رواية الإنكسار الجزء الثاني

.... 

رواية الإنكسار الجزء الثاني 

للكاتبة ❤️شمس ❤️

.... 

ﻃﺒﻌﺎ ﺑﻬﺬﻱ ﺍﻟﻔﺘﺮﻩ ﻋﺸﺖ ﺍﻳﺎﻡ ﺻﻌﺒﻪ .. ﻭﺭﻏﻢ ﺍﻧﻪ ﻣﺎﻣﺎ ﺳﻌﺎﺩ ﻣﻔﺎﺭﻗﺘﻨﻲ ﻭﻻ ﻟﺤﻈﻪ ﻭﺗﻮﺍﺳﻲ ﺑﻴﻪ .. ﺍﻻ ﺍﻧﻪ ﺍﻛﻮ ﻓﺮﺍﻍ ﻛﺒﻴﺮ ﺑﺤﻴﺎﺗﻲ ..

ﺍﺳﺘﻠﻤﺖ ﺍﻟﻨﺘﻴﺠﻪ ﻭﻃﻠﻌﺖ ﻣﻌﺪﻝ 74 ﻭﺿﺠﺖ ﺣﻴﻞ ..

ﻛﺎﻧﺖ ﺍﻣﻨﻴﺘﻲ ﺍﻃﻠﻊ ﻣﻌﺪﻝ ﺍﻋﻠﻰ ﺣﺘﻰ ﺍﻓﺮﺡ ﺑﺎﺑﺎ ﺑﻘﺒﺮﻩ ..

ﻣﻌﺪﻟﻲ ﻣﺎﻗﺒﻞ ﺑﺲ ﺗﺮﺑﻴﻪ ﻓﻘﺪﻣﺖ ﻛﻠﻴﻪ ﺗﺮﺑﻴﻪ ﻭﺍﺗﻤﻨﻴﺖ ﻳﻄﻠﻌﻠﻲ ﺍﻧﮕﻠﻴﺰﻱ ﻻﻥ ﺍﺣﺒﻪ .. # ﺷﻤﺲ

ﻣﺮ ﺛﻼﺙ ﺍﺷﻬﺮ ﻉ ﻭﻓﺎﺓ ﺑﺎﺑﺎ ﻭﺍﻟﺒﻴﺖ ﻣﻮﺣﺶ ﺣﻴﻞ .. ﻭﻣﺒﻲ ﻃﻌﻢ .. ﻭﻣﺎﻣﺎ ﺳﻌﺎﺩ ﻻﺯﻣﻪ ﻋﺪﻩ .. ﻣﺎﺗﻄﻠﻊ .. ﺍﺗﻜﺄﺑﺖ ..

ﻃﺒﻌﺎ ﺑﺎﺑﺎ ﻋﻨﺪﻩ ﻭﺭﺙ ﻭﻱ ﻋﻤﺎﻣﻲ ﻃﻠﻌﻠﻬﻢ ﻣﻦ ﺟﺪﻭﺍ ﻭﻗﺒﻞ ﻣﻴﺘﻮﻓﻰ ﺑﺎﺑﺎ ﻛﺎﻧﻮﺍ ﻳﻤﺸﻮﻥ ﺑﺎﻻﺟﺮﺍﺁﺕ ..

ﺑﺎﺑﺎ ﺍﻟﺼﻐﻴﺮ ﺑﻴﻦ ﻋﻤﺎﻣﻲ ﻭﻛﻢ ﻣﺮﻩ ﺻﺎﺭﺕ ﻣﺸﺎﺟﺮﺍﺕ ﺑﺎﻟﻜﻼﻡ ﺑﻴﻨﻬﻢ ﻋﻤﻮﺩ ﺣﺼﺘﻪ ﻭﻫﻢ ﻛﻞ ﻳﻮﻡ ﻣﺄﺟﻠﻴﻪ .. ﻭﺣﺘﻰ ﺍﻧﻲ ﺷﺎﻛﻪ ﺳﺒﺐ ﺍﻟﺠﻠﻄﻪ ﻋﻤﺎﻣﻲ ..

ﻻﻥ ﻛﻢ ﺭﺩﺕ ﺍﮔﻮﻟﻬﻢ ﻉ ﻭﺭﺙ ﺑﺎﺑﺎ .. ﻣﺎﻣﺎ ﺳﻌﺎﺩ ﻣﺘﻘﺒﻞ ﺗﮕﻮﻟﻲ ﻋﻮﻓﻴﻬﻢ ﺍﻟﺴﺎﻧﻬﻢ ﻃﻮﻳﻞ ... ﻭﻟﻴﺄﺫﻭﺝ ﻭﻳﺴﻤﻌﻮﺝ ﻛﻼﻡ .. # ﺷﻤﺲ

ﺑﻲ ﺍﻧﻲ ﺃﺻﺮﻳﺖ ﻭﻓﻌﻼ .. ﺍﺗﺼﻠﺖ ﻉ ﻋﻤﻮ ﻋﻠﻲ ﺍﻛﺒﺮ ﻋﻤﺎﻣﻲ ﻭﮔﻠﺘﻠﻪ ﻉ ﻭﺭﺙ ﺑﺎﺑﺎ ﺑﺒﺴﺘﺎﻥ ﺟﺪﻭ ﻭﺍﻻﺭﺍﺿﻲ ..

ﻭﻫﻮ ﮔﺎﻡ ﻳﻌﻴﻂ ﻭﻳﮕﻮﻟﻲ ﺗﻌﺐ ﺍﺑﻮﻳﻪ ﻳﺮﻭﺡ ﺍﻟﺞ ﺑﻨﺖ ﺍﻟﻌﺎﻫﺮﻩ ﻭﺗﺎﺧﺬﻳﻠﺞ ﻭﺍﺣﺪ ﻏﺮﻳﺐ . ﻭﻳﺸﺎﺭﻛﻨﺎ ..

ﺍﻧﻲ ﺻﺪﻭﮒ ﻣﺘﺤﻤﻠﺖ ﻭﻏﻠﻘﺖ ﺍﻟﺘﻠﻔﻮﻥ ﺑﻮﺟﻬﻪ . ﻭﺣﺒﺴﺖ ﺩﻣﻌﺘﻲ ﺑﻌﻴﻨﻲ .. ﻣﺎﺍﺗﺤﻤﻠﺖ ﻣﻦ ﮔﺎﻝ ﻋﻠﻴﻪ ﺑﻨﺖ ﺍﻟﻌﺎﻫﺮﻩ ﺣﺘﻰ ﺍﺫﺍ ﻣﺎﻣﺎ ﺗﺮﻛﺘﻨﻲ ﻓﻴﻤﻜﻦ ﺍﻛﻮ ﺳﺒﺐ . . ﺑﺲ ﻣﺎﻻﺯﻡ ﺩﻣﻌﻪ ﺗﻨﺰﻝ ﻣﻨﻲ ﻭﺍﺿﻌﻒ ﻻﺯﻡ ﺍﺻﻴﺮ ﻗﻮﻳﻪ ﻻﻥ ﻣﺎﻋﻨﺪﻱ ﺍﺥ ﻭﻻ ﺍﺑﻮ ﻳﺪﺍﻓﻌﻠﻲ ..

ﻭﺭﺣﺖ ﺍﻟﻤﺎﻣﺎ ﺳﻌﺎﺩ ﻭﮔﻮﻟﺘﻠﻬﺎ ﻉ ﺍﻟﻲ ﮔﺎﻟﻲ ﺑﻲ .. ﻭﻫﻲ ﮔﺎﻣﺖ ﺗﺨﺮﺑﻂ ﺑﺎﻟﺤﺠﻲ ﻣﻔﻬﻤﺖ ﻋﻠﻴﻬﺎ .. ﺳﺎﻋﻪ ﺗﺮﻛﻴﻬﻢ ﻫﻢ ﻭﺭﺑﻬﻢ ﻭﺍﻧﻲ ﺍﺧﺎﻑ ﻋﻠﻴﺞ ..

ﻟﻴﺴﻤﻌﻮﺝ ﻛﻼﻡ ﺍﻭ ﻳﺠﺮﺣﻮﺝ . ﺑﺲ ﺍﻧﻲ ﻗﺮﺭﺕ ﻣﺎﺍﺳﻜﺖ ﻋﻦ ﺣﻘﻲ ..

ﻭﻓﻌﻼ ﺛﺎﻧﻲ ﻳﻮﻡ .. ﺩﺯﻳﺖ ﺭﺳﺎﻟﻪ ﺍﻟﻌﻤﻮ ﻋﻠﻲ ﻭﮔﺘﻠﻪ ﺣﺮﻓﻊ ﻗﻀﻴﻪ ﺑﺎﻟﻤﺤﻜﻤﻪ ﺍﺫﺍ ﻣﺎﺗﻨﻄﻮﻧﻲ ﺣﺼﺔ ﺑﺎﺑﺎ .. ﺍﻧﻲ ﻣﻮ ﻃﻤﻌﺎ ﻟﻜﻦ .. ﻫﺬﺍ ﺣﻘﻲ ﻭﺣﻖ ﺑﺎﺑﺎ ﺍﻟﻲ ﻳﻤﻜﻦ ﺑﺴﺒﺒﻪ ﻣﺎﺕ ..

ﻟﻠﻌﺼﺮ ﺍﺟﻪ ﻋﻤﻮ ﻋﻠﻲ ﻭﺍﺑﻨﻪ ﻭﺯﻭﺟﺘﻪ .. ﻭﮔﻠﻮﻟﻲ ﻧﻨﻄﻴﺞ ﺣﻖ ﻭﺍﻟﺪﺝ ﺑﺸﺮﻁ ﺗﺘﺰﻭﺟﻴﻦ ﻋﺒﺎﺱ ﺍﺑﻨﻪ ﻗﻠﻴﻞ ﺷﺎﻳﻔﺘﻪ ﺍﻻﺑﻨﻪ ﺣﺘﻰ ﻣﺎﺍﻋﺮﻑ ﺍﺳﻤﻪ ﺣﺘﻰ ﻫﺴﺎ ﻳﻠﻪ ﻋﺮﻓﺘﻪ .. # ﺷﻤﺲ

ﺍﻧﻲ ﺍﺳﺘﻐﺮﺑﺖ 😮 ﻣﻌﻘﻮﻟﻪ ﻫﻴﺞ ﻳﻔﻜﺮ ﺣﺘﻰ ﻣﻴﺮﻭﺡ ﺍﻟﻮﺭﺙ ﻟﻠﻐﺮﻳﺐ ﻳﺰﻭﺟﻨﻲ ﺍﺑﻨﻪ .. ﻭﺑﺎﺑﺎ ﻣﺼﺎﺭﻟﻪ ﺛﻼﺙ ﺍﺷﻬﺮ ﻣﺘﻮﻓﻲ . ﻃﺒﻌﺎ ﻣﺎﻣﺎ ﺳﻌﺎﺩ ﻣﻄﻠﻌﺖ .. ﻻﻥ ﻻﺯﻣﻪ ﻋﺪﺓ ..

ﺍﻧﻲ ﺿﺠﺖ ﺣﻴﻞ ﻣﻨﻬﻢ ﻭﻃﺮﺩﺗﻬﻢ ﻣﻦ ﺍﻟﺒﻴﺖ ﻭﮔﻮﻟﺘﻠﻬﻢ ﺣﻘﻲ ﻏﺼﺐ ﻋﻠﻴﻜﻢ ﺍﺧﺬﻩ ﻭﺍﻧﻲ ﺑﺎﻟﻐﻪ ﻭﻣﻮ ﻗﺎﺻﺮﻩ ﻭﺍﮔﺪﺭ ﺍﺗﺼﺮﻑ ﺑﻤﻠﻜﻲ ..

ﻋﻤﻮ ﺑﻘﻰ ﻳﻌﻴﻂ ﻋﻠﻴﻪ .. ﻭﻋﺒﺎﺱ ﺭﺍﺩ ﻳﻀﺮﺑﻨﻲ ﻳﮕﻮﻟﻲ ﺍﻧﺘﻲ ﻣﻤﺘﺮﺑﺎﻳﻪ .. ﻭﻟﻮ ﻣﻨﻮ ﺍﻣﺞ .. ﺍﻟﻲ ﺗﺮﻛﺖ ﺍﺑﻮﺝ ﻭﺗﺮﻛﺘﺞ ﻋﻤﻮﺩ ﻭﺍﺣﺪ ﻭﺍﻧﻬﺰﻣﺖ ﻭﻳﺎﻩ ..

ﺍﻧﻲ ﻫﻨﺎ ﺑﻘﻴﺖ 😲😲😲 ﻫﻴﺞ ..

ﺩﻣﻮﻋﻲ ﻧﺰﻟﻦ ﻭﺍﻧﻲ ﺍﺩﻓﻊ ﺑﻴﻬﻢ ﻭﺍﻃﺮﺩ .. ﻭﺍﮔﻮﻟﻪ ﻛﺬﺍﺏ ﻭﻳﻦ ﺗﺮﻭﺡ ﻣﻦ ﺭﺑﻚ ..

ﻟﻚ ﺍﻧﺘﻮ ﺣﺮﺍﻡ ﺍﮔﻮﻝ ﻋﻠﻴﻜﻢ ﺍﻫﻠﻲ ﻭﻋﻤﺎﻣﻲ ..

ﻗﻔﻠﺖ ﺍﻟﺒﺎﺏ ﻭﺭﺟﻌﺖ .. ﺍﻟﻤﺎﻣﺎ ﺳﻌﺎﺩ ..

ﻫﺬﺍ ﺍﻟﻜﻼﻡ ﺻﺤﻴﺢ ..

ﺳﻌﺎﺩ .. ﻳﺎﻛﻼﻡ ﺑﻨﺘﻲ ..

ﺳﻤﺮﺍ .. ﺳﻤﻌﺘﻲ ﻛﻮﻟﺶ ﺯﻳﻦ

ﺳﻌﺎﺩ .. ﻣﺎﻣﺎ ﻟﺘﻬﺘﻤﻴﻦ ﺍﻟﻜﻼﻣﻬﻢ .. ﺍﻧﺘﻲ ﺗﻌﺮﻓﻴﻬﻢ ﻛﻮﻟﺶ ﺯﻳﻦ ﻣﻴﺤﺒﻮﻥ ﺍﻟﻨﺎ ﺍﻟﺨﻴﺮ ..

ﺳﻤﺮﺍ .. ﻣﺎﻣﺎ ﮔﻮﻟﻲ ﺍﻟﺼﺪﻭﮒ .. ﻣﻮ ﺍﻧﻲ ﺳﻤﻴﺘﺞ ﻣﺎﻣﺎ ﻭﺣﺒﻴﺘﺞ ﻭﻭﺛﻘﺖ ﺑﻴﺞ ﻟﻴﺶ ﻣﺘﮕﻮﻟﻴﻠﻲ ﺍﻟﺤﻘﻴﻘﻪ ..

ﺍﺣﺠﻲ ﻭﺍﺑﺠﻲ .. # ﺷﻤﺲ

ﺳﻌﺎﺩ .. ﺍﻧﻲ ﻣﺴﺘﺤﻴﻞ ﺍﺿﻠﻤﻬﺎ ﺍﻻﻣﺞ .. ﺑﺲ ﺍﺑﻮﺝ ﻭﻻ ﻣﺮﻩ ﺳﻤﻌﺘﻪ ﻳﺠﻴﺐ ﺍﺳﻤﻬﺎ ﺣﺘﻰ ﻣﺤﺠﺎﻟﻲ ﻟﻴﺶ ﺍﻧﻔﺼﻠﻮﺍ ﺍﻭ ﻟﻴﺶ ﺗﺮﻛﺘﻪ ﺻﺪﮔﻴﻨﻲ ﺣﺒﻴﺒﺘﻲ ..

ﺳﻤﺮﺍ .. ﻟﻌﺪ ﻣﻨﻮ ﻳﻌﺮﺭﺭﻑ ﺭﺍﺡ ﺍﻣﻮﺕ ﻣﻦ ﺍﻟﺸﻚ .. ﻣﻌﻘﻮﻟﻪ ﺍﻣﻲ ﺗﺮﻛﺘﻨﻲ ﻭﻓﻀﻠﺖ ﺣﺒﻬﺎ ﻭﻏﺮﻳﺰﺗﻬﺎ .. ﻋﻠﻴﻪ .. ﺍﻛﻮ ﺍﻡ ﻫﻴﺞ ﺗﺴﻮﻱ ..

ﺳﻌﺎﺩ .. ﮔﻤﺖ ﺍﻋﻴﻂ ﻋﻠﻴﻬﺎ .. ﻟﺞ ﺳﻤﺮﺍ ﻛﺎﻓﻲ .. ﺍﻧﻲ ﺍﻣﺞ ﺷﻮﻛﺖ ﺗﺤﺴﻴﻦ ﺑﻴﻪ .. ﺍﻧﻲ ﺍﻟﻲ ﺭﺑﻴﺘﺞ ﻭﺗﻌﺒﺖ ﻋﻠﻴﺞ ﺍﻧﻲ ﺍﻟﻲ ﺳﻬﺮﺕ ﻋﻠﻴﺞ ﻣﻮ ﻫﻲ .. ﻭﺍﻧﺘﻲ ﻛﻨﺘﻲ ﺩﺍﻳﻤﺎ ﺗﻔﻜﺮﻳﻦ ﺑﻴﻬﺎ ﻣﻮ ﺑﻴﻪ ﻭﺍﺗﺤﻤﻞ ﻻﻥ ﺍﺣﺒﺞ ﻭﺍﻋﺘﺒﺮﺗﺞ ﺑﻨﺘﻲ ﻭﺍﻧﻲ ﻣﺤﺴﻴﺖ ﺑﺎﻻﻣﻮﻣﻪ ﺍﻻ ﻟﻤﻦ ﺧﻠﻴﺘﺞ ﺑﺤﻀﻨﻲ ..

ﺣﺘﻰ ﺍﺑﻮﺝ ﻣﺎﻟﻤﺴﻨﻲ ﻭﻻ ﺍﺗﻘﺮﺑﻠﻲ ﻏﻴﺮ ﻛﻢ ﻣﺮﻩ .. ﻭﺍﺗﺤﻤﻠﺖ ﻭﻣﺎﺣﺠﻴﺖ ﻻﻥ ﺍﻫﺪﺍﻧﻲ ﺍﺣﻠﻰ ﺷﻲ ﻫﻮ ﺍﻧﺘﻲ 😭

ﺳﻤﺮﺍ .. ﻣﻦ ﺳﻤﻌﺖ ﻛﻼﻣﻬﺎ ﺻﺪﻭﮒ ﺗﺄﺛﺮﺕ .. ﻭﺣﻀﻨﺘﻬﺎ ﻭﺍﺑﺠﻲ ﻭﻳﺎﻫﻪ .. ﺧﻠﺺ ﻣﺎﻣﺎ ﺳﺎﻣﺤﻴﻨﻲ . ﺍﻧﺘﻲ ﺍﻣﻲ ﺍﻟﻮﺣﻴﺪﻩ ﻭﻣﺎﻋﻨﺪﻱ ﻏﻴﺮﺝ .. ﺍﻋﺘﺒﺮﻱ ﻫﺬﺍ ﺍﻟﻤﻮﺿﻮﻉ ﺍﻧﻐﻠﻖ ﻭﺍﻧﻲ ﻣﺎﺍﺭﻳﺪ ﺍﻋﺮﻑ ﺷﻲ ﻋﻨﻬﺎ .. ﺍﻟﻲ ﺗﺮﻛﺘﻨﻲ ﻭﺍﻧﻲ ﺻﻐﻴﺮﻩ ﻣﻬﻤﺎ ﻛﺎﻥ ﺍﻟﺴﺒﺐ ﻣﺘﺴﺘﺤﻖ ﺗﻜﻮﻥ ﺍﻣﻲ .. # ﺷﻤﺲ

ﺑﺠﻴﺖ ﺑﺤﻀﻦ ﻣﺎﻣﺎ ﺳﻌﺎﺩ ﻭﻏﻔﻴﺖ .. ﻭﻫﻲ ﺑﻘﺖ ﺗﻤﺴﺢ ﺑﺮﺍﺳﻲ ﻭﺷﻌﺮﻱ .. ﻭﻧﺴﺘﻨﻲ ﻛﻞ ﺍﻟﻤﻲ ..

ﺛﺎﻧﻲ ﻳﻮﻡ ﺍﻧﺪﮔﺖ ﺍﻟﺒﺎﺏ ﻭﺍﺟﻦ ﺛﻼﺙ ﻧﺴﻮﺍﻥ ﻭﻃﻔﻠﻪ ﻭﻳﺎﻫﻦ ﺻﻐﻴﺮﻩ ..

ﺭﺣﺒﺖ ﺑﻴﻬﻦ ﻭﺩﺧﻠﻦ ..

ﻭﺻﺤﺖ ﻣﺎﻣﺎ .. ﺍﺟﺖ .. ﺍﻧﻲ ﺟﺒﺘﻠﻬﻢ ﻣﻲ ﻭﺳﻮﻳﺖ ﺍﻟﺠﺎﻱ ﻭﺧﻠﻴﺖ ﻳﻤﻪ ﺑﺴﻜﻮﻳﺖ ﺍﻧﻲ ﻣﺴﻮﻳﺘﻪ .. ﺷﺎﻃﺮﻩ ﺑﺎﻟﻤﻌﺠﻨﺎﺕ ﺍﻧﻲ 😉

ﺧﻠﻴﺖ ﺍﻟﺼﻴﻨﻴﻪ ﻭﺩﺍ ﺍﻗﺪﻣﻠﻬﻦ .. ﻭﺍﻟﻤﺮﻩ ﺍﻟﻜﺒﻴﺮﻩ ﮔﺎﻟﺖ ﺍﺣﻨﻪ ﺟﺎﻳﻴﻦ ﻉ ﺳﻤﺮﺍ ﻭﻟﻮ ﺍﺩﺭﻱ ﺑﻴﻬﺎ ﻣﻮ ﻭﻛﺘﻬﺎ ﻭﻣﺼﺎﺏ ﺍﺑﻮﻫﺎ ﺟﺪﻳﺪﻩ ..

ﺑﺲ ﺍﺣﻨﻪ ﻫﻢ ﻣﻀﻄﺮﻳﻦ ﻭﻋﺪﻧﺎ ﺍﺳﺒﺎﺑﻨﺎ ..

ﺑﻬﺬﻱ ﺍﻟﻠﺤﻈﻪ ﺧﻠﻴﺖ ﺍﻟﺼﻴﻨﻪ .. ﻭﮔﻮﻟﺘﻠﻬﺎ ﺧﺎﻟﻪ ﺑﻌﺪ ﺍﺫﻥ ﻣﺎﻣﺎ ﺍﻧﻲ ﻣﺎﺍﻓﻜﺮ ﺑﺎﻟﺰﻭﺍﺝ ﻻﻥ ﻋﻨﺪﻱ ﻃﻤﻮﺡ ﺍﻛﻤﻞ ﺩﺭﺍﺳﺘﻲ ﻭﺍﻭﺻﻞ ﻭﺍﺣﻘﻖ ﺣﻠﻢ ﺑﺎﺑﺎ .. # ﺷﻤﺲ

ﺍﻟﻤﺮﻩ .. ﺑﻨﻴﺘﻲ ﺍﺳﻤﻌﻴﻨﻲ ﻭﺫﻳﺞ ﺍﻟﺴﺎﻋﻪ . ﻳﺤﻘﻠﺞ ﺗﺮﻓﻀﻴﻦ ﺍﻭ ﻻ ..

ﺳﻌﺎﺩ .. ﺍﻭﻛﻔﻲ ﻣﺎﻣﺎ ﺧﻠﻲ ﺍﻟﺤﺠﻴﻪ ﺗﻜﻤﻞ ﻛﻼﻣﻬﺎ ..

ﺳﻤﺮﺍ .. ﺳﻜﺘﺖ ﻭﻧﺼﻴﺖ ﺭﺍﺳﻲ

ﺍﻟﻤﺮﻩ .. ﺑﻨﻴﺘﻲ ﺍﻧﻲ ﺍﺧﺘﺎﺭﻳﺘﺞ ﻻﻥ ﺍﻧﺘﻲ ﻳﺘﻴﻤﻪ ﻭﺍﻟﻮﺣﻴﺪﻩ ﺍﻟﻲ ﺗﺤﺴﻴﻦ ﺑﻬﺬﻱ ﺍﻟﻴﺘﻴﻤﻪ ﻭﺷﻔﺘﺞ ﺷﻠﻮﻥ ﺍﺗﻌﺎﻣﻠﻴﻬﺎ ﻣﻦ ﺍﺟﻴﻨﺎ ﺑﻌﺪ ﺍﻟﻔﺎﺗﺤﻪ .. ﻭﻧﻮﺭ ﻫﻢ ﺣﺒﺘﺞ ..

ﺍﻧﻲ ﺍﺳﺘﻐﺮﺑﺖ .. 😮 ﻭﺷﻨﻮ ﻋﻼﻗﺘﻬﺎ ﻧﻮﺭ ﺑﺎﻟﺰﻭﺍﺝ ..

ﺍﻟﻤﺮﻩ .. ﻳﻤﻪ ﻧﻮﺭ ﺍﻣﻬﺎ ﻣﺎﺗﺖ .. ﺍﻭﻭﻭﻭﻭﻑ ﺍﻟﻠﻪ ﻳﺴﺎﻣﺤﻬﺎ

ﻭﻳﺘﻤﺖ ﺑﻨﺘﻬﺎ .. ﻭﺍﻣﻴﺮ ﺍﺑﻨﻲ ﻣﺎﻳﻘﺒﻞ ﻳﺘﺰﻭﺝ .. ﺑﺲ ﻋﻤﻮﺩ ﻫﺎﻱ ﺍﻟﻄﻔﻠﻪ ﺑﺎﻟﮕﻮﻩ ﻗﺒﻞ ﻭﺍﻗﺘﻨﻊ .. ﻭﺍﻧﻲ ﺍﺧﺘﺎﺭﻳﺘﺞ ﻻﺗﺮﺩﻳﻨﻲ ..

ﺍﺗﺒﺎﻭﻋﺖ ﻟﻠﻄﻔﻠﻪ ﺍﺗﺒﺎﻭﻋﻠﻲ ﻭﺗﻀﺤﻚ .. ﺍﻭﻭﻭﻭﻑ ﺣﺘﻰ ﺑﻬﺎﻱ ﻣﺎﻋﻨﺪﻱ ﺣﻆ .. ﺣﺘﻰ ﻗﺴﻤﺘﻲ ﻟﻮ ﻋﺒﺎﺱ ﺍﻟﻲ ﻃﻤﻌﺎﻥ ﺑﻴﻪ ﻟﻮ ﻭﺍﺣﺪ ﺍﺭﻣﻞ ﻭﻋﻨﺪﻩ ﻃﻔﻠﻪ ..

# ﺑﻘﻠﻤﻲ _ ﺷﻤﺲ

ﻳﺘﺒﻊ ... 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤