رواية امقت اعرافهم لكنها حيتني الجزء الثاني عشر

رواية امقت اعرافهم لكنها حيتني الجزء الثاني عشر 

للكاتبة نور 

🔹🔸🥇🔹🔸

ﺛﺎﻧﻲ ﻳﻮﻡ ﺍﻟﺼﺒﺢ ﮔﻌﺪﺕ ﻓﺮﺣﺎﻧﻪ ﺷﻌﻮﺭﻱ ﻏﻴﺮ ﺍﺣﺲ ﺑﻨﻔﺴﻲ ﺍﻧﺘﻤﻲ ﺍﻟﻬﺬﺍ ﺍﻟﻤﻜﺎﻥ ﺍﻛﺜﺮ ﻣﻦ ﻗﺒﻞ ﺍﻛﻮ ﺷﻲ ﺑﺪﺍﺧﻠﻲ ﻣﺎﺍﻋﺮﻑ ﺷﻠﻮﻥ ﺍﻭﺻﻔﻪ

ﻃﻠﻌﺖ ﺑﺲ ﺧﺠﻼﻧﻪ ﻣﻮ ﻣﺜﻞ ﻛﻞ ﻣﺮﻩ ﺍﺣﺲ ﻧﻔﺴﻲ ﻣﺮﺍﻗﺒﻪ ﻣﻦ ﺍﻟﻜﻞ

ﺳﻤﻌﺖ ﺻﻮﺕ

.. ﺑﺴﺲ ﺑﺴﺲ ﻳﺎﺣﻠﻮﻩ ﺻﺒﺎﺣﭻ ﺧﻴﺮ ﺗﻌﺎﻟﻲ ﻫﻨﺎ

ﭼﺎﻥ ﻭﺍﮔﻒ ﺍﺑﺎﺏ ﻏﺮﻓﺘﻪ ﺧﻼﻩ ﻣﻔﺘﻮﺡ ﻉ ﺍﻟﻨﺺ ﻭﺩﺧﻞ ﻟﻠﻐﺮﻓﻪ ﻳﻨﺘﻈﺮﻧﻲ

.. ﺗﺮﺩﺩﺕ ﺍﺭﻭﺡ ﺑﺲ ﺍﻛﻮ ﺷﻲ ﺧﻼﻧﻲ ﺍﺭﻭﺣﻠﻪ ﺑﻠﻴﻪ ﺷﻌﻮﺭ ﺍﺑﺘﺴﻤﺖ ﺻﺒﺎﺡ ﺍﻟﻨﻮﺭ .. ﻫﺎﻱ ﺍﻧﺖ ﺍﻟﻴﻮﻡ ﺷﻌﺠﺐ ﻣﻮ ﻃﺎﻟﻊ

.. ﺍﻟﻴﻮﻡ ﺣﺒﻴﺖ ﺍﺿﻞ ﺑﺎﻟﺒﻴﺖ ﺭﺩﺕ ﺍﺻﺒﺢ ﺑﻬﺬﺍ ﺍﻟﻮﺟﻪ ﺍﻟﺤﻠﻮﻭ ﺗﻌﺎﻟﻲ ﺍﺭﻳﺪﭺ ﺑﺸﻐﻠﻪ ﺃﺷﺮﻟﻲ ﺍﮔﻌﺪ ﻋﻠﻰ ﻃﺮﻑ ﺍﻟﭽﺮﺑﺎﻳﻪ ﺑﺼﻔﻪ

ﺑﻘﻴﺖ ﻣﺘﺮﺩﺩﻩ ﺍﺷﺮﻟﻲ ﺍﮔﻌﺪ

ﺍﺣﺲ ﮔﻠﺒﻲ ﻳﺪﮒ ﺑﻘﻮﻩ

ﮔﺘﻠﻪ ﺷﻨﻮﻭ

.. ﺍﻛﻮ ﺷﻐﻼﺕ ﻧﺘﻔﻖ ﻋﻠﻴﻬﻦ ﺍﻧﻪ ﻭﺍﻧﺘﻲ ﺣﺘﻪ ﻧﻌﻴﺶ ﺑﺮﺍﺣﻪ ﻭﻛﻞ ﺷﺨﺺ ﻣﻨﻪ ﻳﻌﺮﻑ ﺍﻷﻟﻪ ﻭﺍﻟﻌﻠﻲ

ﺑﻠﻌﺖ ﺭﻳﮕﻲ ﺧﺎﻳﻔﻪ ﻣﻦ ﻃﺮﻳﻘﺔ ﻛﻼﻣﻪ ﺭﻏﻢ ﻫﻮﻩ ﻛﺎﻥ ﻳﺘﻜﻠﻢ ﺑﻬﺪﻭﺀ ﻭﺍﻋﺼﺎﺑﻪ ﻣﺮﺗﺨﻴﻪ ﻋﻜﺴﻲ ﺍﻧﻲ ﺍﻟﻲ ﺍﺣﺲ ﻧﻔﺴﻲ ﻣﺘﺸﻨﺠﻪ ﻭﮔﻮﻩ ﮔﺎﻋﺪﻩ ﻳﻤﻪ ﻭﺍﺳﻤﻊ ﻛﻼﻣﻪ ﺍﺣﺲ ﺍﻛﻮ ﺷﻲ ﻭﺭﻩ ﻫﺬﺍ ﺍﻟﻬﺪﻭﺀ

ﮔﺘﻠﻪ ﺍﺳﻤﻌﻚ ﺍﻧﻲ

.. ﻣﺎﺿﻲ ﺍﻫﻠﻲ ﻭﺍﻫﻠﭻ ﻧﻨﺴﺎﻩ ﻻﺗﺬﻛﺮﻳﻨﻲ ﺑﺄﻣﻲ ﻭﻻ ﺍﻧﻪ ﺍﺟﻴﺐ ﺳﻴﺮﺓ ﺍﻫﻠﭻ

.. ﺷﻠﻮﻥ ﻳﻌﻨﻲ ﺍﻛﻮﻭ ﺷﻐﻼﺕ ﻣﻮ ﻋﺎﺭﻓﺘﻬﺎ ﻣﻮ ﻻﺯﻡ ﺍﻋﺮﻓﻬﺎ

.. ﻻ ﻣﻮ ﻻﺯﻡ ﺍﺑﺪ ﺍﻧﻪ ﻭﻳﺎﺝ ﻧﻨﺴﻪ ﺍﻟﻤﺎﺿﻲ ﻭﻋﻠﻴﻨﻪ ﺑﺎﻟﺤﺎﺿﺮ

.. ﻣﻮ ﻭﻋﺪﺗﻨﻲ ﺍﺩﻭﺭﻟﻲ ﻋﻦ ﺍﻣﻲ

.. ﺍﻧﻪ ﻋﺪ ﻭﻋﺪﻱ ﺑﺲ ﺍﺳﻤﻊ ﺧﺒﺮ ﻋﻨﻬﺎ ﺭﺍﺡ ﺍﮔﻠﭻ ﻭﺍﺣﺎﻭﻝ ﺗﺸﻮﻓﻴﻬﺎ ﻣﺎﺭﺍﺡ ﺍﻣﻨﻌﺞ ﺍﻧﻪ ﺑﺲ ﻻﺍﻃﻠﺒﻴﻦ ﻣﻨﻲ ﻣﺤﺒﻪ ﻭﺗﻌﺎﻣﻞ ﺧﺎﺹ ﻭﻳﺎﻫﺎ ﻉ ﺍﺑﻮ ﻧﺴﻴﺒﻪ ﺍﻧﻪ ﺍﺫﺍ ﺳﻤﺤﺖ ﺗﺸﻮﻓﻴﻨﻬﺎ ﺍﻟﺨﺎﻃﺮﺝ ﺍﻛﻴﺪ ﮔﻠﺒﻲ ﻣﻮ ﻣﻦ ﺣﺠﺮ ﺣﺘﻪ ﺍﻣﻨﻊ ﺑﻨﻴﻪ ﻣﻦ ﺷﻮﻓﺖ ﺍﻣﻬﺎ

.. ﺍﺫﺍ ﻫﻴﭻ ﺍﻧﻲ ﻣﻮﺍﻓﻘﻪ ﺿﺤﻜﺘﻠﻪ

.. ﻭﺍﻧﻪ ﺑﻬﺎﻟﻀﺤﻜﻪ ﺍﺿﻴﻊ .. ﺷﻐﻠﻪ ﺛﺎﻧﻴﻪ ﺍﻱ ﻭﺍﺣﺪ ﻳﻐﺜﭻ ﺑﺤﭽﺎﻳﻪ ﺍﻭ ﻳﺤﺎﻭﻝ ﻳﻨﺘﻘﺺ ﻣﻨﺞ ﺍﻧﻄﻴﻨﻲ ﻋﻠﻢ ﺑﺪﻭﻥ ﻣﺸﺎﻛﻞ ﺍﻧﻪ ﺍﺣﻞ ﻛﻠﺸﻲ

.. ﺃﻧﺖ ﺗﺪﺭﻱ ﺟﺎﻱ ﺗﺨﻮﻓﻨﻲ

.. ﺍﺑﺘﺴﻤﺖ ﺍﻧﺘﻲ ﺍﺗﺨﺎﻓﻴﻦ ﺍﻧﺘﻲ ﺗﺨﻮﻓﻴﻦ ﻫﻬﻬﻪ

.. ﺍﺻﻼ ﻣﺎﻛﻮ ﺍﺟﺒﻦ ﻣﻨﻲ

.. ﻣﻮﺣﻠﻮﻩ ﻣﻨﭻ ﺍﺭﻳﺪ ﻣﺮﺕ ﺍﻟﺸﻴﺦ ﻣﺮﻩ ﺣﻮﻙ ﻣﺎﺭﻳﺪﻫﺎ ﺟﺒﺎﻧﻪ ﻭﺗﺘﺨﺘﻞ ﺍﻟﻲ ﺗﺨﺎﻓﻴﻦ ﻣﻨﻪ ﻃﮕﻲ ﺑﺎﻟﻮﺟﻪ ﻭﻫﻴﻪ ﺗﻨﺤﻞ ﻛﻞ ﻣﺎﺷﺮﺩﺗﻲ ﻣﻦ ﺧﻮﻓﺞ ﻛﻞ ﻣﺎ ﺯﺍﺩ ﺧﻠﻴﺞ ﻗﻮﻳﻪ ﺑﺲ ﻣﻮ ﻭﻛﺤﻪ ﻻ ﻗﻮﻳﻪ

.. ﺷﻨﻮ ﺍﻟﻔﺮﻕ

.. ﻫﻮﺍﻱ ﻓﺮﻕ ﺑﻴﻦ ﺍﻟﻘﻮﻩ ﻭﺍﻟﻮﻛﺎﺣﻪ ﺍﻟﻘﻮﻩ ﺗﻜﻮﻥ ﻣﻦ ﺩﺍﻓﻊ ﺍﻟﺜﻘﻪ ﺑﺎﻟﻨﻔﺲ ﻭﺍﻟﻮﻛﺎﺣﻪ ﺗﻜﻮﻥ ﻣﻦ ﺩﺍﻓﻊ ﺍﻟﺨﻮﻑ ﻭﺍﻟﻀﻌﻒ ﺗﺸﻮﻓﻲ ﻳﺘﻬﺠﻢ ﺑﺪﻭﻥ ﺗﺨﻄﻴﻂ ﻫﺬﺍ ﻣﻌﻨﺎﻫﺎ ﺧﻮﻓﻪ ﺩﻓﻌﻪ ﺑﺲ ﺍﻟﻘﻮﻱ ﺧﻄﻮﺍﺗﻪ ﺛﺎﺑﺘﻪ ﻭﻭﺍﺛﻖ ﻣﻦ ﻛﻠﺸﻲ ﻳﮕﻮﻟﻪ ﻭﻳﺨﻄﻲ

.. ﻣﻮ ﺍﺣﺴﻚ ﻣﺪﺧﻠﻨﻲ ﺩﻭﺭﺓ ﺗﺄﻫﻴﻞ

.. ﺷﻠﻮﻥ ﻣﺎﻳﻌﺠﺒﺞ ﻓﺴﺮﻳﻬﺎ ﺍﻟﻤﻬﻢ ﺗﻮﺻﻠﭻ ﺍﻟﻔﻜﺮﻩ ﻫﺴﻪ ﺍﻧﻲ ﺍﺷﻮﻑ ﺍﻟﺤﺠﻴﻪ ﺍﺭﻳﺪ ﺍﺗﺮﻳﮓ ﻣﻦ ﻫﺎﻷﺩﻳﻦ ﺍﻟﺤﻠﻮﺍﺕ ﺣﺘﻪ ﺍﺣﺲ ﻣﺮﻳﺘﻲ ﺑﺎﻟﺒﻴﺖ ﻫﻴﻪ ﺍﻟﺘﻬﺘﻢ ﺑﻴﻪ

.. ﺿﺤﻜﺖ ﻏﺎﻟﻲ ﻭﺍﻟﻄﻠﺐ ﺭﺧﻴﺺ

.. ﺣﺒﻴﺒﻪ ﺧﻠﻴﭻ ﻫﻴﭻ ﻭﻳﺎﻱ ﺩﻭﻡ ﻓﻬﻤﻴﻨﻲ ﺣﺘﻪ ﺍﺭﺗﺎﺡ ﻭﺍﺭﻳﺤﭻ ﻭﻧﻨﺴﻪ ﻛﻞ ﺍﻟﻔﺎﺗﻨﻪ

🔹🔸🥇🔹🔸

ﻭﺻﺪﮒ ﺑﺪﻳﺖ ﺍﻓﻬﻢ ﺷﻴﺮﻳﺪ ﺍﻭ ﺍﺣﺎﻭﻝ ﺍﻓﻬﻢ

ﺍﻋﺼﺎﺑﻲ ﭼﺎﻧﺖ ﺩﺍﺋﻤﺎ ﻣﺮﺗﺎﺣﻪ ﺣﺴﻴﺖ ﺍﻟﻌﻴﺸﻪ ﻫﻨﺎ ﺍﺣﻠﻰ ﺟﻮ ﺍﻟﻌﺎﺋﻠﻪ ﺍﻟﻌﺰﺍﻳﻢ ﻭﺍﻟﻄﻠﻌﺎﺕ ﻛﻠﺸﻲ ﺣﻠﻮﻭ

ﻣﺮﺕ ﻓﺘﺮﻩ ﻋﻠﻰ ﺧﻄﻮﺑﺘﻨﻪ ﻭﻛﻠﺸﻲ ﺗﻤﺎﻡ ﭼﺎﻥ ﻳﻌﺒﺮﻟﻲ ﻋﻦ ﺣﺒﻪ ﺑﻜﻞ ﻓﺮﺻﻪ ﻭﺍﻛﺜﺮ ﺍﻟﻤﺮﺍﺕ ﻳﺤﺐ ﻳﺤﺮﺟﻨﻲ ﺍﺣﺴﻪ ﻳﺮﺗﺎﺡ ﻣﻦ ﻳﺸﻮﻓﻨﻲ ﻣﺮﺗﺒﻜﻪ ﻭﻳﺎﻩ ﻭﻣﺒﻴﻴﻦ ﻋﻠﻴﻪ ﺣﺒﻪ ﻭﺿﻌﻪ ﺑﺎﻟﺒﻴﺖ ﻧﻔﺴﻪ ﻳﺪﺧﻞ ﻋﻠﻰ ﺑﻴﺒﻴﺘﻲ ﻳﺤﭽﻲ ﻭﻳﺎﻫﺎ ﻭﺗﺘﻮﻧﺲ ﻋﻠﻰ ﺳﻮﺍﻟﻔﻪ ﺑﻨﺎﺕ ﻋﻤﺘﻲ ﻳﻌﺘﺒﺮﻫﻢ ﺧﻮﺍﺗﻪ ﻭﻳﻬﺘﻢ ﺑﻴﻬﻢ ﻛﻠﺶ ﻭﺣﺘﻪ ﺍﻓﻴﺎﺀ ﻳﻬﺘﻢ ﺑﻴﻬﺎ ﻭﺩﺍﺋﻤﺎ ﻳﻮﺻﻲ ﺭﺍﻓﻊ ﻋﻠﻴﻬﺎ

ﺭﺍﻓﻊ ﻣﻨﺘﻈﺮ ﺗﺪﻭﺭ ﺍﻟﺴﻨﻪ ﻭﻳﺘﺰﻭﺝ ﻭﺍﻋﺘﻘﺪ ﻳﺘﺰﻭﺟﻮﻥ ﻛﻠﻬﻢ ﺳﻮﻩ ﻣﺠﺮﺩ ﻣﺎﺍﻓﻜﺮ ﺑﺎﻟﺰﻭﺍﺝ ﺍﺣﺲ ﮔﻠﺒﻲ ﻳﻨﺨﻤﺶ ﻣﮕﺎﻳﻠﻪ ﻗﺼﺔ ﺯﻭﺍﺟﻨﻪ ﻭﺧﺎﻳﻔﻪ ﻣﻦ ﻃﺮﺡ ﺍﻟﻤﻮﺿﻮﻉ ﺩﺍﺋﻤﺎ ﻧﺤﭽﻲ ﻭﻓﺘﺮﺓ ﺧﻄﻮﺑﺘﻨﻪ ﺣﻠﻮﻩ ﺑﺲ ﻣﺎﺍﮔﺪﺭ ﺍﺣﭽﻴﻠﻪ ﻫﻴﺞ ﻣﻮﺿﻮﻉ ﻭﻫﺬﺍ ﺍﻟﺸﻲ ﻗﺎﻟﻘﻨﻲ

ﺍﺳﺘﻤﺮﻳﺖ ﺑﺎﻟﺪﻭﺍﻡ ﻭﺍﻛﺜﺮ ﺍﻷﻭﻗﺎﺕ ﻫﻮﻩ ﻣﺸﻐﻮﻝ ﻣﻦ ﻳﻜﻮﻥ ﻣﺘﻮﺍﺟﺪ ﻫﻮﻩ ﻳﻮﺻﻠﻨﻲ ﻭﻣﺮﺍﺕ ﺍﺫﺍ ﻗﺮﻳﺐ ﻋﻠﻴﻨﻪ ﺍﻧﻲ ﻭﺯﻳﻨﺐ ﻳﺘﺼﻞ ﺑﻴﻪ ﻳﮕﻮﻝ ﺍﻧﺘﻈﺮﻭﻧﻲ

ﺑﻴﻮﻡ ﺯﻳﻨﺐ ﻣﺮﻳﻀﻪ ﻣﻤﺪﺍﻭﻣﻪ ﻭﺭﺣﺖ ﻭﺣﺪﻱ

ﻣﻦ ﻧﺮﻳﺪ ﻧﻄﻠﻊ ﻣﻦ ﺍﻟﺪﻭﺍﻡ ﻭﺍﻧﻲ ﺍﻧﺘﻈﺮ ﺍﻟﺨﻂ

ﺍﺟﻪ ﺯﻣﻴﻞ ﺍﻟﻲ ﻳﺴﺄﻝ ﻋﻦ ﺻﺪﻳﻘﺘﻲ ﻫﻤﻪ ﺑﻴﻨﻬﻢ ﺷﻲ ﻭﻳﻤﻜﻦ ﻣﺘﺰﺍﻋﻠﻴﻦ ﺭﺍﺩ ﻣﺴﺎﻋﺪﺗﻲ ﻭﻳﺎﻩ ﻭﺍﻧﻲ ﻫﻢ ﮔﺘﻠﻪ ﺻﺎﺭ

ﻭﺍﻧﻲ ﻭﺍﮔﻔﻪ ﻣﺒﺎﻳﻠﻲ ﺭﻥ ﺷﻔﺖ ﺭﻗﻤﻪ ﺍﺭﺗﺒﻜﺖ ﺑﺪﻭﻥ ﻭﻋﻲ ﺍﻧﻲ ﻣﻤﺴﻮﻳﻪ ﺷﻲ ﻟﻴﺶ ﺧﻔﺖ ﻳﻤﻜﻦ ﻷﻥ ﺍﻋﺮﻑ ﺑﻲ ﻣﻴﻘﺒﻞ

ﺟﺎﻭﺑﺘﻪ

.. ﺍﻟﻮﻭ

.. ﻫﻼ

.. ﻫﻼ ﺑﻴﻚ

.. ﻟﻴﺶ ﻭﺍﮔﻔﻪ ﺗﻌﺎﻟﻲ ﻣﺘﺎﻧﻴﺞ ﺍﻧﻪ

.. ﺍﺣﺲ ﮔﻠﺒﻲ ﺍﻧﺨﻤﺶ ﻣﻦ ﺩﺭﻳﺖ ﺑﻲ ﻣﻮﺟﻮﺩ ﺍﻛﻴﺪ ﺷﺎﻓﻨﻲ ﻭﻫﺬﺍ ﺍﻟﻬﺪﻭﺀ ﺍﻟﻴﺴﺒﻖ ﺍﻟﻌﺎﺻﻔﻪ ﮔﺘﻠﻪ ﺟﺎﻳﻪ

.. ﺭﺣﺖ ﻣﻦ ﺧﻮﻓﻲ ﺍﺗﻤﺸﻪ ﺳﺮﻳﻊ ﺍﺑﺘﺴﻤﺘﻠﻪ ﻭﺳﻠﻤﺖ

ﺭﺩﻟﻲ ﺍﻟﺴﻼﻡ ﻣﻮ ﻣﺜﻞ ﻛﻞ ﻣﺮﻩ

ﺣﺮﻛﺖ ﺍﻟﺴﻴﺎﺭﻩ ﻭﺍﺣﻨﻪ ﺳﺎﻛﺘﻴﻦ ﺍﻧﺘﺒﻬﺖ ﺍﻟﻪ ﻳﺤﺮﻙ ﺍﺻﺎﺑﻌﻪ ﻉ ﺍﻷﺳﺘﻴﺮﻥ ﺑﺘﻮﺗﺮ

.. ﺭﻳﺖ ﻧﻔﺲ ﺭﺩﺕ ﺍﻫﺪﺃ ﻣﺎﺍﺭﻳﺪ ﻳﺒﻴﻴﻦ ﻋﻠﻴﻪ ﮔﻠﻲ

.. ﺃﻱ

.. ﺷﻨﻮﻭ

.. ﻫﺬﺍ ﻣﻨﻬﻮﻭ ﺍﻟﻮﺍﮔﻒ ﻭﻳﺎﭺ

.. ﻭﻟﺪ ﻣﻨﻮ ﻳﻌﻨﻲ

.. ﺍﻧﻪ ﮔﺘﻠﭻ ﺑﺰﻭﻥ ﺍﺩﺭﻱ ﺑﻲ ﻭﻟﺪ ﺑﺲ ﺷﻨﻬﻲ ﻭﮔﻔﺘﻪ

.. ﻳﺴﺄﻝ ﻋﻠﻰ ﺯﻣﻴﻠﺘﻲ ﻭﻫﻮﻩ ﺧﻄﻴﺒﻬﺎ ﺑﺲ ﺯﻋﻼﻧﻪ ﻭﺭﺍﺩ ﻣﻨﻲ ﺍﺳﺎﻋﺪﻩ

.. ﻭﺍﻧﺘﻲ ﻣﺼﻠﺢ ﺍﺟﺘﻤﺎﻋﻲ ﺻﺎﻳﺮﻩ

.. ﺍﻧﺖ ﻟﻴﺶ ﺿﺎﻳﺞ

.. ﻫﺎﺍ .. ﻭﻟﭻ ﺭﺑﻊ ﺳﺎﻋﻪ ﻋﻴﻨﻲ ﻋﻠﻴﺞ ﻭﻫﻮﻩ ﻋﻠﻰ ﻭﮔﻔﺘﻪ ﻭﻳﺎﺝ ﻭﻟﻮ ﻣﺎﻣﺨﺎﺑﺮﺝ ﻣﺎﻳﺘﺤﺮﻙ ﻭﻻ ﺍﻧﺘﻲ ﺗﺘﺮﺧﺼﻴﻦ

ﻭﻟﻮ ﻧﺎﺯﻝ ﺍﻟﻪ ﺑﻮﻛﺘﻬﺎ ﻣﻮﺣﻠﻮﻩ ﻣﺎﺣﺒﻴﺖ ﺍﻓﺸﻠﺞ ﺍﻋﺮﻑ ﻧﻴﺘﺞ ﺷﻨﻬﻲ ﺑﺲ ﻣﻮ ﺍﻟﻜﻞ ﻣﺜﻠﺞ ﺍﻟﻨﺎﺱ ﺗﺪﻭﺭ ﺍﻟﺤﺠﺞ ﺍﻧﺘﺒﻬﻲ ﺍﻟﺮﻭﺣﭻ ﺍﻧﻮﺏ ﺍﻋﺘﺒﺮﻱ ﻫﺬﺍ ﺗﺤﺬﻳﺮ

.. ﻣﻦ ﺳﻤﻌﺖ ﺣﭽﻴﻪ ﺍﺭﺗﺎﺣﻴﺖ ﺍﻟﻤﻬﻢ ﻋﻨﺪﻩ ﺛﻘﻪ ﺑﻴﻪ ﮔﺘﻠﻪ ﺻﺎﺭ ﺍﺫﺍ ﻫﺬﺍ ﺍﻟﺸﻲ ﻳﻀﻮﺟﻚ ﺑﻌﺪ ﻣﺎﺗﻨﻌﺎﺩ ﺑﺲ ﺍﻧﻲ ﻫﻢ ﺍﻧﺤﺮﺝ ﺷﻨﻮ ﺍﻛﻠﻬﻢ ﻳﻌﻨﻲ

.. ﮔﻠﻴﻠﻬﻢ ﻣﺎﺧﺬﻩ ﻭﺍﺣﺪ ﻫﻤﺠﻲ ﻭﺧﻠﻲ ﺍﻟﻠﻮﻡ ﺑﻴﻪ

.. ﺿﺤﻜﺖ ﺍﻧﺖ ﻭﻻﺗﻨﺴﻪ

.. ﻭﻫﺎﻱ ﺗﻨﺴﻲ .. ﻻ ﺍﺣﭽﻲ ﺻﺪﮒ ﺍﺫﺍ ﻭﻳﺎﻛﻢ ﺑﻨﺎﺕ ﺑﻨﻔﺲ ﺍﻟﻮﮔﻔﻪ ﻋﺎﺩﻱ ﺍﻧﻪ ﻫﻢ ﭼﻨﺖ ﻃﺎﻟﺐ ﻛﻠﻴﻪ ﻭﺍﻋﺮﻑ ﻫﻴﺞ ﻭﮔﻔﻪ ﻣﻮﺣﻠﻮﻩ ﻭﺑﻤﻜﺎﻥ ﻣﻌﺰﻭﻝ

.. ﻣﺎﺗﻨﻌﺎﺩ ﻭﺍﻟﻠﻪ

.. ﻫﺬﺍ ﻫﻮﻭ ﻣﺎﺻﺎﺭ ﺷﻲ

ﻣﻦ ﺭﺟﻌﻨﻪ ﺣﭽﻴﺖ ﻟﻠﺒﻨﺎﺕ ﻭﺿﺤﻜﻦ ﮔﺎﻟﻦ ﻋﻠﻲ ﻟﻮ ﻏﻴﺮ ﻭﺣﺪﻩ ﻣﻨﻪ ﻳﮕﻠﺐ ﺍﻟﺪﻧﻴﺎ ﮔﺘﻠﻬﻦ ﺑﺤﺴﺮﻩ ﻳﺠﻮﺯ ﻳﺪﺭﻱ ﺑﻴﻪ ﻣﻮﺻﺎﺣﻴﻪ ﻭﻳﺨﺎﻑ ﺍﻧﺼﺮﻉ ﻋﻠﻴﻪ ﻳﺤﺎﻭﻝ ﻳﺪﺍﺭﻳﻨﻲ

ﮔﺎﻟﺖ ﺯﻳﻨﺐ ﺷﻴﻠﻲ ﻫﺎﻟﻔﻜﺮﻩ ﻣﻦ ﺑﺎﻟﭻ ﺻﺎﺭ ﺷﮕﺪ ﻣﺠﺎﻳﺘﺞ ﻫﺬﻱ ﺍﻟﺤﺎﻟﻪ ﻭﻉ ﺍﻟﻌﻼﺝ ﻛﻠﺶ ﺯﻳﻨﻪ ﻟﺘﻔﻜﺮﻳﻦ ﺑﻲ ﺑﻌﺪ

ﻣﺮﺕ ﺍﻷﻳﺎﻡ ﻭﺍﻷﻣﺘﺤﺎﻧﺎﺕ ﺑﺪﺕ ﻭﺩﻭﺭﺓ ﺳﻨﺔ ﺟﺪﻭﻭ ﺑﺎﻟﻌﻄﻠﻪ ﺗﺼﻴﺮ ﺑﻬﺬﻱ ﺍﻟﻔﺘﺮﻩ ﻋﻠﻲ ﻣﺸﻐﻮﻝ ﺑﻴﻦ ﺷﻐﻠﻪ ﻭﺍﻟﻄﻼﻳﺐ ﻋﻠﻰ ﮔﻮﻟﺘﻪ ﻭﺑﻴﻦ ﺍﻟﺒﻴﺖ ﺑﺲ ﻣﻴﺄﺛﺮ ﻋﻠﻲ ﻳﺒﻘﻪ ﻣﻬﺘﻢ ﺑﻜﻠﺸﻲ

ﺑﺎﻷﻣﺘﺤﺎﻧﺎﺕ ﮔﻠﻲ ﺍﻓﺮﻍ ﻧﻔﺴﻲ ﺍﻧﻲ ﺍﺧﺬﺝ ﻷﻥ ﺯﻳﻨﺐ ﺍﻣﺘﺤﺎﻧﺎﺗﻬﺎ ﺻﺎﺭﺕ ﻣﻮ ﻧﻔﺲ ﺍﻟﻴﻮﻡ ﺍﻧﻲ ﻭﻳﺎﻫﺎ ﺑﻴﻮﻡ ﺍﻷﻭﻑ ﻋﻨﺪﻱ ﻫﻴﻪ ﻋﺪﻫﺎ ﺍﻣﺘﺤﺎﻥ

ﺻﺪﮒ ﭼﺎﻧﺖ ﺍﺣﻠﻰ ﺃﻳﺎﻡ ﺍﻟﻄﺮﻳﻖ ﻛﻠﻪ ﻳﺘﻐﻮﻝ ﻭﻣﺮﺍﺕ ﺍﻟﮕﻲ ﻧﻔﺴﻲ ﻣﺘﺠﺎﻭﺑﻪ ﻭﻳﺎﻩ ﻭﻣﺘﻐﺰﻟﻪ ﺑﺪﻭﻥ ﺷﻌﻮﺭ ﻟﻴﺶ ﻭﻳﺎﻩ ﺍﻧﺴﻪ ﻛﻠﺸﻲ ﻣﺎﺍﻋﺮﻑ

ﺧﻠﺼﻦ ﺍﻷﻣﺘﺤﺎﻧﺎﺕ ﻭﺍﺟﻦ ﻋﻤﺎﺗﻲ ﻣﻦ ﺍﻟﺒﺼﺮﻩ ﻳﻤﻪ ﺍﺣﺲ ﮔﻠﺒﻲ ﻗﺒﻂ ﺷﻠﻮﻥ ﺷﻴﺤﻤﻠﻬﺎ ﺍﻟﻲ

ﺷﻐﻠﺖ ﻧﻔﺴﻲ ﺑﺎﻟﺘﺤﻀﻴﺮﺍﺕ ﺍﻧﻲ ﻭﺍﻟﺒﻨﺎﺕ ﻭﺣﺎﻭﻟﺖ ﻣﺎﺍﺗﺼﺎﺩﻡ ﻭﻳﺎﻫﻦ ﺑﺎﻟﻠﻴﻞ ﺍﻟﻜﻞ ﺍﺟﺘﻤﻌﻮﻭ ﻭﻋﻠﻲ ﺻﺎﺣﻨﻲ ﺍﮔﻌﺪ ﺑﺼﻔﻪ ﻳﻤﻜﻦ ﭼﺎﻥ ﻣﺘﻌﻤﺪ

ﻋﻤﺘﻲ ﮔﺎﻟﺘﻠﻪ ﺷﻮﻛﺖ ﺑﺴﻼﻣﻪ ﺗﺰﻭﺟﻮﻥ

ﮔﻠﻬﺎ ﻣﺎﺑﺎﻗﻲ ﺷﻲ ﻋﻤﻪ

ﻫﻴﻪ ﺭﺩﺗﻠﻪ ﺍﻱ ﻋﻤﻪ ﻛﺎﻓﻲ ﺣﺘﻪ ﮔﻌﺪﺗﻬﺎ ﺑﻴﻨﻜﻢ ﻣﻮ ﺣﻠﻮﻩ ﻭﻟﻮ ﻫﻴﻪ ﻣﻄﻠﮕﻪ ﺑﺲ ﻟﻮ ﭼﺎﻧﺖ ﻣﺎﻣﺘﺰﻭﺟﻪ ﮔﺒﻞ ﺟﺎ ﺍﻟﻌﺎﻟﻢ ﺣﭽﺖ ﻭﮔﺎﻟﺖ ﻣﺎﺿﻠﺖ ﺑﻨﻴﻪ

🔹🔸🥇🔹🔸

ﻋﻴﻨﻲ ﺻﺎﺭﺕ ﻋﻠﻲ ﺣﺴﻴﺖ ﻋﻴﻮﻧﻪ ﻃﻠﻌﻦ

.. ﺷﻠﭻ ﺑﻬﺬﺍ ﺍﻟﺤﭽﻲ ﻋﻤﻪ ﻳﺎﻧﺎﺱ ﺍﻟﻲ ﺗﮕﻮﻝ ﺧﺎﻓﻲ ﺍﻟﻠﻪ ﺍﻧﺘﻲ ﺗﻐﺜﻴﻨﻲ ﻟﻮ ﺗﻐﺜﻴﻨﻬﺎ ﺑﺤﭽﻴﺞ ﻫﺬﺍ ﺷﻮﻛﺖ ﻳﺼﻔﻪ ﮔﻠﺒﭻ ﻣﻮ ﺭﺍﺡ ﺗﺨﺴﺮﻳﻨﻲ ﻭﺍﻧﺘﻲ ﺗﻌﺮﻓﻴﻦ ﻏﻼﺗﭻ

.. ﻣﻮ ﺍﻧﻪ ﺍﻷﻛﻮﻝ ﮔﺘﻠﻚ ﺍﻟﻨﺎﺱ

.. ﻳﻄﺒﻬﺎ ﻃﻮﺏ ﺍﻟﻨﺎﺱ ﻣﺤﺪ ﻳﻬﻤﻨﻲ ﻭﺍﻟﺸﻬﺮ ﺍﻟﺠﺎﻱ ﺍﻟﻌﺮﺱ ﻧﺘﺰﻭﺝ ﺗﻼﺛﺘﻨﻪ ﺍﻧﻪ ﻭﺭﺍﻓﻊ ﻭﻋﺒﺎﺱ ﻫﺬﺍ ﺍﻟﻤﻮﺿﻮﻉ ﻣﺎﺍﺭﻳﺪﻩ ﻳﻨﻔﺘﺢ

ﮔﺎﻡ ﻭﺻﺎﺡ ﻋﻠﻴﺎﺀ ﺗﻌﺎﻟﻲ

ﺭﺣﺖ ﻭﺭﺍﻩ

ﮔﻠﻲ ﻟﺘﻀﻮﺟﻴﻦ ﻭﺍﻟﻠﻪ ﺍﮔﺪﺭ ﺍﺳﻮﻱ ﺍﻛﺜﺮ ﻣﻦ ﻫﻴﭻ ﻭﺍﮔﺪﺭ ﺍﮔﻠﻬﺎ ﻻﻃﺒﻴﻦ ﺑﺲ ﻋﻤﺘﻲ ﺩﺍﺭﺗﻨﻲ ﺣﺘﻪ ﻭﻫﻴﻪ ﻣﺘﺰﻭﺟﻪ ﻣﺎﻧﺴﺘﻨﻲ ﻃﻔﻮﻟﺘﻲ ﻛﻠﻬﺎ ﻭﻫﻴﻪ ﺗﺸﺘﺮﻱ ﻭﺗﻮﺩﻱ ﺍﺩﺭﻱ ﺍﻟﺘﺴﻮﻱ ﻳﻀﻮﺟﺞ ﺑﺲ ﻣﻦ ﺣﺒﻬﺎ ﺍﻟﻲ ﻭﺣﻘﺪ ﺍﻟﻤﺎﺿﻲ ﺿﺎﻝ ﺑﮕﻠﺒﻬﺎ ﻭﺍﻧﻲ ﻣﻜﺎﻧﺘﻲ ﻫﻢ ﻣﺎﺗﺴﻤﺤﻠﻲ ﺍﺗﺼﺮﻑ ﺑﻌﻮﺍﻃﻔﻲ ﻻﺯﻡ ﺍﻛﻮﻥ ﺣﻜﻴﻢ ﻭﺍﻟﺤﻜﻤﻪ ﺗﮕﻮﻝ ﻣﺎﺩﺍﻡ ﻫﺬﺍ ﺍﻟﺒﻴﺖ ﺑﻴﻪ ﺍﻣﻬﺎ ﻣﻮﺟﻮﺩﻩ ﺑﻲ ﻭﺍﺑﻮﻫﺎ ﻣﺎﺕ ﻭﻫﻮﻩ ﺑﻴﺘﻪ ﻣﻌﺘﺒﺮﻩ ﻭﺟﺎﻳﻪ ﻋﻠﻤﻮﺩ ﻣﻨﺎﺳﺒﻪ ﺗﺨﺼﻬﺎ ﻫﻢ ﻣﺎﺍﮔﺪﺭ ﺍﺗﺼﺮﻑ ﺑﻐﻴﺮ ﺗﺼﺮﻑ ﻗﺪﺭﻱ ﻫﺎﻟﺸﻲ ﺑﺲ ﺍﻧﻪ ﻫﻢ ﻣﺎﺍﺳﻜﺖ ﻭﺷﻮﻱ ﻫﻢ ﺍﺣﺎﭼﻴﻬﺎ ﻭﻻﺗﻀﻮﺟﻴﻦ ﻣﻦ ﺣﭽﻴﻬﺎ ﻣﺘﺰﻭﺟﻪ ﻣﻄﻠﮕﻪ ﺍﻧﺘﻲ ﺑﻌﻴﻮﻧﻲ ﻣﻼﻙ ﻭﺍﺣﻠﻰ ﻋﺮﻭﺱ

ﺯﻳﻦ ﺣﺒﻴﺒﻪ

ﮔﺘﻠﻪ ﻋﺎﺩﻱ ﺗﻌﻮﺩﺕ ﻋﻠﻴﻬﺎ ﻟﻴﻀﻞ ﺑﺎﻟﻚ ﻟﻌﻴﻮﻧﻚ ﻛﻠﺸﻲ ﺍﺗﺤﻤﻞ

ﻗﺮﺏ ﻋﻠﻴﻪ ﺟﺮ ﺭﺍﺳﻲ ﻋﻠﻴﻪ ﻭﺑﺎﺳﻨﻲ

ﺭﺟﻌﺖ ﻳﻤﻬﻦ ﺷﻔﺖ ﻋﻤﺎﺗﻲ ﺍﻟﺒﺎﻗﻴﺎﺕ ﻳﺤﭽﻦ ﻋﻠﻴﻬﺎ

ﺳﻮﻳﺖ ﻧﻔﺴﻲ ﻣﺴﻤﻌﺖ ﺷﻲ

ﻭﮔﻌﺪﺕ ﻳﻢ ﺍﻟﺒﻨﺎﺕ ﺷﻮﻳﻪ ﻭﮔﻤﻨﻪ ﻧﺤﻀﺮ ﺍﻏﺮﺍﺿﻨﻪ ﻷﻥ ﺍﻟﻔﺠﺮ ﻧﻄﻠﻊ ﻟﻠﻨﺠﻒ ﻧﺰﻭﺭ

ﺛﺎﻧﻲ ﻳﻮﻡ ﻃﻠﻌﻨﻪ ﺍﻧﻲ ﻭﻋﻤﺘﻲ ﺍﻡ ﺭﻳﻢ ﺑﺴﻴﺎﺭﺓ ﻋﻠﻲ ﻭﺍﻓﻴﺎﺀ ﻭﻱ ﺭﺍﻓﻊ ﻭﻳﺎﻫﺎ ﺭﻳﻢ ﻭﺧﺎﻟﺪ ﻭﺑﺎﻗﻲ ﺍﻟﻤﺠﻤﻮﻋﻪ ﺗﻮﺯﻋﺖ

ﻃﻮﻝ ﺍﻟﻄﺮﻳﻖ ﻣﺮﺕ ﻋﻠﻴﻪ ﺫﻛﺮﻳﺎﺕ ﺟﻴﺘﻲ ﻭﺯﻭﺍﺟﻲ ﺍﻷﻭﻝ ﺯﻳﺎﺭﺗﻲ ﺍﻷﻭﻟﻰ ﻟﻠﻨﺠﻒ

ﻛﻠﺸﻲ ﺣﻠﻮﻭ ﻭﻣﻮ ﺣﻠﻮﻭ ﺍﻧﻌﺎﺩ ﻋﻠﻴﻪ

ﻓﺰﺯﻧﻲ ﻣﻦ ﺻﻔﻨﺘﻲ ﺻﻮﺗﻪ

.. ﺣﺒﻴﺒﺘﻲ ﺧﻮ ﻣﺎﺗﻌﺒﺘﻲ ﻗﺮﺑﻨﻪ ﻧﻮﺻﻞ

.. ﻻ ﺑﺲ ﺩﺧﺖ ﺷﻮﻳﻪ

.. ﻧﻨﺰﻝ ﺗﺮﺗﺎﺣﻴﻦ ﺍﻧﺘﻲ ﻋﻼﺟﺞ ﻣﺎﺧﺬﺗﻪ ؟

.. ﺗﺬﻛﺮﺕ ﺍﻧﻲ ﻧﺎﺳﻴﻪ ﻣﻦ ﻫﻮﺳﺔ ﺍﻟﺒﺎﺭﺣﻪ ﻣﺸﺎﺭﺑﻪ ﺍﻟﻌﻼﺝ ﻭﺍﻧﻲ ﺍﺻﻼ ﺻﺎﺭ ﺍﻟﻌﻼﺝ ﻫﻮﺱ ﺑﺎﻟﻨﺴﺒﻪ ﺍﻟﻲ ﺍﺫﺍ ﻣﺸﺮﺑﺘﻪ ﺣﺘﻪ ﻟﻮ ﻣﺎﺣﺎﺳﻪ ﺑﺸﻲ ﺍﺗﺨﺮﺑﻂ ﮔﺘﻠﻪ ﻻ ﻧﺎﺳﻴﺘﻪ

ﺑﺎﻭﻋﻠﻲ ﺑﻨﻈﺮﺓ ﻣﻼﻣﻪ ﻭﻗﻠﻖ ﻭﻓﺮ ﺍﻟﺴﻴﺎﺭﻩ ﻭﺭﺟﻊ

ﻋﻤﺘﻲ ﮔﺎﻟﺘﻠﻪ ﻭﻳﻦ ﻳﻤﻪ ﻣﻮ ﻭﺻﻠﻨﻪ

ﮔﻠﻬﺎ ﻋﻼﺝ ﻋﻼ ﻧﺎﺳﻴﺘﻪ ﻭﺍﺧﺎﻑ ﻣﻦ ﻧﻮﺻﻞ ﻫﻨﺎﻙ ﺗﺘﻌﺐ ﻭﺗﺘﺨﺮﺑﻂ ﺗﺮﺩﻳﻦ ﺍﺧﺎﺑﺮ ﺭﺍﻓﻊ ﻟﻮ ﻋﻤﺎﺗﻲ ﺗﺮﺣﻴﻦ ﻭﻳﺎﻫﻢ ﻭﺍﻧﻪ ﺍﻟﺤﮕﻜﻢ

ﮔﺎﻟﺖ ﻻ ﻳﻤﻪ ﺍﻧﻪ ﻭﻳﺎﻛﻢ ﺑﺮﺍﺣﺘﻚ ﻭﻳﻦ ﺗﺮﻭﺡ ﺭﻭﺡ ﻭﺭﺟﻌﺖ ﺣﺎﭼﺘﻨﻲ ﻟﻴﺶ ﻋﻤﻪ ﻧﺎﺳﻴﻪ ﻋﻼﺟﺞ ﺷﻠﻮﻥ ﻫﻴﭻ

ﮔﺘﻠﻬﺎ ﺍﻟﺘﻬﻴﺖ ﺍﻟﺒﺎﺭﺣﻪ ﺑﺎﻟﻬﻮﺳﻪ

.. ﻻﺗﺨﺎﻓﻴﻦ ﻋﻤﻪ ﻣﺎﻛﻮ ﺷﻲ ﻫﺴﻪ ﻳﺸﺘﺮﻱ ﺍﺑﻮ ﺣﺴﻴﻦ

ﻭﺍﺷﺮﺑﻲ

ﻫﻮﻩ ﻃﺒﮓ ﺍﻟﺴﻴﺎﺭﻩ ﻭﺍﺷﺘﺮﻩ ﻟﻔﻪ ﺍﻟﻲ ﻭﺍﻟﻌﻤﺘﻲ ﮔﻠﻲ ﺍﻛﻠﻲ ﻫﺴﻪ ﺑﻴﻦ ﻣﺎﺍﺷﻮﻓﻠﻲ ﺻﻴﺪﻟﻴﻪ ﺍﺧﺬ ﻣﻨﻬﺎ

ﺍﻛﻠﺖ ﺷﻠﻮﻥ ﻣﺎﻛﺎﻥ ﭼﻨﺖ ﺩﺍﻳﺨﻪ ﺑﺲ ﺣﺴﻴﺖ ﺭﻭﺣﻲ ﻃﻔﻠﻪ ﺑﻮﻗﺘﻬﺎ ﻭﺍﺑﻮﻳﻪ ﻣﺤﺘﺎﺭ ﺑﻴﻪ ﻛﺄﻧﻤﺎ ﺣﻤﻞ ﻭﻻﺯﻡ ﺍﺟﺎﺯﻱ ﺑﻄﺎﻋﺘﻲ ﺣﺘﻪ ﻟﻮ ﮔﻮﻩ ﻋﻠﻴﻪ

ﺟﺎﺑﻠﻲ ﺍﻟﻌﻼﺝ ﻭﺑﻄﻞ ﻣﻲ ﺍﺧﺬﺗﻪ

ﮔﻠﻲ ﺑﻌﺪ ﻟﺘﻌﻴﺪﻳﻬﺎ ﻫﺎﻱ ﺍﻫﻢ ﺷﻲ ﻋﻼﺟﺞ ﻳﻌﻨﻲ ﻟﻮ ﺍﻧﻪ ﺑﻴﺪﻱ ﺍﻧﻄﻴﺞ ﻟﻮ ﺗﻌﻮﻓﻴﻨﻪ ﺍﻟﺒﺎﺭﺣﻪ ﻫﻮﺍﻱ ﻋﺪﻧﻪ ﻧﺎﺱ ﻣﺎﮔﺪﺭﺕ ﺍﺧﺬ ﺭﺍﺣﺘﻲ ﻭﺍﺟﻲ ﺍﻟﻐﺮﻓﺘﺞ ﺑﺲ ﻭﺍﻟﻠﻪ ﻋﻠﻠﺠﺞ ﻋﻠﻰ ﺑﺎﻟﻲ ﻭﻛﻞ ﺷﻮﻳﻪ ﺍﺭﺩ ﺍﺗﺼﻞ ﻋﻠﻴﺞ ﺍﺫﻛﺮﺝ ﻭﺍﻛﻮﻝ ﻻﺯﻡ ﺍﺧﺬﺗﻪ

ﮔﺘﻠﻪ ﻣﺎﺍﺩﺭﻱ ﺷﻠﻮﻥ ﻧﺴﻴﺘﻪ ﻭﺍﻟﻠﻪ

ﻃﻠﻌﻨﻪ ﻣﻦ ﺍﻟﻤﺪﻳﻨﻪ ﻭﺭﺟﻌﻨﻪ ﻋﻠﻰ ﻃﺮﻳﻘﻨﻪ ﺯﺭﻧﻪ ﺍﻷﻣﺎﻡ ﻭﺑﻌﺪﻫﺎ ﻧﺮﺟﻊ ﻟﻠﻤﻘﺒﺮﻩ

ﻭﺻﻠﻨﻪ ﻭﭼﺎﻧﺖ ﻭﺟﻮﻩ ﻋﻤﺎﺗﻲ ﺛﮕﻴﻠﻪ ﺍﺧﺮﻧﺎﻫﻢ ﻭﺍﻟﻲ ﻳﮕﻮﻝ ﻣﻮ ﻃﻔﻠﻪ ﻫﻮﻩ ﻭﻣﺤﺘﺎﺭﻩ ﺑﻴﺞ ﺑﺲ ﺷﻨﻮ ﺍﻟﻜﻼﻡ ﺑﺲ ﻳﺴﻤﻌﻮﻧﻪ ﺍﻟﻲ ﻭﻋﻤﺘﻲ ﺍﻡ ﺭﻳﻢ ﮔﺎﻟﺖ ﻛﺎﻓﻴﻼﻳﺴﻤﻌﺠﻦ ﻋﻠﻲ ﺗﺮﺩﻥ ﺗﺨﺴﺮﻧﻪ ﺍﻧﺘﻦ ﺻﺒﺮﻩ ﻫﻢ ﺍﻟﻪ ﺣﺪﻭﺩ ﺗﺮﻩ

ﻛﻤﻠﻨﻪ ﻫﺬﺍ ﺍﻟﻴﻮﻡ ﺑﺘﻌﺐ ﻭﺍﻷﺟﻮﺍﺀ ﻣﺸﺤﻮﻧﻪ ﺭﺟﻌﻨﻪ ﻟﻠﺒﻴﺖ ﺍﻧﻴﻤﻦ ﺍﻟﺘﻌﺐ ﻧﻤﺖ ﻣﺎﮔﻌﺪﺕ ﺍﻻ ﺛﺎﻧﻲ ﻳﻮﻡ

ﺩﻭﺭﺕ ﻋﻠﻰ ﻋﻠﻲ ﭼﺎﻥ ﻃﺎﻟﻊ ﺷﻮﻳﻪ ﻭﺍﺗﺼﻞ ﺑﻴﻪ

.. ﺍﻟﻮﻭﻭ

.. ﻫﻼ ﺣﺒﻴﺒﻪ ﺷﻠﻮﻧﺞ

.. ﺍﻟﺤﻤﺪﻟﻠﻪ ﻫﺴﻪ ﺯﻳﻨﻪ ﻭﻳﻦ ﺍﻧﺖ

.. ﺍﺟﻴﺖ ﺍﻟﺼﺒﺢ ﺷﻔﺘﺞ ﺗﻌﺒﺎﻧﻪ ﻣﺒﻴﻨﻪ ﻣﺎﻫﺎﻥ ﻋﻠﻴﻪ ﺍﻛﻌﺪﺝ ﺑﺲ ﺣﺒﻴﺖ ﺍﻭﺩﻋﺞ ﻋﻨﺪﻱ ﺷﻐﻠﻪ ﺍﻧﻪ ﻫﺴﻪ ﺑﺎﻟﺒﺼﺮﻩ ﺷﻐﻠﺔ ﻛﻢ ﻳﻮﻡ ﻭﺍﺭﺟﻊ

.. ﺍﺣﺲ ﮔﻠﺒﻲ ﺍﻧﻌﺼﺮ ﻭﺿﺠﺖ ﺑﻴﻴﻦ ﻋﻠﻰ ﻧﺒﺮﺓ ﺻﻮﺗﻲ ﮔﺘﻠﻪ ﺷﮕﺪ ﻳﻌﻨﻲ

.. ﺣﺒﻴﺒﻪ ﺍﺣﺎﻭﻝ ﻣﺎﺃﺗﺄﺧﺮ ﺍﻫﻢ ﺷﻲ ﻋﻼﺟﺠﻼﺗﻬﻤﻠﻴﻨﻪ ﺑﺲ ﺍﻛﻤﻞ ﺷﻐﻠﺘﻲ ﺍﻧﻪ ﻳﻤﻜﻢ ﺍﻛﺪﺭ ﻋﻠﻰ ﻓﺮﺍﮔﺞ ﺍﻧﻪ

.. ﻭﺍﻟﻠﻪ ﺿﺠﺖ ﻣﻦ ﻫﺴﻪ

.. ﻣﺠﺒﻮﺭ ﻭﻋﻴﻮﻧﺞ

.. ﺍﻋﺮﻑ ﺍﻋﺮﻑ ﻋﻠﻰ ﺭﺍﺣﺘﻚ ﺣﺒﻴﺒﻲ ﺑﺲ ﺗﻌﺮﻑ ﺟﻲ ﻣﺘﻌﻮﺩﻩ ﻋﻠﻴﻚ ﺍﻧﻲ

.. ﺍﻱ ﻭﺍﻧﻪ ﻫﻢ ﺑﺲ ﺷﺴﻮﻱ ﻣﻜﺎﻧﺘﻲ ﺗﻄﻠﺐ ﻣﻨﻲ ﻛﻞ ﻫﺬﻱ ﺍﻟﻔﺘﺮﻩ ﺍﻟﺮﺍﺣﺖ ﺍﻧﻪ ﺍﺣﺎﻭﻝ ﻣﺎﺑﺎﺕ ﺑﺮﻩ ﺍﻟﺒﻴﺖ ﻫﺴﻪ ﺍﻫﻢ ﺷﻲ ﻭﻋﺪﻳﻨﻲ ﻋﻼﺟﺞ ﻣﺎﺗﻨﺴﻲ ﻭﺟﻬﺎﺯﺝ ﻋﻠﻰ ﻃﻮﻝ ﻳﻤﺞ ﺣﺘﻪ ﺍﺧﺎﺑﺮﺝ ﺑﻜﻞ ﻭﻛﺖ ﻣﻦ ﺍﻓﺮﻍ ﺯﻳﻦ ﻋﻤﺮﻱ

.. ﺍﻥ ﺷﺎﺀﺍﻟﻠﻪ ﺣﺒﻴﺒﻲ ﻟﻴﻀﻞ ﺑﺎﻟﻚ ﻭﺍﻟﻠﻪ ﻣﺎﺍﻧﺴﻪ ﺍﻟﻌﻼﺝ ﺍﻟﺨﺎﻃﺮﻙ ﻣﻮ ﺍﻟﺨﺎﻃﺮ ﻧﻔﺴﻲ ﻭﺍﻧﻲ ﻫﻢ ﻋﻴﻨﻲ ﺭﺍﺡ ﺗﺒﻘﻪ ﻉ ﺍﻟﺠﻬﺎﺯ ﺍﻧﺘﻈﺮ ﻣﻨﻚ ﺍﺗﺼﺎﻝ

ﻏﻠﻘﺖ ﺍﻟﺨﻂ ﻭﺍﺣﺲ ﺑﻔﺮﺍﻍ ﮔﻤﺖ ﺍﻟﻢ ﺑﺎﻟﺒﻴﺖ ﻭﻱ ﻋﻤﺘﻲ ﻭﻋﻤﺘﻲ ﮔﺎﻟﺖ ﻣﻦ ﺍﻷﺳﺒﻮﻉ ﺍﻟﺠﺎﻱ ﻧﺒﺪﻱ ﻧﺠﻬﺰ ﻟﻠﻌﺮﺱ ﻋﺪﻧﻪ ﺟﻬﺎﺯ ﺗﻠﺚ ﻋﺮﺍﻳﺲ ﻭﻛﻠﻬﻦ ﺍﻧﻪ ﺍﻟﻤﺴﺆﻭﻟﻪ ﻋﻨﻬﻦ ﭼﺎﻧﺖ ﻓﺮﺣﺎﻧﻪ ﻛﻠﺶ ﮔﺘﻠﻬﺎ ﻋﻤﻪ ﻧﺘﻌﺒﺞ ﻭﻳﺎﻧﻪ

.. ﻻﻋﻤﻪ ﺗﻌﺒﻜﻢ ﺭﺍﺟﻪ ﻓﺪﻭﻩ ﺍﻟﻌﻴﻨﻜﻢ ﻭﻟﺪ ﺍﻟﻐﺎﻟﻲ ﻭﻣﺎﺧﺬﻳﻦ ﺍﻟﻐﻮﺍﻟﻲ ﻣﻦ ﻭﻟﺪ ﺍﺧﻮﺗﻲ ﻭﻋﺎﺩ ﺍﻏﻼﻫﻢ ﺍﺣﺴﻪ ﻭﻟﻴﺪﻱ ﺍﻟﻜﺎﻃﻠﻊ ﻣﻦ ﺑﻄﻨﻲ ﻋﻼﻭﻱ ﻭﺭﺍﻓﻊ ﻫﺬﺍ ﺣﺒﻴﺐ ﻋﻤﺘﻪ ﻣﻦ ﺯﻏﺮﻩ ﻭﻋﺒﻮﺳﻲ ﺍﻟﻤﺪﻟﻞ ﻭﻟﺪ ﺍﺧﻮﺍﻧﻲ ﻛﻠﻬﻢ ﻣﺎﻓﺎﺭﻛﺘﻬﻢ ﻳﺤﺒﻮﻧﻲ ﻭﺍﺣﺒﻬﻢ ﺑﺲ ﻋﻠﻲ ﻻ ﻏﻴﺮ ﻋﻦ ﺍﻟﻜﻞ

ﮔﺘﻠﻬﺎ ﻋﻤﻪ ﺍﻧﺘﻲ ﮔﻠﺒﺞ ﻃﻴﻴﺐ ﻭﺗﺤﺒﻴﻨﻬﻢ ﻛﻠﻬﻢ ﺍﻛﻴﺪ ﻫﻤﻪ ﻳﺤﺒﻮﻧﺞ ﻳﻌﻨﻲ ﺍﻧﻲ ﻫﺴﻪ ﺍﻧﺘﻲ ﻋﻨﺪﻱ ﺍﻏﻠﻰ ﻭﺣﺪﻩ ﻭﺑﻌﺪﺝ ﻳﺠﻦ ﺍﻟﺒﻨﺎﺕ

ﻣﺎﺣﺴﺴﺘﻨﻲ ﺑﻐﺮﺑﻪ ﺭﻏﻢ ﭼﻨﺖ ﻣﻨﻄﻮﻳﻪ ﻋﻠﻰ ﻧﻔﺴﻲ ﺑﺲ ﺍﺑﺎﻟﻲ ﺳﺆﺍﻝ

.. ﺷﻨﻲ ﻋﻤﻪ ﻛﻮﻟﻲ

.. ﺍﺑﻮﻱ ﺷﻌﺠﺐ ﺑﻘﻴﺘﻲ ﺍﻧﺘﻲ ﺗﺤﺒﻲ

.. ﻭﻟﻴﺶ ﺍﻛﺮﻫﻪ ﻋﻤﻪ ﺍﻟﺼﺎﺭ ﺻﺎﺭ ﻣﻦ ﺳﻨﻴﻦ ﻛﻠﻨﻪ ﺯﻋﻠﻨﻪ ﻣﻨﻪ ﻓﺘﺮﻩ ﻷﻥ ﺻﺪﻣﻨﻪ ﺑﺎﻟﺴﻮﺍﻩ ﻭﭼﺎﻧﺖ ﮔﻠﻮﺑﻨﻪ ﺑﻌﺪﻫﻲ ﻣﺤﺘﺮﮔﻪ ﻭﺍﻟﺪﻧﻴﺎ ﺯﺍﻫﻴﻪ ﺍﻟﺨﻮﺍﻟﺞ ﻣﻮ ﻣﺜﻞ ﻫﺴﻪ ﻣﻜﺴﻮﺭﻳﻦ ﻭﺷﻮﻳﻪ ﻧﺎﺭ ﮔﻠﻮﺑﻨﻪ ﺑﺮﺩﺕ ﻻ ﭼﺎﻧﻮ ﻛﻠﺶ ﻃﺎﻏﻴﻦ ﻭﻇﻠﻤﻮﻭ ﻫﻮﺍﻱ ﻋﺎﻟﻢ ﻭﻫﻮﻩ ﺩﻙ ﺍﻻ ﻳﺎﺧﺬ ﻣﻨﻬﻢ ﺑﻌﺪ ﺍﻟﺼﺎﺭ ﻛﻠﻪ ﺷﻠﻮﻥ ﻭﺷﻮﻛﺖ ﺻﺎﺭﺕ ﺑﻴﻨﻬﻢ ﻋﻼﻗﻪ ﻣﺎﻧﻌﺮﻑ

ﺑﺲ ﺑﻌﺪ ﻣﺎﻣﺮﺕ ﺍﻟﺴﻨﻴﻦ ﻭﺍﺟﻪ ﻫﻮﻩ ﻭﺍﻧﺘﻦ ﻛﺒﺮﺗﻦ ﺍﻟﻜﺮﻩ ﺷﻴﻔﻴﺪ ﻳﺒﻘﻪ ﺍﺧﻮﻱ ﺍﻟﻤﺪﻟﻞ ﺑﺲ ﺍﺑﻮﻱ ﺳﻮﺩﻩ ﻋﻠﻴﻪ ﺗﺄﺫﻩ ﺑﻔﺮﺍﮔﻪ ﻭﺫﺏ ﺍﻟﻠﻮﻡ ﺑﺨﻮﺍﻟﺞ ﮔﺎﻝ ﺧﺬﻭﻭ ﻣﻨﻲ ﻭﻟﺪ ﺍﺛﻨﻴﻦ

ﻳﻮﻭ ﻋﻤﻪ ﺍﺷﻜﺎﻝ ﺿﺮﻭﻑ ﻣﺮﺕ ﻋﻠﻴﻨﻪ ﻭﺿﻮﺟﻪ ﻭﻗﻬﺮ ﺑﺲ ﺍﻟﺪﻧﻴﺎ ﻣﺎﺗﺒﻘﻪ ﻋﻠﻰ ﺣﺎﻟﻬﺎ

ﻋﻮﻓﻴﻨﻪ ﻣﻦ ﻫﺬﺍ ﻭﺷﻮﻓﻲ ﺭﻭﺣﺞ ﺷﻨﻲ ﺗﺤﺘﺎﺟﻴﻦ ﺣﺘﻪ ﻧﺒﺪﻱ ﻧﺠﻬﺰ

ﺻﺪﮒ ﺍﻧﻲ ﻭﺍﻟﺒﻨﺎﺕ ﺑﻘﻴﻨﻪ ﻧﺴﺠﻞ ﺷﻨﻮ ﻧﺤﺘﺎﺝ ﺣﺘﻪ ﻧﺸﺘﺮﻱ ﺑﺲ ﺍﻓﻴﺎﺀ ﻭﺭﺍﻓﻊ ﺍﻛﺜﺮ ﺷﻐﻼﺗﻬﺎ ﺟﻬﺰﻭﻫﺎ ﺳﻮﻩ ﻫﻮﻩ ﻳﺎﺧﺬﻫﺎ ﭼﺎﻥ ﺍﻧﻲ ﻭﺯﻳﻨﺐ ﺑﻘﻴﻨﻪ ﻭﻱ ﻋﻤﺘﻲ ﻣﺮﺕ ﺗﻠﺚ ﺍﻳﺎﻡ ﻭﺍﺟﻪ ﻋﻠﻲ

ﺗﻠﮕﻴﺘﻪ ﺑﻠﻬﻔﻪ ﻭﻫﻮﻩ ﻋﻴﻮﻧﻪ ﺗﺤﭽﻲ ﻭﺍﺑﺘﺴﺎﻣﺘﻪ ﺍﻟﻲ ﺗﺨﻠﻴﻨﻲ ﺍﺣﺲ ﺭﻭﺣﻲ ﺑﻌﺎﻟﻢ ﺛﺎﻧﻲ

.. ﺷﻠﻮﻧﭻ ﻋﻠﺔ ﮔﻠﺒﻲ

. ﺿﺤﻜﺖ ﻫﺎﻱ ﺍﻧﻪ

.. ﺍﻱ ﺍﻧﺘﻲ ﻭﺍﺣﻠﻰ ﻋﻠﻪ ﻭﻟﺞ ﻭﻻ ﺍﺭﺗﺎﺣﻴﺖ ﺑﻬﺬﻱ ﺍﻟﺴﻔﺮﻩ ﭼﻨﻲ ﺍﻭﻝ ﻣﺮﻩ ﺍﻃﻠﻊ ﺑﺮﻩ ﺍﻟﺒﻴﺖ ﺷﻜﻢ ﻳﻮﻡ

.. ﺍﻧﻲ ﻫﻢ ﺍﺷﺘﺎﻗﻴﺘﻠﻚ ﻭﺍﻟﺒﻴﺖ ﺑﺪﻭﻧﻚ ﻣﻴﻨﻄﺎﻕ

.. ﺣﺒﻴﺒﺘﻲ ﻋﻤﺘﻲ ﮔﺎﻟﺖ ﺑﺪﻳﺘﻲ ﺗﺠﻬﺰﻳﻦ

.. ﺍﻱ ﺍﻟﺒﺎﺭﺣﻪ ﺑﺪﻳﺖ ﺍﺳﺠﻞ ﺍﻷﻏﺮﺍﺽ ﻭﻧﺸﺘﺮﻱ ﻋﻠﻰ ﻛﻴﻔﻨﻪ

.. ﺍﻟﻌﻨﺪﭺ ﻳﻜﻔﻦ ﻟﻮ ﺗﺤﺘﺎﺟﻴﻦ ﺑﻌﺪ

.. ﻻ ﻛﺎﻓﻴﺎﺕ

.. ﺍﻧﻪ ﻫﻢ ﻭﺻﻴﺖ ﻋﻤﺘﻲ ﺑﺲ ﺗﺤﺘﺎﺟﻮﻥ ﺗﮕﻠﻲ

.. ﺍﻥ ﺷﺎﺀﺍﻟﻠﻪ ﻛﺎﻓﻴﺎﺕ

.. ﻻﺗﻘﺼﺮﻳﻦ ﺑﺎﻟﺸﺮﺍﻳﻪ ﺍﺷﺘﺮﻱ ﻭﺟﻬﺰﻱ ﺍﺣﻠﻰ ﺷﻲ ﺍﺭﻳﺪﺝ ﻣﺮﺗﺎﺣﻪ ﻭﻓﺮﺣﺎﻧﻪ ﺑﻜﻠﺸﻲ ﺗﺨﺘﺎﺭﻱ

.. ﺍﻥ ﺷﺎﺀﺍﻟﻠﻪ

ﻣﺮﺕ ﺍﻷﻳﺎﻡ ﻭﺻﺪﮒ ﺑﺪﻳﻨﻪ ﻧﺨﻠﺺ ﺗﺠﻬﻴﺰ ﻭﭼﺎﻥ ﻳﺮﻳﺪ ﻳﺸﻮﻑ ﻭﻋﻤﺘﻲ ﺗﮕﻠﻲ ﻟﺘﺸﻮﻓﻴﻨﻪ ﺷﻲ ﺧﻠﻲ ﻳﺸﻮﻑ ﻛﻠﺸﻲ ﻋﻠﻴﺞ ﺑﺎﻟﻌﺮﺱ ﺻﺪﮒ ﭼﻨﺖ ﻣﺎﺍﺧﻠﻲ ﻳﺸﻮﻑ ﻭﻣﺎﺑﻘﻪ ﻟﻠﻌﺮﺱ ﺍﺳﺒﻮﻉ ﺑﺲ ﻭﺍﻧﺘﻬﻴﻨﻪ ﺗﺠﻬﻴﺰ ﺑﻘﺖ ﺑﺲ ﻋﻤﺘﻲ ﺧﻄﻴﻪ ﺗﺤﻀﺮ ﺍﻟﻜﻠﺸﻲ ﻭﺍﺣﻨﻪ ﻧﺴﺎﻋﺪﻫﺎ ﺑﺸﻲ ﻗﻠﻴﻞ ﺑﺲ ﺭﻳﻢ ﻭﺑﺎﻗﻲ ﺍﻟﺒﻨﺎﺕ ﻣﺎﻗﺼﺮﻥ ﻭﻳﺎﻫﺎ

ﺯﺍﺩ ﺍﻟﺘﻮﺗﺮ ﻛﻞ ﻣﺎﻳﻘﻞ ﻳﻮﻡ ﻣﻦ ﺍﻟﻸﺳﺒﻮﻉ ﺧﻮﻓﻲ ﻳﺰﻳﺪ ﺍﺧﺬﻧﻲ ﻟﻠﻄﺒﻴﺐ ﻗﺒﻞ ﻳﻮﻣﻴﻦ ﻭﮔﻠﻪ ﺗﺒﻘﻪ ﻉ ﺍﻟﻌﻼﺝ ﻣﻴﺄﺛﺮ ﻋﻠﻴﻬﺎ ﺍﻟﺰﻭﺍﺝ ﺑﺸﻲ

ﭼﻨﺖ ﺍﺭﻳﺪ ﺍﻓﻬﻤﻪ ﻃﺮﻳﻘﺔ ﺯﻭﺍﺟﻲ ﺍﻷﻭﻝ ﺑﺲ ﺍﺣﺲ ﺍﻟﺴﺎﻧﻲ ﻳﻨﺮﺑﻂ ﻭﻣﺎﺍﮔﺪﺭ ﺍﺣﭽﻲ ﺷﻲ

ﺑﻴﻮﻡ ﺍﻟﺤﻨﻪ ﮔﻌﺪﻧﻪ ﺍﻟﺼﺒﺢ ﻭﺍﺣﻨﻪ ﺣﺎﺟﺰﻳﻦ ﺗﻼﺛﺘﻨﻪ ﺑﺼﺎﻟﻮﻥ ﻭﺍﺣﺪ ﻭﻻﺯﻡ ﻧﺮﻭﺡ ﻣﻦ ﻭﻛﺖ ﻭﺍﻟﺼﺎﻟﻮﻥ ﻛﻠﻪ ﺍﻟﺤﺠﺰ ﺍﻟﻨﻪ ﭼﻨﻪ ﻣﺎﺧﺬﻳﻦ ﺭﺍﺣﺘﻨﻪ ﺍﻟﺒﻨﺎﺕ ﻓﺮﺣﺎﻧﺎﺕ ﻭﺍﻧﻲ ﻫﻢ ﺑﺲ ﺍﻟﻲ ﺑﮕﻠﺒﻲ ﻭﻣﺤﺪ ﻳﻌﺮﻑ ﺑﻲ ﻭﺗﺮﻧﻲ ﻭﺗﻌﺒﻨﻲ

ﺑﺪﺕ ﺑﻴﻪ ﻷﻥ ﺣﻨﺘﻨﻪ ﺍﻭﻝ ﺷﻲ ﻭﺑﻌﺪﻫﺎ ﻳﺮﺣﻮﻥ ﺍﻟﺒﻴﺖ ﻋﻤﺎﻣﻲ ﻫﻨﻪ ﻫﻨﺎﻙ ﺍﺛﻨﻴﻨﻬﻦ ﺯﻳﻨﺐ ﻭﺍﻓﻴﺎﺀ

ﺧﻠﺼﺖ ﻣﻦ ﻭﻛﺖ ﻭﺍﺟﺖ ﻋﻤﺘﻲ ﻭﻋﻠﻲ ﺍﺧﺬﻭﻧﻲ

ﭼﻨﺖ ﻻﺑﺴﻪ ﺑﺪﻟﻪ ﻣﺎﺭﻭﻧﻲ ﻗﺼﺔ ﺍﻟﺘﻔﺎﺣﻪ ﺻﺪﺭﻫﺎ ﺣﺠﺮ ﻧﺎﻋﻢ ﻭﻣﻨﺸﻔﻪ ﻣﻦ ﺟﻮﻩ ﻭﺍﻟﻤﻜﻴﺎﺝ ﻫﻢ ﻛﻠﺶ ﺣﻠﻮﻭ ﻭﺑﺎﺭﺯ ﻟﻮﻥ ﻋﻴﻮﻧﻲ

ﻃﻠﻌﺖ ﻻﺑﺴﻪ ﺑﺮﻧﺺ ﻭﻣﺨﻠﻴﻦ ﻋﻠﻴﻪ ﻗﻤﺎﺵ ﺍﺑﻴﺾ ﻣﻐﻄﻴﻨﻲ ﻭﺣﺘﻪ ﻣﻐﻄﻲ ﺍﻟﺒﺮﻧﺺ ﻋﻤﺘﻲ ﮔﺎﻟﺖ ﻫﺬﺍ ﺑﻴﺮﻍ ﺍﻟﻌﺒﺎﺱ ﻋﻠﻴﻪ ﺍﻟﺴﻼﻡ ﻫﻤﻪ ﻫﻴﺞ ﻋﺎﺩﺗﻬﻢ ﻳﻤﻜﻦ ﻧﻮﻝ ﻫﻮﻩ ﻭﻓﺘﺤﻠﻲ ﺍﻟﺒﺎﺏ ﻭﮔﻌﺪﺕ ﻳﻤﻪ ﻋﻤﺘﻲ ﻣﺎﻗﺒﻞ ﺗﮕﻌﺪ ﻫﻴﻪ ﺑﺎﻟﺼﺪﺭ ﮔﻌﺪﺕ ﻭﺭﻩ

ﺗﻠﮕﺘﻨﻪ ﺍﻟﻬﻼﻫﻞ ﺍﻧﻲ ﺩﺧﻠﺖ ﻭﺣﺪﻱ ﻭﺑﺪﺕ ﺍﻟﺤﻔﻠﻪ ﻭﺭﻩ ﻓﺘﺮﻩ ﻳﻠﻠﻪ ﺩﺧﻞ ﻭﺣﻨﻪ ﺍﻳﺪﻱ ﺑﻌﺪ ﻣﺎﺑﺎﺳﻨﻲ ﺑﺮﺍﺳﻲ ﻭﺧﺪﻱ ﻫﻤﺴﻠﻲ ﺑﺼﻮﺕ ﻧﺎﺻﻲ

.. ﻳﺎﻳﺎﺑﻪ ﺷﻴﺼﺒﺮﻧﻲ ﺍﻧﻪ ﻭﺍﻟﻤﺎﺭﻭﻧﻲ ﻳﻜﺘﻞ

.. ﻧﺼﻴﺖ ﺭﺍﺳﻲ ﻣﺒﺘﺴﻤﻪ

.. ﺧﻠﻲ ﺍﺷﻮﻓﭻ ﻋﻴﻨﭻ ﺑﻌﻴﻨﻲ

.. ﺭﻓﻌﺖ ﺭﺍﺳﻲ ﻭﺑﺎﻭﻋﺘﻠﻪ

.. ﻓﺮﺣﺎﻧﻪ ﻋﻼ

.. ﺑﺪﻭﻥ ﺷﻌﻮﺭ ﮔﺘﻠﻪ ﻫﻮﺍﻱ ﻓﺮﺣﺎﻧﻪ

.. ﻣﻮ ﮔﺪ ﻓﺮﺣﺘﻲ ﻭﺍﻟﻠﻪ

.. ﺭﺑﻲ ﻳﺪﻳﻤﻬﺎ

.. ﺍﻥ ﺷﺎﺀﺍﻟﻠﻪ . ﻳﺎﺭﺏ

ﺑﻘﻪ ﺷﻮﻳﻪ ﻳﺘﻐﺰﻝ ﻭﻳﻀﺤﻚ ﻭﻳﺴﻮﻟﻒ ﺣﺘﻪ ﻭﻱ ﻋﻤﺎﺗﻲ ﺣﺴﻴﺘﻪ ﻣﺮﺗﺎﺡ ﻃﻠﻊ ﻭﻭﺻﻪ ﻋﻤﺘﻲ ﺗﻜﻮﻥ ﻗﺮﻳﺒﻪ ﻋﻠﻴﻪ ﮔﻠﻬﺎ ﻣﺎﺍﺭﻳﺪ ﺍﺣﺪ ﻳﻀﻮﺟﻬﺎ ﻣﺎﻃﻮﻟﺖ ﻫﻮﺍﻱ ﺍﻟﺤﻔﻠﻪ ﻷﻥ ﺍﻟﺒﻨﺎﺕ ﺍﺧﺬﻭﻫﻦ ﺍﻟﺒﻴﺖ ﻋﻤﺎﻣﻲ ﻭﻛﻠﻬﺎ ﺭﺍﺣﺖ ﺍﻧﻪ ﺭﺣﺖ ﺍﺭﺗﺎﺡ ﻭﺍﺑﺪﻝ ﻭﺍﻟﻌﺎﺩﻩ ﻋﺪﻫﻢ ﻣﺎﻳﺼﻴﺮ ﺍﻃﻠﻊ ﻻﺯﻡ ﻫﺬﻱ ﺍﻷﻳﻢ ﺍﺑﻘﻪ ﺑﺎﻟﺒﻴﺖ ﮔﻠﺖ ﺍﻟﻌﻤﺘﻲ ﺭﻭﺣﻲ ﺍﻧﻲ ﻣﺎﻋﻠﻴﻪ ﺷﻲ

ﮔﺎﻟﺖ ﺑﺎﻟﻠﻴﻞ ﺣﻨﺔ ﺍﻟﻮﻟﺪ ﻫﻨﺎ ﻛﻠﻬﻢ ﺣﻨﺘﻬﻢ ﺳﻮﻩ

ﺍﺟﻲ ﻣﻦ ﻭﻛﺖ ﺍﻧﻪ ﻭﺍﻟﺒﻨﺎﺕ

ﺍﻟﻤﻐﺮﺏ ﺍﺟﻦ ﻣﻦ ﻭﻛﺖ ﻭﻋﻠﻲ ﻫﻢ ﺩﺧﻞ ﻏﺴﻞ ﻭﺑﺪﻝ ﺍﺗﺤﻀﺮ ﻟﻠﺤﻔﻠﻪ

ﺣﻔﻠﺘﻬﻢ ﻫﻮﺳﺎﺕ ﻭﺟﻤﻌﺔ ﺷﺒﺎﺏ ﻭﻫﻢ ﺻﻴﺎﻧﻲ ﺣﻨﻪ ﻭﺟﻤﺎﻋﺘﻬﻢ ﻳﺤﻨﻮﻫﻢ

ﺧﻠﺼﺖ ﺍﻟﺤﻔﻠﻪ ﻣﺎﻟﺘﻬﻢ

ﻭﺍﻧﺪﮒ ﺑﺎﺏ ﻏﺮﻓﺘﻲ ﮔﻠﺖ ﻓﻮﺕ

ﺷﻔﺘﻪ ﻋﻠﻲ ﻣﺒﺘﺴﻤﻠﻲ ﺗﻌﺒﺎﻥ ﻭﺭﺩﺕ ﺍﻧﺎﻡ ﻣﺎﮔﺪﺭﺕ ﮔﺒﻞ ﻣﺎﺍﺷﻮﻓﭻ ﺍﺭﺗﺎﺡ

.. ﺍﺑﺘﺴﻤﺘﻠﻪ ﻭﺍﻧﻪ ﻫﻢ ﺗﻌﺒﺎﻧﻪ ﺑﺲ ﻣﺎﺟﺎﻳﻨﻲ ﻧﻮﻡ

.. ﻟﻴﻴﺶ ﻻﺗﺨﺎﻓﻴﻦ ﻭﻻﺗﻘﻠﻘﻴﻦ ﺍﻧﻪ ﺍﻫﻢ ﺷﻲ ﻋﻨﺪﻱ ﺭﺍﺣﺘﺞ ﻻﺗﺘﺼﻮﺭﻳﻦ ﺍﺣﻤﻠﺞ ﺍﻛﺜﺮ ﻣﻦ ﻃﺎﻗﺘﺞ ﻫﺎﻱ ﺍﻷﻳﺎﻡ ﺣﻠﻮﻩ ﻻﺗﺨﻠﺼﻴﻬﺎ ﻣﺘﻮﺗﺮﻩ

.. ﺭﺩﺕ ﺍﺣﭽﻴﻠﻪ ﺍﻟﺼﺮﺍﺣﻪ ﻣﮕﺪﺭﺕ ﮔﺘﻠﻪ ﺍﻥ ﺷﺎﺀﺍﻟﻠﻪ ﺑﺎﺳﻨﻲ ﺑﺮﺍﺳﻲ ﻭﻃﻠﻊ

ﺑﻴﻮﻣﻬﺎ ﻋﻴﻮﻧﻲ ﻣﺎﺧﺬﺕ ﻧﻮﻡ ﻭﮔﻌﺪﺕ ﺍﻟﺼﺒﺢ ﻭﺟﻬﻲ ﺗﻌﺒﺎﻥ ﻣﻦ ﺍﻟﺴﻬﺮ

ﺑﺲ ﻛﻠﺸﻲ ﺑﺎﻟﻤﻜﻴﺎﺝ ﻳﺘﻐﻄﻪ ﻋﻼﺟﻲ ﺍﺧﺬﺗﻪ ﻭﻳﺎﻱ ﻟﻠﺼﺎﻟﻮﻥ ﻭﻛﻞ ﺷﺔﻳﻪ ﻳﺄﻛﺪ ﻋﻠﻴﻪ ﺍﺷﺮﺑﻪ ﻭﺍﻟﻤﺸﻜﻠﻪ ﻣﻦ ﺍﺧﺬﻩ ﺍﺩﻭﺥ ﻭﺍﻧﻲ ﺑﺄﻳﺎﻣﻲ ﺍﻟﻌﺎﺩﻳﻪ ﺷﻠﻮﻥ ﻫﺴﻪ

ﻧﻔﺲ ﺍﻟﺸﻲ ﺑﺪﺕ ﺑﻴﻪ ﺑﺲ ﻫﺎﻟﻤﺮﻩ ﺍﻟﺰﻓﻪ ﺗﻄﻠﻊ ﺳﻮﻩ

ﻭﺭﺍﻱ ﺍﻓﻴﺎﺀ ﭼﺎﻧﺖ ﻛﻠﺶ ﺣﻠﻮﻩ ﻭﻛﻞ ﺷﻮﻳﻪ ﺗﺼﻮﺭ ﻭﺗﺪﺯ ﺻﻮﺭﻫﺎ ﺍﻟﺮﺍﻓﻊ ﺍﺧﺮ ﺷﻲ ﺧﺎﺑﺮﻫﺎ ﮔﻠﻬﺎ ﺭﺍﺡ ﺍﺟﻴﺞ ﻫﺴﻪ ﺍﺧﺬﺝ ﻣﺎﺍﺗﺎﻧﻲ ﺍﺣﺪ ﺿﺤﻜﻨﻪ ﻛﻠﻨﻪ ﻋﻠﻴﻬﺎ

ﻭﺯﻳﻨﺐ ﻭﻋﺒﺎﺱ ﻫﺎﺩﺋﻴﻦ ﺑﺲ ﻟﻬﻔﺘﻬﻢ ﻣﺒﻴﻨﻪ

ﻛﻞ ﻭﺣﺪﻩ ﻣﻨﻪ ﺗﻔﻜﺮ ﺑﻴﻮﻣﻬﺎ ﻭﺷﻠﻮﻥ ﻳﺨﻠﺺ ﺍﻟﻜﻞ ﺟﺎﻥ ﻣﺘﺼﻮﺭ ﺍﻧﻲ ﺷﻐﻠﺘﻲ ﺳﻬﻠﻪ ﻷﻥ ﻣﺘﺰﻭﺟﻪ ﻗﺒﻞ ﻭﻫﺬﺍ ﺍﻟﻌﺮﺱ ﺷﻜﻠﻲ

ﻭﺍﺻﻼ ﺍﻟﻜﻞ ﺣﺎﺟﻮﻭ ﺍﻟﺒﻨﺎﺕ ﻭﻓﻬﻤﻨﻬﻢ ﺍﻟﻲ ﻳﺼﻴﺮ ﻭﺍﻧﻲ ﻣﺤﺪ ﮔﻠﻲ ﻳﻤﻜﻦ ﻣﺎﺭﺍﺩﻭﻭ ﻳﺤﺮﺟﻮﻧﻲ ﺑﻘﻴﺖ ﻣﺘﻮﺗﺮﻩ ﻛﻠﺶ

ﺍﺣﺪ ﻣﺎﻛﻤﻠﻦ ﻭﺳﻤﻌﻨﻪ ﺍﺻﻮﺍﺕ ﺍﻟﺴﻴﺎﺭﺍﺕ

ﺍﺣﺲ ﮔﻠﺒﻲ ﻃﻠﻊ ﻣﻦ ﻣﻜﺎﻧﻪ ﻓﺮﺣﻪ ﺑﺮﻫﺒﻪ ﺑﻘﻠﻖ ﻛﻠﺸﻲ ﺍﻧﺠﻤﻊ ﺑﻮﻗﺘﻬﺎ

🔹🔸🥇🔹🔸

ﺩﺧﻠﺖ ﻋﻤﺘﻲ ﻭﺃﻭﻝ ﻭﺣﺪﻩ ﺑﻴﺪﻫﺎ ﻃﻠﻌﺘﻨﻲ ﻭﻋﻠﻲ ﻧﺎﺯﻝ ﺑﺎﻟﺒﺎﺏ ﻭﺍﻟﻮﻟﺪ ﻫﻢ ﻧﺰﻟﻮﻭ

ﺍﺣﺲ ﺭﻭﺣﻲ ﺑﻌﺎﻟﻢ ﺛﺎﻧﻲ ﻭﺍﻳﺪﻳﻪ ﮔﺎﻣﺖ ﺗﺮﺟﻒ

ﻓﺘﺤﻠﻴﺐ ﺍﻟﺒﺎﺏ ﺻﻌﺪﺕ ﻭﺭﻳﻢ ﻋﺪﻟﺖ ﺑﺪﻟﺘﻲ ﺑﺎﺭﻃﺘﻠﻨﻪ ﻭﺭﺍﺣﺖ ﺗﺴﺎﻋﺪ ﺍﻟﺒﻨﺎﺕ ﺍﻟﻤﻮﺳﻴﻘﻰ ﻭﺍﻟﻬﻮﺳﻪ ﺍﺳﻤﻊ ﺑﺲ ﺻﻮﺕ ﺑﺪﻭﻥ ﺗﺮﻛﻴﺰ ﺍﻟﺤﺪ ﻣﻨﻄﺒﮓ ﺑﺎﺏ ﺍﻟﺴﻴﺎﺭﻩ ﺍﻧﺪﺍﺭ ﻋﻠﻲ ﻣﻦ ﻳﻤﻲ ﻭﮔﻌﺪ ﻫﻮﻩ ﻳﺴﻮﻕ ﺍﻧﺘﺒﻬﺖ ﻣﺤﺪ ﻭﻳﺎﻧﻪ

ﺭﻛﺰﺕ ﻋﻠﻲ ﻣﻦ ﺻﻌﺪ ﺍﻳﺪﻩ ﻃﺎﻟﻌﻪ ﻣﻦ ﻳﻢ ﻋﺒﺎﺗﻪ ﺑﺸﺖ ﺍﺑﻴﺾ ﻣﺄﻃﺮ ﺑﺬﻫﺒﻲ ﻭﺩﺷﺪﺍﺷﻪ ﺑﻴﻀﻪ ﺟﻤﺎﻍ ﺍﺑﻴﺾ ﻭﺍﺳﻮﺩ ﻭﺳﺒﺤﻪ ﻟﻮﻥ ﺍﺻﻔﺮ ﻧﻬﺎﻳﺘﻬﺎ ﺳﻨﺎﺳﻞ ﻓﻀﻪ ﺍﻟﺴﺎﻋﻪ ﺫﻫﺒﻲ ﻭﺍﻟﻌﻄﺮ ﻣﻠﻪ ﺳﻴﺎﺭﺗﻪ ﺍﻧﻲ ﺍﺷﻮﻓﻪ ﻭﻥ ﻣﻴﺤﺲ ﻷﻥ ﻣﺒﺮﮔﻪ ﻭﺍﻟﺒﺮﻧﺺ ﻧﺎﺯﻝ ﺑﺲ ﺍﺭ ﺍﺳﺘﺮﻕ ﺍﻟﻨﻈﺮ

ﺣﺎﭼﺎﻧﻲ

.. ﻣﺒﺮﻭﻙ ﻳﺎﺭﻭﺡ ﻋﻠﻲ ﻭﻋﻤﺮﻩ ﺍﻧﺘﻲ

.. ﻫﻤﺴﺖ ﺑﺼﻮﺕ ﻳﺮﺟﻒ ﺍﻟﻠﻪ ﻳﺒﺎﺭﻛﻠﻚ

.. ﻳﺒﻌﺪ ﺍﻟﺮﻭﺡ ﺷﻨﻬﻲ ﻫﺎﻟﺮﺟﻔﻪ ﺑﺼﻮﺗﭻ ﺑﺮﺩﺍﻧﻪ ﺍﻧﺘﻲ

.. ﻫﺰﻳﺖ ﺭﺍﺳﻲ ﻻ

.. ﭼﺎ ﺩﺍﻳﺨﻪ

.. ﻻ ﺑﺲ

.. ﺷﺒﺲ ﻳﺎﻋﻤﺮﻱ ﻫﺪﻱ ﻫﺴﻪ ﻧﻮﺻﻞ ﻭﺍﺭﺗﺎﺣﻲ ﺍﻟﺒﻴﺖ ﻓﺎﺭﻍ ﺍﺧﺬﻱ ﺭﺍﺣﺘﭻ ﻣﺎﺍﺿﺎﻳﻘﺞ ﺍﻧﻪ ﻋﻤﺘﻲ ﺗﺮﻭﺡ ﻳﻢ ﻋﻤﺎﺗﻲ ﺑﻴﺖ ﻋﻤﻲ ﺍﺑﻮ ﺍﺣﻤﺪ ﻭﻱ ﻋﻤﺎﺗﻲ

.. ﻣﻦ ﮔﻠﻲ ﻫﻴﭻ ﺯﺕ ﺭﺟﻔﺘﻲ ﺣﺴﻴﺖ ﺣﺘﻪ ﺭﺟﻠﻴﻪ ﺗﺮﺟﻒ

.. ﻣﺪ ﺍﻳﺪﻩ ﻋﻠﻴﻪ ﻭﺿﻐﻂ ﻋﻠﻰ ﺍﻳﺪﻱ ﻗﻮﻱ ﻟﻴﺶ ﺍﺣﺴﭻ ﻣﻮ ﻣﺮﺗﺎﺣﻪ ﺑﻴﭻ ﺷﻲ ﺗﺤﺴﻴﻦ ﺑﺸﻲ

.. ﻻ ﻫﺰﻳﺘﻠﻪ ﺭﺍﺳﻲ ﺑﺪﻭﻥ ﻣﺎﺍﻧﻄﻖ

.. ﺍﻫﺪﻱ ﺣﺒﻴﺒﻪ .. ﺿﻠﺖ ﺍﻓﻜﺎﺭ ﺍﺑﺎﻟﻲ ﻭﺿﺠﺖ ﻣﻨﻬﺎ ﺍﻟﻠﻪ ﺍﻟﻴﻌﻠﻢ ﺍﺷﺎﻳﻔﻪ ﺑﺰﻭﺍﺟﻬﺎ ﺍﻷﻭﻝ ﻭﺍﺗﺬﻛﺮﺗﻪ ﻫﺴﻪ ﻳﺠﻮﺯ ﺧﺎﻳﻔﻪ ﻣﻦ ﺷﻲ ﺑﺲ ﻣﺎﺍﻋﺘﻘﺪ ﻣﺄﺫﻳﻬﺎ ﭼﺎﻧﺖ ﺭﺍﻳﺪﺗﻪ ﻫﻨﻮﺏ ﺍﻧﻲ ﺷﻔﺘﺤﺖ ﻣﻮﺿﺰﻉ ﺍﺑﺎﻟﻲ ﺍﺣﺲ ﻧﺎﺭ ﺑﻴﻪ ﻭﺷﺒﺖ ﺗﻮﺗﺮﺕ ﺣﻴﻞ ﻭﻛﻞ ﻣﺎﺍﺷﻮﻑ ﺭﺟﻔﺘﻬﺎ ﻳﺰﻳﺪ ﺍﻟﻲ ﺑﮕﻠﺒﻲ

ﻫﻤﺴﺘﻠﻬﺎ

.. ﻛﺎﻓﻲ ﻭﺻﻠﻨﻪ ﻛﺎﻓﻲ ﺭﺟﻴﻒ

.. ﻟﻤﺰﺕ ﺍﺩﻳﻪ ﺣﺘﻪ ﺍﺛﺒﺘﻬﻢ ﺑﺲ ﻣﺎﻛﻮ ﻓﺎﻳﺪﻩ ﺣﺘﻪ ﺷﻔﺎﻓﻲ ﺗﺮﺟﻒ ﻫﻤﺰﻳﻦ ﻣﻴﺸﻮﻑ ﺷﻲ

ﻧﺰﻟﻨﻲ ﺑﻴﺪﻩ ﻭﺍﻟﻬﻼﻫﻞ ﻭﺭﺍﻧﻪ ﻭﻋﻤﺎﺗﻲ ﺑﺲ ﻳﻮﺻﻠﻨﻪ ﻭﻳﻄﻠﻌﻦ ﻭﺭﻩ ﻣﺎﻳﻌﺸﻮﻥ ﺍﻟﺰﻟﻢ ﻷﻥ ﺍﻟﻌﺸﻪ ﻭﺍﺣﺪ ﻭﻫﻨﺎ ﺍﺑﺎﺏ ﺍﻟﺒﻴﺖ ﺑﺎﻧﻴﻦ ﻣﻀﺎﻳﻒ ﮔﻌﺪﻧﻲ ﻭﺑﺪﻭﻥ ﻻﻳﺮﻓﻊ ﺍﻟﺒﺮﮔﻊ ﻋﻨﻲ ﻭﻻ ﺍﻟﺒﺮﻧﺺ ﺻﺎﺡ ﺍﻟﻌﻤﺘﻲ ﻭﻃﻠﻊ

ﻋﻤﺘﻲ ﮔﺎﻟﺖ ﺭﻭﺣﻲ ﻟﻠﻐﺮﻓﻪ ﺍﺭﺗﺎﺣﻲ ﻋﻠﻲ ﻳﮕﻮﻝ ﺷﻜﻠﺞ ﺗﻌﺒﺎﻧﻪ ﮔﺘﻠﻬﺎ ﺍﻱ ﺍﺭﻭﺡ

ﺍﺟﺖ ﺭﻳﻢ ﺗﺴﺎﻋﺪﻧﻲ ﺑﺎﻟﻐﺮﻓﻪ ﻓﺘﺤﺖ ﺍﻟﺒﺮﮔﻊ ﻭﺍﻟﺒﺮﻧﺺ

.. ﻭﻟﭻ ﺷﺒﻴﭻ ﻭﺟﻬﺞ ﺍﺻﻔﺮ ﺷﺠﺎﺝ ﺗﺮﺟﻔﻴﻦ ﺟﻮﻋﺎﻧﻪ ﺍﻧﺘﻲ ﻣﺎﺍﻛﻠﺘﻲ ﺷﻲ

.. ﻫﺰﻳﺖ ﺭﺍﺳﻲ ﻭﺩﻣﻌﺖ ﻻ ﻣﺎﺍﺭﻳﺪ

.. ﭼﺎ ﺷﺒﻴﭻ ﺧﺎﻳﺒﻪ ﺷﺠﺎﭺ

.. ﺭﻳﻢ ﻓﺪﻭﻩ ﻣﺎﻟﻲ ﻏﻴﺮﭺ ﺗﺮﻩ ﺍﻧﻲ

.. ﺍﻱ ﺷﺒﻴﭻ ﺍﻧﺘﻲ ﺍﺣﭽﻲ

.. ﺍﻧﻲ ﺑﭽﻴﺖ ﺗﺮﺩﺩﺕ ﺍﺣﭽﻲ

.. ﻭﻟﭻ ﺍﺣﭽﻲ ﺧﻮﻓﺘﻴﻨﻲ ﺷﺒﻴﭻ ﻣﺎﺗﺮﺩﻳﻦ ﻋﻠﻲ ﺷﻨﻲ

.. ﻻ ﻭﺍﻟﻠﻪ ﺷﻠﻮﻥ ﻣﺎﺍﺭﻳﺪﻩ

.. ﭼﺎ ﺷﺒﻴﭻ

.. ﺍﻧﻲ ﺑﻌﺪﻧﻲ ﺑﻨﻴﻪ ﻭﺍﻟﻠﻪ ﻋﻼﺀ ﻣﺎﺗﻘﺮﺑﻠﻲ ﭼﺎﻧﺖ ﻋﻠﻴﻪ ﺍﻟﺸﻬﺮﻳﻪ ﺑﺬﺍﻙ ﻋﺮﺳﻲ

.. ﺍﺣﻠﻔﻲ ﮔﻠﺘﻬﺎ ﺑﻔﺮﺣﻪ

.. ﻭﺭﻭﺡ ﺑﺎﺑﺎ ﻣﻤﺠﺬﺑﻪ ﻋﻠﻴﭻ ﺷﻠﻮﻥ ﺷﮕﻮﻝ

.. ﻭﻟﭻ ﻫﺎﻱ ﺑﻌﺪ ﺍﺣﺴﻦ ﺷﻠﻮﻥ ﻣﺎﺗﺤﭽﻴﻦ ﻋﻠﻲ ﻳﺪﺭﻱ

.. ﻻ ﻣﺎﮔﺎﻳﻠﻪ ﺷﻠﻮﻥ ﺍﮔﻠﻪ

.. ﻭﻟﭻ ﺍﻛﻮ ﺍﻛﺜﺮ ﻣﻦ ﻫﻴﭻ ﺳﺎﻟﻔﻪ ﺗﻔﺮﺡ ﺯﻳﻦ ﺗﻌﺮﻓﻴﻦ ﺷﻴﺼﻴﺮ ﻏﻴﺮ

.. ﻫﺰﻳﺖ ﺭﺍﺳﻲ ﻻ ﻣﺤﺪ ﻣﻌﻠﻤﻨﻲ

.. ﻓﻠﻚ ﻃﺮﺝ ﻭﻳﻦ ﭼﻨﺘﻲ ﺗﻌﺸﻮﻭ ﺍﻟﺰﻟﻢ ﻫﺴﻪ ﻳﺰﻓﻮﻧﻪ ﻋﻠﻲ ﻻﺯﻡ ﻳﻌﺮﻑ

.. ﻣﻨﻮ ﻳﮕﻠﻪ

.. ﺭﺍﺡ ﺍﺻﻴﺢ ﺍﻣﻲ ﺃﻛﻠﻬﺎ ﻭﺍﻓﻬﻤﭻ ﻉ ﺍﻟﺴﺮﻳﻊ

ﺭﺍﺣﺖ ﺭﻳﻢ ﺻﺎﺣﺖ ﻋﻤﺘﻲ ﻭﻋﻜﺎﺗﻲ ﻣﻦ ﺍﻟﻔﻀﻮﻝ ﺩﺧﻠﻦ ﻭﺭﺍﻫﺎ ﺑﺲ ﺷﻮ ﻛﻠﻬﻦ ﻓﺮﺣﻦ ﻋﻠﻰ ﺷﻨﻮﻭ ﺍﻧﻲ ﺍﻟﺨﻮﻑ ﺍﻟﺒﻴﻪ ﺧﻼﻧﻲ ﻣﺜﻞ ﺍﻟﺴﻌﻔﻪ ﺍﺭﺟﻒ

ﮔﺎﻟﺖ ﻋﻤﺘﻲ ﻃﻠﻌﻦ ﺧﻠﻨﻲ ﻭﺣﺪﻱ ﻭﻳﺎﻫﺎ ﺣﺎﺟﺘﻨﻲ ﻭﺍﻧﻄﺘﻨﻲ ﻭﺻﻠﻪ ﺑﻴﻀﻪ ﻓﻬﻤﺘﻨﻲ ﻫﻴﻪ ﻭﺭﻳﻢ ﻭﺯﺍﺩ ﺧﻮﻓﻲ ﺍﻛﺜﺮ

ﺷﻮﻳﻪ ﻭﺻﺎﺣﻮﻫﻦ ﮔﺎﻟﻮﻭ ﺭﺍﺡ ﻳﺰﻓﻮﻥ ﺍﻟﻌﺮﻳﺲ

ﻭﺍﻟﻬﻮﺳﻪ ﺻﺎﺭﺕ ﻗﺮﻳﺒﻪ ﺯﻓﻮﻩ ﻭﺩﺧﻞ ﻋﻠﻴﻪ ﺑﺲ ﺣﺴﻴﺘﻪ ﻳﺮﺍﻗﺒﻨﻲ ﻭﻋﻤﺘﻲ ﺑﻘﺖ ﺩﺍﺧﻞ ﺍﻟﻐﺮﻓﻪ ﻭﻫﻮﻩ ﺿﻞ ﺑﺎﻟﺒﺎﺏ ﻣﺘﺮﺩﺩ ﻳﻤﻜﻦ ﻣﻨﺘﻈﺮﻫﺎ ﺗﻄﻠﻊ

ﮔﺎﻟﺘﻠﻪ ﻋﻠﻲ ﻳﻤﻪ ﺍﻧﺘﻈﺮﻙ ﺍﺣﺎﭼﻴﻚ ﻣﻮ ﺗﺘﻌﻄﻞ ﺑﺲ ﻳﺮﺣﻮﻥ

.. ﺻﺎﺭ ﻳﻤﻪ ﺧﻴﺮ ﺍﺷﺮﻟﻬﺎ ﻭﺑﺎﻭﻋﻠﻲ

.. ﻛﻞ ﺍﻟﺨﻴﺮ ﺑﻌﺪ ﺍﻣﻚ

.. ﻃﻠﻌﺖ ﻭﺳﺪﺕ ﺍﻟﺒﺎﺏ ﻭﺭﺍﻫﺎ ﻫﻮﻩ ﺗﻘﺪﻣﻠﻲ ﺭﻓﻊ ﺣﻨﭽﻲ ﺑﻴﺪﻩ ﻭﺍﻧﻪ ﻭﺍﮔﻔﻪ ﻣﻨﺘﻈﺮﺗﻪ ﺑﺲ ﺍﻟﺨﻮﻑ ﻣﺴﻴﻄﺮ ﻋﻠﻴﻪ

.. ﻳﺎﺑﻮﻳﻪ ﻋﻠﻴﻪ ﻭﻳﻦ ﺍﺭﻭﺡ ﺍﻧﻪ ﻭﻫﺎﻟﺤﺴﻦ ﻳﻤﻲ ﻭﻟﭻ ﺍﻧﺘﻲ ﺷﻄﺎﻟﻌﻪ ﻧﺎﻭﻳﻪ ﺗﻨﻨﻘﻤﻴﻦ ﻣﻨﻲ ﻭﻟﻴﺶ ﻫﺎﻱ ﺍﻟﺮﺟﻔﻪ ﻳﺎﺑﻌﺪ ﻋﻠﻲ ﻭﻋﺸﻴﺮﺗﻪ ﺷﻨﻬﻲ ﺍﻟﻲ ﺍﺑﺎﻟﭻ ﻳﻤﻨﻌﺞ ﻣﻦ ﺍﻟﺴﻌﺎﺩﻩ ﻭﻳﺎﻱ

.. ﺑﻘﻴﺖ ﻣﺪﻧﮕﻪ

.. ﺍﻟﻴﻮﻡ ﻧﮕﻀﻴﻬﺎ ﻫﻴﭻ ﺧﻞ ﺍﺷﻮﻑ ﺍﻣﻲ ﻭﺍﺟﻲ ﺍﻓﻬﻢ ﻣﻨﭻ ﺻﺎﻳﺮ ﺷﻲ

.. ﻫﻮﻩ ﻃﻠﻊ ﻭﺍﻧﻲ ﺍﺣﺲ ﺧﻮﻓﻲ ﻗﻀﻪ ﻋﻠﻴﻪ ﻭﺣﺮﺍﺭﻩ ﺑﻮﺟﻬﻲ ﺗﻄﻠﻊ ﺣﺘﻪ ﻣﻦ ﺍﺫﻧﻲ ﻭﺟﺴﻤﻲ ﻣﺜﻠﺞ ﻳﺎﺭﺏ ﺷﺒﻴﻪ ﺍﻧﻲ ﻣﻮ ﺗﺰﻭﺟﺖ ﺍﻭﻝ ﻣﺮﻩ ﻟﻴﺶ ﻣﺎﺧﻔﺖ ﻫﻴﺞ ﺑﺲ ﺍﻧﻲ ﻣﻮ ﺧﺎﻳﻔﻪ ﻣﻦ ﺍﻟﻌﺮﺱ ﺍﻧﻲ ﺧﺎﻳﻔﻪ ﻣﻦ ﺍﻟﺒﻴﻪ ﻟﻴﺶ ﺿﻤﻴﺖ ﻛﻞ ﻫﺬﻱ ﺍﻟﻔﺘﺮﻩ

🔹🔸🥇🔹🔸

ﻋﻠﻲ ..

ﻃﻠﻌﺖ ﺍﻷﻣﻲ ﺑﺲ ﻫﻴﻪ ﻟﮕﻴﺘﻬﺎ ﻭﺍﻟﻜﻞ ﺭﺍﻳﺤﻴﻦ

.. ﻫﻼ ﻳﻤﻪ ﮔﻮﻟﻲ ﺷﻨﻬﻲ ﺍﻟﺼﺎﻳﺮ

.. ﻳﺒﻌﺪ ﺍﻣﻚ ﻛﻞ ﺍﻟﺨﻴﺮ ﻋﻠﻰ ﻛﻴﻔﻚ ﻭﻱ ﻣﺮﻳﺘﻚ ﻳﻤﻪ

.. ﻟﻴﺶ ﻳﻤﻪ ﺍﮔﺪﺭ ﺍﺋﺬﻳﻬﺎ ﺍﻧﻪ

.. ﻣﻮ ﻫﻴﭻ ﻳﻤﻪ ﻣﺮﻳﺘﻚ ﻫﺴﻪ ﺣﭽﺖ ﻭﺍﻟﺮﺟﻔﻪ ﻣﺎﺧﺬﺗﻬﺎ ﺗﺮﻩ ﻋﻼ ﺑﻌﺪﻫﻲ ﺑﻨﻴﻪ ﻭﺧﺎﻳﻔﻪ ﺷﻠﻮﻥ ﺗﺒﻠﻐﻚ

.. ﻫﺎﺍﺍ

.. ﺍﻱ ﻳﻤﻪ

.. ﺷﻨﻬﻲ ﺍﻷﻱ ﻣﺘﺄﻛﺪﻩ

.. ﺍﻱ ﻳﻤﻪ ﺑﻌﺮﺳﻬﺎ ﺀﺍﻙ ﭼﺎﻧﺖ ﻣﻌﺬﻭﺭﻩ ﻭﺟﺎﺑﻮﻫﺎ ﻣﺎﻣﺘﮕﺮﺏ ﻣﻨﻬﺎ

.. ﺿﺤﻜﺖ ﺻﺪﮒ ﻋﻮﺩ ﻭﻟﻴﺶ ﺧﺎﻳﻔﻪ ﻟﻴﺶ ﻣﺎﺣﭽﺖ

.. ﻳﻤﻪ ﻣﻮ ﺳﻬﻠﻪ ﻳﻨﺤﭽﻲ ﺑﻴﻬﺎ ﻭﺍﻧﺖ ﺍﻋﺮﻑ ﺑﻀﺮﻓﻬﺎ

.. ﻻﺗﺨﺎﻓﻴﻦ ﻳﻤﻪ ﺳﻬﻠﻪ

.. ﺑﻌﺪ ﻋﻤﺮﻱ ﻣﺒﺎﺭﻙ ﻋﻠﻴﻜﻢ ﻣﺤﻀﺮﻩ ﻛﻠﺸﻲ ﺍﻧﻪ ﻟﻮ ﺭﺩﺗﻮﻭ ﺷﻲ ﻭﺧﻠﻴﻬﺎ ﺗﺎﻛﻞ ﺻﺎﻳﻤﻪ ﻫﺎﻱ ﺻﺎﺭﻟﻬﺎ ﺷﻜﻢ ﻳﻮﻡ ﺍﻟﻴﻮﻡ ﻳﻠﻠﻪ ﻃﻠﻌﺖ ﻫﺎﻟﺴﺎﻟﻔﻪ ﻭﻋﺮﻓﺖ ﺍﻟﺒﻴﻬﺎ

.. ﺳﻬﻠﻪ ﻳﻤﻪ ﺳﻬﻠﻪ ﻻﻳﻀﻞ ﺑﺎﻟﭻ ﺑﺲ ﺍﺭﻳﺪ ﺍﺷﻮﻑ ﺍﻣﻲ ﺍﻟﺤﺠﻴﻪ ﺧﻮ ﻣﺮﺍﺣﺖ ﺍﺳﻠﻢ ﻋﻠﻴﻬﺎ ﻣﺘﺎﻧﻴﺘﻚ ﻫﻴﻪ ﺍﺧﺬﻫﺎ ﻭﻳﺎﻱ ﺭﺣﺖ ﺑﺴﺖ ﺍﻳﺪﻫﺎ ﻭﺭﺍﺳﻬﺎ ﺑﺎﺭﻛﺘﻠﻲ ﻭﻃﻠﻌﻦ

ﺭﺍﺣﻦ ﻗﻔﻠﺖ ﺍﻟﺒﻮﺏ ﻭﺭﺟﻌﺖ ﺍﻟﻬﺎ

.. ﻋﻼ

.. ﺭﻓﻌﺖ ﺭﺍﺳﻲ ﺷﻔﺘﻪ ﻣﺒﺘﺴﻢ ﻭﻣﺘﻮﺟﻪ ﻋﻠﻴﻪ

. ﺍﺣﭽﻲ ﻭﻟﭻ ﺳﻤﻌﻴﻨﻲ ﺻﻮﺗﭻ ﻭﻻﺗﻨﺼﻴﻦ ﺭﺍﺳﭻ ﺧﻠﻴﻨﻲ ﺍﺷﺒﻊ ﻣﻦ ﻫﺎﻟﻌﻴﻮﻥ ﺍﻟﻨﺎﻋﺴﻪ

.. ﺷﺒﻜﺖ ﺍﺩﻳﻪ ﺗﺮﺟﻒ ﺍﺟﻪ ﻫﻮﻩ ﻓﻜﻬﻦ ﻭﺧﻼﻫﻦ ﺑﻴﻦ ﺍﻳﺪﻩ ﻭﺿﻐﻂ ﻋﻠﻴﻬﻦ ﺑﺎﺱ ﮔﺼﺘﻲ

ﻭﺭﺍﺳﻲ

.. ﻋﻼ ﺻﺪﮒ ﺍﻟﮕﺎﻟﺘﻪ ﻋﻤﺘﻲ

.. ﻫﺰﻳﺘﻠﻪ ﺭﺍﺳﻲ ﻭﺩﻧﮕﺖ ﺭﻓﻊ ﺭﺍﺳﻲ ﺑﻄﺮﻑ ﺍﻳﺪﻩ ﻭﮔﻌﺖ ﻣﻨﻲ ﺩﻣﻌﻪ ﻋﻠﻰ ﭼﻔﻪ

.. ﻫﺎﺍ ﻫﺎﺍ ﻟﻴﺶ ﻫﺎﻟﺪﻣﻮﻉ ﺍﺭﻭﺡ ﺍﻧﻪ ﻓﺪﻭﻩ ﻟﻌﻴﻮﻧﭻ ﻟﻴﺶ ﺍﻟﺒﭽﻲ ﺍﻓﺮﺣﻲ ﺍﻱ ﻓﺮﺣﻲ ﺍﻟﻔﺮﺣﺘﻲ ﻭﻟﭻ ﺍﻧﻪ ﻫﺴﻪ ﻏﻴﺮ ..

ﺫﺍﻙ ﺍﻟﻨﺬﻝ ﻣﺎﺟﺎﻳﺴﭻ ﻣﻦ ﺗﺰﻭﺟﺘﺞ ﻋﻨﺪﻱ ﻋﺎﺩﻱ ﺍﻟﻠﻪ ﻳﺸﻬﺪ ﻋﻠﻴﻪ ﻣﺘﺰﻭﺟﻪ ﮔﺒﻞ ﻋﺎﺩﻱ ﺑﺲ ﻫﺴﻪ ﻻ ﺍﺣﺴﺎﺳﻲ ﻏﻴﺮ

ﺗﻌﺎﻟﻲ ﮔﻌﺪﻱ ﺍﺭﺗﺎﺣﻲ

ﮔﻌﺪﺗﻬﺎ ﻋﻠﻰ ﻃﺎﺭﻑ ﺍﻟﭽﺮﺑﺎﻳﻪ ﻭﺭﺣﺖ ﻋﻠﮕﺖ ﻣﻼﺑﺴﻲ ﻃﻠﻌﺘﻠﻲ ﺍﺗﺮﺍﻙ ﻧﺼﺖ ﺭﺍﺳﻬﺎ ﺑﺪﻟﺖ ﻭﺍﺟﻴﺖ ﻳﻤﻬﺎ

ﮔﻌﺪﺕ ﺑﺼﻔﻬﺎ ﻭﺟﺮﻳﺖ ﺭﺍﺳﻬﺎ ﺑﺤﻀﻨﻲ ﺍﻧﺘﺮﺳﺖ ﻟﻤﻊ ﻣﻨﻬﺎ ﻭﻣﻦ ﺗﺴﺮﻳﺤﺘﻬﺎ

.. ﻫﺎﻟﻠﻪ ﻫﺎﻟﻠﻪ ﺷﻬﺎﻟﻠﻤﻊ ﻫﺬﺍ ﻓﻀﻴﺤﻪ ﺷﻴﻄﻠﻌﻪ ﻣﻨﻲ

.. ﺍﺑﺘﺴﻤﺖ ﺑﺪﻭﻥ ﻣﺎﺍﺣﺲ

.. ﺍﻱ ﻫﻴﭻ ﺗﻠﻮﮔﻠﺞ ﻭﺍﻟﻠﻪ ﻫﺎﻟﺒﺴﻤﻪ

.. ﻋﻠﻲ

.. ﻳﺮﻭﺡ ﻓﺪﻭﻩ ﺍﻟﻄﺎﺭﻳﭻ ﻭﻟﭻ ﺷﺴﻮﻳﺘﻲ ﺑﻴﻪ ﺍﻟﺪﺭﺏ ﻛﻠﻪ ﺍﺭﻳﺪ ﺍﻋﺮﻑ ﻋﻠﺘﭻ ﻃﻠﻌﺖ ﻋﻠﺘﭻ ﻫﻢ ﻋﻠﻪ ﺣﻠﻮﻩ ﺍﻧﺘﻲ ﺣﺘﻪ ﻋﻼﺗﭻ ﻋﺴﻞ ﻋﻠﻰ ﮔﻠﺒﻲ

.. ﺍﻧﻲ ﻋﻠﻪ

.. ﻋﻠﺔ ﮔﻠﺒﻲ ﺍﻧﺘﻲ .. ﺣﺒﻴﺒﻪ ﻛﺎﻓﻲ ﺍﺭﺗﺎﺣﻲ ﻫﺴﻪ ﻭﺑﺪﻟﻲ ﻋﻠﻰ ﺭﺍﺣﺘﭻ ﻣﺮﺍﺡ ﺍﺿﻮﺟﺞ ﺍﻧﻲ ﺍﺑﻘﻲ ﻋﻠﻰ ﺭﺍﺣﺘﭻ ﻣﻦ ﺗﻜﻤﻠﻴﻦ ﺍﺟﻲ

.. ﺣﺴﻴﺖ ﺭﻭﺣﻲ ﻫﺪﺃﺕ ﻃﻠﻊ ﻫﻮﻩ ﺣﺎﻭﻟﺖ ﺍﺫﺏ ﺍﻟﺒﺪﻟﻪ ﻣﮕﺪﺭﺕ ﺷﻠﻮﻥ ﺑﺎﻟﻠﻪ ﻭﺍﻟﺘﺴﺮﻳﺤﻪ ﻫﺬﻱ ﺷﻴﻔﻠﻬﺎ ﺍﻟﻲ

ﺑﻘﻴﺖ ﻓﺘﺮﻩ ﻃﻠﻌﺖ ﻣﺘﺮﺩﺩﻩ ﺷﻔﺘﻪ ﮔﺎﻋﺪ ﺑﺎﻟﻬﻮﻝ

ﻣﺨﻠﻲ ﺭﺟﻞ ﻋﻠﻰ ﺭﺟﻞ ﻭﺑﻴﺪﻩ ﺟﻬﺎﺯﻩ ﻳﮕﻠﺐ ﺑﻴﻪ

ﺣﺎﭼﻴﺘﻪ

.. ﻋﻠﻲ

.. ﻫﺎﻳﻌﻤﺮﻱ ﮔﻮﻟﻲ

.. ﻓﺪﻭﻩ ﺳﺎﻋﺪﻧﻲ ﻣﺎﺍﮔﺪﺭ ﺍﻓﺘﺢ ﺍﻟﺒﺪﻟﻪ ﻭﺍﻟﺘﺴﺮﻳﺤﻪ

.. ﺍﺑﺘﺴﻤﺖ ﺍﺳﺎﻋﺪﭺ ﻟﻴﺶ ﻻ

ﺍﺧﺬﺗﻬﺎ ﻭﺭﺣﺖ ﻟﻠﻐﺮﻓﻬﺎ ﻃﻠﻌﺖ ﺍﻟﻤﺎﺷﺎﺕ ﻭﻳﺎﻫﺎ ﺷﻌﺮﻫﺎ ﺍﻧﻔﺶ

.. ﻫﺎﻱ ﺷﻤﺴﻮﻳﺎﺕ ﺑﻴﭻ ﺷﻌﺮﭺ ﻣﻌﻈﻢ ﺷﺠﺎﻫﻦ ﻭﻳﺎﻩ ﻫﺬﺍ ﮔﻀﻴﺖ ﺍﻟﻠﻴﺎﻟﻲ ﺍﺣﻠﻢ ﺑﻲ ﻭﺍﻧﻪ ﺍﺗﻠﻤﺴﻪ

ﺟﺎﻭﺑﺘﻪ ﻭﺍﻧﻲ ﺧﺠﻼﻧﻪ ﻫﺴﻪ ﺍﻏﺴﻞ ﻭﻳﺮﻭﺡ

.. ﺍﻱ ﻏﺴﻠﻲ ﺧﺎﻑ ﻣﻮﺯﻳﻦ ﻋﻠﻲ ﻫﺎﻱ ﺍﻟﻤﻮﺍﺩ ﺗﻀﻞ ﺑﻲ ﻫﻴﭻ

.. ﻻ ﻣﺎﺍﺧﻠﻲ ﺣﺴﻴﺖ ﺣﻤﻞ ﻭﺍﻧﺰﺍﺡ ﻣﻦ ﺻﺪﺭﻱ ﻣﻦ ﺩﺭﻩ ﻭﺷﻔﺖ ﺍﻟﻔﺮﺣﻪ ﺑﻌﻴﻮﻧﻪ

.. ﮔﺘﻠﻪ ﺑﺲ ﺟﺮﻟﻲ ﺍﻟﺒﺪﻟﻪ ﺍﺭﻭﺡ ﺍﻏﺴﻞ

.. ﺍﻱ ﺣﺮﮔﻴﻨﻲ ﺍﻧﺘﻲ ﻭﺳﺘﻮﻳﻨﻲ ﻋﻠﻰ ﻧﺎﺭﺩﻩ ﻫﺎﺩﻳﻪ

.. ﺍﺑﺘﺴﻤﺖ ﻋﺮﻓﺘﻪ ﺷﻴﻘﺼﺪ ﻓﺘﺤﻬﺎ ﻭﺭﺍﺡ ﺗﻤﺪﺩ ﺍﺧﺬﺕ ﺳﻴﺘﻲ ﺍﻷﺑﻴﺾ ﻭﺭﺣﺖ ﻟﻠﺤﻤﺎﻡ ﻏﺴﻠﺖ ﺍﺭﺗﺎﺣﻴﺖ ﻭﺍﺣﺲ ﺟﺴﻤﻲ ﺗﻨﺸﻂ ﻳﺎﺭﺏ ﺳﺎﻋﺪﻧﻲ ﻳﺎﺭﺏ ﻭﺧﻠﻴﻨﻲ ﻟﺴﻌﺪﻩ ﻣﺜﻞ ﻣﺎﻳﺮﻳﺪ ﻳﺴﻌﺪﻧﻲ ﺗﻌﺒﺖ ﻭﺗﻌﺒﺘﻪ ﻭﻳﺎﻱ

ﻃﻠﻌﺖ ﺭﺣﺖ ﻣﻨﺼﻴﻪ ﻭﺧﺠﻼﻧﻪ ﻣﺎﻟﮕﻴﺘﻪ ﺑﺎﻟﻐﺮﻓﻪ ﻧﺸﻔﺖ ﺷﻌﺮﻱ ﻭﻣﺸﻄﺖ ﻉ ﺍﻟﺴﺮﻳﻊ ﺗﻤﻜﻴﺠﺖ ﺍﺧﺬﺕ ﺍﻟﻌﻄﺮ ﺍﺭﻱ

ﺍﺭﺵ ﺳﻤﻌﺖ ﺻﻮﺗﻪ

.. ﻻﺗﺮﺷﻴﻦ ﺍﺭﻳﺪ ﻋﻄﺮﭺ ﻭﺑﺲ ﻣﺎﺍﺭﻳﺪ ﻋﻄﺮ ﻳﺨﺘﻠﻂ ﻭﻳﺎﻩ ﺣﺘﻪ ﻟﻮ ﺑﺲ ﻫﺎﻟﻠﻴﻠﻪ

.. ﺭﺟﻔﺖ ﻣﻦ ﺍﻟﺨﺠﻞ ﺷﻠﻮﻥ ﻫﻴﭻ ﻳﺤﺎﭼﻴﻨﻲ ﻋﻔﺘﻪ ﻉ ﺍﻟﻤﻴﺰ ﻭﺑﺎﻭﻋﺘﻠﻪ

.. ﺣﺒﻴﺒﻪ ﺗﺘﻌﺸﻴﻦ

.. ﻫﺰﻳﺖ ﺭﺍﺳﻲ ﻻ

.. ﻟﻴﺶ ﺍﻛﻠﻲ ﻣﻮ ﺯﻳﻦ ﻋﻠﻴﭻ ﻣﺎﺑﻴﻪ ﺣﻴﻞ ﺍﻓﺘﺮ ﺑﻴﺞ ﺑﺎﻟﻄﻮﺍﺭﺉ ﺍﻧﻪ

.. ﻣﺎﺍﺭﻳﺪ

.. ﻧﺘﻌﺸﻪ ﺍﻧﻪ ﻭﻳﺎﭺ ﺷﻮﻳﻪ ﺍﻟﺨﺎﻃﺮﻱ

.. ﮔﺘﻠﻪ ﺻﺎﺭ ﻭﺻﺪﮒ ﺍﻛﻠﻨﻪ ﺷﻮﻳﻪ

ﻭﮔﻤﺖ ﺑﻴﻦ ﻣﺎﺍﻏﺴﻞ ﺍﺳﻨﺎﻧﻲ ﻟﮕﻴﺘﻪ ﻣﺨﻠﻲ ﺍﻟﭽﺎﻱ ﻉ ﺍﻟﻨﺎﺭ

.. ﺍﻧﻲ ﺍﺳﻮﻳﻠﻚ

.. ﺍﻧﻲ ﺍﺳﻮﻱ ﻳﺒﻌﺪ ﺍﻧﻪ ﺍﻟﻴﻮﻡ ﺍﻧﺘﻲ ﻛﻠﺸﻲ ﻻﺗﺴﻮﻳﻦ ﻛﻠﺸﻲ ﻋﻠﻴﻪ ﻏﻤﺰﺗﻠﻬﺎ ﻭﺿﺤﻜﺖ

.. ﻧﺼﻴﺖ ﺧﺠﻼﻧﻪ

.. ﺭﻭﺣﻲ ﺣﺒﻴﺒﻪ ﺭﻭﺣﻲ ﻟﻠﻐﺮﻓﻪ ﺍﻋﺪﻝ ﺭﺍﺳﻲ ﻭﺍﺟﻲ ﻳﻤﭻ

.. ﺭﺣﺖ ﻟﻠﻐﺮﻓﻪ ﻭﺍﺣﺲ ﮔﻠﺒﻲ ﻳﺪﮒ ﺍﺑﻠﻌﻮﻣﻲ

.. ﺷﻮﻳﻪ ﻭﺍﺟﻪ ﻭﻗﻔﻞ ﺑﺎﺏ ﺍﻟﻐﺮﻓﻪ ﻟﻤﻴﺖ ﺭﻭﺣﻲ ﻭﺗﺸﻨﺠﺖ

.. ﻫﺬﺍ ﺍﻟﺤﺴﻦ ﻛﻠﻪ ﺍﻟﻲ ﻃﻔﻴﺖ ﺍﻟﻀﻮﻩ ﻭﺧﻠﻴﺖ ﺍﺿﺎﺋﻪ ﺧﻔﻴﻔﻪ ﺗﻤﺪﺩﺕ ﻉ ﺍﻟﭽﺮﺑﺎﻳﻪ ﻭﺍﺷﺮﺗﻠﻬﺎ ﺗﻌﺎﻟﻲ ﻫﻨﺎ ﻧﺎﻣﻲ ﻋﻠﻰ ﺻﺪﺭﻱ ﻣﺎﺳﻮﻳﻠﭻ ﺷﻲ ﺗﻌﺎﻟﻲ ﺧﻞ ﺍﺷﺒﻊ ﻣﻨﭻ ﻭﺑﺲ

.. ﺗﺮﺩﺩﺕ ﻭﺍﺣﺲ ﻭﺟﻬﻲ ﺻﺎﺭ ﻧﺎﺭ

.. ﮔﻤﺖ ﺟﺮﻳﺘﻬﺎ ﻋﻠﻴﻪ ﺿﺎﻋﺖ ﺑﺤﻀﻨﻲ ﺧﻠﻴﺖ ﻭﺟﻬﻲ ﻣﻘﺎﺑﻴﻞ ﻭﺟﻬﻪ ﻭﺍﺗﻨﻔﺲ ﺍﻧﻔﺎﺳﻬﺎ ﺍﺣﺴﻬﺎ ﻛﺎﺗﻤﺘﻬﻦ

.. ﻭﻟﭻ ﻻﺗﺨﺘﻨﮕﻴﻦ ﺗﻨﻔﺴﻲ ﻣﺎﺍﺭﻳﺪ ﺷﻲ ﻫﺴﻪ ﺍﺭﺗﺎﺣﻲ

.. ﺟﺮﻳﺖ ﻧﻔﺲ

.. ﺍﺣﺘﺮﮔﺖ ﺭﻭﺣﻲ ﮔﺎﻃﻌﻪ ﺍﻟﻨﻔﺲ ﻟﻴﺶ ﻭﻟﭻ ﺑﻌﺒﻊ ﻳﻤﭻ ﻭﻟﻴﺪ ﺷﺎﺏ ﺷﺤﻼﺗﻨﻲ ﻟﻮ ﺷﺎﻳﺐ ﻋﻠﻰ ﮔﻮﻟﺔ ﺍﻣﻲ ﺍﻟﺤﺠﻴﻪ ﺧﺎﻑ ﺣﭽﻴﻬﺎ ﺩﮒ ﺑﺮﺍﺳﭻ ﻭﻟﭻ ﺟﻨﺖ ﺍﺭﻳﺪ ﺍﻫﺪﻳﻬﺎ

.. ﺿﺤﻜﺖ ﺍﺣﻠﻰ ﺷﺎﺏ ﻭﺍﻟﻠﻪ ﺗﺴﻮﻩ ﺍﻟﺸﺒﺎﺏ ﻛﻠﻬﺎ

.. ﻳﺎﺑﻌﺪ ﻋﻤﺮﻱ ﺍﻫﺪﻱ ﺧﻠﻴﺖ ﺍﻳﺪﻱ ﻋﻠﻰ ﺟﺴﻤﻬﺎ ﺍﺣﺲ ﺭﻭﺣﻲ ﺭﺍﺣﺖ ﺷﻬﺎﻟﻨﻌﻮﻣﻪ

.. ﺟﺮﻳﺘﻬﺎ ﻋﻠﻴﻪ ﺍﻛﺜﺮ ﻭﺣﻀﻨﺘﻬﺎ ﺍﺣﺴﻬﺎ ﺿﺎﻋﺖ ﺑﻴﻦ ﺍﺩﻳﻪ

.. ﻭﻟﭻ ﻭﺩﻱ ﺍﺧﻠﻴﭻ ﺑﻴﻦ ﺍﻟﻀﻠﻮﻉ ﻭﺍﻟﻠﻪ ﻣﻮ ﺑﺲ ﺑﺪﻳﻪ

ﺣﺴﻴﺘﻬﺎ ﺍﺭﺗﺨﺖ ﺍﻋﺼﺎﺑﻬﺎ

.. ﻣﻦ ﺍﺷﺘﻤﻴﺖ ﺭﻳﺤﺘﻪ ﻭﺍﻟﺪﻓﻮﻭ ﺍﻟﻲ ﺑﺼﻈﺮﻩ ﻧﺴﻴﺖ ﻛﻠﺸﻲ ﻭﻛﻞ ﻓﻜﺮﻱ ﺻﺎﺭ ﻳﻤﻪ ﺍﺭﺗﺎﺣﻴﺖ ﺑﻮﺟﻮﺩﻩ ﻳﻤﻲ ﺷﮕﺪ ﺍﺣﺒﻪ ﻳﺎﺭﺏ

.. ﻫﻤﺴﺘﻠﻬﺎ ﻋﻼ

.. ﺭﻭﺣﻬﺎ ﻭﮔﻠﺒﻬﺎ

.. ﺍﺷﺘﻌﻠﺖ ﺭﻭﺣﻲ .. ﻭﻟﭻ ﮔﻄﻌﺘﻲ ﺍﻟﻨﻔﺲ ﻋﺪﻟﻪ ﺍﻧﺘﻲ ﻫﻬﻬﻪ

. ﺩﻓﻨﺖ ﺭﺍﺳﻲ ﺑﺤﻀﻨﻪ ﺍﻛﺜﺮ ﻭﺍﺷﺘﻤﻴﺖ ﺻﺪﺭﻩ ﺑﻘﻮﻩ

.. ﺍﺣﺲ ﺭﻭﺣﻲ ﺭﺍﺣﺖ ﻭﻛﻞ ﻫﺪﻭﺋﻲ ﻭﺳﻴﻄﺮﺗﻲ ﻋﻠﻰ ﺭﻭﺣﻲ ﺗﺤﻮﻟﺖ ﺑﺮﻛﺎﻥ ﺭﻓﻌﺖ ﺭﺍﺳﻬﺎ ﻭﺑﺪﻳﺖ ﺍﻗﺒﻞ ﻭﺟﻬﻪ ﺑﻜﻞ ﻣﻜﺎﻥ ﺑﻮﺟﻬﻪ ﺍﺳﺘﻘﺮﻳﺖ ﻉ ﺍﻟﺸﻔﺎﻳﻒ ﻭﻧﺰﻟﺖ ﻉ ﺍﻟﺮﮔﺒﻪ ﺣﺴﺘﻬﺎ ﺻﺎﺭﺕ ﺑﻴﺪﻱ ﺭﻳﺸﻪ ﺍﺣﺮﻛﻬﺎ ﻭﻳﻦ ﻣﺎﺍﺭﻳﺪ

ﺳﻤﻌﺖ ﺍﺻﻮﺍﺕ ﺍﻟﺮﻣﻲ

ﻗﺮﻳﺐ ﺑﺸﺎﺭﻋﻨﻪ

ﺿﺤﻜﺖ ﻋﺰﺍﻟﻠﻪ ﺫﻳﺎﺑﻪ ﻣﺎﻳﻨﺨﺎﻑ ﻋﻠﻴﻬﻢ

.. ﺷﻨﻲ ﻫﺬﺍ ﺍﻟﺮﻣﻲ ﻓﺰﺯﻧﻲ ﻣﻦ ﺍﻷﻧﻪ ﺑﻲ ﻭﺳﺄﻟﺖ ﺑﺪﻭﻥ ﺷﻌﻮﺭ

.. ﻭﻟﺪ ﻋﻤﭻ ﺫﻳﺎﺑﻪ ﻻﺗﺨﺎﻓﻴﻦ ﻫﺴﻪ ﻳﺒﺪﻱ ﺩﻭﺭﻱ ﻭﻳﺎﭺ ﻣﺮﺗﺎﺣﻪ ﺍﻧﺘﻲ ﻣﺎﺿﻮﺟﺞ ﻫﻤﺴﺖ ﻳﻢ ﺍﺫﻧﻬﺎ

.. ﻫﺰﻳﺘﻠﻪ ﺭﺍﺳﻲ ﻣﻮﺍﻓﻘﻪ ﺑﺪﻭﻥ ﺷﻌﻮﺭ ﻣﻨﻲ ﻭﺑﺪﻭﻥ ﺗﻔﻜﻴﺮ

ﻋﻠﻲ ..

ﭼﺎﻧﺖ ﺍﺣﻠﻰ ﻟﻴﻠﻪ ﺑﻌﻤﺮﻱ ﺑﺴﺘﻬﺎ ﺑﺮﺍﺳﻬﺎ ﻭﺧﺪﻫﺎ ﻭﺭﮔﺒﺘﻬﺎ

.. ﺣﺒﻴﺒﻪ ﺍﻧﺘﻲ ﺯﻳﻨﻪ ﺧﻮ ﻣﺎﺗﺤﺴﻴﻦ ﺑﺸﻲ ﺩﺍﻳﺨﻪ ﺭﺍﺳﭻ

.. ﻫﺰﻳﺘﻠﻪ ﺭﺍﺳﻲ ﻻﺯﻳﻨﻪ

.. ﺍﻟﺤﻤﺪﻟﻠﻪ .. ﻓﺘﺤﺖ ﻛﻨﺘﻮﺭﻱ ﺍﺧﺬﺕ ﺍﺳﻼﺣﻲ ﻭﻃﻠﻌﺖ ﻟﻠﺼﻄﺢ ﺑﺪﻳﺖ ﺍﺭﻣﻲ ﻋﺎﺩﺗﻨﻪ ﺑﻨﺖ ﺍﻟﺒﻴﺖ ﺑﺲ ﻳﻨﺮﻣﻲ ﺑﻠﻴﻠﺔ ﺯﻓﺘﻬﺎ ﻭﺍﻟﻴﺮﻣﻲ ﺍﻟﻌﺮﻳﺲ

ﻧﺰﻟﺖ ﺷﻔﺘﻬﺎ ﺧﺎﻳﻔﻪ

.. ﻻﺗﺨﺎﻓﻴﻦ ﻳﺎﺑﻌﺪ ﺍﻟﻌﻤﺮ ﺍﻧﺘﻲ ﻫﺬﺍ ﺍﻟﺮﻣﻲ ﻓﻮﮒ ﻭﻫﺎﻱ ﻋﺎﺩﺗﻨﻪ .. ﺍﺧﺬﺕ ﻣﻼﺑﺲ ﻭﺭﺣﺖ ﺍﻏﺴﻞ ﺭﺟﻌﺖ ﺍﺑﺎﻟﻲ ﻧﺎﻣﺖ ﺷﻔﺘﻬﺎ ﮔﺎﻋﺪﻩ

.. ﺧﻮ ﻣﺎﺧﻔﺘﻲ ﻣﻦ ﺍﻟﺮﻣﻲ

.. ﻻ

.. ﮔﻮﻣﻲ ﺣﺒﻴﺒﻪ ﻧﺎﻣﻲ ﺗﻌﺎﻟﻲ ﻳﻤﻲ

.. ﮔﺘﻠﻪ ﺍﻏﺴﻞ ﻭﺍﺟﻲ

.. ﺍﻧﺘﻈﺮﺗﻬﺎ ﺗﻄﻠﻊ ﺗﻌﺎﻟﻲ ﻫﻨﺎ ﻛﺎﻓﻲ ﺗﻌﺎﻟﻲ ﺍﺭﺗﺎﺣﻲ ﺗﻌﺒﺘﻲ

.. ﻧﻤﺖ ﺑﻴﻦ ﺍﺣﻀﺎﻧﻪ ﻭﻣﺎﺣﺴﻴﺖ ﺍﻻ ﺍﻟﺼﺒﺢ ﻓﺘﺤﺖ ﻋﻴﻮﻧﻲ ﻋﻠﻲ ﻣﻮ ﺑﺎﻟﻐﺮﻓﻪ ﺑﺪﻟﺖ ﻭﻃﻠﻌﺖ

ﺷﻔﺘﻪ ﺑﺒﺮﻩ

. ﺳﻠﻤﺖ ﺻﺒﺎﺡ ﺍﻟﺨﻴﺮ

.. ﻫﻼ ﺑﻬﺎﻟﺼﺒﺎﺡ ﺍﻟﺴﺎﻋﻪ ﺩﻋﺶ ﺩﻧﻴﺎ ﺍﻟﻀﻬﺮ ﺧﺎﺑﺮﻥ ﺍﻣﻲ ﻭﻋﻤﺎﺗﻲ ﺟﺎﻳﺎﺕ ﺑﺪﻟﻲ ﺩﺍﻡ ﮔﻌﺪﺗﻲ

.. ﺭﺣﺖ ﺍﺑﺪﻝ ﻭﺍﺣﻀﺮ ﻧﻔﺴﻲ ﻳﺎﺭﺏ ﺑﺲ ﻛﻮﻥ ﻣﺎﺍﺳﻤﻊ ﻣﻐﺜﻪ ﻣﻦ ﻭﺣﺪﻩ ﻣﻨﻬﻦ

.. ﺍﺟﻦ ﺑﺎﺭﻛﻦ ﺍﻟﻲ ﻭﺍﻟﻌﻠﻲ ﻭﺣﺘﻪ ﻋﻤﺎﻣﻲ ﺍﺟﻮ ﺑﺎﺭﻛﻮﻟﻪ ﺍﻟﻤﺸﻜﻠﻪ ﻣﺎﮔﺪﺭﺕ ﺍﻃﻠﻊ ﺍﺷﻮﻓﻬﻢ ﻭﺟﻬﻲ ﺍﻟﻜﻞ ﻳﻌﺮﻑ ﺑﺎﻟﺼﺎﺭ ﻭﺍﻟﺮﻣﻲ ﻣﺄﻛﺪﻟﻬﻢ

ﺑﻘﻴﺖ ﺑﺎﻟﻐﺮﻓﻪ ﻭﺍﺳﺘﺤﻴﺖ ﺍﻃﻠﻊ ﺍﺟﻮ ﻫﻤﻪ ﺑﺎﺭﻛﻮﻟﻲ ﻭﺍﻧﻄﻮﻧﻲ ﻓﻠﻮﺱ ﺍﺷﺮﻟﻲ ﻋﻠﻲ ﺍﺧﺬﻫﻢ ﺍﻟﻈﺎﻫﺮ ﻋﺎﺩﺗﻬﻢ ﻳﻨﻄﻮﻥ ﻳﺴﻤﻮﻩ ﺷﻮﺑﺎﺵ ﺍﻟﻌﺮﻭﺱ

ﻋﻤﺎﺗﻲ ﻓﺮﺣﺎﻧﺎﺕ ﭼﺎﻧﻦ ﺍﻟﻌﻠﻲ ﻭﻓﺮﺣﺘﻬﻦ ﻏﻄﺖ ﻋﻠﻰ ﻛﺮﻫﻲ ﻭﻛﺮﻫﻦ ﺍﻷﻣﻲ

ﺑﻴﻮﻣﻬﺎ ﺍﺭﺗﺎﺣﻴﺖ ﻭﺩﻋﻴﺖ ﺍﻟﻠﻪ ﻳﺪﻳﻤﻬﺎ

ﺳﺄﻟﺖ ﻋﻠﻰ ﺍﻓﻴﺎﺀ ﺑﻌﺪ ﻋﻤﺮﻱ ﺑﺎﻟﻲ ﻳﻤﻬﺎ ﮔﺎﻟﻦ ﺯﻳﻨﻪ ﻭﺗﺴﻠﻢ ﻋﻠﻴﺞ

ﺷﻮﻳﻪ ﻭﺍﺟﺘﻨﻲ ﺭﻳﻢ ﺗﻀﺤﻚ ﻭﺣﺎﻭﻟﺖ ﺗﻔﻬﻢ ﻣﻨﻲ ﮔﺘﻠﻬﺎ ﻛﻠﺸﻲ ﺗﻤﺎﻡ

.. ﻳﻤﻌﻮﺩﻩ ﺍﻟﺒﺎﺭﺣﻪ ﺧﻮﻓﺘﻴﻨﻲ ﻋﺒﺎﻟﻲ ﺷﻮ ﺷﻌﻨﺪﺝ

.. ﺣﻘﭻ ﻣﺎﺗﺪﺭﻳﻦ ﺑﺎﻟﻲ ﺍﻓﻜﺮ ﺑﻲ

.. ﻻﺗﻔﻜﺮﻳﻦ ﻭﺣﺪﺝ ﺍﻧﻮﺏ ﮔﻮﻟﻲ ﺍﺣﭽﻲ ﺣﺘﻪ ﻧﻌﺮﻑ ﻧﺴﺎﻋﺪﺝ

.. ﺧﻠﺼﺖ ﺑﻌﺪ ﻣﺎﻋﻨﺪﻱ ﺷﻲ

.. ﺍﻟﻠﻪ ﻛﺮﻳﻢ ﺭﺑﻲ ﻳﺴﻌﺪﺝ ﺍﻧﺘﻲ ﻭﻋﻠﻲ ﺗﺴﺘﺎﻫﻠﻮﻥ ﻣﺒﻴﻨﻪ ﺑﻮﺟﻬﻪ ﺍﻟﻔﺮﺣﻪ ﺑﻌﺪ ﺍﺧﺘﻪ ﻫﻮﻩ ﻳﺴﺘﺎﻫﻞ ﻭﺍﻟﻠﻪ

.. ﺷﻔﺖ ﺭﻳﻢ ﺣﻴﻞ ﻓﺮﺣﺎﻧﻪ ﺍﻟﻌﻠﻲ ﻫﻴﻪ ﻭﻋﻤﺎﺗﻲ ﺟﻨﻬﻦ ﺍﻣﻬﺎﺗﻪ ﻭﺧﻮﺍﺗﻪ ﺻﺪﮒ ﻳﻤﻜﻦ ﺍﻟﻠﻪ ﻋﻮﺿﻪ ﻋﻦ ﺍﻣﻪ ﺑﻴﻬﻦ ﺯﻳﻦ ﺍﻧﻪ ﺍﻣﻲ ﻭﻳﻦ ﻋﻨﻲ ﺑﺲ ﺫﻛﺮﺗﻬﺎ ﺍﺣﺲ ﮔﻠﺒﻲ ﻗﺒﻂ ﺍﻣﻲ ﻟﻴﺶ ﻫﻴﺞ ﻋﺎﻓﺘﻨﻪ ﺷﺒﺪﺭ ﻣﻨﻪ

ﺗﻨﻔﺴﺖ ﺑﻘﻮﻩ ﻭﺣﺎﻭﻟﺖ ﺍﻟﻐﻲ ﺍﻷﻓﻜﺎﺭ ﻣﻦ ﺑﺎﻟﻲ

🔹🔸🥇🔹🔸

ﺑﻬﺬﺍ ﺍﻟﻴﻮﻡ ﻋﻠﻲ ﺍﻧﺸﻐﻞ ﻧﺎﺱ ﺭﺍﻳﺤﻪ ﺭﺍﺟﻌﻪ ﺗﺒﺎﺭﻙ ﻋﺎﺩﺍﺗﻬﻢ ﺗﺨﺘﻠﻒ ﺍﻟﻤﻔﺮﻭﺽ ﺍﻟﻌﺮﺳﺎﻥ ﺍﻭﻝ ﺍﺳﺒﻮﻉ ﻳﺎﺧﺬﻭﻥ ﺭﺍﺣﺘﻬﻢ ﻫﻤﻪ ﺑﺎﻟﻌﻜﺲ ﻣﻦ ﺍﻭﻝ ﻳﻮﻡ ﺍﻟﻌﺎﻟﻢ ﺗﺒﺎﺭﻙ ﻭﺍﻟﻜﻞ ﻣﺨﺒﻮﺹ ﻭﻫﻮﺳﻪ

ﺍﺟﻪ ﺑﺪﻝ ﻭﻃﻠﻊ ﻟﻠﺨﻄﺎﺭ ﻳﺴﺘﻘﺒﻞ ﺍﻟﻀﻴﻮﻑ ﻭﺍﻧﻲ ﻫﻢ ﺑﺪﻟﺖ ﻭﺭﺗﺒﺖ ﻧﻔﺴﻲ ﻋﻤﺘﻲ ﮔﺎﻟﺖ ﻳﺠﻮﻥ ﺟﻮﺍﺭﻳﻨﻪ ﻭﺍﻷﻗﺎﺭﺏ ﻳﺘﺒﺎﺭﻛﻮﻥ ﻳﺄﺩﻭﻥ ﺍﻟﻮﺍﺟﺐ

ﻣﺮ ﻫﺬﺍ ﺍﻟﻴﻮﻡ ﺑﺘﻌﺐ ﭼﻨﺖ ﺗﻌﺒﺎﻧﻪ ﻛﻠﺶ ﻭﻋﻠﻲ ﺫﻛﺮﻧﻲ ﺑﻤﻮﻋﺪ ﻋﻼﺟﻲ ﺩﺯ ﻋﻤﺘﻲ ﻋﻠﻴﻪ

ﺭﺍﺣﺖ ﺍﻟﻌﺎﻟﻢ ﺍﺟﻪ ﺑﺎﻟﻠﻴﻞ

ﭼﻨﺖ ﺍﺭﺗﺐ ﻧﻔﺴﻲ ﻉ ﺍﻟﻤﺮﺍﻳﻪ ﻭﺍﮔﻔﻪ

ﺗﻘﺮﺏ ﻋﻠﻴﻪ ﻣﺒﺘﺴﻢ

.. ﺷﻠﻮﻧﻬﺎ ﺍﻟﻌﺮﻭﺳﻪ

.. ﺍﻟﺤﻤﺪﻟﻠﻪ ﺟﺎﻭﺑﺘﻪ ﺑﺘﻌﺐ

.. ﻣﺒﻴﻦ ﺗﻌﺒﺎﻧﻪ

.. ﺍﻱ ﻭﺍﻟﻠﻪ

.. ﻃﻔﻲ ﺍﻟﻀﻮﻩ ﻭﺗﻌﺎﻟﻲ ﺍﺭﺗﺎﺣﻲ ﻳﻤﻲ

.. ﺍﻧﺖ ﻫﻢ ﺗﻌﺒﺎﻥ ﺍﻛﻴﺪ

.. ﺗﻌﺒﺎﻥ ﺑﺲ ﻓﺮﺣﺘﻲ ﺑﻴﭻ ﺍﻛﺜﺮ ﺗﻌﺎﻟﻲ

.. ﻓﺘﺤﻠﻲ ﺍﻳﺪﻳﻪ ﻭﺣﻀﻨﻲ ﺑﻘﻮﻩ ﻣﺸﺘﺎﻗﻠﭻ ﻭﺍﻧﺘﻲ ﻳﻤﻲ ﺑﺲ ﻷﻥ ﻣﺎﻛﺪﺭﺕ ﺍﺷﻮﻓﭻ ﺑﺮﺍﺣﺘﻲ

.. ﺍﻧﻲ ﻫﻢ ﻭﺍﻟﻠﻪ

.. ﭼﺎ ﻣﺎﻛﻮ ﻧﻮﻡ ﻫﺴﻪ ﺷﻮﻳﻪ ﺍﺷﺒﻊ ﻣﻨﺞ

ﻣﺮﺕ ﺍﻷﻳﺎﻡ ﻭﺍﻧﻲ ﻣﺮﺗﺎﺣﻪ ﻛﻠﺶ ﻭﺍﻓﻴﺎﺀ ﻫﻢ ﺣﻴﻞ ﻣﺮﺗﺎﺣﻪ ﻭﺭﺍﻓﻊ ﻣﺪﻟﻠﻬﺎ ﻭﺯﻧﻮﺑﻪ ﻫﻢ ﺗﺠﻲ ﻛﻞ ﻓﺘﺮﻩ ﻋﻤﺎﻣﻲ ﻳﺠﺘﻤﻌﻮﻥ ﻳﻤﻨﻪ

ﻣﺮﺕ ﺷﻬﺮﻳﻦ ﻋﻠﻰ ﺯﻭﺍﺟﻨﻪ ﻭﺑﻴﻮﻡ ﺻﺎﺩﻑ ﻳﻮﻡ ﺟﻤﻌﻪ ﺍﻟﻀﻬﺮ

ﻋﻤﺘﻲ ﭼﺎﻧﺖ ﻣﺸﻐﻮﻟﻪ ﺗﺤﻀﺮ ﺑﻴﺒﻲ ﺍﻟﻐﺴﻞ ﺍﻟﺠﻤﻌﻪ ﺗﺤﺐ ﺗﻐﺴﻞ ﻏﺴﻞ ﺍﻟﺠﻤﻌﻪ ﻗﺒﻞ ﺻﻼﺓ ﺍﻟﻀﻬﺮ ﭼﻨﺖ ﺍﺳﺎﻋﺪ ﻋﻤﺘﻲ ﻋﻠﻰ ﺑﻴﺒﻲ ﻧﮕﻌﺪﻫﺎ ﻉ ﺍﻟﻜﺮﺳﻲ

ﺍﺷﻮﻑ ﻋﻤﺘﻲ ﺷﻠﻮﻥ ﻣﻬﺘﻤﻪ ﺑﺄﻣﻬﺎ ﺣﻴﻞ ﺗﻌﺠﺒﻨﻲ ﺭﻏﻢ ﻫﻴﻪ ﺗﻌﺒﺎﻧﻪ ﺑﺲ ﺗﻀﺤﻚ ﻭﺗﺸﺎﻗﻪ ﺣﺘﻪ ﻣﺘﺤﺴﺲ ﺑﻴﺒﻲ ﺍﻧﻮ ﻫﻴﻪ ﻣﺘﻀﺎﻳﻘﻪ ﻣﻨﻬﺎ

ﻭﺍﺣﻨﻪ ﻧﺠﻬﺰﻫﺎ ﺳﻤﻌﻨﻪ ﺻﻮﺕ ﻋﻠﻲ

.. ﻭﻳﻨﭽﻦ .. ﻳﻤﻪ .. ﻋﻠﻴﺎﺀ

ﻋﻤﺘﻲ ﮔﺎﻟﺖ ﺭﻭﺣﻲ ﺷﻮﻓﻲ ﺷﻌﺠﺐ ﻣﻦ ﻭﻛﺖ ﺍﻟﻴﻮﻡ ﺧﺎﻑ ﻋﻨﺪﻩ ﺷﻐﻞ

ﻟﻮ ﻳﺮﻳﺪ ﺷﻲ

ﺭﺣﺘﻠﻪ ﺷﻔﺘﻪ ﺍﺑﺘﺴﻤﺖ ﺷﮕﺪ ﺍﻓﺮﺡ ﺑﺸﻮﻓﺘﻪ ﻭﺍﺗﻠﻬﻒ ﺍﻟﻤﻠﮕﺎﻩ ﻋﺒﺎﻟﻚ ﺍﻟﻴﻮﻡ ﺷﺎﻳﻔﺘﻪ ﺑﻌﺪ ﺳﻔﺮ ﻃﻮﻳﻞ

.. ﻫﻼ ﻫﺎﻱ ﺷﻌﺠﺐ ﻣﻦ ﻭﻛﺖ

.. ﻫﻼ ﺑﻴﭻ ﻳﻌﻨﻲ ﺍﺭﺟﻊ ﻟﻮ ﺍﺑﻘﻪ ﻓﺮﺣﺎﻧﻪ ﻣﺘﻀﺎﻳﻘﻪ ﺷﻨﻲ ﺷﻌﻮﺭﭺ ﺣﺘﻪ ﺍﻓﻬﻢ ﻫﻬﻬﻬﻪ

.. ﺿﺤﻜﺖ ﺷﻠﻚ ﺑﻬﺎﻱ ﺗﻌﺮﻑ ﺍﺣﺴﺎﺳﻲ ﺑﻮﺟﻮﺩﻙ

.. ﺣﺒﻴﺒﻪ ﺍﻧﺘﻲ ﺍﺟﻴﺖ ﻋﻨﺪﻱ ﻣﻮﺿﻮﻉ ﻭﻳﺎﻛﻢ ﺑﺎﻷﻭﻝ ﮔﻠﻴﻠﻲ ﻏﺪﺍﻛﻢ ﻛﺎﻣﻞ ﻟﻮ ﺍﺟﻴﺐ ﻣﻦ ﺑﺮﻩ

.. ﻻ ﺣﺒﻴﺒﻲ ﻛﺎﻣﻞ ﻋﻤﺘﻲ ﻣﺴﻮﻳﻪ ﻣﻄﺒﮓ ﺳﻤﻚ

.. ﺭﻓﻊ ﺣﺎﺟﺒﻪ ﺍﻟﻲ ﻭﺍﺑﺘﺴﻢ ﻫﻬﻬﻪ ﻣﻄﺒﮓ ﺳﻤﻚ ﻣﺎﺍﺣﺒﻪ ﺍﻧﻪ ﺍﺣﺐ ﻣﻄﺒﮓ ﺳﻤﭻ

. ﺿﺤﻜﺖ ﻳﻠﻠﻪ ﻭﻟﻴﻬﻤﻚ ﻣﻄﺒﮓ ﺳﻤﭻ

.. ﺍﻱ ﻫﺎﻱ ﺍﻷﻛﻠﻪ ﻛﻠﺶ ﻃﻴﺒﻪ ﻫﻬﻬﻪ .. ﺟﻬﺰﻭﻭ ﺍﻷﻛﻞ ﺭﺍﻓﻊ ﻭﺍﻓﻴﺎﺀ ﻫﻢ ﺟﺎﻳﻴﻦ ﺍﻧﻲ ﻭﺩﻳﺖ ﻋﻠﻴﻬﻢ

.. ﻫﺎ ﺷﻌﺠﺐ ﻣﻮ ﺍﻭﻝ ﺍﻟﺒﺎﺭﺣﻪ ﻳﻤﻨﻪ

.. ﻋﻨﺪﻱ ﺷﻐﻞ ﻭﺭﺩﺗﻬﻢ ﺍﺭﻭﺡ ﺍﺑﺪﻝ ﻭﺍﺭﺗﺎﺡ ﺑﻴﻦ ﻣﺘﻜﻤﻠﻮﻥ

.. ﺍﺧﺬ ﺭﺍﺣﺘﻚ ﻋﻤﺮﻱ

ﺭﺍﺡ ﻫﻮﻩ ﻭﺑﺪﻳﺖ ﺍﻓﻜﺮ ﺷﻌﺠﺐ ﻣﻮﺩﻱ ﻋﻠﻴﻬﻢ ﻭﺷﻨﻮ ﺍﻟﻤﻮﺿﻮﻉ ﺍﻟﻲ ﻳﺮﻳﺪ ﻳﺤﭽﻲ ﻟﻬﻴﺖ ﻧﻔﺴﻲ ﺑﺎﻟﺸﻐﻞ

ﻭﮔﻠﺖ ﻣﻦ ﺗﺠﻲ ﺍﻓﻴﺎﺀ ﺍﺳﺌﻠﻬﺎ

ﺷﻮﻳﻪ ﻭﺩﺧﻠﻮ ﺑﺲ ﺭﺍﺣﻮ ﻳﻢ ﺑﻴﺒﺒﻲ ﺭﺣﺖ ﻭﺭﺍﻫﻢ ﺣﺘﻪ ﻧﺠﻬﺰ ﺍﻟﺴﻔﺮﻩ

ﺭﺍﻓﻊ ﺷﺎﻑ ﺑﻴﺒﻲ ﺗﻤﺸﻂ ﺑﻤﺸﻄﻬﺎ ﺍﻟﺨﺸﺒﻲ

ﮔﻠﻬﺎ

.. ﻫﺎﺣﺠﻴﻪ ﺟﻨﺞ ﻧﻮﻳﺘﻲ ﻋﻠﻴﻬﺎ ﻧﮕﻮﻝ ﻣﺒﺮﻭﻙ ﻟﻠﺸﺎﻳﺐ

.. ﻳﺎ ﻭﻟﻚ ﻳﺎﺷﺎﻳﺐ ﻳﻤﻬﻤﻮﺩ ﺗﺎﻟﻲ ﻋﻤﺮﻱ ﺍﻧﺖ ﺗﻀﺤﻚ ﻋﻠﻴﻪ

.. ﻫﻬﻬﻬﻬﻬﻪ ﻣﺎﻋﺎﺵ ﺍﻟﻴﻀﺤﻚ ﻋﻠﻴﭻ ﺑﺲ ﺍﺫﺍ ﻧﺎﻭﻳﻪ ﺻﺪﮒ ﺟﻨﭻ ﻋﻠﻴﻬﺎ ﺍﻋﺮﻑ ﺷﻠﻮﻥ ﺷﺎﻳﺐ ﻛﺸﺎﺥ ﻭﻋﻄﺮﻩ ﺑﻌﺪ ﺍﻣﺘﺎﺭ ﻳﻨﺸﻢ ﺭﻭﺣﻪ ﺧﻀﺮﻩ ﻭﻳﺮﻳﺪ ﻳﺠﺪﺩ

🔹🔸🥇🔹🔸

ﺧﺎﻳﺐ ﻣﺎﺗﺴﻜﺖ ﻛﻮﻥ ﺻﺨﻮﻧﻪ

.. ﻫﻬﻬﻬﻬﻬﻬﻬﻪ

ﺿﺤﻜﻨﻪ ﻛﻠﻨﻪ ﻭﻋﻠﻲ ﺍﺟﻪ ﮔﻞ ﺍﻟﺮﺍﻓﻊ ﻟﺘﻀﻮﺝ ﺍﻣﻲ ﺷﻮﻛﺖ ﻣﺎﺗﺮﻳﺪ ﺍﻧﻪ ﺍﺟﻴﺒﻠﻬﺎ ﺧﻴﺮﺓ ﺍﻟﺸﻴﺎﺏ

ﻛﻠﻨﻪ ﺿﺤﻜﻨﻪ ﻭﺣﺘﻪ ﺑﻴﺒﻲ ﺿﺤﻜﺖ ﮔﻠﻬﺎ ﺭﺍﻓﻊ ﻧﻔﺲ ﺍﻟﺤﺠﻲ ﺍﻟﺤﺠﺎﻩ ﻋﻠﻲ ﺍﻧﻪ ﺣﭽﻴﺘﻪ ﺑﺲ ﺍﻧﺘﻲ ﻋﻨﺪﺝ ﻣﻦ ﻋﻠﻲ ﻛﻠﺸﻲ ﺣﻠﻮﻭ ﻭﻣﻦ ﻳﻤﻲ ﺗﻘﻔﻠﻴﻦ

ﺣﻀﺮﻧﻪ ﺍﻟﻐﺪﻩ ﻭﮔﻌﺪﻧﻪ ﻭﻣﻨﺘﻈﺮﻳﻦ ﻋﻠﻲ ﻳﺤﺠﻲ ﺧﻠﺺ ﺍﻟﻐﺪﻩ ﻭﻣﮕﺎﻝ ﺷﻲ

ﺑﻌﺪﻫﺎ ﺣﻀﺮﻧﻪ ﺍﻟﺠﺎﻱ ﻭﻫﻮﻩ ﺳﺎﻛﺖ

ﮔﺘﻠﻪ ﻋﻠﻲ ﺍﺣﭽﻲ ﺷﻨﻮ ﺍﻟﻤﻮﺿﻮﻉ ﺍﻟﻲ ﺟﻤﻌﺘﻨﻪ ﻋﻠﻴﻪ

ﺑﻘﻪ ﻟﺤﻈﺎﺕ ﺻﺎﻓﻦ ﺑﻮﺟﻬﻲ ﻭﺑﻌﺪﻫﺎ ﮔﺎﻝ

.. ﺗﻌﺮﻓﻴﻦ ﺍﻧﻲ ﻣﻨﻄﻴﺞ ﻭﻋﺪ ﺷﻮﻛﺖ ﻣﺎﺍﻟﮕﻪ ﺷﺨﺺ ﻳﻮﺻﻠﻨﻲ ﺍﻷﻣﺞ ﺭﺍﺡ ﺍﮔﻠﺞ ﻭﻳﻨﻬﺎ ﻭﻋﻨﻮﺍﻧﻬﺎ ﻭﺍﻧﺘﻲ ﺗﺘﻮﺍﺻﻠﻴﻦ ﻭﻳﺎﻫﺎ

ﺟﺎﻭﺑﺘﻪ ﺑﻠﻬﻔﻪ

.. ﺃﻱ

.. ﺃﻱ ﻋﻨﺪﻱ ﺻﺪﻳﻖ ﺍﺳﺘﻘﺮ ﺑﺴﻮﺭﻳﺎ ﺑﻤﻨﻄﻘﺔ ﺍﻟﺴﻴﺪﻩ ﻭﻛﻠﻔﺘﻪ ﺻﺎﺭ ﺍﻛﺜﺮ ﻣﻦ ﺍﺳﺒﻮﻋﻴﻦ ﻭﺍﻟﻮﻟﺪ ﻣﺎﻗﺼﺮ ﺍﻟﻴﻮﻡ ﺍﻣﭻ ﺧﺎﺑﺮﺗﻨﻲ ﻭﺗﺮﻳﺪ ﺗﻠﺘﻘﻲ ﺑﻴﭽﻦ

.. ﺍﻧﻲ ﻣﻦ ﺟﺎﺏ ﺳﻴﺮﺓ ﺃﻣﻲ ﺑﭽﻴﺖ ﺑﺪﻭﻥ ﻭﻋﻲ ﺍﺣﺲ ﻋﻴﻮﻧﻲ ﻣﺎﺍﮔﺪﺭ ﺍﺳﻴﻄﺮ ﻋﻠﻴﻬﻦ ﺣﺘﻪ ﺭﻣﺸﻪ ﻣﺎﺭﻣﺸﺖ

ﺑﺲ ﺍﻓﻴﺎﺀ ﺍﺑﺪ ﻣﻤﺘﻮﻗﻌﻪ ﺭﺩﺓ ﻓﻌﻠﻬﺎ ﺑﭽﺖ ﻭﮔﺎﻟﺖ ﻟﺤﺪ ﻳﺠﻴﺐ ﺳﻴﺮﺗﻬﺎ ﻳﻤﻲ ﺍﻧﻲ ﻣﺎﻋﻨﺪﻱ ﺍﻡ ﺍﻣﻲ ﻣﻴﺘﻪ ﻫﻴﭻ ﺑﻠﻐﻮﻫﺎ

ﺗﺤﭽﻲ ﻭﺗﺒﭽﻲ ﭼﺎﻧﺖ ﻭﺭﺍﻓﻊ ﻳﻬﺪﻱ ﺑﻴﻬﺎ ﻣﻦ ﺳﻤﻌﺘﻬﺎ ﻫﻴﺞ ﺣﺠﺖ ﺍﻧﻲ ﻫﻢ ﺍﻧﻬﺎﺭﻳﺖ ﺑﭽﻲ ﻭﺭﺣﺖ ﺍﻟﻐﺮﻓﺘﻲ

ﺍﺣﺲ ﻧﺎﺭ ﺑﻴﻪ ﻭﮔﻠﺒﻲ ﻳﺮﻳﺪ ﻳﻨﻔﺠﺮ ﻭﻳﻦ ﭼﺎﻧﺖ ﻛﻞ ﻫﺬﻱ ﺍﻟﻔﺘﺮﻩ ﺻﺪﮒ ﻟﻴﺶ ﺍﻧﻲ ﻣﻬﺘﻤﻪ ﻭﻫﻴﻪ ﻣﻮ ﻳﻤﻬﺎ ﺍﻧﻲ ﻏﻠﻄﺖ ﻭﺭﻃﺖ ﻋﻠﻲ ﻭﺧﻠﻴﺘﻪ ﺑﻨﻔﺴﻪ ﻳﺪﻭﺭ ﻋﻠﻴﻬﺎ ﻭﺍﺩﺭﻱ ﺍﻟﺒﻴﻨﻬﻢ ﺷﻲ ﺟﺒﻴﺮ ﻣﻮ ﻣﺎﻝ ﺍﺧﻠﻲ ﺑﻬﻴﺞ ﻣﻮﻗﻒ

ﻇﻠﻴﺖ ﺍﺑﺠﻲ ﻣﺤﺘﺎﺭﻩ ﻭﻛﺎﺭﻫﺎ ﻧﻔﺴﻲ ﺷﻮﻳﻪ ﻭﺍﻧﺪﮒ ﺍﻟﺒﺎﺏ

ﻋﻤﺘﻲ ﮔﺎﻟﺖ ﻋﻤﻪ ﻋﻠﻲ ﻳﺮﻳﺪﭺ ﺑﻌﺪﻫﻢ ﮔﺎﻋﺪﻳﻦ ﻣﻴﺼﻴﺮ ﺗﻌﻮﻓﻴﻨﻪ ﻫﻴﺞ ﻭﺗﺮﺣﻴﻦ

ﮔﺘﻠﻬﺎ ﻋﻤﻪ ﺍﺭﻳﺪ ﺍﺭﺗﺎﺡ ﺷﻮﻳﻪ

.. ﻣﻴﺨﺎﻟﻒ ﻳﺎﻋﻤﻪ ﺣﺘﻪ ﻟﻮ ﺗﺮﺗﺎﺣﻴﻦ ﺑﺲ ﻳﻜﻤﻞ ﺣﭽﻴﻪ ﻳﻠﻠﻪ ﻫﺎﻱ ﺍﻷﺻﻮﻝ

ﺑﻘﻴﺖ ﻣﺘﺮﺩﺩﻩ ﺍﺭﻳﺪ ﺍﻃﻠﻊ ﻭﻓﺸﻼﻧﻪ ﻣﻨﻪ ﻭﻣﻦ ﻣﻮﻗﻔﻲ ﺍﺧﺘﻲ ﺍﻟﻲ ﻣﺼﺎﺭﻟﻬﺎ ﺍﻟﺼﺎﺭﻟﻲ ﺗﻌﺮﻑ ﻫﻴﻪ ﺷﺘﺮﻳﺪ ﻭﻧﺴﺖ ﻛﻠﺸﻲ ﻭﺷﺎﻓﺖ ﺣﻴﺎﺗﻬﺎ ﺍﻧﻲ ﺷﻜﻮﻭ ﺍﺧﻠﻲ ﻋﻠﻲ ﻳﺤﺘﺎﺭ ﺑﻤﺸﺎﻛﻞ ﺍﻣﻲ ﻭﻫﻴﻪ ﺍﻟﻌﺎﻓﺘﻨﻲ

ﺍﻧﻔﺘﺤﺖ ﺍﻟﺒﺎﺏ ﻭﺍﻧﻲ ﻋﻠﻰ ﮔﻌﺪﺗﻲ ﻭﺑﭽﻴﺘﻲ ﻭﻣﻦ ﺷﻔﺘﻪ ﻳﺒﺎﻭﻋﻠﻲ ﺑﭽﻴﺖ ﺍﻛﺜﺮ

.. ﺣﺒﻴﺒﻪ ﻟﻴﺶ ﺍﻟﺒﭽﻲ ﻫﺴﻪ

.. ﻣﺠﺎﻭﺑﺘﻪ ﻭﺯﺍﺩﺕ ﺷﻬﮕﺎﺗﻲ

.. ﻋﻼ ﺣﺒﻴﺒﺘﻲ ﺍﻟﺮﺩﺗﻲ ﺳﻮﻳﺘﻪ ﺑﻌﺪ ﺷﻨﻲ ﺗﺮﺩﻳﻦ ﻣﻨﻲ ﻳﺠﺮﺍﻟﺞ ﻟﻴﺶ ﺿﺎﻳﺠﻪ

.. ﻋﻠﻲ ﺍﻧﻲ ﻏﻠﻄﺖ ﺍﻋﺮﻑ ﺭﻭﺣﻲ ﺍﻧﻲ ﺍﺳﻔﻪ

.. ﻋﻠﻰ ﺷﻨﻲ ﺗﺘﺄﺳﻔﻴﻦ ﺷﻨﻲ ﻏﻠﻄﭻ ﻟﻴﺶ ﺗﺒﭽﻴﻦ ﻓﻬﻤﻴﻨﻲ

.. ﺍﻧﻲ ﺧﻠﻴﺘﻚ ﺗﺪﻭﺭ ﻭﺗﺴﺌﻞ ﻋﻠﻰ ﺍﻣﻲ ﺍﻟﻤﺎﻛﻠﻔﺖ ﺭﻭﺣﻬﺎ ﺑﻴﻮﻡ ﻭﺳﺄﻟﺖ ﺧﻠﻴﺘﻚ . ﺍﻧﺖ ﺗﺴﺄﻝ ﻭﺍﻋﺮﻑ ﺍﻧﺖ ﺗﻀﻮﺝ ﻣﻨﻬﺎ

.. ﻣﺎﻋﻠﻴﭻ ﻣﻨﻲ ﺍﻧﺘﻲ

.. ﺍﻋﺮﻑ ﺑﻴﻚ ﺿﺎﻳﺞ ﻣﻨﻲ

.. ﻭﺍﻟﺨﻠﻘﭻ ﻣﺎﺿﺎﻳﺞ ﻭﻻ ﺍﺿﻮﺝ ﻭﻛﺎﻓﻲ ﺩﻣﻮﻉ ﮔﻮﻣﻲ ﺍﻧﻪ ﻭﻋﺪﺗﭻ ﻭ ﻭﻋﺪ ﺍﻟﺤﺮ ﺩﻳﻦ

.. ﺑﺲ ﺍﻧﺖ ﻣﺎﺗﺤﺒﻬﺎ

.. ﻗﺮﺑﺖ ﻋﻠﻴﻬﺎ ﺣﻀﻨﺘﻬﺎ ﺑﺲ ﺍﺣﺐ ﺑﺘﻬﺎ ﻭﻣﺴﻮﻳﺘﻠﻲ ﻋﻠﻪ

.. ﺍﺳﻢ ﺍﻟﻠﻪ ﻋﻠﻴﻚ ﺍﻥ ﺷﺎﺀﺍﻟﻠﻪ ﺍﻟﻴﻜﺮﻫﻚ

.. ﺗﻌﺎﻟﻲ ﻧﻜﻤﻞ ﺣﭽﻴﻨﻪ ﻳﻠﻠﻪ ﮔﻮﻣﻲ

.. ﺭﺣﺖ ﻭﻳﺎﻩ ﻟﻠﺨﻄﺎﺭ ﻭﺷﻔﺖ ﺍﻓﻴﺎﺀ ﻋﻴﻮﻧﻬﺎ ﺣﻤﺮ ﻭﻭﺍﺭﻣﻪ ﻭﺭﺍﻓﻊ ﻳﻬﺪﻱ ﺑﻴﻬﺎ ﻳﮑﻠﻬﺎ ﺧﻠﻲ ﺍﻣﻠﻜﻢ ﺑﺮﺑﻜﻢ ﺍﻟﻠﻪ ﻛﺮﻳﻢ ﺍﻟﻠﻪ ﻳﺸﺎﻓﻴﻬﺎ

ﻣﺎﺍﺳﺘﻮﻋﺒﺖ ﺍﻟﺤﭽﻲ ﺑﺎﻟﺒﺪﺍﻳﻪ

ﺑﻌﺪﻳﻦ ﮔﺎﻟﺘﻠﻲ ﻋﻠﻴﺎﺀ ﺍﻣﻲ ﻣﺮﻳﻀﻪ ﻭﺷﻬﮕﺖ ﺗﺒﭽﻲ

ﺍﻧﻲ ﻋﻴﻮﻧﻲ ﻇﻠﺖ ﺗﺪﻭﺭ ﺑﻴﻦ ﺭﺍﻓﻊ ﻭﻋﻠﻲ ﺍﺭﻳﺪ ﺍﺣﺪ ﻳﺤﭽﻴﻠﻲ

.. ﻋﻠﻲ ﺍﻣﻲ ﺷﺒﻴﻬﺎ

.. ﺣﺲ ﻛﻼﻣﻬﺎ ﻫﻴﻪ ﻣﺮﻳﻀﻪ ﻭﺗﮕﻮﻝ ﺍﻧﻲ ﺭﺩﺕ ﺃﻣﻦ ﻣﺴﺘﻘﺒﻠﻬﻢ ﻭﻣﺎﺍﺑﺎﻟﻲ ﺍﺑﻘﻪ ﺍﻟﻬﺬﺍ ﺍﻟﻴﻮﻡ ﺍﺻﻼ ﻋﺒﺎﻟﻲ ﺍﺗﻮﻓﻪ ﻗﺒﻞ ﻭﻗﺖ ﺑﺲ ﺭﺏ ﺍﻟﻌﺎﻟﻤﻴﻦ ﻛﺎﺗﺒﻠﻲ ﻋﻤﺮ ﻭﻫﺴﻪ ﻳﺎﺭﻳﺖ ﺍﻋﺮﻑ ﺍﺧﺒﺎﺭﻫﻢ ﻗﺒﻞ ﻻ ﺍﻣﻮﺕ

.. ﺷﺒﻴﻬﺎ ﺍﻣﻲ .. ﻓﺪﻭﻩ ﺍﺣﭽﻲ ﺷﺒﻴﻬﺎ

.. ﺑﺲ ﺍﻫﺪﻱ ﻫﺴﻪ ﻻﺗﺘﺨﺮﺑﻄﻴﻦ ﻭﺍﻧﺘﻲ ﺣﺎﭼﻴﻬﺎ ﻭﺍﻓﻬﻤﻲ ﻛﻠﺸﻲ

.. ﻣﻌﻠﻴﻚ ﻣﻨﻲ ﺑﺲ ﮔﻠﻲ ﺷﺒﻴﻬﺎ ﻓﺪﻭﻩ

.. ﻣﺮﻳﻀﻪ ﻭﻣﺮﺿﻬﺎ ﻭﺍﺻﻞ ﻣﺮﺣﻠﻪ ﺍﻟﻈﺎﻫﺮ ﻣﻦ ﻫﻴﻪ ﻭﻳﺎﻛﻢ ﻭﺍﻧﺘﻮ ﻣﺎﺗﺪﺭﻭﻥ ﺑﻴﻬﺎ

.. ﺍﻟﻲ ﻓﻬﻤﺘﻪ ﻣﻦ ﻛﻼﻣﻪ ﺍﻣﻲ ﻣﺮﺿﻬﺎ ﺧﻄﻴﺮ ﻳﻌﻨﻲ ﻧﻮﻉ ﻣﻦ ﺍﻧﻮﺍﻉ ﺍﻻﻭﺭﺍﻡ ﺍﻟﺴﺮﻃﺎﻧﻴﻪ ﺣﺴﻴﺖ ﺭﻭﺣﻲ ﺭﺍﺡ ﺍﺗﺨﺮﺑﻂ ﻣﻦ ﺗﺠﻴﻨﻲ ﺍﻟﻨﻮﺑﻪ ﺍﻋﺮﻑ ﺑﻴﻬﺎ ﻗﺒﻞ ﻟﺤﻈﺎﺕ

ﺑﻌﺪﻫﺎ ﻣﺎﺻﺤﻴﺖ ﺍﻻ ﻋﻠﻰ ﺻﻮﺕ ﻋﻠﻲ ﻭﻣﺨﻠﻲ ﺭﺍﺳﻲ ﺑﺤﻀﻨﻪ ﻭﺭﺍﻓﻊ ﻣﻮﺟﻮﺩ ﻭﺍﻓﻴﺎﺀ ﻳﻤﻲ ﺗﺒﭽﻲ ﻭﺗﻔﺮﻙ ﺑﺄﻳﺪﻱ ﮔﺎﻟﺘﻠﻲ ﺣﺒﻴﺒﺘﻲ ﺷﺠﺎﺝ ﻟﻴﺶ ﺗﺮﻋﺒﻴﻨﻲ ﻭﺗﻘﻬﺮﻳﻨﻲ ﻓﻮﮒ ﻗﻬﺮﻱ ﺍﺷﺮﺕ ﺍﻟﻬﺎ ﺑﻌﻴﻨﻲ ﺑﻤﻌﻨﻰ ﺍﻧﻲ ﺯﻳﻨﻪ ﻟﺘﺨﺎﻓﻴﻦ ﺑﺲ ﺍﺣﺲ ﺟﺴﻤﻲ ﻣﺘﻜﺴﺮ ﻭﻣﺎﺑﻴﻪ ﺍﺭﻓﻊ ﺍﻳﺪﻱ

ﺭﺍﻓﻊ ﮔﺎﻝ ﺍﻟﻌﻠﻲ ﺍﺧﺬﻫﺎ ﻟﻠﻐﺮﻓﻪ ﺗﺮﺗﺎﺡ

ﺑﺎﻭﻋﺖ ﺍﻟﻌﻠﻲ ﭼﺎﻧﺖ ﻋﻴﻮﻧﻪ ﻣﻐﻮﺭﮔﻪ ﻭﺷﻜﻠﻪ ﺣﻴﻞ ﻣﻘﻬﻮﺭ ﺳﻨﺪﻧﻲ ﻭﻃﻠﻌﻨﻲ ﻣﻦ ﺑﺎﺏ ﺍﻟﺨﻄﺎﺭ ﻭﺍﺟﺖ ﻋﻤﺘﻲ ﻭﻳﺎﻩ ﺳﻨﺪﺗﻨﻲ ﮔﺎﻟﺖ ﻋﻤﺖ ﻋﻴﻨﻲ ﻋﻤﻪ ﺍﻥ ﺷﺎﺀﺍﻟﻠﻪ ﻫﺴﻪ ﺗﺮﺗﺎﺣﻴﻦ ﻭﺩﺍﺭﺕ ﻭﺟﻬﻪ ﺍﻟﻌﻠﻲ ﺍﺻﺎﺑﻌﻚ ﺧﻮ ﻣﻮ ﻛﻠﺶ ﻣﺘﻌﻮﺭﺍﺕ

ﮔﻠﻬﺎ ﻣﺎﻋﻠﻴﻬﻦ ﻳﻤﻪ ﺑﺎﻟﻲ ﻣﻮ ﻳﻤﻬﻦ ﺍﻧﻲ ﺑﺎﻟﻲ ﻳﻢ ﻋﻠﻴﺎﺀ ﻭﺷﻠﻮﻥ ﺍﺧﻠﺼﻬﺎ ﻣﻦ ﻫﺬﺍ ﺍﻟﻤﺮﺽ

ﺟﺎﻭﺑﺘﻪ ﺍﻟﻠﻪ ﻛﺮﻳﻢ

ﺻﺎﺭ ﻋﻨﺪﻱ ﻓﻀﻮﻝ ﺷﻔﺖ ﺍﺻﺎﺑﻊ ﻋﻠﻴﻬﻢ ﺍﺛﺮ ﻋﻀﻪ ﻗﻮﻳﻪ ﻭﻃﺎﻟﻊ ﺩﻡ ﻣﻨﻬﻢ

ﺣﻴﻞ ﺿﺠﺖ ﺍﻛﻴﺪ ﻣﺨﻠﻲ ﺍﻳﺪﻩ ﺑﻴﻦ ﺍﺳﻨﺎﻧﻲ ﺣﺘﻪ ﻻ ﺃﺫﻱ ﺍﻟﺴﺎﻧﻲ

ﺩﺧﻞ ﻟﻠﻐﺮﻓﻪ ﻭﮔﻌﺪﻧﻲ ﻉ ﺍﻟﭽﺮﺑﺎﻳﻪ ﺍﻧﻲ ﺗﻤﺪﺩﺕ ﺩﺍﺭ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﻭﺧﻠﻪ ﺭﺍﺳﻲ ﺑﺤﻀﻨﻪ ﻭﺩﺍﺭﻧﻲ ﻋﻠﻴﻪ

ﺣﺴﻴﺘﻪ ﺍﺣﺘﻮﺍﻧﻲ ﺑﭽﻴﺖ ﻛﻞ ﻣﺮﻩ ﻭﺭﻩ ﻣﺎﺗﺠﻴﻨﻲ ﺍﺍﻧﻮﺑﻪ ﻭﺍﺻﺤﺎ ﺍﺑﭽﻲ ﻣﺎﺍﻋﺮﻑ ﻟﻴﺶ

ﺑﺲ ﻣﺎﺍﺭﺗﺎﺡ ﺍﻻ ﺍﺑﭽﻲ

.. ﻛﺎﻓﻲ ﺣﺒﻴﺒﻪ ﻛﺎﻓﻲ ﻳﺮﻭﺣﻲ ﺯﻳﻨﻪ ﺍﻧﺘﻲ ﭼﻨﺞ ﻭﺭﺩ ﻻﺗﺨﺎﻓﻴﻦ ﺍﺧﺬﺝ ﻫﺎﻟﻤﺮﻩ ﺍﻟﻄﺒﻴﺐ ﺍﻋﺼﺎﺏ ﺯﻳﻦ ﻭﺍﺧﻠﻲ ﻳﺸﻮﻓﻠﺞ ﻋﻼﺝ ﻟﻴﺶ ﺭﺟﻌﺘﻲ ﺗﺘﺨﺮﺑﻄﻴﻦ

.. ﺑﺴﺖ ﺍﺻﺎﺑﻴﻌﻪ ﻭﻣﺴﺤﺖ ﺍﻷﺛﺮ ﺑﻴﺪﻱ ﻭﺑﭽﻴﺖ

.. ﻻﺗﻬﺘﻤﻴﻦ ﺳﻬﻠﻪ ﻫﺎﻱ

.. ﻋﻠﻲ ﺃﻣﻲ ﺍﻣﻲ ﺍﺗﺮﻛﻬﺎ ﻟﻮ ﺍﺣﺎﺟﻴﻬﺎ

.. ﺍﻟﻲ ﻳﻌﺠﺒﺞ ﺳﻮﻱ

.. ﺃﺫﺍ ﺍﻧﺖ ﺑﻤﻜﺎﻧﻲ

.. ﻣﺎﺍﺧﻠﻲ ﺭﻭﺣﻲ ﺑﻤﻜﺎﻧﺞ ﻣﺎﺍﻋﺮﻑ ﺍﻧﺘﻲ ﺷﻨﻲ ﺗﺤﺴﻴﻦ

.. ﺯﻳﻦ ﻟﻮ ﺍﻣﻚ ﺗﺴﺎﻣﺤﻬﺎ

.. ﻻﺗﺮﺑﻄﻴﻦ ﺍﻣﻲ ﻣﻮ ﺍﻣﺞ ﻭﻟﻮ ﺗﻤﻮﺕ ﻣﺎﺍﺳﺎﻣﺤﻬﺎ .. ﺃﻧﺘﻲ ﻟﻴﺶ ﻣﺪﻭﺧﻪ ﺭﻭﺣﺞ ﺍﺳﻤﻌﻲ ﻣﻨﻬﺎ ﻭﻇﻠﺖ ﺑﻜﻴﻔﺞ ﺗﺴﺎﻣﺤﻴﻦ ﻻ

.. ﺧﺎﻳﻔﻪ

.. ﻣﻨﻴﻦ ﻭﺍﻧﺘﻲ ﻣﺮﺗﻲ ﻭﺍﻧﻪ ﺳﻨﺪﺝ

🔹🔸🥇🔹🔸

ﺧﺎﻳﻔﻪ ﻣﻦ ﺍﻟﻲ ﺭﺍﺡ ﻳﺼﻴﺮ ﻭﺍﺧﺎﻑ ﺍﻗﺒﻞ ﺍﺳﺎﻣﺢ ﺍﻣﻲ ﻭﺗﺘﺮﻛﻨﻪ ﻣﻦ ﺟﺪﻳﺪ ﻭﺍﺣﺘﻤﺎﻝ ﻫﺬﻱ ﻟﻌﺒﻪ ﻣﻨﻬﺎ ﺣﺘﻪ ﺗﺜﻴﺮ ﻋﻮﺍﻃﻔﻨﻪ ﻭﺧﺎﻳﻔﻪ ﺍﺭﻓﺾ ﺍﻟﺘﻮﺍﺻﻞ ﻭﻳﺎﻫﺎ ﻭﻳﻄﻠﻊ ﺣﭽﻴﻬﺎ ﺻﺤﻴﺢ ﻭﺍﻧﺪﻡ

.. ﺃﻧﺘﻲ ﻣﻮ ﭼﻨﺘﻲ ﺭﺍﻳﺪﺗﻬﺎ ﺷﻨﻲ ﺍﻟﻐﻴﺮﺝ ﻣﻮ ﻃﻠﺒﺘﻲ ﻣﻨﻲ ﺍﻟﮕﺎﻫﺎ ﺍﻟﻜﻢ ﻭﺍﻋﺮﻑ ﺍﺧﺒﺎﺭﻫﺎ ﺑﻌﺪ ﻟﻴﺶ ﻣﺘﻔﺎﺟﺄﻩ ﻭﺯﻋﻼﻧﻪ ﻭﺍﻧﻪ ﺍﺑﺎﻟﻲ ﻓﺮﺣﺘﺞ

.. ﻣﺎﺍﻋﺮﻑ ﺍﻛﻮ ﺷﻲ ﺑﺪﺍﺧﻠﻲ ﻣﻜﺴﻮﺭ ﻣﻨﻬﺎ

.. ﺍﻟﻠﻪ ﻛﺮﻳﻢ ﻳﺼﻴﺮ ﺧﻴﺮ ﻟﺘﻔﻜﺮﻳﻦ ﺑﺸﻲ ﻫﺴﻪ ﺍﻫﻢ ﺷﻲ ﺻﺤﺘﭻ ﻧﺎﻣﻲ ﺍﺭﺗﺎﺣﻲ ﻭﻣﻦ ﻧﮑﻌﺪ ﻧﺘﺼﻞ ﺑﻴﻬﺎ

ﻇﻠﻴﺖ ﺍﻟﻌﺐ ﺑﺸﻌﺮﻫﺎ ﺣﺴﻴﺘﻬﺎ ﻧﺎﻣﺖ ﻃﻠﻌﺖ ﺣﺘﻪ ﺍﮔﻞ ﺍﻷﻣﻲ ﺻﺎﺭﺕ ﺯﻳﻨﻪ ﻭﺍﺷﻮﻑ ﺭﺍﻓﻊ ﻭﺍﻓﻴﺎﺀ ﭼﺎﻧﻮ ﻳﻢ ﺍﻣﻲ ﺍﻟﺤﺠﻴﻪ

.. ﻫﺎ ﺑﺸﺮ ﺷﻠﻮﻧﻬﺎ

.. ﺍﻟﺤﻤﺪﻟﻠﻪ ﺍﺣﺴﻦ ﻧﺎﻣﺖ ﻫﺴﻪ

.. ﺍﻧﺖ ﻫﻢ ﺍﺭﺗﺎﺡ ﻭﻟﺘﺘﺮﻛﻬﺎ ﺍﻟﻴﻮﻡ ﻭﺣﺪﻫﺎ ﺧﺎﻑ ﺗﺮﺟﻌﻠﻬﺎ ﺍﻟﻨﻮﺑﻪ

.. ﻻ ﻣﺎﺭﺍﺡ ﺍﺗﺮﻛﻬﺎ ﺍﻛﻴﺪ ﺑﺲ ﺭﺩﺕ ﺍﺑﻠﻐﻜﻢ ﻭﺍﺭﺟﻊ

ﺭﺟﻌﺖ ﻟﻠﻐﺮﻓﻪ ﻭﺑﺎﻟﻲ ﻳﻤﻬﺎ ﺷﻨﻲ ﺍﺳﻮﻳﻠﻬﺎ ﺣﺘﻪ ﺍﻃﻴﺐ ﺷﻠﻮﻥ ﺗﺮﻭﺡ ﻫﺬﻱ ﺍﻟﺤﺎﻟﻪ ﻣﻨﻬﺎ ﺗﻌﺒﺘﻬﺎ ﻭﺗﻌﺒﺘﻨﻲ ﺍﺫﺍ ﻃﻠﻌﺖ ﺍﻟﻤﻜﺎﻥ ﺑﻌﻴﺪ ﻳﻈﻞ ﻓﻜﺮﻱ ﻳﻤﻬﺎ ﺍﺧﺎﻑ ﻋﻠﻴﻬﺎ ﺑﻴﻮﻡ ﺗﺘﺨﺮﺑﻂ ﻭﻣﺤﺪ ﻳﻤﻬﺎ

ﺧﺎﺑﺮﺕ ﺟﻤﺎﻋﺘﻲ ﺍﺳﺄﻝ ﻋﻠﻰ ﻃﺒﻴﺐ ﺯﻳﻦ ﻭﺻﻔﻮﻟﻴﺎﻩ ﻗﺒﻞ ﻓﺘﺮﻩ

ﺍﺧﺬﺕ ﺍﻟﻌﻨﻮﺍﻥ ﺍﻋﺮﻑ ﻫﻮﻩ ﻣﺎﺍﻟﻪ ﻋﻼﺝ ﻧﻬﺎﺋﻲ ﺑﺲ ﺑﻠﻜﻲ ﻳﺨﻔﻒ ﻋﻨﻬﺎ ﺑﻮﻛﺘﻬﺎ ﺗﻨﺪﻣﺖ ﻷﻥ ﺣﭽﻴﺘﻠﻬﺎ ﻋﻦ ﺍﻣﻬﺎ ﺑﺲ ﻫﻴﻪ ﻃﻠﺒﺖ ﻣﻨﻲ ﻭﺭﺍﺩﺕ ﻭﻋﺪ ﻗﺒﻞ ﺍﻟﺰﻭﺍﺝ ﻭﺍﻧﻪ ﻋﺪ ﻭﻋﺪﻱ

ﻭﺍﻧﻲ ﺍﻓﻜﺮ ﮔﻄﻊ ﺍﻓﻜﺎﺭﻱ ﺻﻮﺗﻬﺎ ﺍﻟﺘﻌﺒﺎﻥ

.. ﻋﻠﻲ

.. ﻋﻴﻮﻧﻪ

.. ﺑﻌﺪﻙ ﻫﻨﺎ ﺍﺧﺎﻑ ﻋﻨﺪﻙ ﺷﻐﻞ ﻭﺃﺧﺮﺗﻚ ﺭﻭﺡ ﺍﺫﺍ ﺗﺮﻳﺪ ﺍﻧﻲ ﺯﻳﻨﻪ

.. ﺣﺒﻴﺒﻪ ﺷﻐﻠﻲ ﻣﻮ ﺍﻫﻢ ﻣﻨﭻ ﺑﻌﺪﻳﻦ ﺍﻋﺮﻑ ﺍﻧﺘﻲ ﺯﻳﻨﻪ ﻭﺟﻨﺞ ﻭﺭﺩ ﺑﺲ ﺍﻧﻪ ﻣﺸﺘﺎﻗﻠﭻ ﻭﺍﺭﻳﺪ ﺍﺑﻘﻪ ﻳﻤﺞ

.. ﺍﺑﺘﺴﻤﺖ ﺍﻟﻪ ﻭﺍﻧﻲ ﻣﺸﺘﺎﻗﻪ ﺍﻛﺜﺮ

.. ﻳﺮﻭﺣﻲ ﺍﻧﺘﻲ ﺍﺭﺗﺎﺣﻲ ﻭﺍﻧﻪ ﺭﺍﺣﺘﻲ ﻳﻤﺞ

ﺑﻌﺪ ﻳﻮﻣﻴﻦ ﻣﻦ ﺍﻟﻲ ﺻﺎﺭ ﺍﺗﺼﻠﺖ ﺍﻣﻬﻦ ﻣﺮﻩ ﺛﺎﻧﻴﻪ ﻭﻫﺎﻟﻤﺮﻩ ﺧﻠﻴﺘﻬﺎ ﺗﺘﻮﺍﺻﻞ ﻭﻱ ﺍﻓﻴﺎﺀ ﻭﮔﺘﻠﻬﺎ ﺷﻮﻳﻪ ﺷﻮﻳﻪ ﻧﺒﻠﻎ ﻋﻠﻴﺎﺀ ﻭﺻﺪﮒ ﺑﻠﻐﻨﺎﻫﺎ ﺍﻭﻝ ﺍﺗﺼﺎﻟﻴﻦ ﺧﻠﺼﺘﻬﻢ ﺑﺲ ﺑﭽﻲ ﻭﻛﻠﺸﻲ ﻣﺎﺣﭽﺖ ﺑﻌﺪﻫﺎ ﻻ ﺗﺘﻮﺍﺻﻞ ﻭﻳﺎﻫﺎ ﺑﺸﻜﻞ ﻳﻮﻣﻲ

ﺍﺧﺬﺗﻬﺎ ﻟﻠﻄﺒﻴﺐ ﻭﺍﻟﻌﻼﺝ ﻧﻔﺴﻪ ﺍﻫﻢ ﺷﻲ ﺭﺍﺣﺘﻬﺎ ﺍﻟﻨﻔﺴﻴﻪ

ﺑﻌﺪ ﺷﻬﺮ ﻣﻦ ﺗﻮﺍﺻﻠﻬﻢ ﺑﻠﻐﺘﻨﻲ ﺍﻧﻮ ﺍﻣﻬﺎ ﺟﺎﻳﻪ ﻟﻠﻌﺮﺍﻕ ﻭﺗﺮﻳﺪ ﺗﺸﻮﻓﻬﻦ ﻭﻫﻴﻪ ﻛﻞ ﺑﺎﻟﻬﺎ ﺗﺮﻭﺡ ﻟﻠﺒﻴﺖ ﺍﻟﺒﻴﺖ ﺍﺑﻮﻫﺎ ﺍﺿﻄﺮﻳﺖ ﺍﺑﻠﻐﻬﺎ ﺑﻴﺖ ﺍﺑﻮﻫﺎ ﻣﺒﻴﻮﻉ ﺍﻣﻬﻦ ﺑﺎﻋﺘﻪ ﻗﺒﻞ ﺍﻟﺴﻔﺮ

ﻫﻢ ﺿﺎﺟﺖ ﺣﻴﻞ ﺑﺲ ﭼﺎﻧﺖ ﻣﻬﺘﻤﻪ ﺗﺸﻮﻑ ﺍﻣﻬﺎ

ﮔﺘﻠﻬﺎ ﻋﻨﺪﻱ ﺑﻴﻮﺕ ﺍﺛﻨﻴﻦ ﻏﻴﺮ ﻫﺬﺍ ﺍﺧﺘﺎﺭﻥ ﻭﺍﺣﺪ ﻭﻧﺠﻬﺰﻩ ﻭﺃﮔﻌﺪﻥ ﻳﻤﻬﺎ ﺑﻮﻗﺖ ﺟﻴﺘﻬﺎ

ﺻﺢ ﺻﻌﺒﻪ ﻭﺍﻧﻪ ﻋﺎﺩﺗﻲ ﺍﺿﻴﻴﻒ ﺍﺑﻴﺘﻲ ﻭﺩﺍﺭﻱ ﺑﺲ ﺍﻧﺘﻲ ﻋﺬﺭﻳﻨﻲ ﻣﺎﺍﮔﺪﺭ ﺍﻧﻪ ﻭﻳﺎﻫﺎ ﺍﺑﻴﺖ ﻭﺍﺣﺪ ﻫﻮﺍﻱ ﺟﺮﻭﺡ ﺗﻨﻔﺘﺤﻠﻲ ﺍﻧﻪ ﺍﻟﺨﺎﻃﺮﺝ ﺍﺳﻮﻱ ﻛﻠﺸﻲ ﺑﺲ ﻫﺎﻱ ﺗﻌﺬﺭﻳﻨﻲ ﺑﻴﻬﺎ ﻣﺎﺍﻗﺼﺮ ﺑﺸﻲ ﺍﻥ ﺷﺎﺀﺍﻟﻠﻪ ﺑﺲ ﺧﻠﻴﻨﻲ ﺑﻌﻴﺪ ﻋﻨﻬﺎ

ﻫﻴﻪ ﻋﻢ ﺗﻔﻬﻤﺖ ﻭﺿﻌﻲ ﻭﻣﮕﺎﻟﺖ ﺷﻲ ﻳﺠﻮﺯ ﺍﺑﺎﻟﻬﺎ ﻳﺒﻘﻪ ﺑﺲ ﻣﻮ ﺑﻴﺪﻱ

ﻭﺻﺎﺭ ﻭﻗﺖ ﺟﻴﺘﻬﻢ ﻭﺍﺟﻮﻭ ﺍﻟﻲ ﻗﻬﺮﻧﻲ ﺟﺎﻱ ﻭﻳﺎﻫﺎ ﺍﺧﻮﻫﺎ ﻭﺍﺧﻮﺗﻬﺎ ﻫﻤﻪ ﺳﺒﺐ ﻭﻣﻄﻠﻮﺑﻴﻦ ﺛﺎﺭ ﺍﻟﻨﻪ ﻏﻠﻂ ﺟﻴﺘﻬﻢ

ﺑﺲ ﺍﻟﺨﺎﻃﺮ ﻋﻠﻴﺎﺀ ﺳﻮﻳﺖ ﺭﻭﺣﻲ ﻣﺎﺍﺩﺭﻱ ﻭﻣﺎﻣﻬﺘﻢ ﻟﻠﻤﻮﺿﻮﻉ

ﺍﻟﻰ ﺍﻥ ﺍﺟﻮﻭ ﻋﻤﺎﻣﻲ ﻭﺣﭽﻮﻭ ﻋﻠﻴﻪ ﺷﻠﻮﻥ ﻫﻴﺞ ﻳﺼﻴﺮ ﻭﺩﻡ ﺍﺑﻮﻙ ﻭﻳﻦ ﻭﺍﻧﺖ ﻫﻮﺍﻱ ﺗﻤﺎﻫﻠﺖ ﻭﻳﺎﻫﻢ ﺣﺘﻪ ﻟﻮ ﺧﺎﻝ ﻣﺮﺗﻚ ﻫﺎﻟﺸﻲ ﻣﺎﻳﻐﻔﺮﻟﻬﻢ ﻏﻠﻄﻬﻢ

ﺑﻌﺪ ﻧﻘﺎﺷﺎﺕ ﻭﺣﻜﻴﺚ ﻃﺎﻝ ﻭﻋﺮﺽ ﻭﺩﻳﺖ ﺑﻼﻍ ﺍﻟﺨﺎﻝ ﻻﺯﻡ ﻳﻄﻠﻊ ﻣﻦ ﺍﻟﻮﻻﻳﻪ ﻛﻠﻬﺎ ﻭﺗﺒﻘﻪ ﺑﺲ ﺍﻷﻡ ﻫﺬﺍ ﺍﻟﺤﭽﺲ ﻋﻠﻴﺎﺀ ﻳﻢ ﺍﻣﻬﺎ ﺻﺎﺭ ﺗﻠﺚ ﺍﻳﺎﻡ ﻭﺍﻧﻪ ﻣﺎﺷﺎﻳﻔﻬﺎ ﻭﻻﻭﺍﺻﻠﻬﺎ ﺑﺎﻗﻲ ﻉ ﺍﻷﺗﺼﺎﻝ ﻣﻦ ﻭﺻﻠﻬﻢ ﺍﻟﺒﻼﻍ ﻫﻴﻪ ﺍﺗﺼﻠﺖ ﺗﻔﺘﻬﻢ ﻣﻨﻲ ﺻﺢ ﻫﺬﺍ ﺍﻟﺤﭽﻲ ﮔﺘﻠﻬﺎ ﺻﺢ

ﺣﺴﻴﺘﻬﺎ ﻣﻮ ﺭﺍﺿﻴﻪ ﺑﺲ ﺍﻧﻪ ﺍﻟﻲ ﺳﻮﻳﺘﻪ ﻣﻮ ﺷﻮﻳﻪ ﻭﻣﻮ ﻛﻞ ﻭﺍﺣﺪ ﻳﺴﻮﻱ ﻫﻮﺍﻱ ﺗﻤﺎﻫﻠﺖ ﻭﻳﺎﻫﻢ ﻟﻌﻴﻮﻧﻬﺎ

ﺭﺍﻓﻊ ﻣﻮﺟﻮﺩ ﻭﻳﺎﻱ ﻭﺍﻟﻮﻟﺪ ﻭﮔﺎﻟﻮ ﺍﻟﺴﻮﻳﺘﻪ ﺻﺢ

ﻋﻤﺘﻲ ﭼﺎﻧﺖ ﻣﺎﺗﻌﻠﻖ ﻋﻠﻰ ﺷﻲ ﻻﻫﻴﻪ ﻭﻻ ﺍﻣﻲ ﺍﻟﺤﺠﻴﻪ ﺑﺲ ﺑﺎﻗﻲ ﻧﺴﻮﺍﻥ ﻋﻤﺎﻣﻲ ﻭﻋﻤﺎﺗﻲ ﻻ ﻫﻨﻪ ﺍﻟﻲ ﻳﺤﭽﻦ ﻭﺑﺪﻭﻭ ﻋﻤﺎﻧﻲ ﻳﺎﺧﺬﻭﻥ ﺑﺤﭽﻴﻬﻢ ﻭﺣﺘﻪ ﻋﻠﻴﻪ ﻭﺟﻮﻫﻢ ﺛﮕﻠﺖ ﺍﻧﻪ ﻛﻞ ﻫﺬﺍ ﻣﻮ ﻫﻤﻲ ﻫﻤﻲ ﻋﻠﻴﺎﺀ ﺻﺎﺭ ﺍﺳﺒﻮﻉ ﻭﻫﻴﻪ ﻣﺎﻛﻮ ﺍﻟﻤﻔﺮﻭﺽ ﺗﺸﻮﻓﻬﻢ ﻭﺗﺮﺟﻊ ﻣﻮ ﻫﺎﻟﮕﺪ ﺗﻈﻞ ﻳﻤﻬﺎ ﻫﻢ ﺍﻧﻪ ﺍﺷﺘﺎﻗﻠﻬﺎ ﻭﺍﻧﻪ ﻣﻢ ﻳﻮﻡ ﺯﻭﺍﺟﻲ ﻟﻠﻴﻮﻡ ﻣﺎﺍﺑﻘﻪ ﻫﺎﻟﮕﺪ ﺑﺮﻩ ﺍﻟﺒﻴﺖ ﺭﻏﻢ ﻣﺴﺆﻟﻴﺎﺗﻲ ﺗﺘﻄﻠﺐ ﺑﺲ ﭼﻨﺖ ﺍﺗﺮﻙ ﻛﻠﺸﻲ ﻭﺍﺭﺟﻊ ﺍﺣﺎﻭﻝ ﺍﻛﻤﻞ ﺷﻐﻠﻲ ﺑﻈﻮﻥ ﻣﺎﺑﺎﺕ ﻟﻮ ﻗﻠﻴﻞ ﺍﺑﺎﺕ ﺻﺢ ﺍﻣﻬﺎ ﻭﺣﻘﻬﺎ ﺗﺸﻮﻓﻬﺎ ﻣﺸﺘﺎﻗﺘﻠﻬﺎ ﺑﺲ ﻣﻮ ﻣﻌﻨﺎﻫﺎ ﺗﻨﺴﺎﻧﻲ

ﺑﺪﻳﺖ ﺍﺿﻮﺝ ﺻﺪﮒ ﻭﭼﻨﺖ ﺍﺗﺼﻞ ﻋﻠﻴﻬﺎ ﺑﻌﺪﻫﺎ ﮔﻄﻌﺖ ﺍﻷﺗﺼﺎﻝ

ﺑﺲ ﺑﺎﻟﻲ ﻳﻤﻬﺎ ﻛﻤﺖ ﺍﺳﺄﻝ ﺍﻓﻴﺎﺀ ﻋﻠﻴﻬﺎ ﻭﻭﺻﻴﺘﻬﺎ ﺧﺎﻑ ﺗﺘﺨﺮﺑﻂ ﺧﻞ ﺗﺬﻛﺮﻫﺎ ﺑﻌﻼﺟﻬﺎ ﺍﻋﺮﻓﻬﺎ ﻣﻮ ﻣﻠﺘﺰﻣﻪ ﺑﺎﻟﻌﻼﺝ

ﺍﻓﻴﺎﺀ ..

ﻣﻦ ﺍﺟﺖ ﺍﻣﻲ ﻭﺷﻔﻨﺎﻫﺎ ﻋﺒﺎﻟﻚ ﻣﻮ ﻫﻴﻪ ﻣﺘﻐﻴﺮﻩ ﻭﺿﻌﻔﺎﻧﻪ ﻭﻟﻮﻧﻬﺎ ﺍﺻﻔﺮ ﻣﻦ ﺷﻔﻨﺎﻫﺎ ﺍﻧﻬﺎﺭﻳﻨﻪ ﻭﻫﻴﻪ ﻫﻢ ﺗﺒﺎﻇﻠﻨﻪ ﻧﻔﺲ ﺍﻟﻠﻬﻔﻪ ﻭﻧﻔﺲ ﺍﻟﺸﻌﻮﺭ ﺍﻛﻮ ﻋﺘﺐ ﻭﺍﻛﻮ ﻧﺪﻡ ﻭﺍﻛﻮ ﺍﺷﺘﻴﺎﻕ ﻛﻠﻬﻦ ﺫﻧﻲ ﻧﺮﻳﺪ ﻧﻮﺻﻠﻬﻦ ﺍﻟﻬﺎ ﻭﻫﻴﻪ ﻫﻢ ﻫﻮﺍﻱ ﺣﭽﻲ ﺑﻌﻴﻮﻧﻬﺎ

ﻋﻠﻴﺎﺀ ﺣﻴﻞ ﺗﺄﺛﺮﺕ ﻭﻣﻔﺎﺭﮔﺖ ﺍﻣﻲ ﺍﺑﺪ ﻭﺍﻧﻲ ﺑﻘﻴﺖ ﻳﻮﻣﻴﻦ ﻳﻤﻬﺎ ﺑﻌﺪﻫﺎ ﺍﺭﻭﺣﻠﻬﺎ ﺑﺎﻟﻨﻬﺎﺭ ﻭﺍﺭﺟﻊ ﺑﺎﻟﻠﻴﻞ ﻭﻣﺮﺍﺕ ﺍﺭﻭﺡ ﻋﺼﺮﻳﻪ ﻷﻥ ﻋﻤﺘﻲ ﻧﺤﺴﻪ ﻭﺗﺘﺤﺠﺞ ﻋﻠﻴﻪ ﺧﺎﺻﺘﺎ ﻣﻦ ﺍﺟﺖ ﺍﻣﻲ ﺗﺨﺒﻠﺖ ﺣﺎﺭﺕ ﺷﺘﺴﻮﻳﻠﻲ ﻣﺸﺎﻛﻞ ﭼﻨﺖ ﺍﻋﺒﺮ ﺑﻤﺰﺍﺟﻲ ﺍﻟﺨﺎﻃﺮ ﺭﺍﻓﻊ ﻭﺣﺘﻪ ﻣﺎﺍﺣﺠﻴﻠﻪ ﺑﻴﻮﻡ ﺍﺗﺜﻞ ﺑﻴﻪ ﻋﻠﻲ ﺗﻔﺎﺟﺄﺕ ﻳﻮﺻﻲ ﺑﻴﻪ ﻋﻠﻰ ﻋﻠﻴﺎﺀ ﻭﻳﻄﻠﺐ ﺍﺫﻛﺮﻫﺎ ﺑﻌﻼﺟﻬﺎ

ﺣﺴﻴﺘﻪ ﺿﺎﻳﺞ ﻣﻦ ﻧﺒﺮﺓ ﺻﻮﺗﻪ

ﻭﻣﻦ ﺭﺣﺖ ﺳﺄﻟﺖ ﻋﻠﻴﺎﺀ

.. ﻭﻟﺞ ﺍﻧﺘﻲ ﺍﺑﺪ ﻣﺎﺭﺣﺘﻲ ﺍﻟﺒﻴﺘﺞ

.. ﻻ ﺍﻣﻲ ﺗﻌﺒﺎﻧﻪ ﻭﺍﺫﺍ ﺭﺣﺖ ﻣﻨﻮ ﻳﺒﻘﻪ ﻳﻤﻬﺎ

.. ﻟﭻ ﻭﺭﺟﻠﺞ

.. ﻣﻴﮕﻮﻝ ﻳﻌﺬﺭﻧﻲ

.. ﺧﺎﺑﺮﻧﻲ ﺍﻟﺼﺒﺢ ﻳﺴﺄﻝ ﻋﻠﻴﺞ ﻭﻳﻮﺻﻲ ﻉ ﺍﻟﻌﻼﺝ ﻭﺣﺴﻴﺘﻪ ﺿﺎﻳﺞ

.. ﻟﻴﺶ ﻣﻴﺘﺼﻞ ﺑﻴﻪ ﻟﻴﺶ ﻳﺘﺼﻞ ﻋﻠﻴﺞ

.. ﺍﻧﻲ ﺷﻤﻌﺮﻓﻨﻲ ﺳﺄﻟﻲ ﻧﻔﺴﺞ ﻳﺎﺣﻠﻮﻩ ﺍﻛﻮ ﻭﺣﺪﻩ ﺗﻌﻮﻑ ﺭﺟﻠﻬﺎ ﻫﺎﻟﮕﺪ

.. ﻻ ﻣﻴﺰﻋﻞ ﺍﻧﺘﻲ ﻣﺘﻮﻫﻤﻪ

.. ﺣﺒﻴﺒﺘﻲ ﺷﻮﻓﻲ ﻭﺍﺫﺍ ﺯﻋﻼﻥ ﺭﺿﻲ ﺍﻟﺮﺟﺎﻝ ﻣﻴﺮﻳﺪ ﻳﺤﺲ ﺍﻛﻮ ﺷﺨﺺ ﺍﻫﻢ ﻣﻨﻪ ﺣﺘﻪ ﻟﻮ ﺍﻫﻠﺞ

ﺑﻌﺪﻳﻦ ﺍﻣﻲ ﺷﻜﻮ ﻋﻠﻴﻬﺎ ﻧﺴﻮﻳﻬﺎ ﺑﻴﻦ ﻳﻮﻡ ﻭﻳﻮﻡ ﻳﻮﻡ ﻋﻠﻴﻪ ﻭﻳﻮﻡ ﻋﻠﻴﺞ

.. ﺭﺍﻓﻊ ﻳﻘﺒﻞ

.. ﺍﺣﺎﻭﻝ .. ﻫﺴﻪ ﺍﻧﺘﻲ ﺭﻭﺣﻲ ﺣﻀﺮﻱ ﻧﻔﺴﺞ ﻭﺍﺗﺼﻠﻲ ﻋﻠﻲ ﻳﺠﻲ ﻳﺎﺧﺬﺝ ﻟﻮ ﺗﺮﺣﻴﻦ ﻟﻠﺒﻴﺖ ﺭﺍﻓﻊ ﻳﻮﺻﻠﺞ ﻭﺳﻮﻳﻬﺎ ﻣﻔﺎﺟﺄﻩ

.. ﺧﻮﻓﺘﻴﻨﻲ ﻭﺍﻟﻠﻪ ﻣﺎﻟﻲ ﺧﻠﮓ ﺯﻋﻠﻪ ﺍﺑﺪ ﻛﻠﺸﻲ ﻭﻻﻳﺰﻋﻞ

.. ﻭﺍﻟﻠﻪ ﻣﻦ ﻏﺒﺎﺋﺞ ﺍﻛﻮ ﻭﺣﺪﻩ ﺍﻃﻮﻝ ﻫﺎﻟﮕﺪ ﻭﻫﺎﻱ ﺍﻧﺘﻲ ﺗﺪﺭﻳﻦ ﺑﻲ ﺣﺘﻪ ﺳﻔﺮﺍﺗﻪ ﺑﻄﻠﻬﻦ ﻋﻠﻤﻮﺩﺝ

.. ﻳﻠﻠﻪ ﺍﺟﻬﺰ ﻧﻔﺴﻲ ﻋﻔﻴﻪ ﺑﻠﻐﻲ ﺭﺍﻓﻊ ﻳﺠﻲ ﻳﻮﺻﻠﻨﻲ

ﺍﺟﻪ ﺭﺍﻓﻊ ﻭﺭﺣﺖ ﻟﻠﺒﻴﺖ ﻭﺍﻧﻪ ﻓﻜﺮﻱ ﻛﻠﻪ ﻳﻤﻪ ﺍﺩﺭﻱ ﭼﻨﺖ ﺑﻐﻴﺒﻮﺑﻪ ﻟﻴﺶ ﻫﻴﺞ ﻫﻤﻠﺘﻪ ﻣﻦ ﺍﻭﻝ ﻟﻘﺎﺀ ﺻﺎﺭ ﺑﻴﻨﻪ ﻫﺬﺍ ﺟﺰﺍﺋﻪ ﺷﺒﻴﻪ ﺍﻧﻲ ﻇﻠﻴﺖ ﺍﻛﻞ ﺑﺮﻭﺣﻲ ﻭﺧﺎﻳﻔﻪ ﻣﻦ ﺭﺩﺓ ﻓﻌﻠﻪ

ﺩﺧﻠﺖ ﺍﻟﺒﻴﺖ ﻭﺍﺳﺘﻘﺒﻠﺘﻨﻲ ﻋﻤﺘﻲ

.. ﻫﻼ ﺑﻌﻠﻮﻳﻪ ﻣﻦ ﻟﮕﻪ ﺍﺣﺒﺎﺑﻪ ﻧﺼﻪ ﺍﺻﺤﺎﺑﻪ

.. ﻻ ﻋﻤﻪ ﺍﻧﻲ ﺃﮔﺪﺭ ﺍﻧﺴﺎﻛﻢ ﺍﻧﺘﻮ ﺑﺎﻟﮕﻠﺐ ﺑﺲ ﺍﻣﻲ ﺧﻄﻴﻪ ﻣﺮﻳﻀﻪ ﻛﻠﺶ ﻭﻣﺤﺪ ﻳﻤﻬﺎ

ﺑﻴﺒﻲ ﮔﺎﻟﺖ ﺣﮕﺞ ﻳﻤﻪ ﺑﺲ ﺍﻟﺮﺟﺎﻝ ﻣﺎﻳﻨﻌﺎﻑ ﻫﺎﻟﮕﺪ ﺍﻧﻪ ﻣﺎﺍﺩﺭﻱ ﺍﻧﺘﻮ ﻣﺘﻔﻘﻴﻦ ﻻ ﺑﺲ ﺍﻷﺩﺭﻱ ﺑﻲ ﻋﻠﻲ ﻫﺎﻟﻴﻮﻣﻴﻦ ﻣﺎﻟﻪ ﺧﻠﮓ ﻭﺿﺎﻳﺞ ﻭﺍﺣﺴﺎﺳﻲ ﻳﮕﻮﻝ ﺿﺎﻳﺞ ﻣﻨﺞ ﻭﻋﻠﻴﺞ

ﻣﺎﺟﺎﻭﺑﺘﻬﺎ ﺷﻲ ﻭﺭﺣﺖ ﺍﻟﻐﺮﻓﺘﻲ ﺯﺍﺩ ﺧﻮﻓﻲ ﻭﺍﻟﻘﻠﻖ

ﻭﺣﺎﻭﻟﺖ ﺍﺟﻬﺰ ﻧﻔﺴﻲ ﺣﺘﻪ ﺍﺭﺿﻲ ﻭﻟﻮ ﻣﺎﺍﻋﺮﻑ ﺷﻠﻮﻥ ﺍﺑﺮﺭ ﺑﺲ ﺑﻠﻜﻲ ﻣﻦ ﻳﺸﻮﻓﻨﻲ ﻳﻄﻴﺢ ﺍﻟﺰﻋﻞ

🔹🔸🥇🔹🔸

ﻳﺘﺒﻊ 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤