رواية لأني امرأة ج2 الجزء السابع
للكاتبة سوزان المندلاوي
↙️
ﺍﺧﺮ ﻛﻼﻡ ﺍﺳﻤﻌﻪ ﻣﻨﻪ
ﻳﺼﻴﺢ ﻟﻴﺎﻝ ... ﺷﺒﻞ ..
ﻣﺜﻞ .. ﺍﻹﻋﺼﺎﺭ ﺑﺪﻗﺎﺋﻖ ﺩﻣﺮ ﻛﻞ ﺷﻴﺊ ﻭﺭﺍﺡ ..
ﻃﻠﻌﻮ ..
ﻃﻠﻌﺖ ﻭﺭﺍﻫﻢ ..
ﻭﺍﺣﺪ ﻳﺼﻴﺢ ﺍﺑﻘﻲ ﺑﻤﻜﺎﻧﺞ ﺍﺑﻘﻲ ..
ﺟﻨﺖ ﻣﻐﻄﻴﺔ ﻛﻞ ﺷﻲ ﺑﻴﻪ ﺑﺲ ﻋﻴﻮﻧﻲ ﻃﺎﻟﻌﻪ ..
ﻃﻠﻌﺖ ﺍﺭﻛﺾ ﻭﺭﺍﻫﻢ ..
ﺟﺎﻧﻮ ﻳﺴﺤﻠﻮﻥ ﺑﻲ ..
ﺑﺲ 4 ﻳﻼ ﻛﺪﺭﻭ .. ﻳﻠﺰﻣﻮ ..
ﻣﻜﺪﺭﺕ ﺍﻃﻠﻊ ﺑﺮﺓ ..
ﻭﺍﺣﺪ ﻳﺮﺟﻌﻨﻲ ﺟﺎﻥ ...
ﺭﺟﻌﺖ ﻟﻐﺮﻓﺘﻲ ﺑﺴﺮﻋﻪ .. ﺭﺑﻲ ﺳﺘﺮﻙ ..
ﺷﻔﺖ ﺟﺒﻪ ﻣﻌﻠﻜﻪ ﻟﺒﺴﺘﻬﺎ .. ﻭﻃﻠﻌﺖ ﺍﻛﻮ ﺻﻮﺕ ﻛﻼﻡ ..
ﺍﻭﻝ ﻣﺎﻃﻠﻌﺖ ..
ﺩﺧﻞ ﺍﺣﻤﺪ ﻭﺍﻟﻮﻟﺪ ﻟﻠﻐﺮﻓﻪ ..
ﻭﻳﻦ ﺗﻠﻴﻔﻮﻧﻪ ..
ﻣﻨﻮ ﺫﻭﻟﻲ ﺍﺣﺪ ﻳﻔﻬﻤﻨﻲ ﺷﺼﺎﺭ ..
ﺗﻠﻴﻔﻮﻧﻪ ﻭﻳﻦ ..
ﻣﺎﻋﺮﻑ ..
ﻋﺎﻣﺮ ﺟﺎﻭﺑﻨﻲ ..
ﻋﻤﻪ ﺑﻌﺪﻳﻦ ..
ﺷﺒﻞ ﻭﻳﻦ ..
ﺑﺎﻟﻤﻄﺒﺦ ..
ﻃﻠﻌﺖ ﺑﺴﺮﻋﻪ .. ﺩﺧﻠﺖ ﻟﻠﻤﻄﺒﺦ .. ﺍﻡ ﻋﺎﻣﺮ ﺗﺒﺠﻲ ﻭﺗﻠﻢ ﺑﺎﻟﻐﺮﺍﺽ ..
ﻭﺍﻡ ﺣﻴﺪﺭ ..
ﻛﺎﻋﺪﺓ ﻭﺗﻠﻄﻢ ﺍﺣﻮﻭ ﺭﺍﺣﻮ ﺍﻟﻮﻳﻼﺩ ..
ﻭﺷﺒﻞ .. ﺑﺎﻟﻜﺎﻉ ﺷﻠﺘﻪ ..
ﺍﺣﺪ ﻳﻔﻤﻨﻲ ﺷﺼﺎﺭ ..
ﺍﺭﻭﺡ ﻳﻢ ﺍﻟﺮﻳﺎﺟﻴﻞ ﻭﺍﻃﻠﻊ ﻳﻢ ﺍﻟﻨﺴﻮﺍﻥ ..
ﻋﺎﻃﺖ ﺑﻴﻪ ﺍﻡ ﻋﺎﻣﺮ ﻣﻨﻌﺮﻑ ﻣﺘﻌﺮﻑ ..
ﻭﻟﺞ ﺭﺍﺡ ﻓﻬﺪ ..
ﺍﻡ ﺣﻴﺪﺭ ﺭﺍﺝ ﻳﺎﻳﻤﻪ ﺭﺍﺡ ..
ﺍﺟﻮﻱ ﺟﺘﺎﻟﺘﻪ ﻭﺭﺍﺡ ﻓﺮﻓﺮ ﺑﺎﻳﺪﻫﻢ ﻣﺜﻞ ﺍﻟﺪﺟﺎﺟﻪ ﺍﻟﻤﺬﺑﻮﺣﺔ ..
ﻃﺐ ﻋﺎﻣﺮ ..
ﺭﺍﺡ ﺍﺗﺼﻞ ﺑﺎﻋﻤﺎﻣﻲ ﻻﺯﻡ ﻳﻌﺮﻓﻮﻥ ..
ﺍﺣﻤﺪ ﻛﻠﻪ ﺍﻛﻌﺪ ﻭﺍﺳﻜﺖ .. ﻻ ﺗﺘﺼﻞ ﻭﻻ ﺷﻲ ..
ﻫﺬﻭﻟﻲ ﺟﻬﻪ ﺍﻣﻨﻴﻪ ﻣﻮ ﺳﺎﻟﻔﻪ ﺛﺎﺭﺍﺕ ..
ﺍﺧﺬﻫﺎ ﻣﻨﻲ ..
ﻛﺘﻠﻪ ﻋﺎﻣﺮ ﺍﺗﺼﻞ ﻣﻌﻠﻴﻚ ﺑﺎﻟﻮﻟﺪ ..
ﻛﺎﻡ ﺍﺣﻤﺪ ﺍﺳﻜﺘﻲ ﺍﻧﺘﻲ ﻛﻠﻪ ﻣﻦ ﻭﺭﺍﺝ ﻣﻮ ﻃﻠﻌﺞ ﻭﺻﺎﺭﺕ ﻫﻮﺳﺔ ..
ﺍﻛﻴﺪ ﻫﺬﺍ ﻭﺍﺣﺪ ﻣﻦ ﺍﻫﻠﻪ ..
ﺍﺫﺍ ﻣﻴﻄﻠﻊ ﺧﺎﻝ ﺍﺑﺮﺍﻫﻴﻢ ..
ﺍﻧﺖ ﺷﺪﺗﺤﺠﻲ ..
ﺍﻛﻴﺪ ﺍﻧﺖ ﺍﻟﻲ ﺳﻮﻳﺘﻬﺎ ...
ﻫﺬﺍ ﻧﺬﻝ .. ﻫﺬﺍ ﻋﻜﺮﺏ ﺣﺮﺍﻡ ﻣﺒﻘﻲ ﻫﻨﺎ ﺑﻠﺒﻴﺖ ..
ﺍﻡ ﻋﺎﻣﺮ ﺳﻜﺘﺘﻨﻲ .. ﻣﻮﻛﺖ ﻫﺎﻟﺤﺠﻲ ﻟﻴﺎﻝ ..
ﺍﺳﻜﺘﻲ .. ﻳﻤﻐﻮﺩﺓ ﺍﺣﻤﺪ ﺷﻌﻠﻴﻪ ..
ﺍﻡ ﺣﻴﺪﺭ ﺗﻠﻄﻢ ..
ﺍﻟﻮﻟﺪ ﻛﺎﻋﺪﻳﻦ ..
ﻃﻠﻊ ﺍﺣﻤﺪ ﺑﺮﺓ ﺑﻠﻄﺮﻣﻪ ﻳﺘﺼﻞ ..
ﻛﺘﻠﻬﻢ ﺍﻧﺘﻮ ﻭﻳﻦ ﺟﻨﺘﻮ ﻣﻦ ﻳﺼﺤﻜﻢ ..
ﻭﻳﻦ ﺟﻨﺘﻮ ..
ﻣﻮ ﺍﻧﺘﻮ ﺣﺰﺍﻡ ﻇﻬﺮﻫﻪ ﺍﻟﻲ ﻳﺘﺤﺎﻣﻰ ﺑﻴﻜﻢ ..
ﻋﺎﻣﺮ .. ﻫﻨﺎ ﻣﻘﺒﻠﻮ ﺍﻱ ﻭﺍﺣﺪ ﻳﺘﺤﺮﻙ
ﺑﺲ ﻓﻬﻤﻴﻨﺎ ﺷﺼﺎﺭ ﻣﻦ ﻃﻠﻌﺘﻮ ..
⤵️
ﺟﻨﺖ ﻣﺮﺗﺒﻜﻪ ﻭﺍﺭﺟﻒ .
ﻭﻛﻌﺪﺕ ﺣﺠﻴﺖ ﺍﻟﻲ ﺻﺎﺭ ..
ﻋﻤﻲ ﻣﻨﺎﻭﻱ ﻳﻌﻘﻞ ﺗﺮﺓ ﺍﺑﻮﻧﺎ ﻣﺎﺕ ﺑﻌﺪ ﻣﺤﺪ ﻳﺤﺎﻣﻲ ﺍﻟﻪ ..
ﻭﻫﺬﺍ ﺍﻗﺮﺏ ﺩﻟﻴﻞ ﻣﻦ ﺍﺧﺬ ﺛﺎﺭ ﺍﺑﻮﻧﺎ ﺍﻋﻤﺎﻣﻲ ﻣﻘﺒﻠﻮ ..
ﻭﺗﻌﺎﺭﻛﻮ ﻭﻳﺎ ..
ﻛﺘﻠﻪ ﻋﺎﻣﺮ ﻓﺪﻭﺓ ﻓﻬﻤﻨﻲ ﺟﻨﺖ ﺷﺎﻳﻠﺔ ﺷﺒﻞ ..
ﻭﻭﺍﻛﻔﻪ ﻛﺒﺎﻟﻪ .. ﻓﻬﻤﻨﻲ .. ﺍﺭﻳﺪ ﺍﻋﺮﻑ
ﻋﻤﻪ .. ﺍﻛﻮ ﺛﺎﺭ ﻗﺪﻳﻢ ﺣﻴﻞ ﺍﺑﻮﻳﻪ ﺍﻟﺤﺠﻲ
ﻓﺼﻞ ﻋﺎﻟﻢ .. ﺍﺑﻨﻬﻢ ﻃﺎﺏ ﻳﺒﻮﻙ .. ﻭﻟﺰﻣﻮ ..
ﻭﺳﺠﻨﻮ .. ﺑﺲ ﻣﺎﻓﻀﺖ .. ﺭﻭﺣﻮ ﺣﺮﻛﻮ ﺍﻫﻞ ﺍﻟﺤﺮﺍﻣﻲ ..
ﻭﻋﻠﻜﺖ .. ﺍﺑﻮﻱ ﺍﺩﺧﻞ .. ﻭﻓﺼﻠﻬﺎ .. ﺍﻟﻮﻟﺪ ﻳﻨﺴﺠﻦ .. ﻭﻳﺘﻌﻮﺿﻮﻥ ﺑﻔﻠﻮﺱ ..
ﻣﺎﺭﺿﻮ ﻳﻨﺴﺠﻦ ..
.. ﻫﻢ ﻣﺎﻓﻀﺖ ..
ﻛﺘﻠﻮ ﻣﻨﻬﻢ ... ﻭﺍﺩﺧﻞ ﺍﺑﻮﻱ .. ﻣﻦ ﺟﺪﻳﺪ ..
ﻭﻗﺘﻠﻮ ﺍﺑﻨﻬﻢ ﺍﻟﻲ ﺑﺴﺠﻦ ..
ﻭﺍﻟﺴﺒﺐ ﻭﺍﻟﺪﻱ ﻣﻜﺪﺭ .. ﻳﺤﻠﻴﻬﺎ ..
ﺍﺗﻌﺪﻭ ﻻﺑﻮﻱ ﺍﻻ ﻳﻜﺘﻠﻮ .. ﻭﻗﺒﻠﻬﺎ ﻣﺎﻝ ﻛﺎﻉ ..
ﻭﺍﺧﺮﻫﺎ .. ﻣﺎﻝ ﻭﻟﺪ ﺍﻟﻌﻮﺭﺓ ..
ﺗﺎﻫﺖ ﻉ ﻋﻤﻲ ..
ﻗﺘﻞ ﺍﻟﻲ ﺷﺎﻙ ﻫﻮ .. ﻗﺘﻞ ﺍﻟﺤﺠﻲ ..
ﻭﻋﻤﺎﻣﻨﺎ ﺍﻟﻜﺒﺎﺭ .. ﻓﻀﻮﻫﺎ .. ﺳﻠﻤﻴﻪ ..
ﻛﺘﻠﻪ ﺩﺧﺖ .. ﻣﺎﻓﻬﻤﺖ ﺷﻲ ..
ﻫﺴﺔ ﻓﻬﺪ ﻟﻴﺶ ﺍﺧﺬﻭ .. ﻭﻣﻨﻮ .. ﺫﻭﻟﻲ ﻭﻳﺮﺟﻊ ﻟﻮ ﻻ ..
ﻋﺎﻣﺮ ﻣﻌﻠﻴﻚ ﺑﺎﺣﻤﺪ ﺍﺗﺼﻞ ﺑﺎﺧﻮﺍﻧﻪ ﻭﺍﻋﻤﺎﻣﻪ ﻫﺴﺔ ﻳﻄﻠﻌﻮﺍ ..
ﺩﺧﻞ ﺍﺣﻤﺪ ..
ﻛﺎﻝ ﻓﻬﺪ .. ﻣﺴﺠﻮﻥ ﻻ ﺗﺨﺎﻓﻮﻥ ..
ﺍﻟﻈﺎﻫﺮ ﺍﻟﻲ ﻣﺘﻀﺎﺭﺏ ﻭﻳﺎ .. ﻇﻬﺮﺓ ﻗﻮﻱ ..
ﻳﻌﻨﻲ ﺷﻨﻮ .. ﻳﻄﻠﻊ ..
ﺧﻠﻲ ﻧﺨﺎﺑﺮ .. ﺍﻋﻤﺎﻣﻪ . ﺍﺣﻤﺪ ./ ﻣﺤﺪ ﻳﺨﺎﺑﺮ ﺍﻱ ﺍﺣﺪ
ﺍﻧﻲ ﺍﻓﻀﻬﺎ ﺑﺲ ﺍﺻﺒﺮﻭ ﺷﻮﻳﻪ ﻭﻻ ﺗﺨﺎﻓﻮﻥ ﺍﺑﺪ ..
ﺍﻧﻲ ﺍﻃﻠﻌﻪ ..
ﻣﺮ ﺍﻟﻠﻴﻞ .. ﺑﻴﻦ ﻫﻮﺳﺔ ﻭﻛﻼﻡ ..
ﻭﻣﻘﺒﻞ ﺍﺣﻤﺪ ﺍﻱ ﺍﺣﺪ ﻳﺪﺧﻞ ..
ﻭﻻ ﺍﻧﺨﺎﺑﺮ ﺍﺣﺪ ..
ﺻﺢ ﻭﺻﻠﻨﻲ ﻟﻤﺮﺣﻠﻪ ﺍﻟﻜﺮﻫﻪ ﻭﻳﺎ ..
ﻭﻭﺻﻠﻨﻲ ﻟﻤﺮﺣﻠﻪ ﺍﻻﺳﺘﺴﻼﻡ ..
ﺑﺲ ﻣﺠﻨﺖ ﺍﺗﻤﻨﻰ ﺗﻜﻮﻥ ﻧﻬﺎﻳﺘﻪ .. ﻳﻨﻘﺘﻞ ..
ﻭﻟﻠﺤﻈﺎﺕ .. ﺍﻓﻜﺮ ..
ﻻﺯﻡ ﺍﺣﺪ ﺑﻴﻨﺎ ﻳﻤﻮﺕ ﺍﻟﻲ ﻣﺜﻠﻨﺎ ﻣﺘﺮﻫﻢ ..
ﻧﻜﻤﻞ ﺳﻮﺓ ..
ﺍﻟﺤﺐ ﻳﻤﻪ ﻫﻮ ﺗﻤﻠﻚ ﻣﻮ ﺍﻛﺜﺮ ..
ﻣﺮﺕ ﺍﺷﻬﺮ .. ﻭﺍﻧﻲ ﻳﻤﻪ ﻭﻫﻮ ﺣﺎﻳﺮ .. ﺑﻴﻦ ﺩﻭﺍﻣﻪ ﻭﺳﻬﺮﺓ ..
ﺣﺎﻭﻟﺖ ﺍﻃﻠﻊ ﻣﻦ ﺍﻟﺠﻮ ﺍﻟﻲ ﺍﻋﻴﺸﺔ ..
ﻧﻮﻣﺖ ﺍﺑﻨﻲ ..
ﻭﺭﺗﺒﺖ ﺍﻟﻐﺮﻓﻪ ..
ﺭﺣﺖ ﺍﺗﻮﺿﻴﺖ .. ﻭﻛﻌﺪﺕ ﺍﺻﻠﻲ ..
ﻭﺍﻗﺮﺍ ﻗﺮﺍﻥ ..
ﺍﺻﻠﻲ ﻭﻓﻜﺮﻱ ﻳﺮﻭﻭﺡ .. ﺑﻐﻴﺮ ﻣﻜﺎﻥ ﻭﺍﺭﺟﻊ ﺍﺗﻌﻮﺫ .. ﻭﺍﻛﻄﻊ ﺻﻼﺗﻲ .. ﻭﺍﻛﻤﻠﻬﺎ ..
ﺑﺲ ﻣﻜﺪﺭﺕ ..
⤵️
ﺍﺟﻤﻊ ﻛﻠﻤﺘﻴﻦ ﺳﻮﺓ ..
ﺩﺧﻠﺖ ﻳﻤﻲ ﺍﻡ ﺣﻴﺪﺭ ..
ﻫﺎﻳﻤﻪ ﻧﻤﻴﺘﻲ ..
ﺭﺩﻳﺖ ﺍﻟﺴﺠﺎﺩﺓ .. ﻛﺘﻠﻬﺎ ﻻ ....
ﻭﻭﻟﻴﺪﺝ ..
ﻧﺎﻡ ..
ﺻﻠﻮﺍﺕ ﺣﻠﻮﺓ ﻏﺮﻓﺘﺞ ﻣﺎﻝ ﻋﺮﻭﺱ ..
ﻭﻛﻌﺪﺕ .. ﻳﻤﻪ ﻣﺎﻃﻠﻌﻴﻠﻲ ﺣﺒﻮﺏ ﺍﻟﻀﻐﻂ ..
ﺍﺣﺴﻦ ﻗﺒﻖ ﺭﺍﺳﻲ ﺑﻲ ﻧﺎﺭ ..
ﺍﻧﻄﻴﻨﻲ ﻓﺪ ..2
ﺍﺧﺎﻑ ﻭﺭﺍﻧﻪ ﺭﻭﺣﻪ ﻟﻠﻨﺠﻒ ..
ﺟﺎﻥ ﺍﻟﺠﻴﺲ ﺑﺎﻳﺪﻱ ﻭﺍﻛﻠﺐ ﺑﺎﻻﺩﻭﻳﻪ ..
ﺷﻨﻮ ﻳﺎ ﻧﺠﻒ ..
ﺍﻡ ﺣﻴﺪﺭ / ﺷﻨﻮ ﺷﻨﻮ .. ﺟﺎ ﺍﺧﺎﻑ ﺑﺠﻴﺒﻮﻥ ﺍﻟﺠﻨﺎﺯﺓ .. ﺣﺘﻰ ﺍﻟﺤﻚ ﺍﺭﻭﺡ ﻭﻳﺎﻫﻢ ﻟﻠﻨﺠﻒ ..
ﻳﺎ ﺟﻨﺎﺯﺓ ﻓﺪﻭﺓ ..
ﻏﻴﺮ ﻣﺎﻝ ﻓﻬﻴﺪﺍﻥ ..
ﻣﻨﻮ ﻛﻠﺞ ﻣﺎﺕ .. ﻋﺰﺯﺓ .. ﻓﻬﺪ ﻣﺎﺍﺕ
ﺩﺍﺭﺕ ﻭﺟﻬﻬﺎ ﻉ ﺍﻟﺒﺎﺏ ..
ﺍﺳﻜﺘﻲ ﺷﻤﻌﺮﻓﻨﻲ ﻣﺎ ﻣﺎﺕ ﺑﺲ ﺑﻠﭽﻦ ﻳﻤﻮﺕ .. ﻭﻳﻠﺤﻚ ﺭﻭﻳﺸﺪ ﻣﻨﻌﻮﻝ ﺍﻟﺼﻔﺤﺔ
ﻣﺤﻀﺮﺓ ﺭﻭﻳﺤﺘﻲ ..
ﻓﺘﺤﺖ ﻋﻴﻮﻧﻲ ﻋﻠﻴﻬﺎ .. ﺩﺧﻴﻠﺞ ﺣﺠﻴﻪ ﺷﺪﺗﺤﺠﻴﻦ .. ﺍﻧﺘﻲ ﺭﺍﺡ ﺗﺨﺒﻠﻴﻨﻲ .. ﺍﺩﻋﻴﻠﻪ ﻳﺮﺟﻊ ﻻﺑﻨﻪ ﻭﺑﻴﺘﻪ ..
ﻫﺴﺔ ﻭﻳﻦ ﺣﺐ ﺍﻟﻀﻐﻂ .. ﻣﻦ ﺍﻟﻠﻪ ﻳﺎﺧﺬﻛﻢ
ﺷﻤﺤﺼﻠﻪ ﻣﻨﻜﻢ ﻭﻟﻪ ﻣﻦ ﻭﻟﻴﺪﻱ ﺣﻮﻳﺪﺭ ﺑﺲ ﺍﻟﻘﻬﺮ ..
ﻭﺍﻧﺘﻲ ﺷﺘﺮﺩﻳﻦ ﻣﻨﻪ .. ﻣﻴﻤﻮﺕ ﻭﺗﻨﻔﻜﻴﻦ ﻣﻨﻪ
ﻟﻮ ﺑﺲ ﻣﻦ ﻳﻄﻜﺞ .. ﺗﺠﻴﻨﺎ ﺍﻭﻱ ﻭﺍﺥ ﻃﻜﻨﻲ ..
ﻃﺒﺞ ﺣﺮﻳﺸﻲ ..
ﻭﻫﺎﻱ ﺍﻡ ﺍﻋﻤﻴﺮ ﻟﻮﻋﺖ ﺟﺒﺪﻱ ..
ﺑﺲ ﺗﻮﻥ ﻣﺜﻞ ﺍﻟﺒﻮﻡ ..
ﻭﺍﻧﺘﻲ ﻋﺰﺑﻲ ﻧﻔﺴﺞ .. ﺍﺧﺎﻓﻦ ﺗﺼﻴﺮﻳﻦ ..
ﺍﻡ ﺍﻟﻔﺎﺗﺤﺔ .. ﺍﺭﻳﺪﻧﺞ ﻣﻌﺪﻟﻪ ﺧﻮﺵ ..
ﺍﻧﻄﻴﺘﻬﺎ ﺍﻟﺤﺒﻮﺏ ..
ﺍﻡ ﺣﻴﺪﺭ / ﻣﻴﻪ ﺧﺎﻳﺒﻪ .. ﻣﻲ .. ﺍﺗﺰﻫﺮﻣﻪ ..
ﺷﻨﻲ ﺍﻛﺮﻃﻬﻦ ﻛﺮﻁ ..
ﺍﻧﻲ ﺑﻴﺎ ﺣﺎﻝ ﻭﻫﻲ ﺑﻴﺎ ﺣﺎﻝ ..
ﻛﻤﺖ ﺍﻧﻄﻴﺘﻬﺎ ﻣﻲ ..
ﺍﺧﺬﺗﻪ ..
ﻛﺎﻟﺖ .. ﻣﺎﻋﻨﺪﺝ .. ﻓﺪ ﺷﻲ ﺣﻠﻮ ﻳﻨﻮﻛﻞ ..
ﻳﻤﺠﻦ . ﺳﻜﺮﻱ ﻫﺒﻂ ..
ﻓﺘﺤﺖ ﺍﻟﻜﻨﺘﻮﺭ ﻃﻠﻌﺖ ﺍﻟﻬﺎ ﻋﻼﻛﻪ ﺑﻴﻬﺎ ..
ﺣﻠﻮﻳﺎﺕ ..
ﻫﻨﺎﻙ ﻭﻛﺎﻟﺖ .. ﺳﻮﺩﺓ ﺑﻮﺟﻬﻲ .. ﺍﺑﻨﺞ ..
ﺗﻴﺘﻢ ﻭﻫﻮ ﺟﺎﻫﻞ ..
ﻫﻨﻮﺏ ﻋﻤﺎﻣﻪ ﻣﺎﻳﻌﺮﻓﻮﻥ ..
ﺧﺎﺑﺮﻱ ﺑﻬﺬﺍ .. ﺍﻟﺘﻠﻴﻔﻮﻥ .. ﻛﻠﻴﻠﻬﻢ ..
ﻛﺘﻠﻬﺎ ﺣﺠﻴﻪ ﻣﺎﻋﺮﻑ ﻭﻳﻦ ﺗﻠﻴﻔﻮﻧﻪ ..
ﻛﺎﻟﺖ .. ﻭﺍﻥ ﺍﺟﻤﻲ .. ﺧﻠﻦ ﻳﺠﻴﺒﻦ ﻭﻳﺎﻫﻦ ﻛﻢ ﺻﺒﻮﺭﺓ ﺭﻭﺣﻲ ﺗﻔﺮﻓﺢ ﻋﻠﻴﻪ
ﻫﻨﺎ ﻣﺎﻛﻮ ..
ﻭﻟﻮ ﺍﻛﻞ ﺍﻟﻔﺎﺗﺤﺔ ﺧﻮﺵ ﺍﻛﻞ ..
ﺣﺠﻴﻪ ..
ﻓﺪﻭﺓ ﻟﻌﻤﺮﺝ .. ﻻ ﺗﻜﻮﻟﻴﻦ ﻫﻴﺞ
↙️
ﺣﺼﺮﺗﻲ ﺭﻭﺣﻲ ﻓﻮﻙ ﻫﻤﻲ ..
ﺩﺧﻴﻞ ﺭﺑﺞ ﻻ ﺗﺤﺠﻴﻦ ..
ﻋﻮﺟﺖ ﺣﻠﻜﻬﺎ ... ﺍﻳﻴﻲ ﺍﻟﻠﻪ ﻳﺮﺩﺓ ﺍﻟﺞ ..
ﻭﻳﺮﺟﻊ ﻳﻄﻜﺞ ..
ﻭﺍﻥ ﺍﺟﻴﺘﻲ ﻭﻛﻠﺘﻲ ﻃﻜﺎﻧﻲ . ﻃﻠﻜﻮﻧﻲ
. ﻭﺣﻚ ﻫﻮ ﻋﻠﻲ .. ﻋﻴﺎﺭﺍﺕ ..
ﺍﺧﺬﺕ ﺍﻟﻌﻼﻛﻪ ﻭﻃﻠﻌﺖ ..
ﻣﻦ ﻳﻤﻲ ..
ﺟﻨﺖ ﻣﺨﻨﻮﻛﻪ ﻛﻠﺶ .. ﻓﺘﺤﺖ ﺍﻟﺒﺮﺩﺓ .. ﻭﺍﻟﺸﺒﺎﻙ ﺍﻟﻬﻮﻯ ﺑﺎﺭﺩ ﺛﻠﺞ ..
ﺍﺫﻛﺮﺕ .. ﺍﻟﺤﻠﻢ ﺍﻟﻲ ﺷﻔﺘﻪ ..
ﺩﺧﻴﻠﻚ ﻳﺎﺭﺏ .. ﻣﺎﺭﻳﺪ ﻳﻤﻮﺕ ..
ﻭﺍﻧﺪﺍﺭ ﻉ ﺷﺒﻞ ﺍﺷﻮﻓﻪ ﻧﺎﻳﻢ .. ﻧﺴﺨﺔ ﻣﻦ ﺍﺑﻮ .
ﻣﻌﻘﻮﻟﻪ .. ﻳﻤﻮﺕ .. ﻭﻳﺪﺧﻠﻮ ﺍﻟﻲ ﺟﻨﺎﺯﺓ ..
ﻣﻌﻘﻮﻟﺔ .. ﺍﻧﺘﻬﻰ ﻓﻬﺪ .. ﻫﺬﺍ ﺍﻟﺠﺒﺮﻭﺕ ﻭﺍﻟﻈﻠﻢ ﺍﻧﺘﻬﻰ ..
ﻫﺬﺍ ﺍﻟﻲ ﺑﻴﻮﻡ ﺣﺒﻨﻲ .. ﺍﺥ ﺷﻜﺪ ﺣﻠﻮ ﺣﺒﻚ ﺍﻟﻲ ..
ﻭﺷﻜﺪ ﻳﻮﺟﻊ ﻇﻠﻤﻚ ..
ﻻ ﻓﻬﺪ ﻗﻮﻱ ﻳﻤﻮﺕ ..
ﺍﻭﻭﻑ .. ﺭﻭﺣﻲ ﺗﻔﺮﻓﺢ .. ﻣﻌﻘﻮﻟﻪ ﺑﻌﺪﻧﻲ ﺍﺣﺒﻪ ..
ﺍﻋﺼﺎﺑﻲ ﺍﻧﻬﺎﺭﺕ ..
ﻫﻮ ﺍﻭﻝ ﺍﻧﺴﺎﻥ ﺑﺤﻴﺎﺗﻲ .. ﻛﻞ ﺷﻲ ﺟﺎﻥ ﺟﺪﻳﺪ ﻭﻳﺎﻩ ..
ﻭﻳﻦ ﺭﺣﺖ
ﺭﺍﺿﻴﻪ ﺗﺒﻘﻰ ﻫﻨﺎ ﺣﺘﻰ ﻟﻮ ﻣﺎﺣﺠﻲ ﻭﻳﺎﻙ ﺭﺍﺿﻴﻪ
ﺍﺑﻘﻰ ﻣﻬﻤﺸﺔ ﺍﺭﺟﻊ ﺑﺲ ﻻ ﺗﻤﻮﺕ ..
ﻭﻳﻦ ﺍﻟﻜﺎﻩ ..
ﻻﺯﻡ ﺍﺗﺼﻞ ﺑﺎﺧﻮﺍﻧﻪ .. ﻻﺯﻡ
ﺭﺣﺖ ﺭﺩﺕ ﺍﻓﺘﺢ ﻛﻨﺘﻮﺭﺓ .. ﺑﻘﻴﺖ ﺍﺟﺮ ﺑﻲ ..
ﻣﻴﻔﺘﺢ ..
ﺗﻠﻴﻔﻮﻧﻪ ﻭﻳﻦ ..
ﺍﺫﻛﺮﺕ ﺍﻻﺣﺪﺍﺙ ﻓﺘﺢ ﺍﻟﻜﻨﺘﻮﺭ ﻭﺍﺟﻴﺖ ﺣﻀﻨﺘﻪ ..
ﻭﺳﺪﺓ ﻭﺣﺠﺔ ﻭﻳﺎﻳﻪ ..
ﻭﺍﺫﻛﺮﺕ ﻉ ﺻﻮﺕ ﺍﻟﻌﻴﺎﻁ ﻛﺎﻝ ﺳﺘﺮﻱ ﺭﻭﺣﺞ
ﻭﻃﺒﻮ .. ﻧﻮﻣﻮ ..
ﻫﻴﺞ ﺍﺗﺨﻴﻞ ﻛﻞ ﺷﻲ ﺑﻄﻴﺊ، ..
ﻛﻤﺖ ﺍﺩﻭﺭ ﺟﻮﺓ ﺍﻟﺠﺮﺑﺎﻳﻪ ..
ﺷﻔﺖ ﺍﻟﻤﻔﺘﺎﺡ .. ﻃﻠﻌﺖ ﺟﺒﺖ ﺍﻟﻤﺎﺳﺤﺔ ..
ﻣﺪﻳﺘﻬﺎ .. ﻭﻃﻠﻌﺖ ﺍﻟﻤﻔﺘﺎﺡ
ﺍﺧﺬﺗﻪ ..
ﻓﺘﺤﺖ ﺍﻟﻜﻨﺘﻮﺭ ..
ﺍﻭﻝ ﻣﺎﻓﺘﺤﺘﻪ ﻛﺒﺎﻟﻲ . ﺻﺎﺭ ﺍﻟﻔﻮﻥ .. ﻣﺎﻟﺘﻪ ﺍﺧﺬﺗﻪ ..
ﺑﺲ ﺑﻲ ﺭﻣﺰ .. ﺷﻠﻮﻥ ﺍﻓﺘﺤﻪ ..
ﺣﺎﻭﻟﺖ ﺑﺎﻻﺭﻗﺎﻡ .. ﻣﻌﺮﻓﺖ ..
ﻛﺘﺒﺖ ﺍﺳﻤﺔ .. ﻭﺍﺳﻢ .. ﺷﺒﻞ ..
ﻭﻛﻒ .. ﻭﺍﻧﻄﺎﻧﻲ ﻣﺤﺎﻭﻟﻪ ﺛﺎﻧﻴﻪ ..
ﺩﺭﺕ ﻭﺟﻬﻲ ﻉ ﻫﺪﻭﻣﻪ ..
ﻣﻼﺑﺴﻪ ﻋﻄﻮﺭﺓ .. ﻣﻮ ﺳﻬﻠﻪ .. ﺍﺑﺪ ﻳﺨﺘﻔﻲ
ﺯﻳﻦ ﻫﻮ ﺷﻠﻮﻧﻪ ﻫﺴﺔ ..
ﺷﺪﻳﺴﻮﻥ ﺑﻲ .. ﻫﻮ ﻳﻤﻲ .. ﻭﻣﻠﺨﻮ ﺿﺮﺏ ..
ﻳﺎﺭﺑﻲ .. ﻻ ﺗﻤﻮﺗﻪ ..
ﻳﺎﺭﺏ ..
ﻛﻤﺖ ﺍﺩﻭﺭ .. ﺑﻐﺮﺍﺿﻪ ..
ﻣﺎﻛﻮ ﺷﻲ .. ﺷﻔﺖ ﺍﻟﺴﺒﺤﺔ ﺍﻟﻲ ﻫﺪﻳﺘﻬﺎ ﺍﻟﻪ ﻣﺮﺓ ..
⤵️
ﺍﺧﺬﺗﻬﺎ .. ﻭﺑﺠﻴﺖ ﺻﺪﻙ ..
ﻣﻦ ﻛﻞ ﻗﻠﺒﻲ ..
ﻣﺴﺤﺖ ﻭﺟﻬﻲ . ..
ﻭﻛﻤﺖ .. ﺍﺗﻮﺿﻴﺖ ﻣﻦ ﺟﺪﻳﺪ .. ﻭﺑﻘﻴﺖ ﺍﺻﻠﻲ ..
ﺍﺣﺲ ﺭﺟﻠﻲ ﺧﺬﺭﺕ ﻣﻦ ﻛﺜﺮ ﺍﻟﺴﺠﻮﺩ ..
ﻭﺍﻟﺮﻛﻮﻉ .. ﻭﺍﺩﻋﻲ ﺭﺏ ﺍﻟﻌﺎﻟﻤﻴﻦ ﻳﺮﺟﻌﻪ ﺳﺎﻟﻢ ..
ﺟﻨﺖ .. ﺳﺎﺟﺪﺓ ﻭﺍﺩﻋﻲ ..
ﻭﺍﻏﻔﻰ .. ﻭﺍﻓﺰ ..
ﺩﻙ .. ﻓﻮﻧﻪ ..
ﻛﻤﺖ ﺑﺴﺮﻋﻪ .. ﺟﺎﻭﺑﺖ ﺑﺪﻭﻥ ﻣﺎﺷﻮﻑ ﻣﻨﻮ ..
ﺍﻟﻮﻭ ؟؟
ﺍﻟﻮﻭﻭ؟
ﺟﺎﻭﺏ ﺻﻮﺕ ﺑﻨﻴﻪ ﺍﻟﻮ :
ﻫﺬﺍ ﻣﻮ ﻓﻮﻥ ﻓﻬﺪ ..
ﺟﺎﻭﺏ ﺍﻱ ﻧﻌﻢ ﻣﻨﻮ ﺍﻧﺘﻲ ..
ﻛﺎﻟﺖ ﺍﻧﺘﻲ ﻣﻨﻮ ﺣﺒﻴﺒﺘﻲ ..
ﺍﻧﺘﻲ ﺍﻟﻤﺘﺼﻠﺔ ﻣﻮ ﺍﻧﻲ ..
ﺍﻣﻤﻤﻢ ﺍﻧﺘﻲ ﻣﻨﻮ ﻋﻴﻨﻲ ﻛﻮﻟﻲ ﻟﻔﻬﺪ ﺭﻏﺪﺓ ﺩﻛﺖ ﻋﻠﻴﻚ .. ﻭﺳﺪﺗﻪ ﺑﻮﺟﻬﻲ ..
ﻭﺑﻌﺪﻫﺎ ﺑﻘﺖ ﺍﺩﺯ ﺭﺳﺎﺋﻞ ..
ﺑﺲ ﻣﻜﺪﺭﺕ ﺍﻓﺘﺤﻬﺎ ﻭﻻ ﺍﻛﺪﺭ ﺍﺭﻭﺡ ﻉ ﺍﻟﻮﻟﺪ ﻳﻔﺘﺤﻮﺍ ﺍﻟﻲ ..
ﺣﺎﻭﻟﺖ ﺍﺧﻴﺮ ﻣﺮﺓ ..
ﻛﺘﺒﺖ ..
ﺑﺎﻻﻧﻜﻠﻴﺰﻱ .. ﻣﻮﺍﻟﻴﺪﺓ ﺑﺎﻟﻌﻜﺲ
ﺍﻧﻔﺘﺢ ﺍﻟﻔﻮﻥ ..
ﻭﺩﺧﻠﺖ ﺍﺩﻭﺭ ﻉ ﺍﺳﻤﺎﺀ ﺍﺧﻮﺍﻧﻪ ..
ﻟﻜﻴﺘﻬﻢ ..
ﺩﻛﻴﺖ ..
ﺍﺩﻙ ﺍﺩﻙ ﻣﺤﺪ ﻳﺠﺎﻭﺏ ..
ﺩﻛﻴﺖ ﻋﻠﻴﻬﻢ ﻛﻠﻬﻢ ﻣﺤﺪ ﺟﺎﻭﺏ ..
ﺭﺟﻌﺖ ﺩﻛﻴﺖ ..
ﺩﺯﻳﺖ ﺭﺳﺎﻟﻪ ..
ﺍﻧﻲ ﻟﻴﺎﻝ ﻓﻬﺪ ﺍﺧﺬﻭ .. ﻭﻣﻨﻌﺮﻑ ﻭﻳﻨﻪ ..
ﺭﺍﺡ ﻳﻄﻠﻊ ﺍﻟﺼﺒﺢ ﻭﻫﻮ ﻣﺎﻛﻮ ..
ﺑﺲ ﻭﺻﻠﺖ ..
ﺩﻙ ﻋﻠﻴﻪ ﻗﺎﺳﻢ ..
ﺍﻟﻮ ..
ﻗﺎﺳﻢ ﻓﻬﺪ ﺷﺎﻟﻮ ..
ﻣﻨﻮ ﻟﻴﺎﻝ ..
ﻣﺎﻋﺮﻑ ..
ﻭﻫﺬﺍ ﺍﺣﻤﺪ ﻣﻴﻘﺒﻞ ﺍﺧﺎﺑﺮﻛﻢ .. ﻓﺪﻭﺓ ..
ﺗﻌﺎﻟﻮ ﻟﺤﻜﻮ ﻋﻠﻴﻪ ..
ﻟﻮ ﺗﻠﺤﻜﻮﻥ ﻋﻠﻴﻪ ﻟﻮ ﻻ
ﺑﺲ ﻓﺪﻭﺓ ﻻ ﺗﻜﻮﻝ ﺍﻧﻲ ﻛﺘﻠﻜﻢ .. ﻗﺎﺳﻢ ﻫﺬﺍ ﺍﺧﻮﻛﻢ .. ﻻ ﺗﻨﺴﻰ .. ﺍﻟﺤﺠﻲ ﺷﻜﺪ ﺟﺎﻥ ﻳﺤﺒﻪ ..
ﺭﻭﺣﻲ ﺧﻮﻳﻪ ﻫﺴﺔ ..
ﺳﺪﻳﺘﻪ ﻣﻨﻪ ..
ﻭﻛﻌﺪﺕ ﺑﺎﻟﻜﺎﻉ ..
ﻭﻳﺎﺭﻳﺖ ﻣﺎﻛﻌﺪﺕ ﻭﻻ ﻓﺘﺤﺖ ﺍﻟﻔﻮﻥ ﻳﺎﺭﻳﺖ ﺟﻨﺖ ﺍﺗﺨﻴﻞ ﺑﺲ ﺧﻴﺎﻧﺘﻪ .. ﻳﺎﺭﻳﺖ ﺍﻧﻌﻤﻴﺖ ..
ﺻﻮﺭ .. ﺳﻮﺓ .. ﻛﻼﻡ ﺑﻴﻨﻬﻢ ﻗﻮﻱ ..
ﻛﻼﻡ .. ﺍﻧﻲ ﺍﺳﻤﻌﻪ .. ﺟﻨﺖ ﻣﻨﻪ ..
ﺣﺐ .. ﻏﺰﻝ .. ﻛﻞ ﺷﻲ .. ﺑﻴﻨﻬﻢ ..
ﻭﻛﺎﻧﻤﺎ 2 ﻣﺰﻭﺟﻴﻦ
ﻭﺍﻻﺩﻫﻰ ﺗﺮﺍﺳﻠﻪ ﻭﺍﻧﻲ ﺍﻗﺮﺍ
ﻫﺎﻱ ﻣﻨﻮ ﻳﻤﻚ ﺟﺎﻭﺑﻨﻲ ..
ﺗﺨﻮﻧﻲ ؟؟
ﻓﻬﺪ ﺍﻧﺴﺎﻧﻲ ﻛﻞ ﺷﻲ ﺑﻴﻨﻪ ﺍﻧﺘﻬﻰ ..
ﻃﻠﻌﺖ ﻣﻦ ﻛﻞ ﺍﻟﻤﺤﺎﺩﺛﺎﺕ ..
ﻭﺭﺟﻌﺖ ﺍﻟﻔﻮﻥ ﺑﺎﻟﻜﻨﺘﻮﺭ .. ﻭﻗﻔﻠﺘﻪ ..
⤵️
ﻭﺷﻤﺮﺕ .. ﺍﻟﻤﻔﺘﺎﺡ ﻭﺭﺓ ﺍﻟﻜﻮﻣﺪﻱ ..
ﺍﺣﺲ ﺩﻣﺎﻏﻲ ﺗﺒﻨﺞ .. ﻭﻋﻴﻮﻧﻲ ﺗﻐﻮﺵ
ﺟﺎﻥ ﻃﺎﻟﻊ ﺍﻟﺼﺒﺢ ..
ﺭﺣﺖ ﺧﻠﻴﺖ ﺭﺍﺳﻲ .. ﻉ ﺍﻟﻔﺮﺍﺵ ..
ﻏﻤﻀﺖ ﻋﻴﻮﻧﻲ ﺍﺣﺲ ﺑﻴﻬﺎ ﻣﻠﺢ ..
ﺗﺤﺮﻛﻨﻲ ..
ﻭﻧﻤﺖ ..
ﺗﻮﻧﻲ ﻏﻔﻴﺖ .. ﺍﺣﺲ ﺻﻮﺕ ﻧﺎﺱ ﺗﺤﺠﻲ ﺑﺎﻟﻤﻤﺮ ..
ﻓﺘﺤﺖ ﻋﻴﻨﻲ
ﻉ ﺩﻛﻪ ﻗﻮﻳﻪ ﺑﻘﻠﺒﻲ ..
ﻛﻌﺪﺕ .. ﺍﺭﻳﺪ ﺍﺳﻤﻊ ..
ﺍﻳﺪﻱ ﻉ ﻗﻠﺒﻲ ..
ﻧﺰﻟﺖ ﺭﺟﻠﻲ .. ﻭﻣﺸﻴﺖ ..
ﺧﻠﻴﺖ ﺍﻳﺪﻱ ﻉ ﺍﻟﻴﺪﺓ .. ﻓﺘﺤﺘﻬﺎ ..
ﻭﺑﺎﻭﻋﺖ ..
ﺣﺠﻲ .. ﺭﻳﺎﺟﻴﻞ ..
ﻭﻧﺴﻮﺍﻥ ..
ﻃﻠﻌﺖ ﺑﻬﺪﻭﻣﻲ ﻭﺷﻌﺮﻱ ﻃﺎﻟﻊ ..
ﻣﺸﻴﺖ ..
ﻃﺒﻴﺖ ﺍﺑﺎﻭﻉ ﺑﺎﻟﻮﺟﻮﺓ ..
ﺍﺧﻮﻧﻪ ﻫﻨﺎ ..
ﺷﻜﻮ ..
ﺍﻡ ﻋﺎﻣﺮ ﺷﻤﺮﺕ ﻋﻠﻴﻪ ﺷﺎﻝ ﻣﻦ ﻳﻤﻬﺎ ..
ﻣﺎﻛﻮ ﺷﻲ ﺍﺧﻮﺍﻧﻪ ﺍﺟﻮﻱ ..
ﻣﻦ ﺍﻟﻬﺒﻄﻪ .. ﻛﻌﺪﺕ ﻉ ﺍﻟﻜﺮﺳﻲ ..
ﻭﻫﻢ ﻳﺤﺠﻮﻥ ﺑﻴﻨﻬﻢ ..
ﻣﻦ ﺩﺧﻠﺖ ﻃﻠﻌﻮ ﻭﻃﺒﻮ ﺑﺎﻻﺳﺘﻘﺒﺎﻝ ..
ﺳﻌﺎﺩ .. ﻭﺟﻬﺎﻟﻬﺎ
ﻛﺎﻋﺪﺍﺕ ﻛﺒﺎﻟﻲ ..
ﻛﺎﻣﻮ ﺑﻮﺳﻮﻧﻲ .. ﺍﻟﻠﻪ ﻳﺴﺎﻋﺪ ﻗﻠﺒﺞ ﻻ ﺗﺨﺎﻓﻴﻦ
ﺍﻟﻠﻪ ﻳﺮﺩﺓ ﺳﺎﻟﻢ ﺍﻟﺞ ..
ﻫﺴﺔ ﺷﺼﺎﺭ
ﺍﻡ ﺣﻴﺪﺭ ﺑﺼﻔﻲ ..
ﻫﺎ ﻣﻠﻌﻮﻧﻪ .. ﺩﻛﻴﺘﻲ ﻋﻠﻴﻬﻢ ..
ﻛﺘﻠﻬﺎ ﻻ ..
ﻛﺎﻣﺖ ﺗﺮﻓﻊ ﺑﺤﻮﺍﺟﺒﻬﺎ .. ﺍﻳﻴﻲ .. ﻟﻴﺶ ﻣﺎﻛﻠﺘﻲ ﻉ ﺍﻟﺼﺒﻮﺭﺍﺕ . ﻫﺎ ..
ﺷﺼﺎﺭ ..
ﺍﻟﺤﺠﻴﺔ / ﻳﻜﻮﻟﻮﻥ . ﻣﺴﺠﻮﻥ ﺑﺲ،ﺷﻨﻲ .. ﻣﺎﺗﻌﺮﻓﻲ ﻋﻴﻮﻧﻪ ﻫﺎﻟﻜﺒﺮ ﻭﺟﺴﻤﻪ ﺍﺯﺭﻙ ..
ﺣﻴﻞ ﺑﻲ ..
ﻟﻴﺶ ﺭﺍﺣﻮ ﺍﻟﻪ ..
ﺍﻱ ﺍﻱ ﺧﻮﺍﻧﻪ ﻣﻦ ﺍﻟﻔﺠﺮ ﻫﻨﺎ ..
ﻭﻳﻦ ﺍﻧﺴﺠﻦ ..
ﺷﻤﻌﺮﻓﻨﻲ ..
ﺍﻡ ﻋﺎﻣﺮ ﻓﺪﻭﺓ . ﺷﺼﺎﺭ ..
ﻛﺎﻟﺖ ﻟﻴﻠﻪ ﻻ ﺗﺨﺎﻓﻴﻦ ..
ﻫﺬﺍ ﺍﻟﻲ ﻣﻀﺎﺭﺏ ﻭﻳﺎ ﺍﻟﺒﺎﺭﺣﻪ ﻣﻘﺪﻡ ﻋﻠﻴﻪ ﺑﻼﻍ ﺑﺎﻳﻚ ﺳﻼﺣﻪ ﻻﻥ ﺫﺍﻙ .. ﺿﺎﺑﻂ ..
ﻻ ﺗﺨﺎﻓﻴﻦ ﻳﻄﻠﻌﻮ .
ﻛﻤﺖ ﻳﻤﻬﺎ ..
ﻣﺘﺎﻛﺪﺓ ..
ﺍﻱ ﻭﺍﻟﻠﻪ ﺷﺒﻴﺞ .. ﺍﻛﻮﻟﺞ ﻣﻨﻮ ﺍﺗﺼﻞ ﺑﻴﻬﻢ ..
ﻛﺘﻠﻬﺎ ﻣﺎﻋﺮﻑ ..
ﺑﻘﻰ 5.. ﺍﻳﺎﻡ ﺍﺣﻨﺎ ﻫﺬﺍ ﺣﺎﻟﻨﺎ ..
ﻧﺎﺱ ﺭﺍﻳﺤﺔ ﻭﻧﺎﺱ ﺟﺎﻳﻪ ﻭﻣﻨﻌﺮﻑ ﺷﺼﺎﺭ .
ﺑﻲ ..
ﺑﺲ ﺍﻟﻮﻟﺪ ﺭﺍﺣﻮ ﺍﻟﻪ ..
⤵️
ﻭﻭﺩﻭ ﺍﻟﻪ ﺍﻛﻞ ﻣﻼﺑﺲ ..
ﻋﻠﻴﻪ .. ﻋﺎﻳﺶ ..
ﻓﺪﻳﻮﻡ ..
ﺑﻠﻴﻞ .. ﻃﻠﻌﺖ ﺍﺣﻀﺮ ﻣﻤﺎﺕ ﺷﺒﻞ ..
ﻏﺴﻠﺘﻬﺎ ﻭﻛﻤﻠﺖ ..
ﺩﺍﺗﺮﺱ ﺍﻟﺘﺮﻣﺰ ﻣﻲ ﺩﺍﻓﻲ، ..
ﻃﺐ ﺍﺣﻤﺪ .. ﺑﺲ،ﺷﻔﺘﻪ ﺑﺴﺮﻋﻪ .. ﺍﺧﺬﺕ ﻣﻦ ﺍﻟﺒﺮﺍﺩ ..
ﻛﺎﻝ ﻉ ﻛﻴﻔﺞ .. ﻻ ﺗﺨﺎﻓﻴﻦ ﻣﻄﺎﻳﺮﺓ ﺍﻟﺪﻧﻴﺎ ..
ﻣﺠﺎﻭﺑﺘﻪ ..
ﻛﺎﻝ ﺍﻧﺘﻲ ﺍﺗﺼﻠﺘﻲ ﺑﺎﺧﻮﺍﻥ ﻓﻬﺪ .. ﺍﻋﺮﻑ ..
ﻋﻔﺘﻪ ﻭﻣﺸﻴﺖ ..
ﻫﻮ .. ﻛﻌﺪ ﻉ ﺍﻟﻤﻴﺰ ..
ﻛﺎﻝ ﻟﻴﺎﻝ ﻓﻬﺪ ﻣﻴﻄﻠﻊ ﻣﻨﻬﺎ .. ﻟﻮ ﻳﻤﻮﺕ .. ﻣﻴﻄﻠﻊ ..
ﻭﻛﻔﺖ .. ﻓﻬﻤﻨﻲ ﺍﻧﺖ ﻭﻳﻦ ﺗﺮﻳﺪ ﺗﻮﺻﻞ ﺍﺭﻳﺪ ﺍﻓﺘﻬﻢ ..
ﻛﺎﻝ .. ﻫﻴﺞ ..
ﻛﺘﻠﻪ ﺍﻧﺖ ﺧﺮﺑﺖ ﺣﻴﺎﻩ ﻓﻬﺪ ..
ﻫﺰ ﺭﺍﺳﻪ ﺍﻱ ..
ﻟﻴﺶ ؟ ﻣﻔﻜﺮﺕ ﺑﺎﺑﻨﻪ .. ﺷﺘﺮﻳﺪ ﺍﻧﺖ ..
ﻛﺎﻝ ﻫﻴﺞ .. ﺑﻜﻴﻔﻲ ..
ﺗﺮﻳﺪﻳﻦ ﻓﻬﺪ ﻳﺮﺟﻊ .. ﺍﻃﻠﻌﻲ ﺍﻧﺘﻲ ..
ﻭﻳﻦ ﺍﻃﻠﻊ ..
ﺍﻃﻠﻌﻲ ﻣﻨﺎ .. ﻋﻮﻓﻲ ﻭﺣﺪﺓ ..
ﻟﻴﺶ .. ﺷﻨﻮ ﺍﻟﻲ ﻣﺴﻮﻱ ﺍﻟﻚ ﻫﻮ .. ﻳﺴﻤﻴﻚ ﻋﻀﻴﺪ ... ﺧﺎﻑ ﺍﻟﻠﻪ ﺍﺫﺍ ﺗﻌﺮﻑ ﺍﻟﻠﻪ ..
ﻭﺍﻟﻠﻪ ﺍﻃﻠﻌﻴﻦ ﻣﻨﺎ ﻓﻬﺪ ﻳﺮﺟﻊ ﻣﻨﺎ
ﻫﻢ ﺍﺭﺣﻤﻲ ﺣﺎﻟﻪ .. ﻭﺭﻭﺣﻲ ..
ﻭﻳﻦ ﺍﺭﻭﺡ ..
ﻻﻫﻠﺞ .. ﻻﻱ ﻣﻜﺎﻥ ..
ﺗﻌﺎﻱ ﺍﺳﻔﺮﺝ ..
ﺍﻧﺖ ﺷﺘﺮﻳﺪ ﻟﻮ ﺗﻤﻮﺕ ﻭﺍﻟﻠﻪ .. ﻟﻮ ﺍﺧﺮ ﺭﺟﺎﻝ ﺑﺎﻟﺪﻧﻴﺎ ﻣﺎﺍﺑﺎﻭﻉ ﻋﻠﻴﻚ ..
ﻛﺎﻝ ﻻ ﻻ ﺭﺣﺘﻲ ﺑﻌﻴﺪ .. ﻳﺠﻮﺯ ﺑﻬﺎﻱ ﻣﻮ ﻭﻳﺎﺝ ..
ﻣﺎ ﺍﺧﻠﻲ ﻋﻴﻨﻲ ﻉ ﺣﺎﺟﻪ ﻏﻴﺮﻱ ﺍﺑﺪ .
ﺑﺲ ﻋﻮﻓﻲ ..
ﺭﻭﺣﻲ ..
ﺍﻻ ﺍﻋﺮﻑ ﻟﻴﺶ ﺫﺍﻙ ﺍﻟﻮﻛﺖ ﺍﻋﻮﻓﻪ ..
ﻋﺎﻓﻨﻲ ﻭﻃﻠﻊ ﺑﻜﻴﻔﺞ ..
ﻭﺻﺢ ﻣﺮﺕ ﺍﻻﻳﺎﻡ ﻭﻓﻬﺪ ﻛﻠﻤﺎ ﻳﺮﺩﻭﻥ ﻳﻄﻠﻌﻮ ..
ﺗﺮﺟﻊ ﺍﻟﻘﻀﻴﻪ ﻣﻦ ﺟﺪﻳﺪ ..
ﻣﺮﺕ 10 ﺍﻳﺎﻡ ..
ﻭﻓﻬﺪ ﻣﺎﻛﻮ ..
ﻫﺎﻟﺒﻴﺖ .. ﺷﻜﺪ ﺑﻮﺟﻮﺩﺓ ﻗﺎﺳﻲ ..
ﺑﺲ ﺑﺪﻭﻧﻪ ﺑﺎﺭﺩ .. ﻓﺎﺭﻍ ..
ﺑﻘﻴﺖ ﺍﻓﻜﺮ ﺍﺭﻭﺡ ﻭﺍﺧﺘﺎﺭﺓ ﻫﻮ ..
ﻭﻣﺮﺍﺕ ﺍﺗﺮﺩﺩ ﻻ ﻣﺎﺭﻭﺡ .
ﻫﺎﻱ ﻟﻠﻌﺒﻪ ﻣﻨﻪ .. ﺍﻛﻴﺪ ...
ﺣﺎﻭﻟﺖ ﺍﺳﺎﻝ ﺍﻡ ﻋﺎﻣﺮ ﺳﺒﻖ ﻭﺟﺎﻥ ﺑﻴﻦ ﺍﺣﻤﺪ ﻭ ﻓﻬﺪ ﻋﺪﺍﻭﺓ ..
ﺑﺲ ﺍﺑﺪ ﺗﻜﻮﻝ ﺍﻛﺜﺮ ﻣﻦ ﺍﺧﻮﺍﻥ ﺟﺎﻧﻮ .
ﻭﻛﺒﺮﻭ ﺳﻮﺓ ..
ﺯﻳﻦ ﻟﻴﺶ ﺧﺮﺏ ﺣﻴﺎﺗﻪ ﻭﻫﻮ ﺍﺻﻼ ﻋﻴﻨﻪ ﻣﻮ ﻋﻠﻴﻪ ..
ﻟﻴﺶ ﻫﻴﺞ ﻳﺴﻮﻱ ..
ﻣﻠﻜﻴﺖ ﻭﻻ ﺟﻮﺍﺏ ..
ﺍﺧﻮﺍﻥ ﻓﻬﺪ .. ﻳﺮﺣﻮﻥ ﻭﻳﺠﻮﻥ ..
⤵️
ﻭﺍﺧﺮ ﺷﻲ .. ﺍﻧﻄﻮ ﻓﺼﻞ ﻻﻫﻞ ﺍﻟﻮﻟﺪ
ﺗﻘﺮﻳﺒﺎ 13 ﻳﻮﻡ ﻭﻃﻠﻊ ﻓﻬﺪ ..
ﻭﺟﺎﺑﻮ ﻟﻠﺒﻴﺖ ..
ﺷﻔﺘﻪ ﻣﻦ ﺑﻌﻴﺪ .. ﻭﺩﺧﻠﻮ ﻣﻦ ﻏﺮﻓﻪ ﺍﻻﺳﺘﻘﺒﺎﻝ ..
ﺿﻌﻔﺎﻥ ﻫﻮﺍﻳﻪ .. ﻟﺤﻴﺘﻪ ﻋﺎﻟﻴﻪ ..
ﺗﻌﺒﺎﻥ .. ﺣﻴﻞ .. ﺷﻜﻠﻪ ..
ﺑﻴﻮﻣﻬﺎ ﺫﺑﺤﻮ ﺧﺮﻓﺎﻥ 3 ﻉ ﺳﻼﻣﺘﻪ ..
ﻭﻛﻌﺪﻧﺎ ﺍﻧﺴﻮﻱ ﺍﻛﻞ ..
ﻭﻛﻞ ﺷﻮﻳﻪ ﻋﻴﻨﻲ ﺗﺮﻭﻭﺡ ﻉ ﺍﻟﺒﺎﺏ ..
ﺑﺎﻟﻜﻲ ﻳﻄﺐ ﻳﺴﻠﻢ .. ﻋﻠﻴﻨﺎ ..
ﺍﺟﻮﻱ ﺍﺧﺬﻭ ﺷﺒﻞ ﺍﺑﻮ ﻳﺮﻳﺪﺓ ..
ﺩﺯﻳﺘﻪ ..
ﺍﻟﻪ ..
ﺷﺒﻴﻪ ﻫﻴﺞ ﻣﻠﻔﻮﻓﻪ ﻋﻠﻴﻪ ..
ﻟﻴﺶ ﺍﻟﻮﻡ ﻧﻔﺴﻲ ﻭﺍﺳﺎﻝ .. ﺍﺧﺬﻭﻧﻲ ﻭﺍﻧﻲ ﻃﺎﻟﺒﻪ ﺑﺎﻟﻤﺪﺭﺳﻪ ﻭﺿﻌﻴﻔﻪ ﻭﻣﺎﻋﻨﺪﻱ ﺍﻱ ﺍﺣﺪ ..
ﻭﻋﺸﺖ ﻭﻳﺎﻫﻢ ﺳﻨﻴﻦ ..
ﻟﻴﺶ ﺍﻟﻮﻡ ﻧﻔﺴﻲ ﺍﺫﺍ .. ﻫﺬﺍ ﺍﻟﺒﻌﺪ ﺭﺟﻊ ﺑﺪﺍﺧﻠﻲ ﺷﻮﻙ ﺍﻟﻪ ..
ﺯﻳﻦ ﻭﺧﻴﺎﻧﺘﻪ ﺍﻧﻲ ﺷﻔﺖ ﻛﻞ ﺷﻲ ..
ﺑﺲ ﺟﻨﺖ ﺍﺑﺮﺭ ﺍﻛﻮﻝ ﺍﻟﺴﺒﺐ ﻣﻨﻲ ﺍﻛﻴﺪ ﻫﺎﻱ ﺍﻟﻔﺘﺮﺓ ﻗﺼﺮﺕ ﻭﻳﺎﻩ ﺑﻜﻞ ﺷﻲ ..
ﻭﻫﻮ ﺍﺫﺍ ﻣﻴﺤﺒﻨﻲ .. ﻣﻴﻠﺢ ﻋﻠﻴﻪ ﻫﺎﻟﻜﺪ ..
ﻭﺍﺭﺟﻊ ﻭﺍﻧﺘﻘﺾ ﻧﻔﺴﻲ ﻻ ﻣﻮ ﺣﺐ ﺗﻤﻠﻚ ..
ﻭﺍﺭﺟﻊ .. ﺍﺩﻭﺭ ﺍﻋﺬﺍﺭ ﺍﻟﻪ ..
ﻫﻴﺞ ﺍﺷﺘﻐﻞ ﻣﻦ ﺷﻐﻠﻪ ﻟﺸﻐﻠﻪ ﻭﺍﻧﻲ ﻓﻜﺮﻱ ﻣﻮ ﻳﻚ ﺍﺣﺪ .. ﻭﻻ ﺍﺳﻮﻟﻒ ﺟﻨﺖ ..
ﻳﻤﻜﻦ ﺟﻨﺖ ﺍﺩﻭﺭ .. ﻉ ﻟﻠﻴﺎﻝ ﺍﻟﻲ ﺗﺤﺐ ﻓﻬﺪ ..
ﻣﺜﻞ .. ﺷﺠﺮﺓ ﻣﺎﺗﺖ ﻭﺍﻧﺘﻬﺖ .. ﻭﺍﺟﺔ ﻓﻼﺡ ﻳﺪﻭﺭ ﻉ ﺍﻣﻞ ﺣﺘﻰ ﺗﺮﺟﻊ ﺍﻟﺤﻴﺎﻩ ﺑﺠﺬﻭﺭﻫﺎ ..
ﺧﺎﻳﻔﻪ ﻣﻦ ﺍﻟﺠﺎﻱ ﻗﻠﺒﻲ ﻳﻠﺠﻤﻨﻲ .
ﺗﻌﺒﺖ .. ﻣﻦ ﺍﻟﺘﻔﻜﻴﺮ ﻭﺍﻟﺸﻐﻞ ..
ﺗﻌﺒﺖ ..
ﺍﻧﺘﻈﺮﺕ ﺍﻟﻠﻴﻞ ﻳﺠﻲ ..
ﺣﺘﻰ ﺍﺷﻮﻓﻪ ..
ﺑﻌﺪ ﺍﻟﻐﺪﺓ ﻭﺑﻌﺪ ﻣﺎ ﻃﻠﻌﻮ ﺍﻟﺰﻟﻢ ..
ﺩﺧﻞ ﻋﻠﻴﻨﺔ .. ﻓﻬﺪ ﻟﻠﻤﻄﺒﺦ ..
ﺳﻠﻢ ﻭﺑﻮﺱ ﺍﻡ ﺣﻴﺪﺭ ﻭﺑﺎﺱ ﺭﺍﺱ ﺍﻡ ﻋﺎﻣﺮ ..
ﻭﺍﻧﺪﺍﺭ ﺷﻠﻮﻧﺞ ﻟﻴﺎﻟﻲ ..
ﻛﺘﻠﻪ ﺯﻳﻨﻪ ..
ﻭﺭﺟﻊ ﻳﺤﺠﻲ ﻭﻳﺎﻫﻢ ..
ﻭﻳﺴﺎﻟﻮﻥ ﺑﻲ ..
ﻭﺍﻧﻲ ﻭﺍﻛﻔﻪ ..
ﻋﻔﺘﻬﻢ ﻭﺍﺧﺬﺕ ﺷﺒﻞ ﻭﻃﺒﻴﺖ .. ﻟﻠﻐﺮﻓﻪ ..
ﺗﻌﺒﺖ ﺑﻌﺪ .. ﺍﻟﻄﺒﺦ ﻭﺍﻟﺘﻌﺰﻳﻞ
ﺣﻀﺮﺕ ﻣﻼﺑﺲ ﺍﻟﻲ .. ﻛﻠﺖ ﺍﻧﻮﻣﻪ ﻭﺍﻃﺐ ﺍﻏﺴﻞ ..
ﺧﻠﻴﺖ ﺷﺒﻞ ﻉ ﺭﺟﻠﻲ ﻭﺑﺪﻳﺖ ﺍﻫﺰ ﺑﻲ ..
ﺩﺧﻞ ﻋﻠﻴﻪ ﻓﻬﺪ ..
ﻛﻌﺪ ﺑﺼﻔﻲ ﻉ ﺍﻟﺠﺮﺑﺎﻳﻪ ..
ﺷﻠﻮﻧﻜﻢ ..
ﺭﻓﻌﺖ ﺭﺍﺳﻲ ﻋﻠﻴﻪ ﺍﻧﺖ ﺷﻠﻮﻧﻚ ..
ﻫﻪ ﺗﻌﺒﺎﻥ ﻟﻴﻠﻪ ﺗﻌﺒﺎﻥ ..
ﻛﻞ ﻋﻈﻤﻪ ﺑﺠﺴﻤﻲ ﺗﻮﻥ .. ﺍﻓﺘﺮﺕ ﻋﻠﻴﻪ ﺍﻟﺪﻧﻴﺎ ﺧﻮﺵ ﻓﺮﺓ ﻭﺭﺟﻌﺘﻨﻲ ﻻﺧﻮﺗﻲ ﻣﻦ ﺍﻟﺠﺪﻳﺪ ..
ﻟﻮ ﺑﺲ ﺍﻋﺮﻑ ﻣﻨﻮ ﺍﺗﺼﻞ ﺑﻴﻬﻢ ﻭﺧﺒﺮﻫﻢ ..
⤵️
ﻓﻮﻙ ﺿﻴﻤﻲ .. ﻳﺤﺠﻮﻥ ﻋﻠﻴﻪ ..
ﻟﻴﺎﻝ ﻟﻴﺶ ﻫﻴﺞ ﺍﻟﺪﻧﻴﺎ ﻟﻮﺗﻨﻲ ﻟﻮﻱ ..
ﺍﺧﺬﺕ ﻣﺮﺗﻲ ﺍﻻﻭﻝ .. ﻭﺩﺧﻠﺘﺞ ﺑﺤﻴﺎﻧﻲ .. ﺑﻌﺪﻫﺎ .. ﺍﺧﺬﺕ ﺍﺧﻮﻱ .. ﻭﺍﻣﻲ ..
ﻭﺍﻧﺴﺠﻨﺖ .. ﻭﻛﺘﻠﺖ .. ﻭﺿﻌﺖ .. ﻭﺍﻧﺴﺠﻨﺖ
ﺷﻨﻬﻲ ﺍﻟﻲ ﻳﻨﺘﻈﺮﻧﻲ ﺑﻌﺪ ..
ﺑﺲ ﺍﻟﻤﻮﺕ ﻣﺎ ﺍﺟﺎﻧﻲ ﻟﻴﻬﺴﺔ ..
ﻓﻬﺪ ﻻ ﺗﻜﻮﻝ ﻫﻴﺞ .. ﻟﺨﻮﻧﻚ ﻫﺬﻭﻟﻲ ..
ﻣﺎﻏﻨﺪﻱ ﺍﺧﻮﺍﻥ ..
ﺍﻧﺘﻬﺖ ﻭﻳﺎﻫﻢ ﻭﺣﺘﻰ ﺍﻟﻔﻠﻮﺱ ﺍﺭﺩﻫﺎ ﺍﻟﻬﻢ ﺑﺲ ﺍﺭﺟﻊ ﻟﻌﺎﻓﻴﺘﻲ ﻣﻦ ﺟﺪﻳﺪ ..
ﻣﺮﺗﺎﺣﻪ ﺍﻧﻪ ﻣﺎﻛﻮ ﻣﻮ ؟
ﻣﺠﺎﻭﺑﺘﻪ ..
ﻭﻟﻴﺪﻱ ﺷﻠﻮﻧﻪ ﻫﺎﻟﻜﻮﻥ ﻛﻠﻪ ﺑﺠﻔﻪ ﻭﺷﺒﻞ ﺑﺠﻔﺔ ..
ﻣﺮﺍﺕ ﺍﻓﻜﺮ ﺍﺑﻌﺪﺝ ﻭﺍﺑﻌﺪﺓ ﻋﻦ ﺣﻴﺎﺗﻲ ..
ﺑﺲ ﻣﺎﻛﺪﺭ ..
ﻭﺍﺟﻪ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﻣﺪﺩ ..
ﻟﻴﺎﻝ ﻃﻠﻌﻴﻠﻲ ﺗﻠﻴﻔﻮﻧﻲ ..
ﻛﺘﻠﻪ ﻭﻳﻨﻪ ..
ﻛﺎﻝ ﻣﺎﻋﺮﻑ ﻫﻨﺎ ﻋﻔﺘﻪ .. ﻣﺎﺫﻛﺮ
ﻛﺘﻠﻪ ﺍﻧﻲ ﻫﻢ ﻣﺎﺫﻛﺮ ..
ﺑﻌﺪﻳﻦ ﺍﺷﻮﻓﻪ ..
ﻭﻳﻦ ..
ﺑﺪﺍ ﻳﺴﻮﻟﻒ ﺍﻟﻲ ﻋﻦ ﺍﻟﻲ ﺻﺎﺭ ﺑﻲ ﻛﻢ ﻛﻠﻤﻪ ..
ﻭﻧﺎﻡ .. ﻭﺷﺒﻞ ﻫﻢ ﻧﺎﻡ ..
ﻃﻔﻴﺖ ﺍﻟﻀﻮﺓ ﻋﻠﻴﻬﻢ ..
ﻭﻃﻠﻌﺖ ﺳﺒﺤﺖ ﻭﺭﺟﻌﺖ ..
ﻧﻤﺖ ﻭﻳﺎﻫﻢ ..
ﺑﻌﺪ ﻛﻢ ﺳﺎﻋﻪ ﺷﺒﻞ ﻛﻌﺪ ﺍﺧﺬﺗﻪ ﺑﺴﺮﻋﻪ ﻭﻃﻠﻌﺖ ﺣﺘﻰ ﻳﻜﻤﻞ ﻧﻮﻣﺘﻪ ﻓﻬﺪ ..
ﻭﻃﻠﻌﺖ ﺑﻲ ..
ﻗﺎﺳﻢ .. ﺩﻳﺮﻭﺡ .. ﺍﻟﻲ ﺍﻓﺘﻬﻤﺘﻪ ﻣﻨﻪ ﺟﺎﻥ ﺿﺎﻳﺠﻴﻦ ﺍﺧﻮﺍﻧﻪ ﻣﻤﺤﺎﺟﻴﻬﻢ .
ﻭﻻ ﻣﺘﺸﻜﺮ ﻣﻨﻬﻢ ..
ﻣﺮﺕ ﺍﻻﻳﺎﻡ ﺑﻄﻴﺌﺔ ﺑﺎﺣﺪﺍﺛﻬﺎ ﻭﺳﺮﻳﻌﻪ ﺑﺄﻳﺎﻣﻬﺎ
ﺍﺳﺒﻮﻉ ﺍﻭ ﻋﺸﺮ ﺍﻳﺎﻡ ..
ﻛﻨﺖ ﺍﻟﻪ ﺍﻡ .. ﺩﺍﻭﻳﺖ ﻛﻞ ﺟﺮﺡ ﺑﻲ .
ﺍﻭﻛﻠﻪ ﺍﻟﺒﺴﻪ ﺍﺷﺮﺑﻪ ﺍﺑﺪﻝ ﺍﻟﻪ ..
ﻛﻠﺸﻲ ﺻﺮﺕ ﺍﻟﻪ . .
ﺻﺮﺕ ﻣﺜﻞ ﻣﻴﺮﻳﺪ ﻫﻮ ..
ﺟﻨﺖ ﺍﺳﻤﻊ ﻭﻣﺎﺣﺠﻲ ..
ﺍﺑﺪ ..
ﻭﺍﺻﺮﻳﺖ ﺩﺍﺧﻞ ﻧﻔﺴﻲ ﺍﺳﺘﻤﺮ ﻭﻟﻮ .. ﻫﺬﺍ ﺿﻌﻔﻲ ﺑﺲ ﻻﺯﻡ ﺍﺳﺘﻤﺮ ..
ﻣﺮﺍﺕ ﺟﻨﺖ ﺍﻛﺮﻫﻪ ﺍﻡ ﻋﺎﻣﺮ ﻻﻥ ﺍﺷﻮﻑ ﻧﻔﺴﻲ ﺑﻴﻬﺎ ..
ﺍﺷﻮﻑ ﺍﺳﺘﻨﺴﺎﺧﻲ .. ﻣﻦ ﺍﻛﺒﺮ
ﺭﻏﻢ ﺣﺐ ﺍﻭﻻﺩﻫﺎ ﺍﻟﻬﺎ ﻛﺎﺳﺮ ﻛﻞ ﺷﻲ
ﺑﺲ ﻛﺎﻧﺖ ﺣﺘﻰ ﺗﺨﺎﻑ ﻣﻦ ﺍﻭﻻﺩﻫﺎ
ﻭﻛﻠﻤﺘﻬﻢ ﻓﻮﻙ ﻛﻠﻤﺘﻬﺎ ..
ﻫﺬﺍ ﺣﺎﻟﻲ ﺍﻟﻤﻔﺮﻭﺽ ﻣﺎ ﺍﻛﺒﺮ ﻭﻻ ﺍﻗﻮﻯ ﻋﻠﻴﻪ ﺍﺑﺪ ..
ﻣﻜﺘﻠﻪ ﻋﻦ ﺍﻟﻲ ﺷﻔﺘﻪ ﺑﺘﻠﻴﻔﻮﻧﻪ ..
ﺍﺣﺴﺔ .. ﻳﻤﺲ ﻛﺮﺍﻣﺘﻲ ..
ﺭﺿﻴﺖ ﺍﻛﻮﻥ .. ﺣﺠﺮ ..
ﻫﺬﺍ ﺍﺧﺮ ﺍﻟﻤﻄﺎﻑ ﺍﻟﻲ ..
ﺍﺧﺮ ﺳﻼﺡ ﺍﻟﻲ ﺑﻌﺪﺓ ﻣﺎﻋﻨﺪﻱ ﺷﻲ ﺍﻗﺪﻣﻪ
↙️
ﺍﻛﺜﺮ ﻣﻦ ﻫﺬﺍ ﺍﻟﺨﺼﻮﻉ ﻭﺍﻟﺨﻨﻮﻉ ﺍﻟﻲ ﺑﻲ
ﺍﻧﻲ ..
ﺍﺗﺤﺪﻯ ﺍﺣﺪ ﻋﺎﺵ ﺗﺠﺮﺑﺘﻲ ..
ﻭﻛﺪﺭ ﻳﺴﺘﻤﺮ ..
ﺟﻨﺖ ﺍﺳﻤﻊ ﻋﻦ ﻗﺼﺺ ﻓﺼﻠﻴﻪ ﻣﻨﻬﻢ ..
ﻳﻤﻜﻦ ﺍﻧﻲ ﺍﻟﻤﺤﻈﻮﻇﻪ ﺍﻟﻮﺣﻴﺪﺓ ﺍﻟﻲ ﺑﻴﻬﻢ ..
ﻛﺪﺭﺕ ﺍﻋﻴﺶ ..
ﻳﻜﻮﻟﻮﻥ ﺑﻬﺎﻱ ﺍﻟﺴﻨﻴﻦ ﺍﻟﺠﺪﻳﺪﺓ ..
ﻣﺎﻋﺎﺩﺕ ﺍﻟﻔﺼﻠﻴﻪ ﻣﻮﺟﻮﺩﺓ ﺑﺲ ﺍﻟﻲ ﻣﺎﻋﻨﺪﺓ ﻓﻠﻮﺱ ﻟﻠﺘﺎﻟﻲ ﻳﻨﻄﻲ ﺍﻟﻔﺼﻞ ﻳﻬﺪﻱ ﻭﺣﺪﺓ ﻣﻦ ﺑﻨﺎﺗﺔ ﻟﻠﻤﻮﺕ ..
ﺍﻭ ﺍﻟﻲ ﻣﺘﻌﻮﻕ ﻭﻣﺘﺮﺿﻰ ﺑﻲ ﻣﺮﺓ ﻳﻨﻄﻮ ﻭﺣﺪﺓ ﻣﻦ ﺑﻨﺎﺗﻬﻢ ﺗﻜﻮﻥ ﺧﺪﺍﻣﻪ ﺍﻟﻬﻢ ..
ﻧﻔﺲ .. ﺍﻟﻤﻀﻤﻮﻥ ..
ﺧﺪﺍﻣﻪ ﻭﺯﻭﺟﻪ .. ﻭﻳﻤﻜﻦ ﺣﺒﻴﺒﻪ ..
ﻟﻬﺬﺍ ﻛﻨﺖ ﺍﻟﻬﻢ .. ﺍﻡ ﺑﺨﻴﺖ ..
ﻉ ﻛﻮﻟﺘﻬﻢ ..
ﺑﻬﺎﻱ ﺍﻻﻳﺎﻡ ﺭﺟﻊ ﻓﻬﺪ ﻳﺴﻮﻟﻒ ﺍﻟﻲ ..
ﻭﻳﺤﺠﻲ ..
ﻋﻦ .. ﺍﻟﻲ ﺻﺎﺭ ﺑﻲ ..
ﻳﻜﻮﻝ ﺿﻜﺖ ﻛﺘﻞ ﻋﻤﺮﻱ ﻣﻀﺎﻳﻜﻪ ..
ﻭﻟﻮ ﻳﺼﺢ ﺍﻟﻲ ﺍﻟﻘﺪﺭ ﻭﺍﺷﻮﻑ ﺍﻟﻀﺎﺑﻂ ﺍﻻ ﺍﺿﻮﻛﻪ ﺍﻟﻲ ﺿﻜﺘﻪ ﺑﻴﻮﻡ ..
ﻭﺍﻟﻤﺸﻜﻠﻪ ﻣﺠﺘﻒ ﻭﻋﻴﻮﻧﻲ ﻣﺴﺪﻭﺩﺓ .. ﻣﺎﻋﺮﻑ ﻣﻴﻦ ﺗﺠﻴﻨﻲ ﺍﻟﻀﺮﺑﻪ
ﻭﻣﻦ ﺍﺫﻛﺮ ﻣﻦ ﻭﺭﺍﺝ .. ﺭﻭﺣﻲ ﺗﻔﺮﻓﺢ ..
ﻳﺎﻣﻦ ﻳﺠﻴﺒﺞ ﺍﻟﻲ ...
ﺑﺲ ﻟﻴﺎﻝ .. ﻫﻤﻲ ﺟﺎﻥ ﻻ ﻳﺸﻮﻓﻮﻥ ﺟﺴﻤﺞ ..
ﺿﺤﻜﺖ ﺍﻧﻲ ..
ﻛﺎﻝ ﻭﺍﻟﻠﻪ ﺷﺒﻴﺞ .. ﻏﻴﺮ ﻫﻢ ﺧﻨﻜﻮﻧﻲ .. ﻭﺍﻧﻲ ﺍﻧﺪﻩ .. ﺳﺘﺮﻱ ﺭﻭﺣﺞ
ﻳﺎﺑﻮﻳﻪ .. ﻟﻤﺤﺘﺞ .. ﻣﺴﺘﻮﺭﺓ ﺑﺲ ﺧﻔﺖ ﻋﻠﻴﺞ ..
ﻳﻼ ﻋﺪﺕ ..
ﻭﺩﺍﺭ ﻇﻬﺮﻩ ﺗﺼﺒﺤﻴﻦ ﻉ ﺧﻴﺮ ..
ﺍﻛﻮ ﺣﺎﺟﺰ ﺑﻴﻨﻪ ..
ﻣﻮ ﻫﺬﺍ ﻓﻬﺪ ..
ﻧﻔﺴﻪ .. ﺍﻟﻲ ﺩﺍﺋﻤﺎ ﺍﺭﺩﺩ ﻋﺸﻖ ﺟﺴﺪﻱ ﻗﺒﻞ ﺭﻭﺣﻲ ..
ﻛﻞ ﻫﺎﻱ ﺍﻟﻔﺘﺮﺓ ﻣﺘﻘﺮﺏ ﺍﻟﻲ ﺍﺑﺪﺍ ..
ﻭﻟﻮ .. ﺻﺮﻧﺎ ﺑﻬﻴﺞ ﻣﻮﻗﻒ ﻳﻄﻠﻊ ﻣﻦ ﻳﻤﻨﺎ ..
ﻳﺮﻭﺡ ﻳﻢ ﺍﻟﻮﻟﺪ ..
ﺍﻟﻮﻟﺪ 2 ﻭﻟﺪ ﺍﻟﺤﺠﻲ ..
ﻭﺍﺣﻤﺪ ﻣﻘﻴﻢ ﻳﻤﻨﻪ ﻧﺎﺩﺭﺍ ﺍﺷﻮﻓﻪ ..
ﻫﻮ ﻳﺸﺘﻐﻞ ﻭﻳﺎ ﻓﻬﺪ .. ﻳﻨﺎﻡ ﻭﻳﺎﻛﻞ ﻭﻳﺸﺮﺏ ﺑﺎﻻﺳﺘﻘﺒﺎﻝ ..
ﺣﺘﻰ ﺍﻟﻮﻟﺪ ﺍﻡ ﻋﺎﻣﺮ ﻣﺎﺷﻮﻓﻬﻢ
ﻋﺪﻫﻢ ﺍﻟﻮﻟﺪ ﺑﺲ ﻳﻜﺒﺮ ﺷﻮﻳﻪ ﻳﻨﻌﺰﻝ ..
ﻭﺍﻟﺒﻴﺖ ﻳﻨﻘﺴﻢ ﻧﺼﻴﻦ ﻧﺺ ﻟﻠﻮﻟﺪ ﻭﻧﺺ ﻟﻠﻨﺴﻮﺍﻥ ..
ﻭﺭﺟﻌﺖ ﺍﻧﻲ ﻟﺤﻴﺎﺗﻬﻢ .. ﻟﺒﺲ ﻃﻮﻳﻞ ﻭﻋﺮﻳﺾ ..
ﺣﺠﺎﺏ . ﺑﺲ ﻣﻦ ﺍﻧﺎﻡ ﺍﻧﺰﻋﻪ ..
ﻭﻻ ﺍﻃﻠﻊ ﻭﻻ ﺍﻃﺐ ﻭﻻ ﺍﺭﻭﺡ ﻭﻻ ﺍﺟﻲ ..
ﺍﻫﻠﻲ ﺍﺟﻮﻱ ..
ﻭﺍﺑﺪ ﻣﻄﻠﻌﺖ ﺍﻟﻬﻢ ..
ﺷﻜﺪ ﺣﺎﻭﻟﻮ .. ﺣﺘﻰ ﺟﻨﺖ ﺍﻗﻔﻞ ﻏﺮﻓﺘﻲ ﻣﺠﺮﺩ ﻣﺎ ﺍﺳﻤﻊ ﺑﻴﻬﻢ ﻳﻤﻨﺎ ..
.......
ﺩﺍﻡ ﺳﺎﻛﺘﻪ ﻭﻳﺎ ﻓﻬﺪ .. ﺑﻜﻞ ﺷﻲ ﺍﺳﻜﺖ ..
ﺍﺿﻤﻦ ﺳﻼﻣﻪ ﺟﺴﻤﻲ، ..
⤵️
ﺍﺫﻛﺮ ﻣﻮﻗﻒ ﺻﻐﻴﺮ .. ﺻﺎﺭ .. ﺟﻨﻪ ﻛﺎﻋﺪﻳﻦ ﻧﺘﻌﺸﻰ ﺣﻮﺓ .. ﻛﻠﻨﺎ ..
ﻑ ﺍﻡ ﺣﻴﺪﺭ .. ﺟﺎﻧﺖ ﺗﺮﻭﺡ ﻭﺗﺮﺟﻊ ﺍﻟﻨﺎ ..
ﻻﻥ ﻋﻼﻗﺘﻬﺎ ﻭﻳﺎ ﻣﺮﺕ ﺍﺑﻨﻬﺎ ﻣﻮﺯﻳﻨﻪ ..
ﻭﻣﺘﺎﻛﺪﺓ ﺍﻡ ﺣﻴﺪﺭ ﻣﺨﺒﻠﺘﻬﺎ ..
ﻓﺠﺎﻧﺖ .. ﺗﺴﻮﻟﻒ ﺗﻜﻮﻝ .. ﺍﻧﻪ ﺍﻃﺐ ﻟﻠﺒﻴﺖ ﺍﺑﻨﻲ ﻭﻫﻲ ﺗﺸﺪ ﺍﻟﻌﺼﺎﺑﻪ ﻳﺎﺭﺍﺳﻲ ﻭﻳﺎ ﻣﻔﺎﺻﻞ
ﻉ ﺭﻭﻳﺸﺪ ﻣﻨﺒﻮﺵ ﺍﻟﺼﻔﺤﺔ
ﻻﻉ ﺟﺒﺪﻱ ﻣﻨﻬﺎ .. ﻫﻲ ﻃﺒﺖ ﺗﺴﺒﺢ ﺗﻮﻫﺎ ..
ﻭﺍﺣﻨﺎ ﺧﺎﻟﻴﻦ ﻣﺼﻴﺎﺩﺓ ﻟﻠﺠﺮﻳﺬﻱ ..
ﻭﺗﻮﺓ ﻃﺎﺏ .. ﻭﺟﻨﻪ .. ﻭﺣﺶ ﻛﻞ ﺍﻇﻔﺮ ﻫﻞ ﻃﻮﻝ ..
ﻭﺍﻧﻪ ﺍﻟﺰﻣﻪ ﻭﺍﺷﻤﺮﺓ ﺑﻨﺺ ﺍﻟﺤﻤﺎﻡ ..
ﻭﺧﻠﻴﺖ .. ﺻﺮﻳﺨﻬﺎ ﻣﺎﻟﻪ ﻭﺍﻟﻲ ..
ﺍﻧﻲ ﻛﺎﻟﺖ ﻫﻴﺞ ﺿﺤﻜﺖ .. ﺿﺤﻚ .. ﺣﺴﻴﺖ .. ﺩﻣﻮﻋﻲ ﺗﻨﺰﻝ ..
ﻓﻬﺪ ﺑﺼﻔﻲ ﺿﺮﺑﻨﻲ ﻉ ﺭﺟﻠﻲ
ﺻﻮﺗﺞ ﺍﺳﻜﺘﻲ ..
ﻛﺪﺭﺕ ﺍﺳﻜﺖ ﺷﻮﻳﻪ ﻭﺭﺟﻌﺖ ﺍﺿﺤﻚ ..
ﻛﺘﻠﻪ ﺍﻟﻠﻪ ﺍﻛﺒﺮ ﺷﻨﺔ ﺣﺘﻰ ﺍﻟﻀﺤﻚ ﺣﺮﺍﻡ ..
ﻛﺎﻡ .. ﻣﻦ ﺍﻻﻛﻞ ﻛﻼﺹ ﻣﻲ .. ﺑﺮﺟﻠﻪ ﺷﻤﺮﺓ
ﻋﻠﻴﺔ .. ﺍﻭﺯﻧﻲ ﻛﻠﻤﺘﺞ ﻭﻳﺎﻱ ..
ﺳﻜﺘﺖ ... ﻭﺍﻟﻜﻞ ﺳﻜﺖ ..
ﻭﺭﺟﻌﺖ ﺳﻤﻌﺖ .. ﺍﺗﻔﻬﻪ ﻭﺍﻓﺸﻞ ﻧﺼﻴﺤﻪ
ﺍﺗﺤﻤﻠﻲ ..
ﻭﺍﺩﻭﺱ ﻉ ﻧﻔﺴﻲ .. ﻭﺍﺩﺧﻞ ﺍﺑﺘﺴﻢ ﺑﻮﺟﻬﻪ ..
ﺍﺫﺍ ﻣﺎ ﺍﺑﺘﺴﻢ .. ﻣﺎﻋﺮﻑ ﺷﻨﻮ ﻳﻨﺘﻈﺮﻧﻲ ..
ﺣﻴﺎﺗﻲ ﻭﻳﺎﻩ ﺍﻧﺒﻨﺖ ﻉ ﺍﻟﺨﻮﻑ ..
ﻣﺮﺕ ﺍﻻﻳﺎﻡ ﻭﺭﺟﻊ ﻓﻬﺪ ﻟﺸﻐﻠﻪ ..
ﺭﺟﻊ ﻳﺸﺮﺏ ﻭﺭﺟﻊ ﻛﻞ ﻳﻮﻡ .. ﻭﺣﺪﺓ ﺷﻜﻞ ..
ﻭﺭﺟﻌﺖ ﺍﻟﻬﺪﺍﻳﺎ ﺍﻟﻲ ..
ﺣﺠﺔ ﻳﺮﺿﻴﻨﻲ ﺑﻴﻬﺎ ..
ﺍﻟﻰ ﺍﻥ ﻓﺪﻳﻮﻡ .. ﻃﺐ .. ﻋﻠﻴﺔ ..
ﻓﺘﺢ ﺍﻟﻜﻨﺘﻮﺭ .. ﻭﺍﺧﺬ ﺿﺒﻪ ﻓﻠﻮﺱ .. ﺑﺼﺮﺍﺣﻪ ﺿﺠﺖ .. ﻭﻛﻔﺖ ﻳﻤﻪ ﻛﺘﻠﻪ ﻟﻴﺶ ﻫﺎﻟﻔﻠﻮﺱ ﺍﻟﺤﻼﻝ ﺗﺬﺑﻬﺎ ﺑﺎﻟﺤﺮﺍﻡ ﻋﻨﺪﻙ ﺍﺑﻦ ﺍﻧﺖ .. ﺣﺮﺍﻡ ﻋﻠﻴﻚ .. ﺫﺑﻬﺎ ﻧﺴﻮﺍﻥ ﻭﺷﺮﺏ .. ﺍﺣﻤﺪ ﺿﻴﻌﻚ ﺍﺻﺤﻰ ﻉ ﻧﻔﺴﻚ ..
ﻛﺎﻝ ﻓﻠﻮﺳﻲ ﻣﻦ ﺗﻌﺒﻲ ﻣﺎﻟﺞ ﺷﻐﻞ ﻋﺴﺎ ﻣﺎ ﺍﺣﺮﻛﻬﺎ ..
ﺟﺎﻳﺒﺘﻬﺎ ﻣﻦ ﺷﻴﺐ ﺍﻟﺨﻠﻔﺞ ..
ﺍﻟﻔﻜﺮ ..
ﻟﻮ .. ﺗﻌﺒﺎﻧﻪ ﺑﻴﻬﺎ ﺍﺍﻧﺘﻲ ..
ﺑﻘﻴﺖ ﺍﺑﺎﻭﻉ ﻋﻠﻴﻪ ﺍﻧﺖ ﻟﻴﺶ ﺭﺟﻌﺘﻨﻲ ﺍﺭﻳﺪ ﺍﻓﺘﻬﻢ ..
ﺑﻜﻴﻔﻲ .. ﻫﻢ ﻣﻠﻜﻲ ﻫﻴﺞ ﻋﺎﺟﺒﻨﻲ .. ﺗﺒﻘﻴﻦ ﻫﻨﺎ ..
ﻋﻨﺪﺝ ﻏﻴﺮ ﺣﻞ ..
ﺍﻱ ﻋﻨﺪﻱ ﺍﻋﻮﻓﻚ ﻭﺍﻃﻠﻊ ..
ﻛﻠﻲ ﻳﻼ ﻃﻠﻌﻲ .. ﻣﻨﻮ ﻻﺯﻣﺞ ..
ﻭﺟﻮﺩﺝ ﻣﻦ ﻋﺪﻣﻪ ﻣﻴﻔﺮﻕ ..
ﻫﺬﺍ ﺍﻟﺘﻨﺎﻗﺾ ﺍﻟﻲ ﺑﻴﻚ ﺧﺒﻠﻨﻲ ﺍﻧﺖ ﻣﻮ ﻃﺒﻴﻌﻲ ..
ﺭﺍﺟﻊ ﻣﺼﺢ ﻋﻘﻠﻲ .. ﺍﺣﺴﻦ ﺣﻞ
ﻟﻮ ﺧﻠﻲ ﺍﻫﻠﻚ . ﻳﺸﺪﻭﻙ .. ﺑﺎﻣﺎﻡ ﺑﺎﻟﻜﻲ ﺗﺼﺤﻰ ..
ﺍﺧﺮ ﻛﻼﻡ ﺍﺫﻛﺮﺓ ..
ﻭﻧﺰﻉ ﺍﺣﺰﺍﻣﻪ ..
ﻭﺍﻧﺤﺼﺮﺕ ﺑﺮﻛﻦ ﺍﻟﺤﺎﻳﻄﻪ ..
ﺍﻟﻀﺮﺏ ﻣﺎ ﻋﺮﻑ ﻣﻴﻦ ﻳﺠﻲ ..
ﻉ ﻭﺟﻬﻲ ﺟﺴﻤﻲ .. ﺍﻳﺪﻱ ..
ﺟﻨﺖ . ﺍﺷﻬﻚ ﺑﻜﻞ ﺿﺮﺑﻪ ..
ﻭﻳﺼﻴﺢ ﻻ ﺗﺼﻴﺤﻴﻦ .. ﺍﺳﻜﺘﻲ ..
ﻛﻠﻤﺎ ﺻﻮﺗﻲ ﻳﻌﻠﻰ .. ﺍﻧﻀﺮﺏ ..
ﻟﺤﺪ ﻣﺎ ﻫﻮ ﺗﻌﺐ ..
ﻃﻠﻊ ﻭﻋﺎﻓﻨﻲ ..
ﻭﺍﻟﻠﻪ .. ﺟﺴﻤﻲ ﻳﺬﺏ ﺩﻡ ..
ﺍﺭﻳﺪ ﺍﻛﻮﻡ ﺍﻭﻛﻊ .. ﻫﻴﺞ ﺿﺮﺏ .. ﻣﺸﻔﺘﻪ ﻣﻨﻪ ﺍﺑﺪ ..
ﻫﻴﺞ ﻗﺴﻮﺓ ﻭﻛﻼﻡ ﺟﺎﺭﺡ ..
ﻣﺴﺎﻣﻌﺘﻪ .. ﻭﻳﺼﻴﺤﻨﻲ ﺍﻟﻌﺠﻮﺯ ..
ﻣﺎﻛﻮ .. ﺷﻲ ﻛﺪﺍﻣﻲ .. ﺗﻌﺒﺖ .. ﻛﻞ ﺍﻟﻄﺮﻕ ﺍﺟﻴﺖ .. ﻭﺣﺎﻭﻟﺖ ﻭﺗﻌﺒﺖ ﻻﺑﻌﺪ ﺣﺪ ..
ﺍﻧﺘﻬﻰ .. ﻛﻞ ﺷﻲ ﻭﻻﺯﻡ ﻳﻨﺘﻬﻲ
ﻭﻣﻴﺴﺘﻤﺮ ..
ﻣﻴﻬﻤﻨﻲ ﻭﺟﻮﺩ ﺍﺣﺪ ﺑﻌﺪ ..
ﺟﺴﻤﻲ ﻣﻴﺘﺤﻤﻞ ﻛﻤﻴﻪ ﺍﻟﺬﻝ ﻭﺍﻟﻀﺮﺏ
ﻭﺍﻻﻫﺎﻧﻪ ﺑﻴﻪ ﻭﺑﺎﻫﻠﻲ
ﻣﻮ ﺫﻧﺒﻲ ﺍﻫﻠﻲ ﺑﺎﻋﻮﻧﻲ
ﻭﻻ ﺫﻧﺒﻲ ﻣﺤﺪ ﻳﻄﻠﻊ ﺍﻟﻴﻪ
ﻭﻻ ﺫﻧﺒﻲ .. ﺣﺒﻴﺖ ﻟﻴﻮﻡ ﺍﻧﺴﺎﻥ ﻣﺜﻠﻪ ..
ﺫﻧﺒﻲ ﺍﻟﻮﺣﻴﺪ .. ﺍﻟﻲ ﺍﺣﺎﺳﺐ ﻋﻠﻴﻪ ﺑﻴﻮﻡ
ﺍﺫﺍ ﺍﺳﺘﻤﺮ ﻭﻳﺎﻩ
ﻣﺎﻛﻮ ﻏﻴﺮ ﺣﻞ ﻭﺍﺣﺪ ﺍﻋﻮﻓﻪ .. ﻭﺍﻧﻬﺰﻡ ..
ﺍﺧﺬ ﺍﺑﻨﻲ ﺍﻭ ﻻ ﻣﺎ ﺍﺍﺍﺍﻫﺘﻢ ﺑﻌﺪ
ﻧﻮﻡ ﻣﺎﻛﺪﺭ ﺍﻧﺎﻡ .. ﻣﺜﻞ ﺍﻟﻤﺤﺮﻭﻙ ..
ﻛﻞ ﺟﻬﻪ ﺗﻮﺟﻊ ..
ﺭﺍﺡ ﻳﺼﺤﻰ ﻭﻳﺮﺟﻊ ﻳﻌﺘﺬﺭ ..
ﻭﻻﺯﻡ ﺍﺳﺎﻣﺢ ..
ﻭﺍﺑﻘﻰ ..
ﺑﺲ ﻣﺎﻛﺪﺭ .. ﻣﺎﻛﺪﺭ ﺍﺑﺪ ..
ﺍﻧﻲ ﻣﻮ ﺣﻴﻮﺍﻥ ﺣﺘﻰ ﺍﻟﺤﻴﻮﺍﻥ ﻳﻨﺮﺣﻢ ﺑﻴﻮﻡ ﻭﻳﻤﻮﺕ
ﻣﻦ ﺍﻟﻀﺮﺏ ..
ﻭﺍﻧﻲ ﻣﺎﻣﺘﺖ ..
ﻭﻳﻦ ﺍﺭﻭﺡ .. ﻻ ﺍﻫﻞ .. ﻭﻻ ﺍﺣﺪ ﻋﻨﺪﻱ ..
ﻣﻨﻮ ﻳﻔﺘﺢ ﺑﺎﺑﻪ ﺍﻟﻲ ..
ﻣﻨﻮ ..
ﺑﻬﺬﺍ ﺍﻟﻴﻮﻡ .. ﺻﺨﻨﺖ ﻣﻦ ﺍﻟﻀﺮﺏ ..
ﻭﺍﻟﻠﻴﻞ ﻛﻠﻪ ﺍﺭﺟﻒ ..
ﺭﺟﻊ ﻓﻬﺪ ..
ﻭﺭﺟﻊ ﻳﻢ ﺭﺍﺳﻲ ..
ﻳﺤﺠﻲ ﻻ ﺗﺴﺘﻔﺰﻳﻨﻲ ﺍﻧﻲ ﺍﺣﺒﺞ ..
ﻭﻻ ﺗﻨﻘﻬﺮﻳﻦ ﻣﻨﻲ ﺑﺎﺟﺮ ﺍﺧﺬﺝ ﻟﻠﺰﻳﺎﺭﺓ
ﻭﺍﻧﺒﺎﺕ ﻫﻨﺎﻙ
ﺍﻧﻲ ﻣﻮ ﻃﺒﻴﻌﻲ .. ﻣﻦ ﺍﺷﻮﻓﺞ ﺍﻋﺼﺐ ..
ﻟﻴﺎﻝ .. ﺍﺣﺒﺞ .. ﻭﻳﺒﻮﺱ ﺑﻴﻪ ..
ﺣﺎﻭﻝ ﻳﻠﺰﻣﻨﻲ ﺑﺲ ﺻﺮﺧﺖ ..
ﻓﺘﺢ ﺍﻟﻀﻮﺓ ..
ﻭﺑﻘﻰ ﻳﺴﺘﻐﻔﺮ ..
ﺷﺠﺎﻱ ﺍﺳﻮﻱ ﺍﻧﻲ ﺑﺮﻭﺣﻲ ﻭﺑﻴﺞ ..
ﻟﻴﺎﻝ ﺳﺎﻣﺤﻴﻨﻲ ..
ﻣﺎﻛﻮ ﺟﻮﺍﺏ ﻣﻨﻲ ..
ﻭﺍﻟﺤﻞ .. ﺍﻃﻠﻊ
ﻣﻦ ﺣﻴﺎﺗﻪ ..
ﻭﺍﺧﺘﻔﻲ ..
ﻭﻻﻧﻲ ﺍﻣﺮﺍﺓ .. ﻋﻨﻮﺍﻥ ﻳﺤﻤﻞ ﺣﻜﺎﻳﺘﻲ
↙️
ﺍﻧﺎ ﻟﻴﺎﻝ .. ﻭﻗﻴﻞ ﻟﻜﻞ ﺷﺨﺺ ﻣﻦ ﺍﺳﻤﻪ ﻧﺼﻴﺐ
ﻓﻨﺼﻴﺒﻲ ﻣﻦ ﺍﺳﻤﻲ ﻇﻼﻡ ﺍﻟﻠﻴﻞ ﺍﻟﺤﺎﻟﻚ .
ﻓﻼ ﻧﻮﺭ ﻳﻀﻲﺀ ﺣﻴﺎﺗﻲ ﻭﻻ ﻟﻠﺸﻤﺲ ﺍﻣﻞ ﻓﻲ ﺍﻟﺸﺮﻭﻕ ﻓﻴﻬﺎ ..
ﺳﺎﺗﺤﻤﻞ ﻛﻞ ﻣﺎﻳﺪﻭﺭ ﺣﻮﻟﻲ ﻻﻧﻲ ﺍﻣﺮﺍﻩ ﺧﻠﻘﺖ ﻓﻲ ﻣﺠﺘﻤﻊ ﻳﺬﻧﺐ ﺍﻟﻤﺮﺍﻩ ﻉ ﻛﻞ ﺍﻣﺮ
ﺳﺎﺑﻘﻰ ﺍﻣﺮﺍﻩ ﺗﻌﻴﺶ ﻟﺘﺮﺿﻲ ﻃﻐﻴﺎﻥ ﺍﺩﻡ ﺗﺤﺘﻤﻲ ﺑﺠﺪﺍﺭ ﻣﺎﺋﻞ ﻗﺎﺑﻞ ﻟﻠﻨﻬﻴﺎﺭ ﻉ ﺍﻱ ﻟﺤﻈﻪ ﻭﻻﻧﻲ ﺍﻣﺮﺍﻩ ﺳﺎﺣﺎﻭﻝ ﺍﺻﻨﻊ ﻣﻦ ﺣﻄﺎﻡ ﺣﻴﺎﺗﻲ ﺣﻴﺎﺓ ﺗﺮﺿﻴﻨﻲ ﻻﻧﻲ ﺍﻧﺎ ﻣﻦ ﻳﻮﻟﺪ ﺍﻟﺤﻴﺎﺓ ﺍﻧﺎ ﻣﻦ ﻳﺤﺮﻕ ﺭﻭﺣﻪ ﻟﻴﻀﻲ ﺩﺭﻭﺏ ﺍﻟﺠﻤﻴﻊ ...
ﻋﻮﻓﻨﻲ ﻻﺗﻠﺰﻣﻨﻲ ﺍﺑﺪ .. ﺟﺴﻤﻲ ﻳﻮﺟﻌﻨﻲ
ﺑﺲ ﺍﺣﺎﺟﻴﺞ ﺍﺳﻤﻌﻴﻨﻲ ﺑﺎﺟﺮ ﺍﻭﺩﻳﺞ
ﻃﺒﻴﺐ .. ﻛﻤﺖ ..
ﻛﻌﺪﺕ ..
ﺍﻳﺪﻙ ﺑﻌﺪﻫﺎ ﻋﻨﻲ . ﻭﺩﻓﻌﺖ ﺍﻳﺪﺓ ﺑﻘﻮﺓ
ﻣﻜﺎﻓﻲ ﻛﺎﺍﺍﺍﺍﻓﻲ ﺍﻓﺘﻬﻢ ..
ﺟﺴﻤﻲ ﻫﺬﺍ ﻣﻴﺘﺤﻤﻠﻚ .. ﺍﻓﻬﻢ ..
ﻟﻴﺎﻝ ..
ﺍﻳﻴﻴﻲ ﺍﺳﺘﻔﺰﻙ ﻭﻟﻮ ﺑﻴﺪﻱ ﺍﺿﺮﺑﻚ ..
ﻭﻟﻮ ﺑﻴﺪﻱ ﺍﻗﺘﻠﻚ ﻋﻮﻓﻨﻲ ..
ﻭﻟﻚ ﻣﻦ ﺗﻀﺮﺑﻨﻲ ﺗﻌﺮﻑ ﺷﻨﻮ ﺍﺣﺴﺎﺳﻲ ﻟﻮ ﻻ
ﺍﺷﺶ ﺍﺑﻨﺞ ﻧﺎﻳﻢ .
ﺑﺮﺑﻚ .. ؟
ﻫﺬﺍ ﺍﻟﺨﺎﻳﻒ ﻣﻨﻪ . . ﺗﺮﺓ ﺍﻛﻮ ﺭﺏ ﻓﻮﻙ ﻳﺸﻮﻑ ﻭﻳﺤﺎﺳﺐ ..
ﻓﻬﺪ ﻛﺎﻓﻲ ﺍﻓﻬﻤﻨﻲ .. ﺑﺲ ﻻ ﺗﺠﻲ ﻳﻤﻲ ﺍﺭﺗﺎﺡ ﺍﻧﻲ ..
ﺍﻧﺘﻲ ﺍﺳﻤﻌﻴﻨﻲ ﺍﻻﻭﻝ .
ﺷﻯﻨﻮ ﺍﺳﻤﻊ ﺍﻧﺖ ﻟﻴﺶ ﺭﺟﻌﺘﻨﻲ
ﺍﻧﻲ ﺷﻨﻮ ﺑﻠﻨﺴﺒﻪ .. ﺍﻟﻚ .. ﺟﺎﻭﺑﻨﻲ ﻫﺴﺔ ؟؟
ﺍﺟﺎﻭﺏ ﻋﻨﻚ ﺍﺷﺮﺕ ﻉ ﺍﻟﻜﻨﺘﻮﺭ ﺣﺎﻟﻊ ﻣﻦ ﺣﺎﻟﻲ ﺑﺲ ﻣﺎﻳﻨﻀﺮﺏ ﺑﻜﺪﻱ ﺻﺢ ؟؟
ﻛﻤﺖ .. ﺍﺩﻭﺭ ﺷﻲ ﻳﺴﻜﻦ ﺍﻻﻟﻢ ﻭﻳﺨﻔﺾ ﺣﺮﺍﺭﺗﻲ
ﻓﻬﺪ .. ﺗﻘﺮﺏ ﻣﻨﻲ ﺣﺴﻴﺘﻪ ﻟﻤﺲ ﺟﺘﻔﻲ
ﻭﻟﻚ ﺍﺗﻘﺰﺯ .. ﻻ ﺗﻠﺰﻣﻨﻲ ﺑﻌﺪ ..
ﺍﻧﺪﺍﺭﻳﺖ ﻋﻠﻴﻪ ﺍﻓﻬﻤﻨﻲ ﻋﻮﻓﻨﻲ ..
ﻛﺎﻝ .. ﺍﻧﺖ ﻣﻠﻜﻲ .. ﻣﺮﺗﻲ ..
ﺍﻧﻲ ﺿﺤﻜﺖ ﺑﺴﺘﻬﺰﺍﺀ ..
ﺟﺎﻭﺑﺖ .. ﺍﻧﺖ ﻣﻨﻮ ﺣﺘﻰ ﺗﻤﻠﻜﻨﻲ ﻣﻨﻮ ؟ -
ﺭﺏ ﺍﻟﻌﺎﻟﻤﻴﻦ ﺍﻧﺖ؟
ﻣﻨﻮ .. ﺍﻧﺖ
ﻋﻠﻴﻤﻦ ﺷﺎﻳﻒ ﻧﻔﺴﻚ
ﺑﻌﺪ ﻋﻨﻲ . ﻣﺎﻋﺎﺟﺒﺞ .. ﻛﻼﻣﻲ
ﻛﺘﻠﻪ ﻻ ﻓﻌﻠﻚ ﻣﻮ ﻣﺜﻞ ﻛﻼﻣﻚ ..
ﺗﻀﺮﺏ ﻭﺗﺎﺫﻳﻨﻲ .. ﻭﺗﻜﻮﻝ ﻣﺮﺗﻲ ..
ﻣﻮ ﺑﺲ ﺍﻃﻜﺞ ﺍﻣﻮﺗﺞ .. ﻫﻢ ..
ﻟﻴﺶ ..
ﺑﺲ ﻻ ﺗﻔﻜﺮﻳﻦ ﺍﻛﺮﻫﺞ ﺍﺑﺪ ﻟﻴﺎﻝ ﺍﺑﺪ ..
ﻭﺍﻟﻠﻪ ﺍﺣﺒﺞ ..
ﻭﺍﺿﺢ .. ﻭﺩﻟﻴﻞ ﺗﺨﻮﻥ .. ﻭﺗﻀﺮﺏ ﻭﻣﺘﺠﺎﻫﻠﻨﻲ
ﺍﻧﻪ ﻣﺴﻮﺩﻥ ﺑﻴﺞ .. ﻟﻴﺎﻟﻲ .. ﻣﺎ ﺣﺒﻴﺖ ﻣﺜﻠﺞ ﻣﺮﺍﻩ ..
ﻣﻔﻬﻮﻡ ﺣﺒﻚ ﻋﺠﻴﺐ ..
ﺗﺴﻠﺒﻨﻲ ﺍﻟﺮﺍﺣﻪ ﻭﺗﻜﻮﻝ ﺍﺣﺒﺞ ..
ﺍﺭﻳﺪ ﺍﻓﺘﻬﻤﻚ ..
ﺷﻚ ﻏﻴﺮﺓ ﺍﻧﺎﻧﻴﻪ .. ﻇﻠﻢ .. ﺍﻟﻠﻪ ﺧﻠﻖ ﻣﻨﻚ ﻭﺍﺣﺪ .. ﺑﺲ ..
ﺗﺎﺭﻳﺦ ﺍﺳﻮﺩ ﻳﻮﻡ ﺍﻧﺠﻤﻌﺖ ﺑﻴﻚ ..
ﺍﺣﺠﻲ ﺍﺣﺠﻲ .. ﺣﻜﺞ ﺍﻟﻠﻪ
ﺑﺲ ﻛﻞ ﻫﺬﺍ ﻭﺍﺣﺒﺞ ..
ﺍﺭﻳﺪ ﺍﺣﺠﻲ ﻣﺎﻛﺪﺭ ﺗﻌﺒﺖ ﻣﻨﻪ . ﺍﻧﺖ ﻣﺼﺪﻙ ﻛﻼﻣﻚ . ﻟﻮ ﺷﻨﻮ ..
ﻛﺘﻠﻪ
ﻛﺎﻓﻲ ﻣﺎﺭﻳﺪ ﺍﺳﻤﻊ ﻛﻼﻣﻚ
ﺑﻌﺪ ﻛﺎﻓﻲ
ﻣﻮ ﻣﺮﺗﻚ ﺍﻧﻲ ..
⤵️
ﻛﺎﻝ ... ﺍﻧﺘﻲ ﻣﺮﺗﻲ ﻏﺼﺒﺎ ﻣﺎﻋﻠﻴﺞ .. ﺭﺿﻴﺘﻲ ﺍﻭ ﻣﺎﺭﺿﻴﺘﻲ ..
ﺍﺧﺬﺕ ﻋﻼﺝ .. ﻭﻟﻔﻴﺖ ﻧﻔﺴﻲ ..
ﺍﺟﻪ ﻳﻤﻲ ..
ﻓﻬﺪ ﻛﻞ ﻗﻄﻌﻪ ﺑﺠﺴﻤﻲ ﺗﻮﻥ ..
ﻭﻫﺎﻱ ﺣﻮﺑﺘﻬﺎ ﻳﻢ ﺍﻟﻠﻪ ﺍﺭﻳﺪﻫﺎ ﺗﻄﻠﻊ ﺑﻴﻚ ..
ﺍﻟﻴﻮﻡ . ﻗﻠﺒﻲ ﻣﺎﺕ ﻣﻦ ﻳﻤﻚ ﺍﻧﺘﻬﻰ ..
ﻻ ﻣﻴﻤﻮﺕ ﺍﻧﺘﻲ ﺗﺤﺒﻴﻨﻲ ..
ﻫﺰﻳﺖ ﺭﺍﺳﻲ ﺻﺢ ﺍﺣﺒﻚ ﻭﺍﻟﺪﻟﻴﻞ .. ﺑﻘﻴﺖ ﻭﻳﺎﻙ ﻭﺳﺎﻧﺪﺗﻚ ..
ﺿﺮﺏ .. ﺯﻭﺟﺖ ﻋﻠﻴﻪ .. ﺧﻨﺖ .. ﻫﻨﺖ
ﺍﺷﻜﺎﻝ ..
ﻣﺮﺍﺕ ﺍﻏﺎﻟﻂ ﻧﻔﺴﻲ ﺑﻴﻨﻚ .. ﻭﺑﻴﻦ ﺍﺣﺴﺎﺳﻲ ..
ﺍﺣﺠﻲ ﺍﺭﻳﺪ ﺍﺳﻤﻌﺞ ..
ﻏﻄﻴﺖ ﺭﺍﺳﻲ ..
ﻭﻏﻤﻀﺖ ﻋﻴﻨﻲ ..
ﺍﻧﻲ
ﻣﺎﻣﺎﺫﻳﺞ ﺍﻧﺘﻲ ﻣﺎﺗﻌﺮﻓﻴﻦ ﺗﺼﺮﻓﻴﻦ ﻭﻻ ﺗﺘﻌﺎﻣﻠﻴﻦ ﻭﻳﺎﻱ ﺑﺮﻭﺣﺞ .. ﺗﺼﺮﻓﻴﻦ
ﻻ ﺗﺎﺫﻳﻨﻲ .. ﺑﻜﻞ ﺷﻲ .. ﺑﺤﺠﻴﻚ ﺑﻜﻠﺸﻲ ..
ﻛﺘﻠﻪ ﺷﻮﻑ ﺟﺴﻤﻲ . ﻭﺍﺣﻜﻢ . ﻣﻮﺣﺮﺍﻡ ﻋﻠﻴﻚ ..
ﺗﺴﺘﺎﻫﻠﻴﻦ ..
ﺍﺳﺘﺎﻫﻞ ﻟﻴﺶ .. ﻻﻥ ﻣﻜﺴﻮﺭﺓ ﻇﻬﺮ .. ﺍﻧﻲ . ﻣﻮ . ﺣﻴﻮﺍﻧﻪ .. ﻳﻤﻚ .. ﻭﺍﺳﺘﺎﻫﻞ .. ﺍﻧﻲ ﺑﺸﺮ ﻭﺍﻫﻠﻲ ﺗﻌﺒﻮ ﻋﻠﻴﻪ ﻣﻮ ﺑﺲ .. ﺍﻧﺖ ﺑﺸﺮ ..
ﺣﺮﺍﻡ ﻋﻠﻴﻚ ﺍﻟﻲ ﺗﺴﻮﻱ ﺑﻴﻪ ..
ﺍﺟﻪ ﻳﻤﻲ .. ﻛﺎﻝ .. ﻫﺎ ﺑﺪﺕ .. ﻣﺘﻌﺮﻓﻴﻦ ﺍﺳﻜﺘﻴﻦ .. ﺍﻻ ﺗﺤﺠﻴﻦ ..
ﻻ ﻣﻮ ﻫﻴﺞ ﺑﺲ ﺩﺍﻛﻮﻟﻚ ..
ﻻ ﺗﻜﻠﻴﻠﻲ .. ﻭﻻ ﺷﻲ ..
ﺍﺳﻜﺘﻲ ﻭﺳﻤﻌﻲ ﻛﻼﻡ ..
ﺗﻘﺮﺏ ﻣﻨﻲ ﺍﻛﺜﺮ ..
ﺗﻌﺮﻓﻴﻦ .. ﺷﺼﺎﺭ ﺑﻴﻪ ﻣﻦ ﻋﻔﺘﻴﻨﻲ
ﺻﺤﺢ ﻃﺮﺩﺗﻨﻲ ﺑﻨﺺ ﻟﻠﻴﻞ ..
ﻭﺍﺧﺬﺕ ﺍﺑﻨﻲ ﻣﻨﻲ ..
ﺩﻭﻣﻚ ﺗﻀﺮﺏ ..
ﻻ ﻟﻴﺎﻝ ﺍﻟﻴﻮﻡ ..
ﻣﻦ ﺿﺮﺑﺘﺞ .. ﺍﺗﺨﺒﻠﺖ ..
ﻋﻘﻞ ﻣﺎﺿﻞ ﺑﺮﺍﺳﻲ ...
ﻛﻤﺖ ﺍﻓﺘﺮ ﻣﺜﻞ ﺍﻟﻤﺨﺒﻞ . ﻣﺎﺭﻳﺪ ﺍﺧﺴﺮﺝ ﻭﻣﺎﻛﺪﺭ ﺍﻟﺰﻡ ﻧﻔﺴﻲ ﻭﻳﺎﺝ ..
ﻓﻬﺪ ﺗﻌﺒﺎﻧﻪ .. ﺍﻧﺎﻡ ﺍﺣﺴﻦ ..
ﻟﻴﺎﻝ / ﻗﺮﻳﺖ ﻛﻼﻣﺞ ﻭﻳﺎ ﺍﺑﺮﺍﻫﻴﻢ ..
ﻭﺳﺎﻛﺖ .. ﻣﻦ ﺍﻭﻝ ﻳﻮﻡ ﻗﺮﻳﺘﻪ ..
ﻧﺮﻳﺪ ﺗﻀﺮﺏ ﺑﻌﺪ ..
ﻻﺍﺍﺍﺍﺍﺍﺍﺍ ﺩﺍﻛﻮﻟﺞ .. ﺍﺣﺒﺞ .. ﺍﻗﺘﻬﻤﻲ ﻻ ﺗﻌﺎﺩﻳﻦ ﺍﻣﺸﻲ ﻭﻳﺎﻱ ﻭﺳﺎﻳﺴﻴﻨﻲ
ﺑﺲ ﺍﻧﻲ ﻣﺎﺭﻳﺪﻙ .. ﻛﺮﻫﺘﻚ ..
ﻛﺎﻝ ﺣﺘﻰ . ﻛﺘﻠﺞ ﺍﻧﺘﻲ . ﻣﺎﻟﺘﻲ ﺑﺎﺳﻤﻲ ..
ﺗﺎﺑﻌﻪ ﻟﻔﻬﺪ ..
ﺍﻱ . ﺗﺎﺑﻌﻪ ﺍﻟﻚ .. ﺑﺲ ﺍﻧﺖ ﺗﺎﺫﻳﻨﻲ ..
ﺳﺪ .. ﺣﻠﻜﻲ ﺑﺎﻳﺪﺓ ...
ﻭﻛﺎﻝ ﻭﺍﻧﺘﻲ ﻣﺘﻌﺮﻓﻴﻦ ﺳﻜﺘﻴﻦ ...
ﺍﺷﺸﺲ .....
ﻟﻴﺎﻝ / ﺳﺎﻣﺤﻴﻨﻲ ﺍﺧﺮ ﻣﺮﺓ . .
ﻓﻬﺪ .. ﻛﻢ ﺍﺧﺮ ﻣﺮﺓ ﻛﻠﺖ ..
ﻟﻴﺎﻝ . ﺍﻧﻪ ﻣﻮ ﻃﺒﻴﻌﻲ .. ﻭﺍﻟﻠﻪ ﺑﺎﺟﺮ ﺍﺭﻭﺣﻦ ﻋﻨﺪ ﻭﻟﺪ ﺻﺎﺣﺒﻲ ﻣﺎﻋﺮﻑ ﺷﺒﻴﻪ ﻣﺪﻭﻫﺲ ﺭﺍﺳﻲ ﻳﻮﻥ ..
ﻓﻬﺪ .
ﻋﻴﻮﻧﻪ ..
ﺍﺭﻳﺪ ﺍﻧﺎﻡ ..
ﺣﺴﻴﺘﻪ ﻳﺮﻓﻊ ﺑﻬﺪﻭﻣﻲ ..
ﻓﺰﻳﺖ ..
ﻻ ﺗﺨﺎﻓﻴﻦ .. ﺛﻠﺞ ﺑﺎﺭﺩ ﺍﻣﺮﺭﺓ ﻉ ﺟﺴﻤﺞ . .
ﺍﺭﻳﺪ ﺍﻧﺎﻡ ..
ﺧﻮﺵ ﻧﺎﻣﻲ ﺑﻮﻳﻪ ..
ﺍﺟﻪ ﻳﻢ ﺭﺍﺳﻲ .. ﺑﻘﻰ ﻳﻤﺴﺪ ﻉ ﺭﺍﺳﻲ ..
ﺗﻌﺒﺖ ﻣﻦ ﻛﻞ ﺧﺎﻃﺮﻱ ﺗﻌﺒﺖ ..
⤵️
ﻓﻬﺪ ﺑﻌﺪ ﺍﺣﻤﺪ ﻣﻦ ﺣﻴﺎﺗﻚ ﺗﺮﺗﺎﺡ ..
ﺍﺣﻤﺪ ﺷﻌﻠﻴﻪ ..
ﺍﺣﺲ ﺧﺮﺏ ﺣﻴﺎﺗﻚ ..
ﻧﺎﻡ ﻉ ﺭﺟﻠﻲ ..
ﻛﺎﻝ ﺍﻧﻲ ﺍﻟﺴﺒﺐ ﻟﻜﻞ ﺷﻲ ﺑﻴﻜﻢ ..
ﻣﻦ ﺍﻟﻴﻮﻡ ..
ﻛﻤﺖ ﺧﻠﻴﺖ ﺍﻳﺪﻱ ﻉ ﺷﻔﺘﻪ . ﻻ ﺗﻜﻤﻠﻬﺎ ..
ﺑﺲ ﺍﻃﻠﺐ ﻣﻨﻚ ﻃﻠﺐ .. ﺍﻟﻲ ﺷﻔﺘﻪ ﺑﻴﻮﻡ ﻭﻳﺎﻙ ﻻ ﺗﻌﻴﺸﺔ ﻟﻐﻴﺮﻱ ﺍﺗﺮﺟﺎﻙ .
ﺣﻀﻨﻲ ..
ﺣﻀﻨﺘﻪ .. ﻭﺑﺠﻴﺖ ﻋﻠﻰ ﻧﻔﺴﻲ ﻭﻋﻠﻴﻪ .
ﻭﻉ ﻛﻞ ﺷﻲ ..
ﻭﺍﺟﻪ ﻧﺎﻡ ﺑﺼﻔﻲ .. ﻭﺑﻘﻰ ﻳﻤﺴﺪ ﻟﺸﻌﺮﻱ
ﺍﺥ ﻳﺎﺑﻌﺪ ﻃﻮﺍﻳﻔﻲ ﻭﻫﻠﻲ .. ﺩﻫﺮ ﻛﺎﻣﻞ ﻭﻳﺎﺝ ..
ﻣﻦ ﻳﻮﻡ ﺳﺤﺮﺗﻨﻲ ﺍﻟﻀﻔﺎﻳﺮ ﻭﺭﺍﻫﺎ ﺻﺮﺗﻲ ﺣﻼﻟﻲ ..
ﻭﺭﺷﻴﻮﺓ .. ﻭﺍﻟﻜﻞ ﺍﻧﻪ ﻭﻳﺎﺝ ...
ﻣﺼﺪﺭ ﺿﻌﻔﻲ ﺍﻧﺘﻲ ..
ﻣﺠﻨﺖ ﺍﺣﺤﻲ ﺷﻲ، .. ﺳﺎﻛﺘﻪ ..
ﻫﺬﺍ ﺍﻧﻲ ﺣﺒﻲ ﺍﻟﺞ ﻣﻮ ﺑﻌﻘﻞ ..
ﺑﻼ ﻭﻋﻲ ..
ﻟﻴﻠﻪ .. ﻟﻴﻠﻪ ..
ﻭﻟﺞ ﺍﻋﺮﻓﻨﺞ ﻛﺎﻋﺪﺓ ..
ﻧﻌﻢ ...
ﺍﻟﻲ ﺗﻜﻮﻟﻲ ﻉ ﻟﺴﺎﻧﺞ ﺍﻧﻪ ﺣﺎﺿﺮ ..
ﻭﺭﻭﺡ ﺍﻟﻐﺎﻟﻴﻪ ﻣﺎﺭﺩﺝ ..
ﺍﻧﺪﺍﺭﻳﺖ ﻃﻠﻜﻨﻲ ﻭﺍﻧﻄﻴﻨﻲ ﺍﺑﻨﻲ .
ﻣﻌﻨﺎﻫﺎ ﺍﻣﻮﺕ ؟
ﻻ ﺍﻧﻲ ﺩﺍﻣﻮﺕ ﻭﻳﺎﻙ ﻫﺴﺔ ..
ﻋﻔﺘﻪ ﻭﻧﻤﺖ .. ﻻﻥ ﺟﻨﺖ ﺻﺪﻙ ﺗﻌﺒﺎﻧﻪ ..
ﺣﺘﻰ ﺷﺒﻞ ﻣﻦ ﻛﻌﺪ ﻣﺤﺴﻴﺖ ﻋﻠﻴﻪ ..
ﻭﺭﻓﻌﺖ ﺭﺍﺳﻲ ﺷﻔﺖ ﺍﺑﻮ ﻛﺎﻋﺪ ﻳﻤﻪ ..
ﺣﺴﻴﺖ ﺛﺎﻧﻲ ﻳﻮﻡ .. ﺍﻟﺼﺒﺢ .. ﻓﺘﺤﺖ ﻋﻴﻮﻧﻲ ..
ﻣﺤﺪ ﻣﻮﺟﻮﺩ ﺑﺎﻟﻐﺮﻓﺔ ..
ﻛﻤﺖ .. ﺟﺎﻥ ﺟﺴﻤﻲ ﻣﻜﺴﺮ ﻛﻮﺓ ﺍﺗﺤﺮﻙ ..
ﻃﻠﻌﺖ ﻏﺴﻠﺖ ﻭﺟﻬﻲ ..
ﻭﻛﻤﺖ ﺍﺭﻓﻊ ﺑﻬﺪﻭﻣﻲ ﺷﻮﻳﻪ ﺷﻮﻳﻪ ﻭﺍﺷﻮﻑ ..
ﺟﺎﻥ ﺷﻲ ﺭﻋﺐ ..
ﻣﻜﺪﺭﺕ .. ﺍﺑﺎﻭﻉ ﺍﻛﺜﺮ ..
ﻧﺰﻟﺖ ﻣﻼﺑﺴﻲ .. ﻭﻃﻠﻌﺖ .. ﺯﻳﻦ ﻭﺟﻬﻲ ﻣﺎﺑﻲ ﺷﻲ ..
ﻃﺒﻴﺖ ﻟﻠﻤﻄﺒﺦ .. ﺷﻔﺖ ﻓﻬﺪ ﻭﺍﻛﻒ ﻉ ﺍﻟﻄﺒﺎﺥ ..
ﻭﺷﺒﻞ ﺑﺎﻟﻜﺎﻉ .. ﺧﺎﻝ ﺑﺎﻳﺪﺓ ﺻﻤﻮﻧﻪ ..
ﺍﻧﺪﺍﺭ ﻋﻠﻴﻪ ﺷﺒﻞ .. ﻛﺎﻡ ﻳﺮﻛﺺ ﺑﻤﻜﺎﻧﻪ ..
ﺍﻧﺪﺍﺭ ﻓﻬﺪ .. ﻛﺎﻝ ﻭﻫﺎﺍﻱ ﻛﻌﺪﺕ ﻣﺎﻣﺎ ..
ﻟﻴﻠﻪ ﺛﺒﺮﻧﻲ ﻣﺎﻣﺎ ﻭﻣﺎﻣﺎ .. ﺍﺟﺎﻧﻲ ﺷﻠﺘﻪ
ﺑﺲ ﺟﺎﻧﺖ ﺍﻳﺪﻱ ﺗﻮﺟﻌﻨﻲ .. ﻣﺎﻛﺪﺭ ..
ﺍﺑﻘﻲ ﻫﻮﺍﻳﻪ ﺷﻮﻳﻪ ﻭﻧﺰﻟﺘﻪ ..
ﻛﻞ ﺳﻮﻳﺘﻠﺞ ﺷﻠﻮﻥ ﺭﻳﻮﻙ ﻳﻠﻮﻙ ﻟﻬﻞ ﺣﻠﻚ ..
ﻭﺍﺟﻪ ﻳﻤﻲ ﻣﺼﺒﺎﺡ ﺍﻟﺨﻴﺮ ﻳﺎ ﻭﺟﻪ ﺍﻟﺨﻴﺮ ﻭﺑﺎﺳﻨﻲ ﻣﻦ ﺧﺪﻱ ..
ﻛﻌﺪﺕ ﻭﻛﻌﺪ ﺑﺤﻀﻨﻲ ﺷﺒﻞ ..
ﺑﺎﻟﻔﺘﺮﺓ ﺍﻟﻲ ﺭﺟﻌﺖ ﺑﻴﻬﺎ ﺷﺒﻞ ﺍﺳﺘﻮﻋﺐ ﺍﻧﻲ ﺍﻣﻪ
ﺑﺤﻴﺚ .. ﺍﺫﺍ ﺍﺩﺧﻞ ﻟﻠﺤﻤﺎﻡ .. ﻳﺪﺧﻞ ﻭﺭﺍﻳﻪ ﻟﻮ ﻳﻜﻌﺪ ﺑﺎﻟﻜﺎﻉ ﻳﻨﺘﻈﺮﻧﻲ ..
ﻣﻴﻌﻮﻓﻨﻲ ﺍﺑﺪ ...
⤵️
ﺟﺎﺏ ﻳﻤﻲ ﻣﺎﻋﻮﻥ ﻣﺨﻠﻤﻪ ..
ﻭﻛﺎﻝ ﻭﻫﺬﺍ ﺍﻟﺠﺎﻱ ﻭﺍﻟﺼﻤﻮﻥ ..
ﻳﻼ ﺣﺒﻲ ﺍﻛﻠﻲ ..
ﺷﻠﻮﻥ ﻣﺨﻠﻤﻪ .. ﺍﻻ ﺗﺨﺒﻞ ﻭﻳﺒﺘﺴﻢ ﺑﻮﺟﻬﻲ ..
ﺗﻌﺎﻝ ﺑﻮﻳﻪ ﻋﻮﻑ ﺍﻣﻚ .. ﺧﻠﻲ ﻳﻜﻌﺪ ﺑﺤﻈﻨﻲ ﺍﺣﺴﻦ ﺣﺘﻰ ﻻ ﻳﻀﺎﻳﻘﺞ ..
ﻛﺘﻠﻪ ﻻ ﻋﺎﺩﻱ ﻣﺘﻌﻠﻤﻪ ﺍﻧﻲ ..
ﺟﻴﺒﻲ ﺑﻮﻳﻪ ..
ﺍﺧﺬﺓ ﻣﻨﻲ ﻭﻛﻌﺪ ﻳﺎﻛﻞ ..
ﺍﻛﻠﻲ ﺍﻛﻠﻲ ﺣﺘﻰ ﻳﺠﻮﻥ ﻭﻧﺮﻭﺡ ..
ﻧﺴﻴﺖ ﺗﻤﺎﻣﺎ ﻫﻢ ﻣﻤﻮﺟﻮﺩﻳﻦ ﻛﻠﻬﺎ ﺭﺍﺣﺖ ..
ﻟﻬﻨﺎﻙ ﻳﻢ ﻋﻤﺎﻣﻬﻢ ..
ﺧﻠﻴﺖ ﻟﻜﻤﻪ ﺑﺤﻠﻜﻲ ..
ﻣﺴﻮﻱ ﻃﻤﺎﻃﻪ ﻭﺑﻴﺾ ﻭﺑﺼﻞ ..
ﺍﻟﺒﺼﻞ ﻳﻜﺮﻁ .. ﻭ ﺍﻟﺒﻴﺾ ﻧﻲ ﻭﻻ ﻋﺒﺎﻟﻚ ﻣﺴﺘﻮﻱ ﺧﻠﻴﺖ ﻟﻜﻤﻪ ﻭﺣﺪﺓ ﺑﺤﻠﻜﻲ ..
ﻛﺎﻝ ﻓﺎﻫﻴﻪ ﻣﻮ ..
ﻛﺘﻠﻪ ﻻ ﻣﺎ ﺍﺷﺘﻬﻲ ..
ﺷﻨﻮ ﻣﻌﺠﺒﺞ ..
ﻻ ﻻ ﻓﻬﺪ ﻣﻴﻌﺠﺒﻨﻲ ﺍﻛﻞ ..
ﺍﻛﻮﻡ ﺍﺳﻮﻳﻠﺞ ﻏﻴﺮ ﺷﻲ ..
ﻓﻬﺪ ﺍﻛﻌﺪ ﻣﺎﺭﻳﺪ ..
ﻛﺎﻝ ﻏﻴﺮ ﻫﺬﺍ ﺷﺒﻞ ﺧﺒﻠﻨﻲ ﻣﺎﻣﺎ ﻭﻣﺎﻣﺎ ﻭﺍﻧﻪ ﻣﻌﺮﻓﺖ ﺍﺳﻮﻱ .. ﺷﻲ ﻋﺪﻝ ..
ﺛﺮﻣﺖ ﺑﺼﻞ ﻭﻃﻤﺎﻃﻪ ﻭﺧﻠﻴﺘﻬﻢ ﺑﻜﺎﺳﺔ ﻭﺧﺒﻄﺖ ﻋﻠﻴﻬﻦ ﺑﻴﻀﺎﺕ ..
ﺿﺨﻜﺖ ..
ﻳﺎﻓﺪﻭﺓ ﻟﻀﺤﻜﺘﺞ ﺍﺭﻭﺡ ﺍﺿﺤﻜﻲ ..
ﻛﺎﻝ ﺍﻟﻴﻮﻡ ﺍﻧﺘﻲ ﻋﺮﻭﺱ .. ﻣﺎﺗﺴﻮﻳﻦ ﺷﻲ ..
ﻋﻴﻔﻲ ﺍﻻﻛﻞ .. ﻛﺎﻡ ﻃﻠﻊ ﻣﻦ ﺍﻟﺜﻼﺟﺔ .. ﺟﺒﻦ .
ﻭﺷﺒﻲ ﺍﻟﺠﺒﻦ .. ﻳﺨﺒﻞ ..
ﺍﻛﻠﻲ ﺑﻮﻳﻪ .. ﻭﻛﺎﻡ ﻳﺴﻮﻳﻠﻲ ﻟﻜﻢ ﻭﻳﻮﻛﻠﻨﻲ ..
ﺟﺎﻧﺖ ﺍﻟﻠﻜﻤﻪ ﺗﻮﻛﻒ ﺑﻠﻌﻮﻣﻲ .. ﻛﻮﺓ ﺗﻨﺒﻠﻊ ..
ﺭﻳﻜﺖ .. ﺷﺒﻞ .. ﻭﺍﻛﻠﺖ .. ﻭﻛﻤﺖ ..
ﺑﺪﻳﺖ ﺍﻟﻢ ﺑﺎﻟﻤﻮﺍﻋﻴﻦ ..
ﻭﺣﻚ ﺍﻟﻠﻪ ﻣﺎﺗﺴﻮﻳﻦ ﺷﻲ .. ﺍﺑﺪ ..
ﻓﻬﺪ ﻋﺎﺩﻱ ﻣﺘﻌﻠﻤﻪ ..
ﻻ ﺍﺑﺪ ﻭﺑﺪﺓ ﻳﻠﻢ .. ﻭﻳﺨﻠﻲ .. ﺑﻠﺴﻨﻚ ..
ﻭﻳﻐﺴﻞ ﺍﻟﻤﻮﺍﻋﻴﻦ ..
ﺍﻧﺪﺍﺭ ﻋﻠﻴﻪ ..
ﻟﻴﻠﺔ .. ﺧﻮﺵ ﺍﺷﺘﻐﻞ ﻣﻮ ﺟﻨﺖ ﺍﺑﺎﻭﻉ ﻋﻠﻴﻪ ﻳﻠﺰﻡ ﺍﻟﻤﺎﻋﻮﻥ .. ﻭﻳﺘﺮﺳﻪ ﺯﺍﻫﻲ ﻭﻳﻐﺴﻞ ﻭﻳﻀﻞ ﻳﻐﺴﻞ ﺑﻲ ..
ﻛﻤﻞ .. ﻭﻛﻌﺪ ﻳﻤﻲ .
ﺍﻟﻲ ﺗﻜﻮﻟﻲ ﻉ ﻟﺴﺎﻧﺞ ..
ﺷﻨﻮ؟
ﺷﺘﺎﻣﺮﻳﻦ ﺍﻧﻪ ﺣﺎﺿﺮ ﺑﻲ .. ﻫﺴﺔ ﺍﺟﻴﺒﻪ ﺍﻟﺞ
ﺑﺲ ﻛﻮﻟﻲ
ﻛﺘﻠﻪ ﻣﺎﻛﻮ ﺷﻲ .. ﻭﺍﻟﻠﻪ ..
ﻛﻮﻟﻲ ﻟﻠﻴﻠﺔ ..
ﺍﻭﺩﻳﺞ ﻻﻫﻠﺞ ..
ﻻ ..
ﻧﻄﻠﻊ ﻧﻔﺘﺮ ..
ﻻ
ﺍﺷﺘﺮﻳﻠﺞ ﻣﻼﺑﺲ ﺷﻲ ﻛﻮﻟﻲ ..
ﻻ ﻓﻬﺪ ﻣﺎﺭﻳﺪ ﺷﻲ ..
ﻛﻤﺖ .. ﻣﻦ ﻳﻤﻪ .. ﻏﺴﻠﺖ ﻭﺑﺪﻟﺖ ﻟﺸﺒﻞ ..
ﻭﻫﻮ ﻃﺐ .. ﻟﻠﻐﺮﻓﻪ ﺭﺗﺐ ﺍﻟﻔﺮﺍﺵ ..
⤵️
ﻭﻓﺘﺢ ﺍﻟﺒﺮﺩﺍﺕ ..
ﻧﺎﻣﻲ ﻭﻋﻮﻓﻲ ﺷﺒﻞ ﻋﻠﻴﻪ ..
ﺷﺘﺮﻳﺪﻳﻦ ﻏﺪﺓ .. ﺷﺴﻮﻱ ﺍﻟﺞ ..
ﻓﻬﺪ ؟ ﻣﺎﺭﻳﺪ ﺷﻲ ..
ﺭﺍﺡ ﺍﺗﻮﺿﻰ ﻭﺍﺻﻠﻲ .. ﻭﺍﻧﻲ ﺍﺳﻮﻱ ﻏﺪﺓ ..
ﻣﺎﺗﺴﻮﻳﻦ ﻭﺍﻟﻠﻪ ﺍﻟﻲ ﻉ ﻟﺴﺎﻧﺞ ﺍﺟﻴﺒﻪ ﻛﺒﺎﺏ ﺗﻜﻪ ﺳﻤﺞ ﺍﻟﻲ ﻳﻌﺠﺒﺞ ﺍﺟﻴﺒﻪ ..
ﺧﻮﺵ ..
ﻛﺘﻠﻪ ﺑﻜﻴﻔﻚ ..
ﻛﺎﻝ . ﺭﺍﺡ ﺍﺭﻭﺡ ﺍﺳﻮﻙ .. ﻭﺷﻮﻑ ﺷﺠﻴﺐ ..
ﺑﺪﻝ .. ﻣﻼﺑﺴﻪ ..
ﻛﺎﻝ ﺟﻴﺒﻲ ﺷﺒﻞ ﻭﻳﺎﻱ ﻻ ﻳﻀﻮﺟﺞ ..
ﻛﺘﻠﻪ ﻻ ﻋﻮﻓﻪ ﺭﻭﺡ ﻭﺣﺪﻙ ..
ﺍﺧﺬ ﻣﺤﻔﻈﺘﻪ .. ﻭﻃﻠﻊ ﻣﻦ ﺍﻟﻐﺮﻓﻪ ..
ﺷﺒﻞ ﺑﺤﻈﻨﻲ ..
ﻣﺎﻛﻮ ﺍﺣﺴﻦ ﻣﻦ ﻫﺎﻱ ﺍﻟﻔﺮﺻﻪ ﺍﻃﻠﻊ ..
ﺣﺘﻰ ﻻﻫﻠﻲ ﻣﺎﺭﻭﺡ ..
ﻣﺎﻋﺮﻑ ﻭﻳﻦ ﺍﺭﻭﺡ ﺑﺲ ﺍﻟﻤﻬﻢ ﺍﻃﻠﻊ ﻣﺎﺑﻘﻰ ..
ﺑﻘﻴﺖ ﺍﺗﺎﺑﻊ ﻃﻠﻊ ﺑﺴﻴﺎﺭﺗﻪ ﻭﺭﺍﺡ ..
ﻃﺒﻴﺖ ﻟﻠﻐﺮﻓﻪ ﺑﺴﺮﻋﻪ ..
ﻟﺒﺴﺖ ﺟﺒﻪ ..
ﻭﺷﻤﺮﺕ ﺷﺎﻝ ﻉ ﺷﻌﺮﻱ .. ﻭﻟﻤﻴﺖ ﺍﻫﺪﻭﻡ ﻟﺸﺒﻞ ..
ﻣﺎﻋﺮﻑ ﺟﻨﺖ ﺍﺧﺬ ﻭﺷﻨﻮ ﺍﺟﺮ ..
ﺍﻟﻤﻬﻢ ﺗﺮﺳﺖ ﺍﻟﺠﻨﻄﻪ ﻏﺮﺍﺽ .. ﻭﺍﺧﺬﺕ ﻛﻢ ﻗﻄﻌﻪ ﻣﻦ ﺫﻫﺒﻲ ﺣﺘﻰ ﺍﺗﺼﺮﻑ ﺑﻴﻬﺎ ..
ﺷﻠﺖ ﺍﺑﻨﻲ ﻣﻦ ﺍﻟﻜﺎﻉ ﻭﻃﻠﻌﺖ ..
ﻓﺘﺤﺖ ﺍﻟﺒﺮﺩﺓ ..
ﺍﻃﻤﺌﻨﻴﺖ ﻣﺎﻛﻮ ..
ﺭﺣﺖ ﻓﺘﺤﺖ ﺍﻟﺒﺎﺏ ﻣﻘﻔﻮﻟﻪ ..
ﺣﺎﻭﻟﺖ ﺍﻓﺘﺤﻬﺎ ﻣﺮﺓ ﻣﺮﺗﻴﻦ .. ﻣﺎﻛﻮ ..
ﻋﺮﻓﺖ ﻫﻮ ﻗﺎﻓﻠﻬﺎ ﻣﻦ ﺑﺮﺓ ..
ﺩﻭﺭﺕ ﻉ ﺍﻟﻤﻔﺎﺗﻴﺢ ﻣﺎﻛﻮ .. ﻛﻠﺒﺖ ﺍﻟﻤﺠﺮﺍﺕ ..
ﻣﺎﻛﻮ ..
ﺍﺳﻤﻊ ﺻﻮﺕ .. ﻫﻮﺭﻥ .. ﺳﻴﺎﺭﺓ ..
ﻓﺘﺤﺖ ﺍﻟﺒﺮﺩﺓ ﺷﻔﺘﺔ ﻓﻬﺪ ..
ﻣﺎﻋﺮﻑ ﺷﻠﻮﻥ ﺟﺮﻳﺖ ﺍﻟﺠﻨﻄﻪ ﻭﺭﻛﻀﺖ ﻟﻠﻐﺮﻓﻪ ..
ﻓﺮﻏﺘﻬﺎ .. ﻛﻠﻬﺎ ﺑﻜﻨﺘﻮﺭ ..
ﻭﺟﺮﻳﺖ ﻛﻞ ﺍﻟﻬﺪﻭﻡ ﺑﺎﻟﻜﺎﻉ ..
ﻭﺫﺑﻴﺖ ﻫﺪﻭﻣﻲ ..
ﺍﻧﻔﺘﺤﺖ ﺍﻟﺒﺎﺏ ﻭﺍﻧﻲ ﺩﺍﻫﻮﺱ ﺑﺎﻟﻤﻼﺑﺲ ..
ﻭﻛﻒ .. ﻛﺎﻝ ﺷﺠﺎﻱ ﺗﺴﻮﻳﻦ ..
ﻫﺎﺍﺍ ﺍﺳﻔﻂ ﺍﻟﻜﻨﺘﻮﺭ ..
ﺑﺮﺑﺞ ﻫﺴﺔ ﻭﻛﺘﺞ ﺍﻧﺘﻲ ﻣﻮ ﺗﻌﺒﺎﻧﻪ ﻭﻫﺬﺍ ﺷﺒﻞ ﺷﻔﺘﻪ ﻭﺣﺪﺓ ﺑﺎﻟﻤﻄﺒﺦ ..
ﺗﻌﺎﻱ .. ﺷﻮﻓﻲ
ﺷﻨﻮ ؟ -
ﺩﺗﻌﺎﻱ ..
ﻋﻔﺖ ﺍﻟﻜﻨﺘﻮﺭ ﺑﻬﻮﺳﺘﺔ ..
ﻭﺭﺣﺖ ﻭﻳﺎﻩ ..
ﻛﺎﻝ ﻭﺻﻴﺖ ﺳﻤﺞ ﺷﻮﻳﻪ ﻭﺍﺭﺩ ﺍﺟﻴﺒﻪ ..
ﻭ .. ﺟﺒﺖ ﻫﺬﻧﻲ .. ﻓﻮﺍﻛﻪ .. ﻭﻫﺎﻱ،ﺑﻘﻼﻭﺓ ﺍﻋﺮﻓﺞ ﺗﺤﺒﻴﻦ ﺍﻟﺤﻼﺓ ..
ﺭﺍﺡ ﺍﻋﺰﻟﻬﻢ .. ﻭﺍﻧﺘﻲ ﺭﻭﺣﻲ ﻧﺎﻣﺐ ..
ﺿﻞ ﻳﻜﻮﻝ ﻣﺘﺘﺤﺮﻛﻴﻦ ﻭﻻ ﺗﺴﻮﻳﻦ ﺷﻲ ..
ﺍﻧﻪ ﻋﻨﺞ ﺍﺷﺘﻐﻞ ..
ﻗﻨﻌﺘﻪ ﺍﻛﻤﻞ ﺍﻟﻤﺴﻮﺍﻙ ..
ﻭﻛﻔﺖ ﻉ ﺍﻟﺴﻨﻚ .. ﻭﺑﺪﻳﺖ ﺍﻋﺰﻝ ﺑﻴﻬﻢ ..
⤵️
ﻭﻓﻬﺪ ﻃﺐ ﻟﻠﻬﻮﻝ .. ﻭﻳﻤﻪ ﺷﺒﻞ ..
ﺣﺴﻴﺖ ﺍﻳﺪ ﺍﻧﻤﺪﺕ ﻉ ﺧﺼﺮﻱ .. ﻭﺧﻠﻪ ﺭﺍﺳﻪ ﻉ ﺭﻛﺒﺘﻲ ..
ﻛﺎﻝ ..
ﺍﺭﻳﺪﻥ ﻣﻨﺞ ﺑﻌﺪ ﺑﻨﻴﻪ ..
ﺍﻧﺪﺍﺭﻳﺖ ﻋﻠﻴﻪ .. ﺷﻨﻮ ﺑﻨﻴﻪ ..
ﺿﺤﻚ .. ﻛﺎﻝ .. ﻧﺠﻴﺐ ﻃﻔﻞ ﻭﻫﺎﻟﻤﺮﺓ ﺍﺭﻳﺪﻧﻬﺎ ﺑﻨﺖ ﻋﻠﻴﺞ ﺗﺸﺒﻬﺞ ..
ﺭﺟﻌﺖ ﻭﺟﻬﻲ ﻉ ﺍﻟﺴﻨﻚ .
ﺭﺟﻊ ﺩﺍﺭ ﺟﺴﻤﻲ ﻋﻠﻴﻪ ..
ﺍﺣﺠﻲ ..
ﺟﻨﺖ ﻣﺘﻨﺮﻓﺰﺓ ﻣﺘﻮﺗﺮﺓ ..
ﻋﻮﻓﻨﻲ .. ﺧﻠﻲ ﻧﺴﺘﻘﺮ ﺍﻻﻭﻝ ﻭﺑﻌﺪﻫﺎ ﻓﻜﺮ ﺑﺎﻃﻔﺎﻝ ..
ﺍﻧﻲ ﻭﺍﺣﺪ ﻭﺣﺮﻛﺖ ﺩﻣﻲ ﻋﻠﻴﺔ ﻣﻮ ﺍﺛﻨﻴﻦ ﺍﻣﻮﺕ ..
ﻓﻬﺪ ﺧﻠﻴﻨﺎ ﻫﻴﺞ ﺍﺣﺴﻦ ..
ﺑﺲ ﺍﻧﻪ ﺍﺣﺒﺞ .. ﻭﺍﺭﻳﺪ ﻃﻔﻞ ﺑﻌﺪ ﻣﻨﺞ ﺍﻟﻄﻔﻞ ﺍﻟﻲ ﻳﺠﻲ ﺗﺴﺘﻘﺮ ﺣﻴﺎﺗﻨﻪ ﻋﻠﻴﻪ
ﻣﺸﺘﺎﻕ ﻛﻠﻤﻪ ﺍﺣﺒﺞ ﻣﻨﺞ ﺍﺳﻤﻌﻬﺎ ﻣﻦ ﺷﻔﺎﻓﺞ
ﺍﻟﻠﻪ ﻛﻠﻤﻪ ﺍﺣﺒﺞ ﺷﻜﺪ ﻛﻠﺘﻬﺎ ﻭﺳﻤﻌﺘﻬﺎ ..
ﺗﻤﺎﻡ ﺗﺮﻳﺪ ﻃﻔﻞ .. ﺍﻭﻙ ﻓﻬﺪ ﻋﺎﺩﻱ ..
ﺷﻨﻮ ﻋﺎﺩﻱ ..
ﻓﻬﺪ ﻛﻞ ﺷﻲ ﺗﺮﻳﺪﺓ ﺗﻤﺎﻡ .. ﻭﻳﺼﻴﺮ ..
ﻟﻴﺎﻝ ﺍﻧﻪ ﻣﺎﻋﺮﻓﺞ ﺿﻌﻴﻔﺔ ..
ﺷﻤﺮﺕ ﺍﻟﺴﻔﻨﺠﺔ ﺑﺎﻟﻜﺎﻉ ..
ﻛﺘﻠﻪ ﺍﻟﻀﺮﺏ ﻭﺍﻻﻫﺎﻧﻪ ﺳﻮﺓ ﻣﻨﻲ ﺍﺿﻌﻒ ﻣﻦ ﺍﻟﻀﻌﻒ ﻻ ﺗﺘﻮﻗﻊ ﻣﻨﻲ ﻗﻮﺓ ﻭﻳﺎﻙ
ﻭﻟﻚ ﺷﻘﻮﻯ ﻋﻠﻴﻚ ﺷﺮﻳﺪ ﺍﺳﻮﻱ ..
ﺍﻧﻲ ﺭﺍﺡ ﺍﺗﺨﺒﻞ ﻭﻳﺎﻙ ﺍﻧﻲ ﻣﻠﻴﺖ ﻭﺗﻌﺒﺖ ﺍﻓﻬﻤﻨﻲ ﺗﻌﺒﺖ ..
ﻭﺻﻠﺖ ﻣﺮﺣﻠﻪ ﺍﻓﻜﺮ ﺍﻣﻮﻭﺕ ﻭﻻ ﺍﺑﻘﻰ ﻳﻤﻚ ..
ﺗﻌﺒﺘﻨﻲ ﻳﺎ ﺍﺑﻦ ﺍﻟﻨﺎﺱ ﺗﻌﺒﺘﻨﻲ ..
ﺧﻮﺵ .. ﺍﺭﺗﺎﺣﻲ ﻣﺎﺭﻳﺪﺝ ﺗﻌﺼﺒﻴﻦ .. ﺍﻛﺜﺮ ..
ﺑﺲ ﻫﺬﺍ ﺍﻟﻔﺮﺍﻍ ﺍﻟﻲ ﺑﻴﻨﻪ ..
ﺗﻌﺮﻓﻴﻦ ﺷﻨﻮ ﺳﺒﺒﻪ .. ﺍﻧﻲ ﻣﺪﺍﺛﻖ ﺑﻴﺞ ﻟﻴﺎﻝ ..
ﻭﻻ ﺍﻛﺪﺭ ﺍﻋﻮﻓﺞ ..
ﺷﻔﺖ ﻛﻞ ﺷﻲ ﻭﻗﺮﻳﺖ ﻛﻞ ﺷﻲ ..
ﺍﻧﻲ ﺍﻟﻬﻤﺠﻲ ﺍﻟﺒﺮﺑﺮﻱ ﺍﻧﻲ ﻣﻮ ﺧﻮﺵ ﺍﺩﻣﻲ ..
ﺍﻟﺸﻚ ﻣﻦ ﺟﺪﻣﻲ ﻟﺮﺍﺳﻲ ﺣﺎﺭﻛﻨﻲ ..
ﻭﻻ ﺍﻛﺪﺭ ﺍﻋﻮﻓﺞ ﺍﻓﺘﻬﻤﻴﻨﻲ ﺍﻧﺘﻲ ﻣﺮﺓ ﻭﺣﺪﺓ ﻗﺒﻞ ﻻ ﺗﺤﻜﻤﻴﻦ .. ﻋﻠﻴﻪ ..
ﻟﻴﺶ ﻣﺘﻜﺪﺭ ﺗﻌﻮﻓﻨﻲ ..
ﻻﻥ ﺍﻏﻢ ﻭﺣﺒﻴﺘﺞ ﻭﺍﻧﺘﻲ ﺑﻨﺖ ﺑﻐﺪﺍﺩ ..
ﻭﺍﻧﻪ ﺍﺑﻦ .. ﺍﻟﺮﻳﻒ ..
ﻻﻥ ﻋﺼﺒﻲ ﻭﺍﻏﺎﺭ .. ﻻﻥ ﻣﺎﻋﺮﻑ ﺍﺻﺮﻑ ﺻﺢ ..
ﻻﻥ ﻣﺎﻛﺪﺭ ﺍﻧﺴﺎﺝ ﺍﻓﺘﻬﻤﻲ ﻛﺎﻓﻲ ﺑﻌﺪ ..
ﻳﻮﻡ ﻭﺍﺣﺪ ﺗﺼﺎﻓﻴﻨﻪ .. ﻭﻛﻞ ﺣﺠﺎﻳﻪ ﺗﻜﻮﻟﻴﻠﻲ ﺍﻧﺖ ﺍﺑﻮ ﺭﻏﺒﻪ ..
ﻳﺎ ﺭﻏﺒﻪ ﻭﺍﻧﻪ ﻣﺎﻣﺘﻘﺮﺏ ﺍﻟﺞ .. ﺻﺎﺭ ﻫﻮﺍﻱ ..
ﻛﺘﻠﻪ ﺑﺲ ﻋﻨﺪﻙ ﻏﻴﺮﻱ ..
ﺻﻴﺢ ﺍﻳﻴﻴﻴﻲ ﻋﻨﺪﻱ ﺍﻧﻪ ﺯﻟﻤﻪ ﻣﻮ ﺣﺠﺮ ...
ﺑﺲ ﻳﻤﺞ ﻛﻞ ﺷﻲ ﻳﺨﺘﻠﻒ ..
ﻳﻤﺞ ﺍﻧﻪ ﺍﻛﻮﻥ ﻓﻬﺪ ﻃﻔﻞ ﺻﻐﻴﺮ ..
ﻣﺎﺩﻭﻳﺘﻲ ﺟﺮﺣﻲ ﺿﻔﺘﻲ ﻓﻮﻙ ﺍﻟﺠﺮﺡ ﻣﻠﺢ ﻭﺗﻜﻠﻴﻦ ﺷﻤﺎﻟﻚ ﻣﺘﻐﻴﺮ ..
ﺍﺧﻮﻱ ﻣﺎﺕ ﻭﺍﺟﻴﺘﻴﻨﻲ .. ﺗﺤﺒﻨﻲ ﻟﻮ ﻻ ..
⤵️
ﻭﻟﺞ ﻟﻮ ﻣﺎ ﺍﺣﺒﺞ ﻣﺎ ﺍﺑﻘﻴﺞ ﻳﻤﻲ ..
ﺑﻜﺜﺮﺡ ﻭﺍﺯﻳﺪ ﺗﻌﺒﺖ ..
ﻻﻥ ﺍﺭﻳﺪﺝ ﺍﻟﻲ ﻭﺣﺪﻱ ﻫﺬﺍ ﻫﻤﻲ ﺍﻻﻭﺣﺪ ﻭﺍﻻﻛﺒﺮ ..
ﻫﺬﺍ ﻛﻞ ﺷﻲ ﻣﺘﻌﺒﻨﻲ ﺍﻟﺸﻚ .. ﻭﺍﻟﻐﻴﺮﺓ ..
ﺍﺫﺍ ﺑﻴﻮﻡ ﺍﺗﻌﺎﻟﺞ ﺷﻲ ﻭﺍﺣﺪ ﺍﺭﻳﺪﺓ ﺍﻧﺴﻰ ﺳﻴﻒ ..
ﻭﺍﻧﺴﻰ .. ﺍﺣﻤﺪ . ﻭﺍﻧﺴﻰ ﺍﺑﺮﺍﻫﻴﻢ ..
ﺍﻧﻪ ﻋﺮﺑﻲ ﺍﻧﻪ ﻣﻮ ﻛﻴﻜﻲ .. ﻣﻦ ﺫﻭﻟﻲ ﺍﻱ ﻭﺷﺼﺎﺭ ﻭﺗﻤﺸﻲ ﺍﻟﺤﻴﺎﻩ ﻏﻴﺮﻱ ﻳﺪﻓﻨﺞ ﺑﺲ ﻻﻥ ﺍﺣﺒﺞ ﺭﺍﺿﻲ ..
ﺗﻌﺮﻓﻴﻦ ﺫﻭﻟﻲ ﺧﻮﺍﻧﻲ ﻋﻴﺮﻭﻧﻲ ﺑﻴﺞ .. ﺗﻌﺎﺭﻛﺖ ﻭﻋﻔﺖ ﺍﻻﻭﻝ ﻭﺍﻟﺘﺎﻟﻲ ﻭﻃﻠﻌﺖ
ﻭﺣﻚ ﺍﻟﻲ ﺧﻠﻘﺞ ﻳﻮﻣﻴﻦ ﻳﻜﻮﻟﻮﻟﻲ ﺍﺯﻭﺝ ..
ﻋﻮﻓﻬﺎ .. ﺧﻮﺍﻧﻲ ﻣﻮ ﻏﺮﺑﻪ ..
ﺗﻌﺮﻓﻴﻦ ﺻﺮﺗﻲ ﻋﻠﺞ ﻉ ﻛﻞ ﻟﺴﺎﻥ .. ﺷﺘﺮﻳﺪﻳﻦ ﻣﻨﻲ ﺍﺻﻔﻚ .. ﻟﻮ ﺍﻃﻠﻊ ﻋﺮﺍﺿﻪ ﺍﺩﺑﺞ ﺑﻴﻬﺎ ..
ﺍﻧﻪ ﻋﺮﺑﻲ ﺩﻣﻲ ﺣﺎﺭ ﻛﻮﻟﻲ ﻫﻤﺠﻲ ﻛﻮﻟﻲ ﺑﺮﺑﺮﻱ
ﻛﻞ ﺷﻲ .. ﺍﺣﺠﻲ .. ﻫﺬﺍ ﺍﻧﻪ ..
ﻭﺭﺍﺡ ﺍﺧﺘﺼﺮﻫﺎ ﺍﻟﺞ ﻣﻦ ﺍﻻﺧﻴﺮ ..
ﻭﺍﻥ ﺑﻴﻮﻡ ﺍﺯﻭﺟﺖ ﻋﻠﻴﺞ .. ﻣﺎﻋﻮﻓﺞ ﻭﻻ ﺍﻃﻠﻜﺞ ﺑﻴﻨﻲ ﻭﺑﻴﻨﺞ ﺍﻟﻤﻮﺕ ﻳﻔﺮﻗﻨﺎ ﺑﺲ ..
ﺍﻳﻲ ﻟﻴﺎﻝ ﺍﻳﻴﻲ ..
ﻋﻮﻓﻨﻲ .. ﺍﺣﺴﻦ ﻻﻥ ﻣﺎﺗﺤﻤﻞ
ﻟﻴﺶ .. ﺍﺣﺠﻲ ﻟﻴﺶ ..
ﻻ ﺍﻃﻠﻌﻴﻨﻲ ﻣﻮ ﺧﻮﺵ ﺍﺩﻣﻲ .. ﻣﻮ ﻫﻴﺞ ﺍﻧﻪ ..
ﺍﻧﻪ ﻓﻬﺪ .. ﻟﻴﻠﺔ .. ﺍﺑﻦ ﻋﺸﺎﻳﺮ ﻭﺍﺧﺎﻑ ﻋﻠﻴﺞ
ﻭﺣﻚ . ﻫﻮ ﺍﺑﻮ ﺧﻴﻤﻪ ﺍﻟﺰﺭﻛﻪ ..
ﺑﻴﻮﻡ ﺍﻟﻲ ﺷﺎﻟﻮﻧﻲ .. ﻃﺒﻨﻲ ﻣﺮﺹ ﺍﻧﻪ .. ﺍﻧﺘﻲ ﺍﻧﺘﻲ . ﻭﺑﺲ .. ﻟﻮ ﺍﻋﺮﻑ ﻻﻣﺴﺞ ﻭﺍﺣﺪ .
ﺍﻛﺘﻠﻪ ﻭﺍﻃﺐ ﺳﺠﻦ ﺍﻣﻮﺕ ﻣﻴﻬﻤﻨﻲ . ..
ﺍﻧﻪ ﺯﻟﻤﻪ .. ﺍﻏﺎﺭ ﻭﺍﻟﺸﻚ ﺫﺍﺑﺤﻨﻲ ..
ﺍﻟﻜﻞ ﺗﺨﻠﻰ ﻋﻨﻲ ﻭﺍﻭﻟﻬﻢ ﺍﻧﺘﻲ ..
ﻣﻮ ﺑﺲ ﺍﻧﺘﻲ ﻋﻨﺪﺝ ﺣﺠﻲ .. ﻟﻮ ﺍﺣﺠﻲ ﻣﻨﺎ ﻟﺴﻨﻪ ﻣﺮﺍﺡ ﺗﻔﻬﻤﻴﻨﻲ ..
ﻭﺍﺣﻤﺪ ﻋﻔﺘﻨﻲ ﻭﻳﺎﻩ ﻋﺎﺩﻱ ؟؟؟ﻏﻴﺮﺗﻚ ﻭﻳﺎﻩ ﻣﺎﻛﻮ
ﻟﻴﻠﻪ ﻟﻴﺶ ﺗﻐﺜﻴﻨﻲ .. ﻗﺎﺑﻞ ﻣﻨﻮﻣﺞ ﺑﺤﻀﻨﻪ ﻟﻮ ﻋﻴﻨﻪ ﻧﻜﺴﻪ ﻋﻠﻴﺞ
ﺍﺣﻤﺪ .. ﺍﻛﺜﺮ ﻣﻦ ﺍﺧﻮﻱ ﺍﺣﻤﺪ ﺟﺎﻥ ﻋﻴﻨﻲ ﻋﻠﻴﺞ .. ﺟﻨﺖ ﺍﻋﺮﻑ ﺷﺘﺎﻛﻠﻴﻦ ﺷﺸﺮﺑﻴﻦ ..
ﺍﻋﺮﻑ ﻛﻞ ﺧﻄﻮﺓ ﺗﺨﻄﻴﻬﺎ ..
ﻫﻨﺎ ﻫﻮ ﺳﻌﺎ ﺑﻜﻞ ﺷﻲ ﻭﺳﻮ . ﺓ ﻭﻳﺎﻱ ﻛﻞ ﺷﻲ ..
ﻭﺍﺷﺘﻐﻠﻨﺎ ..
ﺧﻠﻲ ﺍﻟﻠﻪ ﺑﻴﻦ ﻋﻴﻨﺞ ﺷﻌﻠﺘﻲ ﺍﻟﻐﺎﻟﻲ ﻣﺎﻟﺘﻲ ..
ﻳﺎ ﺍﻧﻲ ﻓﺼﻠﻴﻪ ﻳﺎ ﺍﻧﺖ ﺗﻀﺮﺏ ﻳﺎ ﻣﺘﺤﺒﻨﻲ .. ﺑﺲ ﺗﻠﻮﻣﻴﻨﻲ .. ﻉ ﺍﻛﻮ ﻭﺍﻟﻤﺎﻛﻮ ..
ﻫﺎﻱ ﺍﻧﻲ ..
ﺍﻱ
ﺍﻱ ﻟﻴﺎﻝ .. ﺍﻧﺘﻲ .. ﺍﺣﺠﻲ ﻛﻠﻤﻪ ﺗﺮﺩﻳﻨﻲ ﺑﺎﻟﻒ
ﻧﺴﻴﺘﻲ ﻟﻮ ﻻ ..
ﻭﻟﺞ ﻳﺎﺑﻨﺖ ﺍﻟﻌﺎﻟﻢ .. ﺣﺎﻟﻲ ﻣﻦ ﺣﺎﻝ ﻫﺎﻟﺰﻟﻢ ﺍﻧﻲ ﻳﻤﺞ ﺍﺭﻳﺪ ﺍﺭﺗﺎﺡ ﺑﻨﺺ ﻋﺰﺍﻳﻪ ﺗﻜﻠﻴﻠﻲ ..
ﺍﻧﻪ ﺫﻟﻴﻠﻪ ﻳﻤﻚ .. ﻃﻴﺮﻳﻦ ﺟﺪﻱ ﻣﻦ ﺭﺍﺳﻲ ..
ﻫﻢ ﻛﻮﻟﻲ ﻻ ..
ﻭﺷﺮﺑﻚ ؟ﻭﺍﻟﺒﻨﺎﺕ ..
ﺷﻔﺘﻲ .. ﻧﻔﺴﺞ ..
ﺍﺳﺎﻟﻲ ﻧﻔﺴﺞ .. ﺍﻻﻭﻝ ﻳﻤﻲ ﺗﺠﻴﻦ ﺍﻛﺮﻫﻚ ﻣﺎ ﺣﺒﻚ ﻣﺎﺭﻳﺪﻙ
ﺑﺎﻳﻌﺘﻨﻲ ﻣﻦ ﺍﻭﻝ ﻟﻠﻴﻠﻪ ﻭﺑﺎﻭﻝ ﻫﺪﺓ ﺍﻧﻄﻴﺘﻲ ﺑﻴﻪ ..
ﻻﺑﺮﺍﻫﻴﻢ ﻭﻏﻴﺮﺓ .. ﺷﻤﻌﺮﻓﻨﻲ ﻣﺎ ﻫﻮ ﻟﻔﻖ ﻋﻠﻴﻪ ﺳﺎﻟﻔﻪ ﺍﻟﺴﻼﺡ .. ﻭﺍﻧﺴﺠﻨﺖ ﻣﻮ ﺧﺎﻟﻪ ﻭﺍﺻﻞ ..
ﻣﻮ ﺧﻮﺵ ﺍﺩﻣﻲ ﺍﻧﻪ .. ﻭﺍﺳﺘﺎﻫﻞ ﻣﻮ ..
⤵️
ﺍﺛﻨﻴﻨﻪ ﻏﻠﻂ ﻳﺠﻮﺯ ﺍﻧﻪ ﺍﺫﻳﺞ ﺑﺲ ﺍﻧﺘﻲ ﻫﻢ ﻣﺎﻗﺼﺮﺗﻲ ﻭﻳﺎﻱ ..
ﺍﺣﺠﻴﻴﻲ ﻻ ﺍﺳﻜﺘﻴﻦ ..
ﺟﺎﻭﺑﺖ ﺗﻌﺒﺖ .. ﻣﻦ ﻛﻞ ﺷﻲ ..
ﺍﻱ ﺍﻋﺮﻑ ﻫﺬﺍ ﺍﻟﻲ ﻣﺤﺼﻠﺔ ﻣﻨﺞ ..
ﻫﻮ ﺍﻟﻲ ﻳﻘﻬﺮﻧﻲ ﺑﻴﻮﻡ ﻭﻟﻠﻴﻠﻪ ﺻﻔﻴﺖ ﻟﺤﺎﻟﻲ ..
ﻭﺍﻟﻜﻞ ﺍﻓﺘﺮ ﻋﻠﻴﻪ .. ﺍﻟﻜﻞ ..
ﻭﺍﻧﺘﻲ ﻣﺎ ﺣﺒﻴﺒﺘﻲ ﺑﻴﻮﻡ .
ﺍﺧﺬ ﺍﻟﺴﻮﻳﺞ .. ﻭﻃﻠﻊ ..
ﻫﺎﻱ ﺍﻧﻲ ﻫﻴﺞ ﻣﻌﻘﻮﻟﻪ ﻛﻤﺖ ﺍﺿﺤﻚ ..
ﻛﻞ ﻫﺬﺍ ﺷﺎﻳﻠﻪ ﻋﻠﻴﻪ .. ﻃﻠﻌﺖ ﺍﻧﻲ ﻣﻮ ﺧﻮﺵ ﺍﺩﻣﻴﻪ ..
ﻣﺎﻛﻮ ﺩﻗﺎﻳﻖ ﻭﺭﺟﻊ .. ﻟﻠﺒﻴﺖ ﺫﺏ ﺍﻻﻛﻞ ﻉ ﺍﻟﻤﻴﺰ ..
ﻭﻃﺐ ﺟﻮﺓ ..
ﻭﺍﺳﻤﻌﻪ ﻳﺴﻮﻟﻒ ..
ﺭﺗﺒﺖ ﺍﻻﻛﻞ ﻭﻓﻜﺮﻱ ﻛﻠﻪ ﻳﻢ ﻛﻼﻣﻪ ..
ﻭﺍﺫﻛﺮ ﻣﻮﺍﻗﻒ ﺟﺎﻧﺖ ﺗﺼﻴﺮ ﺑﻴﻨﻪ ﻭﺍﺭﻳﺪ ﺍﻛﻮﻟﻪ ﺍﻧﺖ ﺍﻟﺨﻄﺄ .. ﻭﺍﻧﺖ ﻭﺍﻧﺘﺮ ..
ﺑﺲ ﺗﻌﺒﺖ ﺍﺣﺲ ﺍﻟﻜﻼﻡ ﻣﺎﻟﻪ ﻣﻌﻨﻰ ..
ﻛﻞ ﻭﺍﺣﺪ ﻋﺎﻳﺶ ﺑﻮﺍﺩﻱ ..
ﺻﺤﺘﻪ ﺗﻌﺎﻝ ﺍﻛﻞ ..
ﺟﺎﺏ ﺷﺒﻞ ﻭﻛﻌﺪ ﻳﺎﻛﻞ ..
ﻭﻳﺴﻮﻟﻒ ﻭﻳﺎ ﺷﺒﻞ ﻭﻳﻀﺤﻚ ﻭﻳﺎﻩ ..
ﺑﻴﻦ ﻣﺪﺍﻟﻢ ﺍﻟﺴﻔﺮﺓ ﻭﺍﻏﺴﻞ ﺍﻟﻤﻮﺍﻋﻴﻦ ﻫﻮ ﺫﺏ ﺟﺎﻱ ﻉ ﺍﻟﻨﺎﺭ ..
ﺑﺲ ﺳﺎﻛﺖ .. ﻣﺤﺠﺔ ﺷﻲ ..
ﺍﺣﺴﻦ ﻣﺎﺭﻳﺪ ﺍﺳﻤﻊ .. ﺷﻲ .
ﻛﺎﻝ ﺭﺍﺡ ﺍﻧﺎﻡ ﻭﺍﻧﻮﻡ ﺷﺒﻞ .. ﻋﻮﺩ ﺟﻴﺒﻴﻠﻲ ﺍﻟﺠﺎﻱ ﻟﻠﻐﺮﻓﻪ ..
ﻛﻤﻠﺖ ﻭﺍﺧﺬﺕ ﺍﻟﺠﺎﻱ ﻭﻃﺒﻴﺖ ﺍﻧﻄﻴﺘﻪ ﺍﻟﻪ ﻋﺰﻟﺖ ﻏﺮﻓﺘﻲ ..
ﻛﺎﻝ ﺣﻀﺮﻱ ﻫﺪﻭﻣﺞ ..
ﻛﺘﻠﺔ ﻻﻫﻠﻲ ﻣﺎﺭﻭﺡ ﻭﻻ ﺿﻞ ﺍﻃﺮﺩ ﺑﻴﻪ ..
ﺍﻗﺘﻬﻤﺖ ﺍﻧﺖ ﺻﺦ ﻭﺍﻧﻲ ﺍﻟﻐﻠﻂ ..
ﺿﺤﻚ ﻛﺎﻝ ﺍﻟﻠﻪ ﻳﻄﻮﻟﺞ ﻳﺎﺭﻭﺡ ..
ﺷﻔﺘﻲ ﻫﺎﻱ ﺍﻧﺘﻲ ﻋﺠﻮﺯ ﺑﺲ ﺍﺩﺭﺩﻡ .. ﺍﻟﻤﻬﻢ ﺗﺤﺠﻴﻦ ..
ﺑﻮﻳﻪ . ﺍﻭﺩﻳﺞ ﻧﺰﻭﺭ .. ﻣﺎﺗﺮﻳﺪﻳﻦ ﺗﺮﺣﻴﻦ ..
ﺟﺎﻳﻦ ﺑﺎﻟﻄﺮﻳﻖ ﺳﺎﻋﺘﻴﻦ ﻭﻳﻮﺻﻠﻮﻥ ﻧﻄﻠﻊ ﺑﻠﻴﻞ ﺣﺘﻰ ﻫﻨﺎﻙ ﺍﻟﻔﺠﺮ ..
ﺭﺗﺒﺖ ﺍﻟﺠﻨﻄﻪ .. ﻭﺍﺧﺬﺕ ﻫﺪﻭﻡ ﻭﻃﺒﻴﺖ ﺳﺒﺤﺖ ..
ﺟﺴﻤﻲ ﺟﺎﻥ . ﻣﺸﻮﻫﻪ . ﻳﺨﻮﻑ ﻭﻳﻮﺟﻌﻨﻲ ..
ﻛﻮﺓ ﻏﺴﻠﺖ ﻭﻃﻠﻌﺖ ..
ﺷﻔﺘﻬﻢ ﻧﺎﻳﻤﻴﻦ ..
ﻏﻄﻴﺖ ﺷﺒﻞ ..
ﻭﺭﻓﻌﺖ ﻋﻴﻨﻲ ﻉ ﻓﻬﺪ .
ﻣﺎﺭﻳﺪ ﻋﺸﻚ ﺑﺬﻟﻪ ..
ﻛﺮﻫﺘﻪ .. ﺑﺤﺠﻢ ﺍﻟﺤﺐ ..
ﺍﺧﺬﺕ ﺣﺴﺮﺓ ..
ﻣﺠﻨﺖ ﺍﻛﺪﺭ ﺍﺷﺘﻐﻞ ﻭﺍﺗﺤﺮﻙ ﺟﺴﻤﻲ ﻳﻮﺟﻌﻨﻲ ..
ﺍﻧﻲ ﻫﻢ .. ﻣﺪﺩﺕ ﺑﺎﻟﻜﺎﻉ ..
ﺍﺭﻳﺢ ﺟﺴﻤﻲ .. ﻣﻜﺪﺭﺕ ﺍﻧﺎﻡ .. ﻭﻛﻼﻣﻪ ﻳﺪﻙ ﺑﺮﺍﺳﻲ ﻭﻟﻴﺶ ﻣﺠﺎﻭﺑﺖ ..
ﺑﻘﻴﺖ ﺍﺗﻜﻠﺐ ..
ﺳﺎﻋﻪ ﻭﻛﻌﺪ ﻓﻬﺪ ..
ﻃﻠﻊ ﻣﻼﺑﺲ ﻭﻃﺐ ﺳﺒﺢ ﻭﻃﻠﻊ ..
ﻭﻛﻌﺪ ﺑﺎﻟﻬﻮﻝ ..
⤵️
ﺍﺗﺠﺎﻫﻠﻨﻲ .. ﻋﺠﻴﺐ ﻫﺎﻻﻧﺴﺎﻥ ..
ﻣﺎﻋﻨﺪﻱ ﺑﻌﺪ ﺍﺳﺎﻟﻴﺐ ﺍﺗﺒﻌﻬﺎ ﻭﻳﺎﻩ ..
ﻭﻻ ﺍﺭﻳﺪ ﺍﺗﺒﻊ ﺷﻲ ..
ﺭﺍﺩ ﺟﺎﻱ .. ﻭﻛﺎﻡ ﻫﻮ ﻳﺴﻮﻱ .. ﻟﻨﻔﺴﻪ ..
ﻛﺎﻝ ﻟﻴﺎﻝ ..
ﻧﻌﻢ ﻓﻬﺪ ..
ﺭﺍﺡ ﺍﺳﺎﻟﺞ .. ﺳﺆﺍﻝ .. ﻫﻢ ﺍﻧﻘﻬﺮﺗﻲ ﻋﻠﻴﻪ ﻣﻦ ﺍﻧﺴﺠﻨﺖ ..
ﺑﻘﻴﺖ ﺍﺑﺎﻭﻉ ﻋﻠﻴﻪ ..
ﺍﺑﺘﺴﻢ ﺍﺗﻤﻨﻴﺘﻲ ﺍﻣﻮﺕ ﻣﻮ ..
ﻭﺍﻟﻠﻪ ﻛﻠﺘﻬﺎ ﺍﺭﺗﺎﺣﺖ ﻣﻨﻲ ﻭﺗﺪﻋﻴﻠﻲ ﺑﺎﻟﻤﻮﺕ ..
ﻛﺘﻠﻪ ﺍﻛﻴﺪ ﻻ .. ﺍﻧﺖ ﺍﺑﻮ ﺍﺑﻨﻲ .. ﺑﺲ ﺍﻟﻠﻪ ﻳﻌﺮﻑ ﺷﻨﻮ ﺍﻟﻲ ﺻﺎﺭ
ﺣﻴﺎﺗﻲ ﻭﻳﺎﻙ ﺧﻮﻑ ..
ﻭﻳﻤﻚ ﺷﻚ ..
ﺍﺟﻤﻌﻬﺎ ﻭﺷﻮﻑ ﺷﺘﻄﻠﻊ ﺷﻚ ﻭﺧﻮﻑ ..
ﺳﻮﺓ ﺍﻳﺪﺓ ﻣﺜﻞ ﺍﻟﻤﺎﻳﻚ ﺍﻱ ﺳﺖ ﻟﻴﺎﻝ ﻛﻤﻠﻲ ﻛﻤﻠﻲ ﺍﻧﺴﻤﻌﺞ ..
ﺿﺤﻚ ﺗﻬﻮﻥ ﺩﺍﻡ ﺍﻛﻮ ﻧﻔﺲ ﺑﻴﻨﻪ ﺗﻬﻮﻥ ..
ﻳﻼ ﺗﻌﺎﻱ ﻟﻠﻐﺮﻓﻪ ..
ﺷﻜﻮ ..
ﺗﻌﺎﻱ ﻧﻠﻌﺐ ﺧﺘﻴﻼﻥ .. ﺍﻧﻪ ﺍﻃﺐ ﺑﺜﻮﺑﺞ ﻭﺍﻧﺘﻲ ﺩﻭﺭﻱ ﻋﻠﻴﻪ ..
ﻭﻫﺎﻱ ﻫﻴﺔ ..
ﺗﻌﺎﻱ ﻭﺟﺮﻧﻲ ﻣﻦ ﺍﻳﺪﻱ ..
ﺍﻭﻛﻒ .. ﺷﺒﻴﻚ ﻏﻴﺮ ﺍﻓﺘﻬﻢ ..
ﺍﻭﻭﻛﻒ ..
ﻛﺎﻝ .. ﺗﻌﺎﻱ .. ﺍﻟﻴﻮﻡ ﺍﻟﻴﻮﻡ .. ﻣﺎﻛﻮ ﻣﻬﺮﺏ ﺍﻟﺞ
ﺷﻜﻮ ﻓﻬﺪ ﺍﺑﻨﻚ ﺑﻌﺪﺓ ﻧﺎﻳﻢ ﺻﻮﺗﻚ ..
ﻭﻳﻀﺤﻚ ..
ﺷﻜﻮ ﻻ ﺗﺨﺎﻓﻴﻦ ﺍﺷﺎﻗﻪ ﻭﻳﺎﺝ .. ﻭﺍﻟﻠﻪ
ﺧﻠﻴﻨﻲ ﻣﺮﺗﺎﺡ ﺍﻟﻴﻮﻡ ﻻ ﺗﻨﻐﺼﻴﻨﻲ ..
ﻻ ﺟﺪﻳﺎﺕ ﺍﻛﻮ ﻣﻮﺿﻮﻉ ﺍﺭﻳﺪ ﺍﺧﺬ ﺭﺍﻳﺞ ﺑﻲ ..
ﺷﻨﻮ ..
ﻫﺬﺍ ﺍﻟﺒﻴﺖ ..
ﺷﺒﻲ ..
ﺭﺍﺡ ﺍﺳﺠﻠﻪ ﺑﺎﺳﻤﺞ ﻭﺍﺳﻢ ﺷﺒﻞ ...
ﺍﺿﻤﻦ ﺣﻘﻜﻢ ﺑﻲ .. ﺍﻟﻠﻪ ﺍﻟﻲ،ﻳﻌﻠﻢ ﻉ ﺳﺎﻋﻪ ﺍﻧﺼﻚ ..
ﻻ ﺍﺳﻢ ﺍﻟﻠﻪ .. ﻋﻠﻴﻚ ..
ﺗﻘﺮﺏ ﻣﻨﻲ .. ﺗﺨﺎﻓﻴﻦ ﻋﻠﻴﻪ ..
ﻛﻮﻟﻲ ﺍﺣﺒﻚ ﻭﺍﺧﺎﻑ ﻋﻠﻴﻚ ﻛﻮﻟﻲ .. ﺣﺘﻰ ﻟﻮ ﺗﻘﺸﻤﺮﻳﻨﻲ ﺭﺍﺿﻲ ﻭﺍﻟﻠﻪ ..
ﺗﺨﻴﻂ ﻟﺴﺎﻧﻲ ..
ﻛﻮﻟﻲ .. ﻟﻴﺎﻝ ﻭﻳﻦ ﻏﺰﻟﺞ ﻭﻛﻼﻣﺞ ﺍﻟﺤﻠﻮ ..
ﻛﺘﻠﻪ ﺍﻟﺒﺎﺭﺣﻪ ﻣﻮﺗﺘﻨﻲ ﻛﺘﻞ ﻭﺍﻟﻴﻮﻡ ﺗﺮﻳﺪ ﺍﺣﺒﻚ .. ﻣﺎﻛﺪﺭ .. ﻛﻞ ﺷﻲ ﺑﻴﻪ ﺍﺧﺘﻠﻒ ﻭﻳﺎﻙ
ﺟﺮﻧﻲ ﺣﻴﻞ ﻭﻗﺮﺏ ﺷﻔﺘﻪ ﻉ ﺷﻔﺘﻲ ..
ﻭﺑﺎﺳﻨﻲ ..
ﻛﺎﻝ
ﺍﺷﺶ ﺍﺳﻜﺘﻲ ..
ﻻ ﻣﺎ ﺍﺳﻜﺖ .. ﻭﺭﻭﺡ ﻉ ﺫﻧﻲ ﻋﻴﻨﻲ ﺍﻣﻬﺎﺕ ﺭﻏﺪﺓ ﺍﺣﺴﻦ ﻣﻨﻲ
ﻣﻦ ﺍﺷﺘﻌﻠﻮ ﻫﻠﺞ .. ﻭﻋﺾ ﺍﺻﺒﻌﻪ ﺍﺷﺘﻌﻠﻮ ..
ﻭﺍﺣﺪ ﻭﺍﺣﺪ ..
ﻭﻋﻠﻲ ﺗﺤﺒﻴﻦ ﻧﻚ ﻳﺎﺑﻮﻳﻪ .
ﻭﺗﺤﺒﻴﻦ ﻃﻚ .. ﺗﻌﻠﻤﻴﻨﻲ ﺑﻴﺞ
ﺍﺧﺬ ﺣﺴﺮﺓ ﻭﻭﺭﺙ ﺟﻜﺎﺭﺓ .. ﻭﻛﻌﺪ ﻳﻜﻮﻟﻲ ﺷﻜﺪ ﻋﻨﺪﺓ ﻓﻠﻮﺱ ﻭﺷﻮﻓﻨﻲ ﺍﻭﺭﺍﻕ . ﺍﻟﻤﻠﻜﻴﺔ ﻭﻛﺎﻝ ﺍﺳﺠﻠﻞ ﻧﺺ ﺑﻨﺺ ﻣﺎﺭﻳﺪ ﺍﻧﻲ ﻣﻤﻮﺟﻮﺩ ﺗﻨﺬﻟﻴﻦ ..
⤵️
ﻏﻴﺮ ﺍﻟﺮﺟﻞ ﻣﺤﺪ ﻳﻠﺰﻡ ﻇﻬﺮ ..
ﻻ ﺗﻜﻮﻟﻴﻦ ﺍﺑﻨﻲ .. ﻭﻻ ﺍﻫﻠﻲ ..
ﻭﻻ ﺷﻲ ..
ﺣﺘﻰ ﻛﻌﺪ ﻳﻜﻮﻟﻲ ﻣﻨﻮ ﻳﻄﻠﺒﻪ ﻭﻣﻨﻮ ﻳﻄﻠﺐ ..
ﻛﻞ ﺷﻲ ﺍﻧﺠﻤﻊ ﺑﺮﺍﺳﻲ ..
ﺍﺣﻤﺪ . ﺩﺍﺧﻞ ﺑﺮﺍﺳﻪ ﻭﻣﻌﺸﺶ ﺑﻲ ..
ﻭﻣﻦ ﺍﺣﻤﺪ ﻣﺎﻛﻮ ﻓﻬﺪ ﻳﺘﻐﻴﺮ ﻣﻮ ﻫﻮ ..
ﻭﺍﻟﻠﻪ ﻋﺠﻴﺒﻪ ﺑﻴﻮﻣﻬﺎ ﺑﻘﻰ ..
ﻳﺤﺎﻭﻝ ﻳﺼﻠﺢ ﺍﻟﻲ ﺭﺍﺡ ..
ﻭﻳﺎ ﺍﻟﻤﻐﺮﺏ ﺍﺟﻮﻱ . ﻭﺍﺟﺖ ﻭﻳﺎﻫﻢ ﺍﻡ ﺣﻴﺪﺭ ..
ﻭﺍﺳﺘﻘﺒﻠﺘﻬﻢ .. ﻭﻳﺴﺎﻟﻮﻥ .. ﺻﺎﺭ ..
ﻣﺎﻛﻮ ﺷﻲ .. ﻭﺑﻘﺖ ﺗﺴﻮﻟﻒ ﺍﻟﻲ ﺳﻬﺎﻡ ﻣﺘﻐﻴﺮﺓ ﻭﺳﻤﻨﺎﻧﻪ ﻭﺣﻠﻮﺓ ﺻﺎﻳﺮﺓ .. ﻭﻫﻴﻠﻪ ﻳﻤﻬﺎ ﻭﺍﻟﺒﺎﻗﻴﻦ ﻧﻔﺲ ﺍﻟﺸﻲ
ﻭﺍﻡ ﺣﻴﺪﺭ ﺳﻮﻟﻔﺖ ﻛﻞ ﺷﻲ . ﺣﺘﻰ ﺍﻟﻲ ﺟﺎﺑﺖ ﻭﺣﺒﻠﺖ ﺳﻮﻟﻔﺖ ﻋﻠﻴﻬﺎ ..
ﻭﺣﺠﻲ .. ﻃﻮﻳﻞ ..
ﺑﺎﻟﻲ ﻣﻮ ﻳﻤﻬﻢ ﻻ ﺍﺑﺎﻟﻲ ﺑﻴﺖ ﻭﻻ ﻓﻠﻮﺱ ﻭﻻ ﺫﻫﺐ . .
ﺍﻋﺮﻑ ﺣﻴﺎﺗﻲ ﻭﻳﺎﻩ ﺷﻨﻮ .. ﺍﻧﻲ ﺍﻟﻐﻠﻂ ﻭﻫﻮ ﺍﻟﺼﺢ
ﻭﺍﺣﺘﻤﺎﻝ ﻳﺰﻭﺝ .. ﻭﺍﻧﻲ ﻻﺯﻡ ﺍﺭﺿﻰ ..
ﻭﺍﻧﺨﺎﻥ .. ﻭﺍﻧﻀﺮﺏ ..
ﻣﺎﻛﻮ ﻏﻴﺮ ﻓﻜﺮﺓ ﺍﻧﻬﺰﻡ
ﺑﻌﺪ ﺍﻟﻌﺸﺎ ﻧﺎﻣﻮ ﺗﻌﺒﺎﻧﻴﻦ ..
ﻛﺎﻝ ﻳﻼ ﺣﻀﺮﻱ ﻧﻔﺴﺞ ﺗﻘﺮﻳﺒﺎ ﺑﺎﻟﻌﺸﺮﺓ ﺑﻠﻴﻞ ..
ﺟﻨﺖ ﻣﺤﻀﺮﺓ ﻛﻞ ﺷﻲ ..
ﺑﺲ ﺑﺪﻟﻨﺎ . ﻭﺧﻠﻴﺖ ﻓﻠﻮﺱ ﻭﺫﻫﺐ ﺑﻬﺪﻭﻧﻲ . ﻭﺷﻮﻳﻪ ﺧﻠﻴﺖ ﻛﺤﻞ .
ﻓﺎﻃﻠﻌﻨﻪ ﻣﻦ ﻳﻢ ﺍﻟﻤﻄﺒﺦ .
ﺗﺮﺳﺖ ﺗﺮﻣﺰ ﺍﻟﻤﻲ .. ﻓﺘﺤﺖ ﺍﻟﻀﻮﺓ
ﺍﺷﻮﻑ ﺍﻡ ﺣﻴﺪﺭ .. ﻧﺎﻳﻤﻪ ﺑﺎﻟﻤﻄﺒﺦ ﻉ ﻃﻜﻄﻜﻪ ﻓﺰﺕ ..
ﻛﺎﻟﺖ ﺧﻴﺮ ﻭﻳﻦ
ﻓﻬﺪ ﻃﺎﻟﻌﻴﻦ ..
ﻭﻳﻦ ﻭﻛﺎﻣﺖ ﺗﻌﺪﻝ ﺑﺸﻴﻠﺘﻬﺎ .. ﺧﻴﺮ ..
ﻛﻠﻬﺎ ﺣﺒﻮﺑﻪ ﺯﻳﺎﺭﺓ ..
ﺍﻳﻴﻲ ﻭﻳﻦ ..
ﻛﻠﻌﺎ ﻣﺎﻋﺮﻑ ﻭﻳﻦ .. ﺑﺎﻟﻀﺒﻂ .. ﻧﻄﻠﻊ ﻭﺍﻟﻠﻪ ﻛﺮﻳﻢ ..
ﺗﺮﺑﻌﺖ ..
ﻛﺎﻟﺖ ﺷﻮﻑ ﻭﺍﻧﺖ ﻣﻤﺤﻠﻔﻨﻲ ..
ﻭﺩﺍﻋﺘﻚ ﻋﻨﺪﻱ .. ﻣﻦ ﺍﻧﺴﺠﻨﺖ ﻧﺨﻴﺖ ﺍﺑﻮ ﻓﺎﺿﻞ ﻳﺮﺩﻙ ﺳﺎﻟﻢ ﻭﻛﻠﺖ ﺍﻥ ﻃﻠﻊ ﺍﺟﻴﺒﻪ ﺍﻟﻚ
ﻭﺍﻧﺖ ﻋﺎﺩ ﺑﻜﻴﻔﻚ .. ﻭﺍﻟﺤﺮﻣﻪ ﺑﺸﺎﺭﺏ ﺍﻟﺨﻴﺮ
ﺗﺮﺿﻰ ﺍﺟﻲ ﻟﻮ ﻻ ..
ﺳﻜﺖ ﻓﻬﺪ
ﻭﻣﺎﻣﺤﻠﻔﻨﻲ ﺍﻧﺖ ﻫﺴﺔ ﺣﻠﻤﺖ ﺟﻦ ﺭﻭﺣﻲ ﺍﺯﻭﺭ ..
ﺍﻻﻣﻴﺮ ﻋﻠﻲ ..
ﻋﺎﺩ ﺑﻜﻴﻔﻚ ﻳﻤﻪ .. ﺗﺎﺧﺬﻧﻲ ﻟﻮ ﻻ ..
ﻫﻮ ﺍﻧﻲ ﻣﻜﺮﻭﺩﺓ ﺑﺨﺖ .. ﺭﻭﺣﻮ ﺩﺭﺏ ﺍﻟﺴﻼﻣﻪ .
ﺿﻞ ﻳﺒﺎﻭﻉ ﻋﻠﻴﻪ ..
ﻫﺰﻳﺖ ﺭﺍﺳﻲ ﺍﻱ ..
ﻛﺎﻝ ﻛﻮﻣﻲ ﺣﺒﻮﺑﻪ ..
ﻛﺎﻣﺖ .. ﻭﻛﻌﺖ ﺑﻮﺱ ﺑﻮﺱ ﺑﻲ ﺍﻟﻠﻪ ﻳﻨﻄﻴﻚ ﺍﻟﻌﺎﻓﻴﻪ ﺍﻟﻠﻪ ﻳﻮﻓﻘﻚ .. ﺍﻟﻠﻪ ﻳﺴﺘﺮﻙ ..
ﻭﺍﻧﺨﺒﺼﺖ ﺗﺸﻴﻞ ﺑﻐﺮﺍﺿﻬﺎ ﻭﺗﺤﻂ ..
ﺍﺧﺬﺗﻬﺎ ﻭﻃﻠﻌﻨﺎ ﻭﺍﻟﻄﺮﻳﻖ ﻛﻠﻪ ﺗﺴﻮﻟﻒ ﻭﻣﺎﺭﺿﺖ ﺍﻻ ﺗﻜﻌﺪ ﺑﺎﻟﺼﺪﺭ ..
ﻭﺗﺤﺠﻲ ﻳﺎ ﺭﺍﺷﺪ ﻭﻳﺎ ﺟﻨﺘﻬﺎ ..
ﻃﺮﻳﻖ ﺯﻳﺎﺭﺓ ﻛﻀﺘﻪ ﺗﺴﺐ ﺑﻴﻬﻢ ..
ﻭﺻﻠﻨﺎ .. ﻭﺭﻛﻨﺔ ﺍﻟﺴﻴﺎﺭﺓ ﻭﺑﺪﻳﻨﻪ ﻧﻤﺸﻲ .. ﺷﺒﻞ ﺑﺎﻟﻌﺮﺑﺎﻧﻪ ﻭﺍﻧﻲ ﻭﺍﻡ ﺣﻴﺪﺭ ﻧﻤﺸﻲ ﻉ ﻛﻴﻒ ..
ﻓﻬﺪ ﻛﺎﻝ ﻛﺤﻠﺘﺞ ﻃﻮﺥ ..
ﻛﺘﻠﻪ ﺍﻟﺮﺳﻮﻝ ﺟﺎﻥ ﻳﺘﻜﺤﻞ ..
ﻛﺎﻝ ﺧﻮﺵ .. ﺩﺭﺏ ﻫﺬﺍ .. ﻟﻴﺎﻝ ﻣﺴﺤﻴﻬﺎ ..
ﺍﻡ ﺣﻴﺪﺭ ﻏﻄﺖ ﻋﻠﻴﻪ ﻭﺗﺴﻮﻟﻒ ..
ﻭﺗﺸﺘﺮﻱ ﻏﺮﺍﺽ
ﻧﻤﺸﻲ ﺧﻄﻮﺗﻴﻦ ﻭﻓﻬﺪ ﻳﻮﻛﻒ ﻧﺸﺘﺮﻱ ﺷﻲ ..
ﺗﺮﻳﺪﻳﻦ ﺩﺷﺪﺍﺷﻪ .
ﺍﻛﻮﻟﻪ ﻻ ﻭﻳﺠﻴﺐ ..
ﻣﺸﻴﻨﻪ ﻭﻛﻒ .. ﺗﺮﻳﺪﻳﻦ ﺟﻨﻄﻪ ﻭﺣﺬﺍﺀ ..
ﻋﻠﻤﺎ ﻭﺻﻠﻨﺎ ﺍﻻﻣﺎﻡ .. ﺍﻟﻌﺮﺑﺎﻧﻪ ﻧﺘﺮﺳﺖ ﻏﺮﺍﺽ .
ﻛﺪ ﻣﺎﺷﺘﺮﺓ ﻓﻬﺪ ..
ﺍﻓﺘﺮﻗﻨﺎ ﻭﺣﺪ ﺷﺒﻞ ﻭﻓﻬﺪ ﻭﺣﺪ
ﻭﺍﻧﻲ ﻭﺍﻟﺤﺠﻴﻪ ﻭﺣﺪ ..
ﺭﺟﻌﻨﺎ ﺗﺸﺎﻭﻓﻨﻪ ﺑﺎﻟﺼﺤﻦ .. ﺑﺮﺓ ..
ﻛﺎﻝ ﺍﺧﺬﻱ ﺷﺒﻞ ..
ﻟﻴﺶ ﺍﺣﻨﻪ ﻫﻮﺳﺔ ﺯﻭﺭﺓ ﺍﻧﺖ ..
ﺩﻧﺞ ﻳﻢ ﺭﺍﺳﻲ ﻣﺎﺩﺧﻞ ﺍﺯﻭﺭ .. ﺣﺠﺎﻫﺎ ﺑﻜﺴﺮﺓ
ﻟﻴﺶ .. ﺭﻓﻊ ﺭﺍﺳﻪ ..
ﻫﺰ ﺭﺍﺳﻪ ﺭﻭﺣﻲ ..
ﻋﺮﻓﺖ ﻓﺸﻼﻥ ﻭﺧﺠﻼﻥ ﻣﻦ ﺳﻮﺍﻟﻔﻪ ﻣﻴﺰﻭﺭ
ﺍﻟﺤﺠﻴﻪ ﻗﺒﻞ ﻻﻧﻔﻮﺕ ﺍﺭﻳﺪ ﺍﻃﺐ ﺣﻤﺎﻡ ..
ﻭﻃﺒﻌﺎ ﻣﻴﻘﺒﻞ ﻭﺣﺪﻱ ..
ﺍﺭﻭﺡ ﻭﻳﺎﻫﺎ ..
ﻃﻠﻊ ﺑﻴﻨﻪ ﻣﻦ ﺟﺪﻳﺪ ..
ﻭﺩﺧﻠﻨﺎ ﺍﻟﺤﻤﺎﻣﺎﻥ ﺑﻘﻴﺖ ﺍﻧﺘﻈﺮﻫﺎ ..
ﻭﻻﺯﻣﻪ ﻋﺒﺎﺗﻬﺎ ..
ﻭﻛﻔﻦ ﻳﻤﻲ ﻧﺴﻮﺍﻥ ..2 ﻳﺤﺠﻦ ..
ﻃﻠﻌﺖ ﺍﻟﺤﺠﻴﻪ ﻭﻃﻠﻌﺖ ﻗﺒﻠﻬﺎ ..
ﻭﻛﻔﺖ ﻳﻢ ﻓﻬﺪ ﺍﺑﺎﻭﻉ ﻉ ﺍﻟﻨﺎﺱ ﻟﺰﻡ ﺍﻳﺪﻱ
ﻋﻴﻨﺞ .. ﻟﻴﺎﻝ ﻋﻠﻴﻪ ﻟﻮ ﺍﻟﻜﺎﻉ ﻻ ﺗﺒﺎﻋﻴﻦ ..
ﺩﻧﺠﺖ ..
ﻭﺟﻨﺖ ﺑﺲ ﺍﺭﻳﺪ ﻓﺮﺻﻪ ﺣﺘﻰ ﺍﻋﻮﻓﺔ ﻭﺍﺭﻭﺡ ﻭﺧﻄﻄﺖ ﺍﻃﺐ ﺍﻧﻲ ﻭﻳﺎﻫﺎ ﻭﺍﻃﻠﻊ ..
ﺍﺟﺘﺘﻲ ﻭﺭﺓ ﺷﻮﻳﻪ ﺗﻀﺤﻚ ..
ﻛﺎﻟﺖ ﻛﺪﺍﻡ ﻓﻬﺪ ..
ﻭﻟﺞ ﺧﺎﻳﺒﻪ ﻏﻴﺮ ﺫﻧﻲ ﺍﻟﻨﺴﻮﺍﻥ ﺧﻄﺒﻮﺝ ﻣﻨﻲ ..
ﻳﺎﻧﺴﻮﺍﻥ ﻭﺍﺭﻳﺪﻫﺎ ﺗﺴﻜﺖ ..
ﻛﺎﻟﺖ ﺫﻧﻲ ﺍﻟﻲ ﺟﻮﺓ ﺭﺍﺩﻭﺝ ﻻﺑﻨﻬﻢ ..
ﻛﺘﻠﻬﻢ ﻣﺰﻭﺟﻪ ﻭﻋﺪﻫﺎ ﻭﻟﺪ ﻣﺎﺻﺪﻛﻮ ..
ﻓﻬﺪ ﺗﺨﺒﻞ ﺍﻣﺸﻮ ﻧﺮﺟﻊ .. ﻛﻠﻪ ﻣﻦ ﺯﻭﺍﻛﺘﺞ
ﻫﺎﻱ ﺍﻟﻲ ﺭﺩﺗﻬﻴﺎ ﻣﻮ ..
ﻧﺮﺟﻊ ﻣﺎ ﺍﺑﻘﻰ ..
ﻭﻳﻦ ..
ﻧﺮﺟﻊ ﻟﺒﻴﺘﻨﻪ ﻻ ﺯﻳﺎﺭﺓ ﻭﻻ ﻏﻴﺮﻫﺎ ﻧﺮﺟﻊ ..
ﻣﺴﺤﻲ ﻭﺟﻬﺞ ﻣﺴﺤﺘﺔ
ﻃﺒﻲ ﻏﺴﻠﻲ
ﻣﺮﺗﻴﻦ ﻏﺴﻠﺖ .. ﻭﺟﻬﻲ ..
ﻳﻼ ﻃﻠﻌﺖ ..
ﻭﻫﺎﻱ ﺍﻡ ﺣﻴﺪﺭ ﺿﻠﺖ ﺗﺘﻮﺳﻞ ﺑﻲ ..
ﻳﻼ ﻗﺒﻞ .. ﺍﻧﻄﺎﻧﻪ ﻧﺺ ﺳﺎﻋﻪ ﺍﻧﺰﻭﺭ ﻭﺍﻧﺼﻠﻲ ..
ﻣﺰﺭﺕ ﻭﻻ ﺻﻠﻴﺖ ..
ﺍﺧﺬﺕ ﺍﺑﻨﻲ ..
ﻣﺠﺮﺩ ﻣﺎ ﻃﺒﻴﻨﻪ ﺍﻟﻀﺮﻳﺢ ﻛﻤﺖ ﺍﺑﺠﻲ ﺑﺼﻮﺕ ﻋﺎﻟﻲ ..
ﺑﺤﻴﺚ ﺍﻟﻌﺎﻟﻢ ﺗﺒﺎﻭﻉ ﻋﻠﻴﻪ .. ﻭﺣﺪﺓ ﺗﻜﻮﻝ ﻟﺜﺎﻧﻴﻪ ﺷﺒﻴﻬﺎ ..
ﺍﻟﻠﻪ ﻳﻌﻴﻦ ﺍﻟﻌﺎﻟﻢ ﻣﻬﻤﻮﻣﻪ ..
ﻭﺟﺎﻧﺖ ﻫﻮﺳﻪ .. ﻭﺍﺯﺩﺣﺎﻡ ..
ﺗﻴﻬﺖ ﺍﻡ ﺣﻴﺪﺭ ..
ﻭﻃﻠﻌﺖ ﻭﺍﺗﻠﻔﺖ ﻣﻦ ﻏﻴﺮ .. ﺑﺎﺏ ..
ﻭﺍﺗﻌﺜﺮ ﺑﻌﺒﺎﺗﻲ .. ﻭﺍﻧﻀﺮﺏ ﺑﺎﻟﻌﺎﻟﻢ
ﻋﺒﺎﻟﻚ ﻋﻴﻮﻥ ﻓﻬﺪ ﺑﻜﻞ ﻣﻜﺎﻥ ﺗﻄﻠﻊ ﺍﻟﻲ
ﻟﺤﺪ ﻣﺎ ﻃﻠﻌﺖ ﺑﺮﺓ .. ﺍﻻﻣﺎﻡ
↙️
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء