رواية امقت اعرافهم لكنها حيتني الجزء الحادي عشر
للكاتبة نور
🔹🔸🥇🔹🔸
ﺑﻘﺖ ﺗﺒﭽﻲ ﺑﺼﻮﺕ ﻋﺎﻟﻲ ﻭﺍﺳﻤﻌﻬﺎ ﺗﺸﻬﮓ ﺑﻘﻮﻩ
.. ﻋﻠﻰ ﻛﻴﻔﭻ ﻣﺎﻳﺴﺘﺎﻫﻞ ﺩﻣﻮﻋﭻ ﺑﻌﺪﭺ ﺗﺤﺒﻲ
.. ﻣﻦ ﺑﻴﻦ ﺷﻬﮕﺎﺗﻲ ﺟﺎﻭﺑﺘﻪ ﻻ ﻣﻮ ﺣﺐ
.. ﺟﺎ ﺷﻨﻬﻲ .. ﻛﻠﺘﻬﺎ ﺑﻨﻔﺎﺫ ﺻﺒﺮ ﺑﺲ ﺑﻬﺪﻭﺀ ﺟﻨﺖ ﻣﺴﻴﻄﺮ ﻋﻠﻰ ﺍﻋﺼﺎﺑﻲ
.. ﻣﺎﻣﺘﻮﻗﻌﻪ ﻣﺎﻣﺘﻮﻗﻌﻪ ﻋﻘﺎﺑﻪ ﻫﻴﺞ ﺳﺮﻳﻊ ﻳﻮﻣﻴﻪ ﺍﺩﻋﻲ ﺭﺑﻲ ﻭﺍﺗﺤﺴﺐ ﻋﻠﻲ ﻳﻤﻜﻦ ﺍﻧﻲ ﺳﺒﺐ ﻣﻮﺗﻪ ﺷﺒﺎﺏ ﺑﻬﻴﺞ ﻋﻤﺮ ﻟﻴﺶ ﻫﻴﺞ ﻟﻴﺶ ﺳﻮﻩ ﻛﻞ ﻫﺬﺍ
.. ﺍﻧﺘﻲ ﻣﻮ ﺳﺒﺐ ﻫﺬﺍ ﺣﺪ ﻋﻤﺮﻩ ﻭﺭﺑﺞ ﻣﺎﻳﻀﺮ ﺑﺸﺮ ﺍﻟﺒﺸﺮ ﻫﻮﻩ ﻳﻀﺮ ﺭﻭﺣﻪ ﺣﺘﻪ ﻟﻮ ﺍﻟﺼﺎﺭ ﺑﻲ ﺣﻮﺑﺘﺞ ﺍﻟﺬﻧﺐ ﻣﻮ ﺫﻧﺒﭻ ﺫﻧﺒﻪ ﻫﻮﻩ .. ﭼﻨﺖ ﺍﻗﻨﻌﻬﺎ ﻭﺍﺳﻤﻊ ﻣﻨﻬﺎ ﺑﺲ ﻣﺘﺄﻛﺪ ﺍﻛﻮ ﺣﺐ ﺑﮕﻠﺒﻬﺎ ﺑﺎﻗﻲ ﺍﻟﻪ ﻫﺬﺍ ﺍﻻﺣﺴﺎﺱ ﻭﺣﺪﻩ ﻳﺤﺮﮒ ﺑﺮﻭﺣﻲ ﺣﺮﮒ
ﺧﻠﻴﺘﻬﺎ ﻓﺘﺮﻩ ﻭﺑﻌﺪﻳﻦ ﺣﺎﭼﻴﺘﻬﺎ
.. ﺍﺭﺗﺎﺣﻴﺘﻲ ﻧﻨﺰﻝ ﻫﺴﻪ ﻭﺭﺍﻧﻪ ﺭﺟﻌﻪ
.. ﻧﻨﺰﻝ ﻳﻠﻠﻪ .. ﻧﺰﻟﺖ ﻭﻳﺎﻩ ﻭﺍﻧﻲ ﺍﻣﺸﻲ ﻭﺭﺍﻩ ﻭﺍﺣﺲ ﺑﺮﻭﺣﻲ ﻗﻮﻳﻪ ﺍﻛﻮ ﻣﻦ ﻳﺴﻨﺪﻧﻲ ﺯﻳﻦ ﺍﻧﻪ ﻟﻴﺶ ﺭﻓﻀﺘﻪ ﻣﻦ ﮔﺎﻝ ﺭﺍﻳﺪﺝ ﺍﻟﻲ ﺍﻧﻪ ﺷﻨﻮ ﺍﺷﻮﻓﻪ ﺍﺥ ﺍﺏ ﻟﻮ ﺷﻨﻮﻭ
ﺑﻌﺪﻳﻦ ﻣﺎﺍﺭﻳﺪ ﺍﻧﻲ ﺍﻟﻨﻬﻮﻩ ﺍﻛﺮﻫﺎ ﻟﻴﺶ ﻣﺎﺣﺎﺟﺎﻧﻲ ﺑﻐﻴﺮ ﺍﺳﻠﻮﺏ ﺑﺲ ﺍﻧﻲ ﻣﺎﻣﻔﻜﺮﻩ ﺑﻲ ﻭﻻﺑﻐﻴﺮﻩ
ﻟﺤﻈﺎﺕ ﻭﺍﻧﻲ ﺍﻣﺸﻲ ﻭﻳﺎﻩ ﻧﺴﻴﺖ ﻋﻼﺀ ﻭﻧﺴﻴﺖ ﺭﻭﺣﻲ ﻭﻧﺴﻴﺖ ﻛﻠﺸﻲ ﺻﺎﺭﻟﻲ
ﻋﻠﻲ ﻣﻼﻣﺤﻪ ﺭﺟﻮﻟﻴﻪ ﻭﺳﻴﻢ ﻛﻠﺶ
ﻃﻮﻟﻪ ﺗﻘﺮﻳﺒﺎ ١٨٠ ﺍﻛﺘﺎﻓﻪ ﻋﺮﻳﻀﻪ ﻭﺟﺴﻤﻪ ﺭﺷﻴﻖ ﻟﻮﻥ ﺑﺸﺮﺗﻪ ﺣﻨﻄﻲ ﻣﺮﺍﺕ ﻣﻦ ﻳﺮﺗﺎﺡ ﺍﺣﺴﻪ ﺍﺑﻴﺾ ﺑﺲ ﻳﻤﻜﻦ ﻣﻦ ﺍﻟﺘﻌﺐ ﻭﻛﺜﺮ ﻃﻠﻌﺎﺗﻪ ﻭﺟﻬﻪ ﻳﺼﻴﺮ ﻫﻴﺞ ﻟﻮﻥ
ﺃﺣﻠﻰ ﻣﺎﺑﻲ ﻋﻴﻮﻧﻪ ﺻﺢ ﻧﻈﺮﺗﻬﻦ ﺣﺎﺩﻩ ﺑﺲ ﺭﻣﻮﺷﻪ ﻛﺜﻴﻔﻪ ﻭﻃﻮﺍﻝ ﻋﻴﻮﻧﻪ ﻛﺤﻴﻠﻪ ﻭﺣﻮﺍﺟﺒﻪ ﺭﺳﻤﺘﻬﻦ ﺣﻠﻮﻩ ﺗﻀﻴﻒ ﺍﻟﻪ ﺭﻭﻧﻖ ﺧﺎﺹ ﻟﺤﻴﺘﻪ ﺩﺍﺋﻤﺎ ﺗﻜﻮﻥ ﺧﻔﻴﻔﻪ ﻭﻣﺤﺪﺩﻩ ﻭﺷﺨﺼﻴﺘﻪ
ﺍﻟﻬﺎ ﺣﻀﻮﺭ ﺍﻱ ﻣﻜﺎﻥ ﻳﺪﺧﻠﻪ ﻳﺨﻠﻲ ﺍﻟﻤﻮﺟﺪﻳﻦ ﻳﻨﺘﺒﻬﻮﻟﻪ ﺷﻜﻠﻪ ﻫﻴﺒﻪ ﻳﻌﻨﻲ
ﺍﻧﺘﺒﻬﺖ ﺍﻟﻨﻔﺴﻲ ﺍﻧﻲ ﻟﻴﺶ ﻣﺮﻛﺰﻩ ﺑﻤﻼﻣﺤﻪ
ﻭﺍﻧﻲ ﺗﻮﻧﻲ ﻣﻨﻄﻴﺘﻪ ﺭﺩﻱ ﺭﺍﻓﻀﺘﻪ ﻭﻫﻮﻩ ﻟﻴﺶ ﻫﻴﺞ ﺭﺩﻱ ﻋﺎﺩﻱ ﻋﻨﺪﻩ ﻋﺒﺎﻟﻚ ﻭﺍﺟﺐ ﻭﺳﻘﻄﺘﻪ ﻭﺍﺭﺗﺎﺡ ﻣﻨﻲ ﻳﻌﻨﻲ ﻣﺜﻞ ﻣﺎﺗﻮﻗﻌﺖ ﻫﻮﻩ ﺭﺍﺩ ﻳﺴﺘﺮ ﻋﻠﻴﻪ ﻭﺑﺲ ﺍﻭ ﻳﻌﺮﻑ ﻣﺤﺪ ﻳﺘﻘﺮﺑﻠﻲ ﻭﺣﺘﻪ ﻫﺬﺍ ﺍﻷﺳﻤﻪ ﻣﻨﺬﺭ ﺑﺲ ﻳﻌﺮﻑ ﺑﺎﻟﻤﺎﺿﻲ ﺍﻷﻟﻴﻢ ﺭﺍﺡ ﻳﻨﺴﺤﺐ ﻭﺑﻜﻞ ﻫﺪﻭﺀ
ﮔﻄﻌﺖ ﺍﻓﻜﺎﺭﻱ ﺍﻟﺼﻮﺭﻩ ﺍﻟﻲ ﻣﺨﻠﻴﻬﺎ ﺩﺍﺧﻞ ﺍﻟﺤﺮﻡ ﺍﻟﺠﺎﻣﻌﻲ
ﻭﺭﺟﻌﺖ ﺑﺬﺍﻛﺮﺗﻲ ﺍﻟﻌﻼﺀ ﻭﺍﻳﺎﻣﻪ ﺍﻟﻮﻋﻮﺩﻩ ﻭﺍﻟﻬﻔﺘﻲ ﻋﻠﻴﻪ ﻭﺍﺷﺘﻴﺎﻗﻲ ﺍﻟﻪ
ﻳﻤﻜﻦ ﺍﻧﻲ ﺭﺑﻲ ﻳﺤﺒﻨﻲ ﻭﺧﻠﻪ ﺑﺬﺍﻙ ﺍﻟﻴﻮﻡ ﺗﺠﻴﻨﻲ ﺍﻟﺤﺒﺎﺑﻪ ﻧﻘﺬﺗﻨﻲ ﻣﻨﻪ ﻭﻣﻦ ﺷﺮﻩ ﺍﺟﻪ ﺍﺑﺎﻟﻲ ﻫﺬﺍ ﺍﻟﺤﺎﺩﺙ ﺻﺎﺭ ﺑﻨﻔﺲ ﺍﻟﺴﻴﺎﺭﻩ ﺍﻟﻲ ﺗﺮﺍﻫﻦ ﻋﻠﻴﻪ ﺑﻴﻬﺎ ﻟﻮ ﻏﻴﺮﻫﺎ ﺍﻓﻜﺎﺭ ﻫﻮﺍﻱ ﺍﺣﺴﻬﺎ ﺑﺪﻣﺎﻏﻲ ﺭﻏﻢ ﺍﻟﻤﺴﺎﻓﻪ ﻗﻠﻴﻠﻪ ﺍﻟﻲ ﺗﻮﺻﻠﻨﻪ ﻟﻠﻌﻤﺎﺩﻩ
ﺩﺧﻠﺖ ﻭﻛﻤﻠﺖ ﺍﺟﺮﺍﺋﺎﺕ ﺍﻟﻨﻘﻞ ﻭﺭﺟﻌﻨﻪ
ﺍﻟﻄﺮﻳﻖ ﻛﻠﻪ ﻫﺎﺩﺉ ﻣﺎﺍﻋﺮﻑ ﻳﺘﺼﻨﻊ ﺍﻟﻬﺪﻭﺀ
ﺭﺩﺕ ﺍﻛﺴﺮ ﺍﻟﺤﺎﺟﺰ ﺑﻴﻨﻲ ﻭﺑﻴﻨﻪ ﮔﺘﻠﻪ ﻣﻦ ﺷﻮﻛﺖ ﺍﺑﺪﻱ ﺍﺩﻭﺍﻡ
.. ﺑﺮﺍﺣﺘﭻ ﺷﻮﻛﺖ ﻣﺎﺗﺤﺒﻴﻦ ﺷﻲ ﻳﺨﺼﺞ
.. ﻳﻌﻨﻲ ﺍﻧﺖ ﺑﺸﻨﻮ ﺗﻨﺼﺤﻨﻲ
.. ﻣﻮ ﻣﺤﺘﺎﺟﻪ ﺍﻟﻨﺼﻴﺤﺘﻲ .. ﻓﻜﺮﻱ ﺯﻳﻦ ﻭﺍﻋﺘﻤﺪﻱ ﻋﻠﻰ ﺭﻭﺣﭻ ﻭﺍﺧﺬﻱ ﺣﻠﻮﻟﺞ ﻣﻦ ﺭﺍﺳﺞ
.. ﺍﻭﻭﻑ ﺣﺴﻴﺘﻪ ﺣﻴﻞ ﻣﺘﻀﺎﻳﻖ ﻣﻨﻲ ﺩﻧﮕﺖ ﺭﺍﺳﻲ ﻭﺑﻘﻴﺖ ﺍﻓﻜﺮ ﺑﻜﻼﻣﻪ ﺻﺢ ﺍﻧﻲ ﻻﺯﻡ ﺍﻋﺘﻤﺪ ﻋﻠﻰ ﻧﻔﺴﻲ ﺑﺲ ﻫﻮﻩ ﺷﻨﻮ ﺍﻟﻐﻴﺮﻩ ﻭﻟﻴﺶ ﺿﺎﻳﺞ ﻣﻨﻲ ﻫﻤﺰﻳﻦ ﻭﺭﻓﻀﺖ ﻫﺎﻱ ﻟﻮ ﻗﺎﺑﻠﻪ ﺟﺎﻥ ﺣﻤﻠﻨﻲ ﻣﻨﻴﻪ ﺍﻛﺜﺮ ﻋﻠﺒﻮ ﻳﺘﺰﻭﺟﻨﻲ ﺧﺎﺻﺘﺎ ﺑﻴﻨﻪ ﻭﺑﻴﻦ ﺍﻣﻲ ﺛﺎﺭ ﺍﻟﻲ ﻣﺎﺍﻋﺮﻑ ﺗﻔﺎﺻﻴﻠﻪ ﺑﺲ ﻣﺎﺍﺭﻳﺪ ﻣﻦ ﺍﺗﺰﻭﺝ ﻳﻨﺘﻘﻢ ﻣﻨﻲ ﻣﻬﻤﺎ ﻳﻜﻮﻥ ﺯﻳﻦ ﻭﻳﺎﻧﻪ ﻫﺴﻪ ﺣﻴﺎﺓ ﺍﻻﺯﻭﺍﺝ ﺗﺨﺘﻠﻒ
🔹🔸🥇🔹🔸
ﺭﺟﻌﻨﻪ ﺑﻨﻔﺲ ﺍﻟﻴﻮﻡ ﺍﻧﻲ ﺗﻌﺒﺎﻧﻪ ﻧﻤﺖ ﻣﻦ ﮔﻌﺪﺕ ﺗﻔﺎﺟﺄﺕ ﺑﻌﻠﻲ ﻣﺤﺎﺟﻲ ﺑﻴﺒﻲ ﻭﮔﺎﻳﻠﻬﺎ ﺍﺣﭽﻴﻠﻬﺎ ﻋﻦ ﻣﻨﺬﺭ ﻭﻣﺆﻫﻼﺗﻪ ﺍﺫﺍ ﻭﺍﻓﻘﺖ ﻭﺩﻱ ﻋﻠﻴﻬﻢ ﻭﺍﺣﺠﻴﻠﻬﻢ ﺷﻨﻮ ﻣﺮﺿﻬﺎ ﻭﺳﺒﺐ ﻃﻼﮔﻬﺎ ﺍﻧﻮ ﺍﺣﻨﻪ ﺟﺒﻨﺎﻫﺎ ﻭﻫﻴﻪ ﻋﺮﻭﺱ ﻭﺭﺟﻠﻬﺎ ﻃﻠﮕﻬﺎ ﻷﻥ ﺍﻫﻠﻬﺎ ﻣﺎﻣﺨﺒﺮﻳﻨﻪ ﻫﻴﻪ ﻣﻨﻬﻴﻪ
ﻓﺎﺟﺄﻧﻲ ﻣﻦ ﺫﺏ ﺍﻟﺼﻮﺝ ﺑﻲ ﻭﺑﻌﻤﺎﻣﻲ ﺣﺘﻪ ﻳﺒﻴﺾ ﻭﺟﻬﻲ
ﺍﻧﻲ ﻭﺣﺎﻟﺘﻲ ﻣﺘﺄﻛﺪﻩ ﻣﻨﻬﺎ ﻣﺎﻛﻮ ﺷﺨﺺ ﻳﻮﺍﻓﻖ ﻋﻠﻴﻪ ﻫﻴﭻ ﺍﻻ ﻫﺬﺍ ﺑﻲ ﻣﺼﺎﻳﺐ ﺍﻟﻠﻪ ﻳﻌﻠﻢ ﺑﻴﻬﺎ ﺟﺎﻭﺑﺖ ﺑﻴﺒﻲ ﺑﻜﻴﻔﺞ ﻛﻠﻴﻠﻬﻢ ﺍﻧﻲ ﻣﻮﺍﻓﻘﻪ ﭼﻨﺖ ﻣﺘﺄﻛﺪﻩ ﻣﻦ ﺍﻟﺮﻓﺾ
ﻣﺮﺕ ﺍﻳﺎﻡ ﺍﻡ ﻣﻨﺬﺭ ﻣﺎﺍﺟﺖ ﻭﻋﺮﻓﺖ ﺭﻭﺣﻲ ﺧﻠﺼﺖ ﺍﻟﺤﻤﺪﻟﻠﻪ ﻭﺑﻬﺬﻱ ﺍﻻﻳﺎﻡ ﻋﻠﻲ ﻧﺎﻃﻲ ﻓﻠﻮﺱ ﺍﻟﻌﻤﺘﻲ ﻭﮔﺎﻳﻠﻬﺎ ﺧﻞ ﺗﺮﻭﺡ ﺗﺸﺘﺮﻱ ﺍﻟﻬﺎ ﺍﺣﺘﻴﺎﺟﺎﺕ ﺍﻟﻜﻠﻴﻪ ﻭﻣﻼﺑﺲ ﺑﺲ ﺷﺮﻁ ﻻﺯﻡ ﻋﺒﺎﻳﺔ ﺭﺍﺱ ﺗﻠﺒﺲ ﺑﻮﻗﺘﻬﺎ ﺿﺠﺖ ﺑﺲ ﮔﻠﺖ ﻋﺎﺩﻱ ﺍﺭﺩﻟﻪ ﺍﻟﺠﻤﻴﻞ ﻋﻠﻰ ﻛﻞ ﺍﻟﺴﻮﺍﻩ ﻭﺍﻟﺒﺲ ﺍﻟﺸﻲ ﺍﻟﻲ ﻣﺎﻳﻀﺮﻩ ﺭﻏﻢ ﺍﻟﻨﺎﺻﺮﻳﻪ ﻫﻮﺍﻱ ﺑﻴﻬﺎ ﺑﻨﺎﺕ ﺳﺎﻓﺮﺍﺕ ﻳﻠﺒﺴﻦ ﺟﺒﺐ ﻋﺎﺩﻱ ﻫﻮﻩ ﺑﻴﺘﻪ ﻣﻮ ﺑﺮﻳﻒ ﻫﻮﻩ ﺑﻤﺮﻛﺰ ﺍﻟﻤﺪﻳﻨﻪ ﻭﺷﺎﻳﻒ ﻛﻠﺸﻲ ﺑﺲ ﻳﻤﻜﻦ ﻷﻥ ﻭﺿﻌﻪ ﻭﺍﺳﻤﻪ ﺍﻭ ﻫﻮﻩ ﻳﺤﺐ ﻫﻴﺞ ﺍﻓﻴﺎﺀ ﻣﻦ ﺍﻭﻝ ﻣﺎﺍﺟﻴﻨﻪ ﻟﺒﺴﺖ ﻷﻥ ﺭﺍﻓﻊ ﺭﺍﻳﺪﻫﺎ ﻭﺍﺻﻼ ﻫﻮﻩ ﺑﻨﻔﺴﻪ ﺍﺷﺘﺮﺍﻟﻬﺎ ﻭﺟﺎﻧﺖ ﻓﺮﺣﺎﻧﻪ ﻳﻤﻜﻦ ﺍﻟﺤﺐ ﻳﺨﻠﻲ ﺣﺘﻪ ﺍﻷﺷﻴﺎﺀ ﺍﻟﻲ ﺗﻐﺚ ﻭﺗﻌﺘﺒﺮ ﺗﺪﺧﻞ ﺑﻌﻴﻮﻥ ﺍﻟﺤﺒﻴﺒﻪ ﺣﻠﻮﻭ ﺑﺲ ﺍﻧﻲ ﻣﺎﺣﺴﻴﺖ ﺑﻔﺮﺣﺔ ﺍﻓﻴﺎﺀ ﻭﺑﻨﻔﺲ ﺍﻟﻮﻗﺖ ﻣﺎﺍﻫﺘﻤﻴﺖ ﺿﺠﺖ ﻭﻛﻠﺖ ﻋﺎﺩﻱ ﺍﻭﺍﻓﻖ ﺍﻟﺨﺎﻃﺮﻩ
ﻣﺮﺕ ﺍﻳﺎﻡ ﻭﺑﺪﻩ ﺍﻟﺪﻭﺍﻡ ﻭﺩﺍﻭﻣﺖ ﻭﻱ ﻓﺎﻃﻤﻪ ﺑﻨﺖ ﻋﻤﺘﻲ ﺟﺎﻥ ﻋﺪﻫﺎ ﺧﻂ
ﺑﻬﺬﻱ ﺍﻟﻔﺘﺮﻩ ﻋﻠﻲ ﺍﺑﺪ ﻣﺎﻳﻮﺻﻞ ﻟﻠﺒﻴﺖ ﺑﺲ ﺑﻮﻗﺖ ﻧﻮﻣﺘﻪ ﻭﻳﺠﻲ ﻳﺪﺧﻞ ﺍﻟﻐﺮﻓﺘﻪ ﻭﻛﻞ ﻣﻴﺴﺄﻟﻮﻩ ﻳﻜﻠﻬﻢ ﺷﻐﻞ ﻭﻃﻼﻳﺐ ﻣﺎﺗﺨﻠﺺ ﻭﻫﻮﻩ ﻓﻌﻼ ﺗﻠﻴﻔﻮﻧﻪ ﻣﻴﺴﻜﺖ ﻫﻮﺍﻱ ﻳﺮﺩﻭﻥ ﻣﻨﻪ ﻳﺪﺧﻞ ﺍﻭ ﻳﺤﻞ ﺍﻟﻬﻢ ﺑﻌﺾ ﺍﻷﻣﻮﺭ ﻋﻤﺎﻣﻲ ﺍﺣﺴﻬﻢ ﻛﻞ ﻭﺍﺣﺪ ﻣﻠﺘﻬﻲ ﺍﺑﻴﺘﻪ ﻭﺑﺲ ﻭﺍﻟﻤﺴﺆﻭﻟﻴﻪ ﻛﻠﻬﺎ ﺑﺮﺍﺳﻪ ﺻﺢ ﻳﺤﺒﻮﻩ ﻭﻳﻘﺪﺭﻭﻩ ﺑﺲ ﻣﺤﺪ . ﻳﻌﻴﻨﻪ ﻳﻌﻨﻲ ﺣﺘﻪ ﻓﻮﺍﺗﺞ ﭼﺎﻧﻮ ﻣﻴﻄﻠﻌﻮﻥ ﻛﻞ ﺍﻷﻋﺘﻤﺎﺩ ﻋﻠﻲ ﺑﺲ ﻫﻮﻩ ﻋﻨﺪﻩ ﻃﺮﻳﻘﻪ ﻣﺘﻘﺮﺏ ﺑﻴﻬﺎ ﻟﻠﻮﻟﺪ ﻭﻳﺤﺎﻭﻝ ﻳﺨﻠﻴﻬﻢ ﻭﻳﺎﻩ ﻭﻳﺨﺎﺑﺮﻫﻢ ﻭﻳﻄﻠﻊ ﻭﻳﺎﻫﻢ ﺍﻷﻱ ﻣﻜﺎﻥ ﻳﺮﻳﺪ ﻣﺮﺍﺕ ﺍﺳﻤﻌﻪ ﻳﻜﻞ ﺍﻷﻣﻲ ﺍﻧﻪ ﺍﺭﻳﺪﻫﻢ ﻳﺘﻌﻠﻤﻮﻥ ﻣﺎﺍﺭﻳﺪ ﻳﺼﻴﺮﻭﻥ ﻣﺜﻞ ﻋﻤﺎﻣﻲ ﺍﻋﺘﻤﺪﻭﻭ ﻋﻠﻰ ﺟﺪﻱ ﻭﻣﻦ ﻛﺒﺮﺕ ﺍﻧﻪ ﺟﺪﻱ ﺷﺎﻑ ﺍﻟﻤﺴﺆﻭﻟﻴﻪ ﺛﮕﻠﺖ ﻋﻠﻴﻪ ﻭﻫﻤﻪ ﻣﺎﻣﻨﻬﻢ ﻓﺎﻳﺪﻩ ﻭﺍﻟﺘﻌﻠﻮﻡ ﻋﻠﻰ ﻛﺒﺮ ﻣﺎﻳﺠﻴﺐ ﻧﺘﻴﺠﻪ ﺍﻟﺘﺠﺄﻟﻲ ﻭﻋﻠﻤﻨﻲ ﻋﻠﻰ ﻛﻠﺸﻲ ..
ﺍﺳﺘﻘﺮﻳﺖ ﺑﺎﻟﺪﻭﺍﻡ ﻭﺍﺭﺗﺎﺣﻴﺖ ﺷﻔﺖ ﺍﻟﻌﺎﻟﻢ ﻫﻨﺎ ﻃﻴﺒﻪ ﻭﺍﻟﻨﺎﺻﺮﻳﻪ ﻣﺪﻳﻨﻪ ﺣﻠﻮﻩ ﻣﻤﺘﻮﻗﻌﺘﻬﺎ ﻫﻴﺞ ﺍﺑﺪ
ﺑﺲ ﺟﻨﺖ ﻣﺘﺨﻮﻓﻪ ﻭﻣﺎﻋﻨﺪﻱ ﺛﻘﻪ ﺑﺄﺣﺪ ﻟﺬﻟﻚ ﻣﺎﻛﺪﺭﺕ ﺍﻛﻮﻥ ﺻﺪﺍﻗﺎﺕ ﻗﻮﻳﻪ ﺑﺲ ﻋﻼﻗﺘﻲ ﻃﻴﺒﻪ ﺑﺎﻟﺒﻨﺎﺕ
ﺧﻠﺺ ﺍﺭﺑﻌﻴﻦ ﺟﺪﻱ ﻭﺑﺎﻻﺭﺑﻌﻴﻦ ﺍﺟﻦ ﻋﻤﺎﺗﻲ ﺑﺲ ﻫﺎﻟﻤﺮﻩ ﻣﺎﻟﻬﻦ ﻋﻼﻗﻪ ﺑﻴﻨﻪ ﺑﻴﻮﻡ ﺍﻻﺭﺑﻌﻴﻦ ﺯﺭﻧﻪ ﺍﻟﻨﺠﻒ ﻭﺍﻧﻲ ﺍﻭﻝ ﻣﺮﻩ ﺍﺯﻭﺭ ﺑﻬﻴﭻ ﺍﺟﻮﺍﺀ ﺍﺧﺮ ﺯﻳﺎﺭﻩ ﺑﺄﺭﺑﻌﻴﻦ ﺑﺎﺑﺎ ﻭﺟﻨﻪ ﻭﺣﺪﻧﻪ ﻭﺍﻣﻲ ﻣﺮﺍﺣﺖ ﻧﻔﺲ ﻳﻮﻡ ﺍﻻﺭﺑﻌﻴﻦ ﺍﺟﻠﺘﻬﺎ ﺍﻟﺜﺎﻧﻲ ﻳﻮﻡ ﺣﺘﻪ ﻣﺎﺗﻠﺘﻘﻲ ﺑﺄﻋﻤﺎﻣﻲ ﻭﺯﺭﺕ ﺑﺎﺑﺎ ﻭﺍﺣﺲ ﺭﻭﺣﻲ ﺍﺭﺗﺎﺣﺖ
ﺑﺲ ﺍﻟﺮﺍﺣﻪ ﺍﻟﻌﺠﻴﺒﻪ ﺣﺴﻴﺘﻬﺎ ﻭﺍﻧﻲ ﺑﺤﻈﺮﺓ ﺍﻷﻣﻴﺮ ﺩﻋﻴﺖ ﺍﻟﻠﻪ ﻳﺨﻠﺼﻨﻲ ﻣﻦ ﺿﻌﻔﻲ ﻭﺍﺭﻳﺪ ﺍﺭﺟﻊ ﻋﻠﻴﺎﺀ ﺍﻟﻘﻮﻳﻪ ﻣﺎﺍﺭﻳﺪ ﻫﺬﺍ ﺍﻷﻧﻜﺴﺎﺭ
ﻣﺮﺕ ﺍﻳﺎﻡ ﻭﺭﻩ ﺍﻷﺭﺑﻌﻴﻦ ﻭﺍﻧﻲ ﺑﺪﻭﺍﻣﻲ ﻣﻦ ﺭﺟﻌﺖ ﺍﺗﻔﺎﺟﺄﺕ ﺑﺤﺠﻲ ﺑﻴﺒﻲ ﻭﻋﻤﺘﻲ ﻣﻨﺬﺭ ﻣﻮﺍﻓﻖ ﻭﮔﺎﻳﻞ ﺍﻟﻤﺮﺽ ﻣﻮ ﺷﻲ ﺧﻄﺮ ﺍﺫﺍ ﺑﻨﻴﻪ ﻣﺆﺩﺑﻪ ﺍﻧﻲ ﺭﺍﻳﺪﻫﺎ ﻭﻳﺮﻳﺪ ﻳﺘﻘﺪﻡ ﺍﻧﻪ ﻫﻨﺎ ﺍﻧﺼﺪﻣﺖ ﻭﺭﺟﻌﺖ ﺍﺳﺄﻝ ﻋﻨﻪ
ﻣﻨﺬﺭ ﺷﺎﺏ ﻋﻤﺮﻩ ٣٨ﺳﻨﻪ
ﻋﻨﺪﻩ ﻃﻔﻠﻴﻦ ﺯﻭﺟﺘﻪ ﻣﺘﻮﻓﻴﻪ ﺑﺤﺎﺩﺙ ﺣﺮﻳﻖ
ﻋﻤﺮ ﺍﻃﻔﺎﻟﻪ ﺍﻟﻜﺒﻴﺮ ٧ﺳﻨﻮﺍﺕ ﻭﺍﻟﺼﻐﻴﺮ ﺧﻤﺲ ﺳﻨﻴﻦ
ﻫﻮﻩ ﻣﻌﻠﻢ ﻭﺍﻧﺴﺎﻥ ﻣﺤﺘﺮﻡ ﺑﺲ ﻟﻴﺶ ﻭﺍﻓﻖ ﻋﻠﻴﻪ ﻭﺍﻧﻲ ﺑﻴﻪ ﻛﻞ ﻫﺎﻟﻌﻠﻞ ﻣﺎﺍﺩﺭﻱ
ﺑﻴﻮﻣﻬﺎ ﻋﻘﻠﻲ ﺍﺗﺒﻨﺞ ﻭﻣﺎﺍﻋﺮﻑ ﺍﻓﻜﺮ ﺻﺢ ﻭﻋﻠﻲ ﻳﺤﺎﻭﻝ ﻣﻴﺘﻮﺍﺟﺪ ﺑﺎﻟﺒﻴﺖ ﺣﺴﻴﺘﻪ ﻣﻞ ﻣﻨﻲ ﻭﺗﻌﺐ
ﻭﺍﻧﻲ ﺳﺒﺐ ﻫﺮﻭﺑﻪ ﻣﻦ ﺑﻴﺘﻪ ﻭﺭﺍﺣﺘﻪ ﺷﻨﻮ ﺫﻧﺒﻪ ﻭﻫﻮﻩ ﻣﺘﺤﻤﻠﻨﻲ ﻣﺮﺍﺟﻌﺎﺕ ﺍﻷﻃﺒﺎﺀ ﻭﺍﻟﻨﻘﻞ ﻭﻣﺰﺍﺟﻴﺘﻲ ﻫﻮﺍﻱ ﺍﺷﻴﺎﺀ ﻭﻋﻴﺖ ﻋﻠﻴﻬﺎ
ﺍﺭﻳﺪ ﺍﺗﺨﻴﻞ ﻧﻔﺴﻲ ﺍﻧﻲ ﺍﮔﺪﺭ ﺍﻓﻜﺮ ﺑﺰﻭﺍﺝ ﻣﻦ ﺟﺪﻳﺪ
ﻋﻤﺘﻲ ﻭﺍﻟﺒﻨﺎﺕ ﺍﻟﻜﻞ ﻳﻨﺼﺤﻨﻲ ﻭﺍﻓﻘﻲ ﻭﻫﻢ ﻛﺪﺍﻣﺞ ﻓﺘﺮﻩ ﺧﻄﻮﺑﻪ ﻫﻮﺍﻱ ﺗﺘﻌﺮﻓﻴﻦ ﺑﻴﻬﺎ ﻋﻠﻴﻪ ﻻﻥ ﻋﺎﺩﺍﺗﻨﻪ ﻣﺎﺗﺘﺰﻭﺟﻴﻦ ﻫﺴﻪ ﻭﺟﺪﻱ ﺗﻮﻩ ﻣﺘﻮﻓﻲ ﺭﺍﺡ ﻳﻀﻄﺮ ﻳﻨﺘﻈﺮﺝ ﺷﻜﻢ ﺷﻬﺮ .
🔹🔸🥇🔹🔸
ﺭﻳﺎﻡ ﺍﺣﺴﻬﺎ ﻓﺎﻫﻤﺘﻨﻲ ﮔﺎﻟﺖ ﻓﻜﺮﻱ ﺯﻳﻦ ﺍﻧﺘﻲ ﻣﺨﻴﺮﻩ
ﺑﺲ ﺍﻟﺒﺎﻗﻲ ﻛﻠﻬﺎ ﺗﻜﻠﻲ ﻫﺬﻱ ﻓﺮﺻﺘﭻ
ﻭﺣﺘﻪ ﻋﻤﺎﻣﻲ ﻣﻦ ﻋﺮﻓﻮﻭ ﻛﺎﻳﻠﻴﻦ ﺧﻮﺵ ﻭﻟﺪ ﻭﻣﺎﺗﻠﻜﻪ ﺍﺣﺴﻦ ﻣﻨﻪ ﻋﺮﻓﺖ ﺍﺭﺍﺀ ﺍﻟﻜﻞ ﺑﺲ ﻋﻠﻲ ﻣﺎﺍﻋﺮﻑ ﺷﻨﻮ ﺭﺍﻳﻪ
ﺑﻮﻛﺘﻬﺎ ﻛﻠﺖ ﺍﺭﻭﺡ ﺍﺳﺄﻟﻪ ﻳﻤﻜﻦ ﺑﻮﻛﺘﻬﺎ ﻓﻜﺮﺕ ﺑﻐﺒﺎﺀ
ﻣﺎﺍﺟﻪ ﺑﻴﻮﻣﻬﺎ ﻟﻠﻴﻞ ﺍﻧﻲ ﺍﻧﺘﻈﺮﻩ ﻭﻻﺯﻡ ﺍﺭﺟﻊ ﺟﻮﺍﺏ
ﺍﺧﺬﺕ ﺭﻗﻤﻪ ﻭﺍﺗﺼﻠﺖ ﺑﻲ
ﺍﻧﻲ ﺍﺑﺪ ﻣﺎﻣﺠﺮﺑﻪ ﺍﺗﺼﻞ ﺑﻲ ﻣﻦ ﺗﻠﻴﻔﻮﻧﻲ ﺟﻨﺖ ﺍﺫﺍ ﺍﺣﺘﺎﺝ ﺷﻲ ﻋﻤﺘﻲ ﺍﻟﻮﺳﻴﻂ ﻭﻫﻮﻩ ﻫﻢ
ﻗﺮﺭﺕ ﺍﺧﺎﺑﺮﻩ ﻭﺍﻋﺮﻑ ﺍﻱ ﻏﻴﺮ ﻫﻮﻩ ﻳﻜﻮﻝ ﺍﻧﺘﻦ ﻣﺴﺆﻭﻟﻴﺘﻲ ﺍﻧﻲ ﻟﻴﺶ ﺿﻌﻴﻔﻪ ﺧﻞ ﺍﺗﻘﻮﻩ ﻭﺍﺣﺠﻲ ﺍﻧﻲ ﻫﻢ ﻣﻮ ﺻﻐﻴﺮﻩ
ﺍﺗﺼﻠﺖ ﺑﻲ ﺟﺎﻭﺑﻨﻲ ﻭﻣﻦ ﺳﻤﻌﺖ ﺻﻮﺗﻪ ﻟﻴﺶ ﺿﺠﺖ ﻣﺎﺍﻋﺮﻑ ﺍﺟﻪ ﺍﺑﺎﻟﻲ ﻫﻢ ﻳﺠﻲ ﻳﻮﻡ ﻭﻳﻤﻨﻌﻨﻲ ﻣﻨﻪ ﺯﻭﺝ ﻫﻢ ﻳﺠﻲ ﻳﻮﻡ ﻭﻳﺘﺰﻭﺝ ﻭﺗﺠﻲ ﺯﻭﺟﻪ ﺗﻐﺎﺭ ﻣﻨﻲ ﺍﻧﻲ ﻣﻬﻤﺎ ﻳﻜﻮﻥ ﻣﻮ ﺩﺍﺋﻤﺎ ﺭﺍﺡ ﺍﺑﻘﻪ ﻫﻴﺞ ﻭﻻﻫﻮﻩ ﻓﺰﺯﻧﻲ ﻣﻦ ﺻﻔﻨﺘﻲ
.. ﺍﻟﻮﻭﻭ ﻣﻨﻮ ﻭﻳﺎﻱ ﺍﻟﻮﻭ ﺍﺣﺠﻲ
.. ﺍﻟﻮﻭ
.. ﻫﻼ ﻋﻠﻴﺎﺀ
.. ﺍﻱ ﺷﻠﻮﻥ ﻋﺮﻓﺘﻨﻲ
.. ﻋﺮﻓﺘﺞ ﺑﻌﺪ .. ﮔﻮﻟﻲ ﺍﻛﻮﻭ ﺷﻲ
.. ﻋﻠﻲ ﺍﻧﺖ ﻟﻴﺶ ﻣﺎﺗﺠﻲ ﻟﻠﺒﻴﺖ ﺍﻻ ﻣﺘﺄﺧﺮ ﺍﻧﺖ ﻣﺘﻀﺎﻳﻖ ﻣﻦ ﻭﺟﻮﺩﻱ
.. ﻫﺎﻱ ﺷﻠﭻ ﺑﻴﻬﺎ ﺑﺸﻨﻮ ﻣﺄﺛﺮ ﻋﻠﻴﺞ ﺍﺫﺍ ﺍﺟﻴﺖ ﻭﺍﺫﺍ ﺗﺄﺧﺮﺕ ﺍﻧﺘﻲ ﺗﺤﺎﺳﺒﻴﻨﻲ ﻫﺴﻪ ﻟﻮ ﺷﻨﻲ
.. ﻻ ﺑﺲ ﺍﺣﺲ ﻭﺟﻮﺩﻱ ﻣﻀﺎﻳﻘﻚ
.. ﻻ ﻏﻠﻄﺎﻧﻪ .. ﻋﻠﻴﺎﺀ ﺭﻭﺣﻲ ﻫﺴﻪ ﻣﻮ ﻣﺎﻝ ﺍﺗﺼﺎﻝ ﻛﻞ ﻋﻘﻠﺞ ﻣﺘﺼﻠﻪ ﻋﻠﻴﻪ ﺑﻬﺬﺍ ﺍﻟﻮﻛﺖ ﺣﺘﻪ ﺗﺴﻤﻌﻴﻨﻲ ﻫﺎﻟﺤﭽﻲ
.. ﺍﻧﻪ ﻣﺤﺘﺎﺟﻪ ﻧﺼﻴﺤﺘﻚ ﻣﻮ ﺗﻜﻮﻝ ﺍﻧﺘﻲ ﻣﺴﺆﻭﻟﻴﺘﻲ
.. ﺑﺸﻨﻮ ﺍﮔﺪﺭ ﺍﻓﻴﺪﭺ
.. ﺍﻧﺖ ﺳﻤﻌﺖ ﺑﺨﻄﻮﺑﺘﻲ
.. ﺍﻱ ﻧﺴﻴﺖ ﺍﺑﺎﺭﻛﻠﭻ
.. ﺷﺘﺒﺎﺭﻛﻠﻲ ﻳﻌﻨﻲ ﺍﻧﺖ ﻣﻮﺍﻓﻖ
.. ﺍﻧﻪ ﺷﻠﻲ ﻋﻼﻗﻪ ﺍﻧﺘﻲ ﻣﻮﺍﻓﻘﻪ ﺍﻟﻠﻪ ﻳﺴﻌﺪﭺ
.. ﻋﻠﻲ ﻫﻴﺞ ﻣﻀﺎﻳﻘﻚ ﻭﺟﻮﺩﻱ
.. ﻻ ﺍﻟﻪ ﺍﻻ ﺍﻟﻠﻪ .. ﺍﻧﺘﻲ ﺑﻴﺞ ﺷﻲ ﺍﻧﺘﻲ ﻭﺍﻓﻘﺘﻲ ﻭﻓﺮﺣﺎﻧﻪ ﺗﺮﺩﻳﻦ ﺗﻨﺰﻓﻴﻦ ﺍﻧﻲ ﺷﻜﻮﻭ ﻣﺄﺫﻳﺞ ﻣﻘﺼﺮ ﻭﻳﺎﺝ ﺑﺸﻲ ﺷﺒﻴﭻ ﻋﻠﻴﺎﺀ
.. ﻋﻠﻲ ﺃﻧﺖ ﻣﻮ ﻧﺎﻫﻲ ﻋﻠﻴﻪ .. ﻣﻦ ﺑﺮﻭﺩﻩ ﺑﺎﻟﺮﺩ ﻛﻤﺖ ﻣﺎﺍﻋﺮﻑ ﺷﺤﭽﻲ ﺑﺲ ﺣﺴﻴﺖ ﺑﻨﺎﺭ ﺑﺼﺪﺭﻱ ﻭﺣﺴﻴﺖ ﺭﻭﺣﻲ ﻣﺎﺍﺭﻳﺪ ﺍﺧﺴﺮﻩ
.. ﻫﺎﺍ . ﻋﻠﻴﺎﺀ ﺑﻴﺞ ﺷﻲ ﺍﻧﺘﻲ ﺷﺎﺭﺑﻪ ﺷﻲ ﻣﺎﻧﺎﻫﻲ ﺍﻧﻲ ﺍﻧﺘﻲ ﺣﺮﻩ ﺑﻨﺖ ﺍﻟﻨﺎﺱ ﻟﻴﺶ ﻫﺎﻟﻤﻐﺜﻪ ﺗﺎﻟﻲ ﺍﻟﻠﻴﻞ
.. ﺳﻤﻌﺘﻪ ﻫﻴﭻ ﻗﻔﻠﺖ ﺍﻟﺠﻬﺎﺯ ﻭﺿﻠﻴﺖ ﻣﺤﺘﺎﺭﻩ ﻣﺎﺍﺭﻳﺪ ﺍﺑﭽﻲ ﻛﺎﻓﻲ ﺑﭽﻲ ﻫﻮﻩ ﺣﭽﻴﻪ ﺻﺢ ﺑﺲ ﺍﻧﻪ ﻣﺎﺍﺭﻳﺪﻩ ﻫﺬﺍ ﻣﻨﺬﺭ .
ﺍﻱ ﻭﻣﺎﺍﺭﻳﺪ ﺑﺮﻭﺩ ﻋﻠﻲ ﻫﻴﺞ ﻭﻳﺎﻱ ﺍﺭﻳﺪﻩ ﻣﺜﻞ ﻗﺒﻞ ﻳﻬﺘﻢ ﺑﻴﻪ
ﻋﻠﻲ ..
ﻣﻦ ﻳﻮﻡ ﺍﻟﻲ ﺳﻤﻌﺖ ﺭﺩﺧﺎ ﺣﺎﻭﻟﺖ ﺍﺑﻌﺪ ﻋﻨﻬﺎ ﺍﻧﻪ ﺷﺠﺎﻧﻲ ﻫﺎﻱ ﺍﻟﺒﻨﺎﺕ ﺍﺷﻜﺎﻝ ﻣﺎﺣﺒﻴﺖ ﻏﻴﺮﻫﺎ
ﺣﺎﻭﻟﺖ ﻣﺎﺍﻟﺘﻘﻲ ﺑﻴﻬﺎ ﻭﺭﻇﺖ ﺍﺑﻌﺪ ﻋﻨﻬﺎ ﺑﻜﻞ ﻃﺮﻳﻘﻪ ﺑﺲ ﺻﻮﺗﻬﺎ ﻭﺣﺪﻩ ﻳﺠﺬﺑﻨﻲ ﻣﻦ ﺍﺳﻤﻌﻬﺎ ﺗﺤﺠﻲ ﻭﻱ ﺍﻟﺒﻨﺎﺕ ﺍﻧﻪ ﻟﻴﺶ ﺍﺗﻌﻠﻖ ﺑﮕﻠﺐ ﻫﺎﻭﻱ ﻏﻴﺮﻱ ﺣﺘﻪ ﺑﻬﺎﻱ ﻣﺎﻋﻨﺪﻱ ﺣﻆ
ﺑﻴﻮﻡ ﺍﺟﻴﺖ ﻭﮔﺎﻟﻮﻟﻲ ﻳﺮﺩﻭﻥ ﺑﻴﺖ ﺍﺑﻮ ﻣﻨﺬﺭ ﻳﺨﻄﺒﻮﻥ ﻣﻦ ﺳﺄﻟﺖ ﻋﻠﻰ ﺭﺍﻳﻬﺎ ﮔﺎﻟﻮ ﻣﻮﺍﻓﻘﻪ
ﺍﺣﺲ ﺭﻭﺣﻲ ﻃﻠﻌﺖ ﻭﻫﺎﻟﻤﺮﻩ ﺍﻟﻨﺎﺭ ﻣﻦ ﺳﺎﺳﻲ ﺍﻟﺮﺍﺳﻲ ﺻﻌﺪﺕ
ﻃﻠﻌﺖ ﻭﻣﺎﺭﺟﻌﺖ ﻟﻠﺒﻴﺖ ﺗﺎﻟﻲ ﺍﻟﻠﻴﻞ
ﻣﻦ ﺧﺎﺑﺮﺗﻨﻲ ﻭﻋﺮﻓﺖ ﺻﻮﺗﻬﺎ ﺍﺣﺲ ﺭﻭﺣﻲ ﺭﺩﺗﻠﻲ
ﺑﺲ ﻫﻴﻪ ﻣﺎﺗﻌﺮﻑ ﺷﺘﺤﭽﻲ ﻛﻞ ﺣﭽﻠﻴﻪ ﻣﻨﻬﺎ ﺗﺠﺮﺣﻨﻲ ﻣﺨﺎﺑﺮﻩ ﺗﺴﺄﻟﻨﻲ ﻭﺗﺮﻳﺪ ﺗﻌﺮﻑ ﺭﺍﻳﻲ ﺑﺨﻄﻮﺑﺘﻬﺎ ﺍﻛﻮ ﻫﻴﺞ ﻭﺣﺪﻩ ﺍﺣﺴﺎﺳﻬﺎ ﻣﻌﺪﻭﻡ ﻣﺎﻛﻮ ﺑﻨﺖ ﻣﺎﺗﻌﺮﻑ ﺍﻟﻤﻌﺠﺐ ﻣﻦ ﺍﻟﻬﺎﻭﻱ ﻣﻦ ﺍﻟﻲ ﻳﺤﺐ ﻫﻴﻪ ﻣﺎﺷﺎﻓﺖ ﻛﻞ ﺫﻧﻲ ﺑﻴﻪ ﻟﻮ ﺗﺘﻮﻧﺲ ﺑﻌﺬﺍﺑﻲ
ﺻﺤﺖ ﻋﻠﻴﻬﺎ ﻭﺳﺪﺕ ﺍﻟﺨﻂ ﺑﻮﺟﻬﻲ ﻣﺤﺪ ﻣﺴﻮﻳﻬﺎ ﮔﺒﻠﻬﺎ ﺑﺲ ﻋﺒﺮﺗﻬﺎ ﺍﻟﻬﺎ
ﺧﻔﺖ ﺍﺭﻭﺣﻠﻬﺎ ﻭﺑﺤﺠﺔ ﺍﻋﺎﺗﺒﻬﺎ ﺍﺿﻌﻒ ﻳﻤﻬﺎ ﻭﺍﻋﺘﺮﻑ ﺑﺤﺒﻲ ﻭﻫﻢ ﺗﺮﻓﻀﻨﻲ
ﺭﺟﻌﺖ ﻟﻠﺒﻴﺖ ﻣﺘﺄﺧﺮ ﻭﻓﺘﺖ ﺍﻟﻐﺮﻓﺘﻲ
ﻣﺎﺳﺄﻟﺖ ﻉ ﺍﻟﺨﻄﻮﺑﻪ ﻭﺷﻠﻮﻥ ﺻﻔﺖ
ﻣﺎﺍﺭﻳﺪ ﺍﻋﺮﻑ ﻛﻠﺸﻲ
ﺛﺎﻧﻲ ﻳﻮﻡ ﻃﻠﻌﺖ ﻣﻦ ﻭﻛﺖ ﻋﻨﺪﻱ ﺷﻐﻞ ﺑﻄﻠﻌﺘﻲ ﻣﻦ ﻏﺮﻓﺘﻲ ﻭﺻﺎﺭﺕ ﺑﻮﺟﻬﻲ ﺑﺲ ﺟﺎﻥ ﻣﻜﻴﺎﺟﻬﺎ ﻃﻮﺥ
ﺍﻭﻝ ﻣﺮﻩ ﺍﺷﻮﻓﻬﺎ ﻣﺘﻤﻜﻴﺠﻪ
🔹🔸🥇🔹🔸
ﻋﻠﻴﺎﺀ ..
ﻣﻦ ﻗﻬﺮﻱ ﻭﺿﻮﺟﺘﻲ ﺭﺩﺕ ﺍﺳﺘﻔﺰﻩ ﻭﻃﻠﻌﺖ ﻭﻱ ﻃﻠﻌﺘﻪ ﺭﻏﻢ ﺍﻋﺮﻑ ﻓﺎﻃﻤﻪ ﺑﻌﺪ ﻣﻤﻜﻤﻠﻪ ﺑﺲ ﺭﺩﺕ ﺍﺷﻮﻓﻪ ﺷﻜﻠﻲ ﭼﻨﺖ ﻣﺘﻤﻜﻴﺠﻪ ﻃﻮﺥ ﻭﻋﻄﺮﻱ ﻗﻮﻱ ﻛﻠﺶ
ﺑﺎﻭﻋﻠﻲ ﮔﻠﻲ
.. ﺧﻴﺮ ﺍﻥ ﺷﺎﺀﺍﻟﻠﻪ
.. ﻛﻞ ﺍﻟﺨﻴﺮ ﻳﺴﻌﺪ ﺻﺒﺎﺣﻚ ﮔﻠﺘﻬﺎ ﺑﺄﺑﺘﺴﺎﻣﻪ
.. ﻭﺍﻟﻠﻪ ﺻﺒﺎﺣﻲ ﻣﺒﻴﻴﻦ ﻣﻦ ﺍﻭﻟﻪ
.. ﺍﺑﺘﻌﺪﺕ ﻋﻨﻪ ﻭﻃﻠﻌﺖ ﻟﻠﺤﺪﻳﻘﻪ ﺍﻧﺘﻈﺮ ﻓﺎﻃﻤﻪ ﻭﺍﻟﺨﻂ ﻭﺍﻧﻲ ﺍﻣﺸﻲ ﺻﺎﺡ
.. ﺍﻭﮔﻔﻲ
.. ﺩﺭﺕ ﻭﺟﻬﻲ ﻋﻠﻴﻪ
.. ﻃﻠﻌﺖ ﻛﻠﻴﻨﻜﺲ ﻣﻦ ﺟﻴﺒﻲ ﻭﺃﺷﺮﺗﻠﻬﺎ ﺍﻣﺴﺤﻲ
.. ﺳﻮﻳﺖ ﺭﻭﺣﻲ ﻣﺎﻣﻔﺘﻬﻤﻪ ﺷﻴﺮﻳﺪ ﺍﺷﺮﺗﻠﻪ ﺑﺮﺍﺳﻲ ﺷﻨﻮﻭ
.. ﺍﻣﺴﺤﻲ ﻳﻠﻠﻪ ﺍﻃﻠﻌﻴﻦ
.. ﻟﻴﺶ ﻋﻮﺩ ﺗﺮﻩ ﺍﻧﻲ ﻣﺨﻄﻮﺑﻪ
.. ﻣﺨﻄﻮﺑﻪ ﻣﻮ ﺟﻨﺞ ﻫﻮﺍﻱ ﺗﻌﻴﺪﻳﻦ ﻫﺎﻱ ﺍﻟﻜﻠﻤﻪ ﭼﻨﺞ ﻣﺎﻣﺼﺪﮔﻪ ﻳﻌﻨﻲ ﺣﺎﻭﻟﺖ ﺍﺳﺘﻔﺰﻫﺎ ﻭﺑﺲ
.. ﻻ ﻣﻮ ﻫﻴﺞ ﺑﺲ ﻳﻌﻨﻲ ﻋﺎﺩﻱ ﺍﺧﻠﻲ ﻣﻜﻴﺎﺝ
.. ﻣﻮ ﻋﺎﺩﻱ ﻣﺎﺩﺍﻣﺞ ﺍﺑﻴﺘﻲ ﻭﻃﺎﻟﻌﻪ ﻣﻨﻪ ﺧﻠﻲ ﺑﺎﻟﻤﻌﻘﻮﻝ ﻣﻮ ﻫﻴﭻ ﻃﺎﻟﻌﻪ ﻋﺮﻭﺱ ﺍﻟﺴﺒﻌﻪ ﻣﺒﻴﻨﻪ ﻋﻠﻴﺞ ﺍﻟﻔﺮﺣﻪ
.. ﺍﺧﺬﺕ ﻣﻨﻪ ﺍﻟﻜﻠﻴﻨﻜﺲ ﻭﺑﻘﻬﺮ ﺭﺣﺖ ﺍﻣﺴﺢ ﻭﻣﺎﻳﻨﻤﺴﺢ ﺭﺟﻌﺖ ﻏﺴﻠﺖ ﻭﺟﻬﻲ ﻭﺍﻧﻪ ﺍﺣﺲ ﺭﻭﺣﻲ ﻃﻔﻠﻪ ﻳﻤﻪ ﻭﺗﺼﺮﻓﺎﺗﻲ ﻣﻮ ﻣﻮﺯﻭﻧﻪ ﻭﻫﻮﻩ ﻛﺘﻠﺔ ﺟﻤﻮﺩ ﻭﻛﺒﺮﻳﺎﺀ
ﺑﻴﻮﻣﻬﺎ ﻣﺎﺍﻧﺘﺒﻬﺖ ﺍﻟﻮﻻ ﻣﺤﺎﺿﺮﻩ ﻭﺭﺟﻌﺖ ﺍﻟﻐﺼﺮ ﻟﮕﻴﺖ ﺍﻟﻤﺮﻳﻪ ﺟﺎﻳﻪ ﻭﻣﺘﻔﻘﻴﻦ ﺍﻧﻮ ﻫﻮﻩ ﻳﺠﻲ ﻳﺸﻮﻓﻨﻲ ﺑﻌﺪ ﻟﺴﺒﻮﻉ ﻭﺑﻌﺪﻫﺎ ﻳﻌﻘﺪ ﺻﺎﺭﺕ ﻋﻨﺪﻱ ﺭﺟﻔﻪ
ﻭﮔﻀﻴﺖ ﻫﺎﻱ ﺍﻟﻔﺘﺮﻩ ﺍﻧﻲ ﻣﺎﺍﻋﺮﻑ ﺷﺄﺭﻳﺪ ﻭﺷﻠﻮﻥ ﺍﺗﺼﺮﻑ
ﻭﺍﻟﻜﻞ ﻣﺨﺒﻮﺹ ﻭﺍﻟﺒﻨﺎﺕ ﻓﺮﺣﺎﻧﺎﺕ ﺍﻟﻲ ﻭﺍﻧﻲ ﻣﺎﻋﻨﺪﻱ ﺍﻱ ﻣﺸﺎﻋﺮ
ﺑﺎﻗﻴﻠﻲ ﻳﻮﻣﻴﻦ ﻟﻠﻤﻮﻋﺪ ﻭﭼﻨﻪ ﻣﺠﺘﻤﻌﻴﻦ ﺑﺎﻟﺼﺎﻟﻪ ﻳﻢ ﺑﻴﺒﻴﺘﻲ
ﺍﺟﻪ ﻋﻠﻲ ﺳﻠﻢ ﻭﮔﻌﺪ ﻣﺮﺗﺎﺡ ﻭﻳﻄﮓ ﺑﺴﺒﺤﺘﻪ ﺍﻧﻲ ﺗﺮﻛﻴﺰﻱ ﻛﻠﻪ ﻭﻱ ﺻﻮﺕ ﺍﻟﺴﺒﺤﻪ ﻭﻫﺪﻭﺋﻪ ﻭﻫﻴﺒﺘﻪ ﻋﻄﺮﻩ ﺍﻟﻲ ﺻﺎﺭﺕ ﺭﻭﺣﻲ ﺑﻲ ﺍﻋﺮﻑ ﻭﺟﻮﺩﻩ ﻣﻦ ﻋﻄﺮﻩ ﻳﻮﺻﻞ ﻗﺒﻠﻪ
ﻋﻤﺘﻲ ﮔﺎﻟﺖ ﺑﻌﺪ ﻳﻮﻣﻴﻦ ﻳﺠﻮﻧﻪ ﺑﻴﺖ ﺍﺑﻮ ﻣﻨﺬﺭ ﺣﺘﻪ ﺑﻌﺪﻫﺎ ﻳﻌﻘﺪﻭﻥ ﻳﻤﻪ ﺍﺭﻳﺪ ﻣﻮﺟﻮﺩ ﺭﺗﺐ ﻭﺿﻌﻚ ﻣﻦ ﻫﺴﻪ ﻫﻤﻪ ﻣﻘﺪﺭﻳﻦ ﻭﺿﻌﻨﻪ ﻭﻳﺴﻮﻭﻧﻪ ﺳﻤﺘﻪ ﺑﺲ ﺣﺘﻪ ﻳﺘﻌﺮﻑ ﻋﻠﻴﻬﺎ ﻭﻫﻴﻪ ﺗﻔﻬﻤﻪ ﺗﺤﻨﺤﻦ
ﻭﮔﻠﻬﺎ ﺍﻥ ﺷﺎﺀ ﺍﻟﻠﻪ ﻳﻤﻪ ﻭﻋﻠﻰ ﻃﺎﺭﻱ ﺍﻟﺨﻄﻮﺑﻪ ﺍﻧﻪ ﻫﻢ ﺍﺭﻳﺪﺝ ﺗﺸﻮﻓﻴﻠﻲ ﻣﺮﻩ ﻋﻠﻰ ﻣﺮﺍﻣﺞ ﺑﺲ ﺗﺮﺍﻋﻴﻦ ﺑﻴﻬﺎ ﺷﻨﻬﻲ ﺍﻷﺣﺒﻪ ﻭﺍﻻﻛﺮﻫﺎ ﺍﻧﺘﻲ ﺗﻌﺮﻓﻴﻨﻲ ﻉ ﻫﺎﻷﺳﺎﺱ ﺩﻭﺭﻳﻠﻲ
ﻭﺍﻧﻪ ﻫﻢ ﺍﺳﻮﻳﻬﺎ ﺳﻜﺘﻪ ﻭﺑﻌﺪ ﺳﻨﻮﻳﺔ ﺟﺪﻱ ﺍﺗﺰﻭﺝ
ﺍﻧﻲ ﻣﻦ ﺳﻤﻌﺖ ﻫﻴﺞ ﮔﺎﻝ ﺍﺣﺲ ﺻﻌﻘﺔ ﻛﻬﺮﺑﺎﺀ ﺑﺠﺴﻤﻲ ﺑﺲ ﺿﻠﻴﺖ ﺍﻗﺮﻩ ﺍﻳﺎﺕ ﺍﺭﻳﺪ ﺍﻫﺪﺃ ﻣﺎﺍﺭﻳﺪ ﺍﻟﻨﻮﺑﻪ ﺗﺠﻴﻨﻲ ﻓﺪﻭﻩ ﺭﺑﻲ ﺑﻌﺪ ﻣﺎﺍﺳﺘﻜﺮﻳﺖ ﻉ ﺍﻟﻌﻼﺝ ﺍﻟﺘﺠﺄﺕ ﻭﻳﺎﻩ ﻟﻠﻘﺮﺀﺍﻥ ﻭﺍﺷﻮﻑ ﺍﻟﻨﺘﻴﺠﻪ ﺍﺣﺴﻦ ﺑﻘﻴﺖ ﻣﺤﺎﻓﻈﻪ ﻋﻠﻰ ﻫﺪﻭﺋﻲ ﻭﺍﺣﺲ ﻧﺎﺭ ﺑﻴﻪ
ﺣﺴﻴﺘﻪ ﮔﺎﻡ ﮔﺎﻝ ﻳﻠﻠﻪ ﺍﺧﺬﻭﻭ ﺭﺍﺣﺘﻜﻢ
ﺍﺭﻳﺪ ﺍﺳﺘﻮﻋﺐ ﺍﻟﮕﺎﻟﻪ ﻭﺷﻔﺖ ﻋﻤﺘﻲ ﻓﺮﺣﺎﻧﻪ ﻭﺑﻴﺒﻴﺘﻲ ﻭﺍﻟﺒﻨﺎﺕ ﻓﺮﺣﺘﻬﻢ ﻣﻮ ﻃﺒﻴﻌﻴﻪ ﺍﻟﻜﻞ ﻳﮕﻮﻝ ﻳﺎﺍﻟﻠﻪ ﻭﺍﺧﻴﺮﺍ ﺍﻟﻠﻪ ﻫﺪﺍﻩ
ﻭﻋﻤﺘﻲ ﭼﻨﻬﺎ ﻣﻤﺼﺪﮔﻪ ﺟﺮﺕ ﺍﻟﺘﻠﻴﻔﻮﻥ ﻭﺧﺎﺑﺮﺕ ﻋﻤﺎﺗﻲ ﺗﺒﺸﺮﻫﻦ ﻭﺗﺮﻳﺪﻫﻦ ﻳﺪﻭﺭﻥ ﻭﻳﺎﻫﺖ ﻭﻫﻨﻪ ﻫﻢ ﻣﺎﺻﺪﮔﻦ
ﺍﺣﺲ ﻧﺎﺭ ﺑﻴﻪ
ﮔﻤﺖ ﻭﺭﺍﻩ ﻭﺩﮔﻴﺖ ﺑﺎﺏ ﻏﺮﻓﺘﻪ ﺳﻤﻌﺖ ﺻﻮﺗﻪ ﻓﻮﺕ
ﭼﺎﻥ ﻣﺨﻠﻲ ﺍﻳﺪﻩ ﺟﻮﻩ ﺭﺍﺳﻪ ﻭﻣﺘﻤﺪﺩ ﻣﺨﻠﻲ ﺭﺟﻞ ﻋﻠﻰ ﺭﺟﻞ ﻻﺑﺲ ﺗﺮﺍﻙ ﻟﻮﻥ ﺑﻴﺠﻲ ﻭﺟﻮﺯﻱ ﻣﻦ ﺷﺎﻓﻨﻲ ﺑﻘﻪ ﻋﻠﻰ ﻧﻮﻣﺘﻪ
.. ﺧﻴﺮ ﻋﻠﻴﺎﺀ ﺭﺍﻳﺪﻩ ﺷﻲ
.. ﺍﻧﺖ ﻣﻮ ﻧﺎﻫﻲ ﻋﻠﻴﻪ ﻟﻴﺶ ﺗﺨﻠﻴﻬﻢ ﻳﺠﻮﻥ ﻭﻳﺨﻄﺒﻮﻧﻲ
.. ﻣﺎﻧﺎﻫﻲ ﺍﻧﻪ ﺍﻧﺘﻲ ﺣﺮﻩ ﺑﻴﺶ ﺍﻃﻠﺒﭻ ﻭﺍﻧﻬﻲ ﻋﻠﻴﺞ ﺍﻧﻪ ﻫﻢ ﻣﺎﺍﺭﻳﺪ ﺍﻇﻠﻢ ﺑﺨﺘﻲ ﻭﻳﺎﺝ ﺍﻟﻠﻪ ﻳﻬﻨﻴﺞ ﻭﻳﺴﻌﺪﺝ
.. ﺑﺲ ﺍﻧﻪ ﻣﺎﺍﺭﻳﺪﻩ ﻣﺎﺍﺭﻳﺪ ﺍﺗﺰﻭﺝ
.. ﻣﺎﻣﺠﺒﻮﺭﻩ ﺣﺒﻴﺒﻪ ﺭﻓﻀﻲ ﻳﻮﻟﻲ ﻟﻴﺶ ﺿﺎﻳﺠﻪ
.. ﺟﺎﻥ ﻳﺠﺎﻭﺑﻨﻲ ﺍﺑﺮﻭﺩ ﺩﻣﺮ ﺍﻋﺼﺎﺑﻲ
.. ﻳﻌﻨﻲ ﻫﺴﻪ ﺍﻧﺖ ﻣﺎﻧﺎﻫﻲ ﻋﻠﻴﻪ
.. ﻻ
.. ﺑﺲ ﺍﻧﻲ ﻣﺎﺍﺭﺿﻪ ﺍﻧﺖ ﺗﺨﻄﺐ ﺍﻧﻲ ﻫﻢ ﻣﻦ ﺣﻘﻲ ﺍﻧﻬﻲ ﻋﻠﻴﻚ ﻣﻮ ﺻﺢ ﻣﻮ ﺍﻧﺖ ﺍﺑﻦ ﻋﻤﻲ ﺍﻧﻲ ﻫﻢ ﺣﺎﻟﻲ ﺣﺎﻟﻚ ﻫﺎﻱ ﻋﺎﺩﺍﺗﻜﻢ ﻣﻮﻭ
ﺣﺴﻴﺘﻪ ﻣﺘﻔﺎﺟﺄ ﻭﺿﺤﻚ ﺑﺼﻮﺕ ﻋﺎﻟﻲ
.. ﺗﻨﻬﻴﻦ ﻋﻠﻴﻤﻦ
.. ﻋﻠﻴﻚ ﺍﻧﺖ
.. ﮔﻤﺖ ﺍﺗﻘﺮﺑﺖ ﺍﻟﻬﺎ ﻭﻫﻴﻪ ﺗﺮﺟﻊ ﭼﺎﻥ ﺍﻟﺒﺎﺏ ﻭﺭﺍﻫﺎ ﻣﺮﺩﻭﺩ ﻛﻞ ﻣﺎﺍﺗﻘﺮﺏ ﺗﺮﺟﻊ ﺍﻟﺤﺪ ﻣﺎﺍﻧﻄﺒﮓ ﺍﻟﺒﺎﺏ ﺍﺑﺘﺴﻤﺘﻠﻬﺎ
.. ﻛﺪﻫﺎ ﺍﻧﺘﻲ ﻧﻬﻮﺗﭻ
.. ﻛﺎﻣﺖ ﻋﻴﻮﻧﻲ ﺗﺮﻣﺶ ﻭﺍﻧﻲ ﺍﺷﻮﻓﻪ ﻳﻘﺮﺏ ﻋﻠﻴﻪ ﻭﻋﻴﻨﻪ ﻋﻠﻰ ﺷﻔﺎﻓﻲ ﻣﺎﺍﻋﺮﻑ ﻳﺮﻳﺪ ﻳﺮﺍﻗﺐ ﺍﻧﻪ ﺷﺤﭽﻲ ﻟﻮ ﻧﻴﺘﻪ ﺟﺎﻧﺖ ﻏﻴﺮ ﮔﺘﻠﻪ ﺍﻱ ﻛﺪﻫﺎ
.. ﻭﻟﭻ ﻣﺤﺪ ﻣﺴﻮﻳﻬﺎ ﮔﺒﻠﭻ
.. ﻳﻌﻨﻲ ﺑﺲ ﺍﻧﺘﻮ ﺣﻼﻝ ﻋﻠﻴﻜﻢ
.. ﻟﺤﺪ ﻳﺴﻤﻊ ﻭﻟﭻ ﻣﺎﺻﺎﻳﺮﻩ ﻫﺎﻱ ﻋﻴﺐ
.. ﻻ ﻣﻮ ﻋﻴﺐ ﺍﻧﻪ ﺍﺭﻳﺪﻙ
.. ﻭﺗﻨﻬﻴﻦ ﻋﻠﻴﻪ
.. ﻣﺎﻛﻮ ﻏﻴﺮ ﺣﻞ
.. ﻭﻫﺴﻪ ﺍﻧﻪ ﻣﻨﻬﻲ ﻳﻌﻨﻲ
.. ﺍﻱ
.. ﺟﺎ ﺧﻮﺵ ﺷﺘﺮﺩﻳﻦ ﺣﺘﻪ ﺗﻔﻜﻴﻨﻲ
.. ﺍﺗﻘﺮﺑﻠﻲ ﻭﺻﺎﺭ ﻗﺮﻳﺐ ﻋﻠﻴﻪ ﻏﻤﻀﺖ ﻋﻴﻨﻲ .. ﻣﺎ ﻣﺎ ﻣﺎﺍﺭﻳﺪ ﺷﻲ ﺍﺭﻳﺪﻙ ﺍﻧﺖ
.. ﺍﺑﺘﺴﻤﺖ ﺍﻟﻬﺎ ﺍﺧﺬﻳﻨﻲ ﻣﮕﺒﻊ .. ﻭﺑﺴﺮﻋﻪ ﺭﻭﺣﻲ ﻣﻦ ﻳﻤﻲ
🔹🔸🥇🔹🔸
ﻃﻠﻌﺖ ﻣﻦ ﺍﻟﻐﺮﻓﻪ
ﻭﺍﻧﻪ ﺍﺣﺴﺎﺳﻲ ﻏﻴﺮ ﺿﻠﻴﺖ ﺍﺿﺤﻚ ﺑﺪﻭﻥ ﻭﻋﻲ
ﺧﻮﺵ ﻭﺍﻟﻠﻪ ﻫﺎﻱ ﺗﺎﻟﻴﺘﻲ ﻣﻨﻬﻲ ﻋﻠﻴﻪ ﺑﺲ ﺍﺣﻠﻰ ﻧﻬﻮﻩ
ﺍﻧﻪ ﻟﻮ ﺍﺩﺭﻱ ﺑﺨﻄﻮﺑﺘﻲ ﻫﻴﭻ ﺗﺄﺛﺮ ﻋﻠﻴﻬﺎ ﻭﺗﻐﺎﺭ ﻋﻠﻴﻪ ﭼﺎﻥ ﻣﻦ ﺯﻣﺎﻥ ﮔﻠﺖ ﺍﻷﻣﻲ ﺿﻠﺖ ﻣﻼﻣﺤﻬﺎ ﮔﺒﺎﻟﻲ ﻣﺎﻓﺎﺭﮔﺖ ﺧﻴﺎﻟﻲ ﺷﻠﻮﻥ ﺗﺤﭽﻲ ﻭﻫﻴﻪ ﻣﺮﺗﺒﻜﻪ ﻭﻣﻦ ﻏﻤﻀﺖ ﻋﻴﻨﻬﺎ ﻛﻮﻩ ﻟﺰﻣﺖ ﺭﻭﺣﻲ ﻋﻨﻬﺎ
ﺑﺲ ﻭﺍﻟﻠﻪ ﺣﻠﻮﻩ ﺧﻮﺵ ﻃﻠﻌﻪ ﻣﻨﻬﺎ ﺍﻧﻪ ﺍﻛﺮﻩ ﺍﻟﻨﻬﻮﻩ ﻉ ﺍﻟﻨﺴﻮﺍﻥ ﺗﺎﻟﻴﺘﻲ ﻣﻨﻬﻲ ﻋﻠﻴﻪ ﺿﺤﻜﺖ
ﺭﺩﺕ ﺍﺗﺴﻠﻪ ﺑﻴﻬﺎ ﻋﺮﻓﺘﻬﺎ ﺍﻟﺴﻮﺗﻪ ﺑﺪﻭﻥ ﻭﻋﻲ ﺑﺲ ﻃﺎﻟﻊ ﻣﻦ ﮔﻠﺒﻬﺎ
ﻭﺩﻳﺘﻠﻬﺎ ﺭﺳﺎﻟﻪ
.. ﺑﺎﻟﻠﻪ ﻋﻠﻴﭻ ﻣﺎﺧﻔﺘﻲ ﺍﻟﻠﻪ ﺷﻔﺘﻴﻨﻲ ﻭﺣﻴﺪ ﻭﻳﺘﻴﻢ ﻭﺗﻨﻬﻴﻦ ﻋﻠﻴﻪ ﻣﺎﺗﺨﺎﻓﻴﻦ ﺭﺑﺞ ﻣﺎﻋﻨﺪﺝ ﺍﺧﻮﺍﻥ ﺗﺨﺎﻓﻴﻦ ﺍﻟﻠﻪ ﺑﻴﻬﻢ
ﻭﺻﻠﺘﻬﺎ ﺍﻟﺮﺳﺎﻟﻪ ﻭﻣﺎﻛﻮ ﺭﺩ ﺍﺗﺼﻠﺖ ﻋﻠﻴﻬﺎ ﻟﮕﻴﺘﻬﺎ ﻏﺎﻟﻘﻪ ﺍﻟﺠﻬﺎﺯ
ﺿﺤﻜﺖ ﺳﻬﻠﻪ ﻫﺎﻱ ﻭﻳﻦ ﺗﺮﺣﻴﻦ ﺍﻃﻴﺮﻳﻦ ﻫﻢ ﺗﺤﻄﻴﻦ ﻭﺗﺮﺟﻌﻴﻠﻲ
ﺑﺬﺍﻙ ﺍﻟﻴﻮﻡ ﺳﻌﺎﺩﺗﻲ ﻣﺎﺍﻟﻬﺎ ﻭﺻﻒ ﻭﺣﺘﻪ ﺍﻟﻨﻮﻡ ﻃﺎﺭ ﻣﻦ ﻋﻴﻨﻲ ﻋﻔﻴﻪ ﻋﻴﻮﻥ ﺗﺘﺤﺠﺞ ﻉ ﺍﻟﻨﻮﻡ ﺣﺠﻪ ﺑﻀﻮﺟﺘﻲ ﻣﺎﻳﻐﻤﻀﻦ ﻭﺑﻔﺮﺣﺘﻲ ﻣﺎﻳﻐﻤﻀﻦ
ﺗﻤﺪﺩﺕ ﻭﺍﻧﻪ ﺍﻓﻜﺮ ﺷﺮﺍﺡ ﺍﮔﻠﻠﻬﻢ ﻣﺎﻳﺮﺍﺩﻟﻬﺎ ﺗﻔﻜﻴﺮ ﺍﺑﻠﻎ ﺍﻣﻲ ﺗﻨﻄﻲ ﺧﺒﺮ ﺍﻟﺒﻴﺖ ﺍﺑﻮ ﻣﻨﺬﺭ ﻣﺎﻟﻬﻢ ﻧﺼﻴﺐ ﻋﺪﻧﻪ ﻭﺗﻠﻐﻲ ﻣﻮﺿﻮﻉ ﺧﻄﻮﺑﺘﻲ ﻣﻦ ﺑﺎﭼﺮ ﺍﺑﻠﻐﻬﺎ
ﻭﻋﻤﺎﻣﻲ ﺍﺣﭽﻴﻠﻬﻢ ﻛﻠﺸﻲ
ﺍﻛﻴﺪ ﺭﺍﺡ ﻳﮕﻠﻮﻟﻲ ﻣﻄﻠﮕﻪ ﻭﻣﻦ ﻫﺎﻟﺴﻮﺍﻟﻒ ﻋﺎﺩﻱ ﻭﺍﺫﺍ ﻣﻄﻠﮕﻪ ﻳﻌﻨﻲ ﺑﺖ ﻋﻤﻲ ﻋﻠﻰ ﮔﻮﻟﺘﻬﺎ ﻫﻴﻪ ﺍﻭﻟﻰ ﺑﻴﻪ ﻛﻞ ﺷﻮﻳﻪ ﺍﺗﺬﻛﺮ ﻧﻬﻮﺗﻬﺎ ﻭﺍﺿﺤﻚ
ﻋﻠﻴﺎﺀ ..
ﻃﻠﻌﺖ ﻣﻦ ﻏﺮﻓﺘﻪ ﻳﻠﻠﻪ ﻭﻋﻴﺖ ﻋﻠﻰ ﻧﻔﺴﻲ
ﻋﺰﻩ ﺑﻌﻴﻨﻲ ﺷﺴﻮﻳﺖ ﺍﻧﻲ ﻭﻳﻦ ﻓﻜﺮﻱ ﺍﻷﺩﻭﻳﻪ ﺧﺮﺑﺖ ﻣﺨﻲ
ﻃﺒﮕﺖ ﺑﺎﺏ ﻏﺮﻓﺘﻲ ﻭﺿﻠﻴﺖ ﺍﺿﺮﺏ ﻋﻠﻰ ﻭﺟﻬﻲ ﻋﺰﻩ ﻋﺰﻩ ﺷﻨﻮ ﻫﺎﻱ ﺷﺴﻮﻳﺖ ﺍﻧﻲ ﺍﺑﺘﺴﻤﺖ ﻣﻦ ﺗﺬﻛﺮﺕ ﺍﺑﺘﺴﺎﻣﺘﻪ ﺍﻱ ﺑﺲ ﻫﻮﻩ ﮔﺎﻝ ﺍﺧﺬﻳﻨﻲ ﻣﮕﺒﻊ ﺷﻨﻮ ﻳﻌﻨﻲ ﻳﻀﺤﻚ ﻋﻠﻴﻪ ﻟﻮ ﻭﺍﻓﻖ
ﻛﻠﺸﻲ ﻣﺎﻓﻬﻤﺖ ﻣﻨﻪ ﺍﻧﻲ ﺍﺣﺲ ﺭﻭﺣﻲ ﺭﺍﻳﺤﻪ ﻭﻫﻮﻩ ﺑﺎﺭﺩ ﻳﺎﺭﺑﻲ ﺷﻨﻮ ﻫﺎﻟﺒﺮﻭﺩ ﺍﻟﻌﻨﺪﻩ
ﺷﻮﻳﻪ ﻭﺍﺟﺎﻧﻲ ﻣﻨﻪ ﻣﺴﺞ
ﻣﻦ ﻗﺮﻳﺘﻪ ﺿﺤﻜﺖ ﻣﻦ ﮔﻠﺒﻲ ﺑﺲ ﺑﻘﻴﺖ ﺧﺠﻼﻧﻪ ﺑﻌﺪ ﻭﻻ ﺍﺷﻮﻓﻪ ﻭﺟﻬﻲ
ﺍﺟﺖ ﺍﻓﻴﺎﺀ ﮔﺎﻟﺖ ﺷﺒﻴﭻ
.. ﻣﺎﺑﻴﻪ ﺷﻲ ﻟﻴﺶ
.. ﻣﺎﺍﻋﺮﻑ ﻭﺟﻬﺞ ﺍﺣﻤﺮ ﻭﺗﺼﻔﻨﻴﻦ ﺷﻜﻮﻭ
.. ﻟﭻ ﺳﻮﻳﺘﻠﻲ ﻣﺼﻴﺒﻪ ﺑﺲ ﻣﺎﺍﺭﻳﺪ ﻏﻴﺮﺝ ﻳﻌﺮﻑ
.. ﻋﺰﻩ ﺷﻜﻮ ﻟﺞ ﺷﺴﻮﻳﺘﻲ
.. ﺭﺣﺖ ﺍﻟﻌﻠﻲ ﻭﻧﻬﻴﺖ ﻋﻠﻴﻪ
.. ﻫﺎﺍ ﺷﻨﻮﻭ ﺷﮕﻠﺘﻲ
.. ﺍﻱ ﻭﺍﻟﻠﻪ ﺷﺒﻴﺞ
.. ﻟﭻ ﺍﻧﺘﻲ ﺗﺸﺎﻗﻴﻦ ﻟﻮ ﺷﻨﻮ
.. ﻻ ﻭﺍﻟﻠﻪ
.. ﻳﺎﺍ ﺧﺒﻠﻪ ﺍﻧﺘﻲ ﻭﺷﻨﻮ ﮔﺎﻟﺞ
.. ﮔﺎﻝ ﺍﺧﺬﻳﻨﻲ ﻣﮕﺒﻊ
.. ﻫﻬﻬﻬﻬﻪ ﻫﻬﻬﻬﻪ ﻋﻠﻴﺞ ﺍﻟﻨﺒﻲ ﺻﺪﻙ ﺗﺤﺠﻴﻦ
.. ﺍﻱ ﺷﺠﻠﺒﺘﻲ
.. ﻟﺞ ﺷﻠﻮﻥ ﺗﺠﺮﺃﺗﻲ
.. ﻣﺎﺍﻋﺮﻑ ﺑﺲ ﺍﻧﻲ ﻣﺎﺍﺭﻳﺪ ﻣﻨﺬﺭ ﻭﻣﻦ ﻫﻮﻩ ﺭﺍﺩ ﻳﺨﻄﺐ ﺿﺠﺖ ﻫﻮﻩ ﻏﻴﺮ ﺭﺍﻳﺪﻧﻲ ﻟﻴﺶ ﻳﺮﻭﺡ ﺍﻟﻐﻴﺮﻱ
ﻫﻮﻩ ﻣﻦ ﺭﺣﻨﻪ ﻟﻠﻜﻠﻴﻪ ﻧﺠﻴﺐ ﺍﻟﻨﻘﻞ ﺭ ﻳﺴﻤﻊ ﺭﺩﻱ ﻭﺍﻧﻲ ﺭﻓﻀﺖ ﺑﺲ ﺑﻌﺪﻳﻦ ﺗﻨﺪﻣﺖ ﺻﺢ ﻫﻮﻩ ﻣﺎﺍﻫﺘﻢ ﻭﻳﺠﻮﺯ ﻣﺎﺭﺍﻳﺪﻧﻲ ﻣﻦ ﺻﺪﮒ ﺑﺲ ﻣﺎﺍﺗﺤﻤﻞ ﻳﺮﻭﺡ ﺍﻟﻐﻴﺮﻱ
.. ﻭﺍﻧﺘﻲ ﻳﺎﻟﻌﻮﺑﻪ ﻟﻴﺶ ﺭﻓﻀﺘﻲ ﻣﻦ ﺍﻭﻝ ﻣﺮﻩ ﻭﺍﻭﺍﻓﻖ ﻣﻮ ﮔﺘﻠﺞ ﻣﺘﻠﮕﻴﻦ ﺍﺣﺴﻦ ﻣﻨﻪ
.. ﺿﺠﺖ ﻷﻥ ﮔﺎﻝ ﻣﻨﻬﻴﻪ ﺷﻨﻮ ﻳﻨﻬﻲ ﻋﻠﻴﻪ
.. ﻋﺰﻩ ﺑﻌﻴﻨﭻ ﺿﺠﺘﻲ ﻣﻦ ﻧﻬﻮﺗﻪ ﺗﺮﺣﻴﻦ ﺍﻧﺘﻲ ﺗﻨﻬﻴﻦ
.. ﺍﻭﻭ ﻟﺘﻠﻮﻣﻴﻨﻲ ﺍﻧﻲ ﺍﺿﻄﺮﻳﺖ
.. ﻟﺞ ﻳﺎﻟﻌﻮﺑﻪ ﺍﻟﺮﺟﺎﻝ ﻣﻴﻨﻬﻲ ﻋﻠﻴﻪ ﻣﺎﻛﻮ ﻫﻴﺞ ﻗﺎﻧﻮﻥ
.. ﺍﻟﻠﻪ ﻋﻠﻴﺞ ﻟﻴﺶ ﻋﻮﺩ ﻫﻤﻪ ﻭﺣﺪ
.. ﻫﻨﻴﺎﻟﻲ ﺍﻱ ﻭﺍﻟﻠﻪ ﺑﺲ ﻻﻣﺼﺪﮔﻪ ﻧﻔﺴﺞ ﻧﻬﻮﺗﺞ ﻣﺎﺷﻴﻪ
.. ﻳﻌﻨﻲ ﻫﺴﻪ ﻳﮕﺪﺭ ﻳﺘﺰﻭﺝ ﺍﻧﻲ ﻣﺎﻟﻲ ﺣﻖ
.. ﺍﻧﺘﻲ ﺧﺒﻠﻪ ﺷﺒﻴﺞ ﻋﻠﻴﺎﺀ ﻣﺎﻛﻮ ﺭﺟﺎﻝ ﻳﻨﻬﻲ ﻋﻠﻲ ﻭﺧﺎﺻﺘﺎ ﻋﻠﻲ ﺍﻻ ﺍﺫﺍ ﻫﻮﻩ ﺭﺍﻳﺪﺝ ﺻﺪﻙ ﺭﺍﺡ ﻳﺘﺮﻙ ﺍﻟﺨﻄﻮﺑﻪ
.. ﺷﻨﻮ ﻫﺎﻟﻘﻮﺍﻧﻴﻦ ﺍﻟﻈﺎﻟﻤﻪ ﺑﺲ ﻋﻠﻴﻨﻪ ﻳﻌﻨﻲ ﻳﻌﻨﻲ ﻫﺎﻱ ﺍﻟﻔﺸﻠﻪ ﻛﻠﻬﺎ ﻭﺍﻟﺴﻮﻳﺘﻪ ﺑﺪﻭﻥ ﺗﻔﻜﻴﺮ ﻣﺎﺑﻲ ﻧﺘﻴﺠﻪ ﺩﻭﻟﻲ ﻋﻨﻲ
.. ﻫﻬﻬﻬﻬﻪ ﻣﺴﻜﻴﻨﻪ ﺍﺧﺘﻲ ﺛﺎﺭﻳﺞ ﻭﺍﮔﻌﻪ ﺑﺎﻟﺤﺐ ﻭﻣﺴﻮﻳﻪ ﻧﻔﺴﺞ ﺑﺮﻳﺌﻪ
.. ﺍﻧﻲ ﻫﻢ ﻣﺎﺍﻋﺮﻑ ﺑﻨﻔﺴﻲ ﻫﻴﺞ ﺣﺒﻴﺘﻪ ﺑﺲ ﻭﺍﻟﻠﻪ ﺷﻜﻠﻪ ﻫﻮﻩ ﻣﺒﻴﻴﻦ ﻓﺮﺣﺎﻥ ﺑﺲ ﭼﺎﻥ ﻳﻀﺤﻚ ﺑﺲ ﻻﻳﻀﺤﻚ ﻋﻠﻴﻪ
.. ﻫﻬﻬﻬﻬﻪ ﻭﺍﻟﻠﻪ ﺍﻟﺼﺮﺍﺣﻪ ﺷﻐﻠﺘﺞ ﺗﻀﺤﻚ ﺧﻞ ﺍﺭﻭﺡ ﺍﻧﻲ ﺍﻟﺤﺐ ﺟﺎﻱ ﻳﺘﺼﻞ ﻋﻠﻴﻪ
.. ﺭﻭﺣﻲ ﻭﺳﻠﻤﻴﻠﻲ ﻋﻠﻴﻪ
.. ﻳﻮﺻﻞ
🔹🔸🥇🔹🔸
ﻃﻠﻌﺖ ﺍﻓﻴﺎﺀ ﻭﺍﻧﻲ ﺣﺮﺕ ﺑﺄﻣﺮﻱ ﻭﺍﻟﻬﺴﻪ ﻣﺎﺍﻋﺮﻑ ﺷﻠﻮﻥ ﺳﻮﻳﺘﻬﺎ ﺑﺲ ﻳﻠﻠﻪ ﻣﻮ ﻫﻮﻩ ﻛﻞ ﺷﻮﻳﻪ ﻭﮔﻠﻲ ﺻﻴﺮﻱ ﻗﻮﻳﻪ ﺻﺮﺕ ﻭﺣﺠﻴﺖ ﺧﻞ ﻧﺸﻮﻑ ﺗﺎﻟﻴﻬﺎ ﻭﺍﻟﻠﻪ ﺍﺫﺍ ﺧﻄﺐ ﻏﻴﺮﻱ ﻫﺎﻟﻤﺮﻩ ﺍﺣﭽﻴﻬﺎ ﮔﺪﺍﻡ ﺍﻟﻜﻞ
ﺍﻱ ﺣﺘﻪ ﻟﻮ ﮔﺎﻟﻮﻭ ﻣﺠﻨﻮﻧﻪ ﻫﻮﻩ ﺷﺒﺎﻗﻲ ﺑﻴﻪ ﺍﻟﺼﺮﻉ ﺍﻛﻮ ﻧﺎﺱ ﻳﻌﺘﺒﺮﻭﻩ ﺟﻨﻮﻥ ﺧﻞ ﻳﮕﻠﻮﻥ ﻣﺠﻨﻮﻧﻪ ﺍﻫﻢ ﺷﻲ ﻣﺎﺍﺷﻮﻑ ﻭﺣﺪﻩ ﺗﺼﻴﺮ ﺍﻟﻪ
ﺑﻴﻮﻣﻬﺎ ﻣﻦ ﺍﻟﺘﻔﻜﻴﺮ ﻣﺎﺍﻋﺮﻑ ﺷﻠﻮﻥ ﻧﻤﺖ
ﺛﺎﻧﻲ ﻳﻮﻡ ﺍﻟﺼﺒﺢ ﺧﻠﻴﺘﻪ ﻳﻄﻠﻊ ﻳﻠﻠﻪ ﻃﻠﻌﺖ
ﺍﺷﻮﻑ ﺍﻟﻮﺟﻮﻩ ﻣﺘﺘﻔﺴﺮ ﻭﻫﺬﻱ ﺍﻓﻴﺎﺀ ﺍﻟﻌﻮﺑﻪ ﻧﺎﻳﻤﻪ ﺑﻴﻮﻣﻬﺎ ﻋﻄﻠﻪ ﻭﺍﻛﻴﺪ ﺑﻘﺖ ﺗﺤﺠﻲ ﻭﻱ ﺭﺍﻓﻊ ﻟﻠﺼﺒﺢ ﻟﻮ ﺍﻋﺮﻑ ﺷﻴﺤﭽﻮﻥ ﺟﺎﻥ ﺍﺭﺗﺎﺣﻴﺖ
ﺍﻟﻔﻀﻮﻝ ﺫﺑﺤﻨﻲ ﻋﻤﺘﻲ ﺷﺒﻴﻬﺎ ﻭﺑﻴﺒﻲ ﺗﺤﺠﻲ ﻭﻱ ﻧﻔﺴﻬﺎ ﻭﺗﮕﻮﻝ ﻫﺬﺍ ﻭﻻﻳﻨﻌﺮﻑ ﻭﻻﻳﺘﻔﺴﺮ ﻋﻠﻴﻤﻦ ﻫﻴﺞ ﻃﻠﻊ ﻏﻤﻴﺞ ﮔﻠﺖ ﺑﮕﻠﺒﻲ ﺑﻴﺮ ﺷﻨﻮﻭ
ﻏﻤﻴﺞ ﻳﻤﻜﻦ ﺗﻘﺼﺪ ﻏﺎﻣﺾ ﺑﺲ ﻣﻨﻮ ﻫﺬﺍ
ﺧﻞ ﺍﺣﻴﺮ ﺑﻨﻔﺴﻲ ﺍﺣﺲ ﻛﻠﻬﻢ ﻳﻌﺮﻓﻮﻥ ﺑﺎﻟﺴﻮﻳﺘﻪ
ﻋﻤﺘﻲ ﺍﻧﺘﻈﺮﺗﻨﻲ ﺍﻛﻤﻞ ﺭﻳﻮﮒ
ﮔﺎﻟﺖ ﻋﻤﻪ ﺍﻧﺘﻲ ﻣﻨﺬﺭ ﺭﺍﻳﺪﺗﻪ ﻣﻘﺘﻨﻌﻪ ﺑﻲ ﺧﺎﻑ ﺍﺷﻴﻞ ﺧﻄﻴﺘﭻ ﺍﺫﺍ ﺭﺩﻳﺘﻠﻬﻢ ﺑﻌﺪﻧﻲ ﻣﺎﻣﺠﺎﻭﺑﺘﻬﺎ ﮔﺎﻟﺖ ﻫﺬﺍ ﻋﻠﻲ ﺻﺒﺢ ﺍﻟﺼﺒﺢ ﻣﺪﺭﻱ ﺷﺠﺮﺍﻟﻪ ﻣﺪﺭﻱ ﺣﻠﻤﺎﻥ ﻣﺪﺭﻱ ﺷﺴﺎﻣﻊ ﻭﻫﻮﻩ ﻳﻌﺪﻝ ﭼﻤﺎﻏﻪ ﺻﺎﺣﻨﻲ ﺍﺭﺩﻟﻬﻢ ﺧﺒﺮ ﻣﺎﻟﻬﻢ ﻧﺼﻴﺐ ﻳﻤﻨﻪ ﻭﺍﻟﻤﺼﻴﺒﻪ ﺍﻟﺒﺎﺭﺣﻪ ﺍﻧﻲ ﻓﺮﺣﺖ ﻭﻃﺸﻴﺖ ﺍﻟﺨﺒﺮ ﻣﺎﺧﻠﻴﺘﻪ ﺑﻴﻨﻲ ﻭﺑﻴﻨﻪ ﻟﻤﻦ ﺟﺒﺘﻠﻪ ﺍﻟﻌﻴﻦ ﺍﻟﻴﻮﻡ ﻳﻜﻠﻲ ﺷﻴﻠﻲ ﺧﻄﻮﺑﺘﻲ ﻣﻦ ﺑﺎﻟﺞ ﻣﺎﺍﺭﻳﺪﺝ ﺍﺩﻭﺭﻳﻦ ﺷﺒﻲ ﻣﺎﺍﺩﺭﻱ ﻻﻫﻮﻩ ﻣﺘﺤﺮﻙ ﻭﺷﺎﻳﻒ ﺭﻭﺣﻪ ﺍﻟﺒﻌﻤﺮﻩ ﺟﻬﺎﻟﻬﻢ ﺑﺎﻟﻤﺪﺍﺭﺱ ﺫﺍﻙ ﺍﺣﻤﺪ ﺍﺑﻦ ﻋﻤﻪ ﺧﻴﺮ ﻣﻦ ﺍﻟﻠﻪ ﺭﺑﻲ ﻳﺤﻔﻈﻬﻢ ﺧﻼﻧﻲ ﺑﺤﻴﺮﺗﻲ ﻋﻠﻲ ﻓﻮﻙ ﻗﻬﺮﻱ ﻗﻬﺮﻩ ﻭﻛﻞ ﻫﺬﺍ ﻓﻮﻛﺎﻫﺎ ﺍﻧﺘﻲ ﻫﻢ ﻭﮔﻒ ﺑﻨﺼﻴﺒﺞ
ﺟﺎﻧﺖ ﻭﺍﻛﻔﻪ ﻉ ﺍﻟﻄﺒﺎﺥ ﻭﺗﺤﺠﻲ ﻭﻣﺒﻴﻴﻦ ﻣﻘﻬﻮﺭﻩ
ﺍﻧﻲ ﻓﺮﺣﺖ ﻣﻦ ﻋﺮﻓﺖ ﻣﻌﻨﺎﻫﺎ ﺍﻛﻮ ﺍﻣﻞ ﻭﻫﻮﻩ ﻫﻢ ﺭﺍﻳﺪﻧﻲ ﺑﺲ ﺗﻼﺣﮕﺖ ﻧﻔﺴﻲ ﻛﺘﻠﻬﺎ ﻻﻋﻤﻪ ﺍﻧﻲ ﻓﻜﺮﺕ ﺯﻳﻦ ﻭﻃﻠﺒﺘﻪ ﻳﺴﺎﻋﺪﻧﻲ ﺣﺘﻪ ﺍﺭﻓﺾ ﻣﻨﺬﺭ ﻷﻥ ﻋﻤﺎﻣﻲ ﺟﻨﻪ ﻋﺎﺟﺒﻬﻢ ﻭﺍﺳﺘﺤﻴﺖ ﻣﻨﻬﻢ
.. ﺻﺪﮒ ﻋﻤﻪ ﻟﻮ ﺗﺸﺎﻗﻴﻦ
.. ﻻﻋﻤﻪ ﻭﺍﻟﻠﻪ ﺍﻧﻲ ﻣﺎﺭﺍﻳﺪﻩ ﻣﻨﺬﺭ
.. ﻳﺎﺑﻌﺪ ﻋﻤﺮﻱ ﻓﻜﻴﺘﻴﻨﻲ ﻋﻠﻲ ﻣﺎﺗﻨﻜﺴﺮﻟﻪ ﺣﭽﺎﻳﻪ ﻭﺍﻧﺘﻲ ﻛﺴﺮﺗﻲ ﺧﺎﻃﺮﻱ ﺿﻠﻴﺖ ﺑﺤﻴﺮﻩ
.. ﻓﺪﻭﻩ ﺍﻟﮕﻠﺒﺞ ﻋﻤﻪ ﻻﺗﺤﺘﺎﺭﻳﻦ
.. ﺟﺎﻟﻴﺶ ﻣﺎﮔﻠﺘﻴﻠﻲ
.. ﺍﺩﺭﻱ ﺑﻴﺞ ﺗﺘﻤﻨﻴﻦ ﺍﺳﺘﻘﺮ ﻭﺍﻓﺮﺡ ﺑﺲ ﻣﺎﺭﺍﻳﺪﺗﻪ ﻋﻤﻪ ﮔﻠﺖ ﺑﺲ ﺍﻛﻠﺞ ﺭﺍﺡ ﺗﻘﻨﻌﻴﻨﻲ ﺍﻧﺘﻲ ﻭﺍﻟﺒﻨﺎﺕ
.. ﻻﻋﻤﻪ ﻫﻴﻪ ﻗﺴﻤﻪ ﻭﻧﺼﻴﺒﺞ ﺍﺣﺴﻦ ﺍﻥ ﺷﺎﺀﺍﻟﻠﻪ
.. ﺍﻥ ﺷﺎﺀﺍﻟﻠﻪ .. ﮔﻠﺖ ﺑﮕﻠﺒﻲ ﻳﺎﺭﺏ ﻧﺼﻴﺒﻲ ﺍﺣﺴﻦ ﻭﻣﺎﻛﻮ ﺍﺣﺴﻦ ﺑﺲ ﻋﻠﻲ
ﻋﺎﺩ ﺍﻧﻲ ﻣﻦ ﺣﭽﻴﺖ ﻭﻱ ﻋﻤﺘﻲ ﻣﺎﺍﻋﺮﻑ ﻣﻨﻴﻦ ﺍﺟﺘﻨﻲ ﻫﺎﻻﻋﺬﺍﺭ ﺻﺎﻳﺮﻩ ﺍﺧﻠﻖ ﻣﻮﺍﺿﻴﻊ ﻭﺍﺳﺘﺮﺳﻞ ﺑﻴﻬﺎ ﻭﺍﻟﻠﻪ ﻳﺎﺭﺑﻲ ﻋﻨﺪﻱ ﻗﺪﺭﺍﺕ ﻣﻤﻜﺘﺸﻔﺘﻬﺎ ﺿﺤﻜﺖ ﺑﻮﺟﻪ ﻋﻤﺘﻲ ﻣﺜﻞ ﺍﻟﻬﺒﻠﻪ
.. ﻫﺎ ﻋﻤﻪ ﺷﻮ ﺗﻀﺤﻜﻴﻦ ﺷﺘﺬﻛﺮﺗﻲ
.. ﺍﻧﺘﺒﻬﺖ ﺍﻟﻨﻔﺴﻲ ﻻﻋﻤﻪ ﺑﺲ ﻓﺮﺣﺖ ﻷﻥ ﺍﻧﺘﻮ ﻋﺬﺭﺗﻮﻧﻲ ﻭﻣﺎﺿﻐﻄﺘﻮ ﻋﻠﻴﻪ
.. ﺣﻴﺎﺗﺞ ﻫﺎﻱ ﻋﻤﻪ ﻣﺤﺪ ﻳﻌﻴﺶ ﺑﻤﻜﺎﻧﺞ ﺭﺑﻲ ﻳﻌﻮﺿﺞ ﺧﻴﺮ
ﺑﻬﺬﺍ ﺍﻟﻴﻮﻡ ﺑﻴﺒﻲ ﺑﺲ ﺗﺤﺠﻲ ﻭﺣﺘﻪ ﺑﻌﺪ ﻣﺎﻛﻠﺘﻠﻬﺎ ﻋﻤﺘﻲ ﻋﻠﻴﺎﺀ ﻫﻴﻪ ﺭﺍﻓﻀﻪ ﺿﻠﺖ ﺗﺤﺠﻲ ﻋﻠﻴﻨﻪ ﺍﺛﻨﻴﻨﻪ ﻣﺎﻧﻌﺮﻑ ﻣﺼﻠﺤﺘﻨﻪ ﻭﺍﻛﺜﺮ ﺣﺠﻴﻬﺎ ﻋﻠﻰ ﻋﻠﻲ
ﺻﺎﺭ ﺍﻟﻀﻬﺮ ﻭﻫﻮﻩ ﺍﺟﻪ ﺍﻧﻲ ﺑﻬﺪﻭﺀ ﺍﻧﺴﺤﺒﺖ ﻣﻦ ﻣﻜﺎﻧﻲ ﻭﺭﺣﺖ ﺍﻟﻐﺮﻓﺘﻲ ﺑﺲ ﺍﻟﻤﺸﻜﻠﻪ ﺍﻟﻴﻮﻡ ﺟﺎﻱ ﻣﻦ ﻭﻛﺖ ﻭﻋﻠﻰ ﺍﻟﻐﺪﻩ ﻭﻻﺯﻡ ﺍﻟﻜﻞ ﻳﺤﻀﺮ ﻋﻠﻰ ﻧﻔﺲ ﺍﻟﺴﻔﺮﻩ ﻳﺒﻮﻭ ﻉ ﻫﻴﺞ ﺍﺣﺮﺍﺝ ﺍﻧﻲ ﺍﺳﻮﻱ ﻧﻔﺴﻲ ﺗﻌﺒﺎﻧﻪ
ﺻﺎﺣﻮﻧﻲ ﻛﺘﻠﻬﻢ ﻣﺎﺍﺭﻳﺪ ﺍﺭﻳﺪ ﺍﻧﺎﻡ
ﺑﻘﻴﺖ ﺑﻐﺮﻓﺘﻲ ﺷﻮﻳﻪ ﻭﺍﻧﺪﮔﺖ ﺍﻟﺒﺎﺏ ﻣﺎﺟﺎﻭﺑﺖ ﻓﺘﺤﻬﺎ ﺑﻬﺪﻭﺀ
ﺭﻓﻌﺖ ﺍﻟﻐﻄﻪ ﺷﻔﺘﻪ ﻋﻠﻲ ﻧﻬﻀﺖ ﻣﻦ ﻣﻜﺎﻧﻲ ﻭﺟﺮﻳﺖ ﺷﺎﻟﻲ
ﺍﺑﺘﺴﻤﻠﻲ
.. ﺷﻨﻲ ﺍﻟﻴﻮﻡ ﺻﺎﻳﻤﻪ
.. ﺍﻱ
.. ﻳﺘﻘﺒﻞ ﺍﻟﻠﻪ ﺑﺲ ﮔﺎﻟﺖ ﻋﻤﺘﻲ ﻣﺘﺮﻳﻜﻪ ﻣﺘﺄﺧﺮ
.. ﻳﺒﻮﻭ ﻉ ﺍﻻﺣﺮﺍﺝ ﻛﺘﻠﻪ ﻫﺎﺍ ﻻ ﺍﻗﺼﺪ ﻣﻮ ﺻﺎﻳﻤﻪ ﺑﺲ ﻣﺎﺍﺷﺘﻬﻲ
.. ﺑﺲ ﺍﻧﻪ ﺍﺷﺘﻬﻲ
.. ﮔﺎﻟﻬﺎ ﻭﻋﻴﻮﻧﻪ ﻣﺒﺘﺴﻤﻪ ﻭﻻﺟﻨﻪ ﻧﻔﺴﻪ ﺍﺑﻮ ﺍﻟﻨﻈﺮﺍﺕ ﺍﻟﺤﺎﺩﻩ ﮔﺘﻠﻪ ﺍﻱ ﺭﻭﺡ ﺍﻛﻞ ﺍﻟﻒ ﻋﺎﻓﻴﻪ
.. ﺍﻱ ﻫﻮﻩ ﺍﻧﻪ ﺭﺍﻳﺢ ﺗﻌﺎﻟﻲ ﺍﻧﺘﻲ ﻫﻢ ﺍﻛﻠﻲ
.. ﺍﻧﻪ ﻣﺎﺍﺭﻳﺪ
.. ﺑﺲ ﺍﻧﻪ ﺍﺭﻳﺪ ﻏﻤﺰﺕ ﺍﻟﻬﺎ .. ﻫﻢ ﻧﺎﻫﻴﻪ ﻋﻠﻴﻪ ﻭﻫﻢ ﺗﺘﺨﺘﻠﻴﻦ
.. ﺍﺣﺲ ﻭﺟﻬﻲ ﺻﺎﺭ ﻧﺎﺭ
.. ﺿﺤﻜﺖ ﻛﻮﻣﻲ ﺣﺒﻴﺒﻪ ﺍﺭﻳﺪ ﺍﻛﻞ ﻭﺍﻧﻪ ﻧﻔﺴﻲ ﻣﻔﺘﻮﺣﻪ ﻭﺷﻮﻓﺘﺞ ﺗﻔﺘﺤﻠﻲ ﻧﻔﺴﻲ
.. ﺍﺣﺲ ﮔﻠﺒﻲ ﻳﺮﻳﺪ ﻳﻄﻠﻊ ﺍﻟﺪﮔﻪ ﺻﺎﺭﺕ ﺍﺑﻠﻌﻮﻣﻲ
.. ﺗﺒﻘﻴﻦ ﻫﻴﺞ ﺍﮔﻠﻬﻢ ﻳﻨﻘﻠﻮﻥ ﺍﻟﺴﻔﺮﻩ ﻫﻨﺎ
.. ﻫﺎﺍ ﻻ ﮔﺎﻳﻤﻪ ﮔﺎﻳﻤﻪ ﺧﻔﺖ ﻳﺴﻮﻳﻬﺎ ﺻﺪﮒ ﻭﺍﻧﻔﻀﺢ
.. ﺍﺭﻭﺡ ﺍﻧﻪ ﻣﻮ ﺗﺘﺄﺧﺮﻳﻦ
.. ﻻ ﺍﺟﻴﺖ .. ﻣﻦ ﻃﻠﻊ ﺿﻠﻴﺖ ﺍﻫﻔﻲ ﺍﻟﻮﺟﻬﻲ ﻳﻤﻪ ﺍﺣﺴﻪ ﺻﺎﺭ ﻧﺎﺭ ﺷﺒﻴﻪ ﺍﻧﻲ
ﻃﻠﻌﺖ ﻏﺴﻠﺖ ﻭﺟﻬﻲ ﺑﻤﻲ ﺑﺎﺭﺩ ﻭﺷﻮﻳﻪ ﻭﺭﺣﺖ ﻭﺍﻧﻲ ﺍﺗﻌﺜﺮ ﺷﻠﻮﻥ ﺍﺣﺮﺍﺝ ﺗﻮﻧﻲ ﺍﮔﻮﻝ ﻣﺎﺍﺭﻳﺪ ﺑﺲ ﻫﻴﺞ ﺍﺣﺴﻦ ﻣﻦ ﻣﺎﻳﺮﻭﺡ ﻳﺴﻮﻳﻠﻲ ﺷﻐﻠﻪ
ﺍﻟﻜﻞ ﺗﺎﻛﻞ ﻭﺍﻧﻲ ﺻﺎﻓﻨﻪ ﻓﺰﺯﻧﻲ ﺻﻮﺗﻪ
.. ﻋﻠﻴﺎﺀ ﻣﺪﻱ ﺍﻳﺪﺝ ﺧﻄﺎﺭ ﺍﻧﺘﻲ
.. ﻻ ﻻ ﺑﺲ ﻣﺎﺍﺷﺘﻬﻲ
.. ﺍﻛﻠﻲ ﺧﻔﺎﻳﻒ
.. ﺍﺣﺲ ﻭﺭﺍﻩ ﻣﻮﺿﻮﻉ ﻭﻳﺮﻳﺪ ﻳﺤﭽﻲ ﮔﻞ ﺍﻟﻌﻤﺘﻲ ﻳﻤﻪ
ﺧﺎﺑﺮﺗﻲ ﺑﻴﺖ ﺍﺑﻮ ﻣﻨﺬﺭ
ﮔﺎﻟﺘﻠﻪ ﺍﻱ ﻳﻤﻪ ﻭﺍﻟﻤﺮﻩ ﻫﻮﺍﻱ ﻟﺤﺖ ﻟﻴﺶ ﻭﻟﻴﺶ ﺑﺲ ﺍﻧﻲ ﻛﺘﻠﻬﺎ ﺍﻟﺒﻨﻴﻪ ﻣﺎﺗﺮﻳﺪ ﻫﺴﻪ ﻭﻣﺎﻣﻘﺘﻨﻌﻪ ﻭﻋﺪﻫﺎ ﺩﺭﺍﺳﻪ ﻭﺣﺎﻭﻟﺖ ﺗﻘﻨﻌﻬﺎ ﻣﻦ ﺟﺪﻳﺪ ﻛﻮﻩ ﺧﻠﺼﺖ ﺍﻟﻤﻮﺿﻮﻉ
ﻛﻠﻬﺎ ﻫﺬﺍ ﻫﻮﻭ ﺍﻟﻤﻬﻢ ﺧﻠﺼﻨﻪ
ﺭﺟﻌﺖ ﺑﻴﺒﻲ ﻋﻠﻰ ﻛﺮﺳﻴﻬﺎ ﻛﺎﻋﺪﻩ ﻋﻠﻰ ﺟﻬﻪ ﺑﻴﺒﻲ ﺗﺘﻐﺪﻩ ﻗﺒﻞ ﺍﻟﻜﻞ ﻋﻠﻤﻮﺩ ﻋﻼﺟﻬﺎ
ﮔﺎﻟﺘﻠﻪ ﻭﺍﻧﺖ ﻳﻤﻪ ﺷﻨﻬﻲ ﺳﺎﻟﻔﺘﻚ ﺗﻔﺮﺣﻨﻪ ﺑﺎﻟﻠﻴﻞ ﺗﻜﺪﺭ ﺧﻮﺍﻃﺮﻧﻪ ﺍﻟﺼﺒﺢ ﻣﺎﻃﻠﻌﺖ ﻫﺎﻱ ﺧﺎﻑ ﻋﺒﺎﻟﻚ ﺑﻌﺪﻙ ﺷﺎﺏ ﺍﻧﺖ ﻻﻳﻤﻪ ﺻﺮﺕ ﺷﺎﻳﺐ ﻭﺑﻌﺪ ﻣﺤﺪ ﺗﺮﺿﻪ ﺑﻴﻚ ﺍﻻ ﻭﺣﺪﻩ ﺑﺎﻳﺮﻩ ﺷﻨﻬﻲ ﺟﺎ ﺗﻀﻞ ﺩﻭﻡ ﻫﻴﺞ ﺗﻬﻮﻓﺞ ﻟﻠﻮﺍﺩﻡ ﻭﻧﺎﺳﻲ ﺭﻭﺣﻚ ﻣﺎﺗﻜﻮﻝ ﺣﺒﻮﺑﺘﻲ ﺗﺮﻳﺪ ﺗﺸﻮﻑ ﺑﺰﺭﻱ ﻟﻴﺶ ﻳﻤﻪ ﻟﻴﺶ ﺍﻟﻴﻮﻡ ﺭﻳﺠﻲ ﻣﺮ ﻣﻦ ﺍﻟﺼﺒﺢ ﻛﺪ ﺍﻟﻔﺮﺣﻪ ﺍﻟﻔﺮﺣﺘﻬﺎ ﺍﻟﺒﺎﺭﺣﻪ ﺍﻟﻴﻮﻡ ﻣﺎﻛﺼﺮﺕ ﻭﻋﻠﻜﻤﺘﻨﻲ
ﺑﺎﻭﻋﻠﻲ ﻭﺿﺤﻚ
ﻛﻠﻬﺎ ﻫﺎﺍﺍ ﻳﻤﻪ ﻫﻴﺞ ﺻﺎﺭﺕ ﻫﺴﻪ ﺻﺮﺕ ﺍﻧﻪ ﺷﺎﻳﺐ ﻭﻣﺤﺪ ﺗﺮﺿﻪ ﺑﻴﻪ ﺑﺲ ﺍﻟﺒﺎﻳﺮﻩ ﻟﻴﺶ ﻳﻤﻪ ﺑﻌﺪﻧﻲ ﺑﺤﻴﻠﻲ ﺷﺎﺏ ﺍﺻﻼ ﻫﺴﻪ ﺍﻧﻪ ﺑﻘﻤﺔ ﺷﺒﺎﺑﻲ ﻋﻤﺮﻱ ٣٣ ﺳﻨﻪ ﺍﺫﺍ ﺍﻧﺘﻲ ﺍﻣﻲ ﻫﻴﺞ ﺗﮕﻮﻟﻴﻦ ﺑﻌﺪ ﻳﺎﻫﻲ ﺍﻟﺘﺮﺿﻪ ﺑﻴﻪ
.. ﻳﻤﻪ ﺷﺎﺏ ﻭﻋﻴﻦ ﺍﻟﻠﻪ ﻋﻠﻴﻚ ﺭﺑﻲ ﻳﺤﺮﺳﻚ ﺑﻌﺪ ﺣﺒﻮﺑﺘﻚ ﻭﺑﻨﺎﺗﻬﺎ ﺑﺲ ﻳﺎﻳﻤﻪ ﻣﻦ ﺣﺮﻛﺘﻲ ﻋﻠﻴﻚ ﺗﻀﻞ ﺩﻭﻡ ﻫﻴﺞ
.. ﺑﻌﺪﻳﺶ ﻳﻤﻪ ﺻﺮﺕ ﺍﻧﻪ ﺷﺎﻳﺐ ﺧﻞ ﺍﺭﻭﺡ ﺍﺻﺒﻎ ﻋﻠﻰ ﻫﺬﺍ ﺣﺠﻴﺞ ﺣﺎﻟﻲ ﻳﻔﺸﻞ
.. ﺍﻧﺖ ﺿﻞ ﻧﻜﺖ ﻭﺍﺧﺬﻧﻲ ﺑﺴﻮﺍﻟﻔﻚ ﻭﺍﻧﻪ ﺍﺣﭽﻲ ﺻﺪﻙ
.. ﺍﺑﺸﺮﻱ ﻳﻤﻪ ﭼﻨﺘﺞ ﻳﻤﺞ ﻣﻮ ﺑﻌﻴﺪﻩ
ﺟﻨﺖ ﺍﺷﺮﺏ ﻣﻲ ﻣﻦ ﮔﻠﻬﺎ ﻫﻴﭻ ﺷﺮﮔﺖ
ﺑﺎﻭﻋﻠﻲ ﺑﻨﻈﺮﺓ ﻗﻠﻖ ﻛﻠﻲ ﺍﺳﻢ ﺍﻟﻠﻪ
ﺍﻧﻲ ﺍﺣﺲ ﻭﺟﻬﻲ ﺻﺎﺭ ﺩﻡ ﻣﻮ ﻣﻦ ﺍﻟﺸﺮﮔﻪ ﻻ ﻣﻦ ﺍﻟﺤﭽﻲ ﺍﻟﺴﻤﻌﺘﻪ
ﺑﺲ ﺍﻟﺘﻬﻮ ﺑﺸﺮﮔﺘﻲ ﻭﻣﺤﺪ ﻛﻤﻞ ﺍﻟﻤﻮﺿﻮﻉ ﻭﻳﺎﻩ ﻭﺗﺨﻴﻠﻮﻩ ﻣﺜﻞ ﻛﻞ ﻣﺮﻩ ﻳﺴﺎﻳﺮﻫﻢ
ﮔﻮﻩ ﺧﻠﺼﺖ ﺍﻛﻞ ﻭﺭﺣﺖ ﻟﻠﻤﻄﺒﺦ ﺍﺭﻳﺪ ﺍﺷﻐﻞ ﻧﻔﺴﻲ
ﻭﺧﻠﺼﺖ ﺍﻟﻮﻛﺖ ﻟﻠﻴﻞ ﮔﻮﻩ
ﺑﺎﻟﻴﻞ ﺍﺟﻪ ﻋﻤﻲ ﺍﺑﻮ ﺍﺣﻤﺪ ﻭﮔﺎﻝ ﺻﻴﺤﻮﻟﻲ ﻋﻠﻴﺎﺀ
ﺭﺣﺖ ﻭﺭﺟﻠﻴﻪ ﺗﺘﻌﺜﺮ ﺑﺲ ﻻﻋﺮﻑ ﺑﻤﻮﺿﻮﻉ ﻋﻠﻲ ﻭﺍﻟﺸﻐﻠﻪ ﺍﻟﺼﺎﺭﺕ
ﻣﻦ ﺩﺧﻠﺖ ﺗﻔﺎﺟﺄﺕ ﻋﻠﻲ ﻣﻮﺟﻮﺩ ﺑﺎﻟﻌﺎﺩﻩ ﻫﻴﺞ ﻭﻗﺖ ﻃﺎﻟﻊ
ﺳﻠﻢ ﻋﻤﻲ ﻭﺿﻠﻮ ﻳﺤﭽﻮﻥ ﺑﺴﻮﺍﻟﻒ ﻋﺎﺩﻳﻪ ﻭﺷﻐﻼﺕ ﺑﻴﻨﻬﻢ ﻭﺭﻩ ﻓﺘﺮﻩ ﮔﻠﻲ ﺍﻱ ﻋﻤﻲ ﻟﻴﺶ ﺭﺍﻓﻀﻪ ﻣﻨﺬﺭ ﺍﻛﺪﺭ ﺍﻋﺮﻑ
ﺿﻠﻴﺖ ﺍﻣﺘﻤﺖ ﮔﺎﻝ ﺍﻧﻲ ﻣﻮ ﺍﺟﺒﺮﺝ ﻭﻫﺬﺍ ﻗﺮﺍﺭ ﻳﺨﺼﺞ
ﺑﺲ ﺍﻛﺪﺭ ﺍﻋﺮﻑ ﺍﻟﺴﺒﺐ
ﺩﻧﮕﺖ ﻭﻣﺎﺟﺎﻭﺑﺖ
ﻋﻠﻲ ﻛﻠﻪ ﻋﻤﻲ ﺍﻭﻝ ﻭﺗﺎﻟﻲ ﺗﻌﺮﻑ
ﻣﺎﻛﻮ ﺳﺒﺐ
ﻣﻨﺬﺭ ﺧﻮﺵ ﻭﻟﺪ ﺍﻟﻠﻪ ﻳﺮﺯﻗﻪ ﺑﻨﺎﺕ ﺍﻟﺤﻼﻝ ﻫﻮﺍﻱ
ﺑﺲ ﻋﻠﻴﺎﺀ ﺍﻧﻪ ﺭﺍﻳﺪﻫﺎ ﻭﺟﻨﺖ ﻣﺘﺎﻧﻲ ﺍﺟﻤﻌﻜﻢ ﻭﺍﺑﻠﻐﻜﻢ ﺍﻃﻠﺒﻬﺎ ﻣﻨﻜﻢ ﻋﺎﺩ ﺍﻧﺘﻮ ﺑﻜﻴﻔﻜﻢ
ﺑﻮﻛﺘﻬﺎ ﺗﻤﻨﻴﺖ ﺍﻟﮕﺎﻉ ﺗﻨﺸﮓ ﻭﺗﺒﻠﻌﻨﻲ ﺍﺣﺲ ﺭﻭﺣﻲ ﻏﺼﺖ
ﻋﻤﻲ ﮔﻠﻪ ﺷﻨﻮﻭ ﻳﻌﻨﻲ ﺭﺍﻳﺪﻫﺎ ﺍﻧﺖ
ﻛﻠﻪ ﺍﻱ ﺍﻧﻪ ﺭﺍﻳﺪﻫﺎ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ
.. ﺑﻌﺪ ﺍﺣﺴﻦ ﺑﺲ ﺍﻧﺖ ﻣﺘﺄﻛﺪ
.. ﺍﻛﻴﺪ ﺗﻌﺮﻓﻨﻲ ﺍﻧﺖ ﻣﺎﺍﺧﻄﻲ ﺧﻄﻮﻩ ﺑﺪﻭﻥ ﻣﺎﺍﺗﺄﻛﺪ
.. ﺍﺫﺍ ﻫﻴﺞ ﻋﻤﻲ ﻭﻫﻴﻪ ﺍﺑﻴﺘﻚ ﻻﺯﻡ ﺗﻌﻘﺪﻭﻥ ﻻﺗﻀﻠﻮﻥ ﻫﻴﺞ ﻣﺎﻳﺠﻮﺯ ﺍﻧﻪ ﻟﻮ ﻣﺎﺍﻋﺮﻓﻚ ﺍﺧﺬﻫﺎ ﻭﻳﺎﻱ ﺑﺲ ﺍﻋﺮﻓﻚ ﺷﻨﻲ ﺍﻧﺖ
.. ﺍﻥ ﺷﺎﺀﺍﻟﻠﻪ ﻋﻤﻲ ﺃﻋﻘﺪ ﻟﻴﺶ ﻻ ﻧﻌﻘﺪ ﺑﺴﻜﺘﻪ ﻭﺍﻟﻌﺮﺱ ﻭﺭﻩ ﻣﺎﺗﺪﻭﺭ ﺍﻟﺴﻨﻪ
ﻫﻤﻪ ﻳﺤﺠﻮﻥ ﻭﺍﻟﻜﻞ ﻣﺼﺪﻭﻡ ﻭﻋﻴﻨﻪ ﻋﻠﻴﻪ
ﺍﺭﻳﺪ ﺍﻋﺮﻑ ﻣﻨﻮ ﺭﺍﺿﻲ ﻣﻨﻮ ﻣﻌﺎﺭﺽ ﻣﺎﻣﺒﻴﻴﻦ ﺑﻨﻈﺮﺍﺗﻬﻢ ﺷﻲ
🔹🔸🥇🔹🔸
ﺑﻮﻛﺘﻬﺎ ﺍﻟﻜﻞ ﻋﻴﻨﻪ ﻋﻠﻴﻪ ﻭﻋﻤﻲ ﺭﺍﺩ ﻳﺘﺄﻛﺪ ﺍﻛﺜﺮ ﺍﻧﻲ ﻣﻦ ﺍﻷﺣﺮﺍﺝ ﮔﻤﺖ ﻣﻦ ﻣﻜﺎﻧﻲ ﺳﺤﺒﺖ ﻧﻔﺴﻲ ﻭﺭﺣﺖ ﻟﻠﻐﺮﻓﻪ
ﻭﺍﺟﻦ ﻭﺭﺍﻱ ﺍﻟﺒﻨﺎﺕ
ﻓﺎﻃﻤﻪ ﻭﺯﻳﻨﺐ ﻭﺍﻓﻴﺎﺀ
ﮔﺎﻟﻦ ﻫﺎ ﻣﺘﻔﻘﻴﻦ ﻣﻦ ﻭﺭﺍﻧﻪ ﻭﻟﺞ ﻭﺍﻟﻠﻪ ﻟﻮ ﻣﺎﺍﻧﺘﻲ ﻭﻧﺤﺒﭻ ﭼﺎﻥ ﺗﺨﺒﻠﺘﻪ ﻋﻠﻲ ﻳﺨﻄﺐ ﻫﻴﺞ ﺑﺪﻭﻥ ﻣﻘﺪﻣﺎﺕ
ﺑﺲ ﺍﻧﺘﻲ ﻻ ﺷﻐﻠﺘﺞ ﺗﺨﺘﻠﻒ ﺑﺖ ﺧﺎﻟﻨﻪ ﻭﺣﺒﺎﺑﻪ ﻫﻢ ﻋﺮﻓﻨﺎﺝ ﺭﺑﻲ ﻳﺴﻌﺪﻛﻢ
ﭼﻨﺖ ﺍﺷﻮﻑ ﻣﻮ ﻓﺮﺣﻪ ﻛﺎﻣﻠﻪ ﺑﻮﺟﻮﻫﻦ ﻳﻤﻜﻦ ﻷﻥ ﻣﺮﻳﻀﻪ ﻭﻣﻄﻠﮕﻪ ﺑﺎﻟﻨﺴﺒﻪ ﺍﻟﻬﻦ ﻫﺬﺍ ﺍﻟﺮﺍﺩﻥ ﻳﻮﺻﻠﻨﻪ ﺍﻟﻲ ﺑﺲ ﺣﺴﻴﺘﻬﻦ ﻓﺮﺣﺎﻧﺎﺕ ﺍﻟﻲ ﻣﻮ ﺍﻟﻌﻠﻲ ﻋﻠﻲ ﻳﺘﻤﻨﻮﻥ ﺍﻟﻪ ﻏﻴﺮ ﻳﺘﻤﻨﻮﻥ ﺑﻨﻴﻪ ﻭﺑﻜﺎﻣﻞ ﺻﺤﺘﻬﺎ ﻭﻣﻦ ﺣﻘﻬﻦ ﺍﻧﻲ ﻣﺎﻟﻮﻣﻬﻦ
ﺍﻓﻴﺎﺀ ﺑﺎﺭﻛﺘﻠﻲ ﻭﻏﻤﺰﺗﻠﻲ ﻭﺍﻟﻠﻪ ﻭﺟﺎﺑﺖ ﻧﺘﻴﺠﻪ ﻣﺸﺎﻫﺎ ﺍﻟﺞ ﺍﻟﺸﻴﺦ ﻭﺿﺤﻜﺖ
ﺍﻧﻲ ﮔﻠﺖ ﺑﺲ ﻻﺗﻔﻀﺤﻨﻲ ﻭﻫﻨﻪ ﺿﻠﻦ ﻳﺒﺎﻭﻋﻦ ﺷﻨﻮ ﺍﻟﻤﺸﺎﻫﺎ ﻭﺷﻨﻮ ﺍﻟﺠﺎﺑﺖ ﻧﺘﻴﺠﻪ ﻋﺰﻩ ﺑﺲ ﻻ ﺍﻧﻔﻀﺢ ﺍﻧﻲ ﺍﻟﻨﻬﻴﺖ ﻋﻠﻴﻪ
ﻋﻤﺘﻲ ﺻﺎﺣﺖ ﺍﻟﺒﻨﺎﺕ ﻣﻦ ﻃﻠﻌﻦ ﺍﺟﻪ ﻋﻤﻲ ﻳﺴﺄﻟﻨﻲ ﮔﺘﻠﻪ ﺍﻱ ﻋﻤﻮﻭ ﺍﻧﻲ ﻣﻮﺍﻓﻘﻪ ﺑﺎﺭﻛﻠﻲ ﻭﻃﻠﻊ
ﺑﻄﻠﻌﺘﻪ ﻭﮔﻒ ﻋﻠﻲ ﻣﺴﺘﻨﺪ ﻉ ﺍﻟﺒﺎﺏ ﻭﻳﻀﺤﻚ
ﮔﻠﻲ ﻋﻤﭻ ﺑﺎﻗﻲ ﺑﺎﻟﻪ ﻳﻤﭻ ﻋﺒﺎﻟﻪ ﻣﺠﺒﻮﺭﻩ ﻭﺍﻟﻠﻪ ﻣﺎﻳﺪﺭﻭﻥ ﺍﻧﻪ ﺍﻟﻄﺤﺖ ﺑﻴﻬﺎ ﻣﺎﻳﺪﺭﻭﻥ ﺍﻧﺘﻲ ﻧﻬﻴﺘﻲ ﻋﻠﻴﻪ ﻭﺍﻧﻪ ﺗﻮﺭﻃﺖ ﻏﻤﺰﻟﻲ ﻭﺿﺤﻚ
.. ﺍﻧﻲ ﻣﻦ ﮔﺪ ﻣﺎﺧﺠﻠﺖ ﻣﻦ ﺍﻟﻐﻤﺰﻩ ﺭﺩﺕ ﺍﺑﻴﻴﻦ ﻧﻔﺴﻲ ﻗﻮﻳﻪ ﻛﺘﻠﻪ .. ﺍﻧﻲ ﻭﺭﻃﻪ ﻫﻴﭻ ﺗﻘﺼﺪ ﻳﻌﻨﻲ ﺑﻜﻴﻔﻚ ﺗﺮﻩ ﻣﻮﻣﺠﺒﻮﺭ
.. ﺍﻱ ﺍﻧﻲ ﻳﺒﻌﺪ ﺍﻧﻪ ﻫﻬﻬﻪ ﻫﻴﻪ ﻫﻴﭻ ﺣﻠﻮﻩ ﺍﻷﻧﻲ ﻣﺎﻟﺘﻜﻢ ﺍﻭﻝ ﻣﺮﻩ ﺗﻌﺠﺒﻨﻲ
.. ﺍﺑﺘﺴﻤﺖ ﻭﮔﻠﺖ ﺧﻞ ﺍﺗﺸﺠﻊ . ﮔﺘﻠﻪ ﻻ ﺍﺫﺍ ﺍﻧﺖ ﺍﺑﺎﻟﻚ ﻏﻴﺮ ﻭﺣﺪﻩ ﺭﺑﻲ ﻳﻬﻨﻴﻚ ﺍﻧﻲ ﻣﺎﻋﻨﺪﻱ ﻣﺎﻧﻊ
.. ﺑﻌﺪ ﺍﻧﺘﻲ ﻧﻬﻴﺘﻲ ﺗﺮﺩﻳﻦ ﺍﻛﺴﺮ ﻧﻬﻮﺗﭻ ﻭﺭﺍﻫﺎ ﺣﺸﻢ ﻭﻓﺼﻮﻝ ﻣﻮ ﮔﺪ ﺍﻟﻄﻼﻳﺐ ﺍﻧﻪ ﻣﺎﺑﻴﻪ ﺣﻴﻞ ﻣﺎﻝ ﻣﻨﻬﻦ ﻫﺎﻟﺴﻮﺍﻟﻒ ﻫﻬﻬﻬﻬﻪ
.. ﻳﻌﻨﻲ ﻧﻬﻮﺗﻲ ﻣﺎﺷﻴﻪ ﻭﺍﻛﻮ ﻧﻬﻮﻩ ﻉ ﺍﻟﻮﻟﺪ ﺻﺪﮒ .. ﻣﻦ ﺍﺷﻮﻓﻪ ﻳﺒﺘﺴﻢ ﻓﻄﺎﺭﻳﺔ ﺍﻟﻜﻮﻥ ﺗﺼﻴﺮ ﺑﻴﻪ
.. ﻫﻬﻬﻬﻬﻬﻪ ﻭﺍﻟﻠﻪ ﻟﻮ ﺗﺪﺭﻱ ﺍﻟﻌﺸﻴﺮﻩ ﻭﻳﻦ ﺍﻛﻮﻭ ﺑﻨﻴﺘﻲ ﺗﺮﺩﻳﻦ ﺗﺴﻨﻴﻦ ﺳﻨﻴﻨﻪ ﺟﺪﻳﺪﻩ ﺍﻧﺘﻲ ﺍﻧﻮﺏ ﺗﺨﻠﻴﻦ ﺧﻠﮓ ﺍﻟﻠﻪ ﻣﺘﺤﻴﺮﻩ ﺣﻠﻮﻩ ﻫﺎﻱ ﻛﻮﻥ ﺍﻟﺰﻟﻢ ﺗﺘﮕﻌﺪ ﺍﻟﺒﻨﺎﺕ ﻋﻤﻮﻣﺘﻬﺎ ﭼﺎ ﻋﺒﺎﻟﺞ ﻛﻠﻬﺎ ﺗﻔﺮﺡ ﻣﺜﻠﻲ ﺍﻟﻨﻬﻮﻩ ﻣﻨﭻ ﻏﻴﺮ ﺍﻧﻪ ﺭﺍﺿﻲ ﺑﻴﻬﺎ
.. ﺩﻧﮕﺖ ﺧﺠﻼﻧﻪ
.. ﺣﺒﻴﺒﻪ ﻫﺎﻱ ﺍﻟﺠﻤﻌﻪ ﻧﻌﻘﺪ ﺷﺘﮕﻮﻟﻴﻦ
.. ﺍﻧﻲ ﻣﺎﺻﺪﮔﺖ ﻭﻋﻴﻨﻲ ﺻﺎﺭﺕ ﻋﻠﻲ ﻭﺣﺴﻴﺖ ﺭﻭﺣﻲ ﻣﺒﺘﺴﻤﻪ ﺑﺪﻭﻥ ﻭﻋﻲ ﻳﺒﻮﻭ ﺻﺎﻳﺮﻩ ﻫﺒﻠﻪ ﺭﺳﻤﻲ ﻏﻴﺮ ﺍﺛﮕﻞ ﻛﻮﻩ ﺳﻴﻄﺮﺕ ﻋﻠﻰ ﻋﻀﻼﺕ ﻭﺟﻬﻲ ﻭﺿﺒﻄﺘﻬﺎ ﮔﺘﻠﻪ ﺑﻜﻴﻔﻚ
.. ﻫﺬﺍ ﻫﻮﻭ ﺟﻬﺰﻱ ﺭﻭﺣﺞ ﻉ ﺍﻟﺠﻤﻌﻪ
.. ﺑﻘﻴﺖ ﺳﺎﻛﺘﻪ ﻭﻫﻮﻩ ﻃﻠﻊ ﺑﻄﻠﻌﺘﻪ ﺍﺟﺖ ﻋﻤﺘﻲ ﻭﺣﻴﻞ ﻓﺮﺣﺎﻧﻪ ﻋﻜﺲ ﺍﻟﻲ ﻣﺘﻮﻗﻌﺘﻪ ﻫﻴﻪ ﺍﻛﺜﺮ ﻭﺣﺪﻩ ﻳﻤﻬﻤﺎ ﻋﻠﻲ ﻭﺑﻤﺜﺎﺑﺔ ﺍﻣﻪ ﺍﻛﻴﺪ ﺗﺘﻤﻨﺎﻟﻪ ﺑﻨﻴﻪ ﻣﻮ ﻣﺮﻳﻀﻪ ﻭﺍﻟﻤﺸﻜﻠﻪ ﺍﻟﻬﺴﻪ ﻣﺤﺪ ﻳﻌﺮﻑ ﺍﻧﻲ ﺑﻨﻴﻪ ﺍﻟﻜﻞ ﺍﺑﺎﻟﻬﻢ ﺗﻢ ﺯﻭﺍﺟﻨﻪ ﺍﻧﻲ ﻭﻋﻼﺀ ﺣﺘﻪ ﺍﻓﻴﺎﺀ ﺍﻧﻲ ﻣﻤﺘﻌﻮﺩﻩ ﺍﺣﺠﻲ ﻭﻳﺎﻫﺎ ﺑﻬﻴﺞ ﻣﻮﺍﺿﻴﻊ ﻭﺑﻮﻗﺘﻬﺎ ﺍﻟﺼﺎﺭ ﻣﻮﻣﺎﻝ ﺍﺷﺮﺡ ﻛﻠﺸﻲ ﺍﻧﻲ ﻫﻢ ﻣﺮﺿﻲ ﺑﻌﺪﻧﻲ ﻫﻮﺍﻱ ﻋﻨﻬﺎ ﻭﻋﻦ ﺍﻟﺒﻨﺎﺕ ﻭﺍﻧﻄﻮﻳﺖ ﻋﻠﻰ ﻧﻔﺴﻲ ﻓﺘﺮﻩ ﻃﻮﻳﻠﻪ ﺍﻛﺜﺮ ﺷﺨﺺ ﺟﺎﻥ ﻋﻠﻲ ﻗﺮﻳﺐ ﺍﻟﻲ ﺑﻮﻗﺘﻬﺎ ﻭﻣﻦ ﻫﺬﺍ ﺍﻧﻲ ﺣﺒﻴﺘﻪ
ﻋﻤﺘﻲ ﺑﺎﺳﺘﻨﻲ ﺧﻄﻴﻪ ﻭﺑﺎﺭﻛﺘﻠﻲ ﺑﻮﻗﺘﻬﺎ ﺫﻛﺮﺕ ﺍﺑﻮﻱ ﮔﺎﻟﺖ ﺷﮕﺪ ﺭﺍﺩ ﻳﺘﻘﺮﺏ ﺍﻟﻌﻠﻲ ﻭﻳﻤﺤﻲ ﺍﻟﻐﻠﻂ ﺍﻟﺴﻮﺍﻩ ﺑﺲ ﻋﻠﻲ ﭼﺎﻥ ﻗﺎﻓﻞ ﻣﻦ ﻳﻤﻪ ﻫﺴﻪ ﻣﺎﻛﻮ ﺍﻗﻮﻩ ﻣﻦ ﻫﺎﻟﻘﺮﺍﺑﻪ ﺍﻛﻴﺪ ﻳﻔﺮﺡ ﻭﻫﻮﻩ ﺑﮕﺒﺮﻩ ﻛﻠﺶ ﻛﺎﻓﻲ ﻋﻠﻲ ﻳﺼﻴﺮ ﻣﻨﭻ ﻭﻳﺎﺳﺮ ﺟﺪﻫﻢ
ﻣﻦ ﺫﻛﺮﺕ ﺍﺑﻮﻳﻪ ﺩﻣﻌﺖ ﻋﻴﻨﻲ ﻭﺅﺩﺕ ﺍﻋﺮﻑ ﺗﻔﺎﺻﻴﻞ ﺍﻟﺨﻼﻑ ﮔﺎﻟﺖ ﺍﻧﻮﺏ ﻛﻠﺸﻲ ﺗﻌﺮﻓﻴﻦ ﻫﻮﻩ ﻳﺤﭽﻴﻠﺞ ﻻ ﺗﺸﻐﻠﻴﻦ ﺑﺎﻟﭻ
ﻣﺮﻥ ﻳﻮﻣﻴﻦ ﻭﺍﻧﺘﺸﺮ ﺍﻟﺨﺒﺮ ﺍﺑﻴﻦ ﻋﻤﺎﻣﻲ ﻭﻋﻤﺎﺗﻲ ﻭﭼﺎﻧﺖ ﺍﻏﻠﺐ ﺍﻟﺮﺩﻭﺩ ﺑﻴﻦ ﺍﻟﺼﺪﻣﻪ ﻭﺍﻷﺳﺘﻐﺮﺍﺏ ﻭﺍﻟﻲ ﻓﺮﺣﺎﻥ ﺑﻮﻛﺘﻬﺎ ﻓﺮﺣﺎﻧﻠﻲ ﻷﻥ ﻋﻠﻲ ﺣﺐ ﻳﺴﺘﺮ ﻋﻠﻴﻪ ﻋﺒﺎﻟﻚ ﻣﺴﻮﻳﺘﻠﻲ ﻓﺪ ﺷﻲ ﻣﻮ ﺯﻳﻦ ﺭﻏﻢ ﺍﻟﻜﻼﻡ ﻳﻀﻮﺝ ﻭﺍﻟﻲ ﺍﻏﻠﺒﻪ ﻳﻮﺻﻠﻨﻲ ﺻﺪﻓﻪ ﻣﺎﺣﺒﻮ ﺍﻟﻲ ﺑﺎﻟﺒﻴﺖ ﻳﻨﻘﻠﻮﻥ ﺍﻟﻲ ﺑﺲ ﻛﻠﺸﻲ ﻳﻮﺻﻞ ﺻﺢ ﺍﺿﻮﺝ ﺑﺲ ﻓﺮﺣﺘﻲ ﺟﺎﻧﺖ ﻣﻐﻄﻴﻪ ﻋﻠﻰ ﻛﻠﺸﻲ ﻭﻣﻮ ﻫﺎﻣﻴﻨﻲ ﻻﻫﻤﻪ ﻭﻻ ﺣﭽﻴﻬﻢ ﻛﻞ ﺍﻟﻲ ﻳﻬﻤﻨﻲ ﻋﻠﻲ ﻭﻧﻈﺮﺍﺗﻪ ﺑﻬﺎﻟﻴﻮﻣﻴﻦ ﺍﺑﺪ ﻣﺎﺑﻘﻴﻨﻪ ﻭﺣﺪﻧﻪ ﺑﺲ ﻧﻈﺮﺍﺗﻪ ﺍﻟﻲ ﻛﺎﻓﻴﻪ ﺗﺤﺴﺴﻨﻲ ﺑﺎﻟﺤﺐ ﻭﺍﻷﻣﺎﻥ
ﺑﻴﻮﻡ ﺍﻟﺨﻤﻴﺲ ﺍﻟﻌﺼﺮ ﻭﺗﺠﻴﻨﻴﻪ ﺯﻟﺰﻟﻪ ﻣﻦ ﺍﻛﻮﻝ ﺯﻟﺰﻟﻪ ﻳﻌﻨﻲ ﺑﻜﻞ ﻣﻌﻨﺎﻫﺎ ﻻﻳﺎﺭﺑﻲ ﻫﻨﺎ ﺻﺪﮒ ﺍﻧﻐﺜﻴﺖ
ﻳﻌﻨﻲ ﺑﺎﭼﺮ ﺍﻟﻌﻘﺪ ﻣﺎﻟﺘﻲ ﻣﻮ ﻭﻛﺘﻬﺎ ﻫﺴﻪ
ﺑﻴﻮﻣﻬﺎ ﺟﻨﻪ ﻃﺎﻟﻌﻴﻦ ﺍﻧﻲ ﻭﻋﻤﺘﻲ ﺑﻌﺪ ﻣﺎﺍﺷﺘﺮﻳﻨﻪ ﺍﻟﺬﻫﺐ ﻭﻛﻤﻠﻨﻪ ﻛﻞ ﺍﻟﺘﺤﻀﻴﺮﺍﺕ ﻟﻠﻌﻘﺪ ﺍﺧﺬﺗﻨﻲ ﻋﻤﺘﻲ ﺗﺬﺑﻠﻲ ﺍﻷﺳﻮﺩ ﻭﺗﺎﺧﺬﻧﻲ ﺻﺎﻟﻮﻥ
ﺭﺣﻨﻪ ﺍﻧﻲ ﻭﻋﻤﺘﻲ ﻭﺭﻳﻢ ﺍﻟﻈﺎﻫﺮ ﻫﻴﻪ ﺗﻌﺮﻓﻢ
ﮔﺎﻟﺖ ﻫﺎﻟﺤﻠﻮﻩ ﻣﺘﺤﺘﺎﺝ ﻫﻮﺍﻱ ﺷﻐﻞ ﺍﻧﻲ ﺷﻌﺮﻱ ﻃﻮﻳﻞ ﺍﺷﻘﺮ ﻋﻴﻮﻧﻲ ﻛﺒﺎﺭ ﻭﻃﻮﻳﻼﺕ ﻟﻮﻧﻬﻦ ﺍﺻﻔﺮ ﻋﻠﻰ ﺯﻳﺘﻮﻧﻲ ﺑﻴﻬﺎ ﻟﻤﻌﺔ ﺧﻀﺎﺭ ﭼﻨﺖ ﻣﺤﺘﺎﺭﻩ ﻋﻴﻮﻧﻲ ﻫﻴﺞ ﻋﻠﻰ ﻣﻨﻮ ﻃﺎﻟﻌﺎﺕ ﻣﻦ ﺍﺟﻴﺖ ﻭﺷﻔﺖ ﺑﻴﺒﻲ ﺷﻔﺖ ﻋﻴﻮﻧﻲ ﻃﺎﻟﻌﻪ ﻋﻠﻴﻬﺎ ﻟﻬﺬﺍ ﺟﺎﻥ ﺍﺑﻮﻳﻪ ﻳﻤﻮﺕ ﻋﻠﻰ ﻋﻴﻮﻧﻲ ﺣﻮﺍﺟﺒﻲ ﺛﺨﻴﻨﺎﺕ
ﻭﺷﻔﺎﻓﻲ ﻣﻠﻴﺎﻧﻪ ﺧﺸﻤﻲ ﻣﺘﻨﺎﺳﻖ ﻭﻱ ﻭﺟﻬﻲ ﺟﻨﺖ ﺍﺷﻮﻑ ﻧﻔﺴﻲ ﺣﻠﻮﻩ ﻭﻛﻞ ﺍﻟﻴﺸﻮﻓﻮﻧﻲ ﻫﻢ ﻳﮕﻠﻮﻥ ﺣﻠﻮﻩ ﺑﺲ ﺍﺑﺪ ﻣﻤﻨﺘﺒﻬﻪ ﻋﻠﻰ ﺷﻜﻠﻲ ﻭﻻﻣﺪﻗﻘﻪ ﺑﺘﻔﺎﺻﻴﻠﻪ ﻣﺜﻞ ﻫﺬﺍ ﺍﻟﻴﻮﻡ
ﺑﻌﺪ ﻣﺎ ﻋﺪﻟﺖ ﺷﻜﻠﻲ ﻭﺣﻮﺍﺟﺒﻲ ﻭﺷﻌﺮﻱ ﺷﻔﺖ ﻧﻔﺴﻲ ﻏﻴﺮ ﺭﻏﻢ ﺑﻌﺮﺳﻲ ﺍﻷﻭﻝ ﺳﻮﻳﺖ ﺍﻛﺜﺮ ﻣﻦ ﻫﻴﭻ ﺑﺲ ﺍﺑﺪ ﻣﻨﺘﺒﻬﺖ ﺍﻟﺘﻔﺎﺻﻴﻠﻲ ﻳﻤﻜﻦ ﺍﻟﺤﺐ ﺍﻟﺼﺤﻴﺢ ﻳﺤﻠﻲ ﺍﻱ ﺷﻲ ﻭﺍﻱ ﺗﻔﺎﺻﻴﻞ ﻣﻤﻜﻦ ﺗﻜﻮﻥ ﺻﻐﻴﺮﻩ ﻏﻴﺮ ﺑﻨﻔﺴﻴﺘﻲ ﻗﺒﻞ ﺟﻨﺖ ﺍﺿﻦ ﻧﻔﺴﻲ ﺍﺣﺐ ﻋﻼﺀ ﺑﺲ ﻣﺎﺣﺎﺳﻪ ﻛﻞ ﻫﺬﺍ ﺍﻷﺣﺴﺎﺱ ﻳﻤﻜﻦ ﻣﺘﻌﻮﺩﻩ ﺗﻌﻮﻳﺪ ﻋﻠﻲ ﻭﺍﻟﺤﺐ ﻏﻴﺮ ﻋﻦ ﺍﻟﺘﻌﻮﻳﺪ ﻫﺴﻪ ﻳﻠﻠﻪ ﺑﺪﻳﺖ ﺍﻓﺮﻕ
ﻋﻼﺀ ﻓﻜﺮﺕ ﻫﻮﺍﻱ ﻳﻠﻠﻪ ﺣﺒﻴﺘﻪ ﻭﻋﻠﻲ ﻟﻜﻴﺖ ﻧﻔﺴﻲ ﺍﺣﺒﻪ ﺑﺪﻭﻥ ﺗﻔﻜﻴﺮ ﻭﺑﺪﻭﻥ ﻣﺎﺍﻋﺮﻑ
ﻃﻠﻌﻨﻪ ﻣﻦ ﺍﻟﺼﺎﻟﻮﻥ ﻭﺍﻧﻲ ﻓﺮﺣﺎﻧﻪ ﻭﺍﺧﺘﺎﺭﻳﺖ ﺍﻟﺒﺪﻟﻪ ﻳﻜﻮﻥ ﻟﻮﻧﻬﺎ ﺗﺮﻛﻮﺍﺯ ﺭﺩﺗﻬﺎ ﺗﺒﺮﺯ ﺷﻘﺎﺭﻱ ﻭﻟﻮﻥ ﻋﻴﻨﻲ ﻓﺼﺎﻟﻬﺎ ﺑﺪﻭﻥ ﺭﺩﻥ ﻭﺿﻴﻘﻪ ﻣﻦ ﻳﻢ ﺻﺪﺭﻱ ﺍﻟﺤﺪ ﺍﻟﺨﺼﺮ ﻣﻠﻴﺎﻧﻪ ﺣﺠﺮ ﻧﺎﻋﻢ ﻭﺣﻠﻮﻭ ﻭﻣﻦ ﺟﻮﻩ ﻣﻨﻔﺸﻪ ﺑﺲ ﻧﻔﺸﻪ ﺑﺴﻴﻄﻪ ﻣﻮ ﻫﻮﺍﻱ
ﻭﺍﻟﺘﺴﺮﻳﺤﻪ ﻫﻢ ﺍﺧﺘﺎﺭﻳﺘﻬﺎ ﻭﺍﺗﻔﻘﺖ ﺍﺭﻭﺣﻠﻬﺎ ﺍﻟﺠﻤﻌﻪ ﺳﺎﻋﻪ ﻋﺸﺮﻩ ﻭﻧﺺ ﺗﻘﺮﻳﺒﺎ ﻷﻥ ﺍﻛﻮ ﺍﻋﺮﺍﺱ ﻋﺪﻫﺎ ﻫﻮﺍﻱ
ﻃﻠﻌﻨﻪ ﻣﻨﻬﺎ ﻭﺭﻳﻢ ﻫﻢ ﺻﺒﻐﺖ ﻭﻗﺼﺖ ﺷﻌﺮﻫﺎ ﻭﻫﻴﻪ ﻛﻠﺶ ﺣﻠﻮﻩ ﻣﻼﻣﺤﻬﺎ
ﻣﻮ ﻃﻮﻳﻠﻪ ﺗﻤﻴﻞ ﻟﻠﻘﺼﺮ ﺑﺲ ﺟﻴﻤﻬﺎ ﻣﻠﻴﺎﻥ ﻭﺍﻧﺜﻮﻱ ﻳﺨﺒﻞ ﻟﻮﻥ ﻋﻴﻮﻧﻬﺎ ﺟﻮﺯﻱ ﻭﺷﻌﺮﻫﺎ ﺍﺳﻮﺩ ﻃﻮﺥ ﻃﻮﻳﻞ ﺣﺎﻭﻟﺖ ﺗﻐﻴﺮﻩ ﺻﺒﻐﺘﻪ ﻭﻗﺼﺘﻪ
ﻣﻦ ﺭﺟﻌﻨﻪ ﻟﻠﺒﻴﺖ ﻭﺩﺧﻠﻨﻪ ﻭﻋﻴﻨﻪ ﻣﺘﺸﻮﻑ ﺍﻟﻎ ﺍﻟﻨﻮﺭ ﻟﮕﻴﻨﻪ ﻋﻤﺘﻲ ﺍﻡ ﺑﺴﺎﻡ ﻣﺎﺷﺎﺀ ﺍﻟﻠﻪ ﻣﺴﻮﻳﺘﻬﺎ ﺣﻔﻠﻪ ﻣﻨﺎﺣﻪ ﻣﻮ ﻋﻘﺪ ﻋﺒﺎﻟﻚ
ﻭﻫﻴﻪ ﺷﺎﻓﺘﻨﻲ ﺍﻧﻲ ﻭﻋﻤﺘﻲ ﻭﻫﻴﻪ ﺍﻧﻬﺪﺕ ﺑﻴﻨﻪ
ﻟﺞ ﻓﺮﺣﺎﻧﻪ ﻓﺮﺣﺎﻧﻪ ﻣﻦ ﻛﺮﺑﺴﺘﻲ ﻫﺎﻱ ﺑﺮﺍﺱ ﻋﻠﻲ ﻭﻟﭻ ﺑﺖ ﻛﺘﺎﻟﺖ ﺍﺑﻮﻭ ﺗﺎﺧﺬﻳﻠﻬﺎ ﻓﻮﮔﻬﺎ ﻣﻄﻠﮕﻪ ﻭﻣﺼﺮﻭﻋﻪ
ﻭﻟﭻ ﻭﻳﻦ ﺭﺍﺣﺖ ﺍﻟﺒﻨﺎﺕ ﺑﻨﺎﺗﻨﻪ ﺷﺒﻴﻬﻦ ﻣﻮ ﺍﺣﺪ ﺍﺑﻮ ﺍﺣﻤﺪ ﺑﻨﻴﻪ ﻣﻮ ﻋﺪ ﺧﺎﻟﺪ ﺑﻨﻴﻪ ﻭﻟﺞ ﻳﺎﻟﻌﻮﺑﻪ ﺟﺎﻣﻨﻄﻴﺘﻪ ﻓﻄﻮﻣﻪ ﺑﻨﺘﺞ
ﻣﻮ ﺍﺧﺘﻪ ﻛﻮﻩ ﻣﺴﺰﻳﻨﻬﺎ ﺍﺧﺘﻪ
ﺍﻧﻲ ﻋﻴﻮﻧﻲ ﺭﺟﻌﺖ ﺍﻟﻌﺎﺩﺗﻬﺎ ﻭﺳﻴﻠﺘﻬﺎ ﺍﻟﺪﻣﻮﻉ
ﻭﺑﻘﻴﺖ ﻋﻠﻰ ﻧﻔﺲ ﻭﮔﻔﺘﻲ ﻃﻴﺮﺕ ﺍﻟﻔﺮﺣﻪ ﻛﻠﻬﺎ ﻣﻨﻲ
ﻭﺑﻴﺒﻲ ﻛﺎﻣﺖ ﺗﺼﻴﺢ ﻋﻠﻴﻬﺎ ﺷﺠﺎﺑﺞ ﺍﻧﺘﻲ ﻛﺎﻓﻲ ﻭﻟﺞ ﺳﻜﺘﻲ ﻭﻫﻴﻪ ﻭﻻﻳﻤﻬﺎ
ﻋﻤﺘﻲ ﻣﺒﻴﻨﻪ ﻣﻦ ﺷﺨﺼﻴﺘﻬﺎ ﻗﻮﻳﻪ ﻃﻮﻳﻠﻪ ﻭﺿﺨﻤﻪ ﺑﻴﻀﻪ ﻋﻠﻰ ﺣﻤﺎﺭ ﻭﻣﻦ ﺗﻌﺼﺐ ﺗﺼﻴﺮ ﺩﻡ ﻫﺎﻱ ﻋﻤﺘﻲ ﺍﻡ ﺑﺴﺎﻡ
ﻣﺎﺣﺎﭼﻴﺘﻬﺎ ﻫﺎﻟﻤﺮﻩ ﻋﻔﺘﻬﺎ ﻭﺭﺣﺖ ﺍﻟﻐﺮﻓﺘﻲ ﻭﻫﻴﻪ ﺗﺤﭽﻲ ﻭﺗﺤﭽﻲ
ﺑﻮﻗﺘﻬﺎ ﺍﺗﺼﻞ ﺑﻴﻪ ﻋﻠﻲ ﻳﻤﻜﻦ ﺭﺍﺩ ﺍﻋﺮﻑ ﺭﺟﻌﻨﻪ ﻣﻦ ﺍﻟﺼﺘﻠﻮﻥ ﻣﺎﺭﺩﻳﺖ ﻭﺟﻨﺖ ﺍﺑﭽﻲ ﺻﺪﮒ ﺍﻧﻲ ﻭﻣﺮﺿﻲ ﺷﻨﻮ ﺷﻮ ﻣﻤﻔﻜﺮﻩ ﺑﻲ ﺷﻨﻲ ﺫﻧﺒﻪ ﻳﻮﻣﻴﻪ ﺍﻧﻲ ﻣﺘﻜﻮﻣﻪ ﺑﺲ ﺍﻧﻲ ﺑﻌﺪ ﻣﺪﺍﻭﻣﺖ ﻋﻠﻰ ﻋﻼﺟﻲ ﻭﻗﺮﺍﺀﺓ ﺍﻟﻘﺮﺀﺍﻥ ﺻﺮﺕ ﺍﺣﺴﻦ ﻭﺣﺘﻪ ﻣﻦ ﺍﺳﻤﻊ ﻛﻼﻡ ﻳﻐﺚ ﺍﺳﻴﻄﺮ ﻋﻠﻰ ﺍﻋﺼﺎﺑﻲ
ﺭﺟﻊ ﺍﺗﺼﻞ ﻣﺮﻩ ﻭﺍﺛﻨﻴﻦ ﺍﻟﻰ ﺍﻥ ﺭﺩﻳﺖ ﭼﺎﻥ ﻣﺒﻴﻴﻦ ﻋﻠﻰ ﺻﻮﺗﻲ ﺍﺑﭽﻲ
.. ﺍﻟﻮﻭ
.. ﻫﻼ ﻳﺮﻭﺣﻲ ﺷﺒﻴﭻ ﺧﻮ ﻣﺎﺗﻌﺒﺘﻲ ﻋﻠﻴﺎﺀ ﺗﺨﺮﺑﻄﺘﻲ ﺷﻨﻮﻭ
.. ﺑﻠﺤﻈﺘﻬﺎ ﻛﻠﺖ ﺻﺢ ﺣﭽﻲ ﻋﻤﺘﻲ ﻳﻌﻨﻲ ﻫﻮﻩ ﻫﻴﺞ ﻳﺒﻘﻪ ﻗﻠﻖ ﻋﻠﻴﻪ ﺑﺲ ﺷﺴﻮﻱ ﺍﻧﻲ ﺣﺒﻴﺘﻪ ﻣﻮ ﺑﻴﺪﻱ ﺟﺎﻭﺑﺘﻪ ﻻ ﻣﺎﺑﻴﻪ ﺷﻲ
.. ﻫﺎﺍﺍ .. ﻣﺎﺑﻴﺞ ﺷﻲ ﻟﻴﺶ ﺗﺒﺠﻴﻦ
.. ﻣﻮ ﺑﺎﺟﻴﻪ ﺗﻌﺒﺎﻧﻪ ﻋﻨﺪﻱ ﺗﺤﺴﺲ ﻭﺍﺗﻬﻴﺞ ﻣﻦ ﺍﻟﺼﺒﻎ ﻭﻣﻮﺍﺩ ﺍﻟﺼﺎﻟﻮﻥ
.. ﺍﺫﺍ ﻋﻨﺪﺝ ﺗﺤﺴﺲ ﻟﻴﺶ ﺗﺼﺒﻐﻴﻦ ﻳﺎﻋﻤﺮﻱ ﺍﻧﻪ ﺍﺭﻳﺪﺝ ﻣﺜﻞ ﻣﺎﺍﻧﺘﻲ ﻻﺗﻜﻠﻔﻴﻦ ﺭﻭﺣﺞ ﻭﺗﺒﺎﻟﻐﻴﻦ ﺍﻧﺘﻲ ﮔﻤﺮ ﺑﺎﻟﺤﺎﻟﺘﻴﻦ
.. ﺍﻟﻠﻪ ﻳﺨﻠﻴﻚ
.. ﺷﺒﻴﭻ ﺗﺤﺴﺴﻴﻨﻲ ﻣﺘﺼﻞ ﻋﻠﻰ ﻋﻤﻲ ﺍﺑﻮ ﺍﺣﻤﺪ ﺷﻮ ﺧﻞ ﺍﺷﻮﻑ ﺍﻧﻪ ﻋﻠﻴﻤﻦ ﻣﺘﺼﻞ
.. ﺿﺤﻜﺖ ﻻ ﻭﺍﻟﻠﻪ ﺗﻌﺒﺎﻧﻪ ﻭﻣﺎﻋﺮﻓﺖ ﺷﻜﻮﻝ
.. ﺍﻱ ﻛﻮﻟﻲ ﺑﺎﻟﻲ ﻣﻮ ﻳﻤﻚ ﺍﻧﻪ ﺟﺎﻱ ﺑﺎﻟﻄﺮﻳﻖ ﻫﺴﻪ ﻗﺮﻳﺐ ﻉ ﺍﻟﺒﻴﺖ ﻣﺤﺘﺎﺟﻪ ﺷﻲ
.. ﺳﻼﻣﺘﻚ ﺣﺒﻴﺒﻲ
.. ﺍﻱ ﺍﻱ ﻫﺴﻪ ﻫﺬﺍ ﺭﻓﻢ ﺑﻨﻴﻪ ﺣﺘﻪ ﺍﻟﺼﻮﺕ ﺍﺧﺘﻠﻒ ﻋﻨﺪﻱ ﻫﻬﻬﻪ
🔹🔸🥇🔹🔸
ﻭﺭﻩ ﻣﺎﺳﺪ ﺍﻟﺨﻂ ﺣﺴﻴﺖ ﻧﻔﺴﻲ ﻣﺮﺗﺎﺣﻪ ﻭﮔﻠﺖ ﻣﺎﺍﻫﺘﻢ ﺭﻏﻢ ﺍﻻﺻﻮﺍﺕ ﺑﻌﺪﻫﻲ ﻋﺎﻟﻴﻪ
ﻭﺭﻩ ﺷﻮﻳﻪ ﻋﻤﺘﻲ ﮔﺎﻟﺖ ﻻﺗﻬﺘﻤﻴﻦ ﻫﻴﻪ ﺣﻴﻞ ﺟﺎﻧﺖ ﻣﺘﻌﻠﻘﻪ ﺑﺤﺴﻴﻦ ﻭﺗﺤﺐ ﻋﻠﻲ ﺍﻟﻤﺤﺒﺘﻪ
ﻭﺗﺮﻳﺪﻟﻪ ﺍﺣﺴﻦ ﺣﺴﺐ ﺭﺍﻳﻬﺎ ﻫﻴﻪ ﻟﻮ ﻣﻌﺎﺷﺮﺗﭻ ﭼﺎﻥ ﻣﺎﻟﮕﺖ ﺍﺣﺴﻦ ﻣﻨﺞ ﺗﺴﺘﺎﻫﻠﻪ
ﻛﻼﻡ ﻋﻤﺘﻲ ﺭﻳﺤﻨﻲ ﻻﻥ ﻫﻴﻪ ﺍﻟﺒﺎﻗﻴﻪ ﻭﻳﺎﻱ ﻭﻋﻤﺘﻲ ﺍﻡ ﺑﺴﺎﻡ ﺍﻭﻝ ﻭﺗﺎﻟﻲ ﺧﻄﺎﺭ ﻣﺘﺄﺛﺮ ﻋﻠﻴﻪ
ﺷﻮﻳﻪ ﻭﺍﺟﻪ ﻋﻠﻲ ﺳﻤﻌﺖ ﺻﻮﺗﻪ ﻭﺣﺠﺖ ﻭﻳﺎﻩ ﺑﺲ ﺍﻟﻲ ﻋﺮﻓﺘﻪ ﺑﻌﺪﻳﻦ ﻛﺎﻳﻠﻬﺎ ﺍﻧﻲ ﺭﺍﻳﺪﻫﺎ ﻭﻣﺎﺍﻫﺘﻢ ﻣﻄﻠﮕﻪ ﻣﺮﻳﻀﻪ ﺍﻧﻲ ﺍﺷﻮﻑ ﺭﻭﺣﻲ ﻣﺴﺘﻌﺪ ﺍﺗﺤﻤﻞ ﻛﻠﺸﻲ ﻟﻌﻴﻮﻧﻬﺎ ﻭﺍﺻﻼ ﻣﻮﻧﺎﻭﻱ ﺍﺗﺰﻭﺝ ﻭﻟﻮ ﻣﺎﻫﻴﻪ ﻣﺎﺍﻓﻜﺮ ﺑﺎﻟﺰﻭﺍﺝ ﺍﺑﺪ ﻭﺳﺎﻟﻔﺔ ﺍﺑﻮﻱ ﻭﺍﺑﻮﻫﺎ ﺧﻠﻴﻬﺎ ﺍﺣﻨﻪ ﻣﺎﻟﻨﻪ ﺫﻧﺐ ﺑﺎﻟﺼﺎﺭ
ﺍﻟﻈﺎﻫﺮ ﻫﻴﻪ ﺷﻜﺪ ﻣﺎﻋﺼﺒﻴﻪ ﻭﺍﺣﺴﻬﺎ ﻣﺘﺴﻠﻄﻪ ﺍﻟﻠﻪ ﻳﺴﺎﻋﺪ ﺍﻟﻲ ﻣﺠﻨﻨﺘﻬﻦ ﺑﺲ ﻭﻱ ﻋﻠﻲ ﺗﺨﺘﻠﻒ ﻭﺗﺴﻤﻊ ﻣﻨﻪ ﻭﻣﺒﻴﻨﻪ ﺻﺪﮒ ﺗﺤﺒﻪ
ﻣﺎﻫﻤﻨﻲ ﻣﻮﺿﻮﻋﻬﺎ ﺑﻌﺪ ﺑﺲ ﺷﻨﻮ ﻃﻴﺮﺕ ﻓﺮﺣﺘﻲ ﺑﺸﻜﻠﻲ ﻭﺍﺣﻼﻣﻲ ﺍﻟﺒﺎﺟﺮ
ﺷﻮﻳﻪ ﻭﺍﻧﺪﮔﺖ ﺍﻟﺒﺎﺏ ﻭﺳﻤﻌﺖ ﺻﻮﺗﻪ ﺧﻠﻴﺘﻠﻲ ﺷﺎﻝ
ﻋﻠﻰ ﺭﺍﺳﻲ ﻭﻛﺘﻠﻪ ﻓﻮﺕ
ﮔﺎﻝ
.. ﻫﺴﻪ ﻋﺮﻓﺖ ﺳﺒﺐ ﺍﻟﺤﺴﺎﺳﻴﻪ ﺑﺲ ﻭﺻﻒ ﺩﻗﻴﻖ ﻳﻤﻜﻦ ﺍﻧﺘﻮ ﺍﻻﺛﻨﻴﻦ ﻋﺪﻛﻢ ﺗﺤﺴﺲ ﻣﻦ ﺑﻌﺾ
.. ﺿﺤﻜﺖ ﮔﺘﻠﻪ ﺍﻧﻲ ﻣﺎﻋﻨﺪﻱ ﺷﻲ ﻭﻳﺎﻫﺎ ﺑﺎﻟﻌﻜﺲ ﺑﺲ ﻫﻴﻪ ﺗﻜﺮﻫﻨﻲ
.. ﻫﻴﻪ ﻋﺪﻫﺎ ﺍﺳﺒﺎﺏ ﺑﺲ ﻏﻠﻄﺎﻧﻪ ﺑﺤﻜﻤﻬﺎ ﻋﻠﻴﺞ ﺭﺍﺡ ﺗﺤﺒﭻ ﺻﺪﮔﻲ ﺑﮕﺪ ﻋﺼﺒﻴﺘﻬﺎ ﺗﻤﻠﻚ ﮔﻠﺐ ﻃﻴﺐ ﺑﺲ ﺍﻟﻲ ﺑﮕﻠﺒﻬﺎ ﻋﻠﻰ ﺍﻟﺴﺎﻧﻬﺎ ﻣﺎﺗﻌﺮﻑ ﺗﺨﻔﻲ ﻭﻫﻴﺞ ﻧﻮﻉ ﻣﻦ ﺍﻷﻋﺪﺍﺀ ﻻﺗﺨﺎﻓﻴﻨﻪ ﻣﺎﻳﻀﺮﺝ
.. ﻣﺎﻋﻨﺪﻱ ﺷﻲ ﻭﻳﺎﻫﺎ ﺍﻟﻠﻪ ﻳﺤﻔﻈﻬﺎ ﺍﻟﻚ ﻣﺒﻴﻴﻦ ﺗﺤﺒﻬﺎ
.. ﺻﺢ ﺍﺣﺒﻬﺎ ﺑﺲ ﻃﺒﻌﻬﺎ ﻳﻀﻮﺟﻨﻲ ﺗﺎﺳﺮﻉ ﻭﺗﺄﺫﻱ ﻧﻔﺴﻬﺎ ﻗﺒﻞ ﺍﻟﻜﻞ
ﻫﺴﻪ ﺍﻧﺘﻲ ﻣﺎﻋﻠﻴﭻ ﻣﻨﻬﺎ ﺍﻧﺘﻲ ﻣﻜﺎﻧﭻ ﻫﻨﺎ ﺍﺷﺮﻟﻲ ﻋﻠﻰ ﮔﻠﺒﻪ
ﻭﺗﺮﻩ ﻫﻮﻩ ﺍﻟﺮﺍﺩﭺ ﻭﻫﺬﺍ ﻭﺍﻓﻘﻠﻪ ﺟﺎﻥ ﻳﺤﭽﻲ ﻭﻋﻴﻮﻧﻪ ﺗﺤﺠﻲ ﻭﺍﺷﺮ ﻋﻠﻰ ﻋﻘﻠﻪ
ﻳﻌﻨﻲ ﺍﻟﻲ ﻳﺮﺿﺎ ﻭﺍﻟﻤﺎﻳﺮﺿﺎ ﻣﻴﺄﺛﺮﻭﻥ ﺑﺸﻲ ﺣﻜﻤﺞ ﺑﻴﺪ ﺫﻭﻟﻲ ﻭﺫﻭﻟﻲ ﻳﺮﺩﻭﻧﭻ ﻭﻣﻦ ﻳﺸﻮﻓﻨﭻ ﻫﻴﭻ ﻳﺼﻴﺮ ﺑﻴﻬﻦ ﺍﺿﻄﺮﺍﺏ ﺑﻜﻞ ﺍﻋﻀﺎﺀ ﺍﻟﺠﺴﻢ ﺑﺤﻴﺚ ﻫﺴﻪ ﻭﺍﻧﺘﻲ ﻋﻴﻨﭻ ﺍﻟﺤﻠﻮﻩ ﻋﻠﻴﻪ ﻛﻞ ﻋﻀﻮ ﺑﺠﺴﻤﻲ ﻳﺮﻳﺪﺝ
ﺣﺒﻴﺒﻪ ﺭﻭﺣﻲ ﺍﻧﺘﻲ ﺟﻨﺖ ﻻﻏﻲ ﺍﻟﺰﻭﺍﺝ ﻣﻦ ﺑﺎﻟﻲ ﻧﻬﺎﺋﻴﺎ ﺍﻧﺘﻲ ﺍﻟﺨﻠﻴﺘﻨﻴﻨﻲ ﺍﺭﻳﺪ ﺍﺗﺰﻭﺝ ﻭﺍﻛﻮﻥ ﻋﺎﺋﻠﻪ
ﻭﻳﺎﺝ ﻋﺮﻓﺖ ﻣﻌﻨﻰ ﺍﻟﺤﻴﺎﺓ ﺑﺪﻭﻥ ﺯﻭﺟﻪ ﻭﺍﻃﻔﺎﻝ ﻣﺎﻛﻮ ﻫﺪﻑ ﺭﻏﻢ ﺍﻻﺳﻮﻱ ﻣﻮ ﻗﻠﻴﻞ ﻭﻣﻮ ﻓﺎﺭﻍ ﺍﻧﻲ ﺑﺲ ﺍﻟﻔﺮﺍﻍ ﺑﺮﻭﺣﻲ ﻭﻣﺤﺪ ﻳﻤﻠﻲ ﻏﻴﺮﺝ
.. ﺩﻧﮕﺖ ﺧﺠﻼﻧﻪ ﺣﺴﻴﺘﻪ ﺗﻘﺮﺑﻠﻲ
.. ﺃﮔﻮﻝ ﻫﺬﺍ ﺍﻟﺨﺠﻞ ﻳﺨﻠﻴﻨﻲ ﺍﻓﻘﺪ ﺍﻟﺘﻮﺍﺯﻥ ﻭﻋﻴﻮﻧﭻ ﺍﻟﻴﻮﻡ ﻭﺷﻜﻠﺞ ﻏﻴﺮ ﺷﮕﺪ ﻣﺎﺟﻨﺘﻲ ﺣﻠﻮﻩ ﺻﺎﻳﺮﻩ ﺍﺣﻠﻰ ﺷﺮﺍﻳﺞ ﻫﺴﻪ ﻧﻌﻘﺪ
.. ﺭﻓﻌﺖ ﺭﺍﺳﻲ ﻣﺘﻔﺎﺟﺄﻩ ﻻ ﺷﻠﻮﻥ ﺑﺎﭼﺮ ﺻﺎﻟﻮﻧﻲ ﻭﺑﺪﻟﻪ ﻭﺍﻟﺬﻫﺐ ﻭﻋﻤﺎﺗﻲ ﻭﻋﻤﺎﻣﻲ ﻏﻴﺮ ﻫﻴﭻ ﻣﺘﻔﻘﻴﻦ
.. ﻣﻨﻮ ﺍﻟﻤﺘﻔﻖ ﺍﻧﻲ ﻣﺎﻳﻬﻤﻨﻲ ﻏﻴﺮﺝ ﺍﺫﺍ ﻭﺍﻓﻘﺘﻲ ﻫﺴﻪ ﺍﺟﻴﺒﻪ ﻭﻧﻌﻘﺪ ﻉ ﺍﻷﻗﻞ ﺍﺷﻮﻑ ﺑﺮﺍﺣﺘﻲ ﺑﺎﻟﺤﻼﻝ
.. ﺣﺒﻴﺒﻲ ﺑﺲ ﺑﺎﭼﺮ
.. ﺍﺧﺦ ﺍﺧﺦ ﺍﻧﻮﺏ ﺣﺒﻴﺒﻬﺎ ﻫﺎﻱ ﺗﺪﻭﺥ ﺍﻛﺜﺮ
.. ﻋﻠﻲ ﻓﺪﻭﻩ ﺑﺲ ﻻﺗﺤﭽﻲ ﺻﺪﮒ
.. ﻭﺍﻟﻠﻪ ﻟﻮ ﺑﻴﺪﻱ ﺍﺳﻮﻳﻬﺎ ﺑﺲ ﺍﺻﺒﺮ ﻭﺍﻟﻠﻪ ﻛﺮﻳﻢ
ﺗﻌﺎﻟﻲ ﮔﻌﺪﻱ ﻳﻤﻨﻪ ﺗﺮﻩ ﻋﻴﺐ ﻣﻨﻬﻢ ﺍﻧﻪ ﻫﻨﺎ ﻭﺍﻧﻪ ﺍﺭﻳﺪﺝ ﮔﺪﺍﻡ ﻋﻴﻨﻲ
.. ﻣﺎﺍﺣﺐ ﺍﺳﻤﻊ ﻛﻼﻡ ﻣﺤﻠﻮﻭ
.. ﻣﺤﻠﻮﻭ ﻫﻮﻩ ﻣﻨﻮﻭ ﺍﻟﻲ ﻳﺴﻤﻌﺞ ﻛﻼﻡ ﻣﺤﻠﻮﻭ ﻭﺍﻧﻲ ﻛﺎﻋﺪ ﻗﻠﺪﺕ ﺻﻮﺗﻬﺎ .. ﻫﻮﻩ ﻫﻴﺞ ﺍﻟﻲ ﻳﻄﻴﺮ ﺍﺣﺮﻑ ﻭﻳﻌﻮﺝ ﺣﻠﮕﻪ ﺑﻬﺎﻟﻄﺮﻳﻘﻪ ﻳﺼﻴﺮ ﻋﺴﻞ ﻳﻌﻨﻲ ﺍﻧﻪ ﻫﺴﻪ ﻣﻦ ﺍﮔﻮﻝ ﻣﺤﻠﻮﻭ ﺗﻄﻠﻊ ﻣﻨﻲ ﻣﺜﻞ ﻣﺎﺗﻄﻠﻊ ﻣﻨﭻ ﻟﻮ ﻧﺸﺎﺯ ﻫﻬﻬﻬﻬﻪ
🔹🔸🥇🔹🔸
ﺍﻧﺖ ﻛﻠﺸﻲ ﻣﻨﻚ ﺣﻠﻮﻭ
.. ﺍﻧﻲ ﻣﺤﻠﻮﻭ ﺍﻧﺘﻲ ﺍﻟﺤﻠﻮﻭ ﻳﺎﺣﻠﻮﻭ ﻫﻬﻬﻬﻪ .. ﻋﻠﻴﺎﺀ ﺑﺲ ﻻﺍﺻﻴﺮ ﺷﻴﺦ ﻛﻴﻮﺕ ﻣﻦ ﻭﺭﻩ ﺍﻟﺴﺎﻧﺞ
.. ﺿﺤﻜﺖ ﺍﻧﺖ ﺍﺣﻠﻰ ﺍﻟﺸﻴﻮﺥ
.. ﻫﻮﺍﻱ ﻳﮕﻠﻮﻟﻲ
.. ﻣﻨﻮ ﻳﻌﻨﻲ ﻫﻮﺍﻱ
.. ﻫﻮﺍﻱ ﻫﻮﺍﻱ ﻷﻥ ﺍﻟﻲ ﺍﻣﺸﻲ ﻭﻳﺎﻫﻢ ﻛﻞ ﺍﻋﻤﺎﺭﻫﻢ ﻣﻦ ﺍﻟﺨﻤﺴﻴﻦ ﻭﻓﻮﮒ ﺑﺲ ﺍﻧﻪ ﺍﻟﺸﺎﺏ ﺑﻴﻨﻬﻢ ﺍﻛﻴﺪ ﺍﻷﻧﻈﺎﺭ ﺗﺼﻴﺮ ﻋﻠﻴﻪ ﺧﻠﻲ ﺍﺑﺎﻟﭻ ﺍﻧﺘﻲ ﻣﻮ ﺍﻭﻝ ﻣﻌﺠﺒﻪ ﺑﺲ ﺍﻧﺘﻲ ﻧﻬﻴﺘﻲ ﻫﻤﻪ ﻣﺎﻋﺮﻓﻮﻭﻭ ﻳﻨﻬﻮﻭﻥ ﻫﻠﻴﻪ
.. ﻻﻭﺍﻟﻞ A
ﺿﺠﺖ ﻣﻦ ﺣﺠﻪ ﻫﻴﺞ ﻳﻌﻨﻲ ﺍﻧﺖ ﺗﻌﺮﻑ ﻋﻨﺪﻙ ﻣﻌﺠﺒﺎﺕ ﻭﻓﺮﺣﺎﻥ
.. ﺍﻛﻴﺪ ﻫﻮﺍﻱ ﻋﻨﺪﻱ ﺑﺲ ﺍﻧﻲ ﻣﺎﺣﺒﻴﺖ ﺍﻻ ﻭﺣﺪﻩ ﻭﻫﻴﻪ ﺍﻧﺘﻲ ﻭﻷﻥ ﺍﺣﺒﻬﺎ ﻇﻠﻤﺘﻨﻲ ﻭﮔﻌﺪﺗﻨﻲ ﻫﺴﻪ ﺍﻧﻪ ﻣﺘﺎﻧﻲ ﺑﺎﭼﺮ ﺑﺎﻟﻌﻘﺪ ﻟﻮ ﺍﮔﻮﻝ ﻧﻌﻢ ﻟﻮ ﺍﻃﻠﺐ ﻣﻦ ﺍﻟﺸﻴﺦ ﻳﺨﻠﺼﻨﻲ ﻭﻳﻨﻄﻴﺞ ﻣﺤﺎﺿﺮﻩ ﺩﻳﻨﻴﻨﻪ ﺗﻌﻠﻤﺞ ﺷﻨﻲ ﺍﻟﻨﻬﻮﻩ ﻭﺷﻨﻲ ﺍﺿﺮﺍﺭﻫﺎ ﻉ ﺍﻟﺸﺨﺺ ﺍﻟﻤﻨﻬﻲ ﺍﺣﺐ ﺍﺷﻮﻓﻬﺎ ..
ﺗﺮﺗﺒﻚ ﻭﺗﻌﺼﺐ ﻳﻀﻞ ﺍﻟﺴﺎﻧﻬﺎ ﻳﻔﻠﺖ ﺑﺪﻭﻥ ﻣﺘﻔﻜﺮ ﻭﺍﺭﺗﺎﺡ ﻣﻦ ﺍﺳﻤﻊ ﺣﺠﻴﻬﺎ ﻃﺎﻟﻊ ﻣﻦ ﮔﻠﺒﻬﺎ ﻛﺘﻠﻬﺎ ﻫﺎﻟﺤﺠﻲ ﻭﺿﺤﻜﺖ ﻋﻠﻰ ﺭﺩﺓ ﻓﻌﻠﻬﺎ
.. ﻭﺍﻟﻠﻪ ﺍﻧﻲ ﺣﺎﻟﻲ ﺣﺎﻟﻚ ﻫﻢ ﺑﻨﺖ ﻋﻤﻚ ﻭﻫﻢ ﺍﺭﻳﺪﻙ ﻳﻌﻨﻲ ﺍﺣﺴﻦ ﺑﺎﻟﻲ ﻳﻤﻚ ﻭﺍﻗﺒﻞ ﺑﻐﻴﺮﻙ ﻟﻮ ﺍﺣﺴﻦ ﺗﺘﺰﻭﺝ ﻏﻴﺮﻱ ﻭﺍﺩﺭﻱ ﺑﻴﻚ ﺍﻧﺖ ﺭﺍﻳﺪﻧﻲ
.. ﻫﻬﻬﻬﻬﻬﻪ ﻻ ﻭﺍﻟﻠﻪ ﻣﻮ ﺍﺣﺴﻦ ﺯﻳﻦ ﺳﻮﻳﺘﻲ ﻳﻠﻠﻪ ﺗﻌﺎﻟﻲ ﻛﺎﻓﻲ ﻫﻮﺍﻱ ﺣﭽﻴﻨﻪ
ﺛﺎﻧﻲ ﻳﻮﻡ ﻫﻮﻩ ﻃﻠﻊ ﻟﻠﺤﻼﻕ ﻭﻫﻢ ﺍﻟﺘﻬﻮ ﻫﻮﻩ ﻭﺍﻟﻮﻟﺪ ﺫﺑﺤﻮ ﺫﺑﺎﻳﺢ ﻭﻋﺰﻣﻮ ﺍﻋﻤﺎﻧﻲ ﻭﻋﻤﺎﺗﻲ ﻭﺑﻨﺎﺗﻬﻢ ﻭﺟﻨﺎﻳﻨﻬﻢ ﺍﺻﻼ ﻧﺎﺱ ﻫﻮﺍﻱ ﺍﺟﺖ ﻭﻳﮕﻠﻮﻥ ﺳﻜﺘﻪ ﻟﻌﺪ ﻟﻮ ﻣﺴﻮﻳﻦ ﺣﻔﺎﻩ ﻣﻨﻮ ﻳﺠﻲ
ﺭﺣﺖ ﻟﻠﺼﺘﻠﻮﻥ ﻭﻫﻢ ﺭﻳﻢ ﻭﻳﺎﻱ
ﻭﺍﻓﻴﺎﺀ ﻫﻢ ﺭﺍﺣﺖ ﺭﺗﺒﻦ ﻧﻔﺴﻬﻦ ﻭﺍﻧﻲ ﺑﻠﺸﺖ ﺑﻴﻪ ﺍﻡ ﺍﻟﺼﺎﻟﻮﻥ ﺳﺎﻋﺘﻴﻦ ﻭﻧﺺ ﺍﺣﺲ ﮔﻠﺒﺖ ﺧﻠﻘﺘﻲ
ﺧﻠﺼﻨﻪ ﺍﻟﻀﻬﺮ ﻣﻦ ﻭﻣﻘﺖ ﺑﺎﻟﺜﻨﺘﻴﻦ ﺭﺟﻌﺖ ﻟﻠﺒﻴﺖ ﺍﻟﺠﻜﻠﻴﺖ ﺗﺎﺭﺱ ﺍﻟﺒﻴﺖ ﺑﺲ ﻣﺎﻛﻮ ﺍﻏﺎﻧﻲ ﻭﻫﻴﺞ ﺷﻲ ﻫﺪﻭﺀ
ﻭﺳﻮﺍﻟﻒ
ﻣﻦ ﺩﺧﻠﺖ ﻫﻨﻪ ﻫﻮﺳﻦ ﺷﻜﻢ ﻫﻮﺳﻪ
ﻭﻫﻤﻪ ﺑﺘﻼﺛﻪ ﺍﻟﻀﻬﺮ ﻋﻘﺪﻭﻭ ﺍﺟﻪ ﺍﻟﺴﻴﺪ ﻳﻌﻘﺪ ﻭﺧﻠﻮﻧﻲ ﻭﺭﻩ ﺍﻟﺒﺎﺏ ﺍﻧﻄﻴﺖ ﺍﻟﻤﻮﺍﻓﻘﻪ ﻭﺳﺄﻟﻪ ﺗﺬﻛﺮﺕ ﺣﺠﺎﻳﺘﻪ ﺑﺎﻟﻠﻴﻞ ﺍﺑﺘﺴﻤﺖ ﻣﻦ ﻭﺍﻓﻖ ﻭﺻﺎﺭ ﺍﻟﻌﻘﺪ
ﻭﺭﻩ ﻣﺎﻃﻠﻊ ﺍﻟﺴﻴﺪ ﮔﺎﻟﻮ ﺍﺣﺘﺸﻤﻦ ﺭﺍﺡ ﻳﺪﺧﻞ ﺍﻟﻌﺮﻳﺲ ﻭﺍﻟﻜﻞ ﺍﺣﺘﺸﻤﻮﻭ
ﺑﺴﺎﻋﺘﻬﺎ ﺍﺣﺴﺎﺳﻲ ﻏﻴﺮ ﺍﺣﺲ ﺑﺪﺧﻠﺘﻪ ﻣﺎﻛﻮ ﺍﺣﺪ ﺑﺲ ﺍﻧﻲ ﻭﻫﻮﻩ
ﻻﺑﺲ ﻏﺘﺮﻩ ﺑﻴﻀﻪ ﻭﻋﮕﺎﻝ ﻭﺩﺷﺪﺍﺷﻪ ﺑﻴﻀﻪ ﺑﺮﺩﻧﻬﺎ ﻣﺨﻠﻲ ﺑﺮﻭﺵ ﺫﻫﺒﻲ
ﻭﻻﺑﺲ ﻋﺒﺎﻳﻪ ﺳﻮﺩﻩ ﺍﻃﺎﺭﻫﺎ ﺫﻫﺒﻲ ﻫﻢ
ﺍﻟﻌﻄﺮ ﺍﻟﻲ ﻣﺨﻠﻲ ﺍﺧﺬﻧﻲ ﺍﻟﻌﺎﻟﻢ ﺛﺎﻧﻲ ﺑﻮﮔﻔﺘﻪ ﻳﻤﻲ ﺣﺴﻴﺖ ﻧﻔﺴﻲ ﻭﺍﺻﻠﻪ ﺍﻟﺼﺪﺭﻩ ﺩﻧﻚ ﻋﻠﻴﻪ ﺑﺎﺳﻨﻲ ﺑﮕﺼﺘﻲ
ﻭﺑﺨﺪﻱ
ﻛﻌﺪﻧﻪ ﻭﺟﺎﻥ ﺷﻜﻠﻪ ﻳﺠﻨﻦ ﻫﻴﺒﻪ
ﻣﺎﺣﭽﻪ ﺷﻲ
ﮔﻠﻲ ﻫﺬﺍ ﺍﻟﻜﻴﻚ ﻳﻤﻲ ﻫﺴﻪ ﺑﺲ ﻟﻠﺸﻮﻑ ﺑﺲ ﺗﺤﻀﺮﻱ ﺍﻟﻴﻮﻡ ﺍﺭﻳﺪ ﺍﺿﻮﮒ
ﺍﻧﻪ ﻣﺎﺍﺣﺐ ﺍﻟﺰﻳﻨﻪ ﻭﺍﻟﻤﻨﻈﺮ ﺑﺲ ﺍﺣﺐ ﺍﻟﻄﻌﻢ ﻳﻜﻮﻥ ﺣﻘﻴﻘﻲ ﻣﺜﻞ ﻣﺎﺷﺎﻳﻔﻪ ﻭﻳﻤﻜﻦ ﻳﻄﻠﻊ ﺍﺣﻠﻰ ﻏﻤﺰﻟﻲ
ﻋﺮﻓﺖ ﻗﺼﺪﻩ ﻭﻧﺼﻴﺖ ﺧﺠﻼﻧﻪ
.. ﻛﻤﻠﻮ ﺣﻔﻠﺘﻜﻢ ﻳﺮﻭﺣﻲ ﺍﻧﻪ ﻃﺎﻟﻊ ﺑﺎﻟﻠﻴﻞ ﻧﺒﺪﻱ ﻣﻮ ﻫﺴﻪ
.. ﺷﻨﻮ ﻧﺒﺪﻱ
.. ﻧﺒﺪﻱ ﻧﻀﻮﮒ ﺧﻴﺮﺍﺕ ﺍﻟﻠﻪ ﻭﻧﺴﻮﻟﻒ ﺍﻟﻴﻌﺠﺒﻨﻪ ﺷﻲ ﻭﺍﺣﺪ ﻻﺯﻣﻨﻲ ﻣﻨﺞ ﻫﻮﻩ ﺍﻟﺤﺮﺍﻡ ﻭﻫﺴﻪ ﺍﻧﺘﻲ ﻣﺮﺗﻲ ﺑﺎﻟﺤﻼﻝ ﻭﺑﺸﻬﻮﺩ ﺍﻟﻜﻞ ﻣﺒﺮﻭﻙ ﻋﻠﻴﺞ ﻭﺍﻟﻒ ﻣﺒﺮﻭﻙ ﻋﻠﻴﻪ
.. ﺣﺒﻴﺒﻲ ﺭﺑﻲ ﻳﺒﺎﺭﻛﻠﻚ ﻭﻳﺒﺎﺭﻛﻠﻲ ﺑﻴﻚ ﺑﺎﺳﻨﻲ ﻭﻃﻠﻊ
ﻭﺿﻞ ﻛﻼﻣﻪ ﻳﺮﻥ ﺑﺮﺍﺳﻲ ﺍﻟﻴﻮﻡ ﺣﺒﻴﺒﻲ ﺍﻟﻲ ﻭﺍﻧﻲ ﺍﻟﺤﺒﻴﺒﻲ
ﺑﺎﻟﻠﻴﻞ ﺍﻟﻜﻞ ﺭﺍﺣﻮﻭ ﻭﺭﺣﺖ ﺍﺭﻭﺡ ﺍﺑﺪﻝ ﻭﺍﻓﺘﺢ ﺍﻟﺘﺴﺮﻳﺤﻪ ﺣﺘﻪ ﺍﻏﺴﻞ
ﺍﻧﻔﺘﺢ ﺍﻟﺒﺎﺏ ﺑﺪﻭﻥ ﻣﻴﻨﺪﮒ ﻫﺎﻟﻤﺮﻩ
ﺩﺭﺕ ﻭﺟﻬﻲ ﺷﻔﺖ ﺍﺑﺘﺴﺎﻣﺘﻪ ﺍﺑﺘﺴﻤﺖ
.. ﻫﻠﻮ ﻫﺎﻱ ﺍﻧﺖ
.. ﻣﻨﻈﺮﻩ ﻏﻴﺮﻱ
.. ﻻ ﺑﺲ ﻋﺒﺎﻟﻲ ﺗﺘﺄﺧﺮ ﻭﻣﻠﺤﮕﺖ ﺍﺑﺪﻝ ﻣﻦ ﺍﻟﺨﻄﺘﺮ ﻭﺍﻟﻬﻮﺳﻪ
.. ﻭﻫﺬﺍ ﺍﻟﻤﻄﻠﻮﺏ ﺍﻧﻪ ﺭﺩﺗﭻ ﻫﻴﭻ
.. ﺗﻘﺮﺏ ﻋﻠﻴﻪ ﻭﺍﻧﻲ ﻣﻦ ﺧﺠﻠﻲ ﻧﺼﻴﺖ ﺭﺍﺳﻲ
ﺭﻓﻊ ﺭﺍﺳﻲ ﺑﻄﺮﻑ ﺍﻳﺪﻩ ﻭﻋﻴﻨﻪ ﻋﻠﻴﻪ
.. ﺑﻘﻦ ﺑﺲ ﻋﻴﻮﻧﻪ ﻳﺤﭽﻦ ﺗﻘﺮﺑﺖ ﻋﻠﻴﻬﺎ ﺍﻛﺜﺮ ﺷﻔﺘﻬﺎ ﻏﻤﻀﺖ ﻋﻴﻨﻬﺎ ﺍﺧﺬﺕ ﺷﻔﺘﻬﺎ ﺑﺸﻮﻕ ﻭﻟﻬﻔﻪ ﺍﺣﺲ ﺭﻭﺣﻲ ﺍﻧﺪﻣﺠﺖ ﺑﺮﻭﺣﻬﺎ
ﺷﻔﺖ ﻧﻔﺴﻬﺎ ﻳﺼﻌﺪ ﻭﻳﻨﺰﻝ
ﺧﻔﺖ ﻋﻠﻴﻬﺎ ﻣﻦ ﺍﻟﻨﻮﺑﻪ ﺣﻀﻨﺘﻬﺎ ﻭﮔﻌﺪﺕ ﻛﻌﺪﺗﻬﺎ ﻳﻤﻲ
.. ﻛﺘﻠﺞ ﺍﺭﻳﺪ ﺍﺿﻮﻙ ﻭﺷﻔﺖ ﺍﻟﻄﻌﻢ ﺍﺣﻠﻰ ﻣﻦ ﺍﻟﺸﻜﻞ
.. ﺑﻘﻴﺖ ﻣﻐﻤﻀﻪ ﻣﻦ ﺍﻟﺜﻮﻝ ﺍﻟﺼﺎﺭ ﺑﻴﻪ
.. ﺿﺤﻜﺖ ﻛﺎﻓﻲ ﻓﺘﺤﻲ ﻋﻴﻨﭻ ﻛﻠﻨﻪ ﻧﻀﻮﮒ ﻣﻮ ﻧﺎﻛﻞ ﻳﻌﻨﻲ ﺷﻮﻳﻪ ﺷﻮﻳﻪ ﻫﻬﻬﻪ
.. ﻋﺰﻩ ﻣﺘﺖ ﺧﺠﻞ ﺩﻧﮕﺖ ﻭﺻﺎﺭ ﻭﺟﻬﻲ ﻧﺎﺭ
.. ﻋﻔﻴﻪ ﻻﺗﺤﺮﺟﻨﻲ
.. ﻻ ﻭﺍﻟﻠﻪ ﻣﻮ ﻣﺘﻘﺼﺪ ﺍﺣﺮﺟﺞ ﺍﻧﻪ ﺑﺲ ﻭﻳﺎﺝ ﻫﻴﺞ ﻃﺒﻌﻲ ﻣﺎﺍﻋﺮﻑ ﻟﻴﺶ ﻭﻳﺎﺝ ﺍﺧﺘﻠﻒ ﺑﺎﻟﻌﺎﺩﻩ ﻭﺍﻟﻜﻞ ﻳﻌﺮﻓﻨﻲ ﺍﻧﻪ ﻣﻮ ﻫﻴﺞ ﺣﺘﻪ ﺭﻭﺣﻲ ﻣﺎﺍﻋﺮﻓﻬﺎ ﻫﻴﺞ ﻭﻳﺎﺝ ﻋﺮﻓﺖ ﻋﻨﺪﻱ ﻫﻴﺞ ﻣﺸﺎﻋﺮ
.. ﺍﻧﻲ ﻫﻢ ﻫﻮﺍﻱ ﺷﻐﻼﺕ ﺍﻛﺘﺸﻔﺘﻬﺎ ﺑﻴﻪ ﻭﻫﻢ ﺗﺼﻴﺮ ﺑﺲ ﻭﻳﺎﻙ
.. ﻣﺜﻞ ﺷﻨﻲ ﻳﻌﻨﻲ
.. ﻣﺎﺍﻋﺮﻑ ﻟﻮ ﺳﺮﺣﺖ ﺑﻴﻚ ﻭﺍﺟﻤﻊ ﻛﻼﻡ ﻣﺮﺗﺐ ﺑﺲ ﻣﻦ ﺍﺣﭽﻲ ﻭﻳﺎﻙ ﺍﺣﺲ ﻓﻄﺎﺭﻳﺔ ﺍﻟﺪﻧﻴﺎ ﻛﻠﻬﺎ ﺗﺼﻴﺮ ﺑﻴﻪ ﻭﺍﻋﺮﻑ ﻫﻮﺍﻱ ﺍﺟﻔﺺ ﺑﺎﻟﺤﺠﻲ ﻭﻳﺎﻙ ﺑﺲ ﻣﺎﺍﻋﺮﻑ ﺍﻧﺖ ﺷﻠﻮﻥ ﻣﺘﺤﻤﻠﻨﻲ
.. ﻫﻬﻬﻬﻪ ﺍﺣﻠﻰ ﻓﻄﺎﺭﻳﻪ ﻭﺍﺣﻠﻰ ﺗﭽﻔﻴﺺ ﻭﺍﺣﻼﻫﻦ ﻧﻬﻮﺗﺞ ﺍﻗﻮﻩ ﺗﺠﻔﻴﺼﻪ ﺑﺲ ﺍﺣﻠﻰ ﺍﺣﺴﺎﺱ ﺣﺴﻴﺘﻪ ﺑﻮﻗﺘﻬﺎ ﺣﺴﻴﺖ ﻧﻬﻮﺗﺞ ﻃﺎﻟﻌﻪ ﻣﻦ ﮔﻠﺒﺞ ﺷﻮﻓﻮﻭ ﺍﻧﺘﻲ ﻣﻦ ﻧﻬﻴﺖ ﻋﻠﻴﺞ ﮔﻠﺒﺘﻲ ﺍﻟﺨﻠﻘﻪ ﺑﺲ ﻟﻴﺶ ﺍﻧﻪ ﻓﺮﺣﺖ ﺑﻨﻬﻮﺗﺞ ﻫﺎﻱ ﻫﻢ ﻓﻄﺎﺭﻳﻪ ﻣﻨﻲ ﻳﻠﻠﻪ ﺣﺴﺒﻴﻨﻪ ﻣﺘﻌﺎﺩﻟﻴﻦ
.. ﺍﺑﺘﺴﻤﺖ ﻋﻠﻲ ﺍﻧﺖ ﺻﺪﮒ ﺗﺤﺒﻨﻲ ﻟﻮ ﺍﻧﻲ ﻛﺎﺳﺮﻩ ﺧﺎﻃﺮﻙ
.. ﺍﺣﺒﭻ ﻛﻠﻤﻪ ﻗﻠﻴﻠﻪ ﺍﻧﺘﻲ ﺗﺮﺑﻌﺘﻲ ﺑﻨﺺ ﻫﺬﺍ ﻭﮔﻠﺘﻲ ﻟﻠﺒﺎﻗﻲ ﻛﺶ ﻣﻠﻚ ﺍﺷﺮﺕ ﻋﻠﻰ ﻛﻠﺒﻲ ﻣﺎﺍﻋﺮﻑ ﺷﻠﻮﻥ ﻭﺷﻮﻛﺖ ﺣﺒﻴﺘﺞ ﺑﺲ ﺍﻛﺘﺸﻔﺖ ﺭﻭﺣﻲ ﻭﻳﺎﺝ ﻫﺬﺍ ﻛﻞ ﺍﻟﻲ ﺍﻛﺪﺭ ﺍﻛﻮﻟﻪ ﺍﻣﺎ ﺳﺎﻟﻔﺔ ﻛﺴﺮﺕ ﺧﺎﻃﺮﻱ ﻫﺎﻱ ﻻﺗﻌﻴﺪﻳﻬﺎ ﺷﺒﻴﭻ ﺍﻧﺘﻲ ﻭﻳﻨﻜﺴﺮ ﺧﺎﻃﺮﻱ ﻋﻠﻴﭻ ﭼﻨﺞ ﻭﺭﺩ ﻭﺗﺨﺒﻠﻴﻦ ﻭﻓﻮﻙ ﻛﻞ ﻫﺬﺍ ﻗﻮﻳﻪ ﻭﺗﻨﻬﻴﻦ ﻫﻬﻬﻬﻪ
.. ﺍﻧﺖ ﺭﺍﺡ ﺗﻀﻞ ﺗﻌﻴﺪ ﻫﺎﻟﺴﺎﻟﻔﻪ
.. ﻣﺮﺍﺡ ﺍﻧﺴﺎﻫﺎ ﺑﻴﻮﻡ . ﺣﻀﻨﺘﻬﺎ ﻗﻮﻱ ﺣﺒﻴﺒﺘﻲ ﻭﺭﻭﺣﻲ ﻭﮔﻠﺒﻲ ﺍﻧﺘﻲ ﻣﻦ ﻫﺬﺍ ﺍﻟﻴﻮﻡ ﻟﺘﻔﻜﺮﻳﻦ ﺑﺸﻲ ﻭﻟﺘﺨﺎﻓﻴﻦ ﻣﻦ ﺷﻲ ﻭﻛﻞ ﺍﻟﻲ ﺗﺴﻤﻌﻲ ﻳﻀﻮﺟﺞ ﻻﺗﻔﻜﺮﻳﻦ ﺑﻲ ﻓﻜﺮﻱ ﺑﺤﺒﻲ ﺍﻟﭻ ﻭﺑﺲ
ﻭﺧﺮﺗﻬﺎ ﻭﺧﻠﻴﺖ ﻭﺟﻬﺎ ﺑﻴﻦ ﺍﺩﻳﻪ ﻭﻋﻴﻨﻲ ﺑﻌﻴﻨﻬﺎ ﺣﺴﻴﺘﻬﺎ ﻣﺘﻘﺒﻠﻪ ﺍﻷﻓﻜﺮ ﺑﻲ
ﻏﺮﺳﺖ ﺍﺻﺎﺑﻌﻲ ﺑﺘﺴﺮﻳﺤﺘﻬﺎ ﻣﻦ ﻳﻢ ﺭﮔﺒﺘﻬﺎ ﻭﺍﺧﺬﺕ ﺷﻔﺘﻬﺎ
.. ﺣﺒﻴﺒﺘﻲ ﺍﻧﻪ ﺭﺍﻳﺢ ﺍﺭﺗﺎﺡ ﻭﻣﺎﺍﺭﻳﺪ ﻫﻢ ﺍﻃﻮﻝ ﻳﻤﺞ ﺍﻟﻌﻴﻮﻥ ﻋﻠﻴﻨﻪ
ﺍﻧﺘﻲ ﻳﻤﻲ ﻭﺍﺑﻴﺘﻲ ﺷﻮﻛﺖ ﻣﺎﺍﺭﻳﺪ ﺍﺷﻮﻓﭻ ﺭﺍﺡ ﺍﺷﻮﻓﺞ ﺍﺭﺗﺎﺣﻲ ﺣﺒﻴﺒﻪ
ﻭﻟﺘﺨﺎﻓﻴﻦ ﻣﺮﺍﺡ ﺍﺿﺎﻳﻘﺞ ﺍﺧﺬﻱ ﺭﺍﺣﺘﺞ ﻣﺜﻞ ﻗﺒﻞ ﻭﺍﻛﺜﺮ ﺍﻟﻴﻮﻡ ﻃﻮﺧﺖ ﻭﻳﺎﺝ ﻷﻥ ﻋﺎﻗﺪ ﻭﻫﺬﻱ ﻫﺪﻳﺘﻲ ﻣﻨﭻ ﻭﻫﺪﻳﺘﭻ ﻫﺬﻱ
ﻃﻠﻌﺖ ﻋﻠﺒﻪ ﺻﻐﻴﺮﻩ ﺑﻴﻬﺎ ﻣﺤﺒﺲ ﻗﻠﺐ ﻭﺑﻨﺼﻪ ﺣﺮﻑ A
ﻛﺘﻠﻪ ﺍﻧﺖ ﺍﺣﻠﻰ ﻫﺪﻳﻪ ﻣﻦ ﺭﻟﻲ ﺗﺴﻠﻤﻠﻲ ﻭﺭﺑﻲ ﻳﺨﻠﻴﻚ ﺍﻟﻲ
ﺑﺎﺳﻨﻲ ﺑﺮﺍﺳﻲ ﻭﻃﻠﻊ
🔹🔸🥇🔹🔸
ﻳﺘﺒﻊ
اذا كنتي محملة التطبيق وقراءة وللان ممقيم تطبيقنا المتواضع ب5نجوم / الان ادخل/ي على Google play ونزلي تحت وقيمة / احبكم
فريق قصص عراقية
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء