رواية انقذني ايها الغريب ج2 الجزء الثامن
للكاتبة حنين حاتم
🔵🔵
ﺻﻌﺪﺕ ﻟﻠﻐﺮﻓﺔ ﻭﺻﻠﺖ ﻟﻠﺒﺎﺏ ﻓﺘﺤﺘﺔ
ﺍﻟﻐﺮﻓﺔ ﻛﻠﺸﻲ ﻣﺎﺑﻴﻬﺔ ﻋﻠﺔ ﺣﻄﺔ ﺍﻳﺪﻱ ﻧﻀﻴﻔﺔ ﻭﻣﺜﻞ ﺍﻟﻮﺭﺩ
ﻣﻌﻘﻮﻟﺔ ﻭﺍﺣﺪ ﻣﻦ ﺍﻟﻮﻟﺪ ﻧﺎﺻﺐ ﻋﻠﻴﺔ
ﻧﺰﻟﺖ ﻭﺻﻠﺖ ﻟﻠﻤﻄﺒﺦ ﻟﻜﻴﺖ ﺍﻡ ﺗﻘﻰ ﻭﻭﻳﺎﻫﺔ ﻣﺮﻳﺔ ﻛﺮﺍﻳﺐ ﺍﻣﻲ ﻛﺎﻋﺪﺍﺕ ﻳﺴﻮﻟﻔﻦ
ﺷﺎﻓﺘﻨﻲ ﺟﺎﻥ ﺗﻜﻮﻟﻲ
ﺷﺒﻴﻚ ﺧﺎﻟﺔ ﻭﺟﻬﻚ ﻣﺨﻄﻮﻑ
ﻻﻣﺎﺑﻴﺔ ﺷﻲ
ﻫﺎﻙ ﺍﻣﻴﺔ ﺍﺷﺮﺏ ﻻﺧﺎﻟﺔ ﻣﺎﻋﻄﺸﺎﻥ
ﺟﺎﻥ ﻛﺪﺍﻣﻬﻦ ﺑﻄﻞ ﻋﺼﻴﺮ ﻭﻛﻼﺻﺎﺕ ﻳﺸﺮﺏ ﺑﻴﻬﻦ ﻛﺎﻣﺖ ﺩﺍﺭﺕ ﻣﻦ ﻟﺒﻄﻞ ﺑﻜﻼﺹ ﻧﻀﻴﻒ
ﺟﺎﻱ ﺍﻃﻠﻊ ﻛﻠﺘﻠﻲ
ﻫﺎﻙ ﺧﺎﻻﺗﻲ ﺣﻠﻲ ﺣﻠﻜﻚ
ﺍﺧﺬﺗﺔ ﻣﻨﻬﺔ ﺷﺮﺑﺘﺔ ﺟﺮﺓ ﻭﺣﺪﺓ ﻭﻧﻄﻴﺘﻬﺔ ﺍﻟﻜﻼﺹ
ﺍﺭﻳﺪ ﺍﻃﻠﻊ ﺳﻤﻌﺖ ﺻﻮﺕ ﺻﺮﺧﺔ ﻣﺮﻳﺔ ﻛﻠﺶ ﻗﻮﻱ ﻣﻦ ﻓﻮﻙ
ﻭﻓﻮﻙ ﻣﺎﻛﻮ ﻏﻴﺮ ﻏﺮﻓﺘﻲ ﻭﺻﺎﻟﺔ
ﺭﻛﻀﺖ ﺍﺭﻳﺪ ﺍﺷﻮﻑ ﺷﻜﻮ ﻭﺍﻡ ﺗﻘﻰ ﻭﻟﻤﺮﻳﺔ ﻫﻢ ﻧﻬﺒﻄﻦ ﻭﺭﻛﻀﻦ ﻭﻳﺎﻱ ﺑﻌﺪﻧﻲ ﺍﻣﺸﻲ ﻋﻠﺪﺭﺝ ﺣﺴﻴﺖ ﺭﺟﻠﻴﺔ ﺛﻜﻠﻦ ﻛﻠﺶ ﻭ ﻛﻤﺖ ﺍﺣﺲ ﺑﺪﻭﺧﺔ ﻣﻮﻃﺒﻴﻌﻴﺔ ﺍﺭﻳﺪ ﺍﺳﻨﺪ ﺭﻭﺣﻲ ﻣﻮﻛﺎﺩﺭ
ﻛﻤﺖ ﺍﺷﻮﻑ ﻟﻤﻜﺎﻥ ﻳﺘﺤﺮﻙ ﻭﻛﻮﺓ ﻭﺻﻠﺖ ﻟﻠﻐﺮﻓﺔ ﻭﺍﻡ ﺗﻘﻰ ﻛﻠﺴﺎ ﺗﻜﻠﻲ ﺷﺒﻴﻚ ﺧﺎﻟﺔ ﺩﺧﺖ
ﻭﺻﻠﺖ ﻟﻠﻐﺮﻓﺔ ﻭﻫﻨﺔ ﺿﻠﻦ ﻭﺭﺍﻱ ﺑﻠﺼﺎﻟﺔ ﺑﺤﻜﻢ ﺍﻧﻮ ﻟﻐﺮﻓﺔ ﻏﺮﻓﺘﻲ ﻭﻳﺴﺘﺤﻦ ﻳﺘﺎﻧﻨﻲ ﺍﺩﺧﻞ ﻳﻠﻠﻪ
ﻓﺘﺤﺖ ﻟﺒﺎﺏ ﺍﺭﻳﺪ ﺍﺷﻮﻑ ﺷﻨﻮ ﻛﺒﺎﻟﻲ ﻣﻮﻛﺎﺩﺭ ﻋﻴﻮﻧﻲ ﻏﻮﺷﻦ ﻭﻛﺎﻣﻦ ﻳﻐﻤﻀﻦ ﻣﻦ ﻭﺣﺪﻫﻦ ﺑﺲ ﺗﺮﺍﻭﺍﻟﻲ ﺷﻔﺖ ﺗﻘﻰ ﻣﺎﺩﺭﻱ ﺻﺪﻙ ﺷﻔﺘﻬﺔ ﻟﻮ ﻷﻥ ﺩﺍﻳﺦ ﺗﺪﻧﻴﺖ ﻋﻠﻜﺮﺳﻲ ﺍﺭﻳﺪ ﺍﻛﻌﺪ ﻋﻠﻲ
ﺑﺲ ﺗﻨﺎﻭﺷﺘﺔ ﺑﻴﺪﻱ ﻭﻛﻌﺖ ﺑﻠﻜﺎﻉ ﻭﺑﻌﺪ ﻣﺎﺣﺴﻴﺖ ﺑﺸﻲ
ﺍﺳﻤﻊ ﺻﻮﺕ ﻧﺎﺱ ﺑﺤﺠﻮﻥ ﻳﻤﻲ ﻭﺍﺣﺲ ﺑﻠﻤﺴﺎﺕ ﺍﺩﻳﻦ ﻋﻠﺔ ﺟﺴﻤﻲ ﺑﺲ ﻣﻮﺑﻮﻋﻴﻲ ﻭﻳﺘﺮﺍﻭﺍﻟﻲ ﺣﻠﻢ ﻣﺎﺩﺭﻱ ﺷﻜﺪ ﻧﻤﺖ ﺑﻠﻀﺒﻂ
ﺑﺲ ﻭﺍﻧﻲ ﻧﺎﻳﻢ ﺳﻤﻌﺖ ﺻﻮﺕ ﻟﻜﻨﺘﻮﺭ ﻭﺣﺮﻛﺔ ﻗﻮﻳﺔ ﺑﻠﻐﺮﻓﺔ ﻛﺄﻧﻤﺎ ﺍﺣﺪ ﻳﺘﻌﻤﺪ ﻳﻄﻠﻊ ﺻﻮﺕ ﺣﺘﺔ ﺍﻛﻌﺪ ﻓﺘﺤﺖ ﻋﻴﻮﻧﻲ ﺑﻠﻜﻮﺓ
ﺷﻔﺖ ﻟﻴﻠﻰ ﺍﺭﻳﺪ ﺍﺣﺠﻲ ﺍﺭﻳﺪ ﺍﺻﺤﺼﺢ ﻭﺍﺣﺎﺟﻴﻬﺔ ﻣﻮﻛﺎﺩﺭ ﻋﺒﺎﻟﻚ ﺷﺎﺭﺏ ﺷﻲ ﺭﺃﺳﻦ ﺭﺟﻌﺖ ﻛﻤﻠﺖ ﻧﻮﻣﺘﻲ
ﻛﻌﺪﺕ ﻟﺼﺒﺢ ﻋﻠﺔ ﺻﻴﺎﺡ ﺍﻣﻲ ﻭﺻﺮﺍﺥ ﺧﺎﻟﺔ ﻟﻴﻠﻰ ﻓﺘﺤﺖ ﻋﻴﻮﻧﻲ ﺑﻠﻤﻌﺠﺰﺓ
ﺍﻣﻲ ﻣﺴﺒﺤﺘﻨﻲ ﺑﻠﻤﺎﻱ ﺣﺘﺔ ﺍﻛﻌﺪ ﻛﻤﺖ ﻋﻠﺔ ﺣﻴﻠﻲ ﻣﺨﺮﻭﻉ ﻣﻼﺑﺴﻲ ﻳﻨﻜﻄﻦ ﻣﺎﻱ
ﻫﺎ ﻳﻤﺔ ﺧﻴﺮ ﺷﻜﻮ
ﺍﺷﺮﺗﻠﻲ ﻋﻠﻤﺮﺍﻳﺔ
ﻛﻤﺖ ﻋﻠﺔ ﺣﻴﻠﻲ ﻭﺍﻓﺮﻙ ﺑﻌﻴﻮﻧﻲ ﺭﺣﺖ ﻳﻤﻬﺔ ﻣﻜﺘﻮﺏ ﺑﻴﻬﺔ ﻛﺘﺎﺑﺔ ﻛﻮﺓ ﻛﺪﺭﺕ ﺍﻗﺮﺍﻫﺔ ﻣﻦ ﻟﻨﻌﺎﺱ ﻭﻭﺟﻊ ﺭﺍﺳﻲ ﻭﻟﺪﻭﺧﺔ
ﻫﺎﻱ ﺷﻨﻮ ﻣﻨﻮ ﻛﺎﺗﺒﻬﺔ
ﻟﻴﻠﻰ
ﻟﻴﺶ ﻛﺎﺗﺒﺔ ﻫﻴﺞ ﻭﻳﻨﻬﺔ ﻫﻴﺔ
ﻣﺎﻧﺪﺭﻱ ﻛﻌﺪﻧﺔ ﻣﺎﻟﻜﻴﻨﺎﻫﺔ ﺑﻠﺒﻴﺖ
ﻳﺎ ﻳﻤﺔ ﺩﻭﺭﻳﻬﺔ ﺧﺎﻑ ﺑﻠﺤﻤﺎﻡ ﺷﻮ ﻭﻳﻦ ﻻﺗﺨﺒﻠﻴﻨﻲ
ﻣﺎﺧﻠﻴﻨﺔ ﻣﻜﺎﻥ ﻳﻌﺘﺐ ﺣﺘﺔ ﺑﻠﻤﻨﻄﻘﺔ ﻋﻤﺎﺭ ﺭﺍﺡ ﻓﺘﺮ ﻭﺍﻧﺘﺘﺔﻋﺒﺎﻟﻚ ﻣﻴﺖ ﺍﻟﻲ ﻧﺺ ﺳﺎﻋﺔ ﺍﻓﺰﺯ ﺑﻴﻚ ﺟﺮﻳﺖ ﺗﻠﻔﻮﻧﻲ ﺍﺭﻳﺪ ﺍﺩﻙ ﻋﻠﻴﻬﺔ
ﻟﺘﺘﻌﺐ ﺭﻭﺣﻚ ﻫﺎﺫ ﻣﺒﺎﻳﻠﻬﺔ
ﻭﻳﻦ ﻋﻤﺎﺭ
ﺟﻮﺓ
ﺭﻛﻀﺖ ﺍﺧﺬﺕ ﻟﺴﻮﻳﺞ ﻭﺣﺘﺔ ﺑﺪﻭﻥ ﻣﺎﺍﻏﺴﻞ ﻭﺟﻬﻲ ﺭﻛﻀﺖ ﺍﺧﺬﺕ ﻋﻤﺎﺭ ﻭﺭﻛﺒﺖ ﻟﺴﻴﺎﺭﺓ ﻭﺑﻮﺟﻬﻲ ﻟﺒﻴﺖ ﻓﺎﻃﻤﺔ
ﻓﺘﺤﻠﻲ ﻟﺒﺎﺏ ﻭﻟﺪ ﺍﺑﻦ ﺍﺧﺘﻬﺔ ﻟﻔﺎﻃﻤﺔ ﻃﺒﻴﺖ ﻟﻠﺒﻴﺖ ﻟﻜﻴﺖ ﺧﻠﻴﻞ ﺟﺎﻱ ﻳﺘﺮﻳﻚ ﺭﻛﻀﺖ ﻓﺘﺮﻳﺖ ﻟﺒﻴﺖ ﻛﻠﺔ ﻓﺘﺸﺘﺔ ﻏﺮﻓﺔ ﻏﺮﻓﺔ ﻭﺧﻠﻴﻞ ﻛﺎﻡ ﻳﻠﻄﻢ ﻣﻦ ﺣﺠﺎﻟﺔ ﻋﻤﺎﺭ ﻭﻓﺎﻃﻤﺔ ﺗﺮﻛﺾ ﻭﺭﺍﻱ ﺗﻜﻠﻲ ﻣﻮﻛﺘﻠﻚ ﺩﺍﻳﺤﺔ ﻭﻋﺪﻫﺔ ﻭﺍﺣﺪ ﺷﻜﺪ ﺣﺬﺭﺗﻚ ﺗﺴﺘﺎﻫﻞ ﻳﻄﺒﻚ ﻣﺮﺽ
ﻛﻮﺓ ﺗﻤﺎﻟﻜﺖ ﺍﻋﺼﺎﺑﻲ ﺍﻟﺔ ﺷﻮﻳﺔ ﺟﺎﻥ ﻟﻄﺨﺘﻬﺔ ﺑﻠﺤﺎﻳﻂ
ﻃﻠﻌﻨﺔ ﻣﻦ ﻟﺒﻴﺖ ﻭﺑﻮﺟﻬﻲ ﻓﺮﻳﺖ ﺍﻟﻤﺴﺘﺸﻔﻴﺎﺕ ﺍﻟﺸﻮﺍﺭﻉ ﺍﻟﺤﺪﺍﻳﻖ ﺍﻟﻌﺎﻣﺔ ﺭﺣﺖ ﻟﻠﻜﺎﺿﻢ ﺻﺤﺖ ﺍﺳﻤﻬﺔ ﻣﺎﺧﻠﻴﺖ ﻣﻜﺎﻥ ﺑﺒﻐﺪﺍﺩ ﻳﻌﺘﺐ ﻋﻠﻴﺔ ﺏ 11 ﺑﻠﻴﻞ ﺭﺟﻌﺖ ﻟﻠﺒﻴﺖ ﻃﺒﻌﺎ ﻋﻤﺎﺭ ﻋﺎﻓﻨﻲ ﻭﺭﺟﻊ ﻣﻦ ﻟﺼﺒﺢ ﺑﺘﻜﺴﻲ
ﻃﺒﻴﺖ ﻛﻮﺓ ﺍﻣﺸﻲ ﺍﺭﻳﺪ ﺍﺗﻨﻔﺲ ﻣﺎﺍﻛﺪﺭ ﺷﻨﻮ ﻟﺼﺎﺭ ﻭﻟﻴﺶ ﺍﺭﻳﺪ ﺍﺣﺪ ﻳﻜﻠﻲ ﺍﻟﺤﺠﻲ ﺍﻟﻲ ﻋﻠﻤﺮﺍﻳﺔ ﺷﻨﻮ ﻣﻌﻨﺎ ﺭﺩﺕ ﺍﺗﺨﺒﻞ
ﻟﻌﺮﺱ ﻧﻠﻐﺔ ﻭﻋﻤﺎﺭ ﺍﺧﺬ ﺳﻜﻴﻨﺔ ﺑﺪﻭﻥ ﻻﺯﻓﺔ ﻭﻻﺷﻲ ﻭﺍﻧﻲ ﻛﺎﻋﺪ ﻭﺻﺎﻓﻦ ﺷﺴﻮﻱ ﻭﻳﻦ ﺍﺭﻭﺡ ﺍﺳﺄﻟﻤﻦ ﻋﻠﻴﻬﺔ ﻭﻫﻴﺔ ﻻﺗﻨﺪﻝ ﻭﻻﺗﻌﺮﻑ ﺑﺸﺮ ﻟﻠﺼﺒﺢ ﻣﺎﻧﻤﺖ
ﺛﺎﻧﻲ ﻳﻮﻡ ﻫﻢ ﺍﺧﺬﺕ ﻟﺴﻴﺎﺭﺓ ﺑﺪﻭﻥ ﻻ ﺍﻛﻞ ﻻﺳﺒﺢ ﻃﻠﻌﺖ ﻓﺮﻳﺖ ﺑﻐﺪﺍﺩ ﻛﻠﻬﺔ ﺣﺘﺔ ﻣﻨﺎﻃﻖ ﻟﺘﺠﺎﻭﺯ ﻭﻟﻌﺸﻮﺍﺋﻴﺎﺕ ﻫﻢ ﺭﺣﺘﻠﻬﻦ ﺍﻓﺘﺮ ﺑﻠﺴﻴﺎﺭﺓ ﻭﺍﺑﺠﻲ ﻭﺍﻋﺎﺗﺒﻬﺔ ﺑﻴﻨﻲ ﻭﺑﻴﻦ ﺭﻭﺣﻲ
ﻟﻴﺶ ﻫﻴﺞ ﺗﺴﻮﻳﻦ ﺑﻴﺔ ﻭﻟﺞ ﺑﺎﻟﻲ ﻛﻠﺔ ﻳﻤﺞ ﻭﻣﺎﺿﻞ ﻋﻘﻞ ﺑﺮﺍﺳﻲ
ﺭﺟﻌﻲ ﻟﻴﻠﻰ ﻓﺪﻭﺓ ﺭﺟﻌﻲ ﺭﺍﺡ ﺍﻣﻮﺕ
ﺳﺎﻋﺔ ﺑﻠﻮﺣﺪﺓ ﻭﺍﻧﻲ ﺑﻠﺸﺎﺭﻉ ﺣﺘﺔ ﻣﺎﺍﺩﺭﻱ ﺑﻴﺎﻣﻨﻄﻘﺔ ﻣﻦ ﻛﺜﺮ ﻣﺎﺩﺍﻳﺦ ﻣﻦ ﻟﻔﺮ ﺩﻙ ﺗﻠﻔﻮﻧﻲ ﺭﺳﺎﺋﻞ ﻣﺎﺳﻨﺠﺮ ﻣﻦ ﺣﺴﺎﺏ ﻏﺮﻳﺐ
ﻓﺘﺤﺘﺔ ﺻﻮﺭ ﺑﻴﻬﻦ ﺍﻧﻲ ﻭﻭﺣﺪﺓ ﻣﺼﺎﻟﻴﺦ ﺛﻨﻴﻨﺔ ﻭﻟﻮﺣﺪﺓ ﻣﻨﺰﻟﺔ ﺷﻌﺮﻫﺔ ﻋﻠﺔ ﻭﺟﻬﺔ ﻭﻣﺎﻣﺒﻴﻦ ﺷﻜﻠﻬﺔ ﺑﺲ ﺭﻛﺒﺘﻬﺔ ﻭﺻﺪﺭﻫﺔ ﻃﺎﻟﻊ ﻭﺍﻧﻲ ﻧﺎﻳﻢ ﺑﺤﻀﻨﻬﺔ
ﺑﻌﺪﻧﻲ ﺍﺭﻳﺪ ﺍﺗﺼﻞ ﻋﻠﺮﻗﻢ ﻃﻠﻌﻠﻲ ﻻﻳﻤﻜﻨﻚ ﺍﻟﺮﺩ ﻋﻠﻰ ﻫﺬﻩ ﺍﻟﻤﺤﺎﺩﺛﺔ
ﻣﺎﻛﻮ ﻏﻴﺮ ﺗﻘﻰ ﻫﻴﺔ ﻫﻮﺍﻱ ﻫﺪﺩﺗﻨﻲ ﺑﺲ ﺷﺮﻳﺪ ﺍﺳﻮﻱ ﺍﻱ ﺩﻟﻴﻞ ﻣﺎﻋﻨﺪﻱ ﻭﻣﺎﻛﻮ ﻛﺪﺍﻣﻲ ﻏﻴﺮ ﺍﺭﺟﻊ ﻟﻠﺒﻴﺖ ﻭﺍﺗﺎﻧﻲ ﺑﻠﻜﻲ ﺍﻟﻠﻪ ﻳﻬﺪﻱ ﻟﻴﻠﻰ ﻭﺗﺮﺟﻊ ﻫﻴﺔ ﺗﺨﺎﻑ ﺗﻄﻠﻊ ﻟﻮﺣﺪﻫﺔ
ﻫﻴﺔ ﺗﺤﺒﻨﻲ ﻭﻣﺴﺘﺤﻴﻞ ﺗﻌﻮﻓﻨﻲ
ﺍﻛﻴﺪ ﻟﻴﻮﻡ ﺭﺍﺡ ﺗﺠﻲ
ﺍﻛﻴﺪ ﻫﺎﻱ ﻫﻴﺔ ﺍﻟﻲ ﺩﺗﺪﻙ ﺑﺎﺏ ﻟﺸﺎﺭﻉ
4 ﺳﻨﻴﻦ ﻭﺍﻧﻲ ﺍﺿﺤﻚ ﻋﻠﺔ ﺭﻭﺣﻲ ﺑﺬﻧﻲ ﻟﻜﻠﻤﺎﺕ ﻭﺍﻛﻮﻝ ﻟﻴﻠﻰ ﻣﺎﺗﻌﻮﻓﻨﻲ ﻟﻴﻠﻰ ﺗﺤﺪﺕ ﺍﻟﻜﻞ ﻋﻠﻤﻮﺩﻱ ﻭﻣﺎﻣﺮﺓ ﺩﻙ ﺗﻠﻔﻮﻧﻲ ﺭﻗﻢ ﻏﺮﻳﺐ ﺍﻟﺔ ﻭﻛﻠﺖ ﻫﺎﻱ ﻟﻴﻠﻰ ﻭﺍﻧﺘﻬﻲ ﺑﻬﺎﻱ ﺍﻟﺤﻀﺎﺕ ﺍﻣﻮﺕ ﺍﻟﻒ ﻣﻮﺗﺔ ﻟﺤﺪ ﻣﺎﺍﺭﺩ ﻋﻠﺘﻠﻔﻮﻥ ﻭﺗﻄﻠﻊ ﻣﻮ ﻟﻴﻠﻰ
ﻭﻳﺮﺟﻊ ﺷﻌﻮﺭ ﺍﻟﻴﺄﺱ ﻳﺘﻤﻠﻜﻨﻲ ﻭﺍﺭﺟﻊ ﻟﺤﺰﻧﻲ
ﻟﻴﻠﻰ ﻣﻼﻛﻲ ﺍﻟﻲ ﻣﺎﻓﺎﺭﻙ ﺭﻭﺣﻲ ﻟﺤﻀﺔ ﻭﻛﻠﻤﺎ ﺍﺩﺧﻞ ﻟﻠﻤﺴﺘﺸﻔﻰ ﻟﻮ ﺣﺪﻳﻘﺔ ﻟﻮ ﻣﻜﺎﻥ ﻋﺎﻡ ﺍﺿﻞ ﺍﺑﺎﻭﻉ ﺑﻠﻮﺟﻮﻩ ﻋﺴﻰ ﻭﻟﻌﻞ ﺍﻟﻤﺤﻬﺔ
ﻭﻣﺎﺑﻄﻠﺖ ﺍﺩﻭﺭ ﻋﻠﻴﻬﺔ ﻣﺴﺘﺸﻔﻴﺎﺕ ﺑﻐﺪﺍﺩ ﺻﻔﻴﺘﻬﻦ ﻋﻠﺔ ﺍﻳﺪﻱ ﻭﺣﺘﺔ ﻟﻠﻤﺮﺍﻛﺰ ﻫﻢ ﺭﺣﺖ
ﻭﻳﻮﻣﻴﺔ ﻣﺨﺼﺺ ﺳﺎﻋﺘﻴﻦ ﻣﻦ ﻭﻗﺘﻲ ﺍﻟﻬﺔ ﻣﻦ ﺍﺭﺟﻊ ﻣﻦ ﺍﺩﻭﺍﻡ ﺍﻓﺘﺮ ﺑﻠﺸﺎﺭﻉ ﻭﺍﺩﻭﺭﻫﺔ ﺭﻭﺣﻲ ﺑﻴﻬﺔ ﻭﻣﺎﺍﻛﺪﺭ ﺍﻧﺴﺎﻫﺔ ﻭﺍﻋﻴﺶ ﺣﻴﺎﺗﻲ
ﺭﺳﻤﺖ ﻭﻳﺎﻫﺔ ﺍﺣﻼﻡ ﺣﻠﻮﺓ ﺟﻨﺖ ﺭﺍﻳﺪ ﺍﻋﻮﺿﻬﺔ ﻋﻦ ﻛﻞ ﺣﺰﻧﻬﺔ ﻭﺣﺮﻣﺎﻧﻬﺔ ﺑﺲ ﻟﻸﺳﻒ ﺿﻔﺘﻠﻬﺔ ﺣﺰﻥ ﻭﻫﻢ ﻓﻮﻙ ﻫﻤﻬﺔ
ﻟﻴﻠﻰ ﻳﺎ ﻟﻴﻠﺔ ﻋﻤﺮﻱ ﺍﻟﻲ ﺗﻤﻨﻴﺘﻬﺔ ﻭﻧﺤﺮﻣﺖ ﻣﻨﻬﺔ ﺍﻟﻠﻪ ﻻ ﻳﻮﻓﻘﺞ ﺗﻘﻰ ﻭﻻﻳﻮﻓﻘﻨﻲ ﻷﻥ ﺣﺒﻴﺘﺞ
ﺍﺍﺍﺍﺥ ﻳﺎﻟﻴﻠﻰ ﻳﺎﻏﺼﺔ ﺑﺤﻴﺎﺗﻲ ﺣﺘﺔ ﻟﻔﺮﺣﺔ ﻧﺴﻴﺘﻬﺔ ﻣﻦ ﻳﻮﻡ ﺧﺘﻔﺖ ﻭﻣﺎﺣﻀﺮﺕ ﻋﺮﺱ ﺍﺑﺪ
ﺍﺻﺪﻗﺎﺋﻲ ﻛﻠﻬﻢ ﺗﺰﻭﺟﻮ ﻭﻋﺰﻣﻮﻧﻲ ﺑﺲ ﻣﺎﺍﻛﺪﺭ ﺍﺭﻭﺡ ﻷﻥ ﻟﻴﻠﺔ ﺍﻟﺤﻨﺔ ﻟﺴﺎﻫﺔ ﻣﻄﺒﻮﻋﺔ ﺑﺨﻴﺎﻟﻲ ﻭﻛﻞ ﺍﺣﺪﺍﺛﻬﺔ ﻣﺘﻔﺎﺭﻛﻨﻲ ﺍﺑﺪ ﺍﺗﺬﻛﺮ ﻣﻼﻛﻲ ﺷﻠﻮﻥ ﺟﺎﻧﺖ ﻃﺎﻟﻌﺔ ﺍﺗﺬﻛﺮ ﻟﻬﻔﺘﻲ ﻋﻠﻴﻬﺔ ﻭﻋﻠﺔ ﺟﻤﺎﻟﻬﺔ
🔵🔵
ﻟﻴﻠﻰ : ﺭﻓﻌﺖ ﺭﺍﺳﻲ ﺟﺎﻥ ﺍﺷﻮﻑ 😱
ﺳﻴﻒ ﻭﺍﻣﺔ ﻛﺎﻳﺪﻫﺔ ﺑﻴﺪﺓ
ﺿﻠﻴﺖ ﺻﺎﻓﻨﺔ ﻭﺭﺟﻌﺖ ﻟﺬﺍﻛﺮﺓ ﺑﻴﺔ ﻷﻳﺎﻡ ﻟﻀﻴﻢ
ﻣﺸﺎﻋﺮ ﻣﻀﻄﺮﺑﺔ ﻭﻟﺪﻣﻮﻉ ﻛﺘﻦ ﻋﻠﺔ ﻭﺟﻬﻲ ﻣﻄﺮ
ﻣﻌﻘﻮﻟﺔ ﻫﺎﻱ ﺻﺪﻓﺔ ﻟﻮ ﻫﺎﺫ ﻟﻘﺪﺭ ﺟﻤﻌﻨﻲ ﺑﻲ
ﺳﻴﻒ ﺍﺍﺍﺍﺍﺥ ﻳﺎﻏﺼﺔ ﻣﺎﺭﺍﺣﺖ ﻣﻨﻲ ﻟﻠﻴﻮﻡ
ﺷﻔﺖ ﻟﺤﺠﻴﺔ ﺍﻡ ﺳﻴﻒ ﺑﺪﺕ ﺗﺘﻘﺮﺏ ﻋﻠﻴﻨﺔ ﻭﺳﻴﻒ ﻭﺍﻛﻒ ﺑﻤﻜﺎﻧﺔ ﻣﺼﺪﻭﻡ
ﺑﺴﺮﻋﺔ ﺷﻠﺖ ﻋﺒﺪ ﺍﻟﻠﻪ ﻭﻛﻠﺘﻠﻬﻢ ﻳﻠﻠﻪ
ﻣﺸﻴﺖ ﻛﺪﺍﻣﻬﻢ ﻭﺍﻡ ﺣﺴﻴﻦ ﺗﺼﻴﺢ ﻭﺭﺍﻱ ﺍﻭﻛﻔﻲ
ﻣﺎﺭﻳﺪ ﺍﺭﺟﻊ ﻟﺤﻴﺎﺗﻲ ﻭﻻﺭﻳﺪ ﺍﺭﺟﻌﻠﻬﻢ
ﻃﻠﻌﺖ ﺧﺎﺭﺝ ﻟﻮﻻﻳﺔ ﻭﻣﺎﺩﺭﺕ . ﻭﺟﻬﻲ ﺍﺑﺪ ﺍﺧﺎﻑ ﺍﻳﺘﺒﻌﻮﻧﻲ ﻫﻮﺓ ﻭﺍﻣﺔ
ﻭﺍﻡ ﺣﺴﻴﻦ ﻭﻟﺠﻬﺎﻝ ﻭﺣﺴﻴﻦ ﻣﺎﺩﺭﻱ ﺑﻴﻬﻢ ﻭﺭﺍﻱ ﻟﻮ ﺿﻠﻮ
ﻭﺻﻠﺖ ﻣﻜﺎﻥ ﺑﻲ ﻣﻲ ﺳﺒﻴﻞ
ﻭﻛﻔﺖ ﻳﻤﺔ ﻭﻧﺰﻟﺖ ﻋﺒﻮﺩﻱ ﻻﻥ ﺗﻌﺒﻨﻲ ﻧﺪﺍﺭﻳﺖ ﻋﻠﺔ ﻛﻴﻔﻲ ﺷﻔﺖ ﺍﻡ ﺣﺴﻴﻦ ﻭﻟﺠﻬﺎﻝ ﻭﺣﺴﻴﻦ ﺟﺎﻳﻦ ﺑﺄﺗﺠﺎﻫﻲ ﺍﻭﻝ ﻣﺎﻭﺻﻠﻮ ﺣﺴﻴﻦ ﺻﺎﺡ ﻋﻠﻴﺔ
ﺍﻧﺘﻲ ﺷﻔﻴﺞ ﺗﺮﻛﻀﻴﻦ ﺭﻳﻮﻟﻨﺔ ﻃﺎﺣﺖ ﻧﺮﻳﺪ ﻧﻮﺻﻞ ﻋﻨﺪﺝ ﻣﻮﻛﺎﺩﺭﻳﻦ
ﺗﺪﺍﺭﻛﺖ ﺍﻟﻤﻮﻗﻒ ﺑﻀﺤﻜﺔ ﻭﻛﺘﻠﻬﻢ ﺷﻔﺖ ﻭﺍﺣﺪ ﻳﻮﺯﻉ ﻭﺭﺩﺕ ﺍﻟﺤﻚ ﺑﻲ ﺍﺧﺬ ﻣﺮﺍﺩ
ﺭﺟﻌﺖ ﺷﻠﺖ ﻋﺒﻮﺩﻱ ﻭﺭﺟﻌﻨﺔ ﻟﻠﻔﻨﺪﻕ
ﺳﻴﻒ : ﺍﻣﻲ ﺭﺍﺩﺕ ﺗﺰﻭﺭ ﻟﺤﺴﻴﻦ ﻭﻷﻣﺎﻡ ﻋﻠﻲ ﻭﺭﺍﺩﺗﻨﻲ ﺍﻣﺸﻲ ﻭﻳﺎﻫﺔ ﺗﺮﻳﺪ ﺗﺪﺧﻠﻨﻲ ﻋﻸﻣﺎﻡ ﻋﺴﺎ ﻭﻟﻌﻞ ﻭﻧﺴﻰ ﻟﻴﻠﻰ ﻭﺍﻗﺒﻞ ﺍﺗﺰﻭﺝ
ﻧﻄﻴﺘﻬﻰ ﻋﻠﺔ ﻣﺎﻳﻬﺔ ﻭﻣﺎﻛﺴﺮﺕ ﺑﺨﺎﻃﺮﻫﺔ ﺍﺧﺬﺗﻬﺔ ﻭﺗﻮﺟﻬﻨﺔ ﻟﻜﺮﺑﻼﺀ ﺯﺭﻧﺔ ﻭﺑﻨﻔﺲ ﻟﻴﻮﻡ ﺭﺣﻨﺔ ﻟﻠﻨﺠﻒ ﻫﻢ ﺯﺭﻧﺔ ﻭﺍﻣﻲ ﻛﻠﺘﻠﻲ ﺧﻞ ﻧﺮﺟﻊ ﻛﺘﻠﻬﺔ ﻻ ﺍﻣﻲ ﺧﻠﻴﻬﺔ ﻋﻠﺔ ﺑﺎﺟﺮ ﻻﻥ ﺻﺎﺭ ﻟﻤﻐﺮﺏ ﺍﺧﺬﺗﻬﺔ ﻭﺣﺠﺰﻧﺔ ﻏﺮﻓﺔ ﺑﻔﻨﺪﻕ ﻣﻘﺎﺑﻴﻞ ﻷﻣﺎﻡ
ﺛﺎﻧﻲ ﻳﻮﻡ ﻛﻌﺪﺗﻨﻲ ﺑﻞ 5 ﻛﻠﺘﻠﻲ ﻳﻠﻠﻪ ﻧﺮﺟﻊ
ﻻ ﺧﻠﻴﻨﺔ ﻟﻴﻮﻡ ﻫﻢ ﻧﻜﻀﻲ ﻳﻢ ﻷﻣﻴﺮ
ﺑﻘﻴﻨﺔ ﺑﻠﻨﺠﻒ ﻭﺍﺧﺬﺗﻬﺔ ﻭﺭﺣﻨﺔ ﻟﻠﻜﻮﻓﺔ
ﺭﺟﻌﻨﺔ ﻟﻠﻔﻨﺪﻕ ﺑﻠﻴﻞ ﺭﺃﺳﻦ ﻧﻤﺖ ﻛﻌﺪﺗﻨﻲ ﻟﻮﺍﻟﺪﺓ ﻟﺼﺒﺢ ﻛﻠﺘﻠﻲ ﻳﻠﻠﻪ ﺧﻞ ﻧﻤﺸﻲ ﻣﺎﺷﺒﻌﺖ ﺯﻳﺎﺭﺓ ﻣﻮﻋﺪﻙ ﺩﻭﺍﻡ
ﻣﺎﺩﺭﻱ ﻟﻴﺶ ﻣﺎﺭﻳﺪ ﺍﻃﻠﻊ ﻣﻦ ﻟﻨﺠﻒ ﻭﻛﻠﺒﻲ ﻧﻔﺘﺢ ﻭﺭﺗﺎﺣﻴﺖ ﻣﻦ ﺩﺧﻠﺖ ﻟﻸﻣﺎﻡ
ﻛﺘﻠﻬﺔ ﻣﺎﺷﻲ ﻧﺮﻭﺡ ﺑﺲ ﺧﻞ ﻧﺰﻭﺭ ﻻﺧﺮ ﻣﺮﺓ
ﺍﺧﺬﺗﻬﺔ ﻛﻮﺓ ﺗﻤﺸﻲ ﻻﻥ ﺑﺄﺧﺮ ﻓﺘﺮﺓ ﻛﺎﻣﺖ ﺗﺸﻜﻲ ﻣﻦ ﻣﻔﺎﺻﻠﻬﺔ
ﻃﻠﻌﻨﺔ ﻣﻦ ﻟﺘﻔﺘﻴﺶ ﻻﺧﻴﺮ ﻭﻣﺘﻮﺟﻬﻴﻦ ﻟﻠﺼﺤﻦ ﺍﺟﻴﺖ ﻳﻢ ﻟﻜﻴﺸﻮﺍﻧﻴﺔ ﺍﺭﻳﺪ ﺍﺧﻠﻲ ﺍﺣﺬﻳﺘﻨﺔ
ﻛﺒﺎﻟﻲ ﻣﺮﻳﺔ ﻣﺪﻧﻜﺔ ﻋﻠﺔ ﺭﺟﻞ ﺍﺑﻨﻬﺔ ﺗﻠﺒﺴﺔ ﺣﺬﺍﺋﺔ ﺭﻓﻌﺖ ﺭﺍﺳﻬﺔ ﻭﻭﻳﺔ ﻣﺎﺭﻓﻌﺘﺔ ﺣﺴﻴﺖ ﻭﺍﺣﺪ ﻭﺿﺮﺑﻨﻲ ﻋﻠﺔ ﺭﺍﺳﻲ ﺣﻴﻞ
ﻟﻴﻠﻰ
ﺍﺭﻳﺪ ﺍﺣﺮﻙ ﺟﺴﻤﻲ ﻧﺸﻠﻴﺖ ﻣﻦ ﻟﺼﺪﻣﺔ
ﺗﺬﻛﺮﺕ ﻣﻦ ﺷﻔﺘﻬﺔ ﺑﻠﻤﻜﻴﺎﺝ ﺑﻴﻮﻡ ﻟﺤﻨﺔ ﺷﻠﻮﻥ ﺟﺎﻧﺖ ﺟﻨﻬﺔ ﻣﻼﻙ ﻟﺴﺔ ﺑﻴﺔ ﻋﻄﺶ ﺍﻟﻬﺔ ﻭﻟﺤﻀﻨﻬﺔ ﺍﻟﻲ ﺍﺣﺲ ﺑﻲ ﺣﻀﻦ ﺍﻡ
ﻟﺴﺔ ﺻﻮﺭﺗﻬﺔ ﺑﻠﺒﺪﻟﺔ ﺍﻟﺒﺼﻠﻴﺔ ﻣﺎﻓﺎﺭﻛﺖ ﺧﻴﺎﻟﻲ ﻭﻛﻞ ﻳﻮﻡ ﺍﻃﻠﻊ ﻟﺒﺪﻟﺔ ﺍﺣﻀﻨﻬﺔ ﻭﺍﻧﺎﻡ
ﻭﺍﺷﻢ ﺑﺮﻳﺤﺔ ﺍﻟﺒﻴﻬﺔ
ﺍﺍﺍﺍﺍﺥ ﺷﻜﺪ ﻣﺸﺘﺎﻕ ﺍﺣﻀﻨﻬﺔ ﻭﺍﻧﺴﺎ ﺭﻭﺣﻲ ﺑﺤﻀﻨﻬﺔ ﺍﻟﻲ ﻣﺎﺷﻔﺖ ﻣﺜﻠﺔ ﺍﺑﺪ
ﺷﻜﺪ ﺩﻭﺭﺕ ﻋﻠﻴﻬﺔ ﺗﺎﻟﻲ ﻟﺼﺪﻓﺔ ﺟﻤﻌﺘﻨﻲ ﺑﻴﻬﺔ ﻭﺍﻧﻲ ﺍﻛﻮﻝ ﻟﻴﺶ ﻛﻠﺒﻲ ﺗﻌﻠﻖ ﺑﻬﻠﻤﻜﺎﻥ
ﺑﺎﻭﻋﺖ ﻋﻠﻴﻬﺔ ﻭﻳﺎﻫﺔ ﻧﺎﺱ
ﻣﻨﻮ ﻫﺎﻱ ﺍﻟﻤﺮﺓ ﻟﻄﻔﻞ ﻟﺮﺟﺎﻝ ﻟﺨﻠﻴﺠﻲ ﺍﺭﻳﺪ ﺍﺭﻭﺡ ﻋﻠﻴﻬﺔ
ﺷﺎﻟﺖ ﻟﻄﻔﻞ ﻭﺭﻛﻀﺖ ﻛﺪﺍﻣﻬﻢ ﻭﻫﻤﺔ ﺿﻠﻮ ﻳﻤﺸﻮﻥ ﻭﺭﺍﻫﺔ ﻭﻭﻳﺎﻫﻢ ﺟﻨﻂ ﻣﺎﻝ ﺳﻔﺮ ﻛﺒﺎﺭ
ﻣﻌﻘﻮﻟﺔ ﻫﺎﺫ ﺭﺟﻠﻬﺔ ﻭﻫﺎﺫ ﺍﺑﻨﻬﺔ ﻳﺎ ﻫﺎﻱ ﺷﺒﻴﺔ ﺍﻧﻲ ﺗﺨﺒﻠﺖ ﻟﻴﻠﻰ ﺑﻌﺪﻫﺔ ﻋﻠﺔ ﺫﻣﺘﻲ ﺑﻌﺪﻫﺔ ﺯﻭﺟﺘﻲ
ﻛﻌﺪﺕ ﺍﻣﻲ ﺑﻤﻜﺎﻥ ﻭﻟﺤﻜﺘﻬﻢ ﺍﺗﺨﺘﻞ ﺑﻴﻦ ﻟﺰﻭﺍﺭ ﻟﺤﺪ ﻣﺎﻭﻛﻔﺖ ﻭﻭﻛﻔﻮ ﻳﻤﻬﺔ ﻳﺤﺎﺟﻮﻫﺔ ﺑﻌﺪﻳﻦ ﺻﻌﺪﻭ ﺳﻴﺎﺭﺓ ﻭﻣﺸﺖ ﻣﺴﺎﻓﺔ ﺑﺲ ﻣﻮﺑﻌﻴﺪﺓ ﺍﺿﺎﻫﺮ ﺍﺟﺮﻭﻫﺔ ﻻﻥ ﺷﺎﻳﻠﻴﻦ ﺟﻨﻂ ﻭﻭﻳﺎﻫﻢ ﺍﻃﻔﺎﻝ ﻟﺤﻜﺘﻬﻢ ﺭﻛﺾ ﻛﻞ ﻗﻮﺗﻲ ﻟﺴﻴﺎﺭﺓ ﻣﺎﺟﺎﻧﺖ . ﺗﻤﺸﻲ ﺳﺮﻳﻊ ﻻﻥ ﺯﻭﺍﺭ ﻛﻮﻭﻣﺔ ﻭﻟﻤﻜﺎﻥ ﻣﺰﺩﺣﻢ
ﻭﺻﻠﻮ ﻳﻢ ﻓﻨﺪﻕ ﻗﺮﻳﺐ ﻋﻸﻣﺎﻡ ﺗﺎﻛﺪﺕ ﻣﻦ ﻟﻌﻨﻮﺍﻥ ﻭﺣﻔﻀﺘﺔ ﻭﺗﺎﻛﺪﺕ ﻫﻤﺔ ﻃﺒﻮﻟﺔ
🔵🔵
ﻟﻴﻠﻰ : ﻃﺒﻴﻨﺔ ﻟﻠﻔﻨﺪﻕ ﺍﺣﻨﺔ ﺣﺎﺟﺰﻳﻦ ﻣﺴﺒﻘﺎ ﺑﻠﻤﺒﺎﻳﻞ ﺑﺲ ﻧﻄﻮﻧﺔ ﻟﻤﻔﺎﺗﻴﺢ ﻭﺻﻌﺪﻧﺔ
ﺍﻧﻲ ﻭﻟﺤﺠﻴﺔ ﻭﻟﺠﻬﺎﻝ ﺑﻐﺮﻓﺔ ﺑﺲ ﺟﺒﻴﺮﺓ
ﻭﺑﻴﻬﺔ ﺣﻤﺎﻣﻴﻦ ﻭﻣﻄﺒﺦ ﻳﻌﻨﻲ ﻣﺜﻞ ﺍﻟﺸﻘﺔ
ﺭﻛﻀﺖ ﻟﻠﺤﻤﺎﻡ ﺑﻤﻼﺑﺴﻲ ﻛﻌﺪﺕ ﺑﻠﺒﺎﻧﻴﻮ ﻓﺘﺤﺖ ﻟﺪﻭﺵ ﻭﻛﻤﺖ ﺍﺑﺠﻲ
ﺷﻠﻮﻥ ﺑﻴﺔ ﻳﺮﺑﻲ ﺑﺴﻼ ﻳﻨﺪﻝ ﻣﻜﺎﻧﺔ
ﻭﻟﺪﻭﺭ ﺍﻧﻲ ﻋﻠﺔ ﺫﻣﺘﺔ ﻳﻌﻨﻲ ﺑﺤﺴﺎﺏ ﻣﺮﺗﺔ ﻭﺷﺎﺭﺩﺓ ﻣﻦ ﻋﺪﺓ ﺧﺎﻑ ﻳﺠﻲ ﻳﺮﺟﻌﻨﻲ
ﻳﺮﺑﻲ ﺷﻠﻮﻥ
ﺿﻠﻴﺖ ﺍﺑﺠﻲ ﺧﺎﻳﻔﺔ ﻣﺎﺭﻳﺪ ﺍﺭﺟﻊ ﻟﺤﻴﺎﺗﻲ ﻟﻘﺪﻳﻤﺔ ﻭﺳﻴﻒ ﺍﺫﺍ ﻟﻜﺎﻧﻲ ﻟﻮ ﻳﺠﺒﺮﻧﻲ ﺍﺭﺟﻊ ﻭﻳﺎ ﻭﺫﻳﺞ ﻟﺴﺎﻋﺔ ﺍﻟﻠﻪ ﻟﻌﺎﻟﻢ ﺷﺮﺍﺡ ﻳﺴﻮﻱ ﺑﻴﺔ ﻟﻮ ﻳﻄﻠﻜﻨﻲ ﻭﻳﺮﺟﻌﻨﻲ ﻟﻔﺎﻃﻤﺔ
ﻭﺑﻠﺤﺎﻟﺘﻴﻦ ﺍﻧﻲ ﻣﻴﺘﺔ ﻷﻥ ﺍﻟﻠﻪ ﻳﻌﻠﻢ ﻫﺴﺔ ﺷﻄﻠﻊ ﻋﻠﻴﺔ ﻣﻦ ﺣﺠﻲ ﻋﺮﻭﺱ ﻭﺗﺸﺮﺩ ﻗﺒﻞ ﻋﺮﺳﻬﺔ ﺑﻴﻮﻡ ﺍﻭﻭﻑ ﺩﺧﻴﻞ ﺍﺳﻤﻚ ﻳﺮﺑﻲ ﻟﻮ ﺍﺩﺭﻱ ﻣﺎﺟﺎﻥ ﺍﺟﻴﺖ ﻟﻠﻌﺮﺍﻕ ﻭﻻ ﻭﺻﻠﺖ
ﻳﻌﻨﻲ ﺳﻨﻴﻦ ﺻﺎﺭﻟﻲ ﻣﻨﺘﻀﺮﺓ ﻫﻠﺠﻴﺔ ﻭﺑﻴﻮﻡ ﺍﺟﻲ ﻳﻄﻠﻌﻠﻲ ﺳﻴﻒ
ﺍﻭﻭﻭﻭﻑ ﻳﺎﺭﺑﻲ 😔
ﻣﺎﺩﺭﻱ ﺷﺼﺎﺭ ﺑﻴﺔ ﻣﻦ ﺷﻔﺘﺔ ﺍﺣﺲ ﻣﺸﺎﻋﺮﻱ ﺗﺠﺪﺩﺕ ﻧﺎﺣﻴﺘﺔ ﺍﺍﺍﺥ ﻳﺎﻛﻠﺒﻲ ﺑﻌﺪ ﻛﻞ ﻟﺼﺎﺭ ﻭﻳﺎﻱ ﻣﻦ ﻭﺭﺍ ﺑﺲ ﻣﺎﻛﺪﺭﺕ ﺍﻧﺴﺎ
ﺍﻟﺒﻌﺪ ﻭﻣﺮﻭﺭ ﻟﻮﻗﺖ ﻣﺎﺳﻮﺓ ﺷﻲ ﻏﻴﺮ ﺍﻧﻮ ﺯﻳﺪ ﺣﺒﺔ ﺑﺪﺍﺧﻠﻲ ﺟﻨﺖ ﻣﺘﺨﻴﻠﺔ ﻟﺰﻣﻦ ﻛﻔﻴﻞ ﻳﻨﺴﻴﻨﻲ ﺣﺒﺔ ﺟﻨﺖ ﻣﺘﺨﻴﻠﺔ ﻟﺒﻌﺪ ﻭﻟﻐﺮﺑﺔ ﺭﺍﺡ ﺗﺸﻐﻠﻨﻲ ﻭﺗﺒﻌﺪﻧﻲ ﻋﻦ ﺷﻮﻛﻲ ﺍﻟﺔ
ﺑﺲ ﺍﻟﻲ ﻛﺘﺸﻔﺘﺔ
ﺍﻟﻐﺮﺑﺔ ﺯﻳﺪﺕ ﻫﺎﺟﺲ ﺍﻟﺤﻨﻴﻦ ﻟﻜﻠﺸﻲ ﺑﻲ
ﺑﺲ ﺻﻌﺐ ﺍﻛﺪﺭ ﺍﺳﺎﻣﺤﺔ ﻭﺍﻧﺴﺔ ﻟﺼﺎﺭ
ﺳﻴﻒ : ﺣﻔﻀﺖ ﻣﻜﺎﻥ ﻟﻔﻨﺪﻕ ﺯﻳﻦ ﺭﺟﻌﺖ ﻟﻠﺤﺠﻴﺔ ﻟﻜﻴﺘﻬﺔ ﺑﻤﻜﺎﻧﻬﺔ
ﺍﺧﺬﺗﻬﺔ ﻭﺩﻳﺘﻬﺔ ﻟﻠﻔﻨﺪﻕ ﻣﺎﻟﺘﻨﺔ ﻭﺑﺪﻟﺖ ﻣﻼﺑﺴﻲ ﻭﻃﻠﻌﺖ ﺭﺣﺖ ﻟﻸﻣﺎﻡ ﻛﻌﺪﺕ ﻳﻤﺔ ﺑﺠﻴﺖ ﻟﺤﺪ ﻣﺎﺧﻮﻳﺖ ﻃﻠﺒﺖ ﻣﻨﺔ ﻛﻮﻥ ﻟﻴﻠﻰ ﻣﺜﻞ ﻣﺎﻋﻔﺘﻬﺔ ﻋﻠﺔ ﺣﻄﺘﻬﺔ ﺍﻟﻜﺎﻫﺔ ﻣﺜﻞ ﻣﺎﻫﻴﺔ ﻷﻥ ﻣﻦ ﺷﻔﺖ ﺍﻟﻨﺎﺱ ﺍﻟﻲ ﻭﻳﺎﻫﺔ ﻣﻠﻴﻮﻥ ﻓﻜﺮﺓ ﺍﺟﺖ ﺑﺒﺎﻟﻲ
ﻟﻴﻠﻰ ﻃﺎﻟﺒﻬﺔ ﻣﻨﻚ ﻳﺎﺍﻣﻴﺮ ﺍﻟﻤﺆﻣﻨﻴﻦ ﺍﺭﻳﺪﻙ ﺗﺴﺎﻋﺪﻧﻲ ﺍﺭﺟﻌﻬﺔ ﻭﻳﺎﻱ ﻟﺒﻐﺪﺍﺩ ﻭﺗﻮﻛﻒ ﻭﻳﺎﻱ ﻭﺗﺴﻬﻠﻲ ﻛﻠﺸﻲ ﺻﻌﺐ ﻣﺮﻭﺗﻚ ﻣﺎﺭﻳﺪ ﺍﺧﺴﺮﻫﺔ ﻣﺎﻋﺎﻭﻟﺖ ﻟﻜﻴﺘﻬﺔ
ﻟﺤﻤﺪ ﻟﻠﻪ ﻧﺴﺨﺔ ﻟﻌﻘﺪ ﻣﺎﻝ ﺍﻟﻤﺆﻣﻦ ﺑﻤﺤﻔﻀﺘﻲ ﻣﻦ ﻳﻮﻡ ﻋﻘﺪﻧﺔ ﻭﻟﺤﺪ ﻵﻥ ﻷﻥ ﻣﺎﺍﻟﻜﺔ ﻣﻜﺎﻥ ﺍﺋﻤﻦ ﻣﻦ ﻣﺤﻔﻀﺘﻲ ﺍﺫﺍ ﻫﻴﺔ ﻏﺮﻓﺔ ﻧﻮﻣﻲ ﻭﻛﺪﺭﺕ ﺗﻘﻰ ﺗﺪﺧﻠﻬﺔ ﻭﺳﻮﺕ ﻣﻠﻌﻮﺑﻬﺔ ﻭﺩﻣﺮﺗﻠﻲ ﺣﻴﺎﺗﻲ
ﻃﻠﻌﺖ ﻣﻦ ﺍﻷﻣﺎﻡ ﻛﺒﻞ ﺗﻮﺟﻬﺖ ﻟﻠﻔﻨﺪﻕ
ﻃﺒﻴﺘﻠﺔ ﻟﻤﻜﺎﻥ ﺟﺒﻴﺮ ﻭﺭﺍﻗﻲ ﻭﻣﻴﺪﺧﻠﻮﻥ ﺍﻱ ﺍﺣﺪ ﻟﻬﺎﺫ ﻟﺴﺒﺐ ﺍﻧﻲ ﻟﺒﺴﺖ ﻭﺗﻜﺸﺨﺖ
ﺭﺣﺖ ﻋﻠﺔ ﺍﺑﻮ ﻷﺳﺘﻌﻼﻣﺎﺕ ﻧﻄﻴﺘﺔ ﺍﺳﻢ ﻟﻴﻠﻰ ﺍﻟﻜﺎﻣﻞ ﻭﻧﻄﻴﺘﺔ ﻣﻮﺍﺻﻔﺎﺗﻬﻢ
ﺩﻙ ﻋﻠﻴﻬﻢ ﺑﻠﺘﻠﻔﻮﻥ ﻛﻠﻠﻬﻢ ﺍﻛﻮ ﺷﺨﺺ ﻳﺮﻳﺪﻛﻢ ﻭﻧﻄﺎﻫﻢ ﻣﻮﺍﺻﻔﺎﺗﻲ
ﻛﻠﻮﻟﺔ ﺍﺣﻨﺔ ﻣﺎﻧﻌﺮﻑ ﺍﺣﺪ ﺑﻬﻠﻤﻮﺍﺻﻔﺎﺕ ﻭﺍﺻﻼ ﻣﻨﻌﺮﻑ ﺍﺣﺪ ﻣﻦ ﻟﻌﺮﺍﻕ ﻭﺍﻱ ﻭﺍﺣﺪ ﻳﺴﺄﻝ ﻋﻠﻴﻨﺔ ﺻﺮﻓﺔ ﻣﻦ ﻳﻤﻚ
ﻃﻠﻌﺖ ﻋﻘﺪ ﻟﺰﻭﺍﺝ ﻣﺎﻟﺘﻲ ﺭﺃﺳﻦ ﺧﻠﻴﺘﺔ ﻋﻠﻤﻴﺰ ﻣﺎﻟﺘﺔ ﻛﺘﻠﺔ ﻫﺎﻱ ﺯﻭﺟﺘﻲ ﻭﻫﻴﺔ ﻳﻤﻬﻢ ﻫﺴﺔ ﻟﻮ ﺗﻨﺰﻟﻲ ﻟﻮ ﺍﺭﻭﺡ ﻟﻠﺸﺮﻃﺔ ﻭﺍﺭﻓﻊ ﻋﻠﻴﻬﻢ ﺩﻋﻮﺓ ﺧﻄﻒ ﻭﺍﺗﻬﻤﻜﻢ ﺍﻧﺘﻮ ﻣﺴﺎﻋﺪﻳﻬﻢ ﻭﻣﻮﻓﺮﻳﻠﻬﻢ ﺍﻟﻤﻜﺎﻥ
ﺍﻟﺴﻜﻴﺮﺗﻲ ﻛﺎﻡ ﻳﺮﺟﻒ ﺭﺃﺳﻦ ﺩﻙ ﻋﻠﻴﻬﻢ ﻛﻠﻠﻬﻢ ﺗﻌﺎﻟﻮ ﺣﻠﻮ ﻣﺸﺎﻛﺎﻛﻢ ﻭﻳﺔ ﻫﺎﺫ ﺍﻟﻮﻟﺪ ﻭﻻﺗﺪﺧﻠﻮﻧﺔ ﺑﻴﻬﺔ ﻭﺇﻻ ﺗﻌﺎﺩﺭﻭﻥ ﺍﻟﻔﻨﺪﻕ ﺣﺎﻻ
ﺩﻗﺎﻳﻖ ﻭﻧﺰﻟﻲ ﺍﻟﺮﺟﺎﻝ ﻟﺠﺎﻥ ﻭﻳﺎﻫﻦ ﻭﺍﻧﻲ ﺩﻣﻲ ﻳﻐﻠﻲ ﻋﻠﻲ ﻛﻠﺴﺎ ﺗﺠﻲ ﺑﺒﺎﻟﻲ ﻓﻜﺮﺓ ﻭﺃﺗﻌﻮﺫ ﻣﻦ ﻟﺸﻴﻄﺎﻥ
ﻧﺰﻝ ﻣﻦ ﻟﺪﺭﺝ ﻭﺭﺍﺡ ﻛﺒﻞ ﻋﻠﺴﻜﻴﺮﺗﻲ
ﺍﻟﻮﻟﺪ ﺭﺃﻳﻦ ﺍﺷﺮﻟﺔ ﻋﻠﻴﺔ ﺍﻧﻲ ﺟﻨﺖ ﻛﺎﻋﺪ ﺑﻠﺮﺳﺒﺸﻦ ﺍﺟﺔ ﻛﻌﺪ ﻛﺒﺎﻟﻲ ﺟﺎﻥ ﻳﻜﻠﻲ
ﻧﻌﻢ ﺗﻔﻀﻞ ﻛﻮﻝ ﺷﻌﻨﺪﻙ ﺷﺘﺒﻲ
ﺑﺲ ﻳﺤﺠﻲ ﺑﺘﻌﺎﻟﻲ ﻭﺗﻜﺒﺮ
ﻃﻠﻌﺖ ﻟﻌﻘﺪ ﺍﺷﺮﺗﻠﺔ ﻋﻠﺔ ﺻﻮﺭﺓ ﻟﻴﻠﻰ ﻛﺘﻠﺔ ﻫﺎﻱ ﺯﻭﺟﺘﻲ ﺍﺭﻳﺪﻫﺔ ﺗﺴﻠﻤﻬﺔ ﺍﻟﻲ ﻟﻮ ﺍﺟﻴﺐ ﻟﺸﺮﻃﺔ ﻭﺍﺧﺬﻫﺔ ﺑﻠﻘﻮﺓ
ﺻﻌﺪ ﺍﻗﻞ ﻟﺮﺑﻊ ﺳﺎﻋﺔ ﻭﻧﺰﻝ ﻭﻳﺎ ﻟﻴﻠﻰ ﻭﻟﻄﻔﻞ ﺑﻴﺪﺓ ﻣﻔﺮﻓﺢ ﻋﻠﻴﻬﺔ ﻭﻳﺼﻴﺢ ﻣﺎﻣﺎ
ﺍﻧﻲ ﺟﻦ ﺟﻨﻮﻧﻲ ﻣﻦ ﺳﻤﻌﺘﺔ ﻳﻜﻠﻠﻬﺔ ﻣﺎﻣﺎ
ﺍﺟﺖ ﺣﺠﻴﺔ ﻭﺭﺍﻫﺔ ﺟﺎﻥ ﺗﻜﻠﻲ ﻫﺴﺔ ﺗﺬﻛﺮﺕ ﻋﻨﺪﻙ ﺯﻭﺟﺔ
ﺭﺟﺎﺋﺎ ﻻﺩﺧﻠﻴﻦ ﻟﻤﻮﺿﻮﻉ ﺑﻴﻨﻲ ﻭﺑﻴﻦ ﺯﻭﺟﺘﻲ
ﺯﻭﺟﺘﻚ ﻫﺎﺫﻱ ﻟﻜﻴﻨﺎﻫﺔ ﺣﻄﺎﻡ ﻭﺍﺣﻨﺔ ﺭﺩﻳﻨﺔ ﻟﺤﻴﺎﺓ ﻓﻴﻬﺎ ﺍﻧﺘﺔ ﻣﻮﺗﺘﻬﺔ ﻭﺍﺣﻨﺔ ﺍﻟﻲ ﺣﻴﻨﺎﻫﺔ
ﻫﺎﺫﻱ ﺍﻣﺎﻧﺘﻚ ﺭﺩﺕ ﻟﻚ ﺑﺲ ﺧﺎﻑ ﺍﻟﻠﻪ ﻓﻴﻬﺔ ﻭﺑﻄﻠﻮ ﺿﻠﻢ ﺗﺮﺓ ﺭﺑﻚ ﻣﺎﻳﻌﻮﻓﻜﻢ ﻟﻠﺘﺎﻟﻲ
ﺑﻠﻠﻪ ﺷﺠﺎﻭﺑﻬﺔ ﻫﺎﻱ
ﺑﺎﻭﻋﺖ ﻋﻠﺔ ﻟﻴﻠﻰ ﺑﺲ ﺩﻣﻮﻉ ﻣﺎﻧﻄﻘﺖ ﻛﻠﻤﺔ ﻭﻋﻴﻨﻬﺔ ﻋﻠﺠﻬﺎﻝ ﻭﺗﺒﺠﻲ ﻟﺰﻣﺖ ﺍﻳﺪﻫﺔ ﻭﺍﺧﺬﺗﻬﺔ ﻭﻣﺸﻴﺖ ﻭﻫﻴﺔ ﻛﻠﺴﺎ ﺗﻨﺪﺍﺭ ﻋﻠﻴﻬﻢ ﻭﺗﺒﺠﻲ
ﺍﻭﻝ ﻣﺎﻃﻠﻌﺔ ﻣﻦ ﻟﻔﻨﺪﻕ ﺟﺮﺕ ﺍﻳﺪﻫﺔ ﻣﻨﻲ ﺟﺎﻥ ﺗﻜﻠﻲ ﻫﺴﺔ ﺗﻄﻠﻜﻨﻲ ﺍﻧﻲ ﻣﺎﺭﻳﺪﻙ ﻭﻣﺴﺘﺤﻴﻞ ﺍﺭﺟﻊ ﻭﻳﺎﻙ ﺍﻧﻲ ﺫﻭﻟﺔ ﺍﻫﻠﻲ ﻭﻧﺎﺳﻲ ﺫﻭﻟﺔ ﺍﺣﻦ ﻋﻠﻴﺔ ﻣﻨﻚ ﻭﻣﻦ ﺍﻫﻠﻲ ﻋﺸﺖ ﻋﺪﻫﻢ ﻣﺪﻟﻠﺔ ﻋﻴﺸﺔ ﻣﻠﻮﻙ ﻣﺤﺪ ﺩﺍﺳﻠﻲ ﻋﻠﺔ ﻃﺮﻑ ﻭﻫﻤﺔ ﻏﺮﺑﺔ ﻭﺟﺎﻧﻮ ﻳﻜﺪﺭﻭﻥ ﻛﻠﺸﻲ ﻳﺴﻮﻟﻲ ﺑﺲ ﺫﻭﻟﺔ ﻋﺪﻫﻢ ﺧﻮﻑ ﺍﻟﻠﻪ ﻣﻮﻣﺜﻠﻜﻢ ﺍﻧﺘﺔ ﻧﺘﻬﻴﺖ ﻣﻦ ﺣﻴﺎﺗﻲ ﻭﻣﺎﻳﺮﺑﻄﻨﻲ ﺑﻴﻚ ﻏﻴﺮ ﻫﻠﻮﺭﻗﺔ ﺍﻣﺸﻲ ﺧﻞ ﻧﺮﻭﺡ ﻟﻠﻤﻜﺘﺐ ﺍﻟﻲ ﺑﺪﺍﺧﻞ ﻷﻣﺎﻡ ﻭﻧﻨﻬﻲ ﻛﻠﺸﻲ
ﺑﺎﻭﻋﺖ ﻋﻠﻴﻬﺔ ﺷﻠﻮﻥ ﻣﻔﺮﻓﺤﺔ ﻭﻟﺪﻣﻮﻉ ﻏﺮﻛﻦ ﻭﺟﻬﺔ ﻭﻣﻦ ﺗﺤﺠﻲ ﺑﺤﺮﻛﺔ ﺣﺘﺔ ﻣﺎﻫﺘﻤﺖ ﻟﻠﻨﺎﺱ ﻭﺗﺤﺠﻲ ﺑﺼﻮﺕ ﻋﺎﻟﻲ
ﻛﺘﻠﻬﺔ ﻣﺎﺷﻲ ﺍﻃﻠﻜﺞ ﺑﺲ ﺍﺧﺬﺝ ﻟﻤﻜﺎﻥ ﻭﻭﺭﺍﻫﺔ ﺗﺮﻭﺣﻴﻦ ﻟﺤﺎﻝ ﺳﺒﻴﻠﺞ
ﻋﺎﻳﻨﺘﻠﻲ ﺟﺎﻥ ﺗﺄﺷﺮﻟﻲ ﻋﻼﻣﺎﻡ ﻛﻠﺘﻠﻲ ﺍﺣﻠﻒ ﺑﺒﻮ ﺗﺮﺍﺏ ﻳﻠﻠﻪ ﺍﺻﺪﻛﻚ
ﺣﻠﻔﺘﻠﻬﺔ ﻭﺍﺧﺬﺗﻬﺔ ﻛﺒﻞ ﻟﻠﻜﺮﺍﺝ ﺻﻌﺪﻧﺔ ﺳﻴﺎﺭﺗﻲ ﻭﺗﻮﺟﻬﻨﺔ ﻟﺒﻐﺪﺍﺩ
ﺍﺧﺬﻧﻲ ﻭﻳﺎ ﺑﻠﺴﻴﺎﺭﺓ ﻭﺣﻠﻔﻠﻲ ﻭﺭﺍ ﻫﻠﻤﺸﻮﺍﺭ ﻳﻄﻠﻜﻨﻲ ﻭﻳﺨﻠﻴﻨﻲ ﺍﺭﺟﻊ ﻭﻳﺔ ﺍﻡ ﺣﺴﻴﻦ ﻭﻟﺠﻬﺎﻝ ﻟﻄﺮﻳﻖ ﻃﺮﻳﻖ ﺑﻐﺪﺍﺩ ﺍﻋﺮﻓﺔ
ﺧﺎﻳﻔﺔ ﺣﻴﻴﻞ ﻭﻛﻠﺴﺎ ﺗﺠﻲ ﺑﺒﺎﻟﻲ ﻓﻜﺮﺓ ﺳﺎﻋﺔ ﺍﻛﻮﻝ ﺭﺍﺡ ﻳﺬﺑﺤﻨﻲ ﺑﻬﺎﻱ ﻟﺠﻮﻟﺔ ﺳﺎﻋﺔ ﺍﻛﻮﻝ ﺭﺍﺡ ﻳﺴﻠﻤﻨﻲ ﻟﻔﺎﻃﻤﺔ ﺑﺲ ﻣﺎﺭﻳﺪ ﺍﺣﺎﺟﻲ ﻣﺎﻧﻄﻘﺖ ﺣﺮﻑ ﻭﻟﺨﻮﻑ ﺍﻛﻞ ﻛﻠﺒﻲ ﻭﻟﻮﻗﺖ ﻣﺎﻳﺮﺿﺔ ﻳﻤﺸﻲ
ﻣﻦ ﺑﻌﺪ ﻣﺎﺩﺧﻠﻨﺔ ﻟﺒﻐﺪﺍﺩ ﻭﻛﻒ ﻟﺴﻴﺎﺭﺓ ﻭﻛﻠﻲ ﻧﺰﻟﻲ ﻭﺃﺷﺮﻟﻲ ﻋﻠﺔ ﺑﻨﺎﻳﺔ ﻭﺭﺍﻧﺔ ﺻﺎﺭﺕ
ﻧﺰﻟﺖ ﺟﺎﻥ ﺍﺷﻮﻑ ﻛﺒﺎﻟﻲ #.....
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء