رواية اهدتني عاراً الجزء الحادي والعشرين
للكاتبة نورا ناصر
....
ﺟﻨﻪ
ﺭﻣﻲ ﻭﺻﻴﺎﺡ ﻭﺗﻬﺪﻳﺪﺍﺕ
ﺍﻟﺨﻮﻑ ﺗﻤﻠﻜﻨﻲ ﻛﻠﻲ
ﺟﻬﺎﺩ ﻭﺍﺧﻮﺗﻪ ﺻﻌﺪﻭﺍ ﻟﻠﺴﻄﺢ ﻭﺑﻴﺪﻫﻢ ﺍﺳﻠﺤﺘﻬﻢ
ﺑﻘﻴﺖ ﺍﻧﻲ ﻛﺎﻋﺪﻩ ﺑﻤﻜﺎﻧﻲ ﺍﺭﺟﻒ ﻭﺍﺣﺲ ﺍﺧﺘﻨﮕﺖ ﺛﻮﺍﻧﻲ ﻭﺻﺎﺭ ﻋﻨﺪﻱ ﺍﻟﻢ ﺑﻄﻨﻲ ﻇﻠﻴﺖ ﺍﺗﻠﻮﻩ ﻭﺍﺻﻴﺢ
ﺍﻟﻠﺘﻤﻮﺍ ﻋﻠﻴﻪ ﻋﻤﺘﻲ ﻭ ﺭﻭﻧﻖ
ﻣﺪﺩﻭﻧﻲ ﻭﻧﻤﺖ ﺻﻔﺢ ﻭﺍﻧﻲ ﺍﺗﺄﻟﻢ ﻭﺍﻫﺬﻱ ﻣﻦ ﺍﺍﻟﻮﺟﻊ
ﺍﻻﻡ .. ﺷﻠﻮﻥ ﺑﻬﺎﻟﻠﻴﻠﻪ ﻳﺎﺭﺑﻲ ﺗﻔﻮﺕ ﻋﻠﻰ ﺧﻴﺮ ﻳﻤﻪ ﺍﻭﻻﺩﻱ ﺭﺍﺡ ﻳﺘﻜﺘﻠﻮﻥ ﺷﻠﻮﻥ ﺑﻴﻪ ﺍﻧﻲ
ﺭﻭﻧﻖ .. ﺧﺎﻟﻪ ﺟﻨﻪ ﻓﺪ ﻧﻮﺏ ﺧﺎﻑ ﻋﺪﻫﻪ ﻭﻻﺩﻩ ﺭﻭﺣﻲ ﺻﻴﺤﻲ ﻟﺠﻬﺎﺩ .
ﺟﻨﻪ ..
ﺟﻨﺖ ﺑﻴﻦ ﺍﻟﺨﺎﻳﻔﻪ ﻋﻠﻴﻪ ﻭﻣﻨﻪ ﺑﻴﻦ ﺍﻻﺣﺴﺎﺱ ﺑﺎﻟﻐﺮﺑﻪ ﺍﺣﺘﺎﺟﻴﺖ ﺍﻣﻲ ﻳﻤﻲ ﻭﻇﻠﻴﺖ ﺍﻧﺎﺷﻎ ﻭﻻﺯﻣﻪ ﺑﻄﻨﻲ ﻭﺍﺑﺠﻲ ﻭﺍﺭﺟﻒ
ﺭﺍﺣﺖ ﻋﻤﺘﻲ ﺻﺎﺣﺖ ﺍﻟﻪ
ﺟﻬﺎﺩ .
ﺷﻔﺖ ﺍﻣﻲ ﺻﻌﺪﺕ ﻋﻠﺊ ﺍﻟﺪﺭﺝ ﻭﺗﺮﻳﺪ ﺗﺠﻲ ﺍﻟﻨﻪ ﻭﺑﻴﻦ ﺍﻃﻼﻕ ﺍﻟﻨﺎﺭ
ﺭﻛﻀﺖ ﻋﻠﻴﻬﺎ ﻟﺰﻣﺘﻬﺎ ﻭﺍﻧﻲ ﺍﺭﺟﻌﻬﺎ ﻳﻤﻤﻪ ﻭﻳﻦ ﺟﺎﻳﻪ ﻻﺗﺠﻴﺞ ﻃﻠﻘﻪ ﻣﺎﺷﻮﻓﻴﻦ ﺍﻟﺠﻮ ﺷﻠﻮﻥ ﻛﺎﺏ ﺑﻌﺼﺒﻴﻪ
ﺟﺎﻭﺑﺘﻨﻲ ﺑﺪﻣﻮﻉ ... ﻟﻚ ﺟﻬﺎﺩ ﻣﺮﺗﻚ ﺭﺍﺡ ﺗﻤﻮﺕ ﻣﺮﺗﻚ ﺻﺎﺭﺕ ﻋﺪﻫﺎ ﻭﻻﺩﻩ
ﺿﻠﻴﺖ ﺑﺤﻴﺮﻩ ﺑﻴﻦ ﺍﺧﻮﺍﻧﻲ ﺍﻟﻲ ﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ ﻭﺑﻴﻦ ﺯﻭﺟﺘﻲ ﺍﻟﺒﺮﻳﺌﻪ
ﻣﺴﺤﺖ ﻭﺟﻬﻲ ﺑﺘﻮﺗﺮ ﻭﻧﺰﻟﺖ ﺍﺭﻛﺾ ﺩﺭﺟﺘﻴﻦ ﺩﺭﺟﺘﻴﻦ ﺷﻔﺘﻬﺎ ﻣﻦ ﺑﻌﻴﺪ ﻭﻫﻲ ﺗﺘﻠﻮﺉ ﻭﺗﺼﺮﺥ ﺑﻮﺟﻊ ﻗﺎﺗﻞ
ﺍﻛﻴﺪ ﻛﻞ ﻫﺬﺍ ﺍﻟﻲ ﺑﻴﻬﻪ ﻣﻦ ﺍﻟﻬﺒﻄﻪ ﻭﺍﻟﺨﻮﻑ .
ﻣﻦ ﺷﺎﻓﺘﻨﻲ ﺷﺎﻳﻞ ﺍﻟﻤﺴﺪﺱ ﺯﺣﻔﺖ ﻭﻫﻲ ﺗﺒﻜﻲ ﺗﻘﺪﻣﺖ ﻣﻨﻬﺎ ﺣﻀﻨﺘﻬﺎ ﻭﺍﻧﻲ ﺍﻃﻤﻨﻬﺎ
ﺟﻬﺎﺩ ﺑﺘﻮﺗﺮ ... ﻻ ﺗﺨﺎﻓﻴﻦ ﻫﺴﻪ ﺍﺧﺬﺝ ﻻﺍﺣﺴﻦ ﻣﺴﺘﺸﻔﺊ
ﺑﻬﺎﻻﺛﻨﺎﺀ ﻧﺰﻝ ﻓﺆﺍﺩ ﻳﺮﻛﺾ ﻭﺑﻌﺼﺒﻴﻪ . ﻛﺎﻝ . ﻟﻚ ﺟﻬﺎﺩ ﺣﺘﺨﺒﻠﻨﻪ ﺑﺲ ﻛﻮﻝ ﺍﻧﺖ ﻗﺘﻠﺘﻬﻢ ؟؟
ﺟﻬﺎﺩ ﺑﺼﻴﺎﺍﺍﺡ ... ﻭﺍﺫﺍ ﻗﺘﻠﺘﻬﻢ ﻳﻌﻨﻲ ﺷﻨﻮﻭ : ؟
ﺟﻨﻪ ﺻﺮﺧﺖ ﺑﺨﻮﻑ ﻻﻻ ﺟﻬﺎﺩ ﻻ ﺗﻜﻮﻝ ﻫﻴﺞ ﻻ ﻻﺍﺍﺍ ﻻ ﺗﻘﺘﻠﻨﻲ ﺍﻧﻲ ﻣﻮ ﻣﺜﻠﻬﻢ
ﺩﺭﺕ ﻭﺟﻬﻲ ﻋﻠﻴﻬﺎ ﺑﺼﺪﻣﻪ ﻭﺣﺠﻴﺖ ﺑﻜﻠﺒﻲ ﻫﻲ ﺷﺘﻜﻮﻝ ﻭﻟﻴﺶ ﺍﻛﺘﻠﻬﺎ ﻫﻲ ﻣﻮ ﻣﺜﻠﻬﻢ ﺍﻧﻲ ﺍﻋﺮﻑ ﻭﻣﺴﺘﺤﻴﻞ ﺗﺼﻴﺮ ﻣﺜﻠﻬﻢ
ﻣﻦ ﻗﻬﺮﻱ ﺯﻧﻜﺖ ﻓﺆﺍﺩ ﻣﻦ ﻗﻤﻴﺼﻪ ... ﺍﻧﺖ ﻣﺎﺗﻌﺮﻑ ﺗﺤﺠﻴﻠﻚ ﺣﺠﺎﻳﻪ ﺑﻴﻬﺎ ﺧﻴﺮ ﻣﺘﺸﻮﻓﻬﺎ ﺷﻠﻮﻥ ﺭﺍﺡ ﺗﻤﻮﺕ ﻋﺎﻳﺰﻩ ﻫﻲ ﺧﻮﻑ ﺣﺘﺊ ﺗﺠﻤﻠﻬﺎ
ﺗﺪﺧﻠﺖ ﺍﻣﻲ ﻭﻓﺎﻛﻜﺘﻨﺎ
* ﺟﻨﻪ
ﺷﻔﺘﻪ ﻣﺘﺖ ﺧﻮﻑ ﺗﺨﻴﻠﺘﻪ ﺩﻳﻘﺘﻠﻨﻲ ﻣﺜﻞ ﻣﺎﻗﺘﻞ ﺭﺅﻯ ﺗﺨﺮﺑﻄﺖ ﺑﺎﻟﺰﺍﻳﺪ
ﻓﻘﺪﺕ ﺍﻻﻣﺎﻥ ﻭﺻﺎﺭ ﺟﻬﺎﺩ ﺍﻟﻲ ﻣﺼﺪﺭ ﺧﻮﻭﻭﻭﻑ
ﻛﻌﺪ ﻳﻤﻲ ﻣﺎﺍﻛﺪﺭ ﺍﻟﻠﻬﺞ ﻏﻴﺮ ﺑﺎﻻﻫﺎﺕ
ﻟﺰﻡ ﺍﻳﺪﻱ ﻋﺼﺮﻫﺎ ﻗﻮﻱ
.. ﺟﻬﺎﺩ ﺭﺍﺡ ﺍﻣﻮﻭﺕ ﺧﻠﺼﻮﻧﻲ
.. ﺍﻧﻲ ﺭﺍﺡ ﺍﺷﻮﻑ ﺣﻞ ﺍﻧﺖ ﺍﺭﺗﺎﺣﻲ ﺍﺧﺬﻱ ﻧﻔﺲ ﻣﺎﺷﻲ .
ﺭﺣﺖ ﻋﻠﻰ ﺍﺑﻮﻳﻪ
ﻛﺘﻠﻪ ﻳﺎﺑﻪ ﺍﺭﻳﺪﻙ ﺗﺨﺎﺑﺮ ﻭﺍﺣﺪ ﻣﻨﻬﻢ ﺧﻠﻲ ﻳﻄﻮﻧﻪ ﻫﺪﻧﻪ
ﺟﻨﻪ ﻣﺘﺨﺮﺑﻄﻪ ﻓﺪ ﻧﻮﺏ ﻣﺤﺘﺎﺟﻪ ﻣﺴﺘﺸﻔﻰ ﺿﺮﻭﺭﻱ ﻫﺴﻪ .
ﻧﺰﻝ ﺍﺑﻮ ﺟﻬﺎﺩ ﻭﺍﺧﺬ ﺍﻟﺘﻠﻴﻔﻮﻥ ﻭﺧﺎﺑﺮ ﻋﻠﻰ ﺍﺧﻮ ﻭﻃﻠﺐ ﻣﻨﻪ ﻳﻮﻛﻔﻮﻥ ﺍﻟﺮﻣﻲ ﺩﻳﻄﻠﻊ ﻳﺤﺎﺟﻴﻬﻢ .
ﻃﻠﻊ ﺍﺑﻮ ﺟﻬﺎﺩ
ﺟﺎﻧﻮ ﺍﺧﻮﺓ ﻋﺎﻣﺮ ﻭﺍﻫﻞ ﺭﺅﻯ ﻣﻘﺎﺑﻴﻞ ﺑﻴﺘﻬﻢ
ﺑﻘﻰ ﻳﺘﻔﺎﻫﻢ ﻭﻳﺎﻫﻢ
ﻭﺗﻮﺳﻞ ﺑﻴﻬﻢ ﻳﻨﻄﻮﻥ ﻫﺪﻧﻪ ﺯﻭﺟﺘﻪ ﻋﺪﻫﻪ ﻭﻻﺩﻩ ﻭﻫﻲ ﻣﺎﺍﻟﻬﻪ ﺫﻧﺐ
ﻭﺍﻓﻘﻮﺍ ﻋﻠﻰ ﻃﻠﺐ ﺍﺑﻮ ﺟﻬﺎﺩ
ﺭﺟﻊ ﻭﺑﻠﻐﻬﻢ ﻭﻛﺎﻝ ﺍﻟﻬﻢ ﺗﺤﻀﺮﻭﺍ ﺣﺘﻰ ﺗﺎﺧﺬﻭﻫﺎ ﻟﻠﻤﺴﺘﺸﻔﻰ .
* ﺟﻨﻪ
ﺑﻌﺪ ﺭﺟﻌﺖ ﻋﻤﻲ ﻣﻦ ﺑﺮﻩ ﻭﻛﺎﻝ ﻳﻼ ﺣﺘﻰ ﺗﺮﻭﺣﻮﻥ ﺍﻟﻤﺴﺘﺸﻔﻰ ﻣﺎﻛﻮ ﺷﻲ ﻋﻠﻴﻜﻢ
ﻟﺰﻣﻨﻲ ﺟﻬﺎﺩ ﻣﻦ ﺍﻳﺪﻱ
.. ﻳﻼ ﺣﺒﻴﺒﻲ ﻛﻮﻣﻲ ﻭﻟﺘﺨﺎﻓﻴﻦ ﺍﻧﻲ ﻭﻳﺎﺝ ..
ﺍﺑﻮ ﺟﻬﺎﺩ .. ﺍﻧﺖ ﻭﻳﻦ ﻭﻳﺎﻫﻪ ﻭﻟﻚ ﻳﺘﺮﺳﻮﻧﻚ ﺭﺻﺎﺹ ﺍﺫﺍ ﻋﺘﺒﺔ ﺍﻟﺒﺎﺏ ﺧﻠﻲ ﻭﺍﺣﺪ ﻣﻦ ﺍﺧﻮﺗﻚ ﻳﻮﺩﻳﻬﻢ
. ﺟﻬﺎﺩ ﺑﺼﻴﺎﺡ . ﻳﺎﺑﻪ ﺷﺘﻜﻮﻝ ﺍﻧﺖ ﻗﺎﺑﻞ ﺍﻧﻲ ﺍﺧﺎﻑ ﻭﺍﺧﻠﻲ ﺯﻭﺟﺘﻲ ﺗﻄﻠﻊ ﻣﻦ ﺑﻴﻨﻬﻢ .
ﺍﺑﻮ ﺟﻬﺎﺩ .. ﺍﻧﺖ ﺑﺲ ﻟﻮ ﺗﻜﻮﻝ ﺷﻤﺴﻮﻱ ﺍﻧﻲ ﻛﻠﺒﻲ ﻳﺮﺗﺎﺡ
ﺑﻌﺪ ﺟﺪﺍﻝ ﺑﻘﻲ ﺟﻬﺎﺩ ﻣﻌﺎﻧﺪ ﻣﻴﻘﺒﻞ ﺍﻟﻪ ﻳﺮﻭﺡ ﻭﻳﺎﻳﻪ ﻭﻣﻮﻫﺎﻣﻪ ﺷﻲ ﻭﻫﻮ ﻳﻌﺮﻑ ﺍﺫﺍ ﻃﻠﻊ ﻳﻜﺘﻠﻮ ﺑﺲ ﻣﻴﺮﻳﺪ ﻳﻌﻮﻓﻨﻲ
ﺍﻧﻲ ﻛﺎﻋﺪﻩ ﺑﻴﻦ ﺍﻻﻟﻢ ﻭﺍﻟﺨﻮﻑ ﻣﻤﺪﻩ ﺭﺟﻠﻴﻪ ﻭﻣﺨﻠﻴﻪ ﺍﻳﺪﻱ ﻉ ﺍﻟﻜﺎﻉ ﺳﺎﻧﺪﻩ ﺟﺴﻤﻲ ﻋﻠﻴﻬﻪ
ﺟﻬﺎﺩ .. ﻳﺎﺑﻪ ﻛﺘﻠﻠﻚ ﻣﺨﺎﻳﻒ ﻣﻨﻬﻢ ﺍﻧﻲ ﻭﺍﻃﻠﻊ ﻭﻣﺴﺪﺳﻲ ﻭﻳﺎﻱ ﻭﺍﻟﺰﻟﻤﻪ ﺑﻴﻬﻢ ﺧﻠﻲ ﻳﺸﻴﻞ ﺳﻼﺣﻪ ﻋﻠﻴﻪ ﺍﺧﻔﺮ ﺍﻟﻜﺎﻉ ﻭﺍﺩﻓﻨﻪ ﺑﻤﻜﺎﻧﻪ
.....
....
ﺍﻡ ﺟﻬﺎﺩ ..
ﺻﺮﺧﺖ ﻭﺷﻤﺮﺕ ﻧﻔﺴﻬﺎ ﻋﻠﻰ ﺟﻬﺎﺩ ﻭﻇﻠﺖ ﺗﺪﻙ ﻋﻠﻰ ﺻﺪﺭﻩ ﻭﻟﻠﻠﻚ ﻳﻤﻪ ﻓﻜﺮ ﺍﺑﻨﺘﻚ ﻭﻟﻚ ﻓﻜﺮ ﺑﻴﻪ ﻳﻤﻪ ﺣﺮﺍﻡ ﻋﻠﻴﻚ ﻻﺗﻌﺬﺑﻨﻪ ﺧﻠﻲ ﻭﺍﺣﺪ ﻣﻦ ﺍﺧﻮﺗﻚ ﻳﻮﺩﻳﻨﻪ ﻭﺍﻧﺖ ﺍﺑﻘﻰ ﻫﻨﺎﺍﺍ .
ﻭﺍﺧﻴﺮﺍ ﺍﺳﺘﺴﻠﻢ ﺟﻬﺎﺩ ﻭﻭﺍﻓﻖ ﻳﻮﺩﻳﻨﻪ ﻋﻤﺎﺩ ﻟﻠﻤﺴﺘﺸﻔﻰ
ﺭﺍﺣﺖ . ﺭﻭﻧﻖ ﺟﺎﺑﺘﻠﻲ ﻋﺒﺎﻳﻪ ﻭﺟﻨﻄﺔ ﺍﻟﻤﻼﺑﺲ ﺍﻟﻲ ﺣﻀﺮﺗﻬﺎ ﺍﻧﻲ ﻣﻦ ﻛﻢ ﻳﻮﻡ ﻻﻥ ﺍﻟﺪﻛﺘﻮﺭﻩ ﺣﺪﺩﺕ ﺍﻟﻲ ﻣﻮﻋﺪ ﺍﻟﻌﻤﻠﻴﻪ ﺑﻌﺪ ﻳﻮﻣﻴﻦ ﺑﺲ ﻣﺠﻨﺖ ﺍﻋﺮﻑ ﻫﻴﺞ ﺭﺍﺡ ﻳﺼﻴﺮ ﺑﺤﺎﻟﻲ .
ﺣﺎﻟﺘﻲ ﻳﺮﺛﻰ ﻟﻬﺎ ﻋﺒﺎﻟﻚ ﻣﻮﺗﻲ ﺣﻴﺼﻴﺮ ﺑﻬﺎﻟﻠﺤﻈﻪ
ﻟﺒﺴﻨﻲ ﺟﻬﺎﺩ ﺍﻟﻌﺒﺎﻳﻪ ﻭﺑﺎﺳﻨﻲ ﻣﻦ ﺭﺍﺳﻲ ﺣﻀﻨﻲ ﻭﻛﺎﻝ ﺍﻃﻤﺌﻨﻲ ﻣﺮﺍﺡ ﻳﺼﻴﺮ ﺷﻲ ﻟﺘﺨﺎﻓﻴﻦ
ﺑﺎﻭﻋﺘﻠﻪ ﻭﺍﻟﺪﻣﻮﻉ ﺑﻌﻴﻨﻲ ﻣﺎﺍﺩﺭﻱ ﺷﻨﻮ ﺍﺣﺠﻲ
ﺍﺣﺲ ﺻﺮﺕ ﺧﺮﺳﻪ ﺑﺲ ﻣﻴﺔ ﺷﻌﻮﺭ ﺑﻴﻪ ﺧﻮﻑ ﻭﻗﻠﻖ ﻭﺍﻟﻢ ﺣﺘﻰ ﻋﻠﻲ ﻫﻢ ﺧﺎﻳﻔﻪ ﻫﺰﻳﺖ ﺭﺍﺳﻲ ﺍﻱ
ﺍﺧﺬﺗﻨﻲ ﻋﻤﺘﻲ ﻣﻦ ﺍﻳﺪﻱ
ﻭﻃﻠﻌﻨﻪ ﺑﺮﻩ ﺍﻟﺒﻴﺖ
ﻇﻠﻴﺖ ﺍﺑﺎﻭﻋﻠﻬﻢ ﺷﻮﻥ ﻣﺘﺠﻤﻌﻴﻦ ﻭﻧﺎﻭﻳﻦ ﻉ ﺍﻟﺸﺮ ﺭﻓﻌﺖ ﺭﺍﺳﻲ ﻟﻠﺴﻤﺎ ﻳﺎﺭﺑﻲ ﺍﺣﻘﻦ ﻫﺎﻟﺪﻡ ﻭﻻﺗﺨﻠﻲ ﻳﺴﻴﻞ .
ﺻﻌﺪﺕ ﺑﺎﻟﺴﻴﺎﺭﻩ
ﻭﮔﻠﺒﻲ ﺍﺣﺴﻪ ﺑﻘﻪ ﺑﺎﻟﺒﻴﺖ .
* ﺟﻬﺎﺩ
ﺑﺎﻭﻋﺘﻠﻬﺎ ﻭﻫﻲ ﺭﺍﻳﺤﻪ ﻭﻱ ﺍﻣﻲ
ﺭﻓﻌﺖ ﺭﺍﺳﻲ ﻟﻠﺴﻤﺎ ﻭﺩﻋﻴﺖ ﺑﻜﻠﺒﻲ ﺭﺑﻲ ﺍﺣﻤﻴﻬﺎﺍ ﻭﺭﺟﻌﻬﺎ ﺍﻟﻲ ﺳﺎﻟﻤﻪ ﻫﻲ ﻭﺑﻨﺘﻲ
ﺍﻋﺮﻑ ﺩﻋﻮﺗﻲ ﻣﺘﺴﺘﺠﺎﺏ ﻻﻧﻲ ﺍﻧﺴﺎﻥ ﺃﺛﻢ ﻭﻛﻠﻲ ﺫﻧﺐ ﻭﻳﻤﻜﻦ ﺣﺘﻰ ﻣﻄﺮﻭﺩ ﻣﻦ ﺭﺣﻤﺘﻚ ﺑﺲ ﻫﻲ ﻳﺘﻴﻤﻪ ﻭﻣﺤﺘﺎﺟﻪ ﺗﺸﻤﻠﻬﺎ ﺑﺤﻔﻈﻚ ﻭﺭﻋﺎﻳﺘﻚ .
ﺭﺟﻌﺖ ﻻﺧﻮﺗﻲ ﻟﻠﺴﻄﺢ ﺣﺘﻰ ﺍﺩﺍﻓﻊ ﻋﻦ ﺑﻴﺘﻨﺎ ﻣﻨﻬﻢ
ﺍﺑﻮ ﺟﻬﺎﺩ .. ﺧﺎﺑﺮﻭﻟﻲ ﻋﻠﻰ ﺍﻣﺠﺪ ﺧﻠﻲ ﻳﺸﻮﻑ ﺍﻟﺸﻴﺦ ﻣﺎﻝ ﺍﻟﻌﺸﻴﺮﻩ ﻭﻳﺸﻮﻓﻠﻨﻪ ﺣﻞ .
ﺍﺗﺼﻞ ﺑﻲ ﻓﺆﺍﺩ ﻭﺗﺪﺧﻠﻮﺍ ﺍﻟﺸﻴﻮﺥ ﻭﺍﻧﻄﻮﻧﺎ ﻋﻄﻮﻩ
ﻧﺰﻟﻨﻪ ﺟﻮﻩ ﺑﻌﺪ ﻣﺎﺭﺍﺣﻮﺍ ﻛﻠﻬﻢ ﻣﻦ ﻳﻢ ﺍﻟﺒﺎﺏ
ﺩﺧﻠﺖ ﺍﻟﻐﺮﻓﺘﻲ ﻣﺎﻟﻲ ﺧﻠﻚ ﺍﺣﺪ ﺳﻤﻌﺖ ﻛﻼﻡ ﺑﻤﺎ ﻓﻴﻪ ﺍﻟﻜﻔﺎﻳﻪ .
ﺷﻤﺮﺕ ﺍﻟﻤﺴﺪﺱ ﺗﻤﺪﺩﺕ ﻉ ﺍﻟﺴﺮﻳﺮ ﻭﺍﺑﺎﻭﻉ ﻟﻠﺴﻜﻒ
ﻭﺍﻓﻜﺮ ﺑﺠﻨﻪ ﺍﺣﺲ ﺭﻭﺣﻲ ﻣﺮﺑﻂ ﺗﻤﻨﻴﺖ ﺍﻧﻲ ﻳﻤﻬﻪ ﻫﺴﻪ ﻭﺍﻭﻛﻒ ﺑﺠﺎﻧﺒﻬﺎ ﻇﻠﻴﺖ ﺍﻫﻤﺲ ﺳﺎﻣﺤﻴﻨﻲ ﺟﻨﻪ ﺳﺎﻣﺤﻴﻨﻲ .
ﻏﻔﻴﺖ ﺷﻮﻳﻪ ﻭﺍﻧﺪﻛﺖ ﺑﺎﺏ ﺍﻟﻐﺮﻓﻪ ﺭﻓﻌﺖ ﺭﺍﺳﻲ ﺍﻧﻔﺘﺢ ﺍﺍﻟﺒﺎﺏ
ﺩﺧﻞ ﻓﺆﺍﺩ ... ﻛﻮﻡ ﺍﺟﻪ ﺍﻣﺠﺪ ﻭﻳﺮﻳﺪﻙ ﻫﻮ ﻭﺍﺑﻮﻱ !!
ﺟﻨﻪ
ﻃﻮﻝ ﺍﻟﻄﺮﻳﻖ ﻭﺩﻣﻮﻋﻲ ﻣﺎﻧﺸﻔﺖ ﺩﻣﻮﻋﻲ
ﺍﺣﺘﺎﺟﻴﺖ ﺍﺣﺪ ﻣﻦ ﺍﻫﻠﻲ ﻳﻤﻲ
ﺑﺲ ﺑﻴﻨﻲ ﻭﺑﻴﻨﻬﻢ ﻣﺴﺎﻓﻪ ﻃﻮﻭﻭﻳﻠﻪ
ﺍﺣﺘﺎﺟﻴﺖ ﺍﺧﺎﺑﺮﻫﻢ ﻭﺍﻛﻮﻟﻬﻢ ﻳﺪﻋﻮﻟﻲ
ﺑﺲ ﺍﺣﺲ ﻣﺮﺑﻄﻪ ﻭﻣﺎﺑﻴﺪﻱ ﻋﻠﻰ ﺭﻭﺣﻲ ﺷﻲ
ﻭﺻﻠﻨﺎ ﻟﻠﻤﺴﺘﺸﻔﻰ
ﺍﻟﻲ ﻣﻦ ﺍﻟﻤﻘﺮﺭ ﺍﻥ ﺍﺳﻮﻱ ﺍﻟﻌﻤﻠﻴﻪ ﺑﻴﻬﺎﺍﺍ
ﻭﻛﻔﻨﻪ ﺍﻧﻲ ﻭﻋﻤﺘﻲ ﻧﻨﺘﻈﺮ ﻧﻔﻮﺕ ﻉ ﺍﻟﻄﺒﻴﺒﻪ
ﺍﻻﻟﻢ ﻣﻮﺗﻨﻲ ﺣﻀﻨﺖ ﻋﻤﺘﻲ ﻭﺍﺑﺠﻲ ﻭﻫﻲ ﺗﺒﺠﻲ ﻭﻳﺎﻳﻪ ﻭﺗﺪﻋﻲ ﺍﻟﻠﻪ ﻳﺴﻬﻞ ﻭﻻﺩﺗﻲ ﻭﺍﻟﻠﻪ ﻳﺤﻤﻲ ﺍﻟﻮﻟﺪ ﺑﺎﻟﺒﻴﺖ
ﺍﻡ ﺟﻬﺎﺩ .. ﺑﺒﻜﺎﺀ .. ﻳﻤﻪ ﺟﻨﻮﻧﻪ ﺍﺩﻋﻲ ﺍﺩﻋﻲ ﺍﻧﺖ ﺗﺮﺩﻳﻦ ﺗﻮﻟﺪﻳﻦ ﺍﻟﻠﻪ ﻳﺴﺘﺠﺎﺑﻠﺞ ﺍﻟﺪﻋﺎﺀ ﺍﺩﻋﻲ ﺍﻟﻠﻪ ﻳﺤﻔﻆ ﺍﻟﻮﻟﺪ ﻭﻳﺤﻤﻴﻬﻢ .
... ﺍﻟﻠﻪ ﻳﺤﻔﻈﻬﻢ ﻋﻤﻪ ﺭﺍﺍﺍﺡ ﺍﻣﻮﻭﺕ ﻭﺍﻟﻠﻪ
.. ﻻ ﺑﻨﺘﻲ ﻟﺘﻜﻮﻟﻴﻦ ﻫﻴﺞ ﺍﺳﻢ ﺍﻟﻠﻪ ﻋﻠﻴﺞ .
ﺑﻌﺪ ﻃﻮﻝ ﺍﻧﺘﻈﺎﺭ ﻭﺍﻟﻢ ﺷﺪﻳﺪ ﺑﺒﻄﻨﻲ
ﻭﺻﻞ ﺍﻟﺪﻭﺭ ﺍﻟﻨﻪ ﻭﺩﺧﻠﺖ ﻟﻠﻄﺒﻴﺒﻪ ﻭﻓﺤﺼﺘﻨﻲ
ﻛﺎﻟﺖ ﻣﺎﻋﻨﺪﺝ ﺍﺳﻢ ﺍﻟﻮﻻﺩﻩ
ﻟﻌﺪ ﻫﺬﺍ ﺍﻻﻟﻢ ﻛﻠﻪ ﺷﻨﻮ ؟؟
ﻛﺎﻟﺖ ﺍﻧﺘﻈﺮﻱ ﺍﻟﺪﻛﺘﻮﺭﻩ ﻣﺎﻟﺘﺞ ﺗﺠﻲ ﺗﺸﻮﻑ ﺣﺎﻟﺘﺞ .
ﺑﻘﻴﻨﻪ ﺑﺎﻟﻤﺴﺘﺸﻔﻰ ﻧﻨﺘﻈﺮ ﺍﻟﺪﻛﺘﻮﺭﻩ ﺗﺠﻲ .
ﺍﺗﺼﻞ ﺟﻬﺎﺩ ﺍﻧﻄﻴﺘﻪ ﻟﻌﻤﺘﻲ ﺗﺤﺎﺟﻲ
ﻋﻤﻪ ﺣﺎﺟﻲ ﻣﺎﺍﺑﻴﻪ ﺍﺣﺠﻲ ﻭﺍﻟﻠﻪ ﻣﻮﺟﻮﻋﻪ .
ﺣﺎﺟﺘﻪ ﻋﻤﺘﻲ ﻛﺎﻟﺖ ﻳﺮﻳﺪﺝ ﻣﺼﻤﻢ ﻳﺤﺎﺟﻴﺞ ﺍﺣﺠﻲ ﻭﻳﺎ ﺑﺮﺩﻱ ﮔﻠﺒﻪ ﺗﺪﺭﻳﻦ ﺑﻲ ﻫﺴﻪ ﮔﻠﺒﻪ ﻧﺎﺭ .
ﺍﺧﺬﺕ ﺍﻟﺘﻠﻴﻔﻮﻥ ﻣﻨﻬﺎ ﻭﺣﺎﺟﻴﺘﻪ ... ﺍﻟﻮ ﺟﻬﺎﺩ
.. ﻫﺎﺍ ﻳﺎﺭﻭﺡ ﺟﻬﺎﺩ ﺷﻮﻧﺞ ﻳﺎﻟﺤﺒﻴﺒﻪ
.. ﺟﻨﻪ .. ﺑﺒﻜﺎﺀ .. ﻣﻜﺪﺭﺕ ﺍﺣﺠﻲ ﺷﻲ
.. ﻻﺗﺒﺠﻴﻦ ﻻﺗﺨﻮﻓﻴﻨﻲ ﻋﻠﻴﺞ ﻻﺗﻤﺮﺩﻳﻦ ﮔﻠﺒﻲ ﻻﺗﺨﻠﻴﻨﻲ ﻫﺴﻪ ﺍﻃﻠﻊ ﻣﻦ ﺍﻟﺒﻴﺖ ﻭﺍﺟﻴﺞ ﻭﻃﺰﺯ ﺑﻴﻬﻢ ﻣﺨﺎﻳﻒ ﺍﻧﻲ ﻣﻦ ﺍﺣﺪ .
ﺟﻨﻪ ..
ﺧﻔﺖ ﻋﻠﻴﻪ ﺍﻋﺮﻑ ﻣﺨﺒﻞ ﻭﻛﻞ ﺷﻲ ﻳﺴﻮﻱ ﻛﺘﻠﻪ ﻻ ﻻﺗﺠﻲ ﻣﺎﺑﻴﻪ ﺷﻲ ﻫﻲ ﺍﻋﺮﺍﺽ ﻭﻻﺩﻩ ﺑﻌﺪ ﻻﺯﻡ ﻳﺼﻴﺮ ﺑﻴﻪ ﻫﻴﺞ .
.. ﺣﺒﻴﺒﺘﻲ ﺗﻌﺎﻱ ﻭﺧﻠﻲ ﻭﺭﺩﻩ ﺗﻨﻮﺭﻧﺎ ﻭﺍﻟﻠﻪ ﻣﻨﺘﻈﺮﻫﺎ ﺑﻔﺎﺭﻍ ﺍﻟﺼﺒﺮ ﺍﺭﻳﺪ ﺍﺷﻮﻓﻬﺎ ﺍﺣﺲ ﺷﺎﻳﻔﻬﺎ ﻣﻦ ﻗﺒﻞ ﻭﻋﻄﺸﺎﻥ ﻋﻠﻰ ﺷﻮﻓﺘﻬﻪ ﻣﺸﺘﺎﻕ ﺍﻟﻬﺎ ﻫﻴﺞ ﺩﺍﺣﺲ
....
. ..
ﺟﻨﻪ .. ﻣﻜﺪﺭﺕ ﺍﻛﻤﻞ ﻭﺍﻟﻠﻪ ﻏﺼﻴﺖ ﺑﺎﻟﺤﺠﻲ ﻛﺘﻠﻪ ﺍﻥ ﺷﺎﺀﺍﻟﻠﻪ ﺗﻌﺒﺎﻧﻪ ﺟﻬﺎﺩ ﻫﺎﻙ ﻫﻲ ﻋﻤﺘﻲ ﻭﻳﺎﻙ ﻭﺍﻧﻄﻴﺘﻬﺎ ﺍﻟﺘﻠﻴﻔﻮﻥ ﺍﻟﻌﻤﺘﻲ ﻭﻃﻜﻴﺖ ﺑﺠﻲ
ﺍﻧﻘﻬﺮﺕ ﻋﻠﻰ ﺑﻨﺘﻲ ﻫﻢ ﻣﺮﺍﺡ ﺗﻌﻴﺶ ﺣﻴﺎﺓ ﻃﺒﻴﻌﻴﻪ ﻭﺍﺑﻮﻫﺎ ﻣﺘﻬﻢ ﺑﺎﻟﻘﺘﻞ
ﺷﻨﻮ ﺫﻧﺒﻬﺎ ﺗﺠﻲ ﻟﻠﺪﻧﻴﺎ ﺑﻬﻴﺞ ﺿﺮﻭﻑ .
ﺑﻘﻴﻨﻪ ﻟﻠﺼﺒﺢ ﺑﺎﻟﻤﺴﺘﺸﻔﻰ ﻟﺤﺪ ﻣﺎﺍﺟﺘﻲ ﺍﻟﺪﻛﺘﻮﺭﻩ ﻭﺷﺎﻓﺖ ﺣﺎﻟﺘﻲ
ﻭﻗﺮﺭﺕ ﺗﻘﺮﺏ ﻣﻮﻋﺪ ﺍﻟﻌﻤﻠﻴﻪ .
* ﺟﻬﺎﺩ
ﻧﺰﻟﺖ ﺟﻮﻩ ﻭﺍﻧﻲ ﻣﺘﺠﻬﻢ ﺍﻋﺮﻑ ﺣﺠﻴﻬﻢ ﺭﺍﺡ ﻳﻌﺼﺒﻨﻲ
ﺑﺲ ﺷﺎﻓﻨﻲ ﺍﻣﺠﺪ ﻛﺎﻡ ﻭﺍﺟﻪ ﺻﻮﺑﻲ .
ﻛﺎﻝ .. ﻟﻚ ﺟﻬﺎﺩ ﻛﻮﻝ ﺍﺣﺠﻲ ﺍﻧﺖ ﻗﺘﻠﺘﻬﻢ ﻟﻮ ﻻﺍﺍﺍﺍ ؟؟
. ﺑﺼﻴﺎﺍﺡ ﻭﻋﺼﺒﻴﻪ ﻛﺘﻠﻪ .. ﺍﻭﻭﻭ ﺗﺮﻩ ﻣﻠﻴﺖ ﻣﻦ ﻫﺎﻟﺴﺆﺍﻝ ﻛﻠﻤﻦ ﻳﺠﻲ ﻳﺴﺄﻟﻨﻴﺎﺍﺍ ﻣﺎﻟﻲ ﺧﻠﻜﻜﻢ ﻛﻠﻜﻢ ﺩﺭﻭﻭﻭﺣﻮﻭ ﺑﺎﻟﻲ ﻳﻢ ﻣﺮﺗﻲ ﻫﺴﻪ ﻋﺪﻫﻪ ﻭﻻﺩﻩ ﻭﻣﺎﺍﺩﺭﻱ ﺑﺤﺎﻟﻬﺎﺍ ﻭﺍﻧﻲ ﻛﺎﻋﺪ ﻫﻨﺎ ﺍﻧﻲ ﺭﺍﻳﺢ ﺍﻟﻬﺎﺍ .
ﺍﻣﺠﺪ .. ﻟﻚ ﻭﻳﻦ ﺗﻄﻠﻊ ﻣﺎﺗﻜﻮﻟﻲ ﻭﺍﻟﻠﻪ ﻣﺘﺮﺻﺪﻳﻠﻚ ﻭﻳﻘﺘﻠﻮﻭﻙ ﻭﺍﻟﻠﻪ .
ﺟﻬﺎﺩ .. ﻣﻮ ﻣﺮﻩ ﺍﻧﻲ ﺣﺘﻰ ﺍﺧﺎﻑ ﻭﻣﺎﺭﺍﺡ ﺍﺑﻘﻰ ﻫﻨﺎﻧﻪ ﻣﺜﻞ ﺍﻟﻨﺴﻮﺍﻥ ﺍﺧﺬ ﺳﻼﺣﻲ ﻭﺍﺭﻭﺡ ﻭﺧﻮﺵ ﺯﻟﻤﻪ ﺍﻟﻴﺪﻧﺎﻟﻲ .
ﺍﺑﻮ ﺍﻣﺠﺪ .. ﺑﺼﻴﺎﺡ ﻭﺍﻟﻢ ﻭﻫﻮ ﻻﺯﻡ ﻗﻠﺒﻪ ﻭﻳﻜﺢ . ﻟﻚ ﺟﻬﺎﺩ ﻻﺗﺨﺒﻠﻨﻲ ﻟﻚ ﺍﻧﻲ ﺍﻭﻟﻲ ﺍﻣﻚ ﺗﻮﻟﻲ ﺍﺣﻨﻪ ﺭﺟﻠﻴﻨﻪ ﺑﺎﻟﻜﺒﺮ ﺑﺲ ﻓﻜﺮ ﺑﻤﺮﺗﻚ ﺑﺒﻨﺘﻚ ﻫﺴﻪ ﻫﻢ ﺑﻤﻜﺎﻥ ﺍﻣﻦ ﻣﺎﻋﻠﻴﻬﻢ ﺷﻲ ﻭﺑﺎﻳﺎﺩﻱ ﺍﻣﻴﻨﻪ ﺍﻛﻌﺪ ﻫﻨﺎ ﻻﺗﺄﺫﻳﻨﻲ .
ﺟﻬﺎﺩ .. ﺷﻔﺖ ﺍﺑﻮﻳﻪ ﻳﺮﻳﺪ ﻳﺘﺨﺮﺑﻂ ﺭﺣﺖ ﻳﻤﻪ ﻛﻌﺪﺗﻪ ﺍﻧﻲ ﻭﻓﺆﺍﺩ ﻭﺍﻣﺠﺪ ﻭﻇﻠﻴﺖ ﺍﻓﺮﻙ ﺍﻟﻪ ﺻﺪﺭﻩ
ﺍﻣﺠﺪ .. ﻻﺗﺨﺎﻑ ﻳﺎﺑﻪ ﻣﺎﻧﺨﻠﻲ ﻳﻄﻠﻊ
ﻓﺆﺍﺩ .. ﺟﻬﺎﺩ ﺩﺣﺠﻴﻬﻪ ﻟﺨﺎﻃﺮ ﻣﺤﻤﺪ ﻛﻮﻭﻭﻝ ﺍﻧﺖ ﻗﺎﺗﻠﻬﻢ ﺣﺘﻰ ﻧﻜﺪﺭ ﻧﺘﺼﺮﻑ
ﺟﻬﺎﺩ .. ﺑﺒﺮﻭﺩ .. ﻗﺎﺗﻠﻬﻢ ﻭﻟﻪ ﻻ ﻣﺴﺎﻟﻪ ﺗﺨﺼﻨﻲ ﺍﻟﻲ ﻭﺣﺪﻱ ﺍﻧﻲ ﺍﻧﻐﺪﺭﺕ ﻭﺍﻧﻲ ﺍﻧﺨﻨﺖ ﻭﺳﺪﻭﻭﻭﻭ ﻫﺬﺍ ﺍﻟﻤﻮﺿﻮﻉ ﻣﺎﺍﺭﻳﺪ ﺍﺳﻤﻌﻪ .
ﻋﻔﺘﻬﻢ ﻭﺻﻌﺪﺕ ﻓﻮﻙ ﺧﺎﺑﺮﺕ ﺟﻨﻪ ﻭﺣﺎﺟﻴﺘﻬﺎ ﻛﻮﻩ ﺗﺤﺠﻲ .. ﺍﻧﻘﻬﺮﺕ ﺣﻴﻴﻞ ﺣﺴﻴﺖ ﺑﺄﻟﻢ ﻳﻌﺼﺮ ﺭﻭﺣﻲ ﻋﻠﻴﻬﻪ ﺻﻮﺗﻬﺎ ﺍﻟﻲ ﺑﻲ ﺑﺤﺔ ﻭﺟﻊ ﻭﺍﻟﻢ ﺟﺴﺪﻫﻪ ﻭﺣﺘﻰ ﺭﻭﺣﻬﺎ ﻳﻤﻜﻦ ﺍﻧﻲ ﺍﻟﺴﺒﺐ ﺑﻲ ﺗﻘﻠﺒﺖ ﻭﺍﺣﺲ
ﺑﺪﺍﺧﻠﻲ ﺃﻟﻢ ﻣﺎ ﻳﺤﺘﻤﻠﻪ ﻗﻠﺒﻲ ﺍﻟﻤﻜﻮﻥ ﻣﻦ ﻧﺒﺾ ﻭﺩﻡ،
ﺟﻨﻪ *
ﻭﻋﻴﻴﻴﺖ ﺍﻟﻢ ﺍﺑﻄﻨﻲ ﻭﺍﺣﺲ ﻣﻮ ﺑﻬﺎﻟﻌﺎﻟﻢ ﺍﻧﻲ
ﺍﺷﻮﻑ ﻣﻐﻮﺵ .
ﺍﻟﻪ ﺑﻌﺪ ﻭﻗﺖ ﻋﻤﺘﻲ ﻳﻢ ﺭﺍﺳﻲ ﻭﺩﻣﻮﻋﻬﺎ ﻋﻠﻰ ﺧﺪﻫﺎ .
.. ﺣﻤﺪﻟﻠﻪ ﻋﻠﻰ ﺳﻼﻣﺘﺞ ﺟﻨﻪ .
.. ﺍﺣﺲ ﺛﻜﻞ ﺑﻠﺴﺎﻧﻲ ﺍﻟﻠﻪ ﻳﺴﻠﻤﺞ ﻋﻤﻪ ﺷﻮﻧﻪ ﺟﻬﺎﺩ ؟
.. ﺯﻳﻦ ﻳﻤﻪ ﺯﻳﻦ ﻣﺎﻋﻠﻴﻬﻢ ﺷﺮ ﺍﻥ ﺷﺎﺀﺍﻟﻠﻪ ﺍﺩﻋﻴﻠﻬﻢ ﺗﻮﺝ ﺟﺎﻳﺒﻪ ﺍﻧﺖ .
.. ﻭﻳﻨﻬﺎ ﺑﻨﺘﻲ ﻋﻤﻪ ﺍﺭﻳﺪ ﺍﺷﻮﻓﻬﺎﺍﺍ
.. ﻳﻤﻪ ﺑﻨﺘﺞ ﺗﻌﺒﺎﻧﻪ ﺷﻮﻳﻪ ﺧﻠﻮﻫﺎ ﺑﺎﻟﺨﺪﺝ
.. ﻟﻴﺶ ﺍﺷﺒﻴﻬﺎﺍ ؟؟
.. ﺍﻟﺤﺒﻞ ﺍﻟﺴﺮﻱ ﻣﻠﺘﻒ ﻋﻠﻰ ﺭﻗﺒﺘﻬﺎ ﻭﺻﺎﺭ ﻋﺪﻫﻪ ﺿﻴﻖ ﺗﻨﻔﺲ
ﺍﻧﺼﺪﻣﺖ ﺍﺭﻳﺪ ﺍﻛﻌﺪ ﺗﻮﺟﻌﺖ ﺭﺟﻌﺖ ﻧﻮﻣﺘﻨﻲ ﻋﻤﺘﻲ ﻇﻠﻴﺖ ﺍﺑﺠﻲ
ﻋﻤﻪ ﻳﻌﻨﻲ ﺗﻌﻴﺶ ﻛﻠﻴﻠﻲ ؟؟
ﺍﻱ ﻋﻤﻪ ﻟﺘﺨﺎﻓﻴﻦ ﺍﻧﺖ ﺍﺩﻋﻴﻠﻬﺎ
ﺯﻳﻦ ﺭﺍﺡ ﺍﺑﻘﻰ ﻭﻳﺎﺍﻫﻪ
ﺍﻱ ﺭﺍﺡ ﻧﺒﻘﻰ ﻟﺘﺨﺎﻓﻴﻦ .
ﺧﺎﺍﺑﺮ ﺟﻬﺎﺩ ﻭﺑﺼﻮﺗﻪ ﺍﻟﺤﺰﻳﻦ ﻭﺍﻟﻤﺒﻴﻦ ﻋﻠﻴﻪ ﻣﺘﻮﺗﺮ ﻭﺣﺠﻴﺖ ﻭﻳﺎ ﻭﻇﻞ ﻳﻄﻤﺌﻨﻲ ﻉ ﺍﻟﻮﺿﻊ
ﺑﺲ ﺍﻟﺨﻮﻑ ﺟﺎﻥ ﻣﻨﻪ ﻫﻮ ﻣﻮ ﻣﻦ ﺍﻟﻲ ﺩﻳﺼﻴﺮ ﺍﻛﺜﺮ .
ﺑﻌﺪ ﻣﺎﺗﺤﺴﻨﺖ ﺣﺎﻟﺔ ﺑﻨﺘﻲ ﻭﺟﺎﺑﻮﻟﻴﺎﻫﻪ
ﺑﺎﻭﻋﺖ ﺍﻟﻬﺎ ﻧﺎﻳﻤﻪ ﺑﻬﺪﻭﺀ ﻭﺳﻜﻴﻨﻪ
ﺍﻧﻜﺴﺮ ﮔﻠﺒﻲ ﻋﻠﻴﻬﺎ ﺷﻠﻮﻥ ﺭﺍﺡ ﺍﺗﻌﻴﺶ ﺑﻬﺎﻟﻬﻮﺳﻪ ﻫﺬﻩ .
ﺑﻌﺪ ﺍﻳﺎﻡ
ﺍﺟﺘﻲ ﻋﻤﺘﻲ ﻭﺯﻭﺟﺔ ﺍﺧﻮﻫﺎ ﻛﺎﻟﺖ
ﻳﻠﻪ ﻳﻤﻪ ﺟﻨﻪ ﺧﻠﻲ ﺍﺭﻭﺡ ﻟﺒﻴﺖ ﺍﺧﻮﻳﻪ
.. ﻟﻴﺶ ﻣﻮ ﺑﻴﺘﻨﻪ ﺷﺒﻲ ﺍﻟﺒﻴﺖ
.. ﻳﻤﻪ ﺍﻟﻮﺿﻊ ﻣﻮ ﺯﻳﻦ ﻭﺍﻧﺖ ﻳﻨﺨﺎﻑ ﻋﻠﻴﺞ
.. ﻣﺎﺷﻲ
ﺣﻀﺮﻧﺎ ﺍﻏﺮﺍﺿﻨﻪ ﻭﻃﻠﻌﻨﻪ ﻟﺒﻴﺖ ﺧﺎﻝ ﺟﻬﺎﺩ .
ﺑﺲ ﺧﺎﻳﻔﻪ ﻛﻠﺶ ﻭﻣﻴﺔ ﺳﺆﺍﻝ ﺍﺑﺎﻟﻲ ﻋﻠﻰ ﺍﻟﻲ ﺩﻳﺼﻴﺮ ﺑﺎﻟﺒﻴﺖ .
ﺟﻬﺎﺩ * ﺟﻨﻪ ﻭﻟﺪﺕ ﺑﺲ ﻣﺎﻛﺪﺭﺕ ﺣﺘﻰ ﺍﺷﻮﻑ ﺑﻨﺘﻲ
ﻻﻥ ﺑﻘﺖ ﺑﺎﻟﻤﺴﺘﺸﻔﻰ ﻛﻢ ﻳﻮﻡ
ﻭﺣﻀﺮﻧﺎ ﻛﻌﺪﺓ ﺍﻟﻌﺸﻴﺮﻩ
ﺍﻧﻲ ﻭﺍﺧﻮﺗﻲ ﻭﺍﺑﻮﻳﻪ .
ﻃﻠﺒﻮﺍ ﻣﻨﻲ ﺍﻋﺘﺮﻑ ﻭﻋﺮﺿﻮﺍ ﻋﻠﻴﻪ ﺍﻋﺘﺮﺍﻑ ﻋﻤﺘﻲ
ﻛﺘﻠﻬﻢ ﻫﻲ ﻫﺬﻩ ﻣﺨﺮﻓﻪ ﻭﺍﻧﻲ ﺷﻤﺪﺭﻳﻨﻲ ﺑﻴﻬﻢ .
ﺑﻌﺪ ﺟﺪﺍﻝ ﻃﻮﻳﻴﻞ ﺧﻠﺼﺖ ﺍﻟﻜﻌﺪﻩ ﻭﺭﺟﻌﻨﻪ ﻟﻠﺒﻴﺖ
ﺷﻜﺪ ﻣﻮﺣﺶ ﺍﻟﺒﻴﺖ ﺑﺪﻭﻥ ﺟﻨﻪ ﻭﺑﺪﻭﻥ ﺍﻣﻲ
ﺩﺧﻠﺖ ﻏﻴﺮﺕ ﻣﻼﺑﺴﻲ ﻭﻗﺮﺭﺕ ﺍﺭﻭﺡ ﻟﺠﻨﻪ ﺍﺷﻮﻓﻬﺎ ﻭﺍﺷﻮﻑ ﻭﺭﺩﻩ .
ﻧﺰﻟﺖ ﻣﻦ ﺍﻟﺪﺭﺝ ﻭﻫﻢ ﻧﺴﻤﻊ ﺻﻮﺕ ﺭﻣﻲ ﻳﻢ ﺑﺎﺏ ﺍﻟﺒﻴﺖ ﻣﺎﻟﻨﻪ .
ﻓﺆﺍﺩ .. ﻟﻚ ﺟﻬﺎﺍﺍﺩ ﻫﻲ ﺷﻨﻮ ﻫﻢ ﺭﺟﻌﻮﺍ ﺫﻭﻟﻲ
ﻋﻤﺎﺩ .. ﻳﻤﻌﻮﺩ ﺫﻭﻟﻲ ﻣﺮﺍﺡ ﻳﻔﻜﻮﻥ ﻣﻨﻪ ﻳﺎﺧﻪ ﺩﻋﺘﺮﻑ ﻭﻓﻀﻬﺎﺍ ﺍﻟﻲ ﺗﺴﻮﻳﻬﻪ ﺣﻤﺎﻡ ﺩﻡ .
ﺟﻬﺎﺩ ... ﺗﻨﻬﺪﺕ ﺑﺤﺴﺮﻩ ﻛﺘﻠﻬﻢ ﺑﺒﺮﻭﺩ ﺧﻠﺺ ﺧﻠﺺ ﺧﺎﺑﺮﻭﺍ ﻉ ﺍﻟﺸﻴﺦ ﺧﻠﻲ ﻧﻜﻌﺪ ﻣﺮﻩ ﺛﺎﻧﻴﻪ ﻋﻨﺪﻱ ﺣﺠﻲ ﺛﺎﻧﻲ .
ﺟﻨﻪ *
ﺟﻨﺖ ﺑﺎﻟﻐﺮﻓﻪ ﺍﻟﻲ ﺧﺼﺼﻮﻫﺎ ﺍﻟﻨﺎ ﺍﺑﻴﺖ ﺧﺎﻝ ﺟﻬﺎﺩ
ﺭﺿﻌﺖ ﻭﺭﺩﻩ ﻭﻧﻮﻣﺘﻬﺎ ﺧﻠﻴﺘﻬﺎ ﺑﻤﻜﺎﻧﻬﺎ ﻭﻃﻠﻌﺖ ﻣﻦ ﺍﻟﻐﺮﻓﻪ
ﺍﺭﻳﺪ ﺍﺭﻭﺡ ﻟﻠﺤﻤﺎﻡ
ﺍﺟﻪ ﺑﺎﺫﻧﻲ ﺻﻮﺕ ﺣﺠﻲ
ﺧﺎﻝ ﺟﻬﺎﺩ ﻭﺍﻣﻪ
ﻳﻜﻮﻝ ﺍﻟﻬﺎﺍ ﺟﻬﺎﺩ ﺍﻋﺘﺮﻑ ﻫﻮ ﻗﺎﺗﻠﻬﻢ ﺍﺛﻨﻴﻨﻬﻢ .
ﺍﻧﻲ ﺍﻧﻬﺎﺭﻳﺖ ﻟﺰﻣﺖ ﺑﻄﻨﻲ ﻭﻛﻌﺪﺕ ﺑﺎﻟﻜﺎﻉ ﺍﺑﺠﻲ ﺑﺨﻮﻑ ﻭﺍﺻﻴﺢ ﻭﺩﻭﻧﻲ ﻻﻫﻠﻲ ﻣﺎﺍﺭﻳﺪ ﺍﺑﻘﻰ ﻫﻨﺎ
ﺍﺭﻳﺪ ﺍﻛﻮﻡ ﺍﺭﻭﺡ ﻟﺒﻨﺘﻲ ﺣﺴﻴﺖ ﺑﺨﻮﻑ ﻋﻠﻴﻬﺎ
ﺍﺟﻮ ﻳﻤﻲ ﻳﻬﺪﻭﻥ ﺑﻴﻪ
ﻛﺘﻠﻬﻢ ﻫﺴﻪ ﺗﻮﺩﻭﻧﻲ ﻻﻫﻠﻲ ﻣﺎﺍﺑﻘﻪ ﻫﻨﺎﺍ ﻣﺎﺍﺑﻘﻪ .
ﺑﻌﺪ ﻃﻮﻝ ﻣﻨﺎﻗﺸﺎﺕ ﻭﺣﺠﻲ ﻭﺍﻓﻘﻮﺍ ﻳﻮﺩﻭﻥ ﻻﻥ ﺷﺎﻓﻮﺍ ﺣﺎﻟﺘﻲ ﻣﺘﺘﺤﻤﻞ ﺍﺑﻘﻰ ﻫﻨﺎﺍ .
ﺍﺟﺘﻲ ﻋﻤﺘﻲ ﺗﺒﺠﻲ ﻛﺎﻟﺖ ﺭﺍﺡ ﻳﻮﺩﻭﻧﺞ ﺍﺧﻮﻳﻪ ﻭﻣﺮﺗﻪ ﻟﻠﺒﺼﺮﻩ .
ﻛﺘﻠﻬﻪ ﻋﻤﻪ ﺳﺎﻣﺤﻴﻨﻲ ﻣﺎﺍﻛﺪﺭ ﺍﺑﻘﻰ ﻭﻱ ﺷﺨﺺ ﻗﺎﺗﻞ ﺍﺧﺎﻑ ﻋﻠﻰ ﺑﻨﺘﻲ ﻭﻋﻠﻰ ﻧﻔﺴﻲ .
ﺍﺧﺬﺕ ﻭﺭﺩﻩ ﻭﺟﻨﻄﺘﻲ ﺍﻟﻲ ﺑﻴﻬﻪ ﻣﻼﺑﺲ ﻗﻠﻴﻠﻪ ﺍﻟﻲ ﻭﺍﻟﻬﺎﺍ ﻭﺩﻋﺖ ﻋﻤﺘﻲ ﺑﺪﻣﻮﻋﻲ ﻭﺩﻣﻮﻋﻬﺎﺍﺍ ﻭﺻﻌﺪﺕ ﻭﻳﺎﻫﻢ ﺑﺎﻟﺴﻴﺎﺭﻩ ﻭﺍﻧﻄﻠﻘﻨﺎ ﻟﻠﺒﺼﺮﻩ .
* ﺟﻬﺎﺩ
ﻳﻮﻡ ﺛﺎﻧﻲ ﺗﻘﺮﺭﺕ ﺍﻟﻜﻌﺪﻩ ﻣﺎﻝ ﺍﻟﻌﺸﻴﺮﻩ
ﺗﺼﺪﺭ ﺻﺪﺭ ﺍﻟﺪﻳﻮﺍﻥ ﻛﺒﻴﺮ ﺍﻟﻌﺸﻴﺮﺓ ﻭﺑﻌﺾ ﺍﻟﺸﻴﻮﺥ ﻭﺍﻫﻞ ﻋﺎﻣﺮ ﻭﺍﻫﻞ ﺭﺅﺉ
ﺟﻨﺖ ﻛﺎﻋﺪ ﺑﻴﻨﻬﻢ ﻭﺍﻧﻲ ﺍﺷﻮﻑ ﺍﻟﻮﺟﻮﺓ ﻋﺒﺎﻟﻚ ﺗﺮﻳﺪ ﺗﻔﺘﺮﺳﻨﻲ ﻭﺍﻧﻲ ﺑﻜﻞ ﺑﺮﻭﺩ ﺍﺧﻠﻲ ﻋﻴﻨﻲ ﺑﻌﻴﻮﻧﻬﻢ ﻭﻣﺨﺎﻳﻒ ﻻ ﻣﻦ ﺟﺒﻴﺮ ﻭﻻ ﻣﻦ ﺯﻏﻴﻴﺮ
ﺍﻟﻜﻞ ﺟﺎﻥ ﻳﺼﻴﺢ
ﻟﻚ ﺟﻬﺎﺩ ﺍﻧﺖ ﻗﺎﺗﻠﻬﻢ ﺍﻋﺘﺮﻑ ﻭﻳﻦ ﻭﺩﻳﺘﻬﻢ ﻣﺘﻌﺘﺮﻑ .
ﺍﻻ ﺍﻥ ﺻﺪﺡ ﻭﺍﺣﺪ ﻣﻦ ﺍﻟﺸﻴﻮﺥ
ﻭﺍﺣﺪ ﻭ ﻛﺎﻝ ... ﻋﻤﻲ ﺍﻋﺘﺮﻑ ﺍﻋﺘﺮﻑ ﺍﻧﺖ ﻗﺎﺗﻠﻬﻢ ﺣﺘﺊ ﻧﻄﻠﻊ ﺍﻟﺠﺜﺚ ﺍﻣﺎ ﺧﺎﻃﻔﻬﻢ ﺣﺘﺊ ﺍﺣﻨﻪ ﻧﻘﺘﺺ ﻣﻨﻬﻢ
ﺟﺎﻭﺏ ﺍﺑﻮﻳﻪ ﻗﺒﻞ ﻻ ﺍﺟﺎﻭﺏ ... ﻧﺮﻳﺪ ﺍﻻﻣﺎﻥ ﻗﺒﻞ ﺍﻋﺘﺮﺍﻓﻪ
ﻧﺘﺮﺕ ﺑﻌﺼﺒﻴﻪ .. ﻳﺎﺍ ﺃﻣﺎﻥ ﻟﺤﻴﺎﻩ ﻭﺍﻟﻤﻮﺕ ﺑﻴﺪ ﺍﻟﻠﻪ ﻣﺎﺍﺭﺍﻳﺪ ﺃﻣﺎﻥ ﺍﻧﻲ
ﺣﺠﻪ ﻛﺒﻴﺮ ﺍﻟﻌﺸﻴﺮﺓ ... ﻟﻚ ﻋﻤﻲ ﺍﻟﻌﺸﻴﺮﺓ ﺑﺴﺒﺒﻚ ﺍﻧﻘﺴﻤﺖ ﻧﺼﻴﻦ ﻧﺺ ﻣﻌﺎﺭﺽ ﻭﻧﺺ ﻣﺆﻳﺪ ﺍﻧﺖ ﺍﺣﺠﻲ ﺷﻨﻮ ﺍﻟﺼﺎﺭ ﺣﺘﺊ ﻧﻠﻜﻪ ﺍﻟﺤﻞ
ﺟﺎﻭﺑﺖ ﺑﻬﺪﻭﺀ .. ﺷﻨﻮﻭ ﻟﺘﺮﺩﻭﻭ؟؟
ﺍﺣﺪ ﺍﻟﺸﻴﻮﺥ ... ﻧﺮﻳﺪ ﻧﻌﺮﻑ ﺍﺑﻦ ﻋﻤﻚ ﻭﺣﺮﻣﺘﻚ ﻭﻳﻦ؟؟
ﺟﺎﻭﺑﺖ ﺑﻐﺼﻪ ﻭﻫﺪﻭﺀ ﻭﺗﻮﺗﺮ .. ﻗﺘﻠﺘﻬﻢ
ﻛﺎﻡ ﻋﻤﺎﺭ ﺑﻌﺼﺒﻴﻪ ﻭﻫﻮ ﻳﺘﻬﺪﺩ ﻭﻻﺯﻣﻴﻦ ﺑﻲ ﺧﻤﺲ ﺯﻟﻢ ... ﻟﻚ ﺟﻬﺎﺩ ﻟﻴﻮﻡ ﺍﺷﺮﺏ ﻣﻦ ﺩﻣﻚ ﺗﻘﺘﻞ ﺍﺧﻮﻱ ﺍﻟﻪ ﺍﻫﺘﻚ ﻋﻤﺮﻙ .
ﺍﺧﻮﻭ ﺭﺅﺉ ﻛﺎﻡ ﻳﺘﻬﺪﺩ ﻭﻫﻢ ﻻﺯﻣﻴﻨﻪ ﻛﻮﻣﻪ ﻣﺎﻝ ﺯﻟﻢ ... ﺍﺧﺘﻲ ﺑﺮﻳﺌﻪ ﺍﻧﺖ ﻭﺍﺣﺪ ﻋﻨﺪﻙ ﻣﺸﺎﻛﻞ ﻭﻳﻪ ﺍﺑﻦ ﻋﻤﻚ ﻭﺗﻬﻤﺘﻬﺎ ﺑﺎﻃﻞ ﻭﻳﻦ ﺟﺜﺔ ﺍﺧﺘﻲ ﻭﻳﻦ
ﻭﻛﻔﺖ ﻋﻠﻰ . ﺣﻴﻠﻲ ﺑﻌﺼﺒﻴﻪ . ﺻﻴﺤﺖ .. ﺍﻱ ﺷﺮﻓﺎﺀ ﻣﺎﻟﻬﻢ ﺫﻧﺐ ﺍﻧﻲ ﺍﻟﻤﺠﺮﻡ ﻟﻚ ﺍﻛﻠﻮﻭ ﺗﺒﻦ ﺷﻔﺘﻬﻢ ﺑﻌﻴﻨﻲ ﺟﺎﻱ ﺗﻔﺮﻭﻫﺎ ﻋﻠﻴﻪ ﻟﻚ ﺍﻧﻲ ﺍﻟﻤﻼﺯﻡ ﺟﻬﺎﺩ ﻣﺘﻔﻮﺕ ﻋﻠﻴﻪ ﻫﺎﻱ ﺍﻟﺴﻮﺍﻟﻒ
ﺗﻬﺪﺩ ﻋﻤﺎﺭ ﺑﻌﺼﺒﻴﻪ ... ﻭﻳﻦ ﺩﻟﻴﻠﻚ
ﻫﺪﺋﺖ ﻣﺼﺪﻭﻡ ﻣﻦ ﺍﻟﻌﺎﺻﻔﻪ ﻻﺟﺘﺎﺣﺖ ﺭﻭﺣﻲ ﻭﺳﺄﻟﺖ ﻧﻔﺴﻲ ﻭﻳﻦ ﺩﻟﻴﻠﻲ؟؟ ﻣﺎﻋﻨﺪﻱ ﺩﻟﻴﻞ ﻭﺫﻭﻝ ﺟﺎﻱ ﻳﻜﺬﺑﻮﻥ ﺍﻟﻜﺬﺑﻪ ﻭﻳﺼﺪﻛﻮﻫﺎ ﻳﺮﺩﻭﻥ ﻳﺒﺮﻭﻥ ﺷﺮﻓﻬﻢ ﻭﻳﻐﻄﻮﻥ ﻋﺎﺭﻫﻢ ﺑﻴﻪ ... ﻻﺯﻡ ﺍﻟﻜﻪ ﺩﻟﻴﻞ ﻻﺯﻡ
ﻳﺘﺒﻊ .
ﺷﻮﻥ ﺭﺍﺡ ﻳﻠﮕﻪ ﺩﻟﻴﻞ ﺟﻬﺎﺩ
ﺩﻟﻴﻞ ﻋﻠﻰ ﺧﻴﺎﻧﺘﻬﻢ
ﻻﺗﻜﻠﻮﻟﻲ ﻣﺴﺠﺎﺕ ﻭﺗﻠﻴﻔﻮﻥ ﻭﻣﺪﺭﻱ ﺷﻨﻮ
ﻋﻠﻤﻴﺎ ﺍﻛﻮ ﺩﻟﻴﻞ ؟؟؟
ﺗﻮﻗﻌﺎﺗﻜﻢ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء