رواية خفايا أنثى الجزء الثاني

.... 

رواية خفايا أنثى الجزء الثاني 

للكاتبة ❤️شمس ❤️

... 

ﻋﻦ ﻟﺴﺎﻥ ﻭﺍﻟﺪﺍ ﺍﺭﺟﻮﺍﻥ ﺍﻟﺤﺎﻟﻴﻴﻦ ..

ﺍﻧﻲ ﻣﻨﻰ .. ﺧﺮﻳﺠﻪ ﻣﻌﻬﺪ ﻃﺒﻲ .. ﺗﻌﻴﻨﺖ ﺑﻤﺴﺘﺸﻔﻰ ﺍﻻﻃﻔﺎﻝ ﻭﺍﻟﺘﻮﻟﻴﺪ ﺍﻭﻝ ﻣﺘﺨﺮﺟﺖ .. ﻭﺩﺍﻭﻣﺖ ﻣﻌﺎﻭﻧﻪ ﻃﺒﻴﺐ ﻛﻢ ﺷﻬﺮ ﻭﺑﻌﺪﻳﻦ ﺻﺮﺕ ﺍﺩﻭﺍﻡ ﺑﺼﻴﺪﻳﻠﻴﻪ ﺍﻟﻤﺴﺘﺸﻔﻰ ﻣﻊ ﺩﻛﺘﻮﺭ ﺻﻴﺪﻟﻲ … ﺍﺳﻤﻪ ﺣﺴﻦ .. ﺍﻧﺴﺎﻥ ﺧﻠﻮﻕ ﻭﻳﺨﺎﻑ ﺍﻟﻠﻪ . ﻛﺎﻥ ﻋﻴﻨﻪ ﻣﻴﺮﻓﻌﻬﺎ ﻋﻠﻴﻪ ..

ﻭﺍﻭﻝ ﻣﺎﺣﺲ ﺑﺄﻋﺠﺎﺏ ﺑﻴﻪ .. ﻭﺷﺎﻑ ﺍﺧﻼﻗﻲ ﺍﻧﻲ ﻛﻨﺖ ﻣﻠﺘﺰﻣﻪ ﺑﺬﺍﻙ ﺍﻟﻮﻗﺖ ﻭﺍﻟﺒﺲ ﺣﺠﺎﺏ .. ﻭﻣﻼﺑﺲ ﻣﺴﺘﻮﺭﻩ .. ﺧﻄﺒﻨﻲ ﺑﺴﺮﻋﻪ ﻭﺗﺰﻭﺟﻨﺎ ..

ﺍﻧﺴﺎﻥ ﺑﻤﻌﻨﻰ ﺍﻟﻜﻠﻤﻪ ﻳﺤﺒﻨﻲ ﻭﻳﺨﺎﻑ ﻋﻠﻴﻪ ﻭﻏﻤﺮﻧﻲ ﺑﺤﺒﻪ .. ﻛﻨﺎ ﻣﺮﺗﺎﺣﻴﻴﻦ ﻣﺎﺩﻳﺎ ﺍﻟﺤﻤﺪ ﻟﻠﻪ ﺭﺍﺗﺒﻨﺎ ﻣﻜﻔﻴﻨﺎ ﻭﻫﻮ ﻋﻨﺪﻩ ﺑﻴﺖ ﺑﺲ ﺻﺒﻐﻪ ﻭﺭﺗﺒﻪ ﻭﺷﻮﻳﻪ ﺷﻮﻳﻪ ﻏﻴﺮﻧﺎ ﺍﻻﺛﺎﺙ ﻭﺗﺤﺴﻨﺖ ﺣﺎﻟﺘﻨﺎ ﻻﻥ ﻣﺎﻛﺎﻥ ﺣﺘﻰ ﻃﻔﻞ ﻋﺪﻧﺎ ﻧﺼﺮﻑ ﻓﻠﻮﺳﻨﺎ ﻋﻠﻴﻪ ﻣﺎﻋﺪﺍ ﺍﻻﻃﺒﺎﺀ ﺍﻟﻲ ﺗﻌﺒﻨﺎ ﻣﻨﻬﻢ ﻭﻗﺮﺭﻧﺎ ﻧﺘﺮﻛﻬﺎ ﻭﺭﻯ ﺍﻟﻠﻪ ﻭﻣﻨﺮﺍﺟﻊ ﺑﻌﺪ ..

ﻻﻥ ﻛﻮﻟﻬﻢ ﻧﻔﺲ ﺍﻟﻜﻼﻡ ﻣﺎﺑﻴﻜﻢ ﺍﻱ ﺷﻲ ﻭﻫﺎﻱ ﺍﺭﺍﺩﺓ ﺍﻟﻠﻪ . ﻭﺍﻟﻨﻌﻢ ﺑﺎﻟﻠﻪ .. ﺧﻠﻴﻨﺎ ﺍﻣﻠﻨﺎ ﺑﻲ ﻛﺒﻴﺮ ..

ﻭﺑﻘﻴﺖ ﺩﺍﻳﻤﺎ ﺍﺭﺩﺩ . ‏( ﺭﺑﻲ ﻻﺗﺬﺭﻧﻲ ﻓﺮﺩﺍ ﻭﺍﻧﺖ ﺧﻴﺮ ﺍﻟﻮﺍﺭﺛﻴﻦ ‏) ..

ﻭﻋﻨﺪﻱ ﺍﻣﻞ ﻳﺠﻲ ﻳﻮﻡ ﻭﺍﻟﻠﻪ ﻳﺮﺯﻗﻨﻲ ﺑﻄﻔﻞ .. ﻟﻜﻦ ﻣﺎﺣﺴﺒﺖ ﻳﻮﻡ ﻳﺮﺯﻗﻨﻲ ﺑﻄﻔﻞ ﻣﻮ ﻣﻨﻲ ﺍﻭ ﻣﻦ ﺣﺴﻦ ..

ﺑﻴﻮﻡ ﻭﻛﺎﻟﻌﺎﺩﻩ ﻃﻠﻌﻨﺎ ﺍﻟﺼﺒﺢ ﻟﻠﺪﻭﺍﻡ ﻭﺍﺣﻨﻪ ﻧﻄﻠﻊ ﻉ ﻛﻔﻴﻨﺎ ﻻﻥ ﺍﻟﻤﺴﺘﺸﻔﻰ ﻗﺮﻳﺒﻪ ﻉ ﻣﻨﻄﻘﺘﻨﺎ ..

ﻭﺟﺎﻥ ﻧﺴﻤﻊ ﺻﻮﺕ ﻃﻔﻞ ﻳﺒﺠﻲ .. ﺑﺎﻭﻋﺖ ﺑﺎﻟﺤﺪﻳﻘﻪ ﻣﺎﻛﻮ .. ﻗﻔﻠﻨﺎ ﺍﻟﺒﺎﺏ ﻭﻃﻠﻌﻨﺎ .. ﻟﮕﻴﻨﺎ ﺑﺎﻟﺒﺎﺏ ﻛﺎﺭﺗﻮﻧﻪ ﻭﺑﻴﻬﺎ ﻃﻔﻠﻪ ﺗﺨﺒﻞ ﺣﻤﺮﻩ ﺑﻴﻀﻪ ﻭﺳﻤﻴﻨﻪ .. ﺑﺲ ﻣﺒﻴﻨﻪ ﺣﺪﻳﺜﻪ ﺍﻟﻮﻻﺩﻩ ﻻﻥ ﺣﺘﻰ ﺩﻣﻬﺎ ﺑﻴﻬﺎ ..

ﺭﻓﻊ ﺣﺴﻦ ﺍﻟﺒﻨﻴﻪ ﻭﺍﻧﻲ ﺍﺗﺒﺎﻭﻋﻠﻬﺎ ﻭﺍﺑﺠﻲ .. ﻭﺍﮔﻮﻟﻪ ﻳﺎﺃﻟﻬﻲ .. ﺍﻧﻲ ﺻﺎﺭ ﺳﺒﻌﺔ ﺳﻨﻮﺍﺕ ﺍﺭﻳﺪ ﺭﻳﺤﺔ ﻃﻔﻞ .. ﻭﺍﻛﻮ ﻧﺎﺱ ﺗﺎﺧﺬ ﺗﺸﻤﺮ ﺍﻃﻔﺎﻟﻬﻪ ﺑﺎﻟﻜﺮﺍﺗﻴﻦ ..

ﻛﻨﺖ ﺩﺍﻳﻤﺎ ﺗﺠﻴﻨﺎ ﻫﻴﺞ ﺣﺎﻻﺕ . ﻟﻠﻤﺴﺘﺸﻔﻰ ﺑﺲ ﻣﺎﻛﻨﺎ ﻧﻬﺘﻢ ﻭﻻ ﺑﺒﺎﻟﻲ ﺍﺗﺒﻨﻰ ﻭﺍﺣﺪ ﻣﻨﻬﻢ ..

ﻻﻥ ﻛﺎﻥ ﻋﻨﺪﻱ ﻳﻘﻴﻦ ﺍﻧﻪ ﻳﺠﻲ ﻳﻮﻡ ﻭﺍﻟﻠﻪ ﻳﺮﺯﻗﻨﻲ ..

ﺑﺲ ﻫﺬﻱ ﺍﻟﻄﻔﻠﻪ ﺗﺨﺘﻠﻒ ﺍﺟﺖ ﺣﺪ ﺑﺎﺑﻲ ﻭﻛﺄﻧﻪ ﺍﻟﻠﻪ ﻧﻄﺎﻧﻴﺎﻫﻪ .. ﻭﺧﺎﺻﻪ ﻟﻤﻦ ﻗﺮﺃﺕ ﺍﺳﻤﻬﺎ ﻣﻜﺘﻮﺏ ﻭﺗﺎﺭﻳﺦ ﻭﻻﺩﺗﻬﺎ ﺍﻭﻭﻭﻑ ﻳﺎﺭﺑﻲ ﺍﻟﻴﻮﻡ ﻣﻮﻟﻮﺩﻩ 1/22 ﻭﻣﻜﺘﻮﺏ ﻫﺬﻱ ﺍﻣﺎﻧﻪ ﺍﻟﻠﻪ ﻋﻨﺪﻛﻢ ..

ﺍﻟﻨﺎﺱ ﺍﻟﺘﻤﺖ ﻭﺗﺬﻡ ﺑﺄﻫﻠﻬﺎ .. ﻭﺗﮕﻮﻝ ﺍﺧﺬﻭﻫﺎ ﻟﻠﺸﺮﻃﻪ ﺍﻭ ﻭﺩﻭﻫﺎ ﻟﻠﻤﻴﺘﻢ ..

ﺍﻧﻲ ﺭﻓﻀﺖ .., ﮔﻮﺗﻠﻪ ﺣﺴﻦ ﻫﺬﻱ ﺍﻟﻄﻔﻠﻪ ﺍﻟﻠﻪ ﺩﺯﻫﺎ ﺍﻟﻨﺎ .. ﺧﻠﻴﻨﺎ ﺍﻧﺒﻠﻎ ﻭﻧﺸﻮﻑ ﺍﻻﺟﺮﺁﺕ ﻭﻧﺘﺒﻨﺎﻫﻪ .. ﻣﺴﺘﺤﻴﻞ ﺍﻓﺮﻁ ﺑﻴﻬﺎ ..

ﻭﻻﻥ ﺣﺴﻦ ﺍﻧﺴﺎﻥ ﻣﺘﺪﻳﻦ ﻭﻳﺨﺎﻑ ﺭﺑﻪ .. ﻣﺎﺭﻓﺾ ﻭﺭﺣﺐ ﺑﺎﻟﻔﻜﺮﻩ ..

ﺍﻛﻮ ﻧﺎﺱ ﮔﺎﻟﻮﺍ ﺷﻠﻮﻥ ﺗﺘﺒﻨﻮﻥ ﻭﺣﺪﻩ ﻣﺎﻣﻌﺮﻭﻑ ﺍﺻﻠﻬﺎ ﻭﻟﻘﻴﻄﻪ .. ﻭﻣﻨﻬﻢ ﺍﻫﻠﻪ ﺭﻓﻈﻮﺍ ﻭﮔﺎﻟﻮﺍ ﺭﺍﺡ ﺗﻨﺤﺴﺐ ﻋﻠﻴﻨﺎ ﻭﻣﺎﺗﻨﻄﻲ ﻭﺍﺳﻤﻚ ﻭﻋﺸﻴﺮﺗﻚ ﺍﻟﻮﺣﺪﻩ ‏( ﻧﻐﻠﻪ ‏) ﻣﺜﻞ ﻣﺎﻟﺒﻌﺾ ﻳﺴﻤﻮﻫﻪ ..

ﻟﻜﻦ ﺍﻛﻮ ﻧﺎﺱ ﺍﻧﺪﻋﺖ ﺍﻟﻨﺎ ﻭﻓﺮﺣﺖ .. ﺭﺍﺡ ﺍﺳﺘﺸﺮﻉ ﺣﺴﻦ ﻭﺳﻮﻩ ﺍﻻﺟﺮﺁﺕ ..

ﻭﺳﺠﻠﻬﺎ ﺑﺄﺳﻤﻨﺎ .. ﺍﺭﺟﻮﺍﻥ ﺣﺴﻦ ﻣﺤﻤﺪ .. ﻭﺍﺳﻢ ﺍﻻﻡ ﻣﻨﻰ ﻫﺎﺩﻱ ﻓﺮﺣﺖ ﺑﺎﻟﺠﻨﺴﻴﻪ ﻭﺍﺳﻤﻬﺎ ﻣﺘﺴﺠﻞ ﺑﺄﺳﻤﻨﺎ ..

ﻟﻜﻦ ﺣﺴﻦ ﺧﻄﻴﻪ ﻓﺘﺮﻩ ﻗﺎﻃﻌﻮﺍ .. ﺑﺲ ﺍﻣﻪ ﻛﺎﻧﺖ ﺗﺠﻲ ﻳﻤﻨﺎ ﻭﺍﻫﻠﻲ ﻫﻢ ﻣﻘﺒﻠﻮﺍ ﺑﺲ ﻣﺎﻋﺎﺭﺿﻮﺍ ﻭﻻﻥ ﺷﺎﻓﻮﻧﻲ ﻓﺮﺣﺎﻧﻪ ﻓﺮﺣﻮﺍ ﺍﻟﻔﺮﺣﻨﺎ ..

ﻭﺍﺟﺖ ﻧﺎﺱ ﺗﺒﺎﺭﻛﻠﻨﺎ .. ﺣﺴﻴﺖ ﺭﺑﻲ ﻧﻄﺎﻧﻲ ﻧﻌﻤﻪ .. ﻭﻛﻞ ﻓﺮﺽ ﺑﺼﻼﺗﻲ ﺍﺷﻜﺮ ﺭﺑﻲ ﻋﻠﻴﻬﺎ ..

ﺣﺴﻦ ﺍﺷﺘﺮﻯ ﺳﺮﻳﺮ ﺍﻟﻬﺎ ﻭﺗﺴﻮﮔﻨﺎ ﻣﻼﺑﺲ ﻭﺣﻠﻴﺐ ﻭﻣﻤﻴﻪ ﻭﻫﻲ ﻛﺎﻧﺖ ﺳﻤﻴﻨﻪ ﺣﺘﻰ ﮔﻤﺎﻁ ﻣﻴﻜﻔﻴﻬﺎ ..

ﻳﺎﺭﺑﻲ ﺍﻛﻮ ﻭﺍﺣﺪ ﻋﻨﺪﻫﺎ ﻫﻴﺞ ﻃﻔﻠﻪ ﻭﺗﺬﺑﻬﺎ . ﺷﻠﻮﻥ ﻳﻨﻄﻴﻬﺎ ﮔﻠﺒﻬﺎ ..

ﺣﺴﻦ ﻳﺠﻲ ﻣﻦ ﺍﻟﺪﻭﺍﻡ ﻳﻼﻋﺒﻬﺎ ﻭﻫﻲ ﺍﻟﺤﻴﺎﻟﻪ ﺗﻀﺤﻚ ﻭﻣﺨﺒﻠﺘﻪ ..

ﻛﺒﺮﺕ ﺍﺭﺟﻮﺍﻥ ﻭﺻﺎﺭ ﻋﻤﺮﻫﺎ ﺍﺭﺑﻊ ﺍﺷﻬﺮ .. ﻭﻛﻨﺎ ﻛﻞ ﻳﻮﻡ ﻧﺎﺧﺬﻫﺎ ﻭﻳﺎﻧﺎ ﻟﻠﺤﻈﺎﻧﻪ ﻭﻧﺮﺟﻌﻬﺎ ﺍﻭ ﻣﺮﺍﺕ ﺗﺠﻲ ﻋﻤﺘﻲ ﺍﻡ ﺣﺴﻦ .. ﻧﺨﻠﻴﻬﺎ ﻳﻤﻬﺎ ..

ﺣﻴﺎﺗﻨﺎ ﺗﻐﻴﺮﺕ ﻭﻋﺸﻨﺎ ﺑﺴﻌﺎﺩﻩ .. ﺍﺭﺟﻮﺍﻥ ﺻﺎﺭﺕ ﻛﻞ ﺣﻴﺎﺗﻨﺎ ﻣﻠﺖ ﺍﻟﺒﻴﺖ ﻋﻠﻴﻨﺎ ..

ﻭﻫﻲ ﺗﻌﺮﻓﻨﺎ ﺍﻭﻝ ﻣﺘﺸﻮﻓﻨﺎ ﺗﺒﻘﻰ ﺗﺸﻤﺮ ﺑﺄﺩﻳﻬﺎ .. ﺑﺪﻳﺖ ﺍﻃﻌﻤﻬﺎ ﻭﻫﻲ ﻣﺘﺼﺪﮒ ﺗﺤﺐ ﺗﺎﻛﻞ ﻭﻣﺪﻓﻨﺸﻪ ﺻﺎﻳﺮﻩ ﺷﻌﺮﻫﺎ ﻛﻴﺮﻟﻲ ﺍﺷﮕﺮ ﻣﻮ ﺳﺮﺡ ﻳﺨﺒﻞ ﻭﻋﻴﻮﻧﻬﺎ ﺻﻔﺮ .. ﺳﺒﺤﺎﻥ ﺍﻟﺨﺎﻟﻘﻬﺎ ..

ﺩﺧﻠﺘﻬﺎ ﺍﻟﺒﻴﺘﻨﺎ ﻏﻴﺮﺕ ﺣﻴﺎﺗﻨﺎ .. ﻭﺑﻌﺪ ﺳﻨﻪ ﺳﻮﻳﻨﺎ ﺍﻟﻬﺎ ﻋﻴﺪ ﻣﻴﻼﺩ ﻛﺒﻴﺮ ﻭﻋﺰﻣﻨﺎ ﺍﻫﻠﻪ ﻭﺍﻫﻠﻲ ﺑﻌﺪ ﻣﺎﻛﺎﻧﻮﺍ ﻣﻘﺎﻃﻌﻲ ﺍﺟﻮﺍ ﺑﺲ ﺍﺧﻮﺍﺗﻪ ﻭﺍﺧﻮﺍﻧﻪ ﻣﺎﺍﺟﻮﺍ ﺑﺲ ﻣﺮﺕ ﺍﻟﻜﺒﻴﺮ ﻭﺍﺑﻨﻬﺎ ﺃﻧﺲ ﻋﻤﺮﻩ ﺳﺖ ﺳﻨﻮﺍﺕ ﻳﺤﺒﻬﺎ ﺍﻻﺭﺟﻮﺍﻥ ﻭﺍﻟﻮﺣﻴﺪ ﻣﻦ ﻭﻟﺪ ﺍﺧﻮﺍﻧﻪ ﺍﻟﺤﺴﻦ ﻳﻼﻋﺒﻬﺎ ﻭﻳﺤﺒﻬﺎ ﺑﺲ ﺍﻣﻪ ﻣﺘﻘﺒﻞ ﻭﺗﻤﻨﻌﻪ .. ﻉ ﻋﻴﻨﻬﺎ ﻓﺘﺢ ﺣﺴﻦ ﺻﻴﺪﻟﻴﻪ ﻭﺣﺪﻩ ﻭﺯﺍﺩ ﺧﻴﺮﻩ .. ﻭﻗﺮﺭ ﻧﺸﺘﺮﻱ ﺑﻴﺖ ﻛﺒﻴﺮ ﻭﺑﻤﻨﻄﻘﻪ ﺣﻠﻮﻩ ..

ﺑﺲ ﺍﻟﺒﻴﻮﺕ ﻏﺎﻟﻴﻪ ﻓﺒﻘﻴﻨﺎ ﻧﻮﻓﺮ ﺣﺘﻰ ﻭﻱ ﻓﻠﻮﺱ ﻫﺬﺍ ﺑﻴﺘﻨﺎ

ﻧﺸﺘﺮﻱ ﺑﻴﺖ ﺍﻛﺒﺮ ..

ﺑﻌﺪ ﻋﻴﺪ ﻣﻴﻼﺩ ﺍﺭﺟﻮﺍﻥ .. ﮔﻤﺖ ﺍﺗﺨﺮﺑﻂ ﻭﺍﺗﺄﺯﻣﺖ ﺣﺎﻟﺘﻲ ﻭﺍﺩﻭﺥ ﻭﺍﻭﮔﻊ ﺣﺴﻦ ﺧﺎﻑ ﻋﻠﻴﻪ ﻫﻮﺍﻳﻪ .. ﻭﻋﺒﺎﻟﻪ ﺷﻲ ﻣﻮ ﺯﻳﻦ ..

ﺍﺗﺄﺧﺮﺕ ﻋﻠﻴﻪ .. ﺑﺲ ﻋﺎﺩﻱ ﻻﻥ ﻛﺎﻧﺖ ﺩﺍﻳﻤﺎ ﻧﺘﺄﺧﺮ ﻫﻮﺍﻳﻪ ﻳﻠﻪ ﺗﺠﻲ .. ﻓﻤﺎ ﺣﺴﺒﺖ ﺣﺴﺎﺏ ﺍﻧﻪ ﺑﻌﺪ ﻫﺬﻱ ﺍﻟﻔﺘﺮﻩ ﺍﺣﻤﻞ .. ﺍﻟﻰ ﺍﻥ ﺭﺍﺟﻌﺖ ﻟﻠﺪﻛﺘﻮﺭﻩ ﻭﺳﻮﺗﻠﻲ ﺗﺤﻠﻴﻞ .. ﮔﻠﺘﻠﻲ ﻣﺎﻣﺎ ﺍﻧﺘﻲ ﺣﺎﻣﻞ ﺻﺎﺭ ﺷﻬﺮﻳﻦ ﺍﻧﻲ ﺗﺨﺒﻠﺖ ﻣﻤﺼﺪﮔﻪ ﻃﻠﻌﺖ ﺍﻟﺤﺴﻦ ﺍﺑﺠﻲ ﻭﺣﺎﻇﻨﺘﻪ ﻭﺣﺎﻇﻨﻪ ﺍﺭﺟﻮﺍﻥ ﻭﺍﺑﻮﺱ ﺑﻴﻬﺎ ﻭﺍﮔﻮﻟﻬﺎ ﻳﻮﺟﻪ ﺍﻟﺨﻴﺮ ﻣﻠﻴﺘﻲ ﺣﻴﺎﺗﻲ ﻋﻠﻴﻪ ..

ﻭﺣﺴﻦ ﻳﺒﺠﻲ ﻭﻣﻤﺼﺪﮒ ﺧﻠﻴﻨﺎ ﺍﻟﻌﻴﺎﺩﻩ ﻛﻮﻟﻬﺎ ﺗﺒﺠﻲ ﻭﻳﺎﻧﺎ ..

ﻭﺍﺭﺟﻮﺍﻥ ﻫﻢ ﺧﺎﻓﺖ ﺧﻄﻴﻪ ﻭﺗﺒﺠﻲ …

ﺗﺎﻟﻲ ﺍﺧﺬﻧﺎ ﺣﺴﻦ ﻭﺭﺣﻨﺎ ﺑﺸﺮﻧﺎ ﺍﻫﻠﻨﺎ ﻭﻓﺮﺣﻮﺍ .. ﻭﺍﺧﻮﻩ ﺍﻟﻜﺒﻴﺮ ﺻﺎﻟﺤﻪ … ﻭﮔﻠﻪ ﺷﻨﺎﻭﻱ ﻭﻱ ﻫﺎﻱ ﺍﻟﺒﻨﻴﻪ ﺑﻌﺪﻙ ﺗﺮﻳﺪﻫﺎ ..

ﮔﻠﻪ ﺣﺴﻦ .. ﺻﺪﻭﮒ ﺗﺤﺠﻲ ﻣﻦ ﺩﺧﻠﺘﻬﺎ ﺍﻟﺒﻴﺘﻲ ﻭﺻﺎﺭﺕ ﺑﻨﺘﻲ ﺍﻟﻠﻪ ﺭﺯﻗﻨﻲ ﺑﻤﺎﻝ ﻭﻋﻴﺎﻝ .. ﻭﻫﺴﺎ ﺗﺮﻳﺪﻧﻲ ﺍﺗﺨﻠﻰ ﻋﻨﻬﺎ ﻫﻢ ﺍﻟﻠﻪ ﻣﻴﻘﺒﻞ ﻭﻳﻐﻀﺐ ﻋﻠﻴﻪ ..

ﺍﻋﺘﺒﺮﻫﺎ ﻳﺘﻴﻤﻪ ﻭﺭﺑﻴﺘﻬﺎ ﻭﺍﻟﻠﻪ ﺟﺎﺯﺍﻧﻲ ﺧﻴﺮ ﻋﻠﻴﻬﺎ .. ﻫﺎﻱ ﺑﻨﺘﻲ ﻭﻣﺎﺍﻓﺮﻁ ﺑﻴﻬﺎ ..

ﺍﻧﻲ ﺳﻜﺘﺖ ﻻﻥ ﺍﺩﺭﻱ ﺑﺤﺴﻦ ﻳﺤﺒﻬﺎ ﺍﻟﺒﻨﺘﻨﺎ ﻭﻣﻴﺘﺮﻛﻬﺎ .. ﻣﺮﺕ ﺍﻳﺎﻡ ﺣﻤﻠﻲ ﺑﺼﻌﻮﺑﻪ ﻭﺗﻌﺐ ﻻﻥ ﻓﺘﺮﻩ ﻃﻮﻳﻠﻪ ﻳﻠﻪ ﺣﻤﻠﺖ ﻛﺒﺮﺕ ﺑﻄﻨﻲ ﻭﺍﺧﺬﺕ ﺍﺟﺎﺯﻩ ﻓﺘﺮﻩ ﻻﻥ ﻧﺎﻳﻤﻪ ﻉ ﻇﻬﺮﻱ ﻭﺍﺟﺖ ﻣﺎﻣﺎ ﺗﺮﺍﻋﻴﻨﻲ ﺍﻟﻰ ﺍﻥ ﻭﻭﻟﺪﺕ ﻭﺟﺒﺖ ﺗﻮﺃﻡ ﺑﻤﻜﺎﻥ ﺍﻟﻮﺍﺣﺪ ﻭﺭﺑﻲ ﻣﺎﻣﺘﻮﻗﻌﻪ ﺑﺤﻴﺎﺗﻲ ﺍﻟﻠﻪ ﻳﺮﺯﻗﻨﻲ ﺑﻄﻔﻠﻴﻦ ﺑﺒﻄﻦ ﻭﺣﺪﻩ ﺍﺛﻨﻴﻦ ﻭﻟﺪ .. ﺍﺧﻮﺍﻥ ﻭﺳﻨﺪ ﺍﻻﺭﺟﻮﺍﻥ ﺣﺒﻴﺒﺘﻲ .. ﻭﺟﻪ ﺍﻟﺨﻴﺮ ﺑﻨﺘﻲ ﻭﺣﻴﺎﺗﻲ ﻛﻮﻟﻬﺎ ﻭﻣﺴﺘﺤﻴﻞ ﺍﻓﺮﻗﻬﺎ ﻋﻦ ﺍﻭﻻﺩﻱ ..

# ﺑﻘﻠﻤﻲ _ ﺷﻤﺲ

ﻳﺘﺒﻊ 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤