رواية خطوات نحو الجحيم ج1 الجزء الرابع عشر
للكاتبة زينب ماجد
🌹
ﻣﺎﻟﻚ -: ﺍﺗﺮﻛﻬﺎﺍﺍﺍﺍﺍ
ﻣﺨﻠﺪ -: ﺍﻗﺘﻠﻚ ﺍﻧﺖ ﻭﻳﺎﻫﺎ .. ﻭﺍﻏﺴﻞ ﻋﺎﺭﻧﺎ ﻣﻨﻜﻢ ﻳﺎ ﺳﺴﺴﺴﺴﺴﺴﻔﻠﻪ ..
ﻟﺠﻴﻦ -: ﻣﺎﺍﺍﺍﺍﻟﻚ ﺩﺧﻴﻠﻚ .. ﻧﺰﻝ ﺳﻼﺣﻚ ..
ﻭﻫﻤﻪ ﺭﺍﻓﻌﻴﻦ ﺍﺳﻠﺤﺘﻬﻢ ﺑﺴﺮﻋﻪ ﺍﻻﻣﻦ ﺍﺟﻪ ﻭﺍﻟﺘﻒ ﻋﻠﻴﻬﻢ .. ﻭﺭﻓﻊ ﺍﺳﻠﺤﺘﻬﻢ ﻋﻠﻴﻬﻢ ﻭﺑﻘﻮ ﻳﺤﺠﻮﻥ ﻛﺮﺩﻱ ..
-: ﺳﻼﺣﻪ ﻛﺎﻧﺘﺎﻥ ﺩﺍﺑﻜﺮﻥ ﺧﻴﺮﺍ ..
ﻭﺑﺴﺮﻋﻪ ﺍﻟﺘﻔﻮ ﻋﻠﻰ ﻣﺎﻟﻚ ﻗﻴﺪﻭﻩ .. ﻣﺨﻠﺪ ﻧﺰﻝ ﺳﻼﺣﻪ ﺑﺪﻭﻥ ﻣﻴﺠﻮﻥ ﻋﻠﻴﻪ .. ﻛﺎﻥ ﻻﺑﺲ ﻋﺴﻜﺮﻱ ﻭﻃﻠﻌﻠﻬﻢ ﺍﻟﺒﺎﺝ ﺿﺎﺑﻂ ..
ﺭﺩﺕ ﺍﻫﺮﺏ ﻭﻫﻮ ﻳﺤﺠﻲ ﻭﻳﺎﻫﻢ .. ﻭﻛﺄﻧﻲ ﻋﺼﻔﻮﺭ ﻳﺒﺤﺚ ﻋﻦ ﺧﻴﻂ ﻧﺠﺎﺓ ﻟﺤﺘﻰ ﻳﻬﺮﺏ .. ﺍﻧﺴﻠﻴﺖ ﻣﻦ ﺑﻴﻨﻬﻢ .. ﻭﻃﻠﻌﺖ .. ﺩﺍ ﺍﺭﻳﺪ ﺍﺭﻛﺾ .. ﻟﺰﻣﻨﻲ ﻣﺨﻠﺪ ..
- ﺑﻨﺖ ﺍﻟﻜﻠﺐ ﻭﺗﺸﺮﺩﻳﻴﻴﻦ .. ﻳﺎ ﻋﺎﺍﺍﺭ ..
ﺿﺮﺑﻨﻲ ﺭﺍﺷﺪﻱ .. ﻭﺟﺮﻧﻲ ﻣﻦ ﺷﻌﺮﻱ ﻟﻠﺴﻴﺎﺭﻩ
- ﻣﺨﻠﺪ ﻭﺍﻟﻠﻪ ﻣﺎ ﺳﻮﻳﺖ ﺷﻲ ﺍﺗﺮﻛﻨﻲ ..
- ﺍﻣﺸﻲ ﻋﺪﻝ ﻻ ﺍﻟﻤﺴﺪﺱ ﺍﻓﺮﻏﻪ ﺑﺮﺍﺳﺞ ﻭﺍﻟﻠﻪ .. ﺍﻣﺸﻴﻴﻲ ..
- ﺻﻌﺪﻧﻲ ﺑﺎﻟﺴﻴﺎﺭﻩ ﻭﻳﺎﻩ .. ﻭﺻﻌﺪ ﺍﻟﺠﻨﻄﻪ ﻭﺍﺟﻪ ﺻﻌﺪ ﺍﻭﻝ ﺷﻲ ﺳﻮﺍﻩ ﺟﺮ ﺷﻌﺮﻱ ﻭﺿﺮﺏ ﻋﻠﻰ ﺭﺍﺳﻲ ﻭﻏﻠﻂ ﻭﻓﺸﺎﺭ ﺑﺄﺑﺸﻊ ﻣﺎ ﻳﻜﻮﻥ ..
ﺣﺎﻭﻟﺖ ﺍﺷﺮﺣﻠﻪ ﻭﺑﺲ ﺍﻧﻄﻖ ﻳﻀﺮﺑﻨﻲ ﻋﻠﻰ ﺭﺍﺳﻲ .. ﻟﺰﻣﻨﻲ ﺻﺪﺍﻉ ﻳﺬﺑﺢ ﻛﺪ ﻣﺎ ﻛﻔﺦ ﻋﻠﻰ ﺭﺍﺳﻲ ..
ﻭﻣﻦ ﺍﺭﺑﻴﻞ ﻟﺒﻐﺪﺍﺩ .. ﺟﺎﺏ ﺍﻟﻄﺮﻳﻖ ﻛﻠﻪ ﻳﻐﻠﻂ ﻭﻳﻀﺮﺏ ﻭﻻ ﻛﺄﻧﻪ ﻣﺨﻠﺪ ﺍﻟﺴﺎﺑﻖ ﺍﻟﻠﻲ ﺍﻛﺪﺭ ﺍﺗﻔﺎﻫﻢ ﻭﻳﺎﻩ ﺭﻏﻢ ﻋﺼﺒﻴﺘﻪ ..
ﺧﺎﺑﺮﻫﻢ ﻭﻛﺎﻟﻠﻬﻢ ﻫﻴﺞ ﻟﻜﻴﺘﻬﺎ ﻭﻳﺎﻩ ﻧﺎﺯﻟﻪ ﻣﻦ ﺍﻟﻔﻨﺪﻕ ﻭﻳﺪﻓﻊ ﺍﻟﺤﺴﺎﺏ ﻋﻨﻬﺎ ﻭﻳﺮﺩﻭﻥ ﻳﻨﻬﺰﻣﻮﻥ ..
ﻋﻴﻨﻲ ﻣﺎ ﺑﻄﻠﺖ ﺩﻣﻮﻉ ﺍﻟﻄﺮﻳﻖ ﻛﻠﻪ .. ﺍﺫﺍ ﻣﺨﻠﺪ ﻭﻫﻴﺞ ﺍﻟﻠﻲ ﻳﻨﺘﻀﺮﻭﻧﻲ ﺷﻠﻮﻭﻧﻬﻢ .. ﻭﺻﻠﻨﺎ ﺑﻐﺪﺍﺩ .. ﺑﻘﻴﺖ ﺍﺻﺮﺥ ﺍﺭﻳﺪﻩ ﺑﺲ ﻳﺴﻤﻌﻨﻲ ﺍﻛﻮﻟﻪ ﻣﺎ ﺳﻮﻳﺖ ﺷﻲ ﺣﺮﺍﻡ ﻋﻠﻴﻜﻢ ..
ﻣﺎ ﺳﻤﻊ ﻭﻻ ﺍﻫﺘﺰ .. ﻛﻠﻤﺎ ﻏﻠﻂ ﻭﻋﺼﺐ ﻳﺮﺟﻊ ﻳﺠﺮ ﺭﺍﺳﻲ ﻭﻳﻀﺮﺑﻪ ﺑﺎﻟﻜﺸﻦ ﻭﻳﺒﻘﻰ ﻳﺠﺮ ﺑﺸﻌﺮﻱ ﻟﺤﺪ ﻣﺎ ﻳﺘﻌﺐ ﻭﻳﻮﺧﺮ ..
ﻭﺻﻠﻨﺎ ﺍﻻﻋﻈﻤﻴﻪ .. ﺣﺴﻴﺖ ﻭﺻﻠﺖ ﺳﺎﺣﺔ ﺍﻋﺪﺍﻣﻲ .. ﻛﺎﻥ ﻣﻠﺠﺄﻱ ﺍﻟﻮﺣﻴﺪ ﻫﻮ ﺍﻟﻠﻪ .. ﺑﻘﻴﺖ ﺍﻧﺎﺩﻱ ﻳﺎ ﻣﻐﻴﺚ ﻣﻦ ﻻ ﻣﻐﻴﺚ ﻟﻪ ﺍﻏﺜﻨﻲ .. ﻳﺎ ﻏﻴﺎﺙ ﺍﻟﻤﺴﺘﻐﻴﺜﻴﻦ
ﺍﺣﺠﻴﻬﺎ ﺑﻜﻠﺒﻲ ﻭﺑﺲ ﺍﻟﺪﻣﻮﻉ ﺗﺤﺎﺟﻲ ﺭﺑﻲ ﺑﻜﻞ ﺣﺰﻥ .. ﺩﻋﻮﺓ ﺍﻧﺴﺎﻥ ﺑﻴﻨﻪ ﻭﺑﻴﻦ ﺍﻟﻤﻮﺕ ﺷﻌﺮﺍﻳﻪ .. ﺑﻘﻴﺖ ﺍﺭﺩﺩ ﺍﻟﺪﻋﺎﺀ ﻟﺤﺪ ﻣﺎ ﻭﺻﻠﻨﺎ ﺑﺎﺏ ﺑﻴﺘﻨﺎ ..
ﻭﺷﻔﺖ ﻋﻤﺎﻣﻲ ﻭﺍﻛﻔﻴﻦ 2 ﻋﻤﺮﺍﻥ ﻭﻋﺜﻤﺎﻥ .. ﻭﻣﺎﺯﻥ ﻭﻳﺎﻫﻢ .. ﻭﻛﺄﻧﻬﻢ ﻗﺼﺎﺑﻴﻦ ﻳﻨﺘﻈﺮﻭﻥ ﺍﻟﻜﺒﺶ ﺣﺘﻰ ﻳﺬﺑﺤﻮﻩ ..
ﻧﺰﻟﻨﻲ ﻣﻦ ﺍﻟﺴﻴﺎﺭﻩ .. ﻭﺣﺠﻪ ﺻﻮﺕ ﻣﺎ ﺍﺳﻤﻌﻠﺞ .. ﺍﻓﺘﻬﻤﺘﻲ ... ﺧﻠﻴﻨﺎ ﻧﻄﻢ ﻋﺎﺭﺝ ﺑﺪﻭﻥ ﺻﻮﺕ ..
- ﻣﺨﻠﺪ ﻓﺪﻭﻩ ﺍﺑﻮﺱ ﺍﻳﺪﻙ ﺑﺲ ﺍﺳﻤﻌﻨﻲ ﻭﺍﻟﻠﻪ ﻣﺎ ﺳﻮﻳﺖ ﺷﻲ ﻭﺣﻖ ﺍﻟﻘﺮﺍﻥ ﻣﺎ ﺳﻮﻳﺖ ﺷﻲ .. ﻳﻤﺸﻲ ﻭﻻ ﻳﻨﺘﺒﻪ ﺍﻟﻜﻼﻣﻲ ..
ﺩﺧﻠﻨﻲ ﻟﺒﻴﻴﺖ .. ﻛﻤﺖ ﺍﺻﻴﺢ ﻭﻟﺞ ﻣﺎﺍﺍﺍﺍﺍﻣﺎﺍﺍﺍﺍﺍﺍ .. ﻣﺎﻣﺎ ﺍﻧﻘﺬﻳﻨﻲ ﺣﻴﺬﺑﺤﻮﻭﻭﻭﻧﻲ ..
ﻃﻠﻌﺖ ﺍﻣﻲ ﻣﻔﺰﻭﻋﻪ ﻭﺗﺼﺮﺥ ﺩﺧﻴﻴﻴﻠﻜﻢ ﺑﺘﻴﻴﻴﻴﻲ ﺣﺮﺍﻡ ﻋﻠﻴﻜﻢ ﺑﻨﺘﻲ ﺗﺮﻳﺪ ﺗﻠﺰﻣﻨﻲ ﻭﻳﺸﻤﺮﻭﻫﺎ ﻣﻨﻲ
.
ﻭﺍﻧﻲ ﺍﺻﺮﺥ ﻣﻦ ﻛﻞ ﻛﻠﺒﻲ ﺗﻌﺎﺍﺍﺍﺍﻟﻲ ﻻ ﺗﻌﻮﻓﻴﻨﻲ ﺭﺍﺡ ﻳﻘﺘﻠﻮﻧﻲ .. ﻭﻳﻨﻚ ﺑﺎﺑﺎﺍﺍﺍﺍﺍﺍﺍﺍ ﺑﺎﺑﺎ ﺣﺒﻴﺒﻲ ﻻ ﺗﻌﻮﻓﻴﻴﻴﻴﻲ
ﻛﺎﻧﺖ ﺻﺮﺧﺎﺗﻲ ﺗﻄﻠﻊ ﻣﻦ ﻛﻞ ﮔﻠﺒﻲ .. ﺷﻤﺮﻧﻲ ﻣﺨﻠﺪ ﺑﺎﻟﻐﺮﻓﻪ ﺍﻟﺼﻐﻴﺮﻩ ﻭﺍﻣﻲ ﺗﺼﺮﺥ ﻣﻦ ﻛﻞ ﻛﻠﺒﻬﺎ ﻭﻋﻤﻲ ﻻﺯﻣﻬﺎ ..
ﺗﺮﻛﻨﻲ ﻣﺨﻠﺪ ﻭﻃﻠﻊ ﻭﺧﻠﻪ ﺑﺲ ﻋﻤﻲ ﻋﺜﻤﺎﻥ ﻭﻣﺎﺯﻥ ﻳﻤﻲ .. ﻟﺰﻣﻮﻧﻲ ﻣﺎ ﺍﻋﺮﻑ ﻳﻀﺮﺑﻮﻧﻲ ﻣﻦ ﺍﻱ ﻣﻜﺎﻥ ..
2 ﺭﻳﺎﺟﻴﻞ ﻣﺴﺘﻘﻮﻳﻦ ﻋﻠﻰ ﻣﺮﻩ ﻻ ﺣﻮﻝ ﻭﻻ ﻗﻮﻩ .. ﻛﺎﻧﻮ ﻳﻀﺮﺑﻮﻥ ﺑﺤﻘﺪﻫﻢ ﺑﻜﻞ ﻗﻮﺗﻬﻢ .. ﻣﺎ ﺍﻋﺮﻑ ﺿﺮﺑﻬﻢ ﻭﻳﻦ ﺑﺠﺴﻤﻲ ﻛﻞ ﻣﻜﺎﻥ ﻛﺎﻡ ﻳﺼﺮﺥ ﺑﻴﻪ ﻣﻦ ﺍﻻﻟﻢ ..
ﺗﻤﻨﻴﺖ ﻳﻨﻄﻮﻧﻲ ﺭﺻﺎﺻﺔ ﺍﻟﺮﺣﻤﻪ ﻭﻳﻨﻬﻮﻥ ﻋﺬﺍﺑﻲ ﻭﺍﻟﻠﻪ ﻳﻌﺮﻑ ﻣﺎ ﻏﻠﻄﺖ ﻭﺣﻴﺴﺎﻣﺤﻨﻲ ﺍﻛﺜﺮ ﻣﻨﻬﻢ .
ﺍﺑﻮﻳﻪ ﺑﻴﻮﻣﻬﺎ ﻭﻗﺒﻞ ﻻ ﻳﻮﺻﻠﻨﻲ ﻣﺨﻠﺪ .. ﻛﺎﻳﻠﻠﻬﻢ ﻛﺘﻠﻮﻫﺎ ﻭﺗﺎﺭﻛﻬﻢ ﻭﻃﺎﻟﻊ . ﺍﻋﺮﻑ ﻣﻴﺘﺤﻤﻞ ﻳﺴﻤﻊ ﺻﺮﻳﺨﻲ ﻭﺍﻧﻲ ﺍﻃﻠﺐ ﺍﻟﺮﺣﻤﻪ .. ﺍﻋﺮﻓﻪ ﻟﺒﺎﺑﺎ ﻣﻴﺘﺤﻤﻞ ..
ﻛﺎﻧﺖ ﺑﺲ ﺍﻣﻲ ﻣﻮﺟﻮﺩﻩ ﻭﺗﺼﺮﺥ ﺑﻜﻞ ﺻﻮﺗﻬﺎ .. ﻭﻣﺨﻠﺪ ﻳﻤﻨﻌﻬﺎ ﻣﻨﻲ .. ﻭﺳﺎﺩﻳﻦ ﺍﻟﺒﺎﺏ .. ﻋﻠﻴﻪ ﻭﻳﻀﺮﺑﻮﻧﻲ ﺑﻜﻞ ﺍﻧﻮﺍﻉ ﺍﻟﻮﺣﺸﻴﻪ ..
ﺩﻓﺮ ﺑﻮﻛﺴﻴﺎﺕ ﺗﻤﻠﻴﺦ ﺷﻌﺮﻱ .. ﻭﻳﺸﻴﻠﻮﻩ ﻭﻳﺮﻛﻌﻮﻩ ﺑﺎﻟﻜﺎﻩ .. ﻭﻛﺄﻥ ﺻﺮﺧﺎﺗﻲ ﺑﻴﻦ ﺍﺩﻳﻬﻢ ﻛﺎﻧﺖ ﺗﻨﺎﺩﻱ ﻳﺎ ﻧﺎﺱ ﺍﺭﺣﻤﻮ ﻋﺰﻳﺰ ﻗﻮﻡ ﺫﻝ ..
ﺍﻧﻲ ﻣﺪﻟﻠﺔ ﺑﺎﺑﺎ ﺍﻟﻠﻲ ﺑﻌﻤﺮﻱ ﻣﺤﺪ ﺣﺎﻭﻝ ﻳﺄﺫﻳﻨﻲ .. ﺍﻛﻮﻥ ﺑﻬﻠﻤﻮﻗﻒ .. ﻟﻜﻦ ﻋﺮﻓﺖ ﺑﻴﻮﻣﻬﺎ ﺗﻨﺬﻝ ﺍﻟﺒﻨﻴﻪ ﻟﻮ ﺗﺮﻛﻬﺎ ﺍﺑﻮﻫﺎ ..
ﻓﻘﻂ ﻟﻮ ﻣﺎ ﻛﺴﺮﺕ ﺛﻘﺔ ﺍﺑﻮﻳﻪ ﻣﺎ ﻛﺎﻥ ﺍﺣﺪ ﻛﺪﺭ ﻳﻠﺰﻣﻨﻲ .. ﻛﻨﺖ ﺍﻣﺸﻲ ﺑﺎﻟﺪﻧﻴﺎ ﻣﺮﺡ ﺑﺰﻭﺩ ﺍﺑﻮﻳﻪ .. ﺑﻴﻮﻣﻬﺎ ﻋﺮﻓﺖ ﺷﻜﺪ ﺧﺴﺮﺗﻪ ..
ﻣﺴﺘﻌﺪﻩ ﺍﺩﻓﻊ ﻋﻤﺮﻱ ﻛﻠﻪ .. ﺑﺲ ﺗﺮﺟﻊ ﺛﻘﺖ ﺍﺑﻮﻳﻪ ﺑﻴﻪ .. ﻭﺍﻟﻠﻪ ﻣﺎ ﺍﺍﻃﻠﺐ ﺍﻱ ﺷﻲ ﻻ ﻣﺎﻟﻚ ﻭﻻ ﺣﺐ ﻭﻻ ﺍﻱ ﺷﻲ ﺑﺲ ﺍﺭﻳﺪﻩ ﻫﻮ .. ﻭﻣﺎ ﺍﺭﻳﺪ ﻣﻦ ﺍﻟﺪﻧﻴﺎ ﻛﻮﻟﺸﻲ ﻏﻴﺮﻩ
ﻧﻌﻤﻪ ﻛﻨﺖ ﻋﺎﻳﺸﻪ ﺑﺜﻨﺎﻳﺎﻫﺎ .. ﺧﺴﺮﺗﻬﺎ ﺑﺴﺒﺐ ﻏﺒﺎﺀﻱ ﻭﺍﺗﺒﺎﻋﻲ ﻟﻨﺰﻭﺍﺕ ﻗﻠﺒﻲ .. ﻣﺴﺘﻌﺪﻩ ﺍﺗﺤﻤﻞ ﺑﻌﺪ ﻫﻠﻀﺮﺏ ﻣﺮﺗﻴﻦ ﻭﺍﻧﻘﺘﻞ ﺑﺲ ﺧﻞ ﻳﺮﺟﻌﻠﻲ ﺑﺎﺑﺎ ..
ﻛﺎﻧﺖ ﺑﺲ ﺍﻣﻲ ﺍﻟﻠﻲ ﺭﻏﻢ ﻛﻞ ﺍﺧﻄﺎﺋﻲ ﻭﺗﻨﺒﻴﻬﺎ ﺍﻟﻲ ﻋﻠﻰ ﺍﺧﻄﺎﺋﻲ .. ﻭﻳﺎﻣﺎ ﺣﺠﺖ ﻭﻣﻠﺖ ﻭﻫﻲ ﺗﻜﻮﻟﻲ ﺍﺑﺘﻌﺪﻱ ﻭﻣﺎ ﺍﺑﺘﻌﺪﺕ .. ﺑﺲ ﻣﺎ ﻋﺎﻓﺘﻨﻲ ..
ﺑﻘﺖ ﺭﻭﺣﻬﺎ ﻣﻌﻠﻜﻪ ﺑﻴﻪ ﻭﺗﺼﺮﺥ ﻭﻛﺄﻥ ﺍﻟﻀﺮﺏ ﺍﻟﻠﻲ ﺩﺍ ﺍﺗﻠﻘﺎﻩ ﻣﻨﻬﻢ ﺑﺠﺴﻤﻬﺎ ﻣﻮ ﺑﺠﺴﻤﻲ ..
ﺍﻟﻌﺠﻴﺐ ﺑﺎﻻﻡ ﻭﻗﺖ ﻟﻤﺎ ﺗﺤﺲ ﺑﻀﻨﺎﻫﺎ ﺑﺨﻄﺮ .. ﺗﺼﻴﺮ ﻋﻨﺪﻫﺎ ﻃﺎﻗﻪ ﻫﺎﺋﻠﻪ .. ﺗﺘﻌﺪﻯ ﻃﺎﻗﺘﻬﺎ ﻙ ﺍﻣﺮﺃﻩ ﻣﻦ ﺍﻟﺠﻨﺲ ﺍﻟﻠﻄﻴﻒ ..
ﻛﺪﺭﺕ ﺗﺘﺨﻄﺎﻫﻢ ﻛﻠﻬﻢ ﺭﻏﻢ ﻣﺎ ﻣﺨﻠﺪ ﻳﺼﻴﺢ ﻭﻳﺠﺮﻫﺎ .. ﺷﺎﻟﺖ ﺗﺤﻔﻴﻪ ﻭﺿﺮﺑﺘﻪ ﺑﻴﻬﺎ ﻭﺍﺟﺖ ﻣﻦ ﺑﻴﻨﻬﻢ ﻟﻔﺘﻨﻲ ﻭﻫﻢ ﻳﺠﺮﻭﻥ ﻭﻳﻐﻠﻄﻮﻥ ﻋﻠﻴﻬﺎ ﻭﻳﻔﺸﺮﻭﻥ ..
ﻭﻫﻲ ﺗﺼﺮﺥ ﺗﻜﻠﻬﻢ ﻛﺘﻠﻮﻧﻲ ﻭﻳﺎﻫﺎ .. ﺍﺫﺑﺤﻮﻧﻲ ﻭﺑﻌﺪﻳﻦ ﺍﺫﺑﺤﻮﻫﺎ .. ﻣﻮ ﺍﻻﻡ ﺗﺘﺤﻤﻞ ﺧﻄﻴﺌﺔ ﺑﺘﻬﺎ ﺍﻧﻲ ﺗﺤﻤﻞ ﻏﻠﻄﻬﺎ ﻭﻛﺘﻠﻮﻧﻲ ..
ﻟﻔﺘﻨﻲ ﺑﺤﻈﻨﻬﺎ ﻭﻛﺄﻧﻲ ﻃﻔﻞ ﻳﺤﺎﻭﻟﻮﻥ ﻳﺠﺮﻭﻧﻲ ﻣﻨﻬﺎ ﻣﺠﻠﺒﻪ ﺑﻤﻼﺑﺴﻬﺎ ﺣﻴﻞ ﻣﺎ ﺍﺭﻳﺪ ﺍﺗﺮﻛﻬﺎ .. ﻭﻫﻲ ﺍﻳﺪ ﻋﻠﻰ ﺟﺴﻤﻲ ﻭﺍﻳﺪ ﺿﺎﻣﻪ ﺭﺍﺳﻲ ﺑﺼﺪﺭﻫﺎ ..
ﺳﻤﻌﺖ ﺧﻮﺍﻟﻲ ﺩﺧﻠﻮ 3 .. ﻭﺑﻘﻮ ﻳﺤﺠﻮﻥ ﺑﺼﻮﺕ ﻋﺎﻟﻲ ﺗﺮﻛﻮﻧﻲ ﻋﻤﺎﻣﻲ ﻭﺭﺍﺣﻮ .. ﻣﺎ ﺣﺠﺖ ﺍﻣﻲ ﺑﺲ ﺧﻠﺖ ﺭﺍﺳﻬﺎ ﻋﻠﻰ ﺭﺍﺳﻲ ﻭﺗﻨﺸﻎ ﻭﺗﺒﺠﻲ ﺣﻴﻞ ﻭﺍﻧﻲ ﺍﺑﺠﻲ ﻭﻳﺎﻫﺎ
.
ﺩﻧﺒﺠﻲ ﻭﻃﺒﻦ ﺧﺎﻻﺗﻲ ..
ﺳﻌﺎﺩ -: ﻟﺞ ﻫﺎ ﻭﺩﺍﺩ ﺑﺸﺮﻱ .. ﻳﻤﻪ ﻣﺎﺕ ﮔﻠﺒﻲ ﻛﻠﺖ ﻛﺘﻠﻮﻫﺎ .. ﺍﻟﺤﻤﺪﻟﻠﻪ ﺭﺑﻲ ﻟﺤﻜﻨﺎ .. ﻭﺍﻟﻠﻪ ﻣﻦ ﺧﺎﺑﺮﺗﻲ ﻣﺎ ﻟﺤﻜﺖ ﺍﺷﻮﻑ ﺷﻠﺒﺴﺖ ..
ﺧﺎﺑﺮﺕ ﺍﻧﻮﺭ ﻭﺍﺟﻴﺖ ﺑﺴﺎﻉ .. ﺍﻭﻭﻭﻭﻱ ﺳﻮﺩﻩ ﻋﻠﻴﻪ ﻳﺎ ﺧﺎﻟﻪ ﺷﻤﺴﻮﻳﻦ ﺑﻴﺞ .. ﻟﻴﺶ ﻫﻴﺞ ﺣﻈﺞ ..
ﻛﻌﺪﻥ ﻛﺒﺎﻝ ﺍﻣﻲ ﻭﻣﺪﻥ ﺍﻳﺪﻫﻦ ﻋﻠﻰ ﺭﺍﺳﻲ ﻳﻤﺴﺤﻦ ﻋﻠﻰ ﺷﻌﺮﻱ ﻭﺍﻧﻲ ﺑﺤﻈﻦ ﺍﻣﻲ ﻭﻧﺒﺠﻲ ..
ﻭﺩﺍﺩ -: ﺣﻈﻬﺎ ﻳﺎ ﺍﺧﺘﻲ .. ﻭﺍﻟﻠﻪ ﺍﻟﻨﺎﺭ ﺑﮕﻠﺒﻲ ﺷﺮﺍﺡ ﻳﺴﻮﻥ ﺑﻴﻬﺎ ﻭﺷﺎﻛﺮ ﻋﺎﻓﻬﻢ ﻭﻃﻠﻊ .. ﺑﺎﻋﻲ ﺷﺴﻮﻭ ﺑﻴﻬﺎ ﻋﺴﻰ ﺑﻴﺪﻫﻢ ﺍﻟﻜﺴﺮ ..
ﺳﻌﺎﺩ -: ﻟﺤﻈﻪ ﺧﻞ ﻧﺴﻤﻊ ﺍﺷﺪ ﻳﺤﺠﻮﻥ .. ﻧﻮﻣﺘﻨﻲ ﺍﻣﻲ ﻋﻠﻰ ﺍﻟﻤﺨﺪﻩ ﻭﻛﺎﻣﺖ ﻳﻢ ﺍﻟﺒﺎﺏ ..
ﻛﻌﺪﻭ ﻋﻤﺎﻣﻲ ﻭﺧﻮﺍﻟﻲ .. ﻳﺘﺤﺎﺟﻮﻥ .. ﻃﺐ ﺑﺎﺑﺎ .. ﺻﺎﺡ ﻭﻳﻨﻬﺎ ... ﻭﺍﺟﻪ ﻟﻠﻐﺮﻓﻪ ﻛﺒﻞ ... ﺭﻛﻀﺖ ﺍﻣﻲ ﻭﺧﺎﻟﺘﻲ ﺻﺎﺭﻭﻟﻲ ﺳﺪ ..
ﻭﺍﻧﻲ ﺍﻣﺪﺩﻩ ﻣﻦ ﺍﻟﻮﺟﻊ .. ﺻﺮﺥ ﺍﺑﻮﻱ ﺍﻧﻄﻮﻧﻴﺎﺍﺍﺍﺍﻫﺎ ﺍﻟﻴﻮﻡ ﺍﺷﺮﺏ ﻣﻦ ﺩﻣﻬﺎ .. ﻃﺒﻮ ﺧﻮﺍﻟﻲ ﻟﻠﻐﺮﻓﻪ ﻏﻴﺚ ﻭﺍﻧﻮﺭ ..
ﺧﺎﻟﻮ ﺍﻧﻮﺭ ﻟﺰﻡ ﺍﺑﻮﻳﻪ
ﺍﻧﻮﺭ : ﺍﺑﻮ ﻟﺠﻴﻦ ﺭﺣﻤﻪ ﻟﻠﻪ ﺍﺭﺣﻤﻬﺎ ﺍﺳﻤﻌﻬﺎ ﺑﺲ ﺍﻫﺪﺉ ﺧﻞ ﻧﻔﺘﻬﻢ ﺍﻟﻤﻮﺿﻮﻉ ..
ﻋﻤﺮﺍﻥ -: ﻫﺎﻱ ﻧﺰﻟﺖ ﺭﻭﺳﻨﺎﺍﺍﺍﺍﺍ ﻣﺎﺍﺍﺍﺍﺍﺍﺍﺍﺯﻥ ﺷﻴﻠﻬﺎ ﻭﺍﺧﺬﻫﺎ ﺍﻛﺘﻠﻬﺎ ﻭﺍﺷﻤﺮﻫﺎ ..
ﺍﻻﻡ -: ﺑﻨﺘﻲ ﻣﺎ ﺍﻧﻄﻴﻬﺎ ﺍﻟﻜﻢ . ﺍﺫﺑﺤﻮﻧﻲ ﻭﻣﺎ ﺍﻧﻄﻴﻬﺎ ﻭﺍﻟﻠﻪ ..
ﺍﻧﻮﺭ -: ﻛﻮﻟﻮ ﻳﺎ ﺍﻟﻠﻪ ﻳﺎ ﻧﺎﺱ ﺣﺮﺍﻡ ﻋﻠﻴﻜﻢ ﺣﺘﻰ ﺍﻟﻴﻨﺜﺒﺖ ﻋﻠﻴﻬﺎ ﺍﻟﺠﺮﻳﻤﻪ ﻋﻘﺎﺑﻬﺎ ﺍﻟﺠﻠﺪ ﻣﻮ ﺍﻟﻤﻮﺕ
ﻋﺜﻤﺎﻥ -: ﺍﻧﺖ ﺍﺧﺬ ﺍﺧﺘﻚ ﻭﺍﻃﻠﻊ ﺑﺮﺍﺍﺍﺍﺍﺍ ﺍﻟﺒﺖ ﺑﺘﻨﺎ ﻭﺍﺣﻨﻪ ﻧﺼﺮﻑ ﻭﻳﺎﻫﺎ ..
ﺍﻧﻮﺭ -: ﺩﺍﺧﻞ ﺍﺑﻴﺖ ﺍﺧﺘﻲ .. ﻭﺍﻟﻜﻼﻡ ﺍﺧﺬﻩ ﻣﻦ ﺍﺑﻮﻫﺎ .. ﻭﻫﺎﻱ ﺍﻛﻮﻟﻬﺎ ﺑﻮﺟﻬﻚ .. ﻟﺠﻴﻦ ﺍﻧﻲ ﻣﺴﺘﻌﺪ ﺍﺧﺬﻫﺎ ﻻﺑﻨﻲ ﻭﺍﺳﻔﺮﻫﺎ ﻻﻭﻛﺮﻧﻴﺎ ..
ﻭﺍﻧﻲ ﻭﺍﺛﻖ ﻣﻠﻴﻮﻥ ﺑﻠﻤﻴﻪ ﻣﻦ ﺗﺮﺑﻴﺔ ﺍﺧﺘﻲ ﻣﺎ ﺗﻀﻴﻊ ﻭﺍﻟﺒﻨﻴﻪ ﻣﻈﻠﻮﻣﻪ ﺍﻧﻄﻮﻧﺎ ﻳﺎﻫﺎ ﺍﻻﺑﻨﻲ
ﻣﺨﻠﺪ -: ﺍﻧﺖ ﺷﻮﻭﻭﻭ ﻣﺎ ﺗﻄﻠﻊ ﺩﻛﻮﻭﻭﻭﻭﻭﻡ .. ﻭﺩﻓﻊ ﺧﺎﻟﻮ ﻳﺮﻳﺪ . ﻳﻄﻠﻌﻪ
ﺍﻧﻮﺭ -: ﺍﺑﻮ ﻟﺠﻴﻦ ﺍﻟﺠﻮﺍﺏ ﺍﻟﻚ ﻻ ﺗﺨﻠﻲ ﻣﺼﻴﺮ ﺑﻨﺘﻚ ﺑﻴﺪ ﻏﻴﺮﻙ ﺣﺮﺍﻡ ﻋﻠﻴﻚ ..
ﺍﺑﻮﻱ ﻳﺼﺮﺥ ﻭﻋﻤﺎﻣﻲ ﻳﺼﺮﺧﻮﻥ ﻭﺍﻣﻲ ﻭﺧﺎﻻﺗﻲ ﻳﻜﺎﺩ ﻣﺤﺪ ﻳﺴﻤﻊ ﺍﺣﺪ .. ﻣﻦ ﻛﺪ ﻫﻮﺳﺘﻬﻢ ..
ﺍﻧﺘﻬﻰ ﺍﻻﻣﺮ ... ﻋﻤﺎﻣﻲ ﺩﻓﻌﻮ ﺧﻮﺍﻟﻲ ﻭﻃﺮﺩﻭﻫﻢ ﻣﻦ ﺍﻟﺒﻴﺖ .. ﺭﺍﺣﺖ ﺍﻣﻲ ﻭﺧﺎﻻﺗﻲ ﺗﺘﻌﺎﺭﻙ ﻭﻳﺎﻫﻢ . ﻭﺍﻣﻲ ﻣﻦ ﺣﺮﻛﺔ ﻛﻠﺒﻬﺎ .. ﻛﺎﻳﻠﻪ ﻟﻌﻤﻲ
ﺍﻟﻠﻪ ﻳﻄﻠﻊ ﺣﺮﻛﺔ ﻛﻠﺒﻲ ﺑﻴﻚ .. ﻭﺗﻼﻛﻴﻬﺎ ﺍﻥ ﺷﺎﺀﺍﻟﻠﻪ ... ﺣﺎﺟﻴﻪ ﻫﻴﺞ ﻭﻣﺘﻮﻟﻴﻬﺎ ﺑﺎﺑﺎ ﺑﺎﻟﻐﻠﻂ ﻭﺍﻟﺼﻴﺎﺡ .. ﻭﻋﻤﺎﻣﻲ ﻛﺎﻣﻮ ﻳﻐﻠﻄﻮﻥ ﻋﻠﻴﻬﺎ ..
ﺧﺎﻻﺗﻲ ﻣﺎ ﺳﻜﺘﻦ ﻛﺎﻣﻦ ﻳﻬﺪﻥ ﻭﻳﺤﺠﻦ ﻋﻠﻰ ﻋﻤﺎﻣﻲ .. ﻫﺎﻡ ﺑﺎﺑﺎ ﺭﺍﻳﺪ ﻳﻀﺮﺏ ﺍﻣﻲ ﻭﺧﺎﻟﺘﻲ ﻭﺍﻛﻔﺘﻠﻪ ..
ﻛﺎﻳﻠﺘﻠﻪ ﺑﻨﺘﻚ ﺗﻀﺮﺑﻬﺎ ﻭﺑﻠﻌﻨﺎﻫﺎ ﺗﻤﺪ ﺍﻳﺪﻙ ﻋﻠﻰ ﺍﺧﺘﻨﺎ .. ﻧﻌﻠﮓ ﺍﺩﻳﻜﻢ ﺑﺮﻭﺳﻜﻢ ﻭﺍﻟﻠﻪ ..
ﻣﻦ ﻫﻠﻜﻼﻡ ﻣﺨﺒﻮﺻﻴﻦ ﻓﺪ ﻣﺮﻩ ﻭﻃﺎﺭﺩﻳﻦ ﺍﻣﻲ ﻭﺧﻮﺍﻟﻲ ﻭﺧﺎﻻﺗﻲ ﻣﻦ ﺍﻟﺒﻴﺖ .. ﺑﻘﻴﺖ ﻭﺣﻴﺪﻩ ﺑﻴﻦ ﺍﻟﺬﻳﺎﺏ ..
.
ﻓﻘﻂ ﺍﻧﻲ ﻭﺭﺣﻤﺔ ﺍﻟﻠﻪ ﺍﻟﻠﻲ ﻣﺎ ﺳﻜﺖ ﺍﻟﺴﺎﻧﻲ ﻭﺍﻧﻲ ﺍﺻﻴﺢ ﻳﺎ ﻣﻐﻴﺚ ﻣﻦ ﻻ ﻣﻐﻴﺚ ﻟﻪ .. ﺍﻏﺜﻨﻲ ..
ﻫﻨﺎ ﻛﻌﺪﻭ ﻛﻠﻬﻢ ﻭﺍﺑﻮﻱ ﻗﻔﻞ ﺍﻟﺒﺎﺏ ﻋﻠﻴﻪ ﻭﺻﻮﺗﻬﻢ ﻳﺘﻌﺎﻟﻰ .. ﺑﻘﻮ ﻳﺤﺠﻮﻥ ﻳﺮﺩﻭﻥ ﻳﻌﺮﻓﻮﻥ ﺷﺼﺎﺭ ﻭﻳﺎﻳﻪ ..
ﻋﺜﻤﺎﻥ -: ﻣﺨﻠﺪ ﺳﻮﻟﻔﻨﻪ ﺑﺎﻟﺘﻔﺼﻴﻞ ﺷﺼﺎﺭ .. ﻭﻳﻦ ﻟﻜﻴﺘﻬﺎ
ﻣﺨﻠﺪ -: ﻣﻦ ﺧﺎﺑﺮﺗﻮﻧﻲ ﻭﻛﻠﺘﻮﻟﻲ ﺍﻧﻬﺰﻣﺖ .. ﺍﻭﻝ ﺷﻲ ﻓﻜﺮﺕ ﺑﻲ ﺍﻟﻘﻨﺎﺓ ﺍﻟﻠﻲ ﺗﺸﺘﻐﻞ ﺑﻴﻬﺎ ﺳﺒﻖ ﻭﻛﺎﻟﺘﻠﻲ ﺑﺲ ﺍﺧﻠﺺ ﺍﻟﻌﻴﺪ ﻭﻳﺎﻫﻢ ﻭﺍﺑﻄﻞ ﻣﻨﻬﻢ ..
ﺍﻧﻲ ﺳﺎﺑﻘﺎ ﺟﻨﺖ ﻣﺎﺧﺬ ﺭﻗﻢ ﻣﺼﻄﻔﻰ ﺍﻟﻤﻘﺪﻡ ﺍﻟﻮﻳﺎﻫﺎ ﺑﺎﻟﺒﺮﻧﺎﻣﺞ ﻟﻼﺣﺘﻴﺎﻁ .. ﻑ ﻣﻦ ﻛﻠﺘﻮﻟﻲ ﺑﺴﺎﻟﻔﻪ .
ﺭﻓﻌﺖ ﺍﺗﺼﺎﻝ ﻭﺧﺎﺑﺮﺗﻪ ﻛﺎﻟﻲ ﺍﺣﻨﻪ ﺑﺎﺭﺑﻴﻞ ﺣﺴﺴﺘﻪ ﻣﺎﻛﻮ ﺷﻲ ﻭﺟﺮﻳﺖ ﺍﻟﺴﺎﻧﻪ ﺑﺎﻟﻜﻼﻡ .. ﻭﻛﺘﻠﻪ ﻟﺠﻴﻦ ﺷﻠﻮﻧﻬﺎ ..
ﻛﺎﻝ ﺗﺨﺮﺑﻄﺖ ﺍﻟﺒﺎﺭﺣﻪ ﻭﻧﻘﻠﻨﺎﻫﺎ ﻣﺴﺘﺸﻔﻰ ﻭﻫﺴﻪ ﻫﻲ ﺑﻐﺮﻓﺘﻬﺎ .. ﻛﺘﻠﻪ ﺍﻧﻄﻴﻨﻲ ﺍﻟﻌﻨﻮﺍﻥ ﺍﺟﻴﻬﺎ ..
ﺍﻧﻄﺎﻧﻲ .. ﻭﻗﺮﺭﺕ ﺍﺭﻭﺣﻠﻬﺎ ﺑﺲ ﻣﺎ ﻛﺪﺭﺕ ﺍﺗﺮﻙ ﺍﻟﻨﻘﻄﻪ ﻣﺎﻟﺘﻲ ﺑﻠﻴﻞ .. ﻓﻜﻠﺖ ﻳﻄﻠﻊ ﺍﻟﻔﺠﺮ ﻭﺍﺗﻮﺟﻪ ﻻﺭﺑﻴﻞ ..
ﻣﻦ ﻭﺻﻠﺖ ﻟﻠﻔﻨﺪﻕ .. ﻟﻤﺤﺘﻬﺎ .. ﻭﻟﻤﺤﺖ ﺍﻟﻜﻠﺐ ﺍﻟﻠﻲ ﺍﺳﻤﻪ ﻣﺎﻟﻚ ﻭﺍﻛﻒ ﻭﺭﺍﻫﺎ ﻳﺘﺤﺎﺳﺐ ﻭﻳﺪﻓﻊ ﻭﻫﻲ ﺷﺎﻓﺘﻨﻲ
ﻣﺠﺮﺩ ﻣﺎ ﺗﻘﺮﺑﺖ ﺍﻟﻬﺎ .. ﺍﻟﻜﻠﺐ ﺧﻼﻫﺎ ﻭﺭﻩ ﺿﻬﺮﻩ ﻭﺗﻼﻭﻯ ﻭﻳﺎﻱ ﻭﺗﻌﺎﺭﻛﻨﺎ .. ﻃﺮﺩﻭﻧﺎ ﻭﻟﺰﻣﺖ ﻟﺠﻴﻦ ﺟﺎﻧﺖ ﺭﺍﻳﺪﻩ ﺗﺸﺮﺩ ..
ﺍﻟﻠﻲ ﺍﺳﻤﻪ ﻣﺎﻟﻚ ﺭﻓﻊ ﺍﺳﻼﺣﻪ ﺑﻮﺟﻬﻲ . ﺗﺎﻟﻲ ﺍﺧﺬﻭﻩ ﺍﻻﻣﻦ ﻭﺍﻧﻲ ﺟﺒﺘﻬﺎ ﻭﺍﺟﻴﺖ ..
ﻋﺜﻤﺎﻥ -: ﻣﺨﻠﺪ ﻋﻤﻲ ﺍﺧﺬ ﺍﻟﺒﻨﻴﻪ ﺍﻋﻘﺪ ﻋﻠﻴﻬﺎ ﺍﻟﻴﻮﻡ ﻭﺍﺳﺘﺮﻫﺎ .. ﻭﻓﺾ ﺍﻟﺴﺎﻟﻔﻪ ﻻ ﻧﻨﻔﻀﺢ ..
ﻣﺨﻠﺪ -: ﻭﻫﻲ ﻣﻦ ﺟﺎﻧﺖ ﺷﺮﻳﻔﻪ ﻣﺤﺪ ﺍﻧﻄﺎﻧﻴﺎﻫﺎ .. ﻫﺴﻪ ﻣﻦ ﺑﺎﻋﺖ ﺷﺮﻓﻬﺎ ﺍﺧﺬﻫﺎ .. ﻟﻮ ﺍﻣﻮﺕ ﻣﺎﺧﺬ ﻭﺣﺪﻩ ﻣﺜﻠﻬﺎ ..
......... ﺍﻧﻲ ﺑﺎﻟﻐﺮﻓﻪ ﻭﺍﺳﻤﻊ .. ﻣﺎﺑﻴﻪ ﺣﻴﻞ ﺣﺘﻰ ﺍﻓﻜﺮ .. ﺍﻭﻥ ﻣﻦ ﺍﻟﻢ ﺟﺴﻤﻲ ﻟﺤﺪ ﻣﺎ ﺗﺮﻛﺘﻬﻢ ﻳﺤﺠﻮﻥ ﻭﻏﻔﻴﺖ ﻣﻦ ﻛﺪ ﺍﻟﺒﺠﻲ ........
*******
ﻋﺜﻤﺎﻥ -: ﻫﻮ ﺍﻟﻮﻟﺪ ﺍﻟﺠﺎﻥ ﻭﻳﺎﻫﺎ ﺷﻨﻮ ﻗﻀﻴﺘﻪ ﺷﺎﻛﺮ
ﺷﺎﻛﺮ -: ﺍﺟﻪ ﺧﻄﺒﻬﺎ ﻣﻨﻲ ﺍﻛﺜﺮ ﻣﻦ 5 ﻣﺮﺍﺕ ﻭﺭﻓﻀﺘﻪ ﻻﻥ ﺳﺒﻖ ﻭﺍﺗﻌﺮﺿﻠﻬﺎ ﺍﻟﻜﻠﺐ .. ﻭﻛﺘﻠﻬﺎ ﺍﺑﺘﻌﺪﻱ ﻋﻨﻪ .. ﺑﺲ ﺍﺧﺨﺨﺦ ﺍﻧﻲ ﺍﻟﻮﺛﻘﺖ ﺑﻴﻬﺎ ..
ﻋﻤﺮﺍﻥ -: ﺍﺫﻥ ﺍﻧﻄﻮﻫﺎ ﻟﻠﻮﻟﺪ ﻭﺧﻞ ﻧﺨﻠﺺ ﻣﻨﻬﺎ ﺍﺣﺴﻦ ﻣﻦ ﺍﻟﻘﺘﻞ ﻭﺗﺪﻣﺮ ﺍﺩﻳﻨﻪ ﺑﺪﻣﻬﺎ .. ﺧﻞ ﻳﺠﻲ ﻳﺎﺧﺬﻫﺎ ﻭﻣﺎ ﻳﺸﻮﻓﻨﺎ ﻭﺟﻬﺎ ..
ﻣﺨﻠﺪ -: ﻫﻮ ﺷﻨﻮ ﻳﺎﺧﺬﻫﺎ ﺷﻨﻮ ﻳﺨﻄﺒﻬﺎ .. ﺍﻧﺘﻢ ﺗﻌﺮﻓﻮﻥ ﻫﺬﺍ ﻣﻨﻮ ﻟﻮ ﻻﺍﺍﺍ ..
ﻣﺎﻟﻚ ﻗﺎﺗﻞ ﻣﺄﺟﻮﺭ ﺳﻴﺎﺳﻲ .. ﻛﻞ ﺳﻴﺎﺳﻲ ﻳﺮﻳﺪ ﻳﺼﻔﻴﻠﻪ ﺟﻤﺎﻋﻪ ﻟﻮ ﻳﻘﺘﻠﻬﻢ .. ﻣﺎﻟﻚ ﻳﺘﻮﻟﻰ ﻫﺸﻐﻞ ﻫﻮ ﻭﻋﺼﺎﺑﺘﻪ . ﻭﻳﺴﻤﻮﻧﻪ ﺑﺎﻟﻮﺳﻂ ﺍﻟﻤﻠﻚ ..
ﻣﻠﻚ ﺍﻟﻘﺘﻞ ﺑﺎﻟﻌﺮﺍﻕ ﻫﻮ .. ﻣﻌﺮﻭﻑ ﻋﻨﻪ ﻳﻘﺘﻞ ﺍﻟﺒﺸﺮ ﻭﺟﻜﺎﺭﺗﻪ ﺑﺤﻠﻜﻪ ﺑﻜﻞ ﺩﻡ ﺑﺎﺭﺩ ..
ﻋﺜﻤﺎﻥ -: ﻳﻌﻨﻲ ﻗﺎﺗﻞ ... ﻭﻟﻜﻢ ﺧﺎﻑ ﻳﺠﻲ ﻳﻘﺘﻠﻨﺎ .
ﺷﺎﻛﺮ -: ﻭﻟﻴﺶ ﻣﺎ ﺣﺠﻴﺖ ﻣﻦ ﻗﺒﻞ ﻫﻠﻜﻼﻡ
ﻣﺨﻠﺪ -: ﻫﻮ ﺍﻧﺘﻮ ﺍﻛﻮ ﻭﺍﺣﺪ ﺑﻴﻜﻢ ﻳﺴﻤﻌﻨﻲ ﺣﺎﻭﻟﺖ ﺍﺧﻠﻲ ﺣﻤﺎﻳﻪ ﻟﺠﻴﻦ ﻭﺍﺑﻄﻠﻬﺎ ﻣﻦ ﺍﻟﻘﻨﺎﺓ ﺣﺘﻰ ﺗﺒﺘﻌﺪ .. ﺍﻟﺨﺎﻧﻢ ﻣﺎ ﻗﺒﻠﺖ
.
ﺷﺎﻛﺮ -: ﻭﻣﻦ ﺷﻮﻛﺖ ﺗﻌﺮﻑ ﺑﻲ ..
ﻣﺨﻠﺪ -: ﺑﻌﺪ ﻣﺎ ﻛﻤﺖ ﺟﺮﺣﻲ ﻟﻤﺎ ﺍﻏﺘﺎﻟﻮﻧﻲ .. ﺭﺣﺖ ﺍﺑﺤﺚ ﻋﻨﻪ ﻟﻴﺶ ﻃﻠﻊ ﻭﻣﺎ ﺍﻧﺴﺠﻦ ﻃﻠﻊ ﻣﺪﻋﻮﻡ ﺳﻴﺎﺳﻴﺎ ..
ﻋﻤﺮﺍﻥ -: ﺍﻧﻄﻮﻫﺎ ﺍﻟﻪ ﻭﺧﻞ ﻧﺨﻠﺺ ﻣﻦ ﺷﺮﻩ ﻻ ﻳﺠﻲ ﻳﻜﺘﻠﻨﺎ ﻭﻧﺘﻮﺭﻁ ﻣﻦ ﻭﺭﻩ ﻫﻠﺴﺎﻗﻄﻪ ..
ﻣﺨﻠﺪ -: ﻭﺗﺮﻭﺡ ﺗﻨﻄﻴﻬﺎ ﻟﻬﺬﺍ ﺍﻟﺴﺎﻗﻂ ﻫﻮ ﻭﻋﺼﺎﺑﺘﻪ ..
ﻋﺜﻤﺎﻥ -: ﻳﻄﺒﻬﺎ ﻣﺮﺽ ﻫﻲ ﺍﻟﻠﻲ ﺍﺧﺘﺎﺭﺕ ﻃﺮﻳﻘﻬﺎ ﺧﻞ ﺗﺎﺧﺬﻩ ﻭﺗﻤﺸﻲ ..
ﻣﺨﻠﺪ -: ﺍﺷﻤﺮﻫﺎ ﻟﻠﻜﻼﺏ ﻭﻣﺎ ﺍﻧﻄﻴﻬﺎ ﺍﻟﻪ ﻭﺍﻟﻠﻪ .. ﻟﻮ ﺗﻤﻮﻭﺕ .. ﺍﺳﻠﻢ ﻋﺮﺿﻲ ﻟﻮﺍﺣﺪ ﻛﻮﺍ ...... ﺷﻨﻮ ﺗﺨﺒﻠﻨﺎ
ﻋﺜﻤﺎﻥ -: ﻭﺍﻟﺤﻞ ﺷﻠﻮﻥ ﻣﺨﻠﺪ ... ﻻ ﺍﻧﺖ ﻗﺎﺑﻞ ﺗﺴﺘﺮ ﻋﻠﻴﻬﺎ ﻭﻻ ﺍﻧﺘﻪ ﻗﺎﺑﻞ ﻧﻨﻄﻴﻪ ﺷﻨﻮ ﻟﻌﺒﻪ ﺑﻴﺪﻙ ﺍﺣﻨﻪ ..
- ﺍﻧﻲ ﺍﻋﺮﻑ ﺷﻨﻮ ﺍﻟﺤﻞ ..
ﻟﺠﻴﻦ -: ﺟﻨﺖ ﻧﺎﻳﻤﻪ ﺑﻤﻜﺎﻧﻲ ﻣﺎ ﺑﻴﻪ ﺍﺷﻴﻞ ﺍﻳﺪ ﻟﻮ ﺭﺟﻞ .. ﻭﺍﺟﻪ ﻣﺨﻠﺪ ﺟﺮﻧﻲ ﻣﻦ ﺯﻧﺪﻱ .. ﻭﺷﺎﻟﻨﻲ .. ﻓﺰﻳﺖ ﻋﻠﻰ ﺟﺮﺗﻪ
ﻣﺨﻠﺪ -: ﺍﻣﺸﻲ ..
ﻟﺠﻴﻦ -: ﺍﺗﺮﻛﻨﻲ ﻣﺨﻠﺪ .. ﺍﻟﻠﻪ ﻳﺨﻠﻴﻚ .. ﻭﺍﻟﻠﻪ ﻣﺴﻮﻳﺖ ﺷﻲ ... ﺑﺎﺑﺎﺍﺍﺍﺍﺍﺍﺍﺍ .. ﻻ ﺗﻌﻮﻭﻭﻭﻭﻓﻨﻲ ﻭﺍﻟﻘﺮﺍﻥ ﻣﺴﻮﻳﺖ ﺷﻲ ﺣﺮﺭﺍﺍﺍﺍﺍﻡ ﻋﻠﻴﻜﻢ ..
ﺟﺮ ﺍﺳﻼﺣﻪ ﻭﺧﻼﻩ ﺑﻮﺟﻬﻲ .. ﺗﺴﻜﺘﻴﻦ ﻛﻠﻤﻪ ﻭﺣﺪﻩ ﻣﺎ ﺗﻄﻠﻊ ﻣﻨﺞ ﻣﻔﻬﻮﻭﻭﻭﻭﻡ ..
ﺑﻘﺖ ﺑﺲ ﺩﻣﻮﻋﻲ ﺗﺠﺮﻱ ﺑﺪﻭﻥ ﺻﻮﺕ .. ﺍﻟﺴﻴﺎﺭﻩ ﻛﺎﻧﺖ ﺑﺎﻟﻜﺮﺍﺝ .. ﺻﻌﺪﻧﻲ .. ﻭﺍﺧﺬﻧﻲ ﻟﺒﻴﺖ ﺍﻫﻠﻪ .. ﺷﻤﺮﻧﻲ ﺑﻐﺮﻓﺘﻪ ﺩﺍ ﺍﻛﻮﻡ ﺍﺭﻳﺪ ﺍﺣﺠﻲ ﻭﻳﺎﻩ ﻃﻠﻊ ﻭﻗﻔﻞ ﺍﻟﺒﺎﺏ ..
ﺍﺛﻨﺎﺀ ﻣﺎ ﺍﺧﺬﻧﻲ ﻣﺨﻠﺪ ﻭﻃﺎﻟﻊ .. ﺭﺍﺟﻊ ﺧﺎﻟﻮ ﻭﺍﻣﻲ ﻟﺒﻴﺖ ﺍﺑﻮﻳﻪ .. ﻣﺎ ﻣﺘﺤﻤﻠﻪ ﺗﺒﻘﻰ ﻋﻨﺪ ﺧﻮﺍﻟﻲ ﻭﺍﻧﻲ ﺑﻴﻦ ﺍﺩﻳﻬﻢ ..
ﺭﺟﻌﺖ ﻃﺒﺖ ﺗﺘﻌﺎﺭﻙ ﻭﻱ ﻋﻤﺎﻣﻲ .. ﻑ ﻋﻤﻲ ﻋﻤﺮﺍﻥ ﻛﺎﻟﻠﻬﺎ ﺍﺧﺬﻫﺎ ﻣﺨﻠﺪ .. ﻭﺭﺍﺡ ﻳﻨﻔﺬ ﺑﻴﻬﻢ ﻭﻳﻐﺴﻞ ﻋﺎﺭﻧﺎ ..
ﺑﺎﻗﻴﻪ ﺗﺼﺮﺥ .. ﻑ ﻣﺘﺼﻞ ﺑﺎﻟﺠﺬﺏ ﺭﺍﻓﻊ ﺗﻠﻴﻔﻮﻥ ﻭﻋﻮﺩ ﻳﺤﺠﻲ ﻭﻱ ﻣﺨﻠﺪ ﻭﻳﻜﻠﻪ ﻋﻔﻴﻪ ﺭﻓﻌﺖ ﺭﺍﺳﻨﺎ ﻭﻏﺴﻠﺖ ﻋﺎﺭﻙ ..
ﺣﺠﻪ ﻫﻴﺞ ﻓﻘﻂ ﺣﺘﻰ ﻳﺤﺮﻙ ﻗﻠﺐ ﺍﻣﻲ .. ﺍﻭﻓﻌﻼ ﻧﺎﻝ ﺭﻏﺒﺘﻪ ... ﻣﻲ ﺑﺎﻗﻴﻪ ﺗﺼﺮﺥ ﺑﺎﻟﺒﻴﺖ ﻣﻦ ﻛﻞ ﻗﻠﺒﻬﺎ .. ﻣﻦ ﻗﻮﺕ ﺍﻟﺼﺮﺧﻪ ..
ﺗﻠﻔﺖ ﻋﺪﻫﺎ ﺍﻟﺤﺒﺎﻝ ﺍﻟﺼﻮﺗﻴﻪ ﻭﺍﺧﺘﻔﻰ ﺻﻮﺗﻬﺎ ﺑﺎﻗﻴﻪ ﺗﺮﻳﺪ ﺗﺼﺮﺥ ﺻﻮﺕ ﻣﺎ ﻳﻄﻠﻊ ﻣﻨﻬﺎ .. ﻓﺸﺎﻳﻠﻴﻬﺎ ﺑﻬﺬﺍ ﺍﻟﻴﻮﻡ ﻟﻠﻤﺴﺘﺸﻔﻰ ..
ﺍﺑﻮﻱ ﻣﻦ ﺳﺎﻣﻊ ﻋﻤﻲ ﻋﻤﺮﺍﻥ ﻫﻴﺞ ﺣﺎﺟﻲ ﻃﺎﻟﻊ ﻣﻦ ﺍﻟﺒﻴﺖ ﻭﻣﺮﺗﻔﻊ ﺍﻟﻀﻐﻂ ﻭﺑﺎﻗﻲ ﻳﻨﺰﻑ
ﻭﺍﺛﻨﻴﻨﻬﻢ ﻟﻠﻤﺴﺘﺸﻔﻰ .. ﺍﻣﻲ ﺑﻌﺪ ﺍﻟﻔﺤﺺ ﺗﺒﻴﻦ ﺍﻥ ﺍﺧﺘﻔﻰ ﺻﻮﺗﻬﺎ ﺑﺴﺒﺐ ﺗﻠﻒ ﺍﻻﻭﺗﺎﺭ ﺍﻟﺼﻮﺗﻴﻪ ..
ﻣﻦ ﻛﺪ ﺣﺰﻧﻬﺎ ﻭﺗﺮﻳﺪ ﺗﺼﺮﺥ ﻭﻣﺎﻛﻮ .. ﻣﺸﻜﻞ ﻋﺪﻫﺎ ﺳﻜﺮ .. ﻑ ﻣﻨﻮﻣﻴﻬﺎ ﻣﺴﺘﺸﻔﻰ ..
ﺗﺎﻟﻲ ﺧﺎﺑﺮ ﺧﺎﻟﻮ ﻋﻠﻰ ﻣﺨﻠﺪ .. ﻳﺮﻳﺪ ﻳﻔﺘﻬﻢ ﺟﺜﺘﻲ ﻭﻳﻨﻬﺎ ﻛﺎﻟﻪ ﻣﺎ ﻗﺘﻠﺘﻬﺎ ﺍﺭﻳﺪ ﺍﻋﻴﺪ ﺗﺮﺑﻴﺘﻬﺎ ﻭﻫﻲ ﻋﻨﺪﻱ ﺑﺎﻟﺒﻴﺖ ..
ﺧﺎﻟﻮ ﻣﺘﺨﺒﻞ ﺭﺍﺟﻊ ﻣﺘﻌﺎﺭﻙ ﻭﻱ ﻋﻤﻲ ﻋﻤﺮﺍﻥ ﻫﻮ ﻭﺧﻮﺍﻟﻲ ﻭﺧﺎﻟﺘﻲ ﻛﻠﻬﺎ ﻫﺠﻤﻮ ﻋﻠﻰ ﻋﻤﺎﻣﻲ .. ﻛﺎﻟﻮﻟﻬﻢ ﻛﺬﺏ ﺑﺲ ﺣﺘﻰ ﻳﺤﺮﻙ ﻛﻠﺐ ﺍﻡ ﻟﺠﻴﻦ ﻭﺣﺎﻟﺘﻬﺎ ﻫﺴﻪ ﺑﺴﺒﺒﻪ
ﻫﺬﺍ ﻛﻠﻪ ﻋﺮﻓﺘﻪ ﻓﻲ ﻣﺎ ﺑﻌﺪ .. ﻳﻮﻣﻴﻦ .. ﺍﻧﻲ ﻣﺎ ﺍﻋﺮﻑ ﺷﻨﻮ ﺻﺎﻳﺮ ﺑﻴﻬﻢ .. ﻣﺨﺒﻮﺻﻴﻦ ﻭﺍﻧﻲ ﻣﺤﺒﻮﺳﻪ .. ﻓﻘﻂ ﺑﻐﺮﻓﺔ ﻣﺨﻠﺪ .. ﻣﻮﺟﻮﺩﻩ ﺑﻴﻬﺎ ﺛﻼﺟﻪ ﺗﺤﺘﻮﻱ ﻋﻠﻰ ﻣﻲ ﻭﺍﻛﻞ ﻗﻠﻴﻞ ..
.
ﻳﻮﻣﻴﻦ ﺣﺘﻰ ﺍﻟﺤﻤﺎﻡ ﻣﺸﺎﻳﻔﺘﻪ .. ﺑﺲ ﻧﺎﻳﻤﻪ ﺑﻤﻜﺎﻧﻲ ﻻ ﺍﻛﻞ ﻭﻻ ﺷﺮﺏ ..
ﺑﻌﺪ ﻳﻮﻣﻴﻦ ﻣﻦ ﺍﻟﺨﺒﺼﻪ ﺍﻟﻠﻲ ﻣﺎ ﺍﻋﺮﻑ ﻋﻦ ﺷﻨﻮ ﻳﺤﺠﻮﻥ ﻛﻞ ﺿﻨﻲ ﻣﻦ ﻭﺭﺍﻳﻪ .. ﻃﺐ ﻣﺨﻠﺪ ﺑﻠﻴﻞ ..
ﻛﻌﺪﺕ ﻋﻠﻰ ﺣﻴﻠﻲ ﻭﺗﺮﺍﺟﻌﺖ .. ﻟﻤﻴﺖ ﺭﺟﻠﻴﻪ ﻭﻟﻔﻴﺖ ﻧﻔﺴﻲ ﺑﺎﻟﺸﺮﺷﻒ
- ﻣﻦ ﺷﻮﻛﺖ ﻫﺬﺍ ﺍﻟﻜﻠﺐ ﻋﻨﺪﺝ ﻋﻼﻗﻪ ﺑﻲ ..
- ﻣﻨﺰﻟﻪ ﺭﺍﺳﻲ ﻭﻣﺎ ﺍﺣﺠﻲ ..
ﻟﺰﻡ ﺷﻌﺮﻱ ﺍﺣﺠﻲ ﻻ ﺗﺨﻠﻴﻨﻲ ﺍﻓﺮﻍ ﺍﺳﻼﺣﻲ ﺑﺮﺍﺳﺞ ﺑﺎﻟﻘﺮﺍﻥ .. ﺟﺎﻥ ﺑﺎﻳﺖ ﻭﻳﺎﺝ ﺑﺎﻟﻐﺮﻓﻪ ..
- ﺳﻜﺘﺖ
- ﺍﺣﺠﻴﻴﻴﻴﻴﻴﻴﻲ
- ﻣﺎ ﺳﻮﺍﻟﻲ ﺷﻲ ﻭﺍﻟﻠﻪ .. ﻛﻨﺖ ﻧﺎﻭﻳﻪ ﺍﻫﺮﺏ ﻭﻫﻮ ﻛﺎﻝ ﺍﺳﺎﻋﺪﺝ .. ﺟﺮ ﺭﺍﺳﻲ ﺑﺴﺮﻋﻪ
- ﺗﻬﺮﺑﻴﻦ ﻭﻳﺎﺍﺍﺍﺍﻩ ﻣﻮﻭﻭﻭ
- ﻻﺍﺍﺍﺍ ﻭﺣﺪﻱ
- ﻟﺞ ﻫﻠﺪﺭﻭﺏ ﺍﺣﺠﻴﻬﻦ ﻋﻠﻰ ﻏﻴﺮﻱ ﻟﺠﻴﻴﻴﻴﻴﻴﻦ .. ﺷﻴﺴﻮﻱ ﺻﻌﺪ ﻟﻐﺮﻓﺘﺞ .. ﻭﺷﻴﺴﻮﻱ ﻭﻳﺎﺝ ﺑﺎﻟﻔﻨﺪﻕ ﻛﻞ ﻫﺬﺍ ﻭﺗﻜﻮﻟﻴﻠﻲ ﻣﺎﻛﻮ ﺷﻲ
ﻭﺍﻟﻘﺮﺍﻥ ﺫﺑﺢ ﺍﺫﺑﺤﺞ ..
- ﻫﺬﺍ ﺍﻟﻠﻲ ﺻﺎﺭ .. ﻭﺍﻟﻠﻪ ﻣﺎﻛﻮ ﻏﻴﺮ ﺷﻲ ..
- ﻳﺎ ﻟﺠﻴﻦ ﺍﺫﺍ ﻣﺎ ﺧﻠﻴﺘﺞ ﺗﺘﻤﻨﻴﻦ ﺍﻟﻤﻮﺕ ﻭﻣﺎ ﺗﻼﻛﻲ ﻓﻼ ﺍﻃﻠﻊ ﺍﻧﻲ ﻣﺨﻠﺪ ..
- ﻣﺎﻣﺎ ﻭﻳﻦ ﻣﺨﻠﺪ ﻓﺪﻭﻩ ﺧﻞ ﺍﺧﺎﺑﺮﻫﺎ ..
- ﺑﺠﻬﻨﻢ ﺍﻥ ﺷﺎﺀﺍﻟﻠﻪ
- ﺍﺭﻳﺪ ﺍﻣﻲ .. ﮔﻠﺒﻲ ﻧﺎﺭ ﻋﻠﻴﻬﺎ ﻓﺪﻭﻩ ﺑﺲ ﺍﺣﺠﻲ ﻭﻳﺎﻫﺎ ..
- ﻫﻪ ﻫﻮ ﺍﻧﺘﻲ ﺑﻘﻴﺘﻲ ﺻﻮﺕ ﻋﺪ ﺍﻫﻠﺞ ﻭﻳﺤﺠﻮﻥ ﻭﻳﺎﺝ . ﺗﺒﺮﻭ ﻣﻨﺞ
- ﺷﻨﻮ ﺍﻟﺮﺍﻳﺪﻱ ﻣﻨﻲ ... ﺍﻫﻠﻲ ﺗﺒﺮﻭ .. ﺧﻼﺹ ﺍﺫﺑﺤﻮﻧﻲ ﻭﺧﻠﺼﻮﻧﻲ .. ﻣﺎ ﺍﺭﻳﺪ ﺍﻋﻴﺶ ﻫﻠﻌﻴﺸﻪ ..
- ﺗﺮﺩﻳﻦ ﺗﻤﻮﺗﻴﻦ ﻣﻮﻭﻭ ..
- ﺍﺗﻘﺮﺏ ﻋﻠﻴﻪ ..
- ﺍﺗﺮﺍﺟﻌﺖ ..
- ﻭﻟﺞ ﺍﺣﺠﻲ ﺭﺍﺡ ﺍﻧﺠﻦ ﻟﺰﻣﺞ ﻟﻮ ﻻﺍﺍﺍﺍﺍﺍ
- ﺍﺑﺘﻌﺪ ﻋﻨﻲ ..
- ﺍﻧﻲ ﺍﺑﺘﻌﺪ .. ﻣﻮﻭﻭ .. ﺑﺲ ﺫﺍﻙ ﻣﻦ ﻳﺘﻘﺮﺏ ﺍﻫﻼ ﻭﺳﻬﻼ ﻣﻮﻭﻭﻭﻭﻭ
ﺷﺎﻝ ﺭﺍﺳﻲ ﻭﺿﺮﺑﻪ ﺑﺎﻟﺤﺎﻳﻂ ﻭﻳﺼﻴﺢ ﺍﺣﺠﻴﻴﻴﻲ .. ﻛﻮﻟﻲ ﺍﺗﻘﺮﺑﻠﺞ ﻟﻮ ﻻﺍﺍﺍﺍﺍﺍﺍﺍ ..
- ﺑﻘﻴﺖ ﺍﺑﺠﻲ ﺣﻴﻞ ﻭﻣﺎ ﺭﺩﻳﺖ .. ﺑﻘﻰ ﻳﻀﺮﺏ .. ﻭﻳﺸﻴﻞ ﺍﻟﻐﺮﺍﺽ ﻭﻳﻜﺴﺮ ﻭﻳﺼﻴﺢ .
ﻃﺒﺖ ﺍﻣﻪ ﺗﻬﺪﻱ ﺑﻲ .. ﻭﺗﻜﻠﻪ ﺣﻴﻠﻚ ﺗﻬﺪﻩ ﻋﻠﻤﻮﺩ ﻭﺣﺪﻩ ﻣﺎ ﻋﺪﻫﺎ ﺷﺮﻑ ..
ﻣﺨﻠﺪ -: ﻣﺎ ﻋﺪﻫﺎ ﺷﺮﻑ ﺍﺫﺑﺤﻬﺎ .. ﺍﻏﺴﻞ ﻋﺎﺭﻱ ﻣﻨﻬﺎ ﻭﺍﺧﻠﻠﻠﻠﻠﻠﻠﻠﻠﺺ ..
ﺍﺧﺬﻧﻲ ﻣﻦ ﺷﻌﺮﻱ ﻭﻧﺰﻝ ﺑﻴﻪ ﺳﺤﻞ .. ﻟﺰﻣﻪ ﻋﻤﻲ ﻋﺜﻤﺎﻥ ..
ﻋﺜﻤﺎﻥ -: ﻣﺨﻠﺪ ﻭﻳﻦ
ﻣﺨﻠﺪ -: ﻣﺎ ﺍﺗﺤﻤﻠﻬﺎ ﻫﺎﻱ ﺍﻟﺒﻼ ﺷﺮﻑ ﻣﺎ ﻳﻄﻔﻰ ﻧﺎﺭﻱ ﺍﻻ ﺑﺪﻣﻬﺎ ... ﻣﺎ ﺍﺗﺤﻤﻠﻬﺎ ﺳﺎﻗﻄﻪ ﻫﺎﺍﺍﺍﻱ ﺳﺎﺍﺍﺍﺍﺍﺍﺍﺍﺍﻗﻄﻪ .
ﺍﻧﻲ ﺍﺑﺠﻲ ﻭﺍﺟﺮ ﺑﻲ ﻭﺍﺻﺮﺥ ﻟﻌﻤﻲ .. ﺟﺮﻧﻲ ﻣﻨﻪ ﻭﻛﺎﻟﻪ ﺳﺎﻗﻄﻪ ﻳﺎﺧﺬﻫﺎ ﺍﻟﻠﻲ ﺳﻘﻄﻬﺎ ﻭﻳﺴﺘﺮﻫﺎ
ﺍﻟﻮﻟﺪ ﺍﺟﻪ ﻟﻌﻤﻚ ﻗﺒﻞ ﺷﻮﻱ ﻭﺟﺎﺏ ﻧﺎﺱ ﻳﺮﻳﺪ ﻳﺨﻄﺐ ﻭﺍﻋﺘﺬﺭ ﻫﻮ ﻭﺍﻟﺸﻴﻮﺥ ﺍﻟﻮﻳﺎﻩ
.
ﻣﺨﻠﺪ -: ﺷﻨﻮﻭﻭﻭﻭﻭﻭ ﺷﻴﻮﺥ ﻫﺬﺍ ﺳﺎﻗﻂ ﻣﻨﻴﻠﻪ ﺍﻫﻞ ﺣﺘﻰ ﻋﻨﺪﻩ ﺷﻴﻮﺥ ﻋﺼﺎﺑﺠﻲ ﻫﺬﺍ ﻣﺠﺮﺭﺭﺭﺭﺭﺭﻡ ..
ﻋﺜﻤﺎﻥ -: ﻭﺍﻧﺖ ﺷﻌﻠﻴﻚ ﻋﺴﻰ ﻣﺎ ﻳﻄﻠﻊ ﻏﻮﻝ ﻫﻮ ﻭﻳﺎﻫﺎ ﻳﺘﺠﺎﺯﻭﻥ .. ﻻ ﺗﺒﻘﻰ ﻋﻠﻰ ﻛﻞ ﻭﺍﺣﺪ ﻳﺨﻄﺒﻬﺎ ﻣﻄﻠﻌﻠﻚ ﺳﺎﻟﻔﻪ ﺧﻞ ﻧﻨﻄﻴﻬﺎ ﻭﻧﺨﻠﺺ ﻣﻨﻬﺎ
ﻣﺨﻠﺪ -: ﺍﺫﺑﺤﻬﺎ ﻭﻣﺎ ﺗﺘﺰﻭﺟﻪ ﻭﺍﻟﻠﻪ ..
ﻋﻤﺮﺍﻥ -: ﻣﺨﻠﺪ ﺍﺑﻨﻲ ﺗﺮﻩ ﻃﻠﻌﺖ ﺍﺭﻭﺍﺣﻨﺎ .. ﻻ ﻗﺎﺑﻞ ﺍﺣﺪ ﻳﺘﺰﻭﺟﻬﺎ ﻭﻻ ﺍﻧﺘﻪ ﺗﺮﻳﺪﻫﺎ ﺷﻠﻮﻭﻭﻥ ﻧﺒﺘﻠﺶ ﺑﻌﺎﺭﻫﺎ ﻭﻧﺴﻜﺖ .
ﻣﺨﻠﺪ -: ﺍﻭﺍﻓﻖ ﺑﺸﺮﻁ .
ﻋﺜﻤﺎﻥ -: ﻛﻮﻝ
ﻣﺨﻠﺪ -: ﺗﺨﻀﻊ ﻟﻔﺤﺺ ﻃﺒﻲ ﻛﺎﻣﻞ ﻣﻮ ﻓﻘﻂ ﻋﺬﺭﻳﻪ ﻭﺍﺫﺍ ﺍﺑﻴﻦ ﺑﺎﻟﻔﺤﺺ ﻣﺎ ﻻﻣﺴﻬﺎ ﻣﻦ ﺍﻱ ﻣﻜﺎﻥ ﺑﺠﺴﻤﻬﺎ .. ﺫﺍﻙ ﺍﻟﻮﻗﺖ ﺑﻌﺪ ﻣﺎ ﺍﺗﺄﻛﺪ ﻣﻦ ﻃﻬﺎﺭﺗﻬﺎ ﺍﺗﺰﻭﺟﻬﺎ ..
ﻟﺠﻴﻦ -: ﻣﻮ ﺍﻧﺖ ﺍﻟﻠﻲ ﺗﺬﻟﻨﻲ .. ﻛﻨﺖ ﺗﺤﻠﻢ ﺑﺨﻴﻂ ﻣﻦ ﺷﻌﺮﻱ ﻭﻫﺴﻪ ﺗﺘﺸﺮﻁ ﺗﺘﺰﻭﺟﻨﻲ ﻭﺗﺴﺘﺮﻧﻲ ..
ﺍﻟﻤﺒﻠﻞ ﻣﺎ ﻳﺨﺎﻑ ﻣﻦ ﺍﻟﻤﻄﺮ ﺍﺫﺍ ﺑﻌﻴﻨﻜﻢ ﺍﺳﺘﺎﻫﻞ ﺍﻟﻘﺘﻞ ﺍﻗﺘﻠﻮﻧﻲ ﺑﺲ ﻻ ﺗﺤﻠﻢ ﺍﺭﺿﻴﻠﻚ ﻏﺮﻭﺭﻙ .. ﻣﻮ ﺍﻧﻲ ﺍﻻﻗﺒﻞ ﺑﻬﻴﺞ ﻓﺤﺺ .. ﺍﻣﻮﺕ ﻭﻻ ﺗﺬﻟﻨﻲ
ﻫﻢ ﺳﻤﻌﻮﻧﻲ ﺭﺩﻳﺖ .. ﻟﻮ ﺗﻜﺎﺑﻠﻮ ﻋﻠﻴﻪ ﻋﻤﺎﻣﻲ ﺍﺛﻨﻴﻨﻬﻢ ﻭﻣﺨﻠﺪ .. ﻭﺍﺣﺪ ﻳﺠﺮ ﻭﺍﺣﺪ ﻳﻀﺮﺏ ..
ﺳﺤﻠﻮﻧﻲ ﺳﺤﻞ .. ﻭﻫﻢ ﻳﻜﺘﻠﻮﻧﻲ ﻭﺟﺮﻭﻧﻲ ﻟﻠﻐﺮﻓﻪ ﻣﺜﻞ ﺍﻟﻤﻴﺘﻪ ﻣﻦ ﺍﻟﻮﺟﻊ .. ﺷﻤﺮﻭﻧﻲ ﺑﺎﻟﻐﺮﻓﻪ ﻭﻃﻠﻌﻮ
ﺑﻘﻴﺖ ﺍﺑﺠﻲ ﺑﺠﻲ ﻣﻦ ﺍﻻﻟﻢ ﻭﺍﻟﺤﺮﻛﻪ ﻭﺍﻟﻮﺣﺪﻩ .. ﻟﻞ 3 ﻭﻣﺎ ﻏﻔﺘﻠﻲ ﻋﻴﻦ .. ﺍﻧﻲ ﻣﺨﻠﺪ ﻳﺬﻟﻨﻲ .. ﺍﻟﻠﻲ ﺟﺎﻥ ﻳﺤﻠﻢ ﺑﻴﻪ ﻳﺘﺸﺮﻁ ﻋﻠﻴﻪ ..
ﻳﺮﺩﻭﻥ ﻳﺴﺘﺮﻭﻧﻲ ﻳﻨﻄﻮﻧﻲ ﻟﻤﺎﻟﻚ .. ﻭﺍﻟﻤﺎ ﺭﺍﺩﻭﻭ ... ﻳﻘﺘﻠﻮﻧﻲ ﻣﻮ ﻓﺪ ﻣﺸﻜﻠﻪ .. ﺍﻣﻮﺕ ﻭﻻ ﺍﻧﺬﻝ ﻟﻤﺨﻠﺪ ﻭﺍﺧﻠﻲ ﻳﺴﻮﻳﻠﻲ ﻓﺤﺺ ﻋﺬﺭﻳﻪ .. ﺣﺘﻰ ﻳﺮﺿﻲ ﻏﺮﻭﺭﻩ
ﻟﻮ ﻋﻤﺎﻣﻲ ﻃﺎﻟﺒﻴﻦ ﺟﺎﻥ ﺧﻀﻌﺖ ﻭﺳﻮﻳﺖ ﺣﺘﻰ ﺍﺛﺒﺖ ﺑﺮﺍﺋﺘﻲ .. ﺑﺲ ﻣﺨﻠﺪ ﻭﻳﺘﺸﺮﻁ ﺑﻔﺤﺺ ﺣﺘﻰ ﻳﺘﺰﻭﺟﻨﻲ ﻟﻮ ﺍﻣﻮﺕ ﻭﻣﺎ ﺍﺗﺰﻭﺟﻪ ..
ﻛﺮﻫﺘﻪ ﻛﻠﺶ ﺑﻌﺪ ﻣﻌﺎﻣﻠﺘﻪ ﻭﻱ ﺍﻣﻲ ﻭﺍﻟﻴﻪ .. ﻛﺎﻋﺪﻩ ﺍﺑﺠﻲ .. ﻟﻠﺤﻈﻪ ﻭﻛﻔﺖ ﺑﺠﻲ ﻭﻗﺮﺭﺕ ﺍﺳﻮﻱ ﺷﻲ ﺑﺪﻝ ﺍﻟﺒﺠﻲ .
ﻛﻤﺖ ﻓﺘﺤﺖ ﺍﻟﺸﺒﺎﻙ ﻳﺼﻌﺐ ﻋﻠﻴﻪ ﺍﻟﻬﺮﻭﺏ ﻣﻨﻪ .. ﻛﻤﺖ ﺍﺩﻭﺭ ﻋﻠﻰ ﺷﻲ ﺑﺎﻟﻐﺮﺍﺽ ﺍﻟﻜﺖ ﺍﻛﺪﺭ ﺍﻓﺘﺢ ﺍﻟﺒﺎﺏ ﺑﻲ ..
ﻟﻜﻴﺖ ﺟﺮﺍﺭﻩ ﺑﻴﻬﺎ ﻋﺪﺓ ﺩﺭﻧﻔﻴﺲ .. ﺟﺮﻳﺖ ﺩﺭﻧﻔﻴﺲ ﻣﻨﺒﻞ .. ﻭﺭﺣﺖ ﻟﻠﺒﺎﺏ .. ﻓﺘﺤﺖ ﺑﺮﺍﻏﻲ ﺍﻟﻘﻔﻞ ﻣﺎﻝ ﺍﻟﺒﺎﺏ ﻣﻦ ﺟﻮﻩ
ﺭﺧﻰ ﺍﻟﻘﻔﻞ .. ﺑﺲ ﺑﻘﻰ ﻣﻘﻔﻮﻝ .. ﻛﻤﺖ ﺑﻠﺪﺭﻧﻔﻴﺲ .. ﺍﻛﺴﺮ ﺍﻟﺨﺸﺐ ﺍﻟﻠﻲ ﺳﺎﺩ ﺍﻟﻘﻔﻞ ﻭﺍﺷﺨﻂ ﺑﻴﻪ ﺣﺘﻰ ﻣﺎ ﻳﻄﻠﻊ ﺻﻮﺕ ..
ﺳﺎﻋﻪ ﻳﻼ ﺍﻧﻔﺘﺢ .. ﺣﺴﻴﺖ ﺑﺄﻧﺘﺼﺎﺭ ﻭﻫﻮ ﻳﻨﻔﺘﺢ ﺍﻟﺒﺎﺏ .. ﻟﻤﻴﺖ ﺷﻌﺮﻱ ﻭﻭﺧﻠﻴﺖ ﺍﻟﺪﺭﻧﻔﻴﺲ ﺑﻲ ﻣﺜﺒﺖ ﺣﺘﻰ ﻟﻮ ﺍﺣﺪ ﺗﻌﺮﺿﻠﻲ ﺍﺟﺮﺡ ﺑﻲ .
ﻧﺰﻟﺖ ﻋﻠﻰ ﺍﻃﺮﺍﻑ ﺭﺟﻠﻴﻪ .. ﻭﺍﻧﻲ ﺣﺎﻓﻴﻪ ﺑﺪﻭﻥ ﺻﻮﺕ .. ﺟﺎﻧﻮ ﻣﻄﻔﻴﻦ ﺍﻟﻀﻮﻩ .. ﺍﻟﺪﺭﺝ ﻣﺎﻟﺘﻬﻢ ﻛﺒﺎﻝ ﺍﻟﺼﺎﻟﻪ ..
ﻧﺰﻟﺖ ﺑﺴﺎﻉ ﻭﺍﺗﺨﺒﻴﺖ ﻭﺭﻩ ﺍﻟﺪﺭﺝ .. ﻣﺎ ﺣﺴﻴﺖ ﺍﻛﻮ ﺻﻮﺕ .. ﺭﺟﻌﺖ ﺍﺗﻘﺪﻣﺖ ﻟﻠﺼﺎﻟﻪ ﺍﻟﻠﻲ ﺗﻄﻠﻊ ﻟﻠﻜﺮﺍﺝ ﻭﻣﺎﻛﻮ ﻏﻴﺮ ﺑﺎﺏ ..
ﻣﻮ ﻣﺜﻠﻦ ﺑﺎﺑﻴﻦ ﻟﺒﻴﺘﻨﺎ .. ﻫﻢ ﺑﺎﺏ ﻭﺍﺣﺪ ﻭﺍﻟﻤﻨﻔﺬ ﺍﻟﻮﺣﻴﺪ ﻫﻮ ﺍﻟﺼﺎﻟﻪ .. ﻣﺪﻳﺖ ﺭﺍﺳﻲ .. ﻧﺎﻳﻤﻴﻦ ﺑﺲ ﺿﻠﻤﻪ ﻣﺎ ﻋﺮﻓﺖ ﺍﻣﻴﺰ ﻭﺍﺣﺪ ﻣﻨﻬﻢ ..
.
ﻣﺸﻴﺖ ﺑﺤﺬﺭ ﻭﺍﻧﻲ ﺍﺑﺎﻭﻉ ﻋﻠﻴﻬﻢ .. ﻛﺎﻥ ﺍﻛﻮ ﺳﻮﻳﺞ ﺳﻴﺎﺭﻩ ﻋﻠﻰ ﻣﻴﺰ ﺍﻟﺘﻠﻔﺰﻳﻮﻥ .. ﺟﺮﻳﺘﻪ ﻭﺧﻠﻴﺘﻪ ﺑﺼﺪﺭﻱ ﻋﻠﻰ ﻛﻴﻒ ..
ﻭﺻﻠﺖ ﻟﻠﺒﺎﺏ ﻛﺎﻥ ﺣﺪﻳﺪ ﺑﺲ ﻗﻮﻱ ﻣﺘﻦ .. ﻭﺑﻲ ﺟﺎﻡ . ﻣﻦ ﻓﻮﻙ ﻟﺠﻮﻩ ..
ﻓﺘﺤﺖ ﻋﻠﻰ ﻛﻴﻒ ﻭﺟﺮﻳﺖ ﺍﻟﻤﻔﺎﺗﻴﺢ .. ﻭﺍﺑﺎﻭﻋﻠﻬﻢ ﻧﺎﻳﻤﻴﻦ . ﻃﻠﻌﺖ ﻭﻗﺒﻞ ﻻ ﺍﺳﺪ ﺍﻟﺒﺎﺏ ﺧﻠﻴﺖ ﺍﻟﻤﻔﺎﺗﻴﺢ ﻣﻦ ﺑﺮﻩ ..
ﺭﺩﻳﺖ ﺍﻟﺒﺎﺏ .. ﻭﻗﻔﻠﺘﻪ ﻋﻠﻰ ﻛﻴﻒ .. ﺑﺲ ﺭﻏﻢ ﻫﺎﻱ ﻃﻠﻊ ﺻﻮﺕ ﺧﻔﻴﻒ ﻟﻠﻘﻔﻞ ﻭﻫﻮ ﻳﻘﻔﻞ .. ﺻﺎﺡ ﻣﺨﻠﺪ ﻣﻨﻮ ..
ﺗﺮﻛﺖ ﺍﻟﺒﺎﺏ ﻭﺭﻛﻀﺖ ﻟﻠﺒﺎﺏ ﺍﻟﺸﺎﺭﻉ .. ﻓﺘﺤﺘﻪ ﺷﺎﻓﻨﻲ .. ﻛﺎﻡ ﻳﺤﺎﻭﻝ ﻳﻔﺘﺢ ﺑﻲ .. ﺍﻧﻲ ﻓﺘﺤﺖ ﺑﺎﺏ ﺍﻟﺸﺎﺭﻉ ﻭﻃﻠﻌﺖ ﻭﻃﺒﻜﺘﻪ ﻭﺭﺍﻱ ..
ﺩﺳﺖ ﺍﻟﺴﻮﻳﺞ .. ﻃﻠﻌﺖ ﺳﻴﺎﺭﺓ ﻋﻤﻲ .. ﺭﻛﻀﺖ ﺭﻛﺒﺘﻬﺎ ﺍﻭﻝ ﻣﺎ ﻣﺸﻴﺖ .. ﻣﺨﻠﺪ .. ﻃﻠﻊ ..
ﺩﺳﺖ ﺑﺎﻟﺴﻴﺎﺭﻩ ﺣﻴﻴﻴﻴﻴﻴﻞ .. ﺣﺘﻰ ﻣﺎ ﺑﺎﻭﻋﺖ ﺑﻌﺪ ﻭﺭﺍﻱ .. ﻋﺮﻓﺘﻪ ﺭﺍﺡ ﻳﻠﺤﻜﻨﻲ .. ﺭﺣﺖ ﻟﺒﻴﺖ ﺍﻫﻠﻲ ﻛﺒﻞ .. ﻭﻛﻔﺖ ﺍﻟﺴﻴﺎﺭﻩ ﺍﺑﺎﺏ ﺑﻴﻦ ﺍﻫﻠﻲ ..
ﻭﻋﻔﺘﻬﺎ ﻭﺷﺮﺩﺕ .. ﺣﺘﻰ ﺍﻭﻫﻢ ﻣﺨﻠﺪ ﺍﻧﻲ ﺩﺧﻠﺖ ﺍﻟﺒﻴﺖ ﺍﺑﻮﻳﻪ .. ﻃﻠﻌﺖ ﻣﻦ ﺍﻟﻔﺮﻉ ﺍﻟﺜﺎﻧﻲ ﺍﺭﻛﺾ ﻭﻛﻔﺖ ﺳﻴﺎﺭﻩ ..
ﺧﻔﺖ ﺍﺻﻌﺪ .. ﻃﻠﻊ ﺭﺟﺎﻝ ﺟﺒﻴﺮ ﻛﺎﻥ ﻃﺎﻟﻊ ﻟﺸﻐﻠﻪ ﻻﻥ ﻛﺎﻥ ﻓﺠﺮ ﺷﻮﻱ ﺍﻟﻀﻮﻩ ﻳﺮﻳﺪ ﻳﻄﻠﻊ ﺍﻟﺴﻤﺎ ﻟﻮﻧﻬﺎ ﻧﻴﻠﻲ ..
ﻣﻦ ﺷﻔﺘﻪ ﺭﺟﺎﻝ ﺟﺒﻴﺮ .. ﺻﻌﺪﺕ ﻭﻛﺘﻠﻪ ﻋﻤﻮ ﺷﺮﺩﺕ ﻣﻦ ﻧﺎﺱ ﻳﺮﺩﻭﻥ ﻳﻘﺘﻠﻮﻧﻲ ﺍﻣﺸﻲ ﺑﺴﺎﻉ .. ﺧﻄﻴﻪ ﺷﺎﻓﻨﻲ ﻣﻀﺮﻭﺑﻪ ﻭﺷﻜﻠﻲ ﺗﻌﺒﺎﻥ ﺩﺍﺱ ﺣﻴﻞ ..
ﻛﺎﻝ ﻭﻳﻦ .. ﺩﻟﻴﺘﻪ ﺑﻴﺖ ﺧﺎﻟﺘﻲ ﺳﻌﺎﺩ ﺍﻗﺮﺏ ﺑﻴﻦ ﻋﻠﻴﻨﻪ ﻣﻦ ﺧﻮﺍﻟﻲ .. ﻭﺻﻠﺖ .. ﻣﺎ ﺭﺍﺡ ﺍﻟﺤﺠﻲ ﺑﻘﻰ ﻭﺍﻛﻒ ﺧﻄﻴﻪ ..
ﺩﻛﻴﺖ ﺑﺎﺑﻬﻢ .. ﻣﺎﻛﻮ ﺍﺩﻙ ﺍﺩﻙ ﺍﺩﻙ .. ﻣﺎﻛﻮ .. ﻟﻬﻨﺎﻙ ﺑﻌﺪ ﻣﺎ ﺗﻌﺒﺖ ﻣﻦ ﺍﻟﺪﻙ .. ﺻﺎﺡ ﺯﻭﺝ ﺧﺎﻟﺘﻲ ﻣﻨﻮ ..
ﻛﺘﻠﻪ ﻋﻤﻮ ﺍﻧﻲ ﻟﺠﻴﻦ .. ﺍﻓﺘﺢ ﺍﻟﺒﺎﺏ ﻓﺪﻭﻩ .. ﺭﻛﺾ ﻓﺘﺢ ﺍﻟﺒﺎﺏ ﺍﻧﺼﺪﻡ ﺑﺸﻜﻠﻲ ﻭﺟﻬﻲ ﺍﺯﺭﻙ ﻭﻣﻀﺮﻭﺏ ﻭﺷﻌﺮﻱ ﻣﻜﻔﺶ ﻭﻣﻜﻄﻊ ..
ﺣﻈﻨﻲ ﺧﻄﻴﻪ ﻭﺳﻠﻢ ﻋﻠﻴﻪ ﺷﺒﻴﺞ ﺑﻨﺘﻲ ﻟﻴﺶ ﻫﻴﺞ ﺣﺎﻟﺞ . ﻛﺘﻠﻪ ﻋﻤﺎﻣﻲ ﻳﺮﺩﻭﻥ ﻳﻜﺘﻠﻮﻧﻲ ..
ﻛﺎﻝ ﻃﺒﻲ ﺍﺗﺤﺎﺳﺐ ﻭﻱ ﺍﺑﻮ ﺍﻟﺘﻜﺴﻲ .. ﻃﻠﻊ ﺷﻜﺮﻩ ﻭﺣﺎﺳﺒﻪ ﻣﺎ ﻗﺒﻞ ﻳﺎﺧﺬ ﻛﺎﻝ ﺧﺪﻣﻪ ﺍﻧﺴﺎﻧﻴﻪ ﺑﺲ ﻃﻤﻨﻲ ﻋﻠﻰ ﺍﻟﺒﻨﻴﻪ ﻛﻮﻥ ﻣﺎﺑﻴﻬﺎ ﺷﻲ ..
ﻛﺎﻟﻪ ﻋﻤﻮ ﻻ ﺍﺣﻨﻪ ﺍﻫﻠﻬﺎ ﻣﺎﺑﻴﻬﺎ ﺷﻲ ﺍﻥ ﺷﺎﺀﺍﻟﻠﻪ .. ﻃﻠﻊ ﻭﺩﺧﻠﻨﻲ ﻟﻠﺒﻴﺖ ﻛﻌﺪﻧﻲ ﺑﺎﻟﻬﻮﻝ .. ﻭﺭﺍﺡ ﺟﺎﺑﻠﻲ ﻣﻲ .. ﻭﻛﺎﻝ ﺍﻫﺪﻱ .. ﺧﻞ ﺍﻛﻌﺪﻟﺞ ﺍﻟﺒﻨﺎﺕ ..
ﺻﻌﺪ ﻛﻌﺪ ﻣﻴﻨﺎ ﻭ ﺳﺎﺭﻩ .. ﻧﺰﻟﻠﻲ ﺑﺴﺮﻋﻪ ﻳﺤﻈﻦ ﺑﻴﻪ ﻭﻳﺒﻮﺳﻦ ..
ﺳﺎﺭﻩ -: ﻟﺞ ﻭﺍﻟﻠﻪ ﺍﻟﺒﺎﺭﺣﻪ ﺑﺲ ﺍﺑﺠﻲ ﻋﻠﻴﺞ ﺍﻟﻠﻪ ﻟﻴﻨﻄﻴﻬﻢ ﺷﻨﻮ ﺫﻭﻟﻪ .. ﻟﺞ ﻋﻴﻨﻲ ﺑﺎﻉ ﻭﺟﻬﺞ ﺷﻤﺴﻮﻳﻦ ﺑﻴﺞ ﺍﻟﻠﻬﻢ ﻋﺴﻰ ﺍﻟﻜﺴﺮ ﺑﺄﺩﻳﻬﻢ ..
ﻟﺠﻴﻦ -: ﻟﺞ ﻟﻮ ﺑﻴﻪ ﺫﻧﺐ ﻛﺎﻥ ﻛﻠﺖ ﺍﺳﺘﺎﻫﻞ ﻭﻫﺬﺍ ﻋﻘﺎﺑﻲ .. ﺑﺲ ﻭﺍﻟﻠﻪ ﻣﺎ ﺍﻟﻲ ﺫﻧﺐ . ﻻ ﺍﻧﻲ ﺻﻌﺪﺕ ﺍﻟﻮﻟﺪ ﻭﻻ ﺍﻧﻲ ﻃﻠﺒﺘﻪ
ﻫﻮ ﺍﻟﻠﻲ ﻳﻔﺘﺮ ﻭﺗﺒﻌﻨﻲ ﻻﺭﺑﻴﻞ .. ﻭﺧﻄﺒﻨﻲ ﺍﻟﺒﺎﺭﺣﻪ ﻣﻦ ﻋﺪﻫﻢ ﻭﺟﺎﻳﺐ ﺍﻫﻠﻪ ﻭﺷﻴﻮﺥ ﻭﻟﻼﻥ ﻣﺨﻠﺪ ﺭﺍﻓﺾ ﻳﻨﻄﻴﻨﻲ ﺍﻟﻜﻠﺐ
ﻟﻮ ﻳﻘﺘﻠﻨﻲ ﻟﻮ ﻳﺘﺸﺮﻁ ﺍﺳﻮﻱ ﻓﺤﺺ ﻋﺬﺭﻳﻪ ﻭﻳﺘﺰﻭﺟﻨﻲ ﺣﺘﻰ ﺍﻋﻴﺶ ﻭﻳﺎﻩ ﺍﻟﻌﻤﺮ ﻛﻠﻪ ﺑﺬﻝ .. ﻛﺘﻠﻪ ﺍﻛﺘﻠﻨﻲ ﻭﻣﺎ ﺍﺭﻳﺪﻙ
.
ﺍﺟﺘﻤﻌﻮ ﻋﻠﻴﻪ ﻛﻠﻬﻢ ﺿﺮﺑﻮﻧﻲ .. ﺑﺎﻋﻲ ﺍﻳﺪﻱ ﺳﻮﺩﻩ ﺟﺴﻤﻲ ﺻﺎﺭ ﺍﺳﻮﺩ ﻣﻦ ﻛﺪ ﺩﻓﺮﺍﺗﻬﻢ ..
ﻣﻴﻨﺎ -: ﺳﻮﺩﻩ ﻋﻠﻴﻪ ﻳﺮﻭﺣﻲ ﺍﻟﻠﻪ ﻟﻴﻨﻄﻴﻬﻢ ﺍﻥ ﺷﺎﺀﺍﻟﻠﻪ ﺑﻨﺎﺭ ﺟﻬﻨﻢ ..
ﺣﺠﻪ ﺯﻭﺝ ﺧﺎﻟﺘﻲ -: ﻋﻤﻮ ﻫﻢ ﻟﻴﺶ ﺿﺎﺭﺑﻴﻨﺞ ﺷﺎﻳﻔﻴﻨﺞ ﻭﻱ ﻭﺍﺣﺪ ﻟﻮ ﺷﻨﻮ ﺍﻟﻤﻮﺿﻮﻉ ..
- ﺩﺍ ﺍﺣﺠﻲ .. ﺭﺩﺕ ﺳﺎﺭﻩ
- ﺑﺎﺑﺎ ﻛﻞ ﺍﻟﻘﺼﻪ ﻭﺍﺣﺪ ﻳﻔﺘﺮ ﻭﺭﻩ ﻟﺠﻴﻦ ﻭﻣﻌﺠﺐ ﺑﻴﻬﺎ ﺑﺲ ﻣﺨﺒﻞ .. ﺗﻌﺮﻑ ﻓﻨﺎﻧﻪ ﻭﺗﻄﻠﻊ ﺗﻠﻔﺰﻳﻮﻥ ﻫﺬﺍ ﻗﺎﻓﻞ ﻋﻠﻴﻬﺎ
ﻣﻦ ﻛﺪ ﻣﺎ ﺻﺎﺩﺗﻪ ﻭﻣﺎ ﺭﺍﺩﻩ ﻋﻠﻴﻪ .. ﻣﺘﺴﻠﻖ ﺑﻴﺘﻬﻢ ﻭﺻﺎﻋﺪ ﻋﻠﻰ ﺑﻠﻜﻮﻥ ﻏﺮﻓﺘﻬﺎ ﻳﺮﻳﺪ ﻳﺤﺠﻲ ﻭﻳﺎﻫﺎ .. ﻃﺎﺭﺩﺗﻪ ﻫﻲ .. ﻣﺎ ﻗﺎﺑﻠﻪ ﺗﻔﺘﺢ
ﺟﺎﻱ ﺍﺑﻮﻫﺎ ﻋﺒﺎﻟﻪ ﻫﻲ ﻣﺘﻔﻘﻪ ﻭﻳﺎﻩ .. ﮔﻠﺐ ﺍﻟﺪﻧﻴﺎ ﻭﻋﻤﺎﻣﻬﺎ ﻣﻴﻌﻮﻧﻮﻥ ﻳﻠﺰﻣﻮﻥ ﻋﻠﻴﻬﺎ ﺷﻲ ﺗﻌﺮﻑ ﺣﺎﺟﻴﺘﻠﻚ ﻣﺎﻣﺎ ﻋﻠﻰ ﻋﻘﻠﻴﺎﺗﻬﻢ ..
ﻣﺘﻮﻟﻴﻬﺎ ﻭﺿﺎﺭﺑﻴﻬﺎ ﻭﻳﺪﻭﻥ ﻳﻘﺘﻠﻮﻫﺎ ﻭﻳﻜﻮﻟﻮﻥ ﻋﻠﻴﻬﺎ ﻋﺎﺭ ﻭﻫﺎﻱ ﻛﻞ ﺍﻟﻘﺼﻪ ..
- ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﺑﻨﺎﺗﻲ ﺍﺧﺬﻭﻫﺎ ﻓﻮﻙ ﺧﻞ ﺗﺮﺗﺎﺡ ﺍﻧﻲ ﺍﺧﺒﺮ ﺍﻣﺠﻦ ﺧﻄﻴﻪ ﻧﺎﻳﻤﻪ ﻭﻱ ﺍﻣﻬﺎ .. ﺑﺎﻟﻤﺴﺘﺸﻔﻰ ..
ﻟﺠﻴﻦ -: ﺍﺷﺒﻴﻬﺎ ﺍﻣﻲ .. ﻟﻴﺶ ﻧﺎﻳﻤﻪ ﺑﺎﻟﻤﺴﺘﺸﻔﻰ ..
ﺳﺎﺭﻩ -: ﻣﺎﻛﻮ ﺷﻲ ﺣﺒﻴﺒﺘﻲ ﻟﺘﻘﻠﻘﻴﻦ .. ﺿﻐﻄﻬﺎ ﻣﻦ ﺍﻟﻘﻬﺮ ﻋﻠﻴﺞ ﺻﺎﻋﺪ .. ﻫﺴﻪ ﻧﺨﺎﺑﺮﻫﺎ ﺗﺠﻲ ﻭﺗﺸﻮﻓﺞ ﻭﺗﺼﻴﺮ ﺯﻳﻨﻪ ﺑﺲ ﺍﺭﺗﺎﺣﻲ ..
ﺻﻌﺪﺕ ﻭﻳﺎﻫﻦ ﻟﻠﻐﺮﻓﻪ ﻃﻠﻌﻠﻲ ﻣﻼﺑﺲ ﻭﻛﺎﻟﻠﻲ ﻃﺒﻲ ﺳﺒﺤﻲ ﺑﻤﻲ ﺣﺎﺭ ﺣﺘﻰ ﺗﺮﺗﺎﺣﻴﻦ ﻭﺗﻨﺎﻣﻴﻦ ..
ﺍﺧﺬﺕ ﺷﺎﻭﺭ ﺩﺍﻓﻲ ﺑﺲ ﺍﻟﻤﻲ ﻣﻦ ﻳﻤﺸﻲ ﻋﻠﻰ ﺟﺴﻤﻲ ﻛﻠﻪ ﺍﺗﺄﺫﻯ .. ﻭﺍﻟﻤﺸﻜﻠﻪ ﺍﻟﻮﺟﻊ ﻣﻴﻮﺟﻌﻚ .. ﺍﻻ ﻟﻤﺎ ﺗﺴﺘﺮﺧﻲ
ﻭﻛﺄﻥ ﺍﻟﺠﺮﻭﺡ ﺗﺘﺬﻛﺮ ﺍﻟﻤﻬﺎ ﻭﺗﺒﻘﻰ ﺗﻮﺟﻌﻚ .. ﺑﺪﻟﺖ ﻭﻃﻠﻌﺖ .. ﻛﻌﺪﺕ ﺍﺑﺠﻲ .. ﻭﻣﻴﻨﺎ ﻭﺳﺎﺭﻩ ﻳﻤﻲ ..
ﻣﺸﻄﺘﻠﻲ ﺳﺎﺭﻩ ﻧﺺ ﺷﻌﺮﻱ ﻭﻛﻊ .. ﺑﻮﺳﺘﻨﻲ ﻭﻛﺎﻟﺖ ﻟﺘﻬﺘﻤﻴﻦ .. ﺗﺼﻴﺮ ﺳﻮﺍﻟﻒ ﻭﻳﺎﺭﺏ ﻳﺠﻲ ﻣﺎﻟﻚ ﻳﺎﺧﺬﺝ ﻭﺗﻌﻴﺸﻮﻥ ﺍﺟﻤﻞ ﺍﺛﻨﻴﻦ ﻭﺗﺨﻠﺼﻴﻦ ﻣﻦ ﻣﺨﻠﺪ ..
ﻟﺠﻴﻦ -: ﻣﻴﻨﺎ ﻓﻌﻼ ﺍﺣﺘﺎﺝ ﻣﺎﻟﻚ .. ﻫﻮ ﺍﻟﻮﺣﻴﺪ ﺍﻟﻠﻲ ﻳﻜﺪﺭ ﻳﻌﻴﺸﻨﻲ ﺑﻌﺎﻟﻤﻪ ﻭﻳﻨﺴﻴﻨﻲ ﺍﻟﻌﺎﻟﻢ ﻛﻠﻪ .. ﻭﻳﺎﻩ ﺍﻧﺴﻰ ﻛﻮﻟﺸﻲ ..
- ﻋﻤﻲ ﺍﻟﻮﻟﺪ ﻭﻓﻰ ﻭﻳﺎﺝ ﻭﺧﻄﺐ ﺷﻜﻢ ﻣﺮﻩ ﻭﻫﻸﺟﻪ ﻭﺟﺎﺏ ﻧﺎﺱ ﻭﺗﻘﺪﻡ ﺍﻟﺒﺎﺭﺣﻪ ﺷﻴﺮﺩﻭﻥ ﺑﻌﺪ ﺍﻫﻠﺞ
ﻧﺎﻣﻲ ﺍﺭﺗﺎﺣﻲ ﺣﺒﻴﺒﺘﻲ ﻟﺘﻔﻜﺮﻳﻦ .. ﻋﻮﺩ ﻣﻦ ﺗﻨﺎﻣﻴﻦ ﺣﻠﻤﻲ ﺑﻤﺎﻟﻚ ﻭﻭﻭﻭ ﻫﻬﻬﻬﻬﻬﻪ ...
- ﺍﺑﺘﺴﻤﺖ ﺭﻏﻢ ﺍﻟﻮﺟﻊ ﻭﺍﺗﻤﺪﺩ .. ﻏﻄﺘﻨﻲ ﺑﻘﻴﺖ ﺍﻓﻜﺮ ﺍﻓﻜﺮ ﻟﺤﺪ ﻣﺎ ﻧﻤﺖ .. ﺍﻟﺼﺒﺢ ﻛﻌﺪﺕ ﻋﻠﻰ ﺻﻮﺕ ﺳﺎﺭﻩ ﺗﻜﻮﻟﻲ ﺍﻣﺞ ﺍﺟﺖ .
ﻓﺰﻳﺖ ﻣﻦ ﻣﻜﺎﻧﻲ .. ﻭﻧﺰﻟﺖ ﻭﻳﺎﻫﻦ .. ﺷﻔﺖ ﻣﺎﻣﺎ ﻛﺎﻋﺪﻩ ﺷﺎﻓﺘﻨﻲ ﻭﻛﺎﻣﺖ ﺍﻟﻴﻪ .. ﺭﻛﻀﺖ ﻟﺤﻈﻨﻬﺎ ﺑﺲ ﺍﺑﺠﻲ ..
ﺭﻓﻌﺖ ﺭﺍﺳﻲ ﺍﺑﻮﺱ ﺑﺨﺪﻫﺎ ﻭﺑﺮﺍﺳﻬﺎ ﻫﻲ ﺑﺲ ﺗﻮﻥ ﻭﺗﺒﺠﻲ ﻣﺘﺤﺠﻲ .. ﺍﺳﺘﻐﺮﺑﺖ ﺳﻜﻮﺗﻬﺎ ..
ﻣﺎﻣﺎ ﺷﺒﻴﺞ ﻟﻴﺶ ﻣﺘﺤﺠﻴﻦ .. ﺑﺲ ﺗﺒﺠﻲ ﻭﺗﺤﻈﻦ ﺑﻴﻪ .. ﺍﺟﺖ ﻳﻤﻲ ﺧﺎﻟﻪ ﺳﻌﺎﺩ ﻛﺎﻟﺖ
ﺳﻌﺎﺩ -: ﺧﺎﻟﻪ ﻋﻤﺎﻣﺞ ﺍﻟﻠﻪ ﻻ ﻳﻨﻄﻴﻬﻢ ﺣﺮﻛﻮ ﻛﻠﺒﻬﺎ ﻭﻛﺎﻟﻮ ﻛﺘﻠﻮﺝ ﻭﻏﺴﻠﻮ ﻋﺎﺭﻫﻢ ﻭﻫﻲ ﻛﺎﻣﺖ ﺗﺼﺮﺥ ﻣﻦ ﻛﻞ ﮔﻠﺒﻬﺎ ﻭﺗﺒﺠﻲ ﻟﺤﺪ ﻣﺎ ﺍﻧﺒﺢ ﺻﻮﺗﻬﺎ ﻭﺻﺎﺭ ﻋﺪﻫﺎ ﺗﻠﻒ ﺑﺎﻟﺤﺒﺎﻝ ﺍﻟﺼﻮﺗﻴﻪ ﻭﺍﺧﺘﻔﻰ ﺻﻮﺗﻬﺎ ..
.
ﺍﻧﻲ ﻛﺎﻟﺖ ﻫﻴﺞ ﻟﻮ ﺣﻈﻨﺖ ﻣﺎﻣﺎ ﻭﻛﻠﺖ ﻣﺎﻣﺎ ﻻﺍﺍﺍﺍﺍ ﻓﺪﻭﻩ ﺳﻤﻌﻴﻨﻲ ﺻﻮﺗﺞ ... ﻛﻤﺖ ﺍﺑﺠﻲ ﺑﺤﺮﻛﻪ
ﺻﻌﺐ ﻣﻦ ﺗﺤﺲ ﺍﻧﻮ ﻋﺎﺋﻠﺘﻚ ﺍﺩﻣﺮﺕ ﺑﺴﺒﺒﻚ .. ﻭﺍﻻﺻﻌﺐ ﺍﻥ ﺍﻧﺘﻪ ﻣﺘﺤﺲ ﺍﻧﺖ ﻣﺬﻧﺐ ﻻﻥ ﻛﻮﻟﺸﻲ ﺻﺎﺭ ﺧﺎﺭﺝ ﻋﻦ ﺍﺭﺍﺩﺗﻲ ..
ﺑﻘﻴﺖ ﺍﺑﺠﻲ ﺣﻴﻞ .. ﻭﺷﻠﺘﻬﺎ ﻭﺍﺧﺬﺗﻬﺎ ﻟﻐﻴﺮ ﻏﺮﻓﻪ ﺧﻠﻴﺘﻬﺎ ﻋﻠﻰ ﺭﺟﻠﻴﻪ ﻟﺤﺪ ﻣﺎ ﻧﺎﻣﺖ .. ﺍﺟﺖ ﺧﺎﻟﺘﻲ ﻛﺎﻟﺖ
- ﻛﻮﻣﻲ ﺧﺎﻟﻪ ﺍﻛﻠﻲ ..
- ﻭﺍﻟﻠﻪ ﺧﺎﻟﻪ ﻣﺎ ﺍﻟﻲ ﻧﻔﺲ
- ﻣﺎﻛﻮ ﻫﻠﺤﺠﻲ ﺳﻮﻳﺖ ﺷﻮﺭﺑﺔ ﺩﺟﺎﺝ ﺑﺎﻟﺨﻀﺮﻭﺍﺕ ﻋﻠﻤﻮﺩﺝ ﺑﺎﻉ ﻭﺟﻬﺞ ..
- ﻋﻤﺎﻣﻲ ﻫﻢ ﺧﺎﺑﺮﻭ
- ﺧﺎﺑﺼﻴﻦ ﺍﻟﺪﻧﻴﺎ .. ﺭﺍﺣﻮ ﺍﻟﺨﺎﻟﺞ ﺣﻠﻔﻠﻬﻢ ﻛﺎﺑﻠﻠﻬﻢ ﻣﻮ ﻳﻤﻲ ﺧﺎﺑﺮﻧﻲ ﺍﺑﻮﺝ ﺣﻠﻔﺘﻠﻪ ﻣﻮ ﻳﻤﻨﺎ ﻻﻥ ﺻﺪﻙ ﻣﺎ ﺟﻨﺖ ﺍﻋﺮﻑ ﺑﻴﺞ ﺍﻧﺘﻲ ﻳﻤﻨﺎ
ﺭﺍﺟﻌﻴﻦ ﻣﺨﺎﺑﺮﻳﻦ ﺧﺎﻟﺘﺞ ﻫﻨﺎﺀ .. ﻭﺧﺎﻟﺞ ﻏﻴﺚ .. ﻭﺣﺘﻰ ﻟﻠﺸﻴﺦ ﺍﻟﻠﻲ ﺍﺟﻪ ﻭﻱ ﺍﻟﻮﻟﺪ ﺍﻟﺨﻄﺒﺞ ﻭﺭﺍﺡ ﺗﺄﻛﺪ ﻣﻦ ﺍﻟﻮﻟﺪ ﻛﺎﻟﻮ ﻣﻮ ﻭﻳﺎﻩ ..
ﺍﻧﺨﺒﺼﻮ ﺑﻴﺞ ﻭﻳﻨﻬﺎ .. ﺣﻞ ﺧﻞ ﻳﺪﻭﺧﻮﻥ ﺯﻋﺴﺎﻫﻢ ﺑﺎﻟﺴﺮﻃﺎﻥ ﻋﻠﻰ ﺣﺮﻛﺔ ﻛﻠﺐ ﺍﻣﺞ ﺍﻟﺴﻮﻭﻫﺎ ﺑﻴﻬﺎ ﺍﻟﻜﻼﺏ ﺣﺮﻛﻮ ﻛﻠﻮﺑﻨﺎ ﻋﻠﻴﺞ ﻳﺎ ﺧﺎﻟﻪ ..
ﺑﺎﺳﺘﻨﻲ ﻭﻣﺸﺘﻨﻲ ﻟﻠﻤﻄﺒﺦ ﻛﻌﺪﺕ ﻭﻱ ﺍﻟﺒﻨﺎﺕ ﺍﻛﻞ .. ﻛﺎﻟﻮ ﺍﺟﻪ ﺷﺎﻛﺮ ﺭﺟﻞ ﻭﺩﺍﺩ .. ﻳﻌﻨﻲ ﺑﺎﺑﺎ .. ﺍﺣﺲ ﻓﺰ ﻛﻠﺒﻲ ﻭﺍﻟﺪﻣﻌﻪ ﺍﻧﺤﺒﺴﺖ ﺑﻌﻴﻮﻧﻲ ..
ﺟﺮﺗﻨﻲ ﺧﺎﻟﺘﻲ ﻭﺻﻌﺪﺗﻨﻲ ﻓﻮﻙ .. ﻭﻧﺰﻟﻮ ﻳﺤﺠﻮﻥ ﻭﻳﺘﺼﺎﻳﺤﻮﻥ ﻭﻳﺎﻩ .. ﺑﺲ ﻛﺎﻥ ﺗﻌﺒﺎﻥ ﻣﺮﻳﺾ ﻣﺎ ﻛﺎﺩﺭ ﻳﺮﺩ ﻋﻠﻴﻬﻢ ..
ﺑﺲ ﻛﺎﻟﻠﻬﻢ ﺍﺫﺍ ﺗﻌﺮﻓﻮﻥ ﻣﻜﺎﻥ ﻟﺠﻴﻦ ﻛﻠﻮﻟﻨﻪ .. ﻣﺎﺑﻴﻪ ﺍﺗﺤﻤﻞ ﺑﻌﺪ .. ﺑﻘﺖ ﺗﺤﺠﻲ ﻭﻳﺎﻩ ﺧﺎﻟﺘﻲ ﻋﻠﻰ ﺍﺑﻮ ﻟﻴﺶ ﻓﻀﺤﺘﻬﺎ ﻭﻟﻴﺶ ﻛﻠﺖ ﻻﺧﻮﺗﻚ ..
ﺟﺎﻭﺑﻬﺎ ﺍﻱ ﺭﺟﺎﻝ ﺑﻤﻜﺎﻧﻲ ﺟﺎﻥ ﺳﻮﻯ ﺍﻟﺴﻮﻳﺘﻪ ﻣﺤﺪ ﻳﺘﺤﻤﻞ ﺍﻟﺴﻮﺗﻪ ﺑﻨﺘﻲ ..
ﻛﺎﻟﺘﻠﻪ ﻣﺎ ﻭﺍﺛﻖ ﺍﺑﻨﺘﻚ ﺍﻧﺘﻪ .. ﺟﺎﻭﺑﻬﺎ ﻓﻘﺪﺕ ﺍﻟﺜﻘﻪ ﻣﻦ ﺳﺎﻋﺔ ﺍﻟﻨﻜﺮﺕ ﻭﺟﺬﺑﺖ ﻭﻋﻴﻨﻬﺎ ﺑﻌﻴﻨﻲ ..
ﻣﺘﺤﻤﻠﺖ .. ﻃﺒﻴﺖ ﻋﻠﻴﻬﻢ ﻭﻫﻤﻪ ﺑﺎﻟﻐﺮﻓﻪ .. ﻭﺑﺠﻴﺖ ﺑﺎﺑﺎ ﻭﺍﻟﻠﻪ ﻣﻦ ﺍﺭﺗﺒﺎﻛﻲ ﻛﺬﺑﺖ ﺑﻜﻞ ﻏﺒﺎﺀ .. ﻭﺍﻟﻘﺮﺍﻥ ﻭﺟﻴﺒﻮ ﻛﺘﺎﺏ ﺍﻟﻠﻪ ﻭﺍﺣﻠﻒ ﻋﻠﻴﻪ ..
ﻭﻻ ﺑﻌﻤﺮﻱ ﻓﻜﺮﺕ ﺍﺋﺬﻳﻚ .. ﺍﻟﻠﻲ ﺳﻮﺍﻩ ﻛﺎﻥ ﺑﺪﻭﻥ ﻋﻠﻤﻲ ﻭﻛﻼﻣﻲ ﻭﻳﺎﻩ ﻛﺎﻥ ﻃﺮﺩ .
ﺭﺍﺩ ﻳﺤﺠﻲ ﺍﻧﻲ ﺍﺧﺬﺗﻪ ﺑﺎﻟﺤﺠﻲ ﻭﺗﻘﺮﺑﺖ ﺍﺑﻮﺱ ﺭﺍﺳﻪ ﻣﻘﺒﻞ .. ﻭﻛﻌﺖ ﻳﻢ ﺭﺟﻠﻴﻪ .. ﺑﺎﺑﺎ ﺍﺫﺍ ﺗﺸﻚ ﺑﻴﻪ ﺍﻗﺴﻢ ﻋﻠﻴﻚ ﺑﺎﻟﻘﺮﺍﻥ ﺍﺫﺑﺤﻨﻲ .. ﻭﺍﻧﻲ ﺑﺎﺭﻳﺘﻚ ﺍﻟﺬﻣﻪ ..
ﺷﺎﻝ ﺍﻳﺪﻩ ﻣﻦ ﻋﻨﺪﻱ ﻭﺭﺍﺩ ﻳﻜﻮﻡ .. ﻟﺰﻣﺘﻪ .. ﺑﺎﺑﺎ ﺍﻟﻠﻪ ﻳﺨﻠﻴﻚ .. ﻻ ﺗﺮﻭﺡ ... ﻣﺴﺘﻌﺪﻩ ﺍﺩﻓﻊ ﻋﻤﺮﻱ ﺑﺲ ﻻ ﺍﻧﺘﻪ ﺗﺰﻋﻞ ..
ﺷﻨﻮ ﺗﺮﻳﺪ ﺍﻧﻲ ﺍﺳﻮﻱ ﺑﺲ ﺳﺎﻣﺤﻨﻲ ﻭﺍﻟﻠﻪ ﺑﺎﺑﺎ ﻣﺎ ﻛﺎﻥ ﺑﻮﺩﻱ ﺍﺿﺮﻙ ﻭﻫﺮﻭﺑﻲ ﻛﺎﻥ ﺧﻮﻑ ﻣﻦ ﺍﻟﻘﺘﻞ ﻭﻣﺎﻟﻚ ﻫﻮ ﺗﺒﻌﻨﻲ ﻟﻬﻨﺎﻙ ﻭﺍﻟﻠﻪ ﻣﺎ ﻛﻨﺖ ﻣﺘﻔﻘﻪ ﻭﻳﺎﻩ .
ﻛﻨﺖ ﺍﻧﻮﻳﻪ ﺍﻫﺮﺏ ﻻﺣﻤﺪ ﺍﺑﻦ ﺧﺎﻟﻮ ﺍﻧﺮ ﻣﻮ ﻭﻳﻪ ﺍﺣﺪ .. ﻭﻻ ﺗﻔﻜﺮ ﻓﺪ ﻳﻮﻡ ﺍﻫﺮﺏ ﻣﻊ ﺍﺣﺪ ﻭﺍﻛﺴﺮﻙ .. ﺍﻧﺘﻰ ﺍﻏﻠﻰ ﺷﻲ ﻣﻤﻜﻦ ﺍﻓﻜﺮ ﺑﻴﻪ ..
ﺑﻘﻰ ﻳﻬﺰ ﺑﺮﺍﺳﻪ .. ﺣﻈﻨﺘﻪ ﺑﺎﺑﺎ ﺳﺎﻣﺤﻨﻲ ﺍﻟﻠﻪ ﻋﻠﻴﻚ .. ﺑﻌﺪﻧﻲ .. ﻭﺣﺠﻪ ﺗﺮﺩﻳﻦ ﺍﺳﺎﻣﺤﺞ .. ﺗﻘﺒﻠﻴﻦ ﺑﻤﺨﻠﺪ ﻭﺗﺮﺣﻴﻦ ﻭﻳﺎﻩ ﻭﺗﻨﺴﻴﻦ ﻛﻠﺸﻲ ﺍﺑﺎﻟﺞ .
ﻭﻟﻮ ﻣﺎ ﺭﺿﻴﺘﻲ ﻻ ﺗﻔﻜﺮﻳﻦ ﺗﻮﺻﻠﻴﻦ ﻳﻤﺞ ﻭﻻ ﺍﻧﻲ ﺍﺑﻮﺝ ﻭﻻ ﺍﻋﺮﻓﺞ ﻭﻣﺘﺒﺮﻱ ﻣﻨﺞ ﻟﻴﻮﻡ ﺍﻟﺪﻳﻦ ..
ﺑﻘﺖ ﺧﺎﻟﺘﻲ ﻭﺧﻮﺍﻟﻲ ﻳﺤﺠﻮﻥ .. ﻛﺎﻡ ﺍﺑﻮﻱ ﻳﺘﺼﺎﻳﺢ ﻭﻳﺎﻫﻢ ﻭﻛﺎﻟﻠﻬﻢ ﺍﻧﺘﻢ ﻣﺎ ﺍﻟﻜﻢ ﺍﺣﺠﺎﻳﻪ ﻳﻤﻨﺎ .. ﻭﻫﻲ ﺍﻟﻘﺮﺍﺭ ﺍﻟﻬﺎ
ﺗﺮﻳﺪ ﺗﻮﺍﻓﻖ ﻋﻠﻰ ﻣﺎﻟﻚ .. ﻫﺴﻪ ﺍﺧﺎﺑﺮﻫﻢ ﻭﺍﻛﻠﻬﻢ ﻣﻮﺍﻓﻖ .. ﺗﺎﺧﺬﻩ ﻭﺗﻤﺸﻲ .. ﺑﺲ ﺍﺗﺒﺮﻯ ﻣﻨﻬﺎ .. ﻭﺍﺫﺍ ﺗﺮﻳﺪ ﺭﺿﺎﻱ ﻭﻣﺴﺎﻣﺤﺘﻲ ﻣﻦ ﺑﺎﺟﺮ ﻳﻌﻘﺪ ﻋﻠﻴﻬﺎ ﻣﺨﻠﺪ ﻭﻳﺎﺧﺬﻫﺎ ﻭﻳﺎﻩ ﻟﻠﻤﻮﺻﻞ ..
ﺭﺍﺩﻭ ﻳﺤﺠﻮﻥ .. ﻛﺘﻠﻬﻢ ﺍﺫﺍ ﺑﺎﺑﺎ ﻳﺴﺎﻣﺤﻨﻲ ﺑﻤﻮﺍﻓﻘﺘﻲ ﻣﻦ ﻣﺨﻠﺪ .. ﺍﻧﻲ ﻣﻮﺍﻓﻘﻪ ﺍﺗﺰﻭﺟﻪ ﺑﺲ ﺑﺸﺮﻁ ..
ﺩﺍﺭﻟﻲ ﺍﺑﻮﻱ .. ﻭﺑﺎﻭﻉ ﻭﺩﻭﻥ ﻣﻴﺤﺠﻲ ..
ﺍﻧﻲ ﻣﻐﻠﻂ ﻭﻻ ﺍﻧﻄﻴﺖ ﻧﻔﺴﻲ ﻻﺣﺪ ﻭﺗﺄﺫﻳﺖ ﻣﻦ ﻋﻤﺎﻣﻲ ﻫﻮﺍﻳﻪ .. ﻑ ﺍﺫﺍ ﻣﺨﻠﺪ ﻳﺮﻳﺪﻧﻲ ﻳﻮﺍﻓﻖ ﻳﺘﺰﻭﺟﻨﻲ ﺑﺪﻭﻥ ﻓﺤﺺ ..
ﻋﻠﻤﺘﻨﻲ ﻋﻠﻰ ﺍﻟﻜﺮﺍﻣﻪ ﻭﻣﺎ ﺍﻛﺪﺭ ﺍﻧﺬﻝ .. ﻳﺎ ﺍﻣﻮﺕ ﻳﺎ ﺍﻋﻴﺶ ﺑﻜﺮﺍﻣﺘﻲ .. ﻭﻣﺴﺘﺤﻴﻞ ﺍﻧﺬﻝ ﻟﻤﺨﻠﺪ ..
ﻋﺎﺩ ﺍﺫﺍ ﻫﻮ ﻣﺎ ﻭﺍﺛﻖ ﻣﻨﻲ ﻣﻮ ﻣﺠﺒﻮﺭ ﻳﺘﺰﻭﺟﻨﻲ ﺧﻞ ﻳﺘﺮﻛﻨﻲ ﺑﺤﺎﻝ ﺳﺒﻴﻠﻲ ﺍﻋﻴﺶ ..
ﻏﻴﺮ ﻫﻠﻜﻼﻡ ﻣﺎ ﺍﻣﻠﻚ ﺑﺎﺑﺎ ﻭﺍﻧﻲ ﻣﻮﺍﻓﻘﻪ ﺑﺎﻟﻠﻲ ﺗﺮﻳﺪﻩ .. ﻭﺍﻥ ﻛﻨﺖ ﺍﺧﻄﺄﺕ ﺑﻌﻴﻨﻚ ﻭﺍﻗﺴﻤﺘﻠﻚ ﻣﺎ ﻛﺎﻥ ﺧﻄﺌﻲ ﻟﻜﻦ ﺍﻋﺮﻑ ﺍﻧﺘﻪ ﻣﺎ ﺗﻘﺒﻠﻲ ﺍﻟﺬﻟﻪ ....
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء