رواية اهدتني عاراً الجزء العاشر
للكاتبة نورا ناصر
..
ﻣﺸﻴﺖ ﻟﻠﻤﻄﺒﺦ .
ﻃﻠﻌﺖ ﻣﻮﺍﻋﻴﻦ ﺻﺒﻴﺖ ﺍﻟﻪ ﻣﺮﻛﺔ ﺑﺎﻣﻴﻪ ﻭﺗﻤﻦ
ﺑﻴﻮﻡ ﺍﻟﻲ ﻳﺮﻳﺪ ﻳﺠﻲ ﻋﻤﺘﻲ ﺗﺴﻮﻱ ﺑﺎﻣﻴﻪ ﻻﻥ ﻳﺤﺒﻬﺎ ﺟﻬﺎﺩ .
ﺣﻀﺮﺕ ﺍﻻﻛﻞ ﻋﻠﻰ ﻣﻴﺰ ﺍﻟﻄﻌﺎﻡ ﺑﺎﻟﻤﻄﺒﺦ
ﻭﺻﻌﺪﺕ ﺍﺻﻴﺤﻠﻪ
ﻣﺘﻤﺪﺩ ﻉ ﺍﻟﺠﺮﺑﺎﻳﻪ
ﺻﺤﺘﻪ ﺟﻬﺎﺩ ﻳﻼ ﺍﻧﺰﻝ ﺻﺒﻴﺖ ﺍﻻﻛﻞ
ﺟﻬﺎﺩ .. ﺟﻴﺒﻲ ﻫﻨﺎ ﺟﻨﻪ ﻣﺎﺑﻴﻪ ﺍﻧﺰﻝ ﺗﻌﺒﺎﻥ
ﻣﺎﺷﻲ .
ﻧﺰﻟﺖ ﺟﻮﻩ ﺧﻠﻴﺖ ﺍﻻﻛﻞ ﺑﺼﻴﻨﻴﻪ ﻭﺻﻌﺪﺗﻪ ﻓﻮﻙ .
ﺩﺧﻠﺖ ﻟﻠﻐﺮﻓﻪ ﺧﻠﻴﺖ ﺍﻻﻛﻞ ﺑﺎﻟﻜﺎﻉ .
ﻭﺭﺣﺖ ﻳﻤﻪ ﻣﺪﺩ ﻉ ﺍﻟﺠﺮﺑﺎﻳﻪ ﻭﻣﺨﻠﻲ ﺍﻟﻤﺨﺪﻩ ﻉ ﻭﺟﻬﻪ ﻭﺑﺲ ﺑﺎﻟﻜﻴﻤﻮﻧﻪ .
ﻛﻌﺪﺕ ﻳﻤﻪ ﺍﻣﺮﺭ ﺍﺻﺎﺑﻌﻲ ﻋﻠﻰ ﺻﺪﺭﻩ ﻟﺰﻣﻨﻲ
ﻛﺘﻠﻪ ﻳﻼ ﻛﻮﻡ ﺗﻐﺪﺍ
ﺍﻧﺖ ﻣﺘﻐﺪﻳﻪ ؟
ﺍﻱ ﺑﺲ ﻫﻢ ﺍﻛﻞ ﻭﻳﺎﻙ ﻉ ﺍﻟﻮﺍﻫﺲ
ﺩﻧﻚ ﺭﺍﺳﻪ ﻭﻫﻮ ﻳﺒﻮﺱ ﺑﺎﺻﺎﺑﻌﻲ ﻳﺤﺠﻲ ﻭﻣﺪﻧﻚ
ﻛﺎﻝ ﺑﺤﻨﻴﻪ ﺟﻨﻪ ﺗﺤﺒﻴﻨﻲ ؟؟
ﺟﺎﻭﺑﺘﻪ ﺑﻌﺪ ﻟﺤﻈﺔ ﺗﻔﻜﻴﺮ ﻣﺎﺍﺩﺭﻱ
ﺭﻓﻊ ﺭﺍﺳﻪ ﻋﻜﺪ ﺣﻮﺍﺟﺒﻪ ﻟﻌﺪ ﻟﻴﺶ ﺗﺨﺎﻓﻴﻦ ﻋﻠﻴﻪ ﻟﻴﺶ
ﺗﻬﺘﻤﻴﻠﻲ ؟
ﻣﺎﺍﻧﻜﺮ ﺍﺧﺎﻑ ﻋﻠﻴﻚ ﻭﺿﺠﺖ ﺣﻴﻴﻞ ﻣﻦ ﺭﺣﺖ ﻭﺍﺷﺘﺎﻗﻴﺘﻠﻚ ﺑﺲ ﻣﺎﺍﺩﺭﻱ ﺍﺫﺍ ﺍﺣﺒﻚ ﺍﻭ ﻻ !!
ﺍﻣﻤﻢ ﻛﻮﻣﻲ ﺧﻞ ﺍﻛﻞ ﺍﺣﺴﻦ
ﻫﻬﻬﻪ ﺷﺒﻴﻚ ﺍﻧﻘﻬﺮﺕ .
ﻣﺎﻋﺎﺵ ﺍﻟﻴﻘﻬﺮﻧﻲ .
ﺿﺤﻜﺖ
ﻛﻌﺪ ﺩﻳﺎﻛﻞ ﻛﻌﺪﺕ ﻛﺒﺎﻟﻪ ﺍﺭﻳﺪ ﺍﻓﺘﺢ ﻭﻳﺎ ﺍﻟﻤﻮﺿﻮﻉ ﻣﺪﺍﻋﺮﻑ .
ﺷﻮﻥ ﺍﺳﺎﻟﻪ ﻣﻦ ﺗﺰﻭﺟﻨﺎ ﻟﻬﺴﻪ ﻣﺴﺌﻠﺘﻪ ﻭﻻ ﻣﺮﻩ ﻋﻦ ﻣﺮﺗﻪ ﻻﺯﻡ ﺍﺳﺄﻟﻪ ﺑﻠﻜﻲ ﺍﻃﻴﺢ ﻋﻠﻰ ﻋﻠﺘﻪ ﻭﺍﻛﺪﺭ ﺍﺗﻌﺎﻣﻞ ﻭﻳﺎ ﺍﺭﻳﺪ ﺍﻋﺮﻑ ﻫﻲ ﺷﻨﻮ ﺑﺎﻟﻨﺴﺒﻪ ﺍﻟﻪ ﻳﺤﺒﻬﺎ ﻻ ﻣﺘﺎﺛﺮ ﻟﻤﻮﺗﻬﺎ ﻭﻫﻴﺞ ﺩﻳﻌﺎﻣﻠﻨﻲ .
ﻛﻠﺖ ﺍﺣﻢ
.. ﺷﺒﻴﺞ ﻣﺘﺎﻛﻠﻴﻦ ؟؟
.. ﺭﺩﺕ ﺍﺳﺄﻟﻚ ﺷﻲ
.. ﺳﺄﻟﻲ ﺷﺒﻴﺞ ﺗﺤﻤﺤﻤﻴﻦ ؟؟
.. ﺍﻛﻮﻭﻭﻝ ﺯﻭﺟﺘﻚ ﻫﻢ ﺟﺎﻧﺖ ﺣﻞ ..
ﺍﺭﻳﺪ ﺍﻛﻤﻞ ﺷﻤﺮ ﺍﻟﺨﺎﺷﻮﻛﻪ ﺣﻴﻞ ﺭﻛﻌﻬﺎ ﺑﺎﻟﺼﻴﻨﻴﻪ
.. ﺟﻬﺎﺩ ﺑﻌﺼﺒﻴﻪ ﻻ ﺗﺴﺄﻟﻴﻦ ﻻ ﺗﺴﺄﻟﻴﻦ ﻣﻮ ﺷﻮﻓﻴﻨﻲ ﺟﺎﻱ ﺍﺳﻤﻢ ﺍﺭﺗﺎﺣﻴﺘﻲ ﻣﻦ ﺳﻤﻤﺘﻴﻨﻲ ﻭﻳﻔﺮﻙ ﺑﻮﺟﻪ ﻭﺍﺩﻳﻪ ﺗﺮﺟﻒ
.... ﺟﻨﻪ ﺑﺰﻋﻞ ... ﻋﻠﻰ ﻛﻴﻔﻚ ﻫﺴﻪ ﺍﻧﻲ ﺷﺤﺠﻴﺖ ﻛﻔﺮﺕ ﺧﻮ ﻣﺎ ﻛﻔﺮﺕ
ﻛﻠﺐ ﺻﺤﻦ ﺍﻟﺘﻤﻦ ﻧﺼﻪ ﻭﻛﻊ ﺑﺎﻟﻜﺎﻉ ﻭﻧﺺ ﻓﻮﻙ ﺍﻟﻤﺮﻙ ﻭﻣﻨﺎ ﻭﻣﻨﺎ
ﺟﻬﺎﺩ ﺑﻐﻀﺐ ﺍﻱ ﺍﻱ ﻛﻔﺮﺗﻲ ﻛﻔﺮﺗﻲ ﻛﺎﻡ ﻋﻠﻰ ﺣﻴﻠﻪ ﺿﺮﺏ ﺍﻟﻤﻴﺰ ﺑﻜﻞ ﻗﻮﻭﺗﻪ .
ﺣﺠﻴﺖ ﺑﻐﺼﻪ ﻭﺩﻣﻌﻪ ﻟﻤﻌﺖ ﺑﻌﻴﻨﻲ .. ﻋﻠﺊ ﻛﻴﻔﻚ ﻟﻮ ﻧﺪﺭﻱ ﻫﻴﺞ ﺣﺒﻴﺒﺖ ﻛﻠﺒﻚ ﺭﺋﺎﻭﻱ ﺗﺤﺮﻙ ﻛﻠﺒﻚ ﻣﺎﺫﻛﺮﻧﺎﻫﺎ
ﺣﺴﻴﺖ ﻛﻌﺪﺕ ﺍﻟﻮﺣﺶ ﺍﻟﻲ ﺑﺪﺍﺧﻠﻪ ﺗﻘﺮﺏ ﻣﻨﻲ ﻭﻫﻮ ﻳﻔﺢ ﻣﻦ ﺍﻟﻌﺼﺒﻴﻪ ﺿﺮﺑﻨﻲ ﺭﺍﺷﺪﻱ ﺍﻓﻘﺪﻧﻲ ﺍﻟﺴﻤﻊ ﻟﻠﺤﻀﺎﺕ .
ﺍﺧﺘﻨﻜﺖ ﺣﻄﻴﺖ ﺍﻳﺪﻱ ﻋﻠﻰ ﺧﺪﻱ ﻭﻛﻮﻩ ﺍﺗﻨﻔﺲ ... ﺭﻓﻊ ﺍﺻﺒﻌﻪ ﺑﺘﻬﺪﻳﺪ ﻭﺍﻟﻠﻪ ﻭﺍﻟﻠﻪ ﺍﺫﺍ ﻣﺮﺓ ﺛﺎﻧﻴﻪ ﺳﻤﻌﺘﺞ ﺟﺒﺘﻲ ﺳﻴﺮﺗﻬﺎ ﺍﺧﻠﻴﺞ ﺗﻠﺤﻜﻴﻨﻬﺎ ﻓﺎﻫﻤﻪ .
ﺭﺟﻔﻦ ﺷﻔﺎﻳﻔﻲ ﻭﻛﺘﻤﺖ ﺍﻟﻐﺼﻪ ﺩﺍﺧﻞ ﺻﺪﺭﻱ ﺣﺮﻛﺖ ﺷﻔﺎﻳﻔﻲ ﺑﻬﻤﺲ ﻣﻦ ﺍﻟﺨﻮﻑ ﺍﻟﻠﻪ ﻳﺮﺣﻤﻬﺎ ...
ﺳﻤﻌﻨﻲ ﺗﻘﺮﺏ ﻣﻨﻲ ﻭﻫﻮ ﻳﺼﻚ ﺍﺳﻨﺎﻧﻪ ﺍﻃﻠﻌﻲ ﺑﺮﻩ ﺿﻠﻴﺖ ﻣﺴﺘﻘﺮﺓ ﺑﻤﻜﺎﻧﻲ ﺷﻠﻮﻥ ﺍﻃﻠﻊ ﻭﺍﻧﻲ ﺑﻬﺎﻱ ﻟﺤﺎﻟﻪ ... ﺻﺮﺥ ﺑﻌﺼﺒﻴﻪ ﺍﻃﻠﻌﻴﻴﻲ ﺑﺮﺭﺭﺭﺭﺭﺭﻩ
ﻃﻠﻌﺖ ﻭﻛﻔﺖ ﺑﺎﺏ ﺍﻟﻐﺮﻓﻪ ﺣﻄﻴﺖ ﺍﻳﺪﻱ ﻋﻠﻰ ﺷﻔﺎﻳﻔﻲ ﺍﻣﻨﻊ ﺻﻮﺕ ﺑﻜﺎﺋﻲ، ﺣﺎﻟﺘﻲ ﻳﺮﺛﻰ ﺍﻟﻬﺎ ﻣﻦ ﺿﺮﺑﻨﻲ ﺭﺍﺷﺪﻱ ﺍﻧﻜﺴﺮﺕ ﺍﻟﻘﺮﺍﺻﻪ ﺑﺮﺍﺳﻲ ﻻﻥ ﺍﻧﻀﺮﺑﺖ ﺑﺎﻟﺤﺎﻳﻂ ﻭﻧﻔﺘﺢ ﺷﻌﺮﻱ ﺿﻠﻴﺖ ﻣﺤﺘﺎﺭﻩ ﺍﻧﺰﻝ ﺍﺿﻞ ﻛﺎﻋﺪﻩ ﺑﺒﺎﺏ ﺍﻟﻐﺮﻓﻪ .
ﻣﺎﻛﻮ ﻭﺍﺣﺪ ﻣﻦ ﺣﻤﻮﻳﻨﻲ
ﻧﺰﻟﺖ ﺟﻮﻩ ﺑﺴﺮﻋﻪ ﺍﻛﻮ ﺷﺎﻝ ﻋﻠﻰ ﺍﻟﺪﺭﺝ ﺍﺧﺬﺗﻪ ﻭﺧﻠﻴﺘﻪ ﻋﻠﻰ ﺭﺍﺳﻲ
ﻣﺎﻛﻮ ﻣﻜﺎﻥ ﺍﺭﻭﺡ ﻏﻴﺮ ﻟﻠﻤﻄﺒﺦ
ﺭﺣﺖ ﺍﺟﺮ ﺧﻄﻮﺍﺗﻲ ﺑﺠﺴﺪ ﻣﻨﻬﻚ ﻣﻮﺟﻮﻉ
ﺩﺧﻠﺖ ﻟﻠﻤﻄﺒﺦ ﺷﻔﺖ ﻛﻮﺍﻛﺐ ﻛﺎﻋﺪﻩ ﻉ ﺍﻟﻜﺮﺳﻲ
ﻭﻣﺨﻠﻴﻪ ﺭﺟﻞ ﻋﻠﻰ ﺭﺟﻞ ﻭﺗﺸﺮﺏ ﺟﺎﻱ ﻭﺗﻄﻠﻊ ﺻﻮﺕ
ﺭﺩﺕ ﺍﺭﺟﻊ ﺑﺲ ﻭﻳﻦ ﺍﺭﻭﺡ
ﻛﻤﻠﺖ ﻣﺸﻴﺘﻲ ﻭﻫﻲ ﺗﺸﺮﺏ ﺟﺎﻱ ﻭﺗﺒﺎﻭﻉ ﻟﻠﺴﺘﻜﺎﻥ
ﺑﺎﻭﻋﺘﻠﻲ ﺩﺭﺕ ﻭﺟﻬﻲ ﻛﺎﻣﺖ ﻋﻠﻰ ﺣﻴﻠﻬﻪ
ﻭﺗﻄﻞ ﺑﻮﺟﻬﻲ ﻭﺗﺘﻔﺤﺼﻪ ﺑﻌﻴﻮﻧﻬﺎ
.. ﺷﺒﻲ ﻭﺟﻬﺞ
.. ﺑﺘﻠﻌﺜﻢ ﻛﺘﻠﻬﻪ ﻣﻤﺎﻛﻮ ﺷﻲ ﻭﻛﻌﺖ ﻋﻠﻰ ﻭﺟﻬﻲ
.. ﻫﺎﺍ ﻭﺍﺿﺢ ﺑﺲ ﻋﻠﻰ ﺍﻳﺪ ﻣﻨﻮ ﻭﻛﻌﺘﻲ ﻭﻃﺒﻌﺖ ﺍﺻﺎﺑﻌﻪ ﺑﺨﺪﺝ .
.. ﺗﻮﺗﺮﺕ ﻭﺍﻟﻘﻬﺮ ﺑﻴﻪ ﺻﺎﺭ ﺍﺿﻌﺎﻑ ﻛﺘﻠﻬﻪ ﻣﺎﻛﻮ ﺷﻲ ﺧﺎﻟﻪ
.. ﺍﻛﻮﻭﻝ ﺷﺒﻲ ﻳﺼﻴﺢ ﺟﻬﺎﺩ
.. ﻣﺎﻛﻮ ﺷﻲ ﻟﻴﻈﻞ ﺑﺎﻟﺞ
.. ﺍﻟﻠﻪ ﻳﻌﻴﻨﺞ ﺑﻌﺪﺝ ﻣﺎﺷﻔﺘﻲ ﺷﻲ
.. ﺷﻨﻮ ﺷﻨﻮ ﺷﺸﻮﻑ ﺑﻌﺪ
.. ﻣﺎﻛﻮ ﺷﻲ ﺳﻼﻣﺘﺞ
.. ﺧﺎﻟﻪ ﻋﻔﻴﻪ ﺍﺣﺠﻴﻠﻲ ﻋﻦ ﻣﺮﺕ ﺟﻬﺎﺩ ﻓﺪﻭﻩ ﺭﺣﺘﻠﺞ
.. ﺍﻱ ﺍﻱ ﺍﺣﺠﻴﻠﺞ ﺑﺲ ﻫﺴﻪ ﺍﺭﻳﺪ ﺍﺭﻭﺡ ﻟﺒﻴﺖ ﺍﺧﻮﻱ ﻋﺎﺯﻣﻴﻨﻲ .
ﻛﻮﺍﻛﺐ ﺳﺮﻓﺖ ﻣﺎﺗﺒﻘﻰ ﻣﻦ ﺍﻟﺠﺎﻱ ﺑﺎﻟﻜﻮﺏ ﻭﺭﺍﺣﺖ ﺗﻤﺸﻲ ﻣﺜﻞ ﺑﺎﺗﻤﺎﻥ ﻫﻲ ﻭﻋﺒﺎﻳﺘﻬﺎ .
ﺑﻘﻴﺖ ﺍﻧﻲ ﻭﺣﺪﻱ ﺑﺎﻟﻤﻄﺒﺦ ﻣﻴﺘﻪ ﻗﻬﺮ ﻋﻠﻰ ﺣﺎﻟﻲ
ﻟﻴﺶ ﻫﻴﺞ ﺍﺧﻮﻱ ﺷﻤﺮﻧﻲ ﻫﺎﻟﺸﻤﺮﻩ .
ﻳﻌﻨﻲ ﻫﻮ ﻳﻌﺮﻑ ﺻﺪﻳﻘﻪ ﻫﻴﺞ ﻣﺨﺒﻞ ﻭﻳﺜﻮﺭ ﺑﺴﺮﻋﻪ ﺍﺷﻮ ﺷﻤﺮﻧﻲ ﻭﻻﺳﺄﻝ ﻋﻨﻲ
ﻣﺎﺍﻋﻮﻝ ﻳﺮﺗﺎﺡ ﻣﻨﻲ ﻭﻳﺨﻠﺺ
ﻛﻌﺪﺕ ﺑﺎﻟﻤﻄﺒﺦ ﺣﺪ ﻣﺎﺍﺍﺣﺲ ﺍﺧﺘﻨﻜﺖ ﻭﻧﻮﺏ ﻛﻮﺍﻛﺐ ﺭﺍﺣﺖ ﻭﺧﻠﺘﻨﻲ ﻣﻌﻠﻜﻪ ﻭﻣﺎﺣﺠﺖ ﺑﺲ ﺍﺭﻳﺪ ﺍﻋﺮﻑ ﺷﺒﻴﻬﻪ ﻣﺮﺗﻪ .
ﺭﺣﺖ ﻳﻢ ﺿﻤﻴﺎﺀ ﻛﻌﺪﺕ
ﺷﺎﻓﺖ ﻭﺟﻬﻲ ﺍﺣﻤﺮ ﺻﻔﻨﺖ ﻛﺎﻟﺖ ﺷﺒﻴﺞ ﻛﺘﻠﻬﺎ ﻋﻠﻰ ﻛﻞ ﺍﻟﺼﺎﺭ
ﺗﻮﺳﻠﺖ ﺑﻴﻬﺎ ﻋﻔﻴﻪ ﺿﻤﻴﺎﺀ ﻛﻮﻟﻴﻠﻲ ﺍﺣﺠﻴﻠﻲ ﻋﻦ ﻣﺮﺕ ﺟﻬﺎﺩ
.. ﻳﻤﻌﻮﺩﻩ ﺷﺤﺠﻴﻠﺞ ﺭﺍﺣﺖ ﻟﺪﺍﺭ ﺣﻘﻬﺎ ﻻﺗﻔﻜﺮﻳﻦ ﺑﻬﺬﺍ ﺍﻟﻤﻮﺿﻮﻉ
.. ﺍﺧﻮﺝ ﺭﺍﺡ ﻳﻤﻮﺗﻨﻲ
.. ﻫﻮ ﺟﻬﺎﺩ ﻫﻴﺞ ﻳﻜﺴﺮ ﻭﻳﺠﺒﺮ ﺗﺤﻤﻠﻲ ﺷﺴﻮﻳﻦ ﺑﻌﺪ
.. ﻣﺸﻜﻮﺭﻩ ﻣﺎﻗﺼﺮﺗﻲ
.. ﺟﻨﻮﻭﻭ ﻻﺯﻋﻠﻴﻦ ﺗﺮﻩ ﻣﺎﻛﻮ ﺷﻲ ﻳﻨﻜﺎﻝ ﻣﺎﺗﺖ ﻭﺧﻠﺺ
....
....
ﻋﻔﺘﻬﺎ ﺷﻔﺖ ﺭﻭﻧﻖ ﺑﺎﻟﻤﻄﺒﺦ ﻓﻜﺮﺕ ﺍﺳﺎﻟﻬﺎ
ﺭﺣﺖ ﻏﺴﻠﺖ ﻭﺟﻬﻲ ﺑﺎﻟﻤﻐﺴﻠﻪ .
ﻭﻃﺒﻴﺖ ﻟﻠﻤﻄﺒﺦ
ﺟﺎﻧﺖ ﺩﺗﻌﻘﻢ ﺍﻟﻤﻤﻪ ﻣﺎﻟﺖ ﺍﺑﻨﻬﺎ
ﻫﺎﺍ ﺭﻭﻧﻖ ﻧﺎﻳﻢ ﺍﻟﻨﻮﻧﻮ
ﺍﻱ ﻭﺍﻟﻠﻪ ﻫﺴﺘﻮﻩ ﻧﺎﻡ ﺧﺒﻠﻨﻲ .
ﺍﻛﻮﻟﺞ ﺭﻭﻧﻖ ﻓﺪﻭﻩ ﻋﻨﺪﻱ ﺣﺠﺎﻳﻪ ﻭﻳﺎﺝ .
ﺍﻱ ﺍﺣﺠﻲ
ﺍﻛﻮﻟﺞ ﺑﺎﻟﻨﺴﺒﻪ ﻟﻤﺮﺕ ﺟﻬﺎﺩ ﺷﻠﻮﻥ ﺟﺎﻧﺖ ﺍﺣﺠﻴﻠﻲ ﻋﻨﻬﺎ .
ﻻﻳﺎﺑﻪ ﻣﺎﻟﻜﻴﺘﻲ ﻏﻴﺮﻱ .
ﻟﻴﺶ ﻣﺤﺪ ﻳﺤﺠﻲ ﻋﻨﻬﺎ ﻭﻣﺤﺪ ﻳﺠﻴﺐ ﺳﻴﺮﺗﻬﺎ
ﺍﺣﺠﻴﻠﻲ ﺍﻧﺖ ﻓﺪﻭﻩ .
ﺍﺳﺎﻟﻲ ﺟﻬﺎﺩ
ﺳﺎﻟﺘﻪ ﻭﻛﻠﺐ ﺍﻟﺪﻧﻴﺎ
ﻳﻤﻌﻮﺩﻩ ﺭﺟﻠﺞ ﺍﺧﺎﻑ ﻣﻨﻪ ﺍﻟﻠﻪ ﻳﻜﻔﻴﻨﻲ ﺷﺮﻩ ﺧﻠﻴﻨﻲ ﺑﻌﻴﺪﻩ ﺍﺭﻭﺡ ﻟﺤﺴﻮﻧﻲ ﻻ ﻳﺎﺫﻱ ﺍﺧﻮ .
ﺯﺍﺩ ﺍﻟﻐﻤﻮﺽ ﻋﻦ ﻣﺮﺕ ﺟﻬﺎﺩ ﻭﻋﻦ ﺟﻬﺎﺩ ﻧﻔﺴﻪ ﺍﻧﺘﻈﺮ ﻛﻮﺍﻛﺐ ﺍﻛﻴﺪ ﻫﻲ ﺍﻟﻲ ﺭﺍﺡ ﺗﺤﺠﻴﻠﻲ .
ﺑﻘﻴﺖ ﻛﺎﻋﺪﻩ ﺑﺎﻟﻤﻄﺒﺦ ﻉ ﺍﻻﺭﺽ ﻭﺍﻟﺪﻣﻌﻪ ﺑﻌﻴﻨﻲ ﻣﺸﺘﺎﻗﻪ ﻷﻣﻲ ﻣﺤﺮﻭﻣﻪ ﺣﺘﻰ ﻣﻦ ﺻﻮﺗﻬﺎ ﻳﺮﺑﻲ ﻟﻴﺶ ﻫﺬﺍ ﺍﻟﺠﺎﻱ ﻳﺼﻴﻴﺮ ﺑﻴﻪ .
ﺍﻟﻌﺼﺮ ﺟﺘﻲ ﻋﻤﺘﻲ ﻭﻫﻢ ﺷﺎﻓﺘﻨﻲ ﻋﻠﻰ ﻫﻲ ﺍﻟﺤﺎﻟﻪ ﻭﻇﻠﺖ ﺗﻮﺍﺳﻴﻨﻲ
ﻭﺗﻮﻋﺪﻧﻲ ﺍﻧﻪ ﻫﻮ ﻳﺘﻐﻴﺮ ﻭﻳﺮﺍﺩ ﺻﺒﺮ ﺑﺲ .
ﺻﺎﺭ ﺍﻟﻤﻐﺮﺏ ﻭﺣﻀﺮﻭﺍ ﺍﻟﻌﺸﺎ ﺑﻘﻴﺖ ﺑﺎﻟﻤﻄﺒﺦ ﻭﻣﺎﺭﺣﺖ ﺗﻌﺸﻴﺖ
ﺻﺎﺣﻮﻧﻲ ﻣﺎﺭﺣﺖ ﻣﺎﺍﺭﻳﺪ ﺍﺷﻮﻓﻪ ﻣﺎﺍﺷﺘﻬﻲ ﺑﻌﻴﺸﺔ ﺍﻟﻠﻪ ﻋﻠﻰ ﺍﻟﺠﺎﻱ ﻳﺴﻮﻱ ﺑﻴﻪ .
ﺻﻌﺪﺕ ﻟﻠﻐﺮﻓﻪ ﻃﺒﻴﺖ ﻟﻠﺤﻤﺎﻡ ﺍﺣﺲ ﺣﻤﻀﺖ ﺑﺎﻟﻤﻄﺒﺦ
ﺳﺒﺤﺖ ﻭﻃﻠﻌﺖ ﺑﺪﻭﻥ ﻣﺎﺍﻣﺸﻂ ﺷﻌﺮﻱ ﻃﻔﻴﺖ ﺍﻟﻀﻮﻩ ﻭﺩﺧﻠﺖ ﺟﻮﻩ ﺍﻟﺒﻄﺎﻧﻴﻪ .
ﻏﻄﻴﺖ ﻛﻞ ﺷﻲ ﺑﻴﻪ ﻭﻇﻠﻴﺖ ﺍﺑﺠﻲ ﺑﺲ ﺻﺪﻯ ﺷﻬﻜﺎﺗﻲ ﺑﺎﻟﻐﺮﻓﻪ ﻣﺴﻤﻮﻉ .
ﺣﺴﻴﺘﻪ ﺩﺧﻞ ﻟﻠﻐﺮﻓﻪ ﻛﺘﻤﺖ ﺍﺻﻮﺍﺕ ﻧﺤﻴﺒﻲ ﺑﺎﻟﻜﻮﻩ ﻋﻠﻴﻪ .
ﺻﺮﺕ ﺍﺷﻢ ﺭﻳﺤﺔ ﺍﻟﺠﻜﺎﻳﺮ ﺑﺨﺸﻤﻲ ﻋﺮﻓﺖ ﺟﺎﻱ ﻳﺪﺧﻦ
ﺩﺧﻞ ﻭﻳﺎﻳﻪ ﺑﺎﻟﻔﺮﺍﺵ ﻭﺳﺤﺒﻨﻲ ﺍﻟﻪ ﻫﻨﺎ ﺍﻧﻲ ﻣﺎﻗﺎﻭﻣﺘﻪ ﻣﺴﺘﺴﻠﻤﻪ ﻣﻮ ﺍﻟﻪ ﻻ ﻭﺍﻧﻤﺎ ﻟﺤﻈﻲ ﺍﻟﻌﺎﺛﺮ .
ﺣﻀﻨﻲ ﺑﻘﻮﻩ ﺷﻬﻜﺖ ﺑﺎﻟﺒﺠﻲ ﻭﻫﻮ ﻣﺨﻠﻴﻨﻲ ﻉ ﺻﺪﺭﻩ ﻭﺣﺎﺿﻨﻲ ﻭﻇﻞ ﻳﻘﺒﻠﻨﻲ ﻭﺍﻧﻲ ﻣﺎﻧﻄﻘﺖ ﺑﻮ ﻻ ﺣﺮﻑ .
ﻳﻬﻤﺲ ﺑﺄﺫﻧﻲ ﺍﻧﻲ ﺍﺣﺒﺞ ﺳﺎﻣﺤﻴﻨﻲ ﻋﻠﻰ ﻋﺼﺒﻴﺘﻲ
ﺍﺣﺲ ﻟﺴﺎﻧﻲ ﺛﻜﻴﻞ ﻧﺴﻴﺖ ﺣﺘﻰ ﺍﻟﻨﻄﻖ .
ﺭﺟﻊ ﻧﻮﻣﻨﻲ ﻉ ﻇﻬﺮﻱ ﻭﺗﻘﺮﺑﻠﻲ ﺑﺪﻭﻥ ﻣﺎﺍﻣﺘﻨﻊ .
ﺧﻠﺺ ﻭﻛﻠﻲ ﺑﺎﺟﺮ ﺍﺫﺍ ﻳﺮﻭﺣﻮﻥ ﺣﺘﻰ ﺗﺮﻭﺣﻴﻦ ﻭﻳﺎﻫﻢ ﻟﻠﺴﻮﻙ ﻭﺭﺍﺡ ﺍﻧﻄﻴﺞ ﻓﻠﻮﺱ ﺍﺷﺘﺮﻱ ﺍﻟﻲ ﻳﻌﺠﺒﺞ .
.. ﺟﻨﻪ ﺟﻨﻪ ﻟﻴﺶ ﻣﺘﺤﺠﻴﻦ
ﻻﺯﻡ ﻭﺟﻬﻲ ﻭﻳﻘﺮﺑﻪ ﻋﻠﻴﻪ ﻭﻳﺤﺎﺟﻴﻨﻲ
ﻟﺞ ﺟﺎﻭﺑﻴﻨﻲ ﺷﺒﻴﺞ .
ﺍﺑﺎﻭﻋﻠﻪ ﻭﺩﻣﻮﻋﻲ ﺗﺠﺮﻱ
ﻭﻫﻮ ﺍﺳﺘﻤﺮ ﻳﺤﺠﻲ ﻭﻳﺎﻳﻪ
ﺟﻨﻪ ﻻﺗﺨﻮﻓﻴﻨﻲ ﻻ ﺗﺨﻠﻴﻨﻲ ﺑﻘﻠﻖ ﻋﻠﻴﺞ ﺣﺎﺟﻴﻨﻲ ﺷﺒﻴﺞ .
ﺩﻓﻌﺘﻪ ﻭﺧﺮﺭﺭ ﻣﻮ ﺍﺧﺬﺕ ﺍﻟﻲ ﺗﺮﻳﺪﻩ ﺑﻌﺪ ﺷﻜﻮﻭ
ﻭﻟﺞ ﺷﻨﻮ ﺍﺧﺬﺕ ﺍﻟﻲ ﺍﺭﻳﺪﻩ ﺍﻧﺖ ﻣﺮﺗﻲ ﻭﻫﺬﺍ ﺣﻘﻲ .
ﻟﻌﺪ ﻫﺬﺍ ﻫﻮﻭﻭ ﻭﺧﺮﺭ .
ﻧﺰﻟﺖ ﻣﻦ ﺍﻟﺴﺮﻳﺮ ﻭﺭﻛﺾ ﻟﻠﺤﻤﺎﻡ ﻗﻔﻠﺘﻪ .
ﺑﻘﻴﺖ ﺑﺎﻟﺴﺎﻋﺎﺕ ﺑﺎﻟﺤﻤﺎﻡ .
ﻟﺤﺪ ﻣﺎﺍﺣﺲ ﺍﻻﻭﻛﺴﺠﻴﻦ ﺧﻠﺺ .
ﻃﻠﻌﺖ ﺷﻔﺘﻪ ﻧﺎﻳﻢ .
ﺍﺧﺬﺕ ﻓﺮﺍﺵ ﻭﻓﺮﺷﺖ ﺟﻮﻩ ﺧﻠﻴﺖ ﺭﺍﺳﻲ ﻉ ﺍﻟﻤﺨﺪﻩ ﺑﺲ ﺍﻓﻜﺮ .
ﺷﺒﻲ ﻭﻟﻴﺶ ﻫﻴﺞ ﻳﺘﺼﺮﻑ ﻭﻳﺎﻳﻪ
ﻣﺮﺍﺕ ﺍﺷﻮﻓﻪ ﻭﺣﺶ ﻭﻣﺮﺍﺕ ﺍﺷﻮﻓﻪ ﺍﻧﺴﺎﻥ ﻫﺎﺩﺉ،ﺣﻨﻮﻥ
ﻟﻮ ﺍﺭﺟﻊ ﻻﻫﻠﻲ ﻟﻮ ﺍﻃﻴﺢ ﻋﻠﻰ ﻋﻠﺘﻪ ﻭﺍﻏﻴﺮﻩ ﻟﺼﺎﻟﺤﻲ .
ﺍﺣﺲ ﺍﻟﻤﺨﺪﻩ ﺷﺒﻌﺖ ﻗﻬﺮ ﻋﻠﻴﻪ ﻭﺷﺮﺑﺖ ﻛﻞ ﻣﺎﻱ ﻋﻴﻮﻧﻲ .
ﻳﻮﻡ ﺛﺎﻧﻲ ﺍﻟﺼﺒﺢ ﻛﻌﺪﺕ ﺍﺟﻪ ﻳﻤﻲ ﻉ ﺍﻟﻔﺮﺍﺵ ﺍﻧﻄﻴﺘﻪ ﻇﻬﺮﻱ ﺣﻈﻨﻲ ﻣﻦ ﺧﺼﺮﻱ ﻭﺍﻧﻲ ﻋﻠﻰ ﻫﺎﻟﺤﻄﻪ
ﻭﻳﺘﻐﺰﻝ ﺑﻴﻪ ﻭﻻ ﺟﻨﻲ ﺍﺳﻤﻊ ﺍﻟﻪ .
ﺟﻨﻪ ﺍﺣﺒﺞ ﺟﻨﻪ .
ﺗﻨﻔﺴﺖ ﻛﺘﻠﻪ ﻟﻴﺤﺐ ﻣﻴﺴﻮﻱ ﻫﻴﺞ .
ﻻﺍﺣﺒﺞ ﻭﻏﺼﺒﺎ ﻋﻠﻴﺞ ﻭﺍﻧﺖ ﻻﺯﻡ ﺗﻌﺮﻓﻴﻦ ﺷﻮﻥ ﺗﺘﻌﺎﻣﻠﻴﻦ ﻭﻳﺎﻱ ﻭﺍﻧﻲ ﺍﻏﻴﺐ ﻋﻨﺞ ﻫﻮﺍﻱ ﻻﺯﻡ ﺗﺘﺤﻤﻠﻴﻨﻲ
ﻭﺧﺮﺕ ﺍﻳﺪﻳﻪ ﻣﻦ ﻋﻠﻰ ﺧﺼﺮﻱ ﻛﺘﻠﻪ ﻳﻌﻨﻲ ﺗﺠﻲ ﺑﻬﺎﻝ 15 ﻳﻮﻡ ﺗﻌﻴﺸﻨﻲ ﺑﺠﺤﻴﻢ ﻫﻢ ﻣﺎﻳﺼﻴﺮ .
... ﻣﻴﺨﺎﻟﻒ ﺍﻣﻮﻥ ﻋﻠﻴﺞ .
ﻳﻠﻪ ﻛﻮﻣﻲ ﻧﺘﺮﻳﻚ ﺣﺘﻰ ﺗﺮﻭﺣﻴﻦ ﻭﻱ ﺍﻣﻲ ﻭﺿﻤﻴﺎﺀ ﻟﻠﺴﻮﻙ .
... ﻣﺎﺭﻭﺡ ﺍﻧﻲ ﻣﻮ ﻣﺎﻝ ﻃﻠﻌﻪ ﻭﺳﻮﻙ ﺍﻧﻲ ﻣﺎﻝ ﻗﻬﺮ ﻭﻇﻴﻢ .
.. ﻳﻼ ﻻﺗﻌﺎﻧﺪﻳﻦ ﻭﻻﺗﺪﻟﻌﻴﻦ ﻭﻛﻮﻣﻲ .
ﻇﻠﻴﺖ ﻣﻌﺎﻧﺪﻩ ﺷﺎﻟﻨﻲ ﻭﺩﺍﻧﻲ ﻟﻠﺤﻤﺎﻡ ﻧﺰﻟﻨﻲ ﻳﻢ ﺍﻟﺪﻭﺵ ﻭﻓﺘﺢ ﻋﻠﻴﻪ ﺍﻟﻤﺎﻱ
ﺳﺒﺤﻨﻴﻴﻲ ﻭﻳﻠﻌﺐ ﻭﻳﺎﻱ ﻭﻻﻛﺎﻧﻪ ﺍﻟﺒﺎﺭﺣﻪ ﺿﺎﺭﺑﻨﻲ ﻭﻣﺄﺫﻳﻨﻲ .
ﺧﻠﺼﻨﺎ ﻭﻃﻠﻌﻨﺎ
ﺗﺮﻳﻜﻨﺎ ﺍﻧﻄﺎﻧﻲ ﻓﻠﻮﺱ ﻛﺎﻝ ﺍﺷﺘﺮﻱ ﺍﻟﻲ ﻳﻌﺠﺒﺞ .
ﻛﺘﻠﻪ ﻣﺎﺷﻲ .
ﺭﺣﻨﻪ ﻟﻠﺴﻮﻙ ﻃﺒﻌﺎ ﺳﻮﻛﻬﻢ ﻣﺎﺍﻋﺮﻓﻪ ﺑﺲ ﺍﺧﺘﻪ ﺍﺧﺘﺎﺭﺕ ﺳﻮﻙ ﺑﻐﺪﺍﺩ ﺍﻟﺠﺪﻳﺪﻩ .. ﻃﻠﻌﻨﻪ ﻭﺍﺣﺴﻪ ﻣﻤﻘﺘﻨﻊ ﻻﻥ ﺭﺍﻳﺤﻪ . ﻭﺟﻬﺎﺩ ﻭﻇﻞ ﻳﻨﻄﻲ ﺍﻭﻣﺮ ﻣﺨﻼﻧﻲ ﺍﺧﻠﻲ ﻣﻜﻴﺎﺝ ﻭﻟﺒﺴﺖ ﻋﺒﺎﻳﻪ ﻭﻛﺎﻝ ﺍﻟﺒﺴﻲ ﺟﻮﺍﺭﻳﺐ ﻭﺍﻧﻲ ﻣﺎﻋﻨﺪﻱ ﻭﺍﺧﺘﻪ ﻫﻢ ﻣﺎﻋﺪﻫﺎ ﻏﻠﺴﺖ ﻋﻠﻴﻬﻦ ﻭﻣﺎﻟﺒﺴﺖ ﻛﻠﺖ ﺍﺷﻮﻭ ﺭﺟﻠﻴﻪ ﺟﻨﻬﻦ ﺟﻮﺍﺭﻳﺐ
ﻟﺒﺴﺖ ﺑﺪﻱ ﻃﻮﻳﻞ ﺑﻴﺠﻲ ﻭﺑﻨﻄﺮﻭﻥ ﺟﻮﺯﻱ ﻭﺷﺎﻝ ﺑﻴﺠﻲ ﻭﺣﺬﺍﺀ ﻓﻼﺕ ﺑﻴﺠﻴﻪ ﻭﻟﺒﺴﺖ ﺍﺍﻟﻌﺒﺎﻳﻪ ﺑﻲ ﺭﺩﻥ ﻣﻄﺮﺯ ﺣﻠﻮﺓ ﻭﺣﻄﻴﺖ ﺑﺲ ﻛﺤﻞ .
ﻃﻠﻌﻨﻪ ﺷﻔﻨﻪ ﺟﻬﺎﺩ ﻭﺍﻛﻒ ﺑﺎﻟﺒﺎﺏ
ﺣﺴﻴﺖ ﺍﻧﻘﺒﺾ ﻗﻠﺒﻲ ﻛﻠﺖ ﻫﺴﻪ ﻳﺮﺟﻌﻨﻲ ﺍﻭ ﻳﺰﻓﻨﻲ ﺣﺎﻭﻟﺖ ﻣﺎﺍﺭﻓﻊ ﺭﺍﺳﻲ ﻛﺎﻝ ﻫﺎﺍﺍ ﺭﺍﻳﺤﻴﻦ
ﺟﺎﻭﺑﺘﻪ ﻋﻤﺘﻲ ... ﺍﻱ ﺭﺍﻳﺤﻴﻦ
ﻛﺎﻝ ﺍﺻﻌﺪﻭﺍ ﺍﻧﻲ ﺍﻭﺻﻠﻜﻢ ﻭﺑﺎﻟﻔﻌﻞ ﺻﻌﺪﻧﻪ ﻋﻤﺘﻲ ﻛﻌﺪﺕ ﺑﺎﻟﺼﺪﺭ ﻭﺍﻧﻲ ﻭﺭﻩ ﺣﺎﻭﻟﺖ ﻣﺎﺭﻓﻊ ﺭﺍﺳﻲ ﻣﺴﺎﻓﺔ ﺍﻟﻄﺮﻳﻖ ﻭﺻﻠﻨﻪ ﻭﻧﺰﻟﻨﻪ ﻫﻮ ﺭﺍﺡ ﻛﺎﻝ ﺧﺎﺑﺮﻭﻧﻲ ﻭﺍﻧﻲ ﺍﺟﻴﻜﻢ
ﻧﺰﻟﻨﻪ ﻭﺍﻧﻲ ﻓﺮﺣﺎﻧﻪ ﺑﺸﻜﻞ ﺍﻟﺴﻮﻙ ﺟﺪﻳﺪ ﻋﻠﻴﻪ ﻭﻛﺒﻴﺮ ﻭﺑﻲ ﺷﻐﻼﺕ ﺣﻠﻮﺓ ﺗﻌﺒﻨﻪ ﺣﻴﻴﻴﻴﻞ ﺿﻤﻴﺎﺀ ﻣﺨﻠﺖ ﺷﻐﻠﻪ ﻣﺎﺍﺷﺘﺮﺗﻬﺎ ﻭﺫﻭﻗﻬﺎ ﺻﻌﺐ ﻛﻮﻩ ﺗﻘﺘﻨﻊ ﺑﺸﻐﻠﻪ ﺗﻌﺒﺘﻨﻪ ﺣﻴﻴﻴﻞ
ﺑﻌﺪﻫﺎ ﺩﺧﻠﻨﻪ ﻣﺤﻞ ﻟﻼﺣﺬﻳﻪ ﻭﺟﻨﻂ ﺟﺎﻥ ﻛﻮﻭﻭﻟﺶ ﺭﺍﻗﻲ ﻋﻤﺘﻲ ﺩﺧﻠﺖ ﻟﻠﻤﺤﻞ ﺍﻟﻲ ﺑﺼﻔﻪ ﻃﻜﺘﻨﻲ ﺍﻟﺸﻤﺲ ﻭﺗﻌﺒﺖ ﺣﻴﻞ ﺍﺣﺲ ﻟﺤﺬﺍﺀ ﻛﺼﺖ ﺭﺟﻠﻲ .. ﻛﻌﺪﺕ ﻋﻠﻰ ﺍﻟﻜﺮﺳﻲ ﻓﺤﻄﺎﻧﻪ
ﻭﺿﻤﻴﺎﺀ ﺗﻀﺤﻚ ﻋﻠﻴﻪ .. ﻭﻟﺞ ﺍﻟﻤﺎﻳﻌﻪ ﻃﻠﻌﺘﻲ ﻣﺘﺘﺤﻤﻠﻴﻦ ﻭﺟﻬﺞ ﺻﺎﺭ ﺍﺣﻤﺮ ﺷﻠﻮﻥ ﺟﻨﺘﻲ ﻣﺘﺤﻤﻠﻪ ﺣﺮ ﺍﻟﺒﺼﺮﺓ
ﺟﺎﻭﺑﺘﻬﺎ .. ﻭﻟﺞ ﺍﺳﻜﺘﻲ ﻭﺍﻟﻠﻪ ﺗﻌﺒﺖ
ﺍﺟﻪ ﺍﺑﻮ ﺍﻟﻤﺤﻞ ﺟﺎﻥ ﺷﺎﺏ ﺣﻠﻮ ﺣﻴﻴﻞ ﻭﻣﺮﺗﺐ ﺷﻌﺮﻩ ﻣﻲ ﻧﺎﺯﻝ ﻣﻨﺎ ﻭﻣﻨﺎ ﻗﺪﻣﻠﻲ ﻛﻼﺹ ﻣﻲ ﻣﺴﻠﻔﻦ
ﺍﺳﺘﻐﺮﺑﺖ ﺑﺲ ﺍﺧﺬﺗﻪ ﻓﺘﺤﺘﻪ ﺍﻧﻄﻴﺖ ﻟﻀﻤﻴﺎﺀ ﺷﺮﺑﺖ ﻭﺷﺮﺑﺖ ﻭﺭﺍﻫﺎ
ﻛﺎﻝ ﺗﻔﻀﻠﻲ ﺍﻟﻤﺤﻞ ﻛﻮﻟﻪ ﻛﺪﺍﻣﺞ
ﺍﺑﺘﺴﻤﺖ ﺑﺎﺍﺭﺗﺒﺎﻙ ﺟﺎﻭﺑﺘﻪ ﺷﻜﺮﺍ
ﺟﺎﺑﺘﻠﻲ ﺻﻤﻴﺎﺀ ﺍﻟﺤﺬﺍﺀ ﻟﺒﺴﺘﻬﺎ
ﻛﺎﻝ ﻭﺍﻟﻠﻪ ﺍﻧﺘﻲ ﺯﺩﺗﻲ ﻟﺤﺬﺍﺀ ﺟﻤﺎﻝ
ﺷﻔﺖ ﻧﻀﺮﺍﺕ ﺿﻤﻴﺎﺀ ﺍﻟﻐﺎﺿﺒﻪ ﻭﺍﻧﻲ ﺍﺭﺗﺒﻜﺖ
ﻛﺎﻝ ﺭﺟﻠﻴﺞ ﺑﻴﺾ ﺍﺧﺘﺎﺭﻱ ﺍﻟﻤﺎﺭﻭﻧﻲ
ﺿﻤﻴﺎﺀ ﻛﺎﻟﺖ ﺑﻌﺼﺒﻴﻪ .. ﻛﻮﻣﻲ ﺍﻡ ﺳﺠﺎﺩ ﺍﻻﺣﺬﻳﻪ ﻣﺤﻠﻮﻩ
ﻫﻮ ﺟﺎﻭﺑﻬﺎ .. ﺍﻫﺎﺍﺍ ﺷﻮﻛﺖ ﺻﺎﺭﺕ ﺍﻡ ﺳﺠﺎﺩ ﻓﺪﻭﺓ ﻃﻠﻌﺖ ﻣﺰﻭﺟﻪ
ﻃﻠﻌﻨﻪ ﻣﻦ ﺍﻟﻤﺤﻞ ﻭﺿﻤﻴﺎﺀ ﺗﺴﺐ ﺑﺎﺍﺑﻮ ﺍﻟﻤﺤﻞ ﻭﺍﻧﻲ ﺧﻔﺖ ﻭﺍﻫﺪﻱ ﺑﻴﻬﺎ
ﺍﺟﺖ ﻋﻤﺘﻲ ﺟﺎﻧﺖ ﻗﺮﻳﺒﻪ ﻣﻨﻪ ﻭﻃﻠﻌﻨﻪ
ﻣﻦ ﺍﻟﺴﻮﻙ
ﺧﺎﺑﺮﻧﻪ ﺟﻬﺎﺩ ﻛﺎﻝ ﻣﺸﻐﻮﻝ ﻭﺑﻌﻴﺪ ﻋﻨﻜﻢ ﺍﻧﺘﻮﺍ ﺍﺭﺟﻌﻮﺍ .
ﻋﺎﺩ ﻧﺮﻳﺪ ﻧﺮﺟﻊ ﺿﻤﻴﺎﺀ ﺭﺍﺩﺕ ﻛﻢ ﺷﻐﻠﻪ ﻭﻫﻢ ﺭﺟﻌﻨﺎ ﺍﻓﺘﺮﻳﻨﺎ .
ﺑﻌﺪﻫﺎ ﺭﺟﻌﻨﻪ ﺑﺘﻜﺴﻲ ﻟﻠﺒﻴﺖ .
* ﺟﻬﺎﺩ
ﺭﺟﻌﺖ ﻟﻠﺒﻴﺖ ﻭﻫﻨﻪ ﺑﻌﺪﻫﻦ ﻣﺎﺟﺎﻳﺎﺕ
ﺻﻌﺪﺕ ﻓﻮﻙ ﺭﻳﺤﺖ ﺷﻮﻱ
ﺑﻌﺪﻫﺎ ﻧﺰﻟﺖ ﺟﻮﻩ
ﺳﻤﻌﺖ ﺻﻮﺕ ﺿﺤﻚ ﺻﺎﺩﺭ ﻣﻦ ﺍﻟﻤﻄﺒﺦ ﺗﻘﺮﺑﺖ ﻟﻠﺼﻮﺕ
ﺍﺳﻤﻌﻬﺎ ﺩﻛﻮﻟﻬﺎ ﻭﺍﻟﻠﻪ ﺑﻌﺪ ﻣﺎﺍﺧﺬﺝ ﻭﻳﺎﻳﻪ ﻟﻠﺴﻮﻙ ﻛﻮﻟﻪ ﻓﻜﺖ ﺣﻠﻜﻬﺎ ﻋﻠﻴﺞ
ﺿﺤﻜﺖ ﺑﺼﻮﺕ ﻧﺎﻋﻢ .. ﻫﻬﻬﻬﻪ ﻭﺍﻟﻠﻪ ﺿﺤﻜﺖ ﻋﻠﻴﺞ ﻣﻦ ﺩﻛﻮﻟﻴﻦ ﺍﻡ ﺳﺠﺎﺩ
ﺿﻤﻴﺎﺀ ﺩﻛﻮﻟﻬﺎ ... ﺍﻱ ﻭﻟﺞ ﺧﺒﻠﻨﻲ ﺷﻠﻮﻥ ﻳﺒﺎﻭﻉ ﻋﻠﻴﺞ ﺍﻛﻠﺞ ﺑﻨﻀﺮﺍﺗﻪ ﻭﻳﻜﻮﻝ ﺭﺟﻠﻴﻬﺎ ﺑﻴﺾ ﻳﺨﺒﻞ ﻋﻠﻴﻬﺎ ﺍﻟﻤﺎﺭﻭﻧﻲ
ﺟﻨﻪ ... ﻫﻬﻬﻬﻬﻬﻪ ﻭﺍﻧﻲ ﻟﺜﻮﻟﻪ ﻣﺎﻟﺒﺴﺖ ﺟﻮﺍﺭﻳﺐ ﻭﺟﻬﺎﺩ ﺣﺬﺭﻧﻲ ﻋﻮﻭﺩ
ﺩﺧﻠﺖ ﻋﻠﻴﻬﻦ ﺑﻌﺼﺒﻴﻪ .. ﺷﻔﺘﻬﻦ ﻛﻤﺰﻥ ﻣﻦ ﻣﻜﺎﻧﻬﻦ ﻭﺣﺪﻩ ﺭﺩﻣﺖ ﺑﺜﺎﻧﻴﻪ
ﺟﻬﺎﺩ ﺑﻌﺼﺒﻴﻪ ... ﻭﻟﺞ ﻛﻠﺒﻪ ﺷﻨﻮﻭﻭ ﻫﺬﺍ ﺍﻟﺤﺠﻲ ﻣﻜﻴﻔﻪ ﺣﻤﺎﺭﺓ ﻟﻴﻮﻡ ﺍﻟﻪ ﺍﻧﻬﻴﺞ
ﺟﻨﻪ ... ﺷﻤﺮ ﻟﻜﻼﺹ ﻋﻠﻴﻪ ﺍﻧﺮﻛﻊ ﺑﺎﻟﺤﺎﻳﻂ ﺿﻠﻴﻨﻪ ﻧﺮﺟﻒ
ﺍﺟﺖ ﻛﻮﺍﻛﺐ ﻭﺍﻣﻪ ﺗﺮﻛﺾ .
ﺍﻣﻪ ﻟﺰﻣﺘﻪ ... ﺣﺒﻴﺒﻲ ﺟﻬﺎﺩ ﻋﻠﻲ ﻛﻴﻔﻚ ﺷﺒﻴﻚ ﺗﺨﺒﻠﺖ
ﺟﻬﺎﺩ ﺑﻌﺼﺒﻴﻪ ... ﺍﻱ ﺗﺨﺒﻠﺖ ﺗﺨﺒﻠﺖ ﻛﻞ ﻣﺎﺍﺭﻳﺪ ﺍﻋﺪﻝ ﺍﺳﻠﻮﺑﻲ ﻭﻳﺎﻫﺎ ﺗﺮﺟﻌﻨﻲ ﻟﻠﺼﻔﺮ ﻣﻜﻴﻔﻪ ﻭﺗﺘﻤﻀﺤﻚ ﺯﺣﻔﻮﻟﻬﺎ ﺑﺴﻮﻙ
ﺟﻨﻪ ﺑﺨﻮﻭﻑ .. ﻭﺍﻟﻠﻪ ﻭﺍﻟﻠﻪ ﺣﺘﺊ ﺿﻤﻴﺎﺀ ﺗﻌﺎﺭﻛﺖ ﻭﻳﺎﻩ ﺍﻧﻲ ﻣﺎﻟﻲ ﺷﻐﻞ
ﺗﻘﺮﺏ ﻣﻨﻲ ﻭﻫﻮ ﻳﺘﻬﺪﺩ ﻭﺍﻣﻪ ﻻﺯﻣﺘﻪ ﻣﺎﻟﺞ ﺷﻐﻞ ﻫﺎﺍﺍﺍ؟؟؟
ﺍﻻﻡ .. ﺑﻌﺼﺒﻴﻪ ... ﻭﻟﺞ ﺿﻤﻴﺎﺀ ﻃﻠﻌﻴﻬﺎ ﻭﺭﻭﺣﻲ ﻟﻐﺮﻓﺘﻲ
ﺧﻄﻴﻪ ﺿﻤﻴﺎﺀ ﻃﻠﻌﺘﻨﻲ ﻭﺍﻧﻲ ﻋﻴﻮﻧﻲ ﻣﺮﺍﻗﺒﺘﻪ ﺧﺎﻑ ﻳﺨﻄﻔﻨﻲ ﻣﻦ ﺑﻴﻨﻬﻦ ﻭﻫﻮ ﺑﻌﺪﻩ ﻳﺘﻬﺪﺩ
ﻧﺰﻟﺖ ﺭﻭﻧﻖ ﺗﺮﻛﺾ ﺷﻜﻮ ﺷﻜﻮ ﺷﺼﺎﻳﺮ
ﺿﻤﻴﺎﺀ ... ﻣﺎﻛﻮ ﺷﺊ ﺑﺲ ﻃﻠﻌﻨﻪ ﺟﻨﻪ ﺗﻬﺮﻳﺐ
ﺭﻭﻧﻖ ... ﻟﻴﺶ ﺷﺒﻲ ﺟﻬﺎﺩ
ﺿﻤﻴﺎﺀ ﺩﻭﻟﻲ ﻫﺴﻪ ﺍﻧﻲ ﺭﻭﺡ ﺍﺷﺮﺣﻠﺞ
ﻛﻮﺍﻛﺐ ﻣﺪﺕ ﺭﺍﺳﻬﺎ ﻣﻦ ﺑﺎﺏ ﻟﻤﻄﺒﺦ ﻫﺎﺍﺍ ﺭﻭﻧﻖ ﻫﺴﻪ ﺍﺟﻲ ﺍﺳﻮﻟﻔﻠﺞ
ﺭﺣﻨﻪ ﻟﻠﻐﺮﻓﻪ ﻭﺍﻧﻲ ﺿﺠﺖ ﺿﻠﻴﺖ ﺍﺣﺠﻲ
ﻋﺎﺑﺖ ﺍﻟﺸﺎﻳﺐ ﺍﻟﻤﺮﺍﻫﻖ ﻋﻮﺩ ﻳﻐﺎﺭ ﻟﻤﺜﻠﻪ ﺗﻘﺎﻋﺪﻭﺍ ﻋﻦ ﻗﻠﺔ ﺍﻻﺩﺏ ﻭﺍﺣﻼﻡ ﺍﻟﻴﻘﻀﻰ ... ﺍﻭﻝ ﻣﺮﺓ ﺍﺷﻮﻑ ﺷﺎﻳﺐ ﻳﻐﺎﺭ
ﺿﻤﻴﺎﺀ ﺗﻀﺤﻚ ... ﻫﻤﻪ ﺷﻴﺎﺏ ﻫﻴﺞ ﻋﻘﻮﻟﻬﻢ
ﻭﺑﻌﺪ ﻣﺎﻟﺘﻘﻴﺖ ﺑﻲ . ﺑﺲ ﻣﻦ ﺗﺼﺮﻓﻪ ﻫﺬﺍ ﻗﺮﺭﺕ ﺍﺧﺎﺑﺮ ﺍﻫﻠﻲ ﻭﺍﺣﺠﻲ ﻟﻤﺤﻤﺪ ﻭﻋﻼ ﻋﻠﻰ ﺳﻮﺍﻟﻔﻪ ﺑﻠﻜﻲ ﻳﺤﺎﺟﻮﻧﻪ ﺷﻨﻮ ﺍﻧﻲ ﺗﺎﻳﻬﻪ ﻫﻴﺞ ﻳﻌﺎﻣﻠﻨﻲ ﺍﻣﺎ ﻛﻮﺍﻛﺐ ﺍﻟﻪ ﺍﺧﻠﻴﻬﻪ ﺗﺤﺠﻴﻠﻲ ﻋﻦ ﻣﺮﺗﻪ ﻻﺯﻡ ﺍﻋﺮﻑ ﺷﻨﻮ ﺳﺮ ﺍﻟﻐﻤﻮﺽ ﺍﻟﻲ ﻳﺤﻴﻂ ﺑﻴﻬﺎ .
ﻟﻠﺤﻜﺎﻳﻪ ﺑﻘﻴﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء