رواية نهوة حارث الجزء الثاني
للكاتبة زينب ماجد
🔹🔸🥇🔹🔸
ﺣﺎﺭﺙ .. ﻟﻴﺶ ﺗﺘﺠﺎﻭﺯﻳﻦ .. ﺭﺟﻌﺖ ﺍﻟﻤﺴﺪﺱ ﺑﺮﺍﺳﻬﺎ .. ﻭﻫﻮﻩ ﺟﺬﺏ ﻣﺒﻴﻪ ﺷﺎﺟﻮﺭ .. ﺍﻟﺸﺎﺟﻮﺭ ﻻﺯﻣﻪ ﺑﺄﻳﺪﻱ .. ﺑﺲ ﻫﺎﻱ ﻏﺒﻴﻪ ﻣﺘﻨﺘﺒﻪ ﻫﻬﻬﻬﻪ
ﺭﻓﻞ .. ﻭﺍﻟﻠﻪ ﺍﺻﻴﺢ ﺍﺑﻮﻳﻪ ﻋﻠﻴﻚ
ﺣﺎﺭﺙ .. ﺍﻭﻭﻭﻱ ﻳﻠﻤﻠﻴﻘﻪ ﺧﻮﻓﺘﻴﻨﻲ .. ﻟﺘﺨﻠﻴﻦ ﺍﻓﺮﻍ ﺷﺎﺟﻮﺭﻱ ﺑﺮﺍﺳﺞ .. ﻛﻮﻣﻲ ﺳﻮﻱ ﺟﺎﻱ ﺑﺪﻭﻥ ﺻﻮﺕ
ﻣﺸﻴﺖ ﻭﻛﻌﺪﺕ ﻋﻠﻜﺮﺳﻲ .. ﺷﻔﺘﻬﺎ ﺧﻠﺖ ﺍﻟﻘﻮﺭﻱ ﻭﻣﻲ ﻭﺟﺎﻱ .. ﻭﺭﺍﺣﺖ ﻛﺘﻠﻬﺎ ﻭﻳﻴﻴﻴﻴﻦ ﺻﺒﻴﻠﻲ .. ﺗﻜﻠﻲ ﻋﻮﺩ ﺍﻧﺘﻪ ﺻﺐ ﻟﻨﻔﺴﻚ .. ﻭﺩﺧﻠﺖ ﻟﻐﺮﻓﺘﻬﺎ
ﻛﺘﻠﻬﺎ ﺑﺴﻴﻄﻪ ﺭﻭﺣﻲ .. ﻃﻔﻴﺖ ﺍﻟﺠﺎﻱ ﻭﺭﺣﺖ ﺗﻤﺪﺩﺕ ﺑﻔﺮﺍﺷﻲ .. ﻧﻤﺖ .. ﻟﻠﺼﺒﺢ ﻛﻌﺪﺕ .. ﺑﺎﺭﺩﻩ ﻓﺪ ﻣﺮﻩ .. ﻭﺍﻧﻲ ﺑﻄﺮﻑ ﺍﻟﻔﺎﻧﻴﻠﻪ ﺍﻟﺪﺍﺧﻠﻴﻪ
ﺑﺪﻟﺖ ﻣﻼﺑﺴﻲ ﺍﻟﻌﺴﻜﺮﻳﻪ .. ﺩﺍ ﺍﻋﺪﻝ ﺑﻨﻔﺴﻲ .. ﻃﺐ ﻋﻤﻲ ..
ﻳﺎﺳﻴﻦ .. ﻫﺎ ﺣﺎﺭﺙ ﺻﺒﺎﺡ ﺍﻟﺨﻴﺮ
ﺣﺎﺭﺙ .. ﻫﻼ ﻋﻤﻲ ﺻﺒﺎﺡ ﺍﻟﻨﻮﺭ
ﻳﺎﺳﻴﻦ .. ﺭﺍﻳﺢ ﻟﻮﺍﺟﺒﻚ ﻋﻤﻲ ..
ﺣﺎﺭﺙ .. ﺍﻱ ﻭﺍﻟﻠﻪ ..
ﻳﺎﺳﻴﻦ .. ﺑﻠﻴﻞ ﺍﺭﺟﻊ ﻟﻬﻨﺎ ﻻ ﺗﻀﻞ ﺑﺎﻟﻤﻘﺮ ..
ﺣﺎﺭﺙ .. ﻻ ﻋﻤﻲ ﻣﺎ ﺍﺭﻳﺪ ﺍﺯﺣﻢ ﻋﻠﻴﻜﻢ .. ﻣﺸﻜﻮﺭ ﻭﻣﺎ ﻗﺼﺮﺕ ﺩﺍﻡ ﻓﻀﻠﻚ
ﻳﺎﺳﻴﻦ .. ﺷﻨﻮ ﻫﻠﺤﺠﻲ ﻋﻤﻮ .. ﺑﻴﺖ ﻋﻤﻚ ﻣﻮﺟﻮﺩ ﻭﺗﻨﺎﻡ ﺍﺑﻤﻘﺮﻙ .. ﺍﺭﺟﻊ ﻫﻨﺎ ﺍﺳﺒﺢ ﺍﺭﺗﺎﺡ ﻭﻟﻴﺪﻱ ..
ﺣﺎﺭﺙ .. ﺍﻧﺸﺎﻟﻠﻪ ﻋﻤﻲ .. ﺩﻧﺤﺠﻲ .. ﻭ ﻃﺒﺖ ﻣﺮﺕ ﻋﻤﻲ ﺟﺎﻳﺒﻪ ﺍﻟﺮﻳﻮﻙ .. ﻛﺘﻠﻬﺎ ﺷﻨﻬﻲ ﻫﻠﻜﻠﻔﻪ ﻳﺎ ﻋﻤﻪ .. ﻣﺎ ﺍﺗﺮﻳﻚ ﺍﻧﻪ ﺍﻟﺼﺒﺢ
ﺍﻣﻞ .. ﻻ ﻋﻤﻪ ﻋﻴﺐ ﺗﻄﻠﻊ ﺑﺪﻭﻥ ﺭﻳﻮﻙ .. ﻣﻴﺼﻴﺮ
ﺣﺎﺭﺙ .. ﺷﻜﺮﺍ .. ﻋﺎﺩﺓ ﺭﻳﻮﻙ ﻣﺎ ﺍﺗﺮﻳﻚ ﺑﺲ ﻣﺎ ﺭﺩﻳﺘﻬﺎ ﻭﻫﻴﻪ ﻣﺴﻮﻳﻪ ﻭﺗﻌﺒﺎﻧﻪ .. ﻛﻤﻠﺖ ﻟﺒﺴﺖ ﺑﺴﻄﺎﻟﻲ .. ﺳﻠﻤﺖ ﻋﻠﻴﻬﻢ ﻭﻃﻠﻌﺖ
ﺟﺎﻱ ﺍﻓﺘﺢ ﺍﻟﺒﺎﺏ .. ﺟﺎﻥ ﺧﻄﻮﺍﺕ ﻭﺭﺍﻱ .. ﺑﺎﻭﻋﺖ ﺭﻓﻞ .. ﻛﺘﻠﻬﺎ ﻭﻳﻦ ﻭﻳﻦ ..
ﺭﻓﻞ .. ﻫﺎﻱ ﺷﺒﻴﻚ ﺍﺭﻳﺪ ﺍﺭﻭﺡ ﻟﻠﺪﻭﺍﻡ ﻭﺧﺮ
ﺣﺎﺭﺙ .. ﻭﻫﻴﺞ ﻣﻔﺮﻋﻪ ﻭﻛﺼﺎﻳﺒﺞ ﻃﺎﻟﻌﻪ .. ﺩﺭﺟﻌﻲ ﻻ ﺍﻛﻔﺨﺞ ﻭﺍﻟﻠﻪ
ﺭﻓﻞ .. ﺍﻧﻲ ﻣﻮ ﻣﺤﺠﺒﻪ ﻭﺍﻧﺘﻪ ﻣﻌﻠﻴﻚ .. ﺷﻜﺪ ﻣﻠﻴﻖ ﻟﺨﺎﻃﺮ ﺍﻟﻠﻪ
.. ﺣﺠﺖ ﻫﻴﺞ .. ﺍﺟﻴﺖ ﺍﺻﺮﺥ ﻋﻤﻲ ﻃﻠﻊ .. ﺻﺎﺡ ﺑﻴﻬﺎ ﺭﻓﻠﻠﻠﻠﻠﻞ ﺷﻨﻮ ﻫﻠﺘﺠﺎﻭﺯ ﺑﺎﺑﺎ ﻣﻮ ﻋﻴﺐ
ﻛﺎﻟﺘﻠﻪ ﺑﺎﺑﺎ ﻳﺤﺎﺳﺒﻨﻲ ﻭﺍﻟﺒﺎﺭﺣﻪ ﺧﻠﻪ ﺍﻟﻤﺴﺪﺱ ﺑﺮﺍﺳﻲ
ﻛﺘﻠﻪ ﺍﻟﺴﻤﻮﺣﻪ ﻋﻤﻲ ﺳﻤﻌﺖ ﻃﻜﻄﻜﻪ ﻭﻟﺒﺎﻟﻲ ﺣﺮﺍﻣﻲ .. ﻭﺑﻌﺪﻳﻦ ﻋﻤﻲ ﺷﻨﻬﻲ ﻫﻴﺞ ﺗﻌﻮﻑ ﺑﺘﻚ ﺗﻄﻠﻊ ﻣﻤﺮﺿﻴﻪ ﻣﻨﻚ
ﺣﺘﻰ ﻟﻮ ﺟﻨﺖ ﻋﺎﻳﺶ ﺍﺑﻐﺪﺍﺩ ﻻﺯﻡ ﻣﺎ ﺗﻨﺴﻪ ﻋﺎﺩﺍﺕ ﻭﺗﻘﺎﻟﻴﺪ ﺍﺻﻠﻚ .. ﺍﺣﻨﻪ ﻭﻟﺪ ﻋﺸﺎﻳﺮ .. ﻧﺴﻮﺍﻧﻪ ﻣﺘﺸﻮﻑ ﻃﻮﻟﻬﺎ ﺍﻟﻄﺮﻑ .. ﻭﻫﺎﻱ ﻣﻔﺮﻋﻪ ﻭﺗﻤﺸﻲ
ﻳﺎﺳﻴﻦ .. ﻻ ﻋﻤﻲ ﺍﻧﻲ ﻧﺎﻭﻱ ﺍﺣﺠﺒﻬﺎ ﺑﺲ ﺑﻌﺪﻫﺎ ﺯﻏﻴﺮﻩ ﺗﻜﺒﺮ ﻭﺗﺘﺤﺠﺐ ..
ﺣﺎﺭﺙ .. ﻳﺎ ﺻﻐﻴﺮﻩ ﻋﻤﻲ .. ﻣﺮﻩ ﻫﺎﻙ ﻋﺎﻳﻨﻬﺎ ﻭﺍﺻﻠﻪ ﻟﺠﺘﻔﻲ .. ﺣﺠﺒﻬﺎ ﻋﻤﻲ ﻣﺎﻳﺼﻴﺮ
🔸🔹🥇🔸🔹
ﺭﻓﻞ .. ﺍﻧﺘﻪ ﺷﻨﻮ ﺷﺪﺧﻠﻚ .. ﺍﻛﻮ ﺍﺣﺪ ﻧﺼﺒﻚ ﻭﻟﻲ ﺍﻣﺮ ﻋﻠﻴﻪ
ﺣﺎﺭﺙ .. ﺻﺎﺡ ﺑﻴﻬﺎ ﻋﻤﻲ ﺑﺲ ﻛﻠﺒﻲ ﺷﺎﻝ ﻋﻠﻴﻬﺎ .. ﺻﻠﻔﻪ ﺣﻴﻞ ﻭﺍﺗﺨﺒﻞ ﻣﻦ ﻫﻴﺞ ﺣﺮﻣﻪ ..
ﻃﻠﻌﺖ ﺭﺣﺖ ﻟﻠﻤﻘﺮ ﻣﺎﻟﺘﻲ .. ﺍﺷﺘﻐﻠﺖ ﻟﻠﻤﻐﺮﺏ ﺭﺟﻌﺖ ﻟﺒﻴﺖ ﻋﻤﻲ .. ﻟﻜﻴﺖ ﻣﺮﺕ ﻋﻤﻲ ﺍﺷﻜﺎﻝ ﻣﺴﻮﻳﻪ ﻣﻦ ﺍﻻﻛﻞ ..
ﺑﺲ ﻛﻞ ﻫﻼﻛﻞ ﻣﺎ ﺍﺭﻏﺒﻪ .. ﺍﺫﺍ ﻣﻮ ﺗﻤﻦ ﻭﻣﺮﻙ ﻭﺧﺒﺰ .. ﻣﺎ ﻳﻌﺠﺒﻨﻲ ﺍﻛﻞ .. ﺑﺲ ﻣﺎ ﺭﺩﺕ ﺍﻓﺸﻠﻬﻢ .. ﺍﻛﻠﺖ ..
ﻛﺘﻠﻬﻢ ﻟﻌﺪ ﺭﻓﻞ ﻟﻴﺶ ﻣﺎ ﺗﺠﻲ ﺗﺘﻌﺸﻪ .. ﻛﺎﻟﻮ ﻻ ﻛﺎﻋﺪ ﺗﻘﺮﻩ ﻫﻴﻪ ﺑﻌﺪﻳﻦ ﺗﺎﺧﺬﻟﻬﺎ ﻟﻔﻪ ﻭﺗﺎﻛﻞ ..
ﻛﺘﻠﻬﺎ ﻋﻤﻪ ﻫﻴﻪ ﺷﻜﺪ ﻋﻤﺮﻫﺎ ..
ﻛﺎﻟﺖ . ﻋﻤﺮﻫﺎ 16 ﺳﻨﻪ .. ﻛﺘﻠﻬﺎ ﻳﺎ ﺻﻒ ﻛﺎﻟﺖ ﺭﺍﺑﻊ ﻋﺎﻡ
ﻫﺎﺍﺍ ﺯﻳﻦ .. ﺍﻟﻠﻪ ﻳﺨﻠﻴﻬﺎ .. ﻛﻤﻠﺖ ﻋﺸﺎ ﻭﻓﺮﺷﻮﻟﻲ ﻛﻌﺪﺕ ﺍﻧﻲ ﻭﻋﻤﻲ ﺍﺗﺎﺑﻊ ﺍﻻﺧﺒﺎﺭ .. ﺍﻧﻲ ﻣﻦ ﺍﻟﺘﻌﺐ ﻏﻔﻴﺖ .. ﻭﺑﻘﻰ ﻋﻤﻲ ﻳﻌﺎﻳﻦ
ﻣﺎ ﺣﺴﻴﺖ ﺍﻻ ﺍﻟﺴﺎﻋﻪ 5 ﺍﻟﺼﺒﺢ .. ﻛﻌﺪﺕ ﺭﺩﺕ ﺍﺭﻭﺡ ﻟﻠﺤﻤﺎﻡ ﺑﺲ ﺑﺎﺭﺩﻩ ﺣﻴﻞ .. ﻛﻤﺖ ﻛﻮﻩ ﻣﻦ ﺍﻟﺒﺮﺩ .. ﺍﻓﺘﺢ ﺍﺑﺎﺏ ﺍﻟﺤﻤﺎﻡ ﻣﻘﻔﻮﻝ
ﻃﻠﻊ ﺻﻮﺕ ﻣﻨﻮﻭﻭﻭ .. ﻛﺘﻠﻬﺎ ﺣﺎﺭﺙ .. ﺩﺗﺴﺒﺤﻴﻦ .. ﻛﺎﻟﺖ ﺍﻱ .. ﻛﺘﻠﻬﺎ ﺧﻠﺼﻲ ﺑﺴﺎﻉ ﺍﺭﻳﺪ ﺍﺭﻭﺡ
ﻛﺎﻟﺖ ﺭﻭﺡ ﺍﻛﻮ ﺣﻤﺎﻡ ﺑﺮﺍ ﺑﺎﻟﻜﺮﺍﺝ .. ﻛﺘﻠﻬﺎ ﺍﺭﻳﺪ ﺍﺳﺒﺢ .. ﻭﺍﻟﺠﻮ ﺑﺎﺭﺩ ﺑﺮﻩ ﻳﻜﺘﻞ .. ﺍﻃﻠﻌﻲ ..
ﻓﺘﺤﺖ ﺍﻟﺒﺎﺏ .. ﺑﺎﻭﻋﺖ .. ﻻﺑﺴﻪ ﻛﻠﺒﻴﻪ ﻗﺪﻳﻔﻪ ﺑﻨﻔﺴﺠﻲ ﻃﻮﺥ .. ﺍﻋﺎﻳﻦ ﺍﻟﺮﻛﺒﻪ ﺑﻴﻀﻪ ﺛﻠﺞ ﻣﺼﺒﻮﺑﻪ ﻭﻛﻠﻬﺎ ﻣﻲ ﻭﺍﻟﺸﻌﺮ ﺍﺳﻮﺩ ﻣﺒﻠﻞ ..
ﺩﺭﺕ ﻭﺟﻬﻲ ﻭﻧﺰﻟﺖ ﺭﺍﺳﻲ .. ﻛﺎﻟﺖ ﻳﻠﻪ ﻃﺐ ..
ﺧﻠﻴﺘﻬﺎ ﺗﺮﻭﺡ ﻭﻃﺒﻴﺖ ﺳﺒﺤﺖ .. ﺑﺲ ﻣﺎ ﺍﻋﺮﻑ ﺷﺼﺎﺭ ﺑﻴﻪ .. ﺑﻘﺖ ﺑﻌﻴﻮﻧﻲ ﻣﻨﻀﺮ ﺭﻛﺒﺘﻬﺎ ﻭﺷﻌﺮﻫﺎ ﺍﻟﻤﺒﻠﻞ ..
ﺧﺮﺏ ﺑﻴﺠﻦ ﻳﻨﺴﻮﺍﻥ ﻭﺍﻟﻠﻪ ﺍﺩﻭﺧﻦ .. ﻫﺰﻳﺖ ﺭﺍﺳﻲ ﻭﻛﻤﻠﺖ ﺳﺒﺢ .. ﻃﻠﻌﺖ ﻟﻜﻴﺘﻬﺎ ﺗﻬﻤﺲ ﺑﺎﻟﺘﻴﻠﻔﻮﻥ ..
ﺍﻋﺎﻳﻦ .. ﻫﺎﻱ ﺟﺎﺭﻩ ﺍﻟﺘﻠﻴﻔﻮﻥ ﺍﻻﺭﺿﻲ ﻟﻐﺮﻓﺘﻬﺎ .. ﺭﺣﺖ ﻟﻠﺼﺎﻟﻪ ﻫﻢ ﺍﻛﻮ ﺗﻠﻴﻔﻮﻥ ﺛﺎﻧﻲ .. ﺭﺑﻄﺘﻪ ﻭﻳﻪ ﺫﺍﻙ .. ﺳﻤﻌﺘﻬﺎ ﺗﺤﺠﻲ ﻭﻳﻪ ﻭﻟﺪ
ﻓﺎﺭ ﺩﻣﻲ .. ﺑﺲ ﻣﺎ ﺍﻛﺪﺭ ﺍﺣﺠﻲ ﻭﺍﺳﻮﻱ ﻣﺼﻴﺒﻪ ﺑﺎﻟﺒﻴﺖ .. ﺩﻛﻴﺖ ﺍﻟﺒﺎﺏ ﻋﻠﻴﻬﺎ .. ﻧﺰﻝ ﻋﻤﻲ ..
ﻛﺎﻝ ﻫﺎ ﺻﺒﺎﺡ ﺍﻟﺨﻴﺮ .. ﻛﺘﻠﻪ ﻫﻠﻪ ﻋﻤﻲ ﺻﺒﺎﺡ ﺍﻟﻨﻮﺭ .. ﻃﻠﻌﺖ ﻫﻴﻪ .. ﻋﺎﻳﻨﻠﻬﺎ ﻋﻤﻲ .. ﻛﺎﻟﻬﺎ ﻟﻴﺶ ﻣﺎﺧﺬﻩ ﺍﻟﺘﻠﻴﻔﻮﻥ ﻳﻤﺞ
ﻛﺎﻟﺘﻠﻪ ﺑﺎﺑﺎ ﺍﻟﺒﺎﺭﺣﻪ ﻧﺴﻴﺘﻪ ﻳﻤﻲ ﻟﻤﺎ ﺟﻨﺖ ﺍﺧﺎﺑﺮ ﺻﺪﻳﻘﺘﻲ .. ﻋﺎﻳﻨﺖ .. ﻫﺎﻱ ﺗﺠﺬﺏ ﻭﺭﺍﻫﺎ ﻣﺼﻴﺒﻪ
ﺑﺪﻟﺖ ﻣﻼﺑﺴﻲ ﻭﺭﺣﺖ .. ﺑﺪﻭﻥ ﻣﺎ ﺍﺗﺮﻳﻚ .. ﻭﻣﺎ ﺭﺟﻌﺖ ﻟﺒﻴﺖ ﻋﻤﻲ .. ﺑﻘﻴﺖ 6 ﺍﻳﺎﻡ ﺍﻧﺎﻡ ﺑﺎﻟﻤﻘﺮ .. ﺍﺧﺎﻑ ﻫﻢ ﺍﺳﻤﻌﻬﺎ ﻭﺗﺼﻌﺪ ﻏﻴﺮﺗﻲ ﻭﺍﻛﺘﻠﻬﺎ ﻣﺎ ﺍﺗﺤﻤﻞ ﻫﻴﺞ ﻣﺮﻩ
ﺑﻘﻴﺖ ﺍﻓﻜﺮ ﺍﻳﺎﻡ .. ﻫﺎﻱ ﻃﻔﻠﻪ ﻭﻻ ﻭﺍﺣﺪ ﻻﻋﺐ ﻋﻠﻰ ﻋﻘﻠﻬﺎ ﻭﺧﺎﺩﻋﻬﺎ ﺷﻠﻮﻥ ﻳﺮﺑﻲ ﻫﺎﻱ ﻫﻢ ﻋﺮﺿﻲ
ﺍﺧﺮ ﺷﻲ ﻗﺮﺭﺕ ﺍﺧﻄﺒﻬﺎ ﻣﻦ ﻋﻤﻲ .. ﺭﺣﺖ ﻋﻠﻴﻪ ﺍﻟﻤﻐﺮﺏ ﻛﻞ ﻋﺎﺩﻩ ﺍﺳﺘﻀﺎﻓﻪ ﺑﺄﺣﺴﻦ ﻣﺎ ﻳﻜﻮﻥ
ﺗﻌﺸﻴﻨﻪ ﻭﻛﻤﻠﻨﻪ .. ﻛﺘﻠﻪ ﻋﻤﻲ ﺟﺎﻳﻚ ﻭﻃﺎﻟﺒﻚ .. ﻛﺎﻝ ﺗﻔﻀﻞ ﻋﻤﻲ ﻛﻮﻝ .. ﻛﺘﻠﻪ ﺍﺭﻳﺪ ﺭﻓﻞ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ
ﻛﺎﻝ ﻭﺍﻟﻠﻪ ﻳﺎ ﻋﻤﻲ ﻓﺎﺟﺌﺘﻨﻲ ﺭﻓﻞ ﺑﻌﺪﻫﺎ ﺯﻏﻴﺮﻩ ﻭﻳﻨﻬﺎ ﻭﻳﻦ ﺍﻟﺰﻭﺍﺝ .. ﺣﺘﻰ ﻣﺎ ﺗﻔﺘﻬﻢ ﺷﻨﻮ ﺍﻟﺰﻭﺍﺝ ﻭﺍﻟﺤﺐ ﻭﻫﻼﺷﻴﺎﺀ
🔹🔸🥇🔹🔸
ﻛﺘﻠﻪ ﺗﻔﺘﻬﻢ ﻛﻠﺸﻲ ﻋﻤﻲ .. ﺍﻧﻲ ﺭﺍﻳﺪﻫﺎ ﻭﺍﻧﻲ ﺍﺑﻦ ﻋﻤﻬﺎ ﺍﻭﻟﻲ ﺍﻟﻨﺎﺱ ﺑﻴﻬﺎ .. ﻛﺎﻝ ﺧﻠﻴﻨﻪ ﻧﻔﻜﺮ ﻭﻧﺮﺩﻟﻚ ﺧﺒﺮ
ﻛﺘﻠﻪ ﺍﻟﺒﺎﺟﺮ .. ﻻﻥ ﻋﻜﺒﻬﺎ ﺍﻧﺸﺎﻟﻠﻪ ﻃﺎﻟﻊ ﻟﻠﻨﺎﺻﺮﻳﻪ .. ﻛﺎﻝ ﻣﻴﺼﻴﺮ ﻫﻴﺞ ﻻﺯﻡ ﺗﺎﺧﺬ ﻭﻗﺘﻬﺎ .. ﻛﺘﻠﻪ ﻋﻤﻲ ﻣﻴﺤﺘﺎﺝ ﺗﻔﻜﻴﺮ ﺧﺒﺮﻫﺎ ﻭﻛﻠﻬﺎ ﺍﺑﻦ ﻋﻤﺞ ﺭﺍﻳﺪﺝ .. ﻭﻫﺎﻫﻴﻪ
...... ..
ﺭﻓﻞ .. ﻟﺤﻈﻪ ﺍﻋﺮﻓﻜﻢ ﺑﻨﻔﺴﻲ .. ﺍﺳﻤﻲ ﺭﻓﻞ ﻋﻤﺮﻱ ﺑﻮﻗﺘﻬﺎ 16 ﺳﻨﻪ .. ﺻﺢ ﺯﻏﻴﺮﻩ ﺑﺲ ﻭﺍﻋﻴﻪ ﻭﺍﻓﺘﻬﻢ
ﺍﺑﻮﻳﻪ ﺍﺳﺘﺎﺫ ﺟﺎﻣﻌﻲ .. ﻭﺍﻣﻲ ﻣﺪﺭﺳﺔ ﺍﺣﻴﺎﺀ .. ﻋﻨﺪﻱ ﺍﺧﻮﺍﻥ ﺻﻐﺎﺭ ﺛﻨﻴﻦ .. ﻭﻣﺎ ﻋﻨﺪﻱ ﺍﺧﺖ ..
ﻓﺪ ﻳﻮﻡ ﻃﻠﻌﻨﻪ ﺭﺣﻨﺎ ﺯﻳﺎﺭﻩ ﻟﺼﺪﻳﻖ ﺑﺎﺑﺎ ﻫﻢ ﺍﺳﺘﺎﺫ ﺟﺎﻣﻌﻲ .. ﺍﺳﻤﻪ ﺍﺳﺘﺎﺫ ﺣﺴﻦ .. ﻫﻨﺎﻙ ﺷﻔﺖ ﺍﺑﻨﻪ
ﺟﺎﻥ ﺣﻠﻮ ﻭﻧﺎﺯﻙ ﻭﺷﺨﺼﻴﻪ .. ﻳﺪﺭﺱ ﻫﻨﺪﺳﻪ ﻣﻌﻤﺎﺭﻱ ﺳﻨﻪ ﺍﻭﻟﻰ .. ﺻﺎﺭﺕ ﺑﻴﻨﺎﺗﻨﺎ ﻧﻀﺮﺍﺕ ﺍﻋﺠﺎﺏ
ﻫﻮﻩ ﻳﺒﺎﻭﻉ ﻭﺍﻧﻲ ﺍﺑﺎﻭﻋﻠﻪ ﻭﺍﻧﺰﻝ ﻋﻴﻨﻲ ﺍﺳﺘﺤﻲ .. ﻭﺍﺧﺠﻞ ﺍﺑﺎﻭﻋﻠﻪ .. ﺍﺧﺮ ﺷﻲ ﻛﻤﺖ ﻭﻳﻪ ﺍﺧﺘﻪ ﺭﺣﺖ ﻟﻐﺮﻓﺘﻬﺎ
ﻛﻌﺪﻧﻪ ﻧﺴﻮﻟﻒ ﻭﻧﻀﺤﻚ ﻟﺸﻮﻱ ﺍﻟﺒﻨﻴﻪ ﺍﻟﻠﻲ ﺗﺼﻴﺮ ﺑﻨﺖ ﺻﺪﻳﻖ ﺑﺎﺑﺎ .. ﺻﺎﺣﺘﻠﻬﺎ ﺍﻣﻬﺎ .. ﻃﻠﻌﺘﻠﻬﺎ ﻣﻦ ﺍﻟﺪﺭﺝ ..
ﻛﺎﻟﺘﻠﻬﺎ ﺍﻧﺰﻟﻲ ﺍﺭﻳﺪﺝ .. ﺑﺎﻭﻋﺘﻠﻲ ﻭﻛﺎﻟﺘﻠﻲ ﺭﻓﻞ ﺩﻗﺎﻳﻖ ﻭﺍﺟﻴﺞ .. ﻛﺘﻠﻬﺎ ﻣﺎﺷﻲ .. ﻧﺰﻟﺖ ﻭﺍﻧﻲ ﺑﻘﻴﺖ ﺑﺎﻟﻐﺮﻓﻪ
ﺩﺧﻞ ﺍﺧﻮﻫﺎ .. ﺑﺸﻜﻞ ﺳﺮﻳﻊ ﺻﺎﺡ ﺍﺳﻤﺎﺍﺍﺀ ﺷﺎﻓﻨﻲ ﻛﺎﻋﺪﻩ ﻛﺎﻝ ﺍﻟﻌﻔﻮ .. ﻋﺒﺎﻟﻲ ﺍﺳﻤﺎﺀ ﻫﻨﺎ .. ﺍﺑﺘﺴﻤﺖ
ﻛﺎﻝ ﺷﻨﻮ ﺍﺳﻤﺞ .. ﻛﺘﻠﻪ ﺍﺳﻤﻲ ﺭﻓﻞ .. ﻛﺎﻝ ﺍﻧﻲ ﻋﻤﺮ .. ﻛﺘﻠﻪ ﺍﻫﻼ ﻭﺳﻬﻼ ﺍﺗﺸﺮﻑ .. ﻛﺎﻝ ﺍﻟﻲ ﺍﻟﺸﺮﻑ
ﺑﻘﻰ ﻳﺤﺠﻲ ﻭﺍﻟﻌﺮﻙ ﻳﻨﺰﻝ ﻣﻦ ﻭﺟﻬﺎ ﻭﺍﻟﺪﻧﻴﺎ ﺑﺎﺭﺩﻩ .. ﺣﺴﻴﺖ ﺑﺎﻟﺨﺠﻞ ﻣﺎﻟﺘﻪ .. ﺩﻧﻜﺖ .. ﻛﺎﻝ ﻃﺎﻟﺒﻪ .. ﻛﺘﻠﻪ ﺍﻱ
ﻛﺎﻝ ﻳﺎ ﺻﻒ .. ﻛﺘﻠﻪ ﺭﺍﺑﻊ ﻋﺎﻡ .. ﻛﺎﻝ ﺍﻧﻲ ﺟﺎﻣﻌﻲ ﻫﻨﺪﺳﻪ ﻣﻌﻤﺎﺭﻱ .. ﻛﺘﻠﻪ ﺍﻋﺮﻑ .. ﻛﺎﻝ ﻣﻨﻴﻦ ﻛﺘﻠﻪ ﺍﺧﺘﻚ ﺳﻮﻟﻔﺘﻠﻲ ﻋﻠﻴﻜﻢ ﻛﻠﻜﻢ
ﻋﻤﺮ .. ﻫﺎﺍﺍ ﻳﺎ ﻣﺪﺭﺳﻪ ﺍﻧﺘﻲ
ﺭﻓﻞ .. ﻣﺪﺭﺳﺔ ﻋﺎﺋﺸﻪ ﺍﻡ ﺍﻟﻤﺆﻣﻨﻴﻦ
ﻋﻤﺮ .. ﻫﺎﺍﺍ .. ﺩﺍﺭﻳﺪ ﺍﺣﺠﻲ ﻭﻳﺎﻫﺎ ... ﺩﺧﻠﺖ ﺍﺧﺘﻲ .. ﻏﻤﺰﺗﻠﻲ ﻫﺎﺍ .. ﺧﺰﺭﺗﻬﺎ ﻭﻃﻠﻌﺖ
ﺍﺳﻤﺎﺀ ... ﻫﻬﻬﻪ ﺑﺎﻭﻋﺖ ﺍﻟﺮﻓﻞ ﻛﺘﻠﻬﺎ ﺷﺒﻴﻪ ﻋﻤﺮ
ﺭﻓﻞ .. ﻣﺒﻴﻪ ﺷﻲ ﺍﺟﻪ ﻳﺴﺄﻝ ﻋﻠﻴﺞ ..
ﺍﺳﻤﺎﺀ .. ﻫﻤﻤﻤﻢ ﻭﻟﻮ ﻣﻤﻘﺘﻨﻌﻪ ﺑﺲ ﺭﺍﺡ ﺍﻧﻔﻮﺗﻬﺎ
ﺭﻓﻞ .. ﻫﻬﻬﻬﻪ
ﺍﺳﻤﺎﺀ .. ﻋﺪﻛﻢ ﺗﻠﻴﻔﻮﻥ ﺑﺎﻟﺒﻴﺖ ﻣـ ℳO ــﻮ
ﺭﻓﻞ .. ﺍﻱ ﻋﺪﻧﻪ ..
ﺍﺳﻤﺎﺀ .. ﻳﻌﻨﻲ ﻧﺘﺨﺎﺑﺮ ﺍﻧﻲ ﻭﻳﺎﺝ ﻭﻧﺼﻴﺮ ﺻﺪﻳﻘﺎﺕ ﻋﺎﺩﻱ ..
ﺭﻓﻞ .. ﺍﻱ ﻋﺎﺩﻱ ﺍﺗﺸﺮﻑ .. ﺍﻧﻄﻴﺘﻬﺎ ﺭﻗﻢ ﺗﻴﻠﻔﻮﻧﻪ ﻭﺑﻌﺪﻫﺎ ﻛﻌﺪﻧﻪ ﻧﺴﻮﻟﻒ .. ﺍﻧﻮﺏ ﻧﺰﻟﻨﻪ ﻧﺘﻐﺪﻩ .. ﻛﻤﻠﻨﻪ ﻭﺭﺟﻌﻨﻪ ﻟﻠﺒﻴﺖ
ﻣﺮﺕ ﺍﻳﺎﻡ ﻭﺍﻧﻲ ﺍﺷﻮﻑ ﻋﻤﺮ ﺍﺑﺎﺏ ﺍﻟﻤﺪﺭﺳﻪ ﻛﻞ ﻣﺎ ﺍﻃﻠﻊ .. ﺑﺲ ﻳﺒﺎﻭﻋﻠﻲ .. ﻭﺍﻧﻲ ﺍﺑﺘﺴﻢ ﻭﺍﻧﺰﻝ ﺭﺍﺳﻲ
ﻣﺮﺕ ﺍﻻﻳﺎﻡ ﻭﺍﺧﺘﻪ ﻛﺎﻣﺖ ﺗﺨﺎﺑﺮ ﻋﻠﻰ ﺍﻟﺘﻴﻠﻔﻮﻥ ﻣﺎﻟﺘﻨﻪ .. ﺍﻧﻮﺏ ﻫﻮﻩ ﻳﺤﺠﻲ ﻭﻳﺎﻳﻪ .. ﺍﻟﻰ ﺍﻥ ﺣﺒﻴﻨﻪ ﺑﻌﺾ
🔸🔹🥇🔸🔹
ﻛﻤﻨﻪ ﻳﻮﻣﻴﻪ ﻧﺤﺠﻲ ﺳﻮﻩ ﻣﻦ ﻳﻨﺎﻣﻮﻥ ﺍﻫﻠﻲ .. ﺍﺟﺮ ﺍﻟﺘﻴﻠﻔﻮﻥ ﻭﺍﺧﻠﻴﻪ ﺑﻐﺮﻓﺘﻲ ..
ﻓﺪ ﻳﻮﻡ ﺑﺎﺑﺎ ﻛﺎﻝ ﺍﺑﻦ ﺍﺧﻮﻳﻪ ﺣﺎﺭﺙ ﺣﻴﺠﻴﻨﻪ ﻛﻮﻣﻮ ﺳﻮﻭ ﺍﻻﺳﺘﻀﺎﻓﻪ .. ﻛﻠﺖ ﺍﻫﻮﻭﻭﻭﻭ ﺷﻜﺪ ﺍﻛﺮﻩ ﻋﻤﺎﻣﻲ ﻭﻻ ﺍﺣﺒﻬﻢ
ﺍﺣﺴﻬﻢ ﺭﻳﻒ ﻫﻤﺞ ﻛﻠﻪ ﻋﺪﻫﻢ ﻋﻴﺐ ﻭﺣﺮﺍﻡ .. ﻭﺟﻨﺖ ﺍﺣﺐ ﺑﻴﺒﻲ ﻫﻮﺍﻳﻪ ﻭﺳﻮﻟﻔﺘﻠﻲ ﻋﻠﻴﻬﻢ ﻭﻋﻠﻰ ﺍﻃﺒﺎﻋﻬﻢ .. ﻟﻌﺒﺖ ﺭﻭﺣﻲ ﻣﻨﻬﻢ .. ﻭﻻ ﻋﺪﻧﻪ ﺍﺧﺘﻼﻁ ﻭﻳﺎﻫﻢ .. ﻓﻘﻂ ﺑﺎﺑﺎ
ﺍﻧﻲ ﺭﺣﺖ ﺍﺩﺭﺱ ﻟﺸﻮﻱ ﺳﻤﻌﺖ ﺻﻮﺗﻪ ﺿﺨﻢ ﻭﻫﻮﻩ ﻳﺴﻮﻟﻒ ﻭﻳﻪ ﺍﺑﻮﻳﻪ .. ﻭﺣﺠﻴﻪ ﻫﻴﺞ ﺑﻴﻪ ﻃﻜﺖ ﺷﺮﻭﻙ
ﻣﻄﻠﻌﺖ ﻭﻻ ﺳﻠﻤﺖ ﺑﻘﻴﺖ ﺑﻐﺮﻓﺘﻲ .. ﻟﺴﺎﻋﻪ .. ﺍﺟﺖ ﻣﺎﻣﺎ ﺟﺎﻳﺒﺘﻠﻲ ﺍﻻﻛﻞ ﻛﺘﻠﻬﺎ ﻣﺮﺍﺡ ﺍﻟﻌﻘﺪﻩ .. ﻛﺎﻟﺖ ﻋﻴﺐ ﺗﺤﺠﻴﻦ ﻫﺸﻜﻞ ﻫﺬﺍ ﺍﺑﻦ ﻋﻤﺞ
ﻛﺘﻠﻪ ﺍﻭﻭﻱ ﻫﺬﺍ ﺍﺑﻦ ﻋﻤﻲ .. ﻃﻢ ﺍﻟﻠﻲ ﻳﻄﻤﻪ ﺍﻧﺸﺎﻟﻠﻪ .
ﺍﻛﺮﻫﻢ ﻫﻤﺞ . ﻛﺎﻟﺖ ﻋﻴﻴﻴﻴﻴﺐ .. ﺍﺫﺍ ﺗﺮﺩﻳﻦ ﺍﻃﻠﻌﻴﻦ ﺍﻭ ﺷﻲ ﺗﺮﻩ ﻫﻮﻩ ﻧﺎﻡ ﻭﺳﺪﻳﻨﻪ ﺑﺎﺏ ﺍﻟﺼﺎﻟﻪ .. ﻳﻌﻨﻲ ﻣﺤﻴﺸﻮﻓﺞ ﺍﺧﺬﻱ ﺭﺍﺣﺘﺞ
ﻛﺘﻠﻬﺎ ﭐפﮔـﻴﮧ ﺭﺣﺖ ﻟﻠﻤﻄﺒﺦ ﺷﺮﺑﺖ ﻣﻲ ﻭﺩﺧﻠﺖ ﻟﻠﺤﻤﺎﻡ ﻭﺭﺟﻌﺖ .. ﺍﺧﺬﺕ ﺍﻟﺘﻴﻠﻴﻔﻮﻥ ☎ ﻭﺧﺎﺑﺮﺕ ﻋﻤﺮ ..
ﺣﺠﻴﻨﻪ ﻟﺴﺎﻋﻪ ﻭﺳﺪﻳﺘﻪ ﻭﺭﺟﻌﺖ ﺍﻗﺮﻩ ﺟﺎﻧﺖ ﻋﺪﻧﻪ ﻧﺼﻒ ﺍﻟﺴﻨﻪ .. ﺍﻧﻮﺏ ﺗﻌﺒﺖ ﻣﻦ ﺍﻟﻘﺮﺍﻳﻪ .. ﻃﻠﻌﺖ ﻟﻠﻤﻄﺒﺦ
ﺷﺮﺑﺖ ﻣﻲ ﻣﻦ ﺍﻟﺜﻼﺟﻪ .. ﺍﺑﺎﻭﻉ ﺍﻟﺠﻮ ﺑﺎﺍﺍﺍﺍﺭﺩ .. ﻋﺠﺒﻨﻲ ﺍﻃﻠﻊ .. ﺍﻏﻴﺮ ﻧﻔﺴﻲ .. ﺧﻠﻴﺖ ﺍﻟﻜﺒﻮﺱ ﻣﺎﻝ ﺍﻟﺘﺮﺍﻙ ﻋﻠﻰ ﺭﺍﺳﻲ ﻭﻃﻠﻌﺖ ﺍﺷﻢ ﻫﻮﺍ
ﺑﺲ ﺑﺎﺭﺩ ﻛﻮﻭﻭﻭﻟﺶ ﺍﺣﺲ ﺭﺷﺤﺖ .. ﺩﺧﻠﺖ ﺑﺴﺮﻋﻪ .. ﺍﻭﻝ ﻣﺪﺧﻠﺖ ﺟﺎﻥ ﻭﺍﺣﺪ ﻳﻀﺮﺑﻨﻲ ﻣﻦ ﺿﻬﺮﻱ ﺍﻧﺪﻓﻌﺖ ﻋﻠﻜﺎﻉ
ﺟﺘﻒ ﺍﺩﻳﻪ ﻭﺧﻠﻪ ﺍﻟﺴﻼﺡ ﺑﺮﺍﺳﻲ ﻭﻛﻌﺪ ﻋﻠﻰ ﺿﻬﺮﻱ .. ﻭﻛﺎﻝ ﻣﻨﻮ ﺍﻧﺘﻲ .. ﻣﺘﺖ ﺧﻮﻑ .. ﺑﻘﻴﺖ ﺍﺻﻴﺢ .. ﺳﻜﺘﻨﻲ .. ﻋﺮﻓﺖ ﻫﺬﺍ ﺣﺎﺭﺙ ..
ﺑﺲ ﻳﺨﻮﻑ ﻃﻮﻳﻞ ﻭﺿﺨﻢ ﻭﺍﻟﺪﻧﻴﺎ ﻟﻴﻞ ﺍﺭﺗﻌﺒﺖ ﻣﻨﻪ .. ﺭﺍﺩ ﺟﺎﻱ ﻋﺎﻧﺪﺗﻪ ﻭﺩﺧﻠﺖ .. ﻧﻤﺖ ﻭﻛﻌﺪﺕ ﻟﻠﺪﻭﺍﻡ .. ﺻﺎﺭ ﻳﺤﺎﺳﺒﻨﻲ ﻟﻴﺶ ﻣﻼﺑﺴﻪ ﺣﺠﺎﺏ .. ﻫﻠﻠﻠﻠﻠﻠﻮ ﻭﻫﻮﻩ ﻣﻨﻮ ﻭﻳﺤﺎﺳﺒﻨﻲ
ﺛﺎﻧﻲ ﻳﻮﻡ ﺍﺟﻪ ﺑﺎﺕ ﻋﺪﻧﻪ .. ﻣﺎ ﻃﻠﻌﺖ ﺍﺑﺪ ﺑﺲ ﺍﻟﺼﺒﺢ ﻭﺍﻧﻲ ﺟﻨﺖ ﺍﺳﺒﺢ ﺩﻙ ﺍﻟﺒﺎﺏ .. ﻟﺒﺴﺖ ﻣﻼﺑﺴﻲ ﻭﻃﻠﻌﺖ .. ﺑﻤﺠﺮﺩ ﻣﺸﺎﻓﻨﻲ .. ﻧﺰﻝ ﻋﻴﻨﻪ ﻭﺩﺍﺭ ﻭﺟﻬﻪ
ﺩﺧﻞ ﻫﻮﻩ ﻳﺴﺒﺢ ﺍﻧﻲ ﺟﺮﻳﺖ ﺍﻟﺘﻴﻠﻴﻔﻮﻥ ﻭﺧﺎﺑﺮﺕ ﻋﻤﺮ ﺟﻨﺖ ﻧﺎﻭﻳﻪ ﺍﺷﻮﻓﻪ ﺍﻟﻴﻮﻡ ..
ﻟﺸﻮﻱ ﺍﻧﺪﻛﺖ ﺍﻟﺒﺎﺏ .. ﻛﻤﺰﺕ .. ﺳﺪﻳﺖ ﺍﻟﺨﻂ ﺑﺴﺮﻋﻪ ﻭﻓﺘﺤﺖ ﻃﻠﻊ ﺣﺎﺭﺙ .. ﻭﻓﺠﺄﻩ ﻧﺰﻝ ﺑﺎﺑﺎ .. ﺳﺌﻠﻨﻲ ﻋﻠﺘﻴﻠﻴﻔﻮﻥ .. ﻛﺘﻠﻪ ﺟﻨﺖ ﺍﺧﺎﺑﺮ ﺻﺪﻳﻘﺘﻲ ﺍﻟﺒﺎﺭﺣﻪ ..
ﻋﺎﺩﻱ ﻋﺒﺮﺕ ﺍﻟﺤﻤﺪﻟﻠﻪ .. ﺟﺎﻥ ﺭﺣﺖ ﺑﻴﻬﺎ .. ﺑﺪﻟﺖ ﻭﺭﺣﺖ ﻟﻠﻤﺪﺭﺳﻪ .. ﺑﻌﺪ ﻣﺎ ﺍﺟﺎﻧﻪ ﺣﺎﺭﺙ ﻣﺮﺕ 6 ﺍﻳﺎﻡ ﻭﻫﻮﻩ ﻣﺎﻛﻮ ﺧﻔﺘﺎ ﻭﺭﺍﺣﻪ ..
ﺍﻧﻮﺏ ﻫﻢ ﺭﺟﻊ ﺍﺟﺎﻧﻪ ﺍﻫﻮﻭﻭﻭ ﺷﻠﻮﻥ ﺳﺎﻟﻔﻪ ﻫﺎﻱ ﻣﺮﺍﺡ ﻧﺨﻠﺺ .. ﺍﺗﻘﻴﺪ ﻣﻦ ﻳﺠﻲ ﺍﺑﻘﻰ ﻣﺤﺒﻮﺳﻪ ﺑﻐﺮﻓﺘﻲ ﻟﺤﺪ ﻣﻴﺮﻭﺡ
ﺛﺎﻧﻲ ﻳﻮﻡ ﺩﺍ ﺍﻓﻮﺕ ﻣﻦ ﺍﻟﺼﺎﻟﻪ .. ﺳﻤﻌﺖ ﻣﺎﻣﺎ ﺗﻜﻠﻪ ﻳﺎﺳﻴﻦ ﺍﺭﻓﺾ ﺭﻓﻞ ﺑﻌﺪﻫﺎ ﺯﻏﻴﺮﻩ ﺷﻔﻬﻤﻬﺎ ﺑﺎﻟﺰﻭﺍﺝ
ﺑﻘﻴﺖ ﺻﺎﻓﻨﻪ .. ﻣﻌﻘﻮﻟﻪ ﻋﻤﺮ ﺍﻭ ﺍﻫﻠﻪ ﺣﺠﻮ ﻋﻠﻴﻪ .. ﻭﻳﺮﺩﻭﻧﻲ .. ﺩﺧﻠﺖ .. ﻛﺘﻠﻬﺎ ﺳﻤﻌﺖ ﺍﺳﻤﻲ ﺷﻜﻮﻭﻭﻭﻭ ☺
ﻛﺎﻝ ﺑﺎﺑﺎ ﺗﻌﺎﻱ ﻛﻌﺪﻱ .. ﻛﺘﻠﻪ ﺷﻨﻮ .. ﻛﺎﻝ ﺍﺑﻦ ﻋﻤﺞ ﺣﺎﺭﺙ .. ﻛﺘﻠﻪ ﺍﻫﻮﻭﻭ ﺷﺒﻴﻪ .. ﻛﺎﻝ ﺭﺍﻳﺪﺝ ﻣﺮﻩ ﺍﻟﻪ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ ﺷﺘﻜﻮﻟﻴﻦ ..
🔹🔸🥇🔹🔸
ﻛﺘﻠﻪ ﻋﻴﻴﻴﻴﻴﻊ ﻟﻮ ﺍﻣﻮﻭﻭﺕ ﻫﻢ ﺍﺗﺰﻭﺟﻪ .. ﻭﻻ ﺍﺭﻳﺪﻩ ﺑﺎﺑﺎ ﺍﻧﻲ ﺍﻛﺮﻫﻢ ﺍﺭﻭﺡ ﺍﺗﺰﻭﺟﻪ ﻭﺍﻋﻴﺶ ﻋﺪﻫﻢ ﻟﻮ ﺍﻣﻮﻭﺕ
ﻳﺎﺳﻴﻦ .. ﻋﻴﻴﻴﺐ ﺑﺎﺑﺎ ﺫﻭﻟﻪ ﺍﻫﻠﻲ ..
ﺭﻓﻞ .. ﺑﺎﺑﺎ ﺍﺣﺘﺮﺍﻣﻲ ﺍﻟﻚ ﺑﺲ ﺍﻧﻲ ﻋﻤﺎﻣﻲ ﻣﺎ ﺍﺣﺒﻬﻢ ﻭﻣﺎ ﺍﺭﻳﺪ ﺍﻋﻴﺶ ﻭﻳﺎﻫﻢ ..
ﺍﻻﻡ .. ﺍﺭﻓﺾ ﻳﺎﺳﻴﻦ ﺷﺒﻴﻚ ﺍﻟﺒﻨﻴﻪ ﺑﻌﺪﻫﺎ ﺯﻏﻴﺮﻩ ﺷﻨﻮ ﺯﻭﺍﺝ ﺗﺤﺠﻲ ﺻﺪﻭﻙ ﺧﻞ ﺗﻜﻤﻞ ﺩﺭﺍﺳﻪ ..
ﻳﺎﺳﻴﻦ .. ﺍﻧﺸﺎﻟﻠﻪ ﺍﻟﻴﻮﻡ ﻳﺠﻲ ﻭﺍﻛﻮﻟﻪ ﺑﺠﻮﺍﺑﻬﺎ ..
ﺣﺎﺭﺙ .. ﻛﻤﻠﺖ ﺷﻐﻠﻲ ﺑﺎﻟﻤﻘﺮ ﻟﻤﻴﺖ ﻏﺮﺍﺿﻲ ﻭﻛﻤﻠﺖ ﺍﻧﺸﺎﻟﻠﻪ ﺑﺎﺟﺮ ﺭﺍﺟﻊ ﻟﻠﻨﺎﺻﺮﻳﻪ .. ﺭﺣﺖ ﻟﺒﻴﺖ ﻋﻤﻲ .. ﺍﻭﻝ ﺷﻲ ﺩﺧﻠﺖ ﺳﺒﺤﺖ
ﻃﻠﻌﺖ ﺻﺒﻮﻟﻲ ﻋﺸﺎ .. ﻛﻌﺪﺕ ﺍﻛﻞ ﻭﻋﻤﻲ ﻭﻣﺮﺗﻪ ﻭﺟﻬﺎﻟﻪ ﻋﻠﺴﻔﺮﻩ ﻭﺣﺪﻩ .. ﻛﺘﻠﻪ ﻋﻤﻲ ﺷﺴﻮﻳﺖ ﻋﻠﻤﻮﺿﻮﻉ ﺍﻟﻠﻲ ﻛﺘﻠﻚ ﻋﻠﻴﻪ
ﻛﺎﻝ ﺍﻧﺸﺎﻟﻠﻪ ﻧﺤﺠﻲ ﺑﻌﺪﻳﻦ .. ﻛﺘﻠﻪ ﺍﻧﺸﺎﻟﻠﻪ ﺧﻴﺮ ﺩﻧﻜﺖ .. ﻛﺘﻠﻪ ﻋﻤﻲ .. ﺣﺎﺟﻴﺖ ﻧﻘﻴﺐ ﺭﺣﻤﺎﻥ ﻋﻠﻴﻚ .. ﻛﺎﻝ ﻫﻼ ﺑﻴﻪ ﻳﺘﻔﻀﻞ ﻳﻤﻨﻪ ﻭﻗﻀﻴﺘﻪ ﻣﺤﻠﻮﻟﻪ ﺍﻧﺸﺎﻟﻠﻪ
ﻛﺎﻝ ﻣﺸﻜﻮﺭ ﻋﻤﻲ ﻭﺍﻟﻠﻪ ﻣﺎ ﻗﺼﺮﺕ .. ﻛﺘﻠﻪ ﻋﻤﻲ ﻫﺬﺍ ﻭﺍﺟﺒﻲ .. ﻛﻤﻠﻨﺎ ﺍﻛﻞ ﻭﺻﺒﻮﻟﻨﻪ ﺟﺎﻱ . ﻭﻛﻌﺪﻧﻪ ﺍﻧﺘﺎﺑﻊ ﺍﺧﺒﺎﺭ
ﻛﺘﻠﻪ ﺍﻻﺧﺒﺎﺭ ﻣﻄﻤﻦ .. ﻛﺎﻝ ﺑﻮﺵ ﻧﺎﻭﻱ ﻧﻴﻪ ﺳﻮﺩﻩ .. ﺑﺲ ﺻﺪﺍﻡ ﻣﻴﻨﻜﺪﺭ ﻣﺎ ﻳﻨﻄﻴﻬﺎ ﻻﺧﺮ ﺩﻡ .. ﻛﺘﻠﻪ ﻭﺍﻟﻠﻪ ﻳﻌﻤﻲ ﻫﺎﻱ ﺍﻣﺮﻳﻜﺎ ﻳﻨﺨﺎﻑ ﻣﻨﻬﺎ ..
ﻛﺎﻝ ﻻ ﻣﺴﺘﺤﻴﻞ ﺍﻟﺮﻳﺲ ﻣﻴﺴﺘﺴﻠﻢ .. ﻛﺘﻠﻪ ﺍﻧﺸﺎﻟﻠﻪ .. ﺩﺭﺕ ﻭﺟﻬﻲ ﻋﻠﻴﻪ .. ﻛﺘﻠﻪ ﻋﻤﻲ .. ﺷﻨﻮ ﺍﻻﺧﺒﺎﺭ ﻭﺍﻓﻘﺖ ﻋﻼﺟﻴﺘﻚ ﻋﻠﻴﻪ
ﻛﺎﻝ ﻭﺍﻟﻠﻪ ﻳﺎ ﻭﻟﻴﺪﻱ ﺳﺌﻠﺖ ﺍﻡ ﺭﻓﻞ ﻭﻛﺎﻟﺖ ﺣﺎﺭﺙ ﻧﻌﻢ ﺍﻟﺮﺟﺎﻝ .. ﻭﺍﻧﻲ ﺗﻌﺮﻓﻨﻲ ﺍﺣﺒﻚ ﻭﺍﻗﺪﺭﻙ ﻭﺍﺗﻤﻨﺎﻫﺎ ﺍﻟﻚ ﺍﻧﺘﻪ ﺭﺟﺎﻝ ﻃﻮﻝ ﻭﻋﺮﺽ ﻭﻫﻴﺒﻪ ﻭﺍﻟﻚ ﻣﻜﺎﻧﺘﻚ ﻭﺷﻐﻠﻚ
ﺑﺲ ﻳﺎ ﻋﻤﻲ ﺍﻟﺒﻨﻴﻪ ﻣﺎ ﺗﺮﻳﺪ ﺗﺘﺰﻭﺝ .. ﻛﺘﻠﻪ ﻳﻌﻨﻲ ﺷﻨﻬﻲ .. ﻛﺎﻝ ﻣﺎﻛﻮ ﻗﺴﻤﻪ ﻣﻤﻮﺍﻓﻘﻪ .. ﻛﺘﻠﻪ ﻣﻊ ﺍﻻﺳﻒ ﻋﻠﻴﻚ ﻋﻤﻲ
ﻟﻴﺶ ﻫﻮﻩ ﺍﻟﺮﺍﻱ ﺑﻴﺪﻫﺎ .. ﻏﻴﺮ ﺍﻧﺘﻪ ﻭﻟﻲ ﺍﻣﺮﻫﺎ .. ﻛﺎﻝ ﺍﻱ ﻋﻤﻲ ﻭﻟﻲ ﺍﻣﺮﻫﺎ ﺑﺲ ﻫﺎﻱ ﺣﻴﺎﺗﻬﺎ ﻫﻴﻪ ﺍﻟﺮﺍﺡ ﺗﺘﺰﻭﺝ ﻣﻮ ﺍﻧﻲ
ﻭﻻﺯﻡ ﺍﻟﻬﺎ ﺭﺃﻱ ﺑﺎﻟﻤﻮﺿﻮﻉ .. ﻭﺳﺄﻟﺘﻬﺎ ﻭﻛﺘﻠﻬﺎ ﻛﺎﻟﺖ ﻣﺎ ﺍﺭﻳﺪ .. ﻋﺎﻳﻨﺖ .. ﻛﺘﻠﻪ ﻋﻤﻲ ﻫﺎﻱ ﺍﻫﺎﻧﻪ ﺍﻋﺘﺒﺮﻫﺎ ..
ﻫﻴﻪ ﺑﺖ ﻋﻤﻲ ﺷﻨﻮ ﻣﺘﺮﻳﺪﻧﻲ .. ﻟﺤﻤﻬﺎ ﻣﻨﻲ ﻭﺍﻧﻲ ﺍﺣﻖ ﺍﻟﻨﺎﺱ ﺑﻴﻪ .. ﻭﺑﻌﺪﻳﻦ ﺷﻨﻮ ﺭﺍﻳﻬﺎ .. ﺍﻟﺮﺍﻱ ﺭﺍﻳﻚ ﻏﻴﺮ ﺍﻧﺘﻪ ﺍﺑﻮﻫﺎ .. ﻣﻮ ﻫﺎﻱ ﺗﻘﺎﻟﻴﺪﻧﻪ ﻭﻋﺎﺩﺍﺗﻨﺎ
ﻳﺎﺳﻴﻦ .. ﻭﺍﻟﻠﻪ ﻋﻤﻲ ﻣﺎ ﺍﻛﺪﺭ ﺍﺟﺒﺮﻫﺎ ﺣﺮﺍﻡ ﻭﻫﻴﻪ ﺯﻏﻴﺮﻩ .. ﻣﻮ ﻣﺎﻝ ﺯﻭﺍﺝ ..
ﺣﺎﺭﺙ .. ﺍﺣﺲ ﺍﺍﻟﻨﺎﺭ ﺷﺒﺖ ﺑﺠﺴﻤﻲ .. ﺍﻟﺪﻡ ﻳﻔﻮﺭ .. ﻫﺎﻱ ﻋﺎﺷﻜﻪ ﻭﻣﺎ ﺗﺮﻳﺪﻧﻲ .. ﻭﺗﻔﻀﻞ ﻭﻟﺪ ﺍﻟﺨﺎﻳﺒﻪ ﻋﻠﻴﻪ .. ﻫﺎﻱ ﺍﻟﺰﻋﻄﻮﻃﻪ ﺗﺮﺩﻧﻲ ﺑﺴﻴﻄﻪ ..
ﻋﻔﺖ ﻋﻤﻲ ﻭﻛﻤﺖ ﻛﺘﻠﻪ ﻣﺎ ﺍﺗﺤﻤﻞ ﺍﺑﻘﻰ ﺑﻌﺪ ﻫﻨﺎ .. ﻟﺰﻣﻨﻲ ﺍﻋﺘﺬﺭ ﻣﻨﻲ ﻛﺘﻠﻪ ﺍﺑﺪ ﺍﻧﻲ ﺍﻃﻠﺒﻬﺎ ﻭﺍﻧﺮﺩ ﺷﺒﻴﻪ ﺷﻌﺎﻳﺰﻧﻲ .. ﺑﺖ ﻋﻤﻲ ﻭﺍﺭﻳﺪﻫﺎ ﻭﺗﺮﻓﻀﻨﻲ ﻳﺼﻴﺮ ﺧﻴﺮ
ﻟﺰﻣﻨﻲ ﻭﻛﺎﻡ ﻳﺤﺠﻲ ﻭﻳﻘﻨﻊ ﺑﻴﻪ ﻣﺎ ﺍﺭﻭﺡ ﻣﺎ ﺭﺩﺕ ﺍﻛﺴﺮ ﺑﻴﻪ ﻛﻌﺪﺕ ﻟﻞ 4 ﺍﻟﻔﺠﺮ ﻛﻌﺪﺕ .. ﻣﺘﺤﻤﻠﺖ ﻟﺒﺴﺖ ﻣﻼﺑﺴﻲ ..
ﺩﺍ ﺍﻃﻠﻊ .. ﺷﻔﺖ ﺟﺎﺭﻩ ﺍﻟﺘﻴﻠﻴﻔﻮﻥ ﻟﻐﺮﻓﺘﻬﺎ .. ﻣﺘﺤﻤﻠﺖ .. ﻓﺘﺤﺖ ﺍﻟﺒﺎﺏ .. ﻟﻜﻴﺘﻬﺎ ﻧﺎﻳﻤﻪ .. ﻭﺍﻟﺘﻠﻴﻔﻮﻥ ﻋﻠﻤﻴﺰ ..
ﻋﺎﻳﻨﺖ ﺭﺟﻠﻴﻬﺎ ﻃﺎﻟﻌﻪ ﻭﻫﻴﻪ ﻧﺎﻳﻤﻪ ﻧﺰﻟﺖ ﻋﻴﻨﻲ .. ﻭﺍﻟﻐﺮﻓﻪ ﻫﻮﺳﻪ ﺑﺎﻟﻤﻼﺑﺲ ﻣﺎﻟﺘﻬﺎ .. ﺟﺮﻳﺖ ﻟﻔﺎﻑ ﺍﻟﻬﺎ ﻟﻮﻧﻪ ﺳﻤﺎﺋﻲ ﺍﺧﺬﺗﻪ ﻭﻃﻠﻌﺖ
ﺭﺣﺖ ﺭﺟﻌﺖ ﻭﺻﻠﺖ ﺍﻟﻜﺮﺍﺝ ﻣﺎﻝ ﺍﻟﻨﺎﺻﺮﻳﻪ ﺏ 8 ﺍﻋﺎﻳﻦ ﺍﻛﻮ ﺣﺎﺟﺎﺕ ﻣﺎﻝ ﻧﺴﻮﺍﻥ ﻗﺮﺍﺻﺎﺕ ﻭﺍﻟﻌﺎﺏ ﺍﻃﻔﺎﻝ .. ﺍﺷﺘﺮﻳﺖ ﻟﺨﻮﺍﺗﻲ ﻭﺟﻬﺎﻟﻬﻦ ..
ﻭﺍﻣﻲ ﺍﺷﺘﺮﻳﺘﻠﻬﺎ ﺳﺒﺤﻪ .. ﻭﻣﺸﻴﺖ ﻭﺻﻠﺖ ﺍﻟﺒﻴﺖ ﻛﻠﻬﺎ ﻛﺎﻋﺪﻩ ﻭﺗﻠﻜﺘﻨﻲ ﺧﻮﺍﺗﻲ ﻳﺒﻮﺳﻦ ﺑﻴﻪ ﻭﺟﻬﺎﻟﻬﻦ ﺻﻌﺪﻭ ﻓﻮﻛﺎﻱ ﺧﺎﻟﻮ ﻭﺧﺎﻟﻮ ﺗﺴﻠﻘﻮﻧﻲ .. ﻗﺮﻭﺩ ﻣﻮ ﻣﻮ ﺟﻬﺎﺍﻝ
ﺑﻮﺳﺘﻬﻢ ﻛﻠﻬﻢ ﻭﻭﺯﻋﺘﻠﻬﻢ ﻫﺪﺍﻳﻬﻢ .. ﻭﺭﺣﺖ ﻋﻠﺤﺠﻴﻪ ﺍﻧﻄﻴﺘﻬﺎ ﺍﻟﺴﺒﺤﻪ .. ﻛﺎﻟﺖ ﻫﺎﻱ ﻣﻦ ﺍﻻﻣﺎﻡ ﺍﻟﻜﺎﻇﻢ .. ﻛﺘﻠﻬﺎ ﺍﻱ ﻳﻤﻪ ﻣﻦ ﺍﻻﻣﺎﻡ .. ﺑﺎﺳﺖ ﺍﻟﺴﺒﺤﻪ ﻭﻛﺎﻟﺖ ﺩﺧﻴﻠﻪ ﺍﺑﻮ ﺍﻟﺠﻮﺍﺩﻳﻦ ﻋﻄﺎﻱ ﺍﻟﻤﺮﺍﺩ
ﺍﺑﺘﺴﻤﺖ ﻭﺑﺴﺖ ﺭﺍﺳﻬﺎ .. ﺧﻄﻴﻪ ﻣﺎ ﺭﺩﺕ ﺍﻓﺸﻠﻬﺎ ﻭﻫﻴﻪ ﻭﺻﺘﻨﻲ ﺍﺟﻴﺒﻠﻬﺎ ﺷﻲ ﻣﻦ ﺍﻻﻣﺎﻡ .. ﺑﺲ ﺍﻧﻪ ﻣﺎ ﻟﺤﻜﺖ ﺍﺯﻭﺭ ﺍﻟﺘﻬﻴﺖ ﺑﺎﻟﺸﻐﻞ
ﻛﻌﺪﺕ ﺍﺳﻮﻟﻒ ﺷﻮﻱ ﻭﻱ ﺍﻣﻲ .. ﻟﺸﻮﻱ ﺧﻮﺍﺗﻲ ﺟﺎﺑﻨﻠﻲ ﺍﻻﻛﻞ .. ﺳﻴﺎﺡ ﻭﺳﻤﺞ ﻭﻃﺮﺷﻲ .. ﻛﺘﻠﻬﺎ ﺍﻳﻴﻴﻴﻴﻲ ﻫﺬﺍ ﺍﻷﻛﻞ ﺍﻟﺰﻳﻦ
ﻣﻮ ﻛﺒﻪ ﻭﺑﻮﺭﻙ ﻭﻫﻠﺴﻮﺍﻟﻒ ﺍﻟﻤﺎﺗﻠﺰﻡ ﺍﻟﻜﻠﺐ .. ﻛﻌﺪﺕ ﺍﻛﻠﺖ ﻛﻤﻠﺖ .. ﻏﺴﻠﺖ ﻭﺳﺒﺤﺖ ﺭﺩﺕ ﺍﺩﺧﻞ ﻟﻠﻐﺮﻓﻪ
ﺻﺤﺖ ﻋﻠﻰ ﺧﻮﺍﺗﻲ .. ﻟﺰﻣﻮ ﺟﻬﺎﻟﺠﻦ ﺷﻮﻳﻪ ﺍﺭﻳﺪ ﺍﻏﻔﺎﻟﻲ ﺳﺎﻋﻪ ﻣﺎ ﺍﺭﻳﺪ ﺻﻮﺕ .. ﻛﺎﻟﺖ ﺍﺧﺘﻲ ﺭﺳﺎﻟﻪ ﺍﺩﻟﻞ ﺧﻮﻳﻪ .. ﻧﺎﻡ .. ﻧﻮﻡ ﺍﻟﺮﻏﺪ ﺍﻧﺸﺎﻟﻠﻪ
ﺩﺧﻠﺖ ﻧﻤﺖ .. ﻟﻠﻌﺼﺮ ﺍﻓﺘﺮﻳﺖ ﻋﻠﻰ ﻋﻤﺎﻣﻲ ﺍﺳﻠﻢ ﻋﻠﻴﻬﻢ ﻭﺍﺷﻮﻑ ﺍﺧﺒﺎﺭﻫﻢ .. ﻭﻛﺘﻠﻬﻢ ﺍﻟﻴﻮﻡ ﺍﺭﻳﺪﻛﻢ ﺑﺸﻐﻠﻪ ﺑﺪﻳﻮﺍﻥ ﺍﺑﻮﻱ .. ﻛﺎﻟﻮ ﺍﺑﺸﺮ
ﻟﻠﻴﻞ ﺍﺟﻮ ﻋﻤﺎﻣﻲ ﻛﻠﻬﻢ .. ﺳﻮﻳﺘﻠﻬﻢ ﻋﺸﺎ ﻭﺿﻴﻔﺘﻬﻢ .. ﻭﺟﺎﻱ .. ﻛﻌﺪﻭ ﻳﺴﻮﻟﻔﻮﻥ .. ﻛﺘﻠﻬﻢ ﻣﻦ ﺭﺧﺼﺖ ﻋﻤﺎﻣﻲ ..
ﻛﺎﻟﻮ ﻣﺮﺧﻮﺹ ﻳﺒﻦ ﺍﻟﻐﺎﻟﻲ .. ﻛﺘﻠﻬﻢ ﺭﺣﺖ 10 ﺍﻳﺎﻡ ﻟﺒﻐﺪﺍﺩ ﻭﺍﺟﺐ .. ﻭﻣﻨﺎﻙ ﻣﺮﻳﺖ ﻋﻠﻰ ﻋﻤﻲ ﻳﺎﺳﻴﻦ … ﻳﺴﻠﻢ ﻋﻠﻴﻜﻢ
ﻛﺎﻟﻮ ﻭﻋﻠﻴﻜﻢ ﺍﻟﺴﻼﻡ ﺷﻌﻠﻮﻣﻪ .. ﻛﺘﻠﻬﻢ ﺑﺨﻴﺮ ﻭﻋﺎﻓﻴﻪ .. ﺑﺲ ﻋﻤﺎﻣﻲ .. ﺍﻧﻲ ﻫﻨﺎﻙ ﺷﻔﺖ ﺑﺖ ﻋﻤﻲ ﺣﻠﻮﻩ ﻭﺯﻏﻴﺮﻩ ﻭﻋﻤﻲ ﻣﺎ ﻣﺤﺠﺒﻬﺎ ..
ﺷﺎﻟﺘﻨﻲ ﺍﻟﻐﻴﺮﻩ ﻋﻠﻴﻬﺎ ﻭﺭﺩﺗﻬﺎ ﻣﺮﻩ ﺍﻟﻲ .. ﻭﻋﻤﻲ ﺭﻓﻀﻨﻲ ﻭﻛﺎﻝ ﺍﻟﺮﺍﻱ ﺍﻟﻬﺎ ﻭﻫﻴﻪ ﺭﺍﻓﻀﻪ .. ﻭﺍﻧﻪ ﻳﺎ ﻋﻤﺎﻣﻲ ﺣﺰﺕ ﺑﻨﻔﺴﻲ ﻋﻤﻲ ﻳﺮﺩﻧﻲ ﻭﻣﺎ ﻳﻨﻄﻴﻨﻲ ﺑﺘﻪ ﺷﻌﺎﻳﺰﻧﻲ
ﻛﻠﻬﻢ ﺿﺠﻮ ﻻ ﻣﺎ ﻣﻘﺒﻮﻟﻪ ﻭﻧﺮﻭﺡ ﻧﺠﻲ ﻭﻳﺎﻩ ﻭﻧﺮﭼﻪ ﺷﻨﻮ ﺍﺑﻦ ﻋﻤﻬﺎ ﻳﺮﻳﺪﻫﺎ ﻭﻣﻴﻨﻄﻴﻬﺎ .. ﻛﺘﻠﻬﻢ ﺣﺠﻴﺖ ﻫﺬﺍ ﺍﻟﺤﺠﻲ ﻭﻋﻤﻲ ﻛﺎﻝ ﻣﺎ ﺍﻧﻄﻴﻬﺎ ﻭﺍﻻﻣﺮ ﻣﻮ ﺑﻴﺪﻱ ﺑﻴﺪ ﺍﻟﺒﻨﻴﻪ
ﻛﺎﻝ ﻫﺎﻱ ﺗﺎﻟﻴﻨﻪ ﻋﻜﻠﻨﻪ ﻭﺷﻴﺒﺎﺗﻨﻪ ﺑﻴﺪ ﺣﺮﻣﻪ ﺗﻤﺸﻴﻨﻪ .. ﺍﺧﺬﻫﺎ ﺍﺑﻨﻲ ﻭﻣﻌﻠﻴﻚ .. ﻛﺘﻠﻬﻢ ﻋﻤﺎﻣﻲ ﺟﺒﺘﻜﻢ ﻫﻨﺎ ﺣﺘﻲ ﺍﺷﻬﺪﻛﻢ ..
ﺑﻨﺖ ﻋﻤﻲ ﺭﻓﻞ ﻧﻬﻴﺖ ﻋﻠﻴﻬﺎ ﻣﺎ ﺗﺘﺰﻭﺝ ﻏﻴﺮﻱ ﻭﻟﻮ ﺗﺰﻭﺟﺖ ﻭﺍﻟﻌﺒﺎﺱ ﭼﻴﻠﻪ ﺑﺮﺍﺳﻬﺎ ﻭﺭﺍﺱ ﺍﻟﻠﻲ ﻳﺮﻳﺪﻫﺎ ﻭﻋﻤﻲ ﻳﻄﻠﻊ ﻣﻦ ﺍﻟﻌﺸﻴﺮﻩ …
🔸🔹🥇🔸🔹
ﻳﺘﺒﻊ
🌺🌺🌺🌺
ﺷﺎﺭﻛﻮﻧﻲ ﺍﺭﺍﺋﻜﻢ ﻭﺗﻮﻗﻌﺎﺗﻜﻢ .
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء