رواية سحر المقابر الجزء الرابع
للكاتبة زينب ماجد
...
ﻭﺻﻠﻨﻲ ﻟﻠﺒﺎﺏ ﻛﺘﻠﻬﻢ ﺷﻜﺮﺍ ﻫﻮﻩ ﺑﺎﻭﻋﻠﻲ ﻛﺎﻝ ﺍﺩﻟﻠﻲ ﻭﺍﺑﺘﺴﻢ .. ﻣﺎ ﺍﻋﺮﻑ ﺍﺑﺘﺴﻤﺖ ﺑﻮﺟﻬﺎ ﺍﺑﺘﺴﺎﻣﻪ ﻋﻔﻮﻳﻪ ﻫﻴﺞ ﺍﺟﺖ ﺑﺪﻭﻥ ﻗﺼﺪ ﺑﺲ ﺷﻜﺪ ﺍﺳﺘﺤﻴﺖ ﻣﻨﻬﺎ
ﺍﻳﻬﺎﺏ .. ﻳﺎﻓﺮﺣﺘﻲ ﻣﻦ ﺿﺤﻜﺖ ﺑﻮﺟﻬﻲ .. ﺍﺣﺲ ﻣﻠﻜﺖ ﺍﻟﺪﻧﻴﺎ .. ﺩﺧﻠﺖ ﻟﻠﺒﻴﺖ ﺷﻤﺮﺕ ﺍﻟﺴﻮﻳﺞ ﻣﺎﻝ ﺍﻟﺴﻴﺎﺭﻩ ﻭﻛﻤﺖ ﺍﺭﺩﺡ
ﻭﻳﺸﻴﺐ ﺍﻟﺮﺍﺱ ﻳﺎ ﻋﺸﻚ ﺍﻟﺰﻏﻴﺮﻭﻥ 👏👏👏 ﻫﻠﻪ ﻫﻠﻪ 👏💃💃💃...👏 ﻛﺎﻋﺪ ﺍﺭﻛﺺ ﻭﻳﻪ ﺭﻭﺣﻲ ﺑﺎﻭﻋﺘﻠﻲ ﺍﻣﻲ ..
ﺍﻻﻡ .. ﻫﺎﻱ ﺷﺒﻴﻚ ﻳﻤﻪ ﺍﺗﺨﺒﻠﺖ
ﺍﻳﻬﺎﺏ .. ﻳﻤﻪ ﺍﺑﻨﺞ ﻋﺎﺷﻚ ﻫﻠﻪ ﻫﻠﻪ ﻫﻠﻪ 💃💃👏👏
ﺍﻻﻡ .. ﻳﺎ ﺍﻟﻠﻪ ﻣﻨﻴﻪ ﻳﻤﻪ ﻛﻮﻝ ﺍﺧﻄﺒﻠﻜﻴﺎﻫﺎ ..
ﺍﻳﻬﺎﺏ .. ﻫﺎﺍﺍ 😐 ﻳﻤﻪ ﺑﻌﺪﻫﺎ ﺻﻐﻴﺮﻩ ﻣﺎ ﺍﺿﻦ ﺍﻫﻠﻬﺎ ﻳﻮﺍﻓﻘﻮﻥ
ﺍﻻﻡ .. ﺩﻛﻮﻝ ﻣﻨﻮ ﻫﻴﻪ ﺍﻛﻮ ﻭﺣﺪﻩ ﺗﺮﻓﺾ ﺍﺑﻨﻲ ﺍﻟﻤﻬﻨﺪﺱ ﻛﻮﻝ ﻳﻤﻪ ﻛﻮﻝ
ﺍﻳﻬﺎﺏ .. ﺍﺍﺍﺍﺍ ﺳﻨﺎ ﺑﻨﺖ ﺍﺑﻮ ﻣﺴﻠﻢ .. ﺑﺲ ﻭﺩﺍﻋﺘﺞ ﻳﻤﻪ ﺣﺐ ﺷﺮﻳﻒ ﻣﻴﺖ ﺍﻟﻴﻬﺎ ﻭﻫﻴﻪ ﻣﻤﺒﺎﻭﻋﺘﻠﻲ ﻭﺍﻧﻲ ﻣﻴﺖ ﺑﺨﺠﻠﻬﺎ
ﺍﻻﻡ .. ﻫﺎﻱ ﺗﺤﺠﻲ ﺻﺪﻙ ﻃﻔﻠﻪ ﻫﺎﻱ ﻣﻮ ﺯﻏﻴﺮﻩ .. ﻳﻤﻪ ﺍﻧﻪ ﺍﺭﻳﺪ ﺍﺯﻭﺟﻚ ﻭﺍﻧﺘﻪ ﻋﺎﺷﻜﻠﻲ ﻃﻔﻠﻪ .. ﺍﻧﻲ ﻣﺨﻴﻠﻪ ﻋﻠﻪ ﺑﺖ ﺧﺎﻟﺘﻚ ﺗﺨﺒﻞ ﺑﻴﻀﻪ ﻭﺣﻤﺮﻩ ﺗﺒﺮﻙ ﺍﺧﻄﺒﻬﺎ ﺍﻟﻚ
ﺍﻳﻬﺎﺏ .. ﺧﺐ ﻭﺍﻟﻠﻪ ﻟﻮ ﺗﺼﻴﺮ ﻧﺎﻧﺴﻲ ﻋﺠﺮﻡ ﻣﺎ ﺍﺭﻳﺪ ﺍﻻ ﺳﻨﺎ ﺍﻡ ﺷﻌﺮ ﺍﻟﻄﻮﻳﻞ .. ﻟﻮ ﺍﻋﺮﻑ ﺍﺗﺎﻧﻴﻬﺎ ﻃﻮﻝ ﻋﻤﺮﻱ ﻣﺎ ﺍﺭﻳﺪ ﻏﻴﺮﻫﺎ
ﺍﻻﻡ .. ﻳﺎﺳﺘﺎﺭ ﻳﺎﺭﺑﻲ ﺷﻨﻮ ﻳﻤﻪ ﺳﺎﺣﺮﺗﻠﻚ ﻫﺎﻱ .. ﺍﻋﺮﻓﻬﺎ ﺍﻣﻬﺎ ﻣﻮ ﺧﻮﺵ ﻣﺮﻩ ﺍﺩﻭﺭ ﺳﻮﺍﻟﻒ ﺳﺤﺮ ﻭﻫﻴﺞ ﺍﺑﺘﻌﺪ ﻋﻨﻬﻢ ﻳﻤﻪ
ﺍﻳﻬﺎﺏ .. ﻫﻠﻠﻪ ﻫﻠﻠﻪ ﻫﻠﻠﻪ ﺑﺴﺎﻉ ﺳﻮﻳﺘﻴﻬﺎ ﺍﻡ ﺍﻟﺴﺤﻮﺭﻩ ﻣﻮ ﺟﻴﺮﺍﻧﻪ ﻭﻧﻌﺮﻓﻬﻢ ﺑﺴﺎﻉ ﺷﻤﺮﺗﻲ ﻋﻠﻴﻬﻢ ﺗﻬﻤﻪ .. ﻭﻋﻠﻴﻤﻦ ﺗﺴﻮﻱ ﺳﺤﺮ ..
ﻫﻴﻪ ﺑﺘﻬﺎ ﺑﻌﺪﻫﺎ ﺑﻜﺪ ﺍﻟﻜﻒ ﺣﺘﻪ ﻣﻤﻔﻜﺮﻩ ﺗﺰﻭﺟﻬﺎ .. ﺍﻟﺒﻨﻴﻪ ﺍﻋﻔﺎﺀ ﻋﺎﻡ ﺧﻮ ﻣﺎ ﻣﺜﻞ ﺑﻨﺘﺞ ﺩﻭﺍﻭﻳﺢ ﺣﻤﺮ ﺗﺘﺮﺱ ﺍﻟﺸﻬﺎﺩﻩ
ﺍﻻﻡ .. ﻫﺎﻱ ﻣﻦ ﻫﺴﻪ ﻋﻴﺮﺕ ﺍﺧﺘﻚ ﻭﻣﺪﺣﺖ ﺑﻬﺎﻱ ﻟﻌﺪ ﻟﻮ ﺗﺼﻴﺮ ﻋﺪﻙ ﺷﺘﺴﻮﻱ .. ﺍﺳﺘﺮﺟﻞ ﻳﻤﻪ ﻻ ﺗﺼﻴﺮ ﺍﺧﻮ ﻣﺮﻳﺘﻚ
ﺍﻳﻬﺎﺏ .. ﺧﺐ ﻳﻤﻪ ﺷﺒﻴﺞ ﻳﺎ ﺳﺘﺎﺭ ﻫﻮﻩ ﺑﻌﺪﻧﻲ ﺑﺲ ﻣﻌﺠﺐ ﺑﻴﻬﺎ ﻭﻛﻞ ﻫﻠﺤﺠﻲ ﺣﺠﻴﺘﻲ ﻟﻮ ﺍﺗﺰﻭﺝ ﺷﺘﺴﻮﻳﻦ ﺗﻬﺠﺠﻴﻬﺎ
ﺍﻻﻡ .. ﻭﺍﻟﻠﻪ ﻳﻤﻪ ﺍﻧﺴﻪ ﻫﺴﺎﻟﻔﻪ .. ﺍﻧﻲ ﺍﺭﻳﺪ ﺍﻓﺮﺡ ﺑﻴﻜﻢ ﻗﺒﻞ ﻻ ﺍﻣﻮﺕ ﺷﻨﻮ ﺗﺮﻭﺡ ﺗﻨﺘﻀﺮ ﺑﺖ ﺍﻟﻌﺎﻟﻢ ﺷﻮﻛﺖ ﺗﻜﺒﺮ
ﺍﻳﻬﺎﺏ .. ﻳﻤﻪ ﻭﺍﻟﻠﻪ ﻭﻋﻠﻲ ﻣﺎ ﺍﺗﺰﻭﺝ ﻏﻴﺮﻫﺎ ﻣﺎ ﺍﺭﻳﺪ ﺳﺪﻱ ﺍﻟﺴﺎﻟﻔﻪ
ﺍﻻﻡ .. ﺯﻳﻦ ﺍﺭﻭﺡ ﺍﺧﻄﺒﻬﺎ ﻭﺍﺣﺠﺰﻫﺎ ﺍﻟﻚ ﺍﺫﺍ ﻣﺎ ﻗﺒﻠﻮ ﺍﺧﻄﺒﻠﻚ ﺑﻨﺖ ﺧﺎﻟﻚ
ﺍﻳﻬﺎﺏ .. ﺗﺨﻄﺒﻴﻬﺎ ﻭﺗﺤﺠﺰﻳﻬﺎ .. ﺍﻣﻤﻢ ﻓﻜﺮﺕ ﺑﻴﻬﺎ ﺧﻮﺵ ﻓﻜﺮﻩ ﺑﻠﻜﺖ ﻫﻴﺞ ﻭﻳﻮﺍﻓﻘﻮﻥ ﻭﺍﺑﻘﻰ ﺍﺗﻮﺍﺻﻞ ﻭﻳﺎﻫﺎ ﻭﺗﺮﺑﻰ ﻋﻠﻪ ﺍﻳﺪﻱ ﻣﻦ ﻫﻴﻪ ﻭﺻﻐﻴﺮﻩ ﺍﻧﻲ ﺍﻋﻠﻤﻬﺎ ﻋﻠﻪ ﻛﻞ ﺳﻮﺍﻟﻒ ﺍﻟﺪﻧﻴﺎ
ﻛﺘﻠﻬﺎ ﻣﺎﺷﻲ ﻣﻮﺍﻓﻖ ..
ﺳﻨﺎ .. ﺭﺟﻌﺖ ﻣﻦ ﺍﻟﻤﺪﺭﺳﻪ ﺍﻭﻭﻑ ﻳﺎ ﻓﺮﺣﺘﻲ ﺑﻲ ﺍﺣﺲ ﺭﻭﺣﻲ ﻃﺎﻳﺮﻩ .. ﺩﺧﻠﺖ ﺍﻟﺴﺎﻋﻪ 10 ﻭﻧﺺ ﻟﻠﺒﻴﺖ .. ﺩﺧﻠﺖ ﻏﺮﻓﺘﻲ
ﺑﻘﻴﺖ ﺍﺑﺎﻭﻉ ﺑﺎﻟﻤﺮﺍﻳﺎ ﻭﺍﺿﺤﻚ ﻭﺍﻋﺪﻝ ﺑﺸﻌﺮﻱ ﻭﺍﺳﻮﻱ ﻫﻴﺞ 😗 ﻭﺍﺳﻮﻱ ﺣﺮﻛﺎﺕ ﻭﻳﻪ ﺭﻭﺣﻲ ﺑﺎﻟﻤﺮﺍﻳﺎ ﻭﺍﺩﻧﺪﻥ
....
....
ﻫﺎﻱ ﻋﻴﻮﻧﻚ ﻻ ﻳﺎﺑﻪ ﻻ ﻻ ﻳﺎﺑﻪ .. ﻣﺎ ﻣﻌﻘﻮﻟﻪ ﻻ ﻳﺎﺑﻪ ﻻ ﻻ ﺑﺎﺑﻪ )
ﻭﺍﺩﻙ ﻭﺍﺭﻛﺺ ﻭﻳﻪ ﺭﻭﺣﻲ .. ﺩﺧﻠﺖ ﺍﺧﺘﻲ ﻛﺎﻟﺖ ﻫﺎ ﻭﻟﺞ ﺍﺷﻮ ﺗﻐﻨﻴﻦ ﻭﺗﻀﺤﻜﻴﻦ ﻭﻳﻪ ﺭﻭﺣﺞ .. ﻛﺘﻠﻬﺎ .. ﺭﺑﻰ .. ﻣﺎ ﺍﻋﺮﻑ ﻟﺞ ﻫﻴﺞ ﻓﺮﺣﺎﻧﻪ ﺍﻛﻮ ﺑﺪﺍﺧﻠﻲ ﻣﺸﺎﻋﺮ ﻭﻓﺮﺡ ﻣﻴﻨﻮﺻﻒ
ﺭﺑﻰ .. ﺷﻜﻮ ﻭﻟﺞ ﺍﺣﺠﻴﻠﻲ ..
ﺳﻨﺎ .. ﺗﻌﺮﻓﻴﻦ ﺍﻳﻬﺎﺏ ﺍﺑﻦ ﺍﻡ ﺳﺘﺎﺭ
ﺭﺑﻰ .. ﺍﻳﻴﻴﻴﻲ ﻭﺷﺒﻴﻪ 😒
ﺳﻨﺎ .. ﻟﺞ ﻣﻌﺠﺐ ﺑﻴﻪ ﻭﺍﻧﻲ ﻫﻢ ﻣﻌﺠﺒﻪ ﺑﻴﻪ
ﺭﺑﻰ .. ﺳﻨﺎﺍﺍﺍ .. ﻗﺎﻃﻌﺘﻨﻲ
ﺳﻨﺎ .. ﺑﺲ ﻭﺍﻟﻠﻪ ﻣﻮ ﺍﻟﻠﻲ ﺍﺑﺎﻟﺞ ﺍﺑﺪ ﻣﺎ ﺑﻴﻨﺎﺗﻨﺎ ﺷﻲ ﻏﻴﺮ ﻧﻀﺮﺍﺕ ﺣﺐ ﻋﻔﻮﻳﻪ ﻭﺣﺘﻪ ﺍﻧﻲ ﻣﺎ ﺍﺑﺎﻭﻋﻠﻪ ﺍﺑﺪ ﺑﺲ ﻣﻦ ﻳﻤﺮ ﻣﻦ ﻳﻤﻲ ﻳﺒﻘﻰ ﻛﻠﺒﻲ ﻳﺪﻙ ﺑﺴﺮﻋﻪ
ﺭﺑﻰ .. ﻟﺞ ﺳﻨﺎ ﻣﻦ ﻛﻞ ﻋﻘﻠﺞ ﺍﻳﻬﺎﺍﺍﺍﺍﺏ ﻭﻟﺞ ﺟﺒﻴﺮ .. ﻫﺬﺍ ﺑﻠﻌﺐ ﻋﻠﻪ ﻋﻘﻠﺞ
ﺳﻨﺎ .. ﻫﺎﻱ ﺷﺒﻴﺞ ﺭﺑﻰ ﻫﻮﻩ ﺷﻨﻮ ﺍﻟﺒﻴﻨﺎﺗﻨﺎ ﻭﻳﻠﻌﺐ ﻋﻠﻴﻪ ﺍﻛﻮﻟﻬﺎ ﻭﺍﻟﻠﻪ ﺑﺲ ﻧﻀﺮﺍﺕ ﻭﻣﻨﻪ ﻣﻮ ﻣﻨﻲ .. ﺑﺲ ﺍﻧﻲ ﻋﻨﺪﻱ ﻣﺸﺎﻋﺮ ﺍﺗﺠﺎﻫﻪ ﻣﺎ ﺍﻋﺮﻑ ﺍﺣﺲ ﺭﻭﺣﻲ
ﺭﺑﻰ .. ﺳﻨﺎ ﺩﻳﺮﻱ ﺑﺎﻟﺞ ﻣﻨﻪ
ﺳﻨﺎ .. ﻫﻮﻭﻭﻭﻑ ﺍﻧﺸﺎﻟﻠﻪ ﺍﻓﺘﻬﻤﺖ .. ﺩﺭﺕ ﻭﺟﻬﻲ ﻟﻠﻤﺮﺍﻳﻪ ﺍﺧﺬﺕ ﺍﻟﻤﺸﻂ ﻭﻣﺸﻄﺖ ..
ﻛﻤﻠﺖ ﺭﺣﺖ ﺍﻟﺸﺒﺎﻙ ﺑﻴﺘﻬﻢ ﻋﻠﺼﻔﺤﻪ ﻣﺎﻝ ﺑﻴﺘﻨﺎﻭ ﺑﻌﻴﺪ ﺑﻴﻨﺎﺗﻨﺎ 7 ﺑﻴﻮﺕ ﺗﻘﺮﻳﺒﺎ ﻳﻌﻨﻲ ﻣﺎ ﺍﻛﺪﺭ ﺍﺷﻮﻑ ﺑﺎﺑﻬﻢ
ﺑﻘﻴﺖ ﻻﺯﻣﻪ ﺍﻟﺸﺒﺎﻙ ﺑﻠﻜﺖ ﻳﻤﺮ .. ﻣﺎﻛﻮ .. ﺳﻤﻌﺖ ﺍﻻﺫﺍﻥ ﺭﺣﺖ ﺻﻠﻴﺖ .. ﻭﻗﺮﻳﺖ .. ﺩﺍ ﺍﻗﺮﻩ ﺻﺎﺣﺖ ﻣﺎﻣﺎ ﺗﻌﺎﻟﻦ ﺍﺗﻐﺪﻥ .. ﻧﺰﻟﺖ .. ﺍﻟﻠﻪ ﺳﻤﻤﻤﻤﻤﻤﻤﺞ 😍 ﻋﺸﻘﻲ
ﻣﺴﻮﻳﺘﻪ ﻣﺎﻣﺎ ﺷﻮﻱ ﻭﻣﺰﻳﻨﺘﻪ ﺑﺎﻟﺼﻠﺼﻪ ﺍﻟﺜﻮﻣﻴﻪ ﻭﺍﻟﻠﻴﻤﻮﻥ ﻭﺍﻟﺒﺼﻞ .. ﻃﺎﻟﻊ ﻳﺨﺒﻞ .. ﺍﻛﻠﻨﺎ ﻛﻤﻠﻨﺎ ﻏﺴﻠﻨﺎ ﺍﻳﺪﻧﺎ ..
ﻭﺭﺣﻨﺎ ﻧﻀﻔﻨﺎ .. ﻛﻤﻠﻨﺎ ﺭﺣﻨﺎ ﺍﺧﺬﻧﻪ ﻏﻔﻮﻩ ﺷﻮﻱ ﺍﻟﻀﻬﺮ .. ﻛﻌﺪﺕ ﺍﻟﺴﺎﻋﻪ 4 ﺩﺧﻠﺖ ﺳﺒﺤﺖ ﻭﺑﺪﻟﺖ ﻋﺼﺮﻳﺎﺕ ﺳﻮﻳﻨﺎ ﺟﺎﻱ ﻭﻛﻌﻚ ﻭﻛﻌﺪﻧﺎ ﺍﻧﻲ ﻭﺍﻣﻲ ﻭﺭﺑﻰ ﻧﺴﻮﻟﻒ
ﻟﺸﻮﻱ ﺍﻧﺪﻛﺖ ﺍﻟﺒﺎﺏ .. ﻃﻠﻌﺖ ﻣﺎﻣﺎ ﻓﺘﺤﺖ ﺍﻟﺒﺎﺏ .. ﻃﻠﻌﺖ ﺍﻡ ﺳﺘﺎﺭ ﻭﻭﻳﺎﻫﺎ ﻣﺮﻩ .. ﻛﺎﻟﺖ ﻣﺎﻣﺎ ﺳﻮﻭ ﺟﺎﻱ ﻭﻛﻌﻚ ﻟﻠﻀﻴﻮﻑ
ﺍﻧﻲ ﺷﻔﺘﻬﺎ ﺍﻡ ﺳﺘﺎﺭ ﻃﺎﺭ ﻛﻠﺒﻲ ﻫﺎﻱ ﺍﻡ ﺍﻟﺤﺐ ﻫﻬﻬﻬﻪ .. ﺭﺑﻰ ﺣﻤﺖ ﺍﻟﺠﺎﻱ ﻭﺍﻧﻲ ﺧﻠﻴﺖ ﺍﻟﻜﻌﻚ ﺑﺎﻟﻤﺎﻋﻮﻥ ..
ﺭﺣﻨﺎ ﻗﺪﻣﻨﺎ ﺍﻟﻤﻲ ﻭﺍﻟﻌﺼﻴﺮ ﻭﺍﻟﻜﻌﻚ ﻭﻃﻠﻌﻨﺎ ﻛﻌﺪﻧﺎ ﺑﺎﻟﻬﻮﻝ ﻭﺍﻟﺨﻄﺎﺭ ﺑﺎﻟﺪﻳﻮﺍﻧﻴﻪ .. ﺑﻘﻴﻨﺎ ﻧﺘﺼﻨﺖ .. ﻳﺴﻮﻟﻔﻦ ﺍﻡ ﺳﺘﺎﺭ ﻫﻮﺍﻱ ﺗﺴﻮﻟﻒ ﺑٲﻳﻬﺎﺏ
ﻋﺮﻓﺖ ﻗﺴﻤﻪ ﻣﻬﻨﺪﺱ ﻧﻔﻂ .. ﻭﺍﺍﺍﺍﻭ ﻳﻌﻨﻲ ﺗﺤﻔﻪ .. ﺑﻘﺖ ﺗﺤﺠﻲ ﺑﻴﻪ ﻭﺗﻨﻔﺦ ﻫﺎﻱ ﺷﻜﻮ ﺣﺎﺳﻪ ﺑﺸﻲ .. ﻟﺸﻮﻱ ﺗﻜﻮﻟﻬﺎ ﺍﻡ ﻣﺴﻠﻢ ﺍﺭﻳﺪ ﺑﻨﺘﺞ ﺳﻨﺎ ﻷﺑﻨﻲ ﺍﻳﻬﺎﺏ
ﻓﺘﺤﺖ ﻋﻴﻮﻧﻲ ﻫﻴﺞ ..😮 ﻫﺎﻱ ﻋﻮﺩ ﺻﺪﻭﻙ .. ﺭﺑﻰ ﺿﻠﺖ ﺗﻀﺤﻚ .. ﻛﺎﻟﺖ ﻭﻟﺞ ﻫﺬﺍ ﻃﻠﻊ ﺻﺪﻭﻙ ﻳﺤﺒﺞ .. ﺿﺤﻜﺖ ..
ﻛﺘﻠﻬﺎ ﺑﺎﻋﻲ ﻛﻠﺒﻲ ﺣﺲ ﺑﺤﺒﻪ ﻭﺣﺒﻴﺘﻪ ..😌 ﺑﺲ ﺍﻛﻴﺪ ﺟﻨﺖ ﺍﻋﻮﻑ ﺭٲﻱ ﻣﺎﻣﺎ ﺑﺪﻭﻥ ﻣﺘﻜﻮﻝ ﺍﻱ ﺷﻲ ﺍﻋﺘﺬﺭﺕ ﺣﺘﻠﻮ ﻋﻨﺪﻱ ﻣﺸﺎﻋﺮ ﺍﻟﻪ ﻣﻮﻣﻌﻘﻮﻟﻪ ﺍﺗﺰﻭﺝ ﻫﺴﻪ
ﺑﻌﺪﻧﻲ ﻫﺴﻪ ﻳﻠﻪ ﻧﺠﺤﺖ ﻟﻠﺜﺎﻧﻲ ﻣﺘﻮﺳﻂ ﺍﺭﻳﺪ ﺍﻛﻤﻞ ﺩﺭﺍﺳﻪ .. ﺍﻣﻲ ﻛﺎﻟﺘﻬﻢ ﻧﺘﺸﻮﻑ ﻭﻋﻠﻌﻴﻦ ﻭﻋﻠﺮﺍﺱ ﺑﺲ ﺍﻟﺒﻨﻴﻪ ﺑﻌﺪﻫﺎ ﺻﻐﻴﺮﻩ ﻭﻣﻨﺮﻳﺪ ﻧﺰﻭﺟﻬﺎ ﻭﻭﻣﺨﻠﻴﻦ ﺍﺑﺎﻟﻬﺎ ﻫﻴﺞ ﻓﻜﺮﻩ
...
...
ﺑﻘﺖ ﺗﻜﻠﻬﺎ ﺍﺑﻨﻲ ﻣﺎ ﻳﻨﺮﺩ ﻭﺍﺑﻨﻲ ﺍﻟﻒ ﻭﺣﺪﻩ ﺗﺘﻤﻨﺎ ﺑﺲ ﻻﻥ ﺍﺣﻨﻪ ﺟﻴﺮﺍﻥ ﻭﻧﻤﻮﻥ ﻋﻠﻪ ﺑﻌﺾ ﺍﺟﻴﻨﻪ ﻧﺎﺧﺬ ﻣﻨﻜﻢ .. ﺍﻻ ﺍﻟﺒﻨﺎﺕ ﻳﺘﻤﻨﻦ ﺷﻌﺮﻩ ﻣﻦ ﺭﺍﺱ ﺍﻳﻬﺎﺏ
ﺍﻣﻲ ﻛﺎﻟﺘﻬﺎ ﺷﺎﻳﻒ ﺍﻟﻒ ﺧﻴﺮ ﺷﻨﺮﻳﺪ ﻣﻨﻪ ﺑﺲ ﻳﻢ ﺳﺘﺎﺭ ﺑﺘﻨﻪ ﺻﻐﻴﺮﻩ ﺍﺫﺍ ﻳﺮﻳﺪ ﻳﺘﺰﻭﺝ ﺑﻜﻴﻔﻪ .. ﺷﻨﺮﻳﺪ ﻣﻨﻪ ﻗﺎﺑﻞ
ﺣﺴﻴﺖ ﺍﻣﻪ ﺿﺎﺟﺖ ﻭﻃﻠﻌﺖ .. ﺳﻮﻳﺖ ﻧﻔﺴﻲ ﻣﺎ ﺍﺩﺭﻱ ﺑﻜﻮﻟﺸﻲ .. ﻛﺘﻠﻬﺎ ﻣﺎﻣﺎ ﻋﺸﻨﻮ ﺟﺎﻳﻴﻦ ﻛﺎﻟﺖ ﻻ ﻫﻴﺞ ﺗﺴٲﻝ ﻋﻠﻪ ﻧﺎﺱ ﺑﺎﻟﻤﻨﻄﻘﻪ .. ﻛﺘﻠﻬﺎ ﺍﻣﻤﻤﻢ
……… .
ﺍﻳﻬﺎﺏ .. ﻫﺎ ﻳﻤﻪ ﺑﺸﺮﻱ ﺷﺼﺎﺭ
ﺍﻻﻡ .. ﻣﺎ ﻗﺒﻠﻮ ﻳﻜﻮﻟﻮﻥ ﺍﻟﺒﻨﻴﻪ ﺻﻐﻴﺮﻩ .. ﻣﻌﻠﻴﻚ ﺑﻴﻬﻢ ﻳﻤﻪ ﺍﻧﺘﻪ ﺷﺎﺏ ﺗﺨﺒﻞ ﻭﻋﻴﻦ ﺍﻟﻠﻪ ﻋﻠﻴﻚ ﻭﺍﻟﻒ ﻭﺣﺪﻩ ﺗﺘﻤﻨﺎﻙ
ﺍﻳﻬﺎﺏ .. ﻳﻤﻪ ﻭﺍﻧﻲ ﻣﺎ ﺍﺗﻤﻨﻪ ﻏﻴﺮ ﺳﻨﺎ
ﺍﻻﻡ .. ﺍﻳﻬﺎﺏ ﻻ ﺗﻠﻌﺐ ﻭﻳﺎﻱ ﺍﺗﻔﻘﺖ ﻭﻳﺎﻱ ﺍﺫﺍ ﻣﺎ ﻭﺍﻓﻘﻮ ﺍﺧﻄﺒﻠﻚ ﺑﺖ ﺧﺎﻟﺘﻚ
ﺍﻳﻬﺎﺏ .. ﻳﻤﻪ ﻻ ﺍﺗﻔﺎﻕ ﻭﻻ ﺷﻲ ﻛﺘﻠﺞ ﺍﻧﻲ ﻣﺎ ﺍﺷﻮﻑ ﻏﻴﺮﻫﺎ ﻭﺍﺫﺍ ﺻﻐﻴﺮﻩ ﻭﻣﺎﻓﻘﻮ ﻋﺎﺩﻱ ﻛﻢ ﺳﻨﻪ ﺗﻜﺒﺮ ﻭﺍﺧﺬﻫﺎ
ﺍﻻﻡ .. ﺍﻳﻬﺎﺏ ﻻ ﺗﺘﻌﺎﻧﺪ ﻭﻳﺎﻱ ﺟﻮﺯ ﻣﻦ ﺫﻭﻟﻪ .. ﻓﻮﻙ ﻣﺎ ﺭﺩﻭﻧﺎ ﻭﻣﺎ ﺍﺣﺘﺮﻣﻮﻧﻪ ﺗﺮﻳﺪ ﺗﺎﺧﺬ ﻣﻨﻬﻢ
ﺍﻳﻬﺎﺏ .. ﻳﻤﻪ ﻣﺎ ﺍﺣﺘﺮﻣﻮﺝ ﺷﻨﻮ ﻣﺎ ﺿﻴﻔﻮﺝ ﻣﺎ ﺩﺧﻠﻮﺝ .. ﻏﻴﺮ ﺑﺘﻬﻢ ﺻﻐﻴﺮﻩ ﻭﺭﻓﻀﻮ .. ﻫﺴﻪ ﺍﻧﺘﻲ ﺗﻘﺒﻠﻴﻦ ﺗﺰﻭﺟﻴﻦ ﻏﺪﻳﺮ ﻏﻴﺮ ﺻﻐﻴﺮﻩ .. ﻋﻔﺘﻬﺎ ﻭﻃﻠﻌﺖ
………………
ﺳﻨﺎ .. ﻣﺮ 4 ﺍﺷﻬﺮ ﻭﺭﺟﻌﺖ ﺩﺍﻭﻣﺖ ﺛﺎﻧﻲ ﻣﺘﻮﺳﻂ .. ﻭﺍﻳﻬﺎﺏ ﺍﺷﻮﻓﻪ ﻣﺮﺍﺍﺍﺍﺍﺍﺍﺍﺍﺕ ﻗﻠﻴﻠﻪ .. ﺑﺲ ﺍﺑﺪ ﻣﺎ ﺍﺑﺎﻭﻉ ﺑﻮﺟﻬﺎ ﺍﺳﺘﺤﻲ
ﻭﻫﻮﻩ ﻫﻢ ﺍﺑﺪ ﻣﺤﺠﻪ ﻣﺠﺮﺩ ﺑﺲ ﻳﺒﺎﻭﻋﻠﻲ .. ﻣﺸﺎﻋﺮ ﻣﻜﺘﻮﻣﻪ .. ﻓﺪ ﻳﻮﻡ ﺍﺟﻪ ﺍﺣﻤﺪ ﺧﻄﻴﺐ ﺭﺑﻰ .. ﻛﺎﻝ ﺍﻻﺳﺒﻮﻉ ﺍﻟﺠﺎﻱ ﺯﻭﺍﺟﻨﺎ
ﻣﺎ ﺍﻋﺮﻑ ﻓﺮﺣﺖ ﻻﺧﺘﻲ ﺑﺲ ﺍﻟﻐﺼﻪ ﺑﻜﻠﺒﻲ ﺷﻠﻮﻥ ﺣﺘﺮﻭﺡ ﻣﻨﻲ ﺷﻠﻮﻥ ﺣﻔﺎﺭﻛﻬﺎ .. ﻓﺮﺣﺘﻠﻬﺎ ﻭﺍﻟﺪﻣﻌﻪ ﺑﻌﻴﻨﻲ ﺗﻠﻤﻊ
ﺑﻘﺖ ﻧﺠﻬﺰ ﺍﻟﻌﺮﺳﻬﺎ .. ﻧﻈﻔﻨﺎ ﺍﻟﺒﻴﺖ ﻭﻏﻴﺮﻧﺎ ﺑﺎﻟﺪﻳﻜﻮﺭ ﺷﻮﻱ .. ﺭﺭﺣﺖ ﻫﻴﻪ ﻟﻠﺼﺎﻟﻮﻥ ﺗﻌﺪﻝ ﻭﺭﺣﺖ ﻭﻳﺎﻫﺎ ﺑﺲ ﻣﺎﻣﺎ ﺍﺑﺪ ﻣﻘﺒﻠﺖ ﻛﻮﻟﺸﻲ ﺍﺳﻮﻱ ﻻ ﺍﺧﺬ ﺧﻴﻂ ﻟﺤﺎﺟﺒﻲ ﻭﻻ ﻟﻮﺟﻬﻲ
ﺗﻜﻮﻝ ﻣﻤﻨﻮﻉ ﻟﺤﺪ ﻣﺘﺘﺰﻭﺟﻴﻦ .. ﺍﻭﻭﻭﻑ ﻳﺎ ﻣﺎﻣﺎ .. ﺷﻮﻛﺖ ﺗﺘﻄﻮﺭﻳﻦ .. ﻣﺠﺮﺩ ﺳﻮﻳﺖ ﺗﻨﻀﻴﻒ ﺑﺸﺮﻩ ﻭﺳﻮﻳﺖ ﺟﺴﻤﻲ ﻭﻳﺎﻫﺎ ﺭﺟﻠﻴﻪ ﻭﺍﺩﻳﻪ
ﺍﺟﺖ ﻳﻮﻡ ﺍﻟﺤﻨﻪ ﺑﺎﻟﺒﻴﺖ ﺟﺎﻧﺖ ﺍﺧﺘﻲ ﻣﻼﻙ ﺗﺨﺒﻞ ﺍﻧﻲ ﻟﺒﺴﺖ ﻓﺴﺘﺎﻥ ﻣﺎﺭﻭﻧﻲ ﻗﺼﻴﺮ ﻭﻋﻘﺪ ﻛﺮﺳﺘﺎﻝ ﻧﺎﺯﻙ .. ﻭﺳﻮﻳﺖ ﺗﺴﺮﻳﺤﻪ ﻟﺸﻌﺮﻱ ﻋﻠﻪ ﻃﻮﻟﻪ
ﺻﺎﺭ ﻳﺨﺒﻞ .. ﺍﺟﺖ ﻏﺪﻳﺮ ﻭﺍﻡ ﺍﻳﻬﺎﺏ ﺳﻠﻤﺖ ﻋﻠﻴﻬﻢ ﻭﻭﻛﻔﺖ ﻏﺪﻳﺮ ﺗﺮﻛﺺ ﻭﻳﺎﻳﻪ .. ﻭﺍﻡ ﺍﻳﻬﺎﺏ ﺍﺑﺪ ﻣﻨﺰﻟﺖ ﻋﻴﻨﻬﺎ ﻋﻨﻲ ﻭﺗﺒﺎﻭﻋﻠﻲ ﺑﺘﻌﺠﺮﻑ
ﻋﺮﻓﺖ ﻻﻥ ﺭﻓﻀﺘﻬﻢ ﻣﺎﻣﺎ .. ﻛﺎﻟﺘﻠﻲ ﻏﺪﻳﺮ .. ﻟﺞ ﺳﻮﻧﻪ ﺷﻄﺎﻟﻌﻪ ﻭﺍﻟﻠﻪ ﺗﺨﺒﻠﻴﻦ .. ﻛﺘﻠﻬﺎ ﻣﻦ ﺫﻭﻗﺞ ﺣًِــ ℓσνє ـًِﺒٌُﻲُ .. ﻛﺎﻟﺖ ﺍﺷﻮ ﻣﻨﺒﻴﻨﻪ ﻓﺮﺣﺎﻧﻪ ﻟﻴﺶ
ﻛﺘﻠﻬﺎ ﺗﻌﺮﻓﻴﻦ ﺷﻜﺪ ﺍﺣﺐ ﺍﺧﺘﻲ ﻭﻣﺎ ﻓﺮﺣﺎﻧﻪ ﺑﺰﻭﺍﺟﻬﺎ ﻻﻥ ﺣﻴﺨﻠﻪ ﺍﻟﺒﻴﺖ ﻋﻠﻴﻪ .. ﻭﺭﺍﺡ ﺍﻓﺘﻘﺪﻫﺎ .. ﻛﺎﻟﺖ ﺣﺒﻴﺒﺘﻲ ﺍﻟﻠﻪ ﻳﺨﻠﻴﻬﺎ ﺍﻟﺞ .. ﺿﺤﻜﺖ ﺑﻮﺟﻬﺎ ..
ﻛﻤﻠﺖ ﺍﻟﺤﻨﻪ ﻭﺻﺎﺭ ﻳﻮﻡ ﺍﻟﻌﺮﺱ ﺟﻨﻪ ﻣﺨﺒﻮﺻﻴﻦ ﻓﺪ ﻣﺮﻩ .. ﺭﺣﺖ ﻭﻳﻪ ﺭﺑﻰ ﻟﻠﺼﺎﻟﻮﻥ .. ﺍﺑﺎ . ﻋﻠﻬﺎ ﻭﺍﺑﺠﻲ ﺑﺴﻜﻮﺕ .. ﺍﺧﺎﻑ ﺍﺣﺴﺴﻬﺎ ﺑﺲ ﻣﺒﻴﻦ ﻣﻦ ﻋﻴﻮﻧﻲ ﻭﺭﻣﻦ
...
...
ﺗﺴٲﻟﻨﻲ ﻭﺍﻛﻮﻟﻬﺎ ﻣﻦ ﺍﻟﻨﻌﺎﺱ ﻻﻥ ﻣﻨﺎﻳﻤﻪ .. ﻛﻠﻤﺖ ﻫﻴﻪ ﺍﻧﻲ ﻟﺒﺴﺖ ﺑﻨﻄﺮﻭﻥ ﺍﺯﺭﻙ ﻭﻗﻤﻴﺺ ﺍﺣﻤﺮ ﻭﺍﻛﺴﺴﻮﺍﺭﺍﺕ ﻭﺣﺠﺎﺏ
ﻭﺭﺟﻌﻨﺎ ﻟﻠﺒﻴﺖ ﺑﺲ ﺍﺭﻳﺪ ﻋﻴﻮﻧﻲ ﻳﻮﻛﻔﻦ ﻣﻦ ﺍﻟﺪﻣﻮﻉ ﻣﺎﻛﻮ .. ﻛﻞ ﻣﺎ ﺍﺑﺎﻭﻋﻠﻬﺎ ﻭﺍﻋﺮﻑ ﺍﻟﻴﻮﻡ ﺗﺮﻭﺡ ﻣﻦ ﺩﻣﻮﻋﻲ ﻳﺠﺮﻥ ..
ﺑﻘﻴﺖ ﻛﺎﻋﺪﻩ ﺑﺎﻟﻤﻄﺒﺦ .. ﺍﺑﺠﻲ .. ﻟﺤﺪ ﻣﻜﺎﻟﻮ ﺍﺟﺖ ﺍﻟﺰﻓﻪ .. ﻣﺴﺤﺖ ﺩﻣﻮﻋﻲ ﻭﻃﻠﻌﺖ ﺍﺟﻪ ﺍﺣﻤﺪ ﻛﻌﺪ ﻳﻤﻬﺎ ﻭﺑﻘﻮ ﻳﺼﻔﻜﻮﻥ ﻭﻳﺮﻛﺼﻮﻥ
ﺍﺑﺘﺴﻤﺖ ﻭﺍﺻﻔﻚ ﻭﺍﻟﺤﺰﻥ ﻣﺎﻛﻞ ﻛﻠﺒﻲ ﻋﻠﻴﻬﺎ .. ﺍﻧﻮﺏ ﺍﺟﻪ ﺍﺑﻮ ﺍﺣﻤﺪ ﻛﻮﻣﻬﻢ ﺭﺑﻰ ﺷﺒﻜﺖ ﺍﻣﻲ ﻭﺑﻘﺖ ﺗﺒﺠﻲ ﺍﻣﻲ ﻛﺎﻟﺘﻠﻬﺎ
ﻟﺘﺒﺤﻴﻦ ﻟﻴﺨﺮﺏ ﻣﻜﻴﺎﺟﺞ .. ﺍﻧﻮﺏ ﺑﺎﻭﻋﺘﻠﻲ ﻭﻣﺪﺕ ﺍﻳﺪﻫﺎ ﻋﻠﻴﻪ .. ﻭﻛﻌﺖ ﻭﻛﻤﺖ ﺍﺷﻬﻚ ﺑﺤﻈﻨﻬﺎ ﻭﺍﻛﻮﻟﻬﺎ ﺭﺑﻰ ﻟﺘﺮﻭﺣﻴﻦ ﺍﺑﻘﻲ ﻳﻤﻲ
ﺿﻠﺖ ﺗﺒﺠﻲ ﻭﺍﺣﻤﺪ ﻳﻜﻮﻟﻲ ﻭﺍﻟﻠﻪ ﺍﺟﻴﺒﻬﺎ ﺍﻟﺞ ﺑﺲ ﺍﻟﻴﻮﻡ ﺧﻠﻴﻬﺎ ﺍﻟﻲ .. ﺑﻌﺪﺕ ﻣﻨﻬﺎ . ﻭﻛﺘﻠﻬﻢ ﺍﻟﻠﻪ ﻳﻬﻨﻴﻜﻢ .. ﻣﺴﺨﺖ ﺩﻣﻮﻋﻲ ﺑﺴﺮﻋﻪ ﺭﺣﺖ ﻏﺴﻠﺖ ﻭﺟﻬﻲ ﻭﻃﻠﻌﺖ
ﻭﻫﻢ ﺍﺑﺎﻭﻋﻠﻬﺎ ﻭﺩﻣﻮﻋﻲ ﻳﺠﺮﻥ .. ﻃﻠﻌﺖ ﺍﻟﺴﻴﺎﺭﻩ ﻣﺎﻝ ﺍﻟﺰﻓﻪ ﻣﻦ ﺍﻟﺒﻴﺖ ﺟﻦ ﺍﺧﺬﻭ ﺭﻭﺣﻲ .. ﻛﺎﻋﺪ ﺍﺑﺠﻲ ﻭﻃﻠﻌﺖ ﻣﻦ ﺑﺎﺏ ﺍﻟﺸﺎﺭﻉ ﺍﻧﻀﺮﺑﺖ ﺑﺸﺨﺺ
ﺭﻓﻌﺖ ﻋﻴﻨﻲ ﺍﻳﻬﺎﺏ .. ﻧﺴﻴﺖ ﻧﻔﺴﻲ ﻭﻧﺴﻴﺖ ﺣﺘﻪ ﺭﺑﻰ ﺑﻘﻴﺖ ﺻﺎﻓﻨﻪ ﺑﻌﻴﻮﻧﻪ ..😳😳😳 ﻫﻮﻩ ﻫﻢ ﺻﺎﻓﻦ ﺑﻮﺟﻬﻲ
ﺍﺧﺬ ﺍﻟﻤﻨﺪﻳﻞ ﻣﺎﻟﺘﻪ ﻭﺍﻧﻄﺎﻧﻴﺎﻩ .. ﻛﺎﻝ ﺍﻣﺴﺤﻲ ﺩﻣﻮﻋﺞ .. ﺍﻧﺘﺒﻬﺖ ﻋﻠﻪ ﻧﻔﺴﻲ .. ﺍﺧﺬﺕ ﺍﻟﻤﻨﺪﻳﻞ ﻣﻦ ﺍﻳﺪﻩ ﻭﻛﺘﻠﻪ ﺷﻜﺮﺍ
ﻭﺩﻧﻜﺖ ﻭﻣﺸﻴﺖ .. ﺻﻌﺪﺕ ﺳﻴﺎﺭﺍﺕ ﺍﻟﺰﻓﻪ . ﺍﻟﻨﺎﺱ .. ﺗﺼﻔﻚ ﻭﺗﺮﻛﺺ ﻭﻣﻮﺳﻴﻘﻰ ﻋﺎﻟﻲ .. ﺑﺲ ﺍﻧﻲ ﺳﺎﺭﺣﻪ ﺑﻌﺎﻟﻢ ﻏﻴﺮ ﻋﺎﻟﻤﻬﻢ .. ﺑﻘﻴﺖ ﺍﻓﻜﺮ ﺑٲﻳﻬﺎﺏ
ﺷﻠﻮﻥ ﺣﻠﻮ ﻭﻣﺮﺗﺐ ﻭﻟﺤﻴﺘﻪ ﺍﺑﺪ ﻣﺘﺮﻭﺡ ﻣﻦ ﺑﺎﻟﻲ .. ﻭﻧﻀﺮﺗﻪ ﺍﻟﻠﻲ ﺗﺎﺧﺬ ﻋﻘﻠﻲ .. ﻟﺸﻮﻱ ﺷﻔﺖ ﺍﺧﺘﻲ ﺑﺴﻴﺎﺭﺓ ﺍﻟﻌﺮﺱ ﺗﺒﺎﻭﻋﻠﻲ .. ﺍﺑﺘﺴﻤﺖ ﺍﻟﻬﺎ
ﺩﺧﻠﻨﺎ ﺑﻴﺖ ﺍﻟﻌﺮﻳﺲ .. ﻭﻧﺰﻟﻮ ﺭﻛﺺ ﻭﻣﻮﺳﻴﻘﻰ ﻭﺩﺑﭻ .. ﺍﻧﻲ ﻭﺍﻛﻔﻪ ﻭﺍﺑﺎﻭﻉ ﻋﻠﻴﻬﻢ .. ﻛﻤﻠﻨﺎ ﺍﺗﻌﺸﻴﻨﺎ .. ﺍﺟﻮ ﺭﺍﺩﻭ ﻳﺰﻓﻮﻥ ﺍﻟﻌﺮﻭﺳﻴﻦ
ﺯﻓﻮﻫﻢ ﻟﻐﺮﻓﺘﻬﻢ .. ﻟﺸﻮﻱ ﻛﺎﻟﻮ ﺍﺻﻌﺪﻭ ﺳﻠﻤﻮ ﻋﻠﻴﻬﺎ ﻗﺒﻞ ﻻ ﺗﺮﺣﻮﻥ .. ﺻﻌﺪﺕ ﺑﻘﻴﺖ ﺑﺲ ﺍﺑﺠﻲ ﻋﻠﻴﻬﺎ ﻭﺍﻛﻮﻟﻬﺎ ﺷﻠﻮﻥ ﺣﻨﺎﻡ ﻭﺍﻧﺘﻲ ﻣﻤﻮﺟﻮﺩﻩ ﻭﻳﺎﻳﻪ ﺑﺎﻟﻐﺮﻓﻪ
ﺷﻠﻮﻥ ﺭﺍﺡ ﺍﺩﺧﻞ ﺍﻟﺒﻴﺖ ﻭﺍﻧﺘﻲ ﻣﺎﻛﻮ .. ﺑﻘﻴﺖ ﺍﺑﺠﻲ ﻭﻫﻴﻪ ﺗﺒﺠﻲ .. ﻟﺤﺪ ﻣﺎ ﺳﺤﺒﻮﻧﻲ ﻣﻨﻬﺎ ﻭﻃﻠﻌﻨﺎ ﺍﻟﺴﻴﺎﺭﻩ ﺧﻠﺼﺘﻬﺎ ﺑﺠﻲ
ﻭﺻﻠﻨﺎ ﺍﻟﻔﺮﻉ ﻣﺎﻟﺘﻨﺎ ﻓﺘﻨﺎ ﻣﻦ ﺑﺎﺏ ﺑﻴﺖ ﺍﻡ ﺳﺘﺎﺭ ﺷﻔﺖ ﺳﻴﺎﺭﺓ ﺍﻳﻬﺎﺏ ﺻﺎﻓﻪ ﺑﺎﻟﺒﺎﺏ .. ﺍﺗﺬﻛﺮﺗﻪ ﺷﻠﻮﻥ ﺻﻔﻦ ﺑﻌﻴﻮﻧﻲ ﻭﺍﻧﻄﺎﻧﻲ ﺍﻟﻤﻨﺪﻳﻞ
ﺩﺧﻠﺖ ﻟﻠﺒﻴﺖ ﻭﺭﺑﻰ ﻣﺎﻛﻮ .. ﺍﻭﻭ ﻳﺎ ﺩﻣﻮﻉ ﺍﻟﻌﻴﻦ ﺻﺒﻲ .. ﺭﺣﺖ ﻟﻠﻐﺮﻓﻪ ﻭﺍﺑﺎﻭﻉ ﻟﻤﻜﺎﻧﻬﺎ .. ﻛﻤﺖ ﺩﺍ ﺍﺑﺪﻝ ﻭﻛﻊ ﺍﻟﻤﻨﺪﻳﻞ ﻣﻦ ﺟﻴﺒﻲ ﻣﺎﻝ ﺍﻟﺒﻨﻄﺮﻭﻥ
ﺩﻧﻜﺖ ﺍﺧﺬﺗﻪ ﻭﺷﻤﻴﺘﻪ ﺍﻭﻭﻭﻑ ﻋﻄﺮﻩ ﻳﺨﺒﻞ ﺍﺑﺘﺴﻤﺖ .. ﺑﺪﻟﺖ ﻣﻼﺑﺴﻲ .. ﻭﻃﻠﻌﺖ ﻛﻌﺪﺕ ﺑﺎﻟﺒﻠﻜﻮﻧﻪ ﺍﻟﻠﻲ ﺍﻃﻞ ﻋﻠﺸﺎﺭﻉ ﻭﻃﻔﻴﺖ ﺍﻟﻀﻮﻩ ﺣﺘﻪ ﻣﺤﺪ ﻳﺸﻮﻓﻨﻲ
ﻛﺎﻋﺪﻩ ﺍﺑﺎﻭﻉ ﻋﻠﻔﺮﻉ ﻭﺍﺷﻢ ﻫﻮﻩ .. ﻭﺍﺷﺘﻢ ﺑﺎﻟﻤﻨﺪﻳﻞ ﻣﺎﻟﺘﻪ .. ﺟﺎﻥ ﻳﻄﻠﻊ ﻫﻮﻩ ﺑﺴﻴﺎﺭﺗﻪ ﻣﺮ . ﻛﻤﺖ ﻋﻠﻪ ﺣﻴﻠﻲ ﻣﻦ ﺍﻟﻔﺮﺣﻪ ..
ﻫﻮﻩ ﺍﻧﺘﺒﻪ ﺑﺴﺮﻋﻪ ﻭﻛﻒ ﺍﻟﺴﻴﺎﺭﻩ ﻭﺍﺑﺘﺴﻢ .. ﺩﻧﻜﺖ ﻭﻛﻌﺪﺕ .. ﺍﺑﺎﻭﻋﻠﻪ ﻣﻦ ﺍﻟﺪﻧﻜﻪ ﻣﺎﻝ ﺍﻟﺴﻴﺎﺝ ﻭﺧﺠﻼﻧﻪ ﺷﻠﻮﻥ ﻫﻴﺞ ﺳﻮﻳﺖ ﻳﺒﻮﻭﻭﻩ ﻋﺰﺯﺯﻩ
…… .
ﺍﻳﻬﺎﺏ .. ﻭﻛﻔﺖ ﺑﺎﻟﺰﻓﻪ ﻣﺎﻝ ﺑﺖ ﺑﻴﺖ ﺍﺑﻮ ﻣﺴﻠﻢ .. ﻣﻮﺳﻴﻘﻰ ﻭﺍﻟﻨﺎﺱ ﻣﻠﺘﻤﻪ .. ﻃﻠﻌﻮ ﺍﻟﺴﻴﺎﺭﻩ ﻣﺎﻝ ﺍﻟﺰﻓﻪ ﻭﺍﺣﻨﻪ ﻭﺍﻛﻔﻴﻦ ﺑﺎﻟﺒﺎﺏ
ﺩﺍ ﺍﻣﺸﻲ ﻭﺍﻧﺼﺪﻣﺖ ﺑﺸﺨﺺ ﺑﺎﻭﻋﺘﻬﺎ ﺳﻨﺎ .. ﻳﺒﻮ ﻛﻠﺒﻲ ﺭﺍﺩ ﻳﻮﻛﻒ ﺷﻔﺖ ﻋﻴﻮﻧﻬﺎ ﺣﻤﺮ ﻣﻦ ﺍﻟﺒﺠﻲ .. ﺍﺧﺬﺕ ﻣﻨﺪﻳﻠﻲ ﻭﺍﻧﻄﻴﺘﻪ ﺍﻟﻬﺎ
ﻫﻴﻪ ﺷﻜﺮﺗﻨﻲ ﻭﺭﺍﺣﺖ ﺭﻛﺾ .. ﺑﻘﻴﺖ ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﺗﺼﻌﺪ ﺑﺎﻟﺴﻴﺎﺭﻩ ﺗﺨﺒﻞ ﻳﺮﺑﻲ .. ﺷﻮﻛﺖ ﺗﻜﺒﺮ ﻭﺗﺼﻴﺮ ﺍﻟﻲ
ﺭﺍﺣﺖ ﺍﻟﺰﻓﻪ .. ﺭﺣﺖ ﻟﻠﺒﻴﺖ .. ﺑﻘﻴﺖ ﺍﻗﺮﻩ .. ﻫﺎﻱ ﺍﺧﺮ ﺳﻨﻪ ﺍﻟﻴﻪ ﻻﺯﻡ ﺍﺷﺪ ﺣﻴﻠﻲ ﻭﺍﺧﺬ ﺷﻬﺎﺩﺗﻲ ﺑﻠﻜﺖ ﺍﺗﻌﻴﻦ ﻭﻳﺴﺘﻘﺮ ﺣﺎﻟﻲ ..
ﻟﺴﺎﻋﻪ 9 ﺑﻠﻴﻞ ﺻﺎﺣﺘﻨﻲ ﺍﻣﻲ ﻛﺎﻟﺘﻠﻲ ﺗﻌﺎﻝ ﺍﺗﻌﺸﻪ ﻧﺰﻟﺖ ﺗﻌﺸﻴﺖ ﻭﻛﻤﻠﺖ ﻭﻃﻠﻌﺖ ﺑﺴﻴﺎﺭﺗﻲ
ﻋﺎﺩﺗﻲ ﻛﻠﻨﺎ ﺍﻣﺮ ﻣﻦ ﺑﻴﺖ ﺳﻨﺎ ﺍﺑﺎﻭﻋﻠﻪ .. ﻫﻠﻤﺮﻩ ﻣﺮﻳﺖ ﺟﺎﻥ ﻫﻴﻪ ﺗﻜﻤﺰ ﻭﺗﻄﻠﻊ ﻛﺪﺍﻣﻲ ﻋﻠﺒﻠﻜﻮﻥ ﻭﻛﻔﺖ ﺳﻴﺎﺭﺗﻲ ﺑﺴﺮﻋﻪ .. ﻭﻭﻛﻔﺖ ﺍﺑﺎﻭﻋﻬﺎ ﻭﻣﺒﺘﺴﻢ
ﻫﻴﻪ ﺧﺠﻠﺖ ﺑﺴﺮﻋﻪ ﺩﻧﻜﺖ ﻭﻛﺮﻓﺼﺖ ﺟﻮﻩ ﺍﻟﺴﻴﺎﺝ ﺑﺲ ﻣﺒﻴﻨﻪ ﻣﻦ ﺍﻟﻔﺘﺤﺎﺕ ﻣﺎﻝ ﺍﻟﺴﻴﺎﺝ ﺷﻠﻮﻥ ﻣﺪﻧﻜﻪ ﺭﺍﺳﻬﺎ
ﺿﺤﻜﺖ ﻋﻠﻪ ﺧﺠﻠﻬﺎ .. ﺻﺤﺖ ﺑﺼﻮﺕ ﻋﺎﻟﻲ .. ﻳﺎﺑﻪ ﻭﻋﻠﻲ ﺣﻼﻟﻲ ﻟﻮ ﺍﻣﻮﻭﻭﻭﻭﺕ ﻫﻢ ﺍﻃﻠﻊ ﻣﻦ ﻛﺒﺮﻱ ﻭﺍﺧﺬﺝ ... ﻳﺘﺒﻊ
🌺🌺🌺
ﺷﺎﺭﻛﻮﻧﻲ ﺍﺭﺍﺋﻜﻢ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء