رواية خفايا أنثى الجزء الأول

... 

رواية خفايا أنثى الجزء الأول 

للكاتبة ❤️شمس ❤️

.... 

ﺍﺣﺒﺘﻲ ﺣﻜﺎﻳﺘﻨﺎ ﺍﻟﻴﻮﻡ ﻣﻨﺘﺸﺮﻩ ﻭﺑﻜﺜﺮﻩ .. ﻛﻞ ﻳﻮﻡ ﻧﺠﺪ ﺍﻟﻜﺜﻴﺮﻳﻦ ﻣﻦ ﺍﻻﻃﻔﺎﻝ ﻣﺠﻬﻮﻟﻲ ﺍﻟﻨﺴﺐ ..

ﻣﻦ ﻳﺘﺤﻤﻞ ﺫﻧﺒﻬﻢ .. ﻭﻣﺎﺫﻧﺒﻬﻢ .. ﻳﻮﻟﻮﺩﺍ ﻣﻦ ﺁﺑﺎﺀ ﻳﺘﻤﺘﻌﻮﻥ ﻭﻳﺮﺍﻫﻘﻮﻥ ﻭﻳﺨﻄﺌﻮﻥ ..

ﻭﻳﺮﻣﻮﻥ ﺍﻃﻔﺎﻟﻬﻢ ﺑﻌﺪ ﺍﻧﺠﺎﺑﻬﻢ . ﻟﻴﺘﺤﻤﻠﻮﺍ ﻧﻀﺮﺍﺕ ﺍﻟﻤﺠﺘﻤﻊ ﻭﺍﺷﺎﺭﺍﺕ ﺍﻻﺻﺎﺑﻊ ﻭﺍﻻﻟﻘﺎﺏ ﺍﻟﺘﻲ ﻳﻄﻠﻘﻮﻫﺎ ﻋﻠﻴﻬﻢ ﻭﺧﺎﺻﻪ ﺍﻻﻧﺜﻰ .. ﻓﺄﻧﻬﺎ ﺍﻻﻛﺜﺮ ﺗﻬﻤﻴﺸﺎ ﻣﻦ ﻗﺒﻞ ﺍﻟﻤﺠﺘﻤﻊ ﻭﺍﻟﺘﺨﻠﻒ .. # ﺑﻘﻠﻤﻲ _ ﺷﻤﺲ

ﺍﺗﺮﻙ ﻟﻜﻢ ️✏ … ﻣﻊ ﺻﺎﺣﺒﻪ ﺍﻟﻘﺼﻪ …

ﻷﻧﻨﻲ ﺃﻧﺜﻰ ﻻ ﺍﺣﺪ ﻳﻔﻬﻤﻨﻲ ﻓﻘﺪ ﺍﺑﺪﻭﺍ ﻣﺴﺘﺤﻴﻠﺔ ﺍﻟﺸﻌﻮﺭ ﻭﺍﻻﺣﺴﺎﺱ .. ﻓﻘﺪ ﺍﻣﺴﻴﺖ ﻭﺍﺻﺒﺤﺖ ﺑﻮﺣﺪﺓ ﻛﺮﻫﺖ ﻓﻴﻬﺎ ﻧﻔﺴﻲ ﺍﻳﻦ ﺫﺍﻙ ﺍﻟﻨﻮﺭ ﺍﻟﺴﻤﺎﻭﻱ ﻓﻠﻴﺎﺗﻲ ﻭﻳﺴﺮﻗﻨﻲ ﻣﻦ ﺑﻴﻦ ﺗﻔﺎﻫﺎﺗﻜﻢ ﻛﺬﺑﻜﻢ ﻭﺧﺪﺍﻋﻜﻢ ﻭﺟﺮﺣﻜﻢ ﻣﻦ ﻭﻟﻤﻦ ﻭﻟﻤﺎﺫﺍ

ﻻﻧﻨﻲ ﺍﻧﺜﻰ ..

ﻻﻳﻔﻬﻤﻬﺎ ﺍﺣﺪ ﻻﻧﻨﻲ ﺣﻴﻦ ﺍﺻﺮﺥ ﻳﻘﻒ ﺍﻟﺒﺤﺮ ﺳﺎﻛﻦ ﺻﺎﻣﺘﺎ ﻣﺤﺘﺮﻣﺎ ﻣﺸﺎﻋﺮﻱ ﻟﻤﺎ ??… ﻻﻧﻨﻲ ﻣﻜﺴﻮﺭﻩ ﻛﻤﺎ ﻳﻜﺴﺮ ﻛﻞ ﻟﺤﻈﺔ ﻛﻞ ﺭﺟﻞ ﺍﻟﻒ ﺍﻣﺮﺍﺓ ﻓﻲ ﻛﻠﻤﻪ ﻭﺍﺣﺪﻩ ﺑﺤﺠﻪ ﺍﻟﺤﺐ ..

ﻻﻧﻨﻲ ﺃﻧﺜﻰ ﺍﻻ ﻳﺤﻖ ﻟﻲ ﺍﻥ ﺍﺣﻠﻢ ﺍﻥ ﺍﻋﺸﻖ ﻭﺍﺣﺐ ﻭﺍﻧﺠﺐ ﻃﻔﻼ .. ﺣﻜﻤﺘﻢ ﻋﻠﻴﻪ ﻭﺍﺳﻤﻴﺘﻤﻮﻧﻲ ﻟﻘﻴﻄﺔ .. ﻣﺎﺑﺎﻝ ﺍﻟﺒﺸﺮ ﻗﻠﻮﺑﻜﻢ ﺣﺠﺮ ﻳﻜﻔﻲ ﺍﻧﻲ ﺍﺣﺲ ﺍﻧﻲ ﺑﻴﻦ ﻣﺠﺘﻤﻊ ﻣﻠﻴﺊ ﺑﺘﻔﺎﻫﺎﺕ ﺍﻟﺤﻤﻘﻰ ﻣﻦ ﻭﻟﻤﻦ ﻭﻟﻤﺎﺫﺍ ﺗﻀﺤﻚ ﻻﺗﻀﺤﻚ ﻻﻧﻲ ﺍﻻﻥ ﺍﺑﻜﻲ ﺍﻻ ﺗﺸﻌﺮﺑﻲ ﺍﻡ ﺍﻧﻲ ﺣﻴﻦ ﺍﺟﺮﺡ ﻻﻳﺴﻤﻊ ﺩﻣﻌﻲ ﺍﺣﺪ .. ﻛﻔﺎﻛﻢ ﻇﻠﻤﺎ ﺍﻳﻬﺎ ﺍﻟﺒﺸﺮ .. # ﺑﻘﻠﻤﻲ _ ﺷﻤﺲ

ﻣﺮﺣﺒﺎ ﺍﺳﻤﻲ # ﺃﺭﺟﻮﺍﻥ ..

ﺍﻭﻝ ﻣﺄﺟﻴﺖ ﻟﻠﺪﻧﻴﺎ .. ﺍﻫﻠﻲ ﺗﺨﻠﻮﺍ ﻋﻨﻲ ..

ﻣﺎﻣﺎ ﻭﺑﺎﺑﺎ ﺍﻟﺤﻘﻴﻘﻴﻦ ﻛﺎﻧﻮﺍ ﻃﻼﺏ ﺑﺎﻟﺠﺎﻣﻌﻪ .. ﺑﺎﺑﺎ ﺍﺳﻤﻪ ﻋﺒﺪ ﺍﻟﻠﻪ ﻣﻦ ﺑﻐﺪﺍﺩ ﻭﻣﺎﻣﺎ ﺍﺳﻤﻬﺎ ﻧﻮﺭﻫﺎﻥ ﻣﻦ ﺍﻟﺒﺼﺮﻩ .. ﺑﺲ ﮔﺎﻋﺪﻩ ﺍﻗﺴﺎﻡ .. ﺍﺧﺬﻫﺎ ﻋﺒﺪ ﺍﻟﻠﻪ ﻭﻛﺎﻧﺖ ﺍﺧﺮ ﻳﻮﻡ ﺍﻣﺘﺤﺎﻧﺎﺕ ﺍﻟﻤﺮﺣﻠﻪ ﺍﻻﻭﻟﻰ ﺍﻟﺸﻘﺔ ﺻﺪﻳﻘﻪ .. ﻋﺴﺎﺱ ﺑﺲ ﻳﺒﻘﻮﻥ ﻭﺣﺪﻫﻢ ﻭﻳﻮﺩﻋﻬﺎ ﻗﺒﻞ ﻟﺘﺮﻭﺡ ﻟﻠﺒﺼﺮﻩ ... ﻟﻜﻦ ﺷﻬﻮﺗﻬﻢ ﺍﺧﺬﺗﻬﻢ ﺍﻟﻐﻴﺮ ﻣﻄﺎﻑ ﻭﺻﺎﺭ ﺍﻟﻲ ﺻﺎﺭ .. ﻭﻣﺎﺣﺴﻮﺍ ﻉ ﺧﻄﺄﺋﻬﻢ ﺍﻻ ﻟﻤﻦ ﺣﻤﻠﺖ ﻣﻨﻪ ﺑﻌﺪ ﻣﺎﻋﺪﻩ ﺷﻬﺮ ﻭﺣﺴﺖ ﻉ ﻧﻔﺴﻬﺎ ﺳﻮﺕ ﺗﺤﻠﻴﻞ ﺑﻴﺘﻲ ﻭﻃﻠﻌﺖ ﺣﺎﻣﻞ ﺍﺗﺼﻠﺖ ﺑﻲ ﻭﺑﻘﺖ ﺗﻠﻮﻡ ﺑﻲ ﻭﻳﻠﻮﻡ ﺑﻴﻬﺎ ..

ﻫﻮ ﮔﻠﻠﻬﺎ ﺍﻧﻲ ﺍﺣﺒﺞ ﻭﻣﺴﺘﺤﻴﻞ ﺍﺗﺮﻛﺞ ﺑﺲ ﺍﻧﻲ ﺑﻌﺪﻧﻲ ﻃﺎﻟﺐ ﻭﻣﻦ ﺍﻟﻤﺴﺘﺤﻴﻞ ﺍﮔﺪﺭ ﺍﺗﺰﻭﺟﺞ ﻫﺴﺎ ..

ﺍﻻﻓﻀﻞ ﺍﻧﻪ ﻧﺰﻝ ﺍﻟﻄﻔﻞ .. ﺑﺲ ﻧﻮﺭﻫﺎﻥ ﺧﺎﻓﺖ ﻭﻣﻘﺒﻠﺖ ﺍﻟﻰ ﺍﻥ ﻋﺪﻩ ﻛﻢ ﺷﻬﺮ ﻉ ﺣﻤﻠﻬﺎ ﻭﻻﻥ ﻫﻲ ﺿﻌﻴﻔﻪ ﻣﻜﺎﻥ ﻭﺍﺿﺢ ﻋﻠﻴﻬﺎ ﺍﻟﺤﻤﻞ ..

‏( ﻋﺬﺭﺍ ﻟﻜﻦ ﺣﻨﺎﺩﻳﻬﻢ ﺑﺄﺳﻤﺎﺋﻬﻢ .. ﻻﻥ ﺣﺮﺍﻡ ﺍﮔﻮﻝ ﻋﻠﻴﻬﻢ ﺑﺎﺑﺎ ﻭﻣﺎﻣﺎ ‏) # ﺷﻤﺲ

ﻋﻦ ﻟﺴﺎﻥ ﺍﻫﻠﻬﺎ ﺍﻟﺤﻘﻴﻘﻴﻦ ..

ﻧﻮﺭﻫﺎﻥ ﺑﻘﻴﺖ ﺍﻟﺤﻤﻞ .. ﻭﻋﺒﺪﺍﻟﻠﻪ ﻳﻮﺍﺳﻲ ﺑﻴﻪ ﻭﻳﮕﻮﻟﻲ ﻟﺘﺨﺎﻓﻴﻦ ﺍﻧﻲ ﺍﺗﻔﻘﺖ ﻭﻱ ﻭﺣﺪﻩ ﺗﻮﻟﺪﺝ ﻭﻧﺎﺧﺬ ﺍﻟﻄﻔﻞ ﻧﺸﻤﺮﻩ ﺑﺄﻱ ﻣﻜﺎﻥ ..

ﻭﻣﺖ ﻧﺘﺨﺮﺝ ﻭﺍﻛﻮﻥ ﻧﻔﺴﻲ .. ﻧﺘﺰﻭﺝ ..

ﻻﻥ ﻫﻮ ﻛﺎﻥ ﻳﺤﺒﻬﺎ ﺣﻴﻞ ﻫﻲ ﺣﻠﻮﻩ .. ﺍﺻﻮﻝ ﺍﻣﻬﺎ ﻛﺮﺩﻳﻪ ﻭﺟﻤﻴﻠﻪ ﺑﺸﻜﻞ ﺗﺰﻭﺟﺖ ﻭﺍﺣﺪ ﺑﺎﻟﺒﺼﺮﻩ . ﻟﻬﺬﺍ ﻫﻲ ﻣﻦ ﺍﻟﺒﺼﺮﻩ ..

ﺧﻠﺼﺖ ﺍﻟﻌﻄﻠﻪ .. ﻭﺩﻭﺍﻣﺖ .. ﻭﻋﺒﺪ ﺍﻟﻠﻪ ﺍﺧﺬﻫﺎ ﻟﻠﻄﺒﻴﺐ ﻭﺿﻌﻬﺎ ﺯﻳﻦ ﺑﺲ ﺍﻟﻄﻔﻠﻪ ﺿﻌﻴﻔﻪ ..

ﻧﻮﺭﻫﺎﻥ .. ﺍﻧﻌﺰﻟﺖ ﻓﺘﺮﻩ ﻋﻦ ﺑﻨﺎﺕ ﺍﻟﻲ ﺑﺎﻟﻘﺴﻢ ﻭﻛﻨﺖ ﺍﻟﺒﺲ ﻣﻼﺑﺲ ﻓﻀﻔﺎﺿﻪ .. # ﺷﻤﺲ

ﻭﺣﺘﻰ ﺑﺎﻟﻜﻠﻴﻪ .. ﺍﻟﺒﺲ ﺟﺒﻪ ﻻﻥ ﺍﺧﺎﻑ ﺗﺒﻴﻦ ﺑﻄﻨﻲ .. ﺍﻫﻠﻲ ﺑﻄﻠﺖ ﺍﺭﻭﺣﻠﻬﻢ .. ﺑﺤﺠﻪ ﻋﻨﺪﻱ ﺍﻣﺘﺤﺎﻧﺎﺕ .. ﻭﺣﺘﻰ ﻣﻦ ﺍﺭﻭﺣﻠﻬﻢ ﺍﻧﻌﺰﻝ ﻋﻨﻬﻢ ﺑﺤﺠﻪ ﺩﺍ ﺍﺩﺭﺱ

.... 

ﻣﺮﺕ ﺍﻻﺷﻬﺮ ﻣﺜﻞ ﺍﻟﺴﻨﻴﻦ ﻭﺣﻤﻠﻲ ﻳﺜﮕﻞ ﻭﺍﺣﺲ ﺑﺘﻌﺐ ﺣﺘﻰ ﺩﺭﺍﺳﺘﻲ ﻣﺎﺍﻫﺘﻤﻴﺘﻠﻬﺎ ..

ﻭﺍﻟﺒﻨﺎﺕ ﻣﻦ ﻳﺴﺄﻟﻮﻧﻲ ﺍﮔﻮﻝ ﻣﺮﻳﻀﻪ .. ﻣﺎﻛﻮ ﺍﺣﺪ ﻋﺮﻑ ﺑﻴﻪ ..

ﺩﺧﻠﺖ ﺷﻬﺮﻱ ﻭﺍﻧﻲ ﺍﻟﻌﻦ ﻧﻔﺴﻲ ﻭﻋﺒﺪ ﺍﻟﻠﻪ ﻭﺍﻟﻄﻔﻠﻪ ﺍﻟﻲ ﺑﺒﻄﻨﻲ .. ﺍﺗﻤﻨﻰ ﺗﺨﺘﻔﻲ ﻣﺎﺍﺭﻳﺪﻫﺎ ..

ﺭﻏﻢ ﻛﻞ ﻫﺬﺍ ﻋﺒﺪ ﺍﻟﻠﻪ ﻣﺎﺗﺮﻛﻨﻲ ﻭﺑﻘﻰ ﻭﻳﺎﻱ ﻻﻥ ﻳﺤﺒﻨﻲ .. ﺑﺲ ﻣﻴﮕﺪﺭ ﻳﻮﺍﺟﻪ ﺍﻫﻠﻪ ﻭﻫﻮ ﻃﺎﻟﺐ ﻭﻣﺎﻋﻨﺪﻫﻢ ﺍﻣﻜﺎﻧﻴﻪ ..

ﻭﺗﻮﺍﺟﺪﻩ ﻳﻤﻲ ﻫﻮ ﺍﻟﻲ ﺻﺒﺮﻧﻲ .. # ﺷﻤﺲ

ﺍﻟﻰ ﺍﻥ ﻟﻴﻠﻪ ﺷﺘﻮﻳﻪ ﺑﺎﺭﺩﻩ ﺻﺎﺭﺕ ﻋﻨﺪﻱ ﺍﻵﻡ .. ﺣﺴﻴﺖ ﺭﻭﺣﻲ ﺗﻄﻠﻊ .. ﺍﺗﺼﻠﺖ ﻉ ﻋﺒﺪ ﺍﻟﻠﻪ .. ﮔﻠﻲ ﺍﺗﺤﻤﻠﻲ ﻟﻠﺼﺒﺢ ﻭﺍﻧﻲ ﺭﺍﺡ ﺍﺟﻲ ﺍﻧﺘﻀﺮﺝ ﺑﺒﺎﺏ ﺍﻟﻘﺴﻢ .. ﺁﺧﺬﺝ ﻭﻧﺮﻭﺡ ﻟﻠﺠﺪﻩ ﺗﻮﻟﺪﺝ ﺍﻧﻲ ﻣﺘﻔﻖ ﻳﺎﻫﺎ ..

ﻟﻠﺼﺒﺢ ﻣﺘﺖ ﻣﺎﺍﻋﺮﻑ ﺷﻠﻮﻥ ﺍﺗﺤﻤﻠﺖ ﺑﺎﻟﮕﻮﻩ ﻓﺘﺤﻮﺍ ﺍﻟﺒﺎﺏ ﻭﺍﻧﻲ ﻣﺘﺤﻈﺮﻩ ﻣﻴﻘﺒﻠﻮﻥ ﻗﺒﻞ ﺍﻟﺴﺒﻌﻪ .. ﺑﺲ ﮔﻮﺗﻠﻪ ﻟﻠﺤﺎﺭﺱ ﻣﻌﺪﺗﻲ ﻭﺑﻄﻨﻲ ﻭﺍﺭﻳﺪ ﺍﺭﻭﺡ ﻟﻠﻤﺴﺘﺸﻔﻰ ﻳﻤﻜﻦ ﺗﺴﻤﻢ ﻋﻨﺪﻱ ..

ﻃﻠﻌﺖ ﻟﮕﻴﺖ .. ﻋﺒﺪ ﺍﻟﻠﻪ ﻭﺍﮔﻒ ﺑﺴﻴﺎﺭﻩ ﺗﻜﺴﻲ ﻣﺎﺍﻋﺮﻑ ﺍﻗﺎﺭﺑﻪ ..

ﻃﻠﻌﻨﺎ ﻭﺍﻻﻟﻢ ﻣﻮﺗﻨﻲ .. ﻭﺣﺴﻴﺖ ﻣﻲ ﮔﺎﻡ ﻳﻮﮔﻊ ﻋﻠﻴﻪ ﻭﺍﻟﻄﻔﻠﻪ ﻧﺰﻟﺖ . ﮔﻮﺗﻠﻪ ﻋﺒﺪ ﺍﻟﻠﻪ ﺍﻟﺤﮕﻨﻲ ﺣﻮﻟﺪ ﺑﺎﻟﺴﻴﺎﺭﻩ ..

ﻭﺻﻠﻨﺎ ﻟﻠﺠﺪﻩ .. ﻣﺎﻟﺤﻜﺖ ﻉ ﻧﻔﺴﻲ ﺍﻻ ﻭﺍﻟﺒﻄﺮﻣﻪ ﻣﺎﻟﺘﻬﻪ ﻭﮔﻌﺖ ﻭﺭﺍﺱ ﺍﻟﻄﻔﻠﻪ ﻃﻠﻊ .. ﮔﻤﺖ ﺍﻋﻴﻂ ..

ﺷﺎﻟﻨﻲ ﻋﺒﺪ ﺍﻟﻠﻪ ﻭﺩﺧﻠﻨﻲ ﻭﻱ ﺍﻟﻤﺮﻩ ﻟﻼﺳﺘﻘﺒﺎﻝ ﻭﻃﻠﻊ . ﻣﺎﻃﻮﻟﺖ ﺑﺴﺮﻋﻪ ﻭﻟﺪﺕ ﻻﻥ ﺍﻧﻲ ﮔﻀﻴﺖ ﺍﻟﻠﻴﻞ ﻛﻮﻟﻪ ﺍﻃﻠﮓ .. ﺑﺤﻴﺚ ﺑﺴﺮﻋﻪ ﻧﺰﻟﺖ .. ﻣﺎﻃﻮﻟﺖ .. # ﺷﻤﺲ

ﺧﻠﺼﺖ ﺍﺭﺗﺎﺣﻴﺖ ﺷﻮﻳﻪ ﺧﻠﺘﻠﻲ ﻣﻐﺬﻱ ﺧﻠﺺ .. ﺻﺎﺣﺖ ﻋﺒﺪ ﺍﻟﻠﻪ ﻳﺸﻮﻓﻨﻲ .. ﺍﻧﻲ ﻛﻨﺖ ﺣﻠﻮﻩ ﻭﺳﺎﻓﺮﻩ ..

ﻃﻠﻌﺖ ﺍﻟﻄﻔﻠﻪ ﺗﺨﺒﻞ ﻭﺷﻜﺒﺮﻫﺎ ﻭﻻ ﻋﺒﺎﻟﻚ ﺑﻄﻨﻲ ﺻﻐﻴﺮﻩ ﻭﺍﻧﻲ ﺿﻌﻴﻔﻪ ﻭﻣﺎﺍﻛﻞ ..

ﻣﻦ ﺷﻔﺘﻬﺎ ﺗﻤﺴﻜﺖ ﺑﻴﻬﺎ .. ﻭﮔﻮﺗﻠﻪ ﺑﻨﺘﻲ ﻣﺎﺍﮔﺪﺭ ﺍﺫﺑﻬﺎ ..

ﻋﺒﺪﺍﻟﻠﻪ .. ﻧﻮﺭﻫﺎﻥ ﺣﺒﻴﺒﺘﻲ ﻇﺮﻭﻓﻨﺎ ﻣﺎﺗﺴﻤﺢ ﺍﻧﻄﻠﻬﺎ ﻟﻠﻨﺎﺱ ﺷﺘﮕﻮﻝ ﻋﻠﻴﻨﺎ ﻣﺎﻓﻜﺮﺗﻲ ﺑﺎﻫﻠﺞ ﻟﻮ ﺍﻫﻠﻲ ﺷﻨﻮ ﺍﮔﻠﻬﻢ ﻭﻣﺎﻧﮕﺪﺭ ﻧﺘﺰﻭﺝ ..

ﻭﻧﻌﻴﺶ ﻣﺬﻣﻮﻣﻴﻦ ﻃﻮﻝ ﺣﻴﺎﺗﻨﺎ .. ﻭﻣﺎﻓﻜﺮﺗﻲ ﺑﻨﻔﺴﺞ ﺍﻫﻠﺞ ﻣﻦ ﺍﻟﺠﻨﻮﺏ ﻭﺣﻖ ﺭﺑﻲ ﻳﻜﺘﻮﻟﻮﺝ ﻭﻳﻜﺘﻠﻮﻧﻲ ..

ﻧﻮﺭﻫﺎﻥ ﻭﺍﻧﻲ ﺍﺑﺠﻲ .. ﻟﻌﺪ ﺷﻨﻮ ﺍﻟﺤﻞ ﮔﻮﻟﻲ ..

ﻣﺎﺍﺭﻳﺪ ﺍﺷﻤﺮﻫﺎ ﺑﺎﻟﺰﺑﻞ ﻟﻮ ﺑﺎﻟﺸﺎﺭﻉ ﺍﻟﻜﻼﺏ ﺗﺎﻛﻮﻟﻬﺎ ..

ﺳﻤﻌﺖ ﻛﻼﻣﻨﺎ ﺍﻟﺠﺪﻩ .. ﮔﺎﻟﺖ ﺍﻧﻲ ﺍﻧﻄﻴﻜﻢ ﺣﻞ .. ﺍﻛﻮ ﺑﻴﺖ ﺍﻋﺮﻓﻪ .. ﺭﺟﺎﻝ ﻭﻣﺮﻩ ﻣﺘﺰﻭﺟﻴﻦ ﺻﺎﺭﻟﻬﻢ ﺳﺒﻊ ﺳﻨﻮﺍﺕ ﻣﻴﺼﻴﺮ ﻋﻨﺪﻫﻢ ﺍﻃﻔﺎﻝ ﻭﺍﺛﻨﻴﻨﻬﻢ ﻣﺜﻘﻔﻴﻦ ﺑﻴﺘﻬﻢ ﻳﻢ ﺑﻴﺖ ﺍﺧﻮﻱ ﻭﺩﻭﻭﻡ ﺍﺳﻤﻌﻬﻢ ﻳﺴﻮﻟﻔﻮﻥ ﻋﻠﻴﻬﻢ ﻭﻳﻜﺴﺮﻭﻥ ﺍﻟﺨﺎﻃﺮ ﻭﺣﺘﻰ ﺍﻧﺪﻝ ﺑﻴﺘﻬﻢ .. ﺍﻟﺮﺟﺎﻝ ﺻﻴﺪﻟﻲ ﺑﺎﻟﻤﺴﺘﺸﻔﻰ ﻭﺍﻟﺒﻨﻴﻪ ﻣﻌﺎﻭﻧﻪ ﻃﺒﻴﺐ .. ﻭﺫﺍ ﺧﻠﻴﺘﻮﺍ ﺑﻨﺘﻜﻢ ﻋﻨﺪﻫﻢ ﺭﺍﺡ ﺗﻌﻴﺶ ﺑﺮﺍﺣﻪ ﻭﻣﺎﺗﺤﺘﺎﺝ ﺷﻲ .. # ﺷﻤﺲ

ﻧﻮﺭﻫﺎﻥ .. ﻭﺷﻠﻮﻥ ﻧﻮﺩﻳﻬﺎ ﺷﻨﻮ ﻧﮕﻠﻠﻬﻢ ..

ﺍﻟﺠﺪﻩ .. ﻻ ﻋﻴﻨﻲ ﺍﺑﻮﻫﻪ ﻳﺎﺧﺬﻫﺎ ﻭﻳﺬﺑﻬﺎ ﺑﺒﺎﺑﻬﻢ ﻭﻫﻤﻪ ﻫﺴﺎ ﻳﺘﺄﺧﺮﻭﻥ ﻳﻠﻪ ﻳﻄﻠﻌﻮﻥ ﻟﻠﺪﻭﺍﻡ .. ﻳﻠﺤﮓ ﻋﻠﻴﻬﻢ ﺑﻌﺪ ﺷﺎﺭﻋﻴﻦ ﻋﻨﻲ .. ﺑﺲ ﻫﺎ ﻻﺗﺪﺧﻠﻮﻧﻲ ﻣﺎﻟﻲ ﺷﻐﻞ ﺍﻧﻲ ..

ﺍﻧﻲ ﺑﺎﻟﮕﻮﻩ ﺭﺿﻴﺖ ﺍﻭﻟﺪﻫﺎ ﻭﻫﻲ ﻣﻤﺘﺰﻭﺟﻪ ﺑﻴﻬﺎ ﮔﻄﻊ ﺍﺭﮔﺎﺏ ﻫﺎﻱ ﻭﺗﻌﺮﻓﻮﻥ ﺍﻟﻮﺿﻊ ﺑﺲ ﻻﻥ ﺷﻔﺘﻚ ﺗﺤﺒﻬﺎ ﻭﺗﺨﺎﻑ ﻋﻠﻴﻬﺎ .. ﻏﻴﺮﻙ ﺗﺮﻛﻬﺎ ﻭﺍﻧﻬﺰﻡ ..

ﻧﻮﺭﻫﺎﻥ .. ﺩﻣﻌﺖ ﻋﻴﻮﻧﻲ ﻭﮔﻤﺖ ﺍﺑﺠﻲ ﻭﺣﻈﻨﺖ ﺑﻨﺘﻲ ﻭﺷﻤﻴﺘﻬﺎ .. ﻭﮔﺘﻠﻪ ﻫﺎﻙ ﺍﺧﺬﻫﺎ ﻭﻣﺘﺘﺮﻛﻬﺎ ﺍﻟﻰ ﻟﻤﻦ ﺗﺘﺄﻛﺪ ﻓﺘﺤﻮﺍ ﺍﻟﺒﺎﺏ ﻭﺍﺧﺬﻭﻫﻪ .. ..

ﮔﺎﻡ ﻋﺒﺪ ﺍﻟﻠﻪ ﻃﻠﻊ ﻭﺭﻗﻪ ﻭﻛﺘﺐ ﺍﺳﻤﻬﺎ ﻋﻠﻴﻬﺎ ﺍﺣﻨﻪ ﻛﻨﺎ ﻧﺘﻤﻨﻰ ﺍﻧﺴﻤﻴﻬﺎ ﺍﺭﺟﻮﺍﻥ ﻭﺳﻤﻴﻨﺎﻫﻪ ﻭﻛﺘﺐ ﺍﻣﺎﻧﻪ ﻋﻨﺪﻛﻢ ﻭﻋﻨﺪ ﺍﻟﻠﻪ ﺍﻋﺘﻨﻮﺍ ﺑﻴﻬﺎ ..

ﻭﺧﻼﻩ ﺑﻤﻼﺑﺴﻬﻪ ﻭﻟﻔﻴﻨﺎﻫﻪ ﺑﻐﻄﻮﻩ ﻭﻟﻔﻴﻨﺎﻫﻪ ﻻﻥ ﺍﻟﺠﻮ ﺑﺎﺭﺩ ﻭﺟﺎﺑﺖ ﺍﻟﺠﺪﻩ ﻛﺎﺭﺗﻮﻧﻪ ﺧﻠﻮﻫﺎ ﺑﻴﻬﺎ .. ﻭﺍﺧﺬﻫﺎ ﻭﺍﻟﺠﺪﻩ ﻭﻳﺎﻫﻢ ﺗﺪﻟﻴﻬﻢ ﺑﺎﻟﺒﻴﺖ ﻭﺍﻧﻲ ﺑﻘﻴﺖ ﺍﺑﺠﻲ ..

ﻋﺒﺪ ﺍﻟﻠﻪ .. ﻧﺰﻟﺖ ﺧﻠﻴﺖ ﺍﻟﻄﻔﻠﻪ .. ﻭﺍﺑﺎﻭﻉ ﺍﺧﺎﻑ ﺍﺣﺪ ﻳﺸﻮﻓﻨﺎ ﺑﻌﺪﻩ ﺩﻧﻴﺎ ﺍﻟﺼﺒﺢ .. ﻣﺤﺪ ﻃﺎﻟﻊ ﺧﻠﻴﺘﻬﺎ ﻭﺭﻛﻀﺖ ﻟﻠﺴﻴﺎﺭﻩ ﺑﻘﻴﺖ ﺑﺎﻟﻨﺺ ﺳﺎﻋﻪ ﻣﻨﺘﻀﺮ ﺍﻟﻰ ﺍﻥ ﻃﻠﻌﻮﺍ ﻟﻠﺪﻭﺍﻡ ﺷﺎﻓﻮﻫﺎ ﻭﺍﻟﺘﻤﺖ ﺍﻟﻨﺎﺱ ﻋﻠﻴﻬﺎ .. ﻣﺸﻴﺖ ﻻ ﺍﺣﺪ ﻳﺸﻮﻓﻬﺎ ﮔﻠﺖ ﺍﻭﺻﻞ ﻧﻮﺭﻫﺎﻥ ﻭﺍﺭﺟﻊ .. # ﺷﻤﺲ

ﺍﺟﻪ ﻋﺒﺪ ﺍﻟﻠﻪ .. ﻟﮕﻪ ﻋﻴﻮﻧﻲ ﺩﻡ ﻣﻦ ﺍﻟﺒﺠﻲ .. ﮔﻠﻲ ﻭﻋﻴﻮﻧﺞ ﺑﺲ ﻧﺘﺰﻭﺝ ﺍﺭﺟﻌﻬﺎ ﻣﺎﺍﺗﺨﻠﻰ ﻋﻨﻬﺎ ﻭﻋﺮﻓﻨﺎ ﻋﺪ ﻣﻨﻮ ﻭﻣﺄﻣﻨﻪ .. ﻭﺍﻧﻲ ﺑﻴﻦ ﻓﺘﺮﻩ ﻭﻓﺘﺮﻩ ﺍﺟﻲ ﺍﻃﻤﺄﻥ ﻋﻠﻴﻬﺎ ..

ﻃﻠﻌﻨﺎ ﻣﻦ ﺑﻴﺖ ﺍﻟﺠﺪﻩ .. ﻭﺻﻠﻨﻲ ﻟﻠﻘﺴﻢ ﻭﺭﺍﺡ . ﺭﺩﺕ ﺍﺭﺗﺎﺡ ﻭﺍﻧﺎﻡ ﻣﺎﮔﺪﺭﺕ ﻣﻦ ﺍﻟﺘﻔﻜﻴﺮ ﻭﺍﻧﻲ ﺑﻴﺪﻱ ﺫﺑﻴﺖ ﺑﻨﺘﻲ ..

ﻭﻣﻦ ﺫﺍﻙ ﺍﻟﻴﻮﻡ ﺑﻌﺪ ﻣﺸﻔﺘﻬﺎ …

ﻋﺒﺪ ﺍﻟﻠﻪ .. ﺑﻘﻴﺖ ﻛﻞ ﻳﻮﻡ ﺍﺭﻭﺡ ﻭﺍﺭﺟﻊ ﺣﺘﻰ ﺍﺷﻮﻓﻬﺎ ﻭﻓﻌﻼ ﺍﻟﻈﺎﻫﺮ ﺗﺒﻨﻮﻫﺎ ﻻﻥ ﻣﻦ ﻳﻄﻠﻌﻮﻥ ﻳﺎﺧﺬﻭﻫﺎ ﻭﻳﺎﻫﻢ ﻭﻣﻦ ﻳﺮﺟﻌﻮﻥ ﻳﺠﻴﺒﻮﻫﺎ ﺍﻃﻤﺄﻧﻴﺖ ﻋﻠﻴﻬﺎ .. ﻭﺑﺸﺮﺕ ﻧﻮﺭﻫﺎﻥ ﻭﺣﺴﻴﺖ ﻫﻢ ﻭﺍﻧﺰﺍﺡ ﻋﻨﻲ ﻭﺭﺟﻌﺖ ﺣﻴﺎﺗﻨﺎ ﻃﺒﻴﻌﻴﻪ ..

ﻭﻧﻮﺭﻫﺎﻥ ﺷﻮﻳﻪ ﺷﻮﻳﻪ ﻧﺴﺖ ﺍﻟﺤﺎﺩﺛﻪ .. ﻭﻋﻼﻗﺘﻨﺎ ﺗﻄﻮﺭﺕ ﻭﺯﺍﺩﺕ ﻭﮔﻤﻨﺎ ﻧﺎﺧﺬ ﺣﺬﺭﻧﺎ ﺣﺘﻰ ﻣﻴﺘﻜﺮﺭ ﻫﺬﺍ ﺍﻟﺸﻲ .. ﺍﻟﻰ ﺍﻥ ﺗﺨﺮﺟﻨﺎ ﻭﺧﻄﺒﺘﻬﺎ ﻭﻣﺤﺪ ﻳﺪﺭﻱ ﺑﻬﺬﻱ ﺍﻟﺤﺎﺩﺛﻪ ﻏﻴﺮﻧﺎ ..

# ﺑﻘﻠﻤﻲ _ ﺷﻤﺲ

ﻳﺘﺒﻊ 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤