رواية اهدتني عاراً الجزء التاسع
للكاتبة نورا ناصر
....
ﺟﻨﻪ *
ﻫﺠﻢ ﻋﻠﻴﻪ ﻣﺜﻞ ﺍﻟﻮﺣﺶ ﺻﻔﻨﻲ ﻉ ﺍﻟﺒﺎﺏ ﻳﻀﺮﺏ ﺭﺍﺳﻲ ﻋﻠﻴﻪ ﻭﺧﻨﻜﻨﻲ ﻋﻴﻮﻧﻪ ﺗﻄﻠﻊ ﺷﺮﺍﺭ ﻣﻦ ﺍﻟﻐﻀﺐ ﺣﺴﻴﺖ ﻋﻴﻮﻧﻲ ﺭﺍﺡ ﺗﻄﻠﻊ ﻭﺑﻼﻋﻴﻤﻲ ﺭﺍﺡ ﻳﻔﮕﻦ ﻣﻦ ﺍﻟﻀﻐﻂ ﻣﺎﻝ ﺍﻳﺪﻩ ﺷﻮﻳﻪ ﺷﻮﻳﻪ ﺍﻟﻬﻮﺍ ﻇﻞ ﻳﻘﻞ ﻭﻛﻠﺒﻲ ﺩﻛﺎﺗﻪ ﺗﺨﺮﺑﻄﺖ ﺧﻠﺺ ﺗﻮﻗﻌﺖ ﺭﺍﺡ ﺍﻣﻮﺕ ﺑﻴﺪﻩ ﻭﻫﻲ ﻧﻬﺎﻳﺘﻲ
ﻳﺤﺠﻲ ﻭﻳﻌﻴﻂ ﺑﺲ ﻣﺎﺍﻓﻬﻢ ﺷﻴﻜﻮﻝ ﻣﻦ ﻛﺪ ﺍﻻﻟﻢ
ﻟﺤﻈﺎﺕ ﻭﺗﺮﻛﻨﻲ ﻭﻛﻌﺖ ﺑﺎﻻﺭﺽ ﺍﻛﺢ ﻭﺍﺗﻨﻔﺲ ﺳﺮﻳﻊ ﺳﺮﻳﻊ ﻭﺍﺯﺣﻒ ﻋﻠﻰ ﺭﻛﺒﻲ ﺍﺭﻳﺪ ﺍﺑﺘﻌﺪ ﻋﻨﻪ ﻗﺪﺭ ﺍﻻﻣﻜﺎﻥ ﻭﺣﺶ ﻣﻮ ﺑﺸﺮ ﻣﻮﺗﻨﻲ ﺷﻔﺖ ﺍﻟﻤﻮﺕ ﺑﻌﻴﻮﻧﻪ ﺍﺭﻳﺪ ﺍﻣﻲ ﺧﻮﺍﺗﻲ ﺳﺎﻣﺮ ﻟﻴﺶ ﻋﻔﺘﻨﻲ ﻫﺬﺍ ﻭﻋﺪﻙ ﺍﻟﻴﻪ ﺗﻈﻞ ﻭﻳﺎﻳﻪ ﻃﻮﻝ ﺍﻟﻌﻤﺮ ﻣﻮ ﻛﺘﻠﻚ ﺍﺩﻋﻴﻠﻲ ﺑﺮﻭﻳﺤﺔ ﺣﻼﻝ ﻫﻴﺞ ﺍﻧﻲ ﺍﻧﺸﻤﺮ ﺷﻨﻮ ﺫﻧﺒﻲ .
ﺍﺟﻪ ﺍﺗﻘﺮﺏ ﻣﻨﻲ ﻟﺰﻣﻨﻲ ﻓﺰﻳﺖ ﻇﻠﻴﺖ ﺍﺻﺮﺥ ﻭﺧﺮ ﻭﺧﺮ ﻣﺨﺒﻞ ﻣﺨﺒﻞ ﻣﻮ ﺻﺎﺣﻲ ﻭﻟﻚ ﺷﺴﻮﻳﺖ ﺍﻧﻲ ﺷﺴﻮﻳﺖ ﻣﻤﺴﻮﻳﻪ ﺷﻲ .
ﺩﻗﺎﻳﻖ ﻭﺍﺟﻮﻱ ﺍﻫﻠﻪ ﻛﻠﻬﻢ ﻳﻢ ﺍﻟﺒﺎﺏ ﻳﺮﺩﻭﻥ ﻳﻌﺮﻓﻮﻥ ﺷﺼﺎﺭ .
ﻃﻠﻌﻬﻢ ﻳﻜﻮﻟﻠﻬﻢ ﻣﺎﻛﻮ ﺷﻲ ﺑﻴﻨﻲ ﻭﺑﻴﻨﻬﺎ ﻟﺤﺪ ﻳﺘﺪﺧﻞ
ﻭﻳﺼﻴﺢ ﻋﻠﻴﻬﻢ
ﻇﻠﻴﺖ ﺍﺻﻴﺢ ﻋﻤﻪ ﻟﺤﻜﻴﻨﻲ ﺭﺍﺡ ﻳﻤﻮﺗﻨﻲ
ﻣﻴﻘﺒﻞ ﻳﻔﺘﺢ ﺍﻟﻬﻢ ﺍﻟﺒﺎﺏ ﻭﻳﻜﻮﻝ ﺍﻟﻬﻢ ﺍﻧﻲ ﻭﻳﺎﻫﻪ ﻧﺤﻠﻬﺎ ﻣﻌﻠﻴﻜﻢ .
ﺍﻣﻪ ﺗﺪﻙ ﻉ ﺍﻟﺒﺎﺏ ﻭﻫﻮ ﻣﻜﺮﻓﺺ ﻳﻤﻲ ﻭﺍﻧﻲ ﻧﺎﻃﻴﺘﻪ ﻇﻬﺮ ﻭﺍﺑﺠﻲ ﻭﻫﻮ ﻣﺤﺘﺎﺭ ﺷﻴﺤﺠﻲ ﻳﻌﺮﻑ ﺑﻨﻔﺴﻪ ﻏﻠﻄﺎﻥ
... ﻟﻮ ﺗﻄﻠﻌﻨﻲ ﻣﻦ ﺍﻟﻐﺮﻓﻪ ﻟﻮ ﺗﺨﻠﻴﻨﻲ ﺍﺧﺎﺑﺮ ﺍﻫﻠﻲ
ﻓﺘﺢ ﺍﻟﻲ ﺍﻟﺒﺎﺏ ﻭﻃﻠﻌﺖ ﺍﺑﺠﻲ ﻛﻠﻬﻢ ﺗﻠﻜﻮﻧﻲ ﺍﻣﻪ ﻭﺿﻤﻴﺎﺀ ﻭﺭﻭﻧﻖ ﻣﺮﺕ ﺍﺧﻮ .
ﻛﻌﺪﺕ ﻉ ﺍﻟﺪﺭﺝ ﺍﺑﺠﻲ ﻭﻫﻮ ﻭﺍﻛﻒ ﺍﺑﺎﺏ ﺍﻟﻐﺮﻓﻪ ﻳﺪﺧﻦ
ﺍﻻﻡ .. ﺷﺒﻴﻜﻢ ﺟﻨﻪ ﺷﺴﻮﻳﺘﻴﻠﻪ ﻭﻫﻴﺞ ﺛﺎﺭ
... ﻋﻤﻪ ﻣﺎﺳﻮﻳﺘﻠﻪ ﺷﻲ ﺟﻨﺖ ﺑﺎﻟﻤﻄﺒﺦ ﻭﺣﺴﻮﻧﻲ ﻳﻤﻪ ﻃﻠﻊ ﺣﺴﻮﻧﻲ ﻭﺍﻧﻲ ﻃﺒﻴﺖ ﻫﺠﻢ ﻋﻠﻴﻪ ﻭﺧﻨﻜﻨﻲ ﻣﻤﺴﻮﻳﻪ ﺷﻲ ﺍﺭﻳﺪ ﺍﻫﻠﻲ ﺭﺟﻌﻮﻧﻲ ﺑﻌﺪ ﻣﺎﺍﺗﺤﻤﻞ .
ﺭﻭﻧﻖ ﻛﺎﻟﺖ ﺷﻨﻮ ﻛﻠﻪ ﺣﺴﻮﻧﻲ ﻭﺭﺍﺣﺖ ﺗﺮﻳﺪ ﺗﻜﺘﻞ ﺍﺑﻨﻬﺎ ﺟﻬﺎﺩ ﻣﺎﻗﺒﻞ ﻭﺍﺧﺬﻩ ﻭﻧﺰﻝ ﺟﻮﻩ .
ﺑﻘﻴﺖ ﻛﺎﻋﺪﻩ ﻉ ﺍﻟﺪﺭﺝ ﻭﺍﺑﺠﻲ
ﻋﻤﺘﻲ ﺗﻜﻠﻲ ﻫﻮ ﻛﻠﺒﻪ ﻃﻴﺐ ﺑﺲ ﻣﺮﺍﺗﻪ ﻳﻌﺼﺐ ﺍﺗﺤﻤﻠﻲ ﻳﺎﻳﻤﻪ ﺷﺴﻮﻳﻦ ﻟﻌﺪ
ﻋﻤﻪ ﻳﻌﺼﺐ ﻋﻠﻰ ﺷﻲ ﻏﻠﻂ ﺍﻧﻲ ﻣﺴﻮﻳﺘﻪ ﻣﻮ ﺑﺪﻭﻥ ﺳﺒﺐ ﻛﻞ ﻃﻠﺒﺎﺗﻪ ﻣﻨﻔﺬﺗﻬﻦ ﻛﻠﺸﻲ ﺩﻳﻜﻮﻟﻪ ﺍﺳﻮﻱ ﻧﻬﺎﺭ ﻛﻠﻪ ﺑﺎﻟﺒﻴﺖ ﺣﺼﺮﻩ ﺍﻃﻠﻊ ﺍﺷﻢ ﻫﻮﺍ ﺑﺎﻟﺤﺪﻳﻘﻪ
ﻣﻼﺑﺲ ﻣﻴﻘﺒﻞ ﺍﺻﻌﺪ ﻉ ﺍﻟﺴﻄﺢ ﺍﺷﺮﻫﻢ ﻛﻠﺸﻲ ﻣﻨﻔﺬﺗﻠﻪ ﻳﺠﻲ ﻳﻀﺮﺑﻨﻲ ﺑﺪﻭﻥ ﺳﺒﺐ ﻟﻴﺶ ﺑﺎﻟﻠﻪ ﻟﻴﺶ
ﻭﺍﺿﺮﺏ ﻋﻠﻰ ﺭﺟﻠﻴﻪ .
ﻛﻌﺪﺕ ﻋﻤﺘﻲ ﻳﻤﻲ ﺗﺼﺒﺮ ﺑﻴﻪ ﺑﺲ ﺍﻧﻲ ﻭﻻﺑﺎﻟﻲ ﻳﻤﻬﺎ ﺩﻣﻮﻋﻲ ﻣﺎﻧﺸﻔﺖ ﻭﺍﺣﺲ ﺑﻐﺮﺑﻪ ﻣﺸﺘﺎﻗﻪ ﻻﻫﻠﻲ ﻣﺤﺘﺎﺟﻪ ﺍﺯﻭﺭ ﻗﺒﺮ ﺳﺎﻣﺮ ﻭﺍﺫﺏ ﻫﻤﻮﻣﻲ ﻳﻤﻪ ﻟﻴﺶ ﻫﻴﺞ ﺣﻀﻲ ﺍﻧﻲ ﺷﻜﺪ ﺟﺎﻱ ﺍﺣﺎﻭﻝ ﺍﺻﻴﺮ ﻭﻳﺎ ﺯﻳﻨﻪ ﻭﺍﻭﺍﺳﻲ ﻳﺠﺎﺯﻳﻨﻲ ﺑﺎﻟﻀﺮﺏ .
ﺷﻔﺘﻪ ﺻﻌﺪ ﻣﺮﻩ ﺛﺎﻧﻴﻪ ﺻﺎﺭﺕ ﻋﻴﻮﻧﻲ ﺑﻌﻴﻮﻧﻪ ﻧﻈﺮﺍﺗﻪ ﺑﻴﻬﺎ
ﺣﺰﻥ ﺷﻔﻘﻪ ﻧﺪﻡ
ﻗﺎﺑﻠﺘﻪ ﺑﻨﻈﺮﺍﺕ ﻛﻠﻬﺎ ﺩﻣﻮﻉ ﻭ ﺍﻧﻜﺴﺎﺭ ﻭﺍﻟﻢ ﺣﻘﺪ ﻭﻋﺘﺐ
ﻟﻴﺸﺸﺸﺶ ؟؟؟ ﺷﻨﻮ ﺫﻧﺐ ﺍﻟﺴﻮﻳﺘﻪ
ﻫﻢ ﺍﻟﮕﻪ ﺟﻮﺍﺏ ﺑﻴﻮﻭﻡ ؟؟
ﺻﺎﺡ ﻻﻣﻪ
ﻳﻤﻪ ﺗﻌﺎﻱ ﺍﺭﻳﺪﺝ ﻭﻧﺰﻝ ﺟﻮﻩ ﻫﻮ ﻭﻳﺎﻫﻪ
* ﺟﻬﺎﺩ
ﺻﺤﺖ ﻻﻣﻲ ﺩﺧﻠﻨﻪ ﺑﺎﻻﺳﺘﻘﺒﺎﻝ
ﻣﺴﺤﺖ ﻋﻠﻰ ﻭﺟﻬﻲ ﺑﻌﺼﺒﻴﻪ ﻭﻗﻬﺮ
ﺍﻣﻲ ﺗﻘﺮﺑﺖ ﻣﻨﻲ ... ﺟﻬﺎﺩ ﺷﺒﻴﻚ ﺗﺨﺒﻠﺖ ﺗﺴﻮﺩﻧﺖ ﺧﻒ ﻋﻠﻰ ﻟﺒﻨﻴﻪ ﺷﻮﻳﻪ
ﺯﻣﺠﺮﺕ ﺑﻌﺼﺒﻴﻪ .. ﻳﻤﻪ ﺭﺣﻤﻪ ﻻﻫﻠﺞ ﺍﺳﻜﺘﻲ ﺍﺳﻜﺘﻲ ﻭﺍﻟﻠﻪ ﺭﻭﺣﻲ ﻃﺎﻓﺮﺓ ﻛﺘﻠﻜﻢ ﻣﺎﺍﺭﻳﺪ ﺍﺯﻭﺝ ﻣﺎﺍﺭﻳﺪ ﻭﺍﻧﺘﻮ ﺍﺯﻭﺝ ﺗﻨﺴﺊ ﺗﻄﻴﺐ ﺟﺮﻭﺣﻚ ...
ﺍﻻﻡ ... ﻭﻟﻚ ﺟﻬﺎﺩ ﺍﻧﺖ ﻣﻜﺒﺮ ﺍﻟﺴﺎﻟﻔﻪ ﻛﺎﻓﻲ ﺍﻧﺴﺊ
ﻋﻀﻴﺖ ﺷﻔﺘﻲ ﺑﻐﻀﺐ ... ﺍﻧﺴﺊ ﺍﻧﺴﺊ ﺷﻜﺪ ﺍﻃﻠﺒﻮﻥ ﻣﻨﻲ ﺍﻧﺴﺊ ﻭﺍﻧﻲ ﻃﻔﻞ ﺫﻛﺮﻧﻲ ﺑﻤﺼﻴﺒﺘﻲ
ﺍﻻﻡ .. ﺑﺎﺍﺳﺘﻐﺮﺍﺏ .. ﺷﺘﻘﺼﺪ؟؟
ﺟﻬﺎﺩ ﺑﻌﺼﺒﻴﻪ ﻭﺗﻮﺗﺮ .. ﺷﻘﺼﺪ ﺭﺋﻴﻮﻩ ﺍﻟﻜﻠﺒﻪ ﺷﺎﻳﻔﻬﺎ ﺷﺎﻳﻔﻬﺎ ﺣﺴﻮﻧﻲ ﻫﻲ ﻭﻋﺎﻣﺮ ﻓﻮﻙ ﻭﻫﻤﻪ ﺑﺤﺎﻟﻪ ﻣﺤﺮﺟﻪ ﻭﻛﺎﻳﻠﺞ
ﺍﻻﻡ .. ﺑﺼﺪﻣﻪ ... ﻫﺎﺍﺍﺍ .
ﺟﻬﺎﺩ .. ﺑﻌﺘﺐ ... ﺣﺘﺊ ﺍﻧﺘﻲ ﻳﺎ ﺍﻣﻲ ﻏﺪﺭﺗﻴﻨﻲ ﻭﺧﻨﺘﻴﻨﻲ ﺍﻛﻮﻭ ﻭﺣﺪﻩ ﺯﻭﺟﺔ ﺍﺑﻨﻬﺎ ﻫﻴﺞ ﺳﻮﻱ ﻭﺗﺴﻜﺖ ﺗﻜﺬﺑﻴﻦ ﻋﻠﻴﻪ ﺗﻜﻠﻴﻠﻲ ﻣﻴﺎﻧﺘﻬﺎ ﺯﺍﻳﺪﻩ
ﻭﺍﻟﻠﻪ ﻭﺍﻟﻠﻪ ﻟﻮ ﺣﺎﺟﻴﻪ ﻣﺎﻭﺻﻠﻨﻪ ﻟﻬﻞ ﻣﻮﺍﺻﻴﻞ ﻭﻻ ﺿﻌﺖ ﻭﺿﻴﻌﺖ ﺣﺎﻟﻲ ﺍﻃﻠﻜﻬﺎ ﻭﺗﺮﻭﺡ ﺑﺴﺘﻴﻦ ﺩﺍﻫﻴﻪ ﺍﻧﻲ ﺟﺎﻱ ﺍﻣﻮﺕ ﺷﻮﻳﻪ ﺷﻮﻳﻪ ﻭﺟﺒﺘﻠﻲ ﻋﻠﻪ ﻋﻠﻰ ﻛﻠﺒﻲ ﻃﻠﻌﺖ ﺗﺸﺒﻪ ﻋﻴﻮﻧﻬﺎ
ﻛﻌﺪﺕ ﻋﻠﺊ ﺍﻟﻘﻨﻔﻪ ﻭﺣﺎﺱ ﺑﻐﺼﻪ ﺑﺪﺍﺧﻠﻲ ﺗﻘﺮﺑﺖ ﻣﻨﻲ ﺍﻣﻲ ﻭﻛﻌﺪﺕ ﺑﺼﻔﻲ ﺣﻀﻨﺘﻨﻲ ﻭﺑﺠﺖ ... ﺳﻮﺩﻩ ﻋﻠﻴﻪ ﻳﻤﻪ ﻭﺍﻟﻠﻪ ﻣﺎﺣﺠﻴﺖ ﺧﻔﺖ ﻣﻦ ﺍﻟﻤﺸﺎﻛﻞ ﺧﻔﺖ ﻋﻠﻴﻜﻢ ﺍﻧﺖ ﻭﺍﺧﻮﺍﻧﻚ ﺧﺎﺻﺔ ﺍﺑﻦ ﻋﻤﻚ ﻫﻮ ﻟﻐﺪﺭﻙ .
ﺟﻬﺎﺩ .. ﺍﻟﻠﻪ ﻳﺎﺧﺬﻧﻲ ﻭﻳﺨﻠﺼﻨﻲ ﻣﻠﻴﺖ ﻛﺎﺭﻩ ﺭﻭﺣﻲ ﻭﺍﻟﻠﻪ ﻛﺎﺭﻩ ﺭﻭﺣﻲ .
ﺍﻧﻲ ﺑﺎﺟﺮ ﺭﺍﻳﺢ ﻟﻠﺒﺼﺮﻩ ﻫﻲ ﺍﻣﺎﻧﺘﺞ ﺑﻌﺪ ﻭﺍﻧﺖ ﻻﺯﻡ ﺗﺎﺧﺬﻳﻦ ﺩﺭﺱ ﻣﻦ ﺍﻟﻲ ﺻﺎﺭ
ﺗﻠﻴﻔﻮﻥ ﺑﻴﺪﻫﺎ ﻣﺎﺍﺭﻳﺪ ﻃﻠﻌﻪ ﻉ ﺳﻄﺢ ﺑﺎﻟﺤﺪﻳﻘﻪ ﺑﺎﻟﺸﺎﺭﻉ ﻣﻤﻨﻮﻉ ﻣﺎﺗﻄﻠﻊ ﻣﻦ ﺍﻟﺒﻴﺖ ﺑﺪﻭﻥ ﻋﻠﻤﻲ ﻭﻳﺎ ﺍﺍﻳﺎٍ ﻛﺎﻥ ﻟﻮ ﺍﺻﻴﺮ ﺟﻨﺎﺯﻩ .
ﺟﻨﻪ
ﺑﻘﻴﺖ ﻛﺎﻋﺪﻩ ﻉ ﺍﻟﺪﺭﺝ ﺷﻔﺘﻪ ﺻﻌﺪ ﻭﺟﺎﻱ ﺑﺘﺠﺎﻫﻲ ﺩﺭﺕ ﻭﺟﻬﻲ ﻉ ﺍﻟﺤﺎﻳﻂ .
ﻛﺮﻓﺺ ﻛﺒﺎﻟﻲ ﺧﻠﻪ ﺍﺻﺎﺑﻌﻪ ﺣﺪﺭ ﺣﻨﻜﻲ ﺩﺍﺭ ﻭﺟﻬﻲ ﻋﻠﻴﻪ ﺑﺎﻭﻋﺘﻠﻪ ﺗﻌﺒﺎﻥ ﻭﻛﻞ ﻋﻼﻣﺎﺕ ﺍﻻﻟﻢ ﻭﺍﻟﻨﺪﻡ ﺑﻨﻔﺲ ﺍﻟﻮﻗﺖ ﻋﻠﻰ ﻭﺟﻬﻪ ﺷﻔﻘﺖ ﻋﻠﻴﻪ ﺑﺲ ﻣﺎﺭﺩﺕ ﺍﺿﻌﻒ .
ﺿﺎﻳﺠﻪ ﻣﻨﻪ ﺣﻴﻞ ﻭﺍﺣﺲ ﻣﺜﻞ ﺍﻻﻃﺮﺵ ﺑﺰﻓﻪ ﻛﻠﺸﻲ ﻣﺎﺟﺎﻱ ﺍﻓﻬﻢ ﻣﻦ ﺣﻴﺎﺗﻲ ﻭﻳﺎ .
ﻛﺎﻝ ﻳﻼ ﺟﻨﻪ ﻛﺎﻓﻲ ﺯﻋﻞ ﻛﻮﻣﻲ ﻓﻮﺗﻲ ﺟﻮﻩ ﻻﻇﻠﻴﻦ ﻫﻨﺎ .
... ﺑﺎﺟﺮ ﻣﻮ ﺗﺮﻭﺡ ﻟﺒﺼﺮﻩ ﻭﺩﻳﻨﻲ ﻻﻫﻠﻲ ﺭﺩﻧﻲ ﺍﻟﻬﻢ .
.... ﺷﻨﻮ ﺍﺭﺩﺝ ﻻﻫﻠﺞ ﺑﺎﺑﺎ ﺍﻧﻲ ﺭﺍﻳﺢ ﻟﻠﻤﺮﻛﺰ ﻣﻮ ﻟﻬﻠﺞ
... ﻭﺍﻟﻠﻪ ﻣﺎﺍﻋﻴﺶ ﻭﻳﺎﻙ ﻟﺤﻈﻪ ﻭﺣﺪﻩ ﻃﻠﻜﻨﻲ ﺍﻧﺖ ﻭﺣﺶ
.... ﺗﻨﻬﺪﺕ ﺍﻭﻭﻑ ﺍﺻﺒﺮﻱ ﺷﻮﻳﻪ ﻭﺍﻟﻠﻪ ﺍﻧﻲ ﺗﻌﺒﺎﻥ ﻭﺍﻟﻠﻪ ﻟﻮ ﺗﻌﺮﻓﻴﻦ ﻟﺒﻴﻪ ﺟﺎﻥ ﺭﺣﻤﺘﻲ ﺣﺎﻟﻲ ﺍﺍﺍﺍﻩ
.... ﻣﻮ ﻫﻴﺞ ﺟﻴﺖ ﺍﻣﻮﺕ ﺑﻴﻦ ﺍﺩﻳﻚ ﺍﻧﻲ ﺷﺴﻮﻳﺖ ﻭﻫﻴﺞ ﺗﻌﺎﻣﻠﻨﻲ ﺍﺑﻴﺶ ﻏﻠﻄﺖ ﺍﻧﻲ ﻣﺎﻟﻲ ﻋﻴﺸﻪ ﻭﻳﺎﻙ ﻃﻠﻜﻨﻲ ﺍﺭﺟﻊ ﻻﻫﻠﻲ
.... ﺍﺍﺍﺍﺍﺵ ﻻ ﺗﺠﻴﺒﻴﻦ ﺳﻴﺮﺓ ﺍﻟﻄﻼﻙ ﻋﻠﺊ ﻟﺴﺎﻧﺞ ﺍﻧﺘﻲ ﻣﻠﻜﻲ ﻻﺯﻡ ﺗﺘﺤﻤﻠﻴﻦ ﺍﺗﺤﻤﻠﻲ ﻭﺍﻧﺘﻲ ﺑﻨﻔﺴﺞ ﺗﻜﺪﺭﻳﻦ ﺗﻜﺴﺒﻴﻨﻲ ﻭﺗﺰﻳﺪ ﺛﻘﺘﻲ ﺑﻴﺞ
.... ﺛﻘﺘﻚ ﺑﻴﻪ ؟؟؟ ﺍﻧﺖ ﻟﻴﺶ ﻣﺎﺍﻟﻚ ﺛﻘﻪ ﺑﻴﻪ ﺍﻧﻲ ﻣﺪﺍﺍﻋﺮﻑ ﺍﻧﺖ ﺷﺒﻴﻚ ﻭﻟﻴﺶ ﻫﻴﺞ ﺗﺼﺮﻑ ﺍﻧﺖ ﻣﺮﻳﺾ ﺧﻼﺹ ﻣﺎﺍﺭﻳﺪﻙ ﻣﺎﺍﺭﻳﺪ ﺍﺭﺣﻤﻨﻲ .
ﺟﻨﻪ ﻻ ﺗﺤﺠﻴﻦ ﺟﻨﻪ ﻻ ﺗﻀﺤﻜﻴﻦ ﺟﻨﻪ ﻻ ﺗﺘﻨﻔﺴﻴﻦ ﻟﻮﻣﺴﻤﻴﻨﻲ ﺟﻬﻨﻢ ﻣﻮ ﺍﺣﺴﻦ
.....
.....
ﻻ ﺗﺨﺎﻓﻴﻦ ﻣﻮ ﻣﺮﻳﺾ ﺑﺲ ﺑﺲ ﺍﻭﻭﻑ ﺧﻠﻴﻬﺎ ﻋﻠﺊ ﺍﻟﻠﻪ ﺭﺑﺞ ﻳﺤﻠﻬﺎ ﻭﻳﺎﻟﻠﻪ ﻛﻮﻣﻲ ﺑﺎﺟﺮ ﻭﺭﺍﻱ ﺩﻭﺍﻡ ﻳﺎﻟﻠﻪ ﺣﺒﺎﺑﻪ
ﻭﺍﻟﻠﻪ ﻭﻻﺍﺟﻲ ﻭﻳﺎﻙ ﺍﻧﺖ ﺗﺨﻮﻑ ﺍﺑﻘﻰ ﻫﻨﺎ ﺍﻧﺎﻡ ﻭﻻﺍﺑﻘﻰ ﻭﻳﺎﻙ ﺑﻨﻔﺲ ﺍﻟﻐﺮﻓﻪ ﻳﺎﻭﻭﺣﺶ ....
ﺟﻬﺎﺩ * ﺳﺤﺒﺖ ﺍﻳﺪﻫﺎ ﺑﺤﻨﻴﻪ ﻭﺑﺴﺘﻬﺎ ﻛﻮﻣﻲ ﺟﻨﻪ ﻻ ﺗﺸﻤﺘﻴﻦ ﺍﻟﻌﺬﺍﻝ ﺑﻴﻨﻪ ﻣﺎﺗﺪﺭﻳﻦ ﺷﻜﻢ ﺷﺎﻣﻦ ﻳﺘﻤﻨﻰ ﻭﻛﻌﺘﻲ .
ﺟﻨﻪ ... ﺳﺤﺒﺖ ﺍﻳﺪﻱ ﻣﻨﻪ ﻭﺩﺭﺕ ﻭﺟﻬﻲ ﻋﻨﻪ
ﺷﺎﻟﻨﻪ ﻛﻮﻩ ﻭﺍﻧﻲ ﺍﺩﻓﻊ ﺑﻲ ﻭﺩﺧﻠﻨﻲ ﻟﻠﻐﺮﻓﻪ .
ﻭﺷﻤﺮﻧﻲ ﻉ ﺍﻟﺴﺮﻳﺮ ﺷﻜﺪ ﺣﺎﻭﻝ ﻭﻳﺎﻱ ﻟﺴﻪ ﻣﺎﻃﻴﻘﻪ ﻭﺧﺎﻳﻔﻪ ﻣﻨﻪ ﻛﻠﺶ .
ﻟﻔﻴﺖ ﺭﻭﺣﻲ ﻭﻧﻤﺖ
ﻏﺪﺍ ﻣﺎﺗﻐﺪﻳﺖ ﺷﻜﺪ ﺗﻮﺳﻠﻮﺍ ﺑﻴﻪ ﺑﻘﻴﺖ ﻓﻮﻙ ﺑﻐﺮﻓﺘﻲ
ﻭﺍﻟﻌﺸﺎ ﻛﺬﻟﻚ ﻣﺎﻧﺰﻟﺖ ﺑﻌﺪ .
ﺻﺎﺭ ﺍﻟﻠﻴﻞ ﻭﺍﻧﻲ ﺟﻮﻩ ﺍﻟﺒﻄﺎﻧﻴﻪ ﻣﺎﻃﻠﻌﺖ ﺣﺴﻴﺖ ﺑﻲ ﺩﺧﻞ ﺗﻤﺪﺩ ﻳﻤﻲ ﻏﻔﻴﺖ .
ﺍﻟﻠﻴﻞ ﻛﻠﻪ ﻫﻮ ﻣﺎﻧﺎﻡ ﻭﻻﺩﻗﻴﻘﻪ ﻳﺎ ﺍﺣﺴﻪ ﻳﻤﻲ ﻳﺸﻢ ﺑﺸﻌﺮﻱ ﻭﻳﻤﺮﺭ ﺷﻔﺎﻳﻔﻪ ﻋﻠﻰ ﺍﻳﺪﻱ ﻭﺭﻗﺒﺘﻲ ﻭﻇﻬﺮﻱ ﻭﻳﻌﺘﺬﺭ ﻣﻨﻲ .
ﺟﻨﻪ ﺍﻧﻲ ﺍﺳﻒ ﻣﺎﺗﺘﻜﺮﺭ .
ﻭﺍﻏﻠﺲ ﻭﺍﺳﺤﺐ ﺍﻳﺪﻱ ﻣﻨﻪ ﻭﺍﺗﻐﻄﻰ .
ﻭﺍﺭﺟﻊ ﺍﻧﺎﻡ ﻭﺍﻓﺰ ﺍﺷﻮﻓﻪ ﻳﻢ ﺍﻟﺸﺒﺎﻙ ﻭﺍﻛﻒ ﻳﺪﺧﻦ ﻭﺑﻘﻰ ﺍﻟﻠﻴﻞ ﻛﻠﻪ ﻋﻠﻰ ﻫﺎﻟﺤﺎﻝ .
ﺍﻟﻔﺠﺮ ﺣﺴﻴﺖ ﺑﺤﺮﻛﺘﻪ ﺍﺧﺘﻠﺴﺖ ﺍﻟﻨﻈﺮ ﻣﻦ ﺍﻟﻐﻄﺎ ﺷﻔﺘﻪ ﺍﺧﺬ ﺟﻨﻄﺘﻪ ﻭﻧﺰﻝ ﺟﻮﻩ .
ﺑﻘﻴﺖ ﻃﻮﻝ ﺍﻟﻴﻮﻡ ﺍﻓﻜﺮ ﺑﻲ ﺍﻟﻠﻴﻞ ﻛﻠﻪ ﻣﺎﻧﺎﻳﻢ ﺷﻮﻥ ﺭﺍﺡ ﻳﺴﻮﻕ ﺧﺎﻑ ﻳﻨﻌﺲ ﻭﻳﺴﻮﻱ ﺣﺎﺩﺙ .
* ﺟﻬﺎﺩ
ﺑﻘﺖ ﻃﻮﻝ ﺍﻟﻴﻮﻡ ﻣﺘﻘﺒﻞ ﺗﺎﻛﻞ ﻭﺑﺲ ﻧﺎﻳﻤﻪ ﺑﺎﻟﻔﺮﺍﺵ ﺧﻠﺘﻨﻲ ﺑﻘﻠﻖ ﻋﻠﻴﻬﺎ .
ﺍﻧﻲ ﻣﺎﺳﻴﻄﺮﺕ ﻋﻠﻰ ﻧﻔﺴﻲ ﻣﻦ ﺷﻔﺘﻬﺎ ﻛﺒﺎﻟﻲ
ﺍﻟﻠﻪ ﺧﻠﻖ ﻣﻦ ﺍﻟﺸﺒﻪ 40 ﻭﻣﻦ ﺍﻻﺭﺑﻌﻴﻦ ﺫﻭﻝ ﺟﺎﻧﺖ ﺣﺼﺘﻲ ﺍﺛﻨﻴﻦ ﻣﻨﻬﻢ .
ﻣﻦ ﺳﻤﻌﺖ ﻫﺎﻟﻜﻼﻡ ﻣﻦ ﺣﺴﻮﻧﻲ ﺍﻧﻬﺎﺭﻳﺖ ﻭﻃﻠﻌﺖ ﺍﻟﺤﺮﻛﻪ ﺑﻴﻬﺎ ﻟﻜﻦ ﺳﺮﻋﺎﻥ ﻣﺎﺗﻨﺪﻣﺖ ﻭﺍﻧﻘﻬﺮﺕ ﻋﻠﻴﻬﺎ .
ﻛﻞ ﺷﻮﻳﻪ ﺍﺭﻭﺡ ﻳﻤﻬﺎ ﻭﻫﻲ ﻏﺎﻓﻴﻪ ﺍﺑﻮﺳﻬﺎ ﻭﺍﻋﺘﺬﺭ ﺍﻟﻬﺎ ﺣﺘﻰ ﻟﻮ ﻣﺘﺴﻤﻌﻨﻲ ﺑﺲ ﺍﺭﻳﺪ ﺍﺭﻳﺢ ﺭﻭﺣﻲ ﺍﻟﺘﻌﺒﺎﻧﻪ .
ﺑﻘﻴﺖ ﺍﻟﻠﻴﻞ ﻛﻠﻪ ﻣﻨﺎﻳﻢ ﻭﻣﻘﻬﻮﺭ ﻋﻠﻴﻬﺎ ﻣﺒﻴﻦ ﺭﺍﺡ ﺍﻇﻠﻤﻬﺎ ﻫﻮﺍﻱ ﻭﻫﻲ ﻣﻮﺫﻧﺒﻬﺎ .
ﻧﺰﻟﺖ ﺍﻟﻔﺠﺮ ﺑﻌﺪ ﻣﺎﺍﺑﺪﻟﺖ ﻭﺍﺧﺬﺕ ﺟﻨﻄﺘﻲ ﺭﺣﺖ ﻟﻐﺮﻓﺔ ﺍﻣﻲ ﺍﺭﻳﺪ ﺍﻭﺻﻴﻬﺎ ﻋﻠﻴﻬﺎ ﺷﻔﺖ ﺑﺲ ﺍﺑﻮﻳﻪ
ﻛﻠﻲ ﺍﻣﻚ ﺑﺎﻟﻤﻄﺒﺦ
ﺩﺭﺕ ﻭﺭﺣﺖ ﻟﻠﻤﻄﺒﺦ
ﻗﺒﻞ ﻻﺍﻭﺻﻞ ﺳﻤﻌﺖ ﺻﻮﺕ ﻛﻮﺍﻛﺐ ﻭﻫﻲ ﺗﺤﺠﻲ ﻭﻱ ﺍﻣﻲ .
...... ﻳﺎﻋﻴﻨﻲ ﻛﺎﻋﺪ ﺳﺎﻋﻪ ﻳﺘﻮﺳﻞ ﺑﻴﻬﺎ ﺟﻨﻪ ﻛﻮﻣﻲ ﻭﻛﻮﻣﻲ ﻭﺳﺎﻣﺤﻴﻨﻲ ﻭﻳﺘﻮﺳﻞ ﺑﻴﻬﺎ ﻭﻫﻲ ﻭﻻﺗﻘﻠﺪﻩ ﻭﻛﺎﻋﺪﻩ ﻉ ﺍﻟﺪﺭﺝ ﻭﻻ ﻛﺎﻧﻤﺎﺍﺍﺍﺍ .
ﺩﺧﻠﺖ ﻭﻗﺎﻃﻌﺖ ﺣﺪﻳﺜﻬﻢ ﻫﻲ ﺷﺎﻓﺘﻨﻲ ﺍﺭﺗﺒﻜﺖ ﻛﺎﻟﺖ ... ﻫﺎﺍﺍ ﺟﻬﺎﺩ ﺻﺒﺎﺡ ﺍﻟﺨﻴﺮ
.... ﻫﺰﻳﺖ ﺭﺍﺳﻲ ﺑﻌﺪﻡ ﻗﺒﻮﻝ ... ﻣﻨﻴﻦ ﻳﺠﻲ ﺍﻟﺨﻴﺮ ﻭﺍﻧﺘﻲ ﻣﺜﻞ ﺍﻟﺸﺮﻗﻴﻪ ﻧﻴﻮﺯ ﺗﻨﻄﻴﻦ ﺍﻻﺧﺒﺎﺭ ﺍﻭﻝ ﺑﺎﺍﻭﻝ .
.... ﺍﻱ ﻟﻌﺪ ﻣﻮ ﺗﺘﻮﺳﻞ ﻭﺗﺒﻮﺱ ﺑﻴﻬﺎ ﻋﺒﺎﻟﻚ ﻣﺎﺷﻔﺘﻚ
....
ﺟﻬﺎﺩ ﺑﻀﻴﻖ .. ﻭﺍﻧﺖ ﺷﺪﺧﻠﺞ .
ﻭﺑﺼﻮﺕ ﺧﺎﻓﺖ ﺛﻮﻝ ﺣﺘﺊ ﺛﻮﻝ
ﻛﻮﻥ ﻧﻠﻜﺎﻟﺞ ﺷﺎﻳﺐ ﻭﻧﺤﻄﺞ ﺑﺮﺍﺳﻪ ﻭﻧﺮﺗﺎﺡ ﺷﻨﻮﻭ ﻣﻦ ﻣﺮﻩ ﻫﺎﺍﻱ .
ﺍﻻﻡ .. ﺟﻬﺎﺍﺍﺍﺩ ﻣﺎﻳﺼﻴﺮ ﻫﻴﺞ ﻳﺎﻳﻤﻪ .
ﺟﻬﺎﺩ ... ﻳﻤﻪ ﺍﻧﻲ ﺭﺍﺡ ﺍﺭﻭﺡ ﺩﻳﺮﻱ ﺑﺎﻟﺞ ﻋﻠﻰ ﺟﻨﻪ ﻣﺎﺍﻭﺻﻴﺞ ﻋﻠﻴﻬﺎ ﺑﻌﺪ ﻭﻫﻢ ﺩﻳﺮﻱ ﺑﺎﻟﺞ ﻋﻠﻴﻬﺎ ﻣﻦ ﺑﻌﺾ ﺍﻟﻨﺎﺱ ﺧﻮﺵ .
ﻛﻮﺍﻛﺐ .. ﻳﺎ ﺟﻬﺎﺩ ﻭﻟﻚ ﻋﻠﻴﻤﻦ ﺗﻘﺼﺪ
ﺟﻬﺎﺩ ... ﺍﻟﺤﻠﻴﻢ ﺗﻜﻔﻴﻪ ﺍﺷﺎﺭﻩ ﺍﻭﺩﻋﻨﺎﻛﻢ .
ﺍﻻﻡ ... ﺟﻬﺎﺩ ﻳﻤﻪ ﻣﺎﺗﺘﺮﻳﻚ ؟؟
ﺟﻬﺎﺩ .. ﻣﺎﺍﺷﺘﻬﻲ ﻳﻤﻪ ﺍﺫﺍ ﺟﻌﺖ ﺍﻛﻞ ﺑﺎﻟﻄﺮﻳﻖ .
ﺑﻮﺳﺖ ﺭﺍﺳﻬﺎ ﻭﻃﻠﻌﺖ ...
ﻭﺍﻧﻲ ﺑﺎﻟﻄﺮﻳﻖ ﺩﻙ ﺗﻠﻴﻔﻮﻧﻲ
ﺷﻔﺘﻪ ﺍﻣﺠﺪ ﺍﺧﻮﻳﻪ ﺟﺎﻭﺑﺘﻪ
ﺍﻣﺠﺪ .. ﻫﺎﺍ ﺟﻬﺎﺩ ﺍﻧﺖ ﻭﻳﻦ ؟؟ﻃﻠﻌﺖ ﻟﻠﺒﺼﺮﻩ ﻣﻮ ؟؟
ﺟﻬﺎﺩ .. ﺍﻱ ﻭﺍﻟﻠﻪ ﻃﻠﻌﺖ ﻟﻴﺶ ؟؟
ﺍﻣﺠﺪ . . ﻣﻮ ﻣﻔﺮﻭﺽ ﻧﺮﻭﺡ ﻟﺒﻴﺖ ﺍﺑﻮ ﺭﻳﺎﺽ ﻧﺒﻴﻨﻠﻬﻢ ﻣﻮﻗﻔﻚ ﺍﺷﻮ ﻏﻠﺴﺖ
ﺟﻬﺎﺩ .. ﻣﺎﻋﻨﺪﻱ ﻣﻮﻗﻒ ﻭﻳﺎﻫﻢ ﺍﻧﻲ ﻭﻣﻤﺤﺘﺎﺝ ﺍﺭﻭﺡ .
ﺍﻣﺠﺪ .. ﻳﺎﺍﺧﻲ ﺭﻭﺡ ﺑﺲ ﻛﻮﻟﻠﻬﻢ ﺍﻧﺖ ﻫﻢ ﺟﺎﻱ ﺗﺪﻭﺭ ﻋﻠﻴﻬﺎ ﻭﻣﻮ ﺳﺎﻛﺖ ﺧﻠﻲ ﻧﺴﺪ ﺣﻠﻮﻛﻬﻢ ﻻﺗﺼﻴﺮ ﻃﻼﻳﺐ ﻳﺎﺧﻮﻳﻪ
ﺟﻬﺎﺩ . . ﻳﺼﻴﺮ ﺧﻴﺮ
ﺍﻣﺠﺪ . . ﺷﻮﻧﻚ ﻭﻳﺎ ﺯﻭﺟﺘﻚ ؟؟
ﺟﻬﺎﺩ . . ﺍﻟﺤﻤﺪﻟﻠﻪ .
ﺍﻣﺠﺪ . . ﺩﻳﺮ ﺑﺎﻟﻚ ﻋﻠﻴﻬﻪ ﻳﻮﻳﻞ ﻣﻮ ﺟﺎﻳﺒﻬﻪ ﻣﻨﺎﻙ ﻟﻬﻨﺎ ﺗﻜﻔﺦ ﺑﻴﻬﺎ
ﺟﻬﺎﺩ . . ﻫﻲ ﺷﺒﺴﺮﻋﻪ ﻭﺻﻠﻠﻜﻢ ﺍﻟﺨﺒﺮ ﺍﺧﺨﺦ ﻳﺎﻛﻮﺍﻛﺐ ﻳﺮﺍﺩﻟﻬﺎ ﺿﺒﻪ .
ﺍﻣﺠﺪ . . ﻫﻬﻬﻪ ﻳﻼ ﺍﺣﻨﻪ ﻣﻮ ﻏﺮﺑﻪ ﻣﻦ ﺗﺮﺟﻊ ﻣﻦ ﺍﻟﺒﺼﺮﻩ ﺣﺘﻰ ﻧﺘﻔﻖ ﺷﺮﺍﺡ ﻧﺴﻮﻱ .
ﺟﻬﺎﺩ . . ﺍﻟﻠﻪ ﻛﺮﻳﻢ ﺍﻟﻠﻪ ﻭﻳﺎﻙ ﺧﻮﻳﻪ .
ﺍﻣﺠﺪ . . ﺍﻟﻠﻪ ﻭﻳﺎﻙ
.....
.....
ﺟﻨﻪ *
ﻧﺰﻟﺖ ﺟﻮﻩ ﺷﻔﺘﻬﻢ ﻛﻠﻬﻢ ﺑﺎﻟﻤﻄﺒﺦ ﻛﻠﺖ ﺻﺒﺎﺡ ﺍﻟﺨﻴﺮ
ﺭﺩﻭﺍ ﺻﺒﺎﺡ ﺍﻟﻨﻮﺭ .
ﺍﻻﻡ . . ﻳﻼ ﺑﻨﺘﻲ ﺗﻌﺎﻟﻲ ﺗﺮﻳﻜﻲ ﻣﻴﺼﻴﺮ ﻣﻦ ﺍﻟﺒﺎﺭﺣﻪ ﻟﻬﺴﻪ ﺗﺒﻘﻴﻦ ﺟﻮﻋﺎﻧﻪ
ﺟﻨﻪ . . . ﺍﻱ ﻋﻤﻪ ﺻﺎﺭ
ﻛﻌﺪﻧﺎ ﺗﺮﻳﻜﻨﺎ ﻛﻠﻨﻪ ﺳﻮﻩ .
ﻃﻠﻌﻮﺍ ﺿﻤﻴﺎﺀ ﻭﺭﻭﻧﻖ ﻭﻛﻮﺍﻛﺐ ﻣﻦ ﺍﻟﻤﻄﺒﺦ ﺍﺳﺘﻐﻠﻴﺘﻬﺎ ﻓﺮﺻﻪ ﺍﺳﺄﻝ ﻋﻤﺘﻲ ﺍﺳﺘﺤﻲ ﺍﺳﺎﻟﻬﻪ ﻛﺪﺍﻣﻬﻢ
ﺍﻛﻮﻟﺞ ﻋﻤﻪ ﺟﻬﺎﺩ ﺗﺮﻳﻚ ﺍﻟﺼﺒﺢ
.. ﻻ ﻭﺍﻟﻠﻪ ﻣﺎﻗﺒﻞ ﻳﻜﻮﻝ ﻳﺎﻛﻞ ﺑﺎﻟﻄﺮﻳﻖ ﺍﺫﺍ ﺟﺎﻉ .
... ﻫﺎﺍ ﻟﻌﺪ ﻋﻤﻪ ﺷﻤﺮﺗﻲ ﻭﺭﺍﻩ ﻣﻲ ﺣﺘﻰ ﻳﻮﺻﻞ ﺑﺎﻟﺴﻼﻣﻪ؟
.. ﻫﻬﻬﻪ ﻓﺪﻭﺍﺕ ﻟﻜﻠﺒﺞ ﻣﺸﻐﻮﻝ ﻋﻠﻴﻪ ﺍﻱ ﺷﻤﺮﺕ ﻭﺭﺍﻩ ﺍﻟﻠﻪ ﻳﻬﺪﻱ ﺍﻟﺞ ﺍﻥ ﺷﺎﺀﺍﻟﻠﻪ
ﺍﺑﺘﺴﻤﺖ ﻭﻛﻤﺖ ﻏﺴﻠﺖ
ﺑﻌﺪﻫﺎ ﺭﺟﻌﺖ ﺍﻟﻬﺎ ﻋﻤﻪ ﺧﺎﺑﺮﻱ ﺷﻮﻓﻲ ﻭﺻﻞ ﺑﺲ ﻟﺘﻜﻮﻟﻴﻠﻪ ﺍﻧﻲ ﻛﺘﻠﺞ ﻋﻔﻴﻪ
ﺍﻡ ﺟﻬﺎﺩ .. ﺑﺎﺑﺘﺴﺎﻣﻪ ﺻﺎﺭ ﺑﻨﻴﺘﻲ ﺭﻭﺣﻲ ﺍﻧﺖ ﻫﺴﻪ ﺍﺧﺎﺑﺮﻩ .
ﺟﻬﺎﺩ *
ﺧﺎﺑﺮﺗﻨﻲ ﺍﻣﻲ ﺟﻨﺖ ﺑﻌﺪ ﻣﺎﻭﺍﺻﻞ ﻭﻛﻔﺖ ﺑﺎﻟﻄﺮﻳﻖ ﺍﻓﻮﻝ ﺑﺎﻧﺰﻳﻦ .
ﻛﻠﺘﻠﻲ ﺟﻨﻪ ﻫﻴﺞ ﻛﺎﻟﺖ ﻭﻫﻴﺞ
ﻓﺮﺣﺖ ﻗﻠﺒﻬﺎ ﻋﻠﻴﻪ ﺭﻏﻢ ﺍﻧﻲ ﻣﺎﺫﻳﻬﺎ
ﻣﻦ ﺍﺭﺟﻊ ﺍﻋﻮﺿﻬﺎ .
ﺟﻨﻪ *
ﻣﺮﺕ ﺍﻳﺎﻡ ﻭﺟﻬﺎﺩ ﺑﺎﻟﺒﺼﺮﻩ ﻭﺍﻧﻲ ﻭﺣﺪﻱ ﻭﺍﻟﻐﺮﻓﻪ ﺗﻘﻤﺖ
ﻛﻠﺶ ﻭﺗﺠﻴﻠﻲ ﺍﻓﻜﺎﺭ ﻏﺮﻳﺒﻪ ﺍﺣﺲ ﺻﺎﻳﺮ ﺑﻴﻬﺎ ﺷﻲ ﺍﻛﻮﻝ ﺧﺎﻑ ﻣﺮﺗﻪ ﻣﻴﺘﻪ ﻫﻨﺎ ﺍﺧﻠﻲ ﺍﻟﻤﺨﺪﻩ ﻋﻠﻰ ﺭﺍﺳﻲ ﻭﺍﻧﺎﻡ .
ﺑﺎﻟﻨﻬﺎﺭ ﺿﻮﻭﺟﻪ ﻛﻠﺶ .
ﺿﻤﻴﺎﺀ ﻣﻠﺘﻬﻴﻪ ﻭﻳﺎ ﺧﻄﻴﺒﻬﺎ ﻭﻛﻠﻪ ﺗﺨﺎﺑﺮﻩ ﺍﻭ ﺗﻄﻠﻊ ﻭﻳﺎ
ﺭﻭﻧﻖ ﻣﻠﺘﻬﻴﻪ ﻭﻳﺎﺟﻬﺎﻟﻬﺎ ﻭﺧﺎﺻﺔ ﻋﺪﻫﻪ ﻭﻟﺪ ﻋﻤﺮﻩ ﺷﻬﺮﻳﻦ ﻣﺎﺧﺬ ﻛﻞ ﻭﻗﺘﻬﺎ ﻭﻣﻦ ﺗﻔﺮﻍ ﺗﻨﻀﻒ ﺍﻟﺒﻴﺖ
ﺍﻧﻲ ﺍﻻﻳﺪ ﺍﻟﻴﻤﻴﻦ ﻟﻌﻤﺘﻲ ﺑﺎﻟﺸﻐﻞ ﺑﺎﻟﻤﻄﺒﺦ ﻣﻮﺍﻋﻴﻦ ﺍﻏﺴﻞ ﻭﺷﺘﺤﺘﺎﺝ ﺍﺳﻮﻱ .
ﻛﻮﺍﻛﺐ ﺗﻄﺐ ﻣﻨﺎ ﻭﺗﻄﻠﻊ ﻣﻨﺎ .
ﻭﺍﺫﺍ ﺍﺟﺖ ﺗﺠﻴﺐ ﺍﺧﺒﺎﺭ ﺍﻟﻤﻨﻄﻘﻪ ﻛﻠﻬﺎ
ﻫﻲ ﺗﺰﻭﺟﺖ ﻫﻲ ﺟﺎﺑﺖ ﺫﻳﺞ ﺗﻄﻠﻜﺖ ﻭﻭﻭ ﻳﺼﻴﺮ ﺭﺍﺳﻲ ﺑﻜﺪ ﺍﻟﻤﻜﻴﻒ ﻣﻦ ﺍﻟﺪﻭﺧﻪ .
ﻣﺮﻩ ﻛﺎﻋﺪﻩ ﻳﻤﻲ ﺑﺎﻟﻐﺮﻓﻪ ﻭﺩﺗﺤﺠﻲ ﻭﺗﻠﻐﻴﻴﻲ ﻗﺎﻃﻌﺘﻬﺎ ﻛﺘﻠﻬﺎ ﺧﺎﻟﻪ ﺍﻧﺖ ﻟﻴﺶ ﻟﻬﺴﻪ ﻣﻤﺰﻭﺟﻪ ؟؟
ﻛﻠﺖ ﻟﻮ ﺍﺑﺘﻠﻴﺖ ﻋﻠﻰ ﻋﻤﺮﻳﻲ
... ﻭﺍﻧﺖ ﺷﻌﻠﻴﺞ ﻭﺷﻨﻮ ﻫﺎﻟﺴﺆﺍﻝ ﻫﺬﺍ ﻣﺎﺗﺴﺘﺤﻴﻦ ﻫﺬﺍ ﺳﺆﺍﻝ ﺧﺎﺹ ﻭﻣﺤﺮﺝ ﺷﻜﻮﻭ ﺗﺴﺎﻟﻴﻦ ﻟﻴﺶ ﺻﻴﺮﻳﻦ ﻓﻀﻮﻟﻴﻪ .
ﻃﻠﻌﺖ ﻣﻦ ﺍﻟﻐﺮﻓﻪ ﻭﻧﺰﻟﺖ ﻭﻫﻲ ﺗﺪﺭﺩﻡ ﻋﻠﻴﻪ .
ﺧﻠﺘﻨﻲ ﺻﺎﻓﻨﻪ .
ﻭﻣﻨﻬﺎ ﺷﺪﺕ ﻭﻳﺎﻱ ﻛﻮﺍﻛﺐ ﻭﻛﺮﻫﺘﻨﻲ ﺑﻌﻴﺸﺘﻲ .
ﻣﺮﺕ ﺍﻝ 15 ﻳﻮﻡ ﺑﺴﺮﻋﻪ ﻭﺍﺟﻪ ﺟﻬﺎﺩ .
ﺟﻨﺖ ﺑﺎﻟﻤﻄﺒﺦ ﻭﺳﻤﻌﺘﻪ ﺩﻳﺴﻠﻢ ﻋﻠﻰ ﺍﻫﻠﻪ
ﺻﻌﺪﺕ ﻓﻮﻙ ﺭﻛﺾ
ﻭﺩﺧﻠﺖ ﺑﺎﻟﻐﺮﻓﻪ ﻧﺰﻋﺖ ﺷﺎﻟﻲ ﻭﺑﺪﻟﺖ ﻛﻠﺒﻴﺘﻲ
ﻭﻭﻛﻔﺖ ﻉ ﺍﻟﻤﺮﺍﻳﻪ ﻭﻓﺘﺤﺖ ﺷﻌﺮﻱ ﻭﺳﻮﻳﺖ ﻧﻔﺴﻲ ﺩﻣﺸﻂ .
ﺩﺧﻞ ﻫﻮ ﻭﻋﻴﻮﻧﻪ ﻋﻠﻴﻪ
ﻣﺒﺎﻭﻋﺘﻠﻪ ﻭﻻﺳﻠﻤﺖ ﻋﻠﻴﻪ
ﺧﻠﻪ ﺟﻨﻄﺘﻪ ﺑﺎﻻﺭﺽ ﻭﻓﺘﺢ ﺣﺰﺍﻣﻪ ﻭﻃﻠﻊ ﻗﻤﻴﺼﻪ ﻣﻦ ﺍﻟﺒﻨﻄﺮﻭﻥ ﺍﺑﺎﻭﻋﻠﻪ ﺑﺎﻟﻤﺮﺍﻳﻪ ﻳﺒﺎﻭﻋﻠﻲ ﻭﻫﻮ ﻣﻌﺼﺐ ﻭﺩﻩ ﻳﻔﺘﺮﺳﻨﻲ .
ﻣﻬﺘﻤﻴﺖ ﻟﻨﻈﺮﺍﺗﻪ ﺍﺧﺬﺕ ﺍﻟﻌﻄﺮ ﻭﻇﻠﻴﺖ ﺍﺭﺷﺮﺵ ﻭﺍﺳﻤﻌﻪ ﻳﻜﻮﻝ .
.. ﻫﺎﺍﺳﺖ ﺍﺷﻮﻓﺞ ﺿﺠﺘﻲ ﻻﻥ ﺟﻴﺖ ؟
ﺟﺎﻭﺑﺘﻪ .. ﺍﻱ ﻭﺍﻟﻠﻪ ﺟﻨﺖ ﻣﺮﺗﺎﺣﻪ ﻭﻣﺎﺷﺎﺩﻩ ﺍﻋﺼﺎﺑﻲ ﻭﺟﻮﺩﻙ ﻳﺴﺒﺒﻠﻲ ﺍﺯﻋﺎﺝ ﻭﺣﺎﻟﻪ ﻧﻔﺴﻴﻪ .
ﺗﻘﺮﺏ ﻣﻨﻲ ﻭﻳﺸﻢ ﺑﺸﻌﺮﻱ
ﺟﻬﺎﺩ ﺑﻬﻴﺎﻡ ﻛﺎﺫﺏ .. ﺑﺲ ﺍﻧﻲ ﺟﻨﺖ ﺿﺎﻳﻊ ﺑﺪﻭﻧﺞ .
. ﺍﺑﺘﻌﺪﺕ ﻋﻨﻪ ﻣﺘﻘﺮﻓﻪ ﻣﻨﻪ . ﻛﺘﻠﻪ .. ﺧﺎﻑ ﺿﺎﻳﻊ ﻻﻥ ﻣﺎﻻﻛﻲ ﻭﺍﺣﺪ ﺗﻔﺮﻍ ﻋﺼﺒﻴﺘﻚ ﺑﻲ؟
ﺟﻬﺎﺩ ﺍﻗﺘﺮﺑﺖ ﻣﻨﻬﺎ ﻣﺮﻩ ﺛﺎﻧﻴﻪ ﻭﺳﺤﺒﺘﻬﺎ ﺍﻟﻲ ﺑﻘﻮﻩ ﺗﺠﺎﻫﻠﺖ ﺍﺑﺎﻭﻉ ﻟﻌﻴﻮﻧﻬﺎ ﺭﻛﺰﺕ ﺑﻨﻈﺮﺍﺗﻲ ﻋﻠﻰ ﺷﻔﺎﻳﻔﻬﺎ ﻛﺘﻠﻬﺎ ... ﺍﻓﺎﺍﺍ ﺍﻧﻲ ﻣﻔﺮﻍ ﻋﺼﺒﻴﺘﻲ ﺑﻴﺞ
... ﺟﺎﻭﺑﺘﻨﻲ ﺑﻘﻬﺮ ... ﻳﺎﻟﻠﻪ ﺍﻧﻮﺏ ﻓﻮﻙ ﺿﻴﻤﻪ ﻛﺬﺍﺏ ..
ﺍﻟﻠﺘﻬﻤﺖ ﺷﻔﺎﻳﻔﻬﺎ ﺑﻌﻤﻖ ﺑﺎﺩﻟﺘﻨﻲ ﺍﻟﻘﺒﻠﻪ ﺑﺒﺮﺍﺀﻩ ﻭ ﻗﻠﺔ ﺧﺒﺮﻩ .
ﺣﺴﻴﺖ ﺑﻴﻬﺎ ﻣﺤﺘﺎﺟﻪ ﺗﺘﻨﻔﺲ ﺑﻌﺪﺕ ﺷﻔﺎﻳﻔﻲ ﻋﻨﻬﺎ
ﻛﺘﻠﻬﺎ ﺑﻌﺪﺝ ﺯﻋﻼﻧﻪ ﻋﻠﻴﻪ .
... ﺍﻱ ﺑﺲ ﻣﻮ ﻫﻮﺍﻳﻪ .
.... ﺷﻨﻮ ﺍﻟﻴﺮﺿﻴﺞ ﺑﺲ ﻛﻮﻟﻴﻠﻲ ﺑﺲ ﻛﻮﻥ ﻣﻮ ﺷﻲ ﻣﻦ ﺍﻟﻤﻤﻨﻮﻋﺎﺕ ﺍﻟﻲ ﻓﺎﺭﺿﻬﻦ ﻋﻠﻴﺞ .
... ﺍﻣﻤﻤﻢ
.. ﻫﺎﺍ ﺷﻨﻮﻭ
ﺟﻨﻪ .
ﺧﻠﻴﺖ ﺍﻳﺪﻱ ﻋﻠﻰ ﺻﺪﺭﻩ ﻭﺑﺪﻳﺖ ﺍﻓﺘﺢ ﺩﻛﻢ ﻗﻤﻴﺼﻪ ﺑﺮﻗﻪ ﻭﺍﺭﻓﻊ ﺭﺍﺳﻲ ﺍﺑﺎﻭﻉ ﻟﻮﺟﻬﻪ ﻭﻛﻠﻤﺎ ﺍﺑﺎﻭﻉ ﻟﻌﻴﻮﻧﻪ ﻳﺼﺪﻫﻦ ﻋﻨﻲ ﺩﻧﻜﺖ ﻭﺟﻬﻲ ﻭﻛﻤﻠﺖ ﺍﻓﺘﺢ ﺍﻟﺪﻛﻢ
..... ﺿﻤﻴﺎﺀ ﻭﻋﻤﺘﻲ ﺣﻴﺮﻭﺣﻮﻥ ﻟﻠﺴﻮﻙ
ﺗﺮﻳﺪ ﺗﺠﻬﺰ ﻟﻌﺮﺳﻬﺎ ﺧﻠﻴﻨﻲ ﺍﺭﻭﺡ ﻭﻳﺎﻫﻢ ﺣﺒﻮﺑﻲ .
... ﻫﻬﻪ ﺣﺒﻮﺑﻲ ؟؟
... ﺍﻱ ﺍﻧﺘﻮﺍ ﺗﻜﻮﻟﻮﻥ ﺣﺒﺎﺏ ﻭﺍﺣﻨﻪ ﻧﻜﻮﻝ ﺣﺒﻮﺑﻲ .
.... ﺣﻠﻮﻩ ﺑﺤﻠﻜﺞ .
.. ﻳﻌﻨﻲ ﺗﻘﺒﻞ ﺍﺭﻭﺡ ﻭﻳﺎﻫﻢ ؟؟
... ﻧﻨﻈﺮ ﺑﺎﻟﻘﻀﻴﻪ ﻭﻧﺸﻮﻑ
... ﻳﻼ ﺳﻴﺪﻱ ﺍﻟﻤﻼﺯﻡ ﺍﻭﻝ ﻋﻔﻴﻪ ﺣﺒﻮﺑﻲ ﺣﺒﺎﺏ ﺑﻌﺪ ﺷﺘﺮﻳﺪ ﺍﻛﻮﻟﻚ ﺍﺩﻛﻠﻚ ﺗﺤﻴﻪ .
ﺟﻬﺎﺩ .. ﺍﺑﺘﻌﺪﺕ ﻋﻨﻬﺎ ﺍﺿﺤﻚ ﻋﻠﻰ ﺳﻮﺍﻟﻔﻬﺎ ﺍﺣﺲ ﺗﻌﺒﻲ ﻣﺎﻝ ﺍﻟﻄﺮﻳﻖ ﻛﻠﻪ ﺍﻧﺰﺍﺡ ﺍﺧﺦ ﺑﺲ ﻟﻮ ﻋﻴﻮﻧﻬﺎ ﻏﻴﺮ ﻟﻮﻥ ﺟﺎﻥ ﻳﻤﻜﻦ ﻛﺪﺭﺕ ﺍﻧﺴﻰ .
ﻛﺘﻠﻬﺎ ﺧﻠﻲ ﺍﺭﺗﺎﺡ ﻫﺴﻪ ﻭﻳﺼﻴﺮ ﺧﻴﺮ .
... ﻳﻌﻨﻲ ﺍﻓﻬﻢ ﻣﻦ ﻛﻼﻣﻚ ﺑﻴﻬﺎ ﻣﺠﺎﻝ ﺗﻮﺍﻓﻖ .
... ﺟﻬﺎﺩ ﺑﻌﺼﺒﻴﻪ .. ﺟﻨﻪ ﺗﺮﺩﻳﻦ ﺗﻨﻜﺘﻠﻴﻴﻴﻦ ﻻﺗﻠﺤﻴﻦ ﻣﺎﺍﺣﺐ ﺍﻟﻨﮓ
.. ﺟﻨﻪ .. ﺑﺮﻃﻤﺖ ﺷﻔﺘﻲ ﻛﺘﻠﻪ ﺻﺎﺭ .
ﺭﺍﺡ ﺍﺣﻀﺮ ﺍﻟﻚ ﺍﻛﻞ ﻭﻃﻠﻌﺖ ﻣﻦ ﺍﻟﻐﺮﻓﻪ ﺍﺩﺭﺩﻡ
ﺑﺴﺮﻋﻪ ﻳﺜﻮﺭ ﺟﻨﻪ ﺑﺮﻛﺎﻥ . ﻫﺴﻪ ﺷﻜﻨﺎﻟﻚ ﻋﻴﻨﻲ ﻳﺒﻮﻭ ﺍﻟﻠﻪ ﻳﺼﺒﺮﺝ ﻳﺎﺭﻭﻭﺡ .
ﻭﺻﻠﺖ ﻟﺪﺭﺝ ﻭﺍﺩﺭﺩﻡ ﻓﺘﺢ ﺍﻟﺒﺎﺏ
.. ﺗﺮﻩ ﺟﺎﻱ ﺍﺳﻤﻌﺞ
... ﻳﺒﻮﻭﻭ ﻣﻮ ﺫﺍﻧﺎﺕ ﺫﺍﻧﺎﺗﻚ ﻛﺎﺭﺛﻪ .
ﺟﻴﺖ ﺍﻭﻛﻊ ﻣﻦ ﺍﻟﺪﺭﺝ ﺟﺎﻥ ﻳﻠﺰﻣﻨﻲ ﻭﻳﺨﻠﻴﻨﻲ ﻋﻠﻰ ﺻﺪﺭﻩ ﺑﺴﺮﻋﻪ .
ﺑﻌﺪﻧﻲ ﻭﻫﻮ ﻳﺒﺎﻭﻋﻠﻲ ﺑﻠﻬﻔﻪ ﻭﻳﻌﺾ ﺷﻔﺘﻪ .
ﺑﺎﻭﻋﺘﻠﻪ ﺍﺿﺤﻚ ﺑﻔﻬﺎﻭﻩ ﺧﻠﻪ ﺍﻳﺪﻩ ﻋﻠﻰ ﻋﻴﻮﻧﻲ ﻭﻏﻤﻀﻬﻦ ﺍﻟﻲ ﻛﺎﻝ ﻟﺘﺤﺠﻴﻦ ﻋﻠﻴﻪ ﺷﻔﺘﻲ ﺷﻠﻮﻥ ﺍﻟﻲ ﺣﻮﺑﻪ .
ﻟﺰﻣﻨﻲ ﻣﻦ ﺍﻛﺘﺎﻓﻲ ﺍﻟﻮﺭﻩ ﻭﻧﺰﻟﻨﻲ ﺍﻭﻝ ﺑﺎﻳﻪ ﻣﻦ ﺍﻟﺪﺭﺝ .
ﻭﺭﺍﺡ ﻧﺰﻟﺖ ﻭﺍﺷﻮﻑ ﻛﻮﺍﻛﺐ ﺟﺎﻧﺖ ﺗﺒﺎﻭﻉ ﻋﻠﻴﻨﻪ
ﺍﺳﺘﺤﻴﺖ ﻭﺩﻧﻜﺖ ﺭﺍﺳﻲ ﻭﺑﻜﻠﺒﻲ ﺍﻛﻮﻭﻝ ﻳﺒﻮﻭ ﺷﻜﺪ ﻓﻀﻮﻟﻴﻪ .
ﻭﺻﻠﺖ ﻳﻤﻬﺎ ﻇﻠﺖ ﺗﺒﺎﻭﻉ ﻟﻴﻔﻮﻙ ﻭﻻﺯﻣﺘﻨﻲ ﻣﻦ ﺍﻳﺪﻱ
ﻛﻮﺍﻛﺐ .. ﺍﻛﻮﻟﺞ ﺟﻬﺎﺩ ﻓﻮﻙ
... ﺍﻱ ﺑﺎﻟﻐﺮﻓﻪ .
.. ﺍﻛﻮﻝ ﻟﻴﺶ ﻳﺨﻠﻲ ﺍﻳﺪﻩ ﻋﻠﻰ ﻋﻴﻮﻧﺞ ؟؟
... ﻣﺎﺍﺩﺭﻱ ﻟﻴﺶ ؟؟
... ﻳﻌﻨﻲ ﻣﻌﻘﻮﻟﻪ ﻣﺘﻌﺮﻓﻴﻦ ؟؟
... ﻻ ﻛﻮﻟﻲ
ﻇﻠﺖ ﺗﻬﻒ ﺑﻴﺪﻫﺎ ﻭﺭﺍﺣﺖ
ﺷﻐﻠﺖ ﺗﻔﻜﻴﺮﻱ ﻣﺮﻩ ﺳﻤﻌﺘﻪ ﻳﻜﻮﻝ ﻻﻣﻪ ﻣﺎﺍﻃﻴﻘﻬﻦ ﻋﻴﻮﻧﻬﺎ ﻳﺸﺒﻬﻦ ﻋﻴﻮﻥ ﺭﺅﻯ ﺯﻳﻦ ﺷﻨﻮ ﺍﻟﺮﺑﻂ ؟؟ ﻭﺷﺒﻴﻬﺎ ﺭﺅﻯ ﻭﺍﻟﻠﻪ ﻣﺪﺍﺍﻓﻬﻢ ﻫﺴﻪ ﺍﺣﻀﺮ ﺍﻟﻪ ﺍﻻﻛﻞ ﻭﺍﺭﻭﺡ ﺍﺳﺄﻟﻪ ﺑﻌﺪ ﻣﺎﺍﺻﺒﺮ ﺍﺭﻳﺪﻩ ﻳﻮﺿﺤﻠﻲ ﻛﻞ ﺷﻲ .
ﻳﺎﺗﺮﻯ ﺷﻨﻮ ﻫﻮ ﺟﻮﺍﺑﻪ ؟؟
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء