رواية امي تبحث عن عريس الجزء الحادي عشر

..

رواية امي تبحث عن عريس الجزء الحادي عشر

للكاتبة أزهار ذابله

...

ﺍﺭﻳﺪ ﻟﻮﺍﺀ ﻣﻮ ﻫﺬﺍ ﺑﻴﺘﻪ ?..

ـ ﺍﻱ ﻫﺬﺍ ﺑﻴﺘﻪ ﺑﺲ ﺍﻧﺘﻲ ﻣﻨﻮ !

ـ ﻫﻪ ﻫﻮ ﺍﻧﺘﻲ ﺍﻟﻤﻨﻮ ﺍﻧﻲ ﺣﺒﻴﺒﺘﻪ ﺍﻧﺘﻲ ﺍﻛﻴﺪ ﺍﻟﺨﺪﺍﻣﻪ ﺍﻟﻌﻨﺪﻩ ﺍﻣﻤﻤﻢ ﺍﻧﻴﻦ ﻣﻮ ?..

ـ ﻳﻌﻨﻲ ﻫﻮ ﮔﺎﻟﺞ ﺍﻧﻴﻦ ﺍﻟﺨﺪﺍﻣﻪ ?..

ـ ﺍﻱ ﺩﺍﺋﻤﺎ ﻳﺬﻛﺮ ﺍﺳﻤﺞ ﻳﻤﻲ ﻣﻦ ﺳٲﻟﺘﻪ ﮔﺎﻝ ﺍﻟﺨﺪﺍﻣﻪ ..

ـ ﺍﻱ ﻓﻌﻼ ﺍﻧﻲ ﺍﻟﺨﺪﺍﻣﻪ ﻭﺣﻀﺮﺗﺞ ﻟﻴﺶ ﻫﻴﺞ ﻫﺠﻤﺘﻲ ﻉ ﺍﻟﺒﻴﺖ ﻭﺩﻓﻌﺘﻲ ﺍﻟﺨﺪﺍﻣﻪ ..

ـ ﺍﺳﻔﻪ ﺑﺲ ﻋﺒﺎﻟﻲ ﻣﻮﺻﻴﺞ ﻣﺘﺨﻠﻴﻨﻲ ﺍﺩﺧﻞ ﻻﻥ ﺻﺎﺭ ﺍﺳﺒﻮﻋﻴﻦ ﺗﺎﺭﻛﻨﻲ ﻭﺍﻧﻲ ﻓﻜﺮﺕ ﺍﺟﻲ ﻓﺠٲﺓ ﻟﻠﺒﻴﺖ ﺍﻓﻀﻞ ..

ـ ﻟﻌﺪ ﺍﻧﺘﻈﺮﻱ ﻫﻮ ﻫﺴﻪ ﻳﻮﺻﻞ ﻭﺍﻧﻲ ﺍﻓﻮﺕ ﺍﺟﻴﺒﻠﺞ ﻣﻲ ﻭﻋﺼﻴﺮ ﺍﺗﻔﻀﻠﻲ ﻣﺪﺍﻡ ﺍﻟﺒﻴﺖ ﺑﻴﺘﺞ ..

ﺍﺥ ﻟﻮﺍﺀ ﻫﻴﺞ ﺍﺗﺴﻮﻱ ﺑﻴﻪ ﻟﻴﺶ ﺍﻧﻮﺏ ﺍﺗﮕﻠﻬﺎ ﺧﺪﺍﻣﻪ ﻭﺑﺎﻻﺳﻢ ﺍﻧﻲ ﺧﺪﺍﻣﻪ ... ﺍﻱ ﻫﻮ ﻣﻮ ﺻﻮﺟﻚ ﺻﻮﺟﻲ ﺍﻧﻲ ﮔﺎﻋﺪﺗﻠﻚ ﻭﻣﺘﺤﻤﻠﻪ ﻇﻴﻤﻚ ﻭﺍﻫﻤﺎﻟﻚ ﺍﻧﻮﺏ ﻃﻠﻌﺖ ﺍﺗﺨﻮﻧﻲ ﻋﺰﺍ ﺍﻟﻌﺰﺍﺝ ﺍﻧﻴﻦ ﻣﺎﺍﺩﺭﻱ ﻭﻳﻦ ﻧﺎﻳﻢ ﺣﻈﻲ ﺍﻫﻤﺪﺍﻧﻲ ﺷﺴﻮﻱ ﻫﺴﻪ ﻭﻫﺎﻱ ﮔﺎﻋﺪﻩ ﺍﻟﺴﺨﻴﻔﻪ ﺫﺭﺓ ﺍﺧﻼﻕ ﻣﺎﻋﺪﻫﺎ ﻭﺍﺗﻠﻌﺐ ﺍﻟﻨﻔﺲ ﺷﻨﻮ ﺑﻴﻬﺎ ﺣﻠﻮ ﺷﻨﻮ ﺑﻴﻬﺎ ﻣﻤﻴﺰ ... ﺍﻭﻭﻭﻭﻑ ﻳﻤﻪ ﺗﻌﺎﻟﻲ ﺷﻮﻓﻲ ﺣﺎﻟﻲ ﮔﻠﺒﻲ ﺧﻠﺺ ﻣﻦ ﺍﻟﻘﻬﺮ ﺣﻤﻮﺕ ... ﺍﺣﺲ ﺣﺮﮔﻪ ﺻﺎﺭﺕ ﺑﻈﻬﺮﻱ ﻭﮔﻠﺒﻲ ﻳﺪﮒ ﺑﺴﺮﻋﻪ .... ﻣﺎﺍﻋﺮﻑ ﺷﻠﻮﻥ ﺳﻴﻄﺮﺕ ﻉ ﻧﻔﺴﻲ ﻭﻫﻲ ﻫﻢ ﺟﺬﺍﺑﻪ ﻣﻨﻈﺮﻱ ﻣﻮ ﻣﺎﻝ ﺧﺪﺍﻣﻪ ﻣﻜﻴﺎﺝ ﻭﻟﺒﺲ ﻭﺣﺘﻪ ﺫﻫﺐ ﺟﻨﺖ ﻻﺑﺴﻪ ﻋﺸﺘﻮ ﺑﻌﺪﻧﻲ ﻋﺮﻭﺱ ﺑﺲ ﻛﻢ ﺷﻬﺮ ﻓﺎﺕ ﻉ ﻋﺮﺳﻲ ﻭﻓﺮﺣﺎﻧﻪ ﺑﺮﻭﺣﻲ ... ﺍﺧﺬﺗﻠﻬﺎ ﻣﻲ ﻭﻋﺼﻴﺮ ﻗﺪﻣﺘﻬﻢ ﺍﻟﻬﺎ ... ﺗﺮﻛﺘﻬﺎ ﻭﺭﺣﺖ ﻟﻠﻐﺮﻓﻪ ﻭﺍﺩﮒ ﻉ ﺭﻗﻢ ﻟﻮﺍﺀ ﻣﻴﺮﺩ ﮔﻠﺖ ﺍﻛﻴﺪ ﻗﺮﻳﺐ ﻫﻞ ﻣﻴﺮﺩ ﻭﻓﻌﻼ ﺑﺲ ﻃﻠﻌﺖ ﻣﻦ ﺍﻟﻐﺮﻓﻪ ﺍﺳﻤﻊ ﺑﺎﺏ ﺍﻟﺒﻴﺖ ﺍﻧﺪﻓﻊ ﻭﺩﺧﻞ ﻟﻮﺍﺀ ...

ـ ﻫﻼً ﺍﺳﺘﺎﺫ ﺍﺗﻔﻀﻞ ...

ـ ﺷﺒﻴﺞ ﺍﻧﻴﻦ ﻟﻴﺶ ﻭﺟﻬﺞ ﻫﻴﺞ ﺻﺎﻳﺮ ?..

ـ ﺍﺳﺘﺎﺫ ﻫﻮ ﺍﻧﻲ ﻣﺠﺮﺩ ﺧﺪﺍﻣﻪ ﻟﻴﺶ ﺗﻬﺘﻢ ﺑﻴﻪ ﺍﺗﻔﻀﻞ ﺣﺒﻴﺒﺘﻚ ﻣﻨﺘﻈﺮﺗﻚ ﺻﺎﺭ ﺳﺎﻋﻪ ﺧﻄﻴﻪ ..

ـ ﺍﻧﻴﻦ ﺍﺣﺠﻲ ﻋﺪﻝ ﺷﻨﻮ ﺩﺍ ﺗﺤﺠﻴﻦ ﺑﺲ ﺍﺭﻳﺪ ﺍﻓﺘﻬﻢ !..

ـ ﻫﺴﻪ ﺗﻌﺮﻑ ﺗﻌﺎﻝ ﻓﻮﺕ ﺑﺎﻟﺼﺎﻟﻪ ﻭﺷﻮﻑ ..

ﺩﺧﻞ ﻟﻮﺍﺀ ﻭﺍﻧﻲ ﺍﻣﺸﻲ ﻭﺭﺍﻩ ﺑﺲ ﺍﻟﺤﺮﻛﻪ ﺑﻈﻬﺮﻱ ﺯﺍﺩﺕ ﺑﺲ ﺍﻻﻟﻢ ﺍﻟﻲ ﺑﮕﻠﺒﻲ ﺍﻛﺒﺮ ﻭﺍﻛﺜﺮ ﻟﺬﻟﻚ ﺍﺗﺤﻤﻠﺖ ...

ـ ﻫﺎﻱ ﺍﻧﺘﻲ ﺷﺠﺎﺑﺞ ﺍﻫﻨﺎ ?...

ﺳﻠﺮ : ﻫﻠﻮﻭ ﺣﺒﻲ ﺍﺷﻮ ﻣﺎﻛﻮ ﻭﺧﻔﺖ ﻋﻠﻴﻚ ﮔﻠﺖ ﺍﺟﻲ ﻟﻠﺒﻴﺖ ﺍﺳٲﻟﻬﻢ ﻋﻨﻚ ..

ﻟﻮﺍﺀ : ﻭﺷﻨﻮ ﺍﻟﻲ ﺑﻴﻨﺎ ﻭﺍﻧﺘﻲ ﺍﺗﮕﻮﻟﻴﻦ ﺣﺒﻲ ﺷﻮﻛﺖ ﺻﺮﺕ ﺣﺒﺞ ﺍﻧﺘﻲ ﻋﺎﻗﻠﻪ ?..

ﺍﻧﻴﻦ : ﺍﺗﺮﻛﻢ ﻭﺣﺪﻛﻢ ﺗﺘﻔﺎﻫﻤﻮﻥ ﺍﻧﻲ ﺍﺭﻭﺡ ﺍﻛﻤﻞ ﺷﻐﻠﻲ ..

ﻟﻮﺍﺀ : ﺍﻧﻴﻦ ﺍﺭﺟﻮﺝ ﺍﻧﺘﻈﺮﻱ ﺑﺲ ﺧﻠﻲ ﺍﻓﻬﻤﺞ ﺗﺮﺍ ﻫﺎﻱ ﺟﺬﺍﺑﻪ ﻣﺎﺍﻋﺮﻓﻬﺎ ..

ﺍﻧﻴﻦ : ﻭﺍﻥ ﻋﺮﻓﺘﻬﺎ ﺷﻨﻮ ﻳﻔﺮﻕ ﺍﻧﺖ ﺗﮕﻮﻟﻬﺎ ﻋﻨﻲ ﺧﺪﺍﻣﺘﻚ ﻳﻌﻨﻲ ﻣﻮ ﻣﻬﻢ ﺍﺗﺒﺮﺭ ﺍﻟﻲ ..

ﻟﻮﺍﺀ : ﻳﻌﻨﻲ ﺍﺗﺼﺪﻛﻴﻦ ﺑﻴﻬﺎ ﻭﻟﺞ ﺑﻄﻠﻲ ﺣﺮﻛﺎﺕ ﺍﻻﻃﻔﺎﻝ ﺍﻧﺘﻲ ﺯﻭﺟﺘﻲ ﻭﺣﺒﻴﺒﺘﻲ ....

ﺳﻠﺮ : ﻫﺎﻱ ﺷﻨﻮ ﺍﻧﺖ ﺗﻀﺤﻚ ﻋﻠﻴﻪ ﻣﻨﻮ ﻫﺎﻱ ﺯﻭﺟﺘﻚ ?...

ﻟﻮﺍﺀ : ﺍﻣﺸﻲ ﺍﻃﻠﻌﻲ ﺑﺮﺍ ﻻ ﻫﺴﻪ ﺍﺑﻠﻎ ﻋﻠﻴﺞ ﺍﻟﺸﺮﻃﻪ ﻛﺎﻓﻲ ﺗﺨﺮﻳﺐ ﻣﺎ ﺗﻤﻠﻦ ﻣﻦ ﺳﻮﺍﻟﻔﺠﻦ ﺷﻜﺪ ﺩﻓﻌﻮﻟﺞ ﺣﺘﻪ ﻫﻴﺞ ﺗﺤﺠﻴﻦ ..

ﺳﻠﺮ : ﺣﺒﻲ ﺷﺒﻴﻚ ﺷﻨﻮ ﺩﺍ ﺗﺤﺠﻲ

...

ﺍﻧﻲ ﺑﺲ ﺍﺗﻔﺮﺝ ﻉ ﺍﻟﻤﺸﻬﺪ ﻭﻇﻠﺖ ﻛﻠﻤﺔ ﻟﻮﺍﺀ ﺗﺘﻜﺮﺭ ﺑﺮﺍﺳﻲ ﺯﻭﺟﺘﻲ ﻭﺣﺒﻴﺒﺘﻲ ﻣﻤﺼﺪﻛﻪ ﻛﻞ ﻫﺬﺍ ﻳﻌﻨﻲ ﻳﻮﻡ ﺍﻟﻲ ﻳﻜﻠﻲ ﺍﺣﺒﺞ ﻭﻳﻌﺘﺮﻑ ﺑﻴﻪ ﻳﻜﻮﻥ ﺧﺎﻳﻨﻲ .... ﺳﺤﺒﻬﺎ ﻣﻦ ﺍﻳﺪﻫﺎ ﻭﻃﺮﺩﻫﺎ ﺑﺮﺍ ﻭﺭﺟﻊ ﻳﺮﻳﺪ ﻳﺤﺠﻲ ﻭﻳﺎﻱ ﺑﺲ ﺍﻧﻲ ﺭﻓﻀﺖ ﺍﺳﻤﻊ ﻣﻨﻪ ﺷﻲ ﻫﻮ ﻣﺎﺍﺗﺤﻤﻞ ﺩﺧﻞ ﻛﺴﺮ ﺍﻟﻐﺮﻓﻪ ﻫﻤﺰﻳﻦ ﺍﻟﺠﻬﺎﻝ ﻳﻢ ﺍﻣﻬﻢ ﻻﻥ ﻛﻞ ﺟﻤﻌﻪ ﺍﻣﻬﻢ ﺗﺎﺧﺬﻫﻢ " .... ﻻﻥ ﺍﺻﺮﺍﺧﻪ ﻳﺨﻮﻑ ﺍﻧﻲ ﻣﺎﺍﺗﻘﺮﺑﺖ ﻋﻠﻴﻪ ﺍﺧﺎﻑ ﻣﻨﻪ ﺻﺎﺭ ﻭﺣﺶ ﻣﺎﺧﻠﻪ ﺷﻲ ﻣﺎﻛﺴﺮﻩ ﻛﺴﺮ ﺍﻟﻐﺮﻓﻪ ﻭﻃﻠﻊ ﻟـ ﺻﺎﻟﻮﻥ ﻭﻫﻢ ﻓﻠﺸﻪ ﻛﻠﻪ ﺻﺎﺭ ﮔﺰﺍﺯ ﻭﺑﻌﺜﺮ ﺍﻟﻘﻨﻔﺎﺕ ﺍﻧﻲ ﻣﻦ ﺍﻟﺨﻮﻑ ﺍﺧﺬﺕ ﺭﮔﻦ ﻭﺳﺪﻳﺖ ﺍﺫﺍﻧﻲ ﺑﻜﻞ ﻗﻮﻩ ﻭﺑﻌﺪ ﻣﺎﺍﺗﺬﻛﺮ ﻏﻴﺮ ﺷﻲ ﻣﺎﺍﺣﺲ ﺑﺮﻭﺣﻲ ﻭﺍﻻﻟﻢ ﺑﻌﺪﻩ ﻳﺤﺮﻙ ﻇﻬﺮﻱ ﺑﺸﻜﻞ ﻣﺘﺰﺍﻳﺪ ﺑﺲ ﻣﺎﺍﺣﺲ ﺑﺸﻲ ﺣﺘﻪ ﺍﻻﻟﻢ ﺍﺧﺘﻒﮯ ... ﻓﺘﺤﺖ ﻋﻴﻨﻲ ﻟﻜﻴﺖ ﻧﻔﺴﻲ ﺑﻐﺮﻓﺔ ﺻﻮﻓﻴﺎ ﻭﻣﺮﻳﻢ ﻻﺯﻣﻪ ﺍﻳﺪﻱ .... ﺍﻱ ﺍﺗﺬﻛﺮﺕ ﺍﺣﻨﺎ ﻋﺎﺯﻣﻴﻨﻬﻢ ... ﺑﺲ ﻓﺘﺤﺖ ﻋﻴﻨﻲ ﺍﺭﻳﺪ ﺳﺌﻠﻬﺎ ﻉ ﻟﻮﺍﺀ ﺑﺲ ﻛﺮﺍﻣﺘﻲ ﻣﺴﻤﺤﺘﻠﻲ ﺑﻌﺪ ﺩﻗﺎﻳﻖ ﺩﺧﻞ ﻟﻮﺍﺀ ﻭﻣﺮﻳﻢ ﺗﺮﻛﺘﻨﺎ ﻭﺣﺪﻧﺎ ..

ـ ﻣﺠﻨﻮﻧﻪ ﺷﺴﻮﻳﺘﻲ ﺑﻨﻔﺴﺞ ﻟﻴﺶ ﻫﻠﻜﺪ ﺧﺎﻳﻔﻪ ﻣﻨﻲ ﻟﻴﺶ ﻣﺴﻤﻌﺘﻴﻨﻲ ?...

ـ ﻭﻟﻴﺶ ﺍﺗﺒﺮﺭ ﺍﻟﻲ ﺍﻧﻲ ﺧﺪﺍﻣﻪ ..

ـ ﺷﻠﻮﻥ ﺍﺗﺨﻠﻴﻨﻲ ﻫﺴﻪ ﺍﺷﻤﺮ ﻧﻔﺴﻲ ﻭﻟﺞ ﻭﺍﻟﻠﻪ ﻣﺎﺍﻋﺮﻓﻬﺎ ﻫﻲ ﻛﻢ ﻣﺮﻩ ﺍﺟﺘﻨﻲ ﻟﻠﻤﻜﺘﺐ ﻋﻮﺩ ﻉ ﺷﻐﻞ ﻭﺑﺪﺕ ﺗﺴﻮﻱ ﻗﺼﺺ .

ـ ﺷﻠﻮﻥ ﻋﺮﻓﺖ ﺍﺳﻤﻲ ?..

ـ ﻣﺎﺍﻋﺮﻑ ﻭﺍﻟﻠﻪ ﻣﺎﺍﻋﺮﻑ ﺷﻠﻮﻥ ﺣﺘﻪ ﻋﺮﻓﺖ ﻋﻨﻮﺍﻧﻪ ﺍﺭﺟﻮﺝ ﺻﺪﮔﻴﻨﻲ ..

ـ ﻣﺎﺍﮔﺪﺭ ﻭﺍﻧﺖ ﻫﻢ ﻣﻌﺘﺒﺮﻧﻲ ﺧﺪﺍﻣﻪ ﻭﻫﺎﻱ ﮔﺎﻟﺘﻬﺎ ﺻﺢ ﺍﻧﺖ ﻣﺘﺤﺲ ﺑﻴﻪ ﻭﻻ ﺗﻬﺘﻢ ﺍﻧﺖ ﻣﺠﺮﺩ ﻣﺨﻠﻴﻨﻲ ﺯﻭﺟﺔ ﻭﺑﺎﻟﺒﻴﺖ ﻭﺩﺍﻳﺮﻩ ﺑﺎﻟﻬﺎ ﻣﻦ ﺍﻭﻻﺩﻙ ﻭﺑﺲ "

ﺑﺲ ﻭﻻ ﻳﻮﻡ ﮔﺘﻠﻲ ﺍﺣﺒﺞ ﺍﻭ ﻣﺎﺍﺭﻳﺪ ﻫﺎﻱ ﺍﻫﻮﺍﻳﻪ ﻋﻠﻴﻪ ﻭﻻ ﻣﺮﻩ ﺍﺧﺬﺗﻨﻲ ﻣﺸﻮﺍﺭ ﺑﺲ ﺍﻧﻲ ﻭﻳﺎﻙ ﻃﻠﻌﺘﻨﻲ ﻛﺘﻠﻲ ﺷﻨﻮ ﻣﺤﺘﺎﺟﻪ ﺷﻔﺖ ﺷﻨﻮ ﺍﺣﺐ ﺷﻨﻮ ﺍﻛﺮﻩ ....

ـ ﺍﻧﻴﻦ ﻻ ﺗﻈﻠﻤﻴﻨﻲ ﺑﺲ ﺣﺎﻭﻟﻲ ﺗﻔﻬﻤﻴﻨﻲ ﻭﺍﻧﺖ ﺍﺗﻌﺮﻓﻴﻦ ﻛﻞ ﺍﻟﺰﻳﻦ ﺍﻧﻲ ﻟﻮ ﻣﺎﻋﻨﺪﻱ ﻣﺸﺎﻋﺮ ﺍﺗﺠﺎﻫﺞ ﺍﺻﻼ ﻣﺎﺍﻓﻜﺮ ﺍﺗﺰﻭﺟﺞ .. ﺍﻧﻴﻦ ﺍﻧﺴﻲ ﻛﻞ ﺍﻟﻔﺎﺕ ﺧﻠﻲ ﻧﺒﺪﻱ ﻣﻦ ﺟﺪﻳﺪ .

ـ ﺗﮕﺪﺭ ﺗﻨﻄﻴﻨﻲ ﻓﺮﺻﻪ ﺍﺭﻳﺪ ﺍﺑﺘﻌﺪ ﻋﻨﻚ ﻓﺘﺮﻩ ﺍﺭﻳﺪ ﺍﺗﺨﺬ ﻗﺮﺍﺭ ..

ـ ﻭﺗﻌﻮﻓﻴﻨﺎ ﻭﻣﻨﻮ ...

ـ ﻻ ﺗﻜﻤﻞ ﻋﻼﺝ ﺻﻮﻓﻴﺎ ﻭﻛﻞ ﺷﻲ ﻳﺨﺺ ﻣﺆﻣﻦ ﺍﻧﻲ ﺍﻋﺮﻑ ﻫﺬﺍ ﻣﺴﺆﻭﻟﻴﺘﻲ ﻭﻫﺴﻪ ﺻﻮﻓﻴﺎ ﺑﺪﺕ ﺗﻤﺸﻲ ﻉ ﺍﻟﻌﻜﺎﺯﺍﺕ ﻭﺍﻧﻲ ﻛﻞ ﺟﻠﺴﻪ ﺍﺣﻀﺮ ﻭﻳﺎﻫﺎ ﻭﺍﺭﻳﺪ ﻣﻨﻚ ﺑﺲ ﺍﺳﺒﻮﻉ ﺑﺲ ﺍﺭﻳﺪﺩ ﺍﻓﻜﺮ ﺑﻌﻴﺪ ﻋﻦ ﻛﻞ ﺷﻲ ..

ـ ﻭﻳﻦ ﺗﺮﺣﻴﻦ ﻟﺒﻴﺖ ﺍﻫﻠﺞ ﻣﻮﻭ .

ـ ﻻ ﺍﺭﻭﺡ ﻳﻢ ﺧﺎﻟﻲ ..

ـ ﻟﻴﺶ ﻫﻴﺞ ﺍﻧﻴﻦ ﻟﻴﺶ ﻣﺼﺮﻩ ﺍﺗﺨﻠﻴﻨﻲ ﺍﺭﺟﻊ ﻣﺜﻞ ﻗﺒﻞ ﻣﻮ ﺍﻧﺘﻲ ﺧﻠﻴﺘﻴﻨﻲ ﺍﻧﺴﺎﻥ ﺛﺎﻧﻲ ﻟﻴﺶ ﺍﺗﺮﺩﻳﻦ ﺍﺗﺮﺟﻌﻴﻨﻲ ﺍﻧﻴﻦ ﺍﻧﻲ ﺑﺤﻴﺎﺗﻲ ﻣﺤﺪ ﺣﺎﺑﻨﻲ ﺑﮕﺪﺝ ﻣﺤﺪ ﻣﻬﺘﻢ ﺑﻴﻪ ﺍﻧﻲ ﺍﻧﻲ ﺟﻨﺖ ﻫﺎﻣﺶ ﺑﻜﻞ ﺷﻲ ﺣﺘﻪ ﺍﺑﻮﻱ ﺟﺎﻥ ﻣﻤﻌﺘﺮﻑ ﺑﻴﻪ ﻭﻛﻞ ﺍﻟﺜﻘﻪ ﻭﺍﻻﺣﺘﺮﺍﻡ ﻟـ ﺍﺧﻮﻱ ﻭﺍﻧﻲ ﻣﺠﺮﺩ ﺣﺸﺮﻩ ﺿﺎﺭﻩ ﻛﻠﻬﻢ ﻳﻨﻔﺮﻭﻥ ﻣﻨﻲ ... ﺍﻱ ﺟﻨﺖ ﻣﻜﺮﻭﻩ ﻭﻋﺼﺒﻲ ﻭﻣﺰﺍﺟﻲ ﻭﻣﻦ ﻋﺎﻧﺪﺗﻬﻢ ﻭﺍﺗﺰﻭﺟﺖ ﺑﻌﻤﺮ ﺍﺻﻐﻴﺮ ﺭﺩﺕ ﺑﺲ ﺍﺛﺒﺘﻠﻬﻢ ﺍﻧﻲ ﺭﺟﺎﻝ .. ﻭ ﻭﮔﻌﺖ ﻧﻔﺴﻲ ﺑﻮﺭﻃﻪ ﻭﻳﻪ ﺍﻧﺴﺎﻧﻪ ﻛﺮﻫﺘﻨﻲ ﺑﺎﻟﺤﻴﺎﺓ ﺑﺲ ﺍﺟﻤﻞ ﺷﻲ ﺻﺎﺭ ﻭﻳﺎﻱ ﻫﻤﻪ ﺍﻭﻻﺩﻱ ... ﺗﻌﺮﻓﻴﻦ ﺷﻨﻮ ﺭﺟﺎﻝ ﻳﻌﻴﺶ ﻭﻳﻪ ﻭﺣﺪﻩ ﻣﺘﺤﺘﺮﻣﻪ ﻭﺍﻟﻲ ﺑﺮﺍﺳﻬﺎ ﺍﺗﺴﻮﻱ ﺗﻔﻬﻤﻴﻦ ﺷﻠﻮﻥ ﻭﺍﺣﺪ ﻳﻨﻜﺴﺮ ﺷﻲ ﺑﺪﺍﺧﻠﻪ ﺷﺨﺺ ﻳﺤﺎﺭﺏ ﻭﻳﺨﺘﺎﺭ ﻭﺑﻌﺪ ﻓﺘﺮﻩ ﻳﻄﻠﻊ ﺍﺧﺘﻴﺎﺭﻩ ﺧﻄٲ ﺍﺧﺘﻴﺎﺭ ﻓﺎﺷﻞ ... ﻣﺎﺍﺭﻳﺪ ﺍﻇﻠﻤﻬﺎ ﺑﺲ ﺟﺎﻧﺖ ﻭﻻ ﺯﺍﻟﺖ ﺍﻧﺎﻧﻴﻪ ﻭﺍﺗﺤﺐ ﺑﺲ ﻧﻔﺴﻬﺎ ﺗﻌﺮﻓﻴﻦ ﺷﮕﺪ ﺩﻓﻌﺘﻠﻬﺎ ﻭﺗﺮﻛﺖ ﺍﻻﻭﻻﺩ ﺍﻟﻲ ... ﺑﻌﺪ ﻋﺮﻓﺘﻲ ﻛﻞ ﺷﻲ ﻇﻞ ﺑﺲ ﺷﻲ ﻭﺍﺣﺪ ﻫﻮ ﺍﻭﻝ ﻣﺸﻔﺘﺞ ﺟﻨﺖ ﺑﻌﺪﻧﻲ ﻣﻤﻄﻠﻚ ﻭ ﺍﻭﻝ ﻣﺎﺷﻔﺘﺞ ﺣﺴﻴﺖ ﺭﺍﺣﺘﻲ ﺑﻴﻦ ﺍﺩﻳﺞ ﺭﺩﺕ ﺍﺗﻘﺮﺏ ﻣﻨﺞ ﺑﻜﻞ ﺍﻟﻄﺮﻕ ﺑﺲ ﺟﻨﺘﻲ ﺍﺗﺼﺪﻳﻨﻲ ﻭﺍﻧﻲ ﺣﺴﻴﺖ ﺍﻭﻝ ﻣﺮﻩ ﻧﻔﺴﻲ ﺍﺣﺐ ﺍﺿﻮﺟﺞ ﺭﺩﺕ ﺍﻋﺮﻑ ﺍﻟـ ﺍﻱ ﺣﺪ ﺗﺘﺤﻤﻠﻴﻦ ... ﺷﻔﺖ ﻟﺒﺴﺞ ﻭﺍﺣﺘﺮﺍﻣﺞ ﻭﺣﺒﺞ ﻟـ ﺍﻟﻨﺎﺱ ﺍﻧﺴﺎﻧﻴﺘﺞ ﻭﻟﻄﻔﺞ ﻭﻳﻪ ﺻﻮﻓﻴﺎ ﺻﻮﺗﺞ ﻣﻦ ﺍﺗﻬﻤﺴﻴﻦ ﻗﺰﻡ ﻭﺗﺮﻓﻌﻴﻦ ﺣﺎﺟﺒﺞ ﺟﻨﺖ ﺍﺭﻛﺰ ﻉ ﺍﺩﻕ ﺗﻔﺎﺻﻴﻠﺞ ﻳﻤﻜﻦ ﻣﺎﻋﺮﻓﺖ ﺍﺣﺒﺞ ﻻﻥ ﺍﻧﻲ ﻣﺤﻄﻢ ﻣﺎﻛﺪﺭﺕ ﺍﻗﻴﻤﺞ ﻭﺍﻧﻄﻴﺞ ﺣﻘﺞ ﺑﺲ ﺍﻗﺴﻢ ﻗﺴﻢ ﺑﺤﻴﺎﺓ ﺍﻃﻔﺎﻟﻲ ﻣﺨﻨﺘﺞ ﻭﻻ ﺍﻓﻜﺮ ﺍﺧﻮﻧﺞ .

ـ ﺍﺍﺍﻩ ﻫﺬﺍ ﻛﻠﻪ ﻭﻟﻴﺶ ﻣﺘﺤﺠﻲ ﻟﻴﺶ ﻣﺘﻔﺘﺢ ﺍﻟﻲ ﮔﻠﺒﻚ ﺷﻨﻮ ﺟﻨﺖ ﻣﻨﺘﻈﺮ ..

ـ ﻣﻤﻨﺘﻈﺮ ﺷﻲ ﺑﺲ ﺍﺣﻨﺎ ﺟﻨﺎ ﺳﻌﻴﺪﻳﻦ ﻭﺣﻴﺎﺗﻨﻪ ﻣﺎﺷﻴﻪ ﻣﺎﺍﻋﺮﻑ ﻳﻤﻜﻦ ﺟﻨﺖ ﺍﺧﺎﻑ ﺍﮔﻠﺞ ﺍﻱ ﺍﺧﺎﻑ ﺍﺗﻌﻮﻓﻴﻨﻲ ﺍﺧﺎﻑ ﺍﺗﺼﻴﺮﻳﻦ ﻣﺜﻞ ﺍﻟﺒﺎﻗﻴﻦ ﺍﺧﺎﻑ ﺍﺧﺴﺮﺝ ﻣﺜﻞ ﺧﺴﺎﺭﺗﻲ ﻟـ ﺍﻣﻲ " ﺍﻣﻲ ﺟﺎﻧﺖ ﻛﻞ ﺣﻴﺎﺗﻲ ﻭﻣﻦ ﻣﺎﺗﺖ ﺑﻌﺪ ﻣﺎﺷﻔﺖ ﻃﻌﻢ ﺍﻟﺮﺍﺣﻪ ﻭﺭﺍﻫﺎ ﺟﺎﻧﺖ ﻣﻦ ﺍﺗﻠﻤﻨﻲ ﺑﺤﻀﻨﻬﺎ ﺍﺗﻨﻔﺲ ﻫﻮﻩ ﻣﺤﺪ ﺷﺎﻣﻪ ﻫﻮﻩ ﺟﺪﻳﺪ ﻣﺜﻞ ﻧﺴﻤﻪ ﺍﻟﻔﺠﺮ ﺍﻣﻲ ﺟﺎﻧﺖ ﻛﻞ ﺣﻴﺎﺗﻲ ﻭﻣﻦ ﻣﺎﺗﺖ ﺑﻌﺪﻫﺎ ﻣﺎﺣﺴﻴﺖ ﺑﻬﺬﺍ ﺍﻻﺣﺴﺎﺱ " ﺑﺲ ﻋﻨﺪﺝ ﺑﺤﻀﺮﺗﺞ ﺍﺷﻢ ﻧﻔﺲ ﺍﻟﻨﺴﻤﻪ ﻧﻔﺲ ﺍﻟﺤﻨﻴﻪ ﺍﺭﻳﺪ ﺍﮔﻠﺞ ﺑﺲ ﻫﺬﺍ ﺍﻻﺳﺘﺒﺪﺍﺩ ﺍﻟﺘﻜﺒﺮ ﻳﻤﻨﻌﻨﻲ ...

ـ ﻟﻮﺍﺀ ﺍﺣﻨﺎ ﺷﮕﺪ ﻣﺘﺸﺎﺑﻬﻴﻦ ﺑﺲ ﺍﻟﻔﺮﻕ ﺍﻧﺖ ﻓﺎﻗﺪ ﺍﻣﻚ ﻭﺍﻧﻲ ﺍﺑﻮﻱ ﻭﺣﺘﻪ ﺣﻴﺎﺗﻚ ﺗﺸﺒﻪ ﺣﻴﺎﺗﻲ ﺍﻧﻲ ﻫﻢ ﺟﻨﺖ ﻫﺎﻣﺶ ﻭﻻ ﺯﻟﺖ ﻫﺎﻣــ ........

ـ ﺍﺷﺸﺶ ﻻ ﺗﻜﻤﻠﻴﻦ ﺍﻧﺘﻲ ﻣﻮ ﻫﺎﻣﺶ ﺍﻧﺘﻲ ﺍﻟﺤﻴﺎﺓ ﺍﻧﺘﻲ ﺍﻟﻲ ﺭﺟﻌﺘﻴﻠﻲ ﺛﻘﺘﻲ ﺑﻨﻔﺴﻲ ﻭﺍﻧﺘﻲ ﺍﻟﻲ ﺣﺘﺨﻠﻴﻨﻲ ﺍﻛﻤﻞ ﺑﺎﻗﻲ ﻋﻤﺮﻱ ﻭﻳﺎﺝ ﺑﺲ ﺍﻧﻄﻴﻨﻲ ﻓﺮﺻﻪ ..

ـ ﺍﺳﻔﻪ ﺑﺲ ﻣﺤﺘﺎﺟﻪ ﺍﺑﺘﻌﺪ ﻻﺯﻡ ﻫﺬﺍ ﺷﻲ ﻣﻬﻢ ..

ـ ﻣﻴﺨﺎﻟﻒ ﺑﺲ ﺍﺳﺒﻮﻉ ﻭﺍﺫﺍ ﺍﺷﺘﺎﻗﻠﺞ ﺍﺟﻴﻜﻢ .

ـ ﺍﻭﻭﻭﻩ ﺍﺣﻨﺎ ﻧﺴﻴﻨﻪ ﺿﻴﻮﻓﻨﺎ ..

ـ ﻫﻬﻬﻬﻬﻬﻪ ﺑﻌﺪ ﻭﻛﺖ ﻫﻤﻪ ﺧﻄﻴﻪ ﺩﺧﻠﻮﺍ ﻭﺷﺎﻓﻮﺍ ﺍﻟﺨﺮﺍﺏ ﻭﺍﻧﻲ ﺣﺴﻴﺖ ﻉ ﺭﻭﺣﻲ ﺷﻔﺘﺞ ﻭﺍﻛﻌﻪ ﻭﺳﺎﻋﺪﻭﻧﻲ " ﺍﺷﻮﻳﻪ ﻫﺪﺋﻮﻧﻲ ﻻﻥ ﺟﻨﺖ ﺍﺭﻳﺪ ﺍﺳﻮﻱ ﺟﺮﻳﻤﻪ ... ﻫﺴﻪ ﺍﻛﻴﺪ ﺭﺍﺣﻮﺍ ..

ـ ﺍﻩ ﺷﻜﺪ ﻋﻴﺐ ﻫﺎﻱ ﺍﺣﻨﺎ ﻋﺎﺯﻣﻴﻬﻢ ﻭﻫﻴﺞ ﻧﺴﺘﻘﺒﻠﻬﻢ ..

ـ ﺍﻧﻴﻦ ﻻ ﺗﺮﻭﺣﻴﻦ ﻇﻠﻲ ﻣﺎﺍﮔﺪﺭ ﺍﻋﻮﻓﺞ .

ـ ﺑﻌـﺪ ﻣﺎﺍﺭﻭﺡ

....

   ....

ﻭﺍﻟﻠﻪ ﺗﺤﺠﻴﻦ ﺻﺪﮒ !...

ـ ﺍﻱ ﺑﺲ ﺑﺸﺮﻁ ?..

ـ ﺍﺗٲﻣﺮﻳﻦ ﺍﻣﺮ ﮔﻮﻟﻲ ..

ـ ﺍﺗﻐﻴﻴﺮ ﺍﺳﻠﻮﺑﻚ ﻭﻳﺎﻱ ﻭﻻﺯﻡ ﺍﻋﺮﻑ ﻫﺎﻱ ﺷﻠﻮﻥ ﻋﺮﻓﺖ ﺍﺳﻤﻲ ﻭﻛﻞ ﺍﻟﺘﻔﺎﺻﻴﻞ ﻭﺍﺭﻳﺪ ﺍﺭﺟﻊ ﻟـ ﺍﻟﺸﻐﻠﻲ ..

ـ ﺍﻣﻤﻤﻤﻤﻢ ﻫﻴﺞ ﻣﻮ ﺍﻫﻮﺍﻳﻪ ﺗﺮﺍ ﺍﺭﺟﻊ ﺍﻋﺼﺐ .. ﻫﻬﻬﻪ ﻓﺪﻭﻭﻭﻩ ﺍﻟﺞ ﻛﻠﻬﻢ ﺍﻋﺘﺒﺮﻳﻬﻢ ﺻﺎﺭﻭﺍ ﺑﻌﺪ ﺍﻛﻮ ﺷﻲ ﺛﺎﻧﻲ ﻳﺮﻭﺣﻲ ﺍﻧﺘﻲ ..

ـ ﻫﻴﺞ ﺍﻧﻲ ﺍﺧﺠﻞ ..

ـ ﻭﺍﻧﺘﻲ ﺣﻠﺘﻠﺞ ﺍﻟﻨﻮﻣﻪ ﻭﺍﻧﻲ ﺍﺗﻮﺳﻞ ﺑﻴﺞ ﻳﻼ ﻛﻮﻣﻲ ﺍﺭﻳﺪ ﻏﺪﻩ ﻣﻴﺖ ﺟﻮﻉ ﻭﻧﻈﻔﻲ ﺍﻟﺒﻴﺖ ﺻﺎﺭ ﻳﺨﻮﻑ ﻗﺒﻞ ﻻ ﻳﻮﺻﻠﻮﻥ ﺍﻟﺠﻬﺎﻝ ..

ـ ﺍﻧﺖ ﺗﺴﺎﻋﺪﻧﻲ ?..

ـ ﻭﺍﻟﻠﻪ ﻫﻴﺞ ﺍﻫﻮﺍﻱ ﺍﻧﻮﺏ ﺍﺗﺮﻳﺪﻥ ﺍﻧﻈﻒ ..

ـ ﺧﻠﺺ ﺍﺳﻔﻪ ﺑﺲ ﻟﺤﻈﻪ ﺍﺣﻀﺮﻟﻚ ﺍﻟﻐﺪﻩ .

ﺗﺮﻛﻨﻲ ﻭﻃﻠﻊ ﻭﺍﻧﻲ ﺑﻌﺪﻧﻲ ﺍﺣﺲ ﺭﻭﺣﻲ ﻣﻜﺴﺮﻩ ﺑﺲ ﺍﺗﺤﻤﻠﺖ ﻭﻛﻌﺪﺕ ﻭﺍﻛﻮ ﻭﺟﻊ ﺑﻈﻬﺮﻱ ﻗﻮﻱ ﺑﺲ ﺍﺗﺤﻤﻠﺖ ... ﺩﺧﻠﺖ ﺍﻟﻤﻄﺒﺦ ﻭﺣﻤﻴﺖ ﺍﻻﻛﻞ ﻭﺷﮕﺪ ﺧﺠﻠﺖ ﻣﻦ ﻣﺮﻳﻢ ﻭﺍﻟﻠﻪ ﻋﻴﺐ ﻋﺎﺯﻣﻴﻨﻬﻢ ﻳﺠﻮﻥ ﻳﻠﮕﻮﻧﻪ ﮔﺎﻟﺒﻴﻦ ﺍﻟﺒﻴﺖ ﺍﺳﺘﻐﻔﺮ ﺍﻟﻠﻪ ... ﻛﻤﻠﺖ ﻭﺷﻠﺖ ﺍﻟﺼﻴﻨﻴﻪ ﻭﺍﻧﺼﺪﻣﺖ ﺑﻤﻨﻈﺮ ﺍﻟﺼﺎﻟﻪ ﻭﺍﺷﻮﻑ ﻟﻮﺍﺀ ﻳﻌﺪﻝ ﺑﺎﻟﻘﻨﻔﺎﺕ ﻭﻣﻨﻈﻒ ﺍﻻﺭﺽ ﻣﻦ ﺍﻟﮕﺰﺍﺯ ﺍﺑﺼﺮﺍﺣﻪ ﺍﻧﺼﺪﻣﺖ ﻭﻣﻦ ﺷﺎﻓﻨﻲ ﻭﺍﮔﻔﻪ ﺍﺧﺬ ﻣﻨﻲ ﺍﻻﻛﻞ ﻭﻛﻌﺪﻧﻲ ﻭﺍﺗﻐﺪﻳﻨﺎ ﺳﻮﻩ ﻭﻟﻮ ﺍﻋﺮﻑ ﻣﻦ ﺯﻣﺎﻥ ﻫﻴﺞ ﺍﺳﻮﻱ ﻛﻞ ﻫﺬﺍ ﺍﻟﺪﻻﻝ ﻭﻳﻦ ﺟﺎﻥ ...

ﺻﺎﺭ ﺍﻟﻠﻴﻞ ﻭﺻﻠﻮﺍ ﺍﻟﺠﻬﺎﻝ ﻭﺻﻮﻓﻴﺎ ﺯﻋﻼﻧﻪ ﻣﺎﻋﺮﻓﺖ ﺷﺒﻴﻬﺎ ﺭﺣﺖ ﺍﺣﺠﻲ ﻭﻳﺎﻫﺎ ﺑﺲ ﻣﻘﺒﻠﺖ ﻭﻫﻲ ﻣﺒﻘﺎﻟﻬﺎ ﺷﻲ ﻭﺗﻤﺸﻲ ﻃﺒﻴﻌﻲ ﻭﺍﻟﺪﻛﺘﻮﺭ ﮔﺎﻝ ﻣﻴﺼﻴﺮ ﺗﺘﻌﺐ ﻧﻔﺴﻴﺘﻬﺎ ﻭﻇﻠﻴﺖ ﺍﺗﻮﺳﻞ ﺑﻴﻬﺎ ﻭﻣﺎﻛﻮ ﻓﺎﻳﺪﻩ ..

ﺭﺣﺖ ﺷﻔﺖ ﻣﺆﻣﻦ ﺑﻠﻜﻲ ﻳﻌﺮﻑ ﺷﺒﻴﻬﺎ .

ـ ﻣﺆﻣﻦ ﺷﺒﻴﻬﺎ ﺍﺧﺘﻚ ﻟﻴﺶ ﻫﻴﺞ ﺿﺎﻳﺠﻪ .

ـ ﺍﻣﻤﻤﻢ ﻫﻲ ﮔﺎﻟﺖ ﻻ ﺗﮕﻮﻝ ﻟـ ﺍﻧﻴﻦ ﺑﺲ ﺍﻧﻲ ﺣﮕﻮﻟﺞ ...

ـ ﺍﻱ ﺷﻨﻮ ﺻﺎﺭ ﻭﻳﺎﻛﻢ ..

ـ ﻣﺎﻣﺎ ﻫﻲ ﺯﻋﻠﺘﻬﺎ ..

ـ ﺷﻠﻮﻥ ﺯﻋﻠﺘﻬﺎ ﻭﻟﻴﺶ ?..

ـ ﻣﺎﺍﻋﺮﻑ ﺑﺲ ﻫﻲ ﺟﺎﻧﺖ ﺗﺤﺠﻲ ﻭﻳﺎﻫﺎ ﺑﺼﻮﺕ ﻧﺎﺻﻲ ﺑﺲ ﺳﻤﻌﺘﻬﺎ ﮔﺎﻟﺘﻠﻬﺎ ﺍﺗﺮﻳﺪ ﺗﺮﺟﻊ ﻟـ ﺑﺎﺑﺎ ﻭﺍﺗﺮﻳﺪﻧﺎ ﺍﻧﺴﺎﻋﺪﻫﺎ ..

ـ ﻳﺎﺍ ﻋﺰﺍ ﺑﻌﻴﻨﻲ .. ﻭﺷﻨﻮ ﮔﻠﺘﻮﺍ ﺍﻧﺘﻮﺍ ?..

ـ ﺍﺣﻨﺎ ﻣﺎﺍﺩﺧﻠﻨﺎ ﻫﻲ ﺍﺗﺮﻳﺪ ﺍﻧﺴﺎﻋﺪﻫﺎ ..

ﺍﻧﻮﺏ ﻫﺎﻱ ﺍﺗﺮﻳﺪ ﺗﺮﺟﻊ ﻉ ﺣﻈﻲ ﻭﺍﻟﻠﻪ ﺍﺫﺍ ﻳﺮﺟﻌﻬﺎ ﻣﺎﺍﮔﻌﺪﻟﻪ ﺑﺎﻟﺒﻴﺖ ﺧﻠﻲ ﻳﺸﺒﻊ ﺑﻴﻬﺎ ﻫﻮ ﻫﺬﺍ ﺍﻟﻘﺰﻡ ﻣﺎ ﻭﺭﺍﻩ ﺑﺲ ﺷﻠﻌﺎﻥ ﺍﻟﮕﻠﺐ .. ﻭﺍﻧﻲ ﻟﻴﺶ ﺍﺳﺘﻌﺠﻞ ﻫﺴﻪ ﻫﻮ ﺣﺘﻪ ﻣﻴﻌﺮﻑ ﺑﻴﻬﺎ ﺍﺗﺮﻳﺪ ﺗﺮﺟﻊ ..

ﻟﻮﺍﺀ ﺍﺗﻐﻴﺮ ﺍﻫﻮﺍﻳﻪ ﻭﻛﻞ ﻳﻮﻡ ﻳﻔٲﺟﺌﻨﻲ ﺑﺸﻲ ﺟﺪﻳﺪ ﻭﻋﺸﺖ ﺍﺟﻤﻞ ﺍﻳﺎﻡ ﺣﻴﺎﺗﻲ ﺑﺲ ﺻﻮﻓﻴﺎ ﺻﺢ ﺍﺗﺤﺴﻦ ﻭﺿﻌﻬﺎ ﺍﻟﺼﺤﻲ ﺑﺲ ﺍﺑﺘﻌﺪﺕ ﻋﻨﻲ ﺍﻫﻮﺍﻳﻪ ﻭﺑﺪﺕ ﺍﺗﺴﺒﺐ ﻣﺸﺎﻛﻞ ﻭﻟﻮﺍﺀ ﻣﺮﺍﺕ ﻳﻔﻘﺪ ﺍﻋﺼﺎﺑﻪ ﻣﺜﻼ ﻣﻮﻗﻒ ﺻﺎﺭ ﺍﻟﻴﻮﻡ ﻉ ﺍﻟﻐﺪﻩ ..

ﺻﻮﻓﻴﺎ : ﺍﻧﻴﻦ ﻣﻮ ﮔﺘﻠﺞ ﻣﺎﺍﺣﺐ ﻫﺬﺍ ﺍﻻﻛﻞ ﻟﻴﺶ ﻣﺴﻮﻳﺘﻠﻲ ﺷﻲ ﺛﺎﻧﻲ ..

ﺍﻧﻴﻦ : ﺑﺲ ﺍﻧﺘﻲ ﻣﮕﻠﺘﻲ ﺷﻲ ﻭﻛﻞ ﻣﺮﻩ ﺗﺎﻛﻠﻴﻦ ﻋﺎﺩﻱ ﺍﻟﻴﻮﻡ ﺷﺼﺎﺭ ..

ﻟﻮﺍﺀ : ﻟﻴﺶ ﻣﻜﻠﺘﻲ ﺍﺟﻴﺒﻠﺞ ﻣﻦ ﺍﻟﻤﻄﻌﻢ .

ﺻﻮﻓﻴﺎ : ﺧﻠﺺ ﺍﻧﻲ ﻣﺤﺪ ﻳﺤﺒﻨﻲ ﻭﻛﻞ ﻳﻮﻡ ﺍﻧﻴﻦ ﺗﺘﻌﻤﺪ ﺍﺗﻌﺎﻧﺪ ﻭﺍﺗﺴﻮﻱ ﺑﺲ ﺍﻟﻲ ﻳﻌﺠﺒﻬﺎ ﺑﺎﺑﺎ ﻣﻴﺼﻴﺮ ﻫﻴﺞ ..

ﻟﻮﺍﺀ : ﻛﺎﻓﻲ ﺷﻨﻮ ﻫﺬﺍ ﺍﻟﺤﺠﻲ ﺧﻠﺺ ﻣﺼﺎﺭ ﺷﻲ ﺍﻧﻴﻦ ﺳﻮﻳﻠﻬﺎ ﻫﺴﻪ ﺍﻟﻲ ﺍﺗﺮﻳﺪﻩ

....

ﻇﻠﻴﺖ ﺳﺎﻛﺘﻪ ﻭﻋﻔﺖ ﺍﻟﻐﺪﻩ ﻭﺭﺟﻌﺖ ﻟﻠﻤﻄﺒﺦ ﺍﺳﻮﻳﻠﻬﺎ ﺍﻛﻞ ﻭﺍﻧﻲ ﺍﺣﺲ ﻭﺍﺗﺬﻛﺮ ﻛﻼﻡ ﻫﺎﻱ ﺍﻟﺒﻨﻴﻪ ﺍﻟﻲ ﻛﺎﻟﺖ ﺍﺗﺤﺐ ﻟﻮﺍﺀ ﻭﮔﺎﻳﻠﻠﻬﺎ ﻋﻠﻴﻪ ﺧﺪﺍﻣﻪ ﺍﻱ ﺍﻧﻲ ﻫﺴﻪ ﺷﻨﻮ ﻓﺮﻗﻲ ﻋﻦ ﺍﻟﺨﺪﺍﻣﻪ ﻭﻫﺎﻱ ﺻﻮﻓﻴﺎ ﺷﮕﺪ ﺻﺎﻳﺮﻩ ﻣﺨﺘﻠﻔﻪ ﻟﻴﺶ ﻛﻞ ﻫﺬﺍ ..

ﺧﻠﺼﺖ ﻫﺎﻱ ﺍﻟﻤﺸﻜﻠﻪ ﻭﺭﺟﻌﺖ ﻟـ ﺩﻭﺍﻡ ﻭﻟﻮﺍﺀ ﻟﺤﺪ ﺍﻻﻥ ﻣﻌﺮﻑ ﻫﺎﻱ ﻣﻨﻮ ﺩﺍﺯﻫﺎ ﻋﻠﻴﻨﺎ ﺑﺲ ﺍﻧﻲ ﻋﺮﻓﺖ ﻫﺎﻱ ﺳﻮﺍﻟﻒ ﺩﻳﻨﺎ ﻣﺎﻛﻮ ﻏﻴﺮﻫﺎ ﻭﻫﺴﻪ ﺑﺪﺕ ﺍﺗﺤﺸﻲ ﺑﺮﺍﺱ ﺍﻟﺒﻨﻴﻪ ﺍﺗﺮﻳﺪ ﺑﺲ ﺗﺮﺟﻊ ...

ﺍﻭﻝ ﻳﻮﻡ ﺑﺎﻟﺪﻭﺍﻡ ﻛﻠﻬﺎ ﻣﺸﺘﺎﻗﺘﻠﻲ ﻭﺭﺣﻤﻪ ﺯﻋﻼﻧﻪ ﻻﻥ ﻣﺎﻋﺰﻣﺘﻬﺎ ﺑﺲ ﻣﺸﺘﺎﻕ ﻓﺮﺣﺎﻥ ﺑﺮﺟﻌﺘﻲ ﻭﺣﺘﻪ ﻣﻌﺎﺗﺒﻨﻲ ... ﺍﺑﻮ ﺻﻼﺡ ﺧﻄﻴﻪ ﺯﻭﺟﺘﻪ ﻣﺘﻮﻓﻴﻪ ﻗﺒﻞ ﺷﻬﺮ ﻭﺍﻧﻲ ﻣﺎﺍﺩﺭﻱ ﻭﻻ ﮔﺪﺭﺕ ﺍﺳﺎﻋﺪﻩ ... ﻇﻠﻴﺖ ﺍﻛﻤﻞ ﺍﻭﺭﺍﻕ ﻣﻬﻤﻪ ﻗﺒﻞ ﺭﺟﻌﺘﻲ ﻻﻥ ﺟﻨﺖ ﻣﺎﺧﺬﻩ ﺍﺟﺎﺯﻩ ﻣﻦ ﻏﻴﺮ ﺭﺍﺗﺐ ﻭﻟﻐﻮﺓ ﺍﻟﺪﻭﺍﺋﺮ ﻻﺯﻡ ﻓﺮﻩ ﻭﺍﻟﻒ ﻋﻠﻪ ﻭﻋﺘﻠﻪ ﻳﻼ ﺍﻛﻤﻞ ...

ﺭﺣﺖ ﻟـ ﻟﻮﺍﺀ ﮔﺘﻠﻪ ﺍﺭﺟﻊ ﻗﺒﻠﻚ ﻟﻠﺒﻴﺖ ﻭﻫﻮ ﻛﺎﻝ ﺍﺑﺮﺍﺣﺘﺞ ﺍﺭﺟﻌﻲ ...

ﻃﻠﻌﺖ ﻣﺴﺘﻌﺠﻠﻪ ﻣﺎﺍﻋﺮﻑ ﮔﻠﺒﻲ ﻛﻠﻲ ﺍﻛﻮ ﻛﺎﺭﺛﺔ ﺻﺎﺭﺕ ﺑﺲ ﻭﺻﻠﺖ ﻭﺩﺧﻠﺖ ﺷﻔﺖ ﺍﻟﻤﺼﻴﺒﻪ ﮔﺎﻋﺪﻩ ﻭﻣﺎﺧﺬﻩ ﺭﺍﺣﺘﻬﺎ ..

ـ ﺳﻼﻡ .

ـ ﻻ ﻫﻼ ﻭﻻ ﻣﺮﺣﺒﺎ ..

ـ ﺫﻭﻗﺞ ﻫﺎﻱ ﺍﺧﻼﻗﺞ ﻭﻻ ﺗﻨﺴﻴﻦ ﺍﻧﺘﻲ ﺍﺑﻴﺘﻲ ﻻﺯﻡ ﺍﺳﻠﻢ ...

ـ ﻳﻼ ﻭﻟﻲ ﺳﻮﻳﻠﻲ ﺟﺎﻱ ﺑﺴﺮﻋﻪ ..

ـ ﻧﻌﻢ ..

ـ ﻣﺜﻞ ﻣﺴﻤﻌﺘﻲ ﺍﻧﻲ ﺭﺟﻌﻨﻲ ﻟﻮﺍﺀ ﻭﮔﺎﻝ ﻫﺎﻱ ﺍﻋﻮﻓﻬﺎ ﺧﺪﺍﻣﻪ ...

ﻣﺎﺍﻋﺮﻑ ﺷﻨﻮ ﻣﻦ ﺍﺣﺴﺎﺱ ﻭﻻ ﺍﺭﻳﺪ ﺍﻋﺮﻑ ﺑﺲ ﻓﺘﺖ ﻟﻤﻴﺖ ﻛﻞ ﺷﻲ ﻳﺨﺼﻨﻲ ﻭﻉ ﺑﻴﺖ ﺧﺎﻟﻲ ...

ﻃﻠﻌﺖ ﺑﺎﻟﺸﺎﺭﻉ ﺍﺭﻳﺪ ﺳﻴﺎﺭﻩ ﻣﺎﻛﻮ ﺍﻧﺘﻈﺮﺕ ﺍﺷﻮﻳﻪ ﻭﺍﻧﻲ ﺗﻌﺒﺎﻧﻪ ﻭﻣﻴﺘﻪ ﻗﻬﺮ ﺭﺟﻌﻬﺎ ﻭﺣﺘﻪ ﻣﮕﺎﻝ ﻭﺍﻧﻲ ﺧﺪﺍﻣﻪ ﺍﻱ ﻣﺜﻞ ﻣﺎ ﺧﻼﻧﻲ ﺍﻛﻮﻡ ﺍﺳﻮﻱ ﺍﻛﻞ ﻟﺒﻨﺘﻪ ﻫﻢ ﺍﺧﺪﻡ ﻫﺎﻱ ﺍﻡ ﻛﻔﺸﻪ

ﺍﺷﺮﺕ ﻟـ ﺗﻜﺴﻲ ﻭﺻﻌﺪﺕ ﻭﻉ ﺍﻟﻌﻨﻮﺍﻥ ﻭﺻﻠﺖ .... ﺑﺲ ﺧﺎﻳﻔﻪ ﺷﻜﻠﻬﻢ ﻭﺍﺷﻠﻮﻥ ﺍﻭﺻﻴﻬﻢ ﻣﻴﺤﺠﻮﻥ ﻟـ ﺍﻣﻲ ...

ﺩﻳﮕﻴﺖ ﺍﻟﺒﺎﺏ ﻭﺍﻧﺘﻈﺮ ﺑﺲ ﻣﺤﺪ ﻃﻠﻊ ﻻﻥ ﻇﻬﺮ ﺍﮔﻴﺪ ﻣﻴﺴﻤﻌﻮﻥ ..

ﺧﺎﺑﺮﺕ ﺳﻌﺎﺩ ﮔﺘﻠﻬﺎ ﺍﻧﻲ ﺑﺎﻟﺒﺎﺏ ﻓﻮﺗﻴﻨﻲ ﺑﺪﻭﻥ ﻣﺤﺪ ﻳﺤﺲ ﻻﻥ ﻋﻴﺐ ﺩﻧﻴﺎ ﺍﻟﻈﻬﺮ ..

ﻃﻠﻌﺖ ﺧﺎﻟﺘﻲ ﻭﺩﺧﻠﺖ ﺍﻟﺒﻴﺖ ﺻﻨﺘﻪ ﻛﻠﻬﻢ ﻧﺎﻳﻤﻴﻦ ...

ـ ﺷﻨﻮ ﻫﺎﻱ ﺍﻧﻴﻦ ﻟﻴﺶ ﺟﺎﻳﻪ ﻭﺷﺼﺎﻳﺮ ﺑﺤﺎﻟﺞ ﻟﻴﺶ ﺗﺒﺠﻴﻦ ...

ـ ﺧﺎﻟﻪ ﺭﺟﻌﻬﺎ ﻋﻠﻴﻪ ﻭﻳﮕﻠﻬﺎ ﺧﻠﻴﻬﺎ ﺧﺪﺍﻣﻪ ﺍﻟﺞ ﻭﻳﺨﻮﻧﻲ ﻭﺍﺑﺪ ﻣﺎﻳﺤﺘﺮﻣﻨﻲ ﺑﻌﺪ ﻣﺎﺍﺗﺤﻤﻞ .

ـ ﺳﻮﺩﻩ ﻋﻠﻴﻪ ﻫﺬﺍ ﻛﻠﻪ ﻣﺘﺤﻤﻠﺘﻪ ﻭﻟﻴﺶ ﻣﺎﺭﺣﺘﻲ ﻟـ ﺍﻫﻠﺞ ?..

ـ ﺍﻣﻲ ﺍﺗﺮﺟﻌﻨﻲ ﻭﻣﺘﻘﺘﻨﻊ ﺑـ ﺍﺳﺒﺎﺑﻲ ﻭﺍﻧﻲ ﻣﺎﺍﺭﻳﺪ ﺍﺣﺪ ﻳﻌﺮﻑ ﺍﻧﻲ ﻳﻤﺞ ﻭﻣﺤﺪ ﻳﺘﻮﻗﻊ ﺍﺟﻲ ﺍﻫﻨﺎ ﻭﺑﺲ ﺍﻟﻴﻮﻡ ﺍﺭﻭﺡ ﻟـ ﻏﻴﺮ ﻣﻜﺎﻥ ﻣﺎﺍﺭﻳﺪ ﺍﺭﺟﻊ ﻟـ ﻧﻔﺲ ﺍﻟﺬﻟﻪ ..

ـ ﺍﻧﻴﻦ ﺍﻋﻘﻠﻲ ﺷﻨﻮ ﻫﺬﺍ ﺍﻟﺤﺠﻲ ..

ـ ﺧﺎﻟﻪ ﻭﺍﻟﻠﻪ ﺑﻌﺪ ﻣﺎﺍﺗﺤﻤﻞ ﻟﻴﺶ ﻫﻴﺞ ﻳﺴﻮﻱ ﻭﻳﺎﻱ ﻟﻴﺶ ﺧﻼﻧﻲ ﺍﺣﺒﻪ ﻭﻫﺴﻪ ﻛﺴﺮﻧﻲ .

ـ ﺍﻧﻴﻦ ﺍﻧﺘﻲ ﻣﺘﻌﺮﻓﻴﻦ ﺷﻲ ﻋﻦ ﺍﻟﺤﻴﺎﺓ ﺍﻟﺪﻧﻴﺎ ﺍﺗﻌﺼﺮﺝ ﻋﺼﺮ ﺑﺲ ﺣﺘﻪ ﺗﻨﻄﻴﺞ ﺷﻲ ﻫﻮ ﺍﺻﻼ ﻣﻦ ﺣﻘﺞ ﺗﻌﺮﻓﻴﻦ ﺷﻠﻮﻥ ﻋﺸﺖ ﺷﻠﻮﻥ ﻇﻠﻴﺖ ﻫﻴﺞ ﺍﺗﻌﺮﻓﻴﻦ ﻟﻴﺶ ﻣﺎﺍﺗﺰﻭﺟﺖ ? ﻛﻞ ﻣﺮﻩ ﺗﺴﺌﻠﻴﻨﻲ ﻭﺍﺳﺘﺤﻲ ﺍﺣﺠﻲ ﺑﺲ ﺍﻟﻴﻮﻡ ﻻﺯﻡ ﺍﺣﺠﻴﻠﺞ ...

ﺟﻨﺖ ﺷﺎﺑﻪ ﻃﺎﻳﺸﻪ ﻭﻣﺎﺍﻋﺮﻑ ﺍﺗﺼﺮﻑ ﻭﻣﺮﺍﻫﻘﻪ ﻭﺣﺒﻴﺖ ﺑﺲ ﺣﺒﻴﺖ ﻭﺍﻟﻲ ﺣﺒﻴﺘﻪ ﺟﺎﻥ ﻓﻘﻴﺮ ﻭﺍﺗﻌﺮﻓﻴﻦ ﺟﺪﺝ ﻭﺧﺎﻟﺞ ﻣﻦ ﺯﻣﺎﻥ ﻣﻌﺎﻳﺰﻳﻦ .... ﻓـ ﺭﻓﻀﻮﻩ ﺑﺲ ﺍﻧﻲ ﻣﺎﻋﻔﺘﻪ ﺟﻨﺖ ﺍﺷﻮﻓﻪ ﻭﻧﻄﻠﻊ ﺑﺪﻭﻥ ﻣﺤﺪ ﻳﻌﺮﻑ ﺑﺲ ﻫﻮ ﻛﺎﻝ ﻧﺘﺰﻭﺝ ﻭﻧﺨﻠﻴﻬﻢ ﮔﺪﺍﻡ ﺍﻻﻣﺮ ﺍﻟﻮﺍﻗﻊ ..

ﺍﺗﻌﺮﻓﻴﻦ ﺍﻣﺞ ﻣﺘﺰﻭﺟﻪ ﻗﺒﻞ ﺍﺑﻮﺝ ﻭﺟﺎﻥ ﺯﻭﺟﻬﺎ ﺷﻴﺦ ﻭﻋﺸﻴﺮﺗﻪ ﺗﺤﺘﺮﻣﻪ ﻓﻘﺮﺭﻧﺎ ﻧﺘﺰﻭﺝ ﻭﺍﻧﺮﻭﺡ ﻧﺤﺘﻤﻲ ﺑﻲ .... ﺟﺎﻧﺖ ﺍﻣﺞ ﺻﺎﺭ ﺍﻟﻬﺎ ﺳﻨﻪ ﻉ ﺯﻭﺍﺟﻬﺎ ﺑﺲ ﻣﺎﻋﺪﻫﺎ ﺍﻃﻔﺎﻝ .... ﮔﺪﺭﺕ ﺍﺷﺮﺩ ﻭﺍﺗﺰﻭﺝ ﻭﺑﺪﻭﻥ ﺗﻔﻜﻴﺮ ﺑﺎﻟﻌﻮﺍﻗﺐ ﻭﻻ ﻓﻜﺮﺕ ﺑـ ﺍﺧﻮﻱ ﻭﺍﺑﻮﻱ ...

ـ ﻛﻤﻠﻲ ﺧﺎﻟﻪ ﻓﺪﻭﻭﻭﻩ ﺍﺭﻳﺪ ﺍﻋﺮﻑ ﺷﺼﺎﺭ ﺑﻌﺪ ?..

ـ ﻛﻤﻠﻲ ﺧﺎﻟﻪ ﻓﺪﻭﻭﻭﻩ ﺍﺭﻳﺪ ﺍﻋﺮﻑ ﺷﺼﺎﺭ ﺑﻌﺪ ?..

ـ ﺷﺮﺩﺕ ﻣﻦ ﺍﻫﻠﻲ ﻣﻦ ﺍﻟﺘﻘﺎﻟﻴﺪ ﻋﻔﺖ ﻛﻞ ﺷﻲ ﻭﺍﻣﻲ ﺟﺎﻧﺖ ﻣﺘﻌﺮﻑ ﺣﺘﻪ ﻫﻲ ﻣﺎﮔﺘﻠﻬﺎ ﻭﺟﺎﻧﺖ ﻣﺮﻳﻀﻪ ﺑﺲ ﻣﺎﻓﻜﺮﺕ ﺑﺸﻲ ﻫﻴﺞ ﻫﺴﻪ ﺷﻠﻮﻥ ﺍﻧﺘﻲ ﺑﺲ ﻫﺮﺑﺖ

ﻭﻓﻌﻼ ﻉ ﺧﻄﺘﻨﺎ ﻭﺻﻠﻨﺎ ﻟـ ﺑﻴﺖ ﺍﻣﺞ ﻭﻫﻲ ﺧﺎﻓﺖ ﻣﻦ ﺷﺎﻓﺘﻨﻲ ﻭﻳﺎﻱ ﻭﺍﺣﺪ ﻏﺮﻳﺐ ﻭﺍﻧﻲ ﺩﺍﺧﻠﻪ ﺑﻤﻀﻴﻒ ﺯﻭﺟﻬﺎ ﺿﻠﺖ ﺗﻀﺮﺏ ﺑﻮﺟﻬﺎ ﻭﺗﺤﺠﻲ ﻋﻠﻴﻪ ﺑﺲ ﺍﻧﻲ ﺑﻮﻛﺘﻬﺎ ﻣﺎ ﻓﻜﺮﺕ ﺑﻴﻬﺎ ﻭﺷﻨﻮ ﻣﻮﻗﻔﻬﺎ ﻭﺷﻠﻮﻥ ﺍﺗﻮﺍﺟﻪ ﺍﻫﻞ ﺯﻭﺟﻬﺎ ﻭﺯﻭﺟﻬﺎ ﻭﺍﺧﺘﻬﺎ ﻣﺘﺰﻭﺟﻪ ﺑﻬﻴﺞ ﻃﺮﻳﻘﻪ ﻭﺟﺎﻳﻪ ﺷﺎﺭﺩﻩ ...

ﻇﻠﻴﺖ ﻳﻤﻬﻢ ﺍﺳﺒﻮﻉ ﺑﺲ ﻣﻮ ﺍﺳﺒﻮﻉ ﺍﻣﺞ ﺷﺎﻓﺖ ﺍﻟﻮﻳﻞ ﻭﺍﺳﻤﻊ ﻋﻤﺘﻬﺎ ﺍﺗﻌﻴﺮﻫﺎ ﺑﻴﻪ ﻭﺗﺤﺠﻲ ﻭﺗﻐﻠﻂ ﻋﻠﻴﻨﺎ ... ﻣﺎﺍﮔﻠﺞ ﻣﺎﺍﺗﻨﺪﻣﺖ ﺍﻱ ﻧﺪﻣﺖ ﺑﺲ ﺑﻌﺪ ﻣﺎﻛﻮ ﻧﺪﻡ ﻭﻻ ﺭﺟﻌﻪ ﻭﺍﻧﻲ ﺟﻨﺖ ﺍﺣﺒﻪ ﻣﺎﺟﻨﺖ ﺍﺗﺨﻴﻞ ﺍﻋﻴﺶ ﺑﺪﻭﻧﻪ ﺍﻧﺎﻧﻴﻪ ﻣﻨﻲ ﺍﻱ ﺍﻧﺎﻧﻴﻪ ﻣﺎﺭﺩﺕ ﺍﺣﺪ ﻳﻔﺮﻗﻨﺎ ﻭﻋﺠﺮﻓﺖ ﺍﻫﻠﻲ ﻭﺗﻔﻜﻴﺮﻫﻢ ﺍﻟﺴﻄﺤﻲ ﺧﻼﻧﻲ ﺍﺧﺴﺮ ﺍﻫﻮﺍﻳﻪ ﺧﺴﺮﺕ ﻋﻤﺮ ﻛﺎﻣﻞ ... ﻣﺎﺍﻋﺮﻑ ﺷﻠﻮﻥ ﻋﺮﻓﻮﺍ ﻣﻜﺎﻧﻪ ﻭ ﻭﺻﻠﻮﺍ ﺍﻟﻨﺎ ﺍﻧﻲ ﺍﺧﺬﻭﻧﻲ ﻛﻮﻩ ﺳﺤﻠﻮﻧﻲ ﺳﺤﻞ ﻭﺯﻭﺝ ﺍﻣﺞ ﻣﺎﮔﺪﺭ ﻳﺤﻤﻴﻨﺎ ﻻﻥ ﺍﻧﻘﺘﻞ ﺑﺴﺒﺒﻲ ....

ـ ﺧﺎﻟﻪ ﻻ ﺗﺒﺠﻴﻦ ﺑﺲ ﻛﻤﻠﻲ ...

ـ ﺍﺍﺍﺍﻩ ﻳﺎ ﺍﻧﻴﻦ ﻛﻞ ﻣﺎﺍﺗﺬﻛﺮ ﺍﻟﻲ ﺳﻮﻳﺘﻪ ﺍﮔﻮﻝ ﺍﻫﻮﺍﻳﻪ ﻋﻠﻴﻪ ﻋﺎﻳﺸﻪ ﺍﻫﻮﺍﻳﻪ ﻋﻠﻴﻪ ..

ـ ﻻ ﺧﺎﻟﻪ ﻟﻴﺶ ﻫﻴﺞ ﺑﺲ ﺑﻌﺪ ﺷﺼﺎﺭ ..

ـ ﺣﺒﻴﺒﻲ ﺷﺮﺩ ﻭﮔﺪﺭ ﻳﺤﺘﻤﻲ ﻋﺪ ﻏﻴﺮ ﻧﺎﺱ ﻭﺍﻧﻲ ﻭﺍﻣﺞ ﺍﺧﺬﻭﻧﻪ ﺭﺟﻌﻮﻧﻪ ﻟـ ﺍﻟﺒﻴﺖ ﻭﺍﻣﺞ ﺟﺎﻧﺖ ﻣﺼﺪﻭﻣﻪ ﺑﻨﺺ ﺳﺎﻋﻪ ﺻﺎﺭﺕ ﺍﺭﻣﻠﻪ ﻭﺑﺴﺒﺐ ﺍﺧﺘﻬﺎ ﺍﻟﺼﻐﻴﺮﻩ ﻭﻫﻲ ﺍﺗﺤﺐ ﺯﻭﺟﻬﺎ ﺍﺗﺨﺒﻠﺖ ... ﺍﻫﻞ ﺯﻭﺟﻬﺎ ﺑﻌﺪ ﻣﺎﺍﺳﺘﻘﺒﻠﻮﻫﺎ ﻭﻣﺸﺎﻛﻞ ﻭﻓﺼﻮﻝ ﻭﺗﻘﺮﻳﺒﺎ ﺳﻨﻪ ﻳﻼ ﻓﻀﺖ ﺍﻟﻤﺸﻜﻠﻪ .. ﺑﺲ ﺑﻬﺎﻱ ﺍﻟﻔﺘﺮﻩ ﺍﻣﺞ ﻃﻠﻌﺖ ﺣﺎﻣﻞ ﻭﺍﻟﻄﻔﻞ ﻫﻮ ﻛﺮﻳﻢ ﻭﻣﻨﻮ ﻳﻘﺒﻞ ﻳﺴﺠﻠﻪ ﺑـ ﺍﺳﻤﻪ ?...

ﺍﺑﻮﺝ ﺟﺎﻥ ﻳﺸﺘﻐﻞ ﻋﺪ ﺍﺑﻮﻱ ﺑﺎﻟﻤﻄﺒﻌﻪ ﺭﺟﺎﻝ ﻋﺎﻗﻞ ﻣﺜﻘﻒ ﺑﺲ ﻓﻘﻴﺮ ﻣﺎﻋﻨﺪﺍ ﻏﻴﺮ ﺭﺍﺗﺒﻪ ﻭﻣﻜﻔﻲ ﺑﻲ ﻧﻔﺴﻪ ﻭﻋﺎﺋﻠﺘﻪ .. ﮔﺪﺭ ﺍﺑﻮﻱ ﻳﻘﻨﻌﻪ ﻭﺍﺗﺰﻭﺝ ﺍﻣﺞ ﻭﺳﺠﻞ ﻛﺮﻳﻢ ﺑـ ﺍﺳﻤﻪ ﺑﺲ ﻃﻮﻝ ﻓﺘﺮﺓ ﺣﻴﺎﺗﻪ ﺟﺎﻥ ﺑﺲ ﻣﺸﺎﻛﻞ ﻫﻮ ﻭﺍﻣﺞ ﻭﻣﺠﺎﻧﺖ ﻣﺘﻘﺒﻠﺘﻪ ﺑﺤﻴﺎﺗﻬﺎ ﻇﻞ ﻣﺘﺤﻤﻠﻬﺎ ﻭﺣﺘﻪ ﺍﻃﻔﺎﻝ ﻣﺎﺭﺍﺩﺕ ﻣﻨﻪ ﺑﺲ ﺑﻌﺪ ﻣﺎ ﻛﺮﻳﻢ ﻛﺒﺮ ﻇﻞ ﻳﻠﺢ ﺍﻳﺮﻳﺪ ﺍﺧﻮﺍﻥ ﻭﺻﺮﺗﻲ ﺍﻧﺘﻲ ﻭﺑﻌﺪﺝ ﺍﺣﻤﺪ ﻭﻫﻲ ﺣﺎﻣﻞ ﺑﻲ ﺑـ ﺷﻬﺮﻫﺎ ﺍﻻﻭﻝ ﻃﻠﻊ ﺍﺑﻮﺝ ﻳﻌﺎﻧﻲ ﻣﻦ ﻣﺮﺽ ﺧﺒﻴﺚ ﻭﻣﺎﻟﺤﻚ ﻳﺸﻮﻑ ﺍﺑﻨﻪ ﻭﻣﺎﺕ ...

ـ ﺧﺎﻟﻪ ﻛﻞ ﻫﺬﺍ ﺻﺎﺭ ﻭﻳﺎﺝ ﻭﻣﺤﺪ ﻳﻌﺮﻑ ?..

ـ ﺍﻱ ﻣﺤﺪ ﻳﻌﺮﻑ ﺑﺲ ﺍﻧﻲ ﻭﺧﺎﻟﺞ ﻭﺍﻣﺞ ..

ـ ﻭﻛﺮﻳﻢ ﻳﻌﺮﻑ ﻫﻮ ﮔﺎﻝ ﻳﻌﺮﻑ ﻧﻔﺴﻪ ﻣﻮ ﺍﺧﻮﻧﻪ ﺍﻟﺸﻘﻴﻖ ..

ـ ﺍﻱ ﺑﺲ ﻣﺎﻳﻌﺮﻑ ﻧﻔﺲ ﺍﻟﻘﺼﻪ ..

ـ ﺯﻳﻦ ﻋﻤﻲ ﻟﻴﺶ ﻳﻜﺮﻩ ﺍﻣﻲ ?..

ـ ﻻﻥ ﻳﻌﺮﻓﻮﻥ ﻛﺮﻳﻢ ﻣﻮ ﺍﺑﻨﻬﻢ ﻭﻳﻌﺮﻓﻮﻥ ﻛﻞ ﺍﻟﻘﺼﻪ ﺑﺲ ﺍﺑﻮﺝ ﺟﺒﺮﻫﻢ ﻳﻮﺍﻓﻘﻮﻥ ﻉ ﺍﻣﺞ ..

ـ ﺷﻠﻮﻥ ﺧﻠﻮﺝ ﻋﺎﻳﺸﻪ ?..

ـ ﺍﺥ ﺍﻧﻴﻦ ﺍﻻﻡ ﺻﺪﻙ ﻣﺘﺘﻌﻮﺽ ﺍﻣﻲ ﻧﻘﺬﺗﻨﻲ ﻣﻨﻬﻢ ﺍﻣﻲ ﺟﺎﻧﺖ ﻣﺮﻳﻀﻪ ﻭﻣﻦ ﺷﺎﻓﺖ ﺧﺎﻟﺞ ﻳﻀﺮﺑﻨﻲ ﻭﺭﺍﺩ ﻳﻤﻮﺗﻨﻲ ﺷﻤﺮﺕ ﺭﻭﺣﻬﺎ ﻛﺪﺍﻣﻲ ﻭﺣﻠﻔﺖ ﺍﺫﺍ ﻳﺮﻳﺪ ﻳﻤﻮﺗﻨﻲ ﻻﺯﻡ ﻳﻤﻮﺗﻬﺎ ﻗﺒﻠﻲ ﻭﺍﻧﻲ ﺍﻟﻲ ﻋﻔﺘﻬﺎ ﺣﺘﻪ ﻣﺎﻓﻜﺮﺕ ﺑﻴﻬﺎ ﺑﺲ ﻫﻲ ﺣﻤﺘﻨﻲ ﻭﺍﻧﻲ ﻫﻢ ﺟﺎﻥ ﺯﻭﺍﺟﻲ ﺑﺲ ﻉ ﺍﻟﻮﺭﻕ ﻫﺬﺍ ﺍﻟﺸﻲ ﻓﺎﺩﻧﻲ ﺑﺲ ﻋﺸﺖ ﺑﺠﺤﻴﻢ ﻛﻞ ﻳﻮﻡ ﻳﻌﺮﻭﻧﻲ ﻭﻣﻦ ﻏﻴﺮ ﺍﻻﻫﺎﻧﺎﺕ ﻭﺍﻟﻀﺮﺏ ... ﻛﺒﺮﺕ ﻳﻼ ﺧﻠﺼﺖ ..

ـ ﻟﻴﺶ ﻣﺎﺍﺗﺰﻭﺟﺘﻲ ﺑﻌﺪ ?..

ـ ﺑﻌﺪ ﻣﻨﻮ ﻳﺘﺰﻭﺟﻨﻲ ﻭﺍﻧﻲ ﺍﻧﻔﻀﺤﺖ ﺑﺎﻟﺪﻳﺮﻩ ﻭﺍﻟﻌﺸﻴﺮﻩ ﻣﺤﺪ ﻳﻘﺒﻞ ﺑﻬﻴﺞ ﻧﻜﺮﻩ ﻭﻫﺬﺍ ﺍﻟﻤﺠﺘﻤﻊ ﻣﺎﻳﻨﺴﻪ ﺍﻟﺸﻲ ﺍﻟﺴﻴﺊ ﻫﻮ ﻳﻨﺴﻪ ﺑﺲ ﺍﻟﺸﻲ ﺍﻟﺰﻳﻦ ... ﻣﺤﺪ ﻧﺴﺎﻧﻲ ﻭﺍﻧﻲ ﻫﻢ ﺳﺎﻟﻔﺘﻲ ﺍﺗﻔﺸﻞ ﻭﺧﺮﺑﺖ ﺑﻴﺖ ﺍﺧﺘﻲ ﻭﺍﺗﺴﺒﺒﺖ ﺑﻤﻮﺕ ﺷﺨﺺ ﻣﺎﻟﻪ ﺫﻧﺐ ﺑﺲ ﺟﺎﻥ ﻋﻨﺪﺍ ﺍﺧﻼﻕ ﻭﻳﺤﻤﻲ ﺩﺧﻴﻠﻪ ﺣﺘﻪ ﻟﻮ ﻳﻤﻮﺕ ...

ـ ﻭﻳﻦ ﺭﺍﺡ ﺣﺒﻴﺒﺞ . ..

ـ ﻗﺼﺪﺝ ﻏﻠﻄﺖ ﻋﻤﺮﻱ ﺷﺮﺩ ﺍﺧﺘﻔﻪ ﻭﺑﻌﺪ ﻣﺎﻋﺮﻓﺖ ﻋﻨﻪ ﺷﻲ .. ﺑﺎﻟﺼﺪﻓﻪ ﻗﺒﻞ ﺳﻨﻪ ﻋﺮﻓﺖ ﺑﻲ ﻣﺘﺰﻭﺝ ﻭﺻﺎﻳﺮﻩ ﻋﻨﺪﻩ ﻋﺎﺋﻠﻪ ﻭﺍﻧﺴﺎﻥ ﻣﺤﺘﺮﻡ ﻭﻣﺤﺪ ﻛﺎﻝ ﻋﻠﻴﻪ ﺷﻲ ﻭﻻ ﺍﺣﺪ ﺭﻓﻀﻪ ﻭﻻ ﺳﻤﻊ ﺍﻫﺎﻧﻪ ﻣﻦ ﺍﺣﺪ ...

ﻫﺬﺍ ﺍﻟﻔﺮﻕ ﺑﻴﻦ ﺍﻟﻤﺮٲﺓ ﻭﺍﻟﺮﺟﻞ ﺑﻤﺠﺘﻤﻌﻨﺎ ﺍﺣﻨﺎ ﺍﺛﻨﻴﻨﻪ ﻏﻠﻄﻨﻪ ﻧﻔﺲ ﺍﻟﺸﻲ ﻧﻔﺲ ﺍﻟﻘﺼﻪ ﺑﺲ ﻫﻮ ﻧﺴﻮﻩ ﻭﺍﻧﻲ ﻻ .... ﻫﻮ ﺍﺗﺰﻭﺝ ﻭﺧﻠﻒ ﻭﺍﻧﻲ ﻻ ﺍﻟﻔﺮﻕ ﺍﻧﻲ ﺟﺒﺖ ﺍﻟﻌﺎﺭ ﻟـ ﺍﺧﻮﻱ ﻭﺍﺑﻮﻱ ﻭﻫﻮ ﻻ ﺍﻟﻔﺮﻕ ﺍﻫﻮﺍﻳﻪ ﻟـ ﺣﺪ ﺍﻥ ﺍﻟﺒﻨﻴﻪ ﺍﺫﺍ ﻏﻠﻄﺖ ﺗﺨﺴﺮ ﺣﻴﺎﺗﻬﺎ ﻭﺍﻟﻐﻠﻂ ﻭﻳﺎﻫﺎ ﻳﻌﻴﺶ ﻭﻳﺘﺰﻭﺝ ﻭﻳﺼﻴﺮ ﺍﺏ ﻭﻳﻨﺴﻮﻥ ﻫﻮ ﻫﻢ ﻏﻠﻂ ﻭﺣﺴﺎﺑﻬﻢ ﻳﻢ ﺍﻟﻠﻪ ﻭﺍﺣﺪ ﺑﺲ ﻫﺬﺍ ﺍﻟﻤﺠﺘﻤﻊ ﻫﻴﺞ ﻳﺮﺑﻲ ﺍﻟﺒﻨﻴﻪ ﻉ ﺍﻥ ﺧﻄٲﺝ ﺟﺮﻳﻤﻪ ﺍﺗﺨﺴﺮﻳﻦ ﺣﻴﺎﺗﺞ ﻣﻦ ﻭﺭﺍﻫﺎ .. . ﻭﺍﻟﻮﻟﺪ ﺍﻧﺖ ﺍﺑﺮﺍﺣﺘﻚ ﺷﺎﻳﻞ ﻋﻴﺒﻚ ﻣﺘﻨﻌﺎﺏ ﻭﻟﻮ ﺷﺘﺴﻮﻱ ﻣﺤﺪ ﻳﺘﺬﻛﺮ ﺍﻟﻚ ﻓﺘﺮﻩ ﻭﻳﻨﺴﻮﻥ . ﻟﻮ ﺑﺲ ﻳﻌﻠﻤﻮﻧﻬﻢ ﺑﻨﻔﺲ ﺍﻟﻄﺮﻳﻘﻪ ﺟﺎﻥ ﺣﺎﻓﻈﻮﺍ ﻋﻠﻴﻨﺎ ﺟﺎﻥ ﻣﺤﺪ ﮔﺪﺭ ﻳﺴﺘﻐﻞ ﺿﻌﻒ ﺑﻨﻴﻪ ﺳﺎﺫﺟﻪ ﻣﺘﻌﺮﻑ ﺑﺎﻟﺤﻴﺎﺓ ﻭﺗﺼﺪﮒ ﻋﺒﺎﺭﺍﺓ ﺍﻟﺤﺐ ... ﺟﺎﻥ ﻣﺤﺪ ﮔﺪﺭ ﻳٲﺧﺬ ﻣﻨﻬﺎ ﺷﻲ ... ﺍﻧﻴﻦ ﻻ ﺗﺨﺴﺮﻳﻦ ﺑﻴﺘﺞ ﺍﺭﺟﻌﻲ ..

ـ ﻣﺎ ﺍﮔﺪﺭ ﺧﺎﻟﻪ ﺳﺤﻚ ﻛﺮﺍﻣﺘﻲ ﻭﻫﺎﻱ ﻣﻮ ﺍﻭﻝ ﻣﺮﻩ ...

ـ ﻣﻮﺑﺎﻳﻠﺞ ﻋﻨﺪﺝ ﺧﺎﺑﺮﻱ ﻭﺍﻓﺘﻬﻤﻲ ﻣﻨﻪ .

ـ ﻏﻠﻘﺖ ﺍﻟﻤﻮﺑﺎﻳﻞ ﺑﻌﺪ ﻣﺎ ﺣﺠﻴﺖ ﻭﻳﺎﺝ .

ـ ﻟﻴﺶ ﻫﻴﺞ ﺗﺮﺍ ﻻﺯﻡ ﺍﺗﻜﻮﻧﻴﻦ ﺍﻋﻘﻞ ﻭﺗﺘﻔﺎﻫﻤﻴﻦ ﻭﻳﺎﻩ ﻣﻮ ﻫﻴﺞ ﺍﻻﻣﻮﺭ ﺗﻨﺤﻞ .

ﻇﻠﻴﺖ ﻳﻢ ﺧﺎﻟﺘﻲ ﻭﻫﻤﺰﻳﻦ ﺑﻴﺖ ﺧﺎﻟﻲ ﺟﺎﻥ ﻣﺤﺪ ﺑﻲ ﻛﻠﻬﻢ ﻃﺎﻟﻌﻴﻦ ﻭﺑﺲ ﺧﺎﻟﺘﻲ ﺑﺎﻟﺒﻴﺖ ﻭﺧﺎﻟﻲ ﻣﻦ ﺭﺟﻊ ﺑﺎﻟﻠﻴﻞ ﺍﻧﻲ ﻣﺎﻃﻠﻌﺖ ﻣﻦ ﺍﻟﻐﺮﻓﻪ ﺣﺒﺴﺖ ﻧﻔﺴﻲ ﻭﻗﺮﺭﺕ ﺍﻟﺼﺒﺢ ﺍﻃﻠﻊ ﺑﺪﻭﻥ ﻣﺎ ﺧﺎﻟﺘﻲ ﺍﺗﺤﺲ ﺑﻌﺪ ﻣﺎﺍﺭﻳﺪ ﺍﺭﺟﻊ ﻟـ ﻟﻮﺍﺀ ﺧﻠﺺ ﻣﻠﻴﺖ ﺷﻨﻮ ﻋﻴﺸﺘﻲ ﻭﻳﺎﻩ ﺑﺲ ﻳﻬﻴﻨﻲ ﻭﻳﻘﻠﻞ ﻣﻦ ﻗﻴﻤﺘﻲ ..

ﻟﻮﺍﺀ /

ﺭﺟﻌﺖ ﻟﻠﺒﻴﺖ ﻭﺍﻧﻲ ﺍﻋﺮﻑ ﻗﺒﻠﻬﺎ ﺍﻧﻴﻦ ﻛﺎﻟﺖ ﺭﺍﺟﻌﻪ ﻗﺒﻠﻚ ﻳﻌﻨﻲ ﻣﺘﻮﻗﻊ ﺍﻟﮕﺎﻫﺎ ﻛﺪﺍﻣﻲ ﺑﺲ ﺍﻭﻝ ﻣﺪﺧﻠﺖ ﺳﺌﻠﺘﻬﻢ ﻋﻠﻴﻬﺎ ﺻﻮﻓﻴﺎ ﻛﺎﻟﺖ ﻣﺎﺍﻋﺮﻑ ﻣﺮﺟﻌﺖ ﻟـ ﺣﺪ ﺍﻻﻥ ..

ﻇﻠﻴﺖ ﺍﻧﺘﻈﺮ ﮔﻠﺖ ﻳﺠﻮﺯ ﺭﺍﺣﺖ ﺍﺗﺸﻮﻑ ﺍﻣﻬﺎ ... ﺑﺲ ﻃﻮﻟﺖ ﻭﻫﻲ ﻣﮕﺎﻟﺖ ﻭﺍﻧﻴﻦ ﺍﺫﺍ ﺗﻄﻠﻊ ﺍﺗﮕﻮﻝ ... ﺧﻔﺖ ﻋﻠﻴﻬﺎ ﻭﺍﻟﻮﻛﺖ ﺍﺗٲﺧﺮ ﻃﻠﻌﻠﺖ ﺍﺩﻭﺭ ﻋﻠﻴﻬﺎ ﺭﺣﺖ ﻟـ ﺑﻴﺖ ﺍﻫﻠﻬﺎ ﺑﺲ ﻣﺎﺭﺩﺕ ﺍﺧﻮﻓﻬﻢ ﺳﻮﻳﺖ ﻧﻔﺴﻲ ﻣﺎﺭ ﺍﺷﻮﻓﻬﻢ ﻭﺍﻣﺒﻴﻦ ﻣﻴﻌﺮﻓﻮﻥ ﻋﻠﻴﻬﺎ ﺷﻲ ..

ﻃﻠﻌﺖ ﻣﻦ ﻳﻤﻬﻢ ﻭﺍﻧﻲ ﺍﻟﺪﻧﻴﺎ ﺳﻮﺩﻩ ﺑﻌﻴﻨﻲ ﻭﺍﻟﻒ ﻓﻜﺮﻩ ﺍﺟﺖ ﺑﺮﺍﺳﻲ ﻭﺧﻔﺖ ﺻﺎﺭ ﻭﻳﺎﻫﺎ ﺣﺎﺩﺙ ﺷﻠﻮﻥ ﺍﺑﻠﻎ ﻉ ﻓﻘﺪﻫﺎ ﻟﻮ ﺍﻧﺘﻈﺮ .

ﺍﺗﺬﻛﺮﺕ ﺑﻴﺖ ﺧﺎﻟﻬﺎ ﻭﺍﻧﻲ ﻣﻦ ﺍﻟﻌﺼﺮ ﺍﺗﺼﻞ ﻋﻠﻴﻬﺎ ﻭﻣﻮﺑﺎﻳﻠﻬﺎ ﻣﻐﻠﻖ ... ﻣﺎﻛﻮ ﻏﻴﺮ ﺑﻴﺖ ﺧﺎﻟﻬﺎ ﺑﺲ ﺍﻟﺪﻧﻴﺎ ﻟﻴﻞ ﻭﺍﺳﺘﺤﻲ ﺷﻜﻠﻬﻢ .... ﻭﻳﻨﺞ ﺍﻧﻴﻦ ﺷﺼﺎﺭ ﻭﻳﺎﺝ ﻭﻳﻦ ﺭﺣﺘﻲ ... ﻣﺎﺍﻋﺮﻑ ﺑﺲ ﺧﺎﺑﺮﺕ ﻟـ ﻛﺮﻳﻢ ﻭﮔﺘﻠﻪ ﻭ ﻭﺻﻴﺘﻪ ﻻ ﻳﻜﻮﻝ ﻟـ ﺍﻣﻪ ..

ﻳﺘﺒﻊ 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤