رواية وعد العيون الجزء السابع عشر

رواية وعد العيون الجزء السابع عشر

للكاتبة شمس 

.... 

ﻧﻤﺖ ﺑﺤﻈﻨﻪ ﺑﻘﻴﻨﺎ ﻭﺍﺣﺪ ﻳﻮﺍﺳﻲ ﺍﻻﺥ .. ﻃﻠﻌﻨﺎ ﺣﺬﺍﺀ ﺻﻐﻴﺮ ﺟﻜﻨﺎ ﻣﺸﺘﺮﻳﻪ ﻟﻠﻄﻔﻞ ﻧﺒﺎﻭﻉ ﻋﻠﻴﻪ ﻭﻧﺒﺠﻲ ﻭﻛﺎﻥ ﺍﻛﻮ ﺣﺼﺎﻟﻪ ﻣﺎﻝ ﻓﻠﻮﺱ ﻧﺠﻤﻊ ﺑﻴﻬﺎ ﻓﻠﻮﺱ ﻟﻠﻄﻔﻞ ﻣﻦ ﻗﺒﻞ ﻣﺎﺍﺣﻤﻞ ﻛﻨﺎ ﻣﻘﺮﺭﻳﻦ ﻧﺸﺘﺮﻳﻠﺔ ﺑﻬﺬﻱ ﺍﻟﻔﻠﻮﺱ ﺷﻲ ﻳﻔﻴﺪﺓ ﻟﻠﻤﺴﺘﻘﺒﻞ ﻧﺒﺎﻭﻉ ﻋﻠﻴﻬﻦ ﻭﺍﻟﺪﻣﻮﻉ ﺑﻌﻴﻮﻧﺔ .. # ﺷﻤﺲ

ﺑﻬﺎﺀ .. ﺧﻠﺺ ﺣﺒﻴﺒﺘﻲ ﻟﺘﻘﻬﺮﻳﻦ ﺭﻭﺣﺞ .. ﺍﻟﻠﻪ ﻳﻌﻮﺿﻨﺎ ﺍﻥ ﺷﺎﺀ ﺍﻟﻠﻪ ﻭﻧﻔﺮﺡ .. ﻣﺎﺍﺭﻳﺪ ﺍﺷﻮﻓﺞ ﺿﺎﻳﺠﻪ ..

ﺳﻤﺮ .. ﻟﻴﺶ ﻫﻴﺞ ﺣﻈﻨﺎ ﺑﻬﺎﺀ .

ﺑﻬﺎﺀ .. ﺩﺗﻌﺎﻟﻲ ﺑﺤﻈﻨﻲ ﻭﻟﺘﻘﻬﺮﻳﻦ ﺭﻭﺣﺞ ﺍﻧﺘﻲ ﻣﺮﻳﻀﻪ ..

ﺍﻟﺼﺒﺢ ﮔﻌﺪ ﺑﻬﺎﺀ ﺑﺪﻝ ﻭﺭﺍﺡ ﻟﻠﺸﻐﻞ .. ﺍﻧﻲ ﺑﻌﺪﻧﻲ ﺍﻧﺰﻑ ﻏﻴﺮ ﺍﻟﻢ ﺍﻻﺩﻭﺍﺕ ﺍﻟﻲ ﺳﻮﻭﻟﻲ ﺑﻴﻬﺎ ﻛﻮﺭﺩﺍﺵ ﻭﻭﺟﻬﻲ ﺍﺻﻔﺮ ﺑﻘﻴﺖ ﻧﺎﻳﻤﻪ ﺑﻐﺮﻓﺘﻲ .. ﺷﻮﻳﻪ ﺍﺟﻮﻱ ﻧﺴﻮﺍﻥ ﺣﻤﻮﻳﻨﻲ ﻭﺣﺪﻩ ﻭﺭﻩ ﺍﻟﺦ ﻳﺘﺤﻤﺪﻭﻟﻲ ﺑﺎﻟﺴﻼﻣﻪ ..

ﻭﻋﻤﻮ ﻫﻢ ﺍﺟﻪ ﺳﻠﻢ ﻋﻠﻴﻪ ..

ﺑﻌﺪ ﻳﻮﻣﻴﻦ .. # ﺷﻤﺲ

ﺳﻤﺮ .. ﺑﻬﺎﺀ ﺍﺭﻳﺪ ﺍﺭﻭﺡ ﻳﻢ ﺍﺧﻮﺍﺗﻲ ﺑﺒﻴﺖ ﻣﺮﺕ ﺑﺎﺑﺎ .. ﺍﺭﻳﺪ ﺍﻏﻴﺮ ﺟﻮ ﻭﺗﺮﺗﺎﺡ ﻧﻔﺴﻴﺘﻲ .. ‏( ﻭﺍﻟﺼﺮﺍﺣﻪ ﺭﺩﺕ ﺍﺭﺗﺎﺡ ﻣﻦ ﻛﻼﻡ ﻋﻤﺘﻲ ﺍﻟﻲ ﻳﺴﻢ ﺍﻟﺒﺪﻥ ﻻﻥ ﺍﻟﻄﻔﻞ ﺳﻘﻂ ‏)

ﺑﻬﺎﺀ .. ﺍﻭﻙ ﺣﻴﺎﺗﻲ ﺍﻟﻌﺼﺮ ﻣﻦ ﺍﺟﻲ ﺍﺧﺬﺝ ﺍﻟﻬﻢ ..

ﻭﻓﻌﻼ ﺍﺟﻪ ﺑﻬﺎﺀ ﺍﻟﻌﺼﺮ ﺍﺧﺬﻧﻲ ﻳﻢ ﻣﺎﻣﺎ ﺳﻠﻤﺖ ﻋﻠﻴﻬﺎ ﻭﺍﻋﺘﺬﺭﺕ ﻣﻨﻬﺎ ﻻﻥ ﺯﻋﻠﺖ ﻋﻠﻴﻪ ..

ﻭﺑﻌﺪﻳﻦ ﺭﺣﺖ ﻟﺒﻴﺖ ﺍﺧﻮﺍﺗﻲ .. ﻓﺮﺣﻮﺍ ﻣﻦ ﺷﺎﻓﻮﻧﻲ ..

ﻭﻫﺪﻳﻞ ﻫﻢ ﺍﺟﺖ ﻷﻥ ﻫﻲ ﻣﺘﺰﻭﺟﻪ ﺑﻐﻴﺮ ﻣﻨﻄﻘﻪ ..

ﺍﺟﺖ ﻣﻼﻙ ﻣﻦ ﺍﻟﺼﺎﻟﻮﻥ ﺷﺎﻓﺘﻨﻲ ﻓﺮﺣﺖ ﻭﺍﺧﺬﺗﻨﺎ ﻟﻠﻤﻄﻌﻢ ﺗﻌﺸﻴﻨﺎ ﻭﺗﻮﻧﺴﻨﺎ ﻭﻓﺘﺮﻳﻨﺎ ﺑﺎﻟﻤﻮﻻﺕ ﻭﺍﺷﺘﺮﻳﻨﺎ ﻭﺭﺟﻌﻨﺎ ﻟﻠﺒﻴﺖ

ﺑﻬﺎﺀ .. ﻣﻴﺖ ﺑﺪﻭﻧﺞ ﻣﺎﺍﮔﺪﺭ ﺍﻧﺎﻡ .. ﻭﺣﺎﻇﻦ ﺛﻮﺏ ﺍﻟﻨﻮﻡ ﺍﻻﺳﻮﺩ ﻣﺎﻟﺘﺞ ﺍﻣﻮﺕ ﻋﻠﻴﻪ ..

ﺑﻘﻴﻨﺎ ﻧﺘﺮﺍﺳﻞ ﻟﻞ 3 ﻭﻣﺎﺣﺴﻴﺖ ﻉ ﺭﻭﺣﻲ ﻭﻏﻔﻴﺖ ..

ﺛﺎﻧﻲ ﺭﺟﻌﺖ ﻋﻤﻮﺩ ﺑﻬﺎﺀ ﺧﻄﻴﻪ .. ﻭﻣﺮﺕ ﺑﺎﺑﺎ ﻭﺻﺘﻨﻲ ﮔﻠﺘﻠﻲ ﻟﺘﻄﻠﻌﻴﻦ ﻣﻦ ﻏﺮﻓﺘﺞ .. ﻧﺎﻣﻲ ﻭﺳﻮﻱ ﺭﻭﺣﺞ ﻣﻴﺘﻪ ﺍﻧﺘﻲ ﻫﺴﺎ ﺣﺎﻟﺞ ﺣﺎﻝ ﺍﻟﻨﻔﺴﻪ ..

ﺍﻧﻲ ﻫﻢ ﺳﻮﻳﺖ ﻣﺜﻞ ﻣﮕﻠﺘﻠﻲ .. ﮔﻌﺪﺕ ﺑﻐﺮﻓﺘﻲ ﻭﻣﺎﺍﻃﻠﻊ ﺑﺲ ﺍﺭﻭﺡ ﻟﻠﺘﻮﺍﻟﻴﺖ ﻭﺍﺭﺟﻊ .. ﺍﺭﺗﺎﺣﻴﺖ ﻛﻮﻟﺶ ..

ﺑﻬﺎﺀ ﻳﺮﺟﻊ ﻣﻦ ﻭﻗﺖ ﻟﻠﺒﻴﺖ .. # ﺷﻤﺲ

ﺳﻤﺮ .. ﻫﻠﻮ ﺣﺒﻴﺒﻲ ﻳﻠﻪ ﺑﺪﻝ ﻣﻼﺑﺴﻚ ﺑﻴﻦ ﻣﺎﺍﺻﺐ ﻏﺪﺍ ..

ﺑﻬﺎﺀ .. ﻻ ﻋﻤﺮﻱ ﺍﻧﺘﻲ ﺍﺑﻘﻲ ﻧﺎﻳﻤﻪ ﺍﻧﻲ ﺍﺻﺐ ﻭﺍﺟﻲ ..

ﻃﺒﻌﺎ ﻧﺰﻝ ﺑﻬﺎﺀ ﺻﺐ ﻏﺪﺍ ﻭﺻﻌﺪﻩ .. ﺣﺘﻰ ﺑﺎﻟﻌﺸﺎ ﻫﻢ ﻳﺠﻴﺐ ﻋﺸﺎﻧﺎ ﻭﻳﺠﻲ ﻳﻤﻲ .. ﻭﺍﺳﻤﻊ ﺍﻟﺤﺠﻲ ﺍﺷﻜﺎﻝ ﻷﻥ ﻫﺬﺍ ﺍﻟﺸﻲ ﻗﻬﺮﻫﻦ ..

ﻭﻋﻤﺘﻲ ﺗﺼﻴﺢ .. ﻣﺴﻌﺪﻩ ﻳﺒﺎﻭﻉ ﺍﻟﺤﻠﮕﻬﺎ ..

ﺍﺧﺬﺕ ﺍﺳﺒﻮﻉ ﺭﻳﺴﺖ ﻭﺑﻌﺪﻳﻦ ﻧﺰﻟﺖ . ﺍﺳﺎﻋﺪﻫﻢ ﻭﺍﺷﺘﻐﻞ ﻭﻣﻮﺍﻋﻴﻦ .. ﻭﻋﻤﺘﻲ ﺯﺍﺩﺕ ﺍﻟﺨﻨﺎﻕ ﻋﻠﻴﻪ ..

ﺍﻡ ﺑﻬﺎﺀ .. ﺳﻤﺮ ﺍﻟﺒﻴﺖ ﺻﺎﺭﻟﻪ ﺍﻛﺜﺮ ﻣﻦ ﺍﺳﺒﻮﻉ ﻣﻤﻨﻈﻒ ﺯﻳﻦ ﻻﻥ ﻫﻨﺪ ﻣﺘﻠﺤﮓ ﻭﺣﺪﻫﺎ .. ﻓﻨﺰﻟﻲ ﺍﻟﺴﺘﺎﻳﺮ ﻭﺍﻏﺴﻠﻴﻪ ﻛﻮﻟﻪ ..

ﺳﻮﻳﺖ ﻣﺜﻞ ﻣﮕﺎﻟﺖ ﻷﻥ ﺍﻋﺮﻑ ﺗﺮﻳﺪ ﺗﻄﻠﻊ ﺩﻻﻝ ﺍﻻﺳﺒﻮﻉ ﻣﻨﻲ ..

ﻫﻨﺪ ﻣﺮﺕ ﺣﻤﺎﻳﻪ ﺗﻮﺻﻠﻲ ﻛﻼﻡ ﻳﻘﻬﺮﻧﻲ .. ﺗﮕﻮﻟﻲ ﻋﻤﺘﻲ ﻓﻀﺤﺘﺞ ﻣﺨﻠﺖ ﻭﺍﺣﺪ ﻣﺴﻮﻟﻔﺘﻠﻪ ﻉ ﺍﻟﻲ ﺳﻮﻳﺘﻴﻪ ﺑﺎﻟﻤﺴﺘﺸﻔﻰ ﻭﺗﮕﻮﻝ ﻛﺬﺍﺑﻪ ﻛﻮﻟﺸﻲ ﻣﺒﻴﻬﺎ ﺑﺲ ﺗﺴﻮﻱ ﻫﻴﺞ ﺣﺘﻰ ﺗﺨﻠﻲ ﺑﻬﺎﺀ ﻳﻬﺘﻢ ﺑﻴﻬﺎ ..

ﺍﻧﻲ ﺿﺠﺖ ﺣﻴﻞ ﺑﺲ ﺳﻜﺘﺖ ﻳﻌﻨﻲ ﺷﺄﺳﻮﻱ .. ﻭﻫﻢ ﺍﻋﺮﻑ ﻫﻨﺪ ﻣﻨﺎﻓﻘﻪ ﻭﺍﻛﻴﺪ ﺍﺫﺍ ﺍﺣﺠﻲ ﺷﻲ ﺗﺮﻭﺡ ﺗﻨﻘﻠﻪ ﺑﻐﻴﺮ ﺻﻮﺭﻩ ﻟﻬﺬﺍ ﻛﻨﺖ ﺍﺳﻤﻊ ﻭﺍﺳﻜﺖ ﻭﺍﺿﻮﺝ ﺑﺪﺍﺧﻠﻲ ..

ﻋﻤﺘﻲ ﺯﺍﺩﺕ ﻣﺸﺎﻛﻠﻬﺎ ﻭﻳﺎﻱ ﺣﺘﻰ ﻣﻦ ﺑﻬﺎﺀ ﮔﺎﻋﺪ ﺗﮕﻮﻡ ﺗﺤﺠﻲ ﻭﻉ ﺍﻻﻛﻞ .. ﻭﻣﺮﺍﺕ ﺍﮔﻮﻡ ﻣﻦ ﺍﻻﻛﻞ ﻭﻣﺎﺍﺗﻬﻨﻰ

ﺑﺲ ﺑﻬﺎﺀ ﻣﺎﻳﺴﻜﺖ ..

ﺑﻬﺎﺀ .. ﻳﻤﻪ ﻛﺎﻓﻲ ﺍﻟﺨﺎﻃﺮ ﺍﻟﻠﻪ .. ﺍﻟﺒﻨﻴﻪ ﺷﻤﺎﺗﺤﺠﻴﻦ ﺳﺎﻛﺘﻪ ﻟﻴﺶ ﻫﻴﺞ ﺗﺴﻮﻳﻦ ﺧﻠﻴﻬﺎ ﻉ ﺍﻻﻗﻞ ﺗﺎﻛﻞ ﺑﺮﺍﺣﻪ ..

ﺍﻡ ﺑﻬﺎﺀ .. ﻫﻲ ﻫﺎﻱ ﺍﻟﺒﻘﺖ ﺗﻌﻠﻢ ﺍﻣﻚ ﮔﺪﺍﻡ ﻣﺮﺗﻚ .. ﻫﻲ ﻫﺎﻱ ﺭﺑﺎﺗﻲ ﺍﻟﻚ .. # ﺷﻤﺲ

ﮔﺎﻣﺖ ﺣﺘﻰ ﻉ ﺑﻬﺎﺀ ﺗﺤﺠﻲ ﻭﻫﻮ ﻳﺴﻜﺖ ﺧﻄﻴﻪ ..

ﻣﺮﻩ ﺍﺟﺎﻧﻲ ﻟﮕﺎﻧﻲ ﺩﺍ ﺍﻟﻢ ﻣﻼﺑﺴﻲ ..

ﺑﻬﺎﺀ .. ﻫﺎﻱ ﺷﺘﺴﻮﻳﻦ ﺳﻤﺮ

ﺳﻤﺮ .. ﺧﻠﺺ ﺑﻬﺎﺀ ﺑﻌﺪ ﻣﺎﺍﺗﺤﻤﻞ ..

ﺑﻬﺎﺀ .. ﻭﺍﻧﻲ ﺷﻨﻮ ﺫﻧﺒﻲ ﺗﺪﺭﻳﻦ ﺑﻴﻪ ﺍﻣﻮﺕ ﺑﻌﺪﺝ ﻣﺎﺍﺗﺤﻤﻞ ﺷﻠﻮﻥ ﺗﺘﺮﻛﻴﻨﻲ ..

ﺳﻤﺮ .. ﮔﻌﺪﺕ ﻉ ﺍﻟﺴﺮﻳﺮ ﺍﺑﺠﻲ .. ﻳﻌﻨﻲ ﺍﻧﺖ ﺗﺮﺿﺎﻫﺎ ﺍﻟﻲ ﺩﻳﺼﻴﺮ ﺑﻴﻪ . ﺍﺷﻜﺎﻝ ﺍﺳﻤﻊ ﻛﻼﻡ ﻭﺍﻫﺎﻧﺎﺕ ﻭﻣﺎﺍﺣﺠﻲ ﻋﻤﻮﺩﻙ ﺑﺲ ﻫﻢ ﺍﻟﻲ ﻃﺎﻗﻪ ﺍﺗﺤﻤﻞ ﺣﺘﻰ ﻣﻦ ﺳﻘﻄﺖ ﺍﻟﻄﻔﻞ ﻣﺎﺭﺣﻤﺘﻨﻲ ﻭﺑﻘﺖ ﺗﻠﻮﻡ ﺑﻴﻪ ﻭﺗﺤﺠﻲ ﻋﻠﻴﻪ ﮔﺪﺍﻡ ﺍﻟﻌﺎﻟﻢ ..

ﻟﻴﺶ ﻫﻴﺞ ﺩﺍ ﺗﺴﻮﻱ ﻭﻳﺎﻱ ﺍﺷﻮ ﻛﻞ ﺍﻟﻲ ﺗﮕﻮﻟﻪ ﺍﻧﻔﺬﻩ ﻭﺍﻧﻲ ﺳﺎﻛﺘﻪ .. ﻓﻬﻤﻨﻲ ﺷﻨﻮ ﺍﺳﻮﻱ ﺣﺘﻰ ﺍﺭﺿﻴﻬﺎ ..

ﺑﻬﺎﺀ .. ﺣﺒﻲ ﻫﺎﻱ ﺍﻣﻲ ﻳﻌﻨﻲ ﺷﺄﺳﻮﻳﻠﻬﺎ ﻭﺍﻧﺘﻲ ﺩﺍ ﺗﺸﻮﻓﻴﻦ ﺣﺘﻰ ﻭﻳﺎﻱ ﺷﺎﺩﻩ ﻭﺗﺤﺠﻲ ﻋﻠﻴﻪ ﻣﻮ ﺑﺲ ﻋﻠﻴﺞ ..

ﺍﻟﺨﺎﻃﺮﻱ ﺍﺻﺒﺮﻱ ﻭﺍﺗﺤﻤﻠﻲ ..

ﻛﺎﻟﻌﺎﺩﻩ ﺳﻜﺘﺖ ﻭﮔﻌﺪﺕ ﻻﻥ ﻛﺴﺮ ﮔﻠﺒﻲ ﻭﺍﺩﺭﻱ ﺑﻲ ﻳﺤﺒﻨﻲ ﻭﻣﺎﺑﻴﺪﻩ ﺷﻲ ﻳﺴﻮﻳﻪ .. ﻭﻳﻮﻡ ﺑﻌﺪ ﻳﻮﻡ ﺻﺮﻧﺎ ﻣﻨﺒﻮﺫﻳﻦ ﺑﺎﻟﺒﻴﺖ ﺻﺎﺭﺕ ﺗﻔﺮﻗﻨﺎ ﺍﻧﻲ ﻭﺑﻬﺎﺀ ﻋﻦ ﺍﻟﻜﻞ ﺑﺘﻌﺎﻣﻠﻬﺎ .. ﻧﻔﺴﻴﺘﻲ ﺗﻌﺒﺖ ﻭﺧﻄﻴﻪ ﺑﻬﺎﺀ ﻣﻦ ﻳﺸﻮﻓﻬﺎ ﻫﻴﺞ ﺗﺘﻌﺎﻣﻞ ﻭﻳﺎﻩ ﺑﺠﻔﺎﻑ ﻭﺗﺸﻤﺮ ﻛﻼﻡ ﺑﻜﻞ ﮔﻌﺪﻩ .. ﺗﻌﺒﺖ ﻧﻔﺴﻴﺘﻪ ﻫﻢ ﻭﺑﻘﻴﻨﺎ ﻧﮕﻌﺪ ﺑﺲ ﺑﻐﺮﻓﺘﻨﺎ ﻭﻧﺎﻛﻞ ﻭﺣﺪﻧﺎ ..

ﺍﺧﻠﺺ ﺷﻐﻠﻲ ﻭﺍﻟﺒﻴﺖ ﻭﺍﺩﺧﻞ ﻏﺮﻓﺘﻲ ﻭﻣﻦ ﻳﺠﻲ ﺑﻬﺎﺀ ﺍﺻﺐ ﻏﺪﺍ ﻭﻧﮕﻌﺪ ﺑﻐﺮﻓﺘﻨﺎ ﻧﺎﻛﻞ .. ﻣﺮﻩ ﺍﺟﺖ ﺍﻟﻐﺮﻓﺘﻨﺎ ﻓﺘﺤﺖ ﺍﻟﺒﺎﺏ ﻭﮔﺎﻟﺖ ..

ﺍﺷﻮ ﺻﺎﻳﺮﻳﻦ ﺗﺎﻛﻠﻮﻥ ﻭﺣﺪﻛﻢ .. ﻗﺎﺑﻞ ﺭﺍﺡ ﻧﺎﻛﻞ ﺍﻛﻠﻜﻢ ..

ﺣﺘﻰ ﺑﻐﺮﻓﺘﻨﺎ ﻟﺤﮕﺘﻨﺎ ..

ﺑﻬﺎﺀ .. ﻳﻤﻪ ﺷﻨﻮ ﻫﺬﺍ ﺍﻟﺤﺠﻲ ﺍﻧﻲ ﺍﺟﻲ ﻣﺘﺄﺧﺮ ﻭﺳﻤﺮ ﺗﻨﺘﻈﺮﻧﻲ ﻭﻧﺎﻛﻞ ﺑﻐﺮﻓﺘﻨﺎ ﺷﺒﻴﻬﺎ ﻫﺎﻱ ..

ﻳﻌﻨﻲ ﺍﻧﺘﻲ ﻛﻮﻟﺸﻲ ﺗﻄﻠﻌﻴﻦ ﺳﺎﻟﻔﻪ ..

ﺍﻡ ﺑﻬﺎﺀ .. ﻻ ﻳﻤﻪ ﺷﻌﻠﻴﻪ ﺑﻴﻜﻢ ﺍﻛﻠﻮﺍ ﺑﺮﺍﺣﺘﻜﻢ ﻭﻏﻠﻘﺖ ﺍﻟﺒﺎﺏ ﺣﻴﻞ ﻭﻃﻠﻌﺖ ..

ﺍﻧﺴﺪﺕ ﻧﻔﺴﻲ ﻋﻦ ﺍﻻﻛﻞ ..

ﺑﻬﺎﺀ .. ﻣﺘﻜﻤﻠﻴﻦ

ﺳﻤﺮ .. ﺷﺒﻌﺖ ﺍﻟﺤﻤﺪ ﻟﻠﻪ

ﺑﻬﺎﺀ .. ﻭﺍﻟﻠﻪ ﺍﻧﻲ ﻫﻢ .. ﺷﻴﻠﻲ ﺍﻟﺼﻴﻨﻴﻪ ﺑﻌﺪ ﻣﺎﺍﺭﻳﺪ ..

ﺻﺎﺭ ﺍﻛﻠﻲ ﻗﻠﻴﻞ ﻭﺗﻌﺐ ﻭﺷﻐﻞ .. ﺑﻬﺎﺀ ﻳﺸﻮﻓﻨﻲ ﺍﺫﻭﺏ ﮔﺪﺍﻣﻪ ﺑﺲ ﻣﺎﺑﻴﺪﻩ ﺷﻲ ﻳﺴﻮﻳﻪ ..

ﻭﺑﻴﻮﻡ ﮔﺎﻋﺪﻳﻦ ..

ﺑﻬﺎﺀ .. ﺳﻤﺮ ﺍﺭﺟﻌﻲ ﻟﻠﺪﻭﺍﻡ ﻣﻦ ﺑﺎﺟﺮ ..

ﺳﻤﺮ .. ﺗﺤﺠﻲ ﺻﺪﻭﮒ ﺑﻬﺎﺀ ﺍﻟﺪﻭﺍﻡ ﺻﺎﺭﻟﻪ ﻋﺸﺮ ﺍﻳﺎﻡ ﻣﻦ ﺑﺪﺃ ﻭﺍﺣﻨﺎ ﻣﺘﻔﻘﻴﻦ ﻟﻠﺴﻨﻪ ﺍﻟﺠﺎﻳﻪ ..

ﺑﻬﺎﺀ .. ﻻ ﺍﻧﻲ ﺍﮔﻮﻟﺞ ﺍﺭﺟﻌﻲ ﻭﺍﺧﻠﺼﻲ ﻣﻦ ﺍﻣﻲ ﻭﺍﻟﻤﺸﺎﻛﻞ ﺭﺍﺡ ﺗﻤﻮﺗﻴﻦ ﻣﻦ ﺍﻟﻘﻬﺮ .. ﻭﺣﻈﻨﻲ 😘

# ﺑﻘﻠﻤﻲ _ ﺷﻤﺲ

ﻳﺘﺒﻊ … 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤