رواية اهات الم من وجع ادم الجزء الرابع
للكاتبة زينب ماجد
🌿🌿
ﻛﺘﻠﻬﺎ ﺍﻱ ﻣﺎﻣﺎ ﺍﻳﻴﻲ ﻓﺪﻭﻩ ﺧﻞ ﻧﺮﻭﺡ ﻧﺘﻮﻧﺲ ﺑﺎﻟﻜﻮﺭﻧﻴﺶ .. ﻛﺎﻟﺖ ﻣﺎﺷﻲ ﺑﺎﺟﺮ ﺍﻟﻌﺼﺮ ﻧﺮﻭﺡ .. ﻛﺘﻠﻬﺎ ﻫﻴﻴﻴﻴﻴﻴﻲ ﺗﻌﻴﺶ ﻣﺎﻣﺎ ..
ﺭﺣﻨﺎ ﺳﻮﻳﻨﻪ ﺍﻟﻤﺸﻮﻳﺎﺕ ﺗﻜﻪ ﻭ ﻣﻌﻼﻙ ﻭﻓﻠﻔﻞ ﻭﺑﺼﻞ ﻭﻃﻤﺎﻃﻪ .. ﺟﺎﻥ ﺍﻃﻴﺐ ﻋﺸﺎ .. ﺧﻠﺼﺖ .. ﺭﺣﺖ ﻟﻐﺮﻓﺘﻲ .. ﻋﺰﻟﺘﻬﺎ ﺷﻮﻱ ﻣﺴﺤﺖ ﻏﺮﺍﺿﻬﺎ ..
ﻭﺭﺟﻌﺖ ﺗﻤﺪﺩﺕ ﻋﻠﺴﺮﻳﺮ ﺍﺧﺬﺕ ﺍﻟﻔﻮﻥ .. ﺑﺎﻭﻋﺖ ﻳﺤﻴﻰ .. ﻣﺎﻛﻮ ﻧﺸﻂ ﻣﻨﺬ 3 ﺳﺎﻋﺎﺕ .. ﺩﺯﻳﺘﻠﻪ ﺭﺳﺎﻟﻪ
💬 ﻳﺤﻴﻰ ﺑﺎﺟﺮ ﺣﻨﺮﻭﺡ ﻟﻜﻮﺭﻧﻴﺶ ﺍﻻﻋﻈﻤﻴﻪ ﺍﻟﻌﺼﺮ 💬
ﺩﺯﻳﺖ ﺍﻟﺮﺳﺎﻟﻪ ﺍﻧﻮﺏ ﺑﻘﻴﺖ ﺍﺗﺼﻔﺢ ﺑﺼﻔﺤﺘﻪ ﺷﻠﻮﻥ ﺣﻠﻮ ﺍﻟﺸﻌﺮ ﺑﻴﻪ ﺷﻜﺎﺭ ﻭﺍﻟﻌﻴﻮﻥ ﺻﻔﺮ ﻭﻣﻼﻣﺤﻪ ﻭﺷﺨﺼﻴﺘﻪ ﺣﻠﻮﻩ
ﺍﻧﻮﺏ ﻃﻠﻌﺖ ﺍﺗﺼﻔﺢ ﺑﺎﻟﺒﺮﺍﻣﺞ ﺷﻮﻱ .. ﻟﺤﺪ ﻣﺤﺴﻴﺖ ﻋﻴﻮﻧﻲ ﺛﻜﻠﻦ .. ﻃﻔﻴﺖ ﺍﻟﻤﻮﺑﺎﻳﻞ ﻭﻧﻤﺖ .. ﻛﻌﺪﺕ ﺍﻟﺼﺒﺢ ﺑﺎﻭﻋﺖ ﺍﻟﺴﺎﻋﻪ 9
ﺍﻣﻤﻢ ﺑﻌﺪ ﻭﻛﺖ ﺟﺮﻳﺖ ﺍﻟﻤﻮﺑﺎﻳﻞ ﻓﺘﺤﺖ ﺍﻟﻮﺍﻱ ﻓﺎﻱ .. ﺑﺴﺮﻋﻪ ﺍﺟﺘﻨﻲ ﺭﺳﺎﻟﻪ ﻣﻦ ﻳﺤﻴﻰ .. 💬💬 ﺻﺪﻭﻙ ﺣﺒﻴﺒﻲ ﻣﻤﺼﺪﻙ ﺍﻟﻴﻮﻡ ﺍﺷﻮﻓﺞ 💬💬
ﺩﺯﻳﺘﻠﻪ ﺻﺒﺎﺡ ﺍﻟﺨﻴﺮ .. ﻭﺻﻠﺖ .. ﺑﺎﻭﻋﻬﺎ .. ﺭﺍﺳﻞ
ﻳﺤﻴﻰ .. ﺻﺒﺎﺡ ﺍﻻﻧﻮﺍﺭ ﻭﺍﻻﻋﻴﺎﺩ
ﺑﺮﺍﺀ .. ﺷﻠﻮﻥ ﺍﻟﻌﻴﺪ ﻭﻳﺎﻙ
ﻳﺤﻴﻰ .. ﻳﺨﺒﻞ ﻣﻠﺘﻬﻲ ﻭﻳﻪ ﺟﻤﺎﻋﺘﻲ ﻣﺴﺎﺑﺢ ﻭﻭﻧﺴﻪ ﻭﻻﻫﻲ .. ﻳﻤﻌﻮﺩﻩ ﺷﺒﺎﻗﻲ ﺑﺎﻟﺪﻧﻴﺎ
ﺑﺮﺍﺀ .. ﻧﻴﺎﻟﻚ ﻋﺎﺩ ﺣﻄﻨﻲ ﺟﺪﺍﺣﻪ ﺑﺠﻴﺒﻚ ﻭﺩﻳﺤﻨﻲ ﻭﺷﻮﻓﻨﻲ ﺍﻟﻌﺎﻟﻢ ..
ﻳﺤﻴﻰ .. ﻫﻬﻬﻬﻬﻪ ﻋﻠﻮﺍﺍﺍ ﻋﻤﻲ ﺍﺧﻠﻴﺞ ﺑﻜﻠﺒﻲ ﻣﻮ ﺑﺠﻴﺒﻲ ﺑﺲ ﺗﻌﺎﺍﺍﻱ 😉
ﺑﺮﺍﺀ .. ﻫﻬﻬﻪ ﻻ ﻻ ﺍﻟﻴﻮﻡ ﺣﻨﺮﻭﺡ ﻧﺘﻮﻧﺲ ﺷﻮﻱ ﺑﺎﻟﻜﻮﺭﻧﻴﺶ .. ﺣﺘﺠﻲ ﻧﺘﺸﺎﻭﻑ ﻣﻦ ﺑﻌﻴﺪ ﺷﻮﻱ
ﻳﺤﻴﻰ .. ﺍﻱ ﻟﻴﺶ ﻟــ NO ـﺎ ﻃﺒﻌﺎ ﺍﺟﻲ .. ﺑﻴﺶ ﺳﺎﻋﻪ ﺍﻃﻠﻌﻮﻥ
ﺑﺮﺍﺀ .. ﺍﻟﺴﺎﻋﻪ 5 ﻧﻄﻠﻊ ﻧﺒﻘﻰ ﻟﻠﻴﻞ ..
ﻳﺤﻴﻰ .. ﻛﻮﻭﻭﻭﻟﺶ ﺯﻳﻦ .. ﻟﻌﺪ ﺍﺷﻮﻓﺞ ﺍﻟﻌﺼﺮ ﺑﺎﻱ ﻻﺯﻡ ﺍﺭﻭﺡ ﻫﺴﻪ ﻋﻨﺪﻱ ﺷﻐﻞ
ﺑﺮﺍﺀ .. ﭐפﮔـﻴﮧ .. ﻛﻌﺪﺕ ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻲ ﻭﺭﺣﺖ ﻟﻠﻤﻄﺒﺦ .. ﻟﻜﻴﺖ ﻣﺎﻣﺎ ﻭﺧﺎﻟﻪ ﻭﺭﺷﺎ ﻛﺎﻋﺪﺍﺕ ﻋﻠﺮﻳﻮﻙ ..
ﻛﻠﺖ ﺻﺒﺎﺡ ﺍﻟﺨﻴﺮ .. ﺭﺩﻭ ﻋﻠﻴﻪ ﺻﺒﺎﺡ ﺍﻟﻨﻮﺭ .. ﻣﺎﻣﺎ ﻛﺎﻟﺘﻠﻲ ﻳﻠﻪ ﺟﻴﺒﻴﻠﺞ ﺍﻛﻼﺹ ﺟﺎﻱ ﻭﺗﻌﺎﻟﻲ ﺍﻛﻌﺪﻱ ﻭﻳﺎﻧﻪ .. ﻛﺘﻠﻪ ﻣﺎﺷﻲ
ﺟﺒﺖ ﻛﻼﺹ ﻭﻛﻌﺪﺕ .. ﻛﺘﻠﻬﺎ ﻣﺎﻣﺎ ﺍﻟﻴﻮﻡ ﻧﺮﻭﺡ ﻟﻠﻜﻮﺭﻧﻴﺶ ﻛﺎﻟﺖ ﺍﻱ ﺑﺲ ﺳﺎﻋﺪﻳﻨﺎ ﺑﻠﻒ ﺍﻟﺪﻭﻟﻤﻪ ﻋﻠﻤﻮﺩ ﻧﺎﺧﺬﻫﺎ ﻭﻳﺎﻧﻪ .. ﻛﺘﻠﻬﺎ ﭐפﮔـﻴﮧ
🌿🌿
ﻛﻤﻠﻨﻪ ﺭﻳﻮﻙ ﻭﺑﻌﺪﻫﺎ ﻧﻀﻔﻨﻪ ﺧﺎﻟﺘﻲ ﺭﺍﺣﺖ ﺗﺴﻮﻱ ﺍﻟﻐﺪﺍ ﻭﺍﻧﻲ ﻭﻣﺎﻣﺎ ﻛﻌﺪﻧﺎ ﻧﻠﻒ ﺩﻭﻟﻤﻪ .. ﻛﻤﻠﻨﺎﻫﺎ ..
ﺭﺣﺖ ﺳﻮﻳﺖ ﺣﻤﺎﻡ ﺑﺨﺎﺭﻱ ﻟﻮﺟﻬﻲ ﻭﺳﻮﻳﺖ ﺗﻨﻀﻴﻒ ﻭﻏﺴﻮﻝ ﻃﻠﻊ ﻳﻠﻤﻊ ﺍﻧﻮﺏ ﺧﻠﻴﺘﻠﻪ ﻣﺮﻃﺐ .. ﺻﺎﺣﺖ ﻋﻠﻴﻪ ﻣﺎﻣﺎ ﺗﻌﺎﻟﻲ ﺗﻐﺪﻱ
ﻛﺘﻠﻬﺎ ﻣﺎ ﺍﺭﻳﺪ .. ﺍﻧﻮﺏ ﺳﻮﻳﺖ ﺗﻨﻀﻴﻒ ﺍﻻﺿﺎﻓﺮﻱ ﺑﺎﻟﻠﻴﻤﻮﻥ ﻭﺑﻤﻲ ﻭﺭﺩ .. ﺍﻧﻮﺏ ﺻﺒﻐﺘﻬﺎ ﻭﺭﺳﻤﺘﻬﺎ ﺭﺳﻤﻪ ﺣﻠﻮﻩ ﻭﺍﺿﺎﻓﺮ ﺭﺟﻠﻴﻪ ﻫﻢ
ﺑﺎﻭﻋﺖ ﺍﻟﺴﺎﻋﻪ 3 ﻭﻧﺺ .. ﻛﻠﺖ ﺑﻌﺪ ﻭﻛﺖ ﺗﺼﻴﺮ ﺏ 4 ﻭﺍﺗﻤﻜﻴﺞ .. ﻟﺰﻣﺖ ﻓﻮﻥ ﻓﺘﺤﺖ ﻭﺍﻱ ﻓﺎﻱ .. ﺍﺟﺘﻨﻲ ﺍﻻﺷﻌﺎﺭﺍﺕ ..
ﻓﺘﺤﺖ ﺍﻟﻤﺎﺳﻨﺠﺮ ﻣﺎ ﻟﻜﻴﺖ ﺭﺳﺎﻟﻪ ﻣﻦ ﻳﺤﻴﻰ ﺭﻏﻢ ﻣﺘﺼﻞ ﺑﻨﺖ ﺻﺎﺭ ﺍﻗﻞ ﻣﻦ ﻧﺺ ﺳﺎﻋﻪ .. ﺩﺯﻳﺖ ﺭﺳﺎﻟﻪ ﻋﻨﺪﻩ ﻧــــ 📡 ــﺖ ﺑﺲ ﻣﺎﻛﻮ ﺟﻮﺍﺏ
ﺍﺗﺼﻠﺖ .. ﺟﺎﻭﺏ .. ﻛﺘﻠﻪ ﻫﺎﺍﺍﺍ ﺗﺠﻲ ﻭﻻ ﻟــ NO ـﺎ .. ﻛﺎﻝ ﺍﻛﻴﻴﻴﺪ ﺩﺍ ﺍﺣﻀﺮ ﻧﻔﺴﻲ ﺍﻟﻴﻮﻡ ﺍﺷﻮﻑ ﺍﻟﺤﺐ ﻫﻬﻪ
ﺑﺮﺍﺀ .. ﻫﻠﻠﻪ ﻫﻠﻠﻪ ﻣﻨﻮ ﺍﻟﺤﺐ
ﻳﺤﻴﻰ .. ﺍﻧَـ ỲǑŲ ـْﺘﻲ
ﺑﺮﺍﺀ .. ﻫﻠﻪ ﻭﻣﻦ ﺷﻮﻛﺖ ﺻﺮﺕ ﺍﻟﺤﺐ ﻣﺎﻟﺘﻚ
ﻳﺤﻴﻰ .. ﻟﻌﺪ ؏ﺷﻨﻮ ﺩﻧﺸﺎﻭﻑ
ﺑﺮﺍﺀ .. ﻋﺎﺍﺍﺍﺍﺩﻱ ﺍﺻﺪﻗﺎﺀ ﻋﻠﻔﻴﺴﺒﻮﻙ
ﻳﺤﻴﻰ .. ﻫﻤﻤﻤﻢ ﺍﻱ ﺑﻜﻴﻔﺞ ﻛﻠﻤﻦ ﻭﻧﻴﺘﻪ
ﺑﺮﺍﺀ .. ﻫﻬﻬﻬﻬﻬﻬﻪ ﻧﻴﺘﻚ ﻣﻮ ﺻﺎﻓﻴﻪ
ﻳﺤﻴﻰ .. ﻭﺍﻟﻠﻬﻲ ﻧﻴﺘﺞ ﻣﻮ ﻧﻴﺘﻲ ﺍﻟﻠﻲ ﻣﻮ ﺻﺎﻓﻴﻪ .. ﺍﻃﻔﺮﻱ ﻫﺴـ NOW ــﮩﮧ ﺩﺍ ﺍﺯﻳﻦ ﺍﻟﻠﺤﻴﻪ .. ﺧﻞ ﺍﻛﻤﻞ
ﺑﺮﺍﺀ .. ﻻﺍﺍﺍﺍ ﻟﺘﺰﻳﻦ ﻟﺤﻴﺘﻚ ﻋﻔﻴﻪ ﺗﺮﻩ ﻻﻳﻜﺘﻠﻚ
ﻳﺤﻴﻰ .. ﺍﻋﺮﻑ ﺩﺍ ﺍﺧﻔﻔﻬﺎ ﻭﺍﺭﺗﺒﻬﺎ
ﺑﺮﺍﺀ .. ﺍﻫﺎﺍﺍﺍﺍ ﭐפﮔـﻴﮧ .. ﻟﻌﺪ ﺍﻧﻲ ﻫﻢ ﺍﺭﻭﺡ ﺍﺗﻤﻜﻴﺞ ﺍﺣﺴﻦ
ﻳﺤﻴﻰ .. ﻻ ﻻ ﻣﻴﺼﻴﺮ ﺍﺭﻳﺪ ﺍﺷﻮﻑ ﻭﺟﻬﺞ ﻋﻠﻄﺒﻴﻌﻪ ﺑﺪﻭﻥ ﻣﻜﻴﺎﺝ
ﺑﺮﺍﺀ .. ﻣﻮ ﺍﻟﻴﻮﻡ ﻏﻴﺮ ﻣﺮﻩ ﻻﻥ ﻋﻴﺪ ﻳﻄﻠﺐ ﺍﻛﻮﻥ ﺑﻜﺎﻣﻞ ﺍﻧﺎﻗﺘﻲ
ﻳﺤﻴﻰ .. ﻟﻴﺶ ﺑﻼ ﻋﻠﻤﻮﺩ ﻳﺒﺎﻭﻋﻮﺝ ﺯﻳﻦ ﻭﻳﺘﺤﺮﺷﻮﻥ ﺑﻴﺞ
ﺑﺮﺍﺀ .. ﺍﻟﻤﻠﻄﻠﻄﻴﻦ ﻣﻴﻬﻤﻬﻢ ﺍﻟﻤﻜﻴﺎﺝ ﻟﻮ ﺭﺳﻢ ﺍﻟﻮﺟﻪ .. ﻋﻠﻰ ﻃﻮﻝ ﺍﻱ ﺑﻨﻴﻪ ﻳﺘﺤﺎﺭﺷﻮﻥ ﺑﻴﻬﺎ
ﻳﺤﻴﻰ .. ﻣﺎﻛﻮ ﻫﻴﺞ ﺣﺠﻲ ﺻﺢ ﻧﺤﺠﻲ ﻋﻠﻤﻜﻴﺎﺝ ﺑﺲ ﻣﻦ ﺗﻤﺮ ﻣﻦ ﻳﻤﻨﻪ ﺍﻟﺒﻨﻴﻪ ﺍﻟﻠﻲ ﻣﺘﻤﻜﻴﺠﻪ ﻧﻄﻴﺢ ﻭﺭﺍﻫﺎ ﻓﻤﺎ ﺍﺭﻳﺪ ﺗﻜﺜﺮﻳﻦ ﺑﺎﻟﻤﻜﻴﺎﺝ ﻃﺒﻴﻌﻲ ﺍﺣﺴﻦ
ﺑﺮﺍﺀ .. ﺍﻣﻤﻤﻢ ﺍﻓﻜﺮ
ﻳﺤﻴﻰ .. ﺩﻣﻜﻴﺠﻲ ﻭﺷﻮﻓﻲ ﺷﺴﻮﻱ ﺑﻴﺞ
ﺑﺮﺍﺀ .. ﺑﺼﻔﺘﻚ ﺷﻨﻮ ..
ﻳﺤﻴﻰ .. ﺍﻟﻠﻲ ﻳﻌﺠﺒﺞ .. ﺑﺎﻱ 🔕❌
ﺑﺮﺍﺀ .. ﺍﻭﻭﻭﻱ ﺍﺿﻮﺝ ﻭﺍﺣﺪ ﻳﺘﺤﻜﻢ ﺑﺼﺮﻓﺎﺗﻲ ﺍﻧﻮﺏ ﻫﺬﺍ ﺷﺎﻳﻒ ﺭﻭﺣﻪ ﻋﻠﻴﻪ .. ﺑﺲ ﺗﺮﻩ ﻋﻤﻲ ﻫﻮﻩ ﺣﻠﻮ 😢 ﻳﻌﻨﻲ ﺣﺮﺍﻡ ﺍﺭﻭﺡ ﺍﻛﺎﺑﻠﻪ ﺑﻬﻠﻮﺟﻪ ﻏﻴﺮ ﻳﺸﺮﺩ 😑
ﻻﺯﻡ ﺍﻟﺒﻚ ﻭﺑﻌﺪﻳﻦ ﻧﺬﺏ ﺍﻟﻘﻨﺎﻉ ﻟﻤﺎ ﻳﻮﻛﻊ 😁😁 ﺑﺪﻟﺖ ﻣﻼﺑﺴﻲ ﻭ ﻭﻛﻔﺖ ﻋﻠﻤﺮﺍﻳﺎ ﻣﻜﻴﺠﺖ ﺧﻠﻴﺖ ﻋﺪﺳﺎﺕ ﻭﺭﻣﻮﺵ ﻃﻠﻌﺖ ﻫﻴﻔﺎﺀ ﻭﻫﺒﻲ 😜
ﻟﻔﻴﺖ ﺍﻟﺤﺠﺎﺏ ﻟﻔﻪ ﻧﺎﺯﻛﻪ ﻭﺧﻠﻴﺖ ﺍﻛﺴﺴﻮﺍﺭ ﺑﻴﻪ ﺻﺎﺭ ﻛﻴﻮﺕ .. ﻭﻧﺰﻟﺖ ﺍﻣﻲ ﺿﺤﻜﺖ ﻛﺎﻟﺖ ﺍﻱ ﺑﻴﻬﺎ ﺩﻳﺎﺣﻪ ﺧﻠﺼﺘﻲ ﺑﺴﺎﻉ
🌿🌿
ﻟﻮ ﻛﺎﻳﻠﺘﻠﺞ ﻋﻠﻪ ﺷﻐﻠﻪ ﺟﺎﻥ ﻛﻠﺘﻲ ﻣﺎ ﺑﻴﻪ ﺣﻴﻞ ..
ﺑﺮﺍﺀ .. ﻋﻴﻨﻲ ﺳﻤﻴﺮﻩ ﺗﻮﻓﻴﻖ ﻭﺍﻟﻠﻲ ﻧﻀﻔﺖ ﻭﺍﻟﻠﻲ ﻟﻔﺖ ﺍﻟﺪﻭﻟﻤﻪ ﻭﻳﺎﺝ ﻣﻨﻮ ﻫﻴﻪ ﺍﻟﺒﻨﻐﻼﺩﻳﺸﻴﻪ ﻣﺎﻟﺘﺞ ..
ﻟﻮ ﻣﺘﺸﻮﻓﻴﻨﻲ ﻟﻤﺎ ﺍﻧﻀﻒ . ﻭﺍﺷﺘﻐﻞ ﺗﺸﻮﻓﻴﻨﻲ ﺑﺲ ﻣﻦ ﺍﻟﺰﻡ ﺍﻟﻤﻮﺑﺎﻳﻞ ﻟﻮ ﺍﺭﻳﺪ ﺍﻃﻠﻊ .. ﺍﻭﻑ ﻣﻨﺠﻦ ﻳﺎﻣﻬﺎﺕ ﻫﻠﻮﻛﺖ ﻣﺎﻝ ﺣﺮﻙ 😝
ﺍﻻﻡ .. ﺍﻧﻮﻭﻭﺏ ﺍﻧﻲ ﻣﺎﻝ ﺣﺮﻙ .. ﺑﻄﻠﺖ ﻟﻌﺪ ﻣﺎ ﻧﺮﻭﺡ
ﺑﺮﺍﺀ .. ﻻ ﻻ ﻳﻮﻡ ﻻ ﺷﺒﻴﺞ ﺍﻧﺘﻲ ﺍﻟﺨﻴﺮ ﻭﺍﻟﺒﺮﻛﻪ ﺍﻱ ﻳﺎﻳﻤﻪ ﻣﺎﻳﺼﻴﺮ ﻧﺘﺸﺎﻗﻪ ﻭﻳﺎﺝ ﺷﻮﻳﻪ .. ﺍﻣﺸﻲ ﻋﻤﻲ ﺍﻣﺸﻲ ﺑﻌﺪ ﺣﺮﺍﻡ ﻣﺎ ﺍﺣﺠﻲ ﺍﻫﻤﻢ 😷
ﺍﻻﻡ … ﻫﻬﻬﻬﻪ ﺩﻳﻠﻪ ﺻﻴﺤﻲ ﺧﺎﻟﺘﺞ ﻭﺑﻨﺘﻬﺎ ﺷﻮﻓﻴﻬﺎ ﻛﻤﻠﻮ ..
ﺑﺮﺍﺀ .. ﭐפﮔـﻴﮧ .. ﺭﺣﺖ ﻟﻐﺮﻓﺔ ﺧﺎﻟﺘﻲ ﻛﺎﻟﺖ ﺍﻱ ﻛﻤﻠﺖ ﺍﺟﺖ ﻛﺎﻟﺖ ﺭﺷﺎ ﻣﺘﺮﻭﺡ ﺣﺘﺮﻭﺡ ﻭﻳﻪ ﺍﺑﻮﻫﺎ ﻟﻌﻤﺎﻣﻬﺎ .. ﺑﻜﻠﺒﻲ ﻛﻠﺖ ﺍﻟﺤﻤﺪﻟﻠﻪ ﺧﻠﺼﺖ ﻣﻨﻬﺎﺍ
ﺭﺣﻨﺎ ﺍﺧﺬﻧﺎ ﺗﻜﺴﻲ ﻟﻼﻋﻈﻤﻴﻪ .. ﻭﺻﻠﻨﺎ ﺩﺧﻠﻨﺎ ﺍﻟﺤﺪﺍﻳﻖ ﻓﺮﺷﻨﻪ ﺟﺮﺟﻒ ﻭﺧﻠﻴﻨﻪ ﺳﻠﺔ ﺍﻻﻛﻞ ﻭﺗﺮﻣﺰ ﺍﻟﻤﻲ ﻭﻛﻌﺪﻧﺎ ..
ﺑﻘﺖ ﻣﺎﻣﺎ ﻭﺧﺎﻟﻪ ﻳﺴﻮﻟﻒ ﻋﻠﻰ ﻫﺬﺍ ﻭﺫﺍﻙ .. ﻛﺘﻠﻬﺎ ﻣﺎﻣﺎ ﺧﻞ ﺍﻧﺰﻝ ﻟﻤﺪﻳﻨﺔ ﺍﻻﻟﻌﺎﺏ ﺍﻟﻜﻮﺭﻧﻴﺶ .. ﻛﺎﻟﺖ ﺗﺮﺣﻴﻦ ﻭﺣﺪﺝ ..
ﻛﺘﻠﻬﺎ ﺷﻜﻮ ﻋﻠﻴﻪ .. ﺑﺎﻋﻲ ﺍﻟﺪﻧﻴﺎ ﻣﻠﺘﻤﻪ ﻟﺘﺨﺎﻓﻴﻦ ﺟﻬﺎﺯﻱ ﺑﺠﻴﺒﻲ ﻟﻮ ﺭﺩﺗﻴﻨﻲ ﺳﻮﻳﻠﻲ ﻣﺴﻜﻮﻝ ﺗﻠﻜﻴﻨﻲ ﻳﻤﺞ ﭐפﮔـﻴﮧ
ﻛﺎﻟﺖ ﻣﺎﺷﻲ .. ﻛﻤﺖ ﻣﻦ ﻳﻤﻬﻦ ﺭﺣﺖ ﻧﺰﻟﺖ ﻟﻼﻟﻌﺎﺏ ﺩﻓﻌﺖ ﺍﻟﺪﺧﻮﻟﻴﻪ ﻭﺩﺧﻠﺖ .. ﺧﺎﺑﺮﺕ ﻋﻠﻰ ﻳﺤﻴﻰ ..
ﻛﺎﻝ ﺍﻧـّ 'ℳέ' ـّﻲٌ ﻭﺍﻛﻒ ﻳﻢ ﺍﺑﻮ ﺍﻟﺘﺬﺍﻛﺮ ﺭﻗﻢ 2 ﻛﺘﻠﻪ ﺍﻧﻲ ﺑﻌﺪﻧﻲ ﺑﺎﺏ ﺍﻟﺪﺧﻮﻝ ﺗﻌﺎﻝ ﺍﻧﺘﻪ
ﻛﺎﻝ ﺍﻭﻙ ﻣﺎﺷﻲ ﺟﺎﻱ .. ﻭﻛﻔﺖ ﺍﺑﺎﻭﻉ ﻋﻼﻟﻌﺎﺏ ﺍﺍﻟﺴﻴﺎﺭﺍﺕ ﺗﺸﺘﻐﻞ ﻭﺍﻟﺼﺮﺍﺥ ﻭﺍﻻﺿﻮﻳﻪ .. ﻟﺸﻮﻱ ﺑﺎﻭﻋﺖ ﻳﺤﻴﻰ ﺍﺟﻪ
ﺍﻧﻮﺏ ﺣﻘﻴﻘﺘﻪ ﺍﺣﻼ ﻣﻦ ﺍﻟﺼﻮﺭ .. ﻳﺒﻮﻭﻭﻭ ﻫﺬﺍ ﻳﺤﺒﻨﻲ ﻭﻣﺘﻜﺒﺮﻩ ﻋﻠﻴﻪ ﺍﻫﻤﺪﺍﻧﻲ ..😑🙌 ﺗﻘﺮﺏ ﻛﺎﻝ ﺍﻧﺘﻲ ﺑﺮﺍﺀ ..
ﺍﺑﺘﺴﻤﺖ ﻛﺘﻠﻪ ﻟــ NO ـﺎ ﺍﺧﺘﻬﺎ .. ﺿﻞ ﻳﻀﺤﻚ .. ﻭﻣﺪ ﺍﻳﺪﻩ ﻻﻳﺪﻱ ﻭﺷﺒﻜﻬﺎ ﺑٲﻳﺪﻩ .. ﻫﺎﺍﺍ 😨 ﻩ̷̷َـَْـُﺬﺁ ﺳﺮﻳﻊ ﺍﻻﺷﺘﻌﺎﻝ ﺑﺴﺎﻉ ﻳﺘﻔﺎﻋﻞ
ﻛﺎﻝ ﺷﺒﻴﺞ ﺧﺎﻳﻔﻪ ﻛﺘﻠﻪ ﻻ ﻻ ﺍﺑﺪ .. ﻛﺎﻝ ﺗﻌﺎﻟﻲ ﻧﻜﻌﺪ ﻋﻠﻜﻮﺭﻧﻴﺶ ﻫﻨﺎﻙ ﺍﻟﺠﻮ ﻣﻮ ﺣﺎﺭ .. ﻃﻴﺐ .. ﻣﺸﻴﺖ ﻭﻳﺎﻩ ..
ﻧﺒﺎﻭﻉ ﺍﻟﻨﺎﺱ ﺍﻟﻠﻲ ﺗﺼﻌﺪ ﺑﺎﻟﻘﻮﺍﺭﺏ ﻭﺻﻮﺕ ﺍﻟﻤﻮﺳﻴﻘﻰ ﺍﻟﻌﺎﻟﻴﻪ .. ﻭﺍﻏﻨﻴﺔ ﻣﺤﻤﺪ ﺍﻟﺴﺎﻟﻢ ﻫﺎ ﻫﺎ ﻳﻢ ﺍﻟﻮﻟﺪ ﺗﺮﺝ ﻭﺍﻟﺸﺒﺎﺏ ﺗﺘﺮﺍﻛﺺ
ﺑﺎﻭﻋﻠﻲ ﻛﺎﻝ ﺟﺎﻳﻪ ﻭﻳﻪ ﻣﻨﻮ .. ﻛﺘﻠﻪ ﻣﺎﻣﺎ ﻭﺧﺎﻟﺘﻲ ..
ﺍﺧﺬ ﺍﻳﺪﻱ ﺑﺎﺳﻬﺎ ﺑﻜﻔﺎﻫﺎ .. ﺍﻧﻮﺏ ﺑﺎﻭﻉ ﻟﻌﻴﻮﻧﻲ ﻭﻛﺎﻝ ﺣﺎﺏ ﺍﺗﻌﺮﻑ ﻋﻠﻴﺞ ﻭﺗﺼﻴﺮﻳﻦ ﺍﻟﻲ .. ﺿﺤﻜﺖ ﻭﺩﻧﻜﺖ
ﻣﺪ ﺍﻳﺪﻩ ﻭﻛﺮﺻﻨﻲ ﻣﻦ ﺧﺪﻱ ﺧﻔﻴﻒ ﺍﻧﻮﺏ ﻛﺎﻝ ﺍﻛﻮﻭﻭﻭﻭﻝ .. ﻛﺘﻠﻪ ﻛﻮﻝ .. ﻛﺎﻝ ﻣﻮ ﻛﺘﻠﺞ ﻣﻤﻨﻮﻉ ﺗﺨﻠﻴﻦ ﻣﻜﻴﺎﺝ ..
ﺑﺮﺍﺀ .. ﻭﺍﻧﻲ ﻛﺘﻠﻚ ﺍﻟﻴﻮﻡ ﺳﻤﺎﺡ ﻻﻥ ﻋﻴﺪ 😌
ﻳﺤﻴﻰ .. ﺍﻣﻤﻢ ﻣﺎ ﺍﺣﺐ ﺍﻟﻠﻲ ﺗﺮﺩﻟﻲ ﻛﻠﻤﻪ
ﺑﺮﺍﺀ .. ﻭﺍﻧﻲ ﻣﺎ ﺍﺣﺐ ﺍﻟﻠﻲ ﻳﺘﺤﻜﻢ ﺑﻴﻪ ﻭﻣﻴﺨﻠﻴﻠﻲ ﺭﺃﻱ
ﻳﺤﻴﻰ .. ﻣﻦ ﻫﺴـ NOW ــﮩﮧ
🌿🌿
ﺑﺮﺍﺀ .. ﻣﺎ ﺍﻋﺮﻑ ﻛﻮﻝ ﻟﻨﻔﺴﻚ ﺍﻧﻲ ﻣﺘﻌﻮﺩﻩ ﻫﺬﻱ ﻃﺒﻴﻌﺘﻲ
ﻳﺤﻴﻰ .. ﺯﻳﻦ ﻣﻤﻜﻦ ﺗﻐﻴﺮﻳﻬﺎ ﺷﻮﻱ ﻋﻠﻰ ﺷﺎﻧﻲ ..
ﺑﺮﺍﺀ .. ﻫﻬﻬﻪ ﻣﻤﻜﻦ ..
ﻳﺤﻴﻰ .. ﺗﻨﺰﻟﻴﻦ ﺍﻟﺸﻂ
ﺑﺮﺍﺀ .. ﺗﺆ ﺗﺆ ﺍﺧﺎﻑ ﻣﻦ ﺍﻟﻤﻲ
ﻳﺤﻴﻰ … ﻫﻬﻬﻬﻬﻪ ﻣﻦ ﺷﻨﻮ ﺗﺨﺎﻓﻴﻦ ﺩﺗﻌﺎﻱ ﺍﻧﻲ ﻳﻤﺞ
ﺑﺮﺍﺀ .. ﺍﻭﻙ ﻧﺼﻌﺪ ﺍﻟﻘﺎﺭﺏ ﺍﻟﺠﺒﻴﺮ ﻣﻮ ﺍﻟﺨﺎﺹ .. ﻋﺎﺭﺽ ﺍﻭﻝ ﺑﺪﺍﻳﻪ ﻭﺑﻌﺪﻳﻦ ﻛﺎﻝ ﻣﺎﺷﻲ ﺻﻌﺪﻧﻪ ﺍﻟﺴﻔﻴﻨﻪ .. ﻛﺎﻝ ﺍﻣﺸﻲ ﻟﻼﺧﻴﺮ ﻧﻜﻌﺪ
ﻛﺘﻠﻪ ﻣﺎﺷﻲ ﻛﻌﺪﺕ ﻳﻢ ﺍﻟﺸﺒﺎﻙ ﺍﻭ ﺍﻟﻔﺘﺤﻪ ﻣﺎﻝ ﺍﻟﺴﻔﻴﻨﻪ ﻭﻫﻮﻩ ﻛﻌﺪ ﻳﻤﻲ .. ﻣﺸﺖ ﺍﻟﺴﻔﻴﻨﻪ .. ﺷﻐﻠﻮ ﺍﻏﻨﻴﺔ ﺑﺲ ﺑﺲ ﻣﻴﻮ ﺍﻟﺼﻮﺕ ﻋﺎﺍﺍﺍﻟﻲ ﺟﺪﺍ ﻭﺷﺒﺎﺏ ﺗﺮﻛﺺ
ﻭﺍﻧﻲ ﻛﺎﻋﺪﻩ ﻳﻤﻪ ﺑﺎﻟﺴﻔﻴﻨﻪ ﺣﺴﻴﺘﻪ ﻛﻌﺪ ﻳﻤﻲ ﻭﺍﺗﻘﺮﺏ ﺯﺍﻳﺪ ﺍﺣﺲ ﺍﻧﺤﺼﺮﺕ ﻭﻳﻪ ﺍﻟﺤﺎﻓﻪ .. ﻣﺪ ﺍﻳﺪﻩ ﻭﺭﻩ ﺿﻬﺮﻱ
ﻭﺷﺒﻜﻨﻲ ﺑٲﻳﺪﻩ ﻭﺟﺮﻧﻲ ﻟﺼﺪﺭﻩ ﻗﻮﻱ .. ﻛﺘﻠﻪ ﺷﻨﻮ ﻫﺎﻱ ﺿﺎﻳﻘﺘﻨﻲ .. ﻛﺎﻝ ﺷﺒﻴﺞ ﺗﺘﻀﺎﻳﻘﻴﻦ ﻣﻨﻲ
ﻛﺘﻠﻪ ﻻ ﺑﺲ ﺍﺑﻌﺪ ﺍﻳﺪﻙ .. ﻛﺎﻝ ﺷﺒﻴﺞ ﺍﻧﺘﻲ ﺣﺒﻴﺒﺘﻲ ﻳﻌﻨﻲ ﻫﺬﺍ ﺍﻟﺸﻲ ﻋﺎﺩﻱ ﻭﺍﻧﻲ ﻛﻮﻟﺸﻲ ﻣﻤﺴﻮﻱ ﺑﺲ ﺣﺎﻇﻨﺞ
ﻛﺘﻠﻪ ﺑﺲ ﺩﺍ ﺍﺗﻀﺎﻳﻖ .. ﻛﺎﻡ ﻳﻌﺼﺮ ﺑﺄﻳﺪﻩ ﻋﻠﺨﺼﺮﻱ ﺣﻴﻞ .. ﻛﺘﻠﻪ ﻫﺎﻱ ﺷﺒﻴﻚ ﺩﻭﺧﺮ .. ﻣﺪ ﺭﺍﺳﻪ ﻟﺮﻛﺒﺘﻲ ﻭﺑﻮﺳﻨﻲ
ﻟﻌﺒﺖ ﻧﻔﺴﻲ ﻣﻨﻪ ﺍﺩﻓﻊ ﻭﺍﻭﺧﺮ ﻫﻤﺲ ﺑٲﺫﻧﻲ ﻟﻄﻠﻌﻴﻦ ﺻﻮﺕ ﺗﺮﻩ ﺍﺫﺍ ﺍﻧﺘﺒﻬﻮ ﻋﻠﻴﺞ ﺍﻟﻨﺎﺱ ﻳﺎﺧﺬﻭﻥ ﻋﻠﻴﺞ ﻧﻀﺮﻩ ﻣﻮ ﺯﻳﻨﻪ
ﻛﺘﻠﻪ ﻣﻴﻬﻤﻨﻲ ﺗﻮﺧﺮ ﻻ ﺍﺻﻴﺢ ﺍﻟﻢ ﺍﻟﺪﻧﻴﺎ ﻋﻠﻴﻚ ﻭﺍﻟﻠﻪ .. ﺍﻛﻮ ﺷﺎﺏ ﻛﺎﻋﺪ ﺷﻮﻱ ﻋﻨﺎ .. ﻛﺎﻝ ﺧﻴﺮ ﺍﻧﺸﺎﻟﻠﻪ ﻣﺎﻛﻮ ﺷﻲ
ﻛﺎﻟﻪ ﻻ ﻻ ﺧﻄﻴﺒﺘﻲ ﻭﺯﻋﻼﻧﻪ ﻋﻠﻴﻪ ﻭﻣﺘﻘﺒﻞ ﺗﺘﺮﺍﺿﻪ .. ﻋﺎﺩ ﺍﻟﻮﻟﺪ ﺍﺑﺘﺴﻢ ﻛﺎﻝ ﺍﻟﻠﻪ ﻳﻮﻓﻘﻜﻢ .. ﺩﺍﺭ ﻭﺟﻬﻪ ﻋﻠﻴﻪ
ﻛﺎﻝ ﺍﻫﺪﻱ ﻣﺮﺍﺡ ﺍﻟﺰﻣﺞ ﺑﻌﺪ .. ﺩﺭﺕ ﻭﺟﻬﻲ ﻋﻨﻪ .. ﻟﺰﻡ ﺍﻳﺪﻱ ﺟﺮﻳﺘﻬﺎ ﻭﺷﺒﻜﺖ ﺍﺩﻳﻪ ﺍﺑﻌﺾ ﺷﻮﻛﺖ ﺗﻮﺻﻞ ﺍﻟﺴﻔﻴﻨﻪ ﻟﻠﻤﺮﺳﻰ ﻭﺍﺧﻠﺺ
ﻭﺻﻠﺖ ﻛﻤﺖ ﻣﻦ ﻣﻜﺎﻧﻲ ﻛﺘﻠﻪ ﺍﺑﻌﺪ ﺧﻞ ﺍﻣﺸﻲ ﺍﻧﺰﻝ .. ﻛﺎﻝ ﺍﻭﻝ ﺷﻲ ﺍﺿﺤﻜﻲ ﻭﺍﻧﺴﻲ ﺍﻟﺼﺎﺭ .. ﻛﺘﻠﻪ ﺑﺎﺑﺎ ﺩﻭﻭﻭﻭﺧﺮ
ﺩﻓﻌﺘﻪ ﻭﻧﺰﻟﺖ .. ﺍﻭﻝ ﻣﺎ ﻧﺰﻟﺖ ﻟﻜﻴﺖ ﻣﺎﻣﺎ ﻭﺧﺎﻟﺘﻲ ﻛﺎﻋﺪﺍﺕ ﻋﻠﻤﺮﺳﻰ .. ﻫﻮﻩ ﻳﻤﺸﻲ ﻭﺭﺍﻱ ﺧﻔﺖ ﻳﺼﻴﺤﻨﻲ ﻛﺪﺍﻣﻬﻦ
ﻓٲﺷﺮﺗﻠﻬﺎ ﻭﻛﺘﻠﻬﺎ ﻫﻠﻮﻭﻭﻭﻭﻭ ﻣﺎﻣﺎ .. ﻭﺭﻛﻀﺘﻠﻬﺎﺍ .. ﻫﻮﻩ ﻭﻛﻒ ﺑﻤﻜﺎﻧﻪ .. ﻛﺎﻟﺘﻠﻲ ﻣﺎﻣﺎ .. ﻟﻌﺒﺘﻲ ﺗﻮﻧﺴﺘﻲ .. ﻛﺘﻠﻬﺎ ﻻ ﻭﺍﻟﻠﻪ
ﺍﻻﻟﻌﺎﺏ ﺍﺯﺩﺣﺎﻡ ﻭﺑﺲ ﺍﻟﻨﻬﺮ ﺭﻛﺒﺘﻪ ﺍﻟﺒﺎﻗﻴﺎﺕ ﺍﺑﺪ ﻣﺮﻛﺒﺘﻬﻢ .. ﻛﺎﻟﺖ ﺧﺎﻟﺘﻲ ﺗﻌﺎﻟﻲ ﻧﺼﻌﺪ ﺳﻔﻴﻨﺔ ﻧﻮﺡ ..
ﺍﻣﻲ ﻛﺎﻟﺖ ﺭﻭﺣﻦ ﺍﻧﻲ ﻋﻨﺪﻱ ﻗﻠﺐ ﻣﺎ ﺍﻛﺪﺭ ﺍﺻﻌﺪ .. ﺭﺣﺖ ﻣﺸﻴﻨﺎ ﺍﻧﻲ ﻭﺧﺎﻟﺘﻲ ﻭﻳﺤﻴﻰ ﻳﻤﺸﻲ ﻭﺭﺍﻧﺎ ﺻﻌﺪﻧﺎ ﺑﺎﻟﺴﻔﻴﻨﻪ ﺻﻌﺪ ﻭﻛﻌﺪ ﻳﻤﻲ
ﺍﻫﻮﻭﻭﻭﻭ ﻫﺬﺍ ﺷﻠﻮﻥ ﺑﻴﻪ .. ﻛﻌﺪﺕ ﺧﺎﻟﺘﻲ ﻣﻦ ﺍﻟﻴﺴﺎﺭ ﻭﻫﻮﻩ ﻣﻦ ﺍﻟﻴﻤﻴﻦ .. ﺧﻔﺖ ﻻ ﻳﺤﺠﻲ ﺍﻭ ﻳﻤﺪ ﺍﻳﺪﻩ ﻭﻣﺎ ﺍﻛﺪﺭ ﺍﺣﺠﻲ
ﺑﻘﻴﺖ ﺳﺎﻛﺘﻪ .. ﻣﺪ ﺍﻳﺪﻩ ﻟﺰﻡ ﺍﻳﺪﻱ ﻭﺧﺮﺗﻬﺎ ﺑﺴﺮﻋﻪ ﻭﻛﺮﺻﺖ ﺍﻳﺪﻩ ﺣﻴﻞ .. ﺍﻧﻮﺏ ﻛﻌﺪﺕ ﻳﻤﻪ ﻭﺣﺪﻩ .. ﺍﺳﺘﻐﻔﺮ ﺍﻟﻠﻪ .. ﺗﻨﺎﺳﺒﻪ ﻣﺜﻠﻪ
ﻻﺑﺴﻪ ﻧﺺ ﺭﺩﻥ ﻭﻓﺘﺤﺖ ﺻﺪﺭﻫﺎ ﻃﺎﻟﻌﻪ ﻭﺍﻟﻤﻜﻴﺎﺝ ﺍﻭﻭﻭﻭﻓﺮ ﻭﺍﻟﺸﻌﺮ ﻧﺎﺛﺮﺗﻪ .. ﻛﺎﻣﺖ ﺗﺤﺠﻲ ﻭﻳﺎﻩ ﺍﻧﻲ ﺍﺧﺎﺍﺍﻑ ﻭﻫﺎﻱ ﺍﻭﻝ ﻣﺮﻩ ﺍﺻﻌﺪ ﺑﻴﻬﺎ ﻭﺗﺘﻤﺎﻭﻉ ﺑﺤﺠﻴﻪ ..
ﻛﺎﻟﻬﺎ ﻭﺍﻧﻲ ﺷﻌﻠﻴﻪ ﻭﻳﻀﺤﻚ .. ﻭﻫﻴﻪ ﺗﻀﺤﻚ ﻭﺗﻜﻮﻟﻪ ﺻﺪﻗﻪ ﻟﻠﻪ ﺷﻜﺪ ﺩﻣﻚ ﺧﻔﻴﻒ ﻭﺣﻠﻮ ﻫﻬﻬﻬﻪ .. ﺧﺮﺭﺭﺏ ﺷﻨﻮ ﻫﺎﻱ ﺻﺪﻭﻙ ﻣﺎﻛﻮ ﺍﺣﺴﺎﺱ
ﺍﺗﺤﺮﻛﺖ ﺍﻟﺴﻔﻴﻨﻪ ﺍﺗﻤﺴﻜﺖ ﺑﺎﻟﺒﻮﺭﻱ ﺍﻟﺤﺪﻳﺪ .. ﻫﻮﻩ ﻫﻢ ﺗﻤﺴﻚ ﻭﺍﻳﺪﻩ ﻋﻠﻰ ﺍﻳﺪﻱ .. ﺿﺤﻜﺖ .. ﻛﺎﻣﺖ ﺍﻟﺴﻔﻴﻨﻪ .. ﺗﻤﻮﺝ ﺷﻮﻱ ﻗﻮﻱ ﻭﻫﺎﻱ ﻳﻤﻪ ﺗﺼﺮﺥ ﻭﺗﺘﻌﺎﻳﺮ
ﻣﻦ ﻳﻤﻲ ﺍﺷﺘﻌﻠﺖ ﺑﺪﻱ ﺍﻟﺰﻣﻬﺎ ﻣﻦ ﻛﻔﺸﺘﻬﺎ .. ﻣﻦ ﺗﻨﺰﻝ ﺑﻴﻨﺎ ﺍﻟﺴﻔﻴﻨﻪ ﻫﻴﻪ ﺗﻮﻛﻊ ﻋﻠﻴﻪ ﻋﻮﺩ ﺧﺎﻳﻔﻪ .. ﻭﻫﻮﻩ ﻳﺒﺎﻭﻋﻠﻲ ﻭﻳﻀﺤﻚ ﻋﻠﻴﻬﺎ .. ﺿﺠﺖ
ﺑﺪﺕ ﺍﻟﺴﻔﻴﻨﻪ ﺗﻤﻮﺝ ﻗﻮﻭﻭﻭﻱ ﺍﻧﻲ ﺻﺮﺕ ﺍﻋﻴﻂ ﺑﻜﻞ ﺻﻮﺗﻲ ﻭﻫﻮﻩ ﻳﻀﺤﻚ ﻭﻫﺎﻱ ﻛﺎﻣﺸﻪ ﺑﻴﻪ ﻭﻫﻮﻩ ﻳﺼﻴﺢ ﻫﺴﻪ ﻏﻴﺮ ﺍﻟﻠﺰﻛﻪ ﺗﻌﻮﻓﻨﻴﻴﻴﻴﻴﻴﻴﻴﻲ
ﺻﺮﺕ ﺍﺿﺤﻚ ﻭﺍﺻﻴﺢ ﺍﺍﺍﺍﺍﺍﺍﺍﺍﺍﺍ ﻭﺧﺎﻟﺘﻲ ﺗﺸﺒﻊ ﺿﺤﻚ ﺗﺼﻴﺢ ﺩﺧﻴﻠﻚ ﻳﺮﺑﻲ ﺭﺍﺍﺍﺍﺍﺍﺍﺍﺍﺡ ﻧﻤﻮﻭﻭﻭﺕ ﻭﻭﺟﻬﺎ ﻳﺨﺮﺏ ﺿﺤﻚ
ﺍﺷﻮ ﻫﺎﻱ ﺍﻟﻜﻠﺒﻪ ﺗﻌﺎﻟﻲ ﻭﺷﺒﻜﻲ ﻳﺤﻴﻰ ﺑﺜﻨﻴﻦ ﺍﺩﻳﻬﺎ ﻭﻫﻮﻩ ﻳﻀﺤﻚ .. ﺍﻧﻲ ﺭﻏﻢ ﻣﺎ ﺍﻟﺴﻔﻴﻨﻪ ﺗﻤﻮﺝ ﻗﻮﻱ ﺑﺲ ﻛﻤﺖ ﻣﺎ ﺍﺻﻴﺢ ﻭﺿﺠﺖ ﺣﻴﻞ ﺑﺲ ﻣﺘﻤﺴﻜﻪ ﻗﻮﻱ
ﺍﻧﺘﺒﻬﻠﻲ ﺑﺪﺕ ﺍﻟﺴﻔﻴﻨﻪ ﺗﺨﻒ .. ﻫﻤﺲ ﺑﺄﺫﻧﻲ ﻛﺎﻝ ﻭﺍﻟﻠﻪ ﻟﺰﻛﻪ ﻭﻣﻮ ﺍﺑﺎﻟﻲ ﺍﺑﺪ .. ﻣﺎ ﺭﺩﻳﺖ ﻋﻠﻴﻪ .. ﻛﻤﻠﺖ ﺍﻟﺴﻔﻴﻨﻪ ..
ﻧﺰﻟﻨﺎ ﺍﻧﻲ ﻭﺧﺎﻟﺘﻲ ﺭﺣﻨﺎ ﻟﻤﺎﻣﺎ ﻛﺘﻠﻬﺎ ﻳﻠﻪ ﺧﻞ ﻧﺮﺟﻊ ﻛﺎﻟﺖ ﺍﻣﻲ ﺑﻌﺪ ﻭﻗﺖ ﻛﺘﻠﻬﺎ ﻻ ﺧﻠﺺ ﺗﻌﺒﺖ
ﻛﺎﻟﺖ ﺷﻌﺠﺐ ﻣﻌﻘﻮﻟﻪ ﺑﺮﺍﺀ ﺗﺤﺠﻲ ﻫﻴﺞ .. ﺑﺎﻭﻋﺘﻠﻬﺎ ﻭﻛﺘﻠﻪ ﻣﺎﻣﺎ ﺩﻣﺸﻲ ﺷﺒﻴﺞ ﻛﺘﻠﺞ ﺗﻌﺒﺖ .. ﻛﺎﻟﺖ ﻳﻠﻪ ﺷﻌﻨﺪﻱ ﻏﻴﺮ ﻋﻠﻤﻮﺩﺝ
ﻳﺤﻴﻰ .. ﺭﺍﺣﺖ ﺑﺮﺍﺀ ﻭﺍﺟﺖ ﻫﺎﻱ ﺍﻟﺒﻨﻴﻪ ﻃﻠﻊ ﺑﻴﺘﻬﺎ ﺑﺎﻟﻔﻀﻞ ﻣﺘﺰﻭﺟﻪ ﻭﺯﻭﺟﻬﺎ ﻣﺴﺎﻓﺮ .. ﺭﺣﺖ ﻭﻳﺎﻫﺎ ﻟﻠﺒﻴﺖ ﺍﺧﺬﺕ ﺣﺎﺟﺘﻲ ﻣﻨﻬﺎ ﻭﺍﻧﻄﻴﺘﻬﺎ 50 ﺍﻟﻒ ﻭﻃﻠﻌﺖ
ﺑﺮﺍﺀ ﻣﺜﻞ ﺍﻱ ﺑﻨﻴﻪ ﺍﺳﺘﺪﺭﺟﻬﺎ ﻭﺍﻭﻛﻌﻬﺎ ﻟﺤﺪ ﻣﺘﺤﺒﻨﻲ ﻭﺍﺧﺬ ﺍﻟﻠﻲ ﺍﺭﻳﺪﻩ ﻣﻨﻬﺎ ﻭﺍﺗﺮﻛﻬﺎ .. ﻣﻮ ﺑﻴﺪﻱ ﺍﺣﺐ ﺍﺧﺬ ﺍﻟﺒﻨﺎﺕ ﻭﺍﺧﻠﻴﻬﻦ ﻳﺘﻤﻨﻨﻲ ..
ﻣﻦ ﻃﻠﻌﺖ ﻣﻦ ﺑﻴﺖ ﺍﻟﺒﻨﻴﻪ ﺧﺎﺑﺮﺕ ﺑﺮﺍﺀ ﻣﺘﺮﺩ ﺍﻫﻮﻭﻭﻭ ﻫﺎﻱ ﺯﻋﻼﻧﻪ .. ﺍﺣﺴﻦ ﺷﻲ ﺍﺧﻠﻴﻬﺎ ﺗﺸﺘﻐﻞ ﻭﻳﻪ ﻋﻼﺀ ﻭﺍﻧﻲ ﺍﻋﺮﻑ ﺑﻌﺪﻳﻦ ﺷﻠﻮﻥ ﺍﺟﺮﺟﺮﻫﺎ
ﺭﺟﻌﻨﺎ ﻟﻠﺒﻴﺖ ﺩﺧﻠﺖ ﺳﺒﺤﺖ ﻭﻃﻠﻌﺖ ﻟﻐﺮﻓﺘﻲ ﺑﺎﻭﻋﺖ ﻟﻤﻮﺑﺎﻳﻠﻲ .. ﻟﻜﻴﺖ ﻳﺤﻴﻰ ﻣﺨﺎﺑﺮ 4 ﻣﺮﺍﺕ .. ﻋﻔﺘﻪ ..
ﺭﺣﺖ ﺩﺍ ﺍﻣﺸﻂ ﺷﻌﺮﻱ .. ﺩﻙ ﺍﻟﻔﻮﻥ .. ﺑﺎﻭﻋﺖ ﻳﺤﻴﻰ .. ﻋﻔﺘﻪ ﻳﺮﻥ .. ﺍﻧﻮﺏ ﻗﺒﻞ ﻟﻴﺴﺪ .. ﺭﻓﻌﺖ ﺧﻂ ..
ﻛﺎﻝ ﺣﺒﻴﺒﻲ ﺷﺒﻴﺞ ﻭﺍﻟﻠﻪ ﻣﻮ ﺍﺑﺎﻟﻲ ﻫﻴﻪ .. ﻛﺘﻠﻪ ﻫﻴﻪ ﻣﻨﻮ ﻫﻴﻪ .. ﻛﺎﻝ ﺍﻟﻠﻲ ﻟﺰﻛﺖ ﺑﻴﻪ .. ﻛﺘﻠﻪ ﻭﻣﻨﻮ ﻛﺎﻟﻚ ﺍﻫﺘﻤﻴﺖ .. ﻭﺑﻌﺪﻳﻦ ﺷﻬﻠﺘﺼﺮﻑ ﺍﻟﻠﻲ ﺍﺗﺼﺮﻓﺘﻪ
ﻳﺤﻴﻰ . ﺑﺮﺍﺀ ﺣﺒﻴﺒﻲ ﺗﺮﻩ ﻭﺍﻟﻠﻪ ﻣﻦ ﺣﺒﻲ ﺍﻟﺞ ﻫﻴﺞ ﺳﻮﻳﺖ ﻳﻌﻨﻲ ﺷﺴﻮﻱ ﻣﺘﻤﻜﻴﺠﻪ ﻭﺣﻠﻮﻩ ﻭﻛﺪﺍﻣﻲ ﻭﺍﻧﻲ ﺭﺟﺎﻝ ﻋﺰﺍﺑﻲ ﻣﺎﺍﺍﺍ ﺍﺻﺒﺮ ﻣﻮ ﺑﻴﺪﻱ
ﺑﺮﺍﺀ .. ﻟــ NO ـﺎ ﻭﺍﻟﻠﻪ ﺧﺎﻑ ﻣﺘﻘﺒﻞ ..
ﻳﺤﻴﻰ .. ﻋﻤﻲ ﺍﺳﻒ ﺑﻌﺪﻣﺎ ﺍﻟﺰﻣﺞ ﻗﺒﻠﺘﻲ
ﺑﺮﺍﺀ .. ﺍﺧﺬﺕ ﻧﻔﺲ ﻋﺎﻟﻲ
ﻳﺤﻴﻰ .. ﻫﻬﻬﻪ ﺍﺭﻭﺡ ﻓﺪﻭﻩ ﻟﻬﻞ ﻧﻔﺲ ..
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء