.
رواية نهوة حارث الجزء الثالث
للكاتبة زينب ماجد
🔹🔸🥇🔹🔸
ﺑﻨﺖ ﻋﻤﻲ ﺭﻓﻞ ﻧﻬﻴﺖ ﻋﻠﻴﻬﺎ ﻣﺎ ﺗﺘﺰﻭﺝ ﻏﻴﺮﻱ ﻭﻟﻮ ﺗﺰﻭﺟﺖ ﻭﺍﻟﻌﺒﺎﺱ ﭼﻴﻠﻪ ﺑﺮﺍﺳﻬﺎ ﻭﺭﺍﺱ ﺍﻟﻠﻲ ﻣﺎﺧﺬﻫﺎ ﻭﻋﻤﻲ ﻳﻄﻠﻊ ﻣﻦ ﺍﻟﻌﺸﻴﺮﻩ ..
ﻛﺎﻟﻮ ﻻ ﺣﻘﻚ ﺍﺣﻨﻪ ﻣﻦ ﺑﺎﺟﺮ ﻧﻄﻠﻊ ﻟﺒﻐﺪﺍﺩ ﻭﻧﺤﺎﺟﻲ ﻋﻤﻚ ﻭﻧﺨﻄﺒﻠﻚ ﺍﻟﻤﺮﻩ ﻭﻻ ﻳﻜﻮﻥ ﺧﺎﻃﺮﻙ ﺍﻻ ﻃﻴﺐ ﺍﻧﺘﻪ ﺍﻟﻐﺎﻟﻲ ﺍﺑﻦ ﺍﻟﻐﺎﻟﻲ ﻣﺮﻩ ﺗﻜّﺪﺭ ﺧﺎﻃﺮﻙ .. ﻣﺎ ﻣﻘﺒﻮﻟﻪ
ﻛﺘﻠﻬﻢ ﻛﻔﻮ ﻣﻨﻜﻢ ﺑﺲ ﺍﻧﻪ ﺗﺤﺰ ﺑﻨﻔﺲ ﻋﻤﻲ ﻳﺮﻓﻀﻨﻲ .. ﺷﻌﺎﻳﺰﻧﻲ .. ﺷﻨﻬﻲ ﻣﻮ ﺯﻟﻤﻪ ﺑﻌﻴﻨﻪ ﻭﺑﻌﻴﻦ ﺑﺘﻪ .. ﺣﺘﻰ ﻟﻮ ﻛﺎﻋﺪﻳﻦ ﺍﺑﻐﺪﺍﺩ ﻭﺍﺧﺬﻭ ﺍﻃﺒﺎﻉ ﺑﻐﺪﺍﺩ
ﻳﺒﻘﻮﻥ ﻣﻨﺎ ﻭﺑﻴﻨﺎ .. ﻭﺑﺘﻪ ﺍﺣﻨﻪ ﻋﻤﺎﻣﻬﺎ ﺍﺣﻖ ﺍﻟﻨﺎﺱ ﺑﻴﻬﺎ .. ﻛﺎﻟﻮ ﻻ ﻫﺎﻱ ﺍﻋﺘﺒﺮ ﺍﻟﺴﺎﻟﻔﻪ ﺧﻠﺼﺎﻧﻪ ..
………
ﺭﻓﻞ ﺍﺟﻴﺖ ﻣﻦ ﺍﻟﻤﺪﺭﺳﻪ ﻓﺪ ﻳﻮﻡ ﻭﺍﺷﻮﻑ ﺍﻟﺼﺎﻟﻪ ﻣﺎﻟﺘﻨﻪ ﻛﻠﻬﺎ ﺭﻳﺎﺟﻴﻞ ﻻﺑﺴﻪ ﻋﻜﻞ ﻭﺩﺷﺎﺩﻳﺶ ﻋﺮﻓﺖ ﺫﻭﻟﻪ ﻣﻦ ﻋﻤﺎﻣﻲ .. ﻋﺎﺑﺘﻠﻬﻢ
ﺩﺧﻠﺖ ﻭﻣﻬﺘﻤﺖ .. ﺑﻌﺪﻳﻦ ﺳﻤﻌﺖ ﺻﻮﺗﻬﻢ ﻋﺎﻟﻲ ﻭﺻﻴﺎﺡ ﻃﻠﻌﺖ ﻭﺷﻔﺖ ﺍﻣﻲ ﺗﻀﺮﺏ ﻋﻠﻰ ﺧﺪﻭﺩﻫﺎ ﻭﺗﻀﺮﺏ ﺍﻳﺪ ﺍﺑﺄﻳﺪ ..
ﻛﺘﻠﻬﺎ ﺷﻜﻮ ﻣﺎﻣﺎ .. ﺍﺷﺮﺗﻠﻲ ﺍﺳﻜﺘﻲ .. ﺗﺼﻨﺘﺖ ﻭﻳﺎﻫﺎ ..
ﻳﻜﻠﻮﻟﻮﻥ ﻻﺑﻮﻳﻪ ﻋﻴﺐ ﻋﻠﻴﻚ ﺍﺑﻦ ﻋﻤﻬﺎ ﻭﺗﺮﺩﻩ .. ﻫﻮﻩ ﺍﺣﻖ ﻭﺍﺣﺪ ﺑﻴﻬﺎ .. ﺍﺑﻦ ﻋﻤﻬﺎ ﺳﺘﺮ ﻭﻏﻄﺎ ﺍﻟﻬﺎ ..
ﻭﺑﺘﻚ ﻣﺘﺼﻴﺮ ﻟﻐﻴﺮ ﺣﺎﺭﺙ .. ﺑﺎﻭﻋﺖ ﻟﻤﺎﻣﺎ ﻛﺘﻠﻬﺎ ﺫﻭﻟﻪ ﺷﺪﻳﺨﺮﺑﻄﻮﻥ .. ﻛﺎﻟﺖ ﺍﺳﻜﺘﻲ ﻣﺼﻴﺒﻪ ﻭﻛﻌﺖ ﻋﻠﻰ ﺭﻭﺳﻨﻪ .. ﻟﺸﻮﻱ ﻃﻠﻌﻮ ﻣﻨﻪ ﺯﻋﻼﻧﻴﻦ .. ﺍﺟﺎﻧﻪ ﺍﺑﻮﻳﻪ ﻋﻴﻮﻧﻪ ﻧﺎﺭ ..
ﻛﻠﻨﺎﻟﻪ .. ﻫﺎﺍﺍ ﻛﺎﻝ ﺣﺎﺭﺙ ﻧﺎﻫﻲ ﻋﻠﻰ ﺭﻓﻞ ﻣﺎ ﺗﺘﺰﻭﺝ .. ﺍﻣﻲ ﻛﺎﻟﺘﻪ ﻭﻳﻦ ﻋﺎﻳﺸﻴﻦ ﺑﻴﺎ ﺗﺨﻠﻒ ﺷﻨﻮ ﻳﻨﻬﻲ ﻋﻠﻴﻬﺎ ..
ﺍﻛﻮ ﻗﺎﻧﻮﻥ ﻭﺍﺷﺘﻜﻲ ﻋﻠﻴﻪ .. ﻛﺎﻟﻬﺎ ﻣﺎﻛﻮ ﻗﺎﻧﻮﻥ ﻳﺤﻤﻴﻨﻪ ﻣﻦ ﺍﻟﻌﺸﺎﻳﺮ .. ﺫﻭﻟﻪ ﻣﻨﻪ ﻭﺑﻴﻨﻪ .. ﻳﻌﻨﻲ ﻟﻮ ﺳﻮﻳﺖ ﺷﻲ ﺿﺪﻫﻢ ﻳﻬﺠﻤﻮﻥ ﺑﻴﺘﻲ ..
ﺑﺎﻭﻋﻠﻲ .. ﻛﺎﻝ ﺑﺎﺑﺎ ﺍﻗﺒﻠﻲ ﺑﺤﺎﺭﺙ .. ﺑﺘﻮﺳﻞ .. ﻛﺘﻠﻪ ﻣﺴﺘﺤﻴﻴﻴﻴﻴﻞ ﻣﺎ ﺍﻗﺒﻞ ﺍﻧﻲ ﺍﺧﺬ ﻫﺬﺍ ﺍﻟﻬﻤﺠﻲ .. ﻭﺍﻟﻠﻪ ﻟﻮ ﺍﻣﻮﻭﻭﻭﻭﺕ ﻭﻻ ﺍﺻﻴﺮ ﻟﻮﺍﺣﺪ ﻣﺜﻠﻪ
ﻋﻔﺘﻬﻢ ﻭﺩﺧﻠﺖ ﻟﻠﻐﺮﻓﻪ .. ﻟﻠﻴﻞ ﺟﺮﻳﺖ ﺍﻟﺘﻴﻠﻴﻔﻮﻥ ﻭﺧﺎﺑﺮﺕ ﻋﻤﺮ .. ﻛﺘﻠﻪ ﻫﺬﺍ ﺍﺑﻦ ﻋﻤﻲ ﻧﻬﻰ ﻋﻠﻴﻪ .. ﻛﺎﻝ ﻳﻌﻨﻲ ﺷﻨﻮ .. ﻛﺘﻠﻪ ﺷﻤﺪﺭﻳﻨﻲ ..
ﻳﻜﻮﻟﻮﻥ ﻳﻌﻨﻲ ﻣﺎ ﺍﺻﻴﺮ ﻟﻐﻴﺮﻩ .. ﻭﻟﻮ ﺧﺎﻟﻔﺘﻬﻢ ﺍﻧﻘﺘﻞ ﺍﻧﻲ ﻭﺍﻟﻠﻲ ﻳﺎﺧﺬﻧﻲ .. ﻛﺎﻝ ﺫﻭﻟﻪ ﻭﻳﻦ ﻋﺎﻳﺸﻴﻦ ﺷﻨﻮ ﻫﺘﻘﺎﻟﻴﺪ ﺍﻟﻬﻤﺠﻴﻪ ..
ﻛﺘﻠﻪ ﺷﺴﻮﻱ ﺫﻭﻟﻪ ﻋﻤﺎﻣﻲ ﻣﻜﺮﻭﻫﻴﻦ ﺍﺑﺪ ﻣﺎ ﺍﺣﺒﻬﻢ ﻣﻦ ﻋﻘﻮﻟﻬﻢ .. ﻋﺪﻫﻢ ﺍﻟﻤﺮﻩ ﺍﺩﺍﺓ ﻓﻔﻂ ﻟﺨﺪﻣﺔ ﺍﻟﺮﺟﻞ ﻭﺍﻻﻃﻔﺎﻝ .. ﻣﺎ ﺍﻟﻬﺎ ﺍﻱ ﺣﻘﻮﻭﻕ
ﻛﺎﻝ ﻣﻌﻠﻴﺞ ﺣﺒﻲ ﻟﻮ ﺍﻋﺮﻑ ﺍﻫﺪ ﺍﻟﻜﻮﻥ ﺍﺧﺬﺝ ﺍﺧﺬﻙ .. ﺿﺤﻜﺖ ﻭﻛﺘﻠﻪ ﺍﻟﻠﻪ ﻳﺨﻠﻴﻚ ﺍﻟﻴﻪ ..
ﺑﻘﻴﺖ ﻣﺴﺘﻤﺮ ﺑﻌﻼﻗﺘﻲ ﻭﻳﻪ ﻋﻤﺮ .. ﻭﻻ ﻫﻤﻨﻲ ﻫﻠﺸﻲ .. ﻭﻣﺮﺕ ﺳﻨﻪ ﻭ ﻋﺎﺩﻱ ﺑﻌﺪﻫﺎ ﻣﺤﺪ ﻓﺘﺢ ﺍﻟﺴﺎﻟﻔﻪ ﺑﺲ ﺍﻧﻌﺮﻓﺖ ﻋﺪ ﺍﻟﻌﺎﻟﻢ ﻛﻠﻬﺎ
ﺍﺑﻦ ﻋﻤﻲ ﻧﺎﻫﻲ ﻋﻠﻴﻪ ﺣﺘﻰ ﺑﻌﺪ ﻣﺤﺪ ﺗﻘﺪﻡ ﻟﺨﻄﺒﺘﻲ ﺍﺑﺒﺒﺪ .. ﻭﻛﻞ ﺍﻟﻴﺠﻲ ﻳﺨﻄﺐ ﺑﻌﺪﻳﻦ ﻳﻌﺮﻑ ﺍﺑﻦ ﻋﻤﻲ ﻧﺎﻫﻲ ﻋﻠﻴﻪ ﻳﺮﻭﺡ ﺑﻌﺪ ﻣﺎ ﻳﺮﺟﻊ
🔹🔸🥇🔹🔸
ﺑﺲ ﻋﺎﺩﻱ ﻭﻳﻄﺒﻬﻢ ﻃﻮﺏ ﻋﻤﺮ ﺣﺒﻴﺒﻲ ﻳﻜﻔﻴﻨﻲ ﻭﻣﺮﺍﺡ ﻳﻌﻮﻓﻨﻲ ..
…… .
ﺣﺎﺭﺙ .. ﺑﻌﺪ ﻣﺎ ﺭﺍﺣﻮ ﻋﻤﺎﻣﻲ ﻟﺒﻴﺖ ﻋﻤﻲ ﻭﻫﻢ ﺭﻓﺾ ﻳﻨﻄﻲ ﺑﻨﺘﻪ .. ﺛﺒﺘﺖ ﻧﻬﻮﺗﻲ ﻋﻠﻴﻬﺎ .. ﻭﺑﺲ ﺗﻔﻜﺮ ﺗﺘﺰﻭﺝ ﺗﻨﻜﺘﻞ ..
ﺑﺲ ﻛﺘﻠﻬﻢ ﺑﻌﺪ ﻟﺤﺪ ﻳﺮﻭﺡ ﻭﻟﺤﺪ ﻳﻮﺻﻞ .. ﻫﺎﻫﻴﻪ ﺭﻓﻞ ﻧﻬﻮﺗﻲ ﻋﻠﻴﻬﺎ ﻭﻣﺎ ﺗﻄﻠﻊ ﻟﻐﻴﺮﻱ .. ﻣﺼﻴﺮﻫﺎ ﺗﻘﺒﻞ ﻭﺭﺟﻠﻴﻬﺎ ﻓﻮﻙ ﺭﺍﺳﻬﺎ
ﻣﺮﺕ ﺳﻨﻪ ﻭ ﺑﻘﺖ ﺍﻣﻲ ﺗﻠﺢ ﻋﻠﻴﻪ ﺑﺎﻟﺰﻭﺍﺝ .. ﻣﺎ ﺍﻗﺒﻞ ﺍﺗﺰﻭﺝ .. ﺑﺲ ﺍﻣﻲ ﺗﻤﺮﺿﺖ ﻭﺑﻘﺖ ﺗﺒﺠﻲ ﺍﻻ ﺗﺘﺰﻭﺝ .. ﻛﺘﻠﻬﺎ ﺑﺮﺍﺣﺘﺞ ..
ﺻﺮﺍﺣﻪ ﺭﺩﺕ ﺍﻛﺴﺮ ﺧﺸﻤﻬﺎ ﻣﻦ ﺗﺴﻤﻊ ﺧﺎﻃﺐ ﻏﻴﺮﻫﺎ ﻭﻭﻣﻬﺘﻤﻠﻬﺎ .. ﻭﻏﺼﺒﺎ ﻋﻠﻴﻬﺎ ﺗﺮﺿﺖ ﺑﻴﻪ .. ﺭﺍﺣﺖ ﺍﻣﻲ ﺧﻄﺒﺘﻠﻲ ﺑﻨﺖ ﺧﺎﻟﻲ ﻓﺎﻃﻤﻪ
ﺍﻳﻪ ﻣﻦ ﺍﻟﺠﻤﺎﻝ ﺍﻟﻌﻴﻮﻥ ﺧﻀﺮ ﻭﺍﻟﺸﻌﺮ ﺍﺻﻔﺮ ﻭﺍﻟﻮﺟﻪ ﻣﺮﺍﻳﺎ .. ﻣﺸﻴﺖ ﻣﺸﺎﻳﻪ ﻋﻠﻲ ﺑﻴﺖ ﺧﺎﻟﻲ ﻭﺧﻄﺒﺘﻬﺎ ..
ﻛﻌﺪﺕ ﻳﻤﻬﺎ .. ﺧﺠﻼﻧﻪ .. ﻛﺘﻠﻬﺎ ﻻ ﺗﺨﺠﻠﻴﻦ ﺍﻧﻪ ﻋﻘﺪﺕ ﻋﻠﻴﺞ ﺑﻌﺪ .. ﻛﺎﻟﺖ ﺍﻧﺘﻪ ﺟﻨﺖ ﺍﻣﻨﻴﺘﻲ ﻭﺍﻟﻴﻮﻡ ﺍﻧﺘﻪ ﺍﻟﻲ
ﺿﺤﻜﺖ .. ﻛﺘﻠﻬﺎ ﺟﻨﺖ ﺍﺩﺭﻱ ﺑﻨﻀﺮﺍﺗﺞ ﻭﺣﺒﺞ ﺑﺲ ﻻﻫﻲ ﺑﺸﻐﻞ ﺍﻟﺤﻴﺎﺓ .. ﻧﺤﺠﻲ ﻭﻫﻴﻪ ﻛﺎﻋﺪﻩ ﻳﻤﻲ ﻭﻣﺪﻧﻜﻪ
ﻭﺧﺎﻟﻲ ﻭﻣﺮﺗﻪ ﻭﺍﻣﻲ ﻛﺎﻋﺪﻳﻦ ﻳﻤﻨﻪ .. ﻛﺎﻟﺖ ﺻﺪﻙ ﺍﻧﺘﻪ ﻧﺎﻫﻲ ﻋﻠﻰ ﺑﺖ ﻋﻤﻚ .. ﻛﺘﻠﻬﺎ ﺍﻳﻲ
ﻛﺎﻟﺖ ﻟﺤﺪ ﺍﻻﻥ ﻛﺘﻠﻬﺎ ﺍﻱ .. ﻛﺎﻟﺖ ﺷﺮﺍﻳﺪ .. ﺗﺘﺰﻭﺟﻬﺎ .. ﻛﺘﻠﻬﺎ ﺍﻱ ﻫﻬﻬﻬﻪ .. ﻛﺎﻟﺖ ﻭﺍﻧﻪ .. ﻛﺘﻠﻬﺎ ﺷﺒﻴﺞ ﺍﻧَـ ỲǑŲ ـْﺘﻲ
ﻛﺎﻟﺖ ﺗﺘﺰﻭﺝ ﻋﻠﻲّ ﺷﻠﻮﻥ ﺍﻗﺒﻠﻬﺎ .. ﻛﺘﻠﻬﺎ ﻣﺎ ﻣﺘﺰﻭﺝ ﻫﺴﻪ .. ﻭﻣﻮ ﺑﺎﻟﻲ ﻫﻴﻪ ﺑﺲ ﺍﻧﻪ ﺑﺖ ﻋﻤﻲ ﻭﻣﺎ ﺍﺭﻳﺪ ﺗﺮﻭﺡ ﻟﻠﻐﺮﻳﺐ .. ﺑﻜﻴﻔﻲ
ﻛﺎﻟﺖ ﻳﻌﻨﻲ ﻣﺎ ﻧﺎﻭﻱ ﺗﺘﺰﻭﺟﻬﺎ ﻫﺴﻪ .. ﻛﺘﻠﻬﺎ ﻻ ﺍﻃﻤﻨﻲ .. ﺿﺤﻜﺖ .. ﺍﺑﺘﺴﻤﺖ .. ﻛﺎﻟﺖ ﻭﺗﻀﺤﻚ .. ﻛﺘﻠﻬﺎ ﻟﻴﺶ
ﻛﺎﻟﺖ ﻛﺎﻟﻮﻟﻲ ﻋﻠﻴﻚ ﻋﺼﺒﻲ ﺍﻛﺸﺮ .. ﻛﺘﻠﻬﺎ ﻭﻗﺖ ﻋﺼﺒﻴﺘﻲ .. ﺗﻼﻓﻲ ﺷﺮﻱ .. ﻭ ﻭﻗﺖ ﻫﺪﻭﺋﻲ ﺍﺧﺬﻱ ﺍﻟﺜﻮﺏ ﺍﻟﻌﻠﻲّ .. ﺿﺤﻜﺖ ﻭﺍﻧﻪ ﺍﻋﺎﻳﻨﻠﻬﺎ ﻭﻣﺒﺘﺴﻢ
ﺑﺖ ﺧﺎﻟﻲ ﺭﺍﺑﻴﻪ ﻭﻳﺎﻧﻪ ﻭﺩﺍﺋﻤﺎ ﻭﻳﻪ ﺧﻮﺍﺗﻲ ﺗﻘﻀﻲ ﺍﻭﻗﺎﺗﻬﺎ ﻓﻌﺎﺩﻱ ﻣﺎﺧﺬ ﻋﻠﻰ ﻋﺎﺋﻠﺘﻬﻢ ﻭﻣﺎﺧﺬﻩ ﻋﻠﺊ ﻋﺎﺋﻠﺘﻲ ..
ﺑﻌﺪﻳﻦ ﺍﻟﺘﺤﻘﺖ ﺑﺪﻭﺍﻣﻲ ﻭﺟﺎﻥ ﻭﺿﻊ ﺍﻟﻌﺮﺍﻕ ﻣﻦ ﺳﻲﺀ ﺍﻟﻰ ﺍﺳﻮﺀ .. ﺑﻮﺵ ﻣﻬﺪﺩ ﺑﺪﺧﻮﻝ ﺑﻐﺪﺍﺩ .. ﻧﻘﻠﻮﻧﻲ ﻣﻦ ﻣﺮﻛﺰ ﺍﻟﻤﺤﺎﻓﻈﻪ ﺑﺎﻟﻨﺎﺻﺮﻳﻪ .. ﻟﺒﻐﺪﺍﺩ
ﺟﻨﻪ ﻻ ﻟﻴﻠﻨﻪ ﻟﻴﻞ ﻭﻻ ﻧﻬﺎﺭﻧﻪ ﻧﻬﺎﺭ .. ﺟﻬﻮﺩ ﻣﻜﺜﻔﻪ .. ﺍﻟﻮﺿﻊ ﺻﺎﺭ ﻛﻮﻟﺶ ﺧﻄﺮ ﻭﺍﻟﺪﻭﻟﻪ ﺍﻟﻌﺮﺍﻗﻴﻪ ﺍﻋﻠﻨﺖ ﺣﺎﻟﺔ ﺍﻟﺤﺮﺏ .. ﺩﺧﻠﺖ ﺍﻧﺬﺍﺭ
ﺍﺟﺘﻨﻪ ﺍﺧﺒﺎﺭﻳﻪ ﺑﺄﺳﺘﻬﺪﺍﻑ ﺍﻟﻤﺰﺭﻋﻪ ﺍﻟﺘﺎﺑﻌﻪ ﻟﻠﺮﻳﺲ ﺻﺪﺍﻡ ﺣﺴﻴﻦ ﻭﺑﻨﺎﺗﻪ .. ﺍﻟﻠﻲ ﺑﺎﻟﺪﻭﺭﻩ .. ﺍﺧﺬﻧﻪ ﻣﻔﺮﺯﻩ ﻭﺭﺣﻨﺎ ﻧﺴﺘﻔﻘﺪ ﺍﻟﻤﻜﺎﻥ
ﻋﺮﺽ ﺑﻌﻴﻨﻲ ﻋﻤﻲ .. ﻗﺮﻳﺐ ﻣﻦ ﺍﻟﻤﺰﺭﻋﻪ ﺑﻨﻔﺲ ﺍﻟﻤﻨﻄﻘﻪ .. ﻳﻌﻨﻲ ﻟﻮ ﺍﻟﻤﺰﺭﻋﻪ ﺗﻌﺮﺿﺖ ﻟﻠﻘﺼﻒ ﻣﻤﻜﻦ ﻋﻤﻲ ﻭﻋﺎﺋﻠﺘﻪ ﻳﺮﺣﻮﻥ ﺑﻴﻬﺎ
ﺍﺧﺬﺕ ﺍﻟﻤﻔﺮﺯﻩ ﺍﻟﻄﺎﻟﻊ ﺑﻴﻬﺎ ﻭﻟﺒﻴﺖ ﻋﻤﻲ .. ﺩﺧﻠﺖ ﻟﻜﻴﺖ ﻋﻤﻲ ﻛﺎﻋﺪ .. ﺳﻠﻤﺖ ﻋﻠﻴﻪ ﺻﺪﻙ ﺑﻴﻨﻪ ﺧﻼﻑ ﻭﻣﺎ ﻧﻄﺎﻧﻲ ﺑﺘﻪ ..
ﺑﺲ ﻳﺒﻘﻰ ﻋﻤﻲ ﻣﻦ ﺩﻣﻲ ﻭﻟﺤﻤﻲ ﻭﺍﻟﻀﻔﺮ ﻣﺎ ﻳﻄﻠﻊ ﻣﻦ ﺍﻟﻠﺤﻢ .. ﻛﺘﻠﻪ ﺷﻨﻬﻲ ﺍﻻﺧﺒﺎﺭ .. ﻛﺎﻝ ﺍﻻﺧﺒﺎﺭ ﻳﻤﻚ .. ﺷﻮﻓﺔ ﻋﻴﻨﻚ ﻋﻄﻠﺖ ﺍﻟﻤﺪﺍﺭﺱ ﻭﺍﻟﺠﺎﻣﻌﺎﺕ ﻭﻛﻌﺪﻧﻪ ﺍﻧﻲ ﻭﻣﺮﺕ ﻋﻤﻚ
🔹🔸🥇🔹🔸
ﻛﺘﻠﻪ ﻋﻤﻲ ﺗﺮﻩ ﺑﻐﺪﺍﺩ ﻣﻮ ﺍﻣﻨﻪ ﻭﺍﻟﺪﻭﺭﻩ ﻣﺴﺘﻬﺪﻓﻪ ﻭﻣﺰﺭﻋﺔ ﺑﺖ ﺍﻟﺮﻳﺲ ﻗﺮﻳﺒﻪ ﻋﻠﻰ ﺑﻴﺘﻚ ﻭﺍﻻﻣﺮﻳﻜﺎﻥ ﻣﺴﺘﻬﺪﻓﻴﻦ ﺍﻟﻤﺰﺭﻋﻪ
ﻛﺎﻝ ﻻ ﻋﻤﻮ ﻣﺎﻛﻮ ﻫﻴﺞ ﺣﺠﻲ ﻫﻴﻪ ﻣﺰﺍﺭﻉ ﻣﺎ ﺑﻴﻬﺎ ﺷﻲ ﻳﻘﺼﻔﻮﻫﺎ .. ﻛﺘﻠﻪ ﻋﻤﻲ ﻣﻮ ﺑﻨﺎﺕ ﻭﺍﺣﻔﺎﺩﻩ ﺍﻟﺮﻳﺲ ﺗﺤﻮﻟﻮ ﻟﻠﻤﺰﺭﻋﻪ ..
ﻭﺍﻻﻣﺮﻳﻜﺎﻥ ﻭﺻﻠﻬﻢ ﻋﻠﻢ ﺑﺎﻟﺨﺒﺮ ﺣﺘﻰ ﺍﻟﺮﻳﺲ ﺍﻧﻄﻪ ﺧﺒﺮ ﻳﻄﻠﻌﻮﻥ ﻭﻳﺘﺮﻛﻮﻥ ﺍﻟﻤﺰﺭﻋﻪ .. ﻋﻤﻲ ﺍﺧﺬ ﻋﻮﻳﻠﺘﻚ ﻭﺍﻣﺶ
ﺗﺮﻩ ﺑﻐﺪﺍﺩ ﺻﺎﺭﺕ ﻧﺎﺭ .. ﻛﺎﻝ ﻋﻤﻲ ﻭﺑﻴﺘﻲ .. ﻛﺘﻠﻪ ﺑﺄﻣﺎﻧﺘﻲ ﺍﻧﻲ ﻫﻨﺎ ﺍﺑﻐﺪﺍﺩ .. ﺍﻗﻔﻞ ﻭﺍﻧﻄﻴﻨﻲ ﺍﻟﻤﻔﺘﺎﺡ ﻭﻣﺎ ﺍﺧﻠﻲ ﺍﺣﺪ ﻳﺘﻘﺮﺏ ﻳﻤﻪ ..
ﺍﺧﺬﻫﻢ ﻭﺗﻮﺟﻪ ﻟﻠﻨﺎﺻﺮﻳﻪ ﺑﻴﺖ ﺍﺑﻮﻱ ﻣﻮﺟﻮﺩ ﻭﻛﻠﻪ ﺣﺮﻳﻢ ﻣﺎﻛﻮ ﻏﺮﻳﺐ ﻭﺍﻧﺘﻪ ﻋﻤﻬﻦ .. ﺍﺧﺬ ﻋﺎﺋﻠﺘﻚ ﻭﺍﻣﻨﻬﺎ ﻫﻨﺎﻙ ..
ﺍﻟﻨﺎﺻﺮﻳﻪ ﺍﻣﺎﻥ .. ﺍﻟﻌﺪﻭ ﻫﺪﻓﻬﻢ ﺳﻘﻮﻁ ﺑﻐﺪﺍﺩ .. ﻛﺎﻝ ﺍﻧﺸﺎﻟﻠﻪ .. ﻛﺘﻠﻪ ﻟﻢ ﻫﺴﻪ ﺧﻞ ﺍﻃﻠﻌﻜﻢ ﺑﻐﺪﺍﺩ ﺗﺮﻩ ﺻﺎﻳﺮﻩ ﻫﻮﺳﻪ ﻣﺎ ﺗﻜﺪﺭ ﺗﻄﻠﻊ
ﻟﻤﻮ ﻏﺮﺍﺿﻬﻢ ﻭﺍﻫﺪﻭﻣﻬﻢ ﻭﻃﻠﻌﻮ .. ﻋﺎﻳﻨﺖ ﺭﻓﻞ ﻣﺮﺕ ﻣﻨﻲ .. ﻟﺰﻣﺖ ﺍﻳﺪﻫﺎ .. ﻛﺘﻠﻬﺎ ﺗﺤﺠﺒﻲ ﻭﺍﻃﻠﻌﻲ ﺍﻟﻄﺮﻳﻖ ﻣﻮ ﺍﻣﺎﻥ .. ﻛﺎﻟﺖ ﺷﻌﻠﻴﻚ
ﺩﻓﻌﺘﻬﺎ .. ﻭﻛﺘﻠﻪ ﻋﻤﻲ ﺣﺠﺒﻬﺎ .. ﻣﺎ ﻋﺪﻧﻪ ﻣﺮﻩ ﻫﻨﺎﻙ ﺗﻔﻮﺕ ﺍﻟﻄﺮﻑ ﻭﻣﻔﺮﻋﻪ .. ﻭﻫﺎﻱ ﺑﻨﺖ ﻋﻤﻲ ﻳﻌﻨﻲ ﻋﺮﺿﻲ ﻭﺍﻟﻨﺎﺱ ﺗﻌﺮﻓﻨﻲ ﻭﺗﻌﺮﻑ ﺧﻮﺍﺗﻲ ﻣﺴﺘﻮﺭﺍﺕ
ﻛﺎﻟﻬﺎ ﺑﺎﺑﺎ ﺍﻟﺒﺴﻲ ﺣﺠﺎﺏ ﻋﺎﻧﺪﺕ ﻋﺎﺩ ﺍﻣﻬﺎ ﺟﺎﺑﺖ ﺍﻟﺤﺠﺎﺏ ﻭﺧﻠﺘﻪ ﻋﻠﻪ ﺭﺍﺳﻬﺎ ﻭﻛﺎﻟﺘﻠﻬﺎ ﺍﻣﺸﻲ ﻣﻨﺎﻗﺼﻴﻦ ﻋﻨﺎﺩﺝ ﻫﺴﻪ .. ﺧﻞ ﻧﻔﺮ ﺑﺎﺭﻭﺍﺣﻨﻪ
ﺍﺧﺬﺕ ﺍﻟﺴﻴﺎﺭﻩ ﻭﺻﻌﺪﺗﻬﻢ .. ﻣﺸﻴﺖ .. ﻫﻮﺍﻱ ﻣﻔﺎﺭﺯ ﺗﻮﻛﻔﻨﻲ .. ﻭﺍﻛﻮﻟﻬﻢ ﻣﻨﺘﺴﺐ ﻟﺤﺮﺱ ﺍﻟﺮﻳﺲ ﻭﻳﻄﻠﻌﻮﻧﻪ
ﻋﺎﻳﻨﺖ ﺍﻟﺮﻓﻞ .. ﻟﻜﻴﺘﻬﺎ ﺗﻌﺎﻳﻦ ﻟﻌﻴﻮﻧﻲ ﺑﺎﻟﻤﺮﺍﻳﺎ .. ﺍﺑﺘﺴﻤﺖ .. ﺩﺍﺭﺕ ﻭﻭﺟﻬﺎ ﺑﺘﻜﺒﺮ .. ﻭﻳﻄﺒﺞ ﻣﺮﺽ ﻣﻴﺖ ﻋﻠﻴﺞ ﻳﻠﻔﺎﻫﻴﻪ .. ﺣﺠﻴﺖ ﺑﺪﺍﺧﻠﻲ
ﻭﺻﻠﺘﻬﻢ ﺍﻻﻃﺮﺍﻑ ﻭﻛﺘﻠﻪ ﻋﻤﻲ ﻣﻨﺎ ﻭﺗﻄﻠﻊ ﻻﻫﻠﻨﻪ ﺗﻨﺪﻝ ﻣﻮ .. ﻛﺎﻝ ﺍﻱ ﻧﺸﺎﻟﻠﻪ .. ﻛﺘﻠﻪ ﺍﻧﻲ ﺭﺍﺡ ﺍﺧﺎﺑﺮ ﻋﻤﻲ ﺷﺎﻛﺮ ﻳﺴﺘﻘﺒﻠﻚ .. ﻛﺎﻝ ﻣﺘﻘﺼﺮ
ﻋﻔﺘﻪ ﻭﺭﺟﻌﺖ ﻟﻠﻤﻘﺮ ﻣﺎﻟﺘﻲ .. ﺧﺎﺑﺮﺕ ﻋﻠﻰ ﺑﻴﺖ ﻋﻤﻲ ﺷﺎﻛﺮ ﻃﻠﻌﺘﻠﻲ ﺣﺮﻣﺘﻪ .. ﻛﺘﻠﻬﺎ ﻋﻤﻪ .. ﻋﻤﻲ ﻳﺎﺳﻴﻦ ﺟﺎﻳﻜﻢ ﺑﺎﻟﻄﺮﻳﻖ ﺧﺒﺮﻱ ﻋﻤﻲ ﻳﺴﺘﻘﺒﻠﻪ ..
ﻛﺎﻟﺖ ﺍﺑﺸﺮ .. ﺳﺪﻳﺘﻪ .. ﺑﻘﻴﺖ ﺑﺎﻟﻤﻘﺮ ﺍﻟﺨﻮﻑ ﻣﺎﻛﻠﻨﻪ .. ﺑﻠﻴﻞ ﺩﻛﺖ ﻏﺎﺭﻩ .. ﺷﻠﻨﻪ ﺳﻼﺣﻨﻪ ﻭﻋﺘﺎﺩﻧﻪ ﻭﻭﻛﻔﻨﻪ .. ﺑﺲ ﻣﺎ ﻧﻜﺪﺭ
ﻫﺠﻮﻣﻬﻢ ﺟﻮﻱ ﻭﺍﺣﻨﻪ ﻣﺎ ﻋﺪﻧﻪ ﺍﻻﻣﻜﺎﻧﻴﻪ ﺍﻟﻤﻮﺍﺟﻬﺘﻬﻢ .. ﻫﺬﺍ ﺍﻟﺤﺠﻲ ﺟﺎﻥ ﻳﻮﻡ 20/3/2003
ﺑﺪﺍ ﺍﻟﻘﺼﻒ ﻳﻀﺮﺏ ﻭﺍﻟﺼﻮﺕ ﻣﺮﻋﺐ .. ﺗﻜﺎﺩ ﺍﻟﻘﻠﻮﺏ ﺗﺼﻞ ﺍﻟﺤﻨﺎﺟﺮ .. ﻣﻦ ﺷﺪﺓ ﻫﻮﻝ ﺍﻟﻤﻮﻗﻒ .. ﺟﺎﻧﺖ ﺍﻟﻀﺒﺎﻁ ﺍﻟﻜﺒﺎﺭ ﻭﺍﻷﻟﻮﻳﻪ ﻳﺪﻋﻤﻮﻧﻪ ﻭﻳﺸﺠﻌﻮﻧﻪ ﺑﺎﻟﻤﺪﺡ ﻭﺍﻟﺸﻌﺎﺭﺍﺕ ﺍﻟﺤﺮﺑﻴﻪ
ﻛﻤﻨﺎ ﻋﻠﻤﻮﺩ ﻧﺸﺠﻊ ﺑﻌﺾ ﻧﻬﺘﻒ ..
ﻭﺗﻀﻠﻲ ﺩﻳﻤﺎ ﻓﻮﻙ .. ﻣﻨﺼﻮﺭﻩ ﻳﺎ ﺑﻐﺪﺍﺩ ..
ﻭﻧﺸﻮﻓﻚ ﺑﻌﺰ ﺩﻭﻡ .. ﻣﻨﺼﻮﺭﻩ ﻳﺎ ﺑﻐﺪﺍﺩ ..
ﻛﻤﻨﻪ ﻧﻬﺘﻒ ﻋﻠﻤﻮﺩ ﻧﺸﺠﻊ ﺍﻟﺠﻨﺪﻱ ﻭﺍﻟﺸﺮﻃﻲ ﺍﻟﺨﺎﻳﻒ ﺣﺘﻰ ﻟﻮ ﺟﺎﻧﻪ ﺍﻟﻤﻮﺕ ﻧﻤﻮﺕ ﺑﻌﺰﻡ ﻣﻮ ﺑﺨﻮﻑ
ﺍﺳﺘﻤﺮ ﺍﻟﻘﺼﻒ ﺳﺎﻋﺎﺕ ﻃﻮﻳﻠﻪ .. ﻳﻘﻄﻊ ﻭﻳﺮﺟﻊ . ﺑﻘﻴﻨﻪ ﺍﻳﺎﻡ ﺍﻧﻘﻄﻌﺖ ﺍﻟﺨﻄﻮﻁ ﺣﺘﻰ ﻣﺎ ﻛﺪﺭﺕ ﺍﺧﺎﺑﺮ ﺍﻫﻠﻲ ﻟﻮ ﺍﻃﻤﻨﻬﻢ ﻋﻠﻴﻪ .. ﺍﺩﺭﻱ ﻫﺴﻪ ﻛﻠﺐ ﺍﻣﻲ ﺍﻟﻨﺎﺭ
🔹🔸🥇🔹🔸
ﻛﻠﺒﻲ ﺿﻞ ﻳﻢ ﺍﻫﻠﻲ ﺗﻌﻠﻜﺖ ﺭﻭﺣﻲ ﺑﻴﻬﻢ .. ﻭﺍﻓﻜﺮ ﻟﻮ ﻣﺘﺖ ﻣﻨﻮ ﻟﺨﻮﺍﺗﻲ .. ﻛﻮﻩ ﻛﺪﺭﺕ ﺍﺧﺬ ﺍﻻﺫﻥ ﺑﺎﻻﺗﻔﺎﻕ ﻭﻳﻪ ﻋﻘﻴﺪ ..
ﻛﺎﻝ ﺍﻓﻠﺖ ﺗﺮﻩ ﺍﻟﻮﺿﻊ ﻣﻮ ﺯﻳﻦ ﻭﺍﻧﺘﻪ ﻣﻌﻴﻞ ﺍﻫﻠﻚ ﺿﻤﻀﻤﻮﻟﻲ .. ﻛﻮﻟﻮ ﺑﺄﻟﻒ ﻳﺎ ﺍﻟﻠﻪ ﻃﻠﻌﺖ ﺑﻐﺪﺍﺩ .. ﺍﺧﺬﺕ ﺳﻴﺎﺭﻩ ﻟﻠﻨﺎﺻﺮﻳﻪ ..
ﺍﻧﻮﺏ ﻧﺰﻟﺖ ﻟﻠﻜﺮﺍﺝ .. ﺍﺧﺬﺕ ﺳﻴﺎﺭﻩ ﻭﻟﺒﻴﺖ ﺍﻫﻠﻲ .. ﺩﻛﻴﺖ ﺍﻟﺒﺎﺏ .. ﺟﺎﻥ ﺍﺧﺘﻲ ﺗﺼﺮﺥ ﻭﺑﻘﺖ ﺗﺒﻮﺱ ﺑﻴﻪ .. ﻭﺗﻜﻮﻝ ﻭﺍﻟﻠﻪ ﻳﺎﺧﻮﻳﻪ ﻣﺘﻨﻪ ﺧﻮﻑ ﻋﻠﻴﻚ ﺣﺴﺒﺎﻟﻨﻪ ﻣﺘﺖ
ﺍﺟﺖ ﺍﻣﻲ ﺗﺒﺠﻲ ﻭﺗﺤﻈﻨﻲ .. ﻭﺗﻜﻠﻲ ﻳﻤﻪ ﻳﺎ ﺷﻤﻌﺔ ﺑﻴﺘﻲ ﻣﺎ ﻫﻮﺩﺕ ﻋﻴﻨﻲ ﻭﺩﻻﻟﻲ ﻳﺴﻌﺮ ﻧﺎﺭ ﻋﻠﻴﻚ .. ﺑﺴﺖ ﺍﻳﺪﻫﺎ ﻭﺭﺍﺳﻲ .. ﻛﺘﻠﻬﺎ ﺑﺨﻴﺮ ﻳﻤﻪ ﺑﺨﻴﺮ ﺑﺲ ﺍﺭﻳﺪ ﺍﺭﺗﺎﺡ
ﺍﺟﺖ ﺍﺧﺘﻲ ﺍﺣﻼﻡ ﻛﺎﻟﺖ ﺧﻮﻳﻪ ﺍﺳﺒﺢ ﻭﺍﻧﻪ ﺭﺍﺡ ﺍﺟﻴﺒﻠﻚ ﺍﻟﻤﻼﺑﺲ .. ﻋﺎﻳﻨﺖ ﻣﺮﺕ ﻋﻤﻲ ﻳﺎﺳﻴﻦ ﻭﺍﻛﻔﻪ .. ﻛﺘﻠﻬﺎ ﻫﺎ ﺷﻠﻮﻧﺞ ﻋﻤﻪ .. ﻛﺎﻝ ﻫﻼ ﻋﻤﻪ ﺑﺨﻴﺮ
ﻛﺘﻠﻬﺎ ﭼﺎ ﻋﻤﻲ ﻳﺎﺳﻴﻦ ﻭﻳﻨﻪ ﻣﺎ ﻫﻮﻩ .. ﻛﺎﻟﺖ ﻃﻠﻊ ﺭﺍﺡ ﻳﻢ ﻋﻤﺎﻣﻚ ﻳﺸﻮﻓﻬﻢ .. ﻛﺘﻠﻬﺎ ﺧﻴﺮ ﺍﻧﺸﺎﻟﻠﻪ
ﺍﺟﺖ ﺍﺣﻼﻡ ﻛﺎﻟﺖ ﺧﻮﻳﻪ ﺣﻈﺮﺕ ﻫﺪﻭﻣﻚ ﺑﺎﻟﺤﻤﺎﻡ ﻓﻮﺕ ﺍﺳﺒﺢ .. ﻛﺘﻠﻬﺎ ﻣﺸﻜﻮﺭﻩ ﺧﻮﻳﻪ .. ﻣﺸﻴﺖ ﻟﻠﺤﻤﺎﻡ
ﻋﺎﻳﻨﺖ ﻟﻐﺮﻓﺔ ﺟﻤﻴﻠﻪ ﺍﺧﺘﻲ .. ﻭﺣﺪﻩ ﻓﺎﺗﺤﻪ ﺍﻟﺸﺒﺎﻙ ﻭﻭﺍﻛﻔﻪ ﻭﻻﺑﺴﻪ ﺛﻮﺏ ﺷﻮﻳﻪ ﻧﺎﺯﻝ ﻋﻦ ﺭﻛﺒﺘﻬﺎ ..
ﺯﻣﺨﺖ .. ﻣﻨﻬﻲ ﻫﺎﻱ ﺍﻟﻔﺎﺗﺤﻪ ﺍﻟﺸﺒﺎﺝ ﺳﺪﻳﻪ .. ﺑﺼﻮﺕ ﻋﺎﻟﻲ .. ﺩﺍﺭﺕ ﻭﺟﻬﺎ .. ﺭﻓﻞ ﻛﺘﻠﻬﺎ ﻫﺎﻱ ﺍﻧﺘﻲ ..
ﺭﻓﻞ .. ﻻ ﺿﻠﻬﺎ ..
ﺣﺎﺭﺙ .. ﻣﻤﻨﻮﻉ ﺗﻔﺘﺤﻴﻦ ﺍﻟﺸﺒﺎﺝ ﻭﺗﻌﺎﻳﻨﻴﻦ ﻋﻴﺐ ﺍﻟﻨﺎﺱ ﺗﺸﻮﻑ ﻧﺴﻮﺍﻧﻪ ﺗﻌﺎﻳﻦ ﻟﻠﺸﺎﺭﻉ
ﺭﻓﻞ .. ﻣﺎ ﺭﺩﻳﺖ ﺩﺭﺕ ﻭﺟﻬﻲ ﻗﻔﻠﺖ ﺍﻟﺸﺒﺎﻙ ﻭﻛﻌﺪﺕ ..
ﻳﺎﺭﺑﻲ ﻣﺸﺘﺎﻗﻪ ﺍﻟـ ﻋﻤﺮ ﻭﺣﻴﻞ ﺧﺎﻳﻔﻪ ﻋﻠﻴﻪ .. ﺍﺣﺲ ﻫﻨﺎ ﺧﻨﻜﻪ ﺑﻨﻔﺴﻲ ﺍﺭﺟﻊ ﻟﺒﻐﺪﺍﺩ .. ﺷﻮﻛﺖ ﺗﺨﻠﺺ ﻫﻠﺤﺮﺏ .. ﺍﻭﻭﻭﻑ
ﺍﺟﺖ ﺍﻣﻲ ﻛﺎﻟﺖ ﻏﻴﺮﻱ ﻣﻼﺑﺴﺞ ﺍﺑﻦ ﻋﻤﺞ ﺣﺎﺭﺙ ﺍﺟﻪ .. ﻛﺘﻠﻬﺎ ﺍﻱ ﺷﻔﺘﻪ .. ﻛﺎﻟﺖ ﺍﻱ ﻏﻴﺮﻱ ﺛﻮﺑﺞ ﻋﻴﺐ ﺗﻤﺸﻴﻦ ﻫﻴﺞ ﻛﺪﺍﻣﻪ ﻭﻫﺬﺍ ﻗﺼﻴﺮ ﺗﺸﻮﻓﻴﻬﻦ .. ﻛﻠﻬﻦ ﻣﺴﺘﻮﺭﺍﺕ ﻭﻻﺑﺴﺎﺕ ﺩﺷﺎﺩﻳﺶ
ﻛﺘﻠﻬﺎ ﻣﺎﻣﺎ ﻭﺗﺮﺩﻳﻦ ﺍﻟﺒﺲ ﻣﺜﻠﻬﻦ .. ﻛﺎﻟﺖ ﻣﺪﺍﻡ ﻛﺎﻋﺪﻳﻦ ﻳﻤﻬﻢ ﺍﻱ … ﻻﺯﻡ ﻧﻤﺸﻲ ﻋﻠﻰ ﻋﺎﺩﺍﺗﻬﻢ ﺧﻮ ﻣﺎ ﻧﺤﺴﺴﻬﻢ ﺍﺣﻨﻪ ﺟﺎﻳﻴﻦ ﻣﻦ ﻏﻴﺮ ﻛﻮﻛﺐ
ﻛﺘﻠﻬﺎ ﻭﺍﻟﻠﻪ ﻭﻻ ﺍﻏﻴﺮ .. ﻛﺎﻟﺖ ﻻ ﺗﻌﺎﻧﺪﻳﻦ ﺗﺮﻩ ﺍﺗﻌﺎﻣﻞ ﻭﻳﺎﻙ ﻏﻴﺮ ﺷﻜﻞ ..
ﻛﺘﻠﻬﺎ ﺍﻭﻭﻭﻑ ﻫﺴﻪ .. ﻟﺒﺴﺖ ﻛﻠﺒﻴﻪ ﻛﻮﺩﺭﻱ ﺣﻤﺮﻩ ﻧﺺ ﺭﺩﻥ .. ﺍﺑﺎﻭﻉ ﺑﺎﻟﻤﺮﺍﻳﻪ ﺣﻠﻮﻩ ﻣﺎ ﺗﺘﻌﻴﺐ ..
ﻭﻛﻔﺖ ﻋﻠﻤﻐﺴﻠﻪ ﺩﺍ ﺍﻣﺸﻂ،ﺷﻌﺮﻱ ﻭﺍﻋﺪﻟﻪ .. ﺣﺎﺭﺙ ﻓﺘﺢ ﺑﺎﺏ ﺍﻟﺤﻤﺎﻡ .. ﻭﻛﺎﻝ ﺍﺣﻼﺍﺍﺍﺍﻡ ﺍﻟﺨﺎﻭﻟﻲ .. ﺑﺎﻭﻋﺖ ﺍﻟﺨﺎﻭﻟﻲ ﻛﺪﺍﻣﻲ ﻣﻌﻠﻚ
ﺟﺮﻳﺘﻪ .. ﻭﻣﺪﻳﺘﻠﻪ ﺍﻳﺪﻱ ﺍﻧﻄﻴﺘﻬﻴﺎﻩ .. ﻃﻠﻊ ﺭﺍﺳﻪ ﺷﺎﻓﻨﻲ ﺍﻧﻲ .. ﺍﺧﺬ ﺍﻟﺨﺎﻭﻟﻲ ﺑﺴﺮﻋﻪ ﻭﺳﺪ ﺍﻟﺒﺎﺏ ..
ﻟﻔﻴﺖ ﺷﻌﺮﻱ ﺑﺎﻟﻜﺘﺮ .. ﺩﺍ ﺍﻣﺸﻲ ﺍﻧﻔﺘﺢ ﺍﻟﺒﺎﺏ .. ﺩﺭﺕ ﻭﺟﻬﻲ .. ﻻﺑﺲ ﻓﺎﻧﻴﻠﻪ ﺩﺍﺧﻠﻴﻪ ﺳﻮﺩﻩ ﻭﺑﺠﺎﻣﻪ ﻭﺍﻟﺨﺎﻭﻟﻲ ﻋﻠﻰ ﺭﺍﺳﻪ ..
ﻛﺎﻝ ﺑﻼ ﺯﺣﻤﻪ ﻛﻮﻟﻲ ﻟﻮﺣﺪﻩ ﻣﻦ ﺧﻮﺍﺗﻲ ﺍﻻﻛﻞ ﺑﺴﺮﻋﻪ .. ﻫﺰﻳﺖ ﺭﺍﺳﻲ ﻭﻣﺸﻴﺖ .. ﺩﺧﻠﺖ ﺍﻟﻤﻄﺒﺦ
ﺑﺎﻭﻋﺖ ﺍﺣﻼﻡ ﻣﺠﻬﺰﻩ ﺍﻟﺼﻴﻨﻴﻪ ﻭﺍﺑﻨﻬﺎ ﻣﺠﻠﺐ ﺑﺮﺟﻠﻴﻬﺎ .. ﻛﺘﻠﻬﺎ ﺣﺎﺭﺙ ﻳﺮﻳﺪ ﺍﻻﻛﻞ ﺑﺴﺮﻋﺖ .. ﻛﺎﻟﺖ ﻓﺪﻭﻩ ﻭﺩﻱ ﺍﻟﺼﻴﻨﻴﻪ ﺍﻟﻪ .. ﻫﺬﺍ ﺍﻟﻔﺮﺥ ﺧﺒﺼﻨﻲ ﺧﻞ ﺍﺭﺿﻌﻪ
ﺷﺎﻟﺖ ﺍﻟﺼﻴﻨﻴﻪ ﻭﺧﻠﺘﻬﺎ ﺑﺄﻳﺪﻱ .. ﻟﻮﻭﻭﻭ ﺍﻣﻮﺕ ﻫﻢ ﺍﻭﺩﻳﻠﻪ ﺍﻟﺼﻴﻨﻴﻪ .. ﻃﻠﻌﺖ ﻟﻜﻴﺖ ﺟﻤﻴﻠﻪ ﻛﺘﻠﻬﺎ ﺟﻤﻴﻠﻪ ﻭﺩﻱ ﺍﻻﻛﻞ ﻟﺤﺎﺭﺙ
ﻛﺎﻝ ﻫﺬﺍ ﻛﺎﻋﺪ ﺑﻐﺮﻓﺘﻪ ﻭﺩﻱ ﻻ ﺗﺴﺘﺤﻴﻦ .. ﻭﻋﺎﻓﺘﻨﻲ ﻭﻣﺸﺖ .. ﺍﻧﻮﺏ ﻫﻮﻩ ﺻﺮﺥ ﻳﻤﻌﻮﺩﺍﺍﺍﺕ ﺍﻻﻛﻞ ﺧﻞ ﺍﺗﺰﻗﻨﺒﻠﻲ ﻟﻜﻤﻪ ﻭﺍﻧﻬﻤﺪ ﺗﻌﺒﺎﺍﺍﺍﺍﺍﺍﻥ ..
ﻳﺎ ﺍﻟﻠﻪ ﺷﻠﻮﻥ ﺍﻓﻮﺕ ﻋﻠﻴﻪ .. ﻃﻠﻌﺖ ﺍﺧﺘﻪ ﺭﺳﺎﻟﻪ ﻛﺎﻟﺖ ﻳﺎﺍﺍﺍ ﺻﺪﻙ ﺟﺬﺏ ﺩﻭﺩﻳﻠﻪ ﺍﻻﻛﻞ ﻭﺍﻛﻔﻪ ﻣﺒﺴﻤﺮﻩ ﺷﺒﻴﺞ ﺍﻟﺮﺟﺎﻝ ﺑﺼﻴﺢ ﻣﺎﺕ ﻣﻦ ﺍﻟﺠﻮﻭﻭﻭﻉ ﺍﻣﺸﻲ ﺗﺤﺮﻛﻲ
ﻛﺘﻠﻬﺎ ﺍﻱ ﺍﻧﺸﺎﻟﻠﻪ .. ﺩﺧﻠﺖ ﺟﺎﻥ ﻛﺎﻋﺪ ﻣﺮﺑﻊ ﻭﻓﺎﺗﺢ ﺍﻟﺘﻠﻔﺰﻳﻮﻥ ﺍﺧﺒﺎﺭ .. ﺍﻭﻝ ﻣﺪﺧﻠﺖ ﺻﺎﺡ ﺷﻨﻬﻲ ﺍﻟﺴﺎﻟﻔﻪ ﺍﻛﻞ ﺳﺎﻋﻪ ..
ﺩﺍﺭ ﻭﺟﻬﺎ ﻟﻜﺎﻧﻲ ﻛﺒﺎﻟﻪ .. ﻛﺎﻝ ﻫﺎﺍ ﺷﻨﻬﻲ ﻣﺎﻛﻮ ﻏﻴﺮﺝ ﺗﺠﻴﺒﻪ .. ﻛﺘﻠﻪ ﻣﺘﺮﻳﺪ .. ﻛﺎﻝ ﻫﺪﻱ ﺍﻻﻛﻞ ﻫﻨﺎ ..
ﻛﻤﺖ ﺩﺍ ﺍﺭﻳﺪ ﺍﻃﻠﻊ ﺷﻔﺖ ﺍﻟﺘﻠﻔﺰﻳﻮﻥ ﺍﻟﺠﺎﻣﻊ ﺍﻟﻘﺮﻳﺐ ﻣﻦ ﻣﺪﺭﺳﺘﻨﻪ ﻗﺎﺻﻔﻴﻪ ﻭﻣﺘﻬﺪﻡ .. ﺻﺤﺖ ﻳﺎﺍﺍﺍ ﻋﺰﺍ ﻫﺬﺍ ﺍﻟﺠﺎﻣﻊ ﻳﻢ ﺑﻴﺘﻨﺎ
ﺗﻘﺮﺑﺖ ﻟﻠﺘﻠﻔﺰﻳﻮﻥ ﺍﺑﺎﻭﻉ ﻳﺎ ﺍﻟﻠﻪ ﺷﻠﻮﻥ ﺿﻠﻢ ﺑﺲ ﻻ ﺑﻴﺘﻨﻪ ﺭﺍﺡ .. ﺷﻮﻭﻭﻥ ﺍﻟﻠﻪ ..
ﺣﺎﺭﺙ .. ﻋﻴﻨﻲ ﺍﻡ ﺍﺷﻮﻭﻭﻥ ﺍﻟﻠﻪ ﻣﻴﻠﻲ ﻫﻨﺎﻙ ﺧﻞ ﻧﻌﺎﻳﻦ .. ﻭﺍﻛﻔﻪ ﻛﺒﺎﻝ ﺍﻟﺘﻠﻔﺰﻳﻮﻥ .. ﺷﻤﻌﺔ ﻓﻜﺮ
ﺭﻓﻞ .. ﺩﺭﺗﻠﻪ ﻭﺟﻬﻲ .. ﻛﺘﻠﻪ ﻟﻴﺶ ﺗﻐﻠﻂ ..
ﺣﺎﺭﺙ .. ﻣﻨﻮ ﻳﻤﺞ .. ﺍﻧﻪ ﺍﻗﺼﺪ ﻋﻠﻰ ﺍﻟﻮﺍﻛﻔﻪ ﻛﺒﺎﻝ ﺍﻟﺘﻠﻔﺰﻳﻮﻥ ﻫﻪ .. ﻭﺩﻧﻜﺖ ﺍﻛﻞ ﻣﺒﺘﺴﻢ ..
ﺭﻓﻞ .. ﻣﻠﻴﻖ ..
ﺣﺎﺭﺙ .. ﺍﻭﻝ ﺧﺎﺷﻮﻛﺔ ﺗﻤﻦ ﺧﻠﻴﺘﻬﺎ ﺑﺤﻠﻜﻲ .. ﻭﻛﺎﻟﺖ ﻣﻠﻴﻖ .. ﺿﺮﺑﺖ ﺍﻟﺨﺎﺷﻮﻛﻪ ﺑﺎﻟﺼﻴﻨﻴﻪ .. ﻛﺘﻠﻬﺎ ﺫﻛﺮﻳﻨﻲ ﺑﻴﻬﺎ ﺷﻨﻬﺎﻱ ﻣﻠﻴﻖ
ﺭﻓﻞ .. ﺩﺭﺗﻠﻪ ﻭﺟﻬﻲ ﻫﻴﺞ .. 😏 ﻭﺭﺩﺕ ﺍﻃﻠﻊ ..
ﻛﺎﻝ ﺟﻴﺒﻴﻠﻲ ﺍﻟﺨﺎﺷﻮﻛﻪ ﻃﻔﺮﺕ ﻫﻨﺎﻙ .. ﻛﺘﻠﻪ ﻛﻮﻡ ﺟﻴﺒﻬﺎ ﺍﻧﺘﻪ .. ﻛﺎﻝ .. ﻣﻮ ﺿﻴﻔﻪ ﺍﺑﻴﺘﻲ ﻣﺎ ﺍﺭﻳﺪ ﺍﻫﻴﻨﺞ .. ﺟﻴﺒﻴﻬﺎ
ﻣﺪﻳﺖ ﻭﺟﺒﺘﻠﻪ ﺍﻟﺨﺎﺷﻮﻛﻪ .. ﺍﺧﺬ ﺍﻟﺨﺎﺷﻮﻛﻪ ﻭﻟﺰﻡ ﺍﻳﺪﻱ ﻭﻳﺒﺎﻭﻉ ﻟﻌﻴﻮﻧﻲ .. ﻛﺎﻝ ﻟﻴﺶ ﺗﻜﻠﻴﻠﻲ ﻣﻠﻴﻖ ..
ﻛﺘﻠﻪ ﺍﺣﺴﻦ ﻭﺍﺑﺘﺴﻤﺖ .. ﻭﺍﺟﺮ ﺑﺄﻳﺪﻱ ﻣﻨﻪ ﺧﺮﺭﺭﺏ ﺷﺒﻴﻪ ﻓﻄﻴﺮﻩ ﻭﺿﺤﻜﺖ .. ﺍﺭﻳﺪ ﺍﻏﻴﺮ ﺍﻻﺑﺘﺴﺎﻣﻪ ﻭﻫﻮﻩ ﻻﺯﻡ ﺍﻳﺪﻱ ﻭﻣﺒﺘﺴﻢ ﻭﻳﻜﻠﻲ ﺍﻧﻪ ﻣﻠﻴﻖ
ﻛﺘﻠﻪ ﺍﻱ ﻭﻫﺬﺍ ﺩﻟﻴﻞ .. ﻭﺧﺮ ﺍﻳﻴﻴﻴﻴﻴﻴﺪﻙ .. ﻛﺎﻝ ﻣﻨﻮ ﻫﺬﺍ ﻋﻤﺮ .. ﺩﺍ ﺍﻭﺧﺮ ﺑﺄﻳﺪﻩ ﻛﺎﻝ ﻋﻤﺮ ﺷﻠﺖ ﺭﺍﺳﻲ ﺑﺴﺮﻋﻪ ﻭﻓﺘﺤﺖ ﻋﻴﻮﻧﻲ ﻭﻛﻠﺖ ﺷﻠﻮﻭﻭﻥ ...
🌺🌺🌺🌺
ﺣﺎﺭﺙ .. ﻋﻤﺮ ﺍﺑﻦ ﺍﻻﺳﺘﺎﺫ ﺣﺴﻦ ﺷﻌﻨﺪﺝ ﻭﻳﺎﻩ
ﺭﻓﻞ .. ﻡ ﻡ ﻣﻤﺎ ﻣﺎ ﺍﻋﺮﻑ ﻣﺎ ﺍﻋﺮﻓﻪ
ﺣﺎﺭﺙ .. ﻣﺒﻴﻦ ﻣﻦ ﺍﻟﻤﺌﻤﺌﻪ ﻣﺎﻟﺘﺞ ﻣﺘﻌﺮﻓﻴﻪ .. ﺍﺑﺎﻟﺞ ﻫﺴﻪ ﺗﻜﻮﻟﻴﻦ ﻫﺬﺍ ﻣﻨﻴﻦ ﻳﻌﺮﻓﻪ ..
ﻭﺍﻧﻲ ﺍﻛﻮﻟﺞ ﺍﻟﻨﻤﻠﻪ ﺍﻟﻠﻲ ﺗﻤﺮ ﻣﻦ ﺟﻮﺍﻱ ﺍﻋﺮﻑ ﺷﺘﺴﻮﻱ .. ﻓﻼ ﺗﺘﻮﻗﻌﻴﻦ ﺍﻧﻲ ﺑﺎﻟﻨﺎﺻﺮﻳﻪ ﻭﺍﻧﺘﻲ ﺍﺑﻐﺪﺍﺩ ﻣﺎ ﺍﻋﺮﻑ ﺍﻧﺘﻲ ﺷﺘﺴﻮﻳﻦ ﻟﻮ ﺷﻤﺨﺮﺑﻄﻪ
ﺫﻳﺞ ﺍﻟﻤﺮﻩ ﻣﻦ ﺳﻤﻌﺘﺞ ﺗﺤﺠﻴﻦ ﻭﻳﻪ ﻭﻟﺪ .. ﺍﺧﺬﺕ ﺍﻟﺮﻗﻢ ﺍﻟﻠﻲ ﺗﺘﺼﻠﻴﻦ ﻣﻨﻪ .. ﻭﻭﺩﻳﺘﻪ ﻟﺸﺨﺺ ﺻﺪﻳﻖ ﻋﺮﻓﻠﻲ ﺻﺎﺣﺐ ﻫﺬﺍ ﺍﻟﺮﻗﻢ
ﺑﺤﺜﺖ ﻋﻦ ﺻﺎﺣﺒﻪ .. ﻃﻠﻊ ﺍﺳﻤﻪ ﺣﺴﻦ ﺻﺎﺩﻕ ﺍﺳﺘﺎﺫ ﺟﺎﻣﻌﻲ .. ﻋﻤﺮﻩ ﻳﺘﻌﺪﻯ ﺍﻝ 50 ﺳﻨﻪ .. ﻓﺒﺤﺜﺖ ﻋﻦ ﻋﺎﺋﻠﺘﻪ ﻭﻋﺮﻓﺘﻬﻢ
ﻟﻜﻴﺖ ﺍﺑﻨﻪ ﺍﻟﺠﺒﻴﺮ ﺍﺳﻤﻪ ﻋﻤﺮ .. ﺗﺎﻧﻴﺖ ﺑﻠﻴﻞ ﺍﻟﺴﺎﻋﻪ 1 ﺍﺗﺼﻠﺖ ﻋﻠﻰ ﻫﺬﺍ ﺍﻟﺨﻂ .. ﻃﻠﻌﻠﻲ ﺍﻟﻮﻟﺪ .. ﻋﺮﻓﺘﻪ ﻧﻔﺲ ﺍﻟﺼﻮﺕ ﺍﻟﻠﻲ ﺍﻧﺘﻲ ﺟﻨﺘﻲ ﺗﺤﺠﻴﻦ ﻭﻳﺎﻩ
ﺭﻓﻞ .. ﻣﺤﺎﺟﻴﻪ ﻭﻳﺎﻩ ..
ﺣﺎﺭﺙ .. ﺑﺎﻋﻲ ﺟﺬﺑﻲ ﻋﻠﻜﻞ ﺑﺲ ﻋﻠﺸﺮﻃﻪ ﻭﻭﺍﺣﺪ ﻣﺜﻠﻲ ﺑﺎﻟﺬﺍﺕ ﻣﺘﻜﺪﺭﻳﻦ ﺍﻋﺮﻑ ﺍﻟﺠﺬﺏ ﻣﻦ ﻋﻴﻮﻧﺞ .. ﻣﻨﻮ ﻫﺎﺫ
ﺭﻓﻞ .. ﻛﻌﺪﺕ ﻳﻤﻪ .. ﻛﺘﻠﻪ ﺷﺮﺍﻳﺪ ﻣﻨﻲ .. ﺍﻧﺘﻪ ﻣﻮ ﺧﺎﻃﺐ .. ﺍﺗﺮﻛﻨﻲ ﺑﺤﺎﻟﻲ ﺣﺮﺍﻡ ﻋﻠﻴﻚ .. ﺍﻧﻲ ﻣﺎ ﺍﺭﻳﺪﻙ ﻭﻻ ﺣﺎﺑﻪ ﺍﻋﻴﺶ ﻭﻳﺎﻛﻢ
ﺣﺎﺭﺙ .. ﺳﺌﻠﺖ ﺳﺆﺍﻝ ﻻ ﺗﺘﻬﺮﺑﻴﻦ ﻣﻨﻪ ﻭﻃﻠﻌﻴﻠﻲ ﺩﻣﻮﻋﺞ .. ﻟﺰﻣﺘﻬﺎ ﻣﻦ ﺍﻳﺪﻫﺎ .. ﻛﺘﻠﻬﺎ ﺍﻧﺘﻲ ﺑﺖ ﻋﻤﻲ .. ﻳﻌﻨﻲ ﻋﺮﺿﻲ .. ﺷﻠﻮﻥ ﺍﻗﺒﻠﻬﺎ ﻋﺮﺿﻲ ﻳﻠﻌﺐ ﻭﺑﻤﺮﺡ ﺑﻜﻴﻔﻪ ..
ﺭﻓﻞ .. ﺷﻨﻮ ﺍﻧﺘﻪ ﻣﺘﻠﻌﺐ ﻣﺘﻤﺮﺡ ﺑﻜﻴﻔﻚ ﻋﻠﻴﻚ ﺣﻼﻝ ﻭﻋﻠﻴﻪ ﺣﺮﺍﻡ ..
ﺣﺎﺭﺙ .. ﻭﻟﺞ ﺍﻧﻪ ﺭﺟﺎﻝ ﻣﺎ ﺍﻧﻌﺎﺏ ﻟﻮ ﻟﻌﺒﺖ ﻭﺳﺮﺣﺖ ﻭﻣﺮﺣﺖ ﻣﺮﺍﺡ ﺍﺣﺪ ﻳﻜﻠﻲ ﻏﻠﻄﺖ .. ﻣﺎ ﺍﻧﻜﺴﺮ ﻭﻻ ﺗﺘﺸﻮﻩ ﺳﻤﻌﺘﻲ
ﺑﺲ ﺍﻧﺘﻪ ﺣﺮﻣﻪ ﺑﺖ ﺗﻌﺮﻓﻴﻦ ﺷﻨﻮ ﺑﺖ ﻣﺜﻞ ﺍﻟﺠﺎﻣﻪ .. ﺍﺫﺍ ﺍﻧﻜﺴﺮﺕ ﻟﻮ ﺗﺮﻛﻌﻴﻦ ﺭﺍﺳﺞ ﺑﺄﻟﻒ ﺣﺎﻳﻂ ﻣﻴﺘﺼﻠﺢ ﻭﻻ ﻳﺮﺟﻊ ..
ﺩﺍ ﺍﺣﺠﻲ ﻭﺩﺧﻠﻮ ﺟﻬﺎﻝ ﺍﺧﺘﻲ ﺯﻣﺨﺖ ﺍﻃﻠﻌﻮ ﺑﺮﺍﺍﺍ .. ﻃﻠﻌﻮ .. ﻛﺘﻠﻬﺎ ﺑﺎﻋﻴﻠﻲ ﺗﻤﺸﻴﻦ ﻋﺪﻝ ﻭﺗﺠﺮﻳﻦ ﻻ ﻭﺍﻟﻌﺒﺎﺱ ﺍﺑﻮ ﻓﺎﺿﻞ ﻛﺘﻠﺞ ﻳﺼﻴﺮ ﻋﻠﻰ ﺍﻳﺪﻱ
ﺭﻓﻞ .. ﺍﻧﺘﻪ ﺷﻌﻠﻴﻚ .. ﻣﻮ ﻋﺎﻳﺶ ﺣﻴﺎﺗﻚ ﻣﺜﻞ ﻣﺘﺮﻳﺪ ﻭﺗﺘﺰﻭﺝ .. ﻓﻚ ﻧﻬﻮﺗﻚ ﻋﻨﻲ ﻭﺧﻞ ﺍﺗﺰﻭﺝ ﺍﻟﻠﻲ ﺍﺭﻳﺪﻩ ﻣﺜﻞ ﻣﺎ ﺍﻧﺘﻪ ﺗﺘﺰﻭﺝ ﻭﺗﺘﻬﻨﻪ ﻣﻦ ﻏﻴﺮﻱ
ﺣﺎﺭﺙ .. ﻭﻟﺞ ﺍﻧﺘﻲ ﺷﻠﻮﻥ ﺻﻠﻔﻪ .. ﺷﻠﻮﻥ ﺗﺤﺠﻴﻦ ﻫﻴﺞ ﻛﺪﺍﻣﻲ .. ﺍﺗﺰﻭﺝ ﺍﻻﺭﻳﺪﻩ .. ﺍﻧﺘﻲ ﻣﺎ ﻣﻔﺮﻭﻙ ﺣﻠﻜﺞ ﻛﺒﻞ .. ﺗﺤﺠﻴﻬﺎ ﻛﺒﺎﻟﻲ ﺍﺗﺰﻭﺝ ﺍﻻﺭﻳﺪﻩ
ﻧﻬﻮﺗﻲ ﻣﺎ ﺗﻮﻛﻊ ﻣﻨﺞ ﻭﺍﻟﻠﻪ .. ﺷﺮﻭﻙ ﻭﻗﺎﻓﻞ ﻋﻠﻘﻀﻴﻪ .. ﻭﺳﺌﻠﻲ ﻋﻠﻰ ﻋﺸﻚ ﺍﻟﺸﺮﻭﻙ .. ﻣﺎ ﺍﻋﻮﻑ ﺍﻟﻠﻲ ﺍﻟﻲ ﻟﺤﺪ ﻣﻮﺗﻲ
ﺭﻓﻞ .. ﻫﻬﻪ ﻋﺸﻚ .. ﻟﻴﺶ ﺍﻧﺘﻪ ﺗﻌﺮﻑ ﺗﻌﺸﻚ .. ﺍﻧﺘﻪ ﻣﺎ ﻋﻨﺪﻙ ﻏﻴﺮ ﺗﺄﻣﺮ ﻭﺗﺼﻴﺢ ﻭﻳﺠﻴﻚ ﻛﻮﻟﺸﻲ ﻋﻠﺠﺎﻫﺰ ﻭﺍﻟﻤﺮﻩ ﻻﺯﻡ ﺗﺼﻴﺮﻟﻚ ﺧﺪﺍﻣﻪ ..
🔹🔸🥇🔹🔸
ﻣﺜﻞ ﻣﺼﺎﺭﺕ ﺑﻴﺒﻲ ﺧﺪﺍﻣﻪ ﻋﻨﺪ ﺟﺪﻭ ..
ﺣﺎﺭﺙ .. ﻫﻨﺎ ﺍﻟﺤﺠﻲ ﺗﺮﺑﺎﺕ ﺣﺒﻮﺑﺘﺞ .. ﻭﻟﺞ ﻣﺎ ﻛﺎﻟﺘﻠﺞ ﺟﺪﻱ ﻛﺴﺮ ﻛﻠﻤﺔ ﺍﺑﻮﻩ ﻋﻠﻤﻮﺩﻫﺎ .. ﻣﻜﺎﻟﺘﻠﺞ ﻫﺠﺮ ﻧﺴﻮﺍﻧﻪ ﻋﻠﻤﻮﺩﻫﺎ .. ﺑﺲ ﻫﻴﻪ ﺭﺍﺩﺕ ﺗﺨﺰﻳﻪ ﻛﺒﺎﻝ ﺍﻟﻌﺸﺎﻳﺮ ﻭﺗﻜﺴﺮ ﻛﻠﻤﺘﻪ
ﻭﺍﺣﻨﻪ ﻋﺪﻧﻪ ﻛﻠﻤﺘﻨﻪ ﺍﻏﻠﻰ ﻣﻦ ﺩﻣﻨﻪ .. ﻳﻨﻬﺪﺭ ﺩﻣﻨﺎ ﻭﻻ ﺗﻨﻜﺴﺮ ﻛﻠﻤﺘﻨﻪ .. ﻭﺍﻧﺘﻲ ﻣﺜﻞ ﺣﺒﻮﺑﺘﺞ .. ﻣﺎ ﻋﻨﺪﺝ ﺍﺣﺘﺮﺍﻡ ﻭﺗﻘﺪﻳﺮ ﻟﻌﺎﺩﺍﺗﻨﻪ ﻭﺍﻟﻌﺸﺎﻳﺮﻧﻪ ﻭﺍﻫﻠﻨﻪ ..
ﺩﻧﺤﺠﻲ ﻭﻃﺒﺖ ﻓﺎﻃﻤﻪ ﺧﻄﻴﺒﺘﻲ .. ﻛﺎﻣﺖ ﺭﻓﻞ ﺑﺴﺮﻋﻪ .. ﺍﺟﺖ ﺳﻠﻤﺖ ﻋﻠﻲ ﻭﺗﺒﺎﻭﻉ ﻟﺮﻓﻞ .. ﻭﺍﺟﻮ ﺍﻫﻠﻬﺎ ﺳﻠﻤﻮ ﻋﻠﻴﻪ ..
ﻭﻛﻌﺪﻥ .. ﺍﻧﻲ ﺭﺟﻌﺖ ﺍﻛﻞ .. ﻛﻌﺪﺕ ﻓﺎﻃﻤﻪ ﻭﺧﻮﺍﺗﻲ ﻭﺧﻮﺍﺗﻬﺎ ﻳﺴﻮﻟﻔﻦ ﻳﻤﻲ .. ﻛﻤﻠﺖ ﺍﻻﻛﻞ .. ﻛﺘﻠﻬﺎ ﺭﺳﺎﻟﻪ ﺷﻴﻠﻲ ﺍﻟﺼﻴﻨﻴﻪ .. ﻛﺎﻟﺖ ﺍﻱ ..
ﺍﺟﺖ ﻳﻤﻲ ﻓﺎﻃﻤﻪ .. ﻛﺎﻟﺖ ﺍﺷﺘﺎﻗﻴﺘﻠﻚ .. ﻛﺘﻠﻬﺎ ﺷﻜﺮﺍ .. ﻛﺎﻟﺖ ﺷﺒﻴﻚ ﺷﻨﻬﻲ ﺍﻟﻴﺎﺫﻳﻚ .. ﻛﺘﻠﻪ ﻣﺎﻛﻮ ﺷﻲ ﺑﺲ ﺗﻌﺒﺎﻥ ﻣﺼﺎﺭ ﺳﺎﻋﻪ ﻣﻦ ﺍﺟﻴﺖ ..
ﺧﻠﻴﺖ ﺍﻟﻤﺨﺪﻩ ﻭﺗﻤﺪﺩﺕ .. ﺩﺧﻠﺖ ﺭﻓﻞ .. ﺟﺎﻳﺒﻪ ﺍﻟﻤﻲ ﺍﻟﻬﻦ .. ﺻﺒﺖ ﻭﺍﻧﻄﺘﻬﻦ .. ﻣﺮﺕ ﺧﺎﻟﻲ ﻛﺎﻟﺖ ﻣﻨﻮ ﻫﺎﻱ ﺍﻟﺤﻠﻮﻩ
ﻣﺮﺕ ﻋﻤﻲ ﻳﺎﺳﻴﻦ ﻛﺎﻟﺘﻠﻬﺎ ﻫﺎﻱ ﺭﻓﻞ ﺑﻨﺘﻲ ﺍﻟﺠﺒﻴﺮﻩ .. ﻛﺎﻟﺘﻠﻬﺎ ﻓﺪﻭﻩ ﻟﻠﻪ .. ﺍﻧﺮﻳﺪ ﻣﺮﻩ ﻟﻤﺤﻤﺪ ﺍﺑﻨﻪ ﻣﺎ ﺗﻨﻄﻮﻧﻴﺎﻫﺎ ..
ﺭﺳﺎﻟﻪ ﻛﺎﻟﺘﻠﻬﺎ ﺧﺎﺍﺍﺍﺍﻟﻪ .. ﻭﺍﺷﺮﺗﻠﻬﺎ ﻋﻠﻴﻪ .. ﻛﺎﻟﻨﻠﻬﺎ ﺭﻓﻞ ﻧﻔﺴﻬﺎ ﺍﻟﻠﻲ ﻧﻬﻰ ﻋﻠﻴﻬﺎ ﺣﺎﺭﺙ .. ﻛﺎﻟﺖ ﻳﺎﺍﺍﺍﺍ ﻭﺍﻟﻠﻪ ﻣﺎ ﺍﺩﺭﻱ ﺍﻟﺴﻤﻮﺣﻪ
ﺭﻓﻌﺖ ﺭﺍﺳﻲ .. ﻛﺘﻠﻬﻢ ﺍﻟﺒﻴﺖ ﺷﻜﺒﺮﻩ ﻣﺎ ﺍﻟﺘﻤﻴﺘﻮ ﺍﻻ ﻳﻢ ﺭﻟﺴﻲ .. ﺗﻌﺒﺎﻥ ﻭﺍﻟﻠﻪ ﻳﻤﻌﻮﺩﻳﻦ .. ﻛﺎﻟﻦ ﺍﻱ ﻭﺍﻟﻠﻪ ﺣﻘﻚ
ﻛﺎﻣﻦ ﻣﻨﻲ .. ﻭﺭﺩﻥ ﺍﻟﺒﺎﺏ ﻭﺭﺍﻫﻦ .. ﺑﺎﻭﻋﺖ ﻋﻼﺧﺒﺎﺭ ﻭﺷﻮﺷﺖ ﺍﻟﻘﻨﺎﺓ ﻋﺮﻓﺖ ﺍﻧﻀﺮﺑﺖ .. ﻏﻔﻴﺖ .. ﻟﻠﻌﺼﺮ .. ﻛﻌﺪﺕ ..
ﺑﺪﻟﺖ ﻣﻼﺑﺴﻲ .. ﻭﻃﻠﻌﺖ ﻟﻜﻴﺖ ﻋﻤﻲ ﻳﺎﺳﻴﻦ ﺟﺎﻱ .. ﺳﻠﻤﺖ ﻋﻠﻴﻪ ﻭﻛﻌﺪﻧﻪ ﻧﺴﻮﻟﻒ .. ﻭﻭﺻﻴﻨﻪ ﻋﻠﻰ ﭼﺎﻱ ﻭﺷﺮﺑﻨﻪ ..
ﻃﻔﺖ ﺍﻟﻜﻬﺮﺑﺎﺀ ﻭﺍﺣﻨﻪ ﺟﺎﻱ ﻧﺤﺠﻲ .. ﺻﺤﺖ ﻋﻠﻴﻬﻦ .. ﺣﻈﺮﻥ ﺍﺍﻻﻻﺕ ﻭﺍﻟﻔﻮﺍﻧﻴﺲ ﻭﺍﻟﻨﻔﻂ ﺗﺮﻩ ﺑﻌﺪ ﻣﺎﻛﻮ ﻛﻬﺮﺑﺎﺀ
ﺍﺧﺬﺕ ﻋﻤﻲ ﻭﺭﺣﺖ ﻓﺮﻳﺖ ﻋﻠﺴﻠﻒ ﺳﻠﻤﺖ ﻋﻠﻴﻬﻢ ﻭﺯﺭﺗﻬﻢ ﻭﺷﻔﺖ ﺷﻜﻮ ﻣﺎﻛﻮ ﻭﺭﺟﻌﻨﻪ ﺑﻠﻴﻞ .. ﻟﻜﻴﺖ ﺍﻟﺒﻴﺖ ﺿﻠﻤﻪ
ﻭﺍﻟﻨﺴﻮﺍﻥ ﻓﺎﺭﺷﻪ ﺑﺎﻟﺤﻮﺵ ﻭﻣﺨﻠﻴﺎﺕ ﺍﻟﻔﻮﺍﻧﻴﺲ ﻭﻛﺎﻋﺪﺍﺕ ﻳﺜﺮﺩﻥ ﺣﺠﻲ .. ﻛﺘﻠﻬﻢ ﻫﺎﺍﺍﺍ ﺍﻟﻴﻮﻡ ﻳﻜﺘﻠﻜﻢ ﺍﻟﺤﺮ
ﺍﻣﻲ ﻛﺎﻟﺖ ﻳﻤﻪ ﺳﻬﻠﻪ ﺍﻟﺤﺮ ﺍﻟﻠﻪ ﻳﻨﻄﻲ ﺍﻟﻨﺎﺱ ﺍﻟﻠﻲ ﺗﻬﺪﻣﺖ ﺑﻴﻮﺗﻬﺎ ﻭﺍﻟﻠﻲ ﺭﺍﺣﺖ ﺷﺒﺎﺑﻬﺎ ﺍﻟﻴﻮﻡ .. ﺍﻟﻠﻪ ﻻ ﻳﻨﻄﻴﻚ ﺑﻮﺵ ﻛﺘﻠﺖ ﻭﻟﻴﺪﺍﺗﻨﺎ ..
ﻛﺘﻠﻬﺎ ﺍﻧﺸﺎﻟﻠﻪ ﺣﺠﻴﻪ ﻣﻨﺼﻮﺭﻳﻦ ﺑﺄﺫﻥ ﺍﻟﻠﻪ .. ﻛﻌﺪﻧﻪ ﺍﻧﻲ ﻭﻋﻤﻲ ﻭﻳﺎﻫﻦ .. ﻭﺑﻘﻴﻨﻪ ﻧﺤﺠﻲ ﻭﻧﺘﺬﻛﺮ ﺍﺟﺪﺍﺩﻧﻪ ﻭﺍﻣﻲ ﺗﺴﻮﻟﻔﻨﻪ ﻋﻠﻴﻬﻢ ..
ﻭﻛﻞ ﻭﺍﺣﺪ ﻳﺤﺠﻲ ﺳﺎﻟﻔﻪ .. ﻟﻤﻪ ﺣﻠﻮﻩ ﻟﺸﻮﻱ ﻛﻌﺪﺕ ﻭﺣﺪﻩ ﻳﻤﻲ .. ﻭﺗﺠﺖ ﺍﻳﺪﻫﺎ ﻋﻠﻰ ﺭﺟﻠﻲ .. ﻋﺎﻳﻨﺖ .. ﻓﺎﻃﻤﻪ
ﺣﻀﻨﺘﻬﺎ .. ﻛﺘﻠﻬﺎ ﻫﺎﺍﺍ ﺍﺷﺘﺎﻗﻴﺘﻲ ﻭﺿﺤﻜﺖ .. ﻛﺎﻟﺖ ﻭﺧﺮ ﺍﻳﺪﻙ ﻣﻨﺎ ﺍﻣﻲ .. ﻛﺘﻠﻬﺎ ﺟﺎ ﻏﻴﺮ ﻣﺮﺗﻲ ﻫﻬﻬﻪ .. ﻛﺎﻟﺖ ﺷﻌﻨﺪﻙ ﻭﻳﻪ ﺭﻓﻞ ﺍﻟﻀﻬﺮ ﺟﻨﺖ ﺗﺤﺠﻲ ﻭﻳﺎﻫﻪ
ﻛﺘﻠﻬﺎ .. ﻫﻴﺞ ﺣﺠﻲ .. ﻛﺎﻟﺖ ﺷﻨﻬﻮﻩ .. ﻛﺘﻠﻬﺎ ﻣﻴﺨﺼﺞ .. ﺩﺍﺭﺕ ﻭﺟﻬﺎ ﻣﻐﻨﺘﺒﻪ .. ﻛﺘﻠﻬﺎ ﺑﺎﻋﻲ .. ﺭﻓﻞ ﺑﺖ ﻋﻤﻲ ﻭﺣﺎﺟﺰﻫﺎ ﺍﻟﻲ ﺍﻟﻴﻮﻡ ﺑﺎﺟﺮ ﺍﺗﺰﻭﺟﻬﺎ .. ﺣﻲ ﻋﻞ ﺍﻟﺼﻼﻩ
🔹🔸🥇🔹🔸
ﺗﺘﻘﺒﻠﻴﻦ ﻭﺗﻜﺪﺭﻳﻦ ﺗﺘﺤﻤﻠﻴﻦ ﺑﻜﻴﻔﺞ .. ﻣﺘﺘﺤﻤﻠﻴﻦ .. ﺑﺮﺍﺣﺘﺞ .. ﻣﻦ ﻫﺴﻪ ﻧﻨﻬﻲ ﺍﻟﺴﺎﻟﻔﻪ .. ﻛﺎﻟﺖ ﺍﻧﻪ ﺍﺣﺒﻨﻚ .. ﻛﺘﻠﻬﺎ ﻭﺍﻧﻪ ﻣﺎ ﻛﻠﺖ ﺍﻛﺮﻫﺞ ..
ﺑﺲ ﺍﺗﻌﻠﻤﻲ ﺷﻠﻮﻥ ﺗﺤﺘﺮﻣﻴﻨﻲ ﻭﺗﺤﺘﺮﻣﻴﻦ ﻣﺘﻄﻠﺒﺎﺗﻲ .. ﺍﻧﻪ ﺯﻟﻤﻪ ﻭﺍﻣﺸﻲ ﺑﺴﻠﻒ ﻳﻨﻄﻮﻧﻲ ﻣﺮﻩ ﺍﺗﺰﻭﺝ ﻳﺰﻭﺟﻮﻧﻲ ﺑﻨﺎﺗﻬﻢ .. ﻫﺬﺍ ﺷﺮﻉ ﻣﺤﻠﻞ 4
ﻧﺮﻳﺪ ﻧﻜﺜﺮ ﻧﺴﺒﻨﻪ ﻭﺍﻧﻪ ﻣﺎ ﻋﻨﺪﻱ ﺍﺥ .. ﻏﻴﺮ ﺍﺟﻴﺐ ﺍﻟﻮﻟﺪ ﺍﻟﻠﻲ ﻳﺸﻴﻠﻮﻥ ﺍﺳﻤﻲ .. ﻳﻨﺬﺍﻋﻠﻲ ﺻﻴﺖ ﺑﻴﻬﻢ ..
ﺟﺪﻱ ﻟﻮ ﻣﺎ ﻣﺘﺰﻭﺝ ﻋﻠﻰ ﻣﺮﺗﻪ ﺍﻻﻭﻟﻰ ﻳﺼﻴﺮ ﺍﺑﻮﻱ ﻳﺼﻴﺮﻭﻥ ﻋﻤﺎﻣﻲ .. ﻳﻨﺬﻛﺮ ﺍﺳﻤﻪ ﻟﻠﻴﻮﻡ .. ﻻ .. ﭼﺎ ﻏﻴﺮ ﺑﺰﻭﺟﺎﺗﻪ ﻛﺜﺮ ﻭﻟﺪﻩ ﻭﻛﺜﺮ ﺍﻫﻠﻪ ﻭﺳﻤﻌﺘﻪ
ﺳﻜﺘﺖ .. ﻭﺻﺎﺣﺘﻬﺎ ﺍﻣﻬﺎ ﻳﻠﻪ ﻓﺎﻃﻤﻪ ﺧﻞ ﻧﻤﺶ .. ﻭﺩﻋﻮﻧﻪ ﻭﺭﺍﺣﻮ .. ﺩﺭﺕ ﻋﻠﺨﻮﺍﺗﻲ ﻛﺘﻠﻬﻦ ﺭﺷﻦ ﺍﻟﺴﻄﺢ ﻣﻲ ﻭﻓﺮﺷﻨﻪ ﺧﻞ ﺍﻧﺎﻡ ﻓﻮﻙ
ﻋﻔﺘﻬﻦ ﺍﻧﻪ ﻭﻃﻠﻌﺖ ﻳﻢ ﺟﻤﺎﻋﺘﻲ ﻧﺴﻮﻟﻒ ﻭﻧﺤﺠﻲ ﻋﻠﻮﺿﻊ .. ﻟﻠﻴﻞ ﻛﻠﺶ ﺩﺧﻠﺖ ﺍﻟﺒﻴﺖ ﺍﺿﻠﻢ ﻛﻮﻩ ﻳﻨﺸﻒ ﻣﻨﻪ ﻋﻠﻰ ﺿﻮﻩ ﺍﻟﻜﻤﺮ ﺍﻟﺠﺎﻱ ﻣﻦ ﺑﺎﺏ ﺍﻟﺴﻄﺢ ..
ﺩﺧﻠﺖ ﻟﻠﺤﻤﺎﻡ .. ﺳﺒﺤﺖ .. ﻭﻃﻠﻌﺖ ﻟﻠﻐﺮﻓﻪ ﺑﺎﻟﺸﻮﺭﺕ ... ﺍﺭﻳﺪ ﺍﺑﺪﻝ .. ﺩﺍ ﺍﺩﺧﻞ ﺍﻧﻀﺮﺑﺖ ﺑﺸﺨﺺ
ﺻﺎﺣﺖ ﻣﺎﺍﺍﺍﺍﺍﻣﺎ ﺍﺧﺎﺍﺍﺍﺍﺍﻑ .. ﻛﺘﻠﻬﺎ ﻭﻟﺢ ﻫﺸﺸﺸﺶ ﻟﻤﻴﺘﻲ ﺍﻟﺠﻴﺮﺍﻥ ﻋﻠﻰ ﺻﻮﺗﺞ .. ﻭﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻬﺎ ﺑﻀﻠﻤﻪ ..
ﻛﺎﻟﺖ ﺣﺎﺭﺙ ﻭﺧﺮ .. ﻛﺘﻠﻬﺎ ﺍﻣﺸﻲ ﺍﺻﻌﺪﻱ ﻛﺎﻟﺖ ﻣﺎ ﺍﻧﺪﻝ .. ﻛﺘﻠﻬﺎ ﻭﺷﻜﻮ ﻧﺰﻟﺘﻲ .. ﻛﺎﻟﺖ ﺍﺭﻳﺪ ﺍﻟﺤﻤﺎﻡ ..
ﻛﺘﻠﻬﺎ ﺗﺎﻧﻲ ﻫﻨﺎ ﺑﻤﻜﺎﻧﺞ ﻻ ﺗﺘﺤﺮﻛﻴﻦ .. ﺑﺲ ﺍﻟﺒﺲ ﻫﺪﻭﻡ .. ﻛﺎﻟﺖ ﺷﻨﻮﻭﻭﻭ ..😨 ﺿﺤﻜﺖ .. ﻭﺩﺧﻠﺖ ﻟﻠﻐﺮﻓﻪ ﺍﺗﻠﻤﺲ ﺍﻱ ﺷﻲ ﻟﺒﺴﺖ
ﻭﻃﻠﻌﺖ ﺍﺷﻮﻑ ﺿﻠﻬﺎ .. ﻛﻀﻴﺘﻬﺎ ﻣﻦ ﺯﻧﻮﺩﻫﺎ .. ﻛﻤﺰﺕ .. ﻛﺘﻠﻬﺎ ﻫﺬﺍ ﺍﻧﻪ ﻻ ﺗﺨﺎﻓﻴﻦ .. ﺷﻨﻮ ﻣﻤﺸﻐﻼﺕ ﻻﻟﻪ ﻣﻮ ﻛﺘﻠﻬﻦ ﺷﻐﻠﻦ
ﻛﺎﻟﺖ ﻧﺎﻣﻮ ﻛﻠﻬﻢ ﺑﺲ ﺍﻧﻲ ﺭﺩﺕ ﺣﻤﺎﻡ ﻣﺘﺤﻤﻠﺖ ﻭﻧﺰﻟﺖ .. ﻛﻀﻴﺖ ﺍﺩﻳﻬﺎ ﻭﺟﺮﻳﺘﻬﺎ ﻭﺧﻠﻴﺖ ﺍﺩﻳﻬﺎ ﻋﻠﻰ ﺑﺎﺏ ﺍﻟﺤﻤﺎﻡ ﻛﺘﻠﻬﺎ ﻓﻮﺗﻲ ﻫﺬﺍ ﺍﻟﺤﻤﺎﻡ ..
ﻛﺎﻟﺖ ﻻ ﺗﺮﻭﺡ ﻓﺪﻭﻩ ﺍﺧﺎﺍﻑ .. ﺿﺤﻜﺖ ﺷﻜﺪ ﻓﻘﻴﺮﻩ ﻭﻓﻄﻴﺮﻩ .. ﻏﻴﺮ ﺗﺪﺧﻞ ﺍﻟﺤﻤﺎﻡ ﺷﻠﻮﻥ ﺍﻭﻛﻒ .. ﻛﺘﻠﻬﺎ ﻭﺍﻛﻒ ﺍﺧﺬﻱ ﺭﺍﺣﺘﺞ ﻻ ﺗﺨﺎﻓﻴﻦ
ﻛﺎﻟﺖ ﺍﻛﻠﻚ ﻫﻢ ﺍﻛﻮ ﺻﺮﺻﺮ ﻋﺪﻛﻢ .. ﻛﺘﻠﻬﺎ ﻳﻴﻴﻴﻴﻴﻴﻲ ﻛﻮﻣﻪ ﺗﻜﻮﻝ ﺟﻴﺶ .. ﺗﺼﺮﻛﺒﺖ ﺑﺎﻟﺤﻤﺎﻡ ﻭﻃﻠﻌﺖ ﻛﺎﻟﺖ ﻻ ﻻ ﻋﻔﻴﻪ ﺍﺧﺎﺍﺍﺍﺍﻑ
ﺿﺤﻜﺖ ﻣﻦ ﻛﻞ ﻛﻠﺒﻲ ﻛﺘﻠﻬﺎ ﺍﻣﺪﺍﺝ ﻳﻠﻌﻮﺑﻪ ﺟﺬﺏ ﺟﺬﺏ ﻭﺍﻟﻠﻪ ﻃﺒﻲ ﻣﺎﻛﻮ ﺷﻲ .. ﻛﺎﻟﺖ ﻭﺍﺫﺍ ﻃﻠﻌﺖ ﻛﺘﻠﻬﺎ ﻋﻮﺩ ﺍﻧﻄﻴﻨﻴﺎﻫﺎ ﺍﻛﻠﻬﺎ
ﻛﺎﻟﺖ ﺍﻳﻴﻴﻊ ﻋﺎﺑﺖ .. ﻛﺘﻠﻬﺎ ﻭﺯﻫﺮ ﻣﻨﻮ ﻋﺎﺑﺖ ﻭﻟﺞ .. ﺩﺧﻠﺖ ﻟﻠﺤﻤﺎﻡ ﻣﺎ ﺭﺩﺕ .. ﺑﻌﺪﺕ ﺷﻮﻱ ﻋﻦ ﺍﻟﺒﺎﺏ .. ﺍﺧﺬﺕ ﺟﻜﺎﺭﻩ ﻭﺍﻭﺭﺙ ..
ﻛﻤﻠﺖ .. ﻃﻠﻌﺖ .. ﻛﺎﻟﺖ ﻛﻤﻠﺖ .. ﻛﺘﻠﻬﺎ ﻳﺎ ﺻﻠﻮﺍﺕ ﻋﻠﻰ ﻣﺤﻤﺪ ﻣﻦ ﻓﻀﺖ .. ﺍﺟﺖ ﺗﻘﺮﺑﺖ ﻣﻨﻲ ﻭﻟﺰﻣﺖ ﺟﺴﻤﻲ .. ﻛﺎﻟﺖ ﺍﻧﺪﻟﻴﺘﻚ ﻣﻦ ﺟﻜﺎﺭﺗﻚ
ﻛﺘﻠﻬﺎ ﻫﺎﺍﺍﺍ ﻭﺍﻟﻠﻪ ﺍﻛﺘﺸﺎﻑ ﻣﻬﻢ .. ﺩﻣﺸﻲ ﻛﺪﺍﻣﻲ ﺍﻣﺸﻲ ..
ﺍﺧﺬﺕ ﺍﻳﺪﻫﺎ .. ﻭﺻﻌﺪﺕ .. ﻛﺎﻟﺖ ﺑﺎﻳﺔ ﺍﻟﺪﺭﺝ ﻣﺎﻟﺘﻜﻢ ﻋﺎﻟﻴﻪ ﻛﻮﻩ ﺗﻨﺼﻌﺪ .. ﻛﺘﻠﻬﺎ ﺍﺷﻴﻠﺞ .. ﺳﻜﺘﺖ .. ﻫﻬﻬﻪ
ﺻﻌﺪﻧﻪ .. ﻃﻠﻌﻨﻪ ﺍﻟﺴﻄﺢ ﺍﻓﻴﻴﻴﻴﻴﺶ ﻫﻮﺍ ﻳﺨﺒﻞ ﻳﻀﺮﺏ ﺑﻮﺟﻬﻚ ﺑﺮﻭﺩﻩ .. ﻋﺎﻳﻨﺖ ﺧﻮﺍﺗﻲ ﻓﺎﺭﺷﺎﺕ ﺑﺼﻔﺤﻪ
🔹🔸🥇🔹🔸
ﻭﺑﻴﺖ ﻋﻤﻲ ﻓﺎﺭﺷﻴﻦ ﻫﻤﻪ ﻭﺟﻬﺎﻟﻬﻢ ﺑﺼﻔﺤﻪ .. ﻭﺍﻧﻪ ﻓﺎﺭﺷﻴﻠﻲ ﻭﺍﻣﻲ ﻳﻢ ﺭﺍﺳﻲ .. ﺗﻤﺪﺩﺕ ﺑﻔﺮﺍﺷﻲ ﻫﻢ ﺍﺧﺬﺗﻠﻲ ﺟﻜﺎﺭﻩ .. ﻭﺿﺮﺑﺘﻠﻲ ﺻﻔﻨﻪ ﻋﻠﻮﺿﻌﻴﻪ ..
ﺟﺎﻱ ﺍﻧﺎﻡ .. ﺷﻔﺖ ﺭﻓﻞ ﻭﻛﻔﺖ ﻛﺘﻠﻬﺎ ﻫﺎﺍﺍ .. ﻛﺎﻟﺖ ﺍﻧﺘﻪ ﻣﺮﺍﻗﺒﻨﻲ .. ﻛﺘﻠﻬﺎ ﺩﻧﻴﺎ ﻟﻴﻞ ﻧﺎﻣﻲ .. ﻛﺎﻟﺖ ﺍﺭﻳﺪ ﻣﻲ .. ﻛﺘﻠﻬﺎ ﺫﺍﺍﺍﺍﻙ ﺗﺮﻣﺰ ﺑﻴﻪ ﺛﻠﺞ ﺍﺷﺮﺑﻲ ..
ﺍﺟﺖ ﻳﻢ ﺍﻟﺘﺮﻣﺰ ﻛﺎﻟﺖ ﻣﺎﻛﻮ ﻛﻼﺹ .. ﻛﺘﻠﻪ ﻋﺎﺩ ﻧﺎﻣﻲ ﺩﻭﺧﺘﻴﻨﻲ .. ﻛﺎﻟﺖ ﻭﺍﻧﺘﻪ ﻣﻨﻮ ﻳﻤﻚ ﺍﻧﺘﻪ ﺣﺸﺮﺕ ﻧﻔﺴﻚ ﻭﺍﻟﻠﻪ ﻳﺎ ﺍﻟﻠﻪ ..
ﻋﺎﻳﻨﺖ ﺍﻟﻜﻼﺹ ﺑﻼﺳﺘﻚ . ﻳﻢ ﺭﺍﺱ ﺍﻣﻲ .. ﻛﻀﻴﺘﻪ ﻭﻧﻴﺸﻨﺘﻪ ﺑﺮﺍﺳﻬﺎﺍ .. ﺻﺎﺣﺖ ﺍﺧﺨﺨﺨﺨﺦ ﻫﺎﻱ ﺷﻨﻮ
ﻛﺘﻠﻬﺎ ﺻﺎﺭﻭﺥ ﺍﻣﺮﻳﻜﻲ ﻣﻦ ﺑﻮﺵ ﻣﺨﺼﻮﺹ ﻟﺼﻤﺎﺧﺞ .. . ﻭﺿﺤﻜﺖ ﻭﻟﻔﻴﺖ ﺭﺍﺳﻲ ﻭﻧﻤﺖ ﺑﻘﺖ ﺍﺩﺭﺩﻡ ﻭﻳﻪ ﺭﻭﺣﻬﺎ ﻋﻔﺘﻬﺎ ﻭﻧﻤﺖ
ﻟﻠﻔﺠﺮ .. ﺻﺎﺭ ﺍﻟﻀﻮﻩ ﺑﻌﻴﻨﻲ .. ﻛﻌﺪﺕ .. ﻋﺎﻳﻨﺖ ﺧﻮﺍﺗﻲ ﻛﻠﻬﻦ ﻧﺎﻳﻤﺎﺕ .. ﺑﺲ ﻣﺘﻜﺸﻔﺎﺕ .. ﻛﻤﺖ ﻏﻄﻴﺖ ﺍﻟﻤﺘﻜﺸﻔﻪ ﺑﻴﻬﻦ ﺑﻐﻄﺎ ..
ﻋﺎﻳﻨﺖ ﻟﺮﻓﻞ .. ﻫﻠﻮﻭﻭ ﻫﺎﻱ ﺿﺎﺭﺑﺘﻬﺎ ﭼﻘﻠﻤﺒﻪ ﻭﺻﺎﻳﺮﻩ ﻓﻠﻢ .. ﻣﺎ ﺩﻗﻘﺖ ﻋﻠﻴﻬﺎ ﺟﺮﻳﺖ ﺍﻟﻐﻄﺎ ﺷﻤﺮﺗﻪ ﻋﻠﻴﻬﺎ ﻭﺍﻧﻪ ﺩﺍﻳﺮ ﻭﺟﻬﻲ ﻭﻧﺰﻟﺖ
ﻭﺍﻟﻠﻪ ﺟﻮﻋﺎﻥ ﻳﺮﺑﻲ .. ﻭﻫﻠﻨﺴﻮﺍﻥ ﻛﻠﻬﺎ ﻧﺎﻳﻤﻪ .. ﻋﺎﻳﻨﺖ ﺳﺎﻋﺘﻲ ﺍﻟﺴﺎﻋﻪ 5 ﺍﻻ ﺭﺑﻊ .. ﻭﻳﻦ ﻭﺟﻬﻚ ﺣﺎﺭﺙ ﻣﻦ ﺍﺍﻟﻐﺒﺸﻪ ﻛﺎﻋﺪ
ﺭﺣﺖ ﺗﻤﺪﺩﺕ ﺑﻐﺮﻓﺘﻲ .. ﺑﻄﻨﻲ ﺗﺼﻮﺻﻲ ﻣﻦ ﺍﻟﺠﻮﻉ .. ﻛﻤﺖ .. ﻃﻜﻴﺘﻠﻲ 4 ﺑﻴﻀﺎﺕ ﺑﺪﻫﻦ ﻭﻛﺮﺻﺘﻴﻦ ﺧﺒﺰ ﻭﺟﺎﻱ ﻭﺍﻛﻠﺖ .. ﺑﻌﺪﻫﺎ ﻓﺘﺖ ﺑﺪﻟﺖ ﺗﺮﺍﻛﺴﻮﺩ ﻭﻃﻠﻌﺖ ﺍﺭﻛﺾ
ﺭﻛﻀﺖ ﺑﺎﻟﻤﻨﻄﻘﻪ ﻟﺴﺎﻋﻪ ﺭﺟﻌﺖ ﻣﻴﺖ ﻋﺮﻙ .. ﻛﺒﻞ ﻓﺘﺖ ﻟﻠﺤﻤﺎﻡ ﺳﺒﺤﺖ .. ﻛﻤﻠﺖ ﺍﻋﺎﻳﻦ ﻣﺠﺎﻳﺐ ﻣﻼﺑﺲ .. ﺟﺮﻳﺖ ﺍﻟﺨﺎﻭﻟﻲ ﻟﻔﻴﺘﻪ ﻋﻠﻰ ﺧﺼﺮﻱ ﻭﻓﺘﺤﺖ ﺍﻟﺒﺎﺏ
ﺟﺎﻱ ﺍﻃﻠﻊ ﻭﺍﻧﻀﺮﺑﺖ ﺑﺮﻓﻞ .. ﺍﺟﻪ ﻳﻮﻛﻊ ﺍﻟﺨﺎﻭﻟﻲ ﻟﺰﻣﺘﻪ ﻛﻮﻩ ﺭﺑﻨﻪ ﺳﺘﺮ ﻣﺎ ﺍﺧﺘﺮﻋﺖ ﻫﻬﻬﻬﻪ .. ﻫﻴﻪ ﺷﺎﻓﺘﻨﻲ ﺑﺎﻟﺨﺎﻭﻟﻲ ﺩﻧﻜﺖ
ﺍﻣﺸﻲ ﻣﻨﺎ ﺗﺠﻲ ﻣﻨﺎ ﺍﺭﻭﺡ ﻣﻨﺎ ﺗﺮﻭﺡ ﻣﻨﺎ .. ﻭﻛﻔﺖ .. ﻭﻟﺰﻣﺖ ﺍﻟﺨﺎﻭﻟﻲ ﻻ ﻳﻮﻛﻊ ﻛﺘﻠﻬﺎ ﺍﻣﺸﻲ ﺑﻮﻳﻪ ﺍﺳﺘﺮﻱ ﻋﻠﻴﻪ ﻛﻮﻩ ﻻﺯﻣﻬﻦ
ﺿﺤﻜﺖ ﻭﻓﺎﺗﺖ ﻟﻠﺤﻤﺎﻡ ﺗﺮﻛﺾ .. ﺣﻘﺞ ﺍﻟﻠﻴﻞ ﻛﻠﻪ ﺗﭽﺮﻓﻌﻴﻦ ﻣﻲ .. ﺷﻠﻮﻥ ﻣﺎ ﺗﺴﻜﻨﻴﻦ ﺍﻟﺤﻤﺎﻡ ..
ﺩﺧﻠﺖ ﻟﻠﻐﺮﻓﻪ ﺗﻌﻄﺮﺕ ﻭﻟﺒﺴﺖ ﻣﻼﺑﺴﻲ .. ﻭﺗﻤﺪﺩﺕ ﻭﻧﻤﺖ .. ﺍﺭﺗﺎﺣﻴﻴﻴﻴﺖ ﺷﺒﻌﺎﻥ ﻭﺟﺴﻤﻲ ﺧﻔﻴﻒ ﻭﺗﻌﺒﺎﻥ ﻣﻦ ﺍﻟﺮﻛﺾ ﻭﺳﺎﺑﺢ ﻭﺑﺮﺩﺍﻥ
ﻟﻔﻴﺖ ﺭﺍﺳﻲ ﻭﻧﻤﺖ .. ﻟﺸﻮﻱ ﻛﻌﺪﺕ ﻋﻠﻰ ﺻﻮﺕ ﺍﻟﺠﻬﺎﻝ ﻭﺻﺮﻳﺦ ﺍﻣﻬﺎﺗﻬﻢ ﻋﻠﻴﻬﻢ .. ﻋﺎﻳﻨﺖ ﻟﺴﺎﻋﺘﻲ 10 .. ﻭﻧﺺ ..
ﻛﻤﺖ ﻋﻠﻰ ﺣﻴﻠﻲ .. ﺭﺣﺖ ﻟﻠﺪﻳﻮﺍﻧﻴﻪ .. ﻟﻜﻴﺖ ﻋﻤﻲ ﻛﺎﻋﺪ ﻭﺭﻓﻞ ﻧﺎﻳﻤﻪ ﺑﺤﻈﻨﻪ ﻭﺗﻜﻠﻪ ﺑﺎﺑﺎ ﺷﻮﻛﺖ ﻧﺮﺟﻊ ﻟﺒﻐﺪﺍﺩ ﻫﻨﺎ ﺍﻟﻌﻴﺸﻪ ﺗﺨﻨﻚ
ﻛﺎﻟﻠﻬﺎ ﺑﺎﺑﺎ ﺑﻐﺪﺍﺩ ﺣﺎﻟﺘﻬﺎ ﺍﺳﻮﺍﺀ ﻣﻦ ﻫﻨﺎ ﺑﺎﻟﻒ ﻣﺮﻩ .. ﺑﻐﺪﺍﺩ ﻫﺴﻪ ﺻﺎﻳﺮﻩ ﻧﺎﺭ .. ﺩﺧﻠﺖ ﻛﺘﻠﻪ ﻋﻤﻲ ﺻﺒﺎﺡ ﺍﻟﺨﻴﺮﺭ .. ﺭﻓﻞ ﻛﺎﻣﺖ ﺑﺴﺮﻋﻪ ﻣﻦ ﺣﻈﻨﻪ ﻭﻃﻠﻌﺖ
ﻛﺎﻝ ﻫﻠﻪ ﺍﺑﻨﻲ ﺻﺒﺎﺡ ﺍﻟﻨﻮﺭ .. ﻛﺘﻠﻪ ﺷﻨﻬﻲ ﻣﺎ ﺷﻨﻬﻲ .. ﻛﺎﻝ ﻭﺍﻟﻠﻪ ﺷﻮﻓﺖ ﻋﻴﻨﻚ ﺍﻧﻜﻄﻌﺖ ﺍﻻﺧﺒﺎﺭ .. ﺍﻟﻘﻨﺎﺓ ﺿﺮﺑﻮﻫﺎ ..
ﻭﺍﻟﻜﻬﺮﺑﺎﺀ ﻣﺎﻛﻮ .. ﻛﺘﻠﻪ ﺷﻐﻞ ﺍﻟﺮﺍﺩﻳﻮ ﺧﻞ ﻧﺴﻤﻊ ﺍﻻﺧﺒﺎﺭ .. ﺷﻐﻠﻨﻪ .. ﺟﺎﻧﺖ ﺟﻠﺴﺔ ﻟﻠﺮﻳﺲ ﻳﺨﻄﺐ ﺑﻴﻬﺎ .. ﺳﻤﻌﻨﻪ ﺍﻟﺨﻄﺎﺏ ﻭﻫﻮﻩ ﻳﺸﺪ ﺑﻌﺰﻳﻤﺔ ﺍﻟﻌﺮﺍﻗﻴﻴﻦ ﻭﻳﻠﻌﻦ ﺍﺑﻮﺵ
ﻛﺘﻠﻪ ﻋﻤﻲ ﺑﻐﺪﺍﺩ ﺭﺍﺡ ﺗﺴﻘﻂ .. ﻛﺎﻝ ﻟﻴﺶ ﻛﺘﻠﻪ ﺷﻮﻑ ﺣﺠﻲ ﺻﺪﺍﻡ ﺗﺸﺠﻴﻊ ﻣﻜﺜﻒ ﻳﻌﻨﻲ ﺍﻟﻮﺿﻊ ﺻﻌﺐ ﻭﺩﻳﺮﻓﻊ ﻣﻦ ﻣﻌﻨﻮﻳﺎﺕ ﺍﻟﺸﻌﺐ ..
ﻛﺎﻝ ﺑﻘﺖ ﻳﻢ ﺍﻟﻠﻪ ﻫﻮﻩ ﻭﺣﺪﻩ ﺍﻟﺴﺘﺎﺭ .. ﻛﺘﻠﻪ ﺍﻧﺸﺎﻟﻠﻪ ﻳﺎ ﻋﻤﻲ ﻳﺴﺘﺮﻧﻪ .. ﺫﻭﻟﻪ ﺍﻻﻣﺮﻳﻜﺎﻥ ﻛﻼﺏ ﻭﺳﺎﻗﻄﻴﻦ ﻭﺍﺣﻨﻪ ﻋﺪﻧﻪ ﻛﻮﻣﻪ ﻧﺴﻮﺍﻥ ﻻ ﺍﻧﻮﺏ ﻳﻨﻬﺒﻮﻥ ﻧﺴﻮﺍﻧﻪ ﻭﻳﻜﺘﻠﻮﻧﻪ
ﻛﺎﻝ ﻭﺍﻟﺤﻞ .. ﻛﺘﻠﻪ ﻳﺎ ﺣﻞ .. ﻳﻢ ﺍﻟﻠﻪ ﺑﻌﺪ .. ﻛﺎﻝ ﺍﻟﻨﺴﻮﺍﻥ ﺧﺎﻳﻔﻪ .. ﻛﺘﻠﻪ ﺣﻘﻬﻦ .. ﺑﺲ ﻋﻤﻲ ﺧﻞ ﻧﺮﻓﻊ ﻣﻨﻬﻦ .. ﻛﺎﻝ ﺷﻨﺴﻮﻱ
ﻛﺘﻠﻪ ﺍﻣﺸﻨﻪ ﻧﻄﻠﻊ ﻟﻌﻤﺎﻣﻨﻪ ﺑﺎﻟﻌﺮﺏ .. ﻟﻠﺒﺴﺘﺎﻥ ﻳﺨﺒﻞ .. ﻛﺎﻝ ﻣﺎﻛﻮ ﺧﻄﺮ .. ﻛﺘﻠﻪ ﻻ ﺍﻟﻌﺮﺏ ﺍﻣﺎﻥ ﻭﺑﻌﺪﻳﻦ .. ﺍﻻﻣﺮﻳﻜﺎﻥ ﻣﺴﺘﺤﻴﻞ ﻳﺘﻘﺮﺑﻮﻥ ﻟﻠﻤﺤﺎﻓﻈﺎﺕ ﻭﺑﻐﺪﺍﺩ ﻭﺍﻛﻔﻪ ﻭﻣﺴﺎﻗﻄﻪ
ﻛﺎﻝ ﻳﻠﻪ .. ﺻﺤﺖ ﻋﻠﻰ ﺧﻮﺍﺗﻲ ﻛﺘﻠﻬﻦ ﺗﺮﺣﻦ ﻟﻠﻌﺮﺏ ﻛﺎﻟﻦ ﻋﻠﻮﺍﺍﺍﺍﺍ .. ﻛﺘﻠﻬﻦ ﺟﻬﺰﻥ ﺍﻣﻮﺭﺟﻦ ﻭﻧﻄﻠﻊ ﺍﻧﺸﺎﻟﻠﻪ
ﺭﺣﺖ ﺑﺪﻟﺖ ﺩﺷﺪﺍﺷﻪ ﺳﻮﺩﻩ ﻭﻏﺘﺮﻩ ﻟﻔﻴﺘﻬﺎ .. ﻭﺻﺤﺖ ﻫﺎﺍﺍ ﺟﻬﺰﺗﻦ .. ﻛﺎﻟﻦ ﺍﻱ .. ﻣﺸﻴﺖ ﺷﻔﺖ ﺭﻓﻞ ﻻﺑﺴﻪ ﺑﻨﻄﺮﻭﻥ ﻛﺎﺑﻮﻱ ﻭﺣﺬﺍﺀ ﺑﺪﻭﻥ ﺟﻮﺍﺭﻳﺐ
ﻛﺘﻠﻬﺎ ﻫﺎ ﺑﻮﻳﻪ ﻭﻳﻦ ﻣﻮﻟﻴﻪ ﺍﺑﻨﻄﺮﻭﻧﺞ ﺗﻠﻔﻴﻦ ﺑﺠﺴﻤﺞ ﻛﺪﺍﻡ ﺍﻟﻌﺮﺏ ﻏﻴﺮ ﻧﺨﺘﺰﻱ .. ﺯﻣﺨﺖ ﺑﻴﻬﺎ .. ﺩﺧﻠﻲ ﻟﺒﺴﻲ ﻋﺒﺎﺍ .. ﻛﺎﻟﺖ ﺍﻳﻴﻴﻊ ﻣﺎ ﺍﻟﺒﺲ ﻋﺒﺎﻩ ﺍﻧﻲ ..
ﻛﻠﺖ ﭼﺎ ﻣﺎﻛﻮ ﺭﻭﺣﻪ ﻭﺭﻭﺡ ﺍﺑﻮﻱ .. ﺷﻨﻬﻲ ﻣﺎ ﻋﺪﻧﻪ ﻏﻴﺮﻩ ﺑﺖ ﻋﻤﻲ ﻋﺎﺭﺿﻪ ﺟﺴﻤﻬﺎ ﻭﻣﻠﺰﻛﻪ ﻫﺪﻭﻣﻬﺎ ﻭﺗﻤﺸﻲ ﺑﻴﻦ ﺍﻟﻌﺮﺑﺎﻥ .. ﺩﺛﻮ ﻣﺎ ﻋﺪﻧﻪ ﻏﻴﺮﻩ ﻟﻮ ﻋﺪﻧﻪ ﺷﺮﻑ
ﺑﻘﻦ ﺧﻮﺍﺗﻲ ﻳﻘﻨﻌﻦ ﺑﻴﻬﺎ ﻭﺍﻣﻬﺎ ﻭﻫﻴﻪ ﻣﻌﺎﻧﺪﻩ ﻣﺘﻠﺒﺲ ﻋﺒﺎﻳﻪ .. ﻫﺬﺍ ﺍﻟﺤﺠﻲ ﻋﻤﻲ ﺭﺍﺡ ﻟﺒﻴﺖ ﻋﻤﻲ ﻳﺒﻠﻐﻪ ﺍﺫﺍ ﻳﺮﻳﺪ ﻳﺮﻭﺡ ﻭﻳﺎﻧﻪ
ﻛﺘﻠﻬﻢ ﻭﺍﻟﻘﺮﺍﻥ ﺍﻟﺸﺮﻳﻒ ﻣﺎ ﺍﺗﺤﺮﻙ ﺧﻄﻮﻩ ﻭﻫﺎﻱ ﺑﺪﻭﻥ ﻋﺒﺎﺍﺍ .. ﻛﺎﻟﺖ ﻫﺎﻱ ﺷﻨﻮ ﻫﺎﻱ .. ﻋﻨﺪﻱ ﺍﺳﻢ ..
ﻛﺘﻠﻬﺎ ﺍﻧﺠﺒﻲ ﻻ ﺍﺳﻄﺮﺝ ﻭﺍﻟﻠﻪ .. ﻣﻮ ﺍﺑﺎﻟﺞ ﺍﻫﻠﺞ ﻫﻨﺎ ﻭﺍﻣﺞ ﻭﺍﻛﻔﻪ ﻭﺍﺳﻤﺢ ﺻﻮﺗﺞ ﻳﻌﻠﻪ ﻫﻨﺎ ﺍﺩﻓﻨﺞ ﻭﺍﻟﻌﺒﺎﺱ .. ﺍﻟﻤﺮﻩ ﺍﻟﻴﻌﻠﻰ ﺣﺴﻬﺎ ﻋﺪﻧﻪ .. ﻧﻜﺺ ﺍﻟﺴﺎﻧﻬﺎ ﻭﻧﺸﻤﺮﻩ ...
🔹🔸🥇🔹🔸
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء