...
رواية سحر المقابر 🔞 الجزء الثالث
للكاتبة زينب ماجد
....
ﺳﻨﺎ .. ﻭﺻﻠﻨﺎ ﻟﻠﺴﻮﻙ ﺍﺷﺘﺮﻳﺖ ﻣﻼﺑﺲ ﻭﺣﺠﺎﺑﺎﺕ ﻭﺷﻐﻼﺕ ﺍﻟﻲ ﻭﻟﺮﺑﻰ ﻻﻥ ﻋﺮﻭﺱ ﻭﺍﻣﻲ ﻛﻞ ﻣﺎ ﺗﺮﻭﺡ ﻟﻠﺴﻮﻙ ﺗﺸﺘﺮﻱ ﻟﺠﻬﺎﺯﻫﺎ
ﻛﻤﻠﻨﺎ ﺭﺟﻌﻨﺎ ﺑﻜﻴﺎ ﺧﻤﺴﻤﻴﺔ ﺩﻳﻨﺎﺭ ﻭﺻﻠﺘﻨﺎ ﻟﺮﺍﺱ ﺍﻟﺮﻛﻦ ﻧﺰﻟﻨﺎ ﺍﺗﻤﺸﻴﻨﺎ ﻟﻠﺒﻴﺖ ﻭﺍﺷﻮﻑ ﺍﻳﻬﺎﺏ ﻛﺒﺎﻟﻲ ﻫﺬﺍ ﻣﻮ ﻭﺻﻠﻨﺎ ﻟﻠﺴﻮﻙ ﺷﺮﺟﻌﻪ ﻫﻨﺎ
ﺳﻮﻳﺖ ﻧﻔﺴﻲ ﻣﻤﻬﺘﻤﻪ ﺍﺗﻘﺮﺏ ﻣﻦ ﻋﺪﻧﺎ ﻭﻳﺒﺎﻭﻉ ﻋﻠﻴﻪ ﻭﻳﺤﺠﻲ ﻭﻳﻪ ﺻﺪﻳﻘﻪ ﻛﺎﻟﻪ ﻣﺤﻤﺪ ﺗﺒﺎﻭﻉ ﻟﻠﺴﻤﻪ ﻭﺣﻖ ﺍﻟﻔﻮﻛﺎﻙ ﺍﺣﺒﻚ ..
ﺍﺑﺘﺴﻤﺖ ﻋﻠﻰ ﻃﺮﻳﻘﺔ ﻣﻐﺎﺯﻟﺘﻪ ﻭﺩﻧﻜﺖ ﺭﺍﺳﻲ .. ﺟﺎﻥ ﻳﻜﻮﻟﻪ ﻭﻟﻚ ﻣﺤﻤﺪ ﺍﺩﺭﻱ ﻏﻤﺎﺯﺍﺕ ﻟﻮ ﻓﻠﻚ ﺍﺳﻮﺩ ﺭﺍﺡ ﺗﺨﺒﻠﻨﻲ
ﻭﻫﺬﺍ ﺻﺪﻳﻘﻪ ﻳﻜﻮﻟﻪ ﻭﻟﻚ ﻣﻨﻴﻠﻲ ﻭﺟﻬﻲ ﺟﻨﻪ ﻃﺎﻭﻩ ﻳﺎ ﻏﻤﺎﺯﺍﺕ ﻭﻟﻚ .. ﺿﺤﻜﺖ ﻋﻠﻴﻬﻢ ﺷﻠﻮﻥ ﻳﺤﺠﻮﻥ ﻭﻣﺪﻧﻜﻪ ﺭﺍﺳﻲ
ﻣﻦ ﺷﺎﻓﻨﻲ ﺿﺤﻜﺖ ﻛﺎﻟﻪ ﻭﻟﻚ ﻣﺤﻤﺪ ﻭﺍﻟﻌﺒﺎﺱ ﻟﻮ ﻗﺎﺑﻠﻴﻨﻲ ﺑﺠﺎﻣﻌﺔ ﺍﻣﺮﻳﻜﺎ ﻣﺎ ﺍﻓﺮﺡ ﻣﺜﻞ ﻓﺮﺣﺘﻲ ﺑﻀﺤﻜﺘﻚ ﺍﻧﻬﺠﻢ ﺑﻴﺘﻚ ﺷﻜﺪ ﺍﺣﺒﻚ ﻭﺍﻧﺘﻪ ﻣﺎ ﺗﺤﺲ
ﺍﺭﻳﺪ ﺍﻏﻴﺮ ﻣﻼﻣﺢ ﻭﺟﻬﻲ ﻭﺍﺑﻌﺪ ﺍﻟﻀﺤﻜﻪ ﻣﺎ ﺍﻛﺪﺭ ﻛﻼﻣﻪ ﻳﺠﺒﺮﻧﻲ ﺍﺑﺘﺴﻢ .. ﺍﺭﻳﺪ ﺍﻏﻨﺘﺐ ﻣﺎﻛﻮ ﻭﺻﺪﻳﻘﻪ ﻳﻜﻮﻟﻪ ﻭﻟﻚ ﺷﻬﻠﻔﻴﺎﻟﻪ ﺍﻟﺘﻄﻴﺮﻫﺎ ﺍﻟﻴﻮﻡ ﺷﻨﻮ ﺗﺤﺒﻨﻲ ﻫﺎﻱ ﻣﻦ ﺷﻮﻛﺖ ﻫﻠﺤﺠﻲ
ﻭﻫﻮﻩ ﻳﻜﻮﻟﻪ ﺧﺐ ﺩﻧﺠﺐ .. ﻳﺎﺑﻪ ﺍﺭﻳﺪ ﺍﻭﺻﻞ ﺍﻟﺒﺎﺏ ﺍﺧﺘﻨﻜﺖ ﻻ ﺍﻛﺪﺭ ﺍﺿﺤﻚ ﺍﻣﻲ ﻳﻤﻲ ﻭﻻ ﺍﻛﺪﺭ ﺍﺻﺒﺮ ﻭﻫﻤﻪ ﻫﻴﺞ ﻳﺤﺠﻮﻥ .. ﻭﺻﻠﺖ ﺍﻟﺒﺎﺏ ﺩﺧﻠﻨﺎ ﻟﻠﺒﻴﺖ
ﻭﻭﺟﻬﻲ ﺑﻌﺪﻩ ﻣﺒﺘﺴﻢ .. ﻛﺎﻟﺘﻠﻲ ﺭﺑﻰ ﺍﺧﺘﻲ ﻫﺎ ﺷﻜﻮ ﺷﻮ ﺗﺘﻤﻀﺤﻜﻴﻦ .. ﻛﺘﻠﻬﺎ ﻻ ﻫﻴﺞ ﺍﺟﺖ ﺳﺎﻟﻔﻪ ﺍﺑﺎﻟﻲ ﺑﺎﻟﻤﺪﺭﺳﻪ ﺻﺎﺭﺕ ﻭﻳﺎﻧﻪ ﺗﺬﻛﺮﺗﻬﺎ ﻭﺿﺤﻜﺖ
ﻛﺎﻟﺖ ﺭﺑﻲ ﻳﺠﻌﻠﻬﺎ ﺿﺤﻜﺖ ﺧﻴﺮ ﻛﺘﻠﻬﺎ ﺍﻣﻴﻦ .. ﺭﺣﺖ ﻟﻐﺮﻓﺘﻲ ﺑﺪﻟﺖ ﻭﺍﻻﺑﺘﺴﺎﻣﻪ ﻣﻤﻔﺎﺭﻛﻪ ﻭﺟﻬﻲ ﺍﺗﺬﻛﺮ ﺣﺠﻴﻬﻢ ﺑﺎﻭﻋﺖ ﻣﻦ ﺍﻟﺸﺒﺎﻙ ﻋﻠﺸﺎﺭﻉ
ﻣﺎ ﻟﻜﻴﺘﻪ .. ﻳﻤﻜﻦ ﺟﺎﻥ ﻭﺍﻛﻒ ﻋﻠﻤﻮﺩﻱ .. ﻣﺎ ﺍﻋﺮﻑ ﺍﻛﻮ ﺷﻲ ﺑﺪﺍﺧﻠﻲ ﻫﻴﺞ ﺍﺣﺴﺎﺱ ﻟﻄﻴﻒ ﺍﻭﻝ ﻣﺮﻩ ﻳﻼﻣﺲ ﻛﻠﺒﻲ ..
ﻣﻌﻘﻮﻟﻪ ﻫﻴﺞ ﺣﺒﻴﺘﻪ ﻻ ﻻ ﻭﻳﻨﻲ ﻭﻳﻦ ﺍﻟﺤﺐ ﺑﻌﺪﻧﻲ ﺻﻐﻴﺮﻩ .. ﻛﻤﻠﺖ ﻣﻦ ﺍﻟﻐﺮﻓﻪ ﺭﺗﺒﺖ ﻏﺮﺍﺿﻲ ﺍﻟﺠﺒﺘﻬﻦ ﺟﺪﺩ
ﻭﻧﺰﻟﺖ ﺗﻠﻜﺘﻨﻲ ﺍﻣﻲ ﻳﻤﻪ ﺷﻨﺴﻮﻱ ﻋﺸﺎ .. ﻛﺘﻠﻬﺎ ﺍﻫﻮﻭﻭﻭ ﻫﺬﻱ ﺍﻛﺜﺮ ﻓﻘﺮﻩ ﺍﻛﺮﻫﺎ ﺷﻠﻮﻥ ﺣﻴﺮﻩ .. ﺑﻜﻴﻔﺞ ﻣﺎﻣﺎ ﺷﺘﺮﺩﻳﻦ ﻧﺴﻮﻱ
ﻛﺎﻟﺖ ﺧﻞ ﻧﺴﻮﻱ ﻛﺒﺔ ﺗﻤﻦ .. ﻃﻠﻌﻲ ﺍﻟﻠﺤﻢ ﺍﻟﻤﺜﺮﻭﻡ ﺧﻠﻲ ﻋﻠﻨﺎﺭ ﻭﻛﻮﻟﻲ ﻻﺧﺘﺞ ﺗﺴﻮﻱ ﺍﻟﻌﺠﻴﻨﻪ ﻣﺎﻝ ﺍﻟﺘﻤﻦ
ﻛﺘﻠﻬﺎ ﻣﺎﺷﻲ ﺭﺍﺣﺖ ﺭﺑﻰ ﺗﺴﻮﻱ ﺍﻟﻌﺠﻴﻨﻪ ﻭﺍﻧﻲ ﺳﻮﻳﺖ ﺍﻟﺤﺸﻮ .. ﻛﻤﻠﻨﺎ ﻭﺩﻳﻨﺎ ﻳﻢ ﻣﺎﻣﺎ ﻫﻴﻪ ﺗﻠﻒ ﻣﻮ ﻣﺜﻠﻨﺎ ﺍﺣﻨﻪ ﻣﻨﻈﺒﻄﻬﺎ ﻣﺜﻠﻬﺎ ﺑﺲ ﺗﻨﻄﻴﻨﻪ ﻛﻢ ﻭﺣﺪﻩ ﻧﺠﺮﺏ ﻭﻳﺎﻫﺎ ﻋﻠﻤﻮﺩ ﻧﺘﻌﻠﻢ
ﺧﺎﺻﻪ ﺭﺑﻰ ﻛﻌﺪﺗﻬﺎ ﻳﻤﻬﺎ ﻭﺗﻜﻠﻬﺎ ﺗﻌﻠﻤﻲ ﺷﻠﻮﻥ ﺍﻟﻒ .. ﺑﺎﺟﺮ ﺍﺑﻴﺖ ﻋﻴﺎﻟﺞ ﺧﺎﻑ ﻳﻌﻴﺮﻭﺝ ﻳﻜﻮﻟﻮﻥ ﻋﻠﻴﺞ ﻋﻮﺑﻪ ﺍﻣﻬﺎ ﻣﺎ ﻋﻠﻤﺘﻬﺎ
ﻭﻫﻴﻪ ﺗﻜﻠﻬﺎ ﻣﺪﺍﻡ ﺍﻧﺘﻲ ﺍﻣﻨﺎ ﻳﺨﺴﻲ ﺍﻟﻠﻲ ﻳﻌﻴﺐ ﻋﻠﻴﻨﺎ ﻭﻋﻠﻪ ﻧﻀﺎﻓﺘﻨﺎ .. ﺑﺪﺕ ﺗﺘﻠﻮﻙ 😒 ﺍﻋﺮﻓﻬﺎ ﻋﻠﻤﻮﺩ ﺗﻜﺜﺮﻫﺎ ﻫﺪﺍﻳﻪ ﺑﺠﻬﺎﺯﻫﺎ ﻣﺎﻝ ﺍﻟﻌﺮﺱ
ﻣﻜﻔﺎﻫﺎ ﺻﺎﺭ ﺧﻤﺲ ﺟﻨﻂ ﺍﺩﺭﻱ ﺭﺍﺡ ﺗﺴﺒﺢ ﺑﻴﻬﻦ .. ﻃﻠﻌﺖ ﺍﻟﻄﺎﻭﻩ ﺧﻠﻴﺘﻬﺎ ﻋﻠﻨﺎﺭ ﻣﻠﻴﺘﻬﺎ ﺯﻳﺖ ﻭﻧﺼﻴﺖ ﺍﻟﻨﺎﺭ ﻟﻠﻜﺒﻪ ﻋﻠﻤﺎ ﺗﻜﻤﻠﻬﺎ ﻣﺎﻣﺎ
ﺍﺑﺎﻭﻉ ﻋﻠﻨﺎﺭ ﻭﺍﺗﺬﻛﺮ ﺣﺠﻲ ﺍﻳﻬﺎﺏ ﺿﺤﻜﺖ .. ﻛﻤﺖ ﺍﺩﻧﺪﻥ ﻭﻳﻪ ﺭﻭﺣﻲ .. ﺍﻭﻝ ﻣﺮﻩ ﺗﺤﺐ ﻳﺎ ﺍﻟﺒﻲ ﻭﺍﻭﻝ ﻳﻮﻭﻭﻡ ﺍﺗﻬﻨﻰ ﻳﻤﺎ ﻋﻠﻰ ﻧﺎﺭ ﺍﻟﺤﺐ ﺍﻟﻠﻮﻟﻲ ﻭﺍﻟﺌﻴﺘﻬﺎ ﻣﻦ ﺍﻟﺠﻨﻪ
....
....
ﺩﺍ ﺍﺩﻧﺪﻥ .. ﻭﺍﺗﺬﻛﺮﺕ ﻳﺒﻮﻭﻭﻭ 😨 ﺻﻼﺓ ﺍﻟﻤﻐﺮﺏ ﻣﻤﺼﻠﻴﺘﻬﺎ ﺧﺮﺏ ﺑﻴﻚ ﺍﻳﻬﺎﺏ ﻭﺧﺮﺏ ﺑﻌﺒﺪ ﺍﻟﺤﻠﻴﻢ … ﻣﻦ ﻭﺭﺍﻛﻢ ﻧﺴﻴﺖ ﻓﺮﺿﻲ
ﺭﻛﻀﺖ ﻛﺎﻟﺖ ﺍﻣﻲ ﻫﺎﺍﺍ ﻛﺘﻠﻬﺎ ﻧﺴﻴﺖ ﻣﻤﺼﻠﻴﻪ .. ﻫﻮﻩ ﺍﺫﻥ ﻭﺍﺣﻨﻪ ﺑﺎﻟﻄﺮﻳﻖ ﻭﻣﻦ ﺭﺟﻌﺖ ﻭﺍﺿﺤﻚ ﻋﻠﻴﻬﻢ ﻭﻣﻠﺘﻬﻴﻪ ﺑﻬﻠﻤﺸﺎﻋﺮ ﺍﻟﺘﺎﻓﻬﺎ ﻧﺴﻴﺖ ﺭﺑﻲ
ﺍﻭﻭﻭﻭﻭﻑ ﻳﺎ ﺭﺑﻲ ﻳﺎ ﺣﺒﻴﺒﻲ ﺳﺎﻣﺤﻨﻲ ﻭﺍﻟﻠﻪ ﻣﻮ ﺑﻘﺼﺪﻱ ﺍﻧﺴﺎﻙ ﺑﺲ ﺗﻌﺮﻑ ﺑﻠﻴﺲ ﺷﺎﻃﺮ ﻭﻟﻬﺎﻧﻲ ..
ﻛﻤﺖ ﺻﻠﻴﺖ ﻓﺮﺽ ﺍﻟﻤﻐﺮﺏ ﻭﺍﻟﻌﺸﺎ .. ﺑﺲ ﻗﺮﺍﻥ ﻣﻘﺎﺭﻳﻪ ﺍﻟﻴﻮﻡ ﻭﺍﻣﻲ ﺗﺼﻴﺢ ﻋﻠﻤﻮﺩ ﺍﻟﻌﺸﺎ .. ﺍﻧﻲ ﻣﺘﻌﻠﻤﻪ 50 ﺍﻳﻪ ﻳﻮﻣﻴﻪ ﺍﻗﺮﺍﻫﺎ ﻣﻦ ﺍﻟﻘﺮﺍﻥ
ﺗﻌﻠﻴﻤﺎﺕ ﺍﺑﻮﻳﻪ ﻻﺯﻡ ﻧﻨﻄﻲ ﺣﻖ ﻟﻠﻘﺮﺍﻥ ﻣﻦ ﺳﺎﻋﺎﺕ ﻳﻮﻣﻨﻪ ﻭﺍﻗﻞ ﺷﻲ ﻧﻘﺮﻩ ﻣﻨﻪ 50 ﺍﻳﻪ ﻟﺤﺘﻪ ﻣﺎ ﻧﻌﺘﺒﺮ ﻣﻦ ﻫﺎﺟﺮﻱ ﺍﻟﻜﺘﺎﺏ ﺍﻟﻜﺮﻳﻢ
ﺑﺎﻭﻋﺖ ﻣﻦ ﻓﻮﻙ ﻭﺍﻧﻲ ﺑﻤﻠﻒ ﺍﻟﺼﻼﺓ ﺻﺤﺖ ﺭﺑﺒﺒﺒﺒﺒﻰ .. ﻛﺎﻟﺖ ﻭﻭﺟﻊ .. ﻛﺘﻠﻬﺎ ﺑﻜﻠﺒﺞ ﺣﺒﻴﺒﻲ ﻣﻤﻜﻦ ﺗﻜﻠﻴﻦ ﺍﻟﻜﺒﻪ ﺑﻤﻜﺎﻧﻲ ﺑﺲ ﺍﺗﻠﻮ ﺷﻮﻱ ﻣﻦ ﺍﻟﻘﺮﺍﻥ ﻭﺍﻧﺰﻝ
ﻛﺎﻟﺖ ﻣﺎﺷﻲ ﺍﺧﺬﻱ ﺭﺍﺣﺘﺞ .. ﻛﺘﻠﻬﺎ ﺷﻜﺮﺍ .. ﺩﺧﻠﺖ ﻟﻠﻐﺮﻓﻪ .. ﻛﻤﺖ ﺍﺗﻠﻮ ﺑﺎﻻﻳﺎﺕ ﻭﺍﻳﻬﺎﺏ ﺻﺎﺭ ﻛﺒﺎﻝ ﻋﻴﻨﻲ ﺍﻫﻮﻭﻭ ﺍﺭﻳﺪ ﺍﻧﺘﺒﻪ ﻟﻠﻜﻠﻤﺎﺕ ﻭﺍﺗﻤﻌﻨﻬﺎ ﻣﺎﻛﻮ ﺩﺧﺖ ﺑﻴﻪ
ﺑﻘﻴﺖ ﺍﺗﻌﻮﺫ ﻣﻦ ﺍﺑﻠﻴﺲ ﻣﺎﻛﻮ ﺑﻌﺪﻩ ﺍﺑﺎﻟﻲ ﻛﻤﺖ ﺍﻝ 50 ﺍﻻﻳﻪ ﻃﺒﻜﺖ ﺍﻟﻘﺮﺍﻥ ﻭﺑﺴﺘﻪ ﻭﺧﻠﻴﺘﻪ ﻋﻠﻪ ﻛﻠﺒﻲ .. ﺍﺧﺬﺕ ﻧﻔﺲ ..
ﻭﻛﻠﺖ ﻳﺎﺭﺑﻲ ﻳﺎﺣﺒﻴﺒﻲ ﻟﻮ ﻫﻠﻮﻟﺪ ﻭﻳﺎﻩ ﺳﻌﺎﺩﺗﻲ ﺍﻭ ﻛﺎﺗﺒﻠﻨﻪ ﺷﻲ ﺑﻴﻨﺎﺗﻨﺎ ﻭﻓﻘﻨﺎ ﺍﻟﻪ ﺑﺎﻟﺤﻼﻝ ﻭﻻ ﺗﻮﺭﻃﻨﺎ ﺑﺎﻟﺤﺮﺍﻡ ﻭﺍﺑﻌﺪ ﺑﻠﻴﺲ ﻣﻦ ﻃﺮﻳﻘﻨﺎ ﻭﻧﻮﺭ ﻗﻠﻮﺑﻨﺎ
ﺍﻟﻠﻬﻢ ﺍﻣﻴﻴﻴﻦ .. ﻛﻤﻠﺖ ﻟﻔﻴﺖ ﺍﻟﻤﺼﻼﻳﻪ ﺧﻠﻴﺘﻬﺎ ﺑﺎﻟﺨﺎﻧﻪ ﻭﺭﺟﻌﺖ ﺍﻟﻘﺮﺍﻥ ﺍﻟﻤﻜﺎﻧﻪ .. ﻭﻧﺰﻟﺖ ﻟﻜﻴﺖ ﺭﺑﻰ ﺗﻘﺮﻳﺒﺎ ﻣﻜﻤﻠﻪ ﺍﻟﻌﺸﺎ ..
ﻛﺘﻠﻬﺎ ﺷﺴﻮﻱ ﻛﺎﻟﺖ ﺑﺲ ﺛﺮﻣﻲ ﺯﻻﻃﻪ ﺩﺭﮒ ﻟﺘﺴﻮﻳﻬﺎ ﺛﺮﻡ .. ﻛﺘﻠﻬﺎ ﻣﺎﺷﻲ .. ﺳﻮﻳﺖ ﺯﻻﻃﻪ ﻭﺧﻠﻴﻨﺎ ﺍﻟﺼﻴﻨﻴﻪ ﻭﺭﺣﻨﺎ ﺍﺗﻌﺸﻴﻨﺎ
ﻛﻤﻠﻨﺎ ﺭﺣﻨﺎ ﻛﻞ ﻭﺣﺪﻩ ﻟﺸﻐﻠﻬﺎ ﺗﻨﻀﻒ ﻭﻧﻐﺴﻞ .. ﻛﻤﻠﻨﺎ ﺻﻌﺪﺕ ﻓﻮﻙ .. ﺍﺗﻤﺪﺩﺕ ﻋﻠﻪ ﺳﺮﻳﺮﻱ .. ﺍﺗﺬﻛﺮﺕ ﻛﻼﻣﻪ ﺍﺑﺘﺴﻤﺖ
ﺍﺧﺬﺕ ﺍﻟﻤﺨﺪﻩ ﻟﺤﻈﻨﻲ ﻭﺩﺭﺕ ﻭﺟﻬﻲ ﻟﺮﺑﻰ .. ﻛﺘﻠﻬﺎ ﺭﺑﻰ ﻫﻢ ﺟﺮﺑﺘﻲ ﺷﻌﻮﺭ ﺍﻟﺤﺐ ﻣﻦ ﻗﺒﻞ
ﺑﺎﻭﻋﺘﻠﻲ ﻫﻴﺞ .. 😠 ﻭﺍﻧﺘﻲ ﺷﻌﻠﻤﺞ ﺑﻬﻠﻜﻼﻡ .. ﻛﺘﻠﻬﺎ ﺍﺳﻢ ﺍﻟﻠﻪ ﺩﻧﺴٲﻝ ﺳﺆﺍﻝ ﺷﻨﻮ ﻛﻔﺮﻧﺎ .. ﻋﺸﺘﻮ ﺍﺧﺘﻲ ﺍﻟﺠﺒﻴﺮﻩ ﻭﺍﺳﺌﻠﻬﺎ .. ﺩﺭﻭﺣﻲ
ﺩﺭﺕ ﻭﺟﻬﻲ ﻣﻨﻬﺎ .. ﺟﺎﻥ ﺗﻜﻮﻟﻲ .. ﺳﻨﺎ .. ﻣﻨﻮ ﻫﺬﺍ ﺍﻟﻠﻲ ﺩﻳﺮﺳﻢ ﺍﻟﻀﺤﻜﻪ ﻋﻠﻪ ﺧﺪﻭﺩﺝ .. ﺍﺑﺘﺴﻤﺖ ﻭﺍﻧﻲ ﻧﺎﻳﻤﻪ ﻭﺩﺍﻳﺮﻩ ﻭﺟﻬﻲ ﻣﻨﻬﺎ .. ﻛﺘﻠﻬﺎ ﻣﺤﺪ
ﻛﺎﻟﺘﻠﻲ ﺍﻧﺘﻲ ﺍﺧﺘﻲ ﻭﺍﻧﻲ ﺣﺎﻓﻈﺘﺞ ﻣﻦ ﺍﻟﻨﻀﺮﻩ ﻛﻮﻟﻲ .. ﺩﺭﺕ ﻭﺟﻬﻲ .. ﻭﻛﺘﻠﻬﺎ ﻣﺎﻛﻮ ﺍﺣﺪ ﻭﺍﻟﻨﺒﻲ .. ﺑﺲ ﺍﻛﻮ ﺷﺨﺺ ﺩﻳﻼﺣﻜﻨﻲ ﺻﺎﺭ ﻓﺘﺮﻩ .. ﻛﺎﻟﺖ ﻣﻨﻮ ..
ﻛﺘﻠﻬﺎ ﻣﺎ ﺍﻛﺪﺭ ﺍﻛﻮﻟﺞ ﻣﻨﻮ .. ﺑﺲ ﺍﻛﺪﺭ ﺍﺳﻤﻊ ﻧﺼﻴﺤﺘﺞ ﺍﻟﻲ ﺑﻬﻠﺨﺼﻮﺹ .. ﻋﺪﻟﺖ ﻛﻌﺪﺗﻬﺎ ﻭﺧﻠﺖ ﺍﻟﻤﺨﺪﻩ ﺑﺤﻀﻨﻬﺎ .. ﻭﻛﺎﻟﺖ ﺑﺎﻋﻲ ﺣﺒﻴﺒﻲ ﺍﺳﻤﻌﻴﻨﻲ
ﺍﻧﻲ ﻫﻢ ﻛﻌﺪﺕ ﻣﺜﻞ ﻛﻌﺪﺗﻬﺎ ﻭﺣﻄﻴﺖ ﺍﻟﻤﺨﺪﻩ ﺑﺤﻀﻨﻲ .. ﻭﻛﺘﻠﻬﺎ ﺍﻱ ﻛﻠﻲ ﺍﺫﺍﻧﺎً ﺻﺎﻏﻴﻪ
ﺭﺑﻰ .. ﺳﻨﺎ ﺣﺒﻴﺒﻲ .. ﺍﻟﺤﺐ ﺷﻲ ﺣﻠﻮ ﻭﻣﻔﺮﺡ ﻭﻣﺸﺎﻋﺮ ﺣﻠﻮﻩ .. ﻭﺍﺣﺴﺎﺱ ﺟﻤﻴﻞ .. ﺑﺲ ﺍﻟﻨﺎﺱ ﻣﻮ ﺣﻠﻮﻩ ﻭﻣﻮ ﻛﻠﻬﻢ ﻋﺪﻫﻢ ﻫﻠﻤﺸﺎﻋﺮ ﺍﻟﺼﺎﺩﻗﻪ
...
...
ﻣﺮﺍﺕ ﻭﺍﺣﺪ ﻳﻌﺸﻤﺞ ﺑﻜﻼﻣﻪ ﻭﻳﻐﺮﺝ .. ﺑﺲ ﺗﻠﻜﻴﻦ ﺍﺑﻠﻴﺲ ﻛﺎﻋﺪ ﺟﻮﻩ ﺍﻟﺴﺎﻧﻪ .. ﻭﺍﻧﺘﻲ ﺗﻌﺮﻓﻴﻦ ﺍﺑﻠﻴﺲ ﻣﻦ ﻳﻠﻌﺐ ﺑﻌﻘﻞ ﻭﺍﺣﺪ .. ﻳﻘﻨﻊ ﺍﻛﺒﺮ ﻭﺍﺣﺪ
ﻭﺍﻟﺪﻟﻴﻞ ﻗﻨﻊ ﺍﺩﻡ ﻭﺧﻼﻩ ﻳﻌﺼﻲ ﺭﺑﻪ ﻭﻫﻮﻩ ﻧﺒﻲ ﻣﻮ ﻣﺜﻠﻨﺎ .. ﻣﻦ ﻭﺭﻩ ﻛﻼﻣﻪ ﺍﻟﻤﻌﺴﻮﻝ ﻭﺍﻟﻠﻲ ﺗﺤﺴﻴﻪ ﻛﻠﻪ ﺻﺪﻕ .. ﺑﺲ ﻫﻮﻩ ﺟﺬﺍﺏ ﺑﺲ ﻳﺮﻳﺪ ﻳﺨﺪﻋﺞ
ﻓﻼ ﺗﺼﻴﺮﻳﻦ ﺻﻴﺪﻩ ﺳﻬﻠﻪ ﻟﻬﻴﺞ ﺷﻜﻮﻻﺕ ﻣﻦ ﻫﻠﻨﻤﺎﺫﺝ .. ﻛﻠﻤﺎ ﻋﺰﺯﺗﻲ ﻧﻔﺴﺞ .. ﻭﺑﻴﻨﺘﻲ ﻟﻠﻤﻘﺎﺑﻞ ﺍﻧﺘﻲ ﺻﻌﺒﻪ ﻭﺗﺨﺎﻓﻴﻦ ﻋﻠﻪ ﺳﻤﻌﺘﺞ ﻭﺳﻤﻌﺔ ﺍﻫﻠﺞ ﺍﻟﻤﻘﺎﺑﻞ ﺣﻴﺤﺒﺞ ﻭﺣﻴﺤﺘﺮﻣﺞ ﺍﻛﺜﺮ
ﺗﻌﺮﻓﻴﻦ ﻟﻴﺶ ﻻﻥ ﺍﻟﺸﺨﺺ ﻟﻮ ﺭﺍﺩ ﻳﺘﺰﻭﺝ .. ﺍﻛﻴﺪ ﻣﺮﺍﺡ ﻳﺘﺰﻭﺝ ﺍﻟﻠﻲ ﺗﻄﻠﻊ ﻭﻳﺎﻩ ﻭﺗﻨﻄﻲ ﺷﻨﻮ ﻳﺮﻳﺪ .. ﺍﺣﻨﻪ ﻋﺎﻳﺸﻴﻦ ﺑﺎﻟﻌﺮﺍﻕ ﻭﻛﻞ ﺭﺟﺎﻝ ﻋﺪﻧﻪ ﺗﻔﻜﻴﺮﻩ ﺷﺮﻗﻲ
ﻳﻌﻨﻲ ﻳﻔﻜﺮ ﻳﻜﻮﻝ ﻣﺜﻞ ﻣﻄﻠﻌﺖ ﻭﻳﺎﻱ .. ﺗﻄﻠﻊ ﻭﻳﻪ ﻏﻴﺮﻱ .. ﻣﺜﻞ ﻣﺤﺎﺟﺘﻨﻲ ﻫﻴﺞ .. ﺗﺤﺠﻲ ﻭﻳﻪ ﻏﻴﺮﻱ ﻭﻳﺴﺘﺮﺧﺼﻬﺎ ﻭﺍﻛﻴﺪ ﻣﺮﺍﺡ ﻳﺘﻘﺒﻠﻬﺎ ﻛﺰﻭﺟﻪ ﺍﻟﻪ ﻭﺟﻨﻪ ﻻﻫﻠﻪ ﺗﺸﻴﻞ ﺍﺳﻤﻬﻢ ﻭﻫﻴﻪ ﺑﺎﻳﻌﻪ ﺍﻫﻠﻬﺎ ﻋﻠﻤﻮﺩﻩ
ﻣﺮﺍﺡ ﻳﻘﺪﺭ ﻟﻮ ﺍﻧﻄﻴﺘﻲ ﻋﻴﻮﻧﺞ ﻭﺣﺒﻴﺘﻲ ﺑﻜﺪ ﺍﻟﻌﺎﻟﻢ ﻣﺮﺍﺡ ﻳﺼﻴﺮ ﺑﻌﻴﻨﻪ ﻻﻥ ﻳﺸﻮﻓﺞ ﺭﺧﻴﺼﻪ ﻭﻣﻮ ﻣﻨﺎﺳﺐ ﻳﺨﻠﻴﺞ ﺗﺸﻴﻠﻴﻦ ﺳﻤﻌﺘﻪ ﻳﺨﺎﻑ ﺗﺨﻮﻧﻴﻪ ﻣﺜﻞ ﻣﺨﻨﺘﻲ ﺛﻘﺔ ﺍﻫﻠﺞ ﻭﻳﺎﻩ
ﺳﻨﺎ .. ﺑﺲ ﺍﻧـّ 'ℳέ' ـّﻲٌ ﻣﺎ ﻋﻨﺪﻱ ﺷﻲ ﻭﻳﺎﻩ ﺍﺑﺪ ﺑﺲ ﻫﻮﻩ ﻳﻐﺎﺯﻟﻨﻲ ﻭﻳﺒﺎﻭﻉ ..
ﺭﺑﻰ .. ﻣﻌﻠﻴﺞ ﺑﻴﻬﻢ .. ﻟﻮ ﺍﻧﺘﻲ ﺍﺧﺘﻪ ﻳﻘﺒﻞ ﺍﺣﺪ ﻳﺒﺎﻭﻉ ﻋﻠﻴﺞ ﻟﻮ ﻳﻐﺎﺯﻟﺞ .. ﺍﻛﻴﺪ ﻣﺮﺍﺡ ﻳﻘﺒﻠﻬﺎ ﻓﻼ ﺗٲﻣﻨﻴﻦ ﺑﻴﻪ
ﺳﻨﺎ .. ﭐפﮔـﻴﮧ ﻣﺎﺷﻲ ﺷﻜﺮﺍ .. ﺩﻧﺤﺠﻲ ﻭﺧﺎﺑﺮ ﻋﻠﻴﻬﺎ ﺧﻄﻴﺒﻬﺎ .. ﻛﺎﻟﺖ ﻳﻠﻪ ﺗﺼﺒﺤﻴﻦ ﻋﻠﻪ ﺧﻴﺮ ﺧﺎﺑﺮ ﺣﻤﻮﺩﻱ .. ﻛﺘﻠﻬﺎ ﺍﻟﻠﻪ ﻳﺴﻌﺪﻛﻢ .. ﻭﺍﻧﺘﻲ ﻣﻦ ﺍﻫﻠﻮ
ﺩﺭﺕ ﻭﺟﻬﻲ .. ﻭﺑﻘﻴﺖ ﺍﻓﻜﺮ .. ﺑﻠﻲ ﻛﺎﻟﺘﻪ ﺭﺑﻰ ﻓﻌﻼ ﻛﻼﻣﻬﺎ ﺻﺤﻴﺢ .. ﻻﺯﻡ ﻣﺎ ﺍﺻﻴﺮ ﺭﺧﻴﺼﻪ ﻭﺍﺿﺤﻚ ﺑﻮﺟﻬﺎ .. ﻭﺍﻛﺴﺮ ﺳﻤﻌﺔ ﻣﺎﻣﺎ ﻭﺑﺎﺑﺎ ﺍﻟﻠﻲ ﺗﻌﺒﻮ ﻋﻠﻴﻪ ..
ﺑﺎﻭﻋﺖ ﻟﻠﺴﻤﺎ .. ﻛﻠﺖ ﻳﺎﺭﺑﻲ ﻳﺎ ﺣﺒﻴﺒﻲ .. ﻧﻮﺭ ﻛﻠﺒﻲ ﺑﻨﻮﺭ ﺍﻳﻤﺎﻧﻚ ﻭﺍﺑﻌﺪ ﻋﻨﻲ ﺍﻟﺴﻮﺀ ﻭﻳﻦ ﻣﺎ ﻛﺎﻥ
ﻏﻄﻴﺖ ﺭﺍﺳﻲ ﻭﻧﻤﺖ .. ﻣﺮﺕ ﺍﻻﻳﺎﻡ .. ﻭﺍﻧﻲ ﺍﺟﺬﺏ ﻟﻮ ﻛﻠﺖ ﺍﻳﻬﺎﺏ ﻧﺴﻴﺘﻪ ﻟﻮ ﺭﺍﺡ ﻣﻦ ﺑﺎﻟﻲ ﻛٲﻱ ﺑﻨﻴﻪ ﺻﻐﻴﺮﻩ ﻳﺪﺧﻞ ﻛﻠﺒﻬﺎ ﻫﻴﺞ ﺷﻲ ﻣﺎ ﺗﻜﺪﺭ ﺗﻤﻨﻊ ﻋﻘﻠﻬﺎ ﻭﻣﺘﻔﻜﺮ ﺑﻴﻪ
ﺧﻠﺼﺖ ﺍﻟﻌﻄﻠﻪ ﻭﺍﺟﺖ ﺍﻟﻤﺪﺭﺳﻪ ﺩﺍﻭﻣﺖ ﺍﻭﻝ ﻳﻮﻡ ﺍﺳﺘﻘﺒﻠﺘﻨﻲ ﻏﺪﻳﺮ ﺍﺧﺖ ﺍﻳﻬﺎﺏ .. ﺑﺎﻭﺳﺘﻬﺎ ﻭﺭﺣﻨﺎ ﻟﻠﺼﻒ ﻛﻌﺪﻧﺎ .. ﻣﺸﺘﺎﻗﻴﻦ ﻟﺼﺪﻳﻘﺎﺗﻨﻪ ﺍﻭﻝ ﻳﻮﻡ ﻛﻌﺪﻧﺎ ﺑﺲ ﻧﺴﻮﻟﻒ
ﻣﺎﻛﻮ ﺩﺭﺍﺳﻪ .. ﺣﺴﻴﺖ ﻏﺪﻳﺮ ﻫﻮﺍﻳﻪ ﺗﺴﻮﻟﻒ ﺑٲﺧﻮﻫﺎ ﻣﻌﻘﻮﻟﻪ ﺗﻌﺮﻑ ﺷﻲ .. ﺳﻮﻳﺖ ﻧﻔﺴﻲ ﻣﺎ ﺍﻋﺮﻑ
ﻣﺮﺕ ﺍﻻﻳﺎﻡ ﻭﺍﻟﺘﻬﻴﺖ ﺑﺎﻟﺪﺭﺍﺳﻪ ﻭﺍﺑﺪ ﺷﻠﺖ ﻫﻠﻔﻜﺮﻩ ﻣﻦ ﺭﺍﺳﻲ ﺣﺘﻪ ﻟﻮ ﺍﺧﺘﻪ ﺗﺴﻮﻟﻔﻠﻲ ﻋﻨﻪ ﺍﺟﺒﺮ ﻧﻔﺴﻲ ﺣﺘﻪ ﻣﺎ ﺍﺗٲﺛﺮ ﺑﻲ
ﻛﻤﻠﻨﺎ ﺍﻟﻨﺼﻒ ﺍﻟﺜﺎﻧﻲ ﻣﻦ ﺍﻟﺴﻨﻪ ﻭﺍﻧﻄﻮﻧﺎ ﺍﻟﻨﺘﺎﺋﺞ ﻃﻠﻌﺖ ﺍﻋﻔﺎﺀ ﻋﺎﻡ .. ﻳﻌﻨﻲ ﺣﺘﻪ ﻣﻴﺤﺘﺎﺝ ﺍﻣﺘﺤﻦ ﺷﻔﻬﻲ ﺍﻭ ﺍﺷﺎﺭﻙ .. ﺭﺟﻌﺖ ﻛﻌﺪﺕ ﺑﺎﻟﺒﻴﺖ
ﺑﺲ ﺍﺧﺮ ﻳﻮﻡ ﺑﺎﻻﻣﺘﺤﺎﻥ ﺭﺣﺖ ﻭﻳﺎﻫﻢ ﺩﺍﻭﻣﺖ ﻋﻠﻤﻮﺩ ﺍﺷﻮﻑ ﺻﺪﻳﻘﺎﺗﻲ ﻭﺍﻭﺩﻋﻬﻢ .. ﺩﺧﻠﻮ ﺍﻟﻘﺎﻋﺎﺕ ﺍﻻﻣﺘﺤﺎﻥ ﻭﺍﻧﻲ ﺑﻘﻴﺖ ﻛﺎﻋﺪﻩ ﺑﺎﻟﺴﺎﺣﻪ
ﺍﻟﺪﻧﻴﺎ ﺣﺎﺭﻩ ﻧﻬﺎﻳﺔ ﺍﻟﺸﻬﺮ ﺍﻟﺨﺎﻣﺲ ﺗﺴﻤﻂ ﺳﻤﻂ .. ﺍﻭﻭﻭﻑ ﺷﺠﺎﺑﻨﻲ ﻟﻮ ﺑﺎﻗﻴﻪ ﻧﺎﻳﻤﻪ ﺑﻔﺮﺍﺷﻲ ﻣﻮ ﺍﺷﺮﻓﻠﻲ
...
...
ﻛﻤﻠﻮ ﻃﻠﻌﻮ ﻛﺘﻠﻬﻢ ﻫﺎﺍﺍ ﺷﻨﻮ ﺍﻻﺧﺒﺎﺭ ﺳﻬﻠﻪ ﺻﻌﺒﻪ ﺍﻻﺳﺌﻠﻪ ﻛﺎﻟﻮ ﺻﻌﺒﻪ ﺗﻜﺘﻞ .. ﺍﺧﺬﺕ ﻭﺭﻗﺔ ﺍﻻﺳﺌﻠﻪ ﻭﻛﻌﺪﻧﺎ ﻧﺤﻞ ﺍﻧﻲ ﻭﻏﺪﻳﺮ
ﻛﺘﻠﻬﺎ ﺳﻬﻠﻪ ﻛﻠﻬﺎ ﺑﺲ ﺍﻧﺘﻮ ﻣﻘﺎﺭﻳﻦ .. ﻏﺪﻳﺮ ﻛﺎﻟﺘﻠﻲ ﻟﻮ ﻻﺑﺴﻪ ﻭﺟﻬﻲ ﻭﻣﻤﺘﺤﻨﻪ ﺍﺑﺪﻟﻲ ﻣﻮ ﺍﺣﺴﻦ .. ﻛﺘﻠﻬﺎ ﻳﺠﻮﺯ ﻫﻬﻬﻬﻪ .. ﻃﻠﻌﻨﺎ ﻧﺴﻮﻟﻒ ﻭﻧﻀﺤﻚ
ﺻﻔﻄﺖ ﺳﻴﺎﺭﻩ ﻭﻧﺰﻝ ﺍﻟﺠﺎﻡ ﻣﺎﻝ ﺷﺒﺎﻙ .. ﺷﻔﺖ ﺍﻳﻬﺎﺏ ﻣﻨﻬﺎ ﺷﻠﻮﻥ ﺣﻠﻮ ﻭﻻﺑﺲ ﻧﻀﺎﺭﺍﺕ ﻭﻗﻤﻴﺺ ﺍﺑﻴﺾ ﻭﺑﻨﻄﺮﻭﻥ ﺍﺳﻮﺩ ﻭﺷﻜﻠﻪ ﻣﺮﺗﺐ ﻭﻟﺤﻴﺘﻪ ﺗﺨﺒﻞ
ﺻﺎﺭﺕ ﻋﻴﻨﻪ ﺑﻌﻴﻨﻲ ﺩﻧﻜﺖ .. ﻛﺘﻠﻬﺎ ﻳﻠﻪ ﻏﺪﻭﺭﻩ ﺍﺗﺮﺧﺺ ﺍﺭﻭﺡ ﻟﻠﺒﻴﺖ ﻛﺎﻟﺖ ﻭﻳﻦ ﻫﻮﻩ ﺑﻴﺘﻜﻢ ﺑﺎﻟﻔﺮﻉ ﻣﺎﻟﺘﻨﺎ ﺍﻣﺸﻲ ﻧﻮﺻﻠﺞ ﻭﻳﺎﻧﺎ
ﻛﺘﻠﻬﺎ ﻻ ﻭﺍﻟﻠﻪ ﻣﺎ ﺍﻛﺪﺭ ﻫﺴﻪ ﺍﺧﺬ ﻓﻮﺭﺗﺎﺕ ﻣﻨﺎ ﻭﺍﺭﺟﻊ ﻣﻴﺤﺘﺎﺝ .. ﻛﺎﻟﺖ ﺍﺯﻋﻞ ﻋﻠﻴﺞ ﻭﺍﻟﻠﻪ .. ﻛﺘﻠﻬﺎ ﭐפﮔـﻴﮧ ﺻﻌﺪﺕ ﻟﻴﻮﺭﻩ ﻭﻫﻴﻪ ﻛﻌﺪﺕ ﻳﻤﺎ ﻟﻴﻜﺪﺍﻡ .. ﺣﺴﻴﺘﻪ ﻓﺮﺡ ﺍﺑﺘﺴﻢ
ﻧﺰﻉ ﻧﻀﺎﺭﺍﺗﻪ ﻭﺑﻘﻰ ﻳﺒﺎﻭﻉ ﻣﻦ ﺍﻟﻤﺮﺍﻳﺎ ﻭﺍﻧﻲ ﻣﺪﻧﻜﻪ ﻋﻴﻮﻧﻲ .. ﻃﻠﻊ ﺍﻏﻨﻴﺔ ﺑﺎﺳﻢ ﺍﻟﻌﻠﻲ .. ﻣﺸﺘﺎﻛﻠﻚ ﻣﻮﻭﻭﻭﺕ .. ﻣﺸﺘﺎﻙ ﻟﻌﻴﻮﻧﻚ ﺣﺒﻴﺒﻲ ﻣﺸﺘﺎﺍﺍﺍﺍﻛﻠﻚ ﻣﻮﺕ
ﺑﻘﺖ ﻣﺪﻧﻜﻪ ﻭﺍﻻﻏﻨﻴﻪ ﺍﺣﺴﻪ ﻳﻘﺼﺪﻧﻲ ﺑﻴﻬﺎ .. ﺧﻠﺼﺖ ﻧﺼﺎﻩ . ﺍﻟﺮﺍﺩﻳﻮ .. ﻭﺣﺠﻪ ﻭﻳﻪ ﻏﺪﻳﺮ .. ﻛﺎﻟﻬﺎ ﺷﻠﻮﻧﺞ ﺑﺎﻻﻣﺘﺤﺎﻥ .. ﻛﺎﻟﺘﻠﻪ ﺯﻳﻨﻪ
ﻛﺎﻟﻬﺎ ﻣﻦ ﻛﻠﻤﺘﺞ ﻣﺒﻴﻨﻪ ﻣﺼﺨﻤﻪ ﻭﻣﻠﻄﻤﻪ .. ﻛﺎﻟﻬﺎ ﻭﺻﺎﺣﺒﺘﺞ ﻫﻢ ﻣﺜﻠﺞ .. ﺩﻧﻜﺖ ﺧﺠﻠﺖ .. ﻛﺎﻟﺘﻠﻪ ﻻ ﺳﻨﺎ ﺍﺻﻼ ﺍﻋﻔﺎﺀ ﻋﺎﻡ ﺑﺲ ﺍﺟﺖ ﺍﻟﻴﻮﻡ ﺗﻮﺩﻋﻨﺎ ﻻﻥ ﺍﺧﺮ ﻳﻮﻡ ﺑﺎﻟﻤﺪﺭﺳﻪ
ﺑﺎﻭﻋﻠﻲ ﻭﺍﺑﺘﺴﻢ ﻭﺭﻓﻊ ﺣﺎﺟﺒﻪ ﻭﻛﺎﻝ ﺍﻣﻤﻢ ﺟﻴﺪ .. ﺍﺑﺘﺴﻤﺖ ﻭﺩﻧﻜﺖ
ﺍﻳﻬﺎﺏ .. ﺍﺟﻴﺖ ﺍﺧﺬ ﻏﺪﻳﺮ ﻟﻠﺒﻴﺖ ﻻﻥ ﺑﺎﻻﻣﺘﺤﺎﻧﺎﺕ ﻣﺎ ﺧﻠﻴﻨﺎﻟﻬﺎ ﺧﻂ .. ﺍﺑﻮ ﺍﻟﺨﻂ ﻗﻔﺎﺹ .. ﻫﻮﻩ ﺍﻳﺎﻡ ﺍﻻﻣﺘﺤﺎﻧﺎﺕ 12 ﻳﻮﻡ ﻳﺮﻳﺪ ﺍﺟﺮﻩ ﻣﺎﻝ ﺷﻬﺮ
ﺍﺑﻮﻳﻪ ﺭﺍﺩ ﻳﻨﻄﻲ ﺑﺲ ﺍﻧﻲ ﻣﻘﺒﻠﺖ ﺷﻨﻮ ﻳﻘﻔﺺ ﻋﻠﻴﻨﻪ ﻛﺘﻠﻪ ﻳﺎﺑﻪ ﺍﻧﻲ ﺍﺧﺬﻫﺎ ﻭﺍﺭﺟﻌﻬﺎ ﺷﻴﺮﺍﺩﻟﻬﺎ ﻭﺍﻧﻲ ﻣﺎ ﻋﻨﺪﻱ ﺷﻲ ﻋﺪﻧﺎ ﺍﺟﺎﺯﻩ ﻧﻘﺮﻩ ﺑﻴﻬﺎ .. ﻣﺎ ﺍﻃﻮﻝ ﺍﻭﺩﻳﻬﺎ ﻭﺍﺟﻴﺒﻬﺎ ﻳﻮﻣﻴﻪ ﺑﺴﻴﺎﺭﻩ
ﻭﺻﻠﺖ ﻟﺒﺎﺏ ﺍﻟﻤﺪﺭﺳﻪ .. ﺟﻨﺖ ﺍﺗﺎﻧﻲ ﻛﻞ ﻳﻮﻡ ﺑﻠﻜﺖ ﺍﺷﻮﻓﻬﺎ ﻟﺴﻨﺎ ﺑﺲ ﺍﺑﺪ ﻣﻤﺼﺎﺩﻓﻬﺎ ﺻﺎﺭ ﺷﻜﺪﺩﺩﺩ ﺍﺷﻮﻓﻬﺎ ﻫﻴﺞ ﺧﻄﻒ ﻟﻤﺎ ﻳﻨﻔﺘﺢ ﺍﻟﺒﺎﺏ ﻣﺎﻟﺘﻬﻢ
ﺑﺲ ﻣﺎ ﺍﺑﺎﻭﻉ ﺍﺳﺘﺤﻲ ﺍﺑﺼﺒﺺ ﻋﻠﻪ ﺑﻴﻮﺕ ﺍﻟﻌﺎﻟﻢ .. ﺍﻟﻴﻮﻡ ﻋﻴﻮﻧﻲ ﺻﺎﺭﺕ ﺑﻌﻴﻮﻧﻬﺎ ﺍﺣﺲ ﻛﻠﺒﻲ ﻃﺎﺭ ﺑﺸﻮﻓﺘﻬﺎ ﻭﻫﻴﻪ ﻣﺘﺤﺠﺒﻪ ﺑﺤﺠﺎﺏ ﺍﻣﻴﺮﻩ ﺷﻠﻮﻥ ﻧﺎﺯﻙ ﻋﻠﻪ ﻭﺟﻬﺎ ﻳﺨﺒﻞ
ﺍﺻﺮﺕ ﻏﺪﻳﺮ ﻋﻠﻴﻬﺎ ﺍﻻ ﺗﺼﻌﺪ ﻭﻳﺎﻧﻪ ﻓﺮﺣﺖ .. ﺻﻌﺪﺕ ﻛﻤﺖ ﺍﺑﺎﻭﻋﻠﻬﺎ ﻭﺍﺑﺘﺴﻢ ﻭﻫﻴﻪ ﻣﺘﺒﺎﻭﻉ ﺍﺑﺪ .. ﺷﻐﻠﺘﻠﻬﺎ ﺍﻏﻨﻴﻪ ﻋﺒﺮﺗﻠﻬﺎ ﻋﻦ ﺍﺷﺘﻴﺎﻗﻲ ﺍﻟﻬﺎ ﻭﺭﺩﺕ ﺍﺣﺴﺴﻬﺎ ﺍﻧﻲ ﻣﺎ ﻧﺴﻴﺘﻬﺎ ﻛﻞ ﻫﻠﻔﺘﺮﻩ
ﻫﻴﻪ ﺍﺑﺪ ﻣﺸﺎﻟﺖ ﻋﻴﻨﻬﺎ ﺑﻌﻴﻨﻲ .. ﺳٲﻟﺘﻬﻢ ﻋﻼﻣﺘﺤﺎﻥ ﻛﺎﻟﺘﻠﻲ ﻫﻴﻪ ﺍﻋﻔﺎﺀ .. ﺑﺎﻭﻋﺘﻠﻬﺎ ﻭﺭﻓﻌﺖ ﺣﺎﺟﺒﻲ ﻛﺘﻠﻬﺎ ﺟﻴﺪ .. ﺑﺎﻭﻋﺘﻠﻲ ﻭﺑﺴﺮﻋﻪ ﺩﻧﻜﺖ ﺭﺍﺳﻬﺎ ﻭﺑﺴﻤﺘﻬﺎ ﺗﺤﺎﻭﻝ ﺗﺨﻔﻴﻬﺎ ﺑٲﺭﺗﺒﺎﻙ
ﻳﺒﻮﻭﻭ ﻛﻄﻌﺖ ﺭﻭﺣﻲ ﻋﻠﻴﻬﺎ .. ﻭﻋﻠﻲ ﻟﻮ ﻫﻴﻪ ﻟﻮ ﻣﺎ ﺍﺭﻳﺪ .. ﻟﻮ ﺍﻋﺮﻑ ﺍﻫﺪ ﺍﻟﻜﻮﻥ ﺍﺧﺬﻫﺎ ﺍﺧﺬﻫﺎ .. ﻟﻮ ﺍﺗﺎﻧﻴﻬﺎ ﺍﻟﻌﻤﺮ ﻛﻠﻪ
ﺳﻨﺎ .. ﺑﻘﻰ ﻳﺒﺎﻭﻋﻠﻲ ﻭﺍﻧﻲ ﻣﻴﺘﻪ ﺧﺠﻞ ﻭﺑﻜﻠﺒﻲ ﻫﻴﺞ ﺍﻛﻮ ﻓﺮﺡ ﻣﻨﺰﻟﻪ ﻋﻴﻨﻲ ﻭﺍﺑﺎﻭﻉ ﻋﻠﻪ ﺍﻳﺪﻩ ﺷﻠﻮﻥ ﻣﺘﺠﻴﻬﺎ ﻋﻠﺠﺎﻧﺐ .. ﺍﻳﺪﻩ ﻣﺸﻌﺮﻩ ﺑﺲ ﺑﻴﻀﻪ ﺣﻠﻮﻩ
ﻭﺳﺎﻋﺘﻪ ﺍﻟﻔﻀﻴﻪ ﻻﻳﻜﻪ ﻋﻠﻴﻪ .. ﻭﻫﻴﺌﺘﻬﺎ ﺣﻠﻮﻩ .. ﺑﻘﻴﺖ ﻣﺪﻧﻜﻪ .. ﻭﻣﺎ ﺍﻋﺮﻑ ﻛﻤﻴﺔ ﺍﻻﺣﺴﺎﺱ ﻭﺍﻟﻤﺸﺎﻋﺮ ﺑﻮﻗﺘﻬﺎ ﻫﻴﺞ ﻣﺨﺒﻮﺻﻪ ﺑﻴﻦ ﺍﻟﺤﺐ ﻭﺍﻟﺨﺠﻞ ﻭﺷﻐﻼﺕ ﻣﻔﺮﺣﻪ
ﻭﺻﻠﻨﻪ ﻟﻠﺒﻴﺖ ﻛﺘﻠﻬﻢ ﺷﻜﺮﺍ ﺑﺼﻮﺕ ﻧﺎﺻﻲ .. ﻳﺘﺒﻊ
🌺🌺🌺🌺🌺
ﻳﻼ ﺳﻮﻟﻔﻮﻟﻲ بلدردشة ﺭٲﻳﻜﻢ ﻭﺗﻮﻗﻌﺎﺗﻜﻢ ﻭﻻ ﺗﻨﺴﻮ تقيم تطبيقنا .. ﺍ؏ــﺒـ ❤ ــﮑﻢ ﻣﻮﻭﻭﺕ 😘
ﺯﻳﻨﺐ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء