رواية خطوات نحو الجحيم ج1 الجزء الأول
للكاتبة زينب ماجد
🌹
ﻭﺧﺮﺟﺖ ﻟﻠﺪﻧﻴﺎ ﻭﺫﺑﺢ ﻛﺒﺶ ﻓﺪﺍﺀ ﻋﻨﻲ .. ﻭﺍﻟﺤﻤﺪﻟﻠﻪ ﺍﻟﻠﻪ ﻛﺘﺒﻠﻲ ﺣﻴﺎﺓ .. ﻣﻦ ﺑﻌﺪﻱ ﺻﺎﺭ ﺣﻤﻞ ﻭﺍﺳﻘﺎﻃﺎﺕ ﻋﻨﺪ ﺍﻣﻲ ﻟﻜﻦ ﻣﺎ ﻧﺠﺤﺖ ..
ﺍﻟﻰ ﺍﻥ ﺻﺎﺭ ﻋﺪﻫﺎ ﻓﺎﻳﺮﻭﺱ ﺑﺎﻟﺮﺣﻢ .. ﺳﺒﺐ ﺍﻟﻬﺎ ﻋﻘﻢ .. ﻑ ﻛﻨﺖ ﺍﻧﻲ ﺍﻟﻮﺣﻴﺪﻩ ﻷﻫﻠﻲ ..
ﺑﺎﺑﺎ ﺻﺎﺣﺐ ﻣﺤﻞ ﻣﺠﻮﻫﺮﺍﺕ ﺑﺸﺎﺭﻉ ﺍﻻﻋﻈﻤﻴﻪ ﺍﻟﻤﻄﻞ ﻋﻠﻰ ﺟﺎﻣﻊ ﺍﺑﻮ ﺣﻨﻴﻔﻪ ﺍﻟﻨﻌﻤﺎﻥ ...
ﺑﻌﺪ ﺍﻟﺘﺨﺮﺝ .. ﺑﺤﺜﺖ ﻋﻦ ﺷﻐﻞ . ﻑ ﺍﺷﺘﺮﻛﺖ ﻣﻊ ﺍﺑﻦ ﺻﺪﻳﻖ ﺍﺑﻮﻳﻪ .. ﺍﺳﻤﻪ ﻣﺆﻳﺪ .. ﺭﺟﻞ ﺧﻠﻮﻕ .. ﻣﺘﺰﻭﺝ ﻭﻳﺒﻠﻎ ﻣﻦ ﺍﻟﻌﻤﺮ 34 ﺳﻨﻪ ..
ﻓﺘﺤﻨﻪ ﺻﻴﺪﻟﻴﻪ .. ﺍﻣﺎﻡ ﻣﺴﺘﻮﺻﻒ ﺻﺤﻲ .. ﻭﺻﺮﻧﻪ ﻧﺘﻨﺎﻭﺏ ﻋﻠﻴﻪ ﺍﻧﻲ ﻭﻣﺆﻳﺪ .. ﺍﻟﺼﺒﺢ ﺍﻧﻲ ﺍﻟﺰﻣﻪ ﻣﻦ ﺳﺎﻋﻪ 8 ﻟﺤﺪ ﺳﺎﻋﻪ 12 ﺍﻭ 1 ﺍﻟﻀﻬﺮ ..
ﻭﻣﺆﻳﺪ .. ﻳﺴﺘﻠﻢ ﻣﻦ ﺑﻌﺪ ﺍﻝ 5 ﻟﺤﺪ ﺍﻟﺴﺎﻋﻪ 10 ﻳﻌﺰﻝ .. ﻭﻫﻴﺞ ﻣﻘﺴﻤﻴﻦ ﺍﻟﺸﻐﻞ .. ﻭﺍﺣﻴﺎﻧﺎ ﻳﻨﺰﻝ ﺍﻟﺼﺒﺢ ﻳﻜﻌﺪ ﻭﻳﺎﻳﻪ ..
ﺍﻭ ﺍﻧﻲ ﺍﺳﺎﻋﺪﻩ ﻭﺍﺷﻴﻞ ﻋﻨﻪ ﺍﺫﺍ ﻛﺎﻥ ﻣﺸﻐﻮﻝ ﺍﻭ ﻋﻨﺪﻩ ﺷﻲ .. ﺍﺳﺘﻠﻢ ﺑﻤﻜﺎﻧﻪ .. ﻳﻌﻨﻲ ﻣﺘﻔﺎﻫﻤﻴﻦ ..
ﺍﺿﺎﻓﻪ ﺍﻟﻰ ﺷﻐﻠﻲ ﺑﺎﻟﺼﻴﺪﻟﻴﻪ .. ﻛﻨﺖ ﺑﻤﻨﺘﺪﻯ ﻣﻊ ﻣﺠﻤﻮﻋﺔ ﺑﻨﺎﺕ ﻭﺷﺒﺎﺏ .. ﻭﻗﺮﺭﻧﻪ ﻓﻲ ﻳﻮﻡ ﻧﻠﺘﻘﻲ ﻭﻧﺘﻌﺮﻑ ﺑﺎﻟﻮﺍﻗﻊ ..
ﻭﺑﺎﻟﻔﻌﻞ ﺣﺪﺩﻧﻪ ﻣﻜﺎﻥ .. ﻭﻃﻠﻌﻨﻪ ﻭﺗﻌﺮﻓﺖ ﻋﻠﻰ ﺻﺪﻳﻘﺔ ﻋﻤﺮﻱ .. ﺳﺮﻯ .. ﺑﻨﺖ ﺟﺪﺍ ﻃﻴﻮﺑﻪ .. ﺭﻏﻢ ﻋﻨﺪﻱ ﻛﺜﻴﺮ ﺻﺪﻳﻘﺎﺕ ﻣﻦ ﺍﻟﺠﺎﻣﻌﻪ .
ﺍﻻ ﻫﺬﻩ ﺍﻟﺒﻨﺖ ﻛﺎﻧﺖ ﻏﻴﻴﻴﺮ .. ﺣﺴﻴﺘﻬﺎ ﻣﺜﻠﻲ ﺗﻮﺃﻣﻲ .. ﻓﺼﺮﺕ ﺗﻘﺮﻳﺒﺎ ﻛﻞ ﻳﻮﻡ ﺍﻟﺘﻘﻴﻬﺎ ﺍﺑﻴﺘﻬﺎ ﺍﻭ ﺍﺑﻴﺘﻲ ﺍﻭ ﻧﻄﻠﻊ ﻣﻊ ﺑﻌﺾ ..
ﺳﺮﻯ ﺗﺸﺘﻐﻞ ﺑﺎﺫﺍﻋﺔ ﺩﺟﻠﻪ .. ﻑ ﻳﻮﻡ ﻣﻦ ﺍﻻﻳﺎﻡ .. ﻋﺮﻓﺘﻨﻲ ﻋﻠﻰ ﺍﺻﺪﻗﺎﺀﻫﺎ ﺑﺎﻻﺫﺍﻋﻪ .. ﻭﻣﻨﻬﺎ ﺗﻌﺮﻓﺖ ﻋﻠﻰ ﻣﺤﻤﺪ ﺍﻟﻬﻼﻟﻲ ..
ﺷﺎﺏ ﺣﻨﻄﻲ ﺭﺷﻴﻖ ﺍﻟﻘﻮﺍﻡ .. ﻣﺮﺗﺐ .. ﻛﺎﻥ ﻳﺠﺬﺑﻨﻲ ﺑﺜﻘﻠﻪ ﻭﺭﺯﺍﻧﺘﻪ .. ﻭﺭﻏﻢ ﺭﺯﺍﻧﺘﻪ ﺍﻻ ﺍﻥ ﻫﻮ ﺟﺪﺍ ﻣﺤﺒﻮﺏ ﻭﻣﺮﺡ .. ﻭﻃﻴﺐ ..
ﺷﻔﺖ ﻛﻞ ﺻﻔﺎﺕ ﺍﻟﺮﺟﻞ ﺍﻟﻲ ﺍﺣﺒﻬﺎ ﺑﻴﻪ .. ﻑ ﺣﺒﻴﺘﻪ .. ﻭﻛﻤﺖ ﺍﻓﺮﺡ ﺑﺸﻮﻓﺘﻪ .. ﻭﺍﻓﺮﺡ ﻟﻮ ﻳﻮﻡ ﻛﺎﻟﺖ ﺳﺮﻯ ﺗﻌﺎﻟﻲ ﻭﻳﺎﻱ ﻟﻼﺫﺍﻋﻪ ..
ﻫﻮ ﺟﺎﻥ ﻳﺪﺧﻠﻨﻲ ﻭﺻﺎﺭ ﺻﺪﻳﻖ ﻣﻘﺮﺏ .. ﻭﺗﻌﺮﻓﺖ ﻋﻠﻴﻪ ﺑﺸﻜﻞ ﺷﺨﺼﻲ ﻣﺮﺍﺳﻼﺕ ﻋﻠﻰ ﺍﻻﻳﻤﻴﻞ ﻭﻛﺜﻴﺮ ﻣﺮﺍﺕ ﻧﻠﺘﻘﻲ ..
ﺣﺴﻴﺖ ﺑﺤﺐ ﻣﻦ ﺟﺎﻧﺒﻪ .. ﺍﻭ ﺑﺎﺩﻟﻨﻲ ﺍﻟﻤﺸﺎﻋﺮ .. ﻭﻋﺮﺽ ﻋﻠﻴﻪ .. ﺗﻘﺪﻳﻢ ﺑﺮﻧﺎﻣﺞ .. ﻟﻴﻞ ﻭﮔﻤﺮﻩ .. ﺍﻗﺪﻣﻪ ﻭﻫﻮ ﺍﻟﻤﺨﺮﺝ ..
ﺟﻨﺖ ﺧﺎﻳﻔﻪ ﻭﻫﻮ ﺷﺠﻌﻨﻲ ﻭﻭﻗﻒ ﻭﻳﺎﻱ ﻭﺩﺭﺑﻨﻲ ﻭﻋﻠﻤﻨﻲ .. ﻭﺍﻟﺤﻤﺪﻟﻠﻪ ﺍﺷﺘﻐﻠﺖ ﺑﺎﻟﺒﺮﻧﺎﻣﺞ ..
ﻭﻛﻨﺖ ﺟﺪﺍ ﺳﻌﻴﺪﻩ .. ﺑﺘﻮﺍﺟﺪﻱ ﺑﺒﺮﻧﺎﻣﺞ ﻫﻮ ﻳﻮﺟﻬﻨﻲ ﻭﻳﻜﻠﻤﻨﻲ ﻛﻞ ﺛﺎﻧﻴﻪ ﺑﻲ .. ﺍﻟﻰ ﺍﻥ ﺍﺟﻪ ﺍﻟﻴﻮﻡ .. ﺍﻟﻠﻲ ﻛﺎﻧﺖ ﻣﺤﻔﻈﺘﻪ ﻣﻮﺟﻮﺩﻩ ﻋﻠﻄﺎﻭﻟﻪ .
ﻭﺍﻧﻲ ﻛﺎﻋﺪﻩ ﻳﻤﻪ .. ﺩﻧﺘﻌﺸﻰ .. ﺩﻳﻄﻠﻊ ﻓﻠﻮﺱ ﻳﺪﻓﻊ ﺍﻟﻌﺸﺎ .. ﻭﻛﻌﺖ ﺟﻨﺴﻴﺘﻪ .. ﺷﻠﺘﻬﺎ .. ﻭﺷﻔﺖ ﺑﻴﻬﺎ ﻣﺘﺰﻭﺝ .. ﻭﺍﺳﻢ ﺍﻟﺰﻭﺟﻪ ﻧﻮﺍﻝ ..
ﻋﻘﺪﺕ ﺣﺎﺟﺒﻲ ﻭﺳﺌﻠﺘﻪ .. ﺍﻧﺘﻪ ﻣﺘﺰﻭﺝ .. ﺟﺎﻭﺑﻨﻲ ﺑﺄﻧﺤﺮﺍﺝ ﺍﻱ .. ﺭﻏﻢ ﺟﻨﻪ ﻧﻌﺮﻑ ﺑﻤﺸﺎﻋﺮ ﺑﻌﺾ .. ﻟﻜﻦ ﻣﻤﺼﺎﺭﺣﻴﻦ ﺑﻌﺾ ﺍﺑﺪ .. ﻻ ﺍﻧﻲ ﻭﻻ ﻫﻮ ﻓﻘﻂ ﻣﺸﺎﻋﺮ
ﻑ ﻗﺮﺭﺕ ﻣﻦ ﻳﻮﻣﻬﺎ ﺍﺩﻓﻦ ﻣﺸﺎﻋﺮ ﻫﺎﻟﺤﺐ ﺑﻘﻠﺒﻲ ﻭﻣﺎ ﺍﺑﺎﺩﻟﻬﺎ .. ﺧﻄﻲ ﻣﺮﺗﻪ .. ﺍﺣﺒﻪ ﻭﺍﺧﺬﻩ ﻣﻨﻬﺎ ﻋﻠﻰ ﺍﻱ ﺍﺳﺎﺱ ﻟﻮ ﺍﻧﻲ ﺑﻤﻜﺎﻧﻬﺎ ﻣﺎ ﺍﻗﺒﻞ ﻭﺣﺪﻩ ﺗﺎﺧﺬ ﺯﻭﺟﻲ ﻑ ﻛﻴﻒ ﺍﻗﺒﻠﻬﺎ ﻋﻠﻰ ﻏﻴﺮﻱ
.
ﻫﻮ ﺣﺲ ﺍﻥ ﺍﻧﻲ ﺍﻧﺘﺒﻬﺖ ﻋﻠﻰ ﻫﺬﺍ ﺍﻟﻤﻮﺿﻮﻉ ﺑﺲ ﺑﻘﻰ ﻣﺒﺎﺩﻟﻨﻲ ﻣﺸﺎﻋﺮ ﺍﻟﺤﺐ .. ﻟﻜﻦ ﻛﻨﺖ ﺍﺻﺪﻩ ﺑﻜﻠﻤﺔ ﺍﺧﻴﻲ ﺍﻟﻐﺎﻟﻲ .. ﻳﺘﻀﺎﻳﻖ ﺻﺢ ﺑﺲ ﻫﺬﺍ ﺍﻟﻠﻲ ﻻﺯﻡ ﻳﺼﻴﺮ ..
.......
ﻗﺮﺑﺖ ﺍﻭﺻﻞ ﻟﻸﺫﺍﻋﻪ .. ﺩﺍ ﺍﺳﺘﺪﻳﺮ .. ﻣﺎ ﺍﺣﺲ ﺍﻻ ﺳﻴﺎﺭﻩ ﺻﺎﺭﺕ ﺑﻮﺟﻬﻲ .. ﺍﻧﺼﺪﻣﺖ ﺑﻴﻬﺎ ﻓﻮﺭﺍ .. ﺑﺲ ﺍﻧﺨﻀﻴﺖ ﺧﺾ .
ﻧﺰﻟﺖ ﻣﻦ ﺍﻟﺴﻴﺎﺭﻩ ﺑﺴﺮﻋﻪ .. ﻻﺍﺍﺍﺍﺍ ﻳﺎ ﺍﻟﻠﻪ ﺳﻴﺎﺍﺍﺍﺍﺭﺗﻲ .. ﻧﺰﻝ ﺍﻟﺴﺎﻳﻖ ﻳﺼﻴﺢ
ﻣﺎﻟﻚ .... ﻫﺎﻱ ﺷﺴﻮﻳﺘﻴﻴﻴﻴﻴﻲ ﺍﺩﺭﻱ ﻋﻤﻴﻴﻴﻴﻴﻪ ﻣﺘﺸﻮﻓﻴﻦ .. ﺻﻮﺝ ﺍﻟﺨﻠﻪ ﺳﻴﺎﺭﻩ ﻋﺪ ﻫﻴﺞ ﻧﺎﺱ ﺛﻮﻟﻪ ﻭﺧﻼﻫﺎ ﺗﺪﻋﻢ ﺑﺎﻟﻌﺎﻟﻢ ..
ﻟﺠﻴﻦ .... ﻟﺤﻈﻪ ﻟﺤﻈﻪ ﻟﺤﻈﻪ ﻉ ﺷﻨﻮ ﺗﺘﺠﺎﻭﺯ .. ﻣﺘﻘﺼﺪﻩ ﻣﺜﻼ ... ﺩﺍ ﺍﺳﺘﺪﻳﺮ ﻃﻠﻌﺖ ﺑﻮﺟﻬﻲ .. ﺷﺴﻮﻳﻠﻚ ..
ﻣﺎﻟﻚ .... ﺍﺩﻭﺭ ﺍﺗﻜﻮﻝ ﺷﺴﻮﻳﻠﻚ .. ﻟﺞ ﺑﺎﺑﺎ ﺩﺑﺎﻋﻲ ﻋﻘﺠﺘﻴﻬﺎ ﻟﻠﺒﺎﺏ ﺑﺎﺍﺍﻋﻲ ..
- ﺍﻟﻤﻄﻠﻮﻭﻭﺏ ﺷﻨﻮ ﻟﺘﺼﻴﺢ ..
- ﺍﻧﺘﻲ ﻟﺘﺼﻴﺤﻴﻦ ﻫﻴﻴﻴﻴﻲ ..
- ﺍﻛﻮﻟﻚ ﺍﻧﺘﻪ ﻣﻦ ﺷﻨﻮ ﻣﺨﻠﻮﻕ ﻭﺷﻠﻮﻥ ﺗﺤﺎﺟﻴﻨﻲ ﺑﻬﺸﻜﻞ .. ﻳﺎ ﺍﺧﻲ ﺍﺣﺘﺮﻡ .. ﺳﻴﺎﺭﺗﻚ ﺩﻋﻤﺘﻬﺎ ﺻﻠﺤﻬﺎ ﻭﺍﻧﻲ ﺍﻧﻄﻴﻚ ﻓﻠﻮﺱ ﺍﻟﺘﺼﻠﻴﺢ .
- ﻟﺞ ﻳﺎ ﺗﺼﻠﻴﺢ ﺍﺭﻭﺡ ﺍﺻﺒﻎ ﻣﺎ ﺻﺎﺭ 3 ﺍﻳﺎﻡ ﻣﻦ ﺍﺷﺘﺮﻳﺘﻬﺎ ﻻ ﺗﺨﺒﻠﻴﻨﻲ ..
- ﺍﻫﻮﻭﻭﻭﻭﻭ .. ﻭﻫﺴﻪ ﺷﺘﺮﻳﺪ ﻓﻬﻤﻨﻲ .. ﺩﻧﺤﺠﻲ ﺍﻟﺘﻤﻮ ﻧﺎﺱ ﻋﻠﻴﻨﻪ .. ﻛﺎﻟﻮﻟﻪ ﺳﻤﻲ ﺑﺎﻟﺮﺣﻤﻦ ﺍﻟﮕﺪﺍﻣﻚ ﻣﺮﻩ ﻣﻮ ﺭﺟﺎﻝ ﻭﺗﺼﻴﺢ ﻋﻠﻴﻬﺎ ..
ﺻﺮﺥ ﺑﻴﻬﻢ ﺍﺫﺍ ﻣﺮﻩ ﺷﻌﺪﻫﺎ ﺗﺴﻮﻕ .
- ﺣﻈﺮﺗﻚ ﻣﻨﻮ ﻭﺗﺤﺎﺳﺒﻨﻲ .. ﻓﻀﻨﻲ ﺍﻟﻠﻲ ﺗﺮﻳﺪﻩ ﺷﻨﻮ ﺗﺮﻩ ﻋﻨﺪﻱ ﺷﻐﻞ ﻣﻮ ﻓﺎﺿﻴﻪ ..
- ﺗﺎﺧﺬﻳﻬﺎ ﻭﺗﺼﻠﺤﻴﻬﺎ ..
- ﺵ ﺍﺧﺬ .. ﻋﻨﺪﻱ ﺑﺮﻧﺎﻣﺞ ﻣﺎ ﺍﻛﺪﺭ ﺍﺗﺄﺧﺮ ﻫﺬﺍ ﺭﻗﻤﻲ .. ﻭﺍﻧﻄﻴﻚ ﻋﻨﻮﺍﻧﻲ .. ﻭﻣﻦ ﺗﺼﻠﺤﻬﺎ ﺧﺎﺑﺮﻧﻲ ..
- ﻣﺎﻛﻮ ﺗﺼﻠﺤﻴﻬﺎ ﺍﻧﺘﻲ .. ﻣﻮ ﺍﻧﻲ ..
- ﺍﻫﻮﻭﻭﻭ ﺷﻠﻮﻥ ﻣﺼﻴﺒﻪ ﻫﺎﻱ .. ﺷﻴﺨﻠﺼﻬﺎ ﻭﻳﺎﻩ .. ﻛﺘﻔﺖ ﺍﺩﻳﻪ ﻭﻛﻤﺖ ﺍﺗﺄﻓﻒ
ﻳﺎ ﺧﻴﻲ ﻓﻀﻨﻲ ﺩﺧﻴﻠﻚ ﺷﻨﻮ ﺗﺮﻳﺪ .. ﻭﻟﻠﻪ ﺍﻧﻄﻴﻚ ﺑﺲ ﺧﻞ ﺍﺭﻭﺡ .. ﺻﺎﺡ ﺍﻟﺮﺟﺎﻝ ﺩﻓﻌﻴﻠﻪ ﺍﻓﻠﻮﺱ ﺍﻟﺘﺼﻠﻴﺢ ﻭﺗﻮﻛﻠﻲ ..
ﺭﺣﺖ ﻟﻠﺴﻴﺎﺭﻩ .. ﻃﻠﻌﺖ ﺍﻟﺠﻨﻄﻪ .. ﻭﺍﺧﺬﺕ 200 ﺩﻭﻻﺭ .. ﻭﺍﻧﻄﻴﺘﻪ ﺍﻟﻪ ﺑﺲ ﻫﺬﺍ ﺍﻟﻌﻨﺪﻱ ﺍﺫﺍ ﻃﻠﻊ ﺍﻛﺜﺮ .. ﺍﻧﻄﻴﺘﻚ ﺭﻗﻤﻲ ﻭﺧﺎﺑﺮﻧﻲ ..
ﺍﺷﻮ ﻣﺪﻳﺘﻠﻪ ﺍﻟﻔﻠﻮﺱ .. ﺍﺧﺬﻫﻢ ﻭﺷﻜﻬﻢ .. ﻭﺷﻤﺮﻫﻢ ﺑﻮﺟﻬﻲ ﻭﻛﺎﻝ ﺑﺴﻴﻄﻪ ﺍﻧﻲ ﺍﻟﺞ .. ﺭﻛﺐ ﺳﻴﺎﺭﺗﻪ ﻭﺣﺮﻙ ... ﺑﺎﻭﻋﺖ ﻫﺰﻳﺖ ﺍﻳﺪﻱ
.
ﺧﻮ ﺣﻈﻲ ﻭﻳﻦ ﺍﻟﺰﺑﺎﻳﻞ ﻳﺸﻴﻠﻬﺎ ﻭﻳﻜﻮﻣﻬﺎ ﮔﺒﺎﻟﻲ .. ﺑﺎﻭﻋﺖ ﺳﻴﺎﺭﺗﻲ .. ﺍﻟﻤﻘﺪﻣﻪ ﺷﻮﻱ ﺍﺗﺄﺫﺕ .. ﺍﺧﺬﺗﻬﺎ ﻭﺭﺣﺖ ﻟﻼﺫﺍﻋﻪ ..
ﻭﺻﻠﺖ 7 ﺍﻻ ﺭﺑﻊ .. ﺍﻟﺘﻘﻴﺖ ﻭﻳﻪ ﺍﻟﻤﺼﻮﺭ ﻋﻠﻲ .. ﺷﻮ ﺗﺄﺧﺮﺗﻲ .. ﻃﻠﻊ ﻣﺤﻤﺪ ﺑﻮﺟﻬﻲ ... ﻫﺎﺍﺍﺍ ..
- ﺵ ﻫﺎﺍﺍ ﺩﻋﻤﺖ ﺳﻴﺎﺭﺗﻲ ﻭﺍﻧﻼﺻﺖ ﻋﻠﻴﻪ ..
ﻣﺤﻤﺪ .. ﺳﻼﻣﺎﺕ ﺧﻮ ﻣﺎ ﺻﺎﺭ ﺑﻴﺞ ﺷﻲ .
- ﻻ ﺍﻟﺤﻤﺪﻟﻠﻪ ﺑﺲ ﺍﻟﺪﻋﻤﺘﻪ ﻋﻘﺪﻩ ﻃﻠﻊ ﺭﻭﺣﻲ ..
- ﻭﻧﺤﻠﺖ
- ﺷﻤﺪﺭﻳﻨﻲ ﺍﻧﻄﻴﺘﻪ ﻓﻠﻮﺱ ﺷﻮ ﻫﺬﺍ ﺷﻜﻬﺎ ﺑﻮﺟﻬﻲ ﻭﺷﻤﺮﻫﻢ .. ﻭﺭﺍﺡ ﻭﻫﻮﻩ ﻳﺘﻮﻋﺪﻟﻲ ..
- ﺧﻴﻮﻟﻲ .. ﻳﻼ ﺍﻛﻌﺪﻱ ﺣﻈﺮﻱ .. ﺗﺮﻩ ﻣﺎﺑﻘﻰ ﻟﻠﺒﺮﻧﺎﻣﺞ ﻏﻴﺮ ﺳﺎﻋﻪ ..
- ﺍﻥ ﺷﺎﺀﺍﻟﻠﻪ .. ﻛﻌﺪﺕ ﺍﺑﺤﺚ ﺍﻟﻤﻮﺿﻮﻉ ﻭﺍﺳﺘﻌﺪﻟﻪ ﻝ 8 ﺍﻻ ﻋﺸﺮﻩ ﺍﻧﺘﻘﻠﺖ ﻟﻼﺳﺘﻮﺩﻳﻮ .. ﺑﺎﻭﻋﺖ ﻟﻤﺤﻤﺪ . ﺧﻠﻴﺖ ﺍﻟﺴﻤﺎﻋﺎﺕ ﺍﻟﻜﺒﻴﺮﻩ ﺑﺮﺍﺳﻲ ..
ﺍﺧﺬﺕ ﻧﻔﺲ ﻋﻤﻴﻖ .. ﺑﺪﺕ ﻣﻮﺳﻴﻘﺔ ﺍﻟﺒﺮﻧﺎﻣﺞ .. ﺍﻧﻄﺎﻧﻲ ﺍﻻﺷﺎﺭﻩ ﻣﺤﻤﺪ ﺍﻧﻄﻠﻘﻲ ﺑﺎﻟﺠﻮ ..
ﻫﺰﻳﺘﻠﻪ ﺭﺍﺳﻲ ﻭﺗﻘﺮﺑﺖ ﻣﻦ ﺍﻟﻤﺎﻳﻚ ... ﻣﺴﺎﺀﻛﻢ ﺣﺐ ﻭ ﻭﺭﺩ ﺣﺒﺎﻳﺒﻲ ﺍﻟﻤﺴﺘﻤﻌﻴﻦ .. ﻭ ﺍﺟﻤﻞ ﻣﺴﺎﺀ ﻣﻊ ﺍﺟﻤﻞ ﺑﺮﻧﺎﻣﺞ ﻟﻴﻞ ﻭﮔﻤﺮﻩ ﻭﻳﺎﻳﻪ ﺍﻧﻲ ﺑﺎﻟﺘﻘﺪﻳﻢ ﻟﺠﻴﻦ ﺷﺎﻛﺮ ﻭﺍﻟﻤﺨﺮﺝ ﻣﺤﻤﺪ ﺍﻟﻬﻼﻟﻲ
ﺍﺑﺘﻌﺪﺕ ﻋﻦ ﺍﻟﻤﺎﻳﻚ .. ﺍﺷﺘﻐﻠﺖ ﺍﻏﻨﻴﺔ ﺍﻟﻘﻴﺼﺮ ... ﻛﻦ ﻣﻨﺼﻔﺎ ﻳﺎ ﺳﻴﺪﻱ ﺍﻟﻘﺎﺿﻲ ..
ﺑﺎﻭﻋﺖ ﻟﻤﺤﻤﺪ .. ﻛﻠﻤﻨﻲ ﺧﻠﻴﺞ ﺭﻳﻼﻛﺲ ﻟﺠﻴﻦ .. ﻫﺰﻳﺖ ﺭﺍﺳﻲ .. ﻗﻄﻊ ﺍﻻﻏﻨﻴﻪ .. ﻭﺭﺟﻌﺖ ﻟﻠﺠﻮ ..
ﺍﻟﻘﻴﺼﺮ ﻳﻜﻮﻝ ﻛﻦ ﻣﻨﺼﻔﺎ ﻳﺎ ﺳﻴﺪﻱ ﺍﻟﻘﺎﺿﻲ .. ﻑ ﺍﻧﺎ ﺭﺟﻞ ﻟﻪ ﻣﺎﺿﻲ .. ﻣﻮﺿﻮﻋﻨﻪ ﺍﻟﻴﻮﻡ ﻫﻮ ﻣﻮﺿﻮﻉ ﺍﻟﺨﻴﺎﻧﻪ ..
ﻟﻜﻦ ﺍﻧﻲ ﻣﺎ ﺍﺭﻳﺪ ﺍﺑﺤﺚ ﺑﺎﺳﺒﺎﺏ ﺍﻟﺨﻴﺎﻧﻪ .. ﻻﺍﺍ ﺍﻟﻴﻮﻡ ﺍﺭﻳﺪ ﺍﺗﻨﺎﻗﺶ ﺑﻤﻮﺿﻮﻉ ﺍﻟﺨﻴﺎﻧﻪ ﺑﺒﺤﺚ ﺍﺧﺮ ..
ﻭﻫﻮ ﺍﻻﻧﺼﺎﻑ .. ﻫﻞ ﻣﻦ ﺍﻻﻧﺼﺎﻑ ﺍﻥ ﻟﻤﺎ ﻳﺨﻮﻥ ﺍﻟﺮﺟﻞ .. ﻧﮕﻮﻝ ﺻﻮﺝ ﺍﻟﻤﺮﻩ ﺍﻭ ﻣﺮﺗﻪ .. ﺧﺎﻥ ﻻﻥ ﻣﻤﺪﺍﺭﻳﺘﻪ ﺍﻭ ﻣﺎ ﻣﻨﻄﻴﺘﻪ ﺣﻘﻪ ﺍﻭ ﺍﻭ ﺍﻭ
ﺑﺲ ﺍﺑﺪ .. ﻣﻴﺘﺤﺎﺳﺐ ﺍﻟﺮﺟﻞ ﻉ ﺍﻟﺨﻴﺎﻧﻪ .. ﻻ ﻭﻓﻲ ﺑﻌﺾ ﺍﻻﺣﻴﺎﻥ ﺗﻌﺘﺒﺮ ﺭﺟﻮﻟﻪ .. ﻣﺎ ﻓﺪ ﻳﻮﻡ ﺍﺣﺪ ﺣﺎﻭﻝ ﻳﺤﺎﺳﺐ ﺍﻟﺮﺟﻞ ﺍﻟﺨﺎﺋﻦ ..
ﻟﻜﻦ ﻟﻮ ﺧﺎﻧﺖ ﺍﻟﻤﺮﺃﻩ ﻫﻨﺎ ﺍﻟﻜﻞ ﻳﻨﺎﺩﻱ ﺍﻗﺘﻠﻮﻫﺎ ﺍﺫﺑﺤﻮﻫﺎ ﺍﺑﻴﺤﻮ ﺩﻣﻬﺎ .. ﺍﻧﻲ ﻣﻮ ﻣﻊ ﺍﺣﺪ ﺿﺪ ﺍﺣﺪ ... ﻻﺍﺍ ﻟﻜﻦ ﺍﻟﺨﺎﺋﻦ ﻫﻮ ﺧﺎﺋﻦ ﻣﻬﻤﺎ ﻛﺎﻥ ﺟﻨﺴﻪ ..
ﺑﻤﺎ ﺍﻥ ﺍﻟﻌﺮﺍﻕ ﻫﻮ ﺑﻠﺪ ﺍﺳﻼﻣﻲ .. ﻧﺮﺟﻊ ﻟﻠﻘﺮﺍﻥ ﻭﻧﺸﻮﻑ ﺍﻟﺤﻜﻢ ﺑﻬﻞ ﻗﻀﻴﻪ ﺷﻨﻮ ؟؟
}} ﺍﻟﺰَّﺍﻧِﻴَﺔُ ﻭَﺍﻟﺰَّﺍﻧِﻲ ﻓَﺎﺟْﻠِﺪُﻭﺍ ﻛُﻞَّ ﻭَﺍﺣِﺪٍ ﻣِّﻨْﻬُﻤَﺎ ﻣِﺎﺋَﺔَ ﺟَﻠْﺪَﺓٍ ﻭَﻻ ﺗَﺄْﺧُﺬْﻛُﻢ ﺑِﻬِﻤَﺎ ﺭَﺃْﻓَﺔٌ ﻓِﻲ ﺩِﻳﻦِ ﺍﻟﻠَّﻪِ ﺇِﻥ ﻛُﻨﺘُﻢْ ﺗُﺆْﻣِﻨُﻮﻥَ ﺑِﺎﻟﻠَّﻪِ ﻭَﺍﻟْﻴَﻮْﻡِ ﺍﻵﺧِﺮِ ﻭَﻟْﻴَﺸْﻬَﺪْ ﻋَﺬَﺍﺑَﻬُﻤَﺎ ﻃَﺎﺋِﻔَﺔٌ ﻣِّﻦَ ﺍﻟْﻤُﺆْﻣِﻨِﻴﻦَ {{ ﺳﻮﺭﺓ ﺍﻟﻨﻮﺭ ﺍﻳﻪ 3
ﻳﻌﻨﻲ ﺍﻟﻘﺮﺍﻥ ﻣﺎ ﻓﺮﻕ .. ﻻ ﻭﻳﻜﻮﻝ ﻭﻻ ﺗﺄﺧﺬﻛﻢ ﺑﻬﻤﺎ ﺭﺃﻓﺔ .. ﻃﻴﺐ ﺍﻟﺮﺟﻞ ﻟﻴﺶ ﻣﺎ ﻳﺤﺎﺳﺐ .. ﻟﻴﺶ ﻓﻘﻂ ﺍﻟﻤﺮﺃﻩ ﻫﻲ ﺍﻟﻤﻼﻣﻪ ..
ﻭﻣﺤﺪ ﻳﺒﺤﺚ ﺑﺎﺳﺒﺎﺏ ﺧﻴﺎﻧﺘﻬﺎ ﻣﺜﻞ ﻣﻴﺒﺤﺜﻮﻥ ﺑﺨﺎﻳﻨﺔ ﺍﻟﺮﺟﻞ ﻭﻳﻜﻮﻟﻮﻥ ﺻﻮﺝ ﻣﺮﺗﻪ .. ﻻﺍﺍﺍﺍ ﻫﻨﺎ ﻳﻮﺍﺳﻮﻩ ﻟﻠﺮﺟﻞ .. ﻭﻳﻜﻮﻟﻮﻟﻪ ﺍﻏﺴﻞ ﻋﺎﺭﻙ
.
ﻧﻌﻢ ﺍﻏﺴﻞ ﻋﺎﺭﻙ .. ﺍﻣﻨﺎ ﺑﺎﻟﻠﻪ .. ﺑﺲ ﻟﻤﺎ ﺍﻧﺖ ﺗﺨﻮﻥ .. ﻭﺗﻜﻮﻥ ﻋﺎﺭ .. ﻳﺎ ﺗﺮﻯ ﻣﻦ ﻳﻘﺘﻠﻚ ﻭﻳﻐﺴﻞ ﻋﺎﺭﻙ؟
ﻭﻻ ﺗﺒﻘﻰ ﺗﺴﻮﺩ ﻭﺗﻄﻐﻲ ﺑﻌﺎﺭﻙ .. ﻟﻴﻜﻮﻥ ﻣﺠﺘﻤﻊ ﺫﻛﻮﺭﻱ ﻳﺪﻋﻲ ﺍﻻﺳﻼﻡ .. ﻭﻣﺎ ﻳﻤﺪ ﻟﻪ ﺑﺼﻠﻪ .. ﻓﻘﻂ ﻳﺘﺒﻊ ﺍﺑﺎﺀﻩ ﻭﺍﺟﺪﺍﺩﻩ ﻣﺘﻨﺎﺳﻲ ﺷﻲ ﺫﻛﺮ ﺑﺪﺳﺘﻮﺭ ﺍﻟﻘﺮﺍﻥ ﻋﻦ ﺍﻟﺤﻼﻝ ﻭﺍﻟﺤﺮﺍﻡ ..
ﺍﺳﺘﻘﺒﻞ ﺍﺗﺼﺎﻻﺗﻜﻢ ﺣﺒﺎﻳﺒﻲ ﺍﻟﻤﺴﺘﻤﻌﻴﻦ ﺣﻮﻝ ﻣﻮﺿﻮﻉ ﺍﻟﺤﻠﻘﻪ .. ﻋﻠﻰ ﻫﻮﺍﺗﻔﻨﺎ ﺍﻟﺘﺎﻟﻴﻪ *********0770
ﻭﺳﺆﺍﻝ ﺍﻟﺤﻠﻘﻪ ﻳﻘﻮﻝ .. ﻣﻦ ﺍﺳﻢ ﺣﺒﻴﺒﺔ ﻫﺘﻠﺮ ﺍﻟﺘﻲ ﺧﺎﻧﺘﻪ ﻓﻲ ﻣﺎ ﺑﻌﺪ .. ﺷﺎﺭﻛﻮﻧﻲ ﺍﺭﺍﺋﻜﻢ ﻭﺍﺟﺎﺑﺎﺗﻜﻢ ﺣﻮﻝ ﺳﺆﺍﻝ ﺍﻟﺤﻠﻘﻪ ﻟﺘﺪﺧﻞ ﻣﻌﻲ ﻋﻠﻰ ﻗﺮﻋﺔ ﺍﻟﺠﺎﺋﺰﻩ ..
ﻭﻧﺎﺧﺬ ﺍﻭﻝ ﺍﺗﺼﺎﻝ ﻭﻧﻜﻮﻝ ﺍﻟﻮﻭﻭﻭﻭﻭ ............ ﺑﻘﻴﺖ ﺍﻛﻤﻞ ﺍﻟﺒﺮﻧﺎﻣﺞ .. ﺳﺎﻋﻪ ﻳﻠﻪ ﻛﻤﻠﺖ ﺍﻟﺒﺮﻧﺎﻣﺞ ..
ﻧﻬﻴﺖ ﺍﻟﺤﻠﻘﻪ .. ﻭﺟﺎﺑﻮﻟﻲ ﻗﻮﻃﻴﺔ ﻋﺼﻴﺮ ﺑﺎﺭﺩ .. ﻓﺘﺤﺘﻬﺎ ﻭﻃﻠﻌﺖ ﻣﻦ ﺍﻻﺳﺘﻮﺩﻳﻮ .. ﻫﺎﺍﺍﺍ ﻣﺤﻤﺪ .. ﺷﺮﺍﻳﻚ ..
ﻣﺤﻤﺪ ... ﻣﺒﺪﻋﻪ ﻣﻦ ﻳﻮﻣﺞ ..
- ﻫﻬﻬﻬﻬﻬﻬﻪ ﻣﻨﻚ ﻧﺘﻌﻠﻢ ﻳﺎ ﻣﻌﻠﻤﻤﻤﻢ ..
- ﺍﻟﺠﻤﻌﻪ ﺍﻓﺘﺘﺎﺡ ﻗﻨﺎﺓ ﺟﺪﻳﺪﻩ .. ﺗﺮﺣﻴﻦ ﻭﻳﺎﻱ
- ﻣﻤﻤﻤﻢ ﻣﺎ ﺍﻋﺮﻑ ﺍﺷﻮﻑ ..
- ﺷﻮﻭﻓﻲ ﻭﻭﺍﻓﻘﻲ ﻻﻥ ﻋﺮﺽ ﻣﻮ ﻗﺎﺑﻞ ﻟﻠﺮﻓﺾ .. ﻣﺎ ﺍﻛﺪﺭ ﺍﺭﻭﺡ ﻭﺣﺪﻱ ﻭﻻ ﺍﻛﺪﺭ ﻣﺎ ﺍﺭﻭﺡ ﻋﻴﺐ ﻣﻦ ﺍﻻﺳﺘﺎﺫ ﺳﺎﻣﺮ ﻋﺰﻣﻨﻲ ﻭﺍﻛﺪ ﻋﻠﻰ ﺣﻈﻮﺭﻱ ..
- ﺍﻥ ﺷﺎﺀﺍﻟﻠﻪ ﺍﺷﻮﻑ ﻭﺍﺟﻲ .. ﻭﺍﺫﺍ ﺍﻛﻮ ﻣﻜﺎﻥ ﻟﺴﺮﻯ ﻭﻳﺎﻧﻪ ﻳﺎﺭﻳﺖ ﺍﻛﻮﻥ ﺍﺳﻌﺪ ..
- ﺍﻻ ﺑﻮﺟﻮﺩ ﺳﺮﻯ ﺗﻜﻮﻧﻴﻦ ﺳﻌﻴﺪﻩ ؟
- ﺷﻠﻮﻥ ﻳﻌﻨﻲ ؟ ﻏﻴﺮ ﺻﺪﻳﻘﺘﻲ
- ﻭﺍﻧﻲ
- ﻣﺤﻤﻤﻤﻤﻤﻤﺪ ﻟﺘﺪﻟﻞ ﻋﺎﺩ ﺗﻌﺮﻑ ﺳﺮﻭﺵ ﺣﺒﻲ ﺍﻻﻭﻝ ﻭﺍﻻﺧﻴﺮ ﻟﺘﻔﻜﺮ ﺗﺎﺧﺬ ﻣﻜﺎﻧﻬﺎ ﻣﻤﻨﻮﻭﻭﻭﻭﻉ ﻫﻬﻬﻬﻪ
ﺿﺤﻜﺖ ﻭﻳﺎﻩ ﻭﻣﺸﻴﺖ ﻟﺴﺮﻯ .. ﺣﻈﻨﺘﻬﺎ .. ﺣﺐ ﺣﺐ ﻭﻳﻨﻚ ..
ﺳﺮﻯ .... ﻫﻼ ﻟﻮﻟﻲ ﺣﻴﺎﺗﻲ ..
- ﻟﺞ ﻣﻴﺘﻪ ﺟﻮﻉ ﺧﻞ ﻧﻄﻠﻊ ﻧﺘﻌﺸﻰ ﺑﺮﻩ ..
- ﺍﻱ ﻭﺭﺑﻲ ﺍﻧﻲ ﻫﻢ ﺟﻮﻋﺎﻧﻪ .. ﻳﻼ ﺧﻠﺼﺖ ﺧﻞ ﻧﻄﻠﻊ ..
- ﻳﻠﻪ .. ﺩﻧﻄﻠﻊ ﺻﺎﺡ ﻣﺤﻤﺪ ﻭﻳﻦ .. ﻛﺘﻠﻪ ﻧﺘﻌﺸﻰ ﺗﺠﻲ .. ﺻﺎﺡ ﺍﻱ ﻟﻴﺶ ﻻﺍﺍ .. ﻧﺰﻟﻨﻪ ﻗﺮﻳﺐ ﻋﻠﻰ ﺍﻻﺫﺍﻋﻪ ﻧﺰﻟﻨﻪ ﺍﻛﻞ ... ﻭﺍﻛﻠﻨﻪ ..
ﺩﺍﻱ ﺍﻛﻞ ﻭﻣﺤﻤﺪ ﻗﺮﻳﺐ ﻋﻠﻴﻪ ﻳﺒﺎﻭﻉ ﺑﻮﺟﻬﻲ .. ﺍﺩﻭﺭ ﺍﻟﻤﺼﻮﺭ ﻋﻠﻲ ﻫﻢ ﻛﺎﻋﺪ ﻭﻫﻮ ﺻﺎﻓﻦ . ﺑﺎﻭﻋﺘﻠﻪ ﻫﺎ ﺣﻤﻮﺩﻱ ﺷﻮ ﺻﺎﻓﻦ ..
- ﻻﺍﺍﺍ ﻫﻴﺞ ..
- ﺷﻠﻮﻧﻬﺎ ﻋﺎﺋﻠﺘﻚ .. ﺻﻔﻦ ﺑﻮﺟﻬﻲ ﺍﺧﺬ ﻧﻔﺲ ﺣﻴﻞ ﻭﺩﻧﻚ ﺑﺎﻷﻛﻞ ﻣﺎﻟﺘﻪ ﻭﻫﺰ ﺭﺍﺳﻪ ﺑﺨﻴﺮ ﻳﺴﻠﻤﻮﻥ ﻋﻠﻴﺞ ...
- ﺍﻟﻠﻪ ﻳﺴﻠﻤﻬﻢ ﺍﻥ ﺷﺎﺀﺍﻟﻠﻪ ﺍﻋﺰﻣﻨﻲ ﻭﻋﺮﻓﻨﻲ ﻋﻠﻴﻬﻢ .. ﺍﻭﻙ .. ﻣﻠﺘﻠﻪ ﺭﺍﺳﻲ .. ﺑﺎﻭﻋﻠﻲ .. ﻭﺧﻠﻪ ﺍﻟﻠﻜﻤﻪ ﺑﺤﻠﻜﻪ ﻭﺩﻧﻚ ﺭﺍﺳﻪ ﻳﺎﻛﻞ ﻣﺎ ﺭﺩ .
ﻧﺪﺳﺘﻨﻲ ﺳﺮﻯ .. ﺍﺑﺘﺴﻤﺖ .. ﻫﻤﺴﺘﻠﻲ .. ﻫﻮ ﺍﻧﺘﻲ ﻧﺎﻭﻳﻪ ﺗﻤﻮﺗﻲ ﻟﻠﻮﻟﺪ ﻳﺨﺘﻲ .. ﺧﻔﻲ ﻋﻠﻴﻪ ﺷﻮﻳﻪ ..
- ﺧﺮﺗﻬﺎ ﺣﻴﻞ .. ﻭﻋﻀﻴﺖ ﺷﻔﺘﻲ ﺍﻟﻬﺎ ... ﻻﻥ ﺍﻋﺮﻑ ﻣﺤﻤﺪ ﺣﺘﻰ ﺍﻟﻨﻤﻠﻪ ﻳﺴﻤﻌﻬﺎ ... ﺣﺎﺟﻴﺘﻬﺎ ... ﻳﻼﺍﺍﺍ ﺳﺮﺍﻭﻱ ﻛﻮﻣﻲ ﻋﻴﻨﻲ ﺍﻟﺴﺎﻋﻪ 10 ﻭ ﺧﻤﺴﻪ .. ﺑﺎﺑﺎ ﻳﺘﻀﺎﻳﻖ ﺍﺭﺟﻊ ﻭﺭﻩ ﺍﻝ .11
- ﻳﻼﺍﺍ .. ﺍﺧﺬﺕ ﺳﺮﻯ .. ﻭﻧﺰﻟﺘﻬﺎ ﺑﻤﻜﺎﻥ ﺍﺧﺬﺕ ﺳﻴﺎﺭﻩ ﻭﺭﺍﺣﺖ ﻟﺒﻴﺘﻬﻢ .. ﻭﺍﻧﻲ ﺗﻮﺟﻬﺖ ﻟﻼﻋﻈﻤﻴﻪ ﻟﺒﻴﺘﻨﻪ .
ﻭﻣﺸﻐﻠﻪ ﺍﻏﻨﻴﺔ .. ﺷﻴﺮﻳﻦ ﻋﺒﺪ ﺍﻟﻮﻫﺎﺏ ... ﻋﺎﻳﺰﻩ ﺍﻟﻤﻠﻢ ﺍﻟﺒﻲ ﻭﺍﺣﻈﻦ ﻧﻔﺴﻲ ﻭﺍﻣﺸﻲ ﺑﻌﻴﺪ .. ﻋﺎﻳﺰﻩ ﺍﻃﻴﺐ ﺟﺮﺣﻲ ﺍﻳﻮﺍ ﻫﻄﻴﺐ ﺟﺮﺣﻲ ﺍﻛﻴﻴﻴﺪ ....
ﺍﻣﺸﻲ ﻭﻟﻴﻞ ﻭﻣﺴﺘﻤﺘﻊ ﺑﺎﺟﻮﺍﺀ ﺍﻻﻏﻨﻴﻪ ﻣﺎ ﺍﺣﺲ ﺍﻻ ﺷﻲ ﻭﻳﺼﺪﻡ ﺳﻴﺎﺭﺗﻲ ﺍﻧﺮﻛﻊ ﺭﺍﺳﻲ ﺑﺎﻟﺴﺘﻴﺮﻥ .. ﮔﻠﺒﻲ ﺭﺍﺡ . ﺣﺴﻴﺖ ﺣﺎﻟﻲ ﻣﺘﺖ ..
ﺑﻌﺪﺕ .. ﻣﺪﻳﺖ ﺍﻳﺪﻱ ﻟﺮﺍﺳﻲ .. ﻧﺰﻝ ﺩﻡ .. ﺷﻔﺖ ﺍﻳﺪﻱ ﻣﺪﻣﺎﻳﻪ .. ﻭﻣﻦ ﺭﺍﺳﻲ ﺗﺨﺒﻠﺖ ﻫﻤﻴﺖ ﺍﻧﺰﻝ ﺑﺴﺮﻋﻪ ..
ﻓﺘﺤﺖ ﺍﻟﺒﺎﺏ ﻭﺍﻧﺼﺪﻡ ﺑﺸﺨﺺ ﻛﺒﺎﻟﻲ .. ﻃﻮﻳﻞ ﻭﺿﺨﻢ .. ﺭﻛﺰﺕ ﺑﻴﻪ ﻧﻔﺴﻪ ﺍﻟﻠﻲ ﺍﻧﺼﺪﻣﺖ ﺑﻴﻪ ﺍﻟﻴﻮﻡ ..
ﺩﻓﻌﺘﻪ ﺣﻴﻞ ﺍﻧﺘﻪ ﻣﺨﺒﻞ ﺍﺟﻴﺖ ﺗﻤﻮﺗﻨﻲ .. ﺩﻓﻌﻨﻲ ﻋﻠﺴﻴﺎﺭﻩ ﻭﺗﻘﺮﺏ .. ﻛﺘﻠﺞ ﺍﻧﺘﻘﻢ ﻣﻨﺞ ﺻﺪﻗﻴﻨﻲ ﻭﻟﺴﻪ ﻣﺎ ﺷﻔﺘﻲ ﺷﻲ ..
- ﺍﻧﺘﻪ ﺷﻨﻮ ﺗﺮﻳﺪ ﻣﻨﻲ .. ﺍﺑﺎﻭﻉ ﺍﻟﺸﺎﺭﻉ ﻓﺎﺭﻍ .. ﺍﺩﻭﺭ ﺣﺘﻰ ﻣﻮ ﺷﺎﺭ ﻋﺎﻡ .. ﺭﺟﻌﺖ ﺑﺎﻭﻋﺘﻠﻪ .. ﻳﺨﻮﻑ ﺍﺣﺴﻪ ﺟﻦ ﻣﻮ ﺑﺸﺮ ﻣﻦ ﻃﻮﻟﻪ ﻭﺿﺨﺎﻣﺘﻪ
ﻣﺎ ﺭﺩﺕ ﺍﻛﺜﺮ ﺣﺠﻲ ﻭﻳﺎﻩ .. ﺩﺭﺕ ﻭﺟﻬﻲ .. ﻭﺭﺣﺖ ﺷﻔﺖ ﺍﻟﺴﻴﺎﺭﻩ ﻛﺴﺮﻫﺎ ﺗﻜﺴﺮ .. ﺣﺠﻴﺖ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ..
ﺍﻧﺪﺍﺭﻳﺖ .. ﻭﺍﻛﻒ ﮔﺒﺎﻟﻲ .. ﺍﻟﻠﻪ ﻳﺨﻠﻴﻚ ﺍﺧﻮﻳﻪ ﺍﺗﺮﻛﻨﻲ ﺑﺤﺎﻟﻲ ﻳﺎﺑﻪ ﺍﻋﺘﺬﺭ ﻭﺍﻟﻠﻪ ..
- ﻋﺒﺎﻟﺞ ﻣﺎ ﺳﻤﻌﺘﺞ ﻣﻦ ﻛﻠﺘﻲ ﺍﻟﻴﻮﻡ ﻭﻳﻦ ﻣﺎ ﺍﻛﻮ ﺯﻳﺎﻟﻪ ﻳﻄﻠﻊ ﺑﻄﺮﻳﻘﻲ ..
- ﻣﻮ ﻋﻠﻴﻚ ﺻﺪﻗﻨﻲ ﺑﺲ ﻭﺧﺮ ..
- ﺩﻓﻌﻨﻲ ﻭﻟﺰﻣﻨﻲ ﻣﻦ ﺭﮔﺒﺘﻲ .. ﻫﻠﻌﺐ ﻣﻮ ﻋﻠﻴﻪ ﻳﺎ ﺣﻠﻮﻩ ﺍﻧﻲ ﻣﺎﻟﻚ .. ﻣﻮ ﺑﺴﻬﻮﻟﻪ ﺗﺨﻠﺼﻴﻦ ﻣﻨﻲ .. ﻭﺣﺴﺎﺑﺞ ﻣﻮ ﻫﻴﺞ ﻳﺘﻘﻔﻞ ..
- ﺷﺘﺮﻳﺪ ﺑﺎﻟﻀﺒﻂ ..
- ﺍﻧﺘﻲ ..
- ﺩﺭﻭﻭﻭﻭﻭﺡ ﻟﺨﺎﻃﺮ ﺍﻟﻠﻪ ﺭﻭﻭﻭﻭﺡ .. ﺩﻓﻌﺘﻪ ﻭﺭﻛﺒﺖ ﺳﻴﺎﺭﺗﻲ ﺑﺴﺎﻉ ... ﻓﺘﺢ ﺍﻟﺒﺎﺏ ﻭﺣﺠﻪ ﻻ ﻋﺒﺎﻟﺞ ﺗﻔﻠﺘﻴﻦ ..
ﺟﺮﻳﺖ ﺍﻟﺒﺎﺏ ﺗﻮﻛﻞ ﻳﺎﺑﺎ .. ﺳﺪﻳﺘﻬﺎ ﺑﺴﺎﻉ ﻭﻣﺸﻴﺖ .....
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء