رواية انقذني ايها الغريب ج2 الجزء التاسع | النهاية
للكاتبة حنين حاتم
🔵🔵
ﻧﺰﻟﻨﺔ ﻣﻦ ﻟﺴﻴﺎﺭﺓ ﻭﻫﻮﺓ ﻣﺸﺔ ﻛﺪﺍﻣﻲ ﻭﺍﻧﻲ ﻭﺭﺍ ﻃﺒﺒﻨﺔ ﻟﻤﺴﺘﺸﻔﻰ
ﻛﻠﺴﺎ ﺍﺭﻳﺪ ﺍﺳﺄﻟﺔ ﻫﺎﻱ ﻟﻴﺶ ﺍﺟﻴﻨﺎ ﻫﻨﺎ ﻭﺍﻛﻮﻝ ﻻ ﻫﺴﺔ ﻳﺒﻴﻦ
ﺍﺧﺬﺗﻬﺔ ﻟﻠﻤﺴﺘﺸﻔﻰ ﺍﻟﻲ ﺗﺮﻗﺪ ﺑﻴﻬﺔ ﺳﻜﻴﻨﺔ ﺍﻭﻭﻭﻑ
ﺳﻜﻴﻨﺔ ﺍﻟﻲ ﻛﺘﺸﻔﻨﺔ ﺑﻴﻬﺔ ﻣﺮﺽ ﺳﺮﻃﺎﻥ ﺍﻟﺮﺣﻢ ﺑﻌﺪ ﻣﺎﺟﺎﺑﺖ ﻣﻬﺪﻱ ﺑﺴﻨﺔ
ﺣﻔﻴﺪ ﺍﻟﻌﺎﺋﻠﺔ ﺍﻟﻮﺣﻴﺪ ﺍﻟﻲ ﻣﻠﺔ ﻋﻠﻴﻨﺔ ﺍﻟﺒﻴﺖ ﻭﺧﻠﺔ ﺍﻣﻲ ﺗﺮﺟﻊ ﺷﺒﺎﺏ ﻭ 24 ﺳﺎﻋﺔ ﺍﺗﻠﻌﺐ ﻭﺗﺒﺪﻝ ﻭﺗﻐﺴﻞ
ﺳﻜﻴﻨﺔ ﻣﻦ ﺧﺘﻔﺖ ﻟﻴﻠﻰ ﺑﺠﺖ ﻋﻠﻴﻬﺔ ﺑﺠﻲ ﻣﺎﺻﺎﻳﺮ ﻭﺭﻓﻀﺖ ﺗﺴﻮﻱ ﻋﺮﺱ ﻭﺯﻓﺔ ﻭﻟﺤﺪ ﻻﻥ ﺗﻜﻌﺪ ﺗﻔﺮﻓﺢ ﻋﻠﻴﻬﺔ ﻭﺗﻠﻮﻡ ﺑﺮﻭﺣﻬﺔ ﻻﻥ ﺟﺎﻧﺖ ﺗﺄﺫﻳﻬﺔ ﻭﺩﺍﺋﻤﺎ ﻣﻦ ﺍﺭﻭﺡ ﻟﻠﻤﺴﺘﺸﻔﻰ ﺗﻜﻠﻲ ﻟﻴﻠﻰ ﺗﺮﺟﻊ ﻭﺗﺮﺟﻌﻮﻥ ﻣﺜﻞ ﻣﺎﺟﻨﺘﻮ ﻭﺗﺘﺬﻛﺮ ﻫﺎﺫ ﺣﺠﻴﻲ
ﻫﻴﺔ ﺍﻟﻮﺣﻴﺪﺓ ﺍﻟﻲ ﺟﺎﻧﺖ ﺗﻨﻄﻴﻨﻲ ﺩﻓﻌﺔ ﺍﻣﻞ ﺑﺲ ﺍﻟﺒﻴﺖ ﻛﻠﺔ ﻣﻤﺮﺩﻭﺩ ﻋﻠﻴﻬﺔ ﻭﺍﺑﻨﻬﺔ ﺣﻴﻴﻞ ﻣﺘﺒﻬﺬﻝ ﻣﺎﺑﻴﻦ ﺍﻟﺒﻴﺖ ﻭﺍﻟﻤﺴﺘﺸﻔﻰ ﻭﻋﻤﺎﺭ ﻣﻜﺎﺑﻠﻬﺔ ﻭﻳﺒﺠﻲ ﺑﻠﺬﺍﺕ ﺑﺄﺧﺮ ﻓﺘﺮﺓ ﻻﻥ ﺣﺎﻟﺘﻬﺔ ﺣﻴﻴﻞ ﻧﺘﻜﺴﺖ ﺍﻟﺪﻛﺎﺗﺮﺓ ﻛﺎﻟﻮ ﻣﺘﻄﻮﻝ ﺍﻛﺜﺮ ﻣﻦ ﺳﻨﺔ ﺑﺲ ﻫﻴﺔ ﻗﻮﻳﺔ ﻭﻣﺘﻤﺴﻜﺔ ﺑﻠﺤﻴﺎﺓ ﺻﺎﺭﻟﻬﺔ ﺳﻨﺘﻴﻦ ﻭ 5 ﺍﺷﻬﺮ ﺑﺲ ﺣﻴﻴﻞ ﺗﻐﻴﺮﺕ ﻭﻟﻤﺮﺽ ﺍﺧﺬ ﻣﻦ ﺣﻴﻠﻬﺔ ﻛﻠﺶ
ﺟﺒﺖ ﻟﻴﻠﻰ ﻟﻬﻨﺎ ﻻﻥ ﻣﺘﺄﻛﺪ ﺍﺫﺍ ﺷﺎﻓﺖ ﺳﻜﻴﻨﺔ ﺑﻬﺎﺫ ﻭﺿﻌﻬﺔ ﻣﺴﺘﺤﻴﻞ ﺗﻌﻮﻓﻬﺔ ﻭﺍﻋﺮﻑ ﻛﻠﺐ ﻟﻴﻠﻰ ﻃﻴﺐ ﻭﺭﺣﻮﻡ
ﻭﺍﺩﺭﻱ ﺑﺴﻜﻴﻨﺔ ﻟﻮﺷﺎﻓﺘﻬﺔ ﻣﺎﺭﺍﺡ ﺗﺨﻠﻴﻬﺔ ﺗﺮﻭﺡ ﺭﺍﺡ ﺍﻛﺪﺭ ﺍﺣﺼﻞ ﻋﻠﺔ ﻭﻗﺖ ﻛﺎﻓﻲ ﺍﻛﺪﺭ ﺍﻗﻨﻌﻬﺔ ﺑﻲ ﻭﺍﺭﺟﻌﻬﺔ
ﺻﻌﺪﻧﺔ 3 ﻃﻮﺍﺑﻖ ﺍﻟﻤﺴﺘﺸﻔﻰ ﻛﻠﺶ ﺣﻠﻮﺓ ﺑﺲ ﻫﻮﺍﻱ ﺷﻔﺖ ﻣﺮﺿﻰ ﺻﻠﻌﺎﻥ ﻛﺒﺎﺭ ﻭﺯﻏﺎﺭ ﻳﺘﻤﺸﻮﻥ ﺑﻠﺤﺪﻳﻘﺔ ﻭﺣﺘﺔ ﺣﻮﺍﺟﺐ ﻣﺎﺑﻴﻬﻢ ﻟﻬﺎﺫ ﺗﺒﺎﺩﺭ ﻟﺬﻫﻨﻲ ﻫﺎﺫﻱ ﻣﺴﺘﺸﻔﻰ ﻻﻣﺮﺍﺽ ﻟﺴﺮﻃﺎﻥ
ﺑﺲ ﻟﻴﺶ ﺳﻴﻒ ﺟﺎﺑﻨﻲ ﻫﻨﺎ ﻣﻌﻘﻮﻟﺔ ﻫﻮﺓ ﺑﻲ ﺳﺮﻃﺎﻥ
ﺍﺳﻢ ﺍﻟﻠﻪ
ﺍﻧﻲ ﺷﺪﺍ ﺧﺮﺑﻂ ﺳﻴﻒ ﻣﺜﻞ ﺍﻟﻮﺭﺩ ﻣﺎﺑﻲ ﺷﻲ
ﻭﻛﻔﻨﺔ ﻳﻢ ﻏﺮﻓﺔ ﺩﻙ ﻟﺒﺎﺏ ﻓﺘﺤﺘﻬﺔ ﺍﻟﻨﺔ
ﻓﺎﻃﻤﺔ 😱
ﻃﺒﺒﻨﻲ ﺳﻴﻒ ﻳﺠﺮ ﺑﻴﺔ ﻣﻦ ﺑﻌﺪ ﻣﺎﺿﻠﻴﺖ ﺟﺎﻣﺪﺓ ﺑﻤﻜﺎﻧﻲ ﻣﻦ ﻟﺼﺪﻣﺔ
ﺷﻜﻠﻬﺔ ﺣﻴﻴﻴﻞ ﻣﺘﻐﻴﺮ ﺻﺎﻳﺮﺓ ﻋﺠﻮﺯ ﻋﺒﺎﻟﻚ ﻋﻔﺘﻬﺔ 20 ﺳﻨﺔ ﻣﻮ 4 ﺳﻨﻴﻦ ﻭﻫﻴﺔ ﻫﻢ ﺿﻠﺖ ﺻﺎﻓﻨﺔ ﺑﻮﺟﻬﻲ ﻭﻓﺎﺗﺤﺔ ﻋﻴﻮﻧﻬﺔ ﻣﺘﻔﺎﺟﺌﺔ ﺑﻴﺔ
ﻣﻦ ﻃﺒﻴﻨﺔ ﺍﻛﻮ ﻭﺣﺪﺓ ﻧﺎﻳﻤﺔ ﻋﻠﺔ ﺳﺮﻳﺮ ﻭﺑﺤﻀﻨﻬﺔ ﻃﻔﻞ ﺑﺲ ﺩﺍﻳﺮﺓ ﻭﺟﻬﺔ ﻋﻠﺤﺎﻳﻂ ﻭﻻﺑﺴﺔ ﻛﺒﻮﺱ ﺭﻏﻢ ﺍﻟﺠﻮ ﻣﻮﺑﺎﺭﺩ
ﺳﻴﻒ ﻧﺪﺍﺭ ﻋﻠﺔ ﻓﺎﻃﻤﺔ ﺍﻟﻲ ﺍﻛﻠﺘﻨﻲ ﺍﻛﻞ ﺑﻨﻀﺮﺍﺗﻬﺔ ﻛﻠﻠﻬﺔ ﻣﻤﻜﻦ ﺗﺘﻔﻀﻠﻴﻦ ﺑﺮﺓ ﺩﻗﺎﻳﻖ
ﻃﻠﻌﺖ ﺑﺮﺓ ﺑﺪﻭﻥ ﻣﺎﺗﺤﺠﻲ ﻛﻠﻤﺔ
ﻭﻛﻒ ﻳﻢ ﻟﺴﺮﻳﺮ ﻧﺪﺱ ﺍﻟﺒﻨﻴﺔ ﻛﻌﺪﻫﺔ ﻧﺪﺍﺭﺕ ﻋﻠﻴﺔ ﺟﺎﻥ ﺗﻄﻠﻊ 😱
ﺳﻜﻴﻨﺔ ﺑﺲ ﻣﻮﺳﻜﻴﻨﺔ ﻫﻴﻜﻞ ﻋﻀﻤﻲ ﻭﻭﺟﻬﺔ ﺷﻌﺮﺍﻳﺔ ﻭﺣﺪﺓ ﻣﺎﺑﻲ ﻭﻣﻦ ﺷﺎﻓﺘﻨﻲ ﻛﻌﺪﺕ ﻋﻠﺔ ﺣﻴﻠﻬﺔ ﻓﻠﺘﺖ ﻟﻜﺒﻮﺱ ﻣﻦ ﺭﺍﺳﻬﺔ ﻫﻨﺎ ﺍﻧﻲ ﻧﺘﻬﻴﺖ ﻣﻦ ﺷﻔﺘﻬﺔ
ﺭﺃﺳﻦ ﻛﻌﺪﺕ ﻋﻠﺔ ﺣﻴﻠﻲ ﺑﻠﻜﺎﻉ
ﺗﺬﻛﺮﺕ ﻣﻦ ﺟﻨﺖ ﺍﺩﻋﻲ ﻋﻠﺔ ﻓﺎﻃﻤﺔ ﻭﺍﻛﻞ ﻟﺮﺏ ﻟﻌﺎﻟﻤﻴﻦ ﺍﺭﻳﺪﻙ ﺗﻔﺠﻌﻬﺔ ﺑﻌﺰﻳﺰ ﻛﻠﺒﻬﺔ
ﻻﻳﺎﺭﺑﻲ ﻟﻴﺶ ﺳﺘﺠﺎﺑﻴﺖ ﻟﺪﻋﺎﺋﻲ ﺳﻜﻴﻨﺔ ﻣﺎﻟﻬﺔ ﺫﻧﺐ ﺿﻠﻴﺖ ﺍﺿﺮﺏ ﻋﻠﺔ ﻭﺟﻬﻲ ﻣﻠﺨﺖ ﺭﻭﺣﻲ ﻛﻠﺔ ﻣﻦ ﻭﺭﺍﻱ ﻛﻠﺔ ﻣﻨﻲ ﺍﻧﻲ ﻟﺴﺒﺐ
ﻧﺰﻟﺖ ﻣﻦ ﻟﺠﺮﺑﺎﻳﺔ ﻭﺣﻀﻨﺘﻨﻲ
ﻭﻟﺞ ﻟﻴﻠﻰ ﻭﻳﻦ ﺭﺣﺘﻲ ﻛﻠﺒﻲ ﻣﺜﻞ ﻟﻨﺎﺭ ﻋﻠﻴﺞ ﻭﺍﻟﻠﻪ ﻣﺎﻣﺮ ﻋﻠﻴﺔ ﻳﻮﻡ ﺍﺫﺍ ﻣﺎﺫﻛﺮﺗﺞ
ﻟﻴﺶ ﻫﻴﺞ ﺳﻮﻳﺘﻲ ﺑﻴﻨﺔ ﻟﻴﺶ
ﺍﻧﻲ ﺍﻣﻠﺦ ﺑﺮﻭﺣﻲ ﻭﺍﺻﺮﺥ ﻭﻫﻴﺔ ﺗﺠﺮ ﺑﺪﻳﺔ ﺗﺒﻮﺱ ﺑﻴﻬﻦ ﻭﺗﺒﻮﺳﻨﻲ ﻣﻦ ﺭﺍﺳﻲ ﻭﺗﻜﻠﻲ ﻟﻴﻠﻰ ﺳﺎﻣﺤﻴﻨﻲ ﻭﺍﻟﻠﻪ ﺍﻣﻲ ﻫﻴﺔ ﻟﺴﺒﺐ ﺟﺎﻧﺖ ﺗﻜﻠﻲ ﺍﺫﺍ ﻣﺘﻌﺎﻣﻠﻴﻦ ﻟﻴﻠﻰ ﻣﻌﺎﻣﻠﺔ ﺳﻴﺌﺔ ﺍﻛﻄﻊ ﻋﻨﺞ ﻟﻤﺼﺮﻭﻑ ﻭﺟﺎﻧﺖ ﺗﻮﺯ ﺑﻴﺔ ﻋﻠﻴﺞ ﻭﺗﻜﻠﻲ ﺿﺮﺑﻴﻬﺔ
ﺯﺭﻋﺖ ﻟﺤﻘﺪ ﺑﺪﺍﺧﻠﻲ ﺑﺲ ﺍﻟﻠﻪ ﺷﺎﻫﺪ ﺍﻧﻲ ﻋﻤﺮﻱ ﻣﺎﻛﺮﻫﺘﺞ ﻭﺟﻨﺖ ﺍﺷﻮﻑ ﺑﻌﻴﻮﻧﺞ ﺍﻟﺨﻮﻑ ﻋﻠﻴﺔ ﻋﺒﺎﻟﻚ ﺍﺧﺘﺞ
ﻫﻴﺔ ﺗﺤﺠﻲ ﻭﺍﻧﻲ ﺭﺟﻌﺖ ﺑﻴﺔ ﻟﺬﻛﺮﻳﺎﺕ ﻻﻭﻝ ﻳﻮﻡ ﺍﺟﻴﺖ ﺑﻲ ﻟﺒﻴﺘﻬﻢ ﻟﻤﻦ ﻛﻌﺪﺕ ﺑﺼﻔﻲ ﻭﻧﻄﺘﻨﻲ ﻟﻌﺎﺑﺘﻬﺔ ﻭﻟﻌﺒﺘﻨﻲ ﻭﻳﺎﻫﺔ ﺳﻜﻴﻨﺔ ﻓﻌﻼ ﻣﺎﺟﺎﻧﺖ ﺗﺄﺫﻳﻨﻲ ﺍﻭﻝ ﻣﺎﺍﺟﻴﺘﻬﻢ ﺑﺲ ﻭﻟﻴﺪ ﻣﻦ ﺍﻭﻝ ﻳﻮﻡ ﺷﺎﻓﻨﻲ ﺑﻠﻔﺎﺗﺤﺔ ﻭﺟﻨﺔ ﻧﺎﻛﻞ ﺑﻠﺼﻴﻨﻴﺔ ﺿﺮﺑﻨﻲ ﻭﻛﻠﻲ ﻛﻮﻣﻲ ﻭﻓﺎﻃﻤﺔ ﻫﻢ ﻣﻦ ﺍﻭﻝ ﻳﻮﻡ ﺍﺫﺗﻨﻲ ﻭﻣﺎﺭﺣﻤﺖ ﺑﺤﺎﻟﻲ ﻭﻻ ﺭﻑ ﻛﻠﺒﻬﺔ ﻋﻠﻴﺔ
ﺑﺲ ﺳﻜﻴﻨﺔ ﺿﻠﺖ ﺍﻛﺜﺮ ﻣﻦ 3 ﺳﻨﻮﺍﺕ ﺗﺤﺎﻭﻝ ﺗﺘﻘﺮﺑﻠﻲ ﻭﺗﻠﻌﺐ ﻭﻳﺎﻱ ﻭﺍﻣﻬﺔ ﺟﺎﻧﺖ ﺗﻤﻮﺗﻬﺔ ﻛﺘﻞ ﻭﺗﻜﻠﻠﻬﺔ ﻟﺘﻘﺮﺑﻴﻦ ﻳﻤﻬﺔ
ﻳﺎﺭﺑﻲ ﺭﺩﺗﻚ ﺗﻌﺎﻗﺐ ﻓﺎﻃﻤﺔ ﺑﺲ ﺳﻜﻴﻨﺔ ﻣﺎﻟﻬﺔ ﺫﻧﺐ ﻛﻤﺖ ﻋﻠﻴﻬﺔ ﺣﻀﻨﺘﻬﺔ ﻓﺮﻓﺤﺖ ﻣﻦ ﻟﺒﺠﻲ ﻭﻟﺞ ﺳﻜﻴﻨﺔ ﻛﻠﺔ ﻣﻦ ﻭﺭﺍﻱ ﺍﻧﻲ ﺟﻨﺖ ﺍﺩﻋﻲ ﺍﻟﻠﻪ ﻳﻌﺎﻗﺐ ﺍﻣﺞ ﻭﺍﻟﻠﻪ ﻋﺎﻗﺒﻬﺔ ﺑﻴﺞ
ﻻ ﻟﻴﻠﻰ ﺍﻧﺘﻲ ﻣﺎﻟﺞ ﺫﻧﺐ ﻫﺎﺫ ﻣﻦ ﺳﻮﺀ ﺍﻋﻤﺎﻟﻨﺔ ﺍﺻﻼ ﺍﻧﻲ ﻳﻮﻣﻴﺔ ﺍﺣﻤﺪ ﺍﻟﻠﻪ ﻭﺍﺷﻜﺮﺓ ﻻﻥ ﻣﺮﺽ ﻟﺴﺮﻃﺎﻥ ﻏﻔﺮﺍﻥ ﻟﺬﻧﻮﺑﻲ ﻭﻛﻞ ﺍﻟﻴﻲ ﺳﻮﻳﺘﺔ ﺑﺤﻘﺞ
ﻭﺣﻨﺔ ﻧﺤﺠﻲ ﻛﻌﺪ ﺍﺑﻨﻬﺔ ﺑﻲ ﺷﺒﻪ ﻛﻠﺶ ﺟﺒﻴﺮ ﻣﻦ ﻋﻤﻲ ﺧﻠﻴﻞ ﻛﻤﺖ ﻋﻠﻲ ﺷﻠﺘﺔ ﻭﺍﺑﻮﺱ ﺑﻲ ﻭﺍﺑﺠﻲ ﺻﺪﻳﺖ ﻋﻠﻰ ﺳﻴﻒ ﻟﻜﻴﺘﺔ ﻳﺒﺠﻲ ﻭﻳﺎﻧﺔ
ﺳﻜﻴﻨﺔ ﻛﻠﺘﻠﺔ ﺳﻴﻒ ﻣﻦ ﺭﺧﺼﺘﻚ ﺩﻗﺎﻳﻖ ﺍﺭﻳﺪ ﺍﺣﺠﻲ ﻭﻳﺔ ﻟﻴﻠﻰ
ﻃﻠﻊ ﻫﻮﺓ ﻭﺑﺪﺕ ﺳﻜﻴﻨﺔ . ﺗﺴﺄﻝ ﺑﻴﺔ ﻭﻳﻦ ﺭﺣﺘﻲ ﻛﻞ ﻫﺎﻱ ﻟﺴﻨﻴﻦ ﻭﻳﻦ ﺧﺘﻔﻴﺘﻲ
ﺣﺠﻴﺘﻠﻬﺔ ﻛﻠﺸﻲ ﻣﻦ ﺍﻭﻝ ﻳﻮﻡ ﻃﻠﻌﺖ ﺑﻲ ﻣﻦ ﻟﺒﻴﺖ ﻟﺤﺪ ﻫﺎﻱ ﺍﻟﺤﻀﺔ ﺿﻠﺖ ﻣﺼﺪﻭﻣﺔ ﻭﻫﻢ ﻛﺎﻣﺖ ﺗﺒﺠﻲ ﺗﻜﻠﻲ ﺍﻟﻐﺮﺑﺔ ﺍﺣﺴﻦ ﻣﻦ ﻋﺪﻧﺔ
🔵🔵
ﺷﻮﻓﻲ ﻟﻴﻠﻰ ﺍﻟﺼﺎﺭ ﻛﻠﺔ ﻣﻠﻌﻮﺏ ﻣﻦ ﺗﻘﻰ
ﺳﻜﻴﻨﺔ ﺍﺑﻮﺱ ﺍﻳﺪﺝ ﻣﺎﺭﻳﺪ ﺍﺣﺠﻲ ﺑﻬﺎﺫ ﻟﻤﻮﺿﻮﻉ ﺍﺑﺪ ﻭﺑﺲ ﺍﻃﻠﻊ ﻣﻨﺎ ﺍﻧﻲ ﻭﺳﻴﻒ ﺭﺍﺡ ﻧﺘﻄﻠﻚ ﻭﺍﺭﺟﻊ ﻟﻠﻜﻮﻳﺖ
ﻣﺴﺘﺤﻴﻞ ﻟﻴﻠﻰ ﻣﺴﺘﺤﻴﻞ ﺍﺧﻠﻴﺞ ﺗﺮﻭﺣﻴﻦ ﺑﺲ ﺳﻤﻌﻴﻨﻲ ﻭﻭﺭﺍﻫﺔ ﺑﻜﻴﻔﺞ ﺍﻧﺘﻲ ﺣﻜﻤﻲ
ﺣﺠﺘﻠﻲ ﻛﻠﺸﻲ ﺻﺎﺭ ﻭﺍﻧﻲ ﺿﻠﻴﺖ ﻣﺼﺪﻭﻣﺔ ﻣﻌﻘﻮﻟﺔ ﺳﻜﻴﻨﺔ
ﺍﻱ ﺣﺒﻴﺒﺘﻲ ﻣﻌﻘﻮﻟﺔ ﻛﻠﺸﻲ ﺗﻮﻗﻌﻲ ﻣﻦ ﺗﻘﻰ
ﻳﻌﻨﻲ ﻋﺮﺳﻲ ﺧﺮﺏ ﻣﻦ ﻭﺭﺓ ﺷﻲ ﺍﺻﻼ ﻣﺎﺻﺎﺭ
ﻳﻌﻨﻲ 4 ﺳﻨﻴﻦ ﻣﻦ ﻋﻤﺮﻱ ﻛﻀﻴﺘﻬﻦ ﺑﻠﻐﺮﺑﺔ ﻭﻟﺤﺼﺮﺓ ﻭﻟﺒﺠﻲ ﻋﻠﻤﻮﺩ ﺷﻲ ﻣﺎﻟﺔ ﻭﺟﻮﺩ
ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻋﻠﻴﺞ ﺗﻘﻰ ﺍﺭﻳﺪ ﺍﻟﻠﻪ ﻳﻄﻠﻊ ﺣﻮﺑﺘﻲ ﺑﻴﺞ
ﻟﺘﺨﺎﻓﻴﻦ ﺣﺒﻴﺒﺘﻲ ﺣﻮﺑﺘﺞ ﻃﻠﻌﺖ ﻣﻦ ﺯﻣﺎﻥ
ﺗﻘﻰ ﻃﻠﻌﺖ ﺗﺘﺎﺟﺮ ﺑﻠﻤﻤﻨﻮﻉ ﻫﻴﺔ ﻭﺍﻣﻬﺔ ﻭﻭﻟﻴﺪ ﺍﺧﻮﻱ ﻣﺘﻮﺭﻁ ﻭﻳﺎﻫﻦ ﻭﺳﺠﻨﻮﻫﺔﻭﻋﺬﺑﻮﻫﺔ ﻭﻫﻴﺔ ﻣﻦ ﺍﻭﻝ ﺭﺍﺷﺪﻱ ﻋﺘﺮﻓﺖ ﻋﻠﺔ ﻭﻟﻴﺪ ﻭﺍﻣﻬﺔ ﻭﻫﺴﺔ ﻧﺤﻜﻤﻮ ﻛﻠﻬﻢ 22 ﺳﻨﺔ ﺳﺠﻦ
ﻓﺪﺍﻭﺗﻚ ﺭﺑﻲ ﻣﺎﻗﺼﺮﺕ ﻫﻴﺔ ﻫﺎﻱ ﻋﺪﺍﻟﺘﻚ ﺍﻟﻲ ﺟﻨﺖ ﺍﻧﺘﻀﺮﻫﺔ ﻭﺍﻛﻮﻝ ﻋﺪﺍﻟﺔ ﺭﺑﻲ ﻣﺎﺗﺘﺮﻙ ﺿﺎﻟﻢ ﻭﺍﻥ ﻃﺎﻟﺖ ﻟﻤﺪﺓ
ﻟﻴﻠﻰ ﺑﺎﻋﻴﻨﻲ ﺳﻴﻒ ﻧﻀﻠﻢ ﻭﺍﻧﺘﻲ ﻫﻢ ﻧﻀﻠﻤﺘﻲ ﺍﻟﺼﺎﺭ ﺛﻨﻴﻨﻜﻢ ﻣﺎﻟﻜﻢ ﺫﻧﺐ ﺑﻲ ﺳﻴﻒ ﻳﺤﺒﺞ ﻟﻴﻠﻰ ﻟﻮ ﻭﺍﺣﺪ ﻏﻴﺮﺓ ﺟﺎﻥ ﻛﺎﻝ ﻋﺎﻓﺘﻨﻲ ﻭﺭﺍﺡ ﺗﺰﻭﺝ ﻭﻧﺴﺎﺝ ﻭﻋﺎﺵ ﺣﻴﺎﺗﺔ ﺑﺲ ﺳﻴﻒ ﺣﺒﺞ ﻣﻦ ﺻﺪﻙ ﻭﺍﻟﻠﻪ ﻣﻦ ﺧﺘﻔﻴﺘﻲ ﻫﻮﺓ ﺷﻬﺮﻳﻦ ﻣﺜﻞ ﺍﻟﻤﺨﺒﻞ ﻋﺎﻳﻒ ﺩﻭﺍﻣﺔ ﻭﻛﻠﺸﻲ ﻭﻳﻔﺘﺮ ﺑﺸﻮﺍﺭﻉ ﺑﻐﺪﺍﺩ ﻳﺪﻭﺭ ﻋﻠﻴﺞ ﺑﻠﺴﻴﺎﺭﺓ
ﻭﻟﺞ ﻭﺍﻟﻠﻪ ﻋﺸﻨﺔ ﺍﻳﺎﻡ ﻣﺎﻧﻨﺎﻡ ﻟﻠﺼﺒﺢ ﻋﻠﺔ ﺻﻮﺕ ﻟﺒﺠﻲ ﻭﻟﻨﺤﻴﺐ ﻣﺎﻟﺘﺔ
ﻭﻏﺮﻓﺘﺔ ﻣﺎﻳﻨﺎﻡ ﺑﻴﻬﺔ ﺍﺑﺪ ﻳﻜﻮﻝ ﻣﺎﺍﻛﺪﺭ ﺍﻃﺒﻠﻬﺔ ﻭﻟﻴﻠﻰ ﻣﺎﺑﻴﻬﺔ
ﻭﻣﺮﺍﺕ ﻳﺼﻌﺪ ﻳﻀﻞ ﻳﺒﺠﻲ ﺑﻴﻬﺔ ﻳﻔﺮﻓﺢ ﻧﺼﻌﺪﻟﺔ ﻛﻠﻨﺔ ﻧﺘﻮﺳﻞ ﺑﻲ ﻧﻜﻠﺔ ﻛﺎﻓﻲ ﻣﺎﻳﺴﻤﻊ ﻟﻮﺍﺣﺪ ﺑﻴﻨﺔ ﻳﻀﻞ ﻳﺒﺠﻲ ﻟﺤﺪ ﻣﺎﻳﺨﻮﺓ ﻭﻳﻨﺎﻡ ﻋﻠﺔ ﺭﻭﺣﺔ
ﺳﻴﻒ ﻧﻀﻠﻢ ﺣﻴﻴﻞ ﻟﻴﻠﻰ . ﻭﻳﺠﻮﺯ ﺗﻌﺬﺏ ﺍﻛﺜﺮ ﻣﻨﺞ ﻭﺍﻧﺘﻲ ﻫﻢ ﺗﺄﺫﻳﺘﻲ ﺑﺤﻴﺎﺗﺞ ﻣﺎﺷﻔﺘﻲ ﺷﻲ ﻣﻨﻬﺔ ﺭﺟﻌﻴﻠﺔ ﻭﻋﻴﺸﻮ ﺣﻴﺎﺗﺞ ﺍﻟﻲ ﻣﺎﺗﻬﻨﻴﺘﻲ ﺑﻴﻬﺔ ﻭﺍﻧﺸﺎﺀ ﺍﻟﻠﻪ ﺗﺴﻮﻭﻥ ﻋﺮﺭﺱ ﻭﺍﻧﻲ ﺍﻟﺒﺲ ﺑﺎﺭﻭﻛﺔ ﻭﺍﺟﻲ ﺍﺭﻛﺼﻠﺞ ﺷﻌﺮ ﺷﻌﺮ
ﻫﻬﻬﻬﻬﻪ ﻭﺍﻟﻠﻪ ﻳﺎﺳﻜﻴﻨﺔ
ﺍﻭﻭﻭﻭﻑ ﻭﺍﻟﻠﻪ ﻛﻞ ﻟﻜﻠﺘﻲ ﺻﺢ
ﻟﻮﺗﺪﺭﻳﻦ ﺷﺼﺎﺭ ﺑﻴﺔ ﺍﻧﻲ ﻣﻦ ﺷﻔﺘﻬﻢ ﻭﺍﻟﻠﻪ ﺣﻴﻠﻲ ﻧﻬﺪ ﻭﻣﻦ ﻃﻠﻌﺖ ﻣﻮﺑﻮﻋﻲ ﺭﺣﺖ . ﻟﻸﻣﺎﻡ . ﻫﻨﺎﻙ ﻟﻜﻴﺖ ﺭﺍﺣﺘﻲ ﺑﺲ ﻋﺸﺖ ﺑﺨﻮﻑ ﺟﻨﺖ ﺧﺎﻳﻔﺔ ﻻﻳﺨﻠﺼﻦ ﻓﻠﻮﺳﻲ ﺑﺲ ﻟﺤﻤﺪ ﻟﻠﻪ
ﺍﻟﻠﻪ ﻣﺎﻋﺎﻓﻨﻲ ﻭﺩﺯﻟﻲ ﻭﻟﺪ ﻟﺤﻼﻝ
ﺑﻘﻴﺖ ﺳﺒﻮﻉ ﻳﻢ ﺳﻜﻴﻨﺔ ﺩﺍﺭﻳﺘﻬﺔ ﺣﻴﻴﻞ ﺣﺘﺔ ﻟﻠﺤﻤﺎﻡ ﺍﻃﺐ ﻭﻳﺎﻫﺔ ﻭﺍﺳﺒﺤﻬﺔ ﺑﺲ ﻛﺘﻠﻬﺔ ﻣﺎﺭﻳﺪ ﺍﺷﻮﻑ ﻓﺎﻃﻤﺔ
ﺧﻠﺘﻬﺔ ﺗﺮﺟﻊ ﻟﻠﺒﻴﺖ ﻋﻠﻤﻮﺩﻱ
ﻭﺳﻴﻒ ﻃﻮﻝ ﻫﺎﻱ ﻟﻤﺪﺓ ﻫﻮﺓ ﻳﻤﻨﺔ ﺑﺲ ﺑﻠﻴﻞ ﻳﺮﺟﻊ ﻟﻠﺒﻴﺖ ﺣﺘﺔ ﺩﻭﺍﻣﺔ ﺍﺧﺬ ﺍﺟﺎﺯﺓ ﺑﺪﻭﻥ ﺭﺍﺗﺐ ﻭﻋﻤﺎﺭ ﻫﻢ ﻣﻜﺎﺑﻠﻬﺔ ﻭﻛﺎﻋﺪ
ﺗﺤﺎﻭﻝ ﺗﻜﻮﻥ ﻗﻮﻳﺔ ﻭﺗﺒﻴﻨﻠﻨﺔ ﺍﻧﻮ ﻫﻴﺔ ﻃﺒﻴﻌﻴﺔ ﺣﺘﺔ ﻻﻧﺘﺄﺫﺓ ﻋﻠﻴﻬﺔ ﺑﺲ ﻛﺴﺮﺓ ﺍﻟﻤﺮﺽ ﺣﻴﻴﻞ ﻣﺒﻴﻨﺔ ﺑﻴﻬﺔ
ﺍﺧﺮﺍﻳﺎﻡ ﻛﺎﻣﻮ ﻳﻨﻄﻮﻫﺔ ﺟﺮﻋﺎﺕ ﻛﻴﻤﻴﺎﻭﻱ ﻣﻜﺜﻔﺔ ﻷﻥ ﻭﺿﻌﻬﺔ ﺑﺪﺓ ﻳﺘﺄﺯﻡ ﻛﻠﺶ ﻭﺍﻋﻀﺎﺋﻬﺔ ﻟﺪﺍﺧﻠﻴﺔ ﺑﺪﺕ ﺗﻨﻬﺎﺭ ﻭﺣﺪﺓ ﻣﻦ ﻛﻠﻴﺎﺗﻬﺔ ﺗﻮﻗﻔﺖ ﻭﻟﻜﺒﺪ ﺣﻴﻴﻴﻞ ﻣﺘﻀﺮﺭ ﻭﺑﻄﻨﻬﺔ ﻧﻨﻔﺨﺖ ﺣﺎﻟﻬﺔ ﻳﻔﻄﺮ ﻟﻜﻠﺐ
ﻣﻦ ﻳﺨﻠﻮﻟﻬﺔ ﺟﺮﻋﺔ ﻟﻜﻴﻤﻴﺎﻭﻱ ﻫﻨﺎ ﺟﻨﺖ ﺍﻋﻴﺶ ﺍﺻﻌﺐ ﻟﺤﻀﺎﺕ ﻋﻤﺮﻱ
ﺑﻠﺒﺪﺍﻳﺔ ﺗﺤﺎﻭﻝ ﺗﻜﻮﻥ ﻫﺎﺩﺋﺔ ﻭﻃﺒﻴﻌﻴﺔ ﺩﻗﺎﻳﻖ ﻭﺗﻌﻠﺔ ﺻﺮﺧﺎﺗﻬﺔ ﻭﺩﻣﻮﻋﻬﺔ
ﺍﻷﻟﻢ ﺍﻟﻲ ﺟﺎﻧﺖ ﺗﺤﺴﺔ ﺻﻌﺐ ﻳﻨﻮﺻﻒ ﻷﻥ ﻟﺠﺮﻋﺔ ﻛﻠﺶ ﻗﻮﻳﺔ ﻣﺮﺍﺕ ﺍﻟﺰﻡ ﺍﺩﻳﻬﺔ ﻭﺍﺿﻞ ﺍﺑﺠﻲ ﻭﻳﺎﻫﺔ ﻣﻊ ﺍﻧﻮ ﻫﻠﺸﻲ ﻣﻤﻨﻮﻉ ﻭﻣﺮﺍﺕ ﺍﻧﻬﺎﺭ ﻣﺎﺃﻛﺪﺭ ﺍﺷﻮﻓﻬﺔ ﺣﺎﻟﻬﺔ ﻳﻤﺮﺩ ﻟﻜﻠﺐ ﺍﻃﻠﻊ ﺑﺮﺓ ﺍﻟﻜﺔ ﺳﻴﻒ ﻳﺒﺠﻲ ﻭﻋﻤﺎﺭ ﻛﺎﻋﺪ ﺑﻠﻜﺎﻉ ﻭﻣﻔﺮﻓﺢ ﻭﻣﺮﺍﺕ ﻳﻔﻘﺪ ﻭﻳﻤﻠﺦ ﺭﻭﺣﺔ ﺑﻠﻜﻮﺓ ﻧﻠﺰﻣﺔ ﺍﻳﺎﻡ ﺻﻌﺒﺔ ﻛﻠﺶ ﻋﺸﻨﺎﻫﺔ ﻭﻳﺎﻫﺔ
ﺻﺮﺧﺎﺗﻬﺔ ﻟﺴﺎﻫﻦ ﻳﺪﻭﻥ ﺑﺄﺫﻧﻲ ﺍﺗﺬﻛﺮﻫﺔ ﺷﻠﻮﻥ ﺗﺒﺠﻲ ﻭﺗﻜﻠﻠﻨﺔ ﻣﺎﺭﻳﺪ ﻟﻌﻼﺝ ﻫﻮﺓ ﺍﻧﻲ ﻣﻴﺘﺔ ﻣﻴﺘﺔ
ﺟﺎﻥ ﻳﻮﻡ ﺛﻨﻴﻦ ﺭﺟﻌﺖ ﻭﻳﺔ ﺳﻴﻒ ﻟﻠﺒﻴﺖ ﺣﺘﺔ ﺍﺑﺪﻝ ﻭﺍﺳﺒﺢ ﻭﺍﺭﺟﻊ ﻟﻠﻤﺴﺘﺸﻔﻰ
ﺟﺎﻱ ﺍﺳﺒﺢ ﺳﻴﻒ ﺩﻙ ﻋﻠﻴﺔ ﻟﺒﺎﺏ
ﻟﻴﻠﻰ ﺑﺴﺮﻋﺔ ﺑﺪﻟﻲ ﻭﻃﻠﻌﻲ
ﺑﺪﻟﺖ ﺑﺴﺎﻉ ﻭﻃﻠﻌﺖ
ﻫﺎ ﺳﻴﻒ ﺧﻴﺮ
ﺧﺎﺑﺮﻧﻲ ﻋﻤﺎﺭ ﻳﻜﻮﻝ ﺳﻜﻴﻨﺔ ﻛﻠﺶ ﻣﺘﺨﺮﺑﻄﺔ
ﺻﻌﺪﻧﺔ ﻟﺴﻴﺎﺭﺓ ﻭﻃﺮﻧﺔ ﻟﻠﻤﺴﺘﺸﻔﻰ
ﻭﺻﻠﻨﺔ ﻟﻐﺮﻓﺘﻬﺔ ﺳﻤﻌﺖ ﺻﻮﺕ ﺻﺮﺍﺥ ﺭﺟﻠﻴﺔ ﺑﻌﺪ ﻣﺎﺷﺎﻟﻨﻲ ﻛﻮﺓ ﻭﺻﻠﺖ ﻟﻠﻐﺮﻓﺔ
ﻓﺘﺤﺖ ﻟﺒﺎﺏ ﻟﻜﻴﺖ ﻋﻤﺎﺭ ﺣﺎﻃﻬﺔ ﺑﺤﻀﻨﺔ ﻭﻳﺒﺠﻲ ﻭﻫﻴﺔ ﻫﻢ ﺗﺒﺠﻲ
ﺗﻘﺮﺑﺖ ﻳﻤﻬﺔ ﺟﺮﻳﺘﻬﺔ ﻣﻦ ﺣﻀﻦ ﻋﻤﺎﺭ
ﻫﺎﻱ ﺍﻟﺤﻀﺔ ﺍﻣﻮﺕ ﻭﻣﺎﺃﻧﺴﺎﻫﺔ ﺑﺎﻭﻋﺖ ﻋﻠﺔ ﺟﺴﻤﻬﺔ ﻣﺴﺎﻣﺎﺕ ﺟﻠﺪﻫﺔ ﻳﻄﻠﻊ ﻣﻨﻬﻦ ﻗﻄﺮﺍﺕ ﺩﻡ
ﺳﻜﻴﻨﺔ ﻣﺎﺑﻴﺞ ﺷﻲ ﻭﺍﻟﻠﻪ ﺑﺎﻭﻋﻴﻠﻲ
ﻛﻮﻟﻲ ﻳﺎﺍﺑﻮ ﻟﺤﺴﻦ ﺍﺣﻠﻔﻚ ﺑﺮﻗﻴﺔ
ﺗﻌﻴﺪ ﻟﺤﺠﻲ ﻭﺭﺍﻱ ﺑﺲ ﻛﻮﺓ ﺗﺤﺠﻲ
ﻛﻮﻟﻲ ﻳﺎ ﺃﻣﻴﺮ ﺍﻟﻤﻮﻣﻨﻴﻦ ﺍﺣﻠﻔﻚ ﺑﺠﻔﻮﻑ ﺍﺑﻮ ﻓﺎﺿﻞ
ﺗﻌﻴﺪ ﻭﺭﺍﻱ ﻭﺻﻮﺗﻬﺔ ﺷﻮﻳﺔ ﺷﻮﻳﺔ ﻳﺨﺘﻔﻲ
ﻛﻮﻟﻲ ﺍﺣﻠﻔﻚ ﺑﺴﺘﺮ ﺯﻳﻨﺐ
ﺳﻜﺘﺖ
ﺳﻜﻴﻨﺔ ﻛﻮﻟﻲ ﻭﺍﻟﻠﻪ ﺯﻳﻨﺐ ﻋﺰﻳﺰﺓ ﻋﻠﻲ ﻣﺎﻳﺮﺩﺝ
ﻭﻟﺞ ﺳﻜﻴﻨﺔ ﺍﺣﺠﻲ
ﺳﻜﻴﻨﻨﻨﻨﻨﺔ
ﻭﻟﺞ ﻛﻄﻌﺘﻲ ﻛﻠﺒﻲ ﺟﺎﻭﺑﻴﻨﻲ
ﺳﻜﻴﻨﺔ ﻻﺗﻤﻮﺗﻴﻦ ﻟﺨﺎﻃﺮ ﻭﻟﻴﺪﺝ ﺗﺮﺿﻴﻬﺔ ﻳﻀﻞ ﺑﺪﻭﻧﺞ
ﺳﻜﻴﻨﺔ ﻭﺍﻟﻠﻪ ﻣﺴﺎﻣﺤﺘﺞ ﻣﻦ ﻛﻠﺐ ﻭﻟﺴﺎﻥ ﺑﺲ ﻻﺗﻌﻮﻓﻴﻦ ﺍﺑﻨﺞ
ﻭﻟﺞ ﺳﻜﻴﻨﺔ ﻋﺪﻣﻦ ﺍﻣﻨﺘﻲ ﻭﻟﻴﺪﺝ ﻟﺪﻧﻴﺔ ﺑﺪﻭﻥ ﻷﻡ ﻣﺎﺗﺴﻮﺓ ﺷﻲ
ﻋﻤﺎﺭ ﻃﻠﻊ ﺑﺮﺓ ﻳﺼﺮﺥ
ﺍﺟﺔ ﺳﻴﻒ ﻭﻭﻳﺎ ﺩﻛﺘﻮﺭ ﺟﺮﻧﻲ ﻣﻨﻬﺔ ﻛﻮﺓ
ﻃﺒﺖ ﻓﺎﻃﻤﺔ ﻛﻌﺪﺕ ﺑﻠﻜﺎﻉ ﻣﻠﺨﺖ ﺷﻌﺮﻫﺔ ﻭﻭﺟﻬﺔ ﺗﺼﻴﺢ ﺭﺑﻲ ﺩﺧﻴﻠﻚ ﺷﺴﻮﻳﺖ ﺍﻧﻲ ﻟﻴﺶ ﺗﺤﺮﻣﻨﻲ ﻣﻦ ﺑﻨﻴﺘﻲ
ﺍﻭﻭﻭﻑ ﻟﺤﺪ ﻫﺎﻱ ﺍﻟﺤﻀﺔ ﻭﻫﻴﺔ ﺗﺸﻮﻑ ﺭﻭﺣﻬﺔ ﻣﺎﻣﺬﻧﺒﺔ ﺍﺑﺪ
ﺳﻴﻒ ﺣﺎﺿﻨﻲ ﻭﻳﺒﺠﻲ
ﺳﻴﻒ ﻛﻠﻠﻬﺔ ﺧﻞ ﺗﻜﻌﺪ ﺣﺒﺎﺏ ﻭﺍﻟﻠﻪ ﻣﺎﺷﺒﻌﺖ ﻣﻨﻬﺔ ﻣﺸﺘﺎﻗﺘﻠﻬﺔ
ﻛﺎﻓﻲ ﺣﺒﻴﺒﻲ ﺧﻠﻴﻬﺔ ﺗﺮﺗﺎﺡ ﺗﻌﺬﺑﺖ
ﺍﺧﺬﻭﻫﺔ ﺑﻠﺴﺪﻳﺔ ﻫﻨﺎ ﺍﻧﻲ ﻓﻘﺪﺕ ﻛﻤﺖ ﺍﺻﺮﺥ ﻣﻠﺨﺖ ﺭﻭﺣﻲ ﺳﻜﻴﻨﺔ ﺍﺑﻨﺞ ﺷﻠﻮﻥ ﺗﻌﻮﻓﻴﻨﺔ ﻭﻟﺞ ﺗﺮﺿﻴﻬﺔ ﻳﺮﺑﺔ ﺑﻴﺪ ﻣﺮﺕ ﻷﺑﻮ
ﻭﻟﺞ ﺳﻜﻴﻨﺔ ﻟﺪﻧﻴﺔ ﺣﻠﻮﺓ ﻟﻴﺶ ﺳﺘﻌﺠﻠﺘﻲ
ﺳﻜﻴﻨﺔ ﻻﺗﺨﻠﻴﻦ ﺍﺑﻨﺞ ﻳﻀﻮﻙ ﺍﻟﻲ ﺍﻧﻲ ﺿﻜﺘﺔ ﻟﻌﻤﺮ ﺑﻠﻴﺔ ﺍﻡ ﻣﺎﻳﻨﺮﺍﺩ
ﻓﺎﻃﻤﺔ ﺭﺗﻔﻊ ﺿﻐﻄﻬﺔ ﻭﺻﺎﺭﺕ ﺑﻴﻬﺔ ﺫﺑﺤﺔ ﺻﺪﺭﻳﺔ ﻭﻧﺎﻣﺖ ﺑﻠﻤﺴﺘﺸﻔﻰ
3 ﺍﻳﺎﻡ ﻟﻔﺎﺗﺤﺔ ﻣﻠﺨﺖ ﺭﻭﺣﻲ ﻭﺧﻮﺍﺕ ﻓﺎﻃﻤﺔ ﻭﻛﺮﺍﻳﺒﻬﺔ ﻣﺘﻌﺠﺒﺎﺕ
ﺧﻠﺼﺖ ﻟﻔﺎﺗﺤﺔ ﻭﻓﺎﻃﻤﺔ ﻣﺎﺻﺤﺖ ﺑﻠﻤﺴﺘﺸﻔﻰ
ﻭﻋﻤﻮ ﺗﺨﺒﻞ ﻋﻠﻴﻬﺔ ﻳﺼﻴﺢ ﻭﺍﺣﺪ ﺿﻴﻊ ﺭﻭﺣﺔ ﻭﺑﻠﺴﺠﻦ ﻭﻟﺜﺎﻧﻴﺔ ﺟﻮﺓ ﻟﺘﺮﺍﺏ
ﻛﻠﺔ ﻣﻦ ﻭﺭﺓ ﻓﺎﻃﻤﺔ ﻭﺟﻮﺭﻫﺔ ﺷﻜﺪ ﺟﻨﺖ ﺍﻛﻠﻠﻬﺔ ﻛﺎﻓﻲ ﺿﻠﻢ ﺑﻌﺪﻳﻦ ﺍﻟﻠﻪ ﻳﻄﻠﻌﻬﺔ ﺑﺠﻬﺎﻟﻨﺔ ﺑﺲ ﻣﺎﺟﺎﻧﺖ ﺗﺼﺪﻙ
ﺍﺑﻦ ﺳﻜﻴﻨﺔ ﻣﺎﻭﻛﻊ ﻣﻦ ﺍﻳﺪﻱ ﺍﺑﺪ ﺍﺷﻮﻑ ﺑﻲ ﺭﻭﺣﻲ ﻣﻦ ﻣﺎﺗﺖ ﺍﻣﻲ
ﻭﺭﺓ ﻟﻔﺎﺗﺤﺔ ﺍﺑﺪ ﻣﺎﺧﻠﻴﺘﺔ ﻳﺤﺲ ﺑﻐﻴﺎﺏ ﺍﻣﺔ ﺍﻟﻌﺒﺔ ﻭﺍﺷﻴﻠﺔ ﻭﺍﻋﻠﻜﻠﺔ ﺗﻠﻔﺰﻳﻮﻥ ﻭﻛﺎﺭﺗﻮﻥ ﻟﻬﻴﺘﺔ ﺣﻴﻴﻞ ﻭﺭﺓ ﻟﺴﺎﺑﻊ ﻣﺎﻝ ﺳﻜﻴﻨﺔ ﺭﺣﻨﺔ ﺍﻧﻲ ﻭﺳﻴﻒ ﻟﻠﻔﻨﺪﻕ ﺍﻟﻲ ﺟﺎﻧﺖ ﺑﻲ ﺍﻡ ﺣﺴﻴﻦ ﻣﺎﻟﻜﻴﻨﺎﻫﻢ ﻭﺍﺑﻮ ﻷﺳﺘﻌﻼﻣﺎﺕ ﻛﺎﻝ ﻗﺒﻞ ﻳﻮﻣﻴﻦ ﻏﺎﺩﺭﻭ ﻟﻤﻜﺎﻥ
ﻧﻘﻬﺮﺕ ﺣﻴﻴﻴﻞ ﻷﻥ ﻣﺎﺷﻔﺘﻬﻢ ﻭﻻﻭﺩﻋﺘﻬﻢ ﺑﺲ ﺳﻴﻒ ﻭﻋﺪﻧﻲ ﻳﺎﺧﺬﻧﻲ ﺍﻟﻬﻢ ﺑﺲ ﺗﻌﺪﻱ ﻫﻸﻳﺎﻡ
ﻭﺭﺓ ﻟﺴﺎﺑﻊ ﺏ 5 ﺍﻳﺎﻡ ﺗﻠﻘﻴﻨﺔ ﺧﺒﺮ ﻭﻓﺎﺕ ﻓﺎﻃﻤﺔ ﺍﻧﻲ ﻣﺎﺣﻀﺮﺕ ﻟﻔﺎﺗﺤﺔ ﺑﺲ ﺧﺎﺑﺮﺕ ﻋﻤﻮ ﺍﺧﺬﺕ ﻣﻦ ﺧﺎﻃﺮﺓ ﻭﻟﺤﺠﻴﺔ ﺭﺍﺣﺖ ﻫﻴﺔ ﻭﺳﻴﻒ ﻭﻋﻤﺎﺭ ﺑﻴﻮﻡ ﻟﺜﺎﻟﺚ ﺍﺩﻭ ﻟﻮﺍﺟﺐ ﻭﺃﺟﻮ
ﺍﺗﺬﻛﺮﻫﺔ ﺑﻴﻮﻡ ﻟﺴﺎﺑﻊ ﻣﺎﻝ ﺳﻜﻴﻨﺔ ﻣﻦ ﺷﺎﻓﺘﻨﻲ ﺟﺎﻧﺖ ﻛﻠﺶ ﻣﻨﺘﻬﻴﺔ ﻛﻮﺓ ﺗﺤﺠﻲ ﻛﺎﻣﺖ ﺗﺒﺠﻲ ﻭﺗﻜﻠﻲ ﺳﺎﻣﺤﻴﻨﻲ ﻭﺑﺮﻳﻨﻲ ﻟﺬﻣﺔ ﺍﻧﻲ ﻋﻠﺔ ﺳﺎﻋﺔ ﺍﻣﻮﺕ
ﻣﺎﻛﺪﺭﺕ ﺍﺟﺎﻭﺑﻬﺔ ﻭﻻ ﻛﻠﻤﺔ ﺿﻠﻴﺖ ﺑﺲ ﺩﻣﻮﻉ
ﻛﻞ ﻟﺴﻮﺗﺔ ﺑﻴﺔ ﺍﺟﺔ ﻛﺒﺎﻝ ﻋﻴﻨﻲ
ﺷﺬﻛﺮ ﻣﻦ ﺳﻮﺍﻳﺎﺗﻬﺔ ﻭﺷﻨﺴﺔ
ﺟﻮﻳﺎﺕ ﻟﺴﺠﻴﻨﺔ ﺍﻟﻲ ﻟﺴﺔ ﺍﺛﺮﻫﻦ ﺑﺪﻳﺔ
ﻟﻮ ﺿﺮﺑﺎﺕ ﻟﻜﻴﺒﻞ ﻟﺴﺔ ﺍﺛﺮﻫﻦ ﺑﻀﻬﺮﻱ
ﺷﻌﺮﻱ ﺍﻟﻲ ﻧﺼﺔ ﻭﻛﻊ ﻣﻦ ﻛﺘﻼﺗﻬﺔ
ﺩﺭﺍﺳﺘﻲ ﺍﻟﻲ ﺣﺮﻣﺘﻨﻲ ﻣﻨﻬﺔ
ﺷﺮﻓﻲ ﺍﻟﻲ ﺧﺴﺮﺗﺔ ﻭﻫﻴﺔ ﺟﺎﻧﺖ ﻣﻦ ﻟﻤﺴﺎﻫﻤﻴﻦ ﺑﻬﺎﺫ ﻟﺸﻲ
ﺍﺍﺍﺥ ﺷﻜﺪ ﻳﻮﺟﻌﻨﻲ ﻛﻠﺒﻲ ﻣﻦ ﺍﺫﻛﺮﻫﺔ ﻟﻤﻦ ﺗﻜﻞ ﻟﺘﻘﻰ ﻋﺎﺯﻣﺘﻜﻢ ﻋﻠﺔ ﻋﺸﺔ ﺍﻧﺘﻲ ﻭﻭﻟﻴﺪ ﺑﻤﻄﻌﻢ ﻟﺴﺎﻋﺔ ﻟﻤﻦ ﻋﺮﻓﺖ ﻭﻟﻴﺪ ﻏﺘﺼﺒﻨﻲ
ﻣﺎﺳﺎﻣﺤﺘﻬﺔ ﺑﺲ ﻋﻔﺖ ﻫﺎﺫ ﻟﺸﻲ ﻟﻠﺰﻣﻦ ﻳﺤﻮﺯ ﻷﻳﺎﻡ ﺭﺍﺡ ﻳﺨﻠﻨﻲ ﺍﻧﺴﺔ ﻭﺍﺳﺎﻣﺤﻬﺔ
ﺑﺲ ﺍﻟﻠﻪ ﺍﻛﻴﺪ ﻣﺮﺍﺡ ﻳﻌﻮﻓﻬﺔ
ﻭﺭﺓ ﻟﺜﺎﻟﺚ ﻣﺎﻝ ﺍﻡ ﺳﻜﻴﻨﺔ ﻟﺤﺠﻴﺔ ﻛﻠﺘﻠﻲ ﺑﻌﺪ ﻣﺘﻨﺎﻣﻴﻦ ﻳﻤﻲ ﺑﻠﻐﺮﻓﺔ ﺭﻭﺣﻲ ﻳﻢ ﺭﺟﻠﺞ
ﺻﻌﺪﺕ ﻟﻠﺼﺎﻟﺔ ﻓﻮﻙ ﻭﺿﻠﻴﺖ ﻛﺎﻋﺪﺓ ﺧﺎﻳﻔﺔ ﻭﻣﺘﺮﺩﺩﺓ ﻭﻣﺴﺘﺤﻴﺔ
ﻝ 11 ﺍﻧﻲ ﻛﺎﻋﺪﺓ ﺍﺧﺎﻑ ﺍﺩﻙ ﻟﺒﺎﺏ
ﻓﺘﺢ ﻟﺒﺎﺏ ﺳﻴﻒ ﻟﻜﺎﻧﻲ ﻛﺎﻋﺪﺓ
ﻫﺎ ﺣﺒﻴﺒﻲ ﺷﺘﺴﻮﻳﻦ ﻫﻨﺎ
ﺍﻣﻚ ﻃﺮﺩﺗﻨﻲ ﺑﻌﺪ ﻣﺘﻘﺒﻞ ﺍﻧﺎﻡ ﻳﻤﻬﺔ
ﻫﻬﻬﻬﻬﻬﻬﻪ ﺯﻳﻦ ﺳﻮﺕ
ﺗﻌﺎﻱ ﺣﺒﻴﺒﻲ ﺍﻛﻮ ﻭﺣﺪﺓ ﺗﻌﻮﻑ ﺭﺟﻠﻬﺔ ﻭﺗﻨﺎﻡ ﻳﻢ ﻋﻤﺘﻬﺔ ﻭﻳﻦ ﺻﺎﻳﺮﺓ
ﻃﺒﺒﺘﻬﺔ ﻟﻠﻐﺮﻓﺔ ﺍﻧﻲ ﻃﻮﻝ ﻫﺎﻱ ﻟﻤﺪﺓ ﻋﻔﺘﻬﺔ ﺑﺮﺍﺣﺘﻬﺔ ﺭﻏﻢ ﻣﺸﺘﺎﻗﻠﻬﺔ ﻭﻋﻄﺸﺎﻥ ﻟﺤﻀﻨﻬﺔ ﺑﺲ ﺣﺘﺮﻣﺖ ﺣﺰﻧﻬﺔ ﻋﻠﺔ ﺳﻜﻴﻨﺔ
ﺧﻠﻴﺘﻬﺔ ﻋﻠﺔ ﺍﻳﺪﻱ ﻭﺣﻀﻨﺘﻬﺔ ﺣﺴﻴﺖ ﺑﺮﺟﻔﺔ ﺟﺴﻤﻬﺔ ﻭﺧﻮﻓﻬﺔ
ﻋﺒﺎﻟﻬﺔ ﺭﺍﺡ ﺍﺗﻘﺮﺑﻠﻬﺔ ﺑﺲ ﺍﻧﻲ ﻣﺎﺭﺩﺕ ﻫﺎﺫ ﻟﺸﻲ ﻳﺼﻴﺮ ﻫﻴﺞ ﻣﻬﻤﺎ ﻳﻜﻮﻥ ﻫﻴﺔ ﺑﻨﻴﺔ ﻭﻣﻦ ﺣﻘﻬﺔ ﺗﻠﺒﺲ ﻟﺒﺪﻟﺔ ﻟﺒﻴﻀﺔ ﻗﺒﻞ 3 ﺍﻳﺎﻡ ﺧﻄﻄﺖ ﻟﻬﺎﺫ ﻟﺸﻲ ﻭﺣﺠﺰﺕ ﻟﺘﺮﻛﻴﺎ ﻟﻠﻤﺮﺓ ﻟﺜﺎﻧﻴﺔ ﻭﺑﺎﺟﺮ ﺏ 11 ﻟﺼﺒﺢ ﻃﻴﺎﺭﺗﻨﺔ ﺑﺲ ﻫﻴﺔ ﻣﺎﺗﺪﺭﻱ ﻭﻻ ﺣﺘﺔ ﺍﻣﻲ ﺑﺲ ﻋﻤﺎﺭ ﻳﺪﺭﻱ
ﻛﻌﺪﺕ ﻟﺼﺒﺢ ﺭﺣﺖ ﻟﺪﻭﺍﻣﻲ ﺍﺧﺬﺕ ﺍﺟﺎﺯﺓ ﺳﺒﻮﻋﻴﻦ ﻭﺭﺟﻌﺖ
ﺳﺎﻋﺔ ﺏ 8 ﻭﻧﺺ ﻃﺒﻴﺖ ﻟﻠﺒﻴﺖ ﻫﻴﺔ ﻛﺎﻋﺪﺓ ﺗﻐﺴﻞ ﻣﻮﺍﻋﻴﻦ ﺑﻠﻤﻄﺒﺦ ﻭﻣﻬﺪﻱ ﺑﺤﻀﻦ ﺍﻣﻲ
ﺍﺟﻴﺖ ﻋﻠﻴﻬﺔ ﺟﺮﻳﺘﻬﺔ ﻭﺍﺧﺬﺗﻬﺔ ﻟﻠﻐﺮﻓﺔ ﻟﺪﺭﺝ ﻛﻠﺔ ﺗﻜﻠﻲ ﺷﻜﻮ ﺷﺒﻴﻚ
ﻃﺒﻴﻨﺔ ﻛﺘﻠﻬﺔ ﺑﺴﺎﻉ ﺑﺪﻟﻲ ﻋﺪﻱ ﻣﻔﺎﺟﺌﺔ ﺍﻟﺞ ﻟﺒﺴﺖ ﻣﻼﺑﺴﻬﺔ ﻃﺒﻌﺎ ﺍﻧﻲ ﻣﺸﺘﺮﻳﻠﻬﺔ ﺟﻨﻄﺔ ﻣﻼﺑﺲ ﻭﺍﺣﺬﻳﺔ ﻛﺎﻣﻠﺔ ﻭﻣﺨﻠﻴﻬﺔ ﺑﺠﻨﻄﺔ ﻟﺴﻴﺎﺭﺓ ﻭﺍﻟﻲ ﻫﻢ ﺍﺧﺬﺕ ﺷﻜﻢ ﻗﻄﻌﺔ
ﺳﻠﻤﺖ ﻋﻠﻮﺍﻟﺪﺓ ﻭﻋﻤﺎﺭ ﻭﻫﻴﺔ ﻣﺎﺗﺪﺭﻱ ﺷﻨﻮ ﻟﺴﺎﻟﻔﺔ ﻫﻢ ﺗﺴﻠﻢ ﻭﻳﺎﻱ ﺻﻌﺪﺗﻬﺔ ﻭﻧﻄﻠﻘﻨﺔ ﻭﻋﻤﺎﺭ ﻭﺻﻠﻨﺔ ﻟﻤﻦ ﻭﺻﻠﻨﺔ ﻟﻠﻤﻄﺎﺭ ﺍﻭﻝ ﻣﺎﺷﺎﻓﺘﺔ ﻛﻠﺘﻠﻲ
ﺳﻴﻒ ﺭﺍﺡ ﺗﻮﺩﻳﻨﻲ ﻟﻠﻜﻮﻳﺖ
ﻟﻴﺶ ﺍﻧﺘﻲ ﺗﺮﺩﻳﻦ ﺗﺮﺣﻴﻦ ﻟﻠﻜﻮﻳﺖ
ﺍﻱ ﻛﻠﺶ ﻣﺸﺘﺎﻗﺘﻠﻬﻢ ﻭﺑﻠﺬﺍﺕ ﻋﺒﻮﺩﻱ
ﺣﺒﻴﺒﻲ ﻭﺍﻟﻠﻪ ﺑﺲ ﻧﺮﺟﻊ ﻣﻦ ﺗﺮﻛﻴﺎ ﺍﻭﺩﻳﺞ ﺍﻟﻬﻢ ﺗﺸﻮﻓﻴﻬﻢ
ﻟﻴﺶ ﺍﺣﻨﺔ ﺭﺍﻳﺤﻴﻦ ﻟﺘﺮﻛﻴﺎ ﻫﺴﺔ
ﺍﻱ
ﻳﺒﻮﻭﻭ ﻃﺮﺕ ﻣﻦ ﻛﻠﻲ ﺭﺍﻳﺤﻴﻦ ﻟﺘﺮﻛﻴﺎ ﻣﻦ ﺟﻨﺖ ﺑﺒﻴﺖ ﻓﺎﻃﻤﺔ ﺍﺷﻮﻓﻬﺔ ﻫﻴﺔ ﻭﺳﻜﻴﻨﺔ ﺍﻟﻠﻪ ﻳﺮﺣﻤﻬﺔ ﻳﺒﺎﻭﻋﻦ ﻣﺴﻠﺴﻼﺕ ﺗﺮﻛﻲ ﺟﻨﺖ ﺍﺗﻤﻨﺔ ﺍﺷﻮﻑ ﺗﺮﻛﻴﺎ ﻭﻣﻦ ﺳﺄﻟﻨﻲ ﺳﻴﻒ ﻗﺒﻞ ﺯﻭﺍﺟﻨﺔ ﻭﻳﻦ ﺗﺮﺩﻳﻦ ﺷﻬﺮ ﻟﻌﺴﻞ ﺭﺃﺳﻦ ﻛﺘﻠﺔ ﻟﺘﺮﻛﻴﺎ ﺑﺲ ﻣﺎﺻﺎﺭﺕ
ﺻﻌﺪﻧﺔ ﺑﻠﻄﻴﺎﺭﺓ
ﻭﻫﻨﺎ ﺗﺬﻛﺮﺕ ﻟﻤﻦ ﺻﻌﺪﺗﻬﺔ ﻭﺭﺣﺖ ﻭﻳﺔ ﺑﻴﺖ ﺍﻡ ﺣﺴﻴﻦ ﺷﻜﺪ ﺟﻨﺖ ﻭﻛﺘﻬﺔ ﺧﺎﻳﻔﺔ ﻭﻣﻘﻬﻮﺭﺓ ﻭﺷﻜﺪ ﺑﻴﻮﻣﻬﺔ ﺷﺘﺎﻗﻴﺖ ﻟﺴﻴﻒ ﻭﺗﻤﻨﻴﺖ ﺍﺷﻮﻓﺔ ﻗﺒﻞ ﻣﺎﺭﻭﺡ ﺟﻨﺖ ﻣﺘﺨﻴﻠﺔ ﻣﺎﺭﺍﺡ ﺍﻧﺠﻤﻊ ﺑﻲ ﺍﺑﺪ ﺑﺲ ﻣﺎﺟﻨﺖ ﺍﺗﺪﺭﻱ ﺍﻟﻠﻪ ﻛﺎﺗﺒﻠﻲ ﺳﻴﻒ ﻗﺴﻤﺘﻲ ﻭﻣﺎﻛﻮ ﺷﻲ ﻣﻨﻌﻨﻲ ﻋﻨﺔ ﺣﺘﺔ ﻟﺒﻌﺪ
ﻭﺻﻠﻨﺔ ﻷﺳﻄﻨﺒﻮﻝ ﻭﻧﺰﻟﻨﺔ ﺑﻠﻔﻨﺪﻕ ﺍﻭﻝ ﻣﺎﻃﺒﻴﻨﺔ ﺑﺲ ﺫﺑﻴﻨﺔ ﻟﺠﻨﻂ ﺳﻴﻒ ﻛﻠﻲ ﻫﺴﺔ ﺍﺟﻲ ﺭﺍﺡ ﻭﻟﺮﻭﺣﺔ ﺭﻭﺣﺔ ﺳﺎﻋﺘﻴﻦ ﻭﻧﺺ ﻳﻠﻠﻪ ﺭﺟﻊ ﻭﺑﺎﻟﻲ ﺿﻞ ﻳﻤﺔ ﻃﺐ ﺑﻴﺪﺓ ﺟﻴﺲ ﺟﺒﻴﺮ ﻓﺘﺤﺔ ﺑﻲ ﺑﺪﻟﺔ ﻋﺮﺱ ﺑﻴﻀﺔ
ﻳﺎ ﺍﻟﻠﻪ ﺗﺠﻨﻦ ﻫﺎﻱ ﺍﻟﻲ ﺳﻴﻒ
ﻟﻌﺪ ﺍﻟﻲ ﺣﺒﻴﺒﻲ ﺍﻧﻲ ﻣﺎﺭﺩﺕ ﺍﺗﺰﻭﺟﺞ ﺑﺪﻭﻥ ﻣﺘﻠﺒﺴﻴﻦ ﻷﺑﻴﺾ ﺍﻧﺘﻲ ﺣﻠﻤﺞ ﺟﺎﻥ ﺗﻠﺒﺴﻴﻦ ﻫﺎﻱ ﻟﺒﺪﻟﺔ
ﺗﻐﺪﻳﻨﺔ ﻭﻃﺒﻴﺖ ﺳﺒﺤﺖ ﻭﺗﺤﻀﺮﺕ ﻛﻌﺮﻭﺱ ﺍﺧﺬﻧﻲ ﻟﺼﺎﻟﻮﻥ ﺳﻮﻭﻟﻲ ﻣﻜﻴﺎﺝ ﻭﻟﺒﺴﻮﻧﻲ ﺑﺮﻛﻊ ﺍﺑﻮ ﻟﺤﺠﺎﺏ ﻃﻠﻌﺖ ﻛﻠﺶ ﺣﻠﻮﺓ ﻭﻟﺒﻨﺎﺕ ﺍﻟﻲ ﺑﻠﺼﺎﻟﻮﻥ ﻣﺎﺧﻠﻨﻲ ﺍﻃﻠﻊ ﻃﺒﺒﻦ ﺳﻴﻒ ﻟﻴﺠﻮﺓ ﻭﻫﻮﺓ ﺳﻮﺩﺓ ﻋﻠﻴﺔ ﻣﻦ ﺷﺎﻓﻨﻲ ﺑﻠﺒﺪﻟﺔ ﻟﺒﻴﻀﺔ ﻛﺎﻡ ﻳﺒﺠﻲ ﻓﺮﻓﺢ ﻭﻟﺒﻨﺎﺕ ﺻﻮﺭﻧﺔ ﺑﻠﻤﺒﺎﻳﻞ ﻭﻫﺎﺫ ﻟﻔﺪﻳﻮ ﻧﺘﺸﺮ ﻋﻠﻴﻮﺗﻴﻮﺏ ﻭﻟﻜﺮﺍﻳﺐ ﻭﻟﺠﻮﺍﺭﻳﻦ ﻛﻠﻬﺔ ﺷﺎﻓﺘﺔ
ﺍﺧﺬﻧﻲ ﺑﺴﻴﺎﺭﺓ ﺗﺠﻨﻦ ﻣﺰﻳﻨﻬﺔ ﻭﻣﺎﺑﻴﻬﺔ ﺳﻘﻒ ﻣﻔﺘﻮﺣﺔ ﻭﻓﺮﻧﻲ ﺳﻄﻨﺒﻮﻝ ﻛﻠﻬﺔ ﻭﺭﺣﻨﺔ ﻟﻠﻤﺼﻮﺭ ﻭﺻﻮﺭﻧﺔ ﻟﻘﻄﺎﺕ ﻳﺠﻨﻦ
ﺭﺟﻌﻨﺔ ﻟﻠﺒﻴﺖ ﺑﻞ 9 ﺑﻠﻴﻞ ﻃﺒﻴﺖ ﻟﻠﺤﻤﺎﻡ ﻟﺒﺴﺖ ﺳﻴﺖ ﻧﻮﻡ ﺍﺑﻴﺾ ﻭﻛﻠﺴﺎ ﺍﻓﺘﺢ ﻟﺒﺎﺏ ﻭﺍﺭﻳﺪ ﺍﻃﻠﻊ ﺑﺲ ﺧﺎﻳﻔﺔ ﻭﻣﺮﺗﺒﻜﺔ ﺍﺣﺎﻭﻝ ﺍﻛﻮﻥ ﻃﺒﻴﻌﻴﺔ ﻭﺍﻃﺮﺩ ﻟﺨﻮﻑ ﻣﺎﺍﻛﺪﺭ ﺧﺎﻳﻔﺔ ﻻﻳﺴﻮﻱ ﺑﻴﺔ ﻣﺜﻞ ﻭﻟﻴﺪ ﺍﻭﻭﻭﻑ ﻫﻠﻔﻜﺮﺓ ﻣﺘﺮﻭﺡ ﻣﻦ ﺑﺎﻟﻲ ﺍﺑﺪ ﺿﻠﻴﺖ ﻫﻮﺍﻱ ﺑﻠﺤﻤﺎﻡ ﻟﺤﺪ ﻣﺎﺳﻴﻒ ﺩﻙ ﻋﻠﻴﺔ ﻟﺒﺎﺏ
ﻫﺎ ﻟﻴﻠﻮ ﻧﻤﺘﻲ
ﻫﺎ ﻻ ﻫﺴﺔ ﺍﻃﻠﻊ
ﺍﺭﻳﺪ ﺍﻓﺘﺢ ﻟﺒﺎﺏ ﻣﺎﺍﻛﺪﺭ
ﺭﺟﻊ ﺩﻛﺔ
ﻫﺎ ﺣﺒﻴﺒﻲ ﺷﻠﻮﻥ ﺍﻧﻄﻴﺞ ﻣﺨﺪﺓ
ﺳﻜﺘﺖ
ﻟﻴﻠﻰ ﺗﻌﺎﻟﻲ ﺣﺒﻴﺒﻲ ﻻ ﺗﺨﺎﻓﻴﻦ ﻧﺎﻣﻲ ﺑﻠﺼﺎﻟﺔ ﻭﺍﻧﻲ ﺭﺍﻳﺢ ﻟﻠﻐﺮﻓﺔ
ﺳﻤﻌﺖ ﺧﻄﻮﺍﺗﺔ ﻳﺒﺘﻌﺪ ﻋﻦ ﻟﺤﻤﺎﻡ
ﻓﺘﺤﺖ ﻟﺒﺎﺏ ﻣﺎﻟﻜﻴﺘﺔ ﺑﻠﺼﺎﻟﺔ
ﻫﻮﻭﻭﻑ ﺟﺮﻳﺖ ﻧﻔﺲ ﻋﻤﻴﻖ ﻭﻗﻮﻳﺖ ﺭﻭﺣﻲ ﺳﻴﻒ ﻳﺤﺒﻨﻲ ﻭﻣﺴﺘﺤﻴﻞ ﻳﺄﺫﻳﻨﻲ ﻭﻫﺎﻱ ﺳﻨﺔ ﺍﻟﺤﻴﺎﺓ ﻻﺯﻡ ﻫﺎﺫ ﻟﺸﻲ ﻳﺼﻴﺮ
ﻗﻨﻌﺖ ﺭﻭﺣﻲ ﺑﻠﻜﻮﺓ
ﻓﺘﺤﺖ ﺑﺎﺏ ﻟﻐﺮﻓﺔ ﻋﻠﺔ ﻛﻴﻔﻲ ﺳﻴﻒ ﻣﻄﻔﻲ ﻟﻀﻮﺓ ﺍﻭﻝ ﻣﺎﺷﺎﻓﻨﻲ ﻛﻌﺪ
ﺭﺣﺖ ﻋﻠﻲ ﻛﻌﺪﺕ ﻋﻠﺔ ﺭﺟﻠﻲ
ﺗﻘﺮﺑﺖ ﻋﻠﻲ ﺑﺴﺘﺔ ﻣﻦ ﺭﻛﺒﺘﺔ
ﺳﻴﻒ : ﻃﺒﺖ ﻟﻠﻐﺮﻓﺔ ﺍﻧﻲ ﻛﻤﺰﺕ ﻣﻦ ﻣﻜﺎﻧﻲ ﻫﻴﺔ ﻃﺎﻟﻌﺔ ﺟﻨﻬﺔ ﻣﻼﻙ ﺑﻠﺜﻮﺏ ﺍﻻﺑﺴﺘﺔ
ﺗﻘﺮﺑﺖ ﻳﻤﻲ ﻛﻌﺪﺕ ﻋﻠﺔ ﺭﺟﻠﻴﺔ ﻭﺑﺎﺳﺘﻨﻲ ﻣﻦ ﺭﻛﺒﺘﻲ ﻋﺮﻓﺖ ﻫﺎﻱ ﻟﺒﻮﺳﺔ ﻣﻌﻨﺎﻫﺔ ﻫﻴﺔ ﻗﺎﺑﻠﺔ ﺍﺗﻘﺮﺑﻠﻬﺔ
ﺍﻧﻲ ﻣﻴﺖ ﻋﻠﻴﻬﺔ
ﺧﻠﻴﺘﻬﺔ ﻋﻠﺠﺮﺑﺎﻳﺔ ﻭﻳﺪﻳﺖ ﺍﺑﻮﺱ ﻛﻞ ﻣﻜﺎﻥ ﺑﺠﺴﻤﻬﺔ ﻣﻦ ﺭﺟﻠﻬﺔ ﻟﺤﺪ ﺭﻛﺒﺘﻬﺔ ﻭﻛﻞ ﻣﺎﺍﺑﻮﺳﻬﺔ ﺗﺮﺟﻒ ﻭﺗﺠﺮ ﺭﻭﺣﻬﺔ ﻣﻨﻲ ﻋﻠﺔ ﻛﻴﻒ
ﺑﺲ ﻫﺎﺫ ﺍﺷﻲ ﻳﺰﻳﺪ ﻋﻄﺸﻲ ﺍﻟﻬﺔ ﻭﺷﻮﻛﻲ
ﺗﻘﺮﺑﺘﻠﻬﺔ ﺑﺲ ﺣﺎﻭﻟﺖ ﻣﺎﺍﺫﻳﻬﺔ
ﺻﺢ ﻫﻴﺔ ﻣﻮﺑﻨﻴﺔ ﺑﺲ ﻣﺎﺭﻳﺪ ﺍﺧﻮﻓﻬﺔ ﻣﻨﻲ ﻷﻥ ﻟﺴﻮﺍ ﺑﻴﻬﺔ ﻭﻟﻴﺪ ﻣﻮﺷﻮﻳﺔ ﺭﺩﺗﻬﺔ ﺗﻌﺮﻑ ﺍﻧﻮ ﻟﺰﻭﺍﺝ ﺣﻠﻮ ﻣﻮﻣﺜﻞ ﻣﺎﺍﺧﺬﺕ ﻓﻜﺮﺓ ﻋﻨﺔ ﺑﻌﺪ ﻟﺼﺎﺭ ﻭﻳﺎﻫﺔ
ﺟﻨﺖ ﺧﺎﻳﻔﺔ ﺣﻴﻴﻞ ﻣﻦ ﺑﺪﺓ ﻳﺘﻘﺮﺑﻠﻲ ﻷﻥ ﻛﻞ ﺿﻨﻲ ﺭﺍﺡ ﻳﺴﻮﻱ ﺑﻴﺔ ﻣﺜﻞ ﻭﻟﻴﺪ ﻟﻜﻠﺐ
ﺑﺲ ﻣﻦ ﺻﺎﺭ ﻫﺎﺫ ﻟﺸﻲ ﻋﺮﻓﺖ ﺍﻧﻮ ﻭﻟﻴﺪ ﺣﻴﻮﺍﻥ ﻣﻮﺑﺸﺮ
ﺳﻴﻒ ﺍﺑﺪ ﻣﺎﺍﺫﺍﻧﻲ ﻭﺗﺠﺎﻭﺑﺖ ﻭﻳﺎ ﺣﻴﻴﻞ ﺑﻜﺪ ﻣﺎﻓﺮﺣﺖ ﻟﻤﻦ ﺷﻔﺖ ﻟﺸﻲ ﻳﺨﺘﻠﻒ ﻋﻦ ﻟﺼﺎﺭ ﻭﻳﺎﻱ ﻋﻠﺔ ﺍﻳﺪ ﻭﻟﻴﺪ
ﺍﺧﺬﺗﻬﺔ ﻭﺻﺎﺭﺕ ﻣﺮﻳﺘﻲ ﺑﺴﺘﻬﺔ ﻣﻦ ﺭﺍﺳﻬﺔ ﻭﺣﻀﻨﺘﻬﺔ ﻧﻮﻣﺘﻬﺔ ﻋﻠﺔ ﺍﻳﺪﻱ
ﻫﺎ ﺣﺒﻴﺒﻲ ﺧﻮﻣﺎ ﺍﺫﻳﺘﺞ
ﻻ ﻣﺎﺍﺫﻳﺘﻨﻲ
ﻧﺎﻣﺖ ﻋﻠﺔ ﺍﻳﺪﻱ ﻟﻠﺼﺒﺢ ﺣﺎﺿﻨﻬﺔ ﻋﺒﺎﻟﻚ ﺭﺍﺡ ﺗﺸﺮﺩ ﺟﺎﻥ ﺍﺣﻠﺔ ﻳﻮﻡ ﺑﺤﻴﺎﺗﻲ ﻃﻠﻌﺖ ﻋﻄﺶ ﺳﻨﻴﻦ ﻭﺷﻮﻙ ﺍﻟﻬﺔ
ﻛﻌﺪﺕ ﻟﺼﺒﺢ ﺳﻮﻳﺖ ﺭﻳﻮﻙ ﻭﻛﻌﺪﺕ ﺳﻴﻒ ﺗﺮﻳﻜﻨﺔ ﻭﻃﻠﻌﻨﺔ ﺭﺣﻨﺔ ﺭﺣﻠﺔ ﺑﻠﻴﺨﺖ
ﺳﻔﺮﺗﻨﺔ ﺟﺎﻧﺖ ﺗﺠﻨﻦ ﻣﺎﺧﻠﺔ ﻣﻜﺎﻥ ﺣﻠﻮ ﻭﻏﺮﻳﺐ ﻣﺎﻭﺩﺍﻧﻲ ﺍﻟﺔ ﻭﺟﺎﻥ ﻳﺸﻴﻠﻨﻲ ﻛﺪﺍﻡ ﻟﻨﺎﺱ ﻭﻳﺤﻀﻨﻲ ﺍﻳﺎﻡ ﺗﺠﻨﻦ ﻋﺸﺘﻬﺔ ﺑﺸﻬﺮ ﻟﻌﺴﻞ
ﺭﺟﻌﻨﺔ ﻟﻠﻌﺮﺍﻕ ﻭﻭﺭﺓ ﺷﻬﺮ ﻭﺩﺍﻧﻲ ﻟﻠﻜﻮﻳﺖ ﺭﺣﺖ ﻟﺒﻴﺖ ﺍﻡ ﺣﺴﻴﻦ ﻭﻋﺒﻮﺩﻱ ﻣﺎﻋﺮﻓﻨﻲ ﻫﻬﻬﻬﻬﻪ
ﺷﻬﺮﻳﻦ ﻧﺴﺎﻧﻲ
ﺣﺠﻴﺖ ﻷﻡ ﺣﺴﻴﻦ ﻛﻠﺸﻲ ﻭﻣﻦ ﻋﺮﻓﺖ ﺳﻴﻒ ﺟﺎﻥ ﻣﻀﻠﻮﻡ ﺳﻠﻤﺖ ﻋﻠﻲ ﻭﺭﺣﺒﺖ ﺑﻲ ﺗﻐﺪﻳﻨﺔ ﻳﻤﻬﻢ ﺳﻴﻒ ﺗﺸﻜﺮ ﻣﻨﻬﻢ ﺣﻴﻴﻞ ﻭﻭﻋﺪﻫﻢ ﺑﻴﻦ ﻣﺪﺓ ﻭﻟﺜﺎﻧﻴﺔ ﻳﺠﻴﺒﻨﻲ
ﻃﻠﻌﻨﺔ ﻣﻦ ﻳﻤﻬﻢ ﻓﺘﺮﻳﻨﺔ ﻣﻮﻻﺕ ﻭﺍﺳﻮﺍﻕ ﺑﻘﻴﻨﺔ 3 ﺍﻳﺎﻡ ﻭﺭﺟﻌﻨﺔ ﻟﻠﻌﺮﺍﻕ ﺑﺲ ﺿﻠﻴﺖ ﺍﺗﻮﺍﺻﻞ ﻭﻳﺎﻫﻢ
ﻟﺤﻤﺪ ﻟﻠﻪ
ﺍﻟﻠﻪ ﺿﻬﺮ ﻟﺤﻖ ﻭﻛﻠﻬﻢ ﺍﺧﺬﻭ ﺟﺰﺍﺋﻬﻢ ﺻﺢ ﻋﺎﻧﻴﺖ ﺑﻄﻔﻮﻟﺘﻲ ﺑﺲ ﺍﻟﻠﻪ ﻋﻮﺿﻨﻲ ﻭﺍﺧﺬﻟﻲ ﺣﻘﻲ ﻣﻦ ﻟﻜﻞ ﻋﺪﺍﻟﺔ ﺭﺑﻲ ﻣﺎﻋﺎﻓﺖ ﻛﻞ ﺍﻟﻲ ﺍﺫﻭﻧﻲ ﺣﺘﺔ ﻣﻴﺲ ﻭﻟﺒﻨﻰ ﻭﺭﺓ ﺯﻭﺍﺟﻲ ﺑﺸﻬﺮ ﺍﻣﻬﻦ ﻭﺍﺑﻮﻫﻦ ﺳﻮﻭ ﺣﺎﺩﺙ ﺑﻄﺮﻳﻖ ﺍﻳﺮﺍﻥ ﻭﺗﻮﻓﻮ ﻭﺿﻠﻦ ﻋﺪ ﺑﻴﺖ ﺟﺪﻫﻦ ﻫﻢ ﻋﺎﺷﻦ ﺧﺪﺍﻣﺎﺕ ﻟﻠﺠﺒﻴﺮ ﻭﻟﺰﻏﻴﺮ ﻭﺯﻫﺮﺍﺀ ﺗﺠﻲ ﺗﺴﻮﻟﻔﻠﻲ ﻋﻠﻴﻬﻦ ﺗﻜﻮﻝ ﻛﻞ ﺍﻟﻲ ﺳﻮﻭ ﺑﻴﺞ ﺻﺎﺭ ﺑﻴﻬﻦ ﻭﻧﺴﻮﺍﻥ ﻋﻤﺎﻣﻬﻦ ﻣﻄﻴﺤﺎﺕ ﺣﻀﻬﻦ
ﺻﺒﺮﺕ ﻭﺍﻟﻠﻪ ﻋﻮﺽ ﺻﺒﺮﻱ ﻭﻋﺎﻳﺸﺔ ﺣﻴﺎﺓ ﺗﺠﻨﻦ ﻭﻳﺔ ﺳﻴﻒ ﺍﻣﺔ ﺣﺎﺳﺒﺘﻨﻲ ﺑﺘﻬﺔ ﻭﻟﺒﻴﺖ ﻛﻠﺔ ﺑﻴﺪﻱ ﻫﻴﺔ ﻣﻠﺘﻬﻴﺔ ﺑﺼﻼﺗﻬﺔ ﻭﺯﻳﺎﺭﺍﺗﻬﺔ ﻭﻋﻤﺎﺭ ﺳﺎﻓﺮ ﻷﻳﺮﺍﻥ ﻭﺳﺘﻘﺮ ﻫﻨﺎﻙ ﻭﺍﺑﻦ ﺳﻜﻴﻨﺔ ﺿﻞ
ﺑﻴﻨﻲ ﻭﺑﻴﻦ ﻟﺤﺠﻴﺔ ﺑﻠﻨﻬﺎﺭ ﻳﻤﻲ ﻭﺑﻠﻴﻞ ﻳﻤﻬﺔ ﻭﻟﺴﻨﺔ ﻗﺪﻣﺖ ﺧﺎﺭﺟﻲ ﺛﺎﻟﺚ ﻣﺘﻮﺳﻂ ﻭﺳﻴﻒ ﺧﻼﻟﻲ ﻣﺪﺭﺳﻴﻦ ﻭﻣﻦ ﺍﻛﻤﻞ ﺍﻧﺸﺎﺀ ﺍﻟﻠﻪ ﺍﻗﺪﻡ ﻋﻠﺴﺎﺩﺱ ﻭﺍﻛﻤﻞ ﺟﺎﻣﻌﺔ
ﻟﻬﻨﺎ ﺍﻧﺘﻬﺔ ﻣﺸﻮﺍﺭﻧﺔ ﻭﻳﺔ ﻟﻴﻠﻰ ﻫﻠﻘﺼﺔ ﻋﺒﺎﺭﺓ ﻋﻦ ﻣﻮﺍﻋﺾ ﺍﻧﻲ ﺷﺨﺼﻴﺎ ﺳﺘﻔﺎﺩﻳﺖ ﻣﻨﻬﺔ
ﺍﺗﻤﻨﻰ ﺍﻛﻮﻥ ﻗﺪﻣﺘﻬﺔ ﺍﻟﻜﻢ ﺑﻠﺸﻜﻞ ﺍﻟﻤﻄﻠﻮﺏ ﻭﻛﺪﺭﺕ ﺍﻭﺻﻠﻠﻜﻢ ﻛﻞ ﺷﺨﺼﻴﺔ ﻣﺜﻞ ﻣﺎﻫﻴﺔ
ﻭﺍﺗﻤﻨﺔ ﺗﺴﺘﻔﺎﺩﻭﻥ ﻣﻨﻬﺔ ﻭﺗﻌﺮﻓﻮﻥ ﺍﻧﻮ ﻟﻀﻠﻢ ﻣﻴﺪﻭﻡ .....
ﺍﻟﻨﻬﺎﻳﺔ
تابعونا على @novels1234 في تيلجرام
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
3 التعليقات
إضغط هنا لـ التعليقاتواخيرآ ليلى ضحكت الدنيا الها
ردالحمد لله تستاهل الفرح
ردحسبي الله ونعم الوكيل علة كل ضالم
ردتحويل كودإخفاء محول الأكواد الإبتساماتإخفاء