رواية الإنكسار الجزء الثالث

رواية الإنكسار الجزء الثالث 

للكاتبة ❤️شمس ❤️

... 

ﻛﻢ ﺗﻤﻨﻴﺖ ﺍﻥ ﺍﻫﻮﻯ ﻭﺍﻋﺸﻖ ..

ﺍﻥ ﻳﻜﻮﻥ ﻧﺼﻴﺒﻲ ﺣﺒﻴﺒﻲ ..

ﺍﻥ ﺍﺻﺒﺢ ﻣﺜﻞ ﺍﻟﻌﺎﺷﻘﺎﺕ ﻭﺍﻓﺮﺡ .

ﻟﻜﻦ ﺍﻟﻔﺮﺡ ﺍﺻﺒﺢ ﺑﻌﻴﺪ ﺍﻟﻤﻨﺎﻝ .. # ﺑﻘﻠﻤﻲ _ ﺷﻤﺲ

ﺑﻘﺖ ﺍﻟﻤﺮﻩ ﺗﺤﺠﻲ ﻭﺍﻧﻲ ﻋﻴﻨﻲ ﻉ ﻧﻮﺭ .. ﻣﺎﺍﻫﺘﻤﻴﺖ ﺑﺄﺑﻮﻫﻪ ﺍﻭ ﺑﺎﻟﺘﻔﺎﺻﻴﻞ .. ﺑﺲ ﺍﺗﺒﺎﻭﻋﻠﻬﺎ .. ﺣﻈﻬﺎ ﻣﺜﻞ ﺣﻈﻲ ﻫﻲ ﺻﻐﻴﺮﻩ ﻭﺍﻧﺤﺮﻣﺖ ﻣﻦ ﺍﻻﻡ ﻭﺍﻧﻲ ﺻﻐﻴﺮﻩ ﻭﺗﺮﻛﺘﻨﻲ ﺣﺘﻰ ﻣﺎﺍﮔﺪﺭ ﺍﮔﻮﻝ ﻋﻠﻴﻬﺎ ﻣﺎﻣﺎ ﺑﻌﺪ ﺍﻟﻲ ﺳﻤﻌﺘﻪ ..

ﻟﻜﻦ ﺍﻧﻲ ﺍﻛﻮ ﻣﻦ ﻋﻮﺿﻨﻲ ﻭﻧﻄﺎﻧﻲ ﺣﻨﺎﻥ ﺍﻻﻡ .. ﺑﺲ ﻧﻮﺭ ﺍﻟﻠﻪ ﻳﺴﺎﻋﺪﻫﺎ .. # ﺑﻘﻠﻤﻲ _ ﺷﻤﺲ

ﺍﻧﻲ ﻣﮕﺪﺭﺕ ﺍﺗﻘﺒﻞ ﺯﻭﺍﺟﻲ ﻣﻦ ﺷﺨﺺ ﺍﺭﻣﻞ ﻭﻋﻨﺪﻩ ﻃﻔﻠﻪ .. ﻭﺑﻌﺪﻧﻲ ﺑﺄﻭﻝ ﺍﻟﻄﺮﻳﻖ ﻭﻣﺎﺍﮔﺪﺭ ﺍﺗﺤﻤﻞ ﻣﺴﺆﻟﻴﻪ ﻃﻔﻠﻪ ﺗﻌﺎﻧﻲ ﻣﺜﻞ ﻣﻌﺎﻧﺎﺗﻲ ..

ﻟﻜﻦ ﻧﻮﺭ ﻗﻬﺮﺗﻨﻲ ﺻﺮﺍﺣﻪ ﻭﺍﺗﻤﻨﻴﺖ ﺗﺠﻲ ﺯﻭﺟﻪ ﺍﺏ ﺗﺤﺒﻬﺎ ﻭﺗﻨﻄﻴﻬﺎ ﺍﻟﺤﻨﺎﻥ ﺍﻟﻲ ﺗﺤﺘﺎﺟﻪ ..

ﺭﺩﻳﺖ ﻉ ﺍﻟﻤﺮﻩ ﻭﮔﻮﻟﺘﻠﻬﺎ ﺧﺎﻟﻪ ﺍﻋﺬﺭﻳﻨﻲ ﺍﻧﻲ ﻣﺎﺍﮔﺪﺭ ﺍﺗﺰﻭﺝ ﺣﺎﻟﻴﺎ ﻭﺧﺎﺻﻪ ﺍﻧﻲ ﺣﺰﻳﻨﻪ ﻉ ﺑﺎﺑﺎ ..

ﺑﻨﻴﺘﻲ ﻻﺗﺴﺘﻌﺠﻠﻴﻦ ﻓﻜﺮﻱ ﺑﺮﺍﺣﺘﺞ .. ﺍﺣﻨﺎ ﻟﻮ ﻣﺴﺎﺋﻠﻴﻦ ﻋﻠﻴﺞ ﻭﻛﻠﻬﺎ ﻣﺪﺣﺖ ﺑﻴﺞ ﻭﺑﺄﺧﻼﻗﺞ ﻣﺎﺍﺟﻴﻨﺎ ﻭﺧﻄﺒﻨﺎ ﻭﺗﻤﺴﻜﻨﺎ ﺑﻴﺞ .. ﻭﺍﺫﺍ ﻉ ﺍﺑﻮﺝ .. ﻓﻤﺎﺍﻋﺘﻘﺪ ﻳﻀﻮﺝ ﺍﺫﺍ ﺗﺰﻭﺟﺘﻲ ﻭﻓﺮﺣﺘﻲ ﺑﺎﻟﻌﻜﺲ ﻫﻮ ﻳﻔﺮﺣﻠﺞ ..

ﻭﻫﻴﺞ ﺍﻧﺘﻲ ﺗﻌﺬﺑﻴﻪ ﻳﺎﺑﻨﺘﻲ ﻭﺍﻟﺤﺰﻥ ﺑﺎﻟﮕﻠﺐ ﻣﻮ ﺑﺎﻻﺳﻮﺩ ..

ﻫﺰﻳﺖ ﺑﺮﺍﺳﻲ ﻭﻣﮕﺪﺭﺕ ﺍﺣﺠﻲ ﻭﻳﺎﻫﻪ .. ﻭﻣﺎﻣﺎ ﺍﺗﻌﺬﺭﺕ ﻣﻨﻬﺎ ﻭﻃﻠﻌﻦ ﻭﺷﻔﺘﻬﺎ ﻧﻄﺖ ﻭﺭﻗﻪ ﺑﻴﺪ ﻣﺎﻣﺎ .. ﻭﺻﻠﺘﻬﻦ ﻟﻠﺒﺎﺏ ﻭﺑﻮﺳﺖ ﻧﻮﺭ .. ﻭﺩﺧﻠﺖ ..

ﺳﺄﻟﺖ ﻣﺎﻣﺎ ﻉ ﺍﻟﻮﺭﻗﻪ .. ﮔﺎﻟﺖ ﻛﺎﺗﺒﻪ ﺑﻲ ﺭﻗﻤﻬﻢ ﻭﻋﻨﻮﺍﻧﻬﻢ ..

ﻟﻠﻴﻞ ﺩﺍ ﺍﺳﻮﻱ ﻋﺸﺎ .. ﻭﺍﺟﻪ ﻋﻤﻮ ﻋﻠﻲ ﻭﺍﺑﻨﻪ .. ﻛﺴﺮﻭﺍ ﺍﻟﺒﺎﺏ .. ﻓﺘﺤﺘﻬﺎ .. ﺭﺍﺩ ﻳﺘﻬﺠﻢ ﻋﻠﻴﻪ ﮔﻠﻲ ﻟﺞ ﺗﻬﺪﺩﻳﻨﻲ ﺗﺮﻓﻌﻴﻦ ﺩﻋﻮﻩ .. ﺍﻣﺤﻲ ﺍﺛﺮﺝ ﻣﻦ ﺍﻟﻮﺟﻮﺩ ﺍﺫﺍ ﻣﺠﺮﻳﺘﻲ ﻋﺪﻝ ﻭﻳﺎﻱ .. ﻭﺑﺎﺟﺮ ﺗﺠﻲ ﻣﺮﺕ ﻋﻤﺞ .. ﺗﺘﻔﻖ ﻭﻱ ﺍﻣﺞ ﻛﻢ ﻳﻮﻡ ﻭﻳﺠﻲ ﺳﻴﺪ ﻳﻌﻘﺪﻟﻜﻢ ﺍﻧﺘﻲ ﻭﻋﺒﺎﺱ ..

ﺳﻤﺮﺍ .. ﻣﻮ ﺑﻜﻴﻔﻜﻢ ﺍﻧﻲ ﺑﺎﻟﻐﻪ ﻭﻣﺤﺪ ﻳﮕﺪﺭ ﻳﺠﺒﺮﻧﻲ ﻻ ﺍﻧﺖ ﻭﻻﻏﻴﺮﻙ ..

ﻣﺎﺣﺴﻴﺖ ﺍﻻ ﺭﺍﺷﺪﻱ ﺑﻮﺟﻬﻲ ﻣﻦ ﻋﺒﺎﺱ .. ﮔﻠﻲ ﺍﺳﻤﻌﻲ ﻟﺞ ﺍﻟﻈﺎﻫﺮ ﺣﺘﻰ ﺟﻨﺎﻥ ﻣﻌﺮﻓﺖ ﺗﺮﺑﻴﺞ ..

ﺳﻤﺮﺍ .. ﺣﺎﺑﺴﻪ ﺩﻣﻮﻋﻲ ﻭﺍﺣﺠﻲ . ﻟﻚ ﻟﺘﺠﻴﺐ ﺍﺳﻢ ﻣﺎﻣﺎ ﻉ ﺍﻟﺴﺎﻧﻚ ..

ﻉ ﺍﻻﻗﻞ ﻋﻠﻤﺘﻨﻲ ﻣﺎﺍﻛﻞ ﺣﻖ ﺍﻟﻴﺘﻴﻢ ﻭﺍﺿﺮﺑﻪ ﻭﺍﺟﺒﺮﻩ ﻉ ﺍﺷﻴﺎﺀ ﻣﻴﺮﻳﺪﻫﺎ ..

ﺍﻃﻠﻌﻮﺍ ﻻ ﺍﻋﻴﻂ ﻭﺍﺧﻠﻲ ﺍﻟﻨﺎﺱ ﻛﻮﻟﻬﺎ ﺗﺠﻲ ﻭﺗﻄﻠﻌﻜﻢ ﺑﺎﻟﻘﻮﻩ ..

ﻃﻠﻌﻮﺍ ﻗﻔﻠﺖ ﺍﻟﺒﺎﺏ ﻭﺭﺍﻫﻢ ﻭﮔﻌﺪﺕ ﻭﺭﻯ ﺍﻟﺒﺎﺏ ﻭﺍﺑﺠﻲ ﺍﺟﺖ ﻣﺎﻣﺎ ﺷﺎﻓﺘﻨﻲ .. ﮔﻌﺪﺕ ﻳﻤﻲ ..

ﺣﻈﻨﺘﻨﻲ ﻣﻮﮔﺘﻠﺞ ﻣﺎﻣﺎ ﻋﻮﻓﻴﻬﻢ ﻳﺄﺫﻭﺝ ﻟﻴﺶ ﻫﻴﺞ .. ﺍﺳﺘﻐﻠﻮﺍ ﺍﻧﻲ ﺑﺎﻟﻌﺪﻩ ﻭﻣﺎﺍﮔﺪﺭ ﺍﻃﻠﻊ ﻫﻴﺞ ﻳﺴﻮﻭﻥ ..

ﻟﺞ ﻣﻦ ﺍﺳﻤﻊ ﺍﻋﻴﺎﻃﻬﻢ ﻋﻠﻴﺞ ﻭﺍﻫﺎﻧﺎﺗﻬﻢ ﻣﺎﺍﺗﺤﻤﻞ .. ﺑﺲ ﻣﺎﺍﮔﺪﺭ ﺍﻃﻠﻊ ..

ﺍﺳﻤﻌﻲ ﻣﻨﻲ ﻣﺎﻣﺎ .. ﻋﻤﺞ ﻭﺍﺑﻨﻪ ﺷﺎﻳﻔﻴﺞ ﻭﺣﻴﺪﻩ ﻭﺿﻌﻴﻔﻪ ﻫﻴﺞ ﻳﺴﻮﻭﻥ .. ﻻﺯﻡ ﻳﻜﻮﻥ ﻉ ﺭﺍﺳﺞ ﺭﺟﺎﻝ ﺣﺘﻰ ﻣﺤﺪ ﻳﮕﺪﺭ ﻳﻮﺻﻠﺞ #.. ﺑﻘﻠﻤﻲ _ ﺷﻤﺲ

ﺳﻤﺮﺍ .. ﻣﺴﺤﺖ ﺩﻣﻮﻋﻲ ﻭﺑﺎﻭﻋﺘﻠﻬﺎ . ﺷﺘﻘﺼﺪﻳﻦ ﻣﺎﻣﺎ .

ﺟﻨﺎﻥ .. ﮔﻮﻣﻲ ﺣﺒﻴﺒﺘﻲ ﻧﺪﺧﻞ ﻟﻠﺒﻴﺖ ﻭﺍﻓﻬﻤﺞ ..

ﻳﻠﻪ ﻣﺎﻣﺎ ﺩﺧﻠﻨﺎ ﮔﻮﻟﻲ ..

ﺟﻨﺎﻥ .. ﺳﻤﺮﺍ ﺣﺒﻴﺒﺘﻲ .. ﺍﺑﻦ ﻋﻤﺞ ﻣﻴﺤﺒﺞ ﻭﺷﻔﺘﻲ ﺍﺳﻠﻮﺑﻪ ﻭﻳﺎﺝ .. ﻛﻞ ﻫﻤﻪ ﺍﻟﻔﻠﻮﺱ ﻭﻭﺭﺙ ﺍﺑﻮﺝ ..

ﻳﻌﻨﻲ ﺭﺍﺡ ﻳﺒﻘﻮﻥ ﻳﻀﺎﻳﻘﻮﺝ ﺍﻟﻰ ﺍﻥ ﺗﻮﺍﻓﻘﻴﻦ ..

ﺍﻧﺘﻲ ﻻﺯﻡ ﺍﻛﻮ ﺭﺟﺎﻝ ﻳﻮﻛﻒ ﻭﻳﺎﺝ ﺑﻮﺟﻬﻬﻢ ..

ﺳﻤﺮﺍ .. ﺻﺪﻭﮒ ﺗﺠﻴﻦ ﻣﺎﻣﺎ .. ﺍﻧﻲ ﻣﺴﺘﺤﻴﻞ ﺍﺗﺰﻭﺝ ﻫﺴﺎ ﻭﺑﻌﺪﻱ ﺑﺎﺑﺎ ﻣﺼﺎﺭﻟﻪ ﻫﻮﺍﻳﻪ ﻣﻴﺖ ..

ﺍﻱ ﻳﻤﻪ ﺗﻌﺮﻓﻴﻦ ﺍﻡ ﺍﻣﻴﺮ ﻫﺎﻱ ﺍﻟﻤﺮﻩ ﺍﻻﺟﺖ ﺧﻄﺒﺘﺞ .. ﻫﻢ ﺭﺍﻳﺪﻳﺞ ﻭﻫﻢ ﺳﻨﺪ ﺍﻟﺞ ﻭﻫﻢ ﺗﺮﺑﻴﻦ ﻫﺎﻱ ﺍﻟﻴﺘﻴﻤﻪ

ﺳﻤﺮﺍ .. ﻳﻮﻡ ﺍﻧﻲ ﺷﻨﻮ ﺷﻔﺖ ﺑﺤﻴﺎﺗﻲ ﺣﺘﻰ ﺍﺭﺗﺒﻂ ﺑﺮﺟﺎﻝ ﻭﻋﻨﺪﻩ ﻃﻔﻠﻪ ﻫﻢ ﻭﺍﺗﺤﻤﻞ ﻣﺴﺆﻭﻟﻴﻪ .. ﻣﻮ ﮔﺪ ﻫﻴﺞ ﻣﺴﺆﻟﻴﻪ ﻳﻮﻡ ..

ﺟﻨﺎﻥ .. ﺑﺮﺍﺣﺘﺞ ﺑﻨﻴﺘﻲ ﺑﺲ ﻉ ﺍﻻﻗﻞ ﻧﺎﺱ ﺷﺎﻳﻔﻴﻦ ﻭﻣﻮ ﻋﻴﻨﻬﻢ ﻉ ﺍﻟﻔﻠﻮﺱ ﻣﺜﻞ ﻋﻤﺞ ﻭﺍﺑﻨﻪ ..

ﻭﺍﺫﺍ ﻉ ﺍﺑﻮﺝ .. ﻓﺄﺣﻨﻪ ﻧﺸﺮﻁ ﺍﻟﻌﻘﺪ ﻭﺍﻟﺰﻭﺍﺝ ﺑﺴﻜﺘﻪ ..

ﺳﻤﺮﺍ .. ﻫﻬﻬﻬﻪ ﻫﺎﻱ ﺷﻨﻮ ﺯﻭﺟﺘﻴﻨﻲ ﺑﺴﺮﻋﻪ .. ﻻ ﻳﻮﻡ ﺍﻧﺴﻲ ﺍﻧﻲ ﻋﻨﺪﻱ ﺻﺪﻳﻘﺘﻲ ﺯﻫﺮﺍﺀ ﺑﻨﻴﻪ ﺍﻋﺮﻓﻬﺎ ﻭﻳﺎﻱ ﺑﺎﻟﻤﺪﺭﺳﻪ ﺍﺑﻮﻫﺎ ﻣﺤﺎﻣﻲ ﺍﻟﻲ ﺑﻴﺘﻬﻢ ﺑﺎﻟﺸﺎﺭﻉ ﺍﻟﻲ ﺑﻌﺪﻧﺎ .. ﻭﺍﺧﻠﻴﻬﺎ ﺗﺤﺠﻲ ﻭﻳﺎﻩ ﻭﺗﺸﻮﻑ ﺷﻴﮕﻮﻝ .

ﻭﻓﻌﻼ ﺍﺗﺼﻠﺖ ﺑﺰﻫﺮﺍﺀ ﺻﺪﻳﻘﺘﻲ .. ﻭﮔﻮﻟﺘﻠﻬﺎ ﻉ ﻛﻮﻟﺸﻲ .. ﻭﮔﺎﻟﺖ ﺍﻧﻲ ﺍﮔﻮﻝ ﺍﻟﺒﺎﺑﺎ ﻭﺍﺭﺟﻌﻠﺞ ﺟﻮﺍﺏ ..

ﻣﺮ ﻳﻮﻣﻴﻦ .. ﻭﺍﺟﻮ ﺑﻴﺖ ﻋﻤﻮ ﻫﻢ . ﺍﻭﻭﻭﻭﻑ ﺷﮕﺪ ﻟﺰﮔﻪ ..

ﻫﻢ ﻧﻔﺲ ﺍﻟﻜﻼﻡ ﻭﻧﻔﺲ ﺍﻟﺘﻬﺪﻳﺪﺍﺕ ﻭﻫﺎﻟﻤﺮﻩ ﺍﻧﻲ ﻣﺤﺠﻴﺖ .. ﻣﺮﺕ ﻋﻤﻮ ﺩﺧﻠﺖ ﻳﻢ ﻣﺎﻣﺎ ﺗﻘﻨﻌﻬﺎ .. ﻭﺍﻧﻲ ﺳﺎﻛﺘﻪ ﺣﺘﻰ ﻣﻲ ﻣﻘﺪﻣﺘﻠﻬﻢ ﻣﻴﺴﺘﺎﻫﻠﻮﻥ ..

ﺷﻮﻳﻪ ﺍﻧﺪﮔﺖ ﺍﻟﺒﺎﺏ .. ﺍﺟﺖ ﺯﻫﺮﺍﺀ ﻭﺍﺑﻮﻫﻪ .. ﺍﻧﻲ ﻣﺘﻔﻘﻪ ﻭﻳﺎﻫﺎ ﻫﻢ ﻳﺠﻮﻥ ﺍﻧﻲ ﻣﺎﺍﮔﺪﺭ ﺍﻃﻠﻊ ﺍﻟﻤﻜﺎﻥ ﻭﺍﺗﺮﻙ ﻣﺎﻣﺎ ﻭﺣﺪﻫﺎ .. ﻭﺍﻟﺮﺟﺎﻝ ﺣﺒﺎﺏ ﻣﮕﺎﻝ ﺷﻲ ﻭﻣﻨﻘﻬﺮ ﻉ ﺣﺎﻟﻲ ..

ﺭﺣﺒﺖ ﺑﻴﻬﻢ ﻭﺩﺧﻠﺘﻬﻢ ﻟﻼﺳﺘﻘﺒﺎﻝ .. ﻋﻤﻮ ﮔﻠﺐ ﻭﺟﻬﻬﺎ .. ﻭﻋﺒﺎﺱ ﻳﺒﺎﻭﻋﻠﻲ ﻭﻳﮕﻮﻟﻲ ﻣﻨﻮ ﻫﺬﺍ ..

ﺳﻤﺮﺍ .. ﻫﺬﺍ ﺍﺑﻮ ﺻﺪﻳﻘﺘﻲ ﻭﻣﺤﺎﻣﻲ . ﻭﺍﻧﻲ ﻃﻠﺒﺖ ﻣﻨﻪ ﻳﺮﺟﻌﻠﻲ ﺣﻘﻮﻗﻲ ﻻﻥ ﺍﺩﺭﻱ ﺑﻴﻜﻢ ﻣﺘﻘﺒﻠﻮﻥ ﺗﻨﻄﻮﻧﻲ ﺷﻲ ﻭﺗﺮﻳﺪﻭﻥ ﺗﺠﺒﺮﻭﻧﻲ ﻉ ﺍﻟﺰﻭﺍﺝ ..

ﻋﺒﺎﺱ .. ﻟﺞ ﺍﻧﺘﻲ ﺍﻟﻈﺎﻫﺮ ﺻﺪﻭﮒ ﻣﻤﺘﺮﺑﺎﻳﻪ .. ﺗﺠﻴﺒﻴﻦ ﻣﺤﺎﻣﻲ ﻏﺮﻳﺐ ﻭﺗﺪﺧﻠﻴﻪ ﻟﻠﺒﻴﺖ ﻭﺗﺮﻓﻌﻴﻦ ﻗﻀﻴﻪ ﻋﻠﻴﻨﺎ ..

ﺍﻟﻴﻮﻡ ﻣﺤﺪ ﻳﺨﻠﺼﺞ ﻣﻨﻲ .. ﻟﺰﻣﻪ ﻋﻤﻮ ﮔﻠﻪ ﺍﻭﮔﻒ

ﻭﺍﺗﺒﺎﻭﻉ ﻟﻠﻤﺤﺎﻣﻲ ﻭﮔﻠﻪ .. ﺭﻭﺡ ﺧﻮﻳﻪ ﺍﻧﺖ ﻟﺘﺘﺪﺧﻞ ﺍﺣﻨﻪ ﻋﺎﺋﻠﻪ ﻧﺤﻠﻬﺎ ﺑﻴﻨﺎ ﻭﻫﻲ ﺑﻨﺖ ﺍﺧﻮﻱ ﻳﻌﻨﻲ ﻣﺜﻞ ﺑﻨﺘﻲ ..

ﺍﻟﻤﺤﺎﻣﻲ .. ﺻﺤﻴﺢ ﺍﻧﺘﻮ ﻋﺎﺋﻠﻪ ﺑﺲ ﺍﻟﺒﻨﻴﻪ ﻛﻠﻔﺘﻨﻲ ﻭﺍﺩﺭﻱ ﺑﻴﻬﺎ ﻭﺣﻴﺪﻩ ﻭﺍﻧﺖ ﺍﺑﻨﻲ ﺩﺍ ﺗﺮﺗﻜﺐ ﺧﻄﺄ ﻭﻫﺴﺎ ﺍﻛﺪﺭ ﺍﺧﺬﻫﺎ ﻭﻧﺮﻓﻊ ﻗﻀﻴﻪ ﻋﻠﻴﻚ ﺗﻬﺠﻢ ﻭﺳﺐ ﻭﺳﺒﻖ ﻭﺍﻥ ﺿﺎﺭﺑﻬﺎ ﻫﻢ ..

ﻭﺗﺼﻴﺮ ﻣﺤﺎﻛﻢ ﻭﺧﺒﺼﻪ .. ﺑﺲ ﺍﻧﺖ ﺍﺗﻬﺪﻯ ﻭﺧﻠﻴﻨﺎ ﻧﺤﻞ ﺍﻻﻣﻮﺭ ﺑﻬﺪﻭﺀ ..

ﺑﺬﻳﺞ ﺍﻟﺴﺎﻋﻪ ﻣﺸﺎﻳﻔﻴﻦ ﻋﺒﺎﺱ ﺷﻨﻮ ﺳﻮﻭﻩ .. ﻫﺠﻢ ﻉ ﺍﻟﺮﺟﺎﻝ ﻭﺩﮒ ﺑﻮﻛﺴﺎﺕ ﺷﻮﻫﻪ ﺍﻟﻮﺟﻬﻪ .. ﻭﺑﻨﺘﻪ ﺗﻌﻴﻂ ﻭﺍﻧﻲ ﺍﺩﻓﻊ ﺑﻲ ﻣﺎﻛﻮ ﻭﻛﻞ ﺳﺎﻋﻪ ﻭﻳﺪﻓﻌﻨﻲ ﻭﻳﻀﺮﺑﻨﻲ ﻭﻳﮕﻮﻟﻲ .. ﻏﻴﺮ ﺍﻧﺘﻲ ﺟﺎﻳﺒﺘﻪ ﺗﻬﺪﺩﻳﻨﺎ ﺑﻲ .. ﻫﺎﺝ ﺧﻠﻲ ﻳﻔﻴﺪﺝ ..

ﺍﺗﺒﺎﻭﻋﺖ ﻟﻠﺮﺟﺎﻝ ﻣﺪﻣﺮ ﻭﺟﻬﻪ ﺍﺳﺘﺤﻴﺖ ﺣﻴﻞ ﻣﻨﻪ ﻭﻣﻦ ﺻﺪﻳﻘﺘﻲ ..

ﺍﻧﻲ ﺍﻟﻲ ﺟﺒﺘﻬﻢ ﻭﺗﻔﺸﻠﺖ ﻭﻳﺎﻫﻢ ..

ﺍﺗﺒﺎﻭﻋﺖ ﺍﻟﻌﻤﻮ ﻭﺍﻟﻌﺒﺎﺱ .. ﻟﻚ ﺗﺤﺠﻲ ﻉ ﺗﺮﺑﻴﺘﻲ ﻉ ﺍﻻﻗﻞ ﺍﻧﻲ ﻣﺎﺍﺿﺮﺏ ﺷﺨﺺ ﺑﮕﺪ ﺍﺑﻮﻳﻪ ﻭﺍﻗﻠﻞ ﺍﺣﺘﺮﺍﻡ ..

ﻭﻫﺴﺎ ﻳﻠﻪ ﺍﻃﻠﻌﻮﺍ ﻣﻦ ﺑﻴﺘﻲ .. ﻭﺑﻌﺪ ﻟﺘﺠﻮﻥ ﺍﻟﻤﺮﻩ ﺍﻟﺜﺎﻧﻴﻪ ﺍﺗﺼﻞ ﺑﺎﻟﺸﺮﻃﻪ .. ﻳﺎﺧﺬﻭﻛﻢ ..

ﺻﺤﺖ ﻣﺮﺕ ﻋﻤﻮ ﻣﺴﻮﻳﻪ ﻧﻔﺴﻬﺎ ﻣﺘﺴﻤﻊ ﺍﻟﻌﻴﺎﻁ ﻭﻃﺮﺩﺗﻬﺎ ﻫﻢ ..

# ﺑﻘﻠﻤﻲ _ ﺷﻤﺲ

# ﻳﺘﺒﻊ 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤