رواية خطوات نحو الجحيم ج1 الجزء الثاني عشر
للكاتبة زينب ماجد
🌹
ﻟﺠﻴﻦ -: ﻗﻔﻠﺖ ﺍﻟﺨﻂ ﻣﻦ ﻣﺎﻟﻚ .. ﻭﺭﺣﺖ ﻧﻤﺖ ﺷﻮﻱ .. ﻛﻌﺪﺕ ﺑﻌﺪ ﺳﺎﻋﻪ .. ﺳﺒﺤﺖ ﻭﺷﺴﻮﺭﺕ ﺷﻌﺮﻱ .. ﻭﺗﺮﻛﺖ ﻭﺟﻬﻲ ﺑﻼ ﻣﻜﻴﺎﺝ .. ﻭﻃﻠﻌﺖ ..
ﻧﺰﻟﺖ ﻟﻤﺎﻣﺎ .. ﻣﺎﻣﺎ ﺍﺩﻋﻴﻠﻲ ﻫﺬﺍ ﺍﻭﻝ ﻳﻮﻡ ﺍﻟﻲ ﻉ ﺍﻟﺸﺎﺷﻪ ..
ﺍﻻﻡ -: ﺭﻭﺣﻲ ﻣﺎﻣﺎ ﺍﻟﻠﻪ ﻳﻮﻓﻘﺞ ﻭﻳﻔﺘﺤﻬﺎ ﺑﻮﺟﻬﺞ ﻭﻳﺒﻌﺪ ﻋﻨﺞ ﻭﻟﺪ ﺍﺑﻠﻴﺲ ﻭﻛﻞ ﻭﺍﺣﺪ ﺣﺎﻗﺪ ..
ﻟﺠﻴﻦ -: ﺣﺒﻴﺒﺘﻲ ﺍﻣﻴﻦ .. ﺑﻮﺳﺘﻬﺎ ﻭﻃﻠﻌﺖ .. ﺗﻮﺟﻬﺖ ﻟﻠﻘﻨﺎﺓ ﺑﺴﻴﺎﺭﺗﻲ .. ﺻﻔﻴﺖ ﻭﻧﺰﻟﺖ .. ﻛﺎﻥ ﻣﻌﺎﻱ ﻣﻘﺪﻡ ﺍﺧﺮ ﺍﺳﻤﻪ ﻣﺼﻄﻔﻰ .. ﺑﺲ ﻫﻠﻜﺪ ﺣﻠﻮ .. ﺍﻧﻲ ﻣﺮﻩ ﻭﺻﻔﻨﺖ ﺑﻴﻪ ﺍﺳﺘﻐﻔﺮﻙ ﺭﺑﻲ ..
ﺍﻟﻤﻬﻢ . ﻫﻮ ﺍﻭﻝ ﻣﺎ ﺩﺧﻠﺖ .. ﺻﺎﺡ ﺍﻧﺘﻲ ﻟﺠﻴﻦ .. ﻫﺰﻳﺖ ﺭﺍﺳﻲ ﺍﻱ ﻣﺴﺎﺀ ﺍﻟﺨﻴﺮ
- ﺍﻫﻼﺍﺍﺍﺍﺍﺍ ﻣﺴﺎﺀ ﺍﻟﻨﻮﺭ .. ﻭﺩﺍﺭ ﻟﻠﻘﻨﺎﺓ ﺑﺮﺑﻜﻢ ﻫﺎﻱ ﺍﻟﻜﻴﻚ ﻳﻄﻠﻊ ﻭﻳﺎﻱ ﻉ ﺷﺎﺷﻪ .. ﻫﺎﻱ ﺗﻔﻄﺮ ﺍﻟﻮﺍﺩﻡ ﺗﺤﺘﺎﺝ ﻣﻲ ﻳﻼ ﺗﻨﺒﻠﻊ
- ﻫﻬﻬﻬﻬﻬﻬﻪ ﺍﻧﻲ .. ﻟﻴﺶ ﻣﻮ ﺍﻧﺘﻪ ..
- ﻟﺤﻈﻪ ﻟﺤﻈﻪ ﻳﻌﻨﻲ ﺍﻧﻲ ﺣﻠﻮ .. ﺑﺮﺑﺞ ﻛﻮﻟﻲ
- ﺍﻱ ﻭﺍﻟﻠﻪ ﺣﻠﻮ ﻟﻴﺶ ﻣﻮﺍﺛﻖ ﺑﺮﻭﺣﻚ ....
- ﻟﻌﺪ ﺷﺒﻲ ﺍﺧﻮﻱ ﻳﻜﻠﻲ ﻭﺟﻬﻚ ﺟﻨﻪ ﺳﻨﺪﺍﻧﻪ ..
- ﻫﻬﻬﻬﻬﻬﻬﻪ ﺍﺣﺘﻤﺎﻝ ﻳﻐﺎﺭ ﻣﻨﻚ ..
- ﻭﺍﻟﻠﻪ ﺗﺮﻓﻌﻴﻦ ﺍﻟﻤﻌﻨﻮﻳﺎﺕ ﺍﻧﺘﻲ .. ﻫﻬﻬﻬﻬﻪ .. ﺍﻫﻼ ﻭﺳﻬﻼ ﺑﻴﺞ .. ﺍﻗﺪﻣﻠﺞ ﻧﻔﺴﻲ .. ﻣﺼﻄﻔﻰ ﺍﻟﻐﺎﻟﺐ ﻣﻦ ﺑﻐﺪﺍﺩ ..
- ﺍﻫﻼ ﺑﻴﻚ .. ﻟﺠﻴﻦ ﺷﺎﻛﺮ ﻭﺍﻳﻀﺎ ﻣﻦ ﺑﻐﺪﺍﺩ ..
- ﻭﻳﻦ ﻣﻦ ﺑﻐﺪﺍﺩ ..
- ﺍﻻﻋﻈﻤﻴﻪ ..
- ﺣﻴﻬﻢ ﻭﺍﻟﻠﻪ ﺍﺻﻞ ﺑﻐﺪﺍﺩ ..
- ﻣﺤﻲ ﺍﺻﻠﻚ .. ﺍﻧﺘﻪ ﻣﻦ ﻭﻳﻦ ..
- ﺷﺎﺭﻉ ﻓﻠﺴﻄﻴﻦ ..
- ﺍﻫﺎﺍﺍ ..
- ﺗﻌﺮﻓﻴﻦ ﺍﻟﻤﺴﺎﺑﻘﻪ ﺍﻃﻠﻌﺘﻲ ﻋﻠﻴﻬﺎ ﻣﻮﻭﻭ ..
- ﺑﻠﻲ ﺍﻃﻠﻌﺖ ﻋﻠﻴﻬﺎ ..
- ﺍﻧﻲ ﺍﻛﻮﻝ ﻟﻮ ﺗﻨﺴﺤﺒﻴﻦ ﻻﻥ ﻣﺴﺘﺤﻴﻞ ﺗﻐﻠﺒﻴﻨﻲ ..
- ﺍﻣﻤﻤﻢ ﺣﻠﻮﻩ ﺍﻟﺜﻘﻪ .. ﺑﺲ ﺻﻌﺒﻪ ﺍﻟﺨﺴﺎﺭﻩ ﻣﻌﺎﻫﺎ
- ﻳﻌﻨﻲ ﮔﺪﻫﺎ
- ﺍﻳﻴﻴﻴﻮﻥ ..
- ﻫﻬﻬﻬﻬﻪ ﺗﺸﺮﻓﺖ ﺟﺪﺍ ﺑﻤﻌﺮﻓﺘﺞ .. ﺣﺒﻴﺖ ﻟﻄﺎﻓﺘﺞ ﻳﺎﺭﺏ ﻧﻘﺪﻡ ﺍﻻﻓﻀﻞ ﻭ ﻳﻜﻮﻥ ﺑﺮﻧﺎﻣﺠﻨﺎ ﺍﻻﺟﻤﻞ
- ﻳﺎﺍﺭﺏ .. ﺍﻟﻲ ﺍﻟﺸﺮﻑ ﻋﺰﻳﺰﻱ ... ﺧﻠﺼﻨﺎ ﺗﻌﺎﺭﻑ ﻭﺭﺣﻨﺎ ﻉ ﺍﻟﻠﻮﻛﻴﺸﻦ .. ﻣﻜﻴﺠﺘﻠﻲ ﺍﻟﻤﺎﻛﻴﺮﻩ .. ﻭﺳﻮﺗﻠﻲ ﺷﻌﺮﻱ .. ﻭﻣﺼﻄﻔﻰ ﻛﺬﻟﻚ ..
ﻛﻤﻠﻨﺎ .. ﺑﺎﻭﻋﻨﺎ ﺍﻟﺘﻠﻔﺰﻳﻮﻥ ﺍﻋﻠﻦ ﺍﻥ ﻏﺪ ﺍﻭﻝ ﺍﻳﺎﻡ ﺷﻬﺮ ﺭﻣﻀﺎﻥ ﺍﻟﻤﺒﺎﺭﻙ .. ﺗﺒﺎﺭﻛﻨﺎ ﻓﻴﻤﺎ ﺑﻴﻨﺎ .. ﺭﻣﻀﺎﻥ ﻛﺮﻳﻢ ﺍﻟﻠﻪ ﻳﻌﻴﺪﻩ ﻋﻠﻴﻜﻢ ﺑﺎﻟﺼﺤﻪ ﻭﺍﻟﻌﺎﻓﻴﻪ ..
ﻃﻠﻌﻨﺎ .. ﻛﺎﺩﺭ ﺍﻟﺒﺮﻧﺎﻣﺞ ﺑﺎﻟﺴﻴﺎﺭﻩ .. ﺍﻭﻝ ﻣﺤﻄﻪ ﻛﺎﻧﺖ ﺍﻟﻨﺎ ﻫﻲ ﺣﺪﺍﺋﻖ ﺍﺑﻮ ﻧﺆﺍﺱ ..
ﺍﻟﺒﺮﻧﺎﻣﺞ ﻋﺒﺎﺭﻩ ﻋﻦ ﻟﻌﺒﻪ .. ﻓﺮﻳﻘﻴﻦ .. ﺍﻧﻲ ﻭﻣﺼﻄﻔﻰ .. ﻧﻔﺘﺮ ﺍﺛﻨﻴﻨﻪ ﻋﻠﻰ ﺍﻟﻌﻮﺍﺋﻞ ﻭﻧﺨﺘﺎﺭ 15 ﻭﺍﺣﺪ ﻧﺘﻨﺎﻓﺲ ﺑﻴﻪ ﺿﺪ ﺑﻌﺾ
.
ﻭﺍﻟﻔﺮﻳﻖ ﺍﻻﻗﻮﻯ ﺍﻟﻪ ﺟﻮﺍﺋﺰ ﻣﺎﺩﻳﻪ .. ﺍﻟﺠﺎﺋﺰﻩ ﺍﻻﻭﻟﻰ 300 ﺩﻭﻻﺭ .. ﺍﻟﺜﺎﻧﻴﻪ 200 ﻭﺍﻟﺜﺎﻟﺜﻪ 100
ﻓﻨﺰﻟﻨﺎ ﺑﺤﺪﺍﺋﻖ ﺍﺑﻮ ﻧﺆﺍﺱ .. ﻭﻛﻔﻨﺎ ﻗﺮﻳﺐ ﻣﻦ ﺍﻟﻨﻬﺮ .. ﺗﻘﺮﺑﻨﺎ ﻟﺒﻌﺾ ﻛﺪﺍﻡ ﺍﻟﻜﺎﻣﻴﺮﺍ ﻭﻭﻛﻔﻨﺎ .. ﺍﻟﻤﺎﻛﻴﺮﻩ ﻣﻌﺎﻧﺎ ... ﻋﺪﻟﺘﻠﻲ ﺷﻌﺮﻱ .. ﻭﺷﻮﻱ ﻭﺟﻬﻲ ﻭﻛﺬﻟﻚ ﻣﺼﻄﻔﻰ
ﺍﻧﻔﺘﺤﺖ ﺍﻟﻜﺎﻣﻴﺮﺍ .. ﺍﺑﺘﺪﻳﻨﺎ ﺍﻟﻠﻘﺎﺀ .. ﻛﻨﺖ ﺧﺎﻳﻔﻪ ﺍﺭﺗﺒﻚ ﻛﺪﺍﻡ ﺍﻟﻜﺎﻣﻴﺮﺍ ﻭﺍﻟﻨﺎﺱ ﻣﻠﺘﻤﻪ ﺗﺒﺎﻭﻉ . ﺑﺲ ﺑﻤﺠﺮﺩ ﻣﺎ ﺍﺑﺘﺪﺃ ﻧﺴﻴﺖ ﻧﻔﺴﻲ ﻭﻛﺄﻥ ﺍﻟﻜﺎﻣﺮﻩ ﺻﺪﻳﻘﺘﻲ ﻭﺩﺍ ﺍﺣﺠﻲ ﻭﻳﺎﻫﺎ ..
ﺳﻮﻳﻨﺎ ﺍﻟﻤﻘﺪﻣﻪ .. ﻭﺍﺧﺬﺕ ﻣﺼﻮﺭ ﻭﺭﺣﺖ ﺍﺑﺤﺚ ﺑﻴﻦ ﺍﻟﻌﻮﺍﺋﻞ ﻭﺍﻟﺠﻤﺎﻋﺎﺕ ﻋﻦ ﻣﺘﺴﺎﺑﻘﻴﻦ ﻟﻔﺮﻳﻘﻲ .. ﻭﻻﺯﻡ ﺍﺧﺘﺎﺭﻫﻢ ﺍﻗﻮﻳﺎﺀ ﺣﺘﻰ ﺍﻧﺎﻓﺲ ﻣﺼﻄﻔﻰ
ﺍﻟﻠﻲ ﻫﻮﺍ ﻫﻢ ﺭﺍﺡ ﻳﺒﺤﺚ ﻋﻦ ﻣﺘﺴﺎﺑﻘﻴﻦ ﺍﻟﻪ .. ﺍﻭﻝ ﻣﺎ ﻭﻛﻔﺖ .. ﻋﻠﻰ ﻣﺠﻤﻮﻋﺔ ﺷﺒﺎﺏ ﻛﺎﻋﺪﻳﻦ .. ﺗﻘﺪﻣﺖ ﺍﻟﻬﻢ ﺭﻣﻀﺎﻥ ﻛﺮﻳﻢ ..
ﺭﺩﻭ ﻋﻠﻴﻨﺎ ﻭﻋﻠﻴﻜﻢ .. ﻛﺘﻠﻬﻢ ﺍﻟﻤﺴﺎﺑﻘﻪ ﻭﺍﺭﻳﺪ ﺍﺗﻨﺎﻓﺲ ﻣﻨﻮ ﻛﺪﻫﺎ ﻳﺴﺎﻧﺪﻧﻲ ﻭﻧﻔﻮﺯ .. ﺍﻟﺠﻤﺎﻋﻪ ﻛﻠﻬﺎ ﺻﺎﺣﺖ ﻋﺒﺎﺱ ﻋﺒﺎﺱ
ﺣﺠﻴﺖ ﻫﻮ ﻭﻳﻨﻪ ﻋﺒﺎﺱ .. ﻳﻼ ﻛﻮﻭﻡ .. ﻣﻦ ﻭﻳﻦ ﻳﺎ ﻋﺒﺎﺱ ..
- ﻣﻦ ﺍﻟﻌﻤﺎﺭﻩ
- ﺣﻲ ﺍﻟﻠﻪ ﺍﻫﻞ ﺍﻟﻌﻤﺎﺭﻩ .. ﻛﺪﻫﺎ ﻳﺎ ﻋﺒﺎﺱ ﺗﻜﻮﻥ ﻭﻳﺎﻳﻪ ..
- ﻋﺪ ﻋﻴﻨﺎﺝ .
- ﺧﺮﻳﺞ ﺍﻧﺘﻪ
- ﻧﻌﻢ ﺧﺮﻳﺞ ﺟﺎﻣﻌﺔ ﺗﻜﻨﻠﻮﺟﻴﺎ ..
- ﻃﻴﺐ ﻳﺎ ﻋﺒﺎﺱ ﺍﺫﺍ ﺧﺴﺮﺗﻨﻲ ﺷﻨﻮ ﺍﺳﻮﻳﻠﻚ ..
- ﺍﺧﺬﻳﻨﻲ ﻓﺼﻠﻴﻪ
- ﻫﻬﻬﻬﻬﻬﻬﻬﻬﻬﻬﻪ ﺍﻧﻲ ﺍﺧﺬﻙ ..
- ﺟﺎ ﺷﺴﻮﻱ ﺷﻌﺪﻱ .. ﺗﺴﻮﻳﻦ ﻋﻠﻲ ﻓﻀﻞ ﺗﺎﺧﺬﻳﻨﻲ
- ﺩﻧﻜﺖ ﺍﺿﺤﻚ .. ﺭﻓﻌﺖ ﺍﻭﻙ ﺍﻭﻙ .. ﻳﻼ ﻳﺎ ﻋﺒﺎﺱ ﻻﺯﻡ ﺗﺴﺎﻋﺪﻧﻲ ﻧﻠﻜﻰ ﺍﻟﻤﺘﺴﺎﺑﻘﻴﻦ ..
ﺧﻄﻴﻪ ﻫﺬﺍ ﺍﻟﺸﺎﺏ ﻛﺎﻥ ﺍﻟﻪ ﺩﻭﺭ ﺑﻬﺬﺍ ﺍﻟﻴﻮﻡ .. ﺭﺟﻞ ﺑﻐﺎﻳﺔ ﺍﻟﻤﺰﺡ ﻭﺍﻟﻠﻄﺎﻓﻪ ﺷﻜﺪ ﻣﺎ ﺍﺭﻳﺪ ﺍﺻﺒﺮ ﻣﺎ ﺍﺿﺤﻚ ..
ﻳﺸﻤﺮﻟﻪ ﻛﻠﻤﻪ ﻳﺨﻠﻲ ﺍﻟﻜﺎﺩﺭ ﻭﺍﻟﻨﺎﺱ ﻛﻠﻬﺎ ﺗﺴﻜﺮ ﺿﺤﻚ .. ﻭﻫﻮ ﻣﺤﺒﻮﺏ ﺑﻴﻦ ﺟﻤﺎﻋﺘﻪ ..
ﻣﺸﻴﻨﺎ ﺍﻧﻲ ﻭﻳﺎﻩ .. ﺍﺧﺘﺎﺭﻳﻨﻪ 9 ﺷﺒﺎﺏ ﻭ 5 ﺑﻨﺎﺕ ﻭﻫﻮ ..15
ﺑﻘﻰ ﻳﻌﻠﻢ ﺑﺎﻟﻔﺮﻳﻖ ﻭﺍﻧﻲ ﻭﺍﻛﻔﻪ ﻭﺳﻄﺮﻫﻢ ﻭﻳﻜﻮﻟﻬﻢ ﺍﻟﻤﺎﻳﻌﺮﻑ ﺍﻟﺠﻮﺍﺏ ﻳﺤﺠﻲ ﺍﻱ ﺷﻲ ﻓﻲ ﺳﺒﻴﻞ ﺍﻟﻔﺮﻳﻖ ﺍﻟﺨﺼﻢ ﻣﻴﺠﺎﻭﺏ ﺍﺑﺪﺍﻟﻨﺎ ﻭﻳﺎﺧﺬ ﺍﻟﻨﻘﻄﻪ ..
ﺑﺪﺕ ﺍﻟﻤﺴﺎﺑﻘﻪ .. ﻭﻛﻠﻨﺎ ﺑﺪﻳﻨﺎ ﺑﺎﻟﻠﻌﺐ ﻭﻧﺴﻪ ﻟﺪﺭﺟﻪ ﻛﺒﻴﺮﻩ ﻧﺴﻴﺖ ﺍﻛﻮ ﻛﺎﻣﻴﺮﺍ ﺍﻭ ﺗﻠﻔﺰﻳﻮﻥ . ﺗﺼﺮﻓﺖ ﻋﻠﻰ ﻃﺒﻴﻌﺘﻲ ﻭﻋﻔﻮﻳﺘﻲ ..
ﺍﻧﺘﻬﺖ ﺍﻟﻤﺴﺎﺑﻘﻪ ﺑﻔﻮﺯ ﻓﺮﻳﻘﻲ ﻋﺒﺎﺱ ﻫﻮ ﺍﻻﺧﺬ ﺍﻟﺠﺎﺋﺰﻩ .. ﻭﺑﻨﻴﻪ ﺍﻟﺜﺎﻧﻴﻪ ﻭﻭﻟﺪ ﺍﻟﺠﺎﺋﺰﻩ ﺍﻟﺜﺎﻟﺜﻪ ..
ﻛﻤﻠﻨﺎ ﺗﺼﻮﻳﺮ ﺗﻘﺮﻳﺒﺎ ﺍﻟﺴﺎﻋﻪ 10 ﺍﺟﻮﺍﺀ ﺭﻣﻀﺎﻧﻴﻪ ﺗﺠﻨﻦ ﺍﻟﻌﺎﻟﻢ ﻛﻠﻬﺎ ﻃﺎﻟﻌﻪ ﻭﺗﻔﺘﺮ ﻭﺍﺿﻮﻳﻪ ﻭ ﻓﻮﺍﻧﻴﺲ ..
ﺭﺟﻌﺖ ﻟﻠﺒﻴﺖ .. ﺳﻮﻟﻔﺖ ﻻﻣﻲ ﻭﺍﺑﻮﻳﻪ .. ﻭﺍﻧﻄﻴﺘﻬﻢ ﻣﻮﻋﺪ ﺍﻟﺒﺮﻧﺎﻣﺞ . ﻛﺎﻟﻮ ﻧﺸﻮﻓﻪ ..
ﻣﺎ ﻋﻮﻧﺖ ﺍﺣﺠﻴﻠﻬﻢ ﺣﺘﻰ ﺍﺻﻌﺪ ﺍﻧﺎﻡ ﺍﺣﺲ ﺭﺟﻠﻴﻪ ﻣﻮﺗﺘﻨﻲ ﻣﻦ ﺍﻟﺘﻌﺐ .. ﺳﺒﺤﺖ ﻭﻛﺒﻞ ﻟﻔﻴﺖ ﺭﺍﺳﻲ .
.
ﺳﺎﻋﺘﻴﻦ ﻭﻛﻌﺪﺕ .. ﻟﻜﻴﺖ ﻣﺎﻣﺎ ﺑﻌﺪﻫﺎ ﻛﻌﺪﺕ .. ﺗﺼﻠﻲ ﺍﻋﻤﺎﻝ ﺍﻭﻝ ﻟﻴﻠﻪ .. ﺗﺮﻛﺘﻬﺎ ﻭﺭﺣﺖ ﻟﻠﻤﻄﺒﺦ ﺳﻮﻳﺖ ﺳﺤﻮﺭ ..
ﺍﺟﺒﺎﻥ ﻭﮔﻴﻤﺮ .. ﻟﻔﻴﺖ ﺍﻟﺨﺎﻭﻟﻲ ﻋﻠﻰ ﺍﻧﻔﻲ ﻭﺳﻮﻳﺖ ﺑﻴﺾ ﻟﻤﺎﻣﺎ .. ﺍﺧﺬﺕ ﺍﻟﺼﻴﻨﻴﻪ ﻭﺭﺣﺖ ﻳﻤﻬﺎ .. ﻛﺘﻠﻬﺎ ﺭﻣﻀﺎﻥ ﻛﺮﻳﻢ ﻣﺎﻣﺎ ..
- ﻋﻠﻴﻨﺎ ﻭﻋﻠﻴﺞ ﺑﻨﻴﺘﻲ ﺍﻟﻠﻪ ﻳﺤﻔﻈﺞ
ﺷﻐﻠﻨﺎ ﻗﺮﺍﻥ ﺑﺎﻟﺘﻠﻔﺰﻳﻮﻥ ﻭﻛﻌﻨﺎ ﻧﺘﺴﺤﺮ ..
ﺑﺎﺑﺎ ﻣﻴﺼﻮﻡ ﺍﻟﺪﻛﺘﻮﺭ ﻣﺎﻧﻌﻪ .. ﻳﺼﻴﺮ ﻋﻨﺪﻩ ﺗﻴﺒﺲ ﺑﺎﻟﻜﺒﺪ .. ﻓﻤﺎ ﻛﻌﺪﻧﺎ . ﺍﺗﺴﺤﺮﻧﺎ . ﻭﺭﺣﺖ ﻏﺴﻠﺖ ﺍﻟﻤﻮﺍﻋﻴﻦ ﻭﻓﺮﺷﺖ ﺍﺳﻨﺎﻧﻲ .
ﻭﺍﺧﺬﺕ ﻗﺮﺍﻥ ﻭﻛﻌﺪﺕ ﺍﻗﺮﻩ .. ﻛﻤﻠﺖ ﺟﺰﺀ ﻟﺤﺪ ﻣﺎ ﺻﻠﻰ ﺍﻟﺼﺒﺢ .. ﺻﻠﻴﺖ ﻭﺑﻘﻴﺖ ﻋﻠﻰ ﺳﺠﺎﺩﺗﻲ ﺧﺘﻤﺖ 3 ﺍﺟﺰﺍﺀ ﻟﻨﺺ ﺳﻮﺭﺓ ﻋﻤﺮﺍﻥ ﻭﻗﻄﻌﺖ ﺭﺣﺖ ﻧﻤﺖ ..
ﻟﺼﻼﺓ ﺍﻟﻀﻬﺮ ﻛﻌﺪﺕ .. ﺻﻠﻴﺖ ﻭﺭﺟﻌﺖ ﺗﻤﺪﺩﺕ ﺍﻛﻠﺐ ﺑﺎﻟﺘﻠﻔﺰﻳﻮﻥ ﻭﺍﻟﺒﺮﺍﻣﺞ .. ﺭﺟﻌﺖ ﻧﻤﺖ ﺷﻮﻱ .. ﻭﺭﺩﻳﺖ ﻃﻠﻌﺖ ﻟﻠﺒﺮﻧﺎﻣﺞ .. ﻭﻣﺎﻣﺎ ﺭﺍﺣﺖ ﻟﺒﻴﺖ ﻣﺆﻳﺪ ﺗﺸﺎﺭﻙ ﺍﻟﺤﻤﻠﻪ ..
ﺩﺧﻠﺖ ﻟﻼﺳﺘﻮﺩﻳﻮ ﻣﺤﺠﺒﻪ ﻭﺑﺪﻭﻥ ﻣﻜﻴﺎﺝ .. ﻟﻮ ﻣﺼﻄﻔﻰ ﺧﻠﺼﻨﻲ ﺗﺼﻨﻴﻒ .. ﻟﺤﺪ ﻣﺎ ﺩﻙ ﻣﺪﻓﻊ ﺍﻻﻓﻄﺎﺭ ﻭﻓﻄﺮﻧﺎ ﺍﻟﻜﺎﺩﺭ ﻛﻠﻨﺎ ﻣﻊ ﺑﻌﺾ ﻛﻤﻠﻨﺎ ﺑﺴﺮﻋﻪ ﻭﺭﺣﻨﺎ ﺗﻮﺟﻬﻨﺎ ﻟﻠﺒﺮﻧﺎﻣﺞ ..
ﺍﻳﺎﻡ ﺣﻴﻞ ﺣﻠﻮﻩ .. ﻭﻳﻤﻜﻦ ﺍﺟﻤﻞ ﺭﻣﻀﺎﻥ ﻣﺮ ﻋﻠﻴﻪ ﻫﻮ ﻫﺬﺍ .. ﻻﻥ ﺑﺮﻧﺎﻣﺞ ﻭﻧﺎﺱ ﻭﻣﺴﺎﺑﻘﺎﺕ ﻭﺍﺧﺘﻼﻁ ﺑﺎﻟﻌﻮﺍﺋﻞ ..
ﺷﻲ ﻣﺨﺘﻠﻒ ﻋﻦ ﻛﻞ ﺭﻣﻀﺎﻥ ﺑﺎﻟﺒﻴﺖ ﻭﺍﻛﻌﺪ ﺍﺗﺎﺑﻊ ﻣﺴﻠﺴﻼﺕ ﻟﻮ ﻧﻔﺘﺮ ﺍﻧﻲ ﻭﻣﺎﻣﺎ ..
ﺭﺟﻌﺖ ﺑﻴﻮﻣﻬﺎ ﺳﺌﻠﺖ ﻣﺎﻣﺎ ﺷﻠﻮﻧﻪ ﺍﻟﺸﻐﻞ ..
ﺍﻻﻡ -: ﻭﺍﻟﻠﻪ ﻣﺎﻣﺎ ﺭﺍﺣﻪ ﻭﻣﺤﺴﻴﺖ ﺑﺎﻟﻮﻗﺖ ﻭﺯﻋﻨﺎ ﺍﻟﻔﻄﻮﺭ ﻭﺍﺩﻭﺭ ﻓﻄﺮﻧﺎ .. ﻛﻮﻟﻲ ﻫﻢ ﺣﺴﻴﺖ ﺑﺎﻟﻮﻗﺖ ﺗﻌﺠﺒﺖ ﻣﻦ ﻛﺎﻟﻮ ﺍﺫﻥ ..
- ﺍﻟﺤﻤﺪﻟﻠﻪ ﺍﺣﺴﻦ ﻟﺞ ﻣﻦ ﻛﻌﺪﺕ ﺍﻟﺒﻴﺖ
- ﺑﻘﺎﻃﺎﺕ ..
- ﺷﻔﺘﻲ ﺍﻟﺒﺮﻧﺎﻣﺞ .
- ﻻ ﻭﺍﻟﻠﻪ ﻣﺎ ﻟﺤﻜﺖ .
- ﻳﻨﻌﺎﺩ ﺏ 1 ﻭﺷﻮﻓﻲ ..
- ﻓﺘﺤﺖ ﺍﻟﺘﻠﻔﺰﻳﻮﻥ ﻋﻠﻰ ﺍﻟﻘﻨﺎﺓ ﺍﻻﺷﺘﻐﻞ ﺑﻴﻬﺎ .. ﻃﻠﻊ ﺍﻟﻤﺴﻠﺴﻞ ﺍﻟﻠﻲ ﺍﺷﺘﻐﻠﺖ ﺑﻲ ..
ﻛﻌﺪﺕ ﺍﺷﻮﻓﻪ .. ﺍﻧﻲ ﺷﻔﺘﻪ ﻟﻮ ﻛﻤﺖ ﺍﻛﻤﺰ .. ﺍﻟﻤﺸﻬﺪ ﻣﺎﻟﺘﻲ ﻣﺨﻠﻴﻦ ﻟﻘﻄﻪ ﻣﻨﻲ ﻣﻦ ﺿﻤﻦ ﻟﻘﻄﺎﺕ ﺍﻟﺘﺎﻳﺘﻞ .. ﻳﻌﻨﻲ ﺑﻤﺠﺮﺩ ﻣﺎ ﺗﺸﻮﻑ ﺍﻟﻤﻘﺪﻣﻪ ﺗﻌﺮﻑ ﺍﻧﻲ ﺑﻲ ..
ﻻ ﻳﺎ ﺍﻟﻠﻪ ﺩﺷﻮﻑ ﺍﻟﺤﻆ .. ﺍﻱ ﺍﻟﻤﺨﺮﺝ ﻣﻮ ﻛﺘﻠﻪ ﺍﻗﻄﻊ ﻫﺬﺍ ﺷﺒﻲ .. ﺻﺤﺖ ﻣﺎﻣﺎ ﻣﺎﻣﺎ .
ﺍﺟﺖ .. ﻛﺘﻠﻬﺎ ﻣﻄﻠﻌﻴﻨﻲ ﺑﺎﻟﺘﺎﻳﺘﻞ ..
- ﺷﻠﻮﻧﻬﺎ ﺍﻟﻠﻘﻄﻪ ﺍﻟﻠﻲ ﻣﻄﻠﻌﻴﺞ ﺑﻴﻬﺎ
- ﻳﻮﻡ ﻫﻮ ﻣﺴﻠﺴﻞ ﻋﺮﺍﻗﻲ ﻣﺎ ﺑﻲ ﻟﻘﻄﺎﺕ ﻣﻮ ﺯﻳﻨﻪ . ﺑﺲ ﻣﻄﻠﻌﻴﻦ ﻭﺟﻬﻲ ﺑﺘﺎﻳﺘﻞ ﺍﻟﻤﺴﻠﺴﻞ ﺷﻠﻮﻥ ﻟﻮ ﺷﺎﻓﻪ ﻣﺨﻠﺪ ..
ﺍﻻﻡ -: ﻣﺎﻣﺎ ﺷﻮ ﺍﻧﺘﻲ ﻫﻮﺍﻱ ﻣﻬﺘﻤﻪ ﻟﻤﺨﻠﺪ .. ﻫﻮ ﻣﺸﻬﺪ ﺗﻤﺜﻴﻠﻲ ﻗﺎﺑﻞ ﺣﻘﻴﻘﻲ .. ﻭﺍﺑﻮﺝ ﻫﺴﻪ ﺍﻛﻮﻟﻪ ﻭﻳﻔﺘﻬﻢ ﺍﻟﺘﻤﺜﻴﻞ ﻭﺍﻟﻤﺸﺎﻫﺪ ..
ﺍﻛﻮ ﻓﻨﺎﻧﺎﺕ ﻛﺒﺎﺭ ﻭﺍﺧﺬﻭ ﺍﺩﻭﺍﺭ ﻣﻮ ﺯﻳﻨﻪ . ﻋﺎﺩﻱ ﺍﻟﻔﻨﺎﻥ ﻛﻮﻟﺸﻲ ﻳﻤﺮ ﺑﻲ .. ﺍﺳﻴﺎ ﻛﻤﺎﻝ ﺍﺣﺴﻦ ﻣﻨﺞ ﻭﺗﻐﻤﺰﻟﻲ
- ﺣﻴﻴﻴﻞ ﻣﺎﻣﺎ ﺍﺳﻴﺎ ﻛﻤﺎﻝ ﻣﺮﻩ ﻭﺣﺪﻩ ..
- ﺍﻱ ﻭﻟﻴﺶ ﻋﺎﺩﻱ ﺍﻟﻔﻦ ﺣﻠﻮ ﺍﻟﻤﻬﻢ ﺗﻜﻮﻧﻴﻦ ﻣﺘﻤﻜﻨﻪ ﻭﻋﻨﺪﺝ ﻣﻮﻫﺒﻪ ﻟﻴﺶ ﻻ .. ﺷﻨﻮ ﺍﻟﻤﺎﻧﻊ .. ﻣﺜﻠﻲ ﻣﺎﺑﻴﻬﺎ ﺷﻲ
.
ﺑﺲ ﻟﻮ ﺭﺩﺗﻲ ﺗﻤﺜﻠﻴﻦ ﻣﺮﻩ ﻟﺦ .. ﺍﻧﺘﻘﻲ ﺍﺩﻭﺍﺭﺝ ﺑﻌﻨﺎﻳﻪ ..
- ﺍﻥ ﺷﺎﺀﺍﻟﻠﻪ .. ﻳﺎﺭﺏ ﻣﺨﻠﺪ ﻣﻴﺸﻮﻓﻪ ﻳﺎﺍﺍﺭﺏ
- ﻭﺍﻟﻠﻪ ﻣﺴﻮﻳﻠﺞ ﻋﻠﻪ ﻫﺬﺍ ..
- ﺷﺴﻮﻱ ﻣﺘﻌﺮﻓﻲ ﺷﻠﻮﻥ ﻳﺘﺨﺒﻞ ﻭﻳﻜﻠﺒﻬﺎ ﻋﻠﻴﻪ .
.......... ﻣﺮ ﺍﻛﺜﺮ ﺍﻟﺸﻬﺮ ﻭﺍﻧﻲ ﺑﺎﻟﺒﺮﻧﺎﻣﺞ .. ﻣﺴﺘﻤﺮﻳﻦ ﻳﻮﻣﻴﺎ .. ﻓﻘﻂ ﺑﻮﻓﺎﺓ ﺍﻻﻣﺎﻡ ﻋﻠﻲ ﻗﻄﻌﻨﺎ
ﻻﻥ ﺍﻟﻘﻨﺎﺓ ﻭﻛﻔﺖ ﺑﺚ ﺍﻟﺒﺮﺍﻣﺞ ﺍﻟﺘﺮﻓﻴﻬﻴﻪ .. ﻭﺑﻘﺖ ﺑﺲ ﺍﻟﻤﺤﺎﺿﺮﺍﺕ ﻭﺍﻟﻘﺮﺍﻥ ﻭﺍﻟﺒﺮﺍﻣﺞ ﺍﻟﺴﻴﺎﺳﻴﻪ ﻭﺍﻻﺟﺘﻤﺎﻋﻴﻪ ..
ﻑ ﺧﻼﻝ ﺍﻟﻮﻓﺎﺓ ﺍﺟﺘﻤﻌﻨﺎ ﺍﻟﻜﺎﺩﺭ ﻛﻠﻨﺎ ﻣﻊ ﻣﺪﻳﺮ ﺍﻟﻘﻨﺎﺓ .. ﺍﻧﻄﻠﺐ ﻣﻦ ﻋﺪﻧﺎ ﻧﺘﻮﺟﻪ ﻟﻠﻨﺠﻒ ﻟﺘﻐﻄﻴﺔ ﺍﻟﺰﻳﺎﺭﻩ .. ﻭﺍﺟﻮﺍﺀ ﻟﻴﻠﺔ ﺍﻟﻘﺪﺭ
ﻭﺗﻘﺮﺭ ﻧﻄﻠﻊ ﺑﺎﺟﺮ ﺑﻌﺪ ﺍﻟﻀﻬﺮ .. ﻟﺘﻐﻄﻴﺔ ﺍﻟﺰﻳﺎﺭﻩ ﻭﻧﺮﺟﻊ ﻗﺒﻞ ﺍﻟﻔﺠﺮ ﺣﺘﻰ ﻧﺪﺭﻙ ﺍﻟﺼﻴﺎﻡ ﺑﻤﺪﻳﻨﺘﻨﺎ ..
ﺩﻧﺘﻔﻖ ﻭﻧﺤﺠﻲ ﺍﻟﻤﺪﻳﺮ ﻣﺎﻝ ﺍﻟﻘﻨﺎﺓ ﻟﻌﺒﻬﺎ ﻟﻨﻔﺴﻲ .. ﻛﻞ ﺗﺮﻛﻴﺰﻩ ﻛﺎﻥ ﻋﻠﻰ ﺭﺟﻠﻴﻪ ﺭﻏﻢ ﻻﺑﺴﻪ ﺑﻨﻄﺮﻭﻥ ﻛﻼﺳﻚ ﻋﺮﻳﺾ ﻛﺎﻥ ﻣﻮﺩﻳﻠﻪ ﻭﻗﻤﻴﺺ ﻃﻮﻳﻞ ﻓﻮﻙ ﻣﻦ ﺍﻟﺮﻛﺒﻪ ﺑﺸﺒﺮ
ﺑﺲ ﻓﺼﻠﻨﻲ ﺗﻔﺼﺎﻝ ﺑﻨﻀﺮﺍﺗﻪ .. ﺣﻴﻞ ﺍﺭﺑﻜﻨﻲ .. ﺍﺧﺮ ﺍﻟﺤﺪﻳﺚ .. ﺷﺎﻝ ﻛﺎﺭﺕ ﻭﺍﻧﻄﺎﻧﻲ ﺭﻗﻤﻪ .. ﺍﺧﺬﺗﻪ ﻭﻃﻠﻌﺖ ..
ﻣﺸﻴﺖ ﺑﺎﻟﻤﻤﺮ .. ﺷﻜﻴﺖ ﺍﻟﺮﻗﻢ .. ﻭﺷﻤﺮﺗﻪ ﺑﺎﻟﺰﺑﺎﻟﻪ .. ﺣﺴﻴﺖ ﺍﺣﺪ ﻭﺭﺍﻳﻪ .. ﺍﻟﺘﻔﺘﺖ .. ﻟﻜﻴﺘﻪ ﺍﻟﻤﺪﻳﺮ
- ﻫﺬﺍ ﺍﺣﺘﺮﺍﻣﺞ ﺍﻟﻲ
- ﺍﻟﻌﻔﻮ ﺷﻨﻮ ؟ !
- ﺗﺸﻜﻜﻴﻦ ﺑﻄﺎﻗﺘﻲ ﺍﻟﻠﻲ ﺍﻧﻄﻴﺘﻬﺎ ﺍﻟﺞ ..
- ﺳﻮﻳﺖ ﻧﻔﺴﻲ ﺍﺑﺎﻭﻉ ﻟﻠﺰﺑﺎﻟﻪ ﻭﺻﺤﺖ ﺍﻭﻭﻭﻭ ﺍﻋﺘﺬﺭ ﺟﺪﺍ .. ﺟﻨﺖ ﺍﻓﻜﺮ ﺑﺎﻟﺴﻔﺮ ﺍﻟﺒﺎﺟﺮ ﻭﺷﻜﻴﺘﻪ ﻋﺒﺎﻟﻲ ﻭﺭﻗﻪ ﺑﻴﺪﻱ .. ﺍﺳﻔﻪ ..
- ﺗﻌﺎﻟﻲ ﻟﻠﻤﻜﺘﺐ
- ﺷﻨﻮ
- ﺑﺪﻭﻥ ﺣﺠﻲ ..
- ﻣﺸﻴﺖ ﻭﺭﺍﻩ ﺩﺧﻠﺖ ﻟﻠﻤﻜﺘﺐ ﻭﻛﻌﺪﺕ ﻛﺒﺎﻟﻪ ..
- ﺍﺳﻤﻌﻲ ﺳﺖ ﻟﺠﻴﻦ .. ﺍﻧﻲ ﻣﻦ ﺯﻣﺎﻥ ﻣﻌﺠﺐ ﺑﻴﺞ ﻭﺑﺤﻈﺮﺗﺞ .. ﻭﺣﺎﻭﻟﺖ ﺗﻔﻬﻤﻴﻦ ﺑﺲ ﺍﻟﻀﺎﻫﺮ ﺍﻧﺘﻲ ﻓﻬﻤﺞ ﻗﻠﻴﻞ
- ﺍﻟﻤﻌﻨﻰ ؟؟ !
- ﺍﻟﻤﻌﻨﻰ ﻓﻬﻤﺘﻲ ﻭﻓﻬﻤﺞ ﻛﻔﺎﻳﻪ ..
- ﻳﺎﺭﻳﺖ ﺗﻮﺿﺢ ..
- ﺍﺫﺍ ﺗﺮﺩﻳﻦ ﺗﺴﺘﻤﺮﻳﻦ ﺑﺎﻟﺒﺮﻧﺎﻣﺞ .. ﻻﺯﻡ ﺍﻃﻴﻌﻴﻨﻲ .. ﻭﺑﺘﺎﻟﻲ ﺍﺭﻓﻌﺞ ﻭﺍﻗﺪﻣﺞ ﺍﻛﺜﺮ ﻣﻦ ﻫﺬﺍ ﺍﻟﺒﺮﻧﺎﻣﺞ ﺍﺧﻠﻴﺞ ﻣﻤﺜﻠﻪ ﻭﻣﻤﻜﻦ ﺍﻧﻄﻴﺞ ﺑﻄﻮﻟﺔ ﻣﺴﻠﺴﻞ
- ﻭﺍﺫﺍ ﻣﺎ ﺭﺩﺕ ..
- ﺍﻧﻲ ﻣﺪﻳﺮ ﺍﻟﻘﻨﺎﺓ ﻭﺍﻧﺘﻲ ﻣﻘﺪﻣﻪ ﻋﻨﺪﻱ .. ﺍﻛﺪﺭ ﺑﻠﺤﻈﻪ ﺍﻭﻗﻒ ﺑﺮﻧﺎﻣﺠﺞ ..
- ﻭﻭﻗﻔﻪ ﻣﻨﻮ ﻻﺯﻣﻚ .. ﺗﺮﻩ ﻣﻤﺸﺘﻐﻠﻪ ﻟﻠﺤﺎﺟﻪ ﻳﻤﻜﻦ ﻣﺘﻌﺮﻓﻨﻲ ﺍﻧﻲ ﺧﺮﻳﺠﺔ ﺻﻴﺪﻟﻪ ﻭﺍﻻﻋﻼﻡ ﻭﺍﻟﻔﻦ ﻣﻮﻫﺒﻪ ﻭﻫﻮﺍﻳﻪ ﺍﺧﺮﻯ ..
ﻣﺘﻔﺮﻕ ﻟﻮ ﺗﺮﻛﺘﻬﺎ .. ﻭﻣﻤﺤﺘﺎﺟﻪ ﻣﺎﺩﻩ ﻻﻥ ﺍﻧﻲ ﺑﻨﺖ ﻋﺰ ﻭﻧﺎﺱ ﻣﺘﻤﻜﻨﻴﻦ .. ﻣﺎﻛﻮ ﺑﺮﻧﺎﻣﺞ ﺍﻭ ﺍﻱ ﺷﻲ ﺑﺎﻟﺪﻧﻴﺎ ﻣﻤﻜﻦ ﺍﺭﺧﺺ ﻧﻔﺴﻲ ﺍﻟﻪ ..
ﻭﻣﻊ ﺍﻻﺳﻒ ﺍﺷﺘﻐﻠﺖ ﻣﻌﺎﻛﻢ . ﻛﻨﺖ ﺍﺗﻮﻗﻊ ﻣﺤﺘﺮﻣﻴﻦ .
- ﺍﻋﺘﺒﺮﻩ ﺗﺠﺎﻭﺯ
.
ﺍﻟﻠﻲ ﻳﻌﺠﺒﻚ . ﻣﻦ ﺩﻕ ﺍﻟﺒﺎﺏ ﻟﻘﻲ ﺍﻟﺠﻮﺍﺏ
- ﺍﻃﻠﻌﻲ ﺑﺮﻩ
- ﺑﺪﻭﻥ ﻣﺘﻜﻮﻝ ﺍﻧﻲ ﻃﺎﻟﻌﻪ ﺍﺻﻼ ..
ﺩﺍ ﺍﻃﻠﻊ .. ﺻﺎﺭ ﺍﻟﻤﺨﺮﺝ ﻣﺎﻝ ﺍﻟﺒﺮﻧﺎﻣﺞ ﻛﺪﺍﻣﻲ .. ﺷﻜﻮ
- ﻳﺎﺭﻳﺖ ﺗﺴﺄﻝ ﺍﻟﻤﺪﻳﺮ ..
- ﻟﺤﻈﻪ ﻟﺠﻴﻦ ﺍﻓﺘﻬﻢ ..
- ﺗﺮﻛﺘﻪ ﻭﻣﺸﻴﺖ .. ﺻﺎﺡ ﻣﻤﻨﻮﻉ ﺍﻃﻠﻌﻴﻦ ﺍﻧﺘﻈﺮﻳﻨﻲ .. ﻃﻠﻌﺖ ﻟﻜﻴﺖ ﻣﺼﻄﻔﻰ .. ﻛﺎﻝ ﺷﻨﻮ ﻛﺘﻠﻪ ﻫﻴﺞ ﻭﻫﻴﺞ .
ﻣﺼﻄﻔﻰ -: ﺍﻳﺎ ﺧﺴﻴﺲ ﻛﺒﺮ ﺟﺎﻥ ﺍﺳﺘﺤﻰ ﺑﻜﺪ ﺍﺑﻮﺝ ﻫﻮ
.
- ﻳﻜﺮﻡ ﺍﺳﻢ ﺍﺑﻮﻳﻪ ﻣﻨﻪ ﻫﻠﺨﺴﻴﺲ .. ﻳﻼ ﻣﺼﺎﺭ ﺷﻲ ﺍﺭﻭﺡ ..
- ﺍﻧﺘﻀﺮﻱ ﺍﻟﻤﺨﺮﺝ ﻭﺍﻃﻠﻌﻲ ﺣﺘﻰ ﺍﺫﺍ ﺗﻨﻬﻴﻦ ﺗﻮﻗﻌﻴﻦ ..
- ﺑﻘﻴﺖ ﻛﺎﻋﺪﻩ ﻭﻱ ﻣﺼﻄﻔﻰ .. ﻟﺸﻮﻱ ﻧﺰﻝ ﺍﻳﻮﺏ .. ﻛﺎﻝ ﺍﺗﺮﺟﺎﺝ ﺳﺖ ﻟﺠﻴﻦ ﻛﻌﺪﻱ ..
- ﺍﺧﺬﺕ ﻧﻔﺲ ﻛﻌﺪﺕ ..
- ﺻﺤﻴﺢ ﻣﺘﺤﺎﺭﺷﻪ ﺑﺎﻟﻤﺪﻳﺮ ﻭﻣﻘﻠﻠﻪ ﺍﺩﺏ ..
- ﺍﻟﺘﻔﺘﺖ ﻟﻤﺼﻄﻔﻰ ﻭﺭﺟﻌﺘﻠﻪ ﺷﺘﺤﺠﻲ ﺍﻳﻮﺏ ﻫﻮ ﺭﺍﺩ ﻣﻨﻲ ﻋﻼﻗﻪ ﻭﺭﻓﻀﺖ .. ﻛﺎﻝ ﺍﺑﻄﻠﺞ ﻛﺘﻠﻪ ﻭﺑﻄﻞ ﻣﺎ ﺍﻫﺘﻢ . ﻫﺴﻪ ﻳﺘﻬﻤﻨﻲ ..
ﺍﻛﻮﻡ ﺍﺭﻭﺡ ﺍﻓﻀﻞ ..
- ﻟﺠﻴﻦ ﺍﻛﻌﺪﻱ .. ﺍﻧﺘﻲ ﻋﻨﺪﺝ ﻋﻘﺪ .. ﻣﻴﺼﻴﺮ ﺗﺨﻠﻔﻴﻦ ﻭﻳﺎﻳﻪ ﺑﺎﻟﺒﺮﻧﺎﻣﺞ ﻣﺠﺒﻮﺭﻩ ﺗﻜﻤﻠﻴﻦ ..
- ﺍﻳﻮﺏ ﺍﻱ ﻋﻘﺪ ﺍﻱ ﺑﺮﻧﺎﻣﺞ .. ﻫﺬﺍ ﺩﻳﻄﻌﻦ ﺑﻴﻪ ﻭﻳﺘﻬﻤﻨﻲ
- ﺗﺼﻴﺮ ﻫﻴﺞ ﺷﻐﻼﺕ ﺑﺲ ﺍﻧﺘﻲ ﺑﻌﺪﺝ ﺟﺪﻳﺪﻩ .
- ﻫﺎﺍﺍﺍﻩ ﻳﻌﻨﻲ ﻻﺯﻡ ﺍﺗﻌﻮﺩ ﻋﻠﻰ ﻫﺎﻟﻘﺬﺍﺭﻩ ﻣﻮﻭﻭ .. ﻻ ﺍﻳﻮﺏ ﻣﺎ ﺍﻛﺪﺭ .. ﺍﺳﻔﻪ
3- ﻣﻼﻳﻴﻦ ﻏﺮﺍﻣﺔ ﺗﺮﻙ ﺍﻟﺒﺮﻧﺎﻣﺞ ﻭﻛﺴﺮ ﺍﻟﻌﻘﺪ ﻣﻊ ﺍﻟﻘﻨﺎﺓ ..
- ﺍﻳﻮﺏ ﺩﺗﻬﺪﺩﻧﻲ
- ﻻ ﻭﺍﻟﻠﻪ .. ﺑﺲ ﻫﺎﻱ ﺍﻟﺸﺮﻭﻁ ﻭﺭﻣﻀﺎﻥ ﻣﺎ ﺑﻘﻰ ﺑﻲ ﻏﻴﺮ ﺍﺳﺒﻮﻉ .. ﻛﻤﻠﻲ ﺍﻟﺒﺮﻧﺎﻣﺞ ﻭﺍﻃﻠﻌﻲ
- ﻫﻮ ﻛﺎﻝ ﺭﺍﺡ ﺍﻃﺮﺩﺝ ..
- ﻻ ﻳﻜﻮﻝ ﻫﻲ ﺗﺮﻳﺪ ﺗﻄﻠﻊ . ﺑﻌﺪ ﻣﺎ ﺭﺯﻟﺘﻬﺎ ﻭﻛﻠﺘﻠﻬﺎ ﻫﻠﺸﻲ ﻋﻴﺐ
- ﺻﻔﻨﺖ ﻫﺬﺍ ﺷﻨﻮ ﻣﻦ ﺩﺍﻫﻴﻪ ﺍﺗﺤﺮﺵ ﻭﻫﺪﺩ ﻳﻄﺮﺩﻧﻲ ﻭﻟﻤﺎ ﻣﺎ ﺍﻫﺘﻤﻴﺖ ﻗﻠﺐ ﺍﻟﻤﻮﺿﻮﻉ ﻋﻠﻴﻪ ﻭﺍﻧﻲ ﺍﻟﻤﺘﺤﺮﺷﻪ ﻭﻫﻮ ﺍﻟﻠﻲ ﻣﻴﺮﻳﺪﻧﻲ ﺍﻃﻠﻊ ﻭﺍﻧﻲ ﺍﺧﺎﻟﻔﻜﻢ .
ﺷﻨﻮ ﻣﻦ ﺑﺸﺮ ﻫﺬﺍ
ﺍﻳﻮﺏ -: ﺍﺣﺘﺮﻣﻲ ﻟﺠﻴﻦ ﻫﺬﺍ ﺍﻟﻤﺪﻳﺮ
- ﺷﺤﺘﺮﻡ ﺍﻳﻮﺏ ﻫﻮ ﻣﺎ ﺍﺣﺘﺮﻣﻨﻲ .. ﻳﻌﻨﻲ ﺍﻟﺸﺮﻳﻒ ﻳﻨﻮﻛﻞ .. ﻟﻮ ﺗﺼﻴﺮ ﺳﺎﻓﻞ ﻟﻮ ﻳﺘﻼﻋﺒﻮﻥ ﻋﻠﻴﻚ . ﻭﻳﺘﻬﻤﻮﻙ ..
ﺍﻳﻮﺏ -: ﻟﺠﻴﻦ ﻛﺘﻠﺞ ﺍﻧﺘﻲ ﺟﺪﻳﺪﻩ ﺑﻬﺬﺍ ﺍﻟﻮﺳﻂ ﻣﻦ ﺭﺍﺡ ﺗﺘﻌﻤﻘﻴﻦ ﻳﻲ ﺭﺍﺡ ﺗﻌﺮﻓﻴﻦ ﺷﻠﻮﻥ ﺗﺘﺼﺮﻓﻴﻦ ﻭﻳﻪ ﻫﻴﺞ ﻣﻮﺍﻗﻒ
- ﺷﺘﺼﺮﻑ ﺍﻭﺍﻓﻖ ﻣﺜﻼ ﻫﻬﻬﻪ ﺷﺒﻴﻚ ﺍﻳﻮﺏ
- ﻣﻮ ﺗﻮﺍﻓﻘﻴﻦ ﻭﺍﻧﻤﺎ ﺗﺤﺘﺮﻣﻴﻦ ﻭﺗﺘﻼﻓﻴﻦ ﺍﻟﻤﻮﺿﻮﻉ ﺑﻄﺮﻳﻘﻪ ﺩﺑﻠﻮﻣﺎﺳﻴﻪ ﻭﻣﺎ ﺗﺮﺩﻳﻦ ﺑﻬﻴﺞ ﺗﺼﺮﻑ ..
ﻟﺠﻴﻦ -: ﻣﺴﺘﺤﻴﻞ ﺍﻳﻮﺏ ﻣﺎ ﺍﻛﺪﺭ ﺍﺑﻘﻰ
- ﺍﺫﺍ ﺩﻓﻌﻲ ﺍﻟﻐﺮﺍﻣﻪ ﻭﻃﻠﻌﻲ ..
.
ﻣﺼﻄﻔﻰ -: ﻟﺠﻴﻦ ﺍﻟﺤﻖ ﻭﻳﺎﺝ ﺻﺢ ﻣﻮﻗﻒ ﻣﻴﻨﺤﻤﻞ . ﺑﺲ ﺍﺻﺒﺮﻱ ﺑﺲ ﻫﺬﺍ ﺍﻻﺳﺒﻮﻉ ..
- ﻣﺼﻄﻔﻰ ﻣﺎ ﺍﻛﺪﺭ ﺍﻓﺘﻬﻤﻨﻲ
- ﺍﻓﺘﻬﻤﺞ ﻭﺍﻟﻠﻪ . ﺑﺲ ﻟﻮ ﻃﻠﻌﺘﻲ ﺭﺍﺡ ﻳﺼﻴﺮ ﺣﺠﻲ ﻭﺭﺍﺝ ﻭﻣﻤﻜﻦ ﺗﻜﺒﺮ ﻭﺗﻮﺻﻞ ﻟﻼﻋﻼﻡ ﻭﻳﺮﻭﺟﻬﺎ ﻫﻮ ﻟﺼﺎﻟﺤﻪ ﻭﻳﺸﻮﻩ ﺳﻤﻌﺘﺞ .. ﺻﻴﺮﻱ ﺫﻛﻴﻪ ﻭﻛﺴﺮﻱ ﻋﻴﻨﻪ ﻭﺍﺑﻘﻲ
ﻣﻮ ﻣﻴﺮﻳﺪ ﻳﺒﻄﻠﺞ . ﺭﺩﻳﻪ ﻭﺍﺑﻘﻲ ﺑﻘﻨﺎﺗﻪ ﻛﻤﻠﻲ ﺍﻟﺒﺮﻧﺎﻣﺞ ﻭﺍﻃﻠﻌﻲ ﻟﺘﺮﺟﻌﻴﻦ ﺣﺘﻰ ﻟﻴﺼﻴﺮ ﻛﻼﻡ ﻭﻻ ﺍﺑﺪ ..
ﺗﺨﻠﺺ ﺍﻟﻤﻮﺍﺿﻴﻊ ﻋﻠﻰ ﺧﻴﺮ ﻣﺤﺪ ﻳﻜﻮﻝ ﺍﻟﻤﻘﺪﻣﻪ ﻟﺠﻴﻦ ﺗﺮﻛﺖ ﺍﻟﺒﺮﻧﺎﻣﺞ ﻻﻥ ﺳﻮﺕ ﻛﺬﺍ ﻭﺍﻟﻜﻞ ﺭﺍﺡ ﻳﺼﻴﺮ ﻣﻊ ﺍﻟﻤﺪﻳﺮ .. ﻻﻥ ﻫﻮ ﺍﻻﻗﻮﻯ
ﺍﻳﻮﺏ -: ﺑﺎﻟﻀﺒﻂ .. ﻣﺼﻄﻔﻰ ﺩﻳﺤﺠﻲ ﺍﻟﺼﺤﻴﺢ . ﻭﺍﻣﺸﻲ ﺑﺎﻟﻠﻲ ﻛﺎﻟﻪ
- ﺑﻘﻴﺖ ﺻﺎﻓﻦ .. ﻫﻪ ﻭﺍﻟﻠﻪ ﻛﺎﻟﻬﺎ ﻣﺨﻠﺪ ﻭﺳﻂ ﻗﺬﺭ ﻣﺎ ﻳﻨﺎﺳﺒﻮﺝ . ﻛﺘﻠﻪ ﻻﺍﺍ ﻧﺎﺱ ﻭﺍﻋﻴﻦ ﻭﻣﺜﻘﻔﻴﻦ .. ﻛﻞ ﺿﻨﻲ ﻫﺸﻜﻞ
ﺍﻳﻮﺏ -: ﺗﺼﻴﺮ ﺗﺼﻴﺮ .. ﻳﻼ ﺍﻧﺘﻀﺮﺝ ﺑﺎﺟﺮ ﺍﻟﺴﺎﻋﻪ 1 ﺣﺘﻰ ﻧﻄﻠﻊ ﻟﻠﻨﺠﻒ .. ﺑﺲ ﻫﺎﺍﺍ ﺣﺎﻭﻟﻲ ﺗﻠﺒﺴﻴﻦ ﺣﺠﺎﺏ ﻭ ﺟﺒﻪ ﻻﻥ ﻫﻨﺎﻙ ﺯﻳﻬﻢ ﻋﺒﺎﻳﻪ ﻟﺰﻡ ﻣﻨﻜﻮﻥ ﺷﺎﺫﻳﻦ ﻭﻧﺤﺘﺮﻡ ﻋﺰﺍﺋﻬﻢ
- ﺗﺮﻛﺘﻬﻢ ﻭﻃﻠﻌﺖ .. ﺭﺟﻌﺖ ﻟﻠﺒﻴﺖ .. ﺳﻮﻟﻔﺖ ﻟﻤﺎﻣﺎ ﻛﺎﻟﺖ ﺷﻜﺪ ﻗﺬﺭﻳﻦ ﺗﺮﻛﻴﻬﻢ ﺧﻴﻮﻟﻮﻥ ..
- ﻛﺘﻠﻬﺎ ﺑﺲ ﺍﺧﻠﺺ ﺍﻟﺒﺮﻧﺎﻣﺞ ﻭﺍﺗﺮﻛﻬﻢ
ﺑﻴﻮﻣﻬﺎ ﺑﻠﻴﻞ ﻃﻠﻊ ﺍﻟﻤﺸﻬﺪ ﺍﻟﻤﺼﻮﺭﺗﻪ ﺑﺎﻟﻤﺴﻠﺴﻞ .. ﻣﻦ ﻛﺪ ﻣﺎ ﺍﻧﺸﻐﻠﺖ ﺑﺎﻟﻠﻲ ﺻﺎﺭ ﻧﺴﻴﺖ ﺍﻫﺘﻢ ﻟﻬﻞ ﻣﻮﺿﻮﻉ ..
ﺗﺴﺤﺮﺕ ﻭﻗﺮﻳﺖ ﻗﺮﺍﻥ ﻭﻧﻤﺖ .. ﻟﻠﺼﺒﺢ ﻛﻌﺪﺕ ﻋﻠﻰ ﺩﻙ ﺑﺎﺏ ﻏﺮﻓﺘﻲ ﺣﻴﻞ ﻭﻣﺨﻠﺪ ﻳﺼﻴﺢ ﻛﻌﺪﻳﻬﺎ ﻻ ﺍﻃﺐ ﺍﻛﺴﺮﻫﺎ ﻭﺍﻟﻠﻪ ..
ﻟﻔﻴﺖ ﻧﻔﺴﻲ ﺑﺠﺎﻛﻴﺖ .. ﻭﻓﺘﺤﺖ ﺍﻭﻝ ﻣﺎ ﻓﺘﺤﺖ ﺍﻟﺒﺎﺏ ﺿﺮﺑﻨﻲ ﺭﺍﺷﺪﻱ ..
ﻭﺩﻓﻌﻨﻲ ﻟﻠﻐﺮﻓﻪ ﻭﻃﺐ .. ﺍﺣﺲ ﺍﺫﻧﻲ ﺻﻔﺮﺕ .. ﻭﺍﻣﻲ ﺗﺼﻴﺢ ﻋﻠﻴﻪ ﺷﻨﻮ ﺗﻀﺮﺑﻬﺎ ..
ﻭﻫﻮ ﻳﺼﻴﺢ ﻛﻠﺘﻮﻟﻲ ﺑﺲ ﺑﺮﻧﺎﻣﺞ ﻭﻗﺒﻠﺖ ﺑﻲ .. ﺍﻧﻮﺏ ﺍﺗﻤﺜﻞ ﺩﻭﺭ ﻭﺣﺪﻩ ﺳﺎﻗﻄﻪ ﻭﺗﺮﺩﻭﻭﻭﻭﻭﻥ ﺍﺳﻜﺖ ..
ﺑﻘﺖ ﻣﺎﻣﺎ ﻭﻫﻮ ﻳﺘﺤﺎﺟﻮﻥ .. ﻭﻛﻞ ﺷﻮﻱ ﻳﺠﺮﻧﻲ ﻣﻦ ﺍﻳﺪﻱ ﻭﻳﻬﺰﻧﻲ ﻭﻳﻐﻠﻂ ﻭﻳﺴﺐ ..
ﺣﺠﻴﺖ ﻣﺎﻣﺎ .. ﺍﻟﻠﻪ ﻳﺨﻠﻴﺞ ﺍﺗﺮﻛﻴﻨﻲ ﺍﺣﺠﻲ ﻭﻳﺎﻩ .. ﻣﻦ ﻓﻀﻠﺞ .. ﺍﻧﻲ ﻫﺴﻪ ﺍﻓﻬﻤﻪ ..
ﻃﻠﻌﺖ .. ﺍﺧﺬﺕ ﻧﻔﺲ ﻭﻫﻮ ﻳﺼﻴﺢ ﺍﺣﺠﻲ ﺷﺴﻮﻳﺘﻲ ﻟﺞ ﺗﺮﺩﻳﻦ ﺗﻤﻮﺗﻴﻨﻲ ﺍﻧﺘﻴﻴﻴﻴﻴﻴﻲ
- ﻣﺨﻠﺪ .. ﺍﺭﺟﻮﻙ ﺍﺳﻤﻌﻨﻲ .. ﺍﻧﻲ ﺍﻛﺒﺮ ﻏﺒﻴﻪ ﻻﻥ ﻣﻤﺸﻴﺖ ﺑﺤﺠﻴﻚ ﻭﺍﻟﻠﻪ ..
- ﻫﺎﺍﺍﺍﺍﺍﺍﻩ ﻫﺴﻪ ﺗﻌﺘﺮﻓﻴﻦ ...
- ﺗﻘﺮﺑﺖ ﺍﺧﺬ ﺍﺩﻳﻪ .. ﺑﺲ ﺍﺳﻤﻌﻨﻲ ﺍﺣﺠﻴﻠﻚ
- ﺟﺮ ﺍﺩﻳﻪ ﻣﺎﻛﻮ ﺍﻱ ﺣﺠﻲ ﺍﺗﺮﻛﻴﻦ ﻓﻮﻭﻭﻭﻭﻭﺭﺍ
- ﻣﻮ ﺍﻫﻨﺎ ﺍﻟﻤﺸﻜﻠﻪ ﻣﺎ ﺍﻛﺪﺭ ﺍﺗﺮﻙ ..
- ﻏﺮﺍﻣﻪ ﺍﻧﻲ ﺍﺩﻓﻌﻬﺎ ﺑﺲ ﺍﺗﺮﻛﻲ ..
- ﻳﺎﺭﻳﺖ ﻟﻮ ﺍﻛﺪﺭ ﺍﺗﺮﻙ ﻣﺨﻠﺪ .. ﺑﺲ ﺍﻓﻬﻤﻨﻲ .. ﺣﺠﺒﺖ ﻫﻴﺞ ﻟﻮ ﻋﻴﻮﻧﻪ ﻭﻛﻔﻦ ﺑﺎﻟﻄﻮﻝ .. ﻭﻳﻜﻠﻲ ﺷﻤﺼﺨﻤﻪ ﻭﻣﺎ ﺗﻜﺪﺭﻳﻦ ﺍﺗﺮﻛﻴﻦ ﺍﺣﺠﻴﻴﻴﻴﻴﻴﻲ
- ﺗﻮﻋﺪﻧﻲ ﻣﺘﻌﺼﺐ
- ﻭﻟﺠﺠﺠﺞ ﺍﺣﺠﻴﻴﻴﻴﻲ
- ﻣﺎ ﺍﺣﺠﻲ ﻭﺍﻟﻠﻪ ﺍﻻ ﺗﻜﻌﺪ ﻭﺗﻬﺪﺉ ﻭﺗﻮﻋﺪﻧﻲ ﻣﺘﻌﺼﺐ .. ﻻﻥ ﺍﻋﺮﻑ ﻧﻔﺴﻲ ﻏﻠﻄﺎﻧﻪ
.
ﺍﺩﻭﺭ ﺗﻜﻮﻝ ﻏﻠﻄﺎﻥ ﺟﺮ ﺍﻳﺪﻱ ﻭﻟﺞ ﺷﻤﺴﻮﻳﻪ ﺍﺣﺠﻲ ..
ﺳﻜﺘﺖ ﻣﺎ ﺣﺠﻴﺖ ..
- ﺍﻧﻌﻞ ﺣﺘﻰ ﺍﻟﻴﻮﻡ ﺍﻟﺸﻔﺘﺞ ﺑﻴﻪ ﻳﺎ ﻛﻠﺒﻪ ﻭﻫﺎﻱ ﻛﻌﺪﺕ ﺗﻌﺎﻱ ﺍﺣﺠﻲ ﻻ ﺭﺍﺳﺞ ﺍﻛﺴﺮﻩ
- ﺍﻭﻋﺪﻧﻲ
- ﺷﻠﻮﻥ ﺭﺍﺡ ﺍﻛﺴﺮﻫﺎ ﻭﻣﺤﻤﺪ .
- ﻣﺮﺍﺡ ﺍﻛﺪﺭ ﺍﺣﺠﻲ ﻭﺍﻧﻲ ﺧﺎﻳﻔﻪ ﻣﻨﻚ ﺍﻭﻋﺪﻧﻲ ..
- ﺍﻧﺘﻲ ﺗﺨﺎﻓﻴﻦ ﻳﺎ ... ﺍﺧﺨﺦ ﻣﻨﻚ ﻳﻠﺴﺎﻧﻲ ﺍﺳﺘﻐﻔﺮﻙ ﺭﺑﻲ . ﻭﻟﺞ ﻫﺪﻳﺖ ﺑﺲ ﺍﺣﺠﻲ ﻣﻮﺗﻴﻨﻲ .
- ﻛﻌﺪﺕ ﻛﺒﺎﻟﻪ .. ﻭﺣﺠﻴﺘﻠﻪ ﻛﻠﺸﻲ ﻟﻮ ﻛﺎﻡ ﻳﻔﻮﺭ ﻭﻳﺴﺐ ﻭﻳﻐﻠﻂ ﻭﻳﺮﻳﺪ ﻳﻬﺪ ﻋﻠﻰ ﺍﻟﻘﻨﺎﺓ ..
- ﻟﺰﻣﺖ ﺍﺩﻳﻪ ﻓﺪﻭﻩ ﻟﺨﺎﻃﺮﻱ ... ﺑﺲ ﻫﺎﻱ ﺍﻻﻳﺎﻡ ﻭﺍﻟﻠﻪ .
- ﺍﺫﺑﺤﺞ ﻭﺻﻞ ﻟﻮ ﻋﺪﻳﺘﻲ ﺍﻟﺒﺎﺏ ﻛﻠﺒﺒﺒﺒﺒﺒﺒﺒﻪ
- ﺑﺲ ﺑﻬﻴﺞ ﺭﺍﺡ ﺍﻓﻀﺢ ﻧﻔﺴﻲ ﻭﻣﻤﻜﻦ ﻳﺴﺘﻐﻞ ﻫﻠﺸﻲ ﻭﻳﻜﻮﻝ ﺍﻟﻤﻘﺪﻣﻪ ﻟﺠﻴﻦ ﻫﻴﺞ ﺳﻮﺕ ﻭﻃﺮﺩﻧﺎﻫﺎ ﻣﺤﺪ ﻳﻜﻮﻝ ﺍﻧﺴﺤﺒﺖ ..
- ﻫﻮ ﻛﺘﻠﻪ ﻟﻮ ﻛﺎﻡ ﻳﺸﻴﻞ ﺭﻭﺣﻬﺎ ﻭﻳﺼﺮﺥ ﻭﻳﻀﺮﺏ ﻭﻳﺸﻴﻞ ﺍﻟﻐﺮﺍﺽ ﻭﻳﺸﻤﺮ .. ﺍﺧﺮ ﺷﻲ ﻓﺤﻂ ﺣﻴﻞ ﺷﺮﺏ ﻣﻲ ﻭﻳﻜﻠﻲ ﻫﺎﻱ ﻓﻄﺮﺕ ﻣﻦ ﻭﺭﺍﺝ ﻭﺑﺬﻣﺘﺞ ﺍﻥ ﺷﺎﺀﺍﻟﻠﻪ ..
- ﺍﺑﺘﺴﻤﺖ ﻭﻛﺘﻠﻪ ﻣﺎﺷﻲ ..
- ﻭﺗﻀﺤﻜﻴﻦ .. ﺗﻀﺤﻜﻴﻦ ﻋﻠﻴﻪ ﻣﻀﺤﻜﻪ ﻋﻨﺪﺝ ﺍﻧﻴﻴﻴﻲ
- ﻟﻚ ﻳﺎ ﻋﻴﻨﻲ ﻣﻮ ﻫﻴﺞ ﺑﺲ ﺍﻓﻬﻢ .. ﻋﻤﻲ ﺍﺳﻔﻪ ﺑﺲ ﺍﻫﺪﺀ .. ﺣﺘﻰ ﺍﻃﻠﺐ ﻣﻨﻚ ﻃﻠﺐ ..
- ﻭﻫﻮ
- ﺍﺫﺍ ﻣﺎ ﻋﻨﺪﻙ ﺷﻲ ﺗﺮﻭﺡ ﻭﻳﺎﻳﻪ ﻟﻠﻨﺠﻒ .. ﺧﻞ ﻳﻌﺮﻓﻮﻥ ﻋﻨﺪﻱ ﺍﺑﻦ ﻋﻢ ﺿﺎﺑﻂ ﺣﺘﻰ ﺷﻮﻱ ﻳﺨﺎﻓﻮﻥ ﻭﻳﺤﺴﺒﻮﻟﻲ ﺍﺣﺴﺎﺏ
- ﺭﺍﻳﺤﻪ ﺗﺘﺒﺎﻫﻴﻦ ﺑﻴﻪ ﻣﻮﻭﻭ .. ﻟﺞ ﺍﻧﺘﻲ ﺑﺲ ﻭﻗﺖ ﻣﺼﻠﺤﺘﺞ ﺗﺠﻴﻨﻲ ﺍﻛﺒﺮ ﻭﺣﺪﻩ ﻣﻠﻌﺒﻪ ﺑﺎﻟﺪﻧﻴﺎ ﻭﺍﻟﻠﻪ
- ﺍﻭﻙ ﻣﻠﻌﺒﻪ ﺑﺲ ﻛﻮﻟﻲ ﺗﺮﻭﺡ ﻟﻮ ﻻ
- ﻃﺒﻌﺎ ﺍﺭﻭﺡ ﻭﺍﻛﺴﺮ ﺭﺟﻠﺞ ﺍﺫﺍ ﻋﺪﻳﺘﻲ ﺧﻄﻮﻩ ﻭﺣﺪﻩ ﻭﻱ ﺫﻭﻟﻪ ﺍﻟﻤﺴﻘﻄﻴﻦ ﻭﺣﺪﺝ ..
- ﺍﻭﻙ ﻟﻌﺪ ﺍﻛﻮﻡ ﺍﺳﺒﺢ ﺣﺘﻰ ﺍﺣﻈﺮ ﻧﻔﺴﻲ ﺑﻌﺪ ﺍﻟﺼﻼﺓ ﻧﻄﻠﻊ ﺍﻧﺰﻝ ﺍﻧﺘﻀﺮﻧﻲ ﺟﻮﻩ ﻣﺎﺷﻲ
- ﺍﻱ ﺍﺷﺘﻐﻞ ﻋﺪ ﺍﻟﺨﻠﻔﻮﺝ ﻭﺍﻧﺘﻀﺮﺝ .. ﺗﻒ ﻋﻠﻴﺞ ﻭﻋﻠﻰ ﺍﻟﻴﻮﻡ ﺍﻟﺸﻔﺘﺞ ﺑﻲ ﻳﺎ ﻛﻠﺒﻪ ..
ﻃﻠﻊ ﻣﻦ ﺍﻟﻐﺮﻓﻪ ﻭﺍﻻﻋﺼﺎﺏ ﻧﺎﺭ ﻭﻳﺼﻴﺢ ﻓﻄﺮﺕ ﻣﻦ ﻭﺭﺍﻫﺎ ﺍﻟﻠﻪ ﻻ ﻳﻨﻄﻴﻬﺎ
- ﻫﺰﻳﺖ ﺭﺍﺳﻲ .. ﺍﺳﺘﻐﻔﺮﻙ ﺭﺑﻲ .. ﺭﺣﺖ ﻟﻠﺤﻤﺎﻡ ﺳﺒﺤﺖ ﻭﺍﻧﺘﻀﺮﺕ ﺍﻟﺼﻼﺓ ﻛﻤﻠﺖ ﻟﺒﺴﺖ ﻭﻃﻠﻌﺖ
ﻧﺰﻟﺘﻠﻪ ﻣﺘﻤﺪﺩ ﺻﻔﺢ ﻋﻠﻰ ﺍﻟﻘﻨﻔﻪ ﺑﺎﻻﺳﺘﻘﺒﺎﻝ ﻛﺪﺍﻡ ﺍﻟﻤﻜﻴﻒ .. ﻟﻜﻴﺘﻪ ﻏﺎﻓﻲ .. ﺭﺣﺖ ﻻﻣﻲ .. ﻫﺎ
- ﻭﺟﻌﺎ ﻳﺎ ﻫﺎﺍﺍ ﺷﻬﺮﻧﺎ ﺑﺼﻮﺗﻪ ﻭﺍﻟﻐﻠﻂ ﻣﺎﻟﺘﻪ ﻟﺴﺎﺑﻊ ﺟﺎﺭ ..
- ﻳﻼ ﻣﺎﻣﺎ ﺍﻧﻲ ﻳﻤﻜﻦ ﺍﺭﺟﻊ ﺍﻟﻔﺠﺮ ﺑﺎﺟﺮ ﻛﻠﺖ ﺍﻟﺒﺎﺑﺎ .. ﻭﺍﻧﺘﻲ ﻛﻮﻟﻴﻠﻪ ﻣﺨﻠﺪ ﻭﻳﺎﻫﺎ
- ﺣﻴﺮﻭﺡ ﻭﻳﺎﺝ
- ﺍﻱ
- ﺑﻌﺪ ﺍﺣﺴﻦ .. ﻋﻠﻰ ﺍﻻﻗﻞ ﻭﻳﺎﺝ ﻭﺍﺣﺪ .. ﻫﻢ ﺯﻳﻦ ﻳﻼ ﻣﺎﻣﺎ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ
ﺭﺣﺖ ﻟﻼﺳﺘﻘﺒﺎﻝ ﺑﻌﺪﻩ ﻏﺎﻓﻲ .. ﻣﺪﻳﺖ ﺍﻳﺪﻱ ﻭﻟﺰﻣﺖ ﺷﻌﺮﺍﻳﻪ ﻋﻠﻰ ﻛﻴﻴﻴﻒ .. ﻭﺟﺮﻳﺘﻬﺎ ﻛﻄﻌﺘﻬﺎ ﻣﻦ ﺭﺍﺳﻪ ..
.
ﻛﻤﺰ ﻛﻤﺰﻩ .. ﻫﻲ ﻓﺰﻩ ﻫﻲ ﺳﺤﺒﺔ ﺍﺳﻼﺡ ﺑﻮﺟﻬﻲ ..
- ﺑﻨﺖ ﺍﻟﻜﻠﺐ ﻫﻮ ﻫﻴﺞ ﺍﻟﻴﻜﻌﺪﻭﻥ
- ﺍﻧﺘﻪ ﻟﻴﺶ ﺗﺴﺐ ﺍﺑﻮﻳﻪ ﻏﻴﺮ ﻋﻤﻚ .. ﻛﺎﻡ ﻋﻠﻰ ﺣﻴﻠﻪ ﻭﺧﻠﻪ ﺍﺳﻼﺣﻪ ﺑﻀﻬﺮﻩ ﻭﺣﺠﻪ .
- ﺧﺮﺏ ﻋﻤﻲ ﻫﻮ ﻟﻮ ﺑﻲ ﺧﻴﺮ ﺟﺎﻥ ﻣﺎ ﺟﺎﺏ ﻣﺜﻠﺞ
- ﻣﺎ ﺍﺳﻤﺤﻠﻚ ﺗﺘﺠﺎﻭﺯ ... ﺧﺎﺻﻪ ﻋﻠﻰ ﺑﺎﺑﺎ .. ﻏﻤﻨﻲ 👐 ﻭﻳﻜﻮﻟﻲ ﻋﻠﻴﺞ ﻭﻋﻠﺨﻠﻔﺞ
- ﺍﺳﺘﻐﻔﺮ ﺍﻟﻠﻪ ﻳﺮﺑﻲ .. ﻃﺒﻌﺎ ﻫﻮ ﻫﺬﺍ ﻃﺒﻌﻪ ﻣﻮ ﺑﺲ ﻋﻠﻰ ﺍﺑﻮﻳﻪ ﻭﺍﻛﻊ ﻟﻠﻌﺎﻟﻢ ﺳﺐ .. ﻟﻮ ﺑﺰﻭﻧﻪ ﺗﻔﻮﺕ ﻣﻦ ﻳﻤﻪ ﻳﺴﺒﻬﺎ ..
ﺭﺍﺡ ﻏﺴﻞ ﻭﺟﻬﻪ .. ﻭﻣﺴﺢ ﺷﻌﺮﻩ ﻟﻮﺭﻩ .. ﻭﺍﺟﻪ ﺑﺎﻭﻋﻠﻲ ﻣﻦ ﻓﻮﻙ ﻟﺠﻮﻩ ﻳﺘﻔﻘﺪ ﻟﺒﺴﻲ ﺧﺎﻑ ﺑﻲ ﺷﻲ ﻭﻛﺎﻝ ﺷﻌﺠﺐ ﻻﺑﺴﻪ ﺣﺠﺎﺏ ..
- ﻏﻴﺮ ﺭﻣﻀﺎﻥ .. ﺍﻛﻮﻝ ﺻﺪﻙ ﺍﻧﺘﻪ ﻣﺴﺎﻋﻪ ﻣﻦ ﺍﺟﻴﺖ ﻟﻐﺮﻓﺘﻲ ﻟﺒﺴﺖ ﻛﺪﺍﻣﻚ ﻟﻮ ﻻ .. ﻳﺎ ﺑﺲ ﻻ ﻧﺴﻴﺖ ﺧﺮﺭﺭﺏ ﺻﻴﺎﻣﻲ ..
ﺑﺎﻭﻋﻠﻲ ﻭﻫﺰ ﺍﻳﺪﻩ ﻭﺿﺤﻚ ..
ﻭﻳﻜﻮﻝ ﻣﻘﺒﻮﻝ ﺻﻴﺎﻣﺞ ﻡ ******
- ﺍﺳﺘﻐﻔﺮ ﺍﻟﻠﻪ ﺭﺑﻲ .. ﻫﺰﻳﺖ ﺭﺍﺳﻲ ﺩﻛﻮﻡ ﻳﻼ .. ﻃﻠﻌﻨﺎ ﺍﻧﻲ ﻭﻳﺎﻩ .. ﺭﺣﺖ ﻭﻳﺎﻩ ﻟﻠﻘﻨﺎﺓ .. ﻣﺎ ﻗﺒﻞ ﻧﺪﺧﻞ ﻳﻜﻮﻝ ﺧﻞ ﻫﻢ ﻳﻄﻠﻌﻮﻥ .
ﻭﻓﻌﻼ ﻃﻠﻌﻮ .. ﺻﻌﺪﻧﺎ ﺍﻟﺴﻴﺎﺭﻩ ﻛﻌﺪﺕ ﻳﻢ ﺍﻟﺠﺎﻡ ﺍﻭﻝ ﺻﻒ ﻛﺮﺳﻲ ﻭﻫﻮ ﻳﻤﻲ .. ﻣﺸﻴﻨﺎ .. ﺑﺎﻟﻄﺮﻳﻖ ﺍﺗﺼﻞ ﻣﺎﻟﻚ .. ﺩﻭﻟﻲ ..
ﺑﺎﻭﻉ ﻟﻼﺗﺼﺎﻝ ﺑﻜﻞ ﺣﺸﺮﻳﻪ .. ﻣﻨﻮ ..
- ﺍﺍﺍ ﺭﻗﻢ ﻏﺮﻳﺐ
- ﺍﻧﻄﻴﻨﻲ ﺍﺭﺩ ﻋﻠﻴﻪ ﻫﺬﺍ ﺩﻭﻟﻲ ..
- ﺍﺗﺮﻛﻪ ﺷﻜﻮ ﺗﺮﺩ .. ﺧﻠﺺ ﺍﻻﺗﺼﺎﻝ . ﻗﻔﻠﺖ ﺍﻟﺠﻬﺎﺯ ﺣﺘﻰ ﻻ ﻳﺒﻘﻰ ﻳﺪﻙ ﻭﻳﺸﻚ ..
ﻭﺻﻠﻨﺎ ﻟﻠﻨﺠﻒ .. ﻛﺘﻠﻪ ﺑﺲ ﻧﻨﺰﻝ ﺍﺷﺘﺮﻱ ﺻﺎﻳﻪ ﺳﻮﺩﻩ ﺍﻟﺒﺴﻬﺎ .. ﻣﺎ ﺣﺠﻪ ﺭﺣﻨﺎ ﺍﺧﺘﺎﺭﻳﻨﻪ ﺍﻟﺼﺎﻳﻪ .. ﻭﻟﺒﺴﺘﻬﺎ
ﻭﻋﺪﻟﺖ ﺍﻟﺤﺠﺎﺏ .. ﻭﺩﺭﺗﻠﻪ .. ﻫﺎ ﺷﻠﻮﻧﻲ ..
- ﻫﻴﺞ ﻭﺻﻴﺮﻱ ﺣﻠﻮﻩ ﻣﺜﻞ ﺍﻟﻨﺴﻮﺍﻥ ﺷﺒﻴﺞ ﻳﺤﻈﻴﻴﻲ .. ﻓﺎﻟﻪ ﺷﻌﺮﺝ ﻭﻣﺨﻠﻴﻪ ﺍﻟﻬﻮﻯ ﻳﻠﻌﺐ ﺑﻲ ﺑﻜﻴﻔﻪ ..
- ﺍﻛﻮﻟﻚ ﺍﻧﺘﻪ ﺣﺘﻰ ﻣﻦ ﺍﻟﻬﻮﻯ ﺗﻐﺎﺭ ..
- ﻭﺍﻟﻠﻪ ﻭﻣﺤﻤﺪ ﻟﻮ ﺑﻴﺪﻱ ﺍﻛﻌﺪﺝ ﺑﻤﻜﺎﻥ ﺣﺘﻰ ﺍﻟﻬﻮﻯ ﻣﻴﻤﺮﺝ
- ﻣﺘﺸﻮﻑ ﻣﺎ ﺍﺭﻳﺪﻙ ﺣﺘﻰ ﻻ ﺍﺻﻴﺮ ﺑﻴﺪﻙ ﻭﺗﻜﻄﻊ ﺍﻟﻬﻮﻯ ﻋﻠﻴﻪ ﻭﺍﻣﻮﺕ .. ﺷﻨﻮ ﻣﺎ ﺭﺍﻳﺪﻩ ﺭﻭﺣﻲ
- ﻫﺰ ﺭﺍﺳﻪ ﻭﻣﺸﻰ ﻣﺎ ﺣﺠﻪ .. ﻃﻠﻌﺖ ﻭﺭﺍﻩ .. ﻭﺭﺣﺖ ﻭﻛﻔﺖ ﻭﻱ ﻣﺼﻄﻔﻰ ﻧﺤﺠﻲ ﻋﻠﻰ ﺍﻟﺒﺮﻧﺎﻣﺞ .. ﻭﻣﺨﻠﺪ ﻭﺍﻛﻒ ﻭﻳﺎﻧﻪ ..
ﺑﺲ ﺩﺍﻳﺮ ﻭﺟﻬﻪ ﻣﻦ ﻋﺪﻧﺎ .. ﺍﻟﺤﻤﺪﻟﻠﻪ ﺍﻃﻤﺌﻦ ﻟﻤﺼﻄﻔﻰ ﻭﻛﻌﺪ ﻳﺤﺠﻲ ﻭﻳﺎﻩ ﻭﻳﺠﺎﺭﻱ ﺑﺎﻟﻜﻼﻡ .. ﻻﻥ ﻣﺼﻄﻔﻰ ﻣﺤﺒﻮﺏ ..
ﺑﻌﺪ ﺍﻟﻔﻄﻮﺭ .. ﺍﺧﺬﺕ ﺟﻮﻟﻪ ﺑﺎﻟﺘﺼﻮﻳﺮ ﺑﺸﺎﺭﻉ ﺍﻻﻣﺎﻡ ﻭﺍﺟﺮﻳﺖ ﻟﻘﺎﺀﺍﺕ ﻣﻊ ﻋﺪﺓ ﻧﺴﺎﺀ ﻭﺍﺳﺘﻘﺒﻠﻨﺎ ﺗﻌﺎﺯﻳﻬﻢ ..
ﺭﻏﻢ ﺍﻟﺴﻮﺍﺩ ﻭﺍﻟﺤﺰﻥ ﺑﺲ ﺟﺎﻧﺖ ﺍﺟﻮﺍﺀ ﺣﻠﻮﻩ .. ﻛﻤﻠﻨﺎ ﺗﺼﻮﻳﺮ ﻭﻛﻌﺪﻧﺎ ﻧﺤﻴﻲ ﻟﻴﻠﺔ ﺍﻟﻘﺪﺭ .. ﺑﻘﻴﺖ ﻟﻠﺴﺤﻮﺭ ﺍﻗﺮﻯ ﻗﺮﺍﻥ ﻭﻣﺨﻠﺪ ﺗﻤﺪﺩ ﻭﻧﺎﻡ ﻳﻤﻲ ﻋﻠﻰ ﺟﻨﻄﺘﻲ ..
ﻟﺤﺪ ﻣﺎ ﺻﺎﺭ ﻭﻗﺖ ﺍﻟﺴﺤﻮﺭ .. ﻛﻌﺪﺗﻪ ﻭﺭﺣﻨﺎ ﺍﻛﻠﻨﺎ ﻣﺎ ﻗﺒﻞ ﺍﻛﻞ ﻭﻱ ﺍﻟﻜﺎﺩﺭ .. ﺍﺷﺘﺮﺍﻟﻲ ﻟﻔﺔ ﺟﺒﻦ ﻋﺮﺏ ﻭﺍﻟﻪ ﺷﻮﺭﺑﻪ ﻭﻛﻼﺻﻴﻦ ﺟﺎﻱ
.
ﻛﻤﻠﻨﺎ ﺍﻟﺼﻼﺓ ﻭﻃﻠﻌﻨﺎ ﻟﺒﻐﺪﺍﺩ .. ﻻﺯﻡ ﻧﻮﺻﻞ ﻗﺒﻞ ﺍﺫﺍﻥ ﺍﻟﻀﻬﺮ ﺣﺘﻰ ﻻ ﻳﺒﻄﻞ ﺻﻴﺎﻣﻨﻪ .. ﺧﻠﺼﺖ ﺍﻟﺴﻴﺎﺭﻩ ﺑﺲ ﻧﻮﻡ .. ﻣﻦ ﺍﻟﺘﻌﺐ
ﻭﺻﻠﻨﺎ ﻟﻠﻘﻨﺎﺓ ﻧﺰﻟﻨﻪ ﻭﺍﺧﺬﻧﻪ ﺗﻜﺴﻲ ﻟﻠﺒﻴﺖ .. ﺩﺧﻠﺖ ﺷﻔﺖ ﻣﺎﻣﺎ .. ﺻﺤﺖ ﻭﺝ ﻣﺎﻣﺎ ﻣﺘﺖ ﺗﻌﺐ ﻣﺘﺖ
ﻣﺨﻠﺪ -: ﻣﺎﺗﺖ ﺗﻌﺐ ﻭﻫﻲ ﺍﻟﻄﺮﻳﻖ ﻛﻠﻪ ﺗﺸﺨﺮ ﺑﺄﺫﻧﻲ
- ﺍﻟﺘﻔﺘﺘﻠﻪ ﻫﺎﻱ ﺍﻧﻲ
- ﻻ ﻋﻈﻤﺔ ﺍﺫﺍﻧﻲ
- ﻛﺬﺍﺏ ﻣﺎ ﺍﺷﺨﺮ .. ﻗﺎﺑﻞ ﻣﺜﻠﻚ ﺍﻧﻲ ﻧﺎﻳﻢ ﺑﺎﻟﺸﺎﺭﻉ ﻭﺗﺸﺨﺮ
- ﺍﻧﻲ ﺭﺟﺎﻝ ﻣﺎ ﻋﻠﻴﻪ .. ﺍﻻ ﺍﻧﺘﻲ ﺍﻟﺨﻠﻴﺘﻲ ﺍﻟﻜﺎﺩﺭ ﻣﺎﻟﺘﺞ ﻛﻠﻪ ﻳﻀﺤﻚ ﻭﻳﺼﻨﻒ ﻋﻠﻰ ﻧﻐﻤﺔ ﺷﺨﻴﺮﺝ
- ﻻ ﻻ ﺻﺪﻙ
- ﺍﻱ ﻭﺩﺍﻋﺘﺞ .. ﻭﻳﻀﺤﻚ
- ﺟﺬﺍﺏ ﻭﺍﻟﻠﻪ ﻣﺪﺍﻡ ﺿﺤﻜﺖ
- ﺑﻜﻴﻔﺞ ﺑﻌﺪ ﺍﻟﻌﻠﻴﻪ ﻧﺒﻬﺘﺞ ..
- ﺷﻮﻛﺖ ﺗﻠﺘﺤﻖ
- ﺗﺮﺩﻳﻦ ﺗﺨﻠﺼﻴﻦ ﻣﻨﻲ؟
- ﺍﻱ .. ﻭﻋﻴﺒﺘﻠﻪ
- ﻫﺰ ﺭﺍﺳﻪ ﻭﺭﺍﺡ ﺗﻤﺪﺩ ﻋﻠﻰ ﺍﻟﻘﻨﻔﻪ ﻭﻧﺎﻡ ..
- ﺭﺣﺖ ﻻﻣﻲ ﺍﺳﻮﻟﻔﻠﻬﺎ .. ﻛﺎﻟﺖ ﻛﻮﻥ ﻋﻘﺪﻫﺎ .. ﻛﺘﻠﻬﺎ ﻻ ﻻ ﺍﺑﺪ ﺗﻌﺠﺒﺖ ﻣﺎ ﺍﺷﺘﻐﻞ ﻋﻘﺪﻩ ﺍﺑﺪ . ﺟﺎﻥ ﻫﺎﺩﺉ
- ﺍﻱ ﺣﻘﻪ ﺗﻌﺐ ﺍﻟﺼﺒﺢ ﻣﻦ ﺍﻟﺼﻴﺎﺡ
- ﻫﻬﻬﻬﻬﻬﻪ ﻳﻤﻜﻦ ..
- ﻧﺨﺎﺑﺮ ﻋﻠﻴﺞ ﻣﺎﻛﻮ ﻟﻴﺶ ﻣﻐﻠﻖ
- ﻏﻠﻘﺖ ﺟﻬﺎﺯﻱ .. ﺫﻛﺮﺗﻴﻨﻲ ﺧﻞ ﺍﻓﺘﺤﻪ .. ﺟﺮﻳﺖ ﺟﻨﻄﺘﻲ ﺍﺧﺬﺕ ﺍﻟﺠﻬﺎﺯ ﻭﻓﺘﺤﺘﻪ
- ﺧﺎﺑﺮ ﺍﺑﻮﺝ ﻋﻠﻰ ﻣﺨﻠﺪ .. ﻛﺎﻟﻪ ﺩﺗﺸﺘﻐﻞ ﺍﻟﻔﺠﺮ ﻧﺠﻲ ..
- ﺍﻱ ﺟﻨﺖ ﺍﺻﻮﺭ .. ﺑﺲ ﻳﻮﻡ ﺍﺷﻮﻭﻭﻥ ﺍﺟﻮﺍﺀ ﺗﺨﺒﻞ ﻭﻟﻴﻠﺔ ﻗﺪﺭ .. ﺑﺲ ﻣﺎ ﺩﺧﻠﺖ ﺯﺭﺕ ﺍﺯﺩﺣﺎﻡ ..
- ﺍﻧﻲ ﺣﻴﺖ ﻟﻴﻠﺔ ﺍﻟﻘﺪﺭ ﺑﻮﺣﺪﻱ ﻭﺍﻟﻠﻪ ﻫﻨﺎ .. ﻗﺮﻳﺖ ﻗﺮﺍﻥ ﻭﺻﻼﺓ ﻣﺌﺔ ﺭﻛﻌﻪ .. ﻟﺤﺪ ﻣﺎ ﻃﻠﻊ ﺍﻟﻔﺠﺮ ﻣﺎ ﺣﺴﻴﺖ ﻧﻤﺖ ﺑﺴﺎﻉ ﻛﻌﺪﺕ ﻟﺮﻳﻮﻙ ﺍﺑﻮﺝ .
- ﺍﺭﻭﺡ ﺍﺭﺗﺎﺡ ﻣﻴﺘﻪ .. ﻣﺪﻳﺖ ﺭﺍﺳﻲ ﻟﻼﺳﺘﻘﺒﺎﻝ ﻣﺨﻠﺪ ﺑﺴﺎﺑﻊ ﻧﻮﻣﻪ .. ﺗﺮﻛﺘﻪ ﻭﺻﻌﺪﺕ ..
ﺧﺎﺑﺮﺕ ﻣﺎﻟﻚ .. ﻣﺎ ﺭﺩ .. ﺗﺮﻛﺘﻪ ﻭﺭﺣﺖ ﺳﺒﺤﺖ ﻭﺍﺟﻴﺖ ﻟﻜﻴﺘﻪ ﻣﺨﺎﺑﺮ ﻣﺮﺗﻴﻦ .. ﺧﺎﺑﺮﺕ .. ﺭﺩ ..
- ﺍﻟﻮﻭ
- ﻟﺞ ﺍﻟﻮ ﻗﻠﺒﻲ ﺍﻟﻮ ﻧﺒﻀﻲ ﺍﻭﻭﻭﻑ ﻟﺞ ﺷﺎﻳﻔﻪ ﻫﺎﻱ ﺍﻟﺪﻧﻴﺎ ﻛﻠﻬﺎ .. ﺗﺮﻭﺡ ﻓﺪﻭﻩ ﻟﺼﻮﺗﺞ .. ﺍﻣﻮﻭﻭﻭﺕ ﻋﻠﻴﺞ ﺍﻋﺸﻘﺞ
- ﻫﻠﻠﻪ ﻫﻠﻠﻪ ﻫﻠﻜﺪ ﻣﺸﺘﺎﻗﻠﻲ
- ﻟﺞ ﻳﻮﻡ ﻣﺎ ﺳﻤﻌﺖ ﺻﻮﺗﺞ ﺍﺣﺲ ﺟﻨﻴﺖ .. ﺍﺗﺼﻞ ﻭﻣﺎﻛﻮ ﻟﻴﺶ ﺣﺒﻴﺒﻲ .. ﻛﻠﺒﺞ ﻳﻨﻄﻴﺞ ﺗﻌﻮﻓﻴﻨﻲ ﻟﺘﻤﻮﺗﻴﻨﻲ ﺑﺘﻞ ﺑﺘﻞ
- ﻫﻬﻬﻬﻪ ﻻ ﻭﺍﻟﻠﻪ ﺣﺒﻴﺒﻲ ﻣﻮ ﻫﻴﺞ .. ﺑﺲ ﺟﻨﺖ ﻣﺴﺎﻓﺮﻩ ﻟﻠﻨﺠﻒ .. ﺗﻌﺮﻑ ﺗﻐﻄﻴﻪ ﻟﻴﻠﺔ ﺍﻟﻘﺪﺭ ﻭﻭﻓﺎﺓ ﺍﻻﻣﺎﻡ ﻋﻠﻲ ﻛﺮﻡ ﺍﻟﻠﻪ ﻭﺟﻬﻪ .. ﻓﺮﺣﻨﺎ ﻧﺼﻮﺭ ﻫﻨﺎﻙ ..
- ﻫﻤﻤﻢ ﺑﺲ ﺣﻴﺎﺗﻲ ﺍﻏﺎﺭ ﺗﻠﺘﻬﻴﻦ ﺑﺸﻐﻠﺞ ﻭﺗﻨﺴﻴﻨﻲ
- ﻻ ﺣﻴﺎﺗﻲ ﻭﺍﻟﻠﻪ ﻣﻨﺎﺳﻴﺘﻚ ﺍﺻﻼ ﻫﻨﺎﻙ ﻭﺗﺬﻛﺮﺗﻚ .. ﺍﺑﺎﻭﻉ ﺑﻠﻮﺟﻮﻩ ﻫﻮﺍﻳﻪ ﺗﻤﻨﻴﺖ ﺍﻧﺘﻪ ﺑﻴﻨﻬﻢ ﻭﻟﺸﻮﻓﻚ ﻻﻥ ﺻﺪﻭﻙ ﻣﺸﺘﺎﻗﺘﻠﻚ ..
.
ﻻ ﻟﺘﺸﻮﻓﻴﻨﻲ ﻫﻨﺎﻙ .. ﺍﺑﺪ ﻣﺎ ﺍﺣﺐ ﻫﻴﺞ ﺍﻣﺎﻛﻦ
- ﺑﺎﻟﻌﻜﺲ ﺍﺟﻮﺍﺀ ﺍﻳﻤﺎﻧﻴﻪ ﺭﻣﻀﺎﻧﻴﻪ ﻛﻮﻟﺶ ﺣﻠﻮﻩ
- ﺍﻣﻤﻤﻢ ﺭﺃﻳﺞ .. ﻭﺍﻟﺮﺃﻱ ﻻ ﻳﻔﺴﺪ ﻟﻠﻮﺩ ﻗﻀﻴﻪ .
- ﻫﻬﻬﻬﻪ ﺻﺢ .. ﺍﻱ ﻭﻳﻦ ﺍﻧﺘﻪ ﺑﻌﺪﻙ ﺑﻮﻻﻳﺔ ﻣﻴﺸﻴﻐﺎﻥ
- ﺍﻱ ﺣﺒﻴﺒﻲ ..
- ﺷﻮﻛﺖ ﺗﺮﺟﻊ
- ﻳﻤﻜﻦ ﻧﻬﺎﻳﺔ ﺍﻻﺳﺒﻮﻉ ﺍﺭﺟﻊ ﺧﻠﺼﺖ ﺷﻐﻞ
- ﺭﺑﻲ ﻳﺮﺟﻌﻚ ﺑﺎﻟﺴﻼﻣﻪ
- ﻫﻬﻬﻬﻬﻪ ﺍﻣﻮﺕ ﻋﻠﻴﺞ
- ﻣﻲ ﺗﻮﻭ ..
- ﻫﺎﺍﺍﺍ ﺑﺪﻳﺘﻲ ﺗﺘﺤﺎﺭﺷﻴﻦ ..
- ﻫﻬﻬﻬﻪ ﺑﺎﺍﻱ ..
ﻗﻔﻠﺖ ﺍﻟﺠﻬﺎﺯ ﻣﻨﻪ .. ﻭﻧﻤﺖ .. ﻛﻌﺪﺕ ﺻﻠﻴﻴﺖ ﺍﻟﻀﻬﺮ ﻭﺭﺟﻌﺖ .. ﻟﻠﻤﻐﺮﺏ ﻳﻼ ﻛﻌﺪﺕ .. ﻟﻜﻴﺖ ﻋﻤﺎﻣﻲ ﻭﻋﻮﺍﺋﻠﻬﻢ ﺟﺎﻳﻴﻦ ﻣﺎﻣﺎ ﻭﻣﺎﻣﺎ ﻋﺎﺯﻣﻴﻬﻢ ﻋﻠﻰ ﺍﻟﻔﻄﻮﺭ ..
ﺍﻭﻝ ﻣﺎ ﺷﺎﻓﺘﻨﻲ ﻛﺮﺟﻴﻪ .. ﺣﺠﺖ ﺍﻱ ﻋﻴﻨﻲ ﺧﺎﺗﻮﻥ ﻭﻳﻪ ﺍﻟﻔﻄﻮﺭ ﺗﻜﻌﺪ .. ﮔﺮﺓ ﻋﻴﻨﻚ ﻣﺨﻠﺪ ..
ﺩﺍ ﺍﺭﺩ ﻣﺎﻣﺎ ﻛﺎﻟﺖ ﺧﺒﻄﻲ ﺍﻟﻠﺒﻦ .. ﺟﺮﻳﺖ ﺍﻟﻠﺒﻦ ﻭﺣﺠﻴﺖ .. ﻭﺷﺒﻲ ﻣﺨﻠﺪ ﺷﺠﺎﺑﻪ ﺑﺎﻟﻄﺎﺭﻱ ..
- ﮔﻠﺒﻪ ﺍﻏﻢ .. ﻳﻮﺩﻱ ﻋﻠﻰ ﻭﻳﻦ ﻣﺎﻛﻮ ﻭﺣﺪﻩ ﻓﺎﺭﻏﻪ ﻭﺑﻄﺮﺍﻧﻪ ..
- ﺍﻱ ﻟﻌﺪ ﺷﺪﻱ ﺣﻴﻠﺞ ﻭﺯﻭﺟﻲ ﻟﻮﺣﺪﻩ ﻣﻌﺪﻟﻪ ﺗﻜﻌﺪ ﻣﻦ ﺍﻟﺼﺒﺢ ﻭﺗﻄﺒﺦ ﻭﺗﺸﺘﻐﻞ ﻭﺍﻟﺮﺟﺎﻝ ﻳﻜﻔﺦ ﻭﻳﺄﻣﺮ ﻭﻫﻲ ﺗﻜﻮﻟﻪ ﺍﻣﺮﻙ .. ﺳﻤﻌﺎ ﻭﻃﺎﻋﻪ ..
ﺍﻻﻡ -: ﻟﺠﻴﻴﻴﻴﻦ .. ﺍﺷﺘﻐﻠﻲ ﺑﺪﻭﻥ ﻛﻼﻡ
- ﻻ ﻣﺎﻣﺎ ﺻﺪﻭﻙ ﻭﺍﻟﻠﻪ .. ﻳﻌﻨﻲ ﺩﺍ ﺍﻧﺼﺢ .. ﺧﺰﺭﺗﻨﻲ ﺑﻀﺤﻜﻪ .. ﻧﺰﻟﺖ ﻋﻴﻮﻧﻲ ﺑﺎﻟﻠﺒﻦ ﺧﻠﻴﺘﻪ ﺑﺎﻟﺨﻼﻁ .. ﻭﺍﺑﺘﺴﻢ ..
ﻛﺮﺟﻴﻪ -: ﻫﻲ ﺍﻟﺘﻄﻠﻊ ﻋﻠﻘﻨﻮﺍﺕ ﺷﺘﺘﺮﺟﻴﻦ ﻣﻨﻬﺎ ﺷﺘﺤﺠﻲ ﻏﻴﺮ ﺍﻟﺴﺎﻧﻬﺎ ﺑﻄﻮﻝ ﺍﻟﺴﻤﺎﻋﻪ ﻣﺎﻟﺘﻬﺎ
- ﻭﺍﻧﻲ ﻭﺍﻛﻔﻪ ﺿﺤﻜﺖ ﻭﻏﻤﻀﺖ ﻋﻴﻮﻧﻲ ﺑﺲ ﺍﻛﺘﺎﻓﻲ ﺗﻬﺘﺰ ﻣﻦ ﺍﻟﻀﺤﻜﻪ ﺍﻣﻲ ﺗﺘﺒﺴﻢ ﻭﺗﺨﻮﻁ ﺑﺎﻟﻜﺎﺳﺘﺮ ﻭﺗﻬﺰ ﺑﺮﺍﺳﻬﺎ ..
ﻋﺎﺩ ﺣﺠﺖ ﻧﺎﺩﻳﻪ ﻣﺮﺕ ﻋﻤﻮ ﻋﺜﻤﺎﻥ .. -: ﺍﺷﺒﻴﺞ ﻳﺎ ﺍﻡ ﻣﺨﻠﺪ ﻭﺍﻟﻠﻪ ﺫﺍﻙ ﺍﻟﻴﻮﻡ ﺭﺣﺖ ﻻﻫﻠﻲ ﻛﺘﻠﻬﻢ ﺗﺎﺑﻌﻮ ﺍﻟﺒﺮﻧﺎﻣﺞ ﻫﺎﻱ ﺑﺖ ﺣﻤﺎﻱ
ﺷﻜﺪ ﺣﻠﻮ ﺍﻟﺒﺮﻧﺎﻣﺞ ﻭﺍﻟﻠﻪ ﻣﺘﺎﺑﻌﻲ ﺗﺨﺒﻠﻮﻥ ﺍﻧﺘﻲ ﻭﺫﺍﻙ ﺍﻟﻤﻘﺪﻡ ﺍﻟﻮﻳﺎﺝ ﻫﻢ ﺣﻠﻮ ﻭﺣﺒﺎﺏ ﻣﺒﻴﻦ
- ﻣﺼﻄﻔﻰ ﺍﻱ ﺧﻮﺵ ﻭﻟﺪ ..
ﻣﺎ ﻋﺠﺒﻬﺎ ﻛﺮﺟﻴﻪ ﺍﻟﺤﺠﻲ ﻛﺎﻣﺖ ﺗﻬﺰ ﺑﺮﺍﺳﻬﺎ .. ﻋﺎﺩ ﺻﺒﻴﻨﺎ ﺍﻟﻌﺼﺎﻳﺮ ﻭﺍﻻﻟﺒﺎﻥ ﻭﺻﻔﻴﺘﻬﻢ ﻋﻠﻰ ﺍﻟﻄﺎﻭﻟﻪ
ﻋﻤﺎﻣﻲ ﻭﺍﻫﻠﻲ ﻋﺎﺩﺗﻬﻢ ﺑﺎﻟﻔﻄﻮﺭ .. ﺍﻭﻝ ﻣﻴﺄﺫﻥ ﻳﻔﻄﺮﻭﻥ ﺗﻤﺮ ﻭﻟﺒﻦ ﻭﻋﺼﺎﺋﺮ ﻭﻳﺮﺣﻮﻥ ﻳﺼﻠﻮﻥ ﺍﻟﻤﻐﺮﺏ ..
ﻋﻠﻰ ﻣﻴﺼﻠﻮﻥ ﻧﻤﺪ ﺍﻟﺴﻔﺮﻩ ﻳﺎﻛﻠﻮﻥ .. ﻑ ﻣﻦ ﺍﺫﻥ .. ﻛﻠﻬﻢ ﻭﻭﻛﻔﻮ ﺑﺎﻟﻤﻄﺒﺦ .. ﺍﻧﻲ ﺍﺧﺬﺕ ﻛﻼﺹ ﻟﺒﻦ ﻭﻛﺮﺓ ﺗﻤﺮ ﻭﺍﺗﻨﺤﻴﺖ ﻋﻠﻰ ﺻﻔﺤﻪ ..
ﻓﻄﺮﺕ ﻭﺻﻌﺪﺕ ﺻﻠﻴﺖ ﻭﺭﺟﻌﺖ ﻟﻜﻴﺖ ﻣﺎﻣﺎ ﻭﻧﺴﻮﺍﻥ ﻋﻤﻲ ﻳﻨﻜﻠﻮﻥ ﺑﺎﻻﻛﻞ ﻟﻠﺼﺎﻟﻪ .. ﻧﻜﻠﺖ ﻭﻳﺎﻫﻢ ﻭﻛﻌﺪﻧﺎ ﻧﺎﻛﻞ ..
ﻳﻤﻜﻦ ﻫﺬﺍ ﺍﻛﺜﺮ ﺭﻣﻀﺎﻥ .. ﻛﺎﻥ ﺣﻠﻮ ﺑﺤﻴﺎﺗﻲ ﻟﻜﻦ ﻃﻌﻢ ﺍﻟﺤﻼﻭﻩ ﻳﺮﻭﺡ ﻟﻮ ﺿﻜﺖ ﺍﻟﻤﺮ ...
ﻛﺎﻥ ﻧﻬﺎﻳﺔ ﻳﻮﻡ ﺭﻣﻀﺎﻥ ﻫﻮ ﻣﺜﻞ ﻋﺮﻭﺱ ﻭﻃﻌﻨﻮﻫﺎ ﺳﻜﻴﻦ .. ﺷﻜﺪ ﻣﺎ ﺣﻠﻮﻩ ﻭﺑﻴﻬﺎ ﻓﺮﺣﻪ .. ﺑﺲ ﺍﻟﻄﻌﻨﻪ ﺩﻣﺮﺗﻬﺎ .. ﻭﺫﻭﺑﺖ ﺣﻼﻭﺗﻬﺎ
.
ﺑﻠﻴﻠﺔ ﺍﻟﻠﻲ ﺍﻋﻠﻨﺖ ﺍﻟﻬﻴﺌﻪ ﺍﻟﻤﺨﺘﺼﻪ ﺑﺮﺅﻳﺔ ﻫﻼﻝ ﺷﻮﺍﻝ ﻭﺍﻋﻼﻥ ﻋﻴﺪ ﺍﻟﻔﻄﺮ ﺍﻟﻤﺒﺎﺭﻙ ..
ﻛﺎﻥ ﻋﻨﺪﻱ ﺍﺳﺘﻌﺪﺍﺩ ﻟﺘﻐﻄﻴﺔ ﺍﺟﻮﺍﺀ ﺍﻟﻌﻴﺪ ﺑﻜﺮﺩﺳﺘﺎﻥ ﻓﻲ ﺍﺭﺑﻴﻞ .. ﻭﺧﺘﻢ ﺍﻟﺒﺮﻧﺎﻣﺞ ﻣﺎﻟﺘﻲ ﻫﻨﺎﻙ ﻭﻋﻤﻞ ﻣﺴﺎﺑﻘﺎﺕ ﻟﻠﺘﺮﻓﻴﻪ ﻭﺍﻟﻔﺮﺣﻪ ﺑﺎﻟﻌﻴﺪ ..
ﻭﺍﺗﻔﻘﺖ ﻣﻌﺎﻫﻢ ﺍﺧﻠﺺ ﻫﺎﻱ ﺍﻟﺘﻐﻄﻴﻪ ﻭﻳﻨﺘﻬﻲ ﺷﻐﻠﻲ ﻭﻳﺎﻫﻢ ﻭﺍﻃﻠﻊ . ﻭﻛﺎﻥ ﺍﻻﺗﻔﺎﻕ ﻣﻊ ﺍﻟﻤﺨﺮﺝ ﺍﻳﻮﺏ ﺍﻟﻄﺎﺋﻲ ..
ﺑﻠﻴﻠﺘﻬﺎ .. ﻟﻴﻠﺔ ﺍﻟﻌﻴﺪ .. ﻛﻌﺪﺕ ﺍﺣﻈﺮ ﺟﻨﻄﺔ ﺳﻔﺮﻱ .. ﻣﻼﺑﺲ 6 ﺗﺒﺪﻳﻼ ﻋﻠﻰ ﻋﺪﺩ ﺍﻳﺎﻡ ﺍﻟﻌﻴﺪ ﺗﺒﺪﻳﻠﺘﻴﻦ ﺑﺎﻟﻴﻮﻡ ..
ﻭﺍﺣﺬﻳﻪ ﻭﺷﻴﺴﻮﺍﺭ ﻭﻣﻜﻴﺎﺝ ﻭﻏﻴﺮﻫﺎ ﻣﻦ ﻫﻼﻣﻮﺭ .. ﻓﺘﺄﺧﺮﺕ ﻭﺍﻧﻲ ﺍﻧﻈﻢ ﺣﻘﻴﺒﺔ ﺳﻔﺮﻱ ..
ﺩﺍ ﺍﺭﺗﺐ ﺑﻐﺮﺍﺿﻲ .. ﺣﺴﻴﺖ ﺍﻟﺒﺎﺏ ﻣﺎﻝ ﺍﻟﺒﻠﻜﻮﻥ ﻣﺎﻝ ﻏﺮﻓﺘﻲ ﺍﻧﺪﻙ .. ﺍﻟﺴﺎﻋﻪ ﻛﺎﻧﺖ ﻳﻤﻜﻦ 12 ﺍﻛﺜﺮ ﺍﻗﻞ ﻣﺎ ﺗﺬﻛﺮ ﺑﺎﻟﻀﺒﻂ ﻟﻜﻦ ﺑﻬﺎﻟﺤﺪﻭﺩ ..
ﻫﻨﺎ ﺧﻠﻴﺖ ﺍﻳﺪﻱ ﻣﻨﻮ ﺻﻌﺪ ﻋﻠﻰ ﺑﺘﻨﺎ ﻭﻃﻔﺮ ﻟﺒﻠﻜﻮﻥ ﻏﺮﻓﺘﻲ .. ﺍﻧﺪﻙ ﺍﻟﺸﺒﺎﻙ ﻣﺮﻩ ﻟﺦ .. ﺗﻠﺚ ﺩﻛﺎﺕ
ﺩﻕ ﺩﻕ ﺩﻕ ..
ﺷﺪﻳﺖ ﺣﺎﻟﻲ .. ﻭﻗﻮﻳﺖ ﻧﻔﺴﻲ ﻭﺗﻘﺮﺑﺖ ﻟﻠﺒﺮﺩﻩ .. ﻓﺘﺤﺘﻬﺎ .. ﻛﺎﻥ ﻣﻀﻠﻞ ﻣﺎ ﺍﺷﻮﻑ ﻻﻥ ﻣﺸﻐﻠﻪ ﺿﻮﻩ ﺑﻐﺮﻓﺘﻲ .
ﻓﺘﺤﺖ ﺍﻟﺸﺒﺎﻙ . ﻣﺎﻛﻮ ﺍﺣﺪ .. ﻳﺮﺑﻲ ﺷﻨﻮ ﻫﺬﺍ ..
ﺍﻧﻲ ﻣﺘﺄﻛﺪﻩ ﺳﻤﻌﺖ ﺍﻟﺸﺒﺎﻙ ﻳﻨﺪﻙ .. ﻣﻌﻘﻮﻟﻪ ﺣﻤﺎﻣﻪ ..
ﺑﺎﻭﻋﺖ ﻣﻨﺎ ﻣﻨﺎ ﻣﺎﻛﻮ .. ﺳﺪﻳﺖ ﺍﻟﺸﺒﺎﻙ ﻭﺩﺍ ﺍﺭﻭﺡ ﻟﻠﺸﺒﺎﻙ ﺍﻟﺜﺎﻧﻲ ﺍﺭﻳﺪ ﺍﺷﻮﻑ ﺧﺎﻑ ﻣﻦ ﺫﻳﺞ ﺍﻟﺠﻬﻪ ..
ﺩﺍ ﺍﺭﻳﺪ ﺍﻓﺘﺢ ﺍﻟﺸﺒﺎﻙ .. ﺍﻧﺪﻙ ﺍﻟﺸﺒﺎﻙ ﺍﻟﻮﺭﺍﻱ .
ﺳﺪﻳﺘﻪ .. ﺭﺟﻌﺖ ﻓﺘﺤﺘﻪ .. ﺟﺎﻥ ﺻﻮﺕ ﺑﻮﺟﻬﻲ .. ﺻﺎﺡ ﺑﻮﻭﻭﻭﻭﻡ .. ﺻﺮﺧﺖ ﻣﻦ ﺍﻟﺨﻮﻑ ﻋﺎﺍﺍﺍ .. ﺍﻧﺴﻠﺒﺖ ﺭﻭﺣﻲ ﻣﻦ ﺍﻟﺨﻮﻑ ﺍﻧﻬﺒﻄﺖ ..
ﺷﻔﺘﻪ ﻣﺎﻟﻚ .. ﻟﻮ ﺍﻧﺠﻨﻴﺖ .. ﻳﻤﻌﻮﺩ ﺍﻟﻠﻪ ﻟﻴﻨﻄﻴﻚ ﺭﻋﺒﺘﻨﻲ ﺷﺘﺴﻮﻱ ﻫﻨﺎ ..
- ﻟﻚ ﻣﺸﺘﺎﻕ ﻛﻠﺖ ﻣﺤﺪ ﻳﺼﺒﺢ ﻋﻠﻰ ﺣﺒﻴﺒﻲ ﺑﺎﻟﻌﻴﺪ ﻏﻴﺮﻱ ..
- ﻣﺎﻟﻚ ﻳﺎ ﻋﻴﺪ ﻳﺎ ﺩﻧﻴﺎ .. ﻓﺪﻭﻩ ﺭﻭﺡ ﻣﺎﻟﻚ ﻻ ﺗﻔﻀﺤﻨﻲ ﺍﻟﺠﻴﺮﺍﻥ ﻣﻨﺎ
- ﻟﺞ ﺍﺭﻭﺡ ﺑﺲ ﻣﺸﺘﺎﻗﻠﺞ ﺷﺒﻴﺞ ﺑﺲ ﺍﺷﻮﻓﺞ
- ﺑﻌﺪﻳﻦ ﻣﺎﻟﻚ ﺑﺲ ﺭﻭﻭﻭﻭﺡ
- ﺩﺧﻠﻴﻨﻲ ﺷﺒﻴﺞ 5 ﺩﻗﺎﻳﻖ ﻣﺎ ﺍﻃﻮﻝ ﻭﻋﻴﻮﻧﺞ .
- ﺷﺪﺧﻠﻚ ﻋﺰﺍﺍﺍﺍ ﺩﺭﻭﺡ ﺍﻫﻠﻲ ﻳﻤﻜﻦ ﻟﻼﻥ ﻣﻨﺎﻳﻤﻦ ﺩﻭﻭﻭﻭﻭﺡ ﻓﺪﻭﻩ ..
- ﻟﺞ ﻋﺎﺩ ﺑﺲ ﺑﻮﺳﻪ ﻣﺸﺘﺎﻕ ﻭﻋﻴﻮﻧﺞ ﻣﻴﺖ .
- ﻳﺎ ﻣﺎﻟﻚ ﻳﺎ ﺑﻮﺳﻪ ﻋﺰﺍﺍﺍﺍ ﺩﺭﻭﺡ ﺍﻟﺠﻴﺮﺍﻥ ﻣﻨﺎ ﻣﺎﺍﺍﺍﺍﻟﻚ .. ﻳﺸﻮﻓﻮﻙ ﺻﺎﻋﺪ ﻋﻠﻰ ﻏﺮﻓﺘﻲ ﻏﻴﺮ ﻳﺼﺨﻤﻮﻥ ﻭﺟﻬﻲ ..
ﺩﺍ ﺍﺣﺠﻲ .. ﺍﻧﺪﻛﺖ ﺑﺎﺏ ﻏﺮﻓﺘﻲ .. ﻣﻦ ﺍﻟﺨﻮﻓﻪ ﺍﻟﺒﻜﻠﺒﻲ ﻃﺒﻜﺖ ﺍﻟﺸﺒﺎﻙ ﺣﻴﻞ ﺑﻼ ﻭﻋﻲ .. ﺍﻧﺴﻤﻊ ﺻﻮﺗﻪ .
ﺭﺣﺖ ﺍﻓﺘﺢ ﺍﻟﺒﺎﺏ ﺍﺭﻳﺪ ﺍﻳﺪﻱ ﺗﻨﻤﺪ ﻟﻠﻴﺪﻩ .. ﺗﺮﺟﻒ ﻣﻦ ﺍﻟﺨﻮﻑ .. ﻟﻴﻠﻪ ﻣﺎ ﺍﻧﺴﺎﻫﺎ ﺑﺤﻴﺎﺗﻲ .. ﺍﺣﺲ ﺑﻄﻨﻲ ﺍﻛﻠﻬﺎ ﺍﻟﻤﻐﺺ ﻣﻦ ﺍﻟﻮﺟﻊ ..
ﻓﺘﺤﺖ ﺍﻟﺒﺎﺏ ﻟﻜﻴﺘﻪ ﺑﺎﺑﺎ .. ﺭﻭﺣﻲ ﻣﺎﻋﺖ ﺑﺠﺴﻤﻲ ﻣﻦ ﻛﺪ ﺍﻟﺨﻮﻑ ﻭﺍﻟﺮﻫﺒﻪ ﻟﻤﺎ ﺷﻔﺖ ﺍﺑﻮﻳﻪ
ﺍﻻﺏ -: ﻭﻱ ﻣﻨﻮ ﺟﻨﺘﻲ ﺗﺤﺠﻴﻦ ..
- ﺍﺍﺍﺍﺍﺍ ﺑﺎﺑﺎ ﺗﻠﻴﻔﻮﻥ ﺟﻨﺖ ﺍﺣﺠﻲ ﺑﻲ ..
ﺍﺻﻌﺐ ﺷﻲ ﺑﻬﻠﺤﻈﺎﺕ ﻣﻦ ﺗﻜﺬﺏ .. ﻭﺗﺜﺒﺖ ﻋﻠﻰ ﻧﻔﺴﻚ ﺍﻟﺨﻮﻑ ﻭﺟﺮﻳﻤﺔ ﺷﻲ ﺍﻧﺘﻪ ﻣﻮ ﻣﺴﻮﻱ ﺍﻧﺠﺒﺮﺕ ﻋﻠﻴﻪ ..
ﻭﺧﺮﻧﻲ ﺑﺎﺑﺎ ﻭﻃﺐ ﻟﻠﻐﺮﻓﻪ .. ﻓﺘﺢ ﺑﺎﺑﺎ ﺍﻟﺒﻠﻜﻮﻥ ﻭﻛﺄﻧﻪ ﻛﺎﻥ ﻳﻌﺮﻑ ﺍﻧﻮ ﺍﻧﻲ ﺟﻨﺖ ﺍﺣﺠﻲ ﻣﻊ ﺷﺨﺺ ﻣﻦ ﺍﻟﺒﻠﻜﻮﻥ ..
ﻓﺘﺢ ﺍﻟﺒﺎﺏ ﻭﺑﺎﻭﻉ .. ﻓﻘﻂ ﺷﺎﻑ ﻣﺎﻟﻚ ﻭﻫﻮ ﻳﺠﻴﺖ ﻣﻦ ﺍﻟﺴﻴﺎﺝ .. ﻣﻦ ﺷﻔﺖ ﺷﺎﻓﻪ .. ﺧﻠﻴﺖ ﺍﺩﻳﻪ ﻋﻠﻰ ﻋﻴﻮﻧﻲ ﺍﻧﺘﻬﻴﺖ
ﺍﻧﺪﺍﺭ ﻋﻠﻴﻪ ﻭﻋﻴﻮﻧﻪ ﻣﻔﺘﺤﻬﻦ ﺣﻴﻞ .. ﺍﻭﻝ ﺷﻲ ﺳﻮﺍ .. ﻟﺰﻣﻨﻲ ﻣﻦ ﺍﺫﻧﻲ ﺣﻴﻞ ﻭﻟﻮﺍﻫﺎ .. ﺣﺴﻴﺘﻬﺎ ﺣﺘﻨﮕﻄﻊ ﺑﺄﻳﺪﻩ ..
- ﻟﺞ ﻫﺎﻱ ﺗﺎﻟﻲ ﺛﻘﺘﻲ ﺑﻴﺞ ﺗﺼﻌﺪﻳﻦ ﺭﺟﺎﻝ ﻟﻐﺮﻓﺘﺞ ﻟﺠﻴﻦ
- ﺑﺎﺑﺎ ﺣﺒﻴﺒﻲ ﺑﺲ ﺍﺳﻤﻌﻨﻲ
- ﺍﺩﻭﺳﻴﻦ ﺑﻴﻨﻲ ﻟﺠﻴﻦ .. ﺍﻃﻴﻨﻴﻦ ﺭﺍﺳﻲ ﻟﺠﻴﻦ .
- ﻛﻤﺖ ﺍﺑﺠﻲ ﻭﺍﻟﺪﻣﻮﻉ ﻋﺸﺮﻩ ﻋﺸﺮﻩ ﺗﻨﺰﻝ ﻣﻦ ﻋﻴﻮﻧﻲ .. ﻭﺍﻛﻮﻟﻪ ﻣﻮ ﻣﺜﻞ ﻣﺸﻔﺖ ﻭﺍﻟﻠﻪ ﻣﺎ ﺍﻟﻲ ﺫﻧﺐ
- ﻭﺗﺠﺬﺑﻴﻴﻴﻴﻴﻴﻴﻴﻴﻴﻴﻦ .. ﻛﻠﺒﻪ ﻭﻛﻌﻨﻲ ﻟﻠﻜﺎﻉ ﻫﻴﻪ ﻭﻛﻌﻪ ﻭﻫﻲ ﺭﻓﺴﻪ .. ﻭﻛﻌﺪ ﻋﻠﻰ ﺻﺪﺭﻱ ﻳﺮﻳﺪ ﻳﺨﻨﻜﻨﻲ ﻳﻤﻮﺗﻨﻲ ..
ﺍﺣﺲ ﺭﻭﺣﻲ ﻃﻠﻌﺖ ﻣﻦ ﺑﻴﻦ ﺍﺩﻳﻪ ... ﺑﺲ ﺍﺩﻳﻪ ﺗﺠﺮ ﺑﻔﺎﻧﻴﻠﺘﻪ ﺍﺭﻳﺪ ﺍﺗﻨﻔﺲ ﺍﺧﺘﻨﻜﺖ .. ﺍﺭﻳﺪ ﺍﻧﻄﻖ ﻣﺎﻛﻮ .. ﺣﺘﻰ ﻣﺎ ﻛﻤﺖ ﺍﺳﻤﻌﻪ ﻣﻦ ﻛﺪ ﺍﻻﺧﺘﻨﺎﻕ
ﺍﺟﺖ ﺍﻣﻲ ﺷﻤﺮﺗﻪ ﻣﻦ ﻓﻮﻛﺎﻳﻪ .. ﺍﻟﺘﻔﻴﺖ ﻭﺭﺍﻫﺎ ﻭﻛﻤﺖ ﺍﻧﺎﺷﻎ ﻣﺜﻞ ﻭﺍﺣﺪ ﻛﺎﻋﺪ ﻳﺠﺎﻟﻊ ﺍﺭﻳﺪ ﺍﺟﺮ ﻫﻮﺍ ﺍﺧﺘﻨﻜﺖ
ﺍﺳﻤﻌﻪ ﻳﻜﻠﻬﺎ ﺑﺘﺞ ﺍﻃﺒﺐ ﺭﻳﺎﺟﻴﻞ ﻟﻐﺮﻓﺘﻬﺎ ﺑﻨﺼﺎﺹ ﺍﻟﻴﺎﻟﻲ .. ﻭﻟﺞ ﻧﺰﻟﺖ ﺭﺍﺳﻴﻴﻴﻴﻴﻴﻴﻲ ....
ﺍﻟﻤﺴﺪﺱ ﻭﻳﻨﻪ ﺍﺭﻭﺡ ﺍﺟﻴﺒﻪ ﻭﺍﻏﺴﻞ ﻋﺎﺭﻱ .. ﺍﻣﻲ ﻛﺎﻣﺖ ﺗﺼﺮﺥ ﻭﺗﺒﺠﻲ .. ﻭﺗﺠﺮ ﺑﺎﺑﻮﻳﻪ ﻭﺗﺘﻮﺳﻠﻪ ﻳﻬﺪﺉ ﻳﻔﻬﻤﻮﻥ ﺍﻟﻤﻮﺿﻮﻉ ﻭﻫﻮ ﺑﺮﻛﺎﻥ ﻛﺎﻥ ﻣﺎ ﻳﻬﺪﺉ
ﺍﻧﻲ ﺑﺰﺍﻭﻳﺔ ﺍﻟﻜﻨﺘﻮﺭ ﻻﻣﻪ ﻧﻔﺴﻲ ﻭﺍﺑﺠﻲ ﻭﻣﺨﺘﻨﻜﻜﻪ ﺍﻟﻬﻮﻩ ﻛﻮﻩ ﺍﺟﺮﻩ ..
ﺍﺍﺍﺍﺍﺍﺍﻩ ﻟﺤﻈﺎﺕ ﺭﻋﺐ ﺑﺲ ﺍﻟﻠﻪ ﻳﻌﻠﻢ ﺑﺤﺎﻟﻲ ﺑﻴﻮﻣﻬﺎ .. ﺷﻨﻮ ﺣﺴﻴﺖ ﻭﺷﻜﺪ ﺧﻔﺖ ...
ﻫﺬﻩ ﻛﺎﻧﺖ ﺍﻭﻝ ﻟﻴﻠﺔ ﻋﻴﺪ ﺍﻟﻲ ﻭﻣﺎﻟﻚ ﺑﺤﻴﺎﺗﻲ ..
ﻫﺬﻩ ﻛﺎﻧﺖ ﺍﻭﻝ ﺿﺮﺑﻪ ﺍﻟﻲ ﻣﻦ ﺑﺎﺑﺎ ﺑﺤﻴﺎﺗﻲ ..
ﻫﺬﻩ ﻛﺎﻧﺖ ﺑﺪﺍﻳﺔ ﺧﻄﻮﺍﺗﻲ ﻣﻊ ﺍﻟﺠﺤﻴﻢ .....
. ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء