رواية حب بالصدفه الجزء الثاني
للكاتبة زينب عطر الورد
↙️
ﻧﻮﺭ ... ﻭﻫﻲ ﺍﻟﺨﺎﻳﻔﺔ ﻣﻦ ﺍﻟﻴﻤﻬﺎ ﻻﻥ ﺗﻌﺮﻑ ﻣﺎ ﺭﺍﺡ ﻳﻤﺮﺭﻫﺎ ﻉ ﺧﻴﺮ ﻭﺍﺗﻨﺪﻣﺖ ﻻﻥ ﻋﺎﻧﺪﺕ ﻋﻤﺎﺭ ﺍﻛﺜﺮ ﺷﻲ ﻳﻜﺮﻩ ﺍﻻﻋﻨﺎﺩ ﻋﻤﺎﺭ .. ﻳﻼ ﻭﺻﻠﻨﻪ ﺗﻌﺎﻟﻲ ﺍﻧﺰﻟﻲ
ﻧﻮﺭ .. ﺷﻔﺖ ﻭﺻﻠﻨﻲ ﺍﻟﻤﺤﻞ ﻣﻼﺑﺲ ﻋﺮﻓﺖ ﺭﺍﺡ ﻳﺸﺘﺮﻳﻠﻲ ﺻﺪﺭﻳﺔ ﻛﻠﻴﺘﻠﻪ ﻣﺎ ﺍﻧﺰﻝ ﺷﺘﺮﻳﺪ ﺍﺳﻮﻱ ﺳﻮﻱ ﻣﺎﺭﺍﺡ ﺍﻧﺰﻝ ﻭﻻ ﺍﺑﺪﻝ ﺻﺪﺭﻳﺘﻲ ﻭﻳﻼ ﺭﺟﻌﻨﻲ ﻟﻤﺪﺭﺳﺔ ﺭﺍﺡ ﺑﻌﺪ ﻣﺎﻳﺪﺧﻠﻮﻧﻲ
ﻋﻤﺎﺭ .... ﻭﺑﺼﻮﺕ ﻛﻠﻪ ﺧﺸﻮﻧﻪ ﺍﻧﺰﻟﻲ ﻻ ﻃﺎﻟﻌﻴﻦ ﺍﺧﺒﺎﻻﺗﻲ ﻋﻠﻴﺞ ﻟﺞ ﺍﺗﺮﻳﺪﻳﻦ ﺍﻃﻠﻌﻴﻦ ﺑﻬﺎﻱ ﺍﻟﺼﺪﺭﻳﺔ ﻣﺎﺷﻮﻓﻴﻬﺎ ﺍﺷﻠﻮﻥ ﺿﻴﻜﻪ ﻋﻠﻴﺞ ﻭﻳﺎﻫﻮ ﺍﻟﻴﺠﻲ ﺍﻳﺒﺎﻭﻉ ﻋﻠﻴﺞ
ﻧﻮﺭ ... ﻣﺎ ﻣﺎ ﻣﺎ ﺍﻧﺰﻝ ﻟﻮﺗﻤﻮﺕ
ﻋﻤﺎﺭ .. ﺍﻧﺘﻲ ﻣﻮ ﻣﺎﻝ ﻭﺍﺣﺪ ﻳﺤﺠﻲ ﻭﻳﺎﺝ ﺑﺘﻔﺎﻫﻢ
ﻧﺰﻝ ﻋﻤﺎﺭ ﻣﻦ ﺳﻴﺎﺭﺓ ﻭﺭﺍﺡ ﻓﺘﺢ ﺍﻟﺒﺎﺏ ﻟﺰﻡ ﻧﻮﺭ ﻣﻦ ﺍﺩﻳﻬﺎ ﻭﻃﻠﻌﻬﺎ ﺑﺤﻴﺚ ﺻﺎﺭﺕ ﻗﺮﻳﺒﻪ ﻋﻠﻴﻪ ﺑﻘﻰ ﻻﺯﻡ ﺍﺩﻳﻬﺎ ﻭﻫﻮ ﻣﺴﻄﻮﺭ ﺑﻌﻄﺮﻫﺎ ﺩﺧﻞ ﻟﻠﻤﺤﻞ ﺳﻠﻢ ﻉ ﺍﻟﻮﻟﺪ
ﻧﻮﺭ .. ﺑﻌﺪ ﻣﺎ ﺳﺤﺒﻨﻲ ﻣﻦ ﺍﻳﺪﻱ ﺑﻴﻦ ﺍﻟﺨﺠﻼﻧﻪ ﻭﺧﺎﻳﻔﻪ ﺩﺧﻞ ﻉ ﺍﺑﻮ ﺍﻟﻤﺤﻞ ﺷﻔﺘﻪ ﺭﺣﺐ ﺑﻴﻪ ﻳﻤﻜﻦ ﺻﺪﻳﻘﻪ
ﺍﺑﻮ ﻣﺤﻞ .. ﻫﻠﻮ ﺧﻮﻳﺔ ﻋﻤﺎﺭ ﺍﺷﻠﻮﻧﻚ ﺇﻧﺸﺎﺀ ﺍﻟﻠﻪ ﺯﻳﻦ ﺍﺗﻔﻈﻞ ﺍﻣﺮ ﺧﺪﻣﺔ
ﻋﻤﺎﺭ ... ﺯﻳﻦ ﺍﻟﺤﻤﺪ ﻟﻠﻪ ﺣﺒﻴﺒﻲ ﻣﺎﻳﺄﻣﺮ ﻋﻠﻴﻚ ﺿﺎﻟﻢ ﺑﺲ ﺃﺭﻳﺪ ﻟﺨﻄﻴﺒﺘﻲ ﺻﺪﺭﻳﺔ ﻉ ﻛﺪﻫﺎ
ﻧﻮﺭ 😲😲... ﺑﺼﻮﺕ ﻫﺎﻣﺲ ﻣﻨﻮ ﺧﻄﻴﺒﺘﻚ
ﻋﻤﺎﺭ ... ﻣﻌﻠﻴﺞ ﻭﻳﻼ ﺍﺧﺘﺎﺭﻱ ﺻﺪﺭﻳﺔ
ﻧﻮﺭ .. ﻭﻫﻲ ﺍﻟﻤﺼﺪﻭﻣﺔ ﻣﻦ ﺍﻟﻜﺎﻟﻪ ﻋﻤﺎﺭ ﻣﺎ ﻛﺪﺭﺕ ﺗﺤﺠﻲ ﻭﻻ ﻛﻠﻤﻪ
ﺍﺑﻮ ﻣﺤﻞ ... ﻋﻤﺎﺭ ﺍﺷﻮ ﻣﺎ ﻋﺰﻣﺘﻨﻲ ﻉ ﺧﻄﻮﺑﺘﻚ ﻉ ﻋﻤﻮﻡ ﻉ ﺧﻴﺮ ﻭﺍﻟﺒﺮﻛﺔ ﺍﺧﺘﻲ ﺗﺨﺘﺎﺭﻳﻦ ﻟﻮ ﺍﻧﻲ ﻋﻨﺪﻱ ﺍﻟﺞ ﻣﻮﺩﻳﻼﺕ ﺍﻃﻠﻌﻬﻦ
ﻋﻤﺎﺭ ... ﺍﺷﻜﺮﻙ ﻳﻮﻡ ﺍﻻﻟﻚ ﺻﺎﺭﺕ ﺑﺴﺎﻉ ﻭﻣﺎﻟﺤﻜﺖ ﺍﻧﺸﺎﺀ ﺍﻋﺰﻣﻚ ﺑﻌﺮﺱ ﻻ ﺍﻧﻲ ﺍﺧﺘﺎﺭ ﺍﺧﺘﺎﺭﻳﺖ ﻭﺣﺪﺓ ﺯﻳﻨﻪ ﻋﻠﻴﻬﺎ ﻣﻮ ﺿﻴﻜﺔ ﺍﻫﻢ ﺷﻲ😎 ﻳﻼ ﺗﻌﺎﻟﻲ ﻗﻴﺴﻴﻬﺎ ﻋﻠﻴﺞ ﺍﺗﺎﺧﺮﻧﺎ ﻋﻨﺪﺝ ﺍﻣﺘﺤﺎﻥ ﻟﻮ ﻧﺴﻴﺘﻲ
ﻧﻮﺭ ... ﻭﻫﻲ ﺍﻟﺒﻌﺪﻫﺎ ﻣﺼﺪﻭﻣﺔ ﻣﻦ ﺍﻟﺤﺠﺎﻩ ﻭﺧﺎﻳﻔﻪ ﻳﺮﻭﺡ ﻋﻠﻴﻬﺎ ﺍﻹﻣﺘﺤﺎﻥ ﻓﻀﻄﺮﺕ ﺗﻠﺒﺴﻬﺎ
ﻋﻤﺎﺭ ... ﺷﻜﺮ ﺻﺎﺣﺐ ﺍﻟﻤﺤﻞ ﻭﻃﻠﻊ ﻛﺎﻝ ﻟﻨﻮﺭ ﺍﻱ ﻫﺎﻱ ﺍﻟﺼﺪﺭﻳﺔ ﺍﻟﺰﻳﻨﻪ ﻳﻼ ﺗﻌﺎﻟﻲ ﺍﺻﻌﺪﻱ ﻧﻮﺭ ... ﻭﺟﻬﺎ ﺍﺣﻤﺮ ﻣﻦ ﻋﺼﺒﻴﺔ ﻭﺍﺗﺮﻳﺪ ﺗﻨﻔﺠﺮ ﻛﺎﻟﺘﻠﻪ ﺍﻧﺘﻪ ﺍﺷﻠﻮﻥ ﺍﺗﻜﻮﻝ ﺍﻻ ﻣﺨﻄﻮﺑﻴﻦ ﻭﻻ ﺣﺴﺒﺎﻟﻚ ﺧﺎﻳﻔﻪ ﻣﻨﻚ ﻭﻟﺒﺴﺘﻬﺎ ﻭﺍﻟﻠﻪ ﻟﻮ ﻣﺎﻋﻨﺪﻱ ﺍﻣﺘﺤﺎﻥ ﻣﺎ ﺍﻟﺒﺴﻬﺎ
ﻋﻤﺎﺭ ... ﻭﺑﺼﻮﺕ ﻫﺎﻣﺲ ﻭﺑﺨﺸﻮﻧﻪ ﻛﺎﻟﻬﺎ ﺃﻭﻻ ﻻ ﺍﺻﺤﻴﻦ ﻋﻠﻴﻪ ﻭﺛﺎﻧﻴﺎ ﺑﺲ ﺗﺨﻠﺼﻴﻦ ﺳﺎﺩﺱ ﺍﺧﻄﺒﺞ ﻳﻌﻨﻲ ﻣﺎﺟﺬﺑﺖ 😏
ﻧﻮﺭ ... ﻭﻫﻲ ﺗﺤﺎﻭﻝ ﺗﻠﺰﻡ ﺍﻋﺼﺎﺑﻬﺎ ﻭﺗﺴﺘﻔﺰ ﻋﻤﺎﺭ ﺷﻮﻑ ﻟﻮ ﺗﻤﻮﺕ ﻣﺎ ﺍﺻﻴﺮﻟﻚ ﻣﺮﺓ ﻣﺎ ﺍﺣﺒﻚ ﻫﻲ ﻛﻮﺓ
ﻋﻤﺎﺭ ... ﻭﻫﻮ ﺿﺎﻏﻂ ﻉ ﺍﻳﺪﻩ ﻻﻥ ﺍﺫﺍ ﻋﺼﺐ ﺭﺍﺡ ﻳﺒﺘﻠﻲ ﺑﻴﻬﺎ ﻛﺎﻻﻟﻬﺎ ﻻﺗﺘﺤﺪﻳﻨﻲ ﺗﻌﺮﻓﻴﻦ ﺭﺍﺡ ﺗﺨﺴﺮﻳﻦ ﻭﺭﺍﺡ ﺗﺰﻭﺟﻴﻨﻲ ﻭﺍﻧﺘﻲ ﺍﻟﻤﻨﻮﻧﻪ ﺷﻐﻞ ﺟﻜﺎﺭﺗﻪ ﺻﻌﺪ ﺍﻟﺴﻴﺎﺭﺓ ﻟﺒﺲ ﺍﻟﻤﻨﺎﻇﺮ ﻛﺎﻟﻬﺎ ﻳﻼ ﺍﺻﻌﺪﻱ ﻟﻮ ﺗﺒﻘﻴﻦ ﺍﻫﻨﺎ
ﻧﻮﺭ ... ﻭﻫﻲ ﺍﺩﺭﺩﺩﻡ ﺻﻌﺪﺕ ﻟﻴﻮﺭﺓ ﺑﺎﻭﻋﻠﻬﺎ ﻣﻦ ﺍﻟﻤﺮﺍﻳﺔ ﻣﺎ ﺣﺠﻪ ﺷﻲ ﺳﺎﻕ ﺍﻟﺴﻴﺎﺭﺓ ﻭﺻﻠﺖ ﻟﻤﺪﺭﺳﺔ
ﻋﻤﺎﺭ .. ﻳﺮﺟﻊ ﻳﺎﺧﺬﺝ ﺍﺑﻮ ﻛﺮﺍﺭ ﺧﺎﻑ ﻳﺼﻴﺮ ﻋﻨﺪﻱ ﺷﻐﻞ ﻳﻼ ﺍﻧﺰﻟﻲ ﻗﺒﻞ ﻻﻳﻘﻔﻠﻮﻥ ﺑﺎﺏ ﺍﻟﻤﺪﺭﺳﺔ
ﻧﻮﺭ ... ﺑﻌﺪ ﺍﺣﺴﻦ 😝 ﻭﺭﻛﻀﺖ ﻗﺒﻞ ﻻﻳﺴﺪ ﺑﺎﺏ ﺍﻟﻤﺪﺭﺳﺔ ﺑﻌﺪ ﻣﺎ ﺩﺧﻠﺖ ﺣﺼﻠﺘﻬﺎ ﺭﺯﺍﻟﺔ ﻣﻦ ﺍﻟﻤﺪﻳﺮﺓ ﻻﻥ ﻣﺘﺄﺧﺮﺓ 😥
.................
ﻣﺮﻳﻢ ... ﻭﺍﺣﻨﺎ ﺍﻟﻜﺎﻋﺪﻳﻦ ﻉ ﺳﻔﺮﺓ ﻛﻠﺴﺎﻋﺔ ﻭﺍﺣﺪ ﻃﺎﻟﺐ ﻣﻨﻲ ﻃﻠﺐ ﻛﻠﻌﺎﺩﺓ ﻧﺴﻮﺍﻧﻬﻢ ﻳﻤﻬﻢ ﻣﺎ ﻳﺘﺂﻣﺮﻭﻥ ﻋﻠﻴﻬﻢ ﺍﻧﻲ ﺍﻟﻄﺎﻳﺤﺔ ﺑﻴﻬﺎ
ﺣﺴﺎﻡ .. ﻣﺮﻳﻢ ﻣﺎﻱ ﻣﺎﻛﻮ ﻛﻮﻣﻲ ﺟﻴﺒﻠﻴﻠﻲ ﻣﺎﻱ ﻳﻼ
ﻣﺮﻳﻢ .... ﺍﻱ ﻫﺴﺔ ﻭﺍﺳﻤﻌﻪ ﻳﺼﻴﺢ ﻭﻳﺎﺝ ﺧﺒﺰ ﺧﻠﺼﻨﻪ ﺟﺒﺖ ﺍﻟﻤﻲ ﻭﺍﻟﺨﺒﺰ ﻭﻛﻌﺪﺕ ﺑﻌﺪﻧﻲ ﺍﺭﻳﺪ ﺍﺧﻠﻲ ﺍﻟﺨﺎﺷﻮﻛﻪ ﺑﺤﻠﻜﻲ
ﺣﺴﻦ ... ﻛﻮﻣﻲ ﺧﻠﻴﻠﻲ ﺗﻤﻦ ﺧﻠﺼﺖ
ﻣﺮﻳﻢ .... ﺑﺲ ﺍﻧﻲ ﺑﻠﺒﻴﺖ ﻣﻮ ﻫﺎﻱ ﻣﺮﺗﻚ ﺧﻠﻴﻬﺎ ﺍﺟﻴﺒﻠﻚ ﺍﺷﻠﻮﻥ ﻣﺎ ﺍﻛﻞ ﻛﻠﺴﺎﻋﺔ ﻣﻜﻮﻣﻴﻨﻲ
ﻟﻴﻠﻰ ... ﻭﻫﻲ ﺗﺤﺎﻭﻝ ﺗﻌﺼﺐ ﺣﺴﺎﻡ ﻳﺎﺍﺍ ﻭﻫﺴﺔ ﺍﻧﺘﻲ ﺷﻤﺴﻮﻳﻪ ﻫﻮ ﺷﻄﺎﻟﺐ ﻣﻨﺞ ﻛﻠﻪ ﺗﻤﻦ ﻭﺍﺻﺤﻴﻦ ﻋﻠﻴﻬﺤﺴﻦ ... ﻭﻟﺞ ﺣﻘﻴﺮﺓ ﺍﺷﻮ ﻃﺎﻟﻌﻠﺞ ﺍﻟﺴﺎﻥ ﻭﺭﻛﻌﻬﺎ ﺭﺍﺟﺪﻱ ﻣﺮﺓ ﺛﺎﻧﻴﺔ ﻣﻦ ﺍﻃﻠﺐ ﻣﻨﺞ ﺷﻲ ﺍﺗﻜﻠﻴﻠﻲ ﺻﺎﺭ ﻣﻔﻬﻮﻡ
ﻣﺮﻳﻢ ... ﻭﺧﺪﻫﺎ ﺻﺎﺭ ﺍﺣﻤﺮ ﻣﻦ ﺭﺍﺟﺪﻱ ﻭﻋﻴﻮﻧﻬﺎ ﺣﻤﺮ ﻣﻦ ﺑﺠﻲ ﻳﻤﺘﻪ ﺍﺯﻭﺝ ﻭﺍﺭﺗﺎﺡ ﻣﻨﻜﻢ ﻣﻠﻴﺖ ﻣﻨﻜﻢ
ﺣﺴﻦ .... ﻭﻋﻴﻮﻧﻪ ﺻﺎﺭﺕ ﺣﻤﺮ ﻣﻦ ﻋﺼﺒﻴﻪ ﻭﻛﻒ ﻛﺪﺍﻣﻪ ﺣﺴﺎﻡ ﻋﻠﻤﻮﺩ ﻳﻤﻨﻌﻪ ﻣﻦ ﻳﻀﺮﺑﻬﺎ ﻣﺮﺓ ﺛﺎﻧﻴﺔ ﻭﺑﺼﻮﺕ ﻋﺎﻟﻲ ﻫﺎ ﻭﻟﺞ ﺍﺗﺮﻳﺪﻳﻦ ﺗﺰﻭﺟﻴﻦ ﺍﻛﻴﺪ ﻻﻛﻴﺘﻠﺞ ﻭﺍﺣﺪ ﻭﻫﻞ ﺗﺮﻳﺪﻳﻦ ﺗﺰﻭﺟﻴﻦ ﺍﺷﻠﻮﻥ ﻭﺣﺪﺓ ﺻﻠﻔﻪ ﻭﻳﺤﺎﻭﻝ ﻳﺘﻬﺠﻢ ﻋﻠﻴﻬﺎ
ﺣﺴﻦ .. ﻻﺯﻣﻪ ﺷﺒﻴﻚ ﺧﻮﻳﺔ ﺍﺗﺨﺒﻠﺖ ﺍﻫﺪﺀ ﻳﻼ ﻣﺮﻳﻢ ﺍﺻﻌﺪﻱ ﻟﻐﺮﻓﺘﺞ
ﻟﻴﻠﻰ ... ﺣﺒﻴﺒﻲ ﻭﻫﻲ ﺗﻌﻮﺝ ﺑﺤﻠﻜﻬﺎ ﺍﻋﺼﺎﺑﻚ ﺣﺴﻮﻧﻲ ﺟﻨﻚ ﻉ ﺗﻤﻦ ﺑﺲ ﻻﺗﻌﺼﺐ ﻳﻌﻤﺮﻱ ﺧﻠﻴﻬﺎ ﺗﻮﻟﻲ ﺍﻧﻲ ﺍﺟﻴﺒﻠﻚ ﻳﻌﻤﺮﻱ 👺
ﺍﻡ ﻣﺮﻳﻢ .. ﻭﻫﻲ ﺷﻮﻑ ﺑﻨﺘﻬﺎ ﻫﻴﺞ ﻭﻻﺗﻜﺪﺭ ﺍﺳﻮﻳﻠﻴﻬﺎ ﺷﻲ ﺍﺑﻨﻬﺎ ﻫﻮ ﺍﻻﻣﺮ ﻭﻧﺎﻫﻲ ﺑﺎﻟﺒﻴﺖ ﻭﺍﺑﻮﻫﺎ ﻣﺎ ﻣﻮﺟﻮﺩ ﺣﺘﻰ ﻟﻮ ﻣﻮﺟﻮﺩ ﻣﺎﺭﺍﺡ ﻳﺴﻮﻱ ﺷﻲ ﻣﺮﻳﻢ ... ﻳﻤﺘﻪ ﺍﺧﻠﺺ ﻣﻦ ﻫﺎﻱ ﺍﻟﻌﻴﺸﺔ ﺣﻄﻮﻣﻨﻲ ﺑﻄﻮﻟﻨﻲ ﻣﻦ ﻣﺪﺭﺳﺘﻲ ﻭﺧﻠﻮﻧﻲ ﺧﺪﺍﻣﻪ ﻟﻨﺴﻮﺍﻧﻬﻢ ﻭﻻ ﻃﻠﻌﺔ ﻭﻻ ﺷﻲ ﻭﻫﻲ ﻋﻴﻮﻧﻬﺎ ﻣﻠﻴﺎﻧﻪ ﺍﺩﻣﻮﻉ ﺑﺤﻴﺚ ﻣﺎﺗﻜﺪﺭ ﺍﺷﻮﻑ ﺭﻓﻌﺖ ﺍﺩﻳﻬﺎ ﻭﻫﻲ ﺗﺪﻋﻲ ﺭﺑﻲ ﺍﻧﺘﻪ ﺍﻋﻠﻢ ﺑﺤﺎﻟﻲ ﻭﺷﻮﻑ ﻇﻠﻢ ﺍﺧﻮﺍﻧﻲ ﺍﻟﻴﻪ 😢 ﻭﻫﻲ ﺗﺤﺲ ﺑﻮﺣﺪﺓ ﻻ ﺻﺪﻳﻘﺔ ﻭﻻ ﺍﺧﺖ ﺗﺸﻜﻴﻠﻬﺎ ﺣﺘﻰ ﺍﻣﻬﺎ ﻣﺎﺗﻜﺪﺭ ﺗﻔﻬﻤﻬﺎ ﻃﻠﻌﺖ ﺭﻗﻤﻪ ﻭﻫﻲ ﻣﺘﺮﺩﺩﺓ ﻣﻦ ﺍﻟﺨﻄﻮﺓ ﺗﺨﺎﻑ ﺑﻠﺤﻈﺔ ﺿﻌﻒ ﺗﻘﺪﻡ ﻉ ﺷﻲ ﺑﻌﺪﻳﻦ ﺗﺘﻨﺪﻡ ﻋﻠﻴﻪ ﺭﺟﻌﺖ ﺿﻤﺖ ﻣﻮﺑﺎﻳﻠﻬﺎ ﺧﻠﺖ ﺭﺃﺳﻬﺎ ﻉ ﻣﺨﺪﺓ ﻭﺗﺒﺠﻲ ...
.................
ﻋﻠﻲ ... ﻭﺍﻧﻲ ﺍﺳﻮﻕ ﻭﻃﺮﻳﻖ ﻣﺘﻌﺐ ﻭﻃﻮﻳﻞ ﻭﺑﻌﺪﻫﺎ ﺑﺎﻟﻲ ﻋﻴﻮﻧﻬﺎ ﻭﺟﻬﺎ ﻣﺎﻳﻔﺎﺭﻙ ﻣﺨﻴﻠﺘﻲ ﺻﻮﺗﻪ ﻛﻠﺸﻲ ﺑﻴﻬﺎ ﻋﺸﻜﺘﻪ ﺣﺴﻴﺖ ﻫﺎﻱ ﺍﻟﺒﻨﺖ ﺍﻟﻤﻨﺎﺳﺒﺔ ﺍﻟﻲ ﺑﺲ ﺃﻭﻑ ﺍﺷﻠﻮﻥ ﺑﻌﺪ ﺍﺷﻮﻓﻬﺎ ﻭﺧﺎﻑ ﻣﺎ ﺗﺨﺎﺑﺮﻧﻲ ﻭﻛﻞ ﻫﺎﻱ ﺍﻻﺣﺘﻤﺎﻻﺕ ﺑﺎﻟﻲ ﺧﻼﻝ ﻳﻮﻣﻴﻦ ﺷﻐﻠﺖ ﺗﻔﻜﻴﺮﻱ ... ﻓﻜﺮﻱ ﺻﺎﺭ ﻛﻞ ﺑﻴﻬﺎ ﻣﺎ ﺍﻋﺮﻑ ﺍﺳﻮﺗﻠﻲ ﻳﻤﻜﻦ ﺳﺤﺮﺗﻨﻲ 😆 ﺑﻠﻴﻞ ﺍﻻ ﻭﺻﻠﺖ ﻟﺒﺼﺮﺓ ﻭﺻﻠﺖ ﻟﺒﻴﺘﻨﻪ ﻃﺒﻜﺖ ﺳﻴﺎﺭﺓ ﻧﺰﻟﺖ ﺩﻛﻴﺖ ﺍﻟﺒﺎﺏ ﻃﻠﻌﺘﻠﻲ ﺍﻣﻲ
ﺍﻡ ﻣﺤﻤﺪ ... ﻫﻼ ﺑﻮﻟﻴﺪﻱ ﻫﻼ ﺑﺮﻭﻳﺤﺘﻲ ﺯﻳﺎﺭﺓ ﻣﻘﺒﻮﻟﺔ
ﻋﻠﻲ ... ﻫﻼ ﻳﻤﻪ ﻭﺑﺴﺘﻬﺎ ﻣﻦ ﺭﺍﺳﻬﺎ ﺍﻓﻴﺶ ﻳﺎ ﺭﻳﺤﺖ ﺍﻟﺠﻨﻪ
ﺍﻡ ﻣﺤﻤﺪ ... ﺍﻟﻠﻪ ﻳﺤﻔﻈﻚ ﻭﻳﺮﺿﻰ ﻋﻠﻴﻚ ﺗﻌﺎﻝ ﺍﺩﺧﻞ ﺍﻛﻴﺪ ﺗﻌﺒﺎﻥ ﻭﺟﻮﻋﺎﻥ ﺣﻈﺮﺗﻠﻚ ﺍﻻﻛﻞ
ﻋﻠﻲ ... ﻟﻌﺪ ﻧﻮﺭ ﻭﺍﺑﻮﻳﺔ
ﺍﻡ ﻣﺤﻤﺪ ... ﻧﺎﻣﻮ ﻧﻮﺭ ﺿﻠﺖ ﻣﻨﺘﻈﺮﺗﻚ ﻧﻌﺴﺖ ﻭﻧﺎﻣﺖ
ﻋﻠﻲ ... ﻫﺎ ﺧﻮﺵ ﻧﻮﻡ ﺍﻟﻌﺎﻓﻴﺔ ﺧﻠﻴﻨﻲ ﺍﺳﺒﺢ ﻭﺍﺭﺟﻌﻠﺞ
ﺍﻡ ﻣﺤﻤﺪ ... ﺭﻭﺡ ﺍﺑﻨﻲ ﻉ ﻣﺎ ﺍﺣﻤﻴﻠﻚ ﺍﻻﻛﻞ
ﻋﻠﻲ .... ﺩﺧﻠﺖ ﺳﺒﺤﺖ ﻭﻛﻤﻠﺖ ﻟﺒﺴﺘﻠﻲ ﺗﺮﺍﻙ ﺳﻮﺩ ﺭﺣﺖ ﺍﻟﻤﻄﺒﺦ ﻟﻜﻴﺖ ﺍﻣﻲ ﺣﺎﻣﻴﺘﻠﻲ ﺍﻻﻛﻞ
ﺍﻡ ﻣﺤﻤﺪ ... ﻳﻼ ﻳﻤﻪ ﻫﺬﺍ ﺍﻛﻠﻚ ﺍﻧﻲ ﻧﻌﺴﺖ ﺭﺍﺡ ﺍﺭﻭﺡ ﺍﻧﺎﻡ ﺍﻛﻞ ﻭﺧﻠﻴﻬﻦ ﻉ ﻣﻴﺰ ﻭﺍﻧﻲ ﺻﺒﺢ ﺍﻏﺴﻠﻬﻦ ﺑﻌﺪ ﻣﺎﺑﻴﻪ ﺣﻴﻞ
ﻋﻠﻲ ... ﻓﺪﻭﺓ ﺍﻟﻜﻠﺒﺞ ﺭﻭﺣﻲ ﻧﻮﻡ ﺍﻟﻌﺎﻓﻴﺔ ﺍﻧﻲ ﺍﻏﺴﻠﻬﻦ ﺍﻛﻠﺖ ﻭﻛﻤﻠﺖ ﺭﺣﺖ ﻟﻐﺮﻓﺘﻲ ﺍﺳﻤﻊ ﻣﻮﺑﺎﻳﻠﻲ ﻳﺪﻙ ....
⤵️
ﻣﺮﻳﻢ .... ﺍﻟﻮﺣﺪﺓ ﺍﻻﻋﻴﺶ ﺑﻴﻬﺎ ﺧﻨﻜﺘﻨﻲ ﻣﺎﻋﻨﺪﻱ ﻭﺍﺣﺪ ﺍﺣﺠﻴﻠﻪ ﻭﻻ ﻭﺍﺣﺪ ﻳﺴﻤﻌﻨﻲ ﺍﻫﻠﻲ ﻛﻠﻤﻦ ﻣﺸﻐﻮﻝ ﺍﺧﻮﺍﻧﻲ ﻛﻠﻤﻦ ﻭﻱ ﻣﺮﺗﻪ ﺍﺧﻮﻳﺔ ﻭﺳﺎﻡ ﺑﻐﺪﺍﺩ ﻳﺪﺭﺱ ﻭﺍﻣﻲ ﻣﺮﺓ ﺟﺒﻴﺮﺓ ﺣﺘﻰ ﻟﻮ ﺣﺠﻴﺘﻠﻬﺎ ﻣﺎﺗﻔﻬﻤﻨﻲ ﻭﺍﺑﻮﻱ ﺍﺧﺎﻑ ﻣﻨﻪ ﻭﺍﻧﻲ ﺍﻟﻮﺣﻴﺪﺓ ﻣﺎﻋﻨﺪﻱ ﺍﺧﻮﺍﺕ ﻭﺑﻌﺪ ﺍﻟﺼﺎﺭ ﻛﺮﻫﺖ ﺣﺴﻦ ﺩﺍﺋﻤﺎ ﻳﻔﺸﻠﻨﻲ ﻭﻳﻬﻴﻨﻲ ﻟﺰﻣﺖ ﻣﻮﺑﺎﻳﻠﻲ ﻭﺍﻧﻲ ﺍﻓﻜﺮ ﺍﺗﺼﻞ ﺑﻴﻪ ﻣﻦ ﺣﻘﻲ ﺑﻨﻴﺔ ﺍﺭﻳﺪ ﺍﻋﻴﺶ ﻫﺎﻱ ﺍﻟﺘﺠﺮﺑﻪ ﺍﺭﻳﺪ ﺍﻃﻠﻊ ﻣﻦ ﻭﺍﻗﻌﻲ ﺍﻟﻌﺎﻳﺸﺔ ﺑﻴﻪ ﺍﻳﺠﻮﺯ ﺍﻟﺮﺍﺡ ﺍﺳﻮﻳﻪ ﺧﻄﺎ ﺑﺲ ﻣﺎ ﺍﻋﺮﻑ ﻋﻨﺪﻱ ﺍﺣﺴﺎﺱ ﺍﻧﻮ ﻫﺬﺍ ﻣﺨﺘﻠﻒ ﻋﻦ ﺷﺒﺎﺏ ﻣﻮ ﻣﺜﻠﻬﻢ ﻳﻀﺤﻚ ﻉ ﺑﻨﺎﺕ ﺷﻔﺖ ﺭﻗﻤﻪ ﻣﺴﺠﻠﺘﻪ ﺑﺎﺳﻢ ﺑﻨﻴﺔ ﺑﻴﻦ ﺍﻟﺨﺎﻳﻔﻪ ﻭﺍﻟﻤﺘﻮﺗﺮﺓ ﺧﺎﻑ ﻳﻄﻠﻊ ﻣﻮﺯﻳﻦ ﻭﺍﻧﻔﻀﺢ ﻭﺍﻛﻴﺪ ﺣﺴﻦ ﺭﺍﺡ ﻳﻜﺘﻠﻨﻲ ﺧﻼﺹ ﻭﺑﻴﻦ ﺍﻻﺭﻳﺪ ﺍﻏﺎﻣﺮ ﻭﺍﺟﺮﺍﺉ ﻉ ﺷﻲ ﺿﻐﻄﺖ ﺍﺗﺼﺎﻝ ﻛﻠﺒﻲ ﻳﺪﻙ ﺳﺮﻳﻊ ﻉ ﺭﻏﻢ ﺟﻮﺀ ﺯﻳﻦ ﺑﺲ ﺍﺣﺲ ﺭﻭﺣﻲ ﺣﺮﺍﻧﻪ ﺍﻳﺪﻱ ﺗﺮﺟﻒ ﻣﺎ ﺍﻋﺮﻑ ﺍﻧﻲ ﻛﺎﻋﺪ ﺷﺴﻮﻱ ﺍﺗﻨﺪﻣﺖ ﻻﻥ ﺍﺗﺼﻠﺖ ﺭﺩﺕ ﺍﻛﻄﻌﺔ ﺳﻤﻌﺖ ﺻﻮﺕ ﻭﻟﺪ ﻛﺎﻟﻲ ﺍﻟﻮ
ﻋﻠﻲ .. ﺑﻌﺪ ﻣﺎ ﺍﻛﻠﺖ ﺭﺣﺖ ﻟﻐﺮﻓﺘﻲ ﺳﻤﻌﺖ ﺻﻮﺕ ﻣﻮﺑﺎﻳﻠﻲ ﻳﺪﻙ ﺷﻔﺖ ﺭﻗﻢ ﻏﺮﻳﺐ ﺍﺣﺴﺎﺳﻲ ﻛﺎﻝ ﻫﺎﻱ ﻣﺮﻳﻢ ﺷﻠﺘﻪ
ﺍﻟﻮ . ﺍﻟﻮ
ﻣﺮﻳﻢ ... ﺳﻤﻌﺖ ﺻﻮﺗﻪ ﺍﻭﻝ ﻣﺮﺓ ﺍﺳﻤﻊ ﺻﻮﺕ ﻭﻟﺪ ﺧﻔﺖ ﺑﺴﺮﻋﺔ ﻗﻄﻌﺖ ﺍﻻﺗﺼﺎﻝ ﻭﺍﻧﻲ ﺍﺭﺟﻒ ﺧﻠﻴﺖ ﺍﻟﻤﻮﺑﺎﻳﻞ ﻣﻘﺎﺑﻴﻠﻲ
ﻋﻠﻲ ... ﻋﺮﻓﺘﻬﺎ ﻣﺮﻳﻢ ﺭﺟﻌﺖ ﺩﻛﻴﺖ ﻋﻠﻴﻬﺎ
ﻣﺮﻳﻢ ... ﺷﻔﺖ ﻣﻮﺑﺎﻳﻠﻲ ﻳﻬﺘﺰ ﺷﻔﺘﻪ ﻳﺪﻙ ﻋﻠﻴﻪ ﻣﺎ ﺍﻋﺮﻑ ﺷﺴﻮﻱ ﻭﺭﻃﺖ ﺭﻭﺣﻲ ﺍﺣﺲ ﺃﺳﺮﻋﺖ ﻣﻦ ﺩﻛﻴﺖ ﺑﻌﺪﻳﻦ ﻓﺼﻞ ﻭﺭﺍ ﺷﻮﻳﺔ ﺷﻔﺖ ﺭﺳﺎﻟﻪ ﻣﻜﺘﻮﺏ ﻟﻴﺶ ﻣﺎﻣﺠﺎﻭﺑﻴﻦ ﻋﻠﻴﻪ ﻋﺮﻓﺘﺞ ﻣﺮﻳﻢ ﺟﺎﻭﺑﻲ ....
ﻭﺍﻧﻲ ﺍﻟﻤﺼﺪﻭﻣﺔ ﻫﺬﺍ ﻣﻨﻴﻦ ﻋﺮﻓﻨﻲ ﻋﺮﻑ ﺍﺳﻤﻲ ﺻﺮﺕ ﻣﺮﻋﻮﺑﺔ ﺍﻛﺜﺮ ﺷﻔﺘﻪ ﺩﻙ ﻣﺮﺓ ﺛﺎﻧﻴﺔ ﻓﺘﺤﺖ ﻋﻠﻴﻪ ﺧﻂ
ﻋﻠﻲ ... ﺍﻟﻮ ﻣﺮﻳﻢ ﺟﺎﻭﺑﻲ ﺍﺭﻳﺪ ﺍﺳﻤﻊ ﺻﻮﺗﺞ
ﻣﺮﻳﻢ ... ﻭﻫﻲ ﺍﻟﺨﺎﻳﻔﺔ ﺻﺎﺭﺕ ﺩﻛﺎﺕ ﻛﻠﺒﻬﺎ ﻣﺴﻤﻮﻋﺔ ﻣﺎﺗﻌﺮﻑ ﺷﺘﺤﺠﻲ ﻫﻲ ﻭﺭﻃﺖ ﺣﺎﻟﻬﺎ ﺟﺎﻭﺑﺘﻪ
ﺍﻟﻮ ...
ﻋﻠﻲ ... ﻭﻫﻮ ﻳﺤﺲ ﻧﻔﺴﺔ ﺍﺳﻌﺪ ﻭﺍﺣﺪ ﺑﻬﺎﻱ ﺍﻟﻠﺤﻈﺔ ﺍﻟﺼﺎﺭﻟﻬﺎ ﻳﻮﻣﻴﻦ ﺷﺎﻏﻠﺔ ﻛﻞ ﺗﻔﻜﻴﺮﺓ ﻭﺍﺧﺬﺕ ﻛﻠﺒﻪ ﻭﺃﺧﻴﺮﺍ ﺳﻤﻊ ﺻﻮﺗﻬﺎ
ﺧﻔﺖ ﻣﺎ ﺭﺍﺡ ﺍﺗﺨﺎﺑﺮﻳﻨﻲ ﻭﺍﻧﻲ ﻫﺴﺔ ﺍﻻ ﺍﺭﺗﺎﺣﻴﺖ ﺷﺴﻮﻳﺘﻲ ﺑﻴﻪ ﻭﺧﻠﻴﺘﻨﻲ ﻫﻴﺞ
ﻣﺮﻳﻢ ... ﻭﺧﺠﻞ ﻃﻐﻰ ﻋﻠﻴﻬﺎ ﻭﺣﺴﺖ ﻣﺎﺗﻌﺮﻑ ﺑﻌﺪ ﺗﺤﺠﻲ ﻛﻠﺘﻠﻪ ﺍﻧﻲ ﺍﺳﻔﻪ ﺍﺗﺼﻠﺖ ﺑﻴﻚ ﻋﻔﻴﺔ ﺭﻗﻤﻲ ﺍﻣﺴﺤﻪ ﻭﺍﻟﻠﻪ ﻟﻮ ﺍﺧﻮﺍﻧﻲ ﺩﺭﻭ ﺭﺍﺡ ﻳﻤﻮﺗﻮﻧﻲ
ﻋﻠﻲ ... ﻣﺮﻳﻢ ﺍﻧﻲ ﻣﻮ ﻣﻦ ﺫﻭﻟﺔ ﺍﻟﻮﻟﺪ ﺍﻟﻤﻮﺯﻳﻨﻴﻦ ﻭﻳﺴﺘﻐﻠﻮﻥ ﺍﻟﺒﻨﻴﺔ ﺍﻧﻲ ﻭﺍﻋﻲ ﻭ ﺷﺎﻳﻒ ﺍﺷﻜﺎﻝ ﺍﻟﺒﻨﺎﺕ ﻻﺗﺨﺎﻓﻴﻦ ﻣﻨﻲ ﺻﺪﻛﻨﻲ ﺍﻧﻲ ﺍﺧﺎﻑ ﻋﻠﻴﺞ ﺍﻛﺜﺮ ﻣﻦ ﺭﻭﺣﻲ ﻳﻮﻡ ﺍﻟﺸﻔﺘﺞ ﺑﻴﻪ ﺍﺧﺬﺗﻲ ﺑﻴﻪ ﻛﻠﺒﻲ ﻭﻣﻦ ﺻﺎﺡ ﻋﻠﻴﺞ ﺍﺧﻮﺝ ﻟﻮ ﻣﺎ ﻋﻴﺐ ﺍﻛﻮﻡ ﺍﻛﺘﻠﻪ ﺍﻧﺘﻲ ﺑﻌﺪ ﺻﺮﺗﻲ ﺟﺰﺀ ﻣﻨﻲ ﺍﻧﻲ ﻣﺎ ﺣﺒﺒﺖ ﻣﻦ ﻗﺒﻞ ﺑﺲ ﻫﺴﺔ ﺍﻻ ﺩﻙ ﻛﻠﺒﻲ ﺍﻳﺎﺝ ﺑﺲ ﻳﻮﻡ ﺗﻔﻜﺮﻳﻦ ﺭﺍﺡ ﺃﺗﺨﻠﻰ ﻋﻠﻴﺞ
ﻣﺮﻳﻢ ... ﻭﻫﻲ ﻣﺎﻣﺼﺪﻛﺔ ﺍﻟﻜﺎﻋﺪ ﺗﺴﻤﻌﻪ ﺍﻧﻮ ﻣﻌﻘﻮﻟﻪ ﻭﺍﺣﺪ ﻫﻴﺞ ﻳﺤﺒﻨﻲ ﻭﺑﻨﻔﺲ ﻭﻛﺖ ﺧﺎﻳﻔﺔ ﻳﻄﻠﻊ ﺟﺬﺏ ﻛﻼﻣﻪ ﺧﻠﺖ ﻣﺎ ﺟﺎﻭﺑﺘﻪ
ﻋﻠﻲ ... ﺍﻱ ﻋﺮﻓﻴﻨﻲ ﻋﻦ ﻧﻔﺴﺞ ﺍﻛﺜﺮ ﻫﺴﺔ ﻣﺎ ﻋﺮﻓﺖ ﺑﺲ ﺍﺳﻤﺞ 😉ﺷﻜﺪ ﻋﻤﺮﺝ ﺷﺪﺭﺳﻴﻦ
ﻣﺮﻳﻢ ... ﺍﻧﻲ ﻣﻮﺍﻟﻴﺪ ١٩٩٧ ﻣﺒﻄﻠﺔ ﺑﺜﺎﻟﺚ ﻭﺍﺧﻮﻳﺔ ﺑﻄﻠﻨﻲ
ﻋﻠﻲ ... ﻟﻴﺶ
ﻣﺮﻳﻢ ... ﻻﻥ ﻋﻨﺪﻫﻢ ﺍﻟﺒﻨﻴﺔ ﺑﻌﺪ ﻛﺒﺮﺕ ﻣﺎﻳﺼﻴﺮ ﺑﻌﺪ ﺍﺩﺍﻭﻡ ﻋﻴﺐ ﻭﺍﻣﻲ ﻫﻤﺎﺕ ﻣﻘﻌﺪﺓ ﺑﻘﻴﺖ ﺍﻫﺘﻢ ﺑﻴﻬﺎ ﻭﺍﻧﺘﻪ ﻣﻨﻴﻦ
ﻋﻠﻲ .. ﺣﺮﺍﻣﺎﺕ ﺧﻄﻴﺔ ﺍﻣﺞ ﺍﻟﻠﻪ ﻳﺸﺎﻓﻴﻬﺎ ﺍﻧﻲ ﻣﻦ ﺑﺼﺮﺓ ﻣﻮﺿﻒ ﺑﺸﺮﻛﺔ ﺍﻟﻨﻔﻂ ﻣﻮﺍﻟﻴﺪ ١٩٩٠ ﻣﺮﻳﻢ ﻟﻴﺶ ﺧﺎﺑﺮﺗﻴﻨﻲ
ﻣﺮﻳﻢ ... ﻭﻫﻲ ﻧﻔﺴﻬﺎ ﻣﺎﺗﻌﺮﻑ ﺍﻟﺠﻮﺍﺏ ﺷﻨﻮ ﺍﻟﺴﺒﺐ ﺍﻟﺨﻠﻬﺎ ﺗﺨﺎﺑﺮﺓ ﻛﻠﺘﻠﻪ ﻣﺎ ﺍﻋﺮﻑ ﻟﻴﺶ
ﻋﻠﻲ .. ﺍﻟﻤﻬﻢ ﺧﺎﺑﺮﺗﻴﻨﻲ ﻭﺳﻤﻌﺖ ﺻﻮﺗﺞ 😍😍 ﺍﻱ ﺑﻌﺪ ﺍﺣﺠﻴﻠﻲ ﻋﻦ ﻧﻔﺴﺞ
ﺑﻘﺖ ﻣﺮﻳﻢ ﺗﺤﺠﻴﻠﻪ ﻭﻫﻮ ﻫﻤﻴﻦ ﺣﺠﺎﻟﻬﺎ ﻛﻠﺸﻲ ﻟﺤﺪ ﻣﺎ ﺻﺎﺭﺕ ﺳﺎﻋﺔ ﻉ ﻣﺨﺎﺑﺮﺗﻬﻢ ﻭﻫﻢ ﺑﻌﺪﻫﻢ ﻳﺤﺠﻮﻥ
ﻣﺮﻳﻢ ... ﻳﻼ ﻋﻠﻲ ﺍﻧﻲ ﺍﺗﺮﺧﺺ ﺑﻌﺪ ﺭﺍﺡ ﺍﺭﻭﺡ ﺍﻧﺎﻡ
ﻋﻠﻲ ... ﻳﻌﻨﻲ ﺑﻌﺪ ﻣﺎ ﺗﺨﺎﺑﺮﻳﻨﻲ
ﻣﺮﻳﻢ ... ﻣﺎ ﺍﻋﺮﻑ ﺑﺲ ﺍﻧﺘﻪ ﻻﺩﻙ ﻋﻠﻴﻪ ﻻﻥ ﺧﺎﻑ ﺍﺧﻮﺍﻧﻲ ﻳﺸﻮﻓﻪ
ﻋﻠﻲ ... ﺍﻱ ﺧﻮﺵ ﺍﻧﺘﻲ ﺧﺎﺑﺮﻳﻨﻲ ﻭﺍﻧﻲ ﺍﺭﺟﻊ ﺍﺗﺼﻞ ﺑﻴﺞ ﺍﺫﻛﺮﻱ ﺍﻧﻮ ﺍﻛﻮ ﻭﺍﺣﺪ ﻣﺴﺘﻌﺪ ﻳﻀﺤﻲ ﺑﻨﻔﺴﻪ ﺍﻟﺞ ﻭﻳﺪﻋﻤﺞ ﺑﻜﻠﺸﻲ
ﻣﺮﻳﻢ .. ﻭﻫﻲ ﻣﺎﺗﻌﺮﻑ ﺷﺘﺮﺩ ﻋﻠﻲ ﻛﻠﺘﻠﻪ ﺷﻜﺮﺍ ﺗﺼﺒﺢ ﻉ ﺧﻴﺮ
ﻋﻠﻲ ... ﻭﺍﻧﺘﻲ ﺑﺎﻟﻒ ﺧﻴﺮ ﺍﺣﻼﻡ ﺳﻌﻴﺪﺓ ﻭﺍﻗﻊ ﺍﺟﻤﻞ ﺩﻳﺮ ﺑﺎﻟﺞ ﻉ ﻧﻔﺴﺞ
ﻣﺮﻳﻢ .. ﻭﺍﻧﺘﻪ ﻫﻤﻴﻦ ﺑﺎﻱ
ﻋﻠﻲ .. ﺑﺎﻱ
ﻣﺮﻳﻢ ... ﻣﻦ ﺳﺪﺕ ﻣﻮﺑﺎﻳﻞ ﻭﻫﻲ ﺻﺎﻓﻨﻪ ﻭﺗﺬﻛﺮ ﺷﺤﺠﻮ ﻭﺗﺒﺘﺴﻢ ﻛﻞ ﻣﺎ ﺗﺬﻛﺮ ﻛﻼﻣﻪ
ﻋﻠﻲ ... ﺑﻌﺪ ﻣﺎﺳﺪﻳﺘﻪ ﺣﺴﻴﺖ ﺑﺮﺍﺣﺔ ﻧﻔﺴﻴﻪ ﻣﺎ ﺣﺎﺱ ﺑﻴﻬﺎ ﻣﻦ ﻗﺒﻞ ﻧﺴﻴﺖ ﺣﺘﻰ ﺗﻌﺒﻲ ﻣﻦ ﺍﻟﻄﺮﻳﻖ ﻏﻔﻴﺖ ﻭﺍﻧﻲ ﺍﺫﻛﺮ ﺳﻮﺍﻟﻔﻬﺎ
................................
٨ ﺻﺒﺎﺣﺎ
ﻛﻌﺪﺕ ﻣﻦ ﺍﻟﻨﻮﻡ ﻭﺍﻧﻲ ﺿﺎﻳﺞ ﻻﻥ ﺭﺍﺡ ﺍﻧﺰﻝ ﻟﺪﻭﺍﻡ ﻭﺍﺳﺒﻮﻉ ﺑﻌﺪ ﻣﺎ ﺍﺷﻮﻓﻬﺎ ﺍﺷﻠﻮﻥ ﺍﺗﺤﻤﻞ 😥 ﻟﺒﺴﺖ ﺯﻱ ﺍﻟﻌﺴﻜﺮﻱ ﺧﻠﻴﺖ ﺍﻟﻤﺴﺪﺱ ﺳﻠﻤﺖ ﻉ ﺍﻣﻲ ﻭﻃﻠﻌﺖ ﻟﺒﻴﺘﻬﻢ ﺑﻠﻜﻲ ﺍﺷﻮﻓﻬﺎ ﻭﻣﻨﺎﻙ ﺍﺷﻮﻑ ﻋﻠﻲ ﺭﺟﻊ ﻣﻦ ﺍﻟﺰﻳﺎﺭﺓ ﺳﻘﺖ ﺍﻟﺴﻴﺎﺭﺓ ﻭﺭﺣﺖ ﻟﺒﻴﺖ ﻋﻤﻲ
ﻋﻠﻲ .. ﻛﻌﺪﺕ ﻣﻦ ﺍﻟﺼﺒﺢ ﻭﺍﻧﻲ ﺍﺫﻛﺮ ﺍﻟﺒﺎﺭﺣﺔ ﻭﺍﺑﺘﺴﻢ ﺷﻔﺖ ﺍﻣﻲ ﻛﺎﻋﺪﺓ ﻭﺍﺑﻮﻱ ﺻﺒﺤﺖ ﻋﻠﻴﻬﻢ ﻭﺳﻠﻤﺖ ﻉ ﺍﺑﻮﻱ ﻻﻥ ﻣﺎﺷﻔﺘﻪ ﺍﻟﺒﺎﺭﺣﺔ ﻛﻠﺘﻠﻬﻢ ﻟﻌﺪ ﻧﻮﺭ ﻭﻳﻦ
ﺍﻡ ﻣﺤﻤﺪ ... ﻭﺍﻟﻠﻪ ﻛﻌﺪﺗﻬﺎ ﺍﻟﺼﺒﺢ ﺍﺗﻜﻮﻝ ﻣﺮﻳﻀﺔ ﻣﺎ ﺍﺩﺍﻭﻡ
ﻋﻠﻲ ... ﻫﺎ ﺷﺒﻴﻬﺎ ﻫﺴﺔ ﺍﺻﻌﺪ ﺍﺷﻮﻓﻬﺎ
ﻧﻮﺭ ... ﻭﺍﻧﻲ ﻣﻦ ﺑﺎﺭﺣﺔ ﺿﺎﻳﺠﺔ ﻣﻦ ﻋﻤﺎﺭ ﻭﺗﺤﻜﻤﻪ ﺑﻴﻪ ﻭﺁﺧﺮ ﺷﻲ ﻣﻦ ﻛﺎﻝ ﺍﺧﻄﺒﺞ ﻣﺎ ﺍﺣﺐ ﻭﺍﺣﺪ ﻳﻔﺮﺽ ﻋﻠﻴﻪ ﺷﻲ ﻗﺮﺭﺕ ﺍﻟﻴﻮﻡ ﻣﺎ ﺍﺩﺍﻭﻡ ﺣﺘﻰ ﻟﻮ ﺍﺟﻰ ﺍﻋﺮﻑ ﺍﻟﻴﻮﻡ ﺭﺍﺡ ﻳﻨﺰﻝ ﻳﻠﺘﺤﻖ ﻣﺎ ﺍﺭﻳﺪ ﺍﺷﻮﻓﻪ ﺩﺧﻞ ﻋﻠﻴﻪ ﻋﻠﻴﻪ
ﻋﻠﻲ ... ﻫﺎ ﻧﻮﺍﺭﺗﻲ ﺷﺒﻴﺞ ﻳﻌﻤﺮﻱ
ﻧﻮﺭ ... ﻣﺎﺑﻴﻪ ﺷﻲ ﻋﻠﻮﺵ ﺑﺲ ﺷﻮﻳﻪ ﺗﻌﺒﺎﻧﻪ ﻣﻦ ﺩﺭﺍﺳﺔ ﺍﻟﻴﻮﻡ ﺍﺳﺘﺮﺍﺣﺔ ﺟﺒﺘﻠﻲ ﻫﺪﻳﺔ
ﻋﻠﻲ .. ﺍﻱ ﻟﻌﺪ ﺍﺷﻠﻮﻥ ﻳﻼ ﺗﻌﺎﻟﻲ ﺍﻧﺰﻟﻲ ﺗﺮﻳﻜﻲ ﻭﺷﻮﻓﻴﻬﺎ
ﻧﻮﺭ ... ﻻ ﺧﻠﻴﻨﻲ ﺷﻮﻱ ﺍﻧﺎﻡ ﺑﻌﺪﻳﻦ ﺍﺷﻮﻓﻬﺎ
ﻋﻠﻲ ... ﺧﻮﺵ ﻳﻼ ﺍﻧﻲ ﺭﺍﺡ ﺍﺭﻭﺡ ﺍﺗﺮﻳﻚ ﻭﺍﻧﺘﻲ ﺑﻌﺪﻳﻦ ﺍﻧﺰﻟﻲ
...............
ﻛﺮﺑﻼﺀ 😊
ﻣﺮﻳﻢ ... ﺑﻌﺪ ﻣﺎ ﻛﻌﺪﺕ ﺍﻟﺼﺒﺢ ﻧﺰﻟﺖ ﺳﻮﻳﺖ ﺭﻳﻮﻙ ﻻﻣﻲ ﻭﺍﺑﻮﻱ ﻻﻥ ﻣﺤﺪ ﻳﺴﻮﻳﻠﻬﻢ ﻟﻴﻠﻰ ﻭﺍﻳﻤﺎﻥ ﻛﻠﻤﻦ ﺍﺳﻮﻱ ﻟﺮﺟﻠﻬﺎ ﻭﺟﻬﺎﻟﻬﺎ ﻭﺍﻧﻲ ﺑﻤﻄﺒﺦ ﻛﺎﻋﺪ ﺍﺳﻮﻱ ﺑﻴﺾ ﺍﺟﺖ ﻟﻴﻠﻰ ﺣﺎﻭﻟﺖ ﻣﺎ ﺍﺣﺎﺟﻴﻬﺎ
ﻟﻴﻠﻰ ... ﻭﻫﻲ ﺗﻌﻮﺝ ﺑﺤﻠﻜﻬﺎ ﺍﻱ ﺑﻨﺎﺕ ﺍﺧﺮ ﻭﻛﺖ ﻛﺪﺍﻡ ﺍﺧﻮﻫﻦ ﻭﻳﺮﺩﻥ ﺯﻭﺍﺝ ﻭﺍﻟﻠﻪ ﻳﺎﻟﻠﻪ ﺍﺷﻠﻮﻥ ﺑﻨﺎﺕ ﻣﺎﻳﺴﺘﺤﻦ
ﻣﺮﻳﻢ ... ﻣﺎﺣﺎﺟﻴﺘﻬﺎ ﺧﻠﻴﺘﻬﺎ ﺗﺤﺠﻲ ﺑﻮﺣﺪﻫﺎ
ﻟﻴﻠﻰ .. ﺍﺫﺍ ﺗﺮﺩﻳﻦ ﺯﻭﺍﺝ ﻭﻛﺎﺗﻠﻪ ﺭﻭﺣﺞ ﻋﻠﻴﻪ ﺍﺧﺬﻱ ﺍﺧﻮﻳﺔ
ﻣﺮﻳﻢ ... ﻭﻫﻲ ﺗﻌﺮﻑ ﺍﺧﻮﻫﺎ ﺳﻜﻴﺮ ﻭﺃﺑﻮ ﺑﻨﺎﺕ ﻛﺎﻟﺖ ﺷﻮﻓﻲ ﻟﻴﻠﻰ ﻟﻮ ﻳﺒﻘﻰ ﺍﺧﺮ ﺭﺟﺎﻝ ﺑﻌﺎﻟﻢ ﻣﺎ ﺁﺧﺬﺓ ﻫﺬﺍ ﺍﺧﻮﺝ ﺍﻟﺴﻜﻴﺮ
ﻟﻴﻠﻰ ... ﻭﻫﻲ ﺍﻟﻤﻌﺼﺒﻪ ﺑﺴﻴﻄﺔ ﻣﺮﻳﻢ ﺍﻧﻲ ﺍﻋﻠﻤﺞ ﺍﻻ ﺍﺧﻠﻴﺞ ﺗﺘﺮﺟﻴﻨﻲ ﺑﺴﻴﻄﺔ ...
..............^^^^^...........................
ﻋﻠﻘﻮﻟﻲ ﻉ ﻗﺼﺔ ﻭﺍﻧﻄﻮﻧﻲ ﺭﺃﻳﻜﻢ
# ﻣﻼﺣﻈﺔ ﺍﻟﻘﺼﺔ ﺣﻘﻴﻘﺔ ﻭﺳﻤﻌﺘﻬﺎ ﻣﻦ ﻃﺮﻑ ﺛﺎﻟﺚ ﺍﻧﻲ ﻛﺎﻋﺪ ﺍﻛﺘﺒﻬﺎ ﺑﺲ ﻣﻮ ﻧﺼﺎ ﻣﻊ ﺗﻐﻴﺮ ﺍﻻﺳﺎﻣﻲ ﺣﻔﺎﻇﺎ ﻉ ﺧﺼﻮﺻﻴﺔ ﻭﺃﺿﺎﻓﺎﺕ ﻟﺘﺸﻮﻳﻖ
↙️
ﻋﻤﺎﺭ ... ﻭﺻﻠﺖ ﺩﻛﻴﺖ ﺍﻟﺒﺎﺏ ﻃﻠﻌﻠﻲ ﻋﻠﻲ
ﻋﻠﻲ ... ﻫﻼ ﻭﻣﻴﻪ ﻫﻼ ﺑﺨﻮﻱ ﺍﺷﻠﻮﻧﻚ
ﻋﻤﺎﺭ ... ﺯﻳﻦ ﺯﻳﺎﺭﺓ ﻣﻘﺒﻮﻟﺔ ﻭﻟﻚ ﻣﺎﺟﺒﺘﻨﻪ ﺩﻫﻴﻨﻪ ﺷﻲ ﻟﻮ ﻣﺜﻞ ﻛﻞ ﻣﺮﺓ
ﻋﻠﻲ .. ﻭﻳﻦ ﺍﻧﻲ ﺭﺍﻳﺢ ﻟﻠﺤﺞ ﻭﺍﺟﻴﺒﻠﻚ ﻋﻮﺩ ﻣﻦ ﺍﺭﻭﺡ ﺍﺟﻴﺒﻠﻜﻢ ﺑﺲ ﻧﻮﺭﻩ ﺟﺒﺘﻠﻬﺎ ﺗﻌﺮﻑ ﻣﺎ ﺍﺧﻠﺺ ﻣﻦ ﺍﻟﺴﺎﻧﻬﺎ
ﻋﻤﺎﺭ .. ﻭﻫﻮ ﻳﺬﻛﺮ ﺍﻟﺒﺎﺭﺣﺔ ﺍﺷﻠﻮﻥ ﺑﻘﻰ ﻳﻨﺘﻈﺮﻫﺎ ﺑﺮﺟﻌﺔ ﻭﻫﻲ ﻣﺨﻠﻴﺘﻪ ﻭﺭﺍﻳﺤﺔ ﺣﺘﻰ ﻣﺎﺍﻧﺘﻈﺮﺗﻪ ﺍﻟﻴﻮﻡ ﺍﺟﻪ ﻳﺸﻮﻓﻬﺎ ﻗﺒﻞ ﻻﻳﻠﺘﺤﻖ
ﺍﻱ ﺟﺎ ﺍﻃﻠﺒﻚ ﻫﺪﻳﺔ ﻣﺮﺓ ﺛﺎﻧﻴﺔ ﻣﻦ ﺗﺮﻭﺝ ﺟﻴﺒﻠﻲ ﻭﻳﺎﻙ
ﻋﻠﻲ ... ﺍﻟﻠﻪ ﻛﺮﻳﻢ ﺗﻌﺎﻝ ﺍﺩﺧﻞ ﺧﻠﻴﻨﻪ ﻧﺘﺮﻳﻚ ﺷﻨﻮ ﻧﺎﻭﻱ ﺗﺒﻘﻰ ﻫﻨﺎ
ﻋﻤﺎﺭ ... ﺩﺧﻞ ﺳﻠﻢ ﻉ ﻋﻤﺘﻪ ﻭﻋﻤﻪ
ﺻﺒﺎﺡ ﺍﻟﺨﻴﺮ
ﺍﻡ ﻭﺃﺑﻮ ﻣﺤﻤﺪ .. ﺻﺒﺎﺡ ﻧﻮﺭ .. ﺍﻡ ﻣﺤﻤﺪ .. ﺗﻌﺎﻝ ﺍﻭﻟﻴﺪﻱ ﺍﻛﻞ ﺑﻌﺪﻧﺎ ﻣﺎ ﻣﺘﺮﻳﻜﻴﻦ
ﻋﻤﺎﺭ .. ﻻ ﻋﻤﻪ ﻣﺘﺮﻳﻚ ﺍﺟﻴﺖ ﺍﺳﻠﻢ ﻋﻠﻴﻜﻢ ﻗﺒﻞ ﻻ ﺍﻟﺘﺤﻖ ﺗﻌﺮﻓﻮﻥ ﻣﺘﻌﻮﺩ ﺍﻭﺩﻋﻜﻢ ﻗﺒﻞ ﻻ ﺍﺭﻭﺡ
ﺍﻡ ﻣﺤﻤﺪ .. ﺍﻭﻟﻴﺪﻱ ﺍﻟﻠﻪ ﻳﺤﻔﻈﻚ ﻭﻳﺴﻠﻤﻚ ﺟﺎ ﻳﻤﻪ ﻋﻠﻴﻮﻱ ﻣﺎﺷﻔﺖ ﺍﺧﻴﺘﻚ ﻣﺎ ﺗﺠﻲ ﺗﺘﺮﻳﻚ ﻭﻳﺎﻧﻪ
ﻋﻠﻲ ... ﻳﻤﻪ ﺗﻌﺒﺎﻧﻪ ﺍﺗﺮﻳﺪ ﺗﻨﺎﻡ ﺧﻠﻴﻬﺎ ﺑﺮﺍﺣﺘﻬﺎ
ﺍﺑﻮ ﻣﺤﻤﺪ .. ﺟﺎ ﻣﺎﺗﺨﻠﻴﻬﺎ ﺍﻟﺒﻨﻴﻪ ﺗﺮﺗﺎﺡ ﺗﻌﺒﺎﻧﻪ ﻣﻦ ﺩﺭﺍﺳﺔ
ﺍﻡ ﻣﺤﻤﺪ .. ﻳﺎ ﺟﺎ ﺍﻧﻲ ﻫﺴﺔ ﺷﻜﺎﻳﻠﺔ ﺍﻛﻠﺘﻮﻧﻲ ﺣﺎﺻﻞ ﻓﺎﺻﻞ
ﻋﻤﺎﺭ .. ﻭﻫﻮ ﻳﺘﺄﻣﻞ ﻳﺸﻮﻓﻬﺎ ﻣﺎ ﻳﻜﺪﺭ ﻳﺮﻭﺡ ﻗﺒﻞ ﻣﺎﻳﺸﻮﻓﻬﺎ ﻫﺎﻱ ﺍﺑﻨﻴﺘﻪ ﺍﻻ ﻳﺸﻮﻓﻬﺎ ﺍﻻ ﻳﺮﺗﺎﺡ
ﻧﻮﺭ ... ﻭﻫﻲ ﺗﺴﻤﻊ ﺻﻮﺗﻪ ﻭﻣﺎ ﺗﺮﻳﺪ ﺍﺷﻮﻓﻪ ﺑﻌﺪ ﺍﻟﺴﻮﻩ ﺑﻴﻬﺎ ﺍﻟﺒﺎﺭﺣﺔ ﺭﺟﻌﺖ ﻧﺎﻣﺖ
ﻋﻤﺎﺭ .. ﺑﻌﺪ ﻣﺎ ﻛﻌﺪﺕ ﻭﺍﻳﻴﺴﺖ ﺗﺠﻲ ﻋﺮﻓﺘﻬﺎ ﻣﺎﺗﺮﻳﺪ ﺍﺷﻮﻓﻨﻲ ﻛﻤﺖ ﺳﻠﻤﺖ ﻋﻠﻴﻬﻢ
ﻋﻠﻲ ... ﻭﻫﻮ ﺍﻟﺒﺎﻟﺔ ﺑﻐﻴﺮ ﺷﻲ ﻓﻜﺮﺓ ﺑﺸﺎﻏﻠﺔ ﻋﻘﻠﺔ ﻣﺎﻣﻨﺘﺒﻪ ﻋﻠﻴﻬﻢ
ﻋﻤﺎﺭ .... ﻭﻟﻚ ﺍﻋﻠﻴﻮﻱ ﺻﺎﻟﻲ ﺳﺎﻋﺔ ﺍﻛﻠﻚ ﻣﻊ ﺳﻼﻣﺔ ﻭﻳﻦ ﻋﻘﻠﻚ ﻫﻨﻴﺎﻟﺔ ﺷﺎﻏﻞ ﻋﻘﻠﻚ ﺍﺳﺘﺎﺫ 😎
ﻋﻠﻲ ... ﺃﻭﻑ ﻣﻮ ﺑﺲ ﺷﺎﻏﻠﺔ ﻋﻘﻠﻲ ﻭﻛﻠﺒﻲ ﻫﻤﻴﻦ
ﻋﻤﺎﺭ ... ﺻﺎﺭ ﺑﻴﻬﺎ ﺃﻭﻑ ﻳﺨﻮﻱ ﺟﻨﻚ ﻭﻛﻌﺖ
ﻋﻠﻲ ... ﻭﻛﻌﺖ ﻭﻣﺤﺪ ﺳﻤﻪ ﻋﻠﻴﻪ .
ﻋﻤﺎﺭ ... ﻣﻨﻮ ﻫﻲ ﺷﺎﻏﻠﺔ ﻋﻘﻠﻚ ﺍﻟﻤﺨﻠﻴﺘﻚ ﻣﺴﻄﻮﺭ
ﻋﻠﻲ ... ﻳﺨﻮﻱ ﺳﺎﻟﻔﺔ ﻃﻮﻳﻠﻪ ﻣﻦ ﺗﻨﺰﻝ ﺃﺳﻮﺍﻟﻔﻬﺎ ﺍﻟﻚ
ﻋﻤﺎﺭ ... ﻭﻫﻮ ﻭﺍﻛﻒ ﺑﻠﺒﺎﺏ ﺑﻠﻜﻲ ﻟﻮ ﺗﻤﺮ ﻋﻠﻴﻪ ﺷﻮﻳﻪ ﻭﺗﺮﻭﺡ ﻣﻬﻢ ﻳﺸﻮﻓﻬﺎ ﺑﺲ ﺑﻌﺪ ﻧﻮﺭ ﺍﺫﺍ ﺗﻌﺎﻧﺪ
ﺍﻟﻠﻪ ﻛﺮﻳﻢ
ﻋﻠﻲ .. ﻭﺍﻧﺘﻪ ﻫﻤﻴﻦ ﺍﺷﻮﻑ ﻋﻴﻮﻧﻚ ﺍﺩﻭﺭ ﻉ ﺷﻲ
ﻋﻤﺎﺭ .... ﺍﺑﺘﺴﻢ ﻛﺎﻝ ﻳﻼ ﺍﻭﺩﻋﻨﺎﻛﻢ
ﻋﻠﻲ ... ﺍﻟﻠﻪ ﻭﻳﺎﻙ ﻣﻦ ﺍﻳﺼﻴﺮ ﻋﻨﺪﻙ ﻭﻗﺖ ﺧﺎﺑﺮﻧﻲ ﺑﺎﻟﻚ ﻉ ﻧﻔﺴﻚ
ﻋﻤﺎﺭ ... ﺍﻧﺸﺎﺀ ﺍﻟﻠﻪ ﻭﺭﺍﺡ
...........................
ﻣﺮﻳﻢ ... ﺑﻌﺪ ﻣﺎﺳﻮﻳﺖ ﺭﻳﻮﻙ ﺍﺧﺬﺗﻪ ﻻﻣﻲ ﻭﺍﺑﻮﻱ ﺍﺗﺮﻳﻜﻮ ﻏﺴﻠﺖ ﺍﻻﻣﻮﺍﻋﻴﻦ ﻛﻌﺪﺕ ﻳﻢ ﺍﻣﻲ ﺍﺑﻮﻱ ﻃﻠﻊ ﻳﺰﻭﺭ
ﺍﻡ ﻣﺮﻳﻢ ... ﻫﺎ ﻳﻤﺔ ﺑﻌﺪﺝ ﺯﻋﻼﻧﻪ ﻣﻦ ﺍﺧﻮﺝ ﻳﺎﻳﻤﻪ ﺗﻌﺮﻓﻴﻪ ﻋﺼﺒﻲ ﻟﻴﺶ ﺗﺤﺎﺟﻴﻪ
ﻣﺮﻳﻢ .. ﻭﺍﻧﻲ ﺷﻜﺎﻳﻠﺘﻠﻪ ﺍﺷﻮ ﻛﻠﻤﻦ ﻣﺮﺗﻪ ﻳﻤﻪ ﻭﻳﺘﺨﺪﻣﻮﻥ ﻋﻠﻴﻪ ﻟﻴﺶ ﻣﺎﻳﻜﻮﻣﻦ ﻫﻨﻪ
ﺍﻡ ﻣﺮﻳﻢ .. ﻳﺎﻳﻤﺔ ﺷﺴﻮﻳﻠﻪ ﻫﻮ ﻫﻴﺞ ﺍﻧﺘﻲ ﺧﻄﺎﺭﺓ ﻳﻮﻡ ﻳﻮﻣﻴﻦ ﺗﺠﻲ ﻗﺴﻤﺘﺞ ﻭﺗﺮﻭﺣﻴﻦ
ﺍﺟﺖ ﻟﻴﻠﻰ ... ﻳﺎﻋﻤﺔ ﻳﺎﻗﺴﻤﻪ ﻫﻮ ﻣﻨﻮ ﺩﺍﻙ ﺑﺎﺑﻬﺎ ﺍﺷﻮ ﺍﻧﻲ ﺑﻌﻤﺮﻫﺎ ﻛﻠﺴﺎﻋﺔ ﻳﺠﻮﻧﻲ ﺧﻄﺎﺑﺔ
ﺍﻡ ﻣﺮﻳﻢ .. ﻫﻮ ﻣﺮﻳﻢ ﻣﻨﻮ ﺷﺎﻳﻔﻬﺎ ﺍﺷﻮ ﻻﻣﻦ ﻃﻠﻌﺎﺕ ﻻ ﻣﻦ ﺷﻲ ﻣﺮﺍﺕ ﻳﺘﺎﻓﺠﻮﻥ ﻋﻨﺪﻱ ﺑﻨﻴﺔ
ﻟﻴﻠﻰ .. ﻣﻨﻮ ﻻﺯﻣﻬﺎ ﻣﺎﺗﻄﻠﻊ
ﻣﺮﻳﻢ ... ﺑﻴﻨﻬﺎ ﻭﺑﻴﻦ ﻧﻔﺴﻬﺎ ﺭﺟﻠﺞ ﻳﺨﻠﻲ ﻭﺍﺣﺪ ﻳﺸﻢ ﺍﻟﻬﻮﺓ ﺣﺘﻰ ﺑﻘﺮﺍﻳﻪ ﻣﺎ ﺍﻃﻠﻊ ﻭﻻﻛﻠﺸﻲ
ﻟﻴﻠﻰ ... ﻣﺮﻳﻢ ﻣﺎﺗﻜﻮﻣﻴﻦ ﺗﻨﻈﻔﻴﻦ ﺍﻟﻄﺮﻣﺔ ﺍﻧﻲ ﺍﺭﻳﺪ ﺍﻃﺒﺦ ﻟﻐﺪﺓ
ﻣﺮﻳﻢ .. ﺍﻱ ﻫﺴﺔ ﺭﺍﺡ ﺍﻛﻮﻡ
ﻟﻴﻠﻰ ... ﻭﻫﻲ ﺗﺪﺭﻱ ﺑﺠﻮﺍﺭﻳﻨﻬﻢ ﻭﻟﺪ ﺻﺎﻋﺪ ﻉ ﺳﻄﺢ ﻳﻄﻴﺮ ﺍﻃﻴﻮﺭ 😈😈
ﻣﺮﻳﻢ ... ﻭﺍﻧﻲ ﻛﺎﻋﺪ ﺍﻧﻈﻒ ﺑﻄﺮﻣﺔ ﺍﺭﺵ ﻣﺎﻱ ﺍﺳﻤﻊ ﻭﺍﺣﺪ ﻳﺼﻮﻓﺮ ﺍﺑﺎﻭﻉ ﻓﻮﻙ ﻣﺎﻛﻮ ﺭﺟﻌﺖ ﺍﻧﻈﻒ ﻭﺍﺳﻤﻌﻪ ﻳﺼﻮﻓﺮ ﺭﺟﻌﺖ ﺑﺎﻭﻋﺖ ﻭﻣﺎ ﺍﺷﻮﻑ ﺍﻻ ﺍﻟﺒﺎﺏ ﺍﻧﺪﻓﺮ
ﺣﺴﻦ ... ﻭﻟﺞ ﺣﻘﻴﺮﺓ ﺍﺗﺮﻳﺪﻳﻦ ﺍﺟﻴﺒﻨﻪ ﻣﺼﻴﺒﺔ ﻭﻇﺮﺑﻬﺎ ﺭﺍﺟﺪﻱ ﺑﺤﻴﺚ ﻣﺎ ﺣﺴﺖ ﺑﺨﺪﻫﺎ ﻭﺭﺟﻊ ﺳﺤﻠﻬﺎ ﻣﻦ ﺷﻌﺮﻫﺎ ﻭﻫﻮ ﻳﻐﻠﻂ ﻭﻳﻜﻠﻮﻫﺎ ﺟﻠﺒﺔ ﻭﻟﺞ ﻧﻮﺏ ﻭﻱ ﺟﻮﺍﺭﻳﻦ ﺷﻴﻜﻮﻟﻮﻥ ﻋﻠﻴﻨﻪ ﺻﺪﻙ ﻣﺎ ﻣﺮﺑﺎﻳﺔ ﻭﺩﻓﺮﻫﺎ ﻉ ﺑﻄﻨﻬﺎ
ﺍﻳﻤﺎﻥ ... ﺧﻮﻳﺔ ﻛﻠﺸﻲ ﻣﺎﻣﺴﻮﻳﻪ ﻣﺎ ﺗﺪﺭﻱ ﺑﻴﻪ ﻫﻮ ﺍﻟﻮﻟﺪ ﻳﻄﻴﺮ ﺍﻃﻴﻮﺭ ﺧﻮﻳﺔ ﻋﻮﻓﻬﺎ ﺧﻄﻴﺔ
ﻟﻴﻠﻰ .. ﻳﺎ ﺟﺎ ﻣﻠﺒﺴﺖ ﺣﺠﺎﺏ ﺷﻲ ﻫﺴﺔ ﺷﻴﻜﻮﻟﻮﻥ ﻋﻠﻴﻨﻪ ﺍﻟﻨﺎﺱ ﻭﺍﻟﻠﻪ ﻓﺸﻠﻪ
ﺍﻡ ﻣﺮﻳﻢ ... ﻭﻟﻚ ﻳﻮﻣﻪ ﻋﻮﻓﻬﺎ ﻣﺎ ﺗﺪﺭﻱ ﻳﻤﺔ ﺭﺍﺣﺖ ﺗﻤﻮﺕ ﺍﻟﺒﻨﻴﺔ
ﺣﺴﻦ ... ﻃﺒﻬﺎ ﻣﺮﺽ ﻋﺴﺎﻫﺎ ﺑﻤﻮﺕ ﻭﺩﻓﺮﻫﺎ ﻭﺭﺍﺡ
ﻣﺮﻳﻢ ... ﻭﻫﻲ ﺗﺤﺲ ﻧﻔﺴﻬﺎ ﺑﻌﺪ ﻣﺎﺗﻜﺪﺭ ﺗﺘﺤﺮﻙ ﺗﺴﻤﻊ ﺑﺲ ﺻﻮﺗﻬﻢ ﻟﺤﺪ ﻣﺎ ﻓﻘﺪﺕ ﻛﻠﺶ
ﺍﻡ ﻣﺮﻳﻢ ... ﻳﻤﻪ ﺑﻨﺘﻲ ﺷﺼﺎﺭﻫﺎ ﺭﺍﺡ ﺗﻤﻮﺕ 😢😢
ﺍﻳﻤﺎﻥ ﺟﺎﺑﺖ ﻣﺎﻱ ﺭﺷﺘﻪ ﻋﻠﻴﻬﺎ ﺷﻮﻱ ﻓﺘﺤﺖ ﻋﻴﻮﻧﻬﺎ ﺻﺎﺣﺖ ﻉ ﻟﻴﻠﻰ ﻭﻳﺎﻫﺎ ﺍﺷﻴﻠﻬﺎ ﺗﻮﺩﻳﻬﺎ ﻟﻐﺮﻓﺔ
ﻟﻴﻠﻰ ... ﻭﻫﻲ ﻓﺮﺍﺣﻨﺔ ﻣﻦ ﺍﻟﻲ ﺻﺎﺭ ﺷﺎﻟﺘﻬﺎ ﻫﻲ ﻭﺍﻳﻤﺎﻥ ﻭﺩﻧﻬﺎ ﻟﻐﺮﻓﺘﻬﺎ ﻫﻤﺴﺘﻠﻬﺎ ﻫﺎ ﻣﻮ ﻛﻠﺘﻠﺞ ﺗﺘﻨﺪﻣﻴﻦ ﺑﻌﺪﺝ ﻣﺎﺷﺎﻳﻔﺔ ﺷﻲ ﻏﻄﺘﻬﺎ ﻭﺳﺪﺕ ﺍﻟﺒﺎﺏ ﻭﻃﻠﻌﻦ
.........................
ﻋﻠﻲ ... ﻭﺍﻧﻲ ﺑﺸﻐﻠﻲ ﻛﺎﻋﺪ ﻭﻛﻠﺴﺎﻋﺔ ﺍﻓﺘﺢ ﻣﻮﺑﺎﻳﻠﻲ ﺑﻠﻜﻲ ﺩﺍﻛﺔ ﻋﻠﻴﻪ ﺍﺟﻴﺖ ﺍﺩﻙ ﻋﻠﻴﻬﺎ ﺑﺲ ﺧﻔﺖ ﺧﺎﻑ ﻭﺍﺣﺪ ﻣﻦ ﺃﺧﻮﺍﻧﻬﺎ ﻭﺍﺻﻴﺮ ﻣﺸﻜﻠﺔ ﻣﺎ ﺍﻋﺮﻑ ﻣﺸﺘﺎﻗﻠﻬﺎ ﻭﺃﺭﻳﺪ ﺍﺳﻤﻊ ﺻﻮﺗﻬﺎ ﺍﺧﺬﺕ ﺍﻟﻤﻮﺑﺎﻳﻞ ﺭﺩﺕ ﺍﺩﻙ ﺷﻔﺘﻬﺎ ﺍﺗﺼﻠﺖ ﻋﻠﻴﻪ ﻓﺮﺣﺖ ﻣﻦ ﺷﻔﺖ ﺭﻗﻤﻬﺎ ﺣﺘﻰ ﻣﺎ ﻋﺮﻓﺖ ﺍﺷﻠﻮﻥ ﺍﻓﺘﺢ ﺍﺗﺼﺎﻝ
ﻣﺮﻳﻢ ... ﺑﻌﺪ ﺍﻟﻴﺼﺎﺭ ﻛﻠﻪ ﺣﻘﺪﺕ ﻉ ﻟﻴﻠﻰ ﻭﺣﺴﻦ ﻛﺮﻫﺘﻢ ﺻﺮﺕ ﺍﺩﻋﻲ ﻋﻠﻴﻬﻢ ﺣﺴﻴﺖ ﺭﻭﺣﻲ ﻣﺤﺪ ﺍﻟﻲ ﻭﺍﻧﻲ ﻛﻮﺓ ﺍﻣﺸﻲ ﺍﺭﻳﺪ ﺍﻭﺻﻞ ﻟﻜﻨﺘﻮﺭ ﺍﻃﻠﻊ ﺍﻟﺠﻬﺎﺯ ﺍﺗﺼﻠﺖ ﻉ ﻋﻠﻲ ﻻﻥ ﻫﻮ ﻭﺣﻴﺪ ﻳﺤﺲ ﺑﻴﻪ ﻭﻳﻔﻬﻤﻬﺎ ﺳﻤﻌﺖ ﺻﻮﺗﻪ
ﻋﻠﻲ ... ﻫﺎ ﻣﺮﻳﻢ ﺍﺷﻠﻮﻧﺞ
ﻣﺮﻳﻢ ... ﻭﻫﻲ ﻣﺨﻨﻮﻛﺔ ﻭﻛﻮﺓ ﺗﺤﺠﻲ ﻛﻠﺘﻠﻪ ﻣﻮﺯﻳﻨﻪ
ﻋﻠﻲ ... ﺣﺲ ﺻﺎﻳﺮﻟﻬﺎ ﺷﻲ ﻛﻠﻬﻠﻬﺎ ﺷﺒﻴﺞ ﻳﺮﻭﺣﻲ
ﻣﺮﻳﻢ ... ﻣﻦ ﻛﻼﻟﻬﺎ ﻫﻴﺞ ﺻﺎﺭﺕ ﺗﺒﺠﻲ ﻭﺗﻨﺎﺷﻎ ﻣﺎﺳﻴﻄﺮﺕ ﻉ ﺭﻭﺣﻬﺎ ﺻﺎﺭﺕ ﺗﺒﺠﻲ ﺑﻬﺴﺘﺮﻳﻪ
ﻋﻠﻲ .... ﻭﻟﺞ ﻻﺗﺨﺎﻭﻓﻴﻨﻲ ﻛﻠﻴﻠﻲ ﺷﺒﻴﺞ ﺗﺮﻯ ﻭﻋﻠﻲ ﻫﺴﺔ ﺍﺟﻲ ﺍﻟﻜﺮﺑﻼﺀ ﻣﻨﻮ ﻣﻀﻮﺟﺞ ﻭﺧﻠﻘﻪ ﻣﺎﺍﺧﻠﻴﻪ ﻋﺎﻳﺶ ﺑﺲ ﻛﻠﻴﻠﻲ
ﻣﺮﻳﻢ ... ﻭﻫﻲ ﺑﻌﺪﻫﺎ ﺗﺒﺠﻲ ﻛﺎﻣﺖ ﺍﺳﻮﻟﻔﺔ ﻉ ﺍﻟﺼﺎﺭ ﻛﻠﺸﻲ ﺳﻮﻟﻔﺘﻠﻪ
ﻋﻠﻲ .... ﻭﻫﻮ ﺑﻌﺪ ﻣﺎﻛﺪﺭ ﻳﺴﻴﻄﺮ ﻉ ﺍﻋﺼﺎﺑﺔ ﺿﺮﺏ ﺍﻳﺪﻩ ﺑﺤﻴﺎﻁ ﻣﺎﻳﻌﺮﻑ ﺷﻴﺴﻮﻱ ﻣﺎﻋﻨﺪﺓ ﻏﻴﺮ ﺣﻞ ﻭﺍﺣﺪ ﻳﺨﻠﺼﻬﺎ ﻟﻤﺮﻳﻢ ..
⤵️
ﻋﻠﻲ ... ﻣﺮﻳﻢ ﺭﺍﺡ ﺍﺟﻲ ﺍﺧﻄﺒﺞ
ﻣﺮﻳﻢ ... ﻭﻫﻲ ﺍﻟﻤﺼﺪﻭﻣﺔ ﻣﻦ ﺍﻟﺘﺴﻤﻌﻪ ﻣﺎﺗﻌﺮﻑ ﺷﻨﻮ ﺗﺮﺩ ﻋﻠﻴﻪ ﺑﻘﺖ ﺳﺎﻛﺘﺔ ﻋﻠﻲ ... ﻟﻴﺶ ﺳﻜﺘﻲ ﺭﺩﻱ ﺻﺤﻴﺢ ﺍﻧﻲ ﺍﻃﻴﺘﺞ ﺍﻟﺮﻗﻢ ﺑﺲ ﻣﻮ ﻣﻌﻨﺎﺗﻬﺎ ﺑﺲ ﺍﺧﻠﺺ ﻭﻗﺖ ﻭﻫﺎﻱ ﻫﻲ ﻻ ﺍﻧﻲ ﺍﻭﻝ ﻣﺎ ﺷﻔﺘﺞ ﻛﻠﺖ ﻫﺎﻱ ﺍﻟﺮﺍﺡ ﺍﺻﻴﺮ ﻣﺮﺗﻲ ﻭﺍﻡ ﺟﻬﺎﻟﻲ ﺑﺲ ﺭﺩﺕ ﺍﻧﻄﻴﺞ ﻭﻗﺖ ﺗﺘﻌﺮﻓﻴﻦ ﻋﻠﻴﻪ ﺑﺲ ﺑﻌﺪ ﺍﻟﺴﻤﻌﺘﻪ ﻣﻨﺞ ﺩﻗﻴﻘﺔ ﻣﺎ ﺍﺧﻠﻴﺞ ﺍﻫﻨﺎﻙ ﻟﺞ ﻟﻮ ﺑﻴﺪﻱ ﻫﺴﺔ ﻧﺰﻭﺝ
ﻣﺮﻳﻢ ... ﺑﻴﻦ ﺍﻟﺨﺠﻼﻧﻪ ﻭﺧﺎﻳﻔﻪ ﺧﺎﻳﻔﺔ ﻣﻦ ﺍﻫﻠﻬﺎ ﺷﻨﻮ ﺭﺩﺕ ﻓﻌﻠﻬﻢ ﻭﺧﺼﻮﺻﺎ ﺣﺴﻦ ﻭﺑﻨﻔﺲ ﺍﻟﻮﻗﺖ ﻓﺮﺣﺎﻧﻪ ﻻﻥ ﻫﻲ ﻫﻤﻴﻦ ﺑﺪﺕ ﺗﺘﻌﻠﻖ ﺑﻴﻪ ﻭﺗﺤﺒﻪ ﻛﻠﺘﻠﻪ
ﻋﻠﻲ ﻣﺎ ﺍﻋﺮﻑ ﺷﺠﺎﻭﺑﻚ ﺍﻧﻲ ﺧﺎﻳﻔﺔ ﺍﻧﻄﻴﻨﻲ ﻭﻗﺖ ﺍﻓﻜﺮ
ﻋﻠﻲ ... ﺷﻮﻓﻲ ﻻﺗﺨﺎﻓﻴﻦ ﻭﺍﻧﻲ ﻳﻤﺞ ﺻﺪﻛﻴﻨﻲ ﺭﺍﺡ ﺍﺑﻘﻰ ﻭﻳﺎﺝ ﻻﺧﺮ ﻧﻔﺲ ﻣﺎ ﺭﺍﺡ ﺃﺗﺨﻠﻰ ﻋﻨﺞ ﺑﻴﻮﻡ ﺑﺲ ﺛﻘﻲ ﺑﺤﺒﻲ ﺍﻟﺞ ﻭﺭﺍﺡ ﺍﻧﻄﻴﺞ ﺍﻟﻮﻗﺖ ﺗﻔﻜﺮﻳﻦ ﺑﻴﻪ ﻭﺍﻧﻲ ﺭﺍﺡ ﺍﻓﺎﺗﺢ ﺍﻫﻠﻲ ﺑﻤﻮﺿﻮﻉ ﻫﺴﺔ ﺍﻟﻤﻬﻢ ﺍﻧﺘﻲ ﺍﺷﻠﻮﻥ ﺻﺮﺗﻲ
ﻣﺮﻳﻢ .. ﻫﺴﺔ ﺍﺣﺴﻦ
ﻋﻠﻲ .. ﺍﻱ ﺑﺎﻟﺞ ﻉ ﻧﻔﺴﺞ
ﻣﺮﻳﻢ ... ﻭﻫﻲ ﺗﺴﻤﻊ ﺧﻄﻮﺍﺕ ﻉ ﺍﻟﺪﺭﺝ ﻋﻠﻲ ﺑﺎﻱ ﻳﻤﻜﻦ ﺍﺟﻪ ﻭﺍﺣﺪ ﻭﺳﺪﺗﻪ ﺍﻧﻔﺘﺢ ﺍﻟﺒﺎﺏ
ﺍﻳﻤﺎﻥ ... ﻫﺎ ﻣﺮﻳﻢ ﺍﺷﻠﻮﻥ ﺻﺮﺗﻲ ﻭﻫﺬﺍ ﺍﻻﻛﻞ ﺟﺒﺘﻪ ﺍﻟﺞ
ﻣﺮﻳﻢ ... ﻣﺎ ﻛﻠﻴﻠﻲ ﺣﺘﻰ ﻟﻮ ﺭﺍﺡ ﺍﻷﻟﻢ ﺭﺍﺡ ﻳﺒﻘﻰ ﻛﻠﺒﻲ ﺷﺎﻳﻞ ﻉ ﺣﺴﻦ ﻟﻴﺶ ﻫﻴﺞ ﺑﺪﻭﻥ ﺍﻟﻨﺎﺱ ﺍﻧﻲ ﻣﻮ ﻫﺎﻱ ﺍﻟﺒﻨﺎﺕ ﻋﻨﺪﻫﻦ ﺍﺧﻮﺍﻥ ﻟﻴﺶ ﺑﺲ ﺍﻧﻲ ﻫﻴﺞ ﻭﻫﻲ ﺗﺒﺠﻲ ﻭﻋﻴﻮﻧﻬﺎ ﺻﺎﺭﺕ ﺣﻤﺮ
ﺍﻳﻤﺎﻥ ... ﻳﻌﻤﺮﻱ ﻭﺍﻟﻠﻪ ﻫﻮ ﻋﺼﺒﻲ ﺍﻧﺘﻲ ﻣﺎﺗﻌﺮﻓﻴﻦ ﺣﺴﻦ ﻭﻫﺎﻱ ﻣﺮﺗﻪ ﺗﻘﺮﺍ ﺑﺮﺍﺳﺔ
ﻣﺮﻳﻢ ... ﺑﺲ ﻻﺯﻡ ﻳﺴﻤﻊ ﻣﻨﻲ ﻻ ﺳﻤﻊ ﻭﻻ ﺷﻲ ﺍﻳﺪﺓ ﻭﺍﻟﻀﺮﺏ ﺣﺘﻰ ﻣﺎ ﻓﻬﻤﻨﻲ 😢😢
ﺍﻳﻤﺎﻥ ... ﺣﺒﻴﺒﺘﻲ ﺍﻟﻠﻪ ﻳﻬﺪﻱ ﺑﻠﻜﻲ ﺗﺠﻴﺞ ﻗﺴﻤﻪ ﺯﻳﻨﻪ ﻭﺗﺴﺘﻘﺮﻳﻦ ﻻﻥ ﺍﺫﺍ ﺍﺿﻠﻴﻦ ﺭﺍﺡ ﻣﺎﺗﺨﻠﺼﻴﻦ ﻣﻦ ﻟﻴﻠﻰ ﻭﺧﺼﻮﺻﺎ ﺍﺣﻨﺎ ﺭﺍﺡ ﻧﺸﻴﻞ ﺑﻌﺪ ﻭﻳﺎﻣﻦ ﺗﺘﻌﺎﺭﻙ ﺑﺲ ﻭﻳﺎﺝ
ﻣﺮﻳﻢ .. ﺍﻭﻭﻑ 😥 ﺍﻟﻠﻪ ﻛﺮﻳﻢ
........................
ﻋﻤﺎﺭ ... ﻛﺎﻋﺪ ﺑﻤﻜﺘﺐ ﻭﺍﻟﻴﺤﺎﺟﻴﻪ ﻳﺘﻌﺎﺭﻙ ﻭﻳﺎﻩ ﺟﻜﺎﺭﺗﻪ ﺑﻴﺪﺓ ﻫﺬﺍ ﺍﻟﺒﺎﻛﻴﺖ ﺍﻟﺜﺎﻟﺚ ﻳﺨﻠﺼﻪ ﻭﻳﺬﻛﺮ ﺍﺷﻠﻮﻥ ﻣﺎﻧﺰﻟﺘﻠﻪ ﻟﻮ ﺑﻴﺪﺓ ﻫﺴﺔ ﻳﺮﻭﺣﻠﻬﺎ ﺷﺎﻑ ﺭﻗﻤﻬﺎ ﺁﺧﺬﺓ ﻣﻦ ﻋﻠﻲ ﺩﻙ ﻋﻠﻴﻬﺎ ﻻﻥ ﺑﻌﺪ ﻣﺎﻳﻜﺪﺭ ﻳﺼﺒﺮ ﺍﺷﺘﻴﺎﻗﺔ ﺳﻴﻄﺮ ﻋﻠﻴﻪ
ﻧﻮﺭ ... ﻭﺍﻧﻲ ﺍﺻﻔﺢ ﺑﻠﻔﻴﺲ ﺷﻔﺖ ﺭﻗﻢ ﻏﺮﻳﺐ ﺩﻙ ﻋﻠﻴﻪ ﺍﻧﻲ ﺑﻌﺎﺩﺓ ﻣﺎ ﺍﺭﻓﻊ ﺧﻂ ﺷﻔﺘﻪ ﺩﻙ ﻣﺮﺓ ﺛﺎﻧﻴﺔ ﻛﻠﺖ ﺍﻛﻴﺪ ﻭﺣﺪﺓ ﻣﻦ ﺻﺪﻳﻘﺎﺗﻲ ﺷﻠﺖ ﺍﻟﺨﻂ ﻭﺍﻧﺼﺪﻣﺖ ﻣﻦ ﺳﻤﻌﺖ ﺻﻮﺗﻪ
ﻋﻤﺎﺭ ... ﺍﻟﻮ
ﻧﻮﺭ ... ﻣﻨﻴﻦ ﺟﺒﺖ ﺍﻟﺮﻗﻢ
ﻋﻤﺎﺭ ... ﺑﻄﺮﻳﻘﺘﻲ ﺍﻟﺨﺎﺻﺔ 😉 ﺍﻟﻤﻬﻢ ﺍﺷﻠﻮﻧﺞ
ﻧﻮﺭ ... ﺷﺘﺮﻳﺪ ﺩﺍﻙ ﻋﻠﻴﺔ
ﻋﻤﺎﺭ ... ﺍﺷﺘﺎﻗﻴﺘﻠﺞ ﻭﺭﺩﺕ ﺍﺳﻤﻊ ﺻﻮﺗﺞ ﻭﺛﺎﻧﻴﺎ ﻟﻴﺶ ﻣﺎﻧﺰﻟﺘﻲ ﺍﻟﻲ
ﻧﻮﺭ .... ﺍﻧﺘﻪ ﻣﺎ ﺗﺴﺘﺤﻲ ﺗﺘﻐﺰﻝ ﺑﻴﻪ ﻭﺍﻧﻲ ﺑﻜﻴﻔﻲ ﺍﻧﺰﻝ ﺍﻭ ﻻ
ﻋﻤﺎﺭ ... ﻟﻴﺶ ﺍﺳﺘﺤﻲ ﻏﻴﺮ ﺍﻧﺘﻲ ﺭﻭﻳﺤﺘﻲ ﻭﻣﺮﺗﻲ ﺍﻟﻤﺴﺘﻘﺒﻠﻴﺔ ﺍﻛﻮ ﻭﺍﺣﺪ ﻳﺴﺘﺤﻲ ﻣﻦ ﺭﻭﺣﺔ
ﻧﻮﺭ 😖😖... ﺑﺲ ﺍﻧﻲ ﻣﻮ ﻣﺮﺗﻚ
ﻋﻤﺎﺭ ... ﻣﺮﺗﻲ ﻭﻏﺼﺒﻦ ﻋﻠﻴﺞ 😏 ﺍﻟﻤﻬﻢ ﺑﻌﺪ ﻣﻦ ﺍﺩﻙ ﻋﻠﻴﺞ ﺷﻴﻠﻲ ﺍﻟﻤﻮﺑﺎﻳﻞ
ﻧﻮﺭ ... ﻣﺎ ﺃﺷﻴﻠﻪ ﺷﺴﻮﻱ ﺳﻮﻱ 😎
ﻋﻤﺎﺭ ... ﻫﺎ ﻧﻮﺭ ﻻ ﺗﻌﺎﻧﺪﻳﻨﻲ ﻣﻮ ﺗﻌﺮﻓﻴﻦ ﺷﺴﻮﻱ ﺧﻠﻴﺞ ﺣﺒﺎﺑﺔ ﻭﻻﺗﻌﺎﻧﺪﻳﻦ ﺍﺫﻛﺮﺝ ﺑﺼﺪﺭﻳﺔ ﻟﻮ ﻻ ﻭﻫﺴﺔ ﺻﺎﺭ ﻋﻨﺪﻱ ﺷﻐﻞ ﺑﺎﻱ ﻭﺳﺪﺍﻩ ﺑﻮﺟﻬﺎ
ﻧﻮﺭ ... ﻭﺑﻌﺪﻫﺎ ﻣﺎ ﺭﺍﺩﺓ ﻋﻠﻴﻪ ﻭﺳﺪﺍﻩ ﺑﻮﺟﻬﺎ ﺻﺎﺭﺕ ﻋﺼﺒﻴﻪ ﻻﻥ ﺳﺪﺍﻩ ﻭﺿﻠﺖ ﺩﺭﺩﻡ ﻋﻠﻴﻪ 😆
.............
ﻋﻠﻲ ... ﻭﻫﻮ ﺍﻟﻔﺮﺣﺎﻥ ﻻﻥ ﺭﺍﺡ ﻳﺨﻄﺒﻬﺎ ﻟﻤﺮﻳﻢ ﻭﻳﺨﻠﺼﻬﺎ ﻣﻦ ﺍﺧﻮﻫﺎ ﺭﺟﻊ ﻟﺒﻴﺖ ﻭﺿﺤﻜﺔ ﻣﺎﻟﻴﺔ ﻭﺟﻪ ﺗﻠﻜﺘﻪ ﺍﻣﻪ
ﺍﻡ ﻣﺤﻤﺪ ... ﻫﻼ ﺑﻬﻄﻮﻝ ﺍﻟﺤﻠﻮ ﺍﻟﻴﻮﻡ ﺍﺷﻮﻓﻚ ﺗﻀﺤﻚ ﺧﻴﺮ ﻳﻤﻪ
ﻋﻠﻲ ... ﻭﺍﻟﻠﻪ ﻳﻤﻪ ﺍﻓﻜﺮ ﺍﺭﻳﺪ ﺑﻌﺪ ﺍﺯﻭﺝ
ﺍﻡ ﻣﺤﻤﺪ ... ﻭﻣﺎ ﻣﺼﺪﻛﺔ ﺍﻥ ﻋﻠﻲ ﻭﺃﺧﻴﺮﺍ ﻓﻜﺮ ﻳﺰﻭﺝ
ﻛﻠﺘﻠﻪ ﻳﻮﻡ ﺍﻟﻤﻨﺎ ﺍﺷﻮﻓﻚ ﻣﺰﻭﺝ ﻭﻳﺼﻴﺮ ﻋﻨﺪﻙ ﺟﻬﺎﻝ
ﺍﺑﻮ ﻣﺤﻤﺪ .. ﻭﻫﻮ ﻫﺴﺔ ﺩﺧﻞ ﻟﺒﻴﺖ ﻭﺳﻤﻊ ﺑﺤﺠﻲ ﻛﺎﻻﻟﻪ ﺍﻱ ﻭﺃﺧﻴﺮﺍ ﻳﻼ ﺍﻟﻴﻮﻡ ﺍﻧﺮﻭﺡ ﺑﻴﺖ ﻋﻤﻚ ﺍﻃﻠﺒﻚ ﺑﻨﺖ ﻋﻤﻚ ﻣﻨﺎﻝ ﺧﻮﺵ ﺑﻨﻴﺔ ﻣﻮﺩﺑﺔ ﻭﺣﺒﺎﺑﺔ ﻭﺩﺍﺭﺳﺔ ﺗﻔﻴﺪﻙ
ﻋﻠﻲ ... ﺑﺲ ﺍﻧﻲ ﺍﻻﺭﻳﺪﻫﺎ ﻣﻮ ﻣﻨﺎﻝ ﺍﻧﻲ ﺍﺣﺐ ﻭﺣﺪﺓ ﻭﺍﺭﻳﺪﻫﺎ
ﺍﺑﻮ ﻣﺤﻤﺪ ... ﻭﻫﺎﻱ ﻣﻨﻮ ﺍﻟﺘﺤﺒﻬﺎ ﻭﺗﺮﻳﺪ ﺗﺰﻭﺟﻬﺎ
ﻋﻠﻲ ... ﻭﺣﺪﺓ ﺷﻔﺘﻬﺎ ﺑﻜﺮﺑﻼﺀ ﻭﻋﺠﺒﺘﻨﻲ ﻭﻋﺮﻓﺘﻬﺎ ﻭﺍﺭﻳﺪ ﺍﺯﻭﺟﻬﺎ
ﺍﺑﻮ ﻣﺤﻤﺪ .... ﺟﺎ ﺍﻧﺘﻪ ﻣﺨﻠﻲ ﺑﻨﺖ ﻋﻤﻚ ﺍﻟﻨﻌﺮﻓﻬﺎ ﻭﺭﺍﻳﺢ ﻟﻐﺮﻳﺒﺔ ﺍﻟﻤﺎ ﻧﻌﺮﻑ ﻋﻨﻬﺎ ﺷﻲ
ﻋﻠﻲ ... ﺑﻮﻳﺔ ﺑﻨﺖ ﻋﻤﻲ ﺯﻏﻴﺮﺓ ﺑﻌﺪﻫﺎ ﻭﺣﻠﻮﺓ ﻭﺍﻟﻒ ﻭﺍﺣﺪ ﻳﺘﻤﻨﻬﺎ ﺍﻧﻲ ﺍﺭﻳﺪ ﻫﺎﻱ ﺍﻟﺒﻨﻴﺔ ﺍﻭﻝ ﻭﺗﺎﻟﻲ ﺭﺍﺡ ﺍﺯﻭﺟﻬﺎ
ﺍﻡ ﻣﺤﻤﺪ ... ﻳﺎ ﺍﺑﻮ ﻣﺤﻤﺪ ﻫﻮ ﺍﻟﻮﻟﺪ ﻫﺎﻭﻳﻬﺎ ﻟﺒﻨﻴﺔ ﻟﻴﺶ ﺗﺨﻠﻲ ﻫﻴﺞ ﻭﺛﺎﻧﻴﺎ ﻫﻮ ﻋﻠﻲ ﺟﺒﻴﺮ ﻭﺍﻭﻋﻲ ﻳﻌﺮﻑ ﻳﺨﺘﺎﺭ ﺧﻠﻲ ﻫﻮ ﻳﺰﻭﺝ ﺍﻟﻴﺮﻳﺪﻫﺎ
ﺍﺑﻮ ﻣﺤﻤﺪ ... ﻫﻮ ﺍﻧﺘﻲ ﺷﻜﺪ ﻣﺪﻟﻠﺘﻪ ﻣﻦ ﻫﺎﻱ ﻃﻠﻊ ﻳﺨﺘﻠﻒ ﻋﻦ ﺍﺧﻮﺗﻪ ﻫﺎﻱ ﻫﺴﺔ ﻣﻮ ﺍﺧﻮﺗﻪ ﻛﻞ ﻭﺍﺣﺪ ﻣﺰﻭﺝ ﺑﻨﺖ ﻋﻤﻪ ﻭﺧﻴﺮ ﻣﻦ ﺍﻟﻠﻪ
ﺍﻡ ﻣﺤﻤﺪ ... ﻫﻮ ﺧﻠﻲ ﻳﺸﻮﻑ ﺣﻴﺎﺗﻪ ﻫﻮ ﺍﻟﺰﻭﺍﺝ ﻏﻴﺮ ﻋﺸﺮﺓ ﻋﻤﺮ ﻳﺎ ﺍﺑﻮﻣﺤﻤﺪ ﻗﺎﺑﻞ ﻗﻄﻌﺔ ﻗﻤﺎﺵ ﻳﺸﺘﺮﻳﻬﺎ ﻭﻳﺮﺩﻫﺎ
ﺍﺑﻮ ﻣﺤﻤﺪ .... ﺍﻱ ﺍﻟﻠﻪ ﻛﺮﻳﻢ ﺧﻠﻴﻨﻲ ﺍﺷﻮﻑ ﻋﻤﺎﻣﻪ ﺷﻴﻜﻮﻟﻮﻥ ﻭﻳﺼﻴﺮ ﺧﻴﺮ
ﻋﻠﻲ ... ﻳﻤﻪ ﻓﺪﻭﺓ ﺍﻟﻜﻠﺒﺞ ﺑﺲ ﺍﻧﺘﻲ ﺗﻔﻬﻤﻴﻨﻲ 😘
ﺍﺑﻮ ﻣﺤﻤﺪ ... ﺍﻱ ﺍﻧﺘﻪ ﺿﻞ ﺑﻬﺎﻱ ﺳﻮﺍﻟﻔﻚ
ﻋﻠﻲ ... ﻏﻴﺮ ﻫﺎﻱ ﺍﻟﻌﺎﻓﻴﺔ ﺷﻌﻨﺪﻱ ﻏﻴﺮﻫﺎ
......................
ﻣﺮﻳﻢ .. ﺍﻟﻴﻮﻡ ﺍﺑﺪ ﻣﺎ ﻃﻠﻌﺖ ﻣﻦ ﻏﺮﻓﺘﻲ ﻭﺍﺳﻤﻊ ﺟﻮﺓ ﺍﺑﻮﻳﺔ ﻭﺣﺴﻦ ﻳﻤﻜﻦ ﺍﺗﻌﺎﺭﻛﻮ
ﺍﺑﻮ ﻣﺮﻳﻢ ... ﻭﻟﻚ ﺍﻧﺘﻪ ﺍﻟﻴﻮﻡ ﻟﻴﺶ ﻫﻴﺞ ﻣﺴﻮﻱ ﻭﻱ ﺍﺧﺘﻚ
ﺣﺴﻦ ... ﻻ ﻣﻮ ﻧﺨﻠﻴﻬﺎ ﻉ ﺣﻞ ﺷﻌﺮﻫﺎ ﺑﻮﻳﺔ ﺣﻘﻚ ﻣﺎ ﺷﻔﺘﻬﺎ ﺗﻨﻈﻒ ﺑﻄﺮﻣﺔ ﻭﺭﺍﻓﻌﺔ ﺩﺷﺘﺪﺍﺷﺘﻬﺎ ﻭﺷﻌﺮﻫﺎ ﻃﺎﻟﻊ ﺍﻟﺮﺍﻳﺢ ﻭﺟﺎﻱ ﺍﻟﻴﺒﺎﻭﻋﻠﻬﺎ ﻳﺘﻔﺮﺝ ﻭﺗﺮﻳﺪﻧﻲ ﺍﺳﻜﺘﻠﻬﺎ
ﺍﺑﻮ ﻣﺮﻳﻢ ... ﺍﻧﺘﻪ ﻣﻌﻠﻴﻚ ﺑﻮﻳﺔ ﺍﻧﻲ ﺍﺣﺎﺳﺒﻬﺎ ﻭﺍﻋﻠﻤﻬﺎ
ﺣﺴﻦ ... ﺍﻱ ﻣﻮ ﺍﻧﻲ ﻃﺮﻃﻮﺭ ﺍﻫﻨﺎ ﻭﺃﺳﻜﺘﻠﻬﺎ
ﺍﻳﻤﺎﻥ ... ﻋﻤﻲ ﺧﻄﻴﺔ ﻫﻲ ﻣﺎﺟﺎﻧﺖ ﺗﺪﺭﻱ ﺍﻛﻮ ﻓﻮﻙ ﻭﻟﺪ
ﻟﻴﻠﻰ .. ﻭﻫﻲ ﺗﻌﻮﺝ ﺑﺤﻠﻜﻬﺎ ﻳﻤﻌﻮﺩﺓ ﺍﺳﻜﺘﻲ ﻫﻲ ﺳﻮﻱ ﻧﻔﺴﻬﺎ ﻣﺎ ﺗﺪﺭﻱ ﻫﺎﻱ ﺍﻟﺴﻮﺍﻟﻒ ﻻ ﺗﻌﺒﺮﻫﻦ ﻋﻠﻴﻨﻪ
ﺣﺴﻦ ... ﻭﺻﻮﺗﻪ ﻋﺎﻟﻲ ﻭﻋﻠﻲ ﺑﻌﺪ ﺍﺫﺍ ﻭﺻﻠﺖ ﻟﺒﺎﺏ ﺍﻟﻄﺮﻣﺔ ﺃﻛﺴﺮﻫﺎ ﻭﺍﺧﻠﻴﻬﺎ ﻭﻫﻲ ﻓﻮﻙ ﻫﺴﺔ ﻭﺗﺴﻤﻊ ﺻﻮﺗﻲ ﺑﻌﺪ ﻣﺎ ﺍﻋﻴﺪﻫﺎ ﻛﻠﻤﺘﻲ ﻭﻃﻠﻊ ﻣﻦ ﺍﻟﺒﻴﺖ ﻭﻟﻴﻠﻰ ﻟﺤﻜﺘﻪ
ﻟﻴﻠﻰ .. ﺣﺒﻴﺒﻲ ﻣﺎ ﺗﺘﻌﺸﻰ ﻫﺴﺔ ﺍﺳﻮﻳﻠﻚ ﺍﻫﻢ ﺷﻲ ﻻﺗﻌﺼﺐ ﺗﺮﻭﺣﻠﻚ ﻓﺪﻭﺓ
ﺣﺴﻦ ... ﻣﺎ ﺍﺭﻳﺪ ﺯﻗﻨﺒﻮﺕ ﻫﻮ ﺍﻟﻮﺍﺣﺪ ﻫﻤﻴﻦ ﺑﻌﺪ ﻳﺸﺘﻬﻲ ﻃﻠﻊ ﻭﻃﺒﻚ ﺍﻟﺒﺎﺏ ﺣﻴﻞ
ﻟﻴﻠﻰ ... ﺍﻭﻱ ﻭﻫﺴﺔ ﺍﻧﻲ ﻟﻴﺶ ﻣﺘﻌﺒﺔ ﺭﻭﺣﻲ
ﻣﺮﻳﻢ .... ﻭﻫﻲ ﺳﻤﻌﺖ ﻛﻞ ﺍﻟﺤﺠﻮ ﺟﻮﻩ ﻭﺻﺎﺭﺕ ﺗﺒﺠﻲ ﻻﻥ ﺑﻌﺪ ﻣﺎ ﺗﺘﺤﻤﻞ ﺷﺎﻓﺖ ﻣﻮﺑﺎﻳﻠﻬﺎ ﺍﻳﺪﻙ
ﻋﻠﻲ ... ﻫﻼ ﺑﺮﻭﻳﺤﺘﻲ ﺍﻧﻲ ﺍﺳﻒ ﻻﻥ ﺩﻛﻴﺖ ﻋﻠﻴﺞ ﺑﺲ ﺑﻌﺪ ﻣﺎ ﺍﺗﺤﻤﻞ ﺍﻻﺳﺒﻮﻉ ﺍﻟﻴﺠﻲ ﺍﺣﻨﺎ ﻳﻤﻜﻢ 😍
ﻣﺮﻳﻢ ... ﺑﺼﻮﺕ ﻫﺎﻣﺲ ﺷﻨﻮ ﻳﻤﻨﻪ ﻳﻌﻨﻲ ﺗﺠﻲ ﺍﺯﻭﺭ
ﻋﻠﻲ 😂😂😂.. ﻻ ﺣﺒﻲ ﺍﺟﻲ ﺍﺧﻄﺒﺞ 😉
ﻣﺮﻳﻢ 😲😲... ﻋﻠﻲ ﺧﺎﻳﻔﺔ ﻣﻦ ﺍﻫﻠﻲ ﻭﺧﺼﻮﺻﺎ ﺣﺴﻦ ﺧﺎﻑ ﻣﺎ ﻳﺮﺿﻰ
ﻋﻠﻲ ... ﻻ ﻳﻌﻤﺮﻱ ﺍﺗﻔﺎﺀﻟﻲ ﺇﻧﺸﺎﺀ ﺍﻟﻠﻪ ﻳﺮﺿﻮﻥ
ﻣﺮﻳﻢ ... ﺍﻟﻠﻪ ﻛﺮﻳﻢ ﻭﺿﻠﻮ ﻳﺤﺠﻮﻥ ﻭﻫﻲ ﻛﺎﻋﺪ ﺗﺤﺠﻲ ﺳﻤﻌﺖ ﺻﻮﺕ ﺷﻲ ﻃﺎﺡ ﻏﻠﻘﺖ ﺍﻟﻤﻮﺑﺎﻳﻞ ﻛﺘﺒﺖ ﺭﺳﺎﻟﺔ ﻟﻌﻠﻲ
ﻋﻠﻲ ﻻ ﺗﺨﺎﺑﺮﻧﻲ ﻭﻻﺗﺮﺍﺳﻞ ﻳﻤﻜﻦ ﻭﺍﺣﺪ ﺳﻤﻌﻨﻪ ﻫﺴﺔ ﺍﺷﻮﻑ ﻣﻨﻮ
ﻃﻠﻌﺖ ﺷﻔﺖ ﻣﺤﺪ ﻣﻮﺟﻮﺩ ﺑﺎﻭﻋﺖ ﻉ ﺩﺭﺝ ﻣﺤﺪ ﻣﻮﺟﻮﺩ ﺭﺟﻌﺖ ﺭﺳﻠﺘﻠﻪ ﻣﺤﺪ ﻣﻮﺟﻮﺩ ﺑﺲ ﺧﻠﻴﻨﻪ ﻧﺤﺎﻭﻝ ﻧﻘﻠﻞ ﻣﺨﺎﺑﺮﺗﻨﻪ ﺧﻠﻴﻨﻪ ﻉ ﺭﺳﺎﻳﻞ
ﻋﻠﻲ ... ﺍﻱ ﺣﺒﻲ ﻭﺍﻧﻲ ﻫﻤﻴﻦ ﺍﺧﺎﻑ ﻋﻠﻴﺞ ﺑﻌﺪ ﺍﺳﺒﻮﻉ ﻭﺍﺻﻴﺮﻳﻦ ﺍﻟﻴﻪ 😍
ﻣﺮﻳﻢ ... ﺇﻧﺸﺎﺀ ﺍﻟﻠﻪ ﻳﻼ ﺗﺼﺒﺢ ﻉ ﺧﻴﺮ
ﻋﻠﻲ .. ﺑﺎﻟﺞ ﻉ ﺭﻭﺣﺞ ﻭﺍﻧﺘﻲ ﺑﺎﻟﻒ ﺧﻴﺮ ﺍﺣﺒﺞ 😘
ﻟﻴﻠﻰ .... ﻭﻫﻲ ﺳﻤﻌﺖ ﺍﻟﺤﺠﻲ ﺍﻟﺪﺍﺭ ﺑﻴﻦ ﻋﻠﻲ ﻭﻣﺮﻳﻤﺎﻱ ﺳﺖ ﻣﺮﻳﻢ ﻛﺸﻔﺘﺞ 😈😈 ﺑﻌﺪ ﻭﻳﻦ ﺗﺨﻠﺼﻴﻦ ﻣﻨﻲ ﺍﺫﺍ ﻣﺎ ﺍﻧﺪﻣﺞ ﻭﺍﺧﻠﻴﺞ ﺗﺰﻭﺟﻴﻦ ﺍﺧﻮﻳﺔ ﺍﻧﻲ ﺍﻋﻠﻤﺞ ﺑﺲ ﺍﺻﺒﺮﻳﻠﻲ .........😈😈😈
↙️
ﻣﺮﻳﻢ ... ﺑﻌﺪ ﻣﺎﻧﻬﻴﺖ ﺍﻻﺗﺼﺎﻝ ﻣﻦ ﻋﻠﻲ ﻛﻌﺪﺕ ﺍﻓﻜﺮ ﻣﻌﻘﻮﻟﺔ ﺍﻻﺳﻮﻱ ﺧﻄﺎ ﺯﻳﻦ ﺍﺫﺍ ﻭﺍﻓﻘﻮ ﺍﻫﻠﻲ ﻣﻦ ﻳﻀﻞ ﻻﻣﻲ ﻟﺒﻮﻱ ﻭﺍﺫﺍ ﻣﺎ ﻭﺍﻓﻘﻮ ﺍﺷﻠﻮﻥ ﻭﺧﺎﻑ ﻳﻜﺸﻔﻮﻥ ﻋﻨﺪﻱ ﻋﻼﻗﺔ ﻭﻳﺎﻩ ﺷﻨﻮ ﺍﻟﻴﺼﻴﺮ ﻭﺿﻠﺖ ﺍﻻﻓﻜﺎﺭ ﺗﻀﺎﺭﺏ ﺑﺮﺍﺳﻲ ﺍﺣﺲ ﺭﺍﺳﻲ ﺭﺍﺡ ﻳﻨﻔﺠﺮ ﺍﺣﺲ ﺭﻭﺣﻲ ﻋﺎﻳﺸﺔ ﺑﺼﺮﺍﻉ ﻣﺎﺑﻴﻦ ﻋﻘﻠﻲ ﻭﻛﻠﺒﻲ ﻣﺎ ﺍﻋﺮﻑ ﻣﻨﻮ ﺍﻟﺼﺤﻴﺢ ﻟﺤﺪ ﻣﺎ ﺩﺧﺖ ﻭﻧﻤﺖ
ﻋﻠﻲ ... ﺑﻌﺪ ﻣﺎ ﻭﺍﻓﻘﻮ ﻋﻤﺎﻣﻲ ﻭﺍﺑﻮﻱ ﺍﺭﺗﺎﺣﻴﺖ ﻣﻦ ﻓﺮﺣﺘﻲ ﺩﻛﻴﺖ ﻉ ﻣﺮﻳﻢ ﺻﺤﻴﺢ ﻫﻲ ﻣﻨﺒﻬﺘﻨﻲ ﻣﺎ ﺍﺩﻙ ﻋﻠﻴﻬﺎ ﺑﺲ ﺑﻌﺪ ﻣﺎ ﺗﺤﻤﻠﺖ ﻭﺩﻛﻴﺖ ﻋﻠﻴﻬﺎ ﺳﻤﻌﺖ ﺻﻮﺗﻬﺎ ﺣﺴﻴﺘﻬﺎ ﺧﺎﻳﻔﺔ ﻭﻣﺮﻋﻮﺑﻪ ﺻﺤﻴﺢ ﺍﻧﻲ ﻫﻤﻴﻦ ﺧﺎﻳﻒ ﻣﻦ ﻓﻜﺮﺓ ﻣﺎ ﻳﻨﻄﻮﻫﺎ ﺍﻟﻲ ﺑﺲ ﺑﻌﺪ ﻉ ﺍﻟﻠﻪ ﻭﺧﺼﻮﺻﺎ ﻣﺎﺑﻌﺪ ﺍﺑﻮﻱ ﻛﺎﻻﻟﻲ ﺍﺫﺍ ﻣﺎ ﻳﻨﻄﻮﻫﺎ ﺍﺯﻭﺟﻚ ﺑﻨﺖ ﻋﻤﻚ ﻣﻨﺎﻝ ﺧﻠﻴﺘﻬﺎ ﻉ ﺍﻟﻠﻪ
ﻋﻤﺎﺭ ... ﺍﺩﻙ ﻉ ﻧﻮﺭ ﻣﺎ ﺍﺟﺎﻭﺏ ﺳﻮﺗﻬﺎ ﺍﻋﺮﻑ ﺑﻴﻬﺎ ﺍﻋﻨﻮﺩﻳﺔ ﺑﻌﺪ ﻣﺎ ﺍﻛﺪﺭ ﺍﺭﻛﺰ ﻉ ﺷﻐﻠﻲ ﺗﺮﻛﺖ ﻛﻠﺸﻲ ﺑﻮﺭﺍﻳﺔ ﺍﺧﺬﺕ ﺍﺟﺎﺯﺓ ﻻﻥ ﺑﻌﺪ ﻣﺎ ﺍﺗﺤﻤﻞ ﺻﺎﻟﻲ ﻫﻮﺍﻱ ﻣﺎﺷﺎﻳﻔﻬﺎ ﻭﻻ ﺳﺎﻣﻊ ﺻﻮﺗﻬﺎ ﺍﺧﺬﺕ ﺍﻟﺴﻮﻳﺞ ﺷﺨﻄﺖ ﺍﻟﺴﻴﺎﺭﺓ ﻭﺭﺣﺖ ﺧﺎﺑﺮﺕ ﻉ ﻋﻠﻲ
ﻫﻼﻭ ﻋﻠﻮﺵ ﻭﻳﻦ ﺍﻧﺘﻪ
ﻋﻠﻲ .. ﺍﻟﻴﻮﻡ ﺑﻌﺮﺱ ﻛﺎﻣﻞ
ﻋﻤﺎﺭ ... ﻫﺎ ﺟﺎ ﻣﻮ ﺧﻤﻴﺲ ﻟﻴﺶ ﻳﻮﻡ ﺍﻧﻲ ﺍﻟﻴﻮﻡ ﺍﺧﺬﺕ ﺍﺟﺎﺯﺓ ﻟﻌﺪ ﺭﺍﺡ ﺍﺟﻲ ﻟﻠﻌﺮﺱ
ﻋﻠﻲ .. ﻟﻌﺪ ﻣﺎ ﺗﻤﺮ ﺑﻄﺮﻳﻘﻚ ﻉ ﻧﻮﺭ ﺑﻘﺖ ﺑﻠﺒﻴﺖ ﻻﻥ ﻣﺎ ﺭﺍﺩﺕ ﺗﺮﻭﺡ ﺑﺲ ﻫﺴﺔ ﺧﺎﺑﺮﺗﻨﻲ ﺍﺗﺮﻳﺪﻧﻲ ﺍﺟﻴﻬﺎ ﺍﺣﻨﺎ ﻛﻠﻨﺎ ﺑﻌﺮﺱ ﻭﻟﻴﻞ ﺍﻻ ﻧﺮﺟﻊ ﻭﺍﻧﻲ ﻣﺎ ﺍﻛﺪﺭ ﺍﺟﻴﻬﺎ ﺟﻴﺒﻬﺎ ﺑﻄﺮﻳﻘﻚ
ﻋﻤﺎﺭ ... ﺍﻱ ﺧﻮﺵ ﻫﺴﺔ ﺍﺭﺟﻊ ﺍﺑﺪﻝ ﻭﺍﺧﺬﻫﺎ ﻟﺴﺖ ﻧﻮﺭ 😎
ﻋﻠﻲ ... ﻳﻼ ﺍﻧﺘﻈﺮﻙ ﻣﻊ ﺍﻟﺴﻼﻣﺔ
ﻧﻮﺭ ... ﻛﻌﺪﺕ ﻣﺘﺎﺧﺮﺓ ﻟﻜﻴﺖ ﺍﻫﻠﻲ ﻣﺤﻈﺮﻳﻦ ﻧﻔﺴﻬﻢ ﺍﻳﺮﻭﺣﻮﻥ ﺑﻌﺮﺱ ﺍﺑﻦ ﻋﻤﻲ ﺍﻧﻲ ﻣﺎ ﺍﻟﺤﻚ ﺍﺑﺪﻝ ﻛﻠﺘﻠﻬﻢ ﺍﺑﻘﻰ ﺑﻠﺒﻴﺖ ﻭﺍﺫﺍ ﺧﻔﺖ ﺍﺧﺎﺑﺮﻛﻢ ﺗﺠﻮﻧﻲ ﺑﻌﺪﻳﻦ ﻛﻤﺖ ﺍﺗﺨﻴﻞ ﺃﺻﻮﺍﺕ 😂 ﺧﺎﺑﺮﺕ ﻋﻠﻲ ﻛﺎﻻﻟﻲ ﺣﻈﺮﻱ ﻧﻔﺴﺞ ﻫﺴﺔ ﺍﺟﻴﺞ
ﻟﺒﺴﺖ ﻓﺴﺘﺎﻥ ﺍﺳﻮﺩ ﻣﺨﺼﺮ ﻭﺑﻴﻪ ﺫﻫﺒﻲ ﻭﺷﺎﻝ ﻫﻤﻴﻦ ﺍﺳﻮﺩ ﻭﺑﻴﻪ ﻭﺭﺩﺍﺕ ﺫﻫﺒﻴﺔ ﻭﻛﻌﺐ ﺍﺳﻮﺩ ﺧﻠﻴﺖ ﻣﻜﻴﺎﺝ ﻭﻋﺪﺳﺎﺕ ﻭﺭﻣﻮﺵ ﻃﻮﺧﺖ ﺍﻟﺤﻤﺮﺓ ﺭﺷﻴﺖ ﻋﻄﺮ ﻗﻮﻱ ﺑﺤﻴﺚ ﺍﻧﻲ ﺍﻧﺴﻄﺮﺕ ﺿﻠﻴﺖ ﻣﻨﺘﻈﺮﺓ ﻋﻠﻲ ﻭﺍﻧﻲ ﺍﺭﻳﺪ ﺍﺧﺎﺑﺮﺓ ﺳﻤﻌﺖ ﺍﻟﺒﺎﺏ ﻳﺪﻙ
ﻋﻤﺎﺭ ... ﺑﻌﺪ ﻣﺎ ﺭﺟﻌﺖ ﻟﺒﻴﺖ ﻟﻜﻴﺘﻪ ﻓﺎﺭﻍ ﻣﺤﺪ ﺑﻴﻪ ﻛﻠﻬﺎ ﺑﻌﺮﺱ ﺑﺪﻟﺖ ﻟﺒﺴﺖ ﺩﺷﺪﺍﺷﺔ ﺍﺣﺰﺍﻡ ﻭﻳﺎﻫﺎ ﻭﺷﻤﺎﻍ ﻭﺑﻴﺪﻱ ﺍﻟﺴﺒﺤﺔ ﺭﺷﻴﺖ ﺍﻟﻌﻄﺮ ﻃﻠﻌﺖ ﻭﺭﺣﺖ ﻉ ﺑﻴﺖ ﻋﻤﻲ ﺍﺟﻴﺐ ﻧﻮﺭ ﻭﺍﻧﻲ ﻣﺘﻠﻬﻒ ﺍﺷﻮﻓﻬﺎ ﻭﻣﺸﺘﺎﻗﻠﻬﺎ ﻭﺻﻠﺖ ﻟﺒﻴﺖ ﺩﻛﻴﺖ ﺍﻟﺒﺎﺏ ﻃﻠﻌﺘﻠﻲ ﻫﻲ
ﻧﻮﺭ 😲😲... ﺍﻧﺼﺪﻣﺖ ﻣﻦ ﺷﻔﺘﻪ ﺿﻠﻴﺖ ﺍﻣﺘﻤﺖ
ﻋﻌﻤﺎﺭ
ﻋﻤﺎﺭ ... ﻭﺳﺪﻳﺖ ﺍﻟﺒﺎﺏ ﺑﻮﺭﺍﻱ ﺍﻱ ﻟﻌﺪ ﺣﺴﺒﺎﻟﺞ ﻣﻨﻮ 😎😎 ﺳﺖ ﻧﻮﺭ
ﻧﻮﺭ .. ﻭﺗﺼﻨﻊ ﺍﻟﻘﻮﺓ ﻣﺎﺗﺮﻳﺪ ﺗﺒﻴﻦ ﺧﺎﻳﻔﺔ ﻣﻨﻪ
ﻟﻌﺪ ﻋﻠﻲ ﻭﻳﻦ ﻣﻮ ﻫﻮ ﺍﻟﻴﺨﺎﺫﻧﻲ ﺍﻧﺘﻪ ﺍﺟﺎﺑﻚ ﺍﻫﻨﺎ ﻋﻤﺎﺭ ... ﺭﺟﻠﻴﻪ ﺍﻟﺠﺎﺑﺘﻨﻲ ﻭﺛﺎﻧﻴﺎ ﺷﻨﻮ ﻫﺬﺍ ﺷﻼﻋﺒﺔ ﺑﻮﺟﻬﺞ ﻭﺷﻨﻮ ﻫﺎﻱ ﺣﻤﺮﺗﺞ ﻳﻼ ﺍﻣﺴﺤﻴﻬﺎ ﺳﺎﻟﻔﺔ ﺍﻟﻤﻮﺑﺎﻳﻞ ﻣﺎﻧﺴﻴﻪ ﺍﻟﺞ 😏
ﻧﻮﺭ ... ﻭﺗﻜﺮﻩ ﻭﺍﺣﺪ ﻳﻔﺮﺽ ﺃﻭﺍﻣﺮ ﻋﻠﻴﻬﺎ
ﻣﺎ ﺍﻣﺴﺤﻬﺎ ﺷﺴﻮﻱ ﻣﺎ ﻳﻌﺠﺒﻚ ﻻﺗﺨﺎﺧﺬﻧﻲ ﺍﺧﺎﺑﺮ ﻋﻠﻲ ﻭﻳﺠﻲ ﻳﺄﺧﺬﻧﻲ ﻭﺭﺩﺕ ﺍﺭﻭﺡ ﻣﺎ ﺍﺣﺲ ﺍﻻ ﺍﺩﻳﻪ ﺟﺮﺗﻨﻲ ﻭﻃﺒﻜﻨﻲ ﻭﻱ ﺍﻟﺤﺎﻳﻂ
ﻋﻤﺎﺭ ... ﻭﺑﺼﻮﺕ ﺧﺸﻦ ﺃﻭﻻ ﺻﻮﺗﺞ ﻻﺗﻌﻠﻲ ﻭﺛﺎﻧﻴﺎ ﺍﺫﺍ ﺍﻛﻠﺞ ﺷﻲ ﺍﺗﻜﻮﻟﻴﻦ ﺻﺎﺭ
ﻧﻮﺭ ... ﻣﻮ ﺑﻜﻴﻔﻚ ﺍﻧﻲ ﺍﺳﻮﻱ ﺍﻟﻴﻌﺠﺒﻨﻲ ﻭﻣﺎ ﺣﺴﺖ ﺍﻻ ﺷﻔﺎﻳﻔﻬﺎ ﺑﻴﻦ ﺍﺷﻔﺎﻳﻔﺔ 🙈
ﻋﻤﺎﺭ ... ﺑﻌﺪ ﻣﺎ ﺗﺤﻤﻠﺖ ﻣﻨﺎﻙ ﺍﻧﻲ ﻣﺸﺘﺎﻗﻠﻬﺎ ﻭﻋﻨﺪﻫﺎ ﻣﻮﺗﻨﻲ ﻣﺎﺳﻴﻄﺮﺕ ﻉ ﻧﻔﺴﻲ ﺑﺴﺘﻬﺎ ﺑﺲ ﺣﺴﻴﺘﻬﺎ ﻣﻮ ﺑﻮﺳﺔ ﺣﺴﻴﺖ ﻋﻄﺸﺎﻥ ﻭﺃﺭﻳﺪ ﺍﺭﺗﻮﻱ ﻗﺴﻴﺖ ﻋﻠﻴﻬﺎ ﻫﻮﺍﻱ ﻣﺎﺗﺮﻛﺘﻬﺎ ﺍﻻ ﺣﺴﻴﺘﻬﺎ ﺍﺗﺮﻳﺪ ﺗﺨﺘﻨﻚ
ﻧﻮﺭ ... ﻭﺍﻧﻲ ﻣﺼﺪﻭﻣﺔ ﻣﻦ ﺗﺼﺮﻓﻪ ﻣﺎﺗﻮﻗﻌﺘﺎ ﻫﻴﺞ ﺣﺴﻴﺖ ﻧﻔﺴﻲ ﺭﺍﺡ ﻳﻨﻐﻤﻲ ﻋﻠﻴﻪ ﻓﻘﺪﺕ ﺍﻟﺘﻮﺍﺯﻥ ﺍﺭﻳﺪ ﻫﻮﺍﺀ ﻣﻦ ﺣﺲ ﺑﻴﻪ ﺍﺧﺘﻨﻜﺖ ﺍﻻ ﺗﺮﻛﻨﻲ
ﻋﻤﺎﺭ ... ﻫﺎﻱ ﺍﻟﺤﻤﺮﺓ ﻭﻣﺴﺤﺘﻬﺎ ﺍﻟﺞ ﻛﻠﻴﺘﻠﺞ ﻻﺗﻌﺎﻧﺪﻳﻨﻲ ﺍﻧﺘﻲ ﻣﺎ ﺗﺴﻤﻌﻴﻦ ﺍﻟﻜﻼﻡ ﻭﻳﻼ ﺗﻌﺎﻟﻲ ﺍﺻﻌﺪﻱ ﺑﺴﻴﺎﺭﺓ
ﻧﻮﺭ ... ﻭﺩﻣﻌﺔ ﺑﻌﻴﻨﻬﺎ ﻣﺎﺗﻌﺮﻑ ﺗﺼﺮﻑ ﺷﻨﻮ ﻣﺎﺑﻴﺪﻫﺎ ﺣﻞ ﻏﻴﺮ ﺍﺻﻌﺪ ﻭﻳﺎﻫﺎ
...........................
ﻭﺍﻛﻔﺔ ﻭﺻﺎﻓﻨﺔ ﻋﻠﻴﻪ ﺍﺷﻮﻑ ﻛﻞ ﺣﺮﻛﺔ ﻳﺴﻮﻳﻬﺎ ﺍﻋﺸﻖ ﻛﻞ ﺗﻔﺎﺻﻴﻠﻪ ﻭﺍﻧﻲ ﺻﺎﻓﻨﻪ ﻋﻠﻴﻪ ﻧﺎﺳﻴﺔ ﺍﻟﻴﻮﻡ ﻋﺮﺱ ﺍﺧﻮﻳﺔ ﻭﺑﺲ ﺍﺑﺎﻭﻉ ﻣﻦ ﺷﺒﺎﻙ ﺍﺷﻠﻮﻥ ﻳﺴﻮﻟﻒ ﻣﺎﺧﺬ ﻋﻘﻠﻲ ﻭﻛﻠﺒﻲ ﻭﻳﺎﻩ ﻋﻴﻨﻲ ﻣﺎ ﺷﻮﻑ ﺑﺲ ﻫﻮ ﻭﺍﻧﻲ ﻓﺎﺻﻠﺔ ﻋﻦ ﺍﻟﻌﺎﻟﻢ ﺍﺳﻤﻊ ﻣﺮﺕ ﻋﻤﻲ ﺗﺤﺠﻲ ﻭﻱ ﻧﺴﻮﺍﻥ ﻋﻤﺎﻣﻲ ﻉ ﺧﻄﻮﺑﺘﻪ ﻭﻫﻮ ﻳﺤﺐ ﻭﺣﺪﺓ ﺣﺴﻴﺖ ﻭﺍﺣﺪ ﺿﺮﺑﻨﻲ ﻉ ﺭﺍﺳﻲ ﻋﻴﻮﻧﻲ ﻏﻮﺷﻦ ﻣﻦ ﺍﻟﺪﻣﻮﻉ ﺍﺣﺲ ﺭﻭﺣﻲ ﻣﺨﻨﻮﻛﺔ ﺍﻟﻤﻜﺎﻥ ﺧﻨﻜﻨﻲ ﻣﺎﺭﺩﺕ ﻭﺍﺣﺪ ﻳﻨﺘﺒﻪ ﻋﻠﻴﻪ ﻃﻠﻌﺖ ﺑﺮﺓ ﻭﺍﻧﻲ ﻧﻔﺲ ﻛﻮﺓ ﺁﺧﺬﺓ ﻣﺎﺳﻴﻄﺮﺕ ﻉ ﺭﻭﺣﻲ ﻛﻤﺖ ﺍﺑﺠﻲ ﻧﻔﺴﻲ ﺿﺎﻕ ﺍﺭﻳﺪ ﺍﺻﺮﺥ ﻣﺎ ﺍﻛﺪﺭ ﻣﺴﺤﺖ ﺍﺩﻣﻮﻋﻲ ﻻﻥ ﺍﻟﻴﻮﻡ ﻋﺮﺱ ﺍﺧﻮﻳﺔ ﻭﻻﺯﻡ ﺍﺻﻴﺮ ﻗﻮﻳﺔ ﺻﺮﺕ ﺍﺣﺠﻲ ﺑﻴﻨﻲ ﻭﺑﻴﻦ ﻧﻔﺴﻲ ﻣﻨﺎﻝ ﺍﻧﺘﻲ ﻗﻮﻳﺔ ﻻﺗﺨﻠﻴﻦ ﺷﻲ ﻳﻜﺴﺮﺝ ﺍﻣﺴﺤﻲ ﺩﻣﻮﻋﺞ ﻭﻻﺗﺒﻴﻨﻴﻦ ﺿﻌﻔﺞ ﺷﻔﺖ ﻭﺍﺣﺪ ﺍﺟﻪ ﻛﺪﺍﻣﻲ ﺭﻓﻌﺖ ﺭﺍﺳﻲ ﻭﺍﻥ ﻋﻠﻲ ﻛﺪﺍﻣﻲ
ﻋﻠﻲ ... ﻫﺎ ﻣﻨﺎﻝ ﺍﺷﻠﻮﻧﺞ ﻫﺎﻱ ﻟﻴﺶ ﺍﻋﻴﻮﻧﺞ ﺣﻤﺮ ﺷﻨﻮ ﺑﺎﺟﻴﺔ
ﻣﻨﺎﻝ ... ﻭﺗﺤﺎﻭﻝ ﻣﺎﺗﻀﻌﻒ ﻛﺪﺍﻣﺔ ﻭﻣﺎﺗﺒﻴﻦ ﻛﺴﺮﻫﺎ
ﻻ ﺑﺲ ﻟﺒﺴﺖ ﻋﺪﺳﺎﺕ ﻭﺩﻣﻌﻦ
ﻋﻠﻲ ... ﻫﻬﻬﻬﻪ ﻭﺍﻟﻠﻪ ﻋﻠﻴﺠﻦ ﺍﻟﺒﻨﺎﺕ ﺍﺳﻮﺍﻟﻒ ﻋﺪﺳﺎﺕ ﻭﺭﻣﻮﺵ
ﻣﻨﺎﻝ .... ﺻﺪﻙ ﻋﻠﻲ ﺳﻤﻌﺖ ﺭﺍﺡ ﺗﺨﻄﺐ
ﻋﻠﻲ ... ﻭﻫﻮ ﻳﺒﺘﺴﻢ ﻣﻦ ﺍﺫﻛﺮ ﻣﺮﻳﻢ
ﺍﻱ ﺭﺍﺡ ﺍﺧﻄﺐ ﺍﻻﺳﺒﻮﻉ ﺍﻟﻴﺠﻲ ﺑﺲ ﻣﻮ ﻫﻤﻴﻦ ﺗﻠﺒﺴﻴﻦ ﻋﺪﺳﺎﺕ ﻭﺩﻣﻌﻴﻦ 😁
ﻣﻨﺎﻝ ... ﻭﺣﺴﺖ ﺭﻭﺣﺔ ﺑﻌﺪ ﻣﺎ ﺍﺳﻴﻄﺮ ﻉ ﻧﻔﺴﻬﺎ ﺩﻣﻮﻋﻬﺎ ﺧﺎﻑ ﺍﺗﺨﻮﻧﻬﺎ ﻭﺑﺼﻮﺕ ﻣﺨﻨﻮﻙ ﺑﻠﻌﺎﻓﻴﺔ ﺗﺴﺘﺎﻫﻞ
ﻋﻠﻲ ... ﻳﻮﻡ ﺍﻟﺞ
ﻣﻨﺎﻝ ... ﺩﻣﻌﺖ ﻋﻴﻨﻬﺎ ﻛﻠﺘﻠﻪ ﺭﺍﺡ ﺍﺭﻭﺡ ﻣﺎﻣﺎ ﺍﺻﺤﻴﻨﻲ ﺩﺍﺭﺕ ﻭﺟﻬﺎ ﻭﺭﺍﺣﺖ ﻣﺮﻳﻢ ... ﺍﻟﻴﻮﻡ ﻣﻦ ﻛﻌﺪﺕ ﻟﻜﻴﺖ ﺍﻟﺮﻳﻮﻙ ﻣﺤﻈﺮ ﺑﻠﻌﺎﺩﺓ ﺍﻧﻲ ﺍﺣﻈﺮﺓ ﻻﻣﻲ ﻭﺍﺑﻮﻱ ﺑﺲ ﺍﻟﻴﻮﻡ ﺷﻮ ﻟﻴﻠﻰ ﻣﺤﻈﺮﺗﻪ ﺍﺳﺘﻐﺮﺑﺖ ﻛﻠﺖ ﺍﻟﻴﻮﻡ ﺍﻟﻠﻪ ﻫﺎﺩﻳﻬﺎ ﻋﻠﻴﻪ ﻟﻮ ﺷﻨﻮ ﺳﺎﻟﻔﺘﻬﺎ
ﻟﻴﻠﻰ ... ﻫﺎ ﻣﺮﻳﻮﻣﺔ ﻟﻴﺶ ﻛﻌﺪﺗﻲ ﻣﻦ ﻭﻛﺖ ﻣﺎﺑﻘﻴﺘﻲ ﻧﺎﻳﻤﺔ
ﻣﺮﻳﻢ 😖😖 ﻏﻴﺮ ﺍﺳﻮﻱ ﺭﻳﻮﻙ ﻻﻣﻲ
ﻟﻴﻠﻰ ... ﻻ ﺣﺒﻴﺒﺘﻲ ﻟﻴﺶ ﺍﺗﻌﺒﻴﻦ ﻧﻔﺴﺞ ﻭﺍﻧﺘﻲ ﻣﺮﻳﻀﺔ ﻭﻫﺎ ﻉ ﺣﺴﻦ ﻻﺯﻋﻠﻴﻦ ﺗﻌﺮﻓﻴﻨﻪ ﻋﺼﺒﻲ ﺑﺲ ﻛﻠﺒﻪ ﻃﻴﺐ
ﻣﺮﻳﻢ ... ﺑﻴﻨﻬﺎ ﻭﺑﻴﻦ ﻧﻔﺴﻬﺎ ﺍﻛﻴﺪ ﻫﺎﻱ ﺷﺎﺭﺑﻪ ﺷﻲ ﺍﻟﻴﻮﻡ ﻣﻮ ﻃﺒﻴﻌﻴﺔ ﻣﺎ ﺭﺩﻳﺖ ﻋﻠﻴﻬﺎ ﺍﻛﻠﺖ ﻭﺷﻔﺖ ﺍﻣﻲ ﻏﺴﻠﺖ ﻣﻼﺑﺴﻲ ﺍﺟﺘﻨﻲ ﻟﻴﻠﻰ ﻭﺍﻧﻲ ﺑﺤﻤﺎﻡ ﺍﻏﺴﻞ ﻣﻼﺑﺲ
ﻟﻴﻠﻰ ... ﻣﺮﻳﻮﻡ ﺣﺒﻲ ﻣﺎﻋﻨﺪﺝ ﺭﺻﻴﺪ ﺷﻮﻱ ﺍﺧﺎﺑﺮ ﺍﺧﺘﻲ ﻣﺎﻋﻨﺪﻱ ﺭﺻﻴﺪ
ﻣﺮﻳﻢ ... ﺍﻱ ﻫﺴﺔ ﺑﺲ ﺍﺧﻠﺺ ﻣﻼﺑﺲ ﺍﺩﻙ ﻋﻠﻴﻬﺎ
ﻟﻴﻠﻰ ... ﻻ ﻋﻔﻴﺔ ﻫﺴﺔ ﺍﺭﻳﺪ ﺍﻭﺻﻴﻬﺎ ﻉ ﺷﻐﻠﺔ
ﻣﺮﻳﻢ ... ﺍﻱ ﻫﺴﺔ ﺍﺻﻌﺪ ﺍﺟﻴﺒﻪ ﺍﻟﺞ
ﻟﻴﻠﻰ .. ﺗﺴﻠﻤﻲ ﻳﻌﻤﺮي مرﻳﻢ 😒😒
↙️
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء