رواية خطوات نحو الجحيم ج1 الجزء الثاني
للكاتبة زينب ماجد
🌹
ﺟﺮﻳﺖ ﺍﻟﺒﺎﺏ ﻭﺳﺪﻳﺘﻪ .. ﻭﻣﺸﻴﺖ .. ﺑﺲ ﺍﻟﺨﻮﻑ ﻣﺎﻛﻞ ﮔﻠﺒﻲ .. ﻭﺻﻠﺖ ﺍﻟﺒﻴﺖ .. ﺻﻔﻴﺖ ﺍﻟﺴﻴﺎﺭﻩ .. ﺑﺎﻭﻋﺖ ﻣﻨﺎ ﻣﻨﺎ ..
ﻣﺎﻛﻮ ﺍﺣﺪ .. ﺩﺧﻠﺖ .. ﻃﻠﻌﺖ ﻣﺎﻣﺎ ..
ﻣﺎﻣﺎ ... ﻫﺎ ﺣﺒﻴﺒﺘﻲ ﺷﻮ ﺗﺄﺧﺮﺗﻲ ﺍﺑﻮﺝ ﺿﻞ ﺑﺎﻟﻪ ﻋﻠﻴﺞ
ﻟﺠﻴﻦ .. ﺍﻱ ﺷﺴﻮﻱ ﻳﺎ ﻣﺎﻣﺎ .. ﻏﻴﺮ ﺑﺎﻻﺫﺍﻋﻪ ﻭﺧﻠﺼﺖ ﻭﻃﻠﻌﺖ ﻭﻳﻪ ﺍﻟﺠﻤﺎﻋﻪ .. ﺗﻌﺸﻴﻨﻪ ﻭﺍﺟﻴﺖ ..
ﺣﺠﻴﺖ .. ﻭﺩﺧﻠﺖ ﺟﻮﻩ .. ﻟﻜﻴﺖ ﺑﺎﺑﺎ .. ﺑﺴﺖ ﺭﺍﺳﻪ ﻭﻛﻌﺪﺕ ..
ﺍﻻﺏ ... ﻫﺎ ﺑﻨﺘﻲ ﻭﻳﻦ ﺻﺮﺗﻲ .. ﺑﺮﻧﺎﻣﺠﺞ ﺧﻠﺺ ﺏ 9 ﻭﻫﺴﻪ 11 ﺍﻻ ﺛﻠﺚ .. ﻣﻮ ﺯﻳﻦ ﻋﻠﻴﺞ ﺗﺘﺄﺧﺮﻳﻦ ﺍﺑﻨﻴﺘﻲ .. ﺍﺍﻟﻮﺿﻊ ﻣﻮ ﺍﻣﺎﻥ ..
- ﺷﺴﻮﻱ ﺑﺎﺑﺎﺗﻲ .. ﺍﺍﺣﺎﻭﻝ ﻣﺎ ﺍﺗﺄﺧﺮ .. ﺍﺩﻭﺭ ﺍﻧﺪﻋﻤﺖ ﺳﻴﺎﺭﺗﻲ .. ﻭﺍﺑﺘﻠﻴﺖ ..
ﺍﻻﺏ ... ﺍﺧﺦ ﻟﻴﺶ .. ﺷﻠﻮﻥ ﺍﻧﺪﻋﻤﺖ .
- ﺷﻤﺪﺭﻳﻨﻲ .. ﺩﺍ ﺍﺳﺘﺪﻳﺮ ﻣﺎ ﺍﺣﺲ ﺍﻻ ﺳﻴﺎﺭﻩ ﺑﻮﺟﻬﻲ ﻛﺴﺮﺕ ﺳﻴﺎﺭﺗﻲ ﺗﻜﺴﺮ .. ﺍﻧﻮﺏ ﺍﻟﻜﻠﺐ ﻣﺎ ﻛﻔﺎﻩ ... ﺭﺟﻊ ﺩﻋﻤﻬﺎ ﻣﺮﻩ ﺛﺎﻧﻴﻪ ..
ﺍﻻﻡ ... ﺷﻨﻮ ﺍﻟﻘﺼﻪ ﻭﻟﻴﺶ ﻳﺪﻋﻤﺞ ﻣﺮﻩ ﺛﺎﻧﻴﻪ .. ﺷﻨﻮ ﺗﺎﻳﻬﺎ ..
- ﻣﺎﻣﺎ ﺷﺴﻮﻱ ﺍﻧﻲ ﺑﻨﻴﻪ ﻟﻮ ﺗﺼﺎﻳﺤﺖ ﺑﺎﻟﺸﺎﺭﻉ ﻭﻱ ﺭﺟﺎﻝ ﺣﺘﻰ ﻟﻮ ﺍﻟﺤﻖ ﺍﻟﻲ ﺍﻧﻲ ﺍﻟﻠﻲ ﺍﻧﻼﻡ .. ﻓﺘﺮﻛﺘﻪ ﺍﺣﺴﻦ .
ﻳﻼﺍﺍﺍ ﺍﺭﻭﺡ ﺍﻧﺎﻡ ﺗﺼﺒﺤﻮﻥ ﻋﻠﻰ ﺧﻴﺮ .. ﺷﻠﺖ ﺟﻨﻄﺘﻲ .. ﻭﻣﺸﻴﺖ ﻟﻐﺮﻓﺘﻲ .. ﺩﺧﻠﺖ ... ﺳﺤﺒﺖ ﻣﻮﺑﺎﻳﻠﻲ ﺧﻠﻴﺘﻪ ﻋﻠﺸﺤﻦ ..
ﻃﻠﻌﺖ ﺛﻮﺏ ﻧﻮﻡ .. ﻭﺭﺣﺖ ﻟﻠﺤﻤﺎﻡ .. ﺳﺒﺤﺖ ﻭﺑﺪﻟﺖ . ﻭﺍﺟﻴﺖ ﻟﻠﻐﺮﻓﻪ .. ﺷﻐﻠﺖ ﺍﻟﺘﻠﻔﺰﻳﻮﻥ ﻭﺗﻤﺪﺩﺕ .. ﺍﺑﺎﻭﻉ ﺑﺮﺍﻣﺞ ..
ﻣﺎ ﻟﻜﻴﺖ ﺷﻲ .. ﻃﻔﻴﺖ ﺍﻟﺘﻠﻔﺰﻳﻮﻥ .. ﺩﺍ ﺍﺭﻳﺪ ﺍﻧﺎﻡ .. ﺷﻔﺖ ﺍﻟﺠﻬﺎﺯ ﻳﻠﻤﺾ .. ﺻﺎﻣﺖ .. ﺑﺎﻭﻋﺘﻪ ..
ﺟﺮﻳﺘﻪ .. ﺭﻗﻢ ﻏﺮﻳﺐ ﺩﻳﺪﻭﻙ ... ﺭﺩﻳﺖ ﺍﻟﻮ .. ﻣﺎﻛﻮ ﺭﺩ .. ﻣﻨﻮ ﻭﻳﺎﻳﻪ ...
- ﻟﻼﻥ ﻋﻄﺮﺝ ﺑﻴﻪ ﻳﺴﺤﺮ ﺍﻭﻭﻭﻑ ﻟﻮ ﺍﻟﺰﻣﺞ ..
- ﻣﻨﻮ ﺣﻈﺮﺗﻚ ..
- ﻛﺎﺑﻮﺳﺞ
- ﻣﺎ ﻋﻨﺪﻱ ﻛﺎﺑﻮﺱ .. ﺍﺻﺤﻰ ﻭﺍﻗﺘﻞ ﻛﺎﺑﻮﺳﻲ ..
- ﺟﺮﺑﻲ ﺗﺼﺤﻴﻦ ﻣﻨﻲ ..
- ﻋﺮﻓﺘﻪ ﺍﺑﻮ ﺍﻟﺴﻴﺎﺭﻩ .. ﺍﺗﺬﻛﺮﺕ ﺍﻧﻄﻴﺘﻪ ﺭﻗﻤﻲ .. ﺍﻧﺘﻪ ﺷﺘﺮﻳﺪ ﻣﻨﻲ ..
- ﻋﻤﺮﻱ ﻛﻠﻪ ﻣﺎ ﻭﻛﻔﺖ ﻣﺮﻩ ﺑﻮﺟﻬﻲ .. ﺗﺠﻴﻦ ﺍﻧﺘﻲ ﺍﺩﻋﻤﻴﻦ ﺳﻴﺎﺭﺗﻲ .. ﻭﺗﺼﻴﺤﻴﻦ ﻋﻠﻴﻪ ﻻ ﻭﺗﻜﻠﻴﻠﻲ ﺯﺑﺎﻟﻪ ..
ﺍﺫﺍ ﻣﺎ ﺧﻠﻴﺘﺞ ﺗﺘﻮﺳﻠﻴﻦ ﺑﺲ ﺍﻋﻮﻓﺞ ﻭﺍﺭﺣﻤﺞ ﻣﺎ ﺍﻃﻠﻊ ﺍﺳﻤﻲ ﻣﺎﻟﻚ ..
- ﻳﺎ ﺍﺧﻲ ﺍﺗﺮﻛﻨﻲ .. ﺍﻟﻠﻪ ﻳﺨﻠﻴﻚ .. ﺍﻟﺤﺎﺩﺙ ﻣﻮ ﻣﻘﺼﻮﺩ ﻭﺍﻟﻠﻪ .. ﻭﺑﻌﺪﻳﻦ ﺍﻓﻠﻮﺱ ﺍﻟﺘﺼﻠﻴﺢ ﺍﻧﻄﻴﺘﻴﺎﻟﻚ ﻭﺍﻧﺖ ﺷﮕﻴﺘﻬﻢ ﺑﻮﺟﻬﻲ ..
ﺯﻳﻦ ﺷﻨﻮ ﺍﺳﻮﻳﻠﻚ ﺑﻌﺪ ..
- ﺏ ﺗﻤﺴﻜﻨﺞ ﻫﺬﺍ ﺗﺨﻠﻴﻨﻲ ﺍﺗﻌﻠﻖ ﺑﻴﺞ ﺍﻛﺜﺮ ﺗﺮﻩ ..
- ﻧﻌﻢ .. ؟
- ﺗﻌﺮﻓﻴﻦ ﺷﻨﻮ ﺍﻟﻠﻲ ﻳﺨﻠﻲ ﺍﻻﺳﺪ ﻳﻄﻤﻊ ﺑﺎﻟﻐﺰﺍﻝ ..
- ﺳﻜﺘﺖ
.
ﺿﻌﻔﻬﺎ .. ﻳﻌﺸﻖ ﺿﻌﻔﻬﺎ ﺑﺤﻴﺚ ﻳﺼﻴﺮ ﻳﺠﺮﻱ ﻭﺭﺍﻫﺎ ﻣﺜﻞ ﺍﻟﻤﺠﻨﻮﻥ ﻟﺤﺪ ﻣﺎ ﻳﻤﺴﻜﻬﺎ .. ﻭﻣﺎ ﻳﺮﺣﻤﻬﺎ ﻳﺒﻘﻰ ﻳﺴﺘﻠﺬ ﺑﻴﻬﺎ ﺑﺮﺍﺣﺘﻪ .. ﻭﺍﻧﺘﻲ ﻏﺰﺍﻟﺘﻲ ﻭﺍﻻ ﺍﺻﻴﺪﺝ ..
- ﻉ ﻓﻜﺮﻩ ﺍﻧﺖ ﻣﺠﻨﻮﻥ .. ﻗﻔﻠﺖ ﺍﻟﺨﻂ ﺑﻮﺟﻬﻪ .. ﻳﺮﺑﻲ ﺷﻠﻮﻥ ﺑﻠﻮﻩ ﻫﺎﻱ ﺷﻴﺨﻠﺼﻨﻲ ﻣﻨﻪ ﺑﺎﻟﻠﻪ
ﺭﺟﻊ ﺧﺎﺑﺮ ... ﻳﺎﺍﺍﺍﺍﺑﻮﻭﻭﻭﻭﻭﻩ .. ﻟﻐﻴﺘﻪ ﺍﻟﻤﻜﺎﻟﻤﻪ .. ﺑﻌﺚ ﺭﺳﺎﻟﻪ .. ﺍﺫﺍ ﻣﺘﺮﺩﻳﻦ ﺍﻧﺪﻣﺞ .. ﺑﻌﺪﻧﻲ ﺩﺍ ﺍﻗﺮﻩ ﺍﻟﻤﺴﺞ ..
ﺧﺎﺑﺮ .. ﻻ ﻳﺎﺍﺍﺍﺍ ﺍﻟﻠﻪ .. ﺷﻠﻮﻥ ﻣﺸﻜﻠﻪ ﻫﺬﺍ .. ﺭﺩﻳﺖ ﺑﻌﺼﺒﻴﻪ .. ﻟﻚ ﻳﺎ ﻋﻴﻨﻲ ﺷﺮﺍﻳﺪ .. ﺷﻨﻮ ﺍﺑﺘﻠﻴﺖ ﻋﻠﻰ ﻋﻤﺮﻱ ﺩﻋﻤﺖ ﺳﻴﺎﺭﺗﻚ ..
ﻣﺎ ﺍﻋﺮﻑ .. ﻭﺍﻟﻠﻪ ﻣﻮ ﻣﺘﻘﺼﺪﻩ .. ﻭﺍﻟﻨﺒﻲ ﻣﻤﺘﻘﺼﺪﻩ ..
- ﻫﻬﻬﻬﻬﻬﻬﻬﻬﻬﻬﻬﻬﻬﻪ
- ﻳﻀﺤﻚ ﺑﺤﻘﺎﺭﻩ ... ﺍﻧﺘﻪ ﻉ ﺷﻨﻮ ﺗﻀﺤﻚ .. ؟
- ﺗﺮﺍﺝ ﻋﺠﺒﺘﻴﻨﻲ ﺻﺪﮔﻲ ..
- ﺍﻧﺖ ﻣﺘﺴﺘﺤﻲ ..
- ﻟﻴﺶ ﻫﻠﻜﺪ ﺣﻠﻮﻩ ..
- ﺍﺑﺘﻌﺪ ﻣﻨﻲ ﺍﻟﻠﻪ ﻳﺨﻠﻴﻚ
- ﻣﺎ ﺍﻛﺪﺭ .. ﺑﻘﻴﺘﻲ ﺑﻨﻔﺴﻲ .. ﻭﺍﻧﻲ ﻣﺎ ﺍﺣﺐ ﺍﺧﻠﻲ ﺷﻲ ﺑﻨﻔﺴﻲ ..
- ﻻ ﺍﻟﻪ ﺍﻻ ﺍﻟﻠﻪ .. ﻳﺎ ﺍﺧﻲ ﺍﻧﺖ ﺷﻨﻮ ﻣﺎ ﻋﻨﺪﻙ ﺍﺣﺴﺎﺱ ..
- ﺯﻳﻦ ﺗﻌﺎﻟﻲ ﻟﺒﻴﺘﻲ ﻳﻮﻡ .. ﺑﺲ ﺍﻃﻠﻌﻲ ﻣﻦ ﻧﻔﺴﻲ .. ﻣﺎ ﺍﺣﺐ ﺍﺧﻠﻲ ﺷﻲ ﺑﻨﻔﺴﻲ ﻭﺍﺫﺍ ﻣﺎ ﺍﺟﻴﺘﻲ ﺑﺎﻟﻤﻌﺮﻭﻑ ﺍﺟﻴﺞ ﻏﺼﺐ ..
- ﺳﺆﺍﻝ ﺑﺮﺑﻚ .. ﺍﻧﺖ ﻋﻨﺪﻙ ﺧﻮﺍﺕ
- ﻣﻴﺨﺼﺞ
- ﺗﻘﺒﻞ ﻭﺍﺣﺪ ﻣﺜﻠﻚ ﻳﺨﺎﺑﺮ ﺑﻬﻠﻮﻗﺖ ﻭﻳﻜﻮﻝ ﻻﺧﺘﻚ ﺍﻧﺘﻲ ﺑﻨﻔﺴﻲ ..
- ﻫﺸﺸﺸﺸﺸﺶ ﻟﺘﻠﻐﻴﻦ ﺯﺍﻳﺪ
- ﻣﺘﻘﺒﻠﻬﺎ ﻋﻠﻰ ﺧﻮﺍﺗﻚ ﻣﻮ .. ﻫﺎﻱ ﺍﺫﺍ ﻣﺎ ﻃﻠﻌﻮ ﻣﺜﻠﻚ
- ﺑﺴﻴﻄﻪ .. ﻭﺩﺍﻋﺘﺞ ﺍﻻ ﺍﻋﻠﻤﺞ ﻭﺍﺷﻮﻓﺞ ﺷﻠﻮﻥ ﺗﺠﻴﺒﻴﻦ ﺍﺳﻢ ﺍﺧﻮﺍﺗﻲ ﻋﻠﻰ ﺍﻟﺴﺎﻧﺞ ..
- ﻳﺎﺍﺍﺍ ﺍﺧﻲ ﻣﻮ ﻗﺼﺔ ﺍﺟﻴﺐ ﺧﻮﺍﺗﻚ ﺑﺲ .......... ﻗﻄﻊ ﺍﻟﺨﻂ ﺑﻮﺟﻬﻲ .. ﺍﺳﺘﻐﻔﺮﻙ ﺭﺑﻲ ﻭﺍﺗﻮﺏ ﺍﻟﻴﻚ .. ﺷﻬﻠﻐﻀﺐ ﻫﺬﺍ ..
ﺷﻤﺮﺕ ﺍﻟﺠﻬﺎﺯ .. ﻭﺣﺎﻭﻟﺖ ﺍﻧﺎﻡ .. ﺍﻟﻒ ﻓﻜﺮﻩ ﻭﻓﻜﺮﻩ .. ﺗﺠﻲ ﺑﺮﺍﺳﻲ ﺷﺮﺍﺡ ﻳﺴﻮﻱ ...
ﺣﺎﻭﻟﺖ ﺍﻧﺎﻡ .. ﻣﺎﻛﻮ .. ﺍﺧﺬﺕ ﺍﻟﻤﻮﺑﺎﻳﻞ ﻭﺗﺮﻛﺖ ﺍﻟﻐﺮﻓﻪ ﻭﻧﺰﻟﺖ ﺟﻮﻩ .. ﺑﺎﻭﻋﺖ ﺍﻟﺴﺎﻋﻪ ﺏ ﺍﻟﺼﺎﻟﻪ 1 ﺍﻻ ﻋﺸﺮﻩ ..
ﺭﺣﺖ ﻟﻠﻤﻄﺒﺦ ﻓﺘﺤﺖ ﺍﻟﺜﻼﺟﻪ .. ﻭﻃﻠﻌﺖ ﺟﺒﻦ .. ﻭﻧﺺ ﺻﻤﻮﻧﻪ .. ﺳﻮﻳﺖ ﻟﻔﻪ .. ﻧﺰﻟﺖ ﻣﺎﻣﺎ .
- ﻫﺎﺍﺍﺍ ﺷﻮ ﻛﺎﻋﺪﻩ ..
- ﺩﺍ ﺍﻓﻜﺮ ﺑﺴﻴﺎﺭﺗﻲ .. ﺗﻔﻠﺸﺖ ﺍﻟﻴﻮﻡ ﻓﺪ ﻣﺮﻩ .. ﺷﻴﻮﺩﻳﺎﻟﻲ ﻟﻠﺘﺼﻠﻴﺢ ﺑﺎﻟﻠﻪ ..
- ﺍﻱ ﺍﻟﺼﺒﺢ ﺧﺎﺑﺮﻱ ﺍﺑﻦ ﻋﻤﺞ ﻣﺨﻠﺪ .. ﻭﻳﺠﻲ ﻳﺎﺧﺬﻫﺎ ﻫﻮﻩ ﻭﻳﺼﻠﺤﻬﺎ ..
- ﺍﻭﻭﻭ ﻻ ﻣﺎ ﺍﺭﻳﺪ ﻣﺨﻠﺪ .. ﻳﻮﻡ ﻳﺒﺰﻋﻨﻲ ﺑﻨﻈﺮﺍﺗﻪ ﻭ ﺑﺴﺎﻣﻴﺮﻩ ﺍﻟﻤﺘﺨﻠﺺ
- ﺍﻱ ﻏﻴﺮ ﻳﺤﺒﺞ ﻭﻳﺮﻳﺪﺝ ﻳﺎ ﻣﺎﻣﺎ .. ﻟﺸﻮﻛﺖ ﻧﺎﻭﻳﻪ ﺗﺒﻘﻴﻦ ﺑﻠﻴﻪ ﺯﻭﺍﺝ ﻣﻮ ﺗﺨﺮﺟﺘﻲ ﺻﺎﺭ ﺳﻨﺘﻴﻦ .. ﺷﻤﺘﺎﻧﻴﻪ ..
- ﻳﻮﻡ ﻳﻌﻨﻲ ﺍﻟﺘﺘﺨﺮﺝ .. ﻻﺯﻡ ﺗﺘﺰﻭﺝ .. ﺗﺮﻩ ﺍﻟﺰﻭﺍﺝ ﻣﻮ ﻛﻮﻟﺸﻲ .. ﻭﺍﻧﻲ ﻛﺎﻣﻠﻪ ﻣﻮ ﺑﺤﺎﺟﺔ ﺭﺟﻞ ﻳﻜﻤﻠﻨﻲ
.
ﻣﺎﻛﻮ ﻭﺍﺣﺪ ﻛﺎﻣﻞ ﻣﺎﻣﺎﺗﻲ .. ﺍﻟﺰﻭﺍﺝ ﻧﺼﻒ ﺍﻟﺪﻳﻦ .. ﻭﺍﻟﻤﺮﻩ ﺑﻠﻴﻪ ﺭﺟﺎﻝ ﻣﺘﺮﻫﻢ .. ﺣﺘﻰ ﻭﺍﻥ ﻛﺎﻥ ﻋﻨﺪﺝ ﺍﻫﻞ ﻳﺒﻘﻰ ﺍﻟﺮﺟﺎﻝ ﻭﺍﻻﻃﻔﺎﻝ ﻫﻢ ﺍﻟﺴﻨﺪ ﻭﺍﻻﺳﺘﻘﺮﺍﺭ ..
- ﻻ ﻭﺍﻟﻠﻪ ﻣﺎﻣﺎ ﺑﻬﻠﺰﻣﻦ .. ﻭﺿﻴﻔﺔ ﺍﻟﺒﻨﻴﻪ ﺳﻨﺪﻫﺎ .. ﺍﻟﺮﺟﺎﻝ ﻣﺎﻫﻮ ﺍﻻ ﺳﻘﻒ ﻋﻦ ﻛﻼﻡ ﺍﻟﻨﺎﺱ .. ﻻ ﻳﺴﻤﻦ ﻭﻻ ﻳﻐﻨﻲ ﻋﻦ ﺍﻟﺠﻮﻉ .. ﻭﻛﻠﻬﻢ ﺧﻮﻧﻪ ..
- ﻟﻴﺶ ﺗﺤﺠﻴﻦ ﻫﺸﻜﻞ ﻗﺎﺑﻞ ﺍﻧﺘﻲ ﺟﺮﺑﺘﻲ ﻭﻫﻴﺞ ﺗﻜﻮﻟﻴﻦ ..
- ﻭﺍﻟﻠﻪ ﻣﺎﻣﺎ ﺍﻻﺷﻮﻓﻬﻢ ﻛﺪﺍﻣﻲ .. ﺧﻴﺮ ﻣﺜﺎﻝ .. ﻣﺜﻞ ﺍﻟﻤﺨﺮﺝ ﻣﺤﻤﺪ .. ﺻﺢ ﺻﺪﻳﻘﻲ ﻭﺍﻋﺰﻩ .. ﺑﺲ ﺗﻌﺮﻓﻴﻦ ﺭﻏﻢ ﻣﺘﺰﻭﺝ ..
ﻳﺪﻭﺭﻧﻲ .. ﻭﻳﺮﻳﺪﻧﻲ ﺍﻟﻪ .. ﻭﻻ ﻛﺄﻥ ﺍﻛﻮ ﺯﻭﺟﻪ ﺑﺤﻴﺎﺗﻪ .. ﺍﻟﺰﻭﺟﻪ ﻣﻦ ﻳﻄﻠﻊ ﻣﻦ ﺍﻟﺒﻴﺖ ﻳﻨﺴﺎﻫﺎ .. ﻭﻳﺮﺟﻊ ﻳﺮﺍﻫﻖ .. ﻫﺬﺍ ﻋﻮﺩ ﺍﻟﻤﺜﻘﻒ ﻭﺍﻟﻮﺍﺻﻞ ﻭﺍﻟﻪ ﺳﻤﻌﺘﻪ ﺑﺎﻟﻮﺳﻂ .. ﻛﻴﻒ ﺑﺎﻟﺒﻘﻴﻪ ﺍﺫﻥ ؟ !
- ﻣﻮ ﻛﻞ ﺍﺳﺎﺑﻌﺞ ﺳﻮﻩ ﻣﺎﻣﺎ ..
- ﻻ ﻣﺎﻣﺎ ﺍﺻﺎﺑﻌﻲ ﻟﻮ ﺿﻤﻴﺘﻬﻢ .. ﻛﻠﻬﻢ ﻳﻄﻠﻌﻮﻥ ﻧﻔﺲ ﺍﻟﻄﻮﻝ .. ﻟﻴﺨﺪﻋﺞ ﺍﻟﻤﻨﻈﺮ ..
- ﻫﻬﻬﻬﻬﻪ ﻭﻫﺴﻪ
- ﻫﺎﻱ ﺷﻨﻮ ﻳﻮﻡ .. ﻫﻴﺞ ﻣﺎﻟﻪ ﻣﻨﻲ ﻭﺗﺮﺩﻳﻦ ﺗﺰﻭﺟﻴﻨﻲ .. ﻟﻮ ﻣﺎ ﺑﺲ ﺍﻧﻲ ﻋﻨﺪﺝ .. ﺟﺎﻥ ﺷﺴﻮﻳﺘﻲ .
- ﻭﺩﺍﻋﺘﺞ ﻳﺎ ﻣﺎﻣﺎ ﻣﺠﺮﺩ ﺍﺗﺨﻴﻞ ﺍﻧﺘﻲ ﺍﻃﻠﻌﻴﻦ ﻣﻦ ﺍﻟﺒﻴﺖ ﺩﻣﻮﻋﻲ ﺗﺠﺮﻱ ﻭﺣﺪﻫﻢ .. ﺑﺲ ﻳﺎ ﻣﺎﻣﺎ ﻣﺎ ﺍﻛﺪﺭ ﺍﺻﻴﺮ ﺍﻧﺎﻧﻴﻪ ﻭﺍﻭﻛﻒ ﺑﺤﻴﺎﺗﺞ ..
ﺍﻧﻲ ﺍﻡ ﻭﺍﺩﻭﺭ ﻣﺼﻠﺤﺘﺞ .. ﻭﺍﻟﺒﻨﻴﻪ ﻣﺎﻟﻬﺎ ﻏﻴﺮ ﺑﻴﺖ ﺭﺟﻠﻬﺎ ﻭﺍﻻ ﺍﺷﻜﺎﻝ ﺍﻟﻮﺍﻥ ﺍﻟﺤﺠﻲ ﺗﺴﻤﻊ ..
- ﻣﺎﻣﺎﺗﻲ ﻟﻮ ﺑﻘﻴﻨﻪ ﻋﻠﻰ ﺍﻟﻜﻼﻡ ﻣﺎ ﻧﻌﻴﺶ .. ﻫﻲ ﺍﻟﻨﺎﺱ ﻟﻮ ﺑﻴﻬﺎ ﺧﻴﺮ ﺗﺸﻮﻑ ﺍﺧﻄﺎﺋﻬﺎ ﻭﺗﻠﺘﻬﻲ ﺑﺘﺼﺤﻴﺤﻬﺎ ... ﻣﻮ ﺗﺎﺭﻙ ﻧﻔﺴﻪ ﻭﻳﻨﺘﻘﺪ ﺑﺎﻟﻨﺎﺱ ﻭﻳﺤﺠﻲ ..
ﺍﻟﻠﻲ ﻳﺨﻠﻲ ﻛﻼﻡ ﺍﻟﻨﺎﺱ ﺑﺮﺍﺳﻪ ﻋﻤﺮﻩ ﻣﺎ ﻳﻨﺠﺢ .. ﻻﻥ ﺍﻟﻨﺎﺱ ﻣﺮﺍﺡ ﺗﺮﺿﻰ .. ﻭﺭﺍﺡ ﺗﺤﺠﻲ ﻋﻠﻰ ﺍﻱ ﺣﺎﻝ
ﻣﺎ ﺗﺰﻭﺟﺖ .. ﻳﻜﻠﻮﻥ .. ﻋﻨﺴﺖ ..
ﺗﺰﻭﺟﺖ ... ﺷﻮﻛﺖ ﺗﺤﺒﻞ ...
ﻃﻮﻟﺖ .. ﻛﺎﻟﻮ ﻋﺎﺟﺮ ..
ﺍﻟﺤﺒﻠﺖ .. ﻛﺎﻟﻮ ﺷﺒﺴﺎﻉ ..
ﺍﻟﺤﺒﻬﺎ ﺯﻭﺟﻬﺎ .. ﻛﺎﻟﻮ ﻣﺴﻮﻳﺘﻪ ﻃﻠﻲ ..
ﺍﻟﻠﻲ ﻳﻌﺎﻣﻠﻬﺎ ﺍﻋﺘﻴﺎﺩﻱ .. ﻛﺎﻟﻮ ﻻﺑﺴﻬﺎ ﻣﺎﻳﺪﻳﺮﻟﻬﺎ ﺑﺎﻝ
ﻭﺍﻟﺘﺮﻛﺖ ﻛﻞ ﻫﺬﺍ ﻭﺭﻓﻀﺖ ﺗﺘﺰﻭﺝ ﻭﺗﺴﺘﻘﻞ ﺍﻟﻮﺣﺪﻫﺎ .. ﻳﻜﻮﻟﻮﻥ .. ﻋﻮﺑﻪ ﻣﺤﺪ ﻳﺪﻭﺭﻫﺎ . ﻣﺎﻣﺎ ﺍﻟﻨﺎﺱ ﻣﺘﺴﻜﺖ ﻭﻻ ﺭﺍﺡ ﺗﺴﻜﺖ . ﻣﺪﺍﻡ ﻋﺪﻫﺎ ﺍﻟﺴﺎﻥ ..
ﺍﻟﺤﻴﺎﺓ ﻧﻌﻴﺸﻬﺎ ﻣﺮﻩ .. ﻭﺟﻤﺎﻟﻬﺎ ﻟﻤﺎ ﺗﻌﻴﺸﻬﺎ ﺑﻤﺰﺍﺟﻚ .. ﻣﻮ ﺑﻤﺰﺍﺝ ﻏﻴﺮﻙ ..
- ﺑﺮﺍﺣﺘﺞ ﻣﺎﻣﺎﺗﻲ ﺍﻟﻠﻪ ﺑﻮﻓﻘﺞ .. ﺍﻧﻲ ﺻﺎﻋﺪﻩ ﺍﻧﺎﻡ ﻃﻔﻲ ﺿﻮﻩ ﺍﻟﻤﻄﺒﺦ ﻣﻦ ﺗﺨﻠﺼﻴﻦ
- ﺍﻥ ﺷﺎﺀﺍﻟﻠﻪ .. ﻛﻌﺪﺕ ﺑﺎﻟﺼﺎﻟﻪ ﺷﻮﻱ ﻉ ﺗﻠﻔﺰﻳﻮﻥ .. ﻭﺻﻌﺪﺕ ﻧﻤﺖ .. ﻟﻞ 6 ﻭﻧﺺ ﻛﻌﺪﺕ ..
ﺳﺒﺤﺖ ﻭﺷﺴﻮﺭﺕ ﺷﻌﺮﻱ .. ﻭﺑﺪﻟﺖ ﻭﻧﺰﻟﺖ .. ﺻﺎﺭﺕ ﻃﻠﻌﺘﻲ ﻭﻱ ﻃﻠﻌﺔ ﺑﺎﺑﺎ .. ﺻﺒﺎﺡ ﺍﻟﺨﻴﺮ ﺣﺒﻴﺒﻲ ..
- ﻫﻼ ﺑﺎﺑﺎﺗﻲ ﺻﺒﺎﺡ ﺍﻟﻨﻮﺭ .. ﻫﺎﻱ ﺷﻨﻮ ﺳﻴﺎﺭﺗﺞ ﻳﺎﺏ ﻟﻴﺶ ﻫﺸﻜﻞ ﺗﻠﻔﺎﻧﻪ ..
- ﻣﻮ ﻛﺘﻠﻚ ﺩﻋﻤﺘﻬﺎ ﺍﻟﺒﺎﺭﺣﻪ .. ﺑﺎﻟﻠﻪ ﻛﻮﻟﻲ ﺷﻮﻥ ﺍﺭﻭﺡ ﺑﻴﻬﺎ ..
- ﺍﻣﺸﻲ ﻭﺍﺻﻠﺞ ﺑﺴﻴﺎﺭﺗﻲ .. ﻭﺍﻧﻲ ﺍﺧﺎﺑﺮ ﻭﺍﺣﺪ ﻣﻦ ﺍﻟﻮﻟﺪ ﻳﺎﺧﺬﻫﺎ ﻟﻠﺘﺼﻠﻴﺢ ..
- ﺍﻭﻙ .. ﺭﺣﺖ ﺑﻮﺳﺘﻪ ﺑﺨﺪﻩ ﻭﺻﻌﺪﺕ ﻭﻳﺎﻩ ﻭﺻﻠﻨﻲ ﻟﻠﺼﻴﺪﻟﻴﻪ .. ﻓﺘﺤﻬﺎ ﻭﻳﺎﻱ .. ﻭﻛﺎﻝ ﻓﺪ ﺷﺮﻳﻂ ﺑﺮﺍﺳﻴﺘﻮﻝ ﺍﺣﺘﺎﺟﻪ
.
ﺍﻱ ﺍﺩﻟﻞ .. ﺍﻧﻄﻴﺘﻬﻴﺎﻟﻪ .. ﻭﺭﺍﺡ .. ﻓﺘﺤﺖ ﻗﺮﺍﻥ ﺑﺎﻟﺼﻴﺪﻟﻴﻪ .. ﻭﺑﺪﻳﺖ ﺍﻋﺪﻝ ﺑﻴﻬﺎ .. ﻛﺎﻣﻮ ﺍﻟﻤﺮﺍﺟﻌﻴﻦ ﻳﺠﻮﻥ ﻭﺑﺪﻩ ﺍﻟﺸﻐﻞ ..
ﻟﻞ 10 ﺧﺎﺑﺮﻧﻲ ﻣﺆﻳﺪ ... ﻛﺎﻝ ﺭﺍﺡ ﻳﺠﻲ ﻧﺎﺻﺮ ﻳﻮﺻﻠﺞ ﻣﺠﻤﻮﻋﺔ ﺍﻻﺩﻭﻳﻪ .. ﻛﺘﻠﻪ ﺍﻭﻙ ..
ﺑﻘﻴﺖ ﺍﺭﺗﺐ ﺑﺎﻻﺩﻭﻳﻪ ﺣﺴﺐ ﺍﻻﺣﺮﻑ ﺑﺎﻻﺩﺭﺍﺝ .. ﺩﺍﻳﺮﻩ ﻭﺟﻬﻲ ﻟﻼﺩﻭﻳﻪ ﻭﻣﻨﻄﻴﻪ ﺿﻬﺮﻱ ﻟﻠﺒﺎﺏ ..
ﺳﻤﻌﺘﻬﺎ ﻧﻔﺘﺤﺖ .. ﺩﺭﺕ ﻭﺟﻬﻲ ﺗﻔﻀﻞ .. ﺍﻧﺼﺪﻣﺖ ﻧﻔﺴﻪ ﺍﻟﻠﻲ ﺩﻋﻤﻨﻲ ﺍﻟﺒﺎﺭﺣﻪ .. ﻻ ﻳﺎ ﺍﻟﻠﻪ .. ﺷﻠﻮﻥ ﺑﻠﻮﻩ ﻫﺬﺍ ..
ﺳﻮﻳﺖ ﻧﻔﺴﻲ ﻣﻤﻬﺘﻤﻪ .. ﺑﻘﻰ ﻳﺒﺎﻭﻋﻠﻲ ﺑﺪﻭﻥ ﻣﻴﺤﺠﻲ .. ﺑﺲ ﺻﺎﻓﻦ ﺑﻮﺟﻬﻲ ﻭﻣﺒﺘﺴﻢ ﺑﺤﻘﺎﺭﻩ ﻭﺍﺩﻳﻪ ﺑﺠﻴﺐ ﺑﻨﻄﺮﻭﻧﻪ ..
.. ﺗﻔﻀﻞ ﺍﺧﻮﻳﻪ ﻛﻮﻝ ﺷﻨﻮ ﻣﺤﺘﺎﺝ ..
- ﻣﺤﺘﺎﺟﺞ ..
- ﻧﻌﻢ ؟
- ﺍﻟﻠﻪ ﻳﻨﻌﻢ ﻋﻠﻴﺞ ﻻ ﺍﻃﻮﻟﻴﻬﺎ ﺗﺮﻩ ﻟﻌﺒﺘﻴﻬﺎ ﻟﻨﻔﺴﻲ .. ﺩﻓﻌﻴﻠﻲ ﺣﺴﺎﺑﻲ ﻭﺍﻃﻠﻌﻲ ﻣﻦ ﺑﺎﻟﻲ ..
- ﺩﻓﻌﺖ ﺣﺴﺎﺑﻚ ﻭﺷﻜﻴﺘﻬﻢ ..
- ﻻﺍﺍ ﺣﺴﺎﺑﻲ ﻣﻮ ﻓﻠﻮﺱ ﻏﻴﺮ ﺷﻲ ..
- ﺍﺧﻲ ﻟﻮ ﺳﻤﺤﺖ ﺍﻃﻠﻊ ..
- ﻭﺍﺫﺍ ﻣﻄﻠﻌﺖ ..
- ﺩﺍ ﺍﺣﺠﻲ .. ﻃﺐ ﻣﺮﺍﺟﻊ .. ﻃﻠﺐ ﻋﻼﺝ .. ﻭﻛﻔﺖ ﺍﺟﻤﻌﻠﻪ ﻋﻼﺟﻪ .. ﻭﺍﻟﻠﻲ ﺍﺳﻤﻪ ﻣﺎﻟﻚ .. ﻟﻼﻥ ﻭﺍﻛﻒ ﻭﻳﺒﺎﻭﻋﻠﻲ ﺧﻄﻮﻩ ﺑﺨﻄﻮﻩ ..
ﺍﻧﻄﻴﺖ ﺍﻟﻌﻼﺝ ﻟﻠﻮﻟﺪ .. ﺍﺧﺬﺕ ﺍﻟﻤﺒﻠﻎ ﺧﻠﻴﺘﻪ ﺑﺎﻟﺪﺭﺝ .. ﻭﺷﻠﺖ ﺭﺍﺳﻲ .. ﺷﻨﻮ ﺍﻟﻠﻲ ﺗﺮﻳﺪﻩ ﻣﻤﻜﻦ ﺍﻓﻬﻢ ..
- ﺍﺭﻳﺪ ﺑﺎﻛﻴﺖ ********* ﻭﻳﻐﻤﺰ
- ﻃﻠﺐ ﺷﻲ ﺳﺨﻴﻒ .. ﺍﺧﺬﺕ ﻧﻔﺲ .. ﻣﺎ ﻋﺪﻧﻪ ..
- ﻣﺎ ﺍﻋﺘﻘﺪ ﻣﺎ ﻋﺪﻛﻢ .. ﺑﻜﻞ ﺻﻴﺪﻟﻴﻪ ﻳﺘﻮﺍﺟﺪ ﻫﻠﺸﻲ ﻭﺿﺮﻭﺭﻱ ﻟﻠﺘﻮﺍﺻﻞ ﺍﻻﺟﺘﻤﺎﻋﻲ ... ﻭﻳﻤﻐﺰ ..
- ﺷﻠﻮﻥ ﻳﺎ ﺍﻟﻠﻪ ﺑﺴﺨﺎﻓﺘﻪ .. ﺩﺍﻳﺤﺠﻲ ﻃﺐ ﻣﺆﻳﺪ .. ﻫﻼ ﻟﻮﻟﻪ ..
- ﻫﻼ ﻣﺆﻳﺪ .. ﺟﻴﺖ ﺑﻮﻗﺘﻚ .. ﺷﻮﻑ ﻃﻠﺐ ﺍﻟﺮﺟﻞ ..
ﻣﺆﻳﺪ .. ﺗﻔﻀﻞ ..
ﻣﺎﻟﻚ .... ﺷﻜﺮﺍ ﻣﺎ ﻣﺤﺘﺎﺝ ﺷﻲ ..
ﻣﺆﻳﺪ ... ﻟﻌﺪ ﻉ ﺷﻨﻮ ﻭﺍﻛﻒ ﺍﺫﺍ ﻣﻤﺤﺘﺎﺝ ﺷﻲ .. ﺧﺰﺭﺗﻪ ..
ﻣﺎﻟﻚ ..... ﻭﺍﻧﺘﻪ ﺷﻜﻮ ..
ﻣﺆﻳﺪ ..... ﺍﻟﺼﻴﺪﻟﻴﻪ ﺍﻟﻴﻪ .. ﻭﻣﺎ ﺍﺳﻤﺢ ﻟﻨﻤﺎﺫﺝ ﺗﻌﺒﺎﻧﻪ ﺗﺪﺧﻠﻬﺎ ..
ﻣﺎﻟﻚ .... ﺷﺘﻘﺼﺪ ..
ﻟﺠﻴﻦ ... ﻣﺆﻳﺪ .... ﺍﺗﺮﻙ ﺍﻟﻤﻮﺿﻮﻉ ﻭﺍﺻﺮﻓﻪ ﻟﺘﺴﻮﻱ ﺳﺎﻟﻔﻪ ﺩﺧﻴﻠﻚ .. ﺩﺍﺭﻟﻲ ﻣﺎﻟﻚ ﻭﻛﺎﻝ ﺑﺴﻴﻄﻪ ﺍﻧﻲ ﺍﻟﺞ .. ﻭﻃﻠﻊ
ﻣﺆﻳﺪ ..... ﺗﻌﺎﻝ ﺗﻌﺎﻝ ﻫﺎﻱ ﺗﺘﺤﻠﻒ ﻟﻤﻨﻮ .. ﺭﻛﻀﺘﻠﻪ ﻟﺰﻣﺘﻪ ﻣﻦ ﻗﻤﻴﺼﻪ .. ﺿﺮﺑﻨﻲ ﻛﻠﻪ ﺑﺮﺍﺳﻪ .. ﺭﺟﻌﻨﻲ ﻟﻴﻮﺭﻩ ..
ﺩﺭﺗﻠﻪ ﺑﻘﻮﻩ .. ﺍﺭﻳﺪ ﺍﻣﺸﻲ .. ﻟﺠﻴﻦ ﻣﺎﺳﻜﺘﻨﻲ .. ﺻﺮﺧﺖ .. ﻋﻮﻭﻭﻭﻭﻓﻲ ﺷﺒﻴﺞ ﺧﻞ ﺃﺋﺪﺑﻪ ..
ﻟﺠﻴﻦ .. ﺷﻔﺘﻪ ﻣﺎﻟﻚ ﺿﺮﺏ ﻣﺆﻳﺪ ... ﺑﺴﺎﻉ ﻟﺰﻣﺖ ﻣﺆﻳﺪ ﺣﻴﻞ .. ﺍﺗﺮﻛﻪ ﻳﺮﻭﺡ ﺍﻟﻠﻪ ﻳﺨﻠﻴﻚ .. ﻣﺎﻟﻚ ﺿﺮﺑﻪ ﻭﺭﺍﺡ ﻟﺴﻴﺎﺭﺗﻪ ﺻﻌﺪ ﻭﺣﺮﻙ ..
- ﻟﺞ ﺩﻋﻮﻭﻭﻭﻭﻓﻲ .. ﺧﺮﺏ ﺭﺍﺡ .. ﺍﻧﺘﻲ ﺷﺒﻴﺞ ﺗﺸﻮﻓﻲ ﺿﺮﺑﻨﻲ ﺗﻠﺰﻣﻴﻨﻲ ﻟﻴﻴﻴﻴﺶ ..
- ﻣﻮ ﻣﺎﻝ ﺗﺴﻮﻱ ﻣﺸﻜﻠﻪ ﺑﺎﻟﺼﻴﺪﻟﻴﻪ ﻣﺆﻳﺪ .. ﻫﺬﺍ ﻣﺨﺒﻞ ﺍﺗﺮﻛﻪ
.
ﻣﻨﻴﻦ ﺗﻌﺮﻓﻴﻨﻪ ..
- ﺩﻋﻢ ﺳﻴﺎﺭﺗﻲ ﺍﻟﺒﺎﺭﺣﻪ . ﻭﺑﻼﻧﻲ ﺑﻠﻮﻩ ..
- ﺍﺷﺘﻜﻲ ﻋﻠﻴﻪ ... ﺷﺒﻴﺞ ﺍﻧﺘﻲ ﻓﻬﻤﻴﻨﻲ ..
- ﻣﺆﻳﺪ ﺍﺗﺮﻛﻪ ﻟﺨﺎﻃﺮ ﺍﻟﻠﻪ .. ﺗﺮﻩ ﻫﺴﻪ ﺍﺗﺮﻙ ﺍﻟﺼﻴﺪﻟﻴﻪ ﻭﺍﻃﻠﻊ .. ﻭﺍﻟﻠﻪ ﻟﻌﺒﺖ ﻧﻔﺴﻲ ﻣﻮ ﻣﺘﺤﻤﻠﻪ ﺳﻴﺮﺗﻪ ﻟﻬﻠﻤﺨﻠﻮﻕ ﺍﺑﺒﺒﺪ ..
- ﺍﻧﺘﻲ ﺧﺎﻳﻔﻪ ﻣﻨﻪ ﻟﻮ ﺷﻨﻮ ..
- ﻣﺨﺎﻳﻔﻪ ﻣﻨﻪ ... ﺍﻧﻲ ﺍﺭﻳﺪ ﺍﺗﻜﻔﻰ ﺷﺮﻩ ..
- ﺭﻗﻤﻪ ﻋﻨﺪﺝ ... ﺍﻧﻄﻴﺎﻟﻲ .. ﺍﻻ ﺍﻟﻌﺐ ﺑﻴﻪ ﻃﻮﺑﻪ ﻭﺍﻟﻠﻪ
- ﻣﺎ ﻋﻨﺪﻱ ﺭﻗﻤﻪ ﻭﺍﻧﺴﻰ ﺍﻟﻤﻮﺿﻮﻉ ﻣﺆﻳﺪ ... ﺩﻧﺤﺠﻲ ﺻﻔﺔ ﺳﻴﺎﺭﺓ ﺍﻟﻤﻨﺪﻭﺏ .. ﺩﺍﺭ ﻭﺟﻬﻪ ﻣﺆﻳﺪ ﻭﻣﺸﻰ ﻟﻠﻤﻨﺪﻭﺏ ﻭﺑﻘﻰ ﻳﺎﺧﺬ ﺑﺎﻟﺪﻭﻩ ..
ﺩﺧﻠﻨﺎﻩ ﺑﺎﻟﻤﺴﺘﻮﺩﻉ .. ﺍﺫﻥ ﺍﻻﺫﺍﻥ .. ﺩﺍﺭﻟﻲ ﻣﺆﻳﺪ .. ﺍﺧﺬﻱ ﺭﺍﺣﺘﺞ .. ﻧﻘﻔﻞ ﺍﻟﺼﻴﺪﻟﻴﻪ ﻋﻮﺩ ﺍﻧﻲ ﺑﺎﻟﻠﻴﻞ ﺍﺻﻔﻂ ﺍﻟﻐﺮﺍﺽ
- ﺍﻭﻙ ...
- ﺳﻴﺎﺭﻩ ﻋﻨﺪﺝ ﻟﻮ ﺍﻭﺻﻠﺞ ..
- ﻻ ﻭﺍﻟﻠﻪ ﻳﺎﺭﻳﺖ ﺗﻮﺻﻠﻨﻲ ﺣﺎﺭﻩ ﺍﻟﺪﻧﻴﺎ ﻣﻮ ﻣﺎﻝ ﺍﻣﺸﻲ ..
- ﻳﻼ ..
- ﺻﻌﺪﺕ ﻭﻳﺎﻩ ...
- ﻟﺠﻴﻦ ﻫﺬﺍ ﻟﻮ ﺗﻌﺮﺿﻠﺞ .. ﺗﺠﻴﻦ ﺗﻜﻮﻟﻴﻠﻲ ﺍﻧﻌﻞ ﺷﺮﻓﻪ ﻭﺍﻟﻠﻪ .. ﻣﻔﻬﻮﻭﻭﻡ ..
- ﺍﻥ ﺷﺎﺀﺍﻟﻠﻪ ... ﻭﺻﻠﻨﻲ ﻟﻠﺒﻴﺖ ... ﺩﺧﻠﺖ ﺻﺎﺭﺕ ﻣﺎﻣﺎ ﺑﻮﺟﻬﻲ ..
- ﻫﺎﺍﺍ ﺍﻟﻠﻪ ﻳﺴﺎﻋﺪﺝ ..
- ﻫﻼﺍﺍ ﻳﻮﻡ ..
- ﻛﻤﻠﻲ ﻭﻧﺰﻟﻲ ﺗﻐﺪﻱ ..
- ﻣﺎ ﺍﺷﺘﻬﻲ ﺍﻛﻠﻮ ﻭﺣﺪﻛﻢ ..
- ﺷﺒﻴﻴﻴﻴﺞ ﺍﻛﻮ ﺷﻲ ؟
- ﻻ ﻳﻮﻡ ﺗﻌﺒﺎﻧﻪ ﻭﺍﻟﻠﻪ ..
- ﺍﺭﺗﺎﺣﻲ ﺣﺒﻴﺒﺘﻲ .. ﻣﺨﻠﺪ ﺍﺟﻪ ﻭﺍﺧﺬ ﺳﻴﺎﺭﺗﺞ .. ﺩﻳﺼﻠﺢ ﺑﻴﻬﺎ
- ﻫﺰﻳﺖ ﺭﺍﺳﻲ ﻭﺻﻌﺪﺕ .. ﺩﺧﻠﺖ ﻏﺮﻓﺘﻲ ﺷﻤﺮﺕ ﺍﻟﺠﻨﻄﻪ ﻭﻛﻌﺪﺕ .. ﺩﻧﻜﺖ ﻭﺍﺩﻳﻪ ﻋﻠﻰ ﺭﺍﺳﻲ .. ﻣﻨﻴﻦ ﻃﻠﻌﻠﻲ ﻫﺎﻟﻤﺎﻟﻚ ﻫﺬﺍ ..
ﺟﺮﻳﺖ ﺍﻟﺠﻨﻄﻪ .. ﺩﻛﻴﺖ ﺭﻗﻢ ﺳﺮﻯ .. ﺩﻙ .... ﺍﻟﻮﻭﻭ ..
ﺳﺮﻯ .... ﻫﻼ ﻟﺠﻴﻦ ..
- ﻫﻼ ﺳﺮﻭ .. ﺣﺒﻲ ﻋﻨﺪﺝ ﺷﻲ ﺍﻟﻌﺼﺮ .. ﻣﺤﺘﺎﺟﻪ ﺍﻃﻠﻊ ﺍﻧﻲ ﻭﻳﺎﺝ .. ﻧﺘﻜﻠﻢ ﺷﻮﻱ ﻣﺘﻀﺎﻳﻘﻪ ..
- ﻟﻴﺶ ﺻﺎﻳﺮ ﺷﻲ .. ؟ ﻣﺤﻤﺪ ﺿﺎﻳﻘﺞ
- ﻻﺍﺍﺍ ﺍﺑﺪﺍ ... ﻣﺎ ﻣﺘﻮﺍﺻﻠﻪ ﻭﻱ ﻣﺤﻤﺪ ... ﺑﺲ ﺷﻐﻠﻪ ﻟﺦ .. ﻣﻦ ﺍﺷﻮﻓﺞ ﺍﺣﺠﻴﻠﺞ ﺍﻭﻙ ..
- ﻣﺎﺍﺍﺍﺷﻲ ..
- ﺍﺷﻮﻭﻭﻓﺞ ... ﻳﻼ ﺑﺎﺍﺍﻱ .. ﻗﻔﻠﺖ ﻭﺷﻤﺮﺕ ﺍﻟﻔﻮﻥ ﻋﻠﺴﺮﻳﺮ ﻭﺭﺟﻌﺖ ﻣﺪﻧﻜﻪ .. ﺷﺤﻴﺨﻠﺼﻨﻲ ﻣﻨﻪ .. ﺷﺴﻮﻳﻠﻪ .. ﻫﺬﺍ ﺍﻟﻀﺎﻫﺮ ﺻﺪﻙ ﻣﺨﻠﻴﻨﻲ ﺑﺮﺍﺳﻪ ..
ﺷﻠﻮﻥ ﺍﻧﺪﻝ ﺍﻟﺼﻴﺪﻟﻴﻪ ﺍﺷﻠﻮﻥ ﺍﺟﺎﻟﻲ .. ﻛﻤﺖ ﻟﻠﻜﻨﺘﻮﺭ .. ﻃﻠﻌﺖ ﻣﻼﺑﺲ ﻭﺑﺪﻟﺖ .. ﻭﺭﺣﺖ ﻧﻤﺖ ﻓﻮﺭﺍ ..
ﻟﻠﻌﺼﺮ ﻛﻌﺪﺕ ﻋﻠﻰ ﺻﻮﺕ ﺍﻟﻤﻮﺑﺎﻳﻞ .. ﺳﺮﻯ .. ﺭﺩﻳﺖ .. ﻛﺎﻟﺖ ﺍﻧﻲ ﻉ ﺍﻟﺒﺎﺏ .. ﺍﻭﻙ . ﺟﺎﻳﻪ ..
ﻧﺰﻟﺖ ﺑﺴﺎﻉ ﻟﻜﻴﺖ ﻣﺎﻣﺎ ﻓﺎﺗﺤﺘﻠﻬﺎ ﺍﻟﺒﺎﺏ .. ﺭﻛﻀﺖ ﺣﻈﻨﺘﻬﺎ ﻫﻼ ﺳﻮﺳﺎﻳﺘﻲ ...
- ﻫﻼ ﻟﻮﻟﻪ ﺣﻴﺎﺍﺍﺗﻲ .. ﻟﺞ ﺿﻞ ﺑﺎﻟﻲ ﻭ ﺍﻟﻠﻪ ﺷﺼﺎﻳﺮ
.
ﺧﺰﺭﺗﻬﺎ .. ﻭﺑﺎﻭﻋﺖ ﻻﻣﻲ ﻃﺒﺖ . ﺗﻌﺎﻟﻲ ﺗﻌﺎﻟﻲ ﺩﻧﻄﺐ ... ﺩﺧﻠﻨﻪ ﻟﻼﺳﺘﻘﺒﻞ ﻭﻛﻌﺪﻧﻪ ..
- ﺷﻜﻮ ﺍﺣﺠﻴﻠﻲ ..
- ﻟﺞ ﺍﻟﺒﺎﺭﺣﻪ ﻣﻮ ﺩﻋﻤﺖ ﺳﻴﺎﺭﺓ ﺍﻟﻮﻟﺪ ..
- ﺍﻟﺸﮕﮓ ﺍﻟﻔﻠﻮﺱ ﺑﻮﺟﻬﺞ .. ﺷﺒﻴﻪ ؟
- ﺧﺎﺑﺮﻧﻲ ﺍﻟﺒﺎﺭﺣﻪ ﻭﻳﻜﻮﻝ ﺍﺭﻳﺪﺝ .. ﻭﻛﻼﻡ ﺳﺨﻴﻒ .. ﻭﻣﻜﻔﺎﻩ ﺍﺟﺎﻟﻲ ﺍﻟﻴﻮﻡ ﻟﻠﺼﻴﺪﻟﻴﻪ ﻭﻃﻠﺐ ﻃﻠﺐ ﺍﺳﺨﻒ ﻣﻨﻪ .. ﺧﻼﻧﻲ ﺑﻨﺺ ﺍﻫﺪﻭﻣﻲ ..
ﻭﺍﺩﻭﺭ ﺍﺗﻤﺸﻜﻞ ﻭﻱ ﻣﺆﻳﺪ ﻭﺑﻌﺪﻩ ﻳﺘﺤﻠﻔﻠﻲ ﻛﻮﻟﻴﻠﻲ ﺷﺄﺳﻮﻱ ﻭﻳﺎﻩ ﻫﺬﺍ ..
- ﻭﻭﻭ ﻣﺸﻜﻠﻪ .. ﺍﺷﺘﻜﻲ ﻋﻠﻴﻪ ..
- ﻟﺞ ﺩﺳُﻜﺘﻲ .. ﺍﻟﻤﻦ ﺍﺷﺘﻜﻲ .. ﻫﻮ ﻟﻴﺶ ﺍﻛﻮ ﻗﺎﻧﻮﻥ ﻳﺤﻤﻴﻨﻪ ﻣﻦ ﻫﻴﺞ ﻧﻤﺎﺫﺝ .. ﺭﺍﺡ ﺗﻄﻠﻊ ﻋﻠﻴﻪ ﻣﺎ ﻳﺤﻤﻮﻧﻲ ..
- ﺯﻳﻦ ﻭﺍﻟﺤﻞ ..
- ﻫﻮ ﺩﺍ ﺍﺳﺌﻠﺞ ﻳﺎ ﻓﻬﻴﻤﻪ ..
- ﺯﻳﻦ ﺧﺎﺑﺮﻱ ﻭﺗﻮﺍﻋﺪﻱ ﻭﻳﺎﻩ ﻭﺍﺗﻔﻘﻮ ﻟﻴﺶ ﺗﺼﻴﺮﻟﺞ ﻣﺸﻜﻠﻪ ..
- ﻳﺎﺍﺍﺍﺍ ﺗﺤﺠﻴﻦ ﺻﺪﻭﻙ ..
- ﺍﻱ ﺩﻛﻮﻟﻴﻠﻲ ﺷﺘﺴﻮﻳﻦ .. ﻫﺬﺍ ﺍﻟﻀﺎﻫﺮ ﻣﺨﺒﻞ .. ﻭﻣﺘﻔﺘﻜﻴﻦ ﻣﻨﻪ ..
- ﻭﺍﻟﻠﻪ ﻣﺎ ﺍﻋﺮﻑ .. ﺯﻳﻦ ﺍﺧﺎﺑﺮﻩ ..
- ﺧﺎﺑﺮﻱ ﺑﻠﻜﺖ ﺗﻘﻨﻌﻲ .. ﺑﻠﻴﺔ ﻣﺸﺎﻛﻞ ..
- ﺍﺧﺬﺕ ﻣﻮﺑﺎﻳﻠﻲ .. ﺧﺎﺑﺮﺗﻪ ... ﻛﻤﺰﺕ ... ﻟﺞ ﺩﻙ ﺩﻙ ... ﺭﺩ .. ﺍﻟﻮﻭ .. ﺩﺍ ﺍﺭﻳﺪ ﺍﻛﻮﻝ ﺍﻟﻮ .. ﺍﻧﺪﻛﺖ ﺑﺎﺏ ﺍﻻﺳﺘﻘﺒﺎﻝ ..
ﺗﻜﺎﻣﺰﻧﻪ ﺍﺛﻨﻴﻨﻪ ﻭﻗﻔﻠﺖ ﺍﻟﺨﻂ ﺑﻮﺟﻬﻪ ... ﻭﻛﻤﺖ ﻟﻠﺒﺎﺏ .. ﻟﻜﻴﺘﻪ ﻣﺨﻠﺪ ..
ﻣﺨﻠﺪ ... ﺍﻟﺴﻼﻡ ﻋﻠﻴﻜﻢ ..
ﻟﺠﻴﻦ .... ﻫﻼ ﻣﺨﻠﺪ ﻭﻋﻠﻴﻜﻢ ﺍﻟﺴﻼﻡ ﺷﻠﻮﻧﻚ .. ﺗﻔﻀﻞ .. ﺩﺧﻞ ﻭﻭﻛﻔﺖ ﺳﺮﻯ ﻋﻠﻰ ﺣﻴﻠﻬﺎ ﺳﻠﻤﺖ ﻋﻠﻴﻪ .. ﻭﺍﺟﺖ ﻳﻤﻲ ﻫﺬﺍ ﻛﻴﻚ ﻟﻮ ﺟﻜﻠﻴﺖ ..
- ﺗﺆ ﻫﺸﺸﺶ ﻋﻴﺐ .. ﻛﻌﺪﻧﻪ ﺛﻨﻴﻨﻪ ﻭﻫﻮ ﻛﺎﻋﺪ ... ﻃﺒﺖ ﺍﻣﻲ .. ﺷﺎﻳﻠﻪ ﺻﻴﻨﻴﻪ ﺑﻴﻬﺎ ﻛﻌﻚ .. ﻭﻋﺼﻴﺮ ..4
ﺍﺧﺬﺗﻪ ﻣﻨﻬﺎ ﻭﻗﺪﻣﺖ ﻟﻤﺨﻠﺪ ﻭﻟﺴﺮﻯ ﻭﺍﻧﻲ ﻭﻣﺎﻣﺎ .. ﻭﻛﻌﺪﻧﻪ ﻧﺴﻮﻟﻒ .. ﺩﺍﺭﻟﻲ ﻣﺨﻠﺪ ..
- ﻫﺎﻱ ﺷﺪﺍﻋﻢ ﺳﻴﺎﺭﺗﺞ ﻫﻴﺞ .. ﻣﻄﺤﻮﻥ ﻃﺤﻦ ﺍﻟﻮﺭﻩ ..
- ﺷﺴﻮﻱ ﺑﻌﺪ .. ﺍﻧﻀﺮﺑﺖ ..
- ﺗﺮﻩ ﻣﺘﻌﻤﺪ ﻫﺬﺍ ﺍﻟﺤﺎﺩﺙ ﺗﻌﺮﻓﻴﻨﻪ ﺍﻟﻀﺮﺑﺞ ..
- ﺍﺍﺍﺍﺍ ﻻ ﻻ ﻣﺎ ﺍﻋﺮﻓﻪ .. ﻛﺮﺻﺘﻨﻲ ﺳﺮﻯ ..
- ﻟﺞ ﻣﻮ ﺗﺮﺩﻳﻦ ﺗﺨﻠﺼﻴﻦ ﻣﻨﻪ .. ﻓﺮﺻﻪ ﻣﺨﻠﺪ ﻧﻘﻴﺐ ﻳﻄﻴﺢ ﺣﻈﻪ ﻭﺍﻟﻠﻪ ..
- ﺩﺳُﻜﺘﻲ ﺍﻧﺘﻲ .. ﻫﺬﺍ ﻟﻮ ﺳﺎﻋﺪﻧﻲ ﻣﻠﻜﻨﻲ ﺑﻌﺘﺒﺎﺭﻩ .. ﻣﺘﻌﺮﻓﻴﻦ ﺍﺳﻠﻮﺑﻪ ﻭﺗﺼﺮﻓﺎﺗﻪ ﻋﺒﺎﻟﻚ ﺍﻟﻠﻪ ﺧﻠﻘﻪ ﻭﻛﺴﺮ ﺍﻟﻘﺎﻟﺐ ..
- ﻟﺞ ﺑﺲ ﺑﺎﻋﻲ ﺍﻟﺸﻮﺍﺭﺏ ﺗﻜﺘﻞ ﻭﺍﻟﻠﻪ .. ﺍﻧﻮﺏ ﺍﻟﺴﻤﺎﺭ ﻳﻤﻪ ﺍﻟﺴﻤﺎﺭ .. ﺣﻨﻄﻲ ﻣﺪﺭﻱ ﻋﺴﻞ
- ﺍﻧﻄﻤﻲ ﻻ ﺗﻨﻜﺘﻠﻴﻦ .. ﺣﺠﻴﺖ ﻭﻛﻤﺖ .. ﻣﺎﻣﺎ ﺍﻧﻲ ﺻﺎﻋﺪﻩ ﺍﺑﺪﻝ .. ﺡ ﺍﻃﻠﻊ ﺍﻧﻲ ﻭﺳﺮﻯ ﺷﻮﻱ ..
- ﺑﺮﺍﺣﺘﺞ ﺑﻨﻴﺘﻲ ..
- ﻛﻮﻣﻲ ﻭﻳﺎﻱ .. ﺻﻌﺪﺕ ﻟﻠﻐﺮﻓﻪ .. ﻭﺳﺮﻯ ﻭﻳﺎﻱ ..
- ﺍﻛﻮﻟﺞ ﺧﻮ ﻣﺎ ﺍﺑﻮﺝ ﻣﻮﺟﻮﺩ
- ﻻ ﻋﻴﻨﻲ ﺩﺧﻨﻲ ﺑﺮﺍﺣﺘﺞ .. ﺑﺎﺑﺎ ﻣﻤﻮﺟﻮﺩ ..
- ﺍﻣﻮﻭﻭﺕ ﻋﻠﻴﺞ ﺗﻔﻬﻤﻴﻨﻲ
.
ﻫﻬﻬﻬﻬﻪ ... ﻣﻜﻴﺠﺖ ﻭﺻﻔﻔﺖ ﺷﻌﺮﻱ ﻭﺑﺪﻟﺖ .. ﻭﻛﺘﻠﻬﺎ ﻳﻼ ﺩﻧﻄﻠﻊ ..
- ﻛﺎﻣﺖ ﻭﻳﺎﻱ ﻭﻧﺰﻟﻨﻪ ﻟﻜﻴﻨﻪ ﻣﺨﻠﺪ ﺩﻳﺮﻳﺪ ﻳﺮﻭﺡ .. ﻛﺘﻠﻪ ﺳﻠﻤﻠﻲ ﻋﻠﻰ ﻋﻤﻪ ﮔﺮﺟﻴﻪ ..
- ﺍﻟﻠﻪ ﻳﺴﻠﻤﺞ ... ﻭﻳﻦ ﺭﺍﺡ ﺗﺮﺣﻴﻦ ..
- ﻋﻠﻰ ﺷﺎﺭﻉ ﺍﻟﻀﺒﺎﻁ . ﺷﻮﻱ ﻧﻔﺘﺮ ..
- ﺍﺻﻌﺪﻱ ﺍﻭﺻﻠﻜﻢ ..
- ﺗﺴﻠﻢ .. ﻣﺎ ﺍﺭﻳﺪ ﺍﺗﻌﺒﻚ .. ﺍﺣﻨﻪ ﻧﺮﻭﺡ ..
- ﻫﻮ ﺑﺎﭼﺮ ﺗﻮﺻﻞ ﺳﻴﺎﺭﺗﺞ ﺍﺻﻌﺪﻱ ﺩﺍ ﺍﻭﺻﻠﻜﻢ ﻭﺍﺭﻭﺡ ..
- ﺻﻌﺪﺕ ﻭﻳﺎﻩ ﺑﺎﻟﺼﺪﺭ .. ﻭﺳﺮﻯ ﻭﺭﻩ .. ﺍﺣﺲ ﻣﺘﻀﺎﻳﻘﻪ ﺑﻜﻌﺪﺗﻲ ﻭﻳﺎﻩ .. ﺳﻜﻮﺕ ﺗﺎﻡ ﻟﺤﺪ ﻣﺎ ﻭﺻﻠﻨﻪ ﻭﺻﻠﻨﻪ ﻟﻠﺸﺎﺭﻉ ..
ﻧﺰﻟﺖ ﺳﺮﻯ .. ﻛﺘﻠﻪ ﺷﻜﺮﺍ ﺗﻌﺒﺘﻚ .. ﻭﺩﺍ ﺍﻧﺰﻝ ﺣﺠﻪ
- ﻟﺠﻴﻦ ..
- ﺩﺭﺕ ﻧﻌﻢ ..
- ﺍﻧﺘﻲ ﺷﻨﻮ ﺍﻟﻠﻲ ﺭﺍﻳﺪﺗﻪ ..
- ﻧﻌﻢ .. ؟
- ﻣﺎ ﻧﺎﻗﺼﻨﻲ ﺷﻲ .. ﻭﺍﻟﻒ ﻭﺣﺪﻩ ﺗﺘﻤﻨﺎﻧﻲ 4 ﻣﺮﺍﺕ ﺍﺧﻄﺒﺞ ﻭﺗﺮﻓﻀﻴﻦ ﻟﻴﺶ ..
- ﺍﻱ ﺭﻭﺡ ﻟﻼﻟﻒ ﺍﻟﺘﺘﻤﻨﺎﻙ ﺗﺨﻄﺒﻨﻲ ﻟﻴﺶ ..
- ﺷﺮﺍﻳﺪﻩ ﺑﺎﻟﻀﺒﻂ ..
- ﻣﻮ ﺭﺍﻳﺪﻩ ﺷﻲ .. ﻭﺻﺮﺍﺣﻪ .. ﺍﻟﻀﺎﺑﻂ ﻋﻨﺪﻱ ﻋﻠﻴﻪ ﺧﻄﻮﻁ ﺣﻤﺮﻩ ﻣﺎ ﺍﺣﺐ ﺍﺭﺗﺒﻂ ﺑﻲ ..
- ﺗﺮﺩﻳﻦ ﺍﺑﻄﻞ ﻣﻦ ﺩﻭﺍﻣﻲ ..
- ﻻ .. ﺻﺪﻗﻨﻲ ﺍﻧﺖ ﺍﺧﻮﻳﻪ ﻣﺎ ﺍﺷﻮﻑ ﺑﻴﻚ ﺍﻛﺜﺮ ﻣﻦ ﻫﻴﺞ .. ﺍﻧﺴﻰ ﺍﻟﻄﻔﻮﻟﻪ ﻭﻭﻋﺪ ﺍﻻﻫﻞ ﺍﻧﻲ ﺍﻟﻚ ﻭﻟﺠﻴﻦ ﻟﻤﺨﻠﺪ ... ﺍﺣﻨﻪ ﻛﺒﺮﻧﻪ .. ﻭﻋﻘﻠﻴﺘﻨﻪ ﻛﺒﺮﺕ ..
- ﺑﺲ ﺍﻧﻲ ﻣﺎ ﻛﺒﺮﺕ .. ﻭﻟﻼﻥ ﺍﺭﻳﺪﺝ .. ﻭﺍﻧﺘﻲ ﺟﺎﻱ ﺗﺬﻟﻴﻨﻲ ﻛﺪﺍﻡ ﺍﻟﻨﺎﺱ ﺑﺮﻓﻀﺞ ﺍﻟﻲ ..
- ﺍﻱ ﺯﻳﻦ ﻻ ﺗﺨﻄﺐ .. ﺍﻟﺰﻭﺍﺝ ﻣﻮ ﺟﺒﺮ ﺍﻭ ﺍﺳﺘﺨﻄﺎﺀ .. ﺍﻭ ﻭﺍﺳﺘﺨﻄﻴﻚ ﻭﺍﻭﺍﻓﻖ .. ﺍﻟﺰﻭﺍﺝ ﻣﺸﺎﻋﺮ .. ﻭﻫﻠﻤﺸﺎﻋﺮ ﻣﻤﻮﺟﻮﺩﻩ ﻭﻳﺎﻙ ..
ﻣﺨﻠﺪ .... ﻫﻤﻤﻤﻢ ﺍﺧﺬﻱ ﺭﺍﺣﺘﺞ ..
- ﺍﺷﻜﺮﻙ .... ﻧﺰﻟﺖ .. ﻭﺭﺣﺖ ﻟﺴﺮﻯ ..
- ﻫﺎﺍﺍﺍ ﺷﻜﻮ ..
- ﻭﻻ ﺷﻲ ﻛﻠﻌﺎﺩﻩ ﺍﺧﻄﺒﺞ ﻟﻴﺶ ﻣﺘﻮﺍﻓﻘﻴﻦ ..
- ﻏﺒﻴﻪ ﺍﻣﺸﻴﻴﻴﻲ ..
- ﺧﻠﻴﺖ ﺍﻟﺬﻛﺎﺀ ﺍﻟﺞ ...
- ﻟﺞ ﺗﺮﻩ ﺗﺨﺴﺮﻳﻦ ﺑﻬﺬﺍ ﺗﻔﻜﻴﺮﺝ .. ﻟﻴﺶ ﻫﻴﺞ ﻛﺎﺭﻫﺘﻪ ..
- ﺍﻧﻲ ﻣﻮ ﻛﺎﺭﻫﺘﻪ .. ﻛﺎﺭﻩ ﻛﻞ ﺭﺟﺎﻝ .. ﻣﻮ ﺍﺩﻭﺭ ﺿﺎﺑﻂ .. ﺭﺏ ﺍﻟﺨﻴﺎﻧﺎﺕ ﻭﺍﻟﺴﻮﺍﻟﻒ ﺍﻝ .... ﺧﻠﻴﻨﻪ ﺳﺎﻛﺘﻴﻦ ..
- ﺗﺮﻩ ﻣﻮ ﻛﻠﻬﻢ ﻫﻴﺞ .. ﻭﻣﺨﻠﺪ ﺧﻮﺵ ﻭﻟﺪ ﺻﺢ ﻣﺴﺘﺜﻘﻞ .. ﺑﺲ ﺭﺍﻳﺪﺝ .. ﻟﻴﺶ ﺭﺍﻓﻀﺘﻪ .. ﺗﺮﻩ ﻭﺻﻠﺘﻲ ﻋﻤﺮ ﺍﻝ 25 ﻭﻳﻦ ﻧﺎﻭﻳﻪ ﺗﻮﺻﻠﻴﻦ ..
- ﺣﺴﺴﺘﻴﻨﻲ ﻋﻤﺮﻱ ...50 ﻟﺞ ﺑﺎﺑﺎ ﺍﻓﻬﻤﻲ .. ﻣﺎ ﻋﻨﺪﻱ ﻣﺸﺎﻋﺮ ﻭﻳﺎﻩ ﺣﺘﻰ ﻟﻮ ﺟﺎﻥ ﺧﻮﺵ ﻭﻟﺪ .. ﻭﺍﻟﻠﻪ ﻣﺎﻛﻮ ﻣﺸﺎﻋﺮ ﺷﻠﻮﻥ ﺑﺲ ﺍﺳﻤﻪ ﺯﻭﺍﺝ ﺗﺮﺍﻛﻢ ﺩﻣﺮﺗﻮﻧﻲ ﺑﻬﺴﺎﻟﻔﻪ ..
ﻭﺑﻌﺪﻳﻦ ﺑﺪﻝ ﻣﺠﺎﻳﻪ ﺗﻨﺼﺤﻴﻨﻲ .. ﺍﻗﻠﺒﻲ ﺍﻟﻨﺼﻴﺤﻪ ﻭﺍﺧﺬﻱ ﺑﻴﻬﺎ ﻭﺍﺗﺰﻭﺟﻲ .. ﺷﻜﻮ ﺟﺎﻳﻪ ﺗﺰﻭﺟﻴﻨﻲ ..
- ﻭﺍﻟﻠﻪ ﻟﻮ ﻣﺘﻘﺪﻣﻠﻲ ﻣﺜﻞ ﻣﺨﻠﺪ ﺍﻭﺍﻓﻖ ﻭﺍﻧﻲ ﻣﻐﻤﻀﻪ
.
ﻳﺎﺍﺍﺭﺏ ﻳﺘﻘﺪﻣﻠﺞ ﻣﺜﻠﻪ ﻭﻧﻔﺘﻚ ... ﺩﻣﺸﻲ ﺍﻣﺸﻲ ﺧﻞ ﻧﺘﺴﻮﻕ ﺑﺪﻝ ﻫﺴﻮﺍﻟﻒ ﻣﺎﻛﻮ ﻏﻴﺮ ﺍﻟﺮﺟﺎﻝ ﺳﻴﺮﺗﻨﻪ ﻣﺎﻝ ﺍﻟﻜﺒﺮ .. ﻫﺴﻪ ﻫﻢ ﻟﻮ ﻣﻬﺘﻤﻴﻦ ﺑﻴﻨﻪ ﺑﻜﺪ ﻣﺎ ﺍﺣﻨﻪ ﻧﺴﻮﻟﻒ ﺑﻴﻬﻢ ﺟﺎﻥ ﺯﻳﻦ ..
- ﻫﻬﻬﻬﻬﻬﻬﻬﻪ
- ﻫﻬﻬﺨﺦ ... ﺍﻣﺸﻲ .... ﻣﺸﻴﻨﻪ ﻧﻔﺘﺮ .. ﻭﻧﺸﺘﺮﻱ ﻭﻧﺴﻮﻟﻒ .. ﻟﻬﻨﺎﻙ ... ﺧﺎﺑﺮﻧﻲ ﻣﺆﻳﺪ .. ﺍﻧﺘﻲ ﻭﻳﻦ .. ﻛﺘﻠﻪ ﺑﺸﺎﺭﻉ ﺍﻟﻀﺒﺎﻁ .. ﻟﻴﺶ
- ﻻ ﻣﻮ ﻋﻠﻤﻮﺩ ﺍﻟﺒﻀﺎﻋﻪ .. ﻣﺤﺘﺎﺟﺞ ﺍﺫﺍ ﻣﺎ ﻋﺪﺝ ﺑﺮﻧﺎﻣﺞ ..
- ﺍﻱ ﻭﻻ ﻳﻬﻤﻚ .. ﺩﻗﺎﻳﻖ ﻭﺍﻧﻲ ﻳﻤﻚ .. ﺭﺣﻨﻪ ﺍﻧﻲ ﻭﺳﺮﻯ .. ﺍﺧﺬﻧﻪ ﺗﻜﺴﻲ ﻭﻟﻠﺼﻴﺪﻟﻴﻪ ..
ﺩﺧﻠﻨﻪ .. ﻟﻜﻴﺖ ﻋﻠﻴﻪ 3 ﻳﺮﺩﻭﻥ ﻋﻼﺝ .. ﻭﺍﺻﺪﻗﺎﺋﻪ ﻭﺍﻛﻔﻴﻦ .. ﺻﻴﺪﻟﻴﻪ ﻭﻛﻠﻬﺎ ﺭﻳﺎﺟﻴﻞ ..
ﺍﺧﺬﺕ ﺳﺮﻯ ﻭﺩﺧﻠﻨﻪ ﻟﻠﻤﺴﺘﻮﺩﻉ .. ﺩﺧﻞ ﻭﺭﺍﻧﻪ .. ﻛﺘﻠﻪ ﺍﺑﻘﻰ ﻋﻠﻰ ﺍﻟﻤﺮﺍﺟﻌﻴﻦ ﻭﺍﻧﻲ ﻭﺳﺮﻯ ﺣﻨﺮﺗﺐ ﺍﻟﻤﺨﺰﻥ ..
ﻣﺆﻳﺪ ... ﻫﺎﺍﺍ ﺍﻱ ﺯﻳﻦ ﻣﺸﻜﻮﺭﻩ ..
- ﻛﻌﺪﻧﻪ ﻧﻌﺪﻝ ﺍﻧﻲ ﻭﻳﺎﻫﺎ ﻭﺍﻧﻈﻢ .. ﺳﻤﻌﺖ ﻫﻮﺳﻪ ﻳﻢ ﻣﺆﻳﺪ .. ﻃﻠﻌﺖ ... ﺍﺧﺬﺕ ﻣﻦ ﺍﻟﻤﺮﺍﺟﻌﻴﻦ .. ﻭﻛﻤﺖ ﺍﻣﺸﻲ ﻭﻳﺎﻩ .. ﺧﺎﺻﻪ ﺍﻟﻨﺴﺎﺀ ..
ﻃﻠﻌﺖ ﺳﺮﻯ ﻛﺎﻟﺖ ﻟﺠﻴﻦ ﺍﻧﻲ ﺭﺍﻳﺤﻪ .. ﺑﻮﺳﺘﻬﺎ ﻭﺳﻠﻤﺖ ﻋﻠﻴﻪ ﻭﺭﺟﻌﺖ ﺍﺷﺘﻐﻞ ..
ﺍﻣﺸﻲ ﺑﺎﻟﻤﺮﺍﺟﻌﻴﻦ .. ﻣﺎ ﺍﺣﺲ ﺍﻻ ﺍﻟﺪﻭﺍ ﻭﻛﻊ ﻣﻦ ﺍﻳﺪ ﻣﺆﻳﺪ .. ﺻﺤﺖ ﺍﻟﻠﻪ ﺍﻟﻠﻪ .. ﺷﺒﻴﻚ ﻣﺨﺒﻮﺹ .. ﻛﺎﻝ ﻣﺮﺗﻲ ﻋﻔﺘﻬﺎ ﺗﺘﻮﺟﻊ ..
- ﺷﻨﻮ ﺩﺗﻄﻠﮓ ..
- ﺍﻱ ..
- ﻫﻬﻬﻪ ﻓﺪﻳﺖ ﺍﻟﺒﺎﻟﻪ ﻣﺸﻐﻮﻝ ﺑﻤﺮﻳﺘﻪ .. ﺭﻭﺡ ﺧﻴﻲ ﻭﺍﻧﻲ ﺍﺻﻔﻲ ﻭﺍﻃﻠﻊ ..
- ﻻﺍﺍ ﻣﺎ ﺍﻣﻦ ﻋﻠﻴﺞ ﻭﺣﺪﺝ ﺑﻠﻴﻞ ﺑﺎﻟﺼﻴﺪﻟﻴﻪ ﻋﻮﻓﻲ ﻭﺑﺎﺟﺮ ﺭﺟﻌﻲ ﺍﻟﻐﺮﺍﺽ ﺍﻟﺠﻮﻩ ..
- ﺍﻭﻙ .. ﻃﻠﻌﺖ ﺍﻧﻲ ﻭﻳﺎﻩ ﻭﻗﻔﻠﻨﻪ ﺍﻟﺼﻴﺪﻟﻴﻪ .. ﻛﺎﻝ ﺍﺻﻌﺪﻱ .. ﻭﻳﺎﻱ .. ﻛﺘﻠﻪ ﻻ ﺍﺭﻭﺡ ﻭﺣﺪﻱ ..
- ﺩﺻﻌﺪﻱ ﻳﻤﻌﻮﺩﻩ
- ﻫﻬﻬﻬﻪ ﺍﻭﻙ ... ﻫﺴﺘﻮﻩ ﺻﻌﺪ .. ﺧﺎﺑﺮﺗﻪ ﺗﺒﺠﻲ .. ﻛﺎﻟﻠﻬﺎ ﻟﺤﻈﺎﺕ ﻭﺍﻧﻲ ﺟﺎﻱ ..
- ﺩﺍﺭﻟﻲ .. ﺑﺎﻭﻋﺘﻠﻪ ﺍﻣﺸﻲ .. ﺍﺭﻭﺡ ﻭﻳﺎﻙ ..
- ﺻﺪﻙ ﻭﺍﻟﻠﻪ
- ﺍﻱ ﻭﺍﻟﻠﻪ ..
- ﻓﻀﻞ ﻣﺎ ﺍﻧﺴﺎﻩ ﺍﻟﺞ ﻭﺍﻟﻠﻪ .. ﺑﺲ ﺍﻣﻲ ﻭﻳﺎﻫﺎ ﺑﺎﻟﺒﻴﺖ ﻭﺗﻌﺮﻓﻴﻦ ﺍﻟﻮﺍﻟﺪﻩ ﺛﻜﻴﻠﻪ ﻭﺍﻟﺠﻬﺎﻝ ﻳﻤﻬﺎ ﻭﺍﻫﻠﻬﺎ ﺑﺴﺎﻣﺮﺍ .. ﻣﺎ ﻟﺤﻜﻮ ﻳﺠﻮﻥ ..
- ﺍﻱ ﺩﻣﺸﻲ ﻳﺎ ﺧﻴﻲ ﺷﺼﺎﺭ ﺍﻧﻲ ﺍﺧﺘﻚ ﻗﺎﺑﻞ ﻏﺮﻳﺒﻪ .. ﻣﺸﻴﻨﻪ ﺍﻧﻲ ﻭﻳﺎﻩ ﻟﺒﻴﺘﻪ ﺳﻠﻤﺖ ﻋﻠﻰ ﺍﻣﻪ ﻭﺍﺧﺬﺕ ﻣﺮﺗﻪ ﻭﻃﻠﻌﻨﻪ ..
ﺧﻄﻴﻪ ﺗﻌﺼﺮ ﺑﻴﺪﻱ ﻣﻦ ﺍﻟﻮﺟﻊ .. ﺭﻛﻈﻨﻪ ﺑﻴﻬﺎ ﻟﻠﻤﺴﺘﺸﻔﻰ .. ﻭﺻﻠﻨﻪ ﻟﺒﺎﺏ ﺍﻟﻤﺴﺘﺸﻔﻰ .. ﻛﺎﻟﺖ ﻣﺎ ﺍﻛﺪﺭ ﺑﻌﺪ ..
ﻧﺰﻟﺖ ﻣﻦ ﺍﻟﺴﻴﺎﺭﻩ ﻭﻃﻠﺒﺖ ﺳﺪﻳﺎ ﻓﻮﺭﺍ .. ﺭﻛﺾ ﻣﺆﻳﺪ ﻛﺒﺎﻟﻲ ﻳﺠﻴﺐ ﻭﺍﻧﻲ ﺑﻘﻴﺖ ﻭﻳﺎﻫﺎ ﻻﺯﻣﻪ ﺍﻳﺪﻫﺎ ﻭﺍﻛﻮﻟﻬﺎ ﻛﻮﻟﻲ ﻳﺎ ﺍﻟﻠﻪ
ﺍﻗﺮﻱ ﻗﺮﺍﻥ ... ﻻﺯﻣﺘﻬﺎ ﻭﺍﺭﺗﻞ ﺍﻟﺰﻟﺰﻟﻪ .. ﺟﺎﺑﻮ ﺍﻟﺴﺪﻳﺎ ﻭﻧﻮﻣﻮﻫﺎ .. ﻭﺭﻛﻀﻮ ﺑﻴﻬﺎ .. ﻭﺍﻧﻲ ﻭﻣﺆﻳﺪ ﻭﺭﺍﻫﺎ ..
ﺧﻄﻴﻪ ﺭﻭﺣﻪ ﺗﻠﻮﺏ ﻋﻠﻴﻬﺎ .. ﺗﻘﺮﺑﺖ ﻣﻨﻪ ﻟﺘﺨﺎﻑ ﺗﻄﻠﻊ ﺑﺎﻟﺴﻼﻣﻪ ..
- ﻣﺎ ﺍﻋﺮﻑ ﺷﻠﻮﻥ ﺍﺷﻜﺮﺝ ﻭﺍﻟﻠﻪ
.
ﻟﺘﻜﻮﻝ ﻫﻴﺞ ﺍﺣﻨﻪ ﺍﺧﻮﻩ .. ﺩﺍ ﺍﺣﺠﻲ ﺭﻥ ﺗﻠﻴﻔﻮﻧﻲ .. ﺑﺎﻭﻋﺘﻪ ﺑﺎﺑﺎ .. ﺭﺩﻳﺖ ﺍﻟﻮ ﺑﺎﺑﺎ ..
- ﻭﻳﻦ ﺍﻧﺘﻲ ﺑﺎﺑﺎ ..
- ﻭﻱ ﻣﺆﻳﺪ ﺑﺎﻟﻤﺴﺘﺸﻔﻰ ﻣﺮﺗﻪ ﺩﺗﻄﻠﮓ ﺧﻄﻴﻪ ﻭﻣﺤﺪ ﻭﻳﺎﻫﺎ .
- ﺗﺠﻴﻦ ﻟﻮ ﺗﺒﺎﺗﻴﻦ ﻭﻳﺎﻫﺎ ﺑﺎﺑﺎﺗﻲ ..
- ﻭﺍﻟﻠﻪ ﺑﺎﺑﺎ ﻣﺎ ﺍﻋﺮﻑ .. ﺍﻧﻲ ﺍﺧﺎﺑﺮﻙ ﻟﻴﻀﻞ ﺑﺎﻟﻚ ..
- ﺍﻥ ﺷﺎﺀﺍﻟﻠﻪ ﻳﺎﺑﺎ .. ﺍﺧﺬﻱ ﺑﺎﻟﺞ ﻋﻠﻰ ﻧﻔﺴﺞ ..
- ﺍﻃﻤﻦ ﺣﺒﻴﺒﻲ .. ﻗﻔﻠﺘﻪ ﻣﻨﻪ .. ﻃﻠﻌﺖ ﺍﻟﺴﺴﺘﺮ ﻛﺎﻟﺖ ﻣﺒﺮﻭﻙ ﺍﺟﺘﻚ ﺑﻨﻴﻪ .. ﺧﻄﻴﻪ ﻓﺮﺡ ﻭﻛﺎﻡ ﻳﺼﻠﻲ ﻋﻠﻰ ﺍﻟﻨﺒﻲ ..
ﺷﺎﻝ ﻓﻠﻮﺱ ﻭﻭﺯﻉ ﻋﻠﻰ ﺳﻼﻣﺔ ﺑﻨﺘﻪ ﻭﻣﺮﺗﻪ .. ﺭﺍﺩﻭ ﻣﻼﺑﺲ ﺍﻟﻄﻔﻞ .. ﺍﻧﻄﻴﺘﻴﺎﻫﻢ .. ﻟﺸﻮﻱ ﻃﻠﻌﻮﻫﺎ ﺍﻟﻨﻪ ..
ﺍﺧﺬﺗﻬﺎ ﺑﺤﻈﻨﻲ .. ﻳﻤﺎﺍﺍﺍﻱ ﺭﺩﺕ ﺍﻣﻮﻭﻭﺕ ﺻﺪﻙ ﺑﻬﻠﺤﻈﻪ ﺍﺗﻤﻨﻴﺖ ﺍﺗﺰﻭﺝ ﺣﺘﻰ ﺍﺟﻴﺐ ﻫﻴﺞ ﻣﻼﻙ ﻳﺠﻨﻦ ..
ﻫﻮ ﺍﺧﺬﻫﺎ ﻭﻳﺒﻮﺱ ﺑﻴﻬﺎ ﻭﺍﻧﻲ ﻭﺍﻛﻔﻪ ﻭﻳﺎﻩ ﺍﺑﺎﻭﻋﻠﻬﺎ .. ﺷﻠﺖ ﺭﺍﺳﻲ ﺍﻟﻪ ﺷﺘﺴﻤﻴﻬﺎ .. ﺿﺤﻚ ﺑﻮﺟﻬﻲ ﻭﻛﺎﻝ ﻟﺠﻴﻦ .
- ﻻ ﻻ ﻫﻬﻬﻬﻬﻬﻬﻬﻬﻬﻬﻬﻬﻬﻪ ﺗﺤﺠﻲ ﺻﺪﻭﻙ ..
- ﻟﻴﺶ ﻫﻮ ﻋﻨﺪﻱ ﺍﻏﻠﻰ ﻣﻨﺞ ﻭﻣﺎ ﺍﺳﻤﻴﻬﺎ ﻋﻠﻴﺞ ﺍﺧﻴﺘﻲ ﺍﻧﺘﻲ ..
- ﻳﻤﻤﻤﻤﻤﻤﻤﻪ ﻓﺪﻭﻭﻭﻭﻭﻩ .. ﻫﻬﻬﻬﻬﻬﻪ ﺑﻮﺳﺘﻬﺎ ﻭﻛﺘﻠﻪ ﺗﺘﺮﺑﻰ ﺑﻌﺰﻙ ﺍﻥ ﺷﺎﺀﺍﻟﻠﻪ ..
ﻟﺸﻮﻱ ﻃﻠﻌﻮ ﺍﻻﻡ .. ﺑﻐﺮﻓﻪ .. ﺭﺣﻨﻪ ﻳﻤﻬﺎ ﻭﻛﻠﺘﻬﺎ ﻋﺼﻴﺮ ﻭﻛﻴﻚ ﻭﺷﺮﺑﺘﻬﺎ ﻣﻲ .. ﻛﺎﻟﻮ ﻃﻠﻌﻮﻫﺎ .. ﻣﺎ ﻋﻠﻴﻬﺎ ﺷﻲ ..
ﻃﻠﻌﻨﺎﻫﺎ .. ﺑﺎﻭﻋﺖ ﺍﻟﺴﺎﻋﻪ .1 ﻭﺻﻠﻨﻪ ﻟﻠﺒﻴﺖ .. ﻧﻮﻣﻨﻪ ﺍﻻﻡ .. ﺻﺎﺡ ﻣﺆﻳﺪ .. ﻳﻤﻪ ﺟﻴﺒﻲ ﻓﺮﺍﺵ ﺍﻟﻠﺠﻴﻦ ﺗﻨﺎﻡ ..
ﻛﺘﻠﻪ ﻻ ﻭﺍﻟﻠﻪ ﺍﺭﻭﺡ ..
- ﻭﻳﻦ ﺗﺄﺧﺮ ﺍﻟﻮﻗﺖ ﺣﻴﻴﻞ ﺑﺎﺗﻲ ﺷﻌﻨﺪﺝ
- ﻭﺍﻥ ﻳﻜﻦ ﻻﺯﻡ ﺍﺭﻭﺡ ﻣﻮ ﺑﻌﻴﺪ ﺍﻟﺒﻴﺖ ﺷﺎﺭﻋﻴﻦ .. ﻃﻠﻌﺖ ﻣﻦ ﺟﻨﻄﺘﻲ 25 ﺍﻟﻒ ﻭﺧﻠﻴﺖ ﻳﻢ ﺭﺍﺱ ﺍﻟﺒﻨﻴﻪ ﻣﺎ ﻗﺒﻞ ﻣﺆﻳﺪ .. ﺻﺎﺡ ﺑﺲ ﻭﻛﻔﺘﺞ ﻛﺎﻓﻲ ﻭﺍﻟﻠﻪ ..
ﻛﺘﻠﻪ ﻣﻴﺼﻴﺮ ﻭﺍﻟﻠﻪ ﻭﺍﺟﺐ ﻫﺬﺍ .. ﻃﻠﻌﺖ ﻃﻠﻊ ﻭﺭﺍﻱ .. ﻛﺎﻝ ﺻﻌﺪﻱ ﺍﻭﺻﻠﺞ .. ﺻﻌﺪﺕ .. ﻭﺻﻠﻨﻲ ﻟﺒﺎﺏ ﺍﻟﺒﻴﺖ ﻭﺭﺍﺡ
ﺧﺎﺑﺮﺕ ﻣﺎﻣﺎ ﻃﻠﻌﺘﻠﻲ ..
ﺍﻻﻡ ... ﺷﻮ ﺗﺄﺧﺮﺗﻲ ...
- ﻏﻴﺮ ﺟﻨﺖ ﻭﻱ ﻣﺮﺕ ﻣﺆﻳﺪ .. ﺧﻄﻴﻪ ﻣﺎﺗﺖ ﻣﻦ ﺍﻟﻮﺟﻊ ..
- ﺷﻠﻮﻧﻬﺎ ﺟﺎﺑﺖ .
- ﺍﻱ ﻳﻤﺎﻣﺎ ﺟﺎﺑﺖ ﻣﻮ ﺍﺑﻨﻴﻪ ﻣﻼﻙ ﺍﻭﻭﻭﻑ ﺗﺨﺒﻞ ﺫﺑﺖ ﻣﻦ ﺷﻔﺘﻬﺎ ..
- ﻫﻬﻬﻬﻬﻪ ﻳﻮﻡ ﺍﻻﻟﺞ ﺗﺘﺰﻭﺟﻴﻦ ﻭﺗﺨﻠﻔﻴﻦ ﻣﺜﻠﻬﺎ ..
- ﻫﻬﻬﻬﻪ ﺍﻥ ﺷﺎﺀﺍﻟﻠﻪ ﺍﺭﻳﺪ ﺍﻧﺎﻡ ﻣﺴﻄﻮﺭﻩ ﻓﺪ ﻣﺮﻩ ﻭﺍﻟﻠﻪ .. ﺑﻮﺳﺘﻬﺎ ﻭ ﺻﻌﺪﺕ ﻛﺒﻞ ﺑﺪﻟﺖ ﻭﻧﻤﺖ
ﻟﺜﺎﻧﻲ ﻳﻮﻡ ﻏﺴﻠﺖ ﻭﻧﺰﻟﺖ .. ﻣﺎﻣﺎ ﺑﺎﻟﻤﻄﺒﺦ .. ﺻﺒﺎﺡ ﺍﻟﺨﻴﺮ ..
- ﺻﺒﺎﺡ ﺍﻷﻧﻮﺍﺭ ..
- ﻣﺨﻠﺪ ﻣﺠﺎﺏ ﺳﻴﺎﺭﺗﻲ
- ﺍﻟﻴﻮﻡ ﻳﺠﻴﺒﻬﺎ ..
- ﻫﺎﺍ .. ﺑﺎﺑﺎ ﻭﻳﻦ .. ﺑﻌﺪﻩ ﻣﻜﻌﺪ ..
- ﻓﻮﻙ ﺩﻳﺴﺒﺢ ..
- ﻳﻼ ﺍﻧﻲ ﺍﺭﻭﺡ ..
- ﺗﺮﻳﻜﻲ ..
- ﻻ ﻋﻮﺩ ﺍﺷﺘﺮﻱ ﻟﻔﻪ ﻣﻦ ﺍﻟﻤﻄﻌﻢ ﺍﻟﺒﺼﻔﻨﻪ .. ﺑﻮﺳﺘﻬﺎ ﻭﻃﻠﻌﺖ .. ﺟﺮﻳﺖ ﻣﻮﺑﺎﻳﻠﻲ ﺩﺍ ﺍﺷﻮﻓﻪ ﻭﺍﻧﻲ ﺍﻣﺸﻲ ..
ﻟﻜﻴﺘﻪ ﻣﻐﻠﻖ .. ﻓﺘﺤﺘﻪ .. 7 ﻣﻜﺎﻟﻤﺎﺕ ﻣﻦ ﺭﻗﻢ ﻳﺎ ﺳﺘﺎﺭ ﻳﺎﺭﺑﻲ ﻫﺬﺍ ﺑﻌﺪﻩ .. ﺍﺩﻭﺭ ﺭﺳﺎﻟﻪ ﺩﺍﺯﻳﺎﻟﻲ .. ﻛﺎﺗﺐ ﺑﻴﻬﺎ ...
ﻻﺯﻡ ﺍﺷﺘﺎﻗﻴﺘﻲ ﻭﺧﺎﺑﺮﺗﻲ ﻟﺘﺨﺠﻠﻴﻦ ﺍﺣﺠﻲ ... ... ﻻ ﺍﻟﻪ ﺍﻻ ﺍﻟﻠﻪ .. ﺣﺬﻓﺘﻬﺎ ﻭﺭﺟﻌﺖ ﺍﻟﻤﻮﺑﺎﻳﻞ ﺑﺠﻴﺒﻲ ..
ﺑﻘﻴﺖ ﺍﺗﻤﺸﻰ ﻟﻠﺼﻴﺪﻟﻴﻪ .. ﻭﺻﻠﺖ ﻓﺘﺤﺘﻬﺎ .. ﺍﺟﻪ ﻋﻤﺮ ﺍﻟﻜﻬﻮﺟﻲ .. ﺍﺧﺬﺕ ﻣﻨﻪ ﻛﻬﻮﻩ .. ﻭﻛﺘﻠﻪ ﻋﻤﺮ ﺗﻜﺪﺭ ﺗﺮﻭﺡ ﻟﺼﻼﺡ ﺍﻟﺤﺮ ﺗﺸﺘﺮﻳﻠﻲ
ﻋﻤﺮ .... ﺷﺸﺘﺮﻳﻠﺞ ﻓﻼﻓﻞ
- ﻻﺍﺍ ﻳﺎ ﻓﻼﻓﻞ ﻣﻦ ﺍﻟﺼﺒﺢ .. ﺷﻮﻓﻠﻲ ﺷﻲ ﺧﻔﻴﻒ ﻭﺟﻴﺒﻴﺎﻟﻲ ..
ﻋﻤﺮ .... ﺍﻥ ﺷﺎﺀﺍﻟﻠﻪ ..
ﺩﺧﻠﺖ ﺍﻟﺼﻴﺪﻟﻴﻪ .. ﺭﺷﻴﺘﻬﺎ ﻣﻲ ﻭﻣﻌﻘﻢ .. ﻭﻣﺴﺤﺘﻬﺎ ﺑﺎﻟﻤﺎﺳﺤﻪ ﻭﺭﺟﻌﺖ ﺛﺒﺘﺖ ﺍﻟﻤﻨﺸﻔﻪ ﺑﺎﻟﻤﺎﺳﺤﻪ ﻭﻣﺴﺤﺖ ..
ﺩﺧﻞ ﻋﻤﺮ .. ﺟﺎﻳﺒﺎﻟﻲ ﻟﻔﺔ ﺧﻤﻴﺮﻩ .. ﻣﺸﻜﻮﺭ .. ﺍﻧﻄﻴﺘﻪ ﺍﻻﺟﺮﻩ ﻭﺑﻘﺸﻴﺶ .. ﺷﻜﺮﻧﻲ ﻭﺭﺍﺡ ..
ﺍﺧﺬﺕ ﻣﻌﻘﻢ ﺳﺎﺋﻞ .. ﻋﻘﻤﺖ ﺍﺩﻳﻪ .. ﻭﻛﻌﺖ ﺍﻛﻞ .. ﻛﻤﻠﺖ .. ﺍﺧﺬﺕ ﻗﻄﻌﺔ ﻗﻤﺎﺵ ﻭﻣﺴﺤﺖ ﺯﺟﺎﺝ ﺍﻟﺼﻴﺪﻟﻴﻪ ﻭﺍﻟﻤﻴﺰ ﻭﺍﻟﻐﺮﺍﺽ ..
ﻛﻤﻠﺖ ﺳﺪﻳﺖ ﺍﻟﺒﺎﺏ ﻭﺷﻐﻠﺖ ﺍﻟﻤﻜﻴﻒ .. ﻣﺎ ﺟﺎﻥ ﺍﻛﻮ ﺯﺑﺎﺋﻦ .. ﺩﺧﻠﺖ ﻟﻠﻤﺴﺘﻮﺩﻉ ﺍﻧﻈﻢ ﻋﻠﻰ ﺭﺍﺣﺘﻲ ﺍﻟﻐﺮﺍﺽ ..
ﺣﺴﻴﺖ ﺑﺎﺏ ﺍﻟﺼﻴﺪﻟﻴﻪ ﻧﻔﺘﺤﺖ .. ﺩﺭﺕ ﻭﺟﻬﻲ ﺻﺤﺖ ﻣﻨﻮ .. ﻭﺩﺍ ﺍﺭﺩ ﺍﻃﻠﻊ .. ﺻﺎﺭ ﺑﻮﺟﻬﻲ ﻣﺎﻟﻚ ﻭﺍﺑﺘﺴﻢ ﺑﻤﻜﺎﺭﻩ .. ﻭﺩﺧﻞ ﻟﻠﻤﺴﺘﻮﺩﻉ ..
- ﺵ ﺷﺮ ﺷﺮﺍﺍﺍﻳﺪ .. ﺷﺮﺍﻳﺪ .. ﺍﻧﺘﻪ .. ﻭﺷﻌﻨﺪﻙ ﺩﺧﻠﺖ ﻫﻨﺎ ..
- ﻛﺘﻠﺞ ﺭﺍﻳﺪﺝ ﻭﻣﺘﻔﻠﺘﻴﻦ ﻣﻨﻲ .. ﻗﻔﻞ ﺍﻟﺒﺎﺏ ﻭﺭﺍﻩ
- ﺍﻃﻠﻊ ﻣﻨﺎ ﻟﻮ ﺳﻤﺤﺖ .. ﻋﻴﺐ ﻫﻠﺘﺼﺮﻑ .. ﺑﻌﺪﻩ ﻳﻤﺸﻲ .. ﻭﺍﻧﻲ ﻣﺎﺩﻩ ﺍﻳﺪﻱ ﻭﺍﺑﻌﺪ ﺑﻴﻪ ﻭﺍﺭﺟﻊ ﻟﻠﻴﻮﺭﻩ ..
ﻟﺘﺨﻠﻴﻨﻲ ﺍﺻﻴﺢ ﻭﺍﻟﻠﻪ ﺍﻟﺪﻧﻴﺎ ﺍﻟﻤﻬﺎ ﻋﻠﻴﻚ ﺍﻃﻠﻊ ﺑﺮﻩ
- ﺻﻴﺤﻲ ﻭﻧﺎﺩﻱ ﺍﻟﻠﻲ ﻳﻌﺠﺒﺞ .. ﻣﻮ ﺧﺎﻳﻒ ﻣﻦ ﺍﺣﺪ ﺍﻧﻲ
- ﺍﺗﺮﺍﺟﻊ ﻭﻫﻮ ﻳﺘﻘﺪﻡ .. ﺑﻠﻌﺖ ﺭﻳﻜﻲ ﻳﺮﺑﻲ ﺷﺴﻮﻱ ﻟﻮ ﺻﺮﺧﺖ ﺍﻟﺸﺒﻬﻪ ﺗﺼﺒﺮ ﻋﻠﻴّﻪ ﻣﻮ ﻋﻠﻴﻪ
ﺍﻟﻠﻪ ﻳﺨﻠﻴﻚ ﻭﺍﻟﻠﻪ ﻣﺎ ﺳﻮﻳﺘﻠﻚ ﺷﻲ ﺣﺮﺍﻡ ﻋﻠﻴﻚ ﻭﺍﻟﻠﻪ .. ﺍﻧﻀﺮﺑﺖ ﺑﺎﻟﺪﻳﻼﺏ ﺑﻀﻬﺮﻱ ﻭﻗﻔﺖ ﻭﺍﺣﺎﻭﻝ ﻣﺎ ﺍﺧﻠﻴﻪ ﻳﺘﻘﺮﺏ ﺍﻛﺜﺮ ..
ﻟﺰﻡ ﺍﺩﻳﻪ ﺛﻨﻴﻨﻬﻢ .. ﻛﻤﺖ ﺍﺑﺎﻭﻋﻠﻪ ﻭﺩﻣﻮﻋﻲ ﺟﺮﺕ ﻣﻦ ﺍﻟﺨﻮﻑ ﻓﺪﻭﻩ ﺍﻃﻠﻊ .. ﻣﺪ ﺍﻳﺪﻩ ﻟﺸﻌﺮﻱ ﻟﺞ ﺗﺠﻨﻨﻴﻨﻲ ﺑﺨﻮﻓﺞ ﻣﻨﻲ ﺗﺨﺒﻠﻴﻨﻲ ..
ﻳﺮﺑﻲ ﺷﺴﻮﻱ ﺳﺎﻋﺪﻧﻲ .. ﺍﺑﺘﻌﺪ ﺍﻟﻠﻪ ﻳﺨﻠﻴﻚ ﻭﺍﻟﻠﻪ ﺍﻧﻲ ﻣﺎ ﻣﺘﻘﺼﺪﻩ ﺍﺋﺬﻳﻚ .. ﻛﻌﺪﺕ ﻣﻦ ﺍﻟﺨﻮﻑ ﺭﺟﻠﻴﻪ ﻣﺎ ﺷﺎﻟﺘﻨﻲ ..
ﺧﻠﻴﺖ ﺭﺍﺳﻲ ﺑﻴﻦ ﺭﺟﻠﻴﻪ ﻭﺗﻜﺮﻓﺼﺖ ﺍﺑﺠﻲ .. ﻛﻌﺪ ﻟﻤﺴﺘﻮﺍﻱ .. ﺭﻓﻊ ﺭﺍﺳﻲ ﺑﺄﺩﻳﻪ .. ﺩﻣﻮﻋﻲ ﺗﺠﺮﻱ ..
ﺗﻘﺮﺏ ﻷﺫﻧﻲ ﻭ ﻫﻤﺲ ﺍﺣﺒﺞ ﻭﻋﺎﺟﺒﺘﻨﻲ ﺗﺰﻭﺟﻴﻨﻲ
- ﺑﻌﺪﺕ ﺭﺍﺳﻲ ﻣﻨﻪ ﻭﺑﺎﻭﻋﺘﻠﻪ .. ﺍﺗﺰﻭﺟﻚ ﺷﻨﻮ ﺍﺑﺘﻌﺪ ﺍﻟﻠﻪ ﻳﺨﻠﻴﻚ
- ﻻﺗﺠﺒﺮﻳﻨﻲ ﺍﺋﺬﻳﺞ ..... ﻳﺘﺒﻊ
☆☆☆☆☆☆☆
ﻣﺘﺎﺑﻌﻪ ﻣﻤﺘﻌﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء