻛﻠﺶ ﻭﻫﺪ ﺣﻴﻠﻲ ﻭﻃﻠﻊ ..
ﺑﻘﻴﺖ ﺑﻤﻜﺎﻧﻲ ﺍﻭﻥ ﻣﻦ ﺍﻻﻟﻢ ﻟﺤﺪ ﻣﺎ ﻓﻘﺪﺕ ﺍﻟﻮﻋﻲ .. ﻛﻌﺪﺕ ﺍﻟﻔﺠﺮ ﻣﺨﻠﻴﻨﻲ ﺑﻔﺮﺍﺷﻲ ﻧﺎﻳﻤﻪ ..
ﻛﻤﺖ ﻣﻦ ﻣﻜﺎﻧﻲ ﺟﺴﻤﻲ ﻛﻠﻪ ﻳﺄﺫﻳﻨﻲ .. ﺑﺎﻭﻋﺘﻠﻪ ﻣﺴﺘﺤﻴﻞ ﺍﻋﻴﺶ ﻭﻱ ﻭﺍﺣﺪ ﻣﺠﺮﻡ ﻣﺜﻠﻚ .. ﺟﺮﻳﺖ ﻣﻼﺑﺲ ﻣﻦ ﺍﻟﻜﻨﺘﻮﺭ ﻭﻓﻠﻮﺱ ﻭﻟﻔﺎﻑ ..
ﺭﺣﺖ ﻟﻠﺤﻤﺎﻡ ﻏﻴﺮﺕ ﻣﻼﺑﺴﻲ ﻭﻟﻔﻴﺖ ﺍﻟﻠﻔﺎﻑ ﻋﻠﻰ ﻭﺟﻬﻲ ﻭﻃﻠﻌﺖ ﻋﻠﻰ ﻛﻴﻔﻲ ﻣﻦ ﺍﻟﺒﻴﺖ ﻭﻗﻔﻠﺘﻪ ﻋﻠﻴﻪ ﺣﺘﻰ ﻻ ﻳﻠﺤﻜﻨﻲ ..
ﻭﻃﻠﻌﺖ ﺍﺭﻛﺾ .. ﺟﺎﻥ ﺍﻟﺠﻮ ﺑﺎﺭﺩ ﺣﻴﻴﻴﻴﻴﻴﻴﻞ ﺷﺘﺎ ﺷﻬﺮ 12 .. ﻳﺬﺑﺢ ﺑﺲ ﺻﻮﺕ ﺍﻟﻬﻮﻯ ﻭﺍﻧﻔﺎﺳﻲ ﺑﺎﻟﺸﺎﺭﻉ ﺍﺭﻛﺾ
ﻭﻫﺬﻩ ﻛﺎﻧﺖ ﻣﻦ ﺍﻏﺒﻰ ﺧﻄﻮﺍﺗﻲ ﺍﻟﻠﻲ ﻫﺮﺑﺖ ﺑﻴﻬﺎ ﺍﻟﻰ ﺍﻟﺠﺤﻴﻢ ....... ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء