رواية وعد العيون الجزء السادس عشر
للكاتبة شمس
....
ﺩﺧﻠﻨﺎ ﻟﻠﺒﻴﺖ ﻟﮕﻴﻨﺎ ﻋﻤﺘﻲ ﮔﺎﻋﺪﻩ .. ﺷﺎﻓﺘﻨﺎ ﺗﺒﺎﻭﻋﺖ ﺑﻄﺮﻑ ﻋﻴﻨﻬﺎ .. ﺳﻠﻤﺖ ﻣﺎﺭﺩﺕ ..
ﺑﻬﺎﺀ .. ﻳﻤﻪ ﺍﺑﺸﺮﺝ ﺳﻤﺮ ﺣﺎﻣﻞ ..
ﺳﻜﺘﺖ ﻭﻻ ﻛﺄﻧﻪ ﺳﻤﻌﺖ ﺷﻲ .. ﺣﺘﻰ ﻣﮕﺎﻟﺘﻠﻪ ﻣﺒﺮﻭﻙ .. ﺑﻬﺎﺀ ﺍﻧﻘﻬﺮ ﺣﻴﻞ ﻭﮔﺎﻡ ﺩﺧﻞ ﻟﻠﻐﺮﻓﻪ ..
ﺍﺩﺭﻱ ﺑﻴﻬﺎ ﻣﺘﺤﺒﻨﻲ ﺑﺲ ﺑﻬﺎﺀ ﺧﻄﻴﻪ ﺍﻟﻤﻔﺮﻭﺽ ﺗﻔﺮﺡ ﺍﻟﻔﺮﺣﻪ ﺩﺧﻠﺖ ﻭﺭﺍﻩ .. ﻭﻣﺤﺴﺴﺘﻪ ﺑﺸﻲ . ﺑﻘﻴﺖ ﺍﺳﻮﻟﻒ ﻭﺍﺿﺤﻚ ﻭﻳﺎﻩ ﻭﺣﻈﻨﻲ ﻭﻧﻤﻨﺎ ﻓﺮﺣﺎﻧﻴﻦ .. # ﺷﻤﺲ
ﮔﻌﺪﺕ ﺍﻟﺼﺒﺢ ﺳﻮﻳﺖ ﺭﻳﻮﮒ ﺍﻟﺒﻬﺎﺀ ﻭﻃﻠﻊ ﻟﻠﺸﻐﻞ . ﻭﺍﻧﻲ ﻃﺒﺨﺖ ﺗﺸﺮﻳﺐ ﺩﺟﺎﺝ . ﻭﺭﺟﻌﺖ ﺍﻧﻈﻒ ﻏﺮﻓﺘﻲ ﻭﮔﻠﺖ ﺏ 11 ﺍﻃﺒﺦ ﺍﻟﺘﻤﻦ ﺑﻌﺪ ﻭﻗﺖ ﻫﺴﺎ ..
ﺩﺧﻠﺖ ﻟﻠﻐﺮﻓﻪ ﺍﻧﻀﻔﻬﺎ .. ﻭﺍﻧﻲ ﺩﺍ ﺍﺷﺘﻐﻞ ﺣﺴﻴﺖ ﺍﻛﻮ ﺭﻃﻮﺑﻪ ﻭﺷﻲ ﺩﻳﻮﮔﻊ ﻋﻠﻴﻪ .. ﺩﺧﻠﺖ ﻟﻠﺤﻤﺎﻡ ﺷﻔﺖ ﻗﻄﺮﺍﺕ ﺩﻡ .. ﺧﻔﺖ ﺳﺄﻟﺖ ﺻﺪﻳﻘﺎﺗﻲ ﻣﺘﺰﻭﺟﺎﺕ ﺍﺗﺼﻠﺖ ﻋﻠﻴﻬﻢ .. ﮔﻠﻮﻟﻲ .. ﻋﺎﺩﻱ ﺗﺼﻴﺮ ﺑﺪﺍﻳﺔ ﺍﻟﺤﻤﻞ .. ﺑﺲ ﺍﺭﺗﺎﺣﻲ ﻭﻧﺎﻣﻲ ﻉ ﻇﻬﺮﺝ ..
ﻭﻟﺘﺨﻠﻴﻦ ﺑﻬﺎﺀ ﻳﺘﻘﺮﺑﻠﺞ .. ﻭﻻﺯﻡ ﺗﺮﺍﺟﻌﻴﻦ ﺩﻛﺘﻮﺭﻩ ﻋﻤﻮﺩ ﺗﻨﻄﻴﺞ ﺍﺑﺮ ﻣﺜﺒﺘﻪ ..
ﺍﺗﺼﻠﺖ ﻉ ﺑﻬﺎﺀ .. ﺗﺮﻙ ﺷﻐﻠﻪ ﻭﺍﺟﻪ ﺑﺴﺮﻋﻪ ..
ﺑﻬﺎﺀ .. ﮔﻮﻣﻲ ﻫﺴﺎ ﺍﺧﺬﺝ ﻟﻠﻤﺴﺘﺸﻔﻰ
ﺳﻤﺮ .. ﻻ ﻣﻮ ﻫﺴﺎ ﺍﺗﺮﻛﻬﺎ ﻟﻠﻌﺼﺮ ﺍﺭﻭﺡ ﺍﻟﺪﻛﺘﻮﺭﻩ ﺍﺿﺒﻂ ..
ﺑﻬﺎﺀ .. ﺍﻭﻙ ﺑﺲ ﺍﺭﺗﺎﺣﻲ ..
ﺻﺎﺭﺕ ﺍﻟﺴﺎﻋﻪ 2 ﺑﺪﻳﺖ ﺍﺣﺲ ﺑﻮﺟﻊ ﺧﻔﻴﻒ ﺑﻬﺎﺀ ﺗﺨﺒﻞ .
ﮔﻠﻲ ﮔﻮﻣﻲ ﻧﺮﻭﺡ ﻟﻠﻤﺴﺘﺸﻔﻰ ﺭﺍﺡ ﮔﺎﻝ ﺍﻻﺧﺘﻪ ﻭﺍﻣﻪ ﺍﺟﻮ ﻭﻳﺎﻧﺎ .. # ﺷﻤﺲ
ﻭﺻﻠﻨﺎ ﻟﻠﻤﺴﺘﺸﻔﻰ .. ﺑﻬﺎﺀ ﺑﻘﻰ ﺑﺎﻟﺒﺎﺏ ﻣﻘﺒﻠﻮﺍ ﻳﺪﺧﻞ .. ﺩﺧﻠﻨﺎ ﺍﻧﻲ ﻭﺍﺧﺘﻪ ﻭﺍﻣﻪ ﺍﻟﻘﺎﻋﻪ ﻛﺒﻴﺮﻩ ﻳﺴﻤﻮﻫﺎ ﺭﺩﻫﺔ ..
ﻭﺑﻴﻬﺎ ﻧﺴﻮﺍﻥ ﻛﻮﻣﻪ ﻳﻌﻴﻄﻦ ﻭﻣﻨﻈﺮﻫﻦ ﻳﺨﻮﻑ .. ﻭﺍﻛﻮ ﺩﻛﺘﻮﺭﻩ ﮔﺎﻋﺪﻩ ﻭﺭﻩ ﺳﺘﺎﺭﻩ ..
ﺑﻘﺖ ﺗﺴﺄﻟﻨﻲ ..
ﻣﺎﻣﺎ ﺷﻨﻮ ﻋﻨﺪﺝ ﺍﻧﺘﻲ ..
ﺷﺮﺣﺘﻠﻬﺎ ﺍﻟﺤﺎﻟﻪ ﻛﻮﻟﻬﺎ ..
ﮔﻠﺘﻠﻲ ﺍﺻﻌﺪﻱ ﺍﻓﺤﺼﺞ ..
ﺻﻌﺪﺕ .. ﻭﻓﺤﺼﺘﻨﻲ ﻣﻮﺗﺘﻨﻲ ﻣﻦ ﺍﻻﻟﻢ .. ﺣﻴﻞ ﺍﺫﺗﻨﻲ
ﮔﻠﺘﻠﻲ .. ﻫﺎﻱ ﻋﻨﺪﺝ ﺍﺳﻘﺎﻁ ﺑﺲ ﺑﻌﺪﻩ ﻋﻨﻖ ﺍﻟﺮﺣﻢ ﻣﻤﻔﺘﻮﺡ
.. ﻣﻦ ﺧﻠﺼﺖ ﻓﺤﺺ ﺻﺎﺭ ﻳﻮﮔﻊ ﻋﻠﻴﻪ ﻫﻮﺍﻳﻪ ﺩﻡ .. ﺍﺣﺲ ﻧﻔﺴﻲ ﺗﻔﻴﻀﺖ ﻭﺍﻧﻲ ﺑﺲ ﺍﺑﺠﻲ . ﺍﺗﺒﺎﻭﻉ ﺍﻟﻨﻔﺴﻲ ﻭﺍﺳﻤﻊ ﺍﻟﺪﻛﺘﻮﺭﻩ ﻭﻋﻴﻮﻧﻲ ﺑﻌﺪ ﻣﺎﺍﺷﻮﻑ ﺑﻴﻬﻦ ﻣﻦ ﺍﻟﺪﻣﻮﻉ ﺍﻟﺒﺎﺭﺣﻪ ﻓﺮﺣﺎﻧﻴﻦ ﺑﺎﻟﺘﺤﻠﻴﻞ ﻭﺍﻟﻴﻮﻡ ﺭﺍﺡ ﻣﻨﻲ ﻓﺮﺣﺘﻲ ﻭﻓﺮﺣﺖ ﺑﻬﺎﺀ ..
ﺍﻭﻭﻭﻭﻭﻑ ﺑﻬﺎﺀ ﺣﺘﻰ ﻣﻠﺤﮕﺖ ﺗﻔﺮﺡ .. # ﺷﻤﺲ
ﺩﺧﻠﺖ ﻋﻤﺘﻲ ﻭﺑﻤﻜﺎﻥ ﻣﺘﻮﺍﺳﻴﻨﻲ .. ﮔﺎﻣﺖ ﺗﺤﺠﻲ ﻋﻠﻴﻪ ﻭﺗﮕﻮﻝ ﺷﺒﻴﻬﺎ ﺗﺒﺠﻲ ﻗﺎﺑﻞ ﻃﻔﻠﻪ .. ﺍﺷﻮ ﻫﻨﺪ ﻣﺮﺕ ﺣﻤﺎﻫﺎ
ﺟﺎﺑﺖ ﻋﻤﻠﻴﻪ ﻭﻣﺒﺠﺖ ..
ﻣﺘﺪﺭﻱ ﺍﻻﺳﻘﺎﻁ ﺍﻟﻤﻪ ﻳﻤﻮﺕ .. ﻭﺍﻻﺷﺪ ﺍﻟﻢ ﻫﻮ ﻓﺮﺣﺘﻨﺎ ﺍﻟﻀﺎﻋﺖ ﺍﻧﻲ ﻭﺑﻬﺎﺀ .. ﻣﻦ 2 ﻟﻠﺴﺎﻋﻪ 6 ﺍﻧﻲ ﺍﻧﺰﻑ ﻭﻣﺪﺧﻠﻮﻧﻲ ﺍﻟﺼﺎﻟﻪ ﺍﻟﻮﻻﺩﻩ .. ﻭﺍﻧﻲ ﺍﺳﻤﻊ ﺍﺻﻮﺍﺕ ﺍﻟﻲ ﻳﻤﻲ ﻣﻦ ﻳﻄﻠﮕﻦ ﻭﺍﻧﻲ ﻳﺰﻳﺪ ﻭﺟﻌﻲ ﻣﻦ ﺍﺳﻤﻌﻬﻢ ..
ﺍﻟﺴﺎﻋﻪ 6 ﻭﻧﺺ ﺩﺧﻠﻮﻧﻲ ﻭﺍﻧﻲ ﻣﻴﺘﻪ ﺧﻮﻑ ﻭﺣﺪﻱ ﺗﻤﻨﻴﺖ ﺍﺣﺪ ﻳﺪﺧﻞ ﻭﻳﺎﻱ ﻋﺒﺎﻟﻚ ﻣﺪﺧﻠﻴﻨﻲ ﺍﻋﺪﺍﻡ ﻭﻫﻮ ﻓﻌﻼ ﺍﻋﺪﺍﻡ ﺷﻔﺖ ﺍﻟﻤﻮﺕ ﺑﻌﻴﻨﻲ .. ﺳﻮﻭﻟﻲ ﻛﺮﺩﺍﺵ ﺑﺪﻭﻥ ﺑﻨﮓ
ﺣﺘﻰ ﺗﺸﺎﻫﺪﺕ ﻉ ﺭﻭﺣﻲ ﻣﻦ ﺍﻟﻮﺟﻊ ﺍﻟﻲ ﻣﺎﺃﮔﺪﺭ ﺍﻭﺻﻔﻪ ﺍﺣﺲ ﻳﺪﺧﻠﻮﻥ ﺳﻜﺎﻛﻴﻦ ﻭﺍﺩﻭﺍﺕ ﺣﺎﺩﺓ ﻭﻳﺤﺎﻭﻟﻮﻥ ﻳﺸﻠﻌﻮﻥ ﻓﺪ ﺷﻲ ﻣﻦ ﺟﺴﻤﻲ ﻭﻣﻦ ﺩﺍﺧﻞ ﺭﺣﻤﻲ ..
ﺑﺪﻭﻥ ﺭﺣﻤﻪ ﻭﻻ ﻛﺄﻧﻪ ﺍﻧﺴﺎﻧﻪ ﮔﺪﺍﻣﻬﻢ .. ﺍﻟﻰ ﺍﻥ ﺧﻠﺼﻮﺍ ﺣﺴﻴﺖ ﺭﻭﺣﻲ ﺧﻠﺼﺖ ﻣﻦ ﺍﻟﺒﺠﻲ ﻭﺍﻟﺨﻮﻑ ..
ﻃﻠﻌﻮﻧﻲ ﺑﺮﺩﻫﺔ ﺍﻻﻧﺘﻈﺎﺭ .. ﺷﻔﺖ ﻣﺎﻣﺎ ﺟﺎﻳﻪ ﻭﻣﻨﻰ ﺍﺟﻮ ﺍﻟﻲ ﻳﺮﻛﻀﻮﻥ .. ﺑﺲ ﻋﻤﺘﻲ ﻣﺎﺍﺟﺖ ﻭﻻﺩﺧﻠﺖ ﺑﻘﺖ ﺑﺮﺓ ﮔﺎﻋﺪﻩ ..
ﺭﺩﺕ ﺍﻃﻠﻊ ﺿﺠﺖ ﺣﻴﻞ ﻣﻦ ﺍﻟﻤﺴﺘﺸﻔﻰ .. ﮔﺎﻟﻮﺍ ﻣﻴﺼﻴﺮ ﺍﻻ ﺗﺠﻲ ﺍﻟﺪﻛﺘﻮﺭﻩ ﺗﻔﺤﺼﺞ ..
ﺗﺬﻛﺮﺕ ﺷﻠﻮﻥ ﻓﺤﺼﺘﻨﻲ .. ﮔﻠﺘﻠﻬﻢ ﻣﺎﺍﻓﺤﺺ ﻭﺍﻃﻠﻊ ﻉ ﻣﺴﺆﻟﻴﺘﻲ .. ﺗﺮﻛﺖ ﻣﺎﻣﺎ ﻭﺣﻤﺎﺗﻲ ﺑﺎﻟﻐﺮﻓﻪ ﻭﺍﺧﺬﺕ ﻋﺒﺎﺗﻲ ﻭﻃﻠﻌﺖ .. ﻉ ﺷﻨﻮ ﺍﺗﺤﻤﻞ ﺍﻟﻮﺟﻊ ﺍﺑﻨﻲ ﻭﺧﺴﺮﺗﻪ ..
ﻣﻮ ﻛﺎﻓﻲ ﻭﺟﻊ ﺍﻟﻜﺮﺩﺍﺵ ﻭﺍﻟﺪﻡ ﺍﻟﻲ ﻧﺰﻓﺘﻪ .. ﻫﻮ ﺑﻼ ﻛﻮﻟﺸﻲ ﺍﻧﻲ ﺑﻴﻪ ﻓﻘﺮ ﺩﻡ .. ﻣﺎﻣﺎ ﻭﻣﻨﻰ ﻳﻠﺰﻣﻮﻥ ﺑﻴﻪ ﻭﺍﻧﻲ ﺩﻓﻌﺘﻬﻢ ﻭﻃﻠﻌﺖ ﻣﺜﻞ ﺍﻟﻤﺨﺒﻠﻪ .. # ﺷﻤﺲ
ﺷﺎﻓﻨﻲ ﺑﻬﺎﺀ ﺳﺤﺒﻨﻲ ﻋﺒﺎﻟﻲ ﺩﻳﺮﺟﻌﻨﻲ ﻟﻠﻤﺴﺘﺸﻔﻰ ..
ﮔﻮﺗﻠﻪ ﺍﺗﺮﻛﻨﻲ ﻣﺎﺍﺭﻭﺡ ﻛﻮﻟﻪ ﻣﻨﻚ .. ﮔﺘﻠﻚ ﻣﺎﺍﺭﻳﺪ ﺍﻟﻤﺴﺘﺸﻔﻰ ﺍﺩﺭﻱ ﺑﻴﻬﻢ ﻣﺎﻋﻨﺪﻫﻢ ﺭﺣﻤﻪ .. ﻣﻦ 2 ﻟﻠﺴﺎﻋﻪ 6 ﺍﻧﻲ ﺍﻧﺰﻑ ﻭﺧﻠﺺ ﺩﻣﻲ ﻭﻫﻢ ﻳﺒﺎﻋﻮﻥ ﻋﻠﻴﻪ ﻭﺳﻮﻭﻟﻲ ﻛﻮﺭﺩﺍﺵ ﺑﺪﻭﻥ ﺑﻨﮓ ﺍﺣﺠﻲ ﻭﺍﺑﺠﻲ .. # ﺷﻤﺲ
ﺍﺧﻮﺍﻧﻪ ﻛﻮﻟﻬﻢ ﻳﻤﻪ ﻭﺍﺧﻮﺍﻧﻲ ﻫﻢ ﺑﺲ ﺍﻧﻲ ﺑﺴﺎﻋﺘﻬﺎ ﻣﺎﺍﺷﻮﻑ ﺷﻲ ﻣﻦ ﺍﻻﻟﻢ ﻭﺍﻟﻐﻀﺐ .. ﻫﻮ ﻳﺘﻘﺮﺏ ﻣﻨﻲ ﻭﺍﻧﻲ ﺍﺩﻓﻌﻪ .. ﻫﻮ ﺧﺠﻞ ﻣﻦ ﺗﺼﺮﻓﻲ ﻻﻥ ﺍﺧﻮﺍﻧﻪ ﻳﺘﺒﺎﻋﻮﻥ ﻭﻭﺍﻛﻔﻴﻦ ..
ﺍﺟﻪ ﺍﺧﻮﻳﻪ ﺍﺣﻤﺪ .. ﺗﻌﺎﻟﻲ ﺳﻤﺮ ﺍﻧﻲ ﺍﻭﺻﻠﺞ ﻟﻠﺒﻴﺖ .. ﻣﺸﻴﺖ ﻭﻳﺎﻩ ﻭﺍﺟﺖ ﻣﺎﻣﺎ ﻭﺭﺍﻧﺎ ..
ﮔﻌﺪﺕ ﻉ ﺍﻟﺮﺻﻴﻒ ﺑﺎﻟﺸﺎﺭﻉ ..
ﺑﻬﺎﺀ ﺗﺮﻙ ﺍﻫﻠﻪ ﻭﺍﺟﻪ ﻭﺭﺍﻧﺎ .. ﺭﺟﻌﻨﺎ ﻟﻠﺒﻴﺖ ﺍﻧﻲ ﻭﻣﺎﻣﺎ ﻭﺍﺣﻤﺪ ﻭﻫﻮ ﺑﺲ ﻋﻴﻮﻧﻪ ﺗﻌﺎﺗﺐ ﻣﻦ ﺗﺼﺮﻓﻲ ..
ﻣﺎﻣﺎ .. ﺍﺑﻘﻲ ﻛﻢ ﻳﻮﻡ ﻫﻨﺎ ﺍﺭﺗﺎﺣﻲ ..
ﺳﻤﺮ .. ﻻ ﻣﺎﻣﺎ ﺍﺭﻳﺪ ﺍﺭﺗﺎﺡ ﺑﻐﺮﻓﺘﻲ ..
ﺣﺴﻴﺘﻬﺎ ﺿﺎﺟﺖ ﻭﺯﻋﻠﺖ .. ﺍﻧﻲ ﺳﻮﻳﺖ ﻫﻴﺞ ﺣﺘﻰ ﺍﺭﺟﻊ ﺍﻋﺘﺬﺭ ﻣﻦ ﺑﻬﺎﺀ ﻭﻣﺎﮔﺪﺭﺕ ﺍﺧﻠﻴﻪ ﻭﺣﺪﻩ ﻷﻥ ﺍﻋﺮﻑ ﺑﺤﺰﻧﻪ ﺍﻛﺒﺮ ﻣﻦ ﺣﺰﻧﻲ ﻻﻥ ﻫﻮ ﺭﻭﺣﻪ ﺑﺎﻻﻃﻔﺎﻝ ﻭﻣﺎﺻﺪﮒ ﻳﺼﻴﺮ ﻋﺪﻧﺎ ﻃﻔﻞ ..
ﺭﺩﺕ ﺍﺑﻘﻰ ﻳﻤﻪ ﺍﺧﻔﻒ ﻋﻠﻴﻪ ﻭﺍﺑﺮﺭﻟﻪ ﺗﺼﺮﻓﻲ ﻭﻳﺎﻩ .. ﺍﻟﻲ ﻛﺎﻥ ﻣﻦ ﺷﺪﺓ ﺍﻟﻮﺟﻊ ﺍﻟﻲ ﺷﻔﺘﻪ .. ﺑﺲ ﻫﻮ ﺩﺧﻠﻨﻲ ﻟﻠﻐﺮﻓﻪ ﻭﻃﻠﻊ ﺑﺪﻭﻥ ﻣﻴﺤﺠﻲ .. # ﺷﻤﺲ
ﺷﻮﻳﻪ ﻭﺩﺧﻠﺖ ﻫﻨﺪ ﻣﺮﺕ ﺣﻤﺎﻱ ﺍﻟﻲ ﻭﻳﺎﻱ ﺑﻨﻔﺲ ﺍﻟﺒﻴﺖ ﻭﻋﺒﻴﺮ ﻣﺮﺕ ﺣﻤﺎﻱ ﺍﻟﻮﺳﻄﺎﻧﻲ .. ﺍﺟﻮ ﻳﺴﻠﻤﻮﻥ ﻋﻠﻴﻪ ﻭﮔﻠﻮﻟﻲ ﺣﻤﺪﺍ ﺍﻟﻠﻪ ﻉ ﺳﻼﻣﺘﺞ .. ﺑﻘﻮﺍ ﻳﻤﻲ ﺳﺎﻋﻪ ﻭﻃﻠﻌﻮﺍ ..
ﺷﻮﻳﻪ ﻭﺩﺧﻞ ﺑﻬﺎﺀ .. ﺷﻜﻠﻪ ﻛﻮﻟﺶ ﻣﻬﻤﻮﻡ ﺍﻭﻝ ﻣﺮﺓ ﺍﺷﻮﻓﻪ ﻫﻴﺞ ..
ﺳﻤﺮ .. ﺑﻬﺎﺀ ﺷﺒﻴﻚ ﺑﻌﺪﻙ ﺯﻋﻼﻥ ﻣﻨﻲ ..
ﺑﻬﺎﺀ .. ﺳﻤﺮ ﺍﺩﺭﻱ ﺑﻴﺞ ﺿﺎﻳﺠﻪ ﺑﺲ ﻣﻮ ﺗﺴﻮﻳﻦ ﻫﻴﺞ ﺗﺪﺭﻳﻦ ﺍﻣﻲ ﺷﺘﮕﻮﻝ .. ﻣﺮﺗﻚ ﻓﻀﺤﺘﻨﺎ ﻭﺗﻌﻴﻂ ﻭﺩﻓﻌﺖ ﺍﻣﻬﺎ ﻭﺍﺧﺘﻚ ﮔﺪﺍﻡ ﺍﻟﻌﺎﻟﻢ ﻭﻛﻼﻡ ﻫﻮﺍﻳﻪ ﮔﺪﺍﻡ ﺍﺧﻮﺍﻧﻲ ﻣﺘﺖ ﺑﺪﻣﻲ ..
ﺑﺮﺭﺗﻠﻪ ﻣﻮﻗﻔﻲ ﻭﮔﻮﺗﻠﻪ ﺷﻨﻮ ﺳﻮﻭ ﺑﻴﻪ ﻭﺍﺑﺠﻲ .. ﻫﻮ ﺍﻧﻘﻬﺮ ﻋﻠﻴﻪ ﻭﺣﻈﻨﻲ ﮔﻠﻲ ﻭﺍﻟﻠﻪ ﻟﻮ ﺍﺩﺭﻱ ﻫﻴﺞ ﻳﺴﻮﻭﻥ ﻣﺎﺍﺧﻠﻴﺞ ﺩﻗﻴﻘﻪ ﺟﻮﻩ .. ﺍﻧﻲ ﻭﺍﻛﻒ ﺑﺮﻩ ﻣﻦ ﺩﺧﻠﺘﻮﺍ ﺍﻟﻰ ﺍﻥ ﻃﻠﻌﺘﻲ ﻭﮔﻠﺒﻲ ﻧﺎﺭ ﻋﻠﻴﺞ .
ﺩﺍ ﻳﺤﺠﻲ ﻭﺷﺎﻑ ﺩﻡ ﻳﺎﺑﺲ ﺑﺮﺟﻠﻲ .. ﮔﻮﻣﻨﻲ ﻟﻠﺤﻤﺎﻡ ﺳﺒﺤﻨﻲ ﺑﺄﻳﺪﻳﻪ ﻭﻧﺸﻒ ﺟﺴﻤﻲ ﻭﺷﻌﺮﻱ ﻭﻃﻠﻌﻨﻲ ..
ﺟﺎﺑﻠﻲ ﻣﻼﺑﺲ ﻭﻟﺒﺴﻨﻲ ﻭﺧﻼﻧﻲ ﺑﺤﻈﻨﻪ ﻭﺑﻘﻴﻨﺎ ﻭﺍﺣﺪ ﻳﻮﺍﺳﻲ ﺍﻻﺥ ..
# ﺑﻘﻠﻤﻲ _ ﺷﻤﺲ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء