إنتقام امرأة الجزء السابع | النهاية
للكاتبة زينب حامد
🌿🌿
مرت الايام وصارت خطوبت حسن وخطيبته اسمهه روان كلهم حبوهه ال انا ماحبيتهه مو قصت جمال ﻻ هيه شكلهه مقبول وناعمه همين وصار العرس وبدت الدوامات وسجلت صيدﻻ واول يوم بالدوام جان حلو كلش اجواء جديده وحلو وصديقاتي وياي صفا طلعت دكتوره اختصاص جراحه طيبه مدرسه كيماء وسكينه مدرست عربي وساره مدرسه انكليزي كاعدين انا وصديقاتي بالكافتيره ورن الفون شفته رقم غريب غلست رن مره ثانيه رديت
زينب :الوو
........
منو
...........
مارد فصلت الخط
تعرفت على بنيه اسمهه حنين اختصاص علم نفس كولش حبابه وكالت انا مخطوبه وبس اعرس انتقل لغير مكان صار شهر على دوام وعرست حنين عزمتنه انا والبنات بس ماارحنه رن انامااشتهي اروح وطيبه رح تروح بست اقاربهه وساره حيدر ميخليهه تروح وصفا كالت عندي دراسه مااكدر اروح......
رجعت للبيت كلت ل ماما اريد اروح ل مول او سوك اريد اشتري مﻻبس للدوام وديني كالت انا مابيه اروح رحت ل حسن
زينب : حسوني وديني اشتري مﻻبس
حسن : خوش باجر اوديج
زينب : فدوووووه اروحلك
روان: هيي لتغازلينه هاذه حبيبي😒
حسن: ههههه
زينب : على عنادهه بست حسن وكتله ﻻتنسه باجر كال اوك
درست بس مارحت للدوام صار العصر لبست جينز وكذا😎😎😎😎
زينب : يله حسوني
روان : يمه يمه هاي شلابسه حبيبي شلون تخليهه هيجي تطلع ميصير من الناس عيب شيكولون اخت حسن مامحتشمه
زينب : حبي اهلي قابلين وبعدين لبسي مااشوف بي شي وانا مره متزوجه اخوي مالا علاقه بيه
روان: ي اشوف زوجج عايفج وكاعده هنا
زينب : مااعتقد انا كاعده ابيتج 😝
حسن: زينب روحي بدلي ملابسج
زينب : ماابدل
حسن : كتلج روحي بدلي
بابا: خير شبيكم شهل الصياح
حسن : بويه شوفهه شلابسه
بابا: شلابسه
حسن : كلهه خل تغير ملابسهه
بابا : شورهه بيد زوجهه بيك خير على مرتك موعلى اختك فاهم تاخذهه وانته ساكت فاهم 🤫🤭
زينب : بابا مااروح ويا انته اخذني
بابا : صبري خل ابدل ونروح
كلش انقهرت وضجت من حسن ﻻن صيح عليه كله بسبب روان رحت ويا بابا واسوكت وثاني يوم داومت ورجعت
ماما كلتلي عندج ضيف بالصاله كتلهه منو كالت دخلي وشوفي دخلت انا وملابس ملات الجوام جانن بنطرون وبدي جينز
دخلت وشفت 😟😟😟😟محمد
رئسا طلعت
بابا : بنيتي هوه حاي يرجعج وعلا شروطج يمشي
زينب : مااااااااااااااااااااااااااااااااااااااااارجع
بابا : بنيتي منو الج غير زوجج ﻻانا وﻻ امج دايميلج وشفتي حسن بكلمه من روان شسوه
زينب : كلوله خل يروح مااااااااااااااااااااااااااااااااااااااااارجع مستحيييييل
بابا : اش وﻻ كلمه ترجعين غصبن عليج🤫
زينب : بابااااااااااااماااريد مااريد مااريد😞😞
🌿🌿
زينب : ماما احجي ويا بابا كليله مااريد ارجع
ماما : يا ماما شلون تظلين هيج معلكه ﻻمطلكه وﻻبيت زوجج مادام اجه روحي ويا
زينب : ماما هالكثر متثاكلين مني
ماما : ﻻ تعاي خل احجي وياج وين رايحه
زينب : رحت للصاله وانا دمي فاير
زينب : طلكني مااااااااااااااااارجع وياك فاهم
محمد: شلونج شخبارج
زينب : اطلع بره البيت رجعه ماارجع طلكني
بابا : سامحني هسه هيه معصبه هسه شويه تهداء وتروح وياك
زينب : بابا انته شدتحجي كتلك مااروح ويا خلي يطلكني
محمد : الطﻻق تنسينه مااطلكج وهسه ترجعين وياي..........
اجت امي اخذتني لغرفتي وظلت تلم مﻻبسي
زينب : ماما والله مااريد ارجع😢
بهل اثناء دخل علينه بابا
بابا : يااما ترجعين ويا زوجج لو تظلين عدنه
زينب : بابا اظل عدكم
بابا : بس بشرط دوام ماكوووووووو
زينب : ﻻبابا ﻻﻻﻻﻻﻻﻻ 😭😭😭😭
بابا فدوره اروحلك مااريد ارجع لتسوي هيج
بابا : يله شنو قرارج
زينب : ارجع ويا (( اوف رح ارجع للضيم))
صعدت للسياره وهو طول الطريق يغني 😏😒
وصلنه نزلت سلمن عليه البنات وانطني مفتاح غرفتي صعدت اريد افتح بابا الغرفه طلعت حنين من الغرفه يلي صف غرفتي ﻻبسه دراعه ومتمكيجه وشعرهه مفتوح وطكطك بالعلج
زينب : حنين شجابج هناااااااا
حنين : هاذه بيتي
زينب :شتقصدين
حنين: انا زوجت محمد
زينب : 😱😱😱 شكد مااكول انصدمت مارح اوصفلكم شكد انصدمت يعني مزوج علي الله واكبر علي هاي الثانيه ياخذهه عليه
صعد محمد لزم ايد حنين وحنين شبكته كلتلهه الحمدالله على سلامتك حبيبي شتاقيتلك حيل محمد كلهه انا اكثر مشتاقلج وضحكو اثنينهم
محمد : اوو نسيتج
اوكفي خل اعرفج على حبيبتي وزوجتي حنين
زينب :انا عفته ودخلت للغرفه وشكد ماانقهرت واستفزني بدي اكسر كلشي حطيت مﻻبسي بالكنتور ومسحت الغرفه وبدلت غطه الجربايه ((السرير )) ودخلت اسبح لبست بنطرون جينز قصير كلش و بدي لون بيجي بالظهر بي فتحه ومن كدام الصدر هم بي فتحه كولش حلوشسورت شعري فتحت الثلاجه كلشي مابيهه نزلت جوه فتحت الثلاجه اخذت بطلين ماي واكو قطع كيك ونستله وصعدت بصعدتي طلع محمد من غرفت حنين ومن شافني ظل يصفر 😌😐
عفته ودخلت للغرفه كعدت ونسيت اقفل الباب كمت اقفله ودخل محمد
🌿🌿
ودخل محمد
محمد : شلونج ياحلوه
زينب :😒
محمد : ضايجه من حنين حبيبتي وزوجتي🙃
زينب : انا اضوج ﻻ وانوب على منو عليك هيي هيي (( ادري بي يحجي هيج علمود يستفزني ))
اجه شبكني حيل حسيت روحي رح تطلع اريد ابعده مااكد بهل اثناء انفتح الباب
حنين : حبيبي وينك
زينب : دفعت محمد عليهه وكتله اخذي البقايه حياتي وشغله ثانيه منا ورايح مامسموحلج تدخلين غرفتي فاهمه وهسه يله طلعي انتي وهاذه حبيبج🙃🙃
محمد ؛ اخ منج يا حلوه يوم عن يوم تصيرين احلا واحلا
زينب : طلعو وبديت ادرس ساعه2 بالليل نزلت رحت للبنات لكيت بس فاطمه كاعده مريم نايمه
زينب : شكو ماااا كو
فاطمه : رح يجي وسام يتقدملي بس انا رفضه ﻻن اهلي صالهم سنه بس من توفو
زينب : ااوكفي من يمتى هاذه الحجي سولفيلي كلشي
فاطمه : تعرفت علي من وفات اهلي من جنت اروح مدرسه واجه اعترفلي يحبني وظلينه على تواصل وانا حبيته كلش عمره 20 وحلوه كولش وهوه يريد يجي يتقدملي
زينب : ياعمري شتنتضرين خل يجي يتقدملج
فاطمه : اوك اخابره باجر واكلهه يجي
فاطمه : زينب ياحياتي ترى محمد يحبج وهوه سوه هيج علمود تتحرك مشاعرج وتحنين ترى هوه هم اتاذى
زينب : خل نسد هاي السالف ﻻن الحجي مامنه فايده وكومي نامي انا رايحه للمطبخ ﻻن جوعانه كلش
فاطمه : انا هم جوعانه
زينب : لعد امشي للمطبخ
زينب : رحنه للمطبخ اكو نوتيلا 🤤🤤 وتوست كعدنه اكلنه وهيه راحت للغرفه وانا صعدت للغرفتي دخلت فتحت شعري ولبست نظاراتي واخذت ﻻب توب كعدت ع الجربايه ((سرير)) عندي بحث ﻻزم اكمله قبل باجر كعدت ابحث واكتب دخل علي محمد
زينب : شكو داخل
محمد : هاي غرفتي مثل ماهيه غرفتج
زينب : راد يبوسني ع شفتي دفعته / محمد وخر عني واطلع من الغرفه
محمد : مو بكيفج
زينب : زين اسبح وتعال نام على الارض وانا على الجربايه (( سرير ))
محمد :: اوك
راح محمد سبح واجه نام ع يمي كتله انزل ع الارض ماقبل نام وانا ظليت ادرس محسيت ع روحي يمتى نمت
محمد : سويت روحي نايم وهيه ظلت تدرس هيه وجاي تدرس نامت شكلهه يجنن اخذتلهه صور بفوني '(( وره ماراحت زينب كلش تاذيت وبالصدفه انا واسوق سويت حادث ودعمت بنيه وديتهه مستشفى وادو اهلهه ومااشتكو علي كالو قدر ويلي صار صار ظليت تقرييا شهر امر على البنيه اسمها حنين عمرهه 19 مرحله اولى علم نفس هسه اكبر من زينب بسنتين2 صرنه اصدقاء انا وياهه بعدين عترفتلي تحبني كتلهه انا مزوج كالت اقبل انا تذكرت شلون رفضتني زينب من كتلهه احبج حسيت باالم هاذه الشي بلا وعي وبتهور رحت وتزوجتهه بعدين حنين كلش ل زينب وقررت ارجعهه))
زينب : كعدت الصبح بدلت محمد كال انا اوصلج
نزلت كعدت البنات وكتلهم يله بدلو كملنه وصعدنه انا وفاطمه ومريم وره وحنين كدام😒🤨
وصلنه حنين باست محمد من خده عشتو مال رومانسيات😒😒😒
كملنه دوام واتعرفت على بنات اجه ولد كةلش حلووووو يعني صاك يخبل كال ممكن نتعرف انتي طالبه جديده كتله ي كال انا اسمي كيان مرحله ثانيه صيدﻻ كتله انا زينب مرحله اولى صيدﻻ كال تشرفت كتله عن اذنك كملنه دوام واجه علينه محمد اول مانزل شبكته حنين 😒👏👐 وصلنه للبيت سبحت والبنات سبحن ونزلت اتغده لكيتهم كلهم كاعدين على الطاوله ياكلون كعدت كلت ل فاطمه صبيلي اكل كالت من عيني
محمد : شلون يومكم
فاطمه : حلو
مريم : تمام
حنين : كملت محاضراتي وطلعت للكفتيريا بطريقي شفت زينب جاي تحجي ويا هاذه الصاك كيان انوب انته اجيت هاذه يومي كامل
محمد ::👿👿زينب يا ولد شنو فلمه هاذه
زينب : ................بلا رد
محمد : مو جاي احجي وياك
زينب : اخذت صحني غسلته وهوه يصيح عفته اريد اروح لغرفتي جان يجر ايدي
محمد ؛ منووووهاذه
زينب : مالك علاقه بيه وعفته وركضت لغرفتي وهوه يركض زوراي والبنات يصيحن عوفهه يمكن سويت الدرج خطوتين 😂 صعدت وقفلت الباب مر اليوم كله مانزلت من الغرفه صار ثاني يوم رحت دوام ومشت الايام احس محمد صاير ادمي وياي اسلوبه شقاه وياي يحاول دائما يحاجيني ماتقربلي ابد وﻻ ضايقني
🌿🌿
يوم الجمعه اخذه حنين وداهه بيت اهلهه وانا رحت يم البنات هاي الليله ليلت عيد زواجنه سنه اوف بس شنو من سنه صار ساعه 1 صعدت لغرفتي فتحت الباب الغرفه كلها مزينه ووكيكه وصندوق كبير ونفاخات وورد
محمد : عيد زواج سعيد
زينب : محمد جر ايدي وقطعنه الكيك وكلني ووكلته وكلالي هاي الج فتخي فتحته بيهه صورتي وصورته وكﻻده ذهب محفور عليهه اسمي بالانكليزي وبدي مطبوع علي اسمي ومكتوب بي زينب ياحلوه ويمه كلب وحرفي منحوت وبي اضائه يعني فدشي خرافي
اخذني محمد شبكني وكلي احبج ورح اعوضج على كلشي وبده يبوسني وعشت اخﻻ لحضات حياتي ويا
بعد مرور 3 سنوات
صار عندي بنوته حلوه عمرهه 2 اسمهه ود و خنين ظلت على ذمت محمد بس عقيم متكدر تحمل والبنات تزوجو وانا بقالي 2 واتخرج صح تصسر مشاكل بيني وبين محمد يس نحلهه بالتفاهم ومحمد يريد يطلك حنين بس انا مااخلي مرات اتذكر علي احن اله بس مو بذيج اللهفه ﻻ ﻻن صار حبيبي محمد🙈❤️😍
لهنا وانتهت القصه اتمنه تعجبكم // زينب حامد ❤️
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء