رواية المهندس 🔞 الجزء الرابع
للكاتبة زينب علي
.
ﻛﻞ ﻣﺎ ﺍﺫﻛﺮﻩ ﻣﻦ ﻃﻔﻮﻟﺘﻲ ﺑﻌﻤﺮ ٤ ﺳﻨﻮﺍﺕ ﺗﻮﻓﻪ ﺍﺑﻮﻳﻪ . ﻫﺬﺍ ﺍﻟﺤﺠﻲ ﺟﻨﺖ ﺍﺻﻼ ﻃﻔﻠﻪ ﻳﻌﻨﻲ ﻛﻠﺸﻲ ﻣﺎ ﺍﻓﺘﻬﻢ . .
ﺍﺗﺬﻛﺮ ﺷﻌﺮﻱ ﺍﻟﻤﻨﻜﻮﺵ ﺍﻻﺳﻮﺩ ﻭﻣﺸﺪﻭﺩ ﺑﻼﺳﺘﻴﻜﻪ ﻭﻓﻮﻛﺎﻫﺎ ﺷﺮﻳﻂ . ﻭﺛﻮﺑﻲ ﺍﻻﺣﻤﺮ ﻭﺑﻴﺎﺿﻲ ﻭﺍﻧﻲ ﺻﺎﻓﻨﻪ ﺑﻨﺺ ﺍﻟﺪﻳﻮﺍﻧﻴﻪ ( ﺍﻻﺳﺘﻘﺒﺎﻝ ) ﺍﺷﻮﻑ ﺍﻣﻲ ﺗﻠﻄﻢ ﻭﺗﺼﻴﺢ ﻭﻋﻤﺎﺗﻲ ﻳﺼﻴﺤﻦ . ﻛﻞ ﺍﻟﻲ ﺍﺫﻛﺮﻩ ﻣﻦ ﻫﺎﻱ ﺍﻻﺣﺪﺍﺙ ﺍﻧﻮ ﺑﻌﺪ ﺍﻟﻔﺎﺗﺤﻪ ﺭﺣﺖ ﻟﺒﻴﺖ ﻋﻤﻲ ﺣﺴﻦ
ﻫﻮ ﺍﺧﺬﻧﻲ ﻭﻳﺎ ﻣﺮﺗﻪ ﻛﻴﻔﺖ ﺑﻴﻪ ﻋﺪﻫﺎ ٣ ﻭﻟﺪ . ﺍﻣﺠﺪ ﻭﻣﺎﻟﻚ ﻭﻟﻴﺚ ﻭﺑﻨﻴﻪ ﻭﺣﺪﻩ ﺍﺳﻤﻬﺎ ﺧﺪﻳﺠﻪ
ﺟﻨﺖ ﻃﻔﻠﻪ ﺻﻐﻴﺮﻩ ﻛﻠﺸﻲ ﻣﺎ ﺍﻓﺘﻬﻢ ﻣﻦ ﺍﻟﺪﻧﻴﺎ ﻭﺍﻟﺤﻴﺎﻩ ﻭﻋﻴﺖ ﻋﻠﻰ ﺣﻴﺎﺓ ﺻﻌﺒﻪ ﻣﺮﻩ ﻛﻠﺶ .
ﻋﻤﻲ ﺣﺴﻦ ﺟﺎﻥ ﻛﻠﺶ ﻣﺼﺪﻭﻡ ﺑﻮﻓﺎﻩ ﺍﺧﻮ . ﻭﺍﻻﺥ ﺍﻻﺻﻐﺮ ﺍﻟﻲ ﻳﻌﺘﺒﺮﻭ ﺍﻟﻤﺪﻟﻞ ﺍﺑﻮﻳﻪ ﺍﻟﻮﺣﻴﺪ ﺍﻟﻲ ﺟﺎﻥ ﻣﻜﻤﻞ ﺩﺭﺍﺳﻪ . ﺍﺑﻮﻳﻪ ﺍﻟﻮﺣﻴﺪ ﺍﻟﻲ ﻣﺠﺎﻥ ﺍﻟﻪ ﻛﻞ ﻋﻼﻗﻪ ﺑﻠﺰﺭﻉ .
ﻧﻮﻟﺪﻭ ﺑﻐﻤﺎﺱ ﻭﻋﺎﺷﻮ ﻫﻨﺎﻙ ﻭﺭﺑﻮ ﻭﺗﺮﺑﻮ ﻫﻨﺎﻙ
ﺍﻧﻲ ﺣﺎﻟﻲ ﺣﺎﻝ ﺍﻟﻤﺰﻋﻄﻪ ﻭﻻ ﺣﺴﻴﺖ ﺑﻮﻓﺎﻩ ﺍﺑﻮﻳﻪ ﻻﻥ ﻃﻔﻠﻪ ﻭﻣﺎ ﻋﻨﺪﻱ ﻛﻞ ﺷﻌﻮﺭ
ﻭﺭﻩ ﺳﺒﻮﻉ ﺍﺳﻤﻊ ﺍﻣﻲ ﺗﺘﻮﺳﻞ ﺑﻴﻬﻢ ﺑﺲ ﺍﺿﻞ ﻳﻢ ﺑﺘﻲ ﻣﺎ ﻗﺒﻠﻮ ﻭﻃﺮﺩﻭﻫﺎ ﻃﺮﺩ . ﺟﺎﻥ ﺟﺪﻱ ﺭﺿﻮﺍﻥ ﺑﺬﺍﻙ ﺍﻟﻮﻗﺖ ﺿﺎﻟﻢ ﻭﻣﺘﺠﺒﺮ ﻭﺍﻧﺎﺍﺍﺍﺍﻧﻲ . ﺑﺠﻴﺖ ﻋﻠﻰ ﺍﻣﻲ ﻭﻛﻤﺖ ﺍﺣﺲ ﺑﻔﺮﺍﻍ ﻭﻫﻴﻪ ﻣﻤﻮﺟﻮﺩﻩ ﻭﺑﺪﻩ ﺣﺘﻪ ﺷﻜﻠﻲ ﻭﻣﻼﻣﺢ ﻭﺟﻬﻲ ﻳﺘﻐﻴﺮ .
ﺑﺪﻩ ﻭﺟﻬﻲ ﺷﻮﻳﻪ ﺷﻮﻳﻪ ﻳﺼﻔﺮ ﻭﻳﺬﺑﻞ ﻭﻳﺘﻌﺐ ﻭﻛﺎﻣﺖ ﺗﻌﺘﻨﻲ ﺑﻴﻪ ﻋﻤﺘﻲ ﺍﻡ ﺍﻣﺠﺪ ﻭﺷﻮﻳﻪ ﺷﻮﻳﻪ ﺗﻌﻮﺩﺕ ﻉ ﺍﻟﻮﺿﻊ .
ﺑﺪﻳﺖ ﻣﻦ ﻋﻤﺮ ﺍﻻﺭﺑﻊ ﺳﻨﻴﻦ ﺑﻠﺸﺖ ﺑﻠﺸﻐﻞ ﺟﺎﻧﺖ ﻋﻤﺘﻲ ﺍﻡ ﺍﻣﺠﺪ ﺗﺨﻠﻲ ﻋﻠﻴﻪ ﻳﻮﻣﻴﻪ ﻧﻤﺴﺢ ﺍﻟﻄﺒﻼﺕ ﺟﺎﻧﻮ ﺑﻴﺖ ﻋﻤﻲ ﺣﺴﻦ . ﺯﻧﺎﻛﻴﻴﻴﻴﻦ ﻭﻣﺘﺮﻓﻴﻦ ﺍﻟﻰ ﺩﺭﺟﻪ .
ﻓﺠﺎﻥ ﺍﺛﺎﺛﻬﻢ ﻛﻠﻪ ﻓﺎﺧﺮ ﺭﻏﻢ ﻫﻤﻪ ﻧﺎﺱ ﺍﻫﻞ ﺭﻳﻒ . ﻭﺑﻼﺧﺺ ﺟﺎﻧﺖ ﻋﻤﺘﻲ ﺍﻡ ﺍﻣﺠﺪ ﻣﺮﻩ ﻛﻠﺶ ﺍﻡ ﺑﻴﺖ ﺑﺲ ﻛﻠﺶ ﺑﺨﻴﻠﻪ ﺣﺘﻪ ﻋﻠﻰ ﻧﻔﺴﻬﺎ ﻭﻧﻀﻴﻔﻪ ﺍﻟﻰ ﺩﺭﺟﻪ ﻭﻃﺎﻫﺮﻩ ﻣﺘﻄﻠﻊ ﻣﻦ ﺍﻟﺤﻤﺎﻡ ﺍﻟﻪ ﻟﻤﻦ ﺗﺤﻂ ﺟﺮﺟﻒ ﻗﺮﻳﺐ ﻋﻠﻰ ﺍﻟﺤﻤﺎﻡ ﺣﺘﻪ ﻻ ﺗﺘﻨﻜﺲ .
ﺣﻮﻳﺮﻩ ﻛﻮﻣﻲ ﺟﻴﺒﻲ ﻣﺎﻱ
ﺍﻱ .
ﻛﻤﺖ ﺟﺒﺖ ﻛﻼﺹ ﻣﺎﻱ ﺍﻟﻬﺎ . ﻭﺍﺟﻴﺖ ﺍﺭﻛﺾ .
ﺧﺪﻳﺠﻪ ﻛﻮﻣﻲ ﺧﻠﻲ ﺣﺒﺔ ﻫﻴﻞ ﺑﻠﺤﺐ .
ﺍﻱ ﻳﻤﻪ .
ﺗﻌﺎﻟﻦ ﺭﺍﺡ ﺍﻏﺴﻞ ﺍﻟﻤﻮﺍﻋﻴﻦ ﻭﺍﺧﻠﻲ ﺧﺪﻳﺠﻪ ﺗﺸﻄﻔﻬﻦ ﻭ ﻭﺣﻮﻳﺮﻩ ﺑﻠﺨﺎﻭﻟﻲ ﺗﻨﺸﻔﻬﻦ ﻭﺗﺮﺟﻌﻨﻬﻦ ﻟﻠﺒﻮﻓﻴﻪ .
ﺍﻱ .
ﺭﻛﻀﻨﻪ ﺍﻧﻲ ﻭﺧﺪﻳﺠﻪ ﻧﺸﺘﻐﻞ ﻣﺜﻞ ﻣﺎ ﻛﺎﻟﺖ ﻋﻤﺘﻲ ﺍﻡ ﺍﻣﺠﺪ . ﺍﻭﻝ ﺷﻲ ﺟﻨﻪ ﺻﻐﺎﺭ ﻧﺸﺘﻐﻞ ﻭﻧﺴﻮﻟﻒ ﻭﺣﺪﻩ ﺗﺠﺬﺏ ﻋﻠﻰ ﺍﻟﺜﺎﻧﻴﻪ ﺍﺻﻼ ﻣﻨﻔﺘﻬﻢ ﺍﻟﺤﻴﺎﻩ ﺷﻨﻮ . ﻭﻫﺬﺍ ﻏﺴﻞ ﺍﻟﻤﺎﻋﻴﻦ ﺭﺍﺡ ﻳﻄﻮﺭ ﻭﻳﺼﻴﺮ ﻛﻠﻪ ﻓﻮﻙ ﺭﻭﺳﻨﻪ ﻭﻛﺮﺍﺏ ﻣﺆﺑﺪ ﺣﺎﻟﻪ ﺣﺎﻝ ﺍﻟﺴﺠﻦ ﺍﻟﻤﺆﺑﺪ .
ﻣﺮﺕ ﺍﻻﻳﺎﻡ ﻭﻛﺒﺮﻧﻪ ﺷﻮﻳﻪ ﻭﺻﺎﺭ ﻋﻤﺮﻱ ١٠ ﺳﻨﻮﺍﺕ ﻭﺧﺪﻳﺠﻪ ﺻﺎﺭ ﻋﻤﺮﻫﺎ ١١ ﺳﻨﻪ . ﻭﺷﻐﻞ ﺍﻟﺒﻴﺖ ﻛﻠﻪ ﻋﻠﻴﻨﻪ ﻋﺪﺍ ﺍﻟﻄﺒﺦ . ﺗﺨﺎﻑ ﻋﻤﺘﻲ ﻣﻦ ﺍﻟﻨﺎﺭ ﺑﺲ ﺑﺪﺕ ﺗﻌﻠﻢ ﺧﺪﻳﺠﻪ ﻭﺗﻜﻠﻲ ﺍﻭﻛﻔﻲ ﻭﻳﺎﻫﺎ .
ﻟﺤﺪ ﻣﺎ ﻳﻮﻡ ﻣﻦ ﺍﻻﻳﺎﻡ
ﺍﺟﻪ ﺟﺪﻱ ﺭﺿﻮﺍﻥ . ﻫﺎ ﻭﻳﻦ ﺑﺖ ﺍﻟﻤﺮﺣﻮﻡ ﺍﺭﻳﺪ ﺍﺷﻮﻓﻬﺎ
......
ﻫﺎ ﺟﺪﻱ ﺷﻠﻮﻧﻚ ﻭﻧﺰﻟﺖ ﺣﺒﻴﺖ ﺍﻳﺪﻩ .
ﻫﻼ ﺟﺪﻱ ﺷﻠﻮﻧﺞ .
ﺍﻟﺤﻤﺪ ﻟﻠﻪ .
ﺍﻛﻠﺞ ﺑﻮﻳﻪ ﺍﻧﺘﻲ ﺑﻌﺪ ﻻ ﺗﺮﺣﻴﻦ ﻟﻠﻤﺪﺭﺳﻪ .
ﻟﻴﺶ ﺟﺪﻱ . ﺍﻧﻪ ﺷﺎﻃﺮﻩ .
ﺑﻮﻳﻪ ﺍﻧﺘﻲ ﺣﻠﻮﻩ ﻭﺍﺧﺎﻑ ﻻ ﺗﻄﻤﻊ ﺑﻴﺞ ﺍﻟﺬﻳﺎﺑﻪ ﻭﻳﻨﻬﺒﻮﺝ ﻣﻨﻲ ﻳﺬﻟﻮﻧﻲ ﺑﻴﺞ .
ﻋﻤﺘﻲ ﺍﻡ ﺍﻣﺠﺪ : ﻻ ﻋﻤﻲ ﺍﻧﻲ ﻣﻘﺮﺭﻩ ﻳﺒﻄﻠﻦ ﺛﻨﻴﻨﻬﻦ ﻫﺎﻱ ﺍﻟﺴﻨﻪ ﺣﻮﺭﻱ ﻭﺧﺪﻳﺠﻪ .
ﺍﻱ ﺑﻴﻬﺎ ﺍﻟﺨﻴﺮ .
ﺳﻜﺘﺖ ﺍﻧﻲ ﺷﻤﻔﻬﻤﻨﻲ ﺑﻠﻌﻼﻡ ﺑﺬﺍﻙ ﺍﻟﻮﻗﺖ ﻭﺷﺮﺍﺡ ﺍﺻﻴﺮ ﻣﺜﻼ ﻃﻤﻮﺣﻲ ﻣﺤﺪﻭﺩ ﻭﻋﻘﻞ ﺟﻬﺎﻝ .
ﻭﺻﺪﻙ ﻣﺜﻞ ﻣﺎ ﺭﺍﺩ ﺟﺪﻱ ﺭﺿﻮﺍﻥ ﺑﻄﻠﻨﻪ ﻣﻦ ﺍﻟﻤﺪﺭﺳﻪ .
ﺑﺪﺕ ﻋﻤﺘﻲ ﻣﺨﻠﻴﻪ ﻋﻠﻴﻨﻪ ﺍﻟﺒﻴﺖ ﻛﻠﻪ ﻭﺻﺎﺭﻭ ﺍﻟﻮﻟﺪ ﻛﺒﺎﺭ ﻭﻟﺪﻫﺎ ﻛﻠﻬﻢ ﺍﻛﺒﺮ ﻣﻨﻪ ﺷﻐﻞ ﺍﻟﺒﻴﺖ ﻣﺘﻌﺐ ﻭﺍﻧﻮﺏ ﺍﻟﻮﻟﺪ ﺑﻮﺣﺪﻫﻢ ﻣﺴﺆﻟﻴﻪ . ﻓﻀﻠﻴﺖ ﺍﻣﻮﺕ ﻣﻦ ﺍﻟﺘﻌﺐ
ﺧﺪﻳﺠﻪ ﺍﻣﺞ ﺷﻮﻛﺖ ﺗﺮﺣﻤﻨﻲ .
ﺧﻞ ﺗﺮﺣﻤﻨﻲ ﻳﻼ ﺗﺮﺣﻤﺞ .
ﻭﺝ ﺧﻴﻪ ﻭﺍﻟﻠﻪ ﺍﻓﻄﺲ .
ﻫﻬﻬﻬﻪ ﻣﺎ ﺗﻔﻄﺴﻴﻦ ﺷﺴﻮﻳﻠﺞ
ﺍﻛﻠﺞ ﺣﺘﻪ ﺍﺣﻨﻪ ﻣﻮ ﻣﺜﻞ ﺑﻨﺎﺕ ﻋﻤﻲ ﻋﻠﻲ . ﺷﻔﺘﻴﻬﻦ ﻛﻠﻬﻦ ﻣﻨﻤﻘﺎﺕ ﻭﻣﺮﺗﺒﺎﺕ .
ﺍﻱ ﺫﻧﻴﺞ ﺳﻠﻮﻯ ﺗﺠﻴﺐ ﻭﺗﺤﻂ ﻗﺎﺑﻞ ﻣﺜﻞ ﻣﺮﻩ ﻋﻤﺞ .
ﺍﻛﻠﺞ ﻫﺴﻪ ﺍﻧﺘﻲ ﺑﺘﻬﺎ ﻣﺘﺠﻴﻦ ﺗﺤﺠﻴﻦ ﻭﻳﺎﻫﺎ ﺑﻠﻜﻲ ﺗﻘﻨﻌﻴﻬﺎ ﺗﺸﺘﺮﻳﻠﻨﻪ ﻫﺴﻪ ﻣﺎ ﻋﺪﻫﺎ ﻏﻴﺮ ﻫﻼﻗﻤﺸﻪ ﺍﻟﺘﻌﺒﺎﻧﻪ ﺟﻨﻬﺎ ﻏﻄﻮﻩ ﺻﻼ .
ﺍﻛﻠﺞ ﺣﺒﻴﺒﺔ ﺍﺫﺍ ﺗﺮﺩﻳﻦ ﺗﺤﺠﻴﻦ ﺭﻭﺣﻲ ﺍﺣﺠﻲ ﺍﻧﺘﻲ ﺍﻧﻪ ﻣﺎﻟﻲ ﺧﻠﻚ ﺍﻣﻲ . ﺻﺪﻙ ﻧﺴﻴﺖ ﺍﻛﻠﺞ ﺑﺖ ﻋﻤﻲ ﺣﻤﻴﺪ ﺭﺍﺡ ﻳﺠﻮﻥ
ﺍﻳﺒﺎﺍﺍﺍﺍﺍﺍﺍﻩ . ﺷﻌﺠﺐ ﻟﻔﻪ ﺍﻟﻐﻠﻪ .
ﺷﺎﻳﻔﻪ ﻭﻟﺞ ﺣﻮﺭﻱ ﺍﺫﺍ ﺻﺪﻙ ﻭﺻﺮﺕ ﺍﻧﻪ ﻣﻦ ﻧﺼﻴﺒﻬﻢ ﺍﻟﻪ ﺍﺫﺑﺢ ﻃﻠﻲ .
ﻫﻬﻬﻬﻬﻪ ﺷﻤﻌﻨﻪ ﻳﻤﻜﻤﻮﻋﻪ .
ﻭﻟﺞ ﺫﻭﻟﻪ ﻧﺎﺱ ﺍﻛﺎﺑﺮ ﻣﺜﻘﻔﻪ . ﺷﺎﻳﻔﻪ ﻟﻴﻠﻪ ﻣﺮﻩ ﻋﻤﺞ ﺷﻠﻮﻥ ﺗﻤﺸﻲ ﻭﺗﺘﺒﺨﺘﺮ ﺗﻜﻮﻝ ﺣﺎﻃﻴﻨﻬﺎ ﺑﻠﻤﺘﺤﻒ . ﻟﻮ ﺗﺤﺠﻲ ﺑﻼﺫﺍﻋﻪ .
ﻭﺑﺤﺎﻟﺞ ﻳﺎﺧﺬﻭﺝ ....
ﺷﺒﻴﻪ ﺍﺑﻮﻱ ﻭﻋﻨﺪﻩ ﻓﻠﻮﺱ ﻭﺫﻫﺐ ﺷﺒﻴﻪ ﻭﺣﻠﻮﻩ ﺷﺒﻴﺞ ﻳﻮﻣﻴﻪ ﺗﺤﺒﻄﻴﻨﻲ .
ﺍﺣﻠﻤﻲ ﺍﻟﻲ ﻋﻞ ﻛﺪﺝ ﻻ ﺍﻃﻴﺮﻳﻦ ﺗﺎﻟﻲ ﺗﺮﺷﻜﻴﻦ ﺑﻠﻜﺎﻉ ﺭﺷﻚ .
ﻭﺍﻧﻪ ﺷﺒﻴﻪ ﺑﺲ ﺍﺭﻳﺪ ﺍﻋﺮﻑ .
ﺧﺎﻳﺒﻪ ﺍﻧﺘﻲ ﺷﻤﺎﻟﺞ . ﻋﻨﺪﺝ ﻓﻠﻮﺱ ﻋﺪﻫﻢ ﻗﻴﺎﻣﻪ ﻓﻠﻮﺱ ﻭﻓﺪﺍﺩﻳﻦ ﺍﻧﺘﻲ ﺧﺮﻙ ﻣﺨﻠﺼﻪ ﺳﺎﺩﺱ ﺍﺑﺘﺪﺍﺋﻲ ﻭﻫﻤﻪ ﻭﺍﺻﻠﻴﻦ ﻭﻣﺜﻘﻔﻴﻦ ﺣﺘﻪ ﺣﺠﻴﻬﻢ ﻣﺎ ﻧﻔﺴﻨﻪ . ﻭﺍﻟﺒﻨﺎﺕ ﺍﻟﺤﻮﺍﻟﻴﻬﻢ ﺍﺷﻜﺎﺍﺍﺍﻝ ﻭﺍﻟﻮﺍﻥ ﺷﺒﻴﺞ ﺗﺤﻠﻤﻴﻦ ﺯﺍﻳﺪ . ... ﺩﺷﻮﻓﻲ ﻛﺮﻳﻢ ﺍﺑﻦ ﻋﻤﻲ ﻋﻠﻲ ﺧﺎﻧﻚ ﺭﻭﺣﻪ ﻋﻠﻴﺞ .
ﻭﺍﻧﻲ ﺍﺑﺎﻭﻉ ﻟﻬﺬﺍ ﺍﻻﺯﺭﻙ ﻟﻮ ﺍﻣﻮﺕ .
ﻭﺝ ﺍﻟﺮﺟﺎﻝ ﺍﻟﻲ ﻳﺤﺴﺲ ﺍﻟﻤﺮﻩ ﺑﻘﻴﻤﺘﻬﺎ ﻣﻮ ﺑﻠﺸﻜﻞ . ﻳﺎﺧﺬﺝ ﻭﻳﺤﻂ ﻋﻠﻴﺞ ﻛﻮﻣﻪ ﻧﺴﻮﺍﻥ ﻟﻮ ﻳﺮﺍﻓﻚ ﻏﻴﺮﺝ .
ﺍﻛﻠﺞ ﺣﻮﺭﻱ ﺳﻜﺘﻲ ﻛﻄﻌﺘﻲ ﻛﻠﺒﻲ . ﺍﻛﻠﺞ ﻣﺎ ﻫﺎﻭﻳﺘﻪ ﻫﻴﻪ ﻗﺼﺐ ﺧﻮ ﻣﺎ ﻗﺼﺐ .
ﻻ ﻣﺎﻫﻲ ﻗﺼﺐ . ﺑﺲ ﺧﻞ ﻳﻄﻠﺒﻮﺝ ﺑﻼﻭﻝ ﻭﺍﻧﻮﺑﻴﻨﻪ ﺍﺭﻓﻀﻲ
.....
ﻭﺍﻟﻨﻌﻤﻪ ﻣﺎﻧﻲ ﻗﺎﺑﻠﻪ ﻟﻮ ﻳﺘﺮﺳﻨﻲ ﺫﻫﺐ .
ﺣﻮﺭﺍﺀ : ﺍﻧﻪ ﺭﺍﺡ ﺍﻛﻮﻡ ﻭﺍﻧﺘﻲ ﻓﻜﺮﻱ ﺑﻠﺤﺠﻴﺘﻪ .
ﺧﺪﻳﺠﻪ : ﻣﺎ ﺍﻓﻜﺮ ﻻ ﺑﻜﺮﻳﻢ ﻭﻻ ﺑﻔﺎﺿﻞ ﻭﻻ ﻭﺍﺣﺪ ﻣﻦ ﻭﻟﺪ ﻋﻤﻲ ﻋﻠﻲ .
ﺍﻛﻠﺞ ﻋﻤﺘﻲ ﻛﺎﻣﺖ ﺗﺼﻴﺢ ﺍﻣﺸﻲ ﻛﻮﻣﻴﻨﻪ ﺧﻞ ﻧﻨﺰﻝ .
ﻧﺰﻟﻨﻪ ﺛﻨﻴﻨﻪ .
ﻭﺍﻟﻠﻪ ﻛﺎﻋﺪﺍﺕ ﺗﺴﻮﻟﻔﻦ ﻭﺍﻟﺒﻴﺖ ﺍﻟﻤﻦ ﻋﺎﻳﻔﺎﺗﻪ . ﻳﻼ ﻃﻠﻌﻦ ﺍﻟﻬﺪﻭﻡ ﺻﺎﺭﺕ ﺗﻠﻮﻝ ﻏﺴﻠﻬﺎ ﻣﺪﺍﻡ ﺩﻧﻴﻪ ﺿﻬﺮ .
ﺍﻛﻠﺞ ﻋﻤﻪ ﻣﻴﺨﺎﻟﻒ ﻧﻐﺴﻠﻬﺎ ﺑﺲ ﻣﺎ ﻓﻜﺮﺗﻲ ﻫﺬﺍ ﺍﻟﺴﻨﻪ ﺗﻜﺼﻴﻠﻨﻪ ﻣﻼﺑﺲ .
ﺷﺴﻮﻥ ﺑﻠﺠﺮﻭﺩ ﺑﺲ ﺍﺭﻳﺪ ﺍﻋﺮﻑ .
ﻋﻤﻪ ﻭﺍﻟﻠﻪ ﺍﺗﺤﺴﺮ ﻋﻠﻰ ﻣﻼﺑﺲ ﺑﻨﺎﺕ ﻋﻤﻲ ﻋﻠﻲ .
ﺣﻮﺭﻱ ﻻ ﺗﻀﻠﻴﻦ ﺗﺴﻮﻟﻔﻴﻦ ﻋﻮﺩ ﺍﺭﻭﺡ ﻻﻡ ﻓﺎﺿﻞ ﺍﺷﺘﺮﻳﻠﺞ ﻗﻄﻊ .
ﻣﺮﻭﺗﺞ ﺍﺧﺬﻳﻨﻪ ﻭﻳﺎﺝ .
ﺍﻧﺠﺒﻲ ﺍﺧﺬﺝ ﻭﻳﺎﻱ ﺍﻡ ﻟﺴﺎﻥ ﺣﺘﻪ ﺗﻬﺘﻜﻨﻲ ﺑﻠﻤﺼﺎﺭﻳﻒ . ﺍﺟﻴﺐ ﺍﻟﺠﻦ ﻗﻄﻊ ﻭﺍﺟﻲ .
ﻋﻤﻪ ﺑﻌﺪ ﺭﻭﺣﻲ ﻻ ﺗﺠﻴﺒﻴﻠﻨﻪ ﺍﻧﻪ ﻭﺧﺪﻳﺠﻪ ﻧﻔﺲ ﺍﻟﻠﻮﻥ ﻭﻧﻔﺲ ﺍﻟﻔﺼﺎﻝ ﺷﻮﻳﻪ ﻏﻴﺮﻱ .
ﻫﺎ ﺻﺎﺭﺕ ﺣﺰﺍﺯﻳﺎﺍﺕ ﻛﺒﺮﺗﻦ .
ﻋﻤﻪ ﺷﻨﺴﻮﻱ ﺑﻴﻬﻦ ﻧﻔﺲ ﺍﻟﺸﻜﻞ ﻉ ﺍﻻﻗﻞ ﻭﺣﺪﻩ ﺗﺒﺎﺩﻝ ﻭﻱ ﺍﻟﺜﺎﻧﻴﻪ .
ﺻﻴﺮﻥ ﺍﻣﻬﺎﺕ ﺑﻴﻮﺕ ﻭﺗﻌﻠﻤﻦ ﺗﺠﻤﻌﻦ ﺍﻟﻔﻠﺲ ﺣﺘﻪ ﺗﺼﻴﺮﻥ ﻋﻮﻥ ﻟﻠﺮﺟﺎﻝ ﻣﻮ ﻓﺮﻋﻮﻥ .
ﻋﻤﻪ ﺧﻞ ﻧﻮﻧﺲ ﺭﺍﻭﺣﻨﻪ .
ﻳﻤﻪ ﻭﻟﺞ ﺣﻮﺭﻱ ﻣﻨﻴﻠﺞ ﻫﻠﺤﺠﺎﻳﻪ .
ﻳﺎ ﺣﺠﺎﻳﻪ .
ﻧﻮﻧﺲ ﺭﻭﺍﺣﻨﻪ ﻫﺎ ﻳﻤﻜﻤﻮﻋﻪ .
ﺑﻨﺎﺕ ﻋﻤﻲ ﺣﻤﻴﺪ ﻳﻜﻮﻟﻦ ﺍﻣﻲ ﺗﻜﻮﻝ ﺍﺷﺒﻌﻦ ﻭﻧﺴﻪ ...
ﻫﺎﻱ ﺳﻠﻮﻩ ﻭﺍﻟﻠﻪ ﺑﻌﺪ ﺟﻢ ﻳﻮﻡ ﺑﻨﺎﺗﻬﺎ ﻳﺴﺮﺑﻦ ﺑﻠﺰﺭﻉ ﻭﻻ ﺗﺪﺭﻱ ﺑﻴﻬﻦ . ﻭﺍﻧﺘﻦ ﺍﻣﻬﺎﺕ ﺍﻟﻤﻼﺑﺲ ﻭﺍﻟﺠﺮﻭﺩ ﺍﻭﺻﻴﺠﻦ ﺻﻴﺮﻥ ﻣﺜﻠﻬﻦ ﻭﺍﻟﻠﻪ ﺍﻻﺳﻤﻌﻬﺎ ﻓﺎﻛﻪ ﺣﻠﻜﻬﺎ ﻭﺗﺤﺠﻲ ﻭﻳﺎﻫﻦ ﺍﻛﺴﺮ ﺭﺍﺳﻬﺎ . ﻗﻠﻴﻼﺕ ﺍﻟﺤﻴﻪ .
.
ﺟﺎﻧﺖ ﺍﻟﺮﺯﺍﻟﻪ ﺍﻟﻬﺎ ﻣﺪﻩ ﻃﻮﻳﻠﻪ ﻭﺿﻠﺖ ﺗﻘﺮﻳﺒﺎ ﻳﻮﻣﻴﻦ ﻛﺎﻟﺒﻪ ﻭﺟﻬﻪ ﻋﻠﻴﻨﻪ ﺍﺣﻨﻪ ﻭﺧﺪﻳﺠﻪ .
ﺧﺪﻳﺠﻪ ﺑﺮﻭﺡ ﺳﻴﺪ ﻣﺤﻤﺪ ﺣﺎﺟﻲ ﺍﻣﺞ ﻭﺍﻟﻠﻪ ﻃﻜﺖ ﺭﻭﺣﻲ .
ﺍﻧﺘﻲ ﺷﻤﺎﻟﺞ ﻫﻮ ﺑﻴﺪﻱ ﻣﺎ ﺗﺸﻮﻓﻴﻨﻲ ﺍﻧﻜﺲ ﻣﻨﺞ ﻭﺍﺧﺲ ﻣﻮ ﺛﻨﻴﻨﻪ ﻛﺎﻋﺪﻳﻦ ﻧﻔﺲ ﺍﻟﻤﻄﺐ ﺍﻧﻲ ﻭﻳﺎﺝ .
ﺧﺪﻳﺠﻪ ﺧﻴﻪ ﻣﻦ ﺍﺷﻮﻑ ﺑﻨﺎﺕ ﻋﻤﻲ ﻋﻠﻲ ﻭﺑﻨﺎﺕ ﻋﻤﻲ ﺣﻤﻴﺪ ﻣﺪﺭﻱ ﺷﻴﺼﻴﺮ ﺑﻴﻬﺎ ﺟﻦ ﻻ ﻋﻴﻮﻥ ﺯﺭﻙ ﻭﻻ ﺑﻴﺎﺽ ﺍﺣﺲ ﺭﻭﺣﻲ ﻋﺒﺪﻩ ﻭﻳﺎﻫﻦ ﺗﺮﻑ ﻛﻠﺒﻲ ﻉ ﻣﻼﺑﺲ .
ﻫﻬﻬﻬﻪ ﺟﺎ ﺍﻧﻲ ﺷﻜﻮﻝ ؟؟
ﺍﺍﺍﺍﺍﺍﺍﻩ ﻳﺮﺑﻲ . ﺍﻛﻮﻝ ﺧﺪﻳﺠﻪ ﻫﻢ ﻳﺠﻴﻨﻪ ﺍﺑﻦ ﺣﻼﻝ ﻭﻳﺪﻟﻠﻨﻪ .
ﻣﻮ ﺑﻌﻴﺪﻩ ﻋﻦ ﺭﺑﺞ .
ﺍﺍﺍﺍﺍﻩ ﻟﺤﺪ ﻳﺒﻮ ﺧﻴﻤﻪ ﺍﻟﺰﺭﻛﻪ ﺍﺭﻳﺪ ﺭﺟﺎﻝ ﺍﻟﻲ ﻳﻤﻮﺕ ﻋﻠﻴﻪ .
ﻫﻬﻬﻬﻬﻪ ﻛﻮﻣﻴﻨﻪ ﺧﻞ ﻧﻔﺮﺵ .
.
.
.
ﺑﺄﺧﺘﺼﺎﺭ ﺭﺍﺡ ﺍﺳﻮﻟﻒ ﻋﻨﻲ . ﺍﻧﻲ ﺍﺳﻤﻲ ﺣﻮﺭﺍﺀ . ﺑﻴﻀﻪ ﻋﻴﻮﻧﻲ ﺯﺭﻙ ﻭﺍﺭﺛﺘﻬﻦ ﻣﻦ ﺍﻣﻲ . ﺑﻌﺪ ﻋﻤﺮ ٤ ﺳﻨﻮﺍﺕ ﻣﺎ ﺷﻔﺖ ﺍﻣﻲ ﻭﻻ ﺍﻟﺘﻘﻴﺖ ﺑﻴﻬﺎ
.....
ﺣﻠﻮﻩ ﻛﻠﺶ ﻭﻛﺼﻴﺮﻩ ﻭﺑﻴﻀﻪ ﻭﺭﻭﺣﻲ ﺗﺮﻓﻪ ﺑﺲ ﺍﻟﻤﺸﻜﻠﻪ ﺑﻮﺍﺩﻣﻲ ﺍﻟﻲ ﺍﻧﻪ ﻋﺎﻳﺸﻪ ﻭﻳﺎﻫﻢ ﻣﺎ ﻳﻘﺪﺭﻭﻥ ﻫﻠﺸﻲ ﻭﺍﺧﺎﻑ ﻻ ﺗﺠﻴﻨﻲ ﺣﺠﺎﻳﻪ .
ﻛﺒﻞ ﺟﺎﻧﺖ ﺍﻟﺒﻨﻴﻪ ﺗﻜﺒﺮ ﺑﺴﺮﻋﻪ ﻭﺗﻌﻘﻞ ﻫﻢ ﻣﻮ ﻣﺜﻞ ﻫﺴﻪ ﺍﻟﺒﻨﻴﻪ ﻋﻤﺮﻫﺎ ١٢ ﺟﻦ ﻋﻤﺮﻫﺎ ٦ ﺳﻨﻴﻦ . ﻓﺎﺣﻨﻪ ﺍﻧﻲ ﻭﺧﺪﻳﺠﻪ ﺍﻗﺼﺪ ﻛﺒﺮﻧﻪ ﺑﺴﺮﻋﻪ . ﻭﺷﻠﻨﻪ ﻣﺴﺆﻟﻴﻪ ﺑﺴﺮﻋﻪ .
ﻋﻨﺪﻱ ١٨ ﻋﻢ ﻭ٧ ﻋﻤﺎﺕ ﻣﻦ ٤ ﺣﺒﻮﺑﺎﺕ ﺍﻭ ﺑﻼﺻﺢ ﺧﻤﺴﻪ . ﻭﺍﻻﻭﻟﻰ ﻣﺘﻮﻓﻴﻪ ﺍﻟﻠﻪ ﻳﺮﺣﻤﻬﺎ . ﺑﺲ ﺍﺣﻨﻪ ﻋﻼﻗﺘﻨﻪ ﺑﻠﻌﻤﺎﻡ ﺍﻟﻲ ﻣﻦ ﻧﻔﺲ ﺍﻻﻡ ﻳﻌﻨﻲ ﻣﺎ ﺑﻴﻦ ﺑﻴﺒﻴﺘﻲ ﺍﻡ ﺍﺑﻮﻱ ﻭﻋﻤﺎﻣﻲ ﺍﻟﻲ ﻣﻦ ﻧﻔﺲ ﺍﻻﻡ . ﻭﻫﺎﻱ ﺣﺎﻝ ﺑﻘﻴﻊ ﻋﻤﺎﻣﻲ ﻭﻋﻤﺎﺗﻲ ﻫﻢ ﻫﻴﺞ ﻧﻔﺴﻨﻪ . ﺑﺲ ﺍﻟﺒﻘﻴﻪ ﻫﻢ ﻧﻌﺮﻓﻬﻢ ﻭﻋﺪﻧﻪ ﺻﻠﻪ ﺭﺣﻢ ﺑﻴﻨﺎﺗﻨﻪ ﻭﻛﻞ ﻓﺘﺮﻩ ﻳﺴﻮﻱ ﺟﺪﻱ ﺭﺿﻮﺍﻥ ﻏﺪﻩ ﻭﻛﻠﻬﺎ ﺗﺠﺘﻤﻊ ﻋﻤﺎﺗﻲ ﻭﻋﻤﺎﻣﻲ ﻭﺭﺟﻮﻟﺔ ﻋﻤﺎﺗﻲ .
ﺍﻧﻲ ﻋﻨﺪﻱ ٤ ﻋﻤﺎﻡ ﻋﻤﻲ ﺣﻤﻴﺪ ﻭﻋﻤﻲ ﻋﻠﻲ ﻭﻋﻤﻲ ﺣﺴﻦ ﻭﺍﺑﻮﻳﻪ ﺍﻟﻠﻪ ﻳﺮﺣﻤﻪ ﻣﻦ ﻧﻔﺲ ﺍﻻﻡ .
ﻭﻋﻨﺪﻱ ﻋﻤﺎﺕ ﻣﻦ ﺑﻴﺒﻴﺘﻲ ﺍﻡ ﺣﺴﻦ ﻣﺮﻩ ﺟﺪﻱ ﺭﺿﻮﺍﻥ ﺍﺳﻤﻬﺎ ﻧﺎﺯﻛﻪ . ﻋﺪﻫﺎ ٣ ﺑﻨﺎﺕ ﻓﺎﺿﻠﻪ ﻭﻧﺠﻴﺤﻪ ﻭﻫﻴﻠﻪ ﻛﻠﻬﻦ ﻣﺘﺰﻭﺟﺎﺕ ﻭﻋﺪﻫﻦ ﻣﺠﻤﻮﻋﻪ ﺳﺮﺏ ﺑﻨﺎﺕ .
ﻓﺄﻧﻲ ﺍﻟﺤﻔﻴﺪﻩ ﺍﻟﻮﺣﻴﺪﻩ ﺍﻟﻴﺘﻴﻤﻪ ﻣﻦ ﺍﺣﻔﺎﺩ ﺟﺪﻱ ﺭﺿﻮﺍﻥ ﺭﻏﻢ ﺻﻐﺮ ﺳﻨﻲ ﺑﺲ ﺟﺪﻱ ﻛﻠﺶ ﻳﺤﺒﻨﻲ . ﻭﻳﻄﺐ ﻣﻦ ﺑﻴﻦ ﺍﻟﺒﻨﺎﺕ ﻛﻠﻬﺎ ﻳﺒﻮﺳﻨﻲ ﻓﻠﻌﻴﻦ ﻋﻠﻴﻪ . ﻭﺑﻼﺧﺺ ﺍﻧﻲ ﺍﻟﻮﺣﻴﺪﻩ ﺍﻟﻲ ﺷﺎﻳﻠﻪ ﻋﻴﻮﻥ ﻣﻠﻮﻧﻪ ﻭﺑﻴﺎﺽ ﻧﺎﺻﻊ ﻃﺒﻌﺎ ﺍﻟﻔﻀﻞ ﻛﻠﻪ ﻻﻣﻲ ﻻﻥ ﻭﺭﺛﺘﻨﻲ ﻫﻠﺸﻜﻞ .
ﻋﻤﻲ ﺳﻠﻤﺎﻥ : ﺑﺖ ﺍﺧﻮﻱ ﺻﺎﻳﺮﻩ ﻓﻠﻜﻪ ﻛﻤﺮ
ﻧﺰﻟﺖ ﺭﺍﺳﻲ ﺧﺠﻼﻧﻪ .
ﻭﺻﺎﺡ ﻋﻤﻲ ﺳﻤﻴﺮ : ﺭﺍﻳﺪﻳﻬﺎ ﻟﺒﻨﻲ ﻫﺎﻱ ﺧﻮ ﻣﺎﻛﻮ ﻭﺍﺣﺪ ﻣﻌﺘﺮﺽ .
ﻋﻤﻲ ﺣﺴﻦ : ﻟﻴﺶ ﺑﻮﻳﻪ ﺭﺑﻴﺖ ﻭﺗﻌﺒﺖ ﺍﻧﻪ ﺭﺍﻳﺪﻫﺎ ﻟﻮﺍﺣﺪ ﻣﻦ ﻭﻟﺪﻱ . ﺑﺖ ﺍﻟﻤﺮﺣﻮﻡ ﻣﺘﻄﻠﻊ ﻣﻦ ﻋﺪﻧﻪ .
ﻋﻤﻲ ﻋﺪﻧﺎﻥ : ﺍﻛﻠﻚ ﺍﺑﻮ ﺍﻣﺠﺪ ﻫﺬﺍ ﻣﻮ ﺧﻮﺵ ﮔﻮﻝ ﻣﺎﻫﻲ ﻃﺎﻟﻌﻪ ﻟﻐﺮﻳﺐ ﺍﻧﺖ ﻋﻤﻬﺎ ﻭﺍﺣﻨﻪ ﻋﻤﺎﻣﻬﺎ . ﻭﺍﻧﺖ ﺍﻟﻲ ﻛﻠﺖ ﺍﻧﻪ ﻛﺎﻓﻠﻬﺎ ﻟﻮ ﺗﺠﻲ ﻳﻤﻲ ﺟﺎﻥ ﺍﻓﺮﺵ ﻋﻴﻮﻧﻲ ﺍﻟﻬﺎ .
ﻋﻤﻲ ﻋﻠﻲ : ﻓﻀﻮ ﺍﻟﻨﺰﺍﻉ ﻭﺍﻧﻄﻮﺍﻫﺎ ﻟﻮﺍﺣﺪ ﻣﻦ ﻭﻟﺪﻱ .
ﺟﺪﻱ ﺭﺿﻮﺍﻥ : ﻭﻟﻜﻢ ﻫﻴﻪ ﻛﺎﻉ ﻭﻫﻴﺞ ﺗﺘﺨﺎﺻﺮﻭﻥ ﻋﻠﻴﻬﺎ ﻫﺎﻱ ﺑﺖ ﺍﻟﻤﺮﺣﻮﻡ ﻫﺎﺍﺍﺍﻱ ﻟﻮﻋﻪ ﺟﺒﺪﻱ ﻛﻞ ﻣﺎ ﺍﺷﻮﻓﻬﺎ ﺍﺫﻛﺮ ﺍﺑﻮﻫﺎ . ﻛﻠﻬﺎ ﺗﺘﺰﻭﺝ ﺑﺸﻮﺭ ﺍﺑﻬﺎﺗﻬﺎ ﺍﻟﻪ ﻫﺎﻱ ﺗﺘﺰﻭﺝ ﺑﺸﻮﺭﻫﺎ .
ﻋﻤﻲ ﻋﺪﻧﺎﻥ : ﺑﻮﻳﻪ ﻻ ﺗﻔﺘﺢ ﻋﻴﻦ ﺍﻟﺒﺖ ﻫﻴﺞ ﺗﺘﻔﺮﻋﻦ ﻋﻠﻴﻨﻪ
ﻛﻠﻤﻦ ﻋﻨﺪﻩ ﻭﻟﺪ ﻭﻳﺮﻳﺪﻟﻪ ﺣﻮﺭﺍﺀ ﻳﺠﻲ ﻳﺨﻄﺒﻬﺎ ﻣﻨﻲ ﻭﺍﻧﻪ ﺍﻗﺪﺭ ﻳﺎﻫﻮ ﺍﻟﻴﺴﺘﺎﻫﻠﻬﺎ ﻭﻛﻮﻥ ﻫﺎ ﻳﻄﻲ ﻣﻬﺮ ﺑﻌﺪ ١٥ ﺳﻨﻪ ﻳﻼ ﺍﻟﻨﺎﺱ ﺗﻄﻠﺐ ﻣﺜﻠﻪ ﻭﻋﺮﺳﻬﺎ ﺟﻮﻩ ﺭﺟﻠﻴﻬﺎ ﺗﻨﺬﺑﺢ ٤٠ ﺫﺑﻴﺤﻪ ﻳﻼ ﺍﻃﻴﻬﺎ .
ﺿﻞ ﺟﺪﻱ ﻳﺴﻮﻟﻒ ﻭﻳﻀﺮﺏ ﺑﻠﻌﺎﻟﻲ ﻭﻳﻬﻤﺒﻞ ﻛﻮﻟﻪ ﺍﻟﻲ ﻳﻜﻮﻝ ﻭﺍﻧﻲ ﻛﻠﺸﻲ ﻣﺎ ﻣﺤﺼﻠﻪ ﺑﺲ ﺍﻟﺴﻮﺍﻟﻒ ﻣﺤﺪ ﻳﺪﺭﻱ ﺍﻟﻤﻼﺑﺲ ﻛﻞ ﺳﻨﺘﻴﻦ ﻳﻼ ﺗﺸﺘﺮﻳﻠﻲ ﻭﺣﺪﻩ ﻟﻤﻦ ﻳﺮﻛﺪﻥ ﺿﻠﻴﺖ ﺳﺎﻛﺘﻪ ﺑﺲ ﺍﻟﻬﻢ ﻛﺎﺗﻠﻨﻲ . ﺑﺲ ﻫﺎ ﻧﺸﻨﺸﺖ ﻛﻮﻥ ﺟﺪﻱ ﺿﻞ ﻳﻬﺎﻣﺰ ﺑﻴﻪ ﻛﺪﺍﻡ ﺍﻟﻜﻞ ﺣﺴﻴﺖ ﺭﻭﺣﻲ ﺣﻠﻮﻩ ﻛﻠﺶ . ﻭﻋﻤﺎﻣﻲ ﺭﺍﻳﺪﻳﻨﻲ . ﺿﻠﻴﺖ ﻓﺮﺣﺎﻧﻪ ﻭﺍﺗﺒﺨﺘﺮ ﻭﺍﺑﺎﻭﻉ ﻟﺒﻨﺎﺕ ﻋﻤﻲ ﻋﻠﻲ ﻳﺒﺎﻋﻦ ﺻﻔﺢ . ﻫﻬﻬﻬﻪ ﺣﻴﻞ ﺍﻣﻬﺎﺕ ﺍﻟﻤﻼﺑﺲ . ﻫﻬﻬﻬﻪ ﻃﻠﻌﺖ ﺣﺮﻛﻪ ﻛﻠﺒﻲ ﺑﻴﻬﻦ ﻻﻥ ﺟﻨﺖ ﺻﺢ ﺣﻠﻮﻩ ﺑﺲ ﻣﺒﻬﺬﻟﻪ ﻭﺟﺘﻲ ﺣﺠﺎﻳﻪ ﺟﺪﻱ ﻣﻦ ﺻﻮﺑﻲ . ﻓﺸﻮﻳﻪ ﺍﻧﻔﺸﻦ ﺭﻳﺸﺎﺗﻲ
.....
ﻋﻔﺖ ﺑﻴﺖ ﺟﺪﻱ ﻳﺘﻨﺎﻗﺸﻮﻥ ﺑﺄﻣﺮﻱ ﻭﻛﻠﻬﺎ ﺧﻨﺴﺖ ﻣﻦ ﺳﻤﻌﺖ ﺑﻠﻤﻬﺮ ﻭﺍﻟﺬﺑﺎﻳﺢ . ﻭﻃﻠﻌﺖ ﻟﻠﺒﻨﺎﺕ ﺍﺣﺠﻲ ﻭﺳﻮﻟﻒ ﻭﺍﻟﻲ ﺗﺒﺎﻭﻋﻠﻲ ﺑﺤﻘﺪ ﻭﺍﻟﻲ ﺑﻐﻴﺮﻩ ﻟﻮ ﺍﻟﻲ ﺗﺘﺤﺴﺮ ﻟﻮ ﻣﺜﻞ ﺧﺪﻳﺠﻪ ﻛﻠﺒﻬﺎ ﻋﻠﻰ ﻛﻠﺒﻲ ﺧﻄﻴﻪ . ﺗﻜﻠﻲ ﻫﻨﻴﺎﻟﺞ ﻳﻌﻤﻲ ﻣﺎ ﻳﻤﻮﺕ ﺍﺑﻮﻳﻪ ﻭﻳﺨﻠﺼﻨﻪ ﺣﺘﻪ ﺍﺻﻴﺮ ﺑﺖ ﺍﻟﻤﺮﺣﻮﻡ ﺍﻟﺜﺎﻧﻴﻪ .
ﻫﻬﻬﻬﻬﻪ . ﺩﻳﺮ ﺑﺎﻟﺞ ﻻ ﺗﻤﻮﺕ ﺍﻣﺞ ﻭﺗﺎﻟﻲ ﺗﺠﻴﺞ ﻣﺮﻩ ﺍﺑﻮ ﺗﻜﻌﺪﻧﻪ ﻭﺯﻥ ﺍﻧﻪ ﻭﻳﺎﺝ .
ﻋﺴﺎﺱ ﻫﺴﻪ ﺍﻟﻲ ﻳﺴﻤﻌﺞ ﻳﻜﻮﻝ ﺳﻌﺎﺩ ﺣﺴﻨﻲ ﻭﺩﻻﻟﻬﺎ .
ﺍﺳﻜﺘﻲ ﺧﺪﻳﺠﻪ ﻻ ﺗﺤﺠﻴﻦ ﻻ ﺍﻧﻮﺏ ﺗﻜﻮﻣﻴﻦ ﺍﻟﻜﻮﺍﻳﻢ ﻭﺣﺘﻪ ﺍﻟﺘﻠﻔﺰﻳﻮﻥ ﻳﺸﻴﻠﻮ ﻫﻮ ﺑﻠﺒﺴﻜﻮﺕ ﺧﻠﻔﻠﻪ ﻋﻠﻰ ﻣﺎﻟﻚ ﺟﺎﻳﺒﻪ .
.
ﺭﺟﻌﺖ ﺳﻤﻌﺖ ﻋﻤﺎﻣﻲ ﻳﺴﻮﻟﻔﻮﻥ . ﺍﺳﻤﻪ ﺭﻋﺪ ﺑﻮﻳﻪ .
ﻭﻟﻴﺶ ﻣﺎ ﻳﻌﺮﺱ ﺷﻤﺘﺎﻧﻲ .
ﻫﻬﻬﻬﻪ ﻳﺨﺎﻑ ﻣﻦ ﻣﺮﺗﻪ . ﺑﺲ ﺑﻮﻳﻪ ﺧﻮﺵ ﺭﺟﺎﻝ ﺍﺧﻮ ﺧﻴﺘﻪ . ﻭﺍﺩﻣﻲ ﻭﻣﻬﻨﺪﺱ .
ﻫﺎﺍﺍﺍ . ﻣﺎ ﻋﺪﻛﻢ ﻣﺮﻩ ﺗﻨﻄﻮﻫﺎ ﺍﻟﻪ .
ﻋﻤﻲ ﺳﻠﻤﺎﻥ : ﻭﺍﻟﻠﻪ ﻓﻜﺮﺕ ﺍﻃﻲ ﻭﻻﺀ ﺑﺲ ﻛﻠﺖ ﺧﺎﻑ ﻳﺮﺩﻧﻲ ﻭﻳﻔﺸﻠﻨﻲ . ﻻﻥ ﺍﺧﻮ ﻳﻜﻮﻝ ﻣﺎ ﻳﻘﺒﻞ ﻳﺎﺧﺬ ﻋﻠﻴﻬﺎ .
ﺟﺒﺎﻥ ﻫﺬﺍ ﺧﻠﻪ ﻳﻮﻟﻲ ﻻ ﺗﻨﻄﻲ . ﺗﻀﻞ ﻣﺮﺗﻪ ﺗﺠﻴﺒﻪ ﺑﺤﺠﺎﻳﻪ ﻭﺗﺮﺩﻩ ﺑﺤﺠﺎﻳﻪ .
.
ﺍﺳﺘﻤﺮ ﻋﻤﻲ ﻭﺟﺪﻱ ﻳﺴﻮﻟﻔﻮﻥ ﻭﺍﻧﻲ ﺍﺻﻨﺖ . ﻭﻋﺮﻓﺖ ﺍﻧﻮ ﺍﺳﻤﻪ ﺭﻋﺪ ﻭﻣﺘﺰﻭﺝ ﻭﻣﺎ ﻋﻨﺪﻩ ﺟﻬﺎﻝ . ﺿﺤﻜﺖ . ﺗﺨﻴﻠﺖ ﻋﻨﺪﻱ ﺟﻬﺎﻝ ﻣﻨﻪ . ﻫﻬﻬﻬﻬﻪ . ﺩﺧﻴﻠﻚ ﺭﺑﻲ ﺑﺲ ﻻ ﺗﺨﺒﻠﺖ .
ﺍﺟﺘﺐ ﺧﺪﻳﺠﻪ / ﻫﺎ ﺷﺒﻴﺞ ﺷﻮ ﺗﺘﻤﻀﺤﻜﻴﻦ ﻭﻱ ﺭﻭﺣﺞ .
ﻻ ﺍﺗﺬﻛﺮ ﻫﺬﺍ ﺍﻟﻤﻬﻨﺪﺱ ...
ﻣﻨﻮ ﻫﺬﺍ ﻭﻟﺞ .
ﻫﺬﻭﻟﻲ ﺍﻟﻲ ﺍﺷﺘﺮﻭ ﻛﺎﻉ ﻋﻤﻲ ﻣﺤﻤﺪ ﺍﻟﻲ ﻗﺮﻳﺒﻪ ﻉ ﺍﻟﭽﺮﻱ ﻫﻬﻬﻪ
ﺷﻤﺪﺭﻳﺞ ﺑﻲ ﻳﻤﻌﺰﺍﻳﻪ ...
ﺳﻤﻌﺖ ﻋﻤﺎﻣﻲ ﻳﺴﻮﻟﻔﻮﻥ ﻋﻨﻪ . ﻳﻜﻠﺞ ﻣﺎ ﻋﻨﺪﻩ ﺑﺰﺭ .
ﻭﺍﻥ ﺷﺎﺀ ﺍﻟﻠﻪ ﺍﻟﺒﺰﺭ ﻣﻨﺞ ﻫﺎ ﻳﺤﻈﻲ .
ﻫﻬﻬﻬﻪ ﺍﻧﺘﻲ ﺷﺎﻳﻔﺘﻪ ﻟﻮ ﻳﻜﻠﻮﻟﺞ .
ﺻﺨﺎﻡ ﺿﺨﻤﻤﻤﻤﻤﺞ ﻋﻠﺔ ﻫﻠﺴﺎﻟﻔﻪ ﺍﻱ ﻭﺍﻟﻠﻪ ﺻﺨﺎﻡ ﺻﺨﻤﺞ . ﻭﻟﺞ ﻳﻤﻌﺰﺍﻳﻪ ﻻ ﻭﺍﺣﺪ ﻳﺸﻮﻓﺞ ﻳﻐﺒﺮﻩ .
ﺧﺪﻳﺠﻪ ﺭﺍﺡ ﺗﺴﻮﻳﻬﺎ ﻗﺼﻪ ﻭﺭﻭﺡ ﺍﺑﻮﻱ ﻣﺎ ﺷﻔﺘﻪ ﺑﺲ ﻣﺮﻩ ﻭﻣﺮﻩ ﻟﺦ ﻟﻤﺤﺘﻪ ﻫﻴﺞ .
ﻣﺮﺗﻴﻦ ﻣﺎ ﻛﺎﻳﻠﻪ ﺷﻲ .
ﺗﻌﺮﻓﻴﻦ ﺷﻨﻮ ﺍﻟﺤﻠﻮ ﺑﻲ ؟
ﺍﻱ ﺑﻼ ﺳﻮﻟﻔﻲ .
ﻣﺎ ﺷﻜﻠﻪ ﻻ ﺷﻜﻠﻪ ﻳﻌﻨﻲ ﺍﺳﻤﺮﺍﻧﻲ ﻭﺧﺸﻪ ﺍﺻﻼ ﺑﺲ ﺻﻮﺗﻪ ﺗﺤﺴﻴﻨﻪ ﺟﻨﻪ ﺍﻟﻐﻮﻏﺎﺀ .
ﻫﻬﻬﻬﻬﻪ ﺷﻨﻬﻮ ﺍﻟﺤﻠﻮ ﺑﻠﻐﻮﻏﺎﺀ .
ﻫﻬﻬﻪ ﻳﺨﻮﻑ ﻗﺼﺪﻱ .
ﻭﺷﻤﺪﺭﻳﺞ ﺑﺼﻮﺗﻪ .
ﻛﻠﻲ ﻣﻨﻮ ﺍﻧﺘﻲ .
ﺍﻱ ﻭﺍﻟﻠﻪ ﺣﻮﺍﺀ ﺧﺎﻧﻮﻡ ﺷﻜﺎﻳﻠﺞ ﺑﻌﺪ .
ﻛﺎﻳﻠﻪ ﺍﻧﻄﻴﻨﻲ ﺑﻮﺳﻪ .
ﻳﻤﻪ ﻳﻤﻪ ﻳﻤﻪ ﺧﻞ ﺍﻓﻠﺖ ﻋﻨﺞ ﻻ ﻭﺍﺣﺪ ﻳﺴﻤﻌﺞ ﻭﺍﻃﻴﺮ ﺭﻛﺒﺘﻲ ﻭﻳﺎﺝ .
ﺍﺟﺬﺏ ﻋﻠﻴﺞ ﺷﺒﻴﺞ ﺣﺘﻪ ﺍﻟﺠﺬﺏ ﻳﺘﺼﺪﻙ .
ﺧﺎﻳﺒﻪ ﻻ ﺗﺴﻮﻳﻦ ﻫﻴﺞ . ﻓﻜﺮﻱ ﺍﻱ ﺑﺲ ﻻ ﺗﺴﻮﻳﻦ ﺷﻲ ﺗﺮﻩ ﻳﻨﻬﻮﺝ ﺍﻟﻠﻪ ﻭﻛﻴﻠﺞ .
ﻻ ﺍﻧﻪ ﺍﺧﺎﻑ ﻣﺎ ﺍﺳﻮﻱ ﺷﻲ ﺍﺧﺎﻑ ﻻ ﺍﺣﺒﻞ .
ﻫﻬﻬﻬﻪ ﺟﺎ ﺍﻟﺤﺒﺎﻟﻪ ﺑﻠﺒﻮﺱ .
ﻋﻤﺘﻲ ﺍﻡ ﺍﻣﺠﺪ : ﺣﻮﺭﺍﺀ ﻭﺧﺪﻳﺠﻪ ﺷﻌﺪﺟﻦ ﺗﺘﺒﺴﺒﺴﻦ ﺗﺘﻜﺮﺻﻦ ﺷﻜﻮ ﺛﻨﻴﻨﺠﻦ .
ﻧﺴﻮﻟﻒ ﻋﻤﻪ .
ﻛﻮﻣﻦ ﻳﻼ ﺧﻞ ﻧﻮﻟﻲ .
ﺍﻱ . ﻟﻤﻠﻤﻨﻪ ﻏﺮﺍﺿﻨﻪ ﻭﻃﻠﻌﻨﻪ .
ﺍﻛﻠﺞ ﺣﻮﺭﺍﺀ ﺳﻤﻌﺘﻨﻪ .
ﻭﺍﻟﻠﻪ ﻣﺎ ﺍﻋﺮﻑ .
ﺧﺎﻑ ﺳﻤﻌﺘﻨﻪ ﺧﺎﻳﺒﻪ .
ﺍﻛﻠﺞ ﺷﻤﺪﺭﻳﻨﻪ . ﻧﺬﺑﻬﺎ ﺑﺮﺍﺱ ﺑﻨﺎﺕ ﻋﻤﻲ ﻋﻠﻲ ﻳﻜﻮﻟﻦ ﺍﻟﺘﺰﻭﺝ ﺗﺒﻮﺱ ﺭﺟﻠﻬﺎ . ﺳﻤﻌﺘﻲ ﻣﻮ ﺗﻜﻮﻟﻴﻦ ﻏﻴﺮ ﻛﻼﻡ . ﻭﺗﻔﻀﺤﻴﻨﻪ .
ﺍﻱ .
ﻃﺒﻴﻨﻪ ﻟﻠﺒﻴﺖ .
ﺍﻛﻠﺞ ﻫﺎ ﺧﺪﻳﺠﻪ ﺣﺎﺟﺘﺞ ﻋﻤﺘﻲ .
ﻻ ﺟﻨﻬﺎ ﻣﺎ ﺳﻤﻌﺖ .
ﺧﻮﺵ . ....... ﺍﻛﻠﺞ ﺧﺪﻭﻭﻭﺝ .
ﺧﻴﺮ ﻳﺎ ﻃﻴﺮ .
ﺷﻠﻮﻥ ﺗﺼﻴﺮ ﺍﻟﺤﺒﺎﻟﻪ ﺍﺫﺍ ﻣﻮ ﺑﻠﺒﻮﺱ ﺗﺼﻴﺮ .
ﺣﻮﻳﺮﻩ ﺍﻧﺠﺒﻲ ﻭﺍﺳﻜﺘﻲ ﻻ ﻭﺍﺣﺪ ﻳﺴﻤﻌﻨﻪ . ﻣﺎﻟﻲ ﺧﻠﻚ .
ﺑﺪﺍﻋﻪ ﻋﺰﻳﺰ ﻛﻠﺒﺞ ﺷﻠﻮﻥ ﺗﺼﻴﺮ .
ﺷﻮﻓﻲ ﺍﻧﻪ ﻣﺎ ﺍﻋﺮﻑ ﻛﻠﺶ ﺷﻠﻮﻥ ﺗﺼﻴﺮ ﺑﺲ ﺍﻻﺩﺭﻱ ﺑﻲ ﺍﻟﻤﺮﻩ ﺗﻨﺰﻉ ﻭﺍﻟﺮﺟﺎﻝ ﻫﻢ ﻳﻨﺰﻉ ﻣﻼﺑﺴﻪ .
ﻭﺑﻌﺪ .
ﻭﻳﺒﻮﺳﻬﺎ .
ﻭﺑﻌﺪ .
ﺩﻛﻮﻣﻲ ﻓﺎﻛﻪ ﺣﻠﻜﺞ ﺍﻟﻜﺒﺮ ﻻ ﺗﻮﻛﻊ ﺑﻲ ﺫﺑﺎﻧﻪ .
ﺩﻛﻤﻠﻲ ﺧﺪﻳﺠﻪ ﺷﺒﻴﺞ .
ﺩﻣﻤﺸﻲ ﻧﺨﻠﺺ ﺷﻐﻠﻨﻪ ﻭﻧﺮﺩ .
.
.
.
.
* ﻟﻘﺪ ﺣﺮﺭﺗﻚ ﻣﻨﻲ ﻏﺐ ﻭﺗﻼﺷﻰ ﻛﻤﺎ ﺗﺤﺐ *
ﻣﻊ ﺍﻻﺳﻒ ﻫﻠﺘﻔﺎﻋﻞ ﺍﻟﻴﺤﺮﻙ ﺍﻟﻜﻠﺐ
....
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء