رواية اهات الم من وجع ادم الجزء الثالث
للكاتبة زينب ماجد
🌿🌿
ﻳﺤﻴﻰ .. ﺃﻳٌـ YES. ـﮧٌَ ﻣﻜﻠﺘﻴﻠﻲ ﺣﺘﺸﺘﻐﻠﻴﻦ ﺑﺎﻟﺴﻮﻙ ﻟﻮ ﻟــ NO ـﺎ
ﺑﺮﺍﺀ .. ﻭﺍﻟﻠﻬﻲ ﻛﻠﺖ ﺍﻻﻣﻲ ﻭﺑﻌﺪ ﺩﻧﺘﻨﺎﻗﺶ
ﻳﺤﻴﻰ .. ﭐפﮔـﻴﮧ ﻫﻮﻩ ﻟﻮﺭﺍ ﺍﻟﻌﻴﺪ ﺑﻌﺪ ﻳﻠﻪ ﺍﺧﺬ ﺭﺍﺣﺘﺞ ﺑﺎﻟﺘﻔﻜﻴﺮ ﻭﺭﺩﻱ ﺍﻟﺠﻮﺍﺏ ﺑﺲ ﺗﺮﻩ ﻓﺮﺻﺔ ﻋﻤﻞ ﺣﻠﻮﻩ ﻭﻣﺮﻳﺤﻪ ﻣﺎﻛﻮ ﺗﻌﺐ ﻫﻮﺍﻳﻪ ﻭﻳﻮﻣﻴﺘﺞ 15 ﺍﻟﻒ
ﺑﺮﺍﺀ .. ﺍﻧﺸﺎﻟﻠﻪ .. ﺍﻣﻤﻤﻢ ﺳﻮﻟﻔﻠﻲ ﻋﻨﻚ
ﻳﺤﻴﻰ .. ﻣﺜﻞ ﺷﻨﻮ
ﺑﺮﺍﺀ .. ﻭﺿﻌﻚ ﻋﺎﺋﻠﺘﻚ ﻋﻼﻗﺎﺗﻚ ﺣﺎﺑﻪ ﺍﺗﻌﺮﻑ ﻋﻠﻰ ﻫﻠﺸﻲ ﺣﺘﻰ ﻋﻤﺮﻙ ﺍﻧﻲ ﻣﺎ ﺍﻋﺮﻓﻪ
ﻳﺤﻴﻰ .. ﻋُـُـُـُ✯ـُـُ ✯ ـُﻤُــُﺮﻱ 26 ﺳﻨﻪ ﻋﺎﺋﻠﺘﻲ ﻣﺘﻜﻮﻧﻪ ﻣﻦ ﺍﻡ ﻭ 3 ﺧﻮﺍﺕ ﻭﺍﺥ ﻭﺍﺣﺪ
ﺑﺮﺍﺀ .. ﻭﻭﺍﻟﺪﻙ .. ؟
ﻳﺤﻴﻰ .. ﺍﺗﻮﻓﻰ ﻗﺒﻞ ﺳﻨﺘﻴﻦ
ﺑﺮﺍﺀ .. ﺍﺳـ ŝøŗŗý ـــﻔﻪ ﺍﻟﻠﻪ ﻳﺮﺣﻤﻪ
ﻳﺤﻴﻰ .. ﻭﻳﺮﺣﻢ ﻭﺍﻟﺪﻳﺞ ..
ﺑﺮﺍﺀ .. ﻫﻢ ﺍﻧﻔﺠﺎﺭ 😔
ﻳﺤﻴﻰ .. ﻻ ﻻ ﺍﺑﻮﻳﻪ ﻣﺎﺕ ﺑﻤﺮﺽ ﺳﺮﻃﺎﻥ ﺍﻟﺮﺋﻪ .. ﺭﺟﺎﻝ ﺟﺒﻴﺮ ﻭﻳﺸﺮﺏ ﺟﻜﺎﻳﺮ ﺗﻌﺒﺖ ﻋﻨﺪﻩ ﺍﻟﺮﺋﻪ ﺍﻟﻠﻪ ﻳﺮﺣﻤﻪ
ﺑﺮﺍﺀ .. ﺍﻟﻠﻪ ﻳﺮﺣﻤﻪ .. ﻭﺿﻊ ﺍﻟﻌﺮﺍﻕ ﺣﺎﻟﻴﺎ ﺻﺎﻳﺮ ﻣﺆﺳﻒ ﺍﻟﻠﻲ ﻣﺎ ﻳﻤﻮﺕ ﺑٲﻧﻔﺠﺎﺭ ﻳﻤﻮﺕ ﺑﺎﻟﺴﺮﻃﺎﻥ ﺷﻠﻮﻥ ﻧﺨﻠﺺ ﻣﺎ ﻧﻌﺮﻑ
ﻳﺤﻴﻰ .. ﺍﻟﻠﻪ ﻣﻮﺟﻮﺩ ﺷﻨﺴﻮﻱ .. ﺷﻌﺐ ﻣﻤﺼﻔﻲ ﻧﻴﺘﻪ ﻛﻠﻤﻦ ﻳﺤﺠﻲ ﺑﻄﺎﺋﻔﺘﻪ ﻭﺭﺍﻳﺤﻪ ﺑﻴﻬﺎ ﻫﺎﻟﺸﺒﺎﺏ ﺍﻟﻠﻲ ﺍﻧﻘﺘﻠﺖ ﻭﺍﻟﻄﻔﺎﻝ ﺍﻟﻠﻲ ﺗﻴﺘﻤﺖ ﻭﺍﻟﻨﺴﺎﺀ ﺍﻟﻠﻲ ﺗﺮﻣﻠﺖ
ﻣﻨﻮ ﻳﺘﺤﻤﻞ ﺫﻧﺒﻬﻢ ﻣﺎ ﺍﻋﺮﻑ .. ﺷﻠﻮﻥ ﺍﻟﻠﻪ ﻳﺮﺣﻤﻨﺎ ﻭﺍﺣﻨﻪ ﻣﺎ ﺭﺍﺣﻤﻴﻦ ﺑﻌﺾ .. ﻧﺴﻮ ﺍﻟﻠﻪ ﻟﻤﺎ ﻛﺎﻝ ﻭﺟﻌﻠﻨﺎﻛﻢ ﺷﻌﻮﺑﺎ ﻭﻗﺒﺎﺋﻞ ﻟﺘﻌﺎﺭﻓﻮﺍ .. ﻣﻮ ﻟﺘﺘﻘﺎﺗﻠﻮ ..
ﻟﻤﺎ ﺍﻟﻠﻪ ﺷﺎﻓﻨﺎ ﻣﺎ ﻧﺘﻌﺎﺭﻑ ﻭﻧﺘﻘﺎﺗﻞ ﺗﺮﻛﻨﺎ ﻭﺍﺣﺪ ﻳﻄﺦ ﺑﺎﻻﺥ ﻭﺣﺴﺎﺑﻨﺎ ﻳﻢ ﺍﻟﻠﻪ ﻋﺴﻴﺮ .. ﺑﺎﻋﻲ ﺍﻟﻐﺮﺏ ﺭﻏﻢ ﻣﺎ ﻋﺪﻫﻢ ﺍﺳﻼﻡ
ﺑﺲ ﺍﻛﻮ ﺷﻲ ﻋﺪﻫﻢ ﺍﺳﻤﻪ ﺍﺣﺘﺮﺍﻡ ﺍﻟﺬﺍﺕ .. ﻳﻜﺮﻫﻮﻥ ﺍﻟﻄﺎﺋﻔﻴﻪ .. ﺍﻣﺮﻳﻜﺎ ﻟﻤﺎ ﺻﺎﺭﺕ ﻋﺪﻫﻢ ﻃﺎﺋﻔﺔ ﺍﻻﺑﻴﺾ ﻭﺍﻻﺳﻮﺩ .. ﺍﺧﺘﺎﺭﻭ ﺭٲﻳﺲ ﺍﺳﻮﺩ ﻳﺤﻜﻤﻬﻢ ﻟﺤﺘﻰ ﻳﻨﻬﻮﻥ ﺍﻟﻄﺎﺋﻔﻪ ﺍﻟﻠﻲ ﺑﻴﻨﻬﻢ
ﻭﺍﺣﻨﻪ ﻟﺴﻪ ﻧﺘﻘﺎﺗﻞ ﺍﻧﻲ ﺳﻨﻲ ﻭﺍﻧﻲ ﺷﻴﻌﻲ .. ﻭﻧﺘﻌﺎﺭﻙ ﻋﻠﻰ ﻣﻌﺎﺭﻙ ﺻﺎﺭﻟﻬﺎ ﺍﻟﻒ ﺳﻨﻪ ﻣﻦ ﺗﺨﻠﻔﻨﻪ ..
ﺗﺠﻴﻪ .. ﻳﻜﻠﻚ ﻧﺘﺒﻊ ﺍﻣﺎﻡ .. ﻧﺴﻮ ﺍﻻﻣﺎﻡ ﻛﺎﻝ ﺍﻟﻨﺎﺱ ﺻﻨﻔﺎﻥ ﺍﻣﺎ ﺍﺥ ﻟﻚ ﻓﻲ ﺍﻟﺪﻳﻦ ﺍﻭ ﻧﻀﻴﺮﻙ ﻓﻲ ﺍﻟﺨﻠﻖ ..
ﺑﺮﺍﺀ .. ﺻﺤﻴﺢ ﻳﻌﻨﻲ ﺧﻠﻪ ﻟﻚ ﻧﻔﺮ ﺍﺣﺘﺮﺍﻣﻪ ﺍﻥ ﻛﺎﻥ ﻣﺴﻠﻢ ﺍﻭ ﻏﻴﺮﻩ ﻭﻭﺻﻔﻨﻪ ﺑﺎﻟﺨﻮﻩ ﺑﺲ ﺍﺣﻨﻪ ﻧﺴﻴﻨﺎ ﺍﻻﺣﺘﺮﺍﻡ ..
ﻭﺻﺮﻧﻪ ﻧﺘﻘﺎﺗﻞ ﻭﻧﺘﺤﺎﺭﺏ ﻋﻠﻰ ﺷﻐﻼﺕ ﻫﻤﻪ ﻣﻴﻘﺒﻠﻮﻥ ﻧﺘﺤﺎﺭﺑﺐ ﻋﻠﻴﻬﺎ ﺑﺲ ﺷﻨﺴﻮﻱ .. ﻳﻠﻪ ﻳﻤﻌﻮﺩ ﺷﻌﻠﻴﻨﻪ .. ﺭﺑﻚ ﻳﺼﻔﻴﻬﺎ
ﻳﺤﻴﻰ .. ﻫﻬﻬﻬﻪ ﺍﻧﺸﺎﻟﻠﻪ .. ﺍﻛﻮﻭﻭﻝ ﻋﻠﻌﻴﺪ ﻫﻢ . ﺍﻃﻠﻌﻴﻦ
ﺑﺮﺍﺀ .. ﺍﻣﻤﻢ ﻣﺎ ﺍﻋﺮﻑ ﻟﻴﺶ
ﻳﺤﻴﻰ .. ﺣﺎﺏ ﺍﺷﻮﻓﺞ
ﺑﺮﺍﺀ .. ﺍﻣﻤﻢ ﺻﻌﺐ
ﻳﺤﻴﻰ .. ﻣﺎﻛﻮ ﺷﻲ ﺻﻌﺐ ﺩﺑﺮﻱ ﻃﻠﻌﻪ ﻟﻮﻳﻦ ﻣﺘﻜﻮﻥ ﻭﺍﻧﻲ ﺍﺟﻲ ﺍﺷﻮﻓﺞ ﺣﺘﻠﻮ ﻣﻦ ﺑﻌﻴﺪ
🌿🌿
ﺑﺮﺍﺀ .. ﻣﻤﻤﻢ ﻣﻮ ﺭﺍﺡ ﺍﺷﺘﻐﻞ ﻳﻤﻚ ﺑﻌﺪ ﺷﻜﻮ
ﻳﺤﻴﻰ .. ﻫﺬﺍ ﺷﻲ ﻣﻮ ﺍﻛﻴﺪ ﻭﺍﻧﻲ ﺍﺭﻳﺪ ﺍﺷﻮﻓﺞ ﺍﻛﺜﺮ ﻟﺤﺘﻪ ﺍﺗﻌﻠﻖ ﺑﻴﺞ ﺍﻛﺜﺮ ﻭﺍﻧﺘﻲ ﻫﻢ .. ﺗﺮﻩ ﺑﺲ ﻣﺮﺍﺳﻼﺕ ﻣﺎ ﺗﺮﻫﻢ
ﺑﺮﺍﺀ .. ﺍﻣﻤﻤﻢ ﻣﺎ ﺍﻋﺮﻑ ﺧﻠﻴﻬﺎ ﻣﻨﺎ ﻟﻠﻌﻴﺪ ﺍﺫﺍ ﺻﺎﺭﺕ ﻃﻠﻌﻪ ﻋﻮﺩ ﺍﻛﻮﻟﻚ ﻳﻠﻪ ﺑﺎﻱ ﺍﺭﻭﺡ ﺍﻧﺎﻡ ﻃﻠﻊ ﺍﻟﻔﺠﺮ
ﻳﺤﻴﻰ .. ﺧﺮﺭﺭﺭﺏ ﺑﻬﻠﺞ ﻃﻠﻊ ﺍﻟﻔﺠﺮ ﻭﺍﻧﻲ ﺑﻌﺪﻟﻲ 3 ﺳﺎﻋﺎﺕ ﻭﺍﻓﺘﺢ ﺍﻟﻤﺤﻞ ﻭﻣﻨﺎﻳﻢ ﻭﻟﻲ ﻭﻟﻲ ﻃﻔﺮﻱ ﺧﻞ ﺍﻧﺎﻡ
ﺑﺮﺍﺀ .. ﺧﺮﺏ ﺑﻬﻠﺞ ﻭﻭﻟﻲ ﻭﻃﻔﺮﻱ ﺷﺤﺎﺳﺐ ﻧﻔﺴﻚ ﺍﻧﺘﻪ ﻳﺎ ﻭﻟﺪ 😒
ﻳﺤﻴﻰ .. ﺑﻤﺎ ﺍﻧﻮ ﺩﻧﺘﺮﺍﺳﻞ ﺍﻱ ﺑﻤﻌﻨﻰ ﺑﻴﻨﺎﺗﻨﺎ ﻋﻼﻗﻪ .. ﻭﺍﻟﻌﻼﻗﺎﺕ ﺗﺘﻘﺴﻢ ﻭﺍﺣﻨﻪ ﻋﻼﻗﺎﺗﻨﺎ ﻣﻦ ﺿﻤﻦ ﻋﻼﻗﺎﺕ ﺍﻟﺤﺐ .. ﻭﺍﻟﺤﺐ ﻟﻤﺎ ﺗﻘﺴﻤﻴﻪ ﺍﻛﻮ ﺑﻨﻴﺔ ﻟﻌﺐ ﻭﺍﻛﻮ ﺑﻨﻴﺔ ﺯﻭﺍﺝ
ﻭﺍﻧﻲ ﻧﻴﺘﻲ ﻭﻳﺎﺝ ﺻﺎﻓﻴﻪ .. ﻟﺬﻟﻚ ﺗﺘﻘﺴﻢ ﻋﻠﻰ ﺻﻨﻒ ﻋﻼﻗﺎﺕ ﺍﻟﺤﺐ ﺍﻟﺰﻭﺍﺝ .. ﻭﺑﻤﺎ ﺍﻧﻮ ﺯﻭﺍﺝ ﺍﻱ ﺑﻤﻌﻨﻰ ﺍﻧﺘﻲ ﻣﺮﺗﻲ ﻭﺑﻤﺎ ﺍﻧﻮ ﺍﻧﺘﻲ ﻣﺮﺗﻲ ﺑﻜﻴﻔﻲ ﺍﺳﺐ ﻭﺍﻏﻠﻂ ﺑﺎﻟﻠﻲ ﻳﻌﺠﺒﻨﻲ 😝
ﺑﺮﺍﺀ .. ﻳﻤﻪ ﻳﻤﻪ ﻳﻤﻪ ﺍﺧﺬﺗﻨﻲ ﺣﺎﺻﻞ ﻓﺎﺻﻞ ﺍﻧﺘﻪ ﻫﻴﺞ ﻣﻴﻨﻜﺪﺭ ﻟﻠﺴﺎﻧﻚ .. ﻣﺎ ﺍﺣﺒﻚ ﻭﻟﻲ
ﻳﺤﻴﻰ .. ﺗﺤﺒﻴﻨﻲ ﻏﺼﺒﺎ ﻋﻠﻴﺞ ﻣﺮﺗﻲ ..😛 ﻭﻫﺴﻪ ﺍﻃﻔﺮﻱ ﺑﺎﺍﺍﺍﻱ 😜
ﺑﺮﺍﺀ .. ﻫﻬﻬﻬﻪ ﺑﺎﻳﺎﺕ .. ﺍﺑﺘﺴﻤﺖ ﻭﺍﻧﻲ ﺍﺭﺍﺟﻊ ﺍﻟﺪﺭﺩﺷﻪ ﻣﺎﻟﺘﻪ ﻳﺎﻭﻳﻠﻲ ﺷﻜﺪ ﻳﻨﺤﺐ .. ﻣﺮﺗﻲ ﻫﻬﻬﻬﻬﻪ
( ﺷﻜﺪ ﺍﻛﺮﻩ ﻫﻴﺞ ﺛﻮﻻﺕ ﻳﺼﺪﻛﻦ ﺑﻜﻢ ﻛﻠﻤﻪ (😑
ﻧﻤﺖ ﻭﺍﻧﻲ ﻣﺒﺘﺴﻤﻪ ﻭﺍﺗﺬﻛﺮ ﻛﻠﻤﺎﺗﻪ ﻭﺣﺠﻴﻪ ﻭﺷﻠﻮﻥ ﻳﻠﺒﻜﻨﻲ ﺑﺎﻟﻜﻼﻡ ﻫﻬﻪ .. ﻛﻌﺪﻧﺎ ﺍﻟﻀﻬﺮ ﻃﻠﻌﻨﺎ ﺍﻟﺒﻴﺖ ﻛﻠﻪ ﻛﻤﻨﺎ ﺍﻧﻀﻒ ﺗﻨﻀﻴﻔﺎﺕ ﺍﻟﻌﻴﺪ
ﻏﺴﻞ ﺣﻴﻄﺎﻥ ﻭﺑﺮﺩﺍﺕ ﻭﺩﺭﺝ ﻭﺍﺛﺎﺙ .. ﻛﻠﺒﻨﺎ ﺍﻟﺒﻴﺖ ﻓﻮﻙ ﺟﻮﻩ .. ﻛﻤﻠﻨﺎ ﻏﺴﻞ ﺑﻘﻰ ﺑﺲ ﻧﺮﺟﻊ ﻛﻮﻟﺸﻲ ﻟﻤﻜﺎﻧﻪ
ﻋﻔﻨﺎ ﺍﻟﺒﻴﺖ ﻳﻨﺸﻒ ﺭﺣﻨﺎ ﺳﻮﻳﻨﻪ ﺍﻟﻔﻄﻮﺭ ﻭﻃﻠﻌﻨﺎ ﻧﺒﺎﻭﻉ ﻟﻠﺴﻤﺎ ﺍﻛﻮ ﻫﻼﻝ ﻟــ NO ـﺎ .. ﻣﺎﻛﻮ ﻣﻤﺒﻴﻦ ﺑﺎﻭﻋﻨﺎ ﻟﺤﺪ ﻣﻤﻠﻴﻨﻪ ﺍﺧﺮ ﺷﻲ ﺩﺧﻠﻨﺎ
ﺍﺫﻥ ﺍﻻﺫﺍﻥ ﻓﻄﺮﻧﺎ .. ﺩﻧﻔﻄﺮ ﻭﻃﻠﻊ ﻋﺎﺟﻞ ﻋﻠﻌﺮﺍﻗﻴﻪ ﺑﺎﺟﺮ ﺍﻭﻝ ﺍﻳﺎﻡ ﻋﻴﺪ ﺍﻟﻔﻄﺮ ﺍﻟﻤﺒﺎﺭﻙ .. ﺻﻴﺤﻨﺎ ﻫﻴﻴﻴﻴﻴﻴﻴﻴﻲ ﺗﻜﻮﻝ ﺭﺍﺡ ﻧﻔﺮﺡ ﻫﻮﻩ ﺍﺻﻼ ﺍﻟﻌﻴﺪ ﻛٲﺑﻪ ﺍﻛﺜﺮ ﻣﻦ ﺍﻟﻴﻮﻡ ﺍﻟﻌﺎﺩﻱ ﺍﻟﻠﻪ ﻭﻛﻴﻠﻜﻢ 😑
ﺑﻌﺪﻫﺎ ﻛﻤﻨﺎ ﻛﻠﻨﺎ ﻟﻠﺒﻴﺖ ﺍﻧﻲ ﻟﺰﻣﺖ ﺟﺮﺍﻳﺪ ﻭﻭﻛﻔﺖ ﺍﻟﻤﻊ ﺟﺎﻡ .. ﺍﻣﻲ ﺭﺍﺣﺖ ﻟﻠﻜﺎﻭﻧﺘﺮ ﺗﺮﺗﺐ ﺍﻟﻐﺮﺍﺽ
ﻭﺧﺎﻟﺘﻲ ﺭﺍﺣﺖ ﻟﻠﺼﺎﻟﻪ ﺗﺮﺟﻊ ﺍﻻﺛﺎﺙ ﻭﺗﺮﻛﺐ ﺍﻟﺜﺮﻳﺎﺕ ﻫﻴﻪ ﻭﺯﻭﺟﻬﺎ .. ﻭﺑﻨﺘﻬﻢ ﻛﺎﻋﺪﻩ ﻭﺳﺎﻛﺘﻪ ..😒 ﻋﻮﺩ ﻛﻞ ﺷﻮﻱ ﺧﺎﻟﺘﻲ ﺗﺼﻴﺢ ﻋﻠﻴﻬﺎ ﺗﻜﻮﻡ ﺗﺠﻴﺒﻠﻬﻢ ﺣﺎﺟﻪ
ﻛﻤﻠﻨﺎ ﻭﻓﺮﺷﻨﺎ ﺍﻟﺒﻴﺖ ﻛﺎﻣﻞ ﺻﺎﺭ ﻳﺨﺒﻞ ﺟﺪﻳﺪ ﺭﺣﻨﺎ ﻟﻠﻨﻮﻡ ﻣﻦ ﻭﻛﺖ ﺍﻟﺴﺎﻋﻪ 11 ﻭﻧﺺ ﺑﻠﻴﻞ ..
ﺗﻤﺪﺩﺕ ﺑﻔﺮﺍﺷﻲ .. ﺑﺎﻭﻋﺖ ﺣﺴﺎﺏ ﻳﺤﻴﻰ .. ﻧﺸﻂ ﺍﻻﻥ .. ﺩﺯﻳﺘﻠﻪ ﻋﻴﺪ ﺳﻌﻴﺪ ﻳﻨﻌﺎﺩ ﻋﻠﻴﻚ ﺑﺎﻟﺼﺤﻪ ﻭﺍﻟﻌﺎﻓﻴﻪ
ﻳﺤﻴﻰ .. ﻛﺎﻋﺪ ﺑﺎﻟﻜﻮﻓﻲ ﻭﻳﻪ ﺟﻤﺎﻋﺘﻲ ﻭﻣﻜﻨﻚ ﻓﻴﺴﺒﻮﻙ ﺍﺟﺘﻨﻲ ﺭﺳﺎﻟﻪ ﻣﻌﺎﻳﺪﻩ ﻣﻦ ﺑﺮﺍﺀ ﻓﺘﺤﺘﻬﺎ ﻭﺩﺯﻳﺘﻠﻬﺎ ﻭﻋﻠﻴﺞ ﺍﺳﻌﺪ ﻳﺎﺭﺏ ﺍﻧﺸﺎﻟﻠﻪ ﻳﻮﻡ ﻋﺮﺳﺞ 😛
ﺑﺮﺍﺀ .. ﻋﺮﺳﻲ !!!.. ﻫﻬﻬﻬﻪ ﻣﻦ ﻣـّــﻨﻮ
ﻳﺤﻴﻰ .. ﺍﻱ ﻭﺍﺣﺪ ﺍﻟﻤﻬﻢ ﺗﺘﺰﻭﺟﻴﻦ ﻣﺘﻜﻴﻔﻴﻦ .. ﺗﺨﻠﺼﻴﻦ ﻳﻮﻣﻴﻪ ﻻﺯﻣﻪ ﺷﺒﺎﺝ ﺍﻟﻜﺎﻇﻢ ﺩﺧﻴﻠﻚ ﺯﻭﺟﻨﻲ
🌿🌿
ﺑﺮﺍﺀ .. ﻫﺎﻱ ﺍﻧﻲ ﻫﻬﻬﻬﻬﻬﻪ ﻻ ﻭﺍﻟﻠﻪ ﻣﻤﺴﻮﻳﺘﻬﺎ
ﻳﺤﻴﻰ .. ﺍﻱ ﻻﻥ ﺑﻌﺪﺝ ﺻﻐﻴﺮﻩ ﺑﻴﻨﻤﺎ ﺍﺫﺍ ﻛﺒﺮﺗﻲ ﻭﻣﺘﺰﻭﺟﺘﻲ ﺗﺴﻮﻳﻬﺎ .. ﻟﺬﻟﻚ ﺩﺍ ﺍﺩﻋﻴﻠﺞ ﻭﺍﺗﻤﻨﺎﻟﺞ ﺩﻋﻮﺓ ﺍﻟﻌﻴﺪ ﺍﻧﻮ ﺗﺘﺰﻭﺟﻴﻦ
ﺑﺮﺍﺀ .. ﻫﺎﺍﺍﺍ ﺍﻱ ﺍﺫﺍ ﻫﻴﺞ ﺍﻟﻠﻪ ﻳﺴﻤﻊ ﻣﻦ ﺣﻠﻜﻚ ﺍﻧﺸﺎﻟﻠﻪ 😂😂
ﻳﺤﻴﻰ .. ﺍﻭﻳﻠﻲ ﻳﺎﺑﻪ 😂😂😂
ﺑﺮﺍﺀ .. ﻭﻳﻦ ﺍﻧﺘﻪ
ﻳﺤﻴﻰ .. ﺑﺎﻟﻜﻮﻓﻲ ﺩﺍ ﺍﻧﺮﻛﻞ .. ﺻﻮﺭﺗﻠﻬﺎ ﺍﻟﻨﺮﻛﻴﻠﻪ ﻭﺩﺯﻳﺘﻬﺎ
ﺑﺮﺍﺀ .. ﺩﺯﻟﻲ ﺻﻮﺭﺕ ﺍﻟﻨﺮﻛﻴﻠﻪ ﺑﺲ ﻟﻤﺤﺖ ﺭﺟﻞ ﺑﻨﻴﻪ ﻃﺎﻟﻊ ﻳﻢ ﺍﻟﻨﺮﻛﻴﻠﻪ ﺑﺎﻟﻜﺎﻉ .. ﻛﺘﻠﻪ ﻭﻳﺎﻛﻢ ﺑﻨﺎﺕ
ﻳﺤﻴﻰ .. ﺧﺮﺏ ﻋﺮﺿﺞ ﻭﻳﻦ ﺷﻔﺘﻲ ..
ﺑﺮﺍﺀ .. ﺍﻛﻮ ﺭﺟﻞ ﻣﺎﻝ ﺑﻨﻴﻪ ﺑﻴﻬﺎ ﺻﺒﻎ ﺍﺿﺎﻓﺮ 😒 ﻳﻢ ﺍﻟﻨﺮﻛﻴﻠﻪ ﺑﺎﻟﻜﺎﻉ
ﻳﺤﻴﻰ .. ﺍﻭﻳﻠﻲ ﻣﻦ ﻋﻴﻮﻧﺞ ﺍﻱ ﺍﻟﻜﻮﻓﻲ ﻣﺨﺘﻠﻂ ﻭﺍﻟﺨﺪﻣﻪ ﺑﻴﻪ ﺑﻨﺎﺕ ﻭﻫﺬﻱ ﺣﺒﻴﺒﺖ ﺻﺪﻳﻘﻲ ﺟﺎﻳﻪ ﻭﻳﺎﻩ ﻫﻨﺎ
ﺑﺮﺍﺀ .. ﺣﺒﻴﺒﺘﻪ ﻭﺗﺠﻲ ﻭﻳﺎﻩ ﻟﻠﻜﻮﻓﻲ . ﻋﺎﺩﻱ 😰
ﻳﺤﻴﻰ .. ﺣﺒﻴﺒﻪ ﻣﻮ ﻣﺤﺘﺮﻣﻪ ﻋﺎﺩﻱ ﻟﺘﻘﻀﻴﺔ ﻭﻗﺖ
ﺑﺮﺍﺀ .. ﻳﻌﻨﻲ ﺷﻠﻮﻥ ﻣﻤﺤﺘﺮﻣﻪ
ﻳﺤﻴﻰ .. ﺷﻠﻮﻥ ﺍﺣﺠﻴﻠﺠﻴﺎﻫﺎ ﺑﺎﻟﺨﻂ ﺍﻟﻌﺮﻳﺾ ﻳﻠﻪ ﺗﻔﺘﻬﻤﻴﻦ ﻫﻬﻬﻪ .. ﻟﺞ ﺑﺎﺑﺎ ﻳﻌﻨﻲ .. ﻃﻮﻭﻭﻭﻭﻭﻭﻭﻁ
ﺑﺮﺍﺀ .. ﻫﻬﻬﻬﻪ ﺍﻓﺘﻬﻤﺖ ﻣﺪﺍﻡ ﻃﻮﻭﻭﻁ ﻫﻬﻬﻬﻪ .. ﺑﺲ ﻳﻌﻨﻲ ﻣﻮ ﺣﺮﺍﻡ ﺗﺨﻠﺼﻮﻥ ﻭﻳﺎﻫﻦ ﻭﻗﺖ ﻫﻨﻪ ﻫﻢ ﺑﻨﺎﺕ ﻭﻋﺪﻫﻦ ﺍﺣﺴﺎﺱ
ﻳﺤﻴﻰ .. ﺷﻨﻮ ﺷﻨﻮ ﺍﺣﺴﺎﺱ .. ﻫﻬﻬﻬﻬﻬﻬﻬﻬﻬﻪ ﻟﺞ ﺑﺎﺑﺎ ﺫﻧﻲ ﺳﺎﻗﻄﺎﺕ ﺻﺎﺭ ﺳﺎﻋﻪ ﻛﺎﻋﺪﻩ ﺑﺤﻀﻦ ﺻﺪﻳﻘﻲ ﻭﺗﺒﺎﻭﻋﻠﻲ ﻭﺗﻀﺤﻚ
ﺑﺮﺍﺀ .. ﻋﻮﻭﻭﻉ ﻋﺎﺑﺖ ﻭﺍﻧﺘﻪ ﺷﻌﻨﺪﻙ ﻛﺎﻋﺪ ﻳﻤﻬﻢ ﻛﻮﻭﻡ ﻣﻨﻬﻢ
ﻳﺤﻴﻰ .. ﺑﻮﻳﻪ ﺍﺷﺘﻐﻠﺖ ﺍﻟﻐﻴﺮﻩ ﻛﺎﻳﻢ ﻭﺍﻟﻠﻪ ﻛﺎﻳﻢ ﻫﻬﻬﻬﻬﻪ
ﺍﻛﻮﻝ ﻣﻮ ﺗﻨﺴﻴﻦ ﺍﺫﺍ ﻧﻮﻳﺘﻮ ﺍﻃﻠﻌﻮﻥ ﻛﻮﻟﻴﻠﻲ ﭐפﮔـﻴﮧ
ﺑﺮﺍﺀ . ﭐפﮔـﻴﮧ ﺑﺎﻱ
ﻧﻤﺖ ﻭﻛﻌﺪﺕ ﺛﺎﻧﻲ ﻳﻮﻡ ﺍﻫﻮﻭﻭﻭ ﺷﻜﺪ ﻓﺸﻠﻪ ﻫﺴﻪ ﺍﺭﻭﺡ ﺍﺑﺎﻭﺱ ﺍﻣﻲ ﻭﺍﻛﻮﻟﻬﺎ ﻛﻞ ﻋﺎﻡ ﻭﺍﻧﺘﻲ ﺑﺨﻴﺮ .. ﺷﻨﻮ ﻫﺎﺍﺍﻱ ﻳﻮﻭﻭﻭﻱ 😣
ﺷﻠﻮﻥ ﺭﺍﺡ ﺍﻃﻠﻊ ﻭﺍﻟﻠﻪ ﻓﺸﻠﻪ .. ﻧﺰﻟﺖ ﻟﻠﺤﻤﺎﻡ ﺩﺍ ﺍﻏﺴﻞ ﻭﺟﻬﻲ ﺟﺎﻥ ﺗﻄﻠﻊ ﺍﻣﻲ ﺑﻮﺟﻬﻲ . ﻭﺗﻜﻮﻟﻲ
ﺍﻻﻡ .. ﻫﻠﻪ ﻣﺎﻣﺎ ﺗﻌﺎﻟﻲ ﺍﻋﺎﻳﺪﺝ ﻭﻟﻮ ﻋﺎﻳﺪﺗﺞ ﺍﻟﻔﺠﺮ ﻟﻤﺎ ﺻﻠﻴﺖ ﺩﺧﻠﺖ ﻭﺍﻧﺘﻲ ﻧﺎﻳﻤﻪ ﺑﺴﺖ ﺭﺍﺳﺞ ﻭﻋﺎﻳﺪﺗﺞ ﺑﺲ ﺗﻌﺎﻟﻲ ﻣﺮﻩ ﺛﺎﻧﻴﻪ
ﺑﺮﺍﺀ .. ﻳﺒﻮ ﻳﻠﻔﺸﻠﻪ ﻛﺘﻠﻬﺎ ﻋﻴﺪﺝ ﻣﺒﺎﺭﻙ ﻭﺍﻳﺎﻣﺞ ﺳﻌﻴﺪﻩ ﺍﻧﺸﺎﻟﻠﻪ ﺣﺠﻴﻪ ﻋﻠﻰ ﺟﺒﻞ ﻋﺮﻓﺎﺕ ﻭﻳﺤﻔﻈﺞ ﻭﻳﺨﻠﻴﺞ ﺍﻟﻨﺎ
ﺍﻟﺤﻤﺪﻟﻠﻪ ﺧﻠﺼﺖ ﻣﻦ ﺍﻣﻲ ﺑﻘﺖ ﺍﻟﺒﻘﻴﻪ ﺍﻭﻭﻭﻑ ﺍﻧﻮﺏ ﻫﺎﻱ ﺭﺷﺎ ﺍﻟﻌﻮﺑﻪ ﺍﻋﺎﻳﺪﻫﺎ ﻭﺍﻟﻠﻪ ﻟﻮ ﺍﻣﻮﻭﺕ .. ﺩﺧﻠﺖ ﻋﺎﻳﺪﺕ ﺧﺎﻟﺘﻲ ﻭﺑﺴﺘﻬﺎ
ﻭﻋﺎﻳﺪﺕ ﻣﺤﺴﻦ ﺭﺟﻞ ﺧﺎﻟﺘﻲ ﻋﻠﻨﺎﺷﻒ ﻭﺑﺪﻭﻥ ﻣﺎ ﺍﺗﻘﺮﺑﻠﻪ .. ﻟﻠﻌﻠﻢ ﺍﺿﻮﺝ ﻣﻦ ﺭﺟﻞ ﺧﺎﻟﺘﻲ ﻭﺍﻟﺴﺒﺐ ﻧﻀﺮﺍﺗﻪ ﻣﻮ ﺣﻠﻮﻩ ﻭﻣﻦ ﺍﻓﻮﺕ ﺍﺣﺴﻪ ﺑﺪﻩ ﻳﺎﻛﻞ ﺟﺴﻤﻲ ﺑﻌﻴﻮﻧﻪ
ﺑﺲ ﺍﻻﻣﺎﻧﻪ ﻟﻠﻪ ﺍﺑﺪ ﻣﻤﺘﻌﺮﺿﻠﻲ ﻓﺪ ﻣﺮﻩ ﺑﺲ ﻳﺼﻴﺢ ﻳﻐﻠﻂ ﻋﻠﻴﻪ ﺩﺍﺋﻤﺎ ﻭﻳﺮﺯﻝ ﺍﺫﺍ ﺭﺍﺩ ﺷﻲ ﻭﻣﺴﻮﻳﺘﻪ ﺑﺲ ﺷﺤﺪﻩ ﻳﺘﻘﺮﺏ ﺍﺷﻚ ﺣﻠﻜﻪ ﻭﺣﻠﻚ ﺍﻝ
ﻳﻌﺮﻑ ﻟﻮ ﺣﺎﻭﻝ ﻳﺘﻘﺮﺏ ﺍﻃﻠﻌﻪ ﻣﻦ ﺑﻴﺖ ﺍﺑﻮﻳﻪ ﺑﭽﻼﻟﻴﻖ ﻭﺍﺧﻠﻴﻪ ﻳﺘﻴﻪ ﺑﺎﻟﺸﻮﺍﺭﻉ ﻫﻮﻩ ﻋﺎﺋﻠﺘﻪ ..
ﺑﻨﺘﻪ ﻋﻠﻴﻪ ﻫﻢ ﻣﺜﻠﻪ ﻣﺴﻘﻄﻪ .. ﻟﻜﻦ ﺧﺎﻟﺘﻲ ﻃﻴﻮﺑﻪ ﺑﺲ ﻫﻢ ﻋﺪﻫﺎ ﺷﻮﻱ ﻧﺤﺲ
ﻋﺎﻳﺪﻧﺎ ﺑﻌﺾ ﻭﺍﺟﻮﻧﻪ ﻋﻤﺎﻣﻲ ﻋﺎﻳﺪﻭﻧﻪ ﺍﻧﻮﺏ ﻛﺎﻟﺘﻠﻲ ﻣﺎﻣﺎ ﺍﻟﺒﺴﻲ ﻣﻼﺑﺴﺞ ﻧﺮﻭﺡ ﻧﻌﺎﻳﺪ ﺍﻗﺮﺑﺎﺋﻨﻪ ﻛﺘﻠﻬﺎ ﻣﺎﻣﺎ ﺍﺿﻮﻭﻭﺝ ﻛﺎﻟﺖ ﻣﺎﻣﺎ ﺧﻞ ﻳﺸﻮﻓﻮﻭﺝ ﻳﺘﻌﺮﻓﻮﻥ ﻋﻠﻴﺞ ﺷﻨﻮ ﺗﻀﻮﺟﻴﻦ
ﻛﻮﻟﻮ ﺑﺎﻟﺠﺒﺮ ﻟﺒﺴﺖ ﻣﻼﺑﺲ ﺍﻟﻌﻴﺪ ﻭﻃﻠﻌﺖ ﻭﻳﻪ ﻣﺎﻣﺎ ﺑﺴﻴﺎﺭﺓ ﻋﻤﻮ ﻳﻤﻜﻦ ﺍﻟﻒ ﺑﻴﺖ ﻟﻔﻴﻨﺎﻩ ﻭﺭﺍﺡ ﺣﻠﻜﻲ ﻣﻦ ﺍﻟﺒﻮﺱ 😑 ﻛﻠﻪ ﻫﻴﺞ ﺍﻣــ 😗😗 ـــﻮﻭﻭﺍﺡ ﻭ ﺍﻣــ 😗😗 ـــﻮﻭﻭﺍﺡ
ﻟﺤﺪ ﻣﺮﺣﻨﺎ ﺍﻟﺒﻴﺖ ﻋﻤﻲ ﺍﻟﺠﺒﻴﺮ ﺗﻐﺪﻳﻨﺎ ﻋﻨﺪﻩ ﺳﻤﺞ ﻭﺩﻭﻟﻤﻪ ﻭﻃﺮﺷﻲ ﻭﺧﻴﺮ ﻣﻦ ﺍﻟﻠﻪ ﺭﺩﺕ ﺍﭼﻴﺖ ﻋﻼﻛﻞ ﺧﺼﻮﺻﺎ ﺍﻧﻲ ﺍﻣﻮﻭﻭﺕ ﻋﻠﺪﻭﻟﻤﻪ 😍
ﺑﺲ ﻫﺬﺍ ﺍﺑﻦ ﻋﻤﻲ ﺍﻟﻔﻜﺮ ﺑﺲ ﻳﺒﺎﻭﻉ ﻭﻳﻜﻮﻝ ﻫﺎﻱ ﺷﻮﻛﺖ ﻛﺒﺮﺗﻲ ﺫﺍﻙ ﺍﻟﻴﻮﻡ ﻫﻠﻜﺪﻭﺗﺞ .. ﻛﺘﻠﻪ ﻣﻮ ﺍﻟﺒﺎﺭﺣﻪ ﺿﺠﺖ ﻭﻣﺎ ﻋﻨﺪﻱ ﺷﻲ ﻛﻠﺖ ﺧﻞ ﺍﻛﺒﺮ 😒😒
ﺿﺤﻜﻮ ﻫﻬﻬﻬﻪ ﻭﺍﻟﻠﻪ ﺗﻌﺮﻑ ﺗﻨﻜﺖ .. ﺧﺮﺭﺭﺏ ﺷﻜﺪ ﺍﻛﺮﻩ ﺍﻻﻗﺎﺭﺏ . ﺗﺤﺲ ﺣﺠﻴﻬﻢ ﻛﻠﻪ ﺑﺴﺎﻣﻴﺮ ﻭﻋﺘﺐ ﻭﺷﻐﻼﺕ ﺗﺎﻓﻪ ﻭﻭﺭﺍﻙ ﻳﻜﺼﻚ ﻛﺺ ﻳﻠﻌﻦ ﺻﻔﺤﺖ ﺍﻟﺨﻠﻔﻚ
ﻛﻤﺖ ﻏﺴﻠﺖ ﻭﺭﺟﻌﺖ ﻳﻢ ﻣﺎﻣﺎ .. ﻣﺮﺕ ﻋﻤﻲ ﺣﺠﺖ ﻭﻳﻪ ﻣﺎﻣﺎ .. ﺑﻤﺎ ﺍﻧﻮ ﺑﺮﺍﺀ ﻣﺎ ﻋﺪﻫﺎ ﻣﺪﺭﺳﻪ ﻭﻛﺎﻋﺪﻩ ﺍﺭﻳﺪﻫﺎ ﻻﺑﻨﻲ ﺣﻴﺪﺭ ﺷﻠﻮﻥ ﻭﻟﺪ ﻭﺷﺎﻏﻮﻝ ﻭﻫﻮﻩ ﺍﺑﻦ ﻋﻤﻬﺎ ﺍﻭﻟﻰ ﺍﻟﻨﺎﺱ ﺑﻴﻬﺎ
ﺑﺎﻭﻋﺖ ﻫﻴﺞ ..😒 ﻛﺘﻠﻬﺎ ﻣﻤﻔﻜﺮﻩ ﺑﺰﻭﺍﺝ ﻛﺎﻟﺖ ﺍﻣﺞ ﺗﺠﺎﻭﺏ ﻣﻮ ﺍﻧﺘﻲ ﻋﻴﺐ .. ﻛﺘﻠﻬﺎ ﻟﻴﺶ ﺍﻣﻲ ﺍﻟﻠﻲ ﺭﺍﺡ ﺗﺘﺰﻭﺝ 😕
ﻭﺍﻣﻲ ﺗﻜﺮﺹ ﺑﺮﺟﻠﻲ .. ﺑﺎﻭﻋﺘﻠﻬﺎ ﻛﺘﻠﻬﺎ ﻫﻴﻪ ﻫﺎﻱ ﻃﻠﻌﺘﺞ ﺍﻟﻠﻲ ﻃﻠﻌﺘﻴﻨﻴﺎﻫﺎ ﻭﺧﻞ ﻳﺘﻌﺮﻓﻮﻥ ﻋﻠﻴﺞ ﻛﻮﻣﻲ ﺧﻞ ﺍﺭﺟﻊ .. ﻛﺎﻟﺖ ﻳﻤﻪ ﻣﺘﻨﺤﻤﻞ .. ﺟﺎﻥ ﻋﻤﻲ ﻳﻜﻮﻝ ﻟﺘﺨﺎﻓﻴﻦ ﺣﻴﺪﺭ ﺯﻟﻤﻪ ﻳﻌﺮﻑ ﻳﻀﺒﻬﺎ
ﻛﺘﻠﻪ ﻋﻤﻮ ﺍﺫﺍ ﺍﺑﻨﻚ ﺍﺳﺒﺎﻧﻪ 10 ﻭﻳﻌﺮﻑ ﻳﻀﺐ ﺧﻞ ﻳﻀﺐ ﻋﻴﻨﻪ ﺍﻓﻀﻞ ..😏 ﻋﻔﺘﻬﻢ ﻭﻃﻠﻌﺖ ﻭﻛﺘﻠﻬﺎ ﻣﺎﻣﺎ ﺍﻧﻲ ﻃﺎﻟﻌﻪ ..
ﺍﻣﻲ ﺑﻘﺖ ﺗﺘﻌﺬﺭ ﻣﻨﻬﻢ ﻭﺍﻟﻠﻪ ﻫﻴﻪ ﻣـ ℳO ــﻮ ﻫﻴﺞ ﺑﺲ ﻻﻥ ﺍﺧﺘﻬﺎ ﻣﺘﻌﺬﺑﻪ ﺑﺰﻭﺍﺟﻬﺎ ﻭﻳﻪ ﻋﻴﺎﻟﻬﺎ .. ﻟﺬﺍﻙ ﻣﺘﺮﻳﺪ ﺗﺘﺰﻭﺝ ﺑﻘﺘﺖ ﺗﺘﻌﺬﺭ ﻛﻮﻣﻪ
ﺍﻧﻲ ﻟﺰﻣﺖ ﺟﻬﺎﺯﻱ ﻭﺣﺮﻛﺖ ﺍﻻﺗﺼﺎﻻﺕ ﻋﻠﻴﻬﺎ .. ﻟﺤﺪ ﻣﻄﻠﻌﺖ
ﺍﻻﻡ .. ﺍﻱ ﺍﺩﺑﺴﺰ ﻫﺬﺍ ﺗﺼﺮﻑ ﺑﻠﻠﻪ ﺷﻴﻜﻮﻟﻮﻥ ﻋﻠﻴﺞ ﻭﻛﺤﻪ ﻣﺎ ﻋﺮﻓﺖ ﺍﺭﺑﻴﺞ ﻣﻮ ﻋﻴﺐ ﻫﻠﺘﺼﺮﻑ
ﺑﺮﺍﺀ .. ﻻ ﻣﻮ ﻋﻴﺐ ﺟﺎﻳﻪ ﺗﺘﺨﻄﺐ ﻭﺍﺑﻨﻬﺎ ﻳﺒﺎﻭﻉ ﻭﻳﻐﻤﺰ ﻭﺍﻧﻲ ﻛﺎﻋﺪﻩ ﺑﻨﺺ ﺑﻴﺘﻬﻢ ﺧﻞ ﻫﻤﻪ ﻳﺴﺘﺤﻮﻥ ﻭﺑﻌﺪﻳﻦ ﺣﺎﺳﺒﻴﻨﻲ ..
ﻭﺻﻮﺟﺞ ﺍﻧﺘﻲ ﺍﺧﺬﺗﻴﻨﻲ ﻭﻳﺎﺝ ﻟﻼﻗﺎﺭﺏ ﺗﻌﺮﻓﻴﻨﻲ ﻣﺎ ﺍﺣﺒﻬﻢ ﻧﺴﻴﺘﻲ ﺑﻔﺎﺗﺤﺔ ﺑﺎﺑﺎ ﺷﺴﻮﻭ
ﻧﺴﻴﺘﻲ ﻟﻤﺎ ﺍﻧﻲ ﻭﺍﺧﺘﻲ ﻭﻣﻴﺘﺎﺕ ﻭﻣﻄﻴﻨﺎﺕ ﻭﻧﺒﺠﻲ ﻋﻠﻰ ﻛﺒﺮ ﺑﺎﺑﺎ ﻭﻫﻤﻪ ﻳﺪﻓﻨﻮﻩ ﻭﻋﻤﻮ ﻭﺍﻛﻒ ﻳﺸﺮﺏ ﺟﻜﺎﻳﺮ ﻭﻳﺼﻴﺢ ﻋﻠﻴﻨﻪ ﻭﻳﻜﻮﻝ ﻳﺘﻌﺎﻳﺮﻥ
ﻧﺴﻴﺘﻲ ﻟﻤﺎ ﻧﺴﻮﺍﻧﻬﻢ ﻛﺎﻟﺒﺎﺕ ﺍﻟﻔﺎﺗﺤﻪ ﻋﺮﺱ ﻭﺑﺲ ﻳﺘﻀﺎﺣﻜﻦ .. ﻭﻳﻌﻮﻓﻦ ﺍﻟﻔﺎﺗﺤﻪ ﺑﻼ ﺍﻛﻞ ﻭﻳﻮﺩﻥ ﺍﻻﻛﻞ ﻟﺒﻴﻮﺗﻬﻢ ﻭﻳﻜﻮﻟﻦ ﺍﻟﻔﺎﺗﺤﻪ ﻣﻮ ﺯﻳﻨﻪ ﺑﻴﻬﺎ ﻧﻘﺺ
ﺍﻻﻡ .. ﻳﻮﻡ ﻫﺬﺍ ﺍﻟﺤﺠﻲ ﺻﺎﺭ ﺳﻨﻴﻦ ﺷﻌﻠﻴﻨﻪ ﻟﻴﻀﻞ ﻛﻠﺒﺞ ﺣﻘﻮﺩ ﺍﺗﺠﺎﻭﺑﻲ ﻭﻳﻪ ﺍﻟﻨﺎﺱ ﺑﻨﻴﺘﻲ ﺑﻬﺸﻜﻞ ﻣﺮﺍ ﺗﻌﻴﺸﻴﻦ
ﺑﺮﺍﺀ .. ﺍﺣﺴﻦ ﺍﻣﻮﺕ ﻭﻻ ﺍﻋﻴﺶ ﻭﻳﻪ ﻫﻴﺞ ﻧﺎﺱ ﻣﻨﺎﻓﻘﻪ ﻭ ﺩﺟﺎﻟﻪ ﻣﺜﻠﻬﻢ .. ﻭﺻﻠﻨﺎ ﻟﻠﺒﻴﺖ ﺩﺧﻠﺖ ﺭﺣﺖ ﺍﻟﻐﺮﻓﺘﻲ ﺑﺪﻟﺖ ﻭﻣﺸﻄﺖ
ﻭﻧﺰﻟﺖ ﺳﻮﻳﺖ ﺟﺎﻱ ﻭﺟﺒﺖ ﻛﻠﻴﺠﻪ ﻭﻛﻌﺪﻧﻪ ﻧﺴﻮﻟﻒ ﻭﻧﺎﻛﻞ ﺍﻧﻲ ﻭﺍﻣﻲ ﻭﺧﺎﻟﺘﻲ .. ﻭﻣﺤﺴﻦ ﺍﻻﻓﻨﺪﻱ ﻃﺎﻟﻊ 😪 ﻭﺑﻨﺘﻪ ﺑﺎﻟﻐﺮﻓﻪ ﺗﺮﺍﺳﻞ🙌
ﻟﺸﻮﻱ ﺍﻧﺪﻙ ﺍﻟﺒﺎﺏ ﺟﺎﻳﺎﺕ ﺻﺪﻳﻘﺎﺕ ﻣﺎﻣﺎ ﻳﻌﺎﻳﺪﻭﻧﻪ .. ﺳﻠﻤﺖ ﻋﻠﻴﻬﻢ ﻭﺩﺧﻠﺖ ﻟﻐﺮﻓﺘﻲ .. ﺑﺎﻭﻋﺖ ﻳﺤﻴﻰ .. ﻧﺸﻂ ﻣﻨﺬ 4 ﺳﺎﻋﻪ .. ﻳﻌﻨﻲ ﻣﻤﻮﺟﻮﺩ
ﻋﻔﺘﻬﺎ ﻭﻓﺘﺤﺖ ﺍﻟﺘﻠﻔﺰﻳﻮﻥ ﻛﻤﺖ ﺍﺑﺎﻭﻉ ﺑﺮﺍﻣﺞ ﺍﻟﻌﻴﺪ .. ﻭﺍﻏﺎﻧﻲ ﻛﺎﻇﻢ ﺍﻟﺴﺎﻫﺮ ﺍﻟﺘﺎﺭﺳﻪ ﺍﻟﻘﻨﻮﺍﺕ ( ﻋﻴﺪ ﻭﺣﺐ ﻫﺎﻱ ﺍﻟﻠﻴﻠﻪ ﺍﻟﻨﺎﺱ ﻣﻌﻴﺪﻳﻦ )
ﻣﻠﻴﺖ ﻧﺰﻟﺖ ﺟﻮﻩ ﻟﻜﻴﺖ ﻣﺎﻣﺎ ﺩﺗﺴﻮﻱ ﺗﻜﻪ ﻣﺸﻮﻳﺎﺕ ﻟﻠﻌﺸﻪ .. ﻛﺘﻠﻬﺎ ﻣﺎﻣﺎ ﺧﻞ ﻧﻄﻠﻊ
ﺍﻻﻡ .. ﻭﻳﻦ ﻧﻄﻠﻊ ﻳﺎ ﺑﻨﺘﻲ ﻭﻳﻦ
ﺑﺮﺍﺀ .. ﻣﺎﻣﺎ ﻧﺮﻭﺡ ﻣﻨﺘﺰﻫﺎﺕ ﺍﻟﻌﺎﺏ ﺗﺮﻩ ﻭﺍﻟﻠﻪ ﻣﻠﻴﺖ ﻣﻦ ﺍﻟﺒﻴﺖ ﺍﺧﻨﻜﺘﺘﺘﺘﺘﺘﺘﺖ 😲
ﻋﺎﺩ ﺧﺎﻟﺘﻲ ﻛﺎﻟﺘﻠﻬﺎ ﺳﻤﻴﺮﻩ ﺷﻨﻮ ﺭٲﻳﺞ ﺑﺎﺟﺮ ﻧﻄﺒﺦ ﻭﻧﺎﺧﺬ ﺍﻛﻞ ﻭﻳﺎﻧﻪ ﻭﻧﺮﻭﺡ ﻟﻜﻮﺭﻧﻴﺶ ﺍﻻﻋﻀﻤﻴﻪ ﻫﻨﺎﻙ ﺣﺪﺍﺋﻖ ﺣﻠﻮﻩ ﻧﻔﺮﺵ ﻭﻧﻜﻌﺪ ﻧﺘﻮﻧﺲ
ﻛﺘﻠﻬﺎ ﺍﻱ ﻣﺎﻣﺎ ﺍﻳﻴﻲ ﻓﺪﻭﻩ ﺧﻞ ﻧﺮﻭﺡ .. ﻛﺎﻟﺖ ﻣﺎﺷﻲ ﺑﺎﺟﺮ ﺍﻟﻌﺼﺮ ﻧﺮﻭﺡ .. ﻛﺘﻠﻬﺎ ﻫﻴﻴﻴﻴﻴﻴﻲ ﺗﻌﻴﺶ ﻣﺎﻣﺎ ...
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء