رواية لأني امرأة ج1 الجزء الرابع
للكاتبة سوزان المندلاوي
↙️
ﺭﺟﻌﺖ ﻫﻠﻜﺎﻧﻪ ﻣﻦ ﺍﻟﺘﻌﺐ .. ﺟﻬﺎﻝ ﺳﻬﺎﻡ ﺍﻟﺘﻤﻮ ﻋﻠﻴﻬﺎ .. ﻋﻠﻤﻮﺩ ﺍﻟﻐﺮﺍﺹ ﺍﻃﻠﻊ ﻭﺗﻜﻮﻝ ﻋﻤﺘﻜﻢ ﻟﻴﺎﻟﻲ ﺫﻭﻗﻬﺎ .. ﻭﻳﺒﻮﺳﻮﻥ ﺑﻴﻪ . ﻫﻨﻮﺏ ﺍﻟﺘﻤﻦ ﺍﻟﺠﻨﺎﻧﻴﻦ ﻭﺿﻠﻦ ﻳﻜﻠﺒﻦ ﺑﻠﻬﺪﻭﻡ .. ﻭﺍﻟﻜﻞ ﺗﻜﻮﻝ ﻟﻴﺎﻟﻲ ﻣﻦ ﺗﺮﺣﻴﻦ ﺳﻮﻙ ﻧﺠﻲ ﻭﻳﺎﺝ ﻋﻔﻴﺔ ﻉ ﺫﻭﻗﺞ ﺍﺧﺬﻳﻠﻨﻪ ..... ﺑﺲ ﻭﺣﺪﺓ ﺑﻴﻬﻦ .. ﺣﻼ .. ﻣﺮﺕ ﺣﻤﺎﻳﺔ ﻗﺎﺳﻢ .. ﻭﻻ ﺣﺒﺘﻨﻲ .. ﻭﺩﺍﺋﻤﺎ ﺗﻐﺚ ﺑﻴﻪ .. ﻭﺳﻤﻌﻨﻲ ﺣﺠﻲ .. ﻫﻴﻪ ﺍﻛﺒﺮ ﻣﻨﻲ .. ﺍﺳﻜﺖ .. ﻣﺮﺍﺕ ﺳﻬﺎﻡ ﺗﺴﻤﻌﻬﺎ .... ﺗﺮﺯﻟﻬﺎ .. ﻭﻛﻔﺖ ﻛﺒﺎﻟﻲ ﺿﺤﻜﺖ ﻛﺎﻟﺖ ﻉ ﺧﻴﺮ ﻋﻠﻴﺞ .. ﺭﺟﻠﺞ ﺭﺍﺡ ﻳﻌﺮﺱ ﻭﺿﺤﻜﺖ .. ﺻﺪﻙ ﺗﺴﺘﺎﻫﻠﻴﻦ ﺿﺮﺓ .. .. ﺍﺳﺘﻐﻔﺮﺕ ﺍﻟﻠﻪ .. ﻭﺳﻜﺘﺖ ﻭﻟﻤﻴﺖ ﻏﺮﺍﺿﻲ ﻣﺮﺕ ﺣﻤﺎﻳﻪ ﺍﻟﺜﺎﻧﻴﻪ .. ﻛﺎﻟﺖ ﺍﻟﻬﺎ ﺣﻼ .. ﻣﺎﻟﺞ ﺩﺧﻞ ﺑﻠﺒﻨﻴﻪ . . ﺧﻠﻴﻬﺎ ﺗﻔﺮﺡ ﻭﻫﻴﻪ ﺍﺻﻐﺮﻧﻪ . ﻭﺍﺣﻼﻧﻪ ﻭﻳﻠﻮﻙ ﺍﻟﻬﺎ .. ﻭﺣﺘﻰ ﻟﻮ ﺭﺟﻠﻬﺎ ﻳﺰﻭﺝ ﻭﺷﻜﻮ ﺑﻴﻬﺎ ﻧﺴﻴﺘﻲ ﺭﺟﻴﻔﺞ ﻣﻦ ﻗﺎﺳﻢ ﺭﺍﺩ ﻳﺰﻭﺝ ﺍﺫﻛﺮﺝ .. ﻛﺎﻟﺖ ﺍﻭﻱ ﺷﻌﻠﻴﻪ ﺍﻧﻪ .. ﺑﺲ ﻗﺎﺳﻢ ﻣﺎﻳﺒﺪﻟﻨﻲ ﺑﺎﻟﻒ ﻭﺣﺪﺓ ﻣﻮ ﻣﺜﻞ .. ﺟﻤﺎﻋﻪ ﻳﻮﻣﻴﻪ .. ﻃﺎﺭﺩﻳﻬﺎ ﻭﺗﺠﻲ .. ﻛﺘﻠﻬﺎ ﻟﻬﻨﺎ ﻭﺑﺲ ﻭﺷﺒﻴﺞ ﻭﻳﺎﻳﺔ ﺗﻐﺜﻴﻦ ﻭﺳﻤﻌﻴﻨﻲ ﺣﺠﻲ ﺍﻧﻲ ﺑﻨﺖ ﺍﻭﺍﺩﻡ ﻭﺻﺎﺑﺮﺓ ﻭﺳﺎﻛﺘﻪ ... . ﻻﺧﻴﻪ ﻻ ﺗﻌﺼﺒﻴﻦ .. ﻧﺪﺭﻱ ﺑﻴﺞ ﺑﺖ ﺷﻴﻮﺥ ﻭﻋﺸﺎﻳﺮ ﻭﺯﻟﻤﻜﻢ ﺣﻮﻙ . ﻭﻋﻤﺎﻣﺞ . ﻳﻔﻄﺮﻭﻥ ﺍﻟﻜﺎﻉ .. ﻭﺿﺤﻜﺖ .... . . ﺑﻬﻼﺛﻨﺎﺀ ﻃﺒﻮ ﺍﻟﺮﻳﺎﺟﻴﻞ ﻭﺟﺎﻥ ﻓﻬﺪ ﺍﻭﻟﻬﻢ .. ﺍﻧﻲ ﻟﻤﻴﺖ ﻏﺮﺍﺿﻲ .. ﻭﺻﻌﺪﺕ .. ﻓﻮﻙ .. ﺍﻭﻭﻑ ﻳﺎﺭﺑﻲ ﻣﺎﺭﻳﺪ ﺍﺑﺠﻲ .. ﺑﺪﻳﺖ ﺍﺭﺗﺐ ﺑﻠﻐﺮﺍﺽ .. ﻳﻌﻨﻲ ﺍﻧﻲ ﺑﺴﺒﺐ ﻓﻬﺪ ﺍﻟﻜﻞ ﻳﻌﻴﺮ ﺑﻴﻪ ﻭﻣﻴﺤﺘﺮﻣﻨﻲ .. ﻟﻮ ﺧﺎﻝ ﺍﻟﻪ ﻗﻴﻤﻪ ﻣﻮ ﻫﺬﺍ ﺣﺎﻟﻲ ﻭﺣﺪﺓ .. ﻣﺜﺜﻠﻬﺎ ﺗﺤﺠﻲ ﻉ ﺍﻫﻠﻲ .. ﺻﺮﺕ ﺍﻋﺼﺎﺏ ﻭﺍﻓﻮﺭ .. ﻃﺐ ﻓﻬﺪ .. ﺍﻧﺪﺍﺭﻳﺖ ﻋﻠﻴﻪ ﻭﺭﺟﻌﺖ ﺍﻟﻢ ﺑﻐﺮﺍﺿﻲ ﻛﻠﻲ ﺷﺒﻴﻬﺎ ﻭﻳﺎﺝ ﺣﻠﻪ .. ﻛﺘﻠﻬﺎ ﻣﺎﺑﻴﻬﺎ .. ﺷﻲ ﻻ ﺳﻤﻌﺘﻬﺎ .. ﺗﺤﺎﺟﻴﺞ .. ﺍﻱ .. ﻋﺎﺩﻱ .. ﺍﻧﻲ ﻣﻜﻔﺨﻪ .. ﺍﻟﻜﻞ .. ﺷﻨﻮ ﺍﻟﻲ ﻳﺘﻐﻴﺮﻭﻓﺮﻕ .. ﻭﺟﺎﻱ ﺗﺴﺄﻝ .. ﻻ ﺍﻧﻪ ﻣﺎﻗﺒﻞ ﻭﺍﺣﺪ ﻳﺘﻌﺪﻩ ﻉ ﻣﺮﺗﻲ .. ﺑﺤﺠﺎﻳﻪ .. ﺷﻨﻮ ﻋﻴﺪ .. ﻣﺴﻤﻌﺘﻚ ﺯﻳﻦ .. ﻻ ﺳﻤﻌﺘﻲ .. ﻛﻠﻪ ﻣﻨﻚ ﻭﺟﺎﻱ ﺗﺤﺎﺳﺒﻬﻢ ﺍﻟﻴﻮﻡ .. ﻓﻬﺪ ﻟﻮ ﺗﺪﺭﻱ ﺷﻜﺪ ﺍﻛﺮﻫﻚ .. ﺍﻣﻮﺕ ﻣﻨﻚ .. ﺍﻛﺮﻫﻚ .... ﻭﺣﻮﺑﺘﻲ ﻭﺭﺍﻙ ﻭﺭﺍﻙ .. ﻭﺗﻄﻠﻊ ﻋﺴﺎﻫﺎ ﺑﻌﺰﻳﺰﻙ ﻉ ﺍﻟﺬﻟﺔ ﺍﻟﻲ ﻋﻴﺸﺘﻨﻲ ﺑﻴﻬﺎ .. ﻟﻴﺎﻟﻲ .. ﺍﻧﻲ ﻣﻮ ﻟﻴﺎﻟﻲ .. ﻟﻴﺎﻝ ﻭﺍﻟﻠﻪ .. ﻟﻴﺎﻟﻲ ﻻ ﺿﻠﻴﻦ .. ﺗﻜﻤﺰﻳﻦ ﺑﻠﺤﺠﻲ ﺍﺣﺠﻲ ﻋﺪﻝ ﻭﻳﺎﻱ .. ﻫﺴﺔ ﺍﻧﻪ ﺍﻋﺮﻑ ﺷﺴﻮﻳﻲ ﻭﺍﺭﻳﺪ ﺍﺷﻮﻑ ﺍﺣﺪ ﻳﺘﻌﺪﻩ ﻋﻠﻴﺞ .. ﺭﺣﺖ ﻳﻤﻪ .. ﻛﺘﻠﻪ ﻻ ﻣﺸﻜﻮﺭ .. ﻻ ﺗﻌﺐ ﻧﻔﺴﻚ .. ﺍﻧﻲ ﻓﺼﻠﻴﻪ .. ﻣﻦ ﻋﺴﺎﻫﻢ ﻓﺼﻠﻮ ﺑﻤﻮﺗﻲ .. ﺍﻟﻌﺘﺐ ﻣﻮ ﻋﻠﻴﻚ ﺍﻟﻌﺘﺐ .. ﻉ ﺍﻟﺪﻧﻴﺎ .. ﺧﻠﺖ ﺍﻟﻤﺮﺓ ﺑﻼ ﻗﻴﻤﻪ ﻭﻗﺪﺭ .. ﻓﻬﻤﻴﻨﻲ ﺗﺤﺒﻴﻦ ﻛﺘﻞ ﺍﻧﺘﻲ .. ﺩﺍﻛﻠﺞ ﺍﻧﻪ ﺍﻋﺮﻑ ﺷﺤﺠﻲ .. ﻭﻳﺎﻫﻦ .. ﺍﻟﻪ ﺍﻓﺮﻙ ﺣﻠﻮﻛﻬﻦ .. ﻭﻋﺎﻓﻨﻲ ﻭﻧﺰﻝ .. ﺑﺲ ﺍﺳﻤﻌﻪ .. ﻳﺤﺠﻲ ﻭ .. ﻳﻜﻮﻝ ﻛﻼﻣﻲ ﻟﻠﻜﻞ .. ﺍﻟﻲ ﻳﺘﻌﺪﺓ ﻉ ﻟﻴﺎﻟﻲ ﺑﺤﺠﺎﻳﻪ .. ﻋﻨﻬﺎ ﻭﻋﻦ ﺍﻫﻠﻬﺎ ﺑﺤﺴﺎﺏ ﺗﻌﺪﺓ ﻉ ﺭﺑﻌﻨﻪ ﻭﺍﻫﻠﻨﻪ ﻭ .. ﺣﺴﺎﺑﻲ ﻭﻳﺎ .. ﺟﺒﻴﺮ .. ﻣﺎﻋﻴﺪﻫﺎ .. ﻣﺮﺗﻴﻦ ... ﺳﻤﻌﺘﻮ ﺳﻤﻌﺖ ﺍﻟﺤﺠﻲ ﻳﻜﻮﻟﺔ ﺷﺼﺎﻳﺮ .. ﻣﺎﺻﺎﻳﺮ ﺷﻲ ﺣﺠﻲ .. ﺍﻋﺮﻑ ﻋﻠﻴﻤﻦ ﺍﺣﺠﻲ ﻉ ﻛﻦ ﺍﻟﺪﺟﺎﺝ ﺑﺲ ﻳﻜﺮﻛﺮﻥ ﻣﺎﻳﺴﻜﺘﻦ .. ﻛﻞ ﻭﺣﺪﺓ ﺗﻌﺮﻑ ﻧﻔﺴﻬﺎ ﻭﺷﺘﺤﺠﻲ ﺑﻬﺬﻥ ﺍﺫﺍﻧﺎﺗﻲ ﺍﺳﻤﻌﻬﺎ ﺗﻌﻴﺮﻫﺎ ﻓﺼﻠﻴﻪ .. ﻫﻨﻮﺏ ﺍﻟﺤﺠﻲ ﻫﻢ ﻫﺪ ﻋﻠﻴﻬﻦ .. ﺍﻧﺨﺮﺳﻦ .. ﺍﻧﻲ ﺭﻛﻀﺖ ﻃﺒﻴﺖ .. ﺟﻮﺓ .. ﺑﻠﻐﺮﻓﻪ .. ﻋﻮﺩ ﺩﺍﺻﻔﻂ ﺑﻐﺮﺍﺿﻲ .. ﺻﻌﺪ ﺫﺏ .. ﺳﻼﺣﻪ .. ﻭﺍﺧﺬ ﺧﺎﻭﻟﻲ ﻭﻃﻠﻊ .. ﺣﺘﺔ ﻣﺎﺣﺎﺟﺎﻧﻲ .. ﺍﻧﻲ ﻫﻢ .. ﻛﻤﻠﺖ ﻏﺮﺍﺿﻲ ﻭﻧﺰﻟﺖ .. ﺍﺣﺲ ﻣﻮ ﺩﺍﻧﺰﻝ ﺩﺭﺝ ﻻ ﺩﺍﺭﻛﺺ ﻣﻦ ﺍﻟﻔﺮﺡ .. ﻧﺰﻟﺖ .. ﻧﻔﺸﺖ ﻧﻔﺴﻲ .. ﻋﻮﺩ ﺍﻧﻲ ﺳﻬﺎﻡ .. ﻭﻣﺴﻴﻄﺮﺓ .. ﻃﺒﻴﺖ ﻟﻠﻤﻄﺒﺦ .. ﺟﺖ ﻳﻤﻲ ﻣﺮﺕ ﺣﻤﺎﻳﻪ .. .. ﻛﺎﻟﺖ ﻋﻔﻴﻪ ﻋﻠﻴﺞ ﺧﻠﻲ ﻳﻀﺒﻬﺎ .. ﻫﻠﺨﺎﻳﺴﻪ .. ﻭﺿﺤﻜﺖ .. ﻛﻌﺪﺕ ﺍﺳﻮﻱ ﺯﻻﻃﻪ .. ﻭﻫﻨﻪ ﺩﻳﺼﺒﻮﻥ ﺍﻻﻛﻞ .. ﺟﺘﻲ ﺳﻬﺎﻡ .. ﻛﺎﻟﺖ ﺩﻗﺎﻳﻖ ﺳﺒﺤﺖ ﺗﻌﺎﺭﻛﺘﻦ ﺷﻨﻮ ﺍﻧﺘﻦ ﺩﺧﻴﻞ ﺍﻫﻠﺠﻦ ﻣﺎﺗﺒﻄﻠﻦ ﻣﻨﺎﻛﺮ .. ﺍﻧﻲ ﺳﺎﻛﺘﻪ .. ﺟﺖ ﻗﺮﻳﺐ ﻳﻤﻲ ﻛﺎﻟﺖ ﻋﻔﻴﻪ ﻋﻠﻴﺞ ﺿﺒﻲ .. ﺑﻌﺪ ﺑﻴﺘﻲ .. ﺗﺮﺑﻴﺘﻲ ﺑﻌﺪ .. ﺍﻧﺘﻲ .. ﻭﺧﺮﺕ ﻛﺎﻟﺖ ﻟﻴﺎﻟﻲ .. ﻭﺩﻱ ﺍﻻﻛﻞ .. ﻭﻫﺬﻳﺞ ﺣﻼ ﺑﺲ ﺗﺒﺎﻉ .. ﻭﻛﺎﻟﺒﻪ ﺍﻟﺨﻠﻘﻪ .. ﺭﺣﺖ .. ﻓﺮﺷﺖ ﺍﻟﺴﻔﺮﺓ ﻭﺑﻮﺳﺖ ﺍﻟﺤﺠﻴﻪ .. ﻭﺿﻠﺖ ﺗﺪﻋﻴﻠﻲ ﺑﺘﻮﻡ ﻭﻟﺪ .. ﺍﻧﻲ ﺿﺤﻜﺖ .. ﻭﺑﺪﻳﺖ ﺍﺭﺗﺐ .. ﺑﻴﻬﺎ .. ﻭﺍﻋﺪﻝ .. ﻛﻤﺖ ﺍﺣﺐ ﺍﻟﺒﻴﺖ ﺍﺣﺐ ﺍﺷﺘﻐﻞ ﺍﺳﻮﻱ .. ﺭﺟﻌﺖ ﺍﺟﻴﺐ ﻣﻦ ﺍﻟﻤﻄﺒﺦ .. ﻛﺘﻠﻬﻢ ﺍﻟﻴﻮﻡ ﺍﻟﻌﺸﺎ ﻋﻠﻴﻪ .. ﺍﺳﻮﻳﻠﻜﻢ ﺑﻴﺘﺰﺍ ﻭﻓﻄﺎﻳﺮ .. ﻟﻮ ﻣﻌﻜﺮﻭﻧﻪ ﺑﻠﺒﺸﻤﻞ .. ﻟﻮ .. ﻛﻨﺘﺎﻛﻲ .. ﻟﻮ ﺻﺎﺝ ﺍﺧﺘﺎﺭﻭ .. ﺳﻬﺎﻡ .. ﻛﺎﻟﺖ ﻋﻔﻴﻪ ﺑﻠﻨﺎﺩﺭﺓ .. ﻫﻬﻬﻪ ﻛﻠﻬﻦ ﺳﻮﻳﻬﻦ .. ﻛﺘﻠﻬﺎ ﻣﻦ ﻋﻴﻮﻧﻲ .. ﺗﺪﻟﻠﻴﻴﻦ ﻋﻠﻴﻪ ... ﻳﻼ ﺑﻌﺪ ﺍﻟﺨﺒﺰ ﺍﺧﺬﻱ .. ﻭﺍﻟﻤﻲ .. ﺍﺧﺬﺗﻬﻦ .. ﻭﺭﺣﺖ ﻛﺎﻋﺪﻳﻦ ﺍﻟﻮﻟﺪ .. ﻃﺐ ﻓﻬﺪ .. ﺷﻌﺮﻩ ﻣﺒﻠﻞ .. ﻭﻻﺑﺲ . ﺗﺮﺍﻛﺴﻮﺩ .. ﺍﺳﻮﺩ .. ﻭﺑﻲ ﺧﻴﻂ .. ﻧﻴﻠﻲ .. ﺿﻠﻴﺖ ﺍﺑﺎﻉ ﻋﻠﻴﻪ .. ﺩﻧﺠﺖ ﻭﺿﺤﻜﺖ .. ﻛﻠﺖ ﻭﻱ ﺭﻭﺣﻲ .. ﺭﺑﻲ ﺳﺒﺤﺎﻧﻚ ﻣﻦ ﺍﻛﺮﻫﻪ ﺍﺷﻮﻓﻪ ﻳﺨﺮﻉ .. ﻭﻫﺴﺔ .. ﺍﺷﻮﻓﻪ ﺣﻠﻮ .. ﺭﺩﻳﺖ ﻛﻠﺖ ﺷﺒﻴﻪ .. ﺧﻮﻣﺎ ﺍﺣﺒﻪ ﺍﻧﻲ .. ﺍﺟﻪ ﻛﻌﺪ ﻳﻤﻲ .. ﻳﻤﻪ ﻗﻠﺒﻲ ﻛﺎﻡ ﻳﺮﺟﻒ ﺍﻭﻝ ﻣﺮﺓ .. ﻳﻜﻌﺪ ﻳﻤﻲ .. ﻛﺎﻝ .. ﺻﺒﻴﻠﻲ ﺭﻭﺑﺔ .. ﺍﻧﺪﺍﺭﻳﺖ ﻋﻠﻴﻪ .. ﻟﺒﻦ .. ﺍﻱ ﻟﺒﻦ . ﺍﻱ .. ﺻﺒﻴﺖ ﺍﻟﻪ .. ﻭﺍﻧﻄﺒﺘﻪ ﻋﻮﺩ ﻣﺴﻴﻄﺮﺓ ﺍﻧﻲ .. ﻭﺍﻧﻲ .. ﻛﻠﺒﻲ ﺭﺍﺡ ﻳﻜﻤﺰ ﺑﻠﻤﺎﻋﻮﻥ .. ﻗﺮﺑﺖ ﺍﻻﻛﻞ ﻳﻤﻪ ﻭﺳﻤﻴﻨﻪ ﻭﻛﻌﺪﻧﻪ ﻧﺎﻛﻞ .. ﻃﺒﻌﺎ ﺭﻏﻢ ﺍﻟﻘﻬﺮ ﺍﻟﻲ ﻣﺮ ﻋﻠﻴﻪ ﺑﺲ ﺟﻨﺖ ﺍﻛﻞ ... ﻻﻥ ﺍﻛﻠﻬﻢ ﻃﻴﺐ ﻭﺩﺳﻢ .. ﻭﺑﺪﻳﺖ ﺍﺳﻤﻦ .. ﺍﻧﻲ ﺟﺴﻤﻲ .. ﻭﻃﻮﻟﻲ ﻣﺘﻨﺎﺳﻖ .. ﺑﺲ ﺻﺎﺭ ﺍﺣﻠﻰ ﻭﺑﻴﻨﺖ ﻣﻔﺎﺗﻨﻲ ﺍﻛﺜﺮ .. ﺍﻛﻞ .. ﻭﻳﻄﺦ .. ﺑﻴﻪ ﻟﻮ ﺑﺠﺘﻔﻪ ﻟﻮ ﺑﺎﻳﺪﺓ .. ﻭﻳﺴﻮﻟﻒ ﻭﻱ ﺍﺧﻮﺍﻧﻪ .. ﻭﺣﻼ .. ﻛﺒﺎﻟﻲ .. ﻣﺜﻞ ﺍﻟﺒﻮﻣﻪ .. ﺗﺒﺎﻉ ﻣﻦ ﻓﻮﻙ ﻟﻴﺠﻮﺓ .. ﺑﺲ ﺳﻬﺎﻡ .. ﺗﻀﺤﻚ .. ﻭﺗﻐﻤﺰﻟﻲ .. ﻛﻤﻠﺖ ﺍﻛﻞ .. ﻭﺷﻠﻨﻪ ﺍﻟﺴﻔﺮﺓ .. ﻓﻬﺪ ﺻﺎﺡ ﻟﻴﺎﻟﻲ .. ﺍﻧﻲ ﺑﻠﻤﻄﺒﺦ ﻭﻫﻮﺓ ﺑﻼﺳﺘﻘﺒﺎﻝ ... ﺍﻭﻝ ﻣﺮﺓ ﻳﺼﻴﺤﻠﻲ .. ﺍﻟﻜﻞ ﺍﻟﺘﻔﺖ ﻋﺒﺎﻟﻪ ﺷﻲ ﺣﺘﻪ ﺍﻧﻲ .. ﻋﺒﺎﻟﻲ ﺍﻛﻮ ﺷﻲ ﺭﺣﺖ .. ﻛﺘﻠﻪ ﻧﻌﻢ .. ﻛﺎﻝ ﺍﻧﻲ ﺻﺎﻋﺪ .. ﻓﻮﻙ ﺍﻟﺠﺎﻱ .. ﺻﻌﺪﻱ ﻻﻥ .. ﺗﻌﺒﺎﻥ .. ﺧﻮﺵ .. ﻛﻤﻠﺖ ﺍﻟﺸﻐﻞ ... ﻭﺣﻀﺮﺕ ﺍﻟﻪ ﺟﺎﻱ .. ﻭﺻﻌﺪﺕ .. ﺟﺮﺗﻨﻲ ﺳﻬﺎﻡ .. ﻛﺎﻟﺖ .. ﺍﺫﺍ .. ﺗﻘﺮﺏ ﺍﻟﺞ ﺻﺪﻱ .. ﺍﻧﻲ ﺑﻘﻴﺖ ﺍﺑﺎﻉ ﻋﻠﻴﻬﺎ .. ﻛﺎﻟﺖ ﺳﻤﻌﻲ ﻣﻨﻲ .. ﺩﺍﻣﻪ .... ﺣﻦ .. ﻻ ﺗﺤﻨﻴﻦ ﻭﻳﺎ .. ﻓﻬﻤﺘﻲ .. ﻣﺎﻋﻴﺪﻫﻦ ... ﻛﺘﻠﻬﺎ .. ﺯﻳﻦ ... ﺻﻌﺪﺕ ﻓﻮﻙ ﺍﻓﻜﺮ ﺑﻜﻼﻡ .. ﺳﻬﺎﻡ .. ﺑﻠﻪ ﺷﺴﻮﻱ .. ﻫﺴﺔ ﻻ ﺻﺪﻙ ﻳﺰﻭﺝ .. ﻭﻳﻌﻮﻓﻨﻲ .. ﺷﻮ ﺍﻧﻲ ﺑﺪﻳﺖ .. ﺍﺣﺲ ﻧﻔﺴﻲ .. ﺍﺣﺒﻪ .. ﻻ ﺷﺤﺒﻪ .. ﺍﻭﻭﻳﺒﺲ ﺻﺎﺭ ﺣﺒﺎﺏ .. .. ﺩﺧﺖ ﻳﺎﺭﺑﻲ .. ﻓﺘﺤﺖ ﺍﻟﺒﺎﺏ .. ﻭﻃﺒﻴﺖ .. ﻛﺎﻝ ﺷﺒﻴﺞ .. ﺣﺎﻳﺮﺓ . ﻭﺩﺭﺩﻣﻴﻦ ﻭﻱ ﺭﻭﺣﺞ . ﺿﺤﻜﺖ .. ﻛﺘﻠﻪ ﻻ ﻣﺎﺑﻴﺔ ﺷﻲ .. ﺻﺒﻴﺖ ﺍﻟﻪ ﺟﺎﻱ .. ﻭﻛﻌﺪ ﻳﺴﻮﻟﻒ ﺍﻟﻲ ﻉ ﺻﻴﺪ .. ﺍﻭﻝ ﻣﺮﺓ ﺍﺳﻤﻊ ﺳﻮﺍﻟﻔﻪ .. ﻳﺎﺭﺑﻲ ﺷﻜﺪ .. ﺣﻠﻮ ﻫﻨﻮﺏ ﺭﺻﻌﺎﺗﻪ .. ﺗﺨﺒﻞ .. ﻭﻫﻴﺞ ﻳﺎﺷﺮ ﺍﻟﻲ ﺑﺎﻳﺪﺓ .. ﺷﻠﻮﻥ ﻳﺮﻣﻲ .. ﻭﻳﺼﻴﺪ .. ﻛﺎﻝ ﺍﻧﺼﻴﺪ ﻣﻨﺎ .. ﻭﻧﻮﺯﻋﻪ ﻣﻨﺎ .. ﺑﻠﺪﻳﺮﺓ ﻫﻮﺍﻳﻪ ﻧﺎﺱ ﺑﻌﺎﺯﺓ ﺍﻟﻜﻤﻪ ﻟﻴﺎﻟﻲ ﻣﻮ ﻣﺜﻠﻨﻪ .... ﺍﻟﻠﻪ .. ﺭﺍﺯﻗﻨﻪ .. ﻣﻢ ﻧﻌﻴﻤﻪ . ﺍﻧﻲ ﺍﻛﻮﻟﺔ ﺍﻱ ﻭﺍﺑﺘﺴﻢ ﺍﻟﻪ ... ﻛﻤﻞ ﺍﻟﺠﺎﻱ ﻭﺍﻟﺴﻮﺍﻟﻒ .. ﺷﻠﺖ ﺍﻟﺼﻴﻨﻴﻪ .. ﻣﺎﺑﻴﻪ ﺍﻧﺰﻝ ﺑﻌﺪ ﺗﻌﺒﺎﻧﻪ ﻣﺎﻝ .. ﻃﻠﻌﻪ .. ﻛﺎﻝ ﻃﻔﻲ ﺍﻟﻀﻮﺓ ﺍﺭﻳﺪ ﺍﺭﻳﺢ ﺷﻮﻳﻪ .. ﻃﻔﻴﺘﻪ ﻭﺭﺣﺖ ﻉ ﺍﻟﻜﻨﺘﻮﺭ ﻃﻠﻌﺖ .. ﻫﺪﻭﻡ .. ﻛﺘﻠﻪ ﺭﺍﺡ ﺍﺳﺒﺢ ﺗﻌﺒﺎﻧﻪ .. ﻧﺎﻡ ﻉ ﺍﻟﺠﺮﺑﺎﻳﻪ ﻻ ﺑﻠﻜﺎﻉ ﺟﺴﻤﻚ ﻳﺘﻜﺴﺮ .. ﻭﻃﻠﻌﺖ .. ﺍﻛﻮ ﺣﻤﺎﻡ .. ﻓﻮﻙ .. ﻃﺒﻴﺖ ﺳﺒﺤﺖ .. ﻭﻛﻤﻠﺖ ﻭﻟﻔﻴﺖ ﺷﻌﺮﻱ .. ﺑﻠﺨﺎﻭﻟﻲ ﻭﻃﻠﻌﺖ .. ﺍﺑﺎﻉ ﺑﻠﺒﺎﺏ ﻣﺎﻛﻮ ﺍﺣﺪ .. ﺭﻛﻀﺖ ﻻ ﺍﺣﺪ ﻳﺸﻮﻓﻨﻲ .. ﻭﻳﺴﻮﻳﻬﺎ ﻣﺼﻴﺒﻪ ﻋﻠﻴﻪ .. ﻛﻠﺖ ﻫﻮﺓ ﻧﺎﻳﻢ ﻣﻴﺪﺭﻱ .. .. ﺟﻨﺖ ﻻﺑﺴﻪ .. ﺩﺷﺪﺍﺷﻪ ﻣﻴﺪﻱ .. ﺻﺢ ﺍﻟﺠﻮ ﺑﺎﺭﺩ ﺑﺲ .. ﻣﺎﻋﺮﻑ ﺍﻟﺒﺲ ﺛﺨﻴﻦ .. ﻃﻠﻌﺖ ﺭﻛﺾ .. ﻃﺒﻴﺖ .. ﻟﻠﻐﺮﻓﻪ .. ﺫﺑﻴﺖ ﻫﺪﻭﻣﻲ ﺑﺴﻠﻪ .. ﻭﻓﻜﻴﺖ ﺷﻌﺮﻱ ﻣﺸﻄﺘﻪ .. ﻭﺗﻌﻄﺮﺕ .. ﺳﻤﻌﺘﻪ ﻛﺎﻝ ﻟﻴﺎﻟﻲ .. ﻫﺎﻱ ﺷﻮﻥ ﻃﻠﻌﺘﻲ .. ﻫﻴﺞ .. ﺟﺎﻧﺖ ﺍﻟﺒﺮﺩﺓ ﺗﻌﻜﺲ ﺿﻮﺓ .. ﺍﻧﻲ ﺟﻔﻠﺖ .. ﻛﺘﻠﻪ .. ﻭﺍﻟﻠﻪ ﻣﺎﻛﻮ ﺍﺣﺪ .. ﻛﺎﻡ .. ﻛﺎﻝ ﺷﺴﻮﻱ ﺍﻟﺞ ﻫﺴﻪ .. ﻭﻟﺞ ﻟﻴﺶ ﻣﺴﻤﻌﻴﻦ ﻛﻼﻣﻲ .. ﻣﻮﺩﺍﻛﻮﻟﺞ .. ﻣﻴﺼﻴﺮ ﻫﻴﺞ ﻣﻴﺼﻴﺮ .. ﺷﺎﻓﺞ ﺍﺣﺪ ﺷﻴﻜﻮﻝ .. ﻛﺘﻠﻪ ﻣﻴﻜﻮﻝ ﺷﻲ .. ﺍﻧﻲ ﻳﺠﻲ ﻳﻤﻲ ﻭﺍﻧﻲ ﺍﺭﻛﺾ .. ﺻﺎﺭﺕ ﺍﻟﺠﺮﺑﺎﻳﻪ ﺑﻈﻬﺮﻱ .. ﻛﻌﺪﺕ .. ﻛﺎﻝ .. ﺍﺳﻤﻌﻴﻬﺎ ﻣﻨﻲ ﺍﺧﺮ ﻣﺮﺓ ﺍﻥ ﺷﻔﺘﺞ ﻫﻴﺞ .. ﻭﺟﻬﻪ ﺻﺎﺭ ﺑﻮﺟﻲ ﻭﻧﻔﺴﻪ .. ﻗﺮﻳﺐ ﻋﻠﻴﻪ .. ﻛﺘﻠﻪ ﻣﺎﺳﻮﻳﻬﺎ ﻭﺍﻟﻠﻪ ﺍﻟﺘﻮﺑﻪ .... ﻛﺎﻝ ﺷﻜﺪ .. ﻃﻴﺒﻪ ﺭﻳﺤﺔ ﺷﻌﺮﺝ .. ﻭﺟﺮ ﺍﻃﺮﺍﻓﻪ ﺷﻤﻬﺎ .. ﺗﻘﺮﺏ ﺍﻛﺜﺮ .. ﻛﺘﻠﻪ ﻓﻬﺪ .. ﻛﺎﻝ .. ﺍﺷﺸﺶ .. ﺍﺳﻜﺘﻲ .. ﺷﻔﺘﻪ .. ﺻﺎﺭﺕ ﻉ ﺷﻔﺘﻲ .. ﺑﺎﺳﻨﻲ .. ﺍﻧﻲ ﻏﻤﻀﺖ ﻋﻴﻮﻧﻲ .. ﻭﺍﺫﻛﺮ ﺣﺠﻲ ﺳﻬﺎﻡ ﺍﺭﻳﺪ ﺍﻭﺧﺮﺓ ﻣﺎﻛﺪﺭ .. ﺑﺲ .. ﺍﺧﺬﺕ ﻧﻔﺲ .. ﻛﺘﻠﻪ .. ﺑﺼﻮﺕ ﻧﺎﺻﻲ .. ﻛﻮﺓ ﺍﺣﺠﻲ .. ﻫﻮﺓ ﻳﺒﻮﺱ ﺑﺮﻛﺒﺘﻲ .. ﻓﻬﺪ .. ﻣﺎﻛﺪﺭ .. ﻭﺧﺮ ﻋﻨﻲ .. ﻣﺎﻛﺪﺭ ﻋﻔﻴﻪ .. ﻋﺎﻓﻨﻲ ﻭﻛﺎﻡ .. ﺩﻓﺮ ﺍﻟﺠﺮﺑﺎﻳﻪ .. ﺷﻄﻠﻌﺖ ﻭﻳﺎﺝ .. ﻫﺎﻱ .. .. ﻭﺭﺩ ﺩﻓﺮﻫﺎ ﻣﺮﺓ ﺛﺎﻧﻴﻪ .. ﻭﻧﺪﺍﺭ .. ﻭﻃﻠﻊ ﻭﺳﺪ ﺍﻟﺒﺎﺏ ﻗﻮﻱ .
⤵️
ﻃﻠﻊ ﻓﻬﺪ ﺑﻘﻴﺖ ﺑﻠﻔﺮﺍﺵ .. ﺭﻭﺣﻲ ﻃﻠﻌﺖ ﻣﺎﺭﻳﺪ ﺍﺻﻴﺮ ﺳﻠﻌﻪ .. ﺍﻟﻪ .. ﻣﻮ ﻛﻼﻡ ﺳﻬﺎﻡ ﺍﻟﻲ .. ﻏﻴﺮﻧﻲ ﺑﺲ .. ﻻ ﺩﺍﺧﻞ ﻧﻔﺴﻲ ﻣﺪﺍﺗﻘﺒﻠﻪ .. ﻣﻮ ﻧﻔﺴﻪ ﺍﻟﻲ ﻳﻜﻮﻣﻨﻲ ﻭﻳﻜﻌﺪﻧﻲ ﻓﺼﻠﻴﻪ .. ﺷﻔﺮﻕ ﻫﺴﺔ ﺣﻠﻴﺖ ﺑﻌﻴﻨﻪ .. ﻋﻮﺩ .. ﺩﻗﺎﻳﻖ ﻭﺻﻌﺪ .. ﻓﻬﺪ .. ﻓﺘﺢ ﺍﻟﻜﻨﺘﻮﺭ .. ﻭﺑﺪﻝ .. ﺍﻧﻲ ﺍﺑﺎﻉ ﻋﻠﻴﻪ .. ﺍﻋﺼﺎﺏ ﺻﺎﻳﺮ .. ﻓﻬﺪ .. ﻣﺠﺎﻭﺑﻨﻲ .. ﻓﻬﺪ .. ﺷﺮﺍﻳﺪﺓ .. ﺍﻧﻲ .... ﺍﻧﺘﻲ ﺷﻨﻮ ﺗﺮﻳﺪﻳﻦ ﺍﺩﻧﺞ ﺭﺍﺳﻲ ﺍﻟﺞ ﻻ ﻭﺍﻟﻠﻪ ﺍﻧﺘﻲ ﻭﻻ ﻋﺸﺮﺓ ﻣﻨﺞ .. ﻻ ﻋﺒﺎﻟﺢ ﺗﻠﻮﻳﻦ ﺫﺭﺍﻋﻲ ﻻ ﻏﻠﻄﺎﺍﻧﻪ ﻳﺎﺣﻠﻮﺓ ﻣﺜﻠﺞ .. ﻣﺮﻥ ﺑﺤﻴﺎﺗﻲ ﻫﻮﺍﻱ .. ﻭﻣﺘﻬﻤﻴﻨﻲ ﺗﺮﺓ .. ﻣﻮ ﻣﺮﺓ ﺍﻟﻲ ﺗﺬﻟﻨﻲ .. ﻓﻬﻤﺘﻲ .. ﺑﺲ ﺍﻟﻈﺎﻫﺮ ﺍﻧﻪ ﺍﺗﻤﺎﺩﻳﺖ ﻭﻳﺎﺝ ﺑﻤﺸﺎﻋﺮﻱ .. ﻻ ﻋﺒﺎﻟﺞ ﺍﻧﻪ ﻋﺮﺑﻲ .. ﻭﻧﻔﺴﻲ ﺫﻟﻴﻠﻪ ﻻ ﻭﻟﺨﻠﻘﺞ .. ﻋﺰﺓ ﻧﻔﺴﻲ .. ﺍﻗﻮﻯ ﻣﻦ ﺍﺛﻮﺛﺘﺞ .. ﺍﻧﻪ ﺭﺑﺎﺓ ﺩﻟﻪ ﻭﻫﻴﻞ .. .. ﻛﺘﻠﻪ ﻋﻔﻴﻪ ﻋﻠﻴﻚ ﺍﻱ .. ﻫﺬﺍ ﺍﻟﺴﺒﺐ .. ﺩﺍﺋﻤﺎ ﺗﺤﺴﺴﻨﻲ ﺍﻧﺖ .. ﻣﺘﻌﻮﺏ ﻋﻠﻴﻚ ﻭﺍﻧﻲ ﺑﻨﺖ ﺷﺎﺭﻉ .. ﻣﻮ ﻭﻋﻤﺎﻣﻲ ﺷﻤﺮﻭﻧﻲ ﻋﻠﻴﻚ .. ﺭﻓﻊ ﺍﻳﺪﺓ ﻭﺍﺟﻪ ﻗﺮﻳﺐ ﻋﻠﻴﻪ .. ﻻ ﺗﺤﺮﻓﻴﻦ ﺑﻠﺤﺠﻲ ﻭﺷﻤﺮﻳﻦ ﻋﻠﻲ .. ﻟﻴﺎﻟﻲ ﺍﻧﻪ ﺭﺑﻴﺖ ﺑﻠﻮﻻﻳﻪ .. ﻭﺩﺭﺳﺖ ﻫﻨﺎﻙ .. ﺧﺎﻑ ﺣﺴﺒﺎﻟﺞ ﺍﻧﻪ ﺟﺎﻫﻞ ﻭﻣﺎﻓﻬﻢ ﺷﻲ ﻻ ﻏﻠﻄﺎﻧﻪ .... ﻣﻼﻋﻴﺒﺞ ﻻ ﻋﻠﻲ .. ﺍﻟﻒ ﻭﺣﺪﺓ ﻣﺜﻠﺞ ﻣﺎﺗﺤﺮﻙ .. ﻋﻨﺪﻱ ﺷﻌﺮﺓ ﻣﻦ ﺭﺍﺳﻲ .. ﻫﺬﺍ ﺣﺪﻱ ﻭﻳﺎﺝ ﻳﺎﺑﻨﺖ .. ﺍﻟﻌﺎﻟﻢ .. ﺍﻧﻲ ﺍﻧﺨﺮﺳﺖ ﺍﺭﻳﺪ ﺍﻋﺮﻑ ﺍﺟﺎﻭﺑﻪ ﻣﺎﻛﺪﺭ .. ﺑﻘﻴﺖ ﺍﺗﺒﻠﻌﻢ .. ﺍﻟﻒ ﺣﺠﺎﻳﻪ ﺍﺑﺎﻟﻲ ﻃﺎﺭﺕ .. ﻛﺘﻠﺔ ﺍﺳﻤﻊ ﻣﻨﻲ .. ﻋﺎﻓﻨﻲ ﻭﻃﻠﻊ .. ﻣﺎﻋﺮﻑ ﺷﺴﻮﻱ ﻫﺴﺔ .. ﺗﻌﺒﺖ ﻭﺣﺮﺕ ﺑﺎﻣﺮﻱ .. ﺍﻧﻲ ﻣﻮ ﻟﻌﺒﻪ ﺷﻮﻛﺖ ﻣﻴﺮﻳﺪﻧﻲ ﺍﻧﻲ ﺣﺎﺿﺮﺓ ﻻ ﺍﻧﻲ .. ﺍﻧﺴﺎﻧﻪ ﻗﺒﻞ ﻛﻞ ﺷﻲ .. ﻧﺴﻰ ﺷﻮﻥ ﺟﺎﻥ ﻳﻌﺎﻣﻠﻨﻲ .. ﻧﺴﻰ ﺷﻜﺪ ﺫﻟﻨﻲ ﻭﺷﻮﻓﻨﻲ .. ﺿﻴﻢ ﻭﻃﻠﻌﺖ ﺍﻧﻲ ﺍﻡ ﺍﻟﻐﻠﻂ .. ﺷﻔﺖ ﻛﻨﺘﻮﺭﺓ ﻣﻔﺘﻮﺡ ﻧﺎﺳﻲ .. ﻳﻘﻔﻠﺔ .. ﺧﺎﻧﺘﻪ ﺩﺍﺋﻤﺎ ﻣﻘﻔﻮﻟﻪ .. ﻭﻣﻔﺘﺎﺣﻪ ﻳﻤﻪ .. ﺍﻧﻲ ﻛﻤﺖ ﻗﻔﻠﺖ .. ﺍﻟﺒﺎﺏ .. ﻭﺭﺣﺖ ﺍﺩﻭﺭ ﺑﻐﺮﺍﺿﺔ .. ﻣﻌﻠﻚ ﻗﻮﻁ ﻭﻗﻤﺼﺎﻥ .. ﻭﺩﺷﺎﺩﻳﺸﻪ ﻭﻋﻜﻞ .. ﺷﻔﺖ ﺻﻨﺪﻭﻙ . ﺧﺸﺐ .. ﻋﺒﺎﻟﻚ ﻣﺎﻝ ﺍﻳﺎﻡ ﺯﻣﺎﻥ . ﺟﺮﻳﺘﻪ ... ﻓﺘﺤﺘﻪ .. ﺑﺪﻳﺖ ﺍﻛﻠﺐ ﺑﻲ .. ﺟﻮﺍﺯ ﻭﺍﻭﺭﺍﻕ ﻭﺳﻨﺪﺍﺕ ﻣﻠﻚ .. ﻣﺎﻝ ﻛﺎﻉ ﻭﺳﻴﺎﺭﺓ .. ﻭﺷﻬﺎﺩﺓ ﻛﻠﻴﻪ .. ﺍﻫﻠﻴﺔ ... ﻗﺴﻢ ﻣﺤﺎﺳﺒﻪ .. ﺍﻭﻝ ﻣﺮﺓ ﺍﻋﺮﻑ ﺑﻲ ﻣﺘﺨﺮﺝ ﻭﻋﻤﺮﺓ 25 ﺳﻨﻪ .. ﻣﺎﺟﻨﺖ ﺍﻋﺮﻑ ﺑﻲ .. ﻭﻻ ﻳﻮﻡ ﺳﺎﻟﺖ .. ﻋﻨﻪ ﺭﺟﻌﺖ ﻛﻠﺸﻲ ﺑﻤﻜﺎﻧﻪ .. ﻭﺭﺟﻌﺖ ﺍﻟﺼﻨﺪﻭﻙ .. ﻭﺑﻘﻴﺖ ﺍﺑﺤﻮﺵ ﺑﻠﻐﺮﺍﺽ .. ﺷﻔﺖ ﺍﻟﺒﻮﻡ ﺻﻮﺭ .. ﺻﻮﺭﺓ ﺑﻠﺠﺎﻣﻌﻪ .. ﻭﺻﻮﺭ ﺑﺴﻔﺮﺍﺕ ﺣﺘﻰ .. ﺧﺎﺭﺝ ﺍﻟﺒﻠﺪ ﺍﻛﻮ ﺻﻮﺭ ... ﺿﻠﻴﺖ ﺍﻛﻠﺐ .. ﺑﻠﺼﻮﺭ ﺷﻔﺖ ﺻﻮﺭ ﻋﺮﺳﻪ .. ﻫﻮﺓ ﻭﻣﺮﺗﻪ .. ﺍﻟﻤﺮﺣﻮﻣﻪ .. ﺷﻮﻥ ﻣﺒﻴﻦ ﻓﺮﺣﺎﻥ ﺑﻴﻬﺎ .. ﻫﻴﻪ ... ﺣﻠﻴﻮﺓ ﺍﻟﻠﻪ ﻳﺮﺣﻤﻬﺎ .. ﺳﻤﺮﺓ ﻭﻣﻼﻣﺤﻪ ﺯﻳﻨﻪ .. ﺑﺲ ﻣﺒﻴﻨﻴﻦ .. ﺑﻘﻤﻪ ﺍﻟﺴﻌﺎﺩﺓ .. ﺩﺍﺧﻞ ﻧﻔﺴﻲ ﺍﻧﻘﻬﺮﺕ ﻋﻠﻴﻬﺎ .. ﻭﺑﻨﻔﺲ ﺍﻟﻮﻛﺖ ﺿﺠﺖ ﻟﻴﺶ .. ﻣﺒﻘﻲ ﺻﻮﺭﻫﺎ .. ﻳﻌﻨﻲ ﺟﻨﺖ ﺍﻋﻴﺶ ﺑﺼﺮﺍﻉ ﺑﻴﻦ ﺍﻟﻲ ﺍﺭﻳﺪﺓ .. ﻭﺑﻴﻦ ﺍﻟﻲ .. ﻣﺎﺭﻳﺪﺓ ﻭﻣﺎﻋﺮﻑ ﻭﻳﻦ ﺭﺍﺡ ﺍﺻﻔﻰ .. ﺭﺟﻌﺖ ﻛﻠﺸﻲ ﻟﻤﻜﺎﻧﻪ .. ﻭﺭﺗﺒﺘﻬﻦ .. ﺷﻔﺖ ﻋﻠﻴﻪ ﺍﻟﺴﺒﺤﻪ ﻓﻔﺘﺤﺘﻬﺎ ﺷﻔﺖ ﺍﻟﺴﺒﺤﻪ ﻣﺎﻛﻮ .. ﻛﻠﺖ ﻳﺠﻮﺯ ﺷﻤﺮﻫﺎ ... ﺳﺪﻳﺖ ﺍﻟﻜﻨﺘﻮﺭ ... ﻭﻛﻤﺖ ﻧﺰﻟﺖ ﺟﻮﺓ ﻃﻜﺖ ﺭﻭﺣﻲ .. ﻭﺣﺪﻱ ﻭﺍﻓﻜﺮ .. ﻧﺰﻟﺖ ﻣﺎﻛﻮ ﺍﺣﺪ .. ﺑﺲ ﺍﻟﺤﺠﻴﻪ ﻛﺎﻋﺪﺓ ﺳﺎﻟﺘﻬﺎ .. ﻛﺎﻟﺖ ﺳﻬﺎﻣﻪ ﻧﺎﻳﻤﻪ .. ﻭﺍﻟﺒﻨﺎﺕ ﺭﺍﺣﻦ .. ﻟﻠﺤﻔﺎﻓﻪ .. ﺑﺲ ﺣﻠﻪ ﻧﺰﻟﺖ ﻟﻠﺴﻮﻙ .. ﻛﻌﺪﺕ ﻳﻤﻬﺎ .. ﻛﺎﻟﺖ ﻳﻤﻪ .. ﻟﻴﺶ .. ﻣﺎﻣﺮﺿﻴﺔ ﻭﻟﻴﺪﻱ . ﻭﻳﺮﻳﺪ ﻳﻨﺰﻝ ﻋﻠﻴﺞ .. ﻣﺮﺓ . ﺍﻟﻲ ﺗﺰﻭﺝ ﺫﻳﺐ ﺑﻴﺘﻬﺎﻉ ﺍﻟﻐﺎﺑﻪ ﻗﺮﻳﺐ .. ﻋﻴﻨﺞ ﺯﻟﻤﺘﺞ .. ﻳﻤﻪ .. ﻻ ﺗﺨﻠﻴﻦ .. ﺍﻟﻨﺴﻮﺍﻥ ﺗﺤﻮﻡ ﻋﻠﻴﻪ .. ﺍﻧﻲ ﺳﺎﻛﺘﻪ .. ﺷﻜﻮﻟﻬﺎ ﻫﺴﺔ .. ﻣﺎﻋﺮﻓﺖ ﺍﺣﺠﻲ ﺷﻲ .. ﻭﻻ . ﺍﺑﺮﺭ ﻭﻻ ﺍﻛﻮﻝ .. ﻭﺭﺩﺕ ﻛﺎﻟﺖ ﺍﻧﺘﻲ ﺑﻨﻴﺘﻨﺔ ﻭﻣﻨﻪ ﻭﺑﻴﻨﻪ ﻣﺎﻟﺞ ﺩﺧﻞ ﺑﺎﻟﻴﺤﺠﻲ ﺟﻬﺎﻟﺞ .. ﻭﻟﺪﻧﻪ ..... ﺑﻮﺳﺘﻬﺎ .. ﻭﻛﺎﻣﺖ ﺗﺴﻮﻟﻔﻠﻲ ﻋﻨﻬﻢ .. ﻭﻋﻦ ﺧﻴﺮﻫﻢ .. ﺍﺑﺎ ﻋﻦ ﺟﺪ ﻭﺭﺛﻮﻫﺎ .. ﻭﺷﻮﻥ ﺍﺯﻭﺟﺖ ﺍﻟﺤﺠﻲ ﺍﺑﻮﻫﻢ .. ﻭﻫﻲ ﺧﻠﻔﺘﻬﺎ ﺑﺲ ﻭﻟﺪ ﻣﺎﻋﺪﻫﺎ ﺑﻨﺎﺕ .. ﺟﺘﻲ ﺳﻬﺎﻡ ... ﻛﺎﻟﺖ ﻭﻟﺞ ﻟﻴﻠﻪ .. ﻟﻴﺶ ﻣﺎﻣﺴﻮﻳﻪ ﻟﻠﺤﺠﻴﻪ ﺟﺎﻱ .. ﻛﺘﻠﻬﺎ ﻫﺴﺔ .. ﺍﻟﺤﺠﻴﻪ ﻛﺎﻟﺖ ﺍﻟﻬﺎ ﻋﻴﻔﻴﻬﺎ . ﺍﻧﻪ ﺟﻨﺖ ﺍﺳﻮﺍﻟﻒ ﺍﻟﻬﺎ .. ﻻ ﻳﻤﻪ .. ﺧﻠﻲ ﺗﺴﻮﻱ ﺣﺎﻱ ﺍﻟﺤﺠﻲ ﻫﺴﺔ ﻳﻨﺰﻝ .. ﻛﻤﺖ ﻣﻦ ﻳﻤﻬﺎ .. ﻭﻃﺒﻴﺖ ﻟﻠﻤﻄﺒﺦ .. ﺣﺖ ﻭﺭﺍﻳﻪ ﺳﻬﺎﻡ .. ﻫﺎ ﻳﻤﻌﺰﺍﻳﻪ ﺷﺼﺎﺭ .. ﻛﺘﻠﻬﺎ ﺳﺎﻟﻔﻪ ﻃﻮﻳﻠﺔ ﺍﺣﺠﻲ . ﺣﺠﻴﺖ ﺍﻟﻬﺎ ﻛﺎﻟﺖ ﻫﻮﺓ ﺍﻟﺰﻳﻦ .. ﻫﺴﺔ ﺑﻘﺖ ﻳﻤﺞ ﺑﺎﺑﻨﺖ ﺍﻟﻨﺎﺱ .. ﻛﺴﺒﻲ ﺭﺟﻠﺞ ﻭﺧﻠﻲ ﻉ ﻛﻠﻴﺒﺞ .. ﻻ ﺗﻜﻠﻴﻠﻲ ﺍﺑﻮﻱ ﻭﻻ ﺍﻣﻲ .. ﺭﺟﻠﺞ ﺳﻨﺪﺳﺞ .. ﻭﺧﻠﻲ ﺍﻋﻠﻤﺞ ﺷﻲ .. ﻓﻬﺪ ﻳﺨﺘﻠﻒ ﻋﻦ ﺍﺧﻮﺗﻪ ﺍﻧﻪ ﺍﺷﻮﻓﻪ .. ﺍﺧﻮﻱ ﺍﻟﺼﻐﻴﺮ ﻫﻮﺍﻱ ﺍﺣﺒﺔ .. ﻓﻬﺪ ﻫﻮﺍﻳﺔ ﻋﺎﺵ ﺑﻠﻮﻻﻳﺔ .. ﻭﻣﺴﺎﻓﺮ ﻭﻛﺮﺍﺑﺘﻨﻪ ﺍﻟﻤﺮﺣﻮﻣﻪ ﺍﻟﻲ ﺍﺧﺬﻫﺎ . ﻫﻢ ﺗﺮﺑﺎﺕ ﺍﻟﻮﻻﻳﺔ .. ﻟﻬﺬﺍ ﺣﺒﻬﺎ .. ﻭﺭﺍﺩﻫﺎ ﻭﻟﻮ ﺍﻧﺘﻲ ﺍﺣﻠﻰ ﻣﻨﻬﺎ ﺑﻬﻮﺍﻱ .. ﻭﺍﺭﺗﺐ .. ﺑﺲ ﺭﺩﺕ ﺍﻛﻠﺞ . ﻣﺎﻳﺤﺐ ﺍﻟﻤﺮﺓ ﺍﻟﻔﺎﻫﻴﻪ .. ﻳﺤﺒﻬﺎ ﺍﻥ ﻟﺴﺎﻥ .. ﻭﺻﺪﻛﻲ ﻳﺎﻟﻴﺎﻟﻲ .. ﻣﺜﻞ ﻭﻟﺪﻧﻪ ﻣﺎﺗﻠﻜﻴﻦ .. ﻻ ﻋﺒﺎﻟﺞ ﺍﺣﻨﻪ ﻫﻨﺎ ﻣﺘﺒﻬﺬﻻﺕ .. ﻻ .. ﻣﺪﻟﻼﺕ .. ﺻﺢ ﻣﻮ ﻣﺜﻞ ﺍﻟﺤﻀﺮﻳﻪ .. ﺑﺲ ﺍﺣﻨﻪ ﻛﻞ ﺷﻲ ﻋﺪﻧﻪ .. ﻧﻈﻴﻒ ﺣﺒﻨﻪ .. ﻭﻃﻴﺒﺘﻨﻪ . ﻫﻮﺍﻧﻪ .. ﻛﻌﺪﺗﻨﻪ ﻣﺎﺑﻴﻬﺎ .. ﺩﻏﺶ .. ﻭﺩﺷﻮﻓﻴﻦ ﺑﻌﻴﺞ .. ﻣﺮﺗﺎﺣﺎﺕ .. ﺍﻧﻪ ﺍﻟﻲ ﺷﻔﺘﻪ ﻣﻨﺞ ﺭﺍﻓﻀﻪ ﻋﻴﺸﺘﻨﻪ ﻭﻭﺿﻌﻨﻪ .. ﻟﻴﺎﻟﻲ .. ﺍﻟﻘﺮﺍﺭ ﺍﻟﺞ .. ﺷﻮﻓﻲ ﺷﻨﻮ ﺍﻟﻲ ﺗﺮﺗﺎﺣﻴﻦ ﻋﻠﻴﻪ ﺳﻮﻱ .. ﻓﻬﺪ ﺍﻥ ﺭﺟﻊ ﻭﺷﺎﻓﺞ ﻓﺎﺗﺤﻪ ﺣﻀﻨﺞ ﺍﻟﻪ ﻳﺮﺟﻊ ﺍﻟﺞ .. ﻭﺗﺒﻘﻰ ﺳﺎﻟﻔﻪ ﺍﻟﺨﻄﺒﻪ ﺍﻧﻪ ﺍﺭﺗﺒﻬﺎ .. ﻭﺍﻧﻬﻴﻬﺎ .. ﺷﺎﻓﺞ ﻣﺒﻮﻣﻪ ﻣﺜﻞ ﻛﻞ ﻳﻮﻡ ﻻ ﻭﺍﻟﻠﻪ ﻳﺰﻭﺝ 4 ﻋﻠﻴﺞ .. ﺿﻠﻲ ﺣﻠﺠﻲ ﺍﻧﺘﻲ .. ﻫﺎﺝ ﻭﺩﻱ ﺍﻟﺠﺎﻱ ﻟﻠﺤﺠﻴﺔ .. ﺭﺣﺖ .. ﻭﺩﻳﺘﻪ ﺭﺍﺳﻲ ﺍﻓﺘﺮ ﺍﻛﺜﺮ .. ﻣﺎﻋﺮﻑ ﺷﺴﻮﻱ .. ﺭﺟﻌﺖ ﻳﻤﻬﺎ ﻭﺑﺪﻳﺖ ﺍﺣﻀﺮ .. ﺑﻠﻌﺸﺎ .. ﺑﻴﻮﻣﻬﺎ .. ﻭﻋﺪﺗﻬﻢ ﺍﻧﻲ ﺍﺳﻮﻱ .. ﺩﺯﻳﺖ ﺍﻟﺠﻬﺎﻝ ﻉ ﻛﻢ ﺣﺎﺟﻪ .. ﻣﻦ ﺍﻻﺳﻮﺍﻕ .. ﺳﻮﻳﺖ ﻟﺤﻢ ﺑﻌﺠﻴﻦ .. ﻭﻓﻄﺎﻳﺮ .. ﻭﺳﻮﻳﺖ ﻛﻴﻜﻪ .. ﺑﻠﺠﻮﺯ .. ﺑﺲ ﺍﻧﻜﺴﺮ ﻇﻬﺮﻱ .. ﻭﺣﺪﻱ .. ﺍﻟﻮﻛﺖ ﻛﻠﻪ .. ﺳﻬﺎﻡ ﺗﺤﺠﻲ ﻭﻳﺎﻳﻪ .. ﻭﺗﺸﺘﻐﻞ .. ﻟﺤﺪ ﻣﺎﻛﻤﻠﺖ .. ﺍﺟﻮﻱ ﺍﻟﺒﻨﺎﺕ .... ﺍﻧﻲ ﺭﺗﺒﺖ ﻛﻠﺸﻲ . ﻭﺩﺯﻳﺖ ﺑﺒﺴﻲ .. ﺟﻮﻱ ﺍﻟﻮﻟﺪ .. ﺑﺲ ﻓﻬﺪ ﺍﺗﺎﺧﺮ ﻭﻣﺎﺟﻪ .. ﺟﺎﻥ ﺑﻠﺮﺑﻌﻪ .. ﻛﺘﻠﻬﺎ ﺳﻬﺎﻡ ﺩﻛﻲ ﻋﻠﻴﻪ .. ﺗﺎﺧﺮ .. ﻛﺎﻟﺖ ﻋﻮﻓﻲ ﺿﺎﻳﺞ .. ﺑﺲ ﺷﻮﻓﻲ ﺷﻮﻛﺖ ﻳﺠﻲ .. ﺩﻛﺖ ﻋﻠﻴﻪ .. ﺟﺎﻭﺑﻬﺎ .. ﻛﺎﻟﺖ ﺷﻮﻛﺖ ﺗﺠﻲ ﻧﺘﻌﺸﻰ ﺷﻮﺓ .. ﻛﻠﻬﺎ .. ﻣﺎﺭﻳﺪ .. ﺗﻌﺸﻴﺖ .. ﺍﻧﻲ ﻣﺘﺖ ﻗﻬﺮ .. ﺗﻌﺒﺖ ﻭﻣﺮﺍﺡ ﻳﺠﻲ .. ﺣﻀﺮﺕ ﺍﻟﻌﺸﺎ . ﻭﻛﻌﺪﻧﻪ ﻧﺎﻛﻞ .. ﺍﻛﻠﺖ ﻭﻛﻤﺖ .. ﺍﻭﻟﻬﻢ .. ﻋﺠﺒﻬﻢ ﺍﻻﻛﻞ ﻭﺭﺍﺩﻭ ﻏﻴﺮ ﻳﻮﻡ ﻫﻢ ﺍﺳﻮﻱ .. ﺳﻬﺎﻡ ﻛﺎﻟﺖ .. ﺍﺭﺗﺎﺣﻲ .. ﺗﻌﺒﺘﻲ ﺍﻟﻴﻮﻡ ﺍﻟﺒﻨﺎﺕ ﻳﻐﺴﻠﻦ ﻣﻮﺍﻋﻴﻦ ﻭﻳﺸﻄﻔﻦ ﺍﻟﻤﻄﺒﺦ .. ﻛﺘﻠﻬﺎ ﺳﻬﺎﻡ ﺣﺒﻲ ﺍﺭﻳﺪ ﺍﻃﻠﻊ ﺑﻠﺤﺪﻳﻘﻪ .. ﻛﺎﻟﺖ ﺑﺎﺭﺩﺓ ﻭﻟﺞ ﻛﺘﻠﻬﺎ ﻣﺨﻨﻮﻛﻪ .. ﺍﺧﺬﺕ ﺍﻟﻔﻮﻥ ﻭﻃﻠﻌﺖ .. ﻣﻦ ﺑﺎﺏ ﺍﻟﻤﻄﺒﺦ .. ﺣﺪﻳﻘﺘﻬﻢ ﺟﺒﻴﺮﺓ ﺩﺍﻳﺮ ﻣﺪﺍﻳﺮ ﺍﻟﺒﻴﺖ ﻭﺣﻠﻮﺓ .. ﻃﻠﻌﺖ .. ﺷﺘﻤﻴﺖ ﻫﻮﻯ .. ﺻﺪﻙ ﻫﻮﻯ ﻧﻈﻴﻒ .. ﻭﻧﺎﺱ ﻃﻴﺒﻪ .. ﻟﻌﺪ ﺍﻟﺨﻠﻞ ﻣﻨﻲ ﺍﻧﻲ .. ﺑﺲ ﺍﻧﻲ ﺑﺪﻳﺖ ﺍﺣﺒﻬﻢ .. ﻭﺗﻌﻠﻤﺖ ﻋﻠﻴﻬﻢ ﺭﻏﻢ ﺍﻟﻲ ﺻﺎﺭ ﻭﻫﻤﻪ ﻫﻢ ﻳﺤﺒﻮﻧﻲ ﺧﺎﺻﺎﺍ ﺍﻟﺤﺠﻲ ﻭﺳﻬﺎﻡ .. ﻭﺍﻟﺠﻬﺎﻝ .. ﺩﻗﺎﻳﻖ ﻭﻃﻠﻌﻮ ﺍﻟﺠﻬﺎﻝ ﻳﻤﻲ ﻳﻠﻌﺒﻮﻥ .. ﺩﻛﻴﺖ ﻉ ﺍﻣﻲ ﻭﺳﻮﻟﻔﺖ ﻭﻳﺎﻫﺎ .. ﻭﺳﺎﻟﺘﻬﺎ ﻉ ﺍﺑﻮﻳﻪ ﻛﺎﻟﺖ ﺍﺳﺒﻮﻉ ﺍﻟﺠﺎﻱ .. ﺍﻭﺭﺍﻗﻪ ﺗﺼﻌﺪ .. ﻭﺍﻥ ﺷﺎﺀ ﺍﻟﻠﻪ ﺧﻴﺮ ﻭﺗﺴﺎﻟﻨﻲ ﻋﻨﻬﻢ ﺍﻛﻠﻬﺎ ﻛﻠﻬﻢ ﺯﻳﻨﻴﻦ .. ﺑﻌﺪ ﺳﻮﺍﻟﻒ ﻃﻮﻳﻠﻪ ﺧﺘﻤﺘﺔ ﻭﻳﺎﻫﺎ .. ﺿﻠﻴﺖ ﻛﺎﻋﺪﺓ .. ﻉ ﺻﺒﻪ ﺑﻠﺤﺪﻳﻘﻪ ﺍﻓﻜﺮ ﺍﻧﻲ ﺍﺣﺒﻪ ﻟﻮ ﻻ .. ﺍﻧﻲ ﺍﻟﻲ ﺍﺭﻳﺪﺓ ﺷﻨﻮ .. ﻻﺯﻡ ﺍﺧﺬ ﻗﺮﺍﺭ .. ﻟﻴﺶ ﺍﻛﺎﺑﺮ ﻭﻳﺎ .. ﻟﻴﺶ ﻟﻴﺎﻝ .. ﻛﺴﺒﻲ ﺍﻟﺞ .. ﻫﺬﺍ ﺭﺟﻠﺞ .. ﺣﻼﻟﺞ .. ﺷﻔﺘﻲ ﺳﻴﻒ .. ﺷﺴﻮﺓ ﺑﻴﺞ .. ﺣﺒﻴﺘﻲ ﺷﺤﺼﻠﺘﻲ ﺑﺲ ﻗﻬﺮ .. ﺑﻘﻴﺖ .. ﻉ ﻫﻠﺤﺎﻝ .. ﻟﺤﺪ ﻣﺎ ﺍﻟﺠﻬﺎﻝ ﻛﺎﻟﻮ ﻋﻤﻮ ﻓﻬﺪ ﺍﺟﻪ .. ﻛﻠﺒﻲ ﻛﻤﺰ ﻣﻦ ﻣﻜﺎﻧﻪ .. ﻃﺒﻴﺖ ﺟﻮﺓ .. ﺍﺣﺲ .. ﺩﻣﻲ .. ﺟﻤﺪ ﻣﻦ ﺍﻟﺒﺮﺩ .. ﻃﺒﻴﺖ .. ﺍﻟﻜﻞ ﻛﺎﻋﺪﻳﻦ ﻳﺴﻮﻟﻔﻮﻥ . ﺳﻤﻌﺖ ﺻﻮﺗﻪ ﻭﺿﺤﻜﺘﻪ . ﺍﻧﻲ ﻣﻦ ﺍﺳﻤﻌﻪ ﻣﺎﻋﺮﻑ ﺷﻴﺼﻴﺮ ﺑﻴﻪ .. ﻃﻠﻌﺖ .. ﺳﻠﻤﺖ ﻋﻠﻴﻪ .. ﺭﺩ ﺍﻟﺴﻼﻡ .. ﻋﺎﺩﻱ .. ﻭﻛﺘﻠﻬﻢ ﺍﺻﻌﺪ ﺍﻧﺎﻡ .. ﺗﺼﺒﺤﻮﻥ ﻉ ﺧﻴﺮ .. ﺻﻌﺪﺕ ﻟﻠﻐﺮﻓﻪ .. ﻣﻦ ﺍﻟﺒﺮﺩ ﻭﺍﻟﺘﻔﻜﻴﺮ ﺭﺍﺳﻲ ﺍﺣﺴﻪ .. ﺟﻤﺪ .. ﻣﺪﺭﻱ ﺷﺼﺎﺭ .. ﺑﻴﻪ ﻃﺒﻴﺖ ﺟﻮﺓ ﺍﻟﻔﺮﺍﺵ .. ﻭﻛﻤﺖ ﺍﺭﺟﻒ .. ﻋﺮﻓﺖ ﺭﺍﺡ ﺍﺻﺨﻦ ﺗﻤﺮﺿﺖ .. ﺍﺭﺟﻒ ﺍﺭﺟﻒ .. ﻣﺎﺑﻴﻪ ﺍﻛﻮﻡ ﺍﻛﻠﻬﻢ ﻟﺤﻜﻮﻟﻲ .... ﺍﺣﺲ ﺟﺴﻤﻲ ﺛﻠﺞ .. ﺑﻲ .. ﻣﺪﺓ ﻭﺻﻌﺪ .. ﻓﻬﺪ .. ﻓﺘﺢ ﺍﻟﺒﺎﺏ .. ﺍﻧﻲ ﻣﻐﻄﻴﻪ ﺭﻭﺣﻲ .. ﻭﺍﺭﻋﺶ .. ﺻﺎﺡ .. ﻟﻴﺎﻟﻲ .. ﻟﻴﺎﻟﻲ .. ﻭﺧﺮ ﺍﻟﻐﻄﻬﻰ .. ﻟﺰﻡ ﺭﺍﺳﻲ .. ﻋﺰﺓ ﺑﻌﻴﻨﺞ .. ﺻﺎﺡ ﺳﻬﺎﻡ ﺻﻌﺪﺕ .. ﺷﻜﻮ ﻳﻤﻌﻮﺩ .. ﻛﺎﻝ ﺍﺳﺘﻠﻤﻲ .. ﺟﺖ ﻳﻤﻲ ﺍﻛﻮﻟﻬﺎ ﺑﺎﺭﺩﺓ ﻏﻄﻴﻨﻲ .. ﻛﺎﻟﺖ ﻭﺍﻟﻠﻪ ﺣﺎﻟﺞ ﻣﻦ ﺣﺎﻝ ﺍﻟﺠﻬﺎﻝ ﺍﻛﻮﻟﺞ ﺑﺎﺭﺩﺓ .. ﻭﺍﻧﺘﻲ ﻃﻠﻌﻴﻦ ﺑﺮﺓ .. ﻭﻫﺪﻭﻣﺞ ﺧﻔﺎﻑ .. ﻏﻄﺘﻨﻲ ﺑﻌﺪ .. ﻭﻧﺰﻟﺖ .. ﻛﺎﻝ ﻳﺎﺑﺮﺓ ﻃﺎﻟﻌﻪ ﺑﻲ ﻫﺬﺍ .. ﻣﺎﻛﺪﺭ ﺍﺟﺎﻭﺑﻪ .. ﺻﻌﺪﺕ ﻛﺎﻟﺖ ﻫﺬﺍ ﺍﺳﺒﺠﻚ ﻫﺴﻪ ﺗﻔﻜﻴﻦ .. ﺷﺮﺑﻲ ﺷﺮﺑﺘﺔ .. ﻭﺿﻠﺖ ﻳﻤﻲ .. ﻫﻢ ﺳﺎﻟﻬﺎ ﻳﺎﺑﺮﺓ ﻫﺬﺍ ﻃﺎﻟﻌﻪ .. ﺷﺒﻴﻚ ﻓﻬﺪ ﻣﻮ ﻭﻛﺘﻚ ﻭﺍﻟﻠﻪ .. ﺑﻠﺤﺪﻳﻘﻪ .. ﻭﺷﻌﺪﻫﺎ ﺑﻠﺤﺪﻳﻘﻪ ﺗﺎﻟﻲ ﻟﻠﻴﻞ ﻭﻣﻔﺮﻋﻪ ﻣﻮ .. ﻻ ﻭﺍﻟﻠﻪ ﻻﺑﺴﺔ ﺟﺎﻧﺖ ﻣﺤﺘﺼﺮﺓ . ﻭﻃﻠﻌﺖ .. ﻛﺎﻝ ﺑﻴﻬﺎ ﺍﻟﺨﻴﺮ .. ﺍﻧﻲ ﺑﺪﻳﺖ ﺍﻓﻚ ﻭﺍﻋﺮﻙ .. ﻣﺪﺭﻱ ﻣﻦ ﺍﻟﻬﺒﻄﻪ ﺻﺨﻨﺖ ﻣﺪﺭﻱ ﻣﻦ ﺍﻟﺒﺮﺩ .. ﺑﻘﻴﺖ ﺑﻔﺮﺍﺷﻲ .. ﻟﺤﺪ ﻣﺎﻓﻜﺖ ﺍﻟﺼﺨﻮﻧﻪ .. ﻛﺎﻟﺖ ﺳﻬﺎﻡ ﺍﺭﻭﺡ ﺍﻧﻲ ﺍﻧﻮﻡ ﺍﻟﺠﻬﺎﻝ ﺑﺪﻟﻲ ﻫﺪﻭﻣﺞ ﻭﻧﺎﻣﻲ .. ﻛﻤﺖ ﻏﺴﻠﺖ ﻭﺑﺪﻟﺖ ﻫﺪﻭﻣﻲ ﻭﺭﺟﻌﺖ ﻧﻤﺖ ﺑﻠﻔﺮﺍﺵ .. ﻣﻮ ﻛﺘﻲ ﺍﺗﻤﺮﺽ ﺑﺲ ﻣﺎﺑﻴﻪ ﺣﻴﻞ .. ﺍﺣﺎﺟﻲ .. ﺧﻠﻴﺖ ﺭﺍﺳﻲ .. ﻧﻤﺖ .. ﻭﺍﺣﺲ ﺑﻠﻴﻞ ﺍﺣﺪ ﻳﻠﺰﻣﻨﻲ .. ﻣﻦ ﺭﺍﺳﻲ .. ﻳﻜﻮﻟﻲ ﻛﻮﻣﻲ ﻏﺴﻠﻲ ﺟﺴﻤﺞ ﻧﺎﺭ .. ﻭﻫﻢ ﻏﺴﻠﺖ ﻭﺷﺮﺑﺖ . ﺩﻭﺓ .. ﺑﻘﻴﺖ . ﻉ ﻫﻠﺤﺎﻝ .. ﺍﻟﻠﻴﻞ ﻛﻠﺔ .. ﻛﻌﺪﺕ ﺍﻟﺼﺒﺢ ﺟﺴﻤﻲ ﻣﻜﺴﺮ ﻣﻦ ﺍﻟﺼﺨﻮﻧﻪ ﻭﻓﻬﺪ ﻧﺎﻳﻢ ﻳﻤﻲ ﻉ ﺍﻟﺠﺮﺑﺎﻳﺔ .. ﻛﻤﺖ .. ﻓﺰ ﻛﺎﻝ ﺷﻮﻧﺞ ﻫﺴﺔ .. ﻛﺘﻠﻪ ﺯﻳﻨﻪ .. ﻛﺎﻝ ﺧﻮﺵ .. ﺣﻤﺪﻟﻠﻪ ﻉ ﺳﻼﻣﺘﺞ ﺍﻟﻠﻴﻞ ﻛﻠﻪ ﻣﺼﺨﻨﻪ ﻭﺗﻬﺬﺭﻳﻦ .. ﺣﺠﻲ .. ﺷﺤﺤﻴﺖ .. ﺿﺤﻚ .. ﻛﺎﻝ .. ﺍﺳﺮﺍﺭ ﻣﺎﻛﻮﻟﻬﺎ .. ﻫﻨﺎﻙ ﻭﻋﻘﺞ ﻭﺟﻬﻪ .. ﻭﻛﺎﻝ ﺷﺮﺑﻲ ﺩﻭﺓ ﻋﻮﺩ .. ﺍﻱ .. ﻛﻤﺖ ﺩﺍﻳﺨﺔ ﻭﺭﺍﺳﻲ ﻳﻔﺮ ﺑﻴﻪ ﺭﺣﺖ ﻏﺴﻠﺖ .. ﺍﺭﻳﺪ ﺍﻧﺰﻝ ﺩﺭﺝ ﻣﺎﺑﻴﻪ ﻛﻮﺓ ﺍﺑﻠﻊ ﺭﻳﻜﻲ ﺑﻼﻋﻴﻤﻲ .. ﺭﺟﻌﺖ ﻟﻠﻐﺮﻓﻪ ﻃﺒﻴﺖ .. ﻓﺘﺤﺖ ﺍﻟﻤﺠﺮ .. ﺍﺧﺬﺕ ﺩﻭﺓ .. ﻭﺣﺒﻮﺏ ﻣﺺ ﻣﺎﻝ ﺑﻼﻋﻴﻢ .. ﻭﻧﻤﺖ ﺑﻠﻜﺎﻉ .. ﻣﺎﺣﺴﻴﺖ ﻉ ﺭﻭﺣﻲ ﻟﻠﻈﻬﺮ .. ﺳﻬﺎﻡ ﻣﺼﻌﺪﺓ ﺍﻟﻐﺪﺓ ﻭﺗﻜﻌﺪ ﺑﻴﺔ ﻛﻮﻣﻲ .. ﺷﺠﺎﺝ .. ﻳﻤﻌﻮﺩﺓ .. ﻓﺘﺤﺖ ﻋﻴﻮﻧﻲ ﻭﻛﻤﺖ .. ﻛﺎﻟﺖ ﺍﻛﻠﻲ .. ﻟﻜﻤﻪ ﻓﻬﺪ ﺟﺎﺑﻠﺞ ﺍﺑﺮ .. ﻭﺍﻟﻠﻴﻞ ﻛﻠﻪ ﻣﻨﺎﻳﻢ .. ﺍﻧﻲ ﻛﺎﻟﺖ ﺍﺑﺮ .. ﻓﺰﻳﺖ ﻛﺘﻠﻬﺎ ﻣﺎﺑﻴﻪ ﺷﻲ .. ﻳﺎ ﻣﺎﺑﻴﺞ ﺻﺨﻮﻧﻪ ﺍﻟﻠﻴﻞ ﻛﻠﻪ ﺩﻙ ﺑﻴﺞ .. ﺩﻛﻮﻣﻲ ﻳﺤﻈﻲ ﺷﻜﺪ ﻧﺎﺯﻛﻪ ﻭﻣﺘﺘﺤﻤﻠﻴﻦ .. ﺑﺎﺟﺮ ﺍﻟﻜﻌﺪﺓ ﻭﺍﻧﺘﻲ ﻣﺮﻳﻀﺔ .. ﻛﻤﺖ ﺍﻛﻠﺖ ﺷﻮﻳﻪ ﺑﺲ ﻣﺎﻛﺪﺭ ﺍﺑﻠﻊ .. ﻭﻛﻮﺓ ﺿﺮﺑﺖ ﺍﺑﺮﺓ ﺑﻌﺪ ﻣﺎﻓﺮﻳﺖ ﺍﻟﻐﺮﻓﻪ ﻛﻠﻬﺎ .. ﻭﺍﻛﻤﺰ .. ﺷﻮﻳﻪ ﺳﺘﻌﺪﻟﺖ .. ﻟﻠﻴﻞ ﺍﺑﺮﺓ ﺛﺎﻧﻴﻪ ﺻﺤﻴﺖ ﺍﺣﺴﻦ .. ﺑﺲ ﺑﻌﺪﻧﻲ .. ﻣﺎﻟﻲ ﺧﻠﻚ .. ﻓﻬﺪ ﺑﻬﻞ ﻳﻮﻣﻴﻦ ﺻﺎﺭ ﻭﻳﺎﻳﻪ ﺍﻻﻡ ﺍﻟﺤﻨﻴﻨﻪ .. ﺍﻟﻠﻴﻞ ﻛﻠﻪ ﻳﻤﻲ .. ﻭﻳﻨﺎﻡ ﻳﻤﻲ .. ﺍﻧﻲ ﺍﻓﺰ ﺑﻠﻴﻞ ﻭﺍﺭﻭﺡ ﺍﻧﺤﺸﻚ ﺑﻲ ﻭﺍﺣﻀﻨﻪ .. ﻣﺮ ﺍﻟﻴﻮﻡ ﺑﺴﺮﻋﻪ ﻭﺍﻧﻲ ﻛﻀﻴﺘﻪ ﻣﺮﺽ ﻭﻧﻮﻡ .. ﻭﻛﻌﺪﺕ ﺛﺎﻧﻲ ﻳﻮﻡ .. ﺯﻳﻨﻪ .. ﻣﺼﺤﺼﻪ ﻭ ﻓﻬﺪ ﻧﺎﻳﻢ ﻫﻢ ﻳﻤﻲ .. ﻣﺜﻞ ﻛﻞ ﻳﻮﻡ .. ﻧﺰﻟﺖ ﻭﻋﺎﻭﻧﺖ ﺍﻟﺒﻨﺎﺕ .. ﻭﻧﺰﻝ ﻓﻬﺪ ﻭﺗﺮﻳﻚ ﻭﺻﻌﺪ .. ﺑﺪﻝ ﺩﻳﺮﻭﺡ .. ﻳﻢ ﺍﻟﺤﺠﻲ ﺑﺸﻐﻞ .. ﺻﻌﺪﺕ ﻭﺭﺍﻩ .. ﻣﻮ ﻫﻮﺓﺭﺟﻊ ﻛﺎﻟﺐ ﻋﻠﻴﻪ .. ﺍﻧﻲ ﺭﻭﺣﻲ ﺗﻔﺮﻓﺢ .. ﻛﺎﻝ ﺍﻟﻴﻮﻡ ﺣﻀﺮﻭ ﺭﻭﺣﻜﻢ ﺏ ..4 ﺍﻟﻜﻌﺪﺓ .. ﺍﻧﻲ ﺑﺲ ﺍﺑﺎﻉ ﻋﻠﻴﻪ .. ﺷﻮﻳﻪ ﻭﺍﺑﺠﻲ .. ﻭﻃﻠﻊ .. ﺑﻘﻴﺖ ﺍﻟﻮﺏ ﻣﻌﻘﻮﻟﺔ ﺻﺪﻙ ﻳﺰﻭﺝ .. ﻧﺰﻟﺖ ﺟﻮﺓ ﺍﻟﺒﻨﺎﺕ ﻧﻈﻔﻦ ﻭﻋﺎﻭﻧﺘﻬﻦ .. ﻭﻃﺒﻮ ﺳﺒﺤﻮ ﻭﺑﺪﻭ ﻳﺤﻀﺮﻭﻥ ﺑﺮﻭﺣﻬﻢ ﻭﺍﻟﺠﻬﺎﻝ ﺑﺪﻟﺖ ﻭﻟﺒﺴﺖ ﺑﺪﻻﺕ .. ﻭﺳﻬﺎﻡ .. ﺟﺘﻲ ﻋﻠﻴﻪ ﻣﻜﻴﺠﺖ ﺍﻟﻬﺎﻣﻜﻴﺎﺝ ﻛﻠﺶ ﺣﻠﻮ ﻭﻣﻠﺴﺖ ﺷﻌﺮﻫﺎ .. ﺷﺎﻓﻮﻫﺎ ﻭﺍﺟﻨﻲ ﺍﻟﺒﺎﻗﻴﺎﺕ .. ﻛﻤﻠﺘﻬﻢ ﻫﻠﻜﺖ ﺗﻌﺐ . ﺑﺲ ﻃﻠﻌﻮ ﻛﻠﺶ ﺣﻠﻮﺍﺕ ﺍﻧﻲ ﺍﺷﺘﻐﻞ ﻭﺍﻓﻜﺮ . . ﺍﺧﺮ ﺷﻲ ﺍﻧﻲ .. ﺳﺒﺤﺖ .. ﻭﺳﻮﻳﺖ ﺷﻌﺮﻱ .. ﺳﺮﺣﺘﻪ ﻭﻟﻔﻴﺖ ﺍﻻﻃﺮﺍﻑ .. ﻛﻠﺖ ﺍﻧﻲ ﻣﺨﺒﻠﻪ ﻋﺎﻗﻠﻪ ﺍﺣﻀﺮ ﺭﻭﺣﻲ ﻟﺰﻭﺍﺝ ﺭﺟﻠﻲ .. ﺑﺲ ﺭﺩﺕ ﺍﺩﺍﻫﺮﺓ ﻭﺍﺑﻴﻦ ﺍﻟﻪ ﺍﻧﻲ ﻣﺎﻣﻬﺘﻤﻪ .. ﻭﺑﻘﻴﺖ ﺍﻛﺎﺑﺮ ﻭﻳﺎ .. ﻛﻤﻠﺖ ﺷﻌﺮﻱ .. ﻓﺘﺤﺘﻪ ﻭﺳﻮﻳﺖ ﺑﻒ .. ﻭﺭﺗﺒﺘﻪ ﻭﻣﻜﻴﺠﺖ ﻣﻜﻴﺎﺝ ﺳﻤﻮﻛﻲ ﻭﺧﻠﻴﺖ ﺣﻤﺮﺍ .. ﺑﻴﺠﻲ ﺗﺮﺍﺑﻲ .. ﻭﻟﺒﺴﺖ ﻓﺴﺘﺎﻧﻲ ﺍﻟﻤﺎﺭﻭﻧﻲ ﻃﻮﻳﻞ .. ﻭﺍﻟﻈﻬﺮ ﻃﺎﻟﻊ .. ﺟﺎﻥ .. ﻭﺣﻀﺮﺕ .. ﺍﻟﻌﺒﺎﻳﻪ ﻭﺍﻟﺸﺎﻝ .. ﺳﻤﻌﺖ ﻫﻼﻫﻞ .. ﻋﺮﻓﺖ ﻓﻬﺪ ﺍﺟﺔ .. ﺻﻌﺪ ﻓﻮﻙ ﻳﺪﻧﺪﻥ . ﻭﻳﻐﻨﻲ .. ﻓﺘﺢ ﺍﻟﺒﺎﺏ ﺻﺮﺕ ﺑﻮﺟﻬﻪ .. ﺿﻞ ﺻﺎﻓﻦ ﻋﻠﻴﻪ .. ﺍﺣﺲ ﻳﺮﻳﺪ ﻳﺎﻛﻠﻨﻲ .. ﻛﺘﻠﻪ ﻣﺒﺮﻭﻙ .. ﺍﻟﻠﻪ ﻳﺒﺎﺭﻙ ﺑﻴﺞ .. ﺍﻧﻲ ﺷﻔﺎﻳﻔﻲ ﺗﺮﺟﻒ ﺣﺎﺻﺮﺓ ﺍﻟﺒﺠﻴﻪ ﻛﻮﺓ .. ﻛﺎﻝ ﻫﺎﻱ ﻫﻴﺞ ﺗﺠﻴﻦ .. ﻛﺘﻠﻪ ﺍﻱ ﺑﺲ ﻧﺴﻮﺍﻥ ﻏﻴﺮ .. ﻛﺎﻝ .. ﻣﻴﺨﺎﻟﻒ ﻧﺴﻮﺍﻥ ﻫﻢ ﻳﺒﺎﻋﻦ .. ﻣﺘﻠﺒﺴﻴﻦ ﻫﻴﺞ .. ﺧﻮﺵ .. ﻟﻌﺪ ﺷﻠﺒﺲ .. ﻣﺎﻋﺮﻑ .. ﻓﻬﺪ ﺍﻧﺖ ﺗﻐﺎﺭ ﻟﻮ ﺷﻨﻮ ﺍﻣﺮﻙ .. ﻻ ﻣﺎﻏﺎﺭ .. ﺑﺲ ﺍﻧﺘﻲ ﻣﻨﻲ .. ﺍﻧﻲ ﺩﻣﻌﺖ ﻋﻴﻮﻧﻲ .. ﻛﺘﻠﻪ ﻣﻨﻚ .. ﺍﻱ ﻣﻨﻲ .. ﻣﻨﻮ ﻳﻜﻮﻝ .. ﺷﻮ ﻣﺎﺣﺴﻴﺖ ﺑﻴﻮﻡ ﻣﻨﻚ ﺍﻧﻲ .. ﺍﻧﻲ ﻣﻮ ﻋﻤﺎﻣﻲ ﺷﻤﺮﻭﻧﻲ ﻋﻠﻴﻚ .. ﻫﺬﺍ ﻛﻞ ﻣﺎﺣﺎﺳﻪ ﺑﻲ ﺍﻧﻲ ﻭﻻ ﻋﺸﺘﻪ ﻭﻻ ﺣﺴﻴﺖ ﺑﻔﺮﺡ .... ﺟﺎﺑﻮﻧﻲ ﻟﻠﺒﻴﺖ .. ﺩﻓﻊ .. ﺣﺘﻰ ﺣﻠﻘﻪ ﻣﺎﻛﻮ ﺑﻴﺪﻱ ﻣﻨﻚ .. ﻭﺗﻜﻮﻝ ﺍﻧﺘﻲ ﻣﻨﻲ .. ﺍﻫﻮﻭ ﺭﺟﻌﻨﻪ .... ﺍﻟﻤﻬﻢ ﻣﺘﻠﺒﺴﻴﻦ ﻫﻴﺞ .. ﻻ ﺍﻟﺒﺲ .. ﻟﻴﺎﻝ ..
⤵️
ﻟﻴﺎﻝ ... ﺗﺨﻮﺻﺮﺕ ﻭﻭﻛﻔﺖ ﻛﺒﺎﻟﻪ .. ﺍﻧﻲ ﺩﺍﻣﻮﺕ ﻃﻠﻌﺖ ﺻﺪﻙ ﻳﻌﻨﻲ ﺭﺍﺡ ﻳﺨﻄﺐ .. ﻭﻫﺎﻱ ﺍﻟﻜﻌﺪﺓ .. ﻟﻴﺎﻝ .. ﻧﻌﻢ ﻓﻬﺪ .. ﻣﻄﻠﻌﻴﻦ ﻫﻴﺞ .. ﺍﻃﻠﻊ .. ﺑﺲ ﺑﻨﺎﺕ ﺍﺣﻨﻪ .. ﻭﺍﺫﺍ ﺍﻟﺒﻨﺎﺕ ﻋﺪﻫﻦ ﻋﻴﻮﻥ .. ﻗﺎﺑﻞ ﻋﻤﻴﺎﻥ .. ﺍﺭﻳﺪ ﺍﻛﻮﻟﻪ ﻻ ﺗﺮﻭﺡ ﺍﺑﻘﻪ ﻭﻳﺎﻳﻪ ﺍﻧﻲ ﺑﺪﻳﺖ ﺍﺣﺒﻚ .. ﺍﺗﺮﻙ ﻏﺮﻭﺭﻙ .. ﻭﻛﺒﺮﻳﺎﺋﻚ .. ﻭﺗﻌﺎﻝ ﺑﺤﻈﻨﻲ ﻓﻬﺪ .. ﺳﻜﺘﺖ .. ﺷﺤﺠﻲ ﻳﺎﺭﺑﻲ .. ﻫﺴﺔ ﻳﻜﻮﻝ ﺗﺮﺧﺺ ﺑﺮﻭﺣﻬﺎ .. ﺍﺟﻪ ﻛﻌﺪ .. ﻛﺎﻝ .. ﻭﻫﺎﻱ ﻛﻌﺪﺓ .. ﻣﺎﻃﻠﻌﻴﻦ ﻣﻨﺎ .. ﺍﻧﻲ ﺍﺟﻴﺖ ﻳﻤﻪ .. ﺩﺍﻓﺘﺢ ﺍﻟﺒﺎﺏ ﺍﻃﻠﻊ .. ﺻﺎﺡ ﻟﻴﺎﻟﻲ .. ﺑﺼﻮﺕ ﻋﺎﻟﻲ .. ﺍﻧﺪﺍﺭﻳﺖ ﻋﻠﻴﻪ .. ﻓﻮﻛﺎﻫﺎ ﻇﻬﺮﺝ ﻛﻠﻪ ﻃﺎﻟﻊ .. ﺍﺟﻪ ﻳﻤﻲ .. ﻧﺤﺼﺮﺕ ﺑﻴﻨﻪ ﻭﺑﻴﻦ ﺍﻟﺒﺎﺏ . ﺳﺪ ﺍﻟﺒﺎﺏ ﺧﻠﻪ ﺍﻳﺪﺓ ﻉ ﺍﻟﺒﺎﺏ ﻭﺍﻳﺪﺓ ﺍﻟﺜﺎﻧﻲ ﻳﺎﺷﺮ ﺑﻴﻬﺎ .. ﺍﻧﻲ ﺭﺍﻓﻌﻪ ﺭﺍﺳﻲ ﻋﻠﻴﻪ .. ﻛﺎﻝ ﺍﻟﻲ ﻣﻜﺘﻮﺏ ﺑﺎﺳﻤﻲ .. ﺑﺲ ﺍﻧﻲ ﺍﺷﻮﻑ ﻣﺎﻟﻪ ﺣﻖ ﺛﺎﻧﻲ ﻳﺸﻮﻑ ﺧﻮﺵ ﻻ ﺯﻟﻤﻪ ﻭﻻ ﺣﺮﻣﻪ .. ﻭﺍﻧﺘﻲ ﺑﺎﺳﻤﻲ .. ﻳﻼ ﺑﺪﻟﻲ ﻫﺪﻭﻣﺞ .. ﻣﺎﺑﺪﻝ ... ﺑﺼﻮﺕ ﻳﺮﺟﻒ .. ﺿﺮﺏ ﻉ ﺍﻟﺒﺎﺏ ﻣﺮﺗﻴﻦ ﺑﺪﻟﻲ ... ﻫﺪﻭﻣﺞ .. ﺭﻭﺡ ﻣﺎﺟﻲ .. ﺍﻧﻲ .. ﺧﻮﺵ ﺿﻠﻲ ﻫﻨﺎ .. ﺩﻳﻔﺘﺢ ﺍﻟﺒﺎﺏ ﻭﻳﻄﻠﻊ .. ﻛﺘﻠﻪ ﻫﺬﺍ ﺣﻈﻲ ﻻ ﻋﺮﺱ ﺻﺎﺭ ﺍﻟﻲ ﻭﻻ ﺯﻓﻪ .. ﻭﻻ ﺣﻨﻪ ﻭﻻ ﻫﻠﻬﻮﻟﻪ . ﺣﺘﻰ ﻟﺒﺲ ﺍﻧﺤﺮﻡ ﻣﻨﻪ ﻭﺍﻟﻄﻠﻌﻪ . ﻛﺎﻝ ﻟﺒﺴﻲ ﺷﻲ ﺟﻮﺍﻩ ﻭﺗﻌﺎﻱ .. ﻻ ﺗﻜﻔﺮﻳﻨﻪ ﺷﻮﻓﻲ ﺟﺴﻤﺞ ﻭﺍﺣﺠﻲ .. ﺍﺫﺏ ﺷﺎﻝ .. ﺍﺷﻮﻑ ﺍﻻﻭﻝ .. ﺟﺒﺖ ﺷﺎﻝ ﺧﻔﻴﻒ ﻭﺫﺑﻴﺘﻪ ﻓﻮﻙ ﺍﻟﻔﺴﺘﺎﻥ .. ﻛﺎﻝ ﺑﺲ ﻣﺎﻳﻨﺰﻝ .. ﻻ ﻭﺍﻟﻠﻪ .. ﻛﺎﻝ .. ﻟﻴﺎﻟﻲ .. ﻧﻌﻢ .. ﻻ ﻫﻴﺞ .. ﺭﺍﺡ ﻳﻢ ﻛﻨﺘﻮﺭﺓ .. ﻃﻠﻊ ﺩﺷﺪﺍﺷﻪ ﺑﻴﻀﻪ .. ﻭﻋﻜﺎﻝ .. ﻭﺑﺪﺓ ﻳﺒﺪﻝ ﻫﺪﻭﻣﻪ ﻛﻤﻞ ﻭﻭﻛﻒ ﻳﻌﺪﻝ .. ﻭﻟﺒﺲ ﺳﺎﻋﻪ .. ﻭﻣﺤﺎﺑﺲ .. ﻭﺭﺵ ﻋﻄﺮ .. ﻣﻦ ﻳﻤﻲ ﺍﻧﺴﻄﺮﺕ ﺍﻧﻲ ﻭﺍﻛﻔﻪ .. ﺍﺑﺎﻉ ﻋﻠﻴﻪ .. ﻻﺑﺴﻪ ﻛﻌﺐ .. ﺍﺣﺲ ﺭﺟﻠﻲ ﻛﺎﻣﻦ ﻳﻄﺒﻜﻦ ﻣﻦ ﺍﻟﺮﺟﻒ ﻣﺎﺩﺍﺗﺨﻴﻞ ﻫﻴﺞ ﺑﺮﻭﺩ ﻋﻨﺪﺓ ﺭﺍﺡ ﻳﺎﺧﺬﻧﻲ ﻟﻤﺮﺗﻪ .. ﺍﺻﻔﻦ ﻭﺍﻛﻮﻝ ﻛﺬﺏ .. ﻛﻠﻪ ﻓﻠﻢ .. ﻫﺴﺔ ﻳﻄﻠﻊ ﻳﺤﺒﻨﻲ ﻭﻳﻜﻮﻝ ﺍﻧﺘﻲ ﺍﻟﻌﺮﻭﺱ .. ﻛﻤﻞ .... ﻛﺎﻝ ﺷﻠﻮﻧﻲ .. ﺧﻮﺵ ﻋﺮﻳﺲ ﻣﻮ .. ﺍﻧﻲ ﺍﻫﺰ ﺑﺮﺍﺳﻲ ﻛﻮﺓ ﻻﺯﻣﻪ ﻧﻔﺴﻲ .. ﻛﺎﻝ ﻧﺴﻴﺖ .. ﺣﺰﺍﻡ ﺍﻟﺴﻼﺡ .. ﻟﺒﺴﻪ .. ﻳﻤﻜﻦ ﺻﺎﺭ ﺍﺷﻬﺮ ﻣﺎﺷﻔﺘﻪ ﺑﻬﻞ ﺍﻟﻌﻴﻦ ﺍﺑﺪ .. ﻛﻠﺸﻲ ﺑﻲ ﺣﻠﻮ ﻃﻮﻟﻪ .. ﺷﻜﻠﻪ .. ﺷﺨﺼﻴﺘﻪ ﻭﻫﺒﻴﺘﻪ .. ﺑﺲ ﻃﺒﻌﻪ ﻭﻟﺴﺎﻧﻪ ﻣﺤﻠﻮ .. ﻛﺎﻟﻲ ﻫﺎﺍﺍﺍ ﺷﺒﻴﺞ ﻳﻼ ﺍﻣﺸﻴﻨﻪ .. ﺍﻱ .. ﺟﻴﺖ ﻟﺒﺴﺖ ﻋﺒﺎﻳﻪ .. ﻭﺷﺎﻝ .. ﻭﻧﺰﻟﺖ ﻭﻳﺎ ﻳﻬﻠﻬﻠﻦ .. ﺍﻟﻨﺴﻮﺍﻥ .. ﺳﻬﺎﻡ ﺻﺎﺭﺕ ﺑﺼﻔﻲ .. ﻛﺘﻠﻬﺎ ﺳﻬﺎﻡ ﺭﺍﺡ ﺍﻣﻮﺕ .. ﻣﺪﺍﻛﺪﺭ .. ﺷﺤﺠﻴﻨﻪ ﻟﻌﺪ .. ﻣﻮ ﻛﺪﺍﻣﺞ ﺗﻤﺮﺿﺖ .. ﻭﺍﻟﻠﻪ ﻳﺎﺣﺒﻴﺒﻪ ﻣﺎﻋﺮﻑ ... ﻣﺸﻴﺖ ﻭﺿﻠﻮ ﻳﻬﻮﺳﻮﻥ ﺍﻟﻪ ﺍﻧﻲ .. ﺍﺣﺲ ﺭﻭﺣﻲ ﻣﻮ ﻭﻳﺎﻫﻢ .. ﻛﻞ ﺷﻮﻳﻪ ﺍﻛﻮﻝ ﻫﺴﺔ ﺑﻠﺒﺎﺏ ﻭﻳﻜﻮﻝ ﺍﻧﺘﻲ ﺍﻟﻌﺮﻭﺱ .. ﻭﺻﻠﻨﻪ ﻟﻠﺒﺎﺏ ﻭﻣﺎﻛﻮ ﺷﻲ .. ﻃﻠﻌﻨﻪ ﺍﻟﺒﺎﺏ ﻭﻛﻠﻤﻦ ﺻﻌﺪ ﺑﺴﻴﺎﺭﺓ . ﻭﻱ ﺍﻫﻠﻪ ﻭﺍﻧﻲ ﺑﻘﻴﺖ .. ﻭﺍﻛﻔﻪ .. ﺍﺧﺘﻨﻜﺖ ﻛﻠﺶ ﺩﺍﺭﺟﻊ ﺳﻬﺎﻡ ﺟﺮﺗﻨﻲ .. ﻛﺎﻟﺖ ﻻ ﺗﺒﻴﻨﻴﻦ ﺻﻴﺮﻱ ﻗﻮﻳﻪ .. ﻏﺒﻴﻪ ﻣﻦ ﺍﺿﻌﻔﻴﻦ .. ﻳﺰﻳﺪ .. ﺳﻬﺎﻡ .. ﺣﺮﻙ ﺩﻡ ﻭﺍﻋﺼﺎﺏ ﻣﺎﺗﺤﻤﻞ ﻫﻴﺞ ﻭﺍﻟﻠﻪ .. ﺍﺭﺣﻤﻮﻧﻲ .. ﻣﻴﺨﺎﻟﻒ ﻳﺎﻋﻤﺮﻱ ﺍﺗﺤﻤﻠﻲ .. ﻫﺎﻱ ﻗﺴﻤﺘﺞ .. ﺍﻟﻠﻪ ﻳﺴﻬﻞ ﻻﺑﻮﺝ ﻭﻳﻄﻠﻊ ﻭﺗﺮﺗﺎﺣﻴﻦ .... ﺻﻌﺪﺕ ﻭﻳﺎ ﻓﻬﺪ .. ﻟﻴﻮﺭﺓ ﺍﻣﻪ ﺑﺼﺪﺭ ﻭﺍﻧﻲ ﻭﺳﻬﺎﻡ .. ﻟﻴﻮﺭﺓ ﻭﺟﻬﺎﻟﻬﺎ .... ﻣﺸﻐﻞ ﺍﻏﺎﻧﻲ .. ﻭﺍﻟﺠﻬﺎﻝ ﻳﺼﻔﻜﻮﻥ .. ﻭﻳﺮﻛﺼﻮﻥ ﻭﺍﻧﻲ ﺍﻟﺪﻣﻌﻪ ﺑﻌﻴﻮﻧﻲ ﺑﺲ ﺗﺮﻳﺪ ﺯﻟﻪ ﺩﺗﻨﺰﻝ .. ﻭﻛﻞ ﻫﺬﺍ ﻭﺍﻛﻮﻝ ﻳﻤﻜﻦ ﻛﺬﺏ .. ﺷﻮﻳﻪ ﻭﻭﺻﻠﻨﻪ ﺑﻴﺖ .. ﺷﻮﻥ ﺑﻴﺘﻬﻢ .. ﻧﻔﺲ ﺍﻟﻔﺼﺎﻝ .. ﻭﻧﺰﻟﻨﻪ ﺑﻲ .. ﻃﺒﻴﻨﻪ ﺟﻮﺓ .. ﻭﺍﻧﻲ ﺍﻏﺎﻟﻂ ﺑﻨﻔﺴﻲ .. ﺍﻛﻮﻝ ﻓﻠﻢ ﻃﻠﻌﻮ ﻧﺴﻮﺍﻥ ﺳﻠﻤﻮ ﻋﻠﻴﻨﻪ .. ﻃﺒﻴﻨﻪ ﺑﻐﺮﻓﻪ .. ﺷﻔﺖ ﻋﺮﻭﺱ ﻛﺎﻋﺪﺓ .. ﺍﻧﻲ .. ﻣﺎﻋﺮﻑ ﺷﺼﺎﺭ ﺑﻴﻪ .. ﺑﺲ ﺍﺣﺲ ﺭﻭﺣﻲ ﺭﺍﺣﺖ .. ﻭﻫﻤﻮﻡ ﺍﻟﺪﻧﻴﺎ ﻛﻠﻬﺎ ﻧﺰﻟﺖ ﻋﻠﻴﻪ .... ﺿﺮﺑﺘﻴﻦ ﺑﺮﺍﺱ ﺗﻮﺟﻊ .... ﺭﺣﺖ .. ﻛﻌﺪﺕ .. ﻧﺎﺱ .. ﻣﻮ ﻫﻮﺍﻳﻪ ﺑﺲ ﺍﻫﻠﻬﺎ .. ﻭﻃﺒﻴﻨﻪ ﺑﺲ ﻧﺴﻮﺍﻥ ﺑﻮﺳﻮﻫﺎ .. ﻟﻠﻌﺮﻭﺱ ... ﺍﺑﺎﻉ ﻋﻠﻴﻬﺎ ﺗﻄﻠﻊ ﺍﻛﺒﺮ ﻣﻨﻲ ﻭﺑﻴﻀﻪ ﺑﺲ ﻣﺤﻠﻮﺓ .. ﻭﻗﺼﻴﺮﺓ .. ﻭﺷﻌﺮﻫﺎ ﻣﻦ ﻛﺪﺍﻡ ﻣﻜﻔﺶ .. ﻣﻮ ﺳﺮﺡ .. ﺑﻘﻴﺖ ﻛﺎﻋﺪﺓ ... ﺷﻔﺘﻬﺎ ... ﺍﻟﻌﺮﻭﺱ ﺷﺎﻭﺭﺕ ﻭﺣﺪﺓ ﻣﻨﻪ ﻭﺍﺷﺮﻭ ﻋﻠﻴﻪ ﻋﺮﻓﺖ ﺩﺗﺴﺎﻟﻬﻢ ﺍﻧﻲ ﻣﺮﺗﺔ ... ﺿﻠﻴﺖ ﻛﺒﺎﻟﻬﺎ ﻣﻦ ﺍﻟﺼﺪﻣﻪ ﺣﺘﻰ ﻣﺎﻧﺰﻋﺖ ﺍﻟﻌﺒﺎﻳﻪ .. ﻛﺒﺎﻟﻬﺎ ﻭﺍﺑﺎﻉ .. ﺷﻮﻥ ﻳﻨﻄﻮﻫﺎ ﻭﻫﻮﺓ ﻣﺰﻭﺝ .. ﺍﻧﻄﻮﻫﺎ ﻋﺎﺩﻱ ﺑﺲ ﻫﻮﺓ ﻣﻌﻘﻮﻟﻪ ﻫﻴﺞ ﻗﺴﺎﻭﻩ ﻋﻨﺪﺓ ﻫﺬﺍ ﻣﻮ ﺑﺸﺮ .. ﻟﻴﺶ ﻫﻴﺞ ﻳﺴﻮﻱ ﻭﻳﺎﻳﺔ .. ﻟﻴﺶ .. ﻳﺎﺭﺑﻲ .. ﺑﺲ ﺍﻟﻬﻢ ﻋﻠﻴﻪ .. ﻛﺎﻣﻮ ﻳﺼﻔﻜﻮﻥ ﻭﻳﺮﻛﺼﻮﻥ ﺟﺘﻲ ﺳﻬﺎﻡ ﻳﻤﻲ .. ﻛﺎﻟﺖ ﻓﻜﻴﻬﺎ .. ﻻ ﺿﻠﻴﻦ .. ﻫﻴﺞ .. ﻭﺭﺑﺞ ﺍﻟﺮﺟﺎﻝ .. ﺍﺫﺍ ﺣﺐ ﻟﻮ ﺍﻟﻒ ﻣﺮﺓ ﻣﺘﻐﻴﺮﺓ . ﻭﺍﺷﺮﺕ ﻉ ﺭﺍﺳﻲ ﺍﻓﻬﻤﻲ .. ﻋﺎﺩ ﺑﻄﻴﺘﻲ ﻗﻠﺒﻲ ﻭﺗﺮﻛﺺ .. ﺍﻧﻲ ﻋﺒﺎﻟﻚ ﻣﻦ ﻏﻴﺮ ﻋﺎﻟﻢ ﺟﺎﻳﻬﻰ .. ﻭﻣﻮ ﺑﻌﺮﺱ .. ﺍﺻﻼ .. ﻋﺰﺓ ﻫﺬﺍ ﻋﻠﻴﻪ .. ﺍﺣﻘﺮ ﺷﻌﻮﺭ .. ﺗﻔﻀﻞ ﻣﺮﺓ ﻉ ﻣﺮﺓ .. ﺷﻌﻮﺭ ﺣﻘﻴﺮ .. ﻳﻌﻨﻲ ﺭﺍﺡ ﺍﺑﻘﻰ ﺍﻋﺎﻧﻲ .. ﻳﻌﻨﻲ ﺻﺪﻙ ﻭﻻ ﻉ ﺑﺎﻟﻪ .. ﺍﻧﻲ .. ﻳﻌﻨﻲ ﻫﻴﺞ ﺭﺧﻴﺼﻪ ﻋﻨﺪﺓ .. ﻋﻠﻴﻤﻦ ﺍﻧﻘﻬﺮ ﻫﻮﺓ ﺍﻧﻲ ﻓﺼﻠﻴﺔ ﻉ ﻛﻮﻟﺘﻪ .... ﻧﺰﻟﺖ ﺍﻭ ﺻﻌﺪﺕ .. ﺍﻧﻲ ﻋﻤﺎﻣﻲ ﺍﻧﻄﻮﻧﻲ ﺍﺑﻼﺵ .. ﺍﺳﻤﻊ ﺍﻟﻌﺎﻟﻢ ﻳﻤﻲ .. ﻫﻴﻪ ﻫﺎﻱ ﺍﻟﻔﺼﻠﻴﻪ .. ﻫﺎﻱ ﻣﺮﺗﻪ .. ﺍﻟﻔﺼﻠﻴﻪ ﺍﻟﻔﺼﻠﻴﻪ .. ﻣﻦ ﺣﺘﺮﻛﺖ .. ﻋﻜﻠﻜﻢ .. ﻭﺩﻭﺍﻭﻳﻨﻜﻢ .. ﺑﺪﻳﺖ ﺍﺧﺘﻨﻚ .. ﺑﺪﺕ ﻋﻴﻮﻧﻲ ﺗﻐﺮ ﺩﻣﻊ ... ﻭﻋﻘﻠﻲ ﻣﻦ ﺍﻟﺘﻔﻜﻴﺮ .. ﻭﻛﻒ ﻣﺪﺍﺳﺘﻮﻋﺐ ﺳﻤﻌﺖ ﻫﻼﻫﻞ .. ﻋﺎﻟﻴﻪ .. ﻭﻫﻮﺳﺎﺕ ﺻﺤﻴﺖ .. ﻭﻣﺴﺤﺖ .. ﺩﻣﻮﻋﻲ .. ﻃﺐ .. ﻓﻬﺪ .. ﻭﻳﻬﻮﺳﻮﻥ .. ﻭﻛﻌﺪ ﺑﺼﻔﻬﺎ .. ﺍﻧﻲ .. ﻣﻦ ﺷﻔﺘﻪ ﻫﻴﺞ . ﻭﺍﻟﻀﺤﻜﻪ ﺗﺎﺭﺳﻪ ﻭﺟﻬﻪ .. ﻭﻳﺒﺎﻭﻉ ﻋﻠﻰ ﺍﻟﻌﺮﻭﺱ .. ﻧﺰﻋﺖ ﺍﻟﻌﺒﺎﻳﻪ ﻛﺪﺍﻣﻪ .. ﻭﻧﺰﻋﺖ ﺍﻟﺸﺎﻝ .. ﻭﻛﻤﺖ ﺍﺻﻔﻚ .. ﻭﺍﺭﻛﺺ .. ﺑﺲ ﻃﻴﺮ ﻣﺬﺑﻮﺡ ﻭﻳﺮﻛﺺ .. ﺍﺭﻛﺺ ﻉ ﺟﺮﺍﺟﻲ .. ﻋﺒﺎﻟﻚ ﺍﺷﻴﻞ ﻣﻠﺢ ﻉ ﺍﻟﺠﺮﺡ .. ﻭﺍﺫﺏ ﻋﻠﻴﻪ .. ﻓﻬﺪ .. ﻋﻴﻮﻧﻪ ﺻﺎﺭﺕ ﺗﺠﺪﺡ .. ﻭﻏﻀﺐ ﺣﻮﺍﺟﺒﻪ .. ﻭﺍﻧﻲ ﺍﺭﻛﺺ ﻭﺍﺻﻔﻚ .. ﻭﻱ ﺍﻟﺠﻬﺎﻝ ... ﻭﺍﻟﻜﻞ ﻳﺒﺎﻋﻦ ﻋﻠﻴﻪ .. ﻭﺍﻧﻲ ﻣﺴﻮﻳﻪ ﺭﻭﺣﻲ ﻭﻻ ﻳﻤﻲ .. ﻟﺒﺴﻮﻫﻢ ﺍﻟﻨﻴﺸﺎﻥ .... ﻫﺬﺍ ﻛﻠﺔ ﻣﻌﺸﺘﺔ ﻭﻻ ﺷﻔﺘﻪ .. ﻭﻻ ﺣﺴﻴﺖ .. ﺑﻲ ﺑﺲ ﺿﻴﻢ ﺷﺎﻑ ﻛﻠﺒﻲ ﻭﻓﻬﺪ ﺑﺎﻋﻨﻲ .. ﺷﻜﺪ ﻛﺎﺑﺮﺕ .. ﻭﺩﺳﺖ ﻉ ﻧﻔﺴﻲ .. ﺷﻜﺪ .. ﺑﻘﻴﺖ .. ﺭﺍﻓﻌﻪ ﺭﺍﺳﻲ ﻭﺣﺎﻭﻟﺖ ﺍﺑﻴﻦ ﺍﻟﻪ .. ﻣﺎﻣﻬﺘﻤﻪ ﺍﻧﻲ .. ﺣﺘﻰ ﺍﻟﺸﺎﻝ ﺍﻟﻲ ﻛﻠﻲ ﻟﺒﺴﻲ ﻧﺰﻋﺘﻪ .. ﻭﺍﺗﺤﺪﻳﺘﻪ ﻣﺎﻳﻬﻢ ﻓﻬﺪ .. ﻣﻴﻬﻢ .. ﺑﻌﺪ .. ﻛﺪ ﻣﺎ ﺍﺫﻳﺘﻨﻲ ﺗﺒﺠﻨﺖ .. ﻣﻨﻚ .. ﻟﻴﺶ ﺍﻓﻜﺮ ﺑﻴﻚ .. ﻭﻟﻴﺶ ﺑﺪﻳﺖ ﺍﺣﺒﻚ .. ﻭﻟﻴﺶ ﺑﺪﻳﺖ ﺍﻏﺎﺭ .. ﻭﺍﻧﺖ .. ﻣﺎﻣﻬﺘﻢ ﺍﻟﻲ .. ﻭﻻ ﻋﺒﺎﻟﻚ ﺍﻧﻲ ﺑﺸﺮ .. ﺍﺧﺬﺕ ﻗﺮﺍﺭ ﻭﻱ ﻧﻔﺴﻲ ﻉ ﺍﻟﻲ ﺷﻔﺘﻪ .. ﻫﺴﺔ .. ﺍﻧﺘﻬﻰ ﺑﻌﺪ .. ﻭﻳﺎﻩ .. ﺷﻔﺘﻪ ﺣﺎﺟﻪ ﺳﻬﺎﻡ .. ﺟﺘﻲ .. ﺳﻬﺎﻡ ﻋﻠﻴﻪ ﻭ ﺟﺮﺗﻨﻲ ﻭﻛﻌﺪﺗﻨﻲ .. ﺍﻛﻌﺪﻱ ﻻ ﻳﺼﻜﻄﺞ .. ﺭﺍﺡ ﻳﺠﻲ ﺍﻟﺸﻴﺦ ﻳﻌﻘﺪ .. ﻭﻛﻠﻲ ﻛﻌﺪﻳﻬﺎ .. ﻻ ﺍﺑﺘﻠﻲ ﺑﺪﻣﻬﺎ ﺍﻟﻴﻮﻡ .. ﺍﻧﺪﺍﺭﻳﺖ ﻋﻠﻴﻬﺎ .. ﻛﺘﻠﻬﺎ ﺳﻬﺎﻡ ﺭﺟﻌﻴﻨﻲ .. ﻟﻠﺒﻴﺖ ﺭﺍﺡ ﺍﻃﻚ .. ﻣﺨﻨﻮﻛﻪ .. ﻳﻤﻌﻮﺩﺓ ﺻﺒﺮﻱ .. ﺳﻬﺎﻡ .. ﺍﺣﺒﻪ .. ﻣﺪﺍﺗﺤﻤﻞ .. ﻓﺪﻭﺓ .. ﺩﺍﻣﻮﺕ .. ﻭﺍﻟﻠﻪ ﺍﺣﺒﻪ .. ﻭﻟﺞ .. ﺭﺍﺡ ﺍﻣﻮﺕ .. ﻛﻤﺖ .. ﻣﻦ ﻳﻤﻬﺎ .. ﺳﺎﻟﺖ .. ﺍﻟﺠﻬﺎﻝ ﺍﻟﺤﻤﺎﻡ ﻭﻳﻦ .. ﺩﻟﻮﻧﻲ ﺑﺮﺓ ... ﻛﺘﻠﻬﻢ ﺟﻴﺒﻮﻟﻲ ﺍﻟﻌﺒﺎﻳﻪ .. ﺟﺎﺑﻮﻫﺎ . ﻟﺒﺴﺘﻬﺎ . ﻭﺭﺣﺖ ﻟﻠﺤﻤﺎﻡ .. ﺑﺲ ﺭﺟﻠﻲ ﺧﻄﺖ ﺍﻟﺒﺎﺏ .. ﺍﻧﻔﺠﺮﺕ .. ﺑﺠﻲ .. ﻣﺘﺤﻤﻠﺖ ﺑﻌﺪ .. ﻳﻌﻨﻲ ﻣﺎﻛﻮ ﻫﻴﺞ ﺍﺫﻳﻪ ﻭﻣﺬﻟﻪ .. ﻭﺍﻻﻟﻢ .. ﺻﺪﻙ ﺭﺍﺡ ﺍﻣﻮﺕ .. ﻃﻮﻟﺖ .. ﺑﻠﺤﻤﺎﻡ .... ﻏﺴﻠﺖ ﻭﺟﻬﻲ،ﻭﻋﺪﻟﺖ ﺭﻭﺣﻲ .. ﻃﻠﻌﺖ . .. ﺑﻠﻄﺮﻣﻪ .. ﺣﻤﺎﻫﻢ ﺧﺎﺭﺟﻲ ﺟﺎﻥ .. ﺷﻔﺖ ﻓﻬﺪ ﻳﺪﺧﻦ .. ﺟﻜﺎﺭﺓ .. ﺭﺣﺖ ﻳﻤﻪ .. ﺭﻓﻌﺖ ﺭﺍﺳﻲ ﻋﻠﻴﻪ .. ﻛﺘﻠﻪ ﺍﻛﺘﻔﻴﺖ ﻟﻮ ﺑﻌﺪ .. ﺍﻛﻮ .. ﻛﻠﻲ ﺷﻨﻮ .. ﻛﻮﻟﻲ ﺍﻛﺘﻔﻴﺖ .. ﺗﻌﺬﺑﻨﻲ .. ﻟﻮ ﺑﻌﺪ .. ﺗﺮﻳﺪ .. ﻛﻤﺖ ﺍﻋﻴﻂ ﺍﻧﺖ ﻟﻴﺶ ﻣﺘﻤﻮﺗﻨﻲ ﻭﺗﺮﺗﺎﺡ ﻭﺍﻧﻲ ﻭﺍﺭﺗﺎﺡ ﻟﻴﺶ .. ﻭﻟﻚ ﻟﻮ ﻳﻬﻮﺩﻳﻪ ﻫﻢ ﺗﺮﺣﻢ ﺑﻴﺔ .. ﺍﺳﻜﺘﻲ ﻣﻨﺎ ﺍﻟﻌﺎﻟﻢ .. ﻫﺬﺍ ﻫﻤﻚ ﺍﻟﻌﺎﻟﻢ .. ﻛﺎﻝ ﺍﻧﺘﻲ ﺍﻟﺴﺒﺐ ﻣﻨﺞ .. ﻣﻮ ﻣﻨﻲ .. ﺷﻠﻮﻥ ﻣﻨﻲ .. ﺍﻧﺖ ﻧﻄﻴﺘﻨﻲ ﻣﺠﺎﻝ ﺍﺗﻨﻔﺲ .. ﻭﻳﺎﻙ ﻣﻮ ﺍﺣﺠﻲ .. ﻧﺴﻴﺖ ﺷﻜﺪ ﺫﻟﻴﺘﻨﻲ ﻭﺷﻜﺪ ﺩﺳﺖ ﻋﻠﻴﻪ ﻧﺴﻴﺖ .. ﺷﺴﻮﻳﺖ ﺑﻴﻪ ﻭﻟﻚ 6 ﺍﺷﻬﺮ .. ﺩﻣﺮﺗﻨﻲ ﺑﻴﻬﺎ ﻭﺍﻟﻴﻮﻡ ﺍﻟﻘﺎﺿﻴﻪ ﺟﺎﻧﺖ .. ﻟﻴﺎﻟﻲ ﺍﻣﺸﻲ .. ﺍﺭﺟﻌﺞ ﻟﻠﺒﻴﺖ .. ﻣﺎﺭﻳﺪ .. ﻭﻣﺎﻟﻚ .. ﺩﺧﻞ . ﺑﻴﻪ .... ﺍﻧﺘﻬﻰ ﻛﻠﺸﻲ .. ﻭﻳﺎﻙ .. ﺍﻧﻲ ﺭﺍﻳﺤﻪ . ﺣﺘﻰ ﺷﻜﻮﻟﻲ ﺑﻌﺪ ﻣﺘﺸﻮﻓﻬﺎ .. ﻭﺑﻠﻌﺎﻓﻴﻪ ﻋﻠﻴﻚ .. ﺯﻭﺍﺟﻚ .. ﺑﻠﻌﺎﻓﻴﻪ .. ﻳﺎﺑﻦ ﺍﻟﺸﻴﺦ .. ﻭﺍﻧﻲ ﺍﻟﻔﺼﻠﻴﻪ .
⤵️
ﻋﻔﺘﻪ ﻭﻣﺸﻴﺖ .. ﻣﺎﻛﺪﺭ ﺍﺑﻘﻰ ﺑﻌﺪ .. ﺗﻌﺎﻱ ﻭﻳﻦ ﺭﺍﻳﺤﻪ .. ﺗﻌﺎﻱ ﻫﻨﺎ ﻻ ﺗﺨﺰﻳﻨﻪ .. ﻛﺘﻠﻪ ﺍﻣﺸﻲ ﻃﺐ ﻟﻌﺮﻭﺳﻚ .. ﺧﻠﺺ ﺍﻟﻜﻼﻡ ﻭﻳﺎﻙ .. ﻣﺎﻋﻨﺪﻱ ﺷﻲ ﺍﻛﻮﻟﻪ ﺍﻟﻚ ﻓﻬﺪ .. ﺍﻧﺖ ﺩﻣﺮﺗﻨﻲ .. ﺟﺎﻥ ﺍﻟﺠﻮ ﺑﺎﺭﺩ .. ﻭﺑﺪﺕ ﺍﺗﻈﻠﻢ .. ﻃﻠﻌﺖ ﺳﻬﺎﻡ .. ﻛﺎﻟﺖ ﻭﻳﻦ ﺻﺮﺕ .. ﻛﻠﻬﺎ ﺟﺎﻱ ﺍﺩﺧﻦ ﻫﺴﺔ ﺍﺟﻲ .. ﻳﻼ ﻓﻬﺪ ﻓﻀﻨﻪ ﺧﻮﻣﺎ ﺗﻀﻞ ﺍﻟﻌﺮﻭﺱ ﻣﻜﺒﻌﻪ .. ﺍﻧﺖ ﺑﻌﺪ ﻋﻘﺪﺕ ﻋﻠﻴﻬﺎ .. ﻃﺐ ﺷﻮﻓﻬﺎ .. ﺯﻳﻦ .. ﺍ ﺍﻧﻲ ﺑﺲ ﺍﺳﻤﻊ .. ﺳﻬﺎﻡ ﺻﺎﺣﺖ ﻟﻴﺎﻟﻲ .. ﻣﺎﺟﺎﻭﺑﺖ .. ﻣﺸﻴﺖ ﺑﻠﻄﺮﻣﻪ .. ﻃﻠﻌﺖ ﻟﻠﺒﺎﺏ .. ﻳﺼﻴﺤﻮﻥ .. ﻋﻠﻴﻪ .. ﺻﻮﺗﻬﻢ ﺑﺪﺓ .. ﻳﺼﻴﺮ ﺑﻌﻴﺪ .. ﻃﻠﻌﺖ ﺍﻣﺸﻲ .. ﺳﺮﻳﻊ .. ﻇﻠﻤﻪ ﻣﺎﻋﺮﻑ ﻭﻳﻦ ﺍﺭﻭﺡ .. ﺣﺴﻴﺖ ﻭﺍﺣﺪ ﻭﺭﺍﻳﻪ .. ﻟﻴﺎﻝ ﺗﻌﺎﻱ ﻣﻮ ﺟﺎﻱ ﺍﺣﺎﺟﻴﺞ .. ﺟﺮﻧﻲ ﻣﻦ ﺍﻳﺪﻱ .. ﺍﻧﺪﺍﺭﻳﺖ .. ﻓﻬﺪ .. ﺧﻠﺺ ﺑﻌﺪ .. ﻭﻟﺞ ﺷﺨﻠﺺ .. ﻭﻳﻦ ﻣﻮﻟﻴﺔ ... ﺑﻬﻞ ﻟﻴﻞ ﺍﺻﺒﺮﻱ ﺍﺟﻴﺐ ﺍﻟﺴﻴﺎﺭﺓ ﺍﻭﻛﻔﻲ .. ﻫﻨﺎ ﺭﺍﺡ ﺍﻧﻲ ﻛﻤﻠﺖ ﺍﻟﻤﺸﻲ .. ﻣﻦ ﺍﻻﻋﺼﺎﺏ ﻭﺍﻟﺘﻮﺗﺮ ﺍﻋﺼﺎﺑﻲ ﺭﺧﺖ .... ﻛﻠﺶ .. ﺍﻣﺸﻲ ﻭﺍﺑﺠﻲ .. ﺍﺩﻣﺮﺕ .. ﻭﻧﺬﻟﻴﺖ .. ﺣﻴﺎﺗﻲ ﺑﻴﻮﻡ ﻭﻟﻠﻴﻠﻪ ﺍﻧﻜﻠﺒﺖ ﻋﻠﻴﺔ .. ﺍﻛﻮ ﻓﺮﻉ ﺟﺎﻧﺒﻲ ﺻﻐﻴﺮ .. ﻃﺒﻴﺖ ﺑﻲ .. ﺍﻧﺪﺍﺭﻳﺖ ﺷﻔﺖ ﺿﻮﺓ ﺳﻴﺎﺭﺗﻪ .. ﻣﺸﻴﺖ ﺍﺳﺮﻉ .. ﺍﻛﻮ ﻛﺎﺑﻴﻨﻪ ﻣﺎﻝ ﻛﻬﺮﺑﺎﺀ .. ﺧﺘﻠﺖ ﻭﺭﺍﻫﺎ .. ﻭﻣﺎﻋﺮﻑ ﻭﻳﻦ ﺍﺭﻭﺡ ﻭﻻ ﺍﻧﺪﻝ ﺍﺣﺪ ﻫﻨﺎ .. ﺷﺴﻮﻱ .. ﺟﻨﻄﺘﻲ ﻭﻓﻮﻧﻲ ﻧﺴﻴﺘﻬﻢ . ﺑﻴﺖ ﺍﻟﻌﺮﻭﺱ ﻭﻃﻠﻌﺖ .. ﺿﻞ ﺭﺍﻳﺢ ﺟﺎﻱ . ﺑﺴﻴﺎﺭﺓ .. ﺍﻧﻲ .. ﺑﻘﻴﺖ ﺟﺎﻣﺪﺓ ... ﻃﻠﻌﺖ ﺭﻛﺾ .. ﻋﺒﺮﺕ ﻉ ﺟﻬﻪ ﺍﻟﺜﺎﻧﻴﻪ .. ﻭﻣﺸﻴﺖ ﺳﺮﻳﻊ .. ﻣﺸﻴﺖ .. ﻭﺻﻠﺖ ﻉ ﺷﺎﺭﻉ .. ﻋﺎﻡ .. ﺍﻛﻮ ﺗﺎﻧﻜﻲ ﻣﻲ ﺣﺪﻳﺪ ﻗﺪﻳﻢ .. ﺫﺍﺑﻲ ... ﻉ ﺟﻬﻪ ﺍﻟﺘﺮﺍﺑﻴﻪ ﻣﺎﻝ ﺷﺎﺭﻉ .. ﻭﻛﻔﺖ ﻭﺭﺍﻩ .. ﻛﻠﺖ ﺍﻭﻛﻒ ﻟﺤﺪ ﻣﺎﺗﺠﻲ ﺳﻴﺎﺭﺓ ﻭﺍﻛﻮﻟﻪ ﻭﺻﻠﻨﻲ ﻟﻠﺒﻐﺪﺍﺩ .. ﻭﻣﻦ ﺍﻭﺻﻞ ﺍﻧﻄﻲ ﻛﺮﻭﺗﻪ .. ﺑﻘﻴﺖ ﻭﺍﻛﻔﻪ .... ﺿﻠﻤﻪ ﻭﻫﻮﻯ ﺑﺎﺭﺩ ﺑﺪﺓ ﺍﻟﺨﻮﻑ ﻳﺪﺧﻞ ﺑﻜﻠﺒﻲ .. ﻛﻠﺖ ﺑﻠﻪ ﺷﺠﺎﻧﻲ ﺍﻧﻲ ﻭﺷﻄﻠﻌﻨﻲ ﺑﻬﻠﻴﻞ .. ﺧﻠﻲ ﺍﺭﺟﻊ .. ﻓﺎﺗﺖ ﺳﻴﺎﺭﺓ ﺑﻴﻜﺐ .. ﺣﻤﻞ .. ﻃﻠﻌﺖ ﺑﺴﺮﻋﻪ ﻭﻛﻔﺘﻬﺎ .. ﻭﻛﻔﺖ ﻳﻤﻲ .. ﻧﺰﻟﻮ ﺍﻟﺠﺎﻡ ﺟﺎﻧﻮ ﻣﺸﻐﻠﻴﻦ ﺿﻮﺓ ﺩﺍﺧﻠﻲ ﺷﻔﺖ ﺑﻴﻬﺎ ﺷﺒﺎﺏ ﺍﺛﻨﻴﻦ .. ﺍﻧﻲ ﻣﻦ ﺷﻔﺘﻬﻢ ﺭﺟﻌﺖ ... ﺿﻠﻮ ﻭﺍﻛﻔﻴﻦ ... ﻛﺎﻝ ﺍﻣﺮ ﺧﺪﻣﻪ ... ﺍﻧﻲ ﺭﺟﻌﺖ ﻭﺭﺓ ﺍﻟﺘﺎﻧﻜﻲ .. ﻭﺍﺣﺪ ﻣﻨﻬﻢ ﻧﺰﻝ ﻛﺎﻝ ﺧﻮﻳﻪ ﺧﻴﺮﺝ ﻭﻳﻦ ﺑﻬﻠﻴﻞ ﻭﺣﺪﺝ ﻛﺘﻠﺔ ﻻ ﻏﻠﻄﺖ ﻭﻳﺎﻛﻢ ﻋﺒﺎﻟﻲ ﺳﻴﺎﺭﺓ ﺍﻫﻠﻲ ﻫﺴﺔ ﺟﺎﻳﻦ .. ﻋﻠﻴﻪ ﻳﺎﺧﺬﻭﻧﻲ .. ﻣﻴﻦ ﺍﻫﻠﺞ . ﺑﻘﻴﺖ .. ﻣﺎﻋﺮﻑ ﺷﺤﺠﻲ .. ﺻﺎﺣﺒﻪ ﺍﻟﺜﺎﻧﻲ ﻧﺰﻝ ﺍﻧﻲ ﺑﺪﻳﺖ ﺍﺧﺎﻑ .. ﻛﺎﻝ ﺗﻌﺎﻱ ﻧﻮﺻﻠﺞ .. ﻛﺘﻠﻪ ﻻ ﺷﻜﺮﺍ .. ﻓﻜﻠﻪ ﻭﻟﻚ ﺧﺎﻑ ﻫﺎﻱ ﻋﺼﺎﺑﻪ .. ﻟﻮ ﻣﺨﺒﻠﻪ ﻛﻠﻪ ﻻﻣﻤﺒﻴﻦ .. ﻛﻠﻲ ﺍﻧﺘﻲ ﻣﻴﻦ .. ﻫﻠﺞ ﻣﻴﻦ .. ﺷﻌﺪﺝ ﺑﻬﻠﻴﻞ ﺑﺮﻭﺣﺞ .. ﻣﺪﺭﻱ ﺷﺎﻭﺭﺍﻟﻲ ﻭﻳﺎ ﻭﻛﺎﻡ ﻳﻀﺤﻚ .. ﻛﻠﻲ ﺍﻣﺸﻲ ﻭﻳﺎﻧﻪ ... ﻭﺍﻟﻲ ﺗﺮﻳﺪﻱ ﻣﻨﺨﺘﻠﻒ ﻋﻠﻴﻪ .. ﻛﻤﺖ ﺍﺭﺟﻊ .. ﻉ ﺍﻟﻔﺮﻉ .. ﺷﻔﺖ ﺳﻴﺎﺭﺓ ﺟﺎﻳﻪ ﻣﻦ ﺑﻌﻴﺪ ﺍﻧﻲ ﺍﻣﻨﺖ ﺷﻮﻳﺔ .. ﺍﻣﺸﻲ ﻭﺍﺗﻠﻔﺖ .. ﺍﻟﻮﻟﺪ ﻳﺼﻴﺢ ﻳﺒﻨﻴﻪ ﺗﻌﺎﻱ .. ﻭﻳﻦ ﺭﺍﻳﺤﻪ ﺻﺮﺕ ﺑﻌﻴﺪﺓ ﻋﻠﻴﻬﻢ ﻭﻛﻔﺖ .. ﺍﺑﺎﻉ .. .. ﻭﻛﻔﺖ ﺍﻟﺴﻴﺎﺭﺓ ﻧﺰﻝ ﻣﻨﻬﺎ ﻭﺍﺣﺪ ﺑﺲ .. ﻳﺤﺠﻲ ﻭﻳﺎﻫﻢ ﻣﺪﺍﺑﺎﻉ ﺑﺲ ﺿﻮﺓ ﺍﻟﺴﻴﺎﺭﺓ ﻳﻌﻜﺲ .. ﻫﺪﻭﻣﻬﻢ ﻭﺟﺴﻤﻬﻢ .. ﺭﺍﺣﻮ ﺍﻟﻮﻟﺪ .. ﺍﻫﻞ ﺳﻴﺎﺭﺓ ﺍﻟﺒﻴﻜﺐ .. ﺍﻧﻲ .. ﺍﺭﺗﺎﺣﻴﺖ ﺑﻘﻴﺖ ﺍﺑﺎﻉ .. ﺍﺟﻪ ﻳﻤﺸﻲ ﻋﻠﻴﻪ ﺍﻟﻮﻟﺪ ﺍﻧﻲ ﺍﻣﺸﻲ ﺻﺎﺡ ﻟﻴﺎﻟﻲ ﺍﻧﻲ ﻓﻬﺪ .. ﺍﻧﻲ ﺗﺒﺴﻤﺮﺕ ﺑﻤﻜﺎﻧﻲ .. ﺍﺟﻪ ﻗﺮﻳﺐ .. ﻋﻠﻴﻪ .. ﻛﻤﺖ ﺍﻣﺸﻲ ﺳﺮﻳﻊ .. ﻣﺎﻛﺪﺭ ﺍﺭﻛﺾ ﻻﺑﺴﻪ ﻛﻌﺐ .. ﺟﺮﻧﻲ ﻣﻦ ﺍﻳﺪﻱ .. ﺣﻴﻞ .. ﻛﺘﻠﻪ ﻋﻮﻓﻨﻲ ... ﻣﺎﺣﺴﻴﺖ ﺍﻻ ﻭﺿﺮﺑﻨﻲ ﺭﺍﺷﺪﻱ .. ﺍﺣﺲ ﻭﺟﻬﻲ ﻧﺎﺭ ﺑﻲ .. ﻭﺍﺫﺍﻧﻲ ﺻﻔﺮﺕ ﻣﻦ ﺍﻟﻘﻮﺓ ... ﻭﻳﺠﺮ ﺑﻴﻪ .. ﺣﺘﻪ ﻛﻤﺖ ﺍﺗﻌﺜﺮﻭ ﻭﺍﻛﻊ .. ﺿﻠﻴﺖ ﺍﺣﺠﻲ ﻋﻠﻴﻪ ﺍﻋﻴﻂ .. ﻣﻴﻔﻴﺪ .. ﺟﺮﻧﻲ ﺻﻌﺪﻧﻲ .. ﻟﻴﻮﺭﺓ ﺑﺴﻴﺎﺭﺓ .. ﻭﺷﻐﻞ ﺍﻟﺴﻴﺎﺭﺓ ﻭﺷﺤﻄﻬﻪ ﻭﻃﻠﻊ .. ﺍﻟﻄﺮﻳﻖ ﻛﻠﻪ ﺑﺲ ﺍﺑﺠﻲ .. ﺍﻧﻲ .. ﻣﺪﻳﺖ ﺍﻳﺪﻱ .. ﻉ ﺣﻠﻜﻲ .. ﻃﺎﻙ ﺩﻡ ... ﻣﻦ ﺍﻟﻀﺮﺑﻪ .. ﻭﻓﻬﺪ .. ﻣﻦ ﺍﻟﻌﺼﺒﻴﻪ ﻋﻴﻮﻧﻪ ﺣﻤﺮ ﺻﺎﺭﺕ .. ﻭﻳﺴﻮﻕ ﻭﺍﻳﺪﺓ ﺗﺮﺟﻒ .. ﻣﻦ ﺳﺮﻋﺘﻪ ﺩﻗﺎﻳﻖ .. ﻭﻭﺻﻠﻨﻪ .. ﺟﺎﻧﺖ ﺍﻟﺴﻴﺎﺭﺓ ﻣﻘﻔﻠﻪ ﺍﺭﻳﺪ ﺑﺲ ﺍﻧﺰﻝ ﻗﺒﻠﻪ .. ﻣﺎﻛﺪﺭ .. ﺣﺴﻴﺖ .. ﻭﻛﺖ ﻣﻮﺗﻲ .. ﻫﺬﺍ .. ﻣﺎﺍﺑﺎﻟﻲ ﺷﻲ ... ﺍﺑﺎﻟﻲ ﺑﺲ ﺍﻧﻬﺰﻡ ﻣﻨﻪ .. ﻃﺒﺐ ﻟﻠﺴﻴﺎﺭﺓ ﺑﻠﻜﺮﺍﺝ .. ﻭﻓﺘﺢ ﺍﻟﺒﺎﺏ ﻋﻠﻴﻪ ﺍﻧﻲ ﺭﺟﻌﺖ ... ﺟﺮﻧﻲ .. ﻭﻃﺒﺒﻨﻲ ﺟﻮﺓ ... ﻃﺒﻴﺖ ﻣﺎﻛﻮ .. ﺍﺣﺪ ﺍﻟﺤﺠﻴﻪ ﻧﺎﻳﻤﻪ .. ﻛﻠﻲ ﻧﻔﺲ ﻣﻨﺞ .. ﺑﻤﻜﺎﻧﺞ ﺍﺭﻣﻴﺞ .. ﺍﺻﻌﺪﻱ .. ﻛﺪﺍﻣﻲ .. ﻓﺪﻭﺓ ﻓﻬﺪ ﺩﺧﻴﻠﻚ .. ﻋﻮﻓﻨﻲ ﺍﺭﺟﻒ ﻭﺍﺣﺠﻲ ... ﺍﺻﻌﺪﻱ .. ﻋﺎﻁ . ﺍﺻﻌﺪﻱ . ﺍﻧﻲ ﺭﻛﻀﺖ .. ﻓﻮﻙ .. ﺑﺮﻛﻀﺘﻲ ﺷﻔﺖ ﺣﻤﺎﻳﺔ ﻗﺎﺳﻢ .. ﻛﺎﻝ ﺷﻜﻮ .. ﺷﺒﻴﺞ .. ﻟﻴﻠﻪ .. ﺷﺠﺮﻩ ﺑﻠﻜﻌﺪﺓ .. ﻋﻔﺘﻪ ﻭﺻﻌﺪﺕ ﺍﺭﻳﺪ ﺍﻗﻔﻞ ﺍﻟﺒﺎﺏ .. ﻃﺒﻴﺖ .. ﺳﺪﻳﺘﻪ ﻗﺒﻞ ﻻ ﺍﻗﻔﻠﻪ ﺩﻓﻌﻬﺎ .. ﻋﻠﻴﻪ ﻓﻬﺪ .. ﺭﻛﻀﺖ ﺻﻌﺪﺕ ﻉ ﺍﻟﺠﺮﺑﺎﻳﻪ .. ﻛﺎﻝ .. ﻭﻟﺞ ﺍﻧﺘﻲ ﺷﻨﻮ ﺷﺪﺳﻮﻳﻦ .. ﺑﻴﻪ .. ﻭﻟﺞ .. ﻭﻳﻦ ﺗﻨﻬﺰﻣﻴﻦ ﺗﺮﻳﺪﻳﻦ ﺗﻔﻀﺤﻴﻨﻪ ﻭﺗﺨﺰﻳﻨﻪ .. ﻭﺟﺮ ﺍﺣﺰﺍﻣﻪ ﺍﻧﻲ ﻣﻦ ﺟﺮ ﺍﻟﺤﺰﺍﻡ ﻛﻤﺖ ﺍﻋﻴﻂ .. ﺑﻜﻞ ﺻﻮﺗﻲ ﻻ ﻻ .. ﻓﻬﺪ ﻋﻔﻴﻪ ﻻ .. ﻣﺎﺣﺴﻴﺖ ﺍﻻ ﺍﻧﻀﺮﺑﺖ .. ﻣﺮﺗﻴﻦ .. ﻭﻃﺐ .. ﻗﺎﺳﻢ .. ﺣﻀﻦ .. ﻓﻬﺪ .. ﻭﻟﻚ ﺷﺒﻴﻚ ﻭﻳﺎﻫﺎ .... ﻋﻮﻓﻪ .. ﻣﺨﺒﻞ .. ﺷﺠﺮﺍﻟﻚ .. ﻛﻠﻪ ﻭﻟﻚ ﺗﺮﻳﺪ ﺗﺨﺰﻳﻨﻪ .. ﻫﻠﺴﺎﻗﻄﻪ .. ﻧﻬﺰﻣﺖ .. ﻭﻟﻮﻣﺎ ﺍﺷﻮﻓﻪ .. ﺟﺎﻥ ﻋﺰﻭﻫﺎ ... ﻭﺻﺨﻤﻮﻫﺎ ﺩﻓﻌﻪ ﻣﻦ ﺻﺪﺭﺓ ﻗﺎﺳﻢ .. ﻛﻠﻪ ﻭﺧﺮ ﻋﻨﻬﺎ .. ﻭﺍﻥ ﺟﺴﺘﻬﺎ ﻳﺎﺧﻮﻱ .. ﻣﺎﺗﻠﻮﻡ ﺍﻻ ﺭﻭﺣﻚ .. ﻭﻛﻒ ﻓﻬﺪ .. ﻛﻠﻪ ﺧﻮﻳﺔ ﺷﺠﺎﻱ ﺗﺤﺠﻲ ﺍﻧﺖ .. ﺩﺍﻛﻠﻚ ﺍﻟﻮﻟﺪ ﻳﻜﻠﻮﻟﻲ .. ﺍﻛﻮ ﻭﺣﺪﺓ ﻣﻮ ﺯﻳﻨﻪ .. ﻫﻨﺎ .. ﻭﻭﻛﻔﻨﻪ ﻋﻠﻴﻬﺎ .. ﻗﺎﺳﻢ .. ﻛﻠﻪ .. ﻓﻬﺪ .. ﻻ ﺗﺠﻲ ﺻﻮﺑﻬﺎ .. ﻭﺣﻚ ﺍﻟﻠﻪ .. ﻭﺗﺮﺍﺏ ﺍﺑﻮﻱ .. ﺍﺳﻮﻱ ﻭﻳﺎﻙ ﺍﻟﻤﺎﻣﺴﻮﻱ ﺑﻌﻤﺮﻱ .. ﻳﺎﻋﻤﻲ ﻛﺎﻓﻲ .. ﻣﻮ ﻓﻴﻨﺖ ﺣﻆ ﺣﻈﻬﺎ .. ﺍﻧﻲ ﺑﺲ ﺍﺑﺠﻲ . ﺭﺩ ﻛﻠﻪ . ﻧﻬﺰﻣﺖ ﻣﻦ ﺟﻮﺭﻙ ﻭﻇﻠﻤﻚ .. ﻟﻴﺶ ﺍﻧﺖ ﺣﺎﺳﺐ ﻧﻔﺴﻚ ﺑﺸﺮ .. ﻻ ﻛﺘﺐ ﻭﻻ ﺳﻤﺎﻭﺍﺕ ﺗﺮﺿﺎﻟﻚ .. ﻛﻠﻪ ﻭﺧﺮ .. ﻣﺮﺗﻲ .. ﻭﺍﺫ ﻣﺮﺗﻚ .. ﺗﻤﻮﺗﻬﺎ .. ﻗﺎﺳﻢ ﻛﻠﻲ .. ﺗﻌﺎﻱ .. ﻧﺰﻟﻲ ﻭﻳﺎﻱ .. ﻣﺸﻴﺖ .. ﻭﻛﻒ ﺑﻮﺟﻬﻪ .. ﺻﺎﺭ ﺳﺎﺗﺮ ﺍﻟﻲ .. ﻧﺰﻋﺖ ﺣﺬﺍﺋﻲ .. ﻭﻣﺸﻴﺖ ﻭﻱ ﻗﺎﺳﻢ ﻓﻬﺪ ﺿﻞ ﻳﻌﻴﻂ ﻣﺮﺗﻲ ﻭﻣﺎﻟﻚ ﺣﻚ ﺗﺪﺧﻞ .. ﻟﻮ ﺍﻣﻮﺗﻪ .. ﻧﺰﻟﻨﻲ ﺟﻮﺓ ﻛﻌﺪﻧﻲ ﻳﻢ .. ﺍﻣﻪ ﺍﻟﺤﺠﻴﻪ ﻛﺎﻋﺪﺓ ﺑﺲ ﻣﺎﺑﻴﻬﺎ ﺗﻜﻮﻡ ﺗﻌﺮﻑ ﺷﻜﻮ .. ﻧﺰﻝ ﻓﻬﺪ .. ﻛﻠﻪ .. ﻗﺎﺳﻢ ﻋﻠﻤﻮﺩ ﻣﺮﺓ .. ﻫﻴﺞ ﺳﻮﻱ ﻭﻳﺎﻱ .. ﻭﻧﻮﺏ ﺷﻨﻮ ﻓﺼﻠﻴﻪ .. ﻗﺎﺳﻢ ﻛﻠﻪ .. ﻭﺣﻚ ﺍﻟﻠﻪ ﻟﻮ ﻣﺎ ﺗﺤﺮﻡ ﻋﻠﻲ ﻻ ﺍﻃﻠﻜﻬﺎ ﻣﻨﻚ ﻭﺍﺧﺬﻫﺎ .. ﻻﻥ ﺍﻧﺖ ﻣﻮ ﺑﺸﺮ .. ﺻﺎﺭ ﺑﻴﻨﺎﺗﻬﻢ ﺣﺠﻲ ﻭﺻﻴﺎﺡ .. ﻭﺍﻟﺤﺠﻴﺔ ﺿﻠﺖ ﺗﺴﻮﻱ ﻳﺒﻮﻭﻭ ﻓﻬﺪ ﻛﻠﻪ ﻛﻠﻪ ﻋﻴﻨﻚ ﻉ ﺣﻼﻟﻲ .. ﻗﺎﺳﻢ ﻛﺎﻝ ﻻ ﻳﺤﺮﻡ ﻋﻠﻲ .. ﺍﺫﺍ ﺍﻃﺨﻬﺎ ﺑﺲ .. ﺍﺧﺬﻫﺎ ﻭﺍﻫﺪﻫﺎ ﻻﻫﻠﻬﺎ .. ﻛﺎﻓﻲ .. ﻣﻨﻚ .. ﻻ ﻫﻲ ﺍﻟﺠﺘﺎﻟﻪ .. ﻭﻻ ﻫﻲ ﺯﻟﻤﻪ .. ﻭﺗﺘﻌﺎﺭﻙ ﻭﻳﺎﻫﺎ .. ﻛﺎﺩﺭ ﻋﻠﻴﻬﺎ .. ﺑﺲ ﻭﺟﺎﻱ .. ﻃﻠﻊ ﻣﺮﺍﺟﻠﻚ .. ﻭﺍﺫﺍ ﻓﺼﻠﻴﻪ .. ﻭﻟﻚ ﺑﺸﺮ ﻫﺎﻱ .. ﻛﺎﻣﻮ .. ﻳﺼﻴﺤﻮﻥ ﺍﻛﺜﺮ .. ﻭﻓﻬﺪ ﻣﺜﻞ ﺍﻻﺳﺪ .. ﻳﺰﺍﺋﺮ .. ﻛﻤﺖ ﺍﻟﻄﻢ .. ﺷﻔﺘﻬﻢ ﺭﺍﺡ ﻳﺬﺍﺑﺤﻮﻥ .. ﺑﻠﻬﺤﺠﻲ ﻃﺒﻮ .. ﺍﻟﻨﺴﻮﺍﻥ ﻭﺳﻬﺎﻡ .. ﻭﻭﺍﺣﺪ ﻣﻦ ﺣﻤﻮﻳﻨﻲ ﻣﻦ ﺍﻟﺒﺎﺏ ﺍﻟﻈﺎﻫﺮ ﺟﺎﻳﻦ ﺭﻛﺾ .. ﺣﻤﺎﻳﻪ ﺍﻛﺒﺮ ﻣﻦ ﻣﻨﻬﻢ .. ﺿﻴﺎﺀ ﺩﻓﻌﻬﻢ .. ﻭﺿﻞ ﻳﺤﺠﻲ ﻋﻠﻴﻬﻢ .. ﻟﺤﺪ ﻣﺎﻭﺧﺮﻫﻢ .. ﺑﺲ ﺑﻘﻴﻨﻪ ﻛﻠﻨﻪ ﺍﺑﻤﻜﺎﻥ .. ﺟﺘﻲ ﻫﺠﻤﺖ .. ﻋﻠﻴﻪ ﺣﻼ . ﺍﻟﻲ ﻫﻴﻪ ﻣﺮﺕ ﻗﺎﺳﻢ .. ﺟﺮﻭﻫﺎ .. ﻋﻨﻲ .. ﺿﻠﺖ ﺗﺤﺠﻲ ﻫﺠﺎﻣﻪ ﺑﻴﻮﺕ .. ﺧﺮﺑﺘﻲ ﺑﻴﻦ ﺍﻻﺧﻮﺍﻥ .. ﻫﺠﺎﻣﻪ ﺑﻴﻮﺕ .. ﺳﺎﻗﻄﻪ .. ﻭﺗﻌﺪ ﻋﻠﻴﻪ .. ﻗﺎﺳﻢ .. ﻋﺎﻁ ﺑﻴﻬﺎ ﺳﻜﺘﻬﻪ . ﺟﺎﻧﺖ . ﻭﺿﻌﻴﺘﻲ ﻻ ﺗﺴﺮ ﻋﺪﻭ ﻭﻻ ﺣﺒﻴﺐ .. ﻛﺎﻋﺪﺓ ﻣﺜﻞ ﺍﻟﻴﺘﻴﻤﺔ ﻭﻭﻛﻌﺖ ﺑﻴﺪ ﻛﻔﺎﺭ .... ﺟﺮﺗﻨﻲ ﺳﻬﺎﻡ .. ﻃﺒﺒﺘﻨﻲ ﺑﻐﺮﻓﺘﻬﺎ .. ﻭﺟﺮﺕ ﺍﻟﻔﻮﻥ .. ﻭﺩﻛﺖ .. ﺍﺳﻤﻌﻬﺎ ﺗﻜﻮﻟﻪ .. ﻫﻼ ﺣﺠﻲ .. ﺗﻌﺎﻝ .. ﻋﻮﻑ ﺍﻟﺪﻳﻮﺍﻥ ﻭﺗﻌﺎﻝ .. ﻱ ﺑﺴﺮﻋﻪ .. ﺍﻧﺪﺍﺭﺕ ﻋﻠﻴﻪ . ﻛﺎﻟﺖ . ﻣﻦ ﺍﻧﻜﺼﻒ ﻋﻤﺮﺝ .. ﺷﺴﻮﻳﺘﻲ . ﻭﻋﻠﻜﺘﻴﻬﺎ .. ﺑﺎﻭﻋﺖ ﻋﻠﻴﻪ .. ﻫﺎ ﺭﺍﺡ ﺗﺨﺘﻨﻜﻴﻦ .. ﺻﺎﺣﺖ ﺑﺘﻬﺎ ﺟﻴﺐ ﻣﻲ .. ﺍﻧﻲ ﺻﺪﻙ .. ﺑﺪﺓ ﺍﻟﻨﻔﺲ ﻳﺮﻭﺡ .. ﻋﻨﺪﻱ .. ﺷﺮﺑﺖ ﻣﻲ ﻭﺍﺭﺗﺎﺣﻴﺖ .. ﺣﺠﻴﺖ ﺍﻟﻬﺎ ﺍﻟﺼﺎﺭ .. ﺿﺮﺑﺖ ﻉ ﺧﺪﻫﺎ .. ﺍﻳﺎ ﻣﻜﺼﻮﻓﻪ ﺍﻟﻌﻤﺮ .. ﻭﺍﺝ ﺧﺰﻳﺘﻴﻨﻪ .. ﻭﻟﺞ ﻋﺰﻳﺘﻴﻨﻪ .. ﻋﻔﻨﻪ ﺍﻟﻌﺎﻟﻢ ﻭﻃﻠﻌﻨﻪ ﻣﻦ ﻭﺭﺍﺝ .. ﻟﻴﺎﻟﻲ .. ﺗﺎﻟﻲ ﻭﻳﺎﺝ ﻟﻮﻋﺘﻲ ﺟﺒﺪﻱ .. ﻛﺎﻟﺖ ﺍﻛﻌﺪﻱ ﻫﻨﺎ ﻻ ﺗﺘﺤﺮﻛﻴﻦ .. ﻟﻮ ﺟﺎﺝ .. ﻣﺪﺭﻱ ﻣﻨﻮ .. ﺍﻱ ﺍﻱ .. ﻃﻠﻌﺖ ﺑﻘﻴﺖ ﻭﺣﺪﻱ .. ﻭﺍﻟﺠﻬﺎﻝ ﻳﻤﻲ .. ﻣﺎﻋﺮﻑ ﺷﻨﻮ ﺍﻟﻲ ﺍﺳﻮﻱ .. ﻭﻻ ﺷﺮﺍﺡ ﺍﺳﻮﻱ .. ﻛﻠﺖ ﺑﺲ ﺗﻔﺾ ﺍﺧﺎﺑﺮ ﺧﺎﻟﻲ .. ﻭﺧﺎﻟﻲ ﻳﺎﺧﺬﻧﻲ ﻭﺑﻌﺪ ﻣﺎﺟﻲ . ﺍﺑﺪ .. ﺍﻟﻠﻪ ﻻ ﻳﻮﻓﻘﻚ .. ﻓﻬﺪ .. ﻋﻔﻴﻪ .. ﻣﺎﺑﻴﻪ ﺣﻮﺑﻪ .. ﻭﺗﻄﻠﻊ ﺑﻲ ﺭﺑﻲ ﺷﻮﻥ ﺗﺮﺿﻰ ﺑﻬﻴﺞ ﻇﻠﻢ .. ﻳﺎﻟﻠﻬﻲ .. ﺷﻜﻮﺗﻲ ﺍﻟﻚ ﻣﻮ ﻟﺒﺸﺮ .. ﻻﻥ ﻋﺒﺪﻙ .. ﺍﺫﻭﻧﻲ ﻭﺩﺍﺳﻮ ﻋﻠﻴﻪ .. ﺳﻤﻌﺖ ﻫﺪﻭﺀ ﺻﺎﺭ .. ﻭﺳﻬﺎﻡ ﺗﻜﻮﻝ .. ﺧﻠﺼﺖ ﻋﻴﻨﻲ ﻃﺒﻦ ﻏﺮﻓﺠﻦ .. ﺧﻠﺺ .. ﻭﻃﺒﺖ ﻋﻠﻴﻪ .. ﻛﺎﻣﺖ ﺗﺒﺪﻝ ﻟﺠﻬﺎﻟﻪ .. ﻭﺩﺭﺩﻡ .. ﺷﺴﻮﻱ ﻭﻳﺎﻛﻢ .. ﻭﺗﺎﻟﻲ ﻭﻳﺎﻛﻢ .. ﺟﻬﺎﻝ ﺧﻮﻣﺎ ﺟﻬﺎﻝ ﺍﻧﺘﻮ .. ﻫﺴﺔ ﺍﻟﺤﺠﻲ ﺟﺎﻱ ﻭﻳﺼﺮﻑ .. ﺍﻧﻲ ﺗﻌﺒﺖ ﻣﻨﻜﻢ .. ﺿﻠﻲ ﺿﻠﻲ ﺍﺑﺠﻲ .. ﻣﻦ ﺍﻣﺪﺍﺝ .. ﺿﻠﻲ ﻧﻮﺣﻲ .. ﺷﻠﻌﺘﻲ ﺍﻓﺎﺩﻱ .. ﺑﺲ ﻫﺬﺍ ﻓﻬﻴﺪ .. ﻫﻢ ﻛﻮﻱ .. ﻟﻴﺶ ﻫﻴﺞ ﻭﻳﺎﺝ ﻳﺎﺑﻨﺖ ﺍﻟﻌﺎﻟﻢ ﺭﺟﻌﻲ ﻟﻬﻠﺞ .. ﺍﺣﺴﻦ .. ﺍﻱ ﺍﺭﺟﻊ .. ﻛﺎﻟﺖ ﻛﻮﻣﻲ ﻏﺴﻠﻲ ﻭﺑﺪﻟﻲ ﺍﻟﺤﺠﻲ ﺟﺎﻱ .. ﻫﺴﺔ .. ﻛﺘﻠﻬﺎ ﺍﺧﺎﻑ .. ﻻ ﺗﺨﺎﻓﻴﻦ ﺿﻴﺎﺀ .. ﻛﻌﺪﻫﻢ .. ﺑﻠﺪﻳﻮﺍﻥ .. ﺍﺧﺬﺕ ﺑﺘﻬﺎ ﻭﻳﺎﻳﻪ .. ﻭﻃﻠﻌﺖ .. ﺻﻌﺪﺕ .. ﻓﻮﻙ .. ﻃﺒﻴﺖ ﻟﻠﻐﺮﻓﻪ .. ﻃﻠﻌﺖ .. ﻫﺪﻭﻡ .. ﻭﺭﺣﺖ .. ﻏﺴﻠﺖ ﺍﺑﺎﻉ . ﺣﻠﻜﻲ .. ﻣﺸﻜﻮﻙ .. ﻭﺟﻮﺓ ﻋﻴﻨﻲ ﺍﺣﻤﺮ ﻣﺎﻝ ﻟﻄﻢ .. ﻭﺧﺪﻭﺩﻱ ﻣﺨﺮﻣﺸﺎﺕ .. ﺍﺩﻭﺭ ﺑﺠﺴﻤﻲ .. ﺿﺮﺑﻪ ﺍﻟﺤﺰﺍﻡ .. ﺣﻤﺮﺓ .. ﻭﻣﺠﻤﻊ ﺍﻟﺪﻡ ﻉ ﺯﺭﻛﻪ .. ﺩﺻﻴﺮ .. ﺑﺪﻟﺖ ﻭﻃﻠﻌﺖ .. ﻟﺒﺴﺖ ﺷﺎﻟﻲ ﻭﻧﺰﻟﺖ .... ﻳﻢ ﺳﻬﺎﻡ .. ﻃﺒﻴﺖ ﻣﺎﻛﻮ ﺑﻠﻐﺮﻓﻪ .. ﺭﺣﺖ ﻟﻠﻤﻄﺒﺦ .. ﺗﺤﻀﺮ ﻋﺸﺎ .. ﻛﺎﻟﺖ ﺍﺟﻪ ﺍﻟﺤﺠﻲ .. ﻧﺘﻌﺸﻰ .. ﻭﻧﺤﺠﻲ .. ﺑﻴﻮﻣﻬﺎ ﺑﻘﻴﺖ ﺑﻠﻤﻄﺒﺦ .. ﻣﻄﻠﻌﺖ .. ﻣﻨﻪ .. ﻭﺣﻼ ﺿﻠﺖ ﺗﺒﺴﻤﺮ ﺑﻠﺤﺠﻲ .. ﻭﺍﻧﻲ ﻛﺎﻋﺪﺓ ﻭﺳﺎﻛﺘﻪ .. ﻟﺤﺪ ﻣﺎ ﺍﻟﺤﺠﻲ .. ﺻﺎﺣﻨﻲ .. ﺭﺣﺖ .. ﻛﺎﻝ ﻓﻬﺪ .. ﻭﻟﻴﺎﻟﻲ .. ﺗﻌﺎﻟﻮ .. ﺑﻠﺪﻳﻮﺍﻥ .. ﺭﺣﺖ .. ﻛﻌﺪ ﻫﻮﺓ ﻭﺍﻧﻲ .. ﻛﻌﺪﺕ ﻣﻘﺎﺑﻴﻠﻪ .. ﻭﺍﺟﻪ ﻓﻬﺪ ﻛﻌﺪ ﺑﺼﻒ ﺍﻟﺤﺠﻲ ﺍﻟﺤﺠﻲ ﻛﻮﻣﻪ .. ﻛﻠﻪ ﻛﻮﻡ ﺍﻛﻌﺪ ﺑﺼﻒ ﻣﺮﻳﺘﻚ .. ﻛﺎﻡ ﻓﻬﺪ .. ﻛﻌﺪ ﻳﻤﻲ .. ﺑﺲ ﻣﺴﺎﻓﻪ ﺑﻴﻨﻪ .. ﺍﻟﺤﺠﻲ .. ﻳﺸﺮﺏ ﺟﺎﻱ ﻭﻳﻔﺮ ﺑﺴﺒﺤﻪ .. ﻃﺒﺖ ﺳﻬﺎﻡ .. ﻛﻠﻬﺎ ﺳﺪﻱ .. ﺍﻟﺒﺎﺏ .. ﻭﺍﻛﻌﺪﻱ .
⤵️
ﺍﻟﺤﺠﻲ ﺑﻘﻰ .. ﻳﺼﻔﻦ .. ﻓﻬﺪ ﻛﺎﻝ .. ﺣﺠﻲ .. ﻟﻮ ﺗﺪﺭﻱ ﺷﺴﻮﺕ .. ﻛﻠﺔ ﺟﺐ ﻭﻻ ﻛﻠﻤﻪ .. ﻣﻨﻚ .. ﻛﺎﻝ .. ﺍﺳﻤﻌﻲ ﻳﺎﺑﻨﺖ ﺍﻟﻌﺎﻟﻢ ... ﻣﻦ ﻧﻄﻮﺝ ﻋﻤﺎﻣﺞ ﻣﺎﺭﺿﻴﺖ ﺍﻧﻪ .. ﻻﻥ ﺍﻟﺪﻡ ﻣﻮ ﻣﻨﻪ .. ﺭﺍﺡ .. ﻫﻴﻪ ﻣﺮﻳﺖ ﻓﻬﺪ .. ﻭﻻ ﻓﻬﺪ ﺭﺿﺔ .. ﺑﺲ .. ﺣﻞ ﻟﻠﻨﺰﺍﻉ ﺍﺧﺬﻧﺎﺝ .. ﻭﻃﺒﻴﺘﻲ ﺑﻴﺘﻨﻪ .. ﻣﺎﺷﻔﺘﻲ ﺍﺫﻳﻪ ﻣﻨﻪ .. ﻧﺴﻮﺍﻧﻪ ﺣﺒﺘﺞ .. ﻭﺍﺣﻨﻪ ﻫﻢ .. ﻧﺤﺘﺮﻣﺞ .. ﻭﻧﻘﺪﺭﺝ .. ﺗﺒﻘﻰ ﺍﻧﺘﻲ .. ﻭﻓﻬﻴﺪ .. ﻣﺎﻛﺪﺭﻧﻪ .. ﻧﺼﻠﺢ .. ﺑﻴﻨﺎﺗﻜﻢ .. ﺍﻧﻪ ﺍﺧﺎﻑ ﺍﻟﻠﻪ .. ﻭﺣﺎﺝ ﺑﻴﺖ ﺍﻟﻠﻪ .. ﻣﺎﻛﻠﺞ ﻉ ﺍﻟﻔﺼﻠﻴﺎﺕ ﺷﻮﻥ ﻳﻌﺎﻣﻠﻮﻫﻢ .. ﻻ .. ﺑﺲ ﺍﻛﻠﺞ ﻣﺜﻠﻨﻪ ﻣﺎﺗﻠﻜﻴﻦ .. ﻭﻟﺨﺎﻃﺮﺡ .. ﻃﺒﻴﺖ ﺑﻴﺘﻜﻢ ﻭﺍﻛﻠﺖ ﻣﻦ ﺯﺍﺩﻛﻢ ﻭﻫﺎﻱ ﻫﻢ ﻣﺎﺭﺗﺮﻫﻢ ﺑﺲ .. ﻛﻠﺖ ﺍﻡ ﺟﻬﺎﻟﻨﻪ .. ﻭﻳﺘﻴﻤﻪ ﻭﻧﻈﻠﻤﺖ .. ﻭﺳﻬﺎﻣﻪ ﺗﺤﺒﺢ .. ﻭﺗﺤﻨﻦ ﺑﻴﻨﻪ ﻋﻠﻴﺞ .. ﻭﻟﻮ ﺍﺣﻨﻪ ﺍﻧﻮﺩﺝ ﻭﺍﻟﺸﺎﻫﺪ ﺍﻟﻠﻪ .. ﺑﺲ ﺍﻟﻴﻮﻡ ﺍﻧﺘﻲ ﺍﻟﻌﺎﻳﻠﺔ ﺍﻧﻲ ﺑﺲ ﻣﺪﻧﺠﻪ .. ﻛﺪ ﻣﺎﺑﺠﻴﺖ .. ﻋﻴﻮﻧﻲ ﻳﺒﺴﺖ .. ﻛﻤﻞ ﻛﺎﻝ ﻃﺎﻟﻌﻪ ﻣﻦ ﺍﻟﻜﻌﺪﺓ ﺑﺮﻭﺣﺞ ﻭﻣﻬﺰﻭﻣﻪ .. ﻟﻴﺶ ﻳﺎﺑﻨﺖ ﺍﻟﻌﺎﻟﻢ ﻫﺎﻱ ﻋﻴﺒﻪ ﻋﻠﻴﻨﻪ .. ﻟﻮﻣﺎ ﺳﻬﺎﻣﻪ ﺻﺎﺭﺕ ﺷﺎﻃﺮﺓ .. ﻭﻟﻤﺘﻬﺎ ﺑﺤﺠﺔ ﺗﺨﺮﺑﻄﺖ ﺍﻟﺤﺠﻴﺔ ﺟﺎﻥ ﺻﺮﻧﻪ ﻋﻠﺞ .. ﺑﺤﻠﻮﻙ ﺍﻟﻌﺎﻟﻢ .. ﺗﺮﺿﻴﻪ .. ﻳﺎﺑﻨﻴﺘﻲ .. ﺍﻧﺘﻲ ﺻﻐﻴﺮﺓ .. ﻃﻠﻌﻴﻦ .. ﺑﻠﻴﻞ ﺑﻬﻠﺠﻮﻝ .. ﺗﻌﺮﻓﻴﻦ ﺷﻴﺼﻴﺮ ﺑﻴﺞ .. ﻭﻣﺮﺟﻮﻋﺞ ﻋﻠﻴﻨﻪ .. ﺍﻧﻲ ﺑﺲ ﺍﺳﻤﻊ .. ﺍﺑﺎﻉ ﻋﻠﻰ ﻓﻬﺪ ﻳﻠﻮﺏ ﻣﻴﻌﺮﻑ ﻳﻄﻚ ﺍﺻﺎﺑﻴﻌﻪ .. ﻣﺎﺛﺒﺖ ... ﺍﺑﺪ ﺭﺩ ﻛﺎﻝ ﺍﻟﺤﺠﻲ ﻓﻬﺪ .. ﺍﻭﻑ ﻣﻨﻚ .. ﺣﺠﻲ .. ﺍﺳﻤﻊ .. ﺍﺳﻜﺖ .. ﺍﻋﺮﻑ ﻣﺎﺗﺮﻳﺪﻫﺎ .. ﻭﻛﻠﺖ ﺯﻭﺟﻮﻧﻲ .. ﻭﺷﻔﻨﺎﻟﻚ ﻣﺮﺓ .. ﺑﻌﺪ ﺷﻜﻮ .. ﺍﻧﺴﻰ .. ﺗﻬﺪﻩ ﻭﻃﻠﻚ .. ﺍﻧﺴﻰ .. ﻣﺎﻃﻠﻚ .. ﺧﻮﺵ .. ﻣﻦ ﻭﺭﺍﻙ ﺍﻟﺤﺠﻴﻪ ﺗﺨﺮﺑﻄﺖ ﻭﻣﻦ ﻣﺸﺎﻛﻠﻚ ﻣﻨﺎﻭﻱ ﺗﻌﻘﻞ .. ﻋﺎﺩ ﻣﺎﺗﺮﻳﺪﻫﺎ .. ﻣﺎﻟﻚ ﺷﻐﻞ ﺑﻴﻬﺎ .. ﻋﻮﻓﻬﺎ ﻭﻱ ﺍﻟﺒﻨﺎﺕ .. ﻋﺎﻳﺸﻪ .. ﻭﺍﺯﻭﺝ .. ﻭﻋﻴﺶ . ﻭﺧﻠﻒ . ﻣﺤﺪ ﻻﺯﻣﻚ .. ﺍﻧﻲ ﻣﻦ ﻛﺎﻝ ﺍﺯﻭﺝ .. ﻭﻋﻴﺶ .. ﺣﻴﻠﻲ ﺍﻧﻬﺪ .. ﻛﻤﺖ ﺍﺑﺠﻲ .. ﺑﺼﻮﺕ .. ﻋﺎﻟﻲ .. ﺍﻟﺤﺠﻲ ﻛﺎﻝ .. ﻟﻴﺎﻟﻲ ﺍﺣﺠﻲ ﺍﺳﻤﻌﺞ .. ﻣﺎﻛﺪﺭ ﺍﺣﺠﻲ .. ﻓﻬﺪ ﻛﺎﻝ ﺷﺘﺤﺠﻲ .. ﺣﺠﻲ ﻭﺍﻛﻔﻪ ﻭﺍﻟﺰﻟﻢ ﻣﻠﺘﻤﻪ ﻋﻠﻴﻬﺎ ﻳﻜﻮﻟﻮﻥ .. ﻭﺣﺪﺓ ﻫﺎﻱ ﺷﻐﻠﺘﻬﺎ ﻭﺍﻛﻔﻪ ﻫﻨﺎﻙ .. ﺗﺮﺿﺎﻫﺎ .. ﻭﺗﻜﻮﻟﻲ ﺍﻋﻘﻞ ﺷﻌﻘﻞ .. ﺩﺧﻴﻞ ﺍﻟﻠﻪ ﺍﻧﻲ ﻫﻴﺞ ﻣﺮﺓ ﻛﻮﻳﻪ ﻭﻣﺎﺗﺴﻤﻊ ﻛﻼﻡ .. ﻣﺎﺭﻳﺪﻫﺎ .. ﻭﺍﻥ ﺟﺎﻧﺖ ﻭﻳﺎﻧﻪ ﺑﻠﺒﻴﺖ .. ﻓﺎﺭﺑﻴﻬﺎ ﻣﻦ ﺟﺪﻳﺪ .. ﻭﺍﺻﻼ ﻛﺎﺭﻫﻪ ﺍﻧﻲ .. ﻳﺎﺭﻳﺖ ﻣﺎﺷﻮﻑ ﺧﻠﻔﺘﻬﺎ ﺍﻟﺰﻓﺮﺓ ﺑﻌﺪ ... ﻛﺎﻡ ﻓﻬﺪ .. ﺍﻟﺤﺠﻲ ﻛﻠﻪ ﺍﺣﺠﻲ ﻋﺪﻝ .. ﻓﻬﻴﺪ .. ﺣﺠﻲ ﻃﻠﻌﺘﻨﻲ ﻣﻦ ﻃﻮﺭﻱ .. ﺍﻛﻮﻟﻬﺎ ﻻ ﺗﻠﺒﺴﻴﻦ ﺗﻠﺒﺲ ﺍﻛﻠﻬﺎ ﻻ ﺳﻮﻳﻦ ﺗﺴﻮﻱ ﺍﺗﻘﺮﺏ ﺍﻟﻬﺎ ﺍﺻﺪﻧﻲ .. ﺷﺴﻮﻱ ﻭﻳﺎﻫﺎ .. ﺍﻻ ﺍﺭﺑﻴﻬﺎ ﻣﻦ ﺟﺪﻳﺪ .. ﻫﻠﺤﻀﻴﺮﻳﻪ ﺑﻨﺖ ﺍﻟﻮﻻﻳﻪ .. ﺭﺩ ﻛﻠﻪ ﺍﻟﺤﺠﻲ .. ﻭﺍﺧﻮﻙ ﺷﻮﻥ ﺗﺘﻌﺪﺓ ﻋﻠﻴﻪ ﻭﻫﻮ ﺍﻛﺒﺮ ﻣﻨﻚ .. ﺧﻮﻳﻪ ﻭﺍﻟﻠﻪ ﺑﺰﻋﺘﻨﻲ .. ﺍﻛﻠﻪ ﺍﺷﻮﻑ ﺍﻟﺰﻟﻢ ﻭﺍﻛﻔﻪ ﻋﻠﻴﻬﺎ ﻣﺰﻳﻦ ﻣﺎ ﺩﺳﺖ ﺭﺍﺳﻬﺎ ﺑﺴﻴﺎﺭﺓ .. ﺗﺨﺒﻠﺖ .. ﻭﺍﻟﻠﻪ .. ﻭﻛﺘﻠﺖ ﺍﻟﻮﺍﺩﻡ ﻭﺗﺎﻟﻲ ﻓﻬﺪ . ﻭﻟﻴﺎﻝ ﻭﺗﺎﻟﻲ ﻧﻌﻮﻑ ﺍﻟﺮﺑﻌﻪ . ﻭﺍﻟﻌﺎﻟﻢ . ﻭﻧﻜﻌﺪ ﻧﺤﻞ .. ﻣﺸﺎﻛﻠﻜﻢ .. ﺍﻧﻲ ﺍﺧﺬﺕ ﻧﻔﺲ ﻋﻤﻴﻖ ... ﻭﺑﺎﻭﻋﺖ ﻉ ﺳﻬﺎﻡ .. ﺍﺷﺮﺕ ﺍﻟﻲ ﺍﺣﺠﻲ .. ﺟﺮﻳﺖ ﻳﻤﻲ .. ﻣﻲ ﺷﺮﺑﺘﻪ .. ﺑﺲ ﺍﺭﺟﻒ .. ﻭﻛﺘﻠﻪ .. ﺣﺠﻲ ﺍﻛﺪﺭ ﺍﺣﺠﻲ ﻫﺴﺔ .. ﺍﺣﺠﻲ .. ﻓﻬﺪ ﻛﺎﻝ ﺍﻧﻲ ﻃﺎﻟﻊ .. ﺍﻟﺤﺠﻲ ﻋﺎﻁ ﺑﻲ ﺍﻛﻌﺪ .. ﻛﻌﺪ .. ﻛﺘﻠﻪ ﺣﺠﻲ .. ﺟﻴﺘﻜﻢ ﺩﻓﻊ .. ﻭﺍﺗﺤﺴﺮ ﻭﺍﺗﻠﻔﺖ ﻉ ﺍﻫﻠﻲ .. ﻻ ﻫﻠﻬﻮﻟﻪ ﻭﻻ ﺻﻔﻜﻪ .. ﻭﺩﻓﻌﺖ ﺫﻧﺐ ﻣﻤﺴﻮﻳﺘﻪ ﺍﻧﻲ .. ﻭﻣﻦ ﺍﻭﻝ ﻳﻮﻡ ﺗﻬﺠﻢ ﻋﻠﻴﻪ ﻓﻬﺪ .. ﻭﺭﺍﺩ ﻳﻀﺮﺑﻨﻲ .. ﻭﺑﻘﻴﺖ .. ﻛﺎﻋﺪﺓ ﻭﺳﺎﻛﺘﻪ .. ﻣﺎﻋﺪﺍ ﺍﻟﺘﻌﻴﺮ .. ﻓﺼﻠﻴﻪ ﻭﻓﺼﻠﻴﺔ .. ﻣﻮ ﺻﺢ .. ﻛﻤﻠﻲ ﻭﻣﺸﺖ ﺍﻻﻳﺎﻡ ﻭﻣﺸﺎﻛﻞ .. ﺯﺍﺩﺕ .. ﻭﺭﺟﻌﺖ ﻻﻫﻠﻲ ﻭﺟﻴﺘﻮ ﺍﺧﺬﺗﻮﻧﻲ .. ﺭﺟﻌﺖ ﻭﻛﻠﺖ ﻫﺎﻱ ﺣﻴﺎﺗﻲ .. ﻭﻳﺸﻬﺪ ﺍﻟﻠﻪ ﻋﻠﻴﻪ ﺍﺣﺒﻜﻢ .. ﻣﺜﻞ ﻣﺘﺤﺒﻮﻧﻲ ﻭﺍﻛﺜﺮ .. ﻭﺻﺎﺭﺕ ﺍﻟﺨﻄﺒﻪ .. ﻭﺍﺧﺬﻧﻲ ﻓﻬﺪ .. ﻭﻳﺎ .. ﺍﻱ .. ﻛﻤﻠﻲ .. ﺍﺧﺘﻨﻜﺖ .. ﺳﻜﺘﺖ .. ﻛﻤﻠﻲ .. ﺳﻬﺎﻡ .. ﻛﺎﻟﺖ ﺣﺠﻲ ﻉ ﻛﻴﻒ ﻭﻱ ﺍﻟﺒﻨﻴﻪ .. ﻋﻮﻓﻬﺎ ﺑﺮﺍﺣﺘﻬﺎ ﺗﺮﺓ ﺯﻭﺭﻙ .. ﻣﺎﺗﺘﺤﻤﻞ .. ﻓﻬﺪ ﻛﺎﻝ .. ﺣﺠﻲ ﻧﺴﻮﺍﻥ ﻫﺬﺍ ﺑﻼ ﻣﻌﻨﻰ ﺷﻨﻮ ﺍﻟﻌﺬﺭ .. ﺑﺎﻭﻋﺖ ﻋﻠﻴﻪ .. ﻭﺍﻛﻒ .. ﻭﻣﺠﺘﻒ ﺍﻳﺪﺓ .. ﻛﺘﻠﻪ .. ﺣﺠﻲ ﻣﻦ ﺗﻘﺮﺑﻠﻲ .. ﺻﺪﻳﺘﻪ ﻻﻥ ﺍﻧﻲ ﻓﺼﻠﻴﻪ ﻣﺎﺭﻳﺪ ﺍﺗﻌﻴﺮ ﺍﻧﻲ ﻭﺟﻬﺎﻟﻲ .. ﺑﻌﺪﻳﻦ .. ﻣﺜﻞ ﻣﺎ ﻫﺴﻪ ﻳﻌﻴﺮ ﺑﻴﻪ ﺑﻜﻞ ﺣﺠﺎﻳﻪ .. ﻓﻬﺪ ﻛﺎﻝ ﻛﺎﻣﺖ ﺗﺨﺮﺑﻂ .. ﺧﻮﻳﻪ ﺧﻠﻲ ﺍﻃﻠﻊ ﻓﺪﻭﺓ .. ﺭﺍﺡ ﺍﺑﺘﻠﻲ ﺑﻴﻬﺎ ﻫﺎﺍﺍ ﻣﻮ ﺗﻜﻮﻝ .. ﺍﻛﻌﺪ ﻭﺍﺳﻜﺖ ﺷﻮ ﻣﺎﺗﺤﺘﺮﻡ ﺍﻧﺖ .. ﻛﻤﻠﻲ ﻟﻴﺎﻟﻲ .. ﻛﺘﻠﻪ .. ﻣﻦ ﺷﻔﺘﺔ ﻋﺮﻳﺲ .. ﻭﻳﻢ ﻋﺮﻭﺳﺘﻪ .. ﻭﻟﺒﺴﻮﻫﺎ ﺍﻟﺒﻨﺎﺕ ﺍﻟﻨﻴﺸﺎﻥ .. ﺗﺨﺒﻠﺖ .. ﻣﺎﻛﺪﺭﺕ .. ﻭﺍﺧﺘﻨﻜﺖ .. ﺍﻛﺜﺮ .. ﻳﻌﻨﻲ ﻛﻞ ﻫﺬﺍ ﻣﻌﺸﺘﻪ .. ﻭﺍﻧﻲ ﻣﺮﺗﻪ .. ﻫﻢ .. ﻣﺴﻮﻳﺖ ﺫﻧﺐ .. ﺻﻐﺮ ﺑﻌﻴﻨﻲ ﺍﻟﻜﻮﻥ ﻭﻃﻠﻌﺖ .. ﻛﻠﺖ ﺍﺭ ﺟﻊ ﻻﻫﻠﻲ ﻣﺎﺗﺤﻤﻞ ﺑﻌﺪ ﺍﻧﺬﺑﺤﺖ .. ﺣﺠﻲ ﻭﺍﻟﻠﻪ ﺫﺑﺤﻨﻲ ﺑﺎﻳﺪﺓ .. ﻣﺎﺗﺤﻤﻠﺖ ﺍﺷﻮﻓﻪ .. ﻭﻱ ﻏﻴﺮﻱ .. ﻭﺍﻟﺤﻞ ﺷﻨﻮ .. ﻭﻳﺎﻛﻢ ﻫﺴﺔ .. ﻛﺘﻠﻪ ﻳﻄﻠﻜﻨﻲ ﻓﺪﻭﺓ ﺗﻜﺴﺐ ﺍﺟﺮ ﻭﺛﻮﺍﺏ .. ﻓﻬﺪ ﻛﺎﻝ .. ﻣﺎﻃﻠﻚ .. ﻟﻮ ﺗﻤﻮﺗﻴﻦ .. ﺍﻟﺤﺠﻲ ﻛﻠﻬﺎ ﻟﺴﻬﺎﻡ .. ﻫﺎﻱ ﺳﺎﻟﻔﺘﻬﻢ .. ﺍﻧﻪ ﺍﻣﻮﺕ ﻭﻣﺎﺗﺨﻠﺺ .. ﻳﻤﻪ ﺍﺳﻢ ﺍﻟﻠﻪ ﻋﻠﻴﻚ ﺑﻌﺪﻭﻳﻚ .. ﺣﺠﻲ .. ﻭﻫﻢ ﻣﺎﻭﺻﻠﻨﻪ ﻟﺤﻞ .. ﻋﻤﻲ .. ﻻ ﻳﻄﻠﻜﻨﻲ ﺧﻠﻲ ﺑﺲ ﺍﺭﻭﺡ ﻟﻠﻬﻠﻲ ﻣﺎﺭﻳﺪ ﺍﺯﻭﺝ ﻭﺍﻟﻠﻪ .. ﺑﻨﻴﺘﻲ .. ﺷﻨﻮ ﻫﻞ ﺍﻟﺤﺠﻲ ... ﻣﻮ ﺣﻞ ﻫﺬﺍ ... ﻓﻬﺪ .. ﺗﻌﺬﺭ ﻣﻦ ﺍﻟﺤﺠﻲ . ﻭﻃﻠﻊ .... ﻭﺑﻘﻴﺖ ﻭﺣﺪﻱ ﻳﻤﻬﻢ .. ﺍﻧﻲ ﻫﻢ ﺗﻌﺬﺭﺕ ﻭﻃﻠﻌﺖ .. ﺻﻌﺪﺕ ﻓﻮﻙ .. ﺷﻔﺘﻪ ﺩﻳﺒﺪﻝ .. ﺩﺍﺭ ﻭﺟﻬﻪ .. ﻋﻠﻴﻪ .. ﻭﻛﻤﻞ ﺗﺒﺪﻳﻞ ... ﺍﻧﺪﺍﺭ ﻛﻠﻲ ﻛﻮﻣﻲ ﺳﻮﻱ ﻟﻜﻤﻪ .. ﺍﻟﻲ .. ﺍﻧﻲ ﺑﺪﻭﻥ ﻛﻼﻡ ﻧﺰﻟﺖ .. ﺟﻮﺓ .. ﺑﺪﻳﺖ ﺍﺣﻀﺮ ﺍﻟﻪ ﺍﻛﻞ .. ﺟﺘﻲ ﺳﻬﺎﻡ ﻳﻤﻲ .. ﻛﺎﻟﺖ ﻏﺒﺮﺓ ﻳﺤﺒﺞ ﻭﺍﻟﻠﻪ ﺑﺲ ﻛﻤﺘﻲ ﻛﺎﻡ ﻭﺭﺍﺝ ﻭﻟﺞ .. ﻳﻌﺸﻜﺞ ﺭﺣﺘﻮ ﺍﻧﺘﻮ .. ﺍﻧﻪ ﻭﺍﻟﺤﺠﻲ ﺿﻠﻴﻨﻪ ﻧﻀﺤﻚ ﻋﻠﻴﻜﻢ .. ﺳﻮﻳﻠﻪ ﻟﻜﻤﻪ ﻭﺭﺍﺿﻲ ﺯﻟﻤﺘﺞ .. ﺳﻜﺘﺖ ﻛﺘﻠﻬﺎ ﺳﻬﺎﻡ .. ﺍﺫﺍﻧﻲ .. ﻫﻮﺍﻳﻪ .. ﻣﻴﺨﺎﻟﻒ ﺧﻴﻪ ﺗﺤﻤﻠﻲ ﺍﺑﻮ ﺑﻴﺘﺞ ﻫﺬﺍ .. ﻭﻣﺮﺗﻪ .. ﻣﺎﺗﺤﻤﻞ ﺿﺮﺓ ﺍﻣﻮﺕ .. ﻛﺎﻟﺖ .. ﻫﺎﻱ ﻋﻠﻪ ﺧﻴﻪ .. ﺍﻧﺘﻲ ﻭﺷﻄﺎﺭﺗﺞ ﺑﻌﺪ .. ﻣﺎﻋﺮﻑ ﺳﻬﺎﻡ .. ﺗﻌﺒﺖ ﻭﺍﻟﻠﻪ .. ﺑﻌﺪﺝ ﻭﻳﻦ ﻭﻳﻦ ﺍﻟﺘﻌﺐ .. ﺧﻴﻪ .. ﺑﻌﺪﺝ ﺑﻼﻭﻝ .. ﻣﻦ ﻃﻠﻌﺘﻲ ﻣﻦ ﺍﻟﻜﻌﺪﺓ .. ﻓﺰ ﻣﻦ ﻣﻜﺎﻧﻪ ﻳﺴﺎﻝ ﻋﻨﺞ .. ﻛﺘﻠﻪ ﺑﻠﺤﻤﺎﻡ .. ﺗﻌﺬﺭ ﻳﺪﺧﻦ .. ﺍﻭﻭﻑ ﺍﻭﻭﻑ ﺑﻄﻴﺘﻲ ﺍﻟﺠﻠﻮﺓ .. ﻣﻦ ﺩﻫﺮ ﺻﺎﺑﺞ .. ﺷﺴﻮﻱ ﻫﺴﺔ .. ﻛﺎﻟﺖ ﺳﻮﻱ ﺍﻟﻲ ﻳﺸﻮﺭﺓ ﻋﻠﻴﺞ ﻛﻠﺒﺞ .. ﻛﻤﻠﺖ ﺍﻟﻌﺸﺎ .. ﻭﺍﺧﺬﺗﻪ ﻭﺻﻌﺪﺕ .. ﻛﺎﻋﺪ .. ﺑﻠﻜﺎﻉ .. ﺧﻠﻴﺖ ﺍﻻﻛﻞ ﻳﻤﻪ .. ﻭ ﺭﺣﺖ ﻣﺪﺩﺕ ﺑﻔﺮﺍﺷﻲ .. ﻳﻌﻨﻲ ﺷﻮﻥ ﻫﺴﺔ ﺍﺭﻭﺡ ﺍﺭﺍﺿﻲ ﻭﻫﻮﺓ ﺍﻟﻲ ﺍﺫﺍﻧﻲ ﻣﺎﺗﺮﻫﻢ ﻭﺍﻟﻠﻪ ... ﻓﻮﻙ ﺍﻟﻘﻬﺮ ﻭﺍﻟﻀﺮﺏ ﻭﺍﻻﻫﺎﻧﻪ ﺍﺩﻭﺱ ﻉ ﻧﻔﺴﻲ .. ﻣﺎﺍﺍﻩ .. ﻣﺎﺣﺎﺟﻲ .. ﻭﺷﻮﻑ ﺍﻟﻠﻪ ﺷﻮﻛﺖ ﻳﻔﺮﺟﻬﺎ ﻋﻠﻴﻪ .. ﻭﺍﺑﻮﻳﻪ ﻳﻄﻠﻊ ﻭﻳﺎﺧﺬﻧﻲ .. ﺩﺭﺕ ﻭﺟﻬﻲ ﻋﻠﻴﺔ .. ﻛﻠﺖ ﺍﺥ ﻣﻦ ﺍﻟﻀﺮﺏ . ﺍﻧﺪﺍﺭ ﻋﻠﻴﻪ .. ﺑﺎﻭﻉ ﺭﺟﻊ ﻳﺎﻛﻞ .. ﺍﻭﻭﻑ ﻳﺎﺭﺑﻲ .. ﺷﺴﻮﻱ .. ﺍﺑﺎﻭﻉ ﻋﻠﻴﻪ ﺍﺳﺮﺡ ﺍﺗﻤﻨﻰ ﻏﻴﺮ ﻃﺒﻊ ﻭﻏﻴﺮ ﻭﻛﺖ ﻋﺮﻓﺘﻪ ﺑﻲ .. ﻻﻥ ﺻﺪﻙ ﺑﺪﻳﺖ ﺍﺣﺒﻪ .. ﻭﺍﻓﻜﺮ ﺑﻲ ﻭﻣﺘﺖ ﻟﻤﻦ ﺷﻔﺘﻪ ﻭﻱ ﻏﻴﺮﻱ .. ﻛﻤﻞ ﺍﻻﻛﻞ . ﻭﻃﻠﻊ ﻏﺴﻞ .. ﻭﺭﺍﺩ ﺟﺎﻱ ... ﻫﻢ ﻧﺰﻟﺖ .. ﺳﻮﻳﺖ ﺍﻟﻪ ﻭﻏﺴﻠﺖ ﺍﻟﻤﻮﺍﻋﻴﻦ .. ﺟﺘﻲ ﺣﻼ .. ﺿﻠﺖ ﺗﻠﻮﺏ ﻳﻤﻲ .. ﻛﺎﻟﺖ ﻭﺣﻖ ﺍﻟﻠﻪ ﺍﺩﻓﻨﺞ ﺍﺫﺍ ﺧﻠﻴﺘﻲ ﻋﻴﻨﺞ ﻉ ﺭﺟﻠﻲ .. ﻛﺘﻠﻪ ﻋﻴﺐ ﺷﺪﺗﺤﺠﻴﻦ .. ﻣﺜﻞ ﺍﺧﻮﻳﻪ .. ﺍﺧﻮﺝ ﻣﻮ ﺍﺧﻮﺝ .. ﻻ ﻋﺒﺎﻟﺞ ﻓﺎﻫﻴﻪ ﺍﻧﻪ .. ﻻ ﺍﺧﺰﻳﺞ ﻭﺍﺷﻬﺮﺝ ﻛﺘﻠﻬﺎ ﻋﻴﻨﻲ .. ﻋﻠﻴﻤﻦ ﺗﺨﺰﻳﻨﻲ ﻭﺷﻬﺮﻳﻨﻲ .. ﺷﻤﺴﻮﻳﻪ ﺍﻧﻲ ﺍﻟﻮﻟﺪ ﺩﺍﻓﻊ ﻋﻨﻲ ﺍﻟﻠﻪ ﻳﺠﺰﻱ ﺧﻴﺮ .. ﻭﻣﺜﻞ ﺍﺧﻮﻳﻪ .. ﻃﺒﺖ ﺳﻬﺎﻡ .. ﺷﻌﺪﺟﻦ ﻫﻨﺎ ﺗﺘﺒﺴﺒﺴﻦ ... ﻛﺎﻟﺖ ﺣﻼ ﻻ ﻣﺎﻛﻮ .. ﻭﺭﺍﺣﺖ .. ﺳﺎﻟﺘﻨﻲ ﺷﺒﻴﻬﺎ .. ﻛﺘﻠﻬﺎ ﻫﻴﺞ .. ﺗﻜﻮﻝ .. ﻛﺎﻟﺖ ﻣﺎﻋﻠﻴﺞ ﺗﻬﺬﺭﻱ .. ﻫﺎﻱ ﺑﺎﺟﺮ ﺍﺿﺒﻬﺎ .. ﻳﻼ ﺭﺍﺡ ﺍﻃﻔﻲ ﺍﻻﺿﻮﻳﻪ ﻭﺍﻗﻔﻞ ﺍﻟﺒﻮﺏ .. ﺗﺼﺒﺤﻴﻦ ﻉ ﺧﻴﺮ .. ﻭﺍﻧﺘﻲ ﻣﻦ ﺍﻫﻠﻪ .. ﻭﻋﻔﺘﻬﺎ ﻭﺻﻌﺪﺕ .. ﻓﻬﺪ ﻳﺒﺎﻉ ﻓﻠﻢ .. ﺍﻧﻲ ﺧﻠﻴﺖ ﻳﻤﻪ ﺍﻟﺼﻴﻨﻴﺔ ﻭﺻﺒﻴﺖ ﺍﻟﺠﺎﻱ .. ﻭﻛﻌﺪﺕ ﻛﺒﺎﻟﺔ .. ﻛﺘﻠﻪ ﻓﻬﺪ .. ﻟﻴﺶ .. ﺷﻨﻮ ﻟﻴﺶ .. ﺗﺎﺫﻳﻨﻲ .. ﻣﺎﻣﺎﺫﻳﺞ ﺍﻧﻪ ﺍﻧﺘﻲ ﻣﺎﺗﻌﺮﻓﻴﻦ .. ﺗﺼﺮﻓﻴﻦ .. ﺗﺨﺮﺑﻄﻴﻦ ﺑﺮﻭﺣﺞ .. ﻻ ﺗﺎﺫﻳﻨﻲ .. ﺑﻜﻞ ﺷﻲ .. ﺑﺤﺠﻴﻚ ﺑﻜﻠﺸﻲ .. ﻛﺘﻠﻪ ﺷﻮﻑ ﺷﻮﻥ ﻣﺰﻭﻙ ﺟﺴﻤﻲ .. ﻣﻮﺣﺮﺍﻡ ﻋﻠﻴﻚ .. ﺗﺴﺘﺎﻫﻠﻴﻦ .. ﺍﺳﺘﺎﻫﻞ ﻣﻮ ﺍﻧﻲ .. ﺣﻴﻮﺍﻧﻪ .. ﻳﻤﻚ .. ﻭﺍﺳﺘﺎﻫﻞ .. ﺍﻧﻲ ﺑﺸﺮ ﻭﺍﻫﻠﻲ ﺗﻌﺒﻮ ﻋﻠﻴﻪ ﻣﻮ ﺑﺲ .. ﺍﻧﺖ .. ﺑﺸﺮ .. ﺣﺮﺍﻡ ﻋﻠﻴﻚ ﺍﻟﻲ ﺗﺴﻮﻱ ﺑﻴﻪ .. ﺍﺟﻪ ﻳﻤﻲ .. ﻛﺎﻝ .. ﻫﺎ ﺑﺪﺕ .. ﻣﺘﻌﺮﻓﻴﻦ ﺍﺳﻜﺘﻴﻦ .. ﺍﻻ ﺗﺤﺠﻴﻦ .. ﻻ ﻣﻮ ﻫﻴﺞ ﺑﺲ ﺩﺍﻛﻮﻟﻚ .. ﻻ ﺗﻜﻠﻴﻠﻲ .. ﻭﻻ ﺷﻲ .. ﺍﺳﻜﺘﻲ ﻭﺳﻤﻌﻲ ﻛﻼﻡ .. ﺗﻘﺮﺏ ﻣﻨﻲ ﺍﻛﺜﺮ .. ﺗﻌﺮﻓﻴﻦ .. ﺷﺼﺎﺭ ﺑﻴﻪ ﺍﻟﻴﻮﻡ ﻣﻦ ﺭﺣﺘﻲ .. ﻫﺰﻳﺖ ﺑﺮﺍﺳﻲ ﻻ .. ﻋﻘﻞ ﻣﺎﺿﻞ ﺑﻲ ... ﻛﻤﺖ ﺍﻓﺘﺮ ﻣﺜﻞ ﺍﻟﻤﺨﺒﻞ .. ﻛﺘﻠﺞ ﺍﻧﺘﻲ .. ﻣﺎﻟﺘﻲ .. ﺑﺎﺳﻤﻲ .. ﺗﺎﺑﻌﻪ ﻟﻔﻬﺪ .. ﺍﻱ .... ﺗﺎﺑﻌﻪ ﺍﻟﻚ .. ﺑﺲ ﺍﻧﺖ ﺗﺎﺫﻳﻨﻲ .. ﺳﺪ .. ﺣﻠﻜﻲ ﺑﺎﻳﺪﺓ ... ﻭﻛﺎﻝ ﻣﺘﻌﺮﻓﻴﻦ ﺳﻜﺘﻴﻦ ... ﺍﺷﺸﺲ ..... ﻟﻴﺎﻝ ﺗﻌﺠﺒﻴﻨﻲ ..... ﻧﻔﺴﻲ ﺻﺎﺭ ﺳﺮﻳﻊ .. ﻭﻛﻠﺒﻲ .. ﻣﻦ ﺍﻟﺪﺷﺪﺍﺷﻪ .. ﺍﺷﻮﻓﻪ ﻳﺮﺟﻒ .. ﻓﻬﺪ .. ﻋﻴﻮﻧﻪ ... ﺍﻛﻮ ﻓﺮﻕ ﺑﻴﻦ ﺍﻟﺤﺐ ﻭﺑﻴﻦ ﺍﻟﺮﻏﺒﻪ . ﺍﻧﺖ ﺷﻨﻮ ﺑﻴﻬﻢ .... ﺍﻧﻲ ﻣﺎﻋﺮﻓﻚ .. ﻭﻻ ﻳﻮﻡ ﺣﺠﻴﺖ ﻋﻦ ﻧﻔﺴﻚ .. ﺷﻌﻮﺭﻙ .. ﺷﻲ .. ﺻﻮﺗﻪ ﺑﺪﺓ ﻳﻨﺼﻪ .. ﻛﻠﻲ ﻣﺎﻋﺮﻑ .. ﺑﺲ ﻣﻦ ﺷﻔﺘﺞ .. ﺗﺮﻛﺼﻴﻦ ﻭﻳﺒﺎﻋﻮﻥ ﻋﻠﻴﺞ .. ﺷﺒﺖ ﻧﺎﺭ ﺑﻴﻪ .. ﺍﺭﻳﺪﺝ ﺍﻟﻲ ﻭﺣﺪﻱ ﻭﻟﻌﻴﻮﻧﻲ ﺑﺲ .. ﻣﺎﺭﻳﺪ ﺍﺣﺪ .. ﻳﺴﻤﻊ ﺻﻮﺗﺞ .. ﻭﻳﺸﻮﻓﺞ .. ﺍﻟﻲ ﺑﺲ ﺍﻧﻲ .. ﺗﻔﺘﻬﻤﻴﻦ .. ﺍﻱ ﺍﻓﻬﻤﻚ .. ﺑﺲ ﺍﺭﻳﺪ ﺍﻋﺮﻑ .. ﺍﻧﻲ ﺷﻨﻮ ﺑﻠﻨﺴﺒﻪ ﺍﻟﻚ
↙️
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء