....
رواية ثمار العار بالحلال ج2 الجزء الثاني عشر
.....
ﺍﺗﻤﻨﻰ ﻟﻜﻢ ﻗﺮﺍﺀﺓ ﻣﻤﺘﻌﺔ
(((((((((())))))))))
ﺍﻟﺘﻔﺘﺖ ﻋﻠﻰ ﻋﻤﻮ ﻗﺎﺳﻢ ﻭﺧﻨﻜﺘﻨﻲ ﺍﻟﻌﺒﺮﺓ
ﻭﻧﺰﻟﺖ ﺭﺍﺳﻲ ﻭﻫﻤﺴﺖ
: ﺍﻟﻲ ﺗﺸﻮﻓﺔ ﻋﻤﻮ ﺍﻧﺘﻮ ﺑﻜﻴﻔﻜﻢ
ﻭﺷﺘﻜﻮﻟﻮﻥ ﺍﻧﻲ ﻭﻳﺎﻛﻢ
ﺑﺲ ﺍﻫﻢ ﺷﻲ ﺣﺴﻦ ﻳﺒﻘﻰ ﺑﺤﻀﻨﻲ
ﺭﻓﻌﺖ ﺭﺍﺳﻲ ﻭﺍﺧﺬﺕ ﻧﻔﺲ ﻋﻤﻴﻖ ﺑﺘﻮﺳﻞ
: ﻋﻔﻴﺔ ﻋﻤﻮ ﺍﻻ ﺍﺑﻨﻲ ﺍﻣﻮﺕ ﻣﻦ ﺩﻭﻧﻪ
ﻋﻔﺘﻬﻢ ﻭﻃﻠﻌﺖ ﻣﻜﺪﺭﺕ ﺍﻛﻤﻞ
ﻳﻤﻜﻦ ﻟﻮ ﺍﺑﻘﻰ ﺑﻌﺪ ﺷﻮﻳﺔ ﺍﺣﺘﻤﺎﻝ ﺍﺑﺠﻲ
ﺗﺮﻛﺘﻬﻢ ﻭﺻﺎﺭﺕ ﻋﺬﺭﺍﺀ ﺑﻮﺟﻬﻲ
: ﻭﻟﺞ ﻟﻴﺶ ﺗﺒﺠﻴﻦ
ﺍﺧﺬﺗﻨﻲ ﻣﻦ ﺍﻳﺪﻱ ﻭﺩﺧﻠﺘﻨﻲ ﻟﻐﺮﻓﺘﻬﺎ
ﺟﻨﺖ ﻣﺤﺘﺎﺟﺔ ﺍﺗﻜﻠﻢ
ﻻﻥ ﺍﺣﺲ ﺑﺮﻭﺣﻲ ﺭﺍﺡ ﺍﻃﻚ
ﺍﺣﺲ ﻫﻢ ﻛﺎﻋﺪ ﻋﻠﻰ ﮔﻠﺒﻲ
ﻋﺬﺭﺍﺀ : ﺍﺣﺠﻴﻠﻲ ﺷﺼﺎﺭ ﻭﻟﺞ ﻇﻞ ﺑﺎﻟﻲ ﻋﻨﺪﺝ
ﻭﻛﻤﺖ ﺍﺣﻮﻡ ﻭﻣﺎ ﻛﺪﺭﺕ ﺍﻭﺻﻠﺞ
ﻭﻟﺞ ﻣﻮ ﻫﻨﺎ ﺍﻟﻤﺼﻴﺒﺔ
ﺍﻟﻤﺸﻜﻠﺔ ﺧﺎﻟﺔ ﺳﻨﺎﺀ ﻣﺎ ﺍﺩﺭﻱ ﻣﻨﻴﻦ ﻃﻠﻌﺘﻠﻨﺎ ﻭﻛﻌﺪﺕ ﺗﺴﺎﻝ ﻋﻨﺞ
ﻭﻣﻦ ﺩﺭﺕ ﺑﻴﺞ ﻣﺎ ﺍﺟﻴﺘﻲ ﻟﻠﻤﻬﺮ
ﺩﺯﺕ ﻋﻠﻰ ﺭﻭﺍﺀ ﻭﺍﺳﺘﻠﻤﺘﻬﺎ ﺗﺤﻘﻴﻖ
ﻭﺭﺍﺀ ﻛﺘﺖ ﺍﻻﻛﻮ ﻭﺍﻟﻤﺎﻛﻮ
ﻭﻟﺞ ﻫﺎﻱ ﺧﺎﻟﺘﻲ ﺑﻠﻮﺓ ﻣﻮ ﻫﻴﻨﺔ
ﻋﺰﺓ ﻣﻦ ﺷﻔﺘﻬﺎ ﻟﺒﺴﺖ ﻋﺒﺎﺗﻬﺎ ﻋﻠﻰ ﺭﺍﺳﻬﺎ ﻭﻃﻠﻌﺖ ﻣﻦ ﺑﻴﺖ ﺍﻟﻌﺮﻭﺱ ﻭﺍﻟﻤﻬﺮ ﺑﻌﺪﺓ ﻣﺎ ﺧﻠﺺ
ﻛﻠﺖ ﻫﺎﻱ ﻫﻲ ﺭﺣﺘﻲ ﺑﺎﻟﺮﺟﻠﻴﻦ
: ﺳﻜﺘﻲ ﻋﺬﺭﺍﺀ ﺭﺍﺡ ﺍﻣﻮﺕ ﻭﻣﺤﺪ ﻳﻌﻠﻢ ﺑﺤﺎﻟﻲ
ﺻﺮﺕ ﺍﺳﻮﻟﻒ ﻟﻌﺬﺭﺍﺀ ﻛﻞ ﺍﻟﻲ ﺻﺎﺭ ﻭﻳﺎﻱ ﺑﺒﻴﺖ ﺟﺪﻫﻢ
ﻭﺑﻌﺪ ﻓﺘﺮﺓ
: ﻭﺍﻟﻠﻪ ﻣﺎ ﺍﻋﺮﻑ ﺷﻜﻮﻝ
ﺗﺪﺭﻳﻦ ﺍﻟﻤﻔﺮﻭﺽ ﺍﻧﺎ ﻫﻤﻴﻦ ﺍﻣﻨﻌﺞ ﻋﻦ ﺗﻨﻔﻴﺬ ﻗﺮﺍﺭﺝ
ﺑﺲ ﺑﻌﺪ ﺍﺫﺍ ﻓﺎﺕ ﺍﻟﻔﻮﺕ ﻣﺎﻳﻨﻔﻊ ﺍﻟﺼﻮﺕ
ﻃﺒﻌﺎ ﺍﻧﺎ ﺟﻨﺖ ﻫﻮﺍﻱ ﺍﺳﻤﻊ ﻣﻘﻮﻟﺔ ﺑﺎﻟﺤﺐ ﻣﺠﺎﻧﻴﻦ
ﺑﺲ ﻣﺠﻨﺖ ﺍﻓﺘﻬﻢ ﻣﻌﻨﺎﻫﺎ
ﻟﻜﻦ ﻣﻦ ﺷﻔﺖ ﺣﺎﻟﺘﺞ ﺍﺩﺭﻛﺖ ﻣﻌﻨﺎﻩ
ﻭﻋﺮﻓﺖ ﺍﻥ ﺍﻟﻌﺎﺷﻖ ﻣﻦ ﻳﻮﻛﻊ ﺑﺎﻟﺨﻄﺎ
ﺭﺍﺡ ﻳﺴﺄﻝ ﻧﻔﺴﺔ ﻭﻳﻦ ﺟﺎﻥ ﻋﻘﻠﻪ
ﻣﺎ ﻳﻌﺮﻑ ﺍﻥ ﻛﻞ ﺗﺼﺮﻑ ﺑﺪﺭ ﻣﻨﺔ
ﻛﺎﻥ ﻧﺎﺑﻊ ﻣﻦ ﺍﻟﮕﻠﺐ
ﻭﻣﻦ ﻳﺼﻴﺮ ﺍﻟﻘﺮﺍﺭ ﺑﻴﺪ ﺍﻟﮕﻠﺐ
ﺑﻠﺤﻈﺘﻬﺎ ﺭﺍﺡ ﻳﻜﻮﻥ ﺍﻟﻌﻘﻞ ﻏﺎﻳﺐ ﻭﻣﺎﺧﺬ ﺍﺟﺎﺯﺓ
ﻭﻳﺼﻴﺮ ﺍﻟﮕﻠﺐ ﻫﻮ ﺍﻻﻣﺮ ﺍﻟﻨﺎﻫﻲ
ﻟﺬﻟﻚ ﺍﻟﻴﺤﺐ ﻳﺘﻬﻢ ﺑﺎﻟﺠﻨﻮﻥ ﻓﺎﻗﺪ ﺍﻟﻌﻘﻞ
ﻭﻣﺎ ﺩﺍﻣﺞ ﺳﻠﻤﺘﻲ ﺍﻣﺮﺝ ﺑﻴﺪ ﮔﻠﺒﺞ
ﺍﺫﻥ ﺍﺳﺘﻌﺪﻱ ﻟﻠﻤﺼﺎﻳﺐ ﻭﻟﺒﺴﻲ ﺧﻮﺫﺓ ﺍﻟﺤﺮﺏ
ﻻﻥ ﺍﻟﻤﺸﺎﻛﻞ ﺭﺍﺡ ﺗﺘﻮﺍﻟﻰ ﻋﻠﻴﺞ ﻣﻦ ﻛﻞ ﺻﻮﺏ
: ﺍﻱ ﻳﺎﻋﺬﺭﺍﺀ ﻭﺍﻟﻠﻪ ﻛﻼﻣﺞ ﻛﻠﺔ ﺻﺤﻴﺢ
ﻭﻳﺠﻲ ﻋﻠﻰ ﺍﻟﺠﺮﺡ
ﻭﺍﻟﻠﻪ ﺷﻜﻠﻲ ﺭﺍﺡ ﺍﺩﺧﻞ ﻣﺼﺢ ﻋﻘﻠﻲ ﻣﻦ ﻭﺭﺓ ﺣﺐ ﺛﺎﺋﺮ
: ﺯﻳﻦ ﻭﻫﺬﺍ ﺟﺎﺳﻢ ﻣﻨﻴﻦ ﻃﻠﻌﻠﻨﺎ ﺷﻨﻮ ﻗﺮﺭﺗﻲ
: ﻣﺎ ﻗﺮﺭﺕ ﺷﻲ ﻫﻮ ﻛﻠﺸﻲ ﺑﻴﺪ ﻋﻤﻮ ﻗﺎﺳﻢ ﻭﺍﺧﻮﺍﻧﻲ
ﺍﻟﻘﺮﺍﺭ ﺍﻻﻭﻝ ﻭﺍﻻﺧﻴﺮ ﺭﺍﺟﻌﻠﻬﻢ
ﺍﻧﻲ ﺍﻫﻢ ﺷﻲ ﻋﻨﺪﻱ ﺣﺴﻦ ﺍﺑﻨﻲ ﻳﺒﻘﻰ ﺑﺤﻀﻨﻲ
ﻣﺎ ﺍﻛﺪﺭ ﺍﺗﺨﻴﻞ ﻧﻔﺴﻲ
ﺍﺗﺮﻙ ﺣﺴﻦ ﻭﺍﺩﻭﺭ ﻭﺟﻬﻲ ﻋﻨﺔ
ﻭﺍﺧﻠﻴﻪ ﺗﺤﺖ ﺭﺣﻤﺔ ﺟﺎﺳﻢ ﺻﻌﺒﺔ
ﻭﺍﺑﻨﻲ ﻻﺣﻮﻝ ﻭﻻﻗﻮﺓ ﻭﻣﺘﺄﻛﺪﺓ ﺭﺍﺡ ﻳﻀﻴﻌﺔ ﻭﻳﺪﻣﺮ ﻣﺴﺘﻘﺒﻠﺔ ﻭﻣﻮ ﺑﻌﻴﺪ ﻳﺼﻴﺮ ﻣﺜﻞ ﻋﻤﺔ
ﺭﺍﺡ ﺍﺗﺤﻤﻞ ﺣﺘﻰ ﻟﻮ ﺍﻋﺮﻑ ﺍﺗﺠﺮﻉ ﺍﻟﻤﺮ
ﺍﻭﺍﻓﻖ ﻋﻠﻰ ﺟﺎﺳﻢ
ﻋﻠﻰ ﺍﻻﻗﻞ ﺍﺑﻘﻰ ﻋﻴﻨﻲ ﻋﻠﻰ ﺍﺑﻨﻲ ﻭﻻ ﺍﺧﺬﻟﺔ ﻭﺍﺗﺮﻛﺔ
ﺑﻨﺺ ﺍﻟﻄﺮﻳﻖ
ﺗﺪﺭﻳﻦ ﺣﺴﻦ ﻫﻮ ﺍﻻﻣﻞ ﺍﻟﻮﺣﻴﺪ ﺍﻟﺒﺎﻗﻴﻠﻲ
ﺑﺎﻟﺤﻴﺎﺓ
: ﻻ ﺣﺒﻴﺒﺔ ﻋﻠﻰ ﺑﺨﺘﺞ ﺷﻨﻮ ﺗﻮﺍﻓﻘﻴﻦ ﻋﻠﻰ ﻫﺬﺍ
ﺧﺎﻳﺒﺔ ﺍﻧﺘﻲ ﻣﺎ ﺗﻌﺮﻓﻴﻦ ﻫﺬﺍ ﺷﻨﻮ ﻣﻦ ﺑﺸﺮ
ﺍﻧﺎ ﻣﺠﺮﺩ ﻫﻴﺞ
ﺑﺲ ﺍﺳﻤﻊ ﺣﺠﻲ ﻋﺎﺑﺮ ﻋﻦ ﺳﻮﺍﻟﻔﻪ
ﻣﻦ ﺍﺑﻮﻱ ﻭﺍﻟﻮﻟﺪ ﺟﺴﻤﻲ ﻳﻜﺶ ﻣﻦ ﺍﻟﺨﻮﻑ
ﻣﻮ ﺍﻧﺘﻲ ﺍﻟﻔﺎﻫﻴﺔ ﺗﺮﺩﻳﻦ ﺗﺘﺰﻭﺟﻴﻪ ﻭﺗﻌﻴﺸﻴﻦ ﻭﻳﺎﻩ
ﺟﺎ ﻏﻴﺮ ﻳﺴﻮﺩ ﻋﻴﺸﺘﺞ
: ﻭﺍﻟﻠﻪ ﻣﺤﺘﺎﺭﺓ
ﺍﻱ ﺻﺪﻙ ﺗﻌﺎﻱ ﺍﺗﺬﻛﺮﺕ ﻟﻴﺶ ﻣﻦ ﺍﺗﺼﻞ ﻋﻠﻴﺞ ﻣﺘﺮﺩﻳﻦ
: ﻭﻟﺞ ﺳﻜﺘﻲ ﺧﺎﻳﺒﺔ ﻣﺎﺣﺠﻴﺘﻠﺞ ﺟﺎ ﻏﻴﺮ
ﺍﻟﻠﻪ ﺳﻠﻂ ﻋﻠﻴﺔ ﻋﺪﻱ ﺍﻟﻔﺎﻳﺦ ﻭﻭﻛﻊ ﻧﻘﺎﻟﻲ ﺑﻴﺪﺓ
ﻭﺷﺎﻓﻨﻲ ﻛﺎﺗﺒﺘﺞ ﺑﺎﻟﻨﻘﺎﻝ ﺣﺒﻴﺐ ﺍﻟﺮﻭﺡ
ﻫﻬﻬﻬﻬﻬﻪ ﻭﺍﻟﺰﻟﻤﺔ ﺗﺴﻮﺩﻥ
: ﻳﺎﺍﺍﺍ ﻭﺍﻧﻲ ﺍﻛﻮﻝ ﻣﻨﻮ ﻫﺬﺍ ﺍﻟﻲ ﺭﺩ ﻋﻠﻴﺔ ﻭﺧﺮﻋﻨﻲ
ﻋﻠﻰ ﺍﺳﺎﺱ ﺍﻧﻲ ﺟﻨﺖ ﻧﺎﻗﺼﺔ ﺧﻮﻑ ﻭﻫﻮ ﻛﻤﻠﻬﺎ .
: ﺷﻔﺘﻲ ﺷﻠﻮﻥ ﻭﻟﺪ ﻣﺰﺍﺣﻢ ﺷﺎﻟﻌﻴﻦ ﮔﻠﻮﺑﻨﺎ ﻭﻣﺒﻬﺬﻟﻴﻦ ﺍﺣﻮﺍﻟﻨﺎ
.......
ﺷﻔﺘﻬﺎ ﺩﻧﻜﺖ ﺭﺍﺳﻬﺎ ﻭﻃﻠﻌﺖ ﻣﻦ ﻳﻤﻨﺎ
ﺭﺩﺕ ﺍﻛﻮﻡ ﻣﻦ ﻣﻜﺎﻧﻲ ﺍﺭﻳﺪ ﺍﻋﺘﺮﺽ ﻋﻠﻰ ﻛﻼﻣﻬﻢ
ﻭﻧﻮﻳﺖ ﺍﻟﻌﺰﻡ ﺣﺘﻰ ﺍﻃﻠﺐ ﺍﻳﺪ ﺳﻬﻰ ﻣﻦ ﺍﺧﻮﺍﻧﻬﺎ
ﺑﻌﺪ ﻣﺎ ﺍﻛﺪﺭ ﺍﺳﻜﺖ ﻭﺍﻇﻞ ﺍﻋﺎﻳﻦ ﻋﻠﻴﻬﻢ ﻳﺰﻭﺟﻮﻧﻬﺎ
ﻛﺒﺎﻝ ﻋﻴﻨﻲ ﻭﺍﻟﻠﻪ ﺍﻣﻮﻭﻭﺕ
ﺍﺟﻴﺖ ﺍﻓﺘﺢ ﺣﻠﻜﻲ ﺣﺴﻴﺖ ﻋﻠﻰ ﺍﻳﺪ ﻟﺰﻣﺖ ﺯﻧﺪﻱ
ﺍﻟﺘﻔﺘﺖ ﺷﻔﺘﺔ ﺟﺪﻱ ﻫﻤﺲ ﻟﻲ ﺑﺼﻮﺕ ﻧﺎﺻﻲ
: ﺍﺻﺒﺮ ﻳﺎﻟﻮﺣﺶ ﻭﺗﻬﺪﺓ ﻻ ﺗﺴﺘﻌﺠﻞ ﺧﻞ ﻧﺴﻤﻌﻬﻢ ﺑﺎﻻﻭﻝ
ﺷﻴﺤﺠﻮﻥ
ﺭﺟﻌﺖ ﻛﻌﺪﺕ ﺑﺲ ﻋﺒﺎﻟﻚ ﻛﺎﻋﺪ ﻋﻠﻰ ﻧﺎﺭ
ﻇﻠﻴﺖ ﺍﻋﺎﻳﻦ ﻋﻠﻰ ﺍﻟﺤﻠﻮﻙ ﻭﺍﺭﻗﺒﻬﻢ ﺑﻘﻠﺔ ﺻﺒﺮ ﺷﺮﺍﺡ ﻳﻘﺮﺭﻭﻥ
ﺍﻟﺘﻔﺖ ﻋﻤﻬﺎ ﻋﻠﻰ ﺟﺪﻱ
ﻗﺎﺳﻢ : ﺷﻴﺨﻨﺎ ﺍﻧﺖ ﺷﺘﻨﺼﺤﻨﺎ ﺷﻨﺮﺩﻟﻬﻢ ﺧﺒﺮ؟؟؟
ﺍﺣﻤﺪ : ﻣﺎ ﻳﺤﺘﺎﺝ ﻧﺼﻴﺤﺔ ﻃﺒﻌﺎً ﻣﻮﺍﻓﻘﻴﻦ
ﺍﻣﺠﺪ : ﺷﻨﻮ ﺍﻧﺖ ﺑﻜﻴﻔﻚ ﻗﺎﺑﻞ ﻫﻲ ﺟﻴﺲ ﻃﺤﻴﻦ ﻭﺗﺮﻳﺪ ﺑﺲ ﺗﺨﻠﺺ ﻣﻨﺔ
ﺍﻟﺸﻴﺦ ﺑﺘﺄﻧﻲ ﻭﺣﻜﻤﺔ : ﺷﻮﻑ ﻳﺎﺑﻮﻱ ﻣﻦ ﺑﻌﺪ ﺍﺫﻧﻜﻢ
ﺍﻣﺠﺪ : ﺗﻔﻀﻞ ﺷﻴﺨﻨﺎ ﻧﺴﻤﻌﻚ
: ﺗﺮﺓ ﻋﺮﺿﻜﻢ ﻫﻮ ﻋﺮﺿﻨﺎ
ﻭﺳﻬﻮﺓ ﻣﺜﻞ ﺑﺘﻨﺎ ﻣﺎ ﺍﻗﺒﻞ ﻋﻠﻴﻬﺎ ﺍﻟﺸﻴﻨﺔ
ﻭﺍﺷﻮﻓﻬﺎ ﺗﺎﺧﺬ ﻭﺍﺣﺪ ﻭﻃﻲ ﻣﺜﻞ ﺟﺎﺳﻢ
ﺍﺣﻤﺪ : ﺍﻱ ﺑﺲ ﻣﻨﻮ ﻛﺎﻝ ﻫﻮ ﻣﻮ ﺧﻮﺵ ﻭﻟﺪ
ﺍﺷﻮ ﻣﻤﺒﻴﻦ ﻋﻠﻴﻪ
ﺍﻣﺠﺪ : ﺍﺻﺒﺮ ﺍﻧﺖ ﻭﻟﺘﺤﺠﻲ ﺧﻠﻲ ﺍﻟﺸﻴﺦ ﻳﻜﻤﻞ ﻛﻼﻣﻪ
: ﻋﻔﻴﺔ ﻋﻠﻴﻚ ﻭﻟﻴﺪﻱ
ﺍﺑﻦ ﺍﺻﻮﻝ ﻭﺗﻌﺮﻑ ﺑﺎﻻﺻﻮﻝ
ﺷﻮﻓﻮ ﺑﻮﻳﺔ ﺍﻧﺎ ﺭﺍﺡ ﺍﻧﻄﻴﻜﻢ ﺍﻳﺎﻫﺎ ﻣﻦ ﺍﻻﺧﻴﺮ
ﺑﺪﻭﻥ ﻟﻒ ﻭﺩﻭﺭﺍﻥ
ﺗﺮﺓ ﺟﻮﻳﺴﻢ ﺩﻣﺔ ﻣﻬﺪﻭﺭ
ﻭﺍﻛﻮ ﺟﻤﺎﻋﺔ ﻗﺬﺭﺓ ﺗﺸﺘﻐﻞ ﺑﺎﻟﻮﺻﺦ ﻭﺍﻟﺴﻢ
ﻭﺳﺎﻧﺪﺓ ﻇﻬﺮﺓ ﻭﺑﻌﺾ ﺍﻟﻌﺸﺎﻳﺮ ﻋﻨﺪﻫﻢ ﻭﻳﺎﻩ ﺛﺎﺭ
ﻭﺍﻟﻲ ﻋﺮﻓﺘﺔ ﺟﺎﻱ ﻳﺘﺮﺻﺪﻭﻥ ﻟﻪ ﻭﺍﺫﺍ ﺩﺭﻭ ﺑﻲ ﻃﺎﻟﻊ ﻣﻦ ﺍﻟﺴﺠﻦ ﺍﻋﺘﺒﺮﻭﻩ ﺍﻧﻜﺘﻞ
ﺍﻣﺎ ﻋﻦ ﺳﺎﻟﻔﺖ ﺍﺑﻦ ﺍﺧﺘﻜﻢ
ﺿﺮﺏ ﻋﻠﻰ ﺭﻛﺒﺘﺔ
ﺍﺧﺬﻭﻫﺎ ﺟﻠﻤﺔ ( ﻛﻠﻤﺔ ) ﻣﻨﻲ ﺍﺑﻨﻜﻢ ﻳﺒﻘﻰ ﺑﺨﻀﻦ ﺍﻣﺔ
ﻭﺭﻛﺒﺘﻲ ﺍﻟﻜﻢ ﺳﺪﺍﺩ
ﻭﻓﻨﺔ ﺍﻟﻲ ﻳﺘﻌﺪﺍﻩ ﻭﺍﻧﺎ ﻣﺴﺆﻝ ﻋﻦ ﻛﻠﻤﺘﻲ
ﺍﻣﺠﺪ : ﻭﺍﻟﻨﻌﻢ ﺑﻴﻚ ﺷﻴﺨﻨﺎ ﺑﺪﻭﻥ ﻣﺎ ﺗﻮﻋﺪ ﺍﻓﻌﺎﻟﻜﻢ ﺳﺎﺑﻘﺘﻜﻢ
ﻭﺗﺸﻬﺪﻟﻜﻢ
: ﺍﻱ ﻳﺎﺑﻌﺪ ﺍﺑﻮﻙ ﻻ ﺗﺴﺘﻌﺠﻠﻮﻥ ﻭﺗﻈﻠﻤﻮﻥ ﺑﺨﺖ ﺍﻟﻤﻜﺮﻭﺩﺓ ﻭﺗﻨﻄﻮﻧﻬﺎ ﻻﺭﺫﻝ ﺍﻟﺰﻟﻢ
ﺍﻣﺠﺪ ﺑﺎﻣﺘﻨﺎﻥ : ﺍﺷﻜﺮﻙ ﻋﻠﻰ ﻧﺼﻴﺤﺘﻚ ﺷﻴﺨﻨﺎ
ﻫﻤﺔ ﻳﺤﺠﻮﻥ ﻭﺍﻧﺎ ﻇﻠﻴﺖ ﺍﺣﻮﻡ ﺍﺭﻳﺪ ﺍﻋﺮﻑ ﺟﺪﻱ ﻟﻴﺶ ﻣﺎ
ﻳﺨﻄﺒﻬﺎ ﺍﻟﻲ ﻣﺎ ﺩﺍﻡ ﺍﻟﺤﺪﻳﺪﺓ ﺣﺎﺭﺓ ﻭﺍﺧﻮﺗﻬﺎ
ﻣﻮﺟﻮﺩﻳﻦ ﻭﺷﻜﻠﻬﻢ ﻳﺮﺩﻭﻥ ﻳﺰﻭﺟﻮﻧﻬﺎ
ﻧﻬﻀﺖ ﻣﻦ ﻣﻜﺎﻧﻲ ﻭﺭﺩﺕ
ﺍﺣﺠﻲ ﻭﻳﺎﻫﻢ ﻭﺍﺧﻄﺒﻬﺎ ﻣﻦ ﺍﺧﻮﺗﻬﺎ ﺍﻧﺘﺒﻬﺖ ﻋﻠﻰ ﺟﺪﻱ ﻋﺎﻳﻦ ﻋﻠﻲ
: ﺟﺪﻱ ﺝ .....
ﺳﺒﻘﻨﻲ ﺟﺪﻱ ﺑﺎﻟﻜﻼﻡ ﻭﻧﻬﺾ ﻣﻦ ﻣﻜﺎﻧﻪ
: ﻳﺎﻟﻠﻪ ﻳﺎﺟﻤﺎﻋﺔ ﺍﻟﺨﻴﺮ ﺍﻧﺎ ﻭﺍﻟﻮﻟﺪ ﻧﺘﺮﺧﺺ ﻣﻨﻜﻢ
ﺧﺰﺭﻧﻲ
ﺍﺷﺮﻟﻨﺎ ﺍﻧﺎ ﻭﻋﺪﻱ ﺑﺎﻟﻌﺼﺎ ﺣﺘﻰ ﻧﻜﻮﻡ ﻧﺮﻭﺡ ﻭﻳﺎﻩ
ﺭﺩﺕ ﺍﻧﻔﺠﺮ ﻣﻦ ﺳﻮﺍﻳﺘﺔ ﻭﻳﺎﻱ ﻋﻔﺘﺔ
ﻭﻃﻠﻌﺖ ﮔﺒﻠﻪ ﻭﺗﺮﻛﺘﻬﻢ ﻳﺴﻠﻤﻮﻥ ﻋﺎﻟﻮﻟﺪ
ﺍﻧﺘﻈﺮﺕ ﺟﺪﻱ ﻳﻢ ﺑﺎﺏ ﺍﻟﺸﺎﺭﻉ
ﺻﺮﺕ ﺍﺭﻭﺡ ﻭﺍﺭﺟﻊ ﻣﺜﻞ ﺑﻨﺪﻭﻝ ﺍﻟﺴﺎﻋﺔ
ﺍﻧﺘﻈﺮ ﺟﺪﻱ ﻳﻄﻠﻊ
ﺷﻔﺘﺔ ﻃﻠﻊ ﻭﺭﺣﺖ ﻋﻠﻴﻪ
: ﺟﺪﻱ ﻟﻴﺶ ﻣﺎ ﺧﻠﻴﺘﻨﻲ ﺍﺧﻄﺒﻬﺎ ﻣﻦ ﺍﺧﻮﺍﻧﻬﺎ
ﺍﻟﺠﺪ ﺑﺤﻜﻤﺔ : ﻭﻟﻚ ﻳﺜﺎﻳﺮ ﺷﻤﺎﻟﻚ ﺗﺼﺨﻤﺖ ﺍﺷﻮ ﺟﻨﻚ ﻧﺴﻴﺖ ﺣﺘﻰ ﺍﻻﺻﻮﻝ
ﺟﺎ ﻫﻲ ﻋﺪﺍﻟﻚ ﺳﻬﻠﺔ
ﻣﻦ ﺗﻨﺘﻔﺾ ﺟﺪﺍﻡ ﺍﺧﻮﺍﻧﻬﺎ ﻭﺗﺮﻳﺪ ﺗﺨﻄﺒﻬﺎ ﻭﻳﺔ ﻣﺎ ﺳﻤﻌﺖ ﺧﻄﺒﻬﺎ ﻏﻴﺮﻙ
ﺑﺴﺎﻋﺘﻬﺎ ﺍﺧﻮﺗﻬﺎ ﺭﺍﺡ ﻳﻌﺮﻓﻮﻥ ﺍﻧﺖ ﺣﺎﻁ ﻋﻴﻨﻚ ﻋﻠﻰ ﺍﺧﺘﻬﻢ ﻭﺗﻌﺸﻜﻬﺎ
ﻣﻮ ﺑﻌﻴﺪ ﻋﻠﻴﻬﻢ ﻳﺸﻜﻮﻥ ﺑﻴﻚ ﺍﻧﺖ ﻭﻳﺎﻫﺎ ﺑﻴﻨﻜﻢ ﺷﻲ
ﻭﺗﺘﻮﺍﺻﻠﻮﻥ ﻣﻦ ﻭﺭﺍﻫﻢ
: ﻣﺎﺿﻦ ﻟﻬﻠﺪﺭﺟﺔ ﺗﻮﺻﻞ ﺑﻴﻬﻢ ﻳﺸﻜﻮﻥ ﺑﺄﺧﺘﻬﻢ
: ﻣﺎ ﻳﺤﺘﺎﺟﻠﻬﺎ ﺷﻚ ﻣﻦ ﻓﺰﻋﺘﻚ ﻭﺍﻋﺘﺮﺍﺿﻚ
ﻭﺍﺿﺤﺔ ﻭﻣﺒﻴﻨﺔ ﺫﻳﺞ ﻫﻲ ﺍﻧﺘﻮ ﺑﻴﻨﻜﻢ ﻋﻼﻗﺔ
ﻭﺍﺫﺍ ﺣﺠﻴﺖ ﻫﺴﺔ ﻭﻓﺘﺤﺖ ﻣﻮﺿﻮﻉ ﺍﻟﺰﻭﺍﺝ ﻣﻦ ﺍﺧﺘﻬﻢ
ﺭﺍﺡ ﺗﻌﻢ ﻋﺎﻟﻔﺮﺧﺔ
ﻭﺍﻟﻤﮕﺮﻭﺩﺓ ﻣﺎ ﻧﺎﻗﺼﺔ ﻣﺼﺎﻳﺐ ﻭﺍﻧﺖ ﺗﺠﻲ ﺗﻔﺘﺢ ﻋﻠﻴﻬﺎ ﺑﺎﺏ
ﺍﺻﺒﺮ ﻳﺎ ﺑﻌﺪ ﺟﺪﻙ ﻛﻠﺸﻲ ﺑﻮﻛﺘﺔ ﺣﻠﻮ
ﻭﻻ ﺗﻨﺴﻰ ﺍﻧﺖ ﺗﻮﻙ ﻋﺎﻗﺪ ﻋﻠﻰ ﻣﺮﺓ ﺷﻠﻮﻥ ﺗﺮﻳﺪﻫﻢ ﻳﻨﻄﻮﻧﻚ ﺍﺧﺘﻬﻢ ﺑﺎﻟﻠﻪ ﻛﻠﻲ ﺑﻴﺎ ﻗﺎﻧﻮﻥ ﻫﺎﺫ
ﺟﻨﻚ ﻳﺎﺑﻌﺪ ﺟﺪﻙ ﻣﺎ ﻋﻨﺪﻙ ﻋﺮﻓﺔ ﺷﻠﻮﻥ ﺗﺘﺼﺮﻑ
ﻣﻦ ﻳﻮﺻﻞ ﺍﻟﻤﻮﺿﻮﻉ ﻟﺴﻬﻮﺓ ﮔﻠﺒﻚ
ﺗﺼﺒﺢ ﺭﺟﻴﺞ ﻭﺍﺭﻋﻦ ﻭﺗﺘﺼﺮﻑ ﻛﻠﺔ ﺑﮕﻠﺒﻚ
ﺍﺧﺬﻫﺎ ﻣﻨﻲ ﻧﺼﻴﺤﺔ ﺧﻠﻚ ﻻﺯﻡ ﺍﻟﻌﺼﺎ ﻣﻦ ﺍﻟﻨﺺ
ﻭﻻ ﺗﻜﻮﻥ ﻳﺎﺑﺲ ﻭﺗﻨﻜﺴﺮ ﻭﻻ ﺗﻠﻴﻦ ﻭﺗﻨﻌﺼﺮ
ﺧﻠﻚ ﻭﺣﺶ ﺑﻜﻠﺸﻲ ﻣﻮ ﺑﺲ ﻭﺣﺶ
ﺑﻤﻴﺪﺍﻥ ﺍﻟﺰﻟﻢ ﻳﺸﻬﺪﻟﻚ
ﺑﺲ ﺍﻳﺎﻧﻲ ﻭﻳﺎﻙ ﺗﺨﻠﻲ ﺍﻟﮕﻠﺐ ﻳﺘﺤﻜﻢ ﺑﻴﻚ
ﺗﺮﺍﻩ ﻳﺬﻝ ﺍﻛﺒﺮ ﺍﻟﺮﺟﺎﻝ ﻭﻳﺨﺮﺑﻂ ﺍﺣﻮﺍﻟﻪ
ﺗﺤﺒﻬﺎ ﻋﻠﻰ ﻋﻴﻨﻲ ﻭﺭﺍﺳﻲ
ﺑﺲ ﻛﻮﻥ ﺗﺘﺮﻳﺚ ﻭﺗﺘﺼﺮﻑ ﺑﻌﻘﻞ ﻭﺗﺤﺴﺒﻬﺎ ﺻﺢ
ﻭﺍﺫﺍ ﺟﻨﺖ ﻫﻴﺞ ﺷﺎﺭﻳﻬﺎ ﺍﺻﺒﺮ ﻳﺎﺑﻌﺪ ﺟﺪﻙ
ﻣﺎ ﻳﺼﻴﺮ ﺑﺨﺎﻃﺮﻙ ﺍﻻﻃﻴﺐ
: ﺍﻱ ﺷﺼﺒﺮ ﺑﻌﺪ ﻣﻮ ﻣﺎﻇﻞ ﻋﻘﻞ ﺑﺎﻟﺮﺍﺱ
ﻣﻮ ﺧﺎﻑ ﺗﺎﻟﻲ ﺗﺮﻭﺡ ﻣﻦ ﺍﻳﺪﻱ
ﺍﻟﻴﻮﻡ ﺟﺎﺳﻢ ﻭﺍﻟﺒﺎﺟﺮ ﺍﻟﻠﻪ ﺍﻟﻌﺎﻟﻢ ﻣﻨﻮ
: ﻭﻟﻚ ﺧﺎﻳﺐ ﺛﺎﻳﺮ ﻋﺎﺑﺎﻙ ﺍﻟﻠﻪ ﺟﺎ ﻭﻳﺎﻣﻦ
ﺟﻨﺖ ﺍﺣﺠﻲ ﺻﺎﺭﻟﻲ ﺳﺎﻋﺔ
ﻭﺍﻟﻠﻪ ﺷﻜﻠﻚ ﺗﺴﻮﺩﻧﺖ ﻭﻣﺎ ﺗﺼﻴﺮﻟﻚ ﺟﺎﺭﺓ ( ﺣﻞ )
ﻭﺍﻟﻠﻪ ﻳﺴﺘﺮ ﻣﻨﻚ
ﻳﺎﻟﻠﻪ ﺍﻣﺸﻴﻨﺎ ﺧﻞ ﻧﻮﻟﻲ ﻟﺒﻴﺘﻨﺎ
ﺣﺘﻰ ﺍﻭﺻﻴﻚ ﻋﻠﻰ ﺟﻢ ﺷﻐﻠﺔ ﺗﺠﻴﺒﻬﺎ ﻭﻳﺎﻙ ﻣﻦ ﺗﺮﻭﺡ
ﻟﺒﻐﺪﺍﺩ
...................
ﺟﻨﺖ ﻛﺎﻋﺪﺓ ﺍﺩﺭﺱ ﺑﺤﺴﻦ ﺍﺑﻨﻲ ﺍﻟﻲ ﻛﻤﻠﺖ ﺍﻭﺭﺍﻕ ﺍﻟﻨﻘﻞ
ﻭﺻﺎﺭ ﻳﺪﺍﻭﻡ ﺑﻤﺪﺭﺳﺔ ﻗﺮﻳﺒﺔ ﻋﻠﻴﻨﺎ
ﺑﺲ ﺷﻔﺖ ﻫﻮﺍﻱ ﻓﺎﻳﺘﺔ ﺩﺭﻭﺱ ﻭﺻﺮﺕ ﻛﻞ ﻳﻮﻡ ﺍﺩﺭﺳﺔ ﺣﺘﻰ ﺍﻟﺤﻚ ﺍﻣﺸﻲ ﻭﻳﺔ ﻣﻨﻬﺠﻬﻢ
ﻭﻫﻮ ﻛﻠﺴﺎﻋﺔ ﻳﺘﻀﺠﻮﺭ
ﻭ ﻛﻞ ﻳﻮﻡ ﻭﺍﺣﺪ ﻣﻦ ﺍﺧﻮﺗﻲ ﻟﻮ ﻧﺎﺻﺮ ﻳﻮﺻﻠﻮﻥ
ﺣﺴﻦ ﻟﻠﻤﺪﺭﺳﺔ ﺑﻴﺪﻫﻢ ﻭﻳﺮﺟﻌﻮﻧﺔ ﺑﻴﺪﻫﻢ
ﻻﻥ ﻳﺸﻮﻓﻮﻧﻲ ﺷﻠﻮﻥ ﺍﻇﻞ ﺍﻟﻮﺏ ﻭﺍﻓﺮﻙ ﺑﻴﺪﻱ ﻣﻦ ﺍﻟﺨﻮﻑ
ﻣﻦ ﻳﻄﻠﻊ ﻟﻠﻤﺪﺭﺳﺔ ﻟﺤﺪ ﻣﺎ ﻳﺮﺟﻌﻠﻲ
ﺟﻨﺖ ﻛﻠﺶ ﺧﺎﻳﻔﺔ ﻣﻦ ﺭﺩﺓ ﻓﻌﻞ ﺟﺎﺳﻢ ﺑﻌﺪﻣﺎ
ﺭﺟﻌﻮﻟﺔ ﺍﻟﺠﻮﺍﺏ ﺑﺎﻟﺮﻓﺾ
ﺑﺲ ﻣﺎﻛﻮ ﺍﺷﻮ ﺻﺎﺭﺕ ﺳﻜﺘﺔ ﻫﺪﻭﺀ
ﻣﺎ ﺑﺪﺭ ﻣﻨﺔ ﺍﻱ ﺷﻲ
ﺑﺲ ﻣﻦ ﺧﻼﻝ ﻛﻼﻣﻬﻢ ﻫﻮ ﻣﻮ ﻫﻴﻦ
ﻭﺍﺗﻮﻗﻊ ﻣﺎ ﺭﺍﺡ ﻳﻌﺪﻱ ﺍﻟﻤﻮﺿﻮﻉ ﺳﻼﻣﺎﺕ
ﻟﺬﻟﻚ ﻛﺎﻥ ﺧﻮﻓﻲ ﺍﻛﺜﺮ ﺷﻲ ﻋﻠﻰ ﺣﺴﻦ ﺍﺑﻨﻲ
ﻭﻣﻦ ﻋﻨﺪﻫﺎ ﺧﻄﻴﺔ ﺍﻟﻮﻟﺪ ﺍﺗﻜﻔﻠﻮ ﺑﺘﻮﺻﻴﻞ ﺣﺴﻦ ﻟﻠﻤﺪﺭﺳﺔ
ﻭﺍﺧﻮﺗﻲ ﻣﺎ ﺑﻘﺔ ﻋﻠﻰ ﺳﻔﺮﻫﻢ ﺷﻲ
ﻭﺟﺎﻱ ﻳﺤﻀﺮﻭﻥ ﺑﻨﻔﺴﻬﻢ ﺍﻟﺒﺎﺭﺣﺔ ﺳﻤﻌﺘﻬﻢ ﻳﺤﺠﻮﻥ ﻭﻳﺔ ﺍﻣﻲ ﻛﻤﻠﻮ ﻣﻌﺎﻣﻠﺔ ﺍﺣﻤﺪ ﻭﺭﺍﺡ ﻳﺴﺎﻓﺮ ﻟﻠﺨﺎﺭﺝ
ﺍﻣﺎﺍﺍﺍ ﻋﻦ ﻫﻮﻯ ﺍﻟﺮﻭﺡ ﺛﺎﺋﺮ .
ﻣﺎ ﺷﻔﺘﺔ ﺑﻌﺪ ﻣﻦ ﻳﻮﻡ ﺍﻟﻲ ﺧﻄﺒﻨﻲ ﺑﻲ ﺟﺎﺳﻢ
ﺟﻨﺖ ﻫﻮﺍﻱ ﺷﺎﻳﻠﺔ ﻋﻠﻴﻪ ﺑﮕﻠﺒﻲ
ﻭﺟﻨﺖ ﺍﺗﺴﺎﺋﻞ ﻫﻞ ﻳﺎ ﺗﺮﻯ ﺛﺎﺋﺮ ﻛﺎﻥ ﺻﺎﺩﻕ ﺍﻟﻮﻋﺪ ﻭﻳﺎﻱ ﻣﻦ ﻭﻋﺪﻧﻲ ﺑﺎﻟﺰﻭﺍﺝ ﻟﻮ ﻛﺬﺏ ﺑﻮﻋﺪﻩ ﺍﺧﺎﻑ ﺻﺪﺭ ﻣﻨﺔ ﺑﻠﺤﻈﺔ ﺿﻌﻒ
ﻭﻟﺤﺘﻰ ﻳﻘﺘﺮﺑﻠﻲ ﺻﺎﺭ ﻳﻨﻄﻴﻨﻲ ﻭﻋﻮﺩ
ﻛﻨﺖ ﻛﻞ ﻳﻮﻡ ﻗﺒﻞ ﻻ ﺍﻧﺎﻡ ﻋﻠﻰ ﻧﻔﺲ ﺍﻟﻤﻨﻮﺍﻝ ﺍﻇﻞ ﺑﺲ
ﺍﺗﺴﺎﺋﻞ
ﺭﻏﻢ ﺍﻟﻲ ﺻﺎﺭ ﺑﻴﺔ ﺑﺲ ﺑﻌﺪﺓ ﻛﻠﺒﻲ ﻳﺤﻦ ﻋﻠﻴﻪ
ﻭﻳﻈﻞ ﻳﺒﺤﺚ ﻋﻦ ﺍﺧﺒﺎﺭﻩ
ﺳﻤﻌﺖ ﺑﻲ ﻧﻘﻞ ﺑﻨﺘﺔ ﺳﺮﻯ ﺑﺎﻟﺼﺪﻓﺔ ﻣﻦ ﻃﻠﺒﺖ ﻣﻦ ﺍﻣﺠﺪ ﻭﻋﻤﻮ ﻗﺎﺳﻢ ﻳﻨﻘﻠﻮﻥ ﻣﺪﺭﺳﺔ ﺣﺴﻦ
ﺳﻤﻌﺖ ﻋﻤﻮ ﻗﺎﺳﻢ ﺍﺗﺼﻞ ﻋﻠﻰ ﺛﺎﺋﺮ ﻭﺍﺳﺘﻔﺴﺮ ﻣﻨﺔ ﻋﻠﻰ
ﺍﻟﻨﻘﻞ ﻭﺛﺎﺋﺮ ﻛﻠﺔ ﺧﻠﻴﻬﺎ ﻋﻠﻴﺔ ﺍﻧﺎ ﺍﻧﻘﻠﺔ ﻭﻳﺔ ﺳﺮﻯ ﺳﻮﻳﺔ ﻭﻇﻞ ﺍﻣﺠﺪ ﻭﻋﻤﻮ ﻳﺘﺸﻜﺮﻭﻥ ﻣﻨﺔ
ﺟﻨﺖ ﻣﺮﺍﺕ ﺍﺷﻮﻑ ﺳﺮﻯ ﺗﺠﻲ ﻭﻳﺔ ﻋﻤﺘﻬﺎ ﺭﻭﺍﺀ
ﻟﺒﻴﺖ ﻋﻤﻮ ﻗﺎﺳﻢ
ﻣﺎ ﺍﻋﺮﻑ ﻟﻴﺶ ﻣﻦ ﺍﺣﻀﻨﻬﺎ ﻭﺍﺑﻮﺳﻬﺎ
ﺍﺣﺲ ﮔﻠﺒﻲ ﻳﺼﻴﺒﻪ ﻧﺒﺾ ﺧﺎﻓﻖ
ﻣﺮﺍﺕ ﺗﺤﺠﻲ ﺑﺎﻟﺼﺪﻓﺔ ﻋﻦ ﺍﺑﻮﻫﺎ
ﻣﺜﻞ ﺍﻟﻔﺮﺣﺎﻧﺔ ﺑﻲ
ﺗﻜﻮﻝ ﻣﺎﺟﻨﺖ ﻣﺘﻮﻗﻌﺔ ﺍﻥ ﺑﺎﺑﺎ ﻳﻜﻮﻥ ﻫﻴﺞ ﻣﺘﻔﻬﻢ
ﻭﺍﺣﺲ ﺑﺮﻭﺣﻲ ﻫﻨﺎ ﺣﻴﺎﺗﻲ ﺍﺣﻠﻰ ﻣﻦ ﺑﻴﺖ ﺟﺪﻭ ﺍﻫﻞ ﻣﺎﻣﺎ
ﻻﻥ ﻫﻨﺎ ﺑﺎﺑﺎ ﻛﻠﺸﻲ ﻭﻓﺮﻟﻲ
ﺻﺤﻴﺢ ﻣﻴﻘﺒﻞ ﻳﺨﻠﻴﻨﻲ ﺍﻃﻠﻊ ﻫﻨﺎ
ﻋﻜﺲ ﻣﺎﻣﺎ ﺟﺎﻧﺖ ﻋﺎﺩﻱ ﺗﺨﻠﻴﻨﻲ ﺍﻃﻠﻊ ﻟﺒﻴﺖ ﺻﺪﻳﻘﺘﻲ
ﻟﻮ ﺳﻔﺮﺓ ﻣﺪﺭﺳﻴﺔ
ﺑﺲ ﺭﻏﻢ ﺫﻟﻚ ﻣﺠﺎﻧﺖ ﺗﻬﺘﻢ . ﺑﻴﺔ
ﻛﺎﻧﺖ ﻫﻮﺍﻱ ﺗﺨﻮﻓﻨﻲ ﻣﻦ ﺑﺎﺑﺎ ﻭﺗﺤﺠﻲ ﻋﻠﻴﻪ ﻭﻋﻠﻰ ﺍﻫﻠﺔ
ﻟﺪﺭﺟﺔ ﺻﺮﺕ ﺍﺗﺨﻴﻠﻬﻢ ﻣﺜﻞ ﻫﺬﻭﻟﻲ ﺑﻐﺎﺑﺎﺕ ﺍﻻﻣﺎﺯﻭﻥ
ﻣﻦ ﺍﺷﻮﻑ ﺍﻻﻓﻼﻡ
ﺿﺤﻜﺖ ﻋﻠﻰ ﻋﻘﻠﻬﺎ ﺷﻠﻮﻥ ﺗﺤﻠﻞ
: ﻳﺎ ﺭﺏ ﻳﺤﻔﻈﺔ ﺍﻟﺞ
ﺷﻮﻓﻲ ﺣٍٍِْــًﺒٌٍـــِٓﯥٍٓ ﺍﺫﺍ ﺗﺤﺘﺎﺟﻴﻦ ﻣﺴﺎﻋﺪﺓ ﺑﺎﻟﺪﺭﻭﺱ
ﻛﻮﻟﻲ ﻭﺍﻧﻲ ﺍﺳﺎﻋﺪﺝ
: ﺍﺷﻜﺮﺝ ﺳﺖ
ﻋﺬﺍﺭﺀ : ﻋﻤﻲ ﻳﺎﺳﺖ ﻛﻮﻟﻲ ﻋﻤﺔ ﻣﺜﻞ ﻣﺎ ﺗﺼﻴﺤﻴﻠﻲ
ﺭﻭﺍﺀ : ﺳﺮﻭﺍﻱ ﺣٍٍِْــًﺒٌٍـــِٓﯥٍٓ ﺭﻭﺣﻲ ﻟﻌﺒﻲ ﻭﻳﺔ ﺍﻟﺒﻨﺎﺕ ﺳﻠﻤﻰ ﻭﺭﺷﺎ
ﻛﺎﻣﺖ ﻭﻃﻠﻌﺖ ﻋﺮﻓﺖ ﻭﺭﺓ ﺗﺼﺮﻳﻒ ﺭﻭﺍﺀ ﻟﺴﺮﻯ
ﺍﻛﻮ ﻣﻮﺿﻮﻉ
: ﺷﻮﻓﻲ ﻋﺬﺭﺍﺀ ﻗﺒﻞ ﺷﻮﻳﺔ ﺍﺟﺎﻧﻲ ﻋﺪﻱ ﻭﻛﻠﻲ ﻫﺴﺔ ﺗﺠﻴﺒﻴﻦ ﻋﺬﺭﺍﺀ ﻭﺗﺠﻴﻦ ﺿﺮﻭﺭﻱ
: ﻻ ﻭﺍﻟﻠﻪ ﺧﺎﻑ ﻳﺰﻋﻞ
ﺧﺐ ﺩﺗﻄﻴﺮﻱ ﺍﻧﺘﻲ ﻭﺍﺧﻮﺝ ﺷﻨﻮ ﺍﺷﺘﻐﻞ ﻋﻨﺪ ﺍﻟﺨﻠﻔﻮﻛﻢ
ﺷﻮﻛﺖ ﻣﺎ ﻳﻌﺠﺒﺔ ﻳﺪﺯ ﻋﻠﻴﺔ ﻭﻳﻦ ﻛﺎﻋﺪﻳﻦ
: ﻟﺞ ﺷﺒﻴﺞ ﺛﻮﻟﺔ ﺍﻧﻲ ﺷﻠﻲ ﻏﺮﺽ ﻛﻤﺘﻲ ﻋﻠﻴﺔ ﻭﺍﻛﻠﺘﻴﻨﻲ ﺑﻜﺸﻮﺭﻱ
ﻫﻮ ﻛﻠﻲ ﺍﺫﺍ ﺗﺮﻳﺪ ﻧﻘﺎﻟﻬﺎ ﺗﺠﻲ ﻫﻲ ﺗﺎﺧﺬﺓ
: ﺧﻠﻲ ﻧﻘﺎﻟﻲ ﻋﻨﺪﺓ ﻣﺎ ﺍﺭﻳﺪﺓ ﺍﺻﻼ ﺭﺍﺡ ﺍﺷﺘﺮﻱ ﻧﻘﺎﻝ ﺛﺎﻧﻲ
ﻋﻠﻰ ﻋﻨﺎﺩﺓ
ﺳﻤﻌﻨﺎ ﺻﻮﺕ ﻧﻘﺎﻝ ﺭﻭﺍﺀ ﺭﻥ
ﻭﺭﺩﺕ ﻋﻠﻴﻪ ﻭﺭﺍﻫﺔ ﻣﺪﺕ ﺍﻳﺪﻫﺎ ﺑﺎﻟﻨﻘﺎﻝ ﻭﺍﻧﻄﺘﺔ ﻟﻌﺬﺭﺍﺀ
ﻋﺬﺭﺍﺀ ﻭﻫﻲ ﺗﺎﺧﺬﺓ ﻣﻨﻬﺎ ﺑﺘﺴﺎﺋﻞ
: ﺭﻭﺍﺀ ﻣﻨﻮ ﻫﺬﺍ
: ﺍﺣﺠﻲ ﻭﺷﻮﻓﻲ
: ﺍﻟﻮ
ﻋﺪﻱ ﻳﺘﻮﻋﺪ ﺑﺼﻮﺕ ﻋﺎﻟﻲ
: ﺷﻮﻓﻲ ﻳﻌﺬﺭﺍﺀ ﻗﺴﻤﺎً ﺑﺬﺍﺕ ﺍﻟﻠﻪ ﺍﺫﺍ ﻫﺴﺔ ﻣﺎ ﺍﺟﻴﺘﻲ ﻟﺒﻴﺘﻨﺎ ﻭﺣﻖ ﺍﻟﺤﻖ ﺍﻻ ﺍﺟﻲ ﻫﻨﺎ ﻟﺒﻴﺘﻜﻢ ﻭﺍﺳﻮﻳﻠﺞ ﻣﺼﻴﺒﺔ
ﺑﺎﺭﺗﺒﺎﻙ ﻣﻦ ﺻﻮﺗﺔ ﺍﻟﻌﺎﻟﻲ ﺑﺲ ﺍﺗﺼﻨﻌﺖ ﺍﻟﻘﻮﺓ
: ﻟﺘﺎﺧﺬﻧﻲ ﺑﺼﻮﺗﻚ ﺍﻟﻌﺎﻟﻲ ﻛﻠﻲ ﻋﻠﻰ ﺷﻨﻮ ﺍﺟﻲ ﻟﺒﻴﺖ ﺟﺪﻱ ﺻﺎﻳﺮ ﺷﻲ
: ﺍﻛﻠﺞ ﻣﺎ ﺭﺍﺡ ﺍﻋﻴﺪ ﻛﻼﻣﻲ ﻫﻲ ﻛﻠﻤﺔ ﻭﺣﺪﺓ ﻫﺴﺔ ﺗﺠﻴﻦ
ﻭﺳﺪ ﺍﻟﺨﻂ ﺑﻮﺟﻬﺎ ﻭﻇﻠﺖ ﻻﺯﻣﺔ ﺍﻟﻨﻘﺎﻝ ﻭﺗﺒﺎﻭﻉ ﻋﻠﻴﻪ ﺑﺎﺳﺘﻐﺮﺍﺏ
: ﻫﺬﺍ ﺷﺒﻲ ﺍﺧﻮﺝ ﺷﻜﻠﺔ ﺷﺎﺭﺏ ﺷﻲ
ﺑﺎﻟﻠﻪ ﺷﻮ ﻛﻮﻣﻲ ﺗﻌﺎﻱ ﻭﻳﺎﻱ ﺍﺭﻳﺪ ﺍﺷﻮﻑ ﻫﺬﺍ ﺍﻟﻤﺴﻮﺩﻥ ﺷﻴﺮﻳﺪ
ﺳﻬﻰ ﺑﺨﻮﻑ : ﻻ ﻟﺘﺮﻭﺣﻴﻦ ﺧﺎﻑ ﻳﺴﻮﻳﻠﺞ ﺷﻲ
ﻟﻮ ﻳﺄﺫﻳﺞ
: ﻻ ﻭﺍﻟﻠﻪ ﺣٍٍِْــًﺒٌٍـــِٓﯥٍٓ ﺍﻧﺎ ﻣﺎﻋﻨﺪﻱ ﺷﻲ ﺍﺧﺎﻑ ﻣﻨﺔ
ﺣﺮﺍﻣﻲ ﻻ ﺗﺼﻴﺮ ﻣﻦ ﺣﺎﻛﻢ ﻟﺘﺨﺎﻑ
ﺭﺍﺡ ﺍﺭﻭﺡ ﺍﺭﻳﺪ ﺍﺷﻮﻑ ﺷﺒﻲ ﺟﻨﺔ ﻣﺴﻌﻮﺭ ﻣﻮ ﺧﻮﻓﻦ ﻣﻨﺔ ﻻ ﺑﺲ ﻣﺎﻟﻲ ﺧﻠﻚ ﻣﺸﺎﻛﻞ ﻭﺍﺩﺭﻱ ﺑﻲ ﻣﺨﺒﻞ ﻭﻳﺴﻮﻳﻬﺎ ﻭﻳﺠﻲ ﻋﻠﻰ ﺑﻴﺖ ﺍﻫﻠﻲ
ﻛﺎﻣﺖ ﻭﻟﺒﺴﺖ ﻋﺒﺎﻳﺘﻬﺎ
ﻭﺍﺧﺬﺕ ﺭﻭﺍﺀ ﻭﺭﺍﺣﺖ
........................
ﻋﺪﻱ ﻭﻫﻮ ﻳﺮﻭﺡ ﻭﻳﺮﺟﻊ ﺍﻟﻨﺎﺭ ﻛﺎﻳﺪﺓ ﺑﮕﻠﺒﻪ ﻣﻦ ﺍﻟﻲ ﻋﺮﻓﺔ ﺗﻮﺓ
ﺍﺗﺼﻠﺖ ﻋﻠﻰ ﺭﻭﺍﺀ ﻭﺣﺠﻴﺖ ﻭﻳﺔ ﻫﺎﻱ ﺍﻡ ﺭﺍﺱ ﺍﻟﻴﺎﺑﺲ
ﺍﻟﻴﻮﻡ ﺍﻻ ﺍﻛﺴﺮ ﺭﺍﺳﻬﺎ
ﺷﻔﺘﻬﺎ ﻭﺭﺓ ﻋﺸﺮ ﺩﻗﺎﻳﻖ ﺍﺟﺖ ﻟﺒﻴﺘﻨﺎ ﻫﻲ ﻭﺭﺍﺀ
ﺍﺷﺮﺗﻠﻬﻢ ﺑﻌﻴﻮﻧﻲ ﺟﺪﺍﻡ ﺟﺪﺗﻲ ﻭﻋﻤﺘﻲ ﺳﻨﺎﺀ
ﻳﻔﻮﺗﻮﻥ ﺟﻮﺓ ﻋﻠﻰ ﻏﺮﻓﺔ ﺭﻭﺍﺀ
ﻛﻌﺪﻥ ﺷﻮﻳﺔ ﺳﻠﻤﻦ ﻋﻠﻰ ﺟﺪﺗﻲ ﻭﺳﻨﺎﺀ ﻭﻇﻠﻮ ﺷﻮﻳﺔ
ﻳﺴﻮﻟﻔﻦ ﻭﺭﺓ ﺷﻮﻳﺔ ﺍﻧﺴﺤﺒﻦ ﻭﺣﺪﺓ ﻭﺭﺓ ﺍﻟﺜﺎﻧﻴﺔ
ﺑﺪﻭﻥ ﻣﺘﺤﺲ ﻋﻠﻴﻬﻢ ﻋﻤﺘﻲ ﺳﻨﺎﺀ ﻭﺭﺍﺣﻮ ﺩﺧﻠﻮ ﺑﺎﻟﻐﺮﻓﺔ
ﺍﻧﺎ ﻛﻤﺖ ﻭﺭﺣﺖ ﻭﺭﺍﻫﻦ ﻭﻓﺘﺤﺖ ﺍﻟﺒﺎﺏ
ﻭﺩﺧﻠﺖ
: ﺭﻭﺍﺀ ﻃﻠﻌﻲ ﺑﺮﺓ ﻋﻨﺪﻱ ﻛﻼﻡ ﺍﺭﻳﺪ ﺍﺣﺠﻴﻪ ﻭﻳﺔ ﻋﺬﺭﺍﺀ
ﺍﺟﺖ ﺭﻭﺍﺀ ﺗﻄﻠﻊ ﻟﺰﻣﺘﻬﺎ ﻋﺬﺭﺍﺀ ﻣﻦ ﺍﻳﺪﻫﺎ
: ﻣﺎ ﺗﻄﻠﻌﻴﻦ ﻣﻨﺎ ﺍﺫﺍ ﻋﻨﺪ ﻛﻼﻡ ﻭﻳﺎﻱ ﺧﻠﻲ ﻳﺤﺠﻲ ﻭﺍﻧﺘﻲ
ﻫﻨﺎ ﺳﺎﻣﻌﺔ ﻣﺎ ﻛﻮ ﺍﻃﻠﻊ ﻭﻳﺎﺝ ﺍﺫﺍ ﻃﻠﻌﺘﻲ
ﺷﻔﺘﺔ ﻇﻞ ﻳﻠﻌﻦ ﻭﻳﺴﺐ ﻭﻳﻐﻠﻂ ﻣﻦ ﺍﻟﻐﻀﺐ
ﺍﺗﺠﻪ ﻋﻠﻴﺔ ﻭﻃﻠﻊ ﻧﻘﺎﻟﻲ ﻣﻦ ﺟﻴﺒﺔ
: ﻋﺬﺭﺍﺀ ﺟﺎﻭﺑﻴﻨﻲ ﻣﻨﻮ ﺣﺒﻴﺐ ﺍﻟﺮﻭﺡ
ﻣﺎ ﺣﺒﻴﺖ ﺍﺭﻳﺤﺔ ﻭﺭﺩﺕ ﺍﻟﻌﺐ ﺑﺎﻋﺼﺎﺑﺔ
: ﻭﺍﻧﺖ ﺷﻜﻮ ﺗﺴﺄﻝ ﻣﻨﻮ ﺍﻧﻄﺎﻙ ﺍﻟﺤﻖ
: ﺷﻮﻓﻲ ﺗﺎﻛﻠﻴﻦ ﺗﺒﻦ ﻭﺗﺠﺎﻭﺑﻴﻦ ﺑﺪﻭﻥ ﻟﻒ ﻭﺩﻭﺭﺍﻥ
ﻻ ﺍﺟﻲ ﺍﻛﺴﺮ ﺍﻟﻨﻘﺎﻝ ﻓﻮﻙ ﺭﺍﺳﺞ
ﻋﺬﺭﺍﺀ ﺑﺘﻤﺮﺩ : ﺻﺪﻳﻘﺘﻲ ﻳﺎﻟﻠﻪ ﻫﺴﺔ ﺍﺭﺗﺎﺣﻴﺖ
ﻣﺎ ﺣﺴﻴﺖ ﺍﻻ ﻋﻠﻰ ﺭﺍﺷﺪﻱ ﻃﺒﻊ ﻋﻠﻰ ﺧﺪﻫﺎ
ﻟﺰﻣﺖ ﺧﺪﻫﺎ ﻣﺘﻔﺎﺟﺌﺔ ﻣﻦ ﺭﺩﻩ ﻭﺑﺎﻭﻋﺘﻠﺔ
: ﻣﻨﻮ ﺍﻧﺖ ﺣﺘﻰ ﺗﻤﺪ ﺍﻳﺪﻙ ﻋﻠﻲ ﺍﻧﺎ ﺍﺑﻮﻱ ﻣﺎ ﻳﻀﺮﺑﻨﻲ
: ﺍﺿﺮﺑﺞ ﻭﺍﻛﺴﺮ ﺭﺍﺳﺞ ﺑﻌﺪ
: ﻟﻬﻨﺎ ﻭﺣﺪﻙ ﺍﻟﻈﺎﻫﺮ ﺍﻧﺎ ﺍﻧﻄﻴﺘﻚ ﺍﻛﺜﺮ ﻣﻦ ﺣﺠﻤﻚ
ﻟﺰﻣﻬﺎ ﻣﻦ ﺍﻳﺪﻫﺎ ﻭﻟﻮﺍﻫﺎ ﺧﻠﻒ ﻇﻬﺮﻫﺎ
ﺭﻭﺍﺀ : ﻋﻔﻴﺔ ﻋﺪﻱ ﺍﺗﻬﺪﺓ ﻭﺍﻛﺴﺮ ﺍﻟﺸﺮ
ﺍﻟﺒﻨﻴﺔ ﻛﺎﻟﺖ ﺻﺪﻳﻘﺘﻬﺎ ﻣﻌﻨﺎﻫﺎ ﺻﺪﻳﻘﺘﻬﺎ
........
: ﺍﻧﺘﻲ ﺗﺴﻜﺘﻴﻦ ﻭﺗﻨﺠﺒﻴﻦ
ﺍﺩﺭﻱ ﺑﻴﺞ ﺗﻌﺮﻓﻴﻦ ﻋﻨﻬﺎ ﻛﻠﺸﻲ ﻭﺗﺘﺴﺘﺮﻳﻦ
ﻋﺬﺭﺍﺀ ﺗﺘﻼﻭﺓ ﻭﻳﺔ ﻋﺪﻱ : ﻋﻮﻑ ﺍﻳﺪﻱ ﻻ ﻭﺍﻟﻠﻪ ﺍﻟﻢ ﻋﻠﻴﻚ ﺍﻟﺒﻴﺖ ﻭﺍﺷﺘﻜﻴﻚ ﻟﺠﺪﻱ
: ﻳﺎﻟﻠﻪ ﺻﻴﺤﻲ ﺣﺘﻰ ﺍﻛﻠﺔ ﻣﻨﻮ ﺣﺒﻴﺐ ﺍﻟﺮﻭﺡ
: ﺑﺎﻟﻠﻪ ﺷﻠﻮﻥ ﻋﺮﻓﺖ ﻣﻨﻮ ﺣﺒﻴﺐ ﺍﻟﺮﻭﺡ
: ﺍﺣﻤﺪ ﺍﺑﻦ ﻋﻤﺞ
: ﺟﻤﺪﺕ ﺑﻤﻜﺎﻧﻲ
: ﺍﺗﺮﻙ ﺍﻳﺪﻱ ﻭﻛﻠﻲ ﺷﻨﻮ ﺗﻘﺼﺪ ﺑﺎﺣﻤﺪ ﺍﺑﻦ ﻋﻤﻲ
ﺩﻓﻌﻨﻲ ﻋﻨﺔ ﻭﺍﺟﻴﺖ ﺍﻭﻛﻊ ﺑﺎﻟﻜﺎﻉ
ﻭﺑﺎﻭﻋﻠﻲ ﺑﻘﻬﺮ
: ﻣﺎﻛﻮ ﺷﻲ ﻳﺨﻔﻰ ﻋﻨﻲ ﺍﻛﺪﺭ ﺍﻋﺮﻑ ﺻﺎﺣﺐ ﺍﻟﺮﻗﻢ ﻭﺍﻋﺮﻑ ﺍﻃﻠﻌﺔ ﻟﻮ ﺟﺎﻥ ﺑﺴﺎﺑﻊ ﺍﺭﺽ
ﻭﺗﺒﻴﻦ ﺻﺎﺣﺐ ﺍﻟﺮﻗﻢ ﺍﺣﻤﺪ ﺍﺑﻦ ﻋﻤﺞ ﻳﺎ ﺍﻟﻌﺎﺭ
ﻫﻴﺞ ﻣﺎ ﻛﺪﺭﺗﻲ ﺗﻨﺘﻈﺮﻱ ﻳﺨﻄﺒﺞ ﻛﺒﻞ ﺳﻮﻳﺘﻲ ﻭﻳﺎﻩ
ﻋﻼﻗﺔ ﺍﻟﻠﻪ ﻳﺎﺧﺬﺝ
ﻭﺍﻟﻠﻪ ﻭﻛﻌﺘﻲ ﻣﻦ ﻋﻴﻨﻲ
ﺑﻌﺪ ﻣﺎ ﺟﻨﺘﻲ ﻧﺠﻤﺔ ﺑﺴﻤﺎﻱ
ﺑﺲ ﻣﻦ ﻋﺮﻓﺖ
ﺑﻴﺞ ﺭﺧﻴﺼﺔ ﻃﺎﺑﺖ ﺍﻟﻨﻔﺲ ﻣﻨﺞ
: ﺷﻮﻑ ﻳﻌﺪﻱ ﻣﺎ ﻣﺠﺒﻮﺭﺓ ﺍﺑﺮﺭﻟﻚ ﻣﻮﻗﻔﻲ
ﺑﺲ ﻳﻜﻮﻥ ﺑﻌﻠﻮﻣﻚ ﺻﺤﻴﺢ ﺍﻟﺮﻗﻢ ﺑﺎﺳﻢ ﺍﺣﻤﺪ ﺍﺑﻦ ﻋﻤﻲ
ﻟﻜﻦ ﻫﻮ ﺭﺍﺟﻊ ﻟﺒﻨﺖ ﻋﻤﻲ ﺳﻬﻰ
: ﻟﻴﺶ ﻣﺎ ﺣﺠﻴﺘﻲ ﻣﻦ ﺍﻭﻝ ﻟﻮ ﻣﻦ ﺷﻔﺘﻲ ﻧﻔﺴﺞ ﺍﺗﺤﺎﺻﺮﺗﻲ
ﺑﺤﺜﺘﻲ ﻋﻦ ﻋﺬﺭﻭﺫﺑﻴﺘﻲ ﺑﺮﺍﺱ
ﺑﻨﺖ ﻋﻤﺞ ﺣﺘﻰ ﺗﺒﺮﺋﻴﻦ ﻧﻔﺴﺞ
ﻣﺪﺕ ﺍﻳﺪﻫﺎ ﺑﻐﻀﺐ ﻭﺧﻤﻄﺖ ﻣﻨﺔ ﺍﻟﻨﻘﺎﻝ
ﻭﺩﺍﺳﺖ ﺍﺗﺼﺎﻝ ﻋﻠﻰ ﺍﻟﺮﻗﻢ ﻭﻓﺘﺤﺖ ﺍﻟﺴﻤﺎﻋﺔ ﺍﻟﺨﺎﺭﺟﻴﺔ
ﻭﺭﺓ ﻟﺤﻈﺎﺕ ﺍﺟﺎﻫﺎ ﺭﺩ ﺑﺼﻮﺕ ﺳﻬﻰ
: ﺍﻟﻮ ﻫﻠﻮ ﻋﺬﻭﺭ ﻫَـﺎ ﺑﺸﺮﻱ ﺭﺟﻌﻠﺞ ﺍﻟﻨﻘﺎﻝ
: ﺍﻱ ﺣٍٍِْــًﺒٌٍـــِٓﯥٍٓ ﺭﺟﻌﻠﻲ ﺍﻟﻨﻘﺎﻝ ﺍﻧﻲ ﻫﺴﺔ ﺭﺍﺡ ﺍﻧﻬﻲ ﺍﻻﺗﺼﺎﻝ ﻭﺍﺟﻲ
ﻧﻬﺖ ﺍﻻﺗﺼﺎﻝ ﻭﺑﺎﻭﻋﺖ ﻋﻠﻰ ﻋﺪﻱ
ﺍﻟﻲ ﻇﻞ ﻳﺒﺎﻭﻉ ﻋﻠﻴﻬﺎ ﺑﺎﺳﺘﻐﺮﺍﺏ
: ﺍﻧﺖ ﻟﻮ ﺑﺲ ﻣﻜﻠﻒ ﻧﻔﺴﻚ ﻭﻣﻜﻠﺐ ﺍﻟﻨﻘﺎﻝ ﻭﺭﺍﻳﺢ ﻋﻠﻰ ﺍﻟﺒﺮﺍﻣﺞ ﺭﺍﺡ ﺗﺸﻮﻑ ﺍﻟﺮﺳﺎﻳﻞ
: ﺭﺣﺖ ﻭﻣﺎ ﻟﻜﻴﺖ ﺑﻴﻨﺞ ﻭﺑﻴﻦ ﺍﻟﺮﻗﻢ ﻏﻴﺮ ﺍﻏﺎﻧﻲ .
ﻭﻣﻘﺎﻃﻊ ﻣﻀﺤﻜﺔ ﻭﻛﻢ ﺻﻮﺭ ﺻﺒﺎﺡ ﺍﻟﺨﻴﺮ
ﻣﻜﺪﺭﺕ ﺍﺧﻤﻦ ﻣﻨﻮ ﺍﻟﻤﺮﺳﻞ
: ﻣﺸﻜﻠﺘﻚ ﻫﺎﻱ ﻣﻮ ﻣﺸﻜﻠﺘﻲ
ﺑﻌﺪ ﻣﻴﻬﻤﻨﻲ ﺑﺸﻨﻮ ﺗﻔﻜﺮ ﺑﺘﺠﺎﻫﻲ
ﺍﻧﺖ ﺑﻌﺪﻙ ﻣﻐﺮﻭﺭ ﻭﻣﺘﻬﻮﺭ ﻭﻫﺬﺍ ﺍﻟﺸﻲ ﺟﺎﻱ ﺍﻟﻤﺴﺔ ﺑﻴﻚ ﻳﻮﻡ ﻋﻦ ﻳﻮﻡ ﻭﺭﺍﺡ ﻳﺠﻲ ﺍﻟﻴﻮﻡ ﺗﺨﺴﺮﻧﻲ ﺑﻲ ﻟﻼﺑﺪ
ﻳﺎﻟﻠﻪ ﺭﻭﺍﺀ ﺍﻧﻲ ﺭﺍﻳﺤﺔ
ﻃﻠﻌﺖ ﻣﻦ ﻏﺮﻓﺔ ﺭﻭﺍﺀ ﻭﺳﻤﻌﺖ ﺻﻮﺕ ﺗﻜﺴﻴﺮ ﺷﻲ ﺯﺟﺎﺟﻲ ﺑﺎﻟﻐﺮﻓﺔ ﻭﻋﻴﻄﺔ ﺭﻭﺍﺀ
ﻭﻛﻔﺖ ﺑﻤﻜﺎﻧﻲ ﻭﺣﺴﻴﺖ ﺑﻜﻠﺒﻲ ﺧﻔﻖ ﺧﻔﺖ ﻻ ﻳﺄﺫﻱ ﻧﻔﺴﺔ
ﻭﺭﺩﺕ ﺍﺭﺟﻊ ﺍﺷﻮﻑ ﺷﺼﺎﺭ
ﺑﺲ ﻋﺎﻧﺪﺕ ﺍﻟﺮﻭﺡ ﻭﺩﺳﺖ ﻋﻠﻰ ﻛﻠﺒﻲ
ﻭﻛﻤﻠﺖ ﻃﺮﻳﻘﻲ
ﺍﺟﺘﻨﻲ ﺧﺎﻟﺘﻲ ﺳﻨﺎﺀ ﺗﺮﻛﺾ
: ﺷﻨﻮ ﻳﺎ ﺳﺘﺎﺭ ﺷﺼﺎﺭ
: ﻭﺍﻟﻠﻪ ﻣﺎ ﺍﻋﺮﻑ ﺧﺎﻟﺔ ﺭﻭﺣﻲ ﺍﻧﺘﻲ ﺷﻮﻓﻲ ﺑﻨﻔﺴﺞ
ﺗﺮﻛﺘﻬﻢ ﻭﺭﺣﺖ ﻟﺒﻴﺘﻨﺎ ﻭﺍﻧﻲ ﻛﻠﺒﻲ ﻧﺎﺭ ﻣﻦ ﺍﻟﻢ ﻭﺻﺪ ﺍﻟﺤﺒﻴﺐ ﻛﺒﺮﻳﺎﺋﻲ ﺍﻧﺠﺮﺡ ﻭﻫﻮ ﻛﻠﺒﺔ ﺍﻧﻔﻀﺢ ﺑﺲ ﻋﻴﺒﺔ ﻣﻴﻌﺮﻑ ﻳﺘﺼﺮﻑ ﺑﺲ ﺍﺣﺴﻦ ﺧﻠﻲ ﻫﻴﺞ
.......................................
: ﻛﻠﻠﻠﻠﻮﻭﻭﻭﻭﻭﻭﻭﻭﺷﺸﺸﺶ ﺻﻠﻮﺍﺕ ﻋﻠﻰ ﺍﻟﻨﺒﻲ
ﻳﺎﻳﻤﺔ ﺗﻮﺓ ﻧﻮﺭ ﺍﻟﺒﻴﺖ ﺍﻟﻒ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ
ﺗﻌﺎﻝ ﻳﺎﻳﻤﺔ ﺧﻞ ﺍﺷﻤﻚ
ﺟﻨﺖ ﺍﻗﻠﻲ ﺑﻴﺬﻧﺠﺎﻥ
ﻭﻋﺬﺭﺍﺀ ﺗﺼﻔﻂ ﺑﺎﻟﺨﺒﺰ ﺟﺎﻧﺖ ﺳﺘﻮﻫﺎ ﺧﺎﺑﺰﺓ
ﻭﺳﻤﻌﻨﺎ ﺻﻮﺕ ﺍﻟﻬﻼﻫﻞ ﻣﺎﻝ ﻋﻤﺘﻲ
ﺭﻛﻀﻨﺎ ﻭﺷﻔﺖ ﻋﻤﻮ ﻗﺎﺳﻢ ﻭﺍﻟﺒﻨﺎﺕ ﻣﻠﺘﻤﻴﻦ
ﻭﺩﺧﻞ ﻧﺎﺻﺮ ﻭﺟﺎﻥ ﺣﺎﻣﻞ ﺟﻨﻄﺔ ﺳﻔﺮﺟﺒﻴﺮﺓ ﻭﺩﺧﻠﻬﺎ ﻟﻠﺒﻴﺖ ﺍﻧﺘﺒﻬﺖ ﻋﻠﻰ ﻋﻤﺔ ﻣﻨﺘﻬﻰ
ﺗﺤﻀﻦ ﻭﺗﺒﻮﺱ ﺑﺸﺎﺏ ﻭﺳﻤﻌﺖ ﻋﺬﺭﺍﺀ ﺻﺮﺧﺖ ﺑﻔﺮﺣﺔ
: ﺣﺎﺍﺍﺍﺍﺍﺍﺭﺙ
ﻭﺭﻛﻀﺖ ﻋﻠﻴﻪ ﻭﺣﻀﻨﺘﺔ
ﻋﺬﺭﺍﺀ ﻭﻫﻲ ﺗﻤﺴﺢ ﺩﻣﻮﻉ ﺍﻟﻔﺮﺡ
: ﻳﻤﺔ ﺭﺍﺡ ﺗﺨﻠﺼﻲ ﻣﻦ ﺍﻟﺒﻮﺱ ﺑﻘﻠﻴﻨﺎ ﺷﻮﻳﺔ
ﺣﺎﺭﺙ ﺑﻀﺤﻜﺔ : ﺳﺎﻓﺮﺕ ﻭﺭﺟﻌﺖ ﻭﺍﻟﺴﺎﻧﺞ ﻣﺜﻞ ﻣﺎﻫﻮ
ﺑﻌﺪﺓ ﻋﻠﻰ ﺣﻄﺘﺔ ﻣﺎ ﺍﺗﻐﻴﺮ
ﻛﻠﺖ ﺭﺍﺡ ﺍﺭﺟﻊ ﻭﺍﻟﻜﺎﺝ ﻛﺒﺮﺗﻲ ﺑﺲ ﺍﻟﻈﺎﻫﺮ ﺑﺲ ﺍﻟﻐﻼﻑ
ﻣﺘﻐﻴﺮ
: ﻫﻬﻬﻬﻬﻪ ﻭﺍﻧﺖ ﺑﻌﺪﻙ ﺣﺎﻁ ﻋﻘﻠﻚ ﻭﻳﺔ ﻋﻘﻠﻲ
ﻭﺻﺎﺭ ﻳﺘﺒﺎﺩﻝ ﺍﻟﺴﻼﻡ ﻭﺍﻻﺣﻀﺎﻥ ﻣﻊ ﺧﻮﺍﺗﻪ
ﻭﻋﺬﺭﺍﺀ ﻛﻞ ﺳﺎﻋﺔ ﺗﺬﺑﻠﺔ ﺣﺠﺎﻳﺔ ﻭﺗﺨﻠﻲ ﻳﻀﺤﻚ
ﻣﻨﺘﻬﻰ : ﻳﺎﻟﻠﻪ ﻣﺎ ﺍﻭﺻﻴﺞ ﺍﺗﻌﺎﺭﻛﻲ ﻭﻳﺔ ﺍﺧﻮﺝ ﻭﻫﻮ ﺗﻮﺓ ﺭﺍﺩ ﻣﻦ ﺍﻟﺴﻔﺮ
.......
ﺍﻧﻲ ﺍﺑﺪ ﻣﺎ ﺣﺎﺟﻴﺔ ﻭﻳﺔ ﺣﺎﺭﺙ ﺍﺑﻦ ﻋﻤﻲ ﻭﺷﺎﻳﻔﺘﺔ ﺑﺲ ﺑﺎﻟﺼﻮﺭ ﻟﻜﻦ ﺍﻟﺼﻮﺭ ﻫﻮﺍﻱ ﻇﺎﻟﻤﺘﺔ ﺍﻟﻠﻪ ﻳﺴﺘﺮ ﻋﻠﻴﻪ ﺟﺎﻥ
ﺣﻠﻮ ﻭﻣﻦ ﺍﺗﻜﻠﻢ ﺑﻌﺪ ﺻﺎﺭ ﺍﺣﻠﻰ
ﻣﻨﺘﻬﻰ : ﺗﻌﺎﻱ ﻳﻤﺔ ﺳﻬﻮﺓ ﺳﻠﻤﻲ ﻋﻠﻰ ﺍﺑﻦ ﻋﻤﺞ
ﺣﺎﺭﺙ ﺑﻤﻔﺎﺟﺌﺔ : ﺳﻬﻰ ﺑﻨﺖ ﻋﻤﻲ ؟؟
ﻫﻬﻬﻪ ﻣﺎ ﺍﺻﺪﻙ ﻫﺎﻱ ﺷﻨﻮ ﻛﺒﺮﺍﻧﺔ ﺍﺗﺬﻛﺮ ﻋﻠﻴﺞ ﺍﻧﺘﻲ ﻭﺭﻳﻢ ﻣﻦ ﺟﻨﺘﻮ ﺻﻐﺎﺭ
ﺳﻬﻰ : ﺍﻟﺤﻤﺪ ﻟﻠﻪ ﻋﻠﻰ ﺳﻼﻣﺘﻚ
ﻧﺎﺻﺮ ﻭﻫﻮ ﻳﺤﻂ ﺍﻳﺪﺓ ﻋﻠﻰ ﺍﻛﺘﺎﻑ ﺍﺧﻮﻩ
: ﺗﻌﺎﻝ ﺳﻠﻢ ﻋﻠﻰ ﻣﺮﺕ ﺍﺧﻮﻙ ﻭﺑﻨﺖ ﻋﻤﻚ
ﻭﺻﺎﺡ ﻟﻨﻮﺭ : ﺗﻌﺎﻱ ﺷﺒﻴﺞ ﻭﺍﻛﻔﺔ ﻟﻴﻐﺎﺩ
ﻧﻮﺭ ﺑﺨﺠﻞ : ﺍﻟﺤﻤﺪ ﻟﻠﻪ ﻋﻠﻰ ﺳﻼﻣﺘﻚ ﺣﺎﺭﺙ
ﺣﺎﺭﺙ : ﺍﻟﻠﻪ ﻳﺴﻠﻤﺞ ﺧﻮﻳﺔ ﻭﺍﻟﻒ ﻣﺒﺮﻭﻙ ﻭﻳﻮﻡ ﺍﻥ ﺷﺎﺀ ﺍﻟﻠﻪ ﺍﺯﻓﻜﻢ ﺑﺎﻟﻌﺮﺱ ﺑﺴﻴﺎﺭﺗﻲ
ﻭﻇﻞ ﺍﻟﻜﻞ ﺑﺤﺎﻟﺔ ﻓﺮﺣﺔ
ﻭﺑﻴﻮﻣﻬﺎ ﻋﻤﻮ ﻗﺎﺳﻢ
ﺫﺑﺢ ﺫﺑﻴﺤﺔ ﻋﻠﻰ ﺳﻼﻣﺔ ﺍﺑﻨﺔ
ﻭﻋﺰﻡ ﺍﻟﻘﺮﺍﻳﺐ ﻛﻠﻬﻢ ﻭﺩﺯ ﻋﻠﻰ ﺍﻟﺸﻴﺦ ﻣﺰﺍﺣﻢ ﻭﺍﻟﻮﻟﺪ
ﻭﺍﻧﺨﺒﺺ ﺍﻟﺒﻴﺖ ﺧﺒﺺ ﻣﻦ ﺍﻟﻨﺎﺱ
ﻭﻛﻞ ﻭﺍﺣﺪ ﻳﺠﻲ ﺟﺎﻳﺐ ﻭﻳﺎﻩ ﺳﻴﺖ ﺑﻴﺒﻴﺴﻲ ﻟﻮ
ﻋﻠﺐ ﻣﺎ ﻛﻨﺘﻮﺵ ﺟﻜﻠﻴﺖ ﻭﻋﺬﺭﺍﺀ ﻇﻠﺖ ﺗﺼﻨﻒ
ﻋﻠﻴﻬﻢ
: ﺭﺍﺡ ﺍﻓﺘﺢ ﺑﺴﻄﻴﺔ ﺑﺎﻟﺴﻮﻙ ﻭﺍﺑﻴﻌﻬﻢ ﻭﺍﺧﺬ ﻓﻠﻮﺳﻬﻢ
ﺷﻔﺘﻲ ﻭﻳﻜﻠﺞ ﺍﻻﺧﻮ ﺷﻨﻮ ﻓﺎﺋﺪﺗﺔ
ﻳﺎﺑﺔ ﻫﻨﺎﻙ ﻣﺼﺎﻟﺢ ﻣﺘﺒﺎﺩﻟﺔ
...........................
)) ﻣﺴﺎﺍﺍﺍﻓﺮ ﻳﻌﻮﺩ ﺍﻟﻰ ﺍﺣﻀﺎﻥ ﺍﻫﻠﻪ ﻭﺍﻟﻮﻃﻦ
ﻭﻣﺴﺎﺍﺍﺍﻓﺮ ﻳﺘﺮﻙ ﺍﺣﻀﺎﻥ ﺍﻫﻠﻪ ﻭﻳﻬﺎﺟﺮ ﺍﻟﻮﻃﻦ
ﻧﻌﻢ ﺍﻧﻪ ﻗﺎﻧﻮﻥ ﺍﻟﺤﻴﺎﺓ ((
ﺍﻡ ﺳﻬﻰ ﺗﻮﺩﻉ ﺑﺄﻭﻻﺩﻫﺎ ﻭﺗﻤﺴﺢ ﺑﺪﻣﻮﻋﻬﺎ
: ﻓﻲ ﺍﻣﺎﻥ ﺍﻟﻠﻪ ﻳﻴﻤﺔ ﺗﻮﺻﻠﻮﻥ ﺑﺎﻟﺴﻼﻣﺔ
ﺍﺑﺎﻭﻉ ﻋﻠﻰ ﺍﺣﻤﺪ ﺍﺧﻮﻱ ﺑﺎﺳﻬﺎ ﻣﻦ ﺭﺍﺳﻬﺎ ﻭﺍﻳﺪﻫﺎ ﻻﻥ
ﺭﺍﺡ ﻳﺴﺎﻓﺮ ﻟﻠﺨﺎﺭﺝ ﻟﻌﻨﺪ ﻗﺘﻴﺒﺔ ﺍﻧﺘﺒﻬﺖ ﻋﻠﻰ ﺍﺣﻤﺪ
ﻭﺍﻗﺘﺮﺏ ﻣﻨﻲ ﻭﺑﺎﺳﻨﻲ ﻣﻦ ﺭﺍﺳﻲ
: ﺟﻨﺖ ﺍﺗﻤﻨﻰ ﺍﺷﻮﻓﺞ ﻋﺮﻭﺱ ﻗﺒﻞ ﻻ ﺍﺳﺎﻓﺮ
ﻭﺍﺯﻓﺞ ﺑﺒﻴﺪﻱ ﻟﺰﻭﺟﺞ ﺑﺲ ﺷﻜﻠﻲ ﻣﺎ ﻣﻘﺴﻮﻡ ﻟﻲ
ﺍﻓﺮﺡ ﺑﻴﺞ ﻣﻮ ﺗﺰﻋﻠﻴﻦ ﻣﻨﻲ
ﻣﻦ ﺗﺸﻮﻓﻴﻨﻲ ﺍﺛﻮﺭ ﻭﺍﻧﻘﻬﺮ ﻋﻠﻴﺞ ﻭﺍﺭﻳﺪ ﺍﺯﻭﺟﺞ
ﺗﺮﺓ ﺍﻱ ﺍﺧﻮ ﺣﺮﻳﺺ ﻋﻠﻰ ﺍﺧﺘﺔ ﻳﻬﻤﺔ ﻳﺸﻮﻑ ﺍﺧﺘﺔ
ﻣﺘﺰﻭﺟﺔ ﻭﻣﺴﺘﻮﺭﺓ ﺑﺒﻴﺖ ﺭﺟﻠﻬﺎ
ﻣﺴﺤﺖ ﺩﻣﻌﺘﻲ : ﻟﺘﺸﻴﻞ ﻫﻤﻲ ﺭﻭﺡ ﺍﻧﺖ ﺍﺗﻮﻛﻞ
ﻭﺍﻥ ﺷﺎﺀ ﺍﻟﻠﻪ ﺗﻮﺻﻞ ﺑﺎﻟﺴﻼﻣﺔ ﻭﻃﻤﻨﺎ ﻋﻨﻚ ﻣﻦ ﺗﻮﺻﻞ
: ﺧﺎﻑ ﺗﺤﺘﺎﺟﻴﻦ ﺷﻲ ﺍﻭ ﻓﻠﻮﺱ ﺍﻧﺘﻲ ﻭﺍﻻ ﺍﻣﻲ ﻟﻮ ﻧﻮﺭ ﺍﺗﺼﻠﻮ ﻋﻠﻴﻨﺎ
ﺗﺮﺓ ﺍﻛﻮ ﻫﻨﺎﻙ ﻣﻜﺎﺗﺐ ﺗﺤﻮﻳﻞ ﺻﻴﺮﻓﺔ
ﻭﺍﺣﻨﺎ ﻧﺸﻮﻑ ﺷﻠﻮﻥ ﻧﺮﺗﺒﻬﺎ
ﻣﺎ ﺍﻭﺻﻴﺞ ﺑﺄﻣﻲ ﻭﺑﻨﻮﺭ ﻳﺎﺑﻌﺪ ﺍﺧﻮﺝ
ﻗﺎﺳﻢ : ﺷﻜﻠﻚ ﺻﺮﺕ ﺗﺤﺠﻲ ﻣﺜﻠﻨﺎ
ﺍﻣﺠﺪ : ﺑﻌﺪ ﻣﻦ ﻋﺎﺷﺮ ﻗﻮﻣﺎً
: ﻳﺎﻟﻠﻪ ﺍﺣﻨﺎ ﻧﺘﻮﻛﻞ ﻣﻊ ﺍﻟﺴﻼﻣﺔ
ﺭﻛﺒﻮ ﺳﻴﺎﺭﺗﻬﻢ ﻭﺍﻣﻲ ﺷﻤﺮﺕ ﻭﺭﺍﻫﻢ ﻃﺎﺳﺔ ﺍﻟﻤﺎﻱ
ﻭﻛﻌﺪﺕ ﺗﻤﺴﺢ ﺑﺪﻣﻮﻋﻬﺎ ﺑﻄﺮﻑ ﺷﺎﻟﻬﺎ
ﺧﻄﻴﺔ ﺍﻣﻲ ﺻﻌﺒﺔ ﻋﻠﻴﻬﺎ ﺗﺸﻮﻑ ﻋﺎﺋﻠﺘﻬﺎ ﺗﺘﻔﻜﻚ ﻭﺍﺣﺪ ﻭﺍﺣﺪ ﺑﻌﺪ ﻣﺎ ﺟﺎﻧﻮ ﻛﻠﻬﻢ ﻛﺒﺎﻝ ﻋﻴﻨﻬﺎ ﻭﺗﺤﺖ ﻇﻠﻬﺎ ﻭﻳﺠﻤﻌﻬﻢ ﺑﻴﺖ ﻭﺍﺣﺪ
ﺑﻘﻴﺖ ﺍﻧﻲ ﻭﺍﻣﻲ ﻣﻌﺎﻣﻠﺘﻨﺎ ﻣﺎﻟﺖ ﺍﻟﺴﻔﺮ ﻣﺎ ﺍﻧﺘﻬﺖ
ﺟﺎﻥ ﻭﻗﺖ ﺻﺒﺢ ﻭﺳﺘﻮﻫﺎ ﻃﺎﻟﻌﺔ ﺍﻟﺸﻤﺲ ﺍﻟﺠﻮ ﺟﺎﻥ ﺑﻲ ﺧﻴﻂ ﺑﺮﻭﺩﺓ ﻭﻭﺍﻟﺰﻟﻢ ﺗﺒﺪﻱ ﺑﻬﻴﺞ ﻭﻛﺖ
ﻳﺴﺘﻌﺪﻭﻥ ﻳﻄﻠﻌﻮﻥ ﻣﻦ ﺍﻟﻐﺒﺸﺔ ﻋﻠﻰ ﺑﺎﺏ ﺍﻟﻠﻪ
ﻭﻳﺘﻮﺟﻬﻮﻥ ﻟﺸﻐﻠﻬﻢ ﻭﺭﺯﻗﻬﻢ
ﻛﻨﺎ ﻭﺍﻛﻔﻴﻦ ﻳﻢ ﺍﻟﺒﻮﺍﺑﺔ ﺍﻟﺮﺋﻴﺴﻴﺔ ﺳﺒﻘﻨﺎ ﻋﻤﻮ ﻗﺎﺳﻢ ﻭﻧﺎﺻﺮ ﻭﺭﺟﻌﻮ ﻟﻠﺒﻴﺖ ﻭﻇﻠﻴﻨﺎ ﺍﻧﻲ ﻭﺍﻣﻲ
ﻧﺘﻤﺸﻰ ﻋﻠﻰ ﻛﻴﻒ ﻭﻧﺸﻢ ﺍﻟﻬﻮﻯ ﺑﻤﺰﺭﻋﺘﻬﻢ ﺟﺎﻧﺖ
ﺭﻳﺤﺔ ﺍﻟﻬﻮﻯ ﻣﻤﺰﻭﺟﺔ ﺑﺮﻳﺤﺔ ﺍﻟﺘﺮﺍﺏ ﺍﻟﺮﻃﺐ
ﺑﺎﻟﻤﺎﻱ ﺻﺮﺕ ﺍﻧﺼﺖ ﻟﺼﻮﺕ ﺍﻟﻌﺼﺎﻓﻴﺮ
ﻣﻊ ﺻﻮﺕ ﺧﺮﻳﺮ ﺍﻟﻤﺎﻱ ﺍﻟﻲ ﻳﺠﺮﻱ ﺑﺎﻟﺴﺎﻛﻴﺔ
( ﻣﺠﺮﺓ ﻣﺎﺋﻲ )
ﺷﻜﻠﻮ ﺛﻨﻴﻨﻬﻢ ﺑﺎﺻﻮﺍﺗﻬﻢ ﻟﺤﻦ ﺣﻠﻮ ﻋﻠﻰ ﺍﻻﺫﻥ ﻟﻪ
ﺍﻻﺛﺮ ﺍﻟﻄﻴﺐ ﻋﻠﻰ ﺍﻟﻨﻔﺲ
ﺟﺎﻥ ﺍﻟﺠﺪﻭﻝ ﻳﺠﺮﻱ ﺑﻴﻦ ﺍﻟﺒﺴﺎﺗﻴﻦ ﺍﺧﺬﺕ ﻧﻔﺲ ﻋﻤﻴﻖ ﻭﻃﺮﺣﺘﻪ
ﺍﻡ ﺳﻬﻰ : ﻟﺘﺠﺮﻳﻦ ﺣﺴﺮﺓ ﺗﺮﺓ ﺍﻟﻠﻪ ﻓﻜﺞ ﻣﻦ ﻫﺬﺍ ﺍﻟﻲ ﺍﺳﻤﺔ ﺟﺎﺳﻢ ﺍﻧﻲ ﻛﻞ ﻣﺮﺓ ﻣﻦ ﺍﺳﻤﻊ ﺑﻄﺎﺭﻱ ﺧﻄﺎﺑﺔ ﺍﻓﺮﺡ ﻭﺍﻛﻴﻒ
ﺍﻻ ﻣﻦ ﺳﻤﻌﺖ ﺑﺠﺎﺳﻢ ﻳﺮﻳﺪ ﻳﺨﻄﺒﺞ
ﺍﻧﻘﺒﺾ ﻛﻠﺒﻲ ﻭﺍﺑﺪ ﻣﺎ ﻓﺮﺣﺖ ﺑﻲ
ﺍﻟﻒ ﺍﻟﺤﻤﺪﻟﻠﻪ ﻣﻦ ﺭﻓﻀﺔ ﻋﻤﺞ
: ﺑﺲ ﺗﺪﺭﻳﻦ ﻳﻮﻡ ﺍﻧﻲ ﻟﺤﺪ ﻫﺴﺔ ﺧﺎﻳﻔﺔ ﻣﻨﺔ
ﺳﻤﻌﻨﺎ ﺻﻮﺕ ﺳﻴﺎﺭﺓ ﻋﺪﺕ ﻣﻦ ﻳﻤﻨﺎ ﺭﻓﻌﺖ ﺭﺍﺳﻲ
ﻭﺍﺟﺘﻲ ﻋﻴﻨﻲ ﺑﻌﻴﻦ ﺛﺎﺋﺮ ﻣﻦ ﻳﻮﻡ ﺍﻟﻲ ﺻﺎﺭ ﻭﺍﻧﻲ ﺑﻌﺪ ﻣﺎ ﺷﻔﺘﺔ ﻛﻨﺖ ﺣﻴﻞ ﺷﺎﻳﻠﺔ ﺑﮕﻠﺒﻲ ﻋﻠﻴﻪ
ﺑﻌﺪﺕ ﻧﻈﺮﻱ ﻋﻨﺔ ﻭﺳﻮﻳﺖ ﺭﻭﺣﻲ ﻣﻨﺘﺒﻬﺖ ﻋﻠﻴﻪ
ﺑﺲ ﺷﻜﻠﺔ ﻫﻮ ﻣﺎ ﻋﺠﺒﺔ ﺍﻟﻮﺿﻊ ﺍﻧﺘﺒﻬﺖ
ﻋﻠﻴﻪ ﺭﻛﻦ ﺍﻟﺴﻴﺎﺭﺓ ﻭﻧﺰﻝ ﻣﻨﻬﺎ ﻭﺳﻠﻢ ﻋﻠﻰ ﺍﻣﻲ
ﻭﺍﻣﻲ ﻣﺎ ﻗﺼﺮﺕ ﺑﺎﻟﺴﻼﻡ
: ﺷﻨﻮ ﺍﻟﺸﺒﺎﺏ ﺳﺎﻓﺮﻭ؟؟
: ﺍﻱ ﻭﺍﻟﻠﻪ ﺳﺎﻓﺮﻭ ﺑﻌﺪ ﺷﻨﺴﻮﻱ ﻫﺬﺍ ﺍﻣﺮ ﺍﻟﻠﻪ
: ﻭﺍﻟﻨﻌﻢ ﺑﺎﻟﻠﻪ ﻳﺎﻟﻠﻪ ﻳﻮﺻﻠﻮﻥ ﺑﺎﻟﺴﻼﻣﺔ
ﺍﻣﺎﻧﺔ ﺣﺠﻴﺔ ﺍﺫﺍ ﺗﺤﺘﺎﺟﻮﻥ ﺷﻲ ﻛﻮﻟﻮ ﺗﺮﺓ ﺍﻧﺎ ﺑﺎﻟﺨﺪﻣﺔ
: ﺍﺭﻳﺪﻙ ﺳﺎﻟﻢ ﻭﻟﻴﺪﻱ ﺭﺑﻲ ﻳﺤﻔﻈﻚ ﻟﺸﺒﺎﺑﻚ ﻣﺘﻘﺼﺮ
ﻇﻞ ﻭﺍﻛﻒ ﻭﺭﻓﻊ ﺍﻳﺪﺓ ﻭﺭﺟﻊ ﺷﻌﺮﻩ ﻟﻠﺨﻠﻒ ﺑﺮﺗﺒﺎﻙ
: ﺷﻔﺘﻜﻢ ﻭﺣﺒﻴﺖ ﺍﺳﻠﻢ ﻋﻠﻴﻜﻢ ﻭﺍﺳﻤﻊ ﺍﺧﺒﺎﺭﻛﻢ
ﺟﺎﻥ ﻳﺤﺠﻲ ﻭﻋﻴﻨﺔ ﻋﻠﻰ ﺳﻬﻰ ﻭﺟﺎﻥ ﺍﻟﻜﻼﻡ ﻣﻮﺟﻪ ﺍﻟﻬﺎ
ﺑﺲ ﻫﻲ ﻣﺎ ﺍﻧﻄﺘﺔ ﻧﺸﺪﺓ ﻭﺧﻠﺘﺔ
ﻣﻌﻠﻚ ﻳﺮﻳﺪ ﺑﺲ ﻳﺴﻤﻊ ﺻﻮﺗﻬﺎ
ﻳﺮﻳﺪ ﺑﺲ ﻓﺮﺻﺔ ﻳﺤﺠﻲ ﻭﻳﺎﻫﺎ ﻭﻳﻔﻬﻤﻬﺎ
ﻣﻮﻗﻔﺔ ﺍﺳﺘﺴﻠﻢ ﺑﻌﺪ ﻣﺎ ﺍﻳﺲ ﺟﺮ ﺣﺴﺮﺓ
: ﻳﺎﻟﻠﻪ ﺍﻧﺎ ﺍﺗﺮﺧﺺ ﻣﻨﻜﻢ ﻣﻊ ﺍﻟﺴﻼﻣﺔ
: ﺍﻟﻠﻪ ﻭﻳﺎﻙ ﻳﻮﻡ
ﺻﻌﺪ ﺑﺴﻴﺎﺭﺗﺔ ﻭﺭﺍﺡ
ﻛﻤﻠﻨﺎ ﻣﺸﻲ ﻭﻗﺮﻳﺐ ﻣﺎ ﻧﻮﺻﻞ ﻟﺒﺎﺏ ﺑﻴﺖ ﻋﻤﻮ
ﺳﻤﻌﺖ ﺻﻮﺕ ﻋﺎﻟﻲ ﺳﻴﺎﺭﺓ ﻟﺰﻣﺖ ﺑﺮﻳﻚ ﻗﻮﻱ
ﻳﻢ ﺍﻟﺒﻮﺍﺑﺔ ﺍﻟﺮﺋﻴﺴﻴﺔ
ﺍﻟﺘﻔﺘﻨﺎ ﺍﻧﻲ ﺍﻣﻲ ﺍﺟﻴﺖ ﺍﻭﻛﻊ ﻣﻦ ﻃﻮﻟﻲ ﻣﻦ ﺷﻔﺖ
ﺳﻴﺎﺭﺓ ﺟﺎﺳﻢ ﻭﺍﻛﻔﺔ ﻛﺒﺎﻝ ﺳﻴﺎﺭﺓ ﺛﺎﺋﺮ
ﺍﻧﺘﺒﻬﺖ ﻋﻠﻰ ﺟﺎﺳﻢ ﻃﻔﻰ ﺍﻟﺴﻴﺎﺭﺓ ﻭﻧﺰﻝ ﻣﻨﻬﺎ ﺑﺴﺮﻋﺔ
ﻭﺍﺗﻮﺟﻪ ﻋﻠﻴﻨﺎ ﺍﻧﻲ ﻭﺍﻣﻲ ﻭﺍﻟﻨﻴﺔ ﺑﺎﻳﻨﺔ ﻋﻠﻰ ﻭﺟﻬﺔ
ﻣﺎ ﺍﻫﺘﻢ ﻟﻮﺟﻮﺩ ﺛﺎﺋﺮ
ﺳﻤﻌﺖ ﺻﻮﺕ ﻧﺎﺻﺮ ﻭﻋﻤﻲ ﻣﻦ ﻭﺭﺍﻱ ﺷﻜﻠﻬﻢ ﺳﻤﻌﻮ ﺻﻮﺕ ﺍﻟﺴﻴﺎﺭﺓ
ﻭﻛﻒ ﺟﺎﺳﻢ ﻗﺮﻳﺐ ﻋﻠﻴﺔ
: ﻫَـﺎ ﻳﺴﻬﻮﺓ ﻫﻢ ﺍﻟﺞ ﻋﻴﻦ ﻭﺗﺮﻓﻀﻴﻦ ﺷﻨﻬﻮ ﻣﻮ ﺑﻌﻴﻨﺞ ﺍﻧﺎ
ﺭﺟﺎﻝ ﺷﻜﺪﻧﻲ ﻭﺷﻜﺒﺮﻧﻲ ﺗﺮﻓﻀﻴﻨﻲ
ﻭﻟﺞ ﺍﻧﺎ ﻣﻦ ﺗﺎﻟﻲ ﻋﻤﺮﻱ ﺍﻧﻬﺎﻥ ﻭﺍﻧﺮﻓﺾ
ﻣﻦ ﺧﻠﻚ ﻣﺮﻳﺔ ﻻ ﺭﺍﺣﺖ ﻭﻻ ﺍﺟﺖ
ﺳﻬﻰ ﺑﺨﻮﻑ : ﺍﺓ ﺍﺓ
ﺭﻓﻊ ﺍﻳﺪﺓ ﺑﺎﺷﺎﺭﺓ ﻭﺳﻜﺘﻨﻲ
: ﻻ ﺗﻈﻠﻴﻦ ﺗﻤﺘﻤﺘﻴﻦ ﺍﻧﺎ ﻣﺎ ﺟﺎﻱ ﻋﻠﻤﻮﺩﺝ ﻣﺎﻛﺎﺗﻞ ﺭﻭﺣﻲ ﻋﻠﻴﺞ
ﺍﺟﻴﺖ ﺣﺘﻰ ﺍﺧﺬ ﺍﺑﻦ ﺍﺧﻮﻱ
ﻳﻌﻴﺶ ﻋﻨﺪﻱ ﻭﺍﻟﻴﻮﻡ ﻣﺎ ﺍﻃﻠﻊ ﻣﻨﺎ ﻭﺍﻻ ﻭﺍﺑﻦ ﺍﺧﻮﻱ ﻭﻳﺎﻱ
ﻟﻮ ﺍﻋﺮﻑ ﺍﻟﻴﻮﻡ ﺗﺼﻴﺮ ﺩﻣﻮﻡ
ﺳﻤﻌﺖ ﺻﻮﺕ ﺑﺎﺏ ﺳﻴﺎﺭﺓ ﺍﻧﺴﺪ ﺣﻴﻞ ﻗﻮﻱ ﻭﺻﻮﺕ ﺧﻄﻮﺍﺕ ﺳﺮﻳﻌﺔ ﺭﻓﻌﺖ ﺭﺍﺳﻲ ﻭﺍﺷﻮﻑ ﺛﺎﺋﺮ
ﻟﺰﻡ ﺟﺎﺳﻢ ﻣﻦ ﻛﺘﻔﺔ ﻭﺩﺍﺭﺓ ﻋﻠﻴﻪ
: ﻭﻟﻚ ﺍﻧﺖ ﻣﻮﺵ ﺭﺟﺎﻝ ﻭﺟﺎﻱ ﺗﻔﺮﺽ ﺭﺟﻮﻟﺘﻚ ﻋﻠﻰ ﻣﺮﺓ
ﺧﺎﻳﺐ ﺗﻌﺎﻝ ﺍﺣﺠﻲ ﻭﻳﺎﻱ ﻳﺎ ﺍﺷﺒﺎﻩ ﺍﻟﺰﻡ
ﺍﻟﺘﻔﺖ ﺟﺎﺳﻢ ﻭﻧﺘﺮ ﺍﻳﺪ ﺛﺎﺋﺮ ﺑﻘﻮﺓ ﻋﻦ ﻛﺘﻔﺔ ﻭﺩﻓﻌﺔ : ﻭﺍﻧﺖ ﻳﺎﻫﻮ ﻣﺎﻟﺘﻚ ﻭﺟﺎﻱ ﺣﺎﺷﺮ ﺭﻭﺣﻚ
: ﺳﻬﻮﺓ ﻋﺮﺿﻲ ﻭﺭﺍﺟﻌﺘﻠﻲ ﺍﻟﻲ ﻳﻤﺴﻬﺎ ﻳﻤﺴﻨﻲ
: ﻻﺗﻜﻮﻥ ﺍﻧﺖ ﺯﻭﺟﻬﺎ ﻭﺍﻧﺎ ﻣﺎ ﺍﺩﺭﻱ
: ﺍﻱ ﺭﺍﺡ ﺗﺼﻴﺮ ﺣﺮﻣﺘﻲ ﻭﺍﻛﺴﺮ ﺭﺍﺳﻚ ﻟﻮ ﺟﺒﺖ ﻃﺎﺭﻳﻬﺎ ﻋﻠﻰ ﺍﻟﺴﺎﻧﻚ
ﺍﻧﺘﺒﻬﺖ ﻋﻠﻰ ﻧﺎﺻﺮ ﺻﺎﺭ ﻧﺎﺭ ﻛﺒﺮﺓ
ﻣﻦ ﺳﻤﻊ ﻛﻼﻣﻬﻢ
ﻃﻔﺮ ﻫﺪ ﻋﻠﻰ ﺟﺎﺳﻢ ﻭﺧﻤﻄﺔ ﻣﻦ ﺍﻳﺪ ﺛﺎﺋﺮ
ﻭﻣﺪﺩﺓ ﺑﺎﻟﻜﺎﻉ ﻭﺻﺎﺭﻭ ﺍﺛﻨﻴﻨﻬﻢ ﻳﺘﻌﺎﺭﻛﻢ
ﺍﺣﺲ ﮔﻠﺒﻲ ﻛﺎﻡ ﻳﻮﺟﻌﻨﻲ ﻭﺻﺮﺕ ﻛﻠﻨﻲ ﺍﺭﺟﻒ ﺍﺗﺨﺒﻞ ﻣﻦ ﻋﺮﻛﺔ ﺍﻟﺰﻟﻢ ﻭﺍﻟﺼﻴﺎﺡ ﺍﻣﻮﺕ ﺑﺪﻣﻲ
ﺷﻔﺖ ﺟﺎﺳﻢ ﺍﻋﺘﻠﻰ ﻧﺎﺻﺮ ﻭﺭﺍﺩ ﻳﻀﺮﺑﺔ
ﺑﺲ ﺛﺎﺋﺮ ﻟﺤﻜﺔ ﻭﺩﻓﻌﺔ ﻋﻨﻪ ﻭﻭﻃﺮﺣﺔ ﺑﺎﻟﻜﺎﻉ
ﺍﺟﺔ ﻋﻤﻲ ﻭﺍﻟﺤﺎﺭﺱ ﺯﻳﺪﻭﻥ
ﻭﻛﺎﻣﻮ ﻳﻔﻜﻮﻧﻬﻢ ﻭﺑﻌﺪﻭﻫﻢ ﻋﻦ ﺑﻌﺾ ﺑﺎﻟﻜﻮﺓ
ﺟﺎﺳﻢ ﺑﺤﻘﺪ : ﺍﻱ ﻫﻨﺎ ﺍﻟﺤﺠﻲ ﺍﻛﻮﻝ ﻟﻴﺶ ﻣﺎ ﻭﺍﻓﻘﺖ
ﻃﻠﻌﺖ ﻣﺴﺘﻜﻌﺪﻫﺎ ﻳﻤﻚ ﻭﻣﺘﻮﻧﺲ ﺑﻴﻬﺎ
ﻳﻤﺔ ﺷﻔﺖ ﺛﺎﺋﺮ ﺳﺤﺐ ﻣﺴﺪﺱ ﻣﻦ ﺣﺰﺍﻣﻪ
ﻭﻧﺎﺭ ﺑﻌﻴﻮﻧﺔ
ﺍﻧﻲ ﻏﻤﻀﺖ ﻋﻴﻮﻧﻲ ﻭﺣﻄﻴﺖ ﺍﻳﺪﻳﺔ ﻋﻠﻰ ﺍﺫﺍﻧﺎﺗﻲ
ﺳﻤﻌﺖ ﺻﻮﺕ ﻃﻠﻘﺔ ﺑﺎﻟﻬﻮﻯ
ﻭﻣﺎ ﺣﺴﻴﺖ ﻣﻦ ﺑﻌﺪﻫﺎ ﻋﻠﻰ ﺍﻱ ﺷﻲ
ﻏﻴﺮ ﻟﻮﻧﻲ ﺍﻧﺨﻄﻒ ﻭﻧﻔﺴﻲ ﺛﮕﻞ ﻭﻭﻛﻌﺖ ﻣﻦ ﻃﻮﻟﻲ
ﺑﻌﺪﻫﺎ ﻣﺎ ﺩﺭﻳﺖ ﺷﻨﻮ ﺷﺼﺎﺭ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء