رواية حب بين ثنايا القلوب الجزء الأول

رواية حب بين ثنايا القلوب الجزء الأول

للكاتبة امان السامرائي

🌸

ﺟﺎﻥ ﺍﻟﺠﻮ ﺧﺮﻳﻒ ﺑﺪﺍﻳﺔ ﺷﻬﺮ ﺍﻟﺘﺎﺳﻊ . ﻫﻮﺓ ﻋﺎﻟﻲ ﻭﺍﻟﺸﻤﺲ ﻣﻜﺴﻮﺭﺓ ﻋﻴﻨﻪ . ﺑﺪﻳﺖ ﺍﻓﺘﺢ ﺍﺻﺤﻰ ﻋﻠﻰ ﺻﻮﺕ ﺍﻣﻲ

ﻧﺮﻳﻤﺎﻥ . ﻛﻮﻣﻲ ﻣﺎﻣﺎ ﺻﺎﺭﺕ ﺍﻟﺴﺎﻋﻪ ﺳﺒﻌﺔ ﺑﻠﻜﻮﺓ ﻓﺘﺤﺖ ﻋﻴﻨﻲ ﻛﻤﺖ ﻛﺴﻼﻧﻪ .. ﻟﺤﻀﻪ .. ﻧﺴﻴﺖ ﺍﻋﺮﻓﻜﻢ ﺑﻨﻔﺴﻲ ﺍﺳﻤﻲ ﻧﻮﺭﺍ ﻋﻤﺮﻱ٢١ ﺳﻨﻪ ﻭﺩﺍﺧﻠﺔ ﻋﻠﻰ ﺍﻝ٢٢ ﺳﻨﻪ ﻣﻮﺍﻟﻴﺪ ١٩٥٩ ﺷﻜﻠﻲ ﺑﻴﻀﻪ ﻭﻋﻴﻮﻧﻲ ﻧﺮﺟﺴﻲ ﺭﺷﻴﻘﻪ ﻭﻃﻮﻟﻲ ﻣﻘﺒﻮﻝ ﺷﻌﺮﻱ ﻣﺎﻳﻞ ﻟﻠﺤﻤﺎﺭ ﻭﺑﻲ ﻟﻔﺔ ﺧﻔﻴﻔﺔ . ﻭﺍﺻﻞ ﺑﻨﻬﺎﻳﺔ ﺧﺼﺮﻱ . ﻛﻤﻠﺖ ﺍﻋﺪﺍﺩﻳﺔ ﻭﻣﻜﺪﺭﺕ ﺍﻛﻤﻞ ﺟﺎﻣﻌﺔ ﻻﻥ ﺑﺎﺑﺎ ﻣﺘﻘﺎﻋﺪ ﻭﺍﻣﻲ ﺭﺑﺖ ﺑﻴﺖ ﺍﺗﻤﺮﺽ ﺍﺑﻮﻳﺔ ﻭﺗﺮﻙ ﺍﻟﺘﺪﺭﻳﺲ ﻋﺪﻧﺔ ﺿﻐﻂ ﻭﺳﻜﺮ ﻭﺍﺩﻭﻳﺘﺔ ﻳﺨﻠﺺ ﻋﻠﻴﻬﻪ ﺍﻟﺘﻘﺎﻋﺪ ﻭﻋﻨﺪﻱ ﺍﺥ ﺍﻛﺒﺮ ﻣﻨﻲ ﺑﺴﻨﻪ ﻫﺎﺟﺮ ﻻﻟﻤﺎﻧﻴﺔ ﻭﻋﺎﻓﻨﺔ ﻭﻣﺴﻤﻌﻨﺔ ﻣﻨﻪ ﺍﻱ ﺧﺒﺮ ﻭﻋﻨﺪﻱ ﺧﻮﺍﺕ ﺍﺛﻨﻴﻦ ﺍﺻﻐﺮ ﻣﻨﻲ ﻧﻮﺭ ﻋﻤﺮﻫﻪ١٥ ﺳﻨﺔ ﻭﻳﺎﺳﻤﻴﻦ ﺑﺴﺎﺩﺱ ﺍﺑﺘﺪﺍﺋﻲ ﺍﻣﻲ ﺍﺗﺎﺧﺮﺕ ﻳﻠﺔ ﺧﻠﻔﺖ ﻭﺭﺍﻳﺔ ﻓﺠﺎﻥ ﺍﻟﺤﻞ ﺍﻟﻮﺣﻴﺪ ﺍﻧﻮ ﺍﺷﺘﻐﻞ ﻭﺍﺳﺎﻋﺪ ﺍﺑﻮﻳﺔ ﺑﻠﻌﻴﺸﺔ ﺻﺎﺭﻟﻲ ٣ ﺳﻨﻮﺍﺕ ﺍﺷﺘﻐﻞ ﺑﻤﻌﻤﻞ ﺧﻴﺎﻃﺔ ﻗﺮﻳﺐ ﻋﻠﻴﻨﺔ ﻭﻳﺔ ﺑﻨﺎﺕ ﻣﻨﻄﻘﺘﻨﻪ . ﺟﺎﻥ ﺍﻟﺮﺍﺗﺐ ﻻ ﺑﺎﺱ ﺑﻲ ﻣﺪﺑﺮﻳﻦ ﺑﻲ ﺍﻟﻌﻴﺸﺔ ﺍﻟﺤﻤﺪ ﺍﻟﻠﻪ ..

ﺍﺟﻴﺖ ﻣﺎﻣﺎ .. ﻛﻤﺖ ﺑﺪﻟﺖ ﻭﻧﺰﻟﺖ ﻛﻠﻌﺎﺩﺓ ﺍﺑﻮﻳﺔ ﻻﺑﺲ ﻧﻀﺎﺭﺗﺔ ﺑﻴﺪﺓ ﺍﻟﺠﺮﻳﺪﺓ ﺍﺑﻮﻳﺔ ﺭﺟﺎﻝ ﻣﺜﻘﻒ ﺑﺲ ﺑﺤﻜﻢ ﺟﺎﻥ ﻣﺪﺭﺱ ﺟﺎﻥ ﻧﻀﺎﻣﻲ ﻭﻳﺨﺎﻑ ﻋﻠﻴﻨﺔ ﻭﻛﻠﻤﺘﻪ ﻣﺘﺜﻨﺔ ﻭﺧﺰﺭﺓ ﻋﻴﻨﻪ ﺗﺮﻫﺐ ﻭﻛﺎﻋﺪ ﻳﻢ ﺍﻟﺮﺍﺩﻳﻮ ﻭﻳﺴﻤﻊ ﺍﺧﺒﺎﺭ ﺟﺎﻧﺖ ﺍﻻﺧﺒﺎﺭ ﺍﺗﺨﻮﻑ ﺍﻳﻜﻮﻟﻮﻥ ﺩﺍﺧﻠﻴﻦ ﻭﻳﺔ ﺍﻳﺮﺍﻥ ﺑﺤﺮﺏ .. ﺟﻨﺖ ﺍﺧﺎﻑ ﺍﺳﻤﻊ ﺍﻻﺧﺒﺎﺭ ﻭﺧﻮﺍﺗﻲ ﻛﺎﻋﺪﻳﻦ ﻳﺘﺮﻳﻜﻮﻥ ... ﺷﺮﺑﺖ ﺍﻟﺠﺎﻱ ﻋﻠﻰ ﺍﻟﺴﺮﻳﻊ ﻭﻃﻠﻌﺖ ﺻﺎﺣﺘﻨﻲ ﺍﻣﻲ ﻣﺎﻣﺎ ﻧﺮﻳﻤﺎﻥ ﺑﻴﺖ ﺧﺎﻟﺘﺞ ﺟﺎﻳﻦ ﺍﻟﻴﻮﻡ ﺑﻌﺪ ﻣﺎ ﺍﺟﻮﻱ ﻣﻦ ﺑﺎﺭﻳﺲ ﺣﺎﻭﻟﻲ ﻣﺘﺘﺎﺧﺮﻳﻦ ﺟﺎﻭﺑﺘﻪ ﻭﺍﻧﻲ ﺍﺷﻌﺮ ﺑﻤﻠﻞ ﻣﻦ ﺟﻴﺘﻬﻢ ﺍﺣﺎﻭﻝ ... ﺍﺣﻨﻪ ﻣﺎﻋﺪﻧﻪ ﻫﻮﺍﻱ ﺍﻗﺎﺭﺏ ﺧﺎﻟﺔ ﻭﺣﺪﺓ ﻋﺎﻳﺸﺔ ﺍﺑﺎﺭﻳﺲ ﺷﺎﻳﻔﺘﻪ ﻣﺮﺗﻴﻦ . ﻧﺎﺱ ﺯﻧﺎﻛﻴﻦ ﻛﻠﺶ ﻭﻣﻦ ﺟﻨﺖ ﺍﺻﻐﻴﺮﺓ ﺳﺎﻓﺮﻭ ﻟﻔﺮﻧﺴﺎ ﻭﻋﻢ ﻭﺍﺣﺪ ﻋﻼﻗﺘﻨﻪ ﺑﻴﻬﻢ ﺯﻳﻨﺔ ﺑﺲ ﻻﻗﺎﺋﺘﻨﺔ ﻗﻠﻴﻠﺔ ﻋﻨﺪﺓ ﻭﻟﺪ ﺍﺑﻨﻴﺔ .. ﺍﺗﻤﺸﻴﺖ ﺣﺴﻴﺖ ﺑﺪﺓ ﺍﻟﺸﺘﺔ ... ﻭﻻﺯﻡ ﺍﺩﺑﺮ ﺗﺪﻓﺌﺔ ﺯﻳﻨﻪ ﻭﺍﺷﺘﺮﻱ ﻛﻮﺗﺎﺕ ﻭﻣﻼﺑﺲ ﻣﺪﺭﺳﺔ ﺟﺪﻳﺪﺓ ﻭﻗﺮﻃﺎﺳﻴﺔ ﻟﻠﺒﻨﺎﺕ ﺣﺴﺒﺔ ﺍﺗﺠﻴﺒﻨﻲ ﻭﺣﺴﺒﺔ ﺍﺗﺮﺟﻌﻨﻲ ..... ﻭﺻﻠﺖ ﻓﺮﻉ ﺍﻟﻤﻌﻤﻞ .. ﻓﺎﺗﺖ ﻣﻦ ﻳﻤﻲ ﺳﻴﺎﺭﺓ ﺟﺎﻧﺖ ﺳﻴﺎﺭﺓ ﻓﺨﻤﺔ ﻟﻮﻧﺔ ﺍﺳﻮﺩ ﺩﻙ ﺍﻟﺴﺎﻳﻖ ﻫﻮﺭﻥ ﺟﻨﺖ ﺍﻣﺸﻲ ﺑﻨﺺ ﺍﻟﺸﺎﺭﻉ ﻫﻮﺭﻥ ﺻﺤﺎﻧﻲ ﻣﻦ ﺻﻔﻨﺘﻲ ... ﺍﻧﺪﺍﺭﻳﺖ ﻋﻠﻴﻪ ﺭﺟﺎﻝ ﺛﻼﺛﻴﻨﻲ .. ﻗﺒﻌﺔ ﻋﻠﻰ ﺭﺍﺳﺔ ﻭﺑﻴﺪﺓ ﺟﺮﻭﺕ ﻣﺸﻴﺖ ﺷﻮﻳﺔ ﻟﻤﺤﺖ ﺧﺎﻟﺔ ﻧﺎﺩﻳﺔ ﺍﻟﻲ ﻫﻲ ﺻﺎﺣﺒﺔ ﺍﻟﻤﻌﻤﻞ ﻋﺒﺎﻟﻚ ﺩﺗﺘﻌﺎﺭﻙ ... ﻭﺍﻟﺒﻨﺎﺕ ﻛﻠﻬﻦ ﻭﺍﻛﻔﺎﺕ ﺑﺮﺓ ... ﺳﺮﻋﺖ . ﻣﺸﻴﻲ ﻭﺻﻠﺖ ﻳﻤﻬﻢ

ﺧﻴﺮ ﺧﺎﻟﺔ ﺷﺼﺎﻳﺮ .

ﺭﺍﺡ ﺍﻟﻤﻌﻤﻞ ﻧﺮﻳﻤﺎﻥ ﻭﻫﻲ ﺗﺒﺠﻲ ﻭﺗﺼﻔﻚ ﺑﻴﺪﻫﻪ ... ﺟﺎﻧﺖ ﺻﺪﻣﻪ ﺑﻨﺴﺒﺔ ﺍﻟﻲ ﺭﻓﻌﺖ ﺭﺍﺳﻲ ﺷﻔﺖ ﺭﺟﺎﻝ ﻫﻴﺒﺔ ﻧﻀﺮﺗﻪ ﺣﺎﺩﺓ ﺧﻠﺖ ﻛﻠﺒﻲ ﺩﻛﺎﺗﺔ ﺑﻼﻋﻴﻤﻲ .. ﻋﻴﻮﻧﻪ ﻋﺴﻠﻲ ﺍﺳﻤﺮﺍﻧﻲ ﺷﻌﺮﺓ ﻛﺜﻴﻒ ﻭﺍﺳﻮﺩ ﻭﺭﻣﻮﺷﻪ ﻃﺎﺧﺔ ﺑﺤﻮﺍﺟﺒﺔ .. ﺻﺎﺭﺕ ﻋﻨﺪﻱ ﺭﺟﻔﺔ ﺑﺲ ﺍﺟﺮﺃﺕ ﻭﺣﺠﻴﺖ ..

ﻧﺮﻳﻤﺎﻥ _ ﺍﺳﺘﺎﺫ ﺑﻼ ﺯﺣﻤﺔ ﺍﺣﻨﻪ ﻋﻴﺸﺘﻨﻪ ﻋﻠﻰ ﻫﺬﺍ ﺍﻟﻤﻌﻤﻞ ﻭﺭﺍﺡ ﺗﻨﻘﻄﻊ ﺍﺭﺯﺍﻗﻨﻪ ﻣﺎﻋﺪﻧﻪ ﻏﻴﺮ ﺑﺎﺏ ﺭﺯﻕ .. ﺍﺗﺮﺟﺎﻙ ﻋﻴﺪ ﺍﻟﻨﻀﺮ

. ﺑﺎﻭﻉ ﻋﻠﻴﺔ

ﻭﺭﺟﻌﺖ ﻧﻔﺲ ﺍﻟﺮﺟﻔﺔ ... ﻧﻀﺮﺗﺔ ﺣﺎﺩﺓ ﻭﻣﺤﺮﻙ ﻛﻼﻣﻲ ﻋﻨﺪﺓ ﺳﺎﻛﻦ .. ﺿﺤﻚ ﺑﺴﺘﻬﺰﺍﺀ . ﻭﻛﺎﻟﻲ ﺑﻨﺒﺮﺓ ﺑﺎﺭﺩﺓ ﻭﻛﺎﻧﻮ ﻣﺴﻤﻊ ﺷﻜﻠﺖ .

ﻳﺎ ﺍﻧﺴﺔ ﻓﻮﺗﻮ ﻟﻤﻮ ﻏﺮﺍﺿﻜﻢ .... ﺣﺘﻰ ﻫﻠﻤﻌﻤﻞ ﻫﻮﺍﻳﺔ ﻋﻠﻴﻜﻢ ﺍﺫﺍ ﺍﺟﻲ ﺑﺎﺟﺮ ﺍﻟﻜﺔ ﺍﺣﺪ ﺍﻫﺪﺓ ﻋﻠﻰ ﺭﻭﺳﻜﻢ ... ﻭﺭﻛﺐ ﻭﺭﺍﺡ ﺍﻟﻰ ﺑﺠﺖ ﻣﻦ ﺍﻟﺒﻨﺎﺕ ﻭﺧﺎﻟﺔ ﻧﺎﺩﻳﺔ ﻛﻌﺪﺕ ﺑﺎﻟﻜﺎﻉ ﻛﺎﻣﺖ ﺗﺒﺠﻲ ﻭﺗﺪﻋﻲ ﻋﻠﻴﺔ ﻏﺼﻴﺖ ﺑﺪﻣﻌﺘﻲ ﻭﺑﻬﻤﻲ ﺣﺴﻴﺖ ﺍﻟﺪﻧﻴﺎ ﺍﺿﻠﻤﺖ ﻛﺪﺍﻡ ﻋﻴﻨﻲ . ﺭﺟﻌﺖ ﻟﻠﺒﻴﺖ .. ﻭﺍﻻﻓﻜﺎﺭ ﺗﻀﺎﺭﺏ ﺑﺪﻣﺎﻏﻲ ﻳﺎﻟﻠﻪ ﺍﺷﻠﻮﻥ ﻣﺴﺘﺤﻴﻞ ﻳﺨﻠﻴﻨﻲ ﺍﺑﻮﻳﺔ ﺍﺷﺘﻐﻞ ﺑﺄﻱ ﻣﻜﺎﻥ ... ﻫﻮ ﻻﻥ ﻣﺄﻣﻦ ﺑﺨﺎﻟﺔ ﻧﺎﺩﻳﺔ ﺳﻤﺤﻠﻲ ﺍﺷﺘﻐﻞ .. ﻓﺘﺤﺖ ﺑﺎﺏ ﺍﻟﺤﻮﺵ ﻭﺩﺧﻠﺖ ﺑﻴﺘﻨﻪ ﺑﻴﺖ ﺑﻐﺪﺍﺩﻱ ﻗﺪﻳﻢ ﺍﻭﻝ ﻣﻨﺪﺧﻞ ﺑﺎﺏ ﺍﻟﺸﺎﺭﻉ ﻭﻃﺮﻣﺔ ﺑﺎﻟﻮﺍﺟﻬﻪ ﻭﺍﻟﺤﺪﻳﻘﺔ ﻋﻠﻰ ﺟﻨﺐ ﻭﺑﺎﺏ ﺍﻻﺳﺘﻘﺒﺎﻝ ... ﺭﺣﺖ ﻛﻌﺪﺕ ﺑﺎﻟﻤﺮﺟﻮﺣﻪ ﺍﻟﺤﺪﻳﺪ ﺍﻟﻲ ﺑﺎﻟﺤﺪﻳﻘﺔ .. ﺷﻔﺖ ﺷﺠﺮﺓ ﺍﻟﻤﺸﻤﺶ ﻧﺎﻓﻀﺔ ﻛﻞ ﺍﻭﺭﺍﻗﻬﻪ ﺑﺎﻭﻋﺖ ﺍﺑﺎﺏ ﺍﻻﺳﺘﻘﺒﺎﻝ ﺷﻔﺖ ﺍﺣﺬﻳﺔ ﻏﺮﻳﺒﺔ ﺍﺿﺎﻫﺮ ﺍﺟﻮﻱ ﺑﻴﺖ ﺧﺎﻟﺘﻲ ﺩﺧﻠﺖ ﻣﻦ ﺑﺎﺏ ﺍﻟﻤﻄﺒﺦ .. ﺍﺭﻳﺪ ﺍﺻﻌﺪ ﻓﻮﻙ ﺷﺎﻓﺘﻨﻲ ﺍﻣﻲ

ﻧﺮﻳﻤﺎﻥ ﺗﻌﺎﻟﻲ

ﻧﻌﻢ ﻣﺎﻣﺎ

ﺭﻭﺣﻲ ﻣﺎﻣﺎ ﺑﺪﻟﻲ ﻭﻓﻮﺗﻲ ﺳﻠﻤﻲ ﻋﻠﻰ ﺑﻴﺖ ﺧﺎﻟﺘﺞ

ﻧﺮﻳﻤﺎﻥ _ .. ﻣﺎﻣﺎ ﻣﺎﺭﻳﺪ ﻣﻦ ﻏﻴﺮ ﺷﻲ ﻣﻐﺜﻮﺛﺔ ﻭﻧﻌﺴﺎﻧﻪ ﺧﻠﻴﻨﻲ ﺍﻓﻮﺕ ﺍﻧﺎﻡ ﻭﺍﻧﺘﻲ ﺍﻟﻤﺨﻄﻂ ﺍﻟﻲ ﺍﺑﺎﻟﺞ ﻣﺴﺘﺤﻴﻞ ﻳﺼﻴﺮ

ﺍﻡ ﻧﻴﺮﻣﺎﻥ .. ﻟﺨﺎﻃﺮﻱ ﻧﻮﺭﺍ ﺣﺒﺎﺑﺔ ﻟﺘﻘﻬﺮﻳﻨﻲ ..

ﺍﻭﻑ ﻣﺎﻣﺎ ﺣﺎﺿﺮ

ﻓﺘﺖ ﻟﻠﻐﺮﻓﻪ ﻏﺼﺒﺎ ﻋﻠﻴﺔ .. ﻟﺒﺴﺖ ﻓﺴﺘﺎﻥ ﺳﻤﺎﺋﻲ ﺭﺩﻥ ﻃﻮﻳﻠﺔ ﻭﺳﺤﺐ ﻟﺠﻮﺓ ﺍﻟﺮﻛﺒﺔ ﻭﺑﻲ ﻭﺭﺩﺓ ﻃﺮﺍﺯﺓ ﻟﻮﻧﻪ ﺍﺑﻴﺾ ﺑﺎﻃﺮﺍﻓﺔ . ﻭﺣﻄﻴﺖ ﺣﻜﻞ ﺑﺮﺯﺕ ﻋﻴﻮﻧﻲ ﻛﻠﺶ ﻓﻜﻴﺖ ﺷﻌﺮﻱ ﻭﺣﻄﻴﺖ ﺷﺮﻳﻂ ﻓﻴﻮﻧﻜﻪ ﻧﺰﻟﺖ ﻣﺘﺮﺩﺩﺓ ﺍﺩﺧﻞ ﻟﻮ ﻻ ﻛﻠﺖ ﻳﻼ ﺧﻞ ﺍﺩﺧﻞ ﻭﺍﻓﻀﻬﻪ ﻓﺘﺖ ﺍﻭﻝ ﺷﻲ ﺻﺎﺭﺕ ﺑﻮﺟﻬﻲ ﺧﺎﻟﺘﻲ ﺟﺎﻧﺖ ﺑﻴﻪ ﺷﺒﻪ ﻣﻦ ﻣﺎﻣﺎ ﺑﺲ ﻣﻤﺒﻴﻨﻪ ﻫﻲ ﺍﻛﺒﺮ ﻣﻨﻪ ﻋﻴﺸﺔ ﺍﻟﺘﺮﻑ ﺳﻮﺩﺓ ﻋﻠﻴﺔ ﺍﻣﻲ ﻣﺘﻌﻮﺑﺔ . ﺳﻠﻤﺖ ﻋﻠﻴﻬﻪ ﺟﺎﻧﺖ ﻛﻠﺶ ﺣﺒﺎﺑﺔ ﻋﺒﺎﻟﻚ ﺍﻣﻲ ... ﻭﺑﺼﻔﻪ ﺯﻭﺟﻪ ﺟﺎﻥ ﺭﺟﺎﻝ ﺟﺒﻴﺮ ﻭﺳﻴﻢ ﺭﻏﻢ ﺳﻨﻪ ﻻﺑﺲ ﻗﺎﻁ ﻭﺭﺑﺎﻁ ﻋﺒﺎﻟﻚ ﻋﻨﺪﺓ ﻣﺆﺗﻤﺮ .. ﺍﻟﺘﻔﺘﺖ ﻭﻫﻨﺎ ﺟﺎﻧﺖ ﺍﻟﺼﺪﻣﺔ ﺍﺗﻠﻜﺄﺕ .. ﻧﻔﺴﻲ ﺣﺴﻴﺘﻪ ﺍﻧﻜﻄﻊ . ﻣﺴﺘﺤﻴﻞ ﻫﺬﺍﺍﺍ ﺍﻟﻤﺘﻌﺠﺮﻑ ﺍﻟﺤﻘﻴﺮ .... ﺍﺳﺘﺠﻤﻌﺖ ﻗﻮﺗﻲ ﺭﻓﻌﺖ ﻋﻴﻨﻲ ﻋﻠﻴﺔ ﺑﺎﻭﻋﻠﻲ ﻣﻦ ﻓﻮﻙ ﻟﻴﺠﻮﺓ .... ﻗﺒﻞ ﻻ ﺍﺳﻠﻢ ﻛﻠﻲ ﺍﺗﺨﻴﻠﺘﺞ ﻭﺣﺪﺓ ﻛﻠﺶ ﻓﻘﻴﺮﺓ ﺑﺲ ﻫﺴﻪ ﻣﻤﺒﻴﻦ ﻋﻠﻴﺞ ﻻ ﻭﺟﺎﻧﺖ ﺿﺤﻜﺘﻪ ﺑﺴﺘﻬﺰﺍﺀ ... ﺭﺍﺡ ﺍﻟﺤﺠﻲ ﻣﻨﻲ ﻏﺮﻏﺖ ﻋﻴﻮﻧﻲ ﺑﻠﻤﻮﺩﻉ ﺭﻓﻌﺖ ﺣﺎﺟﺒﻲ ﻭﺧﻠﻴﺖ ﺍﻟﺒﺮﻭﺩ ﺑﻨﻀﺮﺗﻲ ﺑﺲ ﺑﺪﺍﺧﻠﻲ ﺍﻏﻠﻲ ﺟﺎﻭﺑﺘﻪ ﻭﻛﺘﻠﺔ ﻟﻴﺶ ﺍﻟﻲ ﻳﻀﺎﻳﻖ ﻋﻴﺐ؟ ﻣﻮ ﺷﺮﻁ ﺍﻟﻲ ﻳﺸﺘﻐﻞ ﻛﻠﺶ ﻓﻘﻴﺮ .. ﻣﻦ ﻟﺒﺴﻚ ﻭﺳﻴﺎﺭﺗﻚ ﺍﺗﺨﺎﻳﻠﺘﻚ ﺭﺟﻞ ﻣﺜﻘﻒ ﺑﺲ ﻃﻠﻌﺖ ﻋﻜﺲ ﻫﻠﺸﻲ ... ﻓﺮﺻﻪ ﺳﻌﻴﺪﺓ ﻛﻌﺪﺕ ﻳﻢ ﺑﺎﺑﺎ ﺑﺲ ﺟﻨﺖ ﻣﻴﺘﻪ ﻗﻬﺮ ..... ﺭﺣﺖ ﻭﻳﺔ ﻣﺎﻣﺎ .. ﺣﻀﺮﻧﺔ ﺍﻟﺴﻔﺮﺓ ﻭﻛﻌﺪﻧﺔ ﻋﻠﻰ ﺍﻟﻄﺎﻭﻟﺔ ... ﺟﻨﺖ ﻣﻴﺘﺔ ﺟﻮﻉ ﺑﺲ ﻣﻜﺪﺭﺕ ﺍﻛﻞ ﻭﺍﻧﺤﺮﺟﺖ ﺣﺴﻴﺖ ﻧﻀﺮﺍﺗﺔ ﻋﻠﻴﺔ ...

ﻭﺗﺘﺮﻗﺒﻨﻲ .. ﻛﻤﻠﺖ ﻭﻛﻤﺖ ﺳﻮﻳﺖ ﺟﺎﻱ ... ﻭﻗﺪﻣﺖ ﻭﺻﻠﺖ ﻳﻤﺔ ﺣﻂ ﻋﻴﻨﺔ ﺑﻌﻴﻨﻲ ﺍﻭﻝ ﻣﺮﺓ ﺍﺣﻂ ﻋﻴﻨﻲ ﺑﻌﻴﻦ ﺷﺎﺏ .. ﻧﻀﺮﺗﺔ ﺟﺎﻧﺖ ﻛﻠﻬﻪ ﺑﺮﻭﺩ ﻭﻛﺒﺮﻳﺎﺀ .. ﻧﺰﻟﺖ ﻋﻴﻨﻲ ﺑﺴﺮﻋﺔ ﻭﺣﻄﻴﺖ ﺍﻟﺼﻴﻨﻴﺔ .. ﻭﻛﻌﺪﺕ ﻳﻢ ﺑﺎﺑﺎ ﺍﺣﺲ ﻧﻔﺴﻲ ﺍﺳﺘﻤﺪ ﻣﻨﺔ ﺍﻟﻘﻮﺓ .. ﺟﺎﻧﺖ ﺍﺣﺎﺩﻳﺜﻬﻢ ﻋﻠﻰ ﺍﻟﺴﻴﺎﺳﺔ ﻭﻋﻠﻰ ﺍﻟﻮﺿﻊ ﺍﻟﻲ ﺩﻳﻤﺮ ﺑﻲ ﺍﻟﺒﻠﺪ ... ﻭﺧﺎﻟﺘﻲ ﻭﺍﻣﻲ ﺟﺎﻧﻮ ﻳﺴﻮﻟﻔﻮﻥ ﻋﻠﻰ ﺍﻳﺎﻡ ﻗﺒﻞ ﻣﻦ ﺟﺎﻧﻮ ﺑﻨﺎﺕ ﺻﻐﺎﺭ ... ﺍﻣﺎ ﺍﻧﻲ ﺍﺟﺘﻨﻲ ﺍﻟﻨﻌﺴﺔ ﻭﺍﻻﻓﻜﺎﺭ ﻛﺎﻣﺘﺖ ﺗﻬﺠﻢ ﻋﻠﻰ ﺩﻣﺎﻏﻲ ... ﻭﺍﻟﺸﻐﻞ ﺍﺗﻔﺮﻛﺶ ﻛﻤﺖ ﺍﺗﺮﺧﺼﺖ ﻣﻨﻬﻢ ﻭﺻﻌﺪﺕ ﻟﻐﺮﻓﺘﻲ ﺑﺪﻟﺖ ﻭﺟﻔﻲ ﻋﻠﻰ ﻭﺟﻬﻲ .. ﻧﻤﺖ ﺑﺎﻋﻤﻖ ﻧﻮﻣﺔ ... ﻛﻌﺪﺕ ﻟﻜﻴﺘﻪ ﺩﻧﻴﺎ ﻓﺠﺮ ﺭﺟﻌﺖ ﻧﻤﺖ ﻭﻣﺎﻛﻌﺪﺕ ﻟﻞ ٩ ﻭﻧﺺ ... ﻧﺰﻟﺖ ﻭﻛﻌﺪﺕ ﻭﻳﺔ ﺑﺎﺑﺎ ﻭﺳﻮﻟﻔﺘﻠﺔ ﻋﻠﻰ ﺍﻟﻲ ﺻﺎﺭ ﻭﻳﺔ ﺍﻣﺠﺪ ﺑﺲ ﻛﺘﻠﺔ ﻣﺸﺘﺮﻱ ﺍﻟﻤﻌﻤﻞ ﻭﺭﺍﺡ ﻳﻬﺪﻭ .. ﻛﻤﺖ ﻭﻳﺔ ﻣﺎﻣﺎ ﺳﻮﻳﺖ ﺗﻌﺰﻳﻠﺔ ﻋﻠﻰ ﺍﻟﺒﻴﺖ ﻣﺎﻋﻨﺪﻱ ﺷﻲ ﻭﻏﺴﻠﺖ ﻛﻞ ﻣﻼﺑﺴﻲ ﻭﺭﺗﺒﺖ ﺍﻟﻐﺮﻓﺔ ﺍﻟﻲ ﻫﻲ ﻋﺒﺎﺭﺓ ﻋﻦ ﻗﺮﻳﻮﻟﺔ ﺍﻡ ﻧﻔﺮ ﻭﻛﻨﺘﻮﺭ ﺍﺑﻮ ﺑﺎﺑﻴﻦ ﻭﻣﺴﺘﻮﺍﻟﻴﺖ ﺻﺎﺝ ﺻﺎﺭ ﺍﻟﻠﻴﻞ ﺭﺟﻌﺖ ﻧﻤﺖ .. ﻛﻌﺪﺕ ﺍﻟﺼﺒﺢ ﻣﻦ ﻭﻛﺖ ﺑﺲ ﺣﺴﻴﺖ ﺷﺒﻌﺎﻧﺔ ﻧﻮﻡ ﻛﻤﺖ ﻧﺰﻟﺖ ﺟﻮﺓ ﺻﺒﺎﺡ ﺍﻟﺨﻴﺮ

ﺍﻟﻜﻞ ﺻﺒﺎﺡ ﺍﻟﺨﻴﺮ

ﺍﻡ ﻧﺮﻳﻤﺎﻥ ... ﻣﺎﻣﺎ ﻧﺮﻳﻤﺎﻥ ﺍﺗﺼﻠﺖ ﺧﺎﻟﺘﺞ ﻧﺎﺩﻳﺔ ﻭﺍﺗﻜﻮﻝ ﺍﻛﻮ ﻣﺸﻐﻞ ﺍﻳﺮﻳﺪ ﻋﺎﻣﻼﺕ

ﻛﻤﺰﺕ ﻣﻦ ﻣﻜﺎﻧﻲ ﺻﺪﻙ ﻭﺭﺣﺖ ﺍﺗﺼﻠﺖ ﻋﻠﻴﻬﺎﺍ ﻳﺎﺭﺏ ﺍﻟﺤﻚ

ﺍﻟﻮﻭﻭ .

ﻫﻼﻭ ﺧﺎﻟﺔ ﻋﻔﻴﺔ ﻣﺨﺎﺑﺮﺓ ﻋﻠﻴﺔ ﻓﻬﻤﺘﻨﻲ ﺍﻧﻮ ﺍﻛﻮ ﻣﺸﻐﻞ ﻟﻠﺨﻴﺎﻃﺔ ﻳﺮﻳﺪ ﻋﺎﻣﻼﺕ ﻋﺪﻫﻦ ﺧﺒﺮﺓ ﻭﻣﻤﺘﺎﺯﺍﺕ ﻭﺍﻧﺘﻲ ﺍﺗﺮﺷﺤﺘﻴﻜﺘﻠﺔ ﻭﻳﻨﺔ ... ﻛﺎﻟﺘﻠﻲ ﺭﺍﺡ ﻳﻤﺮﻭﻥ ﻋﻠﻴﺞ ﺍﻟﺒﻨﺎﺕ ﺑﺪﺭﺑﻬﻢ .

ﺭﻛﻀﺖ ﺑﺪﻟﺖ ﻋﻠﻰ ﺍﻟﺴﺮﻳﻊ ﻭﺷﻠﺖ ﺷﻌﺮﻱ ﺫﻳﻞ ﺣﺼﺎﻥ ...

ﺍﻟﺤﻤﺪ ﻃﻠﻌﺖ ﻟﻠﺒﺎﺏ ﻭﺍﺟﻮﻱ ﺍﻟﺒﻨﺎﺕ ..

ﻫﻼﻭ ﺑﻨﺎﺕ

ﻫﻼﻭ ﻧﺮﻳﻤﺎﻥ

ﻣﺸﺖ ﺑﻴﻨﺔ ﺍﻟﺴﻴﺎﺭﺓ ﻫﻮﺍﻳﺔ ..

ﻭﺻﻠﻨﺔ ﻟﺒﻨﺎﻳﺔ ﺟﺒﻴﺮﺓ . ﻛﺎﻝ ﺍﻟﺴﺎﻳﻖ ﻫﺬﺍ ﺍﻟﻌﻨﻮﺍﻥ

......

ﻧﺰﻟﻨﺔ ﻭﺍﺣﻨﻪ ﻣﺜﻞ ﺍﻟﺘﺎﻳﻬﺎﺕ ﺍﻟﻤﻜﺎﻥ ﺟﺒﻴﺮ .. ﻭﺍﻭﻝ ﻣﺮﺓ ﻧﻄﻠﻊ ﻟﻬﻴﺞ ﻣﻜﺎﻥ ﻭﺣﺪﻧﺔ ...

ﺩﺧﻠﻨﺔ . ﻭﺟﺎﻧﺖ ﻣﺮﺓ ﻣﺘﻮﺳﻄﺔ ﺍﻟﻌﻤﺮ .. ﺩﺗﻤﺸﻲ ﻭﺑﻴﺪﻫﻪ ﻗﻠﻢ ﻭﺗﺤﺠﻲ ﻭﻳﺔ ﻧﻔﺴﻬﻪ ...

ﺍﺳﺘﺠﻤﻌﺖ ﻗﻮﺗﻲ ... ﻭﺻﺤﺘﻠﻬﺎ ﻳﺎﻣﺪﺍﻡ

ﺍﻧﺪﺍﺭﺕ ﻋﻠﻴﺔ ﻭﺑﻌﺪﺕ ﻧﻀﺎﺭﺍﺗﻬﺎ ... ﻭﻛﺎﻟﺖ ﺍﺗﻔﻀﻠﻮﻭ . ؟؟ .

ﺟﺎﻭﺑﺘﻬﺎ ... ﺍﺣﻨﻪ ﺍﻟﻌﺎﻣﻼﺕ ﺍﻟﺠﺪﺩ ﺍﻟﻲ ﺩﺯﻳﺘﻮ ﻋﻠﻴﻨﺔ ..

ﺍﻫﺎﺍﺍﺍ ﺗﻔﻀﻠﻮﻭ ﻭﻳﺎﻳﺔ .. ﺩﺧﻠﻨﺔ ﻭﺟﺎﻥ ﻣﺸﻐﻞ ﺿﺨﻢ .. ﻭﺑﻲ ﻋﺎﻣﻼﺕ ﻛﻠﺶ ﻫﻮﺍﻳﺔ .

ﻭﺻﻠﻨﺔ ﻟﻐﺮﻓﺔ ﺩﻛﺖ ﺑﺎﺑﻬﺎ ﻭﺩﺧﻠﻨﺔ ﺟﺎﻧﺖ ﺍﻛﻮ ﻣﺮﺓ ﻛﺒﻴﺮﺓ ﺑﺎﻟﻌﻤﺮ ﺷﻌﺮﻫﻪ ﻗﺼﻴﺮ ﻛﺎﺭﻱ ﺍﺳﻮﺩ ﻭﻋﺒﺎﻟﻚ ﺗﻮﻫﻪ ﺟﺎﻳﺔ ﻣﻦ ﺍﻟﺼﺎﻟﻮﻥ ﻭﻻﺑﺴﺔ ﺍﺭﻗﻰ ﺍﻧﻮﺍﻉ ﺍﻟﻤﻼﺑﺲ ﺳﻤﺮﺓ ﻭﻋﻴﻮﻧﻪ ﻛﺒﺎﺭ ﺗﻨﺸﺪ ﺑﺎﻟﻬﻴﺒﺔ .... ﻭﻛﺎﻋﺪﺓ ﻭﺭﺓ ﻣﻴﺰ ﻭﺟﺎﻧﺖ ﻣﺪﻧﺠﺔ ﺗﻜﺘﺐ ﻭﺭﺓ ﺩﻗﻴﻘﺔ ﺭﻓﻌﺖ ﺭﺍﺳﻬﺎ ﻭﻛﺎﻟﺖ ﻧﻌﻢ

ﺍﻟﻤﺮﺓ ﺍﻟﻲ ﺩﺧﻠﺘﻨﻪ ﻛﻠﺘﻠﺔ ﻣﺪﺍﻡ ﺻﻮﻓﻴﺎ ..... ﻫﺬﻭﻟﻲ ﺍﻟﻌﺎﻣﻼﺕ ﺍﻟﺠﺪﻳﺪﺍﺕ ﺭﻣﻘﺘﻨﺔ ﺑﻨﻀﺮﺓ ﺑﺪﻭﻥ ﺍﻱ ﻛﻼﻡ

ﻭﺭﺟﻌﺖ ﺍﻟﺘﻔﺘﺖ ﻋﻠﻰ ﺍﻟﻤﺮﺓ ﻛﻠﺘﻠﻬﺎ ﺗﻜﺪﺭﻳﻦ ﺗﺘﻔﻀﻠﻴﻦ ﺭﺟﻌﺖ ﺗﻜﺘﺐ ﻭﻫﻲ ﻣﺪﻧﺠﺔﺳﺎﻟﺖ ﺷﻨﻮ ﺍﺳﺎﻣﻴﻨﺎ ﺟﺎﻭﺑﺘﻬﺎﻫﺎﻱ ﺟﻮﺭﻱ ﻭﻫﺎﻱ ﺍﺳﻤﺎﺀ ﻭﻣﻬﺎ ﻭﺍﻧﻲ ﻧﺮﻳﻤﺎﻥ ﺭﻓﻌﺖ ﺭﺍﺳﻬﺎ .. ﻭﺍﺧﺬﺕ ﻋﻠﻴﺔ ﻧﻀﺮﺓ ﻣﻦ ﻓﻮﻙ ﻟﻴﺠﻮﺓ ﻭﻛﺎﻟﺖ ﺇﺫﺁﺍ ﺍﻧﺘﻲ ﻧﺮﻳﻤﺎﻥ ﺍﺳﺘﻐﺮﺑﺖ ﻭﻳﻦ ﺳﺎﻣﻌﺔ ﺑﻴﺔ ﻗﺒﻞ .. ﻳﺠﻮﺯ ﻣﻦ ﺧﺎﻟﺔ ﻧﺎﺩﻳﺔﺟﺎﻭﺑﺘﻬﺎ ﻧﻌﻢ ﺍﻧﻲ ﻧﺮﻳﻤﺎﻥ ﺑﺪﺕ ﺗﺸﺮﺣﻠﻨﺔ ﻋﻦ ﺍﻟﻤﺸﻐﻞ ﻃﺒﻌﺎ ﻣﻴﺨﻴﻄﻮﻥ ﺑﻲ ﺑﺲ ﺍﻟﺒﺸﻮﺍﺕ ﻭﺍﻟﻮﺯﺭﺍﺀ ﻭﻻﻥ ﺍﺣﻨﻪ ﺟﺪﻳﺪﺍﺕ ﺧﻠﺘﻨﺔ ﻋﻠﻰ ﺍﻟﺪﻛﻢ ﺟﺎﻥ ﺍﻻﺟﺮ ١٥٠ ﺩﻳﻨﺎﺭ ﻋﺮﺍﻗﻲ ﺑﻬﺬﺍﻙ ﺍﻟﻮﻛﺖ ﺟﺎﻥ ﺍﺭﻗﻰ ﺭﺍﺗﺐ ﻓﺮﺣﺖ ﻭﻛﺘﻠﻬﻪ ﺍﻧﻲ ﺷﺎﻃﺮﺓ ﺑﺎﻟﻔﺼﺎﻝ ﺟﺮﺑﻴﻨﻲ ﺍﺫﺍ ﺳﻤﺤﺘﻲ ﻭﺍﻓﻘﺖ ﻭﻛﺎﻟﺖ ﺍﻗﻀﻮ ﻫﻼﺳﺒﻮﻉ ﺑﺪﻛﻢ ﻭﺍﻻﺭﺑﻄﺔ

ﻃﻠﻌﻨﺔ ﻣﻦ ﻋﻨﺪ ﻣﺪﺍﻡ ﺻﻮﻓﻴﺎ ... ﺑﺲ ﺍﻧﻲ ﻣﺴﺘﻐﺮﺑﺔ .. ﺷﻌﺠﺐ ﺳﺄﻟﺘﻨﻲ ﺍﻧﺘﻲ ﻧﺮﻳﻤﺎﻥ .. ﻣﻦ ﺩﻭﻥ ﺍﻟﺒﻨﺎﺕ .

ﻃﻠﻌﻨﺔ ... ﻭﻛﺎﻟﺖ ﺍﻟﻨﺔ ﺗﻜﺪﺭﻭﻥ ﺗﺒﻠﺸﻮﻥ ﺑﺎﺟﺮ ﻃﻠﻌﺖ ﻭﺍﻧﻲ ﺭﺍﺟﻌﺔ ﻟﻠﺒﻴﺖ ﺧﺎﻳﻔﺔ ﻣﻦ ﺍﺑﻮﻳﺔ ﻣﺮﺍﺡ ﻳﻘﺒﻞ ﺍﺟﻲ ﻟﻬﻨﺎ ﺟﻨﺖ ﺑﻨﺺ ﺑﻐﺪﺍﺩ ﻭﺑﻌﻴﺪ ﻋﻦ ﺑﻴﺘﻨﺔ ﺟﺎﻧﺖ ﺗﻤﺸﻲ ﺑﻴﻨﻪ ﺍﻟﺴﻴﺎﺭﺓ ﻭﺍﻟﻬﻮﻯ ﺑﺎﺭﺩ ﺷﻮﻳﺔ ﻭﻳﻼﻣﺲ ﺑﺸﺮﺗﻲ .. ﻭﺍﻧﻲ ﺍﺗﻔﺮﺝ ﻋﻠﻰ ﺟﻮﻫﺮ ﺑﻐﺪﺍﺩ ﺍﻧﻲ ﻫﺎﻱ ﺍﻟﻤﻨﺎﻃﻖ ﻣﺠﺎﻳﺘﻬﻪ ﻫﻮﺍﻳﺔ ﻟﻮ ﻣﺮﺗﻴﻦ ﻟﻮ ٣ ﻣﺮﺍﺕ ...

ﻭﺻﻠﺖ ﻟﻠﺒﻴﺖ ﻭﺍﻧﻲ ﻣﺤﺘﺎﺭﺓ ﺍﺷﻠﻮﻥ ﺭﺍﺡ ﺍﻓﺎﺗﺢ ﺍﺑﻮﻳﺔ ﺑﺎﻟﻤﻮﺿﻮﻉ ﺩﺧﻠﺖ ﻭﺳﻠﻤﺖ ﺭﺣﺖ ﺍﺗﻮﺟﻬﺖ ﻋﻠﻴﺔ ﻭﻛﻌﺪﺕ ﻳﻢ ﺭﺟﻠﻲ ﺟﺎﻧﺖ ﺍﻣﻲ ﻛﺎﻋﺪﺓ ﻋﻠﻰ ﺍﻟﻜﺎﻉ ﺍﺗﺴﻮﻱ

ﻛﻠﻴﺠﺔ .. ﻛﻌﺪﺕ ﻳﻤﻬﻪ ﻭﺧﻠﻴﺖ ﺭﺍﺳﻲ ﻋﻠﻰ ﺭﺟﻞ ﺍﺑﻮﻳﺔ

ﺑﺎﺑﺎ .. ﺍﻟﻤﻌﻤﻞ ﻛﻠﺶ ﻓﺨﻢ ﺟﺎﻥ ﺍﺑﻮﻳﺔ ﻳﻘﺮﺓ ﺍﻟﺠﺮﻳﺪﺓ ﻭﻳﺠﺎﻭﺑﻨﻲ ﺏ‏( ﺍﻳﻲ ‏) ﻳﺮﻳﺪ ﻳﻌﺮﻑ ﺍﻟﺨﻼﺻﺔ

ﻛﺘﻠﺔ ﻣﻴﺨﻴﻄﻮﻥ ﺑﻲ ﻏﻴﺮ ﺍﻟﻨﺎﺱ ﺍﻻﻛﺎﺑﺮ .. ﻭﺍﻻﺟﺮ .. ﺭﺍﺡ ﻳﻜﻮﻥ ﻣﻤﺘﺎﺯ ﻭﺑﺎﺣﺴﻦ ﻣﻜﺎﻥ ﺑﻐﺪﺍﺩ ﺑﻨﺺ ﺑﻐﺪﺍﺩ

ﺭﻓﻊ ﺍﺑﻮﻳﺔ ﺍﻟﺠﺮﻳﺪﺓ ﻛﻠﻲ ﻧﺮﻳﻤﺎﻥ ﻣﺴﺘﺤﻴﻞ ﺍﺧﻠﻴﺞ ﺗﺮﻭﺣﻴﻦ ﻫﻠﺒﻌﺪ ﺗﺪﺭﻳﻦ ﻣﻦ ﺍﻻﻭﻝ ﺍﻧﻲ ﺿﺪ ﻓﻜﺮﺓ ﺷﻐﻠﺞ

ﺑﺎﺑﺎ ﺍﺗﺮﺟﺎﻙ ﺍﻧﻲ ﻣﻌﺪﺕ ﺻﻐﻴﺮﺓ ....

ﻧﺮﻳﻤﺎﻥ ﺍﻧﺘﻬﻰ ﺍﻟﻨﻘﺎﺵ .....

ﻣﻜﺪﺭﺕ ﺍﺟﺎﺩﻝ ﺍﻛﺜﺮ ﻧﻬﻀﺖ ﻭﻛﺘﻠﻬﺎ ﻣﺎﻣﺎ ﺣﺘﻰ ﻏﺪﺓ ﻣﺎ ﺍﺭﻳﺪ ﺭﺍﺡ ﺍﻧﺎﻡ ﺻﻌﺪﺕ ﻓﻮﺭﺍﺍ ﻟﻐﺮﻓﺘﻲ ﺍﺗﻤﺪﺩﺕ ﻭﻏﻤﻀﺖ ﻋﻴﻨﻲ ﺍﺟﺔ ﺍﻣﺠﺪ ﻛﺒﺎﻟﻲ ... ﺣﺴﻴﺖ ﻧﻔﺴﻲ ﺑﻬﺬﻳﺞ ﺍﻟﻠﺤﻀﺔ ... ﻛﺮﻫﺘﺔ .. ﻫﻮ ﺍﻟﺴﺒﺐ ﺑﻜﻞ ﻫﻠﺸﻲ ﺩﻛﺘﺎﺗﻮﺭ ... ﻛﻄﻊ ﺑﺎﺭﺯﺍﻕ ﺍﻟﻨﺎﺱ ﺍﺻﺮ ﺍﻟﻪ ﻳﻬﺪﻡ ﺍﻟﻤﺸﻐﻞ .. ﺍﻭﻭﻑ ﺷﻜﺪ ﻣﺘﻌﺠﺮﻑ ﻣﺎﻋﻨﺪﺓ ﺫﺭﺓ ﺍﻧﺴﺎﻧﻴﺔ

ﺍﺧﺬﺗﻨﻲ ﺍﻟﻨﻮﻣﺔ ﺑﺲ ﻧﻮﻣﺔ ﻣﺎﻝ ﺷﺨﺺ ﻣﻬﻤﻮﻡ ﺻﺤﻴﺖ ﺍﻟﻤﻐﺮﺏ ... ﺟﻨﺖ ﺿﺎﻳﺠﺔ ﻭﺩﻧﻴﺎ ﺑﻴﻬﻪ ﻛﺮﺻﺔ ﺑﺮﺩ .. ﻧﺰﻟﺖ ﻭﺍﻧﻲ ﺑﺎﻟﻜﻮﺓ ﺍﻣﺸﻲ ﻣﻦ ﺍﻟﻜﺂﺑﺔ ﻭﺍﻟﺘﻔﻜﻴﺮ .. ﻭﺻﻠﺖ ﺍﺧﻴﺮ ﺩﺭﺟﺔ ﺍﻛﻮ ﻋﻄﺮ ﺭﺟﺎﻟﻲ ﺑﻠﺒﻴﺖ ﻏﺮﻳﺐ ..

ﻣﻨﻮ ﺟﺎﻳﻨﺔ ﻭﻫﻴﺞ ﺗﺎﺭﺱ ﺭﻭﺣﺔ ﻋﻄﺮ .. ﺍﺗﻘﺮﺑﺖ ﻣﺪﻳﺖ ﺭﺍﺳﻲ ﻋﻠﻰ ﻛﻴﻒ ﺣﺘﻰ ﻣﺤﺪ ﻳﻠﻤﺤﻨﻲ 😲 ﻫﺬﺍ ﺍﻣﺠﺪ ﻭﺧﺎﻟﺘﻲ ﺭﻛﻀﺾ ﻟﻐﺮﻓﺘﻲ ﺑﺪﻟﺖ ﻫﺎﻱ ﺍﻟﺒﺠﺎﻣﺔ ﻟﺒﺴﺖ ﻭﺣﺪﺓ ﺍﺣﻠﻰ ﻭﻣﺸﻄﺖ ﺷﻌﺮﻱ ﻭﺷﻠﺘﺔ ﺫﻳﻞ ﺍﻟﺤﺼﺎﻥ ﻭﻧﺰﻟﺖ ﺭﻓﻌﺖ ﺭﺍﺳﻲ ﻭﻋﺪﻟﺖ ﺿﻬﺮﻱ

ﺩﺧﻠﺖ ﻛﻠﺖ ﻣﺴﺎﺀ ﺍﻟﺨﻴﺮ ﺑﺴﺖ ﺧﺎﻟﺘﻲ ﻭﺭﺣﺖ ﺑﻮﺳﺖ ﺑﺎﺑﺎ ﻭﻛﻌﺪﺕ ﻭﺟﻪ ﺍﻣﺠﺪ ﻧﻀﺮﺓ ﺍﻟﻴﺔ ﻭﻛﺎﻝ ...

.....

ﻛﺎﺿﻴﺘﻬﺎ ﻧﻮﻡ ﻧﺮﻳﻤﺎﻥ ﺷﻨﻮ ﻣﻠﻜﻴﺘﻲ ﺷﻐﻞ ﺧﻄﻴﺔ ..

ﺑﺎﻭﻋﺖ ﻋﻠﻰ ﺍﺑﻮﻳﺔ ﺑﻘﻬﺮ ﻳﻌﻨﻲ ﻟﻴﺶ ﻣﺨﻠﻴﺘﻨﻲ ... ﺍﺷﺘﻐﻞ .. ﻭﺭﺟﻌﺖ ﻧﻀﺮﻱ ﻋﻠﻴﺔ ...

ﻛﺘﻠﺔ ﻟﺤﺪ ﻫﺴﺔ ﻻ ...

ﻛﻠﻲ ﺗﻜﺪﺭﻳﻦ ﺗﻄﻠﺒﻴﻦ ﻣﻨﻲ .... ؟؟

ﻓﺎﺭ ﺩﻣﻲ ﻣﻨﺔ ﻳﺎﻟﻠﻪ ﺷﻜﺪ ﻏﺜﻴﺚ

ﺟﺎﻭﺑﺘﺔ ﻛﺘﻠﺔ ﺷﻜﺮﺍ ﻣﺎﺭﻳﺪ 😡

ﺿﺤﻚ ﺿﺤﻜﺔ ﺑﻴﻪ ﺗﺤﺪﻱ .. ﺭﺟﻊ ﻟﻠﺤﺪﻳﺚ ﻭﻳﺔ ... ﺍﺑﻮﻳﺔ .. ﻭﺷﻮﻳﺔ .. ﻭﺍﺳﺘﺄﺫﻧﻮ ﻭﺭﺍﺣﻮ ..

ﻛﻤﻠﻨﺔ ﺍﻟﻌﺸﺎ ﺍﻧﻲ ﻭﺍﻣﻲ .. ﻭﻛﻌﺪﻧﺔ ﻋﻠﻰ ﺍﻟﺴﻔﺮﺓ ﻛﻠﻲ ﺍﺑﻮﻳﺔ

ﻧﺮﻳﻤﺎﻥ ﺣﺎﻭﻟﻲ ﺗﺮﺟﻌﻴﻦ ﻗﺒﻞ ﺍﻟﻤﻐﺮﺏ

ﻣﺴﺘﻮﻋﺒﺖ ﺍﻭﻝ ﺷﻲ ﺷﻴﻘﺼﺪ ﺑﻌﺪﻳﻦ ﻭﺻﻠﺖ ... .. ﻓﺰﻳﺖ ﻣﻦ ﻣﻜﺎﻧﻲ ﻭﺣﻀﻨﺖ ﺍﺑﻮﻳﺔ ﻭﺑﻮﺳﺘﺔ ﻭﻛﺘﻠﺔ ﺍﻧﻲ ﺗﺮﺑﻴﺘﻚ ﺍﺭﻓﻊ ﺭﺍﺳﻚ ﺑﻴﺔ ﺍﻛﻠﺖ ﻛﻮﻣﺔ ﺑﻠﻴﻠﺘﻬﺔ ﺟﻨﺖ ﻓﺮﺣﺎﻧﺔ ﺍﻫﻢ

ﺷﻲ ﻣﺤﺘﺎﺟﻴﺘﻚ .. ﻳﺎ ﺍﺳﺘﺎﺫ ﺍﻣﺠﺪ ﺍﻟﻤﻐﺮﻭﺭ .. 😏

ﻟﻤﻴﻨﺔ ﺍﻟﺴﻔﺮﺓ ﺍﻧﻲ ﻭﺍﻣﻲ . ﻛﺘﻠﻬﺎ ﻣﺎﻣﺎ ﺷﻘﻨﻊ ﺍﺑﻮﻳﺔ ﻛﺎﻟﺖ ﻭﺍﻟﻠﻪ ﻣﺎﻋﺮﻑ ﺍﻟﻀﻬﺮ ﻛﺎﻝ ﻣﺎﻛﻮ ﻧﻘﺎﺵ ﺑﻬﻞ ﺍﻟﻤﻮﺿﻮﻉ

ﻳﻼ ﺍﻟﻤﻬﻢ ﺍﻗﺘﻨﻊ ﻣﺴﻴﺖ ﻋﻠﻴﻬﻢ ... ﻭ ﺭﺣﺖ ﻟﻔﺮﺍﺷﻲ ﻭﺍﻧﻲ ﻛﻠﻲ ﺣﻤﺎﺱ ﻟﺒﺎﺟﺮ ﻻﺯﻡ ﺍﺛﺒﺖ ﻧﻔﺴﻲ ﻭﺍﺟﺘﻬﺪ ....

ﻛﻌﺪﺕ ﺛﺎﻧﻲ ﻳﻮﻡ ﻛﻠﻲ ﺍﻣﻞ ﻭﺗﻔﺎﺋﻞ ﻭﻧﺸﺎﻁ ..

... ﺍﺧﺬﺕ ﺣﻤﺎﻡ ﺩﺍﻓﻲ ﻭﻃﻠﻌﺖ ﻣﻼﺑﺲ ﻣﺮﺗﺒﺔ .. ﺗﻨﻮﺭﺓ ﻗﺼﻴﺮﺓ ﺳﻮﺩﺓ ﻭﺳﺘﺮﺓ ﻣﻘﻔﻠﺔ ﺍﺣﻤﺮ ﻭﺍﺳﻮﺩ ﻭﻣﻠﺒﺴﺖ ﺑﻮﺕ ﻟﺒﺴﺖ ﺣﺬﺍﺀ ﺍﺳﻮﺩ ﺣﺒﻴﺖ ﺍﺻﻴﺮ ﻣﺜﻞ ﻣﺪﺍﻡ ﺻﻮﻓﻴﺎ ﻭﺍﻟﻲ ﻭﻳﺎﻫﺎ .. ﺷﺪﻳﺖ ﺷﻌﺮﻱ ﻋﺎﻟﻲ ﻭﻟﻔﻴﺘﺔ ﻟﻴﺠﻮﺓ ﻭﺧﻠﻴﺘﻠﺔ ﻣﺎﺷﺎﺕ ﺻﺎﺭ ﻣﺜﻞ ﺍﻟﻜﻌﻜﺔ ﺗﻘﺮﻳﺒﺎ ﻭﻛﻔﺖ ﻛﺪﺍﻡ ﺍﻟﻤﺮﺍﻳﺔ ﺿﺤﻜﺖ ﻋﻠﻰ ﺭﻭﺣﻲ ﻛﺒﺮﺗﻨﻲ ﻫﻞ ﻣﻼﺑﺲ ﻭﺍﻟﺸﻌﺮ ٦ ﺳﻨﻮﺍﺕ ﻃﻠﻌﺖ ﺍﺑﺘﺴﻤﻮ ﺍﻫﻠﻲ ﺑﻮﺟﻬﻲ ﻭﺻﺒﺤﺖ ﻋﻠﻴﻬﻢ ﺧﻮﺍﺗﻲ ﺩﻳﺘﺤﻀﺮﻥ ﻟﻠﻤﺪﺭﺳﺔ ﻧﻮﺭ ﻭﻳﺎﺳﻤﻴﻦ ﻫﺎﺩﺋﺎﺕ ﻛﻮﻟﺶ ﻭﻗﻨﻮﻋﺎﺕ ﺑﺸﻜﻞ ﻣﺤﺪ ﻳﺴﻤﻌﻠﻬﻦ ﺣﺲ ﺑﺎﻟﺒﻴﺖ ﻭﺩﺍﺋﻤﺎ ﻣﻦ ﻳﺠﻮﻧﺔ ﺧﻄﺎﺭ ﻣﻴﻜﻌﺪﻥ ﻭﻳﺎﻧﺎ .. ﺷﺮﺑﺖ ﺍﻟﺠﺎﻱ ﻋﻠﻰ ﺍﻟﺴﺮﻳﻊ ﻭﻃﻠﻌﺖ ﻭﺻﻠﺖ ﺍﻟﻤﺸﻐﻞ ﻭﺑﺪﺓ ﺍﻭﻝ ﻳﻮﻡ ..

ﺟﺎﻥ ﺍﻟﺸﻐﻞ ﻣﻤﺘﻊ ﺳﻮﻳﺘﺔ ﺑﺄﺗﻘﺎﻥ ﺟﺎﻥ ﻣﺘﻌﺐ ﺑﻨﻔﺲ ﺍﻟﻮﻗﺖ ﺑﺲ ﻛﺪﺭﺕ ﺍﻛﻤﻠﺔ ﺑﺪﻭﻥ ﺍﻱ ﻏﻠﻄﺔ ..

ﻣﺮ ﺍﺳﺒﻮﻉ ﺍﻻﻭﻝ ﻭﺍﻧﻲ ﻋﻠﻰ ﻧﻔﺲ ﺍﻟﺮﻭﺗﻴﻦ ﻭﺍﻟﺪﻧﻴﺎ ﺻﺎﺭﺕ ﺷﺘﺔ ﺷﻬﺮ ﺍﻟﻌﺎﺷﺮ ﺟﺎﻥ ﺑﻮﻛﺘﻨﺔ ﺑﺎﺭﺩ ... ﺍﺭﺟﻊ ﻣﻴﺘﺔ ﺗﻌﺐ ﻭﻧﻌﺎﺱ ... ﺑﺲ ﻛﻤﻠﺘﺔ ﺑﺪﻭﻥ ﺍﻱ ﻏﻠﻄﺔ ﻭﺭﺍﻳﺔ ...

ﻣﺮ ﺍﻻﺳﺒﻮﻉ ﺍﻟﺜﺎﻧﻲ ﻭﺍﻧﻲ ﻭﺍﻟﺒﻨﺎﺕ ﺑﻌﺪﻧﺔ ﻋﻠﻰ ﺧﻴﺎﻁ ﺍﻟﺪﻛﻢ ﻭﺍﻟﻜﺒﺲ ﻛﻠﺖ ﺍﺷﻮﻳﺔ ﺷﻮﻳﺔ ﻳﺘﻐﻴﺮ ﻣﻜﺎﻧﻲ ﻭﻭﻣﺮ ...

ﺍﻟﺸﻬﺮ ﺍﻻﻭﻝ ﻭﺍﻧﻲ ﺍﻃﻠﻊ ﺏ٨ ﺍﺭﺟﻊ ﺏ ٤ ﺑﺪﺓ ﻳﺼﻴﺮ ﻋﻨﺪﻱ ﻣﻠﻞ .. ﺍﻟﻰ ﺍﻥ ...

ﻓﺪ ﻳﻮﻡ ﺟﺎﺑﺖ ﻭﺣﺪﺓ ﻣﻦ ﺯﻭﺟﺎﺕ ﺍﻟﻮﺯﺭﺍﺀ ... ﻓﺼﺎﻝ ﻭﺭﺍﺩﺕ ﻋﻠﻴﺔ ... ﻣﺤﺪ ... ﻣﻦ ﺍﻟﺒﻨﺎﺕ ..

ﻋﺮﻓﺖ ﺍﻃﻠﻌﺔ ﺟﺎﻧﺖ ﻣﺪﺍﻡ ﺻﻮﻓﻴﺎ ﻭﺍﻛﻔﺔ ﻭﻣﻌﺼﺒﺔ . ﺍﺷﻠﻮﻥ ﺷﻨﻮ ﺭﺍﺡ ﺍﻛﻮﻝ ﺍﻟﻬﻪ ﻣﻌﺮﻓﻨﻪ ﺍﻧﻔﺼﻞ ﻫﺬﺍ ﺍﻟﻔﺴﺘﺎﻥ .. ﺣﺠﻴﺖ ﺑﻴﻨﻲ ﻭﺑﻴﻦ ﻧﻔﺴﻲ ﻫﺎﻱ ﻓﺮﺻﺘﺞ ﻧﺮﻳﻤﺎﻥ ﺍﺧﺬﺕ ﻧﻔﺲ ﻋﻤﻴﻖ ﻣﺎﻋﻨﺪﻱ ﻏﻴﺮ ﺣﻞ ﺣﺘﻰ ﺍﺛﺒﺖ ﻧﻔﺴﻲ ﺍﺗﻘﺪﻣﺖ ﻣﺪﺍﻡ ﺍﻧﻲ ﺍﻓﺼﻠﺔ ﻭﺍﻭﻛﻔﺔ ﻋﻠﻰ ﺍﻟﻨﺺ ﺍﻟﻴﻮﻡ ...

ﺟﺎﻭﺑﺘﻨﻲ ﺑﺤﺪﺓ ﻭﺍﻟﺸﻚ ﺑﺼﻮﺗﻬﻪ !!..

ﻭﺍﺫﺍ ﻓﺸﻠﺘﻲ

ﻛﺘﻠﻬﻪ ﺍﺗﺮﻙ ﺍﻟﺸﻐﻞ 😑

ﺟﺎﻧﺖ ﻣﺘﺮﺩﺩﺓ ﺑﺲ ﻣﺎﻋﺪﻫﻪ ﻏﻴﺮ ﺣﻞ ... ﻛﺎﻟﺘﻠﻲ ..

ﻧﺮﻳﻤﺎﻥ ﺑﺎﺟﺮ ﺍﺟﻲ ﺍﻟﻜﺎ ﻣﻮﻭﺟﻮﺩ ﻋﻠﻰ ﺍﻟﻨﺺ .

ﻛﺘﻠﻬﺔ ﺣﺎﻇﺮ ﻋﻔﺖ ﻛﻠﺸﻲ ﺑﻴﺪﻱ ﻭﺑﻠﺸﺖ ﺑﻲ ﺟﺎﻧﺖ ﺍﻟﺪﻧﻴﺎ ﺩﺗﻤﻄﺮ ﻭﻫﻮﺓ ﻋﺎﻟﻲ ﺍﺧﺬﻧﻲ ﺍﻟﻮﺍﻫﺲ ﻭﺍﻧﻲ ﻣﻨﺪﻣﺠﺔ ﻻﺯﻡ ﻣﺎ ﺍﻏﻠﻂ ﻭﻻ ﻏﻠﻄﺔ ﻣﺮ ﺍﻟﻮﻗﺖ ﻭﺍﻧﻲ ﻣﻤﻨﺘﺒﻬﻪ ﻭﻛﻔﺖ ﺍﻟﻔﺴﺘﺎﻥ ﻋﻠﻰ ﺍﻟﻨﺺ ﻭﻛﻔﺖ ﻋﺪﻟﺖ ﺿﻬﺮﻱ ﺑﻴﺪﻱ ﻭﺍﺧﺬﺕ ﻧﻔﺲ ﻭﺑﺎﻭﻋﺖ ﻋﻠﻰ ﺍﻟﺴﺎﻋﺔ ﻟﻜﻴﺘﻬﻪ ﺏ ٨ ﻭﻧﺺ 😨 ﻳﻤﻤﻤﻤﻤﻪ ﻋﺰﺯﺯﺓ ﺑﺎﻭﻋﺖ ﻣﺎﻛﻮ ﺍﺣﺪ ﺑﻠﻤﺸﻐﻞ ﻭﺍﻟﺪﻧﻴﺎ ﺗﻮﻫﻪ ﻭﺍﻛﻔﺔ ﻣﻄﺮ ﺍﺧﺬﺕ ﺟﻨﻄﺘﻲ ﻭﺭﻛﻀﺖ ﺷﻔﺖ ﺑﺲ ﺍﻟﺤﺎﺭﺱ ﻋﻤﻮﻭ ﻭﻳﻦ ﺍﻟﺴﺎﻳﻖ ﺟﺎﻭﺑﻨﻲ .... ﺭﺍﺡ ﻣﻦ٧ ﻏﺮﻏﺮﺕ ﻋﻴﻮﻧﻲ ﻭﺑﺪﺕ ﺩﻣﻮﻋﻲ ﺗﻨﺰﻝ ﻛﻤﺖ ﺍﺑﺠﻲ ﺍﻗﻮﻯ ﻳﺎﻟﻠﻪ ﻭﻳﻦ ﺭﺍﺡ

.....

ﺍﺗﻜﺒﻞ ﺑﻬﻠﻴﻞ ﺣﺘﻰ ﻧﻔﺮﺍﺕ ﻣﺎﻛﻮ 😢 ﺩﺧﻠﻴﻚ ﻳﺎ ﺭﺏ ﻟﺘﻌﻮﻓﻨﻲ ﻭﺣﺪﻱ .... . ﻣﺴﺤﺖ ﺩﻣﻮﻋﻲ ﺍﺳﺘﺠﻤﻌﺖ

ﻗﻮﺗﻲ ﻭﻣﺸﻴﺖ ﺑﺲ ﻣﺪﺍ ﺍﻋﺮﻑ ﺍﺗﺼﺮﻑ ﻗﺮﺭﺕ ... ﺍﺧﺬ ﺗﻜﺴﻲ ﻣﺎﻛﻮ ﻏﻴﺮ ﺣﻞ ﻣﺸﻴﺖ ﺣﺘﻰ ﺍﻟﻜﺔ ﺗﻜﺴﻲ ﻣﺸﻴﺖ ﻣﺴﺎﻓﺔ ﺍﻟﺪﻧﻴﺎ ﺟﺎﻧﺖ ﻭﺍﻛﻔﺔ ﻣﻄﺮ ﺑﺲ ﺍﻟﻜﺎﻉ ﻣﺒﻠﻠﺔ ﻭﺍﻛﻮ ﻧﺚ ﺧﻔﻴﻴﻴﻴﻒ ﺟﺪﺍﺍ ﻳﺎﺭﺑﻲ ﻭﺣﺪﻱ ﺑﺸﺎﺭﻉ ﺗﻜﺴﻲ ﻣﺎﻛﻮﻭ ﺿﻠﻴﺖ ﺍﻣﺸﻲ ﺍﺭﻳﺪ ﺍﻟﺸﺎﺭﻉ ﺍﻟﻌﺎﻡ

ﻣﻦ ﺑﻌﻴﺪ ﻟﻤﺤﺖ ﺷﻠﺔ ﺷﺒﺎﺏ ﺟﺎﻳﺔ ﺑﺘﺠﺎﻫﻲ ﻳﻤﻤﻤﻤﺔ ﻛﻤﻠﺖ ﻭﻳﺎﺝ ﻧﺮﻳﻤﺎﻥ ﻫﺎﻱ ﺍﻟﺠﺎﻧﺖ ﻋﺎﻳﺰﺓ ﻣﺸﻴﺖ ﺑﺲ ﻣﻴﺘﺔ ﺍﻟﺨﻮﻑ ﻭﺍﻟﺮﺟﻔﺔ ﺑﻜﻞ ﺟﺴﻤﻲ ﻭﺻﻠﻮ ﻳﻤﻲ ﺳﻜﺘﻮﻭﺍﻧﻲ ﺍﺳﺘﻤﺮﻳﺖ ﺑﺎﻟﻤﺸﻲ ﻛﻤﺖ ﺍﺳﺮﻉ ﻛﺎﻣﻮ ﻳﻤﺸﻮﻥ ﻭﺭﺍﻳﺔ ﺑﻌﺪﻳﻦ ﺭﻛﻀﺖ ... ﻭﺭﻛﻀﻮ ﺍﻧﻔﺎﺳﻲ ﺑﺪﺕ ﺗﻨﻘﻄﻊ ﺣﺴﻴﺖ ﻛﻠﺸﻲ ﺍﻧﺘﻬﻰ ﺑﺤﻴﺎﺗﻲ .... ﻭﺍﺣﺪ ﺑﻴﻬﻢ ﻟﺤﻚ ﺑﻴﺔ ﻭﺟﻠﺐ ﺑﺠﻨﻄﺘﻲ ﺑﺪﺕ ﺗﺒﺮﺩ ﺍﻃﺮﺍﻓﻲ ﺣﺴﻴﺖ ﻧﻔﺴﻲ ﺑﻜﺎﺑﻮﺱ ﻭﺭﺍﺡ ﻳﻐﻤﻰ ﻋﻠﻴﺔ ﺟﺮ ﺟﻨﻄﺘﻲ ﺑﺤﻴﻞ ﻭﻛﻌﺖ ﺑﻄﻴﻦ ﻭﺑﺪﻳﺖ ﺍﺻﺮﺥ ﻭﺍﺑﺠﻲ ﺑﺲ ﺍﺣﺲ ﻣﺪﻳﻄﻠﻌﻠﻲ ﺻﻮﺕ ﻣﺤﺪ ﻳﺴﻤﻌﻨﻲ ﻭﻓﺠﺄﺓ ﺳﻤﻌﻨﺔ ﺻﻮﺕ ﺳﻴﺎﺭﺓ ﻗﻮﻭﻭﻭﻱ ﺷﺤﻄﺖ ﺟﺎﻥ ﺿﻮﺓ ﺍﻟﺴﻴﺎﺭﺓ ﻛﻠﺶ ﻗﻮﻱ .... ﻣﻜﺪﺭﺕ ﺍﻣﻴﺰ ﻣﻨﻮ ﻫﻠﺸﺨﺺ ﺭﻛﻌﺔ ﺑﺎﺏ ﺍﻟﺴﻴﺎﺭﺓ ﺧﻠﺘﻨﻲ ﺍﺻﺤﻰ ﻓﻠﺘﺖ ﺟﻨﻄﺘﻲ ﻣﻦ ﺍﻟﻮﻟﺪ ﻭﺭﻛﻀﻀﺖ ﺑﻜﻞ ﻗﻮﺗﻲ ﻭﺭﺓ ﺩﻗﺎﻳﻖ ﺣﺴﻴﺖ ﻧﻔﺴﻲ ﺍﺑﺘﻌﺪﺕ ﻭﻧﺠﻴﺖ ﻣﻦ ..... ﻫﺬﻭﻟﺔﺑﺪﺓ ﺍﻟﺪﻡ ... ﻳﺮﺟﻊ ﻟﺠﺴﻤﻲ ﻭﺩﻛﺎﺕ ﻛﻠﺒﻲ ﺑﺪﺕ ﺗﻬﺪﺀ ﺑﺲ ﺍﻧﻬﺖ ﻭﻛﻔﺖ ﺍﺭﻳﺪ ﺍﻟﺘﻘﺪ ﺍﻧﻔﺎﺳﻲ ﺣﺘﻰ ﺍﺭﺟﻊ ﺍﻛﻤﻞ ﺣﻄﻴﺖ ﺍﻳﺪﻱ ﻋﻠﻰ ﻛﻠﺒﻲ ﺍﺭﻳﺪﻩ ﻳﻬﺪﺀ ﻭﺍﻛﺢ ... ﻭﻋﻠﻰ ﻏﻔﻠﺔ ﺭﺟﻌﺖ ﻧﻔﺲ ﻫﺎﻱ ﺍﻟﺴﻴﺎﺭﺓ ﺍﻟﻲ ﺳﺮﻋﺘﻬﻪ ﻳﻤﻜﻦ ﺍﻟﻒ ...... ﺻﻮﺍﻧﻲ ﻭﺻﻠﺖ ﻳﻤﻲ ﺣﺘﻰ ﺣﻴﻞ ﺍﻧﻬﺰﻡ ﺑﻌﺪ ﻣﺎﺑﻴﺔ ﻛﺴﺮﺕ ..... ﻋﻠﻴﺔ ﻏﻤﻀﺖ ﻋﻴﻮﻧﻲ ﻭﺍﺳﺘﺴﻠﻤﺖ ﻫﺎﻫﻴﺔ ﻣﺎﻛﻮ ﻫﺮﻭﺏ ﺍﻧﻠﺰﻣﺖ ﻣﻦ ﺍﻳﺪﻱ ﻗﻮﻭﻱ ﻛﻠﺶ ﻭﺍﻧﻲ ﻣﻐﻤﻀﺔ ﺑﺲ ﺻﻮﺕ ﺍﺟﺔ ﺍﺑﺄﺫﻧﻲ ﺷﺒﻴﻴﻴﻴﻴﻴﻴﺞ ....

ﻣﺘﻌﺮﻓﻴﻦ ﺗﺘﺘﺼﻠﻴﻦ 😡😡 ﺑﺲ ﺟﺎﻥ ﻛﻠﺶ ﻋﺼﺒﻲ ﺻﻮﺗﺔ ﺍﺧﺘﺮﻕ ﻃﺒﻠﺔ ﺍﺫﻧﻲ ﻓﺘﺤﺖ ﻋﻴﻨﻲ ﺑﻤﻔﺎﺟﺌﺔ 😰 ﺍﺍﺍﺍﺍﻣﺠﺪ؟؟؟

ﺟﺮﻧﻲ ﻣﻦ ﺍﻳﺪﻱ ﺣﺴﻴﺖ ﻋﻀﺎﻣﻲ ﻃﻜﺖ ﺑﻴﺪﺓ ﻭﺣﻄﻨﻲ ﺑﺴﻴﺎﺭﺓ ﻭﻃﺒﻚ ﺍﻟﺒﺎﺏ ﻗﻮﻱ ﻭﺭﻛﺐ ﻭﺣﺮﻙ ﻋﻠﻰ ﻧﻔﺲ ﺍﻟﺴﺮﻋﺔ

ﻭﻋﻴﻮﻧﺔ ﺗﺠﺪﺡ ﻧﺎﺭ ﻭﻋﺮﻭﻕ ﺍﻳﺪﺓ ﻛﻠﻬﻪ ﺑﺎﺭﺯﺓ ﻣﻦ ﺍﻟﻌﺼﺒﻴﺔ

ﻭﻫﻮ ﻳﺤﺠﻲ ﻭﺑﺼﻴﺎﺡ ﻗﻮﻭﻱ ﻟﻴﺶ ﻟﻬﺴﺔ ﻭﺣﺪﺝ ﺑﻠﻤﻌﻤﻞ ﺷﻨﻮ ﺟﻨﺘﻲ ﺍﺗﺴﻮﻳﻦ ﻟﻴﺶ ﻣﺘﺼﻠﺘﻲ ﻗﺒﻞ ﻟﻄﻠﻌﻴﻦ ﻋﻠﻰ ﺍﻻﻗﻞ ﻋﻠﻰ ﺍﻫﻠﺞ ﺍﻧﺘﻲ ﻣﻔﻜﺮﺗﻲ ﺑﺎﻫﻠﺞ ﺭﺍﺡ ﻳﻀﻞ ﺑﺎﻟﻬﻢ ﻣﺎﻋﻨﺪﺝ ﻣﺴﺆﺍﻟﻴﺔ ﺍﺗﺠﺎﻩ ﺍﻫﻠﺞ .. ﺍﻧﺘﻲ ﻟﺴﺔ ﻃﻔﻠﺔ ﺑﻤﻜﺎﻥ ﻭﺍﻟﺪﺝ ﻣﺎ ﺍﻃﻠﻌﺞ ﺑﺎﺏ ﺍﻟﺒﻴﺖ ﻭﻳﻀﺮﺏ ﻋﻠﻰ ﺍﻟﺴﺘﻴﺮﻳﻦ ﺯﻳﻦ ﺍﺷﻠﻠﻠﻠﻮﻥ ﺗﺘﻤﺸﻴﻦ ﺑﺸﺎﺭﻉ ﻭﺣﺪﺝ ﺑﻠﻴﻞ ﺍﻧﺘﻲ ﻣﺘﺨﺎﻓﻴﻴﻴﻦ 😠 ﻭﺍﻟﻠﻪ ﻟﻮ ﺑﻤﻜﺎﻥ ﻭﺍﻟﺪﺝ ﻟﻮ ﺗﻤﻮﺗﻴﻦ ﻣﺘﻄﻠﻌﻴﻦ ﺍﻟﻌﺘﺒﺔ . ﺍﺍﺍﺍﺍﺥ ﻛﻮﻥ ﺍﻣﺮﺝ ﺑﻴﺪﻱ ... ، 😠

ﻫﻮ ﻳﺤﺠﻲ ﻭﺍﻧﻲ ﺑﻘﻤﺔ ﺍﻻﺳﺘﺮﺧﺎﺀ ﻣﺼﺪﻛﺖ ﺍﻟﻠﻪ ﻧﻘﺬﻧﻲ ﻣﻤﺼﺪﻛﺔ ﺭﺍﺡ ﺍﺭﺟﻊ ﻟﻠﺒﻴﺖ ﻫﺪﺀﺕ ﻭﺍﻟﺪﻡ ﺭﺟﻊ ﺑﺠﺴﻤﻲ ﻭﺩﻛﺎﺕ ﻛﻠﺒﻲ ﺧﻔﺖ 😌 ﻫﻮ ﻳﺤﺠﻲ ﻭﺍﻧﻲ ﺍﺭﺩﺩ ﺑﺼﻮﺕ ﻧﺎﺻﻲ ...

ﺍﻟﺤﻤﺪ ﺍﻟﻠﻪ ﻳﺎﺭﺏ 🙂

ﺍﻧﺪﺍﺭﻳﺖ ﻋﻠﻴﻴﻪ ﻟﻜﻴﺘﺔ 😒 ﻳﺒﺎﻭﻉ ﻋﻠﻴﺔ ﺷﺒﻴﺞ ﻣﺘﻮﻧﺴﺔ ﻋﻠﻰ ﺍﻟﻮﺿﻊ ﺍﻟﻲ ﺟﻨﺘﻲ ﺑﻲ ﻛﺮﺓ ﻋﻴﻨﻬﻪ ﻟﺨﺎﻟﺘﻲ

ﺟﻨﺖ ﻫﺎﺩﺋﺔ ﻛﻠﺶ ﻛﺘﻠﺔ ﺍﻭﻝ ﺷﻲ ﺍﻧﺖ ﺷﻤﺪﺭﻳﻚ ﺑﻴﻪ ﻭﺷﺠﺎﺑﻚ ﻟﻬﻨﺎ ﻭﺷﻌﺮﻓﻚ ﻣﻜﺎﻥ ﻋﻤﻠﻲ ﺍﺻﻼ ﺍﺣﺪ ﻛﻠﻚ ﺗﺠﻲ

ﺟﺎﻭﺑﻨﻲ ﺑﻌﺼﺒﻴﺔ ﻣﻮﻭﺷﻐﻠﻠﻠﻠﺞ ....

ﺍﺧﺬ ﺍﻟﺼﻤﺖ ﻛﻞ ﺍﻟﻤﺴﺎﺣﺔ ﺑﻴﻨﺎﺗﻨﺔ ... ﺣﺴﻴﺘﻪ ﺷﻮﻳﺔ ﻫﺪﺀ .. ﻭﺍﻧﻲ .. ﻫﺪﺀﺕ ﻭﺍﺳﺘﺮﺧﻴﺖ ﻣﻦ ﻛﺪ ﺍﻟﻬﺒﻄﺔ ﺣﺴﻴﺖ ﻧﻔﺴﻲ ﻧﻌﺴﺖ ﺗﺠﻴﺖ ﺭﺍﺳﻲ ﻋﻠﻰ ﺍﻟﺸﺒﺎﻙ ﻭﺣﺴﻴﺖ ﺍﻟﺴﻴﺎﺭﺓ ﺑﺪﺕ ﺗﺨﻔﻒ ﺍﺧﺬﺗﻨﻲ ﺍﻟﻐﻔﻮﺓ ﺻﺤﻴﺖ ﻣﻦ ﺍﺟﻤﻞ ﻗﻴﻠﻮﻟﺔ

ﻧﺮﻳﻤﺎﻥ .. ﻧﺮﻳﻤﺎﺍﺍﺍﻥ ... ﻛﻌﺪﻱ ﻭﺻﻠﻨﺔ ﺑﻴﺘﻜﻢ 😳

ﻓﺰﻳﺖ ﻳﻤﺔ ﺍﻣﺠﺪ ... ﺷﺮﺍﺡ ﺍﻛﻮﻝ ﻻﺑﻮﻳﺔ 😦

ﻟﺘﺨﺎﻓﻴﻦ ﺍﻧﻲ ﺭﺍﺡ ﺍﻧﺰﻝ ﻭﻳﺎﺝ ﻭﺭﺍﺡ ﺍﻛﻮﻝ ﺟﻨﺖ ﺑﻠﻤﺸﻐﻞ ﺗﺪﺭﻳﻦ ﺍﺣﻨﻪ ﻧﺸﺘﻐﻞ ﺑﺎﻟﻘﻤﺎﺵ ﻭﺍﻛﻴﺪ ﺭﺍﺡ ﻳﺼﺪﻙ ﻭﻛﺘﻠﺞ ﺍﻧﻲ ﺍﻭﺻﻠﺞ ﻭﺍﻣﺮ ﺍﺳﻠﻢ ﻋﻠﻰ ﺍﻫﻠﺞ ﻭﺍﺗﺎﺧﺮ ﺍﻟﺸﻐﻞ ﻭﺍﺍﺧﺮﺗﺞ ﻭﻳﺎﻳﺔ ....

ﻛﺘﻠﺔ ﺗﻤﺎﻡ ﻭﺩﺧﻠﻨﺔ ﺑﺲ ﻣﺘﺖ ﺍﻟﺨﻮﻑ ﺍﺗﺨﻴﻠﺖ ﺍﺑﻮﻳﺔ ﺍﻟﻴﻮﻡ ﺭﺍﺡ ﻳﻀﺮﺑﻨﻲ

ﺍﺑﻮﻳﺔ ﺟﺎﻥ ﻛﻠﺶ ﻣﻌﺼﺐ ﺟﺎﻧﻮ ﻳﻨﺘﻀﺮﻭﻧﻲ ﺑﺎﻟﻄﺮﻣﺔ ﺧﻔﺖ ﻭﻛﻠﺖ ﻫﺎﻫﻴﺔ ﺭﺍﺡ ﻳﺒﻄﻠﻨﻲ ﺑﺲ ﺩﺧﻞ ﺍﻣﺠﺪ ﻭﻳﺎﻳﺔ ﺳﻠﻢ ﻋﻠﻰ ﺑﺎﺑﺎ ﺟﺎﻥ ﻧﻀﺮﻫﻢ ﻣﺮﻛﺰ ﻋﻠﻴﺔ ﻳﻨﺘﻀﺮﻭﻥ ﺗﻮﺿﻴﺢ .. ﺭﺃﺳﺂ ﺍﻣﺠﺪ ﺍﺗﺼﺪﺭ ﺍﻟﻜﻼﻡ ﻭﻛﺎﻝ ﺍﻟﻬﻢ ﺍﻋﺬﺭﻭﻧﻲ ﺍﺧﺮﺗﻪ ﻭﻛﺎﻝ ﺍﻟﻬﻢ ﻣﺜﻞ ﻣﺘﻔﻘﻨﻪ .. ﻋﻔﺘﻬﻢ ﻳﺤﺠﻮﻥ ﻭﺩﺧﻠﺖ ﺻﻌﺪﺕ ﻏﻴﺮﺕ ﻣﻼﺑﺴﻲ ﻭﻧﺰﻟﺖ ﺳﻤﻌﺔ ﺿﺤﻜﺔ ﺍﺑﻮﻳﺔ ﻃﻤﺌﻨﻴﺖ ﻃﻠﻊ ﺍﻣﺠﺪ ﺑﺎﻭﻉ ﻋﻠﻴﺔ ﻭﺟﺎﻧﺖ ﻧﻀﺮﺗﺔ ﺑﻴﻬﻪ ﺑﺴﻤﺔ ﻧﻀﺮﺗﺔ .... ﺟﺒﺮﺗﻨﻲ ﺍﺑﺘﺴﻢ ﺑﻮﺟﻬﻪ ﻃﻠﻊ ﻭﻃﻠﻌﺖ ﻭﺭﺍ ﻟﺒﺎﺏ ﺍﻟﺸﺎﺭﻉ

ﺟﺎﻥ ﺍﻟﺠﻮﻭ ﺑﻲ ﻫﻮﺓ ﺑﺎﺭﺩ ﻭﻗﻄﺮﺍﺕ ﻣﻄﺮ ﺑﺪﺕ ﺗﻨﺘﻬﻲ ﻭﺻﻠﺖ ﻟﺒﺎﺏ ﺍﻟﺸﺎﺭﻉ ﻛﻠﻲ ﻳﻠﺔ ﻓﻮﺗﻲ ﻋﺎﺩ ﺻﻮﺗﺔ ﺟﺎﻥ ﺭﺟﻮﻟﻲ ﻭﻫﺎﺩﺀ ﻭﻋﻴﻨﺔ ﺟﺎﻧﺖ ﻣﺮﻛﺰﺓ ﻋﻠﻴﺔ ﻛﺘﻠﺔ ﺍﺭﻛﺐ ﺑﺴﻴﺎﺭﺓ ﻭﺍﺩﺧﻞ ﻣﺎﻋﺮﻑ ﻟﻴﺶ ﻫﻴﺞ ﻛﻠﺖ ﺣﺴﻴﺖ ﺷﻲ ﺩﻳﺠﺒﺮﻧﻲ ﻋﻠﻰ ﺍﻟﻮﻛﻔﺔ ﻭﻫﺬﺍ ﺍﻟﻜﻼﻡ ﻭﺻﻞ ﻟﺴﻴﺎﺭﺓ ﻛﺘﻠﺔ ﺍﻣﺠﺪ ...

ﺍﻧﺪﺍﺭ ﻋﻠﻴﺔ ﻭﻛﻠﻲ ﻧﻌﻢ

ﻛﺘﻠﻪ .. ﺷﻜﺮﺍﺍ ﻣﺎ ﺍﻧﺴﻰ ﺍﻟﻚ ﻫﻠﻤﻮﻗﻒ 🤗

ﻭﺩﺧﻠﺖ ﺟﻮﺓ ﺭﻛﺾ ﺑﺲ ﺳﻤﻌﺖ ﺍﻟﺴﻴﺎﺭﺓ ﺍﺷﺘﻐﻠﺖ ﻭﻣﺸﺖ ﻓﺘﺖ ﻭﺭﺣﺖ ﻋﻠﻰ ﺍﺑﻮﻳﺔ ﺣﻀﻨﺘﺔ ﻭﺑﻮﺳﺘﺔ ﻭﻛﺘﻠﻬﻢ ﺗﺼﺒﺤﻮﻥ ﻋﻠﻰ ﺧﻴﺮ ﺍﻃﻤﺄﻧﻴﺖ ﻣﻦ ﺷﻔﺖ ﺍﺑﻮﻳﺔ ﻫﺎﺩﺀ .. ﻫﺬﺍ ﺑﻔﻀﻞ ﺍﻣﺠﺪ ﺍﺻﻼ ﻟﻮ ﻣﻮ ﺟﺎﻱ ﺟﺎﻥ ﻣﻌﺮﻓﺖ ﺍﺗﺼﺮﻑ ﺍﻭ ﺟﺎﻥ ﺍﻋﺘﺪﻭ ﻋﻠﻴﺔ ﺍﻟﺸﺒﺎﺏ ﺍﺗﻤﺪﺩﺕ ﻋﻠﻰ ﺍﻟﺴﺮﻳﺮ ﻭﺑﺪﺕ ﺍﻟﺬﻛﺮﻳﺎﺕ ﺗﺮﺟﻊ ﻛﺪﺍﻣﻲ ﺑﺲ ﻣﺤﺴﻴﺖ ﺑﻨﻔﺴﻲ ﻭﺍﻧﻲ ﺍﺑﺘﺴﻢ ﻋﻠﻰ ﺻﻴﺎﺡ ﺍﻣﺠﺪ ﻭﺧﻮﻓﺔ ﺍﻟﻠﻪ ﺩﺯﻟﻴﺎ

ﺍﻣﺠﺪ

ﻣﺴﺘﺤﻴﻞ . ﻫﺎﻱ ﻣﺠﺮﺩ ﺍﻭﻫﺎﻡ ﻫﺬﺍ ﺟﺎﻥ ﺧﻮﻓﻲ ﻻﻥ ﺗﻌﺘﺒﺮ ﻋﺮﺿﻲ ﻭﺷﺮﻓﻲ ﺷﺒﻴﻚ ﺍﻣﺠﺪ ﺍﺻﺤﻰ ﻣﻦ ﺍﻭﻫﺎﻣﻚ ﻣﻌﻘﻮﻟﺔ ﻫﺎﻱ ﺍﻟﺰﻋﻄﻮﻃﺔ ﺗﺜﻴﺮ ﺑﺪﺍﺧﻠﻚ ﺷﻲ .. ﻫﻬﻪ ﻻﻻ ﻫﺎﻱ ﻣﺠﺮﺩ ﺗﺨﻴﻞ ﻫﻬﻬﻪ ﺑﺲ ﺗﺼﺮﻓﺎﺗﻬﺎ ﻃﻔﻮﻟﻴﺔ ﺗﺠﺒﺮ ﺍﻟﺸﺨﺺ ﻳﺨﺎﻑ ﻋﻠﻴﻬﻪ ﻻﻻ ﻛﻠﺒﻲ ﻣﺪﻙ ﺻﺢ ﺿﻠﻴﺖ ﺍﺑﺎﻭﻉ ﻋﻠﻴﻬﺎ ... ﻳﻤﻜﻦ ﻣﺠﺮﺩ ﺍﻣﺮﺁﺓ ﺍﺛﺎﺭﺕ ﻓﻀﻮﻟﻲ ﺍﻣﺠﺪ ﺍﻧﺖ ﺍﻛﺒﺮ ﻣﻨﻬﻪ ﺏ ١٦ ﺳﻨﻪ ﺣﺒﻴﺒﺘﻚ ﻣﻮﺟﻮﺩﺓ ﺍﺑﺎﺭﻳﺲ ﺗﻨﺘﻀﺮﻙ ﺍﻧﺖ ﻣﻜﺎﻧﻚ ﻣﻮ ﻫﻨﺎ ﻣﻦ ﺯﻳﻦ ﻣﺎﺭﻳﺎ ﺣﺒﻴﺒﺘﻲ ﺗﻄﻠﻊ ﻭﺗﺪﺧﻞ ﺑﻨﺼﺎﺹ ﺍﻟﻠﻴﺎﻟﻲ ﻟﻴﺶ ﻫﻴﺞ ﺻﺎﺭ ﺑﻴﻚ ﻣﻦ ﻋﺮﻓﺖ ﺳﺎﻋﺔ ٨ ﻭﻫﻲ ﻣﻮ ﺑﺎﻟﺒﻴﺖ ﺍﻭﻭﻑ ﺷﻜﻠﻬﻪ ﻫﻠﻨﺮﻳﻤﺎﻥ ﺭﺍﺡ ﺍﺗﻌﺐ ﺩﻣﺎﻏﻚ ﻻﺯﻡ ﻣﺎ ﺍﺗﻘﺮﺏ ﻣﻨﻪ ﺍﻧﻲ ﻣﺎ ﺍﻛﺪﺭ ﺍﺭﺗﺒﻂ ﺑﻬﻴﺞ ﻋﻤﺮ ﻭﻻ ﺑﻬﻴﺞ ﺷﺨﺼﻴﺔ ﻭﻣﺴﺘﻮﻯ ﻻﺯﻡ ﺍﺑﺘﻌﺪ ﺣﺘﻰ ﻻ ﺍﺟﺮﺣﻬﻪ ﻭﺍﻛﺴﺮﻫﻪ

ﻛﻀﻴﺖ ﺍﻟﻠﻴﻞ ﻛﻠﺔ ﻭﺍﻧﻲ ﻣﺘﻠﺨﺒﻂ ﻭﻣﺎﻋﺮﻑ ﺣﺮﺕ ﺷﻔﻜﺮ ﻭﺏ ٤ ﺍﻟﻔﺠﺮ ﻣﺤﺴﻴﺖ ﻋﻠﻰ ﻧﻔﺴﻲ ﻟﺴﺎﻋﻨﻲ ﺑﺎﻟﺒﺎﻟﻜﻮﻥ ﺩﺧﻠﺖ ﺟﻮﺓ ﻭﺍﻧﻲ ﺍﺣﺎﻭﻝ ﺍﺑﻌﺪ ﻧﺮﻳﻤﺎﻥ ﻣﻦ ﻣﺨﻴﻠﺘﻲ ﻭﺍﺣﺎﻭﻝ ﺍﻧﺴﻰ ﺍﻻﺣﺴﺎﺱ ﺍﻟﻲ ﺍﺧﺘﺮﻕ ﻗﻠﺒﻲ ﻟﻤﺎ ﺷﻔﺖ ﺍﻟﻮﻟﺪ ﻳﻤﻬﻪ ﺍﺟﻴﺖ ﺍﺗﺨﺒﻞ ﻣﻦ ﺷﻔﺘﻬﻪ ﺑﺎﻟﻜﺎﻉ ﺗﺒﺠﻲ ...... ﻛﻞ ﻣﺎ ﺍﻏﻤﺾ ﺟﻔﻦ ﺗﺠﻲ ﺑﺴﻤﺘﻪ ﻛﺒﺎﻟﻲ .. ﻭﺍﻟﺒﺮﺍﺋﺔ ﺍﻟﻲ ﺑﻌﻴﻨﻬﺎ ﻭﺍﻟﻨﻀﺎﻓﺔ ﺍﻟﻲ ﺑﻘﻠﺒﻬﻪ ﻟﻤﺎ ﺍﺑﺎﻭﻉ ﻋﻠﻴﻬﺎ ﺍﺣﺴﻬﺎ ﺷﻲ ﻳﺨﺮﺏ ﺍﺫﺍ ﺍﻧﻠﻤﺲ .. ﻭﺍﺧﺬﺗﻨﻲ ﺍﻟﻐﻔﻮﺓ ﻭﺍﻧﻲ ﻣﺮﺓ ﺍﺑﺘﺴﻢ ﻣﺮﺓ ﺍﻋﺼﺐ ﻣﺮﺓ ﺍﻗﻠﻘﻞ ﻋﻠﻠﻴﻬﻪ 😴.

ﻧﺮﻳﻤﺎﻥ .......

ﻓﺘﺤﺖ ﻋﻴﻨﻲ ﻭﻣﻮﺍﻗﻒ ﺍﻟﺒﺎﺭﺣﺔ ﻣﺪﺍ ﺍﺗﻔﺎﺭﻕ ﻣﺨﻴﻠﺘﻲ ﺑﻌﺪﻳﻦ ﺍﺗﺬﻛﺮﺕ ﺍﻟﻔﺴﺘﺎﻥ ﻳﺒﻮﻭ ﻻﺯﻡ ﺍﻭﺻﻞ ﻗﺒﻞ ﺍﻟﻤﺪﺍﻡ ﺻﻮﻓﻴﺎ ﺭﻛﺾ ﺑﺪﻟﺖ ﻣﻼﺑﺴﻲ ﻭﺭﺣﺖ . ﻭﺻﻠﺖ ﻟﻠﻤﺸﻐﻞ ﻟﻜﻴﺖ ﺍﻟﻜﻞ ﺗﺎﺭﻙ ﺍﻟﺸﻐﻞ ﻭﺍﻛﻒ ﻭﻣﺪﺍﻡ ﺻﻮﻓﻴﺎ ﺍﺗﺮﻭﺡ ﻭﺗﺮﺟﻊ .. ﻫﺎﻫﻴﺔ ﻧﺮﻳﻤﺎﻥ

ﺍﻟﻴﻮﻡ ﺻﺪﻙ ﺣﺘﺒﻄﻠﻴﻦ

ﺻﺒﺎﺡ ﺍﻟﺨﻴﺮ ﺟﻤﻴﻌﺎﺍ ...

ﻧﺮﻳﻤﺎﻥ ﺍﺗﺄﺧﺮﺗﻲ ﻧﺺ ﺳﺎﻋﺔ !!

ﻭﺍﻟﻠﻪ ﻣﺪﺍﻡ ﺻﺎﺭ ﻭﻳﺎﻳﺔ ﺣﺎﺩﺙ ﺍﻟﺒﺎﺭﺣﺔ ﻭﺻﻠﺖ ﻣﺘﺎﺧﺮﺓ ﻟﻠﺒﻴﺖ 😟

ﻳﻼ ﺍﺗﺄﺧﺮﺗﻲ ﺗﻌﺎﻟﻲ ﻛﻤﻠﻲ ﺍﻟﻔﺴﺘﺎﻥ ﻋﺎﺷﺖ ﺍﻳﺪﺝ ﺟﺎﻳﺒﺘﺔ ﻣﻈﺒﻮﻁ ﻭﺭﺍﺡ ﺍﺧﻠﻴﺞ ﻛﻠﺔ ﺍﺗﻜﻤﻠﻲ ﺍﻧﺘﻲ

ﻋﺠﺒﺞ 😍 ﻳﻌﻨﻲ ﻧﺠﺤﺖ 😊 ﺍﻟﺤﻤﺪ ﺍﻟﻠﻪ ﻳﺎﺭﺏ . ﺍﻛﻴﺪ ﻣﺪﺍﻡ ﺭﺍﺡ ﺍﻛﻤﻠﺔ ﺧﻼﻝ ﻳﻮﻣﻴﻦ ﺑﺲ ﻭﺫﺍ ﻟﺤﻜﺖ ﻗﺒﻞ ﻫﻞ ﻣﺪﺓ ...

ﻳﻼ ﺍﺗﻔﻘﻨﺎ ﺭﻭﺣﻲ ﺑﻠﺸﻲ

ﻋﺎﺷﺖ ﺍﻳﺪﻱ ﻋﺎﺷﺖ ﺍﻳﺪﻱ 🤗 ﺍﻟﺤﻤﺪ ﺍﻟﻠﻪ ﺍﻟﻔﺮﺣﺔ ﻣﺴﺎﻳﻌﺘﻨﻲ ﻭﺍﺧﻴﺮﺍ ﺭﺍﺡ ﺍﻃﻮﺭ ﻭﺭﺍﺡ ﺗﺨﻠﻴﻨﻲ ﻋﻠﻰ ﺍﻟﻔﺼﺎﻝ ...

ﺟﺎﻥ ﻳﻮﻡ ﻃﻮﻳﻞ ﻭﺷﻴﻖ .. ﻭﺍﻧﻲ ﺍﺣﺎﻭﻝ ﻣﺎ ﺍﺧﻠﻲ ﻏﻠﻂ ﺑﺴﻴﻂ ﻭﺭﺍﻳﺔ

ﻛﻤﻞ ﺍﻟﻴﻮﻡ ﻭﻛﻤﻞ ﺑﺎﺟﺮ ﻛﻤﻠﺖ ﺍﻟﻔﺴﺘﺎﻥ ﻭﺍﺟﺖ ﺻﺎﺣﺒﺘﺔ ﻭﻗﺎﺳﺘﻪ ﻭﺟﺎﻧﺖ ﻛﻠﺶ ﻣﻌﺠﺒﺔ ﺑﻲ ﻭﺍﺛﻨﺖ ﻋﻠﻴﺔ ﻭﻛﺎﻟﺘﻠﻲ ﺑﻌﺪ ﻓﺴﺎﺗﻴﻨﻲ ﻋﻠﻴﺞ ﺍﻧﻲ ﻓﺮﺣﺖ ﻛﻠﺶ ﻭﻣﺪﺍﻡ ﺻﻮﻓﻴﺎ ﺣﻮﻟﺘﻨﻲ ﻟﻠﻔﺼﺎﻝ .. ﺻﺮﻧﺔ ﺑﺪﺍﻳﺔ ﺷﻬﺮ ﺍﻝ١٢ ﻭﺟﺎﻥ ﺷﺘﺔ ﻛﻠﺶ ﻗﺎﺭﺹ ﺑﻴﻮﻡ ﺍﻧﻲ ﻛﺎﻋﺪﺓ ﺍﻓﺼﻞ ﻭﻣﻨﺪﻣﺠﺔ ﺍﺟﺖ ﻭﺣﺪﺓ ﻣﻦ ﺍﻟﺒﻨﺎﺕ ﺻﺎﺣﺘﻨﻲ ﻭﻛﺎﻟﺖ .. ﺍﻟﻤﺪﺍﻡ ﺗﺮﻳﺪﺝ

. ﺣﺎﺿﺮ

ﺧﻴﺮ ﺍﻥ ﺷﺎﺀ ﺍﻟﻠﻪ

ﺭﺣﺖ ﺩﻛﻴﺖ ﺍﻟﺒﺎﺏ ﻛﺎﻟﺘﻠﻲ ﺍﺗﻔﻀﻠﻲ

ﻓﺘﺤﺖ ﺍﻟﺒﺎﺏ ﻭﺍﻧﺼﺪﻣﺖ ﺍﺗﺴﻌﺖ ﻋﻴﻮﻧﻲ

.....

ﺑﻌﺪﻫﺎ ﺍﺗﻀﺤﺖ ﺍﻟﺼﻮﺭﺓ ﻛﺪﺍﻣﻲ .. ﻭﺑﺪﺓ ﻋﻘﻠﻲ ﻳﺮﺟﻊ

ﺍﻻﺣﺪﺍﺙ ﻣﺜﻞ ﺷﺮﻳﻂ ﺍﻟﻔﻠﻢ ﺍﺷﻠﻮﻥ ﻋﺮﻑ ﺍﻣﺠﺪ ﻣﻜﺎﻧﻲ ﻭﺍﺟﺔ ﺍﺧﺬﻧﻲ ﺑﻴﻮﻡ ﺍﻟﻲ ﺍﺗﺎﺧﺮﺕ ... ﻭﻣﻦ ﻛﻠﺘﻠﻲ ﺍﻟﻤﺪﺍﻡ ﺻﻮﻓﻴﺎ ﺍﻧﺘﻲ ﻧﺮﻳﻤﺎﻥ ﻣﻦ ﺩﻭﻥ ﺍﻟﺒﻨﺎﺕ ﺭﻛﺰﺕ ﻋﻠﻴﺔ ﻭﻣﻦ ﺩﻭﻥ ﻛﻞ ﻣﺸﺎﻏﻞ ﺍﻟﺪﻧﻴﺎ ﺍﺗﺼﻠﺖ ﺑﻴﻨﺔ ﻭﺷﻤﺪﺭﻳﻬﻪ ﺍﺣﻨﻪ ﻣﺒﻄﻠﻴﻦ ... ﺍﻣﺠﺪ ﻭﺭﺍ ﺩﻭﺍﻣﻲ ﻫﻨﺎ ﺣﺎﻭﻝ ﻳﺬﻟﻨﻲ ﻭﻳﻜﻮﻥ ﺻﺎﺣﺐ ﻓﻀﻞ ﻋﻠﻴﺔ ... ... ﺻﺤﺘﻨﻲ ﻣﻦ ﺻﻔﻨﺘﻲ

.... ﻭﺻﺪﻣﺘﻲ .. ﺣﺴﻴﺖ ﺑﻼﻫﺎﻧﺔ ﻭﺍﻻﻧﻜﺴﺎﺭ ﻭﺍﻟﻔﻘﺮ .. ﻭﺑﻜﻠﺸﻲ ﻳﺠﺮﺡ .....

ﻣﺪﺍﻡ ﺻﻮﻓﻴﺎ ﻳﻼ ﻧﻨﺮﻳﻤﺎﻥ ﺍﺗﻔﻀﻠﻲ ﺍﻧﻲ ﺍﺗﺮﻛﻢ ﻭﺣﺪﻛﻢ

ﺩﺧﻠﺖ ﻭﻣﻜﺪﺭﺕ .....

ﺣﺘﻰ ﺍﺳﻠﻢ ﺩﺧﻠﺖ ﻭﻛﻌﺪﺕ ﻭﺍﻧﻲ ﺑﺤﺎﻟﺔ ﺫﻫﻮﻝ ﻣﻌﻘﻮﻟﺔ ﺍﻧﻲ ﺑﻬﻞ ﺍﻟﻐﺒﺎﺀ ﻭﻣﻜﺪﺭﺕ ﺍﻋﺮﻑ ﻫﻮ ﻭﺭﺓ ﺷﻐﻠﻲ ﺟﺎﻥ ﺍﻟﻤﻔﺮﻭﺽ ﺍﻋﺮﻑ ... ﻣﺮﺕ ﻟﺤﻀﺎﺕ ﻣﻦ ﺍﻟﺼﻤﺖ ... ﻛﺴﺮ ﺣﺎﺟﺰ ﺍﻟﺼﻤﺖ ﺍﻟﻲ ﺑﻴﻨﻲ ﻭﺑﻴﻨﺔ ...

ﻭﻛﺎﻟﻲ .... ﺍﺷﻠﻮﻧﺞ ﻧﺮﻳﻤﺎﻥ ... ﺍﻥ ﺷﺎﺀ ﻣﺮﺗﺎﺣﺔ ﻫﻨﺎ ﺍﻧﺘﻲ ﺑﻴﺞ ﺷﻲ ﻣﺮﻳﻀﺔ ؟؟ ..

. ﺑﺎﻭﻋﺖ ﻋﻠﻴﺔ ﺍﺗﻨﻬﺪﺕ ... ﺟﺎﻭﺑﺘﺔ ﺑﺴﺘﻬﺰﺍﺀ .. ﺍﻟﺤﻤﺪ ﺍﻟﻠﻪ ﺧﻮﺵ ﻣﻜﺎﻥ ... ﺑﺲ ﺍﻛﺪﺭ ﺍﻋﺮﻑ ﻟﻴﺶ ﺳﻮﻳﺖ ﻫﻞ ﺷﻲ ﺣﺘﻰ ﺗﻜﺴﺮﻧﻲ .. ﻭﺗﺬﻟﻨﻲ .. ﻭﺗﻄﻠﻊ ﺍﻧﺖ ﺍﻟﺒﻄﻞ ﺍﻟﻰ ﻧﻘﺬﻧﻲ ﻣﻦ ﺍﻟﻔﻘﺮ .. ﻫﺎﺍﺍ ﻟﻴﺶ .. ﺍﻧﺖ ﻛﻞ ﻫﻤﻚ ﺗﺠﺮﺣﻨﻲ ﻭﺗﻬﻴﻨﻲ ﺍﻧﻲ ﺷﻨﻮ ﻣﺴﻮﻳﺘﻠﻚ ... ﻫﺎﺍﺍﺍﺍﺍ

ﺟﺎﻭﺏ ﻭﺟﺎﻥ ﻫﺎﺩﺀ ...

ﻻﻥ ﺍﻧﺘﻲ ﺑﺒﺴﺎﻃﺔ ﻣﺮﺍﺡ ﺗﺠﻴﻦ ﻭﻻ ﺗﻠﻄﺒﻴﻦ ﺷﻎ ﻣﻨﻲ .. ﻭﺍﻟﺪﺝ ﻣﺮﺍﺡ ﻳﺨﻠﻴﺞ ﺗﻄﻠﻌﻴﻦ ﻭﺩﻭﺭﻳﻦ ﺷﻐﻞ ﻫﺬﺍ ﺍﻧﺴﺐ ﻣﻜﺎﻥ ﺍﻟﺞ .. ﻭﻟﻮ ﺍﻋﺮﻑ ﺗﺠﻴﻦ ﻳﻤﻨﻪ ﺑﺸﺮﻛﺔ .. ﻛﻨﺖ ﺧﻠﻴﺘﺞ ﻳﻤﻨﻪ .. ﺑﺲ ﺍﻋﺮﻓﺞ ﻛﺒﺮﻳﺎﺋﺞ ﺭﺍﺡ ﻳﻤﻨﻌﺞ 😏 ﺍﻧﺘﻲ ﺍﻓﻜﺎﺭﺝ ﻏﺮﻳﺒﺔ ﻟﻴﺶ ﺍﺣﺎﻭﻝ ﺍﺳﻮﻱ ﻫﻴﺞ ﻣﺜﻼ ... ﺍﻛﺴﺮﺝ ﺍﻭ ﺍﺫﻟﺞ ﻟﻴﺶ ﻳﻌﻨﻲ .. ﺷﻨﻮ ﻫﻠﺤﺠﻲ

ﺍﻛﻴﺪ ﻛﺮﺍﻣﺘﻲ ﻣﺘﺴﻤﺤﻠﻲ ﺍﻃﻠﺐ ﺷﻐﻞ ﻣﻦ ﺷﺨﺺ ﺑﺎﺭﺩ ﻭﻗﺎﺳﻲ ﻣﺜﻠﻚ ﺍﻧﺖ ﻣﻦ ﻫﺪﻣﺖ ﺍﻟﻤﺸﻐﻞ ﻣﺎﻟﺘﻨﻪ ﺍﺣﺴﺎﺳﻚ ﻭﻳﻦ ﺟﺎﻥ ﺍﺫﺍ ﺍﻧﻲ ﺑﺖ ﺧﺎﻟﺘﻚ ﻭﺧﺎﻟﺘﻲ ﺍﺛﺮﺕ ﻋﻠﻴﻚ .. ﻓﻬﻮﺍﻳﺔ ﺍﻧﻲ ﺍﺣﺴﻦ ﻣﻨﻬﻦ .. ﻭﻣﺤﺘﺎﺟﺎﺕ ﺍﻱ ﻓﺮﺻﺔ ﻋﻤﻞ ... ﻟﻠﻤﺮﺓ ﺍﻟﺜﺎﻧﻴﺔ ﺣﺎﻭﻟﺖ ﺗﻨﺰﻝ ﻣﻦ ﻗﻴﻤﺘﻲ ﻭﺗﺨﻠﻲ ﺭﻭﺣﻚ ﺻﺎﺣﺐ ﻓﻀﻞ ﻋﻠﻴﺔ ... ﺍﺳﺘﺎﺫ ﺍﻣﺠﺪ ﺍﻧﻲ ﺻﺢ ﻣﺤﺘﺎﺟﺔ ﻭﺍﻟﻔﻘﺮ ﻣﻮ ﻋﻴﺐ .. ﺑﺲ ﻛﺮﺍﻣﺘﻲ ﻓﻮﻕ ﺍﻟﻜﻞ ... ﺍﺟﻴﺖ ﺍﻃﻠﻊ ... ﻭﻳﺔ ﻣﻨﺪﺍﺭﺕ ... ﻟﺰﻡ ﺍﻳﺪﻱ ... ﺍﻟﺘﻔﺘﺖ ﻋﻠﻴﻪ ﺻﺎﺭﺕ ﻋﻴﻨﻲ ﺑﻌﻴﻨﺔ ﺟﺎﻧﺖ ﻋﻴﻮﻧﺔ ﺣﺎﺩﺓ

ﻭﺳﻮﺍﺩﻫﻪ ﺍﺗﺴﻊ ﻭﻧﻀﺮﺓ ﺍﻟﻐﻀﺐ ﺑﻌﻴﻮﻧﺔ ﺗﺮﻋﺐ ... ﺻﺮﺕ ﺍﺭﻣﺶ ﺍﺣﺎﻭﻝ ﺍﺑﻌﺪ ﻋﻴﻨﻲ ﻣﻦ ﻋﻴﻨﻪ ﺧﻔﺖ ﺭﺟﻔﺖ ﻭﺍﻳﺪﺓ ﺗﻌﺼﺮ ﺍﻳﺪﻱ ﺑﻘﻮﺓ ﻭﺩﻳﺰﻳﺪ ...

. ﻭﻛﺎﻟﻲ ﻭﻫﻮ ﺻﺎﻙ ﺍﺳﻨﺎﻧﺔ ﻳﺤﺎﻭﻝ ﻣﻴﻌﻠﻲ ﺻﻮﺗﺔ

ﺍﻟﺴﺎﻧﺞ ﺍﻟﺤﺎﺩ ﻫﺬﺍ ﻣﻮ ﻋﻠﻴﺔ ﺍﻧﻲ ﺍﻛﺼﺔ ﺍﻟﺞ ﻓﻬﻤﺘﻲ ﺑﻄﻠﻲ ﺗﺤﻠﻠﻴﻦ ﻣﻦ ﺩﻣﺎﻏﺞ ﺍﻟﻤﻌﻘﺪ ﻭﺍﻟﺮﺟﻌﻲ ﺍﻓﻜﺎﺭﺝ ﻣﺘﺨﻠﻔﺔ ﺗﺤﻜﻤﻴﻦ ﻋﻠﻰ ﺍﻟﺒﺸﺮ ﻣﻦ ﻏﻴﺮ ﻣﻌﺮﻓﺔ ﺍﻟﻄﺮﻑ ﺍﻟﺜﺎﻧﻲ ﺍﻭﻝ ﺷﻲ ﺻﻮﻓﻴﺎ ﺻﺪﻳﻘﺔ ﺍﻟﻌﺎﺋﻠﺔ ﻭﻓﻌﻼ ﺟﺎﻧﺖ ﻣﺤﺘﺎﺟﺔ ﻋﺎﻣﻼﺕ .. ﻭﺳﺄﻟﺘﻨﻲ ﻭﺍﻧﻲ ﻃﺮﺣﺖ ﺍﺳﻢ ﻣﺸﻐﻠﻜﻢ ﺍﻧﺘﻲ ﻣﻨﻮﻭ ﺍﺳﺎﺳﺂ .. ﺣﺘﻰ ﺍﻛﻌﺪ ﺍﺩﻭﺭﻟﺞ

ﺷﻐﻞ ﻭﺍﻓﻜﺮ ﺍﻧﺘﻲ ﻛﺎﻋﺪﺓ ﺍﻭ ﺑﻄﻠﺘﻲ ﻫﻬﻪ ﺛﻘﺘﺞ ﺑﻨﻔﺴﺞ ﻋﺎﻟﻴﺔ .. ﺍﻧﺘﻲ ﺷﺎﻳﻔﺔ ﺭﻭﺣﺞ ﺑﺎﻟﻤﺮﺍﻳﺔ ﻣﺎﺑﻴﺞ ﺍﻱ ﺷﻲ ﻳﻀﻞ ﺑﺎﻟﺒﺎﻝ ﺍﻭ ﺗﺨﻠﻴﻨﻲ ﺍﺫﻛﺮﺝ .. ﺍﻧﺘﻲ ﻛﻠﺞ ﻋﻠﻰ ﺑﻌﻀﺞ ﻃﻔﻠﺔ ...

ﻓﻠﺖ ﺍﻳﺪﻱ .. ﻣﻨﻪ

ﻭﻛﻤﻞ ﻛﻼﻣﺔ ... ﺗﺮﻯ ﺍﻛﺪﺭ ﻫﺴﻪ ﺍﻛﻌﺪﺝ ﺍﺑﻴﺘﻜﻢ ﻃﻮﻝ ﻋﻤﺮﺝ ﺻﻴﺮﻱ ﻋﺎﻗﻠﺔ ﻭﻛﺼﻲ ﺍﻟﺴﺎﻧﺞ ﻭﻳﺎﻳﺔ ﻣﻮ

ﻛﻞ ﺍﺻﺎﺑﻴﻌﺞ ﺳﻮﺓ

ﻭﻃﻠﻊ ﺿﻠﻴﺖ ﻭﺍﻛﻔﺔ ﺑﻤﻜﺎﻧﻲ .. ﺭﺟﻒ ﻛﻠﺒﻲ ﻭﺭﺟﻔﺖ ﺍﻃﺮﺍﻓﻲ ﻭﺍﻟﺪﻣﻌﺔ ﻧﺰﻟﺖ ﻣﻦ ﻋﻴﻨﻲ ﻣﺴﺤﺘﻪ ﺑﺴﺮﻋﺔ ﻣﺨﻠﻴﺘﻬﻪ ﺍﺗﻜﻤﻞ ﻃﺮﻳﻘﻬﻪ ﻋﻠﻰ ﺧﺪﻱ ﻭﺭﺣﺖ ﺭﻛﺾ ﻟﻠﺤﻤﺎﻣﺎﺕ ﺻﺮﺕ ﺍﺑﺠﻲ ﺑﻘﻮﺓ ﻭﺑﺤﺮﺍﺭﺓ

ﺍﻣﺠﺪ ..

ﻣﻦ ﺑﻌﺪ ﻳﻮﻡ ﺍﻟﺤﺎﺩﺙ . .. ﺍﻟﻲ ﺻﺎﺭ ﻭﻳﺎﻫﺎ ... ﻭﺍﻧﻲ ﻧﺮﻳﻤﺎﻥ ﻣﻔﺎﺭﻗﺖ ﺧﻴﺎﻟﻲ ﺩﺍﺋﻤﺎ ﺍﺗﺬﻛﺮ ﺿﺤﻜﺘﻬﻪ ﻭﺍﻟﺒﺮﺍﺋﺔ ﺍﻟﻲ ﺑﻌﻴﻨﻬﻪ ... ﻭﺍﺣﻠﻢ ﺑﻴﻬﻪ ﻭﺍﺧﺎﻑ ﻋﻠﻴﻬﺎ ﻭﺻﺎﺭﺕ ﻣﺜﻞ ﺍﻟﻤﻐﺎﻣﺮﺓ ﺍﻟﺠﺪﻳﺪﺓ .. ﺑﻨﺴﺒﺔ ﺍﻟﻲ ... ﺻﺮﺕ ﺍﺭﻭﺡ ﺍﻭﻛﻒ ﻳﻢ ﺍﻟﻤﺸﻐﻞ ﺑﻌﻴﺪ ﺷﻮﻳﺔ .. ﻭﺍﺷﻮﻓﻬﻪ ﺷﻠﻮﻥ ﺗﻄﻠﻊ ﻭﺷﻌﺮﻫﻪ ﻳﻄﻴﺮﻫﻪ ﺍﻟﻬﻮﺓ .... ﻭﺧﺪﻭﺩﻫﺎ ﺣﻤﺮﺓ ﻣﻦ ﺍﻟﺒﺮﺩ ﺑﺲ ﻭﻻ ﻻﺣﻀﺖ ﺍﻧﻲ ﻣﻮﺟﻮﺩ ﺍﻭ ﺍﻟﺘﻔﺖ ﺟﺎﻥ ﺗﺮﻭﺡ ﺑﻄﺮﻳﻘﻪ ﻭﺗﺮﺟﻊ ... ﺻﺮﺕ ﺍﺭﻳﺪﻫﻪ ﻗﺮﻳﺒﺔ ﻋﻠﻴﺔ ﺣﺘﻰ ﻟﻮ ﺻﺪﻳﻘﺔ ... ﺍﻗﺒﻞ ﺑﺲ ﺍﻟﻤﻬﻢ ﻗﺮﻳﺒﺔ ﻣﻨﻲ ﻗﺮﺭﺕ ﺑﻴﻮﻡ ﺍﺭﻭﺡ ﻟﺼﻮﻓﻴﺎ ﻭﺍﻃﻠﺐ ﺍﺷﻮﻑ ﻧﺮﻳﻤﺎﻥ .. ﻭﺍﺣﺎﻭﻝ ﺍﻋﺰﻣﻬﺎ ﺑﻤﻜﺎﻥ ﺍﺧﺬﺕ ﻗﺮﺍﺭﻱ ..... ﻭﻟﺒﺴﺖ ﺍﺣﻠﻰ ﺷﻲ ﻭﺣﺎﻭﻟﺖ ﻗﺪﺭ ﺍﻻﻣﻜﺎﻥ ﺍﺑﻴﻦ ﺍﺷﻮﻳﺔ ﺍﺻﻐﺮ .. ﻭﺍﺗﻌﻄﺮﺕ ﺭﺣﺖ ﻋﻠﻰ ﺻﻮﻓﻴﺎ ﺍﺗﻜﻠﻤﻨﻪ ﺷﻮﻳﺔ ﺑﺨﺼﻮﺹ ﺍﻟﺸﻐﻞ ﻭﺍﻟﻌﻮﺍﺋﻞ ﻃﻠﺒﺖ ﻣﻨﻬﺎ ﺗﺼﻴﺤﻠﻲ ﻧﺮﻳﻤﺎﻥ ﺍﺷﻮﻓﻬﺎ .. ﻭﺍﺳﻠﻢ ﻋﻠﻴﻬﺎ .. ﺻﻮﻓﻴﺎ ﺍﻧﺴﺎﻧﻪ ﺫﻛﻴﺔ ﻋﺮﻓﺖ ﺍﻧﻲ ﺍﻛﻦ ﺑﺪﺍﺧﻠﻲ ﺷﻲ ﺍﻟﻬﺎ ... ﻣﺪﺣﺘﻠﻲ ﺑﺸﻐﻠﻬﻪ ﻭﺷﻜﺪ ﻣﺜﺎﺑﺮﺓ ﻭﺫﻛﻴﺔ ... ﻓﺮﺣﺖ ﺑﻜﻼﻣﻬﻪ ﻭﺣﺒﻴﺖ ﻣﻦ ﺗﺠﻲ ﺍﻛﻠﻠﻬﻪ ﻫﻞ ﺍﻟﻜﻼﻡ ﻓﺘﺤﺖ ﺍﻟﺒﺎﺏ ﻧﺮﻳﻤﺎﻥ ﺣﺴﻴﺘﻪ ﺍﻧﺼﺪﻣﺖ ﻭﻛﻔﺖ ﺑﻤﻜﺎﻧﻬﻪ ﻛﺎﻣﺖ ﺻﻮﻓﻴﺎ ﻭﺩﺧﻠﺘﻬﺎ ﻭﻃﻠﻌﺖ ﺣﺴﻴﺘﻪ ﻋﺼﺒﺖ ... ﻭﺟﺎﻧﺖ ﺍﺗﺒﺎﻭﻋﻠﻲ ﺑﻜﺮﻩ ... ﺍﻭﻝ ﻣﺤﺠﻴﺖ ﺍﻧﻔﺘﺤﺖ ﺑﺎﻟﻜﻼﻡ ﻛﻼﻣﻬﺎ ﻋﺼﺒﻨﻲ ﻭﻧﺰﻟﺖ ﻣﻦ ﻗﻴﻤﺘﻲ ﺣﺴﻴﺖ ﺑﺮﻛﺎﻥ ﺑﺪﺍﺧﻠﻲ ﻭﺑﺪﻩ ﻳﻔﻮﻭﺭ ﻛﻤﻠﺖ ﻛﻼﻣﻬﺎ ﻭﻛﺎﻣﺖ ﺍﺗﺮﻳﺪ ﺗﻄﻠﻊ ﻭﺍﺗﻌﻮﻓﻨﻲ ﻫﻨﺎﺍﺍ ﻣﺘﺤﻤﻠﺖ ﺑﻌﺪ ﺍﻧﻲ ﺟﺎﻱ ﻭﻣﺘﻌﻨﻲ ﻭﺍﺭﻳﺪ ﺍﺷﻮﻓﻬﻪ ﻭﻫﻲ ﻫﺬﺍ ﺍﻟﻜﺒﺮﻳﺎﺀ ﺍﻟﻌﺪﻫﺎ ﻭﻋﺪﻡ ﺍﻟﺘﻘﺪﻳﺮ ﺍﺗﺼﺮﻓﺖ ﺑﻤﺮﺍﻫﻘﺔ ﻟﺰﻣﺖ ﺍﻳﺪﻫﻬﺎ ﻗﻮﻱ ﻭﺣﺎﻭﻟﺖ ﺍﺍﺫﻳﻬﺎ ﻟﻜﻨﻬﺎ ﻣﺼﺮﺧﺖ ﺑﺲ ﺍﺭﺗﺒﻜﺖ ﻭﺳﻌﺖ ﻋﻴﻨﻲ ﻋﻠﻴﻬﻪ ﻭﻛﺎﻣﺖ ﺗﺘﻬﺮﺏ ﺑﻨﻀﺮﻫﻪ .... ﺣﺠﻴﺖ ﻫﻮﺍﻳﺔ ﻭﺟﺮﺣﺘﻬﺎ ﺑﺲ ﺧﻠﻴﻬﻪ ﺗﻌﺮﻑ ﺗﺘﻌﺎﻣﻞ ﻋﺪﻝ ﻣﻮ ﻣﻊ ﺍﻱ ﺷﺨﺺ ﻧﻔﺲ ﺍﻟﺘﻌﺎﻣﻞ ﻭﺍﻧﻲ ﺍﺣﺠﻲ ﻭﻳﺎﻫﺎ ﻭﺑﻘﻤﺔ ... ﺍﻟﻌﺼﺒﻴﻪ ﻋﻴﻮﻧﻬﻪ ﻏﻮﺭﻛﺖ ﺑﺪﻣﻊ ﻭﺷﻔﺎﻳﻔﻬﻪ ﺭﺟﻔﺖ ﻫﻨﺎ ﺿﻌﻔﺖ ﻭﺭﺩﺕ ﺍﺧﺬ ﺷﻔﺎﻳﻔﻪ ﺑﻴﻦ ﺷﻔﺎﻓﻲ ﺑﻜﻞ ﺭﻗﺔ ﺣﺘﻰ ﺍﺳﺤﺐ ﻫﻠﺨﻮﻑ ﻣﻨﻬﺎ ... ﺷﻌﻮﺭ ﺍﻭﻝ ﻣﺮﺓ ﺍﻣﺮ ﺑﻲ ﺍﻧﻮ ﺍﺭﻳﺪ ﺷﻲ ﻭﺍﻣﻨﻊ ﺭﻭﺣﻲ ﻣﻨﻪ ... ﺧﻮﻓﺎﺍ ﻋﻠﻴﺔ ﻟﻴﻨﻜﺴﺮ ﺗﺮﻛﺘﻬﺎ ﻭﻃﻠﻌﺖ ﻗﺒﻞ ﻳﻨﻘﻠﺐ ﻋﻠﻴﺔ ﺍﻟﻤﻮﻗﻒ ﻭﺍﺿﻌﻒ ﺑﺎﻟﺤﻀﺔ ﺣﺴﻴﺖ ﺑﺘﻤﻠﻚ ﺭﺟﻌﺖ ﻟﻠﺒﻴﺖ ﻭﺍﻧﻲ ﻣﻀﻄﺮﺏ ﻣﻦ ﻛﻤﻴﺔ ﺍﻟﻤﺸﺎﻋﺮ ﺍﻟﻲ ﺑﺪﺍﺧﻠﻲ ﺣﺴﻴﺖ ﺍﻧﻮ ﺧﻼﺹ ﻭﻛﻌﺖ . ﻻ ﻻ ﻣﺴﺘﺤﻴﻞ ﺍﺧﺬﺕ ﺣﻤﺎﻡ ﺑﺨﺎﺭ ﺣﺎﻭﻟﺖ ﺍﺳﺘﺮﺧﻲ ﻻﺯﻡ ﻣﺎ ﺍﺗﻘﺮﺏ ﺍﻛﺜﺮ ﻫﺬﺍ ﺣﺪﻱ ..... ﻭﻳﺎﻫﺎ

....

ﻧﺮﻳﻤﺎﻥ ......

ﻛﻤﻞ ﻳﻮﻡ ﺟﺎﻥ ﻛﻠﺶ ﻋﺼﻴﺐ ﺭﺟﻌﺖ ﻟﻠﺒﻴﺖ ... ﻭﺍﻧﻲ ﻋﻴﻮﻧﺔ ﻣﻔﺘﺤﺔ ﻋﻨﺺ ﻣﻦ ﺍﻟﺒﺠﻲ ﺟﺎﻧﺖ ﻋﺎﺻﻔﺔ ... ﻭﺗﻌﺐ ﻭﺑﺮﺩ ﻛﻠﻬﻪ ﺍﻟﺘﻤﺖ ﻋﻠﻴﺔ ﺭﺟﻌﺖ ﻟﺒﻴﺘﻨﻪ ﺣﺘﻰ ﻋﺸﺔ ﻣﺘﻌﺸﻴﺖ ﻧﻤﺖ ﻛﻌﺪﺕ ﺛﺎﻧﻲ ﻳﻮﻡ ﺍﻟﻤﻐﺮﺏ ... ﻓﺘﺤﺖ ﻭﺍﻧﻲ ﻣﺘﻴﻬﺔ ﻣﺪﺍ ﺍﻋﺮﻑ ﺍﻟﻮﻗﺖ ... ﻧﺰﻟﺖ ﻟﻜﻴﺖ ﺍﻫﻠﻲ ﻳﻢ ﺻﻮﺑﺔ ﻋﻼﺀ ﺍﻟﺪﻳﺖ . ﻧﻮﺭ ﺗﺪﺭﺱ ﻭﺍﻣﻲ ﺗﻤﺸﻂ ﻟﻴﺎﺳﻤﻴﻦ ... ﺍﺳﺘﻘﺒﻠﻮﻧﻲ ﺑﺎﺑﺘﺴﺎﻣﺔ ... ﻣﺎﻣﺎ ﺷﻨﻮ ﺍﺷﻠﻮﻥ ﺍﻧﻲ ﻧﺎﻳﻤﺔ ﻟﺤﺪ ﻫﺴﻪ ﻭﻣﺤﺪ ﻛﻌﺪﻧﻲ ... ﺟﻨﺘﻲ ﻣﺮﻳﻀﺔ ﺣﺒﻴﺒﺘﻲ ﻭﺻﺨﻮﻧﺘﺞ ﺟﺪﺍﺍ .. ﻭﻣﻜﻌﺪﺗﺞ ﺣﺘﻰ ﺗﺮﻭﺣﻴﻦ ﻟﺸﻐﻞ ..

.. ﺗﺪﺭﻳﻨﻤﺎﻣﺎ .. ﺍﺻﻼ ﺣﺘﻰ ﺑﺎﺟﺮ ﻣﺎ ﺍﺭﻭﺡ ... ﺍﺣﺲ ﻧﻔﺴﻲ ﺑﻌﺪﻧﻲ ﺗﻌﺒﺎﻧﺔ ﺭﺣﺖ ﻛﻌﺪﺕ ﻳﻢ ﺍﻟﺼﻮﺑﺔ ﻭﺻﺒﻴﺖ ﺳﺘﻜﺎﻥ ﺟﺎﻱ .. ﺑﻌﺪﻫﻪ ﻣﻄﺮ ... ﻭﺍﻧﻲ ﻛﻼﻡ ﺍﻣﺠﺪ ﻳﺘﺮﺩﺩ ﺑﺪﻣﺎﻏﻲ ... ﻗﺮﺭﺕ ﻣﺎ ﺍﺩﺍﻭﻡ ﻫﻞ ﺍﻟﻔﺘﺮﺓ ﻭﺫﺍ ﺍﺗﺮﻳﺪﻧﻲ ﺻﻮﻓﻴﺎ ﺭﺍﺡ ﺗﺴﺘﻌﺪﻳﻨﻲ ... ﺣﻖ ﻛﻔﺎﺋﺘﻲ ... ﻛﻼﻡ ﺍﻣﺠﺪ ﺟﺮﺣﻨﻲ ﻛﻠﺶ .. ﺍﺗﺬﻛﺮﺕ ﻛﻼﻣﺘﻪ ﺍﻻﺧﻴﺮﺓ ... ﺍﻧﺘﻲ ﺷﺎﻳﻔﺔ ﺭﻭﺣﺞ ﺑﺎﻟﻤﺮﺍﻳﺔ ... ﺣﻘﺔ ﻫﻮ ﻳﻠﺘﻘﻲ ﺑﻼﺷﻜﺎﻝ ﺍﻟﺒﻨﺎﺕ ﻭﻫﻮ ﻋﺎﻳﺶ ﺍﺑﺎﺭﻳﺲ .. ﺍﻣﺎ ﺍﻧﻲ ﻣﺎﻋﻨﺪﻱ ﺍﻟﺒﺲ ﺣﻠﻮﻭ ﺍﻭﻓﺮﻫﻦ ﻟﻬﻠﻲ ﺣﺎﺟﻴﺖ ﻧﻔﺴﻲ . ... ﻟﻴﺄﺛﺮ ﺑﻴﺞ ﻛﻼﻣﻪ ﺍﺻﺤﻲ ﺍﻧﺘﻲ ﻫﺎﻱ ﺍﻟﺸﻜﻠﻴﺎﺕ ﻣﺘﻬﻤﺞ ﺍﻧﺘﻲ ﺍﻗﻮﻯ ... ﺍﺣﺎﺟﻲ ﻧﻔﺴﻲ ﻟﻜﻦ ﺑﺪﺍﺧﻠﻲ ﺷﻲ ﻣﻜﺴﻮﺭ ... ﺍﺣﺲ ﺍﻣﺠﺪ ﺣﻄﻢ ﺍﻧﻮﺛﺘﻲ ﺍﺧﺮﺟﻨﻲ ﻣﻦ ﻋﺎﻟﻢ ﺍﻟﻨﺴﺎﺀ .... ﺍﻭﻭﻭﻭﻑ ﺷﻜﺪ ﻣﺘﻜﺒﺮ ﻭﻗﺎﺳﻲ ﻭﺩﻛﺘﺎﺗﻮﺭ .... ﺍﻛﺮﻫﻚ .... ﻳﺎﺭﻳﺘﻚ ﻣﻀﻬﺮﺕ ﺑﺤﻴﺎﺗﻲ ..

ﻛﻤﻠﺖ ﺍﻟﺠﺎﻱ .. ﻭﻛﻤﺖ ﺩﺍ ﺍﻭﺩﻱ ﺍﻻﺳﺘﻜﺎﻧﺎﺕ ﺑﺎﻟﻤﻄﺒﺦ ﻣﺮﻳﺖ ﻣﻦ ﻛﺪﺍﻡ ﺍﻟﻤﺮﺍﻳﺔ ﺍﺗﺄﻣﻠﺖ ﻧﻔﺴﻲ .... ﺷﻌﺮﻱ ﻣﻴﺸﻜﻲ ﻣﻦ ﺷﻲ ... ﺣﻠﻮ ﺑﺲ ﺧﻠﻲ ﺍﻗﺼﺮ ﺑﺮﺟﻢ ... ﺻﺪﻙ ﺍﻧﻲ ﻟﻴﺶ ﻣﺎ ﺍﺷﻴﻠﺔ ﻧﺼﻴﻦ ﺍﺑﻴﻦ ﺷﻮﻳﺔ .... ﻓﺘﺤﺘﻪ ﺻﺪﻙ ﻫﻮﺍﺓ ﺷﻮﻛﺖ ﻫﻠﻜﺪ ﻃﻮﻝ ...

ﺍﻛﻮ ﻫﻼﺕ ﺳﻮﺩ ﺗﺤﺖ ﻋﻴﻨﻲ ... ﺍﻟﺘﻔﻜﻴﺮ ﻭﺣﺎﻟﺔ ﺍﻟﻨﻔﺴﻴﺔ ﻳﻬﻴﺞ ﺩﻳﺴﻮﻱ ﺑﻴﻪ .... ﺻﺪﻙ ﺍﻧﻲ ﻟﻴﺶ ﻣﺎ ﺍﺣﻂ ﺍﺑﺪ ﻛﺤﻞ ..... ﻳﺮﺍﺩﻟﻲ ﺍﺳﻤﻦ ﻓﺪ ﻛﻴﻠﻮﻳﻦ ﺣﺘﻰ ﺗﺮﺗﻔﻊ ﺧﺪﻭﺩﻱ ... ﺍﻧﻲ ﺻﺎﻳﺮﺓ ﺍﺗﺮﻙ ﻭﺟﺒﺎﺕ ﺍﻛﻞ ﻫﻮﺍﻳﺔ ﻭﺧﺮﺕ ﻣﻦ ﺍﻟﻤﺮﺍﻳﺔ ﻭﺍﻧﻲ ﺧﺎﻳﺒﺔ ﺍﻻﻣﻞ ... ﺍﺻﻼ ﺍﻧﻲ ﻟﻴﺶ ﻣﻬﺘﻤﻪ ﻭﺍﺍﺫﺍﻣﺸﺎﻓﻨﻲ ﺣﻠﻮﺓ ﻳﻌﻨﻲ ﺷﻨﻮ ﺭﺍﺡ ﻳﺘﻐﻴﺮ ....

ﺭﺟﻌﺖ ﻟﻔﺮﺍﺷﻲ ﻭﺍﻧﻲ ﺍﺑﺎﻭﻉ ﻟﺴﻜﻒ ﺍﻧﻲ ﻟﻴﺶ ﻣﻜﺂﺑﺔ ﻣﺪﺍ ﺍﻋﺮﻑ ﺍﺧﺬﺗﻨﻲ ﺍﻟﻨﻮﻣﺔ ﻛﻌﺪﺕ ﺟﺎﻧﺖ ﺩﻧﻴﺎﺍﺍ ﺿﻬﺮ ﻛﻤﺖ ﻓﺘﺤﺖ ﺍﻟﺒﺎﺏ ﺣﻄﻴﺖ ﺍﻭﻝ ﺭﺟﻞ ﺩﺍ ﺍﻧﺰﻝ ﺳﻤﻌﺖ ﺍﺻﻮﺍﺕ ﻏﺮﻳﺒﺔ ﺿﻠﻴﺖ ﻣﺮﻛﺰﺓ ، 🤤 ﺧﺎﻟﺘﻲ

ﺭﺟﻌﺖ ﻋﻠﻰ ﻛﻴﻒ ﻭﺳﺪﻳﺖ ﺍﻟﺒﺎﺏ ﻭﺑﻮﺟﻬﻲ ﻟﻠﺤﻤﺎﻡ ﺍﺧﺬﺕ ﺩﻭﺵ ﻭﻃﻠﻌﺖ .... ﻓﺤﺘﺖ ﺍﻟﻜﻨﺘﻮﺭ . ﺍﻣﻤﻤﻤﻢ ﺍﻱ ﻫﺎﻱ ﻟﺒﺴﺖ ﺻﺪﺭﻳﺔ .. ﻗﺼﻴﺮﺓ ... ﻟﻮﻧﻬﻪ ﺍﺣﻤﺮ ﻗﺎﺗﻢ ﻭﺑﻠﻮﺯﺓ ﺑﻴﻀﺔ ﺭﺣﺖ ﻛﺪﺍﻡ ﺍﻟﻤﺮﺍﻳﺔ ﻛﺼﻴﺖ ﻛﺬﻟﺘﻲ ﻭﻣﺸﻄﺖ ﺷﻌﺮﻱ ﻭﺑﺮﻣﺘﻪ ﺑﻴﺪﻱ ﻣﻦ ﺟﻮﺓ ﻭﺭﻓﻌﺘﻪ ﺫﻳﻞ ﺍﻟﺤﺼﺎﻥ ﻋﺎﻟﻲ ﻭﻧﺰﻟﺖ ﺧﺼﻠﺘﻴﻦ ﻋﻠﻰ ﺟﻨﺐ ﻭﻫﻢ ﻛﺼﺮﺗﻬﻢ ﻣﻤﻨﺘﺒﻪ ﺷﻌﺮﻱ ﺻﺎﻳﺮ ﻫﻠﻄﻮﻝ

ﻭﺗﻌﻄﺮﺕ ﻭﺣﻄﻴﺖ ﻛﺤﻠﺔ ﻭﻣﺎﺳﻜﺎﺭﺍ ﻭﺍﺷﻮﻳﺔ ﺍﺣﻤﺮ ﺧﺪﻭﺩ ﻣﺨﻠﻴﺖ ﺣﻤﺮﺓ ﻻﻥ ﺷﻔﺎﻳﻔﻲ ﺣﻤﺮ ﻣﻦ ﺍﻟﺒﺮﺩ ﺍﺟﻴﺖ ﺍﻓﺘﺢ ﺍﻟﺒﺎﺏ .. ﺳﺤﺒﺖ ﻧﻔﺲ ... ﻭﻧﺰﻟﺖ ﺑﺲ ﻛﻠﺒﻲ ﻳﺪﻙ ... ﺍﺭﻛﺪ ﻳﻤﻌﻮﺩ ﻋﺒﺎﻟﻚ ﻣﻤﺼﺪﻙ ﺩﺩﻙ

ﻧﺰﻟﺖ ﻭﺑﻮﺟﻬﻲ ﻟﻠﻤﻄﺒﺦ ﺣﺘﻰ ﻋﻠﻰ ﺍﻻﺳﺘﻘﺒﺎﻝ ﻣﻠﺘﻔﺘﺖ ... ﺷﺎﻓﺘﻨﻲ ﺍﻣﻲ ﻭﻓﺘﺤﺘﺖ ﻋﻴﻮﻧﻬﻪ ﻟﺞ ﻧﺮﻳﻤﺎﻥ ﺷﻨﻮﻫﻞ ﺍﻟﺘﻐﻴﺮ ﻭﺍﻟﺠﻤﺎﻝ ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻬﺎ ﺍﺳﻜﺘﻲ ﻣﺎﻣﺎ ﻳﻤﻌﻮﺩﺓ ﻟﺤﺪ ﻳﺴﻤﻌﺞ ﺷﻴﻜﻮﻟﻮﻥ ﻋﻠﻴﺔ ﺷﻮﻛﺖ ﺟﻮﻱ . ﻗﺒﻞ ﺳﺎﻋﺔ

ﺍﻧﺘﻲ ﻋﺎﺯﻣﺘﻬﻢ

ﻧﻌﻢ

ﻭﻟﻴﺶ ﻣﻜﻠﺘﻴﻠﻲ 😒

ﺍﺫﺍ ﺍﻧﺘﻲ ﻣﻜﻀﻴﺘﻬﻪ ﻓﻮﻙ ﻭﻧﺎﻳﻤﻪ ﻭﻳﻦ ﺍﻟﻜﺎﺝ

ﻳﻼ ﺣﻘﺞ ... ﻣﺎﻣﺎ ﺍﺣﺲ ﻧﻔﺴﻲ ﺣﺨﺮﺏ ﺟﻮﻉ ﺍﻧﻄﻴﻨﻲ ﺗﻔﺎﺣﺔ ﺍﻛﻠﺖ ﺍﻟﺘﻔﺎﺣﺔ . ﻭﻛﻤﻠﺖ .... ﺍﺳﺎﻋﺪﺝ ﺑﺸﻲ ﻣﺎﻣﺎ

ﻛﻤﻠﺖ ﻛﻞ ﺷﻐﻠﻲ ﺣﺒﻴﺒﺘﻲ ﺭﻭﺣﻲ ﺳﻠﻤﻲ

ﺩﺧﻠﺖ ﻭﺍﻧﻲ ﻣﺒﺘﺴﻤﻪ ﺑﻮﺳﺖ ﺧﺎﻟﺘﻲ ﻭﺳﻠﻤﺖ ﻋﻠﻰ ﺯﻭﺟﻬﺎ ﻭﺍﻧﺪﺍﺭﻳﺖ ﻋﻠﻴﺔ ﻛﺘﻠﺔ ﻣﺮﺣﺒﺎﺍ ﻭﻛﻌﺪﺕ ﻭﻣﺨﻠﻴﺖ ﻋﻴﻨﻲ ﺗﻮﻛﻊ ﻋﻠﻴﺔ ﺗﺠﺎﻫﻠﺘﻪ ﻭﻻ ﻛﺄﻧﻪ ﻣﻮﺟﻮﺩ ﻛﻤﻠﻨﺔ ﺍﻟﻐﺪﺓ ﻭﻗﺪﻣﻨﻪ ﻓﻮﺍﻛﻪ ﻭﺍﻟﺠﺎﻱ .. ﺳﻮﺍﻟﻒ ﺣﺴﻴﺖ ﻧﻔﺴﻲ ﻣﺨﺘﻨﻜﺔ ... ﻣﺮﻛﺰﺓ ﻧﻀﺮﻱ ﻋﻠﻰ ﻣﻜﺎﻥ ﻭﺍﺣﺪ ﺣﺘﻰ ﻟﺘﺠﻲ ﻋﻴﻨﻲ ﻋﻠﻴﺔ ﻭﺍﺣﺴﺔ ﻣﺮﺍﻗﺒﻨﻲ ﺻﺎﺭﺕ ﺍﻟﺪﻧﻴﺎ ﻏﺮﻭﺏ .. ﻛﻤﺖ ﺣﻄﻴﺖ ﻋﻠﻰ ﺟﺘﻔﻲ ﺷﺎﻝ ﺣﻴﺎﻛﺔ ﺻﻮﻑ ﻭﻃﻠﻌﺖ ﻟﻠﺤﺪﻳﻘﺔ ... ﺍﻳﻲ ﻫﻨﺎ ﺭﺍﺣﺔ ... ﻫﻮﺓ ﺑﻲ ﺑﺮﻭﺩﺓ ﻭﻏﻴﻢ ﻣﺘﻔﺮﻕ ﺑﺲ ﺍﻫﻮﻥ ﻣﻦ ﺍﻟﺠﻮﺓ ... ﻛﻌﺪﺕ ﺑﺎﻟﻤﺮﺟﻮﺣﺔ ﻭﻏﻤﻀﺖ ﻋﻴﻮﻧﻲ ﺍﺭﻳﺪ ﺍﺳﺘﻨﺸﻖ ﻫﻮﺓ ﺗﺠﻴﺖ ﺭﺍﺳﻲ ﻋﻠﻰ ﺍﻟﻤﺮﺟﻮﺣﺔ ﺻﺎﺭ ﻛﺒﺎﻟﻲ ﺿﻞ ﻓﺘﺤﺖ ﻋﻴﻨﻲ ... ﻟﻜﻴﺖ ﺍﻣﺠﺪ ﻭﺍﻛﻒ ﻛﺒﺎﻟﻲ ... ﺭﺟﻒ ﻛﻠﺒﻲ ﺣﺎﻭﻟﺖ ﻣﺎ ﺍﺑﻴﻦ ﻧﻔﺴﻲ ﻣﻬﺘﻤﺔ ... ﺭﺟﻌﺖ ﻏﻤﻀﺖ ﻋﻴﻨﻲ ... ﺣﺴﻴﺘﻪ ﻛﻌﺪ ﺑﺼﻔﻲ .. ﻛﻤﺖ ﻓﻮﺭﺍﺍﺍ ﻫﻢ ﻟﺰﻣﻨﻲ ﻣﻦ ﺍﻳﺪﻱ ..

. ﻭﻛﺎﻟﻲ . ﺍﻧﺘﻲ ﺷﻨﻮ ﻣﻨﺎﻭﻳﺔ ﺗﻜﺒﺮﻳﻦ ...

ﺟﺎﻭﺑﺘﺔ ﺑﻌﺼﺒﻴﻪ ... ﺍﻧﺘﺖ ﺷﺘﺮﻳﺪ ﻣﻨﻲ ﻫﺎﺍﺍ ﻟﻴﺶ ﺩﺍﺋﻤﺎﺍ ﺍﺗﺤﺐ ﺗﻘﻠﻞ ﻣﻦ ﻗﻴﻤﺘﻲ ﻟﻴﺶ ﺷﺎﺩ ﻭﻳﺎﻳﺔ ....

ﺍﻃﻠﻊ ﻣﻦ ﺣﻴﺎﺗﻲ ﻳﺎ ﺍﺧﻲ ﺩﺍﺋﻤﺎ ﺍﺫﻳﺔ ... ﻛﺮﻫﺘﻨﻲ ﺑﺮﺟﻌﺘﻚ ..

ﻋﻴﻮﻧﺔ ﺟﺎﻧﺖ ﺑﻴﻬﻪ ﺑﺴﻤﻪ ﺧﻔﻴﺔ .. ﻫﺪﺀ ﻭﺣﺘﻰ ﻗﺒﻀﺘﻪ ﺭﺧﺖ ﻋﻠﻰ ﺍﻳﺪﻱ ﻭﺣﺮﻛﻬﻪ ﺑﻨﻌﻮﻣﺔ .. ﻳﻤﻜﻦ ﻋﺮﻓﻨﻲ ﻣﺮﺗﺒﻜﺔ ..

ﻧﺰﻝ ﻧﻀﺮﻩ ﻋﻠﻰ ﺷﻔﺘﻲ ﻭﺭﺟﻊ ﺣﻄﻬﻪ ﺑﻌﻴﻮﻧﻲ ... ﻭﻛﺎﻟﻲ ..

ﻫﻴﺞ ﺍﺛﺮ ﺑﻴﺞ ﻛﻼﻣﻲ .. ﻭﺻﺮﺗﻲ ﺗﻮﻛﻔﻴﻦ ﻛﺪﺍﻡ ﺍﻟﻤﺮﺍﻳﺔ .. ﺑﺲ ﺗﺒﻘﻴﻦ ﻃﻔﻠﺔ ... ﺍﺻﻼ ﻣﻦ ﻗﺴﺮﺗﻲ ﻛﺬﻟﺘﺞ ﺑﻴﻨﺘﻲ ﺍﺻﻐﺮ ... ﺻﻴﺮﻱ ﻋﺎﻗﻠﺔ ﻭﻛﺒﺮﻱ ﻭﺭﺟﻌﻲ ﺩﺍﻭﻣﻲ

ﻧﻔﻀﺖ ﺍﻳﺪﻱ ﻣﻦ ﻋﻨﺪﺓ

ﺑﺲ ﻛﻠﻲ ﺍﻧﺖ ﺷﻨﻮ ﺩﺧﻠﻚ ﺑﻴﻪ ﺩﺍﻭﻣﺖ ﺍﻭ ﺑﻄﻠﺖ ﺍﻧﺖ ﺷﻌﻠﻴﻚ ... ﺍﺧﺘﻚ ﻣﺮﺗﻚ ﺑﺖ ﻋﻤﻚ ... ﺍﺻﻼ ﺍﻧﺖ ﻗﺒﻞ ﺷﻜﻢ ﻳﻮﻡ ﺿﻬﺮﺕ ﺑﺤﻴﺎﺗﻲ ... ﻟﺘﻔﺮﺽ ﻭﺟﻮﺩﻙ ﺗﺮﻯ ﻣﺎﻣﺤﺴﻮﺏ ﺍﻟﻚ ﺍﻱ ﺍﺣﺴﺎﺏ . ﺑﻌﺪﻳﻦ ﻫﺬﺍ ﻣﻮﺷﻐﻠﻚ ﻭﻛﻔﺖ ﻛﺪﺍﻡ ﺍﻟﻤﺮﺍﻳﺔ ﻗﺴﺮﺕ ﻛﺬﻟﺘﻲ ﻃﻮﻟﺘﻬﺎ .... ﻋﻔﺘﻪ ﻭﺩﺧﻠﺖ ﺟﻮﺓ ﻭﻛﻌﺪﺕ ﺑﺼﻒ ﺑﺎﺑﺎ ﺣﺘﻰ ﺑﻌﺪ ﻣﻴﻜﺪﺭ ﻳﺤﺠﻲ ﺷﻲ ﻭﻳﺎﻳﺔ ... ﺩﺧﻞ ﻭﺭﺍﻳﺔ ﻭﺑﺎﻭﻋﻠﻲ ﺑﻨﻀﺮﺓ ﺷﺮﻳﺮﺓ ... ﻛﻌﺪ ﻭﻛﺎﻟﺔ ﻟﺒﺎﺑﺎ ﺍﻛﻮ ﻣﻮﺿﻒ ﻳﻐﻴﺐ ٣ ﺍﻳﺎﻡ ﺑﺪﻭﻥ ﻋﺬﺭ .. ﻓﺘﺤﺖ ﻋﻴﻨﻲ ... ﻛﻠﺔ ﺑﺎﺑﺎ ﻻ ﻣﻴﺼﻴﺮ .. ﻛﻤﻞ ﻛﻼﻣﺔ ﺍﻣﺠﺪ ﻋﻤﻮ ﻟﻌﺪ ﺍﻟﻴﻮﻡ ﻣﺪﻳﺮﺓ ﻧﺮﻳﻤﺎﻥ ﻣﺘﺼﻠﺔ ﻋﻠﻴﺔ ﻭﻛﺎﻟﺖ ﺍﻧﻮ ﻧﺮﻳﻤﺎﻥ ﺣﺘﻰ ﻣﻨﻄﺘﻬﻢ ﺧﺒﺮ .. ﻭﺑﺪﻭﻥ ﺍﻱ ﺍﻋﺬﺍﺭ ﺍﺧﺘﻔﺖ

ﺑﺎﻭﻋﺖ ﻋﻠﻴﺔ .. ﺑﻜﻠﺒﻲ ﻣﺎﻛﺪﺭ ﺍﻛﻮﻝ ﻃﺒﻌﺎﺍ ﻟﻮ ﺍﻛﻮﻝ ﻟﺒﺎﺑﺎ ﻋﻠﻴﻚ ﻳﻤﻜﻦ ﺣﺘﻰ ﻳﻄﺮﺩﻙ 😒...

ﺧﻠﺺ ﻫﻞ ﺍﻟﻴﻮﻡ ﻭﺭﺍﺣﻮ ﺑﻴﺖ ﺧﺎﻟﺘﻲ ... ﻭﺍﻧﻲ ﺭﺣﺖ ﻟﻨﻮﻡ ... ﺍﻭﻝ ﻣﻐﻤﻀﺖ ﻋﻴﻨﻲ ﺻﺎﺭ ﻛﺒﺎﻝ ﻋﻴﻨﻲ ﺍﻣﺠﺪ ﻭﻧﻀﺮﺓ ﻋﻴﻮﻧﻪ .... ﺣﺴﻴﺖ ﻛﻠﺒﻲ ﺍﻧﻌﺼﺮ ﺑﻄﺮﻳﻘﺔ ﻻ ﺍﺭﺍﺩﻳﺔ ﺣﻄﻴﺖ ﺍﻳﺪﻱ ﻋﻠﻰ ﻛﻠﺒﻲ ... ﺟﺎﻧﺖ ﺩﻛﺎﺗﺔ ﺳﺮﻳﻌﺔ ﻣﻌﺮﻓﺖ ﺷﻨﻮ ﻫﻞ ﺍﻟﺸﻌﻮﺭ ﺍﺗﺬﻛﺮﺓ ﺩﺍﺋﻤﺎﺍ ﺑﺲ ﻣﻦ ﺍﻧﻜﻮﻥ ﺑﻨﻔﺲ ﺍﻟﻤﻜﺎﻥ ﺍﺗﻮﺗﺮ ﻭﺍﺷﻌﺮ ﺩﺍﺋﻤﺎ ﻣﻌﺪﺗﻲ ﺗﺮﺟﻒ ... ﺑﻌﺪ ﻫﻞ ﺍﻓﻜﺎﺭ ﺍﺧﺬﺗﻨﻲ ﺍﻟﻨﻮﻣﺔ ...

.....

ﺍﻣﺠﺪ ..

ﺑﻌﺪ ﻣﺎﺭﺟﻌﺖ ﻣﻦ ﻧﺮﻳﻤﺎﻥ ﻳﻮﻡ ﺍﻟﻤﺸﺎﺩﺓ ﺍﻟﻜﻼﻣﻴﺔ ﺍﻟﻲ ﺻﺎﺭﺕ ﺑﻴﻨﻲ ﻭﺑﻴﻨﻬﺎ ﺑﺎﻟﻤﺸﻐﻞ ﺭﺟﻌﺖ ﻟﻠﺒﻴﺖ ﺍﺧﺬﺕ ﺣﻤﺎﻡ ﺑﺨﺎﺭ ﻭﻧﻤﺖ ... ﻭﺍﻧﻲ ﻣﺎﻋﺮﻍ ﻟﻴﺶ ﻣﻜﺘﺄﺏ ... ﻭﻛﻞ ﻣﺎ ﺍﺗﺬﻛﺮ ﺍﻟﺪﻣﻌﺔ ﺍﻟﻲ ﺗﻼﻟﻲ ﺑﻌﻴﻮﻧﻪ ﻻﻣﺠﺎﻧﺖ ﺩﻣﻌﺔ ﺟﺎﻧﺖ ﻋﺒﺎﺭﺓ ﻋﻦ ﺍﺣﺎﺳﻴﺲ ﻭﺭﻗﺔ ﻭﺑﺮﺍﺋﺔ .. ﺗﺎﺧﺬ ﺍﻟﺸﺨﺺ ﻟﻐﻴﺮ ﻣﻜﺎﻥ ﺑﺪﻧﻴﺎ .. ﻏﻔﻴﺖ ﻭﺍﻧﻲ ﺍﻓﻜﺮ ﺑﻨﺮﻳﻤﺎﻥ ... ﻛﻌﺪﺕ ﻭﺍﻧﻲ ﻣﻘﺮﺭ ﺍﺭﻭﺡ ﻭﺍﻋﺘﺬﺭ ﻣﻨﻬﻪ .... ﻣﻴﺨﺎﻟﻒ ﺍﺗﻨﺎﺯﻝ ... ﻣﺎﺭﻳﺪ ﺍﺷﻮﻓﻬﻪ ﺯﻋﻼﻧﻪ ... ﺣﺘﻰ ﺍﻻﺟﺘﻤﺎﻉ ﻟﻐﻴﺘﻪ .... ﺭﺣﺖ ﺍﻧﺘﻀﺮﺗﻬﺎ ﺗﺠﻲ ... ﺻﺎﺭﺕ ٩ﻭﻧﺺ ﻭﺍﻧﻲ ﻭﺍﻛﻒ ﺍﻧﺘﻀﺮ .. ﻣﺠﺘﻲ .. ﺩﺧﻠﺖ ﺳﺎﻟﺖ ﻛﺎﻟﻮﻭ ﻣﺠﺘﻲ ﺍﻟﻴﻮﻡ ...

ﻃﻠﻌﺖ ﻣﺸﺘﻌﻞ ﻧﺎﺭ ﻭﻣﻘﻬﻮﺭ .. ﻣﻨﻬﺎ ﻣﻌﻘﻮﻟﺔ ﻛﺒﺮﻳﺎﺋﻬﺎﺍ ﻟﻬﺪﺭﺟﺔ ﻟﻬﺪﺭﺟﺔ ﺗﻜﺮﻫﻨﻲ ... ﻟﻴﺶ ... ﻃﻠﺒﺖ ﻣﻨﻬﻢ ﺍﺫﺍ ﺍﺟﺘﻲ ﺑﺎﺟﺮ ﺍﻳﺒﻠﻐﻮﻧﻲ ﺍﻧﺘﻀﺮﺕ ﺛﺎﻧﻲ ﻳﻮﻡ ﻫﻢ ﻣﺎﻛﻮﻭﻭ ﻣﻌﻨﺎﻫﺎ ﻫﻢ ﻣﺮﺍﺣﺖ ...

ﺛﺎﻟﺚ ﻳﻮﻡ ﺟﻨﺖ ﺭﺍﺟﻊ ﻣﻦ ﺻﻔﻘﺔ ﺍﻗﻤﺸﺔ ﻭﻳﺔ ﺷﺮﻛﺔ ﺻﻴﻨﻴﺔ ... ﺭﺟﻌﺖ ﺷﻔﺖ ﺍﻣﻲ ﺑﺎﻟﺒﺎﺏ ﻫﻲ ﻭﺍﻟﺪﻱ ﺩﻳﻄﻠﻌﻮﻥ ... ﻋﻠﻰ ﺧﻴﺮ .. ﺭﺩﺕ ﺍﻣﻲ

ﻏﺪﺍﻧﻪ ﻳﻢ ﺧﺎﻟﺘﻚ ...

ﺍﻳﻴﻲ ﺟﺘﻲ ﺍﻟﻔﺮﺻﺔ ... ﺧﻼﺹ ﺭﺍﻳﺢ ﻭﻳﺎﻛﻢ .. ﺧﺎﻟﺘﻲ ﻃﺒﺨﻬﻪ ﻃﻴﺐ ...

ﻭﺻﻠﻨﻪ ﻭﺩﺧﻠﻨﻪ ﻭﻫﻲ ﻣﺎﻛﻮﻭ ﻭﻳﻨﻬﻪ ﻫﺎﻱ ... ﻣﻌﻘﻮﻟﺔ ﺩﺗﺮﻭﺡ ﻟﻐﻴﺮ ﻣﻜﺎﻥ ... ﻣﺘﺤﻤﻠﺖ ﻭﺳﺎﻟﺖ ﻋﻨﻪ ﺧﺎﻟﺔ ﻧﺮﻳﻤﺎﻥ ﺑﺸﻐﻞ ... ؟؟

ﺟﺎﻭﺑﺖ ﺧﺎﻟﺘﻲ .. ﻻﻧﺮﻳﻤﺎﻥ ﺗﻌﺒﺎﻧﻪ ﻛﻠﺶ ﻣﻦ ﺍﻟﺸﻐﻞ .. ﻭﻧﺎﻳﻤﻪ ﻓﻮﻙ .. ﻣﺎﺧﺬﺓ ﺍﺟﺎﺯﺓ

ﺍﻟﺘﻔﺘﺖ ﺧﺎﻟﺘﻲ ﻋﻠﻰ ﺍﻣﻲ .. ﻭﻛﺎﻟﺘﻠﻬﻪ ﻋﺒﺎﻟﻚ ﺍﻟﺒﻨﻴﺔ ﺷﻮﻳﺔ ﻣﻜﺘﺂﺑﺔ .. ﻳﻤﻜﻦ ﻋﻠﻴﻬﻪ ﺣﻤﻞ ﻓﻮﻙ ﻃﺎﻗﺘﻪ ﻭﻓﻮﻙ ﻋﻤﺮﻫﻪ

ﺗﺪﺭﻳﻦ ﺍﻟﻲ ﺑﻜﺪﻫﻪ ﻫﺴﻪ ﺑﺠﺎﻣﻌﺎﺕ .. ﻣﻠﺘﻬﻴﺎﺕ ﺑﻄﻠﻌﺎﺕ ﻭﺍﻟﻄﺒﺎﺕ ﻭﻫﻲ ﻳﺎﻋﻴﻨﻲ ﻣﺘﻠﺤﻚ ﺗﺸﺒﻊ ﻧﻮﻡ ... ﻧﺮﻳﻤﺎﻥ ﺣﺴﺎﺳﺔ ﻭﻛﺘﻮﻣﺔ ﺟﺪﺍﺍﺍ ﻛﻠﻪ ﻋﻠﻴﻬﻪ ﺗﻘﺮﻳﺒﺎﺍ ﻭﺗﺒﻴﻦ ﻫﻲ ﻃﺒﻴﻌﻴﺔ ﺑﺲ ﺩﺍﺧﻠﻬﻪ ﻋﻜﺲ .... ﻫﺴﺔ ﺗﻜﻌﺪ ﺑﻠﻜﺖ ﺍﻧﺸﻮﻓﻜﻢ ﻭﺗﻐﻴﺮ ﺟﻮ ...

ﺟﺎﻧﺖ ﻋﻴﻨﻲ ﻭﺍﺫﺍﻧﻲ ﻭﻳﺔ ﺧﺎﻟﺘﻲ ﺣﺴﻴﺖ ﺍﻟﻢ ﺑﺪﺍﺧﻠﻲ . ... ﻓﻌﻼﺍ ﺧﻄﻴﺔ ... ﺑﺲ ﺍﻛﻮ ﺟﺎﻧﺐ ﻃﻔﻮﻟﻲ ﺑﺪﺍﺧﻠﻬﻪ ﻣﺤﺪ ﻳﺸﻮﻓﻪ ﻏﻴﺮﻱ .. ﺍﻟﻠﻪ ﻳﻌﻮﺿﺞ ﻳﺎﻧﺮﻳﻤﺎﻥ ... ﻧﺰﻟﺖ ﺑﻌﺪ ﺳﺎﻋﺔ ﻣﻦ ﻭﺻﻮﻟﻨﺎ ﺟﺎﻧﺖ ﻣﺮﺗﺒﺔ ﺑﺒﺴﺎﻃﺔ ﻭﻧﺰﺍﻛﺔ .... ﺍﻛﻮ ﺗﻐﻴﺮ ﺍﺑﺘﺴﻤﺖ ﺑﻴﻨﻲ ﻭﺑﻴﻦ ﻧﻔﺴﻲ .. ﻫﻲ ﻟﻮ ﺗﺪﺭﻱ ﺷﻜﺪ ﺯﺍﻳﺪﺗﻬﻪ ﻃﻔﻮﻟﺔ ﻭﺟﻤﺎﻝ ... ﺳﻠﻤﺖ ﻭﻛﻌﺪﺕ ﻭﺍﻧﻲ ﺍﻛﺘﻔﺖ ﺍﺗﻜﻠﻲ ﻣﺮﺣﺒﺎ ﻭﻻ ﻭﺟﻬﺘﻠﻲ ﺣﺘﻰ ﻧﻀﺮﺓ ﻣﺮﺩﺕ ﺍﺿﻐﻂ ﻋﻠﻴﻬﺎ ﺍﺿﺎﻫﺮ ﻫﻮﺍﻳﺔ ﺟﺮﺣﺘﻪ ﺿﻠﻴﻨﻪ ﻛﺎﻋﺪﻳﻦ ﻭﻻ ﺑﻮﺩﻱ ﺍﻛﻮﻡ ﻭﺍﻧﻲ ﺍﺳﺘﺮﻕ ﺍﻟﻨﻀﺮ ﺍﻟﻬﺎ ﻣﺜﻞ ﺍﻟﻤﺮﺍﻫﻖ ﺍﻟﺨﺠﻼﻥ ... ﺻﺎﺭﺕ ﺍﻟﻐﺮﻭﺏ ﺷﻔﺘﻬﺎ ﻛﻠﺶ ﺍﺗﻀﺎﻳﻘﺖ ﻣﻦ ﻛﻌﺪﺗﻬﺎ ﻳﻤﻨﻪ ﻃﻠﻌﺖ ﻟﻠﻤﺮﺟﻮﺣﺔ ﻣﺘﺤﻤﻠﺖ ﺍﺿﻞ ﻛﺎﻋﺪ ﺍﻛﻮ ﻓﺮﺻﺔ ﺍﻛﺪﺭ ﺍﺣﺠﻲ ﻭﻳﺎﻫﺎ ... ﻃﻠﻌﺖ ﻟﻜﻴﺘﻪ ﻛﺎﻋﺪﻩ ﺑﺎﻟﻤﺮﺟﻮﺣﺔ ﻭﻣﺮﺟﻌﻪ ﺭﺍﺳﻬﺎ .. ﻭﻻﻓﺔ ﺭﻭﺣﻬﺎ ﺑﺸﺎﻝ .. ﻭﻣﻐﻤﻀﺔ ﻋﻴﻨﻬﺎ ... ﻭﻛﻔﺖ ﻛﺒﺎﻟﻬﺎ ﻭﺍﻧﻲ ﺍﺗﺎﻣﻠﻬﺎ ﺧﺸﻤﻬﺎ ﻣﺮﻓﻮﻉ .. ﻭﺷﻔﺎﻳﻔﻬﺎ ﻣﻤﻠﺌﺔ ... ﻭﺍﻟﺮﻣﻮﺵ ﻏﻄﻰ ... ﻭﺍﻟﺨﺪ ﺗﻔﺎﺣﺔ ﺣﻤﺮﺓ ﻭﺧﺼﻞ ﺍﻟﺸﻌﺮ ﺍﻟﻨﺤﺎﺳﻴﺔ ﺍﻟﻲ ﻳﻼﻋﺒﻬﺎ ﺍﻟﻬﻮﻯ ﻭﺗﻼﻣﺲ ﺑﺸﺮﺗﻬﺎ ﺑﺘﺮﺍﻓﺔ ﺣﺴﻴﺖ ﺣﺘﻰ ﺍﻟﺸﻌﺮ ﺭﺍﺡ ﻳﺠﺮﺡ ﻧﻘﺎﺀ ﻫﺎﻱ ﺍﻟﺒﺸﺮﺓ ... ﻓﺘﺤﺖ ﻋﻴﻨﻬﻪ ﻭﺭﺟﻌﺖ ﻏﻤﻀﺖ ﻭﻻ ﻛﺄﻧﻪ ﺷﺎﻓﺖ ﺍﺣﺪ ﻛﺪﺍﻣﻬﻪ .... ﻛﻌﺪﺕ ﺑﺠﺎﻧﺒﻬﻪ ﻛﺎﻣﺖ ﻓﻮﺭﺭﺍﺍ ﻣﺤﺴﻴﺖ ﺍﻟﻪ ﻭﺍﻧﻲ ﻻﺯﻡ ﺍﻳﺪﻫﺎ ﻭﺳﺤﺒﺘﻪ ﻋﻠﻰ ﺟﺎﻧﺒﻲ .. ﺣﺠﻴﺖ ﻭﻳﺎﻫﺎ ﺑﺠﺪﻳﺔ ﺍﻭﻝ ﺷﻲ ﺑﺲ ﻣﻦ ﻛﺎﻣﺖ ﺗﺤﺠﻲ ﺍﺧﺘﻠﻄﺖ ﺍﻻﻭﺭﺍﻕ ﻭﺍﻧﻘﻠﺒﺖ ﺍﻟﻄﺎﻭﻟﺔ ﻋﻠﻴﺔ ... ﺻﺎﺭﺕ ﻋﻴﻨﻲ ﺑﻌﻴﻨﻪ ﺗﻬﺖ ﻭﺷﻔﺎﻳﻔﻬﻪ ﻣﻦ ﺗﺘﺤﺮﻙ .. ﻓﻘﺪﺕ ﺣﺎﺳﻪ ﺍﻟﺴﻤﻊ ﻛﻤﺖ ﻣﺎ ﺍﺭﻛﺰ ﺷﺘﺤﺠﻲ ﻳﺎﺭﺏ ﻫﺎﻱ ﺍﻟﺒﻨﻴﺔ ﻣﺤﺘﺒﻘﻲ ﻋﻘﻞ ﺑﺮﺍﺱ ﺍﻣﺠﺪ ... ﺑﺎﻟﺤﻀﺔ ﺭﺩﺗﻬﺎ ﺗﺮﺧﻲ ﻫﻼﻋﺼﺎﺏ ﺭﺩﺕ ﺍﺗﺤﺴﺲ ﺑﺸﺮﺗﻬﻪ ﺍﻟﻨﺎﻋﻤﺔ ﺑﺪﻳﺖ ﺍﻧﺰﻝ ﺍﻳﺪﻱ ﻋﻠﻰ ﻛﻴﻒ ﻭﺑﺮﻗﺔ ﻋﻠﻰ ﺟﻔﻬﺎ .. ﺣﺴﻴﺘﻪ ﺭﺧﺖ ﺍﻋﺼﺎﺑﻬﻪ ﻭﻛﺎﻣﺖ ﺗﺘﻠﻌﺜﻢ ﺑﺎﻟﻜﻼﻡ .. ﺣﻄﻴﺖ ﻋﻴﻨﻲ ﻋﻠﻰ ﺷﻔﺎﻳﻔﻬﺎ ﻳﺮﺑﻲ ﺷﻬﻞ ﺍﻟﺤﺴﻦ .... ﺑﻌﺪ ﺗﻨﻮﻳﻢ ﻣﻐﻨﺎﻃﻴﺴﻲ ... ﺭﺟﻌﺖ ﻟﻮﻋﻴﻲ ﻭﺟﺎﻥ ﻻﺯﻡ ﺍﺳﻜﺘﻬﺎ ﻫﻲ ﻭﻟﺴﺎﻧﻬﺎ ﺍﻟﺤﺎﺩ ﻛﺘﻠﻪ ﻛﻼﻡ ﺍﺳﺘﻔﺰﻫﻪ ﻋﺼﺒﺖ ﻭﻭﺣﺠﺖ ﺑﺘﻌﺼﻴﺐ ... ﻭﻧﻔﻀﺖ ﺍﻳﺪﻫﻪ ﻭﺭﺍﺣﺖ ﺩﺧﻠﺖ ﻳﻢ ﻭﺍﻟﺪﻫﺎﺍ ﻭﻛﻌﺪﺕ ﺑﺠﺎﻧﺒﺔ .. ﻃﻔﻠﺔ ﺧﺎﺗﻠﺔ ﺑﺼﻒ ﺍﺑﻮﻫﺎ .. ﺍﺗﻤﻨﻴﺖ ﺍﻧﻲ ﺑﻤﻜﺎﻥ ﻭﺍﻟﺪﻫﺎ ﻭﻫﻴﺞ ﺧﺎﺗﻠﺔ ﺑﺼﻔﻲ ﻭﻣﺤﺘﻤﻴﺔ ﺑﻴﺔ ...

ﺍﺗﺨﺬﺕ ﻗﺮﺍﺭ ﻻﺯﻡ .. ﺍﻛﻮﻝ ﻻﺑﻮﻫﺎ ﺣﺘﻰ ﺗﺮﺟﻊ ﻟﻤﻌﻤﻞ ... ﻛﺘﻠﺔ ﻫﻲ ﻏﺎﻳﺒﺔ ﺻﺎﺭﻟﻬﻪ ٣ ﺍﻳﺎﻡ ﻭﻣﻤﻄﻴﺔ ﺧﺒﺮ ﺍﻟﺘﻔﺖ ﻋﻠﻴﻬﻪ ﺍﺑﻮﻫﺎ ﻭﻛﻠﻬﻪ ﺗﺮﺩﻳﻦ ﺍﺗﺒﻄﻠﻴﻦ ﻧﺮﻳﻤﺎﻥ ﻣﺎﻛﻮ ﻏﻴﺎﺏ ﻭﻋﺪﻡ ﺍﻟﺘﺰﺍﻡ ﺑﻌﺪ ... ﺟﺎﻧﺖ ﻧﻀﺮﺗﻬﺎ ﺑﺤﻘﺪ ﺍﻟﻴﺔ .. ﻭﻛﻠﺘﻠﺔ ﺣﺎﺿﺮ ﺑﺎﺑﺎ 😑

ﻣﺮ ﺍﻟﻮﻗﺖ .. ﻭﺭﺟﻌﻨﺔ ﻟﺒﻴﺘﻨﻪ .. ﺻﻌﺪﺕ ﻟﻐﺮﻓﺘﻲ .. ﻭﺍﻧﻲ ﺍﻓﻜﺮ ﺑﻴﻬﻪ ﻣﺮﺓ ﺍﺑﺘﺴﻢ ﻣﺮﺓ ﺍﻛﺘﺂﺏ ﻣﺮﺓ ﺍﺣﺒﻪ ﻣﺮﺓ ﺍﻛﻮﻝ ﺍﻧﻲ ﻏﻠﻄﺎﻥ .. .. ﻧﻤﺖ ﻛﻌﺪﺕ ﺍﻟﺼﺒﺢ ﻛﻠﻲ ﻧﺸﺎﻁ .. ﻻﻥ ﺍﻋﺮﻑ ﺍﻟﻴﻮﻡ ﺍﻻﺟﺘﻤﺎﻉ ﺑﺎﻟﻤﺸﻐﻞ ﻣﺎﻝ ﺻﻮﻓﻴﺎ ﻋﻠﻰ ﻣﻮﺩ ﺗﻮﺯﻳﻌﺔ .. ﻭﺍﻛﻮ ﻣﺴﺘﺜﻤﺮﻳﻦ ﺭﺍﺡ ﻳﺨﻠﻮﻥ ﻗﺴﻢ ﺍﻧﺘﺎﺝ .. ﻛﺸﺨﺖ ﻭﺗﻌﻄﺮﺕ ﺑﺎﺭﻗﻰ ﻋﻄﺮ ﻓﺮﻧﺴﻲ ﻋﻨﺪﻱ .. ﺷﻠﺖ ﺍﻟﺠﺮﻭﺕ ﺑﻴﺪﻱ ﻻ ﺭﺟﻌﺘﻪ ﺣﺴﻴﺘﻪ ﻳﺒﻴﻨﻲ ﺍﻛﺒﺮ ﻣﻦ ﻋﻤﺮﻱ .. ﺭﺟﻌﺖ ﺑﺎﻭﻋﺖ ﻋﻠﻰ ﺭﻭﺣﻲ ﺑﺎﻟﻤﺮﺍﻳﺔ .. ﺷﻨﻮ ﻫﺎﻱ ﺍﻣﺠﺪ ﺗﺴﺮﻳﺤﺔ ﺷﻌﺮﻙ ﻣﺒﻴﻨﺘﻚ ﺷﻜﺒﺮﻙ .. ﺭﺟﻌﺖ ﻏﻴﺮﺗﻬﻪ ... ﺍﻱ ﻫﺴﻪ ﺗﻤﺎﻡ ... ﺍﺣﺬﺕ ﺳﻮﻳﺞ ﺍﻟﻤﺎﺭﺳﺪﺱ .. ﻭﻃﻠﻌﺖ ...

.....

ﻧﺮﻳﻤﺎﻥ ...

ﻓﺘﺤﺖ ﻋﻴﻨﻲ .. ﻭﺍﻧﻲ ﻧﺸﻄﺔ ﺷﻨﻮ ﺭﺍﺡ ﺍﻛﻮﻝ ﻟﻤﺪﺍﻡ ﺻﻮﻓﻴﺎ .. ﺭﺍﺡ ﺍﻛﻮﻝ ﺍﻟﻬﺎ ﻣﺮﻳﻀﺔ .. ﺍﻱ ﻭﻣﻜﺪﺭﺕ ﺣﺘﻰ ﺍﺗﺼﻞ .. ﺣﺘﻰ ﻣﺴﺘﺸﻔﻰ ﻧﻤﺖ 🙁 😂 ﺻﺪﻛﺖ ﺍﻟﻜﺬﺑﺔ . ﻟﺤﻀﺔ ﺧﻞ ﺍﺷﺘﺮﻱ ﻛﺎﻧﻮﻧﺔ ﺣﺘﻰ ﺗﺒﻴﻦ ﺻﺪﻙ 😌

ﻃﻠﻌﺖ ﻋﻠﻰ ﺍﻟﺼﻴﺪﻻﻧﻲ .. ﻭﺍﺧﺬﺕ ﻛﺎﻧﻮﻧﺔ ﻭﺑﻼﺳﺘﺮ ﻭﻟﺰﻛﺘﻬﻢ ﺑﺲ ﻣﻨﻀﺮ .. ﺍﺗﺠﻬﺖ ﻟﻤﻌﻤﻞ .. ﺍﻭﻝ ﻣﺪﺧﻠﺖ ﻣﺪﺍﻡ ﻧﻀﺎﻝ ﻭﺍﻛﻔﺔ ﺍﻭﻝ ﻣﺸﺎﻓﺘﻨﻲ ﻛﺎﻟﺘﻠﻲ ﻟﻤﺪﺍﻡ ﺻﻮﻓﻴﺎ

☹ ﻻ ﻳﺮﺑﻲ .. ﺍﺗﺠﻬﺖ ﻟﻐﺮﻓﺔ ﻣﺪﺍﻡ ﺻﻮﻓﻴﺎ .. ﻭﺩﺧﻠﺖ ﺻﺒﺤﺖ ﻋﻠﻴﻬﻪ ﻭﻛﻠﺘﻠﻬﻪ ﺍﻧﻲ ﺟﻨﺖ ﻣﺮﻳﻀﺔ 🠾񕔒 ﻭﻣﻜﺪﺭﺕ ﺍﺟﻲ .. ﻭﺣﺘﻰ ﺍﺟﺎﺯﺓ ﻣﻜﺪﺕ ﺍﺧﺬ ﺑﻬﻞ ﺍﻻﺛﻨﺎﺀ .. ﺍﻧﺪﻙ ﺍﻟﺒﺎﺏ ﻭﺍﻧﻔﺘﺢ ﺑﺎﻭﻋﺖ ﺻﻮﻓﻴﺎ ﺑﺎﺗﺠﺎﻩ ﺍﻟﺒﺎﺏ ﻭﻛﺎﻣﺖ ﻣﻦ ﻣﻜﺎﻧﻬﺎ ..... ﻭﻫﻲ ﻣﺒﺘﺴﻤﻪ ﺛﺎﺭﺕ ﻓﻀﻮﻟﻲ ﻋﺒﺎﻟﻲ ﻧﻀﺎﻝ ﻣﻨﻮ ﻳﺠﻲ ﻫﻴﺞ ﻭﻳﺪﺧﻞ ﻋﻠﻰ ﻣﺪﺍﻡ ﺻﻮﻓﻴﺎ ﺍﻟﺘﻔﺘﺖ 😲 ﺍﻣﺠﺪ ﺷﺠﺎﻳﺒﺔ .. ﻛﺎﻝ ﺻﺒﺎﺡ ﺍﻟﺨﻴﺮ .. ﻭﺩﺧﻞ ﺑﺎﻭﻉ ﻋﻠﻴﺔ ﺑﻨﻀﺮﺓ ﻣﻦ ﻓﻮﻙ ﻟﻴﺠﻮﺓ ﻭﺻﻔﻦ ﻋﻠﻰ ﺍﻳﺪﻱ ﻫﺬﺍ ﺷﺒﻲ ﺑﺎﻭﻋﺖ ﻋﻠﻰ ﺍﻳﺪﻱ ﻳﺒﻮﻭﻭﻭﻭ ﺍﻟﻜﺎﻧﻮﻧﺔ .. ﻳﻔﻀﻴﺤﺘﺞ ﻳﻨﺮﻳﻤﺎﻥ ﺿﻤﻴﺖ ﺍﻳﺪﻱ ﺑﺠﻴﺐ ﺍﻟﻜﻮﺕ .. ﺑﺎﻭﻋﻠﻲ ﺑﻤﻜﺮ ...

ﻭﺍﺑﺘﺴﻢ ﺍﺑﺘﺴﺎﻣﺘﻪ ﺍﻟﺸﺮﻳﺮﺓ ﺍﻟﻲ ﻳﻀﺤﻚ ﺻﻔﺢ ﻭﻳﻀﻴﻖ ﻋﻴﻮﻧﺔ .. ﻭﺧﺮﺕ ﻧﻀﺮﻱ ﻋﻨﺔ ... ﻭﻛﺘﻠﻬﺎ ﻣﺪﺍﻡ ﺻﻮﻓﻴﺎ ﺍﻧﻲ ﺍﺳﻔﺔ ﻣﺮﺓ ﻟﺦ ﺍﻭﻋﺪﺝ ﺑﻌﺪ ﻣﺎ ﺍﻛﺮﺭﻫﻪ ﺍﻥ ﺷﺎﺀ ﺍﻟﻠﻪ ﻣﺎ ﺍﺗﻮﺍﺟﺪ ﺑﺎﺷﺨﺎﺹ ﻭﺑﺎﻭﻋﺖ ﻋﻠﻰ ﺍﻣﺠﺪ ... ﺍﺍ ﺍﻗﺼﺪ ﺍﻣﺎﻛﻦ ﺍﺗﻤﺮﺽ .. ﻭﺍﻧﺪﺍﺭﻳﺖ .. ﺩﺍ ﺍﻃﻠﻊ ﺧﻄﻮﺗﻴﻦ ﻭﻛﻔﻨﻲ ﺍﻣﺠﺪ .. ﻧﺮﻳﻤﺎﻥ ﻏﻤﻀﺖ ﻋﻴﻮﻧﻲ .. ﻻ ﻻ ﺣﺒﺎﺏ ﻟﺪﻙ ﻫﻠﺪﻛﺔ ..

ﺍﻟﺘﻔﺘﺖ ﺍﺗﻔﻀﻞ .. ﺍﻟﺒﺎﺭﺣﺔ ﻣﻦ ﺟﻨﻬﺔ ﻳﻤﻜﻢ .. ﻏﻤﻀﺖ ﻋﻴﻮﻧﻲ ﺍﻧﻜﺸﻔﺖ ﻛﺬﺑﺘﺞ .. ﻭﻛﻌﺪﻧﻪ ﺑﺎﻟﻤﺮﺟﻮﺣﻪ ﻭﺍﺑﺘﺴﻢ ﺍﺿﺎﻫﺮ ﻫﺬﺍ ﻣﺮﺽ ﻛﻠﺒﺞ 😈.. .. ﺑﺎﻭﻋﺖ ﻟﻤﺪﺍﻡ ﺻﻮﻓﻴﺎ ﻭﻫﻲ ﻣﺴﺘﻔﻬﻤﻪ ﺍﻟﻮﺿﻊ .. ﺍﺗﺮﺧﺼﺖ ﻭﻃﻠﻌﺖ .. ﺍﻭﻭﻭﻭﻑ ﺍﻟﻠﻪ ﻳﺎﺧﺬﻙ .. ﻳﺎ ﺍﻣﺠﺪ ﻣﻴﻦ ﺗﻄﻠﻌﻠﻲ ﺍﻧﺖ ...

ﺭﺣﺖ ﻭﺑﺎﺷﺮﺕ ﺷﻐﻞ ﻭﻣﺮﺍ ﺍﻻﻳﺎﻡ ﻭﺍﻧﻲ ﻋﻠﻰ ﻧﻔﺲ ﺷﻐﻞ ﺟﻴﺎﺕ ﺍﻣﺠﺪ ﻛﺜﺮﺕ ﻋﺪﻫﻢ ﺍﺟﺘﻤﺎﻋﺎﺕ ﻫﻮﺍﻳﺔ ﺻﺎﺭﺕ ﻭﻳﻮﻣﻴﺔ ﻭﻓﺪ .. ﺍﻧﻲ . ﺍﺧﺬ ﺍﻟﺸﻐﻞ ﻛﻞ ﻭﻗﺘﻲ ﻣﻨﻲ .. ﺍﻟﻰ ﺍﻥ ﻛﻤﻠﺖ ﺍﺗﻨﻔﺴﺖ ﺑﻌﻤﻖ .. ﻭﺭﺣﺖ ﺍﺳﻮﻱ ﻛﻬﻮﺓ .. ﻭﺍﻧﻲ ﺍﻣﺸﻲ .. ﺷﻔﺖ ﺍﻣﺠﺪ ﻭﺟﺎﻧﻮ ﻳﻤﺸﻮﻥ ﻭﻳﺘﻜﻠﻤﻮﻥ .. ﺍﺗﺎﻣﻠﺘﻪ ﻣﻦ ﺑﻌﻴﺪ ﻳﺎﻟﻠﻪ ﺷﻨﻮ ﺍﻟﻮﻗﺎﺭ ﻭﻫﻞ ﻫﻴﺒﺔ ﻳﺎﺭﺑﻲ ﺭﺟﻌﻠﻲ ﻧﻔﺲ ﺍﻟﺸﻌﻮﺭ ﺍﺗﻠﻔﺖ ﻭﺍﺷﻮﻑ ﺻﺒﺎﻳﺎ ﺍﻟﻤﺸﻐﻞ ﺍﺷﻠﻮﻥ ﻳﺒﺎﻋﻮﻥ ﻋﻠﻴﺔﺿﺠﺖ .. ﺍﺟﺎﻧﻲ ﺍﺣﺴﺎﺱ ﺍﻧﻮ ﺍﺧﻠﻴﻬﻦ ﻳﻌﺮﻓﻦ .. ﺍﺣﻨﻪ ﻳﺮﺑﻄﻨﺔ .. ﺷﻲ .. ﻓﺘﺖ ﻣﻦ ﺟﻨﺒﺔ .. ﻭﺍﺑﺘﺴﻤﺖ .. ﻣﺸﺔ ﺧﻄﻮﺗﻴﻦ .. ﻭﺻﺤﺘﻠﺔ ﺍﻣﺠﺪ 😏.. ﺍﺗﺤﻮﻟﺖ ﺍﻧﻀﺎﺭ ﺍﻟﻜﻞ ﺍﻟﻲ 😎.. ... ﺍﺍﺍ ﺑﺲ ﺭﺩﺕ ﺍﻛﻠﻚ .. ﻣﻦ ﺗﻄﻠﻊ ﻭﺻﻠﻨﻲ ﺑﻄﺮﻳﻘﻚ .. ﻻﻥ ﺍﻟﺴﺎﻳﻖ ﻣﺮﺍﺡ ﻳﻜﺪﺭ ﻳﺠﻴﻨﺔ ..

ﺍﻣﺠﺪ ﺟﺎﻧﺖ ﺭﺩﺕ ﻓﻌﻠﺔ 🤤 ﻣﺎﺷﻲ

ﻛﻤﻠﺖ ﻃﺮﻳﻘﻲ ﻭﺍﻧﻲ ﺍﺑﺘﺴﻢ ﺑﺪﺍﺧﻠﻲ ﻭﺍﻟﺘﻤﻦ ﻋﻠﻴﺔ ﺍﻟﺤﻠﻮﺍﺕ ﻭﻣﻴﻦ ﺗﻌﺮﻓﻲ ﻭﺷﻨﻮ ﻳﻘﺮﺑﻠﺞ .. ﻭﻧﻴﺎﻟﺞ .. ﻟﻮ ﺍﺑﻦ ﺧﺎﻟﺘﻲ ﻣﺎ ﺍﻓﻮﺗﺔ 😄 ﺑﺲ ﺍﻧﻲ ﻓﺸﻼﻧﺔ ﻳﺎﺭﺏ ﻳﺮﻭﺡ .. ﻋﺰﺯﺓ ﺍﺷﻠﻮﻥ ﺍﺗﺼﺮﻓﺖ ﻫﻴﺞ ﻣﺒﻘﻴﺘﻲ ﻗﻴﻤﺔ ﻟﻨﻔﺴﺞ ﻏﺒﺮﺓ 😑 ﻛﻤﺖ ﻣﻦ ﻳﻤﻬﻦ ﻭﻫﻦ ﻳﺤﺠﻦ ﻟﻬﻴﺖ ﺭﻭﺣﻲ ﺑﺸﻜﻢ ﺣﺎﺟﺔ ﺑﺎﻗﻴﺔ .. ﺻﺎﺭﺕ ﺍﻻﺭﺑﻌﺔ ﻭﻧﺺ ﺍﺧﺬﺕ ﺟﻨﻄﺘﻲ ﻭﻃﻠﻌﺖ .. ﻣﻠﻤﺤﺘﺔ ﺧﻞ ﺍﻣﺸﻲ ﺳﺮﻳﻊ ... ﻣﺸﻴﺖ ﻭﺳﻤﻌﺖ ﻫﻮﺭﻥ ﺳﻮﻳﺖ ﻧﻔﺴﻲ ﻣﺴﻤﻌﺖ ﻣﺸﻴﺖ ﺍﺳﺮﻉ ﺍﺑﺘﻌﺪﻧﻪ ﻋﻦ ﺍﻟﻤﺸﻐﻞ ﺍﺷﻮﻳﺔ ﻃﺒﻜﺖ ﺍﻟﺴﻴﺎﺭﺓ ﻳﻤﻲ ﻭﻛﻔﺖ ﻓﺘﺢ ﺍﻟﺠﺎﻣﺔ ... ﺑﺎﻭﻋﻨﻲ ﺑﺘﺴﺎﺋﻞ .. ﻛﺘﻠﺔ ﺍﻧﻲ ﺍﻋﺘﺬﺭ ﺍﺗﺬﻛﺮﺕ ﺍﺭﻳﺪ ﺍﺭﻭﺡ ﻟﺒﻴﺖ ﻋﻤﺘﻲ ﻗﺮﻳﺐ ﻣﻦ ﻫﻨﺎ ... ﺷﻐﻠﺔ ﻋﺸﺮ ﺩﻗﺎﻳﻖ ﻏﻤﺾ ﻋﻴﻮﻧﺔ ﻭﺍﺗﻨﻬﺪ ﻣﺎﻋﻨﺪﺝ ﻋﻤﺔ

.. ﻛﻮﻟﻲ ﻟﻌﺪ ﺷﻨﻮ ﺍﻟﻤﻮﻗﻒ ﺍﻟﺒﺎﻳﺦ ﺍﻟﻲ ﺳﻮﻳﺘﻲ ﻛﺪﺍﻡ ﻛﻞ ﺍﻟﻌﺎﻣﻼﺕ ﻭﺍﻟﻤﺴﺘﺜﻤﺮﻳﻦ 😤 ﺷﻮﻛﺖ ﺗﻜﺒﺮﻳﻦ ﺑﺎﺑﺎ ﻛﺘﻠﺔ ﻟﺘﺼﻴﺢ ﻃﻠﺒﺖ ﻣﻨﻚ ﻃﻠﺐ ﺑﺲ ﻫﺴﺔ ﺍﺗﻨﺪﻣﺖ ﻭﺑﻄﻠﺖ ﻣﺘﻌﺠﺒﻨﻲ ﺳﻴﺎﻗﺘﻚ 😏

ﺍﻣﺠﺪ . ﻧﺮﻳﻤﺎﻥ ﺗﺮﻛﺒﻴﻦ ﻟﻮ ﻻ ﺭﺍﺡ ﺍﻋﺪ ﻟﻞ ٣

ﻭﺍﺣﺪ .

ﺷﺘﺴﻮﻱ

ﺛﻨﻴﻦ

ﻫﻬﻪ ﺷﺘﺴﻮﻱ ﻣﺜﻼﺍ

ﻛﻼ . ﺙ

ﺭﻛﺒﺖ ﺭﻛﺒﺖ .

ﻓﺘﺤﺖ ﺑﺎﺏ ﺍﻟﺴﻴﺎﺭﺓ ﻭﺭﻛﻌﺘﺔ ﻗﻮﻱ ﺻﻌﺪﺕ ﻛﺪﺍﻡ .. ﻛﺘﻠﺔ ﻣﺨﻔﺖ ﻣﻨﻚ ﺑﺲ ﻏﻴﺮﺕ ﺭﺃﻱ

ﺣﺮﻙ ﺍﻟﺴﻴﺎﺭﺓ ﻭﻣﺸﻰ ﻭﻫﻮ ﺳﺎﻛﺖ ﺷﻐﻞ ﺍﻟﺮﺍﺩﻳﻮ . ﺟﺎﻧﺖ ﺍﻏﻨﻴﺔ ﺍﻡ ﻛﻠﺜﻮﻡ ...

ﻭﺍﺑﻠﺘﻚ ﺍﻧﺖ ﻟﺌﻴﺘﻚ ﺑﺘﻐﻴﺮ ﻛﻞ ﺣﻴﺎﺗﻲ

ﻣﻌﺮﻓﺶ ﺍﺯﺍﻱ ﺣﺒﻴﺘﻚ ﻣﻌﺮﻓﺶ ﺍﺯﺍﻱ ﻳﺤﻴﺎﺗﻲ

ﻣﻦ ﻧﻀﺮﺓ ﺣﺐ ﻟﺌﻴﺘﻨﻲ ﺑﺤﺐ

ﻭﻟﺌﺘﻨﻲ ﺑﺤﺐ ﻭﺍﺩﻭﺏ ﺑﺎﻟﺤﺐ ﺍﻫﻞ ﺍﻟﺤﺐ ﺻﺤﻴﺢ ﻣﺴﺎﻛﻴﻴﻦ

ﺟﺎﻧﺖ ﻛﻠﻤﺎﺕ ﺍﻻﻏﻨﻴﺔ .. ﺗﺨﺘﻠﻒ ﻭﻛﺄﻥ ﻫﺎﻱ ﺍﻭﻝ ﻣﺮﺓ ﺍﺳﻤﻊ ﺑﻴﻬﻪ ﺍﻡ ﻛﻠﺜﻮﻡ .. ﻟﻤﻌﺖ ﻋﻴﻮﻧﻲ ﻭﺻﺎﺭ ﻋﻨﺪﻱ ﻧﻔﺲ ﺍﻻﺣﺴﺎﺱ .. ﻭﺩﻙ ﻛﻠﺒﻲ ﺩﻛﺎﺕ ﺳﺮﻳﻌﺔ ... ﺳﺮﺣﺖ ﻭﺍﺧﺬﺕ ﺷﻬﻴﻖ .. ﺑﺲ ﻫﺬﺍ ﺍﻟﻨﻔﺲ ﻫﻠﻤﺮﺓ ﻳﺨﺘﻠﻒ ... ﻫﺬﺍ ﺑﻲ ﻋﻄﺮﺓ ... ﺍﻧﺘﺮﺳﺖ ﺭﺋﺘﻲ .. ﺑﺮﻳﺤﺔ ﻋﻄﺮﺓ .. ﻏﻤﻀﺖ ﻋﻴﻮﻧﻲ ﻭﺍﻧﻲ ﺍﻃﻠﻖ ﺍﻟﺰﻓﻴﺮ .. ﺟﺎﻥ ﺷﻌﻮﺭ ﻳﺨﺘﻠﻒ ﻣﺎﻋﺘﻘﺪ ﺍﺣﺪ ﺣﺲ ﺑﻲ ﻗﺒﻠﻲ .. ﻻ ﺍﺭﺍﺩﻱ ﺍﻟﺘﻔﺘﺖ ﻋﻠﻴﺔ .. ﻋﺒﺎﻟﻚ ﺍﻭﻝ ﻣﺮﺓ ﺍﺷﻮﻓﺔ .. ﻭﺍﺩﻗﻖ ﺑﻤﻼﻣﺤﺔ .. ﺍﻳﺪﺓ ﺣﻨﻄﻴﺔ ﻭﺑﻴﻬﻪ ﻋﺮﻭﻕ ﺑﺎﺭﺯﺓ ﺷﻌﺮﺓ ﺳﺮﺡ .. ﻣﺪ ﺍﻳﺪﺓ ﻋﻠﻴﺔ ﻭﻛﻠﺒﺔ ﻟﻴﻮﺭﺓ ﻭﺣﺴﻴﺖ ﻧﻔﺴﻲ ﺭﺟﻌﺖ ﻭﻳﺔ ﺍﻳﺪﺓ ﺍﺍﻩ .. ﻫﺎﻱ ﺷﻨﻮﻭ ﻫﻴﺞ ﺣﻠﻮ ﻫﻮ .. ﺑﻌﺪﻧﻲ ﻣﻨﺪﻣﺠﺔ ﺑﻤﻌﺎﻧﻴﺔ ﻭﺳﺮﺣﺎﻧﺔ .. ﺻﺤﺎﻧﻲ ﻣﻦ ﻣﻦ ﺻﻔﻨﺘﻲ ﺍﻟﻮ ... ﻧﺮﻳﻤﺎﺍﺍﺍﻥ ﻭﻳﻦ ﻭﺻﻠﺘﻲ ..

ﺷﺒﻴﺞ ﺗﺒﺎﻭﻋﻴﻦ ﻋﻠﻴﺔ ﻫﻴﺞ

ﺑﺲ ﺟﺎﻧﺖ ﺑﻌﻴﻮﻧﺔ ﻧﻔﺲ ﺍﻟﻨﻀﺮﺓ ﺍﻟﺸﺮﻳﺮﺓ .. ﻭﺍﻟﻤﺴﺘﻬﺰﺋﺔ ...

ﺷﻨﻮﻭ ﺍﻧﻲ ﻫﻴﺞ ﺣﻠﻮ ..

ﺻﺤﻴﺖ .. ﻋﻠﻰ ﻧﻔﺴﻲ .. ﺍﺗﻠﻌﺜﻤﺖ ﺍﺍ ﺧﻄﻴﺔ ﻋﻨﺪﻙ ﺷﻴﺐ ﺑﺸﻌﺮﻙ 😏 .. ﺍﻧﺖ ﺷﻜﺪ ﻋﻤﺮﻙ ﺻﺪﻙ .. ﺍﻧﻲ ﺍﻛﻮﻝ ٤٥ .

ﺑﺪﺕ ﺍﻟﺸﻴﺎﻃﻴﻦ ﺍﺗﻨﻂ ﻓﻮﻙ ﺭﺍﺱ ﺍﻣﺠﺪ ﻭﻫﻮ ﻳﻌﺒﺲ 😑

ﻳﻼ ﺍﻟﺘﻔﺘﻲ ﻟﺘﺒﺎﻋﻴﻦ ﻋﻠﻴﺔ 😏 ﺑﻌﺪﻳﻦ ﺣﺒﻴﺒﺘﻲ ﻣﻘﺘﻨﻌﺔ ﺑﻴﺔ 😌

😟 ﻻ ﻳﺎ ﺍﻟﻠﻪ ﻋﻨﺪﺓ ﺣﺒﻴﺒﺔ ☹ ... ﺍﻧﻲ ﺷﻌﻠﻴﺔ ﺷﻘﺎﻫﺮﻧﻲ ..

ﺑﺲ ﻣﻨﻮ ﻫﺎﻱ ﺳﻌﻴﺪﺓ ﺍﻟﺒﺨﺖ ﺍﻛﻴﺪ ﻣﻦ ﻓﺮﻧﺴﺎ ﻗﺎﺑﻞ ﺍﻧﻲ ﺍﻟﻰ ﻣﻦ ﺷﺎﻓﻨﻲ ﻟﺤﺪ ﺍﻻﻥ ﺍﻧﻲ ﺑﻬﺎﻱ ﺗﺴﺮﻳﺤﺔ ﺍﻟﺸﻌﺮ ﻭﻫﺬﺍ ﺍﻟﺤﺬﺍﺀ 😔 ﺍﻧﻘﻬﺮﺕ ﻭﺣﺴﻴﺖ ﺑﻨﻘﺺ ﻻﻭﻝ ﻣﺮﺓ ﺍﺣﺎﻭﻝ ﺍﺟﺬﺏ ﺍﻧﺘﺒﺎﻩ ﺷﺎﺏ ﺑﺤﻴﺎﺗﻲ ﻣﻔﻜﺮﺕ ﺍﻧﻮ ﺍﺑﺎﻭﻉ ﻟﻮﻟﺪ ﺍﻭ ﺍﺟﺬﺏ ﺍﻧﺘﺒﺎﻩ ﺍﺣﺪ ﻛﻞ ﺍﻟﺒﻨﺎﺕ ﺍﻟﻲ ﻭﻳﺎﻳﺔ ﺟﺎﻧﻦ ﻳﺴﻮﻟﻔﻦ ﻋﻦ ﺍﻟﺤﺐ ﻭﺍﻟﻌﻼﻗﺎﺕ ﺍﻟﻪ ﺍﻧﻲ ﺑﻌﻤﺮﻱ ﻣﻔﻜﺮﺕ ﺑﻬﻞ ﺷﻲ

ﺳﻜﺘﺖ ﻭﻫﻮ ﻳﺴﻮﻕ ﺍﻧﺘﺒﻬﺖ ﺍﺣﻨﻪ ﻣﺘﺠﻬﻴﻦ ﺑﻤﻜﺎﻥ ﻣﻮﻟﺒﻴﺘﻨﻪ

ﺍﻣﺠﺪ ﺍﺣﻨﻪ ﻭﻳﻦ ﺭﺍﻳﺤﻴﻦ 🤔

ﻧﻮﺻﻞ ﻭﺗﻌﺮﻓﻴﻦ 😌

ﺍﻣﺠﺪ ﻭﻳﻦ ﻣﺎﺧﺬﻧﻲ ﻧﺰﻟﻨﻲ .. ﻧﺰﻟﻨﻲ ﻧﺰﺯﺯﻟﻨﻲ ﻫﻨﺎ ﺍﺭﻳﺪ ﺍﺑﻮﻳﺔ ﺭﺟﻌﻨﻲ ﻟﻠﺒﻴﺖ ﺍﻟﻠﻪ ﻳﺨﻠﻴﻚ ﻭﺍﻟﻠﻪ ﺑﻌﺪ ﻣﺎﺧﻠﻴﻚ ﺗﺸﻮﻑ ﻭﺟﻬﻲ 😭 ﻳﺎﺍﺍﺭﺏ ﺍﻧﻘﺬﻧﻲ ﻣﻦ ﺍﻣﺠﺪ 😭

ﻧﺮﻳﻤﺎﻥ ﻧﺮﻳﻤﺎﺍﺍﺍﺍﻥ

ﺍﺷﺶ ﺷﺒﻴﺞ ﻭﺟﻊ ﺭﺍﻳﺤﻴﻦ ﻟﺒﻴﺘﻨﻪ ﻏﺪﺍﻛﻢ ﻳﻤﻨﻬﺎ ﺗﺨﺒﻠﺘﻲ ﺷﺒﻴﺞ

ﻋﺒﺎﻟﻲ ﺭﺍﺡ ﺍﺗﺴﻮﻳﻠﻲ ﺷﻲ 😣

ﻟﺞ ﺑﺎﺑﺎ ﺍﻧﺘﻲ ﻣﺨﺒﻠﺔ .. ﻫﻮ ﻣﻨﻮ ﻳﺒﺎﻭﻉ ﻋﻠﻴﺞ 🤣..

😒 ﻭﺻﻠﻨﻲ ﺳﻼﻣﺎﺕ ﻭﻟﺘﺒﺎﻭﻉ ﻋﻠﻴﺔ ﺍﺫﺍ ﻣﻌﺎﺟﺒﺘﻚ ..

ﺍﻛﻴﺪ ﻣﺘﻌﺠﺒﻨﻲ ﺍﻧﺘﻲ ﺯﻋﻄﻮﻃﺔ ﺑﻌﺪﺝ

ﻭﺍﻧﻲ ﺑﻜﺪ ﺑﻨﺘﻚ ﻣﺘﺒﺎﻭﻉ ﻋﻠﻴﺔ 😋

ﻭﺻﻠﻨﺔ ﺑﻴﺖ ﺧﺎﻟﺘﻲ

ﺍﻣﺠﺪ ....

ﺟﺎﻥ ﺍﺧﺮ ﻟﻘﺎﺀ ﺑﻴﻨﻲ ﻭﺑﻴﻦ ﻧﺮﻳﻤﺎﻥ ﺍﺑﻴﺘﻬﻢ ﺷﺪﻧﻲ ﺍﻟﻬﻪ ﻛﻠﺶ ﻣﺪﺍ ﺍﻋﺮﻑ ﺷﻨﻮ ﻫﻠﺸﻲ ﺍﺭﻳﺪﻫﺎ ﻭﻣﺎ ﺍﺭﻳﺪﻫﺎ .. ﺛﺎﻧﻲ ﻳﻮﻡ ﺭﺣﺖ ﻟﻠﻤﻌﻤﻞ ﻋﻨﺪﻱ ﺍﺟﺘﻤﺎﻉ ﻣﺘﺤﻤﺲ ﺍﺷﻮﻓﻬﺎ . ﻭﺻﻠﺖ ﻭﺩﻛﻴﺖ ﺍﻟﺒﺎﺏ ﻋﻠﻰ ﺻﻮﻓﻴﺎ .. ﺑﺼﺪﻓﺔ ﺟﺎﻧﺖ ﻳﻤﻬﺎ ﺍﻟﺘﻔﺖ ﻋﻠﻴﻪ ﻭﺟﺬﺑﺘﻨﻲ ﺍﻳﺪﻫﻪ ﻣﺨﻠﻴﻪ ﻛﺎﻧﻮﻧﺔ ﻣﻦ ﺣﺴﻴﺘﻪ ﺍﺭﺗﺒﻜﺖ ﻋﺮﻓﺖ ﺗﻤﺜﻴﻞ ﻣﻨﻪ ﻋﻠﻰ ﻣﻮﺩ ﺻﻮﻓﻴﺎ ﺧﻠﺖ ﺍﻳﺪﻫﺎ ﺑﺠﻴﺐ ﺍﻟﻜﻮﺕ .. ﺍﻧﻲ ﺣﺼﺮﺗﻨﻲ ﺍﻟﻀﺤﻜﺔ ﻋﻠﻴﻬﺎ 😂 ﻭﻫﻲ ﻣﻴﺘﻪ ﺧﻮﻑ ﻋﺒﺎﻟﻬﺎ ﺭﺍﺡ ﺍﻛﺸﻔﻪ ﺣﺒﻴﺖ ﺍﻟﻌﺐ ﺑﻌﺼﺎﺑﻬﺎ .. ﺧﺎﻓﺖ ﻭﺑﻌﺪ ﺷﻮﻳﺔ ﺗﺒﺠﻲ ..

ﻣﺮﺕ ﺍﻻﻳﺎﻡ ﻭﺍﻧﻲ ﻛﺜﺮﺕ ﺭﻭﺣﺎﺗﻲ ﻟﻠﻤﺸﻐﻞ ﻋﻠﻰ ﻣﻮﺩ ﺍﺟﺘﻤﺎﻋﺎﺕ ﺍﻛﻮ ﺑﻀﺎﺋﻊ ﺻﻴﻨﻴﺔ ﻣﻦ ﺍﻗﻤﺸﺔ ﺍﻟﺤﺮﻳﺮ ﻭﺍﺣﻨﻪ ﻭﺻﻮﻓﻴﺎ ﻧﺴﺘﻠﻢ ﻣﻨﻬﻢ .. ﺍﺷﻮﻑ ﻧﺮﻳﻤﺎﻥ ﻣﻨﺪﻣﺠﻪ ﺑﺎﻟﺸﻐﻞ ﺷﻜﻠﻬﻪ ﻳﺠﻨﻦ ﻭﻫﻲ ﺗﺸﺘﻐﻞ ﻭﺷﻌﺮﻩ ﻋﻠﻰ ﻭﺟﻬﻪ ﻭﺗﺤﺎﻭﻝ ﺗﻮﺧﺮﺓ ... ﻣﺪﺍ ﺍﻓﺘﻬﻢ ﻟﻴﺶ ﻫﻴﺞ ﺍﺣﺲ ﻣﻦ ﻧﺮﻳﻤﺎﻥ ﻣﻮﺟﻮﺩﺓ .. ﺍﺣﺲ ﻛﻞ ﺍﻟﺪﻧﻴﺎ ﺍﺗﺒﺎﻭﻉ ﻋﻠﻴﻬﺎ ﻭﺍﺭﻳﺪ ﺍﺿﻤﻬﺎ ﻣﻦ ﻋﻴﻮﻥ ﺍﻟﻜﻞ ﺍﺣﺴﻬﻪ ﺷﻲ ﻧﺎﺩﺭ .. ﺑﻴﻮﻡ ﺟﻨﻪ ﻃﺎﻟﻌﻴﻦ ﺍﻧﻲ ﻭﻳﺔ ﻣﺴﺘﺜﻤﺮﻳﻦ ﺟﺎﻧﺖ ﺗﻤﺸﻲ ﺑﺘﺠﺎﻫﻲ .. ﺍﺑﺘﺴﻤﻨﻪ ﻟﺒﻌﺾ ﻭﻋﺒﺮﺗﻨﻲ ﻓﺠﺎﺓ ﺻﺎﺣﺘﻨﻲ .. ﺍﻣﺠﺪ ﻣﻦ ﺗﻄﻠﻊ ﺍﻟﻴﻮﻡ ﻭﺻﻠﻨﻲ 🤔.. ﺑﺎﻭﻋﺖ ﻋﻠﻴﻬﻪ ﺷﻔﺖ ﻋﻴﻨﻬﺎ ﻋﻠﻰ ﺍﻟﺒﻨﺎﺕ ﺍﻟﻲ ﻭﻳﺎﻫﺎ ﻓﺎﺭ ﺩﻣﻲ ﻣﻨﻬﻪ ﻣﻜﺎﻟﺖ ﻫﻴﺞ ﺣﺘﻰ ﺗﺠﻲ ﻭﻳﺎﻳﺔ ﺟﺎﻥ ﻣﺠﺮﺩ ﻏﺮﻭﺭ ﻛﺘﻠﻬﺎ ﺗﻤﺎﻡ ..

ﺭﺍﺣﺖ ﺿﻠﻴﺖ ﺍﻧﺘﻀﺮ ﻏﺎﺩ ﻣﻦ ﺍﻟﻤﺸﻐﻞ .. ﺩﺍ ﺍﺷﻮﻓﻬﻪ ﺭﺍﺡ ﺗﻄﻠﻊ ﺍﺩﻭﺭﻧﻲ .. ﻃﻠﻌﺖ ﻣﺜﻞ ﺍﻟﺤﺮﺍﻣﻲ .. ﻭﺩﻧﺠﺖ ﻭﺑﺪﺕ ﺗﻤﺸﻲ ﺳﺮﻳﻊ .. ﺧﻠﻴﺘﻪ ﺗﺒﻌﺪ ﺣﺮﻛﺖ ﻭﺭﺣﺖ ﻋﻠﻴﻬﻪ ﻛﺘﻠﻪ ﻳﻼ ﻧﺮﻳﻤﺎﻥ ﺻﻌﺪﻱ ﺟﺎﻭﺑﺘﻨﻲ ﺑﺜﻘﺔ ﻻ ﺍﺗﺬﻛﺮﺕ ﺭﺍﺡ ﺍﺭﻭﺡ ﻟﺒﻴﺖ ﻋﻤﺘﻲ 😒.. ﺣﺘﻰ ﻣﺘﻌﺮﻑ ﺗﻜﺬﺏ .. ﻭﻫﻲ ﻣﺎﻋﺪﻫﺎ ﻋﻤﺔ .. ﺻﺒﺮﺍﺍ ﺟﻤﻴﻼ ﺣﻤﺮﺕ ﻋﻴﻨﻲ ﻋﻠﻴﻬﻪ ﺟﻨﺖ ﻧﺎﻭﻱ ﺍﺫﺍ ﻣﺘﺼﻌﺪ ﺍﻧﺰﻝ ﺍﺳﺤﻠﻬﺎ ﻟﺴﻴﺎﺭﺓ ... ﺭﻛﺒﺖ .. ﺿﻠﻴﺖ ﺍﻛﻠﺐ ﺑﺎﻟﺮﺍﺩﻳﻮ .. ﻃﻠﻌﺖ ﺍﻏﻨﻴﺔ ﺍﻡ ﻛﻠﺜﻮﻡ .. ﺍﻧﺪﻣﺠﺖ ﺍﻭﻝ ﺷﻲ ﺑﻌﺪﻳﻦ ﺳﺮﺣﺖ ﺑﻴﻪ ﺍﻧﻲ ﺍﺳﻮﻕ ﻭﺍﺑﺎﻭﻉ ﻋﻠﻴﻪ ﺑﻄﺮﻑ ﻋﻴﻨﻲ .. ﻋﺠﺒﻨﻲ ﻃﺮﻳﻘﺔ ﻧﻀﺮﻫﺎ .. ﺍﻟﻲ ﺭﺟﻌﺖ ﺍﻳﺪﻱ ﺑﺸﻌﺮﻱ ﺭﺟﻊ ﺭﺍﺳﻬﺎ ﻭﻳﺔ ﺍﻳﺪﻱ 😂 ﺣﺒﻴﺖ ﺍﺳﺘﻔﺰﻫﺎ ﻛﺘﻠﻬﺎ ﺍﻧﻲ ﻫﻴﺞ ﺣﻠﻮ ﺑﺲ ﺍﻟﺴﺎﻧﻬﺎ ﺍﻟﺤﺎﺩ ﺧﺮﺏ ﻣﺨﻄﺎﻃﺘﻲ ﻣﻦ ﻛﻠﺘﻠﻲ ﺍﺑﺎﻭﻉ ﻋﻠﻰ ﺍﻟﺸﻴﺐ ﺍﻟﻲ ﺑﺮﺍﺳﻚ 😑 ﻗﺮﺑﻨﺔ ﻧﻮﺻﻞ ﻟﺒﻴﺘﻨﻪ ﻳﻼ ﺍﻧﺘﺒﻬﺖ ﻫﺬﺍ ﻣﻮ ﻃﺮﻳﻖ ﺑﻴﺘﻬﻢ .. ﻣﻄﻔﻴﺔ 😩

ﻛﺎﻣﺖ ﺗﺒﺠﻲ ﻧﺰﻟﻨﻲ ﺍﺭﻳﺪ ﺍﻫﻠﻲ 😂 ﻣﺘﺖ ﺍﻟﻰ ﺍﻥ ﺳﻜﺘﺘﻬﺎ ...

ﻳﺘﺒﻊ 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤