رواية امي تبحث عن عريس الجزء الثاني عشر | النهاية

..

رواية امي تبحث عن عريس الجزء الثاني عشر | النهاية 

للكاتبة أزهار ذابله

...

ﺟﻨﺖ ﮔﺎﻋﺪﻩ ﻣﺎﮔﺪﺭﺕ ﺍﻧﺎﻡ ﻻﻥ ﻛﻞ ﻣﺎﺍﺗﺬﻛﺮ ﺷﻠﻮﻥ ﻫﺎﻱ ﺍﻡ ﻛﻔﺸﻪ ﺍﺗﻜﻮﻝ ﺧﺪﺍﻣﻪ ﺍﻣﻮﺕ ﻣﻦ ﺍﻟﻘﻬﺮ ﻭﺍﺗﺨﻴﻠﻬﺎ ﻣﺎﺧﺬﻩ ﺣﺒﻴﺒﻲ ﺍﺗﺨﻴﻞ ﻟﻮﺍﺀ ﻳﻀﺤﻚ ﻭﻳﺎﻫﺎ ﻭﻳﺪﻟـﻠﻪ ﻣﺜﻞ ﻣﺎ ﻳﺪﻟـﻠﻨﻲ ﺭﺍﺳﻲ ﻃﮓ ﻣﻦ ﺍﻟﻘﻬﺮ ﻟﻮﺍﺀ ﻣﻌﻘﻮﻟﻪ ﻳﻀﺤﻚ ﻋﻠﻴﻪ ﻭﻓﻌﻼ ﺟﺎﻥ ﻣﻌﺘﺒﺮﻧﻲ ﺧﺪﺍﻣﻪ ﻭﻫﺴﻪ ﻣﻴﺤﺘﺎﺟﻨﻲ ﺑﻌﺪ ﺻﻮﻓﻴﺎ ﺗﻤﺸﻲ ﻭﺍﺗﺤﺴﻦ ﻣﺴﺘﻮﺍﻫﺎ ﺑﺎﻟﻤﺪﺭﺳﻪ ﻣﺆﻣﻦ ﺍﺗﻐﻴﻴﺮ ﻭﺻﺎﺭ ﺍﻋﻘﻞ ﻭﺍﻛﺜﺮ ﻫﺪﻭﺀ ﻫﻮ ﻫﻢ ﺻﺎﺭ ﻭﺍﺛﻖ ﻣﻦ ﻧﻔﺴﻪ ﺑﻌﺪ ﻛﻞ ﺍﻟﺤﺐ ﺍﻟﻲ ﺍﻧﻄﻴﺘﻪ ﺍﻻ ﺣﺒﻴﺘﻪ ﻣﺜﻞ ﻣﺎ ﺍﻻﻡ ﺍﺗﺤﺐ ﺍﺑﻨﻬﺎ " ﻧﺴﻴﺖ ﻧﻔﺴﻲ ﻭﺍﻧﻲ ﺍﻫﺘﻢ ﺑﻴﻬﻢ ﻭﺣﺘﻪ ﺍﻫﻠﻲ ﻣﺎﺍﺷﻮﻓﻬﻢ ﻭﻣﺎﺍﻋﺮﻑ ﻋﻨﻬﻢ ﺷﻲ ﻛﺮﺳﺖ ﻛﻞ ﻭﻛﺘﻲ ﺍﻟﻬﻢ ﻭﺑﺎﻟﺘﺎﻟﻲ ﻫﺬﺍ ﺍﻟﻨﺎﺗﺞ ﺑﺎﺟﺮ ﻻﺯﻡ ﺍﺭﺟﻊ ﻟـ ﺍﻫﻠﻲ ﻭﺍﮔﻠﻬﻢ ﺑﻜﻞ ﺷﻲ ﻭﺍﻟﻲ ﻳﺼﻴﺮ ﻳﺼﻴﺮ ..

ﺩﮒ ﻣﻮﺑﺎﻳﻞ ﺧﺎﻟﺘﻲ ﺳﻌﺎﺩ ﻭﺭﺩﺕ ﺑﺲ ﻃﻠﻌﺖ ﻣﻮ ﻳﻤﻲ ﻋﺮﻓﺘﻬﺎ ﺣﺘﮕﻮﻟﻬﻢ ﺍﻧﻴﻦ ﻳﻤﻲ ﻭﺍﻧﻲ ﺍﻭﻝ ﻭﺗﺎﻟﻲ ﺭﺍﻳﺤﺘﻠﻬﻢ ﺑﺲ ﺭﺩﺕ ﺍﻟﻴﻮﻡ ﺍﺻﻔﻲ ﺑﺎﻟﻲ ﻭﺍﻋﺮﻑ ﺍﺗﺨﺬ ﻗﺮﺍﺭ ..

ﺭﺟﻌﺖ ﺧﺎﻟﺘﻲ ﻭﺍﻧﻲ ﻣﺎ ﺣﺠﻴﺖ ﺑﻌﺪ ﻭﻳﺎﻫﺎ ﺑﺲ ﺑﻌﺪ ﺳﺎﻋﻪ ﺍﻧﺪﮒ ﺍﻟﺒﺎﺏ ﻭﻫﻲ ﻃﻠﻌﺖ ﺗﺮﻛﺾ ﻭﺍﺳﻤﻊ ﻟﻮﺍﺀ ﻭﻛﺮﻳﻢ ﻳﺤﺠﻮﻥ ﻭﻳﺎﻫﺎ ..

ﻇﻠﻴﺖ ﺑﻤﻜﺎﻧﻲ ﻭﻣﺎ ﺗﺤﺮﻛﺖ ﻭﺭﺟﻊ ﺍﻟﻢ ﻇﻬﺮﻱ ﻟـ ﺩﺭﺟﺔ ﺭﺩﺕ ﺍﺻﺮﺥ ﺑﺲ ﺍﺗﺤﻤﻞ ﻭﻫﺬﺍ ﺍﻻﻟﻢ ﺻﺎﺭ ﻓﺘﺮﻩ ﺍﻋﺎﻧﻲ ﻣﻨﻪ ﺑﺲ ﻣﺎﺍﺣﺠﻲ ﻳﻤﻜﻦ ﻣﺤﺪ ﻳﻬﺘﻢ ﺣﺘﻪ ﻟﻮ ﺣﺠﻴﺖ ﻣﺎﻛﻮ ﺩﺍﻋﻲ ﺍﺣﺪ ﻳﻌﺮﻑ ﺷﻨﻮ ﻳﻮﺟﻌﻨﻲ ﺍﻟﻤﻬﻢ ﻣﺤﺪ ﻣﺘﻮﺟﻊ ﻣﻨﻲ ...

ـ ﻟﻮﺍﺀ : ﺧﺎﻟﻪ ﺻﻴﺤﻲ ﺍﻧﻴﻦ ﺍﺭﻳﺪ ﺍﺣﺠﻲ ﻭﻳﺎﻫﺎ ..

ﻛﺮﻳﻢ : ﺧﺎﻟﻪ ﻏﻴﺮ ﺗﻜﻮﻟﻴﻦ ﺍﻧﻴﻦ ﻳﻤﺞ ﻣﺎﺧﻠﻴﻨﻪ ﻣﻜﺎﻥ ﻣﺎﺩﻭﺭﻧﻪ ﺑﻲ ﻟﻴﺶ ﻫﻴﺞ !..

ﺳﻌﺎﺩ : ﻣﺎﻗﺒﻠﺖ ﺍﮔﻮﻝ ﺍﻟﻜﻢ ﻭﻫﺴﻪ ﻫﻲ ﻳﻤﻲ ﻭﺿﺎﻳﺠﻪ ﺣﻴﻞ ﻋﻮﻓﻬﺎ ﺍﻟﻴﻮﻡ ﻭﺑﺎﺟﺮ ﺑﻠﻜﻲ ﺍﺗﺼﻴﺮ ﺍﺣﺴﻦ ..

ﻟﻮﺍﺀ : ﺍﺭﻳﺪ ﺑﺲ ﺍﺣﺠﻲ ﻭﻳﺎﻫﺎ ﻛﻠﻤﻪ ﻭﺣﺪﻩ ﺑﺲ ﺍﺭﻳﺪ ﺍﻋﺮﻑ ﻟﻴﺶ ﻃﻠﻌﺖ ﻣﻦ ﺍﻟﺒﻴﺖ ﺑﺪﻭﻥ ﻣﺘﮕﻮﻝ ...

ﺍﺳﻤﻌﻪ ﻳﺼﻴﺢ ﻭﻻ ﻛﺎﻧﻪ ﻣﺴﻮﻱ ﺷﻲ ﻭﻫﻮ ﺻﺎﺣﺐ ﺍﻟﺰﺍﻳﺪ ﺍﻧﻮﺏ ﻓﻮﮔﻬﺎ .. ﺑﺲ ﮔﻠﺖ ﻻﺯﻡ ﺍﻭﺟﻬﻪ ﻟﻴﺶ ﺧﺎﻳﻔﻪ ﻣﻨﻪ ..

ﺍﻧﻴﻦ : ﻧﻌﻢ ﺍﺳﺘﺎﺫ ﺷﺘﺮﻳﺪ ﻣﻨﻲ ?..

ﻟﻮﺍﺀ : ﻭﻟﺞ ﺷﻠﻮﻥ ﺍﻃﻠﻌﻴﻦ ﺑﺪﻭﻥ ﻣﺘﮕﻮﻟﻴﻦ ﻓﺮﻳﺖ ﺍﻟﺪﻧﻴﻪ ﻋﻠﻴﺞ ﺭﺩﺕ ﺍﺑﻠﻎ ﺍﻟﺸﺮﻃﻪ ﺍﻧﺘﻲ ﻣﻮ ﮔﻠﺘﻲ ﺭﺍﺟﻌﻪ ﻗﺒﻠﻚ .. ﻟﻴﺶ ﺍﺟﻴﺘﻲ ﺍﻫﻨﺎ ?

ـ ﻻﻥ ﺑﺴﺎﻃﻪ ﺭﺟﻌﺖ ﻣﺜﻞ ﻣﺎﮔﺘﻠﻚ ﻭﻟﮕﻴﺖ ﺯﻭﺟﺘﻚ ﺍﻭ ﻃﻠﻴﻘﺘﻚ ﻭﮔﺎﻟﺖ ﺭﺟﻌﻨﻲ ﻭﮔﺎﻝ ﺍﻧﻴﻦ ﺧﺪﺍﻣﻪ ﻋﻨﺪﺝ .. ﻣﻮ ﺻﺢ ﻫﺬﺍ ﺍﻧﺖ ﻫﻴﺞ ﮔﺎﻳﻠﻠﻬﺎ ﻟﻮ ﺷﻨﻮ ..

ﻟﻮﺍﺀ : ﻛﻠﻪ ﺟﺬﺏ ﻭﻻ ﻣﺮﺟﻌﻬﺎ ﻭﻻ ﺍﺑﺪ ﻭﺿﺤﻜﺖ ﻋﻠﻴﺞ ﻭﺣﺘﻪ ﻫﺎﻱ ﺍﻟﺒﻨﻴﻪ ﻫﻲ ﺩﺍﺯﺗﻬﺎ ﻭﻫﺬﺍ ﺍﻟﺸﻲ ﺍﻧﻲ ﺍﻟﻴﻮﻡ ﻋﺮﻓﺘﻪ ﺑﺲ ﻟﻴﺶ ﺍﺗﺮﻛﻴﻦ ﺍﻟﺒﻴﺖ ﻏﻴﺮ ﻻﺯﻡ ﺗﻨﺘﻈﺮﻳﻨﻲ ﻟﻮ ﻣﻮ ﻣﻬﻢ ﻋﻨﺪﺝ ...

ﺍﻧﻴﻦ : ﻻ ﺍﻧﻲ ﺍﻟﻲ ﻣﻮ ﻣﻬﻤﻪ ﻋﻨﺪﻙ ﻭﺍﻟﺪﻟﻴﻞ ﻛﻞ ﻣﺮﻩ ﺍﺗﻔﺸﻠﻨﻲ ﻭﻣﺘﺤﺘﺮﻣﻨﻲ ﻭﺍﺗﺤﺴﺴﻨﻲ ﺍﻧﻲ ﻓﻌﻼ ﺧﺪﺍﻣﻪ ﻋﻨﺪﻙ .. ﺍﻧﻲ ﺑﻌﺪ ﻣﺎﺍﺗﺤﻤﻞ ﺧﻠﺺ ﺻﺒﺮﻱ ...

ﻟﻮﺍﺀ : ﺍﻟﻤﻄﻠﻮﺏ ﺷﻨﻮ ﺍﻧﺘﻲ ﻣﺘﺮﺩﻳﻨﻲ ﻣﻮ ﻭﺑﺎﻟﻨﺎﻗﺺ ﻣﻨﺞ ..

ﻛﺮﻳﻢ : ﻟﻮﺍﺀ ﻫﺬﺍ ﻏﻴﻴﺮ ﺍﺳﻠﻮﺏ ﻫﻴﺞ ﺗﺤﺠﻲ ﻭﻳﺎﻫﺎ ﻭﻫﻲ ﺯﻋﻼﻧﻪ ﻏﻴﺮ ﺍﺗﻔﻬﻤﻬﺎ ﺗﻌﺘﺬﺭ ﻣﻨﻬﺎ ..

ﻟﻮﺍﺀ : ﻭﺍﻟﻠﻪ ﻫﺬﺍ ﺍﻟﻌﻨﺪﻱ ﻭﺧﻠﻮﻫﺎ ﻳﻤﻜﻢ ﺍﺷﺒﻌﻮﺍ ﺑﻴﻬﺎ ﺍﻟﻤﺮﺍﻩ ﺍﻟﻲ ﻣﺎﺗﺤﺘﺮﻣﻨﻲ ﻣﺎﺗﺼﺮﻑ ﺍﻟﻲ ..

ﺍﻧﻴﻦ : ﻫﻬﻬﻬﻬﻬﻬﻪ ﻭﺍﻧﺖ ﺗﺤﺘﺮﻣﻨﻲ ﻭﺷﻠﻮﻥ ﻣﺘﻤﺴﻚ ﺑﻴﻪ ﺑﺲ ﻛﻠﻤﺘﻴﻦ ﺍﺗﻨﺎﺯﻟﺖ ﻋﻨﻲ ﻭﺗﺮﻛﺘﻨﻲ ﻭﺍﻧﻲ ﺍﻋﺮﻑ ﻫﺬﺍ ﻣﻦ ﺍﻟﺒﺪﺍﻳﻪ ﺷﺨﺺ ﻣﺜﻠﻚ ﻣﻐﺮﻭﺭ ﻭﻣﺘﻜﺒﺮ ﻣﻴﮕﺪﺭ ﻳﺤﺲ ﺑﻤﺸﺎﻋﺮ ﻏﻴﺮﻩ

....

ﻟﻮﺍﺀ ﺭﻓﻊ ﺍﻳﺪﻩ ﺭﺍﺩ ﻳﻀﺮﺑﻨﻲ ﺑﺲ ﻛﺮﻳﻢ ﻟﺰﻣﻪ ﻭﺩﻓﻌﻪ ﻃﻠﻌﻪ ﺑﺮﺍ ﻭﺧﺎﻟﺘﻲ ﺣﻀﻨﺘﻨﻲ ﻭﺗﻮﺍﺳﻴﻨﻲ ﻛﻠﻬﻢ ﺷﺎﻓﻮﺍ ﺷﻠﻮﻥ ﺑﺎﻳﻌﻨﻲ ﺑﺲ ﺍﻣﻲ ﺷﻴﻘﻨﻌﻬﺎ ...

ﻃﻠﻌﺖ ﻣﻦ ﻳﻤﻬﺎ ﻭﺍﻧﻲ ﺍﺣﻘﺪ ﻋﻠﻴﻬﺎ ﻟﻴﺶ ﻫﻴﺞ ﺍﻧﻴﻦ ﻭﻻ ﻣﺮﻩ ﺣﺴﺖ ﺑﺤﺒﻲ ﻭﻻ ﻣﺮﻩ ﺻﺪﻛﺖ ﻛﻼﻣﻲ ﻭﻻ ﻣﺮﻩ ﺍﻧﺘﻈﺮﺕ ﺗﺴﻤﻌﻨﻲ ﻭﺍﻧﻮﺏ ﺍﺗﮕﻮﻝ ﻣﻐﺮﻭﺭ ﻫﻮ ﻣﻨﻮ ﺍﻟﻤﻐﺮﻭﺭ ﺑﻴﻨﺎ ﻟﻴﺶ ﺍﻧﻴﻦ ﻟﻴﺶ .... ﺍﻧﻲ ﺍﻋﻠﻤﺞ ﺻﻮﻓﻴﺎ ﺍﻧﺘﻲ ﺍﻟﺴﺒﺐ ﻟﻴﺶ ﻣﺎ ﮔﻠﺘﻲ ﻉ ﻛﻞ ﺍﻟﻲ ﺻﺎﺭ ﮔﺪﺍﻣﺞ ﻟﻴﺶ ﺍﺗﺴﺎﻋﺪﻳﻦ ﺍﻣﺞ ﻉ ﺍﻟﻐﻠﻂ .

ﺭﺟﻌﺖ ﻟﮕﻴﺖ ﺻﻮﻓﻴﺎ ﮔﺎﻋﺪﻩ ..

ـ ﻟﻴﺶ ﺟﺬﺑﺘﻲ ﻫﺎﺍﺍﺍﺍﺍﺍ ﺍﺣﺠﻲ ﻻ ﺍﺩﻓﻨﺞ ..

ـ ﺑﺎﺑﺎ ﺍﺳﻔﻪ ﻭﺍﻟﻠﻪ ﻣﺎﻣﺎ .. ﻫﻲ ﻭﺍﻟﻠﻪ ﮔﺎﻟﺖ ﺍﺫﺍ ﺍﻣﺴﻮﻱ ﺍﻟﻲ ﺍﺗﻜﻮﻟﻪ ﺑﻌﺪ ﻣﺘﺮﻳﺪﻧﻲ ﻭﻻ ﺗﻌﺘﺒﺮﻧﻲ ﺑﺘﻬﺎ ..

ـ ﻭﺍﺗﺠﺬﺑﻴﻦ ﻭﺗﺘﺒﻠﻴﻦ ﻉ ﺍﻧﻴﻦ ﻭﻟﺞ ﺍﻧﻴﻦ ﺍﻟﺴﺒﺐ ﺍﻟﻲ ﺧﻼﺝ ﺗﻤﺸﻴﻦ ﻭﺍﻣﺞ ﻭﻳﻦ ﺟﺎﻧﺖ ﻣﻦ ﺟﻨﺘﻲ ﻣﻌﺎﻗﻪ ﻭﺑﺴﺒﺒﻬﺎ ﻫﺎﺍﺍﺍ ﻭﻳﻦ ﺟﺎﻧﺖ ﺍﺣﺠﻲ ..

ـ ﺍﺳﻔﻪ ﺍﻧﻲ ﺍﺳﻔﻪ ﺑﺎﺑﺎ ﺍﺭﺟﻮﻙ ﺳﺎﻣﺤﻨﻲ ﻭﺍﻧﻲ ﻣﺴﺘﻌﺪﻩ ﺍﻋﺘﺬﺭ ﻣﻦ ﺍﻧﻴﻦ ﺑﺲ ﺍﺫﺍ ﺍﺗﺮﺟﻊ ﻣﺎﻣﺎ ﺷﻨﻮ ﻳﻨﻘﺺ ﻋﻠﻴﻬﺎ ..

ـ ﺍﺷﺸﺸﺸﺸﺶ ﻧﻔﺲ ﻣﺎﺍﺳﻤﻊ ﻣﻨﺞ ﻭﺍﻣﺞ ﺍﺣﺴﺎﺑﻬﺎ ﺑﻌﺪﻳﻦ ﻭﻳﺎﻱ ﻭﺑﻌﺪ ﻣﺘﺸﻮﻓﻨﻬﺎ ﻭﺧﻠﻲ ﺷﺘﺴﻮﻱ ﺍﺗﺴﻮﻱ ..

ﺭﺟﻌﻨﺎ ﺍﻧﻲ ﻭﻛﺮﻳﻢ ﻟـ ﺑﻴﺘﻨﺎ ﻭﺍﻣﻲ ﺟﺎﻧﺖ ﻣﻨﺘﻈﺮﺗﻨﻲ ﻻﻥ ﻛﺮﻳﻢ ﺧﺎﺑﺮﻫﺎ ... ﺑﺲ ﺧﻠﻴﺖ ﺭﺟﻠﻲ ﺑﺎﻟﺒﻴﺖ .

ـ ﻫﺎﺍﺍ ﻭﻧﻴﻦ ﻫﺎﺍﺍ ﻟﻴﺶ ﻫﻴﺞ ﻭﻟﺞ ..

ـ ﻳﻤﻪ ﻋﺮﻓﺘﻲ ﺍﻟﺼﺎﺭ ?..

ـ ﺍﻱ ﻭﺷﻨﻮ ﺍﻟﺼﺎﺭ ﻭﺍﺫﺍ ﺭﺩ ﻣﺮﺗﻪ ﺍﻧﺘﻲ ﺷﻨﻲ ﺍﺷﺘﺮﻳﺘﻲ ﺍﻟﺰﻟﻤﻪ ﻭﻟﺞ ..

ـ ﻳﻤﻪ ﺍﺗﺤﻤﻠﻴﻨﻲ ﺑﺲ ﺍﻟﻴﻮﻡ ..

ـ ﺍﻱ ﻭﺑﺎﺟﺮ ﺗﺮﺩﻳﻦ ﻟـ ﺭﺟﻠﺞ ﻣﻮ ?

ـ ﻻ ﺑﺎﺟﺮ ﺍﺷﻮﻓﻠﻲ ﻣﻜﺎﻥ ﻭﺍﻃﻠﻊ ﺑﻌﺪ ﻣﺎﺍﺗﺤﻤﻞ ﻛﻞ ﻫﺬﺍ ﺯﻭﺟﺘﻴﻨﻲ ﺑﻜﻴﻔﺞ ﻭﻫﺴﻪ ﻻﺯﻡ ﺍﺭﺟﻊ ﺍﻟﻪ ﺑﻜﻴﻔﺞ ..

ـ ﺑﺎﺟﺮ ﻻ ﻫﺴﻪ ﺗﺮﺩﻳﻦ ﻟﺒﻴﺘﺞ ﻳﻼ ..

ـ ﻳﻤﻪ ﻻ ﺗﻜﺴﺮﻳﻦ ﻫﻴﺞ ﺑﻴﻪ ﻓﺪﻭﻭﻩ ﻋﻮﻓﻴﻨﻲ ﻭﺍﻟﻠﻪ ﻣﺎ ﻳﺤﺘﺮﻣﻨﻲ ..

ﻛﺮﻳﻢ : ﺧﻠﻴﻬﺎ ﻳﻤﻪ ﻫﺬﺍ ﻣﺎﻋﻨﺪﺍ ﺍﺳﻠﻮﺏ ﻳﻤﻲ ﻭﻳﺼﻴﺢ ﻋﻠﻴﻬﺎ ﻭﺭﺍﺩ ﻳﻀﺮﺑﻬﺎ .

ﺍﻡ ﻛﺮﻳﻢ : ﻳﻤﻪ ﺣﮕﻪ ﻏﻴﺮ ﻋﺎﻓﻴﺘﻪ ﻳﺪﻭﺭ ﻋﻠﻴﻬﺎ ﻭﻫﻲ ﺧﺎﺗﻠﻪ ﻫﻮ ﻫﺬﺍ ﻭﻳﻦ ﺻﺎﻳﺮ ﻟﻮ ﺍﻧﺖ ﻫﻴﺞ ﻳﺼﻴﺮ ﻭﻳﺎﻙ ﺷﺘﺴﻮﻱ ?..

ﻛﺮﻳﻢ : ﻫﻮ ﺍﻧﻲ ﻣﺎﺍﮔﻠﺞ ﺣﻘﻪ ﺑﺲ ﻫﻲ ﻣﻠﺖ ﻣﻨﻪ ﻭﻣﻦ ﺗﻌﺎﻣﻠﻪ ﺷﻨﻮ ﻳﮕﻠﻮﻟﻬﺎ ﺧﺪﺍﻣﻪ ﻭﻟﻴﺶ ﻫﻮ ﺳﺎﻛﺖ ﺍﻧﻴﻦ ﻣﻄﻠﻌﻴﻦ ﻣﻦ ﺍﻟﺒﻴﺖ ﻭﺍﻟﻲ ﻳﺼﻴﺮ ﺧﻠﻲ ﻳﺼﻴﺮ ﺍﺫﺍ ﻣﺎﺍﻋﺘﺬﺭ ﻣﻨﺞ ﻭﺷﺮﻁ ﻣﻴﺮﺟﻊ ﺯﻭﺟﺘﻪ .

ﺍﻧﻴﻦ : ﺍﻧﻲ ﺗﻌﺒﺖ ﺍﺭﻳﺪ ﺍﻧﺎﻡ ..

ﺍﻡ ﻛﺮﻳﻢ : ﺍﻧﺖ ﺍﺗﺸﺠﻌﻬﺎ ﻉ ﺍﻟﻐﻠﻂ .

ﻛﺮﻳﻢ : ﺍﻧﻲ ﺍﺧﻮﻫﺎ ﻭﻣﺎﺍﺣﺐ ﺍﺷﻮﻓﻬﺎ ﻣﻜﺴﻮﺭﻩ ﻭﻣﺠﺒﻮﺭﻩ ﺧﻠﻴﻬﺎ ﻫﻲ ﻣﻦ ﺍﻟﺒﺪﺍﻳﻪ ﺟﺎﻧﺖ ﻣﻤﻘﺘﻨﻌﻪ ﺑﻲ ..

ﻋﻔﺘﻬﻢ ﻳﺘﻌﺎﺭﻛﻮﻥ ﻭﺍﻧﻲ ﺍﻣﺸﻲ ﻣﺒﺘﻌﺪﻩ ﻋﻨﻬﻢ ﺭﺟﻌﺖ ﻟـ ﻏﺮﻓﺘﻲ ﻟﻜﻴﺘﻬﺎ ﻉ ﺣﻄﺖ ﺍﻳﺪﻱ ﻭﻣﺤﺪ ﻣﺘﻘﺮﺏ ﻣﻨﻬﺎ ﺑﺪﻟﺖ ﻭﮔﻌﺪﺕ ﺍﻛﺒﺎﻝ ﺍﻟﺸﺒﺎﻙ ﻟﺰﻣﺖ ﻛﺘﺎﺏ ﻭﺑﺪﻳﺖ ﺍﻗﺮٲ ﺑﺲ ﺑﺪﻭﻥ ﺗﺮﻛﻴﺰ ﻭﻛﻞ ﻟﺤﻈﻪ ﺗﻨﺰﻝ ﻣﻦ ﻳﻌﻴﻨﻲ ﺩﻣﻌﻪ ﻭﺍﺭﺟﻊ ﺍﻣﺴﺤﻬﺎ ... ﻧﻤﺖ ﻭﺍﻧﻲ ﻛﺎﻋﺪﻩ ﻭﺍﻟﻜﺘﺎﺏ ﻭﻛﻊ ﻣﻦ ﺍﻳﺪﻱ . ﺻﺤﻴﺖ ﻉ ﺻﻮﺕ ﺍﻻﺫﺍﻥ ﺟﺎﻥ ﺍﻟﺠﻮ ﻣﻌﺘﺪﻝ ﺍﻟﺼﻴﻒ ﻉ ﺍﻻﺑﻮﺍﺏ ﺑﺲ ﺍﻟﻔﺠﺮ ﻳﺒﻖﮯ ﺍﻟﻌﺸﻖ ﺍﻟﺴﻜﻴﻨﻪ ﻭﺍﻟﻬﺪﻭﺀ ﻭﻧﻔﺴﻲ ﺗﺮﺗﺎﺡ ﺍﻟﻔﺠﺮ ﻭﻣﻦ ﺍﺳﻤﻊ ﺻﻮﺕ ﺍﻻﺫﺍﻥ ﺍﺭﻭﺡ ﺑﻐﻴﺮ ﻋﺎﻟﻢ ﻭﺍﻧﺲﮯ ﻛﻞ ﻫﻢ ﻭﻏﻢ ﺑﺲ ﺑﺪﻭﻥ ﻣﺎﺍﺣﺲ ﻧﺰﻟﺖ ﺩﻣﻌﻪ ﺳﺎﺧﻨﻪ ﻭﺑﮕﻠﺒﻲ ﺩﻋﻮﻩ ﺍﻟﻠﻬﻲ ﻻ ﺗﻔﺮﻗﻨﻲ ﻭﻳﻪ ﻣﻦ ﺍﺣﺐ ﻣﺎﺍﺭﻳﺪ ﺍﻋﻮﻑ ﻟﻮﺍﺀ ﺑﺲ ﺭﻭﺡ ﻃﻠﻌﺖ ﻣﻠﻴﺖ ﻣﻦ ﺍﻫﻤﺎﻟﻪ ﺗﻌﺒﺖ ﻣﻦ ﻋﺼﺒﻴﺘﻪ ﺗﻌﺒﺖ ﻣﻦ ﺗﻀﺨﻴﻤﻪ ﻟـ ﻛﻠﺸﻲ ﻭﺑﻨﻔﺲ ﺍﻟﻮﻗﺖ ﻳﺴﺘﺼﻐﺮ ﻣﺸﺎﻋﺮﻱ ﻭﻣﺎﻳﺤﺘﺮﻡ ﺣﺰﻧﻲ ﻭﻻ ﻳﻔﺘﻬﻢ ﺣﺒﻲ ﺍﻟﻪ

.....

ﺑﺲ ﺍﺣﺲ ﺭﺟﻌﺖ ﻣﺜﻞ ﻗﺒﻞ ﺣﺎﻭﻟﺖ ﺍﺭﺟﻊ ﻃﺒﻴﻌﻴﻪ ﻭﺑﺪﻟﺖ ﻭﺭﺩﺕ ﺍﺭﻭﺡ ﻟـ ﺩﻭﺍﻡ ...

ـ ﻫﺎﺍﺍﺍ ﻭﻧﻴﻦ ﻭﻳﻦ ﺭﺍﻳﺤﻪ !...

ـ ﻏﻴﺮ ﻟـ ﺩﻭﺍﻡ ..

ـ ﺭﺩﻱ ﻣﺎﻛﻮ ﻃﻠﻌﻪ ﺍﻻ ﺗﺮﺟﻌﻴﻦ ﻟـ ﺭﺟﻠﺞ .

ـ ﻳﻤﻪ ﻫﻮ ﻣﻴﺮﻳﺪﻧﻲ ﺷﺴﻮﻱ ﻳﻌﻨﻲ ?..

ـ ﻳﺮﻳﺪﺝ ﻭﻣﺸﺘﺮﻳﺞ ﺍﻟﺒﺎﺭﺣﻪ ﺧﺎﺑﺮ ﻛﺮﻳﻢ ﻭﺍﺗﻔﺎﻫﻢ ﻭﻳﺎﻩ ﺑﻌﺪ ﻛﻢ ﺳﺎﻋﻪ ﻳﺠﻲ ﻳﺎﺧﺬﺝ ..

ـ ﻣﺎ ﻣﺎﺍﺭﻳﺪ ..

ـ ﻫﻮ ﺑﻜﻴﻔﺞ ﻛﺎﻓﻲ ﻫﺎﻱ ﺳﻮﺍﻟﻔﺞ ﺍﻛﺒﺮﻱ ﻭﻟﺞ ﻋﻘﻠﺞ ﻣﺜﻞ ﻋﻘﻞ ﺍﻟﺠﻬﺎﻝ ﺻﻴﺮﻱ ﻣﻌﺪﻟﻪ ﻣﻮ ﻣﻔﻌﻮﺻﻪ ﻣﺜﻞ ﺻﻮﻧﺪﻩ ﻃﻔﺮﺗﺞ ﻣﻦ ﺑﻴﺘﺞ ﻳﺎ ﻏﺒﺮﻩ ﻟﻮ ﺷﻴﺼﻴﺮ ﻻ ﺗﻌﻮﻓﻴﻦ ﺭﺟﻠﺞ ﻫﻨﻪ ﻫﺬﺍ ﺍﻟﻴﺮﺩﻧﻪ ..

ـ ﻳﻌﻨﻲ ﺍﻧﻲ ﻣﺎﺍﻟﻲ ﻛﻠﻤﻪ ﻫﻢ ﺍﺭﺟﻊ ﺑﻜﻴﻔﻜﻢ ﻭﻫﻮ ﻳﻜﺎﻝ ﻣﺎﺍﺭﻳﺪﺝ ﻣﺎﺗﺼﺮﻓﻴﻠﻲ ﻭﺍﻧﻲ ﻣﺎﺍﺭﻳﺪﻩ ﻛﺮﻫﺘﻪ ﻭﻛﺮﻫﺖ ﺭﻭﺣﻲ ﻭﻣﺎﺍﺭﻳﺪ ﺍﻋﻴﺶ ...

ﺭﺟﻌﺖ ﻟـ ﻏﺮﻓﺘﻲ ﺭﻛﺾ ﺑﺲ ﻗﺒﻞ ﻻ ﺍﻭﺻﻞ ﻭﮔﻌﺖ ﻭﺑﻌﺪ ﻣﺎﺍﺣﺲ ﺑﺮﻭﺣﻲ ﻣﺎﺍﺷﻮﻑ ﺷﻲ ﻭﻻ ﺍﺳﻤﻊ ﺷﻲ ...

ﻟﻮﺍﺀ /

ﺟﻨﺖ ﺑﺎﻟﺪﻭﺍﻡ ﻭﺧﺎﺑﺮ ﺍﻟﻲ ﻛﺮﻳﻢ ﻭﮔﺎﻝ ﺍﻧﻴﻦ ﺑﺎﻟﻤﺴﺘﺸﻒﮯ .. ﺷﺒﻴﻬﺎ ﻟﻴﺶ ﻭﮔﻌﺖ ﺷﻨﻮ ﺻﺎﺭ ﻣﺎﺍﻋﺮﻑ ﺑﺲ ﻧﺴﻴﺖ ﻛﻞ ﺍﻟﺰﻋﻞ ﻭﺭﺣﺖ ﺍﻟﻬﺎ ﻭﺳﻴﺎﻗﻪ ﻣﺠﻨﻮﻧﻪ ﻣﺮﺗﻴﻦ ﺭﺩﺕ ﺍﺳﻮﻱ ﺣﺎﺩﺙ ﻣﻦ ﺍﻟﺨﻮﻑ ﻋﻠﻴﻬﺎ ... ﺍﺣﺠﻲ ﻭﻳﻪ ﺭﻭﺣﻲ ﺷﻠﻮﻥ ﺧﻠﺘﻨﻲ ﺍﺣﺒﻬﺎ ﺷﻠﻮﻥ ﺑﺲ ﻭﮔﻌﺖ ﻋﻴﻨﻲ ﻋﻠﻴﻬﺎ ﺧﻄﻔﺖ ﮔﻠﺒﻲ ... ﺍﻱ ﺣﺒﻲ ﺍﻟﻬﺎ ﻗﺎﺳﻲ ﻭﺟﺮﺣﺘﻬﺎ ﺍﻛﺜﺮ ﻣﻦ ﻣﺮﻩ ... ﻳﺎﺭﺏ ﻭﻋﺪ ﺍﺫﺍ ﺗﺮﺟﻊ ﺍﻟﻲ ﺑﻌﺪ ﻣﺎﺍﺯﻋﻠﻬﺎ ﺑﻌﺪ ﻣﺎﺍﺣﺠﻲ ﺣﺘﻪ ﻟﻮ ﺗﮕﻮﻝ ﻗﺰﻡ ﻣﺸﺘﺎﻕ ﺍﻟﻬﺎ ﺧﻠﻲ ﺍﺗﮕﻮﻝ ﻣﻐﺮﻭﺭ ﻭﺗﺮﻓﻊ ﺧﺸﻤﻬﺎ ﻣﻴﺨﺎﻟﻒ ﺑﺲ ﺍﺭﻳﺪﻫﺎ ﺭﺑﻲ ﺣﺮﻣﺘﻨﻲ ﻣﻦ ﺍﻣﻲ ﻭﻋﻮﺿﺘﻨﻲ ﺑـ ﺍﻧﻴﻦ ﻻ ﺗﺎﺧﺬﻫﺎ ...

ﺍﺫﺍ ﺻﺎﺭ ﻭﻳﺎﻫﺎ ﺷﻲ ﻓـ ﺍﻧﻲ ﺍﻟﺴﺒﺐ ..

ﻭﺻﻠﺖ ﻭﺍﺷﻮﻑ ﺍﻡ ﻛﺮﻳﻢ ﺗﺒﺠﻲ ﻭﺗﻠﻄﻢ ﻭﻛﺮﻳﻢ ﺑﻠﮕﻮﻩ ﻭﺍﮔﻒ ﻭﺍﺣﻤﺪ ﺩﺍﻓﻦ ﺭﺍﺳﻪ ﺑﻴﻦ ﺭﺟﻠﻴﻪ .... ﮔﻠﺒﻲ ﺣﺲ ﺑﻴﻬﻢ ﺷﻲ ﺍﻛﻴﺪ ﺣﺒﻴﺒﺘﻲ ﺑﻴﻬﺎ ﺷﻲ ..

ـ ﻟﻮﺍﺀ : ﻭﻳﻦ ﺍﻧﻴﻦ ﻭﻟﻴﺶ ﺟﺒﺘﻮﻫﺎ ﺍﻫﻨﺎ ﺷﺒﻴﻬﺎ ?...

ﻛﺮﻳﻢ : ﺍﻧﻴﻦ ﺣﺎﻟﺘﻬﺎ ﺗﻌﺒﺎﻧﻪ ﻭﺍﻟﺪﻛﺘﻮﺭ ﻳﻜﻮﻝ ﺷﺎﻙ ...... ﺑـ ...

ﻟﻮﺍﺀ : ﺍﺣﺠﻴﻴﻴﻴﻴﻴﻲ ﻓﻘﺪﺕ ﺍﻋﺼﺎﺑﻲ ﻓﻬﻤﻨﻲ ..

ﻛﺮﻳﻢ : ﺷﺎﻙ ﺑﻴﻬﺎ ﻣﺮﺽ ﺧﺒﻴﺚ ﻻﻥ ....

ﺍﻡ ﻛﺮﻳﻢ : ﻳﻤﻪ ﺑﻨﻴﺘﻲ ﺭﺍﺣﺖ ﻣﻦ ﺍﻳﺪﻱ ﺍﺳﺘﺎﺭﺛﺘﻪ ﻣﻦ ﺍﺑﻮﻫﺎ ﻫﻮ ﺍﻟﺪﻛﺘﻮﺭ ﮔﺎﻝ ﻭﺭﺍﺛﻪ .

ﻟﻮﺍﺀ : ﻻ ﻣﺴﺘﺤﻴﻞ ..... ﺍﺭﻳﺪﻫﺎ ﻣﺎﺍﻋﻴﺶ ﺑﺪﻭﻧﻬﺎ

ﻟﻮﺍﺀ : ﻻ ﻣﺴﺘﺤﻴﻞ ..... ﺍﺭﻳﺪﻫﺎ ﻣﺎﺍﻋﻴﺶ ﺑﺪﻭﻧﻬﺎ ﻣﺎﺍﺭﻳﺪ ﺍﺧﺴﺮﻫﺎ ﺍﻛﻴﺪ ﻣﻮ ﻫﻮ ﻧﻔﺲ ﺍﻟﻤﺮﺽ ﻻ ﺍﻧﺘﻮﺍ ﻏﻠﻄﺎﻧﻴﻦ ..

ﻛﺮﻳﻢ : ﺍﻱ ﻫﻮ ﻣﻮ ﺍﻛﻴﺪ ﺑﺲ ﻻ ﺗﺴﻮﻱ ﻫﻴﺞ ﺑﺮﻭﺣﻚ ﺑﻌﺪ ﺍﺷﻮﻳﻪ ﻧﺪﺧﻞ ﺍﻧﺸﻮﻓﻬﺎ ﻻ ﺗﺤﺴﺴﻮﻧﻬﺎ ﺑﺸﻲ ﻣﺤﺪ ﻻﺯﻡ ﻳﮕﻠﻬﺎ ..

ﺍﺣﻤﺪ : ﺍﻧﻲ ﺍﻟﺴﺒﺐ ﻟﻮ ﺍﻥ ﺍﻟﻤﺘﻤﺮﺽ ﺍﻧﻲ ﻭﻻ ﻳﻮﻡ ﻋﺎﻣﻠﺘﻬﺎ ﻣﺜﻞ ﺍﻟﺒﺸﺮ ﻫﻲ ﺍﺧﺘﻲ ﺟﺎﻧﺖ ﺗﺘﺤﻤﻠﻨﻲ ﻟﻴﺶ ﻣﺎﺍﺣﺲ ﺑﻴﻬﺎ ﻣﻦ ﺟﺎﻧﺖ ﺗﻨﻄﻴﻨﻲ ﻛﻞ ﺷﻲ ﺍﻃﻠﺒﻪ ﻣﻨﻬﺎ ﺑﺲ ﻭﻻ ﻳﻮﻡ ﺳﻮﻳﺘﻠﻬﺎ ﺷﻲ ﺍﺗﺮﻳﺪﻩ ﺷﮕﺪ ﻗﺴﻴﺖ ﻋﻠﻴﻬﺎ ....

ﺍﻡ ﻛﺮﻳﻢ : ﻭﺍﻧﻲ ﻭﻻ ﻳﻮﻡ ﺭﻳﺤﺘﻬﺎ ﻳﻤﻪ ﮔﺒﻞ ﻻ ﺗﻮﻛﻊ ﮔﺎﻟﺖ ﻭﻻ ﻣﺮﻩ ﺳﻮﻳﺖ ﺷﻲ ﺍﺭﻳﺪﻩ .

ﻟﻮﺍﺀ : ﻫﻲ ﺷﺘﺮﻳﺪ ﺍﻧﻲ ﺍﺳﻮﻱ ﺍﻟﻬﺎ ﻟﻮ ﺗﺮﻳﺪ ﺭﻭﺣﻲ ﺧﻠﻲ ﺗﺎﺧﺬﻫﺎ ﺑﺲ ﻻ ﺗﺨﻠﻮﻧﻬﺎ ﺍﺗﻌﻮﻓﻨﻲ ﺧﻠﻲ ﺍﺗﺴﺎﻣﺤﻨﻲ ﺍﻋﺮﻑ ﻣﺎﺍﺳﺘﺎﻫﻠﻬﺎ ﺑﺲ ﺍﺳﺘﺤﻖ ﻣﻨﻬﺎ ﻓﺮﺻﻪ ﻭﺑﻌﺪ ﻣﺎﺍﺧﻠﻲ ﺷﻲ ﻳﺰﻋﻠﻬﺎ .. ﻟﻴﺶ ﻫﻴﺞ ﺯﻋﻠﻬﺎ ﻫﺬﺍ ﻫﻢ ﺯﻋﻞ ﺍﺗﺮﻳﺪ ﺍﺗﻌﻮﻑ ﺍﻟﺪﻧﻴﺎ ﻣﺎﺍﮔﺪﺭ .. ﻣﺎﺍﻋﻴﺶ ﺑﺪﻭﻧﻬﺎ ..

ﻛﺮﻳﻢ : ﺍﺷﻮﻳﻪ ﺑﺲ ﺻﺒﺮﻭﺍ ﺣﺎﻟﻜﻢ ﺗﺮﺍ ﺍﺫﺍ ﺗﺸﻮﻓﻜﻢ ﻫﻴﺞ ﻭﺍﻟﻠﻪ ﺍﺗﺤﺲ ﻭﺑﻌﺪ ﻣﺎﻧﺨﻠﺺ ﻣﻨﻬﺎ ﻻﺯﻡ ﺗﻌﺮﻑ ﻭﻫﻲ ﻧﺘﺎﺋﺞ ﺍﻟﺰﺭﻉ ﺑﻌﺪ ﺍﺳﺒﻮﻉ ..

ﻟﻮﺍﺀ : ﺷﻠﻮﻥ ﻋﺮﻑ ﺍﻟﺪﻛﺘﻮﺭ ﻭﻟﻴﺶ ﺍﺗﺨﺮﺑﻄﺖ ﻫﻲ ﻣﺎﺑﻴﻬﺎ ﺷﻲ ﻣﻤﺸﺘﻜﻴﻪ ﻣﻦ ﺷﻲ ..

ﻛﺮﻳﻢ : ﻣﻦ ﺟﺒﻨﺎﻫﺎ ﺟﺎﻧﺖ ﻓﺎﻗﺪﻩ ﺍﻟﻮﻋﻲ ﻓﺤﺺ ﻭﺍﺷﻌﻪ ﻭﺑﻌﺪ ﻣﺎ ﺭﺟﻌﻠﻬﺎ ﺍﻟﻮﻋﻲ ﺟﺎﻧﺖ ﺗﺸﺘﻜﻲ ﻣﻦ ﻇﻬﺮﻫﺎ ﺳﻮﺍﻟﻬﺎ ﺍﻟﺪﻛﺘﻮﺭ ﺍﺷﻌﻪ ﺍﻛﺘﺸﻒ ﺍﻛﻮ ﻭﺭﻡ ﺑﺲ ﻣﺎﻳﻌﺮﻑ ﻧﻮﻋﻪ ﺑﺲ ﺷﺎﻙ ﺑﻲ ﺳﺮﻃﺎﻧﻲ ﻻﻥ ﻣﻨﺘﺸﺮ ﻭﻫﻲ ﻫﺴﻪ ﻳﻼ ﺣﺴﺖ ﺑﻲ ﺑﺲ ﻣﻮ ﺟﺒﻴﺮ ﺻﺎﻳﺮ ﻗﺮﻳﺐ ﻉ ﺍﻟﻌﻤﻮﺩ ﺍﻟﻔﻘﺮﻱ ﻭﺍﺫﺍ ﻳﺒﻖﮯ ﺍﺣﺘﻤﺎﻝ ﺑﻌﺪ ﻣﺎﺗﮕﺪﺭ ﺗﻤﺸﻲ ..

ﻟﻮﺍﺀ : ﻛﺮﻳﻢ ﻛﺎﻓﻲ ﺑﻌﺪ ﻣﺎﺍﺗﺤﻤﻞ

....

ﻟﻮﺍﺀ /

ﻃﻠﻊ ﺍﻟﺪﻛﺘﻮﺭ ﮔﺎﻝ ﺍﺗﮕﺪﺭﻭﻥ ﺍﺗﺸﻮﻓﻨﻬﺎ ﺑﺲ ﺑﻬﺪﻭﺀ ﻭﻻ ﺍﺣﺪ ﻳﺰﻋﺠﻬﺎ ﻻﻥ ﻣﺘﻌﺮﺿﻪ ﻟـ ﺿﻐﻂ ﻣﻬﻴﺞ ﻋﻠﻴﻬﺎ ﺍﻟﻮﺭﻡ ..

ﺩﺧﻠﻨﺎ ﻛﻠﻨﺎ ﺍﺗﺤﻤﻠﺖ ﻣﺎ ﻭﺭﻛﻌﺖ ﻳﻢ ﺭﺟﻠﻴﻬﺎ ﺍﺗﺤﻤﻠﺖ ﻭﻣﺎ ﺍﻧﺤﻨﻴﺖ ﻉ ﺍﻳﺪﻫﺎ ﻭﻗﺒﻠﺘﻬﺎ ﺍﺗﺤﻤﻠﺖ ﻭﺍﮔﺘﻔﻴﺖ ﺑﺲ ﺑﺎﻟﻨﻈﺮ ﺍﻟﻬﺎ ﺟﺎﻧﺖ ﻧﺎﻳﻤﻪ ﺑﺲ ﺗﻔﺘﺢ ﻋﻴﻨﻬﺎ ﺍﺗﺸﻮﻓﻨﻪ ﻭﺗﺮﺟﻊ ﺍﺗﻐﻤﺾ ﻳﻤﻜﻦ ﻣﺎﺗﺮﻳﺪ ﺍﺗﺸﻮﻓﻨﻲ ..

ﺍﺣﻤﺪ ﻣﺎﮔﺪﺭ ﻳﺘﺤﻤﻞ ﺍﻧﻬﺎﺭ ﺑﺠﻲ ﻭﺣﻀﻨﻬﺎ ﻫﻲ ﺣﺴﺖ ﻭﻫﻢ ﻇﻠﺖ ﺗﺒﺠﻲ ..

ﺍﻧﻴﻦ /

ﺻﺤﻴﺖ ﻟﮕﻴﺖ ﻧﻔﺴﻲ ﺑـ ﻏﺮﻓﻪ ﻭﺍﻟﺪﻛﺘﻮﺭ ﻓﻮﮒ ﺭﺍﺳﻲ ﻭﻳﺴﺎﻟﻨﻲ ﻇﻬﺮﺝ ﻣﻦ ﺷﻮﮔﺖ ﺗﺸﺘﻜﻴﻦ ﻣﻨﻪ .. ﺟﺎﻭﺑﺘﻪ ﻣﻦ ﻓﺘﺮﻩ ﻣﻮ ﻗﻠﻴﻠﻪ ﺑﺲ ﻣﺎﺍﻋﺮﻑ ﻣﻦ ﺷﻮﻛﺖ ﻭﺑﺲ ﻣﻦ ﺍﺗﻌﺼﺐ ﻳﻬﻴﺞ ﻋﻨﺪﻱ ﺍﻻﻟﻢ ..

ﻭﺑﻌﺪﻫﺎ ﺍﻧﻄﻮﻧﻲ ﻣﺴﻜﻨﺎﺕ .... ﺻﺤﻴﺖ ﻭﺍﺷﻮﻓﻬﻢ ﻛﻠﻬﻢ ﻳﻤﻲ ﺍﺧﻮﺍﻧﻲ ﺭﻭﺣﻲ ﻣﻦ ﺍﻟﺪﻧﻴﺎ ﻭﺍﻣﻲ ﺍﻟﺤﻴﺎﺓ ﺍﻟﻲ ﺑﺪﻭﻧﻬﺎ ﺍﺿﻴﻊ .. ﻭﺣﺒﻴﺒﻲ ﺍﻟﻲ ﻣﻦ ﺍﺷﻮﻓﻪ ﮔﻠﺒﻲ ﻳﻔﺰ ..

ﺑﺲ ﺍﺗﻌﺠﺒﺖ ﺍﺣﻤﺪ ﺣﻀﻨﻲ ﻭﻳﺒﺠﻲ ﺍﻋﺮﻑ ﺍﺣﻤﺪ ﻣﻮ ﻫﻴﺞ ﻳﻌﻨﻲ ﻟﻮ ﻣﺮﺽ ﻋﺎﺩﻱ ﻳﻤﻜﻦ ﺣﺘﻪ ﻣﻴﻜﻠﻒ ﻧﻔﺴﻪ ﻳﺠﻲ ﻳﺸﻮﻓﻨﻲ ﺍﺣﻤﺪ ﻟﻴﺶ ﻫﻴﺞ ?..

ﺍﻧﻴﻦ : ﺷﺒﻴﻚ ﺍﺣﻤﺪ ﻣﺎﺑﻴﻪ ﺷﻲ ..

ﺍﺣﻤﺪ : ﺍﻧﻴﻦ ﺧﻮﻳﻪ ﻭﺍﻟﻠﻪ ﻣﻦ ﺷﻔﺘﺞ ﻫﻴﺞ ﻧﺎﻳﻤﻪ ﻣﺘﺖ " ﻟﻮ ﺍﻧﻲ ﺑﻤﻜﺎﻧﺞ ..

ﺍﻧﻴﻦ : ﺍﺣﻤﺪ ﺷﺒﻴﻚ ﻭﺍﻟﻠﻪ ﺧﻮﻓﺘﻨﻲ ﻟﻴﺶ ﺍﻧﻲ ﺷﺒﻴﻪ .

ﻛﺮﻳﻢ : ﺍﻧﻴﻦ ﺍﺗﻌﺮﻓﻴﻨﻪ ﻫﺬﺍ ﻳﺤﺐ ﺍﻟﺪﺭﺍﻣﻪ ﺑﺲ ﻫﻮ ﺧﺎﻳﻒ ﻋﻠﻴﺞ ﻭﻫﻴﺞ ﻳﺤﺠﻲ ﻣﺎﻛﻮ ﺷﻲ ..

ﺍﻡ ﻛﺮﻳﻢ : ﻳﻤﻪ ﺍﻧﺘﻲ ﺯﻳﻨﻪ ﻣﺎﺑﻴﺞ ﺷﻲ ﻫﺴﻪ ﻣﺎﻳﻮﺟﻌﺞ ﺷﻲ ?...

ﺍﻧﻴﻦ : ﻻ ﺗﺨﺎﻓﻮﻥ ﻣﺎﺑﻴﻪ ﺷﻲ ..

ﻟﻮﺍﺀ : ﺍﻛﻌﺪﺭ ﺍﺣﺠﻲ ﻭﻳﺎﻫﺎ ﻟﻮ ﻣﺎﺍﻟﻲ ﻧﺼﻴﺐ .. ﺑﺲ ﺍﻟﻜﻢ ﻭﺍﻧﻲ .?.

ﻛﺮﻳﻢ : ﻳﻼ ﺍﺣﻨﺎ ﻃﺎﻟﻌﻴﻦ ﺍﺧﺬﻭﺍ ﺭﺍﺣﺘﻜﻢ ..

ﻟﻮﺍﺀ : ﻛﺮﻭﻣﻲ ﻭﺭﺩﻩ ﻭﺍﻟﻠﻪ .

ـ ﺍﻱ ﺳﺖ ﺍﻧﻴﻦ ﺷﻜﻮ ﻧﺎﻳﻤﻪ ﻛﻮﻣﻲ ﺍﺭﻳﺪ ﻏﺪﻩ .

ـ ﺭﻭﺡ ﻟـ ....

ـ ﺍﺷﺸﺸﺶ ﻣﺎﺍﺭﻭﺡ ﻟـ ﺍﺣﺪ ﻭﻻ ﺍﺣﺐ ﺍﺣﺪ ﻭﻻ ﺍﺭﻳﺪ ﺍﺷﻮﻑ ﺍﺣﺪ " ﺍﻧﺘﻲ ﻛﻞ ﺣﻴﺎﺗﻲ ﻭﻣﺎﺍﺭﻳﺪ ﺍﻛﻤﻞ ﻋﻤﺮﻱ ﺑﺪﻭﻧﺞ ﺍﻧﻴﻦ ﺍﻧﺘﻲ ﺍﻏﻼ ﻣﻦ ﺭﻭﺣﻲ ﺷﻨﻮ ﺗﺮﺩﻳﻦ ﺍﻧﻲ ﺣﺎﺿﺮ ﺑﺲ ﻻ ﺗﺰﻋﻠﻴﻦ ﻣﻨﻲ ..

ﺍﻧﻴﻦ : ﻣﺰﻋﻼﻧﻪ ﻣﻨﻚ ﺍﺑﺪ ﺍﻧﻲ ﺯﻋﻼﻧﻪ ﻣﻦ ﺭﻭﺣﻲ ﻟﻮﺍﺀ ﻣﺎﻋﻨﺪﻱ ﺣﻆ ﺷﻨﻮ ﺍﺭﻳﺪﻩ ﺍﺧﺴﺮﻩ ...

ـ ﺍﺷﺸﺸﺶ ﻣﺎﺧﺴﺮﺗﻲ ﺷﻲ ﻭﺍﻧﻲ ﺍﻟﺞ ﻭﻣﺎﺍﺻﻴﺮ ﻟﻐﻴﺮﺝ ﻭﺍﺣﺒﺞ ﺍﻧﺘﻲ ﺑﺲ ﻭﻻ ﺍﻓﻜﺮ ﺍﺣﺐ ﻏﻴﺮﺝ ﻳﻼ ﮔﻮﻟﻲ ﻗﺰﻡ ﮔﻮﻟﻲ ﻣﻐﺮﻭﺭ ﻣﺘﻜﺒﺮ ﺑﻌﺪ ﻣﺎﺍﺯﻋﻞ ..

ـ ﺍﺣﺒﻚ ..

ﺑﺲ ﮔﺘﻠﻪ ﺍﺣﺒﻚ ﻣﺎﺍﻋﺮﻑ ﺷﺼﺎﺭ ﺑﻲ ﺗﺮﻛﻨﻲ ﻭﺑﺴﺮﻋﻪ ﺭﺍﺡ ﻭﺍﺣﺲ ﺑﻲ ﺿﺎﺝ ﻟﻴﺶ ﻣﺎﺍﻋﺮﻑ ﺷﺒﻴﻬﻢ ﻛﻠﻬﻢ ﺻﺎﺭﻭﺍ ﻫﻴﺞ ﻭﻳﺎﻱ ﻭﺍﻟﻠﻪ ﺍﺣﺲ ﺍﻛﻮ ﺷﻲ ..

ﻟﻮﺍﺀ /

ﻣﺎﺍﺗﺤﻤﻠﺖ ﺭﺩﺕ ﺍﻓﻀﺢ ﺍﻟﺪﻧﻴﺎ ﻭﺍﺑﺠﻲ ﺑﻮﺟﻬﺎ ﺭﺩﺕ ﺍﺣﻀﻨﻬﺎ ﻭﺍﮔﻠﻬﺎ ﺍﺗﺤﺪﻱ ﺍﻟﻤﺮﺽ ﻭﻻ ﺗﻌﻮﻓﻴﻨﻲ ﺑﺲ ﺧﻔﺖ ﻋﻠﻴﻬﺎ .

ﺷﻔﻨﺎ ﺍﻟﺪﻛﺘﻮﺭ ﺻﺪﻣﻨﻪ ﺑﺨﺒﺮ ﺧﻼﻧﻪ ﺻﺎﻓﻨﻴﻦ .. ﮔﺎﻝ ﺍﻧﻴﻦ ﺣﺎﻣﻞ ﻭﻣﻴﮕﺪﺭ ﻳﻜﻤﻞ ﺍﻟﻌﻼﺝ ﻻﺯﻡ ﻋﻤﻠﻴﺔ ﺍﺟﻬﺎﺽ ﻭﻻﺯﻡ ﻫﻲ ﺗﻌﺮﻑ ﺑﻜﻞ ﻫﺬﺍ ﻳﻼ ﻳﮕﺪﺭ ﻳﻌﺎﻟﺠﻬﺎ ﻭﺑﻜﻞ ﺍﻻﺣﻮﺍﻝ ﻫﻲ ﻣﺘﮕﺪﺭ ﺗﺤﺘﻔﻆ ﺑﺎﻟﺤﻤﻞ ﻻﻥ ﻳﺸﻠﻬﺎ ﺍﻟﺤﻤﻞ ﺑﻌﺪ ﻣﺘﺘﺤﺮﻙ ..

ﻇﻠﻴﻨﺎ ﺑﺤﻴﺮﻩ ﻣﻨﻮ ﻳﮕﻠﻬﺎ ﻭﺑﻌﺪ ﺍﺳﺒﻮﻉ ﻧﻌﺮﻑ ﺍﻟﻨﺘﺎﺋﺞ .... ﻇﻠﻴﻨﻪ ﻉ ﻧﻔﺲ ﺍﻟﺤﻴﺮﻩ ﻣﺎﻛﻮ ﻏﻴﺮ ﻛﺮﻳﻢ ﻛﻠﻨﺎ ﺑﺎﻭﻋﻨﺎ ﻋﻠﻴﻪ ...

ﻛﺮﻳﻢ : ﺍﻱ ﺍﻓﺘﻬﻢ ﺍﻧﻲ ﻻﺯﻡ ﺍﻧﻲ !..

ﺍﻡ ﻛﺮﻳﻢ : ﺍﻧﺖ ﺍﺑﻮﻫﺎ ﻣﻮ ﺑﺲ ﺍﺧﻮﻫﺎ ﻭﻫﻲ ﺍﺗﺤﺒﻚ ﻭﺗﺴﻤﻊ ﻣﻨﻚ ﺍﺣﻨﺎ ﺍﻧﺨﺎﻑ ﻧﺤﺠﻲ ﻭﻳﺎﻫﺎ ..

ﻟﻮﺍﺀ : ﻟﺨﺎﻃﺮ ﺍﻧﻴﻦ ﺍﺗﺤﻤﻠﻨﺎ ﺑﺲ ﻫﺎﻱ ﺍﻟﻤﺮﻩ .

ﻛﺮﻳﻢ : ﺧﻠﺺ ﺑﺲ ﺗﻌﺎﻟﻮﺍ ﻭﻳﺎﻱ

.....

ﺍﻧﻴﻦ /

ﺩﺧﻠﻮﺍ ﻛﻠﻬﻢ ﺳﻮﻩ ﻭ ﺍﻭﺟﻬﻮﻫﻢ ﻣﺎﺗﺘﻔﺴﺮ ..

ﻛﺮﻳﻢ : ﺍﻧﻴﻦ ﺍﻧﺘﻲ ﻣﺆﻣﻨﻪ ﻭﺍﺗﻌﺮﻓﻴﻦ ﻗﺪﺭ ﺭﺏ ﺍﻟﻌﺎﻟﻤﻴﻦ .... ﺍﻧﺘﻲ ﻣﺮﻳﻀﻪ ﻭﻋﻨﺪﺝ ....

ﺍﻧﻴﻦ : ﺍﺣﺠﻲ ﻻ ﺗﺨﺎﻑ ﺍﻧﻲ ﺍﻋﺮﻑ ﺍﻧﺘﻮﺍ ﻇﺎﻣﻴﻦ ﻋﻠﻴﻪ ﺷﻲ ﻻ ﺗﺨﺎﻑ ﺍﻧﻲ ﻗﻮﻳﻪ ..

ﻛﺮﻳﻢ : ﺍﻧﺘﻲ ﺣﺎﻣﻞ ﺑﺲ ﻻﺯﻡ ﻳﺴﻮﻟﺞ ﻋﻤﻠﻴﺔ ﺍﺟﻬﺎﺽ ... ﻻﻥ ﻋﻨﺪﺝ ﻭﺭﻡ ﺑـ ﻇﻬﺮﺝ ﻣﻴﺼﻴﺮ ﺗﺘﻌﺎﻟﺠﻴﻦ ﻭﺍﻧﺘﻲ ﺣﺎﻣﻞ ..

ﺍﻧﻴﻦ : ﺍﺫﺍ ﻣﺎﺍﺗﻌﺎﻟﺞ ﺷﻴﺼﻴﺮ ?..

ﻛﺮﻳﻢ : ﺗﻨﺸﻠﻴﻦ ﻭﺍﺣﺘﻤﺎﻝ .....

ﺍﻧﻴﻦ : ﺍﻣﻮﺕ

ﻟﻮﺍﺀ : ﻛﺎﻓﻲ ﺍﻧﻴﻦ ﺍﻫﻢ ﺷﻲ ﺻﺤﺘﺞ ﻭﻻ ﺗﻜﻮﻟﻴﻦ ﺍﻣﻮﺕ ﻟﻴﺶ ﺍﺗﺮﺩﻳﻦ ﺍﺗﻤﻮﺗﻴﻨﻪ ﻭﻳﺎﺝ ﺍﻟﻄﻔﻞ ﻳﻨﺰﻝ ﻭﺗﺘﻌﺎﻟﺠﻴﻦ ﻭﻣﺎﺍﺭﻳﺪ ﻧﻘﺎﺵ .

ﺍﻧﻴﻦ : ﻭﺍﻟﻠﻪ ﻣﺎﺍﻧﺰﻝ ﺍﺑﻨﻲ ﺧﻠﻲ ﺍﻧﺸﻞ ﺧﻠﻲ ﺍﻣﻮﺕ ﻣﺎﺍﺭﻳﺪ ﺍﻋﻴﺶ ﺍﻧﻤﻮﺕ ﺳﻮﻩ ..

ﺍﻡ ﻛﺮﻳﻢ : ﻳﻤﻪ ﻻ ﺗﺨﺒﻠﻴﻨﻪ ...

ﺍﻧﻴﻦ : ﻣﺎﺍﻧﺰﻝ ﺍﺑﻨﻲ ﻭﻃﻠﻌﻮﻧﻲ ﻣﻨﺎ ﻣﺎﺍﺭﻳﺪ ﺍﺗﻌﺎﻟﺞ " ﻣﺮﻩ ﻭﺣﺪﻩ ﺍﺳﻤﻌﻮﻧﻲ ﺧﻠﻮﻧﻲ ﺍﺗﺨﺬ ﻗﺮﺍﺭ ..

ﻟﻮﺍﺀ : ﻳﻌﻨﻲ ﻫﻴﺞ ﺗﺮﺗﺎﺣﻴﻦ ﻭﻫﺬﺍ ﻫﻢ ﻗﺮﺍﺭ ﺑﺲ ﻓﻬﻤﻴﻨﻲ ﻫﺬﺍ ﻳﺼﻴﺮ ﺍﻟﺤﺠﻲ ﺍﻧﻴﻦ ....

ﺍﻧﻴﻦ : ﺍﺭﻭﺟﻚ ﻃﻠﻌﻨﻲ ﻣﻨﺎ ﺍﻧﻲ ﺻﻮﺕ ﺯﻳﻨﻪ ﻭﻫﺬﺍ ﺍﻟﺪﻛﺘﻮﺭ ﻣﻴﻔﺘﻬﻢ ﺷﻲ ﻳﻼ ﻃﻠﻌﻮﻧﻲ ﻣﻨﺎ ﺑﺴﺮﻋﻪ ..

ﻟﻮﺍﺀ /

ﻣﺎﮔﺪﺭﻧﺎ ﻧﻘﻨﻌﻬﺎ ﻭﺍﻟﺪﻛﺘﻮﺭ ﺳﺠﻞ ﺍﻟﻬﺎ ﺧﺮﻭﺝ ﻭﻇﻠﺖ ﻳﻢ ﺑﻴﺖ ﺍﻫﻠﻬﺎ ﻭﺍﻧﻲ ﺑﻌﺪ ﻣﺎﺍﮔﺪﺭ ﺍﺣﺠﻲ ﻭﺍﻛﻠﻬﻢ ﺍﺭﺟﻌﻬﺎ ﻟﻠﺒﻴﺖ ﻻﻥ ﺣﺎﻟﺘﻬﺎ ﻣﺘﺴﻤﺢ ﻭﻫﻲ ﻫﻢ ﺍﺗﺮﻳﺪ ﺗﺒﻖﮯ ﻳﻢ ﺍﻣﻬﺎ ..

ﺍﻧﻴﻦ /

ﺭﺟﻌﺖ ﻟﻠﺒﻴﺖ ﻭﺧﻠﻮﻧﻲ ﺑﻐﺮﻓﺘﻲ ﻭﻣﺤﺪ ﺗﺮﻛﻨﻲ ﺣﺘﻪ ﻟﻮﺍﺀ ﺭﺍﺩ ﻳﺒﻖﮯ ﺑﺲ ﻣﺎﻳﮕﺪﺭ ﻳﻌﻮﻑ ﺍﻟﺠﻬﺎﻝ ﻭﺣﺪﻫﻢ ﺑﻌﺪﻳﻦ ﻛﻠﻬﻢ ﺗﺮﻛﻮﻧﻲ ﻭﺣﺪﻱ ﺑﺲ ﺍﻣﻲ ﻧﺎﻣﺖ ﻳﻤﻲ ﻭﺍﻧﻲ ﻻﺯﻣﻪ ﺑﻄﻨﻲ ﻣﻌﻘﻮﻟﻪ ﺍﺧﺴﺮ ﺍﺑﻨﻲ ﻟﻴﺶ ﻫﻴﺞ ﻟﻴﺶ ﻣﻦ ﺻﺎﺭ ﻃﻔﻞ ﻃﻠﻌﺖ ﻣﺮﻳﻀﻪ ﺣﻠﻤﻲ ﺍﺳﻤﻊ ﻛﻠﻤﺖ ﻣﺎﻣﺎ ﺑﺲ ﺍﺣﺘﻤﺎﻝ ﻣﺎﺍﺳﻤﻌﻬﺎ ﺍﺑﺪ .... ﺍﻧﺖ ﻣﺎﻟﻚ ﺫﻧﺐ ﻋﻴﺶ ﻭﺍﻛﺒﺮ ﻭﺍﻧﻲ ﻣﺘٲﻛﺪﻩ ﺍﺑﻮﻙ ﻳﻌﻮﺿﻚ ﻋﻨﻲ ﻳﺤﺒﻚ ﻣﺜﻞ ﻣﺎﻳﺤﺐ ﺍﺧﻮﺍﻧﻚ ﻣﻴﺨﻠﻲ ﺍﺣﺪ ﻳﺰﻋﻠﻚ ﻭﻻ ﺗﺴٲﻟﻪ ﻟﻴﺶ ﺍﻧﻲ ﻣﺎﻋﻨﺪﻱ ﺍﻡ ﻻﻥ ﺍﻧﻲ ﺩﺍﺋﻤﺎً ﺍﻛﻮﻥ ﻗﺮﻳﺒﻪ ﻣﻨﻚ ...

ﺍﺗﺬﻛﺮﺕ ﻣﻦ ﺍﺗﺤﻠﻤﺖ ﺑـ ﺍﺑﻮﻱ ﺍﻱ ﻫﻮ ﺍﻧﻲ ﺭﺍﺡ ﺍﺭﻭﺣﻠﻪ ﺑﺲ ﺍﺑﻨﻲ ﻳﻌﻴﺶ ﻣﺜﻠﻲ ﻳﺤﻠﻢ ﺑﺤﻀﻦ ﺍﻻﻡ ... ﺍﺷﻮﻑ ﺍﻣﻲ ﻧﺎﻳﻤﻪ ﻳﻤﻲ ﻭﺍﺩﻗﻖ ﺍﻟﻨﻈﺮ ﺑﻜﻞ ﺗﺠﺎﻋﻴﺪ ﻭﺟﻬﺎ ﻭﺍﺗﺬﻛﺮ ﻗﺼﺘﻬﺎ ﺍﻟﻲ ﺣﺠﺘﻬﺎ ﺧﺎﻟﺘﻲ ﻭﺍﻗﺎﺭﻥ ﻧﻔﺴﻲ ﺑﻴﻬﺎ ﺍﻧﻲ ﺍﻟﻀﻌﻴﻔﻪ ﺍﻟﻲ ﺩﺍﺋﻤﺎً ﺍﻧﻬﺰﻡ ﮔﺪﺍﻣﻬﻢ ﺑﺲ ﺍﻟﻴﻮﻡ ﻻﺯﻡ ﺍﺳﻮﻱ ﺷﻲ ﺍﻧﻲ ﺍﺭﻳﺪﻩ ...

ﻟﻮﺍﺀ /

ﻃﻠﻌﺖ ﺍﻟﺘﺤﺎﻟﻴﻞ ﻭﻧﺘﻴﺠﺔ ﺍﻟﺰﺭﻉ ﻃﻠﻌﺖ ﻭﺍﻟﻮﺭﻡ ﻣﻮ ﺧﺒﻴﺚ ﺑﺲ ﻻﺯﻡ ﺍﻧﺸﻴﻠﻪ ﻻﻥ ﻳٲﺫﻳﻬﺎ ﺍﺫﺍ ﻳﺒﻖﮯ ﺑﻌﺪ ﺳﺒﻊ ﺍﺷﻬﺮ ﺑﻌﺪ ﻭﻻﺩﺗﻬﺎ ﻻﻥ ﻫﻲ ﺑﺸﻬﺮﻫﺎ ﺍﻟﺜﺎﻧﻲ ...

ﺑﺲ ﺍﻟﻲ ﺻﺎﺭ ﺍﻧﻴﻦ ﺭﻓﻀﺖ ﻭﺍﺣﻨﺎ ﻣﺎ ﻧﮕﺪﺭ ﻧﺠﺒﺮﻫﺎ ﺍﻟﺪﻛﺘﻮﺭ ﻛﺎﻝ ﻻﺯﻡ ﻫﻲ ﺗﻘﺘﻨﻊ ﻭﺍﻟﻌﻤﻠﻴﻪ ﺧﻄﺮﻩ .... ﺭﺗﺒﺖ ﺍﻣﻮﺭﻱ ﻭﺭﺟﻌﺘﻬﺎ ﺑﻌﺪ ﻣﺎ ﺧﻠﻴﺘﻠﻬﺎ ﺧﺪﺍﻣﻪ ﻭﻫﻲ ﻫﻢ ﺑﻌﺪﻫﻲ ﺗﻜﺪﺭ ﺗﻤﺸﻲ ﺑﺲ ﺑﺪﺕ ﺗﺬﺑﻞ ﻭﺗﺘﻮﺟﻊ ﺍﻫﻮﺍﻳﻪ ﻭﺍﻧﻲ ﻣﺎ ﺑﻴﺪﻱ ﺷﻲ ﻏﻴﺮ ﺍﻧﻘﻬﺮ ﻭﻣﺎﺍﻋﺮﻑ ﻭﻳﻦ ﺍﻓﺮﻍ ﻗﻬﺮﻱ ..

ﺍﻧﻴﻦ /

ﺩﺧﻠﺖ ﺑﺸﻬﺮ ﺍﻟﺴﺎﺑﻊ ﺑﺲ ﺑﻌﺪ ﻣﺎﮔﺪﺭﺕ ﺍﻣﺸﻲ ﻭﻟﻮﺍﺀ ﻣﺎﻳﺨﻠﻲ ﺷﻲ ﻳﻨﻘﺼﻨﻲ ﻭﺻﻮﻓﻴﺎ ﺳﺎﻋﺪﺗﻨﻲ ﻭﺟﺎﻧﺖ ﻣﺎﺗﻌﻮﻓﻨﻲ ﺍﺑﺪ ﺍﺣﺴﻬﺎ ﻧﺪﻣﺎﻧﻪ ﻭﺣﺘﻪ ﻟـ ﺍﻣﻬﺎ ﺑﻌﺪ ﻣﺎﺍﺗﺮﻭﺡ ..

ﺍﻣﻲ ﻛﻞ ﻳﻮﻡ ﺗﺠﻲ ﺍﺗﺸﻮﻓﻨﻲ ..

ﻭﺧﺎﻟﺘﻲ ﻫﻢ ﻛﻞ ﻓﺘﺮﻩ ﺗﺠﻲ ﺍﺗﺸﻮﻓﻨﻲ ﺍﺣﻤﺪ ﺍﺑﺪ ﻣﺎﺗﺮﻛﻨﻲ ﺩﺍﺋﻤﺎ ﻳﺠﻲ ﻭﺍﺫﺍ ﻣﺎﻳﺠﻲ ﻳﺘﺼﻞ ﻛﻞ ﻳﻮﻡ ...

ﺟﺎﻥ ﺻﺒﺢ ﻭﺍﻟﺠﻮ ﺣﻠﻮ ﻭﺍﻧﻲ ﻛﺎﻋﺪﻩ ﺑﺎﻟﺤﺪﻳﻘﻪ ﺑﻌﺪ ﻣﺎﺍﮔﺪﺭ ﺍﻣﺸﻲ ﻭﺑﻄﻨﻲ ﺷﻜﺒﺮﻫﺎ ﻛﺎﻋﺪﻩ ﻉ ﻛﺮﺳﻲ ﻣﺘﺤﺮﻙ ﻭﺍﻟﺒﻨﻴﻪ ﺍﻟﻲ ﺟﺎﺑﻬﺎ ﻟﻮﺍﺀ ﻛﺎﻋﺪﻩ ﻳﻤﻲ ﺻﺎﺭﺕ ﺻﺪﻳﻘﺘﻲ ﻭﺣﺒﻴﺘﻬﺎ ﻭﻫﻲ ﻫﻢ ﻣﻮ ﺑﺲ ﺗﺸﺘﻐﻞ ﻋﻨﺪﻱ ﺟﺎﻧﺖ ﺍﺗﺤﺒﻨﻲ ﻭﻣﺮﺍﺕ ﻣﻦ ﺍﺗﺸﻮﻓﻨﻲ ﺗﻌﺒﺎﻧﻪ ﻣﺘﺮﻭﺡ ﻟـ ﺍﻫﻠﻬﺎ ﻭﺗﺒﻖﮯ ﻭﻳﺎﻱ ...

ﻛﺎﻋﺪﻳﻦ ﻭﺍﻧﻲ ﺍﺣﺲ ﺍﺷﻮﻳﻪ ﺗﻌﺒﺖ ﺭﺩﺕ ﺍﺩﺧﻞ ﺑﺲ ﺍﻟﺒﺎﺏ ﺍﻧﺪﮒ ... ﻃﻠﻊ ﻣﺆﻣﻦ ﻓﺘﺢ ﺍﻟﺒﺎﺏ ﻭﺩﺧﻠﺖ ﺩﻳﻨﺎ ﻭﺣﻀﻨﺘﻪ ﻭﺗﺒﺠﻲ ﻭﺻﻮﻓﻴﺎ ﺳﻤﻌﺖ ﺻﻮﺕ ﺍﻣﻬﺎ ﻭﻫﻢ ﺭﺍﺣﺖ ﺣﻀﻨﺘﻬﺎ ﻭﺍﻧﻲ ﻣﻦ ﻳﻤﻲ ﺑﺲ ﺍﺑﺠﻲ ﺧﻄﻴﻪ ﺍﺑﻮﻫﻢ ﻗﺴﻪ ﻭﻳﺎﻫﻢ ﻭﺻﺎﺭ ﺷﻜﺪ ﻣﺎﻧﻌﻬﻢ ﻣﻨﻬﺎ ... ﺗﺮﻛﺘﻬﻢ ﻭﺍﺟﺖ ﺑـ ﺍﺗﺠﺎﻫﻲ ..

ـ ﺍﺭﺗﺎﺣﻴﺘﻲ ﻣﻦ ﺧﺮﺑﺘﻲ ﺑﻴﺘﻲ ?..

ـ ﺍﻧﻲ ﺷﻨﻮ ﺩﺧﻠﻨﻲ ..

ـ ﺍﻧﻮﺏ ﻣﺴﻮﻳﻪ ﺭﻭﺣﻬﺎ ﻣﺴﻜﻴﻨﻪ " ﺍﻥ ﺷﺎﺀ ﺍﻟﻠﻪ ﻣﺘﺸﻮﻓﻴﻦ ﻫﺬﺍ ﺍﻟﻲ ﺑﻄﻨﺞ ﻭﻣﺘﻔﺮﺣﻴﻦ ﺑﻲ ﻭﺍﻟﻠﻪ ﻻ ﻳﻜﻮﻣﺞ ﺑﺴﻼﻣﻪ ..

ﻫﻲ ﺗﺤﺠﻲ ﻭﺍﻧﻲ ﺑﻌﺪ ﻣﺎﺍﺣﺲ ﺑﺸﻲ ﻇﻬﺮﻱ ﻣﻮﺗﻨﻲ ﺍﻟﻢ ﻗﻮﻱ ﻭﺑﺪﻭﻥ ﻣﺎﺍﺣﺲ ﺑﺲ ﻇﻠﻴﺖ ﺍﺻﺮﺥ ﺍﺟﺖ ﺻﻮﻓﻴﺎ ﺗﺮﻛﺾ ﻭﻟﺰﻣﺘﻨﻲ ﻣﻦ ﺍﻳﺪﻱ ﻭﺍﺗﻬﺪﻳﻨﻲ ﻭﻣﺆﻣﻦ ﻇﻞ ﻳﺒﺠﻲ ﻭﺣﺎﺿﻨﻲ ﻭﻫﺎﻱ ﺍﻣﻬﻢ ﻣﻦ ﺷﺎﻓﺘﻬﻢ ﻫﻴﺞ ﻃﻠﻌﺖ ﻭﺗﺮﻛﺘﻨﻲ ﺑﻬﻴﺞ ﺣﺎﻟﻪ ﺣﺘﻪ ﻣﺎﻓﻜﺮﺕ ﺍﺗﺴﺎﻋﺪﻧﻲ ... ﺧﺎﺑﺮﻭﺍ ﺍﺑﻮﻫﻢ ﻭﺑﺴﺮﻋﻪ ﺍﺟﻪ ﻧﻘﻠﻨﻲ ﻟﻠﻤﺴﺘﺸﻒﮯ .. ﺩﺧﻠﻮﻧﻲ ﻏﺮﻓﺔ ﺍﻟﻌﻤﻠﻴﺎﺕ ﻭﺍﻣﻲ ﻭﺍﺧﻮﺍﻧﻲ ﻛﻠﻬﻢ ﻣﻮﺟﻮﺩﻳﻦ ﺍﻋﺮﻑ ﺍﻟﻨﺘﻴﺠﻪ ﺍﺣﺘﻤﺎﻝ ﺍﻣﻮﺕ ﺍﻱ ﻭﺻﻴﺘﻬﻢ ﻉ ﺍﺑﻨﻲ ﻭﻛﻠﻬﻢ ﻳﺒﺠﻮﻥ ﺑﺲ ﻻﺯﻡ ﺍﻭﺻﻲ ﻋﻠﻴﻪ ﻣﺎﺍﺭﻳﺪ ﻳﻨﻈﻠﻢ ﺍﺭﻳﺪﻩ ﻳﻌﻴﺶ ﺍﻟﺤﻴﺎﺓ ﺑﺲ ﻣﻮ ﻣﺜﻞ ﺍﻟﺤﻴﺎﺓ ﺍﻟﻌﺸﺘﻬﺎ .... ﺩﺧﻠﺖ ﻭﺍﻧﻲ ﻣﺎﺍﻋﺮﻑ ﺍﺫﺍ ﺍﺭﺟﻊ ﺍﺷﻮﻓﻬﻢ ﺭﺩﺕ ﺑﺲ ﺍﻭﺩﻋﻬﻢ ﺑﺲ ﻣﺎﻛﻮ ﻭﻛﺖ ﻻﺯﻡ ﺍﺩﺧﻞ ﺑﺴﺮﻋﻪ ﺍﺷﻮﻑ ﻟﻮﺍﺀ ﻣﻌﺼﺐ ﻭﻣﺤﺮﻭﻙ ﮔﻠﺒﻪ ﺍﺳﻔﻪ ﺣﺒﻴﺒﻲ ﻣﺎﺳﻤﻌﺖ ﺣﺠﻴﻚ ﻻﻥ ﻣﺎﺍﺭﻳﺪ ﺍﺑﻨﻚ ﺍﻳﻤﻮﺕ ﻣﺎﺍﺭﻳﺪ ﺍﻟﮕﻠﺐ ﺍﻟﻲ ﻳﺪﮒ ﺑـ ﺍﺣﺸﺎﺋﻲ ﻳﻤﻮﺕ ..

ﺩﺧﻠﻮﻧﻲ ﺍﻟﻐﺮﻓﻪ ﻭﺑﺪٲ ﺩﻛﺘﻮﺭ ﺍﻟﺒﻨﺞ ﻳﺴٲﻟﻨﻲ ﻋﻦ ﺍﺳﻤﻲ ﻭﻋﻤﺮﻱ ﻭﺍﻧﻲ ﺑﺲ ﺍﺟﺎﻭﺏ ﻭﺑﻌﺪﻫﺎ ﻣﺎﺍﺣﺲ ﺑﺸﻲ ﻓﻘﺪﺕ ﺑﺲ ﺷﻔﺖ ﺍﺑﻮﻱ ﻭﺍﻛﻒ ﺑﻌﻴﺪ ﺻﺤﺖ ﻋﻠﻴﻪ ﺑﺲ ﻣﺎﻳﺮﺩ ﺭﺩﺕ ﺍﻣﺸﻴﻠﻪ ﻣﺎﻛﺪﺭﺕ .... ﺍﺳﻤﻊ ﺍﻟﺪﻛﺘﻮﺭﻩ ﺗﺤﺠﻲ ﻭﻳﺎﻱ ﻭﺗﻀﺮﺏ ﺑﺨﺪﻱ ﺍﻧﻴﻦ ﺍﻧﻴﻦ ..

ﺭﺟﻌﺖ ﻟﻠﻮﻋﻲ ﺑﺲ ﻣﺎﺍﺷﻮﻑ ﻭﺍﺿﺢ ﻭﺍﻟﺼﻮﺕ ﻣﺪﺭﻱ ﺷﻠﻮﻥ ﺍﺳﻤﻌﻪ ﺍﻓﺘﺢ ﻋﻴﻨﻲ ﺍﺷﻮﻓﻬﻢ ﻃﻠﻌﻮﻧﻲ ﻣﻦ ﺍﻟﻐﺮﻓﻪ ﺑﺲ ﻣﺎﺍﻛﺪﺭ ﺍﺣﺠﻲ ﻭﻻ ﺍﺣﺲ ﺑﺮﻭﺣﻲ ﺩﺧﻠﻮﻧﻲ ﺑﻐﺮﻓﻪ ﺛﺎﻧﻴﻪ ﻭﺍﺷﻮﻳﻪ ﺻﺤﻴﺖ ﻭﺍﻻﻟﻢ ﻣﻮﺗﻨﻲ ﻇﻠﻴﺖ ﺍﺻﺮﺥ ﻇﻬﺮﻱ ﺑﺠﻬﻪ ﻭﺑﻄﻨﻲ ﻣﺘﺖ .. ﺍﺧﺬﺕ ﻣﺴﻜﻨﺎﺕ ﻭﺑﺲ ﺍﺳٲﻟﻬﻢ ﺍﺑﻨﻲ ﻭﻳﻦ ..

ﻟﻮﺍﺀ : ﻻ ﺗﺨﺎﻓﻴﻦ ﺍﺑﻨﺞ ﻣﺎﺑﻲ ﺷﻲ ﻭﻳﺸﺒﻬﺞ ﺷﻨﻮ ﺍﺳﻤﻲ ﺣﺒﻲ ﺍﻧﺘﻲ ﺍﺧﺘﺎﺭﻱ ?...

ﺍﻧﻴﻦ : ﺳﻤﻲ ﻋﺒﺪ ... ﻋﺒﺪﺍﻟﻠﻪ .

ﺑﻌﺪﻫﺎ ﻣﺎﺣﺴﻴﺖ ﺑﺸﻲ ... ﻃﻠﻌﺖ ﻣﻦ ﺍﻟﻤﺴﺘﺸﻒﮯ ﻭﻇﻠﻴﺖ ﻳﻢ ﺍﻣﻲ ﻭﺑﺲ ﻋﺸﺮﻳﻦ ﻳﻮﻡ ﻭﺳﺎﻓﺮﻧﺎ ﺍﻧﻲ ﻭﻟﻮﺍﺀ ﻉ ﻣﻮﺩ ﻋﻤﻠﻴﺘﻲ ﺻﻮﻓﻴﺎ ﻭﻣﺆﻣﻦ ﺧﻠﻴﻨﺎﻫﻢ ﻳﻢ ﻋﻤﻬﻢ ﻭﻋﺒﻮﺩ ﻇﻞ ﻳﻢ ﺍﻣﻲ ﻭﻣﺎﻗﺒﻠﺖ ﺍﻋﻮﻓﻪ ﺑﺲ ﻣﺠﺒﻮﺭﻩ ﻻﺯﻡ ﺍﺗﻌﺎﻟﺞ ﻣﻦ ﺷﻔﺖ ﻋﻴﻮﻥ ﺍﺑﻨﻲ ﻭﻟﻤﺴﺖ ﺍﻳﺪﻳﻨﻪ ﺍﻟﻨﺎﻋﻤﻪ ﺍﺗﻤﺴﻜﺖ ﺑﺎﻟﺤﻴﺎﺓ ..

ﺳﺎﻓﺮﻧﺎ ﻭﺳﻮﻳﺖ ﺍﻟﻌﻤﻠﻴﻪ ﻭﻧﺠﺤﺖ ﻭﻛﺪﺭﺕ ﺍﺭﺟﻊ ﺍﻣﺸﻲ .... ﻭﺭﺟﻌﺖ ﻟـ ﺑﻴﺘﻲ ﺻﺢ ﺗﻌﺒﺖ ﻭﻋﻼﺟﻲ ﻃﻮﻝ ﺳﺖ ﺍﺷﻬﻮﺭ ﺑﺲ ﺭﺟﻌﺖ ﺍﻓﻀﻞ ﻣﻦ ﻗﺒﻞ ﻟﻮﺍﺀ ﺍﺑﺪ ﻣﻴﺰﻋﻠﻨﻲ ﻭﻇﻴﻔﺘﻲ ﻧﻔﺴﻬﺎ ﻭﺍﻟﺒﻨﻴﻪ ﺍﻟﻲ ﺟﺎﻧﺖ ﺍﺗﺴﺎﻋﺪﻧﻲ ﻣﺎﻋﻔﺘﻬﺎ ﻇﻠﺖ ﻭﻳﺎﻱ ﻭﻣﺎﺍﺧﻠﻴﻬﺎ ﺗﺘﻌﺐ ﺑﺲ ﻣﺎﺍﺭﻳﺪ ﺍﺳﺘﻐﻨﻪ ﻋﻨﻬﺎ ....

ﺍﻟﻴﻮﻡ ﺍﻧﻲ ﺍﺷﻜﺮ ﺍﻣﻲ ﻻﻥ ﺟﺒﺮﺗﻨﻲ ﺍﺗﺰﻭﺝ ﻟﻮﺍﺀ ﺍﻟﻴﻮﻡ ﺍﻧﻲ ﺍﺷﻜﺮ ﺍﻟﻘﺪﺭ ﺍﻟﻲ ﺟﺎﻥ ﻭﺍﻛﻒ ﺑﻮﺟﻪ ﻛﻞ ﺷﺨﺺ ﻳﺨﻄﺒﻨﻲ ﻭﻋﺮﻓﺖ ﻟﻮﺍﺀ ﻫﻮ ﻧﺼﻴﺒﻲ ﻭﻗﺪﺭﻱ .... ﻋﺸﺖ ﺍﺟﻤﻞ ﺍﻳﺎﻡ ﺣﻴﺎﺗﻲ ﻭﻳﺎﻩ ﻭﮔﺪﺭﺕ ﺍﻗﻨﻊ ﻟﻮﺍﺀ ﻳﺨﻠﻲ ﺍﻟﺠﻬﺎﻝ ﻳﺸﻮﻓﻮﻥ ﺍﻣﻬﻢ ... ﻭﻛﻞ ﻳﻮﻡ ﺍﺣﻤﺪ ﺭﺑﻲ ﻉ ﻛﻞ ﺷﻲ ﺻﺎﺭ ﻭﻳﺎﻱ ﻭﺍﻟﻠﻪ ﺭﺯﻗﻨﻲ ﺯﻭﺝ ﻭﺍﺏ ﻭﺍﺥ ﻭﺍﻛﺜﺮ ﻣﻤﺎ ﺟﻨﺖ ﺍﺗﻮﻗﻊ ﻟﻮﺍﺀ ﻭﺍﻃﻔﺎﻟﻲ ﺍﻟـ ﺗﻼﺛﻪ ﻫﻤﻪ ﻛﻞ ﺣﻴﺎﺗﻲ ...

ﺍﺗﻤﻦﮯ ﺗﻌﺠﺒﻜﻢ ﺍﻟﻨﻬﺎﻳﺔ ...

ﺍﻧﺎ ﻗﺪ ﺍﻛﻮﻥ ﺍﻗﻞ ﻣﻦ ﺍﻥ ﺍﻗﺪﻡ ﻧﺼﻴﺤﻪ ﻟـ ﺍﻡ ﻭﺍﻧﺎ ﻣﺘٲﻛﺪﻩ ﻛﻞ ﺍﻣﻬﺎﺗﻨﺎ ﻳﺮﺩﻭﻥ ﻳﻔﺮﺣﻮﻥ ﺑﻴﻨﺎ ﻭﺍﻟﺰﻭﺍﺝ ﻓﻌﻼ ﺍﺳﺘﻘﺮﺍﺭ ..... ﻟﻜﻦ ﺍﻫﻢ ﺷﻲ ﻫﻮ ﺳﻌﺎﺩﺓ ﺑﻨﺘﻚ ﻻ ﺗﺠﺒﺮﻳﻨﻬﺎ ﻻ ﺗﻌﺒﻴﻨﻬﺎ ﺑـ ﺗﺬﻛﻴﺮﻫﺎ ﺍﻧﻮ ﻫﻲ ﻛﺒﺮﺕ ﻻﺯﻡ ﺗﺰﻭﺝ ... ﺍﻟﺴﺤﺮ ﻳﻤﻜﻦ ﺍﻧﻲ ﺑﺎﻟﻐﺖ ﺑﺎﻟﻤﻮﺿﻮﻉ ﺑﺲ ﺍﻋﺮﻑ ﻧﺎﺱ ﻫﻴﺞ ﻭﺑﻌﻴﻨﻲ ﺍﺷﻮﻓﻬﻢ ﻉ ﺍﺑﺴﻂ ﺷﻲ ﺭﺍﺣﻦ ﻟـ ﺍﻡ ﻓﻼﻥ ﻭﺍﻡ ﻋﻼﻥ ... ﻣﻮ ﺑﺲ ﺍﻻﻣﻬﺎﺕ ﺍﻛﻮ ﺑﻨﺎﺕ ﻳﺴﺘﻌﺠﻠﻮﻥ ﺑﻤﻮﺿﻮﻉ ﺍﻟﺰﻭﺍﺝ ﺍﻟﺰﻭﺍﺝ ﺍﺧﺘﻴﺎﺭ ﺯﺍﺋﺪ ﻧﺼﻴﺐ ﻭﺍﻻﺳﺘﻌﺠﺎﻝ ﻣﻴﻔﻴﺪ.

..

النهاية / 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤