رواية خطوات نحو الجحيم ج1 الجزء الخامس عشر

رواية خطوات نحو الجحيم ج1 الجزء الخامس عشر 

للكاتبة زينب ماجد 

🌹

ﺍﻻﺏ -: ﻣﻮﺍﻓﻖ ﺑﺸﺮﻃﺞ .. ﻭﺭﺍﺡ ﺍﺷﺘﺮﻁ ﻋﻠﻴﻪ ﻫﺬﺍ ﺍﻻﻣﺮ

ﻟﺠﻴﻦ -: ﻭﺍﺫﺍ ﻣﺎ ﻭﺍﻓﻖ

ﺍﻻﺏ -: ﻟﺘﺤﻠﻤﻴﻦ ﺑﻐﻴﺮﻩ .. ﺍﻟﻠﻲ ﺍﺳﻤﻪ ﻣﺎﻟﻚ ﻣﺴﺘﺤﻴﻞ ﺍﻭﺍﻓﻖ ﻋﻠﻴﻪ .. ﻭﻟﻮ ﺍﺧﺬﺗﻴﻪ ﺗﻨﺴﻴﻦ ﻋﻨﺪﺝ ﺍﺏ ..

ﺣﺠﺖ ﺧﺎﻟﺘﻲ ﺳﻌﺎﺩ .. ﻭﻟﻴﺶ ﻣﺘﻮﺍﻓﻖ ﻋﻠﻴﻪ ﺍﻧﺘﻮ ﻟﻴﺶ ﺗﺠﺒﺮﻭﻥ ﺍﻟﺒﻨﺎﺕ ﻳﺮﺣﻦ ﺑﻐﻴﺮ ﻃﺮﻳﻖ ﻭﺍﻟﺴﺒﺐ ﺍﻧﺘﻢ ..

ﺍﻟﻮﻟﺪ 8 ﻣﺮﺍﺕ ﺗﻘﺪﻡ ﻭﺭﺍﺩﻫﺎ ﻣﻨﻚ .. ﻭﺟﺎﺑﻠﻚ ﺷﻴﻮﺥ ﻭﻧﺎﺱ ﻛﺒﺎﺭ ﻭﺣﺘﻰ ﻛﺎﻟﻠﻜﻢ ﻣﺴﺘﻌﺪ ﻣﻬﺮﻫﺎ 100 ﻣﻠﻴﻮﻥ ﺑﺲ ﺍﻗﺒﻞ ﻧﺘﺰﻭﺝ ..

ﻭﺍﻧﺖ ﻣﻌﺎﻧﺪ ﻋﻠﻰ ﺍﺑﻦ ﺍﺧﻮﻙ ﺍﻟﻬﻤﺠﻲ ﺍﻟﻠﻲ ﻣﺎ ﻳﺤﺠﻲ ﻛﻠﻪ ﺍﻳﺪﻩ ﻭﺍﻟﻀﺮﺏ ﻭﺑﻨﺘﻚ ﻣﺪﻟﻠﻪ ﻣﻤﺘﻌﻮﺩﻩ ﻋﻠﻰ ﺍﺳﻠﻮﺑﻬﻪ ﻋﺒﺎﻟﻚ ﻣﺠﺮﻡ ﻋﻨﺪﻩ ﻣﻮ ﺑﻨﻴﻪ

ﺣﺮﺍﻡ ﻋﻠﻴﻜﻢ ﺧﺎﻓﻮﺍ ﺍﻟﻠﻪ .. ﻣﺎ ﺣﺒﻴﺖ ﺍﻧﺖ ﻗﺒﻞ ﻭﺟﻨﺖ ﻣﻦ ﺷﻘﺎﻭﺍﺕ ﺍﻟﻤﺤﻠﻪ ﻭﺍﻟﺤﺠﻲ ﺭﺍﻓﺾ ﻳﻨﻄﻴﻚ ﻭﺩﺍﺩ ﻻﻥ ﻫﻢ ﻳﻌﺘﺒﺮﻙ ﻣﺠﺮﻡ ..

ﺑﺲ ﺑﺪﺍﺧﻠﻚ ﺍﻧﺖ ﻭﻭﺩﺍﺩ ﻣﺎ ﺟﻨﺘﻮ ﺗﺘﻤﻨﻮﻥ ﺍﻟﺰﻭﺍﺝ .. ﻣﺎ ﻛﺘﻠﺖ ﺭﻭﺣﻚ ﺣﺘﻰ ﺗﺘﺰﻭﺟﻬﺎ .. ﺍﺗﺮﻙ ﺍﻧﺎﻧﻴﺘﻚ ﻭﻓﻜﺮ ﺑﻤﺸﺎﻋﺮﻫﻢ ..

ﻳﺤﺒﻮﻥ ﺑﻌﺾ ﺍﻧﻄﻴﻬﻢ .. ﻋﺎﺻﻲ ﺑﺎﻟﺒﻨﻴﻪ ﺷﻨﻮ ﺷﺮﺍﺡ ﺗﺤﺼﻞ ﻣﻦ ﻭﺭﺍﻫﺎ ﻣﺘﻜﻠﻲ

ﺍﻻﺏ -: ﺍﻭﻻ ﻳﺎ ﺍﺧﺖ ﺳﻌﺎﺩ ﻫﻨﺎ ﻟﻠﻤﺮﻩ ﺍﻻﻟﻒ ﺍﻋﻴﺪ .. ﺑﻨﺘﻲ ﻻ ﺗﺪﺧﻠﻮﻥ ﺑﻴﻬﺎ .. ﺛﺎﻧﻴﺎ ﺍﻧﻲ ﻣﻦ ﺍﺭﻓﺾ ﻭﺍﻥ ﻛﻨﺖ ﻏﺎﺿﺐ ﻋﻠﻰ ﺑﻨﺘﻲ

ﻟﻜﻦ ﺍﺳﻴّﺮﻫﺎ ﻟﻠﻄﺮﻳﻖ ﺍﻟﺼﺢ .. ﻣﺎﻟﻚ ﻗﺎﺗﻞ ﻣﺆﺟﻮﺭ ﺳﻴﺎﺳﻲ ﻭﻣﺠﺮﻡ ﻭﺳﺒﻖ ﻭﺍﺗﻌﺮﺿﻠﻬﺎ ﻭﺍﻟﻠﻲ ﻣﺎ ﻳﺨﺎﻑ ﻋﻠﻰ ﺳﻤﻌﺔ ﺍﻟﻠﻲ ﻳﺤﺒﻬﺎ ﻭﻳﻄﺎﻓﺮ ﻋﻠﻰ ﺑﻴﺘﻬﺎ ﺑﻨﺺ ﺍﻟﻠﻴﺎﻟﻲ

ﻫﺬﺍ ﻣﺎ ﺍﺳﻤﻲ ﺣﺐ .. ﻫﺬﺍ ﺍﻟﺮﺟﻞ ﻣﻌﺘﺒﺮ ﻟﺠﻴﻦ ﺷﻲ ﻏﺎﻟﻲ ﻭﺩﻳﺤﺎﻭﻝ ﻳﻠﻔﻠﻬﺎ ﻣﻦ ﻛﻞ ﻣﻜﺎﻥ .. ﻭﺍﻋﺮﻑ ﻟﻮ ﺍﺧﺬﻫﺎ ﻟﺠﻴﻦ ﺭﺍﺡ ﺗﺘﺮﺣﻢ ﻋﻠﻰ ﻣﺨﻠﺪ ﺍﻟﻒ ﻣﺮﻩ ..

ﻣﺨﻠﺪ ﻋﺼﺒﻲ ﻭﺣﺎﻟﻴﺎ ﻣﺘﻀﺎﻳﻖ ﻣﻨﻬﺎ ﺑﺴﺒﺐ ﺍﻓﻌﺎﻟﻬﺎ .. ﻭﺻﺢ ﻳﺄﺫﻱ ﺑﻌﺼﺒﻴﺘﻪ .. ﺑﺲ ﺍﻧﻲ ﻣﺘﺄﻛﺪ ﻣﻨﻪ ﻳﺼﻮﻧﻬﺎ .

ﺳﻌﺎﺩ -: ﻣﺎﻟﻚ ﻗﺎﺗﻞ ﻣﺄﺟﻮﺭ .. ﻣﻦ ﻭﻳﻦ ﺍﻟﻜﻢ ﻫﻠﻜﻼﻡ

ﺍﻻﺏ -: ﻣﺨﻠﺪ ﺑﺤﺚ ﻋﻨﻪ ﻭﻋﺮﻓﻪ

ﻟﺠﻴﻦ -: ﻫﻪ ﻫﻠﻤﺮﻩ ﻗﺎﺗﻞ .. ﻛﻨﺖ ﺗﻌﺠﺒﺖ ﻟﻮ ﻣﺨﻠﺪ ﻣﺎ ﻃﻠﻊ ﺑﻴﻪ ﺧﻠﻞ ﻣﺜﻞ ﺍﻟﺒﻘﻴﻪ ﻭﻫﻠﻤﺮﻩ ﻗﺎﺗﻞ .. ﻭﺍﻟﻘﺒﻠﻪ ﻭﺍﺣﺪ ﺳﺮﺳﺮﻱ ﻭﺍﻟﻘﺒﻠﻪ ﺩﻛﺘﻮﺭ ﺑﺎﻳﻊ ﻣﻬﻨﺘﻪ ..

ﻓﻘﻂ ﻫﻮ ﺍﻟﺸﺮﻳﻒ ..

ﺳﻌﺎﺩ -: ﻭﺍﻧﺖ ﺻﺪﻛﺖ ﻣﺨﻠﺪ .

ﺍﻻﺏ -: ﺍﻱ ﺍﺻﺪﻛﻪ .. ﻭﺍﺳﻤﻌﻴﻨﻲ ﻟﺠﻴﻦ ﺍﺧﺮ ﻛﻼﻡ ﻭﻳﺎﺝ ﻛﻠﺘﻪ .. ﻏﻴﺮﻩ ﺍﻧﺴﻲ ﻋﻨﺪﺝ ﺍﺏ .. ﻭﺭﻭﺣﻲ ﻟﻠﻲ ﺗﺸﻮﻓﻲ ﻣﻨﺎﺳﺐ ﺍﻟﺞ ..

ﻟﺠﻴﻦ -: ﺑﺎﺑﺎ ﺍﻧﻲ ﻣﻤﻌﺎﺭﺿﺘﻚ .. ﻭﻣﺴﺘﻌﺪﻩ ﺍﻭﺍﻓﻖ ﻋﻠﻰ ﺍﻱ ﺍﻧﺴﺎﻥ ﺍﻧﺖ ﺗﺮﺿﺎﻩ ﻓﻲ ﺳﺒﻴﻞ ﺗﻘﺒﻞ ﻭﺍﺗﺬﻛﺮ ﺑﺎﺑﺎ ﻛﻞ ﻏﺎﻳﺘﻲ ﺭﺿﺎﻙ ﺣﺘﻰ ﻟﻮ ﻛﺎﻥ ﻫﺬﺍ ﺍﻟﺸﺨﺺ ﻋﺪﻭﻱ

ﻣﺴﺘﻌﺪﻩ ﺍﺗﺤﻤﻞ ﺍﻟﻤﺮ ﻓﻲ ﺳﺒﻴﻞ ﺗﺮﺿﻰ ﻋﻠﻴﻪ .. ﻭﺍﺫﺍ ﻣﺎ ﻭﺍﺛﻖ ﻣﻨﻲ ﻭﻣﻦ ﻃﻬﺎﺭﺗﻲ ﻣﺴﺘﻌﺪﻩ ﺍﺭﻭﺡ ﻭﻳﺎﻙ ﻟﻠﻤﺴﺘﺸﻔﻰ ﻭﺍﺧﻀﻊ ﻟﻠﻔﺤﺺ ﻭﺗﺘﺄﻛﺪ ..

.... ﺍﺧﺬ ﻧﻔﺲ ﻭﻫﺰ ﺭﺍﺳﻪ .. ﻭﻛﺎﻝ ﻟﺨﺎﻟﺘﻲ .. ﻛﻮﻟﻲ ﻟﻮﺩﺍﺩ ﺗﺤﻈﺮ ﻧﻔﺴﻬﺎ ﺍﺭﺟﻌﻬﺎ ﻟﻠﺒﻴﺖ .. ﻫﻴﻪ ﻭﻫﺎﻱ .. ﻳﻘﺼﺪ ﻋﻠﻴﻪ

. 

. 

ﻣﺎ ﺯﻋﻠﺖ ﺑﺎﻟﻌﻜﺲ ﻓﺮﺣﺖ .. ﺭﺣﺖ ﺍﺭﻛﺾ ﻟﻠﻐﺮﻓﻪ .. ﺩﺧﻠﺖ ﻭﻛﻌﺪﺕ ﻳﻢ ﺭﺍﺱ ﻣﺎﻣﺎ .. ﻓﺘﺤﺖ ﻋﻴﻮﻧﻬﺎ ﻭﺑﺎﻭﻋﺘﻠﻲ ..

ﺩﻧﻜﺖ ﺑﺴﺘﻬﺎ ﺑﻨﺺ ﺍﻋﻴﻮﻧﻬﺎ .. ﻛﻮﻣﻲ ﺣﺒﻴﺒﺘﻲ ﻧﺮﺟﻊ ﻟﻠﺒﻴﺖ .. ﻟﺒﻴﺘﻨﺎ ..

ﺗﻬﺰ ﺭﺍﺳﻬﺎ ﺗﺮﻳﺪ ﺗﻌﺮﻑ ﺷﻜﻮ .. ﺳﻮﻟﻔﺘﻠﻬﺎ ﻫﻴﺞ ﻛﻠﺖ ﺍﻟﺒﺎﺑﺎ ﻭﻫﻴﺞ ﻗﻨﻌﺘﻪ ... ﻫﺰﻳﺖ ﺭﺍﺳﻬﺎ ﻭﻛﺎﻣﺖ ﻭﻳﺎﻳﻪ ..

ﻟﺒﺴﺘﻬﺎ ﺣﺠﺎﺑﻬﺎ .. ﻫﻲ ﺗﻠﺒﺲ ﺣﺠﺎﺏ ﺍﻻﻣﻴﺮﻩ ﺑﺪﻭﻥ ﺍﻟﻜﺐ ﻣﺎﻟﺘﻪ ﻓﻘﻂ ﺍﻟﺤﺠﺎﺏ ﺍﻟﺠﺒﻴﺮ ﻭﺗﻨﻮﺭﻩ ﻭﻗﻤﻴﺺ ﻣﻨﺎﺳﺒﻪ ﻟﻌﻤﺮﻫﺎ 55 .. ﺳﻨﻪ ﻋﻤﺮ ﻣﺎﻣﺎ ..

ﻛﻮﻣﺘﻬﺎ ﻭﺭﺣﻨﺎ ﺳﻠﻤﻨﺎ ﻋﻠﻰ ﺑﻴﺖ ﺧﺎﻟﺘﻲ .. ﻭﻃﻠﻌﻨﺎ ﻭﻱ ﺑﺎﺑﺎ .. ﺻﻌﺪﺕ ﻣﺎﻣﺎ ﻳﻤﻪ ﻭﺍﻧﻲ ﺑﺎﻟﺴﻴﺎﺭﻩ ﻭﺭﻩ ..

ﺍﺧﺬﻧﺎ ﻭﺭﺟﻌﻨﺎ ﻟﺒﻴﺘﻨﺎ .. ﺍﻭﻝ ﻣﺎ ﺩﺧﻞ ﻛﺎﻝ ﻭﺩﺍﺩ ﺑﻨﺘﺞ ﻣﺎ ﺗﺼﻌﺪ ﺍﻟﻐﺮﻓﺘﻬﺎ .. ﻣﻜﺎﻧﻬﺎ ﺍﻟﻐﺮﻓﻪ ﺍﻟﺼﻐﻴﺮﻩ .. ﻭﻃﻠﻌﻪ ﻟﻠﻜﺮﺍﺝ ﻣﻤﻨﻮﻉ ﺗﻄﻠﻊ

ﻭﺍﺑﻦ ﻋﻤﻬﺎ ﺍﻟﻴﻮﻡ ﻳﺠﻲ ﻳﻌﻘﺪ ﻋﻠﻴﻬﺎ .. ﻭﺍﺧﻠﺺ ﻣﻨﻬﺎ ..

ﺑﺎﻭﻋﺘﻠﻲ ﺍﻣﻲ ﻭﻫﺰﺕ ﺭﺍﺳﻬﺎ .. ﺍﺧﺬﺗﻬﺎ ﻭﺩﺧﻠﺖ ﺟﻮﻩ .. ﺧﺎﺑﺮ ﺍﺑﻮﻱ ﻋﻠﻰ ﻣﺨﻠﺪ .. ﻭﻛﺎﻟﻪ ﻟﺠﻴﻦ ﻛﺎﻧﺖ ﺍﺑﻴﺖ ﺧﺎﻟﺘﻬﺎ ﻭﻫﺴﻪ ﺍﺑﻴﺘﻲ ﺗﻌﺎﻝ ..

ﺧﻠﺺ ﻣﻜﺎﻟﻤﺘﻪ .. ﺍﻧﻲ ﺑﺎﻟﻐﺮﻓﻪ ﺩﺧﻠﺖ .. ﻗﻔﻞ ﺍﻟﺒﺎﺏ ﻋﻠﻴﻪ .. ﺍﺧﺬﺕ ﻧﻔﺲ .. ﺻﺒﺮﻧﻲ ﻳﺎﺭﺏ .. ﺧﻠﻴﻨﻲ ﺍﺗﺤﻤﻞ ﺍﻟﺰﻭﺍﺝ ﻣﻦ ﻣﺨﻠﺪ ..

ﺍﺑﻌﺪ ﻣﺎﻟﻚ ﻣﻦ ﻗﻠﺒﻲ ﻭﺧﻠﻴﻨﻲ ﺍﺭﺗﺎﺡ .. ﻳﺎﺭﺏ ﻳﺮﺟﻊ ﺑﺎﺑﺎ ﻳﺤﺒﻨﻲ ﻭﻳﺴﺎﻣﺤﻨﻲ .. ﻣﺎ ﺍﺭﻳﺪ ﺷﻲ ﺍﺧﺮ ﺩﺧﻴﻠﻚ ..

ﻓﻜﺮﺕ ﺍﺗﺰﻭﺝ ﻣﺨﻠﺪ .. ﻣﺎ ﺍﺗﺤﻤﻠﻬﺎ .. ﻣﻌﻘﻮﻟﻪ ﺍﻧﻲ ﺍﻗﺒﻞ ﺑﻲ .. ﺍﺣﺲ ﻗﺮﺍﺭ ﻣﻮﺍﻓﻘﺘﻲ ﻣﻨﻪ ﻭﻛﺄﻥ ﺍﻋﺪﺍﻣﻲ ..

ﺑﻘﻴﺖ ﺍﺭﻭﺡ ﻭﺍﺭﺟﻊ ﻭﺍﻓﻜﺮ ﺑﻬﺎﻟﻤﻮﺿﻮﻉ .. ﻟﺴﺎﻋﻪ ﻭﺷﻮﻱ .. ﺳﻤﻌﺖ ﺻﻮﺕ ﻋﻤﺎﻣﻲ ﻭﻣﺨﻠﺪ ﻭﻳﺎﻫﻢ ..

ﻓﺘﺤﺖ ﺍﻟﺒﺎﺏ ﻣﺎﻣﺎ .. ﻭﺩﺧﻠﺘﻠﻲ ﺗﺒﻮﺱ ﺑﻴﻪ ﻭﺗﺒﺠﻲ ﻭﺗﻮﻥ ﻭﺗﺄﺷﺮ .. ﻋﻮﺩ ﺗﺼﺒﺮﻧﻲ .. ﺟﺮﺕ ﺩﻣﻮﻋﻲ ﻭﻳﺎﻫﺎ .. ﻭﺣﻈﻨﺘﻬﺎ

ﺍﺑﺘﻌﺪﺕ ﻣﻨﻬﺎ .. ﻭﺑﺴﺘﻬﺎ .. ﻟﺘﺨﺎﻓﻴﻦ ﻣﺎﻣﺎ .. ﻣﺨﻠﺪ ﺧﻮﺵ ﺍﻧﺴﺎﻥ ﺻﺢ ﻋﺼﺒﻲ ﺑﺲ .. ﺧﻨﻜﺘﻨﻲ ﺍﻟﻌﺒﺮﻩ .. ﺧﻮﺵ ﻭﻟﺪ .. ﻧﺰﻟﺖ ﺩﻣﻮﻋﻲ ..

ﻣﺎﻣﺎ ﺍﺩﻋﻴﻠﻲ ﺍﺻﺒﺮ ﺍﻟﻠﻪ ﻳﺨﻠﻴﺞ .. ﺣﻈﻨﺘﻬﺎ ﻣﺎ ﻛﺪﺭﺕ ﺍﺧﻔﻲ ﺍﻛﺜﺮ .. ﻣﺎ ﻋﻨﺪﻱ ﻏﻴﺮﻫﺎ ﺍﻧﻔﺠﺮ ﺑﺤﻈﻨﻬﺎ ..

ﺩﻙ ﺍﻟﺒﺎﺏ ﻋﻤﻲ ﻋﺜﻤﺎﻥ .. ﻭﺻﺎﺡ ﻳﺎ ﺍﻟﻠﻪ ..

ﺍﺑﺘﻌﺪﺕ ﻋﻦ ﺍﻣﻲ .. ﻭﻫﻲ ﺩﺍﺭﺕ ﻭﺟﻬﺎ ﻣﻦ ﻋﻨﺪﻩ ﻭﻃﻠﻌﺖ ﺯﻋﻼﻧﻪ ﻣﻨﻪ ﻣﺎ ﺗﺮﻳﺪ ﺗﺒﺎﻭﻉ ﺑﻮﺟﻬﻪ ..

ﺩﺧﻞ ﻫﻮ .. ﻭﻣﺎ ﺍﻫﺘﻢ ﺍﻟﻬﺎ .. ﻛﺎﻝ ﻛﻌﺪﻱ .. ﻣﺸﻴﺖ ﻟﻠﻔﺮﺍﺵ ﻛﻌﺪﺕ . ﻛﻌﺪ ﻫﻮ ..

ﻋﺜﻤﺎﻥ -: ﺍﻛﻮ ﻭﺣﺪﻩ ﻣﺮﺑﺎﻳﻪ ﺗﺸﺮﺩ ﺑﻬﺎﻱ ﺍﻟﻄﺮﻳﻘﻪ ﻣﺜﻠﺞ .. ﻣﺎ ﺍﺳﺘﺤﻴﺘﻲ .. ﻭﺝ ﺷﻨﻮ ﻣﻦ ﺍﺑﻨﻴﻪ ﺍﻧﺘﻲ

ﻟﺠﻴﻦ -: ﺷﺘﺮﻳﺪ ﺍﺳﻮﻱ ﻋﻤﻮ .. ﺣﻠﻔﺘﻠﻜﻢ ﻣﻤﺴﻮﻳﻪ ﺷﻲ ﻭﺍﻟﻠﻪ ﻳﻌﻠﻢ ﻣﻤﺴﻮﻳﻪ ﺷﻲ .. ﺍﻟﻮﻟﺪ ﻣﻦ ﻳﻮﻡ ﻳﻮﻣﻪ ﻳﺘﺒﻌﻨﻲ ﻭﻫﺬﺍ ﺍﻟﺸﻲ ﻣﻮ ﺫﻧﺒﻲ ..

ﻭﺍﻧﺘﻮ ﻗﺴﻴﺘﻮ ﻋﻠﻴﻪ ﺍﻛﺜﺮ ﻣﻦ ﺍﻟﻼﺯﻡ . ﺍﻋﺘﺒﺮﺗﻮﻧﻲ ﻋﺎﺭ .. ﻭﺿﺮﺑﺘﻮﻧﻲ ﺿﺮﺏ ﻣﺎ ﻳﺘﺤﻤﻠﻪ ﺍﻟﺤﺪﻳﺪ ..

ﻭﺣﺘﻰ ﻗﻮﺓ ﺍﻟﻀﺮﺏ ﻋﻠﻰ ﺍﻟﺤﺪﻳﺪ ﻳﻔﻠﻪ . ﻭﺍﻧﻲ ﻓﻠﻴﺖ ﻣﻨﻜﻢ ﻭﺷﺮﺩﺕ ﺍﻧﻘﺬ ﻧﻔﺴﻲ ..

ﻋﺜﻤﺎﻥ -: ﺷﻜﺪ ﻭﻛﺤﻪ ﻭﺍﻧﺘﻲ ﻛﻞ ﻫﺬﺍ ﺍﻟﺼﺎﺭ ﻭﻋﻴﻨﺞ ﻣﺎ ﺍﻧﻜﺴﺮﺕ .. ﺷﻠﻮﻥ ﺍﺫﺑﺤﺞ ﻭﺍﻛﺴﺮ ﻋﻴﻴﻴﻴﻨﺞ ..

ﻟﺠﻴﻦ -: ﻣﻮ ﻭﻛﺤﻪ ﻭﻻ ﺗﺠﺎﺳﺮﺕ ﻋﻠﻴﻚ ﺑﻠﺤﻈﻪ .. ﺩﺍ ﺍﺣﺎﺟﻴﻚ ﺑﺼﻴﻐﺔ ﺩﻓﺎﻉ ﻋﻦ ﺍﻟﻨﻔﺲ . ﻟﻜﻦ ﺍﻧﺘﻢ ﺑﺮﺃﻳﻜﻢ ﺍﻟﻠﻲ ﺍﺩﺍﻓﻊ ﻋﻦ ﻧﻔﺴﻬﺎ ﻭﻛﺤﻪ

. 

ﻭﺍﻟﻲ ﺗﺘﺤﻤﻞ ﺍﻫﺎﻳﻦ ﻭﺿﺮﺏ ﻭﺷﺘﺎﻳﻢ .. ﺧﻮﺵ ﺍﺑﻨﻴﻪ ﻭﺧﻠﻮﻗﻪ .. ﻭﺍﻧﻲ ﻓﻜﺮﻱ ﻏﻴﺮ ﻓﻜﺮﻛﻢ

ﻋﺜﻤﺎﻥ -: ﻫﻴﻨﻪ ﻳﺎ ﻟﺠﻴﻦ ﻫﻴﻨﻪ .. ﻻ ﻣﺎ ﺭﺑﻴﻨﺎﺝ ﻭﻋﺪﻧﺎ ﺗﺮﺑﻴﺘﺞ ﻭﻧﺨﻠﻴﺞ ﺗﻤﺸﻴﻦ ﻋﻠﻰ ﺍﻟﺴﺮﺍﻁ ﺍﻟﻤﺴﺘﻘﻴﻢ ﻭﻣﺎ ﺗﻤﻴﻠﻴﻦ ﻓﻼ ﺍﻃﻠﻊ ﺍﻧﻲ ﻋﻤﺞ .. ﻫﻴﻨﻪ .

ﻛﺎﻡ ﻣﻨﻲ ﻭﺭﺍﺡ .. ﻭﺻﺎﺡ ﻭﺭﺍﻱ ﺗﻌﺎﻱ .. ﺭﺣﺖ ﺍﻟﻬﻢ .. ﺩﺧﻠﺖ ﻟﻠﺼﺎﻟﻪ ﻭﻋﻴﻮﻥ ﻣﺨﻠﺪ ﺗﺒﺎﻭﻋﻨﺎ ﻭﺍﺣﺲ ﺍﻟﻨﺎﺭ ﺗﻄﻠﻊ ﻣﻨﻬﺎ ﺑﻮﺩﻩ ﻳﻜﻮﻡ ﻳﺬﺑﺤﻨﻲ ..

ﺣﺠﻪ ﻋﻤﻮ ﻋﺜﻤﺎﻥ ﺑﺼﻴﻐﺔ ﻧﺘﺮ -: ﻛﻌﺪﻱ ﻫﻨﺎ

- ﻛﻌﺪﺕ ..

ﻋﺜﻤﺎﻥ -: ﻫﺬﺍ ﺍﺑﻦ ﻋﻤﺞ ﺗﻨﺎﺯﻝ ﻋﻦ ﻧﻔﺴﻪ ﻭﻗﺒﻞ ﺑﻴﺞ

ﻟﺠﻴﻦ -: ﺗﻨﺎﺯﻝ ﺑﺸﻨﻮ .. ﺍﺫﺍ ﻗﻀﻴﺔ ﻳﺴﺘﺮ ﻋﻠﻴﻪ .. ﻑ ﺍﻧﻲ ﻣﺎ ﺍﺭﺗﻜﺒﺖ ﺍﻟﻌﺎﺭ ﺣﺘﻰ ﺍﺣﺪ ﻳﺴﺘﺮﻧﻲ ..

ﻣﺨﻠﺪ -: ﺍﻛﻠﻲ ﺥ ...... ﻭﺍﻟﻠﻲ ﻟﻜﻴﺘﻪ ﻭﻳﺎﺝ ﻫﺬﺍ ﺷﻴﺴﻤﻮﻩ .

ﻟﺠﻴﻦ -: ﻫﻮ ﺗﺒﻌﻨﻲ ﻻﺭﺑﻴﻞ .. ﻣﻮ ﺫﻧﺒﻲ ..

ﻣﺨﻠﺪ -: ﻻ ﺗﺨﻠﻴﻨﻲ ﺍﻛﻮﻡ ﺍﺫﺑﺤﺞ ﻭﺍﻟﻠﻪ ..

ﻋﺜﻤﺎﻥ -: ﻣﺎ ﺧﺮﺑﻮﺝ ﻏﻴﺮ ﺧﻮﺍﻟﺞ ﺍﻟﺴﺎﻗﻄﻴﻦ .. ﺑﺎﻋﻲ ﻭﻟﺞ .. ﻧﺤﺠﻲ ﻭﺍﺫﺍ ﺗﺮﺩﻳﻦ ﺑﻜﻠﻤﻪ ﺭﺍﺳﺞ ﺑﺎﻟﻨﻌﺎﻝ ﺍﻟﺪﻭﺳﻪ ﺍﻓﺘﻬﻤﺘﻲ .

ﻟﺠﻴﻦ -: ﺷﻮﻑ ﻋﻤﻮ ﻭﻫﺬﺍ ﺑﺎﺑﺎ ﻛﺎﻋﺪ ﻛﺒﺎﻟﻜﻢ ﻭﺍﺣﺠﻴﻬﺎ ﻛﺪﺍﻣﻪ .. ﻣﺨﻠﺪ ﻭﺍﻓﻘﺖ ﻋﻠﻴﻪ ﻓﻘﻂ ﺣﺘﻰ ﺍﺭﺿﻲ ﺍﺑﻮﻳﻪ ..

ﻭﺣﺠﻴﺘﻬﺎ ﻟﺒﺎﺑﺎ .. ﺍﺫﺍ ﻳﺮﻳﺪ ﺍﺛﺒﺖ ﺑﺮﺍﺀﺗﻲ ﺑﻔﺤﺺ ﺍﻧﻲ ﻣﺴﺘﻌﺪﻩ . ﻭﻛﻞ ﺯﻭﺍﺟﻲ ﺍﺭﺿﺎﺀ ﺍﻟﺮﻏﺒﺔ ﺍﺑﻮﻳﻪ ﻻ ﺍﻛﺜﺮ

ﻻ ﻏﻠﻄﺖ ﻭﻻ ﺳﻮﻳﺖ ﺍﻟﻐﻠﻂ ﻭﺍﻧﻀﺮﺑﺖ ﻭﺍﻧﺬﻟﻴﺖ ﺑﺪﻭﻥ ﻣﺘﺴﻤﻌﻮﻥ ﻣﻨﻲ ﻭﻻ ﻛﻠﻤﻪ .. ﻭﺍﻟﻠﻲ ﺳﻮﻳﺘﻮ ﺑﻴﻪ ﻻ ﻳﺮﺿﻰ ﺩﻳﻦ ﻭﻻ ﺍﺧﻼﻕ ﻭﻻ ﻣﻨﻄﻖ ..

ﻣﺪﻳﺘﻠﻪ ﺍﻳﺪﻱ ﻭﺑﻴﻨﺘﻠﻬﻢ ﺍﻟﺴﻮﺍﺩ ﺍﻟﻠﻲ ﻋﻠﻰ ﺍﺩﻳﻪ ﻣﻦ ﺩﻓﺮﺍﺗﻬﻢ .. ﻛﻞ ﻫﺬﺍ ﺑﺬﺑﺘﻜﻢ .. ﻭﺍﺫﺍ ﺍﻧﻲ ﻣﻈﻠﻮﻣﻪ .. ﺗﻄﻠﻊ ﺣﻮﺑﺘﻲ

ﻭﻣﺨﻠﺪ ﺍﻻ ﻟﻮ ﻳﺒﻘﻰ ﺍﺧﺮ ﺭﺟﻞ ﺑﻌﻤﺮﻱ ﻣﺴﺘﺤﻴﻞ ﺍﻓﻜﺮ ﺑﺸﺨﺺ ﻣﺜﻠﻪ .. ﺑﺲ ﻟﺨﺎﻃﺮ ﺍﺑﻮﻳﻪ ﺍﻧﻲ ﻣﻮﺍﻓﻘﻪ ..

ﺑﺲ ﻫﺬﻩ ﻛﺪﺍﻡ ﺍﺑﻮﻳﻪ ﺍﺣﺠﻴﻬﺎ ﻟﻮ ﺗﻌﺮﺿﺖ ﻟﻀﺮﺏ ﺍﻭ ﺍﻱ ﺗﻌﻨﻴﻒ .. ﺍﻧﻔﺼﻞ ﻟﻮ ﻛﺎﻥ ﺯﻭﺍﺟﻲ ﻋﺒﺎﺭﻩ ﻋﻦ ﻳﻮﻡ ﻭﺍﺣﺪ ..

ﺳﻤﻌﺘﻨﻲ ﺑﺎﺑﺎ ..

ﻣﺨﻠﺪ -: ﻭﺗﺘﺸﺮﻃﻴﻦ ﺍﻧﺘﻲ .. ﺍﻟﺒﺎﺭﺣﻪ ﺗﺘﻮﺳﻠﻴﻦ ﻭﺍﺣﺪ ﻳﺮﺣﻤﺞ ﻭﻣﺎ ﻳﻘﺘﻠﺞ ﻭﺍﻟﻴﻮﻡ ﺗﺘﺸﺮﻃﻴﻴﻴﻴﻴﻴﻴﻴﻦ .. ﻣﺎ ﺗﻤﺸﻴﻦ ﺍﻻ ﺑﺎﻟﻀﺮﺏ ﺗﺼﻴﺮﻳﻦ ﺍﺩﻣﻴﻪ ﻭﺗﺘﺮﺑﻴﻦ ﻛﻠﺒﺒﺒﻪ

ﻟﺠﻴﻦ -: ﺍﻧﻲ ﻣﻮ ﺣﻴﻮﺍﻥ .. ﻭﺍﻟﻴﻀﺮﺏ ﺫﻛﺮ ﻣﻮ ﺭﺟﺎﻝ .. ﻭﺍﻥ ﻃﻠﺒﺖ ﺍﻟﺮﺣﻤﻪ .. ﻻﻥ ﻛﻨﺘﻮ ﺗﻀﺮﺑﻮﻥ ﻭﺗﻘﺘﻠﻮﻥ ﺑﺪﻭﻥ ﻣﺘﻔﻬﻤﻮﻥ ﻣﻨﻲ ..

........... ﺍﻧﻲ ﻛﻠﺖ ﻫﻴﺞ ﻟﻮ ﻋﻤﻲ ﻋﻤﺮﺍﻥ ﻭ ﻣﺨﻠﺪ ﻛﺎﻣﻮ ﺍﺛﻨﻴﻨﻬﻢ .. ﺍﺣﻨﻪ ﺫﻛﺮ ﻭﻟﺞ ﻣﻮ ﺭﻳﺎﺟﻴﻞ ... ﻛﺎﻡ ﺍﺑﻮﻱ ﻳﺘﺼﺎﻳﺢ ﻭﻃﺮﺩﻧﻲ ﻣﻦ ﺍﻟﺼﺎﻟﻪ ﺑﺲ ﻣﺎ ﺧﻼﻫﻢ ﻳﻠﺰﻣﻮﻧﻲ ..

ﻃﻠﻌﺖ .. ﻭﻛﻔﺖ ﺑﺎﻟﻤﻄﺒﺦ .. ﺑﻘﻮ ﻳﺘﺼﺎﻳﺤﻮﻥ .. ﺍﻧﻲ ﻣﺎ ﺑﺠﻴﺖ ﻛﺪﺍﻣﻬﻢ ﺑﺲ ﻣﻦ ﻃﻠﻌﺖ ﺑﺠﻴﺖ ..

ﻻﻥ ﻓﻌﻼ ﺣﺴﻴﺖ ﻧﻔﺴﻲ ﺑﺰﻭﺍﺟﻲ ﻫﺬﺍ ﺍﻭﻛﻊ ﺑﺄﺩﻳﻬﻢ ﺧﺼﻮﺻﺎ ﻣﺨﻠﺪ ﻣﺴﺎﻧﺪﻫﻢ .. ﺍﺗﺤﻤﻞ ﻣﻨﻮ ﻣﻨﻬﻢ ﻋﻤﻲ ﻟﻮ ﺍﻡ ﻣﺨﻠﺪ ﻟﻮ ﻣﺎﺯﻥ . ﻟﻮ ﻣﻨﻮ ..

ﺣﺘﻰ ﺑﻨﺎﺕ ﻋﻤﻲ ﺍﻟﻤﺘﺰﻭﺟﺎﺕ ﺍﻟﺴﺎﻧﺎﺗﻬﻦ ﻣﺜﻞ ﺍﻟﺴﺎﺍﻥ ﺍﻣﻬﻦ ﻳﺒﺚ ﺳﻢ .. ﺯﻳﻦ ﻫﺎﻱ ﺷﻠﻮﻥ ﺍﺭﻫﻢ ﻭﻳﺎﻫﻢ ..

. 

. 

ﻃﻠﻌﺘﻠﻲ ﻣﺎﻣﺎ ﻣﺴﺤﺖ ﺩﻣﻮﻋﻲ ﻭﺗﺄﺷﺮﻟﻲ ﻭﺗﻮﻧﻮﻥ .. ﻋﻮﺩ ﺍﺗﺤﻤﻠﻲ ﻭﻣﻦ ﻫﻠﻜﻼﻡ .. ﻭﺗﺮﻓﻊ ﺍﺩﻳﻬﺎ ﻋﻮﺩ ﺍﻧﻲ ﺍﺩﻋﻴﻠﺞ

ﻫﺰﻳﺖ ﺭﺍﺳﻬﺎ ﻭﺍﺧﺬﺕ ﺍﺩﻳﻬﺎ .. ﺗﻮﻋﺪﻳﻨﻲ ﺗﺴﺎﻓﺮﻳﻦ ﺗﺘﻌﺎﻟﺠﻴﻦ .. ﻭﺗﺮﺟﻌﻴﻠﻲ ﻣﺤﺘﺎﺟﺘﺞ ﻣﺎﻣﺎ ﻣﺎ ﺍﻛﺪﺭ ﺍﻭﺍﺟﻬﻢ ﻭﺣﺪﻱ ﻭﺍﺑﻮﻳﻪ ﺿﻌﻴﻒ ﻛﺪﺍﻣﻬﻢ ..

ﺑﻘﺖ ﺷﻤﺮ ﺣﺴﺮﺍﺕ ﻭﺍﻃﺒﻄﺐ ﻋﻠﻰ ﻛﺘﻔﻲ .. ﻛﺘﻠﻬﺎ ﺍﻟﻠﻪ ﻛﺮﻳﻢ .. ﺳﻤﻌﻨﺎﻫﻢ ﺧﺎﺑﺮﻭ ﺷﻴﺦ ﻳﺠﻲ ﻳﻌﻘﺪﻟﻨﺎ ..

ﺳﺎﻋﻪ ﺍﻻ ﺷﻮﻳﻪ ﺍﺟﻪ ﺍﻟﺸﻴﺦ .. ﺻﺎﺣﻮﻟﻲ ﻭﻛﺎﻟﻮ ﺳﺘﺮﻱ ﻧﻔﺴﺞ ﻭﺍﻟﺒﺴﻲ ﺣﺠﺎﺏ ﻛﺪﺍﻣﻪ ..

ﻟﺒﺴﺖ ﻣﻦ ﻣﺎﻣﺎ ﻭﻟﺒﺴﺖ ﻛﻠﺒﻴﻪ ﻭﺍﺳﻌﻪ ﻋﻠﻴﻪ ﻣﻦ ﻣﺎﻣﺎ ﻭﺩﺧﻠﻨﻲ ﻋﻤﻲ ﻋﺜﻤﺎﻥ .. ﻛﻌﺪ ﺍﻟﺸﻴﺦ ﻳﺴﺄﻟﻨﻲ ..

ﻛﺎﻝ ﻭﻛﻠﻲ ﺍﺑﻮﺝ ﻋﻨﺞ .. ﻭﻛﻠﺖ ﺍﺑﻮﻳﻪ ﻭﻃﻠﻌﺖ .. ﻋﻘﺪﻭ ﺍﻟﻴﻪ .. ﻭﺍﺟﻪ ﺍﺑﻮﻳﻪ ﻭﺭﺍﻳﻪ ..

ﺍﻻﺏ -: ﺍﺳﻤﻌﻲ .. ﻣﻦ ﺍﻟﻴﻮﻡ ﻭﺭﺍﻳﺢ ﻣﺨﻠﺪ ﺯﻭﺟﺞ ﺷﺮﻋﺎ .. ﻭﺍﻥ ﺷﺎﺀﺍﻟﻠﻪ ﻗﺮﻳﺒﺎ ﺗﻌﻘﺪﻭﻥ ﻣﺤﻜﻤﻪ ..

ﺷﻴﻜﻠﺞ .. ﺗﻜﻠﻴﻠﻪ ﺍﺍﻣﺮﻙ ﻭﺣﺎﻇﺮ .. ﻟﻮ ﺳﻤﻌﺘﺞ ﻣﺨﺎﻟﻔﺘﻪ ﺍﻧﻲ ﻣﻦ ﻳﻤﻲ ﺍﻛﻠﻪ ﺍﻳﺪﻙ ﺍﻟﻚ ..

ﻟﺠﻴﻦ -: ﻧﺰﻟﺖ ﺩﻣﻮﻋﻲ ﻣﻦ ﻫﻴﺞ ﺣﺠﻪ .. ﺭﻓﻌﺘﻠﻪ ﺭﺍﺳﻲ ﻭﺣﺠﻴﺖ ... ﺷﻴﻜﻮﻝ ﻭﺷﻴﺄﻣﺮ ﺍﻛﻮﻟﻪ ﺣﺎﻇﺮ ﻭﺍﻣﺮﻙ ﻭﺍﺫﺍ ﻋﺼﻴﺖ ﺍﻧﻀﺮﺏ ..

ﻫﺰﻳﺖ ﺭﺍﺳﻲ .. ﻃﻴﺐ ﻛﻮﻟﻲ ﺷﻨﻮ ﻓﺮﻗﻲ ﻋﻦ ﺍﻟﺤﻴﻮﺍﻥ .. ﺍﻧﻲ ﺍﻟﻠﻲ ﻛﻞ ﻋﻤﺮﻱ ﻋﻠﻤﺘﻨﻲ ﺍﻣﺸﻲ ﺑﻜﻴﻔﻲ .. ﻫﺴﻪ ﺗﻄﻠﺐ ﻣﻨﻲ ﺍﺻﻴﺮ ﺣﻴﻮﺍﻧﻪ ﻟﻤﺨﻠﺪ ﻳﺤﻜﻤﻬﺎ ..

ﺍﻟﻠﻪ ﻳﻌﺮﻑ ﻣﺎ ﺍﻟﻲ ﺫﻧﺐ .. ﻭﺍﺫﺍ ﺍﻟﻲ ﺣﻮﺑﻪ ﻭﻣﻈﻠﻮﻣﻪ .. ﺍﻟﻠﻪ ﻳﺎﺧﺬ ﺣﻘﻲ .. ﻭﻣﻊ ﺍﻻﺳﻒ ﺍﻧﺖ ﺍﺑﻮﻳﻪ ﺍﻟﻠﻲ ﺗﺤﺠﻲ ﻫﻠﺤﺠﻲ . ﻛﻨﺖ ﻣﺘﻮﻗﻌﻪ ﻣﻨﻚ ﺩﻛﻮﻟﻪ ﻣﻤﻨﻮﻉ ﺗﻀﺮﺑﻬﺎ ﻋﻮﺩﻫﺎ ﻋﻠﻴﻚ .. ﺗﺠﻴﻨﻲ ﺗﺤﺠﻴﻠﻲ ﻫﻠﻜﻼﻡ ..

ﻋﻔﺖ ﺍﺑﻮﻳﻪ ﻭﺭﺣﺖ ﻟﻠﻐﺮﻓﻪ ﺩﺍ ﺍﻛﻌﺪ . ﺻﺎﺡ ﻋﻤﻲ ﻋﻤﺮﺍﻥ ﻳﻠﻪ ﻭﻳﻨﺞ .. ﺭﺟﻌﺖ .. ﻛﺎﻝ ﻳﻼ ﻟﺒﺴﻲ ﺗﺮﺣﻴﻦ ﻭﻳﺎﻧﺎ .. ﻣﻦ ﺍﻟﻴﻮﻡ ﺍﻧﺘﻲ ﻣﺮﺕ ﻣﺨﻠﺪ ..

ﻟﺠﻴﻦ -: ﺑﺲ ﻣﻮ ﻫﺴﻪ ﺍﺭﻭﺡ .. ﻟﺤﺪ ﻣﺎ ﻧﻌﻘﺪ ﻗﺎﻧﻮﻧﻲ ﺍﺭﻭﺡ ..

ﻋﻤﺮﺍﻥ -: ﻻ ﻫﺴﻪ .. ﻭﻫﻮ ﺷﻮﻛﺖ ﻣﺎ ﻳﻔﻀﻰ ﻳﻌﻘﺪ ﻣﺤﻜﻤﻪ ..

ﺩﻳﺤﺠﻲ ﻭﺻﺎﺡ ﻣﺨﻠﺪ .. ﻳﻼ ﻳﺎﺑﺎ ﺧﻠﻬﺎ ﺗﺠﻲ ﺑﺴﺮﻋﻪ ﺗﺮﻩ ﺍﺟﻲ ﺍﻋﻠﻤﻬﺎ ﺍﺷﻠﻮﻥ ﺗﺠﻲ ..

ﺍﺣﺲ ﻛﺰﺑﺮ ﺟﺴﻤﻲ ﻣﻦ ﺣﺠﻪ ... ﻛﺎﺭﻫﻪ ﻛﻮﻟﺸﻲ ﺑﻴﻪ .. ﻣﻮ ﻃﺎﻳﻘﻪ ﺍﺳﻤﻊ ﺻﻮﺗﻪ ﺍﺻﻼ .. ﺷﻠﻮﻥ ﺭﺍﺡ ﺍﻋﻴﺶ ﻭﻳﺎﻩ ..

ﺑﻌﻤﺮﻱ ﻛﻠﻪ ﻣﺎ ﻛﺮﻫﺖ ﺑﺸﺮ .. ﺑﺲ ﺑﺬﺍﻙ ﺍﻟﻴﻮﻡ ﻣﺨﻠﺪ ﻛﺎﻥ ﺍﻭﻝ ﺍﻧﺴﺎﻥ ﺍﻣﻘﺘﻪ ﻟﺪﺭﺟﺔ ﺍﻟﺤﻘﺪ .. ﺍﻻﻧﺴﺎﻥ ﺍﻟﻠﻲ ﺧﺎﺑﺺ ﺍﻟﺪﻧﻴﺎ ﻭﻳﻜﻮﻝ ﺍﺣﺒﻬﺎ ..

ﻣﺎ ﺍﺣﺲ ﻧﻔﺴﻲ ﻋﻨﺪﻩ ﺍﻻ ﺣﺎﺟﻪ ﺛﻤﻴﻨﻪ ﻳﺤﺎﻭﻝ ﺍﻟﺤﺼﻮﻝ ﻋﻠﻴﻬﺎ ﺑﺪﻭﻥ ﺍﻱ ﺗﻌﺐ ﻭﺛﻤﻦ .. ﺑﺤﻴﻠﻪ .. ﺣﺘﻰ ﺑﺪﻭﻥ ﻣﻬﺮ ﺍﻭ ﺍﻱ ﻋﺮﺱ ﻭﺯﻭﺍﺝ .. ﺑﺤﺠﺔ ﻋﺎﺭ ﻭﻳﻜﻔﻴﻨﻲ ﺍﺳﺘﺮﻫﺎ ..

ﺣﻘﻴﻘﻪ ﺗﻤﻨﻴﺖ ﻣﺨﻠﺪ .. ﻳﻤﻮﺕ ﺑﺬﺍﻙ ﺍﻟﻴﻮﻡ .. ﻣﻦ ﻛﺪ ﻛﺮﻫﻲ ﺍﻟﻪ .. ﺍﻧﻲ ﺍﺗﺰﻭﺝ ﺍﻻﻧﺴﺎﻥ ﺍﻟﻠﻲ ﻟﺰﻡ ﺍﻣﻲ ﺣﺘﻰ ﻳﺨﻠﻲ ﺍﺑﻮﻩ ﻭﺍﺧﻮﻩ ﻳﻀﺮﺑﻮﻧﻲ ..

ﺍﻧﻲ ﺍﺧﺬ ﺍﻧﺴﺎﻥ ﺫﻛﺮ ﻣﺜﻠﻪ .. ﻭﺍﻫﻮﺝ ﻭﻫﻤﺠﻲ .. ﻟﻴﺶ ﺷﻨﻮ ﺳﻮﻳﺘﻪ ﺣﺘﻰ ﺍﺳﺘﺎﻫﻞ ﻣﺨﻠﺪ ..

ﺻﻌﺪﺕ ﻟﻐﺮﻓﺘﻲ .. ﺩﻣﻮﻋﻲ ﻧﺰﻟﺖ .. ﻛﻮﻟﺸﻲ ﺑﻴﻪ ﻳﺮﻳﺪ ﻣﺎﻟﻚ .. ﻗﻠﺒﻲ ﺣﻈﻨﻲ .. ﻣﺴﺎﻣﻌﻲ .. ﺣﺎﺑﻪ ﺍﺳﻤﻌﻪ ﻭﺍﺭﺗﺎﺡ . ﺣﺎﺑﻪ ﺍﺧﻠﻲ ﺭﺍﺳﻲ ﻋﻠﻰ ﻛﺘﻔﻪ ﻭﺍﺣﺲ ﺑﺎﻻﻣﺎﻥ

. 

. 

ﺍﺣﺒﻪ ﻣﻮ ﺑﻴﺪﻱ ﺍﻟﺮﺟﻞ ﺍﻟﻠﻲ ﺍﺳﺘﻘﺘﻞ ﻋﻠﻴﻪ ﻻﺧﺮ ﻟﺤﻈﻪ ﻭﻣﺎ ﺗﻬﻮﺭ ﻭﺍﺳﺘﺨﺪﻡ ﻏﻴﺮ ﺍﺳﻠﻮﺏ ﻭﺟﺎﺏ ﻧﺎﺱ ﻟﺨﻄﺒﺘﻲ ﻭﻳﻜﻮﻟﻬﻢ ﻣﺴﺘﻌﺪ ﺍﺧﻠﻲ ﻣﻬﺮﻫﺎ 100 ﻣﻠﻴﻮﻥ ﺑﺲ ﺍﻧﻄﻮﻧﻴﺎﻫﺎ ..

ﻏﻴﺮ ﻫﺬﺍ ﺍﻟﻬﻤﺠﻲ ﺍﻟﻠﻲ ﺍﺧﺬﻧﻲ ﺑﺎﻟﺤﻴﻠﻪ ﻭﺍﺳﺘﻐﻞ ﻣﻮﻗﻒ ﺿﻌﻔﻲ ﻭﻫﻮ ﻳﻌﺮﻑ ﺍﻧﻲ ﺑﺮﻳﺌﻪ .. ﻭﺍﺧﺬﻧﻲ ﻏﺼﺐ ﻭﺑﺪﻭﻥ ﺣﺘﻰ ﺍﻱ ﻣﻬﺮ ﻭﻛﺄﻧﻲ ﻣﻮ ﺍﻧﺴﺎﻧﻪ ..

ﻛﺄﻧﻲ ﺑﻬﻴﻤﻪ ﻭﺳﺎﻗﻮﻧﻲ ﻟﻤﺨﻠﺪ .. ﺑﺲ ﺍﻧﻲ ﺍﻋﺮﻑ ﺷﻠﻮﻥ ﺍﻋﻠﻤﻪ ﺍﻥ ﺍﻧﻲ ﻟﺠﻴﻦ .. ﻣﻮ ﺑﻬﻴﻤﺘﻪ ..

ﺟﺮﻳﺖ ﺟﻨﻄﺔ ﺳﻔﺮﻱ ﺍﻟﺴﺎﺑﻘﻪ .. ﻃﻠﻌﺖ ﻣﻨﻬﺎ ﺷﺴﻮﺍﺭﻱ ﻭﻣﻜﻴﺎﺟﻲ .. ﻟﺒﺴﺖ ﺍﻭﻓﺮ ﺍﺣﻤﺮ ﻃﻮﻳﻞ .. ﻭﻋﻠﻴﻪ ﺳﺘﺮﻩ ﺳﻮﺩﻩ ﺗﻠﺚ ﺍﺭﺑﺎﻉ ﺍﻟﺮﺩﻥ .. ﻭﻳﺎﻩ ﺣﺬﺍﺀ ﻛﻌﺐ ﻋﺎﻟﻲ ﺍﺳﻮﺩ ...

ﺷﺴﻮﺭﺕ ﺷﻌﺮﻱ ﺑﺴﺮﻋﻪ .. ﻭﺧﻄﻴﺖ ﻣﻜﻴﺎﺟﻲ .. ﻭﺟﻬﺰﺕ ﻧﻔﺴﻲ ﻋﻠﻰ ﺍﺗﻢ ﻭﺟﻪ .. ﻓﻘﻂ ﺣﺘﻰ ﺍﺑﻴﻦ ﻟﻤﺨﻠﺪ .. ﺍﻥ ﻫﻮ ﻣﺴﺘﺤﻴﻞ ﻳﻜﺴﺮﻧﻲ .. ﻣﺎ ﺍﺳﻤﺤﻠﻪ ..

ﺭﺷﻴﺖ ﺍﻟﻌﻄﺮ .. ﻭﻫﻤﻪ ﺧﻠﺼﻮﻫﺎ ﺻﻴﺎﺡ ﻭﻳﺎﻟﻪ ﻭﻭﻳﻨﺞ ﺭﺍﺡ ﺍﺻﻌﺪﻟﺞ .. ﻟﻤﻴﺖ ﻛﻞ ﻏﺮﺍﺿﻲ ﺑﺠﻨﻄﺔ ﺳﻔﺮ ﻃﻠﻌﺘﻬﺎ ﺑﺎﻟﻤﻤﺮ ﻧﺰﻟﻮﻫﺎ .. ﺷﻠﺖ ﺍﻟﺠﻨﻄﻪ ﺻﻐﻴﺮﻩ ﺳﻮﺩﻩ ﻭﺧﻠﻴﺘﻬﺎ ﺑﻌﻜﺲ ﺍﻳﺪﻱ ..

ﻭﻧﺰﻟﺖ ﺍﺿﺮﺏ ﺑﺎﻟﻜﻌﺐ ﻋﻠﻰ ﺍﻟﺪﺭﺝ .. ﻣﻦ ﺷﺎﻓﻮﻧﻲ ﺳﻜﺘﻮ .. ﺍﻭﻝ ﺷﻲ ﺭﺣﺖ ﺳﻮﻳﺘﻪ .. ﺑﺴﺖ ﻣﺎﻣﺎ ﻭﻛﺘﻠﻬﺎ ﻟﺘﺨﺎﻓﻴﻦ ﻋﻠﻴﻪ .. ﺗﻌﺮﻓﻴﻨﻲ ﺑﻨﺘﺞ ﻛﺪﻫﺎ ..

ﻛﺎﻧﺖ ﺩﻣﻮﻋﻬﺎ ﺑﻌﻴﻨﻬﺎ .. ﻫﺰﺕ ﺭﺍﺳﻬﺎ .. ﺣﻈﻨﺘﻬﺎ ﺣﻴﻞ .. ﻭﻛﺘﻠﻬﺎ ﻟﺨﺎﻃﺮﻱ ﺗﺴﺎﻓﺮﻳﻦ ﺗﺮﺟﻌﻴﻦ ﺻﻮﺗﺞ .. ﺍﺣﺘﺎﺟﺞ ﻭﺍﻟﻠﻪ . ﺳﻠﻤﺖ ﻋﻠﻴﻬﺎ ﻭﻃﻠﻌﺖ ..

ﺭﺟﻌﺖ ﻃﻠﻌﺖ ﺍﻟﻬﻢ ﺑﺎﻟﺼﺎﻟﻪ .. ﺍﻭﻝ ﻣﺎ ﺩﺧﻠﺖ . ﺷﻤﺮﺕ ﺷﻌﺮﻱ ﻭﺭﻯ .. ﻭﻛﻠﺖ ﺑﺎﺑﺎ ﺍﻧﻲ ﺟﺎﻫﺰﻩ ..

ﺩﻳﺮﻳﺪ ﻳﺤﺠﻲ ﺑﺎﺑﺎ .. ﺳﺒﻘﻪ ﻣﺨﻠﺪ

ﻣﺨﻠﺪ -: ﻣﺎ ﺍﺧﺬﻫﺎ ﺑﻬﺎﻱ ﺍﻟﻤﻼﺑﺲ ﺗﺮﻭﺡ ﺗﺒﺪﻝ ﻏﻴﺮﻫﺎ ..

ﺍﻻﺏ -: ﻭﺷﺒﻲ ﻟﺒﺴﻬﺎ ﻣﺴﺘﻮﺭ ﻛﻠﺸﻲ ﻣﺎﺑﻲ ..

ﻣﺨﻠﺪ -: ﻛﻠﺖ ﺗﺒﺪﻝ ﻣﻼﺑﺴﻬﺎ ﻭﺗﻠﻢ ﺷﻌﺮﻫﺎ ﺑﺴﺮﻋﻪ

ﻣﺎ ﺭﺩﻳﺖ ﻋﻠﻴﻪ .. ﺑﻘﻴﺖ ﺍﻋﺪﻝ ﺑﺸﻌﺮﻱ ﻭﺍﻟﻌﺐ ﺑﻲ ﻻﻥ ﻣﺸﺴﻮﺭ ﻧﺎﻋﻢ ... ﺧﺒﻠﺘﻪ ﻭﺍﻧﻲ ﺍﻋﺮﻑ ﺍﻧﺪﻕ ﻣﻨﻲ ﻣﻮ ﻣﻦ ﻣﻼﺑﺴﻲ ﺑﺲ ﻻﻥ ﺑﺪﻟﺖ .. ﻛﻞ ﻫﻤﻪ ﻳﻜﺴﺮﻧﻲ ﺑﺤﺒﻪ ﺍﻻﻧﺎﻧﻲ ﻭﺍﻟﺠﺸﻊ ..

ﺍﺑﻮﻱ ﻣﺎ ﻗﺒﻞ ﻭﻛﺎﻟﻪ ﺍﺩﻳﺮ ﺑﺎﻟﻚ ﻋﻠﻴﻬﺎ .. ﻭﺍﺫﺍ ﻣﺘﺮﻳﺪﻫﺎ ﻭﻣﺘﺮﻳﺪ ﺍﻃﺒﺎﻋﻬﺎ ﺍﺣﺠﻲ ﻫﺴﻪ ﺍﻓﺼﻠﻬﺎ ﻋﻨﻚ ﻭﺍﻧﻄﻴﻬﺎ ﻟﻠﻲ ﺭﺍﺩﻭﻫﺎ ..

ﻣﺎ ﺗﺤﻤﻞ ﺑﺴﺮﻋﻪ ﻃﻠﻊ ﻣﻦ ﺍﻟﺒﻴﺖ .. ﻭﻛﻔﺖ ﻛﺒﺎﻟﻲ ﺍﺑﻮﻳﻪ .. ﺑﺴﺖ ﺭﺍﺳﻪ .. ﻛﺎﻝ ﺍﻟﻠﻪ ﻳﺮﺿﻰ ﻋﻠﻴﺞ ..

ﺭﺿﺎﺗﻲ ﻣﻦ ﺭﺿﺎﺕ ﺯﻭﺟﺞ ﻭﺳﻌﺎﺩﺗﻪ .. ﺻﺢ ﺑﺴﺮﻋﻪ ﺑﺴﺮﻋﻪ ﻭﺑﺪﻭﻥ ﻋﺮﺱ .. ﺑﺲ ﻫﺬﺍ ﻛﺎﻥ ﻋﻘﺎﺑﺞ ﻋﻠﻰ ﺍﻟﻠﻲ ﺳﻮﻳﺘﻲ ..

ﺣﻈﻨﺘﻪ ﻭﻛﺘﻠﻪ ﺍﻫﻢ ﺷﻲ ﺭﺿﺎﻙ ﺑﺎﺑﺎ .. ﻃﻠﻌﺖ ﻭﻳﺎ ﺑﺎﺑﺎ ﺻﻌﺪﻧﻲ ﺳﻴﺎﺭﺓ ﻣﺨﻠﺪ ﻭﺭﻩ .. ﻭﺻﻌﺪ ﺟﻨﻄﺘﻲ ..

ﺍﻣﻲ ﻭﻛﻔﺖ ﺑﺎﻟﺒﺎﺏ ﺗﻠﻮﺣﻠﻲ ﺑﺎﻳﺪﻫﺎ ﻭﺗﺒﺠﻲ .. ﺩﻣﻌﺖ ﻋﻴﻮﻧﻲ ﺑﺲ ﻣﺎ ﺑﺠﻴﺖ .. ﻛﻮﻩ ﺍﻛﺎﺑﺮ ﻣﺎ ﺍﺿﻌﻒ ﻛﺪﺍﻣﻬﻢ

ﺷﻐﻞ ﻣﺨﻠﺪ ﺍﻟﺴﻴﺎﺭﻩ ﻭﺍﺑﻮﻩ ﻳﻤﻪ ﻭﻋﻤﻲ ﻋﺜﻤﺎﻥ ﺑﺴﻴﺎﺭﺗﻪ .. ﻣﺸﻰ ﺑﺎﻟﺴﻴﺎﺭﻩ ﺍﺣﺲ ﺍﻧﺴﻠﺒﺖ ﺭﻭﺣﻲ ..

ﻫﻤﺴﺖ ﺟﻤﻠﻪ ﻭﺣﺪﻩ ... ﻣﺎﻟﻚ ﺍﺣﺒﻚ .... ﻭﻛﺄﻧﻲ ﺗﺮﻛﺖ ﻗﻠﺒﻲ ﻭﺍﺣﺴﺎﺳﻲ ﺍﺑﻴﺖ ﺍﻫﻠﻲ ﻭﺍﺟﻴﺖ ﻣﻊ ﻣﺨﻠﺪ ﺟﺴﺪ ﻻ ﺍﻛﺜﺮ ..

. 

. 

ﻛﻞ ﻋﻘﻠﻲ ﻭﺭﻭﺣﻲ ﻭﻗﻠﺒﻲ ﻳﻢ ﻣﺎﻟﻚ .. ﺍﺗﻤﻨﻴﺖ ﻳﻌﺘﺮﺽ ﻃﺮﻳﻘﻨﺎ ﻭﻳﺠﻲ ﻳﺼﻴﺢ ﺍﻧﺘﻲ ﺍﻟﻲ .. ﺗﻤﻨﻴﺖ ﻳﺎﺧﺬﻧﻲ ﻣﻦ ﺍﻟﻤﻮﺕ ﺍﻟﻠﻲ ﺭﺳﻤﺘﻪ ﺍﻟﻨﻔﺴﻲ ﺑﻤﺨﻠﺪ ..

ﺗﻤﻨﻴﺖ ﻳﺠﻲ ﻣﺎﻟﻚ ﻭﻳﻜﺴﺮ ﻋﻴﻦ ﻣﺨﻠﺪ ﺍﻟﻠﻲ ﺍﺣﺴﻪ ﻳﺸﺘﻌﻞ ﻧﺎﺭ ﻓﻘﻂ ﻻﻧﻲ ﺑﺪﻟﺖ ﻭﻋﻄﺮﺕ .. ﻭ ﺣﺲ ﺍﻧﻮ ﺩﺍ ﺍﺗﺤﺪﺍﻩ ..

ﻭﺻﻠﻨﺎ ﻟﺒﻴﺘﻬﻢ .. ﺍﺗﺬﻛﺮﺕ ﻫﺮﻭﺑﻲ ﻣﻨﻪ ﺍﻟﺒﺎﺭﺣﻪ ﻭﺭﺟﻮﻋﻲ ﺍﻟﻪ ﺍﻟﻴﻮﻡ .. ﺻﻒ ﺍﻟﺴﻴﺎﺭﻩ ﻭﺩﺧﻠﻬﺎ ﻟﻠﻜﺮﺍﺝ ﻣﺎﻝ ﺑﻴﺖ ﺍﻫﻠﻪ ..

ﻧﺰﻟﺖ ﺷﻔﺖ ﺍﻟﺒﺎﺏ ﺍﻟﺤﺪﻳﺪ ﺟﺎﻣﻪ ﻣﻜﺴﻮﺭ .. ﻋﺮﻓﺖ ﻫﻮ ﻛﺴﺮﻩ ﻭﻓﺘﺢ ﺍﻟﻘﻔﻞ ﺍﻟﺒﺎﺭﺣﻪ ﻭﺭﺍﻱ .. ﺑﻌﺪﻧﻲ ﺩﺍ ﺍﺑﺎﻭﻉ ..

ﻟﺰﻣﻨﻲ ﻣﻦ ﺍﻳﺪﻱ ﻭﺳﺤﺒﻨﻲ ﺣﻴﻞ .. ﻭﻣﺸﻰ .. ﺍﺭﻳﺪﻩ ﻳﻮﻛﻒ .. ﻳﻤﺸﻲ ﺑﻜﻞ ﻗﻮﺗﻪ .. ﺣﺴﻴﺖ ﺭﺍﺡ ﺍﻭﻛﻊ ..

ﺩﺧﻠﻨﻲ ﻣﻦ ﻧﺺ ﺍﻫﻠﻪ ﻭﺻﻌﺪﻧﻲ ﻟﻠﻐﺮﻓﻪ ﻓﻮﻙ .. ﺟﺮ ﻋﻠﺪﺭﺝ ﻳﺼﻌﺪﻧﻲ .. ﻭﺻﻠﻨﻲ ﻟﻐﺮﻓﺘﻪ .. ﺷﻤﺮﻧﻲ ﺑﺎﻟﻜﺎﻉ ﺣﻴﻞ ..

ﺗﻜﻮﻣﺖ ﻭﺗﻜﺴﺮﺕ .. ﺗﻘﺮﺏ ﻳﻤﻲ .. ﻭﻟﺰﻣﻨﻲ ﻣﻦ ﺷﻌﺮﻱ .. ﻭﻳﻜﻮﻟﻲ

-: ﻣﻮ ﺍﻧﻲ ﺍﻟﻠﻲ ﻳﻨﻠﻌﺐ ﻭﻳﺎﻱ ﻫﻴﺞ .. ﺫﺑﺢ ﺍﺫﺑﺤﺞ ﻓﻬﻤﺘﻴﻴﻴﻴﻴﺆﺅﻱ ..

ﻣﺎ ﺭﺩﻳﺖ ﻋﻠﻴﻪ ..

ﻣﻦ ﺷﻌﺮﻱ ﻭﻗﺮﺑﻨﻲ ﺍﻟﻪ .. ﻭﻳﺼﻴﺢ ..

ﻣﺨﻠﺪ -: ﺷﺤﺠﻲ ﻭﺷﻨﻮ ﺍﻛﻮﻝ .. ﺍﺳﻤﻊ ﺍﻟﺤﺎﻇﺮ ﻣﻨﺞ ﻭﺍﻻ ﺗﺸﻮﻓﻴﻦ ﻭﺟﻬﻲ ﺍﻟﺜﺎﻧﻲ ..

ﻟﺠﻴﻦ -: ﻟﻴﺶ ﺑﻌﺪ ﺍﻛﻮ ﺍﻗﺒﺢ ﻣﻦ ﻫﺬﺍ ﻭﺟﻬﻚ .... ﻓﺘﺢ ﻋﻴﻮﻧﻪ ﺣﻴﻞ .. ﻭﺭﻓﻊ ﺍﻳﺪﻩ ﺭﺍﺩ ﻳﻀﺮﺑﻨﻲ .. ﺧﻠﻴﺖ ﺍﺩﻳﻪ ﻓﻮﻙ ﺭﺍﺳﻲ ﻭﺩﻧﻜﺖ ﺍﺣﻤﻲ ﻧﻔﺴﻲ ﻣﻨﻪ .

ﻟﺰﻣﻨﻲ ﻣﻦ ﺭﻛﺒﺘﻲ ﻭﻳﻜﻠﻲ ﺍﻻ ﺍﺷﻮﻓﺞ ﺍﻟﻘﺒﺎﺣﻪ ﻋﻠﻰ ﺍﺻﻮﻟﻬﺎ .. ﻭﺷﻤﺮﻧﻲ ﻟﻠﻜﺎﻉ .. ﻭﻃﻠﻊ ..

ﺣﺠﻴﺖ .. ﺍﻟﻠﻪ ﻳﺎﺧﺬﻙ ﻭﻳﺨﻠﺼﻨﻲ ﻣﻨﻚ .. ﺷﻠﻮﻥ ﺑﺸﺮ .. ﺍﻟﻠﻪ ﻳﺨﻠﻖ ﻭﺍﺣﻨﻪ ﻧﺒﺘﻠﻲ .. ﺗﻔﻮﻭﻭﻭ .. ﺗﻔﻠﺖ ﻭﺭﺍﻩ ..

ﻛﻤﺖ ﻋﻠﻰ ﺣﻴﻠﻲ .. ﺑﺎﻭﻋﺖ ﻏﺮﻓﺘﻪ ﻋﻠﻰ ﺣﻄﺔ ﺍﻳﺪﻱ .. ﻫﻮﺳﻪ ﺗﻠﻌﺐ ﺍﻟﻨﻔﺲ .. ﻭﻋﺒﺎﻟﻪ ﺍﻧﻀﻒ .. ﻳﺤﻠﻢ .

ﻧﺰﻋﺖ ﺍﻟﺴﺘﺮﻩ ﺷﻤﺮﺗﻬﺎ ﻋﻠﻰ ﺍﻟﺴﺮﻳﺮ .. ﺑﻘﻴﺖ ﺑﺲ ﺑﺎﻻﻭﻓﺮ .. ﺑﺎﻭﻋﺖ ﺑﺎﻟﻤﺮﺍﻳﺎ .. ﺟﺴﻤﻲ ﻣﺒﻴﻦ ﺍﻟﻀﺮﺏ ﺑﻲ .. ﺟﺎﻥ ﺍﻻﻭﻓﺮ ﺑﻼ ﺭﺩﻥ ﻭﻻ ﺣﺘﻰ ﺭﺍﻓﻌﺎﺕ ﺍﻳﺪ ..

ﻟﺤﺪ ﺍﻟﺼﺪﺭ .. ﻭﻳﻨﻀﺐ ﻋﻠﻰ ﺍﻟﺠﺴﻢ ﺑﺴﺤﺎﺑﻪ ﻣﻦ ﻭﺭﺍ .. ﺗﺮﻛﺖ ﺑﻼ ﺳﺘﺮﻩ ﻭﺑﻘﻴﺖ ﺍﻓﺘﺮ ﺑﺎﻟﻐﺮﻓﻪ ..

ﻏﺮﻓﻪ ﻣﺎﻝ ﻧﻔﺮ ﻭﺍﺣﺪ .. ﻭﻧﺺ ﺑﻴﺒﺎﻧﻬﺎ ﻣﻜﺴﺮﻩ ﻭﻫﺪﻭﻣﻪ ﻣﻜﻌﻮﺭﻩ ﺑﺎﻟﻜﻨﺘﻮﺭ ﺑﺲ ﻣﺎﻝ ﺍﻟﻄﻠﻌﻪ ﻣﻌﻠﻜﺎﺕ ..

ﻭﺍﻟﺒﺎﻗﻴﺎﺕ ﻣﻮ ﻫﺪﻭﻡ ﻋﺒﺎﻟﻚ ﻋﺮﺑﺎﻧﺔ ﻟﻨﮕﺎﺕ .. ﺍﻟﺴﺮﻳﺮ ﻧﻔﺮ .. ﺍﻟﻜﺎﻉ . ﺣﺼﻴﺮ ﻭﻳﻤﻜﻦ ﺻﺎﺭﻟﻬﺎ ﺷﻬﺮ ﻣﻤﻨﻈﻔﻪ ..

ﻏﺮﻓﻪ ﻟﻮ ﺯﺑﺎﻟﻪ .. ﺑﺲ ﻳﻼ ﻫﻮ ﺍﻟﺰﺑﺎﻟﻪ ﻟﻠﺰﺑﺎﻟﻪ .. ﺗﻠﻮﻛﻠﻪ ﻏﺮﻓﺘﻪ .. ﻭﻋﺒﺎﻟﻪ ﺍﻧﻈﻔﻠﻪ .. ﻳﺤﻠﻢ ..

ﺩﺍ ﺍﺣﺠﻲ .. ﻃﺐ .. ﻓﺰﻳﺖ ﺑﺴﺮﻋﻪ ﻟﻠﺴﺘﺮﻩ ﺍﺧﺬﺗﻬﺎ ﻫﻮ ﺩﻧﻚ ﻋﻴﻨﻪ ﻭﺩﺍﺭ ﻭﺟﻬﻪ .. ﻟﺒﺴﺘﻬﺎ .. ﺭﺟﻊ ﺑﺎﻭﻋﻠﻲ ﻭﺗﻘﺮﺏ ..

ﻣﺨﻠﺪ -: ﻟﺘﺤﺎﻭﻟﻴﻦ ﺗﻠﻌﺒﻴﻦ ﻭﻳﺎﻱ ﻫﺎﻱ ﺳﻮﺍﻟﻔﺞ . ﻟﻮ ﻣﻮ ﺗﻨﺰﻋﻴﻦ ﺳﺘﺮﻩ .. ﻟﻮ ﺗﺘﺼﻠﺨﻴﻦ .. ﻭﺣﺪﻩ ﺳﺰﺯ ﻣﺜﻠﺞ ﻣﺴﺘﺤﻴﻞ ﺍﺑﺎﻭﻋﻠﻬﺎ ..

ﻟﺠﻴﻦ -: ﺍﻟﻠﻪ .. ﻫﻬﻬﻬﻬﻬﻴﻲ .. ﺍﻟﻌﺐ ﻭﻳﺎﻙ .. ... ﺩﻃﻠﻊ ﺣﺒﺎﺏ ﻫﻮﺍﻳﻪ ﻭﺍﺛﻖ ﺑﺮﻭﺣﻚ ..

ﻣﺨﻠﺪ -: ﺑﺎﻟﻘﺮﺍﻥ ﺍﺫﺍ ﻣﺎ ﺭﺑﻴﺘﺞ .. ﻭﻋﺪﺕ ﺗﺮﺑﻴﺘﺞ .. ﻓﻼ ﺍﻃﻠﻊ ﺍﺳﻤﻲ ﻣﺨﻠﺪ

. 

. 

ﻟﺠﻴﻦ -: ﺭﻓﻌﺘﻠﻪ ﺣﺎﺟﺐ .. ﺑﺮﺍﺣﺘﻚ .. ﻫﻮ ﻛﻠﻤﻦ ﻳﻌﺎﻣﻞ ﺯﻭﺟﺘﻪ ﺣﺴﺐ ﺭﺟﻮﻟﺘﻪ ..

ﻓﻲ ﺍﻟﻠﻲ ﻓﺎﻗﺪﻫﺎ ﺑﺮﻩ ﻭﻣﻴﻜﺪﺭ ﻳﺘﻼﻭﻯ ﻭﻱ ﺍﻟﺮﻳﺎﺟﻴﻞ .. ﻑ ﻳﺠﻲ ﻳﺴﺘﺮﺟﻞ ﻋﻠﻴﻬﺎ ﻻﻧﻬﺎ ﺿﻌﻴﻔﻪ ﻭﻣﺘﻜﺪﺭ ﺗﺮﺩﻩ ..

ﻭ ﻓﻲ ﺳﻴﺪ ﺍﻟﺮﺟﺎﻝ ﺑﻴﻨﻬﻢ .. ﻭﺿﻌﻴﻒ ﺍﻣﺎﻡ ﺯﻭﺟﺘﻪ ﻻﻧﻬﺎ ﺿﻌﻴﻔﻪ .. ﻭﺍﻧﺘﻪ ﺣﺪﺩ

ﺿﺮﺑﻨﻲ ﺭﺍﺷﺪﻱ .. -:... ﺍﻧﻲ ﺍﻋﻠﻤﺞ ﺷﻠﻮﻥ ﺗﺼﻴﺮ ﺍﻟﻤﺮﺍﺟﻞ ..

ﻃﻠﻊ ﺑﺴﺮﻋﻪ ... ﺍﺧﺬ ﻧﻔﺲ .. ﻣﻮ ﻻﺯﻡ ﺍﺿﻌﻒ ﺍﺑﺪ .. ﺍﻥ ﻟﻢ ﺗﻜﻦ ﺫﺋﺒﺎ ﺍﻛﻠﺘﻚ ﺍﻟﺬﺋﺎﺏ .. ﻣﻮ ﻻﺯﻡ ﺍﺿﻌﻒ ..

ﺣﺒﺴﺖ ﺍﻟﻌﺒﺮﻩ ﺑﺪﺍﺧﻠﻲ ﻭﻣﺎ ﻃﻠﻌﺘﻬﺎ .. ﺭﺟﻊ ﺩﺧﻞ ﺍﻟﺠﺎﻛﻮﺝ ﺑﻴﺪﻩ .. ﺗﺮﺍﺟﻌﺖ ﻭﺭﻩ .. ﻫﺬﺍ ﺷﻴﺮﻳﺪ ﻳﺴﻮﻱ ..

ﺗﻘﺮﺏ ﻣﻨﻲ .. ﻭﺍﻧﻲ ﺍﺗﺮﺍﺟﻊ .. ﻋﺜﺮﺕ ﺑﺎﻟﺠﺮﺍﺭﻩ ﻭﻟﺰﻣﺖ ﺑﺎﻟﻜﻨﺘﻮﺭ .. ﻭﺍﺑﺘﻌﺪﺕ ﻋﻨﻪ .. ﺩﻧﻚ ﻟﻠﺠﺮﺍﺭﻩ ﻭﻳﺤﺎﻭﻝ ﻳﺨﻔﻲ ﺿﺤﻜﺘﻪ ..

ﺍﺧﺬ ﺑﺴﺎﻣﻴﺮ ﻭﺑﺮﺍﻏﻲ ﻭﺩﺭﻧﻔﻴﺲ .. ﻭﺭﺍﺡ ﻟﻠﺒﺎﺏ .. ﻛﻌﺪ ﻳﺴﻮﻱ ﻭﻳﻌﺪﻝ ﺍﻟﻘﻔﻞ ﺍﻟﻜﺴﺮﺗﻪ ﺑﻠﻴﻞ ..

ﻫﺒﻄﻨﻲ ﺍﻟﻠﻪ ﻳﺎﺧﺬﻩ .. ﻋﺒﺎﻟﻲ ﺻﺎﺭ ﺍﺑﻮ ﻃﺒﺮ ..

ﻣﻦ ﺍﻟﻬﺒﻄﻪ ﻛﻌﺪﺕ ﻉ ﺍﻟﺴﺮﻳﺮ .. ﻫﻮ ﻋﻠﻰ ﻳﺴﺎﺭﻱ .. ﺩﺍﻳﺮﻩ ﻭﺟﻬﻲ ﻋﻨﻪ ..

ﻛﺎﻡ ﻳﻀﺮﺏ ﺑﺎﻟﺒﺎﺏ ﺑﺎﻟﺠﺎﻛﻮﺝ .. ﻭﺍﻟﺼﻮﺕ ﻗﻮﻱ .. ﺩﺭﺕ ﻭﺟﻬﻲ ﺍﺑﺎﻭﻋﻠﻪ .. ﺩﻧﻚ ﻳﺎﺧﺬ ﺑﺴﻤﺎﺭ .. ﻭﺑﺎﻭﻉ ..

ﺩﺭﺕ ﻭﺟﻬﻲ ﻭﺑﺎﻭﻋﺖ ﻋﻠﻰ ﺍﻟﺸﺒﺎﻙ .. ﻳﺎﺭﺑﻲ ﺣﺘﻰ ﻭﺟﻮﺩﻩ ﻳﻤﻲ ﻛﺎﺭﻫﺘﻪ .. ﺍﺣﺲ ﺍﺭﻳﺪ ﺍﺗﻘﻴﺊ ﻭﻫﻮ ﻣﻮﺟﻮﺩ .. ﺷﻠﻮﻥ ﺭﺍﺡ ﺍﺗﺤﻤﻞ .. ﻫﻮ ﻭﻏﺮﻓﺘﻪ ﺍﻟﻬﺮﺟﻪ ..

ﺣﺘﻰ ﻟﻮ ﻓﺼﻠﻴﻪ .. ﻋﻠﻰ ﺍﻻﻗﻞ ﻳﺨﻠﻮﻧﻲ ﺑﻤﻜﺎﻥ ﻧﻀﻴﻒ ﻣﻮ ﻫﻴﺞ .. ﻣﺎﺧﺬﻧﻲ ﺧﺎﻭﻩ ﺍﺑﻦ ﻛﺮﺟﻴﻪ ..

ﺭﺟﻌﺖ ﺍﺗﺬﻛﺮ ﺷﻘﺔ ﻣﺎﻟﻚ ﻣﻦ ﺩﺧﻠﺘﻬﺎ .. ﺗﻠﻤﻊ ﻣﻦ ﺍﻟﻨﻈﺎﻓﻪ .. ﻣﻮ ﻣﺜﻞ ﻫﺬﺍ ﺍﻟﻮﺻﺦ .. ﻛﻤﻞ ﺩﺗﺜﺒﻴﺖ ﺍﻟﻘﻔﻞ .. ﻭﺣﺠﻪ ..

ﻣﺨﻠﺪ -: ﻣﺎ ﺍﻭﺻﻴﺞ ﻟﻠﻴﻞ ﻓﻜﻲ ﻭﺷﺮﺩﻱ .. ﺻﺎﺭﺕ ﻣﻬﻨﺘﺞ ﻫﺸﻐﻠﻪ .. ﺧﺒﺮﻩ ﺩﺑﻠﻮﻡ ﺑﻴﻬﺎ ..

ﻟﺠﻴﻦ -: ﻟﻮ ﻟﻜﻴﺖ ﺍﻟﻴﻔﻬﻤﻨﻲ ﻟﻴﺶ ﺍﻫﺮﺏ .. ﺑﺲ ﺍﺫﺍ ﻣﻨﺎﺳﺒﻨﻲ .. ﻟﻮ ﻣﻮ ﺑﺎﺏ .. ﻟﻮ ﺗﺤﻂ ﻓﻮﻻﺫ ﻫﻢ ﺍﺯﺭﻓﻪ ﻭﺍﻃﻠﻊ ﻣﻨﻪ .. ﺧﻞ ﻳﻜﻮﻥ ﺑﻌﻠﻤﻚ

ﺍﺟﻪ ﺟﺮﻧﻲ ﻣﻦ ﺍﻳﺪﻱ ﻭﻭﻛﻔﻨﻲ ﻛﺒﺎﻟﻪ .. ﺍﻟﺒﺎﺭﺣﻪ ﺟﻨﺘﻲ ﻫﻨﺎ .. ﺑﻨﻔﺲ ﺍﻟﻤﻜﺎﻥ ﺗﺘﻮﺳﻠﻴﻦ ﻣﺨﻠﺪ ﺍﺑﻮﺱ ﺍﻳﺪﻙ ﻻ ﺗﺬﺑﺤﻨﻲ ﻭﻫﺴﻪ ﻳﻄﻠﻊ ﺍﻟﺴﺎﻧﺞ

ﺗﺮﻩ ﻣﺎ ﻧﺎﺳﻲ ﻭﺍﻟﻘﺮﺍﻥ ﺍﺳﻤﻊ ﺻﻮﺗﺞ .. ﺭﺍﺳﺞ ﺍﻓﺠﺮﻩ .. ﺍﻓﺘﻬﻤﺘﻲ ..

ﻟﺠﻴﻦ -: ﺳﺤﺒﺖ ﺍﻳﺪﻱ ﻣﻨﻪ ﻭﻣﺎ ﺣﺠﻴﺖ .. ﺗﺮﻛﻨﻲ ﻭﻃﻠﻊ ﻭﻗﻔﻞ ﺍﻟﺒﺎﺏ .. ﺗﻤﺪﺩﺕ ﻋﻠﻰ ﺍﻟﺴﺮﻳﺮ .. ﺍﻟﻠﻪ ﻳﺎﺧﺬﻙ ﺍﻥ ﺷﺎﺀﺍﻟﻠﻪ ﻭﺍﺧﻠﺺ ﻣﻦ ﺷﻲ ﺍﺳﻤﻪ ﻣﺨﻠﺪ ﺑﺤﻴﺎﺗﻲ .

ﺑﻘﻴﺖ ﻣﺘﻤﺪﺩﻩ ﻋﻠﻰ ﺿﻬﺮﻱ ﻭﺍﻓﻜﺮ ﺑﻬﻠﻮﺿﻊ .. ﺷﻴﺼﻴﺮ ﻟﻮ ﻣﺎﺧﺬﻩ ﻣﺎﻟﻚ .. ﺗﻨﻬﺪﺕ .. ﺍﻟﻠﻲ ﻳﺼﻴﺮ ﻛﺎﻥ ﻫﺴﻪ ﺍﺧﺬﻧﻲ ﺑﻴﻦ ﺍﺩﻳﻪ ﻭﺳﺮﻗﻨﻲ ﻟﻌﺎﻟﻢ ﺑﻌﻴﺪ ﻋﻦ ﻣﺮﺍﺭﺓ ﻫﻠﺤﻴﺎﺓ ..

ﻛﺎﻥ ﻫﺴﻪ ﺍﺳﻌﺪ ﺍﻧﺴﺎﻧﻪ ﺑﺎﻟﻜﻮﻥ .. ﻏﻤﻀﺖ ﻋﻴﻮﻧﻲ ﻭﺻﺮﺕ ﺍﺗﺨﻴﻞ ﻫﻤﺴﺎﺗﻪ ﻭﻋﻄﺮﻩ ﻭﻫﻮ ﻗﺮﻳﺐ ﻣﻨﻲ .. ﺍﻧﺪﺍﺭﻳﺖ ﻋﻠﻰ ﻳﻤﻴﻨﻲ ﻭﺑﺎﻭﻋﺖ ﻟﻠﺴﺮﻳﺮ ..

ﺷﻴﺼﻴﺮ ﻟﻮ ﻫﻮ ﻫﺴﻪ ﻫﻨﺎ ﻳﻤﻲ .. ﺍﺣﺘﺎﺟﻪ ﻭﺍﺣﺘﺎﺝ ﻛﻠﺸﻲ ﺑﻲ ﻫﻤﺴﻪ ﻭﺣﺒﻪ ﻭﻋﺎﻟﻤﻪ ﻭﺭﻭﻣﺎﻧﺴﻴﺘﻪ ﻭﺣﺘﻰ ﺟﻨﻮﻧﻪ ..

ﺍﻭﻭﻭﻑ ﻳﺠﻨﻮﻧﻪ ﻫﻮ ﺍﻟﻠﻲ ﻭﺻﻠﻨﻲ ﻟﻬﺬﺍ ﺍﻟﻤﻜﺎﻥ .. ﺑﺲ ﺍﻟﻌﺠﻴﺐ ﺍﻧﻲ ﻋﺎﺷﻘﻪ ﺣﺘﻰ ﺟﻨﻮﻧﻪ .. ﺍﺣﺲ ﺣﺒﻪ ﺍﻟﻲ ﻣﺨﺘﻠﻒ ..

. 

. 

ﻣﺴﺘﻘﺘﻞ ﻋﻠﻴﻪ ﺑﻄﺮﻳﻘﻪ ﻣﺎ ﺍﻋﺮﻑ ﻛﻴﻒ ﺍﻭﺻﻔﻬﺎ .. ﻛﺘﻞ ﻧﻔﺴﻪ ﺑﺎﻟﺤﻼﻝ ﻭﺍﻟﺤﺮﺍﻡ . ﺍﺟﻪ ﻣﻦ ﺍﻟﺒﺎﺏ ﻭﺍﻟﺸﺒﺎﻙ .. ﻭﺭﻏﻢ ﻫﺬﺍ ﻣﺎ ﺣﺼﻠﺘﻪ ..

ﺗﺮﻛﺖ ﺍﻟﻠﻲ ﻛﺎﻥ ﻣﻘﺪﺭﻧﻲ .. ﻭﻣﺴﺘﻌﺪ ﻳﻮﻓﺮﻟﻲ ﻛﻞ ﺍﻟﺤﻴﺎﺓ ﺍﻟﻠﻲ ﺍﺣﺘﺎﺟﻬﺎ .. ﻭﺻﺮﺕ ﺍﻟﻮﺍﺣﺪ .. ﻣﺎ ﻛﻠﻒ ﻧﻔﺴﻪ ﻣﻼﺑﺲ ﻭﻻ ﺣﺘﻰ ﻏﺮﻓﺔ ﻧﻮﻡ ..

ﺩﺍ ﺍﻓﻜﺮ .. ﻗﻄﻌﺖ ﺳﻠﺴﻠﺔ ﺍﻓﻜﺎﺭﻱ ﻋﻤﺘﻲ ﻛﺮﺟﻴﻪ ﻭﻫﻲ ﺍﻃﺐ ﺍﻟﻐﺮﻓﻪ .. ﻛﻌﺪﺕ ﻋﻠﻰ ﺣﻴﻠﻲ ..

ﺑﺎﻭﻋﺘﻠﻲ ﻣﻦ ﻓﻮﻙ ﻟﻴﺠﻮﻩ .. ﻭﺣﺠﺖ ..

ﻛﺮﺟﻴﻪ -: ﻋﺒﺎﻟﺞ ﺭﺍﺡ ﺗﻐﺮﻳﻦ ﺍﺑﻨﻲ ﺑﻠﺒﺴﺞ ﻫﺬﺍ ..

- ﻣﺮﺩﻳﺖ ﻋﻠﻴﻬﺎ .. ﺑﻘﻴﺖ ﺍﺳﺤﺐ ﺷﻌﺮﻱ ﻋﻠﻰ ﺻﻔﺤﻪ ﻭﻣﺪﻧﻜﻪ ﺭﺍﺳﻲ ..

- ﻛﻮﻣﻲ ﻳﻼ .. ﻧﺰﻟﻲ ﻧﻀﻔﻲ ﺍﻟﻤﻄﺒﺦ ﻭﻱ ﻣﺮﺕ ﻣﺎﺯﻥ ﺑﺴﺮﻋﻪ ..

- ﻣﺎ ﺗﺤﺮﻛﺖ ...

- ﻣﻮ ﺍﺣﺠﻲ ﻭﻳﺎﺝ ..

- ﺍﺳﻤﻌﻴﻨﻲ ﻋﻤﻪ .. ﻫﻨﺎ ﺍﻧﻲ ﻣﻮ ﺧﺪﺍﻣﺔ ﺍﺣﺪ .. ﻻ ﺗﺒﻘﻴﻦ ﺗﺘﺄﻣﺮﻳﻦ ﻋﻠﻴﻪ ﻭﺍﻧﺘﻮ ﻣﺎﺧﺬﻳﻨﻲ ﺣﺎﻟﻲ ﺣﺎﻝ ﺍﻟﻔﺼﻠﻴﻪ ..

ﻗﺒﻠﺖ ﻓﻘﻂ ﺣﺘﻰ ﺍﺭﺿﻲ ﺍﺑﻮﻳﻪ .. ﻭﺭﺿﺎ ﺍﺑﻮﻳﻪ ﻛﺎﻝ ﺑﺮﺿﻰ ﺯﻭﺟﺞ .. ﻑ ﻭﺍﺟﺒﻲ ﺍﺭﺿﻰ ﺯﻭﺟﻲ ﻣﻮ ﺍﻧﺘﻮ ..

- ﺗﻜﻮﻣﻴﻦ ﻟﻮ ﺍﻛﺴﺮ ﺭﺍﺳﺞ ﻭﺍﻟﻠﻪ .. ﺑﺴﺮﻋﻪ ﻳﻠﻪ ..

- ﻫﻴﺞ ﻭﺿﻊ ﻣﺎ ﺍﺗﺤﻤﻠﻪ ﺍﺑﺪﺍ .. ﻣﺎ ﺍﻗﺒﻞ ﺑﻴﻮﻡ ﺗﻮﻛﻔﻴﻦ ﻭﺗﺼﻴﺤﻴﻦ ﻋﻠﻴﻪ .. ﺍﻧﻲ ﻟﺠﻴﻦ ﺍﻟﻠﻲ ﺍﺑﻨﺞ ﺳﻨﻴﻦ ﻭﻫﻮ ﻳﺤﻠﻢ ﺍﺻﻴﺮﻟﻪ ..

ﻭﻫﺴﻪ ﺍﺧﺬﻧﻲ ﺧﺎﻭﻩ ﺑﺪﻭﻥ ﺍﻱ ﺍﺣﺘﺮﺍﻡ ﻭﻣﺘﺤﻤﻠﻪ ﻭﺳﺎﻛﺘﻪ ﻟﺨﺎﻃﺮ ﺍﺑﻮﻳﻪ .. ﺗﺠﻴﻦ ﺗﺰﻭﺩﻳﻬﺎ ﺭﺟﺎﺀﺍ ﻣﺎ ﺍﺳﻤﺢ .

ﻭﻟﻮ ﺗﻌﺪﻳﺘﻲ ﺣﺪﻭﺩﺝ .. ﻭﺿﺮﺑﺘﻲ ﻟﻮ ﺣﺎﻭﻟﺘﻲ ﺗﺄﺫﻳﻨﻲ . ﺭﺍﺡ ﺍﺭﻭﺡ ﺍﺷﻜﻲ ﻣﺜﻞ ﺫﻳﺞ ﺍﻟﻤﺮﻩ ﻭﻋﻮﺩ ﺑﺮﺭﻱ ﺗﻌﺎﻣﻠﺞ ﻳﻢ ﺍﺑﻮﻳﻪ ..

ﺧﻠﻲ ﺷﻐﻠﻪ ﺍﺑﺎﻟﺞ ﻣﻮ ﺍﻧﻲ ﺍﻟﻠﻲ ﺍﺻﻴﺮ ﭼﻨﻪ ..

- ﻃﺒﻌﺎﺍﺍﺍﺍ ﺗﺮﺑﻴﺔ ﻗﻨﻮﺍﺕ ﺣﺎﻟﺞ ﺣﺎﻝ ﺍﻟﺴﺎﻗﻄﺎﺕ ﺍﻟﻤﺎﻳﻨﻜﺪﺭ ﺍﻟﻴﻄﻠﻌﻦ ﺑﺎﻟﺘﻠﻔﺰﻳﻮﻥ ﻳﻀﺮﺑﻦ ﺑﺎﻟﺮﻳﺎﺟﻴﻞ ﻭﺍﻧﺘﻲ ﺗﺮﺑﻴﺘﻬﻦ ..

- ﺩﺭﺕ ﻭﺟﻬﻲ ﻣﻨﻬﺎ ﻭﻣﺎ ﺭﺩﻳﺖ ﻋﻠﻴﻬﺎ .. ﺑﻘﺖ ﺗﻌﺪ ﻭﺗﺴﻔﻂ ﺳﺎﻗﻄﻪ ﺍﻡ ﺍﻟﺮﻳﺎﺟﻴﻞ ﺍﻡ ﺍﻟﻘﻨﻮﺍﺕ ﻫﻴﺞ ﻭﻫﻴﺞ ﺍﻫﻞ ﺍﻟﻘﻨﺎﺓ ﺳﻮﻭ ﺑﻴﺞ .. ﻭﻓﺸﺎﺭ ﻣﻘﺮﻑ ...

ﻟﻌﺒﺖ ﻧﻔﺴﻲ ﺷﻠﻮﻥ ﺭﺍﺡ ﺍﺑﻘﻰ ﻭﻳﺎﻫﻢ .. ﻣﺎ ﺍﻋﺮﻑ .. ﻃﻠﻌﺖ ﺗﺼﻴﺢ ﺑﺎﻟﻤﻤﺮ .. ﻗﻔﻠﺖ ﺍﻟﺒﺎﺏ ﻭﺭﺍﻫﺎ .. ﻭﻫﻲ ﺯﺍﺩﺕ ﺻﻴﺢ ﺗﻄﺮﺩﻧﻲ ﻣﻦ ﻏﺮﻓﺔ ﺍﺑﻨﻴﻴﻴﻴﻲ

ﺑﺖ ﻭﺩﺍﺩ ﺍﻟﺴﺎﻗﻄﻪ ﺗﻄﺮﺩﻧﻴﻴﻴﻲ .. ﻭﻻ ﺍﻫﺘﻤﻴﺖ .. ﺳﻤﻌﺖ ﻣﺮﺕ ﻣﺎﺯﻥ ﺗﺤﺠﻲ ﻭﻳﺎﻫﺎ ﻭﺗﻜﻠﻬﺎ ﻋﻤﻪ ﺻﻮﺗﺞ ﻓﺪﻭﻩ ﺑﺲ ﻧﺰﻟﻲ ..

ﺑﻌﺪﻳﻦ ﺧﺎﺑﺮﺕ ﻣﺨﻠﺪ .. ﺗﻜﻠﻪ ﺗﻌﺎﻝ ﺷﻮﻑ ﻫﺎﻱ ﺍﻟﺴﺎﻗﻄﻪ ﻃﺮﺩﺗﻨﻲ ﻣﻦ ﻏﺮﻓﺘﻚ .. ﺗﻌﺎﻝ ﺗﻘﺒﻞ ﻫﺎﻱ ﺗﻄﺮﺩﻧﻲ ﻣﻦ ﺑﻴﺘﻲ ..

ﻫﺰﻳﺖ ﺭﺍﺳﻲ .. ﺍﻭﻑ ﺑﺎﺑﺎ ﻫﺬﻭﻟﻪ ﺍﻫﻠﻚ ﺍﻟﺬﺑﺤﺘﻨﻲ ﺑﻴﻬﻢ ﺣﺘﻰ ﺍﻭﺍﻓﻖ .. ﺗﻌﺎﻝ ﺷﻮﻓﻬﻢ ﻭﺷﻮﻑ ﻫﻤﺠﻴﺘﻬﻢ ..

ﻣﺎ ﻋﺠﺒﻚ ﻣﺎﻟﻚ .. ﺣﺴﻴﺘﻪ ﻋﺼﺎﺑﺠﻲ ﺑﺲ ﻣﺎ ﻋﺠﺒﻮﻙ ﺍﻫﻠﻚ ﻭﺍﻧﺖ ﻛﻮﻟﺶ ﺯﻳﻦ ﺗﻌﺮﻑ ﻫﻤﺠﻴﺘﻬﻢ ..

ﻧﺺ ﺳﺎﻋﻪ ﻭﺳﻤﻌﺖ ﺻﻮﺕ ﻣﺨﻠﺪ ﻳﺼﻴﺢ ﺟﻮﻩ ﻭﻳﻜﻠﻬﺎ ﻳﻤﻪ ﺗﺤﻤﻠﻲ ﺑﺲ ﻫﺬﺍ ﺍﻻﻳﺎﻡ ﻋﻠﻰ ﻣﺎ ﺍﺟﺮ ﺑﻴﺖ ﺑﺎﻟﻤﻮﺻﻞ ﻭﺍﺟﻴﺒﻬﺎ ..

ﻫﻲ ﺳﻤﻌﺖ ﻫﻴﺞ ﻟﻮ ﺗﺨﺒﻠﺖ .. ﺑﻘﺖ ﺗﺼﻴﺢ .. ﺗﻨﺘﻘﻞ ﻟﻠﻤﻮﺻﻞ ﻳﻌﻨﻲ ﻣﺎ ﺗﻨﺰﻝ ﻛﻞ 20 ﻳﻮﻡ ﻭﺗﺠﻴﻨﻲ .. ﺑﺎﻛﺘﻚ ﺍﻡ ﺍﻟﻘﻨﻮﺍﺕ

. 

. 

ﻫﺎﻱ ﺍﻡ ﺍﻟﺮﻳﺎﺟﻴﻞ ﺍﻟﻠﻜﻴﺘﻬﺎ ﺑﺎﻟﻔﻨﺪﻕ ﻭﻱ ﺻﺎﺣﺒﻬﺎ ﺗﺴﻮﻳﻠﻬﺎ ﺑﻴﺖ .. ﺧﺒﺼﺖ ﺍﻟﺪﻧﻴﺎ ﻭﺍﻧﻲ ﻓﻮﻙ ﺑﺲ ﺍﺳﻤﻊ ..

ﺻﻌﺪ ﻫﻮ ﻓﺎﻳﺮ ﺩﻣﻪ ﺭﺍﺩ ﻳﻔﺘﺢ ﺍﻟﺒﺎﺏ ﻣﺎ ﺍﻧﻔﺘﺢ .. ﻛﺎﻡ ﻳﻬﺰ ﺑﺎﻟﻴﺪﻩ ﺣﻴﻴﻴﻴﻞ ﻭﻳﺪﻙ ﻋﻠﻰ ﺍﻟﺒﺎﺏ .. ﻓﺘﺤﺘﻠﻪ .

ﻟﺰﻣﻨﻲ ﻣﻦ ﺷﻌﺮﻱ .. ﺗﻘﻔﻠﻴﻦ ﺍﻟﺒﺎﺏ ﺑﻮﺟﻪ ﺍﻣﻴﻴﻴﻴﻲ ..

- ﻣﺎ ﻗﻔﻠﺘﻪ ﻫﻲ ﻃﻠﻌﺖ ﻭﻗﻔﻠﺘﻪ ﻭﺭﺍﻫﺎ ..

- ﺿﺮﺑﻨﻲ ﺭﺍﺷﺪﻱ .. ﻭﻳﻜﻮﻟﻲ ﻛﺬﺍﺑﻪ ﻋﺎﻫﺮﻩ ﺗﻬﻴﻨﻴﻦ ﺍﻣﻴﻲ ... ﻛﺎﻡ ﻳﺪﻓﺮ ﺍﻟﻜﻨﺘﻮﺭ ﺑﺮﺟﻠﻪ ﻛﺴﺮﻩ ﺗﻜﺴﺮ ..

ﻟﺰﻣﺖ ﺟﻨﻄﺘﻲ .. ﻭﻛﻔﺖ ﻛﺒﺎﻟﻪ .. ﺭﺟﻌﻨﻲ ﻻﻫﻠﻲ ﻣﻮ ﻣﺘﺤﻤﻠﻪ ﻫﻠﻌﻴﺸﻪ ﺍﺑﺪ .. ﻭﻗﺖ ﺍﻟﻠﻲ ﺗﻜﻤﻞ ﺍﻟﺒﻴﺖ ﺑﺎﻟﻤﻮﺻﻞ ﻋﻮﺩ ﺍﺧﺬﻧﻲ ..

ﺍﺗﻘﺮﺏ ﻋﻠﻴﻪ ﻭﻳﺼﻴﺢ ﺷﻠﻮﻭﻭﻭﻭﻥ ﻭﻟﺞ .. ﻟﺰﻣﻨﻲ ﻣﻦ ﻫﺪﻭﻣﻲ ﺣﻴﻞ .. ﻣﺎ ﺗﺘﺤﻤﻠﻴﻦ ﻣﻮﻭ

- ﺑﺠﻴﺖ .. ﻣﺨﻠﺪ ﺍﻟﻠﻪ ﻳﺨﻠﻴﻚ ﻛﺎﻓﻲ .. ﺑﻌﺪﺕ ﺍﻳﺪﻩ .. ﺣﺮﺍﻡ ﻋﻠﻴﻚ .. ﻣﺤﺪ ﻣﺘﺄﺫﻱ ﺑﻜﺪﻱ .. ﺍﺫﺍ ﺍﻧﺖ ﺗﻌﺮﻑ ﻣﺎﻟﻚ ﻓﺘﻌﺮﻓﻨﻲ ﻣﺎ ﺍﻛﺪﺭ ﺍﺭﺩﻋﻪ ..

ﻭﺍﺫﺍ ﺣﺒﻴﺘﻪ ﻓﺪ ﻳﻮﻡ .. ﻑ ﺍﻧﻲ ﺑﻌﺖ ﻛﻠﺒﻲ ﺍﻟﻪ ﺣﺘﻰ ﺍﺷﺘﺮﻳﻚ .. ﻛﻞ ﻫﻤﻲ ﻛﺎﻥ ﺍﻧﺖ ﻣﺎ ﺗﺘﺄﺫﻯ ..

ﻟﻮ ﺍﻧﻲ ﺍﻧﺎﻧﻴﻪ ﻛﺎﻥ ﺗﺮﻛﺘﻚ ﺑﻴﻦ ﺍﺩﻳﻬﻢ ﻭﺷﺮﺩﺕ ﻟﻐﻴﺮ ﺩﻭﻟﻪ .. ﻟﻮ ﺍﻧﻲ ﻋﺎﻫﺮﻩ ﻛﺎﻥ ﻣﻦ ﺯﻣﺎﻥ ﻗﺪﻣﺖ ﻧﻔﺴﻲ ..

ﻭﻟﻮ ﻣﻘﺪﻣﻪ ﻧﻔﺴﻲ ﻛﺎﻥ ﻣﺎ ﺍﺟﻪ ﻭﻻ ﺧﻄﺐ ﻭﻻ ﺟﺎﺏ ﻧﺎﺱ .. ﻋﻤﺮﻱ ﻣﺎ ﺫﻟﻴﺖ ﻧﻔﺴﻲ ﻻﺣﺪ .. ﻭﺍﺣﺎﻭﻝ ﺍﺣﻞ ﻛﻠﺸﻲ ﺑﺴﻼﻡ ﻓﻲ ﺳﺒﻴﻞ ﺍﻋﻴﺶ ..

ﺍﺑﺘﻌﺪ ﻣﻨﻲ ﺍﺭﺟﻮﻙ .. ﻣﺘﺘﺤﻤﻠﺘﻲ ﺍﺗﺮﻛﺘﻲ .. ﻋﺎﻫﺮﻩ ﺑﻌﻴﻨﻚ ﻣﻤﺠﺒﻮﺭ ﺗﺴﺘﺮﻧﻲ .. ﺟﺒﺮﻭﺗﻚ ﻭﻗﺴﻮﺗﻚ ﻋﻠﻴﻪ ﺩﻣﺮﺗﻨﻲ ..

ﻟﻮ ﻣﺎ ﺍﻧﺖ ﻳﻤﻜﻦ ﺍﻧﻲ ﺍﻟﻴﻮﻡ ﻋﻨﺪﻱ ﺍﺛﻨﻴﻦ ﺍﻃﻔﺎﻝ ﻭﻋﺎﻳﺸﻪ ﺍﺟﻤﻞ ﻋﻴﺸﻪ ﻣﻊ ﻋﺎﺋﻠﻪ ﻣﻤﻜﻦ ﺗﻜﻮﻥ ﻋﺎﺋﻠﺘﻲ ..

ﻻ ﺗﻈﻠﻤﻨﻲ ﺍﻛﺜﺮ ﻭﺍﻧﺖ ﺍﻟﻠﻲ ﺩﻣﺮﺗﻨﻲ .. ﺍﺑﺘﻌﺪ ﻣﻨﻲ ﺍﺭﺟﻮﻙ .. ﺗﻌﺒﺖ ﻣﻨﻜﻢ ﻭﺍﻟﻠﻪ ﺗﻌﺒﺖ ... ﺩﻧﻜﺖ ﺍﺑﺠﻲ ..

ﺍﺟﻪ ﻟﺰﻣﻨﻲ ﻣﻦ ﺍﻳﺪﻱ .. ﺷﻠﻮﻥ ﻳﻌﻨﻲ ﺑﻌﺘﻲ ﮔﻠﺒﺞ ﻓﻲ ﺳﺒﻴﻞ ﺗﻨﻘﺬﻳﻨﻲ ..... ﻣﺎ ﺭﺩﻳﺖ

- ﺟﺎﻭﺑﻲ ﻻ ﺗﺤﺮﻛﻴﻦ ﺍﻋﺼﺎﺑﻲ ..

ﺳﺤﺒﺖ ﺍﻳﺪﻱ ﻣﻨﻪ .. ﻭﺧﻠﻴﺘﻬﺎ ﻋﻠﻰ ﻭﺟﻬﻲ ﺍﺑﺠﻲ ..

- ﺗﺤﺒﻴﻨﻪ ﻣﻮﻭﻭ .. ﺍﺣﺠﻴﻴﻴﻲ ﻻ ﺗﺴﻜﺘﻴﻦ ﺗﺤﺒﻴﻨﻪ ﻣﻮﻭﻭﻭﻭﻭ ..

- ﻫﺰﻳﺖ ﺭﺍﺳﻲ ﺍﻱ .. ﺿﺮﺑﻨﻲ ﻋﻠﻰ ﺭﺍﺳﻲ ﻭﻛﻌﻨﻲ ﻟﻠﺴﺮﻳﺮ ﻭﻃﻠﻊ ﻭﻫﻮ ﻧﺎﺭ ..

ﺑﻘﻴﺖ ﺍﺑﺠﻲ ﺑﺎﻟﻐﺮﻓﻪ .. ﻟﺤﺪ ﻣﺎ ﻏﻔﻴﺖ .. ﻣﺎ ﻓﺰﻳﺖ ﻏﻴﺮ ﺑﻠﻴﻞ ﺣﻴﻞ .. ﺑﺎﻭﻋﺖ ﺍﻟﻀﻮﻩ ﻣﻄﻔﻲ ... ﻛﻤﺖ ﻣﻦ ﻣﻜﺎﻧﻲ ﺑﻄﻨﻲ ﻣﺼﻔﺮﻩ ﻓﺪ . ﻣﺮﻩ ﻣﻦ ﺍﻟﺠﻮﻉ ..

ﻓﺘﺤﺖ ﺍﻟﺒﺎﺏ ﻭﺑﺎﻭﻋﺖ ﺟﺎﻧﺖ ﺍﻛﻮ ﺳﺎﻋﻪ ﺑﺎﻟﻤﻤﺮ .. ﺳﺎﻋﻪ 2 ﻭﺛﻠﺚ .. ﺭﺟﻌﺖ ﻟﻠﻐﺮﻓﻪ .. ﺍﻟﺠﻨﻄﻪ ﻣﺎﻟﺘﻲ ﺟﺎﻧﺖ ﻣﺪﺧﻠﻴﻬﺎ ﺍﻟﻐﺮﻓﻪ ..

ﻓﺘﺤﺘﻬﺎ .. ﻃﻠﻌﺖ ﺗﺮﺍﻙ ﻣﻨﻬﺎ ﻭﻟﺒﺴﺘﻪ .. ﺍﻛﻮ ﻻﺳﺘﻴﻚ ﻣﺎﻝ ﻓﻠﻮﺱ ﺑﺠﺮﺍﺭﺓ ﻣﺨﻠﺪ ﺷﻔﺖ .. ﺟﺮﻳﺖ ﻭﻟﻔﻴﺖ ﺷﻌﺮﻱ ..

ﻭﻧﺰﻟﺖ .. ﻛﺎﻧﻮ ﻣﻄﻔﻴﻦ ﺍﻻﺿﻮﻳﻪ .. ﺭﺣﺖ ﻟﻠﻤﻄﺒﺦ ﺷﻐﻠﺘﻪ .. ﻓﺘﺤﺖ ﺍﻟﺜﻼﺟﻪ .. ﺑﻴﻬﺎ ﺩﺟﺎﺝ ﻣﺸﻮﻱ ﻣﺎﻝ ﻣﻄﺎﻋﻢ .

ﺗﻠﻌﺐ ﻧﻔﺴﻲ ﻣﻨﻪ ﺍﺫﺍ ﺑﺎﺭﺩ ﻭﺍﻛﻠﻪ .. ﻳﺼﻴﺮ ﺯﻓﺮ .. ﻟﻮ ﺑﺤﺮﺍﺭﺗﻪ ﻟﻮ ﻣﺎ ﺍﺧﻠﻲ ﺑﺤﻠﻜﻲ .. ﻟﻜﻴﺖ ﺑﻮﺍﻛﻴﺖ ﺟﺒﻦ .. ﺍﺧﺬﺕ ﺷﻴﺪﺭ ..

ﻭﻗﺼﺼﺘﻪ ﺑﺎﻟﻤﺎﻋﻮﻥ .. ﻭﺑﻘﻴﺖ ﺍﺩﻭﺭ ﻋﻠﻰ ﺍﻟﺠﺎﻱ ﻭﻳﻨﻪ . ﻗﺘﺤﺖ ﺍﻟﻜﺎﻭﻧﺘﺮﺍﺕ ﻣﺎﻛﻮ ﺍﻟﺨﺎﻧﺎﺕ .. ﻟﻜﻴﺘﻪ ﻣﺨﻠﻴﻨﻪ ﺑﺒﻄﻦ ﺍﻟﻔﺮﻥ ﻣﺎﻝ ﺍﻟﻄﺒﺎﺥ ..

ﻏﺴﻠﺘﻪ ﻭﺧﻠﻴﺘﻪ ﻋﻠﻰ ﺍﻟﻨﺎﺭ .. ﺣﺴﻴﺖ ﺍﻛﻮ ﺧﻄﻮﺍﺕ ﻭﺭﺍﻱ .. ﺩﺭﺕ ﻭﺟﻬﻲ ﻣﺨﻠﺪ ﻛﺒﺎﻟﻲ .. ﻓﺰﻳﺖ .. ﻭﺧﻠﻴﺖ ﺍﻳﺪﻱ ﻋﻠﻰ ﺻﺪﺭﻱ ..

ﺩﺭﺕ ﻭﺟﻬﻲ ﻋﻨﻪ . ﻭﺩﺍ ﺍﻣﺸﻲ .. ﺣﺠﻪ -: ﺗﺤﺒﻴﻨﻪ ﻣﻮﻭﻭ

ﺗﻨﻬﺪﺕ .. ﺍﺳﺘﻐﻔﺮﻙ ﻳﺎ ﺍﻟﻠﻪ .. ﻟﺰﻡ ﺍﻳﺪﻱ .. ﻭﺩﺍﺭﻧﻲ ﺍﻟﻪ .. ﺷﻨﻮ ﺍﻟﺒﻴﻪ ﻣﺎ ﻳﻌﺠﺒﺞ ..

ﻣﺨﻠﺪ ﺍﺑﺘﻌﺪ ..

- ﻣﻮ ﺭﺟﺎﻝ ﻟﻴﺶ .. ﻻﻥ ﺍﺣﺒﺞ

- ﺍﻟﺤﺐ ﻣﻮ ﻫﻴﺞ ﻣﺨﻠﺪ .. ﺍﻟﺪﺗﺴﻮﻱ ﻇﻠﻢ ﻣﻮ ﺣﺐ .. ﺍﺗﻘﺮﺏ ﺍﻛﺜﺮ .. ﺍﺑﺘﻌﺪ ﺍﺭﺟﻮﻙ ..

- ﺭﺟﻠﺞ ﺍﻧﻲ

- ﻭﺭﻕ ﻭﺑﺲ ﻛﻞ ﺍﺣﺴﺎﺱ ﻣﺎ ﻋﻨﺪﻱ ﻭﻳﺎﻙ .. ﺍﺭﺟﻮﻙ ﺍﺑﺘﻌﺪ .. ﻟﺰﻣﻨﻲ ﻣﻦ ﺭﻛﺒﺘﻲ ﻭﻳﺼﻚ ﻋﻠﻰ ﺳﻨﻮﻧﻪ ..

- ﻟﻮ ﻫﻮ ﺟﺎﻥ ﻓﺮﺣﺘﻲ ﻣﻮﻭﻭﻭﻭ ...

- ﻣﺨﻠﺪ ﺩﺗﺨﻨﻜﻨﻲ .. ﺍﺑﺘﻌﺪ ..

- ﺍﺫﺑﺤﺞ ﻭﻣﺘﺼﻴﺮﻳﻦ ﻟﻐﻴﺮﻱ ﺍﻓﺘﻬﻤﺘﻲ .. ﻣﺠﺒﻮﺭﻩ ﺗﻘﺒﻠﻴﻦ ﺑﻴﻪ ... ﺍﻓﺘﻬﻤﺘﻴﻴﻴﻴﻲ ......

 ﻳﺘﺒﻊ

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤

• رواية خطوات نحو الجحيم ج1 الجزء الرابع عشر رواية خطوات نحو الجحيم ج1 الجزء الرابع عشر  للكاتبة زينب ماجد  🌹 ﻣﺎﻟﻚ -: ﺍﺗ
• رواية خطوات نحو الجحيم ج1 الجزء السادس عشر رواية خطوات نحو الجحيم ج1 الجزء السادس عشر  للكاتبة زينب ماجد  🌹 ﻣﺨﻠﺪ -:
• رواية خطوات نحو الجحيم ج1 الجزء السادس رواية خطوات نحو الجحيم ج1 الجزء السادس  للكاتبة زينب ماجد  🌹 ﻟﺠﻴﻦ -: ﺑﻘﻴﺖ
• رواية خطوات نحو الجحيم ج1 الجزء الثاني عشر رواية خطوات نحو الجحيم ج1 الجزء الثاني عشر  للكاتبة زينب ماجد  🌹 ﻟﺠﻴﻦ -: ﻗﻔ
• رواية خطوات نحو الجحيم ج1 الجزء التاسع رواية خطوات نحو الجحيم ج1 الجزء التاسع  للكاتبة زينب ماجد  🌹 ﻭﻛﻔﺖ ﻛﺒﺎﻟﻪ ﺳ
• رواية خطوات نحو الجحيم ج1 الجزء الثالث رواية خطوات نحو الجحيم ج1 الجزء الثالث  للكاتبة زينب ماجد  🌹 ﺗﻘﺮﺏ ﻷﺫﻧﻲ ﻭ