رواية جعلتني رجلاً الجزء الثاني
للكاتبة مريم السعدي
.
ﻣﺮﻭﻩ - ﺭﺟﻌﻨﺎ ﻃﺒﻴﻨﺎ ﺍﻟﺒﻴﺖ ﺷﻔﺖ ﺭﻭﻳﺪﻩ ﻛﺎﻋﺪﻩ ﺑﺎﻟﺤﺪﻳﻘﻪ ﻋﺎﻟﻤﻴﺰ ﺗﺪﺭﺱ ﻭﻫﺪﻳﺮ ﺟﻮﻩ ﺑﺎﻟﻤﻄﺒﺦ ﻋﺎﻟﻤﻴﺰ ﻭﻣﺎﻣﺎ ﺗﺪﺭﺳﻬﺎ ﻗﻮﺍﻋﺪ ﻭﺟﻮﻩ ﺣﺴﻴﻦ ﻭﺳﻠﻴﻢ ﺗﻮﻫﻢ ﻃﺎﺑﻴﻦ ﻣﻦ ﺍﻟﺸﻐﻞ ﺑﺎﻟﺼﺎﻟﻪ ﻋﺎﻟﻠﻌﺒﻪ ﻣﺎﻝ ﺑﺮﺷﻠﻮﻧﻪ ---
ﺭﻭﻳﺪﻩ - ﺳﻴﺎﺝ ﺍﻟﺤﺪﻳﻘﻪ ﻣﺎﻟﺘﻨﺎ ﻣﻮﻛﻠﺶ ﻋﺎﻟﻲ ﻭﻣﻦ ﻳﻢ ﺍﻟﺸﺠﺮ ﻣﺸﺒﻚ ﻣﺤﺠﺮ ﺣﺪﻳﺪ ﻣﺪﺭﻱ ﺷﻄﻔﺮ ﻋﻠﻴﻪ ﻣﻦ ﺍﻟﺨﺸﻴﺶ ﻭﻛﻤﺰﺕ ﺍﺻﻴﺢ ﻭﺍﻧﻔﺾ ﺑﻬﺪﻭﻣﻲ ﻟﻜﻴﺘﻬﺎ ﺩﻭﺩﻩ ﻓﺎﺭﺳﻴﻪ ﻫﻔﻒ ﻳﻤﻪ ﻛﻠﺒﻲ ﻣﺪﺕ ﺭﺍﺳﻬﺎ ﻣﺎﻣﺎ ﻻﺑﺴﻪ ﺍﻟﻤﻨﺎﺿﺮ ﻣﺎﻝ ﻛﺘﺎﺑﻪ ﻭﺑﻴﺪﻫﺎ ﻛﺘﺎﺏ ﻫﺪﻳﺮ ﻓﺮﺕ ﺑﻴﺪﻫﺎ ﻛﺎﻟﺖ ﻣﺨﺒﻠﻪ ﻭﺭﺟﻌﺖ ﻃﺒﺖ ﻭﻛﻔﺖ ﻧﻔﻀﺖ ﺍﻟﺤﺮﺟﻒ ﺍﻟﺠﻨﺖ ﻓﺎﺭﺷﺘﻪ ﺑﺎﻟﻜﻊ ﺧﺎﻑ ﺍﻛﻮ ﻧﻤﻠﻪ ﻟﺦ ﺩﺍﺍﺭﺟﻊ ﺍﺧﻠﻲ ﺍﻟﻜﺘﺐ ﻟﻤﺤﺖ ﺍﻟﺒﻴﺖ ﺍﻟﻤﻘﺎﺑﻴﻞ ﺑﻴﺘﻨﺎ ﻭﻟﺪ ﺷﺎﺏ ﻭﺍﻛﻒ ﺑﺎﻟﺒﺎﺏ ﺑﺎﻭﻋﻠﻲ ﺍﺑﺘﺴﻢ ﻛﺎﻝ ﺑﺼﻮﺕ ﻣﺘﻮﺳﻂ ﺍﻟﻌﻠﻮ
ﺷﻨﻮ ﺑﺮﻳﻌﺼﻲ
ﻭﺿﺤﻚ ﻋﻜﺪﺕ ﺣﺎﺟﺒﻲ ﻛﻌﺪﺕ ﺭﺍﺳﻦ ﺣﺘﻰ ﻣﺎﺑﻴﻦ ﺻﻮﺭﺗﻪ ﺍﻧﺨﺰﻧﺖ ﺑﺒﺎﻟﻲ ﺍﻭﻝ ﻣﺮﻩ ﺍﺷﻮﻓﻪ ﻣﻮ ﺍﺑﻦ ﺟﻴﺮﺍﻧﺎ ﺑﻴﺖ ﺍﻡ ﻣﺤﻤﺪ ﻣﺎﻋﺪﻫﻢ ﻫﺎﻟﺸﻜﻮﻝ ﺍﻟﺤﻠﻮﻩ ﺑﻘﻴﺖ ﺍﻛﻠﺐ ﺑﺎﻟﻜﺘﺐ ﻭﺍﻓﻜﺮ ﺑﻲ ﺭﻓﻌﺖ ﺭﺍﺳﻲ ﻋﻠﻰ ﻛﻴﻒ ﺟﺎﻥ ﻭﺍﻛﻒ ﺑﺎﻟﺒﺎﺏ ﻫﻮ ﻭﺍﻣﺠﺪ ﺑﻴﺖ ﺟﻴﺮﺍﻧﻨﺎ ﻭﻣﻨﺘﺠﻲ ﻋﻠﻰ ﺳﻴﺎﺭﺗﻪ ﺍﻟﺴﻨﺘﺎﻓﻲ ﻛﻠﺒﻲ ﺭﺍﺡ ﻭﺍﻧﻲ ﺍﺑﺎﻭﻉ ﻟﻜﺸﺨﺘﻪ ﻭﻣﻮﺑﺎﻳﻠﻪ ﻭﺍﺣﻤﺪ ﻛﺒﺎﻟﻪ ﻳﺤﺠﻲ ﻭﻳﺎﻩ ﻣﻨﺘﺒﻬﻮ ﻋﻠﻴﻪ ﻭﻫﻨﺎﻙ ﺍﻟﺘﻔﺖ ﻭﻭﻛﻒ ﻋﺪﻝ ﺟﻤﺪ ﺭﺍﺳﻦ ﺑﺎﻭﻉ ﻻﻣﺠﺪ ﺣﺘﻰ ﻣﻴﻨﺘﺒﻪ ﻭﻛﺎﻡ ﻛﻠﺴﺎ ﻳﺒﺎﻭﻋﻠﻲ ﻟﻤﻴﺖ ﻛﺘﺒﻲ ﻭﻃﺒﻴﺖ ﺧﻔﺖ ﻣﺎﺍﻋﺮﻑ ﻟﻴﺶ ﻳﻤﻜﻦ ﺟﻴﻒ ﺟﻴﺮﺍﻧﻨﺎ ﺑﺲ ﺑﻘﻪ ﺑﺒﺎﻟﻲ ﻛﻠﻤﺎ ﺍﺗﺬﻛﺮﻩ ﻛﻠﺒﻲ ﻳﺪﻙ ﺳﺮﻳﻊ ﻭﺭﺟﻌﺖ ﺗﺬﻛﺮﺕ ﺍﺣﻤﺪ ﺍﻟﻠﻲ ﺣﺒﻴﺘﻪ ﻭﻋﺎﻓﻨﻲ ﻭﺍﻧﻘﻬﺮﺕ ﻣﻦ ﺗﺬﻛﺮﺕ ﺣﺠﻴﻪ ﺻﺎﺭ 3 ﺳﻨﻴﻦ ﺭﺍﺳﺒﻪ ﻣﺘﺴﺘﺤﻴﻦ ﻣﺘﻀﻮﺟﻴﻦ ﺍﺷﺘﻌﻞ ﻭﺍﻃﻔﺎ . ﻭﺍﺭﺟﻊ ﺍﻛﻠﺐ ﺑﺎﻟﻜﺘﺐ ﻋﻄﻠﺖ ﻣﻦ ﻭﻛﺖ ﻣﻊ ﺍﻟﻌﻠﻢ ﺍﻧﻲ ﺭﺍﺑﻊ ﺑﺲ ﺍﺗﺤﻀﺮ ﻻﻣﺘﺤﺎﻧﺎﺗﻲ ﻋﺴﻰ ﻭﻟﻌﻞ ﺍﻃﻠﻊ ﻣﻨﻬﺎ ﺷﺪﻳﺖ ﺣﻴﻠﻲ ﻭﻛﻠﺖ ﻻﺯﻡ ﺍﻃﻠﻊ ﻭﻓﻌﻼ ﺑﺪﻳﺖ ﺍﺩﺭﺱ ﺟﺎﻧﺖ ﺍﺧﺘﻲ ﻣﺮﻭﻩ ﺗﺘﻮﺳﻞ ﺑﻴﻪ ﺗﺪﺭﺳﻨﻲ ﻭﺍﻣﻮﻟﻬﺎ ﻣﺎﺭﻳﺪ ﻣﺎﺍﺣﺘﺎﺝ ﺍﺧﺎﻑ ﺗﻌﺮﻑ ﺑﻴﻪ ﻛﻠﺸﻲ ﻣﻔﺎﻫﻤﻪ ﻭﺗﻨﻼﺹ ﺑﺲ ﻟﻜﻴﺖ ﺭﻭﺣﻲ ﻣﻦ ﻻ ﺟﺎﺭﻩ ﺍﺻﻌﺪﻟﻬﺎ ﻭﺭﺍﺳﻦ ﻓﻬﻤﺘﻨﻲ ﻭﻛﻌﺪﺕ ﺗﻘﺮﻳﻨﻲ ﺑﺎﺳﻠﻮﺏ ﻫﺰﻟﻲ ﺣﻠﻮ ﺩﺗﻘﺮﻳﻨﻲ ﻭﺩﻙ ﺍﻟﺘﻠﻔﻮﻥ ﻣﺎﻟﺘﻬﺎ ﺷﻔﺘﻬﺎ ﺍﺭﺗﺒﻜﺖ ﻭﺭﺩﺕ
ﻣﺮﻭﻩ - ﺍﺳﺘﻐﺮﺑﺖ ﻣﻦ ﺷﻔﺘﻬﺎ ﻟﻨﻮﺭ ﻣﺘﺼﻠﻪ ﺑﻌﺪ ﻣﻜﻤﻠﻨﺎ ﺍﻟﻤﻨﻬﺞ ﺭﺩﻳﺖ
ﺍﻟﻮ
ﻫﻠﻮ ﻧﻮﺍﺭﻩ ﻫﺎﻱ ﺣﺒﻴﺒﻲ
ﻫﻠﻮ ﺳﺖ ﻋﺎﺩﻱ ﺍﺟﻲ ﺗﺪﺭﺳﻴﻨﻲ ﺭﻳﺎﺿﻴﺎﺕ
ﻟﻴﺶ ﻋﺪﺝ ﺷﻲ ﻣﻔﺎﻫﻤﺘﻪ
ﺍﻱ ﻋﺪﻱ ﻓﺼﻞ ﻭﺍﺣﺪ ﻣﺎﻝ ﺣﺪﻭﺩﻳﺎﺕ
ﻫﺎ ﺍﻱ ﺗﻌﺎﻱ ﺷﻜﻮ ﺑﻴﻬﺎ
ﺍﻭﻙ ﺭﺍﺡ ﻳﺠﻴﺒﻨﻲ ﺑﺎﺑﺎ ﻫﺴﻪ
ﺍﻭﻙ ﻳﻠﻪ ﺳﻤﻌﺖ ﺻﻮﺗﻪ ﻛﺎﻝ
ﻛﻮﻟﻴﻠﻬﺎ ﺧﻠﺼﺖ ﺩﺭﺍﺳﺘﻬﺎ ﻫﻲ ﺟﺎﻭﺑﺖ
ﻛﻮﻟﻴﻠﻪ ﺍﻱ ﻛﻤﻠﺖ . ﻣﻦ ﺍﻟﺼﺒﺢ ﺍﺑﺘﺴﻤﺖ ﺳﺪﺗﻪ ﻧﻮﺭ ﺷﻮﻱ ﻭﺟﺘﻲ ﻭﻛﻤﺖ ﺍﺩﺭﺳﻬﺎ ﻫﻲ ﻭﺭﻭﻳﺪﻩ ﺍﻟﻠﻲ ﻓﺮﺣﺖ ﺑﻄﻠﺒﻬﺎﺯ
ﺍﻛﻮﻟﺞ ﻫﺎﻱ ﺷﻮﻥ ﺻﺎﺭﺕ ﻫﻴﺞ ﻛﺎﻟﺖ ﻭﻫﻲ ﺗﺤﺎﻭﻝ ﺗﺒﻌﺪ ﺧﺠﻠﻬﺎ ﻭﻣﻨﺰﻟﻪ ﺭﻭﺣﻬﺎ ﻭﻓﺸﻼﻧﻪ ﻣﻨﻬﺎﻟﺸﻲ ﻭﺍﻧﻲ ﺭﺍﺳﻦ ﺍﺧﺬﺗﻬﺎ ﻭﺑﺪﻳﻨﺎ ﻧﺪﺭﺱ ﺷﻮﻱ ﻭﺟﺘﻲ ﻫﺪﻳﺮ ﻭﺍﻟﺘﻤﻮ ﺳﻮﺍﻟﻒ ﻭﺩﺭﺍﺳﻪ ﻭﺣﻞ ﻟﻠﻴﻞ ﻭﺍﺳﺘﺎﺫ ﺭﺿﺎ ﻛﻠﺴﺎ ﻳﺪﻙ ﻭﻫﻲ ﺗﺮﺩ
ﺑﺎﺑﺎ ﺑﻌﺪ ﻣﻤﻜﻤﻠﻴﻦ
ﺑﺎﺑﺎ ﺛﺎﺭﺕ ﺩﻧﻴﺎ ﻟﻴﻞ
ﻭﺍﻟﻠﻪ ﻋﺎﺩﻱ ﻛﺎﻋﺪﻳﻦ ﻓﻮﻙ ﺍﺧﺬﺗﻪ ﻣﻨﻬﺎ ﻃﻴﻨﻲ ﺧﻞ . ﺍﺣﺎﺟﻲ
ﺍﻟﻮ ﻫﻠﻮ ﺍﺳﺘﺎﺫ
ﻫﻠﻮ ﻫﻠﻮ ﺑﻨﺘﻲ ﺷﻮﻧﺞ ﺗﻌﺒﻨﺎﺝ ﺍﻟﻴﻮﻡ
ﺍﻟﺤﻤﺪ ﻟﻠﻪ ﻻﻻ ﺍﺻﻼ ﻛﻠﺶ ﻣﺘﻮﻧﺴﻪ
ﻭﺍﻟﻠﻪ ﺧﺠﻼﻥ ﻣﻨﺞ ﺑﺲ ﻣﺪﺗﻔﻬﻢ ﻋﻠﻴﻪ ﺻﺮﺕ ﺍﻋﺼﺎﺏ ﻭﻫﻲ ﺑﺲ ﺗﺒﺠﻲ
ﻻ ﺍﺳﺘﺎﺫ ﺍﻱ ﺷﻲ ﺗﺤﺘﺎﺝ ﺧﻠﻴﻬﺎ ﻋﻠﻴﻪ
ﻣﺘﻘﺼﺮﻳﻦ ﻣﺮﻭﻩ ﺑﺲ ﻋﻔﻴﻪ ﺩﻳﺮﻱ ﺑﺎﻟﺞ ﻋﻠﻴﻬﺎ ﻭﻟﺘﺸﺮﺏ ﺟﺎﻱ ﺑﻠﻴﻞ
ﻻ ﺍﺳﺘﺎﺫ ﻣﺸﺮﺑﺖ ﺑﺲ ﻭﺍﺣﺪ ﺍﻟﻌﺼﺮ ﻟﺘﺨﺎﻑ
ﻣﻤﻨﻮﻥ ﺑﻨﺘﻲ . ﻣﺎﺍﻋﺮﻑ ﺷﻮﻥ ﺍﺷﻜﺮﺝ
ﺍﺯﻋﻞ ﻣﻨﻚ ﻭﺍﻟﻠﻪ
ﻻ ﺯﻋﻠﺞ ﻋﺰﻳﺰ ﻋﻠﻴﻪ ﺍﻟﻠﻪ ﻳﺪﺭﻱ ﻳﻠﻪ ﺍﺗﺮﻛﻜﻢ ﺷﻜﺪ ﺑﻘﺎﻟﻜﻢ
ﺑﺲ ﻫﺎﻟﺘﻤﺮﻳﻨﻴﻦ ﻭﺧﻠﺺ
ﻟﻌﺪ ﻧﺺ ﺳﺎﻋﻪ ﻭﺍﻣﺮ
ﺍﻭﻙ ﻫﻠﻪ ﺑﻴﻚ ﻭﺭﺟﻌﺖ ﻟﻠﺒﻨﺎﺕ ﻛﻤﻠﻨﺎ ﺗﻤﺎﺭﻳﻦ ﻭﺩﻙ ﺍﺑﻮﻫﺎ ﻛﺎﻟﺖ ﺣﻨﺰﻝ ﺑﺒﺎﻱ
ﻫﺪﻳﺮ ﻟﺤﻜﺘﻬﺎ ﻭﺑﻘﻴﻨﺎ ﺍﻧﻲ ﻭﺭﻭﻳﺪﻩ ﺭﻭﻳﺪﻩ ﺟﺎﻧﺖ ﺭﺍﺳﺒﻪ ﺑﺎﺭﺑﻊ ﻣﻮﺍﺩ ﻣﻦ ﻋﺮﻓﺖ ﺳﻮﻳﺖ ﺭﻭﺣﻲ ﻣﻨﻬﺘﻤﻪ ﺭﻏﻢ ﻧﺎﺭ ﺻﺎﺭﺕ ﺑﻜﻠﺒﻲ ﺍﺩﺭﻱ ﺳﻨﻪ ﺛﺎﻧﻴﻪ ﺷﻤﻨﺘﻀﺮﻩ ﺑﺲ ﻟﻮﺩﺕ ﻋﻠﻴﻬﺎ ﺑﺪﺭﺍﺳﺘﻬﺎ ﻭﺑﻠﻴﻞ ﺍﻧﻲ ﺍﺩﺭﺱ ﺗﻌﺒﺖ ﺣﻴﻞ ﻫﺪﻳﺮ ﺍﻟﺤﻤﺪ ﻟﻠﻪ ﻣﻌﺘﻤﺪﻩ ﻋﻠﻰ ﺭﻭﺣﻬﺎ ﻭﺍﻧﻲ ﻭﺳﺮﻯ ﻋﻠﻰ ﺭﻭﻳﺪﻩ ﻭﻓﻌﻼ ﺍﻣﺘﺤﻨﺖ ﻗﺒﻠﻨﺎ ﺍﺟﺎﺑﺘﻬﺎ ﺟﺎﻧﺖ ﻣﺘﻮﺳﻄﻪ ﺑﺲ ﻫﻲ ﺟﺎﻧﺖ ﻃﺎﻳﺮﻩ
ﺭﻭﻳﺪﻩ - ﺧﻮﺍﺗﻲ ﻣﺘﺮﻛﻮﻧﻲ ﻭﻳﺎﻳﻪ ﻭﻳﺎﻳﻪ ﺑﺎﺧﺮ ﻳﻮﻡ ﺍﻣﺘﺤﺎﻧﺎﺕ ﺩﺍﺍﺭﺟﻊ ﻣﻦ ﺍﻟﻤﺪﺭﺳﻪ ﻣﻜﻴﻔﻪ ﺑﺎﺟﺎﺑﺘﻲ ﻃﺒﻴﺖ ﻓﺮﻋﻨﺎ ﻭﺛﻜﻞ ﻳﻤﻲ ﻭﺍﺣﺪ ﺍﻟﺘﻔﺘﺖ ﺍﺷﻮﻑ ﻣﻨﻮ ﻭﺍﺷﻮﻑ ﻧﻔﺲ ﺍﻟﻮﻟﺪ ﺍﺑﻮ ﺍﻟﻤﻮﺑﺎﻳﻞ ﻛﻠﺒﻲ ﺭﺍﺡ ﻧﺰﻝ ﺟﺎﻣﻪ ﺳﻴﺎﺭﺗﻪ ﺍﺑﺘﺴﻢ
ﺑﻘﻴﺖ ﺻﺎﻓﻨﻪ ﻋﻠﻴﻪ ﻭﻫﻮ ﻳﺒﺘﺴﻢ ﻭﺍﻧﺘﺒﻬﺖ ﻋﻠﻰ ﺭﻭﺣﻲ ﺍﻧﻲ ﻭﺍﻛﻔﻪ ﺑﺎﻟﺸﺎﺭﻉ ﺍﻧﻲ ﺷﻜﻮ ﻭﻛﻔﺖ ﺭﺟﻌﺖ ﺍﻧﺸﻲ ﻭﺍﻟﺘﻔﺖ ﺍﺑﺎﻭﻋﻠﻪ ﻭﻫﻮ ﻳﻤﺸﻲ ﻭﺭﺍﻳﻪ ﺑﺜﻜﻞ ﻭﺻﻠﺖ ﻟﻠﺒﺎﺏ ﻧﺼﻴﺖ ﺍﻓﺘﺤﻬﺎ ﻧﺰﻝ ﻣﻦ ﺳﻴﺎﺭﺗﻪ ﺍﻟﻄﺒﻜﻬﺎ ﺑﺒﺎﺏ ﺑﻴﺖ ﺟﻴﺮﺍﻧﻨﺎ ﻭﺗﻮﺟﻬﻠﻲ ﺑﻌﺪ ﻣﺎ ﺗﻠﻔﺖ ﻳﻤﻨﻪ ﻭﻳﺴﺮﻩ ﻛﻠﺒﻲ ﻛﺎﻡ ﻳﺪﻙ ﺳﺮﻳﻊ ﺧﻮﻑ ﻭﺍﺳﺘﻐﺮﺍﺏ ﺑﺎﻭﻋﺘﻠﻪ ﻋﺎﻛﺪﻩ ﺣﺎﺣﺒﻲ ﺍﺑﺘﺴﻢ ﻧﺰﻉ ﺍﻟﻤﻨﺎﺿﺮ ﺧﻞ ﺑﻨﺺ ﺩﻓﺘﺮﻱ ﻭﺭﻗﻪ ﻭﻏﻤﺰ ﻭﺭﺍﺡ ﻋﺒﺮ ﺍﻟﺸﺎﺭﻉ ﻭﻃﺐ ﻟﺒﻴﺖ ﺟﻴﺮﺍﻧﻨﺎ ﺑﻘﻴﺖ ﻣﺘﺒﺴﻤﺮﻩ ﺑﻤﻜﺎﻧﻲ ﻭﻛﻠﺒﻲ ﻳﺪﻙ ﺭﺟﻌﺖ ﻓﺘﺤﺖ ﺍﻟﺒﺎﺏ ﻭﻃﺒﻴﺖ ﺭﻛﺾ ﻟﻠﻐﺮﻓﻪ ﻓﺘﺤﺖ ﺍﻟﺪﻓﺘﺮ ﻟﻜﻴﺖ ﺭﻗﻤﻪ ﻭﻛﺎﺗﺐ
ﺣﻴﺪﺭ ﺍﺳﻤﻪ ﺍﺥ ﻛﻠﺒﻲ ﻃﻠﻌﺖ ﺗﻠﻔﻮﻧﻲ ﺍﻟﻘﺪﻳﻢ ﻣﻦ ﺍﻟﻜﻮﻣﺪﻱ ﻣﺎﻟﺘﻲ ﻭﻓﻜﻴﺖ ﺍﻟﻘﻔﻞ ﻻﻥ ﻛﻤﺖ ﻣﺎﺍﺣﺘﺎﺟﻪ ﺑﻌﺪ ﻣﺮﺍﺡ ﺍﺣﻤﺪ ﻭﺧﻔﺖ ﻻﺗﺸﻮﻓﻪ ﻫﺪﻳﺮ ﺧﺰﻧﺖ ﺍﻟﺮﻗﻢ ﺑﺎﺳﺘﻌﺠﺎﻝ ﻭﺿﻤﻴﺖ ﺍﻟﻮﺭﻗﻪ ﻭﺻﻤﻴﺖ ﺍﻟﺘﻠﻔﻮﻥ ﺟﻮﻩ ﺍﻟﻤﻨﺪﺭ ﺑﻘﻴﺖ ﺻﺎﻓﻨﻪ ﻋﻠﻰ ﺭﻭﺣﻲ ﺻﺪﻙ ﻳﺤﺠﻲ ﻳﺘﺸﺎﻗﻰ ﺷﻮﻥ ﺟﺮﺍﻩ ﻃﺒﺖ ﺳﺮﻯ ﻛﺎﻟﺖ
ﺑﺸﺮﻱ
ﻣﺠﺎﻭﺑﻪ ﺍﺣﻢ ﺟﺎﻭﺑﺖ
ﺷﺒﻴﺞ ﻭﺟﻬﺞ ﻣﺨﻄﻮﻑ
ﻻﻻ ﺯﻳﻨﻪ ﻭﺍﻟﻠﻪ
ﻳﻠﻪ ﺗﻌﺎﻱ ﺷﻮﻥ ﺣﻠﻴﺘﻲ ﻫﺬﺍ
ﺍﺣﺠﻲ ﻭﺍﺷﺮﺩ ﺑﺨﻴﺎﻟﻲ ﻭﺍﺭﺟﻊ ﺑﻘﺖ ﺳﺮﻯ ﺗﺒﺎﻭﻋﻠﻲ ﺭﺍﻓﻌﻪ ﺗﻚ ﺣﺎﺟﺐ ﻣﺴﺘﻐﺮﺑﻪ ﻭﺭﻩ ﺷﻮﻱ ﻃﻠﻌﺖ ﺗﻤﺪﺩﺕ ﻭﺭﻭﺣﻲ ﻓﺮﺣﺎﻧﻪ ﻭﺍﺗﺬﻣﺮ ﺷﻜﻠﻪ ﻳﻄﻠﻊ ﺏ 24 ﺳﻨﻪ ﺷﻮﻥ ﺷﻜﻠﻪ ﺻﺎﻙ ﺳﻤﺎﺭﻩ ﻭﻟﺒﺴﻪ ﻭﻛﺸﺨﺘﻪ ﻳﻤﻪ ﻓﺪﻳﺖ ﻣﺘﺤﻤﻠﺖ ﻃﺒﻴﺖ ﻟﻠﺤﻤﺎﻡ ﻭﺩﻛﻴﺖ ﺭﻗﻤﻪ ﻃﻠﻊ ﻋﺪﻩ ﻓﺎﻳﺒﺮ ﻭﺍﻧﻲ ﻣﺎﺧﺬﻩ ﺍﻟﺮﻣﺰ ﻣﺎﻝ ﺭﺍﻭﺗﺮ ﻣﻜﻨﻜﻪ ﻣﻦ ﺯﻣﺎﻥ ﺭﺍﺳﻠﺘﻪ
ﺍﻟﻮ
ﺷﻮﻱ ﻭﺭﺳﻞ
ﺗﻔﻀﻞ
ﺍﻧﻲ ﺑﻨﻴﻪ
ﻟﻌﺪ ﻟﻴﺶ ﺻﻮﺭﻩ ﺍﺳﺪ ﺍﻧﺘﻲ ﻣﻨﻮ
ﺍﻟﻠﻲ ﻃﻴﺘﻬﺎ ﺍﻟﺮﻗﻢ
ﻫﺎﺍﺍﺍ ﻫﻪ ﺭﺍﺡ ﺍﺩﻙ
ﻻﻻ ﻳﺴﻤﻌﻮﻧﻲ ﺍﻫﻠﻲ
ﻓﻮﺗﻲ ﺣﻤﺎﻡ ﺷﻲ ﺧﻞ ﺍﺳﻤﻊ ﺻﻮﺗﺞ
ﺍﻭﻙ ﺍﻧﻲ ﺑﺎﻟﺤﻤﺎﻡ ﺑﺲ ﺣﻔﺘﺢ ﺩﻭﺵ
ﻣﺎﺷﻲ
ﺩﻙ ﻭﻓﺘﺤﺖ ﺍﻟﺪﻭﺵ ﻗﻔﻠﺖ ﺑﺎﺏ ﺍﻟﺤﻤﺎﻡ ﻋﻠﻴﻪ
ﺍﻟﻮ
ﻳﻔﺪﻭﻩ ﻟﻬﺎﻟﺼﻮﺕ ﻣﺜﻞ ﻣﺘﺨﻴﻠﺘﻪ ﺍﺩﺭﻱ ﺷﺒﻴﺞ ﻛﻤﺖ ﺗﺼﻴﺤﻴﻦ ﻭﺗﻜﻤﺰﻳﻦ ﺷﻄﻔﺮ ﺑﺤﻀﻨﺞ
ﻫﻬﻬﻪ ﺩﻭﺩﻩ ﻓﺎﺭﺳﻴﻪ
ﻫﻬﻬﻬﺎﻱ ﺟﺒﺎﻧﻪ
ﺍﻱ ﺍﺧﺎﻑ ﻣﻦ ﺍﻟﺨﺸﺮﺍﺕ
ﺍﻭﻭﻭﻱ ﻓﺪﻭﻩ
ﻫﻪ
ﺷﺴﻤﺞ
ﺭﻭﻳﺪﻩ
ﻓﺪﻭﻩ ﺣﺘﻰ ﺍﺳﻤﺞ ﻳﺨﺒﻞ ﺍﻧﺘﻲ ﻣﻦ ﻳﺎﻛﻮﻛﺐ ﺟﺎﻳﻪ ﺷﻮ ﺑﻴﻀﻪ ﺣﻴﻞ ﻭﺗﺮﻓﻪ ﻭﻋﻴﻮﻧﺞ ﻫﺎﻟﻮﺳﻊ ﻭﺍﻟﺤﺎﺟﺐ ﻣﺮﺳﻮﻡ ﻭﻃﻮﻟﺞ ﻓﺮﻉ ﺷﻨﻮ ﻛﺎﻣﻠﻪ ﻭﺍﻟﻜﺎﻧﻞ ﺍﻟﻠﻪ
ﺑﻘﻴﺖ ﺻﺎﻓﻨﻪ ﺳﺎﻛﺘﻪ ﻛﺎﻝ
ﺍﻟﻮ
ﺍﻟﻮ
ﺿﺠﺘﻲ ﻣﻮ ﺷﺴﻮﻱ ﻣﻦ ﺷﻬﺮ ﺍﻓﻜﺮ ﺑﻴﺞ ﻭﻳﻮﻣﻴﻪ ﺍﻣﺮ ﻣﺎﻃﻠﻌﺘﻲ ﻟﻠﺤﺪﻳﻘﻪ ﺑﻌﺪ
ﺍﻣﻢ
ﺭﻭﻳﺪﻩ ﺍﻧﻲ ﺣﻴﺪﺭ ﺑﻴﺘﻨﺎ ﻭﺭﺍﻛﻢ ﺑﻜﻢ ﻓﺮﻉ ﻭﺟﻴﺮﺍﻧﻜﻢ ﺑﻴﺖ ﺧﺎﻟﺘﻲ
ﺍﻣﻢ
ﺍﻱ ﺍﺷﺘﻐﻞ ﺑﻤﻌﻤﻞ ﻣﺎﻝ ﺍﺣﺬﻳﻪ ﻭﻱ ﻋﻤﺎﻣﻲ ﻭﺍﺑﻮﻳﻪ ﺗﺮﻩ ﺍﻧﻲ ﺍﺑﻦ ﺷﻴﺦ ﺍﻟﻌﺸﻴﺮﻩ
ﻫﻬﻬﻪ
ﻭﺍﻟﻠﻪ ﻟﻴﺶ ﺗﻀﺤﻜﻴﻦ
ﻻ ﻋﺎﺩﻱ
ﺍﻣﻢ ﺍﻧﺘﻲ ﺷﻤﻜﻤﻠﻪ
ﻣﺘﻮﺳﻄﻪ ﻭﺍﺫﺍ ﻧﺠﺤﺖ ﺍﺻﻴﺮ ﺑﺎﻟﺨﺎﻣﺲ
ﻫﺎ ﻳﻌﻨﻲ ﺑﻠﻪ . ﺑﻠﻪ . ﻳﻌﻨﻲ 17 ﺑﺲ ﻣﺒﻴﻨﻪ ﺍﻛﺒﺮ
ﺍﻱ ﻣﻮ ﺭﺍﺳﺒﻪ
ﻛﻢ ﺳﻨﻪ ﺷﻤﺪ ﻋﻤﺮﺝ ﻣﻦ ﺍﻻﺧﻴﺮ
19
ﺗﻮﻗﻌﺖ ﻫﻠﻜﺪ ﺍﻳﻴﻪ ﺑﻌﺪ ﺍﺣﺠﻴﻠﻲ ﻋﻨﺞ
ﺷﺤﺠﻲ
ﻛﻠﺸﻲ . ﺣﺴﻴﻦ ﻭﺳﻠﻴﻢ ﺍﺧﻮﺗﺞ
ﻻﺑﺲ ﺣﺴﻴﻦ ﺳﻠﻴﻢ ﺍﺑﻦ ﻋﻨﻲ
ﻫﺎ ﻫﺎ ﺍﻱ ﺗﺬﻛﺮﺕ
ﺍﻱ
ﺯﻳﻦ ﺍﺑﻮﺝ ﺷﻴﺸﺘﻐﻞ
ﻣﺤﺎﻣﻲ ﺑﺎﺑﺎ
ﻣﻤﻢ ﺟﻤﻴﻞ
ﺍﻧﺖ ﻣﻜﻤﻞ ﺩﺭﺍﺳﻪ
ﻻ ﺧﺮﺑﺞ ﻣﺘﻮﺳﻄﻪ ﻭﺍﺑﻮﻳﻪ ﺍﺧﺬﻧﻲ ﻟﻠﻤﻌﻤﻞ ﻣﺎﺍﺣﺘﺎﺝ ﺷﻬﺎﺩﻩ ﻋﺪﻧﺎ ﻣﻌﺎﻣﻞ ﻭﺧﻴﺮ ﻣﻦ ﺍﻟﻠﻪ
ﺍﻣﻤﻢ
ﺭﻭﻳﺪﻩ ﻫﻬﻬﻪ ﺭﻭﻳﺪﻩ ﻭﺍﻟﻠﻪ ﺍﺳﻤﺞ ﻳﺸﺒﺞ ﺧﺮﺏ ﻋﺮﺿﺞ ﺷﻜﺪ ﺣﻠﻮﻩ
ﺷﻜﺮﺍ
ﻋﻔﻮﺍ ﻳﻮﻣﻴﻪ ﻫﻴﺞ ﻭﻛﺖ ﺗﺮﻩ ﺍﻟﻤﻲ ﺣﻴﺨﻠﺺ ﻫﻬﻬﻪ
ﺍﻱ ﻧﺴﻴﺘﻪ
ﺑﺎﻋﻲ ﻣﺎﺍﻛﺪﺭ ﺍﺣﺎﺟﻴﺞ ﺑﻠﻴﻞ
ﻣﻮ ﺍﺧﺘﻲ ﺗﻨﺎﻡ ﻳﻤﻲ
ﺟﻮﻩ ﺍﻟﺒﻄﺎﻧﻴﻪ
ﺍﻭﻙ
ﻋﻔﻴﻪ ﺳﺒﻌﻪ ﺭﻭﺣﻲ ﻫﺴﻪ ﻭﺷﻮﻱ ﻭﺍﺧﺎﺑﺮﺝ
ﺍﻱ ﻳﻨﺎﻣﻮ ﺍﻫﻠﻲ ﻭﺍﺧﺎﺑﺮﻙ ﺣﺘﻰ ﺍﻟﻔﻮﻥ ﻳﺸﺤﻦ ﺯﻳﻦ
ﻳﻠﻪ ﻫﺎﺫ ﻫﻮﻩ ﺑﺲ ﻣﻮ ﺗﻐﻠﺴﻴﻦ
ﻻﻻ
ﻋﻔﻴﻪ
ﺳﺪﻳﺘﻪ ﻣﻨﻪ ﻭﺭﻛﺾ ﻏﺴﻠﺖ ﻭﺷﺤﻨﺖ ﻓﻮﺗﻲ ﻭﺿﻤﻴﺘﻪ ﻧﺎﻣﻮ ﺍﻫﻠﻲ ﻭﺣﺴﻴﻦ ﻃﺐ ﻟﻐﺮﻓﺘﻪ ﻭﺧﻮﺍﺗﻲ ﻛﻠﻤﻦ ﺑﻐﺮﻓﺘﻬﻢ ﻫﺪﻳﺮ ﻧﺎﻣﺖ ﻭﻓﻜﺖ ﺣﻠﻜﻬﺎ ﺗﺸﻜﺮ ﺩﻛﻴﺖ ﻋﻠﻴﻪ ﻟﻜﻴﺘﻪ ﻣﺸﻐﻮﻝ ﺗﺮﻛﺘﻪ ﺗﻤﺪﺩﺕ ﺷﻮﻱ ﻭﺩﻙ ﻋﻄﻴﺖ ﺭﺍﺳﻲ ﺑﺎﻟﺒﻄﺎﻧﻴﻪ ﺭﺩﻳﺖ
ﺍﻟﻮ
ﻫﻠﻮ ﺭﻭﻳﺪﻩ ﺍﺳﻒ ﺟﻨﺖ ﺍﺣﺠﻲ ﻭﻱ ﺻﺪﻳﻘﻲ
ﺍﻣﻢ ﻣﺴﺎﻟﺘﻚ ﻭﻳﺎﻛﻦ ﺩﺗﺤﺠﻲ
ﻫﺎ ﻫﻬﻬﻪ ﻳﻌﻨﻲ ﻣﻴﺤﺘﺎﺝ ﺍﺑﺮﺭ
ﺍﻣﻢ
ﺯﻳﻦ ﻋﺪﺝ ﺍﺣﺪ ﺑﺤﻴﺎﺗﺞ ﺗﺤﺒﻲ
ﻣﻤﻢ ﻻ
ﻫﺎ ﻫﻪ ﻳﻌﻨﻲ ﻣﺠﺮﺑﺘﻲ ﺍﻟﺤﺐ
ﻣﺎﺍﺩﺭﻱ ﺍﺫﺍ ﺟﺎﻥ ﻳﺘﺴﻤﻰ ﺣﺐ
ﻫﺎ ﺷﻨﻮﻩ ﻳﻌﻨﻲ ﺣﺎﺟﻴﻪ ﻭﻱ ﻭﻟﺪ ﻗﺒﻞ
ﺍﻱ ﺣﺎﺟﻴﻪ
ﻫﺎ ﺍﻱ ﻭﻭﻳﻦ ﺭﺍﺡ
ﺭﺍﺡ ﻳﻘﺮﻩ ﻭﺑﻌﺪ ﻣﺮﺟﻊ
ﻫﻬﻬﻬﻬﻪ ﻫﺬﺍ ﻣﻮﺕ ﺭﻭﺣﻪ ﻣﻦ ﺍﻟﺪﺭﺍﺳﻪ ﻫﻬﻬﻪ
ﺍﻣﻤﻢ ﻫﻬﻪ
ﺗﻠﻔﻮﻧﺞ ﺷﻨﻮ ﺭﻭﻳﺪﻩ
ﺷﻨﻮ ﻳﻌﻨﻲ
ﻧﻮﻋﻴﺘﻪ ﻗﺼﺪﻱ
ﻛﻠﻜﺴﻲ
ﻣﻤﻢ ﻳﺎﻧﻮﻉ
ﺷﻤﺪﺭﻳﻨﻲ
ﺑﻴﺶ ﺍﺧﺬﺗﻲ
ﻭﺍﻟﻠﻪ ﻣﺎﺍﻋﺮﻑ
ﻣﻨﻮ ﺟﺎﺑﻪ ﺍﻟﺞ ﺍﺑﻮﺝ ﻟﻮ ﺍﺧﻮﺝ
ﻻ ﺍﻟﺠﻨﺖ ﺍﺣﺠﻲ ﻭﻳﺎﻩ ﻛﻠﺘﻬﺎ ﻭﺑﻘﻪ ﺳﺎﻛﺖ ﺷﻮﻱ ﻭﻛﺎﻝ ﺍﺣﺠﻴﻠﻲ ﺷﻮﻥ ﺻﺎﺭﺕ ﻋﻼﻗﺘﻜﻢ
ﻫﺎﻩ ﺍﺧﺘﻪ ﻭﻳﺎﻳﻪ ﺑﺎﻟﻤﺪﺭﺳﻪ ﻭﺟﺘﻲ ﻛﻠﺘﻠﻲ ﺍﺧﻮﻳﻪ ﻳﻜﻮﻝ ﻋﻠﻴﺞ ﻧﺎﺯﻛﻪ ﺍﻧﻲ ﺑﻮﻛﺘﻬﺎ ﺟﻨﺖ ﺑﺲ ﺍﺭﻳﺪ ﺍﺟﺮﺏ ﻫﺎﻻﺣﺴﺎﺱ ﻭﺍﺑﺘﺴﻤﺖ ﻣﻦ ﻛﺎﻟﺖ ﻫﻴﺞ ﻭﺭﻩ ﻓﺘﺮﻩ ﻃﻠﻌﺖ ﺍﺷﺘﺮﻱ ﻣﻦ ﺍﻟﻤﺤﻞ ﺍﻟﻴﻢ ﺍﻟﻤﺪﺭﺳﻪ ﻭﻃﺐ ﺧﻠﻪ ﺑﺎﻟﺠﻴﺲ ﻣﺎﻟﺘﻲ ﺭﻗﻤﻪ ﻭﻛﺎﺗﺐ ﺧﺎﺑﺮﻳﻨﻲ
ﺍﻭﻭﻭﻭﻭ ﺟﺮﻱﺀ
ﻫﻬﻬﻪ ﻣﺎﺍﻋﺮﻑ
ﺍﻱ
ﺍﻱ ﻓﺮﺟﻌﺖ ﺧﺎﺑﺮﺗﻪ ﻣﻦ ﻓﻮﻥ ﻣﺎﻣﺎ ﻭﻭﺭﺍﻫﺎ ﻛﺘﻠﻪ ﻣﺎﺍﻛﺪﺭ ﺍﺣﺎﺟﻴﻚ ﺟﺎﺑﻠﻲ ﻓﻮﻥ ﻫﻮ ﻭﻛﺎﻝ ﺣﺘﻰ ﻧﺘﺨﺎﺑﺮ
ﺍﻣﻤﻢ ﺯﻳﻦ ﺷﺴﻤﻪ ﺍﺍ ﻣﺘﻘﺮﺏ ﻣﻨﺞ
ﺷﻮﻥ ﻳﻌﻨﻲ
ﻳﻌﻨﻲ ﻻﺯﻡ ﺍﻳﺪﺝ ﺍﻛﺜﺮ
ﻫﺎﻩ ﻫﻪ ﻻ ﺭﺍﺩ ﻣﺮﻩ ﻳﻘﺘﺮﺏ ﻭﻟﺰﻣﻮﻧﺎ ﺷﺮﻃﻪ
ﺻﺪﺩﺩﻙ
ﺍﻱ ﻭﺍﻟﻠﻪ ﻫﻬﻬﻪ
ﺗﺎﻟﻲ
ﺗﺎﻟﻲ ﺍﺧﺬﻭﻧﺎ ﻣﺮﻛﺰ ﻭﺧﺎﺑﺮﺕ ﺍﺑﻦ ﻋﻤﻲ ﻭﻃﻠﻌﻨﻲ ﻭﻣﺤﺠﻪ ﻻﺣﺪ ﺧﻄﻴﻪ
ﻫﺎﺍ ﻣﻨﻮ ﺳﻠﻴﻢ
ﻻﻻ ﺳﻠﻴﻢ ﻋﺼﺒﻲ ﻳﺨﻮﻑ ﻭﺍﺣﺪ ﺍﻫﺒﻞ ﻭﻋﺒﻴﻂ
ﺗﺪﺭﻳﻦ ﻫﺬﺍ ﺍﺑﻦ ﻋﻤﺞ ﻳﺤﺒﺞ ﺍﻟﻠﻲ ﻣﺤﺠﻪ
ﻻ ﺟﺒﻴﺮ ﺍﻛﺒﺮ ﻣﻨﻲ 12 ﺳﻨﻪ
ﻭﺍﺫﺍ ﻳﻌﻨﻲ
ﻻ ﺑﺎﺑﺎ ﻣﺨﺮﺑﻂ ﻫﺬﺍ ﺷﻨﻮ ﺷﻜﻠﻪ ﻣﻮ ﻧﻀﺎﻣﻲ
ﻫﻬﻬﻪ ﺑﺲ ﺗﺪﺭﻳﻦ ﺍﻧﺘﻲ ﺻﺮﻳﺤﻪ ﺑﺸﻜﻞ ﻣﺸﻔﺖ ﻫﻴﺞ ﻭﺣﺪﻩ ﻣﻦ ﺍﻻﺧﻴﺮ ﺣﺎﺑﺘﻬﺎ ﺗﺎﻟﻲ ﺷﻮﻥ ﺗﻌﺎﻭﻓﺘﻮ
ﻫﻮ ﻭﺭﻩ ﺍﻟﻤﺸﻜﻠﻪ ﻫﺎﻱ ﺭﺯﻟﻨﻲ ﻭﻛﺎﻝ ﻟﺘﺘﺼﻠﻴﻦ ﺑﻌﺪ ﻭﺍﻟﺘﻬﻲ ﺑﺪﺭﺍﺳﺘﺞ ﻭﻫﺎﻧﻨﻲ ﻛﺎﻝ ﻣﺘﺴﺘﺤﻴﻦ ﻣﻦ 3 ﺳﻨﻴﻦ ﺭﺍﺳﺒﻪ
ﺍﻳﺒﺎﺍﺥ
ﺍﻱ ﻭﺍﻟﻠﻪ ﺍﻧﻘﻬﺮﺕ ﻭﻣﻦ ﻭﺭﺍﻩ ﻛﻤﺖ ﺍﻗﺮﻩ
ﻭﻣﻦ ﻭﺭﺍﻩ ﺷﻔﺘﺞ ﺑﺎﻟﺤﺪﻳﻘﻪ
ﺍﻣﻤﻢ
ﺗﺪﺭﻳﻦ ﺟﻨﺖ ﻛﻞ ﺍﺳﺒﻮﻉ ﺍﺟﻲ ﺑﻴﺖ ﺧﺎﻟﺘﻲ ﻛﻤﺖ ﻳﻮﻣﻴﻪ ﺑﻠﻜﻦ ﺍﻟﻤﺤﺞ
ﻟﻴﺶ ﻳﻌﻨﻲ
ﻏﻴﺮ ﺗﺨﺒﻠﻴﻦ ﺷﻮﻥ ﻫﻴﺞ ﺗﺮﻓﻌﻴﻦ ﺭﺍﺳﺞ ﻣﻮ ﺍﻣﺠﺪ ﻭﺍﻛﻒ ﻳﺸﻮﻓﺞ
ﺍﻧﺖ ﻣﻮ ﺷﻔﺘﻨﻲ
ﺍﻧﻲ ﻭﺣﺪ ﻭﺍﻣﺠﺪ ﻭﺣﺪ
ﺳﻜﺘﺖ
ﺍﻟﻮ
ﺍﻟﻮ
ﺻﺪﻗﺞ ﻭﺻﺮﺍﺣﺘﺞ ﺳﻄﺮﺗﻨﻲ ﺑﺮﻳﺌﻪ ﺑﺠﺮﺍﺀﻩ
ﻧﺪﻣﺎﻧﻪ ﻻﻥ ﻃﻠﻌﺖ ﻭﻳﺎﻩ ﺗﺪﺭﻱ ﻣﻦ ﺍﺗﺬﻣﺮ ﺍﻛﺮﻩ ﺭﻭﺣﻲ
ﻣﻴﺨﺎﻟﻒ ﻭﺍﺣﺪ ﻻﺯﻡ ﻳﺘﻌﻠﻢ ﻣﻦ ﺍﻏﻼﻃﻪ ﺍﻟﺤﻤﺪ ﻟﻠﻪ ﻣﺼﺎﺭ ﺷﻲ ﺑﻴﻨﻜﻢ
ﻻ ﻭﺍﻟﻠﻪ ﺣﺘﻰ ﺍﻳﺪﻱ ﻣﻠﺰﻣﻬﺎ
ﺍﻟﺤﻤﺪ ﻟﻠﻪ ﺍﻱ ﻳﺎﺭﻭﻳﺪﻩ
ﺍﻱ
ﺷﻨﻮ ﺗﺮﺩﻳﻦ ﺗﻌﺮﻓﻴﻦ ﻋﻨﻲ
ﻛﻴﻔﻚ
ﻳﻌﻨﻲ ﺍﻧﺘﻲ ﻋﺮﻓﺖ ﻋﻨﺞ ﻛﻠﺸﻲ ﺑﻜﻞ ﺑﺴﺎﻃﻪ ﻣﺘﺮﺩﻳﻦ ﺗﻌﺮﻓﻴﻦ ﺷﻲ
ﻛﻴﻔﻚ
ﺍﻭﻙ ﺍﺳﻤﻌﻲ ﻣﺜﻞ ﻣﺤﺠﻴﺘﻲ ﺍﺣﺠﻲ ﻻﻥ ﺍﺭﻳﺪ ﺍﺑﻘﻰ ﻭﻳﺎﺝ ﻋﻼﻗﻪ
ﺍﻭﻙ
ﺍﻧﻲ ﺣﺎﺏ ﻗﺒﻞ ﻭﺣﺪﻩ ﻟﺤﺪ ﺍﻟﻤﻮﺕ ﻭﺗﺎﻟﻲ ﻧﻬﻰ ﻋﻠﻴﻬﺎ ﺍﺑﻦ ﻋﻤﻬﺎ ﻭﺍﺧﺬﻫﺎ ﺑﺎﻟﻨﺠﻒ
ﻋﺰﻩ ﺧﻄﻴﻪ
ﺍﻱ ﺭﺍﺣﺖ ﺑﻌﺪ ﺣﺎﻭﻟﺖ ﺣﺎﻭﻟﺖ ﺭﻏﻢ ﺍﺑﻮﻳﻪ ﻣﻘﺎﺑﻞ ﻭﺗﻌﺎﺭﻛﺖ ﻭﻱ ﺍﻟﻤﻞ ﺗﺎﻟﻲ ﺍﻫﻠﻬﺎ ﺭﻓﻀﻮ ﻭﻧﻬﻪ ﻋﻠﻴﻬﺎ ﺍﺑﻦ ﻋﻤﻬﺎ ﻣﺎﻣﻮ ﺍﺧﺘﻔﺖ ﻣﻦ ﺑﻐﺪﺍﺩ ﻛﻠﺒﺖ ﺍﻟﺪﻧﻴﺎ ﻋﻠﻴﻬﺎ ﻣﺎﻛﻮ ﺻﺎﺭ 3 ﺳﻨﻴﻦ
ﺍﻣﻤﻢ ﺧﻄﻴﻪ ﺍﻧﺖ
ﻫﺎﻫﻲ ﺍﻟﺤﻤﺪ ﻟﻠﻪ ﻭﻫﺴﻪ ﻣﺠﻠﺒﻴﻠﻲ ﺗﻌﺎﻝ ﺍﺧﺬ ﺑﺖ ﻋﻤﻚ ﻭﺍﻧﻲ ﺍﻣﻮﺕ ﻣﻨﻬﻢ ﻭﻳﻮﻣﻴﻪ ﻣﺘﻌﺎﺭﻙ ﻟﺤﺪ ﺍﻻﻥ ﺍﺧﺘﻲ ﻣﺎﺣﺎﺟﻴﻬﺎ ﻣﻦ ﻭﺭﺍﻫﺎ ﻻﻥ ﻳﻮﻣﻴﻪ ﻣﺴﻮﻳﺘﻠﻲ ﺳﺎﻟﻔﻪ ﻳﻮﻡ ﺍﺟﻴﺒﻬﺎ ﻣﻦ ﺍﻟﻤﺪﺭﺳﻪ ﻭﻳﻮﻡ ﺧﻄﻴﻪ ﻣﺮﻳﻀﻪ ﻧﻮﺩﻳﻬﺎ ﻃﺒﻴﺐ ﻭﺧﺎﺑﺮﺗﻨﻲ ﻛﺎﻟﺖ ﺧﻞ ﺣﻴﺪﺭ ﻳﺠﻴﻨﻲ ﻭﺍﻧﻲ ﻟﻌﺒﺖ ﻧﻔﺴﻲ ﺗﻌﺎﺭﻣﺖ ﻭﻱ ﺍﺧﺘﻲ ﺍﻟﻤﺘﺰﻭﺟﻪ ﺍﺧﻮﻫﺎ ﺣﺘﻰ ﻣﺘﺤﺎﺟﻴﻨﻲ ﺑﻌﺪ
ﺍﻟﻠﻪ ﻳﺴﺎﻋﺪﻙ ﻟﻴﺶ ﻣﺘﺤﺒﻬﺎ
ﺗﻠﻌﺐ ﻧﻔﺴﻲ ﻣﻨﻬﻢ ﻣﻠﻌﺒﺎﺕ ﻣﻮ ﺑﺮﻳﺌﺎﺕ ﻭﻣﻮﺣﻠﻮﺕ ﻣﻮ ﻣﻮﺩﻱ ﺍﺑﺪ
ﻫﺎ ﺣﻘﻚ
ﺍﻱ
ﺍﻱ
ﺑﻌﺪ
ﻫﺎﻫﻲ ﻫﻬﻬﻪ
ﺷﻮﻛﺖ ﻧﺘﺎﻳﺠﺞ
ﺑﻌﺪ ﺳﺒﻮﻋﻴﻦ
ﻣﻤﻢ ﻋﺪﺝ ﺧﻮﺍﺕ
ﺍﻱ ﺑﺎﻟﺠﺎﻣﻌﻪ ﻭﻭﺣﺪﻩ ﺍﺻﻐﺮ ﻣﻨﻲ ﻣﺘﻮﺳﻄﻪ
ﺍﻣﻢ ﺍﻣﺠﺪ ﻣﺨﻠﻲ ﻋﻴﻨﻪ ﻋﻠﻴﻬﺎ
ﻋﻠﻴﻤﻦ ﻫﺪﻳﺮ
ﺍﻱ ﻳﻜﻮﻝ ﻣﺎﻣﻮ ﻫﻴﺞ ﻋﺎﻗﻠﻪ ﻭﺭﺯﻧﻪ ﻧﺎﻭﻱ ﻣﻦ ﻳﺘﺨﺮﺝ ﻳﺘﻘﺪﻣﻠﻬﺎ
ﺑﻘﻴﺖ ﺳﺎﻛﺘﻪ ﻏﺮﺕ ﻣﻦ ﻫﺪﻳﺮ ﻛﺎﻝ
ﺷﻮ ﺳﻜﺘﺘﻲ
ﻻ ﻫﻴﺞ
ﺿﺠﺘﻲ ﻣﻮ
ﻻ ﻟﻴﺶ ﺍﺿﻮﺝ ﻋﺎﺩﻱ
ﺑﺲ ﺍﻧﺘﻲ ﺍﺣﻠﻰ ﻣﻨﻬﺎ ﺑﻬﻮﺍﻱ ﻣﻦ ﺍﺑﺎﻭﻋﻠﺞ ﻋﺒﺎﻟﻚ ﺍﺑﺎﻭﻉ ﻟﻤﺮﺍﻳﻪ ﻧﺎﻋﻤﻪ ﻭﻧﻀﻴﻴﻴﻴﻔﻪ ﻫﺎﻱ ﻟﻴﺶ ﺍﻧﺘﻲ ﻫﻴﺞ
ﻣﺎﺩﺭﻱ
ﺷﻨﻮ ﺍﻧﺘﻲ ﺷﻜﺪ ﻃﺎﻓﻴﻪ ﻳﺎﺍﻟﻠﻪ ﺑﻬﻠﻴﻪ
ﻳﻌﻨﻲ ﺷﻨﻮ
ﻳﻌﻨﻲ ﻣﻦ ﺍﻫﻞ ﺍﻟﻠﻪ ﻫﻬﻪ
ﺗﺜﺎﻭﺑﺖ
ﺣﺘﻨﺎﻣﻴﻦ
ﻧﻌﺴﺖ ﻛﻠﺶ
ﺩﻳﻠﻪ ﺭﻯﺤﻲ ﻧﺎﻣﻲ ﺧﻄﻴﻪ ﺑﺎﺟﺮ ﻧﺤﺠﻲ ﺯﻳﻦ
ﺍﻭﻙ
ﻃﻴﻨﻲ ﺑﻮﺳﻪ
ﻫﻠﻠﻮ ﻫﺎﻱ ﺷﻨﻮ
ﻫﻬﻬﻪ ﺍﺗﺸﺎﻗﻪ
ﺑﻘﻴﺖ ﺳﺎﻛﺘﻪ
ﻫﺎ ﺗﺮﺩﻳﻦ ﻫﺎﺝ ﻋﻤﻲ ﺍﻣﻮﻭﻭﺍﺡ
ﺳﺪﻳﺘﻪ ﺑﻮﺟﻬﻪ ﺩﺯ ﺭﺳﺎﻟﻪ
ﻫﺎﻟﻤﺮﻩ ﺳﻮﻳﺘﻴﻬﺎ ﻣﺮﻩ ﻟﺦ ﺗﻠﻜﻴﻨﻲ ﺑﺎﻟﺒﺎﺏ ﻣﺎﻟﻜﻢ ﺍﺫﺍ ﺳﻮﻳﺘﻴﻬﺎ ﻋﻴﺐ ﺍﻧﻲ ﺭﺟﺎﻝ ﻣﻮ ﺯﻋﻄﻮﻁ ﺗﺴﺪﻱ ﺑﻮﺟﻬﻲ
ﺍﻭﻙ ﺍﺳﻔﻪ ﺑﺲ ﻟﺘﻌﻴﺪﻫﺎ
ﺍﻭﻙ ﻣﺘﻨﻌﺎﺩ ﻳﻠﻪ ﺍﺣﻼﻡ ﺳﻌﻴﺪﻩ
ﺷﻜﺮﺍ
....
ﺭﻭﻳﺪﻩ - ﺳﺪﻳﺘﻪ ﻭﺗﻤﺪﺩﺕ ﺍﺭﺟﻊ ﺍﺳﻮﻱ ﻋﻼﻗﻪ ﺍﺧﺎﻑ ﻫﻢ ﻳﻌﻮﻓﻨﻲ ﻭﺍﺗﺎﺫﻩ ﺑﻘﻴﺖ ﺍﺗﻜﻠﺐ ﻭﺍﻓﻜﺮ ﺗﺬﻛﺮﺕ ﻣﻦ ﻛﺎﻝ ﺍﻣﺠﺪ ﻳﺮﻳﺪ ﺍﺧﺘﺞ ﺑﺎﻭﻋﺖ ﻟﻬﺪﻳﺮ ﺷﻨﻮ ﺑﻴﻬﺎ ﻳﻔﻀﻠﻮﻫﺎ ﻋﻠﻴﻪ ﺍﺣﻠﻰ ﻣﻨﻲ ﻻﺍﻧﻲ ﺍﺣﻠﻰ ﺻﺤﻴﺢ ﺍﻋﻘﻞ ﻣﻨﻲ ﺭﺟﻌﺖ ﺧﻠﻴﺖ ﺭﺍﺳﻲ ﻋﺎﻟﻤﺨﺪﻩ ﻭﺍﺗﺬﻛﺮ ﺣﺠﻴﻪ ﺟﺮﺍﺗﻪ ﻭﻧﻀﺮﻩ ﻋﻴﻨﻪ ﻛﻠﺒﻲ ﻳﺮﺟﻒ ﻣﻦ ﺍﺗﺬﻛﺮﻩ ﻧﻤﺖ ﻭﻛﻠﺒﻲ ﻣﺘﺮﻭﺱ ﻓﺮﺡ ﻻﻥ ﻫﻴﺞ ﺗﻐﺰﻝ ﺑﻴﻪ ﻛﻌﺪﺕ ﺍﻟﺼﺒﺢ ﻣﺮﻭﻩ ﺑﻠﺸﺖ ﺍﻣﺘﺤﺎﻧﺎﺕ ﻭﻱ ﺳﺮﻯ ﻯﺒﻌﺪ ﻛﻢ ﻳﻮﻡ ﺍﻣﺘﺤﺎﻧﺎﺕ ﻫﺪﻳﺮ ﺟﺎﻧﺖ ﻣﺨﺒﻮﺻﻪ ﻭﻛﻞ ﺣﺠﺎﻳﻪ ﺗﻜﺬﻉ ﺩﺭﺍﺳﺘﻬﺎ ﺗﻜﻮﻝ
ﻭﺍﻟﻠﻪ ﺍﺫﺍ ﺍﻧﺠﺢ ﺑﻤﻌﺪﻝ ﺍﺧﻠﻲ ﺑﺎﺑﺎ ﻳﻨﻄﻴﻨﻲ 50 ﺍﻟﻒ ﻭﺣﺴﻴﻦ 25
ﻭﺍﺣﻨﺎ ﻧﻀﺤﻚ ﻋﻠﻴﻬﺎ
ﺣﺴﻴﻦ - ﻫﺪﻳﺮ ﺍﻧﺠﺤﻲ ﻭﺍﻟﻠﻪ ﻛﺮﻳﻢ ﻳﺠﻮﺯ ﺍﻧﺘﻲ ﺗﻜﻮﻣﻴﻦ ﺗﺼﺮﻓﻴﻦ ﻋﻠﻴﻨﺎ ﻫﻬﻬﻪ
ﻫﺪﻳﺮ - ﻳﻤﻪ ﺍﺳﻢ ﺍﻟﻠﻪ ﻻ ﻋﻴﻨﻲ ﻣﺎﺍﻧﻄﻲ ﻭﻻ ﻓﻠﺲ ﻛﻠﻤﻦ ﻳﺼﺮﻓﻬﺎ ﻟﻔﻠﻮﺳﻪ ﻋﻠﻰ ﺭﻭﺣﻪ ﻭﺍﻧﺘﻮ ﺗﺼﺮﻓﻮﻥ ﻓﻠﻮﺳﻜﻢ ﻋﻠﻴﻪ
ﺣﺴﻴﻦ - ﺑﺎﻟﺤﺎﻟﺘﻴﻦ ﻣﻘﻄﻮﻃﻴﻦ ﻫﻬﻬﻪ ﻳﺎﺑﻪ ﺷﻮﻓﻠﻚ ﺟﺎﺭﻩ ﻟﺒﻨﺘﻚ ﻣﻨﺎ ﻟﺴﻨﻪ ﺍﻟﺘﺠﻲ ﺍﺫﺍ ﺑﻘﺖ ﻋﻠﻰ ﻫﺎﻟﺤﺎﻟﻪ ﺣﺘﺨﻞ ﻣﻴﺰﺍﻧﻴﻪ ﺍﻟﻌﺮﺍﻕ ﻋﻬﻬﻬﻬﻪ
ﺳﻠﻴﻢ - ﻭﻳﻦ ﺩﺗﻮﺩﻳﻬﻦ
ﺍﺟﻤﻌﻬﺎ ﻳﻤﻪ ﺧﻤﺴﻪ ﻭﺧﻤﻴﺴﻪ ﻣﻨﻜﻢ
ﻣﺮﻭﻩ - ﻟﻚ ﺳﻠﻴﻢ ﺍﻟﺒﺎﺭﺣﻪ ﺗﻜﻮﻟﻲ ﺷﻮ ﻫﺎﻱ ﺍﻟﻔﻮﺱ ﻣﺪﺗﻔﻮﺕ ﻟﻠﺪﺧﻞ ﻭﺟﺎﻧﺖ ﺗﻜﻤﺰ ﻋﻠﻴﻪ ﻫﺪﻳﺮ ﺧﻠﺖ ﺍﻳﺪﻫﺎ ﻋﻠﻰ ﺣﻠﻜﻲ ﻣﺘﻘﺒﻞ ﺍﺣﺠﻲ
ﻫﺪﻳﺮ - ﻋﻠﻴﺞ ﺍﻟﻘﺮﺍﻥ ﺍﺳﻜﺘﻲ ﺍﺳﻜﺘﻲ ﻣﺮﺭﺭﻭﻩ ﺣﺒﺎﺑﻪ
ﻣﺮﻭﻩ - ﺷﺘﻨﻄﻴﻨﻲ
ﻭﺍﻟﻠﻪ ﺍﻧﻄﻴﺞ ﺍﻟﻒ
ﺣﻴﻴﻴﻞ ﻫﻮﺍﻱ ﻫﻬﻬﻪ
ﺳﻠﻴﻢ - ﺑﻘﻴﺖ ﺻﺎﻓﻦ ﺍﺿﺤﻚ ﺍﺭﻳﺪ ﺗﻜﻤﻞ ﺍﻟﺤﺠﺎﻳﻪ ﺧﻤﻨﺖ ﺩﺧﻠﻬﺎ ﻣﺘﺮﻭﺱ ﻣﺪﺗﻔﻮﺕ ﺍﻟﻔﻠﻮﺱ ﺑﻲ ﺑﻘﻴﺖ ﺍﺑﺎﻭﻋﻠﻬﺎ ﺑﺲ ﺗﻜﻤﺰ ﻭﺗﻀﺤﻚ ﺣﺘﻰ ﻋﺎﻟﻘﻨﻔﻪ ﺻﻌﺪﺕ ﺣﻀﻨﺖ ﻋﻤﻲ ﻭﺍﻧﻲ ﺍﺭﺍﻗﺒﻬﺎ ﻣﺎﺍﻣﻞ ﻣﻦ ﻣﺮﺍﻗﺒﺘﻬﺎ ﺍﺿﺤﻚ ﺟﺎﻥ ﻋﻴﻮﻧﻲ ﺗﻠﺤﻚ ﺑﺮﺍﺋﺘﻬﺎ ﻭﺣﺴﻴﻦ ﻛﻠﻤﺎ ﺍﺑﺎﻭﻋﻠﻬﺎ ﻳﺒﺎﻭﻋﻠﻲ ﻣﻦ ﻳﺸﻮﻑ ﻧﻀﺮﺗﻲ ﻣﻴﻬﺘﻢ ﻻﻥ ﻳﻌﺮﻓﻨﻲ ﻣﺮﺍﺡ ﺍﻧﺼﺮ ﻧﻀﺮﻩ ﻧﻜﺴﻪ ﺍﺧﺬﺕ ﺣﺴﻴﻦ ﻭﻃﻠﻌﺖ ﺑﺴﻴﺎﺭﻩ ﺭﻭﻭﻑ ﻟﻠﺸﻮﺭﺟﻪ ﺍﻟﻴﻮﻡ . ﺟﺎﻱ ﺗﺎﺟﺮ ﺍﻟﺒﻬﺎﺭﺍﺕ ﻣﻦ ﺍﻟﻬﻨﺪ ﻭﺟﺎﻳﺐ ﺧﻮﺵ ﺑﻀﺎﻋﻪ ﻭﺯﻋﻬﺎ ﻋﺎﻟﺴﻮﻙ ﻭﺷﻜﻢ ﺷﻐﻠﻪ ﺧﺎﺻﻪ ﺍﻟﻨﺎ ﻣﺤﺪ ﻳﺠﻴﺒﻬﺎ ﻣﺜﻞ ﺍﻟﺒﺨﻮﺭﺍﺕ ﺷﻐﻞ ﺍﻟﺒﻬﺎﺭﺍﺕ ﻣﻴﻮﻛﻒ ﺳﻮﻛﻪ ﺍﺑﺴﻂ ﻣﺎﺑﻲ ﺍﻻﻋﺸﺎﺏ ﺍﻟﻄﺒﻴﻪ ﻣﺘﻮﻛﻒ ﻭﺣﺴﻴﻦ ﻫﺎﻟﺸﻬﺮ ﻃﻮﺭ ﺍﻟﺸﻐﻞ ﻭﺍﺷﺘﺮﻯ ﻣﻌﺼﺎﺭﻩ ﻣﺎﻝ ﺳﻤﺴﻢ ﻟﺰﻳﺖ ﺍﻟﺴﻤﺴﻢ ﻭﺍﻟﺮﺍﺷﻲ ﻭﺍﻣﻲ ﺧﻄﻴﻪ ﻛﺎﻣﺖ ﺗﻜﺒﺲ ﺩﺑﺲ ﻭﺍﺑﻴﻌﻪ ﻛﻴﻒ ﺣﺴﻴﻦ ﻛﺎﻝ ﻳﺨﺒﻞ ﺍﻟﺪﺑﺲ ﺍﻟﻨﺎﺱ ﺗﻜﻴﻒ ﻋﻠﻴﻪ ﻻﻥ ﻣﺎﻝ ﺑﻴﻮﺕ ﻭﺍﺷﺘﻐﻠﻨﺎ ﺣﺘﻰ ﻋﺎﻟﺨﻞ ﺍﻟﺒﻴﺘﻲ ﻭﺻﺎﺭ ﻭﺍﺭﺩﻫﺎ ﻻﻣﻲ ﻭﺍﺭﺑﺎﺣﻬﺎ ﺑﺎﻟﻨﺺ ﺣﻴﻞ ﻣﺮﺗﺎﺡ ﻭﻱ ﺣﺴﻴﻦ ﺭﻏﻢ ﺍﻻﺷﻜﺎﻻﺕ ﺑﻴﻨﻨﺎ ﻭﺍﺣﺪ ﻳﻄﺐ ﺍﻟﺼﻮﺝ ﺑﺎﻟﻠﺦ ﺑﺲ ﻛﻠﻤﻦ ﻳﻌﺮﻑ ﻏﻠﻄﻪ ﻣﻮ ﺟﻬﺎﻝ ﺭﻏﻢ ﺻﻐﺮ ﺳﻨﻲ ﺑﺲ ﻭﺍﻋﻲ ﻭﺍﻓﻬﻢ ﻛﻞ ﺍﺧﻮﺗﻲ ﺭﻭﻭﻑ ﺍﺧﻮﻳﻪ ﺍﻟﺠﺒﻴﺮ ﻗﺒﻂ 30 ﻭﻣﺪﻳﺘﺰﻭﺝ ﻣﺤﺪ ﺗﻘﺒﻞ ﺑﻲ ﺷﻮﻥ ﺍﺧﻠﻲ ﻳﺘﻐﻴﺮ ﻫﺬﺍ ﺷﻮﻥ ﻃﻠﻊ ﻫﻴﺞ ﺷﻮ ﺍﺣﻨﺎ ﻛﻠﻤﻦ ﺧﺸﺘﻪ ﺷﻜﺒﺮﻫﺎ ﻭﺷﺎﻳﻔﻴﻦ ﺭﻭﺣﻨﺎ ﻋﺎﻟﻤﺎﻛﻮ ﺷﻮ ﻓﺮﺍﺕ ﻋﺎﻟﻤﺎﻛﻮ ﺷﺎﻳﻒ ﺭﻭﺣﻪ ﻭﻫﻮ ﺧﻠﻚ ﻣﻜﻮﻱ ﺻﺢ ﻃﺎﻟﺐ ﻫﻨﺪﺳﻪ ﺍﻟﻜﺘﺮﻭﻥ ﺑﺲ ﻋﻤﻲ ﺑﺲ ﺍﻟﻠﻪ ﺍﻟﺠﺒﻴﺮ ﺍﻟﻤﻬﻢ ﻭﻋﻼﻭﻱ ﺛﺎﻟﺚ ﻫﺎﻟﺴﻨﻪ ﻭﻳﺸﺘﻐﻞ ﻋﻤﺎﻟﻪ ﺧﻄﻴﻪ . ﺑﺪﻭﺍﻡ ﺷﻔﺖ ﻣﺴﺎﺋﻲ ﻭﺍﻟﻠﻪ ﺳﺎﺗﺮﻫﺎ ﺑﺲ ﻫﻮ ﻣﻦ ﺍﺧﻮﺗﻲ ﻋﺒﺎﻟﻚ ﺧﺒﻞ ﻭﻣﺤﺪ ﻳﻌﺮﻓﻪ ﻏﻴﺮ ﺍﻧﻲ ﻭﺍﻧﻲ ﻭﻋﻤﻲ ﻛﻠﺒﻪ ﺍﺑﻴﺾ ﺣﻴﻞ ﻭﺧﺎﻳﻒ ﻋﻠﻴﻪ ﻻﻳﺼﻔﻪ ﻭﺣﺪﻩ ﻫﺴﻪ ﺍﻟﺤﻤﺪ ﻟﻠﻪ ﺑﺪﺕ ﺍﻟﺪﻧﻴﺎ ﺗﻀﺤﻜﻠﻪ ﺍﺷﺘﺮﻩ ﺳﻴﺎﺭﻩ ﻭﻣﺸﺘﻐﻠﻬﺎ ﺗﻜﺴﻲ ﻭﻱ ﺭﺍﺗﺒﻪ ﻭﻣﻦ ﻏﻴﺮ ﺍﻻﺟﺎﺭ ﻣﺎﻝ ﻣﺤﻼﺕ ﻭﻳﺪﺭﺱ ﺧﺼﻮﺻﻲ ﺍﻟﻮﻟﺪ ﻣﻜﺎﻋﺪ ﻣﻠﻬﻲ ﺭﻭﺣﻪ ﺟﻨﺖ ﺩﺍﺋﻤﺎ ﻣﻦ ﺍﺻﻔﻦ ﻳﻜﻮﻟﻲ
ﺳﻠﻴﻢ ﺷﺒﻴﻚ ﻳﺎﺑﻪ ﻣﺤﺘﺎﺝ ﺷﻲ ﻟﺘﺼﻔﻦ
ﻻ ﺭﻭﻭﻑ ﺳﺎﻟﻔﻪ ﺑﺮﺍﺳﻲ ﺍﺑﺎﻭﻋﻠﻪ ﺷﺮﺩ ﺍﻛﻮﻟﻚ . ﺍﻭﻭﻑ 20 ﻭﺷﺎﻳﻞ ﻫﻤﻚ ﺩﺍﺋﻤﺎ ﺍﻧﺼﺤﻪ ﺍﻟﻜﺎﻩ ﻳﺠﻴﺒﻠﻲ ﻏﻴﺮ ﻣﻮﺿﻮﻉ ﻭﺍﻟﻀﺤﻜﻪ ﻋﻠﻰ ﻭﺟﻬﻪ ﻫﺎﻻﻫﻤﺎﻝ ﻟﺰﺟﺮﻭﺣﻚ ﻟﻴﺶ ﻳﺎﺍﺧﻲ ﺣﺘﻰ ﺭﻳﺤﻪ ﺑﺤﻠﻜﻪ ﺍﻛﻮ ﺍﺳﻨﺎﻧﻪ ﻣﻴﻔﺮﺷﻬﺎ ﺭﻏﻢ ﻫﻮ ﻣﻮ ﻭﺻﺦ ﺑﺲ ﻣﻤﻬﺘﻢ ﻭﺍﻟﻴﺪﻣﺮﻧﻲ ﺍﻛﺜﺮ ﻣﻦ ﺍﺷﻮﻑ ﻓﺮﺍﺕ ﻳﻨﻜﺮ ﻛﻮﻧﻪ ﺍﺧﻮﻩ ﺑﺎﻟﺤﺎﻣﻌﻪ ﻣﻦ ﻳﺴﺎﻟﻮ ﻳﻜﻮﻟﻬﻢ ﻻ ﻣﻮ ﺍﺧﻮﻳﻪ ﻭﻫﻮ ﺳﻤﻊ ﻣﺮﻩ ﺑﺎﺫﻧﻪ ﻭﻣﻬﺘﻢ ﺍﺟﻪ ﻳﻀﺤﻚ ﻻﻣﻲ ﻳﻜﻮﻟﻬﺎ ﻳﻮﻡ ﻓﺮﺍﺕ ﻳﻜﻮﻝ ﻣﻮ ﺍﺧﻮﻳﻪ ﻋﻠﻴﻪ ﻧﺘﺮﺕ ﺍﻣﻲ ﺑﻲ ﻭﻫﻮ ﻣﻘﺒﻞ
ﻳﻤﻪ ﻣﺼﺎﺭ ﺷﻲ ﻋﺎﺩﻱ ﺣﺘﻰ ﻣﺤﺪ ﻳﺠﻲ ﻳﺘﻮﺳﻂ ﻋﺪﻱ ﻋﻠﻰ ﺍﻧﻪ ﺍﻧﻲ ﺻﺪﻳﻖ ﺍﺧﻮﻙ
ﻓﺮﺍﺕ - ﻟﺘﺰﻋﻞ ﻣﻨﻲ ﺭﻭﻭﻑ ﺑﺎﻭﻉ ﻟﺮﻭﺣﻚ ﺑﺎﻟﻤﺮﺍﻳﻪ ﻭﺷﻮﻑ ﺷﻨﻮ ﻓﺘﻴﺪﻩ ﺍﻟﻔﻠﻮﺱ ﺧﻮﻳﻪ ﻭﺍﻧﺖ ﻣﺘﺼﺮﻓﻬﻦ ﻋﻠﻰ ﺭﻭﺣﻚ ﻭﻣﺒﻬﺬﻝ ﻧﻔﺴﻚ
ﺭﻭﻭﻑ - ﻫﻬﻬﻪ ﻋﺎﺩﻱ ﻓﺮﺍﺕ ﺍﻧﻲ ﻣﻤﻬﺘﻢ ﻳﻠﻪ ﻳﻮﻡ ﺭﺍﻳﺢ ﺍﻧﺎﻡ ﺗﻌﺒﺎﻥ
ﺭﻭﺡ ﻳﻤﻪ ﺍﻟﻠﻪ ﻭﻳﺎﻙ
ﻭﻟﻚ ﺍﻧﺖ ﺻﺪﻙ ﻣﺘﺴﺘﺤﻲ
ﻳﻤﻪ ﻣﺘﺮﻭﺣﻴﻦ ﺩﺑﺎﻋﻲ ﺟﻨﻪ ﺧﺒﻞ ﻫﺬﺍ ﺍﺳﺘﺎﺫ ﻫﺬﺍ ﻫﺬﺍ ﺍﺳﺘﺎﺫ ﻳﻤﻪ ﻣﻮﺿﻮﻉ ﺍﻟﻮﻧﺴﻪ ﺑﺎﻟﺠﺎﻣﻌﻪ ﺻﺎﻳﺮ ﻫﻤﺰﻳﻦ ﺍﻟﻠﻪ ﻣﻴﺪﺭﺱ ﻋﺪﻧﺎ ﺟﺎﻥ ﺍﻧﻔﻀﺤﺖ
ﺑﻨﺎﺕ ﻋﻤﻚ ﻣﻮ ﻭﻳﺎﻙ ﺷﻮ ﻳﻔﺘﺨﺮﻥ ﺑﻲ
ﺍﻱ ﻫﻤﻪ ﻧﺴﻮﺍﻥ ﻣﻮ ﺍﻧﻲ ﺍﻟﻠﻲ ﻳﻔﺸﻠﻨﻲ ﺑﻠﺒﺴﻪ ﺍﻟﻤﺮﻋﺒﻞ ﻭﺳﻤﻨﻪ ﻟﺨﺎﻃﺮ ﺍﻟﻠﻪ ﻟﺤﺪ ﻳﻌﺎﺗﺐ ﻋﺒﺎﻟﻚ ﺍﻧﻲ ﻣﻜﻴﻒ ﻣﻦ ﺍﺷﻮﻑ ﺍﺧﻮﻳﻪ ﻫﻴﺞ ﻣﻮ ﻣﻴﺖ ﻣﺮﻩ ﺣﺎﺟﻴﺘﻪ ﻳﻜﻮﻟﻲ ﺍﻟﺪﻧﻴﺎ ﻣﺘﺴﻮﻩ . ﺑﻠﻪ ﻣﺘﺴﻜﺘﻮﻥ
ﺳﻠﻴﻢ - ﺑﺎﻭﻋﺖ ﻟﻔﺮﺍﺕ ﻋﺎﻓﻨﻪ ﻭﺻﻌﺪ ﻧﺎﻡ ﺟﺮﻳﺖ ﺣﺴﺮﻩ ﺍﻟﺘﻔﺖ ﻋﻠﻲ ﻋﻠﻰ ﺍﻣﻲ ﻛﺎﻝ
ﻳﻤﻪ ﻫﻮ ﺑﻲ ﺷﻲ ﻣﻦ ﺣﺎﻥ ﺻﻐﻴﺮ ﺭﻭﻭﻑ
ﻻ ﻳﻤﻪ ﻣﺜﻞ ﺍﻟﻮﺭﺩﻩ ﺷﺒﻲ ﻣﻮ ﻛﺪﺍﻣﻚ
ﻭﺍﻟﻠﻪ ﻳﻤﻪ ﺷﻮ ﺿﺤﻜﺘﻪ ﺍﻟﻤﺘﻔﺎﺭﻛﻪ ﺣﺘﻰ ﺑﻮﻓﺎﻩ ﺑﻴﺒﻴﺘﻲ ﻳﻀﺤﻚ ﺧﺰﺍﻧﺎ ﻭﻟﺒﺴﻪ ﻭﺳﻤﻨﻪ ﻭﺍﻛﻠﻪ ﺍﻟﻤﻔﺮﻁ ﻳﻌﻨﻲ ﺧﺎﻑ ﺑﻲ ﺷﻲ ﻭﺍﻟﻠﻪ ﻳﻤﻪ ﺍﻧﻲ ﺍﺣﺒﻪ ﻭﺍﻣﻮﺕ ﻋﻠﻴﻪ ﺑﺲ ﺍﺧﺎﻑ ﻋﻠﻴﻪ
ﻳﻤﻪ ﻛﻠﺸﻲ ﻣﺒﻲ ﻫﻮ ﻓﻄﻴﺮ ﻭﻋﻠﻰ ﻧﻴﺘﻪ
ﺳﻠﻴﻢ - ﻋﻮﻓﻮ ﺑﺮﺍﺣﺘﻪ ﺍﻟﺪﻧﻴﺎ ﺗﻐﻴﺮﻩ ﻳﻠﻪ ﻳﻮﻡ ﺑﺴﺘﻬﺎ ﻣﻦ ﺭﺍﺳﻬﺎ ﻛﻌﺪﻳﻨﻲ ﺏ 5 ﻓﺪﻭﻩ ﺣﺴﻴﻦ ﻳﻨﺘﻀﺮﻧﻲ
ﻋﻠﻲ - ﺍﺍﺍ ﺳﻠﻴﻢ
ﻫﺎ ﻳﺎﺑﻪ ﻛﻮﻝ
ﺍﻛﻮﻟﻚ ﺷﻨﻮ ﻣﺮﻭﻩ ﺩﺗﺪﺭﺱ ﺧﺼﻮﺻﻲ
ﻫﺎ ﻻ ﺑﺲ ﺻﺪﻳﻘﻪ ﻫﺪﻳﺮ ﺍﻋﺘﻘﺪ ﻋﻠﻤﻮﺩ ﻋﻤﻲ ﻟﻴﺶ
ﻋﻠﻲ - ﻣﻮ ﺻﺎﺣﺒﻲ ﺍﺧﺘﻪ ﺗﺮﻳﺪ ﺗﺪﺭﺱ ﻭﻭﻛﺎﻝ ﺑﺖ ﻋﻤﻚ ﻣﺪﺭﺳﻪ ﺟﻴﺮﺍﻧﻬﻢ ﻳﺼﻴﺮ
ﺳﻠﻴﻢ - ﻭﺍﺧﺖ ﺻﺎﺣﺒﻚ ﺍﻧﺖ ﺷﻠﻚ ﻏﺮﺽ ﺑﻴﻬﺎ ﻣﺘﺮﻭﺡ ﺗﺪﻭﺭﻟﻬﺎ ﻣﺪﺭﺱ ﺑﺎﻭﻋﺘﻠﻪ ﻣﻀﻴﻚ ﻋﻴﻨﻲ ﺍﺭﺗﺒﻚ ﻭﺑﺎﻭﻉ ﻻﻣﻲ ﻭﺍﺻﺒﻌﻪ ﺑﺎﺫﻧﻪ ﻳﺤﻜﻬﺎ ﺑﺎﺭﺗﺒﺎﻙ
ﻋﻠﻲ - ﻻ ﻣﻮ ﻳﺨﺎﻓﻮﻥ ﻋﻠﻴﻬﺎ ﻋﺪ ﻣﺪﺭﺱ ﻭﻫﺎﻱ ﻓﻜﺎﻟﻲ ﺑﻠﻜﻦ ﺑﺖ ﻋﻤﻚ
ﻫﻮ ﺍﻟﻜﺎﻟﻚ ﻟﻮ ﺍﻧﺖ ﺍﻟﻜﺘﻠﻪ ﺑﺎﻭﻋﺘﻠﻪ ﺭﺍﻓﻊ ﺗﻚ ﺣﺎﺟﺐ ﺍﺿﺤﻚ ﺿﺤﻜﻠﻲ ﻭﻧﺼﻪ ﺭﺍﺳﻪ ﻭﺭﺟﻊ ﺭﻓﻌﻪ ﻣﺤﺮﺝ
ﺍﻧﻲ ﺍﻟﻜﺘﻠﻪ
ﻫﺎﺍﺍﻩ ﺍﻱ ﺷﻜﻮ ﻣﻨﻬﺎ ﻋﻮﺩ ﺧﺎﺑﺮ ﻋﻤﻲ ﻭﻛﻮﻟﻪ ﺷﺘﻜﻮﻝ ﻭﻟﻮ ﺍﻣﺘﺤﺎﻧﺎﺗﻬﻢ ﺑﺪﺕ
ﻻ ﻣﻮﻫﻲ ﻣﻮﺟﻠﻪ ﻋﻠﻤﻮﺩ ﻭﻓﺎﺕ ﺍﺑﻮﻫﺎ ﺧﻄﻴﻪ ﻭﻛﺎﻟﺖ ﻋﺎﻟﺪﻭﺭ ﺍﻟﺜﺎﻧﻲ ﺑﻠﻜﻦ ﺗﺪﺭﺳﻬﺎ
ﻛﺎﻟﺖ
ﻳﺒﻮﻭﻭ ﻛﺎﻝ ﻛﺎﻝ ﺻﺪﻳﻘﻲ ﺍﺧﻮﻫﺎ
ﻫﻬﻬﻬﻬﻬﻪ ﺍﻟﻠﻪ ﻳﻌﻴﻨﻪ ﻟﺼﺪﻳﻘﻚ ﻋﻠﻰ ﻓﻄﺎﺭﻳﺘﻚ ﺧﻮﻳﻪ ﺧﺎﺑﺮﻫﻢ ﻭﻛﻮﻟﻬﻢ ﻣﺎﻋﺮﻑ ﺍﻧﻲ ﺷﻨﻮ ﺛﺎﻟﺚ ﻣﺘﻮﺳﻂ
ﻻ ﺳﺎﺩﺱ
ﻫﻤﻢ ﻣﺎﺩﺭﻱ ﻭﺍﻟﻠﻪ
ﺍﻭﻙ ﻋﻮﺩ ﺍﺧﺎﺑﺮ ﻋﻤﻲ
ﻫﺎﻫﻲ ﺧﺎﺑﺮﻩ ﻭﺍﻓﻬﻢ ﻳﻠﻪ ﺗﺼﺒﺢ ﻥ ﻋﻠﻰ ﺧﻴﺮ ﻳﻤﻪ ﻟﺘﻨﺴﻴﻨﻲ ﺏ 5
ﺍﻱ ﻳﻤﻪ ﻓﻬﻤﺖ
---
ﺭﻭﻳﺪﻩ - ﺍﻳﺎﻡ ﺗﻤﺮ ﻭﺣﻴﺪﺭ ﻳﻮﻣﻴﻪ ﻧﺘﺨﺎﺑﺮ ﺍﺗﻮﻧﺲ ﻟﺴﻮﺍﻟﻔﻪ ﻭﺿﺤﻜﻪ ﺍﺑﺪ ﻣﻜﺎﻡ ﻳﺤﺠﻲ ﺣﺠﻲ ﻣﻮﺣﻠﻮ
ﺍﻟﻮ ﺭﻭﻳﺪﻩ
ﻫﻼﻭ
ﻫﻼﻭﺍﺕ ﻋﻴﻮﻧﻲ ﻫﺪﻳﺮ ﻛﺎﻋﺪﻩ
ﻻﻻ ﻧﺎﻣﺖ
ﺍﻳﻴﻲ ﻫﻤﺰﻳﻦ ﺍﻱ ﺷﻮﻧﺞ
ﺯﻳﻨﻪ ﺍﻟﺤﻤﺪ ﻟﻠﻪ
ﻭﺍﻧﺖ
ﺍﻧﻲ ﻣﺘﻜﺴﺮ ﺍﺥ ﻳﺎﺑﻪ ﺿﻠﻮﻋﻲ
ﺳﻤﻠﻪ ﺷﺒﻴﻚ
ﺑﻠﺸﺖ ﺣﺪﻳﺪ ﻳﺎﺑﻪ ﻫﻬﻪ
ﺻﺪﻭﻙ ﺑﺲ ﺍﻧﺘﺮﺿﺨﻢ ﻣﻴﺤﺘﺎﺟﻠﻚ ﻭﻃﻮﻳﻞ
ﺍﻣﻤﻢ ﻣﻴﺨﺎﻟﻒ ﺣﺘﻰ ﻳﺘﺮﺗﺐ ﻫﻨﺪﺍﻣﻲ ﻣﻴﺖ ﺟﻮﻉ ﺗﺪﺭﻳﻦ
ﻟﻴﺶ ﻋﺰﻩ ﻣﺎﻋﺪﻛﻢ ﺍﻛﻞ
ﻣﻮﻧﻀﺎﻡ ﻏﺬﺍﺋﻲ ﻻﺯﻡ ﺑﺮﻭﺗﻴﻦ ﻭﺑﺪﻭﻥ ﺩﻫﻮﻥ ﻭﺍﻧﻲ ﻣﺘﻌﻠﻢ ﺑﻠﻴﻞ ﺍﺿﻮﺏ ﺑﺎﭼﻪ ﻫﻬﻪ ﺑﻌﺪ ﻋﺮﺏ ﻭﻋﺪﺝ ﺍﻟﺤﺴﺎﺏ
ﻫﻬﻬﻬﻬﻪ ﺍﻧﻲ ﺍﺣﺐ ﺳﻮﺑﻬﺎ
ﺍﺥ ﺻﺪﺩﻙ
ﺍﻱ ﻭﺍﻟﻠﻪ
ﺳﺠﻠﻬﺎ ﺑﺎﻟﺘﺎﺭﻳﺦ ﺍﻭﻝ ﻧﺜﻴﻪ ﺗﺤﺐ ﺍﻟﺒﺎﺟﻪ
ﻫﻬﻬﻪ ﻭﺍﺣﺐ ﺍﻟﻤﻤﺒﺎﺭ ﻫﻢ
ﻻﻻ ﻣﺪﺍﺻﺪﻙ ﻳﻌﻨﻲ ﻫﻢ ﻳﺠﻲ ﻳﻮﻡ ﺗﺴﻮﻳﻠﻨﺎ ﻭﻧﺎﻣﻞ ﺳﻮﻩ
ﻣﻤﻢ ﻣﺤﺘﻤﻞ
ﺍﻣﻤﻢ ﻳﺎﺭﺏ
ﺷﻨﻮ ﻳﻌﻨﻲ ﻣﻔﻬﻤﺖ
ﺍﻧﻲ ﺭﺍﻳﺪﺝ ﺍﻟﻲ . ﺗﺮﻩ ﺧﻠﻴﻬﺎ ﺑﺒﺎﻟﺞ
ﺷﻮﻥ ﻣﺼﺎﺭﻟﻨﺎ 3 ﺷﻬﻮﺭ
ﻟﻴﺶ ﺍﻧﺘﻲ ﻣﺘﻌﻠﻘﺘﻲ ﺑﻴﻪ ﻛﺪﻣﺎ ﺗﻌﻠﻘﺖ ﺑﻴﺞ
ﻣﺎﺍﻋﺮﻑ ﺗﻌﻮﺩﺕ ﺑﺲ ﻣﺎﺍﻋﺮﻑ
ﻳﻌﻨﻲ ﻣﺤﺎﺑﺘﻨﻲ ﻣﻮﻭﻭ ﺍﺣﺠﻴﻬﺎ ﻭﺍﺭﺗﺎﺣﻲ ﻫﻬﻪ
ﻻﻻ ﻭﺍﻟﻠﻪ ﺗﺪﺭﻱ ﺣﻴﺪﺭ ﺍﺻﻼ ﺍﻧﻲ ﻣﺎﺍﻋﺮﻑ ﺍﺣﺴﺎﺱ ﺍﻟﺤﺐ ﺑﺲ ﺍﺣﺐ ﺍﺣﺎﺟﻴﻚ ﻭﻫﺬﺍ ﻫﻮ
ﻣﻤﻤﻢ ﺗﺪﺭﻳﻦ ﺷﻨﻮ ﺍﺣﺴﺎﺱ ﺍﻟﺤﺐ
ﺷﻨﻮ
ﻣﻦ ﺍﻧﺴﺎﻥ ﻣﺘﺘﺤﻤﻠﻴﻦ ﺗﺸﻮﻓﻲ ﻣﺘﺎﺫﻱ ﻟﻮ ﻣﻦ ﺗﺴﻤﻌﻴﻦ ﺻﻮﺗﻪ ﻳﺪﻙ ﻛﻠﺒﺞ ﺳﺮﻳﻊ ﻟﻮ ﺟﺮﻳﺖ ﻧﻔﺲ ﻟﻮﻝ ﻭﻟﻮﻝ ﻭﻟﻮﻩ . ﺷﻮﻓﻮ ﺑﺤﺎﻟﻲ ﺷﺴﻮﻩ ﻫﻬﻬﻪ
ﻫﻬﻬﻬﻬﻬﻪ ﻭﺍﻟﻠﻪ ﻳﺎﺣﻴﺪﺭ
ﺍﺳﻜﺘﻲ ﺗﻌﺎﺭﻛﺖ ﻭﻱ ﺍﻣﻲ ﺻﺎﺭﺕ ﺑﺎﻟﺠﻼﻟﻴﻖ ﻭﻋﻔﺖ ﺍﻟﺒﻴﺖ ﻭﻃﻠﻌﺖ
ﻋﺰﺯﺯﺯﻩ ﻟﻴﺶ ﺧﻄﻴﻪ
ﺍﻱ ﻭﺍﻟﻠﻪ ﻭﺍﻧﻲ ﻫﺴﻪ ﺩﺍﻳﺢ ﺑﻴﺖ ﻧﺴﻴﺒﻲ ﻟﺞ ﺍﻧﻲ ﺍﻟﺨﻄﻴﻪ ﺍﻫﻠﻲ ﻳﺮﺩﻭﻥ ﻳﻤﺸﻮﻧﻲ ﻛﻴﻔﻬﻢ
ﺷﻮﻥ ﻳﻌﻨﻲ
ﺍﻭﻭﻭﻭﻑ ﺷﺤﺠﻲ ﺍﺑﻮﻳﻪ ﻣﺠﻠﺐ ﺍﺧﺬ ﺑﺖ ﻋﻤﻲ ﻭﻫﻲ ﺟﻨﻬﺎ ﺑﻐﻞ ﻣﻌﻠﻴﻪ ﺑﺎﻟﺸﻜﻞ ﺍﻧﻲ ﻣﺎﺣﺒﻬﺎ ﺍﺻﻼ ﻣﺜﻞ ﺍﻣﻬﺎ ﻣﺨﻠﻴﻪ ﻋﻤﻲ ﻣﺜﻞ ﺍﻟﺨﺮﻭﻑ ﻭﺭﺍﻫﺎ ﺷﺘﻜﻮﻟﻪ ﻳﻜﻮﻟﻬﺎ ﺍﻱ ﻭﺍﻟﻠﻪ ﻣﺮﻩ ﺯﻟﻢ ﺯﻟﻠﻠﻢ ﻣﺸﻮﺭﺑﻪ ﻛﻌﺪﻧﺎ ﻭﺣﺠﻴﻨﺎ ﻳﺎﺑﻪ ﻫﺬﺍ ﺍﻟﺒﻴﺖ ﻳﺼﻴﺮ ﻭﻗﻒ ﺑﺎﺳﻢ ﺟﺪﻱ ﻭﺍﻟﻌﻤﺎﻡ ﻛﻠﻬﺎ ﻭﺍﻓﻘﺖ ﻭﻫﻮ ﻫﻢ ﻭﺭﻩ ﺳﺎﻋﻪ ﺍﺟﻪ ﻛﺎﻝ ﻻ ﺑﻄﻠﺖ ﻳﻤﻌﻮﺩ ﺍﺗﻔﻘﻨﺎ ﻟﺘﻜﻔﺮﻧﺎ ﻻ ﻣﺎﺭﻳﺪ ﺍﻡ ﺣﺴﻦ ﻣﺘﻘﺒﻞ ﻳﺎﻳﺎﺑﻪ ﻛﻔﺮﻧﺎ ﺑﺒﻮﻛﺘﻬﺎ ﺻﺪﻙ ﻣﺘﺤﻤﻠﺖ ﻋﻔﺖ ﺍﻟﺼﺎﻟﻪ ﻭﻃﻠﻌﺖ ﺧﺮﻭﻑ ﺍﻟﻨﺬﺭ ﺷﺎﻳﻔﺘﻪ ﻫﺬﺍ ﻋﻤﻲ ﻭﻳﺮﺩﻭﻧﻲ ﺍﺧﺬ ﺑﻨﺘﻪ ﺍﻟﻠﻲ ﻫﻲ ﻧﺴﺨﻪ ﻣﻦ ﺍﻣﻬﺎ
ﺍﻟﻠﻪ ﻳﺴﺎﻋﺪﻙ
ﻻ ﺑﺎﺑﺎ ﻟﻮ ﻳﻤﻮﺗﻮﻥ ﻣﺎﺍﺧﺬﻫﺎ ﻛﻞ ﻋﻘﻠﻬﻢ ﺍﻳﻴﻲ ﺑﺎﺟﺮ ﺗﺨﺎﺑﺮﻧﻲ ﺗﺼﺎﻟﺤﻨﻲ ﻫﻲ ﻭﺍﺑﻮﻳﻪ
ﺍﻧﺸﺎﺀ ﺍﻟﻠﻪ
ﺍﻣﻤﻢ ﺭﻭﻳﺪﻩ
ﻫﺎ
ﻛﻮﻟﻲ ﻧﻌﻢ ﺑﺎﺑﺎ ﻋﻴﺐ
ﻫﻬﻬﻬﻪ ﻧﻌﻢ
ﺗﻌﺎﻱ ﻓﺮﻛﻴﻠﻲ ﺟﺴﻤﻲ
ﻫﻬﻬﻬﻪ
ﻭﺍﻟﻠﻪ ﺷﺒﻴﺞ
ﻛﻮﻝ ﻻﺧﺘﻚ
ﻻﻣﺎﺭﻳﺪ ﺍﺭﻳﺪ ﺍﻧﺘﻲ ﺍﺭﻳﺪ ﺍﺷﻮﻑ ﺷﺎﺣﺲ
ﺣﻴﺪﺭ ﻣﺘﻨﺎﻡ ﺗﺮﺗﺎﺡ
ﻫﻬﻬﻬﻪ ﺍﻧﻬﺰﻣﻲ ﺍﻧﻬﺰﻣﻲ ﺍﻭﻭﻭﻑ ﻳﺠﻴﺞ ﻳﻮﻡ ﻭﺍﻋﺼﺮﺝ ﺑﺤﻀﻨﻲ
ﺑﻘﻴﺖ ﺳﺎﻛﺘﻪ
ﻳﺎﺑﻪ ﻣﻜﺘﻠﺞ ﺍﻟﻴﻮﻡ ﻛﻠﺖ ﻳﺠﻴﺞ ﻳﻮﻡ
ﻣﺮﺩﻳﺖ
ﺭﻭﻳﺪﻩ ﻭﻳﻨﺞ ﻧﻤﺘﻲ
ﺍﻱ ﻧﻌﺴﺖ
ﻫﺎ ﺻﻠﻮﺍﺕ ﻃﻠﻊ ﺻﻮﺗﻬﺎ ﺩﻳﻠﻪ ﻳﺎﺑﻪ ﻧﺎﻣﻲ ﺑﺎﺟﺮ ﻧﺘﺤﺎﺟﻪ ﻣﻮ ﺗﺸﺘﻠﻴﻨﻲ ﻣﺜﻞ ﺍﻟﻴﻮﻡ
ﺍﻭﻙ
ﺩﻳﺮﻱ ﺑﺎﻟﺞ ﻋﺮﻭﺣﺞ
ﺍﻭﻙ ﺍﻧﺖ ﻫﻢ ﻭﺍﻛﻞ ﺯﻳﻦ
ﻓﺪﻭﻩ ﻟﺤﻠﻜﺞ ﺍﻭﻙ ﺍﺩﻋﻴﻠﻲ
ﻣﺎﺷﻲ
ﺑﺎﻱ
ﻫﻼﻭ ﺣﻴﺪﺭ ﺳﺪﻳﺘﻪ ﻭﺿﻤﻴﺖ ﺍﻟﺠﻬﺎﺯ ﻭﺑﻌﺼﺮ ﻛﻞ ﻳﻮﻡ ﺍﻃﻠﻊ ﻟﻠﺤﺪﻳﻘﻪ ﺍﺷﻮﻓﻪ ﻳﺒﺘﺴﻢ ﻭﺍﺭﺟﻊ ﺍﻓﻮﺕ ﺭﻛﺾ ﻟﻠﺒﻴﺖ ﻭﺍﺧﺎﺑﺮﻩ ﻫﺪﻳﺮ ﺷﺎﻓﺘﻨﻲ ﻣﺮﻩ ﻭﺗﺨﺒﻠﺖ ﻣﻦ ﻟﻜﺖ ﺑﻴﺪﻱ ﺗﻠﻔﻮﻥ ﻛﻌﺪﺕ ﻭﻳﺎﻫﺎ ﻭﺣﺠﻴﺖ ﻭﺗﻮﺳﻠﺖ ﻣﺘﺤﺠﻲ ﻭﺻﺎﺭﺕ ﻗﺮﻳﺒﻪ ﻣﻨﻲ ﺗﺴﻤﻊ ﺍﻟﺤﺠﻲ ﺍﻟﻨﺤﺠﻲ ﺗﻀﺤﻚ ﻟﻀﺤﻜﻨﺎ ﻭﺗﻨﺪﻣﺞ ﻣﺜﻠﻨﺎ ﺑﺎﻟﺴﻮﺍﻟﻒ ﺣﻴﺪﺭ ﻋﺮﻑ ﺑﻴﻬﺎ ﺗﺪﺭﻱ ﺟﺎﻥ ﻣﻦ ﻳﺨﺎﺑﺮ ﺗﻘﻔﻞ ﺍﻟﺒﺎﺏ ﺧﺎﻑ ﺍﺣﺪ ﻳﺴﻤﻌﻨﻲ ﻋﻼﻗﺘﻨﺎ ﺯﺍﺩﺕ ﻛﻠﺶ ﻭﺍﺳﺘﻠﻤﺖ ﺍﻟﻨﺘﻴﺠﻪ ﻧﺎﺟﺤﻪ ﺟﺎﺑﻠﻲ ﻫﺪﻳﻪ ﻭﺭﺩﻩ ﻛﻠﺶ ﺣﻠﻮﻩ ﻃﺒﻴﻌﻴﻪ ﻭﺷﻤﺮﻫﺎ ﺑﺎﻟﺤﺪﻳﻘﻪ ﺷﻜﺪ ﻓﺮﺣﺖ ﺑﻴﻮﻣﻬﺎ ﻭﻛﻠﺒﻲ ﻧﺒﺾ ﺑﺤﺐ ﻭﺍﻫﺘﻤﺎﻡ ﺟﺪﻳﺪ ﻭﻓﺠﺎﻩ ﺍﺧﺘﻔﻰ ﺣﻴﺪﺭ
ﺗﺨﺒﻠﺖ ﻭﻳﻨﻪ ﻟﻴﺶ ﻣﺎﻛﻮ ﻣﻤﺘﺼﻞ ﺑﺎﻟﻨﺖ ﺳﺒﻮﻉ ﻭﺍﻧﻲ ﺗﺨﺒﻠﺖ ﺗﺎﻟﻲ ﻛﻠﺖ ﻫﺬﺍ ﻣﻞ ﻣﻨﻲ ﻣﺜﻞ ﺍﺣﻤﺪ ﺑﺲ ﺑﻘﻴﺖ ﻛﻠﺴﺎ ﻋﻴﻨﻲ ﻋﺎﻟﺘﻠﻔﻮﻥ ﻭﻫﺪﻳﺮ ﺗﺮﻭﺡ ﻭﺗﺠﻲ ﺗﻜﻮﻝ ﻣﺘﺼﻞ
ﻭﺍﻧﻲ ﺍﻛﻮﻝ ﻻﺍ
ﺗﻮﻗﻌﺖ ﺍﻧﻪ ﺗﺰﻭﺝ ﺍﻟﻠﻲ ﺍﻫﻠﻪ ﺭﺍﺩﻭﻫﺎ ﺍﻟﻪ ﺗﺮﻛﺖ ﺍﻟﺘﻠﻔﻮﻥ ﻻﻥ ﺗﻌﺒﺖ ﻣﻦ ﻛﺪﻣﺎ ﺍﺷﻮﻑ ﻛﻠﺴﺎ ﻛﻤﺖ ﺍﻟﺘﻬﻲ ﻭﻱ ﺍﻣﻲ ﺑﺎﻟﻤﻄﺒﺦ ﻭﺳﺮﻯ ﻭﻣﺮﻭﻩ ﻭﻫﺬﺩﻳﺮ ﻳﻤﺘﺤﻨﻮﻥ
ﻣﺮﻭﻩ - ﺑﻠﺸﺖ ﺍﻣﺘﺤﺎﻧﺎﺗﻲ ﺟﻨﺖ ﺍﺷﻮﻑ ﺩﻛﺘﻮﺭ ﺭﺿﺎ ﻋﻴﻮﻧﻪ ﺍﻛﺜﺮ ﺷﻲ ﻋﻠﻴﻪ ﻳﺒﺎﻭﻋﻠﻲ ﺑﻘﻠﻖ ﻭﻳﻔﺘﺮ ﻭﺍﻳﺪﻩ ﺧﻠﻚ ﺿﻬﺮﻩ . ﻭﻋﻴﻮﻧﻪ ﺍﻛﺜﺮ ﺗﺮﻛﻴﺰﻫﺎ ﻭﻳﺎﻳﻪ ﻭﻣﻦ ﺍﺧﻠﻲ ﻋﻴﻨﻪ ﺑﻌﻴﻨﻲ ﻳﻌﻜﺪ ﺣﺎﺟﺒﻪ ﻭﺍﻧﻲ ﺍﻧﺼﻲ ﺑﻼ ﻣﻮﺑﺎﻻﻩ ﺍﻧﻲ ﻣﺘﻔﻮﻗﻪ ﻣﺎﺍﺣﺘﺎﺝ ﺑﺲ ﺍﺣﺐ ﺍﻫﺘﻤﺎﻣﻪ ﻭﺍﺣﺐ ﻃﻮﻟﻪ ﻣﻦ ﻳﻮﻛﻒ ﺑﺼﻔﻲ ﻭﻳﻜﻤﻞ ﻣﺸﻴﺘﻪ ﺑﻌﺪ ﻣﻴﺒﺎﻭﻉ ﻟﻮﺭﻗﺘﻲ ﺍﺣﺐ ﻋﻄﺮﻩ ﻭﺍﺣﺲ ﻛﻞ ﺧﻠﻴﻪ ﺑﺠﺴﻤﻲ ﺗﺠﻤﺪ ﻟﺤﻀﻪ ﺍﻟﻴﻮﻛﻒ ﺑﺼﻔﻲ ﻭﺍﺗﻲ ﻛﺎﻋﺪﻩ ﺍﻛﺘﺐ ﺍﺿﻴﻊ ﺣﺮﻭﻓﻲ ﻭﻳﺘﺤﺮﻙ ﻣﺒﺘﻌﺪ ﻣﻦ ﻳﻼﺣﻆ ﺍﺭﺗﺒﺎﻛﻲ ﻭﺑﻴﻮﻡ ﺍﻻﻣﺘﺤﺎﻥ ﺍﻻﺧﻴﺮ ﺟﺎﻧﺖ ﺍﻟﻤﺎﺩﻩ ﻣﺎﻟﺘﻪ ﻭﺯﻉ ﺍﻻﺱﺀﻟﻪ ﻭﻋﻴﻨﻪ ﻋﻠﻴﻪ ﺟﻨﺖ ﻣﻤﺘﺮﻳﻜﻪ ﻣﻠﺤﻜﺖ ﻭﻭﺟﻊ ﺑﺮﺍﺳﻲ ﻣﺎﻝ ﺍﻟﺴﻬﺮ ﻗﺒﻞ ﺑﻴﻮﻡ ﻻﺣﻀﺖ ﺍﻫﺘﻤﺎﻣﻪ ﺍﻛﺜﺮ ﻣﻦ ﻛﻞ ﻳﻮﻡ ﺗﻘﺮﺏ ﻭﺑﺎﻭﻉ ﺑﻌﻴﻨﻲ ﺑﻘﻠﻖ ﺧﻠﻪ ﻳﻤﻲ ﺑﻄﻞ ﻣﻲ ﻛﺎﻝ ﺍﺷﺮﺑﻲ ﻣﻲ ﺍﺭﺗﺎﺣﻲ ﻭﺭﺍﻫﺎ ﺭﺟﻌﻲ ﺭﻛﺰﻱ ﻋﺪﺝ ﻭﻛﺖ ﻫﻮﺍﻱ ﺑﻘﻴﺖ ﺍﺑﺎﻭﻉ ﺑﻌﻴﻨﻪ ﺍﺑﺘﺴﻤﺖ ﺭﻓﻊ ﺭﺍﺳﻪ ﻛﺎﻝ
ﻣﻨﻮ ﻳﺮﻳﺪ ﻣﻲ ﺣﺘﻰ ﻳﺒﻌﺪ ﺍﻟﺸﺒﻬﻪ ﻛﻤﻠﺖ ﺍﻣﺘﺤﺎﻧﻲ ﻭﻃﻠﻌﺖ ﺍﻓﺘﺮ ﺑﺎﻟﺴﻨﺘﺮ ﻭﻛﻔﺖ ﻳﻢ ﺳﺮﻭﻩ ﻭﻫﺎﻱ ﺍﻟﺒﻨﻴﻪ ﺍﻟﺘﺸﻜﻲ ﻣﻦ ﺭﺟﻠﻬﺎ ﺷﻔﻨﺎﻫﺎ ﻣﻴﺘﻪ ﺑﺠﻲ ﻭﺑﻨﺎﺕ ﻳﻮﺍﺳﻮﻫﺎ ﻭﺳﺮﻯ ﺗﺒﺎﻭﻋﻠﻬﺎ ﻣﻦ ﺑﻌﻴﺪ ﻣﺴﺘﻐﺮﺑﻪ ﻭﻛﻔﺖ ﺑﺼﻔﻬﺎ ﺑﺎﻭﻋﺘﻠﻲ
ﺷﻜﻮ ﺷﺒﻴﻬﺎ
ﺗﻜﻮﻝ ﺿﺮﺑﻨﻲ ﻭﻃﺮﺩﻧﻲ ﻣﻦ ﺍﻟﺒﻴﺖ ﺑﻨﺺ ﺍﻟﻠﻴﻞ
ﺯﻳﻦ ﺷﻮﻥ ﺗﺤﺠﻲ ﻣﺸﺎﻛﻠﻬﺎ ﻟﻠﺒﻨﺎﺕ
ﺻﺪﻳﻘﺎﺗﻬﺎ ﻳﺎﺑﻪ
ﺣﻴﻴﻞ ﻛﻠﻬﻦ ﺻﺪﻳﻘﺎﺗﻬﺎ ﺑﺎﺑﺎ ﻣﻴﺼﻴﺮ ﺍﻣﺸﻲ ﺧﻠﻨﺮﻭﺡ
ﺍﻭﻛﻔﻲ ﺧﻞ ﺍﻓﻬﻢ
ﺷﺘﻔﻬﻤﻴﻦ ﺑﺎﺑﺎ ﺑﻴﻨﺎﺗﻬﻢ ﻗﺎﺑﻞ ﺻﺪﻳﻘﺘﺞ
ﻻ ﺑﺲ ﺍﻋﺮﻓﻬﺎ ﻭﺩﺍﺋﻤﺎ ﺗﺤﺠﻲ ﺑﻤﺸﺎﻛﻠﻬﺎ ﺍﻟﻠﻪ ﻋﻠﻴﺞ ﺧﻞ ﺍﻓﺘﻬﻢ ﻏﻴﺮ ﺍﻣﻮﺕ ﻣﻦ ﺍﻟﻔﻀﻮﻝ
ﺧﺮﺏ ﺑﺒﻠﻴﺴﺞ ﺣﺮﻭﺡ ﺍﺷﺮﺏ ﻛﻬﻮﻩ ﺍﻧﺴﻄﺮﺕ
ﺍﻭﻙ ﻭﻋﻮﺩ ﺭﺟﻌﻲ ﻟﻬﻨﺎ ﻧﻄﻠﻊ ﺳﻮﻩ
ﺍﻭﻙ
ﺳﺮﻯ - ﺑﻘﻴﺖ ﺍﺳﻤﻊ . ﺷﻜﻮﺍﻫﺎ ﻟﻤﻬﺎ ﻭﻋﻴﻮﻧﻬﺎ ﺗﺒﺎﻭﻋﻠﻲ ﻭﺗﻜﻤﻞ ﺣﺠﻲ ﻛﺎﻟﺖ
ﻫﻮ ﺻﺎﺭ ﻓﺘﺮﻩ ﻳﺸﺮﺏ ﻭﻳﻀﺮﺑﻨﻲ ﺳﺎﻟﻮﻫﺎ ﻟﻴﺶ ﻛﺎﻟﺖ
ﻻﻥ ﻣﻴﺨﻠﻒ ﺟﻬﺎﻝ ﻳﻄﻠﻊ ﺍﻟﺼﻮﺝ ﺑﻴﻪ ﺑﻘﻴﺖ ﺍﺑﺎﻭﻋﻠﻬﺎ ﻣﺴﺘﻐﺮﺑﻪ ﺯﻳﻦ ﻟﻴﺶ ﺑﺎﻗﻴﻪ ﻭﻳﺎﻩ ﻫﺎﻱ ---- ﺍﺣﺠﻲ ﻭﻱ ﺭﻭﺣﻲ
ﻧﻀﺮﺍﺗﻬﺎ ﺍﻟﻲ ﻣﻮ ﻃﺒﻴﻌﻴﻪ ﺗﺮﻛﺘﻬﺎ ﻭﻃﻠﻌﺖ ﻭﻱ ﻣﺮﻭﻩ ﻭﺻﺎﺭ ﺑﻮﺟﻬﻲ ﺭﺟﻠﻬﺎ ﻻﺑﺲ ﺍﻟﻨﻀﺎﺭﺍﺕ ﺍﻟﺸﻤﺴﻴﻪ ﻣﻦ ﺷﺎﻓﻨﻲ ﻧﺰﻋﻬﺎ ﺑﻘﻪ ﻓﺎﺗﺢ ﺑﺎﺏ ﺍﻟﺴﻴﺎﺭﻩ ﺩﻳﺮﻳﺪ ﻳﺼﻌﺪ ﻭﻭﻛﻒ ﻧﺼﻴﺖ ﺭﺍﺳﻲ ﻟﻤﺤﺖ ﺭﻭﻭﻑ ﺍﺑﺘﺴﻤﺖ ﻋﺒﺮ ﺭﻭﻭﻑ ﻭﺳﻠﻢ ﻋﻠﻴﻨﺎ
ﻫﻠﻮ ﺷﻮﻧﻜﻢ ﺑﻨﺎﺕ ﻋﻨﻲ
ﺍﻻﺑﺘﺴﺎﻣﻪ ﺗﺎﺭﺳﻪ ﻭﺟﻬﻪ
ﻫﻠﻮ ﺭﻭﻭﻑ ﺷﻮﻧﻚ
ﻣﺮﻭﻩ - ﻫﻠﻮ ﺭﻭﻭﻑ
ﺍﻭﺻﻠﻜﻢ ﺟﺎﻱ ﺑﺴﻴﺎﺭﺗﻲ
ﻻﻻ ﺗﺴﻠﻢ ﺟﺎﻳﻴﻦ ﺧﻂ
ﻻ ﺍﻟﻴﻮﻡ ﺍﺧﺮ ﻳﻮﻡ
ﻛﺎﻟﻬﺎ ﻭﺷﺎﻝ ﺍﻳﺪﻩ ﻭﺭﺍﻧﺎ ﻳﺴﻠﻢ
ﻫﺎﺍﺍ ﻣﻌﺪ ﺍﻟﻠﻪ ﻳﺴﺎﻋﺪﻙ
ﻫﻠﻮ ﺭﻭﻭﻑ
ﻫﺎ ﺭﺍﻳﺢ
ﺍﻱ ﻭﺍﻟﻠﻪ ﺍﺷﻮﻓﻚ ﺑﺨﻴﺮ ﻋﻮﺩ ﻟﺘﻜﻄﻊ ﻳﻮﻳﻞ
ﺍﻟﻠﻪ ﻛﺮﻳﻢ ﻳﻠﻪ ﻓﻴﻤﺎﻟﻼ
ﺍﻟﻠﻪ ﻭﻳﺎﻙ
ﻳﻠﻪ ﺑﻨﺎﺕ ﺍﻧﺸﻮ ﺍﻧﻲ ﺍﻭﺻﻠﻜﻢ ﺍﺭﻳﺪ ﺍﻣﺮ ﻟﻌﻤﻲ
ﻣﺮﻭﻩ - ﺍﻭﻙ ﺩﻧﺘﻌﺒﻚ
ﻻ ﻋﺎﺩﻱ ﺍﻧﻲ ﺍﻛﻴﻒ ﻣﻦ ﺍﻧﺘﻮ ﻭﻳﺎﻳﻪ . ﺍﺣﺴﻦ ﻣﺎ ﻭﺣﺪﻱ ﻫﻬﻬﻬﻬﻪ
ﺳﺮﻯ - ﻣﻦ ﺭﻭﻭﻑ ﺷﺎﻝ ﺍﻳﺪﻩ ﺍﻟﺘﻔﺘﺖ ﺑﺎﻭﻋﻠﻲ ﻣﻌﺪ ﺑﻐﻀﺐ ﺭﺟﻌﺖ ﺩﺭﺕ ﻭﺟﻬﻲ ﻭﺭﺟﻌﻨﺎ ﻟﻠﺒﻴﺖ ﺟﺎﻥ ﻛﻞ ﺷﻮﻱ ﻧﻠﺘﻘﻲ ﺑﺎﻻﺯﺩﺣﺎﻣﺎﺕ ﻫﻮ ﺑﺴﻴﺎﺭﺗﻪ ﻭﺍﺣﻨﺎ ﺑﺴﻴﺎﺭﻩ ﺭﻭﻭﻑ ﻳﻠﺘﻔﺖ ﻳﺒﺎﻭﻋﻠﻲ ﺭﺍﻓﻊ ﺗﻚ ﺣﺎﺟﺐ ﺷﻨﻮ ﺍﻟﻌﺪﻙ ﻭﻳﺎﻳﻪ ﺑﻘﻴﺖ ﻣﺨﻠﻴﻪ ﻋﻴﻨﻲ ﺑﻌﻴﻨﻪ ﻭﺍﺗﺬﻛﺮ ﻧﻀﺮﺍﺕ ﻣﺮﺗﻪ ﺳﺎﻟﺖ ﺭﻭﻭﻑ
ﺍﻛﻮﻟﻚ ﻣﻌﺪ ﺷﻨﻮ ﻃﻠﻚ ﻣﺮﺗﻪ
ﺍﻱ ﺷﻤﺪﺭﻳﺞ
ﺍﻟﻴﻮﻡ ﺟﺎﻧﺖ ﺩﺗﺤﺠﻲ
ﻣﺎﺍﻋﺮﻑ ﺷﻨﻮ ﺍﻟﺒﻴﻨﻬﻢ ﺑﺲ ﺍﻟﻮﻟﺪ ﻛﻠﺶ ﺧﻠﻮﻕ ﻣﺎﺍﻋﺮﻑ ﺑﻌﺪ ﺷﻌﻠﻴﻨﺎ ﺍﺳﺮﺍﺭ ﺑﻴﺖ . ﺭﻭﻳﺪﻩ ﺷﻄﻠﻌﺖ ﺻﺪﻙ
ﻧﺠﺤﺖ ﺟﺎﻭﺑﺖ ﻣﺮﻭﻩ ﺑﻔﺮﺡ
ﺍﺍﺍﻳﻲ ﺍﻟﺤﻤﺪ ﻟﻠﻪ . ﻃﺒﻌﺎ ﻻﻥ ﺍﻧﺘﻮ ﺩﺭﺳﺘﻮﻫﺎ
ﺍﻱ ﻭﺍﻟﻠﻪ ﺍﻟﺤﻤﺪ ﻟﻠﻪ
ﺳﺮﻯ - ﺩﺯﺗﻠﻲ ﺻﺪﻳﻘﺘﻲ ﺭﺳﺎﻟﻪ ﻛﺘﺒﺖ
ﺳﺮﻯ ﻭﺻﻠﺘﻲ
ﻻ ﺑﻌﺪ ﺑﺎﻟﻄﺮﻳﻖ ﺷﻜﻮ
ﺍﻭﻝ ﻣﺘﻮﺻﻠﻴﻦ ﻭﺗﻜﻨﻜﻴﻦ ﺗﻨﻄﻴﻦ ﻟﻤﻬﺎ ﺑﻠﻮﻙ ﻣﻦ ﺍﻟﻜﺮﻭﺏ ﺧﻠﺘﻮﻟﻲ
ﻟﻴﺶ ﺍﻧﻲ ﻣﻮ ﺻﺪﻳﻘﺘﻲ ﺑﺲ ﻳﻌﻨﻲ ﺧﺎﻑ ﻋﻴﺐ
ﺳﺮﻯ ﻣﻬﺎ ﻣﻮﺧﻮﺵ ﺗﺤﺠﻲ ﻋﻠﻴﺞ ﻭﻋﻠﻰ ﺳﺎﻟﻲ ﻭﺭﻣﻖ . ﻣﻮﺧﻮﺵ ﺣﺠﻲ . ﺍﻧﻲ ﺷﻔﺖ ﻛﻼﻣﻬﺎ ﻋﻨﻜﻢ ﺑﺨﺎﺹ ﺑﻨﻴﻪ ﺑﺎﻟﺤﺎﺳﺒﺎﺕ ﺻﺪﻣﺘﻨﻲ
ﻫﺎﻱ ﻳﺎﺑﻨﻴﻪ ﺑﺎﺑﺎ ﺍﻧﺘﻲ ﺗﻀﻠﻴﻦ ﺗﺼﺪﻛﻴﻦ ﻳﺘﻬﻮ ﺍﻟﺨﺎﻥ
ﺑﺎﺑﺎ ﺑﻨﻴﻪ ﺻﺪﻳﻘﻪ ﺍﺧﺘﻲ ﺍﻟﺮﻭﺡ ﺑﺎﻟﺮﻭﺡ ﻭﺷﻮﻓﺘﻠﻲ ﺍﺧﺘﻲ ﺍﻟﺮﺳﺎﻳﻞ ﻛﺎﻟﺖ ﺷﻨﻮﺳﺮﻯ ﺷﻌﺪﻫﺎ ﻭﻳﺎﻫﺎ ﻭﺗﺤﺠﻲ ﻫﻴﺞ ﻋﻠﻴﻬﺎ
ﻫﺎﻩ ﺑﻘﻴﺖ ﺻﺎﻓﻨﻪ ﺍﻧﻲ ﺑﺤﻴﺎﺗﻲ ﻣﻤﻨﺎﻗﺸﺘﻬﺎ ﻣﻦ ﺗﺤﺠﻲ ﺑﺮﺟﻠﻬﺎ ﺍﺑﺪ ﺑﺲ ﺍﺳﺘﻤﻊ ﺍﻟﻬﺎ ﺷﻨﻮ ﺍﻟﺸﺎﻓﺘﻪ ﻣﻨﻲ ﻭﻫﻴﺞ ﺗﺤﺠﻲ ﻭﺻﻠﺖ ﻟﻠﺒﻴﺖ ﺳﻮﻳﺖ ﺍﻟﻜﻠﺘﻠﻲ ﻋﻠﻴﻪ ﺻﺪﻳﻘﺘﻲ ﺑﻠﻮﻙ ﺍﻟﻬﺎ ﻭﺻﺎﻓﻨﻪ ﻟﻴﺶ ﺗﺤﺠﻲ ﻋﻠﻴﻪ ﻭﺷﻨﻮ ﻧﻮﻉ ﺍﻟﺤﺠﻲ ﺷﻐﻞ ﺑﺎﻟﻲ ﻫﺎﻟﺘﻔﻜﻴﺮ
ﻣﺮﻭﻩ - ﻛﻤﻠﺖ ﻫﺪﻳﺮ ﺍﻣﺘﺤﺎﻧﺎﺕ . ﺑﻌﺪ ﻣﺴﺘﺤﻴﻞ ﺍﺷﻮﻑ ﻧﻮﺭ ﻭﺍﻋﺮﻑ ﺍﺧﺒﺎﺭﻩ ﻣﺮﺕ ﻛﻢ ﻳﻮﻡ ﻭﺑﺪﻩ ﺍﻟﻤﻠﻞ ﻳﺘﺴﻠﻞ ﺍﻟﻨﺎ ﺍﻧﻲ ﻭ ﺳﺮﻭﻩ ﻭﻫﺪﻳﺮ ﺭﻭﻳﺪﻩ ﻣﻤﻮﺗﺘﻨﻲ ﺑﺲ ﺗﺘﺼﻔﻦ ﻭﻧﺎﻳﻤﻪ ﺷﻐﻠﻬﺎ ﻛﻠﺶ ﻗﻠﻴﻞ ﻭﺑﺪﻳﻨﺎ ﺍﻧﻲ ﻭﺧﻮﺍﺗﻲ ﻧﺘﻌﻠﻢ ﻃﺒﺦ ﻭﺗﻨﻀﻴﻒ ﻭﻧﻜﻌﺪ ﻫﻮﺍﻱ ﻳﻢ ﻣﺎﻣﺎ ﻭﺑﺎﺑﺎ ﺑﺲ ﺍﻟﻮﻛﺖ ﻣﻴﻤﺸﻲ ﻛﻤﻨﺎ ﻧﺴﻮﻱ ﻣﻌﺠﻨﺎﺕ ﻛﻴﻚ ﺍﻟﻌﺼﺮﻳﻪ ﻭﻧﻄﻠﻊ ﻟﻠﺤﺪﻳﻘﻪ ﺍﻧﺘﺒﻬﺖ ﻋﻠﻰ ﺭﻭﻳﺪﻩ ﻣﻦ ﻧﻄﻠﻊ ﻟﻠﺤﺪﻳﻘﻪ ﺗﻀﻞ ﻭﺍﻛﻔﻪ ﻭﻋﻴﻨﻬﺎ ﻋﻠﻰ ﺑﻴﺖ ﺍﻡ ﺍﻣﺠﺪ ﺑﻘﻴﺖ ﺻﺎﻓﻨﻪ ﻣﻌﻘﻮﻟﻪ ﻋﻴﻨﻬﺎ ﻋﻠﻰ ﺍﻣﺠﺪ ﻛﻢ ﻣﺮﻩ ﺣﺠﻴﺖ ﻭﻳﺎﻫﺎ ﺍﻛﻮﻟﻬﺎ ﻟﻴﺸﻮﻓﻮﺝ ﻭﺗﻜﻌﺪ ﻧﺘﺬﻣﺮﻩ ﻭﻋﺼﺒﻴﻪ ﺍﺧﺮ ﺷﻲ ﺣﺎﺟﻴﺖ ﺣﺴﻴﻦ ﻛﺘﻠﻪ ﻏﻠﻔﻪ ﺍﻟﺴﻴﺎﺝ ﺟﻮﻩ ﺍﻟﺸﺠﺮ ﻳﺸﺮﻑ ﻭﻗﺒﻞ ﻭﻭﻫﻮ ﻭﺳﻠﻴﻢ ﻟﺰﻣﻮﻫﺎ ﻭﺳﻮﻭﻫﺎ ﻛﻠﻬﺎ ﻛﻤﻨﺎ ﻧﻄﻠﻊ ﺑﺮﺍﺣﺘﻨﻪ ﻓﺘﺮﻩ ﻭﺭﻭﻳﺪﻩ ﺭﺟﻌﺖ ﻟﻮﺿﻌﻬﺎ ﻛﺎﻣﺖ ﺗﺴﻮﻟﻒ ﻭﺗﻀﺤﻚ ﻋﺎﺩﻱ ﺑﺎﻟﻜﻮﻩ ﺗﺸﺮ ﺍﻟﻬﺪﻭﻡ ﺑﺎﻟﻜﺮﻩ ﺗﻜﻮﻱ ﻣﻤﻮﺗﺘﻨﻲ ﻭﺑﻘﻰ ﺑﺎﺑﺎ ﻣﻜﻴﻒ ﺑﻴﻨﺎ ﻣﻦ ﻧﺴﻮﻱ ﻣﻌﺠﻨﺎﺕ ﺑﻴﺖ ﻋﻤﻲ ﺿﻠﻮ ﻳﺘﺮﺩﺩﻭﻥ ﻳﻤﻨﺎ ﻻﻥ ﻋﻄﻠﻪ ﻣﺮﺕ ﻋﻤﻲ ﻭﺍﻟﻮﻟﺪ ﻓﺮﺍﺕ ﻭﻋﻠﻲ ﻭﺭﻭﻭﻑ ﻋﺎﺩﻱ ﺩﺍﺋﻤﺎ ﻳﻢ ﺑﺎﺑﺎ ﻭﻓﺘﺢ ﻋﻠﻲ ﻣﻮﺿﻮﻉ ﻭﻳﺎﻳﻪ
ﻣﺮﻭﻩ ﻋﺪﻱ ﺍﺧﺖ ﺻﺎﺣﺒﻲ ﺛﺎﻟﺚ ﺗﻜﺪﺭﻳﻦ ﺗﺪﺭﺳﻴﻬﺎ ﻫﻲ ﺩﻭﺭ ﺛﺎﻧﻲ ﺳﺎﺩﺱ ﻋﻠﻤﻲ
ﻫﺎ ﻭﺍﻟﻠﻪ ﻣﺎﺩﺭﻱ ﺳﺎﺩﺱ ﻣﺴﻮﻭﻟﻴﻪ ﻋﻼﻭﻱ
ﻭﺍﻟﻠﻪ ﺍﻧﺘﻲ ﻛﺪﻫﺎ ﻭﺟﺮﺑﻲ ﻣﻜﺪﺭﺗﻲ ﻋﻮﻓﻴﻬﺎ ﻭﺗﻌﺬﺭﻱ
ﻫﻲ ﺷﻨﻮ ﺭﺍﺳﺒﻪ
ﻻﺧﻄﻴﻪ ﺗﻮﻓﺖ ﺍﻣﻬﺎ ﻭﻣﻜﺪﺭﺕ ﺗﻤﺘﺤﻦ ﻭﺍﺟﻠﻮﻟﻬﺎ ﺍﻻﻣﺘﺤﺎﻥ ﻣﻊ ﺍﻟﻌﻠﻢ ﻫﻲ ﺷﺎﻃﺮﻩ ﻭﺍﻟﻮﻟﺪﻛﺎﻝ ﺑﻠﻜﻦ ﺗﺪﺭﺳﻬﺎ ﺑﺖ ﻋﻤﻚ
ﺧﻄﻴﻪ ﺍﻱ ﺷﻜﻮ ﺑﻴﻬﺎ . ﺧﻞ ﺗﺠﻲ ﻭﺍﺷﻮﻑ ﺑﺲ ﻣﺎﻭﺍﻋﺪﻙ ﻫﻲ ﺷﺴﻤﻬﺎ
ﻭﺭﺩﻩ
ﻛﺎﻝ ﺍﺳﻤﻬﺎ ﻭﻋﻴﻨﻪ ﻟﻤﻌﺖ ﺍﺑﺎﻭﻉ ﺳﻠﻴﻢ ﻭﺟﻬﻪ ﺍﺣﻤﺮ ﻣﻦ ﺍﻟﻀﺤﻚ ﻛﺎﺗﻢ ﺍﻟﻀﺤﻜﻪ ﺑﺎﻭﻋﺘﻠﻪ ﻭﺑﺎﻭﻋﺖ ﻟﻌﻠﻲ ﻳﺨﺰﺭ ﺑﻲ ﻫﺰﻳﺖ ﺭﺍﺳﻲ ﺍﻭﻙ ﻣﺎﺷﻲ ﻛﻮﻟﻬﺎ ﺗﺨﺎﺑﺮ ﻧﺼﻪ ﺭﺍﺳﻪ ﻋﻠﻲ ﻭﺍﺗﺼﻞ ﺑﺼﺎﺣﺒﻪ ﻭﻧﻄﺎﻩ ﺭﻗﻤﻲ . ﻋﺮﻓﺖ ﻣﻦ ﻟﻬﻔﺘﻪ ﻭﺣﺮﺻﻪ ﻋﻠﻴﻬﺎ ﺍﻧﻪ ﺣﺎﺑﻬﺎ
ﺳﺮﻭﻩ - ﻛﺎﻋﺪﻳﻦ ﺑﺮﻩ ﻧﺴﻮﻟﻒ ﺍﻧﻲ ﻭﻓﺮﺍﺕ ﻭﻣﺎﻣﺎ ﻭﻣﺮﺕ ﻋﻤﻲ ﻓﺮﺍﺕ ﺣﻴﻞ ﻛﺸﺎﺥ ﻭﺍﻧﻴﻖ ﻭﻣﻜﻮﻱ ﺷﻐﻠﺘﻪ ﻭﻫﺎﻟﺴﻨﻪ ﺗﺨﺮﺝ ﺟﺎﻥ ﻳﺤﺠﻲ ﻭﻳﺼﻨﻒ ﻋﺎﻟﻨﻮﺍﻗﻒ ﺑﺎﻻﻣﺘﺤﺎﻧﺎﺕ ﻭﺍﺣﻨﺎ ﻧﻀﺤﻚ ﻋﻠﻰ ﺳﻮﺍﻟﻔﻪ ﺭﻭﻭﻑ ﻛﺎﻝ
ﺳﺮﺍﻭﻱ ﻓﺪﻭﻩ ﺟﻴﺒﻲ ﺗﺮﻣﺰ ﺍﻟﻤﻲ ﺭﺟﻠﻲ ﺧﺪﺭﺕ
ﻓﺮﺍﺕ - ﻣﻦ ﺍﻟﺸﺤﻮﻡ ﺍﻟﺰﺍﻳﺪﻩ
ﺭﻭﻭﻑ - ﻫﻬﻬﻪ ﻣﺤﺘﺎﺝ ﻛﻢ ﻛﻴﻠﻮ ﺑﺲ ﻛﻮﻝ
ﺳﺮﻭﻩ - ﺿﺤﻜﺖ ﻭﺟﺒﺖ ﺍﻟﺘﺮﻣﺰ ﻭﺻﺒﻴﺘﻠﻪ ﺑﻌﻤﺮﻱ ﻣﺸﻔﺖ ﻧﻀﺮﻩ ﻭﻟﺪ ﻋﻤﻲ ﺍﻟﻨﺎ ﻏﻴﺮ ﻧﻀﺮﻩ ﺧﻮﺍﺕ ﺍﻻ ﺳﻠﻴﻢ ﻣﻦ ﻳﺒﺎﻭﻉ ﻟﻬﺪﻳﺮ ﻻ ﺍﺭﺍﺩﻳﺎ ﻋﻴﻨﻪ ﺗﻠﻤﻊ ﻭﻳﺒﺘﺴﻢ ﻟﺴﻮﺍﻟﻔﻬﺎ ﻭﻟﻮ ﺟﺎﻥ ﺍﻟﻜﻞ ﻳﺴﻮﻟﻒ ﻣﻦ ﻫﻲ ﺗﺴﻮﻟﻒ ﻳﺴﻜﺖ ﻳﺘﺼﻨﺘﻠﻬﺎ ﻭﻫﻲ ﺗﺒﺎﻭﻋﻠﻪ ﻭﺗﺤﺠﻲ ﺟﺎﻧﻮ ﺑﺮﺍﺋﻪ ﻭﻧﻘﺎﻭﻩ ﻭﺳﻠﻴﻢ ﺭﻏﻢ ﻣﻮ ﺣﺒﻴﺮ ﺑﺲ ﺣﻴﻞ ﺷﻬﻢ ﻭﺍﺧﻮ ﺧﻴﺘﻪ ﻭﻟﻮ ﻛﻠﻬﻢ ﻫﻴﺞ ﻟﻠﺘﺴﻌﻪ ﺑﻠﻴﻞ ﺑﺪﻳﻨﺎ ﻧﻜﻠﻲ ﻭﻣﺮﺕ ﻋﻤﻲ ﺗﻠﻜﻂ ﺧﻀﺮﻩ ﺑﺎﺑﺎ ﺟﺎﻥ ﻋﺎﺯﻣﻬﻢ ﻋﺎﻟﻌﺸﺎ ﺑﺒﻴﺘﻨﺎ ﻻﻥ ﺻﺎﺭ ﻫﻮﺍﻱ ﻣﻤﻠﻤﻮﻣﻴﻦ ﻭﻣﺮﻭﻩ ﺗﺨﻠﻂ ﺑﺎﻟﻠﺒﻦ ﻭﻣﺎﻣﺎ ﺗﺴﻮﻱ ﺍﻟﺰﻻﻃﻪ ﻓﺮﺷﻨﺎ ﺑﺎﻟﺤﺪﻳﻘﻪ ﺗﻌﺸﻴﻨﺎ
ﺭﻭﻭﻑ - ﺭﻭﻳﺪﻩ ﺍﻟﺒﻠﻪ
ﺭﻭﻳﺪﻩ - ﻫﺎ ﻧﺘﺮﺕ ﺷﻜﺪ ﺍﺿﻮﺝ ﻣﻦ ﻳﺤﺎﺟﻴﻨﻲ ﻳﻜﺰﺑﺮ ﺟﻠﺪﻱ
ﻃﻴﻨﻲ ﻣﻦ ﻳﻤﺞ ﺧﺒﺰﻩ
ﻓﺮﺍﺕ - ﻛﺎﻓﻲ ﺭﻭﻭﻑ ﻫﺎﻱ 3 ﺧﺒﺰﺍﻳﻪ
ﺭﻭﻭﻑ - ﺑﺎﻭﻋﺘﻠﻪ ﻭﺍﻧﺤﺮﺟﺖ ﻋﻤﻲ ﻛﺎﻝ
ﺍﻛﻞ ﻋﻤﻲ ﻣﻌﻠﻴﻚ ﺍﻛﻞ ﻫﺬﺍ ﻳﻐﺎﺭ ﻣﻨﻚ
ﻓﺮﺍﺕ - ﻫﻬﻬﻪ ﻋﻠﻤﻮﺩﻩ ﺍﻧﻲ ﻋﻤﻲ
ﺳﺮﻭﻩ - ﺗﻠﻔﻮﻧﻲ ﻋﺎﻟﻤﻴﺰ ﺟﺎﻥ ﻭﺍﺣﻨﺎ ﻛﺎﻋﺪﻳﻦ ﻋﺎﻟﺴﻔﺮﻩ ﺍﻧﺪﺯﺕ ﺭﺳﺎﻟﻪ ﺗﺮﻛﺘﻪ ﻣﻬﺘﻤﻴﺖ ﻛﻤﻠﻨﺎ ﺍﻛﻞ ﻭﻧﻀﻔﻨﺎ ﻭﺭﺍﺣﻮ ﺑﻴﺖ ﻋﻤﻲ ﻭﻃﺒﻴﺖ ﻟﻠﻐﺮﻓﻪ ﺍﺭﺗﺎﺡ ﻣﺮﻭﻩ ﻃﺒﺖ ﺭﺍﺳﻦ ﻧﺎﻣﺖ ﻏﻤﻀﺖ ﻭﺗﺬﻛﺮﺕ ﻓﻮﺗﻲ ﻟﺰﻣﺘﻪ ﻟﻜﻴﺖ ﺭﺳﺎﻟﻪ ﻣﻦ ﺭﻗﻢ ﻏﺮﻳﺐ
ﺑﻴﺶ ﺗﻄﻠﻌﻴﻦ
ﺑﻘﻴﺖ ﺻﺎﻓﻨﻪ ﻳﻌﻨﻲ ﺷﻨﻮ ﺑﻴﺶ ﺍﻃﻠﻊ ﻣﻔﺘﻬﻤﺖ ﻭﻣﻨﻮ ﻫﺬﺍ ﺑﻘﻴﺖ ﺻﺎﻓﻨﻪ ﺑﻠﺤﻀﺘﻬﺎ ﺍﻧﺪﺯﺕ ﺭﺳﺎﻟﻪ ﻟﺦ
.....
ﺍﻟﻮ
ﺭﺳﻠﻬﺎ ﻋﺎﻟﻔﺎﻳﺒﺮ ﻗﺒﻠﺘﻪ ﺍﺭﻳﺪ ﺍﺷﻮﻑ ﻣﻨﻮ ﺭﺩﻳﺖ
ﺗﻔﻀﻞ
ﺑﺮﺯﺕ ﺍﻟﺼﻮﺭﻩ ﺻﻮﺭﻩ ﺳﻴﺎﺭﻩ ﺑﻲ ﺍﻡ ﺍﺧﺮ ﻣﻮﺩﻳﻞ ﻛﺎﻧﺖ ﻣﻦ ﺍﻟﻨﺖ ﻣﺒﻴﻨﻪ ﺭﺩ
ﻟﻴﺶ ﻣﺮﺩﻳﺘﻲ ﺳﺎﻟﺘﺞ ﺑﻴﺶ ﺗﻄﻠﻌﻴﻦ
ﻳﻌﻨﻲ ﺷﻮﻥ ﺍﻃﻠﻊ
ﻳﻌﻨﻲ ﺗﺒﻴﺎﺗﻪ ﺑﻴﺶ
ﺷﻨﻮ ﻳﻌﻨﻲ ﺍﻧﺖ ﻣﻨﻮ ﺍﺻﻼ ﻭﻛﻠﺸﻲ ﻣﺪﺍﺍﻓﻬﻢ
ﻫﻬﻪ ﻟﺘﻐﺸﻤﻴﻦ ﺭﻭﺣﺞ ﺑﻌﺪﻳﻦ ﺗﻌﺮﻓﻴﻦ ﻣﻨﻮ ﻫﺴﻪ ﺍﻧﻲ ﺣﺎﻟﻲ ﺣﺎﻝ ﻏﻴﺮﻱ ﺑﻴﺶ ﺗﻄﻠﻌﻴﻦ ﺑﺲ ﻛﻮﻟﻲ ﺍﻟﺮﻗﻢ
ﻳﺎﺭﻗﻢ
ﺷﻜﺪ ﺗﺮﺩﻳﻦ ﺑﺲ ﺳﻌﻌﺮﻱ
ﺑﻘﻴﺖ ﺍﺑﺎﻭﻉ ﻭﺭﺍﺳﻲ ﻣﺪﻳﺴﺘﻮﻋﺐ ﻋﺒﺎﻟﻚ ﻏﻠﻄﺎﻥ
ﻳﻤﻜﻦ ﺍﻧﺖ ﻏﻠﻄﺎﻥ ﺑﺎﻟﺮﻗﻢ ﺍﻧﻲ ﻣﺪﺍﺍﻓﻬﻢ ﺍﻱ ﺷﻲ ﺗﺤﺠﻲ ﻋﻦ ﻣﻮﺿﻮﻉ ﻣﺒﻬﻢ ﻭﻣﺒﻴﻦ ﻭﻱ ﻏﻴﺮﻱ ﻭﻏﻠﻄﺎﻥ ﺑﺎﻟﺮﻗﻢ
ﺍﻭﻙ ﻫﺎﻱ ﺍﻧﺘﻲ ﻟﻮ ﻻ
ﻭﺩﺯ ﺻﻮﺭﻩ ﺍﻟﻲ ﺑﻌﺮﺱ ﺻﺪﻳﻘﺘﻲ ﺳﺎﻟﻲ ﺟﻨﺖ ﻛﺎﻋﺪﻩ ﻭﻣﺴﺸﻮﺭﻩ ﺷﻌﺮﻱ ﻭﺭﺟﻞ ﻋﻠﻰ ﺭﺟﻞ ﻭﻓﺴﺘﺎﻧﻲ ﺍﻟﺬﻫﺒﻲ ﺍﻟﻄﻮﻳﻞ ﺑﺲ ﺑﻲ ﻓﺘﺤﻪ ﻣﻜﻴﺎﺝ ﻫﺎﺩﻱﺀ ﻭﺍﻟﻔﺴﺘﺎﻥ ﻣﻐﻠﻖ ﺑﺲ ﺑﻲ ﻓﺘﺤﻪ ﺗﺼﻞ ﻟﺮﺟﻠﻲ ﻭﺍﻧﻲ ﺟﺪﺍ ﻣﻠﺘﺰﻣﻪ ﻟﺪﺭﺟﻪ ﻳﺴﻤﻮﻧﻲ ﻣﻌﻘﺪﻩ ﺍﻧﻲ ﺷﻐﺖ ﺍﻟﺼﻮﺭﻩ ﺍﻟﻠﻲ ﺑﻮﻛﺘﻬﺎ ﻛﺎﻟﻮ ﻣﻤﻨﻮﻉ ﺗﻠﻔﻮﻧﺎﺕ ﻭﺟﺴﻤﻲ ﻗﺸﻌﺮ ﻣﺼﺪﻭﻡ ﻣﻦ ﺍﻟﺸﻔﺘﻪ ﻛﻌﺪﺕ ﻋﺪﻝ ﺍﺭﺟﻒ ﺷﻮﺻﻠﻬﺎ ﺷﺠﺎﺑﻬﺎ ﻳﻤﻪ ﺍﺻﻼ ﺟﻨﺖ ﺭﺍﻳﺤﻪ ﻭﻱ ﺧﻮﺍﺗﻲ ﺭﺳﻠﺖ
ﻣﻨﻴﻨﻠﻚ ﻫﺎﻱ ﺍﻟﺼﻮﺭﻩ ﺍﺣﺠﻲ
ﻫﺴﻪ ﻫﺎﻱ ﺍﻧﺘﻲ ﻳﻌﻨﻲ
ﺍﻱ ﺍﻧﻲ ﺍﺣﺠﻴﻴﻲ ﻣﻨﻴﻠﻚ ﺍﻛﺘﺐ ﻭﻛﻞ ﺣﺮﻑ ﻣﻴﺖ ﻣﺮﻩ ﺍﻋﻴﺪﻩ ﻭﺍﻣﺴﺢ ﻻﻥ ﺩﺍﺧﺮﺑﻂ ﻣﻦ ﺍﻟﺼﺪﻣﻪ ﻭﻛﻔﺖ ﺍﻛﻌﺪ ﻣﺮﻭﻩ ﺧﻔﺖ ﺣﻴﻞ ﺗﺮﺍﺟﻌﺖ ﻭﺍﻟﻮﺏ ﺑﺎﻟﻐﺮﻓﻪ ﻛﺎﻝ
ﺣﺎﻟﻲ ﺧﺎﻝ ﻏﻴﺮﻱ ﺑﻴﺶ ﺗﻄﻠﻌﻴﻦ
ﺷﻨﻮ ﻳﻌﻨﻴﻴﻴﻲ ﺍﻃﻠﻊ ﺧﺮﺏ ﺣﻀﻲ ﺷﻮﻑ ﺍﻛﻮﻟﻚ ﻫﺎﻟﺴﺎﻟﻔﻪ ﻣﺮﺍﺡ ﺗﻌﺪﻱ ﺭﺍﺡ ﺍﻧﺰﻝ ﻻﺑﻮﻳﻪ ﻭﺍﻛﻮﻟﻪ ﻭﺍﺳﻮﻳﻬﺎ ﻋﺸﺎﻳﺮ ﻣﻮ . ﺍﻧﻲ ﺍﻟﺘﻄﻠﻊ ﺻﻮﺭﺗﻲ ﻭﺍﺗﻬﺪﺩ ﺑﻴﻬﺎ
ﻫﺴﻪ ﺍﻧﻲ ﻫﺪﺩﺗﺞ ﻟﻴﺶ ﺍﺑﻮﺝ ﻣﻮﺟﻮﺩ ﻣﻤﺘﻮﻓﻲ
ﺍﻱ ﻣﻮﺟﻮﺩ ﻭﻣﺤﺎﻣﻲ ﺟﺒﻴﺮ ﻳﻌﻨﻲ ﺍﻃﻠﻌﻚ ﻣﻦ ﺳﺎﺑﻊ ﻛﻊ ﻭﺍﺧﺬ ﺣﻘﻲ ﻣﻨﻚ
ﻳﻠﻪ ﺳﺒﻌﻪ ﺍﻧﺘﻲ ﺍﺫﺍ ﺳﻮﻳﺘﻴﻬﺎ ﻟﻌﺪ ﻟﻴﺶ ﻟﻐﻴﺮﻱ ﺣﻼﻝ ﻭﻋﻠﻴﻪ ﺣﺮﺍﻡ ﻫﻢ ﺣﺎﻟﻲ ﺣﺎﻝ ﻏﻴﺮﻱ
ﺷﻨﻮﻭﻭ ﻗﺼﺪﻙ ﻟﻚ ﺍﺣﺠﻲ ﺍﺫﺍ ﺍﻧﺖ ﺭﺟﺎﻝ ﺍﺣﺠﻲ
ﺭﺟﺎﻝ ﻏﻀﺒﺎ ﻋﻨﺞ ﺳﺎﻓﻠﻪ ﻣﻮ ﺣﻴﺎﺗﺞ ﺑﻴﺪﻱ ﻣﻮ ﺍﺭﺳﻠﻬﺎ ﻻﺧﻮﺝ ﻭﺍﺧﻠﻲ ﻳﻌﺮﻑ ﺳﻮﺍﻟﻒ ﺳﺮﻯ ﺩﻭﻻﺭ
ﻣﻦ ﻛﺎﻝ ﻫﻴﺞ ﻓﻜﻴﺖ ﻋﻴﻨﻲ ﻛﻠﻬﺎ ﺍﻟﻨﻔﺲ ﺿﺎﻕ ﺣﻴﻞ ﻭﻟﺸﺘﻲ ﺗﺮﺟﻒ ﺭﺩﻳﺖ
ﺷﻨﻮ ﻗﺼﺪﻙ ﺍﺣﺠﻲ
ﺍﺣﺠﻲ ﺑﺎﻟﻘﻠﻢ ﺍﻟﻌﺮﻳﺾ
ﺍﺣﺠﻲ
ﺍﻧﻲ ﺍﻋﺮﻑ ﻋﻨﺞ ﻛﻠﺸﻲ
ﺷﻨﻮ ﻣﻔﻬﻤﺖ ﺷﻨﻮ ﺍﻟﺘﻌﺮﻓﻪ
ﻳﻌﻨﻲ ﻛﻠﺸﻴﻴﻴﻲ . ﻭﻛﺘﻠﻚ ﻣﻦ ﺍﻭﻝ ﺭﺳﺎﻟﻪ ﺍﻧﻲ ﺣﺎﻟﻲ ﺣﺎﻝ ﻏﻴﺮﻱ ﺷﻜﺪ ﺗﺮﺩﻳﻦ ﻟﻠﻄﻠﻌﻪ ﻭﺍﻟﺘﺒﻴﺎﺗﻪ
ﺗﻮﺿﺤﺖ ﻋﺪﻱ ﺍﻻﻣﻮﺭ ﻧﻤﻞ ﺟﺴﻤﻲ
ﺍﻧﺖ ﻣﻨﻮ
ﺍﻫﻮﻭﻭ
ﺍﺣﺠﻲ ﺗﺮﻩ ﺍﻧﻲ ﻣﺎﻋﺪﻱ ﻫﺎﻟﺴﻮﺍﻟﻒ ﻏﻠﻄﺎﻥ
ﺯﻳﻦ ﺑﺮﺍﺣﺘﺞ ﻟﻌﺪ ﺍﻧﻲ ﺭﻏﺒﺖ ﺑﻴﺞ ﻭﻛﻠﺖ ﺍﺗﻮﻧﺲ ﻭﻳﺎﺝ ﻭﺍﻧﻄﻴﺞ ﺍﻟﺘﺮﺩﻱ ﻭﻫﻢ ﺍﺭﺟﻊ ﻭﺍﻛﻮﻟﺞ ﺣﺎﻟﻲ ﺣﺎﻝ ﻏﻴﺮﻱ ﻭﻫﻢ ﺳﺮﺝ ﺑﺒﻴﺮ ﻻﺗﻬﺪﻳﺪ ﻭﻻﻏﻴﺮﻩ
ﻣﻜﺪﺭﺕ ﺍﻭﻛﻒ ﺑﻌﺪ ﻧﺰﻟﺖ ﺟﻮﻩ ﻭﺍﻟﻮﺏ ﻟﻜﻴﺖ ﺑﺎﺑﺎ ﻭﺍﻛﻒ ﻋﺎﻟﻤﻐﺴﻠﻪ ﻳﻨﻌﻢ ﻟﺤﻴﺘﻪ ﺑﺲ ﺷﺎﻓﻨﻲ ﺑﺎﻟﻤﺮﺍﻳﻪ ﺭﺍﺳﻦ ﺍﻟﺘﻔﺖ ﻋﻜﺪ ﺣﺎﺟﺒﻪ ﺍﻧﻲ ﺭﺍﺳﻦ ﺑﺠﻴﺖ
ﺷﺒﻴﺞ ﺑﺎﺑﺎ ﺷﻜﻮ
ﺑﺎﺑﺎ ﻭﺍﻟﻠﻪ ﻣﺎﺫﺭﻱ ﻣﻨﻮ ﻭﺍﻟﻘﺮﺍﻥ
ﺫﺏ ﺍﻟﻤﻜﻴﻨﻪ ﻭﺗﻘﺮﺏ ﺭﺍﺳﻦ ﺍﺧﺬ ﺍﻟﻔﻮﻥ ﺍﻟﻮﻟﺪ ﺟﺎﻥ ﺭﺍﺳﻞ
ﻫﺎ ﺳﻜﺘﻲ
ﺍﺑﺎﻭﻉ ﺑﺎﺑﺎ ﻓﻚ ﻋﻴﻨﻪ ﻛﻠﻬﺎ ﻟﺰﻡ ﻣﺤﺠﺮ ﺍﻟﺪﺭﺝ ﻭﻛﻌﺪ ﻋﺎﻟﻘﻨﻔﻪ ﺍﻟﺠﻮﻩ ﺍﻟﺪﺭﺝ ﻟﺸﺘﻲ ﺗﺮﺟﻒ ﺑﺎﺑﺎ ﻣﻨﺼﻲ ﻋﺎﻟﺘﻠﻔﻮﻥ ﻃﻠﻊ ﻧﻀﺎﺭﺗﻪ . ﻭﺑﻘﻪ ﻳﻜﻠﺐ ﻭﻳﺘﻨﻔﺲ ﺳﺮﻳﻊ ﺭﻓﻊ ﺭﺍﺳﻪ ﻣﻦ ﻛﻤﻞ ﻗﺮﺍﺀﻩ ﻛﺎﻝ ﺑﺜﻘﻪ ﻭﺍﺑﺘﺴﺎﻣﻪ ﻃﻤﻨﻲ ﺑﻴﻬﺎ
ﺑﺎﺑﺎ ﻟﻴﺶ ﺧﺎﻳﻔﻪ
ﺑﺎﺑﺎ ﺍﻧﻲ ﻟﻴﺶ ﺗﺠﻴﻨﻲ ﺣﺠﺎﻳﻪ ﻭﺍﻧﻲ ﻣﺎﺷﻴﻪ ﻋﺪﻝ
ﺑﺎﺑﺎ ﻻﻥ ﺍﻟﻨﺎﺱ ﻏﻠﻂ ﻣﺎﻟﺞ ﺩﺧﻞ ﺍﻧﺘﻲ ﺣﺒﻴﺒﺘﻲ ﺍﻧﻲ ﻭﺍﺛﻖ ﺑﻴﺞ ﻭﻣﺪﺍﻡ ﺟﻴﺘﻲ ﺣﺠﻴﺘﻴﻠﻲ ﻟﺘﺨﺎﻓﻴﻦ ﺑﻌﺪ ﺍﻟﻤﻮﺿﻮﻉ ﻳﻤﻲ ﻋﻮﻓﻲ ﺗﻠﻔﻮﻧﺞ ﻳﻤﻲ ﺑﺎﺑﺎ ﺍﻟﻴﻮﻡ
ﺍﻭﻙ
ﺻﻌﺪﻱ ﻧﺎﻣﻲ ﺣﺒﻴﺒﺘﻲ
ﺑﻘﻴﺖ ﺍﺑﺎﻭﻋﻠﻪ ﺍﺣﻮﺍﻟﻪ ﺗﺨﺮﺑﻄﺖ ﻭﺍﻧﻲ ﻣﺜﻞ ﺍﻟﻠﻤﻠﻤﺖ ﺍﻟﻐﺮﻓﻪ ﻣﻦ ﻫﻮﺳﺘﻬﺎ ﻭﺧﻠﻴﺖ ﺍﻟﻬﻮﺳﻪ ﻛﻠﻬﺎ ﺑﻠﻪ ﺗﺮﺗﻴﺐ ﺑﺎﻟﻜﻨﺘﻮﺭ ﻫﺬﺍ ﻭﺿﻌﻲ ﺻﺎﺭ ﺑﺎﺑﺎ ﻫﻮ . ﺍﻟﻜﻨﺘﻮﺭ ﺍﻟﺨﻠﻴﺖ ﻫﻮﺳﺘﻲ ﺑﻲ ﻭﻭﺍﻧﻲ ﺍﻟﻐﺮﻓﻪ ﺍﻟﻤﺮﺗﺒﻪ ﺗﻤﺪﺩﺕ ﻭﺍﻟﺨﻮﻑ ﻣﻤﺘﻠﻜﻨﻲ ﺳﻤﻌﺖ ﺑﺎﺑﺎ ﻳﺤﺠﻲ ﺑﻬﺪﻭﺀ ﻛﻤﺖ ﺭﺍﺳﻦ ﻣﺪﻳﺖ ﺭﺍﺳﻲ ﻋﻠﻰ ﺍﻟﺪﺭﺝ ﺍﺳﻤﻌﻪ ﺟﺎﻥ ﺑﻤﻜﺘﺒﻪ ﺍﻟﻀﺎﻫﺮ ﺍﺗﺼﻞ ﺑﺎﻟﻮﻟﺪ ﺳﻤﻌﺘﻪ
ﺑﺎﺑﺎ ﺍﻧﺖ ﻭﻳﻦ ﺗﺮﻳﺪ ﺗﻮﺻﻞ ﻭﻳﺎﻙ ﺍﻟﻤﺤﺎﻣﻲ ---- ﺍﻋﺘﻘﺪ ﺳﺎﻣﻊ ﺑﻴﻪ .
ﺍﺑﻨﻲ ﺍﻧﺖ ﻣﻨﻴﻦ ﺟﺎﻳﺐ ﻫﺎﻟﺼﻮﺭﻩ ﻣﻮ ﺍﺭﻭﺡ ﺍﻋﺰﻝ ﺍﻫﻞ ﺍﻟﺤﻔﻠﻪ ﻋﺎﻟﻤﻌﺎﺯﻳﻢ ﺣﺒﻴﺒﻲ ﺍﻧﺖ ﺗﻌﺮﻑ ﺷﺪﺗﺴﻮﻱ ﺗﻌﺮﻑ ﺭﻗﻤﻚ ﺍﺟﻴﺒﻪ ﻭﺍﺟﻴﺐ ﻣﻌﻠﻮﻣﺎﺗﻚ ﻧﻔﺴﻚ ﺍﻧﺖ ﻣﺘﻌﺮﻓﻬﺎ ﻟﻮ ﻻ
ﺑﺎﺑﺎ ﺍﻧﺖ ﻣﻨﻴﻦ ﺗﻌﺮﻑ ﺑﻨﺘﻲ ﻫﺎﻟﺴﻮﺍﻟﻒ ﻋﺪﻫﺎ ﺍﺣﺠﻲ
ﻣﺎﺷﻲ ﺍﺑﻨﻲ ﻣﺮﻩ ﻟﺦ ﺗﺎﻛﺪ ﻭﺍﻟﺼﻮﺭﻩ ﺍﻟﻌﺪﻙ ﺍﻣﺴﺤﻬﺎ ﻭﺧﺎﻑ ﻋﻠﻰ ﺍﻫﻠﻚ ﻣﺎﺷﻲ ﺑﺎﺑﺎ . ﻻﻥ ﺍﻟﺪﻧﻴﺎ ﺩﻭﺍﺭﻩ ﺯﻳﻦ ﺳﺒﻊ ﻳﻠﻪ ﺷﻮﻱ ﻭﺳﺪﻩ ﻃﺒﻴﺖ ﺭﺍﺳﻦ ﻟﻠﻐﺮﻓﻪ ﻭﺳﺪﻳﺖ ﺍﻟﺒﺎﺏ . ﻋﻠﻰ ﻛﻴﻔﻲ ﺣﺴﻴﺘﻪ ﺻﻌﺪ ﺩﻙ ﺍﻟﺒﺎﺏ ﻭﻛﻔﺖ ﻓﺘﺤﺘﻬﺎ ﻛﺎﻝ ﻫﺎﺝ ﺑﺎﺑﺎ ﻣﺎﻛﻮ ﺷﻲ ﺑﺲ ﻋﺪﺝ ﺳﻮﺀ ﺍﺧﺘﻴﺎﺭ ﺑﺼﺪﻳﻘﺎﺗﺞ ﻣﻨﺎ ﻭﻫﻴﺞ ﺍﻱ ﺻﺪﻳﻘﻪ ﻣﺘﻮﺻﻠﻴﻦ ﻟﺒﻴﺘﻬﺎ ﻭﻻ ﺗﺘﺼﻮﺭﻳﻦ ﻭﻳﺎﻫﺎ ﻭﺍﺟﻼﺗﻮﺻﻠﻴﻦ ﺣﻔﻠﻪ ﻣﻔﻬﻮﻡ
ﻧﺘﺮ
ﺍﻱ ﺑﺎﺑﺎ ﻣﻔﻬﻮﻡ ﺷﻨﻮ ﻗﺼﺘﻪ
ﺑﺎﺑﺎ ﻭﺣﺪﻩ ﻣﻦ ﺻﺪﻳﻘﺎﺗﺞ ﺍﻟﻤﺎﻋﺪﻫﺎ ﺍﺻﻞ ﻛﺎﻳﻠﺘﻠﻪ ﻣﻮﺧﻮﺵ ﻭﺟﺮﺏ ﺣﻀﻪ ﺗﻌﺬﺭ ﻭﺗﻮﺳﻞ ﻛﺎﻝ ﻣﺨﺎﻳﻒ ﻋﻠﻰ ﺍﻫﻠﻲ ﻟﻮ ﻣﻦ ﺗﻬﺪﻳﺪﻙ ﺑﺲ ﺟﺪﺍ ﺍﻋﺘﺬﺭ ﺗﻮﻗﻌﺖ ﺍﻟﻜﻼﻡ ﺻﺢ ﻭﺭﺍﺡ
ﺑﻘﻴﺖ ﺍﺑﺎﻭﻉ ﺑﻮﺟﻪ ﺑﺎﺑﺎ ﺻﺎﻓﻨﻪ ﻛﺎﻝ ﻫﺎ ﺍﻟﻀﺎﻫﺮ ﻋﺮﻓﺘﻴﻬﺎ ﻟﻬﺎﻟﺒﻨﻴﻪ
ﻫﺰﻳﺖ ﺭﺍﺳﻲ ﺍﻱ ﺑﺎﺑﺎ
ﻛﺎﻝ ﻫﺬﺍ ﻫﻮ ﺗﺮﻛﻴﻬﺎ ﻭﺍﺫﺍ ﻋﺎﻟﺼﻮﺭﻩ ﻣﻤﺒﻴﻨﻪ ﻫﺎﻱ ﺍﻧﺘﻲ ﺑﺠﻴﺖ ﻣﻨﺼﻴﻪ ﺭﺍﺳﻲ ﺍﻟﺪﻧﻴﺎ ﺷﻜﺪ ﺳﺨﻴﻔﻪ ﻻ ﺍﺫﻳﺘﻬﺎ ﻻ ﺣﺘﻰ ﺣﺎﺟﻴﺘﻬﺎ ﻟﻴﺶ ﻫﻴﺞ ﺳﻮﺕ ﺑﻴﻪ
ﺑﺎﺑﺎ ﺍﻟﻨﺎﺱ ﺑﻴﺖ ﺑﻠﻪ ﻛﻠﻤﺎ ﻗﻠﺖ ﻋﻼﻗﺎﺗﺞ ﻛﻠﻤﺎ ﺍﺣﺴﻦ ﺍﻟﺞ ﺣﺒﻴﺒﺘﻲ ﻫﺎﻫﻲ ﺑﺎﺑﺎ ﻟﺘﺨﺎﻓﻴﻦ ﻣﻮﺿﻮﻉ ﻭﺍﻧﺴﺪ
ﺍﻭﻙ
ﻳﻠﻪ ﺗﺼﺒﺤﻴﻦ ﻋﻠﻰ ﺧﻴﺮ ﺭﺍﺡ ﺑﺎﺑﺎ ﻭﺳﺪ ﺍﻟﺒﺎﺏ ﻟﻜﻴﺘﻪ ﺣﺎﺿﺮ ﺍﻟﻮﻟﺪ ﻭﻣﺎﺳﺢ ﻛﻠﺸﻲ ﺍﺥ ﺭﺑﻲ ﺍﻟﻠﻪ ﻻ ﻳﺤﺮﻣﻨﻲ ﻣﻨﻚ ﻧﻤﺖ ﺑﻴﻦ ﺍﻟﻤﺮﺗﺎﺣﻪ ﻭﺑﻴﻦ ﺍﻟﻘﻠﻘﻪ ﺍﻟﺼﺎﺭ ﻫﺰﻧﻲ ﻣﻦ ﺻﺪﻙ ﻛﻌﺪﻧﺎ ﺍﻟﺼﺒﺢ
ﻣﺮﻭﻩ - ﻟﻠﻌﺼﺮ ﻫﺪﻳﺮ ﺣﺠﺖ ﻭﻱ ﻧﻮﺭ ﻭﻛﺎﻟﺘﻠﻬﺎ ﺗﻌﺎﻱ ﻳﻤﻲ ﻭﺗﺘﻮﺳﻞ ﺑﻴﻬﺎ ﺳﻤﻌﺘﻬﺎ ﺗﻜﻮﻟﻬﺎ ﻟﺘﺒﺠﻴﻦ ﻣﻴﺨﺎﻟﻒ ﺑﻘﻴﺖ ﻭﺍﻛﻔﻪ ﻳﻤﻬﺎ ﺍﻳﺪﻱ ﻋﻠﻰ ﻛﻠﺒﻲ ﻟﺤﺪ ﺍﻧﺘﻬﺎﺀ ﺍﻟﻤﻜﺎﻟﻤﻪ ﻭﺳﺪﺗﻪ ﺑﺎﻭﻋﺘﻠﻲ ﻛﺎﻟﺖ ﺧﻄﻴﻪ
ﺷﺒﻴﻬﺎ ﺷﻜﻮ
ﺍﺑﻮﻫﺎ ﻳﺮﻳﺪ ﻳﺘﺰﻭﺝ
ﺟﺎﻥ ﻭﻗﻊ ﺍﻟﺴﻤﻌﺘﻪ ﻣﺜﻞ ﺍﻟﻀﺮﺑﻪ ﻋﻠﻰ ﺭﺍﺳﻲ ﺑﻘﻴﺖ ﺍﺑﺎﻭﻋﻠﻬﺎ ﻓﺎﻛﻪ ﺣﻠﻜﻲ ﻣﻨﻮ
ﺧﺎﻟﺘﻬﺎ ﻭﻫﻲ ﻣﺘﺤﺒﻬﺎ ﺗﻜﻮﻝ ﺣﻘﻴﺮﻩ ﻣﻦ ﺍﻭﻝ ﺗﻐﺎﺭ ﻣﻦ ﺍﻣﻲ ﻫﺴﻪ ﻳﻜﻮﻝ ﻻﻫﻲ ﺧﺎﻟﺘﺞ ﺗﻜﻮﻥ ﻣﺜﻞ ﺍﻻﻡ ﻭﻻﻥ ﻫﻲ ﺍﺭﻣﻠﻪ ﻭﻋﺪﻫﺎ ﻭﻟﺪ ﺻﻐﻴﺮ ﻓﺒﻴﺒﻴﺘﻬﺎ ﻛﺎﻳﻠﺘﻠﻪ ﺍﺧﺬﻫﺎ ﺣﺘﻰ ﺗﻜﻮﻥ ﻓﻮﻙ ﺭﺍﺱ ﻧﻮﺭ ﻭﺗﺪﻳﺮ ﺑﺎﻟﻬﺎ ﻋﻠﻴﻬﺎ ﺷﻮﻥ ﻣﺘﻜﻮﻥ ﺧﺎﻟﻪ ﻣﺜﻞ ﺍﻻﻡ ﻣﻮ ﻣﺜﻞ ﺍﻟﻐﺮﻳﺒﻪ ﺍﻟﺘﻌﻠﻌﺐ ﻃﻮﺑﻪ ﺑﻴﻬﺎ
ﺑﻘﻴﺖ ﺻﺎﻓﻨﻪ ﻛﻠﺒﻲ ﻭﺟﻌﻨﻲ ﺭﺿﺎ ﺍﻧﺘﻬﻰ ﻳﻌﻨﻲ ﺭﺍﺡ ﺷﻜﺪ ﺣﺒﻴﺘﻪ ﻭﺭﺗﺒﺖ ﺣﻴﺎﺗﻲ ﻋﻠﻤﻮﺩﻩ ﻣﻌﻘﻮﻟﻪ ﻫﻴﺞ ﺗﻮﻗﻌﺖ ﺍﺛﺮﺕ ﺑﻲ ﺗﻮﻗﻌﺖ ﻧﻀﺮﺍﺗﻪ ﻣﻬﺘﻤﻪ ﺑﻴﻪ ﻣﺎﺍﺧﻔﻲ ﺗﺎﺫﻳﺖ ﻛﻠﺶ ﺑﻴﻮﻣﻬﺎ ﻭﺍﺳﺒﻮﻋﻬﺎ ﻭﺣﺘﻰ ﺷﻬﺮﻫﺎ ﻧﻮﺭ ﻛﺎﻣﺖ ﻣﻦ ﺗﺠﻲ ﺍﻧﻬﺰﻡ ﻣﻨﻬﺎ ﺍﻟﺘﻬﻴﺖ ﻭﻱ ﻭﺭﺩﻩ ﺍﻟﺪﺯﻫﺎ ﻋﻼﻭﻱ ﻭﻭﻳﺎﻫﺎ ﺑﻨﺎﺕ 2 ﻟﻜﻴﺖ ﺭﻭﺣﻲ ﺍﺩﺭﺱ ﻭﻣﻨﻬﻤﻜﻪ ﻭﻳﻔﺘﻬﻤﻮﻥ ﺑﺲ ﻣﻦ ﺍﻧﺎﻡ ﻣﺎﻣﻮ ﻏﻴﺮ ﻃﻴﻔﻪ ﻭﺍﺗﺬﻣﺮ ﻛﻞ ﺣﻮﺍﺭ ﺩﺍﺭ ﺑﻴﻨﻨﺎ ﺍﺑﺎﻭﻉ ﻟﺴﺮﻯ ﺻﺎﻓﻨﻪ ﺣﺠﻴﺘﻠﻬﺎ ﺟﺮ ﻧﻔﺲ ﻛﺎﻟﺖ ﻣﻴﻔﻴﺪﺝ ﻣﺮﺍﻭﻱ ﻟﺘﻔﻤﺮﻳﻦ ﺑﻲ ﻟﺰﻣﺖ ﻛﻼﺩﺗﻲ ﻭﺗﻨﻬﺪﺕ ﻫﺰﻳﺖ ﺭﺍﺳﻲ ﻓﻌﻼ ﻣﻴﻔﻴﺪﻧﻲ ﻣﺠﻨﺖ ﻣﻦ ﺍﻟﻨﻮﻉ ﺍﻟﻠﻲ ﺑﺲ ﺍﺭﻳﺪ ﺍﺗﺰﻭﺝ ﻻ ﺑﺎﻟﻌﻜﺲ ﺟﻨﺖ ﺍﺣﺐ ﺣﻴﺎﻩ ﺑﻴﺖ ﺍﻫﻠﻲ ﻛﻠﺶ ﻻﻥ ﻧﻀﺎﻣﻴﻪ ﻭﻫﻢ ﺗﺠﻴﻨﻲ ﻧﻮﺑﺎﺕ ﺍﺗﺼﻨﺖ ﻭﺍﺳﻤﻊ ﻟﻬﺪﻳﺮ ﻣﻦ ﺗﺤﺠﻲ ﻟﻤﺎﻣﺎ ﻋﻦ ﻧﻮﺭ ﻭﺷﻮﻥ ﻣﻨﺮﺗﺎﺣﻪ ﻭﻱ ﺧﺎﻟﺘﻬﺎ ﻭﺑﺲ ﺗﻨﺘﻘﺪﻫﺎ ﻭﺗﻘﻠﺪ ﻋﻠﻴﻬﺎ ﻫﺪﻳﺮ ﺗﻌﻠﻘﺖ ﺑﻨﻮﺭ ﻛﻠﺶ . ﻭﻛﺎﻣﺖ ﺣﺘﻰ ﺑﺠﻲ ﺗﺒﺠﻲ ﻋﻠﻴﻬﺎ ﺭﺿﺎ ﻣﺠﺎﻥ ﻳﻘﺒﻞ ﺗﺠﻲ ﻋﺪﻧﺎ ﻓﻬﺪﻳﺮ ﻣﺮﻩ ﺭﺍﺣﺖ ﻟﺒﻴﺘﻬﻢ ﺑﻌﺪ ﺗﻮﺳﻞ ﻧﻮﺭ ﻣﺮﺕ ﻧﺺ ﺳﺎﻋﻪ ﻭﺧﺎﻟﺮﺕ ﻋﻠﻰ ﺑﺎﺑﺎ ﺗﻌﺎﻝ ﺍﺧﺬﻧﻲ ﻭﺭﺍﺡ ﺑﺎﺑﺎ ﺟﺎﺑﻬﺎ ﺍﻭﻝ ﻣﻄﺒﺖ ﻛﺎﻣﺖ ﺗﻐﻠﻂ ﻋﻠﻰ ﺧﺎﻟﺘﻬﺎ ﺟﻨﻨﺎ ﻣﻠﻤﻮﻣﻴﻦ ﺑﺎﻟﻬﻮﻝ ﻭﺩﺍﺳﻮﻱ ﻟﻔﺎﺕ ﻟﻠﻌﺸﻪ ﻛﺒﺎﺏ ﺗﻜﻼﻩ ﺷﻔﺖ ﺳﻠﻴﻢ ﻭﺣﺴﻴﻦ ﻳﻜﻠﺒﻮﻥ ﺑﺎﻟﺤﺎﺳﺒﻪ . ﻭﻳﺴﻮﻭﻥ ﺣﺴﺎﺑﺎﺕ ﻃﺒﺖ ﻫﺪﻳﺮ ﺗﺼﻴﺢ ﻭﺗﻌﻴﻂ ﻭﺗﻐﻠﻂ ﺑﺎﻭﻋﺖ ﻟﺴﻠﻴﻢ ﻭﻛﻒ ﻣﻨﺘﻔﺾ ﻳﺒﺎﻭﻋﻠﻬﺎ ﺑﻘﻠﻖ ﻋﺎﻛﺪ ﺣﺎﺟﺒﻪ ﻭﻫﻲ ﺗﺤﺠﻲ
ﺍﻟﺤﻘﻴﺮﻩ ﺍﻻﺩﺑﺴﺰ
ﻳﻤﻪ ﻣﻨﻮ ﻭﻳﺎﺝ
ﻫﺎﻱ ﺍﻟﻜﻠﺒﻪ ﺧﺎﻟﺘﻬﺎ
ﺷﺒﻴﻬﺎ ﺭﺩﻳﺖ ﻭﻭﻛﻔﺖ ﻗﺮﻳﺒﻪ ﻋﻠﻴﻬﺎ ﺷﻜﻮ
ﺍﻻﺩﺑﺴﺰ ﺩﺍﺳﻮﻟﻒ ﻭﻳﺎﻫﺎ ﻭﺍﺿﺤﻚ ﻃﺒﺖ ﺭﺯﻟﺘﻬﺎ ﻛﺪﺍﻣﻲ ﻭﺗﺼﻴﺢ ﻭﺗﻌﻴﻂ ﻻﻥ ﻧﻮﺭ ﻃﺎﺭﺩﻩ ﺍﺑﻨﻬﺎ ﻣﻦ ﻏﺮﻓﺘﻬﺎ ﻟﺞ ﻋﻴﻨﻲ ﺍﺑﻨﻬﺎ ﻓﺪﺟﻠﺐ ﻛﻤﻞ ﺍﻟﻨﺴﺎﺗﻞ ﻣﺎﻟﺘﻨﺎ ﻛﻠﻬﺎ ﺍﻟﺸﺘﺮﺍﻫﺎ ﺑﺎﺑﺎ ﺍﻟﻲ ﺑﺎﻭﻋﺖ ﺣﺴﻴﻦ ﻧﺘﺮ
ﺍﻱ ﺍﺑﻮﻫﺎ ﻭﻳﻴﻴﻴﻦ ﺷﻨﻮ ﻋﺎﻳﻔﻬﺎ
ﺧﻄﻴﻪ ﻣﺎﻣﺎ ﻛﺎﻣﺖ ﺗﺒﺠﻲ . ﻧﻮﺭ ﺧﺠﻠﺖ ﺟﺎﻥ ﺧﺎﻟﺘﻬﺎ ﺍﺧﺬﺕ ﺍﻟﺘﻠﻔﻮﻥ ﻣﺎﻟﺘﻬﺎ ﻭﻃﺘﻪ ﻻﺑﻨﻬﺎ ﺍﻟﺼﻐﻴﺮ ﻭﺗﻜﻮﻟﻪ ﺣﺒﻴﺒﻲ ﻟﺘﻨﻘﻬﺮ ﺍﺧﻠﻲ ﺑﺎﺑﺎ ﺭﺿﺎ ﻳﺠﻴﺒﻠﻚ ﺍﺣﺴﻦ ﻣﻨﻪ ﻧﻮﺭ ﺿﻠﺖ ﺗﺒﺠﻲ ﻭﺗﺸﻬﻚ ﻭﺧﺠﻠﺖ ﻣﻨﻲ
ﺧﻄﻴﻪ ﻳﺎﻋﻴﻨﻲ
ﻣﺮﻭﻩ - ﻣﺎﺍﻋﺮﻑ ﺷﺼﺎﺭ ﺑﻴﻪ ﺗﻤﻨﻴﺖ ﺍﺭﻭﺡ ﺍﻣﻠﺨﻬﺎ ﺭﻏﻢ ﻋﺰﻳﻪ ﺩﻣﺘﻮﺭ ﺭﺿﺎ ﺑﺲ ﻧﻮﺭ ﺣﺎﻧﺖ ﺗﺤﺮﻙ ﻛﻠﺒﻲ ﺍﺑﺎﻭﻉ ﺣﺴﻴﻦ ﺟﻤﻤﺮ ﻭﻳﺒﺎﻭﻉ ﻻﻣﻲ ﻛﺎﻝ
ﻳﻤﻪ ﻣﻴﺼﻴﺮ ﺍﺑﻮﻳﻪ ﻳﺤﺎﺟﻲ ﻭﻳﻜﻮﻟﻪ ﻋﻠﻰ ﻣﺮﺗﻪ ﻭﻳﻜﻮﻟﻬﺎ ﻛﻴﻔﻬﺎ ﻭﻳﺎﻫﺎ ﺧﻄﻴﻪ ﻫﺎﻱ ﻧﺎﺯﻛﻪ ﺍﻣﻲ ﻛﺎﻟﺖ
ﻳﻤﻪ ﺷﻌﻠﻴﻨﺎ ﺑﻴﻨﻬﻢ ﻭﻫﺪﻳﺮ ﺑﻌﺪ ﻣﺘﻮﺻﻠﻴﻦ
ﻣﺎﻣﺎ ﺧﻄﻴﻪ ﺻﺪﻳﻘﺘﻲ ﻭﺍﻟﻠﻪ ﺍﺣﺘﺮﻙ ﺩﻣﻲ ﺑﺲ ﺗﺼﺨﺮ ﺑﻴﻬﺎ ﺗﺨﺒﻠﺖ ﻣﻦ ﺟﻴﺖ ﻭﻛﺎﻣﺖ ﻛﻠﺴﺎ ﺗﺴﻤﻌﻬﺎ ﺣﺠﻲ ﻋﻠﻰ ﺟﺎﻳﻔﻪ ﻭﺟﺎﻳﻔﻪ ﻭﻫﻲ ﺧﻄﻴﻪ ﺍﻟﺒﻴﺖ ﻣﺘﻌﻮﻓﻪ ﻣﻦ ﺟﺎﻥ ﺍﺑﻮﻫﺎ ﻣﻤﺘﺰﻭﺝ ﺣﺘﻰ ﻭﻳﺪﺍﻟﺨﺪﺍﻣﻪ ﺗﺸﺘﻐﻞ ﻭﻫﺴﻪ ﺧﺎﻟﺘﻬﺎ ﻣﻄﺮﺩﻩ ﺍﻟﺨﺪﺍﻣﻪ ﻭﻫﻲ ﺗﺎﺧﺬ ﺍﻟﺸﻬﺮﻳﻪ ﻭﺗﺨﻠﻲ ﺍﻟﺘﻨﻀﻴﻒ ﻋﻠﻴﻬﺎ ﻭﻋﻠﻰ ﻧﻮﺭ ﻭﻫﺬﺍ ﺍﻟﺤﻘﻴﺮ ﺍﺑﻨﻬﺎ ﺑﺲ ﻳﺰﺑﻞ ﺣﺘﻰ ﺑﻮﻙ ﻳﺒﻮﻙ ﻣﺎﻣﺎ ﺑﺎﻳﻚ ﻣﻦ ﻧﻮﺭ ﺳﻮﺍﺭﻫﺎ
ﻳﺎﺍﺍ ﻋﺰﺯﻩ
ﺣﺴﻴﻦ - ﻣﺎﻝ ﺍﻣﻬﺎ ﺍﻟﻀﻴﻌﺘﻪ ﺑﺎﻟﺼﺎﻟﻪ
ﺍﻱ
ﺗﺎﻟﻲ ﻣﺮﺟﻌﻪ
ﻻ ﺣﺎﺟﺖ ﺍﺑﻮﻫﺎ ﻭﺧﻼﻩ ﻳﺮﺟﻌﻪ ﻳﻜﻮﻝ ﻻﻥ ﻫﻲ ﺗﻀﺮﺑﻨﻲ ﻭﻫﻲ ﻧﻮﺭ ﺍﺻﻼ ﺗﺨﺎﻑ ﻣﻨﻪ ﻫﻮ ﺟﻨﻪ ﺛﻮﺭ ﻭﻻﺯﻋﺒﺎﻟﻚ ﺻﻒ ﺍﻭﻝ ﺍﺑﺘﺪﺍﺋﻲ ﻫﺎﻟﺴﻤﻨﻪ ﺍﺷﺮﺕ ﻋﻠﻰ ﺟﺴﻤﻲ ﺍﺑﺎﻭﻉ ﺳﻠﻴﻢ ﺿﺤﻚ ﻭﺩﺍﺭ ﻭﺟﻬﻪ ﺿﺤﻜﺖ ﻭﺭﺟﻌﺖ ﺍﺑﺠﻲ ﻣﺎﻣﺎ ﺷﻮﻥ ﻋﻔﻴﻪ ﺧﻄﻴﻪ ﻧﻮﺭ
ﻳﻤﻪ ﺷﻌﻠﻴﻨﺎ ﻳﻠﻪ ﺍﻣﺸﻲ ﺑﺪﻟﻲ ﻭﺗﻌﺎﻱ ﺳﺎﻋﺪﻱ ﺍﺧﺘﺞ ﺑﺴﻊ ﺳﺮﻭﻩ ﻳﻤﻪ ﺍﻟﻠﺒﻦ ﻃﺮﻛﺘﻲ
ﺍﻱ ﻣﺎﻣﺎ
ﺫﻳﺞ ﻭﻳﻨﻬﺎ ﺭﻭﻳﺪﺩﺩﺩﻩ ﺧﺎﻧﻢ
ﻣﺮﻭﻩ - ﺩﺗﻜﻮﻱ ﺍﻟﻬﺪﻭﻡ ﻋﻮﻓﻴﻬﺎ ﺍﻟﻠﻪ ﻫﺎﺩﻳﻬﺎ ﻋﻠﻴﻨﺎ ﺍﺷﺘﻐﻞ ﻭﺍﻳﺪﻱ ﺗﺮﺟﻒ ﻣﺸﺘﻌﻠﻪ ﻧﺎﺭ ﺍﻋﺼﺎﺑﻲ ﺗﻠﻔﺖ ﺍﻛﺎﺟﻠﺖ ﻧﺺ ﻟﻔﻪ ﻭﺻﻌﺪﺕ ﻓﻮﻙ ﺍﻛﻠﺐ ﺑﺎﻟﺘﻠﻔﻮﻥ ﺑﺎﻭﻋﺖ ﻟﺮﻗﻤﻪ ﻣﻮ ﻣﺎﻝ ﺍﺧﺎﺑﺮﻩ ﻭﺍﺣﺎﺟﻲ ﻳﺪﻳﺮ ﺑﺎﻟﻪ ﻋﻠﻴﻬﺎ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻳﺘﻴﻤﻪ ﻳﺎ ﺍﻟﻠﻪ ﻭﺷﻜﺪ ﺟﺎﻥ ﻣﺪﻟﻠﻬﺎ ﺗﻠﻜﻲ ﺣﺎﻳﺮ ﺑﻴﻨﻬﺎ ﻭﺑﻴﻦ ﻣﺮﺗﻪ ﻭﻃﺒﻌﺎ ﺗﻤﻴﻞ ﺍﻟﻜﻔﻪ ﻟﻤﺮﺗﻪ ﻻﻥ ﺗﻨﻜﻄﻊ ﻋﻠﻴﻪ ﺍﻻﻣﺪﺍﺩﺍﺕ ﺧﺮﺏ ﺑﺎﻟﺮﻳﺎﺟﻴﻞ
ﺳﺮﻯ - ﺷﺒﻴﺞ ﺗﺪﺭﺩﻣﻴﻦ
ﻣﺮﺩﺗﻨﻲ ﻧﻮﺭ
ﺍﻟﻠﻪ ﻳﺴﺎﻋﺪﻫﺎ ---
ﺭﻭﻳﺪﻩ - ﻓﺘﺮﻩ ﻣﺮﺕ ﺷﻬﺮﻳﻦ ﻭﻧﺺ ﺑﺪﻳﺖ ﺍﺗﺎﻟﻒ ﻭﺍﻧﺴﻰ ﻛﻠﺸﻲ ﻭﺭﺟﻌﺖ ﺿﻤﻴﺖ ﺍﻟﺘﻠﻔﻮﻥ ﺭﻏﻢ ﻛﻞ ﻳﻮﻡ ﺍﺷﺤﻨﻪ ﻭﻟﺨﻠﻲ ﺟﻮﻩ ﺭﺍﺳﻲ ﺍﺧﺎﻑ ﻳﺘﺼﻞ ﻫﺪﻳﺮ ﺍﻛﺜﺮ ﻭﺣﺪﻩ ﺍﺭﺗﺎﺣﺖ ﺟﺎﻧﺖ ﺗﻜﻮﻟﻲ ﺟﻨﺖ ﻣﻴﺘﻪ ﺧﻮﻑ ﻻ ﻧﻨﻠﻜﻒ ﻭﻳﻜﺘﻠﻮﺝ ﺗﻤﺪﺩﺕ ﻭﺻﺎﻓﻨﻪ ﺑﻌﺪ ﺣﺘﻰ ﻣﺸﻔﺘﻪ ﻭﻳﻦ ﻣﻤﻜﻦ ﻳﻜﻮﻥ ﻣﻨﻌﻘﻮﻟﻪ ﻣﺎﺕ ﻻﻥ ﻧﺎﻃﻴﻨﻲ ﺣﻀﺮ ﻣﻦ ﻛﻞ ﺍﻟﺒﺮﺍﻣﺞ ﻣﺜﻞ ﺍﻟﻘﺒﻠﻪ ﻏﻔﻴﺖ ﻭﺍﺗﻲ ﺍﻓﻜﺮ ﺩﻙ ﺗﻠﻔﻮﻧﻲ ﺭﺟﻪ ﺣﺴﻴﺖ ﺍﺑﺎﻭﻉ ﻋﺎﻟﺸﺒﺎﻙ ﺑﺪﻩ ﺍﻟﺠﻮ ﻳﺠﻬﺠﺮ ﺑﺎﻭﻋﺖ ﺭﻗﻤﻪ ﻓﺰﻳﺖ ﺭﺩﻳﺖ
ﺍﻟﻮ
ﺳﺎﻛﺖ
ﺍﻟﻮ ﺣﻴﺪﺭ
ﺟﺮ ﻧﻔﺲ ﻭﺫﺑﻪ
ﺷﻮﻧﻚ ﻛﺤﻴﺖ ﻻﻥ ﺟﺎﻥ ﺻﺪﺭﻱ ﻓﺪ ﻣﺮﻩ ﺑﻘﻴﺖ ﺍﻛﺢ ﺍﺳﻤﻌﻪ ﻫﻤﺲ
ﺍﺳﻢ ﺍﻟﻠﻪ ﻋﻠﻴﺞ ﺑﻴﻪ ﻭﻻ ﺑﻴﺞ ﺷﺮﺑﻲ ﻣﻲ
ﺍﺣﻢ ﺷﺮﺑﺖ ﻣﻲ ﻭﺭﺟﻌﺖ ﺭﺩﻳﺖ ﻭﻏﻄﻴﺖ ﺭﺍﺳﻲ
ﺍﻟﻮ
ﺍﻟﻮ
ﺷﻨﻮ ﺍﺧﺘﻔﻴﺖ ﺻﺎﺭ ﺷﻬﺮﻳﻦ
ﺟﺮ ﻧﻔﺲ ﻭﺫﺑﻪ ﻛﺎﻝ
ﻟﺘﺴﺎﻟﻴﻦ ﺷﻲ ﻭﻻ ﺗﺤﺠﻴﻦ ﻋﻦ ﺍﻟﻐﻴﺒﻪ ﻣﺸﺘﺎﻗﻠﺞ
ﺑﻘﻴﺖ ﺳﺎﻛﺘﻪ ﻏﻤﻀﺖ ﻋﻴﻨﻲ ﻛﻠﺒﻲ ﻳﺪﻙ ﺳﺮﻳﻊ ﻣﺸﺘﺎﻗﻪ ﻟﻬﺎﻟﺪﻛﻪ ﻛﺎﻝ
ﺍﺣﺠﻲ
ﺷﺤﺠﻲ
ﻣﻤﺸﺘﺎﻗﺘﻠﻲ
ﻣﺎﺍﻋﺮﻑ
ﺣﻤﻮﺕ ﻭﺍﺷﻮﻓﺞ ﻟﻴﺶ ﻣﺴﻴﺠﻴﻦ ﺍﻟﺤﺪﻳﻘﻪ
ﺍﺧﻮﻳﻪ
ﺣﻘﻪ ﻋﺪﻩ ﻛﻤﺮ ﻳﺨﺎﻑ ﻋﻠﻴﻪ
ﺑﻘﻴﺖ ﺳﺎﻛﺘﻪ ﺍﺣﺲ ﻣﺎﺍﻋﺮﻑ ﺷﺤﺠﻲ ﻭﻳﺎﻩ ﻭﺍﻟﺤﺎﻥ ﺑﻴﻨﻨﺎ ﺑﺲ ﺗﻌﻮﻳﺪ ﻭﺧﻠﺺ ﻭﺍﺭﻳﺪ ﺍﺗﺮﻛﻪ ﺿﺠﺖ ﻣﻦ ﻛﻞ ﻭﺍﺣﺪ ﻳﺘﺮﻙ ﻋﻠﻰ ﻏﻔﻠﻪ ﻛﺎﻝ
ﺿﺎﻳﺠﻪ ﻣﻨﻲ
ﺍﻱ
ﺗﺮﺩﻳﻦ ﺍﺭﻭﺡ ﻭﺑﻌﺪ ﻣﺎﺍﺗﺼﻞ
ﺍﻱ ﻳﺎﺭﻳﺖ ﻻﻥ ﻣﺎﻋﺪﻙ ﻋﺬﺭ ﺗﻮﻗﻌﺖ ﻋﺪﻙ ﻋﺬﺭ ﺣﺘﻰ ﺍﺳﺎﻣﺤﻚ ﻛﺘﻠﻲ ﻟﺘﺴﺎﻟﻴﻦ ﻫﻠﺺ ﻫﺎﻫﻲ ﺭﻭﺡ ﻣﻨﻴﻦ ﻣﺠﻴﺖ
ﻋﺪﻱ ﻋﺬﺭ ﻭﺍﻗﻮﻯ ﻣﻨﻲ ﺑﺲ ﻣﺮﺍﺡ ﺗﺘﻔﻬﻤﻲ
ﺟﺮﺑﻨﻲ
ﺧﻄﺒﺖ ﺑﺖ ﻋﻤﻲ
ﻫﻬﻪ ﺣﻠﻮ ﻋﺬﺭﻙ ﻛﻠﺶ
ﻣﺮﺍﺡ ﺗﺴﺎﻟﻴﻨﻲ ﻟﻴﺶ ﺧﺎﺑﺮﺕ ﻟﻌﺪ
ﺻﺪﻙ ﻟﻴﺶ ﻟﻌﺪ ﻣﺘﺼﻞ
ﻻﻥ ﻓﺼﺨﺖ
ﺷﻨﻮ ﻓﻠﻤﻚ ﻫﻬﻪ ﻟﻌﺒﻪ
ﺍﻱ ﻟﻌﺒﻪ ﻟﻌﺒﺘﻬﻢ ﻣﺜﻞ ﻣﻠﻌﺒﻮﻧﻲ ﺍﻫﻠﻲ
ﺷﻨﻮ ﺷﻮﻥ
ﺍﻫﻠﻲ ﺿﻠﻤﻮﻧﻲ ﺭﻭﻳﺪﻩ ﻟﺘﻀﻠﻤﻴﻨﻲ ﺍﻧﺘﻲ ﻫﻢ
ﺑﻘﻴﺖ ﺳﺎﻛﺘﻪ
ﺟﺒﺮﻧﻲ ﺍﺑﻮﻳﻪ ﺳﺤﺐ ﺷﻐﻠﻲ ﻭﺍﻟﺴﻴﺎﺭﻩ ﻭﺍﻟﺘﻠﻔﻮﻥ ﻭﻛﻠﺸﻲ ﺣﺘﻰ ﻣﻦ ﺍﻟﻤﻌﻤﻞ ﻃﺮﺩﻧﻲ
ﺑﻘﻴﺖ ﺳﺎﻣﺘﻪ
ﻻﻥ ﻣﺨﻄﺒﺖ ﺑﺖ ﻋﻤﻲ ﻭﻣﺪﺍﺍﻗﺒﻞ ﻭﻃﻠﻌﺖ ﻛﻌﺪﺕ ﻳﻢ ﺻﺪﻳﻘﻲ ﻟﺤﺪ ﻣﺨﻠﺼﺖ ﻓﻠﻮﺱ ﻭﺭﺟﻌﺘﻠﻪ ﺍﺗﻮﺳﻞ ﺑﻲ ﻭﺷﺮﻁ ﺍﺧﻄﺐ ﻭﺧﻄﺒﺘﻬﺎ ﻣﺮ ﺷﻬﺮ ﻭﻟﻜﻔﺘﻬﺎ ﻋﺪﻩ ﻋﻼﻗﻪ ﻭﻱ ﻏﻴﺮﻱ ﻣﺎﺍﺧﻔﻲ ﺍﻧﻲ ﺍﻟﺼﻮﺝ ﺑﻴﻪ ﻻﻥ ﻣﺒﻴﻦ ﻋﻠﻴﻪ ﻣﺠﺒﻮﺭ ﺣﺘﻰ ﺭﻭﺣﻪ ﻣﺎﺭﻭﺡ ﺗﻠﻔﻮﻥ ﻣﺎﺷﻴﻞ ﻭﺍﺧﺎﺑﺮ ﺧﻠﻴﺖ ﻭﺍﺣﺪ ﻣﻦ ﺟﻤﺎﻋﺘﻲ ﻳﺼﺎﺩﻗﻬﺎ ﻭﻭﺩﻳﺖ ﻻﺑﻮﻳﻪ ﻣﻜﺎﻟﻤﺎﺗﻬﺎ ﻭﺭﺳﺎﻳﻠﻬﺎ ﻭﺻﻮﺭﻫﺎ ﻭﻛﺘﻠﻪ ﺍﻓﺼﺦ ﻟﻮ ﺍﻓﻀﺤﻬﺎ ﻛﺎﻝ ﺍﻓﺼﺦ
ﻋﺰﻩ ﺑﻌﻴﻨﻚ
ﻫﺎﻱ ﻫﻴﻪ ﻭﺣﺪﻩ ﺑﻮﺣﺪﻩ
ﺯﻳﻦ ﻭﻫﻲ
ﻳﻄﺒﻬﺎ ﻃﻮﺏ . ﻣﺎﺗﺖ ﺑﺠﻲ ﻭﻟﻄﻢ ﺑﺲ ﻣﺘﻌﺮﻑ ﺻﺎﺣﺒﻲ ﻭﻣﻦ ﻋﺮﻓﺖ ﺧﺎﺑﺮﺕ ﻭﺿﻠﺖ ﺗﺪﻋﻲ ﻭﻛﺎﻟﺖ ﻟﺘﺨﺎﻑ ﺍﻻ ﺍﻧﺪﻣﻚ ﺍﺧﻠﻴﻚ ﺗﻤﺸﻲ ﻭﺗﺘﻠﻔﺖ ﺍﻧﻲ ﻣﻮ ﺳﻬﻠﻪ ﺗﺮﻩ
ﻳﻤﻤﻪ
ﻫﻬﻪ ﻣﺘﺨﻮﻓﻨﻲ ﻣﺮﻩ ﺣﺒﻴﺒﺘﻲ
ﺷﻨﻮ ﻫﺎﻟﺤﺠﻲ
ﺍﻱ ﺣﺒﻴﺒﺘﻲ ﻭﻛﻠﺒﻲ ﻭﺳﻮﻳﺖ ﻛﻞ ﻫﺬﺍ ﻋﻠﻤﻮﺩﺝ ﻛﻠﺖ ﺍﻓﺮﻏﻠﺞ ﻭﺍﺟﻴﺞ ﺭﻭﻳﺪﻩ ﺍﻧﻲ ﺭﺍﻳﺪﺝ ﺑﻌﺪ ﺍﻟﻲ ﻣﻜﺎﻥ ﺑﻜﻠﺒﺞ ﺑﺠﻠﻮ ﺍﻧﺘﺮﺱ ﺑﻐﻴﺮﻱ
ﻫﻬﻬﻪ ﻻ ﻣﻤﺤﺎﺟﻴﻪ ﻏﻴﺮﻙ
ﺍﻧﻲ ﺍﻛﺜﺮ ﻣﻦ ﻣﻴﺖ ﻣﺮﻩ ﺍﺧﺘﺒﺮﺗﺞ ﻭﺭﺍﺳﻠﺖ ﺑﺲ ﻣﺠﺘﻲ ﺗﺮﺩﻳﻦ ﺭﺍﺳﻦ ﺑﻠﻮﻙ ﺗﺴﻮﻳﻦ ﻭﺯﺍﺩ ﺗﻤﺴﻜﻲ ﺑﻴﺞ
ﺍﻧﻲ ﺍﺧﺎﻑ ﻭﻣﺎﺭﻳﺪ ﺑﻌﺪ ﺍﺣﺎﺣﻲ ﺍﻱ ﺍﺣﺪ ﻻﻥ ﻛﻤﺖ ﺍﺗﺎﺫﻩ
ﺍﺳﻒ ﺍﺫﻳﺘﺞ ﺑﺲ ﻟﻤﺼﻠﺤﺘﺞ ﻣﺮﺩﺕ ﺗﻨﻀﻠﻤﻴﻦ
ﺑﻘﻴﺖ ﺳﺎﻛﺘﻪ
ﻣﺸﺘﺎﻗﻠﺞ
ﺍﻧﻲ ﻫﻢ ﻛﻠﺘﻬﺎ ﻭﻏﻤﻀﺖ ﺷﻬﻚ ﻛﺎﻝ
ﺍﺣﺒﺞ ﺭﻭﻳﺪﻩ ﺍﻣﻮﺕ ﻋﻠﻴﺞ
ﺳﻜﺘﺖ ﻛﺎﻝ
ﻫﺎﻻﺳﺒﻮﻉ ﺑﺎﻟﺰﺍﻳﺪ ﺍﺗﻘﺪﻣﻠﺞ
ﻓﻜﻴﺖ ﻋﻴﻨﻲ ﻛﻠﻬﺎ ﺑﻠﻌﺖ ﺭﻳﻚ ﻛﻮﻩ ﺳﻜﺘﺖ ﺭﻭﺣﻲ ﻛﺎﻝ
ﻣﻮﺍﻓﻘﻪ ﻋﻠﻴﻪ
ﻛﻤﺖ ﺍﺗﻨﻔﺲ ﺳﺮﻳﻊ
ﺭﻭﻳﺪﻩ ﻣﻮﺍﺛﻘﻪ ﺑﻴﻪ ﺣﺒﻴﺒﻲ ﺣﻘﺞ ﺑﺲ ﺛﻘﻲ ﺑﺎﻟﻠﻪ ﺭﺍﺡ ﺍﺛﺒﺘﻠﺞ ﺍﻧﻪ ﺍﻧﻲ ﺍﺳﺘﺤﻘﺞ
ﺍﻭﻙ
......
ﺭﻭﻳﺪﻩ - ﻣﺠﻨﺖ ﺍﻋﺮﻑ ﻣﻌﻨﻰ ﻛﻼﻣﻪ ﻭﻣﻦ ﺍﺻﻔﻦ ﺑﻴﻨﻲ ﻭﺑﻴﻦ ﻧﻔﺴﻲ ﺍﺣﻮﻝ ﺷﻮﻥ ﻏﻴﺮﺗﻪ ﺳﻤﺤﺘﻠﻪ ﻳﺨﻠﻲ ﻭﺍﺣﺪ ﻳﺤﺎﺟﻲ ﺑﺖ ﻋﻤﻪ ﻓﻲ ﺳﺒﻴﻞ ﻳﻔﻀﺤﻬﺎ ﻛﺪﺍﻡ ﺍﺑﻮﻩ ﺗﺬﻛﺮﺕ ﺭﻭﻭﻑ ﻣﻦ ﺧﺎﺑﺮﺗﻪ ﺷﻮﻥ ﻭﻛﻔﻠﻲ ﻭﻋﺰﻣﻨﻲ ﺑﻤﻄﻌﻢ ﻭﻛﻌﺪ ﻳﺤﺠﻴﻠﻲ ﻋﻦ ﺑﺎﺑﺎ ﻭﺣﺒﻪ ﺍﻟﻨﺎ ﺑﺤﻴﺚ ﻛﺮﻫﺖ ﻧﻔﺴﻲ ﻭﺣﺮﻣﺖ ﺍﻋﻴﺪﻫﺎ ﻟﻠﻄﻠﻌﻪ . ﺑﻘﻴﺖ ﺑﺨﻮﻑ ﻣﻦ ﺣﻴﺪﺭ ﻭﻏﺮﺍﺑﻪ ﻣﻮﻗﻔﻪ ﺑﺲ ﺳﺮﻋﺎﻥ ﻣﺎﻧﺴﻴﺖ ﺑﻌﺪﻣﺎ ﺭﺟﻞ ﺗﻮﺍﺻﻞ ﻭﻳﺎﻳﻪ ﺑﺤﺒﻴﺎﺕ ﻭﻏﺮﺍﻣﻴﺎﺕ . ﻭﺧﺘﻤﻬﺎ ﺑﺎﻥ ﻳﺪﺯ ﺍﻣﻪ ﻭﺍﺧﺘﻪ ﻟﺒﻴﺘﻨﺎ
ﺍﻟﻮ ﺣﺒﻴﺒﻲ
ﻫﺎ ﺣﻴﺪﺭ ﺷﻮﻧﻚ
ﺗﺪﺭﻳﻦ ﺷﻜﺪ ﺍﺣﺒﺞ
ﺳﻜﺘﺖ
ﻟﻴﺶ ﺗﺴﻜﺘﻴﻦ
ﺷﻜﻮﻝ ﻟﻌﺪ
ﻛﻮﻟﻴﻠﻲ ﺍﻣﻮﺕ ﻋﻠﻴﻚ
ﺑﻘﻴﺖ ﺳﺎﻛﺘﻪ
ﺍﻭﻑ ﺭﻭﻳﺪﻩ ﺟﻮﻫﺮﺗﻲ ﺍﻟﺜﻤﻴﻨﻪ ﻋﻤﺮﻱ ﺍﻧﺘﻲ
ﺷﻜﺮﺍ ﻛﻠﺒﻲ ﺭﺟﻒ ﺑﺤﺠﻴﻪ ﻛﺎﻝ
ﻣﻨﻮ ﺑﺎﻟﺒﻴﺖ ﻋﺪﻛﻢ
ﻛﻠﻬﻢ ﻟﻴﺶ
ﺍﻟﻜﻢ ﺧﻠﻚ ﺗﺴﺘﻘﺒﻠﻮﻥ ﺧﻄﺎﺭ
ﻫﻬﻪ ﻣﻔﺘﻬﻤﺖ
ﺭﺍﺡ ﺍﺟﻴﺐ ﺍﻣﻲ ﻭﺍﺧﺘﻲ ﺧﻄﺎﺑﻪ
ﺍﻧﺼﺪﻣﺖ ﺑﻘﻴﺖ ﺳﺎﻛﺘﻪ ﻛﺎﻝ
ﺑﺪﻟﻲ ﻳﻠﻪ ﻣﺴﺎﻓﻪ ﺍﻟﻄﺮﻳﻖ ﺑﻴﺘﻨﺎ ﺗﺮﻩ ﺑﻌﺪ ﻛﻢ ﻓﺮﻉ
ﺍﻭﻙ
ﺍﻭﻛﻔﻲ
ﻫﻤﻢ
ﺷﻮ ﻣﻔﺮﺣﺎﻧﻪ
ﻻ ﻟﻴﺶ ﺑﺲ ﻣﺼﺪﻭﻣﻪ
ﻣﻴﻬﻢ ﺣﻠﻮﻩ ﺍﻟﺼﺪﻣﻪ ﻋﻠﻴﺞ ﻳﻠﻪ ﺣﺒﻴﺒﻲ ﻫﻴﺎﻱ ﻧﻔﺴﺞ ﺣﺘﻰ ﺍﻣﻲ ﺗﺸﻮﻓﺞ
ﺍﻭﻙ ﺳﺪﻳﺘﻪ ﻫﺪﻳﺮ ﺟﺎﻧﺖ ﺩﺗﺮﺗﺐ ﺍﻟﻮﺍﻧﻬﺎ ﺑﺎﻟﻤﺠﺮ ﻭﻛﻠﺴﺎ ﺗﺒﺎﻭﻋﻠﻲ ﻭﺗﻨﺼﻲ ﺗﻜﻤﻞ ﺗﺮﺗﻴﺐ ﺑﺎﻭﻋﺘﻠﻲ ﺻﺎﻓﻨﻪ ﻛﺎﻟﺖ
ﺷﻜﻮ ﻣﺎﺕ
ﺑﺎﻭﻋﺘﻠﻬﺎ ﺟﺮﻳﺖ ﻧﻔﺲ ﺣﻴﺠﻮﻥ ﻳﺨﻄﺒﻮﻧﻲ
ﺻﺪﺩﺩﺩﻙ ﻛﻤﺰﺕ ﻋﻠﻰ ﺟﺮﺑﺎﻳﺘﻬﺎ ﻭﺍﺭﻛﺺ ﺣﻴﺼﻴﺮ ﻋﺪﻧﺎ ﻋﺮﺱ
ﻛﻌﺪﺗﻬﺎ ﺭﺍﺳﻦ ﺟﺮﻳﺘﻬﺎ ﻣﻦ ﺍﻳﺪﻫﺎ ﺑﺎﻭﻋﺘﻠﻬﺎ ﻫﺪﻳﺮ ﺷﻠﺒﺲ ﻣﺎﺍﻋﺮﻑ ﺷﺴﻮﻱ
ﻫﻬﻬﻪ ﻟﺒﺴﻲ ﺛﻮﺑﺞ ﺍﻻﺯﺭﻙ ﻏﻴﺮ ﻳﺸﻚ ﻋﻠﻴﺞ ﻭﻱ ﺑﻴﺎﺿﺞ ﻳﺸﺘﻌﻞ
ﺍﺫﺍ ﺍﻟﺒﺴﻪ ﻣﺎﻣﺎ ﻭﺧﻮﺍﺗﻲ ﻳﻨﺘﺒﻬﻮﻥ ﻣﻴﻜﻮﻟﻮﻥ ﺷﻜﺪﺭﻳﺞ ﺣﻴﺠﻮﻥ
ﺍﻱ ﺻﺢ ﺯﻳﻦ ﺑﺎﻋﻲ ﻟﺒﺴﻲ ﺗﺮﺍﻛﺞ ﺍﻟﺠﺪﻳﺪ ﻫﺎ ﺧﻮﺵ ﻓﻜﺮﻩ
ﺍﻱ ﺧﻮﺵ ﺣﻜﻮﻡ ﺍﻟﺒﺴﻪ ﻭﺍﺿﻔﺮ ﺷﻌﺮﻱ ﻛﻤﺖ ﺭﺍﺳﻦ ﻓﺮﺷﺖ ﺍﺳﻨﺎﻧﻲ ﻭﻏﺴﻠﺖ ﻭﺟﻬﻲ ﻭﺿﻔﺮﺕ ﺷﻌﺮﻱ ﻭﻟﺒﺴﺖ ﻭﻃﻠﻌﺖ ﺍﻓﺘﺮ ﺑﺎﻟﺒﻴﺖ ﻣﺎﻣﺎ ﻛﺎﻟﺖ
ﺷﻮ ﺍﻟﻠﻪ ﻳﺨﺒﻞ ﻋﻠﻴﺞ
ﺻﺪﻙ ﻣﺎﻣﺎ
ﻭﺍﻟﻠﻪ ﺑﺲ ﻣﻮ ﻛﻠﺘﻲ ﻣﻮ ﻫﺴﻪ ﺍﺩﺷﻨﻪ ﻋﻠﻰ ﻋﻴﺪ ﻣﻴﻼﺩﺝ
ﺍﺍﻣﺘﺤﻤﻠﺖ
ﻳﻠﻪ ﺑﺎﻟﻌﺎﻓﻴﻪ ﻣﺎﻣﺎ ﻳﺨﺒﻞ ﻋﻠﻴﺞ
ﺍﻧﺪﻣﺖ ﺍﻟﺒﺎﺏ ﻛﻠﺒﻲ ﻭﺟﻌﻨﻲ ﻭﺍﻟﻠﻬﻔﻪ ﺗﺮﺳﺘﻨﻲ ﻣﺮﻭﻩ ﺩﺗﺜﺮﻡ ﻣﻬﺠﻌﺪﻧﺮﺱ ﻟﻠﺘﺒﻮﻟﻪ ﺍﻟﺘﻔﺘﺖ ﻋﻠﻰ ﻣﺎﻣﺎ ﻛﺎﻟﺖ
ﻳﻮﻭﻡ ﺻﻴﺤﻲ ﺣﺴﻴﻦ
ﺣﺴﻴﻦ ﻣﺎﻣﺎ ﺗﻌﺎﻝ ﺷﻮﻑ ﻣﻨﻮ
ﺭﻭﻳﺪﻩ - ﺑﻘﻴﺖ ﺍﺑﺎﻭﻉ ﻣﻨﺎ ﻭﺍﺑﺎﻭﻉ ﻣﻨﺎ ﻃﻠﻊ ﺣﺴﻴﻦ ﻭﻭﺭﺍﻩ ﺳﻠﻴﻢ ﺑﺎﻭﻋﻠﻲ ﻭﺩﺍﺭ ﻭﺟﻬﻪ ﻣﺴﺘﻐﺮﺏ ﻭﻛﻔﺘﻲ ﺻﺎﻓﻨﻪ ﻋﺎﻟﺒﺎﺏ ﻣﻦ ﺑﺎﺏ ﺍﻟﻤﻄﺒﺦ ﺍﺑﺎﻭﻉ ﻋﻠﻰ ﺑﺎﺏ ﺍﻟﻄﺮﻣﻪ ﺷﻮﻱ ﻭﺭﺟﻊ ﺣﺴﻴﻦ ﻛﺎﻝ
ﻳﻮﻭﻡ ﻫﺎﻱ ﻧﺴﻮﺍﻥ ﻋﻠﻴﺞ
ﺳﻠﻴﻢ ﺑﻘﻪ ﻋﺎﻛﺪ ﺣﺎﺟﺒﻪ ﻭﺭﺍﻓﻊ ﺗﻚ ﻳﺒﺎﻭﻋﻠﻲ ﻣﺴﺘﻐﺮﺏ ﺩﺍﺭ ﻭﺟﻬﻪ ﻭﻓﺎﺕ
ﺳﻠﻴﻢ - ﻣﻦ ﺷﻔﺘﻬﺎ ﺑﻬﺎﻟﻮﻛﻔﻪ ﻭﺍﻛﻔﻪ ﻭﻣﺒﺪﻟﻪ ﻭﺷﻔﺖ ﺍﻟﻨﺴﻮﺍﻥ ﺭﺑﻄﺖ ﻳﻤﻜﻦ ﺣﺴﻴﻦ ﻣﻮ ﻓﻄﻦ ﻣﺜﻠﻲ ﻭﻣﻴﻠﻜﻔﻬﺎ ﺑﺲ ﺍﻧﻲ ﻓﻬﻤﺖ ﻭﺍﻟﺴﻮﺍﻝ ﺑﺒﺎﻟﻲ ﻳﺪﻭﺭ ﺷﻮﻥ ﻋﺮﻓﺖ ﺟﺎﻳﻴﻬﺎ ﻧﺎﺱ ﺍﻻ ﺍﺫﺍ ﻋﺪﻫﺎ ﻋﻼﻗﻪ ﺑﺎﺣﺪ ﻋﻔﻴﻪ ﺭﻭﻳﺪﻩ ﻣﻦ ﺩﻭﻥ ﺑﻨﺎﺕ ﻋﻤﻲ ﺍﻟﺜﻼﺛﻪ ﻣﺎﺍﺭﺗﺎﺣﻠﻬﺎ ﺍﺑﺪ ﺍﻟﻠﻪ ﻳﺴﺘﺮ ﻋﻠﻴﻬﺎ
ﺭﻭﻳﺪﻩ - ﻃﺒﻮ ﺍﻟﻨﺴﻮﺍﻥ ﻣﻦ ﺑﺎﺏ ﺍﻟﻤﻄﺒﺦ ﻭﺍﻧﻲ ﻓﻠﺘﺖ ﻟﻠﻬﻮﻝ ﻓﻜﻴﺖ ﺍﻟﺒﺎﺏ ﻃﺒﺒﺘﻬﻢ ﻣﺎﻣﺎ ﺑﺎﻭﻋﺘﻠﻲ ﺑﺨﺰﺭﻩ ﺍﻟﻤﺮﻩ ﻛﺼﺘﻨﻲ ﻛﺺ ﻫﻲ ﻭﺑﻨﺘﻬﺎ ﺑﺲ ﻧﻀﺮﺗﻬﺎ ﺗﺨﻮﻑ ﻃﻠﻌﺖ ﻣﻦ ﺍﻟﻬﻮﻝ ﺷﻮﻱ ﻭﺳﺮﻯ ﻃﺒﺒﺖ ﺍﻟﺤﺎﻱ ﻭﺍﻟﻜﻌﻚ ﻭﺿﻠﺖ ﺗﺴﺎﻝ ﻣﺮﻭﻩ ﻣﻨﻮ ﻣﺎﻣﻨﻮ ﻣﺮﻭﻩ ﻣﻤﻬﺘﻤﻪ ﺗﺸﺘﻐﻞ ﺑﺎﻟﻤﻄﺒﺦ ﺗﻜﻮﻟﻬﺎ ﺷﻤﺪﺭﻳﻨﻲ ﻃﺒﺒﺖ ﺳﺮﻯ ﺍﻟﺠﺎﻱ ﻭﻃﻠﻌﺖ ﻛﺎﻟﺖ ﻭﻋﺎﻛﺪﻩ ﺣﺎﺟﺒﻬﺎ
ﺍﻣﻲ ﺗﺮﻳﺪﺝ
ﺍﺣﻢ ﺑﻠﻌﺖ ﺭﻳﻚ ﻃﺒﻴﺖ ﻟﻠﻬﻮﻝ ﺍﺑﺘﺴﻤﺖ ﻣﺎﻣﺎ ﻭﺑﺎﻭﻋﺘﻠﻬﻢ
ﺍﻡ ﺣﻴﺪﺭ ﻫﺎﻱ ﺭﻭﻳﺪﻩ ﺑﻌﺪﻫﺎ ﺻﻐﻴﺮﻩ ﺍﻧﻲ ﺍﻟﻜﺒﺎﺭ ﻣﻤﺰﻭﺟﺘﻬﻢ ﺍﻛﻮﻝ ﺑﻌﺪﻫﻢ ﺻﻐﺎﺭ ﺧﻠﻲ ﻳﺘﻮﺿﻔﻮﻥ ﻳﺼﻴﺮﻟﻬﻢ ﺳﻨﺪ
ﻭﺍﻟﻠﻪ ﺍﻡ ﺣﺴﻴﻦ ﺍﺣﻨﺎ ﺍﻟﺒﻨﻴﻪ ﺑﺲ ﺗﻔﺮ ﻧﻨﻄﻴﻬﺎ ﺑﻌﺪ
ﺗﺤﺠﻲ ﻭﺗﺒﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﻣﻌﺎﺟﺒﺘﻬﺎ ﺍﻣﻲ ﺭﺩﺕ
ﻻ ﺣﺒﻴﺒﺘﻲ ﺍﺣﻨﺎ ﻧﺸﺒﻌﻬﺎ ﺩﻻﻝ ﺧﻄﻴﻪ ﻣﻦ ﻫﻤﻪ ﺻﻐﺎﺭ ﺍﺣﻨﺎ ﺷﺒﻌﻨﺎ ﺿﻴﻢ ﻫﻤﻪ ﻫﻢ ﻣﺜﻠﻨﺎ ﻧﺨﻠﻴﻬﻢ
ﻭﺍﻟﻠﻪ ﺑﻨﺎﺕ ﻋﻤﻪ ﻳﺨﺒﻠﻦ ﺟﻨﻬﻢ ﻭﺭﻭﺩ ﺑﺲ ﻫﻮ ﻏﻴﺮ
ﺍﻟﺘﻔﺘﺖ ﺍﻣﻲ ﺑﺎﻭﻋﺘﻠﻬﺎ ﻣﺴﺘﻐﺮﺑﻪ ﻛﺎﻟﺘﻠﻬﺎ
ﺍﻱ ﺟﺎﻥ ﺧﻄﺒﻴﺘﻴﻠﻪ ﻟﻌﺪ
ﻣﻴﺮﺿﻰ ﻣﻮﺗﻨﻲ ﻭﻣﺮﺿﻨﻲ ﻫﺎﻫﻲ ﺷﺴﻮﻳﻠﻪ
ﺗﺤﺠﻲ ﻭﺗﺒﺎﻭﻋﻠﻲ ﻭ ﻭﺗﻨﻮﺩ ﺑﺠﺴﻤﻬﺎ ﻟﻴﻮﺭﻩ ﻭﻟﻴﻜﺪﺍﻡ ﺗﺤﺠﻲ ﺑﻐﻞ ﻭﺗﺪﻳﺮ ﻭﺟﻬﻬﺎ ﻭﻋﻠﻰ ﺑﺘﻬﺎ ﻛﺎﻟﺖ
ﺍﻧﺘﻲ ﺷﻜﺪ ﻋﻤﺮﺝ ﺟﺎﻭﺑﺖ ﻣﺎﻣﺎ ﻋﻨﻲ ﺑﻨﺘﺮﻩ
19 ﺭﻭﺣﻲ ﻣﺎﻣﺎ ﺳﺎﻋﺪﻱ ﺧﻮﺍﺗﺞ ﺑﺎﻟﻤﻄﺒﺦ
ﻃﻠﻌﺖ ﻭﺍﻧﻲ ﻋﻠﻰ ﺍﻋﺼﺎﺑﻲ ﺩﺯﻟﻲ ﺭﺳﺎﻟﻪ
ﺣﺒﻴﺒﻲ
ﻧﻌﻢ
ﺭﺍﺡ ﺍﺧﺎﺑﺮﺝ
ﺍﻭﻙ ﻃﺒﻴﺖ ﻟﻠﻐﺮﻓﻪ ﻫﺪﻳﺮ ﺩﺗﺮﺳﻢ ﺟﺎﻧﺖ
ﺍﻟﻮ
ﻫﺎ ﻋﻤﺮﻱ ﺷﻮﻧﻬﺎ ﺍﻣﻲ ﻭﺍﺧﺘﻲ ﺣﺒﻴﺘﻴﻬﻢ
ﺟﺮﻳﺖ ﻧﻔﺲ ﻏﺮﻏﺮﺕ ﻋﻴﻨﻲ
ﺍﻟﻮ
ﻫﺎ ﺣﻴﺪﺭ
ﺷﺒﻴﺞ ﺣﺒﻴﺒﻲ
ﺍﻣﻚ ﻣﺪﺭﻱ ﺷﻮﻥ ﺗﺤﺎﺟﻲ ﻣﺎﻣﺎ ﻭﺗﺒﺎﻭﻋﻠﻲ ﻣﺎﻣﺎ ﻣﺎﺍﺗﺼﻮﺭ ﺗﻘﺒﻞ
ﻟﻴﺶ ﺷﺼﺎﺭ ﻧﺘﺮ
ﻣﺎﺩﺭﻱ ﺿﻠﺖ ﺗﻜﻮﻟﻬﺎ ﺑﻨﺎﺕ ﻋﻤﻪ ﻓﻠﻌﺖ ﻛﻤﺮ ﻫﻮ ﻣﻴﺮﻳﺪ ﻣﺮﺿﺘﻲ ﻭﻣﺮﺽ ﺍﺑﻮﻩ ﻭﺍﻧﻲ ﺷﻌﻠﻴﻪ ﻗﺎﺑﻞ ﺣﺘﻰ ﻣﻦ ﺗﺒﺎﻭﻋﻠﻲ ﻫﻲ ﻭﺍﺧﺘﻚ ﻣﻌﺎﺟﺒﺘﻬﺎ ﻋﺒﺎﻟﻚ
ﻋﻤﺮﻱ ﻣﻌﻠﻴﺞ ﺣﻘﻬﻢ ﻣﺸﺎﻳﻔﻴﻦ ﻫﻴﺞ ﺟﻤﺎﻝ ﻣﻌﻠﻴﺞ ﻣﻨﻬﻢ ﺍﻧﻲ ﺍﺣﺠﻲ ﻭﻱ ﺍﻣﻲ .
ﺍﻭﻙ ﺳﺪﻳﺘﻪ ﻣﻨﻪ ﻭﺭﺟﻌﺖ ﺍﺳﺘﻐﺮﺑﺖ ﺷﻮﻥ ﻫﻴﺞ ﻳﺤﺠﻲ ﻋﻠﻰ ﺍﻣﻪ ﺣﻴﺪﺭ ﻏﺮﻳﺐ ﻫﻮﺍﻱ ﺗﺼﺮﻓﺎﺗﻪ ﺗﺼﺪﻡ
ﺳﺮﻯ - ﺭﺍﺣﻮ ﺍﻟﺨﻄﺎﺭ ﻭﻃﻠﻌﺖ ﺍﻣﻲ ﺗﻌﺪ ﻭﺗﺼﻒ ﺑﻬﺪﻭﺀ
ﺷﻜﻮ ﻣﺎﻣﺎ
ﻳﻤﻌﻮﺩﻩ ﻣﺎﺩﺭﻱ ﺟﺎﻳﻴﻦ ﻳﺨﻄﺒﻮﻥ ﻟﻮ ﻳﺘﻌﺎﺭﻛﻮﻥ ﻋﺎﺏ ﻫﺎﻟﻨﺎﺱ ﻫﻤﺰﻳﻦ ﺭﺍﺳﻦ ﻛﺘﻠﻬﺎ ﻣﺎﻋﺪﻧﺎ ﺑﻨﻴﻪ ﻟﻠﺰﻭﺍﺝ ﻋﺒﺎﻟﻚ ﻣﺤﻤﻠﺘﻨﺎ ﻣﻨﻴﻪ ﺍﺑﻨﻬﺎ ﻳﺰﻭﺝ ﺑﻨﺘﻲ ﻣﺘﺪﺭﻱ ﺍﺑﺎﻭﻉ ﻋﻠﻰ ﻃﻮﻟﻬﻦ ﻭﺟﻤﺎﻟﻬﻦ ﻣﻦ ﻳﻔﺘﺮﻥ ﺑﺎﻟﺒﻴﺖ
ﻫﻬﻬﻪ
ﻣﺮﻭﻩ - ﺍﻡ ﺣﺴﻴﻦ ﻟﺘﻬﺘﻤﻴﻦ ﺍﻧﺴﻲ
ﺧﺘﻮﻟﻲ ﺑﻨﺎﺕ ﻋﻤﻪ ﻳﺨﺒﻠﻦ ﻣﺘﺮﻭﺣﻴﻠﻬﻢ ﺍﻣﺪﺍﺍ ﺝ ﺍﻱ ﻭﺍﻟﻠﻪ ﺍﺳﻠﻮﺏ ﻣﺎﻋﺪﻫﻢ ﻋﺮﺏ ﺟﻮﻝ
ﻫﻬﻬﻬﻬﻪ ﻣﺎﻣﺎ ﻧﺰﻟﺖ ﺣﺪﺭ ﻋﻠﻴﻬﻢ
ﺳﺮﻭﻩ - ﻛﻤﻠﻨﺎ ﻋﺸﻪ ﻭﺻﻌﺪﻧﺎ ﻓﻮﻙ ﻧﻨﺎﻡ ﻣﺮﻭﻩ ﻧﺎﻣﺖ ﻭﻫﻲ ﺗﻘﺮﻩ ﻛﺘﺎﺏ ﻻﺑﺮﺍﻫﻴﻢ ﺍﻟﻔﻘﻲ ﻛﺎﺗﻠﺘﻨﻲ ﺑﻲ ﻛﺘﻞ ﻭﺍﻧﻲ ﺩﺍﻛﻠﺐ ﺑﺎﻟﺘﻠﻔﺰﻳﻮﻥ ﺟﺘﻲ ﺭﺳﺎﻟﻪ ﻋﺎﻟﻔﺎﻳﺒﺮ ﻟﺘﻠﻔﻮﻧﻲ ﺭﻗﻢ ﻏﺮﻳﺐ
ﺍﻟﻮ ﺳﻼﻡ ﻋﻠﻴﻜﻢ ﺍﺳﺘﺎﺫ ﻋﻤﺎﺭ
ﻛﻌﺪﺕ ﻋﺪﻝ
ﻣﻨﻮ
ﺍﻧﻲ ﻣﺮﺍﺟﻊ ﻋﺪﻙ ﻋﻠﻰ ﻗﻀﻴﻪ
ﺑﻘﻴﺖ ﺻﺎﻓﻨﻪ ﺑﺎﺑﺎ ﻣﺮﺍﺟﻌﻴﻨﻪ ﺷﻌﻠﻴﻬﻢ ﺑﺘﻠﻔﻮﻧﻲ ﺭﺩﻳﺖ
ﻋﺬﺭﺍ ﺍﺧﻲ ﻫﺬﺍ ﻣﻮ ﺗﻠﻔﻮﻥ ﺍﻟﻮﺍﻟﺪ ﺗﻜﺪﺭ ﺗﺘﺼﻞ ﻋﻠﻴﻪ ﺑﺮﻗﻤﻪ ﺍﻟﺨﺎﺹ
ﻛﺘﺐ
ﻫﻠﻮ ﺷﻮﻧﺞ ﺑﺲ ﺭﺩﺕ ﺍﺗﺎﻛﺪ ﺍﻟﺘﻠﻔﻮﻥ ﻣﻮ ﻳﻢ ﻭﺍﻟﺪﺝ
ﺑﻘﻴﺖ ﺻﺎﻓﻨﻪ ﻋﺮﻓﺘﻪ ﻧﻔﺲ ﺍﻟﻮﻟﺪ ﺍﻟﻠﻲ ﻗﺒﻞ ﺳﺒﻮﻋﻴﻦ ﺭﺍﺳﻞ ﺑﺲ ﻣﺮﺍﺳﻞ ﻣﻦ ﻏﻴﺮ ﺭﻗﻢ ﻣﺮﺩﻳﺖ ﻛﺘﺐ،
ﻣﺮﺍﻳﺪ ﺷﻲ ﻭﺍﻟﻠﻪ ﻣﺠﺮﺩ ﺍﻋﺘﺬﺭ
ﻣﺮﺩﻳﺖ ﺍﺻﻼ ﺍﺧﺎﻑ ﺍﺭﺩ ﺭﺟﻊ ﻛﺘﺐ
ﺿﻤﻴﺮﻱ ﻣﻦ ﻳﻮﻣﻬﺎ ﻳﺎﻧﺒﻨﻲ ﻭﻓﻌﻼ ﻟﻮ ﺍﻧﻲ ﺭﺟﺎﻝ ﻣﺎﺻﺪﻙ ﻣﺮﻩ ﻛﺬﺍﺑﻪ
ﺟﺮﻳﺖ ﻧﻔﺲ ﻭﺍﻧﻲ ﺍﺑﺎﻭﻉ ﻋﺎﻟﻜﺘﺎﺑﻪ ﻣﻨﻮ ﻣﻤﻜﻦ ﻳﻜﻮﻥ ﻣﻦ ﺍﻟﻜﺮﻭﺏ ﺍﻟﻠﻲ ﺣﺎﺟﻴﻪ ﺑﻲ ﻋﻠﻴﻪ ﺭﺟﻊ ﻛﺘﺐ
ﺍﺭﺗﺎﺡ ﻣﻦ ﺩﺍﺍﺷﻮﻑ ﺍﻟﺪﺍﺍﻛﺘﺒﻪ ﻣﺮﺍﻱ ﺣﺘﻰ ﻟﻮ ﻣﺘﺮﺩﻳﻦ ﺑﺲ ﺭﺩﺕ ﺗﺒﺮﻳﻠﻲ ﺍﻟﺬﻣﻪ ﺧﺮﺑﻄﺖ ﺑﺬﺍﻙ ﺍﻟﻴﻮﻡ ﻭﻳﺎﺝ ﻫﻮﺍﻱ
ﺍﻧﺖ ﻣﻨﻮ
ﻣﻌﺮﻓﺘﻴﻨﻲ ﻟﺴﻪ
ﻋﺮﻓﺘﻚ ﺍﻟﻠﻲ ﺭﺍﺳﻠﺖ ﺑﺲ ﺭﺩﺕ ﺍﻋﺮﻑ ﻣﻨﻮ ﻣﻦ ﺟﺎﻣﻌﺘﻲ
ﻫﺎﺍ ﻫﻬﻪ ﻣﻴﺤﺘﺎﺝ ﺗﻌﺮﻓﻴﻦ ﺑﺲ ﺭﺩﺕ ﺍﻋﺘﺬﺭ ﻭﺧﻠﺺ
ﺯﻳﻦ ﺑﺲ ﺳﻮﺍﻝ
ﺟﻮﺍﺏ ﺑﺲ ﻗﺒﻠﻬﺎ ﻋﺎﺩﻱ ﺍﺗﺼﻞ ﻻﻥ ﻣﺪﺍﺷﻮﻑ ﻭﻣﺎﻟﻲ ﺧﻠﻚ ﺍﻟﺒﺲ ﻧﻀﺎﺭﺗﻲ
ﻻ ﻣﺮﺍﺡ ﺍﺭﺩ ﻋﻠﻴﻚ
ﻣﺎﺷﻲ ﻟﻌﺪ ﺩﻗﻴﻘﻪ ﺍﻟﺒﺲ ﺍﻟﻨﻀﺎﺭﻩ
ﺍﻭﻙ ﺍﻧﺘﻀﺮﺕ ﻛﺘﺐ
ﺍﺳﺎﻟﻲ ﺣﺎﺿﺮ ﻭﺧﺎﺩﻡ
ﺍﻟﻌﻔﻮ ﺧﺎﺩﻡ ﺭﺑﻚ ﺑﺲ ﺭﺩﺕ ﺍﺳﺎﻟﻚ ﺍﻟﻜﺮﻭﺏ ﺍﻟﺤﺠﺖ ﺑﻲ ﻋﻠﻴﻪ ﻛﻢ ﺷﺎﺏ ﺑﻲ ﺳﻨﻪ ﺍﻟﺘﺠﻲ ﺍﺩﺍﻭﻡ ﻭﺍﺧﺠﻞ ﺍﺑﺎﻭﻉ ﺑﺎﻟﻮﻭﺟﻮﻩ
ﻣﻤﻢ ﻣﺎﻋﺮﻑ ﺷﻨﻮ ﺗﻘﺼﺪﻳﻦ ﺑﺲ ﺍﻧﻲ ﻣﺎﺍﻋﺮﻑ ﺍﻟﺤﺮﻭﺏ ﺍﻟﺘﺤﺠﻴﻦ ﻋﻨﻪ
ﻣﻬﺎ ﻣﻮﺻﻠﺘﻠﻚ ﺍﻟﺤﺠﻲ ﻣﻮ
ﺑﺎﻟﻀﺒﻂ ﺑﺲ ﻣﺘﺴﻮﻩ ﺗﺘﻌﺎﺭﻛﻴﻦ ﻭﻳﺎﻫﺎ ﺗﺮﻩ
ﺩﻣﻌﺖ ﻋﻴﻨﻲ ﻛﺘﺐ
ﺍﻟﻮ
ﻣﺮﺩﻳﺖ ﺩﻙ ﻓﺼﻠﺘﻪ ﺭﺟﻊ ﺩﻙ ﺭﺩﻳﺖ
ﺍﻟﻮ
ﺳﺎﻛﺘﻪ ﻣﺴﺤﺖ ﺩﻣﻮﻋﻲ ﻛﺎﻝ
ﺍﻟﻮ ﺍﺳﺪﻩ ﻟﻮ ﺗﺤﺠﻴﻦ
ﻣﺠﺎﻭﺑﺖ ﻛﺎﻝ
ﻟﻌﺪ ﺍﻧﻲ ﺭﺍﺡ ﺍﺣﺠﻴﻠﺞ ﻻﻥ ﻋﺮﻓﺖ ﺍﻟﺘﺮﺩﻳﻦ ﺗﻌﺮﻓﻲ ﺷﻨﻮ ﺣﺘﻰ ﺗﺮﺗﺎﺣﻴﻦ ﺟﺮ ﺣﺴﺮﻩ ﻛﺎﻝ
ﺟﺎﻧﺖ ﺩﺍﺋﻤﺎ ﺗﻜﻮﻝ ﻋﻨﺞ ﺍﻧﺞ ﻳﻌﻨﻲ ﺍﻟﻌﻔﻮ ﻣﻦ ﺟﻨﺎﺑﺞ ﻣﻮﺯﻳﻨﻪ ﻭﺍﻧﻲ ﻋﻠﻰ ﻛﻼﻣﻬﺎ ﺍﺧﺬﺕ ﻭﻛﻤﺖ ﻛﻠﻤﺎ ﺍﺷﻮﻓﺞ ﻭﺍﺷﻮﻑ ﻭﻗﺎﺭﺝ ﺍﺗﺨﺒﻞ ﺍﻛﻮﻝ ﺣﺮﺍﻣﺎﺕ ﺑﺎﺳﻢ ﺍﻟﺪﻳﻦ ﻭﻫﻲ ﺷﻐﻠﺘﻬﺎ
ﺷﻬﻜﺖ ﻭﺑﻴﻨﺖ ﺷﻬﻜﺘﻲ ﺷﻜﺪ ﺣﺎﻭﻟﺖ ﺍﻛﺘﻤﻬﺎ ﺑﺲ ﻣﻜﺪﺭﺕ ﺑﻴﻨﺖ ﺳﻜﺖ ﻣﻜﻤﻞ ﺟﺮ ﻧﻔﺲ ﺳﻤﻌﺖ ﻃﻜﻪ ﺟﺪﺍﺣﻪ ﻭﺟﺮ ﻧﻔﺲ ﻛﺢ ﻭﺳﻮﻩ ﺍﺣﻤﻢ ﻛﺎﻝ
ﺣﺮﺍﻣﺎﺕ ﻫﻴﺞ ﻭﺣﺪﻩ ﺗﺒﺠﻴﺞ ﺑﺲ ﺍﻟﺼﻮﺝ ﺑﻴﻪ ﺍﻧﻲ،
ﺭﺩﻳﺖ ﻭﺻﻮﺗﻲ ﻳﺮﺟﻒ ﻣﻦ ﺍﻟﺒﺠﻲ
ﺑﺲ ﺍﺭﻳﺪ ﺍﻋﺮﻑ ﺷﻤﺴﻮﻳﺘﻠﻬﺎ ﻭﺍﻟﻘﺮﺍﻥ ﻛﻠﻤﻪ ﻣﻤﺤﺎﺟﻴﺘﻬﺎ ﻛﻠﻤﻪ ﺷﻨﻮ ﻣﺤﺎﺟﻴﻪ ﻋﻠﻴﻬﺎ ﺷﻜﺪ ﺗﻜﻌﺪ ﺗﺤﺠﻲ ﻭﺗﻘﺸﺐ ﻭﺗﻌﻴﺪ ﻭﺗﺼﻘﻞ ﺍﺧﺎﻑ ﺣﺘﻰ ﺍﺷﺎﺭﻛﻬﺎ ﺍﻭ ﺍﺣﺠﻲ ﺣﺮﻑ ﻭﺍﺣﺪ ﺳﻤﻌﺘﻪ ﺿﺤﻚ ﻭﻛﺎﻝ
ﺻﻮﺗﺞ ﺣﻠﻮ
ﺑﻘﻴﺖ ﺻﺎﻓﻨﻪ ﺍﻧﻲ ﺣﺠﻴﺖ ﺑﻠﻪ ﻣﺎﺍﺣﺲ ﻛﺎﻝ
ﺣﺮﺍﻣﺖ ﻫﻴﺞ ﻭﺣﺪﻩ ﺗﻬﺰﺝ ﻭﺗﺒﺠﻴﺞ ﺑﺲ ﺗﺪﺭﻳﻦ ﻻﻧﺞ ﺍﺷﺮﻑ ﻣﻨﻬﺎ
ﻣﺮﺩﻳﺖ ﻛﺎﻝ
ﺗﻐﻄﻲ ﻋﻴﻮﺑﻬﺎ ﺑﻴﺞ ﻻﻥ ﺍﻟﻜﻞ ﻳﻘﺪﺭﻭﺝ ﻭﻳﺤﺘﺮﻣﻮﺝ
ﺟﺮ ﻧﻔﺲ ﻛﺎﻝ
ﺍﺳﺘﺎﺫ ﺭﻭﻭﻑ ﺷﻴﺼﻴﺮﻟﺞ
ﺑﻘﻴﺖ ﺻﺎﻓﻨﻪ ﻫﻤﺴﺖ ﺍﺑﻦ ﻋﻤﻲ
ﺍﻭﻭﻭ ﻭﺍﻟﻠﻪ ﻣﺎﺍﻋﺮﻑ ﻭﻳﻦ ﺍﻭﺩﻱ ﻭﺟﻬﻲ ﻣﻨﻪ
ﻭﻳﻦ ﺗﻌﺮﻓﻪ
ﺍﻟﺠﺎﻣﻌﺘﻴﻦ ﺗﻌﺮﻓﻪ ﺍﺧﻼﻗﻪ ﻋﺎﻟﻴﻪ ﻭﺑﺴﻴﻂ ﻭﺻﺎﺣﺐ ﺍﺑﺘﺴﺎﻣﻪ
ﺍﻣﻤﻢ ﺯﻳﻦ ﺗﻜﺪﺭ ﺗﺤﺠﻲ ﻭﻱ ﺍﻟﻜﺮﻭﺏ ﻭﺗﻜﻮﻟﻬﻢ ﺟﺬﺍﺑﻪ ﻋﻔﻴﻪ ﻻﻥ ﺷﻮﻥ ﺣﺪﺍﻭﻡ ﻭﻣﺎﺍﻋﺮﻑ ﺷﻜﺎﻳﻠﻪ ﻋﻨﻲ
ﺳﺮﻯ
ﺑﻘﻴﺖ ﺻﺎﻓﻨﻪ ﻣﻦ ﻛﺎﻝ ﺍﺳﻤﻲ
ﺳﺮﻯ ﺳﻤﻌﻴﻨﻲ ﺍﻣﺸﻲ ﺻﺢ ﻳﺤﺘﺎﺭ ﻋﺪﻭﻙ ﺑﻴﻚ ﻟﺘﻬﺘﻤﻴﻦ ﻻﻛﺒﺮ ﺭﺍﺱ ﺑﻴﻬﻢ ﺍﻟﻤﻬﻢ ﺍﻧﺞ ﻣﺎﺷﻴﻪ ﺻﺢ
ﺑﻘﻴﺖ ﺳﺎﻛﺘﻪ ﺭﺩﻳﺖ
ﺍﺧﺠﻞ ﺍﻃﺐ ﺑﺎﻟﺠﺎﻣﻌﻪ ﺑﻌﺪ
ﺍﻟﻤﺜﻠﺞ ﺗﺘﺸﺮﻑ ﺍﻟﺠﺎﻣﻌﻪ ﺑﻴﻬﺎ ﻟﺘﺨﻠﻴﻦ ﺍﻟﻨﺪﻡ ﻭﺗﺎﻧﻴﺐ ﺍﻟﻀﻤﻴﺮ ﻳﺎﻛﻞ ﺑﻴﻪ ﺍﻛﺜﺮ
ﻣﺮﺩﻳﺖ ﻛﺎﻝ
ﻭﺍﻟﻠﻪ ﺻﺎﺭ ﺳﺒﻮﻋﻴﻦ ﻣﻨﺎﻳﻢ ﺯﻳﻦ ﺑﺲ ﺍﻓﻜﺮ ﺑﻴﺞ ﻭﺍﻛﻞ ﺑﻨﻔﺴﻲ ﺷﻮﻥ ﺍﺫﻳﺘﺞ ﻫﻴﺞ
ﻋﻔﻴﻪ ﺻﻮﺭﺗﻲ
،ﻣﺴﺤﺘﻬﺎ ﻭﺣﻖ ﻫﺬﺍ ﺍﻟﻠﻪ ﻭﺭﻭﺡ ﺍﻣﻲ
ﺍﻭﻙ ﺯﻳﻦ ﻣﻦ ﺗﻠﻔﻮﻧﻬﺎ ﺷﻮﻥ ﺳﻜﺖ ﻣﺮﺩ
ﺍﻧﻲ ﺧﺎﻳﻔﻪ ﻣﻨﻬﺎ، ﻛﺎﻝ
ﺗﻠﻔﻮﻧﻬﺎ ﻣﻜﺴﻮﺭ ﻣﻔﻠﺶ ﻟﺘﺨﺎﻓﻴﻦ ﺑﺲ ﺍﻧﻲ ﻗﺒﻞ ﻳﻮﻡ ﺍﺧﺬﺗﻪ ﻭﻧﻘﻠﺖ ﻛﻞ ﺍﻟﺒﻲ ﻟﺠﻬﺎﺯﻱ
ﺷﻨﻮ ﻗﺼﺪﻙ ﺷﻮﻥ ﻃﺘﻚ ﺟﻬﺎﺯﻫﺎ ﺷﺘﺼﻴﺮ ﻣﻨﻬﺎ ﺍﻧﺖ ﺍﻓﺘﺮﺕ ﺍﻟﺪﻧﻴﺎ ﺑﻴﻪ ﻫﺬﺍ ﻣﻌﺪ ﻣﺴﺘﺤﻴﻞ ﻛﺎﻝ ﺭﺍﺳﻦ
ﺍﺍﺍﻧﻲ ﺍﺣﺪ ﺍﻗﺎﺭﺑﻬﺎ
ﺑﻘﻴﺖ ﻓﺎﻛﻪ ﺣﻠﻜﻲ ﻛﺎﻝ
ﺍﻟﻮ
ﺍﻧﺖ ﺯﻭﺟﻬﺎ
ﺳﻜﺖ ﺟﺮ ﻧﻔﺲ ﻛﺎﻝ
ﻭﺻﻠﺘﻲ
ﺍﻧﺖ ﺯﻭﺟﻬﺎ ﻋﺰﻩ ﺑﻌﻴﻨﻲ ﺍﻧﻲ ﻛﻠﺸﻲ ﻣﻤﺴﻮﻳﻪ ﻭﻻ ﻣﺤﺎﺟﻴﺘﻬﺎ ﻭﻃﻠﻌﺖ ﻋﻠﻴﻪ ﺣﺠﻲ ﻳﺸﻴﺐ ﺍﻟﺮﺍﺱ ﻋﺎﺩ ﺍﺣﺎﺟﻲ ﺭﺟﻠﻬﺎ ﻋﺰﻩ ﺑﻌﻴﻨﻲ
ﺳﺎﺑﻘﺎ ﺯﻭﺟﻬﺎ ﺳﺎﺑﻘﺎ
ﻋﻔﻴﻪ ﺍﻟﻠﻪ ﻳﺨﻠﻴﻚ ﺑﻌﺪ ﻟﺘﺘﺼﻞ
ﺍﺳﻤﻌﻴﻨﻲ ﺳﺮﻯ
ﻣﺎﺭﻳﺪ ﺍﺳﻤﻊ
ﻟﻴﺶ ﻫﻴﺞ ﺍﻭﺍﻋﺪﺝ ﻣﺎﺍﺫﻳﺞ ﻭﻻﺍﺧﻠﻴﻬﺎ ﺗﺎﺫﻳﺞ
ﺍﻟﻠﻪ ﻳﺨﻠﻴﻚ ﺷﺮﺍﻳﺪ ﻣﻨﻲ ﺍﺣﺠﻲ ﻭﺍﺣﺮﻙ ﺑﺪﻣﻲ ﺑﻬﺪﻭﺀ ﺿﺎﻏﻄﻪ ﻋﻠﻰ ﺭﻭﺣﻲ ﻛﺎﻝ
ﺑﺲ ﺍﻫﺪﺍﻱ ﺍﻫﺪﺍﻱ ﺟﺮﻱ ﻧﻔﺲ
،ﻛﻤﺖ ﺍﺗﻨﻔﺲ ﺳﺮﻳﻊ ﻭﺭﺍﺳﻲ ﻗﺒﺒﻂ ﺍﺗﺬﻣﺮ ﻧﻀﺮﺍﺗﻪ ﺍﻟﺤﻘﻴﺮﻩ ﻭﺧﻮﻓﻲ ﻣﻨﻬﺎ ﻛﺎﻝ
ﺳﺮﻯ ﺍﻧﻲ ﺍﺳﻒ
ﺳﺪﻳﺘﻪ ﺭﺟﻊ ﺩﻙ ﺭﺟﻌﺖ ﻓﺼﻠﺘﻪ ﺭﺟﻊ ﺩﻙ ﻛﺘﺐ ﺗﺮﻩ ﻣﺎﻋﻮﻓﺞ ﻭﻣﺮﺍﻳﺪ ﺷﻲ ﻣﻨﺞ
ﻫﺎﻫﻲ ﻋﻮﻓﻨﻲ ﺷﺘﺮﻳﺪ ﻣﻨﻲ ﺑﻌﺪ ﻣﺒﺮﻱ ﺍﻟﺬﻣﻪ ﻭﺳﺎﻣﺤﺘﻚ ﺑﺴﺪﻟﺘﺨﺎﺑﺮ ﺑﻌﺪ ﻭﻻ ﺗﺮﺍﺳﻞ
ﻣﺎﺷﻲ
ﺷﻜﺮﺍ
ﺩﻳﺮﻱ ﺑﺎﻟﺞ ﻋﻠﻰ ﺭﻭﺣﺞ ﻭﺭﻓﻌﻲ ﺭﺍﺳﺞ ﺑﺸﻤﻮﺥ ﻣﺤﺪ ﻳﻜﺪﺭ ﻳﻤﺴﺞ ﺑﻜﻠﻤﻪ ﻛﻞ ﺍﻟﺤﺠﻲ ﺍﻟﺘﺎﻓﻪ ﺟﻮﻩ ﺭﺟﻠﻴﺞ ﻭﺍﻟﻨﺎﺱ ﺗﻌﺮﻓﻬﺎ ﺷﻨﻮ ﻣﻦ ﺷﻲ ﻟﺘﺸﻴﻠﻴﻦ ﻫﻢ ﺍﻟﻬﺎ ﺍﺑﺪ
ﺑﻘﻴﺖ ﺍﺗﻨﻔﺲ ﺑﺮﺟﻔﻪ ﻣﺴﺤﺖ ﺍﻟﻤﺤﺎﺩﺛﻪ ﺿﻨﻨﺎ ﻣﻨﻲ ﺑﻌﺪ ﻣﻴﺮﺍﺳﻞ ﻣﺴﻮﻳﺘﻠﻪ ﺣﻀﺮ ﺗﺮﻛﺘﻪ ﺭﺟﻌﺖ ﻟﻔﺮﺍﺷﻲ ﻭﺟﺴﻤﻲ ﻳﺮﺟﻒ
ﺭﻭﻳﺪﻩ - ﺍﺗﺼﻞ ﺣﻴﺪﺭ ﺑﻠﻴﻞ ﻣﺮﺩﻳﺖ ﺣﻴﺮﺗﻲ ﻃﺒﻌﻪ ﺍﺗﺼﻞ ﺍﻛﺜﺮ ﻣﻦ ﻋﺸﺮﻳﻦ ﻣﺮﻩ ﻭﺍﻧﻲ ﻣﺎﺭﺩ ﺣﺴﻴﺖ ﺭﻭﺣﻲ ﺗﻌﺒﺎﻧﻪ ﻛﻠﺶ ﺍﺭﻳﺪ ﺍﺭﺗﺎﺡ ﻣﻦ ﻫﻮﺳﺘﻪ ﻣﻮﺿﻮﻉ ﺍﻫﻠﻪ ﻛﻠﻤﺎ ﺍﺗﺬﻛﺮﻩ ﺍﻧﺸﺎﻝ ﻻ ﺍﻟﻠﻪ ﻭﺍﻧﻄﺐ ﺛﺎﻧﻲ ﻳﻮﻡ ﻣﻦ ﺍﻝ 11 ﺟﺘﻲ ﺍﻣﻲ ﻭﺍﺧﺘﻪ ﻣﺮﻩ ﻟﺦ ﻭﻫﺎﻟﻤﺮﻩ ﻳﺘﻮﺳﻠﻮﻥ ﺑﺎﻣﻲ ﻭﻳﺘﻌﺬﺭﻭﻥ ﺑﻘﺖ ﺍﻣﻲ ﺻﺎﻓﻨﻪ ﻭﻣﺨﻠﻴﻪ ﺍﻳﺪﻫﺎ ﺟﻮﻩ ﻓﻜﻬﺎ ﻭﻣﻄﻠﻌﻮ ﺍﻻ ﺍﺧﺬﻭ ﻛﻠﻤﻪ ﻣﻨﻬﺎ ﺍﻧﻬﺎ ﺗﻜﻮﻝ ﻟﺒﺎﺑﺎ ﻭﻓﻌﻼ ﻫﺬﺍ ﺍﻟﺼﺎﺭ ﻟﻠﻌﺼﺮ ﺍﺟﻪ ﺑﺎﺑﺎ ﻭﻛﻠﺘﻠﻪ ﺭﺍﺳﻦ ﻛﺎﻝ
ﺑﻌﺪﻫﺎ ﺻﻐﻴﺮﻩ ﻭﺭﺟﻌﻮ ﺣﺠﻮ ﻫﻮ ﻭﻣﺎﻣﺎ ﻛﺎﻝ ﺑﻴﺘﻤﻦ ﻭﻣﺎﻣﺎ ﺣﺠﺘﻠﻪ ﺍﻟﻤﻮﺿﻮﻉ ﺟﺮ ﻭﻋﺮ ﻭﺣﺴﻴﻦ ﻋﺮﻑ ﻭﺑﺎﺑﺎ ﻭﻛﻠﻪ ﻳﺴﺎﻝ ﻋﻦ ﺣﻴﺪﺭ ﻭﺍﻧﻲ ﺭﺟﻌﺖ ﺍﺣﺎﺟﻲ ﺣﻴﺪﺭ ﻭﺍﺳﻮﻟﻒ ﻭﻳﺎﻩ ﺭﺟﻌﺖ ﺍﺣﺒﻪ ﻣﻦ ﺟﺪﻳﺪ ﻭﺍﺧﻴﺮﺍ ﻭﺍﻓﻖ ﺑﺎﺑﺎ ﺑﻌﺪﻣﺎ ﺣﺴﻴﻦ ﺟﺎﺏ ﺍﺧﺒﺎﺭﻩ ﻭﺣﻴﺪﺭ ﺍﻛﺜﺮ ﻣﻦ ﻣﺮﻩ ﺍﺟﻪ ﻟﺒﺎﺑﺎ ﻭﻱ ﻋﻤﻪ ﺍﻟﺼﻐﻐﻴﺮ ﻭﺍﻣﺠﺪ ﻭﺍﺑﻮ ﺍﻣﺠﺪ ﻭﻳﺒﻘﻮﻥ ﻳﺤﺠﻮﻥ ﺑﺎﻟﺼﺎﻟﻪ ﺍﺳﻤﻊ ﺻﻮﺕ ﺣﻴﺪﺭ ﻳﺤﺠﻴﻠﻪ ﻋﻦ ﺷﻐﻠﻪ ﻭﻭﺿﻌﻴﺘﻪ ﻭﺭﺿﻌﻴﻪ ﺍﺑﻮ ﻳﻔﻬﻢ ﺑﺎﺑﺎ ﺟﺎﻧﺖ ﺍﻟﻔﺮﺣﻪ ﺑﺎﻳﻨﻪ ﻋﻠﻴﻪ ﺷﺎﻓﻮﻫﺎ ﺧﻮﺍﺗﻲ ﻭﻓﺮﺣﻮﻟﻲ ﻭﻣﻀﻪ ﺍﺳﺒﻮﻉ ﻭ ﺑﻌﺪ ﺳﺒﻮﻋﻴﻦ ﺭﺩﻳﻨﺎ ﺧﺒﺮ ﺭﻏﻢ ﺗﺨﻮﻑ ﺑﺎﺑﺎ ﻣﻨﻬﻢ ﺑﺲ ﺷﺎﻓﻨﻲ ﻓﺮﺣﺖ ﻭﻭﺍﻓﻘﺖ ﻛﺎﻝ ﻫﺎﻱ ﻫﻲ ﺍﻟﻠﻪ ﻳﺴﻌﺪﻫﺎ ﻭﻫﻤﻪ ﺍﻟﻠﺤﻮ ﻭﻣﺎﺑﻴﻬﻢ ﻋﻴﺐ ﻭﻳﻜﻔﻲ ﺍﻧﻬﻢ ﻛﺮﺍﺑﻪ ﺍﻡ ﻣﺠﺪ ﺍﻣﻪ ﺍﺧﺘﻬﺎ ﻳﻌﻨﻲ ﺑﻴﺖ ﺧﺎﻟﺘﻪ ﻭﻓﻌﻼ ﺻﺎﺭﺕ ﺍﻟﻤﺸﻴﻪ ﻛﻠﻬﻢ ﺟﺎﻳﻴﻦ ﺑﺲ ﺍﺑﻮﻩ ﻭﻭﺍﺣﺪ ﻣﻦ ﻋﻤﺎﻣﻪ ﻣﺎﺍﺟﻮﻱ ﺑﺲ ﺧﻮﺍﻟﻪ ﻛﻠﻬﻢ ﺟﺪﻩ ﺍﺑﻮ ﺍﻣﻪ ﻫﻢ ﻭﻧﺴﻮﺍﻧﻬﻢ ﻛﻠﻬﻢ ﺍﺑﺎﻭﻉ ﺍﻟﻮﺣﻮﻩ ﻣﻜﻠﺒﻪ ﻭﻣﻦ ﻗﺮﻭ ﺍﻟﻔﺎﺗﺤﻪ ﻫﻠﻬﻠﺖ ﺑﺲ ﻭﺣﺪﻩ ﻣﻨﻬﻢ ﻣﺎﺍﻋﺮﻑ ﺣﺘﻰ ﻣﻨﺒﻴﻦ ﺍﺧﺘﻪ ﺑﻌﺬﻳﻦ ﻋﺮﻓﺖ ﻫﺎﻱ ﺧﺎﻟﺘﻪ ﺍﻟﺼﻐﻴﺮﻩ ﻓﺮﺣﺖ ﺣﻴﻞ ﺍﻧﺘﺒﻬﺖ ﻣﺎﻣﺎ ﻋﻠﻰ ﺍﻋﺼﺎﺑﻬﺎ ﺭﺍﺣﻮ ﺍﻟﻨﺎﺱ ﻛﻠﻬﻢ ﻭﻛﺎﻟﺖ
ﺍﻧﻲ ﻫﻴﺞ ﻣﺸﻴﻪ ﻣﺸﺎﻳﻔﻪ ﺷﺒﻴﻬﻢ ﻣﺒﻮﺯﻳﻦ،
ﻣﻬﺘﻤﻴﻦ ﺗﺮﻛﺘﻬﻢ ﻭﻃﺒﻴﺖ ﺧﺎﺑﺮﻧﻲ ﻭﺑﻘﻴﻨﺎ ﻧﺤﺠﻲ ﻟﻠﻴﻞ ﺟﻨﺖ ﻃﺎﻳﺮﻩ ﻭﻳﺎﻩ ﻭﻛﻼﻣﻨﺎ ﻛﻠﻪ ﻋﺎﻟﻌﺮﺱ ﻭﺷﻨﺴﻮﻱ ﻣﻦ ﺣﺮﻛﺎﺕ ﻭﻭﻳﻦ ﻧﺴﺎﻓﺮ ﻭﺷﻮﻥ ﺣﻨﻌﻴﺶ ﺑﺸﻘﺘﻨﺎ ﺍﻟﻠﻲ ﻫﻲ ﻃﺎﺑﻖ ﺛﺎﻧﻲ ﻣﻦ ﺍﻫﻠﻪ
...
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء