رواية لا يا زمن 🔞 الجزء الثاني
للكاتبة زينب علي
↙️
ﺧﻠﺼﺖ ﺍﺧﺮ ﻣﺮﺣﻠﻪ ﻭﺍﻧﺘﻬﺖ ﻣﺮﺣﻠﻪ ﺍﻟﺪﺭﺍﺳﻪ ﻭﺍﺟﺖ ﻣﺮﺣﻠﺔ ﺍﻟﻌﻤﻞ
ﻇﻠﻴﻨﻪ ﺍﻧﻲ ﻭﻛﻞ ﻃﻼﺏ ﺍﻟﺪﻓﻌﻪ ﻛﻠﻤﺎ ﻧﺴﻤﻊ ﺗﻌﻴﻴﻦ ﻧﻈﻞ ﻧﻘﺪﻡ ﻭﻧﺮﻭﺡ ﻭﻧﺘﻌﺐ ﻭﻟﻜﻦ .... ﺩﻭﻭﻭﻭﻥ ﻓﺎﺋﺪﻩ
ﺍﻟﻰ ﺍﻥ ﻣﻠﻴﺖ ﻭﻗﺮﺭﺕ ﺍﻛﻌﺪ ﻭﺍﺳﻜﺖ ﻭﺍﺫﻇﻠﺖ ﺍﻟﻮﺳﻴﻠﻪ ﺍﻟﻮﺣﻴﺪﻩ ﺍﻟﻠﻲ ﺍﺗﺴﻠﻰ ﺑﻴﻬﻪ ﺍﻻﻧﺘﺮﻧﻴﺖ
.
ﺟﺎﻧﺖ ﺍﻟﻨﻘﺎﻻﺕ ﺍﻟﻠﻤﺲ ﻣﻮﻣﺜﻞ ﻫﺴﻪ ﻣﻨﺘﺸﺮﻩ ﻛﻠﺶ ﻭﻋﻠﻴﻬﻪ ﺍﺳﺘﺨﺪﺍﻡ ﻗﻮﻱ
ﻳﻌﻨﻲ ﻣﻮ ﺍﻟﻜﻞ ﻋﻨﺪﻩ ﻟﻤﺲ ﻭﺍﻧﻲ ﻭﺣﺪﻩ ﻣﻦ ﺍﻟﻠﻲ ﻣﺎﺟﺎﻥ ﻋﺪﻫﻪ ﻟﻤﺲ ﻑ ﺟﻨﺖ ﺍﻓﺘﺢ ﻧﺖ ﻉ ﻻﺑﺘﻮﺏ ﻣﺎﻟﺘﻲ ﻭﻃﺒﻌﺎ ﺍﻭﺳﻊ ﺷﻲ ﺟﺎﻥ ﺍﻟﻔﻴﺲ ( ﻫﺎﻟﺤﺠﻲ ﺏ 2013 )
ﻇﻠﻴﺖ ﺍﺗﻮﺍﺻﻞ ﻭﻳﻪ ﺍﻟﻮﻟﺪ ﻭﺍﻟﺒﻨﺎﺕ ﻭﻧﻨﺸﺮ ﻭﻧﻌﻠﻖ ﻭﻧﺪﺧﻞ ﺑﻜﺮﻭﺑﺎﺕ ﻫﻮﺍﻱ ﺍﻟﻰ ﺍﻥ ﺍﺟﻪ ﺍﻟﻴﻮﻡ ﺍﻟﻠﻲ ......
ﻏﻴﺮ ﻛﻞ ﺣﻴﺎﺗﻲ ﻭﻣﻨﻬﻪ ﺑﺪﺕ ﻫﻮﺍﻱ ﺗﻔﺎﺻﻴﻞ ﻣﺎﺟﻨﺖ ﻣﺘﺨﻴﻠﻪ ﻣﻤﻜﻦ ﺗﺼﻴﺮ ﺑﺤﻴﺎﺗﻲ .....
ﺑﺎﻟﻀﺒﻂ ﻳﻮﻡ 20/6/2013
ﺟﻨﺖ ﻓﺎﺗﺤﻪ ﻓﻴﺲ ﻭﺍﻛﻠﺐ ﻛﻤﺖ ﺍﺷﺮﺏ ﻣﺎﻱ ﺍﻟﻌﺼﺮ ﺗﻘﺮﻳﺐ ﺑﺎﻟﺨﻤﺴﻪ ﻫﻴﺠﻲ
ﺭﺣﺖ ﺷﺮﺑﺖ ﻣﺎﻱ ﻭﻃﻜﻴﺘﻠﻲ ﻓﺮﻩ ﺑﺎﻟﺒﻴﺖ ﺟﺒﺖ ﺍﺟﺒﺎﺱ ﻭﺷﻐﻼﺕ ﻳﻤﻲ ﻭﺭﺟﻌﺖ ﻳﻢ ﺍﻟﻼﺑﺘﻮﺏ ﻟﻜﻴﺖ ﺍﺷﻌﺎﺭ ﺑﺎﻟﺸﺮﻳﻂ ﻣﺎﻝ ﺍﻟﻼﺑﺘﻮﺏ ﺟﺎﻳﺘﻠﻲ ﺭﺳﺎﻟﻪ
... ﺷﻨﻮ ﻫﺎﻱ ﻳﺎﻫﻮ ﻳﺪﺯﻟﻲ ﻉ ﺧﺎﺹ ﻻﻥ ﺍﻧﻲ ﻗﺎﻓﻠﻪ ﺍﻟﺨﺎﺹ ﻣﺎﻟﺘﻲ ﻣﺤﺪ ﻳﻜﺪﺭ ﻳﺪﺯﻟﻲ ﻓﻘﻂ ﺍﻻﺻﺪﻗﺎﺀ ﻭﺍﻻﺻﺪﻗﺎﺀ ﻣﺎﻧﺤﺠﻲ ﻉ ﺧﺎﺹ ﻛﻠﻪ ﻉ ﺍﻟﻜﺮﻭﺏ ﻭﺍﻟﺘﻌﻠﻴﻘﺎﺕ
ﻓﺘﺤﺖ ﺑﺎﻭﻋﺖ ﻫﺎﻱ ﻣﻨﻮ ....
ﻫﺬﺍ ﻧﻮﺍﺭ .
ﺷﻌﺠﺐ ﻧﻮﺍﺭ ﻣﺎﻧﺘﺮﺍﺳﻞ ﺍﻧﻲ ﻭﻳﺎ
ﺩﺯ
ﻧﻮﺍﺭ ... ﻫﻠﻮ ﺍﺳﺎﻭﺭ ﺷﻠﻮﻧﺞ ..
... ﻫﻠﻮ ﻧﻮﺍﺭ ﺷﻠﻮﻧﻚ ﺍﺧﺒﺎﺭﻙ ﻭﻳﻦ ﻣﺎﻭﻳﻦ ...
ﻧﻮﺍﺭ ... ﻭﺍﻟﻠﻪ ﻣﺎﻛﻮ ﻣﻦ ﺍﻟﺪﻭﺍﻡ ﻟﻠﺒﻴﺖ ﻭﺳﺎﻋﺎﺕ ﺍﻃﻠﻊ ﺷﻐﻞ ( ﺟﺎﻥ ﻳﻄﻠﻊ ﻳﺎﺳﺲ ﺑﻴﻮﺕ ﻛﻬﺮﺑﺎﺀ ﻏﻠﻪ ﺟﺎﻥ ﻣﻮﻃﺒﻴﻌﻲ ﺧﺮﺍﻓﻲ ﻭﺑﺲ ﺍﻟﺒﻴﻮﻡ ﺍﻟﻀﺨﻤﻤﻤﻤﻪ ﻳﺸﺘﻐﻞ ﺑﻴﻬﻪ ﻳﻌﻨﻲ ﺍﻟﻠﻲ ﺑﻴﻬﻪ ﺍﺑﺪﺍﻉ ﺑﺎﻻﻧﺎﺭﻩ ﻓﻘﻂ ﻫﻴﻪ ﺍﻟﻠﻲ ﺗﺪﺯ ﻋﻠﻴﻪ ﻭﻳﺸﺘﻐﻞ ﺍﻟﻬﻪ )
.. ﺍﻫﺎ ﻭﺍﻟﻠﻪ ﺍﻧﻲ ﻫﻢ ﺿﻮﺟﻪ ﻭﻣﻠﻞ ﻣﻦ ﻳﻮﻡ ﺍﻟﻠﻲ ﺗﺨﺮﺟﻨﻪ ﻟﺤﺪ ﺍﻻﻥ ﻛﺎﻇﻴﺘﻬﻪ ﻉ ﻻﺑﺘﻮﺏ ﻭﻓﻴﺲ ﻭﻳﻮﺗﻴﻮﺏ ﺭﻏﻢ ﻣﺎﺻﺎﺭﻟﻨﻪ ﻫﻮﺍﻱ ﻣﻦ ﺗﺨﺮﺟﻨﻪ ﺑﺲ ﻣﻠﻞ ...
ﻧﻮﺍﺭ ... ﺍﻱ ﺻﺤﻴﺢ ﺍﻟﻜﻌﺪﻩ ﺑﺎﻟﺒﻴﺖ ﺗﻀﻮﺝ
ﺍﻱ ﺷﺨﺒﺎﺭ ﺍﻟﺒﻨﺎﺕ ﻣﻨﻮ ﺑﻴﻬﻢ ﺗﺮﺍﺳﻠﺞ ...
... ﻣﺎﻛﻮ ﻭﺍﻟﻠﻪ ﺩﺍﺋﻤﺎ ﻳﺮﺍﺳﻠﻨﻲ ﻛﻠﻬﻦ ﻭﻧﻔﺲ ﻭﺿﻌﻲ ﻛﻠﻬﻦ ﻉ ﻓﻴﺲ ﺑﺲ ﻧﻮﺭ ﻣﻠﺘﻬﻴﻪ ﻭﻳﻪ ﻋﻤﺘﻬﻪ ﻭﻣﺸﺎﻛﻠﻬﻪ ﻫﻬﻬﻬﻪ ...
ﻧﻮﺍﺭ ... ﻫﻬﻬﻬﻪ ﺍﻱ ﺧﻄﻴﻪ ...
ﺍﻟﻤﻬﻢ ﻇﻠﻴﻨﻪ ﻧﺴﻮﻟﻒ ﺳﻮﺍﻟﻒ ﻋﺎﺩﻳﻪ ﻣﺎﻛﻮ ﺍﻱ ﺷﻲ ﺗﺎﻟﻲ ﺳﻠﻢ ﻋﻠﻴﻪ ﻭﺭﺍﺡ ...
ﺻﺎﺭ ﻳﻮﻡ ﺛﺎﻧﻲ ﻣﺎﻛﻮ ﺷﻲ
ﻳﻮﻡ ﺛﺎﻟﺚ ﺩﺯ
ﻧﻮﺍﺭ .. ﻫﻠﻮ ﺍﺳﺎﻭﺭ ...
... ﻫﻠﻮ ﻧﻮﺍﺭ ..
ﻧﻮﺍﺭ ... ﺷﺨﺒﺎﺭﺝ ...
... ﺍﻟﺤﻤﺪﻟﻠﻪ ﺍﻧﺖ ﺷﺨﺒﺎﺭﻙ
ﻧﻮﺍﺭ .... ﺍﻟﺤﻤﺪﻟﻠﻪ ﻛﻌﺪﺕ ﺿﺎﻳﺞ ﻭﻳﻦ ﺍﺭﻭﺡ ﻛﻠﺖ ﺧﻞ ﺍﺭﺍﺳﻠﺞ ...
... ﻫﻬﻬﻬﻊ ﺍﻱ ﻫﻴﻪ ﺿﻮﺟﻪ ...
ﺷﺠﺎﻱ ﺗﺴﻮﻱ ﺷﻌﺠﺐ ﻣﺎﺗﻄﻠﻊ ﻳﻢ ﺍﻟﻮﻟﺪ ﺍﻟﻌﺼﺮ ...
.. ﻧﻮﺍﺭ ... ﻃﻠﻌﺖ ﻣﺴﺎﻉ ﻃﻜﻴﺖ ﻓﺮﻩ ﻭﺭﺟﻌﺖ ﺿﻮﺟﻪ ﻭﺍﻟﺠﻮ ﺣﺎﺭ ﻭﺍﻟﻮﻟﺪ ﺍﻟﻴﻮﻡ ﻛﻞ ﻭﺍﺣﺪ ﻋﻨﺪﻩ ﻱ ﻭﺍﻧﻲ ﻣﺎﺍﺣﺐ ﺍﻓﺘﺮﻩ ﻫﻮﺍﻱ ﺑﺎﻟﺸﺎﺭﻉ ﻟﺬﻟﻚ ﺭﺟﻌﺖ
.
ﻇﻠﻴﻨﻪ ﻧﺴﻮﻟﻒ ﻫﻮﺍﻱ ﺳﻮﺍﻟﻒ ﻋﺎﺩﻳﻪ ﺗﺎﻟﻲ ﺳﻠﻤﻨﻪ ﻭﺭﺍﺡ
ﻳﻮﻡ ﺛﺎﻧﻲ ﺍﻟﺼﺢ ﺩﺯ ﺻﺒﺎﺡ ﺍﻟﺨﻴﺮ
... ﺻﺒﺎﺡ ﺍﻟﻨﻮﺭ
ﺻﺎﺭ ﺍﻟﻠﻴﻞ ﺩﺯ
ﻧﻮﺍﺭ ... ﻧﺎﻳﻤﻪ ﻛﺎﻋﺪﻩ
... ﻻﻭﺍﻟﻠﻪ ﻛﺎﻋﺪﻩ
ﻧﻮﺍﺭ .. ﺍﻫﺎ ﻛﻠﺖ ﺍﺷﻮﻓﺞ ﺟﺎﻱ ﺗﺴﻮﻳﻦ
.. ﻣﺎﻛﻮ ﻃﺒﻌﺎ ﻭﺍﻛﻴﺪ ﻉ ﺍﻟﻔﻴﺲ ﺍﻛﻠﺐ ﻟﺤﺪﻣﺎ ﺭﺍﺡ ﺗﺮﻭﺡ ﻋﻴﻮﻧﻲ ﻫﻬﻬﻪ
ﻧﻮﺍﺭ ... ﻫﻬﻬﻬﻪ ﻫﻮﺓ ﻣﺎﻛﻮ ﻏﻴﺮﻩ
ﻳﺎﻟﻠﻪ ﻟﻌﺪ ﺗﺼﺒﺤﻴﻦ ﻉ ﺧﻴﺮ ﺍﻧﻲ ﺭﺩﺕ ﺍﺳﻠﻢ ﻋﻠﻴﺞ ﻗﺒﻞ ﻻﺍﻧﺎﻡ
... ﺍﻭﻛﻲ ﻋﻴﻨﻲ ﻭﺍﻧﺖ ﻣﻦ . ﺍﻫﻠﻪ
ﺑﺎﻱ
ﺑﺎﻱ
↙️
ﻇﻠﻴﻨﻪ ﻛﻞ ﻳﻮﻡ ﻳﻜﻌﺪ ﻣﻦ ﺍﻟﻨﻮﻡ ﻳﺪﺯ ﺻﺒﺎﺡ ﺍﻟﺨﻴﺮ ﻭﻗﺒﻞ ﻻﻳﻨﺎﻡ ﻻﺯﻡ ﻳﺪﺯ ﺗﺼﺒﺤﻴﻦ ﻉ ﺧﻴﺮ ﺣﺘﻰ ﻟﻮ ﻃﻮﻝ ﺍﻟﻨﻬﺎﺭ ﻣﺎﻧﺴﻮﻟﻒ ﺍﻟﻤﻬﻢ ﻳﺪﺯ ﻳﺴﻠﻢ ﻭﺭﻣﺎ ﻳﻜﻌﺪ ﻭﻗﺒﻞ ﻻﻳﻨﺎﻡ
ﻭﻫﺎﻱ ﺟﺎﻧﺖ ﺍﻟﺒﺪﺍﻳﻪ ....
ﺭﻏﻢ ﻣﺎﺍﻋﺮﻑ ﺑﺪﺍﻳﺔ ﺷﻨﻮ ﻭﺷﻨﻮ ﺟﺎﻥ ﺍﻟﻬﺪﻑ ﻣﻨﻬﻪ
ﻭﺷﻨﻮ ﺗﺎﻟﻴﻬﻪ
ﻭﻟﻴﺶ ﺟﺎﻱ ﻳﺪﺯﻟﻲ ﻫﻠﻜﺪ ﻭﻫﻞ ﻳﺎﺗﺮﻯ ﻛﻞ ﺑﻨﺎﺕ ﻗﺴﻤﻨﻪ ﻫﻴﺞ ﺟﺎﻱ ﻳﺪﺯﻟﻬﻢ ﻣﺜﻠﻲ ...
ﻇﻠﻴﻨﻪ ﻓﺘﺮﻩ ﺗﺰﻳﺪ ﺳﻮﺍﻟﻔﻨﻪ ﺍﻟﻠﻲ ﺟﺎﻧﺖ ﻣﺠﺮﺩ ﺻﺒﺎﺣﻴﺎﺕ ﺻﺎﺭﺕ ﻭﻳﻪ ﻛﺒﻞ ﺻﺒﺎﺡ ﺳﻮﺍﻟﻒ ﻃﻮﻳﻠﻪ ﻳﺴﺎﻟﻨﻲ ﻉ ﻭﺿﻌﻲ ﺑﺎﻟﺒﻴﺖ ﻭ ﻳﺴﻮﻟﻒ ﻉ ﺍﻫﻠﻪ ﺳﻮﺍﻟﻒ ﻋﺎﻣﻪ ﻉ ﺍﺧﻮﺍﻧﻪ ﺷﻐﻠﻬﻢ
ﺍﺧﻮﺍﻥ ﺛﻨﻴﻦ ﻋﻨﺪﻩ ﻭﺍﺣﺪ ﺑﻜﺪﻱ 1991 ﺍﺳﻤﻪ ﻋﻤﺮ
ﻭﺍﻟﺜﺎﻧﻲ 1993
ﻋﻠﻲ
ﻋﻤﺮ ﺟﺎﻥ ﻳﺸﺘﻐﻞ ﺻﺒﻎ ﻭﺳﻘﻒ ﻭﺳﻮﺍﻟﻒ ﻓﻴﻜﺎﺕ ﻛﻠﺶ ﺣﻠﻮﺓ ﺑﺲ ﻣﺰﺍﺍﺍﺟﻲ ﻭﻣﺎﻳﺘﺤﻤﻞ ﺫﺑﺎﻥ ﻭﺟﻬﻪ
ﺍﻣﺎ ﻋﻼﻭﻱ ﻻ ﻣﺎﻝ ﺗﻌﺐ ﻭﺷﻐﻞ ﻭﻣﺎﻳﺘﻌﺎﺟﺰ ﻣﻦ ﺍﻱ ﺷﻲ ﺭﻏﻢ ﻣﺎﻛﻮ ﺣﺮﻓﻪ ﺑﺎﻳﺪﻩ ﻭﻳﺸﺘﻐﻞ ﺟﻮﺓ ﺍﻳﺪ ﻧﻮﺍﺭ ﻋﺎﻣﻞ ﻣﻦ ﻳﻄﻠﻊ ﻳﺎﺳﺲ ﺑﻴﻮﺕ ﺣﺒﺎﺏ ﻭﺑﻴﺪ ﺍﺧﻮ ﻭﺷﻜﺪ ﻣﺎﻳﺮﺯﻟﻪ ﻣﺎﻳﺤﺠﻲ ﻻﻥ ﺍﺧﻮ ﺍﻟﻜﺒﻴﺮ ﻭﻳﺤﺘﺮﻣﻪ ﻭﻫﻮﺓ ﻫﻢ ﺣﺒﺎﺏ ﻭﻳﻪ ﺍﺧﻮﺍﻧﻪ ﻭﺷﻤﺎﻳﺮﺩﻭﻥ ﻭﻳﺎﻫﻢ ﻭﻳﺎﻫﻢ ﺑﺲ ﻭﻗﺖ ﺍﻟﻌﻤﻞ ﻻ ﻳﺘﻐﻴﺮ ﻳﺼﻴﺮ ﺷﺨﺺ ﺛﺎﻧﻲ
ﺍﻟﻤﻬﻢ ..
ﺳﻮﻟﻔﻠﻠﻲ ﻉ ﺧﻮﺍﻧﻪ ﻭﻉ ﺍﻫﻠﻪ
ﺍﻧﻲ ﻫﻢ ﺳﻮﻟﻔﺘﻠﻪ ﻉ ﺍﻫﻠﻲ ﺷﻐﻼﺕ ﻋﺎﻣﻪ ( ﺧﺼﻮﺻﺎ ﻫﻮﺓ ﺟﺎﻥ ﻭﻳﺎﻱ ﺑﺎﻟﻘﺴﻢ ﻭﺣﺎﻟﻪ ﺣﺎﻝ ﻭﻟﺪ ﻗﺴﻤﻲ ﺍﻟﻤﻠﻌﻮﻣﺎﺕ ﺍﻟﻌﺎﻣﻪ ﻋﻨﻪ ﻳﻌﺮﻓﻬﻪ ﺣﺎﻟﻪ ﺣﺎﻝ ﺑﻘﻴﺔ ﺍﻟﻮﻟﺪ ﻳﻌﻨﻲ ﻣﺎﺍﺗﻘﻴﺪ ﻛﻠﺶ ﺑﻜﻼﻣﻲ ﻭﻳﺎ ﻭﺍﻋﺮﻓﻪ ﻣﺎﻋﻨﺪﻩ ﺷﻲ ﻣﻮﺯﻳﻦ ﺣﺘﻰ ﻛﻠﺶ ﺍﺗﺤﺬﺭ ﻣﻨﻪ ﺑﺲ ﻃﺒﻌﺎ ﺟﻨﺖ ﻣﺨﻠﻴﻪ ﺧﻂ ﺍﺣﻤﺮ ﻣﺎﺍﺗﺨﻄﺎ ﻣﻦ ﺍﺣﺠﻴﻠﻪ ﻋﻦ ﻧﻔﺴﻲ ﺭﻏﻢ ﻫﻮﺓ ﻫﻢ ﻣﺎﺍﺗﺨﻄﻪ ﻫﺬﺍ ﺍﻟﺨﻂ ﻭﻇﻞ ﻣﺆﺩﺏ ﻟﺪﺭﺟﺔ ﺍﻟﻐﻤﻮﺽ .....
ﻧﻮﺍﺭ .. ﺍﻛﻠﺞ ﺍﺳﺎﻭﺭ ﻟﻴﺶ ﻣﺎﻧﺴﻮﻱ ﻛﺮﻭﺏ ﻟﻘﺴﻤﻨﻪ ﺑﺲ ...
... ﻫﺎﻱ ﺍﻱ ﺻﺤﻴﺢ ﻫﻢ ﻓﻜﺮﻩ ﺣﻠﻮﺓ
ﻧﻮﺍﺭ ﺑﺲ ﺷﻨﺴﻤﻲ ...
... ﺍﻣﻤﻤﻤﻤﻤﻢ ﺍﻭﻛﻒ ﺧﻞ ﺍﻓﻜﺮ ...
ﻧﻮﺍﺭ .... ﻓﻜﺮﻱ ﻭﺍﻧﻄﻴﻨﻲ ﺧﺒﺮ ...
... ﺍﻭﻛﻒ ﻟﻜﻴﺖ ﺍﺳﻢ ﻧﺎﺧﺬ ﺍﻟﺠﻤﻠﻪ ﺍﻟﻤﻌﺮﻭﻓﻪ ﺑﺎﻟﻜﻠﻴﻪ ﻭﻧﻈﻴﻔﻠﻬﻪ ﺗﻌﺪﻳﻼﺕ ...
ﻧﻮﺍﺭ ... ﻳﺎﺟﻤﻠﻪ ...
... ﻛﺮﻭﺏ ﺍﻟﻄﻼﺏ ﺍﻟﺠﺎﻣﻌﻴﻴﻦ .. ﺍﺟﺘﻤﻌﺎﻥ ﻏﺮﺑﺎﺀ ﻭﺍﻓﺘﺮﻗﻨﺎ ﺍﺻﺪﻗﺎﺀ ....
ﻫﻴﺠﻲ ﻧﺴﻤﻲ ﺷﻨﻮ ﺭﺍﻳﻚ ﺑﻴﻪ ﻫﻬﻬﻪ ...
ﻧﻮﺍﺭ .. ﺍﻣﻤﻤﻢ ﺣﻠﻮﻭﻭ
ﺍﻭﻛﻲ ﺗﺴﻮﻳﻨﻪ ﺍﻧﺘﻲ ﻟﻮ ﺍﻧﻲ
... ﻻ ﺳﻮﻱ ﺍﻧﺖ ﻭﻇﻴﻔﻨﻲ ﺍﺩﻣﻨﻴﻪ ...
....
ﺳﻮﻳﻨﺎ . ﺍﻟﻜﺮﻭﺏ ﻭﻇﻔﻨﻪ ﻛﻞ ﻃﻼﺏ ﻗﺴﻤﻨﻪ ﻣﻦ ﺍﻟﻤﺮﺍﺣﻞ ﺍﻟﺴﺎﺑﻘﻪ ﻭﺍﻟﻤﺮﺍﺣﻞ ﺍﻟﻠﻲ ﻭﺭﺍﻧﻪ ﻭﺍﻟﻤﺴﺎﺋﻲ ﻭﺍﻟﺼﺒﺎﺣﻲ ﻃﺒﻌﺎ ﺻﺎﺭ ﻛﺮﻭﺏ ﺣﻠﻮ ﻭﻇﻠﻴﻨﻪ ﻧﻈﻴﻒ ﻭﻧﺴﻮﻟﻒ
ﺟﺎﻥ ﻋﺪﻧﻪ ﻛﺮﻭﺏ ﻫﻢ ﻣﺎﻝ ﻗﺴﻤﻨﻪ ﺑﺲ ﻣﻮ ﻭﺍﺳﻊ ﻣﺜﻞ ﻫﺬﺍ ﻭﻣﺎﺟﻨﻨﻪ ﻫﻠﻜﺪ ﻧﺘﻮﺍﺟﺪ ﺑﻲ ﻻﻥ ﻣﻮﻗﻮﻱ
ﺑﺲ ﻫﺬﺍ ﻟﺰﻣﻨﺎ ﺍﻧﻲ ﻭﻧﻮﺍﺭ ﻭﺻﺎﺭ ﻛﻠﺶ ﺣﻠﻮ
.... ﺍﻛﻠﻚ ﻧﻮﺍﺭ ﻣﺎﺗﻼﺣﻆ ﺻﺎﺭ ﺷﻬﺮﻳﻦ ﻉ ﺍﻟﻜﺮﻭﺏ ﺑﺲ ﻣﺎﺑﻲ ﺑﺲ ﻗﺴﻤﻨﻪ ﻭﺍﺫﺍ ﻳﻈﻞ ﻫﻴﺞ ﺭﺡ ﻳﺼﻴﺮ ﻣﻤﻞ
.. ﻧﻮﺍﺭ ... ﻟﻌﺪ ﺷﻠﻮﻥ
... ﺧﻞ ﻧﺒﺪﻱ ﻧﻈﻴﻒ ﺍﻟﻠﻲ ﻃﻠﺒﻮﻥ ﺍﻻﻇﺎﻓﻪ ﺑﺲ ﻧﺸﻮﻑ ﻣﻌﻠﻮﻣﺎﺗﻬﻢ ﺍﻻ ﻃﺎﻟﺐ ﺟﺎﻣﻌﻲ ﻳﺎﻟﻠﻪ ﻧﻘﺒﻞ ﺍﺿﺎﻓﺘﻪ ﻭﻳﺎﻛﺜﺮ ﺍﻟﻄﻼﺏ ﺍﻟﺠﺎﻣﻌﻴﻴﻦ
ﻧﻮﺍﺭ .. ﺍﻭﻛﻲ
ﻇﻠﻴﻨﻪ ﻧﻈﻴﻒ ﻭﺍﻟﻜﺮﻭﺏ ﻇﻞ ﻳﺼﻴﺮ ﻛﻠﺶ ﺣﻠﻮ ﻭﻇﻠﻴﺖ ﻛﻞ ﻟﻴﻠﺔ ﺟﻤﻌﻪ ﺍﺳﻮﻱ ﺻﻮﺭﺓ ﻟﻠﻐﻼﻑ ﺧﺎﺻﻪ ﺑﻠﻴﻠﺔ ﺍﻟﺠﻤﻌﻪ ﻭﺍﺑﺪﻟﻬﻪ ﻭﺍﺭﺟﻊ ﺻﻮﺭﺓ ﺍﻟﻐﻼﻑ ﺍﻟﻘﺪﻳﻤﻪ ﻳﻮﻡ ﺍﻟﺴﺒﺖ ﺍﻟﺼﺒﺢ ﻭﺑﺎﻳﺎﻡ ﻭﻓﻴﺎﺕ ﺍﻻﺋﻤﻪ ﻋﻠﻴﻬﻢ ﺍﻟﺴﻼﻡ ﺍﺧﻠﻲ ﺗﻌﺰﻳﻪ ﻉ ﻛﻞ ﺍﻣﺎﻡ ﺍﺳﻮﻳﻬﻪ ﺻﻮﺭﺓ ﺍﻟﻐﻼﻑ ﻣﺎﻝ ﺍﻟﻜﺮﻭﺏ ﻳﻌﻨﻲ ﻇﻠﻴﺖ ﻛﻞ ﻣﻨﺎﺳﺒﻪ ﻻﺯﻡ ﺍﺳﻮﻳﻠﻬﻪ ﻏﻼﻑ ﻟﻠﻜﺮﻭﺏ .
ﻫﺎﻱ ﺍﻟﻔﻘﺮﻩ ﻛﻠﺶ ﺟﺎﻧﺖ ﻋﺎﺟﺒﻪ ﺍﻻﻋﻀﺎﺀ ﻭﻳﻮﻡ ﻋﻦ ﻳﻮﻡ ﻳﺰﻳﺪﻭﻥ
ﻣﺎﺍﻛﺘﻔﻴﺖ ﻭﻇﻠﻴﺖ ﺍﺳﻮﻱ ﻣﺴﺎﺑﻘﺎﺕ ﻭﺳﻮﻳﺖ ﻛﺮﺳﻲ ﺍﻻﻋﺘﺮﺍﻑ ﻛﻞ ﺧﻤﻴﺲ ﺳﺎﻋﻪ ﺗﺴﻌﻪ ﺑﺎﻟﻠﻴﻞ ﻳﺒﺪﻱ ﻛﺮﺳﻲ ﺍﻻﻋﺘﺮﺍﻑ ﻭﺗﺼﻴﺮ ﺳﺎﻋﻪ 12 ﻳﻨﺤﺬﻑ ﻣﻨﺸﻮﺭ ﺍﻟﻜﺮﺳﻲ ﺣﺘﺔ ﻻ ﺗﺼﻴﺮ ﻣﺎﺻﺨﻪ ﻭﻣﻮﺣﻠﻮﺓ ﻭﻃﺒﻌﺎ ﺍﻟﻌﻀﻮ ﺍﻟﻠﻲ ﻳﻌﺘﺮﻑ . ﻳﻮﻡ ﺍﻻﺭﺑﻌﺎﺀ ﻧﺴﻮﻱ ﻗﺮﻋﻪ ﺑﺎﻟﻜﺮﻭﺏ ﻭﺍﻟﻠﻲ ﻳﻄﻠﻊ ﻫﻮﺓ ﻳﻜﻌﺪ ﻉ ﺍﻟﻜﺮﺳﻲ ﻳﻮﻡ ﺛﺎﻧﻲ
.
ﻭﺑﻌﺪ ﺷﻐﻠﻪ ﻇﻠﻴﺖ ﺍﺣﻤﺲ ﺍﻻﻋﻀﺎﺀ ﺣﺘﻰ ﻳﺘﻮﺍﺟﺪﻭﻥ ﺍﻧﻮ ﺍﻃﻠﺐ ﻣﻨﻬﻢ ﻳﺴﻮﻭﻥ ﻭﺍﺟﻬﻪ ﻟﻠﻜﺮﻭﺏ ﻏﻼﻑ ﻳﻌﻨﻲ
ﻛﻮﻥ ﺣﻠﻮ ﻭﺑﻲ ﺍﺳﻢ ﺍﻟﻜﺮﻭﺏ ﻭﺍﻟﻬﻢ ﻭﻗﺖ ﻣﻌﻴﻦ ﻛﻮﻥ ﻛﻠﻬﻢ ﻳﻨﻄﻮﻧﻲ ﺍﻟﺼﻮﺭ ﺑﻲ ﻭﺍﻟﻠﻲ ﺻﻮﺭﺗﻪ ﺍﺣﻠﻰ ﺍﺻﻌﺪﻩ ﺍﺩﻣﻦ ﻣﺪﺓ ﺍﺳﺒﻮﻉ ﻭﺍﺛﺒﺖ ﺍﻟﻐﻼﻑ ﻣﺎﻟﺘﻪ
ﻇﻠﻮ ﻳﺘﺴﺎﺑﻘﻮﻥ ﺑﻨﺎﺕ ﻭﻭﻟﺪ ﻭﺍﻟﻮﻟﺪ ﻃﺒﻌﺎ ﻣﻌﺮﻭﻓﻴﻦ ﺯﺍﺣﻔﻴﻦ ﻟﺬﻟﻚ ﻣﻦ ﻳﺴﻮﻭﻥ ﺻﻮﺭﺓ ﻏﻼﻑ ﻭﻳﻜﺘﺒﻮﻥ ﺍﺳﻢ ﺍﻟﻜﺮﻭﺏ ﻳﻜﺘﺒﻮﻥ ﻳﻢ ﻭﺑﺎﺷﺮﺍﻑ ﺍﻟﺠﻤﻴﻠﻪ ﺍﺳﺎﻭﺭ ﺍﻟﺒﺼﺮﺍﻭﻳﻪ ﻫﻴﺞ ﺷﻲ ﻳﻌﻨﻲ ﻻﺯﻡ ﻳﻀﻴﻔﻮﻥ ﻓﺪ ﻛﻠﻤﻪ ﺗﺴﺘﻔﺰ ﻧﻮﺍﺭ
ﺑﺎﻟﻤﺨﺘﺼﺮ ﻇﻠﻴﺖ ﻛﻞ ﻳﻮﻡ ﺍﺳﻮﻱ ﻣﺴﺎﺑﻘﻪ ﻭﻛﻞ ﻳﻮﻡ ﺍﺿﻴﻒ ﺷﻐﻠﻪ ﺣﻠﻮﺓ ﺗﺰﻳﺪ ﺣﻤﺎﺱ ﺍﻻﻋﻀﺎﺀ ﺑﺲ ﻣﺎﺟﻨﺖ ﺍﺩﺭﻱ ﺍﻧﻮ ﻫﺎﻱ ﺍﻭﻝ ﺳﺒﺐ ﻟﻤﺸﺎﻛﻠﻨﻪ
ﺑﺲ ﻣﻦ ﻧﺎﺣﻴﻪ ﺛﺎﻧﻴﻪ ﺭﺡ ﺗﻜﻮﻝ ﺍﻭﻝ ﻃﺮﻳﻘﻪ ﺳﻮﻳﺘﻬﻪ ﺑﺪﻭﻥ ﻣﺎﺍﺩﺭﻱ ﺣﺘﻰ ﻳﻌﺒﺮ ﻧﻮﺍﺭ ﻋﻦ ﻣﺸﺎﻋﺮﻩ .. ﻳﺎﺗﺮﻩ ﺷﻨﻮ ﻫﻴﻪ ﻣﺸﺎﻋﺮﻩ
ﻭﻣﻌﻘﻮﻟﻪ ﻫﻮﺓ ﻫﺬﺍ ﺍﻟﺤﺐ ﻟﻮ ﺷﻨﻮﻭﻭﻭ ......
.
.
.
* ﺳﺘﻜﻮﻥ ﻣﻦ ﻧﺼﻴﺒﻲ ﺍﺫﺍ ﺷﺎﺋﺖ ﺍﻻﻗﺪﺍﺭ *
ﻳﺎ ﺗﺮﻯ ﺍﻣﺎﻡ ﺍﺳﺎﻭﺭ ﻣﺸﻮﺍﺭ ﻃﻮﻳﻞ ﺷﻠﻮﻥ ﺭﺍﺡ ﺗﻘﻀﻲ . ﻧﻮﺍﺭ ﺍﻣﺎﻡ ﻋﻘﺒﻪ ﺍﺳﻤﻬﺎ ﺍﻟﻐﻴﺮﻩ
↙️
ﻳﻮﻡ ﺍﻟﺨﻤﻴﺲ ﻭﻛﺎﻟﻌﺎﺩﻩ ﺍﻧﻲ ﻣﺴﻮﻳﻪ ﻛﺮﺳﻲ ﺍﻋﺘﺮﺍﻑ ﻭﻃﻠﻌﺖ ﺍﻟﻘﺮﻋﻪ ﻟﻮﻟﺪ ﺑﺎﻟﻜﺮﻭﺏ ﻭﺍﻟﻤﻔﺮﻭﺽ ﻧﺒﺪﻱ ﺳﺎﻋﻪ ﺗﺴﻌﻪ ﺑﺲ ﺍﻟﻮﻟﺪ ﺟﺎﻥ ﻋﻨﺪﻩ ﺷﻐﻞ ﻭﺍﺟﻪ ﺳﺎﻋﻪ ﺗﺴﻌﻪ ﻭﻧﺺ ﻭﺑﻠﺸﻨﻪ ﻭﻇﻠﻴﻨﻪ ﻧﺴﻮﻟﻒ ﻭﻧﻀﺤﻚ ﻭﻳﻪ ﻛﻞ ﺳﺆﺍﻝ ﻳﺴﺎﻟﻮ ﺍﻻﻋﻀﺎﺀ ﻭﺍﻧﻲ ﻃﺒﻌﺎ ﻣﺘﻮﺍﺟﺪﻩ ﻋﻠﻤﻮﺩ ﺧﺎﻑ ﻳﺼﻴﺮ ﺗﺠﺎﻭﺯ ....
ﺣﺴﻴﺖ ﺑﺎﺧﺘﻔﺎﺀ ﻧﻮﺍﺭ ﻣﻊ ﺍﻟﻌﻠﻢ ﻫﻮﺓ ﻣﺘﺼﻞ
ﻣﻮ ﺑﺎﻟﻌﺎﺩﻩ ﻫﻴﺞ ﻳﺨﺘﻔﻲ ﻛﻮﻧﻪ ﺍﺩﻣﻦ ﻭﻭﺑﻨﻔﺲ ﺍﻟﻮﻗﺖ ﻛﻞ ﻣﻨﺸﻮﺭ ﺍﻋﻠﻖ ﺑﻲ ﻫﻮﺓ ﻻﺯﻡ ﻭﻳﺎﻱ
ﻓﻜﺮﺕ ﻭﻳﻨﻪ ﺑﺲ ﻟﻜﺜﺮﺓ ﺍﻟﺴﻮﺍﻟﻒ ﻭﺍﻻﺳﺌﻠﻪ ﻧﺴﻴﺘﻪ ....
ﺍﻻﻋﻀﺎﺀ ﻋﺪﺩﻫﻢ ﻛﺒﻴﺮ ﻭﺍﺳﺎﻟﺘﻬﻢ ﻫﻮﺍﻳﻪ ﻟﺬﻟﻚ ﻣﺎﻛﻔﺖ ﺳﺎﻋﺘﻴﻦ ﻭﻧﺺ ﻑ ﻃﻠﺐ ﻣﻨﻲ ﺻﺎﺣﺐ ﺍﻟﻜﺮﺳﻲ ﺑﺬﺍﻙ ﺍﻟﻴﻮﻡ ﺍﻧﻲ ﺍﻣﺪﺩ ﺍﻟﻔﺘﺮﻩ ﻭﻓﻌﻼ ﻧﺸﺮﺕ ﻣﻨﺸﻮﺭ ﺍﻧﻮ ﺭﺡ ﺍﻣﺪﺩ ﺍﻟﻤﺪﻩ ﻧﺺ ﺳﺎﻋﻪ ﻧﻈﺮﺍ ﺍﻧﻮ ﺍﻟﻮﻟﺪ ﺗﺎﺧﺮ ﻧﺺ ﺳﺎﻋﻪ
ﻇﻠﻮ ﻳﺴﻮﻟﻔﻮﻥ ﺍﻟﻰ ﺍﻥ ﺻﺎﺭﺕ ﺳﺎﻋﻪ 12 ....
ﺍﻧﺤﺬﻑ ﻣﻨﺸﻮﺭ ﺍﻟﻜﺮﺳﻲ ﻋﺮﻓﺖ ﻧﻮﺍﺭ ﺣﺬﻓﻪ
ﺍﺣﺘﺮﻙ ﺩﻣﻲ ﺩﺧﻠﺘﻠﻪ
... ﺍﻟﻮ
ﻧﻮﺍﺭ ... ﺍﻟﻮﺍﺕ
... ﻟﻴﺶ ﺣﺬﻓﺖ ﺍﻟﻤﻨﺸﻮﺭ ﺍﻧﺖ ﺟﺎﻱ ﺗﺰﻏﺮﻧﻲ ﻛﺪﺍﻣﻬﻢ
.. ﻧﻮﺍﺭ ... ﻻﻣﺎﺯﻏﺮﺗﺞ ﻣﻌﺮﻭﻑ ﺳﺎﻋﻪ 12 ﻳﺨﻠﺺ ﺍﻟﻤﻨﺸﻮﺭ ﻟﻴﺶ ﻇﺎﻟﻪ ﺗﺴﻮﻟﻔﻴﻦ ﻭﺗﻀﺤﻜﻴﻦ
.. ﺷﺒﻴﻚ ﻧﻮﺍﺭ ﺷﻨﻮ ﺍﻟﺠﺪﻳﺪ ﻭﺍﺫﺍ ﺳﻮﻟﻔﺖ ﻭﺑﻌﺪﻳﻦ ﺍﻧﺖ ﻟﻴﺶ ﻣﺎﺩﺧﻠﺖ ﺑﺎﻟﻤﻨﺸﻮﺭ
.. ﻧﻮﺍﺭ ... ﻻ ﻛﺎﻓﻲ ﺍﺣﻤﺪ ﻋﻠﻴﺞ ﻣﻮﺟﻮﺩ ( ﻫﺬﺍ ﺍﻟﻠﻲ ﺟﺎﻥ ﻋﻠﻴﻬﻜﺮﺳﻲ ﺍﻻﻋﺘﺮﺍﻑ ﺟﺎﻥ ﺩﺍﺋﻤﺎ ﻣﻦ ﻳﻨﺸﺮ ﻳﺴﻮﻭﻳﻞ ﺗﺎﻙ ﻭﺑﻜﻠﺸﻲ ﻳﻤﺪﺣﻨﻲ ﻣﺪﺡ ﻣﻮﻭﺍﻗﻌﻲ ﺑﺎﻟﻜﺮﻭﺏ ﺑﺲ ﺟﺎﻥ ﻣﻮﺯﻏﻴﺮ ﻳﻌﻨﻲ ﻋﻤﺮﻩ ﺑﺎﻝ 35 )
.. ﻧﻮﺍﺭ ﺷﺒﻴﻚ ﻫﻬﻬﻪ ﻫﺎﻱ ﻟﻬﺠﻪ ﺟﺪﻳﺪﻩ
ﻧﻮﺍﺭ .. ﺳﻜﺖ ﻭﻃﻠﻊ ﻣﻦ ﺍﻟﻤﺤﺎﺩﺛﻪ
.....
ﻳﺎﺭﺑﻲ ﺷﺒﻲ ﻣﻌﻘﻮﻟﻪ ....
ﻣﺎﺍﺩﺭﻱ
ﻇﻠﻴﻨﻪ ﻓﺘﺮﻩ ﻋﺮﻓﺖ ﺍﻧﻮ ﻫﻮﺓ ﻳﻀﻮﺝ ﻣﻦ ﺍﺿﻞ ﺍﺳﻮﻟﻒ ﻫﻮﺍﻱ ﻟﻮ ﺍﺷﺎﻗﻪ ﺑﺲ ﺍﻧﻲ ﺟﻨﺖ ﻣﺠﺮﺩ ﺍﺳﻮﻟﻒ ﻭﺍﺗﻮﻧﺲ ﻭﻣﺨﻠﻴﻪ ﻗﻮﺍﻋﺪ ﺣﺘﻰ ﻟﺤﺪﻭﺩ ﺍﻟﻜﻼﻡ ﺑﺎﻟﻜﺮﻭﺏ ﻳﻌﻨﻲ ﻣﺤﺪ ﻳﻜﺪﺭ ﻳﺘﺠﺎﻭﺯ ﻳﻌﻨﻲ ﺟﻨﺖ ﺿﺎﺑﻄﺘﻪ ﺍﻛﺜﺮ ﻣﻦ ﻧﻮﺍﺭ ﺍﻟﻠﻲ ﻫﻮﺓ ﺍﻟﻮﻟﺪ ﻭﺍﻟﻠﻲ ﻻﺯﻡ ﻳﻜﻮﻥ ﺩﻭﺭﻩ ﺍﻗﻮﻯ ﻣﻦ ﺩﻭﺭﻱ ﺑﺲ ﻫﻮﺓ ﺟﺎﻥ ﻫﻮﺍﻱ ﻳﻜﺘﻔﻲ ﺑﻤﻼﺣﻘﺘﻲ ﻭﺍﻟﺒﺤﺚ ﻭﺭﺍ ﺗﻌﻠﻴﻘﺎﺗﻲ ...
ﻣﺮﺓ ﻓﺘﺮﻩ ﺻﺎﺭ ﺷﻬﺮ ﺍﻟﺜﺎﻟﺚ ﻭﻧﻮﺍﺭ ﻳﺮﺍﺳﻠﻨﻲ ﻣﻦ 20 ﺑﺸﻬﺮ ﺍﻟﺴﺎﺩﺱ
ﻳﻌﻨﻲ ﻣﺮﺕ ﺗﺴﻌﺔ ﺍﺷﻬﺮ ﻭﻟﺤﺪ ﺍﻻﻥ ﻧﻮﺍﺭ ﻣﺎﺍﻋﺘﺮﻑ ﺑﺎﻱ ﺷﻲ ﻣﺠﺮﺩ ﺳﻮﺍﻟﻒ ﻭﻏﻴﺮﻩ ﻳﺤﺎﻭﻝ ﻳﺨﻔﻴﻬﻪ ﻋﻨﻲ ﻭﻳﻀﻮﺝ ﺍﺫﺍ ﺍﺷﺎﻗﻪ ﻭﻳﻪ ﻭﺍﺣﺪ ﺑﺎﻟﻜﺮﻭﺏ ﻭﺍﻟﺸﻐﻠﻪ ﺍﻟﻮﺣﻴﺪﻩ ﺍﻟﻠﻲ ﻳﺴﻮﻳﻬﻪ ﻳﻈﻞ ﻳﻨﻄﻲ ﺗﻌﻠﻴﻘﻲ ﺍﻋﺠﺎﺏ ﺣﺘﻰ ﻳﺒﻴﻨﻠﻲ ﻫﺬﺍ ﺍﻟﺘﻌﻠﻴﻖ ﻣﺴﺤﻲ ﺿﻮﺟﻨﻲ ...
ﺍﻧﻲ ﻫﻨﺎ ﺿﺠﺖ ﻭﻣﻠﻴﺖ ﻭﻣﺎﺍﻋﺮﻑ ﺷﻴﺮﻳﺪ ﻭﺷﻨﻮ ﻣﺼﻴﺮﻧﻪ
ﻇﻠﻴﺖ ﺍﻓﻜﺮ ﺍﻓﻜﺎﺭ ﺳﻮﺩﻩ ﺍﻧﻮ ﺧﺎﻑ ﻭﺍﺣﺪ ﻣﻦ ﺍﻟﻠﻲ ﺭﻓﻀﺘﻬﻢ ﺑﺎﻟﻜﻠﻴﻪ ﺩﺯﺓ ﻋﻠﻴﻪ ﺣﺘﻰ ﻳﻌﻠﻘﻨﻲ ﺑﻲ ﻭﻳﻌﻮﻓﻨﻲ
ﺍﻭ ﻫﻮﺓ ﻳﺮﻳﺪ ﻳﻠﻌﺐ ﻭﺑﺲ
ﺍﻭﻭﻭﻭ ﺍﻭﻭ ﺍﻭﻭ ...
ﻫﻮﻭﻭﺍﻱ ﺍﻓﻜﺎﺭ ﺳﻮﺩﻩ ﻣﻊ ﺍﻟﻌﻠﻢ ﻧﻮﺍﺭ ﺍﻋﺮﻓﻪ ﻓﻘﻴﺮ ﻣﺎﻋﻨﺪﻩ ﻫﻴﺞ ﺳﻮﺍﻟﻒ ﺑﺲ ﺍﻱ ﻭﺣﺪﻩ ﺑﻤﻜﺎﻧﻲ ﻣﻤﻜﻦ ﻫﻴﺞ ﺗﻔﻜﺮ ﻻﻥ ﺗﺴﻌﺔ ﺍﺷﻬﺮ ﻓﺘﺮﻩ ﻛﺒﻴﺮﻩ ﻣﻤﻜﻦ ﺗﺘﻜﻮﻥ ﺑﻴﻬﻪ ﻋﻼﻗﻪ ﻭﺗﺮﺗﻜﺰ ﻉ ﺍﺳﺎﺳﺎﺗﻬﻪ
ﻃﺒﻌﺎ ﻫﺎﻱ ﺍﻟﺘﺴﻌﺔ ﺍﺷﻬﺮ ﻛﺘﻠﻜﻢ ﻣﺎﺧﻠﺖ ﻣﻦ ﺍﻟﻤﺸﺎﻛﻞ ﺍﻟﻠﻲ ﺗﻌﺘﺒﺮ ﺯﻏﻴﺮﻩ ﻻﻥ ﻣﺎﻛﻮ ﺷﻲ ﻭﺍﺿﺢ ﺑﺲ ﺟﻨﺖ ﺣﺴﺎﺳﻪ ﻻﻥ ﺍﻱ ﻛﻠﻤﻪ ﻳﻜﻮﻟﻬﻪ ﺍﺣﺴﻦ ﻣﻦ ﻳﺤﺠﻴﻬﻪ ﻫﻮﺓ ﺑﺪﺍﺧﻠﻪ ﺍﻧﻲ ﻭﺣﺪﻩ ﻳﺮﻳﺪ ﻳﻠﻌﺐ ﻋﻠﻴﻬﻪ ﻭﺑﺲ ﻟﺬﻟﻚ ﻳﺤﺠﻲ ﻫﻴﺠﻲ ﻓﺠﺎﻧﺖ ﺩﺍﺋﻤﺎ ﺭﺩﻭﺩﻱ ﺗﺼﻴﺮ ﻧﺎﺷﻔﻪ ﻭﺍﻗﻄﻊ ﻋﻼﻗﺘﻲ ﺑﻲ ﻭﻳﺮﺟﻊ ﻳﺪﺯﻟﻲ
ﺍﻟﻮ .. ﺍﻟﻮ .. ﺍﻟﻜﻠﻤﻪ ﺍﻟﻠﻲ ﺗﺒﺪﻱ ﻣﺤﺎﺩﺛﺘﻨﻪ ﻭﺗﻨﺘﻬﻲ ﺑﺼﻠﺢ ﺩﺍﺋﻤﺎ
ﺍﻟﻲ ﺍﻥ ﺍﺟﻪ ﺷﻬﺮ ﺍﻟﺜﺎﻟﺚ ﺍﻟﻜﻞ ﺑﺎﻟﻜﺮﻭﺏ ﻻﺣﻆ ﻧﻮﺍﺭ ﻣﻬﺘﻢ ﺍﻟﻲ ﻭﻳﻀﻮﺝ ﻣﻦ ﻛﻼﻡ ﺍﻟﻮﻟﺪ ﻭﻳﺎﻱ ( ﺑﺲ ﺍﻟﻠﻲ ﻻﺣﻈﻮ ﻫﻤﻪ ﻧﻔﺴﻬﻢ ﺍﻟﻠﻲ ﺩﺍﺋﻤﺎ ﻣﺘﻮﺍﺟﺪﻳﻦ ﻣﻮ ﺍﻟﻜﻞ ﻳﻌﻨﻲ )
ﺍﻟﻰ ﺍﻥ ﺭﺍﺳﻠﻨﻲ ﻭﻟﺪ ﺑﺎﻟﻜﺮﻭﺏ ﺟﺎﻧﺖ ﻋﻼﻗﺘﻲ ﺑﻲ ﻗﻮﻳﻪ ﺭﻏﻢ ﻫﻮﺓ ﻣﻮﻣﻦ ﻗﺴﻤﻲ
ﺭﺳﻮﻝ .. ﻣﺮﺣﺒﺎ ﺍﺳﺎﻭﺭ
... ﻣﺮﺣﺒﺎ ﺭﺳﻮﻝ ﺗﻔﻀﻞ
ﺭﺳﻮﻝ .. ﺍﺭﻳﺪ ﺍﺳﺎﻟﺞ ﺳﺆﺍﻝ ﺑﺲ ﺑﺼﺮﺍﺣﻪ ﻭﺑﺪﻭﻥ ﺯﻋﻞ
.. ﻛﻮﻝ ...
ﺭﺳﻮﻝ .. ﻧﻮﺍﺭ ﺍﻛﻮ ﺷﻲ ﺑﺪﺍﺧﻠﻪ ﺍﻟﺞ
... ﺍﻣﻤﻤﻢ ﻣﺎﺍﻋﺮﻑ ﺑﺲ ﺍﻟﻈﺎﻫﺮ ﻫﻴﺞ
ﺭﺳﻮﻝ .. ﻟﻴﺶ ﺍﻧﻲ ﻣﻼﺣﻈﻪ ﺻﺎﺭ ﻓﺘﺮﻩ ﻣﻌﻘﻮﻟﻪ ﺑﻬﺎﻱ ﺍﻟﻔﺘﺮﻩ ﻣﺎﺣﺠﻪ
.... ﺍﻱ ﻭﺍﻟﻠﻪ ﻣﺎﻛﺎﻝ ﻭﻻﺍﻋﺘﺮﻑ ﻭﺍﻧﻲ ﺿﺠﺖ ﻻﻥ ﻣﺎﺟﺎﻱ ﺍﻋﺮﻑ ﺷﺒﻲ ﻭﺷﻨﻮ ﻳﺮﻳﺪ
ﺭﺳﻮﻝ ﻣﺎﻟﺞ ﻋﻼﻗﻪ ﺍﻧﻲ ﺍﺣﺎﺟﻲ
... ﺻﺨﺎﻡ ﻻ ﺭﺳﻮﻝ ﺷﺘﻜﻠﻪ ﻻﻻﻻﻻ ﻣﺎﺍﻗﺒﻞ
ﺭﺳﻮﻝ .... ﻫﻬﻬﻬﻪ ﺷﺒﻴﺞ ﻳﻤﻌﻮﺩﻩ ﻫﺎﻻﻳﺎﻡ ﺍﻟﺒﻨﻴﻪ ﺍﻟﻠﻲ ﺗﻔﻮﺕ ﻉ ﺍﻟﻮﻟﺪ ﺷﺪﻋﻮﺓ ﻫﺎﻟﺨﻮﻑ
... ﻻﺭﺳﻮﻝ ﺍﻧﻲ ﺍﺧﺘﻠﻒ ﺑﺮﺑﻚ ﺑﺎﻟﻜﻠﻴﻪ ﻫﻤﻪ ﻳﺠﻮﻧﻲ ﺑﺮﺟﻠﻴﻬﻢ ﻣﺎﺍﻗﺒﻞ ﺑﻴﻬﻢ ﺗﺮﻳﺪ ﻫﺴﻪ ﺍﻧﻲ ﺍﺩﺯ ﻧﺎﺱ ﻳﺤﺎﺟﻮ
ﺭﺳﻮﻝ ﻣﺎﻟﺞ ﻋﻼﻗﻪ ﻣﺎﺭﺍﺡ ﺗﺒﻴﻨﻴﻦ ﺑﺎﻟﺼﻮﺭﻩ .... ﻭﺭﺍﺡ
... ﺭﺳﻮﻝ
ﺭﺳﻮﻝ
ﺭﺳﻮﻝ
ﺭﺍﺡ ﺧﺮﺭﺭﺏ ﺧﺎﻑ ﻳﻜﻠﻪ ﻓﺸﻠﻪ ﺑﺲ ﻳﺎﻟﻠﻪ ﺧﻞ ﻳﺤﺎﺟﻲ ﻫﻮﺓ ﻛﺎﻝ ﻣﺎﻳﺪﺭﻱ ﺍﻧﺘﻲ ﺗﻌﺮﻓﻴﻦ ﺷﻲ
ﺧﻞ ﻳﺤﺠﻲ ﻭﻳﺎ ﺧﻞ ﺍﻓﻬﻢ ﺷﻴﺮﻳﺪ
ﺑﻌﺪ ﻛﻢ ﺳﺎﻋﻪ ﺩﺯ ﺭﺳﻮﻝ
ﺭﺳﻮﻝ ... ﻭﻟﺞ ﺍﺳﺎﻭﺭ ﺗﻌﺎﺍﺍﻱ
... ﻛﻮﻭﻝ
ﺍﻟﻈﺎﻫﺮ ﻣﺘﺤﻤﺴﻪ ﻛﻠﺶ ﺗﻌﺮﻓﻴﻦ
... ﻫﻬﻬﻬﻪ ﻛﻮﻭﻝ
↙️
ﺭﺳﻮﻝ ... ﻳﺤﺒﺞ ﻭﻳﺴﺘﺤﻲ ﻳﺤﺠﻲ ﻭﻳﺎﺝ
.... ﺷﻨﻮﻭﻭﻭ
ﺭﺳﻮﻝ ﻭﺩﺍﻋﺘﺞ ﻳﺴﺘﺤﻲ ﻳﻜﻮﻝ ﺯﺣﻤﻪ ﺧﺎﻑ ﺍﺧﺴﺮﻫﻪ ﻭﻣﺎﺍﺭﻳﺪ ﺍﺧﺴﺮﻫﻪ ﻭﺧﺎﻑ ﺗﻔﻬﻤﻨﻲ ﻏﻠﻂ
... ﺷﺒﻴﻚ ﺭﺳﻮﻝ ﻭﻳﻦ ﺍﻛﻮ ﻭﺍﺣﺪ ﻳﺴﺘﺤﻲ ﻳﻜﻮﻝ ﺍﺣﻴﺞ
ﺭﺳﻮﻝ ... ﻫﺴﻪ ﺍﺭﺍﻭﻳﺞ
ﺷﻮﻳﻪ ﻭﺍﺟﺘﻠﻲ ﺻﻮﺭﻩ ﻣﻦ ﺣﻤﻠﺘﻬﻪ ﺷﻔﺘﻬﻪ ﻣﺤﺎﺩﺛﻪ ﻫﻮﺓ ﻭﻳﺎ ﻭﻓﻌﻼ ﻛﻼﻣﻪ ﺻﺤﻴﺢ ﺭﺳﻮﻝ ﻣﻦ ﻛﻠﻲ ﻳﺴﺘﺤﻲ ﻣﻨﺞ
ﺯﻳﻦ ﻫﺴﻪ ﺷﻠﻮﻥ ...
ﺭﺳﻮﻝ ... ﺍﻧﺘﻲ ﺑﻜﻴﻔﺞ ﺍﻧﺘﻲ ﺭﺍﻳﺪﺗﻪ
.....
ﺭﺳﻮﻝ ... ﺍﺣﺠﻲ ﻻﺗﺴﺘﺤﻴﻦ
... ﺍﻱ
ﺭﺳﻮﻝ ... ﻳﻌﻨﻲ ﺍﺫﺍ ﺍﺟﻪ ﺣﺎﺟﺎﺝ ﻣﺎﺗﻔﺸﻠﻴﻨﻪ
ﻻ ﻃﺒﻌﺎ ....
ﺭﺳﻮﻝ ﺍﻭﻛﻲ ﺍﻧﻲ ﺍﺧﻠﻲ ﺍﻟﻴﻮﻡ ﻳﺠﻲ ﻳﺮﺍﺳﻠﺞ ﺣﻀﺮﻱ ﻧﻔﺴﺞ
... ﺑﻴﻨﻲ ﻭﺑﻴﻦ ﻧﻔﺴﻲ ﺧﻔﺖ ﻭﻓﺮﺣﺖ ... ﺷﻨﻮ ﺭﺡ ﻳﺼﻴﺮ ﻭﺷﻠﻮﻥ ﺭﺡ ﻳﺼﺎﺭﺣﻨﻲ ...
ﻧﺺ ﺳﺎﻋﻪ ﻭﺩﺯ ﺭﺳﻮﻝ ﻛﺎﻝ ﺑﺎﻟﻠﻴﻞ ﻳﺤﺎﺟﻴﺞ
ﺍﻧﺘﻈﺮﺕ ﺻﺎﺭ ﺍﻟﻠﻴﻞ ﺩﺯ
ﻧﻮﺍﺭ ... ﺍﻟﻮ
... ﺍﻟﻮ ( ﺭﺩﻳﺖ ﻋﻠﻴﻪ ﺑﺜﻜﻞ ﻻﻥ ﻫﺎﻱ ﺍﻻﻳﺎﻡ ﺟﻨﺖ ﺯﻋﻼﻧﻪ ﻣﻨﻪ ﻭﻣﻨﺘﺤﺎﺟﻪ ﺍﻧﻲ ﻭﻳﺎﻛﺘﻠﻜﻢ ﺻﺮﺕ ﺣﺴﺎﺳﻪ ﻭﺑﻬﺎﻱ ﺍﻟﻔﺘﺮﻩ ﺣﺠﻪ ﺣﺠﺎﻳﻪ ﺿﻮﺟﺘﻨﻲ ﻣﺎﺍﺫﻛﺮ ﻫﻴﻪ ﺷﻨﻮ ﺑﺲ ﻻﻥ ﺻﺮﺕ ﺣﺴﺎﺳﻪ ﻣﻦ ﺯﻋﻠﺖ ﺑﺴﺒﺒﻬﻪ ﻋﻠﻴﻪ ...
ﻧﻮﺍﺭ .. ﺷﻠﻮﻧﺞ
.. ﺍﻟﺤﻤﺪﻟﻠﻪ
ﻧﻮﺍﺭ .. ﺷﺒﻴﺞ
... ﻣﺎﺑﻴﻪ ﺷﻲ ﺷﺒﻴﻪ
...
...
...
...
ﻇﻞ ﻳﺴﺎﻟﻨﻲ ﺷﺒﻴﻪ ﻭﻟﻴﺶ ﺯﻋﻼﻧﻪ ﻭﻳﺮﻳﺪ ﻳﺒﻴﻨﻠﻲ ﻣﻦ ﻛﻼﻣﻪ ﺍﻧﻮ ﻳﺤﺒﻨﻲ ﺑﺲ ﺍﻧﻲ ﺟﻨﺖ ﺭﺍﻓﻀﻪ ﺍﻓﻬﻢ ﺍﺭﻳﺪﻩ ﻫﻮﺓ ﻳﻜﻮﻟﻬﻪ ﺣﺘﺮ ﻛﻞ ﺷﻲ ﻳﺼﻴﺮ ﻭﺍﺿﺢ . ﻭﺑﻌﺪ ﻣﺮﻭﺭ ﺳﺎﻋﻪ ! ﻣﻦ ﺍﻟﻤﺤﺎﻭﺭﺍﺕ ﻭﺍﻟﻜﻼﻡ ﺍﻟﻠﻲ ﺭﺍﻓﻀﻪ ﺍﻓﻬﻤﻪ ﺍﻭ ﻣﺘﻌﻤﺪﻩ ﻣﺎﺍﻓﻬﻢ ... ﺍﻟﻰ ﺍﻥ ﻛﺎﻝ ...
ﻧﻮﺍﺭ .. ﺷﺒﻴﺞ ﺍﺳﺎﻭﺭ ﻳﻌﻨﻲ ﺍﻧﺘﻲ ﻟﺤﺪ ﺍﻻﻥ ﻣﺎﻓﻬﻤﺘﻲ
.. ﺷﻔﺘﻬﻢ
ﻧﻮﺍﺭ ... ﻣﺎﻋﺮﻓﺘﻲ ﺍﻟﺴﺒﺐ ﺍﻟﻠﻲ ﻳﺨﻠﻴﻨﻲ ﺍﺳﻮﻱ ﻭﻳﺎﺝ ﻫﺎﻱ ﺍﻟﺴﻮﺍﻟﻒ ﻛﻠﻬﻪ ﻭﺍﺿﻮﺟﺞ ﺷﻨﻮ
... ﻻ ﻳﺎﺭﻳﺖ ﺍﻋﺮﻑ
ﻧﻮﺍﺭ ..... ﺣﺐ ﺑﻌﺪ ﺷﻨﻮ ( ﺟﺎﻥ ﻣﺴﺘﺤﻲ ﻳﻜﻮﻝ ﻛﻠﻤﺔ ﺍﺣﺒﺞ ﻟﺬﻟﻚ ﻛﺎﻝ ﺣﺐ ﺑﻌﺪ ﺷﻨﻮ ﻣﺜﻞ ﺍﻟﻠﻲ ﻳﺮﻳﺪ ﻳﺘﻬﺮﺏ ﻣﻦ ﻫﺎﻱ ﺍﻟﻜﻠﻤﻪ ﺑﺲ ﻻﻣﺤﺎﻝ ﻻﺯﻡ ﻳﻜﻮﻟﻬﻪ ﻑ ﺍﺑﺴﻂ ﻃﺮﻗﻪ ﻳﻜﻮﻟﻬﻪ ﺑﻴﻬﻪ ﺟﺎﻧﺖ ﻫﺎﻱ ) ....
... ﺷﻨﻮ ﺣﺐ؟؟
ﻇﻠﻴﻨﻪ ﻓﺘﺮﻩ ﻛﺎﻧﻮ ﺑﺪﻳﻨﻪ ﺷﻲ ﺟﺪﻳﺪ ﻏﻴﺮ ﺍﻟﻠﻲ ﺟﻨﻪ ﻧﺤﺠﻲ ﺧﻼﻝ ﺗﺴﻌﺔ ﺍﺷﻬﺮ
ﻇﻞ ﻳﻌﺮﻓﻨﻲ ﻋﻨﻪ ﺍﺷﻴﺎﺀ ﻫﻮﺍﻱ ﻭﻇﻞ ﻳﺤﺬﺭﻧﻲ ﻣﺎﺍﺳﻮﻟﻒ ﻭﺍﺿﺤﻚ ﻫﻮﺍﻱ ﺑﺲ ﺑﻨﺺ ﻫﺎﻱ ﻛﻠﻬﻪ
.. ﻧﻮﺍﺭ ﺍﺭﻳﺪ ﺍﺳﺎﻟﻚ ﺳﺆﺍﻝ
ﻧﻮﺍﺭ .. ﻛﻮﻟﻲ ﻋﻴﻨﻲ
... ﻋﻼﻗﺘﻨﻪ ﺷﻨﻮ ﻧﻬﺎﻳﺘﻬﻪ
. ﻧﻮﺍﺭ .. ﺯﻭﺍﺝ ﻃﺒﻌﺎ ﺑﺲ ﺻﺒﺮﻳﻠﻲ
... ﻟﺤﺪ ﻳﻤﺘﻪ
ﻧﻮﺍﺭ ... ﺍﺫﺍ ﺍﻛﻠﺞ ﻟﺤﺪ ﻓﻼﻥ ﻳﻮﻡ ﺟﺎﻱ ﺍﺟﺬﺏ ﻋﻠﻴﺞ ﺍﻧﻲ ﺻﺤﻴﺢ ﺍﺷﺘﻐﻞ ﺑﺺ ﻓﻠﻮﺱ ﺷﻐﻠﻲ ﺟﻨﺖ ﺍﺫﺑﻬﻪ ﻉ ﺍﻟﺸﻘﻪ ﻛﻞ ﻣﻮﺳﻢ ﺍﺻﺒﻎ ﺷﻘﺘﻨﻪ ﻭﺍﻏﻴﺮ ﺩﻳﻜﻮﺭﺍﺗﻬﻪ ﻭﺍﺷﺘﺮﻱ ﺍﺛﺎﺙ ﺟﺪﻳﺪ ﻣﺎﺟﻨﺖ ﻣﻔﻜﺮ ﺑﺎﻟﺰﻭﺍﺝ ﻧﻬﺎﺋﻴﺎ ﻭﻣﺎﺟﻨﺖ ﺍﺩﺭﻱ ﺭﺡ ﺗﺼﻴﺮﻳﻦ ﺑﺪﺭﺑﻲ ﻟﺬﻟﻚ ﺭﺡ ﻧﺒﺪﻱ ﻣﻦ ﺍﻟﺼﻔﺮ ﺍﻧﻲ ﻭﻳﺎﺝ
... ﺻﻔﻨﺖ ﺷﺴﻮﻱ ﻧﺎﺱ ﺗﺠﻲ ﺗﺨﻄﺒﻨﻲ ﻛﺎﻣﻠﻠﻪ ﻣﻜﻤﻠﻪ ﻭﺍﺭﻓﻀﻬﻢ ﺯﻳﻦ ﺍﻟﻰ ﻣﺘﻰ ﺍﺭﻓﺾ ﻭﻫﻮﺓ ﻳﻤﺘﻪ ﻳﻜﻤﻞ ﻭﻣﻌﻘﻮﻟﻪ ﻳﻜﺪﺭ ﻳﺠﻲ ﻳﺨﻄﺒﻨﻲ
ﻫﻮﺍﻱ ﺍﻓﻜﺎﺭ ﻇﻠﺖ ﺗﺪﻭﺭ ﺑﺮﺍﺳﻲ ﻭﺣﻴﺮﻩ ﻭﻗﻠﻖ ﺑﺲ ﻋﻤﺮﻱ ﻣﺎﺷﻜﻴﺖ ﺑﻜﻼﻣﻪ ﺍﻋﺮﻓﻪ ﺻﺎﺩﻕ ﺍﻟﻰ ﺍﺑﻌﺪ ﺣﺪ ﻭﺍﻧﻲ ﺍﻭﻝ ﻭﺣﺪﻩ ﺑﺤﻴﺎﺗﻪ ﻫﺬﺍ ﻳﻜﻔﻴﻨﻲ ﺍﻧﻮ ﺗﺼﻴﺮ ﻋﻨﺪﻱ ﺛﻘﻪ ﻋﺎﻟﻴﻪ ﺑﻨﻔﺴﻲ ﻭﺑﻲ ...
ﺑﺲ ﻧﻔﺲ ﺍﻟﻮﻗﺖ ﺣﻴﺮﻩ ﺑﻮﺿﻌﻨﻪ ﺑﺲ ﻫﻮﺓ ﻣﻮﻇﻒ ﺻﺢ ﻋﻘﺪ ﺑﺲ ﺭﺍﺗﺒﻪ ﺑﻠﻜﻲ ﻳﻜﺪﺭ ﻳﺴﻮﻱ ﺑﻲ ﺷﻲ ﻟﺬﻟﻚ ﻫﺎﻱ ﺍﻟﺼﻔﺤﻪ ﺳﺪﻳﺘﻬﻪ ﻭﻣﺎﻇﻠﻴﺖ ﺍﻓﻜﺮ ﻳﻤﺘﻪ ﻭﺷﻠﻮﻥ ﻭﻛﻴﻒ ﺧﻠﻴﺘﻬﻪ ﻳﻢ ﺭﺏ ﺍﻟﻌﺎﻟﻤﻴﻦ ﻭﻛﻠﺖ ﺧﻞ ﺍﺗﻮﻧﺲ ﻣﺜﻞ ﻏﻴﺮﻱ ﻭﺍﻓﺮﺡ ﺑﺤﺒﻲ ﺍﻟﻠﻲ ﻣﺎﻋﺸﺘﻪ ﺑﺎﻳﺎﻡ ﺍﻟﻜﻠﻴﻪ ﻣﺜﻞ ﻏﻴﺮﻱ ﻫﺴﻪ ﺧﻠﻴﻨﻲ ﺍﻓﺮﺡ ﺑﻲ ﻭﺍﻋﻴﺸﻪ
ﻭﻓﻌﻼ ﺟﺎﻧﺖ ﻋﻼﻗﺘﻨﻪ ﺭﻭﻭﻭﻋﻪ ﺑﺲ ﺟﻨﺖ ﺍﺳﺘﺤﻲ ﻣﻨﻪ ﻭﻫﻮﺓ ﻫﻢ ﻣﺤﺎﻓﻆ ﺑﻜﻼﻣﻪ ﻭﻳﺎﻱ ﻣﺎﻳﺤﺮﺟﻨﻲ ﻭﻣﺎﻳﻄﻮﺥ ﺑﺎﻟﺤﺠﻲ ﻣﺮﺕ ﺍﺭﺑﻌﺔ ﺍﺷﻬﺮ ﻉ ﻋﻼﻗﺘﻨﻪ ﺑﺲ ﺟﺎﻧﺖ ﻓﻘﻂ ﺑﺎﻟﻔﻴﺲ ﺭﺳﺎﺋﻠﻨﻪ ﻣﺎﻧﻄﻴﺘﻪ ﺭﻗﻤﻲ ﻫﻮﺓ ﻫﻢ ﻣﺎﻃﻠﺐ ﺭﻏﻢ ﺍﺣﺲ ﺑﺪﺍﺧﻠﻪ ﻳﺮﻳﺪﻩ ﺍﻟﻰ ﺍﻥ ﻃﻠﺒﻪ ﻣﻨﻲ ﺑﺼﺮﻩ ﻏﻴﺮ ﻣﺒﺎﺷﺮﻩ
ﻧﻮﺍﺭ .. ﺍﻛﻠﺞ ﺭﺳﺎﺋﻞ ﺍﻟﻤﺎﺳﻨﺠﺮ ﺑﻄﻴﺌﻪ ﺷﺘﻜﻮﻟﻴﻦ ﻧﺤﻮﻝ ﻉ ﻏﻴﺮ ﺑﺮﻧﺎﻣﺞ
.. ﻓﻬﻤﺖ ﻗﺼﺪﻩ ﺑﺲ ﻣﺎﺣﺴﺴﺘﻪ ... ﻳﻌﻨﻲ ﻳﺎﺑﺮﻧﺎﻣﺞ
ﻧﻮﺍﺭ .. ﻭﻳﺠﺎﺕ ﻋﻨﺪﺝ
.. ﺍﻱ ﻣﻮﺟﻮﺩ
ﻧﻮﺍﺭ ﺍﻧﻄﻴﺞ ﺭﻗﻤﻲ ﻭﺿﻴﻔﻴﻨﻲ
.. ﺍﻭﻛﻲ
ﺍﻧﻲ ﺍﻋﺮﻑ ﺍﺫﺍ ﺍﺧﺬ ﺭﻗﻤﻪ ﻣﻴﻄﻠﻊ ﺭﻗﻤﻲ ﻋﻨﺪﻩ . ﻓﻌﺎﺩﻱ ﻇﻔﺘﻪ ﻭﻇﻠﻴﻨﻪ ﻧﺴﻮﻟﻒ ﻭﺭﺑﻪ 3 ﺍﻳﺎﻡ ﺍﻭ ﺍﺭﺑﻌﻪ ﻣﻦ ﺣﺲ ﻣﺎﻛﻮ ﺍﻣﻞ ﺍﻧﻄﻲ ﺭﻗﻤﻲ ﺭﺟﻊ ﻧﺴﻮﻟﻒ ﻉ ﻣﺎﺳﻨﺠﺮ ﻛﺎﻝ ﻫﻨﺎﻙ ﺷﻮ ﻫﻢ ﺑﻄﻴﺌﻪ ﺍﻟﻜﺘﺎﺑﻪ
ﻫﺎﻱ ﺍﻟﻔﺘﺮﻩ ﻣﺎﻧﺤﺠﻲ ﺷﻲ ﺑﺲ ﻫﻮﺓ ﻫﻮﺍﻱ ﺗﺠﺮﺍ ﻋﻤﺮﻱ ﻭﺣﺒﻴﺒﺘﻲ ﻭﺣﺎﺗﻲ ﺭﻭﺣﻲ ﻫﻮﺍﻱ ﻛﻠﻤﺎﺕ ﺑﺲ ﺍﻧﻲ ﺣﺘﻰ ﻛﻠﻤﺔ ﺍﺣﺒﻚ ﺻﻌﺒﻪ ﻭﻣﺎﻛﻠﺘﻬﻪ
ﺍﻣﺎ ﺑﻘﻴﺔ ﻛﻼﻣﻨﻪ ﻣﺤﺪﻭﺩ ﺑﻜﻠﺸﻲ ﻧﺤﺠﻲ ﺑﺲ ﻣﺎ ﻧﻄﻮﺥ ﺣﺠﺎﻟﻲ ﻋﻦ ﺑﺖ ﺧﺎﻟﻪ ﻣﻴﺘﻪ ﻋﻠﻴﻪ ﻭﺩﺍﺋﻤﺎ ﺗﺮﺍﺳﻠﻪ ﻭﻣﻦ ﺗﺮﺍﺳﻠﻪ ﻳﺪﺯﻟﻲ ﺭﺳﺎﻟﺘﻬﻪ ﻭﻳﺮﺍﻭﻳﻨﻲ ﺟﻮﺍﺑﻪ ﻭﻳﺎﻫﻪ ﺍﻧﻮ ﻫﻮﺓ ﻳﺤﺐ ﻭﺣﺪﻩ ﻭﻳﺎ ﻭﻣﺎﻳﺮﻳﺪﻫﻪ .. ﺑﺲ ﻣﺎﺗﺠﻮﺯ ﻣﻨﻪ ....
ﻳﻮﻡ ﻣﻦ ﺍﻻﻳﺎﻡ ﻛﺎﻝ ﺍﻛﻠﺞ ﺻﺎﺭﻟﻨﻪ ﺷﻜﺪ ﻣﻦ ﻛﺘﻠﺞ ﺍﺣﺒﺞ
... ﺍﻣﻤﻢ ﺧﻤﺴﺔ ﺍﺷﻬﺮ
ﻧﻮﺍﺭ ﻭﻟﺤﺪ ﺍﻻﻥ ﻣﺎﻛﻠﺘﻲ ﺍﺣﺒﻚ
... ﺍﻱ ﺻﺤﻴﺢ
ﻧﻮﺍﺭ .. ﻳﻌﻨﻲ ﻣﻮﻣﻦ ﺣﻘﻲ ﺍﺳﻤﻌﻬﻪ . ﻟﻮﻻﻥ ﺳﺎﻛﺖ
... ﺻﺤﻴﺢ ﺑﺲ ﻭﺍﻟﻠﻪ ﺻﻌﺒﻪ ﻭﻣﺎﻣﺘﻌﻮﺩﻩ ﺍﻛﻮﻟﻬﻪ
ﻧﻮﺍﺭ .. ﻳﻌﻨﻲ ﺍﻧﻲ ﺍﻟﻤﺘﻌﻮﺩ ﺑﺲ ﻭﻳﺎﺝ ﻛﺴﺮﺕ ﻛﻞ ﺣﺎﺟﺰ ﺑﻴﻨﺎﺗﻨﻪ ﺑﺲ ﺍﻧﺘﻲ ﺑﻌﺪﺝ
.. ﻫﻨﺎ ﺣﺴﻴﺖ ﻓﻌﻼ ﻛﻼﻣﻪ ﺻﺤﻴﺢ
ﺑﺲ ﺍﻧﻲ ﺍﺳﺘﺤﻲ ﺍﻛﻮﻟﻬﻪ ﻭﺍﻟﻠﻪ
ﺷﻨﻮ ﺍﺳﺘﺤﻲ ﺍﻛﻮﻟﻬﻪ ﺍﻧﻲ ﻣﻮ ﻛﻠﺖ ﺭﺡ ﺍﻋﻴﺶ ﺍﻟﻠﻲ ﻣﺎﻋﺸﺘﻪ ﻭﺍﺗﻮﻧﺲ ﺑﺤﺒﻲ ﻭﻳﺎ ﺧﻠﺺ ﺣﻠﻮﺓ ﻛﻠﻤﺔ ﺍﺣﺒﻚ ﻭﺣﻠﻮ ﻛﻞ ﻛﻼﻡ ﺍﻟﺤﺐ ﻃﺒﻌﺎ ﺟﺎﻥ ﻫﺬﺍ ﺻﺮﺍﻉ ﺑﻴﻨﻲ ﻭﺑﻴﻦ ﻧﻔﺴﻲ ﺍﻟﻰ ﺍﻥ ﻗﺮﺭﺕ ﺍﻛﺴﺮ ﺍﻭﻝ ﺣﺎﺟﺰ ﻭﻳﺎ ﻭﻣﺎﺟﻨﺖ ﺍﻋﺮﻑ ﺍﻧﻮ ﻫﺬﺍ ﺍﺑﺴﻂ ﺣﺎﺟﺰ ﻣﻦ ﺑﻴﻦ ﺍﻟﺤﻮﺍﺟﺰ ﺍﻟﻠﻲ ﺭﺡ ﺍﻛﺴﺮﻫﻪ ﻭﻳﺎ
ﻣﺎﺟﻨﺖ ﺍﻋﺮﻑ ﺍﻧﻮ ﺍﻧﻲ ﻣﻤﻜﻦ ﺍﺗﺠﺮﺃ ﻭﺍﻛﺴﺮ ﺣﻮﺍﺟﺰ ﺑﻌﺪ ﺍﻛﺒﺮ ﻭﺍﻛﺒﺮ ...
.
.
.
.
* ﺍﻥ ﺍﺣﺒﺒﺘﻚ ﺍﻳﺎﻙ ﺍﻥ ﺗﻜﺴﺮ ﺧﺎﻃﺮﻱ **
.
ﻃﺒﻌﺎ ﻧﻮﺍﺭ ﻭﺍﺳﺎﻭﺭ ﻋﻼﻗﺘﻬﻢ ﻣﻮ ﻋﻦ ﻃﺮﻳﻖ ﺍﻟﻔﻴﺲ ﻻﻥ ﻳﻌﺮﻓﻬﺎ ﻣﻦ ﺟﺎﻧﺖ ﺑﻠﺠﺎﻣﻌﻪ ﺑﺲ ﺍﺭﻳﺪ ﺍﺳﺄﻝ ﺍﻛﻮ ﻭﺣﺪﻩ ﺗﺰﻭﺟﺖ ﻋﻦ ﻃﺮﻳﻖ ﺍﻟﻨﺖ ﺟﺎﻭﺑﻮﻧﻲ ﺑﻼ ؟؟؟
ﻭﻟﻮ ﺍﻧﺘﻮ ﺷﻠﻮﻥ ﺗﺠﺎﻭﺑﻮﻥ ﻭﺍﺻﻼ ﻣﻴﺘﺎﺕ ﻣﺎ ﺍﺍﻛﻢ ﺫﻛﺮ ﺑﺲ ﺷﻜﻢ ﻭﺣﺪﻩ
↙️
ﻣﺸﺖ ﺍﻻﻳﺎﻡ
ﺗﻌﻮﺩﺕ ﻋﻠﻴﻪ ﻫﻮﺍﻱ ﻭﻫﻮﻩ ﻣﺎﻳﻜﺪﺭ ﺑﻠﻴﺎﻱ ﺍﺑﺪ ...
ﻋﻼﻗﺘﻨﻪ ﺟﺎﻧﺖ ﺍﻛﺜﺮ ﻣﻦ ﺣﻠﻮﺓ ﻟﺪﺭﺟﻪ ﻗﺒﻞ ﻻ ﻧﻐﺴﻞ ﻭﺟﻬﻨﻪ ﺍﻟﺼﺒﺢ ﻧﺴﻮﻟﻒ ﺷﻮﻳﻪ ﻳﺎﻟﻠﻪ ﻧﻜﻮﻡ ﻣﻦ ﺍﻟﻔﺮﺍﺵ
ﻣﺎﻳﻜﺪﺭ ﻉ ﺯﻋﻠﻲ ﺍﺑﺪ ﻟﻮﺷﻤﺎﺍﺳﻮﻱ ﻫﻮﺓ ﻳﺪﺯﻟﻲ ﻭﻳﺼﺎﻟﺤﻨﻲ
ﺻﺤﻴﺢ ﻣﻦ ﻳﺪﺯ ﻻﺯﻡ ﻳﺴﺘﻔﺰﻧﻲ ﻭﻧﻈﻞ ﻧﺤﺠﻲ ﺑﺎﻟﻤﺸﻜﻠﻪ ﻧﻔﺴﻬﻪ ﺑﺲ ﺍﻧﻲ ﺍﻋﺮﻓﻪ ﻣﺎﻳﻜﺪﺭ ﻉ ﻓﺮﺍﻛﻲ ﻭﺣﺘﻰ ﻟﻮ ﻳﻈﻞ ﻳﺘﻌﺎﺭﻙ ﻭﻳﺎﻱ ﺍﻫﻢ ﺷﻲ ﻳﺤﺠﻲ ﻭﻳﺎﻱ ﻟﻮﺷﻤﺎﻛﺎﻥ ﺍﻟﺤﺠﻲ ﺑﻴﻨﻨﺎ ...
ﻣﺮﺕ ﻋﻠﻴﻨﻪ 7 ﺍﺷﻬﺮ ﻣﻦ ﺍﻋﺘﺮﻑ ﺑﺤﺒﻪ ﺍﻟﻲ ﻳﺎﻟﻠﻪ ﻧﻄﻴﺘﻪ ﺭﻗﻤﻲ ﻭﺭﻣﺎ ﺷﻔﺖ ﻣﺎﻛﻮ ﻋﺬﺭ ﻣﻨﻲ ﺍﻧﻮ ﻣﺎﺍﻧﻄﻲ
ﺑﺪﺕ ﻋﻼﻗﺘﻨﻪ ﺗﺘﻄﻮﺭ ﺑﺲ ﻣﺎﻳﻄﻠﺐ ﻣﻨﻲ ﺻﻮﺭﻩ ﺍﺑﺪ
ﺍﻧﻲ ﺍﻃﻠﺐ ﻳﺪﺯﻟﻲ ﺻﻮﺭ ﺑﻜﻞ ﻭﻗﺖ ﻣﻦ ﻳﺎﻛﻞ ﻣﻦ ﻳﺸﺮﺏ ﻣﻦ ﻳﻄﻠﻊ ﺣﺘﻰ ﻣﻦ ﻳﺴﺒﺢ ﻭﻳﻄﻠﻊ ﻣﻦ ﺍﻟﺤﻤﺎﻡ ﺍﻛﻠﻪ ﻛﺼﻠﻲ ﺻﻮﺭﻩ . ﺣﻔﻀﺖ ﻛﻞ ﺗﻔﺎﺻﻴﻞ ﺣﻴﺎﺗﻪ ﻭﻫﻮﺓ ﻧﻔﺲ ﺍﻟﺸﻲ
ﺑﺪﺕ ﺗﺘﻄﻮﺭ ﻋﻼﻗﺘﻨﻪ ﻛﻠﻠﻠﺶ
ﺍﻟﻰ ﺍﻥ ﺑﺪﺕ ﺗﺼﻴﺮ ﺑﻴﻨﺎﺗﻨﻪ ﻋﻼﻗﺔ ﺍﻟﻤﺘﺰﻭﺟﻴﻦ ﺑﺎﻟﺘﻠﻔﻮﻥ ﺑﺲ ﺟﻨﺖ ﺭﺍﻓﻀﺘﻬﻪ ﺑﺎﻟﺒﺪﺍﻳﻪ ﺑﺲ ﺷﻮﻳﻪ ﺷﻮﻳﻪ ﻭﺑﻴﻦ ﻓﺘﺮﺍﺕ ﻳﻌﻨﻲ ﻣﺎﻳﻀﻐﻂ ﻋﻠﻲ ﻣﺠﺮﺩ ﻛﻠﻤﻪ ﻳﺸﻤﺮﻫﻪ ﻭﻳﺸﻮﻑ ﺣﺴﺐ ﺗﺠﺎﻭﺑﻲ ﻭﻳﺎ ﺑﻴﻬﻪ ﺍﻟﻰ ﺍﻥ ﺗﻌﻮﺩﺕ ﻋﻠﻴﻪ ﻭﺻﺮﺕ ﺍﺣﺲ ﺍﻧﻲ ﻣﺴﺆﻭﻟﻪ ﻋﻨﻪ ﺑﻬﺎﻱ ﺍﻟﺸﻐﻠﻪ ...
ﻧﻮﺍﺭ ... ﻋﻤﺮﻱ
.... ﻫﺎ ﺣﺒﻴﺒﻲ
ﻧﻮﺍﺭ ... ﺍﺭﻳﺪ ﺍﺭﻳﻴﻴﻴﻴﺪ
... ﻫﻬﻬﻬﻪ ﺣﺒﻴﺒﻲ ﻣﻮﻫﺴﻪ ﻣﺎﺍﻛﺪﺭ ﺍﺗﺼﻞ ﺑﻌﺪﻳﻦ ﺳﺎﻋﻪ 11 ﺍﺧﻮﻱ ﺑﻌﺪﻩ ﺑﺎﻟﻤﺤﻞ ﻭﺍﻣﻲ ﻭﺍﺑﻮﻱ ﻳﻨﺎﻣﻮﻥ ﻭﺍﺧﻮﺍﻧﻲ ﺑﺎﻟﻐﺮﻓﻪ ﻭﺍﺧﺎﺑﺮﻙ ﺷﻨﻮ ﻧﺴﻴﺖ ﺍﻟﺘﻮﻗﻴﺖ ﺍﻟﻴﻮﻣﻲ ﻣﺎﻟﺘﻨﻪ
ﻧﻮﺍﺭ ... ﻻﻭﻟﺞ ﺑﺲ ﻫﺴﻪ ﺍﻛﻠﺖ ﺣﻠﻮﻳﺎﺕ ﻭﺭﺡ ﺍﺗﺨﺒﻞ
... ﻫﻬﻬﻬﻪ ﻳﺎﻫﻮ ﻛﻠﻚ ﺗﺎﻛﻞ
ﺻﺎﺭ ﺍﻟﻠﻠﻴﻞ ﻭﺑﺪﺕ ﻣﻜﺎﻟﻤﺘﻨﻪ ﺍﻟﻴﻮﻣﻴﻪ ﻭﻃﺒﻌﺎ ﻣﺜﻞ ﻛﻞ ﻳﻮﻡ ﻳﻜﻮﻥ ﻣﺘﻠﻬﻒ
ﻃﺒﻌﺎ ﻭﺭﻣﺎ ﺧﻠﺺ ﻧﺮﺟﻊ ﻧﺴﻮﻟﻒ ﺳﻮﺍﻟﻔﻨﻪ ﺍﻟﻄﺒﻴﻌﻴﻪ ﺍﻟﻰ ﺍﻥ ﻳﻨﻌﺲ ﻳﺮﻭﺡ ﻳﺴﺒﺢ ﻭﻧﻨﺎﻡ
ﻣﺮﺕ ﺍﻻﻳﺎﻡ ﻭﻫﺎﻱ ﻋﻼﻗﺘﻨﻪ ﻭﻛﻞ ﻳﻮﻡ ﺗﺘﻄﻮﺭ ﺑﺲ ﺍﻛﻮ ﺷﻐﻼﺕ ﺍﺳﺘﺤﻲ ﺍﺣﺠﻲ ﺑﻴﻬﻪ ﻭﻳﺎ ﻟﺤﺪ ﺍﻻﻥ ﺑﺲ ﻣﺎﺍﻧﻜﺮ ﺗﻌﻮﺩﺕ ﻉ ﻛﻞ ﺷﻲ ﻭﻳﺎ ﻭﻫﻮﺓ ﻟﺤﺪ ﺍﻻﻥ ﻣﺎﺷﺎﻳﻔﻨﻲ ﻣﻦ ﺗﺨﺮﺟﻨﻪ ﻟﺤﺪ ﺍﻻﻥ ﻭﻣﺎﻳﻄﻠﺐ ﻣﻨﻲ ﺻﻮﺭﻩ
ﺍﻟﻰ ﺍﻥ ﺳﺎﻟﺘﻪ
.. ﻧﻮﺍﺭ ﺷﻌﺠﺐ ﻟﻲ ﻫﺴﻪ ﻣﺎﻛﺘﻠﻴﻲ ﺍﺭﻳﺪ ﺻﻮﺭﻩ ﻭﺍﻧﻲ ﻛﻞ ﻳﻮﻡ ﺍﺧﺬ ﻣﻨﻚ ﺻﻮﺭ ﻣﻮﺑﺲ ﺻﻮﺭﻩ
ﻧﻮﺍﺭ ... ﻋﻤﺮﻱ ﺍﻭﻝ ﺷﻐﻠﻪ ﻣﺎﺍﺭﻳﺪ ﺍﺿﻐﻂ ﻋﻠﻴﺞ ﺛﺎﻧﻲ ﺷﻐﻠﻪ ﺗﻠﻴﻔﻮﻥ ﻛﻠﺸﻲ ﻳﺼﻴﺮ ﻭﻳﻀﻴﻊ ﻭﺍﻟﻠﻲ ﻣﺎﺍﻗﺒﻞ ﻉ ﺍﺧﺘﻲ ﻣﺎﺍﻗﺒﻠﻪ ﻋﻠﻴﺞ ﺍﻭﻝ ﻭﺗﺎﻟﻲ ﺍﺷﻮﻓﺞ ﻣﻦ ﻧﻨﺨﻄﺐ ﺍﻧﺸﺎﻟﻠﻪ
... ﺣﺴﻴﺖ ﺍﻟﺪﻧﻴﺎ ﻛﻠﻬﻪ ﻣﻠﻜﺘﻬﻪ ﻣﻦ ﻫﻴﺠﻲ ﻛﺎﻝ
ﻣﺮﺕ ﺍﻻﻳﺎﻡ ﻭﺍﻻﺷﻬﺮ ﻭﺍﻧﻲ ﻣﺎﺍﻋﺮﻑ ﺷﻨﻮ ﻣﺼﻴﺮﻧﻪ
ﺻﺤﻴﺢ ﻣﻦ ﻧﺤﺠﻲ ﻭﻳﺼﻴﺮ ﻛﻠﺶ ﻣﺸﺘﺎﻗﻠﻲ ﻭﻳﺤﺘﺎﺟﻨﻲ ﻳﻤﻪ ﻳﻈﻞ ﻳﻜﻮﻝ ﻳﺎﺭﺑﻲ ﻳﻤﺘﻪ ﺍﻟﻠﻪ ﻳﺴﻬﻠﻬﻪ ﻋﻠﻴﻨﻪ ﻭﺗﺠﻴﻦ ﻳﻤﻲ ﺑﺲ ﺑﺪﻭﻥ ﻣﻮﻋﺪ ﺍﻟﻰ ﺍﻥ ﺍﺟﻪ ﺍﻟﻴﻮﻡ ﺍﻟﻠﻲ ....
ﺍﺗﺼﻞ ﺍﺗﺼﻞ ﻣﺎﻛﻮ ﻳﺎﺭﺑﻲ ﻭﻳﻦ ﺭﺍﺡ
ﻟﺤﺪ ﺍﻟﻌﺼﺮ ﻫﻮﺓ ﻣﺎﻛﻮ
ﺍﻓﻜﺎﺭ ﺳﻮﻭﻭﺩﻩ ﻇﻠﺖ ﺗﺪﻭﺭ ﺑﺮﺍﺳﻲ ﺻﺎﺭ ﺑﻲ ﺷﻲ ﻟﻮ ﺍﻫﻠﻪ ﻭﺍﺣﺪ ﻣﻨﻬﻢ ﻣﺎﺕ ﻭﺗﺨﺮﺏ ﺧﻄﻮﺑﺘﻨﻪ ﻟﻮ . ﻟﻮﻭﻭ ﻟﻮﻭﻭﻭ
ﻫﻮﻭﻭﺍﻱ ﺍﻓﻜﺎﺭ ﺑﺲ ﻋﻤﺮﻱ ﻣﺎﺷﻜﻴﺖ ﺑﻲ ﺍﺑﺪﺩﺩﺩ ﻻﻥ ﺟﺎﻥ ﻣﺤﻞ ﺛﻘﻪ ﺍﻟﻰ ﺍﺑﻌﺪ ﺣﺪ
ﺩﻛﻴﺖ
ﻧﻮﺍﺭ ... ﺍﻟﻮ
... ﺍﻭﻭﻭﻑ ﺣﺒﻴﺒﻲ ﻭﻳﻨﻚ ﻭﺍﻟﻠﻪ ﻇﻞ ﺑﺎﻟﻲ
ﻧﻮﺍﺭ .. ﺑﺼﻮﺕ ﺿﺎﻳﺞ ﻭﺗﻌﺒﺎﻥ ... ﻻﻋﻤﺮﻱ ﻻﺗﺨﺎﻓﻴﻦ ﻣﺎﺑﻴﻪ ﺷﻲ
... ﻧﻮﺭﻱ ﺷﺒﻴﻚ ﺻﻮﺗﻚ ﺗﻌﺒﺎﻥ
ﻧﻮﺍﺭ ... ﻻﺣﺒﻴﺒﺘﻲ ﻣﺎﻛﻮ
ﻧﻮﺭﻱ ﺍﺣﺠﻲ ﺍﻛﻮ ﺷﻲ
ﻧﻮﺍﺭ ... ﻣﺎﺍﺩﺭﻱ ﺷﻜﻠﺞ
... ﺷﻨﻮ
ﻧﻮﺍﺭ ... ﺗﺪﺭﻳﻦ ﺍﺣﻨﻪ ﻛﺎﻋﺪﻳﻦ ﺑﺸﻘﻪ ﻭﺍﻧﻲ ﺫﺑﻴﺖ ﺩﻡ ﻛﻠﺒﻲ ﻋﻠﻴﻬﻪ ﻭﻓﻠﻮﺱ ﺷﻐﻠﻲ ﻛﻠﻪ ﻋﻠﻴﻬﻪ ﻛﻞ ﻣﻮﺳﻢ ﺍﺭﺗﺒﻬﻪ . ﺑﺲ ﻫﻴﻪ ﻭﺭﺙ ﺑﻴﻨﻨﻪ ﻭﺑﻴﻦ ﻋﻤﺎﻣﻲ
... ﺷﻨﻮ ﺷﻘﻪ ﻭﻭﺭﺙ؟ﺷﻠﻮﻥ ﻫﺎﻱ
ﻧﻮﺍﺭ .. ﺍﻱ ﻋﻤﺮﺭﻱ ﺑﻴﺒﻴﺘﻲ ﺍﺷﺘﺮﺗﻬﻪ ﻭﻋﻤﺎﻣﻲ ﻣﺎﻣﺤﺘﺎﺟﻴﻬﻪ ﺑﺲ ﺍﺣﻨﻪ ﻛﻌﺪﻧﻪ ﺑﻴﻬﻪ ﻭﻫﺴﻪ ﻳﺮﺩﻭﻥ ﺣﺼﺼﻬﻢ
... ﻭﺗﺎﻟﻲ
ﻧﻮﺍﺭ ... ﺍﻟﻴﻮﻡ ﺻﺎﺭﺕ ﻛﻌﺪﻩ ﻋﻤﺎﻣﻲ ﻭﺍﺗﻔﻘﻮ ﻳﺒﻴﻌﻮﻧﻬﻪ ﻭﻛﻞ ﻭﺍﺣﺪ ﻳﺎﺧﺬ ﺣﺼﻪ ﻭﻋﻤﺎﻣﻲ ﺍﺭﺑﻌﻪ ﻭﻋﻤﺎﺗﻲ ﺛﻨﻴﻦ ﻣﻦ ﻏﻴﺮ ﺍﺑﻮﻳﻪ
... ﺍﻭﻭﻭﻭﻑ ﻫﺎﻱ ﺷﻴﻮﻛﻊ . ﺍﻟﻜﻢ
ﻧﻮﺍﺭ .. ﺍﻱ ﻣﻮ ﺳﻌﺮ ﻗﻮﻱ
... ﺯﻳﻦ ﺷﻠﻮﻥ ﻭﻳﻦ ﺗﺮﺣﻮﻥ
ﻧﻮﺍﺭ ... ﻣﺠﺒﻮﺭﻳﻦ ﻧﺒﻨﻲ ﺑﺎﻟﺒﺴﺘﺎﻥ ﻣﺎﻟﻨﻪ
... ﻭﻳﻦ ﻫﺬﺍ
ﻧﻮﺍﺭ .. ﺑﺎﻻﻃﺮﺍﻑ ﻋﻤﺮﻱ ﻣﻨﻄﻘﻪ ﺑﻌﻴﺪﻩ ﻭﺭﺙ . ﻣﻦ ﺑﻴﺒﻴﺘﻲ ﻭﺭﺡ ﻧﺒﻨﻲ ﺑﻴﻬﻪ
ﺿﺠﺖ ﻛﻠﺶ ﻣﻦ ﺣﺠﻪ ﻳﻌﻨﻲ ﺭﺡ ﻳﻌﻮﻑ ﺍﻟﻤﺪﻳﻨﻪ ﺍﻧﻲ ﻣﺎﺍﻋﺮﻑ ﺍﻋﻴﺶ ﺑﺎﻻﻃﺮﺍﻑ ﻣﺘﻌﻮﺩﻩ ﻉ ﻣﺪﻳﻨﻪ ﻇﻠﻴﺖ ﻫﻮﺍﻱ ﺍﻓﻜﺮ ﺍﻟﻰ ﺍﻥ ﻇﻠﻴﺖ ﺍﺣﺠﻲ ﻭﻳﻪ ﻧﻔﺴﻲ
ﺷﺒﻴﺞ ﺍﺳﺎﻭﺭ ﻭﺍﺫﺍ ﺑﺎﻻﻃﺮﺍﻑ ﺍﻟﻤﻬﻢ ﻳﻤﻪ ﻫﻮﺓ ﻳﻌﻨﻲ ﺗﻜﺪﺭﻳﻦ ﺗﻌﻴﺸﻴﻦ ﻭﻳﻪ ﻭﺍﺣﺪ ﻏﻴﺮﻩ؟؟
ﻳﻤﻪ ﺍﺳﻢ ﺍﻟﻠﻪ ﺍﺗﺨﺒﻞ ﻏﻴﺮ
ﺧﻠﺺ ﺍﻟﺒﻌﺪ ﻣﻮﻣﺸﻜﻠﻪ ﺍﻛﻮ ﺳﻴﺎﺭﺍﺕ ﻭﺍﻧﻲ ﺗﻌﻮﺩﺕ ﻋﻠﻴﻪ ﻭﻣﺎﺍﺻﻴﺮ ﺍﻧﺎﻧﻴﻪ ﺧﻠﺺ ﺍﻟﻤﻜﺎﻥ ﺍﻟﻠﻲ ﻫﻮﺓ ﺑﻲ ﺍﻧﻲ ﺑﻲ ﺍﻫﻢ ﺷﻲ ﻳﺤﺒﻨﻲ ﻭﻳﺤﺘﺮﻣﻨﻲ ﻭﻳﻘﺪﺭﻧﻲ ﻭﻣﻮ ﻣﻦ ﻧﻮﻉ ﻣﺘﻌﺼﺐ ﻭﻣﺎﻋﻨﺪﻩ ﻣﺎﻧﻊ ﺍﺗﻌﻴﻦ ﻭﺣﺘﻰ ﻟﺒﺴﻲ ﻣﻮﻣﺘﺸﺪﺩ ﻛﻠﺶ ﺑﻲ ﺑﺲ ﻣﺤﺎﻓﻆ ﻭﻳﻐﺎﺭ ﻋﻠﻲ ﻭﻳﺼﻮﻧﻨﻲ ﻭﻳﺪﻟﻠﻨﻲ ﻭﻫﺎﻱ ﻛﻠﻬﻪ ﻣﺘﻮﻓﺮﻩ ﺑﻲ ﻭﻓﻮﻙ ﻫﺬﺍ ﻳﻌﺸﻖ ﺍﻟﻬﻮﺓ ﺍﻟﻠﻲ ﺍﺗﻨﻔﺴﻪ
ﺗﻘﺒﻠﺖ ﻓﻜﺮﺓ ﺍﻟﺒﻌﺪ ﻭﺑﻠﺸﻮ ﻳﺸﺘﺮﻭﻥ ﻣﻮﺍﺩ ﻭﻳﺒﻨﻮﻥ ﻭﺭﻣﺎ ﺍﻧﺒﺎﻋﺖ ﺍﻟﺸﻘﻪ ﻭﻃﺎﺣﻠﻬﻢ 9 ﻣﻼﻳﻴﻦ ﻓﻘﻄﻄﻄﻂ !!!
ﺧﻠﺼﺖ ﻓﻠﻮﺳﻬﻢ ﻇﻠﻮ ﻳﺎﺧﺬﻭﻥ ﻣﻮﺍﺩ ﺑﺎﻻﻗﺴﺎﻁ ﻭﻫﻮﺓ ﻇﻞ ﻳﻄﻠﻊ ﺷﻐﻞ ﻭﻳﺴﺘﻠﻢ ﻭﻳﺬﺏ ﻓﻠﻮﺳﻪ ﻉ ﺍﻟﺒﻨﺎﺀ ﻭﺟﺎﻥ ﻣﺠﻤﻊ ﻓﻠﻮﺱ ﻗﻠﻴﻠﻪ ﺑﺲ ﺭﺩﻧﻪ ﻧﻜﻤﻞ ﻋﻠﻴﻬﻦ ﻣﻦ ﻳﺸﺘﻐﻞ ﻭﻳﺴﻮﻳﻬﻦ ﻣﻬﺮﻱ ﺑﺲ ﻛﻠﻬﻦ ﺍﻧﻄﺤﻨﻦ
ﺍﻟﻰ ﺍﻥ ﺳﺎﻟﺘﻪ ﻛﺎﻝ ﻣﺎﻋﻨﺪﻱ ﻭﻻﺍﺍ ﻓﻠﺲ ﻭﺍﻧﺘﻈﺮ ﺍﻟﺮﺍﺗﺐ ﺍﺳﺪ ﺍﻗﺴﺎﻁ ﺍﻟﺒﻨﺎﺀ ﻭﻣﺎﻳﺒﻘﻰ ﻣﻨﻪ ﺷﻲ
... ﻧﻮﺍﺭ ﺷﻠﻮﻥ ﺷﻮﻑ ﺷﻜﺪ ﺻﺎﺭﻟﻨﻪ ﺻﺎﺭ ﺳﻨﻪ ﻭﻧﺺ ﻭﻧﺎﺱ ﺗﺠﻲ ﺗﺨﻄﺒﻨﻲ ﻭﻛﻞ ﻣﺮﻩ ﺍﻋﺘﺬﺭ ﺑﺸﻲ ﻛﺪﺍﻡ ﺍﻫﻠﻲ ﻭﺧﻠﺼﺖ ﺍﻋﺬﺍﺭﻱ ﺧﺎﻑ ﻳﺠﻲ ﻳﻮﻡ ﻭﻳﺠﻲ ﻭﺍﺣﺪ ﻣﺎﺍﻛﺪﺭ ﺍﺭﻓﻀﻪ
ﻧﻮﺍﺭ .. ﻣﺎﺗﻜﺪﺭﻳﻦ ﺗﺮﻓﻀﻴﻨﻪ ﺷﻨﻮ . ﺗﻌﻮﻓﻴﻨﻲ ﻳﻌﻨﻲ
.. ﺣﺒﻴﺒﻲ ﺷﻮﻥ ﺍﻋﻮﻓﻚ ﻳﻌﻨﻲ ﺍﻧﺖ ﺗﺪﺭﻱ ﺍﻛﺪﺭ ﺍﻋﻮﻓﻚ ﺍﻧﻲ ﺑﺲ ﺍﻧﺖ ﺗﺸﻮﻑ ﺑﻌﻴﻨﻚ ﺍﻧﻲ ﺑﻨﻴﻪ ﻭﻣﺎﺍﻛﺪﺭ ﺍﺭﻓﺾ ﺑﺪﻭﻥ ﺳﺒﺐ ﻗﻮﻱ
ﻧﻮﺍﺭ .. ﻣﻴﺨﺎﻟﻒ ﻋﻤﺮﻱ ﺗﺤﻤﻠﻲ ﻟﺤﺪﻣﺎ ﺍﻟﻠﻪ ﻳﺤﻠﻬﻪ ﻫﺴﻪ ﻣﺎﻋﻨﺪﻱ ﺣﻞ ﻟﻴﺶ ﺍﺟﺬﺏ ﻋﻠﻴﺞ ﺣﺎﻟﻲ ﺣﺎﻟﺞ
....
ﺍﻭﻭﻭﻑ ﺭﺟﻌﺖ ﻟﻨﻘﻄﺔ ﺍﻟﺼﻔﺮ ﻳﺎﺭﺑﻲ ﺷﺠﺎﺑﻨﻲ ﻭﺣﺒﻴﺖ ﺷﺠﺎﺑﻨﻲ ﻭﻭﻗﺒﻠﺖ ﺍﻧﻲ ﻭﻳﻨﻲ ﻭﻳﻦ ﺣﺐ ﻭﻋﻠﻯﻘﻪ ﻭﺻﺒﺮ ﻭﻇﻴﻢ ﻭﻫﺴﻪ ﻣﺴﺘﺤﻴﻞ ﺍﻛﺪﺭ ﺍﻋﻴﺶ ﻭﻳﻪ ﻏﻴﺮﻩ ﻣﺴﺘﺤﻴﻴﻴﻞ ﻣﺎﺍﺗﺼﻮﺭ ﻧﻔﺴﻲ ﺑﻔﺮﺍﺵ ﻭﻳﻪ ﻏﻴﺮﻩ ﺍﺑﺪﺩﺩ ﺻﻌﺒﻪ
ﻣﺮﺕ ﺍﻻﻳﺎﻡ ﻭﻣﺎﻛﻮ ﺟﺪﻳﺪ
ﺧﻄﻴﻪ ﺩﻭﺍﻣﻪ ﺟﺎﻥ ﻳﻮﻡ ﻳﺪﺍﻭﻡ ﻳﻮﻣﻴﻦ ﻳﻜﻌﺪ ﺑﺲ ﺍﻟﻴﻮﻡ ﺍﻟﻠﻲ ﻳﺪﻭﺍﻣﻪ ﻣﺎﻳﻜﻌﺪﻭﻥ ﻛﻠﻪ ﻃﺎﻟﻌﻴﻦ ﺷﻐﻞ ﺑﺎﻟﺪﺍﺋﺮﻩ ﻭﻳﺮﺟﻊ ﺳﺎﻋﻪ ﺗﻼﺛﻪ ﺍﻟﻔﺠﺮ ﻳﺪﺯﻟﻲ ﻭﻳﻜﻠﻲ ﺭﺡ ﺍﻧﺎﻡ ﻭﻛﻌﺪﻳﻨﻲ ﺑﺎﻟﺴﺘﻪ ﺍﺭﻭﺡ ﻟﻠﺒﻨﺎﺀ
ﻭﻓﻌﻼ ﺍﺧﺎﺑﺮﻩ ﺍﻛﻌﺪﻩ ﺧﻄﻴﻪ ﻛﻮﺓ ﻳﺤﺠﻲ ﻣﻦ ﻳﻜﻮﻡ
3 ﺳﺎﻋﺎﺕ ﻧﺎﻳﻢ ﻓﻘﻂ ﻭﻫﻮﺓ ﺑﺎﻟﺪﻭﺍﻡ ﻣﻜﺴﻮﺭ ﻇﻬﺮﻩ ﺍﻟﻨﻬﺎﺭ ﻛﻠﻪ ﻫﻤﻪ ﺑﺎﻟﺸﻤﺲ ﻟﺬﻟﻚ ﺳﻜﺘﺖ ﻭﻣﺎﻇﻠﻴﺖ ﺍﺿﻐﻂ ﻋﻠﻴﻪ
ﻳﻮﻡ ﺭﺟﻊ ﻣﻦ ﺍﻟﺸﻐﻞ
ﻧﻮﺍﺭ .. ﻋﻤﺮﻱ ﺍﻟﻴﻮﻡ ﺑﻠﺸﻨﻪ ﺑﻐﺮﻓﺘﺞ
... ﻓﺮﺣﺖ ﻓﺮﺣﻪ ﻣﻮﻃﺒﻴﻌﻴﻪ ﻣﻦ ﻛﺎﻝ ﻏﺆﻓﺘﺞ ﺷﻠﻮﻥ ﺣﺴﻴﺖ ﺑﺪﺕ ﺗﺼﻴﺮ ﺻﺪﻙ
... ﺻﺪﻙ ﺣﺒﻴﺒﻲ ﺷﻠﻮﻥ
ﻧﻮﺍﺭ .. ﻭﺍﻟﻠﻪ ... ﻛﺘﻠﻪ ﻟﻼﺳﻄﻪ ﺩﻳﺮ ﺑﺎﻟﻚ ﻫﺎﻱ ﻏﺮﻓﺔ ﺍﻟﻌﻠﻮﻳﻪ ﻇﺒﻄﻬﻪ ﻋﺪﻝ ﻫﻬﻬﻬﻪ
ﻭﻏﺮﻓﺘﺞ ﺻﺎﺭ ﺷﺒﺎﻛﻬﻪ ﻛﺒﺎﻝ ﺍﻟﺸﻂ ﻭﺑﺰﺍﻭﻳﻪ ﺍﻟﺒﻴﺖ ﺭﻛﻦ ﺻﺎﺭﺕ ﻛﻠﺶ ﺣﻠﻮ ﻣﻮﻗﻌﻬﻪ ﻳﻌﻨﻲ ﺗﻔﺘﺤﻴﻦ ﺍﻟﺸﺒﺎﻙ ﻛﺒﺎﻟﺞ ﺍﻟﺸﻂ ﻭﺍﻟﺰﺭﻉ
.. ﺍﻟﻠﻪ ﺷﻜﺪ ﺣﻠﻮ .. ﺯﻳﻦ ﺷﻜﺒﺮﻫﻪ ﺳﻮﻳﺘﻬﻪ
. ﻧﻮﺍﺭ ... ﺳﻮﻳﺖ ﺍﻟﻐﺮﻑ ﻛﻠﻬﻦ 6 5×
... ﻭﺍﻭ ﻛﺒﺎﺭ
. ﻧﻮﺍﺭ .. ﺍﻱ ﻛﻠﺖ ﻻﺑﻮﻱ ﺍﺣﺴﻦ ﻏﺮﻓﻨﻪ ﺗﺼﻴﺮ ﻛﺒﺎﺭ ( ﻃﺒﻌﺎ ﻧﻮﺍﺭ ﻫﻮﺓ ﺍﻟﻠﻲ ﺭﺳﻢ ﺧﺮﻳﻄﺔ ﺍﻟﺒﻴﺖ ﻭﺟﺎﻥ ﻳﺮﺳﻢ ﺧﺮﺍﻳﻂ ﻟﺠﻤﺎﻋﺘﺔ ﺍﻟﻠﻲ ﻳﺒﻨﻮﻥ ﻟﻮ ﺍﻟﺰﺑﺎﻳﻪ ﺍﻟﻠﻲ ﻳﺸﺘﻐﻞ ﺑﻴﻮﺗﻬﻢ ﻗﺒﻞ ﻻﻳﺒﻨﻮﻥ ﻳﺠﻮﻟﻪ ﻭﻳﺴﻮﻱ ﺧﺮﺍﻳﻂ ﻇﺨﻤﻪ ﻛﻠﻠﻠﻠﺶ ﺣﻠﻮﺓ )
ﻣﺮﺕ ﺍﻻﻳﺎﻡ ﻭﻫﻮﺓ ﺑﻴﻦ ﺑﻨﺎﺀ ﻭﺑﻴﻦ ﺩﻭﺍﻡ ﻭﺑﻴﻦ ﻋﻼﻗﺘﻨﻪ ﺍﻟﻠﻲ ﺭﻏﻢ ﻛﻞ ﺗﻌﺒﻪ ﻭﻭﻗﺖ ﻣﺎﻋﻨﺪﻩ ﻟﺪﺭﺟﻪ ﺣﺘﻰ ﻟﺤﻴﺘﻪ ﻣﺎﻳﺤﻠﻘﻬﻪ ﺑﺲ ﺭﻏﻢ ﻫﻴﺠﻲ ﻋﻼﻗﺘﻨﻪ ﻣﺎﻗﻠﺖ ﻭﻧﻔﺲ ﺍﻟﻮﻗﺖ ﻣﺎﻝ ﻛﻞ ﻳﻮﻡ ﻳﻨﺘﻈﺮﻧﻲ ﺑﻲ ﻭﺻﺎﺭ ﺷﻲ ﺭﻭﺗﻴﻨﻲ ﺗﻌﻮﺩ ﻋﻠﻴﻪ ﻭﻳﻨﺘﻈﺮﻩ ﻣﻨﻲ ﻭﺍﻧﻲ ﻫﻢ ﺍﻧﺘﻈﺮﻩ ﻳﺤﺠﻲ ﻭﻳﺎﻱ ﺗﻌﻮﺩﺕ ﻉ ﻫﺬﺍ ﻛﻼﻣﻪ ﻭﻃﺮﻳﻘﺘﻪ ﻭﺭﻭﻣﺎﻧﺴﻴﺘﻪ ﻭﻳﺎﻱ ﻭﺣﻨﻴﺘﻪ ﻭﻟﻬﻔﺘﻪ ﻋﻠﻴﻪ .......
ﺍﻟﻰ ﺍﻥ ﺍﺟﻪ ﺍﻟﻴﻮﻡ ﺍﻟﻠﻲ ﺟﺎﻥ ﺳﺒﺐ ﺍﻭﻝ ﺩﻣﻌﻪ ﻧﺰﻟﺖ ﻣﻦ ﻋﺪﻧﻪ ﺛﻨﻴﻨﺎﺗﻨﻪ ﻭﻣﺎﻣﻌﺮﻑ ﺷﻠﻮﻥ ﻧﻨﺸﻔﻬﻪ ﻭﺍﻭﺍﺳﻲ ﻧﻔﺴﻲ ﻟﻮ ﺍﻭﺍﺳﻲ ...
ﻓﺎﺗﺤﻴﻦ ﺍﺗﺼﺎﻝ ﻓﺎﻳﺒﺮ ﺍﻧﻲ ﻭﻳﺎ ﻭﻛﺎﻋﺪﻩ ﺑﺎﻟﻐﺮﻓﻪ ﺩﺧﻠﺖ ﻣﺎﻣﺎ
ﻣﺎﻣﺎ .. ﺍﺳﺎﻭﺭ ﺗﺪﺭﻳﻦ ﻳﺎﻫﻮ ﺭﺡ ﻳﺠﻲ
... ﻣﻨﻮ
ﻣﺎﻣﺎ .. ﻭﻟﻴﺪ ﺍﺑﻦ ﺧﺎﻟﺞ
... ﻫﺎ ﺍﻭﻛﻲ ( ﻫﻮﺓ ﻣﺘﻌﻮﺩﻳﻦ ﻳﺠﻮﻟﻨﻪ ﻳﻌﻨﻲ ﻋﺎﺩﻱ ﻣﺎﺍﺳﺘﻐﺆﺑﺖ ﻻﻥ ﻟﻮ ﻳﺠﻴﺐ ﺯﻭﺟﺘﻪ ﻟﻮ ﺍﻫﻠﻪ ﻟﻮ ﺳﺎﻋﺎﺕ ﻋﻨﺪﻩ ﺷﻐﻞ ﻭﻳﻪ ﺑﺎﺑﺎ )
ﺍﺟﻪ ﻫﻮﺓ ﻭﻭﻟﺪ ﺍﻗﺎﺭﺑﻨﻪ ﻭﻛﻌﺪﻭ ﻳﺴﻮﻟﻔﻮﻥ ﻃﺒﻌﺎ ﺍﻧﻲ ﻓﺎﺻﻠﻪ ﻓﻴﺸﻪ ﻋﻨﻬﻢ ﺳﻤﺎﻋﺎﺕ ﺑﺬﺍﻧﻲ ﻭﺟﺎﻱ ﺍﺣﺠﻲ ﻭﻱ ﺣﺒﻴﺒﻲ ﺑﺎﻟﻐﺮﻓﻪ ﻭﺭﻩ ﺗﻘﺮﻳﺐ ﻧﺺ ﺳﺎﻋﻪ ﺩﺧﻠﺖ ﻣﺎﻣﺎ ﺳﻮﻳﺖ ﻧﻔﺴﻲ ﺟﺎﻱ ﺍﺳﻤﻊ ﺑﺎﻟﺴﻤﺎﻋﺎﺕ
ﻣﺎﻣﺎ .. ﺍﺟﺖ ﻣﺒﺘﺴﻤﻪ ﺗﺪﺭﻳﻦ ﻭﻟﻴﺪ ﺷﺮﺍﻳﺪ ﺍﺟﻪ
... ﺷﺮﺍﻳﺪ
ﻣﺎﻣﺎ ... ﺟﺎﻳﺒﻠﺞ ﻧﺎﺱ
ﻃﺒﻌﺎ ﻫﺎﻟﺤﺠﻲ ﺍﻟﺨﻂ ﻣﻔﺘﻮﺡ ﻭﻧﻮﺍﺭ ﻳﺴﻤﻊ
... ﻓﺰﻳﺖ ﻣﻦ ﻣﻜﺎﻧﻲ ﺷﻨﻮﻭﻭ ﻣﻨﻴﻦ ﺟﺎﺑﻬﻢ ﻭﺷﻠﻮﻥ ﻭﻫﻮﺓ ﺍﻋﺮﻓﻪ ﻣﺎﻳﻮﺭﻁ ﻧﻔﺴﻪ ﺑﺴﺎﻟﻔﺔ ﺧﻄﻮﺑﻪ ﻭﺯﻭﺍﺝ ﺷﻌﺠﺐ
ﻣﺎﻣﺎ ... ﻭﻳﺎ ﺑﺎﻟﻨﻔﻂ ﻭﻟﺪ ﻛﻠﺶ ﻣﺆﺩﺏ ﻭﻫﻮﺓ ﻳﻜﻮﻝ ﻉ ﻇﻤﺎﻧﺘﻲ ﻟﻮﻣﺎ ﺯﻳﻦ ﻣﺎﺟﺒﺘﻪ ﻭﺷﻘﺘﻪ ﺑﺤﺪﻩ ﻭﺳﺘﻮﻫﻢ ﺭﻓﻌﻮ ﺑﺎﻟﺪﻭﺍﻡ ﻭﺍﺭﺗﻔﻊ ﺭﺍﺗﺒﻪ ﻭﺳﻴﺎﺭﺗﻪ ﺗﻮﺓ ﺑﺪﻟﻬﻪ ﻭﻓﻮﻙ ﻫﺬﺍ ﺻﺎﻳﻢ ﻭﻣﺼﻠﻲ ﻭﻓﻘﻴﺮ ﻭﻣﺜﻘﻔﻴﻦ ﻭﻃﺒﻴﻌﺘﻬﻢ ﻣﺜﻞ ﻃﺒﻴﻌﺘﻨﻪ ﻭﻳﺮﻳﺪ ﻋﻠﻮﻳﻪ ﻳﻜﻮﻝ ﺍﺭﻳﺪ ﺍﻧﺎﺳﺐ ﺭﺳﻮﻝ ﺍﻟﻠﻪ ﺷﺘﻜﻮﻟﻴﻦ
... ﺷﻜﻮﻝ ﻣﺎﻣﺎ .. ﺍﻟﻠﻪ ﻛﺮﻳﻢ
ﻛﻞ ﻣﺮﻩ ﻣﻦ ﻳﺠﻮﻧﻲ ﻧﺎﺱ ﻣﺠﺮﺩ ﺍﺳﻢ ﺑﻴﻬﻢ ﺍﻇﻞ ﺍﺳﻤﻊ ﻣﻮﺍﺻﻔﺎﺗﻬﻢ ﺍﻟﻰ ﺍﻥ ﺍﺳﻤﻊ ﺻﻔﻪ ﺍﻛﺪﺭ ﺍﺭﻓﻀﻬﻢ ﻣﻦ ﺧﻼﻟﻬﻪ ﺑﺲ ﻫﺬﺍ ﻣﺎﻣﺎ ﺗﺤﺠﻲ ﻭﺍﻧﻲ ﺍﺩﻭﺭ ﺑﺲ ﻣﺎﻛﻮ ﺻﻔﻪ ﻣﻮﺣﻠﻮﺓ ﻳﺎﺭﺑﻲ ﺷﻬﺎﻟﻤﺼﻴﺒﻪ
... ﺍﻟﻠﻪ ﻛﺮﻳﻢ ﻣﺎﻣﺎ ﺧﻞ ﻳﺠﻮﻥ ﻭﺍﻟﻠﻪ ﻛﺮﻳﻢ
ﻧﻮﺍﺭ ... ﻟﺰﻡ ﺍﻟﺼﻤﺖ
... ﻫﺎﺣﺒﻴﺒﻲ ﺳﻤﻌﺖ
ﻧﻮﺍﺭ ... ﺳﻤﻌﺖ
ﻭﺭﻩ ﺻﻤﺖ ﻃﻮﻳﻞ ﻭﻣﺤﻴﺮ ﺷﻨﻮ ﺳﺒﺐ ﺻﻤﺘﻪ ﻟﻜﻦ ﺟﺎﻧﺖ ﻫﺎﻱ ﺍﻟﻬﺪﻭﺀ ﺍﻟﻠﻲ ﻳﺴﺒﻖ ﺍﻟﻌﺎﺻﻔﻪ
ﻧﻮﺍﺭ ... ﺍﻛﻠﺞ ﻫﺬﺍ ﺍﺑﻦ ﺧﺎﻟﺞ ﻣﺎﻟﻜﻪ ﻏﻴﺮﺝ ﺑﻨﺎﺕ ﻏﻴﺮﺝ ﻣﺎﻛﻮ ﺷﻨﻮ ﻳﺸﺘﻐﻞ ﺧﻄﺎﺏ ﻳﺎﻫﻮ ﺩﺯ ﻋﻠﻴﻪ ﻭﻛﺎﻝ ﺧﻞ ﻳﺠﻴﺒﻠﺞ ﻧﺎﺱ ﻳﺎﻫﻮ ﻛﻠﻪ ﻃﺎﺡ ﺳﻦ ﺍﻟﻜﺒﺮ ﻣﻨﺞ ﻭﺧﻞ ﻳﺪﻭﺭﻟﺞ ﺷﺒﻲ ﻫﺬﺍ ﻟﻴﺶ ﻣﺎﺭﺍﺡ ﻉ ﺍﺧﺘﻪ ﻭﻇﻞ ﻳﺤﺠﻲ ﻳﺤﺠﻲ ﺍﻧﻲ ﻣﺎﻋﻨﺪﻱ ﻭﻻﻛﻠﻤﻪ ﺍﺟﺎﻭﺏ ﺑﻴﻬﻪ ﻻﻥ ﺍﻟﻠﻲ ﺑﺪﺍﺧﻠﻪ ﻧﻔﺲ ﺍﻟﻠﻲ ﺑﺪﺍﺧﻠﻲ ﻭﺍﻋﺮﻑ ﺣﻴﺮﺗﻪ ﻭﺗﻔﻜﻴﺮﻱ ﺑﻌﻴﺪ ﺻﺎﺭ ﺍﺭﻳﺪ ﺍﻋﺮﻑ ﺷﺮﺍﺡ ﻳﺼﻴﺮ ﻭﻟﻮ ﺷﻤﺎ ﻳﺤﺠﻲ ﻣﺎﺟﻨﺖ ﺍﺳﻤﻌﻪ
ﻧﻮﺍﺭ .. ﺷﺒﻴﺞ ﻣﻮﺍﺣﺠﻲ ﻭﻳﺎﺝ ﻭﺑﻌﺪﻳﻦ ﺍﻧﺘﻲ ﻟﻴﺶ ﻣﺎﺭﻓﻀﺘﻲ ﻟﻴﺶ ﻛﺘﻴﻠﻬﻪ ﺧﻞ ﻳﺠﻮﻥ ﻣﺎﺗﺪﺭﻳﻦ ﺍﻛﻮ ﺣﻤﺎﺭ ﻳﺤﺒﺢ ﻟﻮ ﺷﻨﻮ ﺗﻠﻌﺒﻴﻦ ﺑﺎﻋﺼﺎﺑﻲ
.. ﺣﺒﻴﺒﻲ ﺷﺒﻴﻚ ﺍﻧﻄﻴﻨﻲ ﻣﺠﺎﻝ ﺣﺎﻟﻲ ﻣﻦ ﺣﺎﻟﻚ ﺑﻌﺪﻳﻴﻦ ﺷﺘﺘﻮﻗﻊ ﺍﻛﻮﻝ ﻫﺎﻱ ﻣﻮﺍﺻﻔﺎﺗﻪ ﺷﻨﻮ ﺍﻟﺼﻔﻪ ﺍﻟﻤﻮﺣﻠﻮﺓ ﺑﻲ
ﻧﻮﺍﺭ .. ﻛﻮﻟﻲ ﻣﺎﺍﺭﻳﺪ ﺍﺗﺰﻭﺝ
.. ﻧﻮﺭﻱ ﻣﺎﻛﻮ ﺑﻨﻴﻪ ﺗﻜﻮﻝ ﻣﺎﺍﺭﻳﺪ ﺍﺗﺰﻭﺝ ﺑﺪﻭﻥ ﺳﺒﺐ ﺍﻧﺖ ﺗﺮﻳﺪ ﺗﻔﺘﺢ ﺑﻴﺒﺎﻥ ﺟﻬﻨﻢ ﻋﻠﻲ
ﺑﻌﺼﺒﻴﻪ ﺍﺫﺍ ﺣﺴﻮ ﺍﻫﻠﻲ ﺗﻜﺪﺭ ﺗﺠﻲ ﺗﺘﻘﺪﻡ ﺟﺎﻭﺑﻨﻲ (!!
ﻧﻮﺍﺭ .. ﺳﻜﺖ
ﻭﻟﺞ ﻋﻤﺮﻱ ﻣﺎﺍﻛﺪﺭ ﺍﺗﺨﻴﻠﺞ ﻭﻳﻪ ﻏﻴﺮﻱ ﻭﺍﻟﻠﻪ ﺍﺗﺨﺒﻞ ﻟﻴﺶ ﻣﺎﺗﺤﺴﻴﻦ
.. ﺣﺒﻴﺒﻲ ﻭﺍﻟﻠﻪ ﺍﺩﺭﻱ ﺑﺲ ﺷﺒﻴﺪﻱ
ﺧﻠﻴﻬﻪ ﻳﻢ ﺍﻟﻠﻪ ﻭﺍﻧﺸﺎﻟﻠﻪ ﻣﻦ ﻳﺠﻮﻥ ﺍﺭﻓﻀﻪ ﺍﻛﻮﻝ ﻣﻮﺣﻠﻮ ﻻﻥ ﺍﻫﻠﻲ ﻳﺪﺭﻭﻥ ﺑﻴﻪ ﺍﻧﻲ ﺍﻋﻴﺐ ﻉ ﺍﻟﻄﻴﺮ ﺍﻟﻄﺎﻳﺮ ﻭﻣﺎﻳﻜﺪﺭﻭﻥ ﻳﻐﺼﺒﻮﻧﻲ ﻣﺎﻟﻚ ﻋﻼﻗﻪ
... ﻭﺭﻩ ﻳﻮﻣﻴﻦ ﺧﺎﺑﺮﻭ ﻛﺎﻟﻮ ﺭﺡ ﻳﺠﻮﻥ ﺍﻣﻪ ﻭﺧﻮﺍﺗﻪ
ﺍﻟﻠﺤﻈﻪ ﺍﻟﻠﻲ ﻛﻞ ﺑﻨﻴﻪ ﺗﻔﺮﺡ ﺑﻴﻬﻪ ﺍﻧﻲ ﺩﻣﻮﻋﻲ ﺑﻄﺮﻑ ﻋﻴﻨﻲ ﺍﺧﺎﻑ ﺍﻧﺰﻟﻬﻦ ﻭﺍﺑﻴﻦ ﻻﻫﻠﻲ ﺷﻨﻮ ﺑﺪﺍﺧﻠﻲ
↙️
ﺻﺎﺭ ﻳﻮﻣﻬﻪ ﻭﺻﺎﺭ ﺍﻟﻈﻬﺮ ﻫﻤﻪ ﻣﻮﻋﺪﻫﻢ ﺑﺎﻟﺨﻤﺴﻪ
ﻣﺎﻣﺎ ... ﺍﺳﺎﻭﺭ ﺟﺎﻥ ﺳﺒﺤﺘﻲ ﻭﻧﺸﻔﺘﻲ ﺷﻌﺮﺝ ﺧﺎﻑ ﻳﺠﻮﻥ
ﺳﻜﺘﺖ ﻭﺩﺧﻠﺖ ﻟﻠﻐﺮﻓﻪ
ﺩﺯﻟﻲ ﻧﻮﺍﺭ ... ﻫﺎﻋﻤﺮﻱ ﺷﻨﻮ ﺍﻻﺧﺒﺎﺭ . ( ﻃﺒﻌﺎ ﻳﻮﻣﻴﻦ ﺻﺎﺭﺑﻪ ﺑﺲ ﺟﺎﻱ ﻭﺟﻜﺎﻳﺮ ﺣﺘﻰ ﻟﻠﺒﻨﺎﺀ ﻣﺎﻳﺮﻭﺡ )
.. ﺣﺒﻴﺒﻲ ﺍﻟﻌﺼﺮ ﻳﺠﻮﻥ ﺑﺲ ﻣﺎﺍﺩﺧﻞ ﺍﻟﻬﻢ
ﻧﻮﺍﺭ .. ﻻﺣﺒﻴﺒﺘﻲ ﺩﺧﻠﻲ ﻭﺍﻧﺸﺎﻟﻠﻪ ﻧﻜﺪﺭ ﻧﺨﻠﺺ
ﺻﺎﺭﺕ ﺑﺎﻻﺭﺑﻌﻪ ﻭﺭﺑﻊ .
... ﻣﺎﻣﺎ ... ﺟﺎﻥ ﺳﺒﺤﺖ ﺍﺳﺎﻭﺭ ﻣﺎﻇﻞ ﺷﻲ ﺣﻀﺮﻱ ﻧﻔﺴﺞ ﻛﻮﻣﻲ ﻳﺎﺍﻣﻲ ﺷﺒﻴﺞ ﺍﻟﻴﻮﻡ
.. ﻣﺎﺑﻲ ﺷﻲ ﺭﺍﻳﺤﻪ
ﺩﺧﻠﺖ ﻟﻠﺤﻤﺎﻡ ﻭﻭﻳﺎﻱ ﺍﻟﺴﻤﺎﻋﺎﺕ ﻭﺍﻟﻨﻘﺎﻝ ﺑﺪﻭﻥ ﻣﺎﻳﺸﻮﻓﻪ ﺍﺣﺪ ﺧﻠﻴﺘﻪ ﺑﺪﺍﺧﻞ ﻣﻼﺑﺴﻲ
ﺍﺗﺼﻠﺖ ﺑﻴﻪ ﻭﻇﻠﻴﺖ ﺍﻧﺤﺐ ﻭﺍﺑﺠﻲ ﻧﻮﺍﺭ ﺷﻠﻮﻥ ﻣﺎﺍﻛﺪﺭ ﻭﺍﻟﻠﻪ
ﻧﻮﺍﺭ .. ﻭﻫﻮﺓ ﻛﺎﻋﺪ ﺑﺎﻟﺒﻠﻜﻮﻧﻪ ﻭﻳﺸﺮﺏ ﺟﻜﺎﻳﺮ ﻭﻳﺮﺟﻊ ﻟﻴﻮﺭﻩ ﻭﻣﺎﺑﻲ ﺣﺘﻰ ﻳﺤﺠﻲ
.. ﻧﻮﺍﺭ ﺍﺣﺠﻲ ﻭﻳﺎﻱ
ﻧﻮﺍﺭ ﻭﻟﺞ ﺷﺤﺠﻲ ﻣﺎﺗﻜﻠﻴﻠﻲ
ﻫﻨﺎ ﺩﻛﺖ ﺍﻟﺒﺎﺏ ﻧﻮﺭﻫﺎﻥ ﺍﺧﺘﻲ
ﻧﻮﺭﻫﺎﻥ .. ﺍﺳﺎﻭﺭ ﺑﻴﺞ ﺷﻲ ﺻﺎﺭ ﻧﺺ ﺳﺎﻋﻪ ﻭﻣﺎﺍﻟﺞ ﺻﻮﺕ .
.. ﻻﻣﺎﺑﻴﻪ ﺭﺡ ﺍﺧﻠﺺ ﻭﺍﻃﻠﻊ
ﻧﻮﺭﻫﺎﻥ .. ﻳﺎﻟﻠﻪ ﺗﺮﻩ ﺳﺎﻋﻪ ﺧﻤﺴﻪ ﺍﻻ ﺭﺑﻊ
... ﺍﻭﻭﻭﻑ ﻣﺎﻇﻞ ﻭﻛﺖ
ﻧﻮﺍﺭ ... ﻛﻮﻣﻲ ﻭﻟﺞ ﻛﻮﻣﻲ ﻭﻫﻮﺓ ﻳﺠﺮ ﺣﺴﺮﻩ .. ﺷﺎﻳﻔﻪ ﻭﺍﺣﺪ ﻳﻜﻮﻝ ﻟﺤﺒﻴﺒﺘﻪ ﻛﻮﻣﻲ ﺟﺎﻳﻴﻦ ﻧﺎﺱ ﻳﺨﻄﺒﻮﺝ
ﺍﻱ ﻫﺎﻱ ﺍﻧﻲ ﺍﻛﻮﻝ ﻟﺤﺒﻴﺒﺘﻲ ﻫﻴﺞ ﺷﻔﺘﻲ ﺷﻮﻥ ﻛﻠﺐ ﻗﺎﺳﻲ ﻋﻨﺪﻱ ﻛﻮﻣﻲ ﻋﻤﺮﻱ ﻛﻮﻣﻲ ﺳﺒﺤﻲ ﻭﺭﻭﺣﻲ ﻭﺑﺲ ﻳﻄﻠﻌﻮﻥ ﺗﺨﺎﺑﺮﻳﻨﻲ .. ﻳﺎﻟﻠﻪ ﻭﻟﺞ ﻣﺎﺑﻴﻪ ﺑﻌﺪ ﺍﺣﺠﻲ
... ﻃﺒﻌﺎ ﺍﻧﻲ ﻓﺎﺗﺤﻪ ﺧﻂ ﻭﺑﺲ ﺍﺑﺠﻲ ﻫﻮﺓ ﻳﺤﺠﻲ ﻭﺍﻧﻲ ﻣﻴﺘﻪ ﻗﻬﺮ ﻋﻠﻴﻪ ﺍﻧﻲ ﻭﻋﻠﻴﻪ ﻫﻮﺓ
ﺍﺧﺮ ﺷﻲ ﺳﺒﺤﺖ ﻭﻃﻠﻌﺖ ﻧﺸﻔﺖ ﺷﻌﺮﻱ
ﺷﻌﺮﻱ ﺟﺎﻥ ﻛﻠﺶ ﻃﻮﻳﻞ ﻭﺛﺨﻴﻦ ﻭﺳﺒﻞ ﺣﻴﻞ
ﺍﻗﺎﺭﺑﻨﻪ ﺩﺍﺋﻤﺎ ﻳﻜﻠﻮﻟﻲ ﺷﻌﺮﺝ ﻳﺸﺒﻪ ﺷﻌﺮ ﺯﻳﻨﺐ ﺍﻟﻌﺴﻜﺮ ﻟﺪﺭﺟﻪ ﻣﺎﻳﺤﺘﺎﺝ ﺣﺘﻰ ﺳﺸﻮﺍﺭ ﻣﺠﺮﺩ ﺍﻧﺸﻔﻪ ﺍﻃﻜﻪ ﻫﻮﺓ ﻭﺑﺲ ..
ﻧﺸﻔﺘﻪ ﻭﺧﻠﻴﺖ ﻣﻜﻴﺎﺝ ﺧﻔﻴﻒ ﻭﺫﺑﻴﺖ ﺷﻌﺮﻱ ﻟﻲ ﻭﺭﻩ ﻭﺧﻠﻴﺖ ﻛﻤﺎﺷﻪ ﺯﻏﻴﺮﻩ ﺑﺲ ﺑﻌﺪﻧﻲ ﻣﺎﺑﺪﻟﻪ ﺍﺟﻮ ﺍﻟﻨﺎﺱ ﺳﻤﻌﺖ ﺻﻮﺗﻬﻢ ﻭﻣﺎﻣﺎ ﺭﺍﺣﺖ ﻳﻤﻬﻢ ﺧﻮﺍﻧﻪ ﻭﺍﻣﻪ ﻭﻫﻮﺓ ﻇﻞ ﺑﺮﻩ ﻣﺎﺩﺧﻞ
ﺍﺟﺖ ﻣﺎﻣﺎ
ﻣﺎﻣﺎ .. ﻳﺎ ﻳﻤﻪ ﻳﻌﺞ ﻣﺎﺑﺪﻟﺘﻲ ﺷﺘﻨﺘﻈﺮﻳﻦ ﻛﻮﻣﻲ ﻓﺸﻠﻪ ﻣﻦ ﺍﻟﻨﺎﺱ ﺷﺒﻴﺞ ﻫﺎﻟﻤﺮﻩ
.. ﻛﺎﻳﻤﻪ ﻣﺎﻣﺎ ﺑﺲ ﺷﻮﻱ ﺭﺍﺳﻲ ﻭﻣﺎﻟﻲ ﺧﻠﻚ
ﻣﺎﻣﺎ .. ﻣﻴﺨﺎﻟﻒ ﻳﺎﻳﻤﻪ ﺧﻞ ﻳﻄﻠﻌﻮﻥ ﻭﺍﺳﻮﻳﻠﺞ ﻟﻮﻣﻲ ﺑﺼﺮﻩ ﻳﻬﺪﺍ ﺭﺍﺳﺞ
ﻛﻤﺖ ﺑﺒﺪﻟﺖ ﻟﺒﺴﺖ ﻗﻤﻴﺺ ﻣﺎﺭﻭﻧﻲ ﺭﺑﻊ ﺭﺩﻥ ﻭﺗﻨﻮﺭﻩ ﻇﻴﻜﻪ ﻭﺑﻴﻬﻪ ﻓﺘﺤﻪ ﺯﻏﻴﺮﻩ ﺩﺧﻠﺖ
.. ﺍﻟﺴﻼ ﻋﻠﻴﻜﻢ
ﺍﻟﻜﻞ .. ﺻﻠﻮﺍﺕ ﻉ ﻣﺤﻤﺪ . ﻭﻋﻠﻴﻜﻢ ﺍﻟﺴﻼﻡ
ﺑﻮﺳﻮﻧﻲ ﻭﻛﻌﺪﺕ
ﻋﻴﻨﻬﻢ ﻣﺎﻃﺎﺣﺖ ﻣﻦ ﻋﻠﻴﻪ
ﻛﺎﻟﻮ ﺍﻧﺸﺎﻟﻠﻪ ﻧﺤﺠﻲ ﻭﻳﻪ ﻭﺍﺋﻞ ﻭﻧﻨﻄﻴﻜﻢ ﺧﺒﺮ
ﺭﺍﺣﻮ ﺗﻮﻫﻢ ﻃﺎﻟﻌﻴﻦ . ﻳﻌﻨﻲ ﺑﻌﺪﻫﻢ ﺑﺮﺍﺱ ﻓﺮﻋﻨﻪ ﻭﺧﺎﺑﺮ ﻭﻟﻴﺪ ﺍﺑﻦ ﺧﺎﻟﻮ
ﻛﺎﻝ ﺧﺎﺑﺮﻭﻟﻲ ﻭﻣﻮﺍﻓﻘﻴﻦ ﻭﻳﺮﺩﻭﻥ ﻣﻮﻋﺪ ﻳﺠﻲ ﺍﻟﻮﻟﺪ ﻳﺸﻮﻓﻬﻪ
... ﺻﺨﺎﺍﺍﺍﻡ .. ﻧﻮﺍﺭ ﺷﻜﻮﻟﻪ ﻳﺎﺭﺑﻲ ﻫﺴﻪ ﻳﺘﺨﺒﻞ .. ﻣﺎﻓﻜﺮﺕ ﺑﺮﻭﺣﻲ ﺑﻜﺪﻣﺎ ﻓﻜﺮﺕ ﺑﻲ
ﺧﺎﺑﺮﻧﻲ .. ﻫﺎﻋﻤﺮﻱ ﺷﻨﻮ ﺍﻻﺧﺒﺎﺭ
ﺣﺠﻴﺘﻠﻪ
ﻧﻮﺍﺭ .. ﺍﻭﻭﻭﻑ ﻳﺎﺭﺑﻲ ﺑﺎﻭﻉ ﻟﺤﺎﻟﻨﻪ ﺷﺴﻮﻱ ﻳﺎﺍﻟﻠﻪ ﻣﻨﻴﻦ ﺍﺩﺑﺮﻫﻪ
ﻳﺎﻟﻠﻪ ﻋﻤﺮﻱ ﻣﺎﺑﻴﻪ ﺍﺣﺠﻲ ﺑﻌﺪﻳﻦ ﺍﺧﺎﺑﺮﺝ
ﻇﻠﻴﻨﻪ ﻳﻮﻣﻴﻦ ﺍﻧﻲ ﻭﻳﺎ ﻣﻜﺴﺰﺭﻳﻦ ﺣﺘﻰ ﻣﺎﺍﻟﻨﻪ ﺧﻠﻚ ﻧﺴﻮﻟﻒ ﺑﺲ ﻧﺪﺧﻞ ﻭﺍﺣﺪ ﻳﻮﺍﺳﻲ ﺍﻟﺜﺎﻧﻲ ﻭﻧﻄﻠﻊ
ﺻﺎﺭ ﻳﻮﻣﻬﻪ ﻭﻫﻢ ﻛﻮﺓ ﻳﺎﻟﻠﻪ ﺩﺧﻠﺖ ﺣﺖ . ﺍﺷﻮﻑ ﺍﻟﻮﻟﺪ ﺻﺪﻙ ﺿﺎﻳﺠﻪ ﺟﻨﺖ ﺑﺲ ﺟﻨﺖ ﻣﺤﻀﺮﻩ ﺣﺠﻪ ﺍﻛﻮﻟﻬﻪ ﻻﻫﻠﻲ ﻭﺍﺭﻓﺾ
ﻟﺒﺴﺖ ﺳﺘﺮﻩ ﺑﻨﻔﺴﺠﻲ ﻛﺼﻴﺮﻩ ﻭﺗﻨﻮﺭﻩ ﺳﻮﺩﻩ ﻭﺷﺎﻝ ﺍﺳﻮﺩ ﺳﻮﻳﺖ ﺑﻲ ﻓﻴﻜﻪ . ﺣﻠﻮﺍﺕ ﻋﻠﻲ . ﺟﺎﻧﻮ
ﺩﺧﻠﺖ ﺳﻠﻤﺖ ﺑﺪﻭﻥ ﻣﺎﺍﺑﺎﻭﻉ ﻋﻠﻴﻪ ﻫﻮﺓ ﺟﺎﻥ ﻛﺒﺎﻟﻲ ﺑﺲ ﻣﺎﺑﺎﻭﻋﺘﻠﻪ
ﻛﻌﺪﺕ ﻉ ﺳﻴﺖ ﺍﻟﻘﻨﻔﺎﺕ ﺍﻟﻠﻲ ﻛﺎﻋﺪﻩ ﺍﻣﻲ ﻭﺍﻣﻪ ﻭﺧﻮﺍﺗﻪ ﺑﻲ ﻭﻫﻮﺓ ﻭﺑﺎﺑﺎ ﻭﻭﻟﻴﺪ ﺍﺑﻦ ﺧﺎﻟﻮ ﻛﺒﺎﻟﻨﻪ
ﻛﻌﺪﺕ ﻛﻠﺖ ﺧﻞ ﺍﺑﺎﻭﻉ ﺑﺎﻟﻠﻪ ﺻﺪﻙ ﺭﺡ ﺍﺭﻓﻀﻪ ﺑﺲ ﻓﻀﻮﻝ ﺍﺷﻮﻓﻪ
ﺭﻓﻌﺖ ﺭﺍﺳﻲ ﻭﺍﻧﺼﺪﻣﺖ !!!!!
ﺻﺨﺎﺍﺍﺍﻡ ﻳﺨﺒﺒﺒﺒﺒﺒﺒﺒﺒﻞ ﻳﺨﺒﻞ ﻳﺨﺒﻞ ﻳﻌﻨﻲ ﺟﻤﺎﻝ ﻣﻮﻃﺒﻴﻌﻲ
ﺷﻜﺪ ﻳﻜﻮﻟﻮﻥ ﻋﻠﻴﻪ ﺣﻠﻮﺓ ﻭﺟﺬﺍﺑﻪ ﻭﻣﻦ ﻫﺎﻟﺤﺠﻲ ﻟﺪﺭﺟﻪ ﺍﻧﻮ ﺧﻮﺍﺗﻲ ﻣﺠﺮﺩ ﻃﻠﻌﻮ ﻣﻦ ﺑﻴﺘﻨﻪ ﻧﻄﻮ ﺧﺒﺮ ﻣﻮﺍﻓﻘﺘﻬﻢ ﺑﺲ ﺍﺣﺠﻲ ﺍﻟﺼﺮﺍﺣﻪ ﺍﺣﻠﻰ ﻣﻨﻲ ﺑﻬﻮﺍﺍﺍﺍﺍﺍﺍﺍﻱ ﻳﻌﻨﻲ ﺍﻱ ﻭﺣﺪﻩ ﺗﺸﻮﻓﻪ ﺑﺎﻟﺸﺎﺭﻉ ﺟﺬﺏ ﻣﺎﺗﻨﻜﺴﺮ ﺭﻛﺒﺘﻬﻪ ﻋﻠﻴﻪ
ﺍﻱ ﺣﻠﻮ ﺻﺪﻙ ﺣﻠﻮ ﻳﺨﺒﻞ ﺟﺎﻥ
↙️
ﺍﻭﻭﻭﻑ ﻳﺎﺭﺑﻲ ﺑﻄﻠﺖ ﺣﺠﺘﻲ ﻇﻞ ﻳﺒﺎﻭﻉ ﻛﺼﻨﻲ ﻛﺺ ﺑﺲ ﺑﺪﻭﻥ ﻣﺎﻳﺤﺴﺲ ﺑﺎﺑﺎ ﺍﻧﻮ ﻫﻮﺓ ﻳﺒﺎﻭﻋﻠﻲ ﺟﺎﻥ ﻣﺒﻴﻦ ﻳﺤﺘﺮﻡ ﻭﻣﺆﺩﺏ ﺑﺲ ﻫﺬﺍ ﺣﻘﻪ ﻳﺒﺎﻭﻋﻠﻲ ﻭﻳﺸﻮﻑ ﻛﻞ ﺗﻔﺎﺻﻴﻠﻲ ﻫﺬﺍ ﻋﻤﺮ ﻛﺎﻣﻞ ﺭﺡ ﺍﻋﻴﺸﻪ ﻭﻳﺎ
ﻛﺎﻡ ﺳﻮﺓ ﺣﺮﻛﻪ ﻋﺮﻓﺖ ﻣﻨﻬﻪ ﻫﻮﺓ ﻣﻮﺍﻓﻖ
ﻧﻄﻪ ﺗﻠﻴﻔﻮﻧﻪ ﻟﺒﻨﺖ ﺍﺧﺘﻪ ﻃﻔﻠﻪ ﺟﺎﻳﻪ ﻭﻳﺎﻫﻢ ﻭﻛﻠﻬﻪ ﻭﺩﻱ ﺗﻠﻴﻔﻮﻧﻲ ﻟﻤﺎﻣﺎ ..... ﻣﻌﻨﺎﻫﻪ ﺍﺧﺬﻱ ﺭﻗﻤﻬﻢ
ﺧﺎﺑﺮﺗﻪ ﻛﺘﻠﻪ ﻧﻮﺭﻱ ﻛﻠﺸﻲ ﺍﻧﺘﻬﻰ ﺍﻟﻮﻟﺪ ﻭﺍﻓﻖ
ﻃﺒﻌﺎ ﻣﺎﺍﺣﺠﻴﻠﻜﻢ ﻋﻦ ﺍﻟﻤﺎﺳﺎﺓ ﺗﺸﻮﻑ ﻧﻔﺴﻚ ﺑﻴﻦ ﺍﻳﺪﻳﻦ ﺍﻟﺴﻌﺎﺩﻩ ﻭﺭﺍﺳﺎ ﺗﻨﺴﺤﺐ ﻣﻨﻚ
ﺍﻧﺴﺎﻥ ﺗﺘﻌﻮﺩ ﻋﻠﻴﻪ ﺑﻜﻠﺸﻲ ﺑﻜﻠﺸﻲ
ﺍﻱ ﻛﻠﻤﺔ ﻟﻮ ﺍﻱ ﺷﻐﻠﻪ ﺗﺠﻲ ﺑﺮﺍﺳﻲ ﺍﻛﻮﻟﻬﻪ ﺍﻟﻪ ﻳﺪﻭﻥ ﻣﺎﺍﺣﺴﺐ ﺣﺴﺎﺏ ﻳﻔﻬﻤﻨﻲ ﻏﻠﻂ ﻟﻮ ﻳﻜﻮﻝ ﻟﻴﺶ ﻫﻴﺞ ﺣﺠﺖ ﻟﻮ . ﻟﻮﻭﻭ . ﻟﻮﻭﻭﻭ
ﻻﻥ ﺟﺎﻥ ﻳﻌﺮﻓﻨﻲ ﺷﻨﻮ ﻭﺑﺲ ﻫﻮﺓ ﺍﺣﺠﻴﻠﻪ ﺍﻟﻠﻲ ﺑﺪﺍﺧﻠﻲ ﺗﻌﻮﺩﺕ ﻋﻠﻴﻪ ﻭﺍﺷﺘﺎﻗﻴﺖ ﻟﺤﻈﻨﻪ ﻗﺒﻞ ﻻﺍﻧﺎﻡ ﺑﻲ
ﻳﺎﺭﺑﻲ ﺷﻠﻮﻥ ﻇﻠﺖ ﺣﻴﺎﺗﻲ ﻋﺒﺎﺭﻩ ﻋﻦ ﺑﺠﻲ
ﺑﺎﺑﺎ ﻭﻣﺎﻣﺎ ﻭﺭﻣﺎ ﻃﻠﻌﻮ ﺍﻟﻨﺎﺱ ﻛﺎﻟﻮ ﺍﻟﻮﻟﺪ ﻣﻮﺍﻓﻖ ﺍﻧﺘﻲ ﺷﺘﻜﻮﻟﻴﻦ ﻫﺎﻱ ﺣﻴﺎﺗﺞ ﺑﺲ ﺑﺎﺑﺎ ﺍﻧﻲ ﺷﺎﻳﻔﻪ ﺧﻮﺵ ﻭﻟﺪ ﻭﻧﺎﺱ ﺣﺒﺎﺑﻴﻦ ﻣﻮﻣﻦ ﻧﻮﻉ ﻣﻌﺪﺍﻥ ﺑﺎﻟﻌﻜﺲ ﻭﺣﺎﻟﺘﻪ ﺍﻟﻤﺎﺩﻳﻪ ﺯﻳﻨﻪ ﺗﺮﺗﺎﺣﻴﻦ ﻣﺎﺗﺘﻌﺒﻴﻦ ﻭﻣﺒﻴﻦ ﻧﻔﺴﻪ ﺣﻠﻮﺓ ﻻﻥ ﺍﻧﻲ ﻫﻮﺍﻱ ﺣﺠﻴﺖ ﻭﻳﺎ ﻭﺍﻋﺆﻑ ﺍﺳﺤﺐ ﻣﻨﻪ ﺣﺠﻲ ﻭﺍﻋﺮﻑ ﻃﺒﻴﻌﺘﻪ ﻭﺑﻌﺪ ﻫﻢ ﺭﺍﺡ ﺍﺳﺎﻝ ﻃﺒﻌﺎ ﺑﺲ ﺷﻬﺎﺩﺓ ﺍﺑﻦ ﺧﺎﻟﺞ ﻃﺒﻌﺎ ﺗﻜﻔﻞ ﺍﻧﻮ ﻫﻮﺓ ﺧﻮﺵ ﻭﻟﺪ
.. ﺳﻜﺘﺖ ﻛﺘﻠﻪ ﺑﺎﺑﺎ ﺑﻜﻴﻔﻚ
.. ﺑﺎﺑﺎ .. ﻣﻮﺍﻓﻘﻪ ﻳﻌﻨﻲ
... ﺷﺤﺠﻲ ﻳﺎﺭﺑﻲ ﺷﻨﻮ ﺍﻛﻮﻝ ﻻ ﻣﻮﺧﻮﺵ ﻭﻟﺪ . ﻻ . ﻣﺎﻋﻨﺪﻩ ﺷﻬﺎﺩﻩ .. ﻻ ﻣﺎﻳﺼﻠﻲ .. ﻻﻣﻮﺣﻠﻮ ... ﻻ ﻏﺮﻓﺘﻪ ﺯﻏﻴﺮﻩ ﻫﻬﻬﻪ ﻳﺎﻏﺮﻓﺘﻪ ﺯﻏﻴﺮﻩ ﻭﻫﻴﻪ ﺷﻘﻪ ﻛﺎﻣﻠﻪ ﺍﻟﻲ ... ﻻ ﻣﺎﺭﻳﺪ ﺍﺗﺰﻭﺝ ﻟﻮ ﻣﺎﺍﺭﺗﺎﺣﻴﺘﻠﻬﻢ . ﻻﻻﻻﻻ ﻣﻮﻣﻘﻨﻊ ﺍﺑﺪ
ﺧﻠﺺ ﺍﺳﺘﺴﻠﻢ ﺍﻓﺮﺡ ﺍﻫﻠﻲ ﻣﺪﺍﻡ ﻣﺎﺍﻛﺪﺭ ﺍﻓﺮﺡ ﻧﻔﺴﻲ
ﻣﺮﺕ ﺍﻻﻳﺎﻡ ﻭﺍﺣﻮ ﻭﺍﺗﻔﻘﻮ ﻭﺍﻟﻮﻟﺪ ﻳﻜﻮﻝ ﺷﺘﺮﻳﺪ ﺍﻧﻲ ﺣﺎﺿﺮ ﻭﺑﻴﻦ ﻳﻮﻣﻴﻦ ﺗﻼﺛﺜﻪ ﻳﺪﺯ ﻫﺪﻳﻪ ﺑﻴﺪ ﺧﻮﺍﺗﻪ ﻟﻮ ﺣﺬﺍﺀ ﻟﻮ ﺟﻨﻄﻪ ﻟﻮ ﺳﺎﻋﻪ ﻛﻠﻤﺎ ﻳﺠﻦ ﻳﺘﻔﻘﻦ ﻉ ﺷﻲ ﻫﻮﺓ ﺩﺍﺯ ﺑﻴﺪﻫﻢ ﺣﺎﺟﻪ
ﺍﻟﻰ ﺍﻥ ﻛﺎﻟﻮ ﻳﻜﻮﻝ ﻭﺍﺋﻞ ﻧﻄﻠﻊ ﻧﺸﺘﺮﻱ ﺍﻟﺬﻫﺐ
ﻛﻠﺖ ﻟﻨﻮﺍﺭ .. ﺭﺡ ﺍﺭﻭﺡ
ﻧﻮﺍﺭ ﺟﺎﻥ ﻋﺎﻗﻞ ﻡ ﻣﻦ ﻭﻟﺪ ﻫﺎﻟﻮﻛﺖ ﺍﻛﺴﺮ ﻭﺍﺧﺮﺏ ﻭﺍﻓﻠﺶ ﺑﺪﻭﻥ ﻋﻘﻞ
ﻧﻮﺍﺭ .. ﻋﻤﺮﻱ ﺭﻭﺣﻲ ﺍﻧﻲ ﻣﺎﺍﻟﻲ ﺣﺠﺎﻳﻪ ﻋﻠﻴﺞ ﺑﻌﺪ
.. ﻝ
ﻇﻠﻴﺖ ﺍﺑﺠﻲ .. ﻭﻟﻚ ﻧﻮﻳﺮ ﻻﺗﻜﻮﻝ ﻫﻴﺞ ﻟﻴﺶ ﺗﺤﺮﻙ ﻛﻠﺒﻲ ﺍﻧﺖ ﺍﻟﻲ ﻭﺑﺲ ﻣﻮﻟﻐﻴﺮﻱ ﻭﺣﺠﺎﻳﺘﻚ ﻣﺎﺗﻤﺸﻲ ﻉ ﻏﻴﺮﻱ
ﻧﻮﺍﺭ .. ﺭﻭﺣﻲ ﻋﻤﺮﻱ ﻣﺎﺑﻴﻪ ﺑﻌﺪ ﺣﻴﻞ ﺍﻟﻠﻪ ﻳﻮﻓﻘﺞ
ﻃﺒﻌﺎ ﺍﺣﺠﻲ ﻭﺍﺑﺠﻲ ﺑﺲ ﺍﺳﺘﺴﻠﻤﺖ ﻟﻼﻣﺮ ﺍﻟﻮﺍﻗﻊ
ﻃﻠﻌﻨﻪ ﺍﺟﻪ ﻫﻮﺓ ﻭﺍﺧﺘﻪ ﻋﻠﻴﻨﻪ ﺑﺴﻴﺎﺭﺗﻪ
ﻭﺭﺣﻨﻪ ﻟﻠﺼﻴﺎﻍ ﺟﺎﻥ ﻣﺆﺩﺏ ﻉ ﺫﻭﺍﻕ ﺣﻴﻞ ﺣﺘﻰ ﺑﻜﻼﻣﻪ ﺫﻭﺍﻕ
ﻣﻦ ﻧﺨﺘﺎﺭ ﺍﻟﺬﻫﺐ ﻳﻮﻛﻒ ﺑﺼﻔﻲ ﻭﻳﻜﻠﻲ ﺷﻮﻓﻲ ﻫﺎﻱ ﻭﺷﻔﻲ ﻫﺎﻱ ﻭﻳﺨﻴﺮﻧﻲ ﻭﻳﻜﻮﻝ ﻛﻴﻔﺞ ﻣﻊ ﺍﻟﻌﻠﻢ ﺫﻭﻗﻪ ﻛﻠﺶ ﻧﺎﺯﻙ
ﺍﺷﺘﺮﻳﻨﻪ ﺫﻫﺐ ﻫﻮﺍﻱ ﻭﺣﻠﻮ ﻛﻠﺶ ﻭﺧﺬﺍﻟﻲ ﻣﺤﺒﺲ ﻧﺎﻋﻢ ﻫﺪﻳﻪ ﻣﻦ ﻏﻴﺮ ﺍﻟﺬﻫﺐ ﺍﻟﻠﻲ ﻣﺘﻔﻘﻴﻦ ﻋﻠﻴﻪ
ﺭﺟﻌﻨﻪ ﻭﺍﺗﻔﻘﻮ ﻳﻮﻡ ﺍﻻﺭﺑﻌﺎﺀ ﺍﻟﺨﻄﻮﺑﻪ
ﻋﺰﻣﻨﻪ ﺍﻟﻨﺎﺱ ﻭﺭﺣﺖ ﺣﺠﺰﺕ ﺑﺪﻟﻪ ﻃﺒﻌﺎ ﻫﻮﺓ ﻛﺎﻝ ﺍﺟﻲ ﺍﻧﻲ
ﻣﺎﻣﺎ ﻛﻠﺘﻠﻪ ﺍﺣﻨﻪ ﻧﺮﻭﺡ
ﻛﻠﻬﻪ ﻻﺧﺎﻟﻪ ﺍﻧﻲ ﻣﻮﺟﻮﺩ ﻭﻣﺮﺗﻲ ﺗﺮﻭﺡ ﺑﺪﻫﻪ ﺍﻧﻲ ﺍﺟﻲ ﻭﺍﻭﺩﻳﻜﻢ ﻭﺍﺟﻴﺒﻜﻢ . ﻭﺭﺍﺡ ﻫﻮﺓ ﻭﺍﺧﺘﻪ ﻭﻳﺎﻧﻪ ﻭﺍﺧﺘﺎﺭﻳﺖ ﺑﺪﻟﻪ ﻛﻠﺶ ﺣﻠﻮﺓ ﻫﻮﺓ ﺷﺎﺭﻛﻨﻲ ﺑﺬﻭﻗﻬﻪ
ﻃﺒﻌﺎ ﻣﺎﺑﻴﻨﺖ ﻛﺪﺍﻣﻪ ﺍﻧﻲ ﻇﺎﻳﺠﻪ . ﻟﻮ ﺷﻲ ﺑﺎﻟﻌﻜﺲ
ﻻﻥ ﻫﻴﺠﻲ ﺭﺡ ﺍﻛﺴﺮ ﻭﺟﻪ ﺍﻫﻠﻲ ﻫﺴﻪ ﻳﻜﻮﻝ ﻏﺎﺻﺒﻴﻨﻬﻪ ﻭﺭﺡ ﻳﺎﺧﺬ ﻧﻈﺮﻩ ﺍﻧﻮ ﺍﻧﻲ ﻣﺎﻣﻮﺍﻓﻘﻪ ﻭﺍﻭﻝ ﻭﺗﺎﻟﻲ ﺭﺡ ﺗﺼﻴﺮ ﻫﺎﻱ ﺍﻟﺰﻭﺍﺟﻪ ﻭﺍﻋﻴﺶ ﻭﻳﺎ ﻋﻤﺮﻱ ﻛﻠﻪ ﻭﻫﻮﺓ ﻣﻌﺘﻘﺪ ﺍﻧﻲ ﻣﺎﺭﺍﻳﺪﺗﻪ ﻟﻮ ﺟﻨﺖ ﺍﺭﻳﺪ ﻏﻴﺮﻩ . ﺧﺼﻮﺻﺎ ﻫﻴﺠﻲ ﺷﻐﻠﻪ ﻣﻮﺻﻌﺒﻪ ﻭﻟﺪ ﺷﺎﺏ ﻳﺘﻮﻗﻌﻬﻪ ﻣﻦ ﻳﺸﻮﻑ ﺑﻨﻴﻪ ﻣﻮﻓﺮﺣﺎﻧﻪ ﺑﺨﻄﻮﺑﺘﻬﻪ ....
ﺑﺲ ﻛﻼﻣﻲ ﻭﻳﺎ ﻣﺘﺤﻔﺾ ﺟﺪﺍ ﻳﻌﻨﻲ ﻫﻮﺓ ﻳﻔﺴﺮﻫﻪ ﺍﻧﻮ ﺍﻧﻲ ﺍﺳﺘﺤﻲ ﺑﺲ ﺍﻧﻲ ﺑﺪﺍﺧﻠﻲ ﺷﻲ ﺛﺎﻧﻲ
ﺧﻠﺼﻨﻪ ﺍﻟﺒﺪﻟﻪ ﻳﻮﻡ ﺍﻻﺣﺪ ﺣﺠﺰﻧﺎﻫﻪ ﻭﺍﻟﺼﺎﻟﻮﻥ ﺑﻨﻔﺲ ﺍﻟﻴﻮﻡ ...
ﺭﺟﻌﺖ ﺑﻴﻮﻣﻬﻪ ﺩﺯﻳﺖ ﻟﻨﻮﺍﺭ
ﺣﺒﻴﺒﻲ .. ﻭﻳﻨﻚ
... ﺩﺯ ﻫﺎ ﺍﺳﺎﻭﺭ
... ﺷﻨﻮ ﺑﻴﻚ ﻟﻴﺶ ﻣﺎﺗﻜﻮﻝ ﻋﻤﺮﻱ
ﻧﻮﺍﺭ ... ﻭﻟﺞ ﺍﻧﺘﻲ ﺗﻈﻠﻴﻦ ﻋﻤﺮﻱ ﻭﺣﻴﺎﺗﻲ ﺑﺲ ﺑﻊ ﺍﻧﺘﻲ ﻣﻮﻣﻦ ﺣﻘﻲ ﻭﻫﺬﺍ ﺣﺠﻴﻨﻪ ﺯﺍﻳﺪ ﻭﻣﺎﺍﻟﻪ ﻣﻌﻨﻰ
ﺍﻧﻲ ﺻﺤﻴﺢ ﺍﺭﺍﺳﻞ ﻭﺍﺑﺠﻲ ﺑﺲ ﺍﺭﻳﺪ ﺍﻭﺍﺳﻲ ﻭﺍﻗﻮﻱ ﻟﺬﻟﻚ ﻻﺯﻡ ﺍﺿﻐﻂ ﻉ ﻧﻔﺴﻲ
.. ﺭﺡ ﺍﺧﺎﺑﺮﻙ
ﺍﺗﺼﻠﺖ ﺣﺒﻴﺒﻲ ﺷﺒﻴﻚ ﺍﺣﻨﻪ ﻣﻮ ﺍﻭﻝ ﺛﻨﻴﻦ ﻭﻻﺍﺧﺮ ﺛﻨﻴﻦ ﻳﺠﻮﺯ ﺑﻴﻬﻪ ﺍﺻﻼﺡ . ﻳﺠﻮﺯ ﺍﻟﻠﻪ ﻣﺎﻗﺎﺳﻢ ﻳﺼﻴﺮ ﻋﺪﻧﻪ ﺟﻬﺎﻝ ﻭﺣﺐ ﻳﻨﻬﻴﻬﻪ ﻫﻴﺞ ﻧﻬﺎﻳﻪ ﺣﻠﻮﺓ ﺣﺘﻰ ﻛﻞ ﻭﺍﺣﺪ ﻳﺬﻛﺮ ﻏﻴﺮﻩ ﺑﺸﻲ ﺣﻠﻮﺓ ﻭﻣﻦ ﻫﺎﻟﺤﺠﻲ ﺍﻟﻠﻲ ﺍﺟﺬﺏ ﺑﻲ ﻉ ﻧﻔﺴﻲ
ﺍﺧﺮ ﺷﻲ
.. ﻧﻮﺭﻱ ﺷﺒﻴﻚ ﺣﺒﻴﺒﻲ ﻳﺎﻟﻠﻪ ﻛﺎﻓﻲ ﺧﻞ ﻧﺴﻮﻟﻒ ﺗﺮﻩ ﻫﺴﻪ ﺍﺳﺒﺤﻚ ﻫﺎﺍﺍ ( ﺟﺎﻥ ﻗﺼﺪﻱ ﺍﺣﺠﻲ ﺣﺠﺎﻳﻪ ﻭﺍﻫﻴﺠﻪ ﻣﺜﻞ ﻛﻞ ﻣﺮﻩ ) ﻳﺎﻟﻠﻪ ﺗﺮﻩ ﺍﺳﺒﺤﻚ ﻫﺴﻪ ﻫﺎﺍ
ﺍﺷﻮ ﺳﻤﻌﺖ ﺻﻮﺗﻪ ﺷﻠﻮﻥ ﻋﻠﻪ ﺑﺼﻮﺕ ﺻﺤﻜﻪ ﻋﺎﻟﻴﻪ ﻳﻤﻜﻦ ﻭﺳﻜﺖ
ﻳﺎﺭﺑﻲ ﻟﻴﺶ ﻳﻀﺤﻚ
ﺷﺒﻴﻚ ﻧﻮﺭﻱ
ﺍﺷﻮ ﻫﺬﺍ ﻇﻞ ﻳﺸﻬﻚ ﻭﻳﺒﺠﻲ ﻭﻳﻨﺤﺐ ﻭﻳﺒﺠﻲ ﺑﺼﻮﺕ ﻋﻠﻲ ﻣﺜﻞ ﺍﻟﻠﻲ ﺟﺎﻥ ﻣﻨﺘﻈﺮﻫﻪ ﻣﻨﻲ
ﻳﺎﺍ ﻫﺬﺍ ﻳﺒﺠﻲ ﻋﺒﺎﻟﻲ ﻳﻀﺤﻚ
ﻭﻟﻚ ﻧﻮﻳﺮ ﺷﺒﻴﻚ
ﻧﻮﺍﺭ ... ﺗﺴﺒﺤﻴﻨﻲ ﻣﻮ .. ﺍﻧﺘﻲ ﺭﺡ ﺗﺴﺒﺤﻴﻦ ﻭﻳﻪ ﻏﻴﺮﻱ ﻭﻟﺞ
ﺣﺠﺎﻳﺘﻪ ﺟﺎﻧﺖ ﻋﺒﺎﺭﻩ ﻋﻦ ﺻﺪﻣﻪ ﻣﺎﻣﺘﻮﻗﻌﺘﻬﻪ
ﺍﻟﻜﻼﻡ ﺍﻟﺠﻨﺖ ﺍﻗﻨﻌﻪ ﺑﻲ ﻭﺍﻭﺍﺳﻲ ﺑﻲ ﺗﺒﺨﺮ ﻣﺜﻞ ﺍﻟﺴﺮﺍﺏ ﻭﺭﺍﺡ ﻭﻟﻜﻴﺖ ﻧﻔﺴﻲ ﺍﻧﺤﺐ ﻭﺍﺑﺠﻲ ﻭﻳﺎ ﻭﺑﺼﻮﺕ ﻋﺎﺍﺍﻟﻲ ﺑﺪﻭﻥ ﻣﺎﺍﺣﺲ ﺍﻧﻲ ﺑﺪﺍﺧﻞ ﺑﻴﺖ ﺑﻲ ﻧﺎﺱ ﻭﺧﺎﻑ ﻳﺴﻤﻌﻮﻧﻲ
ﻇﻠﻴﻨﻪ ﻧﺤﺠﻲ ﺣﺠﻲ ﻳﻔﺘﺢ ﻛﻞ ﺟﺮﻭﺣﻨﻪ
.. ﻭﻟﻚ ﺷﺴﻮﻱ ﻗﺎﺑﻞ ﺭﺍﻳﺪﺗﻬﻪ ﺍﺳﺒﺢ ﻭﻳﻪ ﻏﻴﺮﻙ ﺍﻧﻲ ﻣﺎﺍﺭﻳﺪ ﻏﻴﺮﻙ ﻭﻻﻳﺤﻼﻟﻲ ﺣﻈﻦ ﻏﻴﺮﻙ ﻻﺗﺤﺆﻙ ﻛﻠﺒﻲ ﻛﺎﻓﻲ ﻋﻔﻴﻪ
ﻇﻠﻴﻨﻪ ﻧﺤﺠﻲ ﻫﻴﺠﻲ ﻟﺪﺭﺟﻪ ﺑﻌﺪ ﺧﺘﻰ ﺩﻣﻮﻋﻨﻪ ﻧﺸﻔﺖ
)' ﻣﺎﺍﻛﻤﻞ ﺗﻔﺎﺻﻴﻠﻪ ﻛﻼﻣﻨﻪ ﻻﻥ ﻳﻤﻮﺕ ﻗﻬﺮ ﻭﺍﻧﺘﻮ ﻣﺎﻋﺎﻳﺰﻳﻦ )
ﺑﻴﻮﻣﻬﻪ ﺟﺎﻥ ﺑﺎﻟﺪﻭﺍﻡ
ﺳﻜﺖ
.. ﻧﻮﻳﺮ ﺣﺒﻴﺒﻲ
ﺣﻴﺎﺗﻲ
ﺭﻭﺣﻲ
ﻭﻟﻚ ﻭﻳﻨﻚ
ﻳﺎﺭﺑﻲ ﻧﻮﺍﺭ ﺷﺒﻴﻚ ﺣﺒﻴﺒﻲ ﺍﺣﺠﻲ ﻻﺗﺨﺒﻠﻨﻲ
ﻭﺭﻩ ﻋﺸﺮ ﺩﻗﺎﻳﻖ ﺳﻤﻌﺖ ﺻﻮﺕ ﺷﻬﻜﻪ
ﻭﺳﺪ ﺍﻟﺨﻂ
ﺩﺯ ﺑﺼﻤﻪ ﺯﻏﻴﺮﻩ ﻛﺎﻝ ﺍﺳﺎﻭ ﻣﺎﺑﻴﻪ ﺍﺣﺠﻲ ﻛﻠﺒﻲ ﻇﻞ ﻳﺎﺫﻳﻨﻲ ﻭﻋﻴﻮﻧﻲ ﻣﺎﺗﻨﻔﺘﺢ ﺍﻟﻮﻟﺪ ﺭﺡ ﻳﻮﺩﻭﻧﻲ ﻟﻠﻤﺴﺘﺸﻔﻰ
ﻳﻤﻪ ﺍﻧﻲ ﻛﺎﻝ ﻫﻴﺞ ﻭﺍﻧﻲ ﺍﻟﺪﻧﻴﺎ ﻭﻛﻔﺖ . ﻧﻘﺎﻟﻪ ﻣﺎﻳﺮﺩ
ﻫﺎﻟﺤﺠﻲ ﺳﺎﻋﻪ 11 ﻭﻟﺤﺪ ﺳﺎﻋﻪ 3 ﺍﻟﻔﺠﺮ ﻣﺎﻛﻮ ﺧﺒﺮ ﺍﻧﻲ ﻋﻘﻠﻲ ﻳﻤﻜﻦ ﻃﺎﺭﺕ ﻣﻨﻪ ﻭﺻﻠﻪ
ﺩﻙ ﺑﺎﻻﺭﺑﻌﻪ ﻛﺎﻝ ﻫﺴﻪ ﺭﺟﻌﺖ ﻟﻠﺒﻴﺖ ﺑﺲ ﻳﺤﺠﻲ ﻉ ﻛﻴﻔﻪ ﻛﺎﻝ ﺣﻄﻮﻟﻲ ﻣﻐﺬﻱ ﻭﺍﺑﺮﻩ ﺳﻜﺮﻱ ﻭﺿﻐﻄﻲ ﻫﺒﻄﻦ ﺻﻔﺮﻥ ﻛﺎﻟﻮ ﻫﻤﺰﻳﻦ ﻣﺎﺩﺧﻠﻦ ﻏﻴﺒﻮﺑﻪ ﺳﻜﺮ . ﺟﺎﻥ ﺳﻜﺮﻱ ﻋﺸﺮﻳﻦ
ﻳﻤﻪ ﺍﺳﻢ ﺍﻟﻠﻪ ﻧﺎﻡ ﺣﺒﻴﺒﻲ ﻧﺎﻡ
ﻳﺎﺭﺑﻲ ﻓﻮﻙ ﺍﻟﻘﻬﺮ ﻭﻫﺬﺍ ﻫﻴﺞ ﻳﺤﺘﺮﻙ ﻛﻠﺒﻲ ﻋﻠﻴﻪ
ﺍﺳﺘﺴﻠﻤﻨﻪ ﻟﻼﻣﺮ ﺍﻟﻮﺍﻗﻊ ﺻﺎﺭ ﻳﻮﻡ ﺍﻻﺛﻨﻴﻦ ﺑﻌﺪ ﺑﺎﻗﻲ ﺑﺲ ﺑﺎﺟﺮ ﻭﻋﻜﺐ ﺑﺎﺟﺮ ﻉ ﺫﻣﺔ ﻭﺍﺋﻞ ﻭﻧﻮﺍﺭ ﺍﻧﺴﺎﺍﺍﻩ
ﺗﻮﺍﺩﻋﻨﻪ ﻭﺑﺮﻳﻨﻪ ﺍﻟﺬﻣﻪ ﺑﺼﻌﻮﻭﻭﺑﻪ ﻃﺒﻌﺎ ﻭﺑﺪﻭﻥ ﻣﺎﺍﺩﺧﻞ ﺑﺘﻔﺎﺻﻴﻞ ﺍﻟﻮﺍﺩﻉ ﻻﻥ ﺗﺒﺠﻲ ﺍﻟﺼﺨﺮ
ﺍﺟﻪ ﺑﺎﺑﺎ ﻛﺎﻝ ﻋﻜﺐ ﺑﺎﺟﺮ ﺍﻟﺨﻄﻮﺑﻪ ﺻﺼﺤﻴﺢ ﺑﺲ ﺍﻧﻲ ﻧﺴﻴﺖ ﺻﺪﻳﻘﻲ ﺑﻤﻨﻄﻘﺔ ﻭﺍﺋﻞ
( ﻫﺎ ﻉ ﻓﻜﺮﻩ ﻧﺴﻴﺖ ﺍﻛﻮﻟﻠﻜﻢ ﻣﻨﻄﻘﺔ ﻭﺍﺋﻞ ﻭﻣﻨﻄﻘﺔ ﻧﻮﺍﺭ ﺑﻴﻨﺎﺗﻬﻢ ﺷﺎﺍﺍﺭﻉ ﻓﻘﻂ ﻓﻘﻂ ﺷﺎﺭﻉ ﻭﻧﻮﺍﺭ ﻣﻦ ﻭﺻﻔﺖ ﺑﻴﺘﻬﻢ ﻋﺮﻓﻬﻢ )
ﺑﺎﺑﺎ ... ﺭﺡ ﺍﺳﺎﻟﻪ ﻋﻠﻴﻬﻢ
ﻣﺎﻣﺎ ... ﺳﻴﺪ ﺻﺪﻙ ﺗﺤﺠﻲ ﺍﺗﻔﻘﻨﻪ ﻭﺧﻠﺼﻨﻪ ﻭﺍﻟﻮﻟﺪ ﺍﻧﺖ ﻳﺎﻫﻮ ﺗﺴﺎﻟﻬﺮﻋﻠﻴﻪ ﻳﻤﺪﺣﻪ ﻫﺴﻪ ﻭﺭﻣﺎ ﻇﻞ ﺑﺲ ﻳﻮﻡ ﻭﺍﺣﺪ ﺗﺮﻳﺪ ﺗﺴﺎﻝ
ﻃﺒﻌﺎ ﺑﺎﺑﺎ ﺟﺎﻥ ﻣﻦ ﻧﻮﻉ ﻳﺪﻗﻖ ﻛﻠﺶ
ﺑﺎﺑﺎ ... ﻣﻴﺨﺎﻟﻒ ﺳﻌﺎﺩﺓ ﺑﻨﺘﻲ ﺍﺣﺴﻦ ﻭﺑﻌﺪﻳﻦ ﻫﻮﺓ ﺯﻳﻦ ﺑﺲ ﺍﺭﻳﺪ ﺍﺗﺎﻛﺪ
ﻛﺎﻝ ﺑﻌﺪﻳﻦ ﺑﺎﻟﻠﻴﻞ ﺍﺭﻭﺡ ﻟﺼﺪﻳﻘﻲ ﻭﺍﺳﺎﻟﻪ ﻋﻠﻴﻬﻢ ﺣﺘﻰ ﻧﺘﻮﻛﻞ ﻉ ﺍﻟﻠﻪ ﻻﻥ ﻣﺘﺎﻛﺪ ﻣﻨﻪ ﺍﻟﻮﻟﺪ ﺍﻧﻲ ﺑﺲ ﺣﺘﻰ ﻻﻧﻨﺪﻡ ﺗﺎﻟﻲ
ﺍﻧﻲ ﺳﻤﻌﺖ ﻫﺎﻱ ﺍﻟﺤﺠﺎﻳﻪ ﺗﺠﺪﺩ ﻋﻨﺪﻱ ﺍﻣﻞ ﻻﻥ ﺟﻨﺖ ﻣﺜﻞ ﺍﻟﻐﺮﻛﺎﻥ ﻳﺪﻭﺭ ﻛﺸﺎﻳﻪ
ﺭﺣﺖ ﻛﻠﺖ ﻟﻨﻮﺍﺭ ﻭﻫﻢ ﻣﺜﻠﻲ ﻇﻞ ﻳﻨﺘﻈﺮ ﺷﻨﻮ ﻧﺘﻴﺠﺔ ﺳﺆﺍﻝ ﺑﺎﺑﺎ ﺑﻠﻜﺖ ﺗﻔﺘﺢ ﺍﻟﻨﻪ ﺑﺼﻴﺺ ﺍﻣﻞ . ﻳﺎﺗﺮﻯ ﻣﻌﻘﻮﻟﻪ ﺭﺡ ﺗﻨﺰﺍﺡ ﻫﺎﻱ ﺍﻟﻐﻤﻪ ﻋﻨﻨﻪ ﻭﻧﺮﺟﻊ ﺍﻧﻲ ﻭﻳﺎ ﻣﻌﻘﻮﻟﻪ ﻳﺎﺭﺑﻲ ......
* ﺍﻧﺖ ﻟﻢ ﺭﻏﻢ ﺍﻟﻀﺮﻭﻑ *
ﺧﻠﻲ ﻧﻔﺴﺞ ﺑﻤﻜﺎﻥ ﺍﺳﺎﻭﺭ ﺷﺘﺨﺘﺎﺭﻳﻦ ؟
↙️
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء