رواية اهدتني عاراً الجزء العشرين
للكاتبة نورا ناصر
.....
ﺟﻨﻪ *
ﺧﻮﻓﺘﻨﻲ ﻛﻮﺍﻛﺐ ﺗﻤﺸﻲ ﻭﺗﺤﺠﻲ ﺑﺎﻟﺪﻡ
ﺧﻠﺘﻨﻲ ﺍﺭﺟﻒ
ﻭﺍﺗﺴﺎﺋﻞ ؟؟
ﻟﺸﻨﻮ ﺗﻠﻤﺢ ﺻﺎﺭﻟﻬﺎ ﻓﺘﺮﻩ
ﺷﻤﺴﻮﻳﻲ ﺟﻬﺎﺩ ؟؟
ﻣﻌﻘﻮﻟﻪ ﻣﺴﻮﻱ ﺷﻲ ﻟﻤﺮﺗﻪ ﻭﺍﺑﻦ ﻋﻤﻪ
ﺯﻳﻦ ﻛﻮﺍﻛﺐ ﺷﻤﺪﺭﻳﻬﺎﺍ ؟
ﺷﻔﺘﻬﻪ ﻻﺑﺴﻪ ﻋﺒﺎﻳﺘﻬﺎ ﻃﺎﻳﺮﻩ ﺑﻴﻬﺎ ﻭﻃﻠﻌﺖ
ﺳﺎﻟﺘﻬﺎ ﺭﻭﻧﻖ ﻭﻳﻦ ﺭﺍﻳﺤﻪ ؟
ﻧﺘﺮﺗﻬﺎ ﺭﺍﻳﺤﻪ ﻟﺒﻴﺖ ﺍﺧﻮﻱ ﺍﺑﻮ ﻋﻤﺎﺭ
ﺷﻔﺘﻬﺎ ﻃﻠﻌﺖ ﻛﻠﺖ
ﺧﻠﻲ ﺍﺻﻌﺪ ﺍﻟﻪ ﺑﻠﻜﻲ ﺍﻟﮕﻪ ﺟﻮﺍﺏ ﻟﺘﺴﺎﺅﻻﺗﻲ
ﺻﻌﺪﺕ ﻛﻮﻩ ﺑﻄﻨﻲ ﻟﺤﺪ ﺣﻠﮕﻲ ﻭﺛﮕﻞ ﺑﻜﻞ ﺟﺴﻤﻲ
ﺍﺧﺦ ﺍﺻﻌﺪ ﺍﻟﺪﺭﺝ ﻭﺍﻧﻬﺪ ﺷﻮﻛﺖ ﺍﻭﻟﺪ ﻭﺍﺭﺗﺎﺡ .
ﺑﺸﻖ ﺍﻻﻧﻔﺲ ﺍﻟﻪ ﻛﻤﻠﺖ ﺍﻟﺪﺭﺝ
ﻭﺻﻠﺖ ﻟﻠﻐﺮﻓﻪ ﻓﺘﺤﺖ ﺍﻟﺒﺎﺏ ﺷﻔﺖ ﺟﻬﺎﺩ ﻳﺪﺧﻦ
ﻭﻣﺘﻮﺗﺮ ﻛﻠﻠﺶ
ﺷﺎﻓﻨﻲ ﻃﻔﻰ ﺍﻟﺠﻜﺎﺭﻩ ﻭﻓﺘﺢ ﺍﻟﺸﺒﺎﺑﻴﻚ
ﻭﻇﻞ ﻳﻄﺮﺩ ﺍﻟﺪﺧﺎﻥ ﺑﻴﺪﻩ
ﺗﻘﺪﻡ ﺑﺎﺗﺠﺎﻫﻲ ﻛﻢ ﺧﻄﻮﻩ ﻟﺰﻣﻨﻲ
ﻟﺴﻪ ﻣﻌﺼﺐ ﺧﻮﻓﻨﻲ ﻛﻠﺶ
ﺣﻀﻨﻲ ﻣﻦ ﺍﻛﺘﺎﻓﻲ
ﺗﻌﺎﻟﻲ ﺣﺒﻴﺒﻲ ﺗﻌﺒﺎﻧﻪ ﺗﻌﺎﻟﻲ ﻣﺪﺩﻱ
ﻛﻌﺪﻧﻲ ﻋﻠﻰ ﺍﻟﺴﺮﻳﺮ ﺷﺎﻝ ﺭﺟﻠﻴﻪ ﻭﺣﺪﻩ ﻭﺭﻩ ﺍﻟﺦ
ﻭﻣﺪﺩﻧﻲ ﻭﺍﻧﻲ ﺍﺑﺎﻭﻉ ﺍﻟﻪ ﺑﺨﻮﻑ ﻭﺗﻮﺗﺮ ﻭﻣﻴﺔ ﺳﺆﺍﻝ ﺍﺑﺎﻟﻲ .
ﺍﺑﺎﻭﻉ ﻻﻳﺪﻩ ﺷﺴﻮﺕ ﺍﻳﺪﻙ ﺟﻬﺎﺩ ﺑﺲ ﻻ ﺍﻟﻲ ﺍﺑﺎﻟﻲ ؟ !!
ﺻﺨﻤﺘﻲ ﻳﺠﻨﻪ ﻭﺟﻤﺎﻟﻪ ﺑﻨﺘﻲ ﻣﺒﻘﻰ ﺷﻲ ﻭﺗﺠﻲ ﻟﻠﺪﻧﻴﺎ
ﺗﺠﻲ ﺑﻴﺎ ﺣﺎﻝ ﻭﺷﻠﻮﻥ . ؟؟
ﺑﻌﺪ ﻣﺎ ﻣﺪﺩﻧﻲ ﺍﺟﻪ ﺑﺼﻔﻲ ﻛﺎﻋﺪ ﻭﻣﻘﺮﺏ ﺟﺴﻤﻪ ﻋﻠﻴﻪ
ﻳﺒﺎﻭﻉ ﺑﻮﺟﻬﻲ
ﻛﺎﻝ ﺷﺒﻴﺞ ﻭﺟﻬﺞ ﻣﺨﻄﻮﻑ ؟؟
.. ﺷﺒﻴﻬﺎ ﻛﻮﺍﻛﺐ ﺟﻬﺎﺩ ﺷﻨﻮ ﺍﻟﻲ ﺻﺎﻳﺮ ؟؟
.. ﻣﻌﻠﻴﺞ ﺑﻴﻬﺎ ﻫﻲ ﺗﺤﺐ ﺍﻟﻜﺮﻛﻪ ﻭﻣﺘﻌﺮﻑ ﺗﺼﻢ ﺣﻠﻜﻬﺎ
ﺍﻟﻤﻬﻢ ﺷﻮﻧﻬﺎ ﻭﺭﺩﺗﻲ
ﻭﺧﻠﻪ ﺍﻳﺪﻩ ﻋﻠﻰ ﺑﻄﻨﻲ ﻳﺘﺤﺴﺲ ﺣﺮﻛﺔ ﺍﻟﻄﻔﻠﻪ
ﻭﻫﻲ ﺑﺮﻋﻪ ﻭﺣﺮﻛﻪ ﻣﻦ ﻫﻲ ﺍﺑﻄﻨﻲ ﻭﻇﻠﺖ ﺗﺮﻓﺲ ﺟﻮﻩ ﺍﻳﺪﻩ ﻇﻞ ﻳﻀﺤﻚ
ﺍﺣﺲ ﺿﺤﻜﺘﻪ ﻭﻟﻴﺪﺓ ﺍﻟﻢ ﻭﻫﻢ ﺣﻤﻞ ﺟﺒﺎﻝ ﻭﺷﺎﻳﻠﻪ ﻋﻠﻰ ﺍﻛﺘﺎﻓﻪ
ﻣﻬﻤﻮﻡ ﻭﻳﻀﺤﻚ ﻛﺴﺮﻟﻲ ﻗﻠﺒﻲ .
ﺍﺧﺬ ﺍﻳﺪﻱ ﻳﺒﻮﺱ ﺑﻴﻬﻪ
ﻛﺎﻝ
... ﺟﻨﻪ ﺭﺑﻴﻬﺎ ﻋﺪﻝ ﻓﺪﻭﻩ
.. ﺷﺘﻘﺼﺪ ﺟﻬﺎﺩ ﺷﻨﻮ ﻫﺎﻟﺤﺠﻲ،ﺍﻧﻲ ﻭﺍﻧﺖ ﻧﺮﺑﻴﻬﺎ ؟؟
.. ﺍﻧﻲ ﻣﺎﺿﺎﻣﻦ ﻧﻔﺴﻲ
.. ﻟﻴﺶ ؟
.. ﻣﺪﺷﻮﻓﻴﻦ ﺍﻟﻤﺸﺎﻛﻞ ﺍﻟﺪﺻﻴﺮ
ﺍﻧﻲ ﺍﺳﻒ ﻭﺭﻃﺘﺞ ﻭﻳﺎﻱ ﻣﻔﺮﻭﺽ ﺍﻧﺘﻬﻲ ﻣﻦ ﻣﻮﺿﻮﻉ ﺭﺅﻯ ﻳﻼ ﺍﺭﺗﺒﻂ ﺑﺲ ﻫﻲ ﻗﺴﻤﻪ ﺑﻌﺪ .
ﺧﻼﻧﻲ ﺑﻘﻠﻖ ﻋﻠﻴﻪ ﺑﺎﻭﻋﺘﻠﻪ ﺑﻘﻬﺮ ﻭﺗﺤﺴﺴﺖ ﺑﻄﻨﻲ ﻫﻮ ﺷﻴﻘﺼﺪ ﻳﻌﻨﻲ ﻳﺄﺫﻭﻭ ؟؟
ﺧﻔﺖ ﻋﻠﻴﻪ ﻫﻮﺍﻳﻪ ﻣﺎﺭﻳﺪ ﺑﻨﺘﻲ ﺗﻄﻠﻊ ﻳﺘﻴﻤﻪ ﺍﻧﻲ ﺍﻋﺮﻑ ﺷﻌﻮﺭ ﺍﻟﻴﺘﻢ ﻻﻥ ﻣﺠﺮﺑﺘﻪ .
ﻛﺘﻠﻪ ﻋﻤﺮﻙ ﻃﻮﻳﻞ ﺍﻥ ﺷﺎﺀﺍﻟﻠﻪ
ﺿﺤﻚ ﻛﺎﻝ
.. ﺟﻨﻪ ﻟﻄﻠﻌﻴﻬﻪ ﻋﻴﻮﻧﻬﺎ ﺧﻀﺮ ﻓﺪﻭﻩ ﺗﺮﻩ ﺗﻌﻘﺪﺕ
ﺿﺤﻜﺖ ﻛﺘﻠﻪ
.. ﻗﺎﺑﻞ ﻫﻮ ﺑﻜﻴﻔﻲ ﺍﻟﻠﻪ ﻳﺨﻠﻘﻬﺎﺍﺍﺍ
ﺣﻀﻨﻲ ﻗﺮﺑﻨﻲ ﻛﻠﻲ ﺍﻟﻪ
ﻛﺎﻝ ﺗﻌﺎﻟﻲ ﺍﺷﺒﻊ ﻣﻨﺞ ﻗﺒﻞ ﻻﺍﺭﻭﺡ
ﺿﺤﻜﺖ ﻭﺣﻀﻨﺘﻪ ﻛﺘﻠﻪ ﺍﻧﻲ ﻫﻢ ﻣﺪﺍﺍﺷﺒﻊ ﻣﻨﻚ
ﺟﻬﺎﺩ .. ﺷﻨﻮ ﺭﺍﻳﺞ ﺍﺳﻮﻳﻠﺞ ﺗﺴﻬﻴﻞ ﻟﻠﻮﻻﺩﻩ
. ﺟﻨﻪ .. ﻫﻬﻬﻪ ﻻ ﺍﻧﻲ ﻣﺎﺟﻴﺐ ﻃﺒﻴﻌﻲ ﺍﻟﺪﻛﺘﻮﺭﻩ ﺍﻛﺪﺗﻠﻲ ﻋﻨﺪﻱ ﺿﻴﻖ .
ﺟﻬﺎﺩ .. ﻟﺘﺨﺎﻓﻴﻦ ﺣﺒﻴﺒﻲ ﺍﻧﻲ ﺍﻭﺩﻳﺞ ﺍﺣﺴﻦ ﻣﺴﺘﺸﻔﻰ ﻭﺍﺣﺴﻦ ﺩﻛﺘﻮﺭﻩ ﺗﺴﻮﻳﻦ ﺍﻟﻌﻤﻠﻴﻪ ﻭﺻﺪﻛﻲ ﺍﻧﻲ ﺧﺎﻳﻒ ﻋﻠﻴﺞ ﺑﻜﺪﺝ .
ﺟﻨﻪ .. ﺟﺎﻧﺖ ﻟﻤﺴﺎﺗﻪ ﺗﻮﺗﺮﻧﻲ ﻣﺎﺍﻋﺮﻑ ﺣﺴﻴﺖ ﺑﺸﻲ ﻣﺴﻮﻱ ﺟﻬﺎﺩ
ﻣﻤﻌﻘﻮﻟﻪ ﺟﻬﺎﺩ ﺳﺎﻛﺖ ﻭﻣﻴﺪﻭﺭ ﻋﻠﻰ ﺯﻭﺟﺘﻪ ﺍﻧﻲ ﺻﺮﺕ ﺍﻋﺮﻓﻪ ﻛﻠﺶ ﺯﻳﻦ
ﺻﺮﺕ ﺧﺎﺑﺰﺗﻪ ﻭﻋﺎﺟﻨﺘﻪ ﻣﺜﻞ ﻣﻴﻜﻮﻟﻮﻥ
ﻣﻮ ﻫﻮ ﺍﻟﻲ ﻳﻌﻮﻑ ﻣﺮﺗﻪ ﻭﻫﻲ ﺧﺎﻳﻨﻪ .
ﻛﻠﻤﺎ ﻳﺘﻘﺮﺏ ﻣﻨﻲ ﺍﻟﺨﻮﻑ ﻳﺰﻳﺪ
ﻃﻮﻝ ﻣﺪﺓ ﺍﻟﻤﻌﺎﺷﺮﻩ ﺍﻧﻲ ﺧﺎﻳﻔﻪ ﻣﻨﻪ ﻭﻣﻮ ﺍﻭﻝ ﻣﺮﻩ
ﺑﺲ ﺍﻟﻐﻤﻮﺽ ﻭﺍﻟﺒﺮﻭﺩ ﺍﻟﻌﻨﺪﻩ ﺻﺎﺭ ﻳﺨﻮﻓﻨﻲ ﺍﻛﺜﺮ .
ﻭﺻﺮﺕ ﺍﺗﺬﻛﺮ ﻛﻼﻡ ﻛﻮﺍﻛﺐ ﻣﺮﺍﺭﺍ ﻭﺗﻜﺮﺍﺭ ﻭﺍﺭﺩﺩﻩ ﺑﺪﺍﺧﻠﻲ .
ﺑﻌﺪﻫﺎ ﻧﻤﺖ ﻋﻠﻰ ﺻﺪﺭﻩ ﻭﺍﺑﺎﻭﻋﻠﻪ ﺑﻘﻬﺮ ﻭﻫﻮ ﻏﺎﻓﻲ
ﺩﻗﺎﻳﻖ ﻭﺍﻧﺪﻛﺖ ﺍﺍﻟﺒﺎﺏ .
ﻭﻭﻳﺎﻫﻪ ﺻﻮﺕ ﻋﻤﻲ ﻳﺼﻴﺢ ﺟﻬﺎﺩ ﺟﻬﺎﺩ
ﻛﻤﺖ ﻣﻦ ﺻﺪﺭﻩ ﺧﻠﻴﺖ ﺍﻳﺪﻱ ﻋﻠﻰ ﻛﺘﻔﻪ ﻭﺿﻐﻄﺘﻬﺎ ﺍﺻﺤﻲ
... ﺟﻬﺎﺩ ﺟﻬﺎﺩﺩ
ﻛﻮﻡ ﻋﻤﻮ ﻳﺼﻴﺤﻠﻚ
ﻛﺎﻡ ﻣﻔﺰﻭﻉ ﺷﻜﻮ ﺻﺎﻳﺮ ﺷﻲ ؟؟
... ﻣﺎﻛﻮ ﺷﻲ ﺷﺒﻴﻚ ﻓﺰﻋﺖ ﺑﺲ ﻋﻤﻮ ﻳﺮﻳﺪﻙ .
ﻣﺴﺢ ﺭﺍﺳﻪ ﺑﺘﻮﺗﺮ
ﻧﺰﻝ ﻣﻦ ﺍﻟﺴﺮﻳﺮ ﻟﺒﺲ ﻣﻼﺑﺲ ﻭﻓﺘﺢ ﺍﻟﺒﺎﺏ ﻭﻃﻠﻊ
....
....
ﺍﺑﻮ ﺟﻬﺎﺩ ..
ﺍﺑﻨﻲ ﺷﺒﻴﻚ ﻭﻳﺎ ﻋﻤﺘﻚ ﺧﻴﺮ ﻟﻴﺶ ﻃﻠﻌﺖ ﻣﻦ ﺍﻟﺒﻴﺖ ﺍﻧﺖ ﺷﺪﻋﻮﺍﻙ ﻫﻴﺞ ﻋﺼﺒﻲ ﻭﺍﻟﻠﻪ ﻫﻲ ﻋﺼﺒﻴﺘﻚ ﺭﺍﺡ ﺍﺩﻣﺮﻙ ﻭﺩﻣﺮﻧﻪ .
ﺟﻬﺎﺩ . ﻳﺎﺑﻪ ﺷﺴﺎﻟﻔﻪ ﻫﻲ ﻭﻳﻦ ﺭﺍﻳﺤﻪ ﺍﺷﻮ ﻟﺒﻴﺖ ﺍﺧﻮﻫﺎ ﺍﻟﺒﺎﺏ ﻩ ﺍﻟﺒﺎﺏ ﻣﻮ ﺑﻌﻴﺪ ﻭﺑﻌﺪﻳﻦ ﺑﺰﻋﺖ ﺭﻭﺣﻲ ﻣﻨﻬﺎ ﺑﺲ ﺗﺠﻔﺺ .
ﺍﺑﻮﺟﻬﺎﺩ .. ﺍﻧﺖ ﺷﻨﻮ ﺍﻟﻲ ﺿﺎﻣﻪ ﻋﻠﻴﻨﻪ ﻭﻫﻲ ﺷﺒﻴﻬﺎ ﻫﻴﺞ ﻭﻳﺎﻙ ﻛﻮﻝ ﺟﻬﺎﺩ ﺍﺣﺠﻲ ﺍﻟﻤﻮﺿﻮﻉ ﻳﺨﺺ ﻣﺮﺗﻚ ؟؟
ﺟﻬﺎﺩ .. ﺷﺒﻴﻬﻪ ﻣﺮﺗﻲ ﺟﻨﻬﺎ ﺍﻟﻌﺎﻓﻴﻪ ﻣﺎﺑﻴﻬﻪ ﺷﻲ .
ﺍﺑﻮ ﺟﻬﺎﺩ .. ﻭﻟﻚ ﺍﻗﺼﺪ ﻋﻠﻰ ﺭﺅﻯ
ﺟﻬﺎﺩ ﺑﺼﻴﺎﺍﺍﺡ .. ﻣﺎﻋﻨﺪﻱ ﻣﺮﻩ ﺑﻬﺬﺍ ﺍﻻﺳﻢ ﻳﺎﺑﻪ ﻛﺎﺍﺍﻓﻲ
ﺍﺑﻮ ﺟﻬﺎﺩ .. ﻭﻟﻚ ﺍﺷﻚ ﺍﻧﺖ ﻛﺎﺗﻠﻬﻪ
ﺟﻬﺎﺩ .. ﻭﺍﺫﺍ ﺍﻧﻲ ﻛﺎﺗﻠﻬﻪ ﻭﻛﺎﻳﻠﻬﻪ ﺍﻟﻚ ﻗﺒﻞ ﻭﻫﺴﻪ ﻫﻢ ﺍﻛﺮﺭﻫﺎ ﻛﺘﻠﻬﻪ ﻭﺳﺎﻡ ﺷﺮﻑ ﻭﺍﻋﻠﮕﻪ ﺑﺼﺪﺭﻱ .
ﻭﻫﺴﻪ ﻣﻦ ﺭﺧﺼﺘﻚ ﻳﺎﺑﻪ ﻣﺎﻋﻨﺪﻱ ﻭﻛﺖ ﺍﺿﻴﻌﻪ ﺑﻬﺎﻟﻜﻼﻡ .
* ﺟﻨﻪ
ﺳﻤﻌﺖ ﻛﻼﻣﻬﻢ ﻣﺘﺖ ﺧﻮﻭﻑ ﺩﺧﻠﺖ ﺟﻮﻩ ﺍﻟﺒﻄﺎﻧﻴﻪ ﺍﺑﺠﻲ ﺑﺤﺮﻛﻪ ﻭﺑﺨﻮﻑ ﻭﺑﺼﻮﺕ ﻣﻤﺴﻤﻮﻉ
ﺩﺧﻞ ﻭﻃﺒﻚ ﺍﻟﺒﺎﺏ ﺣﻴﻞ ﻭﻳﻨﺎﻓﺦ ﻭﻳﺪﻓﺮ ﺑﺎﻟﻐﺮﺍﺽ
ﻓﺰﺯﻧﻲ ﻇﻞ ﻳﺒﺤﻮﺵ ﻋﺮﻓﺖ ﺩﻳﺎﺧﺬ ﻣﻼﺑﺲ
ﺳﻤﻌﺖ ﺻﻮﺕ ﺑﺎﺑﺎ ﺍﻟﺤﻤﺎﻡ ﺍﻧﺴﺪﺕ ﻗﻮﻱ
ﺩﺧﻞ ﻟﻠﺤﻤﺎﻡ .
ﻃﻠﻌﺖ ﻣﻦ ﺍﻟﺒﻄﺎﻧﻴﻪ ﺍﺧﺘﻨﻜﺖ ﻭﺍﻟﻬﻮﺍ ﻗﻞ ﺑﺮﻳﺘﻲ ﻭﻣﻨﺎ ﺍﻧﻲ ﺍﺻﻼ ﺑﻬﻲ ﺍﻻﺷﻬﺮ ﺍﺧﺘﻨﻚ
ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﺍﺑﺠﻲ
ﺧﻮﻑ ﻳﻨﺘﺎﺏ ﻛﻞ ﺟﺴﻤﻲ .
ﺧﺎﻳﻔﻪ ﻣﻦ ﺟﻬﺎﺩ
ﺧﺎﻳﻔﻪ ﻣﻦ ﻛﻼﻡ ﻋﻤﻮ ﻭﻧﻮﺏ ﻫﻮ ﻣﺎﻳﻨﻜﺮ ﻛﺎﺗﻠﻬﻢ
ﻳﺮﺑﻲ ﺷﻠﻮﻥ ﻳﺮﺑﻲ ﺍﻭﻛﻒ ﻭﻳﺎﻳﻪ .
ﺍﺣﺲ ﻧﻔﺴﻲ ﻋﺎﻳﺸﻪ ﺍﺑﻴﺖ ﻣﻬﺠﻮﺭ ﻭﺑﻲ ﻗﺎﺗﻞ ﻭﺍﻧﻲ ﺧﺎﺗﻠﻪ ﻭﻫﻮ ﻳﺪﻭﺭ ﻋﻠﻴﻪ
ﻫﻲ ﺍﻟﺨﻮﻑ ﺍﻟﻲ ﺑﺪﺍﺧﻠﻲ
ﺣﺴﻴﺖ ﺑﺎﺏ ﺍﻟﺤﻤﺎﻡ ﺭﺍﺡ ﻳﻨﻔﺘﺢ
ﺗﻐﻄﻴﺖ ﻣﺮﻩ ﺛﺎﻧﻴﻪ ﺑﺎﻟﺒﻄﺎﻧﻴﻪ ﻭﻛﺘﻤﺖ ﺍﻧﻔﺎﺳﻲ
ﻭﺍﺳﺄﻝ ﺑﺮﻭﺣﻲ ﺍﻧﻲ ﻣﻦ ﺷﻨﻮ ﺧﺎﻳﻔﻪ ؟؟
ﺧﺎﻳﻔﻪ ﻟﻴﺸﻮﻑ ﺍﻟﺨﻮﻑ ﻋﻠﻰ ﻣﻼﻣﺤﻲ ﻭﻫﻮ ﻣﻌﺼﺐ ﺍﺧﺎﻑ ﻣﻨﻪ .
ﺍﺧﺘﻨﻜﺖ ﺟﻮﻩ ﺍﻟﺒﻄﺎﻧﻴﻪ ﻭﻫﻮ ﻃﻠﻊ ﻣﻦ ﺍﻟﻐﺮﻓﻪ
ﻃﻠﻌﺖ ﻣﻦ ﺍﻟﺴﺮﻳﺮ ﺭﻛﺾ ﻟﻠﺤﻤﺎﻡ .
ﻛﻮﺍﻛﺐ ﻏﺎﺩﻳﻪ ﻧﺎﺭ ﻫﻲ ﻭﺑﻄﺮﻳﻘﻬﺎ ﻟﺒﻴﺖ ﺍﺑﻮ ﻋﻤﺎﺭ
ﻛﺎﻧﺖ ﻣﻌﺼﺒﻪ ﻣﻦ ﺍﻟﻲ ﺳﻮﺍﻩ ﺟﻬﺎﺩ ﺑﻴﻬﺎ ﺗﻤﺸﻲ ﻭﺗﺪﺭﺩﻡ ﻭﻧﺎﻭﻳﻪ ﻋﻠﻰ ﺳﻮﺀ ﻃﻔﺢ ﺍﻟﻜﻴﻞ ﺑﻴﻬﺎ ﻭﻣﺎﺍﺗﻜﺪﺭ ﺗﺨﺒﻲ ﺍﻟﺴﺮ ﺍﻛﺜﺮ
ﻭﺻﻠﺖ ﻟﺒﻴﺖ ﺍﺑﻮ ﻋﻤﺎﺭ ﻭﺩﻛﺖ ﺍﻟﺒﺎﺏ
ﻃﻠﻌﺖ ﺍﻟﻬﺎ ﺍﻡ ﻋﻤﺎﺭ
ﺍﻡ ﻋﻤﺎﺭ ... ﻛﻮﺍﻛﺐ ؟؟ !! ﺧﻴﺮ ﺷﺒﻴﺞ
ﻛﻮﺍﻛﺐ .. ﻭﻳﻨﻪ ﻋﻤﺎﺭ ﻭﻳﻨﻪ ﺍﺑﻮ ﺭﻭﺣﻲ ﺻﻴﺤﻴﻠﻲ ﻭﺍﺣﺪ ﻣﻨﻬﻢ ﺭﻭﺣﻲ .
ﺍﻡ ﻋﻤﺎﺭ .. ﺷﺼﺎﻳﺮ ﺑﺲ ﻛﻮﻟﻲ
ﻛﻮﺍﻛﺐ .. ﻭﺧﺮﻱ ﺷﺒﺔ ﻓﻜﺮ ﺷﻄﻮﻟﺞ ﺍﻧﻲ ﻓﺎﻳﺮﻩ ﻭﺍﻧﺖ ﺟﺎﻱ ﺗﺤﻘﻘﻴﻦ ﻭﻳﺎﻱ
ﺩﺧﻠﺖ ﻟﻠﺒﻴﺖ ﻭﻫﻲ ﺗﻌﻴﻂ ﻭﺗﺼﻴﺢ ﺑﺎﺳﻢ ﻋﻤﺎﺭ
ﻃﻠﻊ ﺍﻟﻬﺎ ﻣﻔﺰﻭﻉ
ﻋﻤﺎﺭ ... ﺧﻴﺮﺝ ﻋﻤﻪ ﺷﻜﻮﻭﻭ
ﻛﻮﺍﻛﺐ .. ﺍﻧﺒﻂ ﭼﺒﺪﻱ ﺍﻟﻪ ﺍﻛﻮﻟﻚ ﻋﻠﻲ ﺍﻟﺼﺎﺭ
ﻋﻤﺎﺭ .. ﻫﺴﻪ ﻏﻴﺮ ﺗﺤﺠﻴﻦ
ﻛﻮﺍﻛﺐ .. ﺑﺎﻉ ﺑﻠﻴﻠﺔ ﺍﻟﻲ ﺍﺧﺘﻔﻰ ﺑﻴﻬﺎﺍ ﻋﺎﻣﺮ ﻭﺭﺅﻯ ﺷﻔﺖ ﺟﻬﺎﺩ ﻳﮕﻮﺩ ﻋﺎﻣﺮ ﻭﺭﺅﻯ ﻭﺑﻴﺪﻩ ﺍﻟﺴﻼﺡ .
ﻋﻤﺎﺭ .. ﺷﻨﻮ ﺍﻧﺖ ﻣﺘﺎﻛﺪﻩ ﻋﻤﻪ ؟؟
ﻛﻮﺍﻛﺐ .. ﻭﺩﺍﻋﺔ ﻫﻲ ﻋﻴﻮﻧﻲ ﺍﻟﻲ ﺑﻌﺪ ﺟﻢ ﻳﻮﻡ ﻳﺎﻛﻠﻬﻦ ﺍﻟﺪﻭﺩ ﺑﺎﻟﻜﺒﺮ ﻫﺬﺍ ﺍﻟﺸﻔﺘﻪ .
ﻋﻤﺎﺭ .. ﺑﺼﻴﺎﺡ ﻭﺻﻮﺕ ﻣﺒﺤﻮﺡ .. ﻭﻟﻴﺶ ﺳﻜﺘﻲ ﻛﻞ ﻫﺎﻟﻤﺪﻩ ﻟﻴﺶ ؟؟
ﻛﻮﺍﻛﺐ .. ﻭﻟﻚ ﺟﻬﻴﺪ ﻫﺪﺩﻧﻲ ﻭﻛﻞ ﻫﺎﻟﻤﺪﻩ ﺫﺍﻟﻨﻲ ﻭﻳﻐﻠﻂ ﻋﻠﻴﻪ ﻃﺐ ﻟﻐﺮﻓﺘﻲ ﻫﺪﺩﻧﻲ ﺑﺎﻟﺴﻼﺡ ﻭﺧﻔﺖ ﻭﻫﺴﻪ ﺑﻌﺪ ﻣﺎﺍﺳﻜﺖ ﺷﻨﻮ ﻫﺎﻟﻌﻴﺸﻪ ﺷﻴﺮﻳﺪ ﻳﺼﻴﺮ ﻳﻌﻨﻲ ﻭﺍﻧﺘﻮﺍ ﺍﻛﻴﺪ ﺗﺤﻤﻮﻧﻲ ﻣﻨﻪ
ﻋﻤﺎﺭ .. ﺍﻟﻴﻮﻡ ﺍﻟﻴﻮﻡ ﺍﺩﻓﻨﻪ ﻭﺍﻟﻠﻪ .
ﻛﻮﺍﻛﺐ .. ﻭﻫﻲ ﺗﻤﺴﻚ ﺑﻤﻼﺑﺲ ﻋﻤﺎﺭ
ﻻﻳﻤﻌﻮﺩ ﻣﻮ ﻫﻴﺞ ﺑﻬﺪﺍﻱ ﺑﻬﺪﺍﻱ ﺍﻧﻲ ﻟﻴﺶ ﻛﺘﻠﻚ ﻻﻥ ﺧﺎﻑ ﺍﻫﻞ ﺍﻟﻤﻔﻠﻮﻛﻪ ﺭﺅﻯ ﻳﺴﻮﻭﻟﻜﻢ ﻣﺼﻴﺒﻪ ﺍﻧﻲ ﻣﺸﻔﺘﻪ ﻗﺘﻠﻬﻢ ﺑﺲ ﺷﻔﺘﻪ ﻛﺎﻳﺪﻫﻢ
ﻋﻤﺎﺭ .. ﺟﻬﺎﺩ ﺍﻟﻴﻮﻡ ﻳﻄﻠﻊ ﺍﺧﻮﻱ ﺣﻲ ﻣﻴﺖ ﻳﻄﻠﻌﻪ
ﻻ ﻭﺍﻟﻠﻪ ﺍﺩﻓﻨﻪ ﺍﺑﻴﺘﻬﻢ .
ﺻﻌﺪ ﻋﻤﺎﺭ ﻟﻔﻮﻙ ﻭﺑﻘﺖ ﻛﻮﺍﻛﺐ ﺗﻠﻄﻢ ﺧﺪﻫﺎ ﻭﻭﻋﺖ ﻋﻠﻰ ﻧﻔﺴﻬﺎ ﻭﺍﻟﻲ ﺳﻮﺗﻪ
ﻭﻋﺮﻓﺖ ﺑﻠﺤﻈﺘﻬﺎ ﺍﻧﻮ ﺍﻋﺘﺮﺍﻓﻬﺎ ﺭﺍﺡ ﻳﺸﻌﻞ ﺍﻟﻨﺎﺭ ﺑﻴﻦ ﺍﻟﻌﺎﺋﻠﺘﻴﻦ .
ﻧﺰﻝ ﻋﻤﺎﺭ ﻭﺑﻴﺪﻩ ﺍﻟﺴﻼﺡ ﻭﻫﻮ ﻳﺨﺎﺑﺮ ﺭﻳﺎﺽ ﻭﻳﺼﻴﺢ ﻭﻳﺒﻠﻐﻪ ﺑﺎﻋﺘﺮﺍﻑ ﻋﻤﺘﻪ ﺍﻟﺠﺪﻳﺪ ﻭﺍﻟﺨﻄﻴﺮ
....
....
ﺟﻬﺎﺩ
ﻃﻠﻌﺖ ﻣﻦ ﺍﻟﻐﺮﻓﻪ ﻣﻌﺼﺐ ﻣﻦ ﻛﻼﻡ ﺍﺑﻮﻳﻪ
ﻟﻠﺰﻡ ﻳﺘﻌﻜﺮ ﻣﺰﺍﺟﻲ ﻻﺯﻡ ﻣﺎﺍﺭﺗﺎﺡ ﻛﻠﻤﺎ ﺍﺟﻲ ﻫﻨﺎ ﻋﺮﻛﻪ ﻣﻠﻴﺖ ﻣﻦ ﺭﻭﺣﻲ ﺷﻮﻛﺖ ﺗﻔﺮﺝ .
ﺑﻤﺮﺍﺭﻩ ﻭﺍﻟﻢ ﺍﺟﻪ ﻋﻠﻰ ﺑﺎﻟﻲ ﺫﺍﻙ ﺍﻟﻴﻮﻡ ﺍﻟﻲ ﺗﺎﻛﺪﺕ ﺑﻲ ﻣﻦ ﻛﻞ ﺷﻲ .
ﺑﻌﺪ ﻣﺎﻫﻤﺴﺖ ﺭﺅﻯ ﺑﺎﺳﻢ ﻋﺎﻣﺮ ﺳﻮﻳﺖ ﻧﻔﺴﻲ ﻣﺎﺍﺳﻤﻊ ﻭﻻﺳﻤﻌﺖ ﻭﻳﻤﻜﻦ ﻣﺘﻮﻫﻢ
ﻛﺴﺮﺕ ﺍﻟﺘﻠﻴﻔﻮﻥ ﻭﺍﻧﻲ ﻋﺎﻧﺪﺕ ﻣﺎﺍﺟﻴﺐ ﺍﻟﻬﻪ ﻭﺍﺣﺪ
ﺭﺍﺣﺖ ﻻﻫﻠﻬﻪ ﻭﺟﺎﺑﺖ ﻭﺍﺣﺪ ﺟﺪﻳﺪ
ﻻﻧﻬﺎ ﺍﻛﻴﺪ ﻣﺎﺗﺴﺘﻐﻨﻰ ﻋﻨﻪ .
ﺩﺧﻠﺖ ﻟﻠﻐﺮﻓﻪ ﺑﻴﻨﻤﺎ ﻫﻲ ﻣﺎﻛﻮ .
ﺳﻤﻌﺖ ﺻﻮﺕ ﺗﻠﻴﻔﻮﻧﻬﺎ ﺩﻟﻴﻞ ﻭﺻﻮﻝ ﺍﺷﻌﺎﺭﺍﺕ ﺍﻟﻬﺎﺍﺍ
ﻓﺘﺤﺘﻪ ﺑﻲ ﺭﻣﺰ
ﺑﺲ ﻃﻠﻌﺖ ﻋﻨﺪﻱ ﺍﻻﺷﻌﺎﺭﺍﺕ ﺑﺎﻟﺸﺎﺷﻪ
ﻭﻗﺮﺃﺕ ﺍﻟﺮﺳﺎﺋﻞ
" ﺣﺒﻴﺒﺘﻲ ﺍﻧﺖ ﻭﻋﺪﺗﻴﻨﻲ ﺑﺲ ﻳﺮﻭﺡ ﺟﻬﺎﺩ ﻟﻠﺒﺼﺮﻩ ﻧﻠﺘﻘﻲ ﻭﺗﻌﻮﺿﻴﻨﻲ "
ﺑﻠﺤﻈﺘﻬﺎ ﺍﺣﺲ ﺍﻧﺘﻬﻴﺖ ﻓﻌﻼ
ﻟﺤﻈﺔ ﺩﻣﺎﺭ ﺩﻣﺮﺗﻨﻲ ﻛﺎﻧﻲ ﺟﺒﻞ ﻭﺍﻧﻬﺪ
ﺣﺎﻭﻟﺖ ﺍﻓﺘﺢ ﺗﻠﻴﻔﻮﻧﻬﺎﺍﺍ ﻣﻜﺪﺭﺕ
ﺗﺮﻛﺘﻪ ﻭﺍﻧﻲ ﺍﺣﺎﻭﻝ ﺍﻫﺪﻱ ﻧﻔﺴﻲ
ﻭﺍﺭﻳﺪ ﺍﻋﺮﻑ ﻣﻨﻴﻦ ﻫﻲ ﺍﻟﺮﺳﺎﻟﻪ
ﻛﻨﺖ ﺷﺎﻙ ﺑﻌﺎﻣﺮ ﺑﺲ ﺍﺭﻳﺪ ﺍﺗﺎﻛﺪ
ﻟﺤﻈﺎﺕ ﻭﺩﺧﻠﺖ ﺭﺅﻯ ﻟﻠﻐﺮﻓﻪ
ﻭﺍﺟﺖ ﻳﻤﻲ ﻣﻦ ﺷﻔﺘﻬﺎ ﺗﻤﻨﻴﺖ ﺍﻓﺘﺮﺳﻬﺎ ﺑﺲ ﺍﺭﻳﺪ ﺍﻃﺒﺨﻬﺎ ﻋﻠﻰ ﻧﺎﺭ ﻫﺎﺩﺋﻪ
ﻻﺯﻡ ﺍﺣﺎﻓﻆ،ﻋﻠﻰ ﺑﺮﻭﺩﻱ ﻭﺍﺗﺰﺍﻧﻲ ﻭﻣﺎﺍﻓﻘﺪ
ﺗﻘﺮﺑﺖ ﻣﻨﻲ ﻭﻗﺒﻠﺘﻨﻲ
ﻫﺎﺍ ﺣﺒﻴﺒﻲ،ﺍﻟﻴﻮﻡ ﺗﻠﺘﺤﻖ ﻣﻮ
ﺑﺎﻭﻋﺘﻠﻬﺎﺍﺍ ﺍﻱ ﺣﺒﻲ ﺭﺍﺡ ﺍﻟﻠﺘﺤﻖ ﺍﻟﻴﻮﻡ
ﺍﻭﻛﻲ ﺗﻤﺎﻡ
ﻛﻌﺪﺕ ﺍﻧﻲ ﻋﻠﻰ ﺍﻟﺴﺮﻳﺮ ﻭﻫﻲ ﺑﻘﺖ ﻭﺍﻛﻔﻪ ﺳﺤﺒﺖ ﺍﻟﻔﻮﻥ ﻭﺍﻧﻲ ﻭﻛﻔﺖ ﻭﺭﺍﻫﺎ ﻭﺑﻤﺎ ﺍﻧﻪ ﺍﻧﻲ ﻃﻮﻳﻞ ﺭﻛﺰﺕ ﻋﻠﻰ ﺍﻟﺘﻠﻴﻔﻮﻥ ﺷﻔﺘﻬﻪ ﺷﻠﻮﻥ ﻓﺘﺤﺖ ﺍﻟﺮﻣﺰ
ﻭﺭﺟﻌﺖ ﻛﻌﺪﺕ ﺑﻬﺪﻭﺀ ﺑﺲ ﺑﺪﺍﺧﻠﻲ ﺍﻣﻮﺍﺝ ﻋﺬﺍﺏ ﻣﺘﻼﻃﻤﻪ .
ﺷﻔﺘﻬﻪ ﻛﺘﺒﺖ ﺷﻮﻳﻪ ﻭﺳﺪﺕ ﺍﻟﺘﻠﻴﻔﻮﻥ ﻗﻔﻠﺘﻪ ﻭﺧﻠﺘﻪ ﻭﻃﻠﻌﺖ ﺑﺮﻩ ﺍﺍﻟﻐﺮﻓﻪ
ﻭﻫﻲ ﻣﻄﻤﺄﻧﻪ
ﻛﻤﺖ ﻣﻦ ﻣﻜﺎﻧﻲ ﻭﺗﻤﻨﻴﺖ ﻣﺎﺍﺷﻮﻑ ﺍﻟﻲ ﺍﺷﻮﻓﻪ ﻭﻻ ﺷﻜﻲ ﺑﻤﻜﺎﻧﻪ
ﻓﺘﺤﺖ ﺍﻟﺘﻠﻴﻔﻮﻥ ﻭﺭﺣﺖ ﻉ ﺍﻟﻤﺴﺠﺎﺕ
ﺍﻟﺮﻗﻢ ﻣﻜﺘﻮﺏ ﻋﻠﻴﻪ ﺯﻫﻮﺭ ﺑﺲ ﻟﻢ ﺟﻴﻜﺘﻪ ﺑﺎﻻﺭﻗﺎﻡ ﺍﻟﻲ ﻋﻨﺪﻱ ﻃﻠﻊ ﻋﺎﺍﺍﻣﺮ
ﻣﺠﺎﻧﺖ ﺍﻟﻲ ﺻﺪﻣﻪ ﻛﺒﺮﻯ ﻻﻥ ﺟﻨﺖ ﻣﺘﻮﻗﻊ ﻫﺎﻟﺸﻲ .
ﺟﺎﻥ ﺭﺩﻫﺎ ﻋﻠﻰ ﺍﻟﺮﺳﺎﻟﻪ
" ﺍﻱ ﺣﺒﻴﺒﻲ ﺟﻬﺎﺩ ﺍﻟﻴﻮﻡ ﺭﺍﺡ ﻳﻠﺘﺤﻖ ﺣﺘﻰ ﻧﻠﺘﻘﻲ ﻫﻨﺎ ﺑﻐﺮﻓﺘﻲ ﻣﺪﺍﻡ ﺍﻟﺒﻴﺖ ﺷﺒﻪ ﻓﺎﺭﻍ ﺑﺲ ﻋﻤﻲ ﻭﻋﻤﺘﻲ ﻭﻛﻮﺍﻛﺐ ﻭﻳﻨﺎﻣﻮﻥ ﻋﻠﻰ ﻭﻛﺖ ﻟﺬﻟﻚ ﺍﺑﺸﺮ ﺍﻟﻴﻮﻡ ﺍﻧﻲ ﺑﺤﻀﻨﻚ "
ﻟﺤﻈﺎﺕ ﻣﺮﺕ ﻋﻠﻴﻪ ﺍﺧﺘﻨﻜﺖ ﻭﺍﻟﻬﻮﺍ ﺍﻟﻲ ﺑﺮﻳﺘﻲ ﺗﻼﺷﻰ
ﺍﺣﺲ ﺑﺮﻛﺎﻥ ﺍﻧﻔﺠﺮ ﺑﺪﺍﺧﻠﻲ
ﺩﺧﻠﺖ ﻟﻠﺤﻤﺎﻡ ﺿﺮﺑﺖ ﺍﻳﺪﻱ ﺑﺎﻟﺤﺎﻳﻂ
ﺍﺭﻳﺪ ﺍﻫﺪﺃ ﻣﺎﻛﻮ ﻏﺼﻴﺖ ﺑﺎﻟﻬﻮﺍ ﺍﻟﻲ ﺍﺗﻨﻔﺴﻪ
ﻛﻌﺪﺕ ﻉ ﺍﻟﻜﺎﻉ ﻭﺍﻟﺤﻴﺮﻩ ﻣﺘﻤﻠﻜﺘﻨﻲ .
ﺍﺣﺲ ﻣﺸﺘﻌﻠﻪ ﻧﻴﺮﺍﻥ ﺩﺍﻳﺮ ﻣﺪﺍﻳﺮﻱ
ﺧﻠﻴﺘﻲ ﺍﻳﺪﻱ ﻋﻠﻰ ﻛﺼﺘﻲ ﺍﺣﺎﻭﻝ ﺍﺟﺮ ﺍﻟﻨﻔﺲ
ﺍﺳﺤﺐ ﻧﻔﺴﻲ ﺍﺣﺲ ﻳﻨﺠﺮ ﻭﻳﺎ ﻧﺎﺍﺭﺭ
ﺣﺎﻭﻟﺖ ﺍﻫﺪﻱ ﺭﻭﺣﻲ ﺍﻗﻨﻊ ﻧﻔﺴﻲ ﺍﻧﻲ ﻗﻮﻱ ﺍﻧﻲ ﻣﺮﺍﺡ ﺍﻗﺒﻞ ﺑﺎﻟﻌﺎﺍﺭ ﻻ ﺍﺍﺑﺪ ﺍﺑﺪ
ﻃﻠﻌﺖ ﺣﻀﺮﺕ ﺟﻨﻄﺘﻲ ﻻﺯﻡ ﺍﺑﺘﻌﺪ
ﺩﺧﻠﺖ ﺭﺅﻯ ﺷﺎﻓﺘﻨﻲ ﺣﺎﻭﻟﺖ ﻣﺎﺍﺑﺎﻭﻋﻠﻬﺎ ﻳﻤﻜﻦ ﺍﺫﺍ ﺍﺑﺎﻭﻋﻠﻬﺎ ﺍﺿﻌﻒ ﻭﺍﻧﻬﺎﺭ ﻭﺍﻗﺘﻠﻬﺎ ﻫﻨﺎ ﺑﺎﻟﻤﻜﺎﻥ
ﻟﻜﻦ ﻗﻮﻳﺖ ﻧﻔﺴﻲ ﻭﻧﺠﺤﺖ
.. ﻫﺎﺍ ﺣﺒﻴﺒﻲ ﺣﺘﺮﻭﺡ ﻫﺴﻪ ؟؟
.. ﺍﻱ ﻫﻢ ﻳﻠﻪ ﺍﻟﺤﻚ ﺍﻭﺻﻞ ﻭﺍﺭﺗﺎﺡ
.. ﻣﺎﺷﻲ ﺣﺒﻴﺒﻲ ﺗﻮﺻﻞ ﺑﺎﻟﺴﻼﻣﻪ
ﺷﻤﺮﺕ ﻧﻔﺴﻬﻪ ﻋﻠﻴﻪ ﺣﻀﻨﺘﻨﻲ ﺑﻌﺪ ﻟﺤﻈﺎﺕ ﻳﻠﻪ ﺑﺎﺩﻟﺘﻬﻪ ﺍﻟﺤﻈﻦ .
ﺷﻤﻴﺘﻬﺎ ﺑﺲ ﻣﺎﺷﻤﻴﺖ ﺭﻳﺤﺔ ﻋﻄﺮ ﻫﺎﻟﻤﺮﻩ
ﻻ ﺷﻤﻴﺖ ﺭﻳﺤﺔ ﻏﺪﺭ ﺧﻴﺎﻧﻪ ﺍﺯﻛﻤﺖ ﺍﻧﻔﺎﺳﻲ .
ﻋﺼﺮﺗﻬﺎ ﺣﻴﻴﻞ
ﺑﻌﺪﺗﻬﺎ ﻋﻨﻲ ﻭﺍﻧﻲ ﻣﺘﻌﻤﺪ ﺍﺑﺤﺮ ﺑﻌﻴﻮﻧﻬﺎ ﻛﻠﺖ ﺍﻟﻬﺎ ... ﻣﺮﺗﺎﺣﻪ ﻭﻳﺎﻱ : ؟؟
ﺟﺎﻭﺑﺖ ﺑﺎﺍﺳﺘﻐﺮﺍﺏ .. ﺍﻱ ﻣﺮﺗﺎﺣﻪ ﻟﻴﺶ؟؟
ﺿﺤﻜﺖ ﺑﺎﺍﺳﺘﻬﺰﺍﺀ .. ﺣﺘﺊ ﺍﺫﺍ ﻣﻤﺮﺗﺎﺣﻪ ﺍﻃﻠﻜﺞ ...
ﺟﺎﻭﺑﺖ ﺑﺼﺪﻣﻪ .. ﻻ ﻟﻴﺶ ﺗﻄﻠﻜﻨﻲ ﺍﻧﻲ ﺍﺣﺒﻚ ﻭﺍﻧﺖ ﺗﺤﺒﻨﻲ
ﺟﺎﻭﺑﺘﻬﺎ ... ﻫﺬﺍ ﺍﻟﺤﺐ ﺑﻨﻀﺮﺝ؟؟
ﺟﺎﻭﺑﺖ ﺑﺎﺍﺭﺗﺒﺎﻙ .. ﺗﺸﻚ ﺑﻤﺤﺒﺘﻲ ﺍﻟﻚ؟ :
ﺟﻬﺎﺩ ﺑﻬﺪﻭﺀ ... ﻻ ﻣﺎﺍﺷﻚ
ﺭﺅﺉ ﺑﺨﻮﻑ ﺑﺎﻭﻉ ﺑﻌﻴﻮﻧﻲ ﻭﺍﻧﺖ ﺗﻠﻜﻪ ﺍﻟﻨﺘﻴﺠﻪ
ﺭﻛﺰﺕ ﺑﻌﻴﻮﻧﻬﺎ ﻭﻫﻲ ﺑﻜﻞ ﺻﻼﻓﻪ ﻣﺮﻛﺰﺓ ﺑﻌﻴﻮﻧﻲ
ﺟﺎﻭﺑﺖ ... ﺣﺒﻲ ﺷﻨﻮﻭ ﻣﻠﻜﻴﺖ ﺍﻻﺟﺎﺑﻪ؟؟
ﺟﻬﺎﺩ ﺍﺑﺘﺴﻤﺖ .. ﻻ ﻟﻜﻴﺘﻬﺎ ﺑﺲ ﺻﺪﻛﻴﻨﻲ ﻣﻮ ﻫﺴﻪ ﺍﻋﻠﻦ ﻋﻨﻬﺎ ﺑﺲ ﺍﺭﺟﻊ ﻣﻦ ﺩﻭﺍﻣﻲ ﺭﺍﺡ ﺗﻌﺮﻓﻴﻦ ﺍﻻﺟﺎﺑﻪ
ﺩﻧﻜﺖ ﺍﺧﺬﺕ ﺟﻨﻄﺘﻲ ﺑﻴﻨﻤﺎ ﻫﻲ ﻭﺍﻛﻔﻪ ﻭﺗﺒﺎﻭﻋﻠﻲ ﺑﺎﺳﺘﻐﺮﺍﺏ
ﻧﺰﻟﺖ ﺷﻔﺖ ﺍﻣﻲ ﺟﻮﻩ
ﺍﻻﻡ ... ﻫﺎﺍ ﻳﻤﻪ ﻭﻳﻦ ﺭﺍﻳﺢ ﻣﻮ ﻛﻠﺖ ﺑﻌﺪ ﺍﻟﻐﺪﺍ ﺗﺮﻭﺡ
ﺟﻬﺎﺩ ... ﻻ ﻳﻤﻪ ﻫﺴﻪ ﺭﺍﺡ ﺍﺭﻭﺡ
ﺍﻻﻡ .. ﻣﺎﺗﺎﻛﻮﻟﻠﻚ ﻟﻜﻤﻪ ﻗﺒﻞ ﻟﺘﺮﻭﺡ
ﺟﻬﺎﺩ .. ﺍﻛﻞ ﺑﺎﻟﻄﺮﻳﻖ
ﺍﻻﻡ .. ﻣﻮﺩﻉ ﺑﺎﻟﻠﻪ ﻳﻤﻪ ﺍﻟﻠﻪ ﻭﻳﺎﻙ
ﺟﻬﺎﺩ ... ﺑﺴﺘﻬﺎ ﻣﻦ ﺭﺍﺳﻬﺎ ﻭﺩﺭﺕ ﻇﻬﺮﻱ ﺍﺭﻳﺪ ﺍﻃﻠﻊ ﺍﻟﻠﺘﻔﺘﺖ ﺍﻟﻬﻪ ﻛﺘﻠﻬﻪ ﺍﺩﻋﻴﻠﻲ ﻳﻤﻪ
ﺧﻠﻴﺘﻬﻪ ﺗﺪﻋﻴﻠﻲ ﻭﻃﻠﻌﺖ .
ﺍﺳﺘﻔﺎﻗﻴﺖ ﻣﻦ ﺫﺍﻛﺮﺗﻲ ﻭﺍﻧﻲ ﺍﺣﺲ ﺑﻤﺮﺍﺭﻩ ﻭﺍﻟﻢ
ﻭﻛﺎﻧﻪ ﺍﻟﻲ ﺻﺎﺭ ﻫﺴﻪ ﺻﺎﺭ ﻣﻦ ﻫﺎﻟﻔﺘﺮﻩ ﺍﻟﻄﻮﻳﻠﻪ .
ﺩﺧﻨﺖ ﺍﺧﺮ ﺟﻜﺎﺭﻩ ﺟﺎﻧﺖ ﺑﺎﻟﺒﺎﻛﻴﺖ ﻭﺩﺧﻠﺖ
ﺟﻮﻩ ﻭﺻﻌﺪﺕ ﻓﻮﻙ
ﻭﺩﺧﻠﺖ ﻟﻠﻐﺮﻓﻪ
ﺷﻔﺖ ﺟﻨﻪ ﻭﺍﻛﻔﻪ ﻉ ﺍﻟﻤﺮﺍﻳﻪ ﺩﺗﻤﺸﻂ
ﻣﻦ ﺷﺎﻓﺘﻨﻲ ﻓﺰﻋﺖ
.. ﺷﺒﻴﺞ ﺷﺎﻳﻔﻪ ﺟﻨﻲ ؟؟
ﺍﻛﺘﻔﺖ ﺑﺎﻻﺑﺘﺴﺎﻣﻪ ﺑﺲ ﻧﻈﺮﺍﺗﻬﻪ ﻣﺘﺘﻔﺴﺮ
ﺍﻗﺘﺮﺑﺖ ﻣﻨﻬﺎﺍﺍ ﻭﻛﻔﺖ ﻭﺭﺍﻫﺎ ﻭﻗﺮﺑﺘﻬﺎ ﺍﺍﻟﻲ ﺑﻌﺪﺕ ﺷﻌﺮﻫﺎ ﺍﻟﻤﺒﻠﻞ ﻭﺷﻤﻴﺖ ﺭﻗﺒﺘﻬﺎ ﻭﺑﺴﺘﻬﺎ
ﺣﺴﻴﺘﻬﺎ ﺗﺮﺟﻒ
.. ﺷﺒﻴﺞ ﺗﺮﺟﻔﻴﻦ ﺑﺮﺩﺍﻧﻪ
... ﺟﻨﻪ ﺑﺘﻠﻌﺜﻢ ﺍﻱ ﺣﺒﻴﺒﻲ ﺷﻮﻳﻪ ﺑﺮﺩ .
.. ﺗﻌﺎﻟﻲ ﺍﻣﺸﻂ ﺍﻟﺞ ﺷﻌﺮﺝ
.. ﻻ ﺣﺒﻴﺒﻲ ﺍﻧﻲ ﺍﻣﺸﻂ
.. ﺑﻌﺼﺒﻴﻪ ﻛﺘﻠﻬﺎ ﺗﻌﺎﺍﺍﻱ
ﺍﺧﺘﻔﺖ ﺍﺑﺘﺴﺎﻣﺘﻬﺎ ﻭﺍﻧﻄﺘﻨﻲ ﺍﻟﻤﺸﻂ ﺑﻬﺪﻭﺀ ﻭﺍﻟﺨﻮﻑ ﺑﻌﻴﻮﻧﻬﺎﺍﺍ .
ﺳﺤﺒﺖ ﺍﻟﺴﺘﻮﻝ ﻭﻛﻌﺪﺗﻬﻪ ﻋﻠﻴﻪ ﻭﻇﻠﻴﺖ ﺍﻣﺸﻂ ﺍﻟﻬﺎﺍ
ﻭﻫﻲ ﻛﺎﻋﺪﻩ ﺑﻬﺪﻭﺀ ﻭﻣﺎﻟﻬﻪ ﺍﻱ ﺻﻮﺕ .
ﺳﺮﺣﺖ ﺷﻌﺮﻫﺎ ﻭﻭﻛﻔﺘﻬﺎ ﺍﺣﺴﻬﺎ ﻣﺜﻞ ﺍﻟﻠﻌﺎﺑﻪ ﻭﺍﺣﺮﻙ ﺑﻴﻬﺎﺍﺍ
ﺣﻀﻨﺘﻬﻪ ﻛﺘﻠﻬﻪ ﺷﺒﻴﻬﺎ ﺟﻨﺘﻲ ﺍﻟﻴﻮﻡ ﻣﻮ ﻋﻠﻰ ﺑﻌﻀﻬﺎﺍ
.. ﻣﺎﻛﻮ ﺷﻲ ﺣﺒﻴﺒﻲ ﻟﻴﻈﻞ ﺑﺎﻟﻚ
.. ﺍﻟﻠﻪ ﺭﻳﺤﺘﺞ ﺗﺮﺩ ﺍﻟﺮﻭﺡ ﺍﺫﺍ ﺗﺒﻘﻴﻦ ﻫﺴﻪ ﻳﻤﻲ ﺍﺳﺒﺤﺞ ﻣﺮﻩ ﺛﺎﻧﻴﻪ .
ﺟﻨﻪ
.. ﻻ ﻓﺪﻭﻩ ﺍﺭﻳﺪ ﺍﻧﺰﻝ ﺍﺳﺎﻋﺪﻫﻢ ﺑﺎﻟﻌﺸﺎ
ﺑﺴﺘﻪ ﺑﺨﺪﻩ ﻭﻧﺰﻟﺖ ﺟﻮﻩ
ﻟﻠﻤﻄﺒﺦ
ﺭﻭﻧﻖ ﺩﺳﻮﻱ ﻋﺸﺎ
.. ﺍﺳﺎﻋﺪﺝ ﺭﻭﻧﻖ
.. ﺧﻠﺼﺖ ﺣﺒﻴﺒﺘﻲ ﻣﺒﻘﻰ ﺷﻲ
.. ﻣﺎﻛﻮ ﺧﺒﺮ ﻣﻦ ﻛﻮﺍﻛﺐ
.. ﻻ ﻣﺎﻛﻮ ﺑﺲ ﺷﺒﻴﺞ ﻭﺟﻬﺞ ﻣﺨﻄﻮﻑ ﺧﺎﻑ ﻋﻨﺪﺝ ﻭﻻﺩﻩ ﻭﻟﺞ
. .. ﻻ ﻣﺎﺑﻴﻪ ﺷﻲ
ﺭﺍﺡ ﺍﺣﻀﺮ ﺍﻟﺨﺒﺰ
.. ﻣﺎﺷﻲ .
ﺣﻀﺮﻧﺎ ﺍﻟﻌﺸﺎ ﻭﺻﺒﻴﻨﻪ ﻭﻓﺮﺷﻨﺎ ﺍﻟﺴﻔﺮﻩ
ﻣﺎﺑﻴﻪ ﺍﺻﻌﺪ ﺍﻟﻔﻮﻙ ﺩﺯﻳﺖ ﺣﺴﻮﻧﻲ ﻳﺼﻴﺤﻠﻪ
ﻧﺰﻝ ﻭﺍﺟﻪ ﻛﻌﺪ ﻳﻤﻲ
ﻭﺍﻟﻜﻞ ﺻﺎﺭ ﻛﺎﻋﺪ ﻉ ﺍﻟﺴﻔﺮﻩ ﺑﺲ ﺍﻟﻜﻞ ﺳﺎﻛﺖ ﻭﻣﺘﻮﺗﺮ
ﻋﺪﺍ ﺟﻬﺎﺩ ﺍﻟﻲ ﺟﺎﻥ ﺑﺎﺭﺩ ﺛﻠﺞ
ﺍﻟﻜﻞ ﻣﺘﻮﺗﺮ ﻻﻥ ﻛﻼﻡ ﻛﻮﺍﻛﺐ ﻭﺗﻬﺪﻳﺪﺍﺗﻬﺎ ﻗﺒﻞ ﻟﺘﻄﻠﻊ ﻣﻦ ﺍﻟﺒﻴﺖ ﺻﺎﺭ ﺍﻟﻜﻞ ﻋﻨﺪﻩ ﻋﻠﻢ ﺑﻲ .
ﺍﻟﺨﻮﻓﻪ ﻣﺪﺗﺮﻭﺡ ﻣﻨﻲ ﻭﺍﺭﺟﻒ ﻭﺍﺣﺲ ﺍﻟﻜﻞ ﻣﻨﺘﺒﻪ ﺍﻟﻲ .
ﺛﻮﺍﻧﻲ ﻭﺻﺎﺭ ﺭﻣﻲ ﻗﻮﻱ .
ﺟﻬﺎﺩ .... ﻻ ﺍﻟﻪ ﺍﻻ ﺍﻟﻠﻪ ﻫﻢ ﺭﻳﺎﺽ ﻫﺪ ﻋﻠﻰ ﺑﻴﺖ ﻋﻤﻲ !! ؟
ﻓﺆﺍﺩ .. ﻟﻚ ﻳﺎﺑﻴﺖ ﻋﻤﻚ ﻫﺬﺍ ﺍﻟﺮﻣﻲ ﻗﺮﻳﺐ ﻟﻚ ﻫﺬﺍ ﺍﺑﺒﺎﺑﻨﻪ
ﺟﻬﺎﺩ ﺑﺎﺍﺳﺘﻐﺮﺍﺏ ... ﺷﻨﻮﻭ :: ؟؟
ﺍﻟﻜﻞ ﺭﻛﺾ ﻟﻠﺸﺒﺎﺑﻴﻚ ﻳﺒﺎﻭﻋﻮﻥ
ﻓﺆﺍﺩ .. ﻟﻚ ﻫﺬﺍ ﺻﻮﺕ ﻋﻤﺎﺭ
ﻫﺬﺍ ﻳﻬﺪﺩ ﺑﻴﻚ ﻳﻜﻮﻝ ﺩﻣﻚ ﻣﻬﺪﻭﺭ
ﺟﻬﺎﺩ ﺑﻌﺼﺒﻴﻪ ... ﺍﻧﻌﻞ ﺍﺑﻮﻭ ﻻﺑﻮ ﻟﺨﻠﻔﻪ ﺣﺠﺘﻬﺎ ﻛﻮﺍﻛﺐ ﻭﺍﻟﻠﻪ ﺍﻟﻪ ﺍﻧﻌﻞ ﻭﺍﻟﺪﻳﻬﻢ
ﻭﺭﻛﺾ ﻳﺮﻳﺪ ﻳﺠﻴﺐ ﺍﻟﻤﺴﺪﺱ
ﺍﺑﻮ ﺟﻬﺎﺩ .. ﻟﻚ ﺟﻬﺎﺩ ﺷﻤﺴﻮﻱ ﻭﺷﺘﺮﻳﺪ ﺗﺴﻮﻱ ﺑﺲ ﺗﻄﻠﻊ ﻳﺘﺮﺳﻮﻙ ﺭﺻﺎﺍﺹ
ﺟﻬﺎﺩ .. ﻋﻮﻓﻮﻧﻲ ﻟﺤﺪ ﻳﻠﺰﻣﻨﻲ ﺍﻟﺰﻟﻤﻪ ﻭﺍﺑﻦ ﺍﺑﻮ ﺧﻠﻲ ﻳﺮﻣﻲ ﻋﻠﻴﻪ ﻃﻠﻘﻪ ﺍﻟﻴﻮﻡ ﺍﻣﺤﻴﻬﻢ ﻣﻦ ﻋﻠﻰ ﻭﺟﻪ ﺍﻟﺪﻧﻴﺎﺍﺍ .
ﻳﺘﺒﻊ .
ﺗﻮﻗﻌﺎﺗﻜﻢ ﺑﻨﺎﺗﻲ 😂
ﺑﻌﺪﻛﻢ ﺗﺤﺒﻮﻥ ﻛﻮﻛﺒﺔ ﺍﻟﺸﺮﻕ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء