رواية خطوات نحو الجحيم ج1 الجزء الحادي عشر
للكاتبة زينب ماجد
🌹
ﻗﻔﻠﺖ ﺍﻻﺗﺼﺎﻝ .. ﻟﻜﻴﺖ ﺭﺳﺎﻟﻪ ﻭﺍﺻﻠﻪ ﻣﻦ ﻣﺨﻠﺪ .. ﻓﺘﺤﺘﻬﺎ ﻭﻗﺮﻳﺖ ..
( ﻻ ﺍﻋﻠﻢ ﻛﻴﻒ ﺍﻗﻮﻝ ﻟﻚ ﻛﻞ ﻋﺎﻡ ﻭﺍﻧﺘﻲ ﺑﺨﻴﺮ ﻷﻧﻲ ﺍﺭﺍﻙِ ﺍﻟﺨﻴﺮ ﻟﻜﻞ ﻋﺎﻡ .. ﺍﻋﺘﺬﺭ ﻋﻦ ﺍﻟﻠﻲ ﺣﺼﻞ ﺍﻟﺒﺎﺭﺣﻪ ﻭﺳﺎﻣﺤﻴﻨﻲ ﻛﻠﻌﺎﺩﻩ ) ...
ﺍﺑﺘﺴﻤﺖ .. ﺍﻟﻰ ﻣﺘﻰ ﻣﺨﻠﺪ ﻫﺬﺍ ﺍﺳﻠﻮﺑﻚ .. ﺗﺠﺮﺣﻨﻲ ﻭﺗﻜﻮﻟﻲ ﺍﺳﻒ .. ﻛﺘﺒﺘﻠﻪ .. ( ﺷﻜﺮﺍ .. ﻭﻋﺎﺩﻱ ﻭﻻ ﻳﻬﻤﻚ ﺗﻌﻮﺩﻧﺎ )
ﺿﻤﻴﺖ ﻣﻮﺑﺎﻳﻠﻲ .. ﻭﺷﻠﺖ ﺟﻨﻄﺘﻲ ﺭﺣﻨﺎ ﻧﻠﻌﺐ ﺍﻧﻲ ﻭﺑﻨﺎﺕ ﺧﺎﻟﺘﻲ . ﻭﻧﻔﺘﺮ .. ﻭﻧﺎﻛﻞ ﻣﻮﻃﻪ ﺍﻭ ﺍﺯﺑﺮﻱ ﻟﻮ ﻧﺸﺘﺮﻱ ﻗﻮﺍﻃﻲ ﻋﺼﻴﺮ ﻃﺒﻴﻌﻲ
ﺭﺟﻌﻨﺎ ﻻﻣﻲ ﻭﺧﺎﻻﺗﻲ ﻛﺎﻋﺪﺍﺕ ﻳﺴﻮﻟﻔﻦ .. ﻃﻠﻌﺖ ﺍﻣﻲ ﻓﻄﺎﻳﺮ ﺩﺟﺎﺝ .. ﻭﻭﺯﻋﺘﻠﻨﺎ ..
ﻟﺠﻴﻦ -: ﻓﻄﺎﻳﺮ .. ﻫﺎﻱ ﻣﻨﻴﻦ ﺟﺒﺘﻮ
ﺍﻻﻡ -: ﺳﻮﻳﻨﺎﻩ ﺑﺎﻟﺒﻴﺖ ..
- ﺷﻮﻛﺖ ﺷﻮ ﺣﺘﻰ ﻣﺎ ﺷﻤﻴﻨﺎ ..
ﺍﻻﻡ -: ﻫﻮ ﺍﻧﺘﻦ ﺗﺪﺭﻥ ﺑﺎﻟﺪﻧﻴﺎ ﻟﻮ ﻛﻌﺪﺗﻦ ﺗﻠﺒﺨﻦ ﻭﺗﺤﻤﺮﻥ .. ﺗﻔﺼﻠﻦ ﻛﻠﺶ
ﻧﺪﻯ -: ﻻﺍﺍ ﻋﺎﺩ ﺧﺎﻟﺘﻲ ﻫﺎ ﺍﻫﺎﻧﻪ .. ﺍﺣﻨﻪ ﻣﻨﻠﺒﺦ ﻧﺘﺠﻤﻞ . ﻫﺎ ﻭﻣﻮ ﻋﺒﺎﻟﺞ ﻣﻮ ﺟﻤﻴﻼﺕ ﺑﺲ ﻫﻴﺞ ﺍﺿﺎﻓﻪ .
ﻟﺠﻴﻦ -: ﺑﺎﻟﻀﺒﻂ .. ﻧﺤﻦ ﻻ ﻧﺤﺘﺎﺝ ﺍﻟﻤﻜﻴﺎﺝ ﺑﻞ ﺍﻟﻤﻜﻴﺎﺝ ﻳﺤﺘﺎﺝ ﻟﻤﺎ ﻟﻴﺘﺰﻳﻦ ﺑﻨﺎ ﻫﻬﻬﻬﻬﻬﻬﻬﻬﻬﻪ
ﺍﻻﻡ -: ﻫﻬﻬﻬﻬﻬﻬﻪ ﻣﺒﻴﻦ 3 ﺳﺎﻋﺎﺕ ﺍﻟﻤﻜﻴﺎﺝ ﻳﺘﺰﻳﻦ ﺑﻴﺠﻦ ﻟﻮ ﺻﺎﺑﻐﻪ ﺑﻴﺖ ﻫﻢ ﺍﺧﻠﺼﻪ ﺏ 3 ﺳﺎﻋﺎﺕ .
ﻟﺠﻴﻦ -: ﻣﺪﻳﺖ ﺭﺍﺳﻲ ﻟﺒﻨﺎﺕ ﺧﺎﻟﺘﻲ .. ﺑﻨﺎﺕ ﻣﻮ ﻛﺄﻥ ﺗﺮﺯﻟﻨﻪ ..
ﺳﺎﺭﻩ -: ﻋﺎﺩﻱ ﻋﺎﺩﻱ ﺍﻟﻤﻬﻢ ﻧﺎﻛﻞ .. ﻧﺘﺮﺯﻝ ﻧﻨﻀﺮﺏ ﺍﻟﻤﻬﻢ ﻣﻜﻴﺠﻨﺎ ﻭﻟﻌﺒﻨﺎ ﻭﺍﻛﻠﻨﺎ .. ﻑ ﺍﻛﻠﻲ ﻭﺍﺳﻜﺘﻲ
ﻟﺠﻴﻦ -: ﻫﻬﻬﻬﻬﻬﻬﻪ ﻫﻢ ﺻﺪﻭﻙ .. ﺭﺩﺕ ﺍﻛﻞ ﻭﻳﺎﻫﻢ ﻣﺸﺘﻬﻴﻦ ﺑﺲ ﺑﻘﻴﺖ ﻻﺯﻣﻪ ﺑﻄﻞ ﺛﻠﺞ ﺍﻟﻮّﺡ ﺑﻲ ﺣﺘﻰ ﻳﻤﻮﻉ ﻭﺍﺷﺮﺏ ﺷﻮﻳﻪ
ﻛﻤﻠﻮ ﺍﻛﻞ ﻭﻟﻤﻮ ﺍﻟﻐﺮﺍﺽ .. ﻛﺎﻟﺖ ﺍﻣﻲ .. ﻫﺴﻪ ﻓﻘﺮﺓ ﺍﻟﻬﺪﺍﻳﺎ .. ﻛﻠﺖ ﺍﻳﻴﻲ ﻫﺎﻱ ﺍﻟﻔﻘﺮﻩ ﺍﻟﺰﻳﻨﻪ .. ﻭﻛﻤﺖ ﻋﺪﻟﺖ ﻣﻼﺑﺲ
ﺍﻻﻡ -: ﻋﺎﺑﺘﻠﺞ ﻳﻤﺸﻮﻩ ﻫﺸﻨﻮ ﻣﺸﺎﻳﻔﻪ
ﻟﺠﻴﻦ -: ﻣﺎﻣﺎ ﺷﺎﻳﻔﻪ ﻣﺸﺎﻳﻔﻪ ﺍﻟﻬﺪﺍﻳﺎ ﻃﻌﻤﻬﺎ ﻏﻴﺮ ﻳﻼ ﻃﻠﻌﻮ ﻃﻠﻌﻮ ﻫﻬﻬﻬﻬﻬﻬﻪ .. ﻛﻠﻬﺎ ﺑﻘﺖ ﺗﻀﺤﻚ ..
ﺧﺎﻟﺘﻲ ﺳﻌﺎﺩ ﺟﺎﻳﺒﺘﻠﻲ ﺣﺬﺍﺀ ﻭﺟﻨﻄﻪ ﻟﻮﻥ ﻧﻴﻠﻲ ﻣﻘﺪﻑ .. ﻭﻛﺎﻟﺖ ﺍﺫﺍ ﻣﻮ ﻋﻠﻰ ﻛﺪﺝ ﺍﻟﺤﺬﺍﺀ ﻋﻠﻤﻮﺩ ﺍﺭﺟﻌﻪ ..
ﺷﻔﺘﻪ 38 ﻓﻴﺖ ﻗﻴﺎﺳﻲ ﻟﺒﺴﺘﻪ ﻭﺧﻠﻴﺖ ﺟﻨﻄﺘﻪ ﺑﺎﻳﺪﻱ ﻭﺗﻤﺸﻴﺖ ﻛﺎﻟﻮ ﻛﻮﻟﺶ ﺣﻠﻮ
ﺧﺎﻟﺘﻲ ﺳﻠﻴﻤﻪ ﺟﺎﻳﺒﺘﻠﻲ ﻓﺴﺘﺎﻥ ﺍﺳﻮﺩ ﻗﻤﺎﺷﻪ ﺧﺸﻦ .. ﻭﺑﻲ ﻟﻤﻊ ﺫﻫﺒﻲ ﻛﻮﻟﺶ ﺣﺒﻴﺘﻪ ..
ﻧﺪﻯ ﺟﺎﻳﺒﺘﻠﻲ ﺩﺑﺪﻭﺏ ﻛﺒﻴﺮ .. ﺳﺎﺭﻩ ﺯﺟﺎﺟﺔ ﺭﻭﻣﻴﻮ ﻭﺟﻮﻟﻴﺖ ﻳﺮﻗﺼﻮﻥ ﺑﻮﺳﻂ ﻣﻲ ﻭﻟﻤﻊ .. ﻟﻴﻨﺎ ﻗﻼﺩﻩ ﻋﻴﻦ ﺳﺤﺮﻳﻪ .. ﻭﻣﻴﻨﺎ ﺳﺎﻋﻪ ﻓﻀﻴﻪ
ﺷﻜﺮﺗﻬﻢ ﻭﺑﻮﺳﺘﻬﻢ ﻭﺻﻠﺖ ﻟﻤﺎﻣﺎ ..
ﺍﻻﻡ -: ﺍﺑﻮﺝ ﺩﺯﻟﺞ ﻫﺪﻳﺘﺞ ﺑﺄﻳﺪﻱ .. - ﻓﺘﺤﺖ ﻋﻠﺒﻪ ﻭﻃﻠﻌﺘﻠﻲ ﻛﻼﺩﻩ ﺫﻫﺐ - ﻫﺎﻱ ﺻﺎﻏﻠﺠﻴﺎﻫﺎ ﺍﺑﻮﺝ ﺑﺎﻳﺪﻩ
.
ﻭﻛﺘﺐ ﺍﺳﻤﺞ ﻣﻦ ﺫﻫﺐ ( ﻟﺠﻴﻦ ) -:.... ﺩﻣﻌﺖ ﻋﻴﻮﻧﻲ ﻣﻦ ﺷﻔﺖ ﺍﺳﻤﻲ ﺑﻜﻼﺩﻩ ﺫﻫﺐ ﻭﺑﺎﺑﺎ ﺻﺎﻳﻐﻬﺎ ﺣﻈﻨﺖ ﻣﺎﻣﺎ ﺍﺣﺒﻜﻢ
ﺑﺎﺳﺘﻨﻲ ﺑﮕﺼﺘﻲ .. ﺍﻟﻠﻪ ﻳﺤﻤﻴﺞ ﻣﺎﻣﺎﺗﻲ ..
- ﺣﺒﻴﺒﺘﻲ .. ﺑﺲ ﺗﻌﺎﻱ ﺷﻮ ﺍﻧﺘﻲ ﻣﺎ ﺟﺒﺘﻴﻠﻲ ﻫﺪﻳﻪ .. ﻛﻠﻬﺎ ﺿﺤﻜﺖ ..
- ﻋﺰﺍ ﺍﻟﻌﺰﺍﺝ .. ﻛﻠﻬﺬﺍ ﻭﻣﺼﺎﻳﺮ ﺑﻌﻴﻨﺞ .. ﺍﻟﻜﻴﻚ ﻭﺍﻟﻌﺼﻴﺮ ﻭﺍﻟﻔﻄﺎﻳﺮ ﻭﺍﻟﺴﻔﺮﻩ .. ﻭﺗﺮﺩﻳﻦ ﻫﺪﻳﻪ ﺑﻌﺪ ..
- ﺍﻱ ﻃﺒﻌﺎ ﺍﻟﻌﺼﻴﺮ ﻭﺍﻟﻜﻴﻚ ﺷﻲ ﺛﺎﻧﻮﻱ .. ﺷﻮﻓﻲ ﺑﺎﺑﺎ ﺷﻠﻮﻥ ﻣﺸﺘﺮﻳﻠﻲ ﻭﺍﻧﺘﻲ ﻻ ﻫﻌﻌﻌﻌﻊ
- ﺍﻧﻲ ﻭﺍﺑﻮﺝ ﻭﺍﺣﺪ ﻳﻮﻝ ﻗﺎﺑﻞ ﺍﻧﻲ ﺍﺷﺘﻐﻞ ﻏﻴﺮ ﻣﻨﻪ ﺍﺧﺬ ..
- ﺍﻣﻤﻢ ﺍﻭﻙ ﺳﺎﻣﺤﺘﺞ ﻫﻬﻬﻬﻬﻬﻪ
- ﻋﺎﺑﺘﻠﺞ ﻳﻼ ﻟﻤﻦ ﺧﻞ ﻧﺮﺟﻊ ..
ﻟﻤﻴﻨﺎ ﺍﻟﻐﺮﺍﺽ .. ﻭﻃﻠﻌﻨﺎ ﺭﻛﺒﻨﺎ ﺍﻟﺴﻴﺎﺭﻩ ﻭﻫﻦ ﻳﺤﺠﻦ ﺑﻤﺎﻟﻚ .. ﺭﺟﻊ ﺍﺗﺼﻞ ﻣﺨﻠﺪ ﺻﺎﺣﻦ ﺍﻫﻮﻭﻭﻭﻭﻭﻭﻭ
ﻫﻬﻬﻬﻬﻬﻬﻬﻪ .. ﻫﻦ ﺻﺎﺣﻦ ﻭﻫﻲ ﻃﻠﻌﺖ ﺍﻏﻨﻴﺔ ﺩﺍﻟﻲ ﺩﻋﻮﻓﻨﻲ ﺭﺣﻤﻪ ﻋﻠﻰ ﺍﺑﻴﻚ .. ﺻﺤﺖ ﺍﻱ ﻭﺍﻟﻠﻪ ﻋﻮﻓﻨﻲ ﺭﺣﻤﻪ ﻋﻠﻰ ﺍﺑﻴﻚ ﻳﻠﺰﻛﻪ
ﺟﺮﺕ ﻧﺪﻯ ﺍﻟﻤﻮﺑﺎﻳﻞ ﻭﻋﻠﺖ ﺍﻟﺴﻴﺎﺭﻩ .. ﺻﺤﺖ ﻟﺞ ﻻ ﻻ ﻻ .. ﺻﻤﺖ ﺣﻠﻜﻲ ﻫﻤﺴﺖ ﺧﻞ ﻳﻔﻬﻢ ﺍﻟﻠﺰﻛﻪ ﺍﺳﻜﺘﻲ .. ﻭﻓﺘﺤﺖ ﺧﻂ
- ﺩﻭﺧﺮﻱ ﺍﻳﺪﺝ ﺧﻞ ﺍﺷﻮﻑ ﺍﻟﻄﺮﻳﻖ ﺣﻨﻨﻜﻠﺐ .. ﻓﺘﺤﺖ ﺳﺒﻴﻜﺮ ﻭﻫﻮ ﻳﺼﻴﺢ ﺷﻨﻮ ﻫﺎﻱ ﺍﻻﻏﺎﻧﻲ ﻟﺠﻴﻦ ﺭﺩﻱ ..
ﻏﻨﻴﻨﺎ ﻭﻱ ﺍﻻﻏﻨﻴﻪ ( ﻻ ﺯﻫﺪ ﺑﻴﻚ ﻭﻻ ﺻﻐﺮ ﻟﻐﻴﺮﻙ ﺍﻧﺬﺭﺕ ﺍﻟﻌﻤﺮ ﺍﻓﻬﻢ ﻋﻠﻴﻪ ﻳﺎ ﺑﺸﺮ ﺗﻨﺴﺎﻧﻲ ﻳﺎﺭﻳﺘﻚ )
ﻭﺑﻘﻴﻨﺎ ﻧﻜﻤﻞ ﻭﻧﻐﻨﻲ ﻭﻫﻮ ﺳﻜﺖ .. ﺍﺧﺮ ﺷﻲ .. ﺳﺪ ﺍﻟﻤﻮﺑﺎﻳﻞ ﻫﻬﻬﻬﻬﻬﻬﻬﻬﻬﻪ ﻭﺍﻟﻠﻪ ﻟﻌﺒﻦ ﺑﻲ ﻟﻌﺐ ..
ﻛﻤﻠﻨﻪ ﺍﻟﻄﺮﻳﻖ ﻛﻠﻪ ﺿﺤﻚ ﻭﺩﻙ ﻭﺻﻔﻜﺎﺕ .. ﻭﺻﻠﻨﺎ ﻟﻠﺒﻴﺖ .. ﺭﺍﺩﺕ ﻣﺎﻣﺎ ﺗﻠﺰﻣﻬﻢ ﻳﺒﺎﺗﻮﻥ ﻣﻘﺒﻠﻦ ﺧﺎﻻﺗﻲ ﻭﺭﺍﺣﻦ ..
ﺩﺧﻠﺖ ﺍﻟﺒﻴﺖ ﻣﻬﺪﻭﺩﻩ .. ﺷﻤﺮﺕ ﺍﻟﺤﺬﺍﺀ ﻭﻓﺮﺷﺖ ﺑﺎﻟﻬﻮﻝ .. ﺩﺧﻞ ﺑﺎﺑﺎ .. ﻛﻞ ﻋﺎﻡ ﻭﺍﻧﺘﻲ ﺑﺨﻴﺮ ﺑﺎﺑﺎﺗﻲ .. ﻭﺍﺟﻪ ﻛﻌﺪ ﻛﺒﺎﻟﻲ ..
- ﻭﺍﻧﺖ ﺑﺎﻟﻒ ﺧﻴﺮ ﺣﺒﻴﺒﻲ ..
- ﻭﺻﻠﺘﺞ ﺍﻟﻬﺪﻳﻪ
- ﺟﺮﻳﺘﻬﺎ ﻣﻦ ﺭﻛﺒﺘﻲ ﻭﺷﻮﻓﺘﻪ ﻋﺎﺷﺖ ﺍﻳﺪﻙ ﺗﺨﺒﻞ ..
- ﻫﻬﻬﻪ ﺣﺒﻴﺒﺘﻲ ﺑﺎﻟﻌﺎﻓﻴﻪ .. ﺍﻛﻮﻝ ﺑﻨﺘﻲ ﺍﺭﻳﺪ ﺍﺣﺠﻲ ﻭﻳﺎﺝ ﺷﻲ .. ﺑﺲ ﺍﺭﻳﺪ ﺍﻟﺼﺮﺍﺣﻪ ..
- ﻛﻮﻝ ﺑﺎﺑﺎ ..
- ﺑﻨﺘﻲ ﺍﻟﻠﻲ ﺍﺳﻤﻪ ﻣﺎﻟﻚ ﺗﻌﺮﻓﻲ .. ﺍﻟﺒﺎﺭﺣﻪ ﺍﺟﻪ ﺧﻄﺒﺞ .. ﻭﺍﻟﻴﻮﻡ ﺍﺟﻪ ﻟﻠﻤﺤﻞ ﻫﻢ ﻳﺼﻴﺢ ﺍﺭﻳﺪﻫﺎ ﻭﻟﻮ ﺗﺮﻳﺪ ﻣﻬﺮﻫﺎ 100 ﻣﻠﻴﻮﻥ ﻣﻮﺍﻓﻖ ﺑﺲ ﺍﻧﻄﻴﻨﻴﺎﻫﺎ
- ﺩﻧﮕﺖ ..
- ﺑﺎﺑﺎ ﻫﺬﺍ ﺍﻟﺸﺎﺏ ﺑﻌﺪﻩ ﻳﻼﺣﻘﺞ ..
- ﻫﺰﻳﺖ ﺭﺍﺳﻲ ﻻ .. ﻳﻄﻠﻌﻠﻲ ﻣﺮﺍﺕ ﻭﻳﺤﺠﻴﻠﻲ ﻫﻠﻜﻼﻡ .. ﺑﺲ .....
- ﺑﻨﺘﻲ ﺍﻧﺘﻲ ﻣﻨﻄﻴﺘﻪ ﻭﺟﻪ ﻭﻫﻴﺞ ﻣﺼﺮ ﻟﻮ ﺷﻠﻮﻥ .. ﺗﺮﻩ ﻣﺎ ﺍﻗﺒﻞ ﺑﻬﻠﺤﺠﻲ ﻭﺍﻧﻲ ﺍﺣﺒﺞ ﻭﻭﺍﺛﻖ ﺑﻴﺞ .. ﻫﻴﺞ ﻧﻤﺎﺫﺝ ﻣﻤﻨﻮﻉ ﺗﺤﺠﻴﻦ ﻭﻳﺎﻫﻢ ..
- ﺳﻜﺘﺖ ﻭﺩﻧﻜﺖ ﻣﻨﻪ .. ﻭﻋﻴﻨﻲ ﺑﻤﺤﺒﺲ ﻣﺎﻟﻚ .
- ﺍﻛﻴﺪ ﺑﺪﺍﺧﻠﺞ ﺩﻛﻮﻟﻴﻦ ﻟﻴﺶ ﻭﺗﺨﺠﻠﻴﻦ ﺗﻜﻮﻟﻴﻬﺎ .. ﺣﺒﻴﺒﺘﻲ ﺑﺎﺑﺎﺗﻲ ﺍﻧﺘﻲ ﻭﺍﻋﻴﻪ ﻭﻣﺜﻘﻔﻪ ﻭﺍﺣﺪ ﻣﺜﻞ ﻫﺬﺍ ﻣﻴﻔﻴﺪﺝ
.
ﺍﻧﻲ ﺍﺑﻮﺝ ﻭﺍﻋﺮﻑ ﺍﻟﺒﺸﺮ ﻣﻦ ﻧﻈﺮ ﺑﺨﺒﺮﺓ ﺍﻟﺴﻨﻴﻦ . ﻫﺬﺍ ﻟﻬﺠﺘﻪ ﻭﻣﺸﻴﺘﻪ ﻭﺣﺮﻛﺎﺗﻪ ﻛﻠﻬﺎ ﻣﻮ ﺭﺍﺣﻪ . ﻭﺳﺒﻖ ﻭﺗﻌﺮﺿﻠﺞ ﻭﻫﺴﻪ ﻳﺒﺮﺭ ﺑﺪﺍﻓﻊ ﺣﺐ ﻭﻫﻠﺨﺮﺍﻓﺎﺕ ..
ﺍﻓﻬﻢ ﻋﻠﻰ ﻋﻘﻠﺞ ﻛﻮﻧﺞ ﺷﺎﺑﻪ . ﺑﺲ ﺑﺎﺑﺎ ﻫﺬﺍ ﻣﻮ ﺣﺐ .. ﻫﺬﺍ ﻳﺤﺴﺞ ﺷﻲ ﻏﺎﻟﻲ ﻭﻳﺮﻳﺪﻩ ﺣﺘﻰ ﻳﺮﺧﺺ ﻋﻨﺪﻩ ﻭﻣﻴﺼﻌﺐ ﻋﻠﻴﻪ ..
ﻻ ﺗﻨﻄﻲ ﻋﻴﻦ .. ﻭﻻ ﺣﺘﻰ ﺍﻣﻞ ﺍﻭ ﻧﻈﺮﻩ .. ﺍﺑﺘﻌﺪﻱ ﻣﻨﻪ . ﻭﺍﺫﺍ ﻫﻮ ﻭﺍﺻﻞ ﺑﺎﻟﺪﻭﻟﻪ ﻭﻋﻨﺪﻩ ﻣﻌﺎﺭﻑ ﻭﺗﺨﺎﻓﻴﻦ ﻣﻦ ﺷﻐﻠﺔ ﻳﻬﺪﺩ ﺍﻭ ﻏﻴﺮﻫﺎ ..
ﻛﻮﻟﻲ ﻻ ﺗﺨﺎﻓﻴﻦ . ﺍﻧﻲ ﺍﺻﻼ ﻣﻠﻴﺖ ﻣﻦ ﻭﺿﻌﻴﺔ ﺍﻟﺒﻠﺪ ﻭﻣﻘﺮﺭ ﺍﺧﺬﺝ ﺍﻧﺘﻲ ﻭﺍﻣﺞ ﻭﻧﺮﻭﺡ ﻧﻌﻴﺶ ﺑﺎﻟﺴﻮﻳﺪ ﻳﻢ ﺑﻴﺖ ﻋﻤﺞ .. ﻭﻧﺨﻠﺺ ﻣﻨﺎ
ﻻ ﻃﻠﻌﺖ ﻟﺠﻴﻦ ﻭﻻ ﻟﺒﺴﺖ ﻟﺠﻴﻦ .. ﻫﻨﺎﻙ ﺭﺍﺡ ﻳﻔﻬﻤﻮﻥ ﻋﻘﻠﺞ ﻭﺛﻘﺎﻓﺘﺞ ﻭﺭﺍﺡ ﻳﻘﻴﻤﻮﺝ ﻛﺼﻴﺪﻻﻧﻴﻪ ﻭﺷﻬﺎﺩﻩ
ﻑ ﺍﺗﺮﻛﻲ ﻋﻨﺞ ﻛﻞ ﻫﺬﺍ ﺑﻨﺘﻲ .. ﻭﺧﻠﻴﻨﻲ ﺍﻧﻲ ﻭ ﺍﻣﺞ .. ﺑﻴﻦ ﻋﻴﻮﻧﺞ .. ﺍﺣﻨﻪ ﻣﻦ ﻧﺨﻠﻴﺞ ﺍﻃﻠﻌﻴﻦ ﻭﺗﻤﺸﻴﻦ ﻭﺍﺛﻘﻴﻦ ﻣﻨﺞ ﻣﺎ ﺗﻨﺰﻟﻴﻦ ﺭﻭﺳﻨﺎ
ﺗﺼﻴﺮ ﺷﻐﻼﺕ ﺍﻟﺤﺐ ﻭﺍﻻﻋﺠﺎﺏ ﺑﻌﻤﺮﻛﻢ ﺍﺗﻔﻬﻤﻜﻢ ﻫﻢ ﺟﻨﺖ ﺷﺎﺏ ﻭﺣﺒﻴﺖ ﻭﻣﻨﻌﻮﻧﻲ ﻭﻣﺎ ﻛﺪﺭﺕ ﻫﻠﺸﻲ ﻣﻮ ﺑﺄﻳﺪ ﺍﻻﻧﺴﺎﻥ .
ﻭﺍﻛﻮﻥ ﻏﺒﻲ ﻟﻮ ﺍﺧﺬﺕ ﻣﻌﺎﺝ ﺍﺳﻠﻮﺏ ﺍﻟﻌﻨﻒ ﺣﺘﻰ ﺍﺑﻌﺪﺝ . ﻻﻥ ﺍﻻﻧﺴﺎﻥ ﺍﺫﺍ ﻋﻨﺪﻩ ﻏﺎﻳﻪ ﻣﺎ ﻳﺘﺮﻛﻬﺎ . ﻟﻜﻦ ﻟﻮ ﻣﻨﻌﻮﻩ ﻳﻀﻄﺮ ﻳﺴﻮﻳﻬﺎ ﺑﺎﻟﺨﻔﺎﺀ .. ﻭﻫﺬﺍ ﺍﻟﻠﻲ ﻣﺎ ﺍﺣﺐ ﺗﺴﻮﻱ ..
ﺍﻧﻲ ﺍﺣﺒﺞ ﻭﻣﺎ ﻋﻨﺪﻱ ﻏﻴﺮﺝ ﻭﺩﻭﻡ ﺍﻛﻮﻝ ﻻﻣﺞ ﺻﺎﺭﺣﻴﻬﺎ ﻭﻫﺎﻱ ﻫﻲ ﻭﺍﺳﺌﻠﻴﻬﺎ . ﺍﻛﻠﻬﺎ ﺧﻠﻲ ﺳﺮ ﺍﻟﺒﻨﻴﻪ ﻳﻤﺞ . ﻭﺗﻔﻬﻤﻴﻬﺎ ﻭﻻ ﺗﺮﻭﺡ ﻟﻐﻴﺮﺝ ﻭﻳﻨﺼﺤﻬﺎ ﺑﺎﻟﻐﻠﻂ ﻭﺗﻨﺠﺮﻑ ..
ﺍﻟﺤﺐ ﺑﺎﺑﺎ ﺍﻃﻬﺮ ﻣﻦ ﺍﻥ ﻣﺎﻟﻚ ﻳﺘﻌﺮﺿﻠﺞ ﺑﻬﺎﻟﻄﺮﻳﻘﻪ ﺍﻟﻮﺳﺨﻪ .. ﻭﻳﻜﻮﻟﺞ ﺣﺐ ﻟﻮ ﻳﻮﻫﻤﺞ ﺑﻬﺎﻟﺸﻲ .. ﻟﺘﺼﺪﻗﻴﻦ ..
ﺍﺗﻘﺒﻞ ﺣﺐ ﻣﺨﻠﺪ ﺍﻟﺞ .. ﻭﺍﻋﺮﻑ ﺣﺒﻪ ﻃﺎﻫﺮ ﻭﻳﺎﺝ ﻻ ﺣﺎﻭﻝ ﻳﺘﻔﺮﺩ ﺑﻴﺞ ﻭﻻ ﺣﺎﻭﻝ ﻳﺨﺎﺑﺮ ﺑﻠﻴﻞ ﻭﻳﺪﻭﺭ ﻫﺴﻮﺍﻟﻒ ﻛﻞ ﻫﻤﻪ ﺗﻜﻮﻧﻴﻦ ﺍﻟﻪ ﻟﻜﻦ ﻃﺮﻳﻘﺘﻪ ﻏﻴﺮ ﺣﻀﺎﺭﻳﻪ ..
ﻟﻬﻴﺞ ﺗﺎﺭﻙ ﺍﻟﻘﺮﺍﺭ ﺍﻟﺞ ﺗﻘﺮﺭﻳﻦ .. ﺑﺲ ﺑﻨﺘﻲ ﻓﻜﺮﻱ ﺑﻌﻘﻠﺞ .. ﺍﺗﺮﻛﻲ ﻗﻠﺒﺞ .. ﻭﻟﻮ ﺍﻋﺮﻓﺞ ﻗﺮﺍﺭﺍﺗﺞ ﻋﺎﻃﻔﻴﻪ ﺩﺍﺋﻤﺎ ﻣﺎ ﺗﻘﺮﺭﻳﻦ ﺑﻘﻠﺒﺞ ..
ﻟﻜﻦ ﺍﻧﺼﺤﺞ ﻳﺎﺑﻮﻳﻊ ﻋﻘﻠﺞ ﺛﻢ ﻋﻘﻠﺞ ﺛﻢ ﻋﻘﻠﺞ ﺛﻢ ﻗﻠﺒﺞ .. ﻋﻘﻠﺞ ﻓﻜﺮﻱ ﺑﻲ ﻗﺮﺭﻱ ﺑﻴﻪ .. ﺍﻣﺸﻲ ﺑﻴﻪ .. ﻭﻗﻠﺒﺞ ﺍﺗﺮﻛﻲ ﺑﺲ ﻟﻠﺮﺣﻤﻪ
ﺩﻧﻴﺎﻧﻪ ﻳﺎ ﺑﺎﺑﺎ ﻏﺎﺑﻪ .. ﺍﻟﻘﻮﻱ ﻳﺎﻛﻞ ﺍﻟﻀﻌﻴﻒ ﻭﺍﻟﻐﺰﺍﻝ ﺍﻟﻤﺜﻠﺞ ﺍﻟﻒ ﺛﻌﻠﺐ ﻭﺫﻳﺐ ﻳﺘﺤﺎﻳﻞ ﻋﻠﻴﻪ ﺣﺘﻰ ﻳﺎﻛﻠﻪ ..
- ﻳﺤﺠﻲ ﻭﺍﻧﻲ ﺍﺳﻤﻊ .. ﺟﺎﻭﺑﺘﻪ ﺍﺷﻜﺮﻙ ﺑﺎﺑﺎ ﻭﺍﻓﻬﻢ ﻛﻼﻣﻚ .. ﻭﺍﻥ ﺷﺎﺀﺍﻟﻠﻪ ﺍﺑﻘﻰ ﻋﻨﺪ ﺣﺴﻦ ﺿﻨﻚ ..
ﺑﺲ ﺑﺎﺑﺎ ﺍﻧﺘﻪ ﺗﻌﺮﻑ ﺑﻌﻤﺮﻱ ﻣﺎ ﻓﺪ ﻳﻮﻡ ﺣﺎﻭﻟﺖ ﺍﻛﺴﺮ ﺛﻘﺘﻚ ﺑﻴﻪ .. ﻫﻮﺍﻱ ﻧﺎﺱ ﻳﺤﺠﻮﻥ ﻣﻨﻄﻴﻬﺎ ﺣﺮﻳﻪ ﻣﻨﻄﻴﻬﺎ ﻋﻴﻦ ..
ﺑﺲ ﺻﺪﻗﻨﻲ .. ﺧﻠﺼﺖ ﻋﻤﺮﻱ ﻭﺍﻧﺘﻪ ﺑﻴﻦ ﻋﻴﻮﻧﻲ .. ﻟﻼﻥ ﺍﺗﺬﻛﺮ ﻛﻼﻣﻚ ﻟﻤﺎ ﺭﺩﺕ ﺍﺩﺧﻞ ﺍﻟﺠﺎﻣﻌﻪ .. ﻭﻛﺘﻠﻲ ﺑﺎﺑﺎ ﺍﻟﺤﺮﻡ ﺍﻟﺠﺎﻣﻌﻲ ﻣﻮ ﻣﻜﺎﻥ ﻟﻠﺤﺐ .. ﻣﻜﺎﻥ ﻟﻠﻌﻠﻢ ..
ﻭﺍﻟﺸﺒﺎﺏ ﺍﻟﻠﻲ ﺭﺍﺡ ﺗﺘﻌﺮﺿﻠﺞ ﺑﻲ ﻣﻮ ﻻﻥ ﺭﺍﻳﺪﻳﺞ ﻻ ﺍﻟﺮﺍﻳﺪﺝ ﻋﻨﺪﺝ ﺑﺎﺏ ﻭﻳﺠﻴﺞ .. ﺍﻟﺮﺍﺡ ﻳﺠﻴﺞ . ﻫﻮ ﻳﺮﻳﺪ ﻳﺘﺒﺎﻫﺎ ﺑﻴﺞ ﻙ ﻗﻮﻝ ﻋﻨﺪﻩ ﻋﻼﻗﻪ ﺑﺒﻨﻴﻪ ﻛﺪﺍﻡ ﺍﻟﺠﺎﻣﻌﻪ .. ﻭﺍﻳﻀﺎ ﻳﺨﻠﺺ ﺍﻳﺎﻡ ﺍﻟﺠﺎﻣﻌﻪ ﺑﺴﻮﺍﻟﻒ ﺣﺐ ..
.
ﻛﻮﻧﻲ ﺑﻌﻴﺪﻩ ﻋﻦ ﻫﺬﺍ ﺍﻻﻣﻮﺭ .. ﻭﺧﻠﻲ ﻣﺴﺘﻘﺒﻠﺞ ﻫﻮ ﻫﻤﺞ .. ﺧﻠﻴﺖ ﻫﺬﺍ ﺍﻟﻜﻼﻡ ﺑﺄﺫﻧﻲ ﻭﻣﺎ ﻓﺪ ﻳﻮﻡ ﺣﺎﻭﻟﺖ ﺍﺧﺎﻟﻔﻚ ﺭﺑﻲ ﺷﺎﻫﺪ
ﺧﻠﺼﺖ ﺍﻳﺎﻡ ﺟﺎﻣﻌﺘﻲ ﻭﺍﻧﻲ ﻗﻠﺒﻲ ﻣﺎﺳﻜﺘﻪ ﺑﺄﻳﺪﻱ .. ﻣﺎ ﻗﺒﻠﺖ ﺍﻋﻄﻲ .. ﻟﻮﺻﻴﺘﻚ ﺍﻟﻴﻪ .. ﺑﺲ ﺑﺎﺑﺎ ﺍﺗﻤﻨﻰ ﺗﻔﻬﻤﻨﻲ ..
ﺻﺢ ﻣﻮ ﻻﺯﻡ ﺍﻗﺮﺭ ﻏﻠﻂ .. ﻟﻜﻦ ﺍﻧﻲ ﺑﻨﺖ ﻭﻭﺻﻠﺖ ﻋﻤﺮ 28 ﻭﻗﺮﺑﺖ ﻋﻠﻰ 30 ﻭﺍﻧﻲ ﻭﺣﻴﺪﻩ .. ﻻ ﺍﺧﺖ ﻻ ﺍﺥ ﻻ ﻣﺤﺐ ..
ﻣﺎ ﺍﻋﺮﻑ ﺷﻠﻮﻥ ﺍﺷﺮﺣﻠﻚ .. ﻳﺼﻌﺐ ﻋﻨﺪﻱ ﻫﻼﻣﺮ ﻛﻮﻧﻚ ﺍﺑﻮﻳﻪ ﺍﺧﺠﻞ .. ﻟﻜﻦ ﺑﺎﺑﺎ ﻓﻌﻼ ﺻﺮﺕ ﺍﺣﺲ ﻧﻔﺴﻲ ﻭﺣﻴﺪﻩ .
ﻣﺎ ﺍﺭﻳﺪ ﺍﺗﺰﻭﺝ ﻭﻣﻮ ﻗﺼﺪﻱ ﺍﻟﺰﻭﺍﺝ ﻻﻥ ﺍﻧﻲ ﻛﺎﻣﻠﻪ ﻣﻮ ﺑﺤﺎﺟﺔ ﺭﺟﻞ ﻳﻜﻤﻠﻨﻲ .. ﻭﻟﻮ ﻋﺬﺭﺍ ﻋﻠﻰ ﻫﻠﻜﻼﻡ ﻻﻥ ﺩﺍ ﺍﻛﻮﻟﻪ ﻛﺪﺍﻣﻚ ..
ﺑﺲ ﺑﺎﺑﺎ ﺍﻟﻠﻲ ﻧﺎﻗﺼﻨﻲ ﻫﻮ ﺍﻻﺣﺴﺎﺱ ﺑﺎﻟﻔﺮﺡ .. ﻭﺻﻠﺖ ﻟﻤﺮﺣﻠﻪ ﺍﻱ ﺷﻲ ﻣﺪﻳﺴﻌﺪﻧﻲ ﺍﻟﻤﻠﻞ ﺑﺤﻴﺎﺗﻲ ﺭﻫﻴﺐ ..
ﺍﺳﺎﻓﺮ ﺍﻃﻠﻊ ﺍﺗﻮﻧﺲ .. ﻭﻣﻊ ﻛﻞ ﻫﺬﺍ ﺍﺷﻌﺮ ﺑﺎﻟﻤﻠﻞ ﻣﺎ ﺍﺣﺲ ﺍﻛﻮ ﺷﻲ ﻳﻔﺮﺣﻨﻲ .. ﻭﺧﺎﻳﻔﻪ ﺣﻴﻞ ﺍﻓﺮﺡ ﺑﺸﻲ ﻣﻮ ﺣﻘﻴﻘﻲ ..
.. ﻟﻮ ﺳﺄﻟﺘﻨﻲ ﻋﻦ ﺍﻟﻠﻲ ﺫﻛﺮﺗﻠﻲ ﺍﺳﻤﻪ ﺑﺎﻭﻝ ﺍﻟﻜﻼﻡ ﻭﻛﻠﺘﻠﻲ ﻣﻮﺍﻓﻘﻪ .. ﻭﺍﺭﺟﻊ ﺍﻓﻜﺮ ﺑﻌﻘﻠﻲ ﻣﻮ ﺑﻘﻠﺒﻲ ﺭﺍﺡ ﺍﻛﻮﻟﻚ ﻻ ..
ﺑﺎﺑﺎ ﺍﻧﻲ ﺩﺍ ﺍﺣﺲ ﺿﺎﻳﻌﻪ ﻭﻣﺎ ﺍﻋﺮﻑ ﺷﻨﻮ ﺍﺭﻳﺪ .. ﺍﺧﺎﻑ ﺍﻗﺮﺭ ﻭﻳﻄﻠﻊ ﻏﻠﻂ .. ﻭﺍﺧﺎﻑ ﺍﺗﺮﺍﺟﻊ ﻭﺍﺗﻨﺪﻡ .. ﻭﺍﺧﺎﻑ ...... ﺩﺍﺧﺬﺕ ﻧﻔﺲ .. ﺳﻜﺘﺖ
ﻫﺰ ﺭﺍﺳﻪ .. ﺍﻟﻪ ﻳﻮﻓﻘﺞ ﺑﻨﻴﺘﻲ ﺍﻋﺮﻓﺞ ﺣﺒﺎﺑﻪ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ .. ﻭﻛﺎﻡ ..
ﺗﻘﺮﺑﺖ ﻳﻤﻲ ﺍﻣﻲ .. ﺍﻧﺘﻲ ﺻﺪﻙ ﺗﺤﺒﻲ ﻟﻤﺎﻟﻚ ..
- ﻣﺎﻣﺎ ﻭﻱ ﻣﺎﻟﻚ ﺍﻟﻜﻰ ﺍﻻﺣﺴﺎﺱ ﺍﻟﻠﻲ ﻓﺎﻗﺪﺗﻪ .. ﺍﺷﻌﺮ ﺑﻔﺮﺡ ﻣﺨﺘﻠﻒ .. ﻣﺨﺘﻠﻒ ﺟﺪﺍ ﻋﻦ ﺍﻟﻔﺮﺡ ﻟﻤﺎ ﺗﻨﻄﻴﻨﻲ ﻫﺪﻳﻪ ﺍﻭ ﻧﻄﻠﻊ ﻧﺘﻨﺰﻩ ﺍﻭ ﺍﻭ ﺍﻭ
ﺍﺣﺴﺎﺱ ﻏﻴﺮ .. ﻟﻤﺎ ﻳﻮﻛﻒ ﻛﺒﺎﻟﻲ ﻣﻮ ﺑﻴﺪﻱ ﻛﻠﺒﻲ ﻭﺣﺪﻩ ﻳﻜﻮﻡ ﻳﺪﻙ ﺩﻛﺎﺕ ﻣﻮ ﺍﻋﺘﻴﺎﺩﻳﻪ .. ﻭﺍﺣﺴﻪ ﻳﺮﻳﺪ ﻳﻄﻠﻊ ﻟﻴﺶ ﻣﺎ ﺍﻋﺮﻑ ..
ﻫﻮﺍﻱ ﺑﺤﻴﺎﺗﻲ ﻣﺮﻭ ﺍﺭﺟﺎﻝ .. ﻭﻛﺜﻴﺮ ﺣﺎﻭﻟﻮ ﻳﺘﻘﺮﺑﻮﻥ .. ﺑﺎﻟﺠﺎﻣﻌﻪ ﻭﺍﻟﺼﻴﺪﻟﻴﻪ ﻭﺍﻟﺬﺍﻋﻪ ﻭﻏﻴﺮﻫﺎ .. ﺑﺲ ﺍﺑﺪ ﻣﻌﺮﺗﻠﻬﻢ ﺍﻧﺘﺒﺎﻩ ﻭﻻ ﺟﺬﺑﻮﻧﻲ ﺍﺑﺪ ..
ﻭﻱ ﻣﺎﻟﻚ ﻟﻴﺶ ﻣﺎ ﺍﻋﺮﻑ ..
ﺍﻻﻡ -: ﺍﺳﻠﻮﺑﻪ ﻣﺎﻣﺎ ﺍﺳﻠﻮﺑﻪ .. ﺷﻔﺘﻪ ﻣﻦ ﺍﺟﻪ ﻭﻃﺮﻳﻘﺔ ﻛﻼﻣﻪ .. ﻓﺪ ﻭﺍﺣﺪ ﻣﻠﻌﺐ ..
-: ﺍﻧﺘﻲ ﺗﺤﺴﻲ ﻣﻠﻌﺐ
- ﺍﻱ ﻭﻣﻮ ﻣﻨﺎﺳﺐ ﺍﻟﺞ ﺍﺑﺪ .. ﺍﺗﺮﻛﻲ ﺍﻣﻲ ﻣﻮ ﻣﺴﺘﻮﺍﺝ .
- ﺍﺧﺬﺕ ﻧﻔﺲ .. ﺍﻥ ﺷﺎﺀﺍﻟﻠﻪ .. ﻛﻤﺖ ﺷﻠﺖ ﺣﺬﺍﺋﻲ ﻭﺟﻨﻄﺘﻲ ﻭﺻﻌﺪﺕ .. ﺍﻟﻐﺮﻓﻪ ﻫﻮﺳﻪ .. ﻟﻤﻠﻤﺘﻬﺎ ﻭﻧﻀﻔﺖ ..
ﻭﺭﺣﺖ ﺳﺒﺤﺖ .. ﺭﺟﻌﺖ ﻣﺸﻄﺖ ﻭﺳﻮﻳﺖ ﺿﻔﻴﺮﻩ ﺻﻔﺢ .. ﺩﺍ ﺍﻧﺎﻡ ﺧﺎﺑﺮ ﻣﺎﻟﻚ .. ﺑﺎﻭﻋﺖ ﺑﻘﻴﺖ ﺣﺎﻳﺮﻩ .. ﺑﺲ ﻣﺮﺩﻳﺖ ..
ﺗﺮﻛﺖ ﺍﻟﺠﻬﺎﺯ ﺻﺎﻣﺖ ﻭﻧﻤﺖ .. ﻛﻌﺪﺕ ﺍﻟﺼﺒﺢ .. ﺑﺪﻟﺖ ﻭﺭﺣﺖ ﻟﻠﺼﻴﺪﻟﻴﻪ ﻭﻛﻼﻡ ﺑﺎﺑﺎ ﻳﺮﻥ ﺑﺄﺫﻧﻲ ..
ﻭﺻﻠﺖ ﻓﺘﺤﺖ ﺍﻟﺒﺎﺏ ﻭﻛﻌﺪﺕ ﻭﺍﻣﺸﻲ ﺯﺑﺎﺋﻦ .. ﻭﺍﻓﻜﺮ .. ﺩﺧﻞ ﻣﺆﻳﺪ ..
ﻣﺆﻳﺪ -: ﻫﻼﻭ ﻋﻴﻨﻲ .. ﺷﻬﻠﺼﺒﺎﺡ ﺍﻟﺤﻤﺪﻟﻠﻪ ﻉ ﺳﻼﻣﻪ ..
- ﻫﻬﻬﻪ ﻫﻼ ﺑﻴﻚ ﻣﺆﻳﺪ ﺍﻟﻠﻪ ﻳﺴﻠﻤﻚ
.
ﺷﻠﻮﻧﻪ ﺍﺑﻦ ﻋﻤﺞ ﺷﻠﻮﻥ ﺻﺎﺭ .
- ﻻ ﺯﻳﻦ ﺍﻟﺤﻤﺪﻟﻠﻪ .
- ﺍﻋﺬﺭﻳﻨﻲ ﻭﺍﻟﻠﻪ ﺭﺩﻧﺎ ﻧﺠﻲ ﺍﻧﻲ ﻭﺍﻟﻌﺎﺋﻠﻪ ﺑﺲ ﺗﻌﺮﻓﻴﻦ ﻃﻔﻞ ﻭﻋﻠﻌﻠﻨﺎ .. ﻭﻣﺘﻘﻴﺪﻩ ﺍﻟﻤﺮﻩ ﻣﻦ ﻭﺭﺍﻩ ..
- ﻻ ﺧﺎﺑﺮﺕ ﻭﺳﺌﻠﺖ ﺑﻴﻮﻣﻬﺎ ﻛﻠﺶ ﻛﺎﻓﻲ ﺍﻋﺮﻑ ﺿﺮﻭﻓﻚ ..
- ﺍﻟﻠﻪ ﻳﺤﻔﻈﺞ . ﺍﺧﺬﻱ ﺭﺍﺣﺘﺞ .. ﻣﺪﺍﻡ ﺍﺟﻴﺘﻲ ﺧﻞ ﺍﺭﻭﺡ ﺍﺳﻮﻱ ﻣﻌﺎﻣﻠﺔ ﺟﻨﺴﻴﺔ ﺍﻟﻄﻔﻞ ..
- ﺭﻭﺡ ﺍﺑﻮ ﻟﻮﻟﻮ ﺍﺧﺬ ﺭﺍﺣﺘﻚ ..
- ﻫﻬﻬﻬﻪ ﺣﻠﻮﻩ ﻟﻮﻟﻮ ..
- ﻫﻬﻬﻪ ﺑﻮﺳﻠﻴﺎﻫﺎ .. ﺍﻣﺎﻧﻪ
- ﺍﻥ ﺷﺎﺀﺍﻟﻠﻪ ..
ﻃﻠﻊ .. ﺑﻘﻴﺖ ﺑﺎﻟﺼﻴﺪﻟﻴﻪ .. ﻣﺎﻟﻚ ﺍﺗﺼﻞ ﻫﻮﺍﻳﻪ ﻣﺎ ﺍﻋﺮﻑ ﻟﻴﺶ ﻣﺎ ﺍﺭﺩ .. ﻛﻤﻠﺖ ﻣﻦ ﺍﻟﺼﻴﺪﻟﻴﻪ ﺩﺍ ﺍﻃﻠﻊ
ﻗﻔﻠﺖ .. ﺟﺎﻥ ﺍﻟﻜﻰ ﻣﺎﻟﻚ ﻭﺭﺍﻳﻪ .. ﻟﻴﺶ ﻣﺘﺮﺩﻳﻦ ..
- ﺍﺍﺍﺍ ﺟﺎﻥ ﻋﻨﺪﻱ ﺷﻐﻞ ﻫﻮﺍﻳﻪ ..
- ﻟﺠﻴﻦ ﻣﺸﺘﺎﻗﻠﺞ ﻭﺍﺭﻳﺪ ﺍﺣﺠﻲ ﻭﻳﺎﺝ
- ﻻﺯﻡ ﺍﺭﺟﻊ ﻟﻠﺒﻴﺖ ﻣﺎﻟﻚ ..
- ﺍﻧﺘﻲ ﺷﺒﻴﺞ
- ﻣﺎﺑﻴﻪ ﺷﻲ
- ﻻ ﻣﻮ ﻃﺒﻴﻌﻴﻪ .. ﺍﺫﺍ ﻋﻠﻰ ﺟﻴﺔ ﺍﻟﺒﺎﺭﺣﻪ ﻟﻠﻤﺘﻨﺰﻩ .. ﻓﻜﺘﻠﺞ ﻻﻥ ﻣﺸﺘﺎﻗﻠﺞ ﻣﻮ ﻗﺼﺪﻱ ﺍﺣﺮﺟﺞ ﻛﺪﺍﻡ ﺍﻣﺞ .
- ﻻ ﻣﻮ ﻫﻴﺞ .. ﺑﺲ ﺻﺪﻛﻨﻲ ﻣﺸﻐﻮﻟﻪ ..
- ﻃﻴﺐ ﺧﻞ ﻧﻄﻠﻊ ﻧﺘﻐﺪﻩ ﺳﻮﻩ .
- ﻣﺎ ﺍﻛﺪﺭ ﻻﺯﻡ ﺍﺭﺟﻊ .
- ﻟﺨﺎﻃﺮﻱ .. ﻣﺎﻟﻲ ﺧﺎﻃﺮ ﻳﻤﺞ ..
- ﻣﺎﻟﻚ ﺻﺪﻗﻨﻲ ﻣﺎ ﺍﻛﺪﺭ .. ﻭﺭﻭﺡ ﻣﺎ ﺍﻛﺪﺭ ﺍﻭﻛﻒ ﺑﺎﻟﺸﺎﺭﻉ ﺍﺣﺠﻲ .
- ﺩﺍ ﺍﺣﺲ ﺟﻨﺘﻲ ﺗﺴﺎﻳﺴﻴﻨﻲ ﺣﺘﻰ ﻣﺎ ﺍﺫﻳﺞ ﻭﺍﻭﻫﻤﺘﻴﻨﻲ ﺍﻥ ﺗﺤﺒﻴﻨﻲ ﻭﻣﻦ ﺗﺄﻛﺪﺗﻲ ﺣﺒﻴﺘﺞ ﻭﺗﻌﻠﻘﺖ ﺑﻴﺞ ﻭﻣﺎ ﺍﻛﺪﺭ ﺍﺋﺬﻳﺞ ﺍﺳﺘﻐﻠﻴﺘﻲ ﻫﻠﺸﻲ
- ﻣﻮ ﻫﻴﺞ ﺍﺑﺪﺍ ..
- ﺍﻱ ﻻ ﻫﻴﺞ ﻭﺍﻛﺜﺮ .. ﻟﺠﻴﻦ ﻛﺘﻠﺞ ﺍﺣﺒﺞ . ﻭﻛﺘﻠﺞ ﻣﺎ ﺍﺫﻳﺞ ﻭﻻ ﺍﻟﻌﺐ ﻋﻠﻴﺞ ﻭﻣﻨﻴﻦ ﻣﺎ ﺟﺎﻱ ﺍﺟﻴﺞ ﻣﺘﺮﺩﻳﻦ ﺷﻠﻮﻥ ﻳﻌﻨﻲ ..
- ﻣﻮ ﻭﻗﺘﻪ ﺍﻟﺤﺠﻲ ..
- ﻟﻌﺪ ﺻﻌﺪﻱ ﺩﺍ ﺍﺣﺠﻲ ﻭﻳﺎﺝ
- ﻣﺎﻟﻚ .....
- ﺍﻧﻌﻞ ﺍﺑﻮ ﻣﺎﻟﻚ ﻛﺘﻠﺞ ﺻﻌﺪﻱ ﻻ ﺗﺨﺒﻠﻴﻨﻲ ..
- ﺍﺧﺬﺕ ﻧﻔﺲ ﻭﺭﺣﺖ ﻭﻳﺎﻩ ﺻﻌﺪﺕ .. ﻃﺒﻜﺖ ﺍﻟﺒﺎﺏ ﻭﺍﻟﺘﻔﺘﺘﻠﻪ .. ﺑﺲ ﻣﻨﺘﺄﺧﺮ ﻧﺺ ﺳﺎﻋﻪ ..
- ﻟﺠﻴﻦ ﺑﺲ ﻓﻬﻤﻴﻨﻲ ﺷﺴﻮﻱ .. ﺧﻄﺒﺘﺞ ﻣﺮﻩ ﻟﺦ ﻭﺍﺑﻮﺝ ﻣﺎ ﺩﺍ ﻳﻮﺍﻓﻖ .. ﺍﻟﺤﻞ ﺷﻠﻮﻥ
- ﻣﺎ ﺍﻋﺮﻑ ﻣﺎﻟﻚ ﺍﺑﻮﻳﻪ ﻣﺪﻳﻘﺒﻞ ﺑﻴﻚ ﻻﻥ ﺗﻌﺮﺿﺘﻠﻲ ﺳﺎﺑﻘﺎ ..
- ﻣﻮ ﺍﻋﺘﺬﺭﺕ ﺷﺴﻮﻱ ﺑﻌﺪ ﻭﻳﻨﻄﻴﺞ ..
- ﻣﺎﻟﻚ ﺍﺗﺮﻙ ﺍﻟﻤﻮﺿﻮﻉ .. ﺧﻠﻴﻪ ﻟﻠﺰﻣﻦ
- ﻳﺎ ﺯﻣﻦ ﻟﺠﻴﻦ ﺍﻧﻲ ﺭﺍﻳﺪﺝ ﻣﺤﺘﺎﺟﺞ ﺍﻓﻬﻤﻲ .. ﻻ ﺭﺍﻳﺪ ﺍﻟﻌﺐ ﻭﻻ ﺍﻣﺎﻃﻞ ﻭﺍﺟﻴﺖ ﺯﻭﺍﺝ ﮔﺒﻞ ﺷﺴﻮﻱ ﺍﻛﺜﺮ ..
- ﻣﺎﻟﻚ ﺍﻧﺖ ﺗﻌﺮﻑ ﻋﻨﻲ ﻛﻮﻟﺸﻲ ﺑﺲ ﺍﻧﻲ ﻣﺎ ﺍﻋﺮﻑ ﻋﻨﻚ ﺷﻲ . ﺍﻧﺘﻀﺮ ﻧﺘﻌﺮﻑ ..
- ﺷﺘﺮﺩﻳﻦ ﺗﻌﺮﻓﻴﻦ .. ﺍﻫﻠﻲ ﺑﺎﻟﺤﺎﺭﺛﻴﻪ .. ﻭﺍﻧﻲ ﻣﺴﺘﻘﻞ ﻋﻨﻬﻢ ﻭﺍﺷﺘﻐﻞ ﺑﺎﻟﺨﻀﺮﺍﺀ ﻛﺘﻠﺞ ..
.
ﻫﺬﻩ ﻣﻮ ﻣﻌﻠﻮﻣﺎﺕ ﻛﺎﻓﻴﻪ ..
- ﻃﻴﺐ ﺷﺘﺮﺩﻳﻦ ﺗﻌﺮﻓﻴﻦ
- ﺍﺭﻳﺪ ﺍﻋﺮﻓﻚ ﺍﻧﺘﻪ ﻣﺎﻟﻚ .. ﺳﺎﻋﻪ ﺗﻜﻮﻥ ﺟﻨﻪ ﻭﺳﺎﻋﻪ ﺟﺤﻴﻢ ﻃﺒﺎﻋﻚ ﺷﺨﺼﻴﺘﻚ ﺣﻴﺎﺗﻚ ﻛﻞ ﻫﺎﻱ ﻟﻼﻥ ﺍﻧﻲ ﻣﺎ ﺍﻋﺮﻓﻬﺎ ...
- ﺗﻌﺮﻓﻴﻬﺎ ﺑﻌﺪﻳﻦ . ﻳﻌﻨﻲ ﺗﺮﺩﻳﻦ ﺗﻘﻨﻌﻴﻨﻲ ﺍﻥ ﻛﻞ ﺍﻟﻴﺤﺒﻮﻥ ﻳﺒﻘﻮﻥ ﺳﻨﻮﺍﺕ ﺣﺘﻰ ﻳﺘﻌﺮﻓﻮﻥ .. ﺑﺎﺑﺎ ﺍﻟﺤﺐ ﻓﻮﻙ ﻛﻠﺸﻲ .. ﻭﻫﻮ ﻳﺠﻠﺐ ﺍﻟﺘﻔﺎﻫﻢ ﺣﺘﻰ ﻟﻮ ﺍﺧﺘﻠﻔﻨﺎ .
- ﺍﻭﻙ ﺑﺲ ﻫﺴﻪ ﻻﺯﻡ ﺍﺭﺟﻊ ﻟﻠﺒﻴﺖ ﺍﺭﺟﻮﻙ ...... ﺍﺧﺬ ﻧﻔﺲ ﻭﻛﺎﻝ ﻣﺎﺷﻲ .. ﺳﺎﻕ ﻭﻃﻠﻊ ﻟﻠﺒﻴﺖ .. ﺑﺮﺍﺱ ﺍﻟﺸﺎﺭﻉ ﻧﺰﻟﺖ ..
ﻟﺰﻡ ﺍﻳﺪﻱ .. ﻗﺒﻞ ﻻ ﺍﻧﺰﻝ ... ﺍﺣﺒﺞ ﻻ ﺗﻨﺴﻴﻦ ﻫﻠﺸﻲ
- ﺍﺑﺘﺴﻤﺖ .. ﻭﻫﺰﻳﺖ ﺭﺍﺳﻲ .. ﺗﻤﺸﻴﺖ ﻟﻠﺒﻴﺖ .
ﺩﺧﻠﺖ ... ﻟﻜﻴﺖ ﻣﺎﻣﺎ ﺗﻨﻀﻒ ﻟﻼﻥ .. ﺧﻄﻴﻪ ﻣﻄﻠﻌﻪ ﻏﺮﺍﺽ ﺍﻟﻜﺎﻭﻧﺘﺮ ﻭﻭﺍﻛﻌﻪ ﺑﻴﻬﻢ ﺟﻠﻒ ..
ﺭﺣﺖ ﺻﻌﺪﺕ ﺑﺪﻟﺖ ﻭﻧﺰﻟﺖ ﻟﺒﺴﺖ ﻛﻔﻮﻑ ﻭﺍﺷﺘﻐﻠﺖ ﻭﻳﺎﻫﺎ .. ﻭﺍﻧﻲ ﺍﺷﺘﻐﻞ ﺣﺠﻴﺖ ﺍﻟﻬﺎ
- ﺍﻟﻴﻮﻡ ﺍﺟﻪ ﻣﺎﻟﻚ ﻟﻠﺼﻴﺪﻟﻴﻪ
- ﺍﻭﻭﻩ ﺷﻄﻠﻌﺖ ... ﻫﺬﺍ ﻫﻢ ﻟﺰﻙ ..
- ﻳﻜﻮﻟﻲ ﺷﺴﻮﻱ ﻭﺗﻮﺍﻓﻘﻮﻥ .. ﺍﻧﻲ ﺍﺭﻳﺪﺝ ﻭﻣﻦ ﻫﻠﻜﻼﻡ
- ﻛﻠﻴﻠﻪ ﺑﺲ ﻛﻔﻴﻨﻪ ﺷﺮﻙ ..
- ﺑﺲ ﻣﺎﻣﺎ ﺍﻧﻲ
- ﺍﻧﺘﻲ ﺷﻨﻮ ﺑﻨﺘﻲ .. ﺗﺤﺒﻲ .. ؟ !!!
- ﺑﻘﻴﺖ ﺍﻏﺴﻞ ﻭﺳﻜﺘﺖ ..
- ﻟﺞ ﻣﺎﻣﺎ ﺍﺑﺘﻌﺪﻱ ﻫﺬﺍ ﻣﻮ ﺧﻮﺵ ﺍﻧﺴﺎﻥ ﻭﺍﻟﻠﻪ ..
- ﻣﺎﻣﺎ ﻫﻮ ﻻﺯﻡ ﺍﻓﻜﺮ ﺑﻌﻘﻠﻲ ﺑﺲ .. ﻭﻣﻮ ﺣﺎﺑﻪ ﺍﺧﺎﻟﻒ ﻛﻼﻡ ﺑﺎﺑﺎ .. ﺑﺴﺴﺲ ﻣﻮ ﺑﺄﻳﺪﻱ ﻭﺍﻟﻠﻪ ﻣﺎﻣﺎ .. ﻣﺮﺍﺕ ﺍﺣﺲ ﻧﻔﺴﻲ ﺍﺣﺘﺎﺝ ﺍﺣﺠﻲ ﻭﻳﺎﻩ ..
- ﻟﺠﻴﻦ ﻣﺎﻣﺎ ﻫﺬﺍ ﻣﺒﻴﻦ ﻣﻦ ﻛﻼﻣﻪ ﻭﺣﺮﻛﺎﺗﻪ ﻣﻮ ﺭﺍﺣﻪ .. ﺍﻻ ﺑﺮﺑﺞ ﺗﺜﻘﻴﻦ ﻭﺗﺄﻣﻨﻴﻦ ﺑﻮﺍﺣﺪ ﺩﺧﻞ ﺑﻴﺘﺞ ﺏ 3 ﺑﻠﻴﻞ ﻣﺜﻞ ﺍﻟﺤﺮﺍﻣﻴﻪ ﻭﺣﺘﻰ ﻣﺎ ﺣﺴﻴﻨﻪ ﺑﺪﺧﻮﻟﻪ .
ﻳﻌﻨﻲ ﻫﺬﺍ ﻣﺘﻤﺮﺱ ﻋﻠﻰ ﻫﻠﺸﻐﻞ ﻭﻳﺨﻮﻑ ﻣﺎ ﻳﺘﺄﻣﻦ ﺍﻧﺘﻲ ﺷﻠﻮﻥ ﺗﺄﻣﻨﻴﻦ .. ﻟﺘﺨﻠﻴﻦ ﻛﻠﺒﺞ ﻳﺎﺧﺬ ﺧﻄﻮﺍﺗﺞ ﻧﺤﻮ ﺍﻟﺠﺤﻴﻢ ﻣﺎﻣﺎ .. ﻓﻜﺮﻱ ﻋﺪﻝ ﻫﺬﺍ ﻣﻴﻨﺎﺳﺒﺞ .
- ﺍﺧﺬﺕ ﻧﻔﺲ .. ﻭﺭﺟﻌﺖ ﺍﺷﺘﻐﻞ ﻭﺍﺣﺠﻲ ﺑﻴﻨﻲ ﻭﺑﻴﻦ ﻧﻔﺴﻲ .. ﺷﺴﻮﻱ ﻓﻌﻼ ﺍﺣﺲ ﺑﻲ ﺷﻲ ﻣﻤﻄﻤﻨﻪ ﺍﻟﻪ . ﺑﺲ ﺷﺴﻮﻱ ﺍﻟﻜﻠﺒﻲ .. ﻏﻴﺮ ﻛﻮﻥ ﻳﻘﻨﻊ .
ﻭﺷﻴﻘﻨﻊ ﻛﻠﺒﻲ .. ﻭﻫﻮ ﻛﻞ ﺷﻮﻱ ﻳﻄﻠﻌﻞ ﺍﻭ ﻳﺨﺎﺑﺮ ﻭﻳﺴﻤﻌﻨﻲ ﻛﻼﻣﻪ ﻭﻳﺨﻠﻲ ﻛﻠﺒﻲ ﻳﻜﻮﻟﻪ ﺍﻣﺮﻙ ..
ﺑﻘﻴﺖ ﺑﻬﻠﻔﺘﺮﻩ ﺿﺎﻳﻌﻪ ﺑﻴﻦ ﻋﻘﻠﻲ ﻭﻗﻠﺒﻲ ﻭﻛﻼﻡ ﺍﻫﻠﻲ ..
...... ﻣﺮ ﺷﻬﺮﻳﻦ ﻭﻣﺎﻟﻚ ﺗﻘﺪﻡ ﻻﺑﻮﻳﻪ 7 ﻣﺮﺍﺕ ﺣﺘﻰ ﻳﺨﻄﺒﻨﻲ ﺑﺪﻭﻥ ﻣﻠﻞ .. ﻭﺍﺑﻮﻱ ﺭﺍﻓﺾ ﺗﻤﺎﻣﺎ ..
ﻭﻛﻞ ﻣﺎ ﻳﺘﻘﺪﻡ ﻳﺨﻄﺐ ﻭﻳﺼﺮ ﻋﻠﻴﻪ ﻛﻠﻤﺎ ﺍﻛﻮﻡ ﺍﺣﺒﻪ ﺍﻛﺜﺮ .. ﺍﺣﺎﻭﻝ ﻣﺎ ﺍﺧﻮﻥ ﺑﺎﺑﺎ ﺑﻴﻪ ﻭﺍﻃﻠﻊ ﻭﺍﺭﺟﻊ .
ﺑﺲ ﻣﺎ ﺍﻛﺪﺭ ﺍﻣﻨﻊ ﻧﻔﺴﻲ ﻣﻦ ﺍﻻﺗﺼﺎﻝ ﺑﻲ ..
ﻣﺨﻠﺪ ﺑﻬﺎﻱ ﺍﻻﺛﻨﺎﺀ ﺍﻧﻘﻞ ﻣﻦ ﺑﻐﺪﺍﺩ ﻟﻠﻤﻮﺻﻞ .. ﻋﺮﻓﺖ ﻣﺎﻟﻚ ﺗﻮﺳﻂ ﻭﻧﻘﻠﻪ ..
ﻭﺻﺮﺍﺣﻪ ﻣﻘﺒﻠﺖ ﻭﺯﻋﻠﺖ ﻋﻠﻴﻪ .. ﺑﺲ ﻫﻮ ﺍﻋﺘﺬﺭ ﻭﻛﺎﻝ ﺍﻟﺼﺎﺭ ﺻﺎﺭ ﻭﻫﻴﺞ ﺍﺣﺴﻨﻠﺞ .. ﻭﻓﻌﻼ ﺧﻒ ﺍﻟﺜﻘﻞ ﻋﻠﻴﻪ ﺑﻐﻴﺎﺏ ﻣﺨﻠﺪ
.
20 ﻳﻮﻡ ﻳﺪﺍﻭﻡ ﻭﺍﺳﺒﻮﻉ ﻳﻨﺰﻝ .. ﻭﺑﻨﺰﻭﻟﻪ ﻳﺠﻴﻨﻪ ﻓﺪ 3 ﻣﺮﺍﺕ ﻟﻮ ﺍﺗﻬﺮﺏ ﻣﻨﻪ ﻟﻮ ﻣﺎ ﺍﺣﺎﻭﻝ ﺍﺛﻴﺮ ﺍﺗﺮﻛﻪ ﻳﺤﺠﻲ .
ﺧﺼﻮﺻﺎ ﺑﻌﺪ ﻣﺎ ﻋﺮﻑ ﺍﻧﻲ ﻭﻗﻌﺖ ﻋﻠﻰ ﻋﻘﺪ ﺑﺮﻧﺎﻣﺞ ﺗﻠﻔﺰﻳﻮﻧﻲ ﺑﺮﻣﻀﺎﻥ .. ﺑﻘﻰ ﻳﺼﻴﺢ ﻭﺣﺎﻭﻝ ﻳﻤﻨﻊ ﺑﺲ ﺍﻟﺸﻐﻠﻪ ﻣﻨﺘﻬﻴﻪ ﻋﻘﺪﺕ ﺑﻌﺪ ..
ﻛﺎﻝ ﺍﻧﻲ ﺍﺩﻓﻊ ﻏﺮﺍﻣﻪ ﺑﺲ ﺍﺗﺮﻛﻲ .. ﺣﺎﻭﻝ ﺭﺍﺩ .. ﻣﺮﺩﻳﺖ ﻟﺤﺪ ﻣﺎ ﺭﺟﻊ ﺍﻟﺘﺤﻖ ﺑﻌﺪ ﻣﺎ ﺍﺳﺘﺴﻠﻢ ﻭﺷﺎﻑ ﻣﻴﻔﻴﺪ ﺍﻟﺤﺠﻲ .
ﺍﻟﺼﻴﺪﻟﻴﻪ ﻣﺴﺘﻤﺮﻩ ﺑﻴﻬﺎ ..
ﺑﺮﻧﺎﻣﺠﻲ ﺍﻻﺫﺍﻋﻲ ﻳﺘﻮﻗﻒ ﺑﺮﻣﻀﺎﻥ .. ﻭﺍﺷﻐﻞ ﺑﺮﻧﺎﻣﺞ ﻣﺴﺎﺑﻘﺎﺕ ..
ﻓﺪ ﻳﻮﻡ ﻛﺎﻥ ﻋﻨﺪﻱ ﺟﻠﺴﻪ ﺗﺸﺎﻭﺭ ﺑﺎﻻﻋﻤﺎﻝ .. ﻋﻠﻰ ﺍﻋﻤﺎﻝ ﺭﻣﻀﺎﻥ .. ﻭﻛﺬﺍ ﻭﺩﻳﺼﻮﺭﻭﻥ .. ﻑ ﺍﺟﻪ ﻭﻛﻴﻞ ﺍﻟﻘﻨﺎﺓ ﻃﻠﺐ ﻣﻦ ﻋﻨﺪﻱ ﻃﻠﺐ ﻭﺗﺮﺟﺎﻧﻲ ﻣﺎ ﺍﺭﻓﺾ ..
ﻭﻫﻮ ﺍﻥ ﺍﻣﺜﻞ ﺩﻭﺭ ﺻﻐﻴﺮ ﺟﺪﺍ ﺑﺎﻟﻤﺴﻠﺴﻞ ﺍﻟﻠﻲ ﺩﻳﻨﻌﻤﻞ .. ﻃﺒﻌﺎ ﻫﻮ ﻣﻦ ﻳﺤﺠﻲ ﺍﺧﺘﻲ ﻭﺍﺧﺘﻲ .. ﺑﺲ ﻫﻮ ﺍﻗﺬﺭ ﻣﻦ ﻋﻴﻮﻧﻪ ﻣﺎﻛﻮ .
ﻣﻴﻜﺪﺭ ﻳﻔﺘﺢ ﺣﻠﻜﻪ ﻭﻳﺎﻳﻪ ﻻﻥ ﻣﻨﻄﻴﺖ ﻣﺠﺎﻝ .. ﺩﻭﻡ ﺍﻛﻠﻪ ﺗﺄﻣﺮ ﺍﺧﻮﻳﻪ .. ﻣﺨﻠﻴﻪ ﺣﺪﻭﺩ ﻟﻨﻔﺴﻲ ﻏﺼﺒﺎ ﻋﻠﻴﻪ ﻭﻗﻒ ﻋﻨﺪﻫﺎ ..
ﺑﺲ ﻋﻴﻨﻪ ﺷﻴﻮﻛﻔﻬﺎ .. ﺍﻟﻤﻬﻢ .. ﺭﺍﺩ ﻣﻨﻲ ﻫﻠﺪﻭﺭ ﻭﻣﺎ ﺍﻋﺮﻑ ﺷﻨﻮﻭﻛﺎﻥ ﺍﻟﺪﻭﺭ .. ﻑ ﻭﺍﻓﻘﺖ ﺑﻐﺒﺎﺀ ﻣﻨﻲ ..
ﻟﻤﺎ ﺍﺟﻴﺖ ﻟﻠﺪﻭﺭ ﻭﺩﺍ ﺍﺣﻔﻆ ﺍﻟﻨﺺ ﺣﺘﻰ ﺍﺅﺩﻳﻪ .. ﻃﻠﻊ ﺍﻟﻨﺺ ﺍﻥ ﻫﻮ ﺍﺣﺠﻲ ﻣﻊ ﻣﻤﺜﻞ ﻣﻌﺮﻭﻑ ﻭﻛﺄﻧﻲ ﺻﺎﺣﺒﺘﻪ ﻭﺍﺗﻤﺎﻭﻉ ﻋﻠﻴﻪ ..
ﻭﺗﺠﻲ ﻣﺮﺗﻪ ﺗﻜﺸﻔﻨﻲ ﻭﻳﺎﻩ ﻭﺗﻜﺘﻠﻨﻲ ﺑﺎﻟﻤﺸﻬﺪ . ﻫﻨﺎ ﺭﻓﻀﺖ ﻛﺘﻠﻬﻢ ﻻ ﺍﺑﺪ ﻣﺎ ﺍﻛﺪﺭ .. ﻋﻨﺪﻱ ﺍﻫﻞ ﻭﻋﻤﺎﻡ ﻭﺍﻃﻠﻊ ﺑﻬﻴﺞ ﺩﻭﺭ ﺻﻐﻴﺮ ﺣﺘﻰ ﻣﻴﺴﺘﺎﻫﻞ ..
ﻫﺬﺍ ﺗﺮﺧﻴﺺ ﻟﻨﻔﺴﻲ ﻭﻣﺎ ﺍﻗﺒﻞ .. ﺑﻘﺖ ﺳﺮﻯ ﺗﻠﺢ ﻭﺍﻟﻮﻛﻴﻞ ﻳﻠﺢ ﻭﻣﺤﻤﺪ .. ﺍﻧﺤﺮﺟﺖ ﺣﻴﻞ ﻛﻠﻬﺎ ﺗﻠﺢ ﻭﺍﻟﻤﺨﺮﺝ ﻣﺎﻝ ﺍﻟﻤﺴﻠﺴﻞ ﺿﺎﺝ
ﻣﻮ ﻣﺤﻤﺪ ﻏﻴﺮﻩ
ﻣﺎ ﺍﻋﺮﻑ ﻛﻴﻒ ﻗﻨﻌﻮﻧﻲ ﻭﻛﺎﻟﻮ ﺍﻥ ﺭﺍﺡ ﻧﻘﻄﻊ ﻣﻨﻪ . ﻭﻛﺬﺍ .. ﻛﺘﻠﻬﻢ ﺍﺑﻘﻰ ﺑﻤﻼﺑﺴﻲ ﻣﺎ ﺍﻟﺒﺲ ﺷﻲ ﺛﺎﻧﻲ ..
ﻛﺎﻟﻮ ﺍﻭﻛﻲ .. ﻓﻜﺎﻥ ﺍﻟﻤﺸﻬﺪ .. ﺍﻥ ﺍﻛﻌﺪ ﻭﺍﻟﻤﻤﺜﻞ ﻳﻜﻌﺪ ﻳﺘﻐﺰﻝ ﺑﻴﻪ ﻭﺍﻧﻲ ﺍﺗﻤﻮﻉ ﺣﺒﻴﺒﻲ ﻭ ﻫﻬﻬﻬﻪ .. ﻭﻣﻦ ﻫﻠﻜﻼﻡ ..
ﻭﺗﺠﻲ ﺍﻟﻔﻨﺎﻧﻪ ﺗﻠﻜﺎﻧﻲ ﻭﻳﺎﻩ ﻭﺗﻠﺰﻣﻨﻲ ﻳﺎ ﻋﺰﺍ ﺍﻟﻌﺰﺍﺝ ﺗﺒﻮﻛﻴﻦ ﺭﺟﻠﻲ .. ﻭﻋﻮﺩ ﺗﻬﺪ ﻋﻠﻴﻪ ﻭﻳﻘﻄﻌﻮﻥ ﺍﻟﻤﺸﻬﺪ ..
ﻫﻮ ﻣﺎﺑﻲ ﺷﻲ ﺑﺲ .. ﻣﻮ ﻻﺋﻖ ﺍﻃﻠﻊ ﺑﻬﻴﺞ ﺩﻭﺭ .. ﺍﻧﻲ ﻣﻮ ﻣﻤﺜﻠﻪ ﻭﻟﻤﺎ ﺍﻃﻠﻊ .. ﺍﻃﻠﻊ ﺑﻴﻬﺞ ﻣﺸﻬﺪ ﻭﺣﺪﻩ ﺑﺎﻳﻜﻪ ﺭﺟﺎﻝ ﻭﺗﺘﻤﻮﻉ ﻋﻠﻴﻪ .. ﻣﺘﻘﺒﻠﺘﻬﺎ
ﻭﺑﻨﻔﺲ ﺍﻟﻮﻗﺖ ﺍﻟﻘﻨﺎﺓ ﻛﺎﻧﺖ ﺿﺎﺭﺑﻪ ﻭﻣﻤﻜﻦ ﺍﻟﻤﺴﻠﺴﻞ ﻳﺸﻮﻓﻮﻩ ﺍﻟﻜﻞ ﻭﺷﻴﺨﻠﺼﻨﻲ ﻣﻦ ﺍﻟﺴﺎﻥ ﻣﺨﻠﺪ ﻟﻮ ﻋﺮﻑ ..
ﺍﻟﻤﻬﻢ ﻣﺜﻠﺘﻪ .. ﻭﻛﻠﺖ ﻻﻣﻲ ﺑﻲ ﻛﺎﻟﺖ ﻟﻮ ﻣﻤﺴﻮﻳﺘﻪ ﺍﺣﺴﻦ .. ﻛﺘﻠﻬﺎ ﺍﻧﺤﺮﺟﺖ ﺑﻌﺪ ..
ﻛﺎﻟﺖ ﻳﻼ ﺻﺎﺭ ﺍﻟﺼﺎﺭ ﻭﺍﻟﺒﺎﻗﻲ ﻋﻠﻰ ﺍﻟﻠﻪ .. ﻳﺎﺭﺏ ﺗﻌﺪﻱ ﻭﻣﻴﺸﻮﻓﻬﺎ ﻣﺨﻠﺪ ﻻﻥ ﻣﺎ ﻳﺘﻔﻬﻢ ﻫﻴﺞ ﺷﻲ ﺗﻤﺜﻴﻞ ﻭﻓﻦ ﻛﻠﻪ ﻋﻨﺪﻩ ﻋﻴﺐ ..
- ﻳﺎﺭﺏ ﺗﻌﺪﻱ ﻋﻠﻰ ﺧﻴﺮ
ﻗﺒﻞ ﺭﻣﻀﺎﻥ ﺑﻴﻮﻡ ﻛﻌﺪﺕ ﺍﻟﺼﺒﺢ ﻟﻠﺼﻴﺪﻟﻴﻪ ﻛﺎﻥ ﺍﺧﺮ ﻳﻮﻡ ﻧﻔﺘﺤﻬﺎ ﻻﻥ ﻧﻐﻠﻘﻬﺎ ﺑﺮﻣﻀﺎﻥ .. ﻧﻔﺘﺤﻬﺎ ﺑﺲ ﺑﻠﻴﻞ ﻭﺑﻠﻴﻞ ﻣﺆﻳﺪ ﻳﻜﻌﺪ ﺑﻴﻬﺎ ..
ﺩﺧﻞ ﻣﺆﻳﺪ ﺍﻟﻲ ﻟﻠﺼﻴﺪﻟﻴﻪ
ﻣﺆﻳﺪ - ﺻﺒﺎﺡ ﺍﻟﺨﻴﺮ
- ﺻﺒﺎﺡ ﺍﻟﻨﻮﺭ
- ﺍﻛﻮﻟﺞ ﻟﺠﻴﻦ ﺑﻤﺎ ﺍﻥ ﺍﻟﻴﻮﻡ ﺍﺧﺮ ﻳﻮﻡ ﺑﺎﻟﺼﻴﺪﻟﻴﻪ ﺍﻛﻮ ﻣﺸﺮﻭﻉ ﺍﺫﺍ ﺣﺎﺑﻪ ﺗﺸﺎﺭﻛﻴﻦ ﺑﻲ ..
- ﻭﻫﻮ
- ﺍﻃﻌﺎﻡ ﺟﺎﺋﻊ .. ﺣﻤﻠﻪ ﺍﻧﺴﺎﻧﻴﻪ ﺳﻮﻳﻨﺎﻩ ﻛﻞ ﻳﻮﻡ ﻧﺘﺒﺮﻉ ﺑﻲ ﺑﻤﺒﻠﻎ ﻣﺎﻟﻲ ﺣﺘﻰ ﻟﻮ 5 ﺍﻻﻑ ﻭﻧﺘﺸﺎﺭﻙ ﺑﻮﻟﻴﻤﻪ ﻧﻮﺯﻋﻬﺎ ﻋﻠﻰ ﺑﻴﻮﺕ ﺍﻟﻔﻘﺮﻩ ﻗﺒﻞ ﺍﻟﻔﻄﻮﺭ .
- ﺧﻮﺵ ﻓﻜﺮﻩ ﺣﻠﻮﻩ .. ﻳﺎ ﺑﺨﺖ ﺍﻟﻴﻌﻤﻞ ﺧﻴﺮ .. ﺍﺷﺎﺭﻙ ﻃﺒﻌﺎ .. ﻣﻨﻲ ﻭﻣﻦ ﺑﺎﺑﺎ ﺡ ﺍﺷﺎﺭﻙ ﺏ 50 ﺍﻟﻒ ﻳﻮﻣﻴﺎ
- ﻋﺎﺷﺖ ﺍﻳﺪﺝ ﺍﻧﻲ ﻫﻢ 50 ﺍﻟﻒ
- ﺑﺲ ﻣﺆﻳﺪ ﺗﻌﺮﻑ ﺍﻧﻲ ﻣﻦ ﺍﻟﻴﻮﻡ ﺭﺍﺡ ﺍﻃﻠﻊ ﺍﺻﻮﺭ ﺑﺮﻧﺎﻣﺞ ﺗﻠﻔﺰﻳﻮﻧﻲ ﻭﻣﺎ ﺭﺍﺡ ﺍﻛﻮﻥ ﻣﺘﻮﺍﺟﺪﻩ ﻭﻳﺎﻛﻢ ﺑﺎﻟﺤﻤﻠﻪ ﺑﻬﺎﻟﺤﺎﻟﻪ ﺷﻠﻮﻥ ..
- ﻣﺎﻛﻮ ﺍﺷﻜﺎﻝ ﻫﻮ ﺍﺧﻮﻱ ﻃﺒﺎﺥ ﻭﺍﻣﻲ ﻭﺍﻣﻬﺎﺕ ﺟﻤﺎﻋﻪ ﻭﻳﺎﻧﻪ ﻫﻢ ﻳﺸﺎﺭﻛﻦ ﺑﺎﻟﻄﺒﺦ . ﻭﻧﺴﻮﻱ ﺍﻟﻮﻟﻴﻤﻪ ﻭﻧﺤﻤﻠﻬﺎ ﺑﺴﻴﺎﺭﻩ ﺑﻴﻜﻢ
ﻭﻧﺮﻭﺡ ﻟﻤﻨﻄﻘﻪ ﻓﻘﻴﺮﻩ ﻭﻗﺖ ﺍﻟﻤﻐﺮﺏ ﻧﺪﻙ ﺍﻟﺒﻴﺒﺎﻥ ﻭﻧﻮﺯﻉ
- ﺯﻳﻦ ﺍﺧﻠﻲ ﺍﻣﻲ ﺗﺸﺘﺮﻙ ﻭﻳﺎﻛﻢ .
- ﻭﺍﻟﻠﻪ ﻳﺎﺭﻳﺖ ﺍﻣﺞ ﻣﺎﻫﺮﻩ ﺑﺎﻟﻄﺒﺦ ﻭﺍﻛﻴﺪ ﺗﻀﻴﻔﻠﻨﺎ .. ﺗﻜﺪﺭ؟
- ﺍﺳﺌﻠﻬﺎ ﻻﻥ ﺧﻄﻴﻪ ﻫﻲ ﻫﻢ ﻣﺎﻟﻪ ﻣﻦ ﺍﻟﺒﻴﺖ ﻭﺑﺎﺑﺎ ﻳﻔﻄﺮ ﻭﻳﻄﻠﻊ ﻑ ﺍﺫﺍ ﺗﻮﺍﻓﻖ ﺗﻤﺸﻲ ﻭﻳﺎﻛﻢ ﺍﻛﻮﻟﻚ .
- ﺍﻛﻮﻥ ﻣﻤﻨﻮﻥ ﻭﺍﻧﺘﻀﺮ ﺟﻮﺍﺏ ﺍﻟﻮﺍﻟﺪﻩ .
- ﺍﻥ ﺷﺎﺀﺍﻟﻠﻪ .. ﺍﻓﻄﺎﺭ ﺍﻟﺠﺎﺋﻊ ﻋﻨﺪ ﺍﻟﻠﻪ ﺍﻛﺒﺮ ﺍﺟﺮ ﺣﺘﻰ ﻣﻦ ﺻﻴﺎﻣﻨﺎ .. ﻭﺍﻟﺮﺣﻤﻪ ﺣﻠﻮﻩ ﻭﺍﻻﺳﻼﻡ ﻣﻮ ﻓﻘﻂ ﺻﻮﻡ ﻭﺻﻼﺓ ﺍﻻﺳﻼﻡ ﺭﺣﻤﻪ
ﻭﻣﺎ ﺍﺟﻤﻞ ﺍﻥ ﺗﻘﺺ ﻣﻦ ﻣﺼﺮﻭﻓﻚ ﺍﻟﻴﻮﻣﻲ ﺑﺪﻝ ﻣﺘﺸﻤﺮﻩ ﻋﻠﻰ ﺣﻠﻮﻳﺎﺕ ﻭﻭﻧﺴﻪ ﻧﻮﻓﺮﻫﺎ ﺻﺪﻗﻪ ﻟﻠﻪ . ﻧﻜﺴﺐ ﺑﻴﻬﺎ ﺍﺟﺮ ﻻﻥ ﺭﻣﻀﺎﻥ ﺷﻬﺮ ﺭﺣﻤﻪ ﻭﻣﻐﻔﺮﻩ ..
- ﺻﺪﻗﺘﻲ ﺍﻟﻠﻪ ﻳﺒﺎﺭﻙ ﺑﻴﺞ .. ﻫﺎﺝ ﻫﺎﻱ ﺍﻣﺴﺎﻛﻴﺔ ﺣﻤﻠﺘﻨﺎ ﺑﻤﺤﻤﺪ ﻗﺪﻭﺗﻨﺎ ( ﺹ )
ﺍﺧﺬﺗﻬﺎ ﻭﻟﻠﻀﻬﺮ ﻗﺪﻣﺘﻬﺎ ﻻﻣﻲ ﻋﻠﻜﺘﻬﺎ ﻭﻛﺘﻠﻬﺎ ﻋﻠﻰ ﺍﻟﻤﺸﺮﻭﻉ .. ﻛﺎﻟﺖ ﻋﻠﻮﺍ ﻣﺎﻣﺎ ﻣﻠﻴﺖ ﻣﻦ ﺍﻟﺒﻴﺖ ﻋﺎﺩ ﺍﺳﻮﻱ ﺷﻲ ﻳﻔﻴﺪ ﺍﺧﺮﺗﻲ ﺑﺪﻝ ﻛﻌﺪﺕ ﺍﻟﺒﻴﺖ ﻭﺍﻟﻤﺴﻠﺴﻼﺕ ..
- ﺍﻧﺘﻲ ﺍﺷﺘﻐﻠﻲ ﻭﻳﺎﻫﻢ ﺍﻃﻠﻌﻲ ﻣﻦ ﺑﻌﺪ ﺻﻼﺓ ﺍﻟﻀﻬﺮ ﻏﺪﻱ ﺑﺎﺑﺎ ﻭﺭﻭﺣﻲ
- ﻫﻮ ﻫﻢ ﻫﻴﺞ ..
- ﻳﻼ .. ﺻﺎﻋﺪﻩ ﺍﺭﺗﺎﺡ
ﺗﺮﻛﺘﻬﺎ ﻭﺻﻌﺪﺕ .. ﺧﺎﺑﺮ ﻣﺎﻟﻚ ﻛﺎﻝ ﺍﻧﻲ ﺣﺴﺎﻓﺮ ﻷﻣﺮﻳﻜﺎ
- ﻭﻗﺖ ﺭﻣﻀﺎﻥ ﻣﻮ ﻣﺎﻝ ﺳﻔﺮ
- ﻗﻠﺒﻲ ﺍﻧﻲ ﻻ ﺍﺻﻮﻡ ﻭﻻ ﺍﻟﻲ ﺑﻬﻠﺸﻐﻼﺕ ﺍﺭﻭﺡ ﻫﻨﺎﻙ ﺍﺧﻠﺺ ﺷﻐﻞ ﻭﺍﺭﺟﻊ
- ﻭﺷﻨﻮ ﻋﻨﺪﻙ ﺷﻐﻞ ﺑﺄﻣﺮﻳﻜﺎ ..
- ﺷﻐﻞ ﻳﻌﻨﻲ ﺷﻨﻮ ﺷﻐﻞ . ﻣﺎ ﺍﺣﺐ ﺍﺩﻭﺧﺞ ﺑﻲ .. ﺭﺍﺡ ﺍﺷﺘﺎﻗﻠﺞ ﻟﻮﻭﻭﻝ
- ﻫﻬﻬﻬﻬﻪ ﻣﻲ ﺗﻮ
- ﺍﻱ ﻻﻑ ﻳﻮ
- ﻫﻬﻬﻪ ﻣﻲ ﺗﻮ
ﻣﺎﻟﻚ ************-:
ﻟﺠﻴﻦ -: ﻭﻗﺢ ﻫﻬﻬﻬﻬﻬﻬﻬﻬﻪ .. ﻏﻠﻘﺖ ﺍﻟﺠﻬﺎﺯ .. ﺩﺯﻟﻲ ﺭﺳﺎﻟﻪ ﺍﻣﻮﺕ ﻋﻠﻰ ﺍﻟﻮﻗﺎﺣﻪ .. ﻫﺰﻳﺖ ﺭﺍﺳﻲ ﻫﻬﻬﻬﻪ ﻭﻳﻠﻲ ﻣﻨﻚ ..
ﻳﺮﺑﻲ ﺻﺮﺕ ﺍﺣﺒﻪ ﺣﺐ ﻣﻮ ﻣﺎﻝ ﺷﻬﺮﻳﻦ ﻭﻧﺺ ﻣﺎﻝ 10 ﺳﻨﻮﺍﺕ ﻭﻧﺺ ﻭﻣﻮ ﺑﻴﺪﻱ ﻟﺤﺪ ﻳﻜﻮﻟﻲ ﻟﻴﺶ ﻗﻠﺒﻲ ﻳﻤﺸﻲ ﻭﺭﺍﻩ ﻣﻐﻤﺾ ﻭﻳﻌﺸﻖ ﻛﻠﺸﻲ ﺑﻲ ﻭﻛﺎﻧﻪ ﻣﻮ ﻗﻠﺒﻲ .. ﻗﻠﺒﻪ
.......... ﻫﻪ ﺍﻳﺎﻡ ﺟﻤﻴﻠﻪ .. ﺟﻤﻴﻠﻪ ﻻﻥ ﻛﻨﺖ ﻓﺮﺣﺎﻧﻪ ﺑﻴﻬﺎ .. ﻣﻦ ﺍﺗﺬﻛﺮﻫﺎ ﺗﻨﺮﺳﻢ ﺍﻻﺑﺘﺴﺎﻣﻪ ﺑﻮﺟﻬﻲ ..
ﻣﺪﺭﻱ ﺍﺑﺘﺴﻢ ﻻﻥ ﺍﻟﺬﻛﺮﻯ ﻣﻤﻜﻦ ﺗﻜﻮﻥ ﺫﻛﺮﺓ ﺣﺐ ﺭﺑﻤﺎ ﺟﻤﻴﻞ . ﺍﻭ ﺍﺑﺘﺴﻢ ﻋﻠﻰ ﺷﺪﺓ ﻏﺒﺎﺋﻲ ﺍﻟﻠﻲ ﻛﻨﺖ ﺑﻲ ..
ﺭﻏﻢ ﺍﻻﺑﺘﺴﺎﻣﻪ ﺍﻟﻴﺎﺋﺴﻪ ﻟﻜﻦ ﺳﺮﻋﺎﻥ ﻣﺎ ﺗﻨﺰﻝ ﺩﻣﻮﻋﻲ
ﻭﺍﻛﺘﻢ ﺍﺍﺍﺍﺍﺍﻩ ﻟﻮ ﻃﻠﻌﺖ ﻣﻦ ﺻﺪﺭﻱ ﻣﺎ ﻳﻮﺍﻓﻲ ﺣﺠﻤﻬﺎ ﺣﺠﻢ ﺍﻟﺠﺒﺎﻝ ....... ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء