رواية لأني امرأة ج2 الجزء الثاني

رواية لأني امرأة ج2 الجزء الثاني

للكاتبة سوزان المندلاوي

↙️

ﻧﺰﻝ ﺟﻮﺓ ﺑﻘﻴﺖ ﻧﻔﺲ ﻣﻜﺎﻧﻲ ﺑﻴﻦ ﺍﺭﻳﺪ ﺍﻛﻮﻡ ﻭﺑﻴﻦ ﻻ ﻣﺎﺭﻳﺪ ﺍﻧﺠﺮﺡ ﺍﻛﺜﺮ

ﺍﻟﻒ ﻓﻜﺮﺓ ﺍﺟﺘﻲ ﺍﺑﺎﻟﻲ ..

ﻛﻤﺖ ﻣﻦ ﺍﻟﻔﺮﺍﺵ ﻉ ﻛﻴﻒ ..

ﻣﺸﻴﺖ ﺧﻄﻮﺗﻴﻦ ..

ﻓﺘﺤﺖ ﺷﻮﻳﻪ ﻣﻦ ﺍﻟﺒﺎﺏ .. ﻭﻃﻠﻌﺖ ﺟﺎﻧﺖ ﻇﻠﻤﻪ .. ﻭﺷﻮﻳﻪ ﺍﻟﻀﻮﺓ ﻳﻌﻜﺲ ..

ﺯﻳﻦ ﺍﻧﺰﻝ ﻟﻮ ﺍﻫﻴﻦ ﻧﻔﺴﻲ ﺍﻛﺜﺮ ..

ﻧﺰﻟﺖ ..

ﺍﻟﺪﺭﺝ ..

ﺭﻏﻢ ﻛﻞ ﺷﻲ ﺳﻮﺍﻩ ..

ﺑﺲ ﺑﻘﺖ ﺍﺷﻮﻓﻪ ﻳﺨﻮﻧﻲ ﻛﺒﺎﻝ ﻋﻴﻮﻧﻲ .

ﺟﻨﺖ ﺍﺗﺨﻴﻞ ﻛﻞ ﺷﻲ ..

ﻫﻲ ﺩﻗﺎﺋﻖ .. ﺑﺲ

ﻭﺻﻠﺖ ﻟﻐﺮﻓﻪ ﺍﻟﺤﺠﻴﻪ .. ﻗﺮﺑﺖ ﺍﺫﺍﻧﻲ ﺍﺭﻳﺪ ﺍﺳﻤﻊ ﺷﻲ ..

ﻣﺴﻤﻌﺖ ﻭﻻ ﺻﻮﺕ ﻛﻠﺖ ﺍﻛﻴﺪ ﺑﺎﻟﻤﻄﺒﺦ ..

ﻫﻢ ..

ﺭﺣﺖ ﻟﻠﻤﻄﺒﺦ .. ﺍﻟﻀﻮﺓ ﻣﻄﻔﻲ ﻭﻫﺪﻭﺀ، .

ﻋﻘﻠﻲ ﺟﺎﻥ ﻳﺘﺨﻴﻞ .. ﺧﻴﺎﻧﻪ ﺍﺷﻮﻓﻪ ﺣﺎﺿﻨﻬﺎ ﺍﻭ ﻻﺯﻣﻬﺎ ..

ﻛﻤﺖ ﺍﺩﻭﺭ ﻭﻣﻠﻜﻴﺖ ﺷﺊ ..

ﻃﺒﻴﺖ ﺍﻟﻬﻮﻝ ﻧﻔﺲ ﺍﻟﺸﻲ ..

ﺑﻘﻴﺖ ﻭﺍﻛﻔﻪ ﻳﺎﺭﺑﻲ ﻭﻳﻦ ﺭﺍﺡ ﻫﺬﺍ ..

ﺗﺎﻟﺊ ﺍﺳﺘﻐﻔﺮﺕ ﺍﻟﻠﻪ ..

ﻭﻛﻠﺖ ﺍﻥ ﺑﻌﺾ ﺍﻟﻈﻦ ﺍﺛﻢ ..

ﺭﺣﺖ ﺷﺮﺑﺖ ﻣﻲ . ﻣﻦ ﺍﻟﻤﻄﺒﺦ ..

ﻭﺭﺟﻌﺖ ﺩﺍﺻﻌﺪ ..

ﺷﻔﺖ ﻫﻴﻠﺔ ﺍﺟﺘﻲ ﻣﻦ ﺟﻬﻪ ﺍﻟﺪﻳﻮﺍﻥ ﺍﻟﺪﺍﺧﻠﻲ ..

ﻭﺟﺎﻧﺖ ﺷﺎﻳﻠﻪ ﻋﻼﻛﻪ ..

ﺍﻧﻲ ﻃﻠﻌﺖ ﻣﻦ ﺍﻟﻤﻄﺒﺦ ﺣﺘﻰ ﺍﺑﻴﻦ ..

ﻭﺗﺸﻮﻓﻨﻲ ..

ﺷﻔﺘﻨﻲ ﺩﻧﺠﺖ ﻭﺭﻛﺾ ﺭﺍﺣﺖ ﻟﻠﻐﺮﻓﻪ ﻭﺳﺪﺕ ﺍﻟﺒﺎﺏ ..

ﻭﻣﻨﺎﻙ ﺍﺟﺔ ﻓﻬﺪ ﻳﺘﻤﺸﻰ .. ﺑﺮﻫﺎﻭﺓ ..

ﺟﺎﻥ ﻻ ﺑﺲ ﺷﻮﺭﺕ .. ﻭﻓﺎﻧﻴﻼ ..

ﻭﻳﻤﺸﻲ ..

ﻣﻦ ﺷﺎﻓﻨﻲ ﻣﺸﺔ ﺳﺮﻳﻊ ﻳﻤﻲ ..

ﻛﺎﻝ ﺷﻨﺰﻟﺞ ..

ﻛﺘﻠﻪ ﺍﻟﻲ ﻧﺰﻟﻚ .. ﻧﺰﻟﺖ ﻋﻠﻴﻪ ..

ﻟﻴﻠﺔ ﺍﻣﺸﻲ .. ﻭﻟﺰﻡ ﺍﻳﺪﻱ ﻣﻦ ﻓﻮﻙ ..

ﻫﺪ ﺍﻳﺪﻱ .. ﺍﺧﻮﻧﻚ ﻳﺪﺭﻭﻥ ﺑﺴﻮﺍﻟﻔﻚ ﻫﺎﻱ ..

ﻭﻟﻚ ﺟﺎﻥ ﺍﺳﺘﺤﻴﺖ .. ﺑﻌﺪﻫﺎ ﺻﻐﻴﺮﺓ ..

ﺟﺮﻧﻲ ﺷﺠﺎﻱ ﺗﺤﺠﻴﻦ ..

ﺍﻣﺸﻲ ..

ﻣﺎﺻﻌﺪ .. ﺷﻜﺪ ﺍﺭﻳﺪ ﺍﻛﻮﻥ ﺍﻗﻮﻯ ﻣﻨﺔ ﻣﺎﻛﺪﺭ ﺍﻟﻪ ..

ﺑﺪﺍ ﺻﻮﺗﻲ ﻳﻌﻠﻰ ﺗﻤﻨﻴﺖ ﺍﻟﻜﻞ ﻳﻜﻌﺪ ﻳﺸﻮﻓﻪ .. ﺑﻬﺬﺍ ﺣﺎﻟﻪ ..

ﺧﻠﻪ ﺍﻳﺪﺓ ﻉ ﺣﻠﻜﻲ ﻭﺻﻌﺪﻧﻲ .. ﻣﻦ ﺟﺎﻥ ﻳﺼﻌﺪﻧﻲ ﺭﺟﻠﻲ ﺗﻨﻀﺮﺏ ﺑﺎﻟﺪﺭﺝ ..

ﺻﻌﺪﺕ ﺩﻓﻌﻨﻲ ﺑﺎﻟﻐﺮﻓﻪ ..

ﺍﺷﺸﺸﺸﺶ ﻣﺎﻛﻮ ﺷﻲ ..

ﺷﻨﻮ ﻣﺎﻛﻮ ﺷﻔﺘﻚ ﺑﻌﻴﻮﻧﻲ ﺷﻠﻮﻥ ﺗﻠﺰﻙ ﺑﻴﻚ ..

ﻻ ﺗﻜﻮﻟﻲ ﻣﺎﻛﻮ ﺷﻲ ..

ﻟﻴﺎﻝ ﺩﺍﻛﻮﻟﺞ ﻣﺎﻛﻮ ﺷﻲ ﻭﺍﻧﺠﺒﻲ ﻭﺍﺳﻜﺘﻲ ..

ﺧﺎﺏ ﺷﻨﻮ ﺑﻠﺒﻞ ﻭﺍﺧﻮﻥ ﺑﺪﻗﻴﻘﺘﻴﻦ ..

ﻭﻳﻀﺤﻚ

ﻭﻻ ﺗﺒﻘﻴﻦ ﺗﺤﺠﻴﻦ ﺣﺠﻲ ﻓﺎﺭﻍ ﻭﺻﻮﺗﺞ ﻟﻠﺒﻴﺖ ﻛﻠﻪ ﻧﺎﻳﻢ ..

ﺍﻱ ﻧﺎﻳﻤﻴﻦ ﻭﺍﻧﺖ ﺗﺴﺮﺡ ﻭﺗﻤﺮﺡ ﻭﻳﺎ ﻫﻴﻠﺔ ..

ﺷﻜﺪ ﻗﺬﺭ ..

ﻛﺎﻡ ﻋﻠﻴﻪ .. ﺧﻠﻲ ﻟﺴﺎﻧﺞ ﺑﺤﻠﻜﺞ ﻻ ﺍﻛﺼﻪ ﻣﺎﻛﻮ ﻏﻴﺮ ﺗﻔﻜﻴﺮﺝ ﺍﻟﻘﺬﺭ ﺧﻠﻴﻨﻲ ﻣﺤﺘﺮﻣﺞ ..

ﻻ ﺍﻫﻴﻨﺞ ﻭﺍﻟﻠﻪ ..

ﺍﻟﻠﻪ ؟ ﺗﻌﺮﻓﻪ ﺍﻧﺖ ﻟﻮ ﻻ .

ﺍﻫﻮﻭﻭﻭ ﺭﺟﻌﻨﺎ ﻟﺴﻮﺍﻟﻔﺞ ..

ﺩﻳﻼ ﻳﻼ ﺳﻜﺘﻲ ﺍﺭﻳﺪ ﺍﻧﺎﻡ .. ﻭﺷﻨﻮ ﺗﻐﺎﺭﻳﻦ ﻋﻠﻴﻪ ﺍﻧﺘﻲ ؟؟

ﻻ ﻣﺎ ﺍﻏﺎﺭ ﻭﻻ ﺗﻬﻤﻨﻲ ﺍﻧﺖ ﻭﺑﺪﻳﺖ ﺍﻋﺪﻝ ﺑﺎﻟﻔﺮﺍﺵ ..

ﻭﺍﺭﺗﺐ ﺑﻲ ﺣﺘﺔﻯ ﺍﺭﺟﻊ ﺍﻧﺎﻡ ﻉ ﺻﻮﺗﻨﺎ ﺍﻟﻌﺎﻟﻲ ﺷﺒﻞ ﻓﺰ ﻭﺭﺟﻊ ﻧﺎﻡ ..

ﺧﻠﻴﺖ ﺭﺍﺳﻲ ..

ﺷﻜﺪ ﺍﻛﺮﻫﻪ ﺩﻣﻮﻋﻲ ﻉ ﻛﻞ ﺷﻲ ﺗﻨﺰﻝ ..

ﺑﻘﻴﺖ ﺍﺑﺠﻲ ﻭﻫﻮ ﻣﺸﻐﻞ ﺗﻠﻔﻴﺰﻳﻮﻥ ﻭﻳﺒﺎﻭﻉ ..

ﺍﺑﺠﻲ ﻉ ﻧﻔﺴﻲ .. ﻣﻮ ﺍﻛﺜﺮ .. ﺍﺑﺠﻲ ﻉ ﺣﻈﻲ ..

ﻉ ﻋﻤﺮﻱ ﺍﻟﻲ ﺭﺍﺡ ﻳﻀﻴﻊ ﻫﻨﺎ ..

ﻗﺮﺑﺖ ﺷﺒﻞ ﻣﻨﻲ ..

ﺷﻤﻴﺘﻪ .. ﻭﺑﺴﺘﻪ ﻣﻦ ﺍﻳﺪﺓ ..

ﻏﺼﻴﺖ .. ﺑﺠﻲ ..

ﻛﺘﻠﻪ .. ﺣﺒﻴﺒﻲ ﺍﻧﺖ ﺳﻨﺪﻱ ..

ﺗﺴﻤﻌﻨﻲ .. ﺷﺒﻞ .. ﺍﺑﻮﻙ ﻣﻴﺮﻳﺪﻧﻪ ..

ﻳﺠﻮﺯ ﻳﺮﻳﺪﻙ ﺑﺲ ﺍﻟﻚ ﻭﺭﺍﺡ ﻳﺎﺧﺬﻙ ﻣﻨﻲ ﻣﺎﻣﺎ ..

ﺣﺒﻴﺒﻲ .. ﻭﺍﺫﺍ ﺍﺧﺬﻙ ﻣﺠﺒﻮﺭﺓ .. ﻳﺎﺧﺬﻭﻙ ﻣﻨﻲ ..

ﺍﻭﻭﻑ ﺣﻀﻨﺘﻪ ﺻﻌﺒﻪ ﻳﺎﺭﺑﻲ ..

ﺍﺑﻮﻙ ﻣﻴﺮﻳﺪﻧﻲ ﻭﻻ ﻳﺤﺒﻨﻲ .. ﺍﺛﻨﻴﻨﻪ ﺍﻧﻌﻴﺶ ..

ﻭﺗﺒﻘﻰ ﺍﻧﺖ . ﺷﺎﻳﻞ ﺫﻧﺐ .. ﻣﺎﻟﻚ ﺩﺧﻞ ﺑﻲ .. ﺳﻮﺩﺓ ﻋﻠﻴﻪ ﻣﺎﻣﺎ ..

ﺭﺍﺡ ﺗﺒﻘﻰ ﺑﻨﺖ ﺍﻟﻔﺼﻠﻴﺔ ..

ﻭﻻ ﺍﺑﻮﻙ ﻭﻻ ﺟﺪﻙ ﻳﺸﻔﻊ ﺍﻟﻚ ..

ﻟﻠﺤﻈﺎﺕ ﺟﻨﺖ ﺍﻓﻜﺮ ﺍﻣﻮﺕ ﺍﻧﻲ ﻭﺍﺑﻨﻲ ..

ﺍﺣﺮﻙ ﺭﻭﺣﻲ ﺍﻭ .. ﺍﺳﻢ ﻧﻔﺴﻲ ..

ﻫﻨﺎﻙ ﻭﺍﻓﺰ ﻭﺍﺣﻀﻦ ﺍﺑﻨﻲ ﺣﻴﻞ ..

ﻭﺍﻛﻮﻝ .. ﻻ ﺍﻧﻲ ﻗﻮﻳﻪ .. ﻣﺎﻛﻮ ﻭﺣﺪﺓ ﺑﻌﻤﺮﻱ ﺗﺤﻤﻠﺖ ﻫﺬﺍ ﻛﻠﻪ ﻭﺑﻘﺖ ..

⤵️

ﻛﺎﻝ ﻟﻴﺎﻝ .. ﻛﺎﻓﻲ ﺑﺠﻲ ..

ﻛﺎﻓﻲ ﻳﺮﺣﻢ ﺍﻫﻠﺞ ..

ﺟﺎﻭﺑﺘﻪ ﻋﻌﺴﻰ ﺍﻟﻠﻪ ﻻ ﻳﺮﺣﻤﻬﻢ ..

ﻭﻟﻠﻤﻮﺕ ﻻ ﺍﺳﺎﻣﺤﻬﻢ ﻭﻻ ﺍﺳﺎﻣﺢ ﻧﻔﺴﻲ ..

ﺑﻴﻮﻡ ﻭﻛﻊ ﻓﺼﻠﻲ ﻭﺍﺧﺘﺎﺭﻳﻚ ..

ﺍﻟﻚ ..

ﺧﺴﺎﺭﺓ ﻛﻞ ﺷﻲ ﻭﻳﺎﻙ ﺧﺴﺎﺭﺓ ﺗﺎﻟﻴﻬﺎ ..

ﺧﻴﺎﻧﻪ ..

ﻏﻠﻄﺎﻧﻪ ﻭﺍﻟﻠﻪ ﻻ ﺧﻴﺎﻧﻪ ﻭﻻ ﻏﻴﺮﻫﺎ ..

ﻭﺻﺘﻨﻲ ﻉ ﻏﺮﺍﺽ ﺟﺒﺘﻬﺎ ﺍﻟﻬﺎ ..

ﻭﻣﻦ ﺩﺧﻠﺖ ﺭﺍﺩﺗﻬﻢ .. ﺑﺲ ﻣﺎﺑﻴﻪ ﺍﺭﺟﻊ ﻟﻠﺴﻴﺎﺭﺓ ﺗﺎﻟﻴﻬﺎ .. ﺭﺣﺖ ﺍﻧﻄﻴﺘﻬﺎ ﺍﻟﻬﺎ ..

ﺗﻐﺎﺭﻳﻦ ﻣﻮ ؟؟

ﺿﺤﻜﺖ ﻫﺎﻱ ﺳﻮﻟﻔﻬﺎ ﻻﺑﻨﻚ ..

ﻻ ﻣﺎﻏﺎﺭ ﻭﻣﻴﻬﻤﻨﻲ ..

ﻋﻤﺮ ﺍﻟﺤﺐ ﻭﺍﻟﺰﻭﺍﺝ ﻣﻮ ﺗﻜﻔﺦ .. ﻭﺿﺮﺏ ﻭﺫﻟﻪ ﻭﺍﻫﺎﻧﻪ ..

ﺑﻜﻞ ﺍﻟﻄﺮﻕ ﺗﺮﻳﺪ ﺗﻜﺴﺮﻧﻲ ..

ﺗﻌﺎﻱ ﻳﻤﻲ ﻟﻴﺎﻝ ..

ﻭﻳﻦ ..

ﻫﻨﺎ ﻭﻳﺎﺷﺮ ﻉ ﻓﺮﺍﺷﻪ ..

ﻫﻲ . ﺧﻄﻮﺓ ﺑﻴﻨﻲ ﻭﺑﻴﻦ ﻛﺮﺍﻣﺘﻲ ﺍﻟﻲ ﺍﻧﻤﺤﺖ ..

ﺗﻌﺎﻱ ﻟﻴﻠﺔ ..

ﺑﻘﻴﺖ ﺳﺎﻛﺘﻪ ..

ﺗﻌﺎﻱ ﻭﻓﺘﺢ ﺍﻳﺪﺓ .. ﻭﻳﺎﺷﺮ ﻉ ﺻﺪﺭﺓ ..

ﺟﻤﺪﺕ ﻣﺜﻞ ﺍﻭﻝ ﻳﻮﻡ ﺩﺧﻠﺘﻲ ﻫﻨﺎ ..

ﺍﺧﺎﻑ .. ﺍﺭﻭﺡ .. ﻭﺍﺧﺎﻑ ﺍﺑﻘﻰ ..

ﻭﺍﺧﺎﻑ ﻣﻦ ﻛﻞ ﺷﻲ ..

ﻟﻴﻠﺔ .. ﻳﺎ ﻟﻴﺎﻟﻲ ﺍﻟﻌﺸﻚ ..

ﺍﺑﺘﺴﻤﺖ ﻭﺍﻧﻲ ﺍﺣﺲ ﺑﻄﻌﻢ ﺩﻣﻮﻋﻲ ..

ﻭﺑﺪﺍﺧﻠﻲ .. ﻳﻜﻮﻝ ﻻ ﻋﻮﻓﻲ ..

ﻭﺍﺣﺲ ﺭﺟﻠﻲ ﺗﺮﻳﺪ ﺗﺮﺗﻤﻲ ﺑﺤﻀﻨﻪ ﻭﺫﺏ ﻫﻢ ..

ﺗﻌﺒﺖ ﺍﺷﻴﻠﺔ ﻭﺣﺪﻱ ..

ﻛﺎﻝ .. ﺍﻧﻪ ﺍﺳﻒ ..

ﻳﻤﻜﻦ ﻣﺴﺎﻣﻌﺘﻬﺎ ﻣﻨﻪ ﻏﻴﺮ ﻣﺮﺓ ﻭﺣﺪﺓ ..

ﺑﺤﻴﺎﺗﻲ ﻭﻳﺎ ..

ﺑﺲ ﺍﺳﻒ ﻉ ﺷﻨﻮ ..

ﻉ ﺍﻟﻀﺮﺏ ..

ﻟﻮ ﺍﻟﻜﺴﺮ .

ﻟﻮ ﺟﺒﺮ ﺍﻟﺨﻴﺎﻧﻪ ..

ﺟﻨﺖ ﺍﺳﻤﻊ ﺍﻟﻲ ﻳﺨﻮﻥ ﻳﻨﻌﺪﻝ .. ﻟﻮ ﻳﻨﺠﻠﺐ ..

ﻭﺍﻟﻈﺎﻫﺮ ﻓﻬﺪ ﺧﺎﻧﻲ ﻭﻳﺤﺎﻭﻝ ..

ﻳﻐﻄﻲ ....

ﻛﺘﻠﻪ ﻧﺎﺍﻡ .. ﻣﺎﻛﻮ ﺑﻴﻨﻲ ﻭﺑﻴﻨﻚ ﺑﺲ ﺫﻛﺮﻳﺎﺕ ﻣﺮﺓ ..

ﻛﺎﻡ ..

ﻭﻧﻔﺾ ﻧﻔﺴﻪ ﺑﻌﺼﺒﻴﻪ .. ﻋﻨﺪﻱ ﺣﻖ ﻳﻤﺞ ﻭﻏﺼﺐ ﻋﻨﺞ .. ﺍﺧﺬﺓ ..

ﻭﻟﻮ ﺍﺭﻳﺪ ﺍﺧﻮﻥ ﻻ ﺍﻧﺘﻲ ﻭﻻ ﺍﻟﻒ ﺗﻮﻛﻒ ﺑﻮﺟﻬﻲ ..

ﻭﺍﻧﺘﻲ ﺷﺎﻳﻔﻪ ﻧﻔﺴﺞ ﻋﻠﻴﺔ ..

ﺗﻌﺎﻱ ﻻ ﺗﻠﻮﻋﻴﻦ ﺟﺒﺪﻱ ..

ﻋﺠﻴﺐ ﺍﻣﺮﻙ ﺗﺮﺯﻝ .. ﻟﻮ ﺗﺤﺐ

ﻛﺘﻠﻪ ﺍﻧﺖ ﺍﻧﺖ ﻣﺘﺘﻐﻴﺮ ﻟﻮ ﺗﺸﺮﻕ ﻣﻦ ﺍﻟﻤﻐﺮﺏ ..

ﻛﺎﻝ ﺍﻱ .. ﻣﺎﺗﻐﻴﺮ ..

ﻛﺎﻓﻲ ﻓﻬﺪ ﻭﺭﺍﻳﻪ ﻛﻌﺪﺓ ﺍﻟﺼﺒﺢ ﻭﺷﻐﻞ ..

ﻛﺎﻝ ﻫﻢ ﻏﺼﺐ ﻋﻠﻴﺞ ..

ﻛﺎﻓﻲ ﻓﻬﺪ ﺷﺘﺮﻳﺪ ..

ﻛﻠﻪ ﻏﺼﺐ ﻭﻛﻠﻪ ﺍﻣﺮ .. ﻉ ﻋﻴﻨﻲ ﻭﺭﺍﺳﻲ ..

ﺍﻟﻲ ﻳﺮﺑﻄﻨﻲ ﺑﻴﻚ ﺍﺑﻨﻲ ﻭﺑﺲ ..

ﺳﺒﻖ ﻭﻛﻠﺘﻬﺎ ﺍﻟﻚ ..

ﺍﻧﻲ ﺍﻟﻚ ﻭﻃﻦ ﻭﺍﻧﺖ ﺍﻟﻲ ﻣﻨﻔﻰ ..

ﻓﺮﻕ ﺑﻴﻦ ﺍﻻﺛﻨﻴﻦ ..

ﻛﺎﻝ ﺟﺎﻱ ﺍﺻﻠﺢ ﺍﻟﻲ ﺑﻴﻨﺎ ﺧﺮﺏ ..

ﻛﺘﻠﻪ ﺍﻧﺖ ﻣﺪﺻﻠﺢ ﺍﻧﺖ ﻋﻨﺪﻙ ﺭﻏﺒﻪ ﻳﻤﻲ ..

⤵️

ﻭﺑﻴﻮﻡ ﺍﻟﻲ ﺗﻌﺮﻑ ﺍﻧﻲ ﺭﻭﻭﺡ ﺣﺎﻟﻲ ﻣﻦ ﺣﺎﻟﻚ ..

ﻣﻮ ﺑﺲ ﺟﺴﺪ .. ﺫﺍﻙ ﺍﻟﻮﻛﺖ ..

ﺍﻧﺖ ﺗﺼﻠﺢ ..

ﺧﻮﺵ ﻟﻴﺎﻝ .. ﻣﻮ ﺭﻏﺒﺔ .. ﺗﺮﺓ ﺍﻛﻮ

ﻛﻄﺖ ﻛﻠﻤﺘﻪ ﺍﻟﻒ ﻣﻠﻴﻮﻥ ﺭﻭﺡ ﺍﻟﻬﻢ ﻣﻴﻬﻤﻨﻲ

ﺑﺲ ﺍﺫﺍ ﺗﺤﺐ ﺗﺨﻮﻥ ﻭﻳﺎ ﻫﺎﻱ ﺻﺨﻴﻠﺔ ﻣﺪﺭﻱ ﻫﻴﻠﺔ ..

ﺭﻭﺡ ﺑﻌﻴﺪ ﻋﻨﻪ ..

ﻭﺍﻧﺖ ﻭﻳﺎﻫﺎ ﺗﺘﻮﺍﻟﻤﻮﻥ ..

ﺷﻨﻮ ﻗﺼﺪﺝ ..

ﻻ ﻣﺎﻛﻮ ﻗﺼﺪ ..

ﻛﺎﻝ ﻳﺼﻴﺮ ﺧﻴﺮ

ﺻﺪﻙ ﺿﺤﻜﺖ ﻛﺘﻠﻪ ﺍﻛﺜﺮ ﻣﻦ ﺍﻟﻲ ﺑﻲ ﻣﺎﻛﻮ ﺧﻴﺮ ﺑﻌﺪ ..

ﺭﺟﻊ ﻟﻤﻜﺎﻧﻪ ﻭﺍﻧﻲ ﻫﻢ ﺑﻘﻴﺖ ﺑﻔﺮﺍﺷﻲ ..

ﻧﺎﻡ ..

ﻛﺎﻝ ﻟﻴﺎﻝ ...

ﻧﻌﻢ ..

ﺍﺭﻳﺪ ﺍﻣﻮﺕ ..

ﺷﻨﻮ ؟

ﻣﺸﺘﻬﻲ ﺍﻟﻤﻮﺕ .. ﻭﺍﻟﻠﻪ

ﺳﻜﺘﺖ ..

ﺗﺬﻛﺮﻳﻦ ﺍﻟﺤﺠﻲ ﻣﻦ ﺩﻙ ﺑﺎﺑﻨﺎ .. ﻭﻛﺎﻝ ﺍﺑﻨﻲ ﺍﺳﻤﻊ ﻛﻼﻣﻲ ﻟﻴﺶ ﻋﺎﻧﺪﺗﻪ ﺍﻧﻲ ..

ﺗﺘﺰﻗﻌﺒﻦ ﻣﺮﺗﺎﺡ ﺍﻧﻲ ..

ﻭﻟﺞ ﻭﺍﻟﻠﻪ ﺣﺘﻰ ﺑﺸﺮﺑﻪ ﺍﻟﻤﺎﻱ ﺍﺣﺲ ﺷﻲ ﻳﺎﻛﻞ ﺑﺮﻭﺣﻲ ﺍﻛﻞ ﻭﺧﺎﻧﻜﻨﻲ ..

ﺗﻌﺒﺎﻥ ﻟﻴﺎﻝ ﺗﻌﺒﺎﻥ ..

ﺍﺫﻳﺘﺞ ﺻﺢ .. ﺑﺲ ﻣﺠﺎﻱ ﺍﻋﺮﻑ ﺷﺼﺮﻑ ..

ﻓﻬﺪ .. ﺍﻟﺤﺠﻲ ﻣﺎﺕ ﻫﺬﺍ ﻗﺪﺭﺓ ..

ﺑﺴﺮﻫﻮ ﺍﻟﻲ ﺭﺑﺎﻧﻲ ﻭﻓﺘﺤﺖ ﻋﻴﻨﻲ ﻋﻠﻴﻪ ..

ﻣﻴﺨﺎﻟﻒ ..

ﻛﻤﺖ ﻣﻦ ﻣﻜﺎﻧﻲ .. ﻭﻛﻌﺪﺕ ﻛﺒﺎﻟﻪ ..

ﻓﺘﺮﺓ ﻭﺗﻌﺪﻱ ﻛﻞ ﺷﻲ ﺑﺎﻟﺤﻴﺎﻩ ﻳﺎﺧﺬ ﻓﺘﺮﺓ

ﻛﺎﻝ ﻭﺍﻣﻲ ﻻ ﺍﻳﺪ ﻭﻻ ﺭﺟﻞ ﻭﺟﻬﺎﻝ ﺍﻟﻤﺮﺣﻮﻡ ﻭﻣﺮﺗﻪ ﻭﺷﻐﻠﻪ ..

ﻭﻟﺞ ﻓﺮﺍﻍ ﺟﺒﻴﺮ ﺗﺮﻙ ﺑﺮﻭﺣﻨﺎ ..

ﺍﺳﺘﺤﻲ ﺍﻋﺎﻳﻦ ﻋﻠﻴﻬﻢ ..

ﻣﺘﺸﻮﻓﻴﻦ ﻣﺎ ﺍﻟﻔﺔ ﻫﻨﺎ ﻛﻠﻪ ﻃﺎﻟﻊ ..

ﻣﺎﻟﻚ ﺫﻧﺐ ..

ﺟﺮ ﺟﻜﺎﺭﺓ ﻭﻳﺪﺧﻦ ..

ﻓﺘﺤﺖ ﺍﻟﺒﺎﺏ ﻋﻠﻤﻮﺩ ﺷﺒﻞ ..

ﻛﻠﻲ ﺫﻧﺐ .. ﻣﻌﻘﻮﻟﺔ ﺍﻧﻲ ﺑﺸﻊ ﻟﻬﻞ ﺩﺭﺟﻪ ..

ﺳﺆﺍﻟﻪ ﺣﻴﺮﻧﻲ ..

ﺍﺻﺪﻣﻪ ﻟﻮ ﺍﺳﻜﺖ ..

ﻛﺎﻝ ﻛﻮﻣﻲ ﻧﺎﻣﻲ ..

ﻛﻮﻣﻲ ..

ﻛﺘﻠﻪ ﺍﺭﻳﺪ ﻣﻨﻚ ﻭﻋﺪ ..

؟؟؟

ﺷﻨﻮ ..

ﻣﺘﺤﺮﻣﻨﻲ ﻣﻦ ﺍﺑﻨﻲ ﻟﻮ ﻣﻬﺎ ﻳﻜﻮﻥ ..

ﻛﺎﻝ ﻛﻮﻣﻲ ﻧﺎﻣﻲ ﻟﻴﺎﻝ ..

ﺍﻭﻋﺪﻧﻲ ﻓﻬﺪ ﺍﻧﻲ ﺑﺪﻭﻧﻪ ﺍﻣﻮﺕ ..

ﺍﻟﻠﻪ ﻛﺮﻳﻢ ﻧﺎﻣﻲ ..

ﻓﻬﺪ ﻣﻴﻬﻤﻨﻲ ﺗﺨﻮﻥ ﺗﺰﻭﺝ ﺷﺴﻮﻱ ﺳﻮﻱ ﺑﺲ ﺑﺎ ﺗﺤﺮﻣﻨﻲ ﻣﻨﻪ

ﻫﺬﺍ ﺍﻟﻲ ﻃﻠﻌﺖ ﻣﻨﻪ ﺑﺎﻟﺪﻧﻴﺎ ﺑﺲ ..

ﻛﺎﻝ ﻭﺍﻧﻲ ؟؟؟؟

ﺍﻧﺖ ..

ﺍﻱ ﺍﻧﻲ ..

ﺗﺼﺒﺢ ﻉ ﺧﻴﺮ ..

ﻭﺭﺣﺖ ﻟﻠﻔﺮﺍﺵ

ﻭﺣﺎﻟﻪ ﻣﻦ ﺣﺎﻝ ﺍﻻﻳﺎﻡ ﺍﻟﺒﻘﻴﻪ ﺍﻟﻲ ﻣﺎ ﺍﻧﺎﻣﻬﺎ ..

ﺍﻛﻀﻲ ﺍﻟﻠﻴﻞ ﺍﻧﺘﻈﺮ ﺍﻟﺼﺒﺢ ..

ﺗﻌﻠﻤﺖ ..

ﺑﻘﻰ ﺳﻬﺮﺍﻥ ﻓﻬﺪ ﻟﻠﺼﺒﺢ ﻛﻠﻤﺎ ﺍﻓﺘﺢ ﻋﻴﻨﻲ ﺍﻟﻜﺎﻩ ﻛﺎﻋﺪ ..

ﺛﺎﻧﻲ ﻳﻮﻡ .. ﻛﻌﺪ ﺷﺒﻞ ..

ﺍﺧﺬﺗﻪ ﻭﻃﻔﻴﺖ ﺍﻻﺿﻮﻳﻪ ﻭﺍﻟﺒﺎﺏ ﻭﻧﺰﻟﺖ ..

ﻭﻋﻔﺘﻪ ﻧﺎﻳﻢ ..

ﻭﺍﻟﻠﺘﻬﻴﺖ ﺟﻮﺓ ﺍﺷﺘﻐﻞ .. ﻭﻳﺎ ﺍﻡ ﻋﺎﻣﺮ ..

ﻛﻌﺪﺕ ﺳﻬﺎﻡ ﻭﺭﺍﻫﺎ ﻫﻴﻠﻪ ..

ﺍﻟﻘﺒﺎﺣﻪ ﻫﻴﻠﻪ ﻓﺎﺗﺖ ﻣﻦ ﻳﻤﻲ ﻭﻛﺎﻧﻤﺎ ..

ﺍﻧﺘﺼﺮﺕ ﻋﻠﻴﻪ ..

ﻭﻛﺎﻧﻤﺎ ﺍﺧﺬﺕ ﺟﺎﺋﺰﺓ ..

ﻭﺗﻀﺤﻚ ﻭﺗﺴﻮﻟﻒ ﻭﻓﺮﺣﺎﻧﻪ ..

ﻣﻬﻤﺎ ﻳﻜﻮﻥ ﺑﻘﻠﺐ ﺍﻟﻤﺮﺍﻩ ﻛﺮﻫﻪ ﻟﻜﻦ ﺍﻟﺨﻴﺎﻧﻪ ﺍﻟﻬﺎ ﻃﻌﻢ ﺛﺎﻧﻲ ﻣﺮﺭﺭ ﺣﻴﻞ ..

ﻭﺍﻟﻲ ﻳﺨﻮﻥ ﻛﺪﺍﻡ ﻋﻴﻨﻲ ..

ﺭﻏﻢ ﻓﻠﻢ ﺍﻟﺒﺎﺭﺣﻪ ﻣﻦ ﻓﻬﺪ ﺑﺲ ﺍﻧﻲ ﻉ ﻳﻘﻴﻦ ﺍﻛﺰ ﺷﻲ ﺑﻴﻨﻬﻢ ..

ﻃﺮﻳﻘﻪ ﻛﻼﻣﻬﺎ ﻭﻳﺎ ﻭﻧﻀﺮﺍﺗﻬﺎ ﺧﻠﺘﻨﻲ ﺍﺷﻚ ..

ﻳﻤﻜﻦ ﻫﻲ ﺗﺤﺒﺔ ..

ﻭﻫﻮ .. ﺳﻬﻞ ﺍﻟﻮﺻﻮﻝ ﺍﻟﻪ ..

ﺑﺲ ﺟﺎﻧﺖ ﺍﻡ ﻋﺎﻣﺮ ﺗﻜﻮﻟﻲ ﺣﻜﺮﻳﻬﻢ ..

ﺟﻨﺖ ﺍﻧﻘﻬﺮ ﻣﻦ ﺍﺷﻮﻑ ﻭﺿﻌﻬﺎ ..

ﻭﻭﺿﻊ ﺳﻬﺎﻡ ..

ﻭﺍﺗﺨﻴﻞ ﻣﺴﺘﻘﺒﻠﻲ ﻫﺬﺍ ..

ﻛﻤﻠﺖ ﻛﻞ ﺷﻐﻠﻲ .. ﻭﺻﻌﺪﺕ ﺍﺳﺒﺢ ﻭﺍﺳﺒﺢ ﺍﺑﻨﻲ ..

ﺳﺒﺤﺖ ﻭﻃﻠﻌﺖ ..

ﺑﺪﺧﻠﺘﻲ ﻟﻜﻴﺖ ﻓﻬﺪ ﺩﻳﺘﺮﻳﻚ ..

ﻫﺎﻟﺤﺠﻲ ﺍﻟﻈﻬﺮ ..

ﻛﺘﻠﻪ ﻣﻨﻮ ﺻﻌﺪ ﺍﻟﻚ ﺍﻟﺮﻳﻮﻙ ..

ﻛﺎﻝ ﺻﻌﺪﻭ ..

ﻣﻨﻮ ؟

ﻫﻴﻠﺔ ..

ﺍﻫﺎﺍﺍﺍ ..

ﺍﻳﻴﻴﻴﻴﻲ ..

ﺍﻛﻮ ﺷﻲ ... ﻣﺎ ﺍﻗﺒﻞ ﺍﺣﺪ ﻳﻄﺐ ﻏﺮﻓﺘﻲ

ﻛﺎﻝ ﺳﻬﻠﻪ .. ﺍﺩﻟﻠﻲ ..

ﺗﺮﻳﺪﻳﻬﺎ ﺑﺼﻔﺞ ..

ﺷﻨﻮ ﺑﺼﻔﻲ

ﻭﻳﻀﺤﻚ ..

ﻛﻤﻠﻲ ﻛﻤﻠﻲ ﻋﻔﻴﻪ ﻟﻴﺎﻝ ..

ﻛﺘﻠﻪ ﺍﻛﻮ ﺍﻛﻮ ﻭﺩﺍﺑﺪﻝ ﻟﺸﺒﻞ ..

ﺍﻇﻦ ﺍﻧﺖ ﺍﺑﻦ ﻋﺸﺎﻳﺮ ﻭﻋﻴﺐ ﻫﺎﻟﺤﺮﻛﺎﺕ ..

ﻭﺍﺧﻮﺍﻧﻚ .. ﻫﻨﺎ ﺑﻠﺒﻴﺖ .. ﻭﺍﺧﻮﻙ ﺗﻮﺓ ﻣﻴﺖ ﺍﺣﺘﺮﻡ ﺩﻣﻪ ﻟﻮ ﺑﺲ ﺑﻴﻚ ﺍﺧﻮﻱ ﻭﺍﺧﻮﻱ ﺣﺠﺎﻳﻪ ﻣﻨﻲ ﺍﻓﻀﺤﻚ ..

ﻭﺍﻟﻠﻪ .. ﺑﻴﻨﻬﻢ ﺍﻧﺖ ﻭﻫﺎﻱ ﺻﺨﻴﻠﺔ

ﻣﺎﻋﺮﻑ ﺷﻠﻮﻥ ﺣﺠﻴﺘﻬﺎ ..

ﻏﻴﺮﺓ .. ﺣﻘﺪ .. ﺣﺐ ﻣﺎﻋﺮﻑ ..

ﺑﺲ ﺣﺴﻴﺖ .. ﺍﻧﺪﻓﺮﺕ ﺑﺮﺟﻠﻪ .. ﻭﻛﻌﺖ ﺑﺎﻟﻜﺎﻉ .. ﻭﻋﻴﻨﻲ ﻉ ﺍﺑﻨﻲ ﺍﺧﺎﻑ ﻳﻮﻛﻊ ..

ﻭﺍﺟﺘﻨﻲ ﺿﺮﺑﻪ .. ﻉ ﻇﻬﺮﻱ ..

ﻋﻄﺖ ﻣﻨﻬﺎ ..

ﻧﻤﺖ ﺑﺎﻟﻜﺎﻉ .. ﺍﻧﻀﺮﺑﺖ ﺑﻮﻛﺲ ﺑﻨﻌﺎﻝ ﻣﺎﻋﺮﻑ ..

ﻭﺍﺑﻨﻲ،ﺻﻮﺗﻪ ﻫﺮﺝ ﺍﻟﻐﺮﻓﻪ .. ﺍﻛﻮﻟﻪ ﺷﺒﻞ ﺷﺒﻞ

ﺍﺳﻤﻌﻬﻢ ﻳﺤﺠﻮﻥ .. ﺍﻫﻠﻪ

ﻛﺎﻓﻲ .. ﻓﻬﺪ

ﺭﻓﻌﺖ ﺭﺍﺳﻲ .. ﺍﺣﻤﺪ ﻭﺍﻟﻨﺴﻮﺍﻥ ﻳﺪﻓﻌﻮﻥ ﺑﻲ ..

ﻭﺍﺣﻤﺪ ﻭﻛﻒ ﺑﻮﺟﻬﻪ ..

ﻳﻜﻮﻟﻪ ﺍﺿﺮﺑﻨﻲ ﺍﻟﻲ .. ﻭﻻ ﺗﻀﺮﺏ ﺣﺮﻣﻪ ..

ﺍﺿﺮﺭﺭﺭﺭﺑﻨﻲ ﺍﻟﻲ

↙️

ﻻ ﺗﻀﺮﺏ ﺣﺮﻣﻪ ﻭﺻﺎﺭ ﺑﻮﺟﻬﻪ ..

ﻋﺼﺒﻲ ﻳﻠﺨﻮﻱ ﺍﺿﺮﺑﻨﻲ ﺍﻟﻲ ..

ﺍﺿﺮﺭﺭﺑﻨﻲ ..

ﺍﻟﺤﺮﻣﻪ ﻣﺎﺗﻨﻀﺮﺏ ..

ﻓﻬﺪ ﺩﻓﻌﻪ ﻣﺎﻟﻚ ﺷﻐﻞ ﻫﺎﻱ ﻣﺮﺗﻲ ..

ﻻ ﺗﺨﻠﻴﻨﻲ ﺍﺿﺮﺑﻚ ..

ﻫﺰﻣﻮﻧﻲ ﻣﻦ ﻳﻤﻪ ..

ﻃﻠﻌﻮﻧﻲ .. ﻭﺍﻛﻮﻟﻬﻢ ﺟﻴﺒﻮﻟﻲ ﺷﺒﻞ .

ﻓﺪﻭﺓ ﺷﺒﻞ ﻃﻠﻌﻮﻧﻲ ﺩﺧﻮﻟﻮﻧﻲ ﺑﻐﺮﻓﻪ ﻓﻮﻙ ..

ﻓﺎﻃﻤﻪ ﺑﻘﺖ ﺗﺤﺠﻲ ..

ﺍﺩﺭﻱ ﻫﺬﺍ ﻣﻴﻨﺼﻠﺢ ﻻ ﻭﺍﻟﻠﻪ ﻭﺗﺴﻮﺩﻥ ﻓﺪﻧﻮﺏ ﻣﻦ ﻣﺎﺕ ﺍﻟﺤﺠﻲ ﻻ ﻳﻜﻮﻝ ﺍﻣﻲ ﻣﺮﻳﻀﺔ ..

ﻭﻻ ﺷﻲ ..

ﻳﻼ ﺣﺒﻴﺒﻪ ﻣﻨﻌﻠﻤﺘﻲ ﻋﻠﻴﻪ .

.

ﺍﺳﻤﻌﻪ .. ﻣﻦ ﺑﻌﻴﺪ ﺍﻻ ﺍﻛﺴﺮﻫﺎ . ﺍﻻ ﺍﺧﻠﻴﻬﺎ ﻋﺒﺮﺓ ﻟﻠﻨﺴﻮﺍﻥ ..

ﻣﺤﺪ ﺍﻟﻪ ﺷﻐﻞ ﻣﺮﺗﻲ ﻫﺎﻱ .. ﺗﻔﺘﻬﻤﻮﻥ ﻟﻮ ﻻ ..

ﻓﺪﻭﺓ ﺍﺭﻳﺪ ﺷﺒﻞ ..

ﻃﺒﺖ ﺳﻬﺎﻡ ﻭﻫﻴﻠﺔ ..

ﻫﺎﻱ ﺷﻜﻮ ..

ﻫﻢ ﺿﺮﺑﺞ ؟؟ﻳﻼ ﺗﻌﻠﻤﺘﻲ .. ﻋﺸﺘﻮﻭ ﻻ ﺗﺒﺠﻴﻦ ..

ﻭﻫﻴﻠﻪ ﻭﺍﻛﻔﻪ ..

ﺑﺎﻭﻋﺖ ﻋﻠﻴﻬﺎ ..

ﻭﻛﻠﻲ ﺣﻘﺪ .. ﻟﻮ ﺑﻴﺪﻱ ﺍﻣﻮﺗﻬﺎ ﺑﺎﻳﺪﻱ .

ﻣﻨﻮ ﻫﺎﻱ ﻳﻀﺮﺑﻨﻲ ﻋﻠﻤﻮﺩﻫﺎ ..

ﺑﻘﺖ ﻭﺍﻛﻔﻪ ﺑﻠﺒﺎﺏ ﺍﻡ ﻋﺎﻣﺮ ﻭﻓﺎﻃﻤﻪ ﻳﻬﺪﻭﻥ ﺑﻴﻪ ..

ﻭﺿﻴﺎﺀ ﻭﺍﺣﻤﺪ ﻭﺟﻼﻝ ﻳﻢ ﻓﻬﺪ ..

ﺍﺣﻤﺪ ﻭﺟﻼﻝ .. ﺍﺧﻮﻥ ﻭﻟﺪ ﻋﻤﺘﻪ ﻟﻔﻬﺪ ﻣﻦ ﻣﺎﺕ ﺍﻟﺤﺠﻲ ﺑﻘﻮ ﻳﻤﻨﻪ .. ﺑﺲ ﺑﺎﻟﺪﻳﻮﺍﻥ .. ﻭﺣﺘﻰ ﻣﻨﺸﻮﻭﻓﻬﻢ ﺣﻤﺎﻡ ﺍﻟﺨﺎﺭﺟﻲ ﺑﺼﻒ ﺍﻟﺪﻳﻮﺍﻥ ..

ﻭﺍﻛﻠﻬﻢ ﻭﺷﺮﺑﻬﻢ ﻫﻨﺎﻙ .

ﺍﻣﺎ ﺷﻐﻞ ﻓﻬﺪ ﻭﺍﻟﻮﻟﺪ ﻧﻔﺴﺔ ﻳﺸﺘﻐﻠﻮﻥ ﺑﺎﻟﻤﻌﺮﺽ ﻭﺩﻻﻟﻴﻪ ﺍﺭﺍﺿﻲ ..

ﻣﻌﺮﻭﻓﻪ ﺑﻴﻮﺕ ﺍﻟﻌﺸﺎﻳﺮ .. ﺗﺴﺘﻘﺒﻞ ﺍﻟﻜﻞ ..

ﻫﻴﻠﺔ ﺑﻨﺖ ﺍﺧﺖ ﺳﻬﺎﻡ ﺑﺲ ﺍﻣﻬﺎ ﻣﺎﺗﺖ .. ﻭﻋﺎﺷﺖ .. ﻳﻢ ﻣﺮﺕ ﺍﺑﻮﻫﺎ ..

ﻭﻫﺴﺔ ﻋﺎﻳﺸﻪ ﻳﻢ ﺳﻬﺎﻡ ﺑﻐﺮﻓﺘﻬﺎ ..

ﺳﻬﺎﻡ ﺑﻘﺖ ﻣﺤﺪ ﻗﺒﻞ ﺗﺮﺟﻊ .. ﻻﻫﻠﻪ ..

ﻋﻠﻤﻮﺩ ﺟﻬﺎﻟﻬﺎ ..

ﺑﻘﺖ ﻭﺍﻛﻔﻪ ﺳﻬﺎﻡ ﻭﺗﺴﻮﻟﻒ ﻭﺟﻨﺖ ﺍﺑﺠﻲ ﻣﻦ ﻛﻞ ﻗﻠﺒﻲ ﻛﺮﻫﺖ ﺩﻣﻮﻋﻲ ﻭﺍﻟﻠﻪ ﻛﺮﻫﺘﻬﺎ ..

ﻫﺎﻟﻜﺪ ﻣﺎ ﺑﺠﻴﺖ ﻫﻨﺎ ..

ﺍﻟﺤﺐ ﺑﺎﻟﺤﻈﻪ ﻳﺤﻮﻟﻨﺎ .. ﻧﺴﻤﻪ ﻫﻮﻯ ﺑﺎﺭﺩﺓ ..

ﻭﺗﻐﻴﺮ ﻛﻞ ﺷﻲ ﺑﺤﻴﺎﻧﺘﺎ

ﻭﺑﺎﻟﺤﻈﻪ .. ﻳﺤﻮﻟﻨﺎ ﻧﺎﺭ ﻭﺗﺘﺒﻌﻬﺎ ﺭﻣﺎﺩ

ﻭﻳﻨﺘﻬﻲ ﻛﻞ ﺷﻲ ..

ﺑﻘﻴﺖ ﻛﺎﻋﺪﺓ ﻭﻫﻢ ﻳﺴﻮﻟﻔﻮﻥ ﻧﺎﺱ ﺗﺤﺠﻲ ﻭﻧﺎﺱ ﺗﺴﻜﺖ ..

ﻭﺍﻧﻲ ﻋﻴﻨﻲ ﺷﻮﻛﺖ ﻳﺠﻴﺒﻮﻥ ﺍﺑﻨﻲ ﺍﻟﻲ ..

ﻛﻞ ﺷﻮﻳﻪ ﺍﺳﺄﻝ ﺷﺒﻞ ﻭﻳﻦ ..

ﺭﺍﺡ ﺍﻛﻮﻡ ﺍﺟﻴﺒﻪ ..

ﺍﻛﻌﺪﻱ ﻫﺴﺔ ﻳﺠﻴﺒﻪ ﻃﻠﻊ ﻭﻳﺎ ﺍﻟﻮﻟﺪ

ﺟﺎ ﻏﻴﺮ ﺍﺑﻨﺞ ﺯﻟﻤﻪ

ﻫﻨﺎﻙ ﻭﺍﺭﺟﻊ ..

ﺍﺳﺎﻝ ﻟﺤﺪ ﻣﺎ ﻛﻞ ﻭﺣﺪﺓ ﺭﺟﻌﺖ ..

ﻭﺑﻘﺖ ﺍﻡ ﻋﺎﻣﺮ ﻳﻤﻲ ..

ﺻﻌﺪﺗﻠﻲ ﻣﻲ .. ﻭﻏﺪﺓ ﺑﺲ ﻣﻜﺪﺭﺕ ﺍﻛﻞ ﺷﻲ .. ﻏﻴﺮ ﺷﻮﻳﻪ ﻟﺒﻦ

ﻇﻬﺮﻱ ﺍﺣﺲ ﺍﻧﺼﻠﺦ .. ﻭﺟﻬﻪ ﻛﻠﻴﺘﻲ ﺗﻮﺟﻌﻨﻲ ﺣﻴﻞ ..

ﺑﻘﻴﺖ ﻗﻠﺒﻲ ﻧﺎﺭ ﻉ ﺍﺑﻨﻲ ..

ﺭﺟﻌﺖ ﺳﻬﺎﻡ ﺻﻌﺪﺕ ..

. ﻛﻌﺪﺕ .. ﻳﻤﻲ ..

ﻛﺎﻟﺖ ﺷﻔﺘﻲ ﻣﻨﻮ ﺟﺎﻥ ﺳﺎﻧﺪ ﻇﻬﺮﺝ ..

ﻣﺠﺎﻭﺑﺘﻬﺎ ..

ﻭﺍﻡ ﻋﺎﻣﺮ ﻛﺎﻟﺖ ﺍﻟﻬﺎ ﺳﻬﻴﻤﻪ ﻣﻮ ﻭﻛﺘﻪ ﻫﺎﻟﻜﻼﻡ ..

ﺍﻧﺪﺍﺭﺕ ﻋﻠﻴﻬﺎ ﻣﺤﺪ ﺳﺎﻟﺞ ﺍﻟﺞ ﺣﺘﻰ ﺍﺗﺠﺎﻭﺑﻴﻦ ..

ﻭﺍﻟﻠﻪ ﻳﺎﻟﻠﻪ ..

ﺍﻫﻠﺞ ﻭﻳﻦ ﻋﻨﺞ .. ﻫﺎ ..

ﻫﻨﺎﻙ ﻭﺻﻌﺪﺕ .. ﻫﻴﻠﺔ ﺷﺎﻳﻠﻪ ﺍﺑﻨﻲ

ﻛﻤﺖ ﻣﻦ ﻣﻜﺎﻧﻲ ﺑﺴﺮﻋﻪ ..

ﺟﺮﻳﺘﻪ ﻣﻨﻬﺎ ﻣﻦ ﺟﺮﻳﺘﻪ

ﻛﺎﻟﺖ ﻫﺎﻱ ﺷﺒﻴﺞ ﻭﺛﻮﻝ ﺩﺳﺘﻲ ﻉ ﻯﺠﻠﻲ ﻭﺩﻓﻌﺘﻨﻲ ..

ﻛﺎﻣﺖ ﺍﻡ ﻋﺎﻣﺮ ﻛﺎﻟﺖ ﺍﻟﻬﺎ ﻭﺣﻖ ﺍﻟﻠﻪ ..

ﺍﻟﻲ ﺗﺠﺎﻭﺯ ﻉ ﻟﻴﺎﻝ .. ﻻ ﺍﻭﺻﻠﻬﺎ ﻟﻌﻢ ﺍﻟﻮﻟﺪ

ﺩﻛﺎﻓﻲ ﻫﻤﺪﻥ .. ﺷﻨﻮ ﺍﻧﺘﻮ ..

⤵️

ﻻ ﺗﺨﺎﻓﻦ ﺍﻟﻠﻪ ﻭﻻ ﺍﺣﺪ ..

ﺳﻬﺎﻡ ﻋﻠﺖ ﺻﻮﺗﻬﺎ .. ﺍﺳﻜﺘﻲ ﺍﺳﻜﺘﻲ .. ﻣﻬﻤﻮﺩﺓ ﺍﻟﺸﻴﺒﻪ ﻣﺤﺪ ﻳﻬﻤﺪ ﻏﻴﺮﺝ

ﺻﻌﺪ ﻓﻬﺪ ..

ﺷﺎﻑ .. ﺑﻴﻨﺎﺗﻬﻢ ﻛﻼﻡ .. ﻛﺎﻝ ﻫﺎﻱ ﺷﻜﻮ ..

ﺳﻬﺎﻡ ﻣﺘﺤﺠﻲ ﻭﻳﺎ ﻓﻬﺪ ..

ﻋﺎﻓﺘﻨﻪ ﻭﻧﺰﻟﺖ ..

ﻭﻫﻴﻠﻪ ﻛﺎﻟﺖ ..

ﻭﺍﻟﻠﻪ ﻋﻠﻤﻮﺩ ﺷﺎﻳﻠﻪ ﺍﺑﻨﻚ ﺷﺒﻞ .. ﻟﻴﺎﻝ ﻛﻠﺒﺖ ﺍﻟﺪﻧﻴﺎ ﻋﻠﻴﻨﺎ ..

ﻭﺩﻧﺠﺖ .. ﻏﻴﺮ ﺍﻧﻲ ﺍﺣﺒﻪ ..

ﺍﻧﺪﺍﺭ ﻋﻠﻴﻪ ﻭﺭﻓﻊ ﺣﺎﺟﺒﻪ ..

ﻛﺎﻝ ﺍﻭﻻ ﻣﻮ ﺑﺲ ﺍﺑﻨﻲ ..

ﺧﻮﺵ .. ﺍﺑﻨﻬﺎ ﻫﺬﺍ ..

ﻭﺛﺎﻧﻴﺎ ﻭﺍﻻﻫﻢ ﺍﻡ ﻋﺎﻣﺮ ..

ﻭﻃﻠﻊ ﺑﺎﻟﻤﻤﺮ ..

ﺍﻡ ﻋﺎﻣﺮ ﺑﺮﻛﻪ ﺍﻟﺒﻴﺖ .

.

ﺍﻟﻜﻞ ﻳﺴﻤﻊ ﺍﻟﻬﺎ ﺣﺠﺎﻳﻪ ﻣﻮ ﻣﻌﻨﺎﻩ ﺍﻟﺤﺠﻲ ﺭﺍﺡ ..

ﻣﺎﻛﻮ ﺍﺣﺘﺮﺍﻡ ﻭﻧﻈﺎﻡ ..

ﻫﻴﻠﺔ .. ﻻ ﻓﺪﻭﺓ ﺍﻟﻚ ﻣﻮ ﻫﻴﺞ ﺑﺲ ﺍﻧﻲ ﺍﺣﺐ ﺍﻟﻠﻌﺐ ﻭﻳﺎﻩ ..

ﺑﺎﻭﻉ ﺍﻟﻬﺎ ﺑﻄﺎﺭﻑ ﻋﻴﻨﻪ ..

ﻭﺍﻧﺪﺍﺭ ﻋﻠﻴﻪ ..

ﻟﻠﻴﺎﻝ ﺣﺼﺮﻳﻠﻲ ﺍﻟﺤﻤﺎﻡ .. ﻭﺍﻟﻐﺪﺓ ﻳﻼ ..

ﺩﻏﺘﻨﻲ ﺍﻡ ﻋﺎﻣﺮ ﻳﻼ ..

ﻭﻣﺸﻰ ﻛﺪﺍﻣﻨﺎ ..

ﻛﺎﻟﺖ ﺩﺭﻭﺣﻲ ﻟﺤﻜﻲ ﻉ ﺍﻟﺒﺎﻗﻲ ﻫﺬﺍ ﺍﺑﻮ ﻋﻘﻠﻴﻦ ..

ﺣﺠﺎﻳﻪ ﻣﻨﺞ ﺗﺴﻮﻱ ﺛﻠﺞ ..

ﻛﺘﻠﻬﺎ ﻭﺍﻟﻠﻪ ﻟﻮ ﻣﻮ ﻫﻮ ﻟﻮ ﻳﺼﻴﺮ ﻣﺎﻟﻚ ﻣﺎﺭﻳﺪﺓ ..

ﻛﺎﻟﺖ ﺩﺟﻴﺒﻲ ﺍﺑﻨﺞ ﺍﻏﺪﻱ ﻭﺍﻧﻮﻣﻪ ..

ﺭﺩﺕ ﺍﺧﺬﺓ ﻣﻘﺒﻠﺖ ..

ﻭﻣﻨﺎﻙ ﻳﺼﻴﺢ ﻫﺎﺍ ﺻﺎﺭ ﺍﻟﺤﻤﺎﻡ ..

ﻃﺒﻴﺖ ﺟﺮﻳﺖ ﻫﺪﻭﻡ ﺍﻟﻪ ﻭﺧﺎﻭﻟﻲ ..

ﻭﺭﺣﺖ ﺣﻀﺮﺕ ﺍﻟﺤﻤﺎﻡ .. ﺍﻟﻪ ..

ﺩﺧﻞ . ﺩﺍﻃﻠﻊ ﻛﺎﻝ ﺳﻮﻳﻠﻲ ﻇﻬﺮﻱ ..

ﺑﻘﻴﺖ ﺍﻧﺘﻈﺮ ..

ﻭﻏﺴﻠﺖ ﻇﻬﺮﺓ ..

ﺩﺍﻃﻠﻊ ..

ﻛﺎﻝ ﻣﺎﺗﺴﺒﺤﻴﻦ ﺍﻧﺘﻲ ..

ﻛﺘﻠﻪ .. ﺟﺴﻤﻲ ﻳﻮﺟﻌﻨﻲ . ﺍﺫﺍ ﺍﺫﺏ ﻋﻠﻴﻪ ﻣﺎﻱ ..

ﺍﺗﺎﺫﺓ ..

ﻭﻋﻔﺘﻪ ﻭﻃﻠﻌﺖ ..

ﻧﺰﻟﺖ ﺻﺒﻴﺖ ﺍﻟﻪ ﺍﻟﻐﺪﺓ ..

ﻭﺣﻀﺮﺕ ﺍﻟﺼﻴﻨﻴﻪ ..

ﻭﻛﻔﺖ ﺑﺼﻔﻲ ﻫﻴﻠﺔ ..

ﻓﻬﺪ ﻛﺎﻝ ﺍﻧﻲ ﺍﺻﻌﺪﻫﺎ ..

ﺷﺼﻌﺪﻳﻦ ..

ﺍﻻﻛﻞ ..

ﻭﺧﺮﻱ ﻣﻦ ﻃﺮﻳﻘﻲ ﻻ ﺍﺷﻤﺮﻫﺎ ﺑﺮﺍﺳﺞ ﺷﻮ ﺍﻧﺘﻲ ﻣﺘﺴﺘﺤﻴﻦ ﺷﻮﻳﻪ ﺛﻜﻠﻲ ..

ﺗﺮﺟﻔﻴﻦ ﻋﻠﻴﻪ ﺍﺧﺬﻱ ﻓﺪ ﻧﻤﻮﻧﻪ ﻫﺰ

ﺿﺮﺑﺖ ﺻﺪﺭﻫﺎ .. ﺍﻧﻴﻴﻴﻲ .. ﻫﻴﺞ

ﻛﺘﻠﻬﺎ ﻭﻭﺟﻌﻴﻴﻴﻴﻲ ..

ﻭﻋﻔﺘﻬﺎ ﻭﺻﻌﺪﺕ ..

ﻗﺒﻞ ﻻ ﺍﻭﺻﻞ ﻟﻠﻐﺮﻓﻪ ﺻﺎﺣﺖ ﺳﻬﺎﻡ ..

ﻭﻟﺞ ﻳﺎﻟﻤﻜﻄﻤﻪ .. ﻳﻞ ﻣﺎﻋﻨﺪﺡ ﻻ ﻋﻤﺎﻡ ﻭﻻ ﺍﻫﻞ ..

ﻣﻨﻮ ﺍﻧﺘﻲ ﻭﺗﺤﺠﻴﻦ ﻉ ﺑﻨﺖ ﺍﺧﺘﻲ ﺍﻟﺸﺮﻳﻔﻪ ..

ﻳﺎﺩﺍﻳﺤﺔ ..

ﻭﺟﻬﻲ ﻉ ﺍﻟﻐﺮﻓﻪ .. ﻭﺍﻛﻔﻪ ..

ﻃﻠﻊ ﻓﻬﺪ ..

ﺷﻜﻮ ..

ﻣﺠﺎﻭﺑﺖ ﺷﻲ ..

ﺟﺮ ﺍﻟﺼﻴﻨﻴﻪ ﻣﻨﻲ ..

ﻭﻧﺰﻟﻬﺎ ﺑﺎﻟﻜﺎﻉ ..

ﻭﺟﺮﻧﻲ ﻣﻦ ﺟﺘﻔﻲ ..

ﻣﻨﻬﻮ ﻫﺎﻱ ﺍﻟﻤﻜﻄﻤﻪ .. ﻫﺎﺍﺍ ﺟﺎ ﺍﻧﻪ ﺷﻨﻮ ﺧﺮﺍﻋﻪ ﺧﻀﺮﺓ ..

ﻭﺑﺼﻔﻬﺎ ﻫﻴﻠﺔ ﺗﺒﺠﻲ .. ﺑﺼﻮﺕ ﻋﺎﻟﻲ ﻭﺗﺸﻬﻚ ..

ﻛﺎﻟﺖ ﺣﺸﺔ ﻣﻮ ﻋﻠﻴﻚ ﺍﻧﺖ ﺯﻳﻴﻪ ﺍﻟﺸﺒﺎﺏ ..

ﺑﺲ ﻫﺎﺍﻱ ..

ﻋﺎﻓﻨﻲ ﻭﻧﺰﻝ ..

ﻭﺑﻬﺪﻭﺀ ﻳﺤﺠﻲ ..

ﺿﺤﻚ ﻫﺎﻱ ﻣﺮﺗﻲ ﺗﻤﺎﻡ ﺍﻙ ﺷﺒﻞ ﻭﺍﻟﻬﺎ ﺍﺳﻢ ..

⤵️

ﺍﻧﻪ ﺍﻃﻜﻬﺎ ﺍﻛﺴﺮﻫﺎ ..

ﻣﺎﻟﻜﻢ ﺩﺧﻞ ﻭﺣﺪﺓ ﺑﻴﺠﻦ ﺗﻔﺘﺢ ﺣﻠﻜﻬﺎ ..

ﺧﻮﺵ .. ﻋﻴﻨﻲ .. ﻳﺎ ﻣﺮﺕ ﺍﺧﻮﻱ ﺍﻟﻌﻮﺩ ﺍﻟﻠﻪ ﻳﺮﺣﻤﻪ ..

ﻛﺎﻟﺖ .. ﺧﻮﺵ ﻳﺎ ﻓﻬﻴﺪ ﻭﻛﺎﻣﺖ ﺗﺒﺠﻲ ﻧﺴﻴﺖ ﺷﻠﻮﻥ ﺭﺑﺎﻙ ﺍﻟﺤﺠﻲ ﻭﺍﻧﻲ ﻭﻛﻔﺖ ﻭﻳﺎﻙ ..

ﻭﺗﺮﺿﻬﺎ ﺗﻠﺰﻡ ﻫﻴﻠﺔ ﺗﻜﻮﻟﻬﺎ ﺍﻧﺘﻲ ﻟﻮ ﺑﻴﺞ ﺧﻴﺮ ﻣﻼﻓﻴﻪ ﻫﻨﺎ .. ﺑﺲ ﺍﻧﺘﻲ ﻣﻮ ﺷﺮﻳﻔﻪ ﺗﺮﺿﺎﻫﺎ ﻫﻴﺞ ..

ﻫﻮ ﺍﻧﻲ ﻋﺮﻓﺖ .. ﻣﻦ ﻣﺎﺕ ﺍﻟﺤﺠﻲ ﺭﺍﺡ ﺍﺻﻴﺮ ﻫﻴﺞ ..

ﺍﺣﺴﻦ ﺷﻲ ﺍﺍﻟﻢ ﻏﺮﺍﺿﻲ .. ﻭﺍﻃﻠﻊ ﻭﺍﺭﻭﺡ ﻻﻫﻠﻲ ..

ﻭﺗﺒﺠﻲ ..

ﻛﺘﻠﻪ ﻭﺍﻟﻠﻪ ﻣﻜﻠﺖ ﻫﻴﺞ ﺍﺷﺮﻟﻲ ﻃﺒﻲ ..

ﻃﺒﻴﺖ ﺷﻮﻳﻪ ﻭﺻﻌﺪ ..

ﻭﺳﺪ ﺍﻟﺒﺎﺏ ..

ﺧﻠﻴﺖ ﺍﻻﻛﻞ ﻛﺪﺍﻣﻪ ..

ﻛﺎﻝ ﺗﻌﺎﻱ ﻧﺰﻟﻲ ﺍﻛﻠﻲ ..

ﻛﺘﻠﻪ ﻣﺎﺭﻳﺪ ..

ﻛﺎﻝ ﺗﻌﺎﺍﺍﺍﺍﻱ ﺑﻌﺼﺒﻴﻪ ..

ﺍﻛﻌﺪﻱ ﺗﺮﺓ ﺩﻳﻜﻤﺰﻥ ﻓﻮﻙ ﺭﺍﺳﻲ ﺍﻟﺸﻴﺎﻃﻴﻦ ..

ﻛﻌﺪﺕ ..

ﺍﻛﻠﻲ ..

ﻣﺎﺭﻳﺪ ..

ﻟﻴﺎﻝ ﺍﻛﻠﻲ .. ﻟﺰﻣﺖ ﺷﻮﻳﻪ ﺧﺒﺰ ﻭﺍﻛﻠﺖ ..

ﻛﺎﻝ ﻭﺩﺍﻋﻪ ﻭﻟﻴﺪﻱ ﻣﺎﻋﻨﺪﻱ ﺷﻲ ﻭﻳﺎﻫﺎ .. ﻛﺘﻠﻪ ﻣﺤﺠﻴﺖ ..

ﻛﺎﻝ ﺍﻋﺮﻑ .. ﺍﺳﻠﻮﺑﺞ ﻣﻮ ﻫﻴﺞ ..

ﻭﺍﻟﻠﻪ ﺷﻔﻨﻪ ﺍﻟﻲ ﻳﺤﺠﻲ ﻋﻠﻴﺞ ..

ﻻ ﺍﺳﻮﻳﻬﺎ ﻋﻠﻴﻬﻢ ﻃﻼﺑﻪ ..

ﺗﺮﺓ ﻫﺎﻱ ﺟﺎﻫﻠﻪ ﻣﺎﻟﺞ ﺷﻐﻞ ﺑﻴﻬﺎ ..

ﺍﻧﻲ ﺍﺭﻳﺪ ﺍﻋﺮﻑ ﺷﻨﻮ ﻣﻦ ﺑﺸﺮ ﻣﺎﻋﺮﻓﺖ ..

ﺭﺟﻊ ﻛﺎﻝ .. ﻻ ﺗﻔﺮﺣﻴﻦ ﺯﺍﻳﺪ ﺍﻧﻪ ﺍﺣﺐ ﺍﻟﻲ،ﺧﺼﻨﻲ ﺍﻟﻲ ﻭﺣﺪﻱ ﻭﺑﺲ ..

ﻣﺎ ﺍﺣﺐ ﻏﻴﺮﻱ،ﻳﻜﻮﺓ ﻋﻠﻴﻪ ..

ﻻ ﻧﺎﺳﻴﻠﺞ ﻃﻮﻟﻪ ﻟﺴﺎﻧﺢ ﻭﻻ ﻣﺮﺍﺩﺩﺝ ..

ﻭﺷﻨﻮ ﺍﻧﺘﻲ ﻭﺗﻔﻀﺤﻴﻨﻲ ﺧﺎﻳﻒ ﻣﻨﺞ ..

ﻭﺣﻖ ﺍﻟﻠﻪ ﺑﺎﺟﺮ ﺍﺟﻴﺒﻠﺞ ﺑﺪﻝ ﺍﻟﻀﺮﺓ ﺛﻼﺙ ..

ﺑﺲ ﻣﺎﻟﻲ ﻭﺍﻫﺲ ﻭﻫﺎﻟﺮﻳﺸﺎﺕ ﺍﻟﻲ ﻧﻔﺸﻦ ..

ﻫﻠﺴﻴﻬﺎ ..

ﻭﻛﺎﻡ ﻳﻼ ﺣﻀﺮﻳﻠﻲ ﻫﺪﻭﻣﻲ ﻭﺭﺍﻱ ﺳﻔﺮ ..

ﻟﻠﻨﺠﻒ ..

ﻭﻻ ﺳﺎﻟﺘﻪ ﺷﻌﻨﺪﺓ ﺭﺍﻳﺢ ..

ﺣﻀﺮﺕ ﺍﻟﻪ ﻣﻼﺑﺴﻪ ..

ﻭﺻﻌﺪﻭﻟﻲ ﺷﺒﻞ ﻧﺎﻳﻢ ..

ﺑﺪﻝ .. ﺑﻨﻄﺮﻭﻥ ﻭﻗﻤﻴﺺ ﺟﺎﻥ ﻳﻠﺒﺲ ﺍﺳﻮﺩ ..

ﻭﺍﻟﺴﺎﻋﻪ ﻭﺍﻟﻤﺤﺎﺑﺲ ﻭﺍﻟﻌﻄﺮ ..

ﻛﺎﻝ ﻣﺤﺘﺎﺟﻪ ﺷﻲ ..

ﻻ ..

ﻋﺎﻓﻨﻲ ﻭﺭﺍﺡ ..

ﻧﻤﺖ ﺷﻮﻳﻪ .. ﻭﻛﻌﺪﺕ ﻭﻳﺎ ﺷﺒﻞ ﻣﻴﻌﺠﺒﻨﻲ ﺍﻧﺰﻝ

ﻻ ﺍﻛﺎﺑﻞ ﺳﻬﺎﻡ ﻭﻫﻴﻠﻪ

ﺍﺧﻠﺺ ﻣﻦ ﺭﺷﺎ ﻭﺣﻼ ﻳﻄﻠﻌﻮﻟﻲ ﺫﻧﻲ ..

ﻛﻤﺖ ﺑﺎﻭﻋﺖ ﻉ ﻧﻔﺴﻲ ﺑﺎﻟﻤﺮﺍﻳﺎ ...

ﻳﺎﻳﺎﺑﺔ ﺷﻜﺪ ﺗﻌﺒﺎﻧﻪ .. ﻛﻞ ﺷﻲ ﺑﻴﻪ ﻭﺟﻬﻲ ﺑﺸﺮﺗﻲ .. ﺷﻌﺮﻱ .. ﻭﻭﺿﺮﺑﻪ ﻇﻬﺮﻱ ﺗﻮﻥ ﻋﻠﻴﻪ

ﺑﺲ،ﺷﺤﺠﻲ ﻭﻛﻞ ﺷﻲ ﺑﻴﻪ ﺗﻐﻴﺮ ..

ﻋﺒﺎﻟﻚ ﻣﻮ ﺍﻧﻲ ﻭﻟﻪ ﻣﻼﺑﺴﻲ ﺍﻟﺴﻮﺩ ﺍﻟﻌﺮﻳﻀﺔ ..

ﺻﺪﻙ ﻋﺠﻮﺯ ..

ﺗﻌﺒﺖ ﺍﻓﻜﺮ ﺗﻌﺒﺖ ..

ﻭﺍﺻﻼ ﺍﻧﻲ ﺿﻌﻔﺎﻧﻪ ﺣﻴﻞ .. ﻭﺍﻟﻘﻬﺮ ﺗﻌﺐ ﻣﻼﻣﺤﻲ ﻛﻠﻬﺎ ..

ﺑﻌﺪ ﺻﻼﺓ ﺍﻟﻤﻐﺮﺏ ﺍﺿﻄﺮﻳﺖ ﺍﻧﺰﻝ ﻻﻥ ﺍﺑﻨﻲ ﺿﺎﺝ ..

ﻧﺰﻟﺖ ..

ﺍﺳﻤﻊ ﺻﻮﺕ .. ﺳﺎﻣﻌﺘﻪ ﺗﺤﺠﻲ ..

ﻫﺎﻱ ﻣﻨﻮ ؟؟

ﺗﻘﺮﺑﺖ ﺍﻟﺼﻮﺕ ﻭﺿﺢ ..

ﻭﺣﻚ ﻫﻮ ﻋﻠﻲ ﻋﻴﺎﺭﺍﺕ ..

ﺿﺤﻜﺖ ﻫﺎﻱ ﺍﻡ ﺣﻴﺪﺭﺓ ..

ﻃﺒﻴﺖ ﻟﻠﻤﻄﺒﺦ ﺷﻔﺘﻬﺎ ﻛﺎﻋﺪﺓ ﺑﺎﻟﻜﺎﻉ ﻭﺍﻡ ﻋﺎﻣﺮ ﻳﻤﻬﺎ ..

ﻭﺻﻠﺖ ﻳﻤﻬﺎ ..

ﻣﺮﺣﺒﺎ ﺧﺎﻟﻪ ..

ﻛﺎﻟﺖ ﻭﺍﻟﻐﺴﻞ ﻛﻮﻥ .. ﻭﻧﺨﺎﻟﻪ ..

ﻛﻮﻟﻲ ﺣﺒﻮﺑﻪ ..

ﺣﺒﻮﺑﻪ ﻭﺑﻮﺳﺘﻬﺎ ﺷﻠﻮﻧﺞ ..

ﺟﺎ ﻣﺎ ﺣﺒﻠﺘﻲ ﺑﻌﺪ

ﻛﺘﻠﻬﺎ ﻻ ..

ﻛﺎﻟﺖ ﻭﻟﻤﻄﻴﺮﺟﻲ ﻣﺎﻟﺘﺞ ﻭﻳﻨﻪ ﺷﻮ ﻣﺎﺷﻮﻓﻨﻪ ..

ﻛﺘﻠﻬﺎ ﺑﺎﻟﻨﺠﻒ ﺭﺍﺡ .

ﻛﺎﻟﺖ ﻭﻓﺘﺤﺖ ﻋﻴﻨﻬﺎ ﻳﺎﻟﺨﺎﻳﺲ ﻣﺎﻳﻜﻮﻝ ﺍﺧﺬ ﺧﺎﻟﺘﻲ .. ﻭﻳﺎﻱ ﺑﺲ ﻣﺜﻞ ﺭﺍﺷﺪ ﺍﻟﻤﻨﻌﻮﻝ ..

ﻭﻋﻠﺖ ﺣﺴﻬﺎ ﻭﻳﻨﻬﺎ ﺍﻟﻤﺴﻌﺪﺓ ..

ﺷﻨﻮ ﺭﺟﻠﻴﻬﺎ ﻣﺤﻨﺎﻳﻪ . ﻉ ﻣﻮﺗﺘﻪ ﺭﺟﻠﻬﺎ . ﺷﻮ ﻣﺎ ﺟﺘﻲ ﺳﻠﻤﺖ ﻋﻠﻲ ...

ﻭﺭﺟﻌﺖ ﺗﺴﻮﻟﻒ ﻭﻳﺎ ﺍﻡ ﻋﺎﻣﺮ ﻉ ﺍﻟﺤﺠﻴﻪ ﺣﺎﻟﺘﻬﺎ ﺣﺎﻟﻪ ﺍﻟﻤﻜﺮﻭﺩﺓ ..

ﻓﺪ ﻧﻮﺏ ﻛﺎﺿﻴﻪ ﻟﻮ ﺗﻤﻮﺕ ﺍﺭﻳﺢ ﺍﻟﻬﺎ ..

ﻛﺎﻟﺖ ﺍﻡ ﻋﺎﻣﺮ ﺳﻮﻱ ﻋﺸﺎ ﻟﻴﺎﻝ ..

ﻫﻨﺎﻙ ﻭﻃﺒﺖ ﻫﻴﻠﻪ ..

ﻛﻤﺖ ﺩﺍﺣﻀﺮ ﻭﺍﺑﻨﻲ ﺑﻴﻨﻬﻢ ﻳﺰﺣﻒ ..

ﻭﺍﻡ ﻋﺎﻣﺮ ﺟﺎﻧﺖ ﻫﻮﺍﻳﻪ ﺗﺤﺒﻪ ..

ﻭﺍﻟﺠﻬﺎﻝ ﻫﻢ .. ﻣﻦ ﺍﻳﺪ ﻻﻳﺪ ..

ﻣﻦ ﻃﺒﺖ ﻫﻴﻠﺔ ..

ﻛﺎﻟﺖ ﻫﻞ ﻃﻮﻳﺮﻧﻲ ﻣﻴﻦ .. ﺗﻘﺼﺪ ﻧﻮﻉ ﻣﻦ ﺍﻧﻮﺍﻉ ﺍﻟﻄﻴﻮﺭ .

ﺍﻡ ﻋﺎﻣﺮ ﻫﺎﻱ ﺑﻨﺖ ﺍﻟﻤﺮﺣﻮﻣﻪ ﻣﻔﻴﺪﺓ ﺍﺧﺖ ﺳﻬﺎﻡ ..

ﻭﺑﻮﺳﺘﻬﺎ .. ﻭﻛﺎﻣﺖ ..

ﺟﺎﺑﺖ ﺍﻟﻬﺎ ﻣﻲ ﻭﺭﺩﺕ ﻓﻮﺍﻛﻪ ﺟﺎﻧﺖ ﻫﻴﻠﻪ ﺗﺮﻛﺾ ﻛﺪﺍﻣﻬﺎ ..

ﺑﺲ ﺍﻡ ﺣﻴﺪﺭ ﺍﺑﺪ ﺗﺒﺎﻭﻉ ﻋﻠﻴﻬﺎ ﻣﻦ ﺟﻮﺓ ﻟﻴﺠﻮﺓ ..

ﻛﺎﻟﺖ ﺍﺑﻮﺝ ﺑﻌﺪﺓ ﻛﺎﻋﺪ ﺑﺎﻟﺨﻴﺴﻪ ﺑﻨﺺ ﺍﻟﺒﺰﻝ ..

ﻫﻴﻠﻪ ﻛﺎﻣﺖ ﺗﺘﻠﻌﺜﻢ ﺑﻜﻼﻣﻬﺎ ..

ﻣﺎﻋﺮﻓﺘﻲ ﺗﺎﺧﺬﻳﻠﺞ ﺷﻐﻠﻪ ﻣﻦ ﺑﻴﺒﻴﺘﺞ ﺍﻡ ﺳﻬﺎﻡ ..

ﺣﻔﺎﻓﻪ .. ﺯﻭﺍﻛﻪ .. ﺗﺼﺮﻳﻦ ﻣﺜﻠﻬﺎ ﺩﻻﻟﻪ ..

ﺍﺣﺴﻦ ﻣﺎ ﺑﻴﻦ ﺍﻟﺒﻴﻮﺕ ..

ﻭﻟﻴﺶ ﻣﺎﺯﻭﺟﺘﻲ ﻟﻮ ﺍﻻ ﺻﻴﺪﺓ ﺗﺮﻳﺪﻳﻦ ..

ﻫﻴﻠﺔ ﺍﻧﻠﺼﻤﺖ ﻭﻻ ﻧﻔﺲ ..

ﺍﻧﺪﺍﺭﺕ ﻉ ﺍﻡ ﻋﺎﻣﺮ ..

ﻣﺘﻜﻠﻴﻠﻲ ﻫﺎﻟﺸﻜﻮﻝ ﻟﻴﺶ ﺗﻠﻔﻮﻫﺎ ..

ﻭﺣﻚ ﻫﻮ ﻋﻠﻲ ﻭﺍﻧﺖ ﻣﺎﻣﺤﻠﻔﺘﻨﻲ ..

ﻃﺒﺖ ﺳﻬﺎﻡ ..

ﻫﻼ ﺑﻴﻮﻣﻪ ﻫﻼ ﺑﺤﺒﻮﺑﺘﻲ ﻭﺣﻀﻨﺘﻬﺎ ﻭﺗﺒﺠﻲ ﺷﻔﺘﻲ ﺍﻟﺤﺠﻲ ﻛﺴﺮﻧﻪ ﻳﻤﻪ ..

ﺷﻔﺘﻲ ﻳﺘﻢ ﻭﻳﻼﺩﻱ ..

ﻭﺍﻟﺤﺠﻴﻪ ﺗﺒﺠﻲ ﻭﻳﺎﻫﺎ ﺑﻮﺳﺘﻬﺎ ﺣﺘﻰ ﺭﺍﺳﻬﺎ ﻭﺍﺩﻳﻬﺎ ..

ﻭﺳﻬﺎﻡ ﺗﺤﻴﺮ ﺷﺴﻮﻱ ﺍﻟﻬﺎ ﻭﺗﺤﺠﻲ ﻭﻳﺎﻫﺎ ..

ﻭﻛﻞ ﺣﺠﺎﻳﻪ ﻭﺗﻜﻮﻟﻬﺎ .. ﻣﺸﺘﺎﻗﺘﻠﺞ ..

ﻭﺍﻟﻠﻪ ﻭﺩﻭﻡ ﺍﺫﻛﺮﺝ ..

ﻭﺍﻡ ﺣﻴﺪﺭ .. ﻭﻻ ﺗﺮﺩﻫﺎ

ﺳﻬﺎﻡ ﻛﺎﻟﺖ ﻳﻼ ﺣﺒﻴﺒﻪ ﻟﻴﺎﻝ ﻳﻼ ﻋﻴﻮﻧﻲ ﺻﺒﻲ ﻟﻠﺰﻟﻢ ﺍﻭﻝ ..

ﻭﺧﻠﻲ ﺍﺣﻤﺪ ﻳﺎﺧﺬﻫﻢ ..

ﻭﺍﻧﻲ ﺑﺎﻳﺪﻱ ﺍﺻﺐ ﻻﻣﻲ ..

ﻛﺘﻠﻬﺎ ﻻﻡ ﻋﺎﻣﺮ ﻣﻨﻮ ﻫﻨﺎﻙ ﻛﺎﻟﺖ ﻣﺎﻛﻮ ﺑﺲ ﺍﺣﻤﺪ . ﻋﺎﻣﺮ ﻭﺍﻟﺠﻬﺎﻝ ..

ﺳﻮﻳﺖ ﺻﻴﻨﻪ ﺗﺮﺳﺘﻬﺎ ﺍﻛﻞ ..

ﻭﺍﺧﺬﺗﻬﺎ ..

ﺭﺣﺖ ﺩﻛﻴﺖ ﺍﻟﺒﺎﺏ ﻭﺍﻋﺪﻝ ﺑﺸﺎﻟﻲ ..

ﻃﻠﻊ ﺍﺣﻤﺪ ..

ﻛﺎﻝ ﻫﺎ ﺧﻮﻳﻪ ﺷﻠﻮﻧﺞ ..

ﺍﻟﺤﻤﺪﻟﻠﻪ

ﻛﺘﻠﻪ ﻫﺬﺍ ﺍﻟﻌﺸﺎ ..

ﻛﺎﻝ ﻣﺎ ﺗﻌﻮﺭﺗﻲ ..

ﻣﺠﺎﻭﺑﺘﻪ ..

ﻛﺎﻝ ﻋﻨﺪﻱ ﺣﺠﺎﻳﻪ ﻭﻳﺎﺝ .. ﺗﻜﺪﺭﻳﻦ ﺑﻴﻦ ﻣﺎﻳﺘﻌﺸﻮﻥ ﺍﺣﺎﺟﻴﺞ .. ﺑﺎﻟﺤﺪﻳﻘﻪ ﺑﺎﻱ ﻣﻜﺎﻥ ﺑﺲ ﺿﺮﻭﺭﻱ ﺍﺣﺎﺟﻴﺞ

↙️

ﺣﻴﻦ ﺍﺣﺒﺒﺘﻚ ؟؟؟

ﻟﻢ ﺍﻛﻦ ﺍﻋﻲ ..

ﺍﻥ ﻫﻨﺎﻙ ..

ﺑﻴﻦ

ﺍﻟﺤﺐ ...

ﺣﺎﺀ ﺣﺮﺑﺂ ...

ﻭﺑﺎﺀ ﺑﻼﺀ ...

ﺑﻘﻴﺖ ﺻﺎﻓﻨﻪ ﺑﻮﺟﻬﻪ ..

ﻣﺎﻋﺮﻑ،ﺷﻜﻮﻝ ﺍﻟﻪ ..

ﻻ ﻻ ﻣﺎﻛﺪﺭ ..

ﻛﺎﻝ ﺯﻳﻦ ﺍﻧﺘﻲ ﻋﻨﺪﺝ ﻓﻮﻥ ؟؟

ﻫﺰﻳﺖ ﺭﺍﺳﻲ ﻻ ..

ﺍﺗﻠﻔﺖ ﻳﻤﻨﻪ ﻭﻳﺴﺮﻯ ..

ﻭﻃﻠﻊ ﺟﻬﺎﺯ ﻓﻮﻥ ﻣﻦ ﺍﻳﺪﺓ ..

ﻛﺎﻝ .. ﻫﺎﺝ ..

ﺍﻧﻲ ﺑﺎﻳﺪﻱ ﺍﻟﺼﻴﻨﻴﺔ ..

ﺑﻘﻴﺖ .. ﺑﺲ ﺍﺑﺎﻭﻉ

ﺍﻟﺒﺎﺏ ﺍﻧﻔﺘﺤﺖ ﻭﺭﺍﻩ ..

ﻫﻮ ﺫﺏ ﺍﻟﻔﻮﻥ ﺩﺍﺧﻞ ﺍﻟﺼﻴﻨﻴﻪ ..

ﻭﺍﻳﺎﺷﺮ ﺍﺧﺬﻱ ﺍﺧﺬﻱ ..

ﺟﺮﻳﺘﻪ ﺑﺴﺮﻋﻪ ﻭﺍﻧﺪﺍﺭﻳﺖ ..

ﺿﻤﻴﺘﻪ ﺑﻬﺪﻭﻣﻲ ..

ﻫﻲ ﻟﻠﺤﻈﺎﺕ .. ﻣﺎﻋﺮﻑ ﻟﻴﺶ ﻗﻤﻪ ﺍﻟﺘﻮﺗﺮ ﻭﺍﻻﺭﺗﺒﺎﻙ ..

ﻭﻣﺎﻋﺮﻑ ﻟﻴﺶ ﺍﺧﺬﺗﻪ .

ﺍﻭ ﺑﺎﻻﺣﺮﻯ ﺷﺮﺍﺡ ﺍﺳﻮﻱ ﺑﻲ ..

ﻓﻬﺪ ﻣﺎﻧﻊ ﻋﻨﻲ ﺍﻟﺘﻠﻴﻔﻮﻥ ﺑﺲ ﺍﺗﺼﻞ ﺑﺎﻫﻠﻲ

ﻭﺍﺭﺟﻌﻪ ..

ﺯﻳﻦ ﺷﻴﺮﻳﺪ ﻣﻨﻲ ..

. ﺟﻬﻲ ﺻﺎﺭ ﺍﺣﻤﺮ ﺩﻡ ..

ﺭﺗﺒﺖ ﺷﺎﻟﻲ ﻭﺭﺟﻌﺖ ﻳﻤﻬﻢ

ﺍﻡ ﻋﺎﻣﺮ ﻳﻤﻪ ﺷﺒﻴﺞ ﺻﻔﺮﺓ ؟

ﻫﺎﺍ ﻻ ﻣﺎﺑﻴﺔ ﺑﺲ ﺩﺍﻳﺨﺔ ..

ﻛﺎﻟﺖ ﻃﺒﻌﺎ ﺍﺩﻭﺧﻴﻦ ﻻ ﺍﻛﻞ ﻭﻻ ﺷﺮﺏ ﺩﺷﻮﻓﻲ ﺣﺎﻟﺞ ﺣﺘﻰ ﻭﺟﻬﺞ ﺻﺎﻳﺮ ﺑﻲ ﺧﺴﻔﺔ ..

ﺗﻌﺎﻱ ﺍﻛﻠﻲ

ﺍﻱ ﺍﻱ

ﻛﻌﺪﺕ ﻭﻳﺎﻫﻢ ..

ﻭﺑﺪﻳﺖ ﺍﻛﻞ .. ﻭﺍﻡ ﺣﻴﺪﺭ ﻣﺴﺘﻤﺮﺓ ﻣﺨﻠﺖ ﺍﺣﺪ ﺑﺤﺎﻟﻪ ..

ﻭﺍﻧﻲ ﺻﺎﻓﻨﻪ ﻫﺴﺔ ﺷﺠﺎﻧﻲ ﻭﺍﺧﺬﺗﻪ ﻳﺎﺭﺑﻲ ..

ﺍﺭﻭﺡ ﺍﺫﺑﺔ ﺑﺎﻟﺤﺪﻳﻘﻪ ﺍﺣﺴﻦ ﺷﻲ .

ﺍﺧﺎﻑ ﻓﻬﺪ ﻳﺸﻮﻓﻪ ﺑﻤﻲ ..

ﻫﻨﺎﻙ ﻭﺍﺳﻤﻊ ..

ﻫﺎﻱ ﺷﺒﻴﻬﺎ ﻭﺣﻚ ﺍﻟﻠﻪ ﺣﺒﻠﺔ ﻣﺎﺗﺸﺘﻬﻲ ..

ﺍﻧﺪﺍﺭﻳﺖ ﻋﻠﻴﻬﺎ ..

ﺳﻬﺎﻡ ﻛﺎﻟﺖ ﻻ ﻳﻤﻪ ﺷﺘﺤﺒﻞ ..

ﺍﻧﺪﺍﺭﻳﺖ ﻋﻠﻴﻬﺎ ﺍﻡ ﺣﻴﺪﺭﺓ ﺧﺎﻳﺒﻪ ﻟﻴﺲ ﻻ ﻳﻤﻪ ..

ﺷﻨﻬﻲ ﺗﺮﻳﺪﻳﻦ ﺑﺲ ﺍﻟﻔﺮﻭﺥ ﺍﻟﺞ ..

ﻭﻟﻴﺶ ﻣﺎﺗﺤﺒﻞ ﺷﻨﻮ ﻧﺎﻗﺼﻬﺎ ﻫﺎﺍ ..

ﻛﺎﻟﺖ ﻻ ﻳﻤﻪ ﻣﻮ ﻗﺼﺪﻱ ﺑﺲ ﺍﺑﻨﻬﺎ ﺻﻐﻴﺮ ﺧﻄﻴﻪ ..

ﺻﻐﻴﺮ ﺷﻨﻬﻲ ﺟﺎ ﺟﻬﺎﻟﺞ ﻗﺒﻞ ﺍﻻﺭﺑﻌﻴﻦ ﺗﻔﺮﺧﻴﻬﻢ .

ﻟﻮ ﺑﺎﻳﺪﺝ ﺗﺤﺒﻠﻴﻦ ﻋﺸﺮ ﻣﺮﺍﺕ ﺑﺴﻨﻪ ..

ﻛﺎﻣﺖ ﺳﻬﺎﻡ ﻣﻦ ﺍﻻﻛﻞ ..

ﺍﺳﻮﻳﻠﺞ ﺟﺎﻱ ..

ﻳﻤﻪ ..

ﺍﺗﻔﺮ ﺑﺎﺩﻳﻬﺎ ﻭﺍﻟﻠﻪ ﻳﺎﺍﻟﻠﻪ ..

ﺷﻠﻮﻧﻬﺎ ﺍﻣﺞ .. ؟؟

ﺳﻬﺎﻡ .. ﻫﺎﺍ ﺑﺮﺣﻤﻪ ﺍﻟﻠﻪ ..

ﺍﻧﺪﺍﻯﺖ ﻉ ﺍﻟﻄﺒﻠﺦ ﺳﻬﺎﻡ ..

ﻏﻤﺘﻬﺎ ﺍﻟﺤﺠﻴﻪ ..

ﻣﻦ ﻫﺪﻭﺝ ﻻﻋﺰﺭﺍﺋﻴﻞ ﻛﻮﻭﻥ ..

ﻭﺣﺠﺖ ﻭﻳﺎﻱ ﺑﺼﻮﺕ ﻧﺎﺻﻲ ﺍﻧﻲ ﻫﺎﻱ ﻣﻦ ﺩﺧﻠﺖ ﻟﻬﺬﺍ ﺍﻟﺒﺒﺖ ﻭﻣﺎﺭﺗﺎﺡ ﺍﻟﻬﺎ ..

ﻫﺎﻟﺤﻴﻪ ..

ﺑﺲ ﺷﻤﻠﻲ ﺍﻟﻬﺎ ﺫﻳﻞ ﻭﺗﺼﻴﺮ ﻋﺮﺑﻴﺪ ﻣﻮﺵ ﺑﺲ ﺣﻴﻪ ..

ﺍﺣﻨﺎ ﺿﺤﻜﻨﺎ ..

ﻭﺳﻬﺎﻡ ﻭﻫﻴﻠﺔ ﻭﺟﻬﻢ ﺍﻟﻮﺍﻥ ..

ﻫﻨﺎﻙ ﻭﻧﺴﻤﻊ ..

ﺻﻮﺕ .. ﺍﻟﻠﻪ ﺑﺎﻟﺨﻴﺮ ..

ﺍﻧﺪﺍﺭﻳﺖ ﻣﻦ ﺑﻌﻴﺪ ﻣﻦ ﺍﻟﻤﻤﺮ ..

ﺳﻬﺎﻡ ﺫﺑﺖ ﺍﻟﺒﻮﺷﻲ ﻉ ﻭﺟﻬﻪ ..

ﻭﺍﻟﺒﺎﻗﻲ ﻋﺪﻟﻮ ﻧﻔﺴﻬﻢ ..

ﻃﺐ ﺍﺣﻤﺪ ﻭﺑﺎﻳﺪﺓ ﺍﻟﺼﻴﻨﻴﻪ ..

ﻛﺎﻝ ﻃﺒﻴﺖ ﺍﺳﻠﻢ ﻉ ﺧﺎﻟﺘﻲ ..

ﺷﻠﻮﻧﺞ .. ﺣﺒﻮﺑﺔ ..

ﻭﻫﻲ ﻓﺘﺤﺖ ﺍﺩﻳﻬﺎ ﻫﻼ ﻫﻼ ﺑﺎﻟﻜﻤﺮ ﻫﻼ ﻳﺎﺑﻌﺪ ﺧﺎﻟﺘﻚ ..

ﻭﺣﺼﻨﺘﻪ ﻭﺑﻮﺳﺘﻪ ..

ﻛﻌﺪ ﺑﺼﻔﻬﺎ ﺍﺣﻨﺎ ﻛﻤﻨﺎ ﻣﻦ ﻣﻜﺎﻧﻪ ..

ﺟﺎﻥ ﺍﻛﻮ .. ﺑﺪﺍﺧﻞ ﺍﻟﻤﻄﺒﺦ ﻣﺨﺰﻥ ﺻﻐﻴﺮ ..

ﺑﺲ ﺧﺎﻟﻴﻦ ﺑﻲ .. ﻣﻜﺎﻥ ﻟﻠﻜﻌﺪﺓ .. ﻭﻛﺎﻭﻧﺘﺮ ﺻﻐﻴﺮ ﻭﻏﻴﺮﻫﺎ .. ﻫﻨﺎ ﻳﻜﻠﻮﻥ ﺍﻟﺴﻤﺞ ﺍﻟﺪﺟﺎﺝ ..

ﻻﻥ ﺑﻲ ﺑﺎﺏ ﻉ ﻭﺭﺓ ﺍﻟﺒﻴﺖ ..

ﻛﻌﺪﺕ ..

ﻭﺍﻳﺪﻱ ﻉ ﻛﻠﺒﻲ ﻭﻻﺯﻣﻪ ﻟﻠﻔﻮﻥ ..

⤵️

ﺍﺳﻤﻌﻬﺎ ﻳﺴﻮﻟﻒ ﻭﻳﺎﻫﺎ ..

ﻭﻳﺴﺎﻟﻬﺎ ﻋﻦ ﺍﻫﻠﻬﺎ ..

ﻭﻫﻲ .. ﺗﻜﻮﻝ ﻟﻴﺶ ﻣﺰﻭﺟﺖ ﻟﺤﺪ ﻫﺴﺔ ..

ﻛﻠﻬﺎ .. ﺑﻌﺪ ﺍﻟﻠﻪ ﻣﻘﺎﺳﻤﻠﻲ ..

ﺻﺎﺣﺖ ﻭﻳﻦ ﺍﻟﺠﺎﻱ ..

ﺍﻡ ﻋﺎﻣﺮ ﺗﻌﺎﻱ ﻟﻠﻴﻠﻪ ﻻ ﺗﺴﺘﺤﻴﻦ ﻫﺬﺍ ﺟﺎﻥ ﺭﺍﺑﻲ ﻫﻨﺎ ..

ﺍﻟﺤﺠﻲ ﺭﺑﺎﻩ ﻭﻳﺎ ﻓﻬﺪ ..

ﺣﺘﻰ ﺍﻟﺠﺠﻴﻪ ﻣﺮﺿﻌﺘﻪ ﻻ ﺗﺴﺘﺤﻴﻦ ﻣﻨﻪ ..

ﻃﻠﻌﺖ ﻭﺩﻧﺠﺖ ﻭﻭﻛﻔﺖ ﺍﺳﻮﻱ ﺍﻟﻬﻢ ﺟﺎﻱ

ﺟﺎﻥ ﻣﺎﻛﻮ ﺍﺣﺪ ﺑﺲ ﺍﻧﻲ ﻭﺍﻟﺤﺠﻴﺔ ﻭﺍﻡ ﻋﺎﻣﺮ

ﻭﺍﻟﺠﻬﺎﻝ ﻣﻦ ﺿﻤﻨﻬﻢ ﺷﺒﻞ ..

ﻛﺎﻟﺖ ﻭﻟﻚ ﺣﻤﻴﺪﺍﻥ ﻻ ﺗﻔﺮ ﻋﻘﻠﻚ ﻫﺎﻱ ﺍﻟﺤﻴﺔ ..

ﻭﺗﺰﻭﺟﻚ ﻫﺎﻱ ﺑﻨﺖ ﺍﺧﺘﻬﺎ .. ﺗﺮﺓ ﻫﺬﻥ ﺍﻟﻠﻪ ﺑﺴﻤﺎﻩ ﻣﺎﻳﺠﺮﻋﻬﻦ ﻻ ﺗﺸﻮﻑ ﻟﺴﺎﻧﻬﻢ ﻻ ﻛﻔﻴﻠﻚ ﻋﻠﻲ ﺣﻴﺎﻳﻪ ..

ﺍﻧﻪ ﺍﺷﻮﻓﻠﻚ ﺍﺣﻠﻰ ﻋﺮﻭﺱ ..

ﻭﺗﺮﺩ ﻟﻴﺶ ﻫﺎﻟﻤﻜﻤﻮﻉ ﻓﻬﻴﺪ ﻣﺎ ﺧﺬﺍﻧﻲ ﻭﻳﺎﻩ ﺍﺯﻭﺭ ﻭﻣﻨﺎﻙ ﺍﺭﻭﺡ ﻟﻠﻤﻜﺎﺑﺮ ..

ﺍﺷﻮﻑ ﺍﻫﻠﻲ ..

ﻛﻠﻬﺎ ﻣﺴﺘﻌﺠﻞ .. ﺟﺎﻥ ﻳﻼ ﻉ ﺍﻟﺠﺎﻳﺎﺕ ﺍﻧﻲ ﺍﻭﺩﻳﺞ ..

ﻛﺎﻟﺖ ﺍﻱ ﻭﺍﻟﻠﻪ ..

ﻛﻠﻬﺎ ﻣﺸﺘﺎﻗﻪ ﻟﻠﺤﺠﻲ .. ﺭﺍﺷﺪ ..

ﻏﻤﺖ ﺍﻟﻬﻮﻯ ﺍﻳﻴﻲ ﺣﺘﻰ .. ﺍﻧﺒﺶ ﻛﺒﺮﺓ ..

ﻣﻦ ﺍﺷﺘﻌﻠﺖ ﺭﻭﺡ ﺍﻟﺨﻠﻔﻪ ..

ﺣﻴﺪﺭ ﺷﻠﻮﻧﻪ ..

ﻛﺎﻟﺖ ﻳﻤﻪ ﻓﺪﻭﺓ ﻟﻄﻮﻟﻪ .. ﺟﺎﻩ ﺑﻌﺪ ﻭﻟﺪ ..

ﻭﺑﻘﺖ ﺗﺤﺠﻲ ﺍﺭﻳﺪ ﺍﻛﻤﻞ ﺷﻐﻞ ﺍﻳﺪﻱ ﻭﺍﺻﻌﺪ

ﻭﻗﺒﻞ ﻻ ﺍﺻﻌﺪ ﺍﺷﻤﺮ ﺍﻟﻔﻮﻥ ﺑﺎﻱ ﻣﻜﺎﻥ ﺍﻧﻲ

ﺍﻟﻲ ﺑﻴﻪ ﻛﺎﻓﻲ ﻭﺯﺍﻳﺪ ﻋﻠﻴﻪ ..

ﻛﻤﻠﺖ ﺻﺐ ﺍﻟﺠﺎﻱ ﻭﻗﺪﻣﺘﻪ ﺍﻟﻬﻢ ..

ﺟﺎﻥ ﺷﺒﻞ ﺑﺤﻀﻦ ﺍﺣﻤﺪ ..

ﻛﺘﻠﻬﻢ ﺍﻧﻲ ﺍﺗﺮﺧﺺ ..

ﻭﺍﺷﺮﺕ ﻻﺑﻨﻲ ﺗﻌﺎﻝ ..

ﺍﻡ ﺣﻴﺪﺭ .. ﻛﺎﻟﺖ ﺍﺧﺬﻟﻚ ﻣﺜﻞ ﻣﺮﻳﺖ ﻓﻬﺪ ..

ﺷﻮﻓﻬﺎ ﺟﻨﻬﺎ ﻓﻠﻌﻪ ﻛﻤﺮ ..

ﺍﺧﺬﺕ ﺍﺑﻨﻲ ﻭﻣﺸﻴﺖ ﺑﺴﺮﻋﻪ ..

ﺻﻌﺪﺕ ﻭﻗﻔﻠﺖ ﺍﻟﺒﺎﺏ ..

ﺫﺑﻴﺖ ﺷﺒﻞ ﺑﺎﻟﻜﺎﻉ

ﺓﻃﻠﻌﺖ ﺍﻟﻔﻮﻥ ..

ﻭﺧﻠﻴﺘﻪ ﻉ ﺍﻟﻤﻴﺰ ..

ﻭﺑﻘﻴﺖ ﺍﺭﻭﺡ ﻭﺍﺭﺟﻊ .. ﻳﺎﺭﺑﻲ ﺷﺮﺍﺡ ﺍﺳﻮﻱ ﺍﻧﻲ ..

ﺑﻘﻴﺖ ﻓﻮﻙ ﺍﻟﺮﺑﻊ ﺳﺎﻋﻪ ﺍﻧﻲ ﺻﺎﻓﻨﻪ ﻋﻠﻴﻪ ..

ﻫﻨﺎﻙ ..

ﻭﺩﻙ ..

ﺭﻗﻢ ﻳﺘﺼﻞ ..

ﺍﻧﻲ ﻣﺘﺎﻛﺪﺓ ﻫﺬﺍ ﺍﺣﻤﺪ ..

ﺯﻳﻦ ﺷﻜﻮﻟﻪ ﺍﻧﻲ ..

ﺭﻥ ﻣﺮﺓ ﺛﺎﻧﻴﻪ ﺑﻌﺪﻫﺎ ﺩﺯ ﺭﺳﺎﻟﻪ ﺍﻧﻲ ﺍﺣﻤﺪ ﺟﺎﻭﺑﻲ ..

ﺭﺟﻊ ﺍﺗﺼﻞ ..

ﺍﺧﺬﺗﻪ ﻭﺭﺣﺖ ﺑﺼﻔﺤﺔ ﺍﻟﺒﺮﺩﺍﺕ ..

ﻭﻓﺘﺤﺖ ﺧﻂ ..

ﺍﺳﻤﻊ ﻳﻜﻮﻝ ﺍﻟﻮ ..

ﺟﺎﻭﺑﺖ ﺑﺼﻮﺕ ﻧﺎﺻﻲ ﺍﻟﻮ ..

ﻛﺎﻝ ﻻ ﺗﻔﻬﻤﻴﻨﻲ ﻏﻠﻂ ﺍﻟﻲ ﺍﻋﺮﻓﻪ ﺍﻧﺘﻲ ﺣﺘﻰ ﺍﺗﺼﺎﻝ ﺑﺎﻫﻠﺞ ﻣﺎﻛﻮ ..

ﻫﺬﺍ ﺍﻟﻔﻮﻥ ﺍﺗﺼﻠﻲ ﺑﻴﻬﻢ ﻭﺧﻠﻲ ﻳﺠﻮﻥ ﻳﺎﺧﺬﻭﺝ ..

ﻫﺬﺍ ﺍﻟﻲ ﺍﻛﺪﺭ ﺍﻗﺪﻣﻪ ﺍﻟﺞ ..

ﻭﺣﺠﻴﺖ ﻭﻳﺎ ﻓﻬﺪ .. ﻋﻠﻤﻮﺩﺝ ..

ﺑﺲ ﻫﻮ ﺍﻟﻠﻪ،ﻳﺴﻠﻤﻪ ﺩﻭﻣﻪ ﻋﺼﺒﻲ ..

ﺧﺎﺑﺮﻱ ﺑﻲ ﻻ ﺗﺨﺎﻓﻴﻦ ﺍﺑﺪ ..

ﻭﺭﻭﺡ ﺍﻣﻲ .. ﻣﺎﺗﻄﻠﻊ ﻣﻨﻲ ﺍﻟﻌﻴﺒﺔ ﻭﻻ ﺣﺠﺎﻳﻪ ﺯﺍﻳﺪﺓ ..

ﺑﺲ ﺍﻻﻓﻀﻞ ﺍﻟﺞ ﺭﺟﻌﻲ ﻻﻫﻠﺞ ..

ﻛﺎﻝ ﺍﻟﻮﻭ ﺍﻟﻮﻭﻭ ﻭﻳﺎﻱ ..

ﺟﺎﻭﺑﺖ ﺍﻱ ..

ﻛﺎﻝ ﺧﻮﺵ ..

ﻛﺘﻠﻪ ﺍﺣﻤﺪ .. ﺍﻧﻲ ﻣﺎﻛﺪﺭ ﺍﺭﺟﻊ ﻭﻻ ﺍﻛﺪﺭ ﺍﺑﻘﻲ

ﺍﻟﻔﻮﻥ ﻳﻤﻲ ..

ﺑﺲ ﺷﻮﻳﻪ ﻳﻬﺪﻯ ﺍﻟﺒﻴﺖ ﺍﺭﺟﻌﻪ ﺍﻟﻚ

ﺍﻋﺬﺭﻧﻲ ﺣﺮﺟﺘﻨﻲ ﻭﺍﺧﺬﺗﻪ ﻣﻨﻚ ..

ﺳﺪﻳﺘﻪ ﻭﻏﻠﻘﺘﻪ ﺑﻨﻔﺲ ﺍﻟﻮﻛﺖ ..

ﻭﻓﺘﺤﺖ ﺍﻟﻜﻨﺘﻮﺭ ﻭﺿﻤﻴﺘﻪ ﺑﻴﻦ ﺍﻟﻬﺪﻭﻡ ﺍﻟﺸﺘﻮﻳﻪ ﺍﺧﺮ ﺷﻲ .. ﻣﺴﺘﺤﻴﻞ ﺍﺣﺪ .. ﻳﻄﻠﻌﻬﺎ ﺍﻭ ﻳﻠﺒﺴﻬﺎ

ﺑﻘﻴﺖ ﻓﻮﻙ ﺍﻧﺘﻈﺮ ﻳﻬﺪﺍ ﺍﻟﺒﻴﺖ ..

ﺣﺘﻰ ﺍﻧﺰﻝ ﻭﺍﺫﺑﻪ ..

ﻧﺰﻟﺖ ..

ﺷﻔﺖ ﺍﻡ ﻋﺎﻣﺮ ﺩﺗﻔﺮﺵ ﻻﻡ ﺣﻴﺪﺭ ﻳﻤﻬﺎ ..

ﻭﺍﻟﺒﺎﻗﻲ ﺑﻐﺮﻓﻬﻢ ..

ﻭﺳﻬﺎﻡ ﻣﻄﻠﻌﺖ ﻣﻦ ﻏﺮﻓﺘﻬﺎ ﺑﻌﺪ ..

ﺑﺲ ﺑﻌﺪﻫﻢ ﺍﻟﻮﻟﺪ ﺑﺎﻟﻬﻮﻝ ﻳﺒﺎﻋﻮﻥ ﺗﻠﻴﻔﺰﻳﻮﻥ

ﺍﻟﺠﻬﺎﻝ ..

ﺭﺟﻌﺖ ﺻﻌﺪﺕ ..

ﻳﺎﺭﺑﻲ ﺷﻜﺪ ﺧﺎﻳﻔﺔ ﻻ ﻳﺸﻮﻓﻪ ﻳﻤﻲ ..

⤵️

ﺑﻘﻴﺖ ﻓﻮﻙ ﺍﻧﺘﻈﺮ ﻓﻬﺪ ﻳﺮﺟﻊ ..

ﺍﺻﻌﺐ ﺍﺣﺴﺎﺱ ﻫﻮ ﺍﻻﻧﺘﻈﺎﺭ ﻳﺨﻨﻚ ﻟﻮﺍﺣﺪ

ﺍﺣﺲ ﺭﻭﺣﻲ ﻣﺨﺒﻮﺻﺔ ﺑﺪﺍﺧﻠﻬﺎ ﺗﻮﺗﺮ ﻭﻫﻮﺳﺔ ﺑﺲ ﺷﻨﻮ ﺑﺎﻟﻀﺒﻂ ﻣﺎ ﺍﻋﺮﻑ ﺑﺲ ﺍﺣﺲ ﺍﻛﻮ ﺷﻲ

ﺑﺎﻭﻋﺖ ﻋﻠﻰ ﻟﺴﺎﻋﺔ ﺏ 2 ﺻﺎﺭﺕ ﻭﻣﺮﺟﻊ ﻛﻠﺖ ﺍﺗﻮﺿﺊ ﺣﺘﻰ ﺗﺒﺮﺩ ﻧﺎﺭﻱ ﻭﺍﺻﻠﻲ

ﺑﻌﺪﻧﻲ ..

ﻛﻌﺪﺕ ﻛﻤﺖ ﺍﺑﺠﻲ

ﺭﺑﻲ ﻛﺎﻓﻲ ﺗﻌﺒﺖ ﺍﻧﺬﻟﻴﺖ ﻫﻮﺍﻳﻪ ..

ﻭﺩﺳﺖ ﻉ ﻧﻔﺴﻲ ﻻﺧﺮ ﻧﻔﺲ ﺑﻴﻪ ..

ﺑﻌﺪ ﻣﺎ ﺍﺗﺤﻤﻞ ﺍﻛﺜﺮ ﻇﻠﻢ ..

ﺣﺴﻴﺖ ﻣﺪﺭﻱ ﺳﺎﻋﻪ ﺑﻴﺶ ..

ﺍﻟﺒﺎﺏ ﺍﻧﻔﺘﺤﺖ ﻭﺍﻧﻲ ﺑﻌﺪﻧﻲ ﻻﺑﺴﻪ ﺍﻻﻳﺰﺍﺭ ..

ﻓﺘﺤﺖ ﻋﻴﻨﻲ

ﻧﺎﻳﻤﻪ ﻉ ﺍﻟﺴﺠﺎﺩﺓ ..

ﺷﻔﺖ ﻓﻬﺪ ﺩﻳﺬﺏ ﺍﻏﺮﺍﺿﻪ ..

ﻛﻤﺖ ﻣﻦ ﻣﻜﺎﻧﻲ ..

ﻓﻬﺪ ..

ﺍﻧﺪﺍﺭ ﻋﻠﻴﻪ ..

ﺑﺲ ﻋﻴﻮﻧﻪ ﻣﻮﺭﻣﻪ .. ﻭﺷﻜﻠﻪ ﺗﻌﺒﺎﻥ ..

ﻛﺎﻝ ﻫﺎﻱ ﻏﺮﺍﺽ ..

ﺟﺒﺘﻬﺎ ﺍﻟﻜﻢ ..

ﻭﻧﺰﻟﻲ ﺟﻮﺓ ﻣﻨﻬﻢ

ﻛﺎﻝ ﺃﻧﻄﻴﻨﻲ ﻫﺪﻭﻡ ﻭ ﺧﺎﻭﻟﻲ .. ﺍﺭﻳﺪ ﺍﺳﺒﺢ ..

ﻛﺘﻠﻪ ﺗﺮﻳﺪ ﺍﻛﻞ ..

ﻛﺎﻝ ﻻ ﻣﺎﻛﻞ .. ﺗﻌﺒﺎﻥ ..

ﺍﻧﻄﻴﺘﻪ ﺍﻟﻤﻼﺑﺲ ﻭﺍﻟﺨﺎﻭﻟﻲ ﻭﺭﺍﺡ ..

ﺣﻀﺮﺕ ﺍﻟﻪ ﺍﻟﻔﺮﺍﺵ .. ﻭﺧﻠﻴﺖ ﺷﺒﻞ

ﺑﻔﺮﺍﺷﺔ ..

ﻭﺻﻌﺪﺕ ﻟﻔﺮﺍﺷﻲ ..

ﺧﻠﻴﺖ ﺭﺍﺳﻲ . ﻭﻧﺴﻴﺖ ﺳﺎﻟﻔﻪ ﺍﻟﻔﻮﻥ ..

ﺣﺴﻴﺖ ﺑﻲ ﻃﺐ .. ﺩﺧﻞ ﻟﻠﻐﺮﻓﻪ ..

ﻭﺍﺟﻪ ﻧﺎﻡ ﺑﺼﻔﻲ ﻉ ﺍﻟﺠﺮﺑﺎﻳﻪ ..

ﻳﻤﻜﻦ ﻫﻲ ﺩﻗﻴﻘﻴﺘﻴﻦ ﺣﺴﻴﺘﻪ ﻏﻔﻰ .. ﻭﻧﺎﻡ ..

ﺻﺎﺭ ﻫﻮﺍﻳﻪ ﻣﺤﺎﺳﻪ ﺑﻲ ﻗﺮﻳﺐ ﻳﻤﻲ ..

ﺑﺲ ﻫﺎﻟﻤﺮﺓ ﺍﺣﺴﺎﺳﻲ ﺑﺨﻮﻑ ﺍﺗﺠﺎﻩ ..

ﻣﻮ ﺣﺐ ﻭﻻ ﺭﻏﺒﻪ .. ﺧﻮﻭﻑ ..

ﻳﻤﻜﻦ ﺍﺧﺎﻑ ﺍﻧﻜﻠﺐ ﻭﻳﻤﻜﻦ ﺍﺧﺎﻑ ﺍﺗﻨﻔﺲ ﺑﺼﻮﺕ ﻋﺎﻟﻲ ..

ﻧﻤﺖ .. ﻭﺍﻧﻲ ﺑﺼﻒ ﺟﺮﺑﺎﻳﺔ ﺷﺒﻞ ..

ﺍﺧﺎﻑ ..

ﺍﺟﻲ ﻳﻤﻪ ..

ﺯﺭﻉ ﺑﺮﻭﺣﻲ ﺧﻮﻑ ﺍﺗﻌﺪﻯ ﺍﻟﻮﺻﻒ ..

ﺿﺮﺑﻪ ﺍﻟﺠﺴﻢ .. ﺻﺢ ﺗﻮﺟﻊ ﻭﺍﺛﺮﻫﺎ ﻳﺒﻘﻰ ..

ﺑﺲ ﻛﺴﺮﺓ ﺍﻟﺮﻭﺡ ﻣﺘﺘﻌﺎﻟﺞ ﺑﻴﻮﻡ ..

ﻭﻓﻬﺪ ﺟﺎﻥ ﺩﺍﺋﻤﺎ ﻳﻜﺴﺮﻧﻲ ..

ﻧﻤﺖ .. ﺣﺴﻴﺖ ﺍﻟﺼﺒﺢ ﺷﺒﻞ ﻳﺒﺠﻲ ﺟﻮﻋﺎﻥ ..

ﺑﺲ ﺍﻧﻲ ﺑﺤﻀﻨﻪ ﻣﺜﻞ ﻗﺒﻞ ..

ﻧﺎﻳﻤﻪ ..

ﺑﺴﺮﻋﻪ ﺟﺮﻳﺖ ﻧﻔﺴﻲ ﻣﻦ ﻳﻤﻪ ..

ﻭﻛﻤﺖ ﻉ ﺍﺑﻨﻲ .. ﺭﺿﻌﺘﻪ ..

ﻭﻫﻮ ﺑﻌﺪﺓ ﻧﺎﻳﻢ ﺍﻟﺴﺎﻋﻪ ..6

ﺟﻨﺖ ﻧﻌﺴﺎﻧﻪ ﺑﺲ ﺷﺒﻞ ﺷﺒﻊ ﻧﻮﻡ ..

ﺑﺪﻟﺖ ﺍﻟﻪ ﻭﻧﺰﻟﺖ ﺟﻮﺓ ﻉ ﻛﻴﻒ ..

ﺷﻔﺖ ﺍﻡ ﺣﻴﺪﺭ ﻛﺎﻋﺪﺓ ﻭ ﺍﻡ ﻋﺎﻣﺮ ﻭﻫﻴﻠﻪ ..

ﺟﺎﻧﺖ ﺗﺮﻳﺪ ﺗﺴﺒﺢ ﺍﻟﺤﺠﻴﻪ ..

ﻭﻛﺎﻟﺖ ﺍﻟﺤﺠﻴﻪ ﺍﻟﻴﻮﻡ ﺍﺑﺪ ﻣﺎ ﺍﻛﻠﺖ ﺷﻲ ..

ﺍﻟﺤﺠﻴﻪ ﻭﺿﻌﻬﺎ ﻫﻮ ﻫﻮ ﻣﺘﻐﻴﺮ ﺍﺑﺪ ...

ﻟﻼﺳﻮﺀ ..

ﺗﺮﻳﻜﻨﺎ ﻭﻛﻤﻠﻨﺎ ﻭﺑﺪﻳﻨﺎ ﻧﺸﺘﻐﻞ ﺑﻬﺪﻭﺀ ﻣﺎﻛﻮ ﺗﺴﻠﻂ ﺳﻬﺎﻡ ﻋﻠﻴﻨﻪ ﻭﻻ ﺗﺎﻣﺮﻫﺎ ..

ﺍﻟﻲ ﻣﻴﺨﻠﺺ ﻫﺎﻻﻧﺴﺎﻧﻪ ﻗﻮﻳﻪ ﺣﻴﻞ ..

ﺭﻏﻢ ﺻﻐﺮ ﺳﻨﻬﺎ ﻣﺎﺕ ﺍﻟﺤﺠﻲ ﻭﺑﻘﺖ ﻫﻲ

ﻫﻲ ..

ﻣﺘﻐﻴﺮﺕ ..

ﻟﻠﻈﻬﺮ ﻳﻼ ﻛﻌﺪ ﻓﻬﺪ .. ﺗﻌﺒﺎﻥ ﻣﻦ ﺍﻟﺴﻔﺮ ﻣﺼﺎﺣﻨﻲ ﺍﺑﺪ ..

ﺷﻔﺘﻪ ﻃﻠﻊ ..

ﻟﻠﺸﻐﻞ ...

ﻭﻣﺎﺑﻘﻰ ﺍﺣﺪ ﺑﻠﺒﻴﺖ ..

ﺳﻌﺎﺩ ﻛﺎﻟﺖ ﻣﺪﺍﻡ ﺍﻟﻜﻞ ﻃﻠﻊ ﻃﺒﻮ ﻧﻈﻔﻮ ﺍﻟﺪﻳﻮﺍﻥ ﻭﺻﺦ ..

ﺫﺑﻴﺖ ﺍﺑﻨﻲ ﻭﻃﺒﻴﺖ ﺍﻧﻲ ﻭﺍﻟﺒﻨﺎﺕ ..

ﻓﺘﺤﻨﺎ ﺍﻟﺸﺒﺎﺑﻴﻚ ﻭﻃﻠﻌﻨﺎ ﺍﻟﻔﺮﺵ ﻛﻠﻬﺎ ﺑﺮﺓ ..

ﻭﻣﻼﺑﺴﻬﻢ ﺍﻟﻮﺻﺨﻪ ﺟﺎﻧﺖ ﺍﻡ ﻋﺎﻣﺮ ﺗﻐﺴﻠﻬﺎ ﺍﻟﻬﻢ

ﻋﻴﺐ ﺍﺣﻨﺎ ﻧﻐﺴﻞ ﻣﻼﺑﺲ ﺍﻻﻋﺰﺏ ..

⤵️

ﻭﻏﻴﺮﻧﺎ ﺍﻟﻔﺮﺵ ..

ﺟﻨﺖ ﺍﺷﺘﻐﻞ ﻭﺍﺫﻛﺮ ﺷﻠﻮﻥ ﺟﺎﻥ ﺍﻟﺤﺠﻲ ﻳﺠﻤﻌﻨﺎ ﺍﻧﻲ ﻭﻓﻬﺪ ﻭﻳﺤﺠﻲ ﻋﻠﻴﻨﺎ ﻟﻮ ﺍﺫﻛﺮ ﺑﻴﻮﻡ ﺍﺑﻮﻱ ﻭﻛﻊ ﻓﺼﻠﻲ ﻭﻛﻠﻲ ﺍﻋﻘﺪ ﻋﻠﻴﺞ ..

ﺣﺴﻴﺖ ﻋﻴﻮﻧﻲ ﺩﻣﻌﺖ ..

ﺍﻧﺪﺍﺭﻳﺖ .. ﺑﺼﻔﻲ ﻫﻴﻠﻪ ..

ﻭﺷﺎﻳﻠﻪ ﺑﺎﻳﺪﻫﺎ ﻣﺒﺨﺮﺓ ..

ﻛﺎﻟﺖ ﺍﺑﺨﺮﻫﺎ ..

ﻭﺗﺄﻓﺄﻑ ..

ﻛﻤﻠﺖ ﻛﻞ ﺷﻲ ﻭﺩﺍﻋﺪﻝ ﺍﻟﻜﻮﺷﺎﺕ ﻭﻛﻔﺖ ﺑﺼﻔﻲ ..

ﻛﺎﻟﺖ ﺗﺪﺭﻳﻦ ﻓﻬﺪ ﻳﺤﺒﻨﻲ ؟

ﻭﺗﺪﺭﻳﻦ ﻋﺎﻓﺞ ﻫﻨﺎﻙ .. ﻋﻠﻤﻮﺩﻱ ﻻﻥ ﺍﻧﻲ ﻫﻨﺎ ؟

ﻭﺗﺪﺭﻳﻦ .. ﺑﺲ ﺗﻄﻠﻊ ﺳﻨﻪ ﺍﻟﺤﺠﻲ ﻳﺰﻭﺟﻨﻲ ؟

ﺍﺑﺘﺴﻤﺖ ﺍﻟﻬﺎ ﻛﺘﻠﻬﺎ ﺗﺪﺭﻳﻦ ﺍﻧﺘﻲ ﻏﺒﻴﻪ

ﻭﺯﻋﻄﻮﻃﻪ ..

ﻻﻥ ﺍﺧﺘﺎﺭﻳﺘﻲ ﻓﻬﺪ ﻟﺤﻴﺎﺗﺞ ﻭﺑﺼﺮﺍﺣﻪ ﺍﻛﻮﻟﺞ ﺍﻟﻒ ﻋﺎﻓﻴﻪ ﻋﻠﻴﺞ ..

ﻭﻛﻤﻠﺖ ﻭﻃﻠﻌﺖ ..

ﻏﺜﺘﻨﻲ ﺣﺤﻴﻞ ﻭﻗﻬﺮﻧﻲ ﻛﻼﻣﻬﺎ ..

ﺷﻨﻮ ﻣﻦ ﻗﻮﺓ ﻋﺪﻫﺎ ﺗﺘﺤﺪﺍﻧﻲ ..

ﺑﻔﻬﺪ ..

ﻫﻨﺎ ﺍﻛﻮ ﻏﺼﻪ .. ﺑﺴﺒﺒﻪ ﺻﺮﺕ ﻣﻜﻔﺨﻪ ﻟﻠﻜﻞ ..

ﻋﻔﺖ ﺳﻮﺍﻟﻒ ﺍﻡ ﺣﻴﺪﺭ ﺍﻟﻲ ﻣﺘﺨﻠﺺ ..

ﻭﺻﻌﺪﺕ ﻟﻐﺮﻓﺘﻲ ﻋﺰﻟﺘﻬﺎ ﻭﻧﻮﻣﺖ ﺍﺑﻨﻲ ..

ﻭﺳﺒﺤﺖ .. ﻭﻛﻤﻠﺖ ﻛﻞ ﺷﻲ ..

ﺗﻘﺮﻳﺒﺎ ﺳﺎﻋﻪ ﺏ 5 ﺍﻟﻌﺼﺮ ..

ﺳﻤﻌﺖ ﺻﻮﺕ ﻋﺎﻟﻲ ﻭﺭﻛﻀﻪ ﻭﻳﺎ ..

ﻣﻬﺘﻤﻴﺖ .. ﺑﻘﻴﺖ ﻣﺪﺩﺓ ﻭﺍﺑﺎﻭﻉ ﻉ ﺗﻠﻴﻔﺰﺑﻮﻥ ..

ﺟﻨﻪ ﻧﻜﺪﺭ ﻧﺸﻐﻞ ﺩﺍﺧﻞ ﻏﺮﻓﻨﻪ ﺑﺲ ﻭﺍﻟﺠﻬﺎﻝ ﺑﺲ ﺑﻠﻴﻞ ﻳﺒﺎﻋﻮﻥ ﺑﻌﺘﺒﺎﺭ ﺍﻟﺤﺠﻲ ﻣﻴﺖ ﺣﺘﻰ ﻋﻴﺐ ﻧﺒﺎﻭﻉ ﺗﻠﻴﻔﺰﻳﻮﻥ ..

ﺑﻘﻴﺖ ﺍﺑﺎﻭﻉ ..

ﺍﻟﺼﻮﺕ ﻋﻠﺔ ..

ﺑﺎﻟﻲ ﺭﺍﺡ ﻳﻢ ﺍﻟﺘﻠﻴﻔﻮﻥ ﺑﺲ ﻻ ﺍﺡ ﻋﺮﻑ ﺑﻲ ..

ﻛﻤﺖ ﺩﻭﺭﺕ .. ﺷﻔﺘﻪ ﻧﻔﺲ ﻣﻜﺎﻧﻪ ..

ﺑﻴﻦ ﻣﺪﺍﺭﺟﻌﻪ ..

ﺍﻧﻔﺘﺤﺖ ﺍﻟﺒﺎﺏ ﻋﻠﻴﻪ ..

ﺍﻟﺤﺠﻴﺔ .. ﺗﺨﺮﺑﻄﺖ ..

ﺫﺑﻴﺘﻪ ﻣﻦ ﺍﻳﺪﻱ ﻭﻧﺰﻟﺖ ﺟﻮﺓ ..

ﺷﺎﻳﻠﻬﺎ ﺿﻴﺎﺀ ﻣﺜﻞ ﺍﻟﻄﻔﻞ ..

ﻭﻳﺮﻛﺾ ﺑﻴﻬﺎ ..

ﻭﻃﻠﻌﻮ ﺑﺴﻴﺎﺭﺓ ..

ﺑﻴﻦ ﺍﻟﻬﻮﺳﻪ .. ﻛﻠﺖ ﻻﺑﻨﺖ ﺳﻬﺎﻡ ..

ﺗﺮﻭﺡ ﺗﺸﻮﻑ ﻓﻬﺪ ..

ﺑﻘﻴﺖ ﺍﺭﻳﺪ ﺍﻓﺘﻬﻢ ﺷﺒﻴﻬﺎ ..

ﺍﻟﻴﻮﻡ ﺩﺧﻠﺖ ﻋﻠﻴﻬﺎ ﻭﺣﺎﻭﻟﺖ ﺍﻭﻛﻠﻬﺎ ﺑﺲ ﺍﺑﺪ ﻣﺎ ﻗﺒﻠﺖ ..

ﻛﺎﻟﻮ ﻓﺠﺎﺓ ﻭﻛﻒ ﻧﻔﺴﻬﺎ ..

ﺍﻡ ﺣﻴﺪﺭ ﻣﺎﺧﺬﺓ ﺭﻛﻦ ﺗﻨﻌﻲ ﻭﺗﻠﻄﻢ ﺑﻲ ..

ﻧﺰﻟﺖ ﺑﺎﻳﺪﻫﺎ ﺷﺒﻞ ﺍﺧﺬﺗﻪ ﻣﻨﻬﺎ ..

ﻭﻛﻠﻨﺎ ﻧﻨﺘﻈﺮ ﺷﺮﺍﺡ ﻳﺼﻴﺮ ..

ﺍﻧﺨﺎﺑﺮ ﻣﺤﺪ ﻳﺮﺩ ..

ﺧﺎﺑﺮﻭ ﻉ ﺑﺎﻗﻲ ﺍﻟﻮﻟﺪ ..

ﻭﻛﻠﻬﺎ ﺭﺍﺣﺖ ﻟﻠﻤﺴﺘﻔﻰ ..

ﺟﻨﻪ ﻛﻠﻨﺎ ﺑﺤﺎﻟﻪ ﺗﺮﻗﺐ ..

ﺗﻘﺮﻳﺒﺎ ﺳﺎﻋﺘﻴﻦ ..

ﻭﺧﺎﺑﺮﻭ ﺍﻟﺤﺠﻴﻪ ﻣﺎﺗﺖ ....

ﺍﻧﻬﺎﺭﻳﺖ ﻳﺠﻲ ﺷﻜﻮ ﺍﺣﺪ ﺣﻨﻴﻦ ﻋﻠﻴﻪ ﺩﺍﺧﺴﺮﺓ ﻳﻮﻡ ﺑﻌﺪ ﻳﻮﻡ

ﻭﺍﺷﺘﻐﻞ ﺍﻟﺼﺮﻳﺦ ﻭﺍﻟﻠﻄﻢ ﺑﺎﻟﺒﻴﺖ ﻭﺍﻟﻬﻮﺳﻪ ..

ﻭﺍﺟﻮﻱ ﺍﻟﺰﻟﻢ ﻧﺼﺒﻮ ﺟﻮﺍﺩﺭ ..

ﻣﻨﻌﺮﻑ ﺍﻟﻌﺎﻟﻢ ﺑﻌﺪ ﻣﻴﻦ ﺗﺠﻲ ..

ﻭﺍﺑﻨﻲ ﺭﺟﻊ ﻉ ﻧﻔﺲ ﺍﻟﺒﻬﺬﻟﻪ ..

ﺍﻧﻲ ﺍﻧﻌﺰﻟﺖ ﺑﺎﻟﻤﻄﺒﺦ ﻭﺧﻠﻴﺖ ﺍﺑﻨﻲ ﻛﺪﺍﻡ ﻋﻴﻨﻲ ..

ﺟﺎﺑﻮﻫﺎ ﻟﻠﺒﻴﺖ ...

ﻭﻛﻔﺖ ﺍﺑﺎﻭﻉ ﻋﻠﻴﻬﻢ ..

ﻭﺍﺑﺠﻲ ﺑﺮﻛﻦ ﺍﻟﺒﺎﺏ ﺳﻬﺎﻡ ﻣﻠﺨﺖ ﺭﻭﺣﻬﺎ ﻫﻲ ﻭﺍﻟﺒﻨﺎﺕ ..

ﻫﻴﻠﻪ ﻧﺎﻣﺖ ﻉ ﺗﺎﺑﻮﺕ ﻳﺠﺮﻭﻫﺎ ﻭﺗﺮﺟﻊ

ﻭﺍﻧﻲ ﻣﻦ ﺑﻌﺒﺪ ﺑﺲ ﺍﺑﺠﻲ ..

ﻭﺍﻟﻮﻟﺪ ﻃﺒﻮ .. ﻃﻠﻌﻮﻫﺎ

ﺍﺟﺎﻧﻲ ﻭﺍﺣﺪ ﻣﻦ ﺍﻟﻮﻟﺪ ﻛﺎﻝ ﻋﻤﻮ ﻳﺮﻳﺪﺝ ..

ﺑﻘﻴﺖ ﺍﺑﻨﻲ ﻳﻤﻪ .. ﻭﺭﺣﺖ ﻓﻮﻙ ..

ﺍﻭﻝ ﻣﺎﻃﺒﻴﺖ . ﻓﻬﺪ ﻓﻮﻙ ﺩﻳﻜﻠﺐ ﺑﻜﻨﺘﻮﺭﺓ ﻭﺟﻬﻪ ﺍﺣﻤﺮ ﺩﻡ ..

⤵️

ﻣﻜﺪﺭﺕ ﺍﺣﺠﻲ ﺷﻲ ..

ﻛﺎﻝ ﺑﺴﺮﻋﻪ ﺍﻧﻄﻴﻨﻲ ﻫﻮﻳﺘﻲ ..

ﻭﻫﺪﻭﻡ ..

ﺑﺪﻳﺖ ﺍﺩﻭﺭ ﻭﻳﺎﻩ

ﻓﻠﻮﺳﻲ ﻭﻳﻦ ..

ﻳﻤﻌﻮﻭﻭﻭﻭﺩﺓ ..

ﺍﻧﻄﻴﺘﻪ ﻋﺎﻓﻨﻲ ﻭﻃﻠﻊ ..

ﻛﻌﺪﺕ ﺍﺭﺗﺐ . ﺑﺎﻟﻐﺮﺍﺽ .. ﻓﺘﺤﺖ ﻛﻨﺘﻮﺭﻱ ..

ﺍﺫﻛﺮﺕ ﺍﻟﻔﻮﻥ ﺷﻤﺮﺗﻪ ﻫﻨﺎ .. ﻭﺟﺎﻥ ﻣﻔﺘﻮﺡ ﺩﻭﺭﺕ ﻣﺎﻛﻮ ..

ﻳﺎﻟﻠﻪ ﻭﻳﻨﻪ ﻛﻠﺒﺘﻪ ﻛﻠﻪ ﺍﺭﻳﺪ ﺑﺲ ﺍﻟﻜﺎﻩ ﻣﺎﻛﻮ ﺍﺑﺪ ..

ﻧﺰﻟﺖ ﺟﻮﺓ ﺍﻟﺠﺮﺑﺎﻳﻪ ﺑﻴﻦ ﺍﻟﻔﺮﺍﺵ ﺍﺧﺘﻔﻰ ..

ﺻﺎﺣﻮﻧﻲ ﺷﺒﻞ ﻳﺒﺠﻲ ..

ﺭﺟﻌﺖ ﻛﻞ ﺷﻲ ﻭﻗﻔﻠﺖ ﺍﻟﻐﺮﻓﻪ ﻭﻧﺰﻟﺖ ..

ﻭﺍﻟﻠﺘﻬﻴﺖ ﻭﻳﺎ ﺍﻟﻌﺎﻟﻢ ..

ﺍﻟﻠﺘﻬﻴﺖ ﻭﺍﻧﺨﺒﺼﺖ ﺑﻌﺪ ﺍﻛﺜﺮ ..

ﺑﻴﻦ ﺍﺑﻨﻲ ﻭﺍﻟﻌﺎﻟﻢ ...

ﻗﺴﻢ ﻣﻦ ﺍﻟﻨﺴﻮﺍﻥ ﺭﺍﺡ ﻭﻳﺎﻫﻢ .. ﻣﻦ ﺿﻤﻨﻬﻢ ﺳﻬﺎﻡ ﻭﺍﻡ ﻋﺎﻣﺮ ﻭ ﺳﻌﺎﺩ . ﺍﻡ ﺣﻴﺪﺭ ..

ﺍﻣﺎ ﺍﻟﻨﺎﺱ ﺍﻟﻲ ﺩﺗﺠﻲ ﻣﺸﺎﻳﻔﺘﻬﻢ ﻗﺒﻞ ﺍﺑﺪ ..

ﻣﻦ ﻧﺴﻮﺍﻥ ﻭﺟﻬﺎﻝ ..

ﻭﻳﺎ ﻛﻞ ﻃﺒﻪ ﻟﻄﻢ ﻭﺑﺠﻲ ..

ﻟﺜﺎﻧﻲ ﺍﻟﻔﺠﺮ ﻳﻮﻡ ﻳﻼ ﺭﺟﻌﻮ ..

ﺟﻨﺖ ﺟﻮﺓ ﻧﺎﻳﻤﻪ ﻭﺳﻤﻌﺘﻬﻢ ﺍﺟﻮﻱ ..

ﻭﺍﻟﻮﻟﺪ ﻛﻠﻤﻦ ﻃﺐ ﻟﻐﺮﻓﺘﻪ ﻭﻓﻬﺪ ﺻﻌﺪ ..

ﻓﻮﻙ ..

ﺻﻌﺪﺕ ﻭﺭﺍﻩ ﻭﺟﺎﻥ ﻛﺎﻋﺪ ﻉ ﻃﺮﻑ ﺍﻟﺠﺮﺑﺎﻳﻪ ..

ﻭﻣﺪﻧﺞ ﺭﺍﺳﻪ ..

ﻭﻛﻔﺖ ﻛﺒﺎﻟﻪ ..

ﺍﻟﺒﻘﻴﻪ ﺑﺤﻴﺎﺗﻚ ..

ﺟﺮﻧﻲ ﻭﺣﻀﻨﻲ ﺣﻴﻞ ..

ﺣﺴﻴﺖ ﺍﻋﻀﺎﻣﻲ ﺑﻴﻦ ﺍﻳﺪﺓ ﺗﺮﻳﺪ ﺗﺘﻜﺴﺮ ﺟﺎﻥ ﻳﺒﺠﻲ ﺑﺼﻮﺕ ﻋﺎﻟﻲ ..

ﻭﻳﺸﻬﻚ ..

ﻳﻜﻮﻟﻲ ﺍﻧﻜﺴﺮ ﻇﻬﺮﻱ ﻟﻴﺎﻝ ﺍﻧﻜﺴﺮ ..

ﻭﻋﻴﺖ ﺑﻼ ﺍﺏ .. ﻭﺭﺍﻫﺎ ﺍﺧﻮﻱ ﻭﻫﺴﺔ ﺍﻣﻲ ..

ﺍﻧﻲ ﺍﻟﻤﻦ ﺑﺎﻗﻲ ..

ﺭﺑﻲ ﻣﺎ ﺗﺎﺧﺬﻧﻲ ...

ﺍﺣﺴﺎﺳﻲ ﺷﻨﻮ ..

ﺟﻨﺖ ﺟﺎﻣﺪﺓ ﺭﻏﻢ ﺩﻣﻮﻋﻪ ﺟﻨﺖ ﺍﺣﺴﻬﺎ ﻉ ﺟﺘﻔﻲ ..

ﺣﺎﺭﺓ ﺗﺠﻮﻱ ..

ﺭﻏﻢ ﻛﻼﻣﻪ ﻫﺎﺍﻱ ﺍﻣﻲ ﻳﺎﺭﺏ ﻫﺎﻱ ﺍﻣﻲ ...

ﻋﺎﻓﻨﻲ ...

ﻛﺎﻝ ﻟﻴﺎﻝ ﻧﺎﺭ ﺑﺮﻭﺣﻲ ..

ﻭﻣﺪﺩ ﺑﺎﻟﻔﺮﺍﺵ ..

ﻛﻤﺖ ﺍﺑﺠﻲ ﻉ ﺑﺠﻴﻪ ...

ﻭﻭﻛﻌﺪﺕ ﻧﺰﻋﺘﻪ ﺣﺬﺍﺀﺓ ...

ﻭﺑﻨﻄﺮﻭﻧﻪ ﻛﺘﻠﻪ ﻃﺐ ﺍﻏﺴﻞ ﺭﻳﺢ ﺟﺴﻤﻚ ..

ﻛﺎﻝ ﻣﺎﺭﺗﺎﺡ ...

ﻟﻮ ﺍﺩﺧﻠﻴﻨﻲ ﺑﻜﺒﺮ ﻫﻢ ﻣﺎﺭﺗﺎﺡ ..

ﻟﻮ ﻣﺮﺟﻊ ﺭﺷﺎ ﻣﺠﺎﻥ ﻣﺎﺕ ﺍﺧﻮﻳﻪ ﻭﻻ ﺗﻤﺔﺕ ﺍﻣﻲ ﻉ ﻗﻬﺮﺓ ..

ﺍﻟﺴﺒﺐ ﻣﻨﻲ ﺍﻧﻲ ..

ﺍﻧﻲ ﺩﺍﺫﻱ ﺍﻟﻜﻞ ..

ﻭﺍﺧﺬ ﺍﺭﻭﺍﺣﻬﻢ ..

ﻟﺰﻡ ﺍﻳﺪﻱ ﺟﻴﻞ ﻭﺟﺮﻧﻲ ..

ﺍﻧﺘﻲ ﻫﻢ ﺭﺍﺡ ﺗﻌﻮﻓﻴﻨﻲ ﻣﻮ ..

ﺍﻧﺘﻲ ﻫﻢ ﺭﺍﺡ ﺗﻬﺠﻴﻦ ﻣﻨﻲ ...

ﻭﺗﺎﺧﺬﻳﻦ ﺍﺑﻨﻲ ﻣﻨﻲ ..

ﺟﺮﻳﺖ ﺍﻳﺪﻱ ﻓﻬﺪ ﺷﺒﻴﻚ .. ﻋﻮﻓﻨﻲ ﺍﺗﺎﺫﻳﻨﻲ ..

ﺍﻟﻲ ﺑﻴﻪ ﻣﻴﻨﺤﺠﻲ ...

ﺣﺎﻭﻟﺖ ﺍﻛﻮﻣﻪ ﻭﺍﻃﺐ ﺍﺳﺒﺤﻪ ..

ﺟﻨﺖ ﻭﻳﺎﻩ ﺍﻋﺎﻣﻠﻪ ﻣﺜﻞ ﺍﻟﻄﻔﻞ ..

ﺑﺤﺐ ؟

ﺧﻮﻑ ؟

ﺟﺒﺮ؟

ﻣﺎﻋﺮﻑ ...

ﺳﺒﺢ .. ﻭﻃﻠﻊ ....

ﻛﺘﻠﻪ .. ﻻ ﺗﺒﺠﻲ ﺍﻧﻲ ﻫﻢ ﻣﺜﻠﻚ ﻣﺎﺕ ﺍﺑﻮﻳﻪ ..

ﻭﻣﺸﻔﺖ ﻣﻨﻪ ﺷﻲ ..

ﻭﺍﻫﻠﻲ ﺑﻌﻴﺪﺓ ﻋﻨﻬﻢ ..

ﻭﻋﺎﻳﺸﻪ ﻳﻤﻚ ..

ﻫﺎﻱ ﺍﻟﺤﻴﺎﻩ ﺩﺍﺋﻤﺎ ﺗﺎﺧﺬ ﻣﻨﻪ ﻛﻞ ﺷﻲ ﻧﺤﺒﺔ ..

ﻛﺎﻝ ﺭﺍﺡ ﺍﻧﺎﻡ ﺳﺎﻋﺘﻴﻦ ..

ﻭﻛﻌﺪﻧﻲ ﻭﺭﺍﻧﻪ .. ﻋﺰﺓ ..

⤵️

ﻛﺘﻠﻪ ﻧﺎﻡ ..

ﻃﻔﻴﺖ ﺍﻟﻀﻮﺓ ﺍﺭﻳﺪ ﺍﻧﺰﻝ ..

ﻛﺎﻝ ﻭﻳﻦ ﺭﺍﻳﺤﻪ ..

ﻛﺘﻠﻪ ﺟﻮﺓ ﻳﺮﻳﺪﻭﻥ ﻣﻨﻲ ﺷﻐﻞ ..

ﺳﺪﻱ ﺍﻟﺒﺎﺏ ﻭﺗﻌﺎﻟﻲ ...

ﻭﻳﻦ ..

ﺗﻌﺎﻟﻲ ﻧﺎﻣﻲ ﺭﺣﻲ ﺟﺴﻤﺞ ..

ﻭﺍﺑﻨﺞ ﻧﺎﻳﻢ .. ﻻ ﺗﻌﻮﻓﻲ ﻭﺣﺪﺓ .. ﺍﺑﺪ ..

ﺑﺴﺴﺲ ..

ﺑﻼ ﺑﺲ ﺗﻌﺎﻱ ... ﻭﻗﻔﻠﻲ ﺍﻟﺒﺎﺏ

ﻓﻬﺪ ..

ﻭﻏﻤﺾ ﻋﻴﻨﻪ .. ﻣﺎﺑﻴﻪ ﺣﻴﻞ ﺍﺣﺠﻲ ..

ﺭﺣﺖ ﻉ ﺟﻬﻪ ﺍﻟﺜﺎﻧﻴﻪ .. ﻭﻧﻤﺖ .. ﻭﺟﺮﻳﺖ ﺍﻟﻐﻄﺔ ..

ﺣﺴﻴﺘﻪ ﺍﺗﺤﺮﻙ .. ﻣﻦ ﻳﻤﻲ .. ﻭﺍﺟﺔ ﻗﺮﻳﺐ ﻋﻠﻴﻪ ﻭﺣﻀﻨﻲ ..

ﺣﺎﻭﻟﺖ ﺍﺑﻌﺪ ﻋﻨﻪ ..

ﻗﺮﺏ ﻧﻔﺴﻪ ﻋﻠﻴﻪ ﻭﻫﻤﺲ ﺑﺎﺫﻧﻲ ﺑﺲ ﺍﻧﺘﻲ ﺑﻘﻴﺘﻲ ﺍﻟﻴﻪ ﻻ ﺗﺮﻛﻴﻨﻲ ﻭﺣﺪﻱ ..

ﺟﻨﺖ ﺍﺧﺎﻑ ﺍﺻﺪﺓ

ﻭﺑﻨﻔﺲ ﺍﻟﻮﻗﺖ ﻣﺪﺍﺗﻘﺒﻞ ﺣﻀﻨﺘﻪ ﺍﻟﻲ ..

ﺣﺴﻴﺘﻪ ﻧﺎﻡ ..

ﻭﺣﺎﻭﻟﺖ ﺍﺑﻌﺪ ﺟﺴﻤﻲ ﻣﻨﻪ ﻟﻜﻦ ﻛﻠﻤﺎ ﺍﺑﻌﺪﺓ ﻳﺤﻀﻨﻲ ﺍﻛﺜﺮ ..

ﻧﻤﺖ ..

ﻭﻛﺮﻫﺖ ﻧﻔﺴﻲ ﻣﻦ ﻧﻤﺖ ﺑﻬﺪﻭﺀ ..

ﺻﺎﺭ ﺷﻜﺪ ﻣﻨﺎﻳﻤﻪ ﻫﻴﺞ ..

ﻛﻌﺪﺕ ﺍﻟﺼﺒﺢ ﺷﻔﺘﻪ ﻣﺎﻛﻮ ..

ﻭﺷﺒﻞ ﻫﻢ ﻣﺎﻛﻮ ..

ﻧﺰﻟﺖ ﺑﻜﻔﺸﺘﻲ ﻣﺜﻞ ﺍﻟﻤﺨﺒﻠﻪ ..

ﺑﺴﺮﻋﻪ .. ﻭﻋﻴﻨﻲ ﻉ ﺍﺑﻨﻲ ﻭﻳﻨﻪ ..

ﻭﻣﻦ ﺳﺎﻟﺖ ﻛﺎﻟﻮ ﻳﻢ ﺍﻡ ﻋﺎﻣﺮ ﻋﻤﻮ ﻧﺰﻟﻪ ..

ﻣﺮ ﺍﻟﻴﻮﻡ ﺑﻬﻮﺳﻪ ﻋﺰﺓ ...

ﻭﺟﻨﺖ ﺍﺑﻮﻙ ﻣﻦ ﺍﻟﻮﻛﺖ ﺩﻗﺎﻳﻖ ﺍﺭﺗﺎﺡ ﺑﻴﻬﺎ ..

ﻣﻦ ﺍﻟﺘﻌﺐ ...

ﻫﺎﻟﻤﺮﺓ ﻣﻄﺒﺨﻨﺎ ﺷﻲ ﺟﺎﺑﻮ ﻃﺒﺎﺥ ..

ﺑﺲ ﺍﻟﻬﻮﺳﻪ ﺟﺎﻧﺖ ﻣﻤﺘﻌﻠﻤﻪ ﻋﻠﻴﻬﺎ ..

ﺑﻌﺪ ﻣﺼﺎﺭ ﺍﻟﻌﺼﺮ ﻭﺭﺍﺣﺖ ﺍﻟﻌﺎﻟﻢ ﺍﻟﻲ ﺟﺎﻳﻪ ﻣﻦ ﺍﻟﺼﺒﺢ ﻭﺍﻛﻮ ﺍﻟﻲ ﻳﺒﺎﺕ ..

ﻭﺍﺣﻨﺎ ﻓﺘﺤﻨﺎ ﺍﻟﻐﺮﻑ ﻭﻧﻈﻔﻨﺎﻫﺎ ..

ﻛﺪﺭﺕ ﺍﺻﻌﺪ ﻭﺍﺭﻳﺪ ﺑﺲ ﺍﻟﻜﻪ ﺍﻟﻔﻮﺕ ﺣﺘﻰ ﺍﺭﺟﻌﻪ ..

ﻭﺍﺧﻠﺺ ﻣﻤﻌﻘﻮﻟﻪ ﻓﻬﺪ ﺍﺧﺬﺓ ﻫﻮ ﺟﺎﻥ ﻣﻤﻮﺟﻮﺩ

ﻳﺎﺭﺑﻲ ﻭﻳﻦ ﺍﺧﺘﻔﻰ ..

ﻭﻧﻔﺲ ﺍﻟﺸﻲ ﻛﻠﺒﺖ ﺍﻟﻔﻮﻙ ﻭﻣﻠﻜﻴﺘﻪ ..

ﺣﺴﻴﺖ ﺍﺣﺪ ﻃﺐ ..

ﺍﻧﺪﺍﺭﻳﺖ ﻓﻬﺪ ..

ﻛﺎﻝ ﺷﺪﺳﻮﻳﻦ ...

ﻫﺎ ﺩﺍﻋﺰﻝ

ﻛﺎﻝ ﻟﻴﺎﻝ ﺍﻫﻠﺞ ﺟﻮﺓ ....

ﻛﺘﻠﻪ ﻣﻨﻮ ..

ﻛﺎﻝ ﺍﻣﺞ ﻭﻋﻤﺎﻣﺞ ﻭﺍﺑﻮﺝ ﻭﺧﻮﺍﻟﺞ .. ﺍﻟﻜﻞ ..

ﺭﻭﺣﻲ ﺷﻮﻓﻴﻬﻢ ..

ﻛﺘﻠﻪ ﻣﺎﻧﺰﻝ ..

ﺍﻧﺪﺍﺭ ﻋﻠﻴﻪ ﻭﻫﻮ ﺩﻳﺒﺪﻝ ..

ﺷﻨﻮ ؟؟

ﻣﺎﻧﺰﻝ ﻭﻻ ﺍﺭﻳﺪ ﺍﺷﻮﻓﻬﻢ ...

ﻟﻴﺶ ..

ﺑﻼ ﻟﻴﺶ ﻛﻠﻬﻢ ﺑﺬﺍﻙ ﺍﻟﺒﻴﺖ ﻃﻠﻊ ﺣﺠﺔ ..

ﻟﻴﺎﻝ ﻣﻮ ﻭﻛﺖ ﻟﻌﺐ .. ﻣﻮ ﺑﺤﺎﻝ ﺳﻮﺍﻟﻔﺢ ﺍﻧﻲ ..

ﺍﻧﺪﻛﺖ ﺍﻟﺒﺎﺏ ..

ﻛﺎﻝ ﺷﻔﺘﻲ ﺩﺯﻭ ﻋﻠﻴﺞ ﺑﻌﺪ ..

ﻓﺘﺤﺘﻬﺎ ﺍﻣﻲ ﺑﻮﺟﻬﻲ ﺻﺎﺭﺕ ..

ﻓﻬﺪ ﺭﺍﺳﺎ ﻟﺒﺲ ..

ﻭﻛﻠﻬﺎ ﺗﻔﻀﻠﻲ ﻋﻤﻪ ﺗﻔﻀﻠﻲ ...

ﺍﻣﻲ ﺷﺒﻜﺘﻨﻲ ﻭﺗﺒﺠﻲ ..

ﺣﺒﻴﺒﺘﻲ .. ﺷﻠﻮﻧﺞ ﻟﻴﺎﻝ ﻣﺎﻣﺎ ..

ﺍﻟﻌﺠﻴﺐ ﺟﻨﺖ .. ﻣﺎﻛﻮ ﺍﺣﺴﺎﺱ ﻫﺎﻱ ﺍﻣﻲ ..

ﻭﺍﻧﻲ ﺟﺎﻣﺪﺓ ..

ﺍﺳﺘﻐﺮﺑﺖ ﻣﻦ ﻣﻮﻗﻔﻲ ﻣﻦ ﻓﻬﺪ ﻭﺍﻣﻲ ..

⤵️

ﻣﻌﻘﻮﻟﻪ ﺍﻻﻟﻢ ﺍﻟﻲ ﺷﻔﺘﻪ ﺑﻨﺞ ﺍﺣﺴﺎﺳﻲ

ﺟﺮﺗﻨﻲ ﻭﻛﻌﺪﺗﻨﻲ ..

ﻣﺎﻣﺎ .. ﺷﺒﺒﺞ ﺻﺎﻳﺮ ﺑﻴﺞ ..

ﺷﻜﻮ

ﺯﺷﻨﻮ ﻫﺎﻟﺠﻮ ﻫﻨﺎ ﺍﻟﻲ ﻳﺨﻨﻚ ..

ﻟﻴﺎﻝ ﺷﻠﻮﻧﺞ ..

ﺍﻟﺤﻤﺪﻟﻠﻪ ..

ﺍﺑﻨﺞ ﻓﺪﻭﺓ ﻳﺨﺒﻞ ..

ﻛﺘﻠﻬﺎ ﺍﻱ ...

ﻧﻨﺰﻝ ﺟﻮﺓ ..

ﻛﺎﻟﺖ ﺍﻧﻲ ﺟﺎﻳﻪ ﻋﻠﻴﺞ ﻣﻮ ﻋﻠﻤﻮﺩ ﺍﻟﻔﺎﺗﺤﺔ ..

ﻟﻴﺎﻝ ﺷﺒﻴﺞ .. ﻣﺮﻳﻀﺔ ﺯﻋﻼﻧﻪ ﻣﻨﻪ ..

ﻣﺎﺑﻴﻪ .. ﺷﻲ ﺑﺲ ﺗﻌﺒﺎﻧﻪ ..

ﺍﻣﺸﻲ ﻭﻳﺎﻧﻪ ..

ﻛﺘﻠﻬﺎ ﻋﻴﺐ ﻣﺎﻛﺪﺭ ﺍﻋﻮﻓﻬﻢ ..

ﻛﺎﻟﺖ ﻋﻮﻓﻴﻬﻢ .. ﻟﻴﺎﻝ ﺍﺧﺘﻨﻜﺖ ﻫﺎﻱ ﺷﻠﻮﻥ ﻋﺸﺘﻲ ﺑﻴﻨﻬﻢ ..

ﺿﺤﻜﺖ ﻉ ﻛﻠﻤﺘﻬﺎ ..

ﺍﺗﻤﻨﻴﺖ ﺍﺷﻮﻓﻬﺎ ﻛﻞ ﺍﻫﺎﻧﻪ ﻭﻛﻞ ﺿﺮﺑﻪ ..

ﻫﻨﺎ ﺷﻔﺘﻬﺎ ..

ﻛﺘﻠﻬﺎ ﺗﻌﻠﻤﺖ ..

ﺗﻌﻠﻤﺘﻲ ؟؟

ﻣﺎﻣﺎ ﺍﻧﺘﻲ ﻣﺘﻐﻴﺮﺓ ﺑﻨﺘﻲ ﻣﺎﺫﻳﺞ ..

ﻛﻮﻟﻲ ﻫﻨﺎ ﻛﻠﻬﻢ ..

ﻛﺘﻠﻬﺎ ﺍﻳﺒﺎﺍﻩ .. ﺷﻠﻮﻥ ﻫﺴﺔ ﻋﺎﺩ ﺭﺍﺡ ﻳﻔﺠﺮﻭﻫﻢ ..

ﻣﺎﻣﺎ .. ﻣﺎﺑﻴﻪ ﺷﻲ ﻭﺍﻣﺸﻲ ﻧﻨﺰﻝ ﺟﻮﺓ ..

ﺑﻘﺖ ﻳﻤﻲ ﺗﺴﺎﻝ ﻭﺗﺒﻮﺱ .. ﻭﺗﺴﻮﻟﻒ ﺍﻟﻲ ﻋﻦ ﺍﺧﺘﻲ ﻭﺍﺧﻮﻳﻪ .. ﻭﺟﺎﻧﺖ ﺟﺎﻳﺒﻪ ﺟﻨﻄﻪ ﻛﺎﻣﻠﻪ ..

ﻏﺮﺍﺽ ﺑﺲ ﺍﻟﻲ ﻭﻻﺑﻨﻲ ..

ﺑﺲ ﺟﻨﺖ ﺍﺭﺩ ﻉ ﻛﺪ ﺍﻟﺴﺆﺍﻝ ﻭﺍﺗﻌﺬﺭ ﺑﻜﻠﻤﻪ ﺗﻌﺒﺎﻧﻪ

ﻫﺬﺍ ﺍﻟﺤﺪﻳﺚ ﺍﻟﻲ ﺻﺎﺭ ﻭﻳﺎ ﺍﻣﻲ .. ﺍﻣﺎ .. ﺍﺑﻮﻳﻪ ﻭﺍﻟﺒﺎﻗﻴﻦ ﻣﺮﺣﺖ ﻭﻻ ﺷﻔﺘﻬﻢ ..

ﺭﺟﻌﻮ ﺑﻠﻴﻞ ...

ﺟﺎﻧﺖ ﻛﻌﺪﺗﻲ ﺑﺎﻟﻤﻄﺒﺦ ﺑﻌﻴﺪﺓ ﻋﻦ ﺍﻟﻌﺎﻟﻢ ..

ﻳﻤﻜﻦ ﺍﺭﻳﺪ ﺍﺑﺘﻌﺪ ﻭﻳﻤﻜﻦ ﺍﺗﺠﻨﺐ ﻫﺎﻱ ﻓﺼﻠﻴﺘﻜﻢ ﻣﺮﺕ ﻓﻬﺪ ..

ﺍﻟﻲ ﺟﺎﻧﺖ ﺗﻨﻜﺎﻝ ﺍﻛﺜﺮ ﻣﻦ ﺍﺳﻤﻲ ...

ﻭﺍﺑﻨﻲ ﻟﻮ ﻳﻤﻲ ﻟﻮ ﻳﻢ ﺍﺑﻮ ..

ﺍﺧﺮ . ﺷﻲ ﺍﻋﺰﻝ ﺍﻟﻤﻄﺒﺦ ﻭﺍﻟﻤﻮﺍﻋﻴﻦ .. ﻭﺍﺻﻌﺪ ﺍﻧﺎﻡ ..

ﻫﻮﺍﻳﻪ ﺑﻨﺎﺕ ﻭﻳﺎﻧﻪ ﻳﺴﺎﻋﺪﻭﻥ ..

ﺟﺎﻧﺖ ﺍﻛﻮ ﺟﺪﺍﺭﻱ ﻛﺒﺎﺭ .. ﻧﻜﻌﺘﻬﺎ ﻭﺭﺓ ﺍﻟﺒﻴﺖ ﻭﻓﺘﺤﺖ ﺍﻟﺒﺮﻳﻤﺰ ..

ﺣﺘﻰ ﻳﺸﻠﻊ ﺍﻟﺘﻤﻦ ﺍﻟﻲ ﺑﻴﻬﺎ ..

ﺑﻴﻦ ﻣﺪﺍﻏﺴﻞ ﺍﻟﻤﻮﺍﻋﻴﻦ ﻛﻌﺪﺕ ﺑﺼﻔﻲ ﻫﻴﻠﻪ ﺗﻐﺴﻞ ..

ﻛﺎﻟﺖ .. ﺳﻮﺩﺓ ﻋﻠﻴﻪ ﻓﻬﺪ ﻣﻘﻬﻮﺭ ﻫﻮﺍﻱ ..

ﺗﻤﻨﻴﺖ ﺍﻟﻘﻬﺮ ﺑﻴﻪ ..

ﺍﻟﺤﺠﻴﻪ ﺟﺎﻧﺖ ﺑﻤﻌﺰﺓ ﺍﻣﻲ ..

ﻣﺠﺎﻭﺑﺘﻬﺎ ..

ﻛﺎﻟﺖ ﺍﺗﻌﺲ ﺷﻲ ﺍﻟﻮﺣﺪﺓ ﺗﺨﻮﻥ ﺭﺟﻠﻬﺎ ..

ﺗﺪﺭﻳﻦ ﻫﻮﺍﻳﻪ ﺳﺎﻣﻌﻴﻦ ﻧﺴﻮﺍﻥ ﻳﺨﻮﻧﻦ ﺍﺯﻭﺍﺟﻬﻢ ﻫﻨﺎ ..

ﺍﻧﺪﺍﺭﻳﺖ ﻫﻠﻴﻬﺎ ﻭﺭﺟﻌﺖ ﺍﻏﺴﻞ

ﻣﺮﺓ ﻭﺣﺪﺓ ﻫﻨﺎ .. ﻟﻜﻔﻮ ﻋﺪﻫﺎ ﺻﺪﻳﻖ ..

ﻭﺍﺗﺨﻴﻠﻲ ﺯﻭﺟﻬﺎ ﺷﺎﺏ ﻭﺻﻐﻴﺮ ..

ﻭﻟﺞ ﻋﻴﻨﻲ ﻭﺍﻻﺩﻫﻰ ﻣﻦ ﻫﺬﺍ ﻣﺴﻮﻳﻪ ﺭﻭﺣﻬﺎ ﺷﺮﻳﻔﻪ ..

ﻛﺘﻠﻬﺎ ﻭﺍﻧﻲ ﺷﻌﻠﻴﻪ ..

ﻛﺎﻟﺖ ﻻ ﻧﺸﺘﻐﻞ ﻭﺍﻧﺴﻮﻟﻒ ..

ﻛﺘﻠﻬﺎ ﻣﻮ ﺑﻌﻤﺮﺝ ﻭﻻ ﺍﺭﻳﺪ ﺍﺳﻤﻊ ﻣﻨﺞ ﺗﻤﺎﻡ ..

ﺍﻱ ﻭﺍﻟﻠﻪ ﺷﺒﻴﺞ .. ﺍﺳﻤﻌﻲ ﻻ ﺗﺴﺘﻌﺠﻠﻴﻦ ﻫﺎﻱ

ﻣﻦ ﺭﺟﻠﻬﺎ ﻟﻜﻔﻬﺎ .. ﻛﺘﻠﻪ ﻛﺘﻠﻪ ﺩﻡ ..

ﻭﺯﻳﻦ ﺷﻌﺮﻫﺎ .. ﻭﺍﺧﺪ ﺟﻬﺎﻟﻬﺎ .. ﻣﻨﻬﺎ ﻭﺫﺑﻬﺎ ﺑﺸﺎﺭﻉ ..

ﻻﻥ ﻫﻴﺞ ﻧﻤﺎﺫﺝ ﺯﺑﺎﻟﻪ ..

ﺍﻛﻮﻟﺢ ﺷﺘﺮﻳﺪﻳﻦ ﺍﻧﺘﻲ ..

ﻻ ﻋﻴﻨﻲ ﻟﻴﺎﻝ ﻣﻨﺮﻳﺪ ﺷﻲ ﺑﺲ ﻧﺴﻮﻟﻒ ..

ﻭﻻ ﺗﺴﺒﻌﻴﻦ ﺑﺎﺣﺪ .. ﺯﻳﻦ ..

ﺍﻡ ﺣﻴﺪﺭ ﻣﺮﺓ ﻣﺨﺮﻓﻪ ...

ﻻ ﻋﺒﺎﻟﺞ ﺧﺎﻟﺘﻲ ﺗﺴﻜﺖ ﺍﻟﻬﺎ ..

ﻛﺘﻠﻬﺎ ﺍﻧﺘﻲ ﻛﺎﺗﻠﻪ ﻧﻔﺴﺞ ﻉ ﻓﻬﺪ ﻭﻓﻬﺪ ﻻﺑﺴﺞ ﻳﺸﻮﻓﺞ ﺟﺎﻫﻠﻪ ..

ﻫﺎﻱ ﺷﻐﻠﻪ .. ﻭﺍﻟﺜﺎﻧﻴﻪ .. ﺗﺮﺓ ﻣﻴﺪﻭﺭ ﺷﻜﻮﻟﺞ ﻭﺍﻟﻠﻪ ...

ﻛﺎﻣﺖ .. ﻉ ﺍﻟﺠﺪﺭ ..

ﻭﺍﻟﻠﻪ ﻉ ﺍﻻﻗﻞ ﺷﺮﻳﻔﻪ ..

ﻣﺎﺿﻤﻢ ﺗﻠﻴﻔﻮﻧﺎﺕ ﻭﺍﻛﻌﺪ ﻟﻠﻴﺎﻝ ﻛﻠﻪ ..

ﺍﺳﻬﺮ ﻭﻳﺎ ﺍﻟﺰﻟﻢ ..

ﻫﻨﺎ ﻃﺨﺖ ﻋﻨﺪﻱ ﺳﺎﻟﻔﻪ ﺍﻟﻔﻮﻥ ﻣﺎﻝ ﺍﺣﻤﺪ

ﻛﻤﺖ ﻭﻛﻔﺖ ﻳﻤﻬﺎ ﺷﺘﻘﺼﺪﻳﻦ ..

ﺿﺤﻜﺖ ﻻ ﺳﻼﻣﺘﺞ ﻋﻴﻨﻲ ﻣﺎ ﺍﻗﺼﺪ ﺷﻲ ...

ﺑﺲ .. ﻣﺎ ﺧﻠﻴﻬﺎ ﺗﻌﺪﻱ ﻋﻠﻴﺞ ..

ﻻ ﺗﻬﺪﺩﻳﻦ ﺍﻋﺮﻑ ﺍﻟﻲ ﺗﻘﺼﺪﻱ ﻣﺨﺎﻳﻔﻪ ﻣﻨﺞ ..

ﺑﻘﻴﺖ ﻭﺍﻛﻔﻪ ﻛﺪﺍﻣﻬﺎ ..

ﻟﺰﻣﺖ ﺍﻟﺠﺪﺭ ﻭﺍﺭﻳﺪ ﺍﻧﺰﻟﻪ ﻻﻥ ﺑﻲ ﻣﻲ ..

ﻛﺘﻠﻬﺎ ﻫﻴﻠﻪ .. ﺍﻧﺘﻲ ﻣﻔﺘﻬﻤﻪ ﻏﻠﻂ ..

ﺷﺎﻟﺘﻪ ﻭﻳﺎﻳﺔ ...

ﻛﺎﻟﺖ ﻣﺤﺪ ﻏﻴﺮﺝ ﺍﻟﻐﻠﻂ ..

ﻭﻫﺪﺕ ﺍﻟﺠﺪﺭ ﺍﻟﺤﺎﺭ ﻋﻠﻴﻪ

↙️

يتبع 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤